Samuel II

1 Saul siw liauw, David taii siw Amaleklangg dyr .laii ee sii, David druar dirr Ziklag nng zit.

2 Qaur derr snax zit, u jit langg dui' ngiavnuaa Saul hiax laii, ijniuu tiah lic, taukag samw tohunw. Ix qaur David hiax, dyrr pag dirr de nirr vair ix.

3 David mng ix qongxx, "Liw dui' dyclyc laii?" Ix rinr qongxx, "Guaw dui' Islael ee qunngiaa jauw .laii."

4 David qycc mng ix qongxx, "Dairjir jnaixngiu? Cniaw liw qra guaw qongw." Ix rinr qongxx, "Vecsnir dui' jenwdin dyjauw, vecsnir jerje dyw lehh siw .kir; Saul qapp ix ee qniaw Jonatan iarr siw."

5 David qra duiww ix qongw ee siauwlenlangg qongw, "Liw jnaixngiu jaix Saul qapp ix ee qniaw Jonatan siw :ar?"

6 Qra ix qongw ee siauwlenlangg qongw, "Guaw gnoxzenn qaur Gilboa Snuax, knuar qnir Saul pag dirr ix ee cniux, u jenwciax bexvingx zib uaw ix.

7 Ix uat tauu knuar guaw, dyrr qiyr guaw. Guaw rinr qongxx, 'Guaw dirr jiax.'

8 Ix mng guaw qongxx, 'Liw si simxmih langg?' Guaw rinr qongxx, "Guaw si Amaleklangg."

9 Ix qycc qra guaw qongw, 'Cniaw liw qinruaw guaw laii taii siw guaw, in'ui guaw jin' tongwkow, guaw ee sniwmia iauxx hyw hyw.'

10 Guaw dyrr qinruaw ix, laii taii siw ix, in'ui guaw jaix ix dyw .lyc .kir liauw, dikkag be uac. Guaw dyrr tec ix taukag ee benxliuu, qapp ix ee ciuxkuann, duar qaur guaw ee jruw jiax."

11 David dyrr tiah lic snxax, qinduer ix ee langg iarr si anxnix.

12 Uirdiyhh Saul qapp ix ee qniaw Jonatan qapp Jehovah ee vecsnir, qapp Islael-qrex, vi'aix tikaur qimwjiac qaur zit amr, in'ui inx dyw dirr dyx-xe.

13 David qra duiww ix qongw ee siauwlenlangg qongw, "Liw dui' dyclyc laii?" Rinr qongxx, "Guaw si cutguarlangg ee qniaw, Amaleklangg."

14 David duiww ix qongw, "Liw crunx ciuw taii siw Jehovah soxx buah iuu :ee, jnaixngiu byy qniax ar?"

15 David qiyr jit xee siauwlenlangg, qongw, "Liw qinruaw kir taii siw ix." Ix dyrr kir pah hro ix siw.

16 David qra ix qongw, "Liw ee huih qruix dirr liw ee taukag, in'ui liw ee cuir qaqi qanjingr liw qongxx, 'Guaw taii siw Jehovah soxx buah iuu :ee.'"

17 David juer aiqyx, duidy Saul qapp ix ee qniaw Jonatan.

18 Qycc qongw, "Jiong' jitt xee aiqyx qawsi Judahlangg." Jitt ee aiqyx miaa qiyr Qringx Quax, siaw dirr Jasar ee ceh. Quax qongxx:

19 Islael ar, liw ee inghenw :ee siurr taii dirr snuatauu;

Hai ar, inghiongg :ee siw qaur anxnix ar!

20 Byc did dirr Gat vywqyr,

Byc did dirr Askelon ee quelo vywiongg,

Qniax Filist ee jaboxginxaw hnuahiw.

Qniax byy sriu qatlew ee langg ee jaboxginxaw dairet.

21 Gilboa Snuax ar,

Guan byy lorjuiw, byy ho, dirr liw hiax, qycc cann byy cud lexmic;

In'ui dirr hiax iongxsu ee dinvaii siurr hetqak,

Saul ee dinvaii, cincniu byy siurr buah iuu :ee.

22 Dui' siurr taii :ee ee huih, dui' iongxsu ee iuu,

Jonatan ee qringx byy dywter,

Saul ee dyx byy kangx kangx dywdngw.

23 Saul qapp Jonatan uac ee sii tangx tniar, tangx hnuahiw :ee;

Siw ee sii iarr byy vunli;

Inx viw ingjiauw kacc qinw,

Viw sraix kacc qiongg.

24 Islael ee jaboxqniaw ar, diyhh uirdiyhh Saul tikaur,

Ix bad hro linw cing ju'angg sig laii hnuahiw;

Hro linw ee ihok u ngqimx ee jngtna.

25 Iongxsu jnaixngiu dyw dirr jenwdin!

Jonatan siurr taii dirr liw ee snuatauu.

26 Guaw ee hniax Jonatan ar, guaw uirr liw siongsimx;

Guaw jinrjai hnuahiw liw;

Liw ee tniar guaw jin' qibiau,

Ngiaa quer hurzinlangg ee tniar.

27 Iongxsu siw qaur anxnix.

Jenwkir huixbet qaur anxnix!

2 Au .laii David mng Jehovah qongxx, "Guaw jnriu kir Judah jit xee sniaa, tangx mah?" Jehovah qra ix qongw, "Tangx jnriu .kir." David qongw, "Guaw diyhh jnriu kir dyclyc?" Ix qongw, "Qaur Heblon."

2 David dyrr qapp ix nng xee bow, dyrr si Jezleellangg Ahinoam, qapp Karmellangg bad juer Nabal ee bow, miaa Abigail, longxx jnriu kir hiax.

3 David iarr hro qinduer ix ee langg qapp inx dagg langg ee qequanr, longxx jnriu .kir. Inx dyrr diamr dirr Heblon hiaxee sniaa.

4 Judahlangg qaur, dirr hiax ing iuu buah David juer Judah-qrex ee ongg.

5 U langg qra David qongw, "Baijongr Saul :ee si Gilead Jabes ee langg." David dyrr crex suwjiaw kir qnir Gilead Jabes ee langg, qra inx qongw, "Guan Jehovah suwhog linw, in'ui linw ing jitt xee zinjuu kuanxtai liw ee jruw Saul, qra ix baijongr.

6 Guan Jehovah ing zinjuu singsit kuanxtai linw. Guaw iarr beh vywdab linw jitt xee zinjuu, in'ui linw u qniaa jitt xee su.

7 Linw ee ciuw diyhh giamxgni, linw diyhh iongxqamw, in'ui linw ee jruw Saul ixqing' siw, Judah-jok iarr u ing iuu buah guaw juer inx ee ongg."

8 Saul ee qundniuw Ner ee qniaw Abner bad jiong' Saul ee qniaw Isboset duar ix quer kir Mahanaim,

9 Setlip ix juer ongg dirliw Gilead, Aser, Jezleel, Eflaim, Benjamin, qapp Islael ee jingwlangg.

10 Saul ee qniaw Isboset kixtauu juer Islael ee ongg, hitt sii sir-jap huer; jerui nng nii. Dogdok Judah-jok duer David.

11 David dirr Heblon juer Judah-jok ee ongg, ligquer cid nii qycc lak guehzit.

12 Ner ee qniaw Abner, qapp Saul ee qniaw Isboset ee zinsinn, dui' Mahanaim cud laii kir Gibeon.

13 Zeluiah ee qniaw Joab qapp David ee zinsinn, iarr cud .laii, dirr Gobeon ee dii-vnix sna' duw .diyc. Inx dyrr jre lehh, jit dui jre dirr dii ee jitt vingg, jit dui jre dirr dirr ee hitt vingg.

14 Abner duiww Joab qongw, "Cniaw liw hro siauwlenlangg kiw .laii, dirr lanw ee binrjingg qunxciyr." Joab qongw, "Tangx hro ix kiw .laii."

15 Inx dyrr kiw laii jiauww siauwgiac quer .kir; sriok Saul ee qniaw Isboset ee Benjaminlangg jap-zi miaa.

16 Dagg xee kiuw ix duiwbin hitt langg ee taukag, ing dyx cak ix duiwbin hitt langg ee hiap, juer jit xe dyw lyc kir siw; soxiw hitt soxjai qiyr juer Helkat Hazulim, dyrr si dirr Gibeon.

17 Hitt zit ee qaujenr jin' hiongg; Abner qapp Islaellangg kacc sux dirr David ee vxingx ee binrjingg.

18 Dirr hiax u Zeluiah snax xee qniaw, Joab, Abisai, Asahel; Asahel ee kax gauu jauw, cincniu iaw lok jidvnuax.

19 Asahel duizib Abner; byy penx jyxiu, diddit zib Abner.

20 Abner uat tauu knuar, qongw, "Asahel ar, si liw iacc m si?" Rinr qongxx, "Si guaw."

21 Abner qra ix qongw, "Liw diyhh uat dngw jniar vingg, iacc si dyr vingg, liac jit xee siauwlenlangg, uirr liw vunxsinx vrag ix ee jenwsnax." Danrsi Asahel diddit duix ix, m kingw uat dngw.

22 Abner qycc qra Asahel qongw, "Liw uat dngw byc did duizib guaw; guaw sniaw su diyhh pah liw dyw de? Narr anxnix, guaw u simxmih binrbak tangx kir qnir liw ee hniax Joab?"

23 Ix iuguann m kingw uat dngw. Abner ing cniuvniwau ee dyx cak zip ix ee vakdow, cniux dyrr tangr quer ix ee qajiac'au, ix dyrr dyw dirr hiax siw; qniwnarr laii qaur Asahel dyw lehh siw ee soxjai, dyrr longxx tingkax.

24 Joab qapp Abisai duizib Abner; inx qaur Giah sna' duiwbin ee Ammah Snuax, dirr Gibeon kongwiaw ee lo, zit dyrr lyc.

25 Benjaminlangg jurjip duer Abner juer jit din, kia dirr snuax-dingw.

26 Abner qiyr Joab, qongw, "Dyqiamr taii langg ingxx byy suah mah? Liw qamxx m jaix qaur buew u qankow mah? Liw beh qaur simxmih sii hro vecsnir dyr .kir, byy zib inx ee hniadi ar?"

27 Joab qongw, "Guaw qiw ingxuac ee Siongrder laii jiuwjua, narr m si liw qongw, jaxkiw vecsnir dyrr dyr .kir, byy zib ix ee hniadi."

28 Dui' anxnix, Joab vunn sauwqag, jiongww vecsnir dyrr kia lehh, byy qycc duizib Islaellangg, iarr byy qycc qaujenr.

29 Abner qapp duer ix ee langg tong' mii qniaa, qingquer Alaba, quer Jordan, dui' Bitlon quer kir qaur Mahanaim.

30 Joab byy qycc zib Abner, dyrr dyw .laii, jurjip jiongww vecsnir; David ee vxingx qiamw jap-qauw langg, qapp Asahel.

31 Danrsi David ee vxingx pah siw Benjaminlangg, qapp duer Abner ee langg, qiong snax-vah lak-jap langg.

32 Inx qrngx Asahel kir Betlehem, baijongr dirr inx laurve ee bong. Joab qapp duer ix ee langg tong' mii qniaa, qaur Heblon ee sii, tnix duxaxx qngx.

3 Saul ee qrex qapp David ee qrex qaujenr quw quw; David naxx qiongsing, Saul ee qrex naxx sueziok.

2 David dirr Heblon snix quixnarr xee qniaw; dua-qniaw Amnon, si Jezleellangg Ahinoam soxx snix :ee.

3 Derr zi xee, Qileab, si bad juer Karmellangg Nabal ee bow Abigail soxx snix :ee. Derr snax xee, Absalom, si Gesur Ongg Talmai ee jaboxqniaw Maakah ee qniaw.

4 Derr sir xee, Adonijah, si Haggit ee qniaw. Derr go xee, Sefatiah, si Abital ee qniaw.

5 Derr lak xee, Itleam, si David ee bow Eglah soxx snix :ee; jiaxee si David dirr Heblon soxx snix :ee.

6 Saul ee qrex qapp David ee qrex qaujenr ee sii, Abner dirr Saul ee qrex qaqi qiongg .kiw .laii.

7 Saul u jit xee horhuix, miaa qiyr Rlizpah, si Aiah ee jaboxqniaw. Isboset duiww Abner qongw, "Liw sniaw su qapp guaw ee laurve ee horhuix dangvangg ar?"

8 Abner in'ui Isboset ee ue, dyrr jin' siurkir, qongw, "Guaw qamxx si Judah ee qauxtauu mah? Guaw hyw kuanxtai liw ee laurve Saul ee qrex, qapp ix ee hniadi, ving'iuw, byy jiong' liw qaux dirr David ee ciuw, liw qinaxzit qingxzenn in'ui jit xee hurzinlangg jikvi guaw mah?

9 Guaw narr byy jiauww Jehovah soxx duiww David jiuwjua :ee laii qniaa dirr ix,

10 Dyrr guan Siongrder qavue jikhuat Abner, beh dui' Saul ee qrex isuaw qok'ui, laii qenwlip David ee xui, hro ix dirliw Islael qapp Judah, dui' Dan qaur Beerseba."

11 Isboset, in'ui qniax Abner, be rinr jit qxur ue.

12 Abner uirdiyhh vunxsinx crex suwjiaw kir qnir David, qongw, "Jitt xee derhngx sriok jirjui ar?" Qycc qongw, "Liw qapp guaw lip iog, guaw ee ciuw beh vangjan liw, hro Islael longxx qruix liw."

13 David qongw, "Hyw, guaw qapp liw lip iog. Danrsi guaw beh duiww liw tyw jit hxang, dyrr si liw laii qnir guaw ee bin hitt sii, narr byy jiong' Saul ee jaboxqniaw Miqal cua .laii, dikkag be qnir guaw ee bin."

14 David dyrr crex suwjiaw kir qnir Saul ee qniaw Isboset, qongw, "Liw diyhh jiong' guaw ee bow Miqal hingg guaw, ix dyrr si guaw bad ing Filistlangg jit-vah iongbut ee puee soxx pingwdnia :ee."

15 Isboset dyrr crex langg dui' ix ee diongrhux Lais ee qniaw Paltiel hiax, duar ix laii.

16 Ix ee diongrhux duer ix ee aurbin, naxx qniaa naxx hauw, qapp ix qaur Bahulim. Abner qra ix qongw, "Dyr .kir ar." Ix dyrr dyr .kir.

17 Abner qapp Islael ee diongxlyw camsiongg, qongw, "Linw jingg himbo David juer ongg dirliw linw.

18 Dnaxx diyhh qniaa ix, in'ui Jehovah bad lun qaur David, qongw, 'Guaw beh ing Guaw ee lovok David ee ciuw qiur Guaw ee vecsnir Islael tuatli Filistlangg ee ciuw, qapp jiongww duiwdik ee ciuw.'"

19 Abner iarr qongw hro Benjaminlangg tniax; qycc qaur Heblon, jiong' Islaellangg, qapp Benjamin juaun qrex, itcer soxx knuar juer hyw :ee, qongw hro David tniax.

20 Abner qapp zi-jap langg qaur Heblon qnir David. David uirdiyhh Abner, ixqip qapp ix laii ee langg, sed ensiac.

21 Abner qra David qongw, "Guaw beh kiw .laii, kir jiyjip Islael jingwlangg laii qnir guaw ee jruw, guaw ee ongg, hro inx tangx qapp liw lip iog; liw dyrr tangx juer ongg, jiauww simx soxx air laii quanxliw." David dyrr sangr Abner kir; ix dyrr ving'anx kir.

22 David ee vxingx qapp Joab cutqunx dyr .laii, duar jerje cniuw ee mic laii. Hitt sii Abner byy dirr Heblon David hiax, in'ui David ixqing' sangr ix kir, ix iarr ving'anx kir.

23 Joab qapp duer ix ee juann qunx ixqing' qaur, u langg tongdix Joab qongxx, "Ner ee qniaw Abner laii qnir ongg, ongg sangr ix kir, ix iarr ving'anx kir."

24 Joab kir qnir ongg, qongw, "Liw juer simxmih ar? Knuar ar, Abner laii qnir liw, liw sniaw su hro ix kir? Dnaxx ix kir liauw lar.

25 Ner ee qniaw Abner laii, si beh penr liw, rair jaix liw ee cud qapp liw ee zip, qapp liw itcer soxx juer ee su."

26 Joab dui' David hiax cud .laii, dyrr crex suwjiaw kir zib Abner. Inx dyrr dui' Selac ee jnew duar ix laii, danrsi David m jaix.

27 Abner dywdngw laii qaur Heblon, Joab cua ix qaur sniamngkauw, qew beh amwjni qapp ix qongxue, dyrr dirr hiax cak taur ix ee vakdow, ix dyrr siw; jex si uirdiyhh ix ee siyxdi Asahel hro ix taii siw.

28 Au .laii David tniax .qnir, dyrr qongw, "Lrauu Ner ee qniaw Abner ee huih, jitt xee jue dirr Jehovah ee binrjingg dikkag ingxuanw byy qruix dirr guaw, qapp guaw ee qog.

29 Guan hitt xee qruix dirr Joab ee taukag, qapp ix ee laurve juann qrex; qycc guan Joab ee qrex huan diyc harsiaux :ee, taixqyx :ee, iacc si uaw qnuaiw-aw :ee, hro dyx taii siw :ee, byy tangx jiac :ee, ingxx byy dng."

30 Joab qapp ix ee siyxdi Abisai taii siw Abner, si in'ui ix dirr Gibeon qaujenr ee sii, taii siw inx ee siyxdi Asahel.

31 David qra Joab qapp duer ix ee jiongww vecsnir qongw, "Linw diyhh tiah lic snxax, haa muavor, dirr Abner binrjingg tikaur." David Ongg iarr duer dirr ix ee qnuacaa au.

32 Inx baijongr Abner dirr Heblon; ongg uaw Abner ee bong laii tikaur.

33 Ongg uirdiyhh Abner vi'aix qongw:

Abner jnaixngiu cincniu gongrlangg ee siw ar?

34 Liw ee ciuw byy kunxvak, liw ee kax byy syxlen;

Liw si cincniu langg siw dirr pnaiw langg ee binrjingg.

35 Dui' anxnix jiongww vecsnir qycc uirdiyhh ix aikaur. Zit be lyc ee sii, jiongww vecsnir laii krngr David jiac vniaw; danrsi David jiuwjua qongxx, "Guaw narr dirr zit be lyc ee dairsingx jiac damrvyc vniaw, iacc si jiac vadd hxang mic, guan Siongrder qavue jikhuat guaw."

