inghiong lo -2
Bunchhai huan'ik
CIWLEN EE LO
Itdanr huac quer hording, inghiongg dyrr e jinwzip jit xee qiquair/ venwhuanr byding/ liongxtauqnaa/ naxx dirr bangrqingw ee qaidnua, diyh'air qingquer sna' lensuar kyxgiam liauxau qycc singjunn lyc laii.
--- Campbell, THE HERO WITH A THOUSAND FACES ---
1922~1927nii jiqanx, Campbell u sxor jiongw sinhun: hagsingx/ unrdongrguann/ JAZZ tuanguann/ luxiujiaw (qiwjiaw, dersnajiaw). Dirr COLUMBIA dairhak duer RAYMOND WEAVER hagsip (1926 nii tec diyc diongsewqiw bunhak sigsu hag'ui.); dairhak JAZZ gagdui vunn SAXOPHONE/ vnuar ingliw sewqaiwqib qingwsair suanxciuw, camqax NEW YORK unrdong qurlogvo. Dagg dxangx zuac .langg ham' cur-lai ee langg cutgua luxhingg, qniaa quer Diongbixjiux/ Aujiux. 1924 nii luxiuu sii, sigsai sinlinghak dairsux JIDDU KRISHNAMURTI, “puw ~ aw” u cuwbi danghonghak genxqiur.
1927 nii tec diyc COLUMBIA dairhak jit vid liuhak jiangxhagqimx, kir PARIS dairhak genxqiur AUTHER tuanqii/ qxow Huatgiw/ Provencal. Qaur Paris au, jiacc huathen “jingxqyy sewqair dirr guaw ganxjingg packuix!”, Ix anne qongw. hitt sii si PARIS liulong gersudqax siongrr “ siauxqongg sidai (LES ANNEES FOLLES)”. Henrdai gersut PICASSO/ BRANCUSI/ KLEE, bunhak hongbin JOYCE/ YEATS/ ELIOT, longxx jibdiongx dirr PARIS.
Aurlaii jiangxhagqimx qycc endngg, 1928 nii suar kir MUNICH dairhak, dngw laii jyr diongsewqiw bunhak genxqiur, vutqyr jitt vaiw iong ee jailiau si Dikgiw guansiw vanxvunw. Cniurr ixjingg qangrkuanw, ix ee hingwcur jaiww jit vaiw huncuex, ui' Inwauqiw bunhak crunx hiongr Sanskrit, ui' diongsewqiw bunhak qniaa hiongr Inwdorqaur/ Vudqaur, uadlamw FREUD/ JUNG/ THMOAS MANN jokpinw. Dirr Aujiux jitt dnxua genxqiur qiqanx, jibhap liauw itsingx juxiaur ee quanhuaii : sinue/ bang/ gersut/ simlixhak/ bunhak/ zinluirhak.
ZINSINGX SI DUIQIUU SNEWMIA EE QINGGIAM
Brown : dirr irvirkyx tagceh qiqanx, liw qamxx bad cam'uw zimrhyy unrdong?
Campbell : or! Dongzenn, guaw vutditvud camqax. Aurlaii, guaw dirr qang jit qingx haghau qar ceh derr id nii dyrr jin' bingvik, zuqyw sniu beh qar jit qrunn javox ginxaw, diyh'air singx siaudiau inx sniu' je ee kuiwlat, hro inx camqax unrdong/ qra inx sangwzip unrdongrdniaa, hro inx horsiong vniar su'ngiaa. Guansiw siarhue hunpair jit quaw voglik hing'uii hro siauwlenn :ee jiphingg, si beh qawquaix inx/ jiyw huer sii ee dongrbut tensingr kuriuw voglik kinghiongr/ rair u honghuad hro inx qra siautauw cud laii.
Itvnuax qongw, zinsingx duiqiuu :ee si iwgi, guaw kiokk zinruii, si snewmia ee qinggiam/ qidiongx jit hxang daddid qriuu ee si, hyw ee vniawdaur. Qoxjaw IRLAND jit qxur ganrgiw “ jex qamxx qandna' si jit dniuu suzinn vniawdaur ziiw? Iacc si zimrhyy langg dy' ersaih cam'uw ?” jitt xee ue iokliok suecbingg srinx jairr jit dniuu hyw ee siydaur, si jnuaxngiu ee qinggiam. Unrdong ee iudiamw, si qingquer quihuanrhuar ee voglik hing'uii, e duar hro soxu cam'uxjiaw hyxcur/ hiaxee sidjai byy linglik camqax ee langg, inx jre dirr vnix :a, tauwquer knuar langg ee vniawdaur, did diyc vorhun ee buanxjiog.
Guaw dirr irvirkyx sii, camqax Bixqoksid kaqiuu/ HOCKEY, byy qac'ir iaxqiuu, dyrr byy pah ar; camqax HOCKEY, guaw si siuxmngguann/ kaqiuu si kia aurue. Siauwlenn sii, texdang u vah-veh vong, viw jitmaw kacc dang/ si aurue ee hyw jailiau.
Irvirkyx cutgiap au, jinwzip DARTMOUTH hag'ngi, kia joxdongr uirdir, jit nii au juanw zip COLUMBIA, nguarjyr hong'ue venqair/ dirr jiax ee qinggiam jin' cuwbi/ zip yc ee siqanx kacc nguar .quaw, virr venpair siuxqor vnix:a, derr id crur dui-lai vunjox duiwkongwsair sii, kyxlingg si derr zi vaiw tuanqiuu? Qiuu vuex quer siwhunrue tauu dingw, hro guaw jriab .diyc, py diyc qiuu, vniawmia jauw, qingwzenn hro guaw jauw quer juandniuu, did hunx! Qauwlen qra guaw driaur kir singx-huatqiuu. Guaw sidjai m si jit xee u qraur hyw ee kaqiuguann/ jurlaii m bad sniu quer e si jit xee cutsig ee unrdong suanxciuw.
Mrqyxx, sniu be qaur qingwsair laii cue guaw.
Ithiongr guaw byy guanrir hro langg jauw dirr guaw taujingg. Tak dairhak sii, gunw u texiogqyr/ itding rair jauw, sec sxig-lai unrdongrdniuu jap lenr/ iacc si jit ingliw. Kiw jauw au, guaw huathen m quanw guaw jnuaxngiu vniar, jongxsi u langg dirr guaw taujingg. Jauw suah, texiok laursux qiyr guaw kir (marr si qingwdui qauwlen), anne mng “ liw qamxx u sniu beh jyr suanxciuw?”
“byy.”
“liw jauw vnuar ingliw ee sokdo, kingxding viw juann hrau zimrhyy langg kacc qinw, liw qamxx byy sniu beh camqax qingwdui? ”
Dyrr anne, guaw qazip qingwsairwdui. Sursit-siong, jitt dnxua sing'uac si guaw zinsingx siongrr janw ee texgiam ji' id.
Brown : liw qingwsaiwdui sing'uac siongdongx henxbak. Jitt dnxua siqanx qar liauw liw sniaw?
Campbell : hitt xee nidai, qingwsair ee siauwlenlangg duiwtai qingwjingx ee taiwdo huisingg qunjuw, inx soxx viauxhen, si jinjniar piauxped ee lamjuw kiwqair.
Jit qazip unrdong vixsair, dyrr sriok quann qxaix :ee, dongsii, guaw jauw vnuar ingliw ee sokdo, byy sux sewqair zimrhyy langg, hex si 1924 ~ 1928 nii nng qair OLYMPIC unrdongrhue jiqanx/ sidjer si snax nii siqanx. Guaw itding rair tingjiw qingwsair uahdang, rair lauu jit dxangx siqanx ciongx cutgiap!
Hex jinjniar si jit dnxua jin' bixle ee suewguac. Dirr NEW YORK, jingxqyy dangtnix gunw itdit u sxig-lai qingwsair rair camqax. 1924 nii did diyc OLYMPIC qimvaii ee suanxciuw, juanvo qaur NEW YORK camsair, PAAVO NURMI si qidiongx jit xee/ guaw knuar quer ix jerje vixsair/ singsig qycc ngiaxbak. Guaw sniu, dairhak qaidnua qingwsair iwgi, ngiaa quer zimrhyy dairjir/ soxx yc .diyc .ee(:ee), viw zinsingx zimrhyy siqanx longxx kacc je/ yc erhiauw binrduir sux-ngiaa.
Richard Tamas：jitmaw, naxjunxx jerje langg kaisiw dauzip moxjiongw texlingg/ lingsingr tuanwlen, cniurr unrdong/ MICHAEL MURPHY soxx qoxcuix :ee, duiqiuu kacc quann iwsig jongrtair. Byy qang ee langg naxjunxx ui' qokk siulen-diongx did diyc luirsu ee qetlun.
Campbell : kaksit jerje anne ee langg.
Tamas : jitt jiongw duiqiuu qiglok ee quanliam dirr lanw jurqiw ee bunhuar-diongx dyc'ui cue ?
Campbell : jex si lanw sehongx bunhuar ee landee, lanw qeckuix sing'uac byy qang vorbunn, dyrr e sitkir jiaujngg. Jitmaw siurr danghongx ingxhiongw, kaisiw iwsig .diyc, zuqyw jin juanlik hunwlen jurqiw ee sintew, dyrr e duer laii jit jiongw sinvir hixlok. Tak dairhak sii, cinsinx texgiam diyc jitt diamw. Jitmaw huesiongw kiw laii, u nng ~ snax vaiw, camqax vnuar ingliw vixsair, qaur siongrbuew veh-jap bxew sii, dy' u anne ee qamxqag ... cniurr vuex .kiw .laii. Zuqyw u langg mng guaw, zinsingx dycc sijun bad qamxsiu quansnuax buexliux qinggiam? Vixsair jauw ee sii dyrr si/ viw guaw itsingx-diongx zimrhyy sikig hro guaw qamxqag jiapqin vuex .kiw .laii ee quansnuax qinggiam.
Jitmaw sehongx tuanwlen hongkir, si inxzip danghongx buxsut/ Ajiux siulen ee qetqyw. Sursit-siong, liw si m si erdangr dirr jenwdaur/ qingwjingx-diongx, hyw ~ suxiong jurqiw ee singkux, jniajyr simlingg jit xee hamsor?! diyh'air singx cue diyc jit xee diamrjing ee diongsimdiamw jyr hudsimx, jiacc u hxuad uanbiw byy kiamwdiamw suar dinxdang liw ee dongrjog. Bad sux quer nng dniuu jin' diongriaur ee vixsair, guan'inx si guaw hitt sii sitkir jitt xee anjing ee diongsimdiamw. Hitt nng dniuu taiww diongriaur lehh, suacc hro guaw qui' taukag sniu :ee, dy' si sux-ngiaa, m si jnuaxngiu qra vixsair jauw hyw. Qetqyw, dairjir bruw lrow .kir.
Kanciuw si tiauwbuw :ee, duiww unrdongrguann laii qongw, tiauwbuw naxjunxx si jit qnia qanxdanx ee dairjir. Mrqyxx beh tiaur hyw, juanvo ee quanqenr dirr simliam si m si u jibdiongx. Daii-dingw, simjir narr si jibdiongx, kax/ciuw si ittew ee; narr si be jibdiongx :ee, kax/ ciuw naxx liamm kiw kir sinkux, liw e qamxqag inx ee viauxhen si uanjuann byy qang ee.
