derr snax-jap jniux

DERR 30 JNIUX

LUN BAJUIWIYC, CIUXSUT

Bylun simxmic iyc e hro vnirlangg simlai be hiauw .did, acc si e hro vnirlangg m jaix tniar, hitt xee iyc miaa qiyr juer bajuiwiyc (麻醉藥, anaesthetic).

Dairkair vingsiongg langg narr hutzenn u iauwqinw ee dairjir, acc si cniqniax ee su, laii qamxdong inx ee simx, jiurr liamvnix be qir did ix ee tangwtniar.

Ciuxsut ee sii hro langg longxx m jaix tniar, u nng hxang ee hxuad, jiurr si qiogvo bajuir (局部麻醉, local anaesthesia), qapp juann srinx bajuir (全身麻醉, general anaestheisa). Qiogvo bajuiwiyc si hro langg singkux jit soxjai baa .kir; juann srinx bajuiwiyc si hro ix longxx m jaix langg, diqag tuatsid. Qiogvo bajuir si ing iyc buac, acc si juwsia dirr vnirlangg ee singkux, hro ix ee puebah e bavir, ix jiurr m jaix tangwtniar. Jitt xee huatdo kacc siongg ing cocaina acc si eucaina ee iyc. Narr si quah bagjiux ee vni, cincniu hongcaiw cetdusut (虹彩切除術, iridectomy), jiurr diyhh diamw jitt xee iyc dirr bagjiux-lai. Narr si naauu jxingr, acc si naauu-lai u siyxkuaw ciuxsut ee jxingr, cincniu banw cuiwkiw, diyhh jiong’ jitt xee iyc qra ix buah, acc si diyhh ing juwsiarkir jiong’ jitt hy iyc juwsia dirr liammoc erdew.

Narr si dirr puebah ee dingxbin u ciuxsut ee jxingr, diyhh jiong’ cocaina juwsia dirr puebah erdew; in’ui jitt xee iyc dirr puebah dingxbin ee kuiwlat si kacc ban. Congr liauxau diyhh tingwhau go hunjingx quw jiacc m jaix tniar.

Narr si cuir-lai in’ui jiac sidbut, acc si naauu tunx mic e tniar ee jxingr, diyhh ing jitt xee iyc jit liap, dirr beh jiac mic ee dairsingx, qamm he cuir-lai, ban ban tunx .lyc .kir; acc si ing jit der ser der ee mihuex unr damrvyc jitt xee iycjuiw, buah dirr puawnua ee soxjai iarr hyw; jongw .si diyhh jiauww isingx bingrling jiacc tangx ing. Jitt hy cocaina ee iyc qewjnii jin’ quir, soxiw beh ing ee sii, diyhh siyxsimx junxjad, m tangx pacsngw.

Qycc u jit jxingw ee bajuiwiyc miaa qiyr ethyl chloride. Narr si vunn dirr puebah ee dingxbin, e u hitt hy vutjiw lianglingw ee kuiwlat, hro puebah dangr qaur vnir vec, ix ee bavir ee kuiwlat, viw cocaina kacc byy quw; jitt xee qiyr juer hanlingw bajuir. Ursii isingx bad ing ethyl chloride hro vnirlangg pnri, juer siyxkaw ciuxsut ee loring, mrquxx kacc byy tywdongr.

Narr si qra vnirlangg ing qiogvo bajuiwiyc, mrbenw kacc jaw virvan; narr hro vnirlangg pnri juann srinx bajuiwiyc (kunwiyc), jiurr diyhh virvan jin’ je hxang ee su.

Kacc siongg soxx ing ee juann srinx bajuiwiyc u snax kuanw, jiurr si ⁽¹⁾ chlorolorm, ⁽²⁾ ether, qapp ⁽³⁾ A. C. E. mixture, jiurr si alcohol, chloroform qapp ether camx juewduix.

Qylyhongx suxiongrhuad (哥羅方使用法, Adminisuation of chloroform).

Budliw digngirjid (物理特異質, Physical properties): Qylyhongx si bajuiwiyc ee jit lui. Si sriok dirr liudongrbit. Vixdang 1.49. Ix ee bi si dnix, qapp digvet ee pnirbi. Ing ciwgiamrjuaw (litmus paper), hitt xee huanxingr byy sngx iarr byy qnix, jiurr si dionglibsingr (中立性, neutral). Narr jinghuad (蒸發, evaporate), byy cunmic dilehh, jiurr si byy uiliubut (遺留物, residue). Narr camx cingjing liusngx (清淨硫酸, pure sulphuric acid), byy sikdi. Narr camx siusnggunn (硝酸銀, argenti nitras) jiurr byy dimdenrbut (precipitate).

Kiwqu u quixnarr jxingw. U jit kuanw qikaw digvet ee kiwqu, jongw .si kacc hyw diyhh ing binrqinx, acc si qexbin; jitt xee qexbin si nivor kamr tih juer ee qxer. Qexbin diyhh quer sac, iarr qexbin ee vor diyhh dagg vaiw ngua cingkir juer vnirlangg ee loring (derr 257 doo).

Qirsut (技術, Technique): Vnirlangg diyhh dyw lehh. Narr byy, decc hro pnri bajuiwiyc ee sii, ix ee huih e duirlyc qaur vakdow, lirkuix nauw qapp simx, drir qaur nauxvinhed, langg suar qexsiw (假死, syncope).

Diyhh singx ing vaseline buah dirr ix ee bin, dihongg qylyhongx tngr diyc vnirlangg.

Qylyhongx diyhh muixx vnuar hunjingx dih 20 jiww 30 dih, dirr qexbin ee lairbin vingg, jiacc unn unn aw qinruaw vnirlangg ee bin. Decc hro pnri bajuiwiyc ee sii, qiyr ix sng 1, 2, 3, 4, jiapsuar hiaxee sowzi, qaur m jaix langg. Narr anxnix juer, ix ee hokib kacc e unn unn aw. Diyhh anxnix hro ix jiapsuar qaur diqag tuatsid (知覺脫失, anaesthesia).

Muixx vnuar hunjingx diyhh dih duxduxx qauwgiac tangx hro ix jiauu diqag huatsid, jongw .si m tangx quewtauu. Qexbin diyhh sisiongg qiac dirr ciuw nirr, m tangx vangr he vnirlangg ee bin-dingw.

Diyhh jabhunx siyxsimx, knuar ix ee hokib, mehpog, binrsig, dongrkongw, u longxjongw hyxser, in’ui ursii knuar vnirlangg ee jinghingg, cincniu byy simxmic dairjir, jongw .si hokib hutzenn tingjiw.

Diqag tuatsid ee jingwjong, qapp kuanxsid u hunx juer sir jam:

Derr id jam: Tangwtniar bacir (疼痛麻痺, analgesia). Langg air dinxdang kauhkauc gniac, toxkuir, sraur. Bagjiux cud qimqongcnix, hnirkangx kongwkongr hauw. Dirr jitt jam byy simxmic jaix tniar, iuguann iauxx bue m jaix langg.

Derr zi jam: Kacc kinx diqag tuatsid. Vutsingw-zinsu, air cud lat dinxdang. Luan luan liam. Bin e dngw angsig. Dongkongw sanwdai (瞳孔散大, dilatation of pupil), dongkongw u qngsnuar ee huanxingr. Jitt hy huanxingr, jiurr si narr ing ciuw qra ix ziax lehh, ciuw jiacc qiux jauw, dongkongw e cunqiux.

Derr snax jam: Jiauu diqag tuatsid. Hokib unn unn aw, qycc jiauww cuwsu. Dongkongw siusiog (瞳孔收縮, contraction of pupil). Dongkongw ee huanxingr kacc ban. Qakmoc ee huanxingr byy .kir. Jitt hy qakmoc huanxingr, jiurr si narr ing jngxtau’aw kinx kinx bonx diyc qakmoc, ganxqiamw jiurr hap uaw. Bagjiux e dngw lyhqe. Qinbah vangwsangx (relaxation). Mehpog vingsun, jongw .si kacc siyxnngxhix.

Derr sir jam: Bajuiwiyc quewliong. Jitt xee si guihiamw ee siqii, m tangx diauqowir jiong’ bajuiwiyc hro ix qaur anxnix. Hokib ee cuwsu, iarr e tingjiw, mehpog hiziok, vniwjniaa vutquijicmec, acc si ciuxmec diam diam. Dongkongw vutjiw sanwdai, byy qngsnuar ee huanxingr. Binrsig cnilamsig, acc si bin liksig. Ursii cinciu vingsiongg byy qyc’ngiu, hutzenqanx jiurr kiw jitt xee derr sir jam ee jingwjong.

Singlixhak: Dairsingx jiong’ qylyhongx hro vnirlangg, quiw hunx quw ee diongqanx, diongcux sinqingx vxo (中樞神經部, nerve centre) sriu diyc ciwqig, aurlaii sinqingsingr dim’ud (神經性沉鬱, nerve depression). Narr bajuiwiyc quewliong, dairsingx hokib diongcux sinqingx vxo (respiratory centre) sriu bavir, aurlaii simjong diongcux sinqingx vxo (circulatory centre) iarr bavir.

Qtlyhongx suxiong ee sii, dongkongw ee kuanxsi si vutjiw iauwqinw, jiauww erbin:

1. Dairsingx si dongkongw sanwdai. Jitt diap u qngsnuar ee huanxingr.

2. Aurlaii dongkongw siusiog.

3. Bajuiwiyc quewliong ee sii, dongkongw vutjiw sanwdai; byy qngsnuar ee huanxingr.

Dongkongw sanwdai ee guaninx u sir kuanw:

Dongkongw sanwdai, iarr byy qngsnuar huanxingr, si derr id iauwqinw, iarr derr id guihiamw ee diaurtauu. Jitt hyy sanwdai ee kuanxsid, si cincniu ing atropina iyc diamw bagjiux-lai, vutjiw kuikuah, qycc be dinxdang. Jitt kuanw dongkongw ee guaninx u snax hxang:

1. Qylyhongx quewliong.

2. Hokib atjiw, drir qaur qexsiw.

3. Huanxingr dongkongw sanwdai, (reflex dilatation of pupil); jitt xee si ciuxsut ee sii, diqag tuatsid byy jiauvi, laii juer ciuxsut; cincniu hro qongbunn quat’iokqinx (肛門括約筋, sphincter ani) kokdua, jiurr dongkongw e sanwdai. Jitt hy 1 jiww 3 dirlauuhuad, si bajuiwiyc diyhh tingjiw; diyhh urvi juer zinqongx hokib (人工呼吸), qniax liauw hokib tingjiw.

Hokib tingjiw ee guaninx:

1. Qinbah qingluann, gogqud qapp hingkamw qinbah qingluann.

2. Cic qalauc qaur aurbin, joxdongr autauu entauu-kauw.

3. Sniamngg (聲門, glottis) qingluann.

4. Mic cincniu huih, liam’ik, nuarik, ngirbut zip autauu-lai.

5. Qylyhongx quewliong.

Diqag tuatsid byy jiauvi ee sii, u quixnarr kuanw ee jingwjong qapp jongrtair, ix ee dirliauu si diyhh jiong’ kacc je qylyhongx hro ix, jiurr si:

1. Langg kacc qniax, acc si ginxaw decc hauw.

2. Air tror acc si auxtor.

Diqag tuatsid jiauvi ee si, u quixnarr kuanw ee jingwjong qapp jongrtair, ix ee dirliauu, si diyhh jiong’ bajuiwiyc hingjiw, jiurr si:

1. Hokib atjiw, acc si qexsiw. Dairsingx hokib tingjiw, aurlaii mehpog bongx byy.

2. Jinxdong, acc si cud huih vutjiw je.

3. Bajuiwiyc quewliong.

Langg pnri qylyhongx laii siw ee guaninx:

1. Derr id, acc si derr 2 jam ee sii, jiong’ qylyhongx sniu’ je, sniu’ qinw hro ix pnri. Vnirlangg narr vinhed, acc si luanxziok jitt hy, iauxx kacc kuair.

2. Ciuxsut ee siqanx narr kacc quw :ee, qylyhongx quewliong.

3. Vnirlangg tex, drir qaur qexsiw.

4. Vnirlangg diqag tuatsid kacc kinx ee sii, juer ciuxsut, drir qaur simjong huanxsia tingjiw (心臟反射停止, reflex cessation of heart).

Ciuxsut liauw, langg jingsinn liauxau, hro qylyhongx diongwdok (late chloroform poisoning).