36 Jiongww vecsnir juwir knuar, longxx knuar juer hyw, cincniu ongg huanrr soxx juer :ee, jiongww vecsnir longxx knuar juer hyw.

37 Hitt zit jiongww vecsnir qapp Islael jingwlangg jiacc jaix taii siw Ner ee qniaw Abner, longxx m si cud dirr ongg ee iwsur.

38 Ongg qra ix ee zinsinn qongw, "Linw qamxx m jaix qinaxzit dirr Islael diongx, siw jit xee hyqet ee dairuixzinn mah?

39 Guaw suizenn siurr buah iuu juer ongg, qinaxzit iauxx si luanxziok. Zeluiah ee qniaw, jiaxee langg viw guaw kacc qiongg. Qniaa pnaiw ee langg, guan Jehovah jiauww ix ee pnaiw vywingr ix."

4 Saul ee qniaw tniax qnir Abner siw dirr Heblon, ciuw dyrr nngw .lyc .kir. Islael jingwlangg iarr longxx gang gang.

2 Saul ee qniaw u nng xee duirdniuw, jit xee miaa Baanah, jit xee miaa Rleqab, si Benjamin ee jipair, Beelotlangg Rlimmon ee qniaw; in'ui Beelot iarr sriok dirr Benjamin.

3 Beelotlangg jaxjingg jauw qaur Gittaim, cutgua dirr hiax, qaur qinaxzit.

4 Saul ee qniaw Jonatan u jit xee qniaw nng kax longxx vnaiw, miaa qiyr Mefiboset; dng' Saul qapp Jonatan ee siausid dui' Jezleel tuann .laii ee sii, ix duxaxx go huer. Ix ee nibuw py ix jauw, in'ui jauw jin' qinw, ginxaw vuac .lyc .laii, dyrr drir pnaixkax.

5 Beelotlangg, Rlimmon ee qniaw Rleqab qapp Baanah, cud .kir, iokliok zit siyly ee sii, qaur Isboset ee cur. Ix dirr diongdaur duxaxx decc kunr.

6 Inx zip cur-lai qexngiaw beh vud bec, dyrr cxir taur Isboset ee vakdow; Rleqab qapp ix ee hniadi Baanah dyrr dyjauw.

7 Inx zip vangg-lai ee sii, Isboset duxaxx dirr vangg-lai dyw dirr cngg nirr decc kunr. Inx dyrr pah ix, taii siw ix, quah ix ee taukag, duar ix kir, dui' Alaba ee lo tauwmii qniaa.

8 Inx duar Isboset ee taukag qaur Heblon David hiax, qra ongg qongw, "Liw ee duiwik Saul bad siauwsniu liw ee sniwmia :ee, knuar ar, jex si ix ee qniaw Isboset ee taukag. Jehovah qinaxzit uirdiyhh guaw ee jruw, guaw ee ongg vywsiuu dirr Saul qapp ix ee horer."

9 David rinr Beelotlangg Rlimmon ee qniaw Rleqab qapp ix ee hniadi Baanah, qra inx qongw, "Jehovah qiuwsiok guaw ee sniwmia tuatli longxjongw ee koxlan, guaw qiw Ix ee ingxuac laii jiuwjua.

10 Jingg u langg vyr guaw qongxx, Saul ixqing' siw, ix qaqi liahjuer si vyr hyw siausid, guaw dyrr liac ix, dirr Ziklag qra ix taii siw, jex si guaw hro ix juer tuann siausid ee vywsniuw;

11 Hyhongr pnaiw langg zip girlangg ee cur, taii ix dirr bincngg nirr, guaw qamxx byy beh dui' linw ee ciuw tyw ix ee huih, an' derjniu dubet linw mah?"

12 David bingrling ix ee siauwlenlangg, inx dyrr taii siw inx, jam dng inx ee kax, ciuw, diaur dirr Heblon ee dii-vnix; iarr jiong' Isboset ee taukag baijongr dirr Heblon Abner ee bong.

5 Dngsii Islael jiongww jipair qaur Heblon qnir David, qongw, "Knuar ar, guanw si liw ee qutziok.

2 Jingg Saul juer guanw ee ongg ee sii, cua Islael cutzip :ee si liw. Jehovah iarr bad qra liw qongw, 'Liw beh jiauwqor Guaw ee vecsnir Islael, iarr beh juer Islael ee qun'ongg.'"

3 Dui' anxnix Islael ee diongxlyw longxx laii Heblon qnir ongg. David Ongg dirr Heblon Jehovah ee binrjingg qapp inx lip iog. Inx dyrr ing iuu buah David juer Islael ee ongg.

4 David jerui ee sii snax-jap huer, ix jerui sir-jap nii.

5 Dirr Heblon juer Judah Ongg cid nii qycc lak guehzit; dirr Jelusalem juer tong' Islael qapp Judah ee ongg snax-jap-snax nii.

6 Ongg qapp duer ix ee langg laii qaur Jelusalem, beh qongqig kiarkiw hitt soxjai ee Jebuslangg. Inx duiww David qongw, "Liw narr byy druu jiaxee cnimii :ee, vaixjax :ee, dyrr be zip jitt soxjai"; inx pacsngr David quatduanr be zip jiax.

7 Jongwsirr David qongqig Zion ee uersow, jex dyrr si David ee sniaa.

8 Dng' hitt zit, David qongw, "Jirjui pah Jebuslangg, diyhh dui' juixqaux jnriu kir pah David ee simx soxx uanwhun ee vaixkax :ee, cnimii :ee." Dui' anxnix, u sioggiw qongxx, "Cnimii, vaixkax :ee be e zip cur."

9 David diamr dirr uersow, cxingx hitt soxjai juer David ee sniaa. David dirr siwuii kixjy, iarr ngr lairbin.

10 David naxx quw naxx qiongsing, in'ui Jehovah, banrqunx ee Siongrder qapp ix dilehh.

11 Tyle Ongg Hilam crex suwjiaw duar vikhniucaa qapp bagcniu jiyhcniu qaur David hiax. Inx qra David kiw cur.

12 David jaix Jehovah dniardiyc setlip ix juer Islael Ongg; qycc uirdiyhh Ix ee vecsnir Islael laii hingx kiw ix ee qog.

13 David dui' Heblon laii liauxau, dui' Jelusalem qycc lip horhuix. David qycc snix qniaw, jaboxqniaw.

14 Dirr Jelusalem soxx snix ee qniaw dyrr si Sammua, Sobab, Natan, Solomon,

15 Ibhar, Elisua, Nefeg, Jafia,

16 Elisama, Eliada, qapp Elifelet.

17 Filistlangg tniax qnir langg ing iuu buah David juer Islael Ongg, Filist ee jingwlangg dyrr jnriu laii beh cue David. David tniax .qnir dyrr lyc kir qaur ngiaje.

18 Filistlangg ixqing' laii, vowdir dirr Rlefaim ee snuaqog.

19 David mng Jehovah qongxx, "Guaw tangx jnriu kir qrongx Filistlangg mah? Liw beh jiong' inx qaux dirr guaw ee ciuw mah?" Jehovah qra David qongw, "Liw tangx jnriu .kir, in'ui Guaw dikkag beh jiong' Filistlangg qaux dirr liw ee ciuw."

20 David laii qaur Baal Pelazim, dirr hiax pah inx, qongw, "Jehovah dirr guaw ee binrjingg ciongsnuar guaw ee duiwdik, cincniu juiw ee ciongsnuar jidngiu"; soxiw miaa hitt soxjai juer Baal Pelazim.

21 Inx kiwsag inx ee gnoxsiong dirr hiax; David qapp duer ix ee langg qra kiyh .kir.

22 Filistlangg qycc jnriu .laii, vowdir dirr Rlefaim ee snuaqog. David mng Jehovah;

23 Jehovah qongw, "M tangx dit dit jnriu .kir, diyhh uanx qaur inx ee aurbin, dui' sngjaiciu duiwbin pah inx.

24 Liw tniax qnir dirr sngjaiciu buew, u kavo-sniax, dyrr diyhh qnuaxqinw jinwhingg, in'ui hitt sii Jehovah ixqing' dui' linw ee taujingg cud .kir, qongqig Filistlangg ee qundui."

25 David dyrr jiauww Jehovah soxx huanhur :ee kir qniaa, qongqig Filistlangg, dui' Geba qaur Gezer.

6 David qycc jurjip Islael diongx soxx qingw ee snax-bxan langg.

2 David kixsinx cue duer ix ee jiongww vecsnir, dui' Baalah ee Judah kir, beh dui' hiax qrngx Siongrder ee qxui laii; jitt xee qxui ee miaa si ing jre dirr nng xee qilorvingx ee diongqanx, banrqunx ee Jehovah ee miaa laii cxingx :ee.

3 Inx he Siongrder ee qxui dirr sinx ee ciax, dui' snuax-dingw Abinadab ee qrex jair .cud .laii. Abinadab nng xee qniaw, Uzah qapp Ahio, qnuaw hitt xee sinx ciax.

4 Inx jiong' ix qapp Siongrder ee iokqui, dui' snuax-dingw Abinadab ee qrex jair .cud .laii. Ahiiok qniaa dirr qxui ee taujingg.

5 David qapp Islael ee juann qrex, dirr Jehovah ee binrjingg ing siongrcaa soxx jy dagg hy ee gagkir, qapp kimm, srig, linlongqow, dua qow, vuat, laii jokgak tiauwbuw.

6 Inx qaur Nakon ee gorqakdniuu, Uzah crunx ciuw huu Siongrder ee iokqui. In'ui guu diyhdag. Jehovah siurkir Uzah.

7 Siongrder dirr hiax in'ui ix ee cywgo laii pah ix, ix dyrr siw dirr hiax, dirr Siongrder ee qxui-vnix.

8 In'ui Jehovah hutzenn pah siw Uzah, David byy hnuahiw; dyrr cxingx hitt soxjai juer Pelez Uzah, qaur qinaxzit.

9 Dng' hitt zit David qniax Jehovah, dyrr qongw, "Jehovah ee qxui taixtyw tangx qaur guaw ee soxjai."

10 Dui' anxnix David m kingw jiong' Jehovah ee qxui qrngx zip David ee sniaa, qaur qaqi ee soxjai; David dyrr qrngx ix uat zip Gatlangg Obed Edom ee qrex.

11 Jehovah ee qxui diamr dirr Gatlangg Obed Edom ee cur snax guehzit, Jehovah sur hokkir hro Obed Edom qapp ix ee juann qrex.

12 U langg qra David Ongg qongw, "Jehovah in'ui Siongrder ee qxui, suwhog dirr Obed Edom ee qrex, qapp qniwnarr sriok dirr ix :ee." David dyrr kir, hnuahiw qrngx Siongrder ee qxui dui' Obed Edom ee cur qaur David ee sniaa.

13 Qrngx Jehovah iokqui ee langg qniaa lak vo, David dyrr henr jit jiah guu, qapp jit jiah vuii ee jingsnix, juer jewsu.

14 David dirr Jehovah ee binrjingg jin lat tiauwbuw. David haa iuwduervor ee efod.

15 Anxnix David qapp Islael juann qrex qrngx Jehovah ee qxui jnriu .laii, cud hnuahiw ee sniax, vunn sauwqag.

16 Jehovah ee qxui zip David Sniaa ee sii, Saul ee jaboxqniaw Miqal dui' tang'axmngg knuar, knuar qnir David jongg kiw laii tiauwbuw dirr Jehovah ee binrjingg, dyrr knuawkinx ix.

17 Inx qrngx Jehovah ee qxui zip .kir, he dirr ix ee soxjai, dyrr si David soxx uirr ix dah ee vowvnii; David dirr Jehovah ee binrjingg henr siyjer qapp siarunjer.

18 David henr siyjer qapp siarunjer bingvik, dyrr ing banrqunx Jehovah ee miaa qra vecsnir jiokhog.

19 Qycc dirr hiaxee jiongww vecsnir, dyrr si Islael jingwlangg, bylun lamluw, muixx langg vunx hro inx jit xee vniaw, jit der bah, jit xee pudyqnuax; jiongww vecsnir dyrr kir, dagg langg dyr kir inx ee cur.

20 David dyr kir beh qra ix ee qequanr jiokhog. Saul ee jaboxqniaw Miqal cud laii gniajih David, qongw, "Islael Ongg qinaxzit u zuarr dua ingqngx ar! Qinaxzit lortew dirr zinsinn ee luxvi ee bagjiux jingg, cincniu jit xee byy herlyhlangg, byy uir qenwsiaur lortew jidngiu."

21 David qra Miqal qongw, "Jex si dirr Jehovah ee binrjingg, Ix qingw guaw vnuaa quer liw ee laurve qapp ix ee juann qrex, setlip guaw juer Jehovah ee vecsnir Islael ee qun'ongg, soxiw guaw beh dirr Jehovah ee binrjingg tiauwbuw.

22 Guaw beh viw jitt xee qyckacc cosiok, qaqi knuar juer vijen. Liw soxx qongw hiaxee luxvi, guaw beh siurr inx jundiong."

23 Dui' anxnix Saul ee jaboxqniaw Miqal qaur siw ee zit byy snix qniaxzii.

7 Dng' ongg diamr dirr cur-lai, Jehovah iarr ixqing' hro ix tuatli siwuii ee duiwdik, did diyc anjing ee sii, ongg qra sendix Natan qongw,

2 "Knuar ar, guaw diamr dirr vikhniucaa ee cur-lai, danrsi Siongrder ee qxui diamr dirr dniuwlii lai."

3 Natan duiww ongg qongw, "Qniwnarr liw ee simx soxx sniu :ee, tangx kir juer; in'ui Jehovah qapp liw dilehh."

4 Hitt mii Jehovah ee ue limqaur Natan, qongw,

5 "Liw kir qra Guaw ee lovok David qongw, Jehovah anxnix qongw, 'Liw beh kiw cur hro Guaw kiarkiw mah?

6 Dui' Guaw cua Islaellangg cud Egipt ee zit qaur qinaxzit, Guaw m bad diamr dirr cur nirr, siongsiongg qniaa dirr vowvnii qapp huerbo.

7 Qniww Guaw qapp Islaellangg soxx qniaa qaur ee soxjai, qamxx bad duiww Islael jit jipair ee sursux, dyrr si Guaw bingrling jiauwqor Guaw ee vecsnir Islael :ee, qongw: Linw sniaw su byy qra Guaw kiw vikhniucaa ee cur ar?'

8 Dnaxx liw diyhh qra Guaw ee lovok David qongw, banrqunx ee Jehovah anxnix qongw, 'Guaw dui' ngiuu-diauu diongx, liw decc txanr ngiuu-qrunn, qingw liw, juer Guaw ee vecsnir Islael ee qun'ongg.

9 Liw bylun kir dyclyc, Guaw siongsiongg qapp liw dilehh, dirr liw ee binrjingg jenxduu liw itcer ee duiwdik. Guaw dikkag hro liw did diyc duarmiaa, cincniu sewjniu hiaxee uixzinn ee duarmiaa jidngiu.

10 Guaw beh uirdiyhh Guaw ee vecsnir Islael dniardiyc jit xee soxjai, jaivuee inx, hro inx diamr dirr qaqi ee soxjai, byy qycc censuaw, hiong'og ee lui byy cincniu jaxjingg qiauxziauw inx,

11 Iarr byy cincniu Guaw bingrling sursux quanxliw Guaw ee vecsnir Islael ee zit. Guaw beh hro liw tuatli itcer ee duiwdik, did diyc anjing. Qycc Jehovah qra liw qongw, Jehovah beh qra liw qenwlip qrex.

12 Qaur liw ee zidjiw ixqing' muaw, liw qapp liw ee ledjow snaqab kunr ee sii, Guaw beh setlip liw soxx cud ee horer laii suawjiab liw, Guaw iarr beh qenqor ix ee qog;

13 Ix beh uirr Guaw ee miaa kiw dxen; Guaw beh qenqor ix ee qok'ui, didqaur ingxuaw.

14 Guaw beh juer ix ee ve, ix beh juer Guaw ee qniaw; ix narr huanrjue, Guaw beh ing langg ee qnuaiw, sewqanlangg ee vnxix, jikdog ix.

15 Danrsi Guaw ee ju'air byy beh lirkuix ix, cincniu Guaw hro ix lirkuix Saul, dyrr si Guaw soxx kiwsag dirr liw ee binrjingg :ee.

16 Liw ee qrex qapp liw ee qog, beh ingxuanw qenwlip dirr liw ee binrjingg; liw ee qok'ui iarr beh qenqor qaur ingxuanw.'"

17 Natan dyrr jiauww jex itcer ee us, jiauww jex itcer ee kexsi, anxnix qra David qongw.

18 David Ongg dyrr zip .kir, jre dirr Jehovah ee binrjingg, qongw, "Jruw Jehovah ar, guaw si jirjui, guaw ee qrex sngr juer simxmih, Liw qingxzenn cua guaw qaur jitt xee derui ar?

19 Jruw Jehovah ar, jex iauxx knuar juer siyxkuaw, Liw qycc lun qaur Liw ee lovok ee qrex qaur dirr quxdngg. Jruw Jehovah ar, jex si zinqunx ee le.

20 David iauxx u simxmih e tangx duiww Liw qongw ar? Jruw Jehovah ar, Liw jaix Liw ee lovk.

21 Uirdiyhh Liw ee ue, qycc jiauww Liw ee simx, Liw qniaa jex itcer ee dua su, hro liw ee lovok jaix.

22 Jehovah Siongrder ar, Liw si jiww dua; jiauww guanw ee hnirkangx soxx tniax .qnir .ee, byy jit xee e viw did Liw, Liw ixgua byy u Siongrder.

23 Derjniu u simxmih qog cincniu Liw ee vecsnir Islael ar? Dyrr si Siongrder kir qiuwsiok :ee, qruix dirr qaqi juer vecsnir, hro Ix u miasniax, qycc dirr Liw ee vecsnir binrjingg, dyrr si Liw dui' Egipt, qapp ledvangx, ixqip inx hiaxee siongrder, soxx qiuwsiok cud .laii .ee, uirdiyhh ix qniaa dua ee dairjir, uirdiyhh Liw ee de juer tangx qniax ee su.

24 Liw bad uirr qaqi qenwlip Liw ee vecsnir Islael ingxuanw juer Liw ee vecsnir. Jehovah ar, Liw iarr juer inx ee Siongrder.

