Jiux Singg quer Daiuann
Jiux Singg Quer Daiuann
(siong)
Quax-aw si gunw cinciuw venx
juanx krngr hniadi qapp siauwlenn
jit-vah gua nii ee qoxdenw(qowdenw?)
jiacc venx Jiux Singg sir-qxur-lenn
Jiux Singg dirr cur jin' iuxhaur
beh vet(?) bow(cex?) ve bagsaiw lrauu
Daiuann cocur jiacc laii qaur
ix dui' Damrjuiw kiw dniartauu
Jiux Singg vutzinn qapp vutgi
crua diyc Guadliw langg juvix
ter qxunx cuwvnix qangrr jiyh jnii
qaur Daii huatdat byy sniu ix
Ve siw quer Daii beh tamwtniax
brang qxunx ix e laii huangniaa
ciuw py nng huer cinsniqniaw
cue byy Jiux Singg qapp cinjniaa
Ngua qongw Jnuajiux Ankex Quan
druar dirr Samdox Lionghyy Cuanx
Jiux Unx dirdecc qar buxquanw
inx qniaw sniu beh quer Daiuann
Sner Jiux inx druar Quihiongliw
dan' snix Singg :a jit qniaxzii
Guadliw simvu sewhanr cri
Ankex jingwlangg dy' bad ix
Jiux Singg simqnuax jiokk huanlyw
qrax-lai sanwciah beh zuhyy
langg qongw Daiuann qongqingw hyw
beh kir junjox jnii iurr byy
Verqniaw duiwje decc sionggi
langg qongw Daiuann hyw siqix
hun lanw qavinn dngrr cunr tih
hencex ursinx beh qaur sii
Guaw cex(bow?) ursinx decbeh snix
air beh cutgua jongg(cangr?) byy jnii
sniu diyc qiksimx auu dyrr dni
dyw dirr bincngg sniu' qui' mii
Qniaw liw air beh kir buewsingw(?)
linw bow qangrr jiyh jnii snax-cingx
cutgua jnii diyhh jad decc ing
u tanr dairsingx qiar laii hingg
Jiux Singg dyrr qangrr laurve jrih(?)
hyw did Guadliw guaw cezii
jitt jann jyww liw benw quawir
guaw e singx qiar laii hingg ix
Crua diyc jit xee hyw luerjo
jiyh jnii hro guaw jyr junjox
guaw narr erdid tangx jinwvo
juanx si hencex ee qonglyy
Angbow nng langg dirr vangqingx
Guadliw jiong' ue krngr Jiux Singg
u tanr beh ing kacc kiamrsingw
qangrr jiyh singx qiar dngw laii hingg
Jitt jann jyww liw benw qaudair
u tanr guaw e singx qiar huee(?)
verbuw vangr hro liw hongrtai
diyhh kacc iuxhaur jiacc ingqaix
Diongrhux sintew diyhh vyxdiong
linw bow dirr cur knuar be diyc
m jniaa qnuazuac byy qunxciyr
jaxamr lanw diyhh cing kacc siyx
Guadliw snakor naxx decc kuanw
beh hro inx angx quer Daiuann
sniu diyc simqnuax jnia' sanwluan
dnuasinx cutmngg byy anjuann
Daiuann kacc jaw cnihuansiu(?)
vutviw jairdirr lanw Juanjiux
soxhuir liw diyhh ing kacc siuw
snakor vaux hyw hro liw siux
Suac brew jit vaux hoklingqyx
hencex jinjniar gauu huadlyc
zip kir vaiwvet inx verbuw
encenn qniax junn dah be diyc
Jiux Unx krngr qniaw diyhh siuxqiw
cutgua lanw diyhh knuar siqii
liw air Daiuann jyr singliw
juann brang sinbingg siy' hucii
Jiux Singg vet cex(bow?) qapp verbuw
Guadliw dinglingg inx diongrhux
mrbenw quawliam lanw ee cur
qetzinn juriuw tensiong huu
Jiux Singg qaixkngr inx kanciuw
qetjyr angbow si uansiuu
liw cniaw zimxnai kacc kutsiuw
u tanr guaw e dngw Juanjiux
Cengenn-banrgiw qongw be jin
angbow lirvet beh kixsinx
qadiongx uixtog hencex linw
diyhh kacc iuxhaur lanw siangcinx
Krngr qxunx lo-siong benw huanlyw
henrjai siyxqniaw diyhh iacc byy
dngw laii dyrr u qniaw tangx py
qalai ciapsinx e huadlyc
Qaudair hencex diyhh e qir
liw iarr ursinx decbeh snix
duiwtauue tniax e zip hni
cutgua hyxpnaiw iujai tnix
Knuar qxnux kir qapp beh zip bu
hysii jaiwqycc qnir diongrhux
Guadliw jywlangg jin' kyxcuw
jitt kuanw luxzinn sewqanx buu(byy zri?)
