DERR 12 JNIUX
VNIRSIG-LAI JABSU
Sinx yc juer kanwho ee langg, si cincniu dirr cur nirr juer ee dairjir jidvnuangiu. M si dairsingx suhau vnirlangg, si dairsingx siujingw vnirsig-lai itkair hro cingkir. Jex si dagg zit jueww iauwqinw :ee, jongw .si soxx juer ee dairjir, bylun juer qaur jnaixngiu hyw, dairkair iarr byy langg ylyw, mrquxxx narr vran liauw m hyw, jiurr hitt xee juerquar be tesii .did.
I’ngi-lai ee dairjir diyhh dagg zit zinrjinx laii vran; dagg hxang kiwqu mihqnia, narr byy cingkir, longxx u bisingbut dilehh. Dirr i’ngi-lai, vnirlangg qiwzenn je, bisingbut iarr dikkag je, narr byy cingkir, hitt xee hai m si siyxkuaw. Ingqaix jaix byy cingkir ee soxjai, si jueww gauu snix bisingbut; u hiacc je vnirlangg si dui’ byy cingkir ee derhngx laii :ee. Qycc hitt hy vni qiamxcaiw si dui’ byy cingkir laii ziamw .diyc. Soxiw diyhh sethuad hro cingkir, iarr tangx hro vnirlangg knuar, inx ee vni, dngw .kir ee sii, iarr tangx jiauww anxnix laii yc; hitt xee lirig vutjiw dua.
Sawder, cingxtunn, crid cur-lai ee mngtangx horsnir, iarr si yc kanwho ee kangkuer; diyhh ing simx laii hagsip, vnirsig ee tokax, dagg zit diyhh saur nng vaiw.
Mii .sii diyc vanx ee kanwho, dirr jaxkiw sii, bincngg kuanw hyw liauxau sauwder jit vaiw. Zit .sii diyc vanx ee kanwho dirr qokk zit jap-zi diamw au, vnirlangg jiac vaw ee sijun sauwder jit vaiw. U langg kixtauu sauwder, sauwciuw iarr brhiauw ing. Sauwder dikkag diyhh dagg soxjai saur .diyc, suizenn jit cunr ee soxjai, iarr m tangx hro ix byy cingkir.
Sawder ee huatdo:
1. Diyhh srun hongser saur.
2. Diyhh bincngg tiap hyw, jiacc tangx saur.
3. Diyhh jiong’ ixtauu ixliauu suaw kuix; bincngg-xe iarr diyhh saur hro cingkir; m tangx sniu jarzit ixqingx saur, qinaxzit mrbenw saur.
4. Narr dui’ cur ee liongw vingg saur, saur laii diong’ngx iarr si hyw ee huatdo.
Vunwsyr diyhh vud .cud .kir, ing huew siyx; der saur liauw, jiacc tnrix huextnuar he huexloo. Huextnuar tnrix liauw, jiacc (?) kiwqu, iarr diyhh cincniu sauwder ee kuanw; diyhh ing cingkir ee citvor laii crid; diyhh u knuar qnir citvor ixqingx jiong’ qnilangg crid kiw laii, jiacc e ing .did. Narr byy knuar qnialangg mic dirr citovr nirr, hitt xee qnialangg iuguann dilehh byy crid .kiw .laii. Byc did ing cingxaw cingw, in’ui cingw liauw tosua iuguann si dirr cur-lai. Qycc decc crid ee sii, diyhh jiong’ dyh-dingw ee mic suaw xui, cincniu sauwder ciauu iw ee kuanw. Jongw .si vnirsig, byy vaii simxmic, beh jingxdunr hro cingkir si kacc kuair, dikkag byy simxmic huiwkir ee su. Qycc jit hxang jiurr si dagg hxang decc ing ee mic qapp kiwqu, vnix:a qapp kangx:a, pang:a, longxx diyhh crid hro jiauu diyc.
I’ngi-lai soxx ing ee qxui-aw, qapp qex-lai :ee, si byy sna’ drangg. Qex-lai ee qxui-aw, kacc je si drew lansanmic. I’ngi-lai dagg xee qxui-aw longxx u dniardiyc ee quiqiw, iarr he dniardiyc ee soxjai, longxx byy lamrsamw kngr; jit hxan gi hro quiqiw e jejnaw, jit hxang beh tec, beh ing, longxx kacc; lirven. Dagg kuanw ee qxui, dikkag u langg decc jiangxquanw; qxui-lai ee mic longxx diyhh cingkir. Iyhjuiw hitt hyy vann longxx diyhh drew hro muaw; iyhpiaux iacc si juaxciamx, diyhh siaw hro cingcyw; iarr m tangx hro qnialangg, jiackacc kuair e zin .did.
Jiangxquanw snaaxduu, quiqiw, si diyhh jejingw; puednuax, ihok, longxx diyhh he dniardiyc vingg, m tangx zuu ciangxciangw; beh tec laii ing ee sii, jiacc kacc lirven.
Vnirlangg ee ser der qxui-aw qapp tang’axqer, dagg zit diyhh ing satbunjuiw laii sew; cur-lai ee viah, dagg lexvair diyhh ing dngg ee sauwciuw, cingw jit vaiw.
Vnirlangg ee tamquanr, dagg zit diyhh ing qunxjuiw qapp siaudog’iyhjuiw sew hro cingkir. Diyhh anxnix sew nng vaiw (derr 20 jniux).
Vnirlangg dairsiauxven ee kiwqu, longxx diyhh cingsew hro cingkir.
