Daigiw Siuiongw Qongxue

(Id) Hingrhog si lanw ee simsingr

Tnide ee krir jiauww hitt xee suwquir byy qangg, cincniu cuntnix qapp hertnix. Tnikir siyzuac, hitt sii bxan but huatsingx. Narr qaur ciutnix qapp dangtnix, tnikir jin’ lingw, bxan but dax .siw. Lanw langg iarr si qapp jex qangrkuanw, knuar hitt xee langg ee singwjid kacc lingxdam, diyrr ix jurr tnix hiongxsiu ee hingrhog iarr si kacc vyc. Acc narr si hitt xee langg ee singwjid u kacc unhyy u zedjingg ee langg, ix hiongxsiu ee hingrhog iarr kacc je qycc quxdngg. Jitt kuanw langg ee sxingr m si qui’ siwlangg be qaiw(qew) .did. Narr jaix qaqi ee kuatdiamw, diyhh benxqiongw jiamrjiam qra ix qaiw(qew) jiacc hyw. Diyrr si qaqi lingxdam vogjingg, jitt kuanw pnaiw ee singwjid, jiamrjiam hro ix qaiw(qew), qaur buew venr juer unhyy. U dongjingg ee simde jiacc u tangx did quxdngg ee dua dua hingrhog.

(Zi) M tangx ngua taulo, m tangx qycc juer jenhuix

Guaw knuar sewqanx ee langg, siongsiongg uree vuanwdoo ngua jitgiap. Hitt kuanw e singqongx ee langg kacc jiyw, dairkair longxx sitvai, huanxhuew ee langg kacc je. In’ui qaqi jin’ quw juer hitt hxang taulo, juer liauw byy sniaw simsig, knuar vadd langg decc congr ee surgiap jin’ hyw, jiacc kir ngua taulo. In’ui vangwsag jin’ je nii u qinggiam ee taulo, kir juer longxx byy qinggiam ee dairjir, soxiw e sitvai. Qoxjaxlangg iarr u qongw, qewhik bue qinggiam ee surgiap m dat diyc vyxsiuw ixx sxingg u qinggiam ee surgiap; huanxhuew jiongjenn ee quewsid, vutzuu dihongg aurlaii byc kir qycc juer. Jitt qxur ue jin’ driyc. Qaqi longxx byy texgiam, qaur buanxlenn qewhik sinx surgiap, jex vitding e sitvai. Iaxx arr jiongjenn ee sitvai tec kiw laii liam, vutsii kauwcanx iarr byy loring. Ingwqaix diyhh jabhunx jimjiog sniu byc qycc juer diyc jiongjenn ee pnaiw si derr id iauwqinw.

(Snax) Duxhyw dnix duxhyw qiamm jiacc hyw

Huanrr cingliamm qetvik ee langg, dorliong kacc ec, be e iong’unw .langg. Narr si u zindig ee langg, dairkair iuziuu qnuaxduanr. Congbingg ee lnagg kyr u jaijingg, soxiw kacc je gno ing ix ee congbingg. Jingwdit ee langg huansu jipquad. Dingxtauu soxx qongw hiaxee longxx si u jit kuanw mauving. Narr si cingliamm qetvik ee langg, u iong’unw langg ee dorliong, u zindig ee langg huansu u quatduanr, u congbingg :ee m tangx gro ing ix ee congbingg, jingwdit ee langg huansu kacc e tonghiongg uanbuanw. Narr si cincniu jitt kuanw, diyrr ersaiw did qongw camx duxhyw tngg kir congr ee sidbut, jiac liauw be sniu’ dnix, camx duxhyw iamm lyc kir congr ee sidbut, jiac liauw be sniu’ qiamm. Soxiw juewlangg ingwqaix diyhh duw diyc dairjir jimjiog dikdiongx, m tangx quewtauu iarr m tangx byy qraur.

(Sir) Lanw langg nacc dikkag diyhh jngjuer

Langg kacc sanwhiongx kiarduar dirr jit qingx ser qingx aw ee cauxcur. Jing’au dniaa saur qaxx cingkir, lairgua bin jingxdunr qaxx hyxser, diyrr jurzenn u honggnaw, hro langg’ knuar liauw jin’ cingsongw. Nacc dikkag diyhh guarbin juer qew snuax, kuix hidii, jingr dadjnii ee hyw huebak, lairbin vaii siacjiyh’iw, siacjiyhdyh, congr sengiuu-sig he qoxdongxmic? Iurr pixping sanwhiongx ee jabow ginxaw, narr si binrmau iauqiaux, sinkux vuinngw, diyrr mrbenw cah huex buah hunw diamw enjix, u jurzenn jit jiongw ee quiwkir, hro langg’ knuar liauw e himsuan. Nacc dikkag diyhh ing qimjux ee mihqnia laii jngjuer? Nacc dikkag diyhh cing diuduan ee suiw snxax? Soxiw vutlun dycc jit kuanw ee hagjiaw, suizenn gu diyc qankow ee qingxgu, iarr m tangx luexjir, iarr m tangx jurvy-jurkir. Iiuw jiauww dyrliw kir qniaa, danxhau qihue diyrr be hro langg’ knuar m kiw, dendyww hro langg’ dongjingg, junqingr.