Qylyhongx suxiong ee sii, qipvenwsu (急變事, emergency) ee dirliauhuad:

1. Diqag tuatsid kacc kinx ee sii, qexsiw acc si simlat sitvai (心力失敗, Cardiac failure): Hro taukag viw singkux kacc qe. Jiauww isingx soxx huanhur ee iyc, strychnine, puee-xe juwsia, 0.3 c.c.; ether puee-xe juwsia 1.0 c.c. jiww 2.0 c.c.; brandy, diddngg quanwzip 30.0 c.c. Zinqongx hokib. Vnirlangg narr kacc hyw, ciuxsut diyhh tingjiw, tingwhau qaur diqag tuatsid jiauvi, jiacc tangx juer.

2. Hokib uilann: Joxdongr ee mic diyhh singx druu .kir. Hargogguu diyhh sag jinwjingg (derr 255 doo). Cuir kuix. Cuiwjic diyhh gnec diyh cud. Diyhh ing haixziongknii qapp mihuex crid entauu hro tamm acc si huih .kiw .laii.

Zinqongx hokin: Diyhh kia dirr vnirlangg taukag ee aurbin. Diuxquanjad ee soxjai diyhh lrak ann, qiac qnuaii hro kongkir tangx zip, jiacc lyhqe uaw hingkamw-vnix, dirr jiax diyhh zic hro kongkir cud. Diyhh anxnix juer, muixx hunjingx 15 vaiw, m tangx sniu’ qinw. Soxx iauwqinw ee joxdongr mic, diyhh singx druu .kir; iarr cuir diyhh kuix, jic gnec diyh cud, hro kongkir lirven cutzip.

Diqag tuatsid liauxau ee dirliauhuad u qir dirr derr 400 bin.

Ciuxsut ee siqii derr id hyw si jaxkiw-sii 8 jiww 11 diamxjing, in’ui vnirlangg duxaxx kunr cniw, jingsinn kacc jiog; mrbenw tingwhau qui’ zit; qycc jit hxang si ciuxsut liauw narr u simxmic dairjir, kacc kuair vran, mii .sii huiwkir. Iarr jaxkiw-sii ciuxsuxjiaw kacc byy iawsen, kacc e juer .did. Suibongxx si anxnix, uree isingx air ervox-sii ciuxsut.

Diyhh urvi ciuxsudsig qapp ciuxsuddaii ee hxuad, si jiauww erbin: Ciuxsudsig ee undo ingqaix diyhh 70∘F jiww 75∘F. (21.1∘-24∘C.). Bylun dangtnix, acc si hertnix, longxx diyhh virvan huexloo, in’ui siyx juiw qapp siyx ee tanxaw, sisiongg diyhh ing.

Dairsingx diyhh jiong’ ciuxsudsig ee mngtangx, horsnir, cniuviah, dervanx, qapp lairbin ee dagg hxang mic, longxx ing satbunn qapp siyx juiw sew hro ix cingkir; zen’au ing siaudog’iycjuiw (lotio acidi carbolici 1-40) crid hro cingkir; huexloo, endangg iarr longxx diyhh siujingw. Qniwnarr ciuxsut ing ee mic, longxx m junw siux dirr ciuxsudsig-lai. Dihhh lingrgua sed jit qingx dirr vnix:a, beh kngr hiaxee mic.

Ciuxsuddaii diyhh he dirr sxig-lai derr id qngx ee soxjai, m tangx kngr dirr jac amr, u ngiaw ee soxjai.

Ciuxsuddaii diyhh u 6 ciyh dngg, 2 ciyh kuah, 3 ciyh qnuaii. Ursii ciuxsuddaii m air hro u lingxkir, diyhh ing lamtng juer jit xee drew juix ee kiwqu, laii he dirr daii-dingw; lairbin drew siyx juiw, diyhh 120 dxo F. (49∘C.). Ciuxsuddaii diyhh singx ing satbunn qapp siyx juiw sew, aurlaii, lotio acidi carbolici 1—40 crid, jiacc crid hro ix dax.

Ciuxsuddaii hitt dingxbin narr cux tanaw si kacc hyw, in’ui vnirlangg dyw sniu’ quw e snix ziogsiongx; qycc sox cux :ee, narr kacc qau damrvyc, iarr mrbenw hro siyx juiw ee kiwqu siyx .diyc, acc si tngr diyc vnirlangg. Tanxaw-dingw diyhh cux jit niaw puerdnuax, puerdnuax ee dingxbin jiacc cux iuvor, iuvor-dingw qycc cux jit niaw puerdnuax. Puerdnuax-dingw qycc he nng~snax xee siyjuixquanr, jiaxee iauxx bue ciuxsut diyhh tec .kir.

1. Diyhh urvi nng der dyh tangx he qesix qapp punn.

2. Qycc jit der dyh juer sibajuiwjiaw ee loring.

3. Qycc jit der dyh beh he vausiongliau.

4. Jiaxee dyh, diyhh ing satbunn qapp siyx juiw sew cingkir, zen’au jiong’ lotio acidi carbolici 1—40 qra ix crid, aurlaii ing siaudok ee binrqinx kamr lehh.

Sibajuiwjiaw ee dyh-dingw diyhh urvi:

1. Qexbin qapp juixnivor, acc si simxmic digvet ee kiwqu be hro vnirlangg bajuiwiyc.

2. Kuicuiwkir, jihknii.

3. Haixziongknii 2 qix, qapp miqiuu beh crid entauu qapp cuir.

4. Juwsiarkir 2 qix. Jit qix ee lairbin diyhh drew brandy, qycc jit qix diyhh u strychnina.

5. Ether, chloroform, alcohol.

6. Jit xee siutowkir, jit diauu binrqinx tangx dihongg auxtor.

7. Narr si cur-lai, acc si naauu-lai ee ciuxsut, ursii diyhh ing vingx laii jriw huih.

8. Jit quanr ser quanr drew siaudok vaselinum.

9. Jit quanr lotio acidi borici, qapp diamxganxkir, qniax liauw byy dniudii diamw chloroform dirr bagjiux-lai, beh liamvnix sew bagjiux.

Ciuxsudjiaw ee dyh-dingw diyhh u jiaxee mic:

1. Drew qesix ee siaudogvnuaa. Jitt hy siaudogvnuaa ursii dax, ursii drew lotio carbolici 1—40. Jitt xee si jiauww ciuxsudjiaw ee iwqenr (derr 261 doo).

2. Punn drew siaudog’iycjuiw, lotio carbolici 1—100, lotio hydrara. Perchlor. 1—2,000, juer tua ciuw ee loring. Qnuatnix ee sii jitt xee juiw diyhh lalunsiyx.

3. Vnuaa drew dongrmehknii. Diyhh u lotio carbolici 1—40.

4. Vnuaa drew honghabsnuar.

Iarr diyhh urvi jiaxee mic: 1. Siaudogvausiongliau, misex, mihuex, iujuaw, pingduar, citvor, siaudog’ix, siaudogbinrqinx qauwgiac je.

2. Siaudog’iycjuiw:

3. Iamjuiw juwzipbhuad ee qesix, qapp siaudog’iamjuiw.

4. Quixnarr quanr qunxjuiw, lingw qunxjuiw; ticdeqow tangx hro juiw ciangjai qunw.

5. Satbunn qapp 4 qix quer sac ee binxaw.

6. Jimxtauu, suadeaw.

7. Nng niaw tanxaw, nng niaw iuvor, acc si iujuaw, he dirr huexloo-vnix hangx hro siyx; m tangx siyx .diyc.

8. Nng der ixtauu; jit der beh hro ciuxsudjiaw decc juer diyc jre lehh ee ciuxsut tangx jre; qycc jit der beh hro sibajuiwjiaw tangx jre.

9. Nng der vnua dua der beh he qesix ee loring.

10. Sew-ciuw-punn snax xee, beh drew siaudog’iycjuiw, hro isingx qapp jorciuw sew ciuw. Punn snax xee, ix ee didqingr cavutdyx jit ciyh.

11. Langvnuaa 6 xee, uree dua, uree ser, beh he qnialangg ee mic.

12. Juixtangw snax kax.

13. Juixvann dua qapp ser 6 qix, beh drew lingw qunxjuix.

Soxx beh ing ee vnuaa, punn, hiaxee mic diyhh dairsingx quer sac 15 hunx quw. Narr si byy qauwgiac dua ee dniaw tangx quer sac, diyhh jiauww qir dirr erdew:

1. Ing satbunn qapp siyx juiw sew.

2. Ing lotio acidi carbolici 1—20 qra ix crid.

3. Ing dax ee siaudok binrqinx crid hro dax.

4. Ing huexjiuw damrvyc tinn dirr punn-lai, dng hro jenn damm(?), cunx :ee diyhh qycc vniar dirr jiuxquanr.

5. Punn-lai ee jiuw diamw hro ix dyc, mrquxx diyhh sewzi m tangx siyx diyc qaqi. Narr anxnix juer, punn ee lairbin longxx siaudok.

Narr pangg siaudok ee punn, ciuw m tangx bongx diyc lairbin, pangg guarbin jiurr hyw.

Narr anxnix bingvik, diyhh ing siaudog’iycjuiw vniar dirr punn-lai. Narr byy beh liamvnix ing, diyhh jiong’ punn vingw pag lehh, dirr ixqingx quer siaudok ee binrqinx cux lehh ee dyh-dingw.

Narr si sac vylequanr, vylevuex ee lui, dairsingx diyhh jiong’ siyx juiw hro dni, jiacc tangx log lyc kir qunxjuiw nirr. Narr vylee iauxx lingw lingw, hutzenn he lyc quixjuiw nirr, liamvnix jiurr puar .kir, soxiw diyhh jiauww dingxbin ee huatdo laii sac, jiurr be puar .kir. Narr u be kamx did sac ee mic, ingqaix ing satbunn qapp siyx juiw laii sew cingkir, jiacc ing lotio acidi carbolici 1—20 laii jimr 15 hunx quw siaubet hiaxee bisingbut.

Ciuxsut ee dairsingx diyhh ing bet bisingbut ee huatdo hro bisingbut longxx byy, jiacc mrbenw hro ix jauw zip siongcuir laii snitnuar huawlangg. Dagg hxang mic narr e quer sac .did, jitt xee huatdo si kacc kuair, mrquxx uree mic narr quer sac e pnaiw .kir. Diyhh jiong’ jit kauw dua dniaw, hro hitt hy beh quer sac ee qesix e jiauu rimx diyc juiw. Juiw nirr diyhh log sodii bicarbonas.

Jitt xee huatdo u nng hxang ee loring, jit hxang si hro qesix be snix sxenx, qycc jit hxang, si juiw qapp sodii bicarb. qunw ee undo, viw vingsiongg juiw qunw ee undo, si kacc qnuaii, soxiw bet bisingbut ee kuiwlat u kacc qiongg.

Vingsiongg sii sac u jap hunx quw, jiurr qauwgiac, mrquxx narr qesix ixqingx quer bisingbut ee qnialangg diyhh sac zi-jap hunx quw. Diyhh tingwhau juiw ixqingx quw, jiacc jiong’ qesix laii log hitt lairbin.

Qesix iauxx bue sac diyhh dairsingx ing lingw juiw, sew qnialangg qapp huih hro cingkir; narr u buah iuu, hitt xee diyhh crid. Qesix ee siaudogkir narr si u qruar laurvnuaa :ee, qesix diyhh singx he hitt lairbin kacc lirven, iarr sac liauw, tangx lenrr hitt xee laurvnuaa juer jit xe pangg .kiw .laii (derr 262 doo). Narr si byy laurvnuaa, diyhh ing quer sac ee gnec’aw gnec kiw laii vaii jejnaw. Isingx ursii air beh jiong’ qesix he dirr siaudog’iyhjuiw-lai (lotio acidi carbolici 1—40), acc si he dirr quer sac ee binrqinx nirr. Qesix m tangx he dirr lotio hydrarg. perchlor., in’ui lairbin u suixginn, e hro qesix dngw osig.

Lrai ee qesix cincniu dy, qadyx diyhh jimr he dirr 80 per cent. Alcohol jap hunx quw. Narr si air kacc qinw, diyhh jimr dirr derr id qau ee acidum carbolicum nng hunx quw. Jiacc du qunxjuiw diab aw quw. Narr si beh sac dyx, qadyx, acc si juwsiarkir, diyhh singx ing vor qra ix vaux, dihongg kap diyc vadd mic vnir dunx. Ciurlingqngw m tangx qapp qesix snaqab sac, in’ui narr anxnix qesix e dngw osig.

