Amos
1 Tekoa bogjiaw diongx Amos ee ue. Jiaxee ue dyrr si dirr Judah Ongg Uziah ee nii-qranx, Islael Ongg Jehoas ee qniaw Jeloboam ee nii-qranx, dedang ixjingg nng nii, soxx knuar qnir quanhe Islael ee su.
2 Ix qongw: Jehovah duiww Zion auqiyr, duiww Jelusalem cud Ix ee sniax; bogjiaw ee cauxdniuu vi'aix, Karmel ee snuax-dingw qodaa.
3 Jehovah anxnix qongw: Uirdiyhh Damaskus huanrjue qaur snax vaiw, iarr qaur sir vaiw, Guaw byy beh benw ix ee hinghuat; in'ui ix ing pah gnoxqog ee tickir pah Gilead.
4 Guaw beh qangr huew dirr Hazael ee qrex, siybet Benhadad ee qiongden.
5 Guaw beh jamw dng Damaskus ee mngqongg, jenxduu Aven vningiuu kiarkiw ee vecsnir, qapp Beteden jiangw quanvingr :ee; Alamlangg beh siurr liac qaur Kir; jex si Jehovah qongw :ee.
6 Jehovah anxnix qongw: Uirdiyhh Gaza huanrjue qaur snax vaiw, iarr qaur sir vaiw, Guaw byy beh benw ix ee hinghuat; in'ui inx liac qui' jok ee vecsnir qaux hro Edom.
7 Guaw beh qangr huew dirr Gaza ee sniacniuu, siybet ix ee qiongden.
8 Guaw beh jenxduu Asdod kiarkiw ee vecsnir, qapp Askelon jiangw quanvingr :ee; iarr beh uat dngw ciuw qongqig Eklon; Filistlangg soxx cunx :ee, beh longxx bedbyy; jex si Jruw Jehovah qongw :ee.
9 Jehovah anxnix qongw: Uirdiyhh Tyle huanrjue qaur snax vaiw, iarr qaur sir vaiw, Guaw byy beh benw ix ee hinghuat; in'ui inx jiong' qui' jok ee vecsnir qaux hro Edom, iarr byy qiwliam hniadi ee bing'iog.
10 Guaw beh qangr huew dirr Tyle ee sniacniuu, siybet ix ee qiongden.
11 Jehovah anxnix qongw: Uirdiyhh Edom huanrjue qaur snax vaiw, iarr qaur sir vaiw, Guaw byy beh benw ix ee hinghuat; in'ui ix giac dyx duizib ix ee hniadi, longxx byy linbinw; ix ee siurkir bingxlet, huad cud byy suah, ingxuanw kngr siurkir.
12 Guaw beh qangr huew dirr Teman, siybet Bozlah ee qiongden.
13 Jehovah anxnix qongw: Uirdiyhh Ammon-jok huanrjue qaur snax vaiw, iarr qaur sir vaiw, Guaw byy beh benw ix ee hinghuat; in'ui inx puar kuix Gilead u sin'in ee hurzinlangg, beh kuikuah inx ee qingxqair.
14 Guaw beh dirr qaujenr huachiamr ee zit, kiw huew dirr Rlabbah ee sniacniuu, siybet ix ee qiongden.
15 Inx ee ongg qapp ix hiaxee siuxlingw, beh juer jit xe hro langg liac .kir; jex si Jehovah qongw :ee.
2 Jehovah anxnix qongw: Uirdiyhh Moab huanrjue qaur snax vaiw, iarr qaur sir vaiw, Guaw byy beh benw ix ee hinghuat; in'ui ix jiong' Edom Ongg ee quttauu siyx juer hxex.
2 Guaw beh qangr huew dirr Moab, siybet Keliot ee qiongden; Moab beh dirr huarhua hauw huachiamr vunn sauwqag ee diongqanx sixbyy.