Tamas : u quaw jitt lui jurgnow tuanwlen hongsid, knuar kiw laii naxcniu si KUNDALINI (Inwdo HATHA-YOGA pair ee quanliam, jriw jit jiogw sinvir ee sinsimx ligliong, amwcangr dirr liongqud dexjann, tauwquer siulen, qra kan'inw cud laii. Virr qiywcnew au, jitt jiongw lat e cniurr juaa qangrkuanw, ban ~ suar duiww dingxbin kiw laii, hyrjyr juaa-lat. liw hro jurqiw ee simsux uanjuann jibdiongx dirr liw luerjai mow xee vorui, anne moxjiongw mic dyrr e ui' liw luerjai lrauu cud laii, kyxlingg si jit jiongw hixlogqamw, marr kyxlingg si moxjiongw kacc quann ee lat, knuar .laii jin' luirsu Inwdo ixqingx liuhingg quixarr cingx nii YOGA quanliam, jixvutqyr lanw jitmaw si ixx lanw ee hongsid qra texhen cud laii.
Campbell : KUNDALINI YOGA si jin' u hertongw, suecbingg ciausimlixhak ee simlingg juanxhuar, si snax xee lat ee diongcux:
Derr id, snetnuar-lunn, hunrdun jongrtair, jipquad dirr snewmia/ singwiok/ cimliok ee juanxhuar.
Quann jit kxamw derr zi diongcux si simjong, jingsinn iwsig ee juanxhuar/ jairsikluw snex qniaw/ lenhuesimx/ qimsig ee LINGAM-YONI jyr siongrdingx huhy.
Siongrr quann ee jancur si qra soxu jiaxee lingliong juanxhuar jyr lingsingr jongrtair.
Dreessen : Dirr Aikiwdy ee tuanwlen, lanw erdangr suxiong mow quaw gixqur tecnew jurqiw, cniurr “jniarjyr jitt sii jitt soxjai ee liw jurqiw” “hiongr ix kaihongr” “hro ix huatsingx” ... dringw. Hex si jit jiongw huisiongg bixbiau/ vutkyxsugi/ jin' lann drat qaur ee qingxqair. Guaw sniu, buxsut tuanwlen ee jingxqyy bogdig si beh hongwha quawsimx/ jniajyr jitt sii jitt kig ee liw jurqiw, zenau, vangwsangx qijer jiacc e huatdong, dinxdang duer lecc laii, oor! Ix laii lor!
Brown : “jauw” jit dniuu vixsair qapp “jauw ngiaa” ee jingqamw quewdingg si byy qang ee. Zuqyw liw uirr ngiaa laii jauw, jauw ee sii simlai itdit knuar diyc liw ee ngiaa, jex ham' liw soxx qongw ee juaa-lat henrsiong si m si u sniaw quanlenn?
Campbell : jex si qra diongrdiamw ui' jiax suar qaur hiax ee juanxii, donghongx soxx qongw “krir”, lingguann laijurr siongrr qerjann ee diongcux, si diwhui (THE WISDOM SHEATH) diongcux. Hex si sintew/ jurzenn iwjir ee diongcux, liw simsinn jixiaur anduar dirr lairbin/ anduar dirr liw ee denxhen-lai --- cinurr jit jangg ciu ee singdiongw; “ngiaa” jit dniuu vixsair, si sintew ee lat/ lingliong ee amwlat denxhen, itdanr liw kaisiw suaw hiongr qitnax uirdir, dyrr e likuix jurqiw lat ee diongcux, liw ee lingliong marr duer lecc siausid.
URSII, QANDNA' MOXLANGG DIRR LIW GUAW AURBIN KINX SAG .JIT .XE, DYRR HRO LIW QNIAA JNRIU JITT DIAUU LO, M SI HITT DIAUU LO
Brown : guaw dirr liw siongrkyr/ qangxenw sii tniax quer liw qongw, qamxqag junxvi jit jed kxyr dyrr cniurr ....
Campbell : dyrr cniurr jauw jit dniuu qingwsair. Driyc! Jinjniar si anne. [ciyr] nng diamxjingx ee enxqangw jinjniar si jit dniuu qingwsair!
Phil Cousineau : qongw diyc qingwsair, liw si jnuaxngiu ham' OLYMPICS qimvaijiongw ee JACKSON SCHULTZ jniajyr ving'iuw?
Campbell : SCHULTZ jin' gauu jauw dew :ee suanxciuw/ jauw jit-vah, nng-vah qongciyh, huisiongg binxjet. Guaw dirr nng vaiw diongrdua qingwsair longxx ham' ix druar qang vangqingx, 1925 nii dairviauw NEW YORK unrdong kurlogvo qaur SAN FRANCISCO camqax Bixqog Texiok Lenbingg vixsair sii, ham' ix druar qang jit qingx/ jit nii jingg ix jiacc dirr PARIS OLYMPICS did diyc qimvaii, qycc laii dyrr ham' nng ~ snax xee unrdongrguann qaur sewqair qokk de sunhuee vixsair, tniax inx kuicuir/habcuir dy' si HAWAII. Hitt xee nidai, ui' NEW YORK qaur SAN FRANCISCO, rair jre sir-zit-vnuar ee huexciax. Dngw laii ee lo nirr, ix ham' guaw qongw :ee, marr si HAWAII. Guaw sniu, mr! HAWAII qiwzenn jiacc janw, guaw ersaih tuatdui qaur HAWAII qniaa jit jua. Ix tniax liauw qongw “hyw ar! Liw kir ar!”
Jex si guaw derr id vaiw kir HAWAII. SCHULTZ dirr HAWAII sii, bad KAHANAMOKU qui' qehuew-aw/ siaw puex hro HAWAII ving'iuw, cniaw inx jiaptai guaw. Sir zit vnuar au, guaw jre ee huexjunn kyr hnua, danxtai qiamxcax tuanziamxjingr sii, kongkir-diongx qau ~ ee huepangx, guaw qui' srinx langg hro jitt xee dyxsu bee .kir ar. Junn sraiw zip votauu, ROYAL HAWAIIAN gagdui kaisiw enxjaur “ALOHA”/ guaw knuar diyc gniajih zinqunn-diongx u langg giaa snaqakqii (siongrdingx singwli ), siaw “ALOHA, JOE CAMPBELL”
Gunw qingwsaiwdui dirr SAN FRANCISCO vixsair dua ngiaa, “jex jinjniar si jin' sikhap ee jiaptai!” guaw anne sniu. Jnriu hnua au, SCHULTZ ving'iuw cua guaw kir COURTLAND HOTEL. Je nii au, guaw jiacc jaix, kanciuw aurtaucur dirr jit qingx vngrdiamr ee au jit diauu qrex/ dongzenn, hitt sii ix jixsirr jit xee siyw qoniuu/ guaw dirr HAWAII hitt dnxua qiqanx/ ciangjai e laii jitt qingx vngrdiamr siong HULA ee kxyr.
Hitt xee zuac .langg, guaw ui'id beh jyr ee jit hxang su, dyrr si danw denrciax jair guaw kir WAIKIKI haixsuavox/ qui' zit dirr DUKE KAHANAMOKU longrvanw dingw liu'ingw. Jitt der liu'ingxvanw iong KOA sniusix-caa jewjy/ kiardit sii, guaw ciuw giaa quann jiacc bongx e diyc hiacc dngg/ jitmaw siukngr dirr BISHOP pogbudquanw. Suibongw guaw si qingwsair suanxciuw, sinkux-dingw byy jrngx tuisakkir, byy hxuad qra liu'ingxvanw sag zip haiw. Jixhyw dyw dirr dingxbin/ iong qyr ee, qyr qaur u ingw ee xui/ suar laii, qui' zit dyrr si anne dyw lehh, sniu vanrhuad liac diyc jit xee ingw!
U jit zit tnikir jin' hyw, DUKE siyxdi DAVID liux quer laii guaw srinx-vnix, “ knuar liw liac be diyc ingw hnor!”
“m jaix beh anxjnuaw hro jitt xee mic dinxdang kiw laii. ” guaw rinr.
“Hex, guaw sag .liw jit xe.”
Hitt .jit .xe, guaw erhiauw ar!/ ui' DAVID hiax guaw yc diyc ar! kia dirr longrvanw-dingw ee qamxqag, cniurr kia dirr “ELIZABEN luxongg hy” hiacc jai qycc unw.
1927 nii qaur Aujiux tagceh, derr zi nii duw diyc OLYMPICS unrdongrhue beh dirr PARIS vran, SCHULTZ singx laii PARIS liauxqaiw jongrhongw, jitt quiw lexvair qiqanx, druar dirr guaw hiax/ jaiww laii camqax vixsair sii, gunw u qyckacc je qihue dauwdin.
Je nii au hueqor quewkir , huathen mow quaw langg dirr liw snewmia-diongx vnuaenw jin' sinqii ee qaksig, SCHULTZ dyrr si qidiongx ji' id. U sii, qandna' in'ui moxlangg dirr liw aurbin kinx ~ sag .jit .xe, dyrr e hro liw qniaa hiongr jitt diauu lo/ m si hitt diauu lo.
Jurr jitt vaiw ixau, dyrr byy qycc qnir quer ix. Ix sidjai jin' cutsig.
SOXU SINBINGG DY' SI ZINLUI SIMLINGG DAUSIA, VNE DIRR LIW SIMLAI
Cousineau : liw qongw .quer, siauwlenn sii hibang jurqiw jniajyr DA VINCI/ DOUGIAS FAIRBANKS ee jonghabtew. Inx qamxx si jurr snuaguu BILL au, liw ee sinx Inghiongg?
Campbell : guaw sewhanr sii, FAIRBANKS si jit xee jin' janw ee enxguann, u jerje liauxvutkiw ee viauxenw. Qidiongx jit cud denrngiaw, FAIRBANKS vnuaenw jit xee haixcat, jit xee langg dirr aurbin ziog ix, jit lo itdit ziog qaur junn dingw, vreh kiw kir qaur junuii buexliux, byy de jauw lor, vuec cud dyx, cah zip junvangg, ciuw dne ann dyvner, langg duer quacpuar ee junpangg jit lo qut .lyc .laii. Sidjai taiww jingcaiw lehh, guaw ingxuanw e qir .did! Ix si jnuaxngiu sniu cud jitt xee vanrhuad! sniu e cud jitt ee qewdir ee langg, itding si jit xee ...
----------
Henkuix < Cinglenn Gersudqax ee uersiong (A PROTRAIT OF THE ARTIST AS A YOUNG MAN)> ee sii, (1927 nii dirr PARIS brew ee) e dirr cecmiaa hitt iac knuar diyc anne ee Lading bunn : “Et ignotas anuimum dimittit in artes (ix qra simlingg juanxhiongr birdix ee gersut)”, jitt vunw ceh ee juxqag STEPHEN DEDALUS, uirr jurqiw jy liauw jit siangx gersut-sxit, duer diyc hongx siwqer vuex.