Junn dnaxx pax dirr Damrjuiw Qangw
knuar diyc haixjuiw vec bangbangg
kixjuiw Daiuann m jaix jangw
co' qaur m bad vnuar xee langg
Co' laii qaur Daii langg m bad
Daiuann ee jnii rimx kabak
gu diyc cindongg Jiux a'Lak
qangrr guaw cua kir druar Daivag
Suer cur Daivag si jin' hyw
siyxkuaw singliw qapp ix gryy(?)
Lak .Qyx ter guaw kacc huanlyw
narr byy cindongg cur suer byy
Cutgua lanw diyhh kac cvniawser
byy jyr surgiap langg knuawsuex
dyrr decc qapp langg bre jabser
co' jyr dorjiac snax dxngr muee
Jabser jyr liauw u jinwvo
u jnii langg dyrr erhiauw sox
siy' jiyx dyrr kir kaix jabow
jit amr kaix diyc quiw jap kox
Siyxkuaw singliw byy air vnir
cud kir cittyy qapp langg qnrix(craa?)
duer diyc ci-aw Queh a'Mi(Queh :a Mi?)
hongwdong byy simx sniu tanwjnii
Jriuw dirr hueqingx qui' amwtauu
qniaa qaxx qui' mii dagg zit caux
u jnii hueqingx amr amr qaur
byy jnii dikjue lau cangtauu
Laurcangx langg qiyr qui' vangqingx
byy jyr surgiap ingg ~ ~
qongw diyc siy' pah dag'ee hingr
qui' din danw beh pah Jiux Singg
Jingwlangg knuar diyc Jiux Singg laii
qui' din decc qongw pnaiw dangsaix
jitt der sngr si hueliuxqair
u jnii u ginn jingwlangg kaix
Liongrjaw qangrr guaw siamw kacc vnix
m tangx qapp langg dirdecc dnii
Jiux Singg tniax diyc bin dyrr vnir
ma inx dag'ee naxx jingsnix
Tniax liw inwue jiacc kokhingg
cutciuw qangrr ix tuax decc jringx
knuar liw u qapp zuarr vunxdingw
kax jringx tuntauu pah byy tingg
Jit langg jit xe byy liongrciuw(niurciuw?)
qaxnaxx cincniu tad seqiuu(?)
Jiux Singg cud sniax dyrr huacqiur
Daiuann lomuaa jniawhoxciux(?)
Qimzit uirdiyhh jabow hai
si guaw qaqi jyr did laii
sniu qaxx qiksimx beh tiaur haiw
beh si u dyx qadi taii
Quatsimx jurjin qongw m uir
u langg qangrr guaw laii siy' suii
guaw si decbeh laii tiauwjuiw
binrjingg m tangx qra guaw uii
Liw si uirdiyhh dycc jit hxang
qnaxx e sniu beh laii dauqangx
jiacc qnuaa lyc juix si jin' dangr
qaixkngr ving'iuw siw m tangx
Hyw simx liw diyhh hro guaw tiaur
byy siw jex su lann did siaux
in'ui juvunw ho'ngg quaiw liauw
liauw jnii qycc hro jabow hiaux
Guaw iarr si beh laii jurjin
in'ui juvunw kaix byy dinx(?)