25 Jehovah Siongrder ar, dnaxx Liw soxx lun qaur Liw ee lovok, qapp Liw ee lovok ee qrex, guan Liw ingxuanw qenqor ix, jiauww Liw soxx qongw :ee laii qniaa.

26 Guan langg ingxingw jrunx Liw ee miaa juer dua, qongw, 'Banrqunx ee Jehovah si quanxliw Islael ee Siongrder'; qycc Liw ee lovok David ee qrex beh dirr Liw ee binrjingg qenqor.

27 Banrqunx ee Jehovah, Islael ee Siongrder ar, in'ui Liw kexsi Liw ee lovok, qongw, 'Guaw beh qra liw qenwlip qrex', soxiw Liw ee lovok hyxdnaw ing jitt xee qidyw laii duiww Liw qidyw.

28 Dnaxx Jruw Jehovah ar, Liw si Siongrder ar, Liw ee ue si jinsit, Liw iarr ing jitt xee hokkir ingwunw Liw ee lovok.

29 Dnaxx qriuu Liw suwhog Liw ee lovok ee qrex, hro ix ingxuanw dirr Liw ee binrjingg. Jruw Jehovah ar, in'ui Liw u qongw, guan Liw ee lovok ee qrex dui' Liw ee suwhog laii did diyc hokkir, qaur ingxuanw."

8 Jitt diap liauxau, David pah Filistlangg, hro inx hanghok. David qycc dui' Filistlangg ee ciuw cruw de.

2 Qycc pah Moab, hro inx dyw dirr de nirr, ing syh nriuu ix, nriuu nng diauu syh :ee hro ix siw, nriuu muaw jit diauu syh :ee hro ix uac. Moablangg dyrr quihok David, laii jinwqongr.

3 David pah Zobah Ongg Rlehob ee qniaw Hadadezer, dirr ix kir Duarhyy, beh kuehok ix ee qxuann ee sii.

4 David liac ix ee bexvingx jit-cingx jit-vah, vorvingx nng-bxan. David quah dng ix ee jenwciax ee bew ee kaqinx; jixu lauu jit-vah dniux ciax ee bew.

5 Damaskus ee Sylialangg laii vangjan Soba Ongg, Hadadezer, David dyrr taii siw Sylialangg nng-bxan nng-cingx.

6 Dui' anxnix David dirr Damaskus ee Sylia setlip qunngiaa; Sylialangg dyrr quihok David, laii jinwqongr.

7 David bylun kir dyclyc, Jehovah longxx hro ix kacc ngiaa. David cruw Hadadezer hiaxee zinsinn soxx qnrua :ee qimx ee vinvaii, duar qaur Jelusalem.

8 David Ongg qycc dui' sriok Hadadezer ee Betah qapp Belotai ee sniaa, did diyc jerje dangg.

9 Hamat Ongg Toi tniax qnir David pah ngiaa Hadadezer ee juann qunx;

10 Toi dyrr crex ix ee qniaw Jolam kir qnir David Ongg, cingxanx ix, qra ix jiokhog ix pah ngiaa Hadadezer; in'ui Hadadezer qapp Toi siongsiongg qaujenr. Jolam ee ciuw iarr duar ginkir, qimkir, dangkir.

11 David Ongg dyrr ing jiaxee mic juer sxingr, henr hro Jehovah, cincniu jingg ing ix soxx kacc ngiaa ledqog ee qimx, ginn juer sxingr laii henr jidngiu;

12 Dyrr si dui' Sylia, Moab, Ammonlangg, Filistlangg, Amalek, soxx did .diyc .ee, ixqip dui' Soba Ongg Rlehob ee qniaw Hadadezer soxx cniuw :ee.

13 David dirr Iamm ee snuaqog pah siw Sylia jit-bxan veh-cingx langg; dyr .laii ee sii, dyrr did diyc dua miasniax.

14 Qycc ix dirr Edom sed qunngiaa; dyrr si dirr Edom juann de sed qunngiaa. Edomlangg dyrr longxx quihok David. David bylun kir dyclyc, Jehovah longxx hro ix kacc ngiaa.

15 David juer Islael jingwlangg ee ongg. David vingxqongx qniagi dirr ix ee jiongww vecsnir.

16 Zeluiah ee qniaw Joab juer qundniuw;

17 Ahilud ee qniaw Jehosafat juer suxqnuax. Ahitub ee qniaw Zadok qapp Abiatar ee qniaw Ahimelec juer jewsix; Selaiah juer suqir;

18 Jehoiada ee qniaw Benaiah tongxhad Keletlangg qapp Peletlangg; David hiaxee qniaw juer lingxsiur.

9 David mng qongxx, "Saul ee qrex iauxx u cunx langg .byy? Guaw tangx in'ui Jonatan ee enqor laii six xunx hro ix."

2 Saul ee qrex u jit xee lovok, miaa qiyr Ziba, langg qiyr ix kir David hiax; ongg dyrr qra ix qongw,

3 "Liw si Ziba mah?" Rinr qongxx, "Liw ee lovok dyrr si ix." Ongg qongw, "Saul ee qrex iauxx u langg .byy? Guaw tangx jiong' Siongrder ee xunx six hro ix?"

4 Ziba duiww ongg qongw, "Jonatan iauxx u jit xee qniaw, si vaixkax :ee." Ongg qra ix qongw, "Ix dirr dyclyc?" Ziba rinr ongg qongxx, "Ix dirr Lodebar Ammiel ee qniaw Maqir ee qrex."

5 David Ongg dyrr crex langg kir, dui' Lodebar Ammiel ee qniaw Maqir ee qrex duar ix laii.

6 Saul ee sunx, Jonatan ee qniaw, Mefiboset laii qnir David, pag lyc kir vair. David qongw, "Mefiboset ar." Ix rinr qongxx, "Liw ee lovok dirr jiax."

7 David qongw, "Liw byc did qniax, guaw beh in'ui liw ee ve Jonatan ee enqor six xunx hro liw. Guaw beh jiong' liw ee qongx Saul itcer ee canhngg longxx hingg liw; liw iarr beh siongsiongg dirr guaw ee dyh snaqab jiac."

8 Ix qycc pag lecc vair ix, qongw, "Liw ee lovok si simxmih ar? Si cincniu jit jiah siw qxauw, liw qingxzenn knuawqor guaw ar."

9 Ongg qiyr Saul ee lovok Ziba laii, qra ix qongw, "Guaw ixqing' jiong' sriok Saul qapp ix juann qrex :ee longxx hro liw ee juxlangg ee qniaw.

10 Liw qapp liw hiaxee qniaw, liw hiaxee lovok, diyhh qra ix jingwjyh canhngg, duar soxx cutsanw :ee hro liw ee jruw ee qniaw u mic tangx jiac. Danrsi liw ee juxlangg ee qniaw Mefiboset beh siongsiongg dirr guaw ee dyh snaqab jiac."

11 Ziba u jap-go xee qniaw, zi-jap xee lovok. Ziba duiww ongg qongw, "Qniww guaw ee jruw, guaw ee ongg soxx huanhur lovok :ee, liw ee lovok longxx beh jiauww anxnix qniaa." Ongg qycc qongw, "Mefiboset beh dirr guaw ee dyh snaqab jiac, cincniu ongg ee qniaw jidngiu."

12 Mefiboset u jit xee qniaw iauxx sewhanr, miaa qiyr Mika. Qniwnarr druar dirr Ziba ee qrex ee langg, longxx juer Mefiboset ee lovok.

13 Dui' anxnix Mefiboset diamr dirr Jelusalem; in'ui ix siongsiongg dirr ongg ee dyh snaqab jiac; qycc ix nng kax longxx vnaiw.

10 Jit diap ixau, Ammonlangg ee ongg siw, ix ee qniaw Hanun suawjib ix juer ongg.

2 David qongw, "Guaw beh six xunx hro Nahas ee qniaw Hanun, cincniu ix ee laurve six xunx hro guaw jidngiu." David dyrr crex zinsinn, tokdiong inx an'uir ix siw laurve. David ee zinsinn qaur Ammonlangg ee qingxlai.

3 Danrsi Ammonlangg ee siuxlingw crex langg qra inx ee jruw Hanun qongw, "David crex langg laii liw jiax uiwbun liw, liw pacsngr ix si junqingr liw ee ve mah? David crex ix ee zinsinn, qamxx m si beh jingtamr jitt xee sniaa, siongser knuar laii ciax dyw ix mah?"

4 Hanun dyrr jiong' David ee zinsinn ee cuiwciux tir jidvnuar, qycc duiwdiongx quah dng ix ee snxax, qaur duartuiw dingw, crex inx dyr .kir.

5 U langg qra David qongw. Ix dyrr crex langg kir gniajih inx, in'ui hiaxee langg qenwsiaur qaur qik. Ongg qongw, "Tangx diamr dirr Jeliqo tingwhau cuiwciux huad dngg, jiacc dyr .laii."

6 Ammonlangg jaix inx hro David iamwngor, dyrr crex langg kir cniar Betlehob ee Sylialangg, qapp Soba ee Sylialangg, vorvingx nng-bxan, qapp Maakah Ongg ee langg jit-cingx, Toblangg jit-bxan nng-cingx.

7 David tniax .qnir, dyrr crex Joab cua iongxsu juann qunx.

8 Ammonlangg cud laii vaidin dirr sniamngkauw. Soba qapp Rlehob ee Sylialangg, Toblangg, qapp Maakahlangg, lingrgua vaidin dirr qau'iaw.

9 Joab knuar qnir jing'au u duiwdik vaidin, dyrr dui' Islael jingvingx ee diongqanx qycjaiww qingw ix laii vaidin, dixdik Sylialangg.

10 Qi'uu ee vecsnir qaux ix ee siyxdi Abisai, hro ix vaidin dixdik Ammonlangg.

11 Qycc qongw, "Narr Sylialangg kacc qiongg guaw, liw dyrr laii vangjan guaw; narr Ammonlangg kacc qiongg liw, guaw dyrr kir vangjan liw.

12 Diyhh iongxqamw, lanw diyhh uirr lanw ee vecsnir qapp lanw ee Siongrder ee sniaa juer dairdiongrhux. Guan Jehovah jiauww Ix soxx knuar juer hyw :ee laii qniaa."

13 Dui' anxnix Joab qapp duer ix ee vecsnir jinwjingg qapp Sylialangg qaujenr; inx dyrr dirr ix ee binrjingg dyjauw.

14 Ammonlangg knuar qnir Sylialangg dyjauw, inx iarr dirr Abisai ee binrjingg jauw zip sniaa. Joab dyrr dui' Ammonlangg hiax dyr .kir, qaur Jelusalem.

15 Sylialangg knuar qnir inx taii sux dirr Islaellangg ee binrjingg, dyrr qycc jurjip. Hadadezer crex langg driaur Hyy-gua ee Sylialangg cud .laii.

16 Hadadezer ee qundniuw Sobac cua inx.

17 U langg vyr David jaix; ix dyrr jurjip Islael jingwlangg, quer Jordan Hyy laii qaur Helam; Sylialangg vaidin qongqig David, qapp ix qaujenr.

18 Sylialangg dyjauw dirr Islael ee binrjingg. David taii siw Sylia cid-vah dniux jenwciax ee vxingx, bexvingx sir-bxan; hro ix siw dirr hiax.

19 Hanghok Hadadezer hiaxee ongg knuar qnir inx taii sux dirr Islael ee binrjingg, dyrr qapp Islael hyhyw, laii hanghok inx. Dui' anxnix Sylialangg m qnaw qycc vangjan Ammonlangg.

11 Nii-tauu, led'ongg cutjenr ee sii, David crex Joab qapp ix ee zinsinn, qapp Islael ee jingwlangg cud .kir. Inx dyrr taii ngiaa Ammonlangg, uiqongx Rlabbah. David iuguann diamr dirrr Jelusalem.

2 U jit zit beh amr ee sii, David dui' cngg nirr kiw .laii, dirr ongqiongx ee cur-dingw qniaa laii qniaa kir; dui' cur-dingw knuar qnir jit xee hurzinlangg decc sexik; hurzinlangg snix juer jin' suiw.

3 David uirdiyhh hitt xee hurzinlangg dyrr crex langg kir tamwtniax. U langg qongw, "Ix qamxx m si Eliam ee jaboxqniaw, Hitlangg Uliah ee bow, Betseba mah?"

4 David crex suwjiaw kir cua ix laii, ix dyrr laii qaur ix hiax, David qapp ix dangvangg; (hurzinlangg cingkir ix ee byy cingkir;) dyrr dyr kir inx cur.

5 Hurzinlangg huai'in, crex langg qra David qongw, "Guaw ixqing' huai'in."

6 David crex langg qaur Joab hiax, qongw, "Liw crex Hitlangg Uliah laii guaw jiax." Joab dyrr crex Uliah kir qnir David.

7 Uliah ixqing' laii ix hiax, David mng knuar Joab hyw mah? Vecsnir hyw mah? Qaujenr hyxser mah?

8 David qra Uliah qongw, "Liw lyc kir linw daux sew kax." Uliah cud ongqiongx liauxau, ongg dyrr sangr jit hxun jiahmic hro ix.

9 Danrsi Uliah qapp ix ee juxlangg ee lovok snaqab kunr dirr ongqiongx ee mngkauw, byy lyc kir inx daux.

10 U langg qra David qongw, "Uliah byy lyc kir ix ee cur." David dyrr mng Uliah qongxx, "Liw qamxx m si dui' hng lo laii mah? Sniaw su m lyc kir liw ee qrex ar?"

11 Uliah duiww David qongw, "Iokqui qapp Islael qapp Judah longxx diamr dirr cauxliauu-aw; guaw ee jruw Joab, qapp guaw ee jruw ee lovok, longxx jrad ngiaa dirr can'iaw; guaw qamxx tangx dyr kir guaw ee qrex limjiac, qapp guaw ee bow snaqab kunr mah? Guaw qiw liw ee uac, qapp liw linghunn ee uac laii jiuwjua, guaw quatduanr byy beh qniaa jitt xee su."

12 David qra Uliah qongw, "Liw qinaxzit iuguann druar jiax, binaxjair guaw hro liw kir." Uliah dyrr dirr hitt zit qapp derr zi zit druar dirr Jelusalem.

13 David qiyr Uliah laii, ix dyrr dirr ix ee binrjingg limjiac; ix hro ix juir. Ixqing' amr, Uliah cud kir ix ee cngg nirr kunr, qapp ix ee jruw jiaxee lovok snaqab juer pnua; iarr byy lyc kir inx daux.

14 Qeh jaxkiw David siaw jit dniux puex hro Joab, tog Uliah ee ciuw duar .kir.

15 Puex-lai siaw qongxx, "Diyhh pair Uliah dirr din-jingg qik guiqip ee soxjai, linw dyrr dui' ix ee aurbin trer .laii, hro ix siurr pah siw."

16 Joab uii sniaa ee sii, dirr ix soxx jaix u iongxsu ee soxjai, dyrr pair Uliah dirr hiax.

17 Sniaa-lai ee langg u cud laii qapp Joab qaujenr; David ee lovok siw quixnarr langg; Hitlangg Uliah iarr siw.

18 Joab crex langg qra qaujenr e su longxx qra David qongw;

19 Dyrr huanhur suwjiaw qongxx, "Liw qra qaujenr itcer ee su qra ongg qongw bingvik.

20 Ongg narr siurkir, qra linw qongw, 'Linw qaujenr ee sii, sniaw su vikqin sniacniuu? Qamxx m jaix inx e dui' sniaa-dingw sria jnxir mah?

21 Jingg pah siw Jelobaal ee qniaw Abimelec :ee si jirjui? Qamxx m si jit xee hurzinlangg, dui' cniuu-dingw hed jiyhby ee dingxdunw dirr ix ee dingxbin, hro ix siw dirr Tebez mah? Linw sniaw su vikqin sniaa ar?' Linw diyhh qongw, 'Liw ee lovok Hitlangg Uliah iarr siw.'"

22 Suwjiaw kir, jiauww Joab itcer soxx bingrling :ee laii qra David qongw.

23 Suwjiaw qra David qongw, "Duiwdik viw guanw kacc qiongg, cud laii qau'iaw qongqig guanw, guanw pah ix qaur sniamngkauw.

24 Sria jnxir ee langg dui' cniuu-dingw sria liw ee lovok; ongg ee lovok siw quixnarr langg, liw ee lovok Hitlangg Uliah iarr siw."

25 David qra hitt xee suwjiaw qongw, "Liw diyhh anxnix qra Joab qongw, 'Mrbenw kuawlu jitt xee su, in'ui dyqiamr taii siw langg, jitt xee hitt xee byy itding; liw diyhh qyckacc jinrlat qrongx sniaa, laii ciax dyw ix'; diyhh anxnix benxle ix."

26 Uliah ee bow tniax qnir diongrhux ixqing' siw, dyrr uirr ix ee diongrhux tikaur.

27 Ding'iux ixqing' bingvik, David crex langg cua ix qaur qiongx-lai; ix dyrr juer ix ee bow; ix qra David snix jit xee qniaw. Jongwsirr David soxx qniaa ee su, Jehovah jin' byy hnuahiw.

12 Jehovah crex Natan kir qnir David. Natan qaur ix hiax, qra ix qongw, "Dirr jit xee sniaa u nng langg, jit xee hyxgiac, jit xee songwhiongx.

2 Hyxgiac :ee u guu, ngiuu jin' je;

3 Songwhionglangg byy simxmih, jixu jit jiah ngiujingw-aw, dyrr si soxx brew laii cri :ee, ix qapp ix dirr hiax, qapp ix ee qniaw snaqab diongxdua, jiac ix soxx jiac :ee, limx ix ee vxuex, kunr dirr ix ee hxingx-jingg, knuar ix cincniu qaqi ee jaboxqniaw.

4 U jit xee cutguarlangg qaur hyxgiahlangg hiax, hyxgiahlangg m qramx dui' ix ee ngiuu-qrunn guu-qrunn cruw laii virvan hro langkeh jiac, huanxdngw cruw songwhionglangg ee ngiuu-aw, virvan laii hro langkeh jiac."

