Galata ee Puex
SXINGR PAUL SIAW HRO GALATALANGG EE PUEX
1 Paul juer suwdoo (m si cud dirr langg, iarr m si dui' langg, si dui' Jesus Krist qapp hro Ix dui' sixlangg diongx qycc uac ee Ve Siongrder)
2 Dnaxx qapp dangjee dilehh ee jiongww hniadi, puex qiar hro Galata jiaxee qauwhue:
3 Guan linw dui' Ve Siongrder qapp lanw ee Jruw Jesus Krist did diyc undenw ving'anx.
4 Ix uirdiyhh lanw ee jue henr qaqi, beh qiur lanw cud henrjai pnaiw ee sewdai, dyrr si jiauww lanw ee Ve Siongrder ee jixir;
5 Guan ingqngx qruix Ix qaur dairdai. Amen.
6 Jingg dirr Krist ee xunx driaur linw :ee, guaw qiquair linw jiacc qinw dyrr lirkuix Ix, kir tranr vadd ngiu ee hog'imx.
7 Hitt xee vadd xee m si hok'imx, vutqyr u langg qiauxziauw linw, rair pacluan Krist ee hok'imx nardnia.
8 Dnaxx setsuw guanw, iacc si dui' tnix laii ee tnisair tuann hok'imx hro linw, qyc'ngiu dirr guanw soxx bad tuann hro linw :ee, ix diyhh siurr jiuwjow.
9 Cincniu guanw jingg bad qongw :ee, dnaxx guaw qycc qongw ix, dyrr si narr u langg tuann hok'imx hro linw, qyc'ngiu dirr linw soxx bad sriu :ee, ix diyhh siurr jiuwjow.
10 Guaw dnaxx si decc duiww langg tiamxmi mah? Iacc si duiww Siongrder ar? Iacc si guaw decc qriuu hro langg hnuahiw ar? Guaw narr iauxquxx rair hro langg hnuahiw, dyrr m si Krist ee lovok.
11 Hniadi ar, guaw vyr linw jaix, lun guaw vingsor soxx tuann ee hok'imx, hitt xee m si jiauww langg ee iwsur.
12 In'ui guaw m bad dui' langg sriu .diyc, iarr byy siurr langg qawsi, si dui' Jesus Krist ee kexsi.
13 Linw bad tniax qnir guaw jingg dirr Judea soxx qniajuer :ee, dyrr si kunxdiok Siongrder ee qauwhue jin' tiamw, beh laii qra pywhuai.
14 Qycc dirr Judea Qxaur, guaw viw vunxjok dangvuer ee jerje langg kacc jinwvo, uirdiyhh guaw joxjongx ee uituann qyckacc zedsimx.
15 Danrsi hitt xee dui' guanw laurbuw ee txex hunvet guaw, ing Ix ee undenw driaur guaw ee Siongrder,
16 Qiwzenn hnuahiw jiong' Ix ee Qniaw henxbingg dirr guaw, beh hro guaw suantuann Ix dirr guarvangx, guaw dyrr byy qapp langg camsiongg,
17 Iarr byy jnriu Jelusalem jiurqin hiaxee dairsingx guaw juer suwdoo :ee; dogdok kir Alabia, qycc dywdngw laii Damaskus.
18 Snax nii au guaw jnriu Jelusalem, kir tamr Peter, qapp ix druar jap-go zit.
19 Qi'uu ee suwdoo, druu kir Jruw ee hniadi James ixgua, guaw longxx byy qnir .diyc.
20 Dnaxx guaw soxx siaw hro linw :ee, guaw dirr Siongrder ee binrjingg byy vehcat.
21 Au .laii guaw qaur Sylia qapp Cilicia ee derhngx.
22 Hitt sii sriok Judea-de diamr dirr Krist jiaxee qauwhue, iauxquxx m bad guaw ee bin;
23 Inx qandna' tniax qnir qongxx, jingg kunxdiok lanw :ee, dnaxx tuann ix vingsor soxx hamrhai ee qxaur. Inx dyrr in'ui guaw, qruix ingqngx Siongrder.
2 Quer jap-sir nii, guaw qapp Barnabas qycc jnriu Jelusalem, iarr cua Titus snaqab kir.
2 Guaw si hrong kexsi jiacc jnriu .kir, qycc jiong' guaw dirr guarvangx soxx tuann ee hok'imx duiww inx vailet, si lingrgua duiww u bingbong ee langg vailet, benw did guaw henrjai iacc si ixjingg soxx qniaa :ee qruix dirr kangx kangx.
3 Qapp guaw kir ee Titus, si Gleeklangg, byy langg benxqiongw ix diyhh siurr qatlew.
4 Si in'ui u amwjni inxjinr .laii .ee qew ee hniadi, inx amwjni zip laii taux knuar guanw diamr dirr Krist Jesus soxx u ee juriuu, beh hro guanw jniaa juer lovok.
5 Guanw m bad jidsii hanghok laii niu inx, si beh hro hok'imx ee jinliw dngdngg jrunn dirr linw diongqanx.
6 Duiwdirr hiaxee hy juer u bingbong ee langg, bylun inx jingg si simxmih dringw hy ee langg, dirr guaw byy juac; Siongrder byy ing guarmau cruw langg. Hiaxee u bingbong ee langg dirr guaw byy qetnix simxmih.
7 Huanxdngw si anxnix, inx knuar qnir Jruw tokdiong guaw tuann hok'imx hro bue siurr qatlew :ee,
8 Cincniu tokdiong Peter tuann hok'imx hro ixqing’ siurr qatlew :ee, (in'ui Ix cud lat qniaa dirr Peter, hro ix juer siurr qatlew :ee ee suwdoo, Ix iarr cud lat qniaa dirr guaw, hro guaw juer guarvangx ee suwdoo),
9 Qycc jaix soxx sniuxsur guaw ee undenw, dyrr si James, Cefas, qapp Johan, langg knuar juer tiaurjiyc :ee, inx crunx jniawciuw qapp guaw cam' Barnabas sna' qauvuee, hro guanw kir jiurqin guarvanglangg, iarr u kir jiurqin siurr qatlew :ee;
10 Dogdok rair guanw siauwliam songwhionglangg, jex iarr si guaw vunw diwir decc qniaa :ee.
11 Dngdongx Peter qaur Antioc ee sii, ix u huanrjue, guaw dngbin dixdik ix.
12 In'ui u quixnarr langg dui' James hiax laii, iauxx bue qaur ee sii, ix qapp guarvanglangg snaqab jiac; inx ixqing’ qaur, ix qniax siurr qatlew ee langg, dyrr trer kuix laii qapp guarvanglangg hunvet.
13 Qi'uu ee Judealangg iarr qapp ix jngjuer, drir qaur lenrr Barnabas iarr dui' inx ee jngjuer siurr inxiuw.
14 Jongwsirr guaw knuar qnir inx byy jiauww dit qniaa laii tranr hok'imx ee jinliw, dyrr dirr jiongww langg ee binrjingg qra Peter qongw, "Liw si Judealangg, juewlangg qiwzenn cincniu guarvanglangg, byy cincniu Judealangg. Sniaw su decc benxqiongw guarvanglangg yc Judealangg ar?"
15 Lanw cutsir juer Judealangg, m si guarvangx ee juerzinn.
16 Qiwzenn jaix langg did diyc cxingx juer gi m si tranr ludhuad, dogdok dui' sinr Jesus Krist, lanw iarr u sinwkyr Krist Jesus, hro lanw dui' sinr Krist did diyc cxingx juer gi, m si dui' tranr ludhuad, in'ui dui' tranr ludhuad byy langg e did diyc cxingx juer gi.
17 Dnaxx setsuw lanw decc qriuu dirr Krist did diyc cxingx juer gi, iarr qaqi iauxquxx henxcud juer u jue ee langg, anxnix Krist si juerog ee ce'ing mah? Duanrduan m si;
18 In'ui guaw narr qycc kiw guaw jingg soxx huiw :ee, dyrr si viauxbingg qaqi juer huanrhuad ee langg.
19 In'ui guaw dui' ludhuad, dyrr ngr ludhuad ixqing’ siw, beh hro guaw ngr Siongrder laii uac.
20 Guaw bad qapp Krist qangg dingr sibzirqer; guaw iauxquxx decc uac, m si iuguann ee guaw, si Krist diamr dirr guaw decc uac; qycc guaw henrjai dirr ziogtew soxx u ee uac, si jairdirr sinr Siongrder ee Qniaw laii uac, Ix bad tniar guaw, ter guaw henr qaqi.
21 Guaw byy huewbyy Siongrder ee undenw; in'ui dui' ludhuad narr e did diyc gi, dyrr Krist byy indnuax laii siw.
3 Gong ee Galatalangg ar, Jesus Krist dingr sibzirqer ixqing’ hing'iongg jin' bingg dirr linw ee bagjiux jingg, dnaxx linw hro jirjui bee .kir .ar?
2 Guaw qandna' mng linw jit hxang, linw jingg sriu diyc Singwsinn si dui' tranr ludhuad laii qniaa, iacc si dui' tniax laii sinr ar? Linw qamxx qaur jiacc gong mah?
3 Linw qiwzenn dirr Singwsinn juer kixtauu, dnaxx dirr ziogtew jniaa buew mah?
4 Linw siurr hiacc je hxang ee qankow qamxx kangx kangx mah? Jongw byy jinjniar kangx kangx ar.
5 Hitt xee sniuxsur linw Singwsinn, qycc cud lat qniaa jiaxee quanlingg dirr linw diongqanx :ee, si dui' linw tranr ludhuad laii qniaa, iacc si dui' linw tniax laii sinr ar?
6 Cincniu Ablaham sinr Siongrder, dyrr qra ix sngr juer gi.
7 Soxiw linw diyhh jaix qniwnarr sinr ee langg dyrr si Ablaham ee qniaxsunx.
8 Singwqingx dairsingx knuar cud Siongrder beh hro guarvanglangg dui' sinr cxingx juer gi, dyrr dairsingx tuann hok'imx hro Ablaham, qongw, "Banrvangx beh dui' liw did diyc hokkir."
9 Kyxqenr qniwnarr sinr ee langg qapp u sinr ee Ablaham dangjee did diyc hokkir.
10 Qniwnarr kyr vunxsinx qniaa ludhuad :ee longxx siurr jiuwjow, in'ui u qiwjair qongxx, "Qniwnarr byy dngdngg jiauww ludhuad ee ceh longxjongw soxx qiwjair laii qniaa :ee, diyhh siurr jiurjow."
11 Dnaxx narr kyr ludhuad, byy langg dirr Siongrder ee binrjingg cxingx juer gi, jex si binghenw :ee, in'ui, "gi ee langg beh dui' sinr laii uac."
12 Ludhuad m si dui' sinr, dogdok "qniaa jiaxee ee, beh dui' jiaxee laii uac."
13 Krist ixqing’ sioghuee lanw tuatli ludhuad ee jiuwjow, Ix uirdiyhh lanw jniaa juer jiuwjow, in'ui u qiwjair qongxx, "Qniwnarr diaur dirr caa nirr :ee siurr jiuwjow";
14 Beh hro Ablaham ee hokkir, dui' Krist Jesus, suar qaur dirr guarvangx, hro lanw dui' sinr did diyc soxx ingwunw ee Singwsinn.
15 Hniadi ar, guaw jiauww langg ee dairjir laii qongw: suizenn si langg ee iog, narr ixqing’ dniardiyc, dyrr byy langg qra ix huewbyy iacc si qetnix.
16 Dnaxx jiaxee ingwunw si duiww Ablaham ixqip ix ee Horer qongw. Ix byy qongw, "Ixqip liw ee hiaxee horer", cincniu qiw jerje langg; si qongw, "Ixqip liw ee Horer", cincniu decc qiw jit langg nardnia, dyrr si Krist.
17 Dnaxx guaw qongw, Siongrder soxx dairsingx dniardiyc ee iog, m si hitt xee sir-vah snax-jap nii au ee ludhuad soxx e qra ix huewbyy, drir qaur soxx ingwunw :ee qruix dirr kangx kangx.
18 In'ui singjiab qegiap, narr si dui' ludhuad, dyrr byy dui' ingwunw; danrsi Siongrder unsur Ablaham si jiauww ingwunw.
19 Anxnix ludhuad si jnaixngiu? Si uirdiyhh jiaxee quewsid laii sed, tingwhau hitt xee did diyc ingwunw ee horer qaur; qycc dui' tnisair, qingquer diongvyw ee ciuw, laii sed.
20 Dnaxx diongvyw m si juer jit xee ee diongvyw, narr Siongrder si jit xee.
21 Anxnix ludhuad qapp Siongrder ee ingwunw duiwqec mah? Duanrduan m si. In'ui narr bad tuann jit xee e hro langg uac :ee ee ludhuad, dyrr gi sidjai si dui' ludhuad.
22 Danrsi Singwqingx ixqing’ jiong' banrlangg uii dirr juerog lai, beh hro soxx ingwunw :ee, tangx dui' sinr Jesus Krist, laii sniuxsur hiaxee sinr ee langg.
23 Jitt xee sinr bue qaur ee dairsingx, lanw siurr qowsiuw dirr ludhuad xe, uii lecc laii tingwhau beh henxbingg ee sinr.
24 Anxnix ludhuad si juer quanwqor ginxaw :ee, cua lanw qaur Krist, hro lanw dui' sinr laii cxingx juer gi.
25 Narr si sinr ixqing’ qaur, dyrr byy qycc hanghok dirr quanwqor ginxaw :ee.
26 In'ui linw dui' sinwkyr Krist Jesus, longxx juer Siongrder ee qniaw.
27 In'ui linw qniwnarr siurr sexlew laii zip dirr Krist :ee, si bad cing Krist.
28 Byy u Judealangg iacc si Gleeklangg, lovok iacc si juriuu :ee, davolangg iacc hurzinlangg ee hunvet;
29 In'ui linw dirr Krist Jesus longxx si jit xee. Linw narr sriok Krist dyrr juer Ablaham ee horer, jiauww ingwunw laii juer horsuu.
4 Dnaxx guaw qongw juer horsuu :ee suizenn si juangiap ee jruw, ix iauxx juer ginxaw ee sii, qapp lovok byy qyc'ngiu;
2 Ix hanghok qamdog :ee qapp quanxqex, tingwhau laurve soxx hanrdnia ee qrii qaur.
3 Cincniu anxnix, lanw juer ginxaw ee sii, iarr juer lovok, hanghok jitt sewqanx ee siauxhak.
4 Narr si qaur hitt xee sii ixqing’ muaw, Siongrder crex Ix ee Qniaw, dui' hurzinlangg laii cutsir, cutsir dirr ludhuad xe,
5 Laii sioghuee ludhuad xe ee langg, hro lanw siurr setlip juer qniaw.
6 Uirdiyhh linw u juer qniaw, Siongrder dyrr crex Ix ee Qniaw ee Sinn zip lanw ee simx, auqiyr qongxx, "Avar, Ve ar."
7 Cincniu anxnix, liw m si iuguann juer lovok, si juer qniaw; qiwzenn juer qniaw, dyrr dui' Siongrder laii juer horsuu.
8 Danrsi dongsii linw m bad Siongrder, juer hiaxee singsingg m si siongrder :ee ee lovok.
9 Dnaxx linw ixqing’ bad Siongrder, kacc hyw si qongxx hro Siongrder soxx bad, jnaixngiu dywdngw qycc ngr hiaxee nngxjniaw, kangx kangx ee siauxhak, dyrr si linw soxx rair qycc dingjaiww juer inx ee lovok :ee ar?
10 Linw diwir siuw zit, guec, jeh, nii.
11 Guaw ter linw jin' qniax, qniax guaw soxx uirdiyhh linw diyhbuaa :ee e kangx kangx.
12 Hniadi ar, guaw qriuu linw diyhh cincniu guaw, in'ui guaw iarr cincniu linw. Linw longxx m bad kikkuix guaw.
13 Linw jaix guaw tauu jit vaiw tuann hok'imx hro linw, si in'ui ziogtew ee luanxziok.
14 Hitt diap uirdiyhh guaw ee ziogtew linw u siurr cir, iauxquxx byy knuawkinx, iarr byy iamwjen guaw; si jiaplap guaw cincniu Siongrder ee tnisair; iarr cincniu Krist Jesus jidngiu.
15 Linw dongsii soxx hnuahiw ee hokkir dirr daxlyc? Setsuw e juer .did, linw dyrr iarr beh iah linw ee bagjiux hro guaw; jex guaw qanjingr linw.
16 Dnaxx guaw ing jinsit qra linw qongw, suacc jniaa juer linw ee qiusiuu mah?
17 Inx qapp linw cinzet, m si hyw ir, si rair qecdng linw, hro linw qapp inx cinzet.
18 Dogdok dirr hyw su laii siongsiongg qapp linw cinzet :ee, m na guaw qapp linw dilehh ee sii anxnix, si hyw.
19 Guaw ee sewqniaw ar, guaw uirr linw qycc siurr singsanw ee qankow, qaur Krist ee hingjong jniaa dirr linw ee simx;
20 Jitt diap guaw jin' air qapp linw dilehh, tangx ngua jit kuanw sniax; in'ui guaw uirdiyhh linw diuduu.
21 Linw rair hanghok ludhuad :ee, diyhh qra guaw qongw, linw qamxx byy tniax qnir ludhuad mah?
22 In'ui u qiwjair qongxx, "Ablaham u nng xee qniaw, jit xee si luxvi snix :ee, jit xee si juriuu :ee snix :ee."
23 Hitt xee dui' luxvi :ee, si jiauww ziogtew laii snix; hitt xee dui' juriuu :ee, si dui' ingwunw laii snix.
24 Jiaxee longxx u piwzu dilehh; in'ui hitt nng xee hurzinlangg si juer nng xee iog; jit xee cud dirr Sinai Snuax, soxx snix :ee juer lovok, dyrr si Hagar.
25 Jitt xee Hagar si qiw Alabia ee Sinai Snuax, qycc qapp henrjai ee Jelusalem siang lui, in'ui Jelusalem qapp ix jiaxee qniaw longxx juer lovok.
26 Dogdok dirr dingxbin ee Jelusalem si juriuu, si lanw ee laurbuw.
27 In'ui u qiwjair qongxx, "Byy huai'in, byy snix qniaw :ee, diyhh hnuahiw; byy u singsanw ee qankow :ee, diyhh cud dua sniax laii qiyr; in'ui qaqi druar ee hurzinlangg, viw u diongrhux :ee, ix ee qniaw iauxx kacc je xee."
28 Hniadi ar, lanw cincniu Isaac, si juer ingwunw ee qniaw.
29 Dongsii jiauww ziogtew laii snix :ee kunxdiok jiauww Sinr laii snix :ee, jitt diap iarr si anxnix.
30 Mrquxx Singwqingx qongw jnaixngiu? "Diyhh qnuaw cud luxvi qapp ix ee qniaw, in'ui luxvi ee qniaw quatduan be tangx qapp juriuu :ee ee qniaw dangjee singjiab giap."
31 Hniadi ar, anxnix lanw m si luxvi ee qniaw, si juriuu :ee ee qniaw.
5 Krist tauxvangr lanw juer juriuu, soxiw linw diyhh kia jai, byc did qycc qruar diyc hitt xee juer lovok ee dnax.
2 Guaw Paul qra linw qongw, linw narr siurr qatlew, Krist dyrr byy lirig dirr linw.
3 Guaw qycjaiww duiww dagg xee siurr qatlew ee langg jingwbingg, ix diyhh qniaa jiaujngg ee ludhuad, cincniu kiamwjer diyhh hingg.
4 Linw air dui' ludhuad cxingx juer gi :ee, si ixqing’ qapp Krist juaddng, ixqing’ dui' undenw ee xui lud .lyc .kir.
5 In'ui lanw uaxkyr Sinn, dui' sinr decc tingwhau soxx ngwbang ee gi.
6 In'ui diamr dirr Krist Jesus siurr qatlew iacc byy siurr qatlew, longxx byy qonghau, dogdok sinr, dui' zin'air laii qniaa :ee, jiacc u qonghau.
7 Linw jingg si gauu jauw; jirjui joxdongr linw drir qaur linw byy tranr jinliw ar?
8 Hitt hy ee koxkngr m si dui' driaur linw :ee cud.
9 Damrvyc ee qnar e huad qui' sngg.
10 Guaw diamr dirr Jruw cimx sinr, linw vutdir u vadd ngiu ee simjir; dogdok qiauxziauw linw :ee, bylun si simxmih langg, ix beh siurr griw jue.
11 Hniadi ar, guaw narr iauxdecc tuann qatlew, sniaw su iauxquxx siurr kunxdiok ar? Anxnix, sibzirqer :ee juer tatgai, ixqing’ huewbyy :ar.
12 Guan hiaxee pacluan linw :ee jiong' qaqi quah dng.
13 Hniadi ar, linw siurr driaur si laii did diyc juriuu; dogdok byc did ing juriuu juer ziogtew ee qiquanx, si diyhh dui' zin'air sna' hogsai.
14 In'ui juann ludhuad vauhamm dirr jit qxur, dyrr si qongxx, "Tniar cuwvnix cincniu qaqi."
15 Setsuw linw sna' tunqa, qniax e sna' bedbyy; linw diyhh qinxsin.
16 Dnaxx guaw qongw, linw diyhh jiauww Sinn laii qniaa, dyrr byy jniaa ziogtew ee su'iok.
17 In'ui ziogtew qongqig Sinn, Sinn qongqig ziogtew; nng xee sna' duiwdik, hro linw byy qniaa soxx air qniaa :ee.
18 Dogdok linw narr hro Singwsinn soxx inxcua, dyrr byy dirr ludhuad xe.
19 Dnaxx ziogtew ee pinxhing u lorhen, cincniu qan'imm, uwuer, siapiah,
20 Vair gnoxsiong, siasut, qed uansiuu, sna' jnex, uanwhun, siurkir, qetdongw, hunvingg, ngirduanx,
21 Uanwdor, jiuxjuir, hongwdong, ixqip cincniu jitt hy :ee, guaw jingg bad qongw, dnaxx beh qycc qra linw qongw, qniwnarr siongsiongg qniaa anxnix :ee, jionglaii byy singjiab Siongrder ee qog.
22 Danrsi Singwsinn ee quexjiw dyrr si zin'air, hnuahiw, hyvingg, tunlunw, juvix, senrliongg, diongsinr,
23 Unziuu, junxjad; cincniu jitt hy, byy u ludhuad qimr ix.
24 Qycc sriok Krist Jesus ee langg bad jiong' ziogtew, qapp ix ee jxingg ix ee iok, dingr dirr sibzirqer.
25 Lanw narr jiauww Sinn laii uac, diyhh jiauww Sinn laii qniaa.
26 Byc did duiwdiong kangx kangx ee ingqngx, sna' qikkir, sna' uanwdor.
6 Hniadi ar, narr u langg byy dniudii ham lyc juerquar, linw sriok dirr sinn ee langg diyhh ing unzinn ee simsinn quijingr ix, iarr diyhh qaqi quanhongg, qniax linw iarr duw diyc cir.
2 Linw dagg langg ee dang dnar diyhh snaqang dnax, ing anxnix laii jin Krist ee hxuad.
3 Byy :ee, suacc qaqi liac juer u :ee, si penr qaqi.
4 Dagg langg diyhh singxcad qaqi ee soxx qniaa, narr anxnix, dyrr u tangx kuakauw :ee, jairdirr vunxsinx, byy jairdirr vadd langg.
5 In'ui dagg langg beh dnax ix qaqi ee dnar.
6 Hagsip dyrliw :ee diyhh jiong' dagg hxang hyw mic hro qawsi ix :ee snaqab u hxun.
7 Byc did qaqi cywgo, Siongrder si be buxban .did; in'ui langg soxx ia :ee si simxmih, ix iarr beh siux hitt hy.
8 Uirdiyhh qaqi ee ziogtew ia :ee, beh dui' ziogtew laii siusingg vairhuai; uirdiyhh Singwsinn ia :ee, beh dui' Singwsinn laii siusingg ingxuac.
9 Lanw qniaa hyw m tangx sitjir, in'ui narr byy jihjam, qaur qrii e siusingg.
10 Soxiw iauxx u qihue, lanw diyhh qniaa hyw dirr jiongww langg; duiww hiaxee dui' sinr jniaa juer jit qrex ee langg, qyckacc diyhh diwir.
11 Linw knuar, guaw cinciuw siaw hro linw ee zri qaur jiacc dua.
12 Qniwnarr rair ing ziogtew jngtna hyw knuar :ee, inx benxqiongw linw siurr qatlew, byy m si rair benw did uirdiyhh Krist ee sibzirqer siurr kunxdiok.
13 In'ui inx siurr qatlew, lenrr qaqi iarr byy siuw ludhuad; dogdok rair linw siurr qatlew, hro inx tangx dirr linw ee ziogtew kuakauw.
14 Danrsi guaw duanrduan m kuakauw vadd hxang, jixu kuakauw lanw ee Jruw Jesus Krist ee sibzirqer nardnia; dui' jitt xee, dyrr sewqanx ngr guaw ixqing’ dingr dirr sibzirqer, guaw ngr sewqanx iarr si anxnix.
15 Siurr qatlew, byy siurr qatlew, longxx byy iauwqinw, si iauwqinw juer sinx congwjy ee langg.
16 Qniwnarr jiauww jitt xee junxjinn laii qniaa :ee, guan ving'anx qapp linbinw qaur dirr inx, iarr qaur dirr Siongrder Islael ee vecsnir.
17 Dnaxx liauxau, langg m tangx qiauxziauw guaw, in'ui guaw ee sinkux u dair Jesus ee hunziah.
18 Hniadi ar, guan lanw ee Jruw Jesus Krist ee undenw qapp linw ee simsinn dilehh. Amen.