jiac sinniudee qongw sir qxur
Diklimm Juqiok jursiaurqair
venjiaw si guaw Limm Iuxlaii
sir qxur hongsiok byy pacpaiw
tauu knuar qaur buew dyrr e jaix
Jiac dee sir qxur juanx sinx dur
lairdiongx kiyh kir jin’ qanghux
vadd langg jiac decc qongw sir qxur
vnivnii quax qapp lanw byy dux
Jitt vunw qua’aw juer jin’ tongx
jiac decc suar lyc nau dongrvongg
narr air sir qxur jiauww jiax(?) qongw
juanx qapp vadd langg vutsiongdongg
Air yc sir qxur jiauww jitt vunw
jyww linw qra liam ix dyxsunn
qaur sii beh ing jit sijun
tangx qra sinniuu tyw ciuxqunx
Qimzit kax dac sinniuvangg
beh tamr sinniuu qapp sinlangg
sinniuu dnidee siangx ciuw pang
m quanw qaicinx iacc vadd langg
Sinniuu pangg dee duiwbin laii
ginxaw duarser nau caicaix
vadd xui juqunx jre jai jai
qingwnow-junhenn hab’ingqaix
Sinniuu pangg dee ciuw crunx crunx
hyw sii qetzit laii habhunx
knuar ix binrmau gauu pacsngr
aurzit vikqniaw qangrr censunx
Sinniuu pangg dee ciuw jniar jniar
vangqingx cud laii lenn vo qniaa
jit vxuex hyw dee laii siy’ cniaw
diwimr diongrhux u qnuamiaa
Ciuw pangg dnix dee qongw sir qxur
sinniuu hyw mia imr diongrhux
hongrqingr qeqnuax u kyxcuw
canhngg qenwdir cenban kux
Sinniuu snix suiw knuar hen hen
hucex jit duiw hyw imenn
jiac dee qionghy sir qxur ven
dingjaii hoksiu banrbanrlenn
Sinniuu zip mngg hyw qaqaur
angx lxingg(?) bow iurr ciuxtauu gauu
jiac dee qionghy sir qxur draur
jaii jxuw sxiu juann(jngg?) snax cuttauu
Dnidecc siy’ cniaw jin’ junqingr
lamjaii-luxmau tnix snesingg
hucex hyxhap(?) guadlyw dring
qionghy huwquir banrlenn hingx
Jiac dee qoxle longxx byy qimr
qionghy hucex jin’ qangg simx
sinniuu hokkir e diwimr
gnoxqog hongsiux qangwlailimm
Laii jiac sinniuu jit vxuex dee
hro linw nng nii snex snax xee
jit xee ciuw nirr py
nng xee tokax vee
Devnuaa suwhongx
qimginn buanxdongg
sinniuu kaxjongx
sinlangg jai’ongg
Devnuaa siwqakkingx
diong’ngx he dejingx
jit vxuex laii qiongqingr
qniaxsunx dairdai hingx
Devnuaa ngii ngii
dnidee dnix dnix
qim’ia diyhh vnir
dangbuew siangsnix
Qniaxsair crua diyc hyw qequanr
sinlongg sinniuu vnivnii quann
jiac dee qionghy u ursuanr
jriog linw hucex hixtuan’uann
Sinniuu snix suiw hyw langjaii
giogmau judunn liuxhiyhbaii
qionghy sir qxur hac henrdai
zip mngg huwquir jinwdingx laii
Sinniuu snix suiw jin’ hyw mia
guarqex lairqex hyw miasniax
qoxle dnidee laii siy’ cniaw
hro linw qimginn muaw dua tnxiax
Sinniuu jyr langg gauu junqingr
jingsinn jabow cutlangjingg
hxir hyw marr diyhh knuar venwqingw
ninii mrjiacc e cutdingx
Sinniuu snix suiw qiamx lingxli
cincniu boxdanx huex jit qix
pangg decc siy’ cniaw jin’ hyw ir
qionghy hoklok kingr(?byy zri) jebii
Sinniuu crua zip mngg
dingdyc diamw tniadngg
vangqingx juanx sinx mngc
sinx pue sinx bincngg
Qim’ia dongrvongg
dingdyc huihongg
hyw ue jin qongw
luxmau-jailongg
Tniadngg juann langkeh
lamluw sxor cingx xee
hixjiuw jiac jin’ je
danxhau qycc jiac dee
Sinniuu iaxx dirr vangqingx lai
m jaix si decc vnir sniaw dai
jywlangg diyh’air kacc dairkair
liw marr cud laii gunw knuar mai