5 David dua siurkir hitt langg, qra Natan qongw, "Guaw qiw ingxuac ee Jehovah laii jiuwjua, qniaa jitt xee dairjir ee langg diyhh siw;

6 Diyhh vuee ix ee ngiuu-aw sir vue, in'ui ix qniaa jitt xee su, iarr in'ui ix byy linbinw ee simx."

7 Natan qra David qongw, "Liw dyrr si hitt langg. Jehovah, Islael ee Siongrder anxnix qongw, 'Guaw ing iuu buah liw juer Islael ee ongg, qiur liw tuatli Saul ee ciuw.

8 Guaw qycc ing liw ee jruw ee cuwtec hro liw, ing liw ee jruw hiaxee bow qaux dirr liw ee hxingx-jingg; qycc ing Islael qapp Judah-qrex hro liw; jiaxee narr iauxx liahjuer siyxkuaw, Guaw e qetnix jitt hyy hitt hy hro liw.

9 Liw sniaw su knuawkinx Jehovah ee bingrling, qniaa Ix soxx knuar juer pnaiw ee su? Liw ing dyx taii siw Hitlangg Uliah, dyrr si jiyh Ammonlangg ee dyx taii siw ix, qycc crua ix ee bow juer liw ee bow.

10 Dnaxx dyqiamr beh ingxuanw byy lirkuix liw ee qrex, in'ui liw knuawkinx Guaw, crua Hitlangg Uliah ee bow juer liw ee bow.'

11 Jehovah qycc anxnix qongw, 'Knuar ar, Guaw beh dui' liw ee qrex hingx kiw jaieh qongqig liw; Guaw beh dirr liw ee bagjiux jingg, qra liw hiaxee bow hro liw ee cuwvnix, ix beh dirr cingtenx vigzit qapp liw hiaxee bow dangvangg.

12 Liw dirr amwdiongx anxnix qniaa, Guaw beh dirr cingtenx vigzit, dirr Islael jingwlangg ee binrjingg, qniaa jitt xee su.'"

13 David qra Natan qongw, "Guaw u dikjue Jehovah." Natan qra David qongw, "Jehovah ixqing' druu kir liw ee jue, liw be drir qaur siw.

14 Jongwsirr in'ui liw qniaa jitt xee su, hro Jehovah ee duiwdik u setdok ee in'iuu, soxiw ix qra liw soxx snix ee qniw dikkag siw."

15 Natan dyrr dyr kir inx cur.

16 Jehovah pah Uliah ee bow qra David soxx snix ee ngex-aw, ix dyrr puawvni jin' siongdiong. David dyrr uirdiyhh hitt xee qniaw qidyw Siongrder. David qycc qimwjiac, zip lairbin tong' mii dyw dirr de nirr.

17 Ix qrex-diongx hiaxee laurlangg kiw .laii, qaur ix ee sinvnix, beh huu ix dui' de kiw .laii; danrsi ix m kingw, iarr byy beh qapp inx snaqab jiac.

18 Qaur derr cid zit ginxaw siw. David ee zinsinn m qnaw qra ix qongw ginxaw siw lar; in'ui inx qongw, "Ginxaw iauxx uac lehh ee sii, lanw krngr ix, ix siongrcniaw m tniax lanw ee ue, narr qra ix qongw ginxaw siw, ix siongsimx beh qaur jnaixngiu?"

19 David knuar qnir ix ee zinsinn jirbu jirju decc qongw, David dyrr mngg ix ee zinsinn qongxx, "Ginxaw siw lar mah?"

20 Inx qongw, "Siw lar." David dyrr dui' de nirr kiw .laii, sew sinkux, buah iuu, ngua snxax, zip Jehovah ee dxen qingwvair; zen'au dyr kir ix ee cur. Ix huanhur langg vaii mic dirr ix ee binrjingg, ix dyrr jiac.

21 Zinsinn mng ix qongxx, "Liw soxx qniaa :ee si jnaixngiu? Ginxaw uac lehh ee sii, liw qimwjiac tikaur; ginxaw siw, liw huanxdngw kiw laii jiac."

22 David qongw, "Ginxaw iauxx uac lehh, guaw qimwjiac tikaur, in'ui guaw pacsngr qongxx, qiamxcaiw Jehovah linbinw guaw, hro ginxaw uac lehh.

23 Ginxaw ixqing' siw, guaw qimwjiac beh sniaw su? Guaw qamxx e hro ix dywdngw .laii mah? Guaw beh kir ix hiax, ix be e laii guaw jiax."

24 David an'uir ix ee bow Betseba, zip kir qapp ix dangvangg, ix dyrr snix qniaw; dyrr qra ix hy miaa qiyr Solomon.

25 Jehovah iarr tniar ix, dyrr tog sendix Natan qra ix hy miaa qiyr Jedidiah, in'ui Jehovah tniar ix.

26 Joab qrongx Ammonlangg ee Rlabbah, cruw inx ee qniasniaa.

27 Joab crex suwjiaw kir qnir David, qongw, "Guaw qrongx Rlabbah, ixqing' cruw ix ee juixsniaa.

28 Dnaxx liw diyhh jurjip qi'uu ee vecsnir laii, jrad ngiaa qrongx jitt xee sniaa laii cruw ix; qniax guaw cruw jitt xee sniaa, langg dyrr ing guaw ee miaa laii qiyr ix."

29 David dyrr jurjip jiongww vecsnir, kir qongqig Rlabbah, laii cruw ix.

30 Ix cruw inx ee ongg taukag dingw ee benxliuu, ix ee qimx dang jit talent, qycc snriux vyxjiyc; jiong' jitt xee laii dir dirr David ee taukag. Ix qycc dui' sniaa-lai cruw jin' je jaibut.

31 Qycc liac hiaxee sniaa ee vecsnir cud .laii, hro inx ing quxaw, qapp ticve, ixqip tih ee voxtauu juer koxqangx, iacc si dirr hiariyy diyhbuaa; ix kuanxtai Ammonlangg hiaxee sniaa longxx si anxnix. David dyrr qapp jiongww vecsnir dyr kir Jelusalem.

13 David ee qniaw Absalom u jit xee jin' suiw ee siyxbe, miaa qiyr Tamar; David ee qniaw Amnon tniar ix.

2 Amnon uirdiyhh ix ee siyxbe Tamar utjud qaur puawvni, in'ui ix si jairsikluw, Amnon qaqi jaix yh did duiww ix juer simxmih dairjir.

3 Amnon u jit xee ving'iuw, miaa qiyr Jonadab, si David ee hniax Sammah ee qniaw. Jonadab si jin' lingkiaur ee langg.

4 Ix duiww Amnon qongw, "Ongg ee qniaw ar, liw sniaw su jit zit jit zit kacc siausanw ar? Sniaw su m qra guaw qongw?" Amnon qra ix qongw, "Guaw tniar guaw ee siyxdi Absalom ee siyxbe Tamar."

5 Jonadab qra ix qongw, "Liw diyhh dyw dirr bincngg nirr, qew juer puawvni. Liw ee laurve laii knuar liw, dyrr duiww ix qongw, 'Qriuu liw jrunw guaw ee siyxbe Tamar laii guaw jiax, ing jiahmic hro guaw, virvan dirr guaw ee binrjingg, hro guaw knuar .qnir, dui' ix ee ciuw jrih laii jiac.'"

6 Amnon dyrr dyw lehh qew puawvni; ongg laii bai ix. Amnon dyrr duiww ongg qongw, "Qriuu liw hro guaw ee siyxbe Tamar laii, dirr guaw ee binrjingg qra guaw juer nng der vniaw, guaw tangx dui' ix ee ciuw jrih laii jiac."

7 David dyrr crex langg qaur Tamar ee cur, qra ix qongw, "Dnaxx liw kir liw ee hniax Amnon ee cur, qra ix virvan jiahmic."

8 Tamar dyrr qaur ix ee hniax Amnon ee cur; Amnon dyw lehh. Tamar tec mirhunw, dirr ix ee binrjingg ciaux juer vniaw, qycc vig hiaxee vniaw;

9 Dyrr jiong' jenvnuaa vniar dirr ix ee binrjingg. Amnon m jiac, dyrr qongw, "Jingwlangg diyhh lirkuix guaw cud .kir." Jingwlangg dyrr lirkuix ix cud .kir.

10 Amnon qra Tamar qongw, "Liw pangg jiahmic zip kunwvangg, guaw tangx dui' liw ee ciuw jrih laii jiac." Temaw dyrr pangg soxx juer ee vniaw zip kunwvangg, qaur ix ee hniax Amnon hiax.

11 Ix pangg kir hro ix jiac, ix dyrr kiuw ix, qra ix qongw, "Guaw ee siyxbe ar, liw laii qapp guaw snaqab kunr."

12 Ix qra ix qongw, "Guaw ee hniax, m tangx, byc did lingziok guaw. Dirr Islael diongx m ingqaix anxnix qniaa. Liw byc did juer jitt xee gong su.

13 Guaw, guaw beh jnaixngiu sew guaw ee qenwsiaur? Liw, liw dirr Islael juer gong langg ee jit xee. Dnaxx cniaw liw duiww ongg qongw, ix byy beh qimwjiw guaw qer hro liw."

14 Jongwsirr Amnon m kingw tniax ix ee ue; in'ui ix viw ix kacc u lat, dyrr lingziok ix, qapp ix snaqab kunr.

15 Su au, Amnon qigqii uanwhun ix; hitt xee uanwhun ix ee uanwhun, viw jingg tniar ix ee tniar qyckacc dua. Amnon dyrr qra ix qongw, "Kiw .laii, kir ar."

16 Ix qra ix qongw, "M tangx anxnix, liw qnuaw guaw cud .kir e hai diyc guaw, viw liw jingg kuanxtai guaw :ee kacc tiamw." Danrsi Amnon m kingw tniax ix;

17 Dyrr qiyr hitt xee suhau ix ee lovok qongxx, "Diyhh qnuaw jitt xee jaboxginxaw dui' guaw jiax cud .kir; ix cud .kir, mngg dyrr diyhh cnuar."

18 Hitt sii Tamar cing caixsig ee snxax, in'ui ongg ee jaboxqniaw, iauxx bue cutqer :ee, longxx cing jitt hy snxax. Amnon ee lovok dyrr kanx ix cud .kir; cud kir liauw, mngg dyrr cnuar lehh.

19 Tamar samw huexhux dirr taukag, tiah lic soxx cing caixsig ee snxax, ing ciuw py taukag laii qniaa; naxx qniaa naxx hauw.

20 Ix ee hniax Absalom mng ix qongxx, "Liw ee hniax Amnon bad qapp liw juewduix mah? Guaw ee siyxbe ar, dnaxx byc juer sniax, ix si liw ee hniax, byc did kuawir jitt xee su." Tamar dyrr dnuasinx diamr dirr ix ee hniax Absalom ee cur.

21 David Ongg tniax qnir jiaxee su, dyrr vutjiw siurkir.

22 Absalom byy qapp Amnon qongw hyw qongw pnaiw; Absalom uanwhun Amnon, in'ui ix u lingziok ix ee siyxbe Tamar.

23 Quer nng nii, Absalom dirr qin Eflaim ee Baal Hazor, u langg qra ix jenw ngiu'mngg. Absalom cniaw ongg ee jiongww qniaw longxjongw kir.

24 Absalom laii qnir ongg, qongw, "Dnaxx liw ee lovok u qiyr langg decc jenw ngiu'mngg, cniaw ongg, qapp ongg ee zinsinn, qapp lovok snaqab kir."

25 Ongg qra Absalom qongw, "Guaw ee qniaw ar, m tangx, guanw m tangx longxx kir, qniax liw kaihuir sniu' siongdiongx." Absalom vig ix, danrsi ix m kir; qandna' qra ix jiokhog.

26 Absalom qongw, "Narr byy, dyrr hro guaw ee hniax Amnon qapp guanw kir." Ongg qongw, "Sniaw su diyhh ix qapp liw kir ar?"

27 Absalom vig ix. Ongg dyrr unxjunw Amnon qapp ongg ee jiongww qniaw snaqab kir.

28 Absalom huanhur ix ee lovok qongxx, "Linw diyhh juwir, knuar Amnon limx jiuw dikqaiw ee sii, guaw qra linw qongw, 'Pah Amnon', linw dyrr diyhh taii siw ix, byc did qniax. Jex si guaw huanhur linw :ee, linw jueww linw hyxdnaw iongxqamw."

29 Absalom ee lovok dyrr jiauww Absalom soxx huanhur :ee laii qniaa dirr Amnon. Ongg ee jiongww qniaw longg vreh .kiw .laii, dagg langg kiaa ix ee lyy dyjauw.

30 Inx iauxx dirr lo nirr, u hongsniax tuann qaur David, qongw, "Absalom u taii siw ongg ee jiongww qniaw, byy lauu jit xee."

31 Ongg dyrr kiw laii tiah lic snxax, dyw dirr de nirr; ongg ee zinsinn iarr tiah lic snxax, kia dirr ix ee sinvnix.

32 David ee hniax Sammah ee qniaw, Jonadab rinr qongxx, "Guaw ee jruw, byc did pacsngr ongg ee jiongww qniaw, hiaxee siauwlenlangg longxx hro ix taii siw; jixu Amnon siw nardnia; in'ui dui' Amnon lingziok ix ee siyxbe Tamar hitt zit, Absalom dyrr ixqing' u jitt xee iwsur.

33 Dnaxx guaw ee jruw, guaw ee ongg, byc did kuawir jitt xee su, pacsngr ongg ee jiongww qniaw longxx siw; qisit jixu Amnon siw nardnia."

34 Absalom dyrr dyjauw. Siuxbang ee siauwlenlangg giahbak knuar, knuar qnir jerje vecsnir dui' ix ee aurbin, dui' snuax-vnix ee lo laii.

35 Jonadab qra ongg qongw, "Knuar ar, ongg ee jiongww qniaw longxx laii lar, qyxzenn jiauww liw ee lovok soxx qongw :ee."

36 Ue duxaxx qongw suah, ongg hiaxee qniaw dyrr qaur, kuix sniax tikaur; ongg qapp zinsinn iarr longxx dua sniax tikaur qaur qik.

37 Absalom jauw qaur Gesur Ongg Ammihud ee qniaw Talmai hiax. David zidzit uirdiyhh ix ee qniaw vi'aix.

38 Absalom jauw qaur Gesur, diamr hiax snax nii.

39 In'ui Amnon ixqing' siw, David Ongg ee simx cetced siauwliam Absalom.

14 Zeluiah ee qniaw Joab jaix ongg ee simx iwhiongr Absalom,

2 Dyrr crex langg kir Tekoa, dui' hiaxe qiyr jit xee cangmiaa ee hurzinlangg laii, qra ix qongw, "Cniaw liw qew juer kiarhaur :ee, cing hauwsnax, byc did ing iuu buah sinkux, diyhh jrngx juer uirdiyhh sixlangg quw quw vi'aix ee hurzinlangg zip kir qnir ongg,

3 Jiauww jitt xee kuanw duiww ix anxnix qongw." Joab dyrr jiong' soxx diyhh qongw ee ue qar hurzinlangg qongw.

4 Tekoa ee hurzinlangg duiww ongg qongw ee sii, bin pag dirr de nirr, qongw, "Ongg ar, qiur guaw."

5 Ongg mng ix qongxx, "Liw u simxmih dairjir ar?" Ix rinr qongxx, "Guaw sidjai si qnuaxhu, guaw ee diongrhux ixqing' siw.

6 Luxvi u nng xee qniaw, inx nngx xee dirr cann nirr sna' pah, byy langg dirr inx diongqanx vaiqaiw; jitt xee pah hitt xee hro ix siw.

7 Dnaxx juann qrex ee langg longxx kiw laii qongqig liw ee luxvi, qongw, 'Liw diyhh jiong' hitt xee pah siw hniadi :ee qaux .cud .laii, guanw tangx hro ix siw, vuee ix pah siw hniadi ee sniwmia, juat ix ee horsuu.' Anxnix inx beh jiong' guaw cunx ee huextnuar pah huax, byy hro guaw ee diongrhux lauu miaa lauu horer dirr sewqanx."

8 Ongg qra hurzinlangg qongw, "Liw tangx dyr kir linw daux, guaw beh uirdiyhh liw cud bingrling."

9 Tekoa ee hurzinlangg qycc qra ongg qongw, "Guaw ee jruw, guaw ee ongg, guan jitt xee jue qruix dirr guaw, qapp guaw ee ve ee qrex; ongg qapp ix ee xui longxx byy jue."

10 Ongg qongw, "Qniwnarr u qapp liw qex qongxue :ee, liw dyrr cua ix qaur guaw jiax, ix dyrr byy qycc laii qrang liw."

11 Hurzinlangg qongw, "Guan ongg qiwliam Jehovah, liw ee Siongrder, m tangx jrunw vyr zinbing :ee qniaa bedjuat, qniax inx bedjuat guaw ee qniaw." Ongg qongw, "Guaw qiw ingxuac ee Jehovah laii jiuwjua, liw ee qniaw, lenrr jit qix taumngg iarr be qalauc dirr de nirr."

12 Hurzinlangg qongw, "Qriuu liw iong'unw liw ee luxvi duiww guaw ee jruw, guaw ee ongg qycc qongw jit qur ue." Ongg qongw, "Jueww liw qongw."

13 Hurzinlangg qongw, "Liw sniaw su qongqig Siongrder ee vecsnir ar? Ongg qongw jitt xee ue, cincniu u jue, in'ui ongg byy hro ix ee dymia :ee dyr .laii.

14 In'ui lanw longxx dikkag diyhh siw, cincniu juiw puah dirr de nirr, be e qycc siux dywdngw. Danrsi Siongrder byy cniuw langg ee sniwmia, si sethuad hro dymia ee langg benw siurr qikdiok lirkuix Ix.

15 Guaw laii jiong' jitt xee ue qra guaw ee jruw, guaw ee ongg qongw, si in'ui u vecsnir hro guaw qniahniaa, soxiw luxvi qongw, dnaxx guaw beh qra ongww qongw, qiamxcaiw ongg beh jniaa luxvi ee soxx qriuu.

16 Langg beh jiong' guaw qapp guaw ee qniaw dui' Siongrder ee giap juer jit xe dubet. Danrsi ongg beh tniax, qiur ix ee luxvi tuatli hitt langg ee ciuw.

17 Luxvi qycc qongw, guan dui' guaw ee jruw, guaw ee ongg ee ue laii an'uir; in'ui guaw ee jruw, guaw ee ongg e hunvet sirhuix, cincniu Siongrder ee suwjiaw jidngiu; dogdok guan Jehovah, liw ee Siongrder qapp liw dilehh."