---------- Joseph Campbell --------
Iuxquanx hagsut genxqiur, jurlaii duiww sewbii vorhun byy cuwbi, qamxqag zuxx jngr e hro langg zuxx huizinhuar. DA VINCI u qibiau ee tenhun, qra itcer juanxhuar, duar zip u zinlui qewdat ee mic, guaw zinruii ix si jit xee dat did yc ee bohuan.
Dirr irvirkyx, siongrr u cuwbi ee kybak si singbut/ sowhak, tak DARTMOUTH sii, marr iauxx si anne. Dairhak id nii qetsog hitt nii ee zuac .langg, u langg hro guaw jit vunw DIMITRI MEREJKOWSKI siaw ee <DA VINCI tuanqii (THE ROMANCE OF LEONARDO DA VINCI)>. Jitt vunw ceh packuix guaw simmngg, tak liauw jiacc jaix, guanlaii guaw duiww gersut/ bunhuar/ bunbingg sewqair jit diamw aw dyrr m bad, qandna' bad Bixjiux INDIANS dairjir. Guaw ee sewqair duer diyc jitt vunw ceh uanjuann qaixvenr.
Cousineau : liw qongw .qeur duiww AUTHUR tuanqii ee genxqiur, hro liw duiww IRISH Tenjuxqaur sinwgiongw u jit jiongw juann sinx ee quanjiaur. Jex si jnuaxngiu qongw?
Campbell : AUTHUR tuanqii si ui' CELTIC vuerqingw laii ee/ congwjyrjiaw qra CELTIC inghiongg zinbut juanxhuar jyr diongsewqiw kisu/ muixx jit xee dy' laijurr CELTIC guantauu/ jiaxee qowsu hro guaw ee cinbidqamw, henxzenn ham' guaw jurqiw ee bunhuar vuerqingw u quanhe. Tak quer JOYCE jokpinw au, guaw duiww jiaxee jailiau u qyckacc cimx ee quanjiaur. AUTHUR tuanqii soxx viauxhen cud sinqii siongxsiongrlat, uanjuann si IRISH-sid/ uac dirr JOYCE srinx-siong/ marr uac dirr guaw ee simqnuadew.
Cousineau : liw qamxx u qamxqag jurqiw zinrdongg JOYCE siyxsuad <Cinglenn Gersudqax ee Uersiong> hitt xee juxqag STEPHEN DEDALUS, siauwlenn qycc vuanrgik, si “diamrjing / hongwzim/ qankiauw” ee longrban juxgirjiaw?
Campbell : ix soxx binrduir ee landee, uanjuann si guaw ee landee, zuqyw sniu' jipquad dirr qauwhue qauwgi texhe, dyrr e songwsid sinwgiongw, hex jit diamw aw dy' byy hyxsngw. Guaw duiww qauwhue ee qauwgi texhe sanxsingx huaigii, kaisiw dirr genxqiur singbudhak sii, singbudhak soxx dramm zinlui/ dongrbut/ sidbut sewqair ee enxhuar, ham' <Congwsewqiw> soxx qongw :ee, uanjuann byy lenqed. Dirr guaw tagceh hitt xee nidai, langg zinrding siauwlenlangg qaix juadduir siongsinr, <Congwsewqiw> erdangr duiziog qaur qongquann jingg jit-cingx, nng-cingx, snax-cingx simrjiww qaur sir-cingx nii ee gugong bunhenr. Zuqyw liw siongsinr jitt xee mic, liw beh jnuaxngiu quer zidjiw?
Vadd langg kyxlingg jyr e qaur, mrqycc guaw jyr be qaur.
Kiokk ixqingx si liw ee jit vorhun, anne liw beh anxjnuaw? Honghuad dyrr si qra knuawjyr siongrdingx. JOYCE qiur liauw guaw/ hro guaw bingvik jiaxee dy' si siongrdingx, vauhamm poxpenr/ zinsingr ee iwhamm, jixiaur guaw tenxkuix gersut ee sidqow, jyr sinue-sid ee qaixsueh.
Marr si jitt xee guan'inx, JOYCE jiacc likuix IRELAND ee jingwdi/ jongqaur beqiongx, kir PARIS, kia dirr sewqair hongtauu jingg, jniajyr gersut unrdong ee singguann. Hitt sii guaw duxhyw dirr PARIS.
Jiongbuew hro guaw vaixtuad jitt xee kunwqingw, si Inwdorqaur ee <UPANISADS>. Qivunw-siong, erdangr qongw si ham' <Congwsewqiw> qangrkuanw ee sinue, ui'id byy qang, si qingquer disingr qaixsueh/ dyrr si qongw, qongguann jingg qauw sewqiw, Inwdorlangg ixqingx liauxqaiw, soxu ee sinbingg, dy' si zinlui simlingg ee dausia, inx vingrr m si dirr liw ee guarbin, si dirr liw ee simlai. Ui' moxjiongw iwgi-siong, moxjiongw sinvir ee iwgi-siong, liw ersaih qongw inx si guarjai :ee, qisit inx jinjniar druar ee soxjai si jiax (qiw jurqiw ee simjong).
VUDDYY SIYW CEH QAIXVENR ITCER
Brown : liw dirsii kaisiw u jitt jiongw texzin?
Campbell : 1924 nii guaw jap-qauw huer, hex ixx jin' cuwbi ee hongsid laii cue guaw. Gunw qui' qex jre ban junn kir Aujiux luxhingg --- m si go zit dyrr e dro quer Duarsex Xngiuu ee dua junn, si jap zit jiacc qniaa e qaur Aujiux ee siyw huexjunn, siongrr hyw xui hy jongxtongw ee miaa, cniurr “Harding jongxtong” “mow mow jongxtongw”... dirr haixsiong ban ban iyy, jin' simsig.
Ui' Aujiux dngw .laii ee vnuar lo, guaw dirr qapvanw knuar diyc snax xee puehusig kacc cimx ee lamsingr, jre dirr pangvor-iw. Juwir diyc, u jit xui siauwlenn luxsu bad inx. Ixjingg guaw m bad qnir quer cniurr inx anne ee langg, Bixqog qinvunw knuar be diyc Inwdorlangg/ inx qandna' e kir Ingqog.
Hitt snax xee Inwdorlangg ji' id, dyrr si JIDDU KRISHNAMURTI, lingrgua jit xee si inx a'hniax NITYANANDA, jit xee si ix hitt sii ee viwsux RAJAGOPAL/ sigsai inx si guaw zinrbad Inwdo sewqair ee kaisiw. Hitt xee uirr guaw siaurqair ee luxsu, sangr guaw jit vunw EDWIN ARNOLD siaw ee <Ajiux ee Qngx (The Light of Asia)> Vuddyy itsingx ee qowsu, lueriongg laijurr vudqingx/ kexbongg liauw guaw/ itdit qngx ciy guaw.
Aurlaii, guaw ixx hagsingx sinhun qaur PARIS genxqiur bunhak/ gixbunhak, qaur Dikqog genxqiur SANSKRIT sii, jaiww dxo jiapciog diyc Ajiux. Hitt sii guaw duiww Ajiux genxqiur jin' dauzip. Vutqyr, duiziog cuwbi ee guantauu, si hitt vunw Vuddyy ee siyw ceh.
Jin' qiquair, hitt vunw siyw ceh, siyw ~ ee jiapciog, qaixvenr liauw itcer.
Jaxjingg, <DA VINCI Tuanqii> qaixvenr liauw guaw ee sewqair, aurlaii Vuddyy ee siyw ceh, hro guaw ee qaixvenr jingqax jit xee binrhiongr.
DERR ID VAIW JIAPCIOG DIYC HENRDAI GERSUT
Brown : liw tec diyc COLUMBIA jiangxhagqimx, dirr Aujiux hagsip hitt dnxua qiqanx, sriu diyc sniaw ingxhiongw?
Campbell : guaw singx kir PARIS, aurlaii qycc kir MUNICH, qokk jit nii siqanx/ jingxqyy sewqair dirr guaw ganxjingg packuix/ zi-jap nidai 1927 ~1928 jitt quiw nii ee Aujiux, kaksit hro Bixqog langg dua diyhqniax. Linw jaix, dongsii Bixqoklangg duiww huatsingx dirr sewqair qitnax soxjai ee dairjir, byy cniurr jitmaw liauxqaiw jiacc je. Guaw dirr PARIS derr id vaiw jiapciog diyc henrdai gersut.
E qir .did jinwzip BOIS de BOULOGNE (qonghngg) hitt jit kig ee qamxsiu, hiacc jongwquanx ee uerlongg/ uerlongg uirr “doglip uerqax (INDIPENDENTS)” vowdir liauw jit xee duarhingg denxsi kongqanx/ soxui “doglip uerqax” dyrr si jriw qnuahongx uerlongg knuar byy bagde ee uerqax, vauquad PICASSO/ MATISEE/ MIRO/ BRANCUSI ...
BRANCUSI ee “vuex jiauw (BIRD IN FLIGHT)”, derr id vaiw dirr jiax denxcud. Iauxx e qir .did, dng' guaw knuar jitt vxag sii, RAYMOND DUNCAN (1874-1966) cing qaxx naxx GREEKS hitt ngiu, dirr doo ee hurqin qniaa laii qniaa kir. Linw jaix, hitt sii guaw si Bixqog ee jngkax-songg, ganxjingg soxx knuar :ee si, jiacc jenue/ BOHEMIANISM sewqair, juann sinx ee qinggiam, qniaa hiongr gersut sewqair, guaw ee snewmia ui' hitt sii kaisiw.
JOYCE EE INXCUA
Campbell : guaw dirr PARIS dairhak tagceh sii, jingxqyy dua huathen laii qaur guaw srinx-siong, jinwjingg guaw itdit dy' si qniaa dirr dit ~ ec ~ ee hagsut lo-siong/ draur dirr RUE de STAEL (qrex) jit qingx ser ~ vangqingx lai/ jitt diauu qrex si dirr BOULEVARD MONTPARNASSES ( PARIS Ci lamkux jitt diauu duardy, gersudqax jibdiongx ee soxjai) ee lingrgua jit vingg, ui' druar hiax qaur haghau, rair qingquer MONTPAMASSES / RASPAIL nng diauu duardy qauqair, hitt sii, LE COUPOLE uerlongg/ LE DOME qaviquanw/ qitnax q.-qiquair-q. ee uerlongg, longxx jip dirr jitt hurqin. Guaw jiacc ui' Bixqog laii, qinvunw dyrr byy knuar quer hiaxee mic/ jit diamw aw dyrr byy henrdai gersut qaiwliam. Dongsii soxu ee cecdiamr longxx knuar e diyc hitt vunw qau ~ nasig cecpuee ee <ULYSSES>. Mrqyxx dirr Bixqog, byy langg u jitt vunw ceh/ hueqog sii, guaw qycc taux ~ jah zip laii (hitt sii, si Bixqog qimwceh).
Guaw qniaa qaur jit qingx cecdiamr mng “linw qamxx u bre <ULYSSES>?
“dongzenn u, sinsnex.” anne rinr.
Derr snax jniux jit kaisiw anne siaw “iong bagjiux zinrdix hingtair: zuqyw byy qitnax hingtair, jiwjiyw tauwquer bagjiux zinrbad guarqair/ iong bagjiux sukyw/ venrzin banrmic qokk ngiu ee viauhy.” tak diyc jitt dnxua, simlai sniu, jex si sniaw nguaxqyx? vunxlaii zinruii, guaw ixqingx u dairhak hag'ui, sngr vutjiw u tingdo ar, suacc hro jitt dnxua ue pah vai.
