Joel
1 Jehovah ee ue limqaur Petuel ee qniaw Joel :ee.
2 Laurduarlangg ar, linw diyhh tniax jitt xee, jitt soxjai kiarkiw ee vecsir ar, linw diyhh ngar hnirkangx, dng' linw ee zit iacc si linw ee ledjow ee zit, bad u jitt xee su mah?
3 Linw diyhh jiong' jitt su tuann hro linw ee qniaw, qniaw tuann hro sunx, sunx tuann hro au dai.
4 Cauxmeh jiac cunx :ee, derr zi jxingw ee cauxmeh laii jiac ix; derr zi jxingw jiac cunx :ee, derr snax jxingw ee cauxmeh laii jiac ix; derr snax jxingw jiac cunx :ee, derr sir jxingw ee cauxmeh laii jiac ix.
5 Jiuxjuir ee langg ar, linw diyhh cnew laii tikaur; hnor jiuw ee langg ar, diyhh uirdiyhh dnix juiw laii tikaur; in'ui byy jiuw tangx qycc qaur liw ee cuir lar.
6 In'ui u jit jok jnriu laii guaw ee de, qiongbingw qycc be sngr .did; ix ee kxiw cincniu sraix ee kxiw, ix ee gee cincniu buw ee sraix ee gee;
7 Ix huixhuai guaw ee pudyciu, vrag guaw ee buhuaqyxciu, hro ix qngx liuliux, laii kiwsag ix; ix ee qix venr juer vec.
8 Liw diyhh tikaur, cincniu jairsikluw iyx haa muavor, uirdiyhh siauwlenn ee sii ee diongrhux tikaur.
9 Sowjer qapp denrjiuw, longxx byy tangx qaur Jehovah ee dxen; hogsai Jehovah ee jewsix longxx vi'aix.
10 Cann pahngx, de vi'aix; in'ui gnoxqog huixhuai, sinx jiuw dax .kir, iuu iarr kiamwkueh.
11 Jyccanlangg ar, linw diyhh qenwsiaur, siuliw pudyhngg :ee ar, linw diyy aiqiyr, uirdiyhh siyxbec qapp duarbec ee enqor; in'ui canhngg ee siusingg longxx byy .kir.
12 Pudyciu dax .kir, buhuaqyxciu qodaa, siahliuu, jyxciu, vinqyw, lenrr can'iaw itcer ee ciurbak, iarr longxx qodaa; zinqanx ee kuaiwlok longxx siaubyy.
13 Jewsix ar, linw diyhh haa muavor tikaur; dirr jewdnuaa hogsai :ee ar, linw diyhh aiqiyr; juer guaw ee Siongrder ceing ee langg ar, linw diyhh laii, cing muavor quer mii; in'ui sowjer qapp denrjiuw, longxx byy tangx henr dirr linw ee Siongrder ee dxen.
14 Linw diyhh sed jit xee qimwjiac ee sxingr zit, diauwjip giamsioghue, jiyjip laurdua, qapp qog-lai itcer kiarkiw ee vecsnir, qaur Jehovah, linw Siongrder ee dxen, aiqiuu Jehovah.
15 Camw ar, hitt zit, in'ui Jehovah ee zit qin lar, cincniu huixbet beh dui' Juanlingg :ee laii.
16 Jiahmic qamxx m si dui' lanw ee bak-jingg duanrjuat mah? Hnuahiw kuaiwlok qamxx m si dui' lanw ee Siongrder ee dxen tingjiw mah?