(Go) Simsinn m tangx sniu’ quewlyy

U langg jiac qaxx jin’ lau, simsinn iuguann jongwqen, vutjiw u guankir, dua dua decc uahdang. Hitt xee guaninx si sniaxhuer? Si in’ui ix iongxsimx ee huatdo qapp vingsiongg langg byy siysiangg. Ix simqnuax vutsii kanghix, byy sniu’ quewlyy. Cincniu hitt xee dik’axnaa, hongx narr jid’err laii diyrr u sniax, hongx narr diam diyrr longxx byy sniax. Cincniu jiauw-aw narr vuex duiww vix-aw-dingw laii, hitt xee ngiaw e jiyr lyc juixbin. Narr jid’err vuex .quer ngiaw diyrr byy knuar qnir. Lanw langg knuar diyc bagjiux-jingg ee dairjir, simqnuax diyrr e dinxdang, sniu kir hitt hxang dairjir. Dairjir narr quer liauw, simqnuax iarr suisii vangr kuix, byy qycc sniu .ix. Narr vutsii kujip hitt diauu dairjir, lanw ee jingsinn diyrr jurzenn e quewlyy. Jingsinn narr quewlyy, guankir diyrr e sueziok. Jiac qaxx jin’ je huer iauxx e qycc uahdang ee langg, ix si erhiauw did sniu jitt xee iongxsimx ee viwquad. Soxiw uaddang ee guantauu, hitt xee simsinn longxx uanjuann dilehh.

(Lak) Langg cingx sngr bxan sngr m dat diyc tnix jit sngr

Siuw jingjed ee langg, ix longxx byy u sniu beh iauqiuu hingrhog, mrquxx tnix digvet beh jiong’ hingrhog hro :ix, siongsiongg byy qriuu e did .diyc. Iurr cincniu qanhiauhiamw ee langg, vutsii sniu beh jauw jaihy, mrquxx tnix vutsii siongr ix ee pang, diauqangx qangr jaihy hro :ix, be siamxpiah .did. Jiauww anxnix laii knuar, tnix ee jywhuad jin’ qongvnii, jin’ ywbiau, hro lanw vutkyw-sugi. Diyrr si qaqi air beh hingrhog ee langg, dendyww qriuu be did diyc, byy sniu hingrhog ee langg, dendyww vutqiuu jurdig. Lanw narr siuw jingjed, vadd langg beh hamrhai .lanw, lanw suizenn m jaix tangx vi, mrquxx tnix e uirr lanw vaiqaiw, be hro ix hamrhai. Soxiw qongw langg cingx sngr bxan sngr m dat diyc tnix jit sngr.

(Cid) Jinx jing jinx lok si sniaxhuer

Narr si kia snuadingw higsirr haixqnii, iacc si canjngx kacc jing ee soxjai decc jingriongw simsinn, hitt sii lanw ee simqnuax qyxzenn u jing iacc byy, guaw sniu dairkair hex m si jinjniar ee jing. Suizenn kia dirr sniaci, lanw ee sinkux druar dirr caxnau ee diongqanx. Lanw ee simqnuax hro ix anjing, juanzenn m jaix u caxnau byy caxnau, hex jniar si jinjniar si jing. Cincniu cutjingx ee jiongqunx dirr cenqunx-banrmaw ee diongqanx, hnuaii qniaa dit drng. Ix ee sinkux cincniu jabhunx ee byy ingg, mrquxx ix ee simqnuax byy ingg diyrr drong, u ingg diyrr jing. Soxiw dirr jenwdniuu limx jiuw gimm six, soxx qongw inghiongg hiongdiongx iuxhann zidguat, diyrr u hitt kuanw ee simsingr jiacc hyw. Iaxx arr u lanw langg sinkux druar dirr logqingw decc hiongxlok, hex m si jinjniar kuaiwlok. Suizenn dirr koxqingw, narr iuiuu jurdig, be hro qankow sokvak, u tangx kuaiwlok, hex jniar si jinjniar kuaiwlok, ersaiw did qongw ixqingx did diyc simtew ee biauriong.