Kir I'ODEON qongxdniuu SHAKESPEARE cecdiamr, cue diyc SYLVIA BEACH (<ULYSSES> virr Bixqog qimr au, ix dirr Huatqog qra cutvanw)/ guaw iong siauwlenn hagjiaw/ hunwkair ee kauxkir mng “ jex sngr dycc jit lo ee siaxjog? Ix knuax ~ aw qra guaw qaixsueh dycc jit lo ee siaxjog, qycc tuijenr jit dxuix ceh bre guaw. Jitt hxang su, qaixvenr guaw itsingx ee jiwgiap.
<ULYSSES> jitt vunw, rair tak .quer snax ~ sir vxenr, jiacc e bad decc qongw sniaw, hex si jit vunw jin' ciwqig ee ceh/ juann si jinliau-sidjaii, byy jit diamw aw vuii/ byy juiw. Hro liw did diyc ee sunzenn qinggiam, zimxvutju tak qycc jaiww tak/ jurlaii byy jit vunw ceh hro guaw u jitt jiongw qinggiam/ tak be sen. 1927 nii dirr PARIS brew jitt vunw ceh au, itdit dionghok tak, muixx tak jit vaiw, dy' qamxqag jin' songxkuair.
Byy zuarr quw au, bad jit xee laijurr NEW ORLEANS, siauwlenn diausokqax ANGELA GREGORY luxsu, ham' ANTOINE BOURDELLE (1861-1929) jywhuew qangjog. Linw jaix, diausokqax jongxsi rair u byy qang ee textair, inx jiacc u dairjir jyr. ANGELA mng guaw qamxx guanrir jre lyc laii, hro ix liap jit xee guaw ee tausiong.
----------
gersut ee viwbit dirr air...
iong snuawdiauu biyue cud uixdai ee dairjurzenn.
---- ANTOINE BOURDELLE ----
"dongzenn ersaih.” guaw rinr. Kir ix ee qangjoksig, knuar diyc hitt xui e venr mohuad ee zinbut ANTOINE BOURDELLE/ dongsii iokk veh-jap go huer(1861-1929?). tniax ix damlun gersut/ gersut qaix jyr sniaw, qidiongx jit qxur “gersut erdangr biyue cud uixdai jongrle ee dairjurzenn guarhingg”, itdit inr dirr guaw simqnuadew, cuarniaw .guaw. Sursit-diong, sinue marr si jyr anne ee dairjir.
Dyrr anne, guaw vingsii dirr SORBONNE dairhak tak PROVENCAL/ qxow Huatgiw/ CELTIC guantauu ee ARTHUR tuanqii... guaw sniu, aiw! Guaw lenrr dirr camtnix diamw jit dxngr e knuar tihh ee Huatqokcair dyrr berhiauw, jin' paixser! u jit zit dirr dairhak hurqin ee CLUNY huehngg qniaa, tudzenn jit xee liamrtauu siamw .quer, cua guaw likuix dit qycc ec ee lo, qniaa zip cimsnuax-nalai/ duir diyc guaw hixlok ee juxdee, jit diamw aw dyrr m jaix jiong' e qniaa qaur dyhh kir/ mrqyxx guaw byy qniax, JOYCE decc cua lo.
Aurlaii, SYLVIA BEACH siaurqair guaw knuar jabjir <TRANSITIONS>, jaxqii vanxvunw <FINNEGANS WAKE>, si ixx viaudee “congwjyr-diongx ee jokpinw”, kranx dirr jiax. Guaw ersaih qiw jit xee le, hro liw jaix jaxqii/ aurlaii vanxvunw u sniaw byy qang. qurvanr <FINNEGANS WAKE>, derr id qxur “Lrauu byy tingg ee kejuiw cua guaw dngw laii HOWTH sniavyw.” mrqyxx jerje nii au brew :ee, si anne siaw “juiw, lrauu quer EVA/ ADAM sinn dxen, en' diyc u.-uanuad-u. ee hyhnua, lrauu zip kiaux linglongx ee haixuanx, qniaa quer jit xee dua jngtauu, jaiww sunkuann, cua guaw dngw laii HOWTH sniavyw.” jex si JOYCE zi-jap dxangx laii ee texgiam.
----------
<FINNEGANS WAKE> u jit qxur ue, dirr guaw knuar laii si JOYCE zinsingx taiwdo ee sok'ngiaw. “ar! Jruw ar! Liw qra jit xee qycc jit xee ee ywvir sag dirr gunw srinx-siong, kiokk jre dirr hiax knuar gunw dirr jit uann snuawduix lai luan ~ jongg, qycc ciyr qaxx iyx kiaux be dit.” jex ham' Vudqaur ee posad jingsinn qang: h.-hnuahiw-h. cam'uw sewqanx ee iukow.
---------- J. CAMPBELL --------
Derr zi nii (1928 nii, cxiux) juanw qaur MUNICH dairhak/ huathen dongsii Bixqog iauxx byy langg jaix ee zinbut: S.FREUD/ C.G.JUNG/ THOMAS MANN, marr kaisiw hagsip SANSKRIT. COLUMBIA dairhak qauwsiu soxui ee “Dikqog hagsut sniavyw”/ zinrbad SANSKRIT, kexbongg liauw guaw, si guarlangg byy hxuad siongxsiong :ee/ dongsii hro guaw huathen, itdit decc genxqiur ee ARTHUR tuanqii, luerhamm si zuarr cimuanw honghur/ ham' guaw sewhanr siongrr air INDIANS sinue, junjai siyqang juxdee.
Sewhanr sii ham' aurlaii dirr bixle ee POCONOS Snuax PA., soxx huathen :ee, sinue/ Indians tuansuad qonglingg, longxx si hro langg' cruw diyc ham' daijurzenn ee hiabdiau itdir. Dirr Aujiux soxx huathen :ee, si gersut ee qonglingg decc biyue dairjurzenn hongdua snuawdiauu. Guaw soxx huathen :ee, si qang jit siuw uixdai/ honghur ee gagkig.
HAM' DIKGIW SNA' DYW, SI SNEWMIA EE DUA SURQNIA
Cousineau : Liw dirr Aujiux qiqanx, hagsip gixgenn vnuaenw sniaw qaksig?
Campbell : liw qongw diyc guaw jin' sniu beh dramm :ee. Guaw zinruii, lanw qauwiok hertongw sidjai byy hyw, siongrjiyw dirr guaw tagceh hitt quiw nii si byy hyw :ee. Lanw iong taiww je siqanx yc gixgenn (hitt sii gunw tak :ee, si Huatbunn/ Spanish). Hagsip guargiw m si baiw su, bunrdee dirr lanw yc, kiokk byy qihue tniax inx qongw/ qar :ee qycc si berhiauw qongw hitt jiongw gixgenn ee langg! Yc laii yc kir, dyrr si jiangxag hiaxee ham' gixgenn byy quanhe ee mic.
Guaw jurr iuwdirhngg dyrr kaisiw yc Huatgiw, kir qaur PARIS tagceh sii, jiangxag jitt xee gixgenn ee linglik cavutdyx lingg. Dirr PARIS jiacc snax qywguec, dyrr erhiauw qongw ar. M bad yc quer Dikbunn, qaur Aujiux, jiacc liauxqaiw jinjniar ee hagbun dirr Dikqog/ siaw puex dngw kir COLUMBIA dairhak, mng inx si m si erdangr qycc hro guaw jit dxangx ee jiangxhagqimx kir Dikqog jinwsiux. Inx huee qongw “ersaih, kir ar!” derr zi nii, juanw qaur Dikqog, snax qywguec dyrr erhiauw qongw Dikgiw/ tak Dikbunn. Liw dirr jitt xee gixgenn ee kuanqingw, qamxsiu diyc gixgenn dirr sing'uac-diongx ee jetjaur/ jurzenn kinsangx yc .diyc. E qir .did ui' irvirkyx cutgiap sii, bad sniu .quer, mair hro guaw su'iaur hagsip guargiw ar. Mrqyxx aurlaii huathen, cimzip jit xee gixgenn ee sewqair, e duar laii hixqongg. Muixx jit jiongw gixgenn dy' u jit herlet ham' ix dandok duiwingr ee qinggiam, beh zinrbad hitt jiongw qinggiam, jixu yc hitt jiongw gixgenn jitt diauu lo.
Qongw diyc jitt diamw, guaw u jit xee jin' cuwbi ee qinggiam. Guaw u nng vunw duwjog ixqingx huan'ik jyr Dikbunn/ dirr Dikqog cutvanw. Qidiongx jit vunw si <Uaxkyr Sing'uac ee Sinue (Myths to Live By)>, jit vunw tongsiok qanxdanx ee ceh/ jit qywguec jingg, guaw tec Dikgixvanw tak/ qamxqag si decc tak jit vunw ham' Inggixvanw uanjuann byy qang ee ceh! Vunxlaii qidiongx jerje qaiwliam laijurr Dikgiw, qycc dingsinx qut zp Dikgiw, jit diamw aw dyrr byy lann/ kiokk huathen jingqax jit quaw ham' Inggiw byy qang ee digjid. Dikgiw si jit jiongw six/ sinvir ee gixgenn, Inggiw si sid'iongrsingr :ee. Tak Dikbunn vanw sii, tudzenn huathen qongw cud vunxlaii dirr Inggiw vanw jinjniar sniu beh qongw, kiokk qongw be cud ee mic, jex si guanvunw byy iwsig diyc ee. Ham' Dikgiw siyduxtauu, si guaw snewmia-diongx jinjniar diongrdua ee surqnia/ u six ee jonggiamm, siongrr bee guaw :ee. Guaw air Dikgiw.
Kir Huatqog, vunxlaii si uirr genxqiur diongsewqiw gixbunhak/ qxow Huatgiw/ PROVENCAL/ ARTHUR tuanqii/ longrban sizinn ee siquax, kiokk byy sniu .diyc, itcer ee itcer ui' siwbin-vechongx dua ~ packuix. Kir Dikqog, duw diyc SANSKRIT, jinsi qibiau ee gixbunhak. Dikqoklangg si sewqair siongrr jaw kaihuad SANKRIT ee bunhak, jex dirr dongsii zimrhyy soxjai dy' cue byy ee. Dongzenn, jitmaw duiww SANSKRIT ee liauxqaiw, ixqingx ciauquer dongsii jerje.
GOETHE/ THOMAS MANN/ C. JUNG EE SINUE SEWQAIR
Campbell : dng' guaw dirr Dikqog jyr hagsingx sii, dngdecc genxqiur :ee ciaubudjid henrsiong tudzenn hiongr guaw jiax laii. Guaw genxqiur :ee si sinue, digvet si diongsewqiw sii :ee/ itdit si iong sehongx hagngirpair honghuad/ aurlaii, duw diyc GOETHE/ THOMAS MANN/ C. JUNG. Hionghiongg bingvik inx ee jokpinw vauhamm sinue ee binrmau/ jex ham' hagngirsid ee cittysngw uanjuann byy qang/ jitt diamw, hro guaw duiww Dikqog digvet cimx ee qamxjingg.
