Derjong Posad Vunxguan Qingx

BLOG

(Dirr Trayastrimsa Tenqiongx ee Sintongx)

Guaw tniax .diyc .ee si anne.

Hitt sii Vuddyy dirr Trayastrimsa Tenqiongx uirr inx laurbuw qangxsuad vudhuad. Hitt sijun sibhongx buliong sewqair itcer be qongw did je, be qongw did je ee vut qapp dua posad Mahasattva jinrqaix laii jurhue. Inx janwtanr Sakiamuni Vut tangx dirr gnoxlyy og sxer denxhen vutkyw sugi, dua diwhui, qapp sintongx ee lat, hanghok qongqiongg jiongwsingx, hro inx jaix li kow qapp did kuaiwlok ee hxuad. Inx qokk langg longxx cepair digsair laii cingxmng Sewjunx.

Hitt dangjun, Zulaii bunxciyr, huad cud vaccingbanrig dua qongbingg ee hunn. Jiaxee hunn hy juer Dua Uanbuanw Qongbingg Hunn, Dua Juvix Qongbingg Hunn, Dua Diwhui Qongbingg Hunn, Dua Prajna Qongbingg Hunn, Dua Samadhi Qongbingg Hunn, Dua Qetsiongg Qongbingg Hunn, Dua Hokdig Qongbingg Hunn, Dua Qongdig Qongbingg Hunn, Dua Quiix Qongbingg Hunn, qapp Dua Janwtanr Qongbingg Hunn.

Huad cud jiaxee qongw be liauw ee qongbingg hunn liauxau, qycc cud jiongxjiongw bibiau ee snia'imx. Jiaxee snia'imx hy juer Dana(vowsix) Paramita Ji' Imx, Shila(cisiuw qaiwlut) Paramita Ji' Imx, Kshanti(hamzimw) Paramita Ji' Imx, Virya(jingjinr) Paramita Ji' Imx, Dhyana(sendnia) Paramita Ji' Imx, Prajna(diwhui) Paramita Ji' Imx, Juvix Ji' Imx, Hixsiaw Ji' Imx, Qaixtuad Ji' Imx, Byy Lrau Ji' Imx, Diwhui Ji' Imx, Dua Diwhui Ji' Imx, Sraix Qiyr Ji' Imx, Dua Sraix Qiyr Ji' imx, Hunluii Ji' Imx, qapp Dua Hunluii Ji' Imx.

Huad cud jiaxee qongw be liauw qongw be liauw ee snia'imx liauxau, Saha Sewqair qapp vadd soxjai ee qoktow u buliong ig ee tnisinn, lringg, qxuiw, qapp sinlingg iarr laii qaur Trayastrimsa Tenqiongx jurjip.

Inx hy juer Sir Tniongg ee Tnix, Traiastrimsa ee Tnix, Suiama ee Tnix, Tushita ee Tnix, Huar Juer Hixlok ee Tnix, Huar Juer Jurjai ee Tnix, Jingwlangg Brahma ee Tnix, Huxjyr Brahma ee Tnix, Dua Brahma ee Tnix, Siyxkuaw Qngx ee Tnix, Buliong Qngx ee Tnix, Qngx ham' Imx ee Tnix, Siyxkuaw Cingjing ee Tnix, Buliong Cingjing ee Tnix, Venwvenr Cingjing ee Tnix, Hogkir Cutsir ee Tnix, Hokkir ham' Air ee Tnix, Jerje Qongqyw ee Tnix, Byy Susniuw ee Tnix, Byy Huanlyw ee Tnix, Byy Zedqongg ee Tnix, Qnir Sxen ee Tnix, Henr Sxen ee Tnix, Qiuwqingr Siktew ee Tnix, Mahesvara ee Tnix, simrjiww m si Sniu iacc Byy Sniu soxjai ee Tnix. itcer jiongww tnisinn, jiongww lringg, ixqip qxuiw qapp sinlingg dingxdingw jiaxee, jinrqaix laii jibhue.

Qycc u vadd xui qoktow ixqip Saha Sewqair, u haiw sinn, qanghyy sinn, hyy sinn, ciu sinn, snuax sinn, de sinn, kejuiw-lamwde sinn, gnoxqog sinn, zit sinn, xia sinn, kongdiongx sinn, tnidingw sinn, imxsit sinn, qapp cauxbok sinn. Cincniu jiaxee dingxdingw ee sinn jinrqaix laii jibhue.

Qycc u vadd xui qoktow ixqip Saha Sewqair jiongww dua quixongg. Inx hy juer Og Bak Quixongg, Suh Huih Quixongg, Suh Guankir Quixongg, Suh Taiix Quixongg, Tuanvyr Vne Quixongg, Siujip Dok Quixongg, Jusimx Quixongg, Hokli Quixongg, qapp Dua Air Dua Qingwdiong Quixongg. Cincniu jiaxee dingxdingw ee quixongg jinrqaix laii jibhue.

Hitt xee sijun, Sakiamuni Vut qra Manjushri Hxuad Ongjuw Posad Mahasattva qongw, "Liw knuar soxu itcer jiaxee vut, posad, qapp tnsinn, lringg, qxuiw, ixqip sinlingg, u dirr jitt xee sewqair, vadd xee sewqair, jitt xee qoktow, iacc vadd xee qoktow. Inx dnaxx longxx laii Trayastrimsa Tenqiongx jibhue. Liw jaix hex sowliong bor?"

Manjushri rinr Vuddyy qongxx, "Sewjunx, narr ixx guaw sintongx ee lat, qingquer cingx qiab cikdok iarr berdid jai'ngiaw."

Vuddyy qra Manjushri qongw, "Guaw iong qorr vudganw laii knuar, iuguann knuar be jin. Jiaxee jinrqaix si Derjong Posad qingquer quxdngg ixlaii ee qiab, ixx dorhuar, qaidongx dorhuar, iacc bue dorhuar :ee, ixqip ixx singjiu, qaidongx singjiu, iacc bue singjiu :ee."

Manjushri qra Vuddyy qongw, "Sewjunx, guaw an' quewkir ixlaii quxdngg siulen senrqinx, giamrjingr diyc byy joxgai ee diwhui. Tniax Vuddyy soxx qongw, liammisii dyrr sinwsiu. Siyw qongqyw ee sniabunn, tnisinn, lringg, qapp cunx :ee hiaxee veh vxo, ixqip birlaii sxer soxu jiongwsingx dingxdingw, inx suizenn tniax diyc Zulaii singkunw sidjai ee uergiw, vitdnia iaxx u gignaiw dilehh. Setsuw inx u dingxlew jiapsiu, birbenw e hingx kiw jit quaw huixvongw. Dna' guan Sewjunx denxdua qangxsuad Derjong Dua Posad dirr hitt sii hitt xui juer sniaw su qapp lip sniaw guan, jiacc tangx singjiu vutsugi ee su?"

Vuddyy qra Manjushri qongw, “Piwlun snax-cingx daircenx sewqair soxu ee cauw-aw, ciu-aw, ciurnaa, diu-aw, muaa, dig-aw, louiw, snuax, jiyc, qapp din’aix, jit hxang mic jit xee sngr, tangx junw jit diauu Ganges Hyy laii lun. Jit diauu Ganges Hyy ee suax, qidiongx jit liap suax dyrr si jit xee sewqair. Jit xee sewqair lairdew, jit liap din'aix dyrr si jit qiap. Jit qiap lairdew soxx jxig ee din'aix sowliong, jinrqaix junw juer qiap. Derjong Posad giamrjingr jap de qyxui ixlaii, viw dingxtauu ee piwlun iaxx kacc je cingx vxue ee quw. Derjong Posad dirr Sniaubuu qapp Pratyekabuddha dingxqib ee sii qinglik zuarr quw dyrr qyckacc benw qongw.

Manjushri, jitt xui posad ee uidig, sinlat, qapp sewguan si vutsugi. Narr birlaii sxer u senrlamjuw iacc senrluxjuw tniax diyc jitt xui posad ee miazi, bylun si qra janwtanr, jiambong qnialew, cinghox ix ee miaa, iacc qingsen, simrjiww caixui, diaukig, jur, iacc cad ix ee hingsiong, hitt xee langg tangx dingtauu cutsir dirr Snax-Jap-Snax Tnix jit-vah vaiw, dikkag be duirlyc og dy.

Manjushri, jitt xee Derjong Dua Posad dirr quewkir be qongw did be qongw did je ee qiab ixjingg, ix si jit xee dua diongxjiaw ee qniaw. Dirr ix hitt sxer u vut, hy juer Sraix Qinxsog Banrhang Siuhing Jiauvi Zulaii. Hitt sii diongxjiaw ee qniaw qnir diyc vut siongwmau sunbiw, u cingx jiongw hokkir ee jonggiamm, dyrr mng hitt xui vut qongxx, 'Liw u juer sniaw su qapp he sniaw guan, jiacc tangx did diyc jitt jiongw siongwmau?' Hitt sii Sraix Qinxsog Banrhang Siuhing Jiauvi Zulaii dyrr qra diongxjiaw ee qniaw qongw, 'Beh giamrjingr guaw jitt jiongw srinx, qaidongx quxdngg dortuad itcer siurkow ee jiongwsingx.'

Manjushri! Hitt sii diongxjiaw ee qniaw dyrr huad guan, qongw, 'Guaw an' jitmaw qaur birlaii berdangr qewsngr ee qiab, uirr jiaxee huanrjue siurkow ee liogdy jiongwsingx, beh dua dua setlip jiongxjiongw hongven hxuad, hro inx longxx tangx qaixtuad liauxau, guaw jursinx jiacc beh jniaa vut.' Ix anne dirr hitt xui vut binrjingg lip jitt xee dua guan. Qaur dnaxx qingquer vaccingbanrig naiuta be qongw did je ee qiab, ix iaxx iuguann si posad.

Qycc dirr ingxquer vutsugi asamkieia qiab hiacc quw ixjingg, dirr hitt sii hitt sxer u vut, miaa qiyr juer Qakgno Huex Samadhi Jurjai Ongg Zulaii. Hitt xui vut ee siursor u sir-vah cingbanrig asamkieia qiab hiacc dngg. Dirr Hxuad-Sxiong sidai ee sii u jit xee Brahman ee luxjuw. Ix siokser ee hog iurr cimx iurr qau, siurr jingwlangg soxx kimqingr. Ix bylun qniaa, druar, jre, iacc kunr ee sii, longxx u jerje tnisinn decc siuxue qapp vyxho. Ix ee laurbuw sinr siady, vutsii e kingsi Samvyw.

Hitt xee sijun, singwluw sniu jin qokk jiongw hongven ee vanrhuad laii koxkngr inx laurbuw, beh hro ix u duanjniar ee qenwsig. Mrqycc jitt xui luxjuw ee laurbuw byy uanjuann siongsinr, quer byy zuarr quw sniwmia liauxqed, sinhunn duirlyc (siurkow) Byy Qnaiwdng Dergak. Hitt sii Brahman ee luxjuw jaix inx laurbuw jairser byy sinr inqyw, jiauww giabjer laii sngr, vitdnia e kir qaur og dy. Ix dyrr qra cuwtec bre .kir, siwqer kir qriuu pangx huex qapp jiongxjiongw hogsai ee kiwqu. Ix qycc dirr vudtah qapp biyrsi dua dua decc hongriongw. Ix dirr jit qingx biyrsi lairdew qnir diyc jit jrunx Qakgno Huex Samadhi Jurjaii Ongg Zulaii, bylun iong kig :ee iacc iong rue :ee, binriongg u uidig, duanjnair, uigiamm, dagg hxang jiauvi.

Hitt sii Brahman ee luxjuw jiambong hitt xee junquir ee binriongg, suar snix cud qavue ee qingwdiong. Ix qaqi simlai decc sniu qongxx, ‘Vut ee miaa qiyr juer Dua Qakgno, kurvi itcer diwhui. Ix narr u dirr jitt xee sewqanx, guaw tangx mng ix guanw laurbuw siw liauxau kir dirr dyhh. Ix vitdnia e jaix.'

Hitt sii Brahman ee luxjuw kaur jiokk quw, bagjiux qimx qimx jiambong Zulaii. Hutzenqanx tniax diyc kongdiongx u sniax, qongw, 'Decc kaur ee singwluw ar, mair jiacnirr vi'aix. Guaw dnaxx laii jixsi liw linw laurbuw kir dirr dyhh.'

Brahman ee luxjuw habjiongw hiongr tnix, qycc duiww tnix qongw, 'Sniaxmih sinn hiacc dua undig, laii beh an'uir guaw ee iuciuu? Guaw jurr srid kir laurbuw ixlaii, zid'ia decc siauwliam, byy der tangx mng guanw laurbuw kir dirr sniaw derqair.'

Hitt sii kongdiongx u sniax, qycjaiww qra luxjuw vyr qongxx, 'Guaw si liw soxx jiambong qapp qingwvair :ee, dyrr si quewkir hitt xee Qakgno Huex Samadhi Jurjaii Ongg Zulaii. Guaw knuar diyc liw suliam buxcinx viw visiongg langg kacc dingvue cimx, mrjiacc laii beh qra liw vywdix.'

Brahman ee luxjuw tniax diyc hex sniax, qui' xee sinkux hiongr tnix beh ba, qutjad suar jiauu longxx siursiongx. Ix jyxiu nng vingg ee sirjiaw qra huu .kiw .laii. Quer u hiacc quw jiacc cingcniw, ix duiww tnidingw qongw, 'Guan vut linbinw, qinw qra guaw qongw guanw laurbuw kir dirr sniaw derqair. Dnaxx guaw jitt xee srinx qapp simx quer byy zuarr quw dyrr beh siw ar.'

Hitt sii Qakgno Huex Samadhi Jurjai Ongg Zulaii qra singwluw qongw, 'Liw qingwhong liauw kacc qinw dngw kir cur nirr, jre jniar jniar sniu guaw ee miahy, liammix dyrr tangx jaix linw laurbuw cutsir dirr dyhh.'

Hitt sii Brahman ee luxjuw qra vut qingwvair liauw dyrr dngw kir cur nirr. Suliam buxcinx ee enqor, ix jre jniar jniar juansimx decc liam Qakgno Huex Samadhi Jurjai Ongg Zulaii. Qingquer jit zit jit xia, ix hutzenqanx qnir diyc qaqi qaur jit xee haixvnix. Hex haixjuiw qunxqaw, u jerje hiongog ee haixsiur, tih-srinx, dirr haixsiong dangsaix nng vingg decc vuex, decc jauw, decc duidiok. Ix knuar diyc jerje javolangg qapp jaboxlangg, sowbok u vaccingban, dirrr haiw-diongx pudimm. Jerje hiongog ee haisiur sna' jnex beh qra inx tunjiac. Ix qycc knuar diyc iarcex, guarhingg longxx byy qangg. Uree je qix ciuw iacc je luiw bagjiux, uree je qix kax iacc je liap tauu. Inx iong lrai qaxnaxx qiamr ee vokgee qra juerzinn qnuaw kir uaw qin hiongog ee haixsiur, uree qycc qaqi qra hiaxee juerzinnn liac laii, hro inx tauu qapp kax siy' kab. Hingjong banrvah jiongw, hro langg m qnaw knuar sniu' quw. Hitt sii Brahman ee luxjuw u decc liam vut ee enqor, dniardiyc be qniahniaa.

U jit xee quiwongg, miaa qiyr juer Byy Dok, laii qra quiwvair qapp gniajih. Ix qra singwluw qongw, 'Huangingg! Posad, uirdiyhh sniaxmih enqor laii jiax?'

Hitt sii Brahman ee luxjuw mng quixongg qongxx, 'Jex sniaxmih soxjai?'

Byy Dok rinr qongxx, 'Jiax si Dua Tickox Snuax saivingg ee derr id dingg haiw.'

Singwluw mng qongxx, 'Guaw bad tniax qongxx tickox lairdew u dergak. Qamxx u sursitt?'

Byy Dok rinr qongxx, 'Kaksit u dergak.'

Singwluw mng qongxx, 'Guaw dnaxx jnuaxngiu e laii qaur dergak jitt xee dersow?'

Byy Dok rinr qongxx, 'Narr m si u uilingg ee sinlat, marr diyhh u giablik. Byy jitt hxang qidiongx jit hxang, juadduir berdangr laii qaur jiax.'

Singwluw qycc mng qongxx, 'Si sniaw enqor, jitt xee haixjuiw hiacc qunxqaw, u hiacc je juerzinn, qapp hiacc je hiongog ee haixsiur?'

Byy Dok rinr qongxx, 'Hiaxee si dirr Jambudvipa u juer og ee jiongwsingx, duxx jiacc siw :ee, qingquer sir-jap-qauw zit liauxau, byy aursuu uirr inx juer qongdig, qiur inx tuatli koxlan. Inx jairsnix ee sii qycc byy senrinx. Qaidongx jiauww inx vunxsinx ee giabjer soxx diauwhuanr lyc dergak, jurzendik rair singx dro quer jitt xee haiw. Haiw dangvingg kacc kir jap-bxan iojana lingrgua u jit xee haiw, viw jiax kacc kow dingvue. Hitt xee haiw ee dangvingg lingrgua qycc u jit xee haiw, hex kow qycjaiww dingvue. Snax xee giap soxx jyr ee og rinx laii jyrjniaa ee haiw, itvnuax hy juer giabhaiw. Jitt xui dyrr si.'

Singwluw qycc mng quixongg Byy Dok qongxx, 'Derdak dirr dyhh?'

Byy Dok rinr qongxx, 'Snax xee haiw ixlai longxx si dua dergak, sowbok u quiw vah quiw cingx xee, dagg xui longxx byy qangg. Soxx qongw dua :ee u jap-veh xee. Duewbuew :ee u go-vah xee, u buliong ee tongwkow. Qycc suar .lyc u cingvah xee, iarr si u buliong ee kow.'

Singwluw qycc mng dua quixongg qongxx, 'Guanw laurbuw quewsinx iaxx byy quw, m jaix hunpig qaidongx kir dirr dyhh?'

Quixongg mng singwluw qongxx, 'Posad ee buxcinx jairsnix ee sii u quanwsir juer sniaw?'

Singwluw rinr qongxx, 'Guanw laurbuw u sinr siaog sikqenr, e tixciyr qapp huixvongr samvyw. Dyrr junw jiamrsii siongsinr, uat dngw srinx iuqycc byy qingwdiong. Ix siw byy zuarr quw. M jaix ix dingg cutsir dirr dyhh?'

Byy Dok mng qongxx, 'Posad ee buxcinx sner sniaw?'

Singwluw rinr qongxx, 'Guanw laurve qapp guanw laurbuw longxx si Brahman. Laurve qiyr juer Shila Sudarshana, laurbuw qiyr juer Yue Di Li.'