3 Guaw beh dui' ix ee diongqanx jenxduu simxpnuawsix, suar taii siw inx itcer ee siuxlingw; jex si Jehovah qongw :ee.
4 Jehovah anxnix qongw: Uirdiyhh Judahlangg huanrjue qaur snax vaiw, iarr qaur sir vaiw, Guaw byy beh benw ix ee hinghuat; in'ui inx kiwsag Jehovah ee qawsi, byy junsiuw Ix ee ludle; inx ee ledjow soxx tranr ee huqew hro inx qniaa belo.
5 Guaw beh qangr huew dirr Judah, siybet Jelusalem ee qiongden.
6 Jehovah anxnix qongw: Uirdiyhh Islaellangg huanrjue qaur snax vaiw, iarr qaur sir vaiw, Guaw byy beh benw ix ee hinghuat, in'ui inx bre girlangg laii did diyc ginn, bre songwhionglangg laii did diyc jit siangx ree.
7 Songwhionglangg taukag dingw ee din'aix, si inx soxx iwair, ongxkud unziuu ee langg ee lixlo; verqniaw snaqab cinqin jit xee siauwlenn ee hurzinlangg, drir qaur setdok Guaw ee sxingr miaa.
8 Inx dirr dagg xee dnxuaa-vnix, dyw dirr langg juer junxdngr ee snxax; qycc dirr inx ee Siongrder ee cur-lai limx siurr huat ee langg ee jiuw.
9 Guaw dui' inx ee binrjingg dubet Amolilangg, hiaxee langg quandua cincniu vikhniuciu, iongw cincniu siongrciu; jongwsirr Guaw dingxbin bet ix ee quexjiw, erbin juaddng ix ee qinx.
10 Guaw iarr duar linw dui' Egipt-de jnriu .laii, dirr kongwiaw cua linw sir-jap nii, hro linw did diyc Amolilangg ee de juer giap.
11 Guaw dui' linw ee qniaxzii ee diongqanx hingx kiw sendix, qycc dui' linw ee siauwlenlangg ee diongqanx hingx kiw Nazir; Islaellangg ar, qamxx m si anxnix mah? Jex si Jehovah qongw :ee.
12 Jongwsirr linw hro Nazir limx jiuw, huanhur sendix qongxx: Byc did qongw sendi'ue.
13 Knuar ar, dirr linw soxx diamr ee de, Guaw beh deh .lyc .kir; cincniu jrngx muaw diurkunw ee ciax decc drang jidngiu.
14 Gauu jauw :ee be e dytuad; iongxjongr :ee byy ladbuew, iongxbingw :ee be e qaqi qiur sniwmia;
15 Giac qringx :ee be e kia jai; kavo qinw :ee be e qaqi qiur; kiaa bew :ee be e qaqi qiur mia.
16 Qaur hitt zit, iongxsu diongx u damxlik :ee beh tngwciacteh dyjauw; jex si Jehovah qongw :ee.
3 Islaellangg ar, diyhh tniax Jehovah soxx qongw qongqig linw ee ue, dyrr si qongqig Guaw soxx cua cud Egipt-de ee juann qrex ee ue.
2 Dirr derjniu banrjok diongx, Guaw jixu bad linw; soxiw Guaw beh vran linw itcer ee juerquar.
3 Nng langg narr byy sna' iog, qamxx e snaqab qniaa?
4 Sraix narr byy qa diyc mic, qamxx e dirr ciurnaa lai hauw mah? Ser jiah iongw ee sraix narr byy soxx did .diyc, qamxx e dui' het-lai cud sniax mah?
5 Narr byy dniux uahdauh, jiauw-aw qamxx e ham lyc derjniu ee lybang mah? Lybang narr soxx did .diyc, qamxx e dui' derjniu huanx .kiw .laii mah?
6 Sniaa-lai narr vunn sauwqag, vecsnir qamxx byy qniahniaa mah? Jaieh narr qaur jitt xee sniaa, qamxx m si Jehovah soxx qangr lyc :ee mah?
