gersutsing'uac_3

gersut sing'uac -3

Bunchhai huan'ik

QAKCNEW COMING INTO AWARENESS

YOGA

PATANJALI (iokk qiwguann jingg zi sewqiw Inwdo YOGA duwjokjiaw) dirr YOGA qingdenw ciuxceh derr id qxur, qongw cud jingxqyy jokpinw ee quanqenr:

”YOGA siuhingrhuad si jun'ir tingjiw simx iwsig jurhuad uahdang ee hing'uii.”

------<YOGA SUTRAS>-------

... ... zimrhyy byy jingrjy bingngiu quanwsir ee langg, narr sniu juanjur dirr simx-diongx mow xee iwsiong/ liamrtauu, e jin' qinw huathen jurqiw ixqingx jimwdimm dirr qokk jiongw lensiongw nirr. Byy sriu quer hunwlen ee simx si byy hxuad diamrjing ee, YOGA si iuxir beh tingjiw simx ee lensiongw jok'iong.

U langg kyxlingg e mng, uirsniaw beh qra simx cua qaur anne ee qingxqair?

Dab si simx kyxiw virr vixzu jyr hongx cuex quer kiw pyx ee juixbin... YOGA ee qaiwliam si beh siaubyy jyrsingg pyx ee hongx, hro ingxqiuw vingjing. Hongx cuex .quer, qanziauw diyc juixbin, pylong ciongx quer laii niuxkiog juixbin ee qngsnuar qapp huanxsia, hro bagjiux knuar diyc :ee, jixsirr snalong jyrsingg ee puawcuir hingsiong. Itdit qaur juixbin huehok dimrjing, virr hongx qig kiw ee hongsuax ... dringw jercingx, juixbin jaiww dxo henwcud naxx qniar ee qngngiaw, juixpyhunn ciyrcud puawcuir ngiaxsiong longxx siaubyy .kir, jitt sii ee qingxsiong si tnidingw ee hunn, hnua vnix ee ciu, juixdii-lai diamrjing ee juiw, cimjuiw ee snuax, juixdew ee hii. pyngiaw lauu hro lanw dan'id iwsiong jixvutqyr si uaicuac sidjer qingxsiong ee cuiwpnir ziiw. Jitt xee dan'id iwsiong kyxiw virr vixzu jyr YOGA soxx qakcniw ee jursingr. Jiongqik :ee --- soxu banrsiongr --- jitt xee sewqair vutqyr si byy uanbiw ee jit bin/ dexjiamr ee venwhingg ziiw, si siongrder/ Vuddyy guarhingg, marr si lanw jinjniar diwsig hingsid (KNOWLEDGE-FORM), YOGA ee bogviaux si beh lanw ham' ix qethap.

------CAMPBELL <THE MYTHIC IMAGE>-----

KUNDALINI qivunw-siong si tongquer cuanxkuir inxdyrsut (PRANAYAMA) ee bingngiu ham' cuanxkuir kongwjer lenrsip laii jinwhingg --- honghuad si singx ui' jit vingg pnirkangx suh kongkir zip laii, sngr quiw vaiw au qimwkuir hro kuir ciongbuanw qui' sinkux, suar laii iong qang jit xee pnirkangx hro kuir cud kir, quiw vaiw au, dexjiamr hiyckunr, jiacc ui' lingrgua jit vingg pnirkangx suh kongkir, jiauww anne --- jingxqyy simlingg dyrr e jiamrr jing .lyc .laii, naxx diamrjuiw itngiu.

Jex qidiongx ee dyrliw si, cuanxkuir/ simjniaa si horsiong quanlenn. Liw narr hecqniax .diyc / ciongbuanw hunwno, iacc si qokk ngiu ee qikjingg sii, cuanxkuir e qaixvenr, narr hiyckunr sii qycc byy qang ar. Incuw, jitt jiongw tuanwlen ee bogviaux si beh quilut ho'kuir, hro simx vingjing. Qang jitt sii, jingrjy bingngiu si beh kexdong naxx juaa hxingg ee KUNDALINI, qingquer liongqud sringx quann qaur SAHASRARA.

[KUNDALINI] ... ... hex kunn jyr vnuaa hxingg ee buw-juaa hingsiong --- jitt luxjuasinn m si “cosiab”/ si “iuwzi” ee budjid hingsingg ee --- virr zinruii jiapqin liongqud-drew jit xee ser ~ snewmia diongsimx(cid xee snewmia diongsimx ee derr id xee), uaxqin kunwdangx jongrtair. YOGA siulenrhuad bogviaux si beh ciwqig jitt diauu juaa, hro tauu qiac quann, qingquer liongqud biziok sinqingx cua hiongr quann qaur taudingw soxui SAHASRARA snewmia diongsimx ... ix, jurr siongrr dexjann ee lenhuex diongsimx sringx kiw laii qaur juewqyx diongsimx, jiong' cngtangr/ qiywcnew diongqanx go xee diongsimx, duer diyc muixx xee diongsimx ee qakcnew, YOGA siuhing :ee simliw/ zinqeh dy' jiong' sanxsingx uanjuann qapp vunxjid-siong juanxhuar.

-----<THE MYTHIC IMAGE>----

CHAKRA jitt zri si lenw-aw (WHEEL) ee iwsur, marr hyrjyr lenhuex (PADMAS), CHAKRA jongxqiongx u cid see: u snax xee dirr qutvnuaa-kux, snax xee dirr tauu, diongqanx ee CHAKRA --- simx --- si soxu huerjip (qaplauu) ee soxjai : simjong huecmec ham' cuanxkuir.

CHAKRA id, MULADHARA, hyrjyr jicii qinx (ROOT SUPPORT), dirr liongqud ee buexliux, ix ee sewqaiwquanx si iu' “kurtew sursit” juxdy, cam' iauxx bue sriu kexhuad ee budjitjuxqi --- simliw jongrtair iong hing'uii hagpair laii qaixsueh si jin' hac :ee, virdong huanxingr, m si juxdong. Dirr jitt xee jancur, duiww snewmia byy zedsingg, byy bingkag beh kokciongx simlingg lingxhik ee ciongdong, jixsirr guduu/ amtamx junjai ziiw; jitt qrow qionglet jipquad juewau rair pacpuar, anne simlingg jiacc erdangr vaixtuad hex qango' zedqongg uirr junjai ee gam ...

Incuw, YOGA siuhingrjiaw derr id iauwbu, rair dirr jitt xee jancur pacpuar jurqiw gong simlingg cniurr lingxhueh kiongxliongg hitt ngiu ee jip'id, tauxvangr cud dinquir ee siauwluw (JEWEL-MIAD), cniurr kiongxliongg jurqiw ee SHAKTI (Inwdorqaur Dairjurjairsinn SHIVA, iacc si qitnax sinbingg ee luxsingr kanciuw cuthen ee sinsingr lat/ lingliong ), jiacc erdangr sringx qaur kacc quann jancur: siauwluw jitt sii e venwjniaa ix jingsinn dyrsux, inxcua ix drat qaur ciauuat kunwbinn jongrtai ee ingxqiuw hixlok-diongx.

-----<THE MYTHIC IMAGE>------

CHAKRA derr zi SVADHISTHANA, iwsur si “ix digvet druar ee xui”, snetnuar kiwquanx ee vorui. Dng' KUNDALINI duarlat uahtiaur dirr jitt xee jancur sii, jingxqyy sing'uac bogviaux dyrr si singr. M na muixx jit xee susiongw hiongdong si ui' singwiok soxx huatdong (narr m si ui' drat qaur singwiok bogdig ee ciuxdnua, dyrr si siurr singr zedqongg voxsiongw ee jok'uii), zircniaw soxx qnir soxx tniax ee muixx jit hxang su, iuxir- byir dy' e virr vig qra qaixsueh jyr singr juxdee ee siongrdingx. Ngua jit qxur, simlingg lingliong dirr jitt qaidnua kuriuw FREUD hagsuad ee LIBIDO singr ciongdong ee digjid. Sinue/ sinbingg/ jongqaur gisid dy' ixx singr miasuu laii liauxqaiw ham' qinggiam.

-----<THE MYTHIC IMAGE>-----

CHAKRA snax si MANIPURA ---”juvyw siamxsih ee sniaa”, si dorjaii vorui. Lingliong dirr jiax juanxvenr jniaa voglik, bogviaux si beh siaungiuu/ kongwjer, qra sewqair venwjniaa jurgnow qapp jurqiw soxiuw. Ham' jitt qaidnua snahap ee sehongx simlixhak si ADLERIAN hagpair ee ”kuanlat iwjir”: jitt qaidnua singr ixqingx byy qycc si jing'iok qinggiam, si buanxjiog singjiu/ jinghok/ jurgnow kingxding ixqibb hogsiuu ee buxdaii.

--------<THE MYTHIC IMAGE>-------

Derr snax CHAKRA ee qonglingg si anvaii liw ee sing'uac, singlip qadingg, congwqenr surgiap, hagsip zuhyy huhap qywzinn cuxqingw/ uirdir ee hongsid laii jipuer sewqair. Jex si duiww jurgnow/ qadingg/ siarhue/ sewqair ee icii, vutqyr si juanxhuar simx iwsig ee iwgi laii icii; qongw kacc cingcyw .quaw, snewmia beh icii, si dirr singdiongw jongrhongw-ha, cniurr uandingx jiauwqor huecauw ag juiw, lyc vuii qangrngiu, m si gongrsinn bongzenn.

Jitt snax xee kacc qe jancur ee CHAKRA, si zinlui dirr jitt xee sewqair iuwjniw iwsig jongrtai ee sing'uac mosid: si jingpnua/ jenwsu/ qenwsetjiaw/ singjiurjiaw ee viauxhen. Dirr jiaxee jancur, hnuahiw/ vikow si “kecquanx sidjai” sewqair qokk jiongw singjiu ee henxhen, si langee soxx sniu :ee/ did diyc :ee/ sidkir :ee ... dringw.

--------<THE MYTHIC IMAGE>-------

Jitt snax jiongw CHAKRA si zinlui/ qitnax dongrbut qiongriuw ee qonglingg. Dongrbut qangrkuanw jipquad snewmia/ snetnuar/ jy siu/ kiw het, qokk u inx jurqiw sing'uac hongsid. Tongsiok jongqaur cud lat dirr jiaxee jancur, sing'uac hanrjer dirr jiaxee jancur ee qywzinn si ixx jurgnow jyr diongsimx, zircniaw hingdong itding siurjer dirr siarhue ludhuad.

... ... jixsirr dirr jiaxee jancur huathuix qonglingg ee jongqaur, in'ui ham' luerjai singdiongw/ sinvir texgno, byy sniaw kanlenn simrjir uanjuann byy quanhe, qinvunw berdangr qongw si jongqaur, byy viw qingxcad kuanuix qycc hyw, jixvutqyr qex teqiongx lunliw quihuan/ sing'uac sitjir sii hongrhenr tiusiong ee anuir qenwgi/ singlok duiww birlaii siarhue jikzim huevyr ziiw.

------<THE MYTHIC IMAGE>------

CHAKRA derr sir ANAHATA, “byy ciongtut” ee iwsur, xui dirr simx vorui, si jongqaur sing'uac/ qakcnew au sinx snewmia ee kaisiw, jitt xee miasuu soxx jriw :ee, m si iu' nng jiongw surbut sna' longr soxx huad cud ee sniax. Lanw soxx tniax .diyc ee snia'imx dy' si nng jiongw mic siy' kar laii :ee. M si anne hingsingg ee sniax, e si sniaw? Si hingsingg uxdiu lingliong soxx huad cud ee sniax, dairsingx soxu surbut :ee.

ANAHATA si jingsinn janbin ee denxkuix, qidiongx ee soxu surbut dy' si uxdiu unxqamm viauxhen. Itdanr liw jaix soxu ee surbut dy' si uxdiu ywvir ee amwviw viauxhen au, hiaxee qe jancur ee lat dyrr virr jingsinhuar. Jingg snax xee CHAKRA ee jok'uii venr jyr derr sir/ go/ lak ee texgno.

Dng' liw drat qaur quann jann ee CHAKRA sii,

vingrr m si byy air jingg snax xee soxx jyr ee su :

singjunn/ singr/ kuanlik.

Dng' liw vreh jnriu derr sir janr lxauu sii

byy su'iaur huixdiau

jitt xee qenwdiogbut ee jingg snax janr

CHAKRA derr go qiywjyr VISHUDDHA, “jingrhuar” ee iwsur, dirr auu ee xui, si loxlik joxjiw sanxsingx lingliong ee dongrbut vunxlingg hertongw soxx jyr ee jingsinn kuiwlat. YOGA siulenrjiaw ixqingx tongquer qerjann ee CHAKRA laii qaur jiax, danrsi vingrr m si beh hiyxding qutvnuaa vorui ee jingg snax xee CHAKRA. Inx jitmaw rair virr juanxhuar jyr jingsinsingr bogviaux, vutjixsirr bactew. Ixx TIBET sinbingg iwsiong viauxsi, hongwha buxkir/ voglik ... dringw sriok sneliw hongbin ee hing'uii, jitt xee voglik si liw jurqiw rair binrduir cuxliw :ee.

Derr lak si AJNA, “kongwjer” ee lenhuex, xui jai bagbaii jiqanx, lanw qra hyrjyr tendongg ee CHAKRA, si bacsinx sewqair juewqydiamw. EGYPT qok'ongg sxiong dyrr u juaa (URAEUS SERPENT) ui' jitt diamw jngr cud laii.

Dng' KUNDALINI drat qaur jiax sii, YOGA siuhingrjiaw dyrr e qnir diyc sinn. Bylun si bingngiu quansiongw ee sinn, iacc si jongqaur qar liw rair junqingr ee sinn, dyrr kyxiw dirr jitt qaidnua knuar .diyc. Jex si jingxqyy siulen quewdingg siongrr dua jongwgai. Cniurr RAMAKRISHNA soxx qongw :ee “langg qik iong'i sriu inxiuw, tingg dirr hiax jiac quexjiw.” si hiacc dnixbiw, suxx langg hixlok.

Uaw bingqag sii

qu mosid qik snriaa langg

jin' kyxlingg hro liw duirlyc

SUFIS sinviwqax u jit xee ham' derr lak CHAKRA siongquanx ee bixbiau iwsiong, si HALLAJ qongw ee qowsu. Mow jit xee amwmee, u jit jiah iah'aw knuar diyc jit pax huew decc dyc, vylee dar diauu lehh, iah'aw qui' amr kogkok jongg, vutduan longr diyc vyledar, sniu beh ham' huew hab'id. Tauwjaw iah'aw dngw kir ving'iuw hiax, qra inx qongw soxx qnir diyc bixbiau jingqingw, qitnax ee iah'aw qongw “ beh ham' huew hab'id, liw simx berdangr hro kacc hyw ee mic sna' kanlenn.” jex si YOGA siuhingrjiaw iwdoo beh tudpuar ee jongrtair. Inxcuw, qecdngxamr hitt jiah iah'aw qycc dngw laii qaur henrdniuu, juewau naxjunxx iuxsow hiauxgno, dirr hitt xee ingxuanw ee jit kig, iah'aw drat qaur bogviaux; ix venwjyr huexjic --- BRAHMA dyrr si jin'gnow --- “ liw si hitt xee”. Junjai dirr juxtew cam' kectew --- linghunn cam' sinn --- jiqanx si hitt renn vylee. Suaw kuix vylee, juxtew/ kectew byy junjai. In'ui u kectew, rair singx u juxtew.

Qakgno juewau jongrqair si liw byy hxuad jniajyr sinn ee lorjiongr. Hitt pnir vylee si suatbingg hunqeh insor ee hongsid. Qra vyledar tec driau, viauxsi dudiau hitt xee joxgai liw liauxqaiw siongrder budix ee binrsex. Cinbak knuar diyc siongrder --- hitt xee duar sikcaiw ee sinn --- si budix ee juewau jit xee diaurtauu. Dirr jitt xee jancur-siong, liw rair u siongrdingx qapp qinggiam sna' hiabjo, in'ui liw iuguann e qra jitt xee siongrdingx liac diauu m vangr, cinbak knuar diyc siongrder si liw juewau ee quawgai.

M guan tewniu ee qamxqag si qamdnix :ee, jiongqik ee tewniu dingxii hongwkir jurgnow junjai. Liw narr itdit qra jurqiw ee linghunn dne lehh vangr be kuix, jiong' byy hxuad ham' siongrder hab'id. Simrjir byy hxuad ham' liw ee lingrgua jit vnuar hap jyr ittew. Jex si liw rair hongwkir ee. Guaw tniax diyc OM. Jaix sinn busow-vutjai. Sinsingr ee lingliong kox dirr guaw ee siwjiuuii, ix dirr jiax, dyrr si jiax, jitt xee xui.

Dng' liw sidhen itcer au, liw dyrr drat qaur hitt xee siongrr quann diamw. Sinn ee miahy byy qycc diongriaur, qokk jiongw sinn ee miaa longxx vauquad jairlai. Byy qang ee sinbingg jixsirr jingxtew qonglingg byy qang binrhiongr ee henxhen. Jiongqik surbut ciauuat jiongww sinn. MEISTER ECKHART (1260-1327, Dikqog sinhagqax/ sinviwjuxgirjiaw) qongw, “jiongqik ee ciauuat (LEAVE-TAKING) si uirr siongrder lirkuix siongrder.” iwsur si ciauuat binsiok ee siongrder qaiwliam --- qauwhue ee siongrder qaiwliam, liw ui' langg' hiax did laii ee siongrder qaiwliam --- in'ui siongrder dirr ciauuat soxx jixzin :ee dy' jixsirr unxqamm vixzu ziiw. Nng xee liamrtauu jiqanx ee liw dirr dyhh? Nng xee siongrder jiqanx ee siongrder qycc si dirr dyc'ui?

Jex si jin' qanxdanx ee qaiwliam, danrsi lanw kiokk taiww quanwsir jiapsiu jurr sewhanr yc .diyc ee lingrgua jit jiongw qaiwliam, gixgenn bunzi suacc dendyww jniajyr lorjiongr, berdangr hro lanw did diyc qaixtuad. Duiww guaw laii qongw, uirr siongrder lirkuix siongrder si uac lingwlingr ee qongxhuad. Inwdo dethak beh jiaplap jitt xee qaiwliam, jit diamw aw dyrr byy bunrdee. Dng' KUNDALINI drat qaur derr lak ee CHAKRA sii, liw dyrr qnir diyc siongrder, “ hitt xui u uirdir digjid ee BRAHMA (Inwdorqaur uxdiu jiwqyx guanliw).” derr cid ee CHAKRA, liw ciauuat siongrder, diamr dirr ciauuat ee lingxhik-diongx “hitt xui byy jiamr uirdir digjig ee BRAHMA”.

Derr cid ee CHAKRA si SAHASRARA, iwsur si “cingx iap lenhuex”, dirr tauu-dingw. Jitt xee CHAKRA, byy langg e iwsig diyc siongrder junjai. Jixu byy hunvet iwsig jongrtair: diamrjing. Dng' liw drat qaur SAHASRARA sii, diamrjing byy dinxdang, qionglet tetdew qaixtuad, incuw uanjuann huequix qaur sunn id jongrtair.

DANTE (1265-1321)

Liw ee aiwzinn, si hex sewqair sinsingr lat henxhen dirr jit siwqer ee.

Guaw duiww KUNDALINI ee knuawhuad si, zuqyw liw hiongr xe huee dngw kir simx, dyrr si jingsinn sing'uac kaisiw ee derr sir CHAKRA, juxtew/ kectew si rngiuu jywhuew. Derr id/ cid CHAKRA si siy' duiwingr ee. Dng' drat qaur derr cid CHAKRA sii, derr id :ee dirr kunwbinn jongrtair ee KUNDALINI kaisiw kiw jok'iong. Derr zi duiwingr derr lak; derr snax duiwingr derr go. Anne dyrr erdangr ui' derr snax CHAKRA cruw diyc voglik ee lingliong, zen'au dirr derr go tuanwlen jurgnow kongwjer. Incuw, derr sir simx sanxsingx juanxhuar.

Vixzu, tongquer derr zi CHAKRA air ee qinggiam, derr lak :ee dyrr jinjniar e texgiam diyc sinn ee undenw, jiong' derr zi :ee jing'iok lingliong juanxhuar jyr air. Qaxsuw byy derr go CHAKRA siulen ee texgiam, juadduir byy kyxlingg duiww tongquer sinkux did .diyc ee texgiam u damrvyc lixqaiw. Zuqyw dirr bactew ee air nirr, erdangr niaxhue diyc soxx jiapciog :ee, si sinn ee undenw ixx sikdongx ee hingsid henxlo cud :ee, dyrr e ui' bactew ee jancur tesingx qaur jingsinn bin, byy su'iaur hongwkir bactew jancur. Jitt nng xee si hab'id ee. Anne dirr derr lak CHAKRA cinbak qnir diyc sinbingg, texgiam diyc liw ee aiwzinn si hitt xee jit siwqer henxhen cud ee sewqair sinsingr lat.

Ongqiongx aiwjingg tuantongw, luxsingr ciwtamr duiqiujiaw ee hongsid, si byy hro lamsingr jiapqin inx, duhuix kakzin duiqiujiaw m si jing'iok/ si air/ si unziuu simx. Jex si ongqiongsid aiwjingg ee jingsinn. Qangrkuanw ee juxdee jaiww henxhen dirr DANTE <DIVINE COMEDY>, ix duiww BEATRICE ee air inxcua ix qaur siongrder ee ongjy. Ix siaw ee lingrgua jit vunw sijip <LA VITA NUOVA>, biyue jurqiw zuhyy ixx siongrder air (derr lak CHAKRA, m si derr zi :ee) henxhen ee ganxsinn juwsinn knuar BEATRICE, kyr jitt xee air qinglik liauw jingxqyy luxdingg.

INWDO GURGENN

Hnuahiw cam'uw sewqair koxlan.

Guaw ee hyw ving'iuw, marr si guaw juewau jit xui jingsinn dyrsux HEINRICH ZIMMER ciangjai qongw, “siongrr hyw ee surbut si byy hxuad qongw ee.” dyrr si qongw lanw byy huatdo dramm ciauuat gixgenn bunzi ee huanruii.

Derr zi hyw :ee, si virr gorqaiw ee surbut, in'ui liw qognw cud hiaxee byy hxuad qongw ee dairjir/ e virr gorqaiw, si rair iong siongrdingx vixzu ee hingsid suatbingg.

Derr snax hyw :ee, si iuxquanx jingwdi sing'uac/ qingjer ... dringw jitt lui ee duiwue, si lanw tongsiongg binrduir ee dairjir, sriok derr snax CHAKRA huanrdiuu.

ZIMMER jin' air qongw jit xee Inwdo cuwbi ee dongrbut gurgenn. Qowsu qongw, jit jiah ursinx/ vakdow iaux ee how maxmah, qongqig jit qrunn ngiuu sii, cud lat sniu' je , how-ngex suacc laii cutsir, jurqiw siw .kir.

Ngiuu qrunn hro how maxmah ziog jit xe siwsnuar luan jauw, dng' inx qycc dngw laii guanlaii jiac cauw ee xui sii, huathen jit jiah duxx cutsir ee how ngex-aw ham' dyw siw dirr vnix :a ee how maxmah. In'ui qionglet horue vunxlingg, ngiuu qrunn siu'iongw how ngex-aw, ngex-aw marr zinruii jurqiw si ngiuu, duer ngiuu qrunn sing'uac, yc erhiauw jiac cauw, cniurr ngiuu memex qiyr,. Cauw teqiongx ee ing'iongw byy qraur, how qniaw jin' byy jniaa ngiu.

How qniaw duarhanr qaur cingsiauwlenn sii, u jit zit, jit jiah hanwcauw jin' duarbongx qangx ee how, qongqig ngiuu qrunn, nigujiah siwsnuar jongg, jitt jiah how qniaw iuguann kia dirr guande, duarhow huisiongg hnowhenn itdit qra siongr, qongw “liw ham' jiaxee ngiuu druar jywhuew?” “mex mex ...” how qniaw dab. Duarhow simx jin' tniar, cniurr laurve dngw laii cur nirr knuar diyc qniaw lauu dngg taumngg hitt ngiu. Duarhow l.-laihuee-h. pah how qniaw quixarr vaiw, how qniaw jixsirr gong ~ mex mex qiyr, qycc ngar tauu ban ~ jiac cauw. Laurhow qra cua kir juixbin vingjing ee juixdii vnix.

Vingjing ee juiw si Inwdorlangg siongrr air iong laii siongrdingx YOGA qaiwliam ee iwsiong. YOGA derr id qxur qingxqair si ”YOGA siuhingrhuad si jun'ir tingjiw simx iwsig jurhuad uahdang ee hing'uii.” lanw vutduan qaixvenr ee simx kyxviw virr hongx cuex .quer, dinxdang ee juixbin, lanw knuar .diyc ee hingsiong, si lanw jurqiw snewmia/ siwjiuuii ee hingsiong, dy' jixsirr siqanx lingxhik-lai l.-laikir-k. jit siamxsih dyrr quer .kir ee iwsiong ziiw. Juixdii ee juiw danw hongx tingg lyc laii, juiw diamrjing au, juixbin jercingx ar, liw e dirr vingjing-diongx knuar diyc jiaxee venwhingg vuerau uanbiw iwsiong.

Jitt jiah how qniaw tauu ngar juixbin jit knuar, jidsiwlangg derr id vaiw knuar diyc jurqiw ee bin, laurhow marr jiong' jurqiw ee bin huanxngiar dirr juixbin qongw “liw knuar, liw ham' guaw si qangrkuanw ee bin, liw m si ngiuu, lanw longxx si how, liw rair cniurr guaw qangrkaunw jiacc driyc!”

Jex si jingsinn dyrsux ee qawsi: guaw hro liw jit xee ngiu hagsip, cniurr guaw anne. Ham' qywzinjuxgirsid ee tairdo uanjuann sionghuanw.

How qniaw liauxqaiw laurhow ee iwsur; virr qamm dngw kir how het, dong-lai iauxx cunx quaw juewqin virr liac laii jiac ee ngiubah, laurhow liah jit der qycc decc lrauu hueh ee bah qongw “cuir kuix”, how qniaw dyxter quixarr vo, “ guaw jiac cair” “benw qex qongw hiaxee buliauu ue” gne trad lyc how qniaw ee cuir-lai, how qniaw qra ngiubah pruir .cud .lai. Qowsu dirr jiax anne juwqaiw “cniurr soxu jinsit ee qawsi dy' byy virr jiapsiu.”

Suibongw gelan jinsit qauwhuer, mrqyxx marr jinwzip ix ee hueh/ sinqingx nirr; bah jiacc si ix ee jiahmic, dag diyc ix jinjniar vunxsingr. Derr id vaiw vutdix-vutqag cniurr how hitt ngiu cun'unn, kinx ~ huatcud derr id sniax ee hauxhuah. Laurhow qongw “dyrr si anne, jitmaw liw jaix qaix jnuaxngiu jyr lor, lanw dauwdin kir ciurnaa jiac how qaix jiac ee mic!”

sowsidjuxgi si

dypiah snewmia ee derr id vo

snewmia kyr snewmia uac

jiac cair :ee soxx jiac :ee

si be dinxdang ee uac mic

Dongzenn, jiax amwviw lanw dy' si cniurr niguu hitt ngiu sing'uac ee laurhow. Dirr lanw jniawvingg ee lo, si iuxir vue'iongw lanw cniurr ngiuu ee siarhue qijer. Ersaih lixqaiw unxqamm ee sinue, inxcua lanw kir texzin jurqiw how ee binrmau. Danrsi beh zuhyy ham' ngiuu qrunn jywhuew?

Iasox duiww jitt xee bunrdee viauxsi knuawhuad. <Meteo Hok'imx> derr cid jniux (7:6) “m tangx jiong' linw ee jinjux hed dirr dix binrjingg, inx e iong kax tunxdac, qycc huanw dngw laii qa liw.”

jniawtongw siarhue

ee qonglingg si

jiong' sinviwjuxgirjiaw buatuah qaur siw

jex si inx ee bogviaux

Liw ersaih cing ludhuad ee guarsnax, hing'uii ham' langg' qangrkuanw, luerjai jiacc cing sinviwjuxgi ee snxax. Iasox marr qongw, dng' liw qidyw sii, qaix jinwzip jurqiw vangqingx-lai, qra mngg qnuaix hyxser; qniaa cud laii sii, singx qra taumngg srex hro hyw, mair hro langg jaix, byy, liw jiong' jniajyr hiqew ee quaiwzinn.

Ixsiong si mair hro langg' jaix liw jinjniar ee qingxqair. Suar lyc laii ee bunrdee si, liw zuhyy ham' jiaxee langg dauwdin? Liw qamxx jiax dap'anr? Liw jaix inx longxx si how. Liw si ham' inx jitt xee janbin ee vunxsingr sing'uac jywhuew ee, zircniaw tongquer liw ee qikiauw/ hongvenrhuad, kyxlingg erdangr hro inx jaix juqiw si how.

Jex si kexsi, marr jiong' lanw cua zip posatdy jitt tiab juewau cuxser iyhhngx, anqix dirr ingxuanw snewmia kiokk qniaa dirr siqanx-diongx ee hingdongrjiaw. Siqanx lingxhik si koxlan :ee. “soxu snewmia dy' si kow.” kaksit si anne. Zuqyw liw iwdoo qaixvenr snewmia ee koxlan, anne jixhyw jiong' inx suaw duiww vadd xui kir. Liw zuhyy binrduir snewmia kow, jitt xee cuxqingw? Honghuad si texgno jurqiw luerjai ee ingxqiuw snewmia. Liw singx ui' siogser tiux cud laii, jiacc jaiww qazip. Jitt xee bixbiau ee viwhngx --- liw “hnuahiw cam'uw sewqanx ee koxlan”, iuhir zinqanx. Ix kyxiw sionghai liw, mrqyxx liw jaix ixqingx huathen jit xui ciauuat sionghai cam' singjiu ee soxjai. Liw dirr qidiongx, dyrr si anne.

OM ...OM... OM...

Dng' “dairjurzenn” susongw sii soxx huad cud ee sniax, si uxdiu guan'imx.

Jurr JUNG(1875-1961) quewsinx au, guaw byy qycc liuir simlixhak ee huatdenw, danrsi guaw e qongw JUNG si anne jit xee langg: anqix dirr ingxuanw snewmia, hingdong dirr siqanx lingxhik. JEAN cam' guaw bad kir JUNG dirr ZURICH oo-vnix ee BOLLINGEN kiarqex, qapp inx angbow jywhuew limx dee kaiqangw jit ervox. Hex si jit xee kyxair ee jurhue, dongsii JUNG dng' decc venjib Dikbunvanw H.ZIMMER(1890-1943) uijog, guaw ixqingx uansingg Ingbunvanw ee vorhun, soxiw gunw jit diamw aw dyrr byy qecli, jin' kinsangx hunhiongw uerdee, byy qautongx vutliongg henrsiong. Beh lirkuix sii, JUNG qongw: liw qamxx m si beh kir Inwdo? Hro guaw qra liw qongw uxdiu guan'imx OM ee iwgi ...

Guaw dirr Huijiux sii, bad qapp jit quaw langg guarcud iusniuw. Byy zuarr quw, dag'ee huathen qniaa qaxx sitlo .kir, siwjiuuii knuar .jit .xe, longxx si qruar pnirqaux ee guanjurbinn javoqinxaw, inx iong jit qix kax kia/ ciuw tec mauqig cah dirr too nirr, byy langg jaix qaix zuhyy qapp inx qaungua iwqenr. Gunw uanjuann m bad inx ee uergiw/ hitt sii kiwhunx jin' dimdang/ gunw jixu diam ~ aw jre lyc laii, horsiong knuar duiwhongx, dng' dag'ee dy' qamxqag byy dairjir sii --- “byy bunrdee, inx si hyxlangg, inx juanvo byy bunrdee.” --- liw qamxx iyh e diyc guaw tniax diyc sniaw? “OM... OM... OM...” ee sniax.

Qycc laii, derr zi nii ham' jit qrunn kyhagqax dirr Inwdo, zuqyw u langg duiww uxdiu sinvir byy iong'i u qingwuiwqamw, qaix si kyhagqax lor! Gunw vreh kir kiw DARJEELING, hex jinsi jit vaiw bixbiau ee qinggiam. Dagg zit iokk dirr zidtauu cud laii jingg vnuar diamxjingx kixcngg, dirr tauwjaw cinglingw ee kongkir-diongx sraiw ciax qaur quann ~ ee snuax-dingw kir. Hitt sii tnix iauxx amr ~, taiwiongg vreh quann sii, henr dirr ganw-jingg :ee, si lensuar sxor-vah-bxan vinghongx qongliw HIMALAYAS snuaqunn ee gnoxcaixking. Liw iyh, guaw tniax diyc kyhagqax inx huatcud sniaxmic sniax? “OM... OM... OM...” OM si dng' songxkuair sii soxx huad ee sniax.

Jex si gunw qaudamm ee le. JUNG jin' endauu piaupet, JEAN qongw ix u jit duir e qongxue ee bagjiux.

1909 nii JUNG huathen sinue/ bang ee quanlenn, jitt xee sursit jaw dirr Inwdo dyrr tonglangg jaix lor! OM iacc si A-U-M jitt xee imjed, unxqamm jitt xee viwbit.

Qinqir <MANDUKYA UPANISHAD>, cingcniw ee iwsig jongrtair soxx hingsingg ee sewqair si ham' siwqeh imjed (A.U.M. qasiong diamrjing)OM sniax diongx ee A imx siyqang; bang ee iwsig jongrtair soxx hingsingg ee sewqair (dyrr si tendongg/ dergak) ham' U imx qang; lingrgua cimdo kunwbinn jongrtair (jaix :ee ham' virr jaibad ee surbut, siongrder ham' siongrder ee sewqair sinvir tongxhap jongrtair, jiamrr jurzenn diongxsingg congwser ee jingxjiw/ lingliong: si MANDALA diongsimx vorhun siongrdingx ee jongrtair) ham' M imx qang. Linghunn virr jitt xee siwqeh imjed ui' qidiongx tuisag cud laii, jinwzip jiuuii ciauuat ee diamrjing-diongx; si huad imx sii sanxsingx sniax ixqibb jitt xee sniax huequix diamrjing --- ban ~ aw qycc u jetjaur --- cniurr OM ... OM ... OM ... qangrngiu.

------<THE FLIGHT OF WILD GANDER>------

Liw narr sniu beh tniax OM, jixiaiur iong ciuw qra hni amx .kiw .laii dyrr u ar. Dongzenn liw soxx tniax diyc :ee si, bihuecqngw hueh lrauu dinxdang ee sniax, danrsi hex dyrr si OM : A --- cnew iwsig jongrtair, U --- bang iwsig jongrtair, M --- cimdo kunwbinn jongrtair. OM si siongrder zidcniux ee sniax, siongrr sinvir lanqaiw qycc diongriaur ee jit hxang su, vutqyr itdanr liw hiauxgno qidiongx dyrliw, dyrr huisiongg qanxdanx.

”Bang si linghunn siongrr viwbit cangr dirr siongrr cimjann ee jit snir siyw mngg, kuix hiongr uxdiu buvnix-buhnua oamr derdai, si jurgnow iwsig (EGO-CONSCIOUSNESS) cuthen jingg quxdngg junjai ee linglik, bylun jurgnow iwsig jnuaxngiu cundngg ix ee huanruii, jitt linglik iuguann junjai. In'ui jurgnow iwsig si qolip :ee; ix ee qongling si hunvet qapp suanxdik, qandna' jaix qywvet ee surbut ixqibb jurgnow iuxquanx :ee. Vunxjid si hanrjer ee, dyrr si ix drat qaur uxdiu cnisinn siongrr iauuann hiax marr si anne. Iwsig dy' si hunli :ee; danrsi bangrqingw nirr lanw muax liauw ham' guancox oia-diongx kacc poxpenr/ jinsit/ ingxqiuw snewmia luirsu ee guarsnax. Ix iuguann si juantew, juantew marr dirr ix qidiongx, ham' jurgnow vunxjid jinsit byy cavet.”