Byy Dok habjiongw qra posad vywbingg qongxx, 'Hibang singwjiaw dngw kir cur nirr, m hyw qycc iuciuu, siauwliam, visiongx, iacc luanluann vutsiar. Yue Di Li u jue ee luxzinn singtenx qaur dnaxx ixqingx snax qangx. Qongw si qongxx, vrng iuxhaur ee qniaxzii uirr laurbuw qingwhong laii siujy hokkir, vowsix Qakgno Huex Samadhi Jurjaii Ongg Zulaii ee sirtah, m na posad ee buxcinx tangx an' dergak tuatli, ingqaix soxu dirr Byy Qnaiwdng Dergak ee juerzinn dirr jitt zit longxx siurr suwhog, longxx vnivnii dingg cutsir ar.'

Quixongg qongw liauw, habjiongw tewdniuu. Brahman ee luxjuiw bersux an' binbang-diongx liammisii dngw .laii. Liauxgno jitt jann su liauw, dyrr dirr Qakgno Huex Samadhi Jurjai Ongg Zulaii ee tah qapp vudsiong taujingg lip dua sewguan, 'Guan guaw an' jitt diap qaur birlaii qiab liauxjin, uirr u jue laii siurkow ee jiongwsingx setlip jiongxjiongw hongven ee hxuad, hro inx tangx did diyc qaixtuad.'"

Vuddyy qra Manjushri qongw, "Hitt sii ee quixongg Byy Dok dyrr si jitmaw ee Derr Id Huwzu Posad. Brahman ee luxjuw dyrr si Derjong Posad."

(Hunsinx Jibhue)

Hitt xee sijun, vaccingbanrig sniu be qaur, byy huatdo sionggi, byy huatdo cikliong, qapp byy huatdo qongw ee buliong Asamkhieia Sewqair, soxu dergak soxjai ee derjong posad ee hunsinx longxx laii dirr Traiastrimsa Tenqiongx jurjip. U Zulaii sinlik ee enqor, qokk hong'ui ee posad qapp soxu an' giablik did diyc qaixtuad cud .laii .ee iarr hunvet u cingbanrig naiuta ee sowbok, inx longxx tec pangx huex laii hongrqingr vut.

Hiaxee dauwdin laii :ee hitt vuer longxx in'ui Derjong Posad ee qauwhuar, ingxuanw be an' Anuttara-samiaksambodhi trer dywdngw. Jiaxee jingwlangg an' quxdngg ee qiab ixlaii, dirr snesiw liulong, dirr liogdy siurkow, byy tangx jiamrsii hiyckunr. Ixx Derjong Posad qongxkuah ee dua juvix qapp cimx cimx ee sewguan ee enqor, sui' xee did diyc qongqyw giamrjingr. Qacc qaur Traiastrimsha, simqnuax iongxiok u uahkir, jiambong Zulaii, bagjiux m qramx jiamrsii knuar duiww vadd xui.

Hitt xee sijun, Sewjunx denw kuix qimsig ee ciuxqud, bongx vaccingbanrig sniu be qaur, byy huatdo sionggi, byy huatdo cikliong, qapp byy huatdo qongw ee buliong Asamkhieia Sewqair soxu Derjong Dua Posad hunsinx ee tauu, suar .lyc anne qongw, "Guaw dirr gnoxlyy og sxer, qauwhuar cincniu jitt hy kuanw ee qongqiongg jiongwsingx, hro inx ee simx hanghok, kiwsag siaog laii huedngw jniawhuad. Jap xee lairdew u jit~nng xee, inx pnaiw ee sipkir iaxx dilehh. Guaw iarr huar juer cingvac'ig xee srinx, dua dua setlip hongven huatmngg. Uree u lrai ee qinkir, tniax .diyc sui' dyrr sinwsiuw; uree u senrqyw, diyhh qutlat kuanxkngr hro inx u singjiu; uree kacc gong kacc dun :ee, diyhh quw quw qauwhuar jiacc e quihuar; uree giabjer kacc dang, be snix cud qingwgionw ee simx. Cincniu jiaxee jiongwsingx, qoklangg u jingcax byy siysiangg, diyhh iong hunsinx kir qra inx dortuad.

Ursii e henr javolangg ee sindniux, ursii e henr jaboxlangg ee sindniux, ursii e henr tnilingg ee sindniux, ursii e henr quixsinn ee sindniux, ursii e henr snuax, ciurnaa, kex, juixtauu, hyy, juixdii, juixjnuaa, iacc jnew ee kuanxtew laii lirig langg, jinrqaix hro inx dortuad. Ursii e henr tnider ee sindniux, ursii e henr Brahma Ongg ee sindniux, ursii e henr Juanw Lunn Ongg ee sindniux, ursii e henr qusu ee sindniux, ursii e henr qok'ongg ee sindniux, ursii e henr jnaixsiongr ee sindniux, ursii e henr qnua'uann ee sindniux, ursii e henr bikiu, bikiuni, upasaka, upasika, simrjiww sniabunn, arhat, pratiekabuddha, iacc posad dingxdingw ee sindniux laii qra inx dorhuar. M na dna' iong vut ee sindniux dirr inx binrjingg henxhen.

Linw knuar guaw qinglik quer lentap qiab ee kinkow, dortuad cincniu jiaxee lann dorhuar, qongqiongg, uirr jue siurkow ee jiongwsingx. Lairdew u quaw be diauhok :ee, inx e suii giap sriu vywingr. Inx narr duirlyc og dy sriu dua kunwkow ee sii, linw qaidongx sniu kiw guaw dirr Traiastrimsha Tenqiongx vutsii ee huanhur qapp dinglingg, rair hro Saha Sewqair qaur Maitreia cutsir ixlaii ee jiongwsingx longxx did diyc qaixtuad, ingxuanw tuatli soxu ee kow, qaur duw diyc vut siurr qiwzin."

Hitt xee sijun, sewqair soxu Derjong Posad ee hunsinx longxx habvingr juer jit xee hingtew. Bagsaiw lrauu bagsaiw dih, ix aiciuu qycc iluann decc duiww Vuddyy qongw, "Guaw an' quxdngg ee qiab ixlaii, u did diyc Vuddyy jiap'inw laii did diyc vutsugi ee lat, qycc u dua diwhui. Guaw ee hunsinx dirr vaccingbarig Ganges Hyy ee suax ee sowliong hiacc je ee sewqair, muixx jit xee sewqair qycc huar juer vaccingbanrig ee srinx, muixx jit xee srinx dorhuar vaccingbanrig langg, hro inx quiix qapp qingwdiong samvyw, laii ingxuanw tuatli snesiw qaur qaxx liappuann ee hixlok. Junw u langg dirr vudhuad-diongx soxx juer ee senrsu dna' jit qix xmngg, jit dih juiw, jit liap tosuax, iacc jit qix taumngg ee siyxkuaw hiacc ser, guaw iarr jiamr qra dortuad, hro ix did diyc dua lirig. Dandanx qibang Sewjunx be uirr au sxer juer og ee jiongwsingx laii huanlyw."

Jiauww jitt kuanw ix duiww Vuddyy qongw snax vaiw, qongw, "Dandanx qibang Sewjunx be uirr au sxer juer og ee jiongwsingx laii huanlyw."

Hitt xee sijun, Vuddyy ylyw Derjong Posad qongxx, "Jin' hyw jin' hyw! Guaw e vangjo liw soxx hnuahiw beh juer :ee. Quxdngg ee qiab ixlaii liw soxx huad ee dua sewguan u singjiu, dorhuar jioingwsingx beh uanjniaa ee sii, liw dyrr e tangx giamrjingr potee(bodhi)."

(Quanknuar Jiongwsingx Giab'enn)

Hitt xee sijun, Vuddyy ee laurbuw Maia Huzinn habjiongw qiongqingr mng Derjong Posad qongxx, "Singwjiaw, Jambu ee jiongwsingx, inx soxx jy ee giap u cavet, ixqip inx soxx sriu ee vywingr, jiaxee dairjir si anxjnuaw qongw?"

Derjong Posad rinr qongxx, "Cenban xee sewqair iacc cenban xee qoktow lairdew, uree u derdak, uree byy dergak; uree u luxzinn, uree byy luxzinn; uree u vudhuad, uree byy vudhuad; simrjiww sniabunn qapp pratiekabuddha iarr uana si anne. M si dna' dergak ee juervyr jitt jit kuanw."

Maia Huzinn qycjaiww duiww posad qongw, "Ngwbang tniax diyc liw qangxsuad dirr Jambu juergiab ee vywingr laii qamxsiu zid'au soxx beh kir ee og dy."

Derjong rinr qongxx, "Singwbuw, guaw coliok qongw, liw narr guanrir tniax."

Vuddyy ee laurbuw qongw, "Hibang singwjiaw liw qongw."

Hitt xee sijun, Derjong Posad qra singwbuw qongw, "Dirr Jambudvipa ee juervyr si anne. Narr u jiongwsingx byy iuxhaur verbuw, iacc si qra taii qra sionghai, qaidongx duirlyc byy qnaiwdng dergak, qingquer cenbanrig qiab qiqiuu beh lirkuix hiax iarr byy duiwqii. Narr u jiongwsingx hro vut lrauu huih, huixvongr Samvyw, iacc byy junqingr qingdenw, iarr qaidongx duirlyc byy qnaiwdng dergak, qingquer cenbanrig qiab qiqiuu beh lirkuix hiax iarr byy duiwqii. Narr u jiongwsingx cimjiamr iacc sunxhuai jinglu quxdngg soxx druar ee soxjai, jautad huesniu iacc niqox, iacc dirr sangharama(biyrsi) lairdew suijai qniaa qanimm, higjiaw si qra taii iacc qra sionghai, cincniu jitt hy kuanw :ee qaidongx duirlyc byy qnaiwdng dergak, qingquer cenrbanrig qiap qiqiuu beh lirkuix hiax iarr byy duiwqii. Narr u jiongwsingx qew juer sabunn, simx suacc m si sabunn, pywhuai iacc suxiong jinglu quxdngg soxx druar ee soxjai, kipenr vig'ix, uihuanw qaiwlut, jy jiongxjiongw ee og, cincniu jitt hy kuanw :ee qaidongx duirlyc byy qnaiwdng dergak, qingquer cenbanrig qiab qiqiuu beh lirkuix hiax iarr byy duiwqii. Narr u jiongwsingx tautec jinglu quxdngg soxx druar ee soxjai ee jaibut, bixcig, imxsit, ihok, simrjiww cinwcaiw tec jit hxang byy sriok ix :ee, qaidongx duirlyc byy qnaiwdng dergak, qingquer cenbanrig qiab qiqiuu beh lirkuix hiax iarr byy duiwqii."

Derjong qycc qongw, "Singwbuw, narr u jiongwsingx huan cincniu jiaxee jue, qaidongx duirlyc go xee Byy Qnaiwdng Dergak. Inx qiqiuu koxlan jiamrsii tingjiw, suacc lenrr itliam ee siqanx iarr qriuu be did diyc."

Maia Huzinn qycjaiww mng Derjong Posad qongxx, "Si anxjnuaw hy juer Byy Qnaiwdng Dergak?"

Derjong qongw, "Singwbuw, soxu dergak longxx dirr Dua Tickox Snuax lairdew. Qidiongx dua dergak u jap-veh xui, kacc ser :ee u go-vah xui, miahy longxx byy qangg; qyckacc ser :ee u cingvah xui, miazi iarr byy qangg. Byy Qnaiwdng Dergak, hex dergak ee sniadii siwkolinwdngw u veh-bxan gua lxiw. Hex sniadii si sunn tih jy :ee, quann jit-bxan lxiw. Sniaa-dingw jiauu huexiam, kongkir jiokk kiamwkueh. Dirr hex dergak ee sniadii lairdew, soxu dergak longxx siy' lenn, miahy longxx byy qangg. Dogdok u jit xee dergak, miaa qiyr juer Byy Qnaiwdng. Hex dergak siwkolinwdngw u jit-bxan veh-cingx lxiw, dergak ee cniuuii quann jit-cingx lxiw, longxx si tickox. Dingxtauu ee huew taur qangr erdew, erdew ee huew tangr qaur dingxtauu. Ticjuaa qapp ticqauw punr huew dirr dergak ee cniuuii dingxbin duiziog, dirr dangx saix nng vingg ongxhuee decc pauxjauw.

Dergak lairdew u bincngg, qui' bxan lxiw ee soxjai jit siwqer longxx si. Jit langg siurjue, ix qaqi tangx knuar qnir diyc ix ee sinkux dirr jit siwqer ee bincngg-dingw dyw lehh. Cenban langg siurjue, inx qoklangg iarr tangx knuar qnir diyc qaqi ee sinkux dirr muaw siwqer ee bincngg-dingw. Jingwlangg ee giap soxx qamxingr dyrr e did diyc cincniu jitt kuanw ee vywingr.

Iuqycc, hiaxee juerzinn e sriu jiongxjiongw ee kow. Cingvah xee iarcex qapp og qxuiw, inx ee cuiwkiw naxx qiamr, bagjiux naxx siccuah, ciuw u dangg ziauw decc tuax juerzinn. Qycc u iarcex giac dua ticqig duc duiww juerzinn ee sinkux, cuir, pni, vakdow, iacc kajiacpniax zip .kir. Inx qra juerzinn hnir duiww kongdiongx jiacc kir jriab iacc si hro inx lag dirr bincngg-dingw. Qycc u tih ee ingjiauw e dog juerzinn ee bagjiux. Iaxqycc u ticjuaa e qra juerzinn ee amrqunw dnii diauu lehh. Juerzinn suwjix ee vah qutjad longxx virr dingr dngg ticdingx, jic virr vuic .lyc .laii iong qorr lee lee .quer, virr tiux dng'axdo suar jamw cruir cruir, cuir virr quanr rngiuu dangg, sinkux virr iong zet tih dnii lehh. Siw qycc uac qingquer c.-cenban-b. vaiw, giap ee qamxingr dyrr si jitt kuanw. Qinglik quer jnriu ig ee qiab, inx qiqiuu beh tuali iarr byy duiwqii.

Jitt xee sewqair huixhuai ee sii, inx e kir vadd xee sewqair qiawsnix. Vadd xee sewqair huixhuai, inx e ngua qiawsnix kir vadd xui. Vadd xui huixhuai ee sii, inx e qycc dngw laii qiawsnix. Jitt xee sewqair hingsingg liauxau, inx e qycjaiww dngw .laii. Byy qnaiwdng juervyr ee jinghingg dyrr cincniu jitt kuanw.

Iuqycc, u go jiongw giap ee qamxingr diwsuw qiyr juer byy qnaiwdng. Jitt go jiongw si sniaw?

Tauu jit jioingw, zid'ia siurjue, qaur qaxx qiapsor muaw, byy jiaujiyw aw siqanx dngrjam, soxdiw qiyr juer byy qnaiwdng.

Derr zi jiongw, jit langg iarr muaw, je langg iarr muaw, soxdiw qiyr juer byy qnaiwdng.

Derr sniax jiongw, hinghuat ee honghuad, u ticcex, ticqunr, tic'ingx, ticjuaa, ticcailongg, ticqauw, jiyhduir, jiyhby, dyqur, iacc cak'aw; iong ler :ee iacc iong siah :ee qra danr zip kir dua dniaw lairdew juw tngx; iong ticbang iacc ticsyh qra vak; hro ix kiaa siyx tngwtngr ee ticluu iacc ticbew; qra vrag puee, iong zet tih qra lramm sinkux; iaux, hro ix tunx tic'uann-aw; cuiwdax, hro ix limx ticjiab. An' kixtauu qaur qiab suah, qingquer naiuta ee qiapsor, koxcow siy' lenn, qyckacc si byy qnaiwdng, soxdiw qiyr juer byy qnaiwdng.

Derr sir jiongw, bylun javox iacc jabow, vunxjok iacc guarjok, vunxqog iacc guarqog, lau :ee, jniw :ee, quiwkir :ee, iacc cauwjen :ee, bylun lringg iacc jinglingg, tensinn iacc qxuiw, juergiap ee qamxingr, vnivnii longxx rair singsiu, soxdiw qiyr juer byy qnaiwdng.

Derr go jiongw, narr duirlyc jitt xee dergak, an' cocox zip .laii ee sii qaur qaxx vaccingx qiab, jit zit jit xia rair qinglik snex-siw banrban vaiw, qriuu itliam ee siqanx jiamrsii tingjiw iarr be did diyc. Duhuix giap jin jiacc tangx did diyc siursingx. Jiauww jitt hy kuanw siy' jiapsuar, soxdiw qiyr juer byy qnaiwdng.

Derjong Posad qra Singwbuw qongw, "Byy Qnaiwdng Dergak coliok qongw si anne. Narr beh siongser qangxsuad dergak hinghuat kiwqu ee miaa qapp soxx sriu ee koxcow, jit qiap ee siqanx lairdew iaxx qongw be jin."

Maia Huzinn tniax liauw, iuciuu habjiongw, dingxlew trer dywdngw .kir.

(Dirr Jambudvipa ee Jiongwsingx Giabvyr ee Qamxingr)

Hitt sii Derjong Dua Posad qra Vuddyy qongw, “Sewjunx, guaw u singsiu Vut Zulaii uidig qapp sinlat ee enqor, dirr vaccingbanrig ee sewqair venwde, jitt xee sinkux hunx juer quixlyrr hxingg kir qiuwjo itcer u giabvyr ee jiongwsingx. Narr m si Zulaii dua juvix ee lat, dyrr berdangr juer jitt hy kuanw ee venwhuar. Guaw dnaxx iuqycc sriu Vut huanhur, itdit qaur Ajita jniaa vut, liogdy ee jiongwsingx longxx rair hro inx did diyc dortuad. Guaw e junbing. Sewjunx, guan liw m hyw huanlyw."

Hitt sii, Vuddyy qra Derjong Posad qongw, "Itcer jiongwsingx iauxx bue did diyc qaixtuad :ee, inx ee vunxsingr qapp iwsig longxx byy dniardiyc, og ee sipkir qetjniaa giabjer, sxen ee sipkir qetjniaa jingwqyw. Juer sxen iacc juer og si suii qingxgu laii huatsingx. Inx dirr gnoxdy lunjuanw, byy tangx jiamrsii hiyckunr. Jid'err dinxdang diyhh qingquer din'aix sowbok hiacc je ee qiab. Inx u beluan qapp siurr behik, suar laii duw diyc jiongwgai qapp koxlan. Kyxviw hii siuu zip kir hibang, liahjunw si dngg laujuiw, tuatdyy jiamrsii jauw .cud .laii, uat linr dngw iuqycc virr hibang bxang .diyc. Jitt hy kuanw ee jiongwsingx, guaw dingrquix e uirr inx iuciuu qapp quawliam. Liw qacc beh uann liw ee sowguan qapp liw quxdngg qiab ixlaii soxx he ee dua guan, duardimm dorhuar itcer u juergiap :ee, guaw qycc u sniaw tangx huanlyw lehh?"

Qongw jiaxee ue ee sijun, hue-diongx u jit xee dua posad, miaa qiyr juer Samadhi Jurjaii Ongg. Ix qra Vuddyy qongw, "Sewjunx, Derjong Posad qinglik quer jerje qiab qaur dnaxx, u huad quer qokk jiongw sniaxmih kuanw ee guan, diwsuw jitmaw Sewjunx jiacnirr aw qra janwtanr. Dandanx hibang Sewjunx tangx coliok qongw .jit .xe."