liauw jnii iauxx kacc byy iauwqinw
suac chro jabow knuar lanw kinx
Narr qaxx anxnix m tangx siw
liw guaw byy cax qaxx vnuar sxix
lanw laii qetvair juer hniadi
tongdix qaixquer iauxx be dii
Liw guaw iwsur sngr jin' dngg
u miaa benw qniax byy tangx ngr
beh sngr lortauu si jin' hng
Juanjiux Ankex Jiyhvaijngx
Jiux Singg si guaw ee miasnir
quer laii Daiuann sniu tanwjnii
in'ui duer diyc Queh :a Mi
jnii liauw suacc hro pah qapp jringx
Liw guaw vnivnii anxnisnix
narr u sniwmia qniax byy jnii
sner Ongg miaa Qinx guaw miazi
sngr jinx nng langg un jin' dnii
Guanjaw a'Dnix decc tanwjiac
knuar guaw singliw jin' gauu giaa
ix cur qapp guaw siy' qecviah
knuar guaw hxuer cud qui' jap ciax
Jabow haixkauw zuarr lirhai
snax dngw nng uad vutsii laii
knuar ix langhingg d' be baiw
guaw jiacc u kir qra ix kaix
Quexjiw qadi dirdecc puer
beh kaix beh ing iurr ix tec
liauw kir jit-bxan sir-cingx-veh
qycc hro lix hiaux jiacc u suex
Dnaxx lanw m tangx sniu dexlo
sinkux guaw iauxx zi-jap kox
laii jre huexciax liammix qaur
zip mngg Ongg Qinx qew jiyhox
Qew qaxx e tii qapp e kaur
huew siyx qycjaiww diyhcadtaux
virr cat taux kir longxx jiauu qaur
byy langg jitt kuanw siyx jiacc jiauu
Hro cat taux kir juann diongriaur
byy langg jitt kuanw jiacc suesiauu
cunx quaw siyxkuaw siyx byy liauw
sniu diyc qiksimx huew lann siaux
Jitt xui qiur guaw jiacc byy siw
ingqaix lanw diyhh dapsia :ix
au .laii qetvair juer hniadi
guaw jin' vuthaur ee qniaxzii
Taiwhuaa(?) tniax diyc qongw jitt kuanw
jnii liauw u mia benw viquanx
linw kir Daivag kuix dequanw
vunxjnii guaw jiacc qra linw cuann
Jitt xui si lanw ee unlangg
diyhh laii janwsingg ix marr tangx
juvunx ven ven jueww e dang
Daivag suewdiamr kuix dehangg
Diadiax u vunw beh lanw juer
byy qaur jiacqycc laiii qra tec
tanr u jitt kuanw ee qihue
suewdiamr Daivag Diau'iongg Qrex
Suewdiamr jitt xui jin' hiongwiongg
knuar zit dyrr beh suacc kuidiongx(kadiongx?)
jicjiab narr qaxx u sinwiong
singliw qaiwdyw Daivag diongx(?)
Jiux Singg dehangg jueww huatdenw
vutsii-vutzit sniu beh tenx
kacc jaw hro langg tad qapp senr
byy-jiw.-byy-kir jin' liauxzenn
Qinrlaii jid'err u tanwjnii
byy sniu kacc jaw kir ho'ngg pnix
iauxx decc siauwsniu Queh :a Mi
binrpuee byy qor naxx jingsnix
Qimzit cuttauu ee zidjiw
beh crua Mi :a juer cezii
pingwqimx kaix kir bxan-id-zi
byy langg jitt kuanw qnaw kaix jnii
Ongg Qinx sngr si diongdidlangg
amr hun Jiux Singg vnuar tiauqangx
hro Mi hai qaxx beh tiaur qangw
qnaw qycc crua ix laii dehangg
Guadliw bagjiuw qimx qimx knuar
dexmia jitt kuanw ee simqnuax
m jaix sitvai iacc anxjnuaw
juann byy puesinr huee Dngsnuax
Junw guaw benw jiacc byy iauwqinw
marr diyhh daiwliam venrbuxcinx
jurr kir jiwqimx(qaur dnaxx/jiww qimx?) byy puesinr
iauxsiu dexmia jin' vutzinn
Singg :a jniasit byy hyw siw
iarr byy sniux diyc liw qniaxzii
dangbuexginxaw lingx narr li
dikkag beh laii qapp ix dnii
Jiux Unx kow qaxx diwsinmia
cindongg jiksunx draur tamwtniax
jitt kuanw qapp langg decc sngr qniaw
m jaix byy snix marr kacc ngiaa
(diongx)
A'Lak Daiuann knuar qaxx krir
vuahqangx dngw laii decc tongdix
tiksnix jinjniar be henrsir
qnaw druar Daiuann crua sewii
A'Lak ee ue qongw liauw liauw
tiksnix jinjniar byy cauwsiauu
Daiuann jabow hiacc diongriaur
jex cur duarser vangr decc iaux
Jywlangg jinjniar byy jiwkir
jitt kuanw bingbingg si diaudii
hro langg pah qaxx beh vnuar siw
Guadliw Sionggnoo marr m dic
Guadliw qinrjingg krngr Jiux Unx
laurlangg singwde diyhh kacc sunn
cauhuann quewdyx dyww sihvunw(?)