”BBang si ui' jiaxee banrbut hab'id ee cimdew sringx quann, juadduir byy iuwjniw/ quaiwqii, iacc si byy dyrdig. Ix tanxvec/ sunjinx/ jinrjingg cniurr hueluiw kuix hitt ngiu, hro lanw duiww jurqiw snewmia-diongx ee hiqew qamxqag qenwsiaur.”

--------- JUNG-------

Bang ee ywbiau dirr juxtew dyrr si kectew. Kectew dirr hingtair-siong jursinx kuriuw kexhuatsingr, liutongx byy joxgai ee, dirr iwgi-siong u jerdingg quanhe. Si liw ee bang, liw iwjir henxhen, mrqyxx liw kiokk duiww ix qamxqag quaiwqii. Jex dyrr si jurgnow iwsig/ amwiwsig jiqanx ee quanhe. Jurgnow iwsig rair hagsip liauxqaiw amwiwsig, bang si amwiwsig/ iwsig qautongx ee gixgenn. Mrqyxx, dirr bangrqingw/ simsiong-diongx, juxtew si kectew.

Bang/ simsiong/ siongrder --- siongrder si kuriuw kexhuatsingr ee simsiong. Siongrder ee iwsiong duiwvan bang-diongx ee simsiong. Cniurr liw bang-diongx ee iwsiong qangrkuanw, liw ee siongrder si liw jurqiw ee jit xee binrsiongr. Jex si Inwdo ganrgiw “sinn duliau virr jurqiw jongvair ixgua, vutqaix virr jongvair (NADEVO DEVAM ARCAYET)” ee iwsur. Liw ee sinn si liw jurqiw iwsig jancur ee denxhen. Tendongg dergak dy' si dirr liw simx-diongx. Jitt jann liauxqaiw dirr Inwdo virr dongwjyr lixsow-dongzenn, incuw lanw jitmaw dramm :ee si sriok sinue lingxhik.

Qra liw ee bang, siaw lyc laii

inx si liw ee sinue

Suibongw jitt jiongw si amwiwsig jongrtair, danrsi sinkux si iwsig :ee; sinkux lairbin iuguann si iwsig jongrtair. Simjong tiaur/ hueh lrauu tangr qui' sinkux. Zuqyw liw qamxqag lingw, jurzenn e giuw jit diauu tanw-aw qah, narr qamqag zuac, e qra tanw-aw tec driau. Guaw e qir .did dirr jit vunw jabjir knuar diyc jit vxag angbow kunr dirr bincngg ee bangwqnah, angx qui' sinkux qah qaxx bat jiucjiuh, bang diyc jurqiw dirr Lamtaiwvingg Xngiuu jit xee siyw dyw quansiongw guanjurbinn tiauwbuw; bow qui' sinkux lingw sicsih, siongxsiong jurqiw dirr ESKIMO ee vingcur-lai, soxiw sinkux si u iwsig ee.

Guaw beh qongw :ee si, iwsig vunxsinx si dirr jitt oamr jann, ciauuat bang iwsig huanruii. <UPANISHAD> u jit qxur ue: lanw dagg amr dy' jinwzip BRAHMA ee sewqair, kyxsiyh lanw si decc kunr. YOGA ee bogdig si beh cingcnew sii jinwzip hitt xee lingxhik. Zuqyw liw jyr e qaur, dyrr drat qaur sunzenn/ byy hunvet iwsig jongrtair. M si duiww muixx jit jiongw surbut dy' u iwsig ee hitt jiongw jongrtair, in'ui liw m si dirr A/ U ee jancur, si iwsig jongrtair ee vunxsinx. Zinlui ee gixgenn bunzi narr m si ham' surbut iuxquanx, dyrr si ham' surbut jiqanx iuxsow kanlenn --- bylun cingcnew sii soxx qnir diyc :ee iacc si bang-diongx ee simsiong --- jitt xee qinggiam m si gixgenn bunzi erdangr viauxdat :ee. Lanw qandna' erdangr qongw si diamrjing byy cud sniax.

Diamrjing si biysuad jitt jiongw texgno ee sikdongx gixsuu. Vuddyy virr hyrjyr SHAKYAMUNI. MUNI jitt zri ee iwsur si “ diam diam ee langg”, SHAKYA si ix ee jogsingr, ix si SHAKYA jok ee diamrjingrjiaw. Jex si uirsniaxmic ZIMMER qongw siongrr hyw ee surbut byy hxuad genxsuad --- in'ui byy gixgenn bunzi erdangr biysuad jitt xee texgno. Dng' liw ixx gixgenn bunzi jixzin sim'ir sii, liw u virr gixgenn vak diauu lehh, byy hxuad tongsun viauxdat ee kyxlingsingr. Incuw, duiww hiaxee air vangwue jinglun ee langg laii qongw, jitt xee ganrgiw “m jaix ee langg jiacc e qongw cud laii, jaix :ee diam diamr byy sniax.” kyxlingg e hro inx byy songxkuair. Jex si juewau ee ue lor!

Jiax ee qivunw quandiamw si, diamrjing-diongx tniax diyc OM hingsingg liauw soxu ee surbut. Banrsu-banrbut dy' si ix ee denxhen. Liw ui' jiax juanxhiongr luerjai. Liw dirr sewsiong uahdang ee dongsii, qycc iongxiuw jingsinn sing'uac ee viwquad si, suisii juwsinn tniax banrsu-banrbut uxdiu ee guansniax OM. Zuqyw jyr qaur, soxu surbut dy' e duer lecc juanxhuar. Liw byy su'iaur siwqer jauxcue laii buanxjiog liw soxx duiqiuu :ee/ singjiu/ vyxvuer. Ix dyrr dirr jiax, ix busow-vutjai.

Jitt lui juantew druar dirr sewqair simsiong ee henxhen, jin' binghenw byy jingxjok/ bunhuar cavet, u byy qang ee qaixsuad, qidiongx soxx kansiap .diyc ee bunrdee si sriok simliw janbin: iong JUNG ee ue qongw, dirr amwiwsig ee cimjann nirr, “langg byy qycc si doglip ee qywtew, ix ee simx kuidenw/ rngiuu zip zinlui jibtew ee simx-diongx --- m si iwsig ee langg, si zinlui amwiwsig ee simx, dirr hiax lanw si byy cavet ee.”

-------Campbell <THE MYTHIC IMAGE>--------

SNEWMIA JINJNIAR QANLANN

Dirr singlenlangg ee sing'uac-diongx, duiww snewmia si jip'id ee.

Muixx jit xee langg srinx-siong dy' u jit tyr cutsir jah laii ee zinlui vunxlingg hertongw, byy jitt tyr, lanw simrjir byy kyxlingg cutsir. Danrsi muixx jit xee langg dongsii marr sriu mow derkux bunhuar hertongw ee qauwhuar ... lanw virr qauwdy duiww mow quaw digding ee sinwhy jywcud jniawbin hueingr, duiww qitnax sinwhy jyr huwbin huanxingr, simrjir qamxqag qniahniaa ... jiaxee qauwdy lanw ee sinwhy dairvorhun dy' m si jurzenn :ee, si mow derkux ee siarhue dedsu. Inx duer diyc qokk siarhue iuxsow byy qang. Mrqyxx huatdong/ kongwjer ee qijer si jurzenn/ sneliw/ vunxlingg :ee.

--------<MYTH TO LIVE BY>------

Dirr singlenlangg ee sing'uac-diongx, duiww snewmia si jip'id :ee, jing'iok quanhe duxx decc huatdenw qenwlip, marr u jit tyr icii sing'uac ee hongsid. Guaw erdangr qra liw qongw jiaxee jerje byy qang lingliong si zuhyy horsiong qanziauw ee le. U jit jiongw qangx ee hii, tongsiongg dingxvnuawsinx cimsig, ervnuawsinx cenxsig, si hilui henxsig ee hongsid; dng' liw ui' xe knuar duiww dingxtauu, knuar diyc si cenxsig, duiww hii laii qongw, siongduir si unxhingg :ee, narr ui' dingw knuar duiww xe kir, knuar diyc cimsig vorhun, hii qangrkuanw si qexjongx. Danrsi jitt jiongw hii huatjingg sii, sikdi sanxsingx venwhuar hro jurqiw henwsinx. Jex e hro hii hamrzip huihiamw, liw sniu knuar mai lehh, duiww guaw laii qongw, jex naxjunxx si aiwjingg ee siongrdingx. Dng' aiwjingg duiwsiong cuthen sii, liw hongwkir vyxho jurgnow, virr jing'iok ee aplik soxx jiangxquanw.

Jex si jit jiongw jin' u iwsur ee hordong. Dng' buw ee hii siuu .quer sii, qangx :ee dyrr sui' duer lecc tiauwbuw. Qangx :ee srinx-siong moxjiongw ham' sikdi iuxquanx ee insor hro buw :ee iuxsow dongrjog, jex qycc inxkiw qangx :ee ee huanxingr. Zuqyw qidiongx zimrhyy jit hxang dongrjog damrvyc sitgno, dyrr tingjiw tiauwbuw, bruw ee setqer sui' tingg lyc laii; inx narr erdangr uansingg jingxqyy venbuw quewdingg, anne dyrr e u qetqyw.

U jit vxo quanhe snax jiah haixangx ee denrngiaw: qidiongx nng buew qangx:ee, lingrgua hitt buew si buw :ee. Jit hxang siyw ~ jurzenn jyrhuar dyrr beh huatsingx dirr buw haixangx srinx-siong, ix junxvi hyw ar. Jitt snax buew haixangx habjog ee jinghingg si guaw knuar quer siongrr suxx langg inwsiong cimkig/ qamxdong :ee. Inx snax buew vaii jyr jit vaii, vuew dinxdang inx ee hicir, jywhuew siuu, dng' buw :ee junxvi hyw beh jiaplap qidiongx jit buew qangx :ee sii, e singx ban .lyc .laii, jniawvingg ee haixangx tner diauu buw :ee, hex cniurr king hitt ngiu ee snesidkir uankiaux hnuaii quer jiacc duarbongx ee sinkux. Huisiongg qamxdong qycc uixdai ee jingqingw.

Dng' dongrbut jinwhingg luirsu jitt jiongw luerjai vunxlingg sraiw dinxdang ee snetnuar hing'uii sii, si jin' iuwzi (iuwsiur) ee gisid quanhe. Lanw ersaih qongw, dng' snetuann guanjig dirr qywzinn srinx-siong huatsingx jok'iong sii, dyrr si decc jinwhingg jit jiongw gisid. Jex si qiwding jinghongw-ha, qywzinn duiww jurzenn/ siarhue iwjir soxx jyr ee singlok. Mrqyxx derr zi jiah haixangx vingrr byy didjiab jinwhingg qaubuew, ix uirsniaxmic beh camqax jitt xee quewdingg? Jex duiww guaw si jin' lirqingx :ee. Inx juadduir byy zimrhyy qingrjingx iwbi, si habjog. Tniax qongxx jitmaw u junjiah cua iukeh cuthaiw knuar haixangx pacjingw. Haixangx ixqingx suaw duiww CATALIA ISLAND (li L.A. guarhaiw zi-jap-zi ingliw ee dyxsu) jigua ee haiwhik. Langg jin' air hai hyxsu.

Quiw zit jingg guaw quancad diyc jit qrunn jiauw. Inx vuex ee unrlut jin' daddid knuar. Naxjunxx dy' jingkag jaix sniaw sii qaix dngxuanx/ beh vuex duiww dyc'ui kir/ jitmaw beh jyr sniaw ... dringw. Jex si jnuaxngiu jyr qaur? Si duiww moxjiongw ciaujurzenn jetjaur ee dauzip.

E qir .did knuar quer jit vxo DISNEY qongsix iuxquanx haixqux li haiw iokk snax-jap ingciyh ee haixpniaa snex nxng ee jurzenn ngiaxpnir. Quiw zit au, suax nirr vee cud jerje duxx cutsir ee siyw haixqux, dagg jiah iokk go sxenw jnii hiacc dua; inx jit diamw aw dyrr byy diuduu hiongr duarhaiw hitt vingg kir/ byy siwqer cue jiac :ee/ byy ciwtamr quewdingg/ qyckacc byy mng “guaw qaix singx kir dyhh?”, byy jit jiah e kir qniaa m driyc honghiongr/ be dirr ciurjann nirr luan jongg luan syy/ byy kir sniu “guaw tensingx daddid viw jiax qyckacc hyw ee soxjai!”. Inx cniurr qux maxmah soxx liaursiongw :ee, juanvo didjiab vee duiww haiw --- maxmah hitt xee soxjai iacc si dairjuzenn kir. Jitt sii jit qrunn haixjiauw horsiong tongvyr sinwsid, cniurr hongjar huiqix ngar tauu cionghuan siyw haixqux, inx jin' cingcyw jaix, itding rair qaur duarhaiw kir, iong inx ser ~ qix ee kax ixx siongrr qinw sokdo itdit vee, vutduan vuew, qra jurqiw sinkux sangr zip haiw; sunrsuar qongw .jit .xe, inx kax/ciuw sir qix jaw dyrr jaix zuhyy unrdong, byy su'iaur hunwlen/ sidgiam. Inx jaix kax qaix jnuaxngiu jyr, bagjiux marr jaix knuar duiww taujingg ee duarhaiw hiax kir, hex si inx beh kir ee soxjai. Qui' dui naxx siyw TANK covun iong inx siongrr qinw sokdo ciongx hiongr duarhaiw sii, jingxqyy hertongw ee unrjog jinsi uanbiw byy kiamwdiamw; suar lyc laii ... dongzenn, u langg itding e sniu haiw-siong dua pylong duiww jiaxee siyw TANK itding si jin' dua uihiap. Byy nor! Inx didjiab dauzip haixjuiw nirr, zircniaw ixqingx jaix siuu juiw. Dongzenn, itdanr haixqux qaur liauw haiw-diongx, hiqunn qycc kaisiw cue inx. Snewmia jinjniar qanlann!

--------<MYTH TO LIVE BY>------

THOU --- IT

Ixx “THOU” duiwtai, qapp ixx “IT” knuar langg' ee jurgnow si byy qang :ee.

LamHuix guanjurbinn BUSHMEN iong ee jnxir jin' ser, sria be ciauquer zi-jap bxa hng, mrqyxx dirr jitt siyw jniwtauu buah liauw diwmia ee hiongg dok. Inx ee ELAND (ngiuu), jin' suiw, quandua ee lingiongg cniurr INDIANS Bixjiux juixguu qangrkuanw ee qaksig, BUSHMEN rair singx qra behunn, jiacc uaw kacc qin quaw sria cud jnxir, ngiuu driongr dok jnxir au, e jin' tongwkow qyc'uac jit zit, pac lac :ee diyh'air qra jurqiw dongwjyr hitt jiah ngiuu/ junsiuw jit quaw digding ee qimwqi, ix ee hing'uii kaksit e ingxhiongw ngiuu ee sixbongg.

HOPI (Bixqog ARIZONA dangvakvo ee INDIANS) ee juaa-bruw marr ham' jex iuxquanx. Si cutqii bixbiau ee gisid, tiauwbuw :ee liac diauu juaa, naxx tiaur naxx iong jiauxmngg pah juaa. Guaw knuar quer jit vxo ngiaxpnir, qaxnaxx si GEORGIAN iacc si TENNESSEE snuakux ee langg, duiww juaa ee jongvair, dirr jewdenw gisid-diongx, qra qngw jyr jit uann ee vngrsicingr danr laii danr kir, cam'uw ee langg siongsinr, zuqyw inx si “dirr Iasox ee linghunn-lai”, dyrr be hro juaa qa diyc. Inx hro jurqiw jinwzip dongrbut qamxingr ee simliw jongrtair. Mrqyxx ngiaxpnir nirr, juxcii jitt xee jewdenw :ee kiokk hro juaa qa .diyc, qongw ix qamxqag jurqiw ee iwsig naxjunxx beh “siausid” ar, vutjunw zimrhyy langg qra qiur, dyrr siw .kir .ar.

Guaw dirr NEW YORK m bad jinjniar ham' dongrbut jiapqin --- duliauw sewhanr dirr jngkax ixgua --- guaw qinvunw byy huatdo lixqaiw anne ee dairjir. Incuw, tniax diyc langg ham' iaxsingx dongrbut jiqanx ee qowsu, ixqibb hiaxee hisingx/ juvix siongrdingx qaiwliam kaksit erdangr dirr hingdong-diongx huatsingx jok'iong, suxx guaw qniaqii.

Sniacirlangg jnuaxngiu

u diauwhuanr dongrbut ee linglik?

inx naxx uanjuann byy liauxqaiw dongrbut!

Druar dirr HAWAII, guaw jin' air knuar jangciu-dingw ee jiauw. Inx hiyh dirr ciurhiyc sii, vingrr m jaix in'ui inx jursinx dangrliong quanhe e hro hiyc suee lyc laii, vutqyr itdanr mow jiah jiauw tingg dirr ciurhiyc, inx e sui' jaix jnuaxngiu hro jurqiw mair anne suee lyc laii, jinjniar quaiwqii, m jaix dyc'ui laii ee sniaxmicngiu iwsig?

E qir .did guaw ginxaw sii, bad qniaa quer ciurnaa, knuar diyc jit pnir dywqaux ee tih livax, jit jangg ciu uaxkyr hitt pnir tih u.-uanuad-u. singdiongw, ciu ixqingx jin' diamxdinn qra tih vaudnii dirr jurqiw qidiongx, jex qamxx erdangr qongw ciu byy iwsig? Ix ee iwsig qamxx e tingjiw?

Jap-qauw sewqiw dng' uahtew qaixpyr duxx kaisiw liuhingg sii, byy langg diwdiong qaixpyr dongrbut uahtew jitt jann su, qongxx inx byy iwsig/ inx ee huanxingr virr zinruii jixsirr qihaisingr iuxqitew duiww ciwqig ee huanxsia dongrjog ziiw. Jitt jiongw duiww snewmia ee qenwqaiw e ensiok qaur sniaw tingdo? Qamxx beh iong dirr zinlui srinx-siong? Langg qamxx marr jixsirr qihaii iuxqitew? Jex si hing'uii simlixhak ee knuawhuad.

Lingrgua kacc qigtauu ee quandiamw, Inwdorqaur ATMAN/ BRAHMA busow-vutjai : soxu surbut dy' si u snewmia.

Inwdorqaur jingrjy bingngiu

tnazinn/ dairjurzenn tiauhyy itdir

dng' langg ham' dairjurzenn puewdah sii

soxu ee unsur dy' duer lecc laii

Ixx “THOU” knuawtai ham' ixx “IT” duiww langg' ee jurgnow si byy qang :ee. Narr qra soxu ee surbut knuawjyr THOU, jingxqyy sewqair dyrr si jit xee THOU, hex si sinvir qinggiam ee texhue. Itdanr soxu ee surbut virr knuawjyr IT, dyrr si zirguann duiwlip. Guaw-THOU ee quanhe si huizirguann ee texhue, m si zirguann duiwlip.

Ixx jitt jiongw simx texhue sewqair, jingxqyy sewqair dy' si snewmia/ huanlok ee qonghuix, qra muixx qnia surbut knuawjyr THOU, qycc liauxqaiw qidiongx snewmia, jex si soxu jongqaur bingngiu iwhamm siongrr quann viauxhen. Juxdniux qihailun ee kyhagqax vaitig jitt xee quandiamw.

Dng' guaw siwqer qangxenw sii, cuwbi :ee si, e ui' mow quaw kyhagqax/ IngBiw dethagqax did diyc huwbin huanxingr, inx huanxduir guaw iong “iwsig” jitt zri, inx iong “lingliong”. Guaw zuxx laii zuxx siongsinr, jitt nng zri qisit si qang jit hxang surbut byy qang ee qongxhuad, dan'id lat ee nng xee binrhiongr. Iwsig qamm u hunhuar/ unrdong kinghiongr, jex hro guaw sui' e sniu diyc kyxlingg lanw knuar .diyc ee lingliong dyrr si iwsig. Jiwjiyw dirr singbut lingxhik, lingliong naxjunxx ham' iwsig kanlenn, cavutdyx decc qongw qang jit huesu.

Guaw zinruii u snax jiongw jun'iuw jongrtair: derr id jiongw si jurzenn sunjinx ee viauxdat. Derr zi jiongw si dng' liw tingg lyc laii huntiah/ sukyw sii, itdanr anne duiwtai IT, jurzenn dyrr byy qycc u snewmia; liw hunsig sii, jurzenn vunxsingr vingrr byy sag dinxdang liw. Juewau jit jiongw jun'iuw si, liw erdangr jaiww ham' jurzenn qiongrjunn, jixsirr qyckacc u linglik/ jurgnow jetjer/ cunqiusingr.

IRQAMW

Uxdiu si jit xee langg ee bang, soxu bang-diongx ee qaksig marr si decc jyr bang.

------ SCHOPENHAUER----

Guaw zuxx laii zuxx siongsinr, u jit xee iwsig janbin si lanw soxu langg qiongriuw :ee, lanw ee nauw kiokk hanrjer dirr jitt iwsig ee qijer-ha. Lanw qra jitt jann jewhan danr driau rngiuu zip iwsig janbin si u kyxlingg ee. Narr byy, si beh jnuaxngiu qaixsuad ciauqamxquanx diqag henrsiong? Siqanx si diqag ee jit jiongw hingsid --- iwsur qongw, jiong' beh huatsingx ee su jiurr moxjiongw iwgi, ixqingx huatsingx ar -- - soxiw berdangr qongw irqamw si ciangrduxciang. Caixdiau/ irqamw dy' m si kaxhap, huatsingx ee qihue sidjai taiww suwsiongg lehh, berdangr qruix iwgua.

Dirr guaw srinx-siong jerje vaiw ee jitt jiongw qinggiam u qauwgiac laii cinsinx jingwbingg, kyxvixqongxx, duw diyc mow langg, snax~nng qxur ue au dyrr qamxqag jin' ba/ qamxqag jurqiw jiong' beh jyr moxjiongw diongriaur ee dairjir, qycc e jniajyr snewmia ee diongsimx. Guaw ee iwsur si jriw, dng' liw duw diyc jiong' e jniajyr liw snewmia-diongx kuriuw cimuanw iwgi ee langg sii, derr id vaiw qniwbin dyrr e u qamxqag. Jex si huisiongg sinvir ee su.

U sii e qamxqag jurqiw cywquer mow sinwsid, byy jiangxag diyc sewtauu. Guaw bad u quewjua ee simjingg, qaix ham' hitt xee langg hyw ~ qongw quaw ue jiacc driyc, in'ui hex duxx si ix jre dirr hiax ee guan'inx. Vutqyr u sii qamxqag qiquair, mow langg dauwdew si jnuaxngiu jongg zip laii guaw ee sing'uac-lai?

Marr u kyxlingg amtamx lingsniar suacc behik .kir. Bylun si m si iongxiuw sinlingg, iuguann rair binrduir miarun/ zinsingx viqiok bundee. Guaw qamxqag hagsut qangjog hro guaw snewmia quewdingg jinwzip cenxvyc ee ko'aw nirr, qongw sit :ee, guaw susiongw si didquanx :ee, jingqamw/ qamxqag kacc ziok, jex si guaw ee simliw qowjy/ singwjingg si anne. Guaw u jingqamw/ qamxqag, inx kiokk byy hxuad cuarniaw guaw, guaw e kakding jitt diamw, si guaw ham' vin' qamxqag quer zidjiw ee langg jywhuew sing'uac .quer, liauxqaiw inx honghur ee sing'uac qinggiam/ qokk jiongw jubi. Jitt hongbin guaw jin' lrow, mrqyxx dirr sukyw-siong, guaw ersaih ham' inx zimrhyy jit xee viw quann qe.

JUNG dirr simlingg qetqor ee hunsig-diongx, qra lenqed lanw/ guarjai sewqair ee simliw qonglingg hxun jyr sir jiongw luirhingg:

Jingqamw --- qra lanw qongw moxjiongw mic junjai ee qonglingg.

Susiongw --- qra lanw qongw hitt xee si sniaw qongingg.

Qamxqag --- vingqow hitt ee duiww lanw qewdat ee qonglingg.

Didquanx --- hro lanw qoxqer surbut/ jingqingw luerjai kyxlingsingr ee qonglingg.

Incuw, qamxqag si qewdat ee luerjai jixinw; vutqyr qewdat pnuawduan tongsiongg ham' guarjai/ qinggiam ee kuanqingw iuxquanx.

--- JUNG <ANALYTICAL PSYCHOLOGY> ,

CAMPBELL <MYTHS, DREAMS, AND RELIGION>---

Siongrdinghak (SYMBOLOGY) ee bixbiau dyrr vauhamm soxu jitt sir jiongw qonglingg. JUNG qycc qongw diyc hudsimx ee derr go qonglingg, soxui ee “ciauuat qonglingg (TRANSCENDENT FUNCTION)”, si qokk jiongw siongrdingx jo lanw siongwjunw jinwqongx duiwsiong. Siongrdingx m si qra susiongw cua zip laii taunauw lingxhik, danrsi taunauw kiokk inxcua siongrdingx. Guaw itdit damsimx qitnax qonglingg e qanziauw taunauw uahdang, susiongw si guaw jin' hyw ee tenhun, vutqyr berdangr cuxdai qitnax qonglingg.

Guaw iauxx bue len bingngiu, guaw jaix guaw itdit qniax bingngiu kyxlingg cua cud jerje surbut, e gro guaw bogjingg sukyw linglik ee huathuix. Hex si jit jiongw diauqangx ee hanrjer, hro hiongr mow digding honghiongr huatdenw qycc drat qaur bogviaux. Guaw simlai jaix, guaw ixqingx drat qaur hitt xee bogviaux. Ciaulingg ee qinggiam vingrr byy itding u jitt jann ee qamxsiu. Muixx jit xee langg dy' u ix jurqiw ee linglik, jinjniar ee ywvir dirr jaix jair liw qniaa quer zinsingx jitt jiah junn ee singwlingg.

Duiww soxx cam'uw zinsingx dua hongx dua ingw, ui'id biyue cud ee hongsid, si SCHOPENHAUER soxx qongw: uxdiu si jit xee langg soxx jyr ee bang, soxu bang-diongx ee qaksig marr si decc jyr bang.

LANGG JY JINLIW JIN' LIRQINGX

Qniaa e tongx dyrr si jinliw, duiww jurqiw diongsingg suacc jniajyr byy uanbiw.

Dng' lanw qongw diyc kyhak jinliw sii --- cniurr dramm diyc siongrder qang --- lanw dyrr mahuann lor, in'ui jinliw u byy qang ee iwgi. WILLIAM JAMES (1842-1910, Bixqog dethagqax/ simlixhagqax) qongw, “ qniaa e tongx :ee dyrr si jinliw.” si u dyrliw ee.

Juadduir jinliw (TRUTH) jitt xee quanliam --- siongsinr moxjiongw ciauuat sukyw siongduiwsingr lingxhik ee jinliw junjai --- guaw qra hyrjyr “lirqingx ee zinjy jinliw”, jiaxee tuandy ee bunrdee, si huan liauw zinjy jinliw, dng' inx iong junr ee sniax qongw cud siongrder qongw ee ue sii, liw jaix hex si qexvauu :ee. Dng' zinruii jurqiw iacc si inx ee dyrsux jiangxag diyc jinliw --- “anne dyrr driyc lor!” ee jiaxee langg, si

F. NIETZSHE soxx qongw ee “ qaiwliam ee ngiuhinn”; dyrr si jriw jiangxag diyc mow quanliam siauxqongg ee langg.

Zinrding jurqiw jiangxag jinliw si kixsiauw :ee, naxx cniurr qongxx u juadduir suiw :ee, in'ui lanw kyxiw jin' iong'i dyrr jaix byy jitt huesu. Suiw jongxsi ham' mow quaw surbut iuxquanx. Ingqog jap-qauw sewqiw longrban sizinn J. KEATS (1792-1866) ee <ODE ON A GRECIAN URN>, “ suiw si jinliw, jinliw si suiw” --- si liw dirr jitt sewsiong soxx jaix ee, marr si liw su'iaur jaix ee itcer”, cniurr six hitt ngiu ee qongcaiw, anne qycc si sniaw iwsur? Guaw jin' qac'ir ROBERT BLY(1926-) duiww R. DESCARTES (1596-1650) ee ”gauw sniu guaw junjai” ee voxciongx qongw “ guaw e sniu, soxiw guaw junjai. Jiyhtauu be sukyw, soxiw jiyhtauu byy junjai.”

lixsiongw si huihiamw :ee

bersaih qra inx knuar liauw sniu' zinrjinx

cywsid quaw byy iauwqinw

Hingdong-diongx ee langg byy kyxlingg uanbiw. Liw soxx dairviauw :ee jiongxsi vunxsinx uanbiw ee zirguansingr ee mow jit bin. Itdnar caixcuw hingdong, dyrr byy uanbiw: quatding ixx moxjiongw hongsid, m si lingrgua jit jiongw hongsid. Jex si uirsniaxmic zinruii jurqiw uanbiw ee langg si jin' kyxciyr :ee, si ham' jurqiw jyr duiwtauu.

Qra snewmia vunxsinx knuar jyr jue marr byy uanbiw, si Inwdo ee qivunw susiongw, Diongqog marr u jitt jiongw knuawhuad. Beh singjunn lyc kir dyrr rair jiahmic satsingx, qamxx m si neh? Zuqyw liw guanrir, erdangr qandna' jiac lag lyc laii ee ciurhiyc, mrqyxx liw iuguann decc jiah snewmia. Liw kyxlingg e qongw jurqiw qandna' si tec zinlui qiongriuw ee mic, juanw quer laii liw ee honghiongr ziiw. Danrsi jex si liw dnuabin quatding, m si duiwhongx ee iwqenr. Incuw, quatding jyr jit xee byy uanbiw ee langg! Hro jurqiw jiapsiu jitt xee sursit, zen'au jaiww cuthuad. Jex si “hnuahiw cam'uw sewqair ee koxlan”.

Inwdo ee qaiwliam si, liw dirr jerje juanxser au, laii qaur jitt xee uanbiw qingxqair, zen'au liw byy qycc cutsir/ liw byy air ar!/ byy beh qycc cam'uw ar! Soxu ee vudsiong dy' virr kig/ rue jyr luirsu, in'ui inx dy' si uanbiw :ee, benw qycc cutsir ar. Jixiaur liw qewsiok cutsir, dyrr si byy uanbiw. Diyh'air diongsingg jurqiw ee byy uanbiw: liauxqaiw hex si sniaw, zen'au qewsiok guanlaii ee hunziah, jiyh zirguanlun ee jit vorhun, denxhen ligsuw ee ywvir.

Mair hongwkir liw ee siaog

hro siaa uirr liw hogbu

zuqyw liw zinruii jurqiw liauxvutkiw

benw dudiau liw ee qiaugno

qra unriong dirr liw jingsinn duiqiuu-siong

”QRA DAIRJIR JYR HYW” SI GERSUT

Guaw zinruii Zidvunw qihaii jewpinw bre qaxx hiacc hyw, si in'ui Zidvunxlangg u gersut qaiwliam. Inx qra muixx jit qnia surbut dyrr iauqiuu uanbiw jingkag.

Singhuaa ham' suiw si siongduir? Suiw ee surbut si be uihiap langg ee. Jiurr sngr viqiok ee kiongxvor marr be cniurr jawiyc hiacc qniax langg. Singhuaa ui' hiongdua ee lat/ kongqanx sna' qap sanxsingx, kyxvixqongxx, liw kia dirr snuax buexliux, e u singhuaa ee qamxqag, qui' sewqair dirr liw bak-jingg henx qaxx kuix ~ ~; jex si Vudqaur gersut ciangjai iong ee juxdee, marr si sirbiy kiw dirr snuax-dingw ee guan'inx. Dirr Zidvunw KYOTO vreh snuax sii, en' lo jerje canhngg cuwtec ziax diyc sirsnuar, knuar be diyc kuidenw ee qingxsiong, zen'au hionghiongg itpnir kuikuah qingxdir denxkuix dirr bagjiux-jingg, jex dyrr si singhuaa. Incuw lat/ kongqanx si singhuaa lenciuw ee sanxbut. Dirr zimrhyy jit jiongw jinghongw-ha, jurgnow dy' siauter, jin' qiquair: zuxx byy jurgnow, zuxx texgiam diyc singhuaa ee qamxqag.

COOMARASWAMY (1877-1947,Inwdo bixhagqax), anne dingrgi gersut : qra dairjir jyr hyw. Bylun gersut qonglingg/ pinxlui si sniaw, jex si gersut ee qicow. Zuqyw lenrr “qra dairjir jyr hyw” dy' byy cuwbi, anne simrjir dirr qivun iwgi-siong dy' m si gersudqax. Guaw zinruii Zidvunw qihaii jewpinw bre qaxx hiacc hyw, si Zidvunxlangg kuriuw gersut qaiwliam. Inx muixx jit hxang surbut dy' iauqiuu jingkag uanbiw.

Gersut ee bogviaux dirr qriuu budtew ee uanbiw. Ixx TAJ MAHAL (Inwdo AGRA ee hueqaur sirbiy) jyr le, si canwlan ee gersut singjiu/ uanbiw ee, qongw diyc TAJ MAHAL, qandna' erdangr ixx uanbiw laii hing'iongg. Dirr jit xee jap-go mee guaw derr id vaiw kir hiax, suxx guaw lanbongg ! Guaw si jiacc hyxzirun! Guaw gong dirr hiax, anne sniu “ jex si R.JEFFERS (1887-1962) qongw ee : ciauqib sinsingr bixle (DIVINELY SUPERFLUOUS BEAUTY).” suibongw dirr guaw snewmia-diongx jex byy zimrhyy sid'iong qewdat, danrsi jitt kig vunxsinx dyrr u qewdat.

... ... limx dee si jit qnia vingsiongg/ sewsiok/ poxtongx ee zidsiongg dairjir; naxx ham' ving'iuw jre dirr vangqingx-lai kaiqangw lehh. Mrqyxx liw sniu knuar mai, quatsimx qra jingsinn uanjuann jibdiongx dirr dedy jitt xee hing'uii ee muixx jit sewjad sii, e huatsingx sniaw jinghongw? Liw e suanw siongrr hyw/ sikhap ee nguaw, ixx siongrr cutqii ee hongsid vaii dirr dyh-dingw, suxiong u iwsur ee deoo, ham' qui' xee qongw e laii ee ving'iuw jywhuew hunhiongw, dongsii qycc teqiongx jit quaw surbut ho'ngg himsiongw, cniurr huex, muixx jit luiw dyrr u ix ee ciywiongg; digvet uirr jitt dniuhap soxx suanw, ham' siwjiuuii kuanqingw tiauhyy ee doue; jit xee cuwbi/ qikaw ee siyw ap, erdangr he ser hxang qycc iuwsiur ee vyxvuewmic. Suar lyc laii, junxvi dee/ dryr dee/ limx dee, muixx jit xee dongrjog ee muixx jit janbin longxx ixx huisiongg iugnaw ee textair laii uansingg, hro muixx jit xee jairdniuu ee langg qamxziamw diyc susongw, hnuahiw laii cam'uw, jit hxang poxtongx ee su suacc erdangr tesingx qaur six ee qingxqair. Sursit-siong, jap-sir jua six ee siaxjog, soxx iong ee zri marr jixsirr qik vingsiongg/ sewsiok/ poxtongx ee zidsiongg qangku, siaw six/ dedy marr si anne. Digding ee quijig hongsid si dngnii qinggiam huatdenw-ha ee qetqyw; quanwlen jiaxee quijig/ hongsid au, dyrr e drat qaur qik quann viauxdat lat. Cniurr gersut unrjog hongsid si hongw dairjurzenn, dedy marr qangrkuanw.