Hitt sii Sewjunx qra Samadhi Jurjai Ongg Posad qongw, "Jimjiog tniax, jimjiog tniax! Siongser kir sniu! Guaw beh uirr liw hunvet qaixsuad. Dirr quewkir buliong Asamkieia naiuta qongw be jin ee qiab ixjingg, hitt sii u jit xui vut, hy juer Itcer Diwhui Singjiu Zulaii, Ingqaix Qingwhong, Jniawhuad Venww Jaix, Kax Qniaa Bingcingx, Sxen Quewongw, Sewqanx Qaixtuad, Busiong Sru, Diauhyy Diongrhux, Tnisinn qapp Langg ee Suhu, Vut, qapp Sewjunx. Hitt xui vut siursor u lak-bxan qiab. Iauxx bue cutqex jinwjingg si siyw qog ee ongg, qapp linqog ee qok'ongg si ving'iuw, nng langg dangjee siuhing jap hxang sxen, duiww jiongwsingx u dua lirig. Linqog ee soxu vecsner jy jerje og. Nng xee ongg sionggi qapp qewik beh duardimm sed hongven hxuad. Jit xee ongg huatguan beh jaxzit singjiu vuddy, tangx dortuad jiaxee jiongwsingx, hro byy cunx qaxx jit xee. Lingrgua jit xee ongg huatguan qongxx, 'Narr byy singx dorhuar inx ee jue qapp koxlan, hro inx did anlok qaur qaxx bodhi(potee), guaw jiongqibuew be hibang jniaa vut.'"

Vuddyy qra Samadhi Jurjaii Ongg Posad qongw, "Hitt xee huatguan beh jaxzit jniaa vut ee ongg dyrr si Itcer Diwhui Singjiu Zulaii. Lingrgua jit xee ongg huatguan beh ingxqiuw singx dorhuar jiongwsingx ee jue qapp koxlan, m guan qaqi dairsingx jniaa vut. Hitt xee dyrr si Derjong Posad.

Iuqycc dirr quewkir buliong Asamkieia qiab ixjingg u jit xui vut cutsir, miaa qiyr juer Cingjing Lenhuex Bak Zulaii. Hitt xui vut ee siurmia u sir-jap qiab. Dirr Hxuad-Siongr sidai, u jit xee arhat iong ix ee hokkir dorhuar jiongwsingx. Ix jiauww inqyw cuwde qauwhuar, duw diyc jit xee u sed jiahsit laii qingwhong ix ee luxzinn, miaa qiyr juer Qngx Bak.

Arhat mng ix qongxx, 'Liw beh qiuhe ee guan si sniaw?'

Qngx Bak rinr qongxx, 'Guaw dirr buxcinx quewsinx hitt zit u cud jnii uirr si sriux hokkir beh jo ix did diyc ciautuad. M jaix guanw laurbuw jitmaw cutsir kir dyhh?'

Arhat jin' qra kyxlenn, dyrr uirr ix jinwzip samadhi laii quanknuar. Ix knuar qnir diyc Qngx Bak luxjuw ee buxcinx duirlyc kir og dy, sriu qik dua ee kow. Arhat mng Qngx Bak qongxx, 'Linw buxcinx jairsnix u juer sniaw giabhing? Ix jitmaw kir dirr og dy sriu qik dua ee kow.'

Qngx Bak rinr qongxx, 'Guanw laurbuw u jit xee sibquanr, ix hingr jiac hii qapp vih jitt lui :ee. Soxx jiac ee hii iacc vih, jiokk je si hi'axqniaw iacc nxng, uree caw uree juw, suijai iwsur dua jiac. Qewsngr hiaxee sniwmia ee sowliong, u jnia' cingx jnia' bxan hiacc je. Junjiaw juvix, beh anxjnuaw qra ix qiuwdo?'

Arhat jin' qra kyxlenn, dyrr uirr ix juer hongven hxuad. Ix koxkngr Qngx Bak qongxx, 'Liw tangx singsimx sing'ir liam Cingjing Lenhuex Bak Zulaii ee miaa, qycc diaukig qapp rue ix ee hingsiong. Bylun siw iacc uac ee langg longxx tangx did diyc qyxvyr.'

Qngx Bak tniax liauw dyrr qra soxx air :ee quacsiar, cue langg' rue vudsiong laii qingwhong. Ix qycc u qiongqingr ee simx, naxx kaur naxx jiambong qapp vaiwqingr. Hutzenqanx dirr mivnuar, ix bang qnir vut ee sinkux qimx sicsih, bersux Sumeru Snuax, vangwsia cud dua qongbingg. Vut qra Qngx Bak qongw, 'Linw laurbuw quer byy zuarr quw e dirr linw daux cutsir. Jid'err jaix iaux qapp jaix qnuaa, ix sui' e qongxue.'

Au .laii inx cur-lai ee jit xee jaboxqanw snix jitt xee qniaw, bue muaw snax zit dyrr e qongxue. Ngix :a tauu lee lee visiongx kauwceh, qra Qngx Bak Qongw, 'Snesiw giab'enn, qyxvyr jurqiw singsiu. Guaw si linw laurbuw, quxdngg diamr dirr oamr ee soxjai. Jurjiongg qapp liw lirvet, duirlyc dua dergak. Sriu liw hokkir ligliong ee diwimr, guaw jiacc tangx siursingx. Dnaxx cutsir juer harjyh ee langg, qycc e dew miaa, siursor jiacc jap-snax, siw liauxau qycc e duirlyc og dy. Liw u sniaw qewcig, tangx hro guaw tuatsinjauw?'

Qngx Bak tniax diyc ix qongw jiaxee ue, jaix si inx laurbuw be dingdnaa, auu dni, visiongx tikaur qra jaboxqanw ee qniaw qongw, 'Qacc si guanw laurbuw, liw qaidongx jaix liw guanvunw ee jue, u juer sniaw giabhing laii duirlyc og dy?'

Jaboxqanw ee qniaw rinr qongxx, 'Guaw uirdiyhh satsingx qapp huixvongw nng hxang giabhing sriu og vyr. Narr m si vrng liw ee hokkir, qiur guaw tuatli koxlan, ixx jitt xee giap, si byy huatdo qaixtuad.'

Qngx Bak mng qongxx, 'Dergak juervyr, hiaxee dairjir si anxjnuaw?'

Jaboxqanw ee qniaw rinr qongxx, 'Uirr jue siurkow ee dairjir be kamx did qongw. Junw uac vaccingx huer iarr qongw be jin.'

Qngx Bak tniax liauw, tikaur, lrauu bagsaiw duiww kongdiongx qongw, 'Guan guanw laurbuw ingxuanw tuatli dergak, jap-snax nii ee siurmia liauw, be qycc u dang jue, ixqip benw kir qinglik og dy. Sibhongx soxu ee vut cniaw juvix linbinw guaw, tniax guaw uirr buxcinx soxx huad ee qongxdua sewguan. Narr tangx hro guanw laurbuw ingxuanw tuatli snax xee og dy qapp harjyh ee sinhun, simrjiww dirr ingxqiuw ee qiab be qycc siursingx juer luxzinn, dirr Cingjing Lenhuex Bak Zulaii ee vudsiong binrjingg, guaw huatguan jurr qimzit ixau, zid'au dirr vaccingbanrig qiab lairdew, soxu ee sewqair, soxu ee dergak, ixqip snax xee og dy soxu uirr jue siurkow ee jiongwsingx, guaw lip sewguan beh qra inx qiuwtuad, hro inx lirkuix dergak og dy, jingsnix, qapp iaux qxuiw jitt dringw soxjai. Jiaxee huanrjue sriu vywingr ee langg longxx jniaa vut liauw, zen'au guaw jiacc e singjiu jniawqag.'

Huad sewguan liauw, ix dyrr tniax diyc Cingjing Lenhuex Bak Zulaii qra ix qongw, 'Qngx Bak, liw u dua juvisimx, jin' gauu sniu laii uirr laurbuw huad jitt hy kuanw dua guan. Guaw quancad linw laurbuw jap-snax nii ee huetauu quer, e kiwsag jitt xee qyxvyr ee srinx, cutsir juer Brahman, siursor jit-vah huer. Jitt xee qyxvyr liauxau, e dirr Byy Iuciuu qoktow cutsir, siurmia u sngr be liauw ee qaib hiacc dngg. Siogziho singjiu vudqyw, duardimm dorhuar langg qapp tnisinn, sowbok cincniu Gange Hyy ee suax hiacc je.'"

Vuddyy qra Samadhi Jurjai Ongg qongw, "Hitt sii iong hokkir dorhuar Qngx Bak ee arhat dyrr si Iwjir Buqiongjin Posad. Qngx Bak ee buxcinx dyrr si Qaixtuad Posad. Qngx Bak luxjuw dyrr si Derjong Posad. Quewkir quxdngg ee qiab ixlaii, dyrr u jitt hy kuanw juvix, huad Ganges Hyy suax ee sowliong hiacc je ee guan, dairdimm dorhuar jiongwsingx. Dirr birlaii sxer, narr u javolangg iacc jaboxlangg m juer sxen suacc juer og, simrjiww byy sinr inqyw, qniaa sia'imm, lamrsamw qongxue, nng xee jic, og kauw, iacc huixvongw dairsing :ee, u jitt hy kuanw giabjer ee jiongwsingx vitdnia e duirlyc og dy. Narr duw diyc senrdiwsig qra kuanxkngr, hro ix dirr bak nih aw quw dyrr quiix Derjong Posad, jiaxee jiongwsingx liammix tangx an' snax xee og dy ee vywingr lairdew qaixtuad. Narr singsimx libjir beh quiix, lexqingr, jiambong, qapp janwtanr, iong pangx huex, ihok, qapp jiongxjiongw dinvyw, iacc qingwhong imxsit jiaxee kuanw hongsig laii hogsai, dirr birlaii vaccingbanrig qiab lairdew, siongsiongg e dirr jiongxjiongw tnidingw hiangxsiu busiong bixbiau kuaiwlok. Narr tnidingw ee hog liauxjin, lyc laii zinsewqanx cutsir, iaxx tangx juer dewongg vaccingx qiab hiacc quw, qycc e qir did siokser ee inqyw taubuew. Samadhi Jurjai Ongg! Jitt xee Derjong Posad u jitt hy kuanw vutsugi dua uidig ee sinlat, poxpenr lirig jiongwsingx. Linw jiaxee jiongww posad rair e qir did jitt py qingx, dua dua qra suan'iongg qapp liutuann."

Samadhi Jurjai Ongg qra Vuddyy qongw, "Sewjunx, hibang liw m hyw huanlyw. Guanw jiaxee cenbanrig dua posad vitdnia e singlingw Vuddyy uidig ee sinlat dairdimm enxsuad jitt py qingx, dirr Jambudvipa lirig jiongwsingx."

Samadhi Jurjai Ongg Posad qra Sewjunx qongw liauw, habjiongw qiongqingr qnialew trer .kir.

Hitt sii dangx lamm saix vag siwhngx ee tenongg longxx an' jyrui vreh kiw, habjiongw qiongqingr qra Vuddyy qongw, "Sewjunx, Derjong Posad dirr quxdngg qiab ixlaii huad jiaxee dua guan. Anxjnauw qaur dnaxx ix iaxx dorhuar be liauw, diyhh qycjaiww huad qongxdai sewguan? Dogdok hibang Sewjunx tangx uirr guanw jiaxee suatbingg."

Vuddyy qra siwhngx ee ten'ongg qongw, "Jin' hyw jin' hyw! Uirdiyhh beh hunwdua lirig ee enqor, guaw dnaxx uirr linw, ixqip birlaii cam' henrjai ee tnisinn qapp zinbin dingxdingw linw jiaxee jiongwsingx, guaw beh laii suatbingg Derjong Posad dirr Saha Sewqair ee Jambudvipa-lai ee snesiw lo-siong, ix juvix qiuwjo, ixqip dortuad itcer dirr koxlan-diongx u jue ee jiongwsingx soxx iong ee hongven hxuad."

Siwhngx ten'ongg qongw, "Sewjunx, guanw jin' hnuahiw beh tniax."

Vuddyy qra sir xee ten'ongg qongw, "Derjong Posad quxdngg ee qiab ixlaii decc dortuad jiongwsingx, itdit qaur dnaxx iauxx bue muaw guan. Ix kyxlenn jitt xee sewqair uirr jue siurkow ee jiongwsingx, qycc knuar diyc birlaii buliong qiab lairdew, inqyw naxx dincauw be dng. Uirdiyhh jitt xee enqor, ix qycjaiww huad diongrdai ee guan. Mrjiacc dirr Saha Sewqair ee Jambudvipa lairdew, posad sed vaccingbanrig ee hongved hxuad uirdiyhh beh qra inx qauwhuar.

Sir xui ten'ongg, Derjong Posad narr duw diyc u taii langg :ee, dyrr qra qongw au sxir e jygu dew mia ee vywingr. Narr duw diyc qiongqongwcat, dyrr qra qongw e u sanwhiongx qapp siurr koxcow ee vywingr. Narr duw diyc qniaa sia'imm :ee, dyrr qra qongw e u cutsir juer cikjiauw, hunxjiauw, iacc uanngiux ee vywingr. Narr duw diyc og kauw :ee, dyrr qra qongw e u qapp quanwjok siy' jner iacc siy' qryr ee vywingr. Narr duw diyc huixvongr :ee, dyrr qra qongw e u byy jic iacc cuir snex jucngx ee vywingr. Narr duw diyc uanwceh :ee, dyrr qra qongw e u kiapsir, puawsniur, iacc snix liab'aw ee vywingr. Narr duw diyc qenlin :ee, dyrr qra qongw e jygu soxx qriuu longxx uihuanw simguan ee vywingr. Narr duw diyc imxsit byy jetjer :ee, dyrr qra qongw e u iaugy, cuiwdax, iacc naauu diyhvni ee vywingr. Narr duw diyc lamrsamw paclac :ee, dyrr qra qongw e u huatqongg laii songwsid sniwmia ee vywingr. Narr duw diyc gnoxgik verbuw :ee, dyrr qra qongw e jygu tenjaix dervenr ee vywingr. Narr duw diyc siyx snuaqanx ee ciurbok :ee, dyrr qra qongw e u siauxqongg diwsuw sixbongg ee vywingr. Narr duw diyc okdok ee cinsnix verbuw iacc aurjig aurbuw, dyrr qra qongw e u au sxir huanxdngw juer qniaxzii ee ginxaw laii ho'ngg pah ee vywingr. Narr duw diyc iong bxang-aw liac jiauxaxqniaw :ee, dyrr qra qongw e u qutziok hunlii ee vywingr. Narr duw diyc huixvongr samvyw :ee, dyrr qra qongw e u cnimii, cauwhni, iacc exqauw ee vywingr. Narr duw diyc kinsi hxuad iacc dairban Vut ee qawsi :ee, dyrr qra qongw e u ingxuanw diamr dirr og dy ee vywingr. Narr duw diyc pywhuai iacc lamrsamw suxiong jinglu soxx druar ee soxjai :ee, dyrr qra qongw e jygu jit-ig qiab dirr dergak lunhuee ee vywingr. Narr duw diyc setdok iacc bulua jingdoo ee siuhing :ee, dyrr qra qongw e jygu ingxuanw diamr dirr jingsnix-dy ee vywingr. Narr duw diyc iong qunxjuiw tngr, huew siyx, iacc dyx jamw laii sionghai jingsnix :ee, dyrr qra qongw e u lunhuee siongmia ee vywingr. Narr duw diyc pywqair uihuanw jaiqair :ee, dyrr qra qongw e u au sxir juer kimsiu qycc e iauqix ee vywingr. Narr duw diyc byy lriw lamrsamw kaiing :ee, dyrr qra qongw e jygu soxx qriuu longxx juadbang ee vywingr. Narr duw diyc jurqyx qiaugno :ee, dyrr qra qongw e u au sxir juer vijen harjyh ee langg ee vywingr. Narr duw diyc nng jic snix ue iacc vingw ox jyc vec :ee, dyrr qra qongw e u byy cuiwjic iacc vah xee cuiwjic ee vywingr. Narr duw diyc u siaog sikqenr :ee, dyrr qra qongw e u au sxir cutsir dirr venqiongx ee vywingr.

Cincniu jiaxee Jambudvipa ee jiongwsingx, uirdiyhh srinx, kauw, qapp ir ee giabhing jyrsingg og ee sipkir soxx qed ee qyw, vaccingx jiongw vywingr, dnaxx u coliok suatbingg. Jiaxee Jambudvipa jiongwsingx giap ee qamxingr u jingcax, Derjong Posad iong vaccingx jiongw hongven hxuad laii qra inx qauwhuar. Jiaxee jiongwsingx taukixsingx e sriu jiaxee vywingr, au .laii duirlyc dergak, qinglik quxdngg ee qiapsor, an' hiax cud .laii ee zidjiw byy duiwqii. Soxiw linw jiaxee diyhh vyxho langg qapp vyxho qog, m tangx hro jiaxee jiongwsingx siurr giap soxx behik."

Sir xui ten'ongg tniax liauw, lrauu bagsaiw, vitanr, habjiongw trer .kir.

(Dergak ee Miahy)

Hitt sii, Poxhenn Dua Posad qra Derjong Posad qongw, "Zinjuu :ee, ngwbang liw uirr tnisinn, lringg, jiongww sir lui derjuw, ixqip birlaii qapp henrjai itcer jiongwsingx qongw jit xe aw Saha Sewqair qapp Jambudvipa uirr jue siurkow ee jiongwsingx sriu vywingr ee soxjai, dergak ee miahy, ixqip og vyr dingxdingw jiaxee dairjir, tangx hro birlaii sxer Vudhuad buexqii ee jiongwsingx jaix jiaxee qyxvyr."

Derjong rinr qongxx, "Zinjuu :ee, guaw singlingw Vuddyy uidig ee sinlat qapp dairsu liw ee lat, dnaxx beh iokliok qongw jit xe aw dergak ee miahy ixiqip huanrjue ee vywingr qapp juer og ee vywingr jiaxee dairjir.

Zinjuu :ee, Jambudvipa ee dangvingg u snuax, miaa qiyr juer Tickox. Hex snuax ox miwmar, byy zidqngx iarr byy guehqngx. Hiax u jit xee dua dergak, qiyr juer Qik Byy Qnaiwdng; qycc u jit xee dergak, miaa qiyr juer Dua Avichi.