18 Ongg rinr hurzinlangg, qra ix qongw, "Guaw qniwnarr soxx beh mng liw :ee, longxx m tangx duiww guaw kngwbat." Hurzinlangg qongw, "Guan guaw ee jruw, guaw ee ongg qongw ix."

19 Ongg qongw, "Jiaxee qamxx m si Joab qapp liw tongtyr :ee mah?" Hurzinlangg qongw, "Guaw ee jruw, guaw ee ongg ar, guaw qiw liw ee uahmia laii jiuwjua, guaw ee jruw, guaw ee ongg soxx qongw :ee, byy langg e penx jyw iacc penx iu laii siamxvi ix. In'ui liw ee lovok Joab huanhur guaw, ing jiaxee ue longxx qar liw ee luxvi qongw.

20 Liw ee lovok Joab juer anxnix, si beh hro jitt xee surser juanxuanx. Guaw ee jruw u diwhui, cincniu Siongrder suwjiaw ee diwhui, e tauwted sewjniu itcer ee su."

21 Ongg qra Joab qongw, "Guaw dikkag qniaa jitt xee su. Dnaxx liw diyhh kir, cua hitt xee siauwlenlangg Absalom dyr .laii."

22 Joab pag dirr de nirr laii vair, jioksia ongg. Joab qongw, "Guaw ee jruw, guaw ee ongg ar, ongg qiwzenn qniaa liw ee lovok soxx qriuu :ee, qinaxzit liw ee lovok jaix guaw u did diyc undenw dirr liw ee bagjiux jingg."

23 Dui' anxnix Joab kixsinx kir Gesur, cua Absalom qaur Jelusalem.

24 Ongg qongw, "Qiyr ix dyr kir ix ee cur, m tangx qnir guaw ee bin." Absalom dyrr dyr kir ix ee cur, byy qnir ongg ee bin.

25 Absalom snix juer jin' hyw knuar, tong' Islael diongx byy langg cincniu ix did diyc langg ylyw; dui' kajiacdew qaur taukakdingw longxx byy hacuu.

26 Ix jenw taumngg ee sii, cinr ix ee taumngg, jiauww ongg ee cinr, dang nng-vah sekel; ix jenxhuad si dirr dagg xee nii-buew, in'ui ix ee taumngg jin' dang, soxiw diyhh jenw ix.

27 Absalom snix snax xee qniaw, jit xee jaboxqniaw; jaboxqniaw miaa qiyr Tamar, si jit xee binrmau jin' suiw ee jaboxginxaw.

28 Absalom druar dirr Jelusalem muaw nng nii, byy qnir ongg ee bin.

29 Absalom crex langg qiyr Joab, beh crex ix kir qnir ongg. Danrsi Joab m kingw laii ix hiax. Ix derr zi vaiw crex langg kir qiyr ix, ix iuguann m laii.

30 Soxiw Absalom duiww ix ee lovok qongw, "Linw knuar, Joab ee hngg qin guaw ee hngg, ix u duarbec dirr hiax; linw kir vangr huew siyx ix." Absalom ee lovok dyrr kir vangr huew siyx ix.

31 Joab dyrr kiw .laii, qaur Absalom ee cur, mng ix qongxx, "Liw ee lovok sniaw su vangr huew siyx guaw ee hngg?"

32 Absalom rinr Joab qongxx, "Guaw crex langg qra liw qongw laii jiax, hro guaw tangx crex liw kir qnir ongg, qra ix qongw, 'Guaw sniaw su dui' Gesur dyr .laii ar? Guaw m iuguann druar hiax kacc hyw.' Dnaxx diyhh jrunw guaw qnir ongg ee bin, guaw narr u jue, ix tangx taii guaw."

33 Joab dyrr kir qnir ongg. Ix qiyr Absalom; Absalom dyrr laii qnir ongg, dirr ongg ee binrjingg pag dirr de nirr. Ongg dyrr jimx Absalom.

15 Jitt diap liauxau, Absalom uirr qaqi virvan ciabew, qycc go-jap langg jauw dirr ix ee taujingg.

2 Absalom jaw jaw kiw .laii, kia dirr sniamngg ee lo-vnix. Narr u langg laii, u anwqnia diyhh hro ongg pnuawduanr :ee, Absalom dyrr qiyr ix laii, mng ix qongxx, "Liw si dyclyc jit xee sniaa ee langg?" Ix rinr qongxx, "Lovok si Islael jit xee jipair ee langg."

3 Absalom qra ix qongw, "Liw ee dairjir si hyw, si u jingliw; danrsi ongg byy qaudair langg tniax liw ee ue."

4 Absalom qycc qongw, "Kyxsiyh byy setlip guaw juer jitt xee derhngx ee simxpnuawsix; qniww u sna' qryr diyhh pnuawduanr ee su :ee, laii qaur guaw jiax, guaw beh jiauww qonggi pnuawquad ix."

5 Qniww u langg qinruaw laii vair ix, ix dyrr crunx ciuw kanx ix, qra ix jimx.

6 Islaellangg ee diongqanx, qniwnarr beh kir qnir ongg qriuu pnauwduanr :ee, Absalom longxx anxnix kuanxtai inx. Anxnix Absalom amwjni did diyc Islaellangg ee simx.

7 Quer sir nii, Absalom duiww ongg qongw, "Qriuu liw jrunw guaw kir Heblon, hingg guaw duiww Jehovah soxx he ee guan.

8 In'ui lovok diamr dirr Sylia ee Gesur bad he guan qongxx, 'Jehovah narr qyxzenn hro guaw qycc dyr laii Jelusalem, guaw beh hogsai Jehovah.'"

9 Ongg qra ix qongw, "Liw tangx ving'anx kir." Absalom dyrr kiw .laii, kir Heblon.

10 Absalom crex jingtamr qniaa venww Islael dagg jipair, qongw, "Linw jid'err tniax qnir sauwqag ee sniax, dyrr qongw, 'Absalom dirr Heblon juer ongg lar.'"

11 Absalom soxx cniaw hitt nng-vah langg qapp ix dui' Jelusalem kir; hiaxee langg longxx si bu'iwdiongx kir, m jaix hitt xee su.

12 David ee bosu Ahitofel si Gilolangg, dng' henwjer ee sii, Absalom crex langg driaur ix dui' ix ee vunxsniaa Gilo laii. Dui' anxnix vuanrgik ee sewbin naxx qiongg, in'ui duer Absalom ee vecsnir zidzit naxx je.

13 U langg laii vyr David qongxx, "Islaellangg ee simx longxx qui'ngr Absalom lar."

14 David qra hiaxee qapp ix dirr Jelusalem ee zinsinn qongw, "Kiw .laii, lanw diyhh dyjauw; narr byy, longxx be e siamxvi Absalom. Diyhh qinw qinw kir, qniax ix qinw qinw qaur laii zip diyc lanw, hamrhai lanw, ing dyx taii siw sniaa-lai ee langg."

15 Ongg ee zinsinn qra ongg qongw, "Knuar ar, guaw ee jruw, guaw ee ongg soxx juxir :ee, liw ee lovok longxx beh qniaa."

16 Ongg cud .kir, ix ee qequanr longxx duer ix. Ongg lauu jap xee vinwhuix qor cur.

17 Ongg cud .kir, jiongww vecsnir longxx duer ix; qaur siongrr buew ee hitt qingx cur hiax dyrr hiyh.

18 Ongg ee zinsinn longxx dirr ix ee binrjingg qniaa .quer .kir, itcer ee Keletlangg, Peletlangg, qapp Gatlangg, dyrr si dui' Gat duer ix laii ee lak-vah langg, iarr longxx dirr ongg ee binrjingg qniaa .quer .kir.

19 Ongg qra Gatlangg Ittai qongw, "Liw sniaw su qapp guanw kir? Tangx dyr kir qapp ongg snaqab druar; liw si guarvanglangg, censuaw dirr guarbin, tangx dyr kir vunxsoxjai.

20 Liw jarzit jiacc laii, guaw qinaxzit qamxx tangx lyhuann liw qapp guanw piauliuu ar? Guaw kir guaw soxx kir ee soxjai; liw tangx dyr .kir, guan undenw singsit qapp liw dilehh."

21 Ittai rinr ongg qongxx, "Guaw qiw ingxuac ee Jehovah, qapp guaw ee jruw, guaw ee ongg ee uahmia laii jiuwjua, guaw ee jruw, guaw ee ongg bylun uac iacc siw, qniww soxx dilehh ee soxjai, liw ee lovok iarr dirr hiax."

22 David qra Ittai qongw, "Liw kir, quer .kir." Gatlangg Ittai qapp hiaxee duer ix ee langg, qapp soxu ee ginxaw dyrr longxx quer .kir.

23 Venww de dua sniax tikaur; jiongww vecsnir longxx quer .kir, ongg iarr quer Kidlon Kex. Jiongww vecsnir quer .kir, ngr kongwiaw decc qniaa.

24 Zadok qapp longxjongw duer ix ee Levilangg qrngx Siongrder ee iokqui laii; inx he Siongrder ee qxui dirr hiax. Abiatar jnriu .laii, tingwhau jiongww vecsnir dui' sniaa-lai cud .laii, longxx quer .kir.

25 Ongg qra Zadok qongw, "Liw qrngx Siongrder ee qxui dyr kir sniaa-lai. Guaw narr did diyc undenw dirr Jehovah ee bagjingg, Ix beh hro guaw dyr .laii, hro guaw qycc knuar qnir ix, qapp Ix kiarkiw ee soxjai.

26 Setsuw Ix qongw, 'Guaw beh hnuahiw liw'; knuar ar, guaw dirr jiax, guan Ix jiauww Ix knuar juer hyw :ee qniaa dirr guaw."

27 Ongg qycc qra jewsix Zadok qongw, "Liw qamxx m si senqenr mah? Liw tangx anzenn dyr kir sniaa-lai. Liw ee qniaw Ahimaaz, qapp Abiatar ee qniaw Jonatan, jitt nng xee qniaw longxx tangx qapp liw kir.

28 Knuar ar, guaw dirr kongwiaw ee dorkauw tingwhau dui' liw hiax u siausid laii, vyr guaw jaix sidjingg."

29 Dui' anxnix Zadok qapp Abiatar qrngx Siongrder ee qxui dyr kir Jelusalem; inx dyrr druar dirr hiax.

30 David dui' jnriu Qnanaw Snuax ee lo jnriu .kir, naxx jnriu .kir naxx hauw; dar taukag tngwjiackax laii qniaa. Duer ix kir ee jiongww vecsnir iarr dar taukag jnriu .kir, naxx jniu .kir naxx hauw.

31 U langg vyr David qongxx, Ahitofel iarr duer Absalom dirr vuanrdongw ee diongqanx. David qongw, "Jehovah ar, qriuu Liw hro Ahitofel ee qewboo vnir juer gong."

32 David jnriu qaur snuax-dingw, qingwvair Siongrder ee soxjai, knuar qnir Arqitlangg Husai, snxax tiah lic, taukag samw din'aix, laii gniajih ix.

33 David qra ix qongw, "Liw narr qapp guaw kir, e tuatui guaw;

34 Liw narr dyr kir sniaa-lai, qra Absalom qongw, 'Ongg ar, guaw beh juer liw ee lovok; guaw jingg juer liw ee ve ee lovok, dnaxx guaw iarr beh anxnix juer liw ee lovok'; liw dyrr tangx qra guaw pywhuai Ahitofel ee qewboo.

35 Jewsix Zadok qapp Abiatar qamxx byy qapp liw dirr hiax mah? Liw dui' ongqiongx lai soxx tniar .qnir .ee, dyrr diyhh qra jewsix Zadok qapp Abiatar qongw.

36 Zadok ee qniaw Ahimaaz, Abiatar ee qniaw Jonatan, jitt nng xee qniaw iarr qapp inx dirr hiax. Qniwnarr linw soxx tniar .qnir .ee, tangx tokdiong inx laii vyr guaw."

37 Dui' anxnix, David ee ving'iuw Husai zip sniaa. Absalom iarr zip Jelusalem.

16 David quer snuax-dingw byy zuarr hng, knuar qnir Mefiboset ee lovok, Ziba laii duw diyc ix, duar qruar nguax ee luu nng jiah, jair vniaw nng-vah, pudyqnuax jit-vah pax, hartnix ee quexjiw jit-vah, jiuw jit puelongg.

2 Ongg mng Ziba qongxx, "Liw duar jiaxee laii si simxmih iwsur?" Ziba qongw, "Luu si beh hro ongg ee qequanr kiaa; vniaw qapp hartnix ee quexjiw, si beh hro siauwlenlangg jiac; jiuw si beh hro dirr kongwiaw iawsen ee langg limx."

3 Ongg mng qongxx, "Liw ee juxlangg ee qniaw dirr dyclyc?" Ziba rinr ongxx qongxx, "Ix iuguann dirr Jelusalem; in'ui ix qongw, 'Islaellangg qinaxzit beh jiong' guaw ee ve ee qog hingg guaw.'"

4 Ongg qra Ziba qongw, "Mefiboset soxu :ee longxx qruix hro liw." Ziba qongw, "Guaw quirvair; guan did diyc undenw dirr guaw ee jruw, guaw ee ongg ee binrjingg."

5 David Ongg qaur Bahulim ee sii, u Saul-jok ee qrex jit langg cud .laii, dyrr si Gela ee qniaw, miaa qiyr Simei. Ix cud .laii, naxx qniaa naxx jiuwjow;

6 Qycc kiyh jiyhtauu dimr David qapp David Ongg ee zinsinn. Hitt sii jiongww vecsnir qapp iongxsu longxx dirr ongg ee jyxiu.

7 Simei jiuwjow qongxx, "Liw jitt xee lrauu langg ee huih ee langg ar, liw jitt xee pnaiw langg ar, kir ar, kir ar.

8 Liw ter Saul juer ongg, dnaxx Jehovah ing ix ee qrex ee huih longg qruix dirr liw. Jehovah ing jitt xee qog qaux dirr liw ee qniaw Absalom ee ciuw. Dnaxx liw duw diyc okvyr, in'ui liw si lrauu langg ee huih ee langg."

9 Zeluiah ee qniaw Abisai qra ongg qongw, "Jitt jiah siw qxauw, qamxx tangx jiuwjow guaw ee jruw, guaw ee ongg mah? Qriuu liw jrunw guaw quer .kir, quah ix ee tauu."

10 Ongg qongw, "Zeluiah jiaxee qniaw ar, guaw qapp linw u simxmih qansiap? Cutjai ix jiuwjow, in'ui Jehovah huanhur ix qongxx, 'Liw diyhh jiuwjow David'; anxnix jirjui qnaw qongw, 'Liw sniaw su anxnix qniaa ar?'"

11 David qycc qra Abisai, qapp ix ee jiongww zinsinn qongw. "Guaw cinsnix ee qniaw siongrcniaw siauwsniu guaw ee sniwmia, hyhongr jitt xee Benjaminlangg ar? Iong'unw ix, cutjai ix jiuwjow; in'ui jex si Jehovah qiyr ix :ee.

12 Qiamxcaiw Jehovah qamwcad guaw ee uan'ongw, in'ui ix qinaxzit ee jiuwjow, Jehovah beh ing hyw vyr guaw."

13 David qapp duer ix ee langg qnialo kir. Simei qniaa dirr ix sna' duir ee snuapniaa, naxx qniaa naxx jiuwjow, qycc dimr jiyhtauu, ia too.

14 Ongg qapp duer ix ee jiongww vecsnir jin' iawsen, qaur jit soxjai, dyrr dirr hiax hiyckunr.

15 Absalom qapp jiongww vecsnir Islaellangg, laii qaur Jelusalem. Ahitofel iarr qapp ix dirr hiax.

16 David ee ving'iuw, Arqitlangg Husai, laii qaur Absalom hiax. Husai qra Absalom qongw, "Guan ongg banrsuer, guan ongg banrsuer."

17 Absalom qra Husai qongw, "Liw hyw kuanxtai liw ee ving'iuw si anxnix mah? Sniaw su byy qapp liw ee ving'iuw snaqab kir ar?"

18 Horsu qra Absalom qongw, "M si anxnix, Jehovah qapp jitt xee vecsnir, qapp Islael jingwlangg, soxx qingw :ee, guaw beh qruix ix, iarr beh qapp ix druar.

19 Qycc jit hxang, guaw diyhh hogsai jirjui ar? Qamxx m si dirr ix ee qniaw ee binrjingg mah? Guaw jnaixngiu dirr liw ee laurve ee binrjingg hogsai, iarr beh anxnix dirr liw ee binrjingg."

20 Absalom qra Ahitofel qongw, "Linw diyhh qewiok, knuar lanw diyhh jnaixngiu qniaa."

21 Ahitofel qra Absalom qongw, "Liw ee laurve soxx lauu lecc qor cur hiaxee vinwhuix, liw diyhh qapp inx kunr. Anxnix, dyrr Islael ee jingwlangg tniax qnir liw hro liw ee laurve iamwngor, qniwnarr qruix liw ee langg, ix ee ciuw beh giamxgni."

22 Inx dyrr qra Absalom dah vowvnii, dirr ongqiong ee jngvnii dingw. Absalom dyrr dirr Islael jingwlangg ee binrjingg zip .kir, qapp ix ee laurve ee vinwhuix kunr.

23 Hitt sii Ahitofel soxx qewik ee qewik, cincniu langg mng Siongrder ee ue jidngiu. Ahitofel duiwdirr David iacc si duiwdirr Absalom soxx qewik :ee, longxx si anxnix.

17 Ahitofel qycc qra Absalom qongw, "Cniaw liw jrunw guaw qingw jit-bxan nng-cingx langg, qimmii guaw beh kixsinx duizib David,

2 Tanr ix iawsen ciuw nngw, guaw beh zib diyc ix, hro ix qniahniaa, duer ix ee jiongww vecsnir beh longxx dyjauw. Guaw dyrr qandna' taii siw ongg nardnia;

3 Hro jiongww vecsnir longxx qruix liw; cincniu liw soxx crua hitt langg dywdngw .laii jidngiu; anxnix vecsnir longxx ving'anx."

4 Absalom qapp Islael ee diongxlyw longxx liac jitt xee ue juer hyw.

5 Absalom qongw, "Diyhh qiyr Arkilangg Husai laii, lanw iarr tangx tniax ix soxx qongw :ee."

6 Husai qaur Absalom hiax, Absalom qra ix qongw, "Ahitofel qongw anxnix, lanw diyhh jiauww ix ee ue qniaa mah? Narr byy, liw dyrr diyhh qongw."