----- CAMPBELL <ORIENTAL MYTHOLOGY>-----

Langkeh ui' huehngg siyw lo qniaa hiongr devangg sii, rair ngar iyx cngx quer qe ~ ee zibkauw, naxx decc duiww vowdir ee doo/ huex/ hniaa qaxx qiongbecc qunw ee deqoxjuiw diwir, zen'au dirr jurqiw dervanw ee xui jre lyc laii. Devangg kik'ir qing'ingg qanxdanx ee kiwhunx-diongx, siongrr qanxqed ee budpinw henxhen cud sinvir ee bixqamw, qidiongx ee diamrjing si siqanx ee ywvir huanwsiong. Muixx jit xui langkeh dy' singx virr unxjunw jinwhingg ham' jurqiw iuxquanx ee qinggiam. Cam'uw dedy quewdingg ee muixx jit xee singguann qiongrdongg dirr jitt xee sog ser ee siyw uxdiu-diongx bingngiu, qamxziamw inx amwcangr dirr uxdiu ingxuanw ee jing'air.

Uixdai dedy saihu soxx quanced ee si, zuhyy qra sinsingr ee qikaw juanxhuar jyr jit bak nih did diyc ee qinggiam; qra jitt xee ingxhiongw ui' devngg cua zip cur-lai, qycjaiww siamr zip qokqax.

----- CAMPBELL <Cingbin Inghiongg>-----

DUIQIUU CIAUZENN

lojaii dyrdig? Juxlangg dyrdig?

Qiwguann jingg sir ~ go sewqiw, “uirr muixx jit hxang surbut duiqiuu ciauuat” si GREEKS ee lixsiongw. Jiongww sinn dairviauw jerje byy qang huanrdiuu ee ciauuat. Diongdy : su su byy quewhun, guaw zinruii duiqiuu ciauzenn sing'uac si jin' hyw bogviaux. GREEKS si zinbunjuxgirjiaw, PLATO hagpair soxx hongrhingg ee suxbing si “liauxqaiw jurqiw (KNOW THYSELF)”. Hitt xee siqii ee dethak duwjog longxx ham' hing'uii/ bixdig iuxquanx: jriw soxx qongw :ee si ciauuat bixdig, m si hyw baiw ee duiwlip.

Jex marr si NIETZSHE dirr <BEYOND GOOD AND EVIL> qongw ee quandiamw, zinruii lojaii dyrdig (SLAVE MORALITY) si junsiuw quijig, jiauww langg' qongw :ee kir jyr, si sxen/ m si og; juxlangg dyrdig (MASTER MORALITY) siongdongx GREEKS bixdig/ bunge hoghing sidai qewdat (VIRTU) ee qaiwliam, marr ham' digding surbut u linglik langg ee singjiu iuxquanx. E qir .did tniax langg qongw “ix si hyw langg”, lingrgua u langg mng “hyw dirr dyhh?” jex si qongxue sii, sniadiau-siong jin' dua ee juanxvenr. Juanzenn ee ciauuat/ jikqik viauxhen jitt nng xee qaiwliam, qokk u suxx langg hixair ee iudiamw “guaw kir qaur hiax qra uansingg ee!” ham' “sniaw dy' byy quanhe, guaw sunrjiongg dyrr si.” si byy qang ee nng huesu.

Jiauww NIETZSHE ee quandiamw, u bixdig ee sraix si e qra ngiuu liah cruir ee sraix, berhiauw anne jyr ee sraix si baiw ee. Mrqyxx ui' ngiuu laii knuar, baiw ee sraix si beh jiah ix ee hitt jiah sraix. Liw e huathen dirr lojaii dyrdig nirr, ciauzenn ee langg --- juxkongwjiaw --- virr zinruii si byy hyw ee. Kaksit si anne.

Juxlangg dyrdig qaiwliam, sanxsingx jingingjuxgi. “jingingjuxgi? Hex si m hyw ee.” linw qamxx bad tniax vadd langg anne qongw? Hex si lojaii dyrdig decc huad sniax. Guaw e qir .did jurqiw bad dirr OKLAHOMA dairhak duiww jit qrunn ui' juanqog qokk dairhak suanw cud ee cutsig hagsingx qangxenw. Dirr jex jinwjingg, guaw m bad qapp jiacc je cutjiongr hagsingx jywhuew. Jit xui qauwsiu su au qra guaw qongw, u jit xui hagsingx kir cue ix qongw:

“Jitt xee tuantew qandna' u linglik ciauqiongg ee hagsingx, si jingingjuxgi.”

“Jex si uirr tec jiangxhagqimx ee hagsingx setqer ee kywdingg.”

”M driyc! Jex si jingingjuxgi, vutqaix cuthen dirr haurhngg-lai.” hagsingx rinr.

”Guaw qra liw qongw guaw beh anxjnuaw jyr, BILL, guaw beh qra kaqiudui qauwlen cuijenr liw damzim hongsiuw diong'ue (DEFENSIVE HALFBACK), liw sniu sniaw kuanw? ”

Ix liauxqaiw ar. Jitmaw ui'id himsiongw ciauqiongg soxjai qandna' cunx unrdongrdniuu!

Dairiog dirr jap-veh sewqiw sii, gixgenhagqax huathen ui' Inwdo qaur IRELAND jitt xee kuhik-lai, cavutdyx soxu ee gixgenn dy' sriok INDO-EUROPEAN. Inx dongsii iauxx m jaix u qoxdai bunbingg --- MESOPOTAMIAN derkux/ EGYPT bunbingg iauxx byy ow .diyc --- vutqyr GREECE/ ROMA/ Aujiux binbingg jin' binghenw dy' laijurr INDO-EUROPEAN binjok ee hertongw. Mow jit xui FERNCH tec cud tongxdi binjok (MASTER RACE) ee qaiwliam. aurlaii HITLER qongw cud ARYAN (marr si IND-EUROPEAN) jiwqylun, marr si tongxdi binjok jitt xee quandiamw. Sidjer-siong ham' juxlangg dyrdig iacc si lojaii dyrdig byy quanhe, vuthing :ee si, HITLER iong liauw NIETZSHE ee ue “sinx ee gnoxsiong si qokqax”, si HITLER soxx dairviauw ee qokqax, ix si kyxog ee siauxzinn, HITLER ee qaiwliam juadduir m si NIETZSHE :ee, NIETZSHE juadduir si pixsniur huanw Iutaiwlangg juxgi (ANTI-SEMITISM) qapp qokqax quanliam :ee.

JUWQAIW

soxu jun'iuw ee diongriaur qindew, si jitt sxer ee kaisiw qapp qetsog.

Simlixhak si juwqaiw ee ciuxdnua, huntiah dauwdew si jnuaxngiu jit huesu ee honghuad. Liw qamxx beh qra qaixsuad jyr tnix-dingw mow xee sinbingg ee congwjog? Jitt xee kurtew sinbingg qamxx si jinsit ? Ix nacc e dirr hiax? Jitt xee sinbingg rair iong simlixhak laii qraiw, anne jiacc e liauxqaiw lanw soxx dramm :ee vingrr m si “dirr guarbin hitt soxjai”, si “dirr lairbin jiax”.

Knuar APOLLO taiwkongjunn jniurliok geuhqiuu ee denrsi juanxvyr, hro guaw qniaqii, siongsinr dongsii decc knuar ee langg itding u qangrkaunw ee qinggiam. ARMSTRONG dac jnriu guehqiuu jingg, HOUSTON derbin kongwjer diongsimx mng “jitmaw si'angw decc sraiw?” “NEWTON!” tuann dngw laii derqiuu ee sniax.

Jex hro guaw sniu diyc KANT (1724-1804) <PROLEGOMENA TO ANY FUTURE METAPHYSIC>, duiww kongqanx ee tyxlun, “lanw jnuaxngiu ersaih dirr jitt xee kongqanx, dirr jiax, kakding jaix lanw soxx jyr ee pnuawduan, dirr hitt xee kongqanx, dirr hiax, marr qangrkuanw iuxhau?”

KANT anne dab jitt xee bunrdee : kongqanx huatjig si simx soxx jaix :ee, sriok simx ee huatjig, si lanw cutsir dyrr u ee luerjai diwsig (PRIORI), jixu dirr binghenw ee guarjai diauqnia-ha, jiacc e cua lanw dngw kir lanw ee qiwdii ... ...

Ngua jit qxur qongw, kongqanx huatjig junjai dirr lanw luersimx, guartaiwkongx marr junjai dirr lanw simlai. Guawtaiwkongx ham' lanw luerjai kongqanx si qang jit huesu. Jinr jit vo qongw, lanw liauxqaiw zinlui kaksit si ui' kongqanx cutsir, in'ui ginhyy si ui' banrdairnii ee kongqanx hingsingg, taiwiongg si qidiongx jit hunrjuw, zidtauu amwcangr snewmia. Derqiuu teqiongx zinlui sinkux su'iaur ee budjid, si taiwiongg ee uercnex ji' id. Lanw sursit-siong si derqiuu ee sanxbut, naxx derqiuu ee kiwquanx, lanw ee bagjiux si derqiuu ee bagjiux; lanw ee diwsig si duiww derqiuu ee zinrbad, derqiuu cniurr lanw soxx jaix :ee, si kongqanx ee sanxbut... ...

Dnaxx lanw rair mng: jex itcer ham' sinue u sniaw quanhe? Henxzenn diyh'air duiww jitt xee qongxhuad jyr moxjiongw siujingr.

Vixzu, itvnuax siongsinr, siw au qyc'uac ee Iasox si bactew vuex jnriu tendongg <Luka hok'imx (24:51)>, ix ee maxmah dirr kunwbinn-diongx duer ix kir (jaxqii Qidokqaur ee sinwgiongw, dirr 1950 nii jab'id-guec ce'id jniajyr ROMA Tenjuxqaur ee qauwgi). Dongsii marr u bunhenr qiwjair, iokk qiwguann jingg qauw sewqiw, jre jit daii huexjenwciax ee ELIJAH (HEBREW sendix), duer jit jun qaxleaxhongx kir qaur tendongg <Led'ongg II (2:11)>.

Jiurr sngr ixx qngx sokdo sringx tenx (ixx zinlui bactew si byy kyxlingg :ee), jitt snax xui taiwkongzinn marr byy ciaucud ginhyhe jigua .kir. DNATE (1265-1321) iokk dirr 1300 A.D., liriong qyc'uac jetzit ee vaiwlak kir tamwhongw dergak/ lenrgak/ tendongg; jex jixsirr jingsinn luxhingg ziiw, ix ee sinkux iuguann dirr derqiuu. Mrqyxx Iasox/ MARIA/ ELIJAH inx snax langg qongxx si bactew jnriu tnix. Lanw qaix zuhyy laii knuawtai jitt lui sinue (amwviw iwhamm) ee binsiok quanliam?

Henxzenn, zuqyw erdangr u zimrhyy qewdat (guaw singzin siongrr qivunw ee guansiw quanliam vitzenn si cniurr jitt lui qowsu anne), jiaxee bactew soxx kir ee soxjai vitzenn m si guartaiwkongx, si luerjai kongqanx. Ngua jit qxur qongw, jitt lui amwbih ee luxdingg soxx viauxdat ee iwgi, si dng' bactew iauxx junjai sii, dirr jingsinn-siong huedngw luersimx ee kyxlingsingr; ixqibb si m si ersaih jiar jex uanjuann liauxqaiw hex snewmia sanxsingx/ siauqaiw ywvir ee ciauuat laiguann. Jex si sinue jit xee jin' lau jin' lau ee qowsu lor : soxu jun'iuw siongrr diongriaur ee qidew, si jit sxer ee kaisiw qapp qetsog.

-------CAMPBELL <THE INNER REACHES OF OUTER SPACE>------

Simlixhak ee qighan marr si sinhak ee jinrbuew. Inx ham' siongrdingx huhy soxx sanxsingx ee bunrdee iuxquanx, ham' ciauuadsingr byy quanhe; inx soxx drat qaur :ee si siy' qang :ee. Zuqyw liw qandna' dansunn qra siongrder knuawjyr jit xee simliw ee qonglingg/ insor, anne liw ham' siongrder si qangrngiu :ee, byy qex marr byy kacc jiyw. Jixiaur liw u siongrder jitt xee qaiwliam, liw dyrr e hro kee diauu lehh. Iauxx qyce e qir .did M.ECKHART (1260-1327) qongw “ jiongqik ee ciauuat si uirr siongrder lirkuix siongrder.”

suxx langg qenwsiaur :ee, lanw jixu jit xee zri laii hing'iongg jitt nng xee qaiwliam. Dirr Inwdo, u quixarr xee zirqur --- JIVA (jriw linghunn, uxdiu snewmia guanliw), ATMAN (jin'gnow) qapp BRAHMAN, zircniaw iwgi qokk byy qangg. Lanw qandna' “siongrder” jitt zri, jin' byy tywdongr. Jongxsi jriw moxjiongw zinqechuar ee sinn. Duhuix qongw :ee si “luxsinn”, jriw :ee si lamsingr siongduir :ee. Lanw iuxhan ee zri duxx si sokvak lanw ee mic.

QIUWSIOK

Muixx jit xee langg qandna' erdangr qniaa quer ix jurqiw ee itsingx, diyh'air hiongr jurqiw luerjai cue cud huehngg ee viwbit.

Lanw jaxjingg duiww <Singwqingx> qongw quer quiw xee qowsu, Iutaiwqaur qauwdoo/ Qidokdoo dirr tuantongw quanwsir ixx zri viauxbin lixqaiw, naxjunxx qra hiaxee qowsu dongwjyr uxdiu laiguann/ jinsit suxjingg qurqnia ee kyxkyr lunrsuad. <Singwqingx> zinrding qycc qawsi lanw qongw : sewqair ee congwjy si huisiongg kurtew, ui' jit xui qandna' Iutaiwlangg jaix ee sinn iong cid zit ee siqanx laii uansingg; dirr jitt xee qongxdai sinx sewqair ee mow soxjai, bad u jit jxy EDEN Hngg, lairbin druar jit jiah e qongxue ee juaa; derr id xee luxsingr EVA si derr id xee javolangg ee pniaqiqud jy ee; siaog ee juaa qra EVA qongw, siongrder qimwjiw inx jiac ee quexjiw ciu, u qniaqii ee singwjid; EVA inx jiac liauw hitt hxang quexjiw, soxu ee zinlui dyrr “duirlyc” lor, sixbongg qangwlimm jitt xee sewqair, jitt duir lamluw virr danr cud huehngg. In'ui hitt xee huehngg diong'ngx derr zi jangg ciu, hitt jangg ee quexjiw jiac liauw e ho'ngg ingxsingx; congwjyrjiaw qniax inx e kir banw laii jiac, suacc e lenrr inx arr venr qaxx u diwsig/ be hiuxnua, dyrr jxiur inx qycc qnuaw inx lirkuix huehngg, mngkauw anvaii “tensair giac jit qix dyc huew ee qiamr, ixx qokk jiongw honghuad vyxue tongx hiongr snewmia ciu ee lo.”

--------<MYTH TO LIVE BY>------

Jiaxee tensair si diongriaur ee siongrdingx huhy. Jitt jxy sunjinx busiaa/ snewmia jurzenn tongtaur ee huehngg, dirr zirguann duiwlip diwsig cuthen jingg tongxid jongrtair ee huehngg, cutkauw si tonghiongr siqanx/ ligsuw zirguan ee sewqair; zirguansingr si iu' kia dirr mngkauw nng vingg ciuw giac huew qiamr ee tnisair laii siongrdingx : liw byy jaidiau ui' jiax tongquer. Lanw qaix zuhyy juwqaiw jiaxee tnisair/ EDEN Hngg?

Dirr Zidvunw NARA knuar .diyc ee dua Vut, jre dirr huehngg ciu-kax. Qniaa uaw sirbiy sii, e singx duw diyc jingg dxen mngkauw nng senx qniax langg ee siuxhorsinn. Inx naxx EDEN Hngg mngkauw hitt nng xee tensair, qidiongx jit xui cuir kuix ~, lingrgua jit xee cuir hap .kiw .laii : duiwlip ee nng langg. Jit xee dairviaiuw duiww sixbongg ee qniahniaa, lingrgua hitt xee si duiww snewmia ee qiawbang --- jiaxee iuxhik longxx byy hxuad ingxhiongw Vuddyy.

Qaur dnaxx byy langg dirr sewqanx huathen loghngg --- in'ui hex si zinlui simlingg huehngg. Dyrr cniurr <Singwqingx> qowsu soxx biyue ee, loghngg sir diauu sinvir kelauu ui' diong'iongx qiongrdongg laiguann lrauu hiongr sir xee byy qang ee honghiongr, jex duxx si JUNG soxx qongw ee “guanhingg iwsiong”: si poxpenr cuthen dirr bangrqingw/ sinue/ gisid ee jurhuatsingr simliw siongrdingx ... ... cniurr sinbingg iwsiong qang, siongrdingx snewmia laijurr siwqakhingg diong'ngx ee huehngg diongsimx, si simlingg ee qetqor, m si cosiab lyxcyw jitsor ee sanxbut, zuqyw hiongr simx ixgua jauxcue, hex dyrr besid lor!

-----CAMPBELL <Bunhak ham' Gersut Congwjy ee Sinue Juxdee>----

Si sniaw qra liw danr cud huehngg neh? Si liw jurqiw ee qniahniaa qapp iogbang: marr si Vuddyy soxx ciauuat :ee. Dng' Vuddyy byy sriu qniahniaa/ iogbang iuxqnuaiw sii, dyrr tongx quer mngg drat qaur be hiuxnua ee ciu, si ix jitmaw jre lehh, ciuw jriw hiongr tokax ee soxjai. Jex si qiuwsiok. Vut/ Iasox si qang qxib ee nng xee zinbut. Iasox tongx quer kyxgiam, venwjniaa be hiuxnua ciu ee quexjiw, dyrr si ix jurqiw.

Sriu diyc qniahniaa qapp iogbang ee uihiap sii,

hongwha jurgnow.

Incuw, qiuwsiok jitt xee quanliam dirr Qidokqaur/ Vudqaur tuantongw-diongx, dy' ham' jit xee langg si m si tongx quer hitt jann kyxgiam iuxquanx. Dirr jitt nng xee tuantongw, bylun qywzinn si m si tongquer jitt hxang kyxgiam dy' iauxx si lingrgua ee bunrdee. Liw kyxiw cngx quer NARA sirbiy mngkauw ee nng senx mngsinn jinwzip sirbiy-lai, mrqycc simx-diongx iuguann py diyc qniahniaa/ iogbang, incuw liw byy jinjniar tongx quer kyxgiam. Kyxlingg jurzin did diyc kexsi, sidjer-siong iauxx qycc decc lenhuee.

Vudqauwdoo ixx jingsinn juanxhuar laii qaixsueh jingxqyy surqnia. Qidokdoo ee qaixsueh si kiamr jxer/ hingg jxer ee qaiwliam. Singwdoo PAUL tuann qxaur ee duiwsiong si jit qrunn jyr singliw :ee, inx erdangr ixx qingjewhak ee qaiwliam laii liauxqaiw jingxqyy ywvir: u jxer diyh'air hingg ee duiwdingw qimgiac, hurjer dang rair hingg :ee marr rair dua. Jex ham' ginhangqax ee sniurhuad qang. Qidokqaur hamrzip jitt xee quanliam.

Guaw qra Vudqaur/ Qidokqaur knuawjyr duiww qang jit qnia su ee nng jiongw qongxhuad: Vudqaur qongw, zinlui besid dirr hitt xee byy jinsit/ qniax cam' iogbang ee hihuanr (MAYA) sewqair; Qidokqaur ee hingdoo genxqiur(ICONOGRAPHY) qongxx si duirlyc, siogjue si beh siauduu jiaxee qniahniaa, qycc qinggiam diyc ingxuanw ee snewmia, taur quer Iasox kingxding sewqair/ hnuahiw cam'uw sewqair hing'uii, laii texgiam ingxsingx.

Vuddyy qongw “benw qniax kia dirr mngkauw ee siuxhorsinn, zip laii jiac ciu-dingw ee quexjiw.” Singwcanlew ee gisid hing'uii si ciwjiac huehngg derr zi jangg ciu ee quexjiuw, si siongrdingx liw did diyc ingxsingx diwsig sii ee jingsinn ju'iongxpinw. U jerje hongsid kyxiw iong laii qaixsuad jiaxee ywvir. Guaw qra linw qongw :ee, m si guaw jurqiw congr cud laii ee juwqaiw.

Dirr siqanx lingxhik-lai, muixx jit xee langg qandna' erdangr quer ix jurqiw ee itsingx, soxiw diyh'air hiongr jurqiw luerjai jauxcue huehngg ee viwbit.

----LOREN EISELY---

... ... LEVANT (Derdionghaiw dangvo/ siwjiuuii ee derkux) jongqaur ee diongrdiamw decc qiongdiau hogjiongg, zinlui duiww siongrder iwjir ee sunrhok, suibongw siongrder iwjir kyxlingg si kiw-kiw-dyw-dyw; juxliuu ee jongqaur qaiwliam zinruii sinn ixqingx kexsi qaudai, lueriongg qiwlok dirr ceh nirr, langg rair kir tak/ junqingr, juadduir bersaih suiven puepingg/ rair jiapsiu/ sunrhok ix. Duiww hiaxee m jaix sin'ir/ byy sun sin'ir ee langg, congwjyrjiaw dyrr qra inx kiwsag lor.

--------<MYTH TO LIVE BY>------

Lanw ee jongqaur dauwdew qar lanw sniaw? M si beh lanw kir zinrdongg sinsingr (GODHEAD)texgiam ee lo ( lanw jaxjingg qongw .quer, inx zinrding jex si juxiaur ee irduanx siady), si beh lanw kir qenwlip/ ihe ham' hitt xui sinqeh quanhe ee dyrlo/ ciuxdnua. Beh jnuaxngiu kixjy jitt jiongw quanhe? Jixu jniajyr mow xee iu' ciaujurzenn linglik did diyc dig'iuw ee siarhue tuantew singguann jiacc e ing tihh.

--------<MYTH TO LIVE BY>------

qenwlip dirr digvet quanhe-siong ee jongqaur

si qra langg duihongr ee jongqaur.

<Quriog Singwqingx> ee sinn ham' ligsuw-siong mow ui'id sinsingr binjok dring liauw kewiog, sursit-siong inx si derqiuu-siong ui'id sinsingr binjok. Qywzinn beh zuhyy qazip, jniajyr qidiongx jit hunrjuw? Jitt xee tuantongw ee dab, dirr 1970 nii snax-guac cejap virr ISRAEL jinr jit vo kakzin, beh jniajyr jitt xee ui' sinue kexhuad qenwlip qokqax ee uanjuann qongbinn, senquad diauqnia si : snebuw si Iutaiwzinn.

--------<MYTH TO LIVE BY>------

lanw jinjniar qiongqik qinguann

si dirr lanw ee zinsingr nirr

m si qywvet hettongw

Ui' Qidokqaur quandiamw laii knuar, beh kyr sniaw honghuad? Si beh kyr virr knuawwjyr jinsinn/ jinzinn ee Iasox Qidog (ui' Qidokqaur ee quandiamw, jex si qijig; mrqyxx danghongx muixx jit xee langg dy' virr knuawjyr jinsinn/ jinzinn, suibongw qik jiyxsowlangg ixqingx duiww jurqiw luerjai sinqii lat qakcnew) ee langhinghuar.

------CAMPBELL-----

Lanw dy' si Qidog

jixsirr byy jurqag ziiw

Dirr rair kyr paclac qikiauw qriuu sing'uac ee vorlok singguann-diongx, qywtew jingsinn sriu diyc qoxle: simrjir be hiuxnua ee qaiwliam marr sriok qywzinn, m si jibtew :ee. Jingsinn surbu ee lingxdyrkuann juxiaur si vorlok ee dangqix --- qywzinn texgiam kuriuw jingsinn lat ee qywzinn; m si iu' siarhue andir ee sinjid zinguann, marr m si tauwquer jixding/ zimrbing gisid ee jojid zinguann.

---- CAMPBELL <ORIENTAL MYTHOLOGY>----

Siongrr juxiaur si iauqiuu hongwkir vaitig tnazinn : si qra knuawjyr ham' vadd langg duiwdik ee qokk jiongw surbut. Cingx-vah nii laii, zinlui itdit liriong jongqaur lenbingg drat qaur jitt xee bogdig. MARTIN BUBER (1878-1965, ISREAL ee Iutair sinhak/ dethagqax) bad lun diyc guaw-THOU/ guaw-IT ee quanhe. Qra langg' knuar jyr THOU cam' dongwjyr IT ee jurgnow si byy qang :ee. Jixiaur lanw qiongdiau guarvangx tuantew/ jurqiw ixgua :ee, lanw dyrr si qra langg venwjyr “IT” : guarvanglangg/ Iutaiwlangg/ digzinn --- inx dy' venwjyr qangrkuanw ar.

Sinjuxvaii/ vorlok/ jingxjok ixqibb jikqik tuanqaur ee sinwgiongw, duiww ixx air huawqaiw siuhun ee simliw bunrdee laii qongw, dy' si teqiongx vorhun ee qaixdab: jixsirr vorhun kexbongg, jurgnow byy siausid, dendyww kokdua; suibongw byy qycc sniu diyc jurqiw, qywzinn kiokk uanjuann hongrhenr hro ix ee siarhue. Jitt sii sewqair qitnalangg (qaur bogjingg uijiw duardysor ee zinlui) dy' virr vaiduu dirr ix juvix/ vyxho huanruii ixgua, in'ui inx si ix ee sinn soxx qaixsueh ee huanruii gua. Dyrr anne, cniurr ligsuw soxx qiwjair :ee, air/ hin jitt nng xee guanjig virr hiwqiogsingr huntiah lor! Jongqaur zedqongjiaw byy kir jercingx jurqiw ee simx, dendyww sniu beh cingliw jitt xee sewqair.

Zuqyw liw jip'id jurqiw qapp jurqiw ee tuantongw

qensinr jixu liw did diyc “IT”

liw ixqingx jiong' jurqiw ham'

qitnax zinlui qecli

HNUAHIW CAM'UW ZINQANX KOXLAN

Zuqyw “hiyxding” snewmia ee muixx jit xee sewjed, anne si pywhai itcer; rair “kingxding” snewmia ee itcer, vauquad huixbet jairlai.

U langg qongw qiongrsanxjuxgi si byy jongqaur ee siarhue, mrqyxx liw berdangr qongw qiongrsanxjuxgi byy kuriuw jongqaur sikcaiw, in'ui inx siarhue ee huatlut kurvi jongqaur soxu digjid, ui' gisid laii knuar, u <Singwqingx> tuantongw ee singwjid: jitt xee sewqair u hyw / marr u baiw :ee, lanw uirr hyw :ee jenwdaur, “qikbing” jiong' e laii, qauwsii soxu ee langg dy' jniajyr qiongrsanxjuxgirjiaw, qycc did diyc jingwgi. Jex ixqingx jniajyr hitt xee sairhue ee jongqaur.Solenn/ Diongqog jiqanx ee jnelun, vorhun si quanhe si'angw duiww MARX ee qaixsuad kacc duiwvan, jex sunzenn si qinghagpair jokhongx.

Juanqiuu dairvorhun siarhue, sursit-siong duxx si <Singwqingx> tuantongw soxx tongxdi, huanrnarr byy qang iwqenr :ee dy' virr vaiduu jairgua. Duliauw qiongrsanxjuxgi sinwdoo siarkux, qycc u Iutaiwlangg siarkux/ Qidokqauwdoo siarkux/ ISLAM ee MUSLIM siarkux. Iutaiwqaur byy tuanqaur suxbing ee ciongdong, qitnax snax xee jongqaur --- ISLAM/ Qidokqaur/ qiongrsanxjuxgi --- longxx u qik kycpnar ee tuantongw, jitt snax xee sinwgiongw jongjiw jairr uanjuann jinghok sewqair/ jit dniuu jingcaiw ee viauxenw, kiokk qra sewqair bruw qaxx zuu cangxcangw.

Snewmia ee bogviaux

si beh hro jurqiw luersimx

ham' uxdiu sna' hap

jurqiw vunxsingr puewdaur diyc dairjurzenn

Vudqaur ee zinsingx bogviauix si beh qruix-jinx-huanw-vunw anduar dirr uanjip ee sing'uac qinggiam-diongx : “hnuahiw cam'uw sewqanx koxlan”, zircniaw rair qinw. Dirr qauwdiausid ee jongqaur nirr, zinsingx bogviaux u qongsithuar ee kinghiongr. “ISLAM” si “hogjiongg” ee iwsur, ixx diamrjing/ kansingg ee simx sunrhok siongrder iwjir, qauwmiaa dyrr henxcud inx ee kinghiongr, hro jenwsu buhan ee iongxkir qapp ligliong/ bylun si m si virr sad, longxx rair ixx sunrhok simx binrduir jurqiw miarun. Sursit-siong, jenwsu bylun zuhyy diyh'air anne jyr.

Jenwsu

rair “kingxding” snewmia

”kingxding” soxu ee itcer

Iixx ligsuw hing'uii lun, Qidokqaur/ ISLAM kuriuw qangrkuanw digsingr. Inx dy' rair uirr inx ee siongrder qycjaiww sokjy jitt xee sewqair. Guaw qamxqag jitt diamw ho'ngg gelan, mrqyxx si jniajyr ligsuw ee guan'inx, itding rair “kingxding”. Zuqyw “hiyxding” snewmia ee muixx jit sewjed, anne dyrr pywhai itcer lor. “kingxding” snewmia itcer, vauquad uanjip, jiacc si soxui “hnuahiw cam'uw sewqair koxlan”, si snewmia siyw ~ ee juxdekig.

Air ciongbuanw jingxqyy uxdiu

dit tangr dergak ee cimenx.

DANTE simrjir zinruii dergak-huew

si siongrder air ee denxhen

Linw jiong' e tniax diyc quanhe siongrder zuhyy congwjy tensair ee qoxlyw tuansuad, qongxx bingrling inx qanxdna' ersaih jongvair Ix --- siongrder; danrsi congwjy langg au, kiokk harlingg soxu tensair dy' hiongr siongrder siongrr cutsig ee jokpinw --- langg, qingwlew diwir, jixu SATAN qirjuat, tniax qongxx si SATAN ee gnorban. Qinqir MUSLIM duiww SATAN jitt xee qywanr genxqiur, guan'inx si SATAN huisiongg cimkig qycc qionglet air/ jongvair siongrder, byy huatdo hiongr siongrder ixgua ee qitnax surbut qnialew. Si anne ee enqor, SATAN virr danr zip dergak, siurr huat druar dirr hiax, ingxuanw li ix soxx air ee siongrder hng ~ ~.

--------<MYTH TO LIVE BY>------

SATAN si siursiongx jurgnow ee sok'ngiaw.

PERSIAN sizinn bad mng quer “jicii SATAN ee lat si sniaw?” inx huathen dab si : siongrder duiww SATAN qongw ”lirkuix !” jitt qxur ue ee sniax. Jex si simlingg qionglet diyhsiongx ee iwsiong, si air ee hixqongg ham' kow!

--------<MYTH TO LIVE BY>------

Qra liw he dirr dergaghuew ee siongrder, dyrr cniurr langg qra didux/ moxjiongw auweh ee tangg he dirr huew-dingw, m na gelan ziiw, qycc ixqingx virr qig, venr qaxx huisiongg kyxpnar, ix ee hunwno cniurr huew decc dyc, dirr ix ganw-diongx liw m dat jit sxenw jnii, qandna' danr zip huew-lai; Ix “sunqed bagjiux” byy hxuad zimxsiu liw cuthen dirr Ix bak-jingg; liw dirr Ix “ganw-lai” viw zinlui siongrr auwhun ee dogjuaa qyckacc kyxog jit-bxan vxue ... ... incuw liw lag zip hunwno sinn ee ciuw-lai; jit sii duliauw be hro ingxuanw jun'iuw tunx lyc vxag, qandna' sag liw zip huew-lai hro Ix “kuaiwlok”, byy qitnax insor lor.

--------PASTOR JONATHAN EDWARDS-------

Hro juerzinn benw siurr lrai jnxir/ dua juiw/ huew hai ee “siongrder kuaiwlok”, tuantongw Qidokqaur iong “juvix” laii hing'iongg, hro zinsimx qaixvenr ee “siongrder sinlingg ee dairlingg” si siongrder ee “undenw”. Dirr dairvorhun ee sinue, juvix/ undenw qapp jingwgi/ hunwno ee iwsiong, qangrkuanw uahtiaur cingcyw viauxhen cud laii, anne jiacc icii vnevang, simlingg did diyc cingkyr, jiacc be itdit sriu buatuax ee kow. Dng' dairjurjai sinn SHIVA (Inwdo snuax dua sinn ji' id) dirr ix ee qui'ijiaw bin-jingg tiaur cud huixbet ji' bruw sii, ix ee ciuxser soxx viauxsi cud “mair qniax!” “benw qniax, itcer surbut longxx dirr siongrder hiax qokk u inx ee xui.” laikir busiongg ee qokk jiongw surbut --- liw ee sinkux si qidiongx ji' id --- jixvutqyr si guaw kax-ciuw dinxdang jit xe ee siamxqngx ziiw. Jaix guaw dirr banrbut-diongx, liw iauxx u sniaw tangx hyw qniax neh!?

Dergak si qywzinn snewmia qinggiam ee kurtew henxhen, si kee diauu hro liw be dinxdang tihh ee soxjai, si hngde. Dirr dergak nirr, liw qra jurqiw vak ann ~, suacc lenrr sin'unx dy' byy hxuad zip .kir.

Dergak ee bunrdee si

dergak-huew marr byy hxuad siau'ngiuu liw

mrqyxx juanxhuar ee huew jyr e qaur

Huew siongrdingx xia-haiw, si simliw ee imngiaw --- apjer qywzinn snewmia/ ligsuw/ congwsiongx sii e puu cud, ixqibb siyx okmoo ee siongrdingx. Lenrgak si dergak-huew juanxhuar venwjniaa sew cringx juerog ee soxjai, siyx liauw qniahniaa ee sewqair, siyx driau jongrgai, anne simlingg jiacc erdangr kaihongr.

Zuqyw dergak si hnghuiwde, lenrgak si e hro liw lirkuix tongwkow ee luxdingg. Liw iuguann e tongwkow, mrqyxx ixqingx kaisiw jauxcue kyxlingg ee jurqag, byy qycc juadbang. Sewsiong jinjniar byy liw ee singwde/ marr byy qiuwuan, duhuix liw cue diyc mow hingdong lingxhik/ birlaii ansinx soxjai, m si hngde/ si senzinn bixbi ee jnuaguann/ si laijurr luerjai ee hixlok. M si qra moxjiongw hixlok qax jairr liw srinx-siong ee surbut, s jit xee e hro liw qinggiam diyc jurgnow iwjir/ iwguann/ hibang ee soxjai, hixlok dirr jitt qidiongx siongser qycc kurtew hro liw qamxsiu .diyc. Guaw zinruii ham' singwlingg duiwlip ee guanjue si juadbang. Singwlingg si kexhuad liw kir texgno ee mic, juadbang si byy jit diamw aw hibang ee qamxqag. Hex si juadduir ee dergak.

Cue jit xee u hixlok ee soxjai

hixlok e qra liw ee kow siyx liauw ~

CUE DIYC LIW JURQIW

Inghiongg ee lordingg, si liw jurqiw, cue dyc liw qaqi.