Guadliw bagsaiw junw vng tunx
Huanlyw sintew dyww dimdang
qalai dy' byy quiw xee langg
pangxsex guaw kacc qutlat tanr
pnaiw mai duw diyc hiauhiongg angx
Guadliw simlai jinjniar krir
qew vran ciywbin cuir gix gix
pangxsex jitvor laii diywbiw
qalai mrbenw ngwbang ix
Liw benw huanlyw qalai sanr
sinkux diyhh qor kacc ving'anx
qniaxsunx liammix dyrr duarhanr
lanw kacc zimxnai byy siongqanx
Jiux Unx krir qaxx be qongxue
qycc crua kiokk si byy bunrdee
jit kunr jnii tanr hiacnirr je
kyxngor byy qir jit dniux puex
Quanw ix tanwjnii byy zip cur
huanlyw sunxhai lanw sinkux
qniaxzii vuthaur ngr simvu
hun guaw duw diyc pnaiw diongrhux
Jitt kuanw simvu jiacc henhue
tiksnix jurr kir juann byy puex
qaixkngr diadiax benw koxceh(koxced?)
huanlyw snax dxngr be jiac muee
Guaw laii giac jiamx bongxx jiamrdo
byy biw jiacc laii jiac behqoo
byy sniu linw ve qapp linw bow
u jnii m dngw erhiauw sox
Linw bow duiww liw qamxx e pnaiw
qycc crua qirluw taiww vutqaix
beh kir dy' jaix lanw cur-lai
u jnii byy sniu be dngw laii
Jiux Unx sintew dyww dimdang
qriuu sinn mng vut bycaiw qangx
bagjiux kreh .kir dyrr binbang
uanwhun Jiux singg jex pnaiw langg
Jiux Unx sintew congr be hyw
iuxhaur simvu decc jnijy(?)
jingwtauu huanxkiw qycc huanxdyw
knuar jitt vanrser mia e byy
Guadliw qniaa uaw cinx knuawqnir
diadiax nacc tangx anxnisnix
hiauhing gejyy qa gni gni
dua sniax qinw qiyr jingww cuwvnix
Diadiax nacc tangx vangwsag guaw
sunx-aw jin' iur yh tuabuaa
knuar beh hysii erdid dua
iauxsiu Singg :a vangr guaw tuax
Cuwvnix taubuew jin' dongjingg
tniax guaw jit huah qui' vangqingx
tii tii kaur kaur byy loring
langg qongw qenww siw vuthogsingx
Cindongg jiksunx qui' cuwlai
tec jnii beh hro ix siubaii
qiyr langg jnriu snuax knuar soxjai
huadlyc zidjiw tangx hyw draii
Cuwlai qaudair cindongg quanw
satsimx dyrr beh quer Daiuann
dew mia simqnuax qnaxx jitt kuanw
qniwbin dyrr beh qapp ix ruanx
Horbuew jniurhnua dyrr tamwtniax
byy tangx jre ciax iong vo qniaa
buxqniaw qnaxx e jiacc pnaiw mia
jairdid tangx qaur Duardiurdniaa
Vakdow decc iauxx jnii iurr byy
uaw langg mngvnix vunx damrvyc
jitt qingx vunx byy vadd qingx tyw
hyw simx laii vunx kitjiahvyy
Pnaiw mia byy jiac qui' zit gy
knuar liw u muee iacc si byy
tauqex tauqeniuu jin' hyw
guaw si hng hiongx laii qiutyw
Qniaxzii sewhanrr byy laurve
byy muee qangrr linw vunx quaw dee
tauqex tniax diyc guaw decc sueh
drew qaxx jit nguaw kyxtaumuee
Qangrr langg vunx muee qniaw jiac daur
cunx quaw nguaxdew guaw jixauu
Daivag qniaa beh jairdid qaur
jiac vaw qniaw pnai(ngai?) jnriu qingtauu
Sniu diyc uanwsinx qangrr cetmia
jiong' qniaw pnai(ngai) kiw bongxx qycc qniaa
linw dia byy sniu lanw buxqniaw
tuamia naxx qniaa naxx tamwtniax
Naxx qniaa naxx vunx vnuar jiac-gy
sniu qnir air jiac jnii iurr byy
m qnaw cutbin qangrr langg tyw
dehangg m jaix kuix dirr dyhh
Duar jiax hiyckunr jiacqycc qniaa
beh qangrr tauqex linw tamwtniax
co' qaur Daiuann m jai'ngiaw
jitt de hy jyr sniaw qemiaa
Inglangg uii qaxx keh byy pang
tniax diyc ter ix bagkox angg
junn si dirsii jiacc zip qangw
Daiuann beh cue simxmih langg
Jiycmng tauqex quiw qxur ue
gunw angx druar dirr Diau'iongg Qrex