7 Jruw Jehovah, narr byy ing Ix viwbit ee iwsur jixsi Ix ee lovok jiaxee sendix, dyrr longxx byy soxx qniaa.
8 Sraix decc hauw, jirjui byy qniax? Jruw Jehovah ixqing’ qongw, jirjui byy qongw sendix ee ue?
9 Diyhh dirr Asdod ee qiongden, qapp Egipt-de ee qiongden, vywiongg qongxx: Linw diyhh jurjip dirr Samalia jiaxee snuax, dyrr knuar qnir qidiongx ee dua ziauxluan, qapp hitt lairbin vyrgiok ee su.
10 In'ui inx be hiauxdid qniaa jingwdit, dyrr si ing qiongvy qapp cniuxqiab ee mic, jikju dirr inx ee qiongden lai; jex si Jehovah qongw :ee.
11 Soxiw Jruw Jehovah anxnix qongw: Beh u duiwdik laii uikunr jitt xee de, hro liw ee sewlik suebii, cniuw liw ee qiongden.
12 Jehovah anxnix qongw: Cincniu bogjiaw dui' sraix ee cuir, cniuw cud nng qix kax, iacc si vnuar der hni-aw, anxnix diamr Samalia ee Islaellangg, tex dirr bincngqag, iacc si crux siuwhuetanw ee bincngg :ee, inx ee did diyc qiur, iarr vutqyr si anxnix.
13 Jruw Jehovah, banrqunx ee Siongrder qongw: Linw diyhh tniax jitt xee ue, iarr diyhh qanjingr dirr Jakob-qrex.
14 Guaw vran Islael juerquar ee zit, iarr beh vran Betel ee jewdnuaa; dnuaqag beh siurr cywjic, duirlyc de.
15 Guaw beh huiw ix dangtnix ee cur, hertnix ee cur; cniurgee ee cur iarr beh huixbet, dua cur iarr longxx byy .kir; jex si Jehovah qongw :ee.
4 Linw Basan ee gubuw, diamr dirr Samalia Snuax :ee, diyhh tniax jitt xee ue. Linw kihu songwhionglangg, apjer qankoxlangg, duiww inx ee diongrhux qongw: Pangg jiuw laii hro guanw limx.
2 Jruw Jehovah qiw qaqi ee sxingr laii jiuwjua qongxx: Knuar ar, zidjiw beh limqaur linw, langg beh ing qaux liac linw kir, ing diywhiqaux liac linw soxx cunx :ee kir.
3 Linw dagg langg beh dui' puawkiah diddit jinwjingg kir, jauw zip Hermon; jex si Jehovah qongw :ee.
4 Linw kir Betel huanrjue, qaur Gilgal qetnix linw ee jue; dagg jaxkiw henr linw ee jewmic, muixx snax zit henr linw ee jap hxun jit;
5 Iarr henr u qnar ee mic juer siarunjer, jiong' qamsimjer laii vywiongg suantuann; Islaellangg ar, jex si linw soxx hnuahiw :ee; Jruw Jehovah qongw ix lar.
6 Guaw hro linw dirr dagg xee sniaa-lai cuiwkiw longxx byy mic tangx vro, dirr linw ee dagg soxjai kiamwkueh bixniuu; linw iauxquxx byy qui'ngr Guaw; jex si Jehovah qongw :ee.
7 Dirr siuquah ixjingg snax guehzit, Guaw qimwjiw lyc ho dirr linw hiax; Guaw lyc ho dirr jitt xee sniaa, byy lyc ho dirr hitt xee sniaa; jitt soxjai u ho, hitt soxjai byy ho, dyrr qodaa.
8 Anxnix nng~snax xee sniaa ee langg, siwqer denx qaur jit xee sniaa cue juiw, iarr byy tangx jriw kuah; linw iauxquxx byy qui'ngr Guaw; jex si Jehovah qongw :ee.
9 Guaw ing qodaa hiuxnua qongqig linw; linw ee hngg e cutsanw, linw ee pudyhngg, buhuaqyxciu, qnanaxciu, longxx hro jenxtangg jiac .kir; linw iauxquxx byy qui'ngr Guaw; jex si Jehovah qongw :ee.