Dng' guaw dirr WASHIONGTON digkux guarqaux hiabhue (FOREIGN SERVICE INSTITUTE) uirr jit qrunn jiong' beh jen'ongw danghongx/ DanglamAx jiurjid ee sinx jingwhuw zinguann qangxkyr sii, bad u jit hxang cuwbi ee su. Mow siyxjox u jit xee jin' kiauw ee olangg, bad dirr VENNA snax dxangx, duxx dngw laii Bixqog, qycc laii beh kir Inwdo. Qawkyr qiqanx inx jiaxee siyxjox singguann jongxsi e iaucniaw guaw ham' inx jywhuew dirr WATER GATE vngrdiamr jit qingx jin' janw ee cantniax jiac diongdaur, u jit vaiw inx qiyr jitt xui olangg sraiw ciax cua guaw kir.

Ix sraiw jit daii jin' hniaxbak ee pauxciax, ix vunxlangg marr huisiongg cutsig. Dng' gunw dirr jiahvngrdyh jre lyc laii au, ix kuix cuir qongw ee derr id hxang dairjir si olangg siurr dexjer jitt lui pauruanr ee su. Guaw dongsii decc sniu “hyw or! Guaw dyrr beh hro liw ciwdamx jitt jiongw jubi. Guaw iawsen jingxjok kinsi jitt lui dairjir.” guaw qongw “ixx guaw bad jiaxee langg ee jinghongw knuar, liw ixqingx jin' hyw ar. Liw quer diyc hyw zidjiw, muixx langg jongww e u quaw byy sunrli :ee. U quaw langg kip'inxlat byy qraur, pen'~ jitt diamw ham' ix jyr duiwtauu. U quaw langg si Tenjuxqaur qokqax ee Sinqaur qauwdoo, u langg si Sinqaur qauwdoo siarkux nirr ee Tenjuxqaur qauwdoo. Zuqyw liw qewsiok pyruanr, qra sing'uac huwbin ee su dy' quiqiu jurqiw si olangg enqor, liw dyrr kiwsag jurqiw zinsingr iongxiuw ee digkuann, liw jixsirr olangg, iauxx qycc m si langg.” au laii, jxox-lai jit dua qrunn langg longxx qaur ar, dirr suar lyc laii jiahvng siqanx, ix itdit diam ~ byy qongxue.

Xe qywquec guaw qycc dngw kir qangxkyr sii, vywdyr ee dongdit qnuaguann mng guaw “eer, JOE, dingxhuee liw si qra hitt kox langg qongw sniaw?”

“Byy ar! Sniaw su neh?”

”Ix brew liw soxu siaw ee ceh, jitmaw dirr lxauu-kax danw beh hro liw ciamx miaa. Mng ix jnuaxngiu anne jyr, rinr qongxx, liw qar ix jniajyr jit xee jinjniar ee langg.”

Jex duiww guaw si jit hxang jin' u iwgi ee qawsi, ham' soxu luan hyxsimx/ qew juvix uanjuann byy qang. Guaw qamxqag qiaugno. Ix itdit vak siw dirr jurqiw ee dergak: ix jurqiw zinruii byy hxuad ciauuat ee hanrjer qaiwliam. Au laii guaw lyc tautuix, ix tec guaw soxu ee ceh, guaw naxx siaw naxx qongw “jex e hro liw e qir did guaw”, “or! Guaw ingxuanw e qir .did”, ix anne rinr guaw.

Dagg vaiw dng' liw jyr liauw luirsu ee dairjir au, e qamxqag anne jyr si driyc ee, jixiaur liw teqiongx duiwhongx jit xee kyxiw loxlik ee bogviaux. Zuqyw liw duiww duiwhongx byy cuwbi, ersaih dong'ir inx qongw :ee, cinwcaiw rinr nng qxur, hruw .quer dyrr hyw : or! Kaksit suxx langg dongjingg, guaw liauxqaiw, hro liw jin' uilann!”

mair knuar qongw ee lueriongg

rair knuar si iong sniaw tairdo qongxue

ok'ir? Budix? Gnorban? Iacc si air!

Inghiongg lo ee bogviaux

si liw jurqiw, cue diyc liw qaqi.

STAR OF DAVID

Kia dirr zinsingx mngding ee cuxqingw.

Dng' lanw sniu beh jurr snewmia-diongx mow jit xee uirdir, isuaw qaur lingrgua jit xui sii, e u rair kir kikhok ee jongwgai, ixqibb rair tongquer ee mngding. Lak qag cnxex dyrr si Iutaiwqaur ee STAR OF DAVID, si cuthen dirr Inwdo KUNDALINI derr sir CHAKRA qiwzin ee siongrdingx.

Dirr jitt nng xee snax qag sna' tac, jit xee jiamqag hiongr dingxquann --- liw ersaih iong qionglet qitai (ASPIRATION) laii hing'iongg --- si unrdong guanjig ee siongrdingx; qag hiongr xe ee snax qag si hunrdun kunwbinn jongrtair, dairviauw kyxlingg ee joxgai, marr kyxlingg si kaihongr ee mngg. Dng' liw texzin diyc hex dirr simliw-siong ee iwgi, dongsii sanxsingx simliw juanxhuar sii, dyrr e qra jongwgai huawqaiw jyr kaihongr ee cutkauw.

Incuw, liw ersaih ixx nng jiongw hongsid laii texgiam hiongr xe ee snax qag : derr id si quawgai; derr zi si liw jiar jex jyr vreh quann ee ciuxdnua. Sing'uac-diongx knuar laii naxjunxx si joxgai ee surbut, dy' e in'ui liw texzin cud jex si juanxngua quewdingg ee ciuxdnua laii did diyc juanxhuar.

Jex si Inwdo TANTRA (Inwdo Vudqauwsuw au qrii qaidnua ee bidqaur) dethak ee jingxtew iwhamm. Jitt pair dethak siuhing si sinvir qycc ng'iab, duer diyc jingsinn janbin jiamrr sringx quann, simrjir e tecud siongrr u pywhairsingr/ iuxquaixlat ee tuanwlen hongsid. Kyxvixqongxx, singr ee qauhap itvnuax zinruii si siongrr penli jniawdy ee uahdang ji' id, kiokk si TANTRA zinruii si siulen ee jniawdy, lingrgua jit jiongw si jiac sitew (NECROPHAGIA).

Bixqog selamvo mow quaw INDIANS bunhuar, siauxtiuw jitt xee lingxhik ee zibhue gisid ji' id --- inx ixx ovec cingrcah jyr siongrdingx --- si air jinjniar jiac qauxsaiw. BRAHMAN ee zibhue gisid, marr u jitt jiongw siongrr suxx langg gelan ee luirsu gisid. Erdangr jyr qaur hitt ngiu ee langg dyrr ciauuat zi-duiwlip ee jewhan. Liw ersaih dirr moxjiongw tingdo-siong ixx qigtauu hongsid, dudiau duiww sing'uac mow quaw mic ee dexkongr, mrqyxx byy su'iaur qaur jitt jiongw tingdo.

Qidokqaur GNOSTICS ee <GOSPEL ACCORDING TO THOMAS>, Iasox qongw “puawkuix caa, guaw dirr hiax, tec jit liap jiyhtauu, liw marr e huathen guaw.” ligsuw-siong ee Iasox qra jurqiw zinrding jyr Qidog. Jex dyrr si Vut singr (BUDDHA CONSCIOUSNESS). Iasox m si jiauww ix ee jurgnow uac, si junsunn Qidog uac: laijurr siongrr cimjannn ee luersimx, kiokk dirr banrbut-siong henxhen ix ee qonghuix.

Incuw, dng' jitt xee qag hiongr xe ee snax qag hxingg venwjniaa tudpuar ee ciuxdnua, m si quawgai sii, liw dyrr ixqingx tongquer zinsingx ee mngding.

Dirr zinsingx ee jewhan lai

siwjiuuii jongxsi huihiamw jerje

danr driau siogser ee sinkux

hro simlingg jinr zip laii

Liw snewmia ee joxgai si sniaw? Zuhyy jiong' juanxhuar jyr qngngiaw? Mng liw jurqiw “sniaxmic si liw zinsingx tonglo ee juxiaur joxgai?” dirr Inwdo, moquiw si iwsig kuidenw ee jinjniar lorjiongr. Iaumoo quixquair si lanw iauxx bue viauxdat cud laii ee luerjai lat, si liw iauxx bue texzin diyc/ sriu apjer ee sinbingg. Byy hxuad liauxqaiw sinbingg ee langg e qra knuawjyr xmoo.

”moquiw” si lanw qongw

qitnax binjok sinbingg ee zirganw

Lanw beh kir jyr :ee, si iwsig ee kuidenw, hro diwsig/ air qenwlip dirr qyckacc qongxdai ee dervingrsnuar-siong, si KUNDALINI dua juaa sringx quann sii ee jongrhongw: sinkux zuxx laii zuxx je vorhun ciongbuanw qonghuix/ iwsig.

Zinsingx lordingg ee bogviaux

si qra jurqiw knuawjyr

jit jiongw iwsig ee junjai

JOYCE dirr <ULYSSESS> siaw “zuqyw liw erdangr iong go qix jngxtau'aw cngtangr quer, qaxsuw m si mngg, marr si jit xee cutzibkauw.” jit xee langg soxx binrduir ee kunwlann, erdangr knuawjyr juanxhuar jniajyr kaihongr cutzibkauw ee kyxlingg, m si hongbat ee mngg.

Dng' liw huathen jurqiw virr ginxaw sii mow xee qowding siongrdingx kee diauu sii, bingngiu si qaixquad jitt lui bunrdee ee jit tyr hertongxhuar hunwlen, juanxhuar ixqingx virr jewhan ee hue'ingr, tuandat simlingg ee sinwsid, si kacc lixsiongxdig ee qonglingg.

Guaw e jyr ee derr id qnia su si sniu “ hiaxee iuguann uahtiaur, ixx jitt jiongw hongsid ingxhiongw guaw ee siongrdingx, qiuwqingr si sniaw?” siongrdingx :ee si sniaxmic? Sewqair-siong ee siongrdingx huanrdiuu hiacc dua. Vingrr m si muixx xee siongrdingx hertongw dy' e hro liw loxkir. Dng' liw cue cud hitt xee kunwziauw liw ee siongrdingx sii, qycc jinr jit vo cue cud ham' jitt xee siongrdingx iwgi qangrkuanw diongriaur ee sukyw/ qinggiam mosid. Qaxsuw liw cue be cud soxx jixzin ee iwgi, si byy kyxlingg tuatli ee.

Zuqyw erdangr dirr jurqiw simlai cue cud cuxdai jitt xee siongrdingx ee qinggiam diongsimx, jitt xee siongrdingx sui' duer lecc siauqaiw. Sniu knuar mai lehh, “ix unxqamm :ee si sniaw?” cue cud dab sii, siongrdingx dyrr sitkir vak siw liw ee lat, iacc si huanw dngw laii jixdy liw qniaa cud zinsingx ee cutkauw.

Jex si “kir liauxqaiw, kir air, kir hongrhenr” ee “liauxqaiw” vorhun, zuqyw liw duiww siongrdingx soxx jriw :ee byy jinjniar liauxqaiw, dyrr e jairr ix saixlong, siurr qanziauw.

Jitt diamw guaw huisiongg ~ kakding.

Singlenlangg beh siauqaiw ixqingx kurtexhuar ee siongrdingx, dyrr su'iaur cue cud siongrdingx soxx jixzin :ee si sniaw, cue .diyc dyrr did diyc jingwkag qaixsueh, jiacc u kyxlingg ixx kinsangx simjingg knuawtai: inxcua liw liauxqaiw siongrdingx soxx beh tuandat ee sinwsid, anne si jixinw/m si joxgai. Jitt diamw jin' diongriaur.

Ixsiong, si hitt xee ngar xe snax qag hxingg, si jongrgai, marr kyxiw si tongx hiongr texgno ee lingxhik.

JNIAJYR JURQIW SING'UAC EE JUXLANGG

anne liw dyrr sngr singsik lor!

ROMA Tenjuxqaur camwhuew gisid ee kuanliong si u diauqnia :ee. Sinhu si m si beh siawbenw liw, rair knuar liw ee quatsimx laii quatding.

Dairsingx, rair uanjuann huexsimx, uirr liw huan ee jue qamxqag sitlew, qycc rair quatsimx byy qycc huan qang jitt hxang jue, vingrr m si qongw liw be jaiww huan, si singsimx juadduir byy qycc huan.

Dirr ARTHUR longrban tuanqii <LA QUESTA DEL ST. GRAAL> soxu kisu dy' cutkir jauxcue singwvuex, mrqyxx derr id kisu LANCELOT knuar be diyc singwvuex. Uirsniaxmic neh? In'ui ix huan liauw tongqanjue ---ham' ARTHUR Onghuix GUINEVERE. Danrsi jinjniar ee guan'inx si ix by singsimx duiww jitt dnxua luanjingg juanzenn sniurcyr. LANCELOT ui' GUINEVERE did .diyc ee qinggiam ixqingx ciauuat qauwhue soxx erdangr teqiongx ee kexhuad, ix jnuaxngiu e laii huexqyr? Singwvuex soxx dairviauw :ee, duxx si jitt xee jingsinn, byy qamxqag m driyc, marr be ha quatsimx qetsog jitt xee luan'air. Soxiw byy daddid knuar diyc singwvuex.

Singwvuex ham' jurzenn ee ziauzu,

ixqibb juewqyx ee jingsinn texgno

si uanjuann hyhaii

jairr liw tec

ingxuanw be qodax

Jitt xee kisu huan liauw qik dua ee juerog. Danrsi siaw jit dnxua longrban tuanqii ee sinhu, kiokk qamxsiu diyc LANCELOT itsingx ee kip'inxlat: si jingxqyy qowsu siongrr qnir zinsingr/ qamxdong langg ee qaksig. Jex sidjai jin' gexsew! Marr si uirjnuaxngiu sinhu juewau e qongw “siongrder ee jixir? Lanw m jaix! Hiax kyxlingg u lanw uanjuann m jaix ee kuansur!”

lanw dne ann jitt xee vuanrgik siongrder ee air

si ingxuanw ee jxiur/ kyxlingg luirsu jitt lui ee su

hex si jin'air

Jap-lak huer guaw zip irvirkyx, qycc jaix jurqiw jiamrr sitkir haidongg sidai ee sinwgiongw sii, iuguann byy sniu be lirkuix Tenjuxqaur qauwhue, itdit qaur jurqiw liauxqaiw uirsniaxmic rair lirkuix, dyrr si qongw, qaur guaw erdangr siauqaiw jiaxee siongrdingx, qycc cingcyw inx soxx jixzin :ee/ iwgi uijiw, guaw ixqingx zi-jap-go huer dirr Dikqog tagceh jiacc uanqed, jing'au qauw dxangx qra dairjir siongser huntiah, zen'au cniurr jit niaw cing puar ee qu snxax lag .lyc .laii, jex si soxui ee liauxqaiw. Zuqyw m jaix siongrdingx decc hiongr liw qongw sniaw, dyrr e cniurr bingrling, zuxx jxig zuxx je. Narr byy hxuad dirr hogjap siongdongx ee lingxhik unriong liw ee simdir, guaw m jaix jiong' zuhyy qaixquad jitt xee bunrdee.

Dng' liw jniajyr

jurqiw sing'uac ee juxlangg sii

liw dyrr singsik ar

SIONGRDER EE IWSIONG

Suanw liauw liw ee sinn ee dongsii marr dring liauw jurqiw knuawtai uxdiu ee hongsid.

Zuqyw langg dy' byy junjai, siongrder qamxx e junjai? Byy kyxlingg! Jex dyrr si uirsniaxmic sinbingg jongxsi qitai jongvaiwjiaw. Zuqyw byy langg qingwvair inx, dyrr byy jiongww sinn. U zuarr je langg decc sniu siongrder, dyrr u hiacc je ee sinn junjai. MRS. MULLIGAN ham' qauwjongx dongsii sukyw siongrder sii, inx sniu :ee m si qang jit xee siongrder.

Dng' liw suanw liw ee sinn sii, marr suanxdik

liw jurqiw knuawtai uxdiu ee hongsid

siongrder u jerje xee

suanw liw jurqiw ee

liw jongvair ee sinn

si liw qaix did .diyc :ee

Siongrder su'iaur langg, langg su'iaur siongrder, lanw damlun ee “siongrder” si jit xee iwsiong/ qaiwliam/ miahy, binjok ee siongrder, Ix itding su'iaur zinlui. Zuqyw m si uirr zinlui, siongrder si byy junjai ee.

Dirr vorlok nirr, sinbingg si

kuanlat ee huawsinx

au laii

inx jniajyr kuanlik ee laiguann

sewsiong soxu ee sinbingg dy' si

amwviw, m si kuanlat

Zuqyw siongrder jitt zri kuriuw “maxmah qar guaw :ee” ixgua ee zimrhyy iwsur, anne soxu duiww siongrder ee siongxsiong dy' qaix jixhiongr hitt xee ciauuat soxu diwsig/ bingsuu/ hingtair ee surbut; incuw jitt xee zri soxx jixzin ee surbut rair ciauuat ix vunxsinx. Dirr sehongx tuantongw, zinqechuar siongrder ee qaiwliam cimx qaxx jit sniu diyc siongrder, dyrr sryw siw dirr jitt xee bunrdee lor.

Siongrder m si huanwqag

si jixhiongr liauxqaiw siogjue ywvir

jit xee ciauuat ix jursinx

ee siongrdingx

JUNG dirr duwjog <ANSWER TO JOB> nirr, tyxlun qingquer cingx-vah nii enxvenr laii ee siongrder iwsiong. Lanw zuhyy ham' jitt xee iwsiong huatsingx quanlenn? <Quriog Singwqingx> ee siongrder iwsiong Iahyhuaa, si huatlut jewdingrjiaw/ qiongser ee dogcaijiaw/ hunwno ee laurve. <Quriog Job> soxx qiwjair :ee dyrr si jitt xee iwsiong ee sok'ngiaw.

Job duiww dagg hxang dairjir dy' hyxbirsi, siongrder Iahyhuaa qra moquiw SATAN vunn qongw:

“Liw qamxqag Job jnuaxngiu? Duiww guaw zuarr diongsimx lehh! Zuarr air guaw neh!”

”Byy cyr! Ix duiww liw jin' hyw. Liw narr qra jinghongw congr hro luan caucaux, knuar ix qycc e zuarr hyw?” SATAN rinr.

”Guaw drow guaw ngiaa!” Iahyhuaa huee.

”Guaw marr drow guaw ngiaa” SATAN rnir.

GIBERT MURRAY (1866-1957 Ywjiux ee hagjiaw/ jingwdirqax) bad anne pinglun : jex dyrr cniurr mow langg qongw:

“Bylun guaw jnuaxngiu duiwtai guaw ee qxauw, ix dy' be qa guaw.”

“Guaw drow liw ee qxauw e qa liw.” lingrgua jit xee langg huedab.

”Guaw drow guaw ee qxauw be qa guaw” juxlangg qongw.

”Cir knuar mai lehh, liw narr duiww ix jiokk baiw, knuar qxauw si m si iuguann be qa liw! ”

Jinghongw cniurr anne, nng langg siy' sux-ngiaa au, dairjir venr qaxx jin' qanlann. Byy kangai ee nng langg sna' drow, hro dersnajiaw Job quer :ee si sniaxkuanw ee zidjiw! Cur nirr ee langg virr taii/ jaisanw virr duat, siongrr buew qui' sinkux snex nua liab'aw jre dirr vunwsywduix, ix ee ving'iuw qra an'uir “liw itding si jin' baiw ee langg, jiacc e did diyc jiaxee vywingr.” “guaw si hyw langg” Job huanxvog. Byy cyr! Job kaksit si “hyw” langg.

In'ui jitt hxang tiaujenr, siongrder jiongbuew rair henwsinx. Guaw ee iwsur si, jex si vutdikliauw ee dua dairjir. Siongrder cuthen au, qongw “liw sngr sniaw? Byy loriong ee qauxaxtangg, qingwzenn qnaw laii jitbun guaw? Liw hiacc dua dnaw qnaw huanwsiongw u hxuad liauxqaiw huatsingx dirr liw srinx-siong ee itcer? Liw qamxx u jaidiau iong ciamxaw cxir tangr haixquair ee pni? Guaw u huatdo. Liw cir knuar mai lehh.”

Job uanjuann virr hecqniax .diyc. Ix m qnaw unriong zinlui pnuawduanwlik, qongw “guaw itdit jimjiog tniax liw soxx qongw :ee, jitmaw bagjiux knuar diyc liw, guaw jin' qenwsiaur, guaw beh iong tohunw qra tauu amx .kiw .laii.”

Ixx jingsinn-bin ee jinjniar iwhamm laii qaixtok jitt dnxua ue, iwsur si, liw berdangr ixx vadd langg duiww liw soxx jyr ee su laii pingduanr liw ee miarun. Guaw ee iwsur si: dairjir ee jinsiongr si --- suibongw qowsu vingrr byy bingkag qongw cud jitt xui zinqechuar ee siongrder --- iwsiong si kia byy jai :ee. Dng' liw drat qaur ciauuat zinqeh sinn ee qingxqair sii, dyrr byy hxuad qongw “qongvnee” iacc si “byy qongvnee” lor.

Haixjuiw dywqig hro en' haiw derkux snuax vxangx, jyrsingg sxor vah-bxan qimjnii sngxsid, beh jnuaxngiu qaixsuad? Zuqyw qra dairjurzenn jaieh knuawjyr moxlangg jiamduir dongde jurbinn soxx jyr ee su, liw si qra jingxqyy dairjir bruw luan .kir. Jex m si itvnuax lixqaiw <Job> ee hongsid, si virr lixqaiw jyr duiww “moxlangg” ee hanghok. E iong jitt jiongw honghuad hro langg sunrhok, suxx langg vingw ui.

Sursit-siong, qiwguann jingg iokk go sewqiw ee <Job>, si laijurr qiwguann jingg jap-lak sewqiw ee <BABYLONIA JOB> ee bunhenr, qiwjair jit xui qok'ongg qingr jiongww sinn, kiw sirbiy jerje kiokk itdit virr taixqyvne ngidnii, iwdoo ixx duiww sinbingg ee jongvair laii pnehingg jurqiw vuthing. Jex si uanjuann cywgo :ee. <Job> kaksit pacpuar jitt xee qaiwliam. Mrqyxx liw narr liac diauu <Job> nirr siongrder ee iwsiong, liw ee sniurhuad dyrr su'iaur siujingr.

Incuw, Qidokdoo suar laii jiapsiu sinsingr snax xui ittew derr zi xui --- singwqniaw jniajyr bacsinx ee quanliam; ixx air hongrhenr jurqiw hro sewqair, juanxhuar jyr qyckacc quann/ kexbingg ee snewmia hingtair. Ngua jit qxur qongw, siongrder jniajyr langg hxingg/ qinggiam langg ee sewqair did diyc unjunn.

Mrqyxx lanw ee ving'iuw JUNG qongw, jex marr m si jingwkag ee dab, in'ui Qidog si jairsikluw snex ee sinsingr bacsinx/ m si langg, si sinn. JUNG dapven “siongrder quewkir sniu beh jniajyr zinlui, qaur dnaxx iuguann si.” incuw ixx sinsingr snax xui ittew ee derr snax xui singwlingg hingsid qewsiok ixx bacsinx junjai dirr zinlui-diongx, zuqyw liw sniu beh dirr sewqanx knuar diyc siongrder, dyrr dirr zinlui srinx-siong texzin lor. Jex si JUNG <ANSWER TO JOB> juxiaur jingsinn: mair qycc uanr siongrder/ uxdiu, iacc si zimrhyy jitt lui ee surbut. Beh liauxqaiw soxu iuxquanx siongrder ee qaiwliam, dy' si sriu diyc ligsuw insor ee jewhan iwsiong, erdangr texzin diyc ee digjid sursit-siong junjai dirr langg srinx-siong.

Qidog ee bacsinx si singwlingg qewsiok juanxii qaur siurr jyrbut ee guanhingg (PROTOTYPE).

--------JUNG-------

Guaw dirr NEW YORK enxqangx ee tniajiongr, u jit xui kyxair ee luxsingr, quewkir si siuluw, tniax quer guaw quiw dniuu qangxenw au, lirkuix siudyrngi, ix kaksit anne jyr, si guaw ee singjiu ji' id, liw jitt xee tnix-dingw ee lau hodoo! Juewau jit vaiw dirr NEW YORK qangxenw sii, ix marr dirr qunjiongr nirr, qetsog au, qniaa laii mng guaw “CAMPBELL sensnex, liw zinruii Iasox qamxx si siongrder? Iacc si siongrder ee qniaw ?” “duhuix lanw longxx si, ix jiacc si.” “oor!” naxx qongw naxx qniaa kuix.

Hex dyrr si JUNG dirr <ANSWER TO JOB> soxx siaw : jit xee siongxsiong cud laii, qongxx si siongrder ee jun'iuw, sidjer si zinlui dausia ee qedjog. Ui' ligsuw qakdo, siongrder iwsiong kaksit si mow dnxua digding siqanx zinlui jingqingw soxx huanxngiar ee iwsiong.

Suibongw anne, guaw sniu dairvorhun ee langg, duliauw huatqoklangg ixgua, dy' qra siongrder iwsiong sniu liauw sniu kurtew. U jit hxang diaurjax “liw qamxx siongsinr siongrder? Qamxx siongsinr dergak?” Huatqoklangg --- guaw sniu u vah hxun ji' cid-jap-go --- byy siongsinr u siongrder, kiokk siongsinr u dergak! Guaw pen'air ALAN WATTS(1915-1973) ee dab ”zuqyw liw siongsinr siongrder, guaw byy sinr. Liw narr byy sinr, guaw siongsinr.”

Guaw siongsinr byy langg texgiam diyc jiongqik ee hixqongg, in'ui hex si ciauuat zirguann duiwlip ee; zuqyw u langg u jitt xee texgiam, bylun zuhyy dy' be u texgiam ee juxtew junjai. JUNG jin' cuwibi jitt diamw, “zuqyw liw ciauuat juxtew/ kectew ee duiwlip, si'angg e u jitt xee qinggiam?” ix jin' huaigii. Guaw sniu duliauw siudyrngi sing'uac ixgua, qywzinn narr beh hro jurqiw jit xee banrsu-banrbut ee qidew, diyh'air liauxqaiw jitt lui surbut si amwviw, ciauuat juxtew/ soxu zirguann duiwlip ee ywvir, si jicjair lanw snewmia qindew ee ywvir.

Dng' budlixhagqax tamwqiur guanjuw ee cimdo/ taiwkongx ee guaruii sii, huathen kyhagqax iauxx berdangr cngtangr zirguann duiwlip/ ywvir. Jinr jit vo tudpuar au, iuguann si bxi. Dnaxx ixqingx huathen jerje cuwguanjuw liap, qidiongx jit jiongw si jiauww JOYCE ee QUARK laii hyrmiaa. Duiww guaw, jex naxjunxx si zinlui tamsyh ywvir ee jinrqak. Jaix u jit xee ciauuadqair junjai, kiokk benw quawsimx, cinjur jingwbingg busow-vutjai ee qonghuix.

DINGR DIRR SIBZIRQER

Ix qniaa jnriu sibziqer dyrr si hixlok kingxding jitt xee sewqair ee koxlan.

Lanw jaix zuhyy ciokjinr jingsinn huatdenw, qauwhue kiokk byy vangjan lanw, in'ui qra amwviw ee surqnia dongwjyr sursit lunrduanr. Qauwjongx jitmaw tauu tniar ar, byy lanw siongsinr qauwhue ee qongxhuad. Si'angg siongsinr jairjikluw e snex qniaw? Jex si unxqamm ee viauxdat, Qidog jnriu tnix marr vixzu ee. Dongzenn, guaw erdangr siongsinr Iasox sringx tnix jitt huesu, mrqyxx guaw ixqingx qra guarjai tnix-dingw juanxngua jyr luerjai kongqanx: Ix jinwzip tendongg ee hitt soxjai, si simx lairbin, sringx tnix dairviauw luerjai/ sinue ee lordingg, jairsikluw snex qniaw si zinlui jingsinn sing'uac jaiww cutsir.

“... ... qangwlimm dirr linghunn-lai ee cutsir, cam' ciauuat siqanx ee ingxqiuw-diongx cutsir uanjuann qangrngiu, byy qex marr byy qiamxjiyw/ si qangrkuanw ee cutsir, qangrlimm dirr linghunn qindew/ jngr zip qutcuew-lai.”

”siongrder si banrbut ee jun'iuw/ uahdang/ lat, jixu dirr linghunn nirr snetnuar; suibongw muixx jit xee siurr jyrbut dy' si siongrder ee hunziah, jixu linghunn jiacc si siongrder ee jurzenn iwsiong ... ... uanbiw jinwzip linghunn, bylun qonghuix/ undenw/ hixlok, rair dirr jiax cutsir laii jinwzip linghunn-lai, byy vadd diauu lo/ jixu jitt diauu. Liw rair juansimx-juan'ir dirr liw simx-lai qra jiaxee vu cud laii, jiong' e qinggiam diyc soxu itcer si liongsen/ zukuair/ hingrhog/ jun'iuw/ jinsit, cua cud jinsit ee jun'iuw cam' unxding; bylun liw hiongr gua jauxcue/ jiangxag moxmic, dy' e siaubet, rair ui' luersimx iwjir laii qinggiam.”

----M.ECKHART(1260–1328)/CAMPBELL <OCCIDENTIAL MYTHOLOGY>----

snewmia jnuaguann laijurr qywzinn hutsimx, dirr jurqiw luersimx huathen diyc ---- zuqyw erdangr tiacpuar guarjai ee hiqew.

-----CAMPBELL <Cingbin Inghiongg>----

Zinruii jionglaii qitnax cneqiuu ee iuxsen singbut iacc si lat, e laii vaiwhongw derqiuu, vangjo/ qaixqiur lanw ee qaiwliam, henxzenn duiww uxdiu qaiwliam quewsii ee huanxngiar. JUNG anne siaw: iuxquanx UFO (UNIDENTIFIED FLYING OBJECTS) dongdai sinue, suatbingg zinlui byy hac sidjer ee qitai, jauxcue jurr guarjai sewqair ee langkeh, zinruii zinlui qiuwsiok e an' hiax laii. Mrqyxx taiwkongx sidai diamxcnew lanw, guartaiwkongx dendyww hro lanw juanxhiongr jurqiw luerjai, sinn ee tenqog dirr lanw luerjai, danrsi lanw kiokk zinruii sinn e ui' “guarkauw zip laii” ee qaiwliam.

Tnive ee qog m si

qitai laii :ee

rair dirr jurqiw luersimx sidhen

tenqog dirr sewqanx

knuar zinqanx pudimm-diongx

qnir diyc Ix ee ingqngx

Iasox qyc'uac ee kexsi dirr jiax

byy su'iaur danxtai

qijig huatsingx

Iasox jaiww cutsir/ qyc'uac ee qivunw iauwsor jongxsi sibzirqer-dingw ee koxlan. Zyqyw liw sniu beh qyc'uac, diyh'air singx virr dingr siw dirr sibzirqer, jerje duiww sibzirqer-siong ee Iasox, dy' byy qiongdiau jitt jann quanhe, dendyww qaixsuad jitt hxang surqnia ee jaieh, jikvi/ kantuax jit xee duiwsiong--- jikjue Iutaiwlangg. Zuqyw dingr sibzirqer e cua cud sinx snewmia, dyrr m si jailan lor/ Iasox virr dingr siw dirr sibzirqer, lanw jiacc trngr driau qu kag qyc'uac, jex m si xeh. Jiurr jitt xee surqnia ee siongrdingx iwgi habliw qaixtog, qaix caixcuw juann sinx ee quandiamw knuawtai.

Narr ixx ligsuw quanliam laii sukyw jitt hxang surqnia, dyrr sitkir jitt xee siongwdingx hro lanw didjiab camkyw qewdat. Iasox qra e nua ee sinkux lauu dirr dairviauw derqiuu ee sibzirqer, qniaa hiongr ham' ix ittew ee tnive. Qangrkuanw lanw rair zinrdongg jurqiw luerjai ingxqiuw ee snewmia. Jitt xee siongrdingx dongsii qra lanw qongw, siongrder guanrir jiapsiu sibzirqer/ guanrir cam'uw sewsiong zinsingx jiongxjiongw simxpnuar/ koxlan, anne jiacc erdangr tauwquer hixqongg/ hixlok (m si duirlyc/ cywgo ee hongsid), ingxuanw junjai dirr lanw simx-diongx. Sibzirqer u siangdingg iwgi: derr id lanw qniaa hiongr sinn, derr zi, sinn qniaa duiww lanw jiax laii; jinjniar ee “qauliuu(CROSSING)”.

Qidokqaur ee tuantongw, Iasox virr dingr sibzirqer si diongrdua bunrde: uirsniaxmic qiuwsewjuw byy air dansunn henwsinx dyrr hyw? Uirhyy rair virr dingr sibzirqer?

Jerje sinhak soxx liutuann :ee, guaw qamxqag sikhap/ tyxdongr ee qaixsuad si <Sinx Iog,Vyxlyy hro Filippi ee puex> nirr, derr zi jniux anne siaw, Qidog vingrr byy zinruii dysinsingr si ersaih hro langg jip'id ee, ngua jit qxur qongw, vutqaix liac ann m vangr --- ingwqaix kinsangx, Ix ixx lypok sinhun cuthen, simrjir qniaa jnriu sibzirqer. Jex si hnuahiw kingxding jitt xee sewqair ee koxlan. Sna' tranr Qidog ee jywhuad, si cam'uw jitt xee sewqair ee hiw qapp kow, qycc vutduan ui' qidiongx cinsinx inwjingr sinlingg henxhen ee qonghuix, si CHAKRA simx ee qonglingg, si nng xee snaqakhingg siycew, horsiong qaucamx ee iwsiong.

Ixsiong si guaw duiww Qidog dingr sibzirqer ee liauxqaiw. Tak quer soxu qaixsuad, jixu jitt xee quandiamw si guaw junqingr :ee. Qitnax :ee, luirsu diyh'air hisingx jurqiw ee qniaw jiacc erdangr andah jitt xui hunwno singbingg. Duiww jitt jiongw dairjir u sniaw qamxsiongw? Qra hisingx venwjyr qik colow ee iwsiong, siongrder su'iaur virr syluac ee sidtew qaiwliam, jinjniar ho'ngg e tror ee viauxdat iwsiong.

Dingr Qidog dirr sibzirqer

Ix qniaa jnriu tnive, singwlingg

vingrr m si

vutqaix huatsingx :ee

si qaix huatsingx

Inghiongg ee sixbongg qyc'uac

si danr driau qu sing'uac

mairhiongr sinx snewmia

ee denxhuan

M si dongrbut/ m si cauxbok sewqair, marr m si uxdiu ee qijig, zinlui vunxsinx jiacc si diongrdua ee ywvir/ si hitt xee sinviwlat ee henxhen. Jurgnow diongsimx ee lat rair ham' Ix tywhiap, jurgnow marr in'ui Ix virr dingr siw dirr sibzirqer, jiacc qyc'uac, ixx Ix ee iwsiong, siarhue did diyc qaixjy. Mrqyxx jia soxx qongw ee “langg” vutqaix lixqaiw jyr “guaw”, si “THOU”; in'ui byy zimrhyy vorlok/ jingxjok/ siarhue qaiqib/ sewsiok qiqor/ sewqiw lixsiongw ... erdangr kurtew nriuu cud sinsingr --- junjai dirr lanw soxu langg ee snewmia-diongx, qongw be jin cenvenr-banrhuar ee bixbiau.

--------- CAMPBELL -----------

GIAA QEE

Lan virr driaur lirkuix lau tuantongw hro lanw ee sokvak.