tniax qongxx dehangg dirdecc juer
iarr byy qiar qaxx jit dniux puex
Jiux Singg si guaw ee cin'angx
qongxx dirr Daivag kuix dehangg
ix druar soxjai m jaix pang
vaiwmng senvuer linw jingwlangg
Jiux Singg zirun jinjniar hyw
cundee dua tanr m si byy
Gongrtauu tniax diyc qanr qapp cyh
byy sniu liw si kitjiahvyy
Duw diyc Jiux Singg dirr dxiamr-lai
tniax langg decc cyh qniaa cud laii
dyrr mng Gongrtauu simxmih dai
Gongrtauu sueh hro Jiux Singg jaix
Guadliw qnir diyc inx angx bin
dyrr qiyr Singg :a guaw huqunx
liw laii jiacc quw byy puesinr
diadiax qinnii jiacc quewsinx
Jiux singg qenwsiaur bin suacc angg
huanw qongw juvunx qui' vah bxan
sniaw langg si liw ee cin'angx
qnaxx si liw zim m driyc langg
Liw beh Daiuann juer taulo
jiyh jnii hro liw juer junjox
dexmiaw liw qnaw hiaux linw bow
kiam-sngx-kow-jniaw(cenw?) byy qonglyy
Jiux Singg qenwsiaur dngw siurkir
zip ir dindiauu giaa jit qix
sniu beh uac uac qra pah siw
dyrr qiyr Gongrtauu kir pah ix
Guadliw cud sniax jit xe ziongw
dexmia liw jin' byy tenliongg
byy qaxx jit sxix ee dorliong
qra guaw pah qaxx longxx si siongx
Ongg Qinx cud laii me Gongrtauu
kitjiac lyhanr(lorhanr?) iarr diyhh qaux
m tangx hiacnirr pnaiw duiwdauw
u sniaw dairjir duiww guaw drauu
Guadliw tniax diyc qongw jitt kuanw
jingrr tauu qaur buew sueh jit huanx
sniu diyc dexmia jin' m guan
jyww ix cuarbow diamr Daiuann
Ongg Qinx tniax qnir dirr simlai
jex su vadd langg tong' m jaix
Singg :a qapp guaw drongg qetvair
syxsyw dirsii jre junn laii
Syxsyw siurkir si m tangx
laii qur be zin liw jit langg
Ongg Qinx krngr ix benw siurtangr
qniwbin pnaiw cuir si m tangx
Jitt xee si ix cinsniqniaw
qurnii jiacc snix iauxx be qniaa
zip kir vangqingx cniaw jre dnia
huanhur huexqir juiw qinw hniaa
Jitt xee tauqebow inx cur
co' laii liw diyhh kacc jiauhux
Ongg Qinx qycjaiww decc huanhur
crua tauqeniuu sew sinkux
Sew srinx snakor ngua hyxser
hucex huerbin tangx jiac dee
angbow vangqingx decc duiwje
juann byy genn kiw simxmih ee
Gongrtauu simlai amr amr sniu
jauw kir vyr inx tauqeniuu
tauqex jitt uanw beh jnuaxngiu
snaqab angsair byy buexciux
Mi :a tniax diyc jitt jann dai
crex langg kir qiyr Jiux Singg laii
guaw m jiamr langg ee angsair
linw kir qui' qex jiacc ingqaix
Guaw qongw liw tniax kacc siongrser
ix laii Daiuann co' jit huee
inx angx si guaw ee jikveh
qongw be cingcyw jiklee-l.(?)
Dirr gunw simlai knuawqnir-q.
duiww guaw qongxue byy sidsix
dyrr jiong' linw bow amr hai siw
guaw jiacc guan jyr liw cezii
Lorvong tec(?) guaw junw duardix
cuanww qongw ee ue juann hisii
u liam Mi :a hy jing'ir
diyhh jiong' linw bow laii qra drii(druu)
Gongrtauu dido pangg jit nguaw
qnir diyc Guadliw dyrr lyhnua
qongw liw binrsig jin' pnaiw knuar
Daiuann vutviw lanw Dngsnuax
Jitt nguaw lenjiw qrunn dido
jiac diyc kuivii simqnuax kuix(?)
tauqex boxqniaw jin' u qor
air iw vuivec langg duarkox
Guadliw iong di la knuar mai
diongrhux hyw ir crex langg laii
qui' nguaw jiac lyc vakdow lai
jiksii qankow jiacc e jaix
Dido camx dok iyc bingg bingg
jiksii tror qaxx qui' vangqingx
dexmia cunvan beh juadjingw
narr siw beh liac liw Jiux Singg
Dexmia jenrzinn laii hai guaw
hai guaw qankow decc vangwvuac(?)