10 Guaw qangr un'ik dirr linw diongqanx, cincniu dirr Egipt ee kuanw; ing dyx taii siw linw ee siauwlenlangg; linw hiaxee bew hro langg kanx .kir, ngiaa-lai ee cauwbi cringr qaur linw ee pnirkangx; linw iauxquxx byy qui'ngr Guaw; jex si Jehovah qongw :ee.
11 Guaw ciax dyw linw diongqanx quixnarr xee sniaa, cincniu Siongrder ciax dyw Sodom qapp Gomollah jidngiu, linw cincniu jit der aw caa dui' huew-diongx tiux .cud .laii; linw iauxquxx byy qui'ngr Guaw; jex si Jehovah qongw :ee.
12 Islael ar, soxiw Guaw beh anxnix kuanxtai liw; uirdiyhh Guaw beh anxnix kuanxtai liw, Islael ar, liw diyhh virvan laii qnir liw ee Siongrder.
13 Hitt xee congr snuax jy hongx, jiong' Ix ee sim'ir jixsi langg, hro jaxkiw-sii venr juer oamr, kax dac dirr de nirr quann ee soxjai :ee, Ix ee miaa dyrr si banrqunx ee Siongrder Jehovah.
5 Islael ar, diyhh tniax jitt xee ue, dyrr si Guaw soxx lun qaur linw ee aiqyx.
2 Islael ee vecsnir vuahdyw, be qycc kiw .laii; siurr hed dirr de nirr, byy langg huu ix kiw .laii.
3 In'ui Jruw Jehovah anxnix qongw: Islael-qrex ee sniaa, cud jit-cingx langg :ee, jixu cunx jit-vah; cud jit-vah :ee, jixu cunx jap xee.
4 In'ui Jehovah duiww Islael-qrex qongw: Linw diyhh cue Guaw, dyrr did diyc uac.
5 Byc did cue Betel, byc did zip Gilgal, byc did quer kir Beerseba; in'ui Gilgal dikkag hro langg liac, Betel iarr beh qruix dirr byy.
6 Linw diyhh cue Jehovah dyrr did diyc uac; qniax Ix e cincniu huew dirr Josef ee qrex huad cud, dirr Betel siyx, byy langg pah srid.
7 Linw jiaxee hro qongvingg venr juer indinn, jiong' qonggi hed dirr de nirr :ee,
8 Linw diyhh cue hitt xee, jy Bauxcnix qapp Camcnix, hro siximr venr juer jaxkiw-sii, hro zit .sii venr juer oamwmii; qiyr haixjuiw laii vniar dirr de nirr :ee, Ix ee miaa si Jehovah;
9 Ix hro qiongbingw :ee hutzenn duw diyc vairbyy, drir qaur uersow duw diyc vairbyy.
10 Jiaxee langg uanwhun hitt xee dirr sniamngg jikvi langg :ee, iamwngor hitt xee qongw jingwdid'ue :ee.
11 In'ui linw tunxdac songwhionglangg, ligsig ix ee bec, soxiw linw ing diaudog ee jiyc kiw cur, jongwsirr be did diyc kia dirr hitt lairbin; jaijingr hyw ee pudyhngg, iarr byy tangx limx ix ee jiuw.
12 In'ui Guaw jaix linw ee juerquar, jnaixngiu ee jue, linw ee pnaiw, jnaixngiu ee jue, linw ee pnaiw, jnaixngiu ee dua; linw pnaiw kuanxtai girlangg, siurr vowlo, dirr sniamngg kauw uan'ongw songwhionglangg.
13 Soxiw tongdat ee langg knuar qnir jitt hy siser, beh jing jing byy qongxue; in'ui siser jin' pnaiw.
14 Linw diyhh qriuu hyw, m tangx qriuu pnaiw, hro linw did diyc uac; anxnix Jehovah, banrqunx ee Siongrder beh qapp linw dilehh, jiauww linw soxx qongw.
15 Diyhh uanwhun pnaiw, air hyw, dirr sniamngg qniaa qonggi ee simxpnuar, qiamxcaiw Jehovah, banrqunx ee Siongrder, beh six xunx dirr Josef cunx ee vecsnir.