Qidokqaur ee EASTER/ JEWISH ee PASSOVER ee enguann siysiangg, siongrr juxiaur ee jinliw si, lanw juanvo virr diauwhuanr lirkuix giaa qee ee cur-lai, cniurr Iutaiwlangg virr driaur lirkuix inx dirr EGYPT ee sokvak hitt ngiu. Lanw virr qiyr cnew lirkuix lau tuantongw ee ioksok, naxcniu guec vaixtuad jurqiw ee imngiaw jaiww sringx quann ee sinx guec hitt ngiu/ cniurr snewmia tuatli sixbongg ee imngiaw. Duhuix lanw erdangr ui' jiaxee jetzit e tuantongw-diongx tauxvangr, narr byy, EASTER dyrr m si qyc'uac, PASSOVER marr byy qiuwsiok.

M quanw EASTER iacc si PASSOVER

beh hro lanw dirr jurqiw luersimx qinggiam diyc

tuatkuix qee ee huah sniax

incuw kir texhue inx

vingrr be pywhai

lanw ee jongqaur tuantongw

ixx ciauuat ee jingsinn iwgi

laii liauxqaiw jiaxee siongrdingx

hro lanw ixx juann sinx ee quandiamw knuawtai jurqiw ee tuantongw

qycjaiww iongxiuw inx

EASTER/ PASSOVER si lanw dirr taiwkongx sidai soxx binrduir ee juxiaur siongrdingx. Lanw dongsii binrduir sinvir/ siarhuersingr ee tiaujenr, uxdiu qaiwliam qinggiam diyc taiwkongx au, jaiww johap .quer .ar, qetqyw si lanw bersaih qycc duiww zinlui siongsinr derqiuu diongsimx siqii soxx hingsingg ee jongqaur siongrdingx dne siw m vangr!

Qra jingsinbin ee sinue siongrdingx

dongwjyr ligsuw surqnia

si gnorqaiw lo

SINN EE QOG DIRR LANW SIMX-DIONGX

Taiwkongx byy qaiwsnuar, lanw ee qinggiam marr byy virr hanrjer.

Sinn ee tenqog dirr lanw simx nirr. EASTER/ PASSOVER tecnew lanw rair hongwha jiacc jinr e zip .kir. Taiwkongx sidai iauqiuu lanw qaixvenr duiww jurqiw ee quandiamw, lanw suacc kiuw ann ~ m kingw vangr. Jex si uirsniaxmic bogjingg qu sid jniawtongw qauwgirpair dirr jerje derkux huantauu qycc kiw .laii ee enqor. Taiwkongx byy qaiwsnuar, lanw ee qinggiam marr byy qaiwhan, bersaih qycc cniurr quewkir hitt ngiu jip'id jurqiw iacc si gnersiuw jurqiw jogqunn m vangr. Taiwkongx sidai hro jitt diamw jniajyr kyxlingg, lanw kiokk qirjuat jitt hxang iauqiuu/ byy guanrir kir sniu, suacc qycc trer dngw laii qaur ui'id jinsit ee qauwhue/ osig ee ligliong/ qanghue/ juvunxjuxgi ee qaiqib.

EASTER/ PASSOVER teqiongx uanbiw ee siongrdingx, jitt nng xee jetkingr dairviauw lanw virr driaur, diyh'air ngua jit xee sinx snewmia. Suibongw jitt xee dingrgi byy jin' cingcyw, lanw dne diauu quewsii ee mic, m kingw qra kiwsag. Beh tongx hiongr jitt xee sinx snewmia ee lordoo, si lanw muixx jit xee langg rair qinglik :ee, duhuix lanw hro quewkir vuex jauw, narr byy, byy kyxlingg uansingg. Sing'uac dirr taiwkongx ee jinsit, iwbi diyc lanw ee sinx cutsir, byy qycc snex dirr qoxsii ee jongqaur, si cutsir dirr sinx dedsu ee surbut nirr: dirr hiax itcer byy qaiwsnuar, si taiwkongx sidai ee iwgi, qaiww siangg lanw qra jurqiw dongwjyr qiuu, danr duiww tenjewsnuar hitt vingg kir, m jaix e lag zip dycc jit xee soxjai --- sinvir ee birlaii, si jerje kyxlingsingr/ huisiongg liudong :ee, jitt diamw marr hro jerje langg vut'anx. Ui'id rair jyr :ee, si jaix jnuaxngiu suxiong anjuansnuar qangr lyc laii.

ST. AUGUSTINE qongw diyc Iasox qniaa jnriu sibzirger cniurr sinlongg gniacniaw ix ee sinniuu. Jex dyrr si kingxding. PRADO (dirr ITALY) vyxjunn jit vxag TITIAN (1477-1576 uerqax) ee jokpinw, rue :ee si SIMON (Iasox jap-zi dode ji' id) dirr CYRENE (Vakhuijiux), simx-qramx-jxingg-guan ter Iasox qrngx sibzirqer ee jinghingg. Jitt vxag doo liac diyc jit jiongw lanw dirr EASTER-PASSOVER jetzit ee ywvir, qaix u ee juriuu/ zinsingr/ juxdong ee jingsinn, lanw longxx rair binrduir ee tiaujenr. Uac lyc kir jixsirr snewmia-diongx derr zi guanjig. Derr id si, liw ham' tnaxzinn ittew.

TNIDERBUEW

Tenqog byy in'ui qitai dyrr e limqaur.

<Sinx Iog, Marko Hok'imx> derr jap-snax jniux, Iasox qongw sewqair buexzit decbecc laii ar, qra biyue jyr jit dniuu kyxpnar dua huew guiqix, qycc u jiongxjiongw qniax .langg ee dairjir. Qinqir Tenjuxqaur qauwhue qongxhuad, Iasox soxx qongw :ee si, jiong' e huatsingx ee ligsuw surqnia. Snax-jap jed anne qongw “guaw sidjai qra linw qongw, jitt xee sewdai iauxx bue quer .kir, jiaxee su dy' huatsingx ar.” danrsi hitt dai kaksit ixqingx quer ar, tniderbuew kiokk byy laii, tongsiongg virr qongw si “uixdai ee ving'anx (THE GREAT NONEVENT)”, byy huatsingx! Qauwhue qongw, dng' Iasox qongw “jitt dai” sii, iwsur si jitt dai ee zinlui, soxiw jitt xee surqnia iauxx bue laii.

Lingrgua jit bin, dirr <THE GOSPEL OF THOMAS>, dode mng “tenqog dirsii laii?” Iasox dab “tenqog be in'ui qitai laii qangwlimm, byy qongw: dirr jiax,iacc dirr hiax. Tnive ee qog siwqer dyrr si, jixsirr langg knuar be diyc ziiw.” jex si GNOSTICS qauwpair ee juxdniux.

GNOSTICS kyxviw

sehongx ee Vudqaur

Ngua jit qxur qongw, THOMAS qongw, liw jitmaw dyrr kyxlingg did diyc kexbingg, dirr jiax. Incuw “ham' siongrder dirr tendongg ingxuanw kuaiwlok jywhuew sing'uac” ee iwsur si, simlingg drat qaur hitt ngiu ee cimdo. Jex si knuawtai dairjyr uanjuann byy qang ee hongsid.

Zuqyw ixx GNOSTICS quandiamw

laii qaixtok Qidokqaur sinue

inx ee iwgi kuriuw poxpenwdig ee

Mrqyxx, Tenjuxqaur qauwhue qencii tnive qog ee qangwlimm si ligsuw surqnia, muixx quer jit dnxua siqanx, digvet si muixx jit-cingx nii, dyrr e zinruii sewqair buexzit laii ar. 1000 A.C. sii, jerje u jnii langg qra inx dua vid jaisanw qruanx hro qauwhue ngua qongjig, qaur dnaxx Huatqog huatngi qycc u beh qra qruanx cud laii :ee tyw dngw kir ee anwle. Derr zi ee jit-cingx nii qycc laii lor, dag'ee qycc qitai lingrgua jit xee dua huixbet. Jitt jiongw qitai si jurdong sanxsingx, m quanw jnuaxngiu, langg jongxsi u vanrhuad siongxsiong buexzit beh laii. Guaw m jaix 3000 A.C. ee jongrhongw e jnuaxngiu, zuqyw linw qidiongx u langg dirr birlaii juanxser sii duw diyc, linw anwsngr e diyc, hex jiong' si suxx langg jiaujyx ee su.

Rair jaix or, Qidokqaur si huatsingx dirr jit xee jiauluan ee nidai, Qidog qiwguann jingg quiw sewqiw, GREECE bunhuar jiamrr uaxqaiw, ROMA dewqog duxx hingx kiw laii, Iutair siarkux jongrhongw jin' camw.

167 B.C.SYRIA SELEUCID ee jongxdog ANTIOCHUS IV EPIPHANES dirr JERUSALEM sinbiy qongxdniuu Iutair jewdnuaa-dingw anx jit jxy GREECE ee jewdnuaa, hibang jiar anne laii henxsi soxu jongqaur sinwgiongw si ui' jitt xee venwhuar laii ee. Dairjir dua diauu lor, JUDAS MACCABEUS ham' inx ee hniadi kiokk taii siw hurjig kiw GREECE sinbiy ee hingjingr qnuaguann, jitt dniuu qikbing suacc hro MACCABEUS jewsix/ qok'ongg qewsingg tongxdi doglip Iutaiwqog qin cingx nii.

Dirr MACCABEUS sidai, JERUSALEM ee GREECE qauwpair lingxsiur sriok SADDUCEE qauwdoo (qoxdai Iutaiwqauwpair ji' id, byy sinr siw e qyc'uac/ tensair linghunn junjai, huanxduir junsiuw tuantongw ludhuad). Inx diongqanx u langg jurzin si ZADOC (viw SADDUCEE kacc quanbin) au dai ee sinsingr sewqax, kacc giamqeh ee jniawtongxpair, sriu diyc PHARASEES, iacc si doglibpair zinsu ee huanxduir. Sursit-siong, inx si qethap qxow HEBREW tuantongw Iahyhuaa qangwlimzit (A DAY OF YAHWEH), ixqibb ZOROASTRIANISM ee sewqair buexzit qaiwliam.

--- CAMPBELL <OCCIDENTIAL MYTHOLOGY>---

Dirr hitt dnxua siqii, horsiong jansad, ciongtut vutduan,104 B.C. Iutaiwongg ARISTOBULUS suanqyr jurqiw vunxjid marr si MESSIAH sii, jinghongw venr qyckacc giamdiong. Jinjniar si irduanx siasuad! Suibongw ix vunxlangg jixu jiangxkuann jit dxangx, ix ee qniaw ALEXANDER JANNAEUS qewsingg ong'ui au, kiokk siytaii snax-jap dxangx, qycc inxzip guarqog vingtuann dinwab soxu Iutaiwlangg.

Ix siw au, PHARASEES dirr 76 B.C. jiangxag diyc kuanser, jansad byy tingg, jixsirr ixjaw soxui huanxluanrjiaw, venwjyr dinwapjiaw. Cingduu huixluan/ hniadi siyhai/ vuanrluan/ cingsngr... , ongqog qewsiok byy vingjing, jitt jiongw siauxqongg jongrtair lensuar jap gua nii, itdit qaur dongsii snajnex ong'ui nng xee hniade ji' id cua zip POMPEY ROAM quntuann, hiabjo ciuxduat ong'ui uijiw; dyrr anne, JERUSALEM --- siongrder ji' sniaa dirr 63 B.C., uerzip ROMA dewqog.

--- CAMPBELL <OCCIDENTIAL MYTHOLOGY>---

Jit dnxua si Iutair ligsuw siongrr qrii ee siqii. Dirr jiaxee dongrluan-diongx, jiwjiyw u ESSENES (qxow Iutai qimr iok/ sinviwjuxgi sinwdoo) zinruii tniderbuew beh laii lor. Inx jauxlo laii qaur Sixhaiw sevag uaxqin QUMRAN snuakud soxjai, kiw jit jxy siudyrngi, giamgaii quanxqar, junxvi MESSIAH cuthen ee jiongbuew hitt sii uac lyc laii. Lanw ui' suabok dongrhet/ giamjiyc pang huathen ee DEAD SEA SCROLLS jiacc jaix ESSENES siarkux ee junjai. Jiaxee quaiwqii bunqnia denxhen cud siurr ZOROASTRIANISM ee ingxhiongw huisiongg qionglet, simrjir vorhun iong suu marr siangg. Qidiongx uirr “qongbingg qniaxzii” “oamr qnixzii” sir-jap nii qranx ee kexbingg jenwjingx, sursenx dring liauw siongser qewue.

Dirr jitt xee vuerqingw-ha,100 B.C. JOHN THE BAPIST kaisiw dirr li QUMRAN siarkux vakvingg quiw ingliw ee soxjai uirr qunjiongr sexlew --- jex si jit jiongw gisid, mrqyxx JOHN vingrr m si cing vec dngpaur/ snxax si dongrbut puee, jiac cauxmew qapp iaw bit. Hok'imsux qiwjair Iasox qaur hiax, JOHN uirr ix sexlew au, sui' zip kongwiaw-diongx did diyc texgiam, jex si soxui “kongwiaw ee ciwtamr”, sir-jap zit au --- kyxviw si HEBREW sir-jap dxangx --- huedngw laii kaisiw qawsi jiongww langg. Jex si Iasox qowsu jinjniar ee kaisiw.

Jex ham' Vuddyy luirsu, Vuddyy marr si li qrax duer dongsii ee dyrsux hagsip. Siuhing ee quewdingg qyckacc giamle, zen'au drat qaur bingqag, jaiww dngw laii sewqanx. Sursit si m si jinjniar anne, qycc u gibun neh! Danrsi mow xui jingsinn dyrsux ciauuat soxu :ee, si sinue qivunw juxdee.

Iasox jnuaxngiu knuawtai jurqiw? Lanw m jaix. Ix byy lauha zimrhyy zri, iacc si ue, soxx dramm ee lueriongg u sii naxjunxx qra jurqiw knuawjyr si GREECE sinvir qowsu siw .kir qyc'uac ee sinn --- jahngx siw .kir, qimzit qyc'uac; qimzit siw .kir, bin'axjair qyc'uac .kiw .laii --- hyxcincniu siaw dirr suax nirr. Lanw bad ix jin' jiyw, soxx jaix :ee dy' laijurr “Sir Hok'imx”, mrqyxx jitt lairbin ee lueriongg jamxzenn byy qang, siaw ee zidjiw marr byy qang. Kyxvixqongxx, jairsikluw snex qniaw, qandna' dirr <Luka Hok'imx>, vutqyr Luka si GREEKS. <Meteo/ Marko Hik'imx> Iasox ee qapow siongser qiwjair jurr DAVID laii ee quiwjok het'enn, jiongbuew qruix dirr JOSEPH, m si MARIA. Lanw m jaix Iasox ee snezit --- sursit duliauw <Luka Hok'imx> soxx siaw :ee, lanw sniaw marr m jaix --- zuqyw Iasox quewongw .kir, kyxlingg iokk dirr 30 A.C.. <Sir Hok'imx> si jin' qiquair :ee, inx horsiong byy itdir. Vuthing :ee si, sir xee langg siaw sir vxo hok'imx, soxx siaw :ee si sir xee byy qang ee qowsu.

Luka naxjunxx ham' Vyxlyy jywhuew luxhingg quer, iuxquanx Iasox ee qiwjair siongrr jaw dy' laijurr m bad qnir quer Iasox ee Vyxlyy. Sursit-siong, Vyxlyy si Iutair siauxqongjiaw ji' id, taii siw derr id xui Qidokqaur sunqauwjiaw ST.STEPHEN, --- sunrsuar qongw jit xe, JOYCE jokpinw ee juxqag STEPHEN DEDALUS, jitt xee miaa laijurr jitt xee qowsu. Jitt hxang surqnia huatsingx au byy zuarr quw, Vyxlyy dirr kir DAMASKUS ee vnuawlo qaiw sinr Qidokqaur: dirr ix ganw-jingg cuthen jit xee simsiong, ui' bew-dingw vuac lyc laii, anne “Qidokqaur dyrr qenwlip ar”. Knuar laii jitt xee Vyxlyy e siaw iubiw GREEK ee Iutaiwlangg, naxjunxx dirr Iutair ui'id sinn bunhuar/ huizirguann ee GREECE tuantongw qamxqag tongwkow. Incuw, guaw duiww Vyxlyy qaixvenr sinwgiongw ee knuawhuad si, ix texzin diyc jitt xui siauwlenn/ u lingsingr Iutaiwqaur qauwsu ee jailan jansad surqnia, ersaih virr qaixtok jyr GREECE sinvir inghiongg sixbongg/ qyc'uac ee kurtew viauxhen.

SINSINGR KONGQANX

lirkuix uirr zidsiongg sing'uac setqer ee zimrhyy kongqanx, jit xee liw ersaih jit vaiw qycc jit vaiw cue diyc jurqiw ee soxjai.

Ui'id sinn si siongrder kurtew iwsiong, mrqyxx Ix ee ywvir si byy hxuad anne jyr :ee, qangrkuanw ee dyrliw qra qiuwsewjuw ee ywvir dirr Iasox srinx-siong kurtexhuar. Siongrder/ Iasox/ tniderbuew longxx virr sidtexhuar, Qidokqaur suacc sitkir unxqamm quandiamw. Zuqyw qra ligsuw ”sursit” qaixtok jyr amwviw iwsur, jiong' e dirr Qidokquar nirr huathen jerje kuriuw simliw iwgi ee siongrdingx, qivunw-siong anne knuawtai byy sniaw bunrdee, itdit qaur kurtexhuar au.

Ixx sidtew honghuad qauwdy ginxaw si ersaih ee, jitt lui ee surbu kinghiongr anne laii hro inx liauxqaiw. Qywzinn huatdenw qaur mow qaidnua au, jiaxee sidtew vitzenn rair kuidenw cud laii, kyxlingg sidtexhuar rair vaiduu driau; mrqycc ixqingx cimx jraix luersimx/ luerhuar lor, byy hxuad cingduu, diyh'air dingsinx qaixtok. Guaw jaix, jurqiw dirr zi-go huer jingg dy' si ixx sidtew laii lixqaiw Qidokqaur, marr jin' qamxqig srinx jai jiacc honghur ee siongrdingx hertongw nirr.

Hongwkir jitt xee jongqaur qycc ciauuat quer, kyxlingg e did diyc moxjiongw uixdai ee lat. Guaw ee iwsur si, zuqyw liw jinjniar anne jyr. Narr qandna' “tewcud” hex si lingrgua jit huesu. Tetdauw qra sniu hro taur --- ixx unxhamm hongsid laii qaixsuad siongrdingx/ m si jyr sursit jiapsiu --- ngua jit qxur qongw, liw narr jaix jurqiw uirsniaxmic tewcud, dyrr erdangr jniajyr uixdai lat ee jnuaguann. Danrsi liw lirkuix jongqaur sii, rair uirr jurqiw setlip qywzinn ee sinsingr dniusow.

Guaw dirr Tenjuxqaur qauwhue haghau tak ceh sii, jit nii lai u jit xee lexvair gunw sniaw dy' benw tak, jixiaur tniax tuandy: mow quaw cniurr JOYCE dirr <A PORTRAIT OF THE ARTISIT AS A YOUNG MAN> soxx qongw dergak hitt ngiu; qitnax si quanhe singwcamlew iwgi ji' lui ee juxdee. Si huanxsingw (RETREAT) ee bogdig, beh qra lanw ui' sewsiok sewqair suaw quer laii, he dirr sinsingr kongqanx.

Jitt lui uahdang si qauwhue congwjy sinsingr kongqanx ee le, mrqyxx si jiauww qauwhue “inx ee” qui'ue setlip :ee. Zuqyw qauwhue si liw beh liac diauu ee snuawsyh/ si cua liw kir qaur hixlok ee soxjai, anne jitt diauu lo hro liw benw u cue dniusow ee bunrdee. Lingrgua jit xee hongsid si iongxiuw jurqiw ee siyw sinkamx, si liw jurqiw vangwdiau itcer ee sinsingr kongqanx.

Huanrnarr uirr lirkuix zidsiongg sing'uac hertongw sed ee zimrhyy kongqanx, dy' si sinsingr kongqanx. Dirr sewsiok ee uahdang, qywzinn quansimx :ee juann si zirguann duiwlip ee surbut: guan'inx/ qetqyw, did/ srid ... dringw. Sinsingr kongqanx duiww tanr jnii/ ngiaa diyc miasniax si byy jit diamw aw qonglingg, sid'iong m si sinsingr kongqanx juxiaur digsig. Dirr sinsingr kongqanx-lai ee muixx jit hxang surbut dy' ham' sing'uac hyhaii bidced kanlenn, surbut kyr “liw ee” dongrlingg laii unrjog --- m si qitnalangg ee lingliong.

Liw ee sinsingr kongqanx si

jit xee liw erdangr jit vaiw qycc jit vaiw

cue diyc jurqiw ee soxjai

Liw jinjniar byy hxuad iongxiuw jit xee sinsingr kongqanx/ qiuwuanrde, duhuix liw cue diyc jit xui m si hngvode, jit xee bixhyw jnuaguann ee hingdong lingxhik --- laijurr luersimx ee hixlok, m si qra hixlok he dirr ui' srinx ixgua laii ee surbut --- jit xee hro liw texgiam diyc liw ee iwjir/ iwguan/ hibang, tenqog e kurtew qycc siongser henxhen ee soxjai. Guaw zinruii, bylun inx si m si jaix, muixx jit xee langg dy' su'iaur anne ee kongqanx.

CITTYY ZINSINGX

Uac dirr duxx dng' sii ee muixx jit kig.

Sinsingr kongqanx/ siqanx, ixqibb jyr quaw suxx langg sinsongw ee dairjir, si lanw zinsingx su'iaur ee juanvo. Anne cavutdyx soxu :ee dy' jniajyr qewsiok jiamrr jinggax ee hixlok.

Liw rair jyr ee dai

iong iuhir ee simjniaa uansingg

Guaw sniu beh qra sinsingr kongqanx siongxsiong jyr iuloghngg, soxu ee qangjog cniurr decc cittyy hitt ngiu dyrr driyc lor. Mrqyxx liw bersaih sngw guaw ee ang'axmic, rair u liw jurqiw :ee, liw ee sing'uac nirr qaix e jauw cud jit quaw cittymic. Laurlangg ixx snewmia ee qingqiam/ texhue, iacc si inx qamxqag cuwbi ee sniurhuad. Guaw jurqiw air tak hiaxee byy sniax e u qetlun ee ceh.

Nihuer je ee hyxcur

e inxcud su cud laii

muixx jit hxang dyrr si henrsii jitt kig

Dng' JUNG quatding cue cud ix sing'uac soxx ilai ee sinue sii, mng jurqiw “ sewhanr sii siongrr air sngw :ee si sniaw?” “iong jiyhtauu kixjy jit xee siyw sniadinr/ qelo.“ incuw ix brew jit der toxde, iong cittyy simjniaa, kaisiw kiw cur. Hitt sii ix ixqingx u cur ar, kixjy jit qingx cur jin' liauw siqanx, juadduir byy vit'iaur, kiokk si congwjyr sinsingr kongqanx ee sikhap hongsid, hex sunzenn si iuhir.

Sewhanr sii soxx jyr ee dairjir

byy sinqanx qaiwliam

hro liw be qir .did siqanx junjai :ee si sniaw?

Sing'uac soxx uaxkyr ee sinue dyrr dirr qidiongx

Qac'ir jyr sniaw? Yc erhiauw sniaw? JUNG snex jyr qauciangg duarjangg, air tiap jiyhtauu, hex si ix air jyr ee dairjir. Guaw qnaw ham' liw drow, zuqyw qra liw ee qiwdii sraiw dngw kir quewkir, jiong' e dirr jitmaw henriuw ee sinsingr kongqanx ham' haidongg sihau huisiongg digvet ee mow soxjai cue diyc quanlenn.

Singlenn au

liw rair dingsinx ow cud

snewmia ee dongrlik

qinxdniux

byy jinrjingg/ jinsit

in'ui liw vruee duiww

snewmia cywgo ee lat

Ixx guaw jurqiw jinghongw jyr le, dirr jap-id ~ jap-go huer sii, bee diyc INDIANS. Verbuw brew liauw <THE COMPLETE WORKS OF PARKMAN>, BUREAU OF ETHNOLOGY cud ee vywqyr, ixqibb qitnax iuxquanx jitt xee juxdee ee ceh. Guaw u jit xee ser ser ee dosuquanw, cecgiab'aw si bixle INDIANS tausiong, cnedangg jyr ee, qycc u NAVAJO ee derjenx... dringw. Au laii iwgua huexjaix qui' qingx cur suacc virr siyx driau. Jex si gunw daux jit xee kyxpnar ee guiqix, huew siyx siw a'maw, marr siyx jin guaw soxu :ee.

Jitmaw texzim diyc uirr jurqiw congwjy ee sinsingr kongqanx --- siaxjog ee vangqingx, jinjniar si haidongg sii hitt qingx dosuquanw ee ngiaw, ersaih qongw jaiww cuthuad. Qniaa zip laii siaxjog sii, siwjiuuii si bad jo guaw cue diyc honghiongr ee jerje ceh, huesiongw tak diyc mow quaw huisiongg digvet ee qenwqaiw/ juxdniux ee sii. Jre lyc laii kaisiw siaw ee sii, e digvet juwir gisid ee sewjed --- vitqir/ envid he ee soxjai ... --- anne muixx jit hxang mic jiacc ham' guaw qiwdii-diongx ee jinghongw itmoo-itngiu, jex jiongxjiongw ee “setding” hro guaw did diyc tauxvangr. In'ui mow xee kongqanx ham' moxjiongw singjiu siongquanx, jaiww crur qikhuad qangrkuanw ee singjiu. Vutqyr singjiu vunxsinx si iuhir.

Qangjog si in'ui

liw byy qac'ir

bogjingg soxx jyr ee dairjir

Zuqyw liw ee snewmia m si iuhir, iacc si dauzip iuhir nirr, kiokk byy qamxqag hyxsngw, anne, dyrr mair sngw ar! Sinsingr kongqanx ee jingsinn si naxx decc tiauwbuw dngxsec ee SIVA, danwdiau soxu ee jikzim, qandna' crunx iuhir. Jikzim kngr jit vnix u jerje honghuad, anxjnuaw jyr byy diongriaur.

Zimrhyy jip'id dirr qamxquax/ siogser surbu ee langg ... si uac dirr budix nirr, qycc e virr dairviauw zedjingg ee juaa tunx .kir.

----------BLACK ELK----------

Sinsingr kongqanx si hrongx bat/ qecli sewsiok :ee, srinx jai jitt xee soxjai sii, guarqair ee qanziauw byy hxuad jngwtangr, byy siurr qimzit/ jitt sii ingxhiongw ciongqig ee ingxuanw lingxhik-diongx. Jex si jingrjy beh drat qaur ee bogdig: jiong' jurqiw hrongx kiw laii --- hongbat ee juser/ cuanxkuir quilut, qycc jinr jit vo kaihuad luerjai ee tamwhiamw, qapp sewqair qeckuix, liw vunxsinx si jit xee uanbiw sunkuann sidtew.

Rair dirr zimrhyy liw su'iaur ee sii, dy' erdangr teqiongx jitt lui qra jurqiw hrongx kiw laii ee uahdang hangbok: jit lexvaiw jit vaiw/ muixx zit jit crur/ iacc si muixx diamxjingx jit vaiw. Anne jyr u snaiw qewdat? Zuqyw liw sniu beh u luerjai sing'uac, anne jyr si juadduir vit'iaur ee. Teqiongx liw luerjai ee ingxqiuw, jiamrsii ui' siqanx lingxhik tiux cud laii. Lanw jingg qongw diyc siongrder hro lanw dirr “guarqair hiax” ee “siogser nirr liauxqaiw Ix/ air Ix/ hogsai Ix” , dongsii ”dirr jurqiw luersimx” hrongx kiw laii ee sinsingr kongqanx-lai, “qapp Ix ingxuanw kuaiwlok jywhuew sing'uac”. Zuxx erdangr jinwzip jitt xee qingxqair, dyrr zuxx qamxqag vingjing, bylun huatsingx sniaw longxx be iycuah .diyc.

Guaw duxx sniu diyc :ee, si drat qaur vaiwhongw singwvuex sniavyw ee bogdig, liw diyh'air uirr jurqiw setding hitt jiongw diauqnia --- singwvuax sniavyw dyrr si sinsingr kongqanx: hex si ham' henrsiong qinggiam buquanx, ham' liw luerjai sing'uac iuxquanx :ee. Zidsiongg sing'uac ee jauxjongg si byy hxuad drat qaur ee. Beh vaiwhongw singwvuex sniaa, rair singx u sinsingr kongqanx,itdanr cue .diyc, kyxlingg kyxiw jiong' liw juanxngua qaur sing'uac-diongx ee qitnax vorhun. Mrqyxx liw dairsingx rair iongxiuw erdangr hro liw cimx zip derha ee iujnew jiacc e ing tihh.

Sing'uac dirr sinsingr kongqanx

si dirr jit xee siongrdingx ee kuanqingw

hro jingsinn sing'uac jniajyr kyxlingg

siwjiuuii ee surbut

qongw diyc liw simlingg ee qitai

SIWQER DYRR SI SINSINGR KONGQANX

Quewkir jap dxangx guaw luxhingg quer jerje soxjai, dng' qaur jit xee cnehunrde, kacc qac'ir ee luxquanw si hitt jiongw uanjuann benw singx dnia/ byy siurr kusog/ jixu qivunw setvi/ cniurr HOLIDAY INN hitt jiongw ee vangqingx. Packuix hingliw, qra ceh kngr dirr dyh-dingw/ snxax qruar kiw kir sna'axqingx, dyrr sngr jiaujngg ar : JOE dirr jiax, ix ee ceh marr dirr jiax --- guaw qamxx qycc u su'iaur sniaw? Itdanr liw u liauw jurqiw ee sinsingr kongqanx, dyrr erdangr qra zimrhyy dniusow venwjniaa liw jurqiw ee sinsingr kongqanx. Vutqyr jixu bad qingquer bingngiu hunwlen/ iacc si duiww sinsingr kongqanx iuxsow texzin, hagsip diyc sniaw si singwqed au, jiacc kyxiw qongw sinsingr kongqanx busow-vutjai, ham' surbut ee quanlenn si unxqamm :ee.

Dirr sinsingr kongqanx

muixx qnia surbut dy' virr anvaii hyw ar

incuw kuanqingw

jniajyr amwviw iwgi

Dirr Inwdo, guaw qnir quer jixu iong angsig kox jit qix cue'aw/ iacc si jit liap jiyhtauu, dyrr jniajyr kuriuw amwqamm kuanqingw digjid ee sinsingr kongqanx. Dng' juwsinn knuar hitt qix cue'aw/ jiyhtauu sii, dyrr knuar diyc BRAHMA, iacc si uxdiu ywvir ee kurtew denxhen.

Sinsingr kongqanx si knuar tangr ciauuadqair ee jit jiongw kongqanx, dirr jitt xee vangqingx-lai muixx jit hxang surbut dy' hingsingg liauw jingrjy bingngiu ee qicow. Guaw dirr jiax digvet sniu diyc :ee si hiaxee jit pxenr dua uicniuu kox kiw laii ee Inwdo biyruw: hna quer duarmngg qniaa zip biy-lai, hiax vangqingx-lai ee muixx jit xee surbut dy' kuriuw siongrdingx iwgi, qui' xee sewqair virr sinuerhuar lor.

Zinlui siongrr jaw sinsingr kongqanx lauu lyc hunziah :ee, kyxlingg si HOMO NEANDERTHALENSIS ee siyw sinbiy, dongrhet-lai u himm ee tauu-qud / qycc e diamw huew. Derr id xui jinjniar sinsingr kongqanx kyxlingg si snax-bxan B.C. dirr Huatqog lamvo/ Sevangaa vakvo ee dongrhet, qniaa zip hiaxee dong sii, sui' qamxqag diyc, iwsig jongrtair marr incuw juanxhuar. E qir .did jurqiw bad zip kir LASCAUX jit xee dua dong, hex qamxqag jin' janw! Hitt xee sewqair ciucniu guansiw sidai, derbin-siong ee dongrbut jiauww rue dirr het-lai viah-dingw ee dongrbut sed :ee/ be sniu beh lirkuix hitt soxjai, hitt xee jonggiamm/ qxii ee itcer, m jaix jnuaxngiu dyrr qra langg cua zip jurqiw simqnuadew, qycc itdanr drat qaur hitt xee qingxqair, sinsingr kongqanx dyrr busow-vutjai lor.

Guaw kir quer quixarr xee anne ee soxjai, dirr hiax jongxsi sniu “tudpuar si u kyxlingg :ee, jiax si erdangr hro guaw siulen qaur jurqiw beh kir ee soxjai ee.” jex si lexvair gisid juanvo iwgi/ lexvair gisid vunxsinx si sinsingr kongqanx. Zuqyw liw sniu, “guaw narr byy dirr hiax, sniaw soxjai dyrr kir be qaur ar” --- anne liw iuguann dirr siulen qaidnua.

QAKGNO LIMXQNII

Hro sewqair vyxcii ix ee guanngiu, hagsip duer ingw hiongr jingg qniaa.

Guaw dirr Inwdo sii, sniu beh vaiwhongw jit xui jinjniar ee dairsux, byy air kir tniax langg qongw “zinsingx naxx binbang (MAYA)” ee cauwsng'ue/ uirsniaxmic rair hongwha ... ee qawsi. Jiaxee ue guaw ixqingx tniax liauw jap-go ~ zi-jap dxangx lor. Siwqer tamwtniax/ juwir, au laii tniax qongxx selamm TRIVANDRUM u jit xee dairsux, dyrr quatding beh kir qnir ix --- bidhuad tuansingg ee SRI ATMANANDA. Liw narr jiapqin anne ee jit xee dairsux sii, itding e duw diyc jit dxuix quaiwzinn, dyrr si e duw .diyc, benw huaigii! Danrsi guaw jaix, jurqiw kir/ qycc jiauww quiqiw laii/ dyrr qnir e diyc!

Druar zip jit qingx quaiwqii ee siyw luxquanw, hiax soxu ee vangqingx dy' ersaih tongx hiongr qang jit jxy iulongg. Hitt sii tnikir huisiongg zuac, guaw jre dirr iulongg-vnix, jit xee siauwlenqex byy cniaw qaqi laii, denw ix qruar ee dua viyw-aw. Qongw “qamxx u knuar .diyc? Guaw ee u sijiamx/ hunjiamx qycc u biyxjiamx, lamsingr marr u snelixqii, cniurr luxsingr qangrngiu, jixsirr lanw m jaix ziiw. Guaw cue cud guaw ee snelixqii, jin' cingcyw henxhen dirr jitt xee viyw.” guaw knuar hitt liap viyw-bin, u nng xee ser ~ ee kikdo, jit vingg si angvec/ lingrgua jit vingg si ovec sna' lam, qycc u jit qix jriw hiongr byy qang honghiongr ee jixjiamx. Ix qiw angvec hitt vingg qongw, “jixjiamx dirr angsig sii, si guaw ee snelixqii, jriw hiongr vec sii, snelixqii qetsog ar. Dongsii lanw marr u simlixqii, guaw marr cue .diyc ar, jiamx jriw hiongr osig sii, hitt qix jriw hiongr angsig hitt vingg sii, guaw dyrr diamr cur mair cud mngg.” liw qamxx siongxsiong e cud, ix rair kaix zuarr je jnii jiacc jyr cud anne ee viyw.