7 Husai qra Absalom qongw, "Ahitofel jitt vaiw soxx qewik :ee m hyw."

8 Husai qycc qongw, "Liw jaix liw ee laurve, qapp duer ix ee langg, longxx si iongxsu. Dnaxx inx ee simx bingxlet, cincniu can'iaw sitlyc qniaw ee himbuw jidvnuax. Qycc liw ee laurve si jenwsu, dikkag byy qapp vecsnir snaqab hiyh.

9 Knuar ar, ix dnaxx bih dirr snuaknix iacc si vadd soxjai. Narr u quixnarr langg dairsingx hro ix taii siw, qniwnarr tniax .qnir ee langg beh qongw, 'Duer Absalom ee vecsnir qidiongx u siurr taii.'

10 Suizenn u langg hyxdnaw, inx ee simx cincniu sraix ee simx, iarr beh longxx siau'ngiuu; in'ui Islaellangg longxx jaix liw ee ve si iongxsu, duer ix ee langg iarr longxx si hyxdnaw.

11 Soxiw guaw quxgi, diyhh hro Islael jinglangg, dui' Dan qaur Beerseba, jurjip laii liw jiax, cincniu haiw-vnix ee suax hiacc je, liw iarr cinsinx dokdin.

12 Anxnix, bylun dirr simxmih soxjai duw diyc ix, lanw beh qongqig ix, lyc dirr ix ee dingxbin cincniu lorjuiw lyc dirr de nirr jidvnuax, hro ix qapp duer ee langg byy lauu jit xee.

13 Ix narr zip sniaa, Islael jingwlangg beh duar syh qaur hitt xee sniaa, lanw beh qra ix tuax lyc hyy, drir qaur dirr hiax byy knuar qnir jit der jiyhtauu-aw."

14 Absalom qapp Islael jingwlangg qongw, "Arkilangg Husai ee qewik, viw Ahitofel ee qewik kacc hyw." In'ui Jehovah dniardiyc beh pywhuai Ahitofel ee hyw qewik, drir qaur Jehovah tangx qangr jaieh hro Absalom.

15 Husai qra jewsix Zadok qapp Abiatar qongw, "Ahitofel qra Absalom qapp Islael ee dniuxlyw soxx qewik :ee si anxnix, anxnix, guaw soxx qra ix qewik :ee si anxnix, anxnix.

16 Dnaxx linw diyhh qnuaxqinw crex langg kir, qra David qongw, 'Qimmii m tangx diamr dirr kongwiaw ee dorkauw, dikkag diyhh quer hyy, benw did ongg qapp duer ix ee langg longxx siurr tunbet.'"

17 Hitt sii Jonatan qapp Ahimaaz diamr dirr Enlogel decc tingwhau, in'ui m qnaw hro langg knuar qnir inx zip sniaa. U jit xee luxvi laii qra inx qongw, inx dyrr kir qra David Ongg qongw.

18 U jit xee ginxaw knuar qnir inx, dyrr kir qra Absalom qongw; inx nng langg qnuaxqinw jauw qaur Bahulim, byy langg ee cur. Hitt langg ee ngi-lai u jnew, inx nng langg dyrr lyc kir hiax.

19 Hitt qrex ee hurzinlangg ing quar kamr jnexjuiw, dingxbin pox behsud, dairjir dyrr byy laursed.

20 Absalom ee lovok laii qaur hurzinlangg hitt qingx cur, mng ix qongxx, "Ahimaaz qapp Jonatan dirr dyclyc?" Hurzinlangg qongw, "Inx quer kex kir lar." Lovok cue inx, cue byy diyc, dyrr dyr kir Jelusalem.

21 Inx dyr kir liauw, nng langg dui' jnew nirr kiw .laii, kir qra David Ongg qongw. Inx qra David qongw, "Diyhh kiw .laii, qinw qinw quer juiw, in'ui Ahitofel u anxnix, anxnix qewik, beh hai liw."

22 David qapp duer ix ee langg dyrr kiw .laii, quer Jordan; qaur tnix qngx, byy langg byy quer Jordan.

23 Ahitofel knuar qnir byy jiauww ix ee qewik qniaa, dyrr virvan luu kixsinx, dyr kir ix ee sniaa, qaur ix ee qrex, huanhur ix ee qesu, dyrr qaqi diaur siw, baijong dirr ix ee laurve ee bong.

24 David qaur Mahanaim. Absalom, qapp duer ix ee Islaellangg, iarr longxx quer Jordan.

25 Absalom setlip Amasa juer qundniuw ter Joab. Amasa si Ismaellangg, Jeter ee qniaw. Jeter bad qapp Nahas ee jaboxqniaw Abigail dangvangg. Jitt xee Abigail qapp Joab ee laurbuw Zeluiah si jixbe.

26 Islaellangg qapp Absalom jrad ngiaa dirr Gilead-de.

27 David qaur Mahanaim hitt sii, Ammon-jok ee Rlabbahlangg Nahas ee qniaw Sobi, Lodebarlangg Ammiel ee qniaw Maqir, Gilead ee Rlogelimlangg Barzillai,

28 Duar pox-aw, punn, huikir, siyxbec, duarbec mirhunw, craw ee gnoxqog, dau-aw, angdau, caxdau, bit, lin'iuu,

29 Ngiuu, gulinvniaw, qiongqib David qapp duer ix ee langg tangx jiac; in'ui inx qongw, "Vecsnir dirr kongwiaw vitdnia e iaux, iawsen, cuiwdax."

18 David sngr duer ix ee vecsnir, setlip cenjongw vecjongw cua inx.

2 David crex vecsnir cud .kir, snax hxun jit qaux Joab ee ciuw, snax hxun jit qaux Zeluiah ee qniaw Joab ee hniadi Abisai ee ciuw, snax hxun jit qaux Gatlang Ittai ee ciuw. Ongg qra vecsnir qongw, "Guaw dikkag qapp linw cud .kir."

3 Danrsi vecsnir qongw, "Liw m tangx cud .kir. Narr guanw dyjauw, duiwidk byy liac guanw juer iauwqinw; guanw narr dinrbongg jidvnuar, duiwdik iarr byy liac guanw juer iauwqinw, in'ui liw jit langg dongr did guaw jit-bxan langg. Liw dui' sniaa-lai vangjan guanw kacc hyw."

4 Ongg qra inx qongw, "Linw soxx knuar juer hyw :ee, guaw beh qniaa ix." Dui' anxnix ongg kia dirr sniamngg vnix, vecsnir uree jit-vah, uree jit-cingx, jiauww cuwsu cud .kir.

5 Ongg bingrling Joab, Abisai, Ittai, qongw, "Linw duar diyc guaw, kuanxtai hitt xee siauwlenlangg Absalom diyhh kacc kuanx." Ongg uirdiyhh Absalom bingrling hiaxee siuxlingw ee ue, vecsnir longxx u tniax .qnir.

6 Vecsnir dyrr cud kir can'iaw dixdik Islaellangg, dirr Eflaim ee ciurnaa qaujenr.

7 Dirr hiax Islaellangg taii sux dirr David hiaxee lovok ee binrjingg; hitt zitt dinrbongg :ee jin' je, qiong u nng-bxan langg.

8 In'ui jenwdinrsnuar jin' kuix, venwvenr dirr hitt soxjai; ciurnaa soxx tunbet :ee, viw hro dyx soxx tunbet :ee kacc je.

9 Absalom gnoxzenn duw diyc David ee lovok. Absalom kiaa ix ee lyy, lyy jauw duiww dua jangg siongrciu ram ee ciurqix xe qingquer, ix ee taukag qruar dirr siongrciu, diaur dirr vnuawkongdiongx; soxx kiaa ee lyy jueww ix kir.

10 U jit xee langg knuar .qnir, dyrr qra Joab qongw, "Guaw knuar qnir Absalom qruar dirr siongrciu nirr."

11 Joab qra vyr ix ee langg qongw, "Liw ixqing' knuar .qnir, sniaw su m dui' hiax pah ix, hro ix duirlyc de ar? Guaw dyrr sniuw liw jap xee ginn, qapp jit diauu duar."

12 Hitt xee langg qra Joab qongw, "Guaw dyrr did diyc jit-cingx ginn dirr guaw ee ciuw, iarr m qnaw crunx ciuw hai ongg ee qniaw; in'ui guanw tniax qnir ongg bingrling liw qapp Abisai Ittai qongxx, 'Linw diyhh sewzi m tangx hai hitt xee siauwlenlangg Absalom.'

13 Guaw narr lamrsamw juer, laii hai ix ee sniwmia, byy jit hxang e muaa did ongg, liw dyrr beh kia dirr vnix:a m cab guaw."

14 Joab qongw, "Guaw m tangx qapp liw encenn." Joab ciuw giac snax qix dew cniux, hitt sii Absalom diaur dirr siongrciu, iauxx uac lehh, dyrr cak taur ix ee simx.

15 Qra Joab giac qesix ee siauwlenlangg jap xee, uii Absalom pah hro ix siw.

16 Joab vunn sauwqag, vecsnir dyrr dyr .laii, byy qycc zib Islaellangg; in'ui Joab joxjiw vecsnir.

17 Inx jiong' Absalom hed dirr ciurnaa lai jit xee dua cimknex, dingxbin tiap jit dua dxuix ee jiyhtauu. Islael jingwlangg dagg xee jauw dyr kir inx ee vowvnii.

18 Absalom uac lehh ee sii, dirr ongg ee snuaqog uirr qaiq kia jit qix tiau; in'ui ix qongw, "Guaw byy qniaw tangx lauu guaw ee miaa"; dyrr ing qaqi ee miaa cxingx hitt qix tiau; qaur qinaxzit cxingx juer Absalom ee hyrviauw.

19 Zadok ee qniaw Ahimaaz qongw, "Jrunw guaw jauw .kir, vyr siausid hro ongg, dyrr si Jehovah u jnaixngiu duiww ix ee duiwdik vywsiuu."

20 Joab qra ix qongw, "Vadd zit liw tangx vyr siausid, qinaxzit liw m tangx vyr siausid, in'ui ongg ee qniaw ixqing' siw."

21 Joab qra Kusilangg qongw, "Liw kir jiong' liw soxx knuar .qnir .ee qra ongg qongw." Kusilangg duiww Joab qiokqiongx dyrr jauw .kir.

22 Zadok ee qniaw Ahimaaz qycc qra Joab qongw, "Bylun jnaixngiu, qriuu liw jrunw guaw duer Kusilangg jauw .kir." Joab qongw, "Guaw ee qniaw, liw vyr siausid, qiwzenn be did diyc sniuw, sniaw su rair jauw kir ar?"

23 Ix qycc qongw, "Bylun jnaixngiu, guaw beh jauw .kir." Joab qonbgw, "Liw jauw .kir." Ahimaaz dyrr dui' Vni'ngiuu ee lo juaw .kir; jauw juer Kusilangg ee taujingg.

24 David duxaxx jre dirr nng xee sniacniuu ee diongqanx. Siuxbang ee langg vreh jnriu sniacniuu, qaur sniamngg ee laudingw, giagbak quanknuar, knuar qnir jit langg dnuasinx jauw .laii.

25 Siuxbang :ee qiyr, laii qra ongg qongw. Ongg qongw, "Ix narr qaqi laii, dikkag u siausid beh vyr." Ix naxx jauw naxx qinruaw .laii.

26 Siuxbang :ee qra qor sniamngg ee langg qongw, "Knuar ar, u jit langg dnuasinx jauw .laii." Ongg qongw, "Jex iarr si vyr siausid :ee."

27 Siuxbang :ee qongw, "Guaw knuar qnir taujingg decc jauw :ee cincniu Zadok ee qniaw Ahimaaz decc jauw ee kuanw." Ongg qongw, "Ix si hyw langg, laii vyr hyw siausid."

28 Ahimaaz duiww ongg qiyr qongxx, "Ving'anx lar"; dyrr dirr ongg ee binrjingg pag dirr de nirr vair, qongw, "Jehovah, liw ee Siongrder si ingqaix diyhh ylyw :ee; in'ui Ix ixqing' jiong' hiaxee kixciuw qongqig guaw ee jruw, guaw ee ongg ee langg qaux hro liw."

29 Ongg qongw, "Siauwlenlangg Absalom ving'anx iacc byy?" Ahimaaz rinr qongxx, "Joab crex ongg ee lovok, qapp liw ee lovok, hitt sii guaw knuar qnir dua hanxhua, m jaix si simxmih dairjir."

30 Ongg qongw, "Liw qniaa kuix, kia dirr vnix:a." Ix dyrr qniaa kuix, kia lehh.

31 Kusilangg iarr qaur; Kusilangg qongw, "U siausid vyr hro guaw ee jruw, guaw ee ongg. Jehovah qinaxzit duiww itcer hingx kiw qongqig liw ee langg qra liw vywsiuu."

32 Ongg qra Kusilangg qongw, "Siauwlenlangg Absalom ving'anx bor?" Kusilangg rinr qongxx, "Guan guaw ee jruw, guaw ee ongg ee duiwdik, qapp itcer hingx kiw qongqig liw, beh hai liw ee langg, longxx cincniu hitt xee siauwlenlangg jidngiu."

33 Ongg dyrr vutjiw siongsimx, jnriu sniamngg dingw ee lxauu tikaur, naxx qniaa naxx qongw, "Guaw ee qniaw Absalom ar, guaw hun berdid ter liw siw, Absalom ar, guaw ee qniaw, guaw ee qniaw."

19 U langg qra Joab qongw, "Knuar ar, ongg uirdiyhh Absalom tikaur vi'aix."

2 Hitt zit ee diksingr venr juer jiongww vecsir ee vi'aix; in'ui hitt zit vecsnir tniax qnir qongxx, ongg uirdiyhh ix ee qniaw iubun.

3 Hitt zit inx amwjni zip sniaa, cincniu dirr din nirr dyjauw qenwsiaur ee vecsnir amwjni zip .laii jidngiu.

4 Ongg dar ix ee bin, ongg dua sniax hauw, qongw, "Guaw ee qniaw Absalom ar, Absalom, guaw ee qniaw, guaw ee qniaw ar."

5 Joab zip cur kir qnir ongg, qongw, "Liw qinaxzit hro liw itcer ee lovok byy texben; inx qinaxzit qiur liw ee sniwmia, qapp liw ee qniaw jaboxqniaw ee sniwmia, liw hiaxee bow ee sniwmia, liw hiaxee sewii ee sniwmia;

6 In'ui uanwhun liw :ee, liw tniar ix, tniar liw :ee, liw uanwhun ix. Liw qinaxzit ixqing' henxbingg liw byy iauwqinw hiaxee siuxlingw qapp zinsinn; guaw qinaxzit knuar cud, narr Absalom uac lehh, guanw qinaxzit longxx siw, liw dyrr hnuahiw.

7 Dnaxx liw diyhh kiw laii cud .kir, an'uir liw ee lovok ee simx. Guaw qiw Jehovah laii jiuwjua, liw narr byy cud .kir, qimmii byy jit langg qapp liw dilehh; jex jaieh viw liw dui' siauwlenn qaur dnaxx soxx duw .diyc .ee kacc camw."

8 Ongg dyrr kiw .laii, jre dirr sniamngg nirr. U langg qra jiongww vecsnir qongw, "Knuar ar, ongg jre dirr sniamngg nir"; vecsnir dyrr longxx qaur ongg ee binrjingg.

9 Islaellangg ixqing' dyjauw, dagg langg dyr kir ix ee vowvnii. Islael jiongww jipair ee langg hunhunx girlun, qongw, "Ongg bad qiur lanw tuatli duiwdik ee ciuw, qycc qiur lanw tuatli Filistlangg ee ciuw. Dnaxx ix siamxvi Absalom jauw dirr guarbin.

10 Lanw ing iuu buah Absalom dirliw lanw, ix ixqing' dinrbongg. Linw dnaxx sniaw su m cud jit qxur, cniaw ongg dyr .laii ar?"

11 David Ongg crex langg kir qnir jewsix Zadok qapp Abiatar, qongw, "Linw diyhh qra Judah ee diongxlyw qongw, Islael jingwlangg ixqing' u ue qaur dirr ongg, cniaw ongg dyr laii ix ee cur. Linw cniaw ongg dyr .laii, sniaw su juer langg ee lorbuew ar?

12 Linw si guaw ee hniadi, si guaw ee qutziok; cniaw ongg dyr laii sniaw su juer langg ee lorbuew ar?'

13 Iarr qra Amasa qongw, 'Liw qamxx m si guaw ee qutziok mah? Guaw byy setlip liw ter Joab dngdngg dirr guaw ee binrjingg juer qundniuw, guan Siongrder qavue jikhuat guaw.'"

14 Dui' anxnix, ix dyrr qamxqig Judah jingwlangg ee simx, cincniu jit langg ee simx; inx dyrr crex langg kir qnir ongg, qongw, "Guan liw qapp liw ee jiongww zinsinn dyr .laii."

15 Ongg dyrr dyr .laii, qaur Jordan; Judahlangg laii qaur Gilgal, beh gniajih ongg, cua ongg quer Jordan.

16 Bahulim ee Benjaminlangg, Gela ee qniaw Simei qnuaxqinw qapp Judahlangg lyc laii gniajih David Ongg.

17 Qapp ix laii :ee, u jit-cingx ee Benjaminlangg, iarr u Saul-qrex ee lovok Ziba, qapp ix jap-go xee qniaw, zi-jap xee lovok, inx longxx dirr ongg ee binrjingg quer Jordan.

18 U dorjunn jair ongg ee qequanr quer .kir, cutjai ongg ing. Ongg quer Jordan ee sii, Gela ee qniaw Simei dyrr pag dirr ongg ee binrjingg, qra ongg qongw,

19 "Guaw ee jruw, guaw ee ongg cud Jelusalem ee zit, liw ee lovok qniaa vuergik ee su. Dnaxx qriuu guaw ee jruw byc did jikjue guaw, byc did qir .did, ongg iarr byc did he dirr simx nirr.

20 Liw ee lovok jaix qaqi u jue, soxiw Josef juann qrex qinaxzit guaw derr id dairsingx lyc laii gniajih guaw ee jruw, guaw ee ongg."

21 Zeluiah ee qniaw Abisai qongw, "Simei bad jiuwjow Jehovah soxx buah iuu :ee, qamxx m diyhh in'ui anxnix hro ix siw mah?"