(Veh) Vingsor jongw diyhh u jitt kuanw ee ingrsimx jiacc hyw

Lanw longxx byy dairjir sniu’ ingg ee sii, iarr m tangx kangx kangx jiac vaw quer zit, diyhh jabhunx iongrsimx junxvi. Vadd zit aw narr duw diyc u dairjir qik byy ingg ee sii, diyrr benw conghongg erdangr juriuu uahdang. Iaxx arr suizenn dirr hitt jing jing ee sii, lanw ee simqnuax iarr m tangx hro ix lingxdam, diyhh jit jingw ee vaxag. Danxhau qihue narr qaur, tangx jabhunx uahdang jiacc hyw. Iaxx arr suizenn vadd langg byy knuar qnir ee soxjai, iarr dikkag m tangx juer vutjingr ee dairjir. Beh penr vadd langg suar qaqi penr. Narr si druar hitt xee byy langg knuar qnir ee soxjai m bad juer pnaiw, soxx qongw hy juer “vutkix-amwsig, bunrsimx-bukuir”, diyrr ersaiw did cud dirr siarhue qyhingg-kuacvo dua dua uahdang iarr byy langg qnaw qongqig .lanw. Lanw langg dirr vingsor jongw diyhh u jitt kuanw ee iongrsimx jiacc hyw.

(Qauw) Six unhui vutbongrvyr ee jinx iwgi

Duiww hitt xee qongqiong ee dairjir m tangx qor lanw qaqi ee lirig, diyhh henwsindig kir juer dagg hxang dairjir. Ingwqaix hisingx :ee diyrr hisingx, pacvniar kir congr jiacc ersaiw .did. Narr si dirr vuanwdoo sniu qongxx lanw beh juer jitt kuanw m jaix e dendyww byy lirig iacc be, suizenn si kiw jitt kuanw ee gisimx, iuguann itbi duiww qongqiong ee hongbin kir sidhingg. Setsuw acc narr si kiw hitt kuanw ee gisimx, suar diuduu m juer, vuanwdoo-zihuir, diyrr bycaiw kixtauu vangwsag qaqi ee lirig, qamguan juer hisingx hitt xee hyw iwsur. Iaxx arr lanw suizenn six unhui hro .langg, m na m tangx qongzenn qra ix tyw vywsiuqimx, iarr m tangx vutsii sniu jit xe ix laii vyr lanw ee simqnuax. Setsuw acc narr si qra ix tyw zinjingg, qra ix tyw vywsiuqimx, diyrr ongxkud kixtauu huatsingx cik’unw ee simqnuax kir qiuwjo .ix, vutzuu mair qiuwjo .langg kacc hyw.

(Jap) Qniaxsunx ee hingrhog si sniaxhuer

Lanw ee joxqongx diwimr lanw si sniaxmic ne? Diyrr si lanw henrjai soxx did .diyc ee hingrhog. Lanw juer qniaxsunx ingwqaix diyhh siauwliam joxqongx ee sinkow. Joxqongx ee qonglyy diyhh vutsii qamxsia .ix, cenban m tangx sniu qongxx lanw sriu ix ee diwimr kacc jiyw. Iaxx arr lanw ee qniaxsunx ee hingrhog si sniaxhuer? Diyrr si lanw juer sirdua ee langg diyhh jabhunx jxig dxig lauu did hro qniaxsunx si derr id hyw. Narr si qankow liabjig qenwdir qagiap lauu hro qniaxsunx, hex m si jinx ee hingrhog. Qoxjaxlangg u qongw jxig sxen ji’ qrax vit’iuw ukingr, jxig vutsen ji’ qrax vit’iuw uiongx. Soxiw jxig dxig hro qniaxsunx kacc hyw lauu qehuew hro .ix.

(Jap-id) Hyrhog sixuac ee hunlo

Lanw narr sniu beh congr jit hxang dairjir, dniardiyc e kiw jit xee liamrtauu. Hitt jun lanw narr jai’ngiaw hitt xee liamrtauu decbeh duiww suiok ee hongbin kir, maxsiong diyrr qra ix qiyr dywdngw .laii, qycc hro ix hiongr dyrliw ee hongbin kir jiacc hyw. Iaxx narr si huatsingx hitt xee susiongw ee sii, narr jai’ngiaw hitt xee susiongw jin’ m driyc, maxsiong diyrr juanxliam hro ix sniu duiww hyw ee hongbin kir jiacc hyw. Jex diyrr si soxx qongw juanxhy-uihog, cincniu jiong’ decbeh siw ee langg hro ix qycc uac. Lanw langg u juer m diyrc, u juer pnaiw, e huanxhuew, be huanxhuew, e juanxliam, be juanxliam, jex sidjai si hyrhog sixuac ee hunlo. Soxiw iauwqinw diyhh sniu kacc tywdongr, m tangx vangr ix byy-iauw.-byy-qinw.