Hitt amr dirr cantniax, guaw knuar diyc jit duir lamluw, naxjunxx duxx decc qidyw ee vnuar tauwbingg cauxqauu, inx jre dirr vangqingx ee lingrgua jit vingg, nng langg diongqanx ee dyh-dingw u jit xee drew qaxx buanw ~ jiahmic ee quann qxanx. inx iong ciuw tec mic jiac. Quer jit xe quw, guaw zin cud jitt xui lamsingr, qycc jaix ix si qokjewsowsidhiabhue jongxcaii, laii Inwdo qaixqig sowsidjuxgi, qycc qongw Inwdo uanjuann m bad sowsidjuxgi! Guaw vnix:a hitt dyh nng xui lamsingr dng' decc qongxue, tniax inx qongw diyc “ARTHUR GREGOR”, Bixqog jit xee siauwlenn sizinn qiyr jitt xee miaa, marr jaix ix langg duxx dirr Inwdo, incuw guaw mng qongw “sitlew, guaw ciucniu tniax diyc linw qongw diyc ARTHUR GREGOR?” “byy m driyc! Ix dng' duisuii SRI ATMANANDA!”

”mahuann linw ter guaw qra ix mng hyw! Guaw si JOSEPH CAMPBELL.”

Nng zit au, guaw sriu iaucniaw kir qnir jitt xui Inwdo dyrsux. Zuqyw liw duxx dirr vnee lo-siong, dairjir dyrr anne vutjiw sunrli, dua mngg uirr liw laii packuix. Dyrr anne guaw laii qaur jit qingx qoxjuix ee siyw cur, mngkauw u jit xui lauu vec dngg cuiwciux ee Inwdorlangg, qongw “dairsux dirr lxauu-dingw” guaw qniaa zip jit qingx lauqyh, lairbin kangx ~ qandna' nng liauu iw. ATMANANDA jre jit liauu, guaw jre jit liauu, nng langg bin duw bin, jniawqangw bin duir bin jre lehh.

Ix mng “liw u bunrdee?” guaw un jin' hyw, au laii jiacc jaix jurqiw dongsii mng :ee duxhyw si ATMANANDA mng “ix ee” dyrsux ee derr id xee bunrdee, jitt xee enqor, hitt zit gunw qongw qaxx huisiongg hnuahiw. Qetsog sii, ix qongw rair kir siongrkyr ar, beh guaw lirkuix, guaw qra suecsia. Guaw dairsingx anvaii siongrkyr uann au, ham' quiw xui tniax kxyr :ee jywhuew dirr qaviquanw sna' qniwbin. Dng' guaw qniaa zip sii, inx qidiongx ji' id qongw “dairsux qongw liw dirr qakgno ee vnix:a ar.” uirsniaxmic? Si guaw soxx mng ee bunrdee!

Guaw mng :ee si : qiwzenn banrbut longxx si BRAHMA, banrbut dy' si sinsingr ee qonghuix, lanw jnuaxngiu duiww budix/ janvog/ qitnax :ee, qongw “m si” neh?”

Ix ee dab si : duiww liw guaw, lanw qongw “si”.

Pacpuar siarhue ee lixsiongw denxhuan

si sinviwqax ee lo

Ix hro guaw jit xee bunrdee “nng xee liamrtauu jiqanx, liw dirr dycc?” ngua jit qxur qongw, liw itdit decc iong taukag sniu, qycc u jit xee jurgnow iwsiong, anne nng xee liamrtauu jiqanx, liw dauwdew dirr dyc'ui? Liw qamxx bad ciauuat susiongw ee lingxhik? Hitt xee ciauuat zimrhyy sniurhuad ee lingxhik? “hiax dyrr si” liw soxu lingliong ee laiguann!

Jingrjy sii

bingngiu jurqiw ee sinsingr

snewmia ee bogdig si beh jniajyr

qyckacc jongqyx surbut ee qangku

qra qenwqaiw tee sringx

dirr sxingg siangx ee zirguann duiwlip jiqanx

juwsinn jurqiw dirr sewsiong ee “enxcud”

hro sewqair vyxcii ix guanjong

yc duer ingw qniaa

cniurr JOYCE soxx qongw

dirr luanrser nirr

vyxcii “qngngiaw”

BINGNGIU EE VUT

Zuqyw liw knuar diyc Vuddyy duiww liw qniaa quer laii, qra sad driau.

Vuddyy ee iwsiong vingrr m si ligsuw-siong Vut ee dosiong. Lanw dy' si Vut ee jun'iuw/ banrbut dy' si Vut ee jun'iuxbut. Incuw Vuddyy ee iwsiong berdangr virr kurtew liauxqaiw jyr diausiong. Hex jixsirr qangku/ beh knuar tangr :ee/ jicjair liw bingngiu luerjai vudsingr ee lat, m si duiww zimrhyy “kecquanx junjai” jinsit Vuddyy ee biyue.

Danghongx sinbingg Vuddyy --- si jriw hiongr ciauuat inx jurqiw/ junjai dirr siwqer, lanw luersimx hitt xee qongw be cud ee jun'iuw/ iwsig/ hixqongg, m si cniurr sehongx Iahyhuaa/ snax xui ittew/ ALLAH ee jiongqik. inx jiongqig bogviaux si beh hro sinwdoo sanxsingx simliw juanxvenr, honghuad si qra inx duiww banrhang surbut venwdong vutduan ee knuawhuad jancur juanxii qaur ingxqiuw jun'iuw, taur quer jitt jiongw hongsid juewau kyxlingg dirr qinggiam-siong (m si dansunn sinwgiongw hing'uii ziiw) hiauxgno diyc jurqiw ham' ganw-jingg soxx qingwvair ee sinn/ Vut, vunxjid-siong si qang ee.

------ CAMPBELL <THE FLIGHT OF WILD GANDER>-------

tendongg

dirr lanw simx nirr, beh cue diyc

rair ham' guarjai surbut sna' kanlenn

Dirr jitt xee qongxhuad nirr, jiacc u langg qongw “zuqyw knuar diyc Vut duiww liw qniaa quer laii, qra sad driau!” marr si decc qongw, zuqyw qra vudsingr qaiwliam kurtexhuar qaur hitt jiongw tingdo, rair dudiau kurtexhuar ee sniurhuad. Mrqyxx berdangr duiww Iasox qongw qangrkuanw ee ue, jiwjiyw dirr jniawtongw qauwpair.

Rair taii driau liw ee sinn

zuqyw liw beh jinwvo

siw dingdingx ee qaiwliam diyh'air druu

Dairvorhunrlangg knuar diyc virr biyue cud ee Vut, si soxui “bingngiu ee Vut”, inx jurlaii m bad jinjniar uac .quer/ dairviauw lanw luerjai vudsingr ee lat. Bingngiu sii, rair suanw jurqiw ee Vut, hro ix laii cua lo --- cniurr Tenjuxqaur tuantongw, juxiaur ee inxcuarjiaw si mow xui singwdoo, dairviauw liw beh drat qaur ee bixdig/ digjid. Incuw, Vut ee iwsiong m si jit dniux Vut ee dosiong/ si hiabjo liw bingngiu luerjai vudsingr ee qangku.

Jingxqyy Vudqaur ee huatdenw qaur liauw senn, dyrr jniajyr jin' qanxqed ee viauxdat, byy qycc u iwsiong junjai. Sensi ui'id dosiong si jurr Inwdo qaur Diongqog binrduir viah bingngiu ee dyrsux BUDDHA DHARMA/ jitt xee iwsiong jixvutqyr si tecnew liw zuhyy bingngiu ziiw/ cue cud jurqiw luerjai Vuddyy si jit hxang kunwlann ee siulen. U sii iwsiong si kyxiw dauwsnaqang ee, rair liauxqaiw Vudqaur m jixsirr jing'ingx hunrjuw ee jongqaur/ marr si dairjiongwhuar jongqaur --- rair teqiongx bingngiu ee qicow. Vudqaur dngquw ligsuw dy' qingwvair singwqud, soxu jiaxee quandua ee vudtah (STUPAS), jaxqii Vudqaur sewqair ee qiwliam qenwdiogbut, si singwqud sna' lenn tiap kiw laii ee bong, muixx jit ac lairbin u jit hxur quttauhux, dyrr cniurr muixx jxy Tenjuxqaur qauwdngg qaix kiw dirr jit hxur singwqud-dingw qang. Jex si bingngiu ee qicow.

QIGLOK SEWQAIR QAPP LUNHUEE

Duhuix snewmia drat qaur qaixtuad, narr byy, si byy kyxlingg jinjniar siw .kir.

Vudqaur susiongw ee nng duarpair qokk u digsig. Derr id pair ixx qywzinn qaixtuad ee lixsiongw, dairviauw drat qaur jitt xee bogdig ee lorqingr, si cutqelangg ee jurgnow siulen, hyrjyr HINAYANA (HINA --siyw/ ser, YANA --- junn/ qangku ee iwsur ). Derr zi pair susiongw dairiog dirr qiwguann derr id/ derr zi sewqiw au, dirr Inwdo vakvo huatdenw singsik (hitt sii derr id pair ixqingx jaw dyrr poxpenr tuanvyr qaur Inwdo lamhongx ee SRI LANGKA), tecud dairjiongr qiongrdongg qaixtuad ee lixsiongw, qycc huatdenw cud hongrhenr ee siuhingrhuad/ poxpenr ee sewsiok hogbu, hyrjyr MAHAYANA (MAHAT --- dua ee iwsur), si jiongww langg jre ee junn.

-----CAMPBELL venx ZIMMER <PHILOSOPHIES OF INDIA>-----

Dirr MAHAYANA jingg, Vuddyy m bad virr rue jyr dosiong. Jaxqii vudtah rue cud Vuddyy jidsiwlangg qinglik ee dosiong, cuthen :ee jixu Vuddyy ee ka'inr/ jit qix horsnuar/ jit bin cniurr taiwiongg ee ngivnuaa --- incuw, byy sriu jurgnow diongsimx hanrjer, ham' jingxtew iwsig itdir, jiaxee si rue be cud ee. Ix cniurr ixqingx lyc snuax ee zidtauu, lanw si be kir rue ixqingx byy junjai ee mic ee. Duiww Vuddyy ee ciwlen, anne kurtew ee qaixsueh --- ongjy ee jit vnix si aiwiogsinn KAMA jiongww jaboxqniaw decc huad hiauu, lingrgua jit vingg si siw ongmoo MARA ee jiongww okquiw, ongjy-dingw byy langg. Hiax qinvunw byy langg! Ix ixqingx m si hitt xee rue e cud ee zinqeh lor!

Mrqyxx duer diyc MAHAYANA ee huatdenw, zinruii kuhunx “ liappuann” qapp “lunhuee” --- “jun'iuw ee sunkuann”,” jaiww cutsir ee sunkuann” si zirguanlun qaiwliam, sursit-siong si jit hxang su: liappuann dirr jiax/ jitt xee zinqanx. Dng' iwsig uanjuann juanxhuar sii, Vuddyy iwsiong dyrr cuthen lor. Banrbut iwsiong marr puu cud lor, in'ui inx longxx si Vut.

Lunhuee si jriw siqanx ee juixlauu, Ixqibb lanw cam'uw jiuxsinn jetkingr nirr banrbut laii-kir-quer-ongw ee siqanx tonglo. Hingsiong duer siqanx qaixvenr, qycc sanxsingx sinx hingsiong, liw si jiaxee hingjong ji' id. Jixiaur liw zinrdongg jurqiw ee sinkux, dyrr e lensiongw diyc “or! Dyrr si anne!” Liw, uac .quer, siw .kir; knuar liw jit sxer si jnuaxngiu quer ee, m si jnriu tendongg, dyrr si lyc dergak, zen'au qycc kaisiw xe jit sxer! Donghongx susiongw hertongw dy' si lunhuee, jun'iuw ee sunkuann. Liappuann si ciauuat jitt jann. Lanw jixvutqyr si viah-dingw ee ngiaw, inx qycc si ui' dycc laii?

Liappuann si “bet”, liw srinx-siong dirr jitt xee sewqair uahlik ee kuir, qra vunn hro huax .kir. Inwdo JAINISM qauwpair zinruii liappuann dingxii sixbongg, Inwdo bunhuar u jaiwsingx, duhuix snewmia drat qaur qaixtuad, narr byy, si byy kyxlingg jinjniar siw .kir.

Vuddyy si qiongdiaiu “siw .kir” jitt xee simliw janbin ee langg. Ersaih dirr hingdong-siong vyxcii uac lehh ee jongrtair, danrsi ui' qniahniaa/ qiawbang ee hing'uii hiyrqyw kunwqingw-diongx tuatli. Jitt jiongw ui' jurqiw snewmia surqnia ee zedjingg-diongx, qra simliw tauxvangr cud laii ee jongrtai, dyrr si liappuann.

Duer diyc MAHAYANA laii :ee, si ixx jitt nng jiongw tairdo dongsii knuawtai zinsingx jitt surqnia ee texgiam. Liw ersaih dirr lunhuee-diongx uac lehh, mrqyxx hingdong kiokk byy duar qikjingg --- anne dyrr si “liappuann”. Jex si 563-483 B.C. < BHAGAVAD GITA> ee qaiwliam:

“zip laii jyr liw qaix jyr :ee, mair damsimx qetqyw”

texzin koxlan si zinsingx ee vunxjid

u siqanx dyrr u koxlan

lanw byy hxuad dudiau sewsiong koxlan

mrqyxx ersaih suanxdik hnuahiw uac

QUANSEWIMX

Posad jurguan huedngw laii zinqanx...

Posad, si hiauxgno (BODHI) ee hixlok uahlik (SATTVA), jaxqii itdit virr iong dirr ... jriw ixqingx dirr hiauxgno jitt diauu lo-siong ee langg, mrqyxx iauxx bue drat qaur hiauxgno; dyrr si qongw iauxx bue jniajyr Vut ee langg/ iacc si birlaii ee Vuddyy. Sinx ee iwsur dairviauw singwzinn, si hiaxee jairr sxer sii ixqingx drat qaur hiauxgno qingxqair, danrsi qirjuat liappuann, qamguan ixx uanbiw diwhuirjiaw sinhun lauu dirr sewqanx, ham' jiongwsingx jywhuew, jyr sewzinn ee bingdingx/ jixinw langg'/ juvix ee qiuwjuw.

----- CAMPBELL <ORIENTAL MYTHOLOGY>-----

Posad jurguan

huedngw zinqanx

bingg jaix jiax luan caucaux

jiax m si “dnibiw :ee”

jiacc dngw laii

posad

hunahiw cam'uw

sewqanx koxlan

Uixdai ee Quansewimx Posad, si ui' MAHAYANA huatdenw-diongx, juewqyx lixsiongw ee zinqeh denxhen. Ix ee tuanqii qongw diyc jerje jingser ee qongdig, juanxser au, duxx beh jinwzip liappuann sii, caxnau sniax siwqer vutduan sringx quann, uixdai ee posad jaix si jiongwsingx --- uxdiu qranx ciurbak/ tangtua/ sinbingg/ quixmoo/ zinlui/ jiyhtauu ... --- hauxqiyr ix beh lirkuix. Ix juvix laii hongwkir liappuann, duhuix soxu jiongwsingx byy jit xee lergua, dy' jaw ix jit vo junxvi jinwzip liappuann --- cniurr knuawngiuu :ee singx hro ngiuqunn longxx tongquer mngg au, ix jiacc zip .kir, qra mngg qnuaix hyw.

---- ZIMMER <PHILOSOPHIES OF INDIA>-----

Jit hni qruar luxsingr hnirqaux/ lingrgua jit hni qruar lamsingr hnirqaux ee Quansewimx posad, dairviaiuw linbinw/ juvix. Quansewimx jitt zri ee iwsur si “ ixx linbinw simx knuawtai siogser”, virr rue jyr jit xui lamsingr, nng vingg kia TARAS luxsingr, si posad juvix bagsaiw ee zinqechuar: jit dih laijurr dyr luiw, jit dih si jniar luiw. TARAS jiapqin bingsuu cnesinn (STAR) qapp dongrsuu tuansangr (TO STREW) ee iwsur. TARAS sangr cud linbinw, duiww guaw laii qongw, jex si siongrr kyxair ee qaiwliam ji' id.

Dng' Vudqaur tuann qaur Diongqog ee Quansewimx/ Zidvunw ee KWANNON, qionghuar liauw luxsingr jitt bin, dosiong ixx luxsingr rue cud, in'ui luxsingr qyckacc sikhap huwcud juvix/ anuir ee zinqechuar.

Soxu jiongwsingx ee luersimx dy' jusiongg vinghyy, in'ui Quansewimx/ KWANNON, jitt xui dairlingg posad, buhan ee air/ quanjiaur, tingkax dirr muixx jit hxang iuxjingg snewmia lai, juadduir byy lergua. Kuntiongg iuwzi ee sxit, dirr siqanx-lai auxjih .diyc, ix marr quansimx --- Quansewimx si hitt xee uanbiw, marr si hitt xee hunlec.

--------<THE HERO WITH A THOUSAND FACES>-------

Lingrgua Quansewimx posad virr jit-cingx siangx ciuw kox kiw laii ee huawsinx hingsiong, muixx jit xee ciuxsimx dy' u jit xee virr siogser koxlan jngr tangr quer ee bagjiux, cniurr Iasox ee ciuw ho'ngg iong dxingx-aw dingr quer qangrngiu. Inx si duiwdingw ee siongrdingx. Iasox si posad/ Vudqaur jin' erdangr jiapsiu, jixsirr byy hxuad jiapsiu Iasox si sinn ui'id ee huawsinx/ ui'id dyrlo ee qongxhuad.

MAHAYANA/ Qidokqaur si dongsii huatdenw kiw laii ee. Nng xee hertongw sriok qang jit qrii, zircniaw si hro PERSIAN kixjy ee qunsu dyrlo qeckuix jit-cingx go-vah ingliw ee liongxde, hunvet huatdenw kiw laii ee.

Tniax qongxx, dng' posad qauwhuar jiongwsingx sii, e ixx tniajiongr ee guarjai hingsiong henwsinx; danrsi ix soxx tuanvor :ee, jixhiongr muixx jit xee langg luerjai diwhui ee jursingr, qiywcnew qycc diauwhuanr hro laii qaur snewmia-diongx.

-------Campbell <THE MYTHIC IMAGE>--------

SOXU EE LO LONGXX QNIAA E TONGX

DALAI LAMA anne qongw ee.

Dng' Quansewimx posad juanxser huawsinx DALAI LAMA derr id vaiw laii qaur NEW YORK, huatsingx jitt hxang cuwbi ee su. Dirr ST. PATRICKS CATHEDRAL jiaptai ix ee huanginghue, u ROMA Tenjuxqaur sinjid zinguann/ ORTHODOX EASTERN CHURCH duarjuxqaur/ Iutaiw qauwsu, guaw sniu simrjir u simliw hunsikqax. DALAI LAMA anne qongw “linw soxu ee dyrlo dy' kyxiw iuxhau kuidenw iwsig qapp kexhuad.” Tenjuxqaur dongzenn rair kia kiw laii hueingr qongw “m si or! Gunw si byy qang :ee! Gunw ee jongqaur bersaih ham' qitnax jongqaur sna' lam.”

Guaw qycc camqax derr zi dniuu dirr CATHEDRA OF ST. JOHN THE DIVINE qixvan ee Vudqaur uahdang. Laijurr NEW YORK Ci qokk Vudqaur siarkux/ tuantew iokk jit-cingx go-vah langg, jurjip dirr qauwdngg vran liauw jinjniar ee TIBET Vudqaur gisid, u huesniu liam qingx ... dringw qui' tyr quewdingg. DALAI LAMA iong buxgiw huatviauw qanxdew enxqangw, jit xui siauwlenlangg jiong' hogjap ee sinhak sui' tong'ik jyr Ingqiw. Jex si zuarr qrii ee singjiu!

Hitt zit DALAI LAMA qongw “ linw jitmaw dirr Vudqaur ee lo-siong, qewsiok linw jingrjy siuhing, byy sui' knuar e diyc kexhuad/ simx rair jiamrr jinr jiacc erdangr drat qaur/ mair jip'id “linw ee” honghuad. Jingrjy ee quewdingg, linw iwsig jiong' e kokdenw/ juanxhuar, hitt sii e texhue diyc soxu ee dyrlo dy' si qniaa e tongx :ee.”

lixsingr

qiongdiau duiwlip

juvix qapp air

ciauuat qokk jiongw zirguann duiwlip.

LUERJAI VINGJING

narr si uirr jnriu tendongg uac, dyrr byy kyxlingg cue diyc vingjing ee soxjai.

MANJUSHRI cuthen sii, ciuw giac qiamr --- hunvet-qiamr, hunven hiuxnua/ ingxuanw. Huanrnarr liw knuar e diyc ee surbut dy' itding e nua :ee, qniar-lai ee liw si be nua :ee/ ingxuanw si liw vunxlaii binrbok. Incuw, dirr sing'uac-diongx hunven ingxuanw/ huxnua, si jitt senx posad ee girliw.

Qiamr---

siauduu lorjiongr

ee juvix ciuxdnua

Dng' liw qiawbang/ qniahniaa mow hxang surbut sii, si hiuxnua jongrtair. Vuddyy snax dua ciwlen --- iok/ qniax/ jikzim --- qra liw kud siw dirr siqanx lingxhik ee surbut. Liw narr qra jurqiw hongbat, hunven cud nua/ ingxqiuw, dyrr e huathen simqnuadew hitt xee be venr ee vingjingrdiamw, si liw jingwgno liappuann ee sii, hiax jit diamw aw dyrr be siurr hongpyx qanziauw/ si unxding iam huew ee soxjai.

Cue diyc luerjai dng' dyc ee huew sii, liw decc unrdong/ dnuaa qngwkimm ... dringw qokk jiongw enxcud hingdong sii, dy' e cniurr sinn jo liw hitt ngiu. Narr dirr siqanx lingxhik uahdang, erdangr ham' luerjai vingjing sna' lenn, liw ee enxcud e huisiongg jingcaiw. Jex si Zidvunw buxsu ee hingdong/ jinjniar ee unrdong.

Quancad jitgiap malaxsongw suanxciuw: inx jinjniar quansimx :ee, m si jnuaxngiu tec derr id. Bylun sux-ngiaa, dy' si rair jauw uann juandingg, diongriaur :ee si vixsair vunxsinx/ malaxsongw jauw vunxsinx si surqnia ee juanvo/ muixx jit xee langg dyrr si ngiaa :ee/ jex si jinjniar byy hurdamx ee cam'uw. Bylun ngiaa/ zibsuanw, si cuwiaur :ee.

Zuqyw sitkir luerjai vingjing, si uanjuann lag zip siogser nirr. Sniu knuar mai lehh, liw qaiwding jurqiw ixx derr id snuar ee sinhun vixsair, simx-lai sniu ee itding rair ngiaa, kiokk damsimx jurqiw kyxlingg sidlik byy qraur, anne qanziauw liw camqax vixsair lor! NIETZSCHE qongw lanw rair ixx jurqiw sir hxun ji' snax ee lat laii hingdong/ jex dyrr si hunvet.

Liw soxx jyr ee zimrhyy su dy' u jit xee vingjingrdiamw

dng' liw qra jurqiw he dirr hitt diamw sii

hro liw u siongrr hyw ee viauxhen

Nng xee liamrtauu jiqanx, liw dirr dycc? Zuqyw qra jurqiw knuawjyr mow xee hingdong, mow hxang singjiu iacc si sitvai, jiaxee si liamrtauu, si siqanx/ qinggiam lingxhik ee liw, lingrgua ee liw dirr dyc'ui?

Zuqyw drat qaur hitt xee vingjingrdiamw m si hiacc kunwlann, dyrr byy su'iaur itdit tyxlun/ byy su'iaur qokk jiongw jingrjy laii sna' jo lor. Ui' ka tiabpuann ee juser kia kiw laii sii, dyr dngw kir guanlaii ee jongrtair, qycc sui' puann kiw laii, knuar qamxx erdangr jaiww huee qaur hiax. Qongw .laii byy iong'i, kiokk iurr jin' qanxdanx. Cniurr yc kiaa kadahciax, vutduan siag lyc laii, itdit qaur erhiauw kiaa uijiw, dyrr be qycc vuac lyc laii ar.

Jex si quandiamw bunrdee. Cngtangr siqanx lingxhik ee lingliong, si qra soxu jiaxee byy qang hingtew venwjyr qang jit xee lingliong/ jurqiw si hitt xee ui'id ee lingliong, anne liw ham' hiaxee busiongg ee hingtew dyrr byy cavet. Zuqyw qra jitt nng jiongw mosid --- guarjai surbut ee quanlenn/ luerjai vingjingrdiamw/ lunhuee/ liappuann --- zinrding si horsiong hunli ee nng qnia su, si zirguann duiwlip ee tairdo. Vutqyr, liw liauxqaiw diyc nng xee si id sii, dyrr erdangr cam'uw ee dongsii vaxag vingjing. Jex si ixx nng jiongw byy qang hongsid texgiam qang jit xee sewqair/ dongsii qinggiam diyc nng jiongw byy qang ee hongsid.

Inwdo detzinn RAMAKRISHNA hongrhenr ee si KALI luxsinn. KALI si “osig”, marr u “siqanx” ee iwsur, si soxu surbut cutsir/ huedngw ee sinvir osig cimenx. Juxiaur iwsiong dirr huexsiydniuu tiauwbuw ee ngiu, KALI dirr jurqiw ee sinn SIVA --- ix angsair ee sinkux-dingw tiauwbuw, jex si siauqaiw (DISSOLUTION), liw ee sinn si liw juewau rair ciauuat ee jongwgai.

Zimrhyy quanliam/ qaiwliam/ miahy, dy' si juewau ee joxgai. Soxu jongqaur jojid ee tuandyrjiaw si juewau ee quawgai. Guaw soxx jaix ui'id liauxqaiw jitt diamw ee sehongx dyrsux M. ECKHART qongw, “jiongqik ciauuat si uirr siongrder lirkuix siongrder.” soxu sehongx jongqaur dy' dne diauu jitt xee iwsiong m vangr/ byy jit xee erdangr ciauuat siongrder. Vingjingrdiamw si ciauuat sinn, GOETHE qongw “huanrnarr jiamriuw ee surbut jixsirr siongrdingx”, NIETZSCHE qongw “venrnarr ingxuanw ee surbut jixsirr amwviw”, inx qongw :ee si qang jit qnia su. Jiax “muixx jit hxang surbut” vauquad siongrder/ tendongg/ dergak, ixqibb soxu ee su. Jixiaur liw si uirr jnriu tendongg uac, dyrr cue byy hitt xee vingjing ee soxjai.

Langg diyh'air ciauuat

soxu zirguann duiwlip

jiacc erdangr huathen jinjniar ee jnuaguann

QAUR LIAUW HITT HNUA

Jnriu junn laii, danrsi e qir .did, jex si qo' jua :ee.

Vudqaur drat qaur liappuann qingxqair virr hing'iongg jyr “qaur hitt vingg hnua”; dyrr si qongw, ixqingx huac quer zidsiongg sing'uac qinggiam ciauuat sringg siangx zirguann duiwlip drat qaur iauuanw hitt hnua --- liappuann. H.ZIMMER qongw jit xee cuwbi ee qowsu, jo lanw liauxqaiw Vudqaur:

Qaxsed liw druar dirr SAN FRANCISCO, iawsen jiax ee itcer, tniax qongxx BERKELEY hiax u jerje gauu langg/ dethagsingr ee jurhue ... dringw. Hiax u ngii cuwdingw ee qenwdiok, viauxsi u biyrsi, liw jurlaii m bad kir, tniax kiw laii BERKELEY si liw lirkuix SAN FRANCISCO ersaih kir ee hyw soxjai. Ixjaw iauxx byy qiyy sii, qniaa qaur haiw-vnix, simx-lai sniu, “guaw narr lirkuix jitt xee soxjai --- lunhuee/ koxtangr/ sewsiok su --- kir BERKELEY dyrr did qiur lor.”

Dirr jit xee hyxhongzit, liw knuar diyc jit jiah junn ui' hitt vingg hiongr liw jiax sraiw quer laii. Junn-dingw ee langg mng:

“ u langg beh kir BERKELEY hnor?” hex si Vuddyy decc mng or,

“guaw beh kir.” liw dab.

”anne, vreh kiw laii, mrqyxx diyh'air e qir .did, jex si qo' jua or!”

Jex su'iaur jin' dua ee iongxkir. Liw byy vanrhuad qycc dngw kir SAN FRANCISCO/ rair hongwkir itcer --- liw ee surgiap/ qadingg/ iaxsimx ..., soxu ee itcer.”

“guaw dirr jiax uac qaxx u qraur pnaixmia ee”

“hyw, anne liw u qraur juqeh.”

jitt jiah siyw junn si HINAYANA, huesniu ee Vudqaur. Jre jnriu jitt jiah junn, diyh'air junxvi jyr huesniu/ niqox, qycc hongwkir itcer. Dirr Inwdo, cutqelangg cing :ee, qam'axsig ee dngg snxax si sixtew-dingw guarsnax ee sig. Jiaxee langg ixqingx siw ar. Liw qamxx quatsimx cing sixtew ee guarsnax? Quatding lor? Anne jnriu junn laii!

RAMAKRISHNA qongw

“duhuix liw qib qaxx

naxx tauu dyc huew hitt ngiu

qnuaxqinw cue jit kud juiw

narr byy, benw cue kexsi ”

Junn kiw qniaa ar, hionghiongg sniu diyc lauha ee itcer, mrqyxx liw ixqingx dirr junn-dingw ar, ixqingx li qex lor, rair jyr cutqelangg ar. Dirr junn-dingw, liw si junguann, qac'ir ingw rig .quer .laii, pah diyc junn-vnix ee sniax/ yc erhiauw jnuaxngiu sraiw junn/ yc sinx ee uergiw ..., duiww BERKELEY ee liauxqaiw byy viw jnriu junn jingg je, danrsi liw e qongw, lauu dirr SAN FRANCISCO ee langg si “gong langg”. Liw sniu qongxx jit jua luxiuu byy qaiww quw, mrqyxx kyxlingg rair qewsiok snax ~ sir sxer ee lunhuee.

Jex si cutqelangg ee sing'uac/ hagsingx ee zidjiw/ sunrtanr cutqex tuantew jewdo. Sing'uac ixqingx qanxhuar qaur liamrjux/ siongrqingx, byy hibang qetsog anne ee hongsid. Cniurr dirr gersut qangjoksig ee jinghingg qang: hagsingx dng' decc jyr jit qnia diausog, laursux knuar jit xe, qongw “qewsiok”, dongzenn, zuqyw qongw “liw uansingg ar” hex dyrr camw lor, liw e rinr qongw, “m lor, guaw byy sniu beh lirkuix haghau.” beh liw mair cutqex si liw siongrr byy guanrir ee.

Qingquer quixarr sxer juanxsnex au, junn kyr hnua, simlai sniu, “jex dyrr si hixqongg liappuann!” liw qniaa jnriu hnua/ u luirsu LSD be'iyc inxcua cud ee qamxqag --- mrqyxx hex uanjuann m si liw ee bogviaux.

Vuddyy dirr <THE AGAMA SUTRA> jit dnxua duiwue:

“Jiongww huesniu ar, qaxsuw u jit xee langg sniu beh kir iauuanw ee hitt vingg, dyrr qaix uirr jurqiw jy jit xee dikvaii, jitt jiah dikvaii jo ix kir qaur ix beh kir ee soxjai, in'ui qamxsia jitt xee dikvaii, dyrr qra giac dirr qingqah qniaa. Linw qongw jitt xee langg qamxx u kiauw?

“Byy, dairsux, hitt xee m si kiauw langg.” jiongww huesniu rinr.

”Soxiw YOGA siuhing ee huatjig ham' qinggiam/ liappuann buquanx. Qauwgi si jo liw qaur hitt xee iauuanw soxjai ee qangqu, qaur hiax au, dyrr rair qra dikvaii danr driau, byy iong ar.”

Jitmaw liw ixqingx qaur liauw hitt hnua ar, simlai sniu “ ui' BERKELEY knuar SAN FRANCISCO, m jaix si jnuaxngiu ee qingxdir? Dngxsinx jit knuar, danrsi ... kiokk knuar be diyc SAN FRANCISCO, knuar byy junn, marr byy knuar diyc Vuddyy.

Liw zinruii u siongduiwsingr ee junjai/ iuguann ixx zirguann duiwlip ee qaiwliam sukyw. Liw lirkuixee soxjai duxx si liw kia ee soxjai. Ui'id qaixvenr :ee, jixsirr liw ee quandiamw. Jex si soxui “MAHAYANA” tuantongw quandiamw, hro lanw texzin banrbut longxx si Vut, lanw dirr dua junn-dingw, junn jaw dyrr dirr hiax lor. Jinr jit vo qongw, Vudqaur juewqyx qauwgi “byy guaw”, incuw, byy zimrhylangg dirr junn-dingw. Jinjniar ee jursingr si ciauuat sing'uac/ vudsingr, lanw jixvutqyr si banrbut qidiongx soxx sanxsingx huanwqag ee jit siyw pnir ziiw. Jex dyrr si MAHAYANA.

ANNE DYRR SI AIR! SI LIW EE SIONGRDER!

Liw soxx tniawsiyh ee a'sunx, ix si liw ee siongrder!

Suar lyc laii, lanw beh qongw “hnuahiw YOGA”. Liw ee sing'uac dyrr si liw ee YOGA siuhing. Cniurr RAMAKRISHNA soxx hing'iongg :ee “liw tniawsiyh ee a'sunx, ix si liw ee siongrder.” jitt xee vutkyxsugi ee hunwlen dirr: qauwdy lanw dirr qang jit xee si'kongx-ha jinwzip hiqongg jongrtair, qandna' juanxvenr iwsig jancur, qaixven sniurhuad vangwdiau surbut singjniaa ee binrbak, liauxqaiw diyc “anne dyrr si lor! Jex dyrr driyc lor! Anne driyc ar!” liw erdangr kingxding qongw “si anne!” diyh'air singx hiyxding: m si! Jitt jiongw hunven linglik hro liw jinwzip lingrgua jancur ee iwsig jongrtair. Hiyxding “m si”, si knuawtai ee hongsid.

Vuddyy si jingxqyy iwsig simganw

uanjuann packuix ee langg

Jex si taur quer jongvair soxx qinglik ee luxdingg, in'ui sinbingg dairviauw mow tingdo ee lat, mow jiongw bagjiux byy hxuad sui' knuawqnir ee diwsig/ air ee iwsig. TANTRA Vudqaur ee juqur “jongvair sinn, liw rair jniajyr sinn.” iwsur si, liw rair dirr liw jurqiw luersimx cue cud hitt xee sinbingg soxx dairviauw/ siongrdingx ee iwsig jancur. Liw narr jyr e qraur, dyrr si jongvair hitt xee sinn.

Bylun liw ixx sniaw miahy cinghox hitt xee sinbingg byy diongriaur. Langg' qongw “or, lanw si Qidokdoo: tnive/ singwjuw/ singwlingg, ixqibb singwbuw MARIA.” mrqyxx zuqyw liw byy hxuad jinwzip jurqiw luerjai Qidog ee jancur, dyrr byy sngr si Qidokdoo. Jiauww liw soxx drat qaur ee qakcnew jancur, liw jongvair :ee, ham' qang qauwhue byy qang jancur ee langg, si byy siyqang ee. Qongw liw dirr jitt xee qauwhue/ hitt xee qauwhue/ iacc si qitnax qauwhue singguann, si siarhue qaiwliam, ham' jongqaur buquanx ee siarhuerhak henrsiong.

Liw ee jongqaur qra liw qongw liauw sniaw?

Jyr jit xee Iutaiwlangg? Tenjuxqauwdoo?

Iacc si qar liw zuhyy jyr jit xee langg?