1936 nii, duw diyc jit xee jin' hyxsngw ee dniubin. Hitt nii, THOMAS MANN virr iaucniaw uirr Freud vah-jap huer snezit ee kingwjiog jurhue qangxenw. Jaix jitt hxang su au, guaw kacc sniu dyrr sniu be tongx, jit xee gersudqax duliauw dramm ix jurqiw ixgua, qycc erdangr damlun langg? Guaw jin' lann siongxsiong/ hitt zit ee jingqingw kaksit jin' simsig.
Jit kaisiw, THOMAS MANN viauxsi, ix byy bingvik jnuaxngiu e sriu iaucniaw qangxsuad? In'ui ix si gersudqax/ congwjyrjiaw/ m si kyhagqax/ m si hunsiksux. Jriab lyc qongw, sniu langg e cniaw ix laii, byy itding si dag'ee sniu beh texgiam jit xee longsinjed (SATURNALIA) kiwhunx.
----------
guaw jin' hyxzirun, erdangr qnir quer THOMAS MANN snax vaiw, qidiongx jit crur ee siqanx qycc jin' dngg. Ix si jit xee jin' qangxqiur hingsid ee langg/ duiww langg jin' u lexsor. Vutqyr, liw be qamxqag byy juriuu/ virr hanrjer. Dyrr cniurr siaw jap-sir jua six/ Zidvunw jiac dee ee gisid qangrkuanw, beh jyr hyw diyh'air jiangxag diyc hingsid/ vaxag diyc jitt xee hingsid, dyrr e viauxhen qaxx laurvordnia. Jex si gersut ee diongrdiamw. Byy jit xee gersudqax, byy huatdo jiangxag qikiauw ee.
------ Joseph Campbell --------
Linw jaix, dirr longsinjed jingg, itcer dy' si tentyc ee: suxiongrlangg ceqah juxlangg/ siyxtiuw-aw jyr huatqnuax... jongw qongw jit qxur, itcer longxx dendyr. THOMAS MANN e tecnew qongw si longsinjed, dyrr si irsenx qingxqyr tniajiongr, qycc laii beh qongw ee ue kyxlingg e hro langg m jaix beh anxjnuaw vran.
Jitt pnix enxqangw, aurlaii u cutvanw, hyrjyr <FREUD qapp Birlaii (FREUD AND THE FUTURE)>. Lueriongg ham' FREUD uanjuann byquanx (buquanx/ byy quanhe). THOMAS MANN jixcud, FREUD siongrr dua singjiu, si iong ihak ee zirsuu qra jap-qauw sewqiw Dikqog longrbanrjuxgi dethagqax huathen :ee, dingg qongw jit vaiw. FREUD vingrr byy tak quer jiaxee dethagqax ee duwjog, byy knuar quer SCHOPENHAUER/ NIETZSCHE/ SOREN KIERKEGAARD inx ee duwjog. Qiquair ee si, ix m jaix suacc hro ix erdangr iong jurqiw ee hongsid, qra jiaxee langg duiww amwiwsig ee huathen dingsinx qenwqor cud laii.
Suar lyc qongw, zuqyw byy langg qenwquair, sniu beh dramm jurqiw, jaw dirr ix tniax quer FREUD ee miaa jinwjingg, ix ee jokpinw dyrr dramm diyc amwiwsig bunrdee/ dexpnix siyxsuad <LITTLE MR. FRIEDMAN> erdangr jingwbingg jitt diamw/ si 1886-1887 nii huatviauw :ee/ viw FREUD <INTERPRETATION OF DREAMS> jaw snax ~ sir nii. Sursit-siong, liw jinjniar erdangr dirr jitt pnix siyxsuad cue diyc jerje FREUD aurlaii ee juxdniux/ suibongw FREUD iong ee si simlixhak ee uergiw / nng langg iong ee gixsuu uanjuann byy qang.
Qangxenw-diongx, THOMAS MANN qongw diyc JUNG --- jit xee vutqaix qongw ee miaa, bogjingg dngdecc siaw ee siyxsuad <JOSEPH AND HIS BROTHERS> sir vxo kxig, duxx siaw liauw derr snax vxo, lingqamw laijurr JUNG.
Tniajiongr si sniaw viauxjingg, guaw m qnaw siongxsiong, qongw kiw jitt hxang su, si sniu beh jixcud, THOMAS MANN ee ue, jin' erdangr suecbingg zi-jap sewqiw jingg vnuar dnxua, amwiwsig genxqiur lingxhik si zuarr canwlan qongcaiw neh! dongnii JOYCE/ THOMAS MANN suiwbongw horsiong byy siy' bad, inx ee siyxsuad kiokk dongsii ui' jap-qauw sewqiw jurzenn juxgi juanxhiongr qiongdiau simliw, qycc tudpuar sinue.
1914~1918 nii derr id crur sewqaiwdairjenr voghuad au, inx qokk uansingg liauw dairviauw sinx sidai honghiongr ee jokpinw: 1923 nii JOYCE cutvanw <ULYSSESS> , THMOAS MANN <MAGIC MOUNTAIN> 1924 nii cutvanw. Jitt nng vunw siyxsuad cecmiaa si jurzenn juxgi jutair, sursit-siong, si sinue ee qetqor --- siamx diyc sinue ee snuawsyh. Qycc laii ee jokpinw --- THMOAS MANN <JOSEPH AND HIS BROTHERS, JOYCE <FINNEGANS WAKE>, qyckacc si uanjuann byy vyxliuu jimwdimm dirr sinue haixngiuu sewqair.
JOYCE si IRELAND Tenjuxqauwdoo / THMOAS MANN si Dikqog tuantongw sinqaur duarhanr, jin' cuwbi ee duiwviw. Zuqyw liw si jit xee zinrjinx ee tenjuxqauwdoo, dyrr e ham' sinue u jin' bidced ee quanlenn, liw siaw siyxsuad sii, binrduir ee juxiaur bunrdee jixsirr jnuaxngiu qra sewqair ee sinue qetqor viauxhen cud laii. Jex si Joyce binrduir :ee.
THMOAS MANN binrduir ee bunrdee kiokk si dendywvingw. Guaw zinruii, Qidoksinqaur jit xee digdingx si hiyxding jongqaur gisid/ sinue, incuw, THMOAS MANN rair qingquer jit dnxua jin' dngg ee siqanx, jiacc ban ~ iwsig diyc sinue ee cimdo/ soxx amwsi ee luerhamm. Jitt diamw JOYCE ersaih qongw kacc jiamr van'gii, jit kaisiw ix dyrr si sinue suuii juanqax, THMOAS MANN si ban ~ jiacc jinwzip jitt jiongw sukyw. Jitt diamw, hro inx jit jo jniajyr huisiongg cuwbi ee duiwviw.
Campbell : dirr <MAGIC MOUNTAIN>, THMOAS MANN vutduan hiongr togjiaw qaixsueh jitt jiongw, hitt jiongw hongsid ee sinue luerhamm, hro togjiaw jaix iwsiong soxx siongrdingx :ee si sniaw. JOYCE byy anne, didjiap qra iwsiong kngr dirr binrtaujingg, cunx :ee si liw jurqiw ee dairjir ar. Guaw knuar ceh/ sukyw sii, ciangjai qamxqag inx si qigtauu ee horvow hongsid, gersut hongbin marr qangrkuanw, jinjniar simsig.
Inx marr qangrkuanw dirr jap-qauw sewqiw Dikqog dethagqax ee ingxhiongw-ha singdiongw. W. R. WAGNER (1813-1883) si inx singdiongw siqii jit xee jin' diongriaur ingxhiongxlat ee zinbut, ui' WAGNER kipsiux mow quaw quanliam. qidiongx imgak qikiauw si juxdy juxdee (LEITMOTIF), tauwquer dinghok sewjed, hro qang jit xee juxdee itjair cuthen, jaiww cuthen sii, jingxqyy iwgi dy' e venr qyckacc honghur. THOMAS MANN inxiong jitt xee imgak qikiauw jingr dirr bunhak-siong, zimrhyy tak quer ix siaw ee <BUDDENBROOKS> iacc si qitnax jaxqii dexpnix siyxsuad ee langg, dy' texzin .diyc jitt diamw. Dng' ix beh qongw diyc jit xee qaksig sii, jongw e tejaw duiww jitt xee qaksig jit sud aw ee hing'iongg/ pinglun, anne jingxtew juxdy ee juxdee dyrr itjair henwhen. Joyce ee imgagsingr jin' qiongg, iong qangrkuanw ee qikiauw, jyr c.-cutzip-z. ee huwquax. (JOYCE jidsiwlangg siongrr dua uiham si byy ngiaa diyc DUBLIN quacniur vixsair; diyc dingw ee si JOHN McCORMACK.)
Gersudqax siongrr dua tiaujenr si jnuaxngiu ham' togjiaw byy qirli, hro jokpinw byy hrongx siw dirr jursinx ji' lai. Jinjniar qamxdong langg ee cutsig jokpinw, si hitt jiongw e hro quansiongxjiaw u “ hex dyrr si guaw” ee qamxqag, guaw zinruii jiyr juxqag ee cuir, hogsia cud lingliong/ si guaw ee lat. Iong sunn qinggiamrjuxgi ee sudgiw, jitt jiongw suiw ee qinggiam hyrjyr “cam'uw (PARTICIPATION)”, sursit-siong vutjixsirr “cam'uw” qyckacc si “zinrdongg (IDENTIFICATION)”.
THOMAS MANN vniawmia jyr ee, si tauwquer dingsinx qaixsueh, ow cud unxhamm dirr Singwqingx binsiok quanliam (ETHNIC IDEAS) ee qivunw iauwsor (ELEMENTARY IDEAS), si jit hxang siongrr diongriaur ee qangjog, ui'id erdangr qar Iutaiwqaur --- Qidokqaur ee uisanw huansiaw (TRANSLATE), juanw jyr juann zinlui uisanw ee honghuad.
Linw qamxx u bingvik guaw ee iwsur? Jex si jit qnia dua surgiap. THOMAS MANN soxx loxlik :ee, JUNG zinrjinx jyr, JOYCE qangrkuanw henr cud simlik. Inx longxx decc sniu vanrhuad vyxliuu jiaxee uisanw ee jniawbin singhun, sik'iong dirr jitt xee juanqiusingr ee sing'uac quiqeh, hro lanw byy qycc zinruii lanw vair ee jiacc si siongrder, langg' :ee si qxuiw.
Lanw jitmaw rair jyr :ee si, cue cud cniurr JOYCE/ THMOS MANN jiaxee gersudqax, si jnuaxngiu tudpuar/ viauxhen cud jitt xee ywvir. Inx jiywjo ee honghuad ji' id si buntew ee suanlut/ six ee honghuad, vig lanw tiaur quer iwsiong/ bunzi, qniaa hiongr ue byy hxuad tuandat ee qokdo, imlut dirr jit diamw u jin' dua ee lat.