17 Jingxjiw nua dirr too-lai; cikcngx honghuer; ciksniaa dyxhuai; in'ui gnoxqog dalax .kir.
18 Jingsnix aihauw qaur jnaixngiu! Guu-qrunn hunluan, in'ui byy cauw; ngiuu-qrunn iarr kunwkow.
19 Jehovah ar, guaw qiuqiyr Liw; in'ui huew siybet kongwiaw ee cauxdniuu, huexiam siyx jin can'iaw ee ciurbak.
20 Can'iaw ee jauxsiur ngr Liw decc cuanw; in'ui kejuiw dax .kir, huew iarr siybet kongwiaw ee cauxdniuu.
2 Linw diyhh dirr Zion vunn sauwqag, dirr Guaw ee sxingr snuax vunn hyrtauu; qog-lai kiarkiw ee vecsnir longxx diyhh gniauhgniauc cuah; in'ui Jehovah ee zit beh qaur, dnaxx qin lar.
2 Hitt zit si o.-oamr-a., bat hunn oamr ee zit, cincniu pacpuxqngx sikdir pox muaw snuatauu; u jit jok dua qycc qiongg, jionglaii m bad u anxnix :ee, ixau qaur dairdai iarr byy.
3 Huew dyc dirr inx ee taujingg, huexiam siyx dirr inx ee aurbin; inx bue qaur ee de, cincniu Edenhngg, inx quer liauw ee de, jniaa juer pahngx ee kongwiaw; byy jit hxang e siamxvi inx.
4 Inx ee hingjong cincniu bew, pauxjauw cincniu bexvingx.
5 Inx dirr snuax-dingw tiaur, cincniu ciax ee sniax, qycc cincniu huexiam siyx cauw ee sniax, cincniu qiongbingw ee vecsnir vaii dirr jenwdin.
6 Inx jid'err laii, jiongww vecsnir camw qaur qik, bin longxx venr sig.
7 Inx pauxjauw cincniu iongxsu, vreh jnriu sniaa cincniu jenwsu, dag'ee jiauww lo qniaa, byy luan duirgnow;
8 Dairqex byy sna' ekeh, dag'ee qniaa ix ee lo; duw diyc cniudyx, iarr byy siamxvi;
9 Inx tiaur zip sniaa, vnuaa quer cniuu, vuex jnriu cur-dingw, zip txangx-aw cincniu cat;
10 Inx jid'err laii, de dinxdang, tnix iycuah, zidguec oamr, cnisinn byy qngx.
11 Jehovah dirr Ix ee qunvingx ee binrjingg cud sniax, Ix ee qundui jin' dua; qniaa Ix ee bingrling :ee jin' qiongbingw; in'ui Jehovah ee zit dua qycc tangx qniax, jirjui drngx e kiw ar?
12 Jehovah qongw: Suizenn anxnix, linw diyhh ing juansimx, ing qimwjiac, in tikaur, ing vi'aix uat dngw qui'ngr Guaw.
13 Diyhh tiah lic linw ee simx, byc did tiah lic linw ee snxax, qui'ngr Jehovah, linw ee Siongrder; in'ui Ix u zinjuu linbinw, byy kuair kuair siurkir, muaw muaw unhui, qycc tewhuew Ix ee jaieh.
14 Jirjui e jaix Ix kingw uat dywdngw laii tewhuew, lauu hokkir dirr au .laii, dyrr si u sowjer quanwden henr hro linw ee Siongrder Jehovah ar?
15 Linw diyhh dirr Zion vunn sauwqag, sed jit xee qimwjiac ee sxingr zit, diauwjip giamsiokhue;
16 Jurjip jiongww vecsnir, hunvet hitt xee hue juer sxingr, jiyjip laurlangg, jurjip ginxnaw qapp jiac nix :ee; hro sinx qniaxsair cud ix ee cur, sinniuu lirkuix ix ee vangg.
17 Hogsai Jehovah ee jewsix, diyhh dirr lingxlongg qapp jewdnuaa ee diongqanx tikaur, qongw: Jehovah ar, qriuu Liw kuansur Liw ee vecsnir, byc did hro Liw ee sanxgiap siurr lingziok, hro ledvangx quanxhad inx; sniaw su hro ledqog ee langg qongw: Inx ee Siongrder dirr dyclyc?