dngdo cincniu dyx decc quah
junw junw e siw lann did uac
Qniaw liw liac guaw qimx qimx knuar
hun linw laurve qauxsimqnuax
hai lanw buxqniaw laii pacsnuar
guaw siw kikkuix qniaw qodnuax
Cuex hongx pak zit qniaw e dua
bycaiw linw buw sriu tuabuaa
brang qniaw cue ve tangx knuawuac
bygii linw buw vangr qniaw tuax
Jiong' qniaw ciuxqud kanx quann quann
qaudair guaw qniaw liw jit huanx
linw buw siw kir jin' m guan
diongxsingg ter buw qex vywuanx
Qniaw liw diongxsingg dyrr erhiauw
uansiuu diyhh vyr tauu jit diauu
u ue qaudair qniaxzii liauw
jit sii juadmia ongw qiuxsiaux
Gongrtauu laii decc vyr Jiux Singg
Mi :a iarr laii dirr vangqingx
liw iong sniaw iyc jiacc hyw ing
jiac lyc dy' byy quiw hunjingx
Tnisor byy decc tangx vaiqaiw
jiacc e jauw duiww Daiuann laii
Mi :a Gongrtauu ix qaudair
benw ing qnuacaa qra ix draii
Sinsix danr lyc qoxjniw lai
iong jitt vanrhuad y langg jaix
danr lyc qoxjnaw qongw dairkair
qycjaiww iong too qra ix draii
Jiux Singg simqnuax jnia' qnaw juer
qer ix jyr bow iarr beh suex
inx bow co' laii jiacc qaur der
juann byy sniu diyc dongguancuex
Gongrtauu qoxjniw dimr siangsiangx
dingxtauu qycc ing dua jiyhvangx
Mi :a tniax diyc unxdangr-d.(?)
jinrdiongx Gongrtauu liw jit langg
Veh-guec jap-snax guec jin' qngx
dyrr cuann jiuxcair dirr tniadngg
Jiux Singg hnuahiw juann u ngr
hro lanw tangx hyw quxdngg-d.
(ha)
Gongrtauu simvag ee sinlyy
Mi :a hen sniuw cingx-zi kox
jitt huanx hro liw jin' jiauwqor
m tangx duiww langg ue luan hox
Uirdiyhh jitt jann dy' decc hai
qnaxx u hiacc je tangx guaw taii
Jiux Singg ma i qongw dairkair
Mi :a siyxjiuw pangqingr laii(?)
Jiux Singg Mi :a ma Gongrtauu
luan qongw oax dirdecc hauw
sniu diyc jinjniar pnaiw caixtauu
Jiux Singg jiac jiuw qongr puar aux
mrbenw cnigii pnaiw taucaiw
siyjiuw qycjaiww jit qranx laii
benw qongw Jiux Singg jitt jann dai
singx sueh Guadliw hro linw jaix
Uansiuu air beh qnuaxqinw vyr
linghunn dyrr kir qnir giamlyy
qui lyc binrjingg dirdecc qryr
qryr inx diongrhunn jinghun byy
Jiux Singg si guaw cinx angsair
paucex-lirjuw Daiuann laii
snax langg qangbiyy(?) jiong' guaw hai
sueh hro Giamqunx ix did jaix
Angbow juewduix jap-id nii
siyxjuw nng huer ix cinsnix
sinsix qra guaw dui lyc jnew
tniax diyc simqnuax e banxmec
Giamqunx jiksii caipnuar junw
qnuaxqinw dyrr diaur iariusunn
duardnaw Jiux Singg jin' kyxhun
liw duar Guadliw ee uanhunn
Ling liw qinsuii ix aurbin
qniax liauw Jiux .Qrax ee mngsinn
narr byy mngho lann did jinr
cua ix linghunn ir huu srinx
Guadliw tniax diyc jnia' qamxsia
qnuaxqinw vaiwsia Giamqun'iaa
quixcex qinsuii dirr aurviah
snax xee siuzinn jongw qra liac
Sniu diyc simqnuax cuanw duarkuir
jit dy imhunn busoxquix
bongbongg-liauxliauw(?) laii qauwui
mngsinn qiyr guaw diyhh siamxkuix
Mngsinn horui decc joxdongr
guaw ee linghunn jiacc quibongg
quixcex uaw kir qra ix qongw
beh liac sinhunn qaux Giam'ongg
Tniax diyc quixcex decc qongw kiw
jai'ngiaw imsix u junw ix
mngsinn m qnaw qycc joxjiw
inx ee sixzit dnaxx qauwsii
Zip lai knuar inx decc jiac jiuw
mngsinn bydangr jin' juriuu
jiac qaur qimzit ee huewsiu
uanhunn huu srinx beh vywsiuu
Jiux Singx knuar diyc inx boxbin
Gongrtauu siyjiuw qor decc limx
Guadliw bagjiux cnix ginwginr
qniaa uaw uanhunxx dyrr dausinx
Dausinx Jiux Singx inx angsair
qadi cuiwpuew diddit sraix
Mi :a liw qnaw jiong' gunw hai
diyhhlaii duiww liw dairsingx taii
Mi :a knuar diyc dua huanlyw
si decc samvad iacc si byy
duxjiacc limjiuw dy' hyw hyw