Ciuxsut tni ee snuar cincniu ginsnuar, niuaxdngsnuar, sisnuar, sesnuar, diyhh ing quer sac ee hxuad. Sisnuar acc si sesnuar ingqaix dairsingx dnii dirr vyleqngw, jongw .si dnii nng renn jiurr hyw. Sac vnuar diamxjingx liauxau, jiacc he dirr vylevann-lai, iarr diyhh jiong’ lotio acidi carbolici 1—40 ee siaudog’iycjuiw drew dirr vann-lai qaur hro muaw, kamr hro bat. Jitt hy snuar narr jiap jiap quer sac e nua .kir, soxiw m tangx juer jit xe sac sniu’ je.

Niaudngsnuar, ngiudngsnuar, kangaroo qenrsnuar, narr ing juiw laii sac e pnaiw .kir, soxiw diyhh ing digvet ee huatdo. Ingqaix dairsingx dnii dirr vyleqngw, jit renn jiurr hyw, iarr m tangx dnii ann. Dirr vylevann-lai diyhh u jitt hy siaudog’iycjuiw:

Jiong’ ngiudngsnuar jiauu jimr diyc jitt hy iyc u veh zit quw, jiacc tangx ing. Narr qycc kngr dirr jitt hy lotio iod, jitt hy snuar e nua .kir, soxiw diyhh kngr dirr alcohol 90%, acc si xylol ee iyc.

Mihuex, pingduar, misex, binrqinx, snxax, citvor, lingrlinglongg: Virvan jiaxee mic u quixnarr xee huatdo:

1. Quer sac: Jitt xee si hyw, mrquxx binrqinx, mihuex, narr damm kacc m hyw; iarr qycc jit hxang, narr ing hitt hy damm ee vor, laii kamr siongcuir, e kacc kuair snix bisingbut.

2. Ing lotio carbolici acidi 1—20 laii jimr snax-jap hunx quw.

3. Damm ee zedkir: Jitt xee huatdo si qaiww hyw, mrquxx diyhh ing jit kuanw digvet ee siaudogkir qiyr juer qnuaii aplik jingkir siaudogkir (高壓力蒸氣消毒器). Jitt xee huatdo qiyr juer, qnuaii aplik jingkir siaudoghuad. Aplik e hro siaudogkir-lai ee jingkir ee undo kacc qnuaii (derr 263 doo).

Siaudok vausiongliau ee hxuad:

1. Dui’ jit qngw ee misex qrax jit der kiw laii diyhh jih snax~sir dingg ee qau; uree diyhh suwhonghingg, uree diyhh dnghonghingg. Diyhh ing quixnarr der juer jit xee siyw vaux, iarr ing lingrgua jit der misex laii vaux, ing vinxjiamx qra qid. Guarbin vinw jit liauu juaw, jiacc siaw vaux-lai si simxmic.

2. Mihuex iarr diyhh anxnix qrax, iarr vaux.

3. Pingduar iarr diyhh virvan.

4. Longxx diyhh he dirr jit xee digvet siaudogpinw tuxjyy nirr. (derr 264 doo).

5. Jiong’ tuxjyy he dirr qnuaii aplik jingkir siaudogkir ee lairbin. Jiauww huatdo diyhh dirr hiax, dui’ juiw qunw liauxau, jniaa diamxjingx quw. Siaudok ee sii diyhh kuix tuxjycniuu ee tongkiwkangx hro cingkir e did zip qaur lairbin. Siaudok liauxau, tongkiwkangx diyhh liamvnix qnuaix bat.

6. Narr beh ngua vausiongliau, si kacc hyw diyhh kacc jaw jiong’ soxx beh ing ee vausiongliau juer jit vaux laii siaudok, jiacc ing’ narr byy, qniax liauw kuix jit vaux ing by liauw ee sii, soxx cunx :ee e hro bisingbut zip. Juer anxnix kacc je qangx, jongw .si kacc tywdongr. Juer jit xe virvan quixnarr vaux iarr tangx.

7. Vausiongliau siudok liauw diyhh ing jit liauww juaw hrongx. Jitt xee juaw narr byy puar, u vinqur hro isingx jaix siaudok liauw byy qycc kuix.

Haixziongg si henrcuxsii hranw did ing :ee, iarr be sac .did. Virvan haixziongg ee hxuad si jiauww erbin:

1. Daisingx diyhh ing catuii laii qongr, hro haixziongg-lai ee jiyhhejid, longxx puar cruir cruir. Ing siyx juiw sew quixnarr vaiw, pak hro ix dax, jiacc qycc pacvnua qycc iyy hro hro hitt xee cruir cruir ee jiyhejid kiw .laii.

2. Virvan acidum hydrochloricum ee iyhjuiw 1—60 jimr 12 diamxjingx quw, beh ngiuqaiw jiyhhejid.

3. Ing siyx juiw qapp sodii carbonas (washing soda), sew quixnarr vaiw, qaur decc ing laii sew ee juiw si cingkir.

4. Ing potassii permanganas ee iyhjuiw 1-20, jimr 15 hunx quw, ing ciuw dniardnia jun.

5. Ing siyx acidum oxalicum ee iyhjuiw 1-12 jimr qaur hitt xee jixsig longxx byy .kir. Jitt xee si vutjiw dok ee iyc, soxiw diyhh siyxsimx.

6. Diyhh sew ciuw laii qruar siaudok ee ciurlinglongg, iarr ing lingw qunxjuiw qycc sew haixziongg, sew kacc jimjiog, iarr qauwgiac je vaiw hro cingkir.

7. Ing lotio hydrarg. perchlor. 1-1,000 jimr 24 diamxjingx quw. Zen’au diyhh tec .kiw .laii (ciuw diyhh cingkir, iarr qruar siaudok ee ciurlinglongg), jun, kngr dirr lotio acidi carbolici 1—20. Iauxx be beh ing, diyhh ing siaudok qesix tec .kiw .laii, jiong’ siyx ee siaudogjuiw, acc si iamjuiw sew snax~sir vaiw.

Ing liauxau sew ee hxuad:

1. Ing lingw juiw sew hro longxjongw ee huih kiw .laii.

2. Ing lingw qunxjuiw qapp sodii carbonas 1—80 jimr nng diamxjingx quw.

3. Jiong’ siaudogjuiw, sew qycc jun go~lak vaiw. Ing lotio acidi carbolici 1—20 qra jimr decc kngr.

Virvanrciuw: Ciuxsut ee sii, narr isingx air qah kanwho ter ix cngx jiamx, acc si huadlyc qesix, kanwho ee ciuw diyhh jiauww isingx hitt kuanw virvan. Jngxqah diyhh siongsiongg qrax hro dew. Jngxqacpangx si sew yh did cingkir ee soxjai. Ciuxngw vrih hro qnuaii. Jingpog (forearm) qapp ciuxjniuw, ing quer sac ee binxaw, siyx juiw qapp satbunn sew hro jin’ cingkir. Sew ee sii siongrr qinw diyhh go hunx jiww jap hunx quw. Jiacc jimr dirr siaudog’iycjuiw (lotio hydrargyri perchloridi 1-2,000 acc si 1-4,000), iarr qycc jimr dirr alcohol qapp lotio hydrargyri perchloridi. Sew cingkir liauxau, diyhh siyxsimx, m tangx qycc bongx byy cingkir ee mic, qniax liauw u bisingbut; iarr mrbenw crid dax. Decc ciuxsut ee sii, druu kir isingx qapp jorciuw ee ciuw, ixqip vnirlangg ee puebah, qapp qesix, snuar, mihuex, pingduar, binrqinx, siaudog’ix, jiaxee mic ixgua, qi’uu dagg hxang ee mic longxx be benw did u bisingbut. Soxiw narr si ciuw u bongx vadd mic, diyhh qycc sew hro cingkir, jiacc e vangjan ciuxsut ee dairjir .did. Sew ciuw liauw diyhh cing siaudog’ix, iarr dir siaudogby-aw.

Dirr jiax beh jiapsuar qongw: Virvan vnirlangg beh ciuxsut. Kanwho dirr ciuxsudsig. Ciuxsut liauw ee bincngg. Ciuxsut liauw ee dirliauu. Ngua vausiongliau ee huatdo.

Virvan vnirlangg tangx ciuxsut: Narr si kacc dua ee ciuxsudjingr, kanwho iauwqinw diyhh mng vnirlangg knuar tangx jiong’ ciuxsut ee jinghingg qra ix qelai ee langg qongw, acc si qra ix cinjniaa ving’iuw qongw, acc m tangx. Jongw .si vnirlangg ee kiarqex acc si ving’iuw soxx druar ee soxjai kacc qin dirr i’ngi, inx jurzenn qaqi e laii.

Derr id iauwqinw, narr vnirlangg kixcox qaur i’ngi ee sii, dikkag diyhh mng ix kiarkiw dirr simxmic soxjai, iarr diyhh siongser qir dirr po nirr, m tangx suiven ing juaw, diyh u lingrgua sed decc qir :ee. Qycc diyhh mng knuar ix soxx qongw ee soxjai, u simxmic langg dilehh acc byy, in’ui ursii vnirlangg sox qongw ee soxjai bad cue byy langg, soxiw diyhh mng bingvik, siongser laii qir dirr po nirr hro ix cingcyw. Jitt xee dairjir air dairsingx mng, in’ui narr ciuxsut vni liauxau, vnirlangg ee kuanxsid ursii jin’ guii, jiurr m tangx ing jitt xee ue mng ix. Jiurr si vnirlangg byy guihiamw iarr ingqaix diyhh dairsingx mng, in’ui narr sriu ciuxsut liauw jiacc mng ix, vnirlangg e giaugii, qniax liauw ix ee vni si guihiamw. Iarr suar mng ix si u zip qxaur acc byy, in’ui vnirlangg ursii air qnir inx ee bogsux, iarr suar mng inx sriok simxmic qauwhue.

Diyhh ing hyw ue laii an’uir vnirlangg, m tangx hro ix qniax. Kanwho narr bad duw diyc u langg u siang vni laii hyw, diyhh qra vnirlangg qongw hro ix kacc dua ngwbang. Iarr narr jaix isingx si gauu ciuxsut, anxnix qra ix qongw laii hro ix ansimx.

Narr beh ciuxsut u huad xmngg ee soxjai, acc si hitt xee hurqin, diyhh iauwqinw, dirr beh ciuxsut ee jinwjingg zit bue sexik ee dairsingx, diyhh qra ix tir hro cingkir.

Dirr vnirlangg beh ciuxsut ee dairsingx, jit zit diyhh qra ix sexik. Ing satbunn qapp siyx juiw, sew hro cingkir. Narr vni sniu’ dang, be did zip igtangw, kanwho diyhh dirr bincngg nirr qra sew. Derr id iauwqinw ee soxjai jiurr si kax, taukag, hni-aw, dorjaii qapp jngxtau’aw, ixqip hitt xee beh ciuxsut ee vorui.

Dirr vnirlangg beh ciuxsut ee dairsingx, liong jit zit hitt jaxkiw hro ix jiac siawiyc; m tangx tingwhau decbeh amr jiacc hro ix, in’ui air hyw kunr ee enqor. Diyhh qiamw(?) ziy.

Dirr beh ciuxsut ee zit hitt jaxkiw, qra vnirlangg ing enema saponis quanwdngg. Dirr jiax quanwdngg ee loring u nng kuanw: ⁽¹⁾ hro dxngg-lai ee vunr harcud, ⁽²⁾ sew diddngg hro cingrkir. Kanwho diyhh sewzi hunved dui’ simxmic enqor laii quanwdngg. Narr byy hap dirr dxngg ee ciuxsut, jiacc herjex liauw, qapp quanwdngg liauw, narr ha vunr je, sngr si hyw ee qetqyw (結果, result). Jongw .si narr si diddngg acc si qongbunn jiuuii ee ciuxsut soxx air jiurr si diddngg harcud vunr liauxau diyhh cingkir. Hitt diap diyhh knuar soxx harcud ee juiw lairbin u longxx cingkir acc byy, narr iuguann u vunr, diyhh qycc jit vaiw quanwdngg. Vunr ixqingx huarcud, qycc jit vaiw quanr liauw soxx harcud ee juiw narr cingkir, sngr diddngg-lai u cingkir.