Qycc u jit xee dergak, miaa qiyr juer Sir Qag; qycc u jit xee dergak, miaa qiyr juer Vuex Dyx; qycc u jit xee dergak, miaa qiyr juer Huew Jnxir; qycc u jit xee dergak, miaa qiyr juer Giab Snuax; qycc u jit xee dergak, miaa qiyr juer Tongx Cniux; qycc u jit xee dergak, miaa qiyr juer Tih Ciax; qycc u jit xee dergak, miaa qiyr juer Tih Cngg; qycc u jit xee dergak, miaa qiyr juer Tih Guu; qycc u jit xee dergak, miaa qiyr juer Tih Snxax; qycc u jit xee dergak, miaa qiyr juer Cxenx Dybah; qycc u jit xee dergak, miaa qiyr juer Tih Luu; qycc u jit xee dergak, miaa qiyr juer Rngiuu Dangg; qycc u jit xee dergak, miaa qiyr juer Py Tiau; qycc u jit xee dergak, miaa qiyr juer Huew Lrauu; qycc u jit xee dergak, miaa qiyr juer Lee Jic; qycc u jit xee dergak, miaa qiyr juer Jamw Tauu; qycc u jit xee dergak, miaa qiyr juer Siyx Kax; qycc u jit xee dergak, miaa qiyr juer Dog Bak; qycc u jit xee dergak, miaa qiyr juer Tih Qiuu; qycc u jit xee dergak, miaa qiyr juer Siy' Jner; qycc u jit xee dergak, miaa qiyr juer Tih Voxtauu; qycc u jit xee dergak, miaa qiyr juer Je Uanwhun."

Derjong Qongw, "Zinjuu :ee, Tickox Snuax lairdew u jiaxee dergak, sowliong buqiongjin. Qycc u Qiywhiamr Dergak, Vuic Jic Dergak, Saixziy Dergak, Dangg Sryw Dergak, Huew Cnxiu Dergak, Huew Qxauw Dergak, Huew Bew Dergak, Huew Guu Dergak, Huew Snuax Dergak, Huew Jiyc Dergak, Huew Cngg Dergak, Huew Nxiuu Dergak, Huew Ringx Dergak, Qur Gee Dergak, Vrag Puee Dergak, Limx Huih Dergak, Siyx Ciuw Dergak, Siyx Kax Dergak, Dyw Cir Dergak, Huew Cur Dergak, Tih Cur Dergak, qapp Huew Lxongg Dergak. Cincniu jiaxee dergak, inx hitt lairdew hunvet u jerje siyw dergak, uree jit xee, uree nng xee, uree snax, uree sir xee, simrjiww qaur jnia’ vah jnia’ cingx xee. Inx ee miahy longxx byy qangg."

Derjong Posad qra Poxhenn Posad qongw, "Zinjuu :ee, Jambudvipa juer og jiongwsingx giabhing ee qamxingr dyrr cincniu jiaxee. Giabjer ee lat jiokk dua, e tangx qapp Sumeru Snuax duiwdik, kacc cimx quer dua haiw, e joxgai diyc sxingr ee lo. Mrjiacc qongxx jiongwsingx m tangx knuawkinx siyw og, liahjunw byy jue. Lisix aw jue, siw liauxau iarr e sriu vywingr. Verqniaw jiwcinx, iarr si qokk langg qniaa qokk lo, junw narr sionghongg, iarr berdangr dairter siurjue. Guaw dnaxx singlingw Vut uidig ee lat, coliok suecbingg dergak juervyr ee dairjir. Dandanx hibang zinjuu :ee jiamrsii tniax guaw qongw .jit .xe."

Poxhenn rinr qongxx, "Guaw quxdngg ixlaii dyrr jaix snax og dy ee vywingr. Guaw hibang zinjuu :ee qongw jiaxee si uirdiyhh beh hro birlaii sxer Vudhuad buexqii itcer juer og hing ee jiongwsingx tniax diyc Zinjuu :ee jiaxee suecbingg liauxau e quiix Vut."

Derjong qra qongw, “Zinjuu :ee, dergak ee juervyr, hiaxee dairjir si annisnix. Uree dergak e cruw juerzinn ee cuiwjic, jiacc sraiw guu kir lee; uree dergak e cruw juerzinn ee simx, jiacc qiyr iarcex kir jiac; uree dergak e iong dniaw hniaa qunxjuiw, jiacc qra juerzinn ee sintew kngr zip kir juw; uree dergak u siyx qaxx angg qongwqongr ee dangtiau, jiacc qiyr juerzinn kir py; uree dergak u jiongxjiongw huew decc siyx, hro huew tnuar kir qaur juerzinn hiax; uree dergak itdit longxx qnuaa qaxx cincniu vingx; uree dergak u buhan ee saixziy; uree dergak u e vuex ee tictuii; uree dergak u jiokk je huexcingr; uree dergak inx e itdit longr juerzinn ee hingkamw qapp kajiacpniax; uree dergak dna' siyx juerzinn ee ciuw qapp kax; uree dergak u tih juaa decc dnii; uree dergak u tih qxauw decc duiziog; uree dergak, juerzinn vniwjniaa tih luu virr kiaa.

Zinjuu :ee, cincniu jiaxee kuanw ee vywingr, dirr qokk jiongw dergak lairdew u jnia' vah jnia' cingx jiongw siaugiap ee hingku, qewqer si dangg, tih, jiyc, iacc huew jitt sir jiongw mihqnia, jiauww jiongwsingx giabhing ee qamxingr soxx jyrjniaa :ee. Narr beh siongser suecbingg dergak juervyr dingxdingw ee dairjir, muixx jit xee dergak lairdew dyrr u jnia' vah jnia' cingx jiongw ee koxcow, hongwqimx dergak u hiacnirr aw je. Guaw dnaxx singlingw Vuddyy uidig ee sinlat, qycc zinjuu :ee iarr decc mng kiw, dyrr coliok qongw jiaxee. Narr beh siongser qaixsueh, buqiongjin ee qiab iarr qongw be liauw."

(Zulaii Janwtanr)

Hitt sii, Sewjunx tingxsinx vangwsia cud dua qongbingg, venwvenr jiywqngx vaccingbanrig naxx Ganges Hyy suax ee sowliong hiacc je ee jerje Vut ee sewqair. Ix cud dua imsniax, qra jiongww vut ee sewqair lairdew itcer jiongww dua posad, ixqip tnisinn, lringg, qxuiw, sinn, langg, qapp huizinlui dingxdingw jiaxee qongw, "Tniax guaw qimzit ylyw qapp janwtanr Derjong Dua Posad. Dirr sibhongx sewqair, ix henr cud dua vutsugi uidig, sinlingg, qapp juvix ee lat, qiuwho itcer uirdiyhh huanrjue laii siurkow jiaxee dairjir. Guaw beddo liauxau, linw jiaxee jerje posad dairsu, ixqip tnisinn, lringg, qxuiw, qapp sinn dingxdingw, linw diyhh siwqer sijer hongven hxuad, horue jitt vxo qingx, hro itcer jiongwsingx tangx giamrjingr liappuann ee kuaiwlok."

Jiaxee ue qongw liauw, hue-diongx u jit xee posad, miaa qiyr juer Poxqongw, habjiongw qiongqingr duiww Vuddyy qongw, "Qinaxzit knuar qnir Sewjunx janwtanr Derjong Posad qongxx ix u jitt hy kuanw vutsugi dua sinlingg ee uidig. Dandanx ngwbang Sewjunx uirr birlaii sxer vudhuad buexqii ee jiongwsingx suanqangw Derjog Posad lirig langg qapp tnisinn ixqip inqyw dingxdingw jiaxee dairjir, tangx hro tnisinn, lringg, veh vxo, qapp birlaii sxer jiongwsingx qnialew lingxsiu Vuddyy ee qawsi."

Hitt sii, Sewjunx qra Poxqongw Posad qapp jiongww sir lui derjuw dingxdingw jiaxee qongw, "Jimjiog tniax, jimjiog tniax! Guaw beh uirr linw coliok qangxsuad Derjong Posad lirig langg qapp tnisinn jiongxjiongw hokdig ee dairjir."

Poxqongw qongw, "Jnia' hyw! Sewjunx, guanw jin' hnuahiw beh tniax."

Vuddyy qra Poxqongw Posad qongw, "Dirr birlaii sxer, narr u senrlamjuw iacc senrluxjuw tniax diyc jitt xee Derjong Dua Posad ee miaa, bylun si habjiongw, janwtanr, qnialew, iacc luanbo :ee, jitt xee langg tangx ciautuad snax-jap qiab ee jue.

Poxqongw, narr u senrlamjuw iacc senrluxjuw, bylun si caixui hingsiong, iacc si iong too, jiyc, qxax, cad, qimx, ginn, dangg, iacc tih laii jewjy jitt senx posad, siogzirho u qra jiambong qapp qnialew jit vaiw, jitt xee langg tangx dirr Snax-jap-snax Tnix cutsir jit-vah vaiw, ingxuanw be duirlyc og dy. Narr junw tnidingw ee hogkkir liauxjin qangwlyc zinqanx cutsir, ix iuguann e juer ongg, dua lirig be jurr anne byy .kir.

Narr u luxzinn iawsen luxzinsinx, jinrsimx qingwhong Derjong Posad ee uersiong, higjiaw too, jiyc, qxax, cad, dangg, iacc tih dingxdingw jiaxee sxiong, jiauww jitt hy kuanw byy jit zit tewjauw, qycc suwsiongg iong pangx huex, imxsit, ihok, caixvec, donghuanx, jniginn, qapp vyxbut dingxdingw jiaxee laii qingwhong, jitt xee senrluxjuw ix luxzinsinx ee vywingr e liauxjin, vaccingban qiab be qycjaiww kir qaur luxzinn ee sewqair, byhqongxqiyh cutsir juer luxzinn. Duhuix uirdiyhh juvix ee guanrlat, ix beh cutsir juer luxzinn dortuad jiongwsingx. U singlingw diyc qingwhong Derjong ee lat ixqip qongdig ee lat, ix vaccingbanr qiab be qycc cutsir juer luxzinn.

Qycc u, Poxqongw, narr u jaboxlangg iawsen snex juer kiapsir iacc qau vnertniar :ee, jixiaur dirr Derjong ee sxiong taujingg, dirr jiac jit dxngr vng ee siqanx lairdew, itsimx it'ir qra jiambong qapp qnialew, jitt xee jaboxlangg dirr cingban qiab itjair snix cutsir, ix ee sinkux qapp siongwmau e uanbuanw. Jitt xee baiw luw narr byy iawsen luxzinsinx, dirr vaccingbanrig itjair snix cutsir diongqanx, ix e suwsiongg juer luxongg, onghuix, higjiaw si cutsir juer jaixsiongr, dua sner :ee, iacc dua diongxjiaw ee jaxboxqniaw, snex juer duanjniar, soxu ee siongwtew uanbuanw. U itsimx it'ir qra Derjong Posad jiambong qapp qnialew ee enqor, ix jiacc e tangx did diyc jitt hy kuanw hokkir.

Qycc u, Poxqongw, narr u senrlamjuw iacc senrluxjuw dirr posad ee sxiong taujingg jraur jiongxjiongw gagkir ixqip cniuwquax qra janwtanr, qycc iong pangx huex qingwhong, simrjiww koxkngr jit langg iacc je langg duer ix juer, jitt hy kuanw langg dirr henrser qapp birlaiser e suwsiongg did diyc vaccingx xee quixsinn zid'ia siuxho, hro ix be dniardnia tniax diyc pnaiw dai, byhqongxqiyh cinsinx sriu diyc jiongxjiongw hinggik.

Qycc u, Poxqongw, birlaiser lairdew, narr u og langg, og sinn, iacc og qxuiw qnir diyc senrlamjuw iacc senrluxjuw hiongr Derjong Posad ee sxiong quiix, qingwhong, janwtanr, jiambong, qapp qnialew, bylun si cinwcaiw qra tixciyr, huixvongw, qongxx inx byy qongdig iarr byy lirig jiaxee ee, iacc lorcud cuiwkiw decc kiycciyr, iacc kajiah-au qongw sirhuix, iacc jiyx langg' qapp ix dauwdin qongw sirhuix, bylun jit langg iacc je langg, simrjiww dna' snix cud jit xee beh qra huixvongw ee liamrtauu, jitt hy kuanw langg, singwhenn qiab ee cingx vut longxx beddo, uirdiyy huixvongw ee vywingr, inx iaxx e dirr Avichi Dergak sriu qik dang ee jue. Jitt xee qiab liauw, jiacc cutsir dirr gy qxuiw dy. Qycc qingquer cingx qiab, qycc cutsir juer jingsnix-aw. Qycc qingquer cingx qiab, jiacc tangx cutsir juer langg. Dyrr sngr cutsir juer langg, sanwciah harjyh, liogqinx byy uanvi, simx kacc je virr og giap laii vak diauu lehh. Quer byy zuarr quw, qycc duirlyc og dy. Mrjiacc qongxx Poxqongw, tixciyr huixvongw tnazinn ee qingwhong dyrr e did diyc jitt kuanw vywingr, byhqongxqiyh snix vadd jiongw og ee qenwsig laii huixbet vudhuad.

Qycc u, Poxqongw, narr birlaiser u javolangg iacc jaboxlangg quxdngg dyw dirr bincngg, qriuu uac lehh iacc qriuu siw longxx be did diyc, ursii bang diyc og qxuiw, simrjiww qasiok cinlangg, iacc dirr hiamw lo qnia'iuu, iacc je pnaiw bang, sinhunn qapp qxuiw jiu'iuu. Nii quw guec cimx, inx venr qaxx siausanw lyhbah, beh siw dongrhnir ee kuanw, dirr kunwbinn-diongx qiyr kow, cnicamw be kuaiwlok. Jiaxee longxx si giabjer lunrduanr, kindang iauxx byy dingrlun, diwsuw uree siursor yh siar, uree rix be hyw. Sewqanx lamluw ee siogganw byy huatdo hunven jitt hy kuanw su.

Dogdok diyhh dirr jiongww vut qapp posad ee sxiong taujingg dua sniax qra jit py qingx tak jit vxenr. Higjiaw si cruw vnirlangg soxx air ee mihqnia, kyxviw ihok, vyxbut, canhngg, iacc cuwtec, dirr vnirlangg taujingg dua sniax siongrtok qongxx, 'Guaw boxmiclangg uirr jitt xee vnirlangg dirr qingdenw qapp vudsiong taujingg qra jiaxee mihqnia kiwsag. Iacc si tec jiaxee kir qingwhong qingdenw qapp vudsiong, jy vut qapp posad ee hingsiong, jy biyrsi iacc vyxtah, diamw iudingx, higjiaw si vowsix hro jinglu quxdngg soxx druar ee soxjai.' Jiauww jitt hy kuanw qra vnirlangg qongw snax vaiw, hro inx u tniax .diyc.

Setsuw inx ee iwsig hunsnuar, qaur kuir jin, simrjiww jit zit, nng zit, snax zit, sir zit qaur cid zit, dogdok diyhh dua sniax qra inx qongw, dua sniax siongrtog qingbunn. Jitt xee langg siurjiongx liauxau, siokser ee jai'iongx qapp dang jue, simrjiww u huan gnoxgik byy qnaiwdng ee jue, tangx ingxuanw did diyc qaixtuad. Bylun cutsir dirr dyhh, inx siongsiongg jaix siokser ee mia. Hyhongw senrlamjuw iacc senrluxjuw narr qaqi causiaw jitt py qingx iacc qar langg' causiaw, higjiaw qaqi diaukig iacc rue posad hingsiong, simrjiww qar langg' diaukig iacc qar langg' rue, inx soxx sriu ee qyxvyr vitdnia did diyc dua lirig.

Mrjiacc qongxx Poxqongw, liw narr qnir diyc u langg decc siongrtog jitt py qingx, simrjiww kiw jit xee liamrtauu beh janwtanr jitt py qingx, iacc si u qra qiongqingr :ee, liw diyhh iong cingvah xee hongvenrhuad koxkngr inx jiaxee langg inkunn ee simx m tangx dywter. Dirr birlaii qapp henrjai, inx tangx did diyc cingbanrig vutsugi ee qongdig.

Qycc u, Poxqongw. Narr birlaii sxer ee jerje jiongwsingx dirr binbang iacc kunr ee sii knuar qnir diyc jiongxjiongw quixsinn simrjiww jerje hingjong, u visiongx :ee, u tikaur :ee, u iuciuu :ee, u koxtanr :ee, u kiongxhongg :ee, u qniahniaa :ee, hiaxee longxx si quewkir jit sxer, jap sxer, vah sxer, iacc cingx sxer ixjingg ee laurve, laurbuw, siyxdi, siyxmue, angx, bow, iacc quanwjok duirlyc kir dirr hiong'og ee soxjai jauw be cud .laii. Inx byy der ngwbang u hokkir ee ligliong tangx qiur inx tuatjauw, mrjiacc qra siokser ee qutziok jiwcinx qywdix, qiyr inx suxiong hongvenrhuad, hibang erdangr laii lirkuix og dy.

Poxqongw, liw iong sinlingg ee lat qiyr jiaxee quanwjok dirr jerje vut iacc posad ee sxiong taujingg itsimx it'ir qaqi tak jitt py qingx, iacc vaiwtog langg' tak, tak snax vaiw iacc cid vaiw. Jiauww anne jyr, hiaxee dirr og dy ee quanwjok, qingx-sniax ee vaixgiac uanvid, inx ingwdongx e did diyc qaixtuad. Dirr langg' decc bii iacc kunr ee sii, inx ingxuanw be qycc virr qnir .diyc.

Qycc u, Poxqongw. Birlaii sxer narr u jiongxjiongw harjyh langg, bylun lovok, qanxvi, simrjiww byy juriuu ee langg, inx duiww siokser giabjer u qakgo beh camwhuew, itsimx it'ir qra Derjong Posad ee hingsiong jiambong qapp qnialew, simrjiww jit zit qaur cid zit diongqanx liam posad ee miaa muaw jit-bxan vxenr, jiaxee langg dirr jitt sxer ee vywingr liauxjin ixau ee cingban sxer lairdew, e suwsiongg dirr junquir mngho cutsir, qycc be duirlyc snax og dy siurkow.

Qycc u, Poxqongw. Narr birlaii sxer dirr Jambudvipa, bylun Kshatriya, Brahman, diongxjiaw, iacc qusu itcer jiaxee langg, higjiaw ngirsingr jingxjok, inx ee bow u duxx singsanw :ee, bylun snix javox iacc jabow, cid zit lairdew, diyhh tanwjaw uirr ngix-aw siongrtog jitt py vutsugi ee qingdenw, qycc uirr inx liam posad ee miaa muaw jit-bxan vxenr. Jitt xee sinx cutsir ee ngix-aw, bylun javox iacc jabow, siokser narr u jaiiongx ee vywingr, dyrr tangx did diyc qaixtuad, anlok hyw iyci, siurmia qetnix. Narr si singsiu hokvyr laii cutsir :ee, anlok qapp siurmia qetnix qyckacc je.

Qycc u, Poxqongw. Dirr birlaiii sxer, jit guehzit ee ceid, ceveh, jap-sir, jap-go, jap-veh, zxic-snax, zxic-sir, zxic-veh, zxic-qauw, qapp snax-jap, dirr jitt quiw zit, soxu ee jue jurjip, jiongwsingx ee jue beh virr dring kindang. Jambudvipa jiongwsingx ee qixjiw qapp liamrtauu, byy jit xee m si giap, byy jit xee m si jue, byc qongw lamrsamw satsingx, tautec, qniaa sia'imm, ovec qongxue, qapp qitax vaccingx hxang juerjong. Narr erdangr dirr jitt jap xee jaizit ee sii dirr vut, posad, iacc jiongww singwhenn ee sxiong taujingg tak jitt py qingx jit vaiw, dangx saix lamm vag vah yojana ixlai, longxx byy jiaxee jailan.