18 Hitt sii Jehovah uirdiyhh Ix ee de laii zedsimx, linbinw Ix ee vecsnir.
19 Jehovah rinr Ix ee vecsnir qongxx: Knuar ar, Guaw beh hro linw u gnoxqog sinx jiuw qapp iuu, linw dyrr muaxjiog; Guaw byy qycc hro linw dirr ledvangx diongx siurr lingziok.
20 Guaw iarr beh hro vakhngx ee qundui lirkuix linw hng hng, qnuaw inx qaur kongwhan pahngx ee de; ix ee jingg dui qaur dangx haiw, au dui qaur saix haiw; in'ui ix qniaa dua dairjir, ix ee pnaixbi cringr kiw, cauwbi huad kiw.
21 Dertow ar, byc did qniax, diyhh hnuahiw kuaiwlok; in'ui Jehovah qniaa dua su.
22 Can'iaw ee jauxsiur ar, byc did qniax, in'ui kongwiaw ee cauxdniuu huatsnix, ciu qed ix ee quexjiw, buhuaqyxciu, pudyciu, iarr longxx qetsit.
23 Zion ee vecsnir ar, linw diyhh kuaiwlok, uirr Jehovah, linw ee Siongrder laii hnuahiw; in'ui Ix ing jingg ee ho qibsii sniuxsur linw; uirdiyhh linw lyc horjuiw, dyrr si jingg ee ho, au ee ho, qapp ixjingg jidngiu.
24 Gorqakdniuu beh u bec muaw muaw, kud-diongx ee sinx jiuw qapp iuu beh muaw .cud .laii.
25 Guaw crex qaur linw diongqanx ee dua qundui, dyrr si derr id jxingw, derr zi jxingw, derr snax jxingw, derr sir jxingw ee cauxmeh, soxx jiac hiaxee nidangx, Guaw longxx beh hingg linw.
26 Linw beh jiac laii dijiog; iarr beh ylyw linw ee Siongrder Jehovah ee miaa; in'ui Ix uirdiyhh linw qniaa qibiau ee su, Guaw ee vecsnir dikkag ingxuanw byy qenwsiaur.
27 Linw dyrr beh jaix Guaw dirr Islael ee diongqanx, qycc jaix Guaw si Jehovah, linw ee Siongrder, ixgua byy vadd xee; Guaw ee vecsnir dikkag ingxuanw byy qenwsiaur.
28 Liauxau Guaw beh ing Guaw ee Sinn qangr lyc ho, huanrr u ziogtew :ee; linw ee qniaw jaboxqniaw beh juer sendix qongxue, linw ee laurlangg beh did diyc binbang, linw ee siauwlenlangg beh knuar qnir ngirsiong;
29 Dirr hiaxee zit, Guaw beh ing Guaw ee Sinn qangr lyc dirr lovok luxvi.
30 Guaw beh henxbingg qrii su dirr tnix nirr, dirr de nirr, huih qapp huew; qapp huexhunx ee tiau.
31 Zidtauu beh venr oamr, guec beh venr juer huih, dirr Jehovah dua qycc tangx qniax ee zit bue qaur ee dairsingx.
32 Qaur hitt sii, qniww u qiuqiyr Jehovah ee miaa :ee, beh did diyc qiur; in'ui dirr Zion Snuax qapp dirr Jelusalem beh u dytuad ee langg, jiauww Jehovah soxx qongw :ee, dirr cunx ee vecsnir diongx beh u Jehovah soxx driaur :ee.