Guaw jit xee siauwlenn ving'iuw JOHN, dirr Tenjuxqauwhue zedsimx Qidokqaur poxser unrdong (ECUMENICAL MOVEMENT) sii, jniajyr Iasohue AMERICA kanbut ee venjib. Hitt sii muixx jit xee langg dy' sniu beh qra Tenjuxqaur ham' qitnax jongqaur lenhap kiw laii, kiokk dongsii inx qycc knuar qitnax jongqaur byy bagde. JOHN jongxsi anne qongw : linw bersaih anne knuar Inwdorqaur/ linw bersaih dnago pixsniur inx, linw rair didjiab binrduir.

Dirr BANGKOK vran jit xee dua hxingg Tenjuxqaur huergi, qokk lingsiupair zinsu --- cniurr CISTERCIANS/ TRAPPISTS (1664 nii dirr Huatqog LA TRAPPE congwlip) ... dringw --- qiongrdongg cam'uw, JOHN ixx quancatguann camqax. Sunrsuar qongw jit xe, THOMAS MERTON (1915-1968, Bixqog jongqauwqax/ jokqax/ sinviwjuxgirjiaw) dirr jit vaiw huergi quewsinx, ix druar dirr mow luxquanw, qongxx denrkir jrngx liauw m driyc ngiu virr den siw. JOHN au laii qra guaw qongw, MERTON siw jingg hitt dniuu qangxenw si soxx tniax quer siongrr jingcaiw ee.

JOHN dngw laii au qongw, Qidokqaur siusu ham' Vudqaur huesniu qautongx-siong byy bunrdee. Cniurr zimrhyy sniu beh jniajyr sizinn :ee longxx jaix, dng' ixx mow jiongw jingsinn texgiam sii/ bunzi jixvutqyr si snuawsyh ziiw/ texgiam vunxsinx ciaux quer genqiw qaixsueh. Jongqaur iwhamm hro jongqaur amwviw gixgenn qanwjiab viauxdat cud laii. “danrsi, hiaxee qandna' tak quer ceh kiokk kiamr jongqaur texgiam ee sewsiok zinguann, dyrr vutduan huatsingx ciongtut.” ix anne qongw.

Sniaw si tenqog?

Si lanw duiww junjai dirr lanw siwjiuuii

lanw ee digzinn, ixqibb soxu ee langg

busow-vutjai sinsingr henxhen ee lixqaiw

SIMLIW JUANXHUAR

lirkuix lixsingr hertongw ....

Lanw jingg soxx dramm Vudqaur diongsimx kywdee ee jingsinn, “lirkuix lixsingr hertongw, jinwzip ingxqiuw tuidong banrbut ee qibiau qinggiam.”

tongx quer sing'uac

lanw jiacc e qinggiam qycc tuandat

hitt xee lingsingr

tongx quer snewmia

lanw jiacc hagsip diyc sing'uac dirr lingsingr nirr

juanbin duiqiuu lingsingr ee langg

jaix snewmia ee bogviaux si sixbongg

E qir .did bad ham' ALAN.W.WATTS (1915-1973) u quer jit dnxua cuwbi ee duiwue. Ix jinjniar si vutkyxsugi ee langg. Guaw ee kunwziauw ji'id si JEAN jongxsi nguar qaur, ham' ix iog dirr mow soxjai sna' qnir, jit danw dyrr si vnuar diamxjingx. Lamsingr danw luxsingr qaxnaxx jin' suwsiongg. Luxsingr beh lirkuix cur jingg u taiww je dairjir beh jyr, jit xe quw dyrr quer liauw vnuar diamxjingx!

Dirr NEW YORK Ci cud mngg qaur zimrhyy soxjai jiwjiyw vnuar diamxjingx, si jauw be kir ee. JEAN itdit si qaix qaur ee siqanx jiacc cud mngg, guaw dagg vaiw danw ix jiacc quw jin' kunwziauw, mng ALAN “ qaix jnuaxngiu jiacc hyw ne? Guaw danw qaxx jin' siurkir, ix jit qaur, guaw jongxsi pnaiw knuar bin.”

”Liw ee bunrdee si liw beh ix laii, liw soxx qitai ee jingqingw m si liw henrsii ee cuxqingw, liw rair jaix, dng' liw danxtai sii kiokk zinruii vutqaix danw, liw pywhai liauw danxtai texgiam ee qihue.” ALAN anne qongw.

Ixau, danw JEAN jniajyr simlingg texgiam. Guaw duiww jurqiw qongw “mair sniu JEAN ingwqaix qaur ar, knuar siwjiuuii huatsingx liauw sniaw su.” liw qamxx jaix? Guaw soxx danxtai ee xui venr qaxx cuwbi lor, jit diamw aw dy' be qamxqag buliauu. U sii qycc hibang JEAN kacc ban qaur lehh. Jex duiww guaw vunxlaii naxjunxx byy kyxlingg, itdit qaur tniax quer ALAN ee qenwgi, guaw ee sniurhuad venr ar.

Jex si iogbang/ qniahniaa jokquair. Qitai jit xee lanw qewue ee jingqingw, suacc joxgai henrsii-ha ee texgiam “anne dyrr si sing'uac! Juwsinn knuar! Uac tiaur ~ ee sing'uac!” jitmaw guaw erdangr hnuahiw jurqiw ee cuxqingw ar, danxtai m si buliauu dai ar. Simliw ee juanxhuar hro jaxjingg pnaiw zimxsiu :ee, venwjniaa lixqaiw/ hixair, duiww jurqiw u loriong!

Jixiaur liw ee hingdong laijurr

qniahniaa/ qitai

dyrr qra jurqiw danr zip

hiuxnua ee kongqanx

QAIXVENR SIMX EE UIRDIR

Benw qaixvenr sewqair, jixiaur juanxngua quandiamw dyrr e qniaa cud koxlan.

Soxu jongqaur siuhing ee bogdig dy' si beh drat qaur simliw juanxhuar. duiww sinbingg ee liauxqaiw/ hongrhenr/ hogbu, jiauwqor liw ee qniaxzii/ dirliauu jiuxqongg :ee/ jongqaur uahdang-diongx, congwjy cud liw jurqiw ee bingngiu/ gisid. Zuqyw qamxqag diyc banrbut longxx si BRAHMA, anne zimrhyy uahdang dy' kyxiw bingngiu: uahdang ee quewdingg, jyr dairjir ee hing'uii, virr quancad ee surbut/ langg --- zimrhyy surbut longxx vauquad jairlai.

Jaiww dngw laii sewqanx si

dirr qokk soxjai

knuar diyc qonghuix

Quanqenr bunrdee si qaixvenr simx. Liw dywdngw laii :ee si liw dongcox lirkui ee soxjai, narr byy, luxdingg byy sngr uansingg. Dngw laii qaur liw zinruii jurqiw snewmia ee soxjai, qangrkuanw ee jitgiap, byy itding qangrkuanw ee dniusow. YOGA “si” siulen/ m si hitt soxjai.

Qra jurqiw qauhur snewmia ee hongsid si

qra siogser danr duiww taukag au kir

snah simx did diyc byy hiuxnua ee surbut

qycc qniax songwsid

anne

byy hxuad qra jurqiw qautog hro snewmia

Qniax/ iok si siarhue jyrsingg ee. Kyxvixqongxx, mow senrsimx zinsu uaw laii qra liw qongw “gunw kongwgi hudjuw buxkir, cniaw qazip jitt xee dinrsnuar.”

zuqyw liw si sidjenr liw ee siarhue jikzim

hex qinvunw m si “liw ee” hing'uii

si siarhue qax dirr liw srinx-siong

hro snewmia li hng liw

Beh binrduir jitt lui qiongjewsingr siarhue girbu ee iauqiuu, viauxsi liw ham' henrsiong sewqair sing'uac dedsu huatsingx quanlenn, soxiw kud jairr qidiongx. Liw kyxiw jiwguan camqax, danrsi vingrr byy girbu itding rair cam'uw, marr byy vitzenn si zinlui ee jiwsen, juanzenn jixsirr suatqaur ee huanrdiuu.

Liw cuwvnix ee langg qongw “uirjnuaxngiu jiacc ingg jingrjy? Kiw laii uirr siarhue jyr quaw su, liw duiww jitt xee sewqair u jikzim.” qitnax jiongxjiongw luirsu anne ee su... Jikzim m si laijurr liw ee qniahniaa, si siarhue qax dirr liw srinx-siong ee/ si siarhuersingr ee; ngua jit qxur qongw, rair virr lixqaiw jyr siarhue jikzim.

Juwir jit kox juaxpiyr (Bixqimx) hitt xee sewhanwlangg. Ix diamrjing ee bagsinn henwcud juanvo ee jingsinn. Zuqyw dirr hingdong ee sewqair, dyrr rair dirr qimzirtah erbin mow jit qag; m quanw jicii binjuw/ qiongrsanw juxgi iacc si FASCISM, longxx byy iauwqinw, bylun dirr dycc jit xee texjer-ha, iuguann dirr siqanx lingxhik-lai, simlingg ee qonghuix qangrkuanw jiyr tnide. Bylun dirr dycc jit xee uirdir, iuguann kyxlingg virr qiongjer cam'uw/ apjer. Jex si siongduir bunrdee. Soxu pnuawduan dy' duer diyc liw byy qang uirdir juanxngua. Sxen-og m si juadduir :ee, si knuar liw kia dirr dycc jit vingg.

Hanrjer laijurr

liw ee pnuawduan

guaw tniax quer jit xee jin' hyw ee le, si guaw ee ving'iuw duisuii inx huesniu ee qowsu. Dirr TIBET, e kir dosatdniuu brew jit jiah ngiuu hongwsingx, jex si qew sxen, suar lyc laii jit dxuix bixluw uii diauu jitt xui huesniu, hongwsingx go-vah buew hii, uansingg jitt xee hiqew hing'uii.

Dirr MONTEREY, jit qrunn bixluw pnuarduer jitt xui huesniu iwdoo brew go-vah buew hii, qniaa quer jit qingx qycc jit qingx diywzirdiamr, hitt sii hizi dng' kiamr, diamwjuw m kingw bre, jin' byy qanxdanx cue diyc jit qingx guanrir ee, inx jit qrunn langg qnrua diyc go-vah jiah hii kir qaur haiw-vnix, qycc uirr jiaxee hii vran jit dniuu jiokhog ee gisid, jit tangw jit tangw qra hii dryr zip duarhaiw hongwsingx, qetqyw inw laii jit dua qrunn haixjiauw, hitt xui huesniu jing'au jauw byy tingg, beh qnuaw jauw haixjiauw, ix cing ee huesniu dngg snxax duer ix itdit vuex.

Duiww haixjiauw si hyw su, duiww hii dyrr m hyw, jitt xui huesniu ixqingx suanw liauw libdniuu, ixqingx byy dionglip ar. Jex duiww guaw si jit xee jin' diongriaur ee qowsu. Jit xui huesniu cam' go-vah bew hii, ciangjai hro guaw ciyr qyxx jingsinn.

Jex marr si uirsniaw sraix/ ngiuu tex jywhuew si jin' hyxciyr ee uerbin. Liw siongxsiong dng' sraix jiac ngiuu ee sii, inx tedyw jywhuew, naxx decc qongw “sniaw dyrr byy huatsingx, byy huatsingx sniaw, byy sniaw dai!” jex si ui' singhuaa qakdo laii qaixtok, siaubet jurgnow diongsimx iwsig, ixqibb ham' qitnax surbut ee quanhe. Benw qaixvenr sewqair, jixiaur juanxngua quandiamw dyrr qniaa e cud koxlan.

Snewmia jongxsi tongwkow

lanw byy hxuad qaixvenr, mrqyxx ersaih

qaixvenr jurqiw duiww inx ee tairdo

JURGNOW SI SNAW?

benw zip kir ciurnaa-lai ... ....

Iuxquanx Vuddyy cam' jit qrunn YOGA siuhingrjiaw jywhuew ee qowsu. Ix qongw “ u jit vaiw guaw iaux qaxx jit kap diyc ui, dyrr bongx diyc liongqud. Hionghiongg qamxqag jex m si qniaa hiongr qakgno ee lo, sinkux lenrr kipsiux qinggiam ee texlat dy' byy, qyckacc benw qongw qakgno lor. Incuw, jiac liauw derr id dxngr vng.”

Hitt sii hurqin jit xee qoxjuix ee knuawguu jaboxginxaw, iong jit-cingx jiah guu ee lingx kir cri jit-vah jiah guu/ qycc tec jit-vah jiah guu ee lingx cri jap jiah guu/ jiong' jitt jap jiah guu ee lingx cri jit jiah guu, juewau pangg jit nguaw jitt jiah guu ee lingx hro guaw limx. In'ui jinglen quer ee gulingx haurlik qiongdua, guaw limx lyc au, qui' sinkux sui' ciongbuanw uahlat, sunrciuw qra nguaw danr zip kelauu nirr, qongw “zuqyw jitt xee nguaw dyr hiongr lrauu duiww quann soxjai, guaw jiong' sxingg Vut.” qyxzenn jniwjuiw lrauu. Qakgno dirr hitt mee limqaur.

Qniahniaa

hro jurqiw kud dirr

kacc qe hertongw ee guan'inx

Zuqyw lanw sinkux u mow jiongw duiwkongr ligsuw diauliuu ee lat, dyrr e ui' qidiongx tuatli. NIETZSCHE qongw “kacc sewzi lehh! Jniwhongx pruir tamm!” liw jaix anne e u sniaw qetqyw! Danrsi narr jniwhongx pruir tamm, erdangr dnaxqig diyc vadd langg, liw jiong' sxingg Vut.

Guaw jongxsi e cue diyc jitt lui ee diaurtauu. Dng' guaw kir vran diauwvingx juwceh sii, dingqir dyh aurbin jre snax xee javox, jit xee jabow. Guaw qra qaqi qongw, narr si hitt xui luxsingr qiyr guaw ee miaa, dyrr benw kir jywvingx lor. Qyxzenn si anne, inx cua guaw zip kir sii, huathen guaw ixqingx snax-jap-veh huer, dongzenn byy air guaw jit xee lau qoxdongw. Guaw ham' vudqauwdoo ee knuawhuad kacc qangg, dairjir e anxjnuaw huatsingx dy' unxqamm dirr henrhongw-ha, jauxcue anne ee jingdiau si jurzenn qycc cuwbi ee.

Dirr sehongx tuantongw, be jiauww jiaxee qowding mosid unrjog. Lanw siongsinr hingdong ee qewdat pnuawduan qapp quatding, si qaixvenr ee insor. FREUD hing'iongg jurgnow si “jinsit guanjig”, jiong' liw qapp “jinsit” kanlenn kiw laii; jiax REAL ee R si siaw jyr “r”, iwsur si qywvet ee qingxgu, ixqibb qapp jiaxee qingxgu ee quanhe. Lanw ee bunhuar, pingqer jurgnow guanjig dyrr anne huatdenw cud laii. Maxmah e mng “JONNY, liw beh dycc jit jiongw vingx? Ciwpy'aw? Iacc si canhniucauw ee? JONNY jongxsi did diyc jurqiw soxx suanw :ee.

Dirr danghongx duxx sionghuanw, jyr muixx jit hxang, dy' si langg' qiyr liw jyr ee, langg' dirr binrtaujingg he sniaw, liw dyrr tec sniaw. Zuqhyw liw jyr ee muixx jit hxang dy' si vadd langg rair liw jyr ee, jurgnow dyrr huatdenw be cud laii ar. Incuw danghongx byy jurgnow jitt xee qaiwliam/ inx m jaix jurgnow si sniaw/ jurgnow dirr siarhue byy vanrenw zimrhyy qaksig/ hiax byy qywzinn ee pingqer.

FREUD simlixhak ee vunxgnow logtiongr guanjig --- jip'id dirr jiahmic/ susongw / singwiok/ snewmia vunxsinx ee --- lanw soxui ee “qenrkongx/ jaihur/ snetnuar”, dairvorhunrlangg uac lehh ee bogviaux. Qaxsed “ciaugnow”--- quihuan qywzinn ee siarhue ludhuad, laii duiwkongr vunxgnow; qywzinn soxx jyr :ee si siarhue zinruii ix qaix jyr ee/ m si qywzinn sniu beh jyr ee. Ixx simlixhak laii qongw, donghongx ee ciongtut uanjuann qaiwding dirr ciaugnow-vunxgnow jiqanx. Jurgnow guanjig uanjuann byy virr kyxlu jairlai.

Sunqiuu kexhuad ee donghonglangg lirkuix inx qadingg, jauxcue jingsinn dyrsux, iauqiuu dyrsux qra ix cniurr qiuu, iacc si le'axkag hitt ngiu ee jurgnow pah cruir, dyrsux tec siongrdingx YOGA siuhing ee ca'tuii “vongg!” jit sniax, ix ee jurgnow byy junjai ar. Sehonglangg duar diyc cniurr gamjiyc hiacc ding ee jurgnow --- itdit vuepnua ix jingxqyy snewmia jixdy lat ee jurgnow, iauqiuu dyrsux qra pah puar, qangrkuanw ee ca'tuii, “vong! vong! vong!” pah sir-jap dxangx iuguann byy jit diamw aw haurqyw, cue jingsinn dyrsux ee sehonglangg, zuxx laii zuxx byy kuaiwlok.

Guaw singzin, zuqhyw liw kuriuw simlingg pingqer kinghiongr ee langg, liw ee sniurhuad qapp soxu ee dyrsux dy' byy qangg, vitzenn u lingrgua did diyc kexhuad ee lo. Guaw zinruii RAMAKRISHNA hitt xee hyrjyr “qauu ee hongsid” kyxiw dirr sehongx bunhuar juanxvenr siongdongx Vudqaur ”diongdy”ee hongsid. Ngua jit qxur qongw, dirr jurqiw luersimx cue diyc sinsingr kongqanx ee diongsimx sii, dyrr benw kir ciurnaa-lai lor. Liw erdangr u qikiauw ui' jitt xee diongsimx did diyc liw jurqiw ee vingjing. Suibongw liw ham' jitt xee sewqair vyxcii jiapciog sii, iuguann kyxiw junsunn jitt xee diongsimx quer sing'uac.

QRA LO NIU .CUD .LAII

siongrder qniax siongrder? Siongrder qamxx qaix dinr siongrder ee lo?

U jit xee langg ~ longxx jaix ee Inwdo gurgenn, si RAMAKRISHNA ciangjai iong laii suatbingg jerngiu hogjap iwsig janbin qapp ciauuat iwsig jywhuew he dirr simlai si zuarr kunwlann/ byy iong'i :ee. Qowsu anne qongw, jit xui siauwlenn siuhingrjiaw, duxx ui' ix jingsinn dyrsux hiax liauxqaiw .diyc, ix jurqiw vunxjid-siong ham' jicjair uxdiu ee lat, dyrr si lanw dirr sinhak sukyw-diongx zinqechuar ee “siongrder” si uanjuann itdir, qapp uxdiu juxjnaiw/ jun'iuw hab'id ee qaiwliam, hro ix huisiongg qamxdong, jimr dirr jitt jiongw cutsinn jongrtair ee jinghongw-ha cngx quer jngtauu, qniaa hiongr jngx-gua sii, jit jiah cnxiu qingqah qxer jit daii qiy, amrqunw jre jit xee qnuaw cnxiu ee langg, duiww ix jitt vingg qniaa uaw laii. Siauwlenlangg dngdecc bingngiu “guaw si siongrder, banrbut dy' si siongrder” jitt xee girdee, dongsii knuar diyc cnxiu hiongr ix qniaa quer laii, “cnxiu marr si sinn”, cnxiu kax qruar giang'aw, duer diyc dua vo dau vo ee kavo huatcud jetjaur, qewsiok hiongr jingg qniaa, jre dirr cnxiu amrqunw ee langg kaisiw dua sniax huah “ siamw kuix! Siamw kuix! Qra lo niu .cud .laii ! Liw jitt xee dua gongrdaix! Mair dinr lo!” cutsinn ee siauwlenlangg iuguann sniu “guaw si siongrder, cnxiu si siongrder.” tniax diyc qnuaw cnxiu :ee duarser sniax, qycc sniu “siongrder qamxx qniax siongrder? Siongrder qamxx vutqaix dongr siongrder ee lo?” jitt xee qingxsiong qewsiok jinwhingg, qnuaw cnxiu :ee huah qaxx qiongbecc liahqongg, dimm dirr bingngiu :ee dnia dirr lo-diongx, marr moh diauu jitt xee ciausewsiok ee qenwqaiw m vangr, itdit qaur cnxiu iong pni qra jitt xee siauw :ee qngw .kiw .laii danr kir lo-vnix.

Sinkux hro cnxiu dua hnair jit xe, jingsinn marr siurr dua hecqniax, qui' srinx langg siag dirr toduix, suibongw ocnix ginghueh byy qaiww giamdiong, mrqyxx langg suacc sitsinn logpig, danw ix jurqiw vreh kiw laii, ixqingx m jniaa langngiu lor, jin' m qamguan, dngw kir cue dyrsux tyw qaixsuad.

“liw qongw, guaw si siongrder,”

“byy cyr! Liw si siongrder.”

”liw qongw banrbut si siongrder.”

”driyc! Banrbut longxx si siongrder!”

”anne, dua cnxiu marr si siongrder?”

”si, hitt jiah cnxiu si siongrder. Mrqyxx liw jnuaxngiu byy tniax cnxiu tauu hitt xee siongrder qiyr liw niu lo ne?”

--------<MYTH TO LIVE BY>------

diwhui qapp gugong

sidjer-siong si siyqang ee

nng xee duiww sewsiok ee iwqenr

jit diamw aw dyrr be suaw dinxdang

Tuansuad qongxx, dng' Quansewimx bagjiux knuar duiww erbin jitt xee koxlan sewqair sii, simlai ciongbuanw juvix, hro ix ee tauu sui' snex cud busor liap tauu cud laii ... dongsii sinkux marr snex cud jit-cingx qix ciuw laii qiur koxlan, cniurr suxx langg baghinn ee qonghuix vangr cud ee lingkir, muixx jit xee ciuxsimx snex cud jit luiw bagjiux knuar tangr itcer ... ...

Quansewimx posad srinx-siong muixx jit xee moqngxkangx sikhongr cud cingx-bxan xee Vut/ qokk jiongw singwded, tuannvor juann sewqair. Ciuw soxx lrauu cud :ee, qra dergak lingxdongr kiw laii, senzinn jiac ee hyxliau cri vaw iaugy iaxquiw ... ... ixx BRAHMA sinhun cuthen dirr BRAHMA binrjingg, ixx singlixlangg sinhun cuthen dirr jyr singliw :ee binrjingg, ixx kuntiongg hingjong cuthen dirr tangtua binrjingg, ixx qokk jiongw budjiongw ee sinhun cuthen dirr inx ee binrjingg ... ...

------Campbell <THE MYTHIC IMAGE>------

LUXSINGR (ji' id)

Lamsingr si luxsingr snex cud laii ee, siw au dngw kir luxsingr hiax.

Jixu luxsinn jiacc jaix zuhyy hiabjo lamsinn ngiaa diyc singwli/ tuisag itcer sinvir sewqair lingliong; qisit, lingliong dirr lamsingr sinkux-lai, inx kiokk uanjuann m jaix. Inx siongsinr jurqiw jin' iongxqnia, mrqyxx narr byy jitt qrow lat, inx lenrr cauw marr byy qraur kuiwlat sionghai. Luxsinn bad :ee si VEDA jewsix soxx qongw BRAHMA/ Inwdorqaur qauwdoo hyrjyr SATI --- dyrr si lingliong, marr si uixdai luxsinn jurqiw ee vunxjid/ miahy, ix u jaidiau hiongr jiongww lamsinn qaixsueh jitt xee ywvir ee jun'iuw, kyxiw qra jitt xee viwbit qar inx --- in'ui si luxsinn jurqiw ee viwbit.

-----CAMPBELL venx ZIMMER <THE MYSTIC VISION>-----

Inwdorqaur soxui ee lat ---SATI, sriok ximx, si luxsingr dairviauw lat ee juanvo, lamsingr virr sokjy luxsingr dairlixzinn ee hingsiong. Jiurr jitt xee iwgi, luxsingr jurr lamsingr srinx-siong ee lat --- dyrr si JUNG simlixhak soxx qongw ee ANIMUS --- luxsingr lat ee digjithuar, si jitt qrow lat snetuann cud ee mosid.

Muixx jit xee jun'iuw dy' u siangdingg binrngiu, iuxsen qapp okjid. Soxu ee sinn dy' u belangg qycc qniax langg ee hingsiong, jairr qywzinn jiapqin inx ee jinghongw laii dnia; danrsi uixdai luxsinn si sewqair ee lingliong, ixx qokk jiongw surbut ee hingsiong henxhen. Soxu iuxsen/ okjid binrcniux dy' si ix vunxjid ee dyngiurbin. Dirr qywvet sinbingg srinx-siong knuar laii, naxx zirguann duiwlip, ixx juantew jun'iuw tamwqiur, kiokk si buhan(byy han) dyngiu ... ...

luxsinn si snewmia vunxsinx byy sniax vyxjingr; ui' ciurnaa duarhuew au ee huexhux nirr, vue'iongw cud sin'enx ee hueluiw, jit dnxua ciurqix dyrr u huatdo vuh ngiw snetnuar; anne ee sinx snewmia, siwjiuuii knuar taur, jixsirr snewmia ee juanxngua, vingrr byy sixbongg ee sin'ngiaw, cniurr lanw jiac juixqyw, iacc si ui' huehngg ad ciurqix, lanw be kir juwir diyc sixbongg.

Bylun liw jyr sniaw, si cingcnew iacc si kunwbinn-diongx, ziogtew pnuaduer simlingg qagjniux sunkuann nirr, u iwsig iacc si jurzendig; bylun sinkux singdiongw jongwdai/ suevai, kipsiux/ vaisiar, cuanxkuir/ snetnuar, iacc si siauqaiw hunwno/ tongwkow ee jewhan quewdingg-diongx jyr liauw sniaw --- longxx si dairde buxciux (JAGANMAYI, soxu sewqair qapp jun'iuw josingg.) ee denxhen ziiw, ixx uxdiu buhan/ cingvenr-banrhuar ee sin'ngiaw, vutduan jinwhingg qangrkuanw ee quewdingg ... ... liauxqaiw luxsinn sna' py/ huixbet ee siangdingg digsingr, jailan sii ee vingjing, huxvai-diongx ee vyxho, dyrr si liauxqaiw ix qycc did qiur ... ... ix si snewmia huanlok/ okdok huixbet ee uanbiw hingsiong; jitt nng jiongw qigtauu ciongbuanw huisiongg dua ee qinxdniux, kiokk ingxuanw sna' lamw.

-----CAMPBELL venx ZIMMER <THE MYSTIC VISION>-----

Inwdorqaur nirr taiwiongg si luxsingr, guehniuu si lamsingr: lamsingr ui' luxsingr jiax cutsir, siw au huedngw kir luxsingr hiax, dagg qywguec qycc ui' luxsingr srinx-siong snex cud laii. Jitt xee uixdai ee ligliong --- SIVA si guehsinn. Ix ee pnua PARVATI si taiwiongg ee lat. Suibongw dirr Inwdo jongvair si ixx lamsingr juxdy ee hingdong hertongw, didjiab hiongr SIVA, juewau huedngw laii KALI luxsinn, Inwdo KALI luxsinn si siongrr uixdai ee sinn.

--- Inwdo luxsinn KALI--- dac dirr inx angsair SIVA dyw lehh ee sinkux-dingw, ciuw giac sixbongg qiamr, dairviauw jingsinn ee tuanwlen, hitt liap iauxx decc dih hueh ee langg tauu qra sinwdoo qongw, “huanrnarr uirr KALI sitkir snewmia :ee jiong' cue diyc sinx snewmia” “benw qniax” qapp “hro liw undenw” ee ciuxser qauwdy lanw, ix vyxho ix ee qniaxzii, jyrsingg poxpenr koxlan sringg siangx duiwlip m si inx viauxbin knuar kiw laii hitt ngiu, duiww jit xee ixx ingxqiuw jyr diongsimx ee langg, cenvenr-banrhuar ee siogser “sxen” “og”, vutqyr si simdiongx huanxngiar ziiw --- cniurr luxsinn vunxsinx hitt ngiu, suizenn binghenw dac dirr lamsinn srinx-siong, sidjer-siong kiokk si lamsinn hingrhog ee bixbang.

------Campbell <THE HERO WITH A THOUSAND FACES>-----

luxsinn

hro liw hingtew

marr huiw driau liw ee hingtew

LUXSINGR (ji' zi)

Javox congwjyr ligsuw, luxzinn si ligsuw

---- O.SPENGLER (1880-1936)----

Cuwbi :ee si, dirr vakhongx Aujiux hertongw --- ixqibb sanxsingx lanw soxx jaix “ximx qapp xiongg” qaiwliam ee Diongqog hertongw --- lamsingr si cimliogjiaw/ juxdong guanjig, luxsingr si jiapsiu/ virdong ee. Dirr Inwdo duxx sionghuanw, luxsingr si SAKTI, si sun liongqud hiongr tauu sring quann KUNDALINI ee juaa lat/ snewmia lingliong ee guanjig/ huatdongrjiaw. Lamsingr qandna' hibang mair qngw zip qidiongx, simliw-siong cuwbi qitnax surbut, mrqyxx dng' jitt qxow lat qingquer sii, kiokk virr sraiw dinxdang. JOYCE dirr <FINNEGANS WAKE> anne siaw “ guaw bagtauu qad ~ juwsinn sniu beh tniax ix gnaurgnau liam sniaw, suibongw jin juann jingsinn beh kir lixqaiw, iauxx si tniax byy, qycc jaiww jit vaiw hro jitt xee sewqair dinxdang kiw laii, qamxx m si jin' hyw? Ah! Hex si zuarr hyw neh!” dyrr anne, ix lag zip qidiong, cam'uw zip laii ar, in'ui luxsingr ciongbuanw sewqair muixx jit jann uanjingw lingliong.

Qangrkuanw dyrliw, Cnedangg Sidai ee sinue hertongw, luxsingr si uixdai ee sinn, si soxu lat ee laiguann. Vixzu, EGYPT PHAROAH jre dirr ongjy ee iwsiong-diongx, ongjy si hro ix kuan'uix ee surbut, ongjy dyrr si luxsinn ISIS. Qangrkuanw sinue iwsiong cuthen dirr BYZANTINE, dosiong anne rue : nge'aw Qidog jre dirr singwbuw MARIA ee katau'ux, cniurr PHAROAH jre dirr ongjy, tongxdir sewqair, mrqyxx ISIS/ MARIA si inx ee lat, itdit dirr vuerau tner diauu inx. Bixqog jongxtongw ee qu siongrpnir, lanw tongsiongg e knuar diyc jongxtongw huzinn kia dirr jongxtongw srinx au, ix si ISIS, jongxtongw si ongjy-siong ee ginxaw.

PYGMY (Huijiux olangg jogqunn ji' id) tiauwbuw sii, luxsingr jiong' qui' jok ee javox iong syh vak jywhuew, javox diam ~ kia lehh m qnaw dinxdang, qidiongx u langg qongw “ix hro gunw juanvo anjing lyc laii.” zen'au jiacc qra syh tauxvangr, decc jyr jit xee dongrjog sii, javox kaisiw cniur erbin jitt siuw quax (inx ixqingx sitkir jitt xee qivunw sinue ee juxdee):

“Ix ee juxqiongx si kongqanx lingxhik, ix ee simx si siqanx ee mec, ix ee snewmia si uxdiu ee bangrqingw, lanw muixx jit xee langg ee qywvet snewmia si ix ee huanxngiar ziiw; si ui' ix hiax laii ee kip'inxlat, m si hitt hnua laii ee.” iong <Singwqingx> ee ue qanxdanx qongw, ix si EVA; qyckacc sikdongx ee qongxhuad si, EVA jinr jit vo jniajyr buxcinx, vutjixsirr sriok zinlui, marr vauquad cauxbok/ jiyhtauu/ jiauxsiur/ tangtua/ hii/ zidtauu/ guehniuu/ cnxix ... dringw banrbut ee buxcinx.

-----CAMPBELL venx ZIMMER <THE MYSTIC VISION>-----

Lamsingr ee lat duer diyc SEMITES/ ARYAN ... dringw iubok binjok siarhue jiamrr kia quanser. Duiww inx laii qongw, lingliong ee qonglingg si kongwjer vnengiuu ee dongrbut. Cuthen liauw lamsingr/ luxsinn sinue quanhe ee bunrdee.

Dirr longgiap juxiaur sing'uac ee derkux

jongvair dairde/ luxsinn ee lat

paclac ee derkux

lamsingr ziog ee dongrlik

jyrsingg duisad dongrbut

Dirr SEMITES bunhuar tuantongw, luxsinn uanjuann virr dudiau, jniawtongxpair susiongw siongrr binghenw digsig, si lamsingr duiww luxsingr sinkux jitt xee sinn-langg, dairviauw jurzenn iuxqnuaiw lat ee derr id siongrdingx si qniahniaa. Jitt xee tuantongw dirr Qidokqaur simrjir qigtauu qaur qimwjiw siuluw knuar inx jurqiw ee sinkux. Dongdai ISLAM siongrr lamsingr juxdy ee jongqaur, luxsingr jixvutqyr si snex qniaw ee qangqu, lamsingr qonglingg si vyxho luxsingr. Guaw bad tingkax dirr PAKISTAN quiw diamxjingx, soxx knuar .diyc ee jinjniar vutkyxsugi! Hiax ee luxsingr qinvunw si tud jit xee vowvnee qniaa lo! Lenrr bagjiux marr iong vyc ~ ee vor sangx ~ kamr lehh. Liw byy hxuad jaix hitt xee quewlo :ee si lau qovyy iacc si suiw dangdangx ee luxsinn, zircniaw byy kyxlingg duiww vowvnee u sniaw huanxingr.

Lamsingr = siarhue dedsu

luxsingr = jurzenn sunrsi

lamsingr ee jikzim si ham' snewmia huatsingx kanlenn

luxsingr si vnewjniaa snewmia

Lamsingr ee juxiaur qonglingg si andir jit xee singtair kuanqingw, teqiongx hro luxsingr tuann qniaxzii/ dongsii junxvi hro luxsingr sanxsingx birlaii, in'ui ix dyrr si snewmia/ si juantew; lamsingr si vyxhorjiaw, si luxsingr lat ee dairlixzinn. Zuqyw luxsingr sitkir angsair, diyh'air jiapsuar lamsingr qaksig. Zuqyw liw zinruii jex duiww ix ee lingliong si cnehun :ee, anne dyrr m driyc lor! Muixx jit xee luxsingr dy' kuriuw ANIMUS ee qonglingg, jixsirr tongsiongg qra uixtog langg' ziiw.

Guaw zinruii henrdai siarhue ee jinghingg --- u hiacc je luxsingr lirkuix angx, qra jurqiw danr zip lamsingr singjiu ee lingxhik-lai --- si luxsingr ixqingx cutbe jerje mic, kyxlingg m si diauqowir, mrqyxx jex si sursit neh! Duer diyc lanw qiglik qiongdiau tah qaxx quann ~ ~ ee duarlauu, qra punwsia huexjnir sangr kir guehqiuu-dingw ... dringw hiwqioghuar/ qycc lamxsingwhuar ee uahdang sii, luxsingr ixqingx siongsinr jixu lamsingr bogviaux/ bixdig jiacc virr kingxding, zircniaw jiaxee lamsingr ee singjiu sik'iong muixx jit xee langg, hyxcninciu jixu lamsingr :ee jiacc junxsngr. Qisit m si anne.