22 David qongw, "Zeluiah ee qniaw ar, guaw qapp linw simxmih qansiap, hro linw qinaxzit huanxduir guaw ar? Qinaxzit Islael diongx qamxx tangx hro langg siw mah? Guaw qamxx m jaix guaw qinaxzit juer Islael Ongg mah?"

23 Dui' anxnix ongg qra Simei qongw, "Liw mrbenw siw." Ongg dyrr duiww ix jiuwjua.

24 Saul ee sunx Mefiboset iarr lyc kir gniajih ongg. Ix dui' ongg kir ee zit qaur ongg ving'anx dyr .laii ee zit, ix byy siujingw kax, iarr byy siujingw cuiwciux, iarr byy sew snxax.

25 Ix dirr Jelusalem gniajih ongg ee sii, ongg qra ix qongw, "Mefiboset, liw sniaw su byy qapp guaw lyc .kir?"

26 Ix rinr qongxx, "Guaw ee jruw, guaw ee ongg ar, dngsii liw ee lovok sniu qongxx, guaw beh virvan luu, kiaa ix qapp ongg snaqab kir; in'ui liw ee lovok si vaixkax.

27 Danrsi guaw ee lovok penr guaw, qycc dirr guaw ee jruw, guaw ee ongg ee binrjingg huixvongr liw ee lovok; dogdok guaw ee jruw, guaw ee ongg cincniu Siongrder ee suwjiaw, jiauww liw soxx knuar juer hyw :ee qniaa ix.

28 In'ui guaw ee jow juann qrex, dirr guaw ee jruw, guaw ee ongg ee binrjingg, longxx si diyhh siw ee langg. Danrsi liw hro liw ee lovok qapp liw jit dyh ee langg snaqab jiac, guaw iauxx u simxmih lixiuu tangx qycc duiww ongg qiuqiyr ar?"

29 Ongg duiww ix qongw, "Liw sniaw su qycc qongw liw ee dairjir ar? Guaw qongw, liw qapp Ziba diyhh vnivunx hiaxee giabsanw."

30 Mefiboset qra ongg qongw, "Guaw ee jruw, guaw ee ongg ixqing' ving'anx dyr laii qiongx-lai, quwjair ix longxx tec .kir, iarr tangx."

31 Gileadlangg Barzillai dui' Rlogelim lyc .laii, beh sangr ongg quer Jordan, dyrr qapp ongg quer Jordan.

32 Barzillai jin' lau, ixqing' veh-jap huer; ongg druar dirr Mahanaim ee sii, ix ing jiahmic qiongqib ongg; in'ui ix si dua hyxgiahlangg.

33 Ongg qra Barzillai qongw, "Liw qapp guaw quer .kir, qapp guaw druar Jelusalem, guaw beh qiongqib liw."

34 Barzillai qra ongg qongw, "Guaw ee sniwmia iauxx u quiw nii, quiw zit, hro guaw qapp ongg snaqab jnriu Jelusalem ar?

35 Guaw henrjai ixqing' veh-jap huer lar, iauxx e hunvet hyxpnaiw mah? Liw ee lovok iauxx e cir limjiac ee jubi mah? Cniuwquax ee lamluw guaw erhiauw tniax ix ee snia'imx mah? Lovok sniaw su tualui guaw ee jruw, guaw ee ongg ar?

36 Liw ee lovok jixu si beh qapp ongg quer Jordan jit jam aw; ongg sniaw su diyhh ing jitt xee vywsniuw vywsniuw guaw ar?

37 Qriuu liw jrunw liw ee lovok dyr .kir, hro guaw tangx siw dirr guaw ee vunxsniaa, guaw ee verbuw ee bong hiax. Knuar ar, liw ee lovok Qimham dirr jiax. Hro ix qapp guaw ee jruw, guaw ee ongg quer .kir; jiauww liw soxx knuar juer hyw :ee kuanxtai ix."

38 Ongg qongw, "Qimham tangx qapp guaw kir; guaw beh jiauww liw soxx knuar juer hyw :ee laii kuanxtai ix. Liw qniww u duiww guaw qriuu :ee, guaw beh qra liw jniaa."

39 Dui' anxnix jiongww vecsnir quer Jordan, ongg iarr quer .kir. Ongg dyrr qapp Barzillai jimx cuir, qra ix jiokhog; ix dyrr dyr kir ix vunxsoxjai.

40 Dui' anxnix ongg quer kir qaur Gilgal. Qimham iarr qapp ix quer .kir. Judah jiongww vecsnir, qapp Islael vecsnir ee jidvnuar, iarr longxx sangr ongg quer .kir.

41 Islael jingwlangg laii qnir ongg, qra ix qongw, "Guanw ee hniadi Judahlangg sniaw su taux taux sangr liw kir, laii cua ongg qapp ix ee qequanr, qapp qinduer David ee langg, longxx snaqab quer Jordan?"

42 Judah jingwlangg rinr Islaellangg, qongxx, "In'ui ongg qapp guanw si qangg jongx, linw sniaw su in'ui jitt xee su siurkir ar? Guanw bad jiac diyc ongg simxmih ar? Ongg bad ing simxmih sangr guanw mah?"

43 Islaellangg rinr Judahlangg qongw, "Jiauww jipair, jitt xee ongg guanw u jap hxun, guanw duiwdirr David viw linw kacc u quanhe. Linw sniaw su knuawkinx guanw, cua guanw ee ongg dyr .laii, byy dairsingx qapp guanw camsiongg ar?" Dogdok Judahlangg ee ue, viw Islaellangg ee ue kacc gni.

20 David duxdng u jit xee huixlui, si Benjaminlangg, Bikli ee qniaw, miaa qiyr Seba. Ix vunn sauwqag, qongw, "Guanw duiwdirr David byy hxun, guanw duiwdirr Jesse ee qniaw byy qansiap. Islaellangg ar, linw dagg langg dyr kir linw ee vowvnii."

2 Dui' anxnix, Islael jingwlangg longxx lirkuix David, kir duer Bikli ee qniaw Seba. Dogdok Judahlangg, dui' Jordan qaur Jelusalem, longxx duer ix ee ongg diauu diauu.

3 David qaur Jelusalem, zip ix ee ongqiongx. Ongg jiong' jingg soxx lauu lecc qor cur ee jap xee vinwhuix, qnuaiqimr inx dirr vadd qingx cur, qiongqib inx jiah'ing, byy qapp inx cinqin. Inx siurr qnuaiqimr, cincniu qnuaxhu, didqaur inx siw ee zit.

4 Ongg qra Amasa qongw, "Liw diyhh dirr snax zit lai qra guaw jiyjip Judahlangg laii, liw iarr diyhh laii jiax."

5 Amasa dyrr kir jiyjip Judahlangg, danrsi ix encenn quer soxx han ee qrii.

6 David qra Abisai qongw, "Dnaxx Bikli ee qniaw Seba beh hai lanw, viw Absalom kacc siongdiong. Liw diyhh duar liw juxlangg ee lovok duizib ix, qniax ix e did diyc qenqor ee sniaa, siamxvi lanw."

7 Joab ee langg, qapp Keletlangg, Peletlangg, qapp jiongww iongxsu, longxx cud kir duer Abisai, dui' Jelusalem cud .kir, duizib Bikli ee qniaw Seba.

8 Inx qaur Gibeon ee dua jiyvnuaa hiax, Amasa laii qaur inx ee binrjingg. Hitt sii Joab soxx cing ee jenwqah, haa dirr ix ee sinkux, guarbin u duar, qycc u qiamr vak dirr iyx nirr, cah dirr sxiur-lai. Ix qniaa ee sii, qiamr dui' sxiur nirr lag .cud .laii.

9 Joab qra Amasa qongw, "Guaw ee hniax, liw ving'anx mah?" Joab dyrr ing jniar ciuw luac Amasa ee cuiwciux, beh qapp ix jimx cuir. Amasa byy dniudii Joab ciuw nirr soxx giac ee qiamr.

10 Joab ing hitt qix cir zip ix ee vakdow hro ix ee dng'aw lrauu dirr de nirr; byy qycc cak ix, dyrr siw. Joab qapp ix ee siyxdi Abisai kir duizib Bikli ee qniaw Seba.

11 Joab ee siauwlenlangg diongx, u jit xee kia dirr hitt vnix:a, qongw, "Jirjui hnuahiw Joab, jirjui quisun David, dyrr diyhh duer Joab kir."

12 Amasa dirr lo-diongx qy dirr ix ee huih nirr. Hitt langg knuar qnir jiongww vecsnir longxx tingkax, dyrr jiong' Amasa dui' lo-diongx suaw qaur cann nirr, ing snxax kamr ix.

13 Sinsix dui' lo-diongx suaw .kir ixau, jiongww vecsnir dyrr longxx duer Joab, kir duizib Bikli ee qniaw Seba.

14 Ix venww qniaa Islael jiaxee jipair, didqaur Bet Maakah ee Abel, qapp Bikli ee langg; inx iarr jujip laii duer ix.

15 Inx qaur Bet Maakah ee Abel, uikunr ix, dyrr dirr sniaa-gua kiw toduix, kiw dirr gua sniaa ee duiwbin. Joab qapp duer ix ee jiongww vecsnir longr sniaa beh hro ix dyw.

16 U jit xee cangmiaa ee hurzinlangg dui' sniaa nirr qiyr qongxx, "Tniax ar, tniax ar. Qriuu linw qra Joab qongw, 'Cniaw liw laii jiax, guaw beh qapp liw qongxue.'"

17 Ix dyrr qniaa uaw .laii. Hurzinlangg qongw, "Liw si Joab iacc m si?" Ix rinr qongxx, "Guaw si lar."

18 Hurzinlangg qongw, "Qriuu liw tniax luxvi ee ue." Rinr qongxx, "Guaw decc tniax." Hurzinlangg qongw, "Qoxjaxlangg siongsiongg qongw, 'Diyhh dirr Abel cingxmng, dairjir jiacc e qaixquad.'

19 Guanw dirr Islael diongx, si hyvingg diongho :ee; liw sniu beh bet Islael diongx jit xee huxsniaa, liw sniaw su rair tunbet Jehovah ee sanxgiap ar?"

20 Joab rinr qongxx, "Guaw quatduanr m rair tunx, quatduanr m rair bet.

21 Dairjir m si anxnix; vutqyr si in'ui Eflaim ee snuade u jit xee langg, Bikli ee qniaw, miaa qiyr Seba, u kixciuw qongqig ongg, dyrr si David. Narr jiong' ix jit langg qaux cud, guaw dyrr lirkuix jitt xee sniaa."

22 Hurzinlangg qra Joab qongw, "Liw knuar, ix ee taukag beh dui' sniaa-dingw hed hro liw." Hurzinlangg dyrr jiauww ix ee diwhui krngr jingwlangg; inx dyrr jamw Bikli ee qniaw Seba ee taukag, hed hro Joab. Ix dyrr vunn sauwqag, jingwlangg dyrr lirkuix sniaa siwsnuar. Dagg langg dyr kir ix ee vowvnii. Joab dyr kir Jelusalem, qaur ongg hiax.

23 Joab juer Islael ee jongxqundniuw; Jehoiada ee qniaw Benaiah quanxhad Keletlangg qapp Peletlangg.

24 Adonilam quanxliw juer ongg ee qangx :ee; Ahilud ee qniaw Jehosafat juer suxqnuax; Seva juer viwsux.

25 Zadok qapp Abiatar juer jewsix;

26 Jairlangg Ila juer David ee lingxsiur.

21 Dirr David ee sii u qihngx, lenlenn snax nii; David dyrr mng Jehovah. Jehovah qongw, "Si in'ui Saul qapp ix ee qrex, lrauu langg ee huih :ee, in'ui ix taii siw Gibeonlangg."

2 Gibeonlangg vunw m si Islaellangg, dyrr si Amolilangg soxx cunx :ee. Islaellngg bad duiww inx jiuwjua, m taii inx. Danrsi Saul uirdiyhh Islaellngg qapp Judahlangg, sniu qewboo taii inx.

3 David dyrr driaur Gibeonlangg laii, qra inx qongw, "Guaw diyhh uirr linw juer simxmih? Guaw diyhh ing simxmih laii tewsiok, hro linw jiokhog Jehovah ee sanxgiap ar?"

4 Gibeonlangg qongw, "Guanw qapp Saul qapp ix ee qrex ee su byy quanhe qimginn, iarr m tangx uirdiyhh guanw ee enqor hai siw jit xee Islaellangg." Ix qongw, "Linw soxx qongw jnaixngiu, guaw beh uirr linw qniaa ix."

5 Inx duiww ongg qongw, "Hitt xee jiongjingg huixhuai guanw, beh hai guanw, beh bet guanw, hro guanw berdid tangx kiarkiw dirr Islael ee qingxlai :ee,

6 Danxx guan ing ix ee horer cid langg qauhur guanw, guanw beh dirr Jehovah ee binrjingg, jiong' inx diaur dirr Jehovah soxx qingw, Saul ee Gibeah." Ongg qongw, "Guaw beh qaux hro linw."

7 Saul ee qniaw Jonatan, ix ee qniaw Mefiboset, ongg vyxsiyh ix, in'ui David qapp Saul ee qniaw Jonatan jingg bad qiw Jehovah ee miaa laii jiuwjua.

8 Danrsi ongg jiong' Aiah ee jaboxqniaw Rlizpah qra Saul soxx snix nng xee qniaw, Armoni, Mefiboset; Saul ee jaboxqniaw Melab qra Meholahlangg Barzillai ee qniaw Adliel soxx snix ee go xee qniaw, longxx qaux dirr Gibeonlangg ee ciuw.

9 Inx dyrr diaur inx dirr snuax nirr, dirr Jehovah ee binrjingg. Jitt cid langg longxx juer jit xe dyw .lyc .laii, longxjongw siw dirr kixtauu siuquah ee sii, dyrr si kixtauu quah duarbec ee sii.

10 Aiah ee jaboxqniaw Rlizpah tec cox muavor, uirr qaqi cux dirr jiyhvnuaa dingw, dui' kixtauu siuquah ee sii, qaur tnix lyc horjuiw dirr sinsix ee sii; m jrunw zidsii ee jauxsiur, qaur dirr hiaxee sinsix.

11 U langg jiong' Saul ee vinwhuix, Aiah ee jaboxqniaw Rlizpah soxx juer ee su qra David qongw.

12 David dyrr kir, dui' Gilead ee Jabeslangg tec Saul ee qud. Inx dui' Bet San ee quelo tautec, in'ui Filistlangg jingg dirr Gilboa taii siw Saul ee sii, Filistlangg u qra inx diaur dirr hiax.

13 Ix dyrr dui' hiax duar Saul ee qud, qapp ix ee qniaw Jonatan ee qud dyr .laii. Inx dyrr siusip hiaxee siurr diaur .siw .ee ee qud,

14 Baijongr Saul qapp ix ee qniaw Jonatan ee qud dirr Benjamin-de ee Zela, dirr Saul ee ve Kis ee bong; jiauww ongg itcer soxx bingrling :ee kir qniaa. Jitt diap liauxau Siongrder uirdiyhh hitt xee derhngx u tniax inx ee qidyw.

15 Filistlangg qycc qapp Islaellangg qaujenr. David qapp ix ee lovok lyc .kir, qapp Filistlangg qaujenr; David jin' iawsen.

16 U duarhanwjok ee jit langg miaa qiyr Isbibenob, ix ee cniux ee dangg dang snax-vah sekel, qycc vue sinx ee dyx, beh taii David.

17 Zeluiah ee qniaw Abisai vyxho David, pah siw hitt xee Filistlangg. Dngsii duer David ee langg duiww ix jiuwjua, qongw, "Jitt diap liauxau liw m tangx qycc qapp guanw cutjenr, qniax e pah huax Islael ee dingx."

18 Au .laii qycc qapp Filistlangg qaujenr dirr Gob. Hitt sii u Husahlangg Sibbekai taii siw jit xee duarhanwjok ee langg, miaa juer Saf.

19 Qycjaiww dirr Gob qapp Filistlangg qaujenr. Betlehemlangg Jaaleoregim ee qniaw Elhanan taii siw Gatlangg Goliat. Ix ee cniuvnir cincniu vowquix ee digsimx.

20 Qycc dirr Gat qaujenr; dirr hiax u jit xee duarhanwlangg, nng qix ciuw qokk u lak qix jngxtauu-aw, nng qix kax qokk u lak qix jngxtauu-aw, qiong u zi-jap-sir qix; ix iarr si duarhanwjoglangg ee qniaw.

21 Jitt langg biauxsi Islael ee sii, David ee hniax Sammah ee qniaw Jonatan dyrr qra ix taii siw.

22 Jitt sir langg si Gat duarhanwlangg soxx snix :ee, longxx siw dirr David ee ciuw, qapp ix ee lovok ee ciuw.

22 Dng' Jehovah qiur David tuatli itcer ee duiwdik ee ciuw, qapp Saul ee ciuw ee zit, ix ngr Jehovah liam jitt xee six ee ue:

2 Jehovah si guaw ee snuagiamm, guaw ee ngiaje, jinxqiur guaw :ee.

3 Siongrder si guaw ee jiyhvnuaa, guaw beh uaxkyr Ix;

Ix si dinvaii, si jinxqiur guaw ee qag, si guaw ee quann daii, si guaw ee virlanrsow;

Jinxqiur guaw :ee ar, Liw si qiur guaw tuatli qiongvy :ee.

4 Guaw beh qiuqiyr Jehovah, Ix si ingqaix ylyw :ee.

Anxnix guaw beh did diyc qiur, tuatli guaw ee duiwdik.

5 Sixbyy ee juixingw uii guaw.

Huixlui ee huanwlam hro guaw qniax.

6 Imqanx ee syh dnii guaw,

Sixbyy ee uahdauh qaur dirr guaw.

7 Guaw dirr huanrlan diongx qiuqiyr Jehovah,

Guaw qiuqiyr guaw ee Siongrder.

Ix dui' dxen nirr tniax guaw ee sniax,

Guaw ee qiuqiyr zip Ix ee hnirkangx.

8 De dyrr dinxdang iycuah,

Tnix ee qinqix iarr girgi junr,

Uirdiyhh Ix ee siurkir laii dinxdang.

9 Dui' Ix ee pnirkangx u enx cringr .jnriu .kir,

Dui' Ix ee cuir u cud siybet ee huew,

Tnuar dui' anxnix dyc.

10 Ix hro tnix qe .lyc .laii, dyrr qangwlimm,

Dirr Ix ee kax-xe u ox hunn.