Uree isingx bylun simxmic ciuxsut, iauxx bue pnri bajuiwiyc, air qra vnirlangg quanwdngg; uree qongw narr siyxkuaw ee ciuxsut mrbenw quanwdngg, qanda’ hro ix jiac siawiyc jiurr hyw. Jongw .si jiac siawiyc liauxau, diyhh mng dairven u tongx .byy; narr byy tongx, diyhh quanwdngg, qniax liauw ciuxsut ee sii e tongx. Jiauww qir erdew ee ciuxsut, dikkag diyhh dairsingx quanwdngg, narr decc giaugii diyhh mng isingx diyhh quanwdngg acc mrbenw: kuivaksut; tuatdiongg; diddngg acc si qongbunn lairgua ee ciuxsut; imdy lairgua ee ciuxsut; ziyrdy acc si vongqongx ee ciuxsut; siongrjix acc si harjix cetdngrsut; iarr ciuxsut cincniu cuiwjic cetduu, juixjnitew diaccud, diyhh longxx quanwdngg.

Jit zit ixjingg m tangx hro vnirlangg limjiac sniu’ je, in’ui narr jiac sniu’ je, qniax liauw pnri bajuiwiyc ee sii e auxtor, laii honghai diyc hokib; iarr hro qra ix ciuxsut ee isingx huiwkir. Narr si dirr ervox nng diamxjingx ee sii qra ix ciuxsut, vutqyr dirr dingxvo jap diamxjingx ee sii, hro ix limx damrvyc hyw ee gubacjiab, acc si 200.0 c.c.c gulingx. Narr si jaxkiw 8 diamw beh ciuxsut, jitt hy diyhh kacc jaw 4 diamxjingx hro ix. Narr si iuguann ciuwdax, tangx hro ix limx jit nng uir juiw, vadd hxang mic itkair, m tangx hro ix jiac. Soxiw jitt sii kanwho narr jaix ix u bad jiac vadd mic, ix dikkag diyhh qra isingx qongw, narr byy, qniax liauw e hai diyc sniwmia.

Narr si iauxx bue ciuxsut ee sii u siongcuir, hitt xee iauxx bue zip ciuxsudsig, diyhh ngua vausiongliau, siongcuir iarr diyhh sew hro cingkir jiacc ing sinx ee vausiongliau laii kamr.

Vnirlangg iauxx bue pnri bajuiwiyc, diyhh knuar ix ee dingw srinx ee snxax, qapp amrqunxniaw e sniu’ ann be, narr qyxzenn sniu’ ann, jiurr e gai diyc ix ee okib. Diyhh qra ix vangr kacc ling.

Diyhh knuar ix ee cuir-lai u vow qew ee cuiwkiw acc byy, tangx dihongg ix m duxhyw tunx .lyc .kir. Narr u, diyhh qah ix cniaw tec .kiw .laii.

Narr si beh ciuxsut ee hurzinlangg, tangx jiong’ inx ee taumngg vunx juer nng vingg, laii srex vnix juer nng qix mngbuew, kacc mrbenw hro sibajuiwiyc ee sesnix huiwkir. Iarr diyhh ing binrqinx vaux acc si dir digvet ee by-aw, hro ix ee taumngg be bag diyc huih.

Vnirlangg bue sriu ciuxsut ee dairsingx, diyhh singx mng knuar ix u siauxven acc byy, narr byy, kanwho diyhh qra isingx qongw, in’ui ursii isingx beh ing dyrziyrqngw hro ix siauxven. Jitt xee ziy diyhh kngr hro isingx qiamw(?).

Vnirlangg narr si hurzinlangg, kanwho diyhh sing mng ix guehqingx ee su, in’ui narr decbeh laii, si kacc hyw tingwhau guehqingx suah, jiacc qra ix ciuxsut.

Virvan vnirlangg puehux ee hxuad: Narr e ing .did, dairsingx diyhh qra ix sexik.

Kanwho diyhh cincniu isingx beh ciuxsut, hitt kuanw ee siyxsimx, dairsingx jiong’ ix ee ciuw sew hro cingkir, zen’au ing satbunn qapp siyx juiw, jiong’ beh ciuxsut ee puebah, sew hro jin’ cingkir. Sew liauxau, narr si u xmngg ee soxjai, diyhh tir hro cingkir. Qycc ing satbnn qapp siyx juiw, sew hro jin’ cingkir. Diyhh ing saiudok misex kamr lehh, pingdaur qra vak. Qycc zi-jap-sir diamxjingx quw, hitt xee puehux dax ee sijun, diyhh ing lotio iodi:

Qra ix cad dirr beh ciuxsut ee soxjai. Jitt hy lotio iodi ee lat e bet bisingbut, mrquxx hitt xee puee diyhh dax jiacc kacc u lirig. Jitt hy su, congr cingcyw diyhh ing ciuxsudsig soxx decc ing ee snaaxkor qra ix cing. Diyhh qycc qra ix cad nng vaiw lotio iodi, jit vaiw duxduxx beh congr bajuiwiyc hro ix kunr ee sii, iarr qycc jit vaiw ciuxsut liauw.

Soxx cing ee snaaxkor diyhh e siyx, iarr diyhh cingkir. Narr si dingw srinx ee ciuxsut ee vni, diyhh qra ix cing kacc hyw trngr ee snxax, tangx kacc lirven. Narr beh qra inx cing dngg ee pongwsebec, setsuw tnikir sniu’ lingw, diyhh ing mihuex, acc si kacc siyx ee mic, jiong’ suwjix qra vaux .kiw .laii, ing pingduar qra vak.

Diyhh qrngx vnirlangg qaur ciuxsudsig, hro ix dy

Dirr ciuxsuddaii, iarr ing urvi ee tanxaw qra ix qah. Narr dirr ciuxsudsig ee vnix:a u sed jit qingx, beh hro vnirlangg bajuir ee sii kacc hyw. Jitt qingx qiyr juer sibajuiwsig (施麻醉室, anaesthetic room). Diyhh m tangx hro ix knuar diyc qesix, acc si hiaxee beh ciuxsut ee mihqnia. Vnirlangg ee snaaxkor diyhh vyxho, ing iujuaw qapp binrqinx laii cux hro ix be bag diyc qnialangg.

Kanwho ee vunxhun dirr ciuxsut ee sii, ix diyhh virvan isingx soxx beh ing ee mic, hro dagg hxang jiauvi, narr anwjnaiw ciuxsut, ix u knuar qnir acc byy, hex kacc byy iauwqinw ee su. Huanrnarr itkar ingqaix juer ee dairjir, mrbenw tingwhau isingx qongw, jiacc laii juer; cincniu punn nirr ee juiw diyhh ciangjai siyx qycc cingkir, sew ciuw ee siaudog’iycjuiw diyhh jiabjiap ngua, qi’uu ee dairjir, longxx diyhh sisii-kikkig liusimx.

Vnirlangg jid’err qaur ciuxsudsig ee sii, kanwho diyhh qnuaxqinw, jiong’ ix vangg-lai ee bincngg, virvan hro tywdongr, in’ui ciuxsut ee siqanx zuarr quw, si byy dniardiyc (derr 265 doo). Cux bincngg ee sii, m tangx be qir did cux puerdnuax-xe ee iuvor, binrqinx qapp siurtowkir, iarr ursii diyhh virvan siyjuixquanr, lirpuerqer (derr 267 doo) suadeaw huwbok; iarr ingqaix diyhh virvan simxmic diyhh congr hro hyxser.

Vnirlangg ciuxsut cingcyw, dryr laii vangg nirr dyw lehh, ingqaix diyhh hro ix ee taukag kacc qe damrvyc, qycc diyhh hro ix dam diam kunr, tingwhau ix kunr cniw, jiacc tangx lirkuix ix. Diyhh hro vnirlangg ee taukag tanxkix. Amrqunw-xe, congr jit diauu binrqinx uii lehh, dihongg ix e auxtor. Iarr ix ee mehpog qapp hokib diyhh knuar si jnaixngiu, bin nirr ee sincaiw u qyc’ngiu .byy; jiong’ pue qra ix qah hro hyw, m tangx hro ix qnuaa .diyc.

Diyhh knuar ix ciuxsut ee siongcuir u lrauu huih acc byy, iarr knuar vausiongliau u dinxdang liux kir vadd xui .byy.

Narr ciuxsut liauxau vnirlangg longxx m jaix langg, jiauww isingx ee bingrling tangx hro ix siyx ee pudyjuiw acc si brandy qapp siyx juiw; jitt xee diyhh ing enema laii quanwdngg iarr mrbenw tingwhau ix jingsinn.

Ciuxsut liauxau ursii vnirlangg ee siausuiw be tong. Narr anxnix, diyhh ing unsipvor (siydamvor ee hxuad), ngwbang ix e qaqi siauxven. Narr anxnix byy hxuad .did, iarr quer 12 diamxjingx quw siauxsuiw be tongx, diyhh tongdix hro isingx jaix, qiamxcaiw ix beh huanhur congr dyrziyrsut.

Diyhh knuar dairven u tong .byy, acc si u vangr puir.

Narr vnirlangg hun .kir, qiamxcaiw si dui’ cud huih. Diyhh liamvnix tongdix isingx jaix. Diyhh jiong’ bincngg kuar kax ee soxjai, quew hro ix viw taukag u qex jit ciyh qnuaii (derr 266 doo). Ing siyx ee binrqinx he hingkamw dirr simx ee soxjai, jongw .si dikkag m tangx congr iyc hro ix jiac.

Vnirlangg narr auxtor, acc si hokib be hyxser, kanwho diyhh ing ix ee jngxtau’aw, he vnirlangg ee hargogguu-au, jiong’ hargok sag hro ix jinwjingg (derr 255 doo). Anxnix e hro jic ee aurbin jinwjingg, hro entauu-lai u lo tangx hokib, acc si hro mic dui’ ui tror .cud .laii.

Vnirlangg narr dngw cnilamsig, diyhh ing mic cincniu ticsii ee ciuxvnir, acc si jit der caa, acc si snax~sir qix di laii he dingxe let ciuwkiw-diongx, anxnix jiurr cuir e kuix; jiacc gnec jihvuic hro jinwjingg, anxnix kacc siongg e hro vnirlangg hokib kacc cimx, iarr binrsig dngw kacc hyw. Jic si qut qut, soxiw diyhh ing ciuxqinx, acc si binrqinx hro jngxtau’aw ee diongqanx laii gnec. Narr si iauxquxx cnilamsig, diyhh ing jngxtau’aw qapp damrvyc vor laii crid vnirlangg jic-au ee entauu, druu kir jikju dirr hiax m hyw ee mic. Narr si vnirlangg ee binrsig qapp hokib iauxquxx m hyw, diyhh vikced qiyr langg cniaw isingx laii; isingx iauxx bue laii ee sii, kanwho diyhh qra in zinqongx hokiphuad.

Diyhh congr vnirlangg hro ix siyx, mipue diyhh siyx, siyxjuixquanr diyhh vaux, iarr he singkuvnix.

Diyhh knuar ix ee binrsig si jnaixngiu, iarr ix ee mehpog qapp hokib diyhh sisiongg srunn, mrquxx m tangx hro vnirlangg qniax .diyc.

Diyhh muixx sir diamxjingx jit vaiw qiamxunx, sngr mehpog qapp hokib.

M tangx qapp vnirlangg qongxue, laii qiauxziauw ix; iarr byc did dng’ ix binrjingg qapp vadd langg qongxue, laii hro ix tniax liauw simqnuax utbun.

Vnirlangg narr vut’anx, ursii ing siyx juiw qra crid ciuw qapp bin, e kacc knuawuac.

Jitt hy ee vnirlangg narr sraur, acc si pacqacniur acc si tror, kanwho diyhh jiong’ vunxsinx ee ciuw, siyxkuaw deh hitt xee siongcuir ee soxjai, anxnix vnirlangg jaix kacc be tniar.

Narr ing jit xee jimxtauu quew hitt ka’uat’uanx, hro duartuiw e qiux .kiw .laii, iarr e hro ix kacc knuawuac; in’ui e hro ix vakdow ee qinbah kacc ling. Narr vakdow tniar, vnirlangg puerdnuar sniu’ dang, dongr be diauu, diyhh jiong’ jit xee lirpuerqer he vakdow-dingw; iarr cux puex dirr hitt xee dingxbin, anxnix be deh diyc vnirlangg ee vakdow (derr 267 doo).