3 In'ui dirr hiaxee zit, dng' hitt sii, dyrr si Guaw hro Judah qapp Jelusaem siurr liac ee langg dywdngw .laii ee sii,
2 Guaw beh jurjip banrvecsnir, cua inx lyc kir Josafat ee snuaqog, dirr hiax simxpnuar inx; in'ui inx jiong' Guaw ee vecsnir, dyrr si Guaw ee sanxgiap Islael, hunsnuar dirr ledqog diongx; qycc vunx Guaw ee toxde;
3 Qycc jiong' Guaw ee vecsnir juer kaux laii liamx, jiong' ginxaw ngua qirluw; bre jaboxginxaw, brew jiuw limx.
4 Tyle ar, Sidon ar, Filist siwqingw ar, linw qapp Guaw simxmih qansiap? Linw beh vywsingr Guaw mah? Linw narr vywingr Guaw, Guaw beh qinw qinw hro linw ee vywingr qruix dirr linw ee taukag.
5 Linw qiwzenn cniuxtec Guaw ee qimx, ginn, qycc jiong' Guaw soxx hnuahiw ee vyxmic, duar zip linw ee qiongden;
6 Qycc linw bad ing Judahlangg qapp Jelusalem ee langg, bre hro Gleeklangg, beh hro inx lirkuix inx ee qingxqair hng hng.
7 Knuar ar, Guaw beh qikdong inx lirkuix linw soxx bre inx qaur ee soxjai; Guaw beh hro linw ee vywingr qruix dirr linw ee taukag;
8 Guaw beh jiong' linw ee qniaw jaboxqniaw bre dirr Judahlangg ee ciuw, inx beh bre inx hro Sebalangg, dyrr si hng hng ee qog; jex si Jehovah qongw :ee.
9 Diyhh ing jitt xee suanvor dirr ledvangx diongx, diyhh virvan qaujenr, qikdong iongxsu, hro longxjongw ee jenwsu jinwjingg jnriu .laii.
10 Diyhh ing linw ee letauu pah juer dyqiamr, ing linw ee liam'aw pah juer cniux; luanxziok :ee diyhh qongw: Guaw dyrr si iongxsu.
11 Siwuii ee ledqog ar, linw diyhh qinw qinw laii snaqab jurjip; Jehovah ar, hro Liw hiaxee iongxsu lyc kir hiax.
12 Ledqog ee langg longxx diyhh kiw .laii, jnriu qaur Josafat ee snuaqog; in'ui Guaw beh jre dirr hiax simxpnuar siwuii ee banrvecsnir.
13 Linw diyhh crunx cud quec'aw, in'ui gnoxqog sik lar; laii, dac .lyc .kir; in'ui jiuxkud muaw lar, jiuxdii rig .cud .laii lar, inx ee pnaiw jin' dua.
14 Jit din jit din ee langg, dirr pnuawduanr ee snuaqog. In'ui Jehovah ee zit qin lar, dirr pnuawduanr ee snuaqog.
15 Zidguec oamr, cnisinn byy qngx.
16 Jehovah beh duiww Zion huachiamr, duiww Jelusalem cud sniax; tnix qapp de dyrr dinxdang; jongwsirr Jehovah beh juer Ix ee vecsnisr ee dysiamw ee soxjai, juer Islaellangg ee uersow.
17 Linw dyrr jaix Guaw si Jehovah, linw ee Siongrder, kiarkiw dirr Zion Guaw ee sxingr snuax :ee; hitt sii Jelusalem beh jniaa juer sxingr, guarvanglangg byy qycc dui' ix ee diongqanx qingquer.
18 Dng' hitt zit dua snuax dih dnix ee jiuw, siyw snuax beh lrauu linx, Judah jiaxee kex, hyy, longxx u juiw decc lrauu; beh u juixjnuaa dui' Jehovah ee dxen cud .laii, zunrdik Sitim ee snuaqog.
19 Egipt beh pahngx, Edom venr juer pahngx ee kongwiaw, in'ui inx vyrgiok Judahlangg, qycc lrauu byy jue ee langg ee huih dirr inx ee de.
20 Jongwsirr Judah beh jrunn qaur ingxuanw, Jelusalem beh jrunn qaur dairdai.
21 Jaw Guaw m bad sexcingx inx lrauu huih ee jue, dnaxx beh sew inx; in'ui Jehovah kiarkiw dirr Zion.