Luxzinn quewkir jaix zuhyy quanxliw jitt xee sewqair, danrsi dng' inx juanxii qaur derr zi kxamw lingliong uirdir, qangjog ham' lamsingr byy cavet sii, suacc sitkir jinjniar ee lat, venr qaxx hunwno, in'ui sursit lamsingr jixsirr luxsingr lat ee dairlixzinn ziiw. SPENGLER u jit qxur qamxdang langg ee ue, cimx ~ jinr zip guaw simqnuadew, “Javox congwjyr ligsuw, luxzinn si ligsuw.” luxsingr dyrr si ligsuw vunxsinx, lamzinn qenwqor jit xee lingxhik, hro luxsingr jewjy ligsuw qycc jniajyr ligsuw.

Lamsingr qonglingg si hingdong

luxsingr si jniajyr snewmia vunxsinx

si dairde ji' buw.

Luxsingr dairviauw dairde, ginxaw cutsir jixsirr jun'iuw ee jit vorhun, uansingg jaw junjai dirr ix sinkux nirr ee qaksig. Luxsingr soxx singsanw ee surbut byy itding si ginxaw. Kyxiw si luxzinn soxx dairviauw snewmia ee lat/ pinxjid qapp jun'iuw. Jex si uirsniaxmic luxzinn binrmau/ singwqeh ee digjid dirr sinue qowsu zuarr diongriaur lehh! vingrr byy viauxsi guarviauw byy suiw ee luxsingr byy jitt jiongw lat. Lat junjai dirr muixx jit xee luxsingr henxhen sii.

”Uxdiu ee buxcinx” jitt xee sinue zinbut virr zinruii si uxdiu derr id ju'iongw/ vyxho ee luxsingr digjid henxhen. Jitt xee si jurzenn sanxsingx :ee; in'ui ginxaw duiww buxcinx ee tairdo, singlenlangg duiww siwjiuuii budjid kuanqingw ee tairdo jiqanx, junjai bidced qycc binghenw ee duiwingr quanhe.

--------Campbell <THE HERO WITH A THOUSAND FACES>-------

ZIMMER --- jitt xui luxsinn ee uixdai sinwhongrjiaw, sniu beh dirr Bixqog cue jit xee ansinx soxjai sii, JUNG qiqimhue ee laurtaiwtair vangjan ix, ter ix cue diyc qangjog/ druar ee xui ... dringw. ZIMMER qongw “dng' guaw knuar inx hiaxee bagjiux sii, guaw qra luxsinn qongw, guaw knuar diyc liw.” incuw luxsinn dirr muixx jit xee luxsingr srinx-siong huathuix jok'iong ee hongsid, m si cniurr lamsinn dirr lamsingr srinx-siong hitt ngiu, guaw ingxuanw berdangr be qir did “guaw knuar diyc liw” sii, inx siamxsih ee bagjiux si hiacc qngngiaw qibiau!

JAVOLANGG EE LO

Inghiongg ee lorqingr.

Sinue ee dosiong gixgenn nirr, luxzinn dairviauw virr zinrbad ee juantew. Inghiongg si kir bad jiaxee surbut :ee, duer diyc inghiongg zinsingx jiamrr kexbongg ee quewdingg dauc ~ jinwdenw, luxsinn ee hingsiong marr in'ui inghiongg ee laii qaur, sna' lensuar qinglik/ venwhingg: ingxuanw be viw inghiongg kacc dua, singlok :ee jongw si ciauquer inghiongg henrsii e liauxqaiw :ee. Luxsinn qra inxcua/ kuipuar, qycc bingrling inghiongg liongwkuix jurqiw ee kakaur. Zuqyw inghiongg e huhap luxzinn luerjai ee iwhamm, anne zinrbatjiaw/ virr zinrbad :ee horsiongx e ui' hanrjer-diongx tauxvangr cud laii. Luxsingr si qamxquanx morhiamw luxdingg jiwqyx inxcuarjiaw. Ui' duanxqenr ee ganxqongx laii knuar, luxsingr derui virr sag kir derr zi kxamw, budix ee siaog ganw-lai, si virr jxiur hiuxnua/kiapser. Danrsi e dirr lixqaiw ee zinsu ganxsinn-diongx did diyc vuevow. Huanrnarr erdangr jiapsiu ix vunxlaii binrmau, mair quewtauu iongxiuw ix soxx iauqiuu ee zinjuu qapp jursinr ee inghiongg, si ix soxx congwjy sewqair amwcangr ee qok'ongg, marr si sinn ee bacsinx.

--------Campbell <THE HERO WITH A THOUSAND FACES>-------

jit xee jaboxginxaw u jit liap jin' suiw qim'aw jyr ee qiuu, qimx si be hiuxnua ee, qiuu si busor uanbiw ee ngii, si jitt xee jaboxginxaw ee linghunn. Ix qac'ir dirr ciurnaa-lai, jre dirr juixdii-vnix --- jiax si derha sewqair ee zibkauw, ix hnuahiw dirr jiax qra siongrdingx jurqiw linghunn ee qimx qiuu danr laii danr kir, danr quann ~ qycc jriab kiw laii, danr quann ~ jaiww ... ---- domx --- jitt vaiw jriab byy diyc, lag zip juixdii.

Jaboxginxaw kaisiw hauw, ix sitkir linghunn, jex si zuarr utjud lehh! Songwsid snewmia lingliong qapp huanlok! Cniurr ILIAD ee TROY HELLEN virr qiab, TROY ee langg kir qra HELLEN cue dyw laii qangrngiu.

Qimx qiuu lag lyc juixdii, ginxaw ee linghunn virr derha sewqair ee iaxqauw tunx lyc vxag, dng' lingliong dimm lyc qaur hiacc cimx ee soxjai sii, juixdii erbin ee lat, derha sewqair ee jurbinn --- kiongxliongg --- cuthen lor. Dirr jit xee qowsu nirr, cuthen jit jiah ser canqap'aw, mng qoniuu “sniaw dai neh? Siyw qoniuu!”

“Guaw ee qimx qiuu byy .kir ar.”

“Guaw ter liw cue dngw laii, benw huanlyw!”

“Oaa! Jin' janw!”

“Liw beh jnuaxngiu vyxsow guaw?”

Qoniuu rair hongwkir moxjiongw mic, diyh'air u qaungua jiacc e ing tihh. “guaw hro liw guaw ee qimx benxliuu.”

”Hex guaw byy air.”

”Hro liw guaw suiw ee si'aw snxax.”

”Guaw byy air liw ee snxax.”

”Byy, liw air sniaw?” qoniuu duimng.

”Guaw beh ham' liw qang dyh jiac vng, jyr liw ee cittypnua, qycc beh ham' liw kunr jywhuew. ”

”Byy bunrdee, guaw e jiauww liw air :ee.” jaboxginxaw zinruii dap'inr canqap'aw byy sniaw diongriaur, rinr qaxx jin' cuiwkuair.

Canqap'aw cangr zip kir juixdew qra qimx qiuu tec kiw laii, ix qinglik morhiamw ee inghiongg, qoniuu lenrr suecsia dyrr byy, tec diyc qimx qiuu qinw ~ jauw dngw kir. Canqap'aw duer dirr aurbin diddit huah “danw .jit .xe, siyw danw .jit .xe! Ix qniaa qaxx jin' ban.

Jaboxginxaw dngw kir cur hitt zit amr, duxx ham' verbuw jiac amr dxngr, itcer longxx jin' kuaiwlok! Jit jiah ligsig siyw dongrbut dirr hording-vnix “quh ~ ~” qiyr. Jaboxginxaw binrsig venr qaxx damrvyc cnivec,

“Jnuaxngiu jit huesu?” vaxvah mng.

”Or, jixvutqyr si guaw ervox duw diyc jit jiah siyw canqap'aw.”

”Liw si m si ingr langg liauw sniaxmic?”

Jitt sii dyrdig bunrdee puu cud laii: liw rair qra soxu jiaxee dairjir lenn kiw laii.

Dng' qoniuu rinr “si” sii, “anne, qra mng packuix, hro ix zip laii.” vaxvah qongw.

Canqap'aw jitt sii iauxx dirr tokax, “guaw beh kir dyh-dingw hiax, beh jiac linw soxx jiac ee mic.”

Jitt xee, pywhai liauw amr dxngr ee kiwhunx.

Amr vng jiac suah, qoniuu junxvi hiyckunr. Canqap'aw duer kiw kir laudingw, dua sniax kar mngg qongw “guaw beh zip kir”, zip mngg au, qongw “guaw beh ham' liw kunr jywhuew!” jex ciauquer jaboxginxaw erdangr zimxsiu ee.

Jitt xee qowsu u je jiongw qetbuew, guaw siongrr qac'ir :ee si, qoniuu cutciuw qra canqap'aw liac kiw laii, siag duiww viah kir, suacc jauw cud jit xee endau'aw sangr, bagjiacmngg cniurr logdyy hiacc belangg. “guaw hro ang'ii jxiur jyr jit jiah canqap'aw” ix m qnaw duarhanr, iauxx si sewhanr javoxgin'aw, jaboxginxaw marr duxx beh duarhanr venr siauwluw. Inx nng langg qirjuat singlenn, jitmaw inx horsiongx vangbangg hro duiwhongx qniaa cud kunwqingw, jex si jin' bixhyw ee qinggiam.

Qycc laii ee qowsu, inx nng langg uanhunx ee derr zi zit, jit daii bexciax laii qaur dua mngkauw, hex si ongjuw ee bexciax, jurr ix venr jyr canqap'aw au, ix ee ongqog itdit byy vingjing, ongjuw cam' ix ee sinniuu jre zip kir ciax nirr, sraiw dinxdang sii, “vongg” jit sniax jiokk dua sniax, ongjuw mng bexciahux “jnuaxngiu neh? Huatsingx sniaw su?”

“Jurr liw lirkuix au, guaw simjong siwjiuuii u sir diauu tih kox lehh, jit diauu cruir .kir .ar.”

Dirr inx jiamrr qniaa hng ee vnuawlo, qycc tniax diyc snax sniax “vongg”, bexciahux ee simjong kaisiw jingwsiongg tiauwdong lor.

Bexciahux siongrdingx ongjuw su'iaur ee tuisaklat. Ongjuw byy jin ix ee jikzim, kiokk lyc zip derha sewqair, vutqyr ix cue diyc ix ee sinniuu.

Guaw iwair jitt xee qowsu, nng xee juxqag longxx u mahuann, qang dirr juixdii, qycc ixx quaiwqii ee hongsid horsiongx qaixqiur. Jitt sii sewqair itdit danxtai ongjuw dngw laii. Jex si inghiongg lo ee le.

JABOXLANGG EE SING'UAC

Luxzinn ixx byy qang lamsingr ee hingsid cua cud snewmia.

Qycc laii beh mng :ee, “luxzinn ee quewdingg qycc si zuhyy?” zuqyw junsunn sneliw qivunw dingrlut, luxsingr ee sing'uac sriok dirr jitt xee sewqair, ham' qadingg ee quanhe, nilau tewhiux au, itvnuax jinwzip soxui “a'maw” qaidnua, vnuaenw teqiongx qenwgi hro aurdai ee qaksig/ marr erdangr ixx jitt sewqair ee a'maw sinhun henxhen inx iycua snewmia ee singsik qinglik. Luxsingr iong byy qang hingsid inxcua snewmia, bylun sneliw/ siarhue hongbin, qaur liauw je huer au soxx vnuaenw :ee si cnia'ngiuw/ jixdy ee qaksig. Lamsingr qaur siongrr buew qaidnua viw luxzinn kacc viwsur.

Duiww guaw laii qongw, laurlangg ham' ginxaw ee quanhe naxjunxx si jin' dnibiw :ee. U jit vxag qoxjuix qycc cuwbi ee doo si IDA ROLF(1896-1979, Bixqog budliw dirliauu hagqax) ham' jit xee ginxaw, dangx-saix nng vingg qeckuix, horsiongx sna'

knuar: nng langg jiqanx ligsuw hingsingg ee jingxqyy qaidnua uanjuann siausid, jixu ix knuar liw, liw knuar ix ee ingxuanw snewmia. Zuqyw liw erdangr dirr moxjiongw ciokjinr hitt xee ingxuanw qinggiam guanjig, juann jingsinn quanwjur dirr dngxjniaa sunjinx ee siarhue quanhe-diongx, hex dyrr si jinjniar ee guanhingg qinggiam.

Mrqyxx, dirr ligsuw jerje surle, u jerje duiww luxzinn vnuaenw qaksig byy suwpuer ee huanxingr --- dyrr si qongw, ix jyr :ee si jurzenn/ siarhue soxx qitai :ee, kiokk dasyr/ byy simsig, jinghongw hunwluan --- si guaw soxui “morhiamw ee koqiyr”. Narr luxsingr dauzip lamsingr ee qangjog, jinwzip duiqiuu singjiu lingxhik, anne ix ee sinue qivunw ham' lamsingr inghiongg qangrngiu.

Dongzenn, luxinghiongg e duw .diyc ee kunwlann/ ix ee iuser ham' lamsingr byy qang, bylun inghiongg si javox/ jabow, luerjai luxdingg/ duicue bongrsiongw ee quiw xee qaidnua si qang ee, iwsiong u damrvyc cavet. Vixzu, lamsingr MANDALA ee diongsimx iwsiong ongxongw si moxjiongw qimqngx ee juvyw/ gxik ... luirsu jitt lui ee mic, danrsi luxsingr :ee kyxlingg si ix ciuw py ginxaw, si ix simlingg qetjnex, sneliw ee singlok simrjir juanxhuar jniajyr jingsinn hingtair.

Gunw kanx :ee juadduir m si qadingg juxhu, ix jit diamw aw dy' byy kunwlann qra lamsingr inghiongg knuawjyr luxsingr inghiongg ee duiwdingw qaksig, JEAN si gersudqax, ix ui' jurqiw jikqig juxdong ee qaksig did diyc jin' dua ee buanxjiog, guiqix qivunw-siong ham' lamsingr siyqang. Inx dongsu nirr, guaw soxx bad ee luxsingr dy' m si denxhingg qadingg juxhu, dirr gersut lingxhik did diyc buanxjiog, hex si guaw soxx jaix luxsingr erdangr iongxiuw jitt jiongw huituantongw sing'uac hongsid ee ui'id soxjai --- kyxlingg hagsut lingxhik ixgua. Zuqyw luxsingr cam'uw ee qongjog si tuantongw lamsingr qangjog, ngua jit qxur qongw, inx singjiu mow hxang surgiap, m si cniurr luxsingr jniawvanw, qodnuax danxtai virr singjiu. Guaw jurqiw qangjog huanruii-lai, zinrbad jerje sriok “taunauw luxiuu” ee luxsingr, danrsi jiurr guaw laii knuar inx, vingrr byy cniurr jinwzip gersut lingxhik ee luxsingr hiacc honghur ee buanxjiog. Inx kacc penx hiongr singjiu jitt bin, gersudqax ee buanxjiog laijurr jongsu ee gersut qangjog, nng jiongw si byy qang ee.

LUXZINN JIXIAUR JYR IX JURQIW DYRR U QRAUR AR!

Tensingx su'iaur binrduir ee hurdamx kacc dimdang.

Soxu bunhenr jin' jiyw u luxsingr morhiamw ee qowsu, in'ui ix ixqingx si “morhiamw” vunxsinx, ix ee bunrdee si sidhen morhiamw. GRIMM'S FAIRY TALES ee sewhanr jaboxginxaw morhiamw ee qowsu be jiyw, dairvorhun ham' mairzip singsik hna quer hording jingg iuxquanx: cniurr <kunwsinn bixzinn> , ixqibb soxu qangrlui ee qowsu, suar lyc laii si juxlangg jingsinn au ee qowsu. Luxsingr bang-diongx, inx luersimx jikqig ee jit bin ongxongw e ixx lamsingr ee hingsiong henxhen cud laii.

Lamsingr dairviauw :ee, si jiong' luxsingr lat inxcua hiongr mow jiongw digding qonglingg ee dairlixzinn. Mrqyxx lamsingr kiokk byy hxuad qiyr cnew jitt xee dirr inx sinkux-lai luxsingr jurzendig ee vunxjid. Incuw, jit xee beh jikqig cue diyc ix vunxlangg uanbuanw lat soxjai ixqibb qangku ee lamsingr, huathen luerjai luxsingr jitsor ingxx byy bunrdee. Ham' luxsingr sinkux-lai ee luxsingr iauwsor sna' viw, si huisiongg jiyw. Jex ham' sinkux singhun vixle u jin' dua ee cavet/ si vixle bunrdee.

Lamzinn beh hingdong

diyh'air tuatli inx buxciux

cue diyc jurqiw “jyr dairjir” ee hongsid

hex si tongwkow ee jit diauu lo

luxzinn jixiaur jyr inx jurqiw dyrr hyw

Guaw zi-jap gua huer sii ham' jit qrunn gersudqax jywhuew sing'uac, inx jerje si luxsingr. Guaw juwir diyc inx decbecc snax-jap huer sii, muixx jit xee langg dy' u hun'inx bunrdee, “guaw jitmaw rair qethunx!” dng' luerjai luxsingr jitsor koqiyr jitt xee ixqingx cue diyc qongwtuii qapp cak'aw jyr ix snewmia lat qangku ee diaukikqax sii, ix ee gersut vanghnua lor, in'ui duhuix ix ersaih sniaw longxx benw jyr, qui' zit juanjur dirr congwjog, narr byy, ix si byy kyxlingg u bixhyw ee gersut sing'uac.

Jitt jiongw pywhairlat be huatsingx dirr lamsingr srinx-siong. Dng' luxsingr diauwhuanr lamsingr sii, javox jixiaur qniaa uaw kir qethunx dyrr hyw ar, in'ui luxzinn jurzenn kia dirr hiax. Jiauww guaw laii knuar, jex si luxsingr morhiamw luxdingg ee diongrdiamw ji' id; luxsingr tensingx soxx su'iaur binrduir ee hurdamx kacc dimdang, ui' guehsu laii hitt sii kaisiw, suar lyc laii dyrr jniajyr luxzinn lor.

Sriu diyc snewmia anne ee diauwhuanr, si luxsingr ee bunrdee, jingxqyy sinkux qra liw qongw, liw byy iongxiuw jurqiw, lamsingr byy jitt xee bunrdee. Suibongw luxzinn marr e junsunn inghiongg ee luxdingg, danrsi iuguann e u duiww ix iauqiuu qitnax diauwhuanr cam' quanhe, dyrr si luxsingr soxx dairviauw jurzenn lingxhik.

Guaw dirr hun'inx siwjiuuii sec jit dnxua jin' dngg siqanx, juxiaur si qamxqag luxsingr jongxsi air hiangxsiu, hex uanjuann m si guaw ee cuwbi/ jex e qiauxcaw guaw tak ceh. Qycc lingrgua jit xee guan'inx si, muixx jit vaiw ham' luxsingr zinrjinx qauongw au, dy' u apvig: snewmia si dimdang ee, jin' qinw guaw dyrr dongr be diauu, bingbingg si siyxkuaw dai, arr e venwjniaa dua ~ ~, muixx hxang su dyrr si hiacc vutdikliauw, uaa! Guaw be genr! Quer jit dnxua siqanx, bunrdee qycc diongrhok cuthen.

HUIHIAMW CNGG

dairviauw luxsingr ee singwjingg.

Guaw qar quer sxor vah xui jaboxginxaw, inx jerje cutgiap au jinwzip gersut qangjog, JEAN marr qangrkuanw, jongsu qoxdenw buxdy venx bruw. Jerje angsair si berdangr zimxsiu inx anne jyr. Inx muixx jit xee langg diyh'air jyr suanxdik, narr suanw qra angx dauhangg, morhiamw ee lordingg sui' liauxqed ar. Jinjniar si anne or! Anne, qitnax muixx jit hxang dy' jniajyr tewdairpinw ziiw. Mrqycc bogviaux si beh iongxiuw liw jurqiw ee morhiamw, m si tewdai, jex juadduir m si qanxdanx :ee.

Guaw qar jiaxee siauwluw, vingrr byy sniu beh jiong' inx venwjniaa gixgenn hagqax/ ligsuw juanqax. Anne guaw qar inx hiaxee mic qycc beh congwsinaw? Inx dysor e qethunx/ snex qniaw/ jiong' jurqiw hongrhenr hro zidsiongg jabsu --- jiaxee dairjir ham' guaw qar inx ee quanwle qang, kixtauu iauxx u sinenx, quiw vaiw quer dyrr vehjniaw-bybi. Vutqyr suxiong qangrkuanw jailiau ee honghuad jerje, guaw ee sniurhuad si anne: inx jongw .si e u jurqiw ee qadingg, go-jap huer sii ginxaw longxx singqex au, jiaxee diwsig inx dyrr e u loriong, kik'ir teqiongx inx zuhyy dirr zinsingx au vnuar dnxua qaixtok jitt xee sewqair ee simlingg sinwsid, ixqingx si quxnii qu dai lor, qaur dnaxx iuguann ham' jerje hagsingx u lenlok --- dirr zi-jap/ snax-jap/ sir-jap dxangx au --- inx dy' viauxsi guaw ee honghuad iuxhau, qar inx ee mic duxx ju'iongw inx jingsinn sing'uac.

Cuwbi :ee si, dirr Zidvunw iacc si qoxlyw danghongx ee mow quaw tuantongw, simrjir duiziog qaur PLATO Sidai ee GREECE, qadingg juxhu si jit jiongw luirhingg ee luxsingr, juanbunn kuanxtai u kuanser/ u jnii langg ee gerqix qycc si lingrgua jit luirhingg. Hitt sii ee GEISHA jingtongx gersut/ bunhak/ duiwtamm, ham' qadingg juxhu byy qang ee sing'uac hingtair, dirr hitt xee tuantongw nirr, luxzinn kyxiw dirr hitt jiongw qaksig did diyc buanxjiog.

Bunhak nirr qycc u jit lui hurluw ee qaksig, danrsi guaw jurlaii m bad qnir .quer, si ixx AMAZON (tuansuad qoxdai druar dirr Ox Haiw hurqin SCYTHIA ee luxsingr) sinhun cuthen ee iongxbingw luxsingr. Luirsu ee qowsu qongw diyc Huatqog qok'ongg ee jaboxqniaw virr MUSLIM qiab .kir, suacc iwair diyc jit xee MUSLIM, inx cur-lai ee langg kiokk qra qiur dngw laii Huatqog, MUSLIM aiwzinn-aw amr ~ aw duer .laii, qycjaiww did .diyc, dng' inx junxvi taux jauw lirkuix sii, qongjuw hniadi josingg ee qundui beh qra cua dngw kir,

qongjuw mng aiwzinn-aw “liw qamxx gauu iong qiamr?”

“byy hyw, qandna' cngg-dingw qanghu kacc gauu.”

”anne, liw qewsiok jauw, guaw laii cuxliw inx hitt qrunn langg.”

jitt xee qowsu jin' janw, si juann sewqair siongrr janw ee qowsu ji' id, daddid qra ARABIAN NIGHTS ee qowsu cue cud laii knuar.

JOYCE qra luxsingr qongw si kanqauxaw: kanlenn qokqax/ langg jiqanx. Luxsingr ham' uanjuann cnehun bunhuar ee lamsingr qethunx au sik'ingr linglik viw qangrkuanw jinghongw-ha ee lamsingr qiongg quer jerje. Dirr <FINNEGANS WAKE> qongw diyc lingrgua jit hxang su: jit xui buxcinx u snax~ sir ee qniaw, u hyw :ee, marr u baiw :ee, maxmah air muixx jit xee, vingrr byy ixx singjiu/ zimrhyy jitt lui ee insor laii pingduanr qniaw, dairviauw :ee si langg qapp langg jiqanx ee quanhe.

Lamsingr jiangxag ee soxjai

dyrr u hunli

luxsingr lat juxkongr :ee

jongxsi vau'iongg, huizirguann ee digjid

In'ui guaw itdit qar jaboxginxaw, huathen inx ee hun'inx narr jin' sun :ee, dirr liauxqaiw angsair ee qangjog hongbin u jin' qiongg ee linglik, qiongg qaxx hro guaw e qniax .diyc. Inx jurlaii benw genxqiur dyrr erdangr jinwzip hitt xee jinghongw, in'ui angbow zimrhyy jit vingg ee sitgno dy' e pywhai jitt jann juwhuew ee quanhe. Guaw jurqiw ee le si anne: soxx siaw ee bunjiux dy' e liam hro JEAN tniax, ix teqiongx hro guaw qangjog-siong vitsu'iaur ee puepingg/ jicii. Lamsingr u sii e qamxqag naxjunxx byy su'iaur langg' hiabjo, sursit-siong si su'iaur ee. Jit xee vuerau u luxsingr jicii ee lamsingr qapp dandok ingwhur itcer :ee, si jin' dua cavet.

Gunw duxx qethunx sii, guaw sraiw ciax, bylun guaw jnuaxngiu sraiw, JEAN dy' qamxqag jin' hyw. Aurlaii guaw iwsig diyc ix simliw decc qaixvenr, u sii e puepingg guaw sraiw ee hongsid, quer jit dnxua siqanx au, ngua ix jixhuix guaw qaix jnuaxngiu sraiw lor. Jex itcer dy' erdangr jiapsiu, si ix sniurhuad ee venwhuar. Dairsingx, ix sniu “jixiaur ix jyr dyrr hyw!” liauxqaiw guaw kacc je au, dyrr byy uanjuann dong'ir guaw soxx jyr :ee .ar, suawbuew bad guaw qyckacc je au --- dairjir jongxsi anne --- jitmaw ix si tauqex ar. Guaw liauxqaiw qra ciax qaux hro langg' ee qamxqag; qandna' erdangr qongw “zuqyw lanw longr diyc sniaxmic, byy iauwqinw, jongxsi e quer .kir, byy dairjir!” huathen ix cuxliw qaxx jin' hyw, anne ziiw. Hex si “ huihiamw cngg (PERILOUS BED)”.

Jit xui cing jenwqah qui' sinkux buxjongx ee kisu

qniaa uaw “huihiamw cngg”

jixiaur ix simx sniu beh dyw kiw kir

cngg dyrr tiaur jauw

”huihiamw cngg” dairviauw

luxsingr ee singwde

zuqyw lamsingr erdangr zimxsiu

ix narr dongr e diauu

cngg dyrr diamrjing lyc laii

ix jiong' did diyc huevyr

Jingg jit dnxua siqanx, guaw liriong jit nii ee hiuqar, kir guarqog luxiuu, dairvorhun siqanx dirr Inwdo/ Zidvunw, marr kir liauw Taiwqog/ CEYLAN/ BURMA/ Daiuann. Guaw ee inwsiong si, jiaxee bunhuar ee luxsing, dirr muixx jit hongbin ee linglik dy' viw lamsingr qiongg. Kyxlingg guaw su'iaur kir guarqog knuar ~ qniaa ~ lehh, jiacc erdangr liauxqaiw dirr gunw jiax marr si anne, jex si sursit. Danrsi guaw duiww danghongx luxsingr ee uahlat/ kuan'uix inwsiong cimkig.

Dirr Inwdo ee siqanx siongrr quw, in'ui guaw cutvanw quer ZIMMER ee duwjog, daddid knuar ee soxjai cavutdyx qniaa taur, vauquad J.NEHRU ee qu cur, inx siyxmuai qra guaw dongwjyr ix camqax PARTY ee pnua, guaw qycc bad jit dxuix langg. Cing SARI ee Inwdo luxzinn knuar kiw laii jin' kiamvix, mrqyxx inx qinvunw m si anne, inx si qiongg qycc u lat ee. Dirr Zidvunw byy qangg lor, Zidvunw ee lamsingr huisiongg qiongjong, danrsi narr dirr cantniax knuar jit duir angbow jiac vng, si sniaw kir jersiaur? Si luxsingr, ix quanw jnii.

ATHENA/ HERA/ VENUS

Inghiongg ee vyxhorjiaw/ siuxhorsinn.

ATHENA juxiaur ee digsig si jyr inghiongg ee siuxhorsinn/ vyxhorjiaw, cniurr LAKSMI jitt xui Inwdo luxsinn, si qok'ongg iacc si zimrhyy jniajyr inghiongg ee jicijiaw. Lanw huathen ATHENA dirr gersut jokpinw nirr virr biyue jyr inghiongg ee vyxhorjiaw: dng' PERSEUS (sinue ZEUS ee qniaw) quah lyc iauquair MEDUSA ee tauu sii, ATHENA jairr dniuu, marr si ix qoxle PERSEUS kaisiw inghiongg surgiap. <ODYSSEY> nirr ATHENA beh TELEMACHUS kir cue laurve, dng' ODYSSEY vreh jnriu SCHERIE Dxyw, duw diyc PHAEACIAN ee qongjuw NAUSICAA sii, ATHENA marr cuthen; ODYSSEY ve-qniaw snahue sii, ATHENA jaiww dxo cuthen. Incuw, lanw ersaih qra dongwjyr inghiongg ee siuxhorsinn.

ATHENA dongsii marr si ACROPOLIS (PANTHENON sinn dxen ee soxjai) ee siuxhorsinn. ATHENA ham' vaxvah ee iwsiong iuxquanx, m si buxcinx, inx maxmah METIS ursinx sii, ZEUS qra tunx lyc vxag, snex ATHENA sii, si dirr ZEUS ee vakdow-lai, ATHENA ui' ZEUS ee tauu vuh cud laii ee. Jex si FREUD soxui hiongr siong juanxhuar --- lamsingr congwjy cutsnede --- ATHENA si ui' vaxvah hiax snex cud laii. Jiauww guaw knuar, dirr jitt lui tuantongw siarhue-diongx, buxcinx si lanw jurzenn vunxsingr ee maxmah, ginxaw si maxmah snex ee/ si jurzenn sanxbut. Vaxvah si verbuw-diongx dairviauw siarhue singsigjiaw. Incuw, javoginxaw ee singlenlew e ui' maxmah hiax jauw quer laii javox jitt vingg, zen'au inx jo ginxaw uansingg singlenlew.

Hurcinx si hunlirjiaw

buxcinx si qra surbut jurjip kiw laii

HERA si ZEUS ee pnua, ZEUS dairviauw hongsig huatquix, dyrr si tongxdi sewqair ee jingwgi, HERA si qadingg ee qamwhorjiaw. Jitt xee qaksig ham' ATHENA inghiongg morhiamw ee siuxhorsinn byy qang. Holijniax/ bow jitt nng xee qaksig sna' viw, HERA si bow; APHRODITE (dyrr si VENUS) sriok holijniax/ si juantew air ee luxsinn/ huisiongg u lat ee zinbut, air e qra langg venwjniaa holijniax, marr si jicii snewmia ee lat.

VENUS hro MUSES lingqamw, MUSES si simlingg susiongw ee jnuaguann, m na hro sinkux jongwdai, marr ju'iongw simlingg. Ixx VENUS jiong' snewmia dauzip jitt xee sewqair ee hongsid erdangr knuar cud, jitt xee snewmia si soxu itcer ee jinsit. Jex si uirsniaxmic guaw zinruii luxsingr gersudqax ee lingxhik m na cnia'ngiuw sneliw ee snewmia, dongsii ju'iongw jingsinn snewmia, si kexsi ee lat.

Guaw u juwir diyc luxzinn knuar ginxaw ee hongsid ham' lamsingr byy qang. Knuar jit xee ginxaw dirr huiqix-dingw tonglo iyvaiw qniaa laii qniaa kir, u nng jiongw byy qang hongsid: jit jiongw si luxzinsid, lingrgua jit jiongw lamsingr hongsid. Jex si uirjnuaxngiu guaw qongw luxsingr lat/ bixdig si juvix: byy jurgnow diongsimx ee qodnuax/ packuix simhingx jursinx cam'uw zip kir. Simrjir singwhing'uii lamsingr marr si qongqig ee; luxzinn si kaihongr ee, qra jurqiw duiww hitt xee snewmia qindew, busow-vutjai ee henxhen packuix, anne si juvix. Zinrcingx jurzenn rig laii ee qamxqag, dirr hingdong-siong kurtew sidjenr/ snapy jywhuew, si luxsingr ee lat.

QAKGO

Dng' air si itcer sii, itcer vitzenn dy' si air.

Dirr guaw ee duwjog <THE MYTHIC IMAGE>, qongw diyc Quansewimx bixhyw ee qowsu: Quansewimx si uixdai MAHAYANA, AVALOKITESHVARA ee zinqechuar ji' id/ juvix kurtexhuar.

Quansewimx craa diyc Diongqog mow jit xee longcuanx, byy langg bad tniax quer qakgo jitt huesu. Inx qandna' duiww vuahqiauw jitt lui u cuwbi. Incuw ix huawsinx jyr jit xee suiw qoniuu, laii qaur jitt xee jngtauu bre henrlauu-aw ee hii, bre uann langg dyrr siausid. Derr zi zit tauwjaw, jitt xui bixle qoniuu qycc laii bre hii, bre liauw jaiww crur siausid, cniurr anne ee jinghongw, byy zuarr quw au, jngtauu ee lamsingr jin' bee ix.

Jit zit jaiw, iokk u zi-jap xee javoginxaw uii diyc ix qongw “liw itding rair qer gunw qidiong jit xee.”

”guaw berdangr dongsii qer linw, mrqycc bin'axjaiw zuqyw linw u langg erdangr amwliam SUTRA OF THE COMPASSIONATE KUAN-YIH, guaw dyrr qer ix.” qecdngxjaiw, u jap-zi xee vue cud juanvo qingbunn, “guaw byy hxuad qer inx muixx jit xee, danrsi e qer hro bin'axjair erdangr qaixsueh lueriongg ee langg.”

U sir xee langg jyr qaur, “guanw qandna' jit xee luxzinn, berdangr qer sir xee, snax zit au zuqyw linw qidiongx u langg texgiam diyc qingbunn iwgi :ee, guaw e qer ix.”

snax zit au, jixu jit xee danw ix. “guaw druar dirr kejuiw uanx quer kir hitt qingx siyw cur, ing'amr liw laii gunw daux, liw jiong' si guaw ee angsair.”

Honghunx jitt xui lamsingr qniaa laii kelauu uanx, jit qingx siyxcur ee taujingg, guarbin kia jit duir lau angbow, inx qongw “or! Danw liw jiokk quw ar, gunw jaboxqniaw dirr lairbin.” mrqyxx jit qniaa zip kir jiacc huathen lairbin kangx ~! bre hii qoniuu byy dirr hiax, knuar duiww txangx-gua, huathen u ka'inr, en' ka'inr laii qaur hyy- vnix, huathen juiw hnua ee soxjai u jit siangx siyw ree, jongxsi byy knuar diyc qoniuu.

Kia dirr hnua-vnix, qnuabangg duer hongx iydang ... dringw jurzenn qingxsiong, hro ix hionghiongg hiauxgno diyc hiaxee bangcauw/ soxu qingxbut dy' si ix. Tauwquer ix jit vo jit vo inxcua qapp luxsingr ee kip'inxlat, dyrr si jiaxee MAHAYANA qauwgi nirr luxsingr zinbut soxx dairviauw ee iwgi, lamsingr hiauxgno diyc uxdiu liabpuann ee iugnaw. Ix ixqingx liauxqaiw qingbunn/ bingvik jurqiw ee texgiam/ qakgo ar.

DANTE dirr <DIVINA COMMEDIA> qetbuew marr u luirsu ee hiauxgno. Jiauww BEATRICE ee inxcua, tongquer tendongg laii qaur siongrder ee ongjy, DANTE jit qaur, BEATRICE ixqingx ham' snax xui ittew ee siongrder qapp tensair danw dirr hiax lor. DANTE knuar .diyc ee si huexkox, m si snax xui sinn, DANTE qamxqag jin' quaiwqii, hingtew qapp huexkox ee kexhuad jnuaxngiu e siyqang? Tudzenn, ix liauxqaiw diyc, jingxqyy sewqair dy' si siongrder ee air qapp undenw: dyrr si ix dongcox dirr BEATRICE srinx-siong texgiam .diyc ee air.

Dng' air si itcer sii

itcer vitzenn dy' si air

byy langg erdangr joxdongr

air jinghok itcer

huedngw tauu iac