(Jap-zi) Diyhh qiur qaqi ee simhuew jiacc hyw

Langg narr cutsir dirr huwquir langg ee qadingg, dirr huwquir langg ee ciuw nirr ngiuxci diongxsingg, diyrr dagg hxang ee dairjir longxx beh sun ix ee iwsur hro ix hnuahiw. Su su narr beh juer diyrr juer, beh qongw diyrr qongw, longxx m jai’ngiaw sewsiong ee qankow, suacc berhiauw tangx apjer qaqi ee iogbong. Soxiw jitt xee iogbong cinciu huew ee qionglet, diyrr si jiac hyw cing hyw druar hyw, simrjiww dua limx dua kaix. Ix ee sing’uac huisiongg ciaciw, qycjaiww jiong’ ix ee quanser juer kywsnuax, hinghingg-hongwsur. Hitt xee sewlik iurr cincniu duarjuiw ee huanwlam. Jitt kuanw :ee ingwqaix diyhh iong huatdo qra ix diauhyy, hro ix simde cingqed, taukag lingxjing, jiacc ersaiw .did. Narr byy, ix ee simhuew narr byy siyx vadd langg, e dendyww siyx qaqi. Hitt xee juiw narr byy rimx siw vadd langg, dyww rimx siw jurqiw.

(Jap-snax) Hyw jiac ee mic e pacpnaiw uirdngg

Cincniu sandinx-haixbi ee hyw jiac ee mic, lanw jiac liauw suizenn jin’ hyw jiac, mrquxx hitt kuanw hyw jiac ee mic jiac liauw dniardiyc e pacpnaiw uirdngg, iarr e pacpnaiw sinmia. Soxiw m tangx jiac sniu’ je, ingwqaix jiac jit nguaw ee sii diyhh jiac vnuar nguaw diyrr hyw. Narr e qiamw jiac diyrr benw qniax e pacpnaiw sinmia. Iaxx arr lanw tniax diyc dairjir knuar diyc mihqnia, narr tniax liauw jin’ tangx hnuahiw, knuar liauw jin’ tangx kuaiwlok, hitt kuanw :ee qaur buew dniardiyc pywhuai lanw ee sinkux, songwsid lanw ee dikhing. Soxiw duiww hitt kuanw ee tiongwlok iarr diyhh jabhunx qingxqair, m tangx tiongwlok quewtauu, soxx qongw hy juer limgaii-ligmaw. Narr erdangr anxnix, diyrr qaur buew iarr u tangx an’unw, dniardiyc benw huanxhuew.

(Jap-sir) Sun tenzenn sun zinjingg jiacc e bixbuanw

Jurqow ixlaii, qik cutmiaa ee bunjniux dniardiyc m si lang vitbak gauu povaii hro langg’ knuar hyw. Ix soxiw hro langg tak liauw e qamxsimx jiarr, ix vingsor tak jit-bxan vunw ee ceh, hagsig jabhunx ciongjiog, simjingg jabhunx zedlet, soxx siaw :ee jit zri jit qxur longxx si jurr ix ee simqnuadew auw .cud .laii .ee, m si kiyh vadd langg bad ing ee hyw zirqur laii vaii hyw knuar. Qik cutmiaa ee bunjniux longxx byy iamxsig, sun tenzenn, sun zinjingg, duxduxx kir hac hitt xee debak. Langg ee pinxsingr iarr si cincniu jitt kuanw, siuiongw qycc siuiongw, longxx mrbenw ing vadd mic laii jngsig. Ix soxx qongw :ee, ix soxx juer :ee iarr byy digvet qikaw. Jongw si jurzenn viauw cud tenzenn ee suiw, duxduxx kir hac lanw langg ee vunxsingr.

(Jap-go) Qunjuw venwjed m dat diyc siauxzinn huanxhuew

Qunjuw ee langg ingwqaix diyhh sriux hagbun, tangx hro ix diwsig hiongwsiong, iarr tangx hamiongw diksingr, zit zit huanxsingw, vutsii juer hyw, hro langg’ juer mohuan jiacc ersaiw .did. Setsuw narr si ix ee qniadac qanda’ jngsig guarbin, m si sidjai hyw, diyrr viw siauxzinn qongzenn juer pnaiw iaxx kacc lirhai, byy tangx hunved ix si qunjuw iacc si siauxzinn. Iaxx arr jitt xee qunjuw soxx diwdiong :ee diyrr si jetgi. Ix narr si uirdiyhh lirig, qamguan venwjed diyrr m dat diyc siauxzinn juer diyc pnaiw :ee jaix tangx huanxhuew juer hyw. Soxiw qunjuw iarr diyhh zit zit jursingw juer hyw, iarr m tangx venwjed. Siauxzinn narr jaix qaqi soxx juer ee dairjir u m driyc, diyh’air qnuaxqinw huanxhuew jiacc hyw.