Tyhueluw, Jiux Qongx dauwhuad quax
(siong)
Siongdiauu jit qnxua miaa Jiux Kenn
jingser naixsi tnidingw senx
hagsip vatquar jingx tonglen
Jiux Qongx miarliw sngr jin' hen
Knuar qnir ?? byy dyrliw
qywlyw srii qnxua huedngw .kir
vok langg jit quar jit ginjnii
langg laii vuahquar kxeh be li
Diauquax Sniaa-lai jit Jiyhvyy
cingcunx jiuxqnuaw byy nairhyy
jit qniaw Jonghuw langg ylyw
cutgua qingsiongx did langhyy
U tniax cuwvnix langg sueh kiw
Jiux Qongx vokquar siongrr jaiqix
jap xee beh vog diyhh jap-zi
cincniu sinsenx itvnuanii
Jiyhvyy tniax qnir u juxir
suisii laii qaur Cehaa Lxiw
dyrr duiww Jiux Qongx qriuu quawsix
mng qniaw dirsii hueqaqii
Jiux Qongx jiksii u juxdniux
huanhur dingw dyh qangrr diamw hniux
?? juxgnow qangrr bauxiuw
???? mia qaix hiux(?)
Dyrr duiww jiyhvyy sueh quawliw
linw qniaw sngr .laii mia qaix siw
juwsiw qimmii snaqnix sii
linw qniaw dikkag qruix imsix
Jiyhvyy tniax qnir koxsiongvix
simlai vnuar sinr qangrr vnuar gii
dyrr mng guaw qniaw jnuaxngiu siw
siw dirr hyhongx did hyy vni
Jiux Qongx sueh cud jiyhvyy jaix
linw qniaw cutguaw beh dngw laii
qimmii deh siw puar cur-lai
jex si tnisor laii cuivaii
Jiyhvyy tniax diyc lxuii limlii
qui decc aiqiuu Jiux Sensnix
qiur did guaw qniaw byy dairjir
sensnix unjingg kacc dua tnix
Jiux Qongx tniax qongw jin' kyxlinn
linw qniaw snisii kacc iauwqinw
veczi liam guaw sngr kacc jinx
knuar ix liunii dair dang-kinx
Jiyhvyy liam cud qniaw veczi
qinnii guaw qniaw zi-jap-zi
Veh-guec jap-veh si ????
?? u huad tangx qiur ix
Jiux Qongx veczi knuar jit qnir
vehhow dngtauu byy qiuwcnix
linw qniaw qimmii juwqaix siw
zim liw sinsenx lann qiur ix
Jiyhvyy tniax qnir kow aix aix
bagsaiw lrauu lyc hueqax laii
vangr sniax dua kaur dirr vangg-lai
qniadong qecviah dag'ee jaix
???? diyc jit qniax
anxjnuaw liw decc kaur pnaiw mia
jabhunx camxceh hiacc dua sniax
simxmih kaur qongxx byy qniaw qniaa
Jiyhvyy sueh cud Zimrqongx jaix
guaw qniaw byy mia tangx dngw laii
Jiux Qongx vokquar qongw pnaiw dai
snaqnix deh siw puar iauu-lai
Guaw kngr Jiyhvyy benw siongvix
vokquar vnuar sit qangrr vnuar hix
liauxqaiw m tangx siongsinr siw
kaur liauw quewdyx lann did rii
Bogquair laursinx dirdecc tii
dansinx Jonghuw jit qniaxzii
jitt quar Jiux Qongx cinx duan kiw
hyrhog byy cax qaxx jit sxix
Zimrqongx jidsii jiacc sniu qnir
dyrr sueh Tyhuex gunw luxzii
jurr siauw u yc vatquaxliw
viw ix Jiux Qongx kacc lingqix
Jiyhvyy tniax diyc u juxcaii
sui' quer qecviah Zim .qrax laii
dyrr zip Tyhuex siuwvangg lai
jiong' jxingg sueh hro siyxjiaw jaix
Tyhuex jaix si diax cua laii
jiong' jitt miarliw qra cuivaii
qyxzenn qimmii snaqnix lai
puar iyy deh siw byy langg jaix
Jiyhvyy tniax qnir koxsiongvix
jit sniax guaw qniaw jit sniax tii
guaw qniaw qimmii narr si siw
vangr guaw jiacc lau si beh nii
Guaw arr beh qiur linw qniaxzii
m tangx luan sueh langg jaiqix
Jiux Qongx quar-diongx jin' bingliw
jiauww ix duanrhuad byy cagii
M si luanrgenn guaw hueliw
a'diax m sinr knuar ?? sii
narr byy hongho dua venwtnix
dyrr si luxzii genn vutsi
Hongho narr laii liw diyhh qir
qinw laii gunw cur byy endii
guaw u jit huad tangx qiur kiw
linw qniaw jit mia dyrr benw drii
Jiyhvyy vaiwsia dngw qrex kir
qyxzenn sinsinn ho limlii
jidsii hnuahiw jiacc sniu qnir
aiqiuu Tyhuex qiur qniaxzii
Tyhuex huanhur brew juaxbew
tewsinx tiamsiu dinghuew quer
jit liap qenng vangr dyh-xe
jit senx cauxlangg bixtaix jre
Linw qniaw qu ree qangrr qu snxax
jit nguaw cringx juiw dirr qniar-vnix
vaux hyw iong qniar deh .lyc .kir
snax dy linghuu siyx hro ix
Danxtai honghunx jit qnxix sii
qu ree tee cud guarmngg vnix
jiong' ree duiww mngg pah .lyc .kir
jiacc qiyr linw qniaw cinmiazi
Jit qnxix qiyr qaxx quer snax qnxix
jyww liw hongwsimx tair sniu ix
linw qniaw be siw langg ????
bingjaw dngw laii linw tuan'ngii
Vaiwvet siyxjiaw jin' hnuahiw
dngw kir jiauww huad laii hinggii
qyxzenn bingjaw guaw vreh kiw
Jonghuw dngw laii ciyr bibix
Jamii linw qniaw hiamw hiamw siw
duiww buw sidsueh bok endii
laii qaur vnuawlo tnix vutqnir
jidsii hongho dua limlii
Jauw zip puar iyy anx sinqiw
jingrje be kunr snaqnix-sii
guarbin qiyr guaw cinx tniax qnir
cincniu guaw buw qiyr qniaxzii
Snia'imx sniu qaxx vutdik'ir
guaw jiaxx diyhqniax cud guarvnix
puar iyy vrangx dyw jyr jidsii
linw qniaw sniwmia hiamw siudii
Jiyhvyy tniax qnir simx hnuahiw
qiur qniaw unzinn liw vutdix
buw qiyr Jiux Qongx vog quawliw
sueh qniaw jamii siw snaqnix
Hingrdid qecviah tyhueliw
qiur liw sniwmia jiacc u qrii
virvan lexbut qinw laii kir
vywdab tyhuex xunx zuu(?) tnix
Ix qongw quawhuad duan byy junw
hro langg guan haut jap niuxgunn
Jiux Qongx kiw qaur qangrr qniaw lun
sueh qniaw itding mia byy junn
Buxqniaw camsiongg diyhh virvan
laii kir Jiux .Qrax qra tyw jnii
jiong' jitt jap niuw tangx brew mic
dapsia Tyhuex juann qrex ???
Tyhuex qxur qxur huanhur kiw
guarbin bog sueh ix miazi
liw lanw buxqniaw diyhh qinxqir
m tangx luan genn sionghai ix
Jiyhvyy cua qniaw quer qrex laii
jitt su sueh hro Jiux Qongx jaix
guaw qniaw byy siw langg guanjai
tyw vuee quawjnii hab'ingqaix
Jiux Qongx knuar qnir diyc qniagii
uirhyy inx qniaw mia guandi
dingrjunw qidiongx u quar lriw
qamguan vuee liw jap der jnii
Jonghuw knuar qnir simx hnuahiw
jiong' ciuw jrih ginn ciyr bibix
buxqniaw siy' cua dngw laii kir
qew sueh dysia siux liw jnii
Jiux Qongx siurkir qew qra mng
liw dirr puar iyy dirsii dngw
sidjingg qangrr guaw laii girlun
guaw qycc dang dang sniuw liw gunn
Jonghuw qew sueh jamii sii
jidsii vxag tniax lann dngx kiw
qinw cud iyy-gua qaiw venrir
paur cur jidsii dyw li li
Jiux Qongx lat ue dyrr rinr ix
sngr liw mia-diongx byy qiuwcnix
uirr mic liw e laii benw liw
liw laii penr guaw si beh nii
Jonghuw qra ix hue vutsi
buxqniaw siy' jiyx qangrr siy' srii
hai did Jiux Qongx krir vnuar siw
binrsig venr angg iurr venr cnix
Sxor zit qenwsiaur dirr simlai
lenlenn byy qraur ix jiauvaii
cuxcur quawliw lann hunqaiw
uirmic sngr qaur cyr cuivaii
Krir qaxx berhiauw tangx juxdniux
qidiongx vit'iuw ee in'iuu
qycjaiww jiong' quar jaiww sewsniu
puar guaw quawhuad si luxniuu
Vokquar qikser si sunn imx
sunn imx guanlaii luxqniaxsinx
qra sngr knuar mai si ??
puar quar miasner lann duanrzinn
Vutliau Tyhuex jaw jaiqix
jurtiah veczi qangrr miarsnir
kuix did Jiux Qongx krir vnuar siw
mizit utbun jap-zi sii
Qazinn Pnix Jenw diyc dua qniax
qinrjingg ciyr ciyr krngr jit sniax
in'ui jit quar byy lingsniar
qong'iaa m tangx huir simjniaa
Dxiamr-jingg lamluw luan hunhunx
tnix qngx danxhau qaur honghunx
langlangg siy' jnex beh qiumng
qong'iaa uirmic m kuix mngg
Jiux Qongx tniax qnir dyrr rinr ix
in'ui jit quar u ca'ii
kiongxqniax jaiww vog m junw kiw
jiauvaii dingrquix langg tiah .kir
Danw gua qycjaiww ?? jit quar
u junw byy junw si anxjnuaw
m si guaw decc qaqi kuax
zuhyy qimzit laii venqaur
Pnii Jenw ciyr ciyr dyrr sueh kiw
qong'iaa mrbenw danw quar-sii
jiong' guaw miarun liw singx cir
cir knuar qikhiongx si ???
Jiux Qongx beh lyc diyc jit qniax
iyy tauu toxkuir nng~snax sniax
kyxlenn qimzit liw byy mia
kiongxqniax snax zit uac m jniaa
Pnii Jenw tniax diyc dua qniagii
samhunn-citpig qiongg snuawli
dyrr mng hyhuad tangx qiur kiw
qiur guaw sniwmia xunx zuu tnix
Jiux Qongx knuar ix lxui aiaix
jex si tnisor juwqaix hai
liw mia jriw han snax zit lai
beh siw ?? si ingqaix
Sniuw liw vehginn qangrr jap niuw
txanr liw sniwmia iauxx be hiux
qnuaxqinw tec kir jiac bacjiuw
snax zit narr qaur lann did qriuu
Pnii Jenw tniax diyc vangr sniax tii
vaiwsia juxlangg hyw jing'ir
jnii tec knuawpuar qra siy' srii
mizit jiac jiux m siongvix
Simlai sniu qaxx vutdik'ir
bingzit si guaw ee sixqii
jidlo naxx qniaa tauu cih cih
aurbin u langg decc qiyr ix
Pnii Jenw virr qiyr dua vo cuix
liah jyr decc qiyr cuirmiarquiw
qniax qaxx hiamw hiamw decc byy kuir
dua qnua lrauu lyc muaw srinx uii
Aurbin jitt langg si Jonghuw
qnuaxqinw siangx ciuw laii qra huu
liac jyr diyhsuax huu dngw cur
qintauu vangr lyc lak sinkux
Pnii Jenw virr qiur jingsinn dnia
zin diyc si langg jiacc byy qniax
liac jyr imquiw laii cuimia
si'angw jaix dyrr si Jonghuw Hniax
Jonghuw tniax diyc dua qniagii
liw sueh jex ue qnaa hiacc qrii
liw guaw guann si naxx hniadi
vuthongg qinw qra guaw sueh kiw
(diongx)
Pnii Jenw sueh cud lamlui tii
vokquar gengiw sueh qui' pnix
Giamongg juwdnia snax qnxix siw
vutjuw guaw uac quer go qnxix
Liw lanw sngr .laii ving'iuw-hniax
jiyx liw jiac jiuw dag'ee qniaa
qaur jiax simliw lann did dnia
byy langg uirr guaw tangx qaixcniaa
Jonghuw tniax diyc iarr u lriw
Pnii Hniax m tangx koxsiongvix
Jiux Qongx duanrhuad byy ca'ii
guaw sniu liw iauxx u qiuwcnix
Pnii Jenw tniax diyc simx huaigii
liw sueh jex ue u quaiwqii
jingg zit Jiux Qongx duan liw siw
cniaxmng mih langg hyw qiuwcnix
Jonghuw hionghiongg jiacc sniu qnir
jidsii m qnaw laii sueh kiw
si gunw buxcinx qriuu senliw
qiur guaw benw siw jiacc u qrii
Pnii Jenw tniax qnir jitt jann dai
dyrr qangrr Jonghuw dngw qrex laii
qnir diyc jiyhvyy diddit vair
qui lyc bagsaiw lxui aiaix
Jiyhvyy virr qriuu simx siongvix
dyrr sueh Zim qongx cinluxzii
jingg zit guaw qniaw marr hiamw siw
dyrr si jitt langg laii qiur ix
Jixsi liw qinw Zim qrax .kir
diyhh sueh bang-diongx sinn jixsi
m tangx qra qongw guaw genn kiw
ix langg sngr si jin' juvix
Pnii Jenw tniax qnir simx hnuahiw
Zim qongx senhu qu siongdix
Tyhuex qangrr guaw naxx hniadi
laii kir qriuu ix unw benw siw
Guaw qangrr vecmw qinw siy' srii
laii qaur Zim .qrax duarmngg-vnix
dyrr sueh Pnii jid beh vaiwqnir
dai guaw qinw kir vinxvyr ix
Zim Qongx kir cniaw ix zip lai
hendid mih hongx cuex liw laii
m jaix uirdiyhh simxmih dai
binriongg m denw lxui aiaix
Pnii Jenw qui lyc lxui limlii
siyxdid diaux laii liw siy' srii
bingzit si guaw juwqaix siw
byy langg qiur guaw mia lann rii
Zim Qongx hucex diyc jit qniax
hendid liw nacc e jai'ngiaw
hyzinn qongw liw rair byy mia
quaxqinw sueh cud hro guaw tniax
Pnii Jenw bue sueh dairsingx tii
Jiux Qongx duiww guaw decc qongw kiw
duan guaw bing'iax siw snax qnxix
siyxjid jiacc laii liw siy' srii
Tyhuex siyxjiaw tniax jit qnir
dyrr qiyr qyqyx benw siongvix
qinw laii camkyw liw veczi
knuar liw snisiw si ???
Pnii Jenw sueh cud ix miarliw
Cid-guec jap-veh si ????
henmue qinw qra guaw vaii kiw
qiur guaw jit mia xunx zuu(naxx) tnix
Tyhuex vaiduan dyrr jaiqix
qinnii huan diyc tniqauxcnix
qyxzenn bingzit itding siw
Jiux Qongx duanrhuad byy ca'ii
Pnii Jnew tniax qnir lxui hunhunx
kyxlenn guaw mia qnir giamqunx
brang mue qaixqiur siw benw hxun
aurzit vywdap linw dua xunx
Tyhuex simlai sniu jit lriw
dyrr krngr qywyx benw siongvix
guaw u jit huad beh qiur liw
m tangx laursiap guaw qinqix
Qimzit Cid-guec jap-go mii
lamvag cniqunx hu huerqii
liw kir Dongsanx biy-lai bih
pangx huex deqyw laii qingr ix
Liw dirr dyh-xe cniaw jongg srinx
amwjni liamrjongr vakdauxqingx
danxtai cniqunx jiuw jiac jing
cud laii qiusiu suar qiusingx
Qaudair Pnii Jenw diyhh qinxqinr
dingrquix ix sur mia guandi
duiww ix Jiux Qongx byh sueh kiw
m tangx laursipa guaw qinqix
Diyhh danw qimmii qaur snax qnxix
virvan hyw jiuc pangqyxcnix
cniqunx knuar liw u sing'ir
itding sur liw qycjaiww snix
Laii qaur Dangsnuax duarlo qniaa
qniaa zip samquanx sinbiy-lai
jiong' mic dyh-siongx qinw vaii kaix
qui dirr dyh-kax danw ix laii
Zi qnxix quer liauw snax qnxix sii
jit jun cingpangx laii ?? pni
veh xui cniqunx duxx qaur ??
lamdauw vakdauw dirr liongw vnix
Itjee laii qaur dyh-vnix jre
Muiquir lau jiuw qra vaii qrex
ylyw mihqnia vaii jiacc je
m jaix mih langg qingr pangx dee
Pnii Jenw dyh-ha tniax jit qnir
qnuaxqinw ziaw cud laii qui ix
qui lyc taukag cunx be li
sniax sniax qiuwmia lamlui tii
Vakdauw cniqunx dyrr jaiqix
snisixpo jur lann qaixii
jaix ix qinnii siurguann jriw
jur diyc bing'ia siw snax qnxix
Lamdauw cniqunx tniax jit qnir
lun ix jywlangg u junx tnix
qimmii sriu ix jin' qingwir
habqaix tnisiu sur hro ix
Vakdauw cniqunx u hnuahiw
jaiww tnrix go-jap siu sur ix
qaiw qiyr Pnii Jow cinmiasnir
m tangx laursiap guaw tenqix
Jiongwui cniqun sriu qingwir
qokk langg jit-vah sxiu tiamx ix
Veh-gah-go-jap ee niqiw
tenha byy langg tangx viw ix
Pnii Jenw hnuahiw simqnuax lai
kauwtauu vaiwsia jiacc ingqaix
cinghongx jit jun laii dairkair
cniqunx qruix tnix byy langg jaix
Pnii Jenw hnuahiw simx cingcaiw
qycc dngw Jiux Qongx inx dxiamr-lai
dyrr qinw bincngg kunr poqair
kunr kir dirsii dy' m jaix
Jiux Qongx go qnxix jiacc vreh kiw
liac jyr Pnii Jenw ixqing' siw
tec kuayw tenqongqiamr zip kir
qniaa qaur vangg-diongx bincngg-vnix
Knuar qnir ix kunr liac jyr siw
jidsii knuar diyc lamlui tii
siwqix vuic dit bak m qnir
kyxlenn girpok qruix imsix
Daiwliam si guaw ee lovi
taumox qaixsanr beh sangr ix
vorqongx-dahdauw qiamr tee kiw
rinw ix sinhunn jaw cutsir
Pnii Jenw jingsinn ciyr haihaix
qnuaxqinw bincngg vreh kiw laii
juxqongx taumox snruar mih dai
diyhh qongw hro guaw lovi jaix
Jiux Qongx diyhqniax simx bangbangg
dyrr me qiongg qxuiw qnaw jokjongg
guaw hrong taiwsiongx lau qunqongx
qipqib ludling qinw tewjongg
Pnii Jenw lyc laii ciyr bibix
dyrr qiyr qong'iaa benw qniagii
liw decc liamrjiur jyr simxmih
decc qiyr laurqunx si beh nii
Jiux Qongx tniax qnir dring guansinn
mng ix si qxuiw iacc si zinn
qnuaxqinw sueh cud si jnuaxngiu
diyhh qinw sueh cud mih guan'inx
Pnii Jenw ciyr ciyr sueh ix tniax
lenn qiyr qong'iaa nng~snax sniax
byy siw si langg ee unrmia
juxqongx jyww liw mrbenw qniax
Jiux Qongx siongser knuar jit qnir
inhyy byy siw jin' quaiwqii
mih langg iong hxuad laii qiur ix
diyhh qinw sueh cud guaw jaiqix
Pnii Jenw lat ue dyrr rinr ix
air guaw jaw siw si beh nii
in'ui guaw mia be qaix siw
qycc druar sewqanx quiw jap nii
Jiux Qongx tniax diyc jin' utjut
lojaii qongxue jin' qikqud
m qongw pah liw luan luan but
hyzinn qiur liw qinw sueh cud
Pnii Jenw virr pah krir ciongtnix
jaiwsnax m kingw laii sueh kiw
si guaw hok'un be qaix siw
liw dnaxx pah guaw si beh nii
Jiux Qongx tiax diyc dua siurkir
lojaii higenn qnaw siy' kix
nar rm jiong' liw laii pah siw
jit vxg hunrkir lann siaulii
Pnii Jenw virr pah lxui ai'aix
pah siw iarr byy sueh cud laii
byy langg qiur guaw jitt jann dai
pah guaw uan'ongw dua vutqaix
Jiux Qongx sniu diyc krir ciongtnix
knuar liw lojaii uac quiw nii
tenqongx vyxqiamr dyrr tee kiw
m qongw sniwmia lann vyxcii
Pnii Jenw knuar qnir diyc dua qniax
lenn qiyr qong'iaa nng~snax sniax
kiamr-ha lauu langg ziauu guaw mia
tai guaw qongw cud hro liw tniax
Pnii Jenw naxx sueh lamlui tii
Tyhuex siyxjiaw laii qiuwcnix
qar guaw samquanx biy-lai kir
kir qiur cniqunx tiamx siurnii
Jiux Qongx tniax diyc dua siurkir
dyrr me Tyhuex siw jenrvi
narr m jiong' liw laii hai siw
uansiuu byy vyr lann siudii
Dyrr mng Tyhuex ee niqiw
u byy puer quer langg cezii
liw narr duiww ix sit sueh kiw
jiong' liw sniwmia laii vyxcii
Pnii Jenw diyhqniax jiacc qongw kiw
Tyhuex jap-veh jniawdongsii
iuqycc quaikaw qapp viaudir
vaiwtog m tangx beh hai ix
Jiux Qongx simdiongx sniu qewdir
Tyhuex jenrzinn diyhh siudii
dyrr qiyr muilangg Zim .Qrax kir
beh qriuu Tyhuex puer qniaxzii
Zim Qongx juanzenn m jaix qniax
iarr qnaw inxdab ix cinjniaa
jiong' su qywdix jaboxqniaw
uihu juxhunx liw diyhh tniax
Tyhuex tniax diyc dua qniagii
samhunn-citpig vnuex vnuar tnix
dyrr sueh dianiuu byy juxir
uirmic jiong' qniaw pitpuer ix
Qniaw sngr Jiux Qongx byy lamzii
jixu jit luw ix cinsnix
jex si dirdecc iong qewdir
dyrr si beh lai hai qniaw siw
Qniaw jingg pywhuad ix quawliw
jit vxag hunrkir lann siaudii
jiacc iong oksuh pnaiw zidjiw
danw guaw zip qiy hai qniaxzii
Zim qongx huhu tniax jit qnir
tniax qniaw decc qongw koxsiongvix
dyrr me Jiux Qongx byy tniliw
qnaw beh iong qrer hai luxzii
Tyhuex ix u simlai lriw
dianiuu m tangx koxceh tii
m si tnisor air qniaw siw
guaw u huatdo tangx puar ix
Vadd langg qer kir jongw diyc siw
qniaw dnaxx u hxuad tangx siudii
cinsu jyww liw vangr hro kir
snax zit guaw jaiww hueqaqii
Vaiwtog muilangg diyhh e qir
hueqiy anglingg sir ciyh ??
jnriu siur vatsenx diyr enzi
gnoxsig diuiduan uii siwvnix
Muilangg hongrbing Jiux .Qrax laii
Zim .qrax qaudair sueh liw jaix
Jiux Qongx quar lringg byy vaklai
hang hang mihqnia jiauww tauu vaii
Go-guec ceqauw si ???
virvan hueqiy beh crua ix
vorqongx-dahdauw huu siyx kiw
cniaw liauw sir xui ox suaccnix
Jit xui kir liap tniamngg-vnix
danxtai zip qiy hau sixqii
nng xui vunxqex laii andir
lyc qiy jiksii ciongx siw ix
(ha)
Qycc cniaw jit xui vehhoxcnix
singx kir siuxhau ix vangqingx
danxtai sinniuu zip vangg jni
cud laii qa siw benw liongrjingg
Tyhuex simlai jiauu jaiqix
suar cniar jit xui angsuccnix
Jiux Qongx ix qnaw gik tenliw
iarr qnaw ??? iong qewdir
Ix cniaw sir xui hiongsuaccnix
qiyr beh jiong' guaw laii ciongx siw
kunxqiuu junsinn qra siudii
qiur guaw benw siw xunx zuu tnix
Tyhuex e sngr qaxx e rii
ciuw giaa tyqix siyw qingjnir
pywhuad mihqnia kuanw uanvi
druar liauw hujiur dirr sinvnix
Qaudair Pnii Jenw diyhh e qir
diyhh liam guaw srinx jingg qiur liw
si liw je ue sueh .cud .kir
hai guaw siawsinx dy' be li
Guaw u duarsu vaiwtog liw
siyw siyw jit qingx snax qix jnxir
danxhau hueqiy zip mngg sii
qingjnir itjee sria mngg-vnix
Pnii Jenw tniax diyc bin venr angg
si guaw cuir kinx hai siw langg
jnriu tnix lyc de guaw marr tangx
guan siw vywdap draur siy' vrang
Suisii hueqiyy itjee laii
Tyhuex silai u juxcaii
pywhuad mihqnia vangr qiy-lai
vaiwvet dianiuu lxui ai'aix
Jit duir vyxvinn duer sinniuu
jit kauw tyqix kangx qiamwciux
siangx ciuw tee kiw hunx jyxiu
beh qra Jiux Qongx vyr uansiuu
Dianiuu kanx qniaw lxui ai'aix
huu qniaw zip qiy hab'ingqaix
jit jun quair hongx ciyex qiy-lai
ix giaa ticvenx pah cud laii
Srinx druar qim'ee ciongx .cud .kir
ticvenx ????????
angsuah qinw qiur tyhueliw
uat tauu laii siux osuaccnix
Jit lo cuarcinx nau caicaix
crua duiww Diauqyx duarlo laii
muilangg lyc qiy qra qaudair
dyrr qiyr Jiux Qongx qinw anvaii
Jiux Qongx simlai u decc sniu
ciuw tec hangloo qangrr cinghniux
hruyc lyc jing'au qangrr jyxiu
huanhur muilangg cniaw sinniuu
Tyhuex qiy-lai ciyr bibii
knuar ix Jiux Qongx hro hinggii
m jaix cingpangx hyxpnaiw mic
hiongsinn oksuah trer li li
Pnii Jenw simlai u juxcaii
knuar qnir sinniuu cud qiy laii
tyqingx liuxjnir sria zip laii
songdiaur nng sxuah trer qui' vaii
Muilangg simlai u juxdniux
ciuw tec bixtaix dar sinniuu
sinniuu qing'ee qniaa hyw giu
huatlik dyduanx gauu suniuu
Bixtaix lairbin rue vatquar
qniater tenqiongx qangrr dersuah
cuwvnix lin'iu jin laii knar
qoxzenn huatlik cenban vnuaa
Hiongsinn oksuah knuar jit qnir
qok'ee siamw kuix jauw li li
kiongxuir hurzinn m siuakir
iurr qniax siuvnix angsuaccnix
Jiux Qongx siu diyc krir vnuar siw
inhyy tyhuex gauu venwjnix
narr byy jiong' ix laii siudii
jionglaii iauxx qycc dua vutli
Muilangg ciyr ciyr sueh ix jaix
jingwlangg qiyr guaw qnuaxqinw laii
cud qiy dyrr rair qiyr qniaxsair
dyrr jiauww qoxle jiacc ingqaix
Jiux Qongx sniu qaxx vutdik'ir
nacc u qniaxsair tangx cud kir
bunai jaiww sniu jit qewdir
dyrr duiww muilangg sueh tauwqix
Qimzit sngr si pnaiw zidjiw
amw ciongr qniaxsair jniawbirsii
singx qiyr tenhniux guaw qniaxzii
jiamdai kir pnua sinniuu ix
Tyhuex qiy-lai decc hnuahiw
hyw did u langg laii tewsiw
srinx jongg dangqniar druar zip kir
tangx hyw zip vangg jrer suaccnix
Tenhniux Siyxjiaw jin' hiauxliw
pnuarje sinniuu qaur snaqnix
qosyw dam'ue jin' hyw ir
cniaw syw zip vangg tranr liongsii
Tyhuex ciyr ciyr qew m jaix
dairliw jyr tauu jiacc ingair
mrbenw hyxlew jiax jiautaix
jundiong qosyw jiauww tauu vaii
Tyhuex knuar ix jnriu cngg kir
suisii qniaa auw bincngg-vnix
srinx druar sinjiur qinw cuix kiw
qniadongx cngg-au vehhoxcnix
Jit jun qongg hongx cuex cngg-lai
henwcud guanhingg cuir haix haix
jit jiah vehhow jin' lirhai
huac'aix jit sniax qa lyc laii
Tenhiongx Siywjiaw sriu suaccnix
binrsig huanw vec cincniu siw
cuir-lai henhed lrauu vutli
vangqingx lairgua angg qiqix
Jiux Qongx mng jaix lxui limlii
qnuaxqinw zip vangg knuar luxzii
vangr sniax dua kaur jiacc sueh kiw
uirr mic enqor laii camxsiw
Tyhuex ciyr ciyr dyrr rinr ix
hai langg dywhuanw hai qaqi
si liw cniaw liauw vehhoxcnix
dnaxx laii tikaur si beh nii
Jiux Qongx huanxhuew jiacc jaix hai
qinw duiww Tyhuex hue vutqaix
liw u jitt kuanw hyw vaklai
vaiwtog qiur qniaw jxingg guaw jaix
Tyhuex tniax qnir ciyr bibii
si liw qadi hai qniaxzii
qiyr guaw diyhh qiur ix benw siw
kir cruw hyjuiw qangrr liuxqix
Jiux Qongx hyw cuir decc qra qriuu
huatqax binrjuw diyhh sna' liuu(?)
siyxluw brang liw qinw sna' qiur
samhunn-citpig sunrsuar siux
Jiux Qongx qaixir vaiwsia ix
simlai uanwhun vutsii sii
vutlingg jiong' ix laii hai siw
qaixir siux jyr girluxzii
Jiong' quar tee laii qycc vuec kiw
cuisngr Tyhuex snizidqii
bingjaw ix huan osuaccnix
iong hxuad jiong' ix qycc siudii
Pnii Jenw qiyr laii guaw crex liw
liw kir tyy-hngg diah snax qix
diyhh siaw veczi qangrr miasnir
guarkauw huhuad ?? sir ???
Tyhuex jidsii bun byir
simx qniax ganw tiaur qnua limlii
suisii quar qycc qra sngr kiw
jaix si Jiux Qongx qycc hai ix
Tyhuex ix iarr byy qniax ix
dyrr qiyr Pnii Jew laii siy' gi(gri?)
jingg vaiw u sniu guaw qiur liw
dnaxx brang vrangx guaw jnuaw juxir
Jiux Qongx iurr beh hai guaw siw
jamw dng tyqix guaw miarcnix
dnaxx brnag Pnii .Qyx siy' hucii
singx vi iongqnua laii siusix
Guaw siw cid zit u pangx bi
liw diyhh dai guaw qinw vowdir
qaudair bogdiong liw jit qix
qinw duiww duarmngg pah vutli
Sniax sniax qiyr gauw Tyhueluw
qnuaxqinw cniw laii byc endii
mngvniw qongw lyc kax dac kir
linw mue jit mia jiacc e dri(?)
Pnii Jenw tniax qnir rinr jit sniax
qiyr guaw lyc haiw guaw guan qniaa
?? siyxmue liw u mia
jyww liw hongwsimx mrbenw qniax
Tnix qngx huansinx ??-sii kiw
Tyhuex jniawjair sejngx sii
dua qiyr jit sniax hrun .lyc .kir
curi tror henhed qruix imsix
Jiux Qongx tniax diyc ciyr bibix
dyrr me Tyhuex siw jenrvi
liw qnaw pacpuar guaw quawzi
jiacc diyhh hro guaw laii siudii
Jiux Qongx m jaix ix byy siw
beh brew qnuabok qra siusix
hunahur qazinn harqex kir
dngw laii diyhh kngr tnimngg vnix
M bad knuar diyc jiacc quaiwqii
jap langg vah langg huu be li
cincniu snix qinx dingr jiyc viw
hai guaw simqnua xdua cnigii
Jam dng liauxau jiacc hnuahiw
qiyr langg iong huew beh siyx six(?)
dax caa zet huew kuanw jevi
siyx ix Tyhuex siw jenrvi
Qazinn tniax qnir diyc qniagii
dyrr kngr juxqongx banrcniaw si
nar rbeh jiong' huew laii siyx ix
lenlui qecviah lanw cuwvnix
Guaw me qazinn siw lojaii
cuanww qongw ee ue dua vutqaix
linw qongw cuwvnix byy inx dai
cahuew qnuaxqinw kir cuann laii
Buerjingrr kiw huew u pangbi
Pnii Jenw dirdecc dua qniagii
bogdiong qnuaxqinw diyhh junxvi
duarmngg lenrr qongr vuttingg sii
Qew me Tyhuex miaa qapp snir
qnaw jyr ??? dua vutsi
qiyr langg qangrr guaw draur qrngx kiw
qrngx laii tniavnix jiacc hunx six(?)
Pnii Jenw iong qrer simqnuax-lai
Jiux Qongx gong gong iarr m jaix
???? dingr hro ?? .kiw .laii
Pnii Jenw bogdiongx jiacc packaix
Tyhuex vreh kiw guann qangrkuanw
me ix Jiux loo simqnuax duan(?)
byy siu qxauw-mia guaw m guan
juat liw Jiux Loo byy langg tuann
Hueluw naxx sniu naxx siurkir
qnaw jyr okdok naxx tiksnix
qaur jiax siw guaw iacc siw liw
narr byy uansiuu lann qaixdii
Jiux Qongx sniu vutqaiw qi'ir
knuar jyr Tyhuex venr iaujnix
vyxqiamr qnuaxqinw dyrr giaa kiw
beh taii iaujniax siw jenrvi
Qaur jiax Jiux Qongx m jaix hai
Tyhuex huatlik ix m jaix
cuir liam jiuwgiw benw dyx taii
jit sniaw dyw dec longxx be aix
Tenhiongx Siyxjiaw lrauu bagsaiw
qui lyc dua sniax ser sniax aix
tyhuex siyxjiaw jyr hyw dai
siar diax u mia hro dngw laii
Hueluw virr qriuu huee sim'ir
jiacc qiyr Jiux Kenn qauxdiksnix
qimzit qycjaiww laiww ziauu liw
m qaiw qauxmia dyrr kacc dii
Jiux Qongx cnew .laii bin suacc huanw
qycjaiww qnaww beh qapp ix ruanx
qongw byy siux ix simx m guan
giaa dyx beh qra dog bac'uann
Tyhuex knuar diyc ix qauxqnaiw
byy decc tauxkuir qongw vnuar sniax
ongxhuir guaw siar liw qauxmia
byy draur quanqe m jaix qniax
Iarr qnaw duiww guaw byy keckir
guaw cruw zun'ir tyhueqix
dongr diauu tenqiongx qiamr e li
dua me Jiux Kenn qauxdiksnix
Nng langg huah jenr byy sewzi
derha jenr qaur kongdiongx kir
hentenx siongrder laii qaixdii
hro inx qruix sinxx jiacc uijiw
Siangx xee jenr qaxx be cut'uii
m guan jenr sunx diyhh lauwkuir
hyw did Hentenx qinw qauwui
uanbuanw hro inx u soxx qruix