Dirr jiaxee kiarqex lairdew, bylun laurlangg iacc iur ginxaw, henrjai iacc birlaii ee vaccingx nii diongqanx, inx tangx ingxuanw tuatli og dy. Narr erdangr dirr jap xee jaizit longxx tak jit vaiw, jitt sxer tangx suxx jiaxee kiarqex ee cuwlairlangg be u jiongxjiongw hnuaiog ee vnerjingr, jiahcing liongrsing. Mrjiacc qongxx Poxqongw, qaidongx jaix Derjong Posad u jitt hy kuanw byy huatdo qongw ee dua uidig sinlat tangx laii dua dua lirig jiongwsingx.

Jambudvipa ee jiongwsingx qapp jitt xui dairsu u dua inenn. Jiaxee jiongwsingx tniax diyc posad ee miaa, qnir diyc posad ee sxiong, simrjiww tniax diyc jitt py qingx ee snax zri go zri, jit siuw ciamsix, iacc jit qxur ue, m na henrjai bibiau anlok buviw, birlaii sxer ee vaccingban sxer e suwsiongg snix juer duanjniar, qycc e cutsir dirr junquir ee qadingg."

Hitt sii, Poxqongw Posad tniax Vut Zulaii ylyw qapp janwtanr Derjong Posad liauw dyrr qui .lyc, habjiongw duiww Vuddyy qongw, "Sewjunx, guaw quxdngg ixlaii dyrr jaix jitt xui dairsu u jitt hy kuanw vutsugi ee sinlat qapp dua sewguan ee lat. Uirdiyhh birlaii ee jiongwsingx tangx jaix jiaxee lirig, mrjiacc cingxmng Zulaii, qingwlew juanzenn singlingw. Sewjunx, jitt py qingx qaidongx qra qiyr sniaxmih miaa, hro guaw tangx hyw kir tuanvor?"

Vuddyy qra Poxqongw qongw, "Jitt py qingx u snax xee miaa. Jit xee qiyr juer Derjong Vunxguan, lingrgua jit xee qiyr juer Derjong Vugxhingg, qycc u jit xee qiyr juer Derjong Sewguan Lat. In'ui jitt xui posad quxdngg qiab ixlaii u huad dua sewguan beh lirig jiongwsingx, linw jiaxee diyhh jiauww ix ee guan laii tuanvor."

Poxqongw tniax liauw, habjiongw qiongqingr qnialew trer .kir.

(Snix qapp Siw ee Lirig)

Hitt sii, Derjong Dua Posad qra Vuddyy qongw, "Sewjunx, guaw quancad jitt xee Jambudvipa ee jiongwsingx, inx ee qixsimx dongrliam byy jit xee m si jue. Junw u did diyc sxen ee lirig, jerje longxx qra cohuatsimx kiwsag. Narr duw diyc og enn, muixx jit xee liamrtauu longxx decc hro og jingqax. Jiaxee langg bersux qniaa dirr tomuee, pnai dang jiyhtauu, jiamrjiam kunwkow jiamrjiam dang, zuxx dac zuxx cimx. Narr tangx duw .diyc, u diwsig :ee e ter inx qiamxkinx hurdamx, iacc juanvo ter inx dnax. Jitt xee u diwsig :ee u dua ligliong ee enqor, qycc e siy' hujo, krngr inx kax rair kia hro jai; narr qaur qaxx vnide, diyhh singxcad jex si og lo, m tangx qycjaiww kir qinglik.

Sewjunx, quanwsir juer og ee jiongwsingx an' lisix aw dua ee og jxig qaxx qaur buliong. Jiaxee jiongwsingx u jiaxee kuanw sibquanr, siurmia beh jin ee sii, verbuw iacc quanwsiok qaidongx uirr ix sed hog, laii jujo ix beh kir ee lo. Knuar si qruar huan'aw qapp diamw iudingx, iacc siongrtok junqingx, iacc henrqingr vudsiong qapp jerje singwhenn ee sxiong, simrjiww liam vut, posad, qapp Pratyekabuddha ee miazi. Muixx jit xee miaa qapp muixx jit xee hy longxx rair qingquer beh ongxsingx ee langg ee hnirkangx, hro ix u tniax zip kir vunxsig. Jiaxee jiongwsingx soxx jy ee og giap e qamxingr juer qyxvyr, vitdnia e duirlyc og dy. In'ui jiaxee quanwsiok u uirr beh ongsingx ee langg siused jiaxee sxingr ee xinx, jiaxee jiongxjiongw ee jue longxx e tangx siaubet.

Narr erdangr qycc dirr ix quewsinx liauxau cid cid sir-jap-qauw qangx ixlai duardimm siujy jiongxjiongw senrsu, dyrr erdangr hro jiaxee jiongwsingx ingxuanw tuatli og dy, erdid cutsir juer langg iacc tnisinn, sriu busiong bibiau ee kuaiwlok; henrjai jairser ee quanwsiok iarr tangx did diyc buliong ee lirig.

Mrjiacc gauw dnaxx dirr Vut Sewjunx qapp tnisinn, lringg, ixqip cunx :ee hiaxee veh vxo ee zinlui qapp huizinlui binrjingg qongw, beh koxkngr dirr Jambudvipa ee jiongwsingx dirr limjiongx hitt zit, cenban m tangx satsingx qapp jewjy og enn, iarr m tangx jewvair quixsinn suar kir qiqiuu hiaxee mngwsngh.

Sniaxmih enqor? Inx soxx taii :ee, simrjiww jewvair :ee, byy lisix aw ligliong tangx lirig siw .kir ee langg, qandna' e qed jue ee enn, hro inx ee jue venr qyckacc cimx qyckacc dang. Laiser iacc henrser qaxsuw did diyc sxingr ee hunrgiac tangx cutsir kir langg iacc tnisinn lairdew, limjiongx u jerje quanwsiok qra inx jy jiaxee og xinx ee enqor, jiaxee siursor liauxjin :ee sriu jai'iongx qapp tuatui diyhh uirr qaqi venrho, suar hro inx kacc nguar cutsir kir sxen ee soxjai. Hyhongw limjiongx ee langg jairsnix ee sii narr senrqinx jiyw, qoklangg u inx ee vunxgiap, qaqi jyr qaqi sriu diyhh kir og ee soxjai, quanwsiok hykow qycc jingqax inx ee juergiap?

Piwlun qongxx u langg an' diauwuanw ee soxjai laii, dng niusit ixqingx snax qangx byy jiac, soxx dnax ee dnar ciauquer jit-vah qxinx. Vorvinn kir duw diyc cuwvnix. Cuwvnix qycc qra kngr siyxkuaw mihqnia kiw .kir. Uirdiyhh jitt xee enqor, hro ix tnrix dang venr qyckacc kunwkow.

Sewjunx, guaw quancad Jambudvipa ee jiongwsingx, inx narr erdangr jiauww Vut ee jerje qaiwsi juer senrsu, simrjiww dna' jit qix mox, jit dih juiw, jit liap suax, iacc jit liap din'aix hiacc dua, jiaxee lirig, inx longxx tangx qaqi did .diyc."

Jiaxee ue qongw suah, hue-diongx u jit xee diongxjiaw, miaa qiyr juer Dua Vren. Jitt xee diongxjiaw quxdngg giamrjingr diyc byy snex-siw ee hxuad, dorhuar sibhongx. Ix henxhen diongxjiaw ee sindniux, habjiongw qiongqingr mng Derjong Posad qongxx, "Dairsu, jiaxee Jambudvipa ee jiongwsingx siursor liauxqed ixau, duarser quanwsiok uirr ix siujy qongdig, simrjiww sed jaidngg, jy jiongxjiongw senrinx. Jitt xee siursor liauxqed ee langg e tangx did dua lirig qapp qaixtuad bor?"

Derjong rinr qongxx, "Diongxjiaw, guaw dnaxx uirr birlaii qapp henrjai itcer jiongwsingx, singlingw Vut uidig ee lat, coliok qongw jit xe aw jitt hxang su. Diongxjiaw, birlaii qapp henrjai soxu jiongwsingx limjiongx hitt zit narr u tniax diyc jit xui vut ee mia, jit xui posad ee miaa, iacc jitt xui Pratyekabuddha ee miaa, vutlun u jue byy jue, longxx tangx did diyc qaixtuad. Narr u lamjuw iacc luxjuw, jairsnix ee sii byy siujy senrinx, dendyww jy jerje jiongxjiongw ee jue, sniwmia liauxqed ixau, duarser quanwsiok uirr inx soxx jy ee hokli qapp itcer sxingr-su, cid hunx lairdew inx tangx did diyc jit hunx; lak hunx qongdig, uac lehh ee langg tangx qaqi did. Uirdiyhh jitt xee enqor, birlaii qapp henrjai ee senrlamm sinwluw, tranr citkongw-veckiaur sintew iaxx iongxqnia ee sii diyhh jurqiw siuhing, muixx jit hunx ee qogdig longxx tangx sriok qaqi. Busiongg dua qxuiw byy hanrdnia dangsii e qaur. Bongbongg-biauxbiauw iulik ee sinhunn, si jue si hog iaxx birdix. Cid-cid zir-jap-qauw qangx lai, inx naxx cincniu sitsinn iacc cauwhni :ee, byy, dyrr dirr jerje imsix lunrven giabjer ee qyxvyr. Simxduanr ixau, e qinqur giap siursingx. Iauxx bue simxpnuar dniardiyc ixjingg, inx dyrr u cenban jiongw ee iuciuu qapp koxcow, hyhongw duirlyc qaur jerje ee og dy kir.

Jitt xee siurmia liauxqed iauxx bue did diyc siursingx :ee, dirr cid-cid sir-jap-qauw qangx lai, simx simx liam liam qiubang soxu qutziok quanwsiok uirr ix jy hokkir ee lat tangx qra qiuwingr. Cid-cid sir-jap-qauw qangx jid'err quer, suii giap sriu qyxvyr. Narr si juerzinn, qingquer cingx nii vah nii iarr danw be diyc qaixtuad ee sizit. Narr si huan go hxang byy qniawdng ee jue, ix e duirlyc dua dergak, cingx qiab bxan qiab ingxqiuw sriu jiongxjiongw ee kow.

Qycc u, diongxjiaw. U jitt hy kuanw juergiap ee jiongwsingx, inx sniwmia liauxqed ixau, quanwsiok iacc qutziok uirr inx sed jecamr tangx dirr giabdy-dingw qra inx jujo. Dirr jainiuu iauxx bue jiac liauw ixqip dngdecc vran ee sii, dyrr junw amxtngx iacc caiwhiyc iarr m tangx danr lyc tokax, simrjiww jiongxjiongw jiahsit iauxx bue henr hro Vut qapp jaijingx ixjingg bersaiw singx jiac. Narr u uihuanw suacc kir jiac ixqip byy unkunn :ee, jitt xee sniwmia liauxqed ee langg juanzenn did be diyc qongdig. Narr junw u unkunn qapp qiongqingr decc uiho laii henr hro Vut qapp jaijingx :ee, jitt xee sniwmia liauxqed ee langg, cid hunx qongdig tangx did diyc jit hunx. Mrjiacc qongxx, diongxjiaw, Jamvudvipa ee jiongwsingx narr erdangr uirr inx ee verbuw simrjiww quanwsiok dirr inx sniwmia liauxqed ixau sed jecamr henrqingr, itsimx-it'ir, unkunn, qycc singkunw, bylun siw .kir iacc uac lehh :ee longxx tangxx did diyc lirig."

Jiaxee ue qongw suah, Trayastrimsha Tenqiongx u cenbanrig naiuta ee Jambudvipa quixsinn longxx huad buliong potee ee simx. Dua Ven Diongxjiaw qnialew liauxau trer .kir.

(Giamlyy qapp Jiongww Quixongg ee Janwtanr)

Hitt sii, Dua Tickox Snuax lairdew u buliong ee quixongg qapp Giamlyy Ongg longxx laii qaur Trayastrimsha Vut decc qangxsuad ee soxjai. Inx si Okdok Quixongg, Je Og Quixongg, Dua Jner Quixongg, Vec How Quixongg, Huih How Quixongg, Ciah How Quixongg, Huatsanr Jaiiongx Quixongg, Vuex Srinx Quixongg, Nawqngx Quixongg, Longgee Quixongg, Cxenx Ganw Quixongg, Jiac Kimsiur Quixongg, Pnai Jiyc Quixongg, Pnaiw Dai Quixongg, Jai'e Quixongg, Jiahsit Quixongg, Jnijaii Quixongg, Tausnix-aw Quixongg, Huikimm Quixongg, Jauxsiur Quixongg, Snuaquiw Quixqongg, Singsanw Quixongg, Sniwmia Quixongg, Vnertniar Quixongg, Limhiamw Quixongg, Snax Bak Quixongg, Sir Bak Quixongg, Go Bak Quixongg, Ch'i Li Shih Quixongg, Dua Ch'i Li Shih quixongg, Ch'i Li Ch'a Quixongg, Dua Ch'i Li Ch'a Quixongg, No Ch'a Quixongg, qapp Dua No Ch'a Quixongg. Jiaxee dua quixongg it'id qapp jnia' vah jnia' cingx jerje siyw quixongg longxx diamr dirr Jambudvipa, sui' xee u inx soxx jipjiangw qapp juxjnaiw :ee. Jiaxee jerje quixongg qapp Giamlyy Ongg singlingw Vut uidig ee sinlat ixqip Derjong Dua Posad ee lat, longxx dirr Trayastrimsha jiax kia jit vingg.

Hitt xee sijun, Giamlyy Ongg qui .lyc habjiongw qra Vuddyy qongw, "Sewjunx, guaw dnaxx qapp jiongww quixongg singlingw Vut uidig ee sinlat ixqip Derjong Dua Posad ee lat jiacc erdid laii Trayastrimsha jitt xee dairhue, iarr si guanw jiaxee tangx did diyc sxen qapp lirig ee jit xee qienn. Guaw dnaxx u jit xee siyw gibun sniu beh cingxmng Sewjunx. Dandanx ngwbang Sewjunx huad juvix laii suansuad."

Vuddyy qra Giamlyy Ongg qongw, "Jyww liw qongw. Guaw e uirr liw suatbingg."

Hitt dangjun Giamlyy Ongg hiongr Sewjunx jiambong qnialew, qycc uat tauu knuar Derjong Posad, siogziho duiww Vuddyy qongw, "Sewjunx, guaw quancad diyc Derjong Posad dirr liogdy lairdew iong vaccingx jiongw hongven hxuad laii dorhuar uirdiyhh huanrjue laii siurkow ee jiongwsingx, byy decc hiamm pilyy iawsen. Jitt xui dua posad u jitt hy kuanw vutsugi sintongx ee su. Vutziqyr, jiongwsingx did diyc tuatli huanrjue ee vywingr, quer byy zuarr quw iuqycc duirlyc og dy. Sewjunx, jitt xui Derjong Posad qacc u jitt hy kuanw vutsugi ee sinlat, si anxjnuaw jiongwsingx m diamr sxen ee lo diamr lehh laii ingxuanw did diyc qaixtuad? Dogdok ngwbang Sewjunx uirr guaw qaixsuad."

Vuddyy qra Giamlyy Ongg qongw, "Jambudvipa ee jiongwsingx, inx ee singwjingg qongqiongg, jin' yh hanghok. Jitt xui dua posad dirr vaccingx qiab jit vaiw jriab jit vaiw pacqiur jiaxee jiongwsingx, hro inx tangx kacc jaw did diyc qaixtuad. Jiaxee huanrjue sriu vywingr ee langg uree simrjiww duirlyc qaur dua og dy kir. Posad iong hongven ee lat qra inx an' qinvunw giab'enn lairdew giuw .cud .laii, hro inx liauxgno siokser ee dairjir. In'ui Jambudvipa ee jiongwsingx juer og ee sipkir dang, liammix cud qycc liammix zip, diyhh lykow diyc jitt xui posad qinglik quxdngg ee qiapsor laii qra inx dortuad.

Piwlun u langg sitbee cue byy lo dngw cur, liac dua gro qniaa zip hiamw dy. Hitt xee hiamw dy lairdew u jerje iarcex ixqip how, lxongg, sraix, juaa, qapp get'axtangg. Jitt xee sitlo ee langg dirr hiamw dy lairdew, liammix diyrr beh jysiu jerje hairdok. U jit xee u diwsig :ee, ix jai'ngiaw qaixqiur ee honghuad, gauu qimwjuat jiongxjiongw hairdok, simrjiww iarcex qapp jiongxjiongw okdok :ee. Buiwdiongx ix duw diyc sitlo :ee beh qniaa zip kir hiamw dy, dyrr qra qongw, 'Sewzi ar, javolangg. Uirr sniaxmih enqor beh laii qniaa jitt diauu lo? Liw u sniaw ngirjaii iacc vunxdingw tangx jewab jiongxjiongw ee dok?' Jitt xee sitlo ee langg hutzenn tniax diyc jiaxee ue, jiacc jaix si hiamw dy, dyrr qinw tewau, beh qriuu cutlo. Jitt xee senrdiwsig qra tehee jiap'ingr, inxcua ix cud hiamw dy, benw did ix sriu jiongxjiongw hairdok; qycc suar jo ix qniaa kir qaur hyw lo, hro ix did diyc anlok.

Senrdiwsig suar qra qongw, 'Sewzi ar, sitbee :ee. An' qimdnuawzit ixau, m tangx qycc qniaa jitt diauu lo. Itdanr qniaa zip kir jitt diauu lo :ee, beh cud .laii jin' lann, qycc e sunxsid sniwmia.' Jitt xee sitlo :ee iarr u qra qamxqig qapp qingwdiong. Beh qywvet ee sii, senrdiwsig qycc qongw, 'Narr knuar diyc cinlangg, diqiw, qapp jerje quewlorlangg, bylun javox iacc jabow, rair qra qongw jitt diauu lo u jerje hairdok, zip .kir e songwsid sniwmia. M tangx hro jiaxee langg jurcue sixlo'.

Mrjiacc qongxx Derjong Posad u dua juvix, ix qiuwingr uirdiyhh huanrjue laii siurkow ee jiongwsingx dirr langg qapp tnisinn lairdew cutsir, hro inx sriu bibiau ee kuaiwlok. Jiaxee jiongww juerzinn jaix giabdy ee tongwkow, itdanr tuajauw did diyc cutlii dyrr ingxuanw be qycjaiww kir qinglik. Kyxviw sitlo ee langg, liac dua gro qniaa zip hiamw dy, duw diyc senrdiwsig inxcua inx cud .laii, dyrr ingxuanw be qycc zip .kir. Duw diyc tnazinn, qycc diyhh koxkngr inx mair zip .kir, qongxx qaqi marr bad in'ui anne sitbee, did diyc qaixtuad liauxau, qyckacc be qycc zip .kir. Narr qycc dac .zip .kir, hex si iaxx qycc u behik byy qakgno, byy qakcad diyc ixjingg bad ham zip hiamw dy iacc bad diwsuw srid kir sniwmia. Kyxviw duirlyc og dy :ee, Derjong Posad iong hongven lat hro inx qaixtuad, hro inx dirr langg qapp tnisinn lairdew cutsir. Uat linr dngw inx qycjaiww zip .kir, narr giap dair dang :ee, e ingxuanw diamr dirr dergak, ingxx byy qaixtuad ee sizit."