jiksii bagjiux jiauu huanw lyy
Jiux Singx dua sniax qanr qapp cyh
jauwkax kir giaa ced-hii-dyx
liw qnaw hai siw Jiux Singg Syw
singwmia qaur jiax hro liw byy
Liw decc jiuxjuir iacc m si
jniasit hidyx giaa jit qix
langg gunw iarr byy sniaw dairjir
linw bow m si guaw hai ix
Kir giuw Mi :a ee taujangx
Mi :a diyqniax huah qiur langg
uanhunn dausinx uihingg dang
Gongrtauu qniax qaxx jauw byy kangx
Liw si guaw ee cinangsair
nacc tangx qunxciyr giaa vehdyx
dyx dunx amrqunw jam be lyc
qycjaiww jit xee taur simjyy
Jenrzinn jiac guaw jin' qauwjuiw
uansiuu ban vyr simx be kuix
qimzit liac liw kir jyr qxuiw
dyx duiww amrqunw itdit duii
Gongrtauu simqnuax siongrqaiww pnaiw
siulangg dag'ee dy' beh taii
snax langg qiongrbiyy jiong' guaw hai
vangqingx cue duiww jauwkax laii
Knuar ix bih dirr jauwkangx lai
qiyr qaxx cud sniax jiacc e jaix
tauqex guaw uirr simxmih dai
jongw byy sinlyy iarr beh taii
Tauqex sitciuw taii siw bow
jnuaxngiu iarr beh taii sinlyy
langg qongw jiuxjuir simx dingrvo(?)
lunrjinx liw si jin' hodoo
Liw qongw byy juer anxjnuaxngiu
bunvinn duar laii jiacc dua dniux
liw qapp jingsnix siy' cincniu
jiacc qnaw hai linw tauqeniuu
Jiac langg sinlyy siongrr pnaiw mia
qiyr guaw kir siw iarr diyhh qniaa
tauqex liw iarr soxx jai'ngiaw
mrbenw huah qaxx jiacc dua sniax
Qnaw jyr jitt kuanw ee simhing
lojaii kix jruw jin' kokhingg
qimzit ingqaix diyhh vywingr
ticlangg laii qongw dy' byy jxingg
Jiabjiap(?) quiw qxur qongw liauxau
jitt kuanw dogtangg m tangx lauu
iarr qnaw qapp ix Mi :a draur
itding beh jamr liw ee tauu
Singx duiww vakdow dux jit dyx
qycjaiww jit xee taur simjyy
qimzit uansiuu dy' u vyr
jamw cauw duan qinx longxjongw byy
Gongrtauu oknoo taii siw liauw
m guan hidyx giaa diauu diauu
kngr linw sewzinn diyhh erhiauw
boxqniaw nng zri m tangx hiaux
Jiux Singg dyrr si guaw vunxlangg
jiauww guaw jitt kuanw sen' m tangx
boxqniaw hiacc hyw laii qra vangr
crua ix ruii cex(byy zri?) jap-id dxangx
Gunw bow uanhunn laii huu srinx
qaqi cetvag kngr sewzinn
henrsii vywingr dy' jit bin
gingsinx-kiwqu benw hongsinn
Langg sniu' qanhiongg byy loring
angbow diyhh kacc siy' guanrjingg
byy crunn tenliongg kuair vywingr
m tangx cincniu guaw Jiux Singg
Linw si m tangx cincniu guaw
boxqniaw qra lanw draur tuabuaa
gingsinx-kiwqu qycjaiww crua
qaur jiax vywingr benw sniu' kuax
Sewqanx byy tangx duar ingxquw
gunw bow beh cue guaw vywsiuu
juadduir m hro guaw tyxqiur
qiyr guaw mia diyhh qaqi siux
Sriu langg sysuw benw uanwtanr
jnii byy nng xee vruac be dann
jaiquer-vitqaiw dnaxx kacc ban
knuawpuar m tangx druar sewqanx
Gunw bow siw kir jin' m guan
qiongvig beh cue guaw vywuanx
sewqanx byy tangx druar ingxuanw
lauu quiw qxur ue ho'ngg liutuann
Qycc qongw iarr si jin' jitt qxur
uansiuu dauu dirr guaw sinkux
m kingw hro guaw cenn sniu' quw
jiongjiu vakdow qadi duc
Vakdow lenn duc snax~sir dyx
cid kangx lauhuih mia jiacc byy
sinsix kia lehh m guan dyw
Ongg Qinx m jaix kir cittyy
Benw qongw Jiux Singg kia lecc siw
quax tuann sewsiong langg jaiqix
singx sueh Ongg Qinx inx siyxdi
laii jiax Bangxqah lenhuedii
Ongg Qinx Bangxqah laii ho'ngg cniaw
cud laii byy dirr Duardiurdniaa
jex su jiacc e m jai'ngiaw
zip mngg knuar qnir diyc jit qniax
Ongg Qinx ho'ngg cniaw kir Bangxqah
jiuw jiac bangbangg cuir jin' dax
qnaxx e jitt kuanw jiacc qikaw
nng xee sixlangg dirr tokax
Guaw kir Bangxqah byy quiw qangx
dngw laii dxiamr lai taii siw langg
jitt kuanw byy decc tangx najangx(?)