Huanrjiaw narr dyw ciyr ciyr, ursii qajiac’au decc tniar. Narr si anxnix, diyhh ing kacc vyc ee jimxtauu acc si mipue he iyqud-xe; anxnix e kacc knuawuac.

Narr si isingx be qimr, kanwho tangx jiong’ lingw qunxjuiw, acc si siyx qunxjuiw damrvyc hro ix jiac. Jit vaiw jit tngsii duxhyw. Acc si ing jitt hy, laii suaxkauw iarr hyw.

Narr qra vnirlangg ngua vausiongliau, soxx diyhh u urvi ee mic, kanwho longxx diyhh sniu hro ix jiauu qaur; virvan hro jejnaw, m tangx tingwhau ngua jidvnuar ee sii, jiacqycc cue beh ing ee mic.

Diyhh knuar qesix ee siaudogkir ee juiw qunw acc bue; qapp siaudok ee mihuex, misex, juixnivor, pingduar, binrqinx, qapp iuvor; drew qnialangg ee punn, ixqip itkair ingqaix beh ing ee iyc, u jiauvi acc byy.

Qycc diyhh jaix simxmic vni diyhh ing simxmic iyc, laii dairsingx virvan. Qycc diyhh virvan vnirlangg ngua vausiongliau ee soxjai, qapp ix ee bincngg. Derr id iauwqinw kanwho ee ciuw m tangx bongx vnirlangg ee siongcuir, qapp itkair ciuxsut quer ee soxjai. Soxx ngua .kiw .laii uwuer qnialangg ee mic, ing huew laii siyx, viw hetqak kacc hyw.

Beh ngua vausiongliau ee langg, inx ee ciuw diyhh dairsingx sew hro cingkir. Iarr diyhh jiauww hitt hy bet sewkunw ee huatdo laii qniaa. Amx siongcuir ee misex, mihuex longxx diyhh byy sewkunw. Narr si ginxaw, acc si kacc qniax ee langg, ixqip hitt hy hodoo ee vnirlangg, kanwho diyhh jiong’ ix ee ciuw liac hro jai; in’ui qniax liauw dang diyc siongcuir, jiurr u bisingbut e zip .kir.

Ciuxsut liauw, tauu jit vaiw ngua vausiongliau, diyhh jiauww qir derr erdew:

1. Diyhh urvi siaudok ee vausiongliau, misex, mihuex, pingduar. Diyhh ing nng qix quer sac, acc si ixqingx jimgr acidum carbolicum ee ngua vausiongliau ee gnec’aw, qapp jit qix qadyx.

2. Cniaw vadd langg jiong’ mipue acc si tanxaw, henx .kiw .laii.

3. Sew ciuw, cincniu beh ciuxsut ee cingkir.

4. Cniaw vadd langg jiong’ pingduar tauw .kiw .laii.

5. Jiong’ dax ee siaudok binrqinx, cux pue-dingw, qapp hitt hy uaw puehux ee soxjai.

6. Tec jit qix gnec’aw, jiong’ hitt der decc kamr siongcuir ee mihue, misex, gnec .kiw .laii, iarr gnec’aw qapp misex, he dirr drew qnilangvnuaa-lai. Mihuex narr byy qnialangg tangx qycc ing. Misex narr si liamm dirr siongcuir, tangx ing siaudok ee citvor, un lotio acidi carbolici 1—40 hro ix damm, jiacc hro ix dih dirr siongcuir ee misex. Jitt hy vausiongliau, m tangx ing ciuw laii bongx.

7. Siongcuir m tangx bongx; narr dir vnix:a u huih acc si qnialangg, diyhh ing siaudok citvor, qra crid. Ing lotio iodi cad siongcuir.

8. Ing derr zi qix iauxx bue ing ee gnec’aw, he siaudok ee misex dirr siongcuir-dingw. Jiong’ siaudok ee mihuex laii kamr, iarr siaudok ee pingduar vak hro ix hyxser; suar hro vnirlangg knuawuac.

9. Siongcuir narr decc cud lxangg, diyhh ing siaudok citvor un siaudog’iyc (lotio acidi carbolic 1—40), qra crid hro cingkir. Diyhh crid dui’ siongcuir qaur byy siongcuir ee soxjai; m tangx crid dui’ byy singx, qaur siongcuir.

10. Uwuer qnialangg ee mihuex qapp misex, diyhh ing huew laii siyx. Pingduar beh sew, tangx qycc ing.

11. Ngua vausiongliau liauxau, diyhh sew ciuw.

12. Soxx ing ee qesix, vnuaa, hiaxee mic, diyhh sew cingkir, iarr siux dirr inx ee soxjai. Honghabsnuar beh tec .kiw .laii si jiauww isingx ee huanhur. Kacc siongg si ciuxsut liauw derr 10 zit, narr si kacc siyxkuaw ee ciuxsut dirr bin nirr, derr 7 zit au iarr tangx. Derr 268-270 doo u jixbingg snax kuanw ee honghabhuad.

Dirr jiax beh iokliok qongw kiw quixnarr kuanw ciuxsut ee lixkir, qapp ciuxsut liauxau diyhh anwjnaixngiu dirliauu.

Kuivaksut: Dirr derr 395 bin ixqingx u qongw virvan ciuxsut vnirlangg ee huatdo, soxiw dirr jiax mrbenw qycc qongw. Iauxx bue ciuxsut nng~snax zit diyhh jit zit nng vaiw qiamxunx. Iarr diyhh dyw dirr bincngg, jiac u ju’iongw ee sidbut.

Diyhh urvi ee qesix: Nng qix guarkydyx, dycuir diyhh nng cunr dngg, jit qix u qau ee gnec’aw, nng qix guarkyx gnec’aw; jap sxor qix dongrmehknii, nng~snax qix dngg kni’aw; snax qix Hagedorn .sri ee uanhonghabjiamx; kacc ser uanx qapp dit ee honghabjiamx; nng qix duardunqaux; didjenxdyx, huanxjenxdyx; nng qix vnixvnii kuisiongx duardunqaux; haixziong(citvor) knii; honghabsnuar; sir qix binrqinknii.

Dirr ciuxsudsig, iauxx bue ciuxsut ee dairsingx, hiaxee suh juiw ee dua citvor, acc si haixziongg, diyhh longxx sngr cingcyw. Ciuxsut liauw, vakdow iauxx bue tni ee dairsingx diyhh qycc sngr. Dongrmehknii iarr diyhh sngr.

Vnirlangg qaur vnirsig ee sii, ix ee bincngg, siyx ee tanxaw, siyjuixquanr, diyhh longxx urvi. Iarr kanwho m tangx lirkuix ix ee sinvnix qniax liauw auxtor. Tauu jit nng snax zit isingx beh bingbingg qongw hitt xee jiac iyc qapp sidbut ee su, in’ui isingx ee huatdo longxx byy siysiang. Kacc duarbin laii qongw, tauu jit xe ciuxsut liauw, qaur jap-zi diamxjingx quw m tangx jiong’ mic hro jiac. Narr cuiwdax hro ix jit~nng tngsii lingw qunxjuiw; iarr ursii ing iamjuiw laii quanr zip diddngg-lai, e jriw cuiwdax. Narr ing siyx juiw sew ciuw qapp bin e hro ix kacc knuawuac.

Vnirlangg ee siauxven dagg zit nriuu knuar je acc jiyw, cincniu anxnix quer nng nng lexvair au, dui’ ix muixx zit ee siauxven jiurr tangx jaix ix ee vnirjingr jnaixngiu.

Vnirlangg m tangx qaqi suaw xui dinxdang. Diyhh dyw ciyr ciyr.

Diyhh sisiongg knuar pingduar u vnii acc byy. Narr si ciuxsut dirr dorjaii ee dingxbin, soxx ing ee huatdo, jiurr si ing je tauu pingtauu (many-tailed bandage) laii vak hro hyw. Dirr jit diauu ee aurbin u nng diauu duar, jiaxee diyhh jnriu quer qingtauu-dingw, jit vingg jit diauu, iarr lyhqe qaur pingduar ee taujingg, jiacc ing anzenn vinxjiamm qra qed hro diauu. Anxnix pingduar kacc be lag lyhqe. Narr si ciuxsut ee siongcuir dirr dorjaii-xe, diyhh ing hiaxee nng diauu duar, dui’ vakdow-xe duartuiw-diongx, vak hro hyw, anxnix kacc be suaw xui jniurkir (derr 435 doo).

Narr vnirlangg qongw vakdow e tniar, diyhh qnuaxqinw qra isingx qongw, m tangx liac juer byy iauwqinw, mrquxx jitt hy ee ciuxsut dikkag e damrvyc vakdow tniar; narr sniu’ dang, isingx beh ing morphia juwsia ee hxuad, hro ix kacc be tniar. Diyhh e qir did jitt hy apenr ee lui e hro langg pongwhongx, soxiw diyhh jiauww isingx soxx bingrling :ee, jiacc laii hro ix. Qycc diyhh knuar vnirlangg u kox eh-aw acc byy, in’ui narr anxnix, vnirjingr sngr si u guihiamw.

Narr si dngqngw qoxdiongr (腸管皷脹, kiwdiongr, tympanites) ee vni, e hro ix vakdow tniar. Kacc hyw diyhh ing ciurlingqngw cngx duiww qongbunn zip .kir, ciurlingqngw ee tauu:a buah huasuling’iuu (vaselinum), cngx zip kir u lak cunr dngg, ursii hitt xee krir jiurr e dui’ hiax tauw .cud .laii (derr 237 bin). Ursii in’ui jitt xee enqor, isingx iarr hro vnirlangg enema terebinthinae quanwdnghad (derr 235 bin).

Dongrmec qetjatsut (動脈結紮術, Ligature of artery):

Ursii narr snix dongrmehliuu (動脈瘤, aneurysm) isingx diyhh vak hitt diauu dongrmec kacc uaw dirr simx hitt vingg (derr 465 doo). Soxx diyhh urvi ee qesix si jiauww erbin: guarkydyx; guarkygnec’aw 2 aix; 6 qix dongrmehknii; jit qix u kxiw ee gnec’aw; 3 qix kacc ser ee dunqaux; kuix siongcuir duardunqaux; dongrmec liujiamx; honghabjiamx; honghabsnuar.

Nngrjauu diaccud (卵巢摘出, Ovariotomy):

Qesix: Kuivakdut :ee, ixqip jiaxee: nngrjauu diaccud ee tywqngwjiamx, qapp ciurlingqngw; siyw kax honghabjiamx; u qau ee knii 2 qix; apjikknii (壓搾鉗, pressure forceps) 2 qix; vingsiongg ee tywqngxjiamx.

Jitt xee ciuxsut kacc siongg si in’ui nngrjauu-lai u jikju liamm liamm ee jid, naxx cincniu juiw ee kuanw. Dui’ jitt xee enqor, nngrjauu e venr dua. Acc si in’ui nngrjauu snix jingxiongg, venr dua, narr byy diaccud, vnirlangg e siw .kir.

Juxqiongx diaccud, (子宮摘除, Hysterectomy):

Qesix: Kuivaksut :ee, qapp jiaxee: jit qix kacc dngg u kxiw ee gnec’aw dngg ee jenxdyx; siyw kax honghabjiamx; juxqiongx tamwkir; 2 qix u qaktauu ee apjikknii; Sims .sri imdyrqniar; 6 qix dngg ee apjikknii.

Jitt xee ciuxsut ursii dui’ imdy, ursii dui’ vakdow. Si in’ui snix bacjingw, acc si vadd kuanw jingxiongg. Iarr u vakmic ee indnuax, jongw .si dirr jiax vutqyr si qanxsingw qongw nardnia.

Uirdngg bunxhap (胃腸吻合, Gastro-enterostomy; derr 282, 282^a doo)

Qesix: Kuivaksut :ee, ixqip jiaxee: uirknii 2 qix, qapp ciurlingqngw snax cunr dngg 4 diauu; ser qix guarkydyx; jiamx buew ee didjenxdyx.

Jitt xee ciuxsut, si in’ui hiubunn snix jingxiongg, soxiw hitt xee lo vnir ec, diyhh kuix sinx ee lo; acc si in’ui ui snix uiwiongg, iacc si ui kokdiongx. Soxx kuix ee lo jiurr si dui’ ui ee erdew qapp kangdngg ee diongqanx, kuix sinx ee uirkauw. Aurlaii sidbut dui’ hiax qingquer zip siyxdngg.