Hitt xee sijun, Okdok Quixongg habjiongw qiongqingr qra Vuddyy qongw, "Sewjunx, guanw jiaxee quixongg ee liong si bubanrsor, dirr Jambudvipa uree e lirig langg, uree e sunxhai langg, sui' xee byy qangg. Mrqycc hiaxee giabvyr diwsuw guanw qapp guanw ee vorha dirr sewqair qnia'iuu juer og je quer juer sxen. Guanw qingquer zinqex ee qadingg, iacc sniadii, vorlok, canjngx, cuwtec ee sii, u javolangg iacc jaboxlangg siujy cincniu taumngsix hiacc ser ee senrsu, simrjiww qruar jit qix huan'aw iacc kamr jit xee uxqair, hniux jiyw huex jiyw laii henrqingr vut ee sxiong qapp posad ee sxiong; uree uad kir siongrtok qingbunn, siyx hniux laii henrqingr lairdew ee jit qxur ue iacc jit siuw six, guanw jiaxee quixongg e qra jitt xee langg qnialew, cincniu duiwtai quewkir, henrjai, qapp birlaii ee jiongww vut. Guanw e jikdog sui' xee u dua lat ee siyw qxuiw qapp toxde ee sinlingg, qiyr inx diyhh qra inx horue, be hro hing'og ee su, hing'og ee vnirjingr, simrjiww vutzuir ee dairjir uaxqin jiaxee soxjai, byy sueh qongxx zip mngg .kir."

Vuddyy ylyw jitt xee quixongg qongxx, "Jin' hyw, jin' hyw. Linw jiaxee qapp Giamlyy Ongg erdangr jitt hy kuanw laii iongxho senrlamm sinwluw. Guaw iarr e qywdix Brahma Ongg qapp Shakra Dewongg, qiyr inx iarr qra linw horue."

Decc qongw jiaxee ue ee sijun, hue-diongx u jit xee quixongg, miaa qiyr juer Sniwmia Quixongg. Ix qra Vuddyy qongw, "Sewjunx, guaw jiauww giab'enn laii jiangxliw Jambudvipa soxu langg ee mia, snix ee sii qapp siw ee sii longxx guaw decc juxir. Guaw ee vunxguan si jiokk sniu beh lirig inx. Mrqycc jiongwsingx byy iwhue guaw ee iwsur, diwsuw inx ee snesiw longxx be anlingg. Sniaxmih enqor? Jiaxee Jambudvipa ee langg dirr ngix-aw duxx cutsir ee sii, bylun snix javox iacc jabow, iacc si beh snix ee sii, dogdok diyhh juer senrsu, jingtiamx cuwtec ee lirig, jurzenn hro toxde e snix cud buliong hnuahiw laii iongxho buxaxqniaw did diyc dua anlok, qycc suar lirig quanwsiok. Higjiaw si cutsir liauw, diyhh qinxsin, m tangx u sathai. Cruw jiongxjiongw hyw jiac ee iucyx hro singsanw ee laurbuw, ixqip jurjip jerje quanwsiok, limx jiuw, jiac bah, cniuwquax, ex hen'aw, juer jiaxee e hro inx buxaxqniaw be did diyc anlok. Sniaxmih enqor? Dirr singsanw siongrr qanlann ee sii, u bubanrsor ee og qxuiw qapp qux, jniax, juaa, quair beh jiac ix ee huih. Si guaw jaw jaw bingrling kiarqex toxde ee sinlingg diyhh vyxho buxaxqniaw, hro inx anlok, hro inx did diyc lirig. Cincniu jiaxee langg qnir diyc anlok, qaidongx habjee sed hog laii dapsia jiongww toxde ee sinlingg. Inx huandyxdngw juer sathai ee dairjir, jurjip quanwsiok kingwjiog. Uidiyhh jitt xee enqor, inx huan diyc jaiiongx jurjog-jursiu, buxaxqniaw iarr longxx sriu sunxhai.

Qycjaiww qongw, Jambudvipa beh limjiongx :ee, bylun senrog, guaw beh hro jitt xee miarsor liauxqed :ee be duirlyc og dy, byhqongxqiyh hiaxee qaqi siujy senrqinx tangx jingqax guaw ee guanrlat. Jitt xee Jambudvipa hingsen ee langg beh limjiongx ee sii iarr u muaw vah muaw cingx dirr og dy ee quixsinn, uree huanwsinx juer verbuw, simrjiww huawsinx juer jerje quanwsiok, beh laii inxjiab quewsinx :ee, hro inx duirlyc og dy, byhqongxqiyh hiaxee vunxsinx jyrog :ee.

Sewjunx, cincniu jiaxee Jambudvipa ee javolangg iacc jaboxlangg beh limjiongx ee sii, sinsig vutbingg, berhiauw hunven senrog, simrjiww bagjiux qapp hni-aw longxx knuar be diyc tniax be diyc. Jiaxee langg ee quanwsiok qaidongx sed dua henrqingr, juanxtak qingbunn, qapp liam vut ham' posad ee miahy. Jitt hy kuanw senrenn erdangr hro quewsinx :ee tangx qapp hiaxee jiongxjiongw og dy li hng hng, jerje xmoo, qxuiw, qapp sinlingg marr longxx e trer .kir.

Sewjunx, itcer jiongwsingx beh limjiongx ee sii, narr tangx tniax diyc jit xee vut ee miaa, jit xee posad ee miaa, iacc Dairsing qingdenw lairdew ee jit qxur ue iacc jit siuw six, guaw knuar jitt hy kuanw langg, dukir huan go xee byy qnaiwdng taii langg ee jue, siyw siyw og giap, qaidongx duirlyc og dy :ee, jiksii dyrr tangx did diyc qaixtuad."

Vuddyy qra Sniwmia Quixongg qongw, "Liw u dua juvix, erdangr huad jitt hy kuanw dua guan dirr snesiw lairdew vyxho jerje jiongwsingx. Narr dirr birlaii sxer lairdew u javolangg iacc jaboxlangg dirr snesiw jiqanx, liw m tangx qra jitt xee guan tiuter, rair muixmuiw hro inx qaixtuad, hro inx ingxuanw did diyc anlok."

Quixongg qra Vuddyy qongw, "Hibang liw m tangx quawlu. Guaw jitt xee sintew itdit qaur buew longxx e simx simx liam liam iongxho Jambudvipa ee jiongwsingx, hro inx dirr snix ee sii qapp siw ee sii longxx did diyc anlok. Dandanx ngwbang jerje jiongwsingx dirr snesiw jiqanx siongsinr qycc jiapsiu guaw qongw ee ue, anne, dyrr byy jit xee byy qaixtuad qapp did diyc dua lirig."

Hitt xee sijun, Vuddyy qra Derjong Posad qongw, "Jitt xee Sniwmia Dua Quixongg ixx qinglik quer vah vaiw cingx vaiw cutsir juer dua quixongg, dirr snesiw jiqanx iongxho jiongwsingx. Jitt xui dairsu u huad juvix ee guan ee enqor, henr dua qxuiw ee srinx, sidjai m si qxuiw. Au .laii qingquer jit-vah cid-jap qiab, ix habqaizenn jniaa juer vut, hy juer Byy Siongr Zulaii, qiab-miaa qiyr juer anlok, sewqair ee miaa qiyr juer Cingjing Druar. Jitt xee vut siurmia dngg qaxx byy huatdo qewsngr ix ee qiab. Derjong, jitt xee dua quixongg, ix ee dairjir si hiacnirr vutsugi, soxx dro ee langg qapp tnisinn iarr buhan buliong."

(Vut ee Miahy)

Hitt xee sijun, Derjong Dua Posad qra Vuddyy qongw, "Sewjunx, guaw dnaxx beh uirr birlaii jiongwsingx enxsuad lirig ee dairjir, hro inx dirr snesiw jiqanx did diyc dua lirig. Dogdok hibang Sewjunx tangx tniax guaw qongw."

Vuddyy qra Derjong Posad qongw, "Liw dnaxx beh hingx kiw juvisimx, pacqiur itcer uirr jue siurkow ee liogdy jiongwsingx, enxsuad vutsugi ee dairjir, jitt jun jniawdngsii. Dogdok diyhh qinw qongw. Guaw decbeh zip liappuann (Nirvana). Hro liw kacc jaw jiongguan, guaw iarr benw qycc uirr henrjai qapp birlaii itcer jiongwsingx dam'iux."

Derjong Posad qra Vuddyy qongw, "Sewjunx, quewkir buliong Asamkhieia qiab jinwjingg u vut cutsir, hy juer Buvenx Srinx Zulaii. Narr u javolangg iacc jaboxlangg tniax diyc jitt xee vut ee miaa, liaucniaw snix cud qiongqingr ee simx, diyrr tangx did diyc ciautuad sir-jap qiab snesiw ee dang jue. Byhqongxqiyh diaukig iacc rue ix ee hingsiong, higjiaw qingwhong qapp janwtanr, jitt xee langg did .diyc ee hokkir buliong qycc buvenx.

Iuqycc, dirr quewkir naxx Ganges Hyy lairdew suax ee sowliong hiacc je ee qiab ixjingg u vut cutsir, hy juer Vyxsingr Zulaii. Narr u javolangg iacc jaboxlangg tniax diyc jitt xee vut ee miaa, jingxtauu-aw diak .jit .xe ee siqanx huatsimx quiix, jitt xee langg ingxuanw be an' Busiong Dy trer dywdngw.

Iuqycc, dirr quewkir u vut cutsir, hy juer Padama Jiwjunx Zulaii. Narr u javolangg iacc jaboxlangg tniax diyc jitt xee vut ee miaa, qingquer hnirqinx narnia, jitt xee langg tangx dirr Liok Iogliam Tnix ongxhuee cutsir qangxx cingx vaiw; byhqongxqiyh itsimx it'ir uadliam ix ee miaa :ee.

Qycc u, dirr quewkir be qongw .did be qongw .did ee Asamkhieia qiab ixjingg u vut cutsir, hy juer Sraix-aw Qiyr Zulaii. Narr u javolangg iacc jaboxlangg tniax diyc jitt xee vut ee miaa suar snix cud jit xee beh quiix ee liamrtauu, jitt xee langg tangx did diyc buliong jiongww vut qra syx tauu qycc siurr qiwzin.

Qycc u, dirr quewkir u jitt xui vut cutsir, hy juer Krakucchanda. Narr u javolangg iacc jaboxlangg tniax diyc jitt xee vut ee miaa, qensimx libjir qra jiambong, qnialew, iacc qra janwtanr, jitt xee langg dirr Henliongg Qiab jnia' cingx vut ee jurhue lairdew beh juer Dua Brahma Ongg, did diyc siurr dingxsiong ee qiwzin.

Qycc u, dirr quewkir u jitt xee vut cutsir, hy juer Vipashin. Narr u javolangg iacc jaboxlangg tniax diyc jitt xee vut ee miaa, ingxuanw be duirlyc og dy, siongsiongg cutsir juer langg iacc tnisinn, hiangxsiu dingxsiong bibiau ee kuaiwlok.

Qycc u, dirr quewkir buliong qycc sngr be uann bersux Ganges Hyy lairdew suax ee sowliong hiacc je ee qiab ixjingg u vut cutsir, hy juer Dinvyw Jiwjunx Zulaii. Narr u javolangg iacc jaboxlangg tniax diyc jitt xee vut ee miaa, tauwdew be duirlyc og dy, siongsiongg dirr tnidingw hiangxsiu dingxsiong bibiau ee kuaiwlok.

Qycc u, dirr quewkir u vut cutsir, hy juer Dinvyw Siongwmau Zulaii. Narr u javolangg iacc jaboxlangg tniax diyc jitt xee vut ee miaa suar snix cud qiongqingr ee simx, jitt xee langg quer byy zuarr quw dyrr tangx did diyc Arhat ee qongqyw.

Qycc u, dirr quewkir buliong Asamkhieia qiab ixjingg u vut cutsir, hy juer Kashaya Dongrhuanx Zulaii. Narr u javolangg iacc jaboxlangg tniax diyc jitt xee vut ee miaa :ee tangx ciautuad jit-vah dua qiab snesiw ee jue.

Qycc u, dirr quewkir u vut cutsir, hy juer Dua Tongx Snuax Ongg Zulaii. Narr u javolangg iacc jaboxlangg tniax diyc jitt xee vut ee miaa :ee, jitt xee langg tangx gu diyc naxx Ganges Hyy lairdew suax ee sowliong hiacc je ee vut. Hiaxee vut e uirr ix qangxsuad Dharma(jniawhuad), hro ix vitdnia drat qaur Bodhi(potee) ee qongqyw.

Qycc u, dirr quewkir u Cingjing Guec Vut, Snuax Ongg Vut, Diwhui Dingxsiong Vut, Cingjing Miaa Ongg Vut, Diwhui Singjiu Vut, Busiong Vut, Bibiau Sniax Vut, Muaxguec Vut, qapp Guec-Bin Vut dingxdingw jiaxee qongw be jin ee vut. Sewjunx, henrjai qapp birlaii ee itcer jiongwsingx, bylun tnisinn iacc langg, bylun javox iacc jabow, dandanx liam jit xee vut ee miahy dyrr qongdig buliong, hyhongw liam jerje vut ee miahy. Jiaxee jiongwsingx, snex qapp siw ee sii jurzenn e did diyc dua lirig, jiongquix be duirlyc og dy.

Narr limjiongx ee langg, inx cur-lai ee quanwsiok, simrjiww dna' jit xee langg u uirr jitt xee vnerlangg dua sniax liam jit xee vut ee miaa, jitt xee sniwmia liauxqed ee langg druu kir go jiongw byy qnaiwdng ee jue, cunx ee ix ee jiongxjiongw giabvyr longxx tangx siaubet. Hiaxee go jiongw byy qnaiwdng ee jue qigqii dang, qingquer qangxx ig ee qiab iauxx berdangr dytuad .cud .laii. Vrng limjiongx ee sii vadd langg uirr ix liam vut ee mia, u huan jiaxee jue :ee, jue iarr tangx jiamrjiam siaubet. Hyhongw jiongwsingx qaqi cinghox vut ee miaa :ee, inx did diyc ee hokkir buliong, buliong ee jue iarr tangx siaubet."

(Vixping Vowsix qapp Qongdig ee Inenn)

Hitt xee sijun, Derjong Dua Posad singlingw Vut uidig ee sinlat an' jyrui vreh kiw, pah vnuar qui habjiongw qra Vuddyy qongw, "Sewjunx, guaw quanknuar dirr giabdy ee jiongwsingx, vixping inx soxx juer ee vowsix u kinx u dang. Inx uree jit sxer sriu hog, uree jap sxer sriu hog, qycc marr u vah sxer cingx sxer sriu dua hokli :ee. Si anxjnuaw e anne? Dogdok hibang Sewjunx uirr guaw suatbingg."

Hitt xee sijun, Vuddyy qra Derjong Posad qongw, "Guaw dnaxx dirr Trayastrimsha Tenqiongx, dirr itcer jiongwsingx jibhue ee soxjai qangxsuad dirr Jambudvipa vowsix qongdig kindang ee vixqaur. Linw qaidongx jimjiog tniax. Guaw uirr linw suatbingg."

Derjong qra Vuddyy qongw, "Guaw duiww jitt hxang su u gihik. Jin' hnuahiw beh air tniax."

Vuddyy qra Derjong Posad qongw, "Jambudvipa jerje qok'ongg, huwjyr ee jaixsiongr, dairsinn, dua diongxjiaw, dua Ksatriia, qapp Dua Brahman dingxdingw jiaxee langg, duw diyc siongrr sanwciah :ee, simrjiww kiauqux, puawsniur, exqauw, cauwhni, gongrdaix, iacc byy bagjiux :ee jiaxee jiongxjiongw sintew byy uanvi :ee, jiaxee dua qok'ongg dingxdingw beh vowsix ee sijun, narr erdangr u dua juvix, kiamvix, qycc dair ciywiongg laii cinciuw siwqer kir vowsix iacc cepair langg' kir vowsix, qycc iong iuwnngw ee uergiw qra inx an'uir, jiaxee qok'ongg dingxdingw soxx did .diyc ee hokkir kyxviw vowsix jit-vah diauu Ganges Hyy lairdew suax ee sowliong hiacc je xui vut ee qongdig qapp lirig hiacc dua. Sniaxmih enqor? Jiaxee qok'ongg dingxdingw duiww hiaxee siongrr sanwciah qapp sintew byy uanvi :ee huad dua juvix mrjiacc u jitt hy kuanw dua hokkir ee hokvyr. Jnia' vah jnia' cingx sxer, inx suwsiongg did diyc jiokgiac ee cid jiongw vyw; jiac cing ing dyrr qyckacc benw qongw.

Qycc u, Derjong. Birlaii sxer jerje qok'ongg, simrjiww Brahman dingxdingw jiaxee langg gu diyc vudtah, biyrsi, iacc vudsiong, simrjiww posad, sniabunn, iacc Pratyekabuddha ee, inx narr u cinsinx qanwvan qingwhong qapp vowsix, jiaxee qok'ongg dingxdingw jiaxee langg e tangx snax qiab cutsir juer Shakra Dewongg, sriu dingxsiong bibiau ee kuaiwlok. Narr erdangr ixx jitt xee vowsix ee hokkir juanxhuee huatqair, jiaxee dua qok'ongg dingxdingw dirr jap qiab lairdew e suwsiongg juer Brahma Tnix ee ongg.

Qycc u, Derjong. Birlaii sxer jerje qok'ongg, simrjiww Brahman dingxdingw jiaxee langg gu diyc ixjaw ee vudtah, biyrsi, higjiaw qingbunn iacc vudsiong virr huixhuai puawsngw .kir, inx narr erdangr huatsimx suivow, jiaxee qok'ongg dringw, knuar si qaqi qanwvan iacc krngr vadd langg simrjiww qaur jnia' vah jnia' cingx langg kir vowsix qet'enn, jiaxee qok'ongg dringw dirr vaccingx sxer lairdew e suwsiongg cutsir juer Juanxlunn Ongg. Tazinn vnivnii vowsix :ee dirr vaccingx sxer lairdew e suwsiongg cutsir juer siyw qog ee ongg. Narr qycc jinr jit vo dirr vudtah iacc biyrsi taujingg huad juanxhuee ee simx, jiaxee qok'ongg simrjiww hiaxee jerje tazinn longxx tangx singjiu vuddy, in'ui jitt xee qyxvyr si buliong qapp buvenx :ee.