Sew vylee ee mic diyhh ing siyx juiw qapp satbunn; sew cingkir liauxau jiacqycc ing vor crid.
Sew iuvor ee hxuad, diyhh pox he dyh-dingw, erbin ju cingkir ee vor, ing satbunjuiw ban ban sew qaur cingkir, qycc ing cingkir vor crid, he byy zit ee soxjai, tingwhau ix dax, jiacc siux .kiw .laii; jongw .si m tangx jih, diyhh ing qngw, iacc si diaur .kiw .laii.
Vnirlangg ee bincngg, dagg lexvair diyhh ing siaudog’iyhjuiw laii se jit vaiw.
Beh he vnirlangg bincngg ee huatdo, dirr i’ngi-lai m tangx suiven qingw. Kanwho diyhh jaix u nauxvni ee langg, m air tniax hiaxee kihkic-kiauhkiauc ee sniasueh, iacc si sriu honghann;u tamvni ee langg derr id qniax hngx, iarr narr vni dang ee langg, kanwho diyhh siongsiongg laii sunsi ix. Jitt snax kuanw vnirlangg ee bincngg, diyhh cue habgii ee soxjai. Vnirjingr guihiamw :ee, diyhh diamr kanwho siongsiongg jiauwqor e diyc ee soxjai, jiacc u habgii.
Kanwho narr kir langg’ daux, jiauwqor vnirlangg, diyhh qingw hiongwiongg ee cur, ngr lamm ee mngtangx horsnir, tangx did diyc kacc je ee zidqngx. Beh he vnirlangg ee bincngg m tangx uaw viah, siwvnix diyhh lauu u soxjai tangx hro kanwho juer dairjir, jiacc u hbgii.
Kanwho diyhh e qir .did ee dairjir jiauww erbin:
Gulingx diyhh kamr hro hyw, he dirr lianglingw ee soxjai, m tangx he dirr vnirlangg ee vangg-lai. Tnikir zet ee sii, diyhh jiong’ gulingx dairsingx quer qunw. Cnrix bah, tngx ee lui, narr byy he dirr vingsniux, jiurr dikkag e pnaiw .kir.
Vingsniux diyhh siongsiongg kamr hro ann, in’ui vingx narr qnir diyc kongkir, jiurr kacc kuair rngiuu byy .kir. Narr ing ser der vingx, hro vnirlangg qamm dirr cuir-lai, diyhh dairsingx virvan jit der nguaw; nguaw ee dingxbin cux jit der vor, jiong’ cingkir ee vingx he dirr vor ee dingxbin; vingx narr vniwjniaa juiw jiurr lrau lyc dirr nguaw-lai. Vingx dirr juiw-lai kacc kuair huar byy .kir. Vingx ee dingxbin iarr diyhh ing juixnivor kamr.
Qra vnirlangg qoo iyhqyx ee sii, diyhh buah dirr juixnivor qngbin hitt dingxbin; ing dyx buah iyhqyx, dyx diyhh cingkir, jiong’ juixnivor he hro vnii, dui’ dywciuxvingg buah duiww jniaciuxvingg .kir.
Ngua vausiongliau ee sii, diyhh dairsingx virvan soxx beh ing ee pingduar juixnivor, mihuex, misex, iujuaw, hitt hy mic; m tangx tingwhau ing liauw jiacc qycc virvan; diyhh suisii ing, suisii qycc urvi.
Sinx laii ee vnirlangg duxaxx zip vnirngi, diyhh craa ix soxx duar ee mihqnia; narr cincniu ihok, pue, ziok’aw, u byy cingkir :ee, diyhh hro cua vnirlangg laii :ee duar .dyr .kir. Narr si ginxaw zip vnirngi, diyhh duiww ix ee laurbuw mng itkair puawvni ee jinghingg.
Narr knuar qnir vnirlangg ee jinghingg hutzenn u m hyw, m tangx henxcud qniahniaa ee hingjong, in’ui vnirlangg knuar qnir liw qniax, dniardiyc e qetnix ee iubun qenkow.
M tangx ing pnaiw ee deaux, iacc si niuvuex; bylun simxmic narr pacpnaiw, diyhh qra qauwsux qongw, liamvnix lingrguaw brew sinx :ee, narr diyhh siuliw ee mic, m tangx siux kir kngr, diyhh suisii qra qauwsux qongw, qah langg the kir siuliw, tangx qycc ing. Huwbok hro vnirlangg ing liauw, diyhh liamvnix ing siaudog’iyhjuiw sew cingkir, pak hro dax, qycc ing mihuex qapp vor, vaux hro hyw.
Siongsiongg qor iyhqyx ee langg, m tangx jiong’ hyw ee bincngg, puerdnuax, tanxaw hor ix ing; diyhh ing qu :ee.
Ngua vanx ee sii, kanwho diyhh jiong’ vnirlangg itkair ee dairjir, qra jriab vanx ee kanwho qongw. Isingx soxx bingrling ee ue, narr tniax byy bingvik, diyhh qycc mng hro siongser,
Kanwho diyhh vangjan sinx yc kanwho ee langg jiauww siqanx laii juer inx ee qangx.
Vnirlangg soxx ing .quer ee qesix, ciurlingqngw, hitt hy, longxx diyhh sew hro cingkir, quer sac, crid, he byy zit ee soxjai hro dax, jiacc siux kir kngr. Jiaxee mic ing liauw, diyhh diwir jingxdunr hro ix hyxser, m tangx cinwcaiw he lehh, drir qaur vadd langg beh ing byy lirven. Narr byy jimjiamm jiurr be kamx did drngx kanwho iacc si isingx ee jid.