-----------
Guaw duxhyw bad hitt xui hurjig qra THMOS MANN qui' qex jriab laii jiax ee EUGENE MEYER luxsu --- WASHINGTON Iuvyr tauqex ee bow. Dng' guaw iwsig diyc <MAGIC MOUNTAIN> juxqag HANS CASTORP ee bangrqingw si dinghok liauw NIETZCHE <THE BIRTH OF TRAGEDY> juewau jit dnxua, guaw mng MEYER huzinn, ixjingg qamxx u juwir diyc jitt diamw? Iacc si THMOS MANN qamxx u qongw .quer? Rinr qongw “byy, xe huee duw diyc Thmos, guaw e mng.” snax lexvair au, guaw siux diyc puex “guaw mng ar, ix qniax jit diyy, jurlaii byy jurqag diyc jitt jiongw quanlenn ee junjai.” MAYER huzinn anne siaw.
Jex dyrr si soxui amwhok qiwdii (CRYPTMNESIA): taunauw e qir .did zimrhyy dairjir, mrqyxx juwiwlik kyxlingg ui' mow hxang su juanxkuix, hro liw sniu qongxx si ixqingx be qir did ar. Sursit byy be qir did, zuqyw liw tak quer <THE BIRTH OF TRAGEDY>, qangrkuanw e diyhqniax.
------ J. CAMPBELL -----
Jex si THMOAS MANN ee gersut viwbit: iong jit duir juadduir byy duar qamxjingg ee bagjiux, iong siongrr jingkag ee bunzi, cniurr jit qix jnxir buah diyc air ee iuu, qra jit xee langg zinqeh kiamwdiamw dingr diauu ~. ix qongw jitt jiongw qikiauw si kausew jingiok (EROTIC IRONY).
An' SHAKESPEARE ee qongxhuad, gersut ee qonglingg “teqiongx jit bin qniar hro jurzenn”. Guaw zinruii gersut uirr jurzenn soxx teqiongx :ee, si luisia libtew hipsiong qisut (HOLOGRAPHIC), hro lanw ui' qywvet knuar diyc jingxtew. Muixx jit xee qywtew qisit si jingxtew ee henxhen. Hiaxee jokqax dyrr si iong jitt jiongw hongsid cuxliw inx ee qaksig.
SCHOPENHAUER si derr id xee qra danghongx sudgiw inxzip KANTIAN suuii hongsid ee langg. Jex hro lanw dirr jap-qauw sewqiw coqii dyrr u nng jiongw dethak ee jonghap. Cniurr THMOS MANN/ JOYCE ... dringw jokqax incuw erdangr ui' jitt xee vyxkor kipsiux diyc danghongx duiww ciauuadjiaw/ zinqeh-diongx MAYA ee lixqaiw, iong sehongx ee suu, qra siqanx/ kongqanx qniar-lai ngiaxsiong soxx huanxsia cud ee huanwsiong, huan'ik cud laii.
Soxu jiaxee jokpinw, dy' sriu diyc simliw/ lingsingr hingtaiwhak (PSYCHOLOGICAL, SPIRTUAL MORPHOLOGY) ee kexhuad. YEATS ee susiongw/ six ee jokpinw, marr viauxhen cud qangrkuanw ee singhun, dongsii SCHOPENHAUER marr packuix jingxqyy amwiwsig ee lingxhik, qaur liauw FREUD, iong simlixhak ee uerqiw dingsinx qetqor.
Jex si huisiongg ~ uixdai ee sikig.
SIONGRR HYW EE SURBUT, BYY HXUAD IONG GIXGENN QONGW, DERR ZI HYW :EE SI VIRR GNORQAIW :EE
Tarnas: liw duxjiacc qongw :ee, hro guaw sniu kiw liw jin' air iong ee jit qxur ”qra ciauuadjiaw tauwbinghuar (TRANSPARENT TO THE TRANSCENDENT)”.
Campbell: quiw nii jingg, guaw ui' jit xee jin' iusiur ee Dikqog simlixhagqax yc diyc jerje, hyrjyr KARIFRELD GRAF DURKHEIM, ix ee genxqiur diongsimx sed dirr li FREIBURG byy zuarr hng ee ociurnaa SCHWARTZWALD. 1981 nii qauw-quec, ixqingx likuix go-jap-zi nii au ar, qycc kir jit jua Digqog. Guaw si jiacc hnuahiw ham' jitt xui huisiongg digvet ee langg jywhuew jit diamxjingx, sngr laii qinnii qaix u veh-jap-go huer lor! Ix qongw, zinsingx siongrr diongriaur ee suxbing si hro jurqiw jniajyr “duiww ciauuadjiaw tauwbinghuar”. Bingvik jurqiw jixsirr ciauuadjiaw ee jit xee henxhen, si uac dirr sinue/ uac dirr luerjai sinsingr snewmia-lai. Liw vunxlangg vingrr m si bogdig vunxsinx, jixsirr jit daii jair liauw iwsig/ snewmia ee qangqu ziiw. Jex si guaw ui' ix hiax did diyc siongrr diongriaur ee quandiamw.
“qra ciauuadjiaw tauwbinghuar” inxzip guaw ee uergiw au, huathen jitt qxur naxx si guaw berdangr qiamw ee suu, jitmaw, guaw duiww sinue ee dingrgi si “ jit xee duiww ciauuadjiaw tauwbingg ee amwviw/ siongrdingx.”
Ix si juxgnoxcnex (POLESTAR), guaw ee jixdy guanjig.
Tarnas: si m si erdangr cniaw liw kacc junxkag suatbingg “duiww ciauuadjiaw tauwbinghuar”?
Campbell : sinue qra sewqair packuix, ciauuat moxjiongw qongw be cud :ee --- dyrr si ciauuadjiaw --- venr tauwbingg.
Zuqyw unxqamm/ siongrdingx si qra jurqiw qnuaix kiw laii, qycc qongw “hex dyrr si guaw, si guaw beh jixcud soxx kansiap ee surqnia”, anne dyrr si qra ciauuadjiaw ziakamr kiw laii. Jitt sii, byy qycc si sinuersingr, si jit jiongw uaicuac/ vnertair :ee.
Kyhagqax qra lanw qongw, uxdiu/ snewmia ee lingguann, dy' laijurr crur-guanjuw iuwliap. Danrsi kyhagqax qaixsueh jiaxee iuwliap-aw si unrjoksingr :ee, inx si ui' dycc laii? Beh kir dyc'ui? Qamxx jinjniar u jit xee dyc'ui ee soxui hro inx l.-laikir-k.?
Jun'iuw (BEING) ee jiongqik qinguann si ciauuat dingrgi jigua, ciaucud lanw diwsig jigua :ee. Liw naxx tamwmng jiongqik jun'iuw ee bunrdee sii, dyrr si decc tamwqiur ciaucud soxu susiongw huanrdiuu --- vauquad jun'iuw (BEING)/ huijun'iuw ee huanruii --- jigua ee mic. KANT siaw ee <Sunzenn Lixsingr Puepnuar(THE CRITIQUE OF PURE REASON)> jixcud, “jinx” “qew” jixsirr lanw qinggiam luirhingg ee hamsor. Lanw soxx gingqiam diyc ee itcer, dy' si jewhan dirr siqanx/ kongqanx/ huanrdiuu soxx jojid kiw laii ee kingkag-lai.
Anne, u sniaw ciaucud jitt xee kingx jigua? Dyrr sngr “ciauuat” jitt xee zri vunxsinx marr si susiongw huanrdiuu! Ciauuadjiaw jinjniar si ciauuat :ee --- ciauuat lanw soxx erdangr jaix ee qaiwhan jigua. Qongguann jingg cid sewqiw ee ceh <KENA UPANISHAD> siaw qaxx jin' cingcyw “hex si gixgenn/ susiongw dy' byy hxuad drat qaur :ee.” iong jic qongw cud ix ee miaa, byy kyxlingg byy qra congr lacsab .kir. Jex dyrr si “ciauuadjiaw” ee iwgi. Sinue ee iwsiong jongxsi jriw hiongr ciauuadjiaw, hro lanw qamxsiu diyc jurqiw jauxjongg dirr hitt xee ywvir jisiong.
Aikiwdy (AIKIDO)/ qingwsair qangrkuanw ersaih hro lanw qinglik jitt jiongw vuex kiw laii ee qinggiam. Liw ersaih qongw si unrdong ee sinviwjuxgi. Narr si air ee sinviwjuxgi, si vuex dirr “zi” jisiong ee qinggiam --- bingliauw “zi” jixsirr viauxbin, “id” jiacc si vunxjid. Anne si jit jiongw jinliw qinggiam/ didqaksingr qinggiam, benw qor diyc siqanx/ kongqanx.
SCHOPENHAUER siaw quer jit pnix jin' janw ee bunn, < Dyrdig ee Qicow (THE FOUNDATIONS OF MORALITY)>, tecud jit xee bunrdee : lanw uirsniaxmic ursii knuar diyc langg' u huihiamw sii, e byy quanw jurqiw ee anjuann tiaur .zip .kir vangjan langg' ? Zuqyw langg tensingr derr id guanjig si jurvyw, hitt jiongw qiur langg' byy qor snewmia ee hing'uii qycc anxjnuaw qaixsueh?
Ix jurqiw ee huedab, hex si jit jiongw viw hunvedqamw kacc cimuanw ee ciaubudjid ciongdong soxx drir. Dirr jitt jiongw texgiam-diongx, liauxqaiw diyc jurqiw ham' langg' si hab'id. Vadd langg/ jurqiw ee hunvet, qandna' junjai dirr siqanx/ kongqanx lingxhik, danrsi kacc quann hitt xee lingxhik, sinue jixhiongr :ee --- si byy hunvet :ee. Hitt xee kacc quann :ee, marr si jit xee huilingxhik. Senjongx huesniu anne hing'iongg jitt xee qingxqair : “ si :ee, si m si; m si :ee, si si.” jex si sui' qongw sui' buah driau ee honghuad. Vudqax soxx qongw ee “kangx”, m si byy, si jit jiongw uanbiw (PLEROMA)/ hongmuanw (FULLNESS)/ ciauuat zi-cuwguann duiwlip ee qingxqair.
Zidsiongg sing'uac lanw vingrr byy su'iaur cauhuann jitt lui dairjir. Mrqyxx itdanr cruw dirr singqongx/ sitvai quanqenr sikig, iacc si snewmia guiqix sii, si m si jitt jiongw quanjiaur, cavet dyrr jin' dua lor.
Guaw ee hyw ving'iuw HENRY ZIMMER jairser sii ciangjai qongw, siongrr hyw ee surbut uergiw viauxdat be cud, derr zi hyw :ee, dy' e ho'ngg gnorqaiw, jex si in'ui zi dringw hyw ee honghuad, lanw qandna' kyr siqanx/ kongqanx ee vuerqingw-ha, jixzin ciauuadjiaw. Derr snax hyw :ee, iong qongw :ee. Lanw iong qongxue hongsid laii dramm siongrr hyw/ derr zi hyw ee mic.
Arrien : tniax liw anne qongw, hro guaw sniu diyc BASQUE jit xee bixle ee sinue, anne qongw, u jit buew bixzinhii qandna' e dirr zidqngx siamxsih ee juixbin siuu juiw, jiamrr quw .laii, zidtauu air diyc ix, qra jic crunx cud laii (hitt diauu bixle ee king) qra bixzinhii qngw qaur jurqiw srinx vnix, dng' inx qethap sii, tnidingw qangr lyc cid dih hnuahiw ee bagsaiw. Zenau, zidtauu qra bixzinhii tror cud laii, bixzinhii itdit vuex itdit vuex..., venrjyr jit liap dua liusingx, zuxx laii zuxx dua liap, siongrbuew venwsingg guehniuu.