Qycc u, Derjong. Dirr birlaii sxer lairdew, jerje qok'ongg qapp Brahman dingxdingw jiaxee langg qnir diyc laurlangg, puawvni :ee, qapp beh singsanw ee hurluw, narr itliam jiqanx snex cud dua jusimx, vowsix iiyc, imxsit, qapp poqair hro inx anlok, jitt kuanw ee hokkir siongrr vutsugi. Jit-vah qiab lairdew, inx e suwsiongg juer Cingjing Kiarkiw Tenjuw, nng-vah qiab lairdew, inx e suwsiongg juer Lak Iog Tenjuw, itbuew jniaa juer vut, ingxuanw be duirlyc og dy. Simrjiww vaccingx sxer lairdew, inx ee hni-aw tniax be diyc siurkow ee sniax.

Qycc u, Derjong. Dirr birlaii sxer lairdew, jerje qok'ongg qapp Brahman dingxdingw jiaxee langg narr erdangr juer jitt hy kuanw vowsix, inx tangx did .diyc ee hokkir buliong. Narr qycc jinr jit vo juanxhuee, bylun je iacc jiyw, itbuew e jniaa vut, byhqongxx Shakra, Brahma, iacc Juanxlunn dingxdingw jiaxee qyxvyr. Mrjiacc qongxx, Derjong, diyhh siwqer kuanxkngr jiongwsingx diyhh laii yc jitt kuanw.

Qycc u, Derjong. Dirr birlaii sxer lairdew, narr u senrlamjuw iacc senrluxzinn dirr vudhuad-diongx jingr jiaujiyw aw senrqinx, bersux taumngg iacc din'aix dingxdingw jiacc jit sud sud aw, inx soxx sriu ee hokvyr dua qaxx be qongw .did.

Qycc u, Derjong. Dirr birlaii sxer lairdew, senrlamjuw iacc senrluxzinn gu diyc vut ee sxiong, posad ee sxiong, Pratyekabuddha ee sxiong, iacc Juanxlunn Ongg ee sxiong, narr u vowsix qapp qingwhong, inx tangx did diyc buliong ee hokkir, suwsiongg dirr zinqanx qapp tnidingw sriu dingxsiong bibiau ee kuaiwlok. Narr erdangr juanxhuee huatqair, jitt xee langg ee hokkir dua qaxx be qongw .did.

Qycc u, Derjong. Dirr birlaii sxer lairdew narr u senrlamjuw iacc senrluxzinn duw diyc Dairsing qingdew, iacc si tniax diyc qidiongx ee jit siuw six iacc jit qxur ue suar huad unkunn qapp jundiong ee simx, janwtanr, qiongqingr, vowsix, qapp qingwhong, jitt xee langg did diyc ee dua qyxvyr buliong qycc buvenx. Narr erdangr juanxhuee huatqair, ix ee hokkir dua qaxx be qongw .did.

Qycc u, Derjong. Narr dirr birlaii sxer lairdew u senrlamjuw iacc senrluxzinn duw diyc vudtah, biyrsi, iacc Dairsing ee qingdew, sinx :ee diyhh qra vowsix, qingwhong, jiambong, qnialew, qapp janwtanr, qiongqingr habjiongw, qu :ee iacc virr huixhuai :ee diyhh qra siuvow iacc qing'ingg quanxliw. Bylun qaqi huatsimx iacc krngr je langg qiongrdongg hautsimx, cincniu jitt kuanw langg dirr snax-jap sxer lairdew e suwsiongg juer siyw qog ee ongg. Dana sijuw e suwsiongg juer Juanxlunn Ongg, qycc e iong senrhuad kir qauwhuar jerje siyw qog ee ongg.

Qycc u, Derjong. Dirr birlaii sxer lairdew, senrlamjuw iacc senrluxzinn dirr vudhuad-diongx jingr senrqinx, bylun vowsix, qingwhong, siuvow vudtah iacc biyrsi, higjiaw jngsiux qingdenw, simrjiww dandanx jit qix mox, jit pnir din'aix, jit liap suax, iacc jit dih juiw hiacc ser, cincniu jitt kuanw ee senrsu narr erdangr juanxhuee huatqair, jitt xee langg ee qongdig dirr vaccingx sxer lairdew tangx sriu busiong bibiau ee kuaiwlok. Narr dna' juanxhuee hro cur nirr ee quanwsiok iacc jursinx laii sriu lirig, jitt kuanw ee qyxvyr dyrr snax sxer sriu kuaiwlok. Siar jit xee tangx did diyc bxan xee qyxvyr. Mrjiacc qongxx Derjong, vowsix ee inenn, dairjir dyrr si jitt hy kuanw."

(Toxde Sinn Vyxho Hxuad)

Hitt xee sijun, Qenqor Toxde Sinn qra Vuddyy qongw, "Sewjunx, guaw an' quewkir ixlaii jiambong dingxlew quer buliong ee dua posad. Inx longxx u vutsugi ee dua sintongx qapp dua diwhui, poxpenr dorhuar jiongwsingx. Dirr jerje posad lairdew, jitt xee Derjong Dua Posad ee sewguan siongrr cimx siongrr dang. Sewjunx, jitt xee Derjong Posad dirr Jambudvipa u dua inenn. Cincniu Manjushri(Bunsuu), Samantabhadra(Poxhenn), Avalokiteshvara(Quanimx), qapp Maitreya(Milik) iarr huar juer vaccingx xee sinhingg decc dorhuar liogdy. Inx ee guan jongw e uanvid. Jitt xee Derjong Posad qauwhuar liogdy itcer jiongwsingx soxx huad sewguan ee qiapsor bersux cingvac'ig diauu Ganges Hyy lairdew suax ee sowliong hiacc je.

Sewjunx, guaw quancad birlaii qapp henrjai ee jiongwsingx. Inx dirr soxx druar ee soxjai lamvingg cingkir ee de iong too, jiyc, dig, qapp caa laii juer kamx. Inx e qra kamx lairbin diaukig iacc uerdoo, simrjiww iong qimx, ginn, dangg, iacc tih juer Derjong ee hingsiong. Inx u siyx hniux, qingwhong, jiambong, qnialew, qapp janwtanr. Jiaxee langg kiarkiw ee soxjai tangx did diyc jap jiongw lirig.

Si dycc jap jiongw? Derr id jiongw, toxde ziauzu; derr zi jiongw, qadingg qapp cuwtec ingxuanw longxx ving'anx; derr snax jiognw, joxsenx tangx sintenx; derr sir jiongw, henrjai uac lehh :ee tangx jingqax huewsiu; derr go jiongw, soxx qriuu :ee longxx tangx sun ix ee ir; derr lak jiongw, byy juiw qapp huew jiaxee jaieh; derr cid jiongw, buduanx-buqor ee sunxsid longxx tangx siauduu; derr veh jiongw, pnaiw bang duanrjuat; derr qauw jiongw, cutzip longxx u sinn vyxho; derr jap jiongw, tangx jiap duw diyc sxingr ee inenn.

Sewjunx, dirr birlaii sxer lairdew qapp henrjai ee jiongwsingx narr erdangr dirr inx kiarkiw ee soxjai juer hiaxee qingwhong, inx dyrr tangx did diyc cincniu hitt hy kuanw ee lirig."

Ix qycjaiww qra Vuddyy qongw, "Sewjunx, dirr birlaii sxer lairdew, narr u senrlamjuw iacc senrluxzinn dirr soxx kiarkiw ee soxjai u jitt vxo qingdenw qapp posad ee sxiong, jitt xee langg qycc e juanxtak qingdenw qapp qingwhong posad, guaw e suwsiongg zid'ia ixx vunxsinx uisinn ee lat horue jitt xee langg, simrjiww juiw, huew, cniuxqiab, cadtaux, dua hinghy, iacc siyw hinghy, itcer og dai, jinrqaix longxx e qra siaubet."

Vuddyy qra Qenqor Toxde Sinn qongw, "Liw sin'uix ee lat, jiongww sinn longxx viw liw be quer. Sniaxmih enqor? Jambudvipa ee toxde longxx singsiu liw ee vyxho. Simrjiww cauw, ciu, suax, jiyc, diu, muaa, dig, louiw, gnoxqog, bixniuu, qapp dinvyw, an' toxde cud :ee, longxx liw ee lat decc vyxho. Liw qycc suwsiongg cing'iongg Derjong Posad lirig jiongwsingx ee dairjir. Liw ee qongdig qapp sintongx ngiaa quer vingsiongg toxde ee sinn vaccingx vxue. Narr birlaii sxer lairdew u senrlamjuw iacc senrluxzinn qingwhong posad qapp juanxtak jitt vxo qingx, dandanx ixx Derjong Vunxguan Qingx lairdew jit qnia su kir siuhing :ee, liw ixx vunxsinx uisinn ee lat qra iongwho, itcer jaihai qapp vutzuir ee dairjir m tangx dniardnia hro tniax zip hni, hyhongw hro singsiu. M na liw decc vyxho jitt xee langg, Shakra qapp Brahman ee quanwsiok, ixqip jerje tnisinn ee quanwsiok iarr decc iongwho jitt xee langg. Sniaxmih enqor ix tangx did diyc jiaxee singwhenn qra iongwho? Longxx uirdiyhh ix u jiambong qapp dingxlew Derjong ee hingsiong qapp juanxtak jitt vxo vunxguan qingx ee enqor. Jurzenn itbuew ix e tuatlii koxhaiw, giamrjingr liappuann. Uirdiyhh jiaxee enqor, ix did diyc dua iongwho."

(Qenwbunn ee Lirig)

Hitt xee sijun, Sewjunx an’ taukag-dingw vangwsia cud vaccingbanrig dua qisiongr qngsnuar. U Vec Qisiongr Qngsnuar, Dua Vec Qisiongr Qngsnuar, Suirsiongg Qisiongr Qngsnuar, Dua Suirsiongg Qisiongr Qngsnuar, Gik Qisiongr Qngsnuar, Dua Gik Qisiongr Qngsnuar, Jxiw Qisiongr Qngsnuar, Dua Jxiw Qisiongr Qngsnuar, Cnix Qisiongr Qngsnuar, Dua Cnix Qisiongr Qngsnuar, Pikgiok Qisiongr Qngsnuar, Dua Pikgiok Qisiongr Qngsnuar, Angg Qisiongr Qngsnuar, Dua Angg Qisiongr Qngsnuar, Lxik Qisiongr Qngsnuar, Dua Lxik Qisiongr Qngsnuar, Qimx Qisiongr Qngsnuar, Dua Qimx Qisiongr Qngsnuar, Qetkingr Hunn Qisiongr Qngsnuar, Dua Qetkingr Hunn Qisiongr Qngsnuar, Cxenx Lenw Qngsnuar, Dua Cxenx Lenw Qngsnuar, Vyxlenw Qngsnuar, Dua Vyxlenw Qngsnuar, Zidlunn Qngsnuar, Dua Zidlunn Qngsnuar, Guehlunn Qngsnuar, Dua Guehlunn Qngsnuar, Qiongden Qngsnuar, Dua Qiongden Qngsnuar, Haixhunn Qngsnuar, qapp Dua Haixhunn Qngsnuar.

An' taukag-dingw vangwsia cud jiaxee qisiongr qngsnuar liauxau, ix cud bibiau ee imsniax duiww tnisinn, lringg, veh vxo, langg, qapp huizinlui dingxdingw jiaxee dairjiongr qongw, "Tniax guaw qimzit dirr Trayastrimsha Tenqiongx cing'iongg qapp janwtanr Derjong Posad dirr langg qapp tnix diongqanx soxx juer ee lirig, vutsugi :ee, ciautuad singwhenn ee inqyw :ee, qenwjingr jap derqair, ixqip vitqingr byy trer dywdngw ee Anuttarasamyaksambodhi dingxdingw jiaxee dairjir."

Decc qongw jiaxee ue ee sijun, hue-diongx u jit xee dua posad, miaa qiyr juer Quansewimx. Ix an' jyrui vreh kiw, pah vnuar qui habjiongw duiww Vuddyy qongw, "Sewjunx, jitt xui Derjong Dua Posad u dua juvix, linbinw hiaxee uirr jue siurkow ee jiongwsingx, dirr cenbanrig sewqair, iong soxu qongdig qapp vutsugi uidig ee sinlik, huar juer cenbanrig ee sinhingg. Guaw tniax diyc Sewjunx qapp sibhongx buliong jiongww vut ngirkow dong'imx decc janwtanr Derjong Posad qongxx, 'Junw hro quewkir, henrjai, qapp birlaii jiongww vut laii qongw ix ee qongdig iauxx qongw be liauw.' Duxjiah qycc singsiu Sewjunx qra siwqer ee dairjiongr sueh qongxx, 'Beh cing'iongg Derjong soxx juer lirig ee dairjir.' Dogdok hibang Sewjunx uirr henrjai qapp birlaii itcer jiongwsingx cing'iongg Derjong vutsugi ee dairjir, hro tnisinn, lringg, qapp veh vxo ee jiongwsinx qra jiambong qapp dingxlew laii did diyc hokkir."

Vuddyy qra Quansewimx Posad qongw, "Liw dirr Saha Sewqair u dua inenn. Narr tnisinn, lringg, javolangg, jaboxlangg, sinn, iacc qxuiw, simrjiww liogdy uirr jue siurkow ee jiongwsingx tniax diyc liw ee miaa iacc knuar diyc liw ee sinhingg laii luanbo liw :ee iacc janwtanr liw :ee, jiaxee jiongwsingx dirr busiong dy-dingw vitdnia be trer dywdngw. Inx suwsiongg e cutsir juer langg qapp tnsiinn, sriu bibiau ee kuaiwlok. Inqyw decbeh singsik ee sii, inx e duw diyc vut sriu qiwzin. Dnaxx liw u dua juvix, linbinw jiongwsingx ixqip tnisinn, lringg, qapp vxeh vxo ee jiongwsingx, beh tniax guaw suansuad Derjong Posad vutsugi lirig jingwlangg ee dairjir. Liw qaidongx jimjiog tniax. Guaw dnaxx uirr liw suatbingg."

Quansewimx qongw, “Qaizenn. Sewjunx, guaw jin' hnuahiw beh tniax liw qongw."

Vuddyy qra Quansewimx Posad qongw, "Birlaii qapp henrjai ee jerje sewqair lairdew, dirr tnidingw ee langg narr tnihog iong jin, dyrr u go jiongw suex siongr henxhen, iacc si uree e duirlyc og dy. Jiaxee dirr tnidingw ee langg, bylun javox iacc jabow, dngdongx henxhen suex siongr ee sii, narr qnir diyc Derjong Posad ee hingsiong iacc tniax diyc Derjong Posad ee miaa, jit vaiw jiambong iacc jit vaiw qnialew, jiaxee jerje dirr tnidingw ee langg dendyww e jingqax tnihog, sriu dua kuaiwlok, ingxuanw be duirlyc snax og dy sriu vywingr. Hyhongw hiaxee qnir .diyc iacc tniax diyc posad, iong qorr jerje pangx huex, ihok, imxsit, dinvyw, iacc judui laii vowsix qapp qingwhong, inx soxx did .diyc ee qongdig qapp hokkir buliong buvenx.

Qycc u, Quansewimx. Dirr birlaii qapp henrjai ee jerje sewqair lairdew, liogdy jiongwsingx limjiongx ee sii narr tangx tniax diyc Derjong Posad ee miaa, dandanx jit sniax tniax zip hnirkangx, jiaxee jiongwsingx ingxuanw be qinglik snax jiongw og dy ee kow. Hyhongw limjiongx ee sii, ix ee verbuw qapp quanwsiok jiong' jitt xee siursor liauxqed ee langg ee cuwtec, jaibut, dinvyw, qapp ihok tec kir diaukig iacc rue Derjong ee hingsiong. Higjiaw vnirlangg bue siw jinwjingg, bak knuar .diyc, hni tniax .diyc, jai'ngiaw quanwsiok jiong' cuwtec qapp dinvyw dingxdingw uirr ix tec kir diaukig iacc rue Derjong Posad ee hingsiong. Jitt xee langg narr giabvyr habqaix sriu dang vni :ee, singsiu jiaxee qongdig, vni liammisii hyw .kir, siurguann jingqax. Jitt xee langg ee giabvyr narr mia qaix jin, ingqaix u jerje juerjiongr qapp giabjiongr habqaix duirlyc og dy, singsiu jiaxee qongdig, siursor liauxqed ixau, dyrr cutsir juer langg iacc tnisinn, singsiu busiong bibiau ee kuaiwlok, itcer juerjiongr longxx tangx siaubet.

Qycc u, Quansewimx Posad. Dirr birlaii sxer qnaxx u lamjuw iacc luxzinn dirr inx iaxx ngix:a, snax huer, go huer, iacc bue muaw jap huer ee sii srid kir verbuw, simrjiww srid kir hniadi jixmue. Jitt xee langg duarhanr diongxdai, sniu diyc verbuw qapp jerje quanwsiok m jaix kir dirr dyhh, dirr sniaw sewqair cutsir, iacc dirr dycc jit xee tnidy cutsir, ix u diausog iacc rue Derjong Posad ee hingsiong, simrjiww tniax diyc miaa, jit vaiw jiambong, iacc jit vaiw qnialew, an' derr id qangx qaur derr cid qangx cohuatsimx longxx byy trer. Tniax diyc miaa iacc qnir diyc hingsiong, ix u jiambong qapp qingwhong. Jitt xee langg ee quanwsiok uirdiyhh giabjer laii duirlyc og dy, qewsngr qaidongx ee qiapsor, singsiu haursnix, jaboxqniaw, iacc hniadi jixmue diausog iacc rue Derjong hingsiong suar qra jiambong qapp qnialew ee qongdig, inx liammisii did diyc qaixtuad, dirr langg iacc tnix cutsir, singsiu busiong bibiau ee kuaiwlok. Jitt xee langg ee quanwsiok narr u jiaxee hokkir ixx cutsir juer langg iacc tnisinn decc sriu busiong bibiau ee kuaiwlok, dyrr tangx singsiu jiaxee qongdig, jingqax sxingr ee inqyw, sriu buliong ee kuaiwlok.

itt xee langg narr erdangr dirr snax lexvair lairdew itsimx qra Derjong ee hingsiong jiambong, qnialew, liam ix ee miaa muaw jit-bxan vxenr, ix tangx did diyc posad henr buvenx srinx, c.-cingcyw-c. qra jitt xee langg qongw quanwsiok qycc cutsir dirr dycc jitt xee sewqair. Iacc dirr bang-diongx, posad henr dua sinlat, cinsinx cua jitt xee langg kir jerje sewqair qnir jerje quanwsiok. Narr qycc erdangr muixx zit liam posad ee miaa jit-cingx vxenr, qaur qaxx jit-cingx zit, jitt xee langg tangx did diyc posad pair soxx kiarkiw ee toxde quisinn qui' siwlangg qra horue, jitt siwlangg jiahcing liongrsing, qycc byy itcer ee vnertniar, simrjiww pnaiw dai byy zip ix ee mngag, hyhongw qin ix ee srinx. Jitt xee langg itbuew tangx did diyc posad syx ix taukag qycc qra juer qiwzin.