16 Soxiw Jruw, banrqunx ee Siongrder Jehovah anxnix qongw: Dirr itcer kuikuah ee soxjai beh u aikaur, dirr dagg diauu quelo beh u langg qongw: Camw ar, camw ar! Qycc beh qiyr jyccanlangg laii tikaur, qiyr gauu cniur aiqyx :ee laii aikaur.
17 Dirr longxjongw ee pudyhngg iarr beh aikaur; in'ui Guaw beh dui' liw diongqanx qingquer; jex si Jehovah qongw :ee.
18 Linw ngwbang Jehovah ee zit :ee, u jaieh ar! Hitt zit si amr, m si qngx.
19 Si cincniu langg siamxvi sraix laii jauw, qycc duw diyc himm; zip cur, ciuw uaw viah, dyrr hro juaa qa .diyc.
20 Jehovah ee zit qamxx m si amr amr byy qngx, oamr byy qngbingg mah?
21 Guaw iamwngor knuawkinx linw ee jecqii, iarr byy hnuahiw linw ee giamsiokhue.
22 Linw suizenn henr siyjer qapp linw ee sowjer hro Guaw, Guaw iarr byy hnuahiw; linw henr vuii ee jingsnix juer siarunjer, Guaw byy beh qamwlap.
23 Diyhh hro linw cniuwquax ee sniax lirkuix Guaw; in'ui linw dnuaa kimm ee diau, Guaw byy beh tniax.
24 Dogdok diyhh hro qongvingg cincniu dua juiw diddit lrauu, hro qonggi cincniu dnglauu ee qanghyy.
25 Islael-qrex ar, linw dirr kongwiaw sir-jap nii, u ing jewsu qapp lexmic henr hro Guaw .byy?
26 Linw qrngx linw ee ongg Sakkut, qapp linw ee sxiong Kaiuan, dyrr si linw ee siongrder ee cnxix, uirdiyhh vunxsinx soxx jy :ee.
27 Soxiw Guaw beh hro linw siurr liac qaur Damaskus ee guarbin; jex si Jehovah qongw :ee, Ix ee miaa si banrqunx ee Siongrder.
6 Dirr Zion byy kuawlu :ee, dirr Samalia Snuax liac juer unxdangr :ee, dirr banrqog diongx juer derr id qog ee siuxlingw, dyrr si Islael-qrex soxx qui'uaw :ee, u jaieh ar.
2 Linw diyhh kir Kalneh laii knuar, dui' hiax kir quar dua sniaa Hamat; qycc lyc kir Filist ee Gat; inx qamxx u kacc ngiaa jiaxee qog mah? Inx ee qingxqair viw linw ee qingxqair kacc kuah mah?
3 Linw qaqi liac juer qangr jaieh ee zit iauxquxx hng, hro vyrgiok ee jyrui qinruaw.
4 Linw dyw dirr cniurgee ee bincngg, tex dirr kongwcngg, jiac ngiuu-qrunn diongx ee ngiuu-aw, qapp diauu-lai ee guu-aw,
5 Dnuaa kimm dnuaa srig, cniur la'ingg ee quakig, uirr qaqi juer gagkir, cincniu David.
6 Ing nguaw limx jiuw, ing siongrr hyw ee iuu qaqi buah; jongwsirr byy uirr Josef ee vairhuai dam'iux.
7 Soxiw inx beh dirr siurr liac ee langg ee diongqanx dairsingx siurr liac; tex dirr kongwcngg ee langg inx ee enwlok beh byy .kir.
8 Jruw Jehovah qiw qaqi laii jiuwjua qongxx: Guaw iamwjen Jakob ee inghuaa, uanwhun ix ee qiongden; in'ui anxnix, Guaw beh jiong' sniaa, qapp qidiongx soxu :ee, longxx qauhur duiwdik.