qnuaxqinw qycc kir aurbuexvangg
Zip laii cue byy inx syxsyw
Jiux Singg m jaix jauw kir dyhh
ginxaw duar dirr bincngg dyw
tokax jit qix jiambuexdyx
Gongrtauu Mi :a longxx taii siw
m jaix sniaw langg taii siw ix
cue by Jiux singg qapp Guadliw
tokax knuar qnir dyx jit qix
Gongrtauu Mi :a tong' byy mia
uat tauu jit knuar iauxx kacc qniax
qnaxx si pnaiw langg bykyxdnia
taux laii amwsad gunw duarhniax
Jiux Singx qyqyx ho'ngg taii siw
qycc kia diddit jinjniar qrii
knuar diyc tokax jit dniux zri
vitziah byy caxx qaxx jit sxix
Vintauu qra knuar qaur buexciux
Mi :a tamsimx air juriuu
sanxgiap beh qaur liw quanxliw
ginxaw diongxsingg jiacc hingg ix
Knuar qaxx jitt qxur jin buexciux
qyqyx siaw qra guaw iauqiuu
nng huer qniaxzii iauxx jin' iur
diongxsingg tangx tuann inx sner Jiux
Jiong' jitt dniux zri dnaxx knuar taur
siangkax qui dirr tokadaux
qyqyx liw sniu jin' byy qaur
m tangx guaw kngr jyr quewtauu
Ongg Qinx qui lyc itdit vair
siyxdi cutmngg ban dngw laii
qimzit jiacc u jitt hy dai
soxu diauqnia guaw longxx jaix
Huatsingx jit tkuanw ee dairjir
duw diyc vuthenn pnaiw sewii
dnaxx si brang liw kacc vyxvir
sunx-aw guaw jiacc laii cniadii
Ongg Qinx dagg hxang dy' rinr hyw
dxiamr-lai singzin beh huadlyc
Jiux Singg sinsix jiacc guan dyw
qniaw dua hiyrsuu jiacc be byy
Diauqnia dagg hxang beh damdngx
jiabjiap(?) byy air qongw sniu' dngg
songsu Ongg Qinx decc pacsngr
snax kxu(craa?) qnuacaa vnee cutmngg
Snax kxu(craa?) qangrsii kir anjongr
quaxx narr sniu' cenn dyrr byy tongx
singx qongw ginxaw kacc tywdongr
cniar langg cniadii tong' singqongx
Songsu junw jyr dnaxx jiujir
quax-aw m qnaw sniu' endii
ginxaw py kir cniar langg cri
Ongg QInx jinrlat decc cniadii
Qnuaxqinw kir cniaw linbuw riyx
qra ix hy miaa Jiux Duarjiyc
ginxaw narr quaix tong' langg siyh
Ongg Qinx knuar ix jin' u driyc
Duarjiyc jin' did Ongg Qinx tniar
verbuw jaw siw qycc ngua miaa
au .laii iauxx kacc gauu pacvniar
Lamngiuu juann si ix miasniax
Zinsingx sniaw kuanw byy itding
Duarjiyc kacc gauu inx Jiux Singg
cutmngg hro langg jin' qiongqingr
viw inx laurve kacc jaijingg
Langg beh huatdat naxx binbang
Duarjiyc guann decc kuix dehangg
jyr dirr Lamngiuu qapp Hiongqangw
Ongg QInx jin' gauu kansingg langg
Au .laii dejngx jyr jin' dua
viw inx laurve kacc knuawuac
jyr qaxx jitt jam qaur jiax suah
Jiux Singg qowsux jyr sinx quax
Duarjiyc knuawpuar beh jiahcair
liutuann sewqanx hro langg jaix
kngr langg diyhh yc jyr hyw dai
Jiux Singg tamsig luan luan laii
Viwhy qra linw vyr siongser
qiogjiw Sindig Diong'anx Qrex
quajux si gunw inr siongrr je
Diklimm Juqiok jin' jingxjee