11 Ix kiaa qilorvingx decc vuex,

Dirr hongx ee sxit-dingw henxhen.

12 Ix ing oamr juer jiu'uii ee dniuwvangg,

Dyrr si jurjip ee juiw, qapp kongdiongx ee bat hunn.

13 In'ui Ix binrjingg ee qngx,

Huextnuar dyrr dyc .kiw .laii.

14 Jehovah dui' tnix kiw luii,

Jiww Quann :ee huad cud Ix ee sniax.

15 Ix sria jnxir laii qnuaxsnuar inx,

Sicnar laii hro inx luan.

16 Haiw-drew dyrr cuthen,

Duarde ee qinqix iarr lorhen,

Si in'ui Jehovah ee jikvi,

Iarr in'ui Ix ee pnirkangx vunn cud ee kxir.

17 Ix dui' dingxbin crunx ciuw kiuw guaw,

Dui' duarjuiw diongx kanx guaw cud .laii;

18 Ix qiur guaw tuatli iongxbingw ee duiwdik,

Qapp hiaxee uanwhun guaw ee langg,

In'ui inx viw guaw kacc u lat.

19 Guaw duw diycc huanrlan ee zit, inx laii kunxvig guaw,

Danrsi Jehovah si guaw soxx uaxkyr :ee.

20 Ix cua guaw qaur kuikuah ee soxjai;

Ix qiur guaw, in'ui Ix hnuahiw guaw.

21 Jehovah jiauww guaw ee qonggi vywdab guaw,

Jiauww guaw ee ciuw ee cingkir vywsniuw guaw.

22 In'ui guaw siuw Jehovah ee dyrlo,

M bad juer pnaiw, lirkuix guaw ee Siongrder.

23 Ix itcer ee huatdo dirr guaw ee binrjingg,

Ix ee ludle, guaw iarr byy vuergik.

24 Guaw duiwdirr Ix si uanjuann,

Guaw iarr siuw vunxsinx, byy qniaa guaw ee pnaiw.

25 Soxiw Jehovah vywsniuw guaw, si jiauww guaw ee qonggi.

Iarr jiauww guaw dirr Ix ee bagjiux jingg ee cingkir.

26 Duiwdirr zinjuu ee langg, Liw henxbingg qaqi si zinjuu,

Duiwdirr uanjuann ee langg, Liw henxbingg qaqi si uanjuann;

27 Duiwdirr cingkir ee langg, Liw henxbingg qaqi si cingkir;

Duiwdirr quaipiah ee langg, Liw henxbingg qaqi si uankiaux.

28 Kunwkow ee vecsnir, Liw qiur ix.

Liw ee bagjiux knuar qiaugno ee langg, hro ix qangwqe.

29 Jehovah ar, Liw si guaw ee dingx,

Jehovah beh jiywqngx guaw ee oamr.

30 In'ui guaw uaxkyr Liw ciongx zip qundui,

Uaxkyr guaw ee Siongrder, dyrr tiaur quer cniuu.

31 Lun qaur Siongrder, Ix ee dyrlo si uanjuann :ee,

Jehovah ee ue, si quer tuanwlen :ee;

Qniwnarr uaxkyr Ix :ee, Ix dyrr juer inx ee dinvaii.

32 Jehovah ixgua, jirjui si Siongrder ar?

Lanw ee Siongrder ixgua, jirjui si jiyhvnuaa ar?

33 Siongrder si guaw qenqor ee ngiaje,

Ix inxcua uanjuann ee langg qniaa Ix ee lo.

34 Ix hro guaw ee kax cincniu logbuw,

Hro guaw kia dirr guaw quann ee soxjai.

35 Ix qawsi guaw ee ciuw e qaujenr,

Drir qaur guaw ee ciuxqud e kuix dangqingx.

36 Liw ing Liw ee jinxqiur hro guaw juer dinvaii,

Liw ee unziuu hro guaw juer dua.

37 Liw hro guaw ee kax soxx dac ee de kuikuah,

Guaw ee kax iarr m bad dahtut.

38 Guaw duizib guaw ee duiwdik, laii jenxduu inx;

Inx be jaubet ee dairsingx, guaw byy dywdngw .laii.

39 Guaw jaubet inx, pacsiongx inx,

Hro inx be kiw .laii, dyr dirr guaw ee kax-xe.

40 In'ui Liw bad ing kuiwlat haa guaw, hro guaw e qaujenr,

Liw hro hiaxee kiw laii qongqig guaw :ee, longxx hanghok guaw.

41 Liw hro guaw ee duiwdik ngr guaw uat dngw srinx,

Hro guaw tangx jenxduu hiaxee uanwhun guaw ee langg.

42 Inx siwqer knuar, iarr byy jinxqiur inx :ee,

Dyrr ngwbang Jehovah, Ix iarr m rinr ix.

43 Guaw duii inx iur iur cincniu derjniu ee din'aix,

Guaw dac inx cincniu quelo ee tobee, hro inx siwsnuar.

44 Liw qiur guaw tuatli guaw ee vecsnir ee sna' jnex,

Vyxjunn guaw juer ledqog ee taubak;

Guaw soxx m bad ee vecsnir beh hogsai guaw.

45 Guarvanglangg beh dauhangg guaw,

Jid'err tniax .qnir, dyrr beh juntanr guaw.

46 Guarvanglangg beh suevai,

Dui' inx viwbat ee soxjai gniauhgniauc cuah .cud .laii.

47 Jehovah si uac :ee, guan guaw ee Jiyhvnuaa did diyc ylyw,

Guan Siongrder, dyrr si qiur guaw ee Jiyhvnuaa, did diyc jrunx juer quann;

48 Dyrr si ter guaw sin'uanx ee Siongrder,

Hro hiaxee vecsnir hanghok guaw :ee;

49 Qiur guaw tuatli guaw ee duiwdik :ee;

Qycc quxkiw guaw kacc quann hiaxee kiw laii qongqig guaw :ee.

Liw qiur guaw tuatli qiongvy ee langg.

50 Jehovah ar, in'ui anxnix guaw beh dirr ledvangx qamxsia Liw,

Iarr beh cniuwquax ylyw Liw ee miaa.

51 Jehovah dua dua jinxqiur Ix soxx setlip ee ongg,

Si ing ju'air hro Ix soxx buah iuu :ee,

Dyrr si hro David qapp ix ee horer, qaur ingxuanw.

23 David qetbuew ee ue, vailet dirr erdew.

Jesse ee qniaw David qongw:

Did diyc singquann ee langg,

Si Jakob ee Siongrder soxx buah iuu :ee,

Dirr Islael gauu juer quax :ee qongw:

2 Jehovah ee Sinn ing guaw laii qongw,

Ix ee ue dirr guaw ee jic.

3 Islael ee Siongrder u qongw,

Islael ee Jiyhvnuaa duiww guaw qongw:

Ing qonggi dirliw langg,

Qingwuir Siongrdr laii dirliw :ee,

4 Ix beh cincniu tauwjaw zit duxaxx cud ee qngx,

Byy hunn ee cingjaw,

Ho lyc quer srinx ee qngcaiw;

Hro de huad iur iur ee cauw.

5 Guaw ee qrex dirr Siongrder ee binrjingg m si anxnix;

Iauxqycc Ix u qapp guaw lip ingxuanw ee iog,

Byy m jiauww cuwsu vailet qycc qenqor;

Suizenn Ix byy hro ix singdiongw,

Jex dyrr si guaw itcer ee jinxqiur, itcer ee iwguan.

6 Danrsi huixlui longxx cincniu cixaw beh siurr quacsag,

Langg m qnaw ing ciuw tec ix;

7 Beh bongx ix ee langg,

Diyhh ing tickir qapp cniuvnir,

Dirr ix ee soxjai beh hro huew itjin siyx .kir.

8 David iongxsu ee miaa qir dirr erdew; qundniuw ee tauu, Taqemonlangg Joseb, jidsii pah siw veh-vah langg.

9 Qycc jit xee si Ahohlangg Dodo ee qniaw Eleazar; jingg Filistlangg jurjip beh qaujenr, Islaellangg ixqing' kir, u snax xee iongxsu duer David, dui' Filistlangg tyxjenr; ix si inx diongqanx ee jit xee.

10 Ix kiw laii pah Filistlangg, qaur ciuw sngx, ciuw qapp qiamr sna' liamm. Hitt zit Jehovah dua dua kacc ngiaa, jiongww vecsnir uat dngw dirr ix ee aurbin, qor cniuw mic nardnia.

11 Qycc jit xee si Hablahlangg Agee ee qniaw Sammah. U jit zit Filistlangg jurjip jniaa din, dirr jit kux angdau ee hngg; vecsnir dyrr dirr Filistlangg ee binrjingg dyjauw.

12 Ix dongr diauu dirr hitt kux hngg, laii vyxsiuw ix, pah Filistlangg; Jehovah dua dua kacc ngiaa.

13 Siuquah ee sii, snax-jap xee siuxlingw diongx u snax langg lyc kir Filistlangg ee qunvingx jrad ngiaa dirr Rlefaim ee snuaqog. Hitt sii David dirr snuaje;

14 Filistlangg hongsiuw ee vxingx dirr Betlehem.

15 David himsuan qongxx, "Jirjui e ing Betlehem sniamngg vnix ee jnixjuiw hro guaw limx?"

16 Jitt snax xee iongxsu dyrr ciongx quer Filistlangg ee ngiavnuaa, dui' Betlehem ee sniamngg vnix ee jnew cnriu juiw, qnrua laii hro David; danrsi ix m qamx limx, dyrr vniar dirr Jehovah ee binrjingg, qongw,

17 "Jehovah ar, guaw quatduanr m juer anxnix. Jex qamxx m si pemia kir ee langg ee huih?" Soxiw ix m limx. Jitt snax xee dua iongxsu u juer jiaxee dairjir.

18 Zeluiah ee qniaw Joab ee siyxdi Abisai si juer snax xee iongxsu ee taulangg; ix giac ix ee cniux pah siw snax-vah langg, dyrr dirr snax xee iongxsu diongx u miaa.

19 Ix qamxx m si snax xee iongxsu diongx ee derr id junquir ee mah? Soxiw juer inx ee tauu; jongwsirr vutqip jingg snax xee iongxsu.

20 Qycc u Kabzeellangg dua iongxsu Jehoiada ee qniaw Benaiah. Ix u qniaa cud jerje dua su. Ix taii siw Moablangg Aliel nng xee qniaw; qycc dirr lyc seh ee sii lyc knix-lai, taii siw jit jiah sraix.

21 Qycc taii siw Egipt jit xee duarhanwlangg. Egiptlangg ciuw nirr giac cniux, Benaiah jixu giac tuii lyc kir ix hiax, cniuw Egiptlangg ciuw nirr ee cniux, ing hitt qix cniux qra ix jrann siw.

22 Jex si Jehoiada ee qniaw Benaiah soxx qniaa ee su; dyrr dirr snax xee iongxsu diongx did diyc miaa.

23 Ix viw snax-jap xee iongxsu kacc junquir; danrsi vutqip jingg snax xee iongxsu. David setlip ix juer ix ee siruerdniuw.

24 Snax-jap xee iongxsu diongx u Joab ee siyxdi Asahel; qycc u Betlehemlangg Dodo ee qniaw Elhanan;

25 Halodlangg Sammah qapp Elika;

26 Peletlangg Helez, Tekoalangg Ikkes ee qniaw Ila;

27 Anatotlangg Abiezer, Husahlangg Mebunnai;

28 Ahohlangg Zalmon, Netofahlangg Mahalai;

29 Netofahlangg Baanah ee qniaw Heleb, Benjamin-jok Gibeahlangg Rlibai ee qniaw Ittai;

30 Pilatonlangg Benaiah, Gaaslangg Hiddai;

31 Alabahlangg Abiabon, Bahulimlangg Azmavet;

32 Saalbonlangg Eliahba, Jasen jiaxee qniaw diongx ee Jonatan;

33 Halarlangg Sammah, Halarlangg Salar ee qniaw Ahiam;

34 Maakahlangg Ahasbai ee qniaw Elifelet, Gilolangg Ahitofel ee qniaw Eliam;

35 Karmellangg Hezlo, Alablangg Paalai;

36 Zobahlangg Natan ee qniaw Igal, Gadlangg Bani;

37 Ammonlangg Zelek, Beelotlangg Nahalai, si qra Zeluiah ee qniaw Joab giac qunkir :ee;

38 Jattirlangg Galeb qapp Ila;

39 Hitlangg Uliah; qiong snax-jap-cid langg.

24 Jehovah qycc siurkir Islaellangg, qikdong David laii hai inx, dyrr qongw, "Diyhh kir sngr Islael qapp Judahlangg."

2 Ongg huanhur qapp ix dilehh ee qundniuw Joab qongxx, "Liw dnaxx kir venww qniaa Islael jiongww jipair, dui' Dan qaur Beerseba, diamxsngr vecsnir, hro guaw jaix vecsnir ee siauwgiac."

3 Joab qra ongg qongw, "Bylun vecsnir zuarr je, guan Jehovah, liw ee Siongrder qetnix vah vue, qycc hro guaw ee jruw, guaw ee ongg cinbak knuar .qnir. Danrsi guaw ee jruw guaw ee ongg sniaw su hnuahiw jitt xee su ar?"

4 Ongg ee ue ngiaa quer Joab qapp hiaxee qundniuw. Joab qapp hiaxee qundniuw dyrr dui' ongg ee binrjingg cud .kir, diamxsngr Islael ee vecsnir.

5 Inx quer Jordan, jrad ngiaa dirr Aloer, dirr Gad ee snuaqog diongx ee sniaa ee jniar vingg, qapp Jazer sna' qin;

6 Qycc qaur Gilead, qapp Tahtim Hodsi ee de, qycc qaur Dan, sec qaur Sidon;

7 Qycc qaur Tyle qenqor ee sniaa, qapp Hivilangg ixqip Kanaanlangg itcer ee sniaa; qycc cud kir qaur Judah lamhngx ee Beerseba.

8 Inx venww qniaa juann de, ligquer qauw guehzit qycc zi-jap zit; dyrr dywdngw qaur Jelusalem.

9 Joab ing sngr vecsnir ee siauwgiac hro ongg jaix. Islaellangg giac dyx ee iongxsu veh-jap-bxan, Judahlangg u go-jap-bxan.

10 David sngr vecsnir ee siauwgiac liauxau, simx dyrr qaqi jikvi. David qra Jehovah qongw, "Guaw qniaa jitt xee su dua dua u hunarjue. Jehovah ar, qriuu Liw druu kir Liw ee lovok ee quewsid, in'ui guaw soxx qniaa :ee jin' gong."

11 David tniqngjaw kiw .laii ee sii, Jehovah ee ue limm qaur sendix Gad, dyrr si David ee senqenr, qongw,

12 "Liw kir qra David qongw, Jehovah anxnix qongw, 'Dnaxx guaw ing snax hxang hro liw, liw qingw jit hxang, guaw tangx qniaa dirr liw.'"

13 Gad dyrr laii tongdix David, duiww ix qongw, "Liw rair liw ee de qihngx cid nii quw mah? Iacc si rair liw ee duiwdik duizip liw, liw dyjauw dirr ix ee binrjingg snax guehzit quw ar? Iacc si rair un'ik dirr liw ee de snax zit quw ar? Danxx liw diyhh jimjiog sniu knuar, guaw tangx ing simxmih ue huehog crex guaw :ee."

14 David qra Gad qongw, "Guaw jin' uilann, lanw lingkow ham lyc dirr Jehovah ee ciuw, in'ui Ix u hongsing ee linbinw; guaw m guan ham lyc dirr langg ee ciuw."

15 Jehovah dyrr qangr un'ik hro Islael, dui' cingjaw qaur soxx dniardiyc ee sii, dui' Dan qaur Beerseba; vecsnir siw cid-bxan langg.

16 Dng' tnisair crunx ciuw dirr Jelusalem, beh bet ix ee sii, Jehovah dyrr tewhuew qangr lyc jitt xee jaieh, dyrr qra bet vecsnir ee tnisair qongw, "Qxaur gxiac lar, qiux liw ee ciuw." Hitt sii Jehovah ee suwjiaw dirr Jebuslangg Alaunah ee gorqakdniuu.

17 David knuar qnir pah vecsnir ee tnisair, dyrr qra Jehovah qongw, "Knuar ar, huanrjue :ee si guaw, vuergik :ee iarr si guaw; danrsi jiaxee qui' qrunn ee ngiuu u simxmih jue ar? Guan Liw ee ciuw qongqig guaw, qapp guaw ve ee qrex."

18 Hitt zit Gad laii qnir David, qra ix qongw, "Liw jnriu .kir, dirr Jebuslangg Alaunah ee gorqakdniuu, qra Jehovah kiw jit jxy dnxuaa."

19 David jiauww Gad ee ue jnriu .kir, jiauww Jehovah ee bingrling.

20 Alaunah decc knuar, knuar qnir ongg qapp ix ee zinsinn an' duiwbin laii; Alaunah dyrr cud .kir, pag dirr de nirr vair ongg.

21 Alaunah qongw, "Guaw ee jruw, guaw ee ongg laii lovok jiax sniaw su?" David qongw, "Guaw laii beh brew liw jitt xee gorqakdniuu, qra Jehovah kiw jit jxy dnxuaa, hro vecsnir qranx ee un'ik suah."

22 Alaunah qra David qongw, "Guaw ee jruw, guaw ee ongg, jiauww liw soxx knuar juer hyw :ee tec laii henr ix. Knuar ar, jiax u guu, tangx juer siyjer, u pah gnoxqog ee kiwqu, qapp tyr guu ee qaciax, tangx juer caa. Ongg ar, Alaunah ing jex itcer sangr hro ongg."

23 Alaunah qycc qra ongg qongw, "Guan Jehovah, liw ee Siongrder jiaplap liw."

24 Ongg qra Alaunah qongw, "M tangx ar, guaw beh jiauww qewjnii qra liw brew; guaw m kingw ing vehvec did diyc ee mic juer siyjer, henr hro Jehovah, guaw ee Siongrder." David dyrr ing go-jap sekel ee ginn, brew hitt xee gorqakdniuu qapp guu.

25 David dirr hiax qra Jehovah kiw jit jxy dnxuaa, henr siyjer qapp siarunjer. Anxnix Jehovah tniax inx dui' derhngx soxx qriuu :ee, un'ik dirr Islael diongx dyrr suah.

huedngw tauu iac