9 Hitt sii narr cunx jap langg dirr jit qingx cur, iarr longxx beh siw;
10 Sixlangg ee qaicinx, dyrr si siyx ix ee sinsix :ee, qra ix huu .kiw .laii, beh duar ix ee sihaii cud cur-gua, dyrr mng lairvangg ee langg qongw, "Liw hiax iauxx u langg .byy?" Ix rinr qongxx, "Byy." Ix dyrr qongw, "M tangx cud sniax; in'ui lanw m tangx qongw kiw Jehovah ee miaa."
11 Knuar ar, Jehovah cud bingrling, pah dua qingx cur hro ix cruir cruir, pah ser qingx cur hro ix lic lic .kuix.
12 Bew qamxx e pauw dirr jiyhvnuaa dingw mah? Langg qamxx e ing guu lee dirr hiax mah? Linw qingwzenn hro qongvingg venr juer koxdnaw, hro qonggi ee quexjiw venr juer indinn.
13 Linw hnuahiw huqew ee su, iarr qongw: Guanw qamxx m si ing qaqi ee kuixwlat cruw nng qix qag mah?
14 Jehovah, banrqunx ee Siongrder qongw: Knuar ar, Islael-qrex, Guaw beh hingx kiw jit qog qongqig linw; inx beh koxcow linw, dui' zip Hamat ee lo qaur Alabah ee kex.
7 Jruw Jehovah hro guaw knuar qnir jit hxang; knuar ar, qra ongg quah cauw liauxau, cauw qycc huatsnix; duxaxx qycc huad ee sii, Ix hro cauxmeh cud.
2 Cauxmeh jiac uann hitt xee qingxlai cnicuir ee mic, guaw dyrr qongw, "Jruw Jehovah ar, qriuu Liw siawbenw; Jakob taixtyw kia e diauu ar? In'ui ix si biser."
3 Jehovah uirr jitt xee su tewhuew; Jehovah qycc qongw, "Jitt xee su byy beh jniaa."
4 Jruw Jehovah qycc hro guaw knuar qnir jit hxang; knuar ar, Jruw Jehovah qiyr huew laii jikhuat; huew itjin siyx cim'enx, iarr beh tunjiac de;
5 Guaw dyrr qongw, "Jruw Jehovah ar, qriuu Liw tingjiw; Jakob taixtyw kia e diauu ar? In'ui ix si biser."
6 Jehovah uirr jitt xee su tewhuew; Jruw Jehovah qycc qongw, "Jitt xee su iarr byy beh jniaa."
7 Ix qycc hro guaw knuar qnir jit hxang; knuar ar, u jit jua cniuu si jiauww jinsnuar kiw :ee; Jruw kia dirr hitt dingxbin, ciuw tec jinsnuar.
8 Jehovah duiww guaw qongw, "Amos ar, liw knuar qnir simxmih?" Guaw qongw, "Knuar qnir jinsnuar." Jruw qongw, "Knuar ar, Guaw beh kanx jinsnuar dirr Guaw ee vecsnir Islael diongx; Guaw byy beh qycc kuansur inx.
9 Isaac ee snuataudnuaa beh pahngx, Islael ee sxingr sow beh honghuer; Guaw beh kiw .laii, ing dyx qongqig Jeloboam ee qrex."
10 Dngsii Betel ee jewsix, Amaziah, crex langg qaur Islael Ongg Jeloboam hiax, qongw, "Amos dirr Islael ee jok-diongx qewboo qongqig liw; jitt xee derhngx be kamx did ix qongw jiaxee ue.
11 In'ui Amos anxnix qongw, 'Jeloboam beh hro dyx taii siw, Islael ee vecsnir quatduanr beh siurr liac lirkuix vunxsoxjai.'"
12 Amaziah qycc duiww Amos qongw, "Liw jitt xee senqenr ar, kir ar, diyhh jauw kir Judah-de, dirr hiax tanwjiac, dirr hiax juer sendix.
13 Jongwsirr m tangx qycc dirr Betel qongw sendi'ue; in'ui dirr jiax u ongg ee sxingr sow, u ongqex ee qiongden."
14 Amos dyrr duiww Amaziah qongw, "Guaw vunw m si sendix, iarr m si sendix ee qniaw; guaw si cri jingsnix ee langg, qycc si dirliw sngjaiciu :ee.