Dxngg bunxhap (腸吻合, Intestinal anastomosis, iarr qiyr juer dngqngw-qranx jiaphabsut, 腸管間接合術):

Qesix qapp dingxbin :ee siysiang.

Jitt xee ciuxsut jiurr si nng jad dng’aw tnirhap, qycc kuix sinx ee lo, hro vunr dui’ hiax qingquer. Piwlun laii qongw, narr si dirr bongdngg acc si siongrhingg qetdngg, u snix mic joxdongr, hro vunr be qniaa, narr dui’ siyxdngg qapp hnuaihingqetdngg ee diongqanx, kuix sinx ee lo, hitt xee vunr e dui’ hitt diauu sinx ee lo qingquer. Jitt nng kuanw ee ciuxsut liauxau, ursii vnirlangg e auxtor, soxiw isingx beh siongser qra kanwho qongw, ix air beh anwjnuaxngiu hro inx jiac mic.

Dxngg dingtac (腸重疊, Instussusception): Jitt xee jiurr si vnirmiaa, si dingw jad ee dxngg tab zip kir xe jad ee dxngg-lai, soxiw hro dngviah snax dingg juewduix, hro dxngg ee kangx vnir ec, narr byy liamvni ciuxsut, e hro dxngg huad viwtatjingr (derr 458, 458^a doo).

Tang’ngiursuii diaccud (蟲樣垂摘出, Appendicectomy.):

Qesix: Kuivaksut :ee.

Jitt xee ciuxsut si qinrlaii sisiongg ing :ee. Si in’ui tang’ngiursuii huat’iam ee enqor, narr by qnuaxqinw ciuxsut, qniax liauw vakmoc e huat’iam, jiurr si guihiamw ee vni. Narr ciuxsut ee sii byy lang’iongg dilehh, isingx kacc siongg tni siongcuir hro ix bat; mrquxx narr ixqingx u lang’iongg, ix beh ing ciurlingx inxlauqngw, acc si vylee inxlauqngw laii draur lehh, hro ix lrauu lxangg .cud .laii.

Qew qongbunn jyrsed (假肛門造設, Colotomy):

Qesix: Kuivaksut :ee, ixqip jit qix vyletuii, cavutdyx 4 cunr dngg.

Jitt xee ciuxsut si in’ui diddngg acc si qongbunn ee soxjai snix jingxiongg, acc si hiabjig (vnir ec), vunr be did qingquer. Soxiw dirr harhingg qetdng, jyrsed jit xee qew qongbunn, dirr vakdow-buew ee dywvingg. Aurlaii hitt xee langg tangx dui’ jitt xee siongcuir harcud dairven. Diyhh siongsiongg sew hro cingkir. Dairven liauw ee sii, liamvnix ngua vausiongliau, iarr hitt xee siongcuir ee vnix:a, ursii ing unguentum acidi borici acc si ung. zinci oxidi laii buah, qniax liauw hitt xee puehux huat’angg. Ngua vausiongliau ee sii, diyhh qycc jiong’ cingkir ee vor qapp mihue he siongcuir ee dingxbin; ing pingduar vak hro ix hyxser.

Dnaxlongg ciuxsut (膽囊手術, Gall bladder operations):

Qesix: Kuivaksut :ee, ixqip jiaxee: kacc dngg ee guarkyx gnec’aw; dnuadunqaux, siangdunqaux 2 qix; uanx qapp dit ee dngg jiamx; cijiamkir (持針器, needleholder); dnaxjiyhsii; dngg ee tamwjiamx; anzenn vinxjiamx. Iarr diyhh urvi jit~nng xee suadeaw.

Dnaxlongg-lai, ursii u dnaxjiyc; acc si dnaxlongg huat’iam; anxnix diyhh ciuxsut, iarr ursii diyhh ing ciurlingx inxlauqngw draur lehh, hro lxangg acc si dnaw lrauu .cud .laii.

Tuatdiongg (脫腸, Hernia):

Qesix: Kuivaksut :ee, ixqip jiaxee, tuatdiongg honghabjiamx; siyw kax honghabjiamx; narr si kiamdunwsingr ee tuatdiongg, qiamxcaiw iarr diyhh urvi dxngg-aw ee ngii jiamx, dng’axknii qapp digvet tuatdiongdyx.

Vnirlangg u jitt hy vni, in’ui dxngg, ursii siyxdngg, ursii duardngg, dui .lyc .laii. Dirr vakdow-buew ee soxjai, u kacc luanxziok ee qinbah, soxiw langg narr kacc byy iongw, vakdow-lai ee dxngg kuair dui .lyc .laii. Narr anxnix hitt xee soxjai e jingw .kiw .laii.

Langg narr u jitt hy vni kia dit dit, acc si sraur, acc si cud lat, hitt xee dxngg e tuatcud; narr dyw lehh, ing ciuw he hitt xee jingw ee soxjai laii cic .diyc, dxngg e qycc zip vakdow-lai, liamvnix sriaux .kir, qiyr juer huanlabsingr tuatdiongg (還納性脫腸, reducible hernia).

Hitt xee tuatdiongg kacc siongg knuar qnir ee vorui, jiurr si qaixvnix uaw diong’ngx ee soxjai, qapp dorjaii.

Langg narr u tuatdiongg, jitt xee e venr juer quixnarr kuanw:

1. Tuatdionglongg (jiurr si vakmoc dui .lyc .laii) lairbin ee mic, be zip dirr vxag-lai; qiyr juer huihuanlabsingr tuatdiongg (irreducible hernia).

2. Tuatdiongg-lai mic huat’iam.

3. Tuatdiongg-lai ee dxngg-lai u viwqed, mrquxx huih iuguann e liuhingg (incarcerated hernia).

4. Tuatdiongg-lai ee mic kacc ann, hitt xee huih be liuhingg, narr byy qnuaxqinw idi, vnirlangg e siw; jitt kuanw qiyr juer kiamdunwsingr tuatdiongg (箝頓性脫腸, strangulated hernia).

Jingwjong: Narr si 1 hy be simxmic tniar, mrquxx guihiamw, qniax liauw e duw diyc 3—4 hy. Narr si 2—4 hy kacc siongg duw .diyc ee jingwjong si viwqed, auxtor, dngsanwtniar.

Dirliauu: Vingsiongg ee tuatdiongg: diyhh qruar jit xee kiwqu, hro hitt xee vakdow-lai ee mic, be cud kir guarbin. Hitt xee kiwqu, qiyr juer tuatdiongduar (truss), derr 283 doo; jitt xee diyhh hap dirr singkux, diyhh cingkir, m tangx hro liuwpuee. Kacc hyw ee huatdo, jiurr si ciuxsut. Dairkair laii qongw, isingx soxx juer :ee, jiurr si hitt xee tuatdionglongg-lai ee mic, hingg vakdow-lai, tuatdionglongg cetduu qycc vak; hitt xee qinbah ee kangx, jiong’ ix ee bah tni hro bat.

Ciuxsut liauxau diyhh hiyckunr, dyw dirr bincngg snax lexvair quw, qycc snax guehzit m tangx juewqangx, aurlaii tangx unn unn juer, mrquxx iarr si m tangx cud lat quewtauu.

Iauxx bue ciuxsut, kanwho diyhh sunknuar u sraur acc byy, narr u, m tangx juer; diyhh tingwhau sraur hyw liauw ee sii, jiacc tangx ciuxsut. Dairven diyhh juwir.

Narr u vadd kuanw ee tuatdiongg, cincniu 1 hy 2 hy, si iauwqinw diyhh hro isingx knuar, qniax liauw diyhh ciuxsut, narr byy, diyhh ing anjin liauhuad, qapp siau’iam dirliauu hxuad. Narr si 3 hy acc si 4 hy, diyhh qipsii ciuxsut laii qiur sniwmia.

Siongrvongqongx cetkuisut (上膀胱切開術, Supra-pubic systotomy).

Qesix: Kuivaksut :ee, ixqip jiaxee: nng qix dnuaqauknii; jit qix qongsigsii; jit qix qongsigknii, jit qix qongsigtamwkir; nng diauu ciurlingx dyrziyrqngw; jit qix dua juwsiarkir. Iarr diyhh urvi 1,000.0 c.c. lotio acidi borici tangx sew vongqongx.

Jitt xee ciuxsut ee indnuax, si in’ui vongqongx-lai u qetjiyc, acc si snix mic. Narr si in’ui qetjiyc ee enqor, hitt liap jiyc tec .kiw .laii liauxau, narr si ziy longxx cingkir, isingx beh ing snuar tni hro bat, iarr jiong’ tongziyrdy ee ciurlingqngw, qiyr juer dyrziyrqngw, he dirr vongqongx ee lairbin, laii hro diauu dirr guarimvo. Diyhh jiauww isingx ee bingrling tec .cud .laii. Tauu jit~nng zit quw, mrbenw tec .cud .laii, aurlaii dagg zit tec cud laii sew hro cingkir. Iarr dyrziyrqngw-lai, iuguann diyhh cingkir, jiacc quer sac gu hunx quw, qycc sew ciuw, ing vaselinum laii buah ciurlingqngw, qycc zip vongqongx-lai, (knuar derr 242-245 bin). Juer anxnix ee sii, derr id iauwqinw jiurr si diyhh cingkir, iarr diyhh jimjiog dyrziyrqngw u tongx .byy. Diyhh ing jit xee siuziyrkir, laii srinn ix ee siauxven; diyhh sunknuar ix soxx vaicud ee ziy zuarr je. Narr hitt xee siauxven lrauu byy hyxser diyhh liamvni qra isingx qongw.

Jitt hy vnirlangg, siongrr iauwqinw, si m tangx hro ix dinxdang. Diyhh jin’ siyxsimx, in’ui narr hitt xee siongcuir siyxkuaw puawlic, ziy e dui’ hiax lrauu cud, anxnix kacc ban hyw, iarr qex huiwkir, qycc qex qankow kacc je. Hitt diauu ciurlingx dyrziyrqngw, narr cid zit quer, mrbenw qycc zip.

Jitt hy ciuxsut, ursii dirr imlongg ee erdew, jiurr si huerimx, qiyr juer harvongqongx cetkuisut.

Qongbunn ee soxjai kacc siongg duw diyc vni jiurr si lairdirhut, guardirhut, (piles) lairdirlau, guardirlau (fistula) qapp qongbunlic (fissure).

Jitt xee dirhut ee vni, jiurr si qongbunn ee soxjai ee jingrmec lordiongx (靜脈怒張, varicose veins). U nng kuanw, gua qapp lai. Guardirhut jiurr si jingrmec hro puee vaux lehh; lairdirhut jiurr si dirr kacc lairbin, iarr si jingrmec hro hitt xui ee liammoc vaux lehh.

Jingwjong: Dairven ee sii tniar, iarr dairven liauw u damrvyc lrauu cud ciachuih. Guardirhut ee jingwjong kacc siyxkuaw, qanda’ siyxkuaw tniar, qycc e jniu. Jitt xee guardi diyhh ing hamamelis iuu laii buah, iarr sew cingkir, soxx ing ee iyh’iuu jiurr si hamamelis iuu, acc si ung. gallae c. opio.

Iauxx bue ciuxsut diyhh jiauww huatdo dairsingx virvan vnirlangg, iarr diyhh ing satbunn qapp siyx juiw enema sew diddngg hro cingkir. Narr anxnix quanwdngg, kanwho diyhh sewzi knuar vnirlangg u ha hiaxee quanwdngjex cud .laii acc byy, narr byy ha, diyhh qycc quanr kacc je juiw, anxnix e vangjan vaicud. Jitt xee si iauwqinw, in’ui qniax liauw vnirlangg pnri chloroform ee sii air dairven, vutjiw m hyxser.

Lairdirhudsut ee qesix: Clover .sri kavo qowdingrkir (腳步固定器, Clover’s crutch); Kelly .sri dyrigdiam (導液墊, Kelly pad); sir qix lairdirhut ee apjikknii; 6 qix dongrmehknii; jiamx buew qapp dunx buew ee jenxdy; siyw kax knii; siyw kax honghabjiamx; lairdirhudsnuar; ursii diyhh urvi uanx ee honghabjiamx, qapp dngg ee apjikknii.