Qinqir jitt xee sinue, lanw dagg zit honghunx amr sii, knuar byy zidtauu/ guehniuu, hex si inx jaiww crur qethap ee sii. Vutqyr lanw kiokk erdangr knuar diyc inx soxu ee juxluw, hex si tnidingw ee cnxix.
Campbell : jin' qoxjuix.
Arrien : hex dyrr si ciauuadjiaw!
Campbell : jiacc suiw ee sinue, ui' dyhh laii?
Arrien : BASQUE derkux.
Campbell : BASQUE sinue? Inx vunxlaii dyrr si jit xee jin' janw ee binjok, jitt xee sinue qamxx m si jin' suiw? Guaw ixjingg byy tniax .quer, danrsi jit tniax, guaw dyrr jaix hex si sinuersingr :ee. Luirsu ee sinue, dirr qitnax snax ~ sir xee bunhuar marr cue e diyc. Anne ee sinue, vingrr m si diauqangx congwjy, si sunzenn ui' lanw siongxsiong/ siongrdingx ee diongcux lrauu cud :ee, kuriuw sinue singwjid, ixx moxjiongw ciaubudjid lorqingr, hiongr lanw qongxsuad mow xee quanhe snewmia ee bixle jinliw.
Tniajiongr mng : liw dramm diyc “duiww ciauuadjiaw tauwbinghuar”, mrqyxx guaw zinruii, bunrdee u quaw langg vingrr byy qra jurqiw knuawjyr tauwbingg :ee, dendyww si qra jurqiw zinrding byy tauwbingg, jex si jit jiongw jurgnow pongwdua. Jex si uirjnuaxngiu inx e sanxsingx zuluan.
Campbell : guaw ciangjai e ui' vadd langg hiax did diyc jin' hyw ee iwqenr, jex dyrr si jit xee le. “guaw m si hiacc tauwbingg.” u langg anne qongw. Danrsi jitt qxur ee “guaw”, jixsirr jit xee “mow langg”, m si jinjniar ee guaw. Inwdorqaur dyrsu anne qawsi qongw, zuqyw liw qongw ee “guaw” si jixzin jit xee henrsiong, liw dyrr bersaih dramm diyc ATMAN, dyrr si tauwbingg ee guaw.
Lanw kyxlingg ersaih qongw, Iutaiwqaur/ Qidokqaur si tongsiok jongqaur, siongrr sikhap sinwhong jitt nng jiongw jongqaur ee sinwdoo, dy' si hiaxee iauxx byy junxvi hyxser beh jiapsiu jursinx ciauuat luerjai ee langg. Guaw qamxqag, inx qaix qra jurqiw cuicciauu viw jitmaw qyckacc jiapqin tonghiongr ciauuadjiaw ee duarmngg.
JIT XEE UANJUANN BYY SINUE :EE, BYY SNGR QOKQAX
Brown : simlixhak dirr dongdai sinue vnuaenw sniaw qaksig? Sinue duiww simlixdirliausux/ jiapsiu simliw dirliauu :ee u sniaw vangjan?
Campbell : simlixhagqax dirr zinlui simlingg soxx cue diyc ee qetqor, duiww sinuerhak ee genxqiur laii qongw, si siongrr bardah :ee. Dnaxx sinuerhak qaix loxlik :ee, si qra simlingg qetqor ham' dongdai zinlui kecquanx singjunn kuanqingw sna' lenqab, sinue hro liw jit xee snuawtauu/ si huhy hertongw. Ix ee iwsiong dy'm si sursit, si amwviw/ ciauuadjiaw ee kan'inw, tiux cud sing'uac sursit ham' simlingg sursit lenjiab. Jitt jiongw siangdingg quanhe, liw sniu, rair iong sniaw cinghox ? “kangx”? “uanjuann”? “hongmuanw”? Jiaxee soxx jixhiongr :ee, dy' si ciaucud setsiongw jigua lingxhik, qycc diamxbingg qang jit xee dyrliw: jitt xee vutkyxsugi ee uxdiu/ cingbanrcingx xee tenhyy, longxx kia kiw dirr hibuu-diongx.
Byy langg jaix hiaxee ser ~ liap crur-guanjuw iuwliap-aw ui' dyhh laii? Beh kir dyhh?qamxx qandna' si dirr tamwcig qikir ee ingbo-bin siamx .jit .xe ziiw? Snewmia l.-laikir-k., qamxx si lag zip siqanx/ kongqanx/ inqyw quanhe-diongx ee jingsinn (SPIRITS)?
Sinue vitsu'iaur kyxlu diyc dongdai uxdiurlun, zuqyw ilai quewsii uxdiurlun, dyrr byy sngr si hyw sinue. Jex si lanw jitmaw siongrr dua ee tiaujenr ji' id. Guaw byy zinruii kyhak/ jongqaur jiqanx u ciogtut junjai, jongqaur rair jiapsiu/ quanwcuanx qang sidai ee kyhak, qycc didtaur ywvir. U ciongtut :ee jixsirr 2000 B.C. kyhak ham' 2000 A.D. ee kyhak. <Congwsewqiw> ee sinue --- laijurr SUMER --- ixx 2000 B.C. ee kyhak jyr qinqix ee.
David Kennard : jit xee uanjuann byy sinue ee qokqax juewau e jniajyr sniaw kuanw?
Campbell : hex qinvunw byy sngr qokqax, jixvutqyr si jip jyr dxuix ee suax, lenrr jit xee bunbingg dy' m si.
Kennard : dnaxx m si u quaw qokqax ...
Campbell : guaw m si siarhuerhagqax, marr byy duer diyc sewqair siongrr sinx jongrhongw. Liw ee bunrdee qandna' erdangr huedab “m jaix”.
Brown : liw zinruii FREUD/ JUNG duiww amwiwsig ee quandiamw u sniaw hunvet?
Campbell : FREUD ui' JUNG hiax zinrbad diyc sinue/ simlixhak ee quanlenn (jitt diamw linw erdangr ui' ix ixqingx cutvanw ee puesinr huathen), cuxau, jiacc kaisiw iong jurqiw simlixhak quandiamw genxqiur sinue.
FREUD-sid ee amwiwsig, luirsu vunwsywtangw, juanbunn hro langg he inx hiaxee byy hxuad zimxsiu/ m jaix jnuaxngiu cuxliw ee congwsiongx, ngua jit qxur qongw, amwiwsig si zinsingx jygu ee jit xee hamsor, liw u liauw sniaw sionghunn, dyrr e u sniaxngiu ee amwiwsig. Anne ee enqor, lanw be u/ byy kyxlingg e u siangkuanw ee siongrdingx hertongw.
JUNG ee simlixhak si kixjy dirr singbudhak ee qicow-siong, jitt jiongw quandiamw zinruii, hitt jiongw hiongr lanw singkux huatcud sinwsid ee lingliong, si hiongr lanw ee bang huatcud. FREUD-sid ee amwiwsig --- JUNG qra hyrjyr qywtew amwiwsig (PERSONAL UNCONSCIOUS) --- qivunw-siong si duanrqir-sid, m si singbudhak-sid. Incuw, FREUD jiacc e iwdoo ixx ligsuw diongrdua guiqix qaixsueh sinue. Dirr <Siuxhorsinn qapp Qimwqir(TOTEM AND TABOO)>, iong laii qaixsueh sinue ee sryw si sad ve jingqad, si iong ligsuw/ qywzinn duanrqir surqnia laii liauxqaiw siongrdingx iwgi.
JUNG bingvik, simlingg kaksit u anne ee binrsiongr, ix marr jaix, simlingg qycc vauhamm lingrgua jit bin, lanw simlingg e siurr kiwquanx lingliong ee cepair/ tuisag lanw, jitt xee lingliong dirr lanw soxu ee langg si qang ee. Anne hingsingg ee amwiwsig si soxui ee jibtew amwiwsig (COLLECTIVE UNCONSCIOUS), lanw qiongriuw ee amwiwsig. Sinue ee siongrdingx laijurr jitt xee cimjann, m si ui' jurgnow qywzin ee dexjann. Dongzenn, muixx jit xee sinue dy' u digding ee ligsuw si'kongx lorqingr, sriu digvet siarhue bunhuar sokjy, danrsi qinvunw ligliong, iuguann laijurr qiongriuw ee vunxgnow(ID) cimjann lingliong.
BINSIOK INXCUA ZIDSIONGG SING'UAC, QICOW QUANLIAM INXCUA LUERJAI SING'UAC
Campbell : dirr jitt xee quandiamw duiww guaw u dua kexhuad :ee, si Dikqok zinluirhagqax ADOLF BASTIAN (1826-1905), qra laijurr jibtew amwiwsig ee qiongrtongx juxdee hyrjyr qicow quanliam(ELEMENTARY IDEAS). Vutqyr zinlui qicow quanliam suibongw qang, danrsi viauxdat cud ee sii, kiokk e in'ui ligsuw/ derliw kuanqingw byy qang, hingsingg hunhuar, BASTIAN qra cingjyr binsiok quanliam(ETHNIC or FOLK IDEAS). Lanw siauwlenn sii, binsiok quanliam inxcua jinwzip siarhue, hro lanw jaix jnuaxngiu sing'uac. Narr duw diyc kunwqingw, binsiok quanliam ee gnerkag dyrr e packuix, henxcud qicow quanliam, inxdy lanw huee qaur luerjai laii.
Inwdo gersut pinglun zinrbad diyc iwsiong vauhamm jitt nng hongbin, hunvet qra binsiok :ee hyrjyr DESI, qicow :ee cingjyr MARGA. Qowsu kansiap diyc langg/ surbut ee vorhun, iacc si ham' siqanx/ kongqanx iuxquanx :ee, sriok binsiok DESI, soxx jixzin :ee si “derhngsingr” “tongsiok”; sinbingg soxx siongrdingx :ee si qicow quanliam, sriok MARGA vorhun, iwsur si dyrlo, zirqinx MRG si dongrbut lauu lyc laii ee kaziah, duiziog hitt jiah dongrbut ee kaziah, dyrr erdangr cue diyc inx ee cur. si'angg si hitt jiah dongrbut? si langg ee sinsingr/ linghunn jursinx. Inx ee cur dirr dyhh? Dirr lanw simlai. Incuw, jixiaur duizib qicow quanliam, dyrr e virr cua qaur luerjai siongrr cimyr ee sinsingr guantauu.
Incuw, binsiok quanliam kyxiw jixinw zidsiongg sing'uac, qicow quanliam inxcua luerjai sing'uac. Sinue dongsii uirr jitt nng xee bogdig hogbu.
Qicow quanliam byy venr, inx ui' dyhh laii? Laijurr linghunn/ langg ee linghunn.
Lanw siongrr diongriaur :ee, si bersaih ham' inx sitkir jiapciog. Binsiok quanliam m si ingxuanw u hau, in'ui si vin' hitt xee siarhue qetqor, zuqyw virr lingrgau jit xee qetqor cuxdai, qu :ee byy hxuad huathuix jok'iong, lanw ee simlingg sui' hamrzip zuluan. Jex si henrdairlangg kunwqingw ji' id.
Dnaxx siarhue hertongw/ lixsiongw, simrjiww budjid kuanqingw juanxvenr qaxx jiacc qinw, hro lanw qinvunw byy siqanx qra siangquanx :ee lenjiab/ qetjnix, qycc huatdenw. Qandna' guaw jidsiwlangg, duiww jnuaxngiui jiacc si hac lunliw ee knuawhuad juanxvenr, dyrr tnix cax de!
---------------------
JUNG bad mng quer jurqiw, sing'uac dirr sniaxngiu ee sinue-diongx? kiokk dab be cud. “cue cud guaw dauwdew sing'uac dirr jnuaxngiu ee sinue, si guaw jidsiwlangg jiwgiap-diongx ee jiwgiap” anne qongw.
-------- J.CAMPBELL, ESALEN,1982
Campbell : guaw iauxx jin' sewhanr sii, u jit zit ervox, a'jig laii gunw daux (NEWYORK Ci 98 qrex qapp Hyvnix duardy qauqair), qra guaw qongw, “JOE, laii! Gauw cua liw kir knuar huiqix, u langg beh ui' ALBANY vuex qaur BATTERY.” jex si hitt sii vuex siongrr hng ee. Jit xee hyrjyr GLENN CURTISS ee langg, beh kiaa jit daii luirsu huiqix kadahciax ee mic, vuex quer HUDSON Hyy.
Qycc e qir .did, qui' diauu qrex ee cuwdingw, langg kia qaxx buanw ~ ~, danxtai knuar jitt hxang dairjir huatsingx. Zidtauu lyc snuax, tnix kaisiw amr lyc laii, hitt xee mic ui' hng ~ hitt vingg cuthen, muixx jit xee huah “ix laii ar! ix laii ar!”
Qaur guaw likuix COLOMBIA dairhak, 1927 nii kir Huatqog/ Digkog tagceh sii, duxx si LINDBERGH sraiw “THE SPIRIT OF ST. LOUIS”, vuex quer Dua Sex Xngiuu. Jitt daii huiqix jitmaw ingwqaix dirr ST. LOUIS qidniuu qycc knuar e diyc.
Dnaxx zinlui ixqingx ciongx qaur guehqiuu-dingw, jin' qniax langg! Jitt xee surqnia vutjixsirr henxsi kyqix ee diongrdua tudpuar, marr siongxsiong lanw duiww iwsig/ langg ham' uxdiu quanhe longxx e duer lecc qaixvenr.
HAM' JUNG JYWHUE LIMX DEE
Campbell : 1954 nii, jin' hyxzirun gunw angbow did diyc JUNG isux iaucniaw, qaur ZURICH qaugua BOLLINGEN (BOLLINGEN qiqimhue si anne hy ee) ham' inx angbow limx dee, hiax si li ZURICH Oo kacc hng .quaw ee soxjai.
Ham' kanciuw druar dirr jit qingx ser ~ qojiux ee vngrdiamr, erdangr hng ~ knuar duiww BOLLINGEN hitt vingg ee hongqingw. Danw ioksog ee siqanx decbecc qaur sii, gunw jre jnriu ciax, kaisiw cue BOLLINGEN ee soxjai, guaw sraiw quiw ingliw au, mng lo-vnix jit xee jycsitlangg: cniaw mng, BOLLINGEN dirr dyhh?
“En' jitt diauu lo itdit lyc kir dyrr qaur BOLLINGEN.” anne rinr.
Sraiw jit kunr au, knuar diyc jit xee langg, qycc mng jit vaiw.
”itdit qniaa lyc kir dyrr e qaur ar.”
Gunw si kyr jitt xee honghuad cue qaxx qaur. BOLLINGEN jingg u jit diauu siyw ticqilo hnuaii quer. Liw jaix, SWISS ee huexciax jing qycc qinw, guaw ciax duxx sraiw quer ticqidy, sui' u jit daii huexciax siuh .jit .xe quer .kir. Guaw qra JEAN qongw, lanw duxx huac quer SYMPLEGADES, lanw narr quer KLAPPFELSEN, dyrr sngr jinwzip singwde lor!
Gunw ciax itdit sraiw qaur JUNG uirr beh juansimx genxqiur sinue, cinciuw kixjy ee siyw sniavyw jingg. Lyc ciax au, qniaa diyc jit diauu siyw lo, taiww je langg qniaa .quer lehh, lorbin kangx ~ lab ~, qycc jniur log log, guaw sidjai m jaix beh anxjnuaw jiacc qniaa e qaur mng-vnix.
JEAN dyrr jaix beh anxjnuaw hna quer tomuaiqyx, siongrr buew marr si ix cue diyc hitt xee jin' pnaiw cue diyc ee mnglingg. Gunw sriu diyc inx angbow gniajih, jywhuew limx dee. JUNG si jit xee cinced ee juxlangg, qinvunw m si dua vaii isux qauwsiu, jit diamw aw dyrr byy kuiwtauu. Ham' ix uanjuann byy qaudamm bunrdee, qaur hitt sii uijiw, guaw ixqingx venjib cutvanw sir vunw H.ZIMMER ee jokpinw, JUNG ham' ZIMMER si ving'iuw, marr uirr ZIMMER venjib cutvanw quer jit vunw Dikbunn ceh, erdangr qongw gunw si ZIMMER qiongrdongg venjipjiaw.
Tniax qongxx guaw duxx junxvi beh kir Inwdo, JUNG qongw, “liw beh kir Inwdo? Anne, guaw qra liw qongw AUM si sniaw iwsur. ( AUM dirr Inwdorqaur virr knuawjyr sinvir singwimx, huanrnarr sunqiuu qaixtuad beh ham' BRAHMA hab'id, diyh'air zinrjinx liam qycc bingngiu jitt xee singwimx.)”
Guaw dongzenn jaix AUM si sniaw iwsur, marr si tniax...
Ix qongw, “dng' guaw dirr Huijiux sii, ham' jit qrunn langg jywhuew sanwvo, qniaa lehh, qniaa ... suacc cue byy lo, byy zuarr quw, huathen virr jit qrunn siauwlenn jenwsu uii dirr dionghngx, inx iong jit qix kax kia lehh, ciuw giaa dngmauu, pni qngr mic. Gunw m jaix inx si si'angg, inx marr m jaix gunw si si'angg, horsiong dy' tniax byy duiwhongx ee ue.”
Ix qewsiok qongw, “zenau, qingquer jit jun jin' gairgiyc diamrjing au, gunw juanvo jre lyc laii, horsiong knuar duiwhongx, danw gunw longxx kinsangx lyc laii au, liw qamxx jaix guaw tniax diyc sniaw? Guaw tniax diyc AUM AUM AUM ee sniax.”
“nng dxangx au, guaw ham' jit qrunn kyhagqax kir Inwdo, inx si jit qrunn byy iong'i virr qingwuir qinggiam qamxdong ee langg”
”gunw singx kir DARJEELING, qycc kir TIGER HILL. Beh kir hiax, rair jaw jaw cud mngg, qnuaw dirr tnix puxqngx jingg, gunw qinvunw m jaix e knuar diyc sniaw, jit kaisiw, tnix iauxx jin' amr, danw zidtauu cud laii au, jit liap qycc jit liap HIMALAYAN snuax qrunn hionghiongg cuthen, jiyr diyc zidqngx ee snuajiamx, siamxsih diyc canwlan king ee sig, liw qamxx jaix jitt sii guaw tniax diyc hiaxee kyhagqax huatcud sniaw sniax? AUM AUM AUM.”
”AUM si dairjurzenn ham' jurqiw hyhaii itdir sii soxx huatcud ee sinax.” ix anne qongw.
Guaw sniu, jit sud aw dy' byy cyr! Likuix SWISS au, guaw kir liauw Inwdo.
JUNG si jit xee jin' hyw dauwdin ee langg.
IONG JURQIW EE HONGSID CUE CUD JINJNIAR KINGHIONGR :EE
Arrien : liw qongw .quer, siauwlenn sinue si mairhiongr sewqair ee sinue. Mrqyxx liw narr dirr siauwlenn sii suanw liauw moxjiongw liw be dirr snax-jap-go huer sii suanw ee mic, qamxx e qycc huee tauu jaiww suanw jit vaiw? Liw qamxx e qencii liw guanlaii ee suanxdik? Iacc si huee hiongr luerjai tamwqiuu?
Campbell : qamxx u jit xee dan'id guanjig sik'iong soxu ee langg? Zuqyw u, anne huedab liw ee bunrdee dyrr kinsangx qanxdanx. Bunrdee si, muixx jit xee langg dirr ix dionglenn/ laurhuer guiqix sii soxx duw .diyc ee bunrdee, dy' siongdongx qywzinsingr :ee. Duiww jurqiw itdit decc jyr ee dairjir dauzip zuarr cimx neh? Qamxx u qitnax cuwiaur ee cuwbi? Narr si u, qycc si dycc quaw? Jiaxee dy' si jin' qywzinn ee bunrdee.
JUNG derr id vunw duwjog hyrjyr <Siongrdingx qapp Juanxhuar (SYMBOLS AND TRANSFORMATION)> , si FREUD qirjuat jiapsiu ee ceh, cuxliw :ee si jit xee dair diyc cimdo jingsinn vnerjingr ee luxsingr soxx qnir .diyc ee huanwsiong. Genxqiur quewdingg huathen, hitt xui luxsingr ee huanwsiong ham' qivunw sinue iwsiong jiqanx, junjai snatongsingr. Ix qra gunw qongw, dng' ix siaw uann jitt vunw ceh au, bingvik sniaw si uac dirr jit xee sinue-lai, qycc sniaw m si. Ix mng jurqiw, ix soxx sing'uac :ee si sniaxngiu ee sinue? Kiokk dab be cud. “cue cud guaw sing'uac-diongx ee sinue, si guaw itsingx jiwgiap-diongx ee jiwgiap.” ix anne qongw.
Liw qamxx jaix ix jnuaxngiu jyr neh? Ix huesiongw sewhanr sii siongrr qac'ir jyr :ee si dycc jiongw hyw sngw :ee? U sniaw si ix sngw liauw jit diamxjingx qycc quer jit diamxjingx, longxx be qamxqag tiamw :ee?
Zuqyw liw cue cud hitt diamw, liw dyrr kyxiw cue diyc jit xee dingsinx sokjy jurqiw ee guandiamw. Dywdngw kir sniu, si sniaw jinjniar bee liw ee dairjir.
JUNG huesiongw quewkir, huathen ix siongrr air sngw ee, si iong jiyhtauu tiap cud jit xee siyw jngtauu. Anne ix dyrr dirr ZURICH Oo vnix ee BOLLINGEN brew jitt pxenr toxde, cinciuw kixjy ix hitt xee belangg ee siyw sniavyw.
Muixx jit xee rair iong jurqiw ee hongsid cue cud qaqi jinjniar kinghiongr :ee. Zuqyw jit xee langg byy singzin jurqiw u luerjai bunrdee, dyrr be kir jyr anne ee dairjir. Narr m jyr, byy langg e ter ix jyr.
Muixx jit xee langg rair hagsip zinrbad jurqiw ee simlingg.