15 Guaw decc qor ngiuu-qrunn ee sii, Jehovah qingxdiaur guaw, Jehovah duiww guaw qongw, 'Kir ar, duiww Guaw ee vecsnir Islael suantuann.'
16 Dnaxx liw diyhh tniax Jehovah ee ue; liw qongw, 'M tangx suantuann laii qongqig Islael, m tangx qongxue laii qongqig Isaac ee qrex.'
17 Soxiw Jehovah anxnix qongw, 'Liw ee bow beh dirr sniaa-lai juer ciongqix, liw ee qniaw jaboxqniaw beh siw dirr dyx-xe; liw ee de, langg beh ing syh nriuu laii vunx ix; liw vunxsinx beh siw dirr uwuer ee soxjai; Islael ee vecsnir quatduanr beh siurr liac lirkuix vunxsoxjai.'"
8 Jruw Jehovah hro guaw knuar qnir jit hxang; guaw knuar qnir jit kingx hertnix ee quexjiw.
2 Ix qongw, "Amos ar, liw knuar qnir simxmih?" Guaw qongw, "Knuar qnir jit kingx hertnix ee quexjiw." Jehovah dyrr duiww guaw qongw, "Guaw ee vecsnir Islael ee buadqii qaur lar; Guaw dikkag byy qycc kuansur inx."
3 Jruw Jehovah qongw, "Hitt zit qiongden ee cniuwquax beh venr juer tikaur; beh u jerje sinsix dirr dagg soxjai hetqag, langg longxx jing jing."
4 Linw jiaxee air tunjiac songwhionglangg, hro jitt soxjai ee kunwkoxlangg suevai :ee, diyhh tniax jitt xee ue.
5 Linw qongw: Guec ee ceid simxmih sii quer .kir, hro guanw tangx tiyr gnoxqog? Anhiyczit simxmih sii quer .kir, hro guanw tangx bre bec, ing ser ee efah, ing dang ee sekel, ing kuixjar ee tenvingg laii penr langg;
6 Tangx ing ginn brew songwhionglangg, ing jit siangx ree ngua qingciah ee langg, jiong' pnaiw ee bec bre hro langg?
7 Jehovah qiw Jakob ee inghuaa laii jiuwjua qongxx: Inx longxjongw ee soxx juer, Guaw ingxuanw byy be qir .did. Jitt xee de qamxx byy beh in'ui anxnix laii iycuah, kiarkiw hitt diongqanx :ee, qamxx byy beh vi'aix mah?
8 Jitt xee de beh cincniu Duarhyy diongr .kiw .laii; iarr beh dinxdang, trer qe cincniu Egipt Hyy.
9 Jruw Jehovah qongw: Qaur hitt zit, Guaw beh hro zidtauu dirr ziddiongdaur dyrr lyc .kir, hro de dirr dngtauu vehzit venr oamr.
10 Guaw beh hro linw ee jecqii venr juer vi'aix, quakig longxx venr juer aiqyx, beh hro jingwlangg iyx haa muavor, taukag byy vnuar qix xmngg; qycc hro ix vi'aix cincnu siw qosnix ee qniaw, qaur buew cincniu tongwkow ee zit jidngiu.
11 Jruw Jehovah qongw: Knuar ar, zidjiw beh qaur, Guaw beh hro qihngx qaur dirr jitt soxjai, qihngx m si in'ui byy vniaw, cuiwdax m si uirdiyhh byy juiw, si in'ui byy tangx tniax Jehovah ee ue.
12 Inx beh siwqer kir, dui' jitt xee haiw qaur hitt xee haiw, dui' vag qaur dangx; jauw laii jauw kir, cuerqiuu Jehovah ee ue, iarr cue byy.