Ciuxsut u quixnarr kuanw, jit kuanw si siyjioksut (clamp and cautery), qycc jit kuanw si qetjatsut (ligature). Jitt hy qetjatsut, hitt xee dirhut vak liauw kacc siongg ing qadyx qrax .kiw .laii. Zen’au vnirlangg diyhh dyw dirr bincngg, siangrr jiyw jap zit quw; iarr ursii nng~snax lexvair quw, kanwho diyhh siyxsimx jiauwqor. Vnirlangg dairven liauxau, kanwho diyhh ing siaudog’iycjuiw lotio acidi carbolici 1—40, laii sew hro cingkir, iarr qycc ngua vausiongliau.

Lairdirlau qapp guardirlau, kacc siongg si dui’ dairsingx ee lang’iongg, aurlaii hitt xee lang’iongg puar, cud lxangg, iarr in’ui hitt soxjai u qnialangg qycc cimx, kacc yh hyw. Narr in’ui diyhh ciusut, iarr pah iyhsngx. Diyhh virvan jit diauu T .zri hxingg ee pingduar tangx vak.

Lairdirlau, guardirlau ee qesix: Guarkyx dyx, jenxdyx; tamwjiamr; u qaux ee tamwjiamx; lairsii.

Beh ngua vausiongliau ee sii, iauwqinw hitt xee iyhsngx diyhh zip qaur siongcuir ee erdew; lixkir si beh hro bacgee jojid snix dui’ erdew kiw .laii, narr byy anxnix, narr hro ix sniu’ qinw quewpuee, hitt xee vni iuguann iarr si dilehh. Jitt hy vni dairven liauw, diyhh sew hro ix jin’ cingkir iarr qycc ngua sinx ee vausiongliau.

Siongrjix harjix cetdng sut (上肢下肢切斷術, Amputation of limbs):

Qesix: Cetdngrdyx, dycuir 5 jiww 6 cunr dngg; guarkydyx, dycuir 2 jiww 3 cunr dngg; cetdngrqur; vequtmohkir; kuisiongkir; 24 qix dongrmehknii; 2 qix guarkyx gnec’iaw; jenxdyx; uanx qapp dit ee honghabjiamx; quer sac ee pingduar, snax ciyh dng; ciurlingx inxlauqngw snax cunr dngg; ciurlingx ee jixhuickir. Diyhh urvi jit der vnuaa drew quwsudhux, he dirr erbin, tangxx srinn soxx lrauu .cud ee huih.

Narr si qur kax ciuw hitt hy, diyhh m tangx qra ix qah pue, ingqaix crunx cud pue-gua, in’ui jitt hy vnirlangg narr cud huih ee sii, mrbenw suaw kuix dinxdang, iarr e tangx jit xe jiurr knuar .qnir. Ingqaix cux jit diauu ser diauu ee iuvor, dingxbin ing hnuaii ee puerdnuax cux dirr kax-xe, narr u cud huih, dirr hnuaii ee puerdnuax hitt dingxbin, jiurr suisii e knuar .qnir. Narr u knuar qnir cud huih, diyhh liamvnix tongdix isingx jaix.

Kax-xe, diyhh ing nngw ee jimxtauu, acc si jiong’ mipue auw lehh, laii quew dirr dngrduanx ee erbin. Qycc ing suadeaw he dirr pue-dingw, jiacc cux iuvor, hnuaii ee puerdnuax, acc si binrqinx, jiauww dingxbin soxx qongw :ee. Air hro kax be dinxdang, diyhh ing pingduar vak diauu dirr suadeaw nirr.

Quanjad lirdng sut (關節離斷術, Amputation ghrough joint): Jiurr si dirr quanjad ee soxjai cetdng.

Huxqud cetduu sut (腐骨切除術, Sequestrotomy): Ursii vnirlangg ee qud e pnaiw .kir, cauwnua. Hitt xee idi ee huatdo, jiurr si cetduu hitt der caur qud.

Qesix: Ciurlingx ee jixhuickir; 2 qix gnec’aw; dongrmehknii; guarkyx dyx; jenxdyx; qutjenxdyx; qutknii; huxqutknii; vanxjongrcak; qojongrcak; tuii-aw; honghabjiamx qapp snuar.

Cuanluu sut (穿顱術, Trephine): Nauw-lai narr u snix jingxiongg, acc si cuthuih, acc si dirr nauw-lai u cingwjiw, ursii tauquawqud diyhh tec jit der kiw .laii.

Qesix: Cuanluu ngii qur, dua qapp ser, Hey .sri qur-aw 2 qix; qutjenxdyx 2 qix dua qapp ser ee; vanxjongrcak, qojongrcak qapp tuii-aw; ngii cakjongrqutknii; quttingxkixkir; huxqutknii, qutmoc vakli kxir; 2 qix guarkyx dyx; 2 qix gnec’aw; u kxiw ee gnec’aw; 18 qix dongrmehknii; jenxdyx, dua qapp ser 2 qix; lairqaux; tamwjiamx; honghabjiamx qapp snuar.

Jic cetduu (舌切除, Excision of tongue): cuiwjic narr snix jingxiongg, hitt xee diyhh cetduu.

Qesix: Kuicuiwkir; qiong’uanx honghabjiamx; cijiamkir; jihknii; 2 qix dua dunqaux; lairqaux; 2 qix vnixvnii kuisiongx dua dunqaux; 4 qix u qaux ee knii; 18 qix dongrmehknii; gnec’aw; u kxiw ee gnec’aw: 12 qix haixziongknii; huanxjenxdyx; didjenxdyx; 2 qix guarkydyx; dongrmec liujiamx; honghabjiamx qapp snuar; mihuex ser liap qauwgiac je. Juer cuir ciuxsut ee sii, kiwqngw cetkuix sut ee qesix diyhh urvi, dihongg hutzenqanx beh ing (knuar derr 37 jniux).

Iauxx bue juer ciuxsut si iauwqinw cuiwkiw diyhh longxx cingkir. Iarr juer liauxau diyhh jiabjiap sew cuir. Diyhh ing suaxkauw-iyhjuiw, qapp jit qix kacc dua qix juwsiarkir, laii sew cuir. Ursii diyhh ing siaudok-gnec’aw qapp misex acc si mihuex qra sew. Diyhh qokk nng diamxjingx sew jit vaiw. Diyhh sew cuir, jiong’ jiahmic hro ix, zen’au qycc sew. Narr jimjiog juer, jitt snax hxang diyhh 30 hunx quw ee siqanx.

Vnityjnuaa cetduu (扁桃腺切除, Excision of tonsils): Vnixtyjnuaa narr kacc dua, ursii diyhh tec .kiw .laii. Juer jitt xee ciuxsut diyhh urvi vingx, qniax liauw cuthuih.

Entauu (咽頭) ee aurviah qapp dingxbin ee limvajnuaa, ursii vuidua, anxnix diyhh kaux .kiw .laii. Narr u jitt hy vni ee langg, ix ee cuir kacc siongg kuix kuix, dui’ cuir laii hokib, iarr kacc hamban, mii .sii decc kunr ee sii, ix ee cuir iarr si kuix kuix, kacc siongg e hnuaa.

Jitt hy cuir-lai ee ciuxsut liauxau, diyhh hro jiac liudong-sidbut, cincniu gulingx ee lui. Iarr diyhh qar ix siongsiongg dui’ pnirkangx laii hokib.

Limvajnuaa diaccud (淋巴腺摘出, Excision of glands): Limvajnuaa narr snix qethudjingr, acc si snix jingxiongg, ursii diyhh tec .cud .laii. Narr si dirr amrqunw ee soxjai, ciuxsut liauxau, diyhh ing suadeaw hro taukag m tangx dinxdang.

Qesix: 2 qix guarkydyx; 2 qix jenxdyx; 2 qix gnec’aw; jit qix u kxiw ee gnec’aw; 20 qix dongrmehknii; 2 qix siangdunqaux; 2 qix u qaux ee knii; siausitkir (Blunt dissector); qacjongrjnuaknii; dongrmec liujiamx; honghabjiamx qapp snuar; ciurlingx inxlauqngw.

Cnghingx sut (穿胸術, Paracentesis thoracis): Hingmohkangx narr u juixjid quewtauu, ing juwsiarkir tiux .cud .laii. iarr knuar derr 34 jniux.

Hiabqud cetduu sut (肋骨切除術, Resection of rib): Narr si hingmohkangx-lai u lxangg, hiabqud diyhh tec cud jit der kiw .laii.

Qesix: Guarkydyx; jenxdyx; gnec’aw, 6 qix dongrmehknii; qutjenxdyx; qutknii; qutmoc vakli kxir; honghabjiamx qapp snuar; ciurlingx inxlauqngw.

Jitt xee ciuxsut liauw, diyhh ing ciurlingqngw hro lxangg lrauu .cud .laii. Ursii jitt hy vni kacc ban hyw. Diyhh ing voxjex, qapp u ju’iongw ee sidbut laii diau’iongw. Iarr diyhh u hyw ee kongkir, in’ui jitt hy vni ursii e vniwjniaa qethudjingr. Jitt hy vnirlangg qaiww guaw cud lxangg, soxiw diyhh jiabjiap ngua vausiongliau. Diyhh dihongg ziogsiongx. Ursii diyhh ing teiw hro ix tex lehh, kacc knuawuac, iarr lxangg e kacc kuair lrauu .cud .laii.

Lingvongg cetduu (乳房切除, Amputation of breast).

Qesix: Guarkydyx, dua qapp ser sir qix: 2 qix guarkyx gnec’aw; 24 qix dongrmehknii; 2 qix jenxdy; dongrmec-liujiamx; u qaux ee knii; siausitkir (blunt dissector); kusiongkir; honghabjiamx qapp snuar. Pongwsex juer ee citvor 6 cunr suwhongx; siaudok siyx juiw.

Jitt xee ciuxsut si in’ui snix jingxiongg ee enqor. Vnirlangg m tangx qnuaa .diyc, lingw .diyc; diyhh urvi tanxaw, qapp siyxjuixquanr.

Huerimx honghap sut (會陰縫合術, Perineorraphy): Hurzinlangg kiyh ginxaw ee sii, huerimx ursii e puawlic, jiurr si hitt xee bah dui’ imbunn qapp qongbunn ee diongqanx. Idi ee huatdo si jiong’ puawlic ee soxjai qra prangg uaw. Ursii kiyh liauw, hitt xee lic .kuix ee soxjai, liamvnix tni bat. Iarr ursii tingwhau sanxhu kacc hyw, jiacc qra ciuxsut. Ciuxsut liauxau, kanwho diyhh dagg zit nng~snax vaiw ing kacc je ee siaudog’iycjuiw sew siongcuir. Diyhh hro ix cyw ciyr ciyr, ing duar jiong’ nng qix katuiw vak hro be tenw .kuix. Jiong’ jit xee jimxtauu quew hitt xee kauat’uanx, hro duartuiw e qiux .kiw .laii. Narr qaur ingqaix jauxdang ee zit, dairsingx jit zit diyhh ing oleum ricini hro ix jiac, qycc quer nng~snax diamxjingx liauxau, jiong enema saponis qapp oleum oliveae quangwdngg. Cenban m tangx hro vnirlangg cud lat dnir.

Narr u simxmic siongcuir cincniu ciuxsut lang’iongg liauxau, hitt xee decc snix bacgee jojid, iauwqinw diyhh ing misex zip dirr erdew, hro bacgee jojid dui’ erdew snix .kiw .laii, iarr hro hitt xee puehux be liamvnix quewpuee.

Cngvag sut (穿腹術, Paracentesis abdominis):

1. Diyhh urvi:

(a) Quer sac ee hogsuiw tyxqngxjiamx (trocar and cannula, derr 298 doo).

(b) Go ciyh dngg ee ciurlingqngw, beh draur tywqngxjiamx dirr guarbin vingg, hro juiw tangx lrauu .cud

laii.

(c) Dua kax ee juixtangw, cai bincngg-vnix beh srinn hitt xee juiw.

(d) Jiauww isingx soxx huanhur ee bajuiwiyc (ethylis chloridum, eucaina).

(e) Lotio iodi acc si tinctura iodi.

(f) Siaudok ee mihuex, misex.

(g) Siaudok ee habcuiwqyvor (liamvor).

(h) Lotio acidi carbolici 1—40, qapp citvor.

(i) Haa vakdow ee pingduar.

(j) Puee-xe juwsiarkir, drew strychnina.

(k) Siaudok-binrqinx.

(l) Siyx juiw, binxaw, satbunn, siaudog’iycjuiw.

2. Diyhh jimjiog knuar vongqongx-lai u ziy acc byy, narr u, diyhh hro hitt xee ziy vaicud.

3. Diyhh ing jit der teiw, hro ix tex lehh.

4. Diyhh henx kuix vnirlangg vakdow-dingw ee snxax.

5. Ing lotio iodi cad vakdow, dui’ dorjaii qaur imvo-dingw. Tingwhau cad liauw qycc jap hunx quw, jiacqycc cad jit vaiw.

6. Isingx ee ciuw ixqingx siaudok liauw, jiurr tec siaudok ee binrqinx, cux dirr mipuex qapp vnirlangg ee snxnax-dingw. Isingx ursii ing hitt xee bajuiwiyc, hro beh sriu ciuxsut ee soxjai be tniar, jiacc tec hitt qix tywqngxjiamx, jiamx dirr dorjaii duiwdiongx ee soxjai. Hitt qix diong’ngx ee jiamx, iyc tiux .cud .laii, guarbin ee dxangg diyhh lrauu lehh; qycc ing ciurlingqngw, draur dirr hitt qix dxangg, hro juiw lrauu .cud .laii dirr juixtangw-lai.

7. Kanwho diyhh qapp vnirlangg druar hiax. Juiw lrauu liauw, isingx beh jiong’ hitt qix dxangg tiux .cud .laii, ing citvor qra ix crid dax, jiacc ing lotio iodi qra cad, liamvor qra ix dah; acc si jiong’ misex, mihuex, he jiamx ee soxjai, ing pingduar qra ix vak hyxser. Vnirlangg snxax, qapp mipue diyhh congr hro ix e knuawuac.

8. Jiamx liauxau ursii juiw e siap .cud .laii; vausiongliau narr damm, diyhh ing siaudok-mihuex kamr vausiongliau ee dingxbin. Narr lrauu sniu’ je, diyhh qra isingx tongdix.

9. Soxx lrauu .cud .laii ee juiw diyhh nriuu, suar qir zuarr je.

Iamjuiw juwzip hxuad:

Iamjuiw juwzip ee huatdo, u snax diuu lo tangx zip dirr vnirlangg ee singkux.

1. Dui’ jingrmehqngw, jiurr si derr id qinw ee hxuad.

2. Dui’ puee-xe ee qetdewjid.

3. Dui’ qongbunn, diddngg, jiurr si derr id ban ee hxuad.

Jitt xee huatdo ing ee sii jiurr si: (1) Ciuxsut huih lrauu sniu’ je ee vnirlangg; (2) langg lauwtor, vnirlangg singkux ee texik kacc vutjiog :ee; (3) vnirlangg beh sriu ciuxsut ee dairsingx, hro ix ee nauxlat, acc si simx ee lat, e qiongsing, dihongg hutzenn sueziok.

Puee-xe juwzip hxaud (皮下注入法, Subcutaneous infusion):

Jitt xee jiurr si ing siyx siaudogjuiw, acc si siyx iamjuiw, juwzip puee-xe qetdewjid-lai. Jitt xee qirsut (技術, technique) suibongxx si cenw, jongw .si iauwqinw diyhh siongser siuw dagg hxang ee quiquw, benw did hro bisingbut zip dirr vnirlangg ee singkux-lai.

Qesix: Iamjuiw juwzip kxir, digvet ee quanwkaiwquanr, ciurlingqngw, vyleqngw, qapp lingrgua jit diauu dew ee ciurlingqngw; nng qix 3 cunr dngg ee lrai juwsiarjiamx; citvor, misex, mihuex, binrqinx; dingxbin jiaxee longxx diyhh siaudok. Siyx iamjuiw, 1,000.0 c.c.

Iamm … … 9.0 grammes. Jingliujuiw … … 1,000.0 c.c.

Vnirlangg ee puebah, diyhh ing siaudog’iyhjuiw, qapp huexjiuw sew hro cingkir, acc si ing lotio iodi cad beh juwsia ee soxjai. Diyhh cad jit vaiw, tingwhau dax, tingg 10 hunjingx, jiacqycc cad jit vaiw. Diyhh jiauww anxnix cad snax vaiw. Hitt qix jiamx qapp ciurlingqngw cam’ laurdauw diyhh siy’ jriab, iarr diyhh jiong’ iamjuiw drew hro muaw, m tangx hro kongkir dui’ hiax zip .kir, jiacc ing juwsiarjiamx cak hitt xee cingkir puebah ee soxjai. Hro iamjuiw siarzip ee vorui, kacc siongg si dui’ hingkamw-vnix, duartuiw ee lairvingg, acc si lingvongg-xe(derr 300 doo). Hitt xee iamjuiw ee undo, diyhh dui 112∘F. (44.4∘C.) jiww 118 ∘F. (47.6∘C.). Diyhh ing jit qix quer siaudok liauw ee hanluanxqer he dirr iamjuiw nirr. Jitt qix hanluanxqer diyhh dairsingx jimr dirr lotio hydrarg. perchlor. 1-1,000. Vutsii diyhh ing kacc siyx ee iamjuiw qetnix dirr quanwkaiwkir hro hitt xee iamjuiw be lingw .kir. Jitt xee juiw longxx diyhh quer nriuu. Kacc siongg diyhh jiong’ 500.0 c.c. juwzip dirr jit soxjai. Narr ing 2 qix jiamx, juer jit xe zip 2 liap lingvongg-xe iarr si hyw. 500.0 c.c. juwzip ee siqanx si cavutdyx 20 hunjingx quw. Juiw narr anxnix zip dirr puee-xe qetdewjid-lai, byy zuarr quw e dui’ limvaqngw, qapp mngsewhuicqngw, zip singkux ee huicsunkuann (derr 301 doo).

Jingrmec-lai juwzit hxuad (靜脈注入法, Intravenous infusion; derr 302, 303 doo):

Qoxjaw ee sii jitt xee hxuad, jiurr si ing iongxqnia byy vni ee langg ee huih, juwsia zip vnirlangg ee jingrmehqngw-lai; henrcuxsii si hranw did ing, in’ui si guihiamw. Jongw .si jiong’ iamjuiw, laii quanwzip dirr vnirlangg ee jingrmehqngw, si henrcuxsi vingsiongg decc ing ee hxuad.

110∘F. (43.3∘C.) siyx; iarr beh juwzip ee siqanx, ix ee undo e qangwlyc qaur 105∘F. (40.6∘C.).

Qesix: Puee-xe juwzip hxuad :ee, ixqip jiaxee: guarkydyx; dongrmec liujiamx; 2 qix dongrmehknii, jenxdyx; guarkyx gnec’aw’ qapp u kxiw ee gnec’aw; jingrmec dunx jiamx; honghabjiamx qapp snuar; siaudog’iycjuiw, siaudogsnuar, siaudok-vausiongliau; jixhuickir; pingduar.

Jitt xee ciuxsut si isingx decc juer :ee, jongw si kanwho diyhh e haiuw did jitt xee qirsut. Jiong’ ciuxaurkiaux ee puexhux virvan jiauww dingxbin soxx qongw ee huatdo.

Dirr siongrpokqud diong’ngx ee soxjai, ing ciurlingx jixhuickir, acc si pingduar vak hro ann.

Isingx jiong’ ciuw sew hro cingkir, taii puehux, quah kuix jingrmehqngw, zip jingrmec dunx jiamx dirr jingwmehqngw, vak ann hro ix diauu; jiacc vangr ling dingxbin qongw hitt diauu jixhuickir, isingx jiacc jiong’ iamjuiw sria .zip .kir. Sria liauxau, jingrmec dunx jiamx jiacc tec .cud .laii, jiong’ jingrmehqngw vak, tni puehux, ing misex, mihuex qra amx lehh, pingduar vak hro hyxser.

Jitt xee ciuxsut ee diongqanx, u nng hxang iauwqinw diyhh e qir .did: (1) Hitt qix jingrmehjiamx, iauxx bue zip jingrmec-lai, iamjuiw diyhh dairsingx dui’ quanwkaiwquanr dit dit lrauu .lyc, hro qngw-lai ee kongkir druu .kir; (2) Iamjuiw decbeh liauw ee sii, narr beh qycc tnrix sinx :ee, diyhh sewzi, m tangx tingwhau qaur quanwkaiwkir longxx byy iamjuiw, jiacc beh tnrix, qniax liauw e jiong’ kongkir sria zip jingrmec-lai. Narr kongkir zip jingrmec-lai, e liamvnix zip simjong, byy quiw hunx quw, jiurr vnirlangg e siw. Narr byy dniudii quanwkaiwquanr-lai byy iamjuiw, hitt qix jingrmehjiamx diyhh tiux .cud .laii, tiux .cud .laii liauw tangx qetnix zip iamjuiw zip quanwkaiwkir-lai. Beh suah ee sii, diyhh damrvyc iamjuiw iauxquxx dirr quanwkaiwquanr-lai jiacc suah. Juwzip jit vaiw iamjuiw si 500.0 jiww 2,000.0 c.c. jiurr hyw; jitt xee si isingx decc juwir.

Diddngg juwzip hxuad (直腸注入法, Rectal saline):

Narr dui’ diddngg quanwzip iamjuiw, jiurr liamvnix zip qaur duardngg, byy zuarr quw e zip dirr jingrmehqngw (derr 234 bin).

Sria iamjuiw iauxx u jit hxang digvet ee huatdo, jiurr si ing jit jxingw ee kiwqu, hro hitt diauu ciurlingqngw, jit tauu zip dirr punn-lai, jit tauu jriab dirr juwsiarjiamx, zip dirr vnirlangg ee puee-xe ee qetdewjid; acc si jriab dirr ciurlingx dyrziyrqngw, cngx zip diddngg-lai. Punn-lai ee iamjuiw narr viw vnirlangg kacc qnuaii nng~snax ciyh, hitt xee iamjuiw e qaqi (syphon action) lrauu lyc jauw zip kir langg ee singkux; mrbenw langg ee lat. Jongw .si diyhh ing huatdo hro iamjuiw be lingw .kir.

Dairkair laii qongw, qra vnirlangg juwzip iamjuiw ee quiqiw, vailet dirr erdew: 1. Diyhh hro vnirlangg siongsiongg siyx.

2. Juwsia iamjuiw ee soxjai, diyhh ing mihuex amx lehh.

3. Iamjuiw ee undo diyhh qiamw(?), iarr diyhh jiauww dingxbin soxx qongw.

4. Juwsia iamjuiw, m tangx sniu’ dua lat.

5. Cenban m tangx hro kongkir jauw .zip .kir. Sria liauw ee sii, jiong’ jiamx vuic .cud .laii, ing qoiyc, acc si siaudok-misex, mihuex, qra ix dah lehh, jiacc ing pingduar laii vak.

6. Diyhh cincniu ciuxsut ee sii, hitt kuanw ee cingkir; narr byy, qniax liauw hitt hy bisingbut jauw .zip .kir, cak jiamx ee soxjai, jiurr e huat’iam.

Jingrmec cetkuix sut (靜脈開切術, Venesection):

Juer jitt xee hxuad, jiurr si isingx ee jiksingg, kanwho m tangx qaqi juer.

Diyhh virvan jit qix quer sac ee guarkydyx; siaudog’iyhjuiw; niuvuex; mihuex, juixnivor, pingduar; siux siongcuir jixhuih ee iyc cincniu collodion ee iyc, acc si tinctura benzoini co., iarr diyhh virvan 12.0 c.c. brandy laii dihongg vnirlangg m duxhyw suar hun .kir.

Jingrmec cetkuix sut, kacc siongg si quah ciuxaurkiaux hitt bin ee jingrmehqngw, huih narr lrauu liauw, diyhh ing misex, mihuex qra vaux lehh, iarr ing pingduar qra vak ann. Soxx lrauu .cud ee huih diyhh nriuu, iarr qir zuarr je. Mehpog qapp hokib diyhh sngr, iauxx bue ciuxsut, ixqip ciuxsut liauw longxx diyhh sngr, suar qir lehh.

Erbin jitt jam diyhh vow zip dirr 410 bin, derr 29 jua :ee.

Juxqiongvakviah qowding hxuad (子宮腹壁固定法, Abdominal hysteropexy). Jitt xee ciuxsut si beh jiong’ duirlyc ee juxqiongx tni diauu dirr vakdow ee jingbin viah ee aurbin vingg.

Qesix: Kuivak sut :ee, ixqip jiaxee: jit qix dnuaqauknii; juxqiong tamwkir; 6 liap enpnir honghap.

huedngw tauu iac