Jelemiah

1 Benjamin-de, Anatot Sniaa ee jewsix diongx, Hilkiah ee qniaw, Jelemiah ee ue qir dirr erdew.

2 Dng' Judah Ongg Amon ee qniaw Josiah jerui ee jap-snax nii, Jehovah ee ue limqaur ix.

3 Qycc dirr Judah Ongg Josiah ee qniaw Jehoiakim jerui ee sii, didqaur Judah Ongg Josiah ee qniaw Zedekiah jap-id nii ee lorbuew; Go-guec qranx, Jelusalemlangg siurr liac ee sii, Jehovah ee ue limqaur ix.

4 Jehovah ee ue limqaur guaw, qongw,

5 "Guaw bue congwjy liw dirr vakdow lai ee dairsingx, Guaw vad liw. Liw bue cud txex ee dairsingx, Guaw hunvet liw juer sxingr; setlip liw juer ledqog ee sendix."

6 Guaw dyrr qongw, "Hairar! Jruw Jehovah ar, liw knuar, guaw berhiauw qongw, in'ui guaw si ginxaw."

7 Jehovah duiww guaw qongw, "Liw m tangx qongw 'Guaw si ginxaw.' In'ui Guaw qniww u crex liw, liw diyhh kir; Guaw qniww u huanhur liw, liw diyhh qongw.

8 Liw byc did qniax inx, in'ui Guaw qapp liw dilehh, beh qiur liw." Jex si Jehovah qongw :ee.

9 Jehovah dyrr crunx Ix ee ciuw bongx guaw ee cuir. Jehovah qra guaw qongw, "Liw knuar, Guaw u jiong' Guaw ee ue, he dirr liw ee cuir.

10 Knuar ar, qinaxzit Guaw setlip liw dirr ledvangx ledqog ee dingxbin; si uirdiyhh beh vuic cud, beh tiachuiw, beh vairhuai, beh ciax dyw, beh qenwlip, beh jaivuee."

11 Jehovah ee ue qycc limqaur guaw, qongw, "Jelemiah ar, liw knuar qnir simxmih?" Guaw qongw, "Guaw knuar qnir hingrciu ee jit qix."

12 Jehovah dyrr duiww guaw qongw, "Liw soxx knuar si driyc. Guaw decc quanqor Guaw ee ue laii jniaa ix."

13 Jehovah ee ue derr zi vaiw limqaur guaw, qongw, "Liw knuar qnir simxmih?" Guaw qongw, "Guaw knuar qnir jit xee dniaw decc qunw, ix ee bin dui' vaksir ngr .quer .laii."

14 Jehovah dyrr duiww guaw qongw, "Beh u jaieh dui' vakhngx huad cud, limqaur jitt soxjai itcer kiarkiw ee vecsnir."

15 Jehovah qongw, "Knuar ar, Guaw beh driaur vakhngx ledqog ee jiongww jok; inx beh laii, dag'ee anx jyrui dirr Jelusalem jiaxee sniamngkauw; jiu'uii qongqig sniacniuu, iarr beh qongqig Judah itcer ee sniaa.

16 Lun qaur jitt xee vecsnir itcer ee pnaiw, dyrr si lirkuix Guaw, ngr vadd xee siongrder siyx hniux; quirvair inx ee ciuw soxx juer :ee; Guaw beh qongw kiw Guaw ee pnuawduanr laii qongqig inx.

17 Soxiw liw diyhh haa iyx, kiw .laii, jiong' Guaw soxx huanhur liw itcer ee ue qra inx qongw; byc did in'ui inx laii qniahniaa, qniax Guaw e hro liw dirr inx ee binrjingg laii qniahniaa.

18 Knuar ar, in'ui Guaw qinaxzit hro liw jniaa juer qenqor ee sniaa, juer tictiau, juer dangcniuu, laii dixdngx juann de, ixqip Judah ee led'ongg, quiwjok, jewsix, qapp jitt soxjai ee jiongww vecsnir.

19 Inx beh qongqig liw, jongwsirr be e ngiaa liw; in'ui Guaw qapp liw dilehh, beh jinxqiur liw. Jex si Jehovah qongw :ee."

2 Jehovah ee ue qycc limqaur guaw, qongw:

2 Liw kir ngr Jelusalemlangg ee hnirkangx qiyr qongxx, Jehovah anxnix qongw: Liw siauwlenn ee un'air, hun'inx ee aiwjingg, liw jnaixaxngiu dirr kongwiaw, dirr m bad jingwjyh ee de, qinduer Guaw; Guaw longxx qra liw qir .did.

3 Hitt sii Islael juer sxingr qruix Jehovah; juer Ix kixtauu sik ee toxsanw; qniwnarr tunjiac ix :ee, beh sngr juer u jue; jaieh beh limqaur inx; jex si Jehovah qongw :ee.

4 Jakob ee qrex ar, Islael-qrex ee dagg vangtauu ar, linw diyhh tniax Jehovah ee ue.

5 Jehovah anxnix qongw: Linw ee ledjow knuar Guaw u simxmih vutgi, qingxzenn lirkuix Guaw hng hng, kir tranr hiaxee huqew :ee, laii juer huqew :ee ar?

6 Inx iarr byy qongw: Hitt xee cua lanw cud Egipt-de ee Jehovah dirr dyclyc? Ix si cua lanw qingquer kongwiaw, suaboo, qapp cimknix ee soxjai, kongwhan siximr ee de; byy langg qingquer, byy langg kiarkiw ee qingxqair.

7 Guaw cua linw zip vuii ee de, hro linw jiac hitt diongqanx ee quexjiw qapp hyw mic. Linw zip laii liauw, dyrr pah lasamm Guaw ee de, hro Guaw ee sanxgiap jniaa juer kyxngor :ee.

8 Jewsix longxx byy qongw, Jehovah dirr dyclyc lehh? Qangxqaiw ludhuad :ee m bad Guaw, qnuadniuw vuerbiu Guaw, sendix kyr Baal laii camwgiw, qycc tranr byy lirig ee su.

9 Jehovah qongw: Guaw in'ui anxnix beh qapp linw jingven; iarr beh qapp linw ee qniaxqniaw sunsunx jingven.

10 Linw diyhh quer kir Kittim jiaxee haixsu laii quanknuar; crex langg kir Kedar liusimx jakyw, knuar bad u jitt hy su iacc byy.

11 Qamxx u jit qog qexngua inx ee siongrder mah? Qisit hiaxee m si Siongrder. Guaw ee vecsnir jiong' inx ee ingqngx laii ngua hitt xee byy lirig :ee.

12 Jiaxee tnix ar, diyhh in'ui jitt xee laii gonggniac, qigqii qnihniaa, jinrjai lingxjing. Jex si Jehovah qongw :ee.

13 In'ui Guaw ee vecsnir juer nng hxang pnaiw dai, dyrr si Guaw juer uahjuiw ee guantauu, inx lirkuix Guaw; qycc uirr qaqi kuix dii, si puawlic be drew juiw ee dii.

14 Islael si lovok mah? Si qrex-diongx snix ee lovok mah? Uirhyy jniaa juer siurr cniuw ee mic ar?

15 Iongw ee sraix ngr ix hmrhm hauw, cud dua sniax, hro ix ee de pahngx; sniaa iarr longxx siyhuiw, byy langg kiarkiw.

16 Memfislangg qapp Tahpanheslangg iarr paccuir liw ee taukag.

17 Jitt xee su qamxx m si liw qaqi cruw :ee mah? In'ui liw ee Siongrder Jehovah cua liw qnialo ee sii, liw u kiwsag Ix.

18 Dnaxx liw sniaw su dirr Egipt ee lo, si beh limx Sihor ee juiw mah? Liw sniaw su dirr Assylia ee lo, si beh limx Duarhyy ee juiw mah?

19 Liw qaqi ee pnaiw beh qingxqair liw; liw vuergik ee su beh jikvi liw; dui' anxnix tangx jaix, tangx knuar cud liw kiwsag liw ee Siongrder Jehovah, byy jrunn qingwuir Guaw ee simx, dyrr si pnaiw qycc qankow ee su. Jex si Jruw, banrqunx ee Jehovah qongw :ee.

20 Guaw dirr qoxjaw ee sii, ad jric liw ee dnax, tauw kuix liw ee syh. Liw qongw, "Guaw m sunrhok." Liw dirr dagg xee quann ee snuax-dingw, dagg jangg cnicuir ee ciu-kax, kud lyc sinkux qnia'imm.

21 Guaw bad jaijingr liw, si siongrdingw ee pudyciu, jaunzenn si jinx ee jingxjiw; liw duiwdirr Guaw jnaixngiu vnir juer vadd kuanw pudyciu ee pnaiw qix ar?

22 Liw suibongw ing qnix, ing jerje suatbunn laii sew, liw ee juerog ee hunziah iuguann henxcud dirr Guaw ee binrjingg. Jex si Jruw Jehovah qongw :ee.

23 Liw taixtyw e qongw, "Guaw byy bag diyc lasamm, byy duer jiaxee Baal." Liw knuar liw snuaqog diongx ee lo, dyrr jaix liw soxx qniaa :ee jnaixngiu. Liw si dnuax nxia gauu jauw ee logdyy, jauw laii jauw kir.

24 Liw si iaw luu, quanwsir dirr kongwiaw; iogsimx huatdong, dyrr kiphongx; siauw ee sii, jirjui e joxjiw ix ar? Qniwnarr cue ix :ee, mrbenw diyhbuaa; dirr ix hitt guec, dikkag e cue .diyc.

25 Liw diyhh qimwjiw liw ee naauu, benw drir cuiwdax. Liw qongw: Jex si bycaixqangx, m ar; guaw ixqing’ luanbo vadd xee; guaw beh duer inx.

26 Cat hro langg liac .diyc, jnaixngiu qenwsiaur, Islael-qrex qapp inx ee qun'ongg, quiwjok, jewsix sendix, iarr longxx anxnix qenwsiaur.

27 Inx duiww catauu qongw, "Liw si guaw ee ve." Duiww jiyhtauu qongw, "Liw si snix guaw :ee." Inx ing qajiah ngr Guaw, byy ing bin ngr Guaw; qaur duw diyc huanrlan ee sii, jiacc qongw, "Kiw .laii, laii qiur guanw."

28 Liw uirr qaqi soxx jy ee siongrder dirr dyclyc? Ix narr e qiur liw, dirr liw duw diyc huanrlan ee sii, dyrr diyhh kiw laii qiur liw. Judah ar, liw ee siongrder ee siauwgiac qapp liw ee sniaa ee siauwgiac vnivnii je.

29 Jehovah qongw: Linw sniaw su qapp Guaw jingven? Linw longxx vuergik Guaw.

30 Guaw dokjig linw ee qniaxzii si kangx kangx; inx byy siurr qingxqair. Linw ee dyx, cincniu bingw sraix, tunqa linw ee sendix.

31 Jitt sewdai ar, linw diyhh bingg Jehovah ee ue; Guaw duiwdirr Islael qamxx bad juer cincniu kongwiaw, iacc si bad juer cincniu oamr ee de ar? Guaw ee vecsnir sniaw su qongw: Guanw tuatli ioksog, m qycc qui'ngr Liw lar?

32 Jairsikluw qamxx e be qir did ix ee jngtna mah? Sinniuu qamxx e be qir did ix ee suiw snxax? Guaw ee vecsnir be qir did Guaw, hex be sngr did zit.

33 Liw jnaixngiu siujingw liw ee lo, iauqiuu tiongxair; lenrr pnaiw hurzinlangg, liw iarr ing liw ee lo qawsi inx.

34 Qycc liw ee snaaxqix u byy jue ee songwhionlangg ee huih; dirr byy iah cuwkangx ee soxjai marr u.

35 Liw iauxquxx qongw: Guaw byy jue; Jehovah ee siurkir dikkag uat dngw lirkuix guaw. Knuar ar, Guaw beh simxmng liw, in'ui liw qaqi qongw: Guaw byy huanrjue. Liw sniaw su jauw dangx jauw saix, beh qexngua liw ee lo ar? Liw beh in'ui Egipt laii qenwsiaur, cincniu jingg in'ui Assylia laii qenwsiaur jidngiu.

36 Liw iarr beh siangciuw py taukag, dui' hiax cud .laii; in'ui Jehovah ixqing’ kiwjuat liw soxx uaxkyr :ee; liw iarr be dui' inx did diyc hingtongx.

3 U decc qongw, "Langg narr lii cud ix ee bow, bow dyrr lirkuix ix, qer vadd langg; dyrr ix jingg ee diongrhux qamxx tangx qycc cinqin ix mah? Narr anxnix, hitt xee derhngx qamxx byy bag diyc lasamm mah? Liw qapp jerje cin'air qnia'imm, iauxquxx tangx qruix dirr Guaw! Jex si Jehovah qongw :ee.

2 Liw diyhh giac bak knuar jiaxee qngx kyrky quann ee soxjai; dirr dyclyc byy u imhing ar? Liw jre dirr lo-vnix tingwhau, cincniu Alablangg dirr kongwiaw jidngiu; qycc ing liw ee imhing sia'og pah lasamm juann de.

3 In'ui anxnix, hyw ee horjuiw tingjiw, cuntnix ee ho byy lyc; liw iauxx u ciongqix ee bin, m jaix qenwsiaur.

4 Liw qamxx m dui' jitt sii qiyr Guaw qongxx, 'Guaw ee ve ar, Liw si guaw siauwlenn ee sii inxcua guaw :ee.

5 Liw qamxx ingxingw kngr siurkir, lauu qaur lorbuew mah?' Knuar ar, liw u anxnix qongw, iauxquxx jin liw soxx e :ee qniaa pnaiw."

6 Dng' Josiah Ongg jerui ee sii, Jehovah qycc duiww guaw qongw, "Vuergik ee Islael soxx juer :ee, liw u knuar qnir .byy? Ix jnriu hiaxee quann snuax, dirr longxjongw cnicuir ee ciu-kax qniaa imluan.

7 Ix qniaa jiaxee dairjir ixau, Guaw qongw, ix beh qui'uaw Guaw. Jongwsirr ix byy, ix qanjar ee siyxbe Judah iarr u knuar .qnir.

8 Vuergik ee Islael qniaa imluan, Guaw uirdiyhh jitt xee enqor hro ix lisux, lii cud ix. Guaw knuar qnir ix qanjar ee siyxbe Judah, iuguann byy qniax, iarr si kir qniaa imm.

9 Ix suiven qniaa ix ee imluan, dyrr pah lasamm jitt xee derhngx; dyrr qapp jiyhtauu catauu qniaa imm.

10 Suizenn u jiaxee itcer ee su, ix qanjar ee siyxbe Judah iuguann byy juansimx qui'ngr Guaw, vutqyr si qexir nardnia. Jex si Jehovah qongw :ee."

11 Jehovah duiww guaw qongw, "Vuergik ee Islael, viw qanjar ee Judah, iauxx kacc u gi.

12 Liw diyhh kir ngr vakhngx tuann jiaxee ue, qongw, Jehovah qongw: Vuergik ee Islael ar, diyhh dyr .laii; Guaw byy beh ing siurkir ee bagjiux knuar linw; in'ui Guaw si ju'air :ee, Guaw byy beh ingxuanw kngr siurkir; jex si Jehovah qongw :ee.

13 Dogdok diyhh zin liw ee jue, dyrr si liw uivue Jehovah, liw ee Siongrder; dirr longxjongw cnicuir ee ciu-kax, jauw dangx jauw saix, cue vadd xee, byy tniatanr Guaw ee ue. Jex si Jehovah qongw :ee.

14 Jehovah qongw: Vuergik ee qniaxzii ar, diyhh dyr .laii; in'ui Guaw juer linw ee diongrhux; qycc Guaw beh jiong' linw dui' jit xee sniaa cruw jit langg, dui' jit jok cruw nng langg, duar qaur Zion.

15 Guaw beh jiong' hap guaw ee simx ee bogjiaw sniuxsur linw; inx beh ing jaibad qapp diwhui ngiuxci linw."

16 Jehovah qongw, "Linw dirr qog-lai snitnuar jerje; dng' hiaxee zidjiw, langg byy beh qycc qongw kiw Jehovah ee iokqui, iarr byy beh qir dirr simx nirr; longxx be qir .did, longxx byy kir cue, iarr byy qycc juer ix.

17 Hitt sii langg beh cxingx Jelusalem juer Jehovah ee vyxjy; banrqog beh jurjip qaur hiax; dyrr si in'ui Jehovah ee miaa, laii qaur Jelusalem; inx byy qycc jiauww qaqi pnaixsimx ee qonggni qniaa dairjir.

18 Dng' hiaxee zidjiw, Judah-qrex beh qapp Islael-qrex drangg qniaa; dui' vakhngx ee de snaqab laii, qaur Guaw sniuxsur linw ee ledjow juer giap ee de."

19 Jehovah qongw, "Guaw jnaixngiu e tangx vailet linw dirr jiaxee qniaw ee diongqanx, jiong' hyw ee de sniuxsur liw, dyrr si ledqog diongx siongrr hyw ee giap? Guaw qycc qongw, linw diyhh cxingx Guaw qongw, 'Guaw ee ve ar'; iarr byy qycc dywdngw .kir m duer Guaw.

20 Islael-qrex ar, linw duiww Guaw qniaa qanjar, jinjniar cincniu hurzinn qniaa qanjar lirkuix ix ee diongrhux; jex si Jehovah qongw :ee.

21 Dirr qngx kyrky quann ee soxjai tniax qnir sniax, dyrr si Islaellangg tikaur kunxqiuu ee sniax; dyrr si in'ui inx qniaa siapiah ee lo, be qir did inx ee Siongrder Jehovah.

22 Linw jiaxee vuergik ee qniaxzii ar, diyhh dyr .laii; Guaw beh rix hyw linw ee vuergik." Knuar ar, guanw laii qaur Liw jiax; in'ui Liw si guanw ee Siongrder Jehovah.

23 Dui' siyw snuax iacc si dua snuax ee laurzet, ngwbang did diyc vangjan, sidjai si kangx kangx; Islael ee did dicy qiur, jinjniar jairdirr guanw ee Siongrder Jehovah.

24 Dui' guanw siauwlenn ixlaii, hitt xee tangx qenwsiaur ee su, jiong' guanw ee ledjow soxx diyhbuaa laii did .diyc .ee, dyrr si inx ee ngiuu-qrunn, guu-qrunn, qapp inx ee qniaw, jaboxqniaw longxx tunjiac .kir.

25 Guanw dyw dirr guanw ee qenwsiaur diongx, guanw ee lingziok ziakamr guanw; in'ui dui' siauwlenn qaur dnax, guanw qapp guanw ee ledjow sionsiongg dikjue guanw ee Siongrder Jehovah; byy tniatanr guanw ee Siongrder Jehovah ee sniax.

4 Jehovah qongw: Islael ar, Liw narr kingw dyr .laii, dyrr dyr laii Guaw jiax; narr dui' Guaw ee binrjingg druu kir liw kyxngor ee su, iarr byy cinwcaiw qniaa;

2 Iarr jiauww singsit, qongvingg, qonggi, qiw Jehovah ee ingxuac laii jiuwjua; dyrr ledqog beh dui' Ix laii qaqi qriuu hokkir; iarr beh in'ui Ix laii kuakauw.

3 Jehovah duiww Judahlangg qapp Jelusalem anxnix qongw: Diyhh kaikunw linw ee toxde, byc did ia jxingw dirr ciwper lai.

4 Judahlangg qapp Jelusalem kiarkiw ee vecsnir ar, linw diyhh qra vunxsinx qniaa qatlew, qruix dirr Jehovah; druu kir simlai ee suiog; qniax Guaw ee siurkir, in'ui linw soxx qniaa ee pnaiw, laii huatjyh; cincniu huew dyc .kiw .laii, simrjiww byy langg e pah huax.

5 Linw diyhh dirr Judah tuann, dirr Jelusalem vyr, qongw, diyhh dirr qog-lai vunn sauwqag, dua sniax qiyr qongxx: Linw diyhh jurjip, lanw tangx jinwzip qenqor ee sniaa.

6 Ingqaix ngr Zion kia dua qii; diyhh dyjauw, m tangx tingkax; in'ui Guaw beh hro jaieh qapp dua ee huixhuai dui' vakhngx laii.

7 U sraix dui' ram ee ciurnaa diongx jnriu .laii, huixhuai ledqog :ee, ix ixqing’ kixsinx, cud ix ee vunxsoxjai; beh hro liw ee de pahngx, hro liw ee sniaa honghuer, byy langg kiarkiw.

8 Uirdiyhh anxnix, linw ee iyx diyhh haa muavor, dua sniax tikaur; in'ui Jehovah ee dua siurkir byy dui' lanw uad dywdngw.

9 Jehovah qongw, "Qaur hitt zit, qun'ongg ee simx, quiwjok ee simx, longxx beh siaubet; jewsix longxx beh cniqniax, sendix longxx beh gonggniac."

10 Guaw qongw, "Airar, Jruw Jehovah ar, Liw jinjniar si dua dua kipenr jitt xee vecsnir qapp Jelusalem; qra inx qongw, 'Linw beh did diyc ving'anx', qisit dyqiamr hai diyc inx ee sniwmia."

11 Hitt sii beh u ue duiww jitt xee vecsnir qapp Jelusalem qongw, "Beh u zet zet ee hongx, dui' kongwiaw qngx kyrky quann ee soxjai, ngr Guaw ee jiongww vecsnir cuex .laii; m si beh vuar ix, iarr m si beh hro ix cingkir.

12 Beh u qyckacc dua ee hongx, uirdiyhh Guaw cuex .laii; danxx Guaw qycc beh huad cud pnuawsuu laii qongqig inx."

13 Knuar ar, ix beh cincniu hunn kiw .laii; ix ee jenwciax cincniu qngxlehongx, ix ee bew viw ingjiauw kacc qinw. U jaieh ar, in'ui lanw vairbyy lar.

14 Jelusalem ar, liw diyhh sew cringx liw ee simx, laii druu kir pnaiw, hro liw tangx did diyc qiur; pnaiw liamrtauu jrunn dirr liw ee simlai, beh qaur dirsii ar?

15 U sniax dui' Dan tuanvyr, dui' Eflaim Snuax vyr jaieh.

16 Linw diyhh tuann hro ledqog, vywqyr qongqig Jelusalem ee dairjir, qongw: U uikunr sniaa :ee, dui' hng hng ee soxjai laii; cud inx ee sniax, qongqig Judah jiaxee sniaa.

17 Inx jiu'uii qongqig ix cincniu qor hngg ee langg; in'ui ix vuervuan Guaw; jex si Jehovah qongw :ee.

18 Liw ee soxx qniaa, liw ee soxx juer, drir qaur liw u jiaxee su; jex si liw ee juerog, sidjai si kow, si hai qaur liw ee simx.

19 Guaw ee jongrhuw ar, guaw ee jongrhuw ar, guaw ee simx tangwtniar, guaw ee simx dirr guaw ee lairbin vecvag, guaw be e jing jing byy qongxue; in'ui guaw ixqing’ tniax qnir sauwqag ee sniax, qaujenr ee huachiamr.

20 Langg decc vyr huixhuai, qycc huixhuai; in'ui juann de vairhuai, guaw ee vowvnii hutzenn vairhuai, guaw ee dniuwuii diap aw quw puar lic.

21 Guaw knuar qnir dua qii, tniax qnir sauwqag ee sniax, beh qaur zuarr quw ar?

22 Guaw ee vecsnir gugong, m bad Guaw. Inx si gugong, m bad Guaw; inx si gugong byy cangmia ee qniaw; qniaa pnaiw dyrr gauu, qniaa hyw dyrr hamrban.

23 Sendix qongw: Guaw knuar de, knuar ar, de si kangx kangx hunrdun; guaw knuar tnix, tnix iarr byy qngx.

24 Guaw knuar hiaxee dua snuax, knuar ar, inx longxx dinxdang; siyw snuax iarr longxx iyy laii iyy kir.

25 Guaw qycc knuar, knuar ar, longxx byy langg; kongdiongx ee vuejiauw, iarr longxx vuex jauw.

26 Guaw qycc knuar ix, knuar ar, vuii ee cann vnir juer pahngx ee de; itcer ee sniaa dirr Jehovah ee binrjingg, in'ui Ix ee dua siurkir, longxjongw dyxhuai.

27 In'ui Jehovah anxnix qongw: Juann de dikkag pahngx; jongwsirr Guaw byy beh huixbet qaur jin.

28 In'ui anxnix, de beh iubun, tnidingw iarr beh oamr; Guaw ixqing’ qongw ix, ixqing’ dniardiyc ix, dikkag byy tewhuew, iarr byy uat dngw iwsur, m juer ix.

29 Dagg xee sniaa ee langg in'ui bexvingx qapp sria jnxir ee langg ee huarhua hauw, dyrr longxx dyjauw, jinwzip ciurnaa, vee jnriu jiyhvnuaa dingw; dagg xee sniaa duw diyc kiwsag, byy langg kiarkiw.

30 Liw suevai ee sii beh jnaixngiu juer? Suizenn cing ju'angg ee snxax, ing qimkir jngtna, ing sikliau rue liw ee bagjiux, anxnix denw hyw knuar, si kangx kangx; luan'air liw :ee knuawkinx liw, suacc siauwsniu liw ee sniwmia.

31 In'ui guaw tniax qnir sniax cincniu snix qniaw ee hurzinlangg, cincniu snix taujniu qniaw ee qankow, dyrr si Zion ee jaboxqniaw ee sniax, ix cuanw dua kuir, tiw kuix ciuw, qongw: Guaw u jaieh ar, in'ui guaw ee sinhunn uirdiyhh taii langg :ee laii hrun .kir.

5 Linw diyhh jauw laii jauw kir dirr Jelusalem ee quelo laii knuar laii tamwtniax, dirr ix ee kuankuah ee soxjai laii cue, knuar e duw diyc jit langg iacc si u langg qniaa qonggi, qriuu singsit, Jehovah dyrr beh siawbenw jitt xee sniaa.

2 Inx suizenn qongw, Jehovah si uac :ee, inx soxx jxiur ee jxua sidjai si qew.

3 Jehovah ar, Liw ee bagjiux qamxx m si ngr singsit mah? Liw pah inx, inx iarr byy iusiongx; Liw huixbet inx, inx m kingw siurr qauwdog; inx hro inx ee bin viw jiyc kacc ding, m kingw huetauu.

4 Guaw dyrr qongw: Jiaxee langg sidjai si songwhiongx, si gugong, in'ui m bad Jehovah ee lo, qapp inx ee Siongrder ee hautdo.

5 Guaw beh kir qnir inx ee sewqax, qapp inx qongxue; in'ui inx bad Jehovah ee lo, qapp inx ee Siongrder ee huatdo. Danrsi inx dangsimx ad jric dnax, pah dng vak ix ee syh.

6 Soxiw ciurnaa ee sraix beh cud laii qa siw inx; ehngx-sii ee cailongg beh tunjiac inx, var beh dirr jiaxee sniaa-gua dngdanw inx, qniwnarr cud sniaa :ee dikakg hro inx tiah cruir, in'ui inx ee juerquar jin' je, vuergik naxx siongdiong.

7 Jex Guaw tacc e siawbenw liw ar? Liw ee qniaxzii lirkuix Guaw, qycc qiw jiaxee m si Siongrder :ee laii jiuwjua; Guaw hro inx vaxjiog, inx dyrr qniaa qan'imm, qui' din jurjip dirr ciongqix ee cur.

8 Inx cincniu cri vaw ee bew siwqer pauw; dag'ee ngr ix cuwvnix ee bow cincniu bew qiqix hauw.

9 Jehovah qongw: Guaw qamxx byy in'ui jiaxee su laii vran inx mah? Guaw ee simx qamxx byy beh duiww jitt hy ee qokbinn laii vywsiuu mah?

10 Linw diyhh jnriu ix ee pudyhngg ee cniuu laii huixhuai ix, danrsi m tangx huiw qaur liauw; diyhh druu kir ix ee qix, in'ui inx byy sriok dirr Jehovah.

11 In'ui Islael-qrex qapp Judah-qrex dua dua qniaa kuixjar, qongqig Guaw; jex si Jehovah qongw :ee.

12 Inx m zin Jehovah, dyrr qongw: Jex vingrr m si Ix; jaieh byy beh limqaur guanw; dyqiamr qapp qihngx guanw iarr be e duw .diyc.

13 Sendix ee ue beh jniaa juer hongx, Jruw ee ue byy dirr inx ee simx; beh jiauww anxnix hro inx duw .diyc.

14 Soxiw banrqunx ee Siongrder Jehovah qongw: In'ui linw qongw jitt xee ue; knuar ar, Guaw beh hro Guaw ee ue dirr liw ee cuir juer huew, hro jitt xee vecsnir juer caa, jitt xee huew beh siybet inx.

15 Jehovah qongw: Islael ee qrex ar, liw knuar, Guaw beh hro jit qog dui' hng hng laii qongqig linw, dyrr si qiongg ee qog, dui' qoxjaw dyrr u ee qog, ix ee gengiw liw be hiauxdid, iarr be bingvik ix soxx qongw :ee.

16 Inx ee jniwde si kuix kuix ee bong; inx longxx si iongxsu.

17 Inx beh jiac liauw liw ee gnoxqog qapp liw ee bixniuu, dyrr si liw ee qniaw jaboxqniaw soxx diyhh jiac :ee; iarr beh jiac liauw liw ee ngiuu-qrunn, guu-qrunn; jiac liauw liw ee pudyy qapp buhuaqyw; qycc beh ing dyx huixhuai liw soxx uankyr qenqor ee sniaa.

18 Jehovah qongw, "Dyrr narr qaur hitt sii, Guaw iarr byy beh itjin jaubet linw.

19 Hitt sii linw narr qongw, 'Jehovah guanw ee Siongrder uirdiyhh sniaw su duiww guanw qniaa jex itcer ee su ar?' Liw diyhh rinr ix qongxx, 'Linw ixqing’ vangwsag Guaw, hogsai vadd hy ee siongrder dirr linw ee derhngx, anxnix linw iarr beh hogsai guarvanglangg dirr byy sriok linw ee derhngx.'"

20 Linw diyhh dirr Jakob-qrex tuann, dirr Judah vyr, qongw:

21 Gong gong budix ee vecsnir ar, linw u bagjiux be knuar, u hnirkangx be tniax, dnaxx diyhh tniax jitt xee ue;

22 Jehovah qongw: Linw m qniax Guaw mah? Byy gniauhgniauc cuah dirr Guaw ee binrjingg mah? Guaw sed ingxuanw ee le, ing suax juer haiw ee qaiwhan, ix be vnuaa .quer; ix ee ingw suizenn giaa quann, iarr be e ngiaa; suizenn huarhua hauw, iarr be e vnuaa .quer.

23 Dogdok jitt xee vecsnir u huanxvuan vuergik ee simx; inx vuergik Guaw jueww inx kir.

24 Inx simlai iarr byy qongw: Dnaxx lanw diyhh qingwuir Jehovah, lanw ee Siongrder, Ix jiauww sii sniuxsur horjuiw, dyrr si jingg ee ho, au ee ho. Ix iarr u dring jiaxee siusingg ee siqii, lauu lecc hro lanw.

25 Linw ee juerget hro jiaxee su huanxdngw lirkuix linw; linw ee juerog hro linw be e did diyc hokkir.

26 In'ui dirr Guaw ee vecsnir diongx u cue diyc pnaiw langg. Inx bih lehh, cincniu sed uahdauh ee langg decc dngdanw; inx dniux lybang laii liac langg.

27 Inx ee cur u kuixjar muaw muaw, si cincniu jiauxlangg lai u jiauw muaw muaw; soxiw inx jniaa juer dua qycc hyxgiac.

28 Inx vuii qycc qngsnix, juer pnaiw quewtauu; byy uirdiyhh langg sin'uanx, dyrr si byy uirdiyhh byy ve ee qniaw sin'uanx, hro ix hingtongx; iarr byy in'ui songwhionglangg pnuawduanr.

29 Jehovah qongw: Guaw qamxx byy in'ui jiaxee su laii vran inx mah? Guaw ee simx qamxx byy beh dui' jitt hy ee qokbinn laii vywsiuu mah?

30 Jitt xee toxde u qi'ngi koxngor ee su;

31 Sendix tuann huqew, jewsix uaxkyr inx laii var qxuann; Guaw ee vecsnir iarr rair ix anxnix; qaur qetqiok, linw beh jnaixngiu juer?

6 Benjaminlanggg ar, linw diyhh jauw cud Jelusalem, dirr Tekoa vunn sauwqag; dirr Bet Hacqelem vangr endunx; in'ui u jaieh qapp dua ee huixbet dui' vakhngx lyc .laii.

2 Guaw beh jaubet Zion ee jaboxginxaw, dyrr si hitt xee suiw qycc iuwsiur :ee.

3 Bogjiaw qapp ix ee ngiuu-qrunn beh qaur ix hiax, dirr ix ee jiuuii dah vowvnii; dag'ee dirr ix soxx jiamr ee de, hro ngiuu jiac cauw.

4 Linw diyhh virvan qaujenr qongqig ix. Kiw .laii ar, lanw diyhh tanr diongdaur ee sii jnriu .kir. Camw ar, zit ixqing’ ciaa saix, beh amr ee ngiaw ixqing’ tuax dngg.

5 Kiw .laii ar, lanw diyhh tauwmii jnriu .kir, huixhuai ix ee qiongden.

6 In'ui banrqunx ee Jehovah anxnix qongw: Linw diyhh cyr ciurbak, kiw toduix, qongqig Jelusalem; jex si hitt xee ingqaix siurr hinghuat ee sniaa; inx diongqanx itjin si vyrgiok.

7 Jnew jnaixngiu cringr cud juiw, jitt xee sniaa iarr anxnix cringr cud pnaiw; dirr inx diongqanx siongsiongg tniax qnir u qiongvy huixbet ee su; vnirtniar sunxsiongx iarr siongsiongg dirr Guaw ee binrjingg.

8 Jelusalem ar, liw diyhh sriu qawsi, benw did Guaw ee simx qapp liw cnisox; benw did Guaw hro liw pahngx, jniaa juer byy langg kiarkiw ee de.

9 Banrqunx ee Jehovah anxnix qongw: Inx beh itjin liac Islael cunx ee vecsnir, cincniu diah pudyy jidngiu; liw diyhh cincniu diah pudyy :ee, ciuw qycc dngw zip ciurqix.

10 Dnaxx guaw beh duiww jirjui qongxue juer qanjingr, hro inx tniax ar? knuar ar, inx ee hni-aw be sriu qatlew, be e tniax; knuar ar, Jehovah ee ue, inx liah juer qenwsiaur, byy hnuahiw ix.

11 In'ui anxnix, guaw hro Jehovah ee siurkir ciongmuaw, lunw be diauu; guaw beh juer jit xe vniar dirr quelo ee ginxaw, qapp jurhue ee siauwlenlangg; lenrr diongrhux qapp ix ee bow, laurlangg qapp zidjiw muaxjiog :ee, longxx beh siurr liac.

12 Inx ee cuwtec, canhngg, qapp bow, longxx beh venr juer vadd langg ee; in'ui Guaw beh crunx ciuw qongqig jitt soxjai kiarkiw ee vecsnir; jex si Jehovah qongw :ee.

13 In'ui inx dui' derr id ser qaur derr id dua :ee, longxx itbi tamsimx; dui' sendix qaur jewsix, longxx qniaa qanjar.

14 Inx c.-cinwcaiw-c. idi Guaw ee vecsnir ee siongx, qongw: Ving'anx lar, ving'anx lar; qisit byy ving'anx.

15 Inx qniaa kyxngor ee su, jaix qenwsiaur mah? byy, inx longxx byy qenwsiaur, iarr be angg bin; in'ui anxnix, inx beh vuahdyw dirr vuahdyw ee langg ee diongqanx; Guaw vran inx ee sii, inx beh dendyw; jex si Jehovah qongw :ee.

16 Jehovah anxnix qongw: Linw diyhh kia dirr lo nirr knuar; camng qu ee lo, hitt diauu hyw lo dirr dyclyc, dyrr diyhh qniaa ix; anxnix linw ee simx beh did diyc anhiyh. Jongwsirr inx qongw: Guanw m qniaa ix.

17 Guaw qra linw sed siuxbang :ee, qongw: Diyhh tniax sauwqag ee sniax. Jongwsirr inx qongw: Guanw m tniax.

18 Ledqog ar, in'ui anxnix linw diyhh tniax; huerjiongr ar, linw diyhh jaix inx diongqanx u simxmih su.

19 De ar, diyhh tniax; knuar ar, Guaw beh hro jaieh qaur jitt xee vecsnir, dyrr si inx ee doboo ee qetqyw; in'ui inx m tniatanr Guaw ee ue; Guaw ee ludhuad, inx iarr kiwjuat.

20 Dui' Seba cud ee zuxhniux, dui' hng hng ee soxjai cud ee ciongvoo duar laii hro Guaw, beh sniaw dai? Linw ee siyjer byy did diyc jiaplap; linw ee lexmic, Guaw iarr byy hnuahiw.

21 Soxiw Guaw beh he tatgai ee jiyc dirr jitt xee vecsnir ee binrjingg; ve qapp qniaw beh juer jit xe vuac dirr hitt dingxbin; cuwvnix qapp ving'iuw iarr longxx beh bedbyy.

22 Jehovah anxnix qongw: Knuar ar, u jit jiongw ee vecsnir dui' vakhngx laii; iarr u jit xee dua qog hingx kiw, dui' derqik laii.

23 Inx giac qringx qapp cniux; inx janzimw byy linbinw; inx ee sniax cincniu haiw huarhua hauw. Zion ee jaboxginxaw ar, inx longxx kiaa bew leddin, cincniu jenwsu beh qongqig liw.

24 Guanw tniax qnir inx ee hongsniax, ciuw dyrr nngw .lyc .kir; tongwkow knii diyc guanw, tangwtniar cincniu snix qniaw ee hurzinlangg jidngiu.

25 Linw m tangx cud kir cann nirr, iarr m tangx qniaa dirr lo nirr; in'ui dirr hiax u duiwdik ee dyqiamr, siwuii u qniahniaa.

26 Guaw ee vecsnir ar, diyhh haa muavor, qy dirr huexhux diongx; diyhh visiongx, cincniu songwsid dogsniqniaw, tongwsimx tikaur; in'ui janhai :ee beh hutzenn qaur dirr lanw.

27 Guaw setlip liw dirr Guaw ee vecsnir diongx, juer ciwgiam :ee qapp uersow, hro liw jaix laii ciwgiam inx ee qniajuer.

28 Inx longxx si dua vuergik ee langg; siwqer qniaa huixvongr; inx si dangg, si tih; longxx si qniaa huixhuai :ee.

29 Hongqui decc siyx, xenn ixqing’ rngiuu dirr huew-lai; inx diddit tuanwlen, qaur buew si kangx kangx; in'ui pnaiw :ee iauxx bue druu .kir.

30 Langg beh cxingx inx juer siurr kiwsag ee ginn, in'ui Jehovah ixqing’ kiwsag inx.

7 U ue dui' Jehovah qaur Jelemiah, qongw,

2 "Liw diyhh kia dirr Jehovah ee cur ee mngg, dirr hiax suantuann jitt xee ue, qongw: Huanrnarr sriok Judah zip jiaxee mngg, qingwvair Jehovah :ee, diyhh tniax Jehovah ee ue.

3 Banrqunx ee Jehovah, Islael ee Siongrder anxnix qonggw: Linw diyhh qexjniar soxx qniaa soxx juer, Guaw dyrr hro linw kiarkiw dirr jitt xee derhngx.

4 Linw m tangx uaxkyr vehcat ee ue, qongw, 'Jiaxee si Jehovah ee dxen, si Jehovah ee dxen, si Jehovah ee dxen.'

5 Linw narr itjin qexjniar soxx qniaa soxx juer, dirr langg qapp cuwvnix ee diongqanx, jinjniar u qniaa qongvingg,

6 Byy pnaiw kuanxtai cutguarlangg, ixqip qozii qnuaxhu; dirr jitt xee derhngx byy lrauu byy jue ee langg ee huih, iarr byy tranr vadd hy ee siongrder laii hamrhai qaqi,

7 Guaw dyrr hro linw kiarkiw dirr jitt xee soxjai, dyrr si Guaw soxx sniuxsur linw ee ledjow ee de, dui' ingxuanw qaur ingxuanw.

8 Knuar ar, linw uaxkyr vehcat byy lirig ee ue.

9 Linw tautec, taii langg, qan'imm, lamrsamw jiuwjua, ngr Baal siyx hniux, iarr tranr linw vingsor soxx m bad vadd hy ee siongrder,

10 Qycc laii kia dirr Guaw ee binrjingg, dirr jitt qingx ing Guaw ee miaa laii cinghox ee cur, qongw, 'Guanw did diyc qiur lar.' Anxnix, si beh hro linw kir qniaa jiaxee kyxngor ee su mah?

11 Jitt qingx ing Guaw ee miaa laii cinghox ee cur, linw knuar juer cadsiu mah? Knuar ar, Guaw, Guaw ixqing’ knuar .qnir lar.

12 Linw dnaxx diyhh kir Guaw dirr Siloh ee soxjai, dyrr si Guaw kixtauu sed juer qiuqiyr Guaw ee miaa ee xui, knuar Guaw in'ui Guaw ee vecsnir Islael ee juerog, jnaixngiu kuanxtai hitt soxjai."

13 Jehovah qongw, "Dnaxx in'ui linw qniaa jiaxee itcer ee su, Guaw u duiww linw qongw, iarr si jaw jaw kiw laii qongw; danrsi linw m tniax. Guaw qycc qiyr linw; danrsi linw m rinr.

14 Soxiw Guaw beh kuanxtai linw soxx uaxkyr jitt qingx ing Guaw ee miaa cinghox ee cur, ixqip Guaw soxx sniuxsur linw qapp linw ee ledjow ee de, cincniu Guaw jaw kuanxtai Siloh jidngiu.

15 Guaw iarr beh qnuaw linw lirkuix Guaw ee binrjingg, cincniu Guaw bad qnuaw linw ee jiongww hniadi, Eflaim itcer ee horer.

16 Soxiw liw byc did uirdiyhh jitt xee vecsnir qidyw, byc did uirdiyhh inx cud sniax qiqiuu, iarr byc did ter inx qriuu Guaw; in'ui Guaw byy beh tniax liw.

17 Inx dirr Judah jiaxee sniaa-diongx, qapp Jelusalem ee quelo soxx qniaa :ee, liw byy knuar .qnir mah?

18 Qniaxzii kiyh caa, laurve hniaa huew, hurzinlangg ciaux mi juer vniaw, henr hro Tenho; qycc duiww vadd hy ee siongrder quanwden; beh qig Guaw siukir."

19 Jehovah qongw, "Inx qamxx si qig Guaw siurkir, drir qaur inx ee bin qenwsiaur mah?"

20 Soxiw Jruw Jehovah anxnix qongw, "Knuar ar, Guaw beh jiong' Guaw ee siurkir, Guaw ee tongwhun, vniar dirr jitt soxjai; dyrr si vniar dirr langg, qapp jingsnix, ixqip can'iaw ee ciurbak, qapp toxde ee cutsanw; cincniu huew dyc be huax."

21 Banrqunx ee Jehovah, Islael ee Siongrder anxnix qongw, "Diyhh jiong' linw ee siyjer camqax dirr linw jiaxee jrer, laii jiac bah.

22 In'ui Guaw cua linw ee ledjow cud Egipt ee zit, lun qaur siyjer qapp jiaxee jrer, Guaw m bad duiww inx qongw kiw laii bingrling inx.

23 Guaw dogdok huanhur inx jitt jit hxang, qongw, 'Linw diyhh tniatanr Guaw ee sniax, Guaw dyrr beh juer linw ee Siongrder, linw iarr beh juer Guaw ee vecsnir; qycc qniaa Guaw longxjongw bingrling linw ee lo, dyrr tangx did diyc hokkir.'

24 Jongwsirr inx m tniatanr, iarr m ngar hnirkangx; qingxzenn jiauww inx ee qewboo, qapp qonggni ee pnaixsimx, tewau byy jinwjingg.

25 Dui' linw ee ledjow cud Egipt ee zit qaur qinaxzit, Guaw crex Guaw ee jiongww lovok sendix qaur linw hiax; qycc dagg zit jaw jaw kiw laii crex inx.

26 Inx iauxquxx m tniax Guaw, iarr m ngar hnirkangx; huanxdngw gni inx ee amrqunw; ix qniaa pnaiw viw inx ee ledjow kacc siongdiong.

27 Liw diyhh jiong' jiaxee itcer ee ue qra inx qongw; jongwsirr inx byy beh tniax liw; liw qiyr inx, inx iarr byy beh rinr liw.

28 Liw diyhh duiww inx qongw: Jex dyrr si m tniatanr Jehovah, inx ee Siongrder ee sniax, byy siurr qauwdog ee qokbinn; singsit byy .kir, dui' inx ee cuir juaddng."

29 Jelusalem ar, diyhh tir liw ee taumngg hetqag; dirr qngx kyrky quann ee soxjai cniur aisiongx ee quax; in'ui Jehovah kiwsag lirkuix Ix soxx siurkir ee sewdai.

30 Jehovah qongw, "Judah ee vecsnir qniaa Guaw soxx knuar juer pnaiw ee su; jiong' kyxngor ee mic cai dirr ing Guaw ee miaa cinghox ee cur, pah lasamm ix.

31 Inx dirr Ben Hinnom ee snuaqog, kiw Tofet snuatauu ee dnxuaa; tangx dirr huew-diongx siyx inx ee qniaw, jaboxqniaw; jex m si Guaw soxx huanhur :ee, iarr m si Guaw ee simx soxx sniu :ee."

32 Jehovah qongw, "In'ui zidjiw beh qaur, jitt xee derhngx byy qycc cxingx juer Tofet, qapp Ben Hinnom ee snuaqog, si beh cxingx juer Taii langg ee snuaqog; in'ui beh dirr Tofet baijongr sixlangg, qaur byy cunx soxjai.

33 Qycc jitt xee vecsnir ee sinsix, beh hro kongdiongx ee vuejiauw, qapp derjniu ee iaxsiur juer jiahmic; byy langg qnuaw ix.

34 Hitt sii, dirr Judah jiaxee sniaa qapp Jelusalem ee queci, Guaw beh hro hnuahiw ee sniax, kuaiwlok ee sniax, sinqniaxsair ee sniax, sinniuu ee sniax, longxjongw suah; in'ui jitt xee de longg beh vnir juer pahngx."

8 Jehovah qongw, "Dng' hitt sii, langg beh jiong' Judah led'ongg ee quthaii, quiwjok ee quthaii, jewsix ee quthaii, snedix ee quthaii, Jelusalem kiarkiw ee vecsnir ee quthaii, longxx dui' bong-diongx tec .cud .laii,

2 Vaii dirr zit, guec, qapp tnisiong ee erbin; dyrr si inx vingsor soxx iwair, soxx hogsai, soxx sunrtanr, soxx cuerqiuu, soxx quirvair :ee; jiaxee quthaii byy qycc siusip, byy qycc baijongr; beh dirr derbinrjniu jniaa juer vunwsyr.

3 Qycc jitt xee pnaiw jok soxx cunx :ee, dyrr si dirr Guaw qnuaw inx qaur hiax soxx cunx :ee, inx longxx beh qingw siw, m qingw uac; jex si banrqunx ee Jehovah qongw :ee."

4 Liw diyhh duiww inx qongw, Jehovah anxnix qongw: Langg vuahdyw, byy qycc vreh .kiw .laii mah? Langg uad .kir, byy qycc uad .laii mah?

5 Anxnix jitt xee Jelusalem ee vecsnir ee vuergik, sniaw su quxdngg vuergik ar? Inx qowjib inx ee kuixjar, m kingw huetauu.

6 Guaw liusimx tniax, jongwsirr inx byy qongw jingwdit ee ue, byy langg huanxhuew inx pnaiw ee soxx qniaa, qongw: Guaw juer :ee si simxmih? Inx dagg langg juanw dngw qniaa qaqi ee lo, cincniu bew pauw zip jenwdniuu.

7 Kongdiongx ee hyc jaix ix dniardiyc ee qrii; qajuix ngir-aw qapp haixgan, longxx siuw inx laii ee sii; dogdok Guaw ee vecsnir m jaix Jehovah ee huatlut.

8 Linw jnaixngiu qongw: Guaw si diwhui ee langg, Jehovah ee ludhuad dirr guanw diongqanx? Knuar ar, qinghagsu buxlang vitbik, hro ix vnir juer qew.

9 Diwhui ee langg qenwsiaur, qniahniaa, siurr liac; knuar ar, inx vangwsag Jehovah ee ue, inx ee simlai iauxx u simxmih diwhui ar?

10 Soxiw Guaw beh jiong' inx ee bow hro vadd langg, jiong' inx ee canhngg hro vadd langg singjiab juer giap; in'ui inx dui' derr id ser qaur derr id dua :ee, longxx itbi tamsimx; dui' sendix qaur jewsix longxx qniaa qanjar.

11 Inx c.-cinwcaiw-c. idi Guaw ee vecsnir ee siongx, qongw: Ving'anx lar, ving'anx lar; qisit byy ving'anx.

12 Inx qniaa kyxngor ee su, jaix qenwsiaur mah? Byy, inx longxx byy qenwsiaur, iarr be angg bin; in'ui anxnix, inx beh vuahdyw dirr vuahdyxlangg ee diongqanx; inx siurr vran ee sii beh dendyw; jex si Jehovah qongw :ee.

13 Jehovah qongw: Guaw beh itjin bet inx; pudyciu beh byy pudyy; buhuaqyxciu beh byy buhuaqyw; hiyc iarr beh qodaa; Guaw soxx hro inx :ee, longxx beh byy .kir.

14 Lanw sniaw su jing jing jre ar? Linw diyhh jurjip, dyrr lanw tangx zip jiaxee qenqor ee sniaa, dirr hiax diam diam; in'ui lanw ee Siongrder Jehovah hro lanw diam diam; qycc jiong' kow ee juiw hro lanw limx; longxx si in'ui lanw dikjue Jehovah.

15 Lanw ngwbang ving'anx, iarr byy u hyxcur; ngwbang u rix hyw ee siqii, huanxdngw u qniahniaa.

16 Tniax qnir Dan hiax duiwdik ee bew pngrpng hauw; inx ee iongw ee bew qiqix hauw, juann de dyrr longxx dinxdang; in'ui inx laii tunbet jitt xee de, ixqip hitt lairbin soxu :ee, tunbet jitt xee sniaa, qapp qidiongx kiarkiw ee vecsnir.

17 Linw knuar, Guaw beh crex juaa, dogjuaa qaur linw diongqanx, linw kux byy hxuad .did .ee, inx beh qa linw; jex si Jehovah qongw :ee.

18 Guaw u iubun, jingguan e did diyc an'uir; guaw ee simx hrun .kir.

19 Knuar ar, guaw ee vecsnir aisiongx ee sniax, dui' hng hng ee soxjai laii, qongw: Jehovah byy dirr Zion mah? Ix ee ongg byy dirr hitt lairbin mah? Inx sniaw su ing diaukig ee gnoxsiong, qapp guarvangx huqew :ee, laii qig Guaw ee siurkir ar?

20 Siusingg ee sii ixqing’ quer, hertnix ee zit, ixqing’ jin; Guanw iauxx byy did diyc qiur.

21 In'ui guaw ee vecsnir ee huixsiongx, guaw iarr siurr huixsiongx; guaw jinrjai aisiongx, qniahniaa knii diauu guaw.

22 Dirr Gilead qamxx byy zuxhniux? Dirr hiax qamxx byy isingx? Guaw ee vecsnir jnaixngiu be did diyc rix hyw?

9 Guan guaw ee taukag juer juixjnuaa, guaw ee bagjiux juer bagsaiw ee guantauu; guaw tangx uirr guaw ee vecsnir diongx siurr taii ee langg, zidmii tikaur.

2 Guan guaw dirr kongwiaw u cutguarlangg hiycmii ee soxjai, guaw dyrr tangx kiwsag guaw ee vecsnir laii lirkuix inx; in'ui inx longxx si qniaa qan'imm :ee, si qniaa kuixjar ee dongxlui.

3 Inx qngxuanx inx ee jic cincniu qringx laii qongw vehcat; inx dirr qog-lai qetnix sewlik, m si uirdiyhh jinsit, si pnaiw qycjaiww pnaiw; iarr m bad Guaw; jex si Jehovah qongw :ee.

4 Linw dagg langg diyhh dihongg ix ee cuwvnix, longxx m tangx sinwkyr hniadi; in'ui hniadi itjin sna' muapenr; cuwvnix longxx siwqer qniaa, huixvongr langg.

5 Inx dagg langg kipenr cuwvnix; m guan qongw jinsit; inx qawsi inx ee jic qongw vehcat; diyhbuaa juer pnaiw.

6 Liw kiarkiw dirr kuixjar diongx; inx in'ui kuixjar m kingw zinrbad Guaw; jex si Jehovah qongw :ee.

7 Soxiw banrqunx ee Jehovah anxnix qongw: Knuar ar, Guaw beh jiong' inx ngiuhuar laii tuanwlen inx; narr byy, Guaw in'ui Guaw ee vecsnir beh jnaixngiu juer ar?

8 Inx ee jic si hai siw langg ee jnxir; si qongw quixjar; langlangg duiww ix ee cuwvnix cuir qongw ving'anx, simlai decc siauwsniu ix.

9 Jehovah qongw: Guaw qamxx byy in'ui jiaxee su laii vran inx mah? Guaw ee simx qamxx byy beh duiww jitt hy ee qokbinn laii vywsiuu mah?

10 Guaw beh uirdiyhh snuaniaw tikaur vi'aix, uirdiyhh kongwiaw ee cauxdniuu cud sniax aihauw; in'ui inx ixqing’ siyliyx .kir, simrjiww byy langg qingquer; langg iarr byy tniax qnir jingsnix ee sniax; kongdiongx ee vuejiauw qapp derjniu ee iaxsiur longxx jauw .kir.

11 Guaw beh hro Jelusalem venr juer toduix, juer iaw qxauw kiarkiw ee soxjai; iarr beh hro Judah jiaxee sniaa pahngx, byy langg kiarkiw.

12 Jirjui si diwhui ee langg tangx bingvik jitt xee ar? Jehovah ee cuir duiww jirjui qongw, hro ix tangx tuanvyr ar? Jitt xee de sniaw su bedbyy, siyhuiw cincniu kongwiaw, simrjiww byy langg qingquer ar?

13 Jehovah qongw, "In'ui inx u kiwsag Guaw soxx sed dirr inx ee binrjingg ee ludhuad, byy tniax Guaw ee sniax, iarr byy qniaa ix;

14 Dogdok jiauww inx ee simx ee qonggni laii qniaa, qycc tranr jiaxee Baal, dyrr si inx ee ledjow soxx qawsi :ee."

15 Soxiw banrqunx ee Jehovah, Islael ee Siongrder, anxnix qongw, "Knuar ar, Guaw beh jiong' indinn hro jitt xee vecsnir jiac, qycc jiong' kow ee juiw hro inx limx.

16 Guaw iarr beh siwsnuar inx dirr ledvangx diongx, dyrr si inx qapp inx ee ledjow m bad ee vangqog; iarr beh hro dyqiamr duizib inx, qaur Guaw itjin jaubet inx."

17 Banrqunx ee Jehovah anxnix qongw: Diyhh diwir sniu, qiyr hiaxee ter langg kaur ee hurzinlangg laii, iarr crex langg kir cue hiaxee gauu ee hurzinlangg, hro inx laii.

18 Inx diyhh qinw qinw laii, uirr lanw cud sniax hauw, hro lanw bagsaiw diddit lrauu, hro lanw ee bagjiupuee cringr cud juiw.

19 In'ui tniax qnir aisiongx ee sniax dui' Zion cud, qongw: Lanw jnaixngiu suevai! Dua dua qenwsiaur, in'ui lanw lirkuix toxde, in'ui langg u tiachuiw lanw ee cuwtec.

20 Linw jiaxee hurzinlangg ar, diyhh tniax Jehovah ee ue, hnirkangx diyhh tniasiu Ix ee cuir soxx qongw ee ue, diyhh qawsi linw ee jaboqniaw tikaur, dag'ee diyhh qawsi inx ee cuwvnix cniur aiqyx.

21 In'ui sixbyy jnriu laii lanw ee tang'axmngg, zip lanw ee qiongden; dui' guarbin jaubet hiaxee ginxaw, dui' quelo jaubet hiaxee siauwlenlangg.

22 Liw diyhh qra inx qongw, Jehovah anxnix qongw: Langg ee sinsix beh cincniu vunwsyr, hed dirr qau'iaw; qycc cincniu siuquah ee langg qajiah au soxx qalauc jit vew aw ee diu-aw, byy langg kiyh ix.

23 Jehovah anxnix qongw, "Diwhui ee langg, byc did in'ui ix ee diwhui laii kuakauw; iongxbingw ee langg, byc did in'ui ix ee iongxbingw laii kuakauw; hyxgiac ee langg, byc did in'ui ix ee hyxgiac laii kaukauw.

24 Qniwnarr air kuakauw :ee, diyhh in'ui jitt xee laii kaukauw, dyrr is bad Guaw, jaix Guaw si Jehovah, qniaa ju'air, qongvingg, qonggi dirr der nirr :ee; in'ui Guaw liac jiaxee juer hnuahiw; jex si Jehovah qongw :ee."

25 Jehovah qongw, "Knuar ar, zidjiw beh qaur, Guaw beh hinghuat itcer sriu qatlew :ee, byy sriu qatlew :ee;

26 Dyrr si Egipt, Judah, Edom, Ammon-jok, Moablangg; qapp itcer kiarkiw dirr kongwiaw tir vinwvnix :ee; in'ui ledqog longxx byy sriu qatlew; Islaellangg ee simx iarr byy sriu qatlew."

10 Islael ar, diyhh tniax Jehovah duiww linw soxx qongw ee ue.

2 Jehovah anxnix qongw: Linw m tangx yc ledqog ee soxx qniaa; iarr m tangx uirdiyhh tnix ee diaurtauu laii qniahniaa; in'ui ledqog uirdiyhh jex laii qniahniaa.

3 Jiongww vecsnir ee hongsiok si knaghux; inx dirr ciurnaa lai cyr jit jangg ciu, saihu ee ciuw ing voxtauu jyrjniaa :ee.

4 Inx ing qimx ing ginn snriux ix, ing dxingx qapp tuii-aw dingr diauu, hro ix byy iydang.

5 Ix cincniu cia'ngii ee tiau, be qongxue; diyhh langg qrngx, in'ui ix be qniaa; linw byc did qniax ix; in'ui inx be qangr jaieh, iarr byy qxuann tangx qangr hokkir.

6 Jehovah ar, byy simxmih ue vixping did Liw; dogdok Liw juer dua; Liw ee miaa dua qycc u linglik.

7 Banrvecsnir ee Ongg ar, jirjui m diyhh qnia'uir Liw, jex si hap dirr Liw; in'ui dirr ledqog diwhui ee langg ee diongqanx, suizenn u quan'ui :ee, iarr be viw did Liw.

8 Inx longxx si gucunw budix; gnoxsiong ee qawsi, vutqyr si caa nardnia.

9 U ginn pah qui' pnir, dui' Tarsis duar .laii .ee; iarr u dui' Ufaz laii ee qimx; longxx si saihu qapp gincniu ee ciuw juer :ee; qycc u nraa sig, jxiw sig ee liau juer snxax, longxx si qikiauw ee saihu juer :ee.

10 Dogdok Jehovah si jinx ee Siongrder, Ix si uac ee Siongrder, si ingxuanw ee Ongg. Ix jid'err siurkir, de dyrr dinxdang; Ix jid'err tongwhun, ledqog longxx dongr be diauu.

11 Linw diyhh qra inx anxnix qongw: Hiaxee m si congwjy tnide ee siongrder longxx beh dui' derjniu qapp tnie bedbyy .kir.

12 Jehovah ing linglik congwjy de; ing diwhui qenwlip sewqair; ing cangmiaa tenw kuix jiaxee tnix.

13 Ix jid'err cud sniax, kongdiongx dyrr u jerje juiw qikdong; Ix hro hunbu dui' derqik cringr .kiw .laii; Ix uirdiyhh ho congwjy sicnar; Ix hro hongx dui' Ix ee huxkor cud .laii.

14 Dagg langg longxx gucunw byy diwsig; dagg xee gincniu longxx uirdiyhh ix diaukig ee gnoxsiong laii qenwsiaur; in'ui ix soxx jur ee gnoxsiong si qew :ee, iarr byy uahkir dirr ix ee lairbin.

15 Longxx si kangx kangx :ee; si behik langg :ee soxx juer; qaur vanrliw inx ee sii, dikkag siurr dubet.

16 Jakob ee hunrgiac byy cincniu jiaxee; in'ui Ix si congwjy banrmic ee Jruw; Islael iarr si Ix sanxgiap ee jipair; banrqunx ee Jehovah si Ix ee miaa.

17 Liw kiarkiw siurr uii ee sniaa :ee, diyhh dui' de nirr siusip liw ee mihqnia.

18 In'ui Jehovah anxnix qongw: Knuar ar, Guaw jitt sii beh jiong' jitt soxjai kiarkiw ee vecsnir hnir .cud .kir; qycc beh kunwkow inx, hro inx hiauxgno.

19 Guaw u jaieh ar, in'ui guaw siurr huixsiongx, guaw ee siongx jin' siongdiong; jongwsirr guaw qongw: Jex si guaw ee tongwkow, dikkag diyhh zimxsiu.

20 Guaw ee vowvnii huixhuai, guaw ee syh longxx dng; guaw ee qniaxzii lirkuix guaw cud .kir, dnaxx longxx byy lar; byy langg qycc dah guaw ee vowvnii, qruar guaw ee dniuwvag.

21 In'ui bogjiaw longxx gucunw, byy cuerqiuu Jehovah; soxiw be did diyc hingtongx, inx ee ngiuu-qrunn iarr longxx siwsnuar.

22 U hongsniax, knuar ar, laii lar; u dua ziauxluan dui' vakhngx cud .laii, beh hro Judah jiaxee sniaa pahngx, juer iaw qxauw kiarkiw ee soxjai.

23 Jehovah ar, guaw jaix langg ee lo, m si dui' qaqi; qnialo ee langg iarr be juwir qaqi ee kavo.

24 Jehovah ar, Liw jikvi guaw, diyhh jiongkuanx; m tangx dirr Liw ee siurkir diongx jikvi guaw; qniax e hro guaw qruix dirr byy .kir.

25 Guan Liw vniar cud Liw ee siurkir dirr m bad Liw ee ledqog ee dingxbin, ixqip byy qiuqiyr Liw ee miaa ee dogg jok; in'ui inx tunjiac Jakob, tunx ix, bet ix; hro ix kiarkiw ee soxjai pahngx.

11 U ue dui' Jehovah limqaur Jelemiah, qongw,

2 "Linw diyhh tniax jitt xee iog ee ue, qra Judahlangg qapp Jelusalem kiarkiw ee vecsnir qongw.

3 Liw duiww inx qongw, Jehovah, Islael ee Siongrder anxnix qongw: Byy tniatanr jitt xee iog ee ue ee langg, diyhh siurr jiuwjow.

4 Jitt ee iog, dyrr si Guaw cua linw ee ledjow cud Egipt-de, tuatli jur tih ee lo, hitt zit soxx huanhur inx :ee, qongw, 'Linw diyhh tniatanr Guaw ee ue, jiauww Guaw itcer soxx huanhur :ee kir qniaa.' Anxnix linw dyrr juer Guaw ee vecsnir, Guaw iarr juer linw ee Siongrder.

5 Hro Guaw tangx qenqor duiww linw ee ledjow soxx jxiur ee jxua; sniuxsur inx lrauu nix qapp bit ee de; duxduxx cincniu qinaxzit jidngiu." Guaw dyrr rinr qongxx, "Jehovah ar, Amen."

6 Jehovah duiww guaw qongw, "Liw diyhh tuann jiaxee ue dirr Judah jiaxee sniaa, qapp Jelusalem ee queci, qongw: Linw diyhh tniax jitt xee iog ee ue, laii qniaa ix.

7 In'ui dui' Guaw cua linw ledjow cud Egipt hitt jit zit qaur qinaxzit, Guaw cetced qingxqair inx, dyrr si jaw jaw kiw laii qingxqair inx, qongw, 'Linw diyhh tniatanr guaw ee ue.'

8 Jongwsirr inx m ngar hnirkangx, qingxzenn dag'ee jiauww qaqi pnaiw simx ee qonggni kir qniaa; soxiw Guaw hro jitt xee iog itcer jiuwjow ee ue limqaur inx ee sinjniu; jitt xee iog si Guaw huanhur inx diyhh qniaa :ee, jongwsirr inx byy qniaa."

9 Jehovah duiww guaw qongw, "Dirr Judahlangg qapp Jelusalemlangg ee diongqanx u bovuan ee su.

10 Inx uat dngw qniaa inx ee ledjow ee pnaiw, inx ee ledjow m kingw tniax Guaw ee ue; inx dyrr tranr vadd hy ee siongrder laii hogsai ix. Islael-qrex qapp Judah-qrex uivue Guaw qapp inx ee ledjow soxx lip ee iog."

11 Soxiw Jehovah anxnix qongw, "Knuar ar, Guaw beh hro jaieh limqaur inx, dyrr si inx soxx be dytuad :ee. Inx beh duiww Guaw aiqiuu, Guaw m tniax inx.

12 Hitt sii Judah jiaxee sniaa ee langg, qapp Jelusalem kiarkiw ee vecsnir, beh kir aiqiuu inx soxx siyx hniux laii hogsai hiaxee siongrder; jongwsirr duw diyc huanrlan ee sii, jiaxee siongrder longxx be e jinxqiur inx.

13 Judah ar, liw ee siongrder ee siauwgiac, qapp liw ee sniaa ee siauwgiac vnivnii. Liw iarr uirdiyhh tangx qenwsiaur ee mic laii kiw dnxuaa, jiauww Jelusalem jiaxee quelo ee siauwgiac; hiaxee dnxuaa dyrr si siyx hniux dirr Baal :ee.

14 Soxiw liw byc did uirdiyhh jitt xee vecsnir qidyw, byc did uirdiyhh inx cud sniax qiqiuu, in'ui inx duw diyc huanrlan aiqiuu Guaw ee sii, Guaw byy beh tniax inx.

15 Guaw soxx tniar :ee, liw ixqing’ qniaa pnaiw, liw dirr Guaw ee cur beh sniaw su? He guan, henr bah, qamxx e druu kiw liw ee juerog, hro liw hnuahiw?

16 Jehovah bad cxingx liw ee miaa juer cnicuir ee qnanaxciu, hyw knuar, iarr qed hyw quexjiw. Dnaxx Ix ing huarhua ziongw ee sniax, kiw huew dirr ix ee dingxbin, qi'nguai iarr siurr ad jric.

17 Banrqunx ee Jehovah, jaw jaivuu liw :ee, dnaxx bingrling jaieh qongqig liw; si in'ui Islael qapp Judah-qrex qniaa pnaiw, ngr Baal siyx hniux, ziaw Guaw ee siurkir; qaqi juer, qaqi sriu."

18 Jehovah jixdiamw guaw, guaw jiacc jaix; hitt sii Ix jiong' inx soxx qniaa :ee vyr guaw knuar.

19 Guaw cincniu sunliongg ee ngiuu-aw, kanx qaur siurr taii ee de; guaw vingrr m jaix inx sed qewboo beh hai guaw, qongw: Lanw jiong' ciu qapp quexjiw longxx qra ix bet .kir, jiong' ix dui' uahlangg ee de jenxduu .kir; hro ix ee miaa byy qycc hro langg qiwliam.

20 Banrqunx ee Jehovah ar, Liw si jiauww qonggi pnuawduanr, qamwcad langg ee simvag sinrdngg :ee; qriuu Liw hro guaw knuar Liw duiww inx vywsiuu, in'ui guaw jiong' guaw ee anwqnia vinxbingg dirr Liw.

21 Soxiw Jehovah lun qaur siauwsniu liw ee sniwmia ee Anatotlangg anxnix qongw, "Inx qongw: Liw byc did hrong Jehovah ee miaa laii camwgiw; benw did liw siw dirr guanw ee ciuxtauu.

22 Soxiw banrqunx ee Jehovah anxnix qongw: Knuar ar, Guaw beh hinghuat inx; siauwlenlangg beh hro dyx taii .siw; inx ee qniaw jaboxqniaw beh in'ui qihngx laii siw; hro inx byy cunx jit xee.

23 In'ui vanrliw inx ee nii, Guaw beh qangr jaieh dirr Anatotlangg."

12 Jehovah ar, guaw qapp Liw venrlun ee sii, Liw si qonggi; jongwsirr guaw iauxx rair qapp Liw lixlun. Pnaiw langg ee lo uirhyy hingtongx? Dua qniaa quixjar :ee uirhyy did diyc ving'anx?

2 Liw jaivuee inx, inx iarr dingwqinx, duarjangg qycc qed quexjiw; inx ee cuir qongw Liw si qin; inx ee simx sniu Liw si hng.

3 Jehovah ar, Liw jaix guaw, Liw knuar qnir guaw, ciwgiam guaw ngr Liw ee simx; qriuu Liw jiong' inx tuax .cud .laii, cincniu beh taii ee ngiuu; hunvet ix laii tingwhau taii ee zit.

4 Jitt xee de vi'aix, tong' qog ee cauxcair qodaa, beh qaur dirsii ar? Uirdiyhh kiarkiw hiax ee vecsnir ee pnaiw, jingsnix vuejiauw longxx bedbyy; in'ui inx qongw: Ix byy knuar qnir guanw ee qetqiok.

5 Jehovah qongw: Liw qapp vorqniaa ee langg snaqab jauw, siongrcniaw iawsen; tacc e qapp bew daur pauw ar? Liw dirr ving'anx ee de, suizenn an'unw, dirr Jordan Hyy-vnix ee ciurnaa beh anwjnaixngiu?

6 In'ui lenrr liw ee hniadi, lenrr liw ee laurve ee qrex, longxx ing qanjar kuanxtai liw; inx iarr dirr liw ee aurbin dua sniax qiyr; suizenn duiww liw qongw hyw ue, liw iarr byc did sinr inx.

7 Guaw lirkuix Guaw ee cur, vangwsag Guaw ee sanxgiap; jiong' Guaw ee simx soxx tniar :ee, qaux dirr ix ee duiwdik ee ciuw.

8 Guaw ee sanxgiap duiww Guaw cincniu ciurnaa lai ee sraix; ix cud sniax qongqig Guaw, in'ui anxnix Guaw uanwhun ix.

9 Guaw ee sanxgiap duiww Guaw qamxx cincniu vandiamw ee ingjiauw mah? Hiaxee ingjiauw qamxx dirr ix ee siwuii qongqig ix mah? Linw diyhh kir jurjip can'iaw ee vecsiur, hro ix laii tunjiac ix.

10 Jerje bogjiaw huixhuai Guaw ee pudyhngg, tunxdac Guaw ee hunrgiac; hro Guaw hyw hyw ee hunrgiac vnir juer pahngx ee kongwiaw.

11 Inx hro de pahngx, de ixqing’ pahngx, dyrr duiww Guaw vi'aix; juann de pahngx, in'ui byy langg kuawir.

12 Janhai :ee qaur kongwiaw diongx itcer qngx kyrky quann ee soxjai; Jehovah ee dyx, dui' de ee jitt vingg qaur de ee hitt vingg, itjin jaubet; qniww u hetkir :ee, longxx byy ving'anx.

13 Inx jingr bec, siusingg ciwper; lykow iarr longxx byy lirig; in'ui Jehovah ee dua siurkir, inx beh uirdiyhh inx ee toxsanw laii qenwsiaur.

14 Lun qaur itcer pnaiw cuwvnix, dyrr si hai diyc Guaw soxx hro Guaw ee vecsnir Islael singjiab ee sanxgiap :ee, Jehovah u anxnix qongw, "Knuar ar, Guaw beh jiong' inx vuic cud inx ee de; qycc beh jiong' Judah-qrex dui' inx diongqanx vuic .cud .laii.

15 Guaw vuic cud inx ixau, Guaw beh dywdngw laii linbinw inx; cua inx dyr .laii, dagg langg qruix ix ee vunxgiab, dagg langg qruix ix ee vunxsoxjai.

16 Inx narr kingw unkunn hagsip Guaw ee vecsnir ee dyrlo, qiw Guaw ee miaa jiuwjua, qongw, 'Jehovah si uac :ee', cincniu inx jingg qawsi Guaw ee vecsnir qiw Baal laii jiuwjua jidngiu, inx dyrr beh did diyc qenwlip dirr Guaw ee vecsnir ee diongqanx.

17 Inx narr m tniax, dyrr Guaw beh vuic cud jitt qog laii bet ix; jex si Jehovah qongw :ee."

13 Jehovah duiww guaw anxnix qongw, "Liw diyhh kir brew jit diauu muavor ee duar laii haa iyx; m tangx he dirr juiw nirr."

2 Guaw dyrr jiauww Jehovah ee ue, brew jit diauu haa iyx.

3 Jehovah ee ue derr zi vaiw limqaur guaw, qongw,

4 "Diyhh tec liw soxx brew ee duar, dyrr si liw iyx nirr ee duar, kiw laii kir Viklat, dirr hiax kngr ix dirr jiyhvnuakangx."

5 Guaw dyrr kir, kngr ix dirr Viklat, jiauww Jehovah soxx huanhur guaw :ee.

6 Quer jerje zit, Jehovah duiww guaw qongw, "Liw kiw .laii, kir Viklat, jiong' Guaw huanhur liw kngr dirr hiax ee iyduar tec .laii."

7 Guaw dyrr kir Viklat Hyy laii qrut, dui' guaw soxx kngr ee soxjai tec hitt diauu duar. Knuar ar, hitt diauu duar ixqing’ pnaiw .kir, longxx byy loring.

8 Jehovah ee ue limqaur guaw, qongw,

9 "Jehovah anxnix qongw: Guaw beh jiauww anxnix vairhuai Judah ee qiaugno, qapp Jelusalem ee dua qiaugno.

10 Jitt xee pnaiw ee vecsnir m kingw tniax Guaw ee ue, jiauww inx ee simx ee qonggni kir qniaa; qycc tranr vadd hy ee siongrder, hogsai ix, quirvair ix; inx beh cincniu jitt diauu byy loring ee duar."

11 Jehovah qongw, "Iyduar jnaixngiu lenn dirr langg ee iyx, Guaw u hro Islael juann qrex, qapp Judah juann qrex lenn dirr Guaw, iarr si anxnix; beh hro inx juer Guaw ee vecsnir, juer Guaw ee miasniax, juer Guaw ee ylyw, juer Guaw ee ingqngx; jongwsirr inx m kingw tniax.

12 Liw diyhh qycc duiww inx qongw jitt xee ue, 'Islael ee Siongrder, Jehovah anxnix qongw: Dagg xee angr beh drew jiuw muaw muaw.' Inx beh duiww liw qongw, 'Guanw qamxx m jaix dagg xee angr beh drew jiuw muaw muaw mah?'

13 Liw dyrr diyhh duiww inx qongw, 'Jehovah anxnix qongw: Knuar ar, Guaw beh hro jitt soxjai itcer kiarkiw ee vecsnir, dyrr si jre David vyxjy ee led'ongg, qapp jewsix, sendix, ixqip Jelusalem itcer kiarkiw ee vecsnir, longxx dua dua jiuxjuir.'"

14 Jehovah qongw, "Guaw beh hro inx dairqex sna' kap; dyrr si ve qapp qniaw sna' kap; Guaw byy beh kyxlinn, byy beh tniawsiyh, byy beh linbinw, laii m bet ix."

15 Linw diyhh tniax, diyhh ngar hnirkangx; byc did qiaugno, in'ui Jehovah ixqing’ qongw ix.

16 Oamr bue qaur, linw ee kax be diyhdag dirr oamr ee snuax, soxx ngwbang ee qngx iauxx bue venr juer sixbyy ee imwngw, o.-oamr-a. ee dairsingx, linw diyhh qruix ingqngx hro linw ee Siongrder Jehovah.

17 Linw narr m tniax jitt xee ue, dyrr guaw ee simx beh in'ui linw ee qiaugno, dirr unxbat ee soxjai tikaur; guaw ee bagjiux beh bagsaiw cerce dyr; in'ui Jehovah ee ngiuu-qrunn siurrr liac.

18 Liw diyhh duiww qun'ongg qapp taiwho qongw: Linw diyhh kiamvix, jre dirr erbin; in'ui linw ingqngx ee benxliuu dui' linw ee taukag lag .lyc .kir.

19 Lamhngx jiaxee sniaa longxx qnuaix, byy langg kuix; Judah juann jok siurr liac; qycc liac qaur liauw liauw.

20 Linw diyhh giahbak knuar, dui' vakhngx laii ee langg; jingg soxx hro liw ee ngiuu-qrunn, dyrr si liw suiw ee ngiuu-qrunn, dnaxx dirr dyclyc ar?

21 Liw vingsor soxx cinbit ee ving'iuw, setsuw Ix setlip inx juer tauu laii quanxhad liw, liw iauxx u simxmih ue tangx qongw? Tongwkow qamxx byy knii diauu liw, cincniu snix qniaw ee hurzinlangg?

22 Liw narr simlai qongw: Jex itcer ee su uirhyy qaur dirr guaw lehh? Si in'ui liw ee juerquar jin' dang, soxiw liw lortew ciackax.

23 Kus ee langg e venwngua puehux, var e venwngua vandiamw mah? Narr e, dyrr linw jiaxee quanwlen qniaa pnaiw :ee, e qniaa hyw.

24 Soxiw Guaw beh pacsnuar inx, cincniu cauxiur hro kongwiaw ee hongx cuex .kir jidngiu.

25 Jehovah qongw: Jex si liw soxx ingqaix duw .diyc .ee; si Guaw nriuu hro liw ee hunrgiac; in'ui liw be qir did Guaw, kir uaxkyr huqew.

26 Soxiw Guaw beh henx kiw liw ee qunn, dar dirr liw ee bin; liw ee qenwsiaur dyrr lorcud.

27 Liw hiaxee kyxngor ee su, dyrr si dirr snuax nirr cann nirr qniaa qan'imm, cud qiqix hauw ee sniax, ciongqix kuanw ee imluan, Guaw longxx knuar .qnir lar. Jelusalem ar, liw u jaieh; liw m kingw cingkir, beh qaur dirsii ar?

14 Lun qaur kongwhan ee su, Jehovah ee ue limqaur Jelemiah.

2 Judah vi'aix, sniamngg suevai, langg cing ox snxax jre dirr tokax; Jelusalem vi'aix ee sniax taur qaur dingxbin.

3 Inx ee sewqax crex ginxaw kir cnriu juiw; inx qaur jnew nirr, cue byy juiw; dyrr duar kangx ee kiwqu dyr .laii; qenwsiaur, lauwkuir, dar taukag.

4 Jyccanlangg qenwsiaur, dar taukag; si in'ui byy lyc ho, tode vitlic.

5 Can'iaw ee logbuw snix qniaw, dyrr vangr hetqag; in'ui byy cauw.

6 Iaw luu kia dirr qngx kyrky quann ee soxjai, cuanxkuir cincniu iaw qxