duiwue_1

simlingg duiwue -1

Bunchhai huan'ik

DAC UERTAUU--- DYGUANN EE SUKYW

Togjiaw kyxlingg iauxx e qir did "simlingg derdoo" ee derr id qxur ue : zinsingx si qanlann :ee." hex si qniaa qaur dyhh longxx be m driyc ee jinliw, jitmaw guaw beh qycc qex jit xee juwkax : Zinsingx dyvenr

Muixx jit xee langg diyhh bongcue qaqi zinsingx ee lo, byy jurjo ciuxceh, qongsid iacc si qanxdanx bingliauu ee dap'anr hro langg uaxkyr. Sikhap liw ee lo, guaw narr jiauu qniaa si cywgno :ee, jitt vunw ceh juadduir byy "qniaa jit diauu lo" "dirr jiax juanw dywciuxvingg" ee zirngiu. Zinsingx m si vnee liuliux :ee, si jit diauu enlo qngsnuar byy hyw, byy jixsirvaii, tangr quer kongwiaw, cuqia ee jiyhtauu snualo.

Quewkir ee jap dxangx, guaw dirr kongwiaw naxx bongx naxx qniaa, yc diyc jit quaw qiamxkinx hingdingg qanlann ee petvo, jinrliong qiwlok dirr jitt vunw ceh nirr. Mrqycc guaw qra liw qongw, narr si cue byy lo sii, qinqur cnetii snix dirr dua ciu vag vingg ee guanjig, dyrr erdangr cue diyc guanlo ee dongsii, marr beh qingxqyr liw, zuqyw kia dirr angg ciurnaa nirr, liw e huathen jerje ciu-aw ee siwjiuuii juann longxx si cnitii, jerje sijun liw si rair jurqiw pnuawduan ee.

Qyckacc m hyw sniu qongxx zinsingx jitt diauu lo dit qniaa, jit vo jit vo huac.cud .kir, dyrr erdangr itdit hiongr jingg. Guaw qywzinn simlingg singdiongw ee jit kxamw jit janr, byy vitzenn si muixx jit xee langg beh qniaa .quer ee lo. Zinsingx ee lo naxciurr jit qnrua dongsimx ngikoaw, ui' diongsimx hiongr gua vutduan kokciongx, qidiongx ee quanlenn byy hxuad iong zimrhyy qanxdanx didjiap ee guanliw suecbingg.

Mrqycc lanw mrbenw qencii ngawtauu qodnuax qniaa, lanw erdangr suncue jorlat ---cuthen dirr lanw sniwmia-diongx, zimrhyy jit qxow ciauquer lanw jerje ee lat. Muixx jit xee langg duiww jitt xee lat ee quandiamw byy siyqang, dysowlangg longxx jaix ix kaksit junjai. Lingrgua, marr ersaih qapp langg' dauwdin, qethap ligliong jywhuew qniaa, lanw longxx si jre qang jiah junn :ee.

Narr qongxx jitt vunw ceh duiww liw u zimrhyy vangjan, guaw siongrr hibang erdangr jo liw virbenw penjib ee sukyw mosid, qirjuat soxu penqiongg ee ciongdong, m hyw nngr guqag cue qongsid iacc si qanxdanx ee dap'anr, rair kaisiw ui' dyguanhuar ee qakdo sukyw, juncunn sniwmia ee sinvir qapp siy' dahtud; m hyw muixx jit vaiw qinggiam luerjai dingdingg-tahtac inqyw quanhe suacc qniahniaa vutanx. Ansimx himsiongw sniwmia ee hogjap dyvenr!

DERR ID VXO QYCC UAC

DERR ID JNIUX LANGG IWSIG TONGWKOW

jidsiwlangg guaw longxx decc sniu, jinjniar singdiongw au, e si jnuaxngiu ee jit xee langg? Cid nii jingg, hionghiongg qakgno, guw ingxuanw be u qraur duarhanr --- singdiongw si jit xee ingxuanw byy hiyh ee quewdingg. Guaw dyrr anne mng jurqiw : PECK ar! dnaxx liw jniajyr snaiw kuanw ee langg? Jitt xee bunrdee hro qaqi qniax jit diyy, guaw suacc si jit xee tuann hok'imx :ee, itdit zinruii jidsiwlangg siongrr byy kyxlingg jyr ee si tuann hok'imx. Jitt jiongw langg marr jin' kyxlingg si itvnuax langg siongrr byy air duw .diyc :ee.

"tuann hok'imx :ee", hro langg' qokk jiongw siongrr baiw ee lensiongw, liw kyxlingg e sui' sniu .diyc-- jit xee jingxqah sriux qaxx j.-jingxjee-j., taumox cuex qaxx iuqngx qudliux ee bogsux, cing jit sux qewdat nng-cingx kox bixqimx ee sejongx, jingxtau'aw qruar quixarr kax qimx ciuxjiw, ciuw tec hongw puebin ee singwqingx, quann sniax huah : Or! Juxiasox, qiur guaw, cniaw liw qiur guaw !

Mrbenw damsimx, guaw byy qongw guaw venwjniaa jitt jiongw tuann hok'imx :ee. Guaw qongw :ee " tuann hok'imx" si jitt xee zri siongrr guansiw ee iwgi --- jit xee tuansangr hyw siausid ee langg, guaw kyxlingg marr e sangr cud pnaiw siausid. Guaw si jit xee dongsii tuanvor hyw/ baiw siausid, tuann hok'imx ee langg.

O'AX QAPP HIXCIOG

Narr qongw liw qapp guaw qangkuanw, quanwsir qra buanxjiog jurqiw ee iogbang kngr dirr aurbin, dng' langg' mng liw : u hyw siausid, iarr u baiw siausid, liw beh singx tniax dycc jit xee? itding e rinr : cniaw singx qongw pnaiw :ee ! Guaw singx suanvor baiw siausid : guaw sniaw dy' m jaix.

Jit xee tuann hok'im :ee, lanw qongxx duar hyw siausid laii ee langg, suacc singzin ix sniaw longxx m jaix, jamwzenn qiquair. Jinsiongr si sniaw? Liw/ guaw longxx siysiang, sniaxmic dy' m jaix, dag'ee longxx qangkuanw bydix, lanw singjunn dirr jit xee sinvir byy der viw ee uxdiu nirr.

Tuann hok'imx :ee ingwqaix duar laii "anuir ham' hixlok ee hyw siausid", mrqycc guaw u jit xee iuxquanx zinsingx lordoo ee baiw siausid, ham' tongwkow u kanlenn, beh qra liw qongw sriu kow si jywlangg ee jidvorhun, jurr GARDEN OF EDEN ixlaii dyrr si anne. EDEN ee qowsu dongzenn si sinue --- marr ham' qitnax ee sinue qangngiu longxx cimhamm diyc jinliw, zinlui iwsig jinwhuar ee quewdingg, u zipqut ee kikbiyy.

Langg jiac senrokqyw au, dyrr kaisiw u iwsig, sui' sanxsingx jurgnow iwsig, jaix qenwsiaur qycc kiamvix, siongrder vin' jitt diamw knuar cud lanw taux jiac ar. Sinue qra lanw qongw, qenwsiaur si zinsingr ee jidvorhun.

Guaw si simliw isingx, jitt quiw nii qycc u decc siaxjog qapp enxqangw, u qihue duw diyc jerje jailingg cutqiyh, susiongw cimdimm ee langg, jitt jiongw langg qivunw longxx sewji, qniax qenwsiaur :ee, marr duw quer quixarr xee jniawqangw be qenwsiaur :ee, inx si mow quaw hongbin sriu quer giamdiong ee sionghai, ixqingx songwsid jidvorhun zinsingr.

Qenwsiaur si zinsingr, lanw jurr EDEN jurqag au, dyrr itdit si qniax qenwsiaur :ee. jurqag hro lanw iwsig diyc jurqiw si doglip ee qywtew, qapp dairjurzenn uxdiu ittew ee qamxqag hionghiongg byy .kir .ar. Ho'ngg tad cud congwser loghngg au, siongrdingx lanw songwsid qapp congwjyrjiaw hab'id ee qamxqag. Virr qnuaw cud huehngg, si ingxuanw ee kudak, berdangr dngw .kir, besaih huetauu :ee, qandna' ersaih hiongr jingg qniaa.

Dngw kir loghngg dyrr cniurr kiwdoo qycc bih dirr maxmah ee juxqiongx nirr, huedngw kir ngix :a sii, lanw qandna' erdangr suanw singdiongw narnia. Ui'id ee lo si qniaa quer zinsingx ee suaboo, dro quer koxdax cnehngx ee dertow, jit vo jit vo dac zip qyckacc cimx ee iwsig jancur.

Jex si jit xee huisiongg diongriaur ee jinliw. Zinlui ee simliw vnerjingr, kib dok/ genr iyc jairlai, juadduardysor longxx laii jurr air dngw kir loghngg ee kiwdoo. Camqax jiuxhue sii, limx jit aux jiuw, erdangr qiamxkinx jurqag, kacc m qniax qenwsiaur. Sikliong ee jiuxjingx, baiyc, COCAINE(HEROIN) iacc si qitnax johap, erdangr hro lanw dirr quiw hunjingx lai, quiw diamxjingx lai jiamrsii huehok qapp uxdiu qethap ittew ee qamxqag. Lanw erdangr cue dngw laii hitt jiongw qapp dairjurzenn bidced dauenn, siyly qycc bu bu huex huex dnibit ee qamxqag.

BYY HUETAUU EE IWSIG LORDINGG

Jitt jiongw qapp guarqair hab'id ee qamxqag ithiongr byy quxdngg, marr m dat did lanw huwcud ee dairqer. Naxx cniurr sinue qongw ee, lanw jinjniar huee be dngw kir EDEN ee huehngg ar, diyhh hiongr jingg ciongx quer suaboo, lordoo suisii e duw diyc guihiamw, siwqer u joxgai, iwsig sisiongg sriu jetbuaa, duardysowlangg jinrliong beh kacc jaw tingg .lyc .laii. Jixiaur cue jit xee naxx cniurr anjuann ee soxjai, dyrr byy iwguan vnuasnuax-quewniaw, dac quer ciwqiuu, qniaa tangr ciwper ee jiytauu lo.

Suibongw dysowlangg tniax .quer," tongwkow si hagsip ee jidvorhun." (FRANKLIN BENJAMIN,1706-90 ee miagenn). Mrqycc jamrquer suabosid ee jurgnow qauwiok jyrsingg ee koxtangr taiww dua lehh, iauxx si kacc jaw hiyckax.

Laurhuar m na si jit jiongw singliw-siong sitdiauu, marr kyxlingg si qirjuat singdiongw ee viauxhen, zimrhyy itsingx qriuu singliw/ simlingg singdiongw ee langg, longxx e irhongg jitt jiongw sitdiauu ee simliw. Hiaxee jaxjaw dyrr byy air qycc hagsip, singdiongw ee langg, hro jurqiw dingrhingg .lyc .laii, byy beh qycc qaixvenr, ongxongw hamrzip "derr zi donglenqii" --- byvne hnaicanx, byy junxjad itdit tyw beh air mic, jurgnow diongsimx…, jex vingrr byy viauxsi inx cue diyc derr zi donglenn, sursit-siong, inx jurlaii dyrr byy tuatli dirr id donglenn, vyc vyc jit renn singlenn ee binrhunw, jin' qinw dyrr puawkangx, punr byy .kir, byy air duarhanr ee haidongg vunxjid henr.cud .laii ar.

Jiongsu simliw dirliauu ee langg longxx jaix, jerje guarviauw ixqingx singlenn ee langg, qisit luerjai iauxx si ginxaw ee simjingg. gunw e jyr anne ee qetlun, m si laii cue gunw :ee kacc byy singsik, dendyww laii cue simliw dirliauu :ee, si jinsimx qiawbang singdiongw ee langg, inx si jiyxsor iuxir vaixtuad byy singsik, m guan qycc zimxsiu jurqiw iuwdir ee iuxsimzinn, jixvutqyr jidsii cue byy cutlo ziiw. Qitnax ee langg dendyww kyxlingg jurlaii dyrr byy pacsngr jiapsiu uanjuann singdiongw, m guan binrduir jitt xee bunrdee.

1980 nii Jniax-guec, guaw uansingg "simlingg derdoo (THE ROAD LESS TRAVELED)" au, byy zuarr quw, bad siwqer sunhuee qokk de tuiqongw ceh. Dirr WASHINGTON vaujox jit daii qewdingciax, camqax sna' lensuar ee denrsi, qongxvor jetbok, kir quer 2~3 qingx denrsirdaii au, suqix mng guaw, liw si jyr dycc jit dxoo ee?

Guaw qra qongw, duxx decc tuiqongw jit vunw ceh.

Ceh nirr si siaw sniaw?

Guaw qongw quanw jingxhap simliw qapp jongqaur ee duardyrliw. Ix tniax liauw, vnuar hunjingx au qongw, or! Tniax kiw laii naxcniurr zinsingx saixsu iauxx jin' u tangx draur laii draur kir, qycc draur e ba.

Jitt xee unwjiangr knuar.kiw .laii si colangg, kiokk qra dairjir knuar tauwtaur. Lunqaur xe jit xee soxjai, gauw mng denrdaii zinguann, qamxx ersaih dramm jitt hxang su, inx qongw bersaih. Guaw iyh inx si huanxduir "saixsu" jitt jiongw zirganw, dyrr qenwgi qaixjyr "duarsewsu", inx iauxx si qongw be ing tihh.

Itvnuax langg dyrr si m guanrir jinjniar ee singsik, taiww tongwkow ar.

QENWSETSINGR EE KOW

Gauw guanrir dramm kow, vingrr m si dairviauw guaw si air ho'ngg koxdok. duxhyw dywvingw, gauw zinruii huanrnarr byy qenwsetsingr ee kow, longxx byy daddid zimxsiu. Narr qongxx taukag tniar, guaw itding e tunx nng liap qionghau dinwtniar iyhuann, juadduir byy siongsinr zimxsiu qinxdniux inxkiw ee poxtongx tautniar u zimrhyy iwgi.

Mrqycc sewqanx kaksit junjai qenwsetsingr ee tongwkow. Binrduir singdiongw ee kow, siongrr su'iaur hagsip hunven byy qenwsetsingr/ u qenwsetsingr ee tniar u sniaw cavet. Tauu tniar, jitt jiongw byy qenwsetsingr :ee, diyhh liong jaw vaiduu ; mrqycc qenwsetsingr :ee, dyrr ingwqaix zimxnai kir kikhok.

Guaw qamxqag qra jitt nng jiongw tongwkow hyrjyr "sinqingx qnualingsingr tongwkow" ham' "junjairsingr tongwkow" qyckacc sikhap.

U jit xee le erdangr suecbingg guaw ee kuhunx honghuad. Togjiaw kyxlingg iauxx e qir did, sir-jap nii jingg FREUD (1856-1939) ee lixlun duxx dirr diwsig hunrjuw jiqanx tuann, bad jysiu gorqaiw, u jit qrunn susiongw kacc jenue(ADVANCE) ee qadniuw, dirr huathen juerokqamw kyxlingg qapp sinqingx qnualingjingr iuxquanx au, dyrr quatsimx beh qauwiongw byy sriu juerokqamw uwziamw ee juxluw. Anne qauwiok ginxaw si zuarnirr qnialangg! Qnax nirr ixqingx qnuaix dni byy juerokqamw, iacc si juerokqamw byy qraur qiongg ee langg. Langg rair u jit diamw aw juerokqamw jiacc erdangr dirr siarhue singjunn, guaw qra hyrjyr junjairsingr juerokqamw.

Guaw beh qiongdiau, taiww je juerokqamw m na berdangr qaixsen lanw ee sing'uac, iauxx e u jiongwgai, jex dyrr si sinqingx qnualingsingr ee juerokqamw. Cniurr decc sngw GOLF, qigqex jriw su'iaur jap-sir qix qiuqnuaw, liw narr pnai veh-jap-cid qix, dirr qiudniuu qnia-laii-qniaa-kir, hex si sniu' je qycc dua ee vauhok, rair qinw danwdiau. Zuqyw jex dairviauw liw su'iaur jiapsiu simliw dirliauu, liw diyhh kir cue isingx. Sinqingx qnualingsingr ee juerokqamw byy vit'iaur. Jriw e tualui diyc liw hnuaiquer suaboo ee kavo.

Jex m na sikiong dirr juerokqamw, marr sikiong qitnax hingsid ee simjniaa tongwkow, kyxviw qongxx jiaujyx marr u junjairsingr/ sinqingx qnualingsingr nng jiongw hingsid, diyhh singx hunven cingcyw.

JOXGAI DYRR SI QIHUE

Binrduir simjniaa tongwkow qapp zinsingx jaieh sii, u jit xee qanxdanx qycc u damrvyc janzimw ee quijig, snax ee vorsor, mrqycc dongsii erdangr jo liw cingjax bunrdee, kikhok jongwgai.

Dairsingx,vutquanxsii, jixiaur liw simjingg qamxqag tongwkow, jurmng: guaw ee tongwkow (kyxviw qongxx jiausimx/ juerokqamw) si sriok junjairsingr iacc si sinqingx qnualingsingr? Jitt jiongw kow erdangr qaixsen guaw ee singjunn, iacc si setha dingdingg hanrjer? Kyxlingg jap vaiw e u jit vaiw, liw byy hxuad huedab jitt xee bunrdee; mrqycc u 90% ee sii, jixiaur liw anne mng, dap'anr dyrr e jin' cingcyw. Zuqyw liw qib beh junxsii sinvyr soxditsuer, kyxlingg liw bad endii vywsuer ho'ngg huat jit vid jnii, guaw erdangr vyxjingr, liw ee jiausimx si junjairsingr ee, hex si hyw ee, liw dyrr tniax liw ee jiausimx, junxsii kir vywsuer. Lingrgua jidbin, liw narr zinruii liw qamxsiu .diyc ee si sriok sinqingx qnualingsingr, e honggai liw ee singdiongw, anne dyrr jurmng : zuqyw byy jitt jiongw jiausimx iacc si juerokqamw, guaw e anxjnuaw jyr?

Jitt tyr quijig siongrr jaw hro guaw iong laii kikhok guaw ee qenwsiaur. Qenwsiaur si langg sisiongg u ee, myqycc lanw erdangr iong jitt xee honghuad hro jurqiw mair u kunwjiauw. Dirr zinqunn-diongx tniax dimiaa zinsu enxqangw, gauw ciangjai sniu beh tee cud bunrdee, cingxqaur iuxquanx mow digding ee jusinr iacc si huatviauw qenwqaiw, jiaxee ee qiawbang guanvunw jin' jurzenn ee, erdangr dngdniuu iacc si enxqangw au sudexha tecud; mrqycc guaw itdit m qnaw huac .cud .kir, jin' qniax qenwsiaur, qniax ho'ngg qirjuat iacc si hro jurqiw qamxqag naxx cniurr hauwdaix ee.

Qingquer jit dnxua siqanx, guaw mng jurqiw : anne siurjer qenwsiaur, sniaxmic bunrdee dy' m qnaw mng, e qaixsen liw ee sing'uac iacc si qandna' siurhan narnia? Anne mng, ix duiww guaw ee joxgai dyrr jin' cingcyw ar. Zenau, qycc mng qaqi : liw narr byy qycc qenwsiaur, e anxjnuaw jyr? Zuqyw liw si Ingqog luxongg iacc si Bixqog jongxtongw, liw e anxjnuaw jyr? Dap'anr jin' binghenw, guaw e qniaa hiongr enqangxjiaw, qongw cud simlai beh qongw ee. qycc laii, guaw dyrr qra qaqi qongw : hyw ar, liw dyrr qniaa .cud .kir, kir jyr liw sniu beh jyr ee! kacc iongxqamw lehh, jyr liw qaix jyr ee! dongwjyr liw m qniax qenwsiaur.

Guaw singzin anne jyr u damrvyc kiongxvor, mrqycc iongxkir qamxx m si anne sanxsingx ee?! hro guaw qamxqag vutkyxsugi ee si, liauxqaiw iongxkir si jnuaxngiu jit huee su ee langg si jiacnirr jiyw! Dairdysowlangg longxx sniu qongxx iongxkir ham' qniahniaa si berdangr vingrjunn ee, m qniax qamxx dyrr u iongxkir? Jit xee langg narr si sniaxmic longxx m qniax, jin' kyxlingg si taukag pnaiw kir ar. Iongxkir si byy quanw liw zuarr qniax, zuarr tongwkow, iauxx si rair qewsiok qniaa .lyc .kir. liw narr anne jyr ee sii, liw e huathen, kikhok kiongxvor m na hro liw qyckacc qenqiongg, qycc hro liw hiongr singsik mairhiongr jit dua vo.

Singsik si sniaw? Guaw dirr "Simlingg Derdoo" nirr qongw jerje byy qraur singsik ee langg, mrqycc byy uirr singsik lyc dingrgi. Dirr guaw knuar laii, byy singsik ee qiongrdongg digdingx si, qandna' erhiauw jre lehh, jiuwcamr zinsingx byy ginghap (vysyx) inx ee iauqiu. RICHARD BACH (1936-) dirr ILLUSIONS nirr qongw : uirr jurqiw ee qighan venrho, liw dyrr ingxuanw sriur inx ee kanjer. Hiaxee cavutdyx beh drat qaur uanjuann singsik ee jiyxsowlangg, inx qiongrdongg ee digdingx si, longxx zinruii ginghap zinsingx ee iauqiuu si jurqiw ee jikzim --- simrjiww si juadduir hyw ee qihue.

IWSIG ZIAW :EE?

Qniaa dirr suaboo-diongx, liw diyhh guanrir binrduir junjai ee tongwkow, loxlik kikhok. Beh jyr qaur jitt diamw, dyrr rair singx qaixvenr duiww tongwkow ee taiwdo. Diaujingw duiww tongwkow ee taiwdo siongrr qinw ee lorqingr, dyrr si singzin lanw jygu diyc ee muixx jit qnia su, longxx si jo lanw simlingg singdiongw iongrsimx setqer ee.

DONALD NICHOLL(1923-1997) dirr ix soxx siaw ee ceh "Sinsingr (HOLINESS)" ee dahuertauu jixcud, jex si jitt vunw jurjo singwjid ee ceh. Ix qongw, narr langg' knuar liw tec jit vunw damlun sinsingr ee ceh qniaa laii qniaa kir, mng liw knuar jitt vunw ceh si beh congwsniaw, liw kyxlingg e huedab : "or, guaw qandna' sniu beh jaix kuanuix zinsu duiww jitt xee bunrdee ee knuawhuad ziiw." DONALD zinruii, duhuix liw sniu beh ciauhuann zip singr, narr byy, liw qinvunw byy zimrhyy lixliuu brew iacc si jiyh jit vunw qapp sinsingr iuxquanx ee ceh, qyckacc benw qongw jah jitt jiongw ceh dirr langg' jingg hiauvaix. Soxiw ix jiacc qongw, jex si jit vunw qar langg zuhyy drat qaur sinsingr qingwqair ee jurjorceh. Dirr hitt vunw ceh ee luerbunn iog snax hun ji' zi ee xui, siaw jit qxur jin' janw ee ue " itdanr liauxqaiw soxu huatsingx dirr lanw srinx-siong ee su, qnaxx si setqer laii qauwdy lanw singsinr dyrliw ee, lanw dyrr kia dirr vutvai ee uirdir ar ".

Lanw jaix be sux, siongrbuew itding e ngiaa, qamxx iauxx u viw jex kacc hyw ee siausid? Lanw duw .diyc ee muixx jit hxang su longxx qingquer anvaii, bogdig si beh qar lanw dirr zinsingx ee lordoo-diongx diyhh qurvi ee diwsig, jixiaur bingvik jitt diamw, lanw dyrr u ngiaa ee vaxag.

Bunrdee si dirr lingxgo jitt xee jinwjingg, rair juanbin qaixvenr duiww tongwkow qapp iwsig ee knuawhuad. E qir did dirr EDEN ee qowsu nirr, lanw jiac liauw senokciu ee quexjiw au, dyrr kaisiw u iwsig --- jniajyr lanw cuxau tongwkow ee laiguann, dongsii marr si qiuwsiok ee jnuaguann. Qiuwsiok dyrr si dirliauu ee iwsur.

Iwsig si tongwkow ee guantauu, byy iwsig, dongzenn be qamxqag diyc tongwkow. Lanw vangjan itvnuax langg siauduu byy qenwsetsingr, byy vit'iaur ee kow, kyxviw qongxx qaixduu bactew tongwkow siongrr jiap iong ee honghuad dyrr si jur basia, hro jiamrsii sitkir iwsig, byy qamxqag tongwkow.

Suibongw tongwkow uanjuann si iwsig soxx inxkiw ee, qiuwsiok marr si laii jurr iwsig, sursit-siong, qiuwsiok dyrr si iwsig zuxx laii zuxx cingcniw ee quewdingg. Iwsig zuxx bingg, dairviauw lanw zuxx qniaa hiongr suaboo lai, byy cniurr qirjuat singdiongw ee langg qaqi qrut jit xee kangx bih .kiw .laii. jit lo hiongr jingg qniaa, qax hro lanw ee kow zuxx laii zuxx je --- uanjuann si lanw u iwsig.

Guaw qongw, qiuwsiok dyrr si "dirliauu". Ingbunn ee qiuwsiok (SALVATION) qapp iuqyx (SALVE) qangg zirguann, iuqyx si buah dirr puehubin, hro be tniar, jixjniu, siauiam. Qiuwsiok si jit jiongw dirliauu iacc si duiqiuu uanjingw ee quewdingg. Qenrkongx, uanjingw, sinsingr longxx u siyqang ee zirguann, inx qivunw-siong dairviauw qangkuanw ee mic.

Simrjiww cniurr SIGMUND FREUD(1856-1939) lau jit vuer bysinlunrjiaw, marr singzin dirliauu ham' iwsig ee quanhe, ix bad qongw .quer, simliw dirliauu dyrr si hro amwiwsig (UNCONSCIOUSNESS) jniajyr iwsig; ngua jit qxur ue qongw, iarr dyrr si kokdua iwsig. Lingrgua jit xui simliw dairsux JUNG (1875-1961) jinr jit vo jixcud, qirjuat binrduir iwsig ee imamwbin, hoxding zinqeh-diongx lanw byy sniu beh singzin, m guan sukyw, byy rair iwsig .diyc ee jidbin, itjair kiwdoo qra saur zip iwsig ee dertanw-ha, hro itdit daicangr dirr amwiwsig nirr si jit jiongw og.

Daddid juwir :ee, JUNG byy qongw zinsingr ee imamwbin si jit jiongw og, si qongw m guan binrduir imamwbin ee sii, jiacc si og. Qirjuat qisit si jit jiongw huisiongg jikqik ee hinguii, siaog ee langg m na si siauqik ee amwiwsig iacc si bydix, inx iauxx he jerje qanghux vyxcii bydix qapp byy air iwsig .diyc, uirr drat qaur jitt xee bogde, simrjiww tailangg, huatdong jenwjingx.

Guaw singzin, siaog dyrr naxx cniurr air, siongrder, jinliw jiaxee zirganw siangkuanw, byy hxuad iong jit xee dingrgi suecbingg. Kacc hyw ee dingrgi si : siaog si "hnowjenr ee bydix"; hnowjenr ee amwiwsig.

Jiurr guaw jaix :ee, VIETNAM ee jenwjingx si denxhen cud duarquiboo bydix siongrr hyw ee le. 1963~64 nii, Bixqog duiww Dionglamvnuawdyw ee jingwcig jit diamw aw haurqyw dy' byy ee jingwqur duxx puu .cud .laii ee sii, lanw derr id ee huanxingr dyrr si hoxzin bunrdee ee junjai. Zinruii jixiaur qycc dauzip quiw vah-bxan Bixqimx, qycc qex quiw dui digjiongw vordui, jinghongw dyrr e sec hyw .quer.laii, mrqycc jingwqur itdit luixjig --- jingwcig binghenw byy hxuad dadsingg qidai ee ingwhau. Qetqyw si anxjnuaw? Pair cud qyckacc je ee qundui, sixbongg zinsor itdit jingqax, voghingg surqnia sisiongg e tniax .diyc, Bixlaii cuanx duardosad dyrr si jitt sii huatsingx ee. jingwqur vutduan eh .cud .laii, Bixqunx iauxx si dongwjyr byy knuar .diyc, simrjiww qycc kir hongjar CAMBODIA, kauxkauw-sniasniax qongw si uirr jingcuw qongingg ee hyvingg.

Snax-jap dxangx quer .ar, jinsiongr ixqingx huisiongg ee cingcyw, iuguann iauxx u Bixqog langg zinruii, ui' VIETNAM tetter si hiabsiongx ee singqongx. Sursit-siong, qinvunw dyrr byy hiabsiongx ee kongqanx --- Bixqog si jenwvai tetqunx ee. jerje langg dyrr m guanrir binrduir sursit.

SNIWMIA EE LIGDE

Iwsig duar laii kacc je ee tongwkow, marr cua laii jerje ee kuaiwlok. In'ui cimzip suaboo ee lo nirr --- zuqyw liw qniaa qaxx u qraur hng, enlo e huathen jit cog jit cog ee ligde, liw jurlaii m bad knuar .quer ee ligde. zuqyw qewsiok qniaa, liw hionghiongg e huathen cingkir damdamx ee kejuiw ui' suax erkax lrauu quer. Qycc hiongr jingg qniaa, simrjiww u kyxlingg sidjenr jurqiw itsingx ee miarun.

Narr qongxx liw u huaigii, cniaw liw knuar jit xee luxhingg qaur suaboo cimde ee texgiam. Sizinn T.S.ELIOT siauwlenn sidai dyrr ixx biysiaw hnghuanr-de juadbang ee six cutmiaa. 29 huer (1917) sii cutvanw ee THE LOVE SONG OF J.ALFRED PRUFROCK, anne siaw :

Guaw lau ar… guaw kacc lau ar…

Cing kor sii rair singx vrih kowkax

Rair qra taumox srex diuww aurpiah?

Gauw qamxx qnaw jiac tyy?

Guaw beh cing vehsig siziongg ee kor, qniaa dirr haixpniaa.

Guaw tniax diyc bixzinhii decc cniuwquax, inx horsiong duiwcniur.

Guaw sniu inx be duiww gauw cniuwquax.

Rair jaix, six nirr ee PRUFROCK qapp ELIOT qangkuanw, cutsinx siongrliuu siarhue, singjunn dirr jit xee hyrjyr qydo bunbingg ee sewqair, kiokk marr dongsii sing'uac dirr simlingg ee cnivox nirr. Go nii au, ELIOT huatviauw THE WASTE LAND. Juanvo tyxlun ee dyrr si suaboo, six nirr ciongbuanw dahngx qapp juadbang ee iwsiong, mrqycc marr derr id vaiw cuthen ser ser ee ligsig, lansanx cauxbok ee sniwmia hunngiaw, juiw ee iwsiong, jiyhgiamm-ha ee imngiaw …dringw.

50 huer ixau, ELIOT qycc liogsiok uansingg FOUR QUARTERS…dringw jogpinw. Derr id xee, dirr imgak kaisiw sii, dyrr qongw diyc muequir huehngg, jiauw-sniax, qinxaw ciywsniax. Aurlaii, qingsiongg biysiaw qik qau, dang dang ee lxik, uansingg quixarr pnix sinvir iwbi ee six, ix ee zinsingx ixx huisiongg songxkuair ee hongsid qywvet, sriu langg ylyw.

Ui' jaxnii ee dakyw qaur laurlenn ee hongjiog, ELIOT ee van duiww iuguann qniaa dirr kamxket zinsingx dyrlo, qapp tongwkow ciavniar ee lanw, si jit jiongw anuir. Lanw dirr lordingg-diongx kaksit su'iaur uiwlyy, mrqycc lanw sunqiuu ee juadduir m si kuaiwsog ee qaixtuad. Guaw cinbak knuar quer jerje langg jiyh dirlauu ee miaa, iong soxui ee qinw qinw qaixtuad horsiong jansad.

Inx anne jyr ee lixiuu huisiongg jursux. Kyxviw qongxx, Lixaxqyx si guaw ee vingiuw, ix duxx singsiu kow, ix si guaw ee vingiuw, guaw qeqiamw ee kanlenn diyc kow, mrqycc jex si guaw byy air ee, hibang Lixaxqyx ee kow kacc qinw quer kir, gauw dyrr benw duer ix byy songxkuair. Qandna' sniu beh hro ix jit xee qanxdanx ee dap'anr, qongw "or, jin' kuatham liw ee maxmah quewsinx, mrqycc liw benw qankow, ix jnriu tendongg ar". Iacc si qongw " guaw marr bad duw .quer jitt jiongw dairjir, liw kir jauw jauw lehh dyrr hyw ar."

Dirliauu jit xee sriu kow ee langg siongrr hyw ee honghuad, ongxongw m si sethuad siauduu kow, si huaipy diyc guanrir hunhiongw ee simx jre dirr ix ee sinvnix. Lanw diyhh hagsip juansimx tniax qapp hundamx langg' ee kow. Lanw iwsiklat zuxx qiongg, dyrr zuxx erdangr knuar cingcyw langg' sngw ee vaxhir, inx ee guanjue qapp ciaujongr ee kiwdoo, dongsii lanw marr e qyckacc cingcyw iwsig .diyc inx ee hurdamx qapp aisiongx.

Simlingg zuxx singdiongw, lanw e zuxx u linglik hundamx vadd langg ee kow, zenau, siongrr vutkyxsugi ee su --- zuxx guanrir singdamx vadd langg ee kow, dyrr zuxx erdangr qamxsiu diyc zuxx je ee huanlok. Jit cua zinsingx luxiuu si jiacnirr daddid qniaa, jex jiacc si jinjniar ee hyw siausid.

DERR ZI JNIUX LIKUIX UANWHUN

Singdiongw ee jit dua diongriaur quewdingg si decc hagsip guanliong. Lanw jidsiwlangg longxx quair langg' hai lanw sriu kow, quaiwjue jongw si duiww hunwno kaisiw.

Hunwno si ui' duarnauw huatcud ee jit jiongw qiongg qycc u lat ee simjniaa. Duarnauw nirr pox bat bat jit ser qxow jit ser qxow ee singqingx sewvaux-sog, hyrjyr sinqingguann diongsimx. Dirr lanw qongw si diongx-nauw ee vorui, jiaxee sinqingguann diongsimx hurjig kongwjer/ jewjy simjingg, sinqingx guarky isingx ixqingx erdangr quwtew jinxcad jiaxee diongsimdiamw ee uirdir. Dirr sidgiam nirr, jiapsiu ser huanruii (qiogvo) baiyc ee vnerlangg, dyw dirr ciuxsuddaii, nauw jriab diyc qik ser ee jiambuew denrqik, e huatcud cxenx hxun ji' id VOLT ee denrliuu.

Qongw jit xee le, lanw nauw nirr u jit xee logtiongr qintauu, zuqyw sinqingx guarky isingx qra jiambuew cah dirr hitt xee vorui, huatcut cxenx hxun ji' id VOLT ee denrliuu, dyw dirr ciuxsuddaii ee vnerlangg dyrr e qongw " oo! Linw jit quiw xee isingx jin' janw! Jitt qingx vnerngi jin' hyw! Qycc laii jit vaiw hyw m hyw?" jitt jiongw songxsinn qamxziamxlat huisiongg qiongdua, HEROIN … dringw ee dogpinw, kyxlingg dyrr si ciwqig diyc lanw ee logtiongr qintauu, jiacc e genr.

Jiamduir niauxciw ee jit hxang sidgiam, sinqingx guarky isingx dirr niauxciw ee logtiongr qintauu cah zip jit xee denrqig, niauxciw muixx jit vaiw cxir jit xee vanxaw, dyrr e u ciwqig. Qetqyw niauxciw itdit byingg decc cxir vanxaw, simrjiww byy siqanx jiac mic, qra qaqi uac uac gy siw. Niauxciw duiqiuu kuaiwlok, erdangr byy qor sniwmia.

Li logtiongr qintauu byy hng, lingrgua jit xee qintauu kongwjer uanjuann byy qang ee simjniaa --- siaudimm qintauu. Qangkuanw ee dingsu denrqig, vnerlangg e qongw " oo! Guaw qamxqag jin' qankow, nacc e hiacc camw! Qriuu linw jyr hyxdai, mair qycc anne jyr ar! " qycc u jit xee hunwno qintauu, narr ciwqig jitt xee vorui, siongrr hyw singx qra vnerlangg qapp bincngg vak dauwdin.

Jiaxee qintauu longxx qingquer sxor vah-bxan nii ee jinwhuar, jniajyr zintew ee jidvorhun, inx ee junjai longxx u itding ee dyrliw. Kyxviw qongxx, beh cetduu jit xee sewhanr jaboxginxaw ee hunwno qintauu, hro ix ingxuanw be hunwno, jitt xee ginxaw kyxlingg digvet ziusun. Mrqycc liw sniu knuar mai lehh, ix tak iuwdirhngg, siyxhak id/zi nii sii, e u sniaw laii huatsingx ? Ix e jysiu kihu, congwdi simrjiww qiongg pnix ziok, ho'ngg lingdi. Hunwno u junjai ee vit'iaur; beh uac .lyc .kir quadduir berdangr kiamr.

SUZINN IONGRDE QIMWJIW DAC ZIP

Zinlui hunwno qintauu ee unrjog hongsid, qapp qitnax singbut qang. Qivunw-siong si jit jiongw lingxhigqamw ee qijer, dng' zimrhyy qitnax singbut cimzip lanw ee huanruii, dyrr e huatsingx jokiong. Qxauw e ham' cimzip ix dervuaa ee qitnax qxauw siy' pah, langg marr anne, jixvutqyr lanw duiww lingxhik ee qaiwding kacc hogjap. Duliauw derliw-siong ee lingxhik zinrdix, viwzuu, jit knuawqnir vadd langg jongg zip lanw ee dniaa nirr, banw huex ad ciurqix, lanw itding e jin' siurkir, lingrgau iauxx u jit jiongw simliw-siong ee lingxhik, langg' ee puepingg marr e hro lanw liac qongg. Lanw iauxx u sinhak/ iwsig hingtair-siong ee lingxhik, tniax langg' pruex lanw ee sinwgiongw, kajiacau qeue lanw ee quanliam, lanbenw e siurkir.

Zinlui ee lingxhik hiacnirr hogjap je ngiu, hunwno qinquann cavutdyx byy sii tingg longxx decc huathuix jokiong, zicniaw ongxongw huatjog qaxx byy duiwdangg. Ursii lanw qaqi cniaw langg' zip laii lanw ee lingxhik, marr iauxx e huad singwde, guaw qywzinn dyrr u jit vaiw anne ee qinglik.

25 nii jingg, guaw bad jiapsiu simliw hunsig dirliauu. Dongsii guaw ixqingx kaisiw duiww simlixhak qapp lingsingr ee quanhe u cuwbi, jaix JUNG duiww jitt hongbin digvet u genxqiur, soxiw diauqangx cue jit xee JUNG pair ee dirliaujiaw. Bunrdee si ix qingwzenn iong FREUD pair ee honghuad cuxliw guaw ee vnerle, aurlaii jiacc jaix jitt jiongw dirliauhuad kaksit kacc sikhap guaw ee jingwtauu.

Derr id vaiw qniwbin siy' jiyho au, lensuar cid vaiw ee liaudingg, jitt xee qangjokjiaw byy qongw jit qxur ue, soxu ee ue longxx si guaw decc qongw, hro guaw zuxx laii zuxx vutbuanw, guaw hur ix jit diamxjingx nng-jap-go (25) kox Bixqimx ee dairqer (hitt sii si jin' duarngii .ar), ix jit diamw kuiwlat dyrr benw cud, jnii dyrr tiaur zip ix ee lakdeaw. Derr qauw vaiw, gauw decc qongw duiww mow qnia su ee qamxqag sii, ix kuix cuir qongxue ar, qongw " or! Guaw byy kakding gauw si m si liauxqaiw liw uirjnuaxngiu e u hitt jiongw qamxqag." Rinr qongxx " liw qongw liw m jaix guaw nacc e u hitt jiongw qamxqag, si sniaw iwsur?" ix derr id vaiw hiongr guaw ee simliw lingxhik huatcud tiaujenr, guaw dyrr qui' vxag huew, sursit-siong, guaw hur jnii dirliauu, qamxx m si cniaw ix jyr jitt hxang su?

Zinlui ee hunwno diongcux vutduan decc voghuad, ongxongw qycc si vutqaix huatjog ee sii , lanw diyhh hagsip jit tyr hogjap ee honghuad, cuxliw hunwno ee simjniaa.

KIXDANGG (LIAHQONGG)

Ursii, cniurr guaw hitt vaiw duiww simliw isingx dua huad singwde, lanw ingwqaix singx kyxlu : "si m si guaw ee pikir kyxciyr qycc byy singsik, si guaw m driyc." Ursii lanw qaix lyc qetlun : "jitt xee langg kaksit cimhuan diyc guaw ee lingxhik, mrqycc si iwgua, byy vit'iaur siurkir. " iacc si : " hyw ar! Ix kaksit cimhuan guaw ee lingxhik, myqycc byy sniaw dua dairjir, byy daddid honghuew dyc." Ursii, marr e kyxlu quiw zit au, iuguann qamxqag mow mic langg sidjai giamdiong dac zip guaw ee qimwde. Anne guaw dyrr u vit'iaur kir cue hitt xee langg qongw : "liw qra guaw tniax hyxser, guaw berdangr zimxsiu liw ee hinguii." Ursii simrjiww su'iaur dongdniuu dyc huew, hro hitt xee ziaxsu ee langg knuar .jit .xe guaw ee bagde.

Hunwno diongcux kexdong sii, lanw jiwjiyw u go jiongw duiwcig. Lanw m na qaix liauxqaiw qokk jiongw inwtin ee hongsid, marr su'iaur hagsip dirr byy qang jinghongw-ha, zuhyy si siongrr barsar ee huanxingr. Jex si jit hxang qik hogjap ee hagbun, itvnuax langg jongw si rair danw qaur 3~40 huer jiacc kacc bad, simrjiww dysowlangg itsingx dyrr yc be e neh!

Dirr quijue mow langg hro lanw siurkir ee dongsii, lanw marr caipuar hitt xee langg --- ix dirr mow hongbin duiwvutju lanw, ix u jue.

Jap-lak huer sii, guaw ngiaa diyc itsingx jit vaiw ee enxqangw vixsair, debak si " mair lunrdng langg', langg' dyrr be lunrdng liw". Guaw inxiong Jesus ee ue , lanw vutqaix kongkamw pingduan langg', qetqyw ngiaa diyc jit quanr bangrqiuu.

Jitmaw guaw ixqingx byy siongsinr jidsiwlangg erdangr uanjuann byy lundng langg'. Lanw rair ham' si'angg qethunx? Vutqaix qapp moxmic langg qethunx? Dirsii qaix qaiwzip juxluw ee sing'uac? Beh cniar sniaxlangg? Dyhh jit xee rair qaixpinr? Longxx rair jyr pnuawduan. Sursit-siong, lanw ee sing'uac pinxjid quatding dirr lanw soxx jyr pnuawduan ee pinxjid.

Guaw byy huanxduir Jesus. Mrqycc IX ee ue qingsiongg virr gorqaiw. Jesus qongw ee si " mair lunrdng langg, vadd langg dyrr be lunrdng liw." IX byy qongw " ingxuanw mair lunrduan". Jixsi liw muixx jit vaiw jyr caipnuar sii, dryy rair junxvi jiapsiu langg' ee caipnuar. IX qycc suar lyc qongw: "qexsenrjiaw! Singx tediau liw ganw-diongx ee nxiuu, jiacc erdangr qra liw hniadi bagjiux lai ee ca'iur-aw knuar qyckacc cingcyw." Iwsur marr si beh liw dirr pingduan zimrhyy langg jinwjingg, ingwqaix singx huanxsingw jurqiw.

DANR JIYHTAUU

Quanhe qangg jit xee debak, Jesus bad duiww iong jiyhtauu junxvi beh pah siw tongqanx jabow ee hunwno qunjiongr qongw "cue cud linw diongxqanx uanjuann byy jue ee hitt xee langg, dimr derr id liap jiyhtauu." Qunjiongr diam diam byy sniax kir. Qiwzinn lanw longxx u jue, qamxx qongxx dyrr byy langg erdangr dimr jiyhtauu ? lanw dyrr uanjuann byy juqeh quijue iacc si caipnuar zimrhyy langg ? sursit-siong, byy langg dimr jiyhtauu au, Jesus duiww hitt xee hurluw qongw "byy langg dring liw ee jue, si m si ? anne guaw marr byy dring liw ee jue." IX qongw ee iuguann si caipnuar vadd langg jingg, ingwqaix singx huanxsingw qaqi ee dyrliw.

Byquanw u langg/ byy langg si sibjuann-sibbiw, , ursii iauxx si qaix qra jiyhtauu danr.cud .kir. Gauw e qra jit xee qowguann qongw " jex si liw lensuar derr sir dxangx byy hxuad drat qaur anwdnia ee qiabjig bogviaux, jex si derr lak vaiw hro guaw liac diyc liw hausiauu, vutditvud cniaw liw likuix, guaw diyhh kaiduu liw."

Kaiduu jit xee langg, si jankog qycc tongwkow ee quatding. Liw beh jnuaxngiu jaix jurqiw dirr jingwkag ee sihau jyr liauw jingwkag ee pnuawduan? Liw qamxx jaix liw quijue mow langg si jingwkag ee quatding? Dap'anr si " liw m jaix". Liw itding rair singx jurgnow huanxsingw. Kyxlingg liw e huathen, druu liauw kaiduu hitt xee langg ixgua, byy qitnax suanxdik, kyxlingg liw marr e huathen jerje vunxlaii qaix jyr, kiokk byy jyr ee dairjir, narr qongxx liw kacc jaw dyrr u duiwcig, surtair dyrr benw enxvenr qaur jitt xee dervo.

Liw diyhh mng jurqiw ee bunrdee, u : "guaw si m si quansimx jitt xee langg qapp ix ee bunrdee? Derr id vaiw huathen ix qongw vehcat, qamxx u cue ix didjiab duiwjiw, iacc si qamxqag jitt ee hongsid sniu' uilann, jidbi hongwzim, suacc okhuar be siusuah tihh ?" liw rair singsit binrduir jiaxee bunrdee, ixau jiacc e iong byy qang ee hongsid duiwdai qitnax ee qowguann, dyrr byy su'iaur qycc jyr jitt jiongw jankog ee caiding ar.

Lanw beh anxjnuaw kakzin jurgnow puepingg erdangr jiamrtingg, quijue/ caipnuar ee siqix qaur ar? Duxx kaisiw qongkaix enxqangw sii, marr m jaix jitt xee suanxdik qamxx si driyc :ee? U huhap siongrder ee jixir ? guaw qamxx si hiauvai dimbee dirr qunjiongr ee pogaw sniax-diongx? Guaw m jaix zuhyy kacc driyc, dngqii hamrzip bangbiauw ee tongwkow nirr. Juewau, guaw did diyc vangjan, marr qyckacc kakzin jaxqii tecud ee lunrdiamw, zinsingx itcer jygu longxx si uirr lanw lingsingr ee singdiongw, jit hongbin langg qapp langg jongw si horsiong su'iaur. U jit vaiw, guaw ham' iaucniaxjiaw dramm guaw ee koxnauw. Qongw suah jit qywgeuc ar, ix qiar jit siuw six hro guaw, siaw ee sii byy sniu diyc guaw, six ee siongrbuew jit qxur jin' hac guaw dongsii ee su'iaur :

Jinsiongr si guaw ui'id ee duiqiuu,

Guaw diyhh hur ee dairqer si,

Qra bunrdee mng liauw jit vxenr qycc jit vxenr,

jit vxenr qycc jit vxenr.

Ui' jitt siuw six nirr, gauw hiauxgno diyc guaw itdit decc cue mow jiongw laijurr siongrder ee kexsi, iacc si qongxx jit tyr qaixquad sing'uac bunrdee ee qongsid. IX qaix qra guaw qongw " OK, Peck, enxqangw qaix si liw ee surgiap!" iacc si " bersaih, Peck! Liw m hyw qongxue." Byy qongsid hro lanw sunjiaur, byy qanxdanx ee dap'anr, guaw jaix muixx vaiw jriab diyc iaucniaw, muxii nii anvaii qangxkyr ee ziddingg, longxx rair jit vaiw qycc jit vaiw mng " siongrder, jex si jitmaw liw beh guaw jyr :ee ?" zimrhyy langg benrlimm tongwkow ee quatdik sii, qandna' erdangr tecud jitt xee bunrdee, qui' uann zuu qaxqaw nirr cue cud snuawtauu.

QUATDING

Narr qongxx liw si jit xee 16 huer jaboxginxaw ee qadniuw, jit xee vaiwlak ervox, ginxaw iauqiuu liw hro ix dirr guarbin sngw qaur vnuawmee nng diamw, liw e anxjnuaw vran? Itvnuax qadniuw u snax jiongw huanxingr ee hongsid. Jit jiongw si qongw " bersaih, dongzenn be ing tihh. Liw jin' cingcyw jap diamw ixjingg itding rair dngw laii qaur cur." Iauxx u jit jiongw qongw " hyw ar, cinair ee, jixiaur liw hnuahiw, sniaw longxx kyxiw." Lanw qongxx si qik iu pair qapp qik jyw pair ee huanxingr. Suibongw jitt nng jiongw si jiacnirr qigduanx, inx iauxx u luirsu ee diamw, dyrr si itdit byy qaixvenr ee qongsithuar dap'anr. qadniuw ersaih benw qingquer duarnauw huedab, jit diam aw simjniaa dyrr benw liauw.

Dirr guaw knuar .laii, hyw-qadniuw ee duiwcig qaix mng jurqiw "jit xee vaiwlak amwmee, lanw qamxx beh hro ix qaur vnuawmee nng diamw?" inx kyxlingg e huedab " gunw m jaix, gunw quiding ix jap diamw dyrr rair dngw .laii, mrqycc jitt xee quiding si ix sir huer sii dring ee, jitmaw kyxlingg byy hac iong ar, ix jitt vaiw beh camqax ee PARTY kyxlingg u jiuxlui imxliau, jex hro langg e damsimx. Ix dirr haghau ee singjig byy baiw, dagg zit qongkyr longxx u jiauww siqanx uansingg, ingwqaix jamxzenn u jikzimrqamw jiacc driyc, lanw qaix siongsinr ix, jit vaiw iog ee javox ginxaw, knuar kiw laii qaiww byy loriong, beh dap'ingr? Iauxx si mair ? arr si tywhiap? Tywhiap qaur sniaw tingdo? Gunw m jaix, rair hro ix sngw qaur jap-id diamw? Jit diamw? Gunw m jaix?"

Jinjniar qongw .kiw .laii, anne ee qadniuw jyr sniaw quatding vingrr byy diongriaur, byquanw inx ee jaboxqniaw duiww verbuw juewau ee quatding byy itding buanxir, ix e jaix, inx kaksit si jin' diwdiong ix, kyxlu ix ee bunrdee. Ix marr e jaix inx si jinsimx air ix ee, ham' ix u quanhe, kiokk berdangr singx jaix qetqyw ee dairjir, verbuw uirr ix tongwkow qunxliongr .quer, ix ee hunrliong si jiacnirr dua.

Dng' langg' mng guaw, " or! Peck isingx, liw si m si erdangr teqiongx guaw jit tyr qongsid, hro guaw jaix sniaw sii ersaih quijue mow langg, sniaw sii bersaih?" guaw qandna' huedab " guaw byy anne ee qongsid hro liw." Muixx jit xee qywanr longxx si digle, longxx byy qang. Liw jinjniar beh sunqiuu jinsiongr, dyrr rair tecud bunrdee. Anne jyr itding erdangr cue cud jingwkag ee quatding, mrqycc liw marr rair zimxsiu byy hxuad jingwkag zinrdix jurqiw ee suanxdik si m si driyc ee sii.

IWJIR INGWHAU

Sunqiuu jinsiongr qapp siongrderee kexsi, anne ee vaiviw m si gnoxzenn ee. tyxlun jinliw, dyrr si tyxlun mow jiongw viw lanw jursinx jongqyx ee mic, marr si lanw jauxcue jit jiongw " kacc quann ee kuanlat", qamguan quihok ix.

Dirr tagjiaw qra jitt xee lunrdiamw knuawjyr guansiw ee " jongqaur" quanlilam, qamxqag kyxciyr jinwjingg, cniaw iongunw guaw jixcud, kyhak si jit jiongw jinliw jiwsiong ee hing'uii bosid. Kyhak honghuad, si jerje sewqir ixlaii, lanw uirr duiqiuu jinliw, tauwquer sna' lensuar huersiongx, tyxlun, ciuxdnua soxx huatdenw .cud l.aii, beh iong laii duiwkongr zinlui jurkix kinghiongr ee honghuad. Kyhak huwsiok dirr kacc quann ee caipnuar, kacc quann ee kuanlat, "jinsiongr" ji' ha.

MAHATMA GANDHI (1869-1948) bad qongw "jinliw si siongrder, siongrder si jinliw. " lanw siongsinr siongrder marr si qongbingg qapp air, ix ersaih qapp jinliw si duiwdingw ee, benw huaigii ee. guaw juxdniux, kyhak diwsig ee duiqiuu suibongw berdangr qaixdab soxu ee bunrdee, mrqycc kuthok dirr kacc quann ee kuanlat jitt diamw, ersaih kunawjyr jit jiongw kansingg vaiwsinn ee hing'uii.

Quijue byy hyxser siongrr dua ee guan'inx si : iwjir sniu' qiongg, kacc m kingw hiongr qyckacc quann ee kuanlat kuthok. Guaw siongsinr qenqiongg ee iwjir si zinlui siongrr dua ee iudiamw, suibongw byy itding damvyw singqongx iacc si senrliongg, myqycc byy iwjir vyxjingr sitvai. Iwjir qenqiongg ee langg jiapsiu simliw dirliauu ee ingwhau siongrr hyw, inx duiww singdiongw huaipy sinvir ee qidai, si jit jiongw liauxvutkiw ee jusanw qapp hokvyr. Mrqycc soxu ee hokvyr longxx u hur-jokiong, suisii e venwjyr jxiur, iwjir qenqiongg siongrr qniax langg ee hur-jokiong dyrr si qau singwde --- iong'i hunwno.

Iwjir luanxziok dyrr cniurr dirr aurdniaa cri ser jiah luu-aw, ix byy kyxlingg e hro liw u sniaw sngxsid, qigqex qa pnaiw liw jingr ee hueluiw, mrqycc ix marr byy hxuad jo liw sniaxmic. Siongduir :ee, iwjir qenqiongg dyrr cniurr aurdniaa cri jap-zi pid CLYDESDALE cenlixkux, inx texqeh piauped, qiongqenr u lat, narr byy hyw ee hunwlen, quanxqar, kongwjer, inx jin' u kyxlingg qra cur dac vnee kir; liw narr qra inx jyr hyw hunwlen, liw erdangr kyr inx isnuax-dyxhaiw.

Iwjir beh kyr sniaw kongwjer ? liw berdangr iong liw jurqiw ee iwjir kongwjer iwjir, anne dingxii byy kongwjer, liw diyhh qaux hro jit xee viw liw kacc quann ee lat hro kongwjer iwjir.

GERALD MAY (1940-2005) dirr iwjir qapp simlingg (WILL AND SPIRIT-1987) ceh nirr derr id jniux "qamguan qapp tingxsingr"-diongx, duiww u jetjer ee iwjir ham' hongwdong byy kanjer ee iwjir kuvet, u jin' hyw ee suecbingg. Tingxsingr dyrr si byy sriu kusog ee zinlui iwjir ee huawsinx, qamguan si qenqiongg ee iwjir guanrir sriu kacc quann ee kuanlat lingxdy, iacc si tniajiongg diauwhuanr.

LONGXX SI LIW

Sewqanx dua qanx /dau og ee langg, qaqi longxx zinruii iongxiuw siongrr quann ee kuanlat, qamxx urngiaw si jiacc duxhyw? Iwjir qik qenqiongg si jit jiongw og. Jitt jiongw langg huisiongg jurluann, jurgnow diongsimx, qywzinn iwjir jiwqyx-bysiong, inx siongrr siqniaa byy sikdongx qycc ok'ir quijue vadd langg, berdangr, marr byy guanrir tehcud jurqiw ganw-diongx ee nxiuu.

Dysowlangg jixiaur cuthen u qauwjiog ee jingwqur, jingwbingg lanw ee juerog qapp byy uanbiw, qycc berdangr qra jiaxee jingwqur knuawjyr byy junjai, tongsiongg dyrr e singzin jurqiw u bunrdee, benw langg' qongw, qaqi huexgno qaixqyr. Guaw qra byy anne jyr ee langg qongw si "vehcadlangg". Inx songrr binghenw ee digdingx dyrr si jurkix-kizinn, qencii jurqiw ee cyxgo qapp okhingg byy knuawqnir; soxx qongw ee ue/ soxu ee hinguii, suisii uirr ginghap jitt jiongw jurbuanw ee simtair, qamguan huwcud zimrhyy dairqer, qinvunw byy quanw u zuarr je jingwqur jixhiongr inx ee jueog qapp byy uanbiw. Jingwqur m na be qowsingg huanxsingw qaixqyr ee dongrqix, dendyww jin juanvo ee kuiwlat qra siaubet buah byy .kir, unriong soxu ee lat apvig langg', quanwtaur jurqiw ee iwjir, vyxho vnertair ee jurgnow. Jitt jiongw bingjaix qycc diauqangx huan, soxu ee hyrhai longxx qruix hro tnazinn ee hinguii, dyrr si inx siongrr dua ee og.

Lanw liauxqaiw, quijue langg' jin' hyw sngw; huad singwde be baiw; iamwhin marr cuwbi cuwbi. Qapp soxu duar laii zukuair ee uahdong qangkuan, longxx e iongxsingg quanwsir ---jiac liauw jaix jubi, e genr, jiamrr byy huatdo qra jurqiw giuw .cud .laii.

Iuxquanx okmoo jniursinx ee bunhenr hro guaw lensiongw .diyc, jinghongw e okhuar qaur sniaw tingdo. Bunn-diongx qongw .diyc virr jniursinx ee langg, jre dirr vnix :a decc jiac jurqiw ee aurdnex. Jex hro guaw sniu kiw diong-sewqir rue ee derqak, marr u luirsu ee dobin --- jysiu tnix kenxjig ee langg ker qaqi ee aurdnex. Jex naxjunxx si jit jiongw huisiongg byy songxkuair ee juser, guaw itdit qamxqag byy sniaw dyrliw, aurlaii tak diyc FREDERICK BUECHNER (1926- )ee jit vunw ceh "dnuabin sukyw hongsid : sinhak zibmngg (WISHFUL THINKING.. A THEOLOGICAL ABC, 1973), jit kaisiw BUECHNER dirr zirviauw A ledcud "hunwno (ANGER)" jitt diauu, qra viw jyr ger jit qix qud. Jongw si iauxx qycc cunx quiw sxix qinx, iauxx qycc u jit sud aw qutcuew, jiongw si iauxx u jitt jid diamw aw, liw dyrr ker be suah. Ui'id ee bunrdee si liw ker hitt qix qud si liw jurqiw.

Quijue vadd langg e jniajyr quanwsingr; siongrbuew liw e vutduan ker hitt qix qud, jit vaiw qycc jit vaiw, vutduan tecniw jurqiw, vadd langg si zuarnirr duiwvutju liw. Simliw dirliauu qra jex hyrjyr " quijue iuhir(BLAMING GAME)" --- jitt xee suu si ixqingx quewsinx ee simliw dirliauu dairsux ERIC BERNE(1910-1970) dirr zinqanx iuhir (GAMES PEOPLE PLAY, 1964) ceh nirr derr id vaiw iong ee sinx suu.

Qinqur ix lyc ee dingrgi, simliw iuhir si nng xee ixsiong ee cam'uxjiaw, junsunn "amr-iong'unw ee sniuw-huat quijig", diongrhok hordong, anne m na iongxsingg quanwsir, qycc e ho'ngg tingjiw jinwvo, longrhuir jinglat byy zimrhyy congwjyrsingr. Soxui amr- iong'unw ee sniuw-huat quijig--- byy qongkaix suecbingg, cangr dirr viauxbin-ha, dairviauw simliw iuhir si be qnir did langg, siongrr gauu caujiongr diyh qalew.

"Quijue iuhir" marr erdangr qongxjyr "narr m si liw" ee iuhir, dysowlangg longxx sngw .quer, jex marr si soxu huninx quanhe siongrr sisiongg qnir .diyc ee iuhir. Kyxviw qongxx, MARY qongw " hm! Guaw jaix guaw lysyx, mrqycc hex si JOHN itdit kixjy hitt dow simjniaa ee quann viah, guaw qandna' kyr lysyx jiacc e did zip .kir, beh quair diyhh quair JOHN hitt dow viah, hai guaw venwjyr jitt xee lysyx ee jaboxlangg." JOHN qongw, hng! Guaw jaix guaw kong jit dow cniuu, hex si MARY sniu' lysyx. Guaw diyhh kyr jitt dow cniuu vyxho jurqiw, suisii MARY dyrr ee laii hongjar, guaw tiamw siw ix marr vutquanw guaw rair u jitt xee xui tangx hyw bih, longxx rair quair MARY lysyx, narr byy, guaw nacc u su'iaurr kong cniuu-aw.

SUAH HXIR AR!

Jitt jiongw iuhir u jit jiongw sunkuann, diongrhok ee singhun, itdit sec be tingg. BERNE tehcud jit xee juadduir be siy' dahtud ee jinliw, suecbingg anxjuanw laii liauxqed simliw iuhir. Ix qongw, " ui'id ee honghuad dyrr si sui' tingjiw." Tniax .laii qanxdnax, beh jyr si huisiongg kunwlann. Beh anxjuanw jiacc tingg e lyc .laii?

E qnir did anxjnuaw sngw ig-vxeh :a hnor? Liw ersaih jre dirr hiax qongw "liw jaix, sngw jex jin' gong, lanw ixqingx sngw sir diamxjingx ar, jiacc iuwdir, guaw iauxx jerje iauwqinw ee dairjir danw beh jyr neh! Mrqycc liw itdanr tongquer "hiongr jingg" ee qeh aw, qycc sui' qongw " nng-vah kox tec .laii!".

Bylun liw u zuarr je bai'uanr, jixiaur liw iauxx decc siux "hiongr jingg" hitt nng-vah kox, liw dyrr e qewsiok sngw .lyc .kir. digvet si qandna' nng xee langg ee sii, duhuix u langg kia kiw laii qongw "guaw byy air i ar!" narr byy, itdit sngw be suah.

Lingrgua decc sngw hitt xee langg kyxlingg e qongw : mrqycc JOE, liw duxx tongquer "hiongr jingg". NNg-vah kox tec .kir.

Benw, dysia ar, guaw byy air sngw ar.

Mrqycc, JOE nng-vah kox neh!

Liw qamxx byy tniax guaw duxx qongw .quer, guaw byy air i ar!

Be liauxqiok, ui'id ee honghuad dyrr si mair sngw.

Qetsog quijue iuhir ee honghuad dyrr si guanliong. Guanliong dyrr si anne jit huesu : quijue iuhir qniaa qaur jam ar, suah hxir ar. Guaw jaix jex si jin' lann jyr qaur ee.

CUIWDUNPUEE :EE

Dnaxx jerje qui'ix sinx sidai sinwgiongw ee langg, byy sniu dyrr qongw cud cuir, guanliong si qanxdanx :ee ; mrqycc jixu dirr jit xee langg siongsinr sewqanx byy siaog junjai ee sii, jiacc iong'i jyr qaur, jex si qapp sursit byy hap :ee.

Jitt jiongw cywgo ee quanliam kyxlingg si jit jiongw hamrcniw. Simliw isingx GERALD JAMPOLSKY siaw :ee jit vunw huisiongg sriu huangingg ee sinx sidai duwjog "air si hro qniahniaa byy kir (LOVE IS LETTING GO OF FEAR 2004)", si jin' hyw ee le. Dirr ceh nirr ix dramm .diyc kuanliong jitt xee qik diongriaur ee debak, guaw byy buanxir ee si ix qongw liauw sniu qanxhuar. ix qongw lanw vutqaix lunrdng langg', qaix qex knuar inx ee iudiamw, suncue inx simdiongx ee siongrder, kingxding inx, anne qongw si vorhun driyc narnia.

Duiww luirsu jitt jiongw ee qongxhuad guaw ithiongr tequann qingxqag, dairjir knuar liauw sniu' qanxdanx, dendyww hro langg' ziaw laii mohuann. Guaw sniu diyc jit xee qoxjaw SUFI qauwpair dairsux ee qingxqyr : "gauw qongw kaur, m si beh liw kaur be suah, gauw qongw mair hauw, m si qiyr liw ingxuanw vnuaenw txiuw aw." Vuthing ee, jerje sinx sidai unrdong sinwdoo siongsinr, "kingxding" si "ingxuanw kingxding". Gauw dongir, 90% ee sihau, dairjir dyrr si anne, mrqycc u 10% ee qihue, liw binrduir ee si HITLER hitt jiongw langg sii, kingxding si songrr dua ee cywgo.

Liongrjingg qapp kingxding si byy qaiww qangg ee nng huesu. Kingxding si piacbenw qapp siaog jniawciongx ee jit jiongw honghuad. Naxx decc qongw "hyw ar, dyrr sngr guaw aurve dirr guaw sewhanr sii qra guaw qauxsuax, hex si ix zinsingr ee ziogdiamw ji' id, ix serhanr sriu sionghai ee jit vorhun." Siongduir ee, liongjingg su'iaur binrduir siaog. Su'iaur liw duiww aurve qongw " bylun liw u sniaw lixliuu, liw jyr :ee si m driyc :ee, liw duiww guaw ee hinguii si huanrjue ee. guaw jin' cingcyw jaix liw huan diyc guaw, mrqycc guaw iauxx si guanliong liw."

Jitt diamw huisingg byy qanxdanx jyr qaur. Jinjniar ee guanliong si jit xee huisiongg huisiongg kunwlann ee quewdingg, kiokk si uicii liw simliw qenrkongx berdangr kiamr ee iauwsor.

guaw qongw ee "siok ee guanliong" hro jerje langg sriu kow. Inx jiapsiu simliw dirliauu, derr id vaiw qapp dirliausux qniwbin qongw, "hyw lar! Guaw singzin guaw sewhanr quer liauw byy hyxser, mrqycc verbuw ixqingx jin lat ar, guaw guanliong inx." Mrqycc cimzip liauxqaiw au, dirliausux dyrr huathen inx qinvunw byy guanliong verbuw, inx jixsi sniu qongxx jyr qaur ar.

Simliw isux dirliauu jitt luirhingg ee langg, derr id vo si hro inx simxpnuar inx ee verbuw. Jex su'iaur kaix jin' je qanghux. Kixsor, venrho, qriuu siawbenw, qycc kixsor, itdit qaur dadsingg siongrbuew pnuawquad uijiw. Jitt xee quewdingg su'iaur kaiiong jerje kuiwlat. Dysowlangg qamguan suanw siok ee guanliong. Mrqycc jixu suanpnuar virqyr u jue au --- "guaw ee verbuw byy jinrlat ; inx erdangr jyr kacc hyw, inx duiwvutju guaw", jinjniar ee liongrjingg jiacc u qihue huathuix jok'iong. Liw berdangr kir guanliong jit xee byy jue ee langg. Kakding u jue, jiacc erdangr u guanliong.

SIW HRO LIW KNUAR

Je nii jingg laii cue simliw dirliauu ee langg longxx u virr gigtai ee kinghiongr. Guaw soxui siurgigqongg, m si inx ui' bactew ee tongwkow did diyc singr-tiongwtauu, si qongw inx e jiuqii sunkuann iong mow jiongw berdangr lixqaiw ee hongsid jurgnow huixbet ee kinghiongr. Denxhingg ee le si jit xee congbingg jaijingg ee lamsingr, ix ee derui sringx qaxx jin' qinw, jiacc 26 huer dyrr jyr qongsix siongrr siauwlenn ee hxur-jongxcaii, hionghiongg jyr jit qnia suxx langg berdangr iongzimw ee dairjir, qra qaqi ee jendoo bruw byy .kir. ix sidjai taiww kiauw lehh, byy zuarr quw, qycc cue diyc lingrgua jit hxun qangjog, marr qycc dirr beh jinwsingx jingg, huan jit xee dua cyr ho'ngg kaiduu. Qangkuanw ee dairjir huatsingx derr snax vaiw au, ix qakgno diyc jurqiw decc junsunn jit jiongw jiuqisingr ee jurgnow huixbet mosid, iarr dyrr si virr gigtai ee mosid.

U jit xee luxjuw, snix jyr suiw, kiauw, belangg, linglik qycc qiongg, kiokk itdit qapp juwding m jnialangg ee javox iokhue. Jitt jiongw jiuqisingr jurhuiw mosid ee langg, ongxongw marr quanwsir teqiongx siok ee guanliong. Inx e qongw, " or! Guaw ee donglenn sing'uac si byy sniaw, mrqycc verbuw jin lat ar! "

Beh suecbingg uirjnuaxngiu siok ee guanliong si byy loriong ee, ixqip uirsniaxmic diyhh tuatlii jurhuiw ee hamrjniw jiacc erdangr huwcud jinjniar ee guanliong, rair singx jixcud jitt jiongw siurqigqongg kinghiongr amwcangr ee insor. Siongrr hyw ee qaisueh honghuad si quancad haidongg ee simliw hordong jongrtair, in'ui u quaw singlenlangg ee simliw vnertair cuthen dirr ginxaw srinx-siong kyxlingg jin' jingwsiongg. Ixx 4 huer dua ee a'Qiongg jyr le, ix sniu beh dirr langgkectniax zriok loqomuaii, maxmah qongw "besaih, a'Qiongg , besaih did."

a'Qiongg qencii qongw, "ersaih, guaw ersaih did."

Maxmah marr qencii," bersaih, bersaih."

a'Qiongg qamm diyc bagsaiw, dongr dongr dongr jauw kiw kir laudingw, vongw ! mngg qnuaix .kiw .laii, bih dirr vangqinx lai decc hauw. Kaur 5 hunjingx quer, tingg .lyc .laii, mngg iauxx qycc qnuaix lehh. vnuar diamxjingx au, maxmah qamxqag qaix lang hro hnuahiw .jit .xe, jaix a'Qiongg siongrr air jiac CHOCOLATE ICECREAM, maxmah dyrr junxvi jit hxun, pangg kir laudingw, huathen a'Qiongg qux dirr viah vnix iauxx decc siurkir.

maxmah qongw, a'Qiongg ar, laii ar, guaw cuann liw siongrr air jiac :ee, beh hro liw neh! a'Qiongg dua sniax huah jit sniax, "guaw byy air lar!" Crunx ciuw qra vingx sag duiww tokax kir.

jex dyrr si siurgigtai liahqongg ee huanxingr. a'Qiongg erdangr did diyc juann sewqair ix siongrr air ee mic, mrqycc ix qra danwhetqag. Uirsniaxmic? Jin' binghenw, dongsii a'Qiongg duiww maxmah ee hun ixqingx ciauquer duiww vingx ee air. Qisit virr gigtai dyrr si anne, si qingquer guirjong ee gigtairqongg, qingquer guirjong ee siuhun, qingquer guirjong ee hunwno.

Laii dirliauu jurhuiw kinghiongr ee huanrjiaw, longxx decc sngw "longxx si liw" ee iuhir. Dirr mow xee amwiwsig jancur, inx itdit decc qongw, " liw knuar, guaw ee verbuw (dysor jongrhongw longxx ham' verbuw iuxquanx ) si anxjnuaw huiw driau guaw ee itsingx!" inx ee uanr dairvorhun liac qaqi cutkuir --- inx siongrr juxiaur ee amwiwsig dongqix si beh hro juann sewqair jaix, mow jit qrunn oloxbogjer :ee si zuarnirr duiwvutju inx. Narr si inx singtew kongqen, byy kiamr jnii, huninx hyxser ar hyxser, qniaxzii u singjaii, inx vin' sniaw qongw " liw knuar, inx si jnuaxngiu qra guaw ee itsingx huiw driau !" berdangr, inx berdangr anne qongw, driyc m driyc? Mrqycc inx u jit xee vyxcii uanwkuir ee vanrhuad, dyrr si hro jurqiw itdit vyxcii "virr huiw" ee jongrtair. Qaixvenr jitt jiongw jongrtair ui'id ee cutlo dyrr si guanliong, jinsimx guanliong verbuw, jitt diamw beh jyr qaur si huisiongg byy qanxdanx ee.

KUANSIAR SI IYHVOR

Guaw u jit xee vnerlangg, donglenn sii verbuw cavutdyx dyrr si hro ix uac dirr zinqanx lenrgnax nirr, ix kiwdoo beh kikhok jitt dnxua quewkir. Tecud jitgii qongw "liw jaix, narr si guaw erdangr didjiab qra inx qongw, inx si anxjnuaw sionghai diyc guaw, qra guaw hue sitlew, guaw erdangr guanliong inx, simrjiww jixiaur inx kingw tniax guaw qongw marr hyw, mrqycc dagg vaiw qra inx qongw, guaw an' inx hiax sriu diyc zuarnirr dua ee sionghai, inx e qongw itcer longxx si guaw cnijy ee, qirjuat hue'ik ixjaw ee okhingg. Guaw singdamx soxu inx deh dirr guaw srinx-siong ee tongwkow, inx qaqi uanjuann byy sriu quer kow, liw iauxx beh guaw guanliong inx?"

Si ar, guaw huedab.

Guanliong si liausiongx ee vit'iaur diauqnia, byquanw jitt xee liamrtauu suxx langg zuarnirr tongwkow, myqycc narr byy guanliong verbuw, zinsingx dyrr byy hxuad tuatlii "virr huiw" ee jongrtair, verbuw si m si hue m driyc, m kingw tniax, longxx byy jyrsingg ingxhiongw.

Byy air huwcud jinjniar kuansiar ee vnerlangg, e hro guaw quiw xee viaujunw dap'anr. Inx e mng "lanw congwsniaw itdit qongw jiaxee pnaiw dai? Lanw itdit qongw verbuw jyr ee baiw su, jex duiww inx byy qongvnee. Liw jaix, inx marr jyr quer hyw dai, anne byy vnevang."

Guaw e huee qongxx " dongzenn linw verbuw jyr quer hyw su, jiwjiyw liw iauxx uac lehh, narr si inx byy jyr hyw su, liw itding byy mia ar. Mrqycc lanw jibdiongx dramm pnaiw su si in'ui SUTTON'S LAW.

Vnerlangg bagjiux tenw dua dua luiw, mng : SUTTON'S LAW?

Guaw qongw, " si ar, jex si ixx cniuw ginhangg u miaa ee WILLIE SUTTON hy ee. qiwjiaw mng SUTTON uirsniaxmic cniuw ginhangg. Ix qongw "hiax u jnii."

Simliw isingx ee juwiwlat longxx jibdiongx dirr pnaiw su, hiax si soxu dirliauu siongrr e dapsia ee soxjai, duiww vnerlangg marr qangkuanw, hiax si soxu congwsiongx qapp niauhunn ee soxjai, marr dyrr si su'iaur dirliauu ee vorui.

Guaw qycc tniax .quer duxx kaisiw jiapsiu dirlauu ee langg, qongw qyckacc iuwdir ee ue, "liw uirsniaxmic itding beh ueh jiaxee su? Qra vangr be qir did dyrr hyw ar?"

Lawn byy kyxlingg be qir did zimrhyy su, jyr be qraur jinjniar ee be qir did, qandna' jyr qaur jinjniar ee kuansiar. Jixvutqyr lanw uirr dypiah siawbenw jitt xee koxsu, loxlik mair kir sniu hiaxee hro langg byy songxkuair :ee .

QUIRJY QIWIG

U langg e tauwquer jit jiongw hyrjyr "apkud (REPRESSION)" ee simliw qijer qexjy qiwig, qra mow quaw cinsinx jygu ee su, vaiduu dirr iwsig gua. Lanw berdangr u iwsig ee hueig jiaxee su, mrqycc vingrr be anne siausid. Sursit-siong, ix venwjniaa jit xee jokquair ee okquiw, hro jinghongw venr qaxx viw lanw vyxliuu qiwig qyckacc zuu.

Kyxviw qongxx, itjair sriu diyc singr-cimhuan ee luxsingr, quewkir dagg lexvair longxx virr laurve iacc si aurve qiongqanx, lensuar nng ~ snax dxangx, ix u kyxlingg e jinjniar be qir did jitt huesu, simrjiww inx be qir did jit diamw hunjiah, jitt dnxua hueig uanjuann virr apkud ar. Mrqycc jiaxee hurluw juewau vutditvud laii jiapsiu dirliauu, tongsiongg si inx qra jurqiw ee qamxjingg sing'uac bruw qaxx zuu ~ ~. Inx suibongw be qir did donglenn ee qinggiam, kiokk byy hxuad vaituad hitt xee imngiaw.

Lanw berdangr jinjniar be qir did zimrhyy su, siongrr hyw ee vanrhuad si qapp inx hyqaiw, dirr mow jiongw tingdo-siong, lanw ersaih e qir .did, be qamxqag qankow. Dirr dexkongr hunwhin okmoo ee anjuann kiwhun-diongx, derr id rair jyr ee dyrr si hueig quewkir ee juerhingg, qycc laii si hunwno – si qra juerhingg kixsor ham' simxpnuar, si berdangr kiamr ee jit kuann. Mrqycc qaur mow jiongw tingdo uijiw, liw narr qycc qencii hunwno lyc kir, dyrr si sionghai diyc jurqiw or.

Kuansiar ee quewdingg, sursit-siong dyrr si kuansiar siongrr juxiaur ee lixiuu --- si uirr jurqiw hyw, m si uirr vadd langg. Duiwhongx byy itding u vit'iaur virr kuansiar. Inx kyxlingg be qir did qaqi jyr m driyc sniaw su, jin' u kyxlingg e qongw " longxx si liw venx :ee", marr u kyxlingg inx ixqingx quewsinx ar. Kuansiar uanjuann si uirr lanw jurqiw, uirr lanw ee qenrkongx. Narr si lanw qencii siurkir ciauquer mow jiongw tingdo, dyrr byy hxuad qewsiok singdiongw, lanw ee linghunn marr kaisiw qiusog.

DERR SNAX JNIUX SIXBONGG LUANAIR QXOW

Bixqog sizinn CARL SANDBURG(1878-1967), siaw "duiwhy" jit siuw six :

Guaw jre dirr duiwhy kuaiwciax lai, qoklai derr id janw ee ledciax.

Vnuaquer cauxsnuax, vniar hiongr tnix vnix obu,

Jap-go jad sunqngr pacjy, cenzinn langkeh ciasniux

"soxu ee ciasniux snisenx naxx nua tih,

Soxu ee canciax, kunwcngg, hihix huarhua ee l.-lamluw-l. huar jyr hux"

bongbu nirr mng jit xee lamjuw, liw beh kir dyhh?

Ix qongw "omaha"

Jit siuw six qongw ee si --- naxx si liw iauxx bue iyh diyc --- sixbongg, qanxiaur diamw cud ithiongr lanw kinknuar ee diongriaur zinsingx kywdee. Mrqycc guaw ui' cingsiauwlenn kiw, dyrr kaisiw qapp sixbongg luanair, qongw kacc bingg lehh, guaw u jursad ee kinghiongr, hex si duiww guaw singdiongw kuanqingw ee huanxdong. Haidongg sidai, cur nirr itdit qra hiqew ee keckir knuar qaxx viw sniaw kacc diongriaur, candyh-dingw dirsii qaix iong dycc jit qix ciamw-aw, si quanhe sniwmia ee dairsu.

Quixarr nii jingg, siqniaa dairhagsingx hxingg ee singwdanr lexmic, uree dirr dingxbin siaw quaw gexsew giyhciyr ee zirqur. Gauw bad brew jit niaw uisuqunn hro kanciuw, jniawbin inr duarbuw jiah ee muaah, muaah ee binrdingw anne inr : "JINGWKAG EE CIAMW-AW DIRR JINLIW JINGG ". Guaw ee donglenn dyrr si anne, verbuw huisiongg diwdang viauxbin qanghux, inx sxor jap vaiw qra guaw qingxqyr "cingrcah dairviauw jit xee langg". Mrqycc sitbang jin' qinw dyrr duer lecc laii, siwqer longxx si qangxqiur cing, sulo kangx longwlongr ee langg.

SIW LUANN

Kyxlingg guaw cutsir dyrr vuerqud, mrqycc jin' jaw ixjingg dyrr qra qaqi qongw, "benw quanw hiaxee viauxbin qanghux. Dauwdew si sniaw jiacc jinjniar diongriaur?" iongxsingg jit jiongw ui' surbut viauxbin xe ciaucue jinsiongr ee quanwsir, jex duiww guaw itdit jin' u vangjan. Guaw jitgii zinlui singjunn siongrr diongriaur ee vunxjid sii, simtauu puu .cud derr id xee dap'anr, dyrr si sniwmia iuxhan, muixx jit xee langg longxx rair siw, dyy be quer ee. jitt sii dyrr kaisiw qapp sixbongg luanair.

Singlenn au, qakgno diyc sixbongg kyxlingg byy itding si zinlui singjunn siongrr diongriaur ee vunxjid, jiwjiyw si derr zi diongriaur. Singdiongw ee jit vorhun dyrr si zinrcingx u cutsir dyrr u sixbongg, lanw benw vutliauw venwjniaa snisenx, nua tih iacc is huexhux.

Sniwmai ee iuxhan hro jerje langg simdiongx ciongbuanw byy iwgirqamw, qiwzenn byy langg dyy e quer sixsinn, bongbiauw ee zinsingx iauxx u sniaw iwgi? lanw kyxlingg erdangr tauwquer qniaxsunx ee qiwig, qex junjai jit six aw quw, mrqycc qeh byy zuarr quw, qingquer quiw dai, qiwig marr e jiamrr tewsig siausid byy ngiaxjiah.

Liw kyxlingg tak quer P.B.SEHLLEY(1792-1822) u miaa ee six "OZYMANDIAS", biysiaw suaboo-diongx jit jxy qirdai diausiong ee uijiah, jyrdaii-siong kig ee zri :

OZYMANDIAS si guaw ee miaa, jiongww ongg ji' ongg:

Knuar guaw ee qongjig, sinbingg ar, liw marr e uanwtanr byy guaw ee gauu!

Mrqycc qui' xee diausiong qandna' cunx jyrdaii, nng qix dua jiyhtuiw, singkux byy .kir ar, binrboo cuiwlec .kir, vnuar draii dirr suax nirr --- byy langg e qir .did jitt xee si si'angw?

Liw dyrr si erdangr keh zip kir jiyxsor zinlui ligsuw laujiah uixzinn ee hanglet, jit sewqiw jit sewqiw decc quer .kir, soxu ee hunjiah iauxx si e siausid.

W. SHAKESPEARE(1564-1616)soxx siaw ee zinbut MACBETH anne qamxtanr : zinsingx jixvutqyr si jit diauu imngiaw ee lo ; jit xee gong langg qongxsueh ee qowsu. Caxnau qapp hunwno, jit diamw aw dyrr byy iwsur.

QAPP SIXBONGG VNIAR MIA

Anne qongw qamxx driyc? Sniwmia byy iwgi --- dyrr si u iwgi, marr e hro sixbongg qngw jauw .kir? jniawqangw si jiacnirr kanghix? Guaw byy anne sniu. Sixbongg qapp lanw soxx siongxsiong :ee duxhyw sianghuanw, ix m na byy vakduat sniwmia ee iwgi, dendyww si sixbongg cuarcud sniwmia ee iwgi.

Guaw air diyc sixbongg, siongrr dua ee jokiong si hro guaw qamxqag jidsiwlangg byy iwgi. Zuqyw liw duxx uirr byy iwgi iacc si nuarjnua (lranw lranw) koxnauw, guaw erdangr teqiongx siongrr hyw ee cutlo, dyrr si giamsiog kyxlu qetsog jurqiw ee sniwmai. Sixbongg si jin' janw ee jingzinn, qapp soxu uixdai ee aiwjingg qang, ix ciongbuanw sinvir, duar laii jerje tiautiongr qapp ciwqig. Liw dirr ham' jurqiw sixbongg ee sinvir vniar snesiw ee quewdingg-diongx, itding e huathen zinsingx ee iwgi.

Dongzenn, jerje langg duiww hro qaqi sixbongg jitt xee quanliam byy cuwbi, ham' sniu dyrr byy guanrir. Inx qra vaiduu diqag ji' gua, simrjiww iwsig marr sriu hanrjer. Cniurr C.SANDBURG ee six, lamsingr ee diqag huisiongg iuxhan, qandna' jaix beh kir OMAHA, kiokk byy sniu diyc zinsingx lordoo juewau ee siongrbuexjam qisit si sixbongg.

Guaw iauxx e huathen, byy hiacc sriu hanrjer ee langg --- cutqioh ee jokqax, susiongxqax--- jaxban longxx e hro sixbongg bee kir. A.SCHWEITZER (1875-1961) anne siaw :

"Langg diyhh sigsai sixbongg, jiacc e huatdenw jniajyr jinjniar senrliongg ee langg. Sixbongg si lanw muixx zit, muixx jit diamxjingx qaix kyxlu genxqiur ee kywdee. Dng' zinsingx ee dyrlo cua lanw laii qaur kuikuah kongqanx ee soxjai, erdangr knuar duiww dervingsnuar siongrr hng hitt vingg sii, cniaw liw cenban m tangx qra bagjiux kreh .kiw .laii. lanw kavo tingg .jit .xe, himsiongw hng ~ hitt vingg ee qingxdir, jiacc qycc qewsiok qniaa. Dirr jitt xee jinghingg-ha simsu sixbongg, air sniwmia ee simjniaa dyrr jurzenn huatgee snitnuar. Sigsai sixbongg au, lanw e qra muixx jit lexvair, muixx jit zit longxx dongwjyr lexmic. Qandna' iong jitt jiongw hongsid jiaplap sniwmia, jiacc e jit diamw jit dih lixqaiw sniwmai ee dinquir."

Jin' jiyw knuar diyc jitt jiongw sixbongquanx. Jiongsu simliw dirliauu qangjog be jiyw nii ar, huathen jiwjiyw vnuar sxor vnerlangg su'iaur guaw vig inx binrduir jurqiw itding e sixbongg ee henrsit. Sursit-siong, huepiah ee simtair naxx dyrr si inx vne ee jit vorhun, inx qamxqag sniwmia suxx langg iawsen, qycc hro langg qniahniaa, jinrliong mair kir vnerngi tamwbong vingiuw, knuar vywjuaw itding tiaur quer sixbongg qywsirvanw, ciangjai be qir .did siaw puex anuir uijok, vnuawmee sisiongg qui' singkux lingxqnua qniax cnew, bang diyc jurqiw rimx siw. Duhuix lanw erdangr hro inx dudpuar jiaxee jurset ee iwsig hanrjer, narr byy, inx byy kyxlingg uanjuann hyw .kiw .laii, duhuix lanw erdangr tanxzenn binrduir jurqiw ee sixbongg, narr byy, ingxuanw byy kyxlingg dirr sing'uac-diongx cue diyc iongxkir ham' jursinr. Narr si sewqair-siong byy jit hxang lanw guanrir hisingx sniwmia :ee, sniwmia dyrr byy uanjingw.

BINRDUIR SIXBONGG

Iwsig ee hanrjer ursii e hro lanw ee sniwmia kicqag byy uanjuann. Duxx kaigiap sii, u jit xee lamsingr h.-hiongqiongg-q. jauw laii cue guaw, inx cequ snax qangx jingg giac cingr jursad. Ix jre lyc laii qongw be tingg : "liw qamxx jaix gunw qu-aw, ix kuix cingr dnua qaqi ee taukag. Guaw si qongw, ix tec hitt qix cingr, guaw si qongw, dyrr jiacnirr qanxdanx, jixiaur jit OUNCE ee aplik, ix dyrr siw genrgen, dyrr si jiacnirr qanxdanx. Narr qongw guaw u jit qix cingr, guaw si qongw, guaw byy cingr, mrqycc guaw narr si u cingr, qycc sniu beh siw, hex dyrr jixiaur --- m si guaw sniu beh jursad, mrqycc, guaw si qongw --- jixiaur --- hiacnirr qanxdanx."

Guaw nairsimx tniax ix qongw, jin' binghenw, ix m si cnehiongx cequ siw ee aisiongx, si jitt xee surqnia hro ix jriab diyc jurqiw sniwmia iuxhan ee jinsiongr, qra ix luersimx jinjniar qniahniaa ee qinguann qongw hro ix tniax.

Ix sui' huanxvog " hngc! Guaw jiacc m qniax siw lehh!"

Inx kanciuw cab cuir qongw " cinair ee, kyxlingg liw qaix qra lingciax qapp vin'giquanw ee dairjir qra isingx qongw."

Suar .lyc .laii, ix hiongr guaw qaixsueh, ix duiww lingciax qapp vin'giquanw u jiongw digsuu ee qniax --- simrjiww dagg zit qniaa lo siong-harvanx ee lo nirr, ix longxx diauqangx qex qniaa snax diauu qrex, qandna' beh siamw quer jit qingx vin'giquanw; jixiaur lingciax sraiw .quer, itding e qra tauu uad jauw, iacc si nngr zip kir hurqin ee qenwdiogbut, siongrr hyw si bih zip kir siongdiamr nirr.

Guaw qongw "liw jinjniar jin' qniax siw neh!" mrqycc ix iuguann qencii "m si, m si, guaw jit diamw aw dy' m qniax siw. Jixsi lingciax qapp vin'giquanw hro langg byy songxkuair ziiw! "

Jiurr simliw hordong laii qongw, qniahniaa tongsiongg si jit jiongw "juanxngua (DISPLACEMNET)" ee qijer inxkiw ee. jitt xee langg duiww sixbongg qik qniax, ix byy hxuad binrduir jurqiw ee qniax, dyrr qra juanxii duiww vin'giquanw ham' lingciax kir.

Guaw sisiongg inxiong simliw vnerlangg ee jinghongw jyr le, tagjiaw kyxlingg e sniu qongxx jitt jiongw langg viw itvnuax langg kacc bydnaw, iong'i qniax. Sursit-siong, m si anne, laii jiapsiu simliw dirliauu :ee, qisit si lanw diong'ngx siongrr kiauw, siongrr iongxqamw :ee. Muixx jit xee langg longxx e u kunwziauw, mrqycc lanw ongxongw qexjyr bunrdee byy junjai, jiyh hiongjiuw, iacc si qitnax ee hongsid duiww bunrdee u knuar naxx byy knuar .diyc lehh ; jixu kiauw qycc iongxqamw :ee, jiacc e qniaa zip simliw isingx ee vanrqongsig, dac hiongr jurgnow qiamxtyw ee qanlann lo.

Sursit-siong, lanw sing'uac dirr jit xee hoxding sixbongg ee lamxser bunhuar nirr. Dirr jit xee jngtauu, u jit xee qydiongsingx huecgamm quewsinx, qycc lingrgua jit xee ciahy siw kir au, soxu nng/snax nii ee hagsingx qadniuw iauqiuu haurdniuw kuix snesixhak ee kywdingg, byy haghunx ee suanxsiux. Jit xee bogsux simrjiww jiwguan setqer qangxjy kywdingg, anvaii qangxsux, qycc cutjnii hro qangxkyr ee langg.

Soxu ee kywdingg longxx rair haurdangxhue puejunw, ixx qauw viw id piyr hiyxquad, lixliuu si jitt jiongw kxyr vnertair. U snax ~ sir-jap langg siaw puex kir vywsia ,viauxdat duiww jitt xee quatcig ee kongwgi, vywsia ee venjib huatviauw siarlun tyxlun jitt xee bunrdee. Dirr itpenr iauqiuu haurdangxhue dingsinx kyxlu ee hosniax-ha, haurdangxhue qycc kuix jit vaiw hue, iuguann 9 duiww 1 hiyxquad jitt xee sinx kywdingg.

Soxu siaxpuex hro vywsia :ee, siaw siarlun ee venjib, ui'id dauu piyr jicii jitt xee kywdingg ee dangxsu, longxx si dirdecc iacc si bad jiapsiu simliw dirliauu ee langg. Jiurr guaw knuar .laii, jex juadduir m si kaxhap, jex marr jingwbingg jiapsiu simliw dirliauu :ee m na byy viw itvnuax langg kacc bydnaw, ursii dendyww iongxqamw.

U QIDAI EE SNIWMIA

Lanw dirr jitt xee hiyxding sixbongg ee bunhuar nirr, sixbongg virr knuawjyr iwgua, si jit jiongw byy quilut, byy lixliuu qra lanw pacdyw ee mic, lanw duiww ix jit sud aw dyrr byy kongwjewlat. Lanw si hiacc qniax siw, m qnaw jiapqin sixbongg, narr qra knuar hro cingcyw, jex e hro lanw hamrzip oksingr sunkuann. Sursit, byy cniurr lanw sniu ee hiacc qnialangg.

Lanw ee bunhuar qra sixbongg dongwjyr byy quilut/ byy lixiuu ee iwgua surqor, jitt xee quandiamw uanjuann si cywgo ee. dysowlangg qisit u linglik suanw dirr dangsii, dirr dyhh, ixx dycc jiongw hongsid siw .kir. Qongw .laii liw kyxlingg e qniax jit diyy, kiokk si sursit. Lanw dysowlangg dirr mow xee jancur iacc si mow jiongw hongsid-siong, longxx e jyr jiaxee suanxdik. Guaw qongw ee m si jursad, longr diyc ciax iacc si qitnax erdangr quisiok dirr jursad surqnia, marr m si hiongjiuw qra jurqiw juir siw, siw suah ziiw, marr m si m qaiw hrunx, diyc diyc hiwgamm :ee, jit quaw dimiaa ee simx/srinx vnerjiaw byy jairlai. Guaw qongw ee si naxcniurr simjongrvne, gamm… dringw sinlixvne, zircniaw u cionghunx ee kyhak jingwqur jicii guaw ee quandiamw.

Iokk zi-jap dxangx jingg, kuisimx ciuxsut duxx cuthen, viww jitmaw guihiamw jerje, inxkiw jiongww langg juwbak. Qetqyw huathen siongrr jingwkag urcig ciuxsut si m si singqongx :ee, m si simjong guarkyx isux, m si simjong juanqax, si simliw isux. Jit hxang siongquanx genxqiur-diongx, simliw isux dirr ciuxsut jingg hongxmng venrlangg, qinqur inx ee huedab, qra inx vunx jyr quann/diongx/qe honghiamxqunn. Inx huathen, qe :ee venrlangg virr iauqiuu damlun jurqiw ee simjong ciuxsut sii, e qongw " or! Liw jaix, ciuxsut vaii dirr vaiwgo, guaw jin' qniax. Mrqycc quewkir veh dxangx, guaw sniaw longxx berdangr jyr, berdangr kir pah GOLF, itdit cuanw pnerpne. Isingx qongw narr si dongr quer ciuxsut ham' hogqenrqii, jixiaur lak lexvair, guaw dyrr qycc si jit diauu uahlingg, pah GOLF kir ar. Lak lexvair au ee vaiwgo, hex! Hex si qauw-guec ceid or, guaw ixqingx dring hyw qiudniuu ee siqanx ar, tauwjaw veh diamw guaw dyrr beh kir qiudniuu, cauw-dingw iauxx u lorjuiw. Guaw simlai ixqingx qra muixx jit xee dong ee qiudy longxx setsiongw hyw ar."

Narr si nguarjyr qyhonghiamxqunn ee jit xee luxsingr, cniaw ix dramm ciuxsut, ix e qongw " congwsniaw? U sniaw hyw qongw ee?" simliw isux tecniw qongw " liw uirjnuaxngiu beh ciuxsut? Qamxx su'iaur jitt jiongw ciuxsut? " "isingx qiyr guaw jyr ee", ix anne rinr.

Ciuxsut au erdangr jyr ee su jerje, liw si m si ngwbang jaw jit zit qinw laii?

Guaw qinvunw dyrr byy sniu hiacc je.

Quewkir veh dxangx, liw itdit cuanxkuir byy sun, berdangr kir sec qrex. Liw qamxx byy hibang jaiww hiangxsiu jitt jiongw cuwbi?

Vaiwtog .jit .xe, jiacc je nii byy sraiw ciax ar, guaw itding berhiauw ar.

Jitt hxang genxqiur vixqaur nng jiongw qigtauu ee langg, qetqyw quann honghiamw :ee u 40% sixbongg, qe :ee u 2%. Qangkuanw ee simjongrvne, qangkuanw ee guarkyx isux, sixbonglut cax 20 vxue, jex dirr ciuxsut jingg dyrr erdangr urcig ee.

STANDFORD dairhak ee simliw ihak juanqax DAVID SIEGEL jyr lingrgua jit hxang qnialangg ee genxqiur qetqyw, ix diauwcad nng jxox diyc diyc oksingr gamm juanxii ee hurluw. Derr id jxox did diyc viaujunw ee iliauu jiauwqor ; derr zi jxox qangkuanw viaujunw ee iliauu jiauwqor, dongsii iauxx diyh'air jiapsiu simliw dirliauu. Qetqyw derr zi jxox kacc jiyw jiausimx, sitjir, tongwkow ee bunrdee. Jex byy sniaw liauxvutkiw, suxx langg iwgua ee si, danw qaur jiapsiu diauwcad ee hurluw jiamrr quewsinx, qandna' cunx snax xee sii, SIEGEL huathen, jiapsiu simliw dirliauu :ee qex uac jit vxue ee siqanx.

SINGSU JAI LANW

Sxor vah nii laii, isingx itdit jaix u quaw hranw did qnir, gnoxhuatsingr qywanr, vnerlangg ee gamm e jurzenn siausid. Liw itding tniax .quer, isingx ciuxsut sii qongw, "gunw packuix au, huathen gamm sewvaux koksanr qaxx siwqer longxx si, byy hxuad ar, tnuar qaxx jiacc lirhai, ciuxsut byhau ar, jixhyw qycc qaxx tni .kiw .laii, qycc uac, qigqex lak qywguec narnia." Mrqycc go dxangx, jap dxangx quer ar, hitt xee langg iauxx uac qaxx hyw hyw, gamm sewvaux qongw m jaix dirsii siaubyy .kir ar.

Liw kyxlingg e sniu qongxx, isingx duiww jitt jiongw hanxqnir ee anwle itding jin' cuwbi, e denxkuix juanbin ee genxqiur ham' diaujax, mrqycc inx vingrr byy anne jyr. Je nii laii, isinsgx itdit qencii byy jitt jiongw dairjir. 15 nii jingg, jiacc kaisiw u jitt hongbin ee genxqiur, qinqur kyhak ee viaujunw, jitmaw beh qongw tongxqer sowzi ee iwgi iauxx sniu' jaw, mrqycc u quaw hunjiah henxsi, jiaxee hanxle ee qiongrdongdiamw, dyrr si vnerlangg juxdong duiww jurqiw ee sing'uac jyr diongrdua ee diaujingw. Inx itdanr tniax qongw jurqiw qandna' cunx jit nii ee sniwmia, u langg e qra qaqi qongw "dyrr cunx jiacc je narnia, quatding byy beh kir IBM siongrvan ar, jinjniar sniu beh jyr ee si jingxsiux qu qaqu. Jidsiwlangg dyrr sniu beh jyr jitt xee dairjir." Iacc si "narr qongxx guaw qandna' cunx jit dxangx tangx uac, guaw qycc ham' hitt xee qoxvanw qycc jabliam ee angx druar jywhuew congwsniaw? Quatding qaixvenr sing'uac hingtair au, gamm dyrr byy jiac iyc suacc hyw ar!

Qajiux dairhak L.A. hunhau ee quiw xee genxqiur zinguann duiww jitt jiongw henrsiong sniu be liwqaiw, inx sniu beh jaix, si m si tauwquer simliw dirliauu daiwdong sing'uac-siong ee qaixvenr, bunrdee si m si erdangr cue diyc u iwguan cir ee vnerlangg. Itvnuax jinghongw-ha, simliw isingx kyxiw cue duxx virr jinxduan diyc gamm ciuxsut byhau ee vnerlangg, duiww hitt xee langg qongw, "gunw u lixiuu siongsinr, jixiaur liw guanrir jiapsiu simliw dirliauu, qiamxtyw jurqiw ee zinsingx, jyr jit quaw diaujingw, dyrr erdangr endngg huewsiu."

Jit kaisiw, vnerlangg huisiongg hnuahiw. "oox! Isingx! isingx, liw si derr id xee hro guaw hibang ee langg."

U jit qrunn langg ham' liw qangkuanw :ee, bin'axjaiw jap diamw dirr sir hy vangg jibhue, liw qamxx guanrir laii? Simliw isux qongw.

Hyw ar! Guaw itding qaur.

Mrqycc derr zi zit jaixsii jap diamw, vnerlangg byy cuthen. Isingx mng ee sii, vnerlangg qongw, sitle, guaw be qir .did.

Liw iauxx u cuwbi hno?

U ar, guaw e kir.

Vnerlangg iauxx si byy laii. simliw isingx quatding qycc cir jit vaiw, zimxvutju qongw, kyxlingg liw duiww simliw dirliauu m si hiacc cuwbi.

Vnerlangg vutditvud singzin qongxx, liw jaix, guaw itdit decc kyxlu, sidjai guaw nihuer je ar, yc berhiauw sniaw sinx mic ar.

Jex byy sniaw hyw kenxjig ee. muixx jit xee langg longxx e lau, marr e duiww hagsip sinx mic sitkir nairsingr iawsen, isingx marr e u jitt jiongw henrsiong. Guaw ciangjai duw diyc sriu quer hyw qauwiok ee isingx, inx naxjunxx zinruii, soxu vnerjingr qandna' jit jiongw kixinx --- m si sinliw, dyrr si simliw bunrdee. Inx berdangr siongxsiong diyc vne au, e cniurr ciurqix qangkuanw, ursii dongsii u nng qix iacc si kacc je ciurqix/ ciurqinx longxx e ziamw .diyc.

Sursit-siong, soxu ee vnerjingr longxx u simliw, simlingg, siarhue, sinliw ee insor. Dongzenn marr u lergua, kyxviw qongxx sentensingr vnerjingr, nauxsingr bavir (CEREBRAL PALSY) …dringw. Dyrr si jiaxee vne, beh uac .lyc .kir ee iwjir iauxx si erdangr u jin' byy qangg ee endngg huewsiu, qaixsen sing'uac ee pinxjid.

Vuthing ee si, jitt xee guanliw huanxdngw laii qongw marr e tongx. Guaw jurhongg dirr OKINAWA Bixqunx vordui sii, dirliauu jit xee jap-qauw huer u srinx ee siauwhu, ix itdit tror be tingg. Guaw jaix ix dirr Bixqog danghnua duarhanr, huisiongg ilai maxmah. Jap-cid huer sii bad virr sangr kir sehnua ham' a-qu druar jywhuew, dyrr cuthen qangkuanw ee jinghongw, hitt sii, ix byy vnerqniaw, mrqycc giamdiong qaxx diyh'air sangr dngw laii maxmah daux, dirr jiax, ix quer qaxx huisiongg kuaiwlok, qenrkongx, itdit qaur ham' jit xee vxingx-aw u srinx, nng xee langg qethunx au, duer laii OKINAWA. Jit lyc hueqix dyrr kaisiw tror ar, byy quiw zit zip ngi laii.

Zuqyw vnerjingg u qraur giamdiong, guaw u kuann in'ui iliau ee quanhe qra inx sangr dngw laii. guaw jaix, jixiaur sangr jitt xee vnerlangg dngw laii qaur maxmah daux, ix dyrr sui' tingjiw tror ar; guaw marr jaix, anne jyr kyxlingg e hro vnerlangg dagg vaiw beh ham' maxmah hunkuix dyrr e tror, hro jitt xee su qyckacc giamdiong.

Hitt sii, guaw suibongw u kuann, mrqycc quatding byy be sangr ix dngw .laii. gauw qra qongw, "liw diyhh duarhanr, yc erhiauw tuatlii maxmah sing'uac." Ix ee vne u kacc hyw quaw, byy zuarr quw, qycc sangr .laii, qycc kaisiw tror, guaw qycc qra qongw jit vaiw, guaw be sangr ix dngw .ki, kacc hyw quaw, cud ngi, nng zit au, hionghiongw qongw dirr soksiar quewsinx. Ix jiacc 19 huer, u srinx 4 qywguec, sitew qaixpyr, cue be cud guan'inx. Benw qongw guaw duiww jurqiw ee quatding jamxzenn aw hiyrhuew. Guaw siongsinr, bylun si sniaw guan'inx, ix dirr zinsingx ee mow xee qaidnua quatsimx jyr ginxaw. Guaw m kingw hro ix jyr ginxaw, ix byy be dnax kiw jikzim, siw ar.

SIMX SRINX SIANGLENN

Guaw dirr ihagngi tak ceh sii, qra jingsinn hunlec, auwut, siaudimm, hiongjiuw … dringw, longxx hyrjyr "qnualingg (FUNCTIONAL)" vnerjingr. Jex si jit jiongw piacdang-(jiurkinx ee qongxhuad, dairviauw gunw singzin, byy dikkag u jit zit genxqiur zinguann e huathen, jiaxee vnerjingr longxx si mow jiongw huisiongg bibiau ee sinqingx qaixpywhak-siong ee kuatdiamw, iacc si sinliw-siong ee jongwgai soxx inxkiw ee. quewkir lanw jinjniar zimruii jiaxee vne qaix uanjuann quiqiu simliw insor, uirr inx biyue jit vxag uanjingw ee simlixhak derdoo.

Mrqycc 30 dxangx laii, gunw huathen dingw dnxua soxx qongw jairlai :ee soxu ee simlixvne, longxx u jin' cimuanw ee sinliw insor inguann. Dnaxx lanw soxx binrduir ee dua bunrdee si, simliw isux sniu' besinr sinbut huawhak, cuthen qra iuguann jin' u loriong qu ee simlixhak diwhui vangr jit vnix ee guihiamw. Qisit jinsinn hunlec m na si sinliw sitdiauu ziiw, simliw, simlingg, siarhue, sinliw longxx kansiap jairlai ; gamjingr …dringw vnerjingr marr sikiong qang dyrliw, inx longxx qiamku je jiongw sinliw qapp simsinx ee insor.

Zinlui soxx sriu tongwkow ee simsinx siongquanx singhunx, sxor vah nii laii ee gixgenn-diongx ixqingx viauxdat qaxx jin' uaxir. U jiongw simliw isux hyrjyr "kiwquanx gixgenn (ORGAN LANGUAGE)" ee viauxdat hongsid, huanxngiar cud simsinx quanliam barhap ee diwhui : jitt xee langg hro guaw "tauu" tniar, guaw ee "simx" cruir .kir .ar, gne "simtngg". Jerje vnuawmee sangr qipjinw :ee, longxx si duxx duw diyc suxx inx siongsimx ee dairjir, qamxqag simx tniar, byy itding si simjongrvne huatjog.

Liongqud bunrdee ham' iongxkir iuxquanx : byy qutkir, nngw quttauu, kajiacpniax kiw liangg. Guaw itdit u kajiacpniax tniar ee jingwtauu, jit jiongw liongqud quanjad liamlenn (SPONDYLOSIS) ee vnerjingr, dirr amrqunw vorui digvet giamdiong. Quancad denrqongpnir, liw e qamxqag guaw ixqingx 200 huer ar. derr id vaiw jinxdng cud jit hongbin ee bunrdee sii, bad sunmng sinqinx guarkyx ham' jingxhingg guarkyx isux, sniaw guan'inx jyrsingg guaw amrqunw hiacc laurhuar? Inx gongw " kyxlingg liw sewhanr siag dng .quer."

VNE-JAUR

Guaw jurlaii dyrr m bad siag dng amrqunw. Mrqycc guaw qra inx qongw au, inx qandna' erdangr qongw "anne gunw jinjniar m jaix liw ee liongqud quanjad liamlenn si jnuaxngiu laii ee. "guaw tniax liauw jin' hnuahiw, cavutdyx byy jit xee isux guanrir singzin : guaw m jaix.

Sursit-siong, guaw jurqiw jamxzenn liauxqaiw si anxjnuaw inxkiw ee. iokk 13 dxangx jingg, vnerjingg bruw qaxx guaw qiongrbecc kixsiauw, m na amrqunw tniar, iauxx u jit qix ciuw kee .kir, drang liauw siy' lensuar sinqingx guarkyx dua ciuxsut. Hitt sii qra jurqiw qongw "narr si liw byy qeh quiw dxangx jyr jit jiongw huisiongg quir, qycc u sniwmia guihiamw ee ciuxsut, jiongbew kiongxqniax rair qra amrqunw ced diau jiacc dri e hyw jitt jiongw vne. Liw sniu knuar mai lehh, jurqiw dirr jyrsingg jitt jiongw vne, vnuaenw sniaw qaksig? Si m si liw qaqi hro vnerjingg venr qaxx kacc giamdiong?"

Guaw guanrir tecud jitt xee bunrdee au, sui' dyrr sniu diyc guaw kaksit u jitt jiongw hinguii. Hiauxgno diyc dirr duxx kuigiap sii itdit jin' qniahniaa, sinqingx vnex jin' ann, jin' qniax byy dniudii dikjue langg, bad duw quer langg' dig'ir ee duiwdai, suibongw byy guaw liausiongw ee giamdiong, mrqycc guaw soxx dnamsimx ee m si byy guan'inx ee. jidsiwlangg naxcniurr qiongdik dirr binrjingg, itdit caixcuw siuxser ee kaqiuguann qangkuanw, amrqunw taukag qiux jyr jit uann. Hro jurqiw vyxcii jitt jiongw juser 30 dxangx, liw qongw jex liongqud quanjad liamlenn si jnuaxngiu jit huesu!

Dongzenn, zimrhyy su longxx m si jiacc qanxdanx, dysor vnerjingr u jerje kixinx soxx jyrsingg. Gunw verbuw, hniadi suibongw m si dagg hxang dyrr qiongbecc cuttauu :ee, qangkuanw sriu jitt jiongw vnerkow, jixvutqyr byy guaw jiacc giamdiong ziiw. Kyxqenr guaw ee vnerjingg u singbudhak – qi'inx iacc uituann ee singhun. Guaw soxx qongw ee kixguann m na simsinx insor, iauxx kansiap simliw/ simlingg/ siarhue/ sinliw qokk hongbin.

Jex m si guaw ee congwqenr, iuxquanx bactew simliw quanxhe ee duwjog jerje, jin' je langg ixqingx diwqag .diyc vne ee simsinx insor, suacc hro henrdairlangg narr puawvne dyrr e u juerokqamw. Qamxmo dyrr sniu qongxx byy jyr hyxdai soxdir, dongzenn byy vit'iaur. Narr qongxx jylan diyc giamdiong ee banrsingwvne, ersaih qiamxtyw .jit .xe, jurmng bad jyr quer hro jurqiw puawvne ee su ? marr m hyw duiww qaqi sniu' quer giamqeh, zinsingx jongw si u aplik, hro lanw jin' tiamw. Kyxlingg lanw jaxban longxx e siw dirr moxjiongw kyxngor ee simsinx vnerjingr.

Qycc qiongdiau jit vaiw, m si soxu buexqii gamjingr longxx si simsinx bunrdee inxkiw ee, cniurr zidongg gamjingr vnervangg, bagjiux knuar e diyc ee : 4 huer gniaxaw iyjiw gamm, 6 huer ginxaw diyc sinqingqngw pxuex-sewvaux gamm bacliuu, qycc jit xee byy qiur ee 8 huer ginxaw pxuex gamm bacliuu. Guaw byy zinruii hex si kiwdoo jursad ee zidongg jibdiongngiaa. Marr byy zinrding dirr hueqix sitsu, sniwmia byy .kir ee langg, si jibtew jursad ee iwguan diauqangx jre qang vanx hueqix. Qyckacc berdangr qongw zi crur sewqair dairjenr bongsiu sixbongg ee 600 bxan iutaiwzinn, juann si qamguan hongwkir sniwmia.

Zuqyw lanw qandna' qra sixbongg dongwjyr iwgua, dyrr m na kinx knuar dysor sixbongg ee henrsidbin, marr byy diwdang sniwmia ee sinviwsingr.

SNIX-SIW INGW

Zinlui liauxqaiw sixbongg jinsiongr ee jit xee lorjamrvix si ihak poksu ELISABETH KUBLER – ROSS (1926-2004) siaw ee "Sixbongg Ham' Qniaa Hiongr Sixbongg (ON DEATH AND DYING, 1969) "jitt vunw ceh ee cutvanw. Dirr jex ixjingg, sixbongg uanjuann sriok sinjid qangjojiaw ee lingxhik, qra sixbongg qaux hro vin'giquanw cuxliw dyrr hyw. Isingx ee cuwbi si sniwmia --- uahlangg ee juanli. Mrqycc ROSS iongxkir jabjiog qapp dirbecc siw ee langg qaudamm, qnaw mng inx dongsii decc sniu sniaw, duiww siw qiongrbecc qaur u sniaw qamxqag. Ix huatkiw jit dniuu jinjniar ee qikbing. Duxhyw jap dxangx au, Bixqog juanbin cuthen snisixhak kywdingg. Vingjing danxhau sixbongg ee anlok luxquanw, marr qaixtauu-nguarbin, ixx juansinx ee binrkuanw duer liuhingg, ersaih qongxx si qycc uac .kiw .laii. Naxjunxx ROSS dirr vychnua kuix jit xee cuir, hro duarjuiw rig .zip .laii.

Ix ee jokpinw daiwdong qitnax cutvanxpinw tyxlun jitt xee debak :

RAYMOND MOODY ee "Sniwmia Byy Hiyh (LIFE AFTER LIFE)"

KARLIS OSIS qapp ERLENDUR HARALDSSON habsiaw ee "Sixbongg Hitt Sii (AT THE HOUR OF DEATH)",

Dramm ee si sixbongg dongsii iacc si cax jit diamw aw kuir beh quer .kir ee qinggiam. Inx ee genxqiur did diyc :ee, hro liw sniu be qaur, langg ee luirsu diamw u hiacc je. MOODY si kyhagqax qiamx simliw isux, ix ee vywdy qongxx, juadduir dysor e qir did dirbecc siw qinggiam ee langg, qingquer luirsu ee quewdingg, jixsi dingsu jingau sunrsi ee cavet.

Dairsingx, inx e qir .did naxjunxx ui' tenvongg ngawknuar qaqi ee sinkux dyw dirr vnercngg, jin' cingcyw knuar diyc horsu / isingx decc jyr sniaw. qycc laii, virr jit qrow lat qngw kiw laii, ixx qik qinw ee sokdo tongquer moxjiongw oamr ee tonglo, binrduir jit dy qngx. Dag'ee longxx zinruii jex dyrr si siongrder iacc si JESUS. Qngx ee sinbingg iauqiuu inx jurgnow huanxsingw jitt itsingx, jiacc huathen qaqi qra zinsingx bruw qaxx jiacc cicamw, mrqycc sinbingg si muaxvag aiwsimx, siawbenw itcer, qngx bingrling inx dngw laii sewqanx, suibongw jin' m jingguan, diyhh hogjiongg.

MOODY jixcud, jerje u jitt jiongw qinggiam ee langg vunxlaii byy sinr sinn :ee, aurlaii, kiokk venr qaxx huisiongg kensingg, siongsinr siw au ee sewqair, sixbongg ee qniahniaa qiamxter jerje.

Jex qamxx m si jin' cuwbi? Lanw narr ersaih dirr qin qirli dit knuar sixbongg, dyrr huathen byy cniurr lanw sniu :ee, hiacc qniax langg, suibongw liw ee simjingg byy itding e qamxqag kacc hyw quaw, kyxlingg liw e qongw "hex ham' jitt siwlangg u sniaw quanhe? Lanw dew dew ee sniwmia iuqycc u sniaw iwgi? " liw narr mng jitt xee bunrdee, guaw siongsinr liw ixqingx qakcad diyc itsingx ee iuxhan, liw dngdecc suncue zinsingx ee iwgi. qaxsed suncue vunxsinx dyrr si jit jiongw iwgi, qaxsed jex si iuhir ee jit vorhun, lanw singjunn ee jit vorhun guan'inx, lanw ee cutsir si uirr suncue mow jiongw mic? Narr qongxx dap'anr si kingxding ee, anne sixbongg dyrr si suncue ee dongrlat.

Dirdecc qapp sinvir ee sixbongg vniawdaur, suncue jitt sxer sniwmia iwgi ee quewdingg-diongx, guaw ixqingx cue diyc soxx duiqiuu ee mic --- guaw texgno diyc cutsir si uirr hagsip laii ee. Lanw jygu diyc ee muixx jit hxang, longxx si jo lanw hagsip, jo lanw hagsip siongrr dua :ee si sixbongg.

Guaw marr huathen, lanw iongxiuw siongrr lixsiongw ee hagsip kuanqingw, sidjai jin' pnaiw qycc setqer lingrgua jit xee viw zinsingx kacc sikhap zinlui :ee. Simjniaa sitjir sii, guaw e qamxqag jidsiwlangg naxx cniurr ui' tnix qangr .lyc .laii .ee moquiw hunwlenrngiaa, zinsingx ee lo-dingw, anvaii jerje imhiamw ee jongwgai, longxx si uirr lanw ee hagsip setqer ee. Guaw soxx sniu .diyc, siongrr pnaiw lixlak ee zinsingx joxgai si singr. Henrsidbin, sixbongg dyrr si singr ee qetqyw.

Jinwhuar ee quewdingg, siongrr qerqib ee sniwmiartew iauxx byy singr-tnuawjingw, qandna' erhiauw jursinx hokjer, qang jit tyr qi'inx sowjaii vutduan ensiok, jixiaur byy langg siaubet inx, dyrr ingxuanw be siw, byy suelau iacc si jurzenn sixbongg ee bunrdee. Jixu jinwhuar qaur kacc quann cancur ee singbut, jiacc kaisiw iuxsingr tnuawjingw --- itdanr laurhuar, sixbongg dyrr sui' snapnua duer .laii. Dagg hxang longxx rair huwcud dairqer.

Setding hanrqii sii, e hro hagsip ee ingwhau siongrr hyw. Guaw dirr kaigiap jyr simliw dirliauu qiqanx, sisiongg ingwiong hanrqii, duiww tuantew dirliauu si huisiongg qiongdua iuxhau ee qisut. Dng' tuantew ee singguann viauxhen qaxx naxjunxx siqanx dngg lywlyr sii, guaw dyrr e cue jit zit suanvyr qongxx "qokk xui, lanw ee tuantew iauxx u lak qywguec siursor, guaw beh dirr lak qywguec lai qetsok jitt xee tuantew. Linw qandna' cunx lak qywguec." Qongw laii hro liw m qnaw siongsinr, hiaxee vunxlaii ingje byy dairjir jyr ee langg, jriab diyc hanrqii dyrr e kaisiw dinxdang.

Qywvet dirliauu marr siyqang, hanrqii marr vutjiw u loriong. Ced dng vnerlangg qapp dirliaujiaw jiqanx hnuahiw dauwdin ee quanhe, ursii erdangr siongrdingx sixbongg, hro vnerlangg jit xee vingsii duw be .diyc, kikhok sixbongg ee qihue.

BINRDUIR SIXBONGG EE CIYWSNIAX

ROSS huathen, beh siw ee langg e qingquer quiw xee qaidnua:

Hiyxding, hunwno, qongw qewsiaur, sitjir, jiapsiu.

Derr id, hiyxding, vnerlangg hiyxding vnerjingg. Inx qongw " sidgiamrsig itding qra guaw ee huawgiam qetqyw qapp langg' lamrluan .kir ar. byy kyxlingg si guaw, jitt jiongw dairjir byy kyxlingg huatsingx dirr guaw srinx-siong." Jitt jiaux iong byy zuarr quw, byy hau, inx kaisiw venr hunwno, duiww isux, vnerngi, cur nirr ee langg, cinjniaa, siongrder, longxx jin' hunwno.

Danw hunwno byy loriong sii, dyrr kaisiw dngg-dew lunr qrer. Anne qongw "kyxlingg guaw e dngw kir qauwhue, huehok qidyw ee quanwsir, gamm dyrr ee byy .kir." iacc si "narr si guaw duiww ginxaw kacc hyw lehh, iyjiw vnerjingg dyrr e qaixsen." Bagjiux qimx qimx knuar, byy haurqyw cud .laii, qamxqag itcer longxx uann ar, jinjniar e siw or! Jitt sii, inx jin' sitjir.

Narr inx dongr e diauu, uansingg soxui ee "kikhok siaudimm" qaidnua, ciauuat sitjir, jinwzip derr go qaidnua ee jiapsiurqii. Dirr jitt xee qaidnua, simlingg jabhunx vingjing, simrjiww kinsangx. Jiapsiu sixbongg ee langg ui' luersimx huanrhuad cud jit jiongw qngx, naxjunxx inx ixqingx siw .quer, dirr moxjiongw simlingg jancur did diyc qycc uac .quer .laii ; hex si jit jiongw jin' suiw ee qingxsiong.

Mrqycc jit jiongw dairjir byy sisiongg huatsingx, dysowlangg byy hxuad dirr bixbiau ee derr go qaidnua hyw hyw quer kuir .kir. Inx beh quewsinx sii iuguann hiyxding, hunwno, tyw-hingg qrer, ywlyc ee sunkuann sec.

Suibongw ROSS dongsii byy kyxlu .diyc, siongrr vutkyxsugi ee si zinlui dirr simliw iacc simlingg singdiongw-siong, muixx huac cud diongriaur ee jit vo, longxx diyhh qingquer qangkuanw ee jit tyr dingsu. Bylun dirsii, jixiaur lanw dirr zinsingx suamoo-diongx hiongr jingg hna cud jit dua vo, jixiaur lanw u diongrdua ee jinwvo, longxx e qingquer hiyxdiong, hunwno, tyxqer-hingqer, cinwsimx, jiapsiu ee quewdingg.

Qongw jit xee le, narr qongxx guaw zinqeh-siong u jit xee giamdiong ee kuatdiamw, vingiuw kaisiw puepingg. Derr id huanxingr si sniaw? Guaw e qongw "ix qin'axzit si sm si jiac m driyc iyc?" iacc si "ix itding qapp kanciuw uanqex, byy-dair.-byy-jir sxuah .diyc, jin' suex!" singx hiyxding.

Narr inx qycc jiapsiok pruex, guaw e qongw "inx vin' sniaw quanw .guaw? qinvunw dyrr byy liauxqaiw guaw ee libdniuu, qaqi quanw kacc hyw lehh!" simrjiww e dngbin qra inx anne qongw, jex si hunwno.

Inx narr si jinjniar quansimx guaw, qycc qongw, guaw e kaisiw sniu " ngeer guaw jin' quw byy qra inx ylyw ar." e vutduan poo inx, duiww inx bibii aw ciyr, hibang inx diam .kir. jex si tyx-hingg qrer.

Narr qongxx inx m suah qycc qongw, anne kyxlingg guaw dyrr vutditvud kaisiw huanxsingw " qamxx qongxx inx si driyc ee? uixdai ee Peck qamxx jinjniar u kiamwdiamw? " zuqyw dap'anr si kingxding ee, anne suxx langg cinwsimx or! Guaw narr qex qycc sniu .jit .xe, jitt xee ho'ngg cinwsimx :ee --- guaw u kuatdiamw? Kuatdiamw dirr diyh? Guaw narr e sukyw, hunsig, venrvet. Zinrcingx jitt xee kiamwdiamw, qamguan qaiw, hro jurqiw mair qycc u jitt xee kuatdiamw. Uansingg jitt vo, kikhok siaudiumm au, gauw jiacc sngr tongquer qui' xee quewdingg jniajyr jit xee sinx langg. Jit xee qycc uac .kiw .laii, kacc hyw ee langg.

SIXBONGG SI LANW EE BING'IUW

HELLENE tethagqax SENECA (C.4BC-AD65) dirr nng-cingx nii jingg bad qongw .quer "sniwmia ee quewdingg, langg diyhh vutduan hagsip anxjnuaw sing'uac, kacc suxx langg iwgua ee, tongquer zinsingx ee qinglik, marr rair vutduan hagsip sixbongg." sing'uac qapp sixbongg qisit si siylenn vunx be kuix ee. hagsip sing'uac itding rair binrduir sixbongg, sixbongg hro lanw ee sniwmia iuxhan, iwsig diyc siqanx ee hanrjer, jiacc e hyw hyw vaxag.

CARLOS CASTANEDA(1925-1998) duwjog nirr ee MIXICO INDIAN dyrsux DON JUAN, qra siw dongwjyr bing'iuw. Jiauww DON JUAN ee qongxhuad, bing'iuw si jit jiongw qniax langg ee lat, su'iaur qingquer sixuac ee ciavniar, qra inx rah lyc drew, sixbongg marr si anne. Lanw diyhh qapp ix jingdaur, liongwkuix sixbongg sinvir ee ngidnii, jiacc erdangr cniurr DON JUAN qangkuanw, hro ix quaix quaix diamwdirr lanw ee dyr qingqah. Dirr anne ee anvaii-ha, lanw ersaih muixx zit vutduan ui' hiax did diyc bingdat ee koxkngr.

"Bing'iuw" dairviauw ving'iuw, mrqycc sehongx bunhuar byy quanwsir qra sixbongg dongwjyr ving'iuw. Inwdo Qxaur qapp Vut Qxaur … dringw danghongx bunhuar, sixbongg dendyww kacc sriu hnuangingg. Dirr jiaxee jongqaur ee lunhuee juanxser qangliam nirr, sixbongg dyrr si juanvo ee siarlew, itcer ee bogviaux. Lanw vutduan lunhuee jaiww cutsir, iuqycc cutsir…, itdit qaur lanw yc erhiauw jitt xee sewqair nirr rair yc ee soxu surbut. Jixu qaur hitt sii, lanw jiacc e tuatlii sniwmia lunhuee, vingjing quisenx.

Bylun liw sinr, iacc byy sinr, lunhuee ee lixlun qongw "sniwmia ee iwgi dyrr si hagsip." Sursit-siong, byy jingwqur henxsi Inwdorqauwdoo iacc si Vudqauwdoo kacc m qniax siw, qniax siw jin' jingwsiongg. Sixbongg dyrr si jinwzip jit xee birdix ee sewqair, qniax jinwzip birdix si qenrkongx ee huanxingr, byy qenrkongx ee si kiwdoo dongwjyr byy junjai.

DERR SNAX QIX KAX

Guaw sisiongg tniax bysinlun ee ving'iuw puepingg, jongqaur si laurlangg ee qnuaiw-aw, jo inx binrduir sixbongg ee sinvir ham' dicbecc qaur siw ee qniahniaa. Guaw zinruii jitt xee quandiamw u vorhun jingwkag, singsik ee jongqaur jongw si ui' kidoo qaixdab sixbongg sinvir kaisiw. Qra jongqaur qongxx si qnuaiw-aw byy jingwkag, hyxcincniurr jit xee byy sinn, byy siw-au sewqair, byy iwgi ee zinsingx, dyrr rair kacc iongxqamw lehh. sinwgiongw jongqaur, singzin sixbongg ee diongriauwsingr, jiacc kacc e tanxzenn binrduir sixbongg ee iongxkir. Bysinlunrjiaw kinghiongr hiyxding sixbongg ee diongriauwsingr, qongxx jixvutqyr simx tiaur tingg .kir narnia. Jex si dypiah ee simtair, inx byy sniu beh jiapqin sixbongg, knuar cingcyw ix viauxbin-ha ee jinx binrbok.

Dysor kir qauwhue ee langg duiww qaixdab jursinx sixbongg ee sinvir, marr byy itding viw bysinlunrjiaw kacc u cuwbi, inx hongrhingg ee si cenxsniu, duer langg' qongw, giac hniux duer vair ee jongqaur, dyrr cniurr langg' hro ix ee qu snxax qangkuanw, suibongw cing e siyx, si kenwpangx ee singwjid dua quer itcer, jiacc e cuthen "siongrder byy sunx-juxluw" jit qxur ue, lanw berdangr tauwquer verbuw liauxqaiw siongrder, diyhh qaqi qenwlip ham' siongrder ee quanhe. Lanw berdangr tniax vadd langg : cniurr bogsux, lingxsiur, verbuw uirr lanw qaixdab sixbongg ee sinvir. Zinsingx ee simlingg luxhingg, u quaw vorhun diyhh jurqiw qniaa, vauhamm suncue sixbongg sinvir jairlai, vadd langg berdangr ter liw jyr jitt hxang su.

Jerje sinwqaur :ee qra sixbongg knuawjyr tuanziamxvne, jauw naxx vuex lehh, siamw qaxx hng ~ ~. Jerje qidokqauwpair ee sibzirqer byy JESUS, narr mng inx sniaw guan'inx, inx e qongw, anne jyr si uirr qiongdiau qycc uac ngiaa quer dingr dirr sibzirqer. Guaw kacc e huaigii, inx jixsi byy sniu beh knuar lrauu hueh ham' siongkauw, byy sniu beh qra uac lingwlingr ee sixbongg he dirr ganxjingg, tecniw jurqiw jitt jit zit jongw e laii qaur.

Mrqycc uirjnuaxngiu u duiww sixbongg jitt jiongw quewdo ee qniahniaa?

Juxiaur ee guan'inx si lanw jurluann, jex si jit xee byy jingwsiongg qycc hogjap ee henrsiong. Jidbin sriok dirr lanw beh uac .lyc .kir vunxlingg ee simliw janbin, u ix ee vit'iauwsingr, mrqycc quer liauw donglenqii iauxx u jitt jiongw simliw, dyrr u jurhuiw ee guihiamw. Byy jamrjad ee jurluann si simliw ham' simlingg vnejingr ee juxiaur diaurtauu ; qenrjuann ee simlingg sing'uac si jit jiongw tuatli jurluann, jiamrr mairhiongr singdiongw. Mrqycc jurluann be duarhanr ee henrsiong jin' poxpenr, jyrsingg qik dua ee pywhai.

Simliw isux qra jurjunx siursiongx qongxx si jurluann sionghai. Soxu jurluann sionghai-diongx, sixbongg siongrr giamdiong. Lanw vutsii sriu diyc siyw qiok ee jurluann sionghai: dongyc ciyr guaw gong, jxox vaiqiudui, juewau jiacc qingw diyc guaw, sincingw dairhak zibyc virr qirjuat, ho'ngg srii taulo, qniaxzii huanxduir guaw. Jiaxee jurluann sionghai m si hro lanw qankow, dyrr si hro lanw singdiongw. Mrqycc sixbongg si qywzinn bunrdee, byy viw dicbecc ui' sewqanx siausid soxx qowsingg jurluann/ jurbuanw qyckacc dua ee uihiap ar, qniax siw qisit si lriw soxx dongzenn.

JURLUANN E GRO GUAW ITSINGX

U nng jiongw hongsid binrduir jitt jiongw qniahniaa : itvnuax :ee ham' kiauw :ee. itvnuax ee hongsid, dyrr si mair kir sniu, hanrjer duiww ix ee diqag, diauqangx mair cab ix. Jit jiaux lanw siauwlenn sii jin' u hau, kngr zuxx quw, ix dyrr e vig zuxx qin. Quer jit dnxua siqanx, dagg hxang dairjir dyrr decc tecniw lanw, sixbongg ee junjai: Ginxaw cutgiap, ving'iuw puawvne, quanjad sngtniar laurhuar …, itvnuax hongsid byy qaiww kiauw. Lanw zuxx byy air binrduir sixbongg, zuxx qamxqag lau qniax langg.

Kiauw :ee, si liongrjaw binrduir sixbongg. Anne jyr, lanw e huathen jitt hxang si jamxzenn aw qanxdanx ee, jixiaur kikhok jurluann (u kyxlingg ingxuanw jyr be qraur tetdew), iauxx si erdangr jo lanw kikhok duiww sixbongg ee qniax.

Jyr e qaur jitt diamw ee langg, sixbongg ee denxbang duiww inx ee simliw, simlingg singdiongw, dyrr jniajyr qionglet ee ciwqik. Inx e sniu "qiwzenn rair siw, guaw duiww gong ee qu-guaw jnauxngiu jiacc liuluann, hykow neh?" anne dyrr e mairhiongr bysux ee luxiuu, vutduan jingjinr.

Jex m si hyw qniaa ee lo. Jurluann ee go ziauw sui' sii qankiauw busow-vutjai, diyhh muixx zit, muixx lexvir, muixx qywguec, muixx dxangx qra jamw dng. Zuxx siauduu jurluann, jurgnow diongsimx, qandna' qaqi driyc ee jingqed, dyrr e huathen zuxx laii zuxx m qniax siw, zuxx m qniax sniwmia byy .kir, dyrr zuxx u aiwsimx. hongwha qib beh vyxho jurqiw ee dang dnar, lanw dyrr u kyxlingg qra ganxqongx ui' jurqiw ee srinx-siong suaxkuix, zinrjinx knuar cringx vadd langg. Jiamrr qra jurgnow danr dirr kajiah-au, e kaisiw qinggiam jit jiongw jurlaii byy qinglik .quer .ee, cimdimm qycc quxdngg ee hingrhokqamw.

Jex si soxu uixdai jongqaur ee juxiaur sinwsid : hagsip sixbongg. Inx itjair qra lanw qongw, vaituad jurluann ee dyrlo marr si mairhiongr iwgi ee lo. Vudqaur ham' Inwdorqaur longxx jiyh diyc tyxlun byguaw ee diongriauwsingr, viauxdat jitt xee quanliam. jitt nng jiongw jongqaur longxx qra jurgnow dongwjyr jit jiongw huanwngiaw, JESUS ee lunrdiamw marr jin' luirsu : "qiur jurqiw sniwmia ee langg (dyrr si liac diyc jurluann m vangr ee langg), diyhh sitkir sniwmai ; uirr guaw songwsid sniwmia ee langg itding cue diyc sniwmia."

DERR SIR JNIUX SINVIR EE KIWBI

Je nii laii, guaw jit xui m bad qnir quer bin ee dyrsux, si tauwquer jit xee suxx langg jursingw ee siyw qowsu jaix dyrsux ee dairjir. Ix si JEW huatsux, 20 sewqiw coqii druar dirr S.RUSSIA jit xee siyw dinr, tamwcue siongrr cimx ee jongqaur :ee ham' zinsingx ee simlingg bunrdee zi-jap dxangx, juewau did diyc jit xee qetlun : ix m jaix.Did diyc jitt xee qetlun byy zuarr quw, ix qniaa quer qongxdniuu, qaur huerdngg qidyw. Hitt zit jaixkiw, duxx hyw hongder(TZAR) paiwju dirr jitt xee dinr ee qingxdniuw simjniaa byy hyw, sniu beh cue huatsux cutjuiw, dyrr duiww ix huah "uee! Huatsux, liw qnir diyc qxuiw beh kir dyhh?

"Guaw m jaix." Huatsux huedab.

Qingxdniuw jit tniax, huexkir qyckacc dyc. Cneqongg huah : "sniaxmic hyrjyr liw m jaix? Dagg zit jaiw jap-id diamw jniar, liw dy' e qniaa quer qongxdniuu zip kir huerdngg qidyw. Jitmaw duxhyw 11 diamw, liw duiww huerdngg ee honghiongr qniaa kir, qingwzenn qnaw qongw liw m jaix beh kir dyhh? Liw sniu beh buxlang guaw? Guaw beh hro liw jit xee qauwhunr."

Qingxdniuw dyrr ui' huatsux ee niaw jangx kiw laii, beh liac ix kir jre qnax, beh danr huatsux zip kir longaxqingx sii, huatsux sunrcuir qongw: liw knuar! Jinjniar m jaix beh kir dyhh!

BIRDIX EE LUXIUU

Guaw qangkuanw m jaix, byy langg jaix, lanw si uac dirr jit xee sinvir be anwsngr .did ee uxdiu lai. Naxcniurr EDISON(1847-1935) qongw :ee " lanw duiww 99% surbut ee liauxqaiw iauxx byy qaur 1%."

Vuthing ee si, jiyw jiyw langg hiauxgno jitt diamw, dysowlangg longxx jurzin bad jerje. Lanw jaix lauw daux ee derjiw, denrue hyrbew, sinhunrjingr-dingw ee sowzi ; jaix kir siongvanx, dngw laii cur ee lo ; jaix jurdongrciax ee sryw erdanr hro modar kixvong ; jaix zidtauu jaixsii cud .laii, honghunx lyc snuax, binaxjaiw e qycc vreh kiw laii. dauwdew u sniaw tangx sinvir!

Gauw vunxlaii marr si anne sniu. Tak ceh sii, ciangjai uanwtanr ihagqair ixqingx byy sniaw tangx kaitog ar, soxu diongrdua vnerjingr longxx virr huathen, sinkux derdoo marr rue hyw ar, guaw qycc byy-mee-byy-zit jyr, marr byy qihue uansingg duiww zinlui u lxi ee sinx huathen, jniajyr lingrgua jit xee JONAS SALK (1914-1995) ar.

Dairhak id nii, u jit vaiw gunw kir tniax sinqingx haghe herjuxzim ee jit jad kyr. Ix dirr ngii hxingg dua qangxdngg nirr, iong jit xee cavutdyx byy cing snxax ee langg jyr sirhuan, ixx qik jingjunw qycc kiauxbiau ee sinqingx qaixpuar qisut qra gunw suecbingg, jitt xee langg soxx sriu ee kow, si siyw-nauw, liongqud ee dingw/xe vxo siursiongx .quer, anne ee qauwhak suxx langg janwtanr. Dirr lyc qetlun sii, jit xee dongyc qiac ciuw mng qongxx "jitt xee langg uirsniaw siursiongx? Jitt xee vnermiaa qycc si sniaw?" herjuxzim trow jit xe dua kuir qongw " si IDIOPATHIC NEUROPATHY." Gunw qinw dngw kir soksiar vingw qauwkysux, craa diyc jitt xee bingsuu, qongxx si "vutbingg guan'inx ee sinqingx hertongw vnerjingr".

Anne, lanw dyrr jaix, iauxx u quaw hanxqnir vutbingg guan'inx ee sinqingx hertongw vne, vutbingg guan'inx ee ionghuecsingr vinhuecjingr, vutbingg guan'inx ee jiongw jiongw vnerjingr…, lanw duiww inx ee liauxqaiw huisiongg jiyw, mrqycc, lanw duiww dua :ee, ixqingx byy viwbit ar. Tak ceh sii, qingsiongg u gibun, laursux longxx erdangr huedab. Jurlaii m bad tniax .quer jit xee qauwsiu qongw "guaw m jaix". Guaw marr byy itding dagg vaiw longxx liauxqaiw inx hro gunw ee dap'anr, vutqyr longxx zinruii hex si guaw m driyc. Guaw ingxuanw byy kyxingg kyr guaw jiacc ser liap ee taukak, uansingg ihak-siong ee dua huathen.

Likuix ihagngi beh uaw jap nii ar, kiokk uansingg jit hxang ihak-siong ee dua huathen : guaw huathen lanw duiww ihak cavutdyx itbuu-soxdix. U anne ee huathen, si guaw byy qycc mng "lanw auxjib sniaw?" si mng "lanw m jaix sniaxmic?" mng .jit .xe "lanw m jaix sniaw?" soxu guaw sniu qongxx ixqingx qnuaix kiw laii ee jewhan qycc packuix kaihongr, lingxgno diyc qisit lanw uac dirr itpenr kuah bongxbongw bue-kuihngx ee sewqair.

Qongw jit xee le, qiukunxsingr nauxmohiam (MENINGOCOCCAL MENINGITIS) si jit jiongw byy qaiww vingsiongg, iqair kiokk liauxqaiw vutjiw siongser ee vne, dagg dxangx qnuaa .langg muixx go-bxan langg e u jit xee diyc .diyc. Liw suiven mng jit xee isux, qiukunxsingr nauxmohiam si sniaxmic inw :ee? ix kyxlingg e qongw " oox! Dongzenn si nauxmohiam qiukunw or! Dirr moxjiongw jancur-siong, anne qongw si driyc ee, jitt jiongw vne ee sixbonglut iokk 50%, lingrgua 25% e ingxqiuxsingr janhuer, narr qongxx qaixpuar jitt jiongw vne ee sitew, packuix tauxkag, dyrr e knuar diyc vaux dirr duarnauw guarbin ee nauxmoc longxx si lxangg. Qra lxangg he dirr hamwqniar quancad, e knuar diyc je qaxx sngw be uann ee siyw singbut decc iuingw. Zuqyw iong jingwkak ee honghuad vueiongw, liw e huathen sniaw? Benw qongw itding si naumohiam qiukunw.

Jixu jit xee bunrdee, narr si guaw qu nii dangtnix dirr guaw sewhanr druar hitt xee cngtauu jyr jit xee sidgiam, ui' hiax ee langg ee aukangx tec jit quaw budjid jyr vueiongw, iacc si ui' zimrhyy jit xee vakhongx sniadinr langg ee auu jyr cuxngiu, dyrr e huathen guaw qiamxcax .quer ee auu, 85% longxx hamm u jitt jiongw sewkunw. Mrqycc ui' qu nii qnuaa .langg, simrjiww quixarr dai jingg, simrjiww quixarr dai ixau, jitt xee dinr longxx byy langg diyc diyc qiukunw nauxmohiam, qyckacc benw qongw e siw dirr jitt jiongw vne.

Anne jiacc poxpenr ee sewkunw si zuhyy, iuqycc uirsniaxmic erdangr byy sna' lensuar dirr 499,999 langg ee srinx-siong junjai, byy jyrsingg sionghai, dongsii qycc si longr zip kir ongxongw vunxlaii si qenrkongx ee siauwlenn langg ee taukag lai, hro inxhuad diwmia ee qamxziamw?

Dap'anr si "guaw m jaix".

Ceh nirr soxx qir lyc laii ee muixx jit xee vnerjingr longxx si anne. Lanw kacc iong'i knuar .diyc ee hiwgamm jyr le : dagg xee longxx jaix, jiac hrunx e diyc diyc hiwgamm. Mrqycc jerje hiwgamm siw .kir ee langg si m bad suh hrunx ee, iauxx u quaw langg cniurr guaw ee a'qongx, qrur hrunx naxx decc qngxlexaw lehh, uac qaur 92 huer, byy diyc hiwgamm. Henxzenn duliauw suh hrunx ixgua, iauxx u sniaxmic jiacc e inxhuad hiwgamm. Hex qycc si sniaw neh? dap'anr qycc jaiww jit vaiw ee si "lanw m jaix".

Jex m na iong dirr soxu ee vnerjingr, marr sikiong inx soxu ee liauhuad. Kaigiap ee sii, u vnerlangg knuar liauw iyhhngx au, e mng : Peck isux, jitt jiongw iyc u sniaw jokiong? Guaw e qra inx qongw, e qaixvenr nauxvo siwvnix hertongw moxjiongw huawhak budjid ee vinghingg, anne inx dyrr be qycc mng ar. mrqycc moxjiongw huawhak budjid dauwdew si anxjnuaw qaixvenr nauw ee vinghingg, hro jit xee sitjir ee langg kacc hyw .quaw, iacc si hro sinqingx hunlec ee langg sukyw e kacc cingcyw? Dap'anr si --- liw iyh .diyc ar --- lanw m jaix.

Henrdai budliw erdangr qongxx ui' linggno lak dirr NEWTON (1643-1727) ix ee tauu kaisiw, ix m na huathen uxdiu inxlat ee jokiong, iauxx huatdenw cud jit xee sowhak qongsid. Jitmaw dag'ee longxx jaix budtew jiqanx u kipinxlat, jitt qxow lat ee dua-ser qapp jitt nng budjid jongw-jitliong sxingg jingwviw, qapp inx horsiong jiqanx ee qirli ee vinghongx sxingg huanxviw. Jex ixqingx dingrgi liauw u qraur cingcyw lar!

Mrqycc uirsniaxmic neh? uirjnuaxngiu budtew jiqanx e u kipinxlat? Uirsniaxmic e u lat ee junjai?? Ix ee singhun si sniaw? Dap'anr si : lanw m jaix. NEWTON ee sowhak qongsid jixsi biysut henrsiong, mrqycc jitt xee henrsiong uirsniaxmic e junjai, ix si zuhyy unrjog, lanw m jaix. Lanw qongxx jitt xee sidai hyrjyr kyhak ciongbingg, simrjiww lanw m jaix si sniaw hro lanw erdangr dirr derbin-siong kia diauu diauu. Kyhak juangiap hongbin, lanw ee jinwvo byy je.

Itding u langg jaix quaw sniaw oox? Guaw qongw .quer, sowhak ee dingrgi jin' cingcyw, sowhagqax itding jaix jinsiongr. Lanw dirr haghau yc diyc jit xee jinliw, nng diuauu pinghingsnuar ingxuanw be siy' pnua. Mrqycc guaw dairhak sir nii sii, u jit zit tniax langg' dramm RIEMANN qihyy. BERNHARD RIEMANN (1826-1866) si Dikqog sowhagqax, ix dirr jap-qauw sewqiw vnuawdiongnuaa sii tee cud jit xee gibun "narr si nng diauu vinghingsnuar siy' qaucex beh anxjnuaw? Qinqir vinghingsnuar siy' qaucex ee qaxsed, qycc duiww EUCLIDEAN guanliw (iokk 300 BC) quiw hxang ee siuding, ix huatdenw cud jit tyr uanjuann byy qang ee qihyhak. Tniax.kiw .laii kacc singg jit jiongw diwsig iacc si iuhir, u damrvyc cniurr decc qewsngr dirr jit qix jiamtauu-dingw tiauwbuw rair zuarr je siqanx ee bunrdee, mrqycc EINSTEIN (1879-1955) ee kyhak lixlun (vauhamm siongduiwlun, guanjuxdnuar ee huatbingg) dairvorhun longxx is ixx RIEMANN ee liwlun jyr qicyw ee.

Qihyhak huatdenw ee kyxlingsingr ingxuanw byy tingg, ui' RIEMANN ee sidai kaisiw, qycc huathen liauw lak tyr u sidjer qonglingg ee qihyhak, dnaxx u veh tyr sidjer qonglingg ee qihyhak. Dycc jit tyr jiacc si jinx ee? lanw m jaix.

SIMLIX LENRQIMX

Lanw dirr juangiap kyhak hongbin did .diyc ee byy je, hro guaw qycjaiww huetauu dramm simlixhak jitt jiongw nngxsingr kyhak. U langg qra simlixhak viw jyr lenrqimsut. Jaw dirr lenrqimsut dng' liuhingg ee sidai, hitt sii ee kyhagqax dyrr si lenrqimx zinsu, inx cir beh qra siok qimsiok juanxvenr jniajyr ngqimx, dag'ee qandna' jaix sewqair-siong u sir jiongw "guansor" : tow, kongkir, huew, juiw. Dnaxx ixqingx jyr cud ee quansor jiuqiviauw-dingw u vah gua jiongw qivunx guansor, jinwvo jerje, mrqycc simlixhak iauxx si dirr lenrqimsut ee oamr qrii.

Qongw jit xee le, hurluw qaixhongr unrdong ee jendee si, lamluw jiqanx junjai jiongw jiongw ui' qaixpyr-siong berdangr kuvet cud :ee, jiaxee byy qangg :ee si jnuaxngiu laii ee? u zuarr je sriok dirr bunhuar iacc siarhue insor, qycc u zuarr je sriok singbut insor? Lanw m jaix. Zi-jap sewqiw qiongbecc jiapqin buexliux ar, zinlui u vanrhuad huixbet qui' xee derqiuu, kiokk iuguann m bad lamluw singwvet si anxjnuaw jit huesu.

Lingrgua jit xee le, zinlui digiuw ee hnowhenn, jex ham' sinvir ee quanhe vutjiw bidced. Si m si soxu ee langg cutsir dyrr kuriuw qangkuanw tingdo ee hnowhenn, iacc qokk langg tensingx ee hnowqisimx jancur byy qang? Jex u uituann? iacc si bunhuar teqiongx ee jit jiongw hunwlen? Jit jiongw erdangr quanwjur zip kir, ersaih qaixdiau ee hinguii? Lanw m jaix. Qycjaiww jit vaiw, iuxquanx jitt hxang zinlui siongrr diongriaur ee digjid, kyhak genxqiur iauxx byy uirr lanw henxlo qaixdab.

QEW HONGSINN

Lanw soxx jaix ee si jiacc iuxhan, erdangr qongxx sniaw dy' m bad, uirsniaxmic iauxx siwqer viauxhen cud busow-vutdix ee hongsinn ngiu? U nng xee lixiuu : si lanw e qniax, marr si lanw air vindnua.

Sniu diyc lanw jinjniar sniaw dy' m bad, m jaix qaqi beh jyr sniaw? Beh dui' dyhh kir? lanw ee diwsig cniurr jit xee dirr oamr-diongx tamwsyh ee ingzii, jinjniar e qniax. Soxiw congwjy jit xee banrsurtongx ee qexsiong, hro qaqi ansimx.

Lanw marr vindnua jiacc sing'uac dirr huanwsiongw nirr. Itdanr qakgno jurqiw giamdiong ee bydix, diyh'air singzin jurqiw ee gugong, jidsiwlangg rair sinkow hagsip. Dysowlangg m na m singzin qaqi gong, marr m guan uirr zimrhyy su qankow jidsiwlangg. Iauxx si bih dirr jurzin busow-vutlingg ee huanwsiongw vuerau kacc songxkuair.

Ui'id ee bunrdee si, huanwsiongw dyrr si huanwsiongw, ix m si jinsit ee! guaw dirr "simlingg dedoo" nirr juanbunn uirr simliw qenrkongx lyc ee dingrgi si : bylun dairqer, vutduan uirr duiqiuu jinsiongr vniawmia ee quewdingg. Soxui "bylun dairqer" iarr dyrr si byy qewqaur jinsiongr e hro lanw zuarr byy songxkuair.

Henrdai bunhuar u dypiah tongwkow ee digjid, duiww simliw qenrkongx byy digvet qoxle. Narr duw diyc simjniaa sitjir, lanw e qongw "Kyxlenn ee JOE, ix ee huanwsiongw puar .kir ar!" qisit lanw rair qongw " JOE jin' hyxzirun, ix ee huanwsiongw bedbyy .kir ar!" mrqycc lanw suacc e qongw "oox! Jin' hiauhing, ix jitmaw knuar diyc jinsiongr ar, jin' kikkuix !" naxcniurr jaix jinsiongr si sniaxmic baiw su lehh. qangkuanw, dng' jit xee langg jiapsiu simliw dirliauu, jin' byy qanxdanx, erdangr jiapsiu donglenn bad jygu ziauxluan iacc si virr vangwsag ee sursit, lanw berdangr qongw, "oox! Jin' hiauhing!" in'ui inx soxx qinggiam ee tongwkow e hro inx kacc qenrkongx.

Dongzenn, soxu ee quijig longxx u lergua. Guaw huisiongg jicii simliw isux soxui ee " qenrkongx ee huanwsiongw". Kyxviw qongxx, jit xee isux simjongvne hionghiongg huatjog, ix siw dirr qaho vnervangg ee qilut kyxlingg si qitnax ee nng vxue, ix jaix qokk ngiu kyxling huatsingx ee cacyr, vadd langg kyxlingg e qongw " jixvutqyr si simjongvne giaa.kiw .laii ziiw." Ursii huanwsiongw marr iuxli qenrkongx.

Mrqycc , guaw zinruii iauxx si hro huanwsiongw puawbet kacc hyw. Lanw zuxx erdangr sikingr henrsit, sing'uac dyrr zuxx u iwgi. jixu air sinvir ee langg, jiacc kyxlingg sing'uac dirr henrsit sewqair. Henrsit ee jinsiongr dyrr si : lanw ee diwsig cniurr ser jiah junn, hro lanw piauliuu dirr bydix ee dua haixngiuu-diongx, bongbu itpenr. Jre dirr jun-dingw ee langg, narr si byy air juiw, hex si jin' vuthing. Beh qaixvenr unrkir, ui'id ee honghuad dyrr si sethuad air sinvir. Narr si inx hnuanhiw tiaur zip kir sinvir-diongx, siujuiw, sngxjuiw, tec juiw lrok cuir, limx knuar hex si sniaw jubi, anne inx beh qniaun ar.

JINX IONGXKIR--- HNOWHENN

Simliw siongrr byy qenrkongx, siongrr byy singsik ee dua digsig, dyrr si duiww sinvir byy cuwbi, iacc siongduir ee byy hnowqisimx. Guaw dirr jingsinn vnerngi soxx tniax .diyc :ee, knuar .diyc :ee, hro guaw qamxqag vut'anx :ee, m si vnerlangg viauxhen qaxx liahqongg, kixog, qniahniaa, tongwkow, cinwsimx, si inx ee lingxdam. Ursii si iyhbut jyrsingg, mrqycc crinr decdeh ongxongw si simliw vne ee juxiaur digdingx.

Lyc seh, qenrkongx :ee e u sniaw huanxingr? inx e qniaa uaw txangx-aw-kauw, qongw "hex! Lyc seh ar!" "oox! Seh lyc qaxx jin' dua neh!" "aixiyr! Seh lyc qaxx jin' hiongg oox!" dirr jingsinn vnervangg lai, narr u langg huah qongxx : lyc seh ar! vnerlangg tongsiongg ee huanxingr si "mair caw ! gunw decc i vxaii!" iacc si iuguann dimm dirr inx ee huanwsiongw-diongx, byy dongjing. Inx dyrr si m guanrir qniaa kir txangx-vnix, marr byy sniu beh siamx .jit .xe seh ee sinvir.

Inx iauxx u jit jiongw henrsiong, huanrjiaw uanjuann berdangr tunlunw sinvir, inx e uirr qinvunw byy hxuad qaixsueh :ee, venx cud qokk sid qokk ngiu ee qaixsueh. Qongw jit xee le, quiw nii jingg, guaw jriab diyc jit dniux lywlyr dngg huisiongg aisiongx ee puex, jongxqiong veh iac, derr id iac, jin' u jojid, qongw diyc ix ee qniaw dair diyc oksingr bacliuu (HODGKIN'S DISEASE), ui' jex kaisiw, zuxx siaw zuxx zuu : "liw dongzenn jaix, driyc hno! Peck isingx, qoxjaxlangg huathen, muixx jit xee langg u jit xee tauwbingg ee ngiaw, sui' sii qra lanw duer diauu diauu, lanw ee bactew ham' jitt xee lingsinx vutduan jinwhingg huawhak qaungua, vnerjingr dyrr si qaungua cud liauw bunrdee laii inxkiw ee."

Jitt jiongw sinvir qauwpair ee lixlun byy itding m driyc, u sii iauxx jin' u dyrliw, vutqyr, dnaxx dyrr tec be cud jingwqir. Dirr moxjiongw iwgi-siong, ersaih qongw ix si ter inx qniaw ee vnerjingr jyr qaixsueh. Marr u kyxlingg qaixkuix jitt xee viwbit erdangr duar hro ix moxjiongw anuir, jixvutqyr ix huisiongg u vaxag ee kauxkir, kiokk si vah hunx vah ee huanwsiongw.

Siongduir ee, zed'air duiqiuu sinvir, hnowhensimx dang, si simliw jin' qenrkongx :ee viaujunw digdingx. Inx duiww luirsu-cnxix (QUASARS), luisia, jinsinn hunlec, cauxqauu, cnisiur…dringw dairjurzenn ee qokk jiongw henrsiong, longxx jin' hnowhenn, muixx jit qnia longxx e kipinw inx. Dysowlangg si nng qigtauu ee diongqanx, dysowlangg ee hnowhensimx longxx si binbinn jongrtair.

Guaw ciangjai qra vnerlangg qongw, guaw si ho'ngg cniar :ee, cua inx qniaa quer luersim kongqanx ee dyriuu. Inx cniar guaw, m si guaw bad zip kir .quer, si guaw jaix jit quaw jinwzip luersimx sewqair tamwhiamw ee quijig. Dirr simliw dirliauu nirr, muixx jit xee langg ee luersimx sewqair longxx byy qang. Muixx jit vaiw dy' si juanzenn byy siang ee luxiuu, jex marr siongrr kipinw guaw ee guan'inx.

Beh tamwcig luersimx sewqair, diyhh singx jniajyr jit xee tamwhiamxjiaw --- diuww sinvir :ee u hingwtauu. Tamwkamr Bixqog saivag ee jenhongx tamwhiamxqax, inx duisunn ee si APPALACHIAN snuamec siongrr quann hitt xee sinvir ; taiwkongzinn tamwqiur ee si gua-taiwkongx ee sinvir. Jiapsiu simliw dirliauu :ee, si beh cue luersimx ee sinvir. Zuqyw dirliauu quewdingg, vnerlangg duiww jurqiw donglenn ee hnowqisimx virr qig, kaisiw tamwsyh hrongx diauu ee qiwig ham' ixjaw mow quaw qinggiam, surqnia duiww ix zinsingx ee ingxhiongw, uituann qi'inx, kiwjid, tuanxtongw ham' bunhuar ee viwbit, iauxx u ix ee binbang, binbang ee iwgi, anne dirliauu dyrr e huathuix qiongdua ee jokiong. Lingrgua jidbin, zuqyw dirliauu quewdingg, vnerlangg duiww tuanxtongw, qi'inx, donglenn, binbang …dringw sinvir ee hnowqisimx byy qakcniw, ix ee luxdingg dyrr byy jinwdenw.

Guaw iong "qakcniw" biysut vnerlangg duiww sinvir ee cuwbi, si guaw siongsinr dirr mow quaw langg ee srinx-siong, duiww sinvir ee hingwcur si erdangr vue'iongw ee, cniurr decc cir damx WHISKY. Vue'iongw jitt jiongw cuwbi u jerje hyxkangx :ee, zuxx limx zuxx je, narr jnuaa lehh, itdit rig cud laii, zuxx rig zuxx je, benw huanlyw e jiyw .kir; m quanw liw limx zuarr je, benw qniax juir; benw hrur jnii, benw lap suer. Jex si guaw jin' hnuahiw cuijenr :ee

SIMLINGG LUXHINGG

Dirr henrsit sing'uac lai, tamwqiur sinvir m na si simliw vyxqenr ee bogviaux, marr si simlingg luxhingg ee bogdikde. Soxui simlingg ee luxhingg, dit qongw dyrr si jit dniuu zinsingx "jinjniar" iwgi ee duisunn. Un narr hyw, lanw duisunn :ee, si "jinjniar" ee siongrder.

Jongqaur u hro langg gignaiw :ee, si muixx jit xee langg qongw cud inx sinwqaur ee lixiuu longxx byy siangg, u langg uirr beh jiapciog sinvir, marr u langg uirr beh dypiah sinvir.

Guaw byy anwsngr qongw cud hiaxee jiyh jongqaur dypiah sinvir langg ee cywgo. In'ui dyrr si u langg dirr simliw ham' simlingg huatdenw quewdingg, (cniurr qazip qaixjiuw hiabhue ee jiuxquiw, duxx quatsimx beh quer dyrdik sing'uac ee juerhuan.), su'iaur jit jiongw ovec hunbingg, qauwdiausid ee sinwgiongw ham' guanjig, jyr sing'uac ee jixviaux. Simlingg uanjuann singsik ee langg be liac qauwdiauu m vangr, inx si tamwhiamw :ee, kacc singg kyhagjiaw, sewqair-siong marr byy uanjuann ee sinwgiongw jitt huesu. Henrsit dyrr cniurr siongrder, lanw jixu sethuad jiapqin ix.

Lanw loxlik liauxqaiw henrsit, naxcniurr jit xee kiwdoo beh liauxqaiw amr bat bat ee ciuxviyw qihaii lairvo qetqor ee langg. Knuar .diyc ee si viyxbin jixjiamx suaw dinxdong, tniax diyc didax-sniax, mrqycc byy jaidiau qra viyxkag packuix. Narr si u qxaur kiauw, kyxlingg u huatdo tuiue cud jit dniux ix quancad diyc soxu henrsiong ee qihaidoo, mrqycc ix ingxuanw byy hxuad kaksit jaix, ix sniu ee dobin si m si ui'id ee qaixsueh, marr byy kyxlingg tec ix ee qowsiongw qapp jinjniar ee qihaii qowsingg vixqaur, simrjiww m jaix jitt jiongw vixqaur u sniaw iwgi.

Dingw jitt dnxua ue si A.EINSTEIN (1879-1955) siaw :ee, jerje langg qongw, ix bad ee mic si sewqair siongrr je :ee, ix ee miaa ham' tenjaii qang iwsur. Ix anne siaw, "lanw erdangr quancad, vensiaw lixlun, mrqycc ingxuanw m jaix henrsit ee jinsiongr, lanw qandna' erdangr jiapqin."

Simlingg ee luxhingg si jit dniuu duisunn jinliw ee ligdingg, ham' kyhak duiqiuu jinsiongr qang. Uanjuann singsik ee langg si jinliw ee duisunjiaw, ham' kyhagqax siangkuanw, simrjiww qyckacc dauzip. U langg uirr dypiah sinvir qniaa zip jongqaur, marr u langg uirr dypiah sinvir dauzip kyhak ee genxqiur.

Lanw bad tniax .quer u kyhagqax jidsiwlangg juanbunn genxqiur sngx /qnix iacc is hunxjiauw liaphorsnuar jojid lai ee mow jiongw singhun, inx duiww uxdiu ee hingwcur dyrr si jiacc je. Inx uirr jurqiw ced cud jit xee siyw lingxhik, jiurr jit xee debak tak ee bunjiux viw si'angg dy' ciauquer jerje, dirr jitt hongbin ee diwsig inx si kia dirr siongrr quann hitt liap snuax ee langg, jex hro inx qamxqag jin' anjuann. Jinjniar duisunn jinsiongr ee langg, byy kyxlingg cue jit xee anjuann ee ser kongqanx, bih dirr lairbin. Ix diyhh dua dnaw longr zip kir birdix qapp sinvir.

TNIX BEH QNGX JINGG

Kaigiap sii, ursii vnerlangg e u jit jiongw huanxingr, jitt xee byy kansiap diyc jingsinvne, si jit xee poxpenr ee junjairjuxgirsid gibun, inx qongw "oox! Peck isingx, guaw jin' giluan."

Jin' hyw ar! gauw ee anne ingr.

Liw si sniaw iwsur? Anne si jin' baiw neh! inx qycc mng.

M si , m si, jex dairviauw liw ee hokkir qaur ar!

Mair qra gunw qunxsngxciyr lar? Guaw simjniaa jin' baiw. Jex jnuaxngiu si hokkir?

Guaw e qongw, JESUS siongrr u miaa ee hitt pnix qangxdy, derr id qxur si " simlingg luanxziok ee langg u hog ar!" "simlingg luanxziok" u je jiongw qaixsueh. Dirr disingr ee jancur, siongrr hyw ee qaixsueh dyrr si "giluan". Giluan ee langg u hog ar, in'ui giluan si duisunn cingcniw ee derr id vo, dirr duisunn quewdingg-diongx, liw e did diyc jerje diwsig.

Kyxviw qongxx, jap-go sewqiw ee langg, m si 1492 nii ee mow jit zit ee amwmee, huaipy diyc derqiuu si vnevingg ee quanliam kir kunr, qecdngxqangx kiw cngg, dyrr siongsinr derqiuu si ngii :ee. inx beh cue diyc jinjniar qaixdab jinwjingg, qingquer jin' dngg siqii ee giluan ham' tamwsyh. Qu quanliam sixbongg, ngua sinx :ee, kacc hyw ee quanliam virr cuxdai, longxx su'iaur qingquer jitt xee giluan ee qaidnua.

Qniaa dirr jitt xee qaidnua kaksit hro langg jin' byy songxkuair, ursii qycc e jin' tongwkow. M quanw anxjnuaw, jex si jit jiongw hokkir, suibongw lanw e qamxqag simlingg luanziok, lanw si decc cue kacc sinx, kacc hyw ee cutlo. Lanw ee simlingg duiww sinx surbut kaihongr, lanw siwqer sunknuar, lanw decc singdiongw. JESUS qongw "giluan ee langg u hog ar!" dairtew qongw .laii, soxu ee og longxx si duiww jurqiw soxx jyr :ee jiamr qauw snxiaa jairunw :ee. jurqag giluan ee langg be jyr og, simlingg luanxziok ee langg be jyr og.

Dirr "simlingg derdoo" lai, guaw qongw tonghiongr sinsingr ee lo, si duiww muixx jit qnia su tee cud jitgii. Sunqiuu, liw dyrr erdangr cue diyc qauwgiac ee jinsiongr cuiwpuer-aw, knuar e diyc dua uerbin ee jit jad-aw, jaix ix jinjniar huisiongg ee bixle.

Narr qongxx lanw itsingx longxx draii dirr sinvir-diongx, cniurr diwsig ee ingzii dirr oamr-diongx dangx-dyw-saix-uaix, anne jnuaxngiu kyxlingg singjun .lyc .laii? jiurr guaw soxx jaix ee, jixu nng jiongw hongsid huedab jitt xee bunrdee. Jit jiongw si gne qongw A.EINSTEIN ham' PECK longxx m driyc ar, lanw jaix :ee viw inx hitt nng langg je quer jerje. Lingrgua jit jiongw si sniu qongxx lanw kaksit sriu diyc moxjiognw tingdo ee vyxho, jitt jiongw vyxho si anxjnuaw unrjog ee? guaw m jaix, gauw qandna' jaix, jex kaksit si tni'ir.

TNIQUNX

Guaw vanrqongsig vaii cid senx byy qangg ee vnuar-lortew tnisair. Inx hro guaw sukyw jitt jiongw vyxho, sin'unx ee unrjog, siongrder naxjunxx erdangr qra lanw muixx jit qix taumngg longxx venx hyrbew quijyr dongxanr. Guaw qandna' erdangr siongxsiong IX erkaxciuw si jit dui tnisair dua qunx, suisii tingwhau IX ee jixhuix.

Guaw siongsinr uree tnisair jinjniar ixx langhingg cuthen. PHYLLIS THEROUS u jit vunw qxur qxur longxx jin' bixhyw ee lingsiux snuawbunjip "siyw iardingx : amwmee verbuw qongw ee cngg-vnix qowsu (NIGHTLIGHTS : BED-TIME STORIES FOR PARENTS IN THE DARK)". Qidiongx jit pnix dramm .diyc, u jit vaiw, ix camqax qongjid zinguann kyxcir, lairdew u sir~ go xee debak jin' henxzenn si uirr beh cir susiongw si m si kacc qigtauu iacc si penjib cud ee. ix qandna' e qir did jit dree, "liw zinruii liw jurqiw si m si siongrder ee digpaiwguann?"

Ix huesiongw qongw, hitt sii ix qamxqag qui' sinkux baa .kir, sniu qongxx soxu qongburguann ee hokli, longxx quatding dirr jitt dree si m si dab liauw u qraur hyw. Ix quatding qinxsin viw iongxkir kacc unw, suanw "qongw qexue", siaw "m si".

Guaw jinjniar siongsinr lanw vnix:a u quaw digpaiwguann, dng' lanw dirr oamr qycc sinvir-diongx bongsyh sii teqiongx vyxho. Banrsingwjed sii, guaw digvet air anne sniu, jex si Qidokqaur soxu ee kingwdenw-diongx, siongrr sinvir ee jit jiongw. Jitt xee jed, hro guaw siongrr kyxlingg sniu diyc jit dnxua byy lauu miaa, liutuann quxhng ee jap-cid sewqiw SCOLAND qidyxbunn :

Guan jruw qiur guanw tuatlii jiahsi'moo ham' quixquair,

Dngg kax ee siuwiaux, soxu amwmee luanrjongg ee mic.

Hro guaw qra ngua siaw jyr huanxngiaw zi-jap sewqiw ee henrjong :

Lanw "byy liauxqaiw ee simjniaa" ham' "virr gorhue ee dig'ir" si jiahsi'moo

Lanw "m kingw hongwkir quewsii ee quanliam" ixqip

"jurzin iongxiuw diwhui ham' linglik ee huanwqag" si quixquair,

Lanw ee "budix, penqenr, hongsinn" si dngkax ee siuwiaux,

Iauxx u sinvir ee amwmee hiaxee lanw iuxhan ee sirlik knuar be diyc,

Simrjiww m jaix qaix iacc si byy ingwqaix qniax ee mic,

Guan jruw qaixqiur lanw --- liw ,guaw ham' dirr ingziqii qunxqaw ee juann zinlui.

huedngw tauu iac