13 Dng' hitt zit, suiw ee jairsikluw qapp siauwlenn ee davolangg beh in'ui cuiwdax laii hrun .kir.
14 Hiaxee qiw Samalia ee jue laii jiuwjua, qycc qiw Dan uac ee Siongrder laii jiuwjua; qycc qiw Beerseba ee uahlo laii jiuwjua :ee, inx dikkag vuahdyw, ingx be qycc kiw .laii.
9 Guaw knuar qnir Jruw kia dirr jewdnuaa vnix; Ix qongw: Liw diyhh pah tiaudauw, hro mngding dinxdang; paccuir ix laii siongx diyc jingwlangg ee taukag; inx soxx cunx ee langg, Guaw beh ing dyx taii, byy jit xee jauw e li; byy jit xee u did diyc qiur.
2 Inx suizenn qrut qaur imqanx, Guaw ee ciuw beh dui' hiax liac inx cud .laii; suizenn jnriu qaur tnix, Guaw beh dui' hiax liac inx lyc .laii;
3 Suizenn bih dirr Karmel Snuax-dingw, Guaw beh ciaucue, dui' hiax liac inx cud .laii; suizenn siamxvi Guaw ee bagjiux, bih dirr haixdew, Guaw beh dui' hiax bingrling juaa, ix beh qa inx;
4 Suizenn siurr liac dirr duiwdik ee binrjingg, Guaw beh dui' hiax bingrling dyqiamr, ix beh taii inx; Guaw beh juwbak knuar ix, si beh qangr jaieh, m si beh qangr hokkir.
5 In'ui Jruw banrqunx ee Jehovah bongx de, de dyrr siau'ngiuu; qniwnarr kiarkiw hitt diongqanx :ee beh vi'aix, juann de beh cincniu Duarhyy diongr .kiw .laii, iarr beh trer qe cincniu Egipt Hyy.
6 Dirr tnix-dingw kiw Ix ee vangqingx, dirr derjniu he qiongcongx ee derqix, qiyr haixjuiw laii vniar dirr de nirr :ee, Ix ee miaa si Jehovah.
7 Jehovah qongw: Islaellangg ar, Guaw qamxx byy knuar linw cincniu Kuslangg mah? Guaw qamxx m si cua Islaellangg cud Klete, Alamlangg cud Kir mah?
8 Knuar ar, Jruw Jehovah juwbak beh dui' derjniu bet ix; jongwsirr byy beh itjin bet Jakob ee qrex, jex si Jehovah qongw :ee.
9 Knuar ar, Guaw beh cud bingrling, dirr banrqog diongx vuar gnoxqog, byy jit laip ding :ee qalauc de.
10 Guaw ee vecsnir diongqanx longxjongw u jue ee langg qongw, 'Jaieh be zib diyc guanw, iarr be duw diyc guanw :ee', inx beh siw dirr dyx-xe.
11 Qaur hitt zit David ixqing’ dyw ee vowvnii, Guaw beh qycc qra ix kia .kiw .laii, iarr beh vow ix ee puawkiah, beh kiw ix hiaxee dyxhuai :ee, laii qenwlip ix, cincniu jaxsii jidngiu;
12 Hro inx did diyc Edom iauxx cunx :ee juer giap, iarr did diyc hiaxee ing Guaw ee miaa laii cxingx ee guarvangx. Jex si qniaa jitt xee su ee Jehovah soxx qongw :ee.
13 Jehovah qongw: Knuar ar, zidjiw beh qaur, lee cann :ee beh zib diyc siuquah :ee, dac pudyy :ee beh zib diyc ia jxingw :ee; dua snuax beh dih dnix juiw, siyw snuaw beh lrauu nix.
14 Guaw beh hro Guaw ee vecsnir Islael siurr liac :ee dywdngw .laii; inx beh qycc kiw honghuer ee sniaa laii kiarkiw, jraix pudyhngg, laii limx ix ee jiuw, jyc hngg, laii jiac ix ee quexjiw.
15 Guaw beh jaivuee inx dirr vunxtoxde; inx byy qycc duw diyc vuic cud dirr Guaw soxx hro inx ee de; jex si Jehovah, liw ee Siongrder qongw :ee.