Qycc u, Quansewimx Posad. Dirr birlaii sxer qnaxx u senrlamjuw iacc senrluxzinn huad dua jusimx, qiuwdo itcer jiongwsingx, beh siulen busiong posad, qapp beh cutlii samqair :ee. Jiaxee langg qnir diyc Derjong ee hingsiong qapp tniax diyc ix ee miaa, itsimx quiix, iong pangx huex, ihok, dinvyw, qapp imxsit laii qingwhong, qycc u qra jiambong qapp qnialew. Jiaxee senrlamluw soxx hibang :ee jin' qinw dyrr e dadsingg, ingxx byy jiongwgai.

Qycc u, Quansewimx. Dirr birlaii sxer narr u senrlamjuw iacc senrluxzinn beh qriuu dirr henrjai qapp birlaii ee vaccingbanrig dingxdingw ee guan qapp vaccingbanrig dingxdingw ee dairjir, dogdok diyhh quiix, jiambong, qnialew, qingwhong, qapp janwtanr Derjong Posad ee hingsiong. Narr anne juer, soxx ngwbang qapp soxx qriuu longxx tangx dadsingg. Qycc guan Derjong Posad u dua juvix, ingxuanw qra iongwho. Jitt xee langg dirr binbang ee sii dyrr did diyc posad qra syx tauu qapp juer qiwzin.

Qycc u, Quansewimx Posad. Birlaii sxer qnaxx u senrlamjuw iacc senrluxzinn duiww Dairsing qingdenw u cimx cimx qra dinsiyh, huad vutsugi ee simx, air beh tak, sniu beh liam. Junw duw diyc qybingg ee qauwsux qra inx qar qaxx jiokk sik, uadlinwdngw, inx sui' qycc be qir .did. Quixnarr qywguec iacc quixnarr nii quer, inx iuguann berdangr tak, berhiauw liam. Senrlamjuw dingxdingw jiaxee langg siokser ee giabjiongx byy huatdo siauduu, mrjiacc byy jaidiau uadliam Dairsing qingdenw. Jitt hy kuanw langg tniax diyc Derjong Posad ee miaa iacc qnir diyc Derjong Posad ee sxiong, diyhh ixx vunxsimx qiongqingr dinsut, qycc iong pangx huex, ihok, imxsit, qapp itcer u loriong ee mic laii qingwhong posad. Qycc diyhh dirr posad taujingg anx cingkir juiw jit jnuaw, qingquer jit zit jit xia, habjiongw cingxqiuu, suar .lyc uat tauu hiongr lamm qra juiw limx .lyc. Juiw beh zip kauw ee sii, jidsimx sinrdiong. Limx juiw liauw, m tangx jiac go hxang hiamx, m tangx limx jiuw, m tangx jiac bah, m tangx qniaa sia'imm, m tangx ovec qongxue, iarr m tangx juer jiongxjiongw ee satsingx. Jit lexvair iacc snax lexvair quer, jitt xee senrlamjuw iacc senrluxzinn dirr kunwbang-diongx tangx qnir diyc Derjong Posad henr buvenx ee srinx, qycc dirr hitt xee langg ee soxjai virr iong juiw quanr taukag. Hitt xee langg kunr cniw jingsinn dyrr did diyc congbingg. Jitt py qingdenw qingquer hnirqinx jit vaiw dyrr ingxuanw e qir did, qycc qidiongx ee jit qxur ue iacc jit siuw jimgensix longxx be vangr be qir.

Qycc u, Quansewimx Posad. Dirr birlaii sxer qnaxx u jerje langg jiahcing vutjiog, soxx qriuu :ee did be diyc, uree je vnertniar, uree je hiongsu qapp vuthing, qadingg cuwtec be anlingg, quanwsiok hunsnuar, uree je hinghy, jerje dairjir laii dakdnii, kunwbang-diongx u jerej suxx langg' kiongxhongg ee dairjir. Jiaxee langg tniax diyc Derjong ee miaa iacc qnir diyc Derjong ee hingsiong, itsimx qiongqingr, liam ix ee miaa muaw jit-bxan vxenr, jiaxee vutzuir ee dairjir e jiamrjiam siaubet, liammisii dyrr did diyc anlok, jiahcing hongsing, simrjiww dirr kunwbang-diongx longxx tangx did diyc anlok.

Qycc u, Quansewimx Posad. Dirr birlaii sxer qnaxx u senrlamjuw iacc senrluxzinn, inx uree uirdiyhh doruac, uirdiyhh qongsu iacc susu, uirdiyhh snesiw dua su, higjiaw uirdiyhh qnuaxqinw ee dairjir diyhh zip snuanaa, quer hyy, dro haiw, simrjiww duw diyc dua juiw iacc qinglik hiamw dy. Jiaxee langg qaidongx singx liam Derjong Posad ee miaa jit-bxan vxenr, soxx qingquer ee toxde dyrr u qxuiw qapp sinn laii qra inx horue. Bylun qniaa, druar, jre, qapp dyw, inx e ingxvuanw sriu vyxho did diyc anlok. Simrjiww duw diyc how, lxongg, iacc sraix, itcer doghai longxx berdangr qra inx sionghai."

Vuddyy qra Quansewimx Posad qongw, "Jitt xee Derjong Posad dirr Jambudvipa u dua inenn. Narr beh qongw kiw ix lirig jiongwsingx itcer ee surhang, vaccingx qiab iarr qongw be jin. Mrjiacc qongxx, Quansewimx, liw diyhh iong sinlik liutuann jitt py qingx, hro Saha Sewqair ee jiongwsingx dirr vaccingban qiab lairdew ingxuanw hiangxsiu anlok."

Hitt xee sijun, Sewjunx iong jimgensix qangxsuad qongxx:

Guaw knuar Derjong uidig ee sinlik, junw Ganges Hyy suax ee sowliong hiacc je ee qiab dy' qongw be jin. Qnir .diyc iacc tniax .diyc itliam jiqanx u qra jiambong qapp qnialew :ee, bylun langg iacc tnisinn, longxx tangx did diyc buliong u lirig ee dairjir.

Lamjuw, luxzinn, lringg, iacc sinn, inx qyxvyr jin ingdongx duirlyc og dy, narr itsimx quiix jitt xui dairsu, siurmia dyww jingqax, juerjiongx qeww siauduu.

Sewhanr ee sii srid kir e qra tniawair ee verbuw :ee, m jaix verbuw ee sinhunn kir dirr dyhh, simrjiww hniadi jixmue qapp jiongww cinjniaa, inx jurr cutsir qaur duarhanr iarr longxx m bad knuar .quer.

Inx uree diaukig iacc rue dairsu ee sinhingg, suar qra qiqiuu, jiambong, qapp qnialew, byy jit sii kiwsag, qycc dirr snax lexvair lairdew u diddit liam posad ee miaa. Posad e henxbingg ix buvenx ee hingtew, suar jixsi inx hiaxee quanwsiok soxx cutsir ee sewqair.

Junw quanwsiok duirlyc og dy, inx iarr suisii erdangr cutlii. Narr inx ee cohuatsimx byy trer dywdngw, inx tangx did diyc posad qra syx tauu suar qra juer sxingr ee qiwzin.

Beh siulen busiong potee simrjiww beh cutlii samqair ee kow :ee, jitt xee langg qacc u huad dua visimx, qaidongx singx duiww dairsu ee sxiong jiambong qapp qnialew, ix itcer sowguan dyrr soksog tangx uansingg, ingxuanw byy qycc u giabjiongx tangx qra ziakamr.

U langg huatsimx liam qingdenw, uirr beh dorhuar jiongwsingx ee behik ciautuad kir hitt vingg hnua. Suizenn lip jitt xee vutsugi ee guan, suacc sui' tak sui' be qir qycc jerje sitcyr. Jitt xee langg u giabjiongx qapp gihik ee enqor, Dairsing qingbunn jiacc qir be diauu.

Ix narr iong qorr pangx huex, ihok, imxsit, qapp jerje u loring ee mihqnia laii qingwhong Derjong, qycc iong cingkir juiw cai dirr dairsu taujingg, qingquer jit zit jitxia qiuhe liauw qra limx .lyc.

Qycc diyhh huad unkunn jundiong ee simx qinxsin go jiongw hiamliau, iarr m tangx jiac jiuw, jiac bah, qniaa siagimm, qapp ovec qongxue. Snax lexvair-lai m tangx u sathai, itsimx liam dairsu ee miaa.

Ix dyrr e dirr bang-diongx qnir diyc buvenx ee posad, cniw .laii hnirqinx venr lrai. Jitt po qingx ee qawsi qingquer hni tniax .qnir, cenban sxer lairdew ingxuanw be vangr be qir. Jitt xui dairsu vutsugi ee enqor, jitt xee langg jiacc tangx did diyc jitt jiongw diwhui.

Sanwhiongx ee jiongwsingx qapp u vnirtniar :ee, inx cur-lai u hiongsu, suevai, quanwsiok hunlii, kunwbang-diongx muixmuiw vut'anx, soxx qriuu :ee hnuaiqec be sunrsi. Jixiaur itsimx qra Derjong jiambong qapp qnialew, itcer og su longxx siaubet. Simrjiww dirr bang-diongx inx longxx did diyc anhyy, jiahcing liongrsing, sinn qapp qxuiw longxx laii qra vyxho.

Beh zip snuanaa qapp dro haiw :ee, hiax u okdok ee kimsiur, og langg, og sinn, og qxuiw, qapp og hongx, u jerje kunwlann qapp koxnauw ee su. Dogdok diyhh hiongr Derjong Posad ee sxiong jiambong, qnialew, qapp qingwhong. Narr u anne juer, snuanaa qapp duarhaiw lairdew jiaxee jerje og longxx e siaubet.

Quanimx liw itsimx tniax guaw qongw. Derjong vutjin vutsugi ee lat, vaccingban qiab iarr qongw be jiujuann. Liw diyhh siwqer suansuad dairsu jitt hy kuanw ee lat.

Qniwnarr tniax diyc Derjong ee miazi, simrjiww qnir diyc ix ee sxiong u qra jiambong qapp qnialew, qycc iong pangx huex, ihok, qapp imxsit qra hogsai qapp qingwhong, jitt xee langg vaccingx sxer tangx sriu bibiau ee kuaiwlok.

Narr erdangr ixx jitt xee huedngw huatqair, itbuew e jniaa vut ciautuad snesiw. Mrjiacc qongxx Quanimx, liw qaidongx jai'ngiaw, diyhh qongw hro naxx Ganges Hyy suax ee sowliong hiacc je ee jerje qoktow ee jiongwsingx jaix.

(Jiokhur Langg qapp Tnisinn)

Hitt xee sijun, Sewjunx giac kiw qimsig ee ciuxqud, qycc syx Derjong Dua Posad ee tauu, suar qongw jiaxee ue, "Derjong, Derjong, liw ee sinlik vutsugi, liw ee juvix vutsugi, liw ee diwhui vutsugi, liw lunrven ee jaidiau vutsugi, jniawjniar diwsuw sibhongx jiongww vut qra liw janwtanr suar suansuad liw vutsugi ee dairjir, junw cenban qiab iarr qongw be jin.

Derjong, Derjong. Diyhh e qir diyc qimzit guaw dirr Trayastrimsha Tenqiongx, dirr vaccingbanrig be qongw did be qongw did je ee itcer jiongww vut, posad, ixqip tnisinn, lringg, qapp cunx :ee hiaxee veh vxo ee jiongwsingx ee dairhue lairdew, qycc qra zinqanx qapp tnidingw ee jiongwsingx dingxdingw bue tuatcud samqair, iauxx dirr huexcur lairbin :ee qaudair hro liw. M tangx hro jiaxee jiongwsingx jit zit jit xia duirlyc og dy, hyhongr duirlyc go xee byy qnaiwdng ee dy qapp Avichi Dergak, dinxdang diyc dyrr diyhh qinglik cenbanrig qiab, tuatcud byy duiwqii.

Derjong, jiaxee Jambudvipa ee jiongwsingx simjir byy dnia, pnaiw sibquanr je. Inx junw u huad senrsimx, jit bak nih quw dyrr e trer dywdngw. Narr duw diyc og enn, inx ee og liam e jit liam suar jit liam decc jingtiamx. Uirdiyhh jitt xee enqor, guaw huawsinx juer vaccing'ig xee hxingg laii dorhuar, suii inx ee qinsingr laii beh qra inx dortuad.

Derjong, guaw dnaxx unkunn qra tnsinn qapp langg jiaxee jiongwsingx qautog hro liw. Dirr birlaii sxer narr u tnidingw qapp zinqanx ee senrlamjuw iacc senrluxzinn dirr vudhuad lairdew jingr hunlii aw senrqinx, bylun jit qix taumngg, jit diamw din'aix, jit liap suax, iacc jit dih juiw, liw diyhh iong jniawdy ee lat iongwho jitt xee langg, hro ix jiamrjiam siulen busiong ee dy, m tangx hro dywter iacc besid .kir.

Qycc u, Derjong. Dirr birlaii sxer qnaxx u tnisinn qapp langg suii giap vywingr duirlyc og dy. Inx limw limw beh duirlyc og dy iacc qaur qaxx mngg-kauw. Jiaxee jiongwsingx narr tangx liam jit xui vut ee miaa, jit xui posad ee miaa, iacc Dairsing qingdenw lairdew ee jit qxur ue iacc jit siuw jimgensix, liw diyhh ixx sinlik iong hongvenrhuad qra inx qiuwtuad. Dirr inx diamr lehh ee soxjai hiax, liw henxbingg buvenx ee srinx, uirr inx qra dergak paccuir, hro inx dirr tnidingw cutsir laii hiangxsiu dingxsiong bibiau ee kuaiwlok."

Hitt xee sijun, Sewjunx qongw jimgensix:

Henrjai qapp birlaii ee tnisinn qapp langg jiaxee jiongwsingx

Guaw dnaxx unkunn qautog liw

Liw ixx dua sintongx ee hongvenrhuad

Suxx inx be duirlyc og dy

Hitt xee sijun, Derjong Dua Posad pah vnuar qui habjiongw duiww Vuddyy qongw, "Sewjunx, dandanx ngwbang Sewjunx m tangx u quawlu. Birlaii sxer lairdew narr u senrlamjuw iacc senrluxzinn dirr vudhuad-diongx u itliam ee qiongqingr, gauw iarr e iong vaccingx xee hongvenrhuad laii dortuad jitt xee langg, hro ix dirr snesiw-diongx soksog did diyc qaixtuad. Hyhongr hiaxee tniax diyc jerje senrsu dyrr simx simx liam liam beh siuhing :ee, jurzenn dirr busiong ee dy ingxuanw be trer dywdngw."

Decc qongw jiaxee ue ee sijun, hue-diongx u jit xee posad, miaa qiyr juer Hukongjong :ee duiww Vuddyy qongw, "Sewjunx, jurr guaw laii qaur Trayastrimsha dyrr tniax diyc Zulaii janwtanr Derjong Posad uidig ee sinlik qongxx jiokk vutsugi. Birlaii sxer lairdew narr u senrlamjuw iacc senrluxzinn, simrjiww itcer tnisinn qapp lringg tniax diyc jitt py qingdenw qapp Derjong ee miazi, iacc si qra ix ee hingsiong jiambong qapp qnialew, inx tangx did diyc quiw jiongw hokli? Dogdok ngwbang Sewjunx uirr birlaii qapp henrjai itcer jiongwsingx iokliok suatbingg .jit .xe."

Vuddyy qra Hukongjong Posad qongw, "Jimjiog tniax, jimjiog tniax! Guaw beh uirr liw it'id suatbingg. Narr dirr birlaii sxer u senrlamjuw iacc senrluxzinn qnir diyc Derjong ee hingsiong qapp tniax diyc jitt py qingx, simrjiww siongrtok, iong pangx huex, imxsit, ihok, iacc dinvyw laii qra vowsix, qingwhong, janwtanr, jiambong, qapp qnialew, ix tangx did diyc zi-jap-veh jiongw lirig. Id .jiarr, tnix qapp lringg e qra siuxho; zi .jiarr, senrqyw zidzit jingqax; snax .jiarr, sxingr ee siongrdingw xinx e jurjip; sir .jiarr, potee be trer; go .jiarr, jiahcing liongrsing; lak .jiarr, vnerjingr be limsinx; cid .jiarr, juixhuew ee jaieh li hng hng; veh .jiarr, be u qiongqongwcat ee jaieh; qauw .jiarr, langg' qnir diyc ix longxx e qra kimqingr; jap .jiarr, sinn qapp qxuiw e qra vangjo qapp hucii; jap-id .jiarr, jabow au cutsir juanw juer javosinx; jap-zi .jiarr, e juer qun'ongg iacc dairsinn ee jaboxqniaw; jap-snax .jiarr, siongwmau duanjniar; jap-sir .jiarr, kacc je e cutsir kir tnidingw; jap-go .jiarr, uree e juer dewongg; jap-lak .jiarr, u jaix siokser ee sintongx; jap-cid .jiarr, qriuu :ee longxx e did .diyc; jap-veh .jiarr, quanwsiok longxx e hnuahiw kuaiwlok; jap-qauw .jiarr, soxu hnuaigik longxx e siaubet; zi-jap .jiarr; giabdy ingxuanw dubet; zi-jap-id .jiarr, beh kir ee soxjai longxx tongtaur; zi-jap-zi .jiarr, amwsii binbang iarr anlok; zi-jap-snax .jiarr, senzinn tangx qapp kow dng liauxli; zi-jap-sir .jiarr, sriu siokser hokkir diwimr laii siursingx; zi-jap-go .jiarr, sriu jiongww singwjiaw janwtanr; zi-jap-lak .jiarr, congbingg qycc qinkir lrai; zi-jap-cid .jiarr, jusimx ziauzu qycc u linbinxsimx; zi-jap-veh .jiarr, quibuew e jniaa vut.

Qycc u, Hukongjong Posad. Narr henrjai iacc birlaii, bylun tnisinn, lringg, iacc quixsinn tniax diyc Derjong ee miaa, duiww Derjong ee hingsiong qnialew, higjiar tniax diyc Derjong vunxguan soxx qniaa ee dairjir, u qra janwtanr, jiambong, qapp qnialew :ee tangx did diyc cid jiongw lirig. Id .jiarr, soksog ciautuad zip singwde; zi .jiarr, og giap siaubet; snax .jiarr, jiongww vut qawlimm laii qra vyxho; sir .jiarr, potee be trer; go .jiarr, guanvunw ee lat e jingtiamx; lak .jiarr, siokmia jinrqaix tongdat; cid .jiarr, quibuew e jniaa vut."

Hitt xee sijun, itcer an' sibhongx laii :ee qongw be jin qongw be jin ee jerje Zulaii Vut, dua posad, ixqip tnisinn, lringg, qapp qitax hiaxee veh vxo tniax diyc Sakiamuni Vut cing'iongg qapp janwtanr Derjong Posad dua uidig ee sinlik jin' vutsugi, longxx qamxtanr qongxx bue bad jingrr bue.

Susii, Trayastrimsha Tenqiongx lyc buliong ee pangx huex, tnidingw ee snxax, qapp jinjux puahlen laii qingwhong Sakiamuni Vut qapp Derjong Posad. Liauxau, itcer huerjiongr longxx qycc qra inx jiambong qapp qnialew, siogzirho, habjiongw trer .kir.

huedngw tauu iac