Kolosse ee Puex
SXINGR PAUL SIAW HRO KOLOSSELANGG EE PUEX
1 Dui' Siongrder ee jixir juer Krist Jesus ee suwdoo, Paul, qapp hniadi Timoti,
2 Siaw puex qiar hro Kolosse diamr dirr Krist ee singwdoo, diongsinr ee hniadi: Guan linw dui' lanw ee Ve Siongrder did diyc undenw ving'anx.
3 Guanw siongsiongg ter linw qidyw, qamxsia Siongrder, dyrr si lanw ee Jruw Jesus Krist ee Ve,
4 In'ui u tniax qnir linw dirr Krist Jesus u sinr, qapp ngr longxjongw ee singwdoo u tniar,
5 In'ui soxx qra linw kngr dirr tnix nirr ee ngwbang, dyrr si linw jingg dirr hok'imx jinliw ee dy soxx tniax .qnir .ee.
6 Jitt xee hok'imx ixqing’ qaur dirr linw, iarr dirr venww sewqanx decc qed quexjiw, qycc naxx duarjangg, cincniu dirrr linw diongqanx, dui' linw tniax .qnir, iarr jinsit jaix Siongrder ee undenw hitt zit jidngiu;
7 Cincniu linw dui' Epaflas soxx hagsip :ee, ix si guanw soxx tniar, dangjee juer lovok :ee, iarr uirdiyhh guanw juer Krist diongsinr ee ce'ing;
8 Ix iarr bad jiong' linw dirr Singwsinn ee zin'air vyr guanw jaix.
9 Soxiw guanw dui' tniax .qnir ee zit, ter linw qidyw kunxqiuu byy suah, guan linw dirr sinlingg dagg ngiu ee diwhui qapp lingtongx, did diyc jaix Ix ee jixir qaur muaw muaw,
10 Hro linw soxx qniaa hap dirr Jruw, huanrsu hro Ix hnuahiw, dirr dagg hxang hyw su qed quexjiw, qycc bad Siongrder naxx quw naxx jinwvo;
11 Jiauww Ix ingqngx ee kuiwlat, ing dagg ngiu ee quanlingg hro linw u quanlingg, drir qaur linw huanrsu hnuahiw laii tunlunw qapp kuan'iongg;
12 Qamxsia Ve, in'ui Ix hro lanw dirr qngbingg ee soxjai dirr singwdoo ee giap kamx did u hxun.
13 Ix ixqing’ qiur lanw tuatli oamr ee quanser, laii vnuasuaw lanw zip Ix soxx tniar ee Qniaw ee qog;
14 Diamr dirr Ix, lanw did diyc sioghuee, dyrr si lanw ee jue siawbenw.
15 Ix si berdid tangx knuar .qnir ee Siongrder ee sxiong, Ix si tauu jit xee snix :ee, dirr longxjongw siurr congwjy :ee ee dairsingx.
16 In'ui banrmic dirr Ix laii congwjy, dirr tnix nirr qapp dirr de nirr :ee, u tangx knuar .qnir qapp byy tangx knuar .qnir .ee, jre dirr jyrui :ee, dirliw :ee, vran jingwsu :ee, iacc si jiangxquann :ee,
17 Banrhangru longxx si dui' Ix, iarr uirdiyhh Ix, jiacc siurr congwjy.
18 Ix dirr banrhangru ee dairsingx, qycc banrhangru diamr dirr Ix laii snaqab kia jai. Ix si sinkux ee tauu, sinkux dyrr si qauwhue; Ix si guankixtauu, dui' sixlangg diongx kiw laii :ee ee tauu jit xee snix :ee, hro Ix dirr banrhangru diongx juer derr id.
19 In'ui Ve hnuahiw hro itcer ee hongsing diamr dirr Ix,
20 Ixqing’ jiong' Ix sibzirqer ee huih laii singjiu hyvingg, dyrr dui' Ix hro banrhangru qapp Ix vunxsinx qycjaiww hxyy, bylun derjniu :ee, iacc si dirr tnix nirr :ee, longxx si dui' Ix.
21 Qycc linw vingsor qniaa pnaiw :ee qapp Siongrder qecdng, simlai qapp Ix juer duiwdik,
22 Dnaxx Ix dirr Krist ee ziogtew ee sinkux, dui' Ix ee siw, ixqing’ hro linw qycjaiww hxyy, beh hro linw jiaxee jniaa sxingr, byy hacuu, byy tangx hiamm :ee kia dirr Ix ee binrjingg.
23 Linw narr dngdngg diamr dirr sinr, u qenqor ee derqix, dyrr be siurr iydang laii lirkuix hok'imx ee ngwbang; jex hok'imx dyrr si linw soxx bad tniax .qnir .ee, qycc si tuann dirr tnie longxjongw siurr congwjy :ee ee diongqanx; guaw Paul siurr setlip ixqing’ juer hok'imx ee ce'ing.
24 Dnaxx guaw uirdiyhh linw siurr jiaxee qankow si hnuahiw; guaw uirdiyhh Krist ee sinkux, dyrr si qauwhue, dirr guaw ee ziogtew voxmuaw Ix soxx be u jin ee huanrlan;
25 Guaw siurr setlip juer jitt xee qauwhue ee ce'ing, jiauww Siongrder uirdiyhh linw soxx qauhur guaw ee jithun, laii uanmuaw Siongrder ee dyrliw,
26 Dyrr si banrser banrdai ixlaii soxx kngr bat ee ywbiau, dnaxx ixqing’ henxbingg dirr Ix ee singwdoo.
27 Siongrder rair beh hro inx jaix jitt xee ywbiau ee ingqngx dirr guarvangx diongx u zuarr vuwu, dyrr si Krist diamr dirr linw, juer ingqngx ee ngwbang :ee.
28 Guanw tuann Ix, ing dagg ngiu ee diwhui koxkngr dagg langg, qawsi dagg langg, beh henr dagg langg diamr dirr Krist laii uanjuann.
29 Uirdiyhh jitt xee, guaw diyhbuaa, jiauww Ix cud lat qniaa dirr guaw lairbin ee qong'iong laii jingjenr.
2 In'ui guaw rair linw jaix guaw uirdiyhh linw, qapp hiaxee duar dirr Laodicea :ee, ixqip qniwnarr dirr ziogtew m bad qnir diyc guaw ee bin :ee, u jnaixngiu jingjenr,
2 Tangx hro inx ee simx siurr an'uir, dirr zin'air sna' qetlenn, dui' ciongmuaw ee hiauxgno did diyc itcer ee vuwu, laii cimx jaix Siongrder ee ywbiau, dyrr si Krist;
3 Huanrnarr diwhui qapp jaibad ee vyxvuer longxx kngr dirr Ix.
4 Guaw qongw anxnix, benw did langg ing qikaw ee ue laii behik linw.
5 In'ui guaw ziogtew lirkuix linw, sinn qapp linw dilehh, hnuahiw knuar qnir linw ee jingxjee, ixqip linw sinwkyr Krist ee qenqor.
6 Soxiw linw qiwzenn jiaplap Jruw Krist Jesus, dyrr diyhh jiauww anxnix diamr dirr Ix laii qniaa,
7 Ixqing’ dingwqinx dirr Ix, dyrr diddit siurr kixjy, dui' sinr laii qenqor, jiauww linw soxx bad sriu ee qawsi, muaw muaw qamxsia.
8 Diyhh qinxsin, benw did u langg ing ix ee dethak qapp kangx kangx ee byngiaxue, m si jiauww Krist, si jiauww langg ee uituann qapp jiauww sewqanx ee siauxhak laii behik linw.
9 In'ui Siongrder singwjid ee hongsing longxx jiauvi diamr dirr Krist; linw diamr dirr Ix iarr did diyc hongsing.
10 Ix si itcer vran jingwsu jiangxquann :ee ee tauu.
11 Diamrr dirr Ix, linw iarr ixqing’ siurr qatlew, m si ing ciuw laii qniaa :ee ee qatlew, si Krist trngr kir ziogtew ee sinkux ee qatlew.
12 Linw ixqing’ dirr sexlew qapp Ix dangjee baijongr, dyrr dirr jitt xee sexlew iarr qapp Ix dangjee kiw .laii, jex longxx si dui' sinr hro Ix dui' sixlangg diongx kiw .laii .ee ee Siongrder ee qong'iong.
13 Qycc linw jingg uirdiyhh juerquar qapp ziogtew ee byy qatlew laii siw :ee, dnaxx Siongrder hro linw qapp Krist dangjee qycc uac, ixqing’ siawbenw lanw longxjongw ee juerquar,
14 Catsiaux qongqig lanw jiaxee quile ee zirngiu, dyrr si duiwdik lanw :ee, qra ix dingr dirr sibzirqer, laii dui' diongqanx qra druu .kir.
15 Qiwzenn vai hiaxee vran jingwsu :ee, jiangxquann :ee, dyrr qonghingg henxbingg inx, dirr sibzirqer ngiaa inx laii dairet.
16 Soxiw byc did in'ui soxx jiac soxx limx :ee, iacc si uirdiyhh jecqii, ce'id, ixqip Anhiyczit ee enqor, hro langg gixgi;
17 Jiaxee longxx si jionglaii ee su ee ngiaw, narr si hxingg dyrr si Krist.
18 Byc did hro langg cniuw linw ee vywsniuw, inx qowir kiamvix qingwvair tnisair, uaxkyr inx soxx u knuar .qnir .ee, jiauww inx ziogtew ee simjir qandna' decc pongwhongx,
19 Byy lenn diauu dirr hitt xee Tauu. Juann srinx si uaxkyr hitt xee Tauu, dui' Ix, jad qapp qinx did diyc jiap'ingr lenlok, jiauww Siongrder soxx sniuxsur ee diongxsingg laii diongxsingg.
20, 21 Linw narr qapp Krist dangjee siw, tuatli sewqanx ee siauxhak, jnaixngiu naxx cincniu uac dirr sewqanx, laii hanghok dirr jiaxee quile, cincniu qongxx, "Byc did tec, byc did cir jiac, byc did bongx",
23 (Jiaxee mic longxx si ing liauw e vairhuai :ee.) Jex longxx si jiauww langg ee diauquix qapp qawsi. Jiaxee quile si hro langg qniaa jurjuanx ee qingwvair, qaqi kiamvix, byy siyh sinkux; miaa si u diwhui, qisit longxx byy qonghau tangx ioksog ziogtew ee hongwciongr.
3 Soxiw linw narr u qapp Krist qycc uac, dyrr diyhh qriuu dirr dingxbin ee su; Krist dirr hiax, jre dirr Siongrder ee duarvingg.
2 Diyhh diwir dingxbin ee su, m tangx diwir derjniu ee su.
3 In'ui linw bad siw, linw ee uahmia qapp Krist snaqab kngr dirr Siongrder.
4 Krist si lanw ee uahmia, qaur Ix henxbingg ee sii, linw iarr beh snaqab henxbingg dirr ingqngx ee diong'ngx.
5 Soxiw linw diyhh pah siw linw dirr de nirr ee vactew, dyrr si qan'imm, uwuer, siaa ee simjingg, pnaiw ee su'iok, qapp tamsimx, dyrr si vair gnoxsiong;
6 In'ui dui' jiaxee su, Siongrder ee siurkir limqaur vuergik ee langg.
7 Linw uac dirr inx diongqanx ee sii, iarr bad qniaa dirr jiaxee.
8 Danrsi jitt diap linw iarr diyhh druu kir jiaxee itcer ee su, dyrr si uanwhun, siurkir, okdok, huixvongr, qapp cuir-lai qenwsiaur ee ue.
9 Byc did qongw vehcat sna' penr, in'ui linw ixqing’ trngr kir qu ee langg qapp qu ee langg ee qniajuer,
10 Iarr u cing sinx ee langg, dyrr si zidzit nguarsinx, qaur did diyc jaibad, jiauww congjy ix :ee ee sxiong.
11 Qidiongx byy u hunvet Gleeklangg iacc Judealangg, qatlew :ee iacc byy qatlew :ee, huawgua ee langg, Skytialangg, juer lovok :ee, juriuu :ee; dogdok Krist si banru, qycc Ix dirr banru diongx.
12 Linw qiwzenn hro Siongrder soxx qingw, si sxingr iarr did diyc tniar :ee, diyhh ing linbinw ee simx, qapp zinjuu, kiamvix, unziuu, ixqip tunlunw laii cing;
13 Setsuw horsiong u hiabhiamm, dyrr diyhh sna' kuan'iongg, sna' siawbenw; cincniu Jruw bad siawbenw linw, linw iarr diyhh anxnix.
14 Dirr jiaxee ee dingxbin diyhh cing zin'air, dyrr si uanjuann ee qetlenn.
15 Diyhh hro Krist ee hyvingg dirr linw simlai juer jruw, linw siurr driaur jniaa juer jidtew iarr si uirdiyhh jitt xee; qycc diyhh qamxsia.
16 Diyhh hro Krist ee dyrliw, dirr dagg ngiu ee diwhui, ciongmuaw dirr linw ee simx; ing six, ing quax, ing sinn ee quax, sna' qawsi, sna' koxkngr, dui' undenw dirr simlai decc gimm laii ylyw Siongrder.
17 Qycc huanrr soxx juer :ee, bylun qongw iacc qniaa, longxx diyhh dirr Jruw Jesus ee miaa laii juer ix; iarr dui' Ix laii qamxsia Ve Siongrder.
18 Juer hurzinlangg :ee, linw diyhh sunrhok diongrhux, jiauww diamr dirr Jruw soxx habgii :ee.
19 Juer diongrhux :ee, linw diyhh tniar hurzinlangg, m tangx pnaiw kuanxtai inx.
20 Juer qniaxzii :ee, linw diyhh huanrsu sunrtanr verbuw, in'ui jex si Jruw soxx hnuahiw :ee.
21 Juer laurve :ee, linw m tangx qig hro linw ee qniaxzii siurkir, qniax inx e sitjir.
22 Juer lovok :ee, linw diyhh huanrsu sunrtanr hiaxee jiauww ziogtew juer linw ee juxlangg :ee; m si ing hitt hy dirr langg ee bagjiux jingg ee unkunn, cincniu cruw hro langg hnuahiw :ee, diyhh ing singsidsimx qingwuir Jruw.
23 Qniwnarr linw soxx juer, diyhh cud dirr simx laii juer, cincniu hogsai Jruw, m si hogsai langg;
24 Linw jaix linw beh dui' Jruw did diyc singjiab giap ee vywsniuw; linw si hogsai Jruw Krist.
25 In'ui qniaa vutgi :ee beh sriu ix vutgi ee vywingr; Siongrder byy jiauww guarmau cruw langg.
4 Juer juxlangg :ee, linw diyhh ing gi qapp qongvingg kuanxtai linw ee lovok, in'ui linw jaix linw iarr u Jruw dirr tnix nirr.
2 Diyhh siongsiongg juanbu qidyw; qidyw ee sii diyhh qingxsingw laii qamxsia,
3 Qycc ter guanw qidyw, qriuu Siongrder qra guanw kuix tuann dyrliw ee mngg, tangx qongw Krist ee ywbiau (guaw uirdiyhh jitt xee iarr siurr vak),
4 Hro guaw jiauww guaw soxx ingqaix qongw :ee laii qra cenxbingg.
5 Duiww hiaxee guarbinrlangg, linw diyhh dirr diwhui laii qniaa, diyhh vyxsiyh qihue.
6 Linw ee soxx qongw diyhh siongsiongg ing unsunn, cincniu ing iamm diauhyy, dyrr e hiauxdid jnaixngiu laii rinr dagg langg.
7 Guaw longxjongw ee su, Tyqikus, soxx tniar ee hniadi, beh qra linw qongw. Ix dangjee juer diongsinr ee ce'ing, qycc dangjee juer lovok.
8 Uirdiyhh anxnix, guaw diaudii crex ix jiurqin linw, hro linw jaix guanw ee su, iarr hro ix an'uir linw ee simx.
9 Iarr crex Onesimus, diongsinr tangx tniar ee hniadi, qapp ix kir; ix iarr si linw hiax ee langg. Inx beh jiong' jitt soxjai ee su longxx qra linw qongw.
10 Qapp guaw dangjee qnuaiqnax ee Alistarqus, qapp Barnabas ee viauxsiyxdi Marko, cingxanx linw (lun Marko, linw ixqing’ sriu diyc bingrling; ix narr laii jiurqin linw, linw diyhh jiaplap ix);
11 Qiyr juer Justus ee Jesus iarr cingxanx linw. Sriok qatlew :ee jixu inx jitt quiw langg uirdiyhh Siongrder ee qog qapp guaw dangjee diyhbuaa, iarr si hro guaw did diyc an'uir :ee.
12 Krist Jesus ee lovok Epaflas, dyrr si linw hiax ee langg, cingxanx linw; ix dirr qidyw ee diongqanx siongsiongg uirdiyhh linw cud lat, hro linw kia jai uanjuann, muaxsimx sinwhok Siongrder itcer ee jixir.
13 Guaw qanjingr Ix, uirdiyhh linw qapp dirr Laodicea ixqip Hielapolis ee langg, u jerje lykow.
14 Laodicea, dyrr si soxx tniar ee isingx, qapp Demas cingxanx linw.
15 Cingxanx diamr dirr Laodicea jiaxee hniadi, ixqip Nymfas, qapp jurjip dirr inx ee qrex ee qauwhue.
16 Linw ixqing’ tak jitt xee puex, diyhh sethuad hro Laodicealangg ee qauwhue iarr tak ix; qycc linw diyhh tak dui' Laodicea laii ee puex.
17 Qycc diyhh qra Arqippus qongw, "Diyhh qinxsin laii jin liw dirr Jruw soxx sriu ee jithun."
18 Guaw Paul cinvid cingxanx linw. Linw diyhh siauwliam guaw qruar ticlen. Guan undenw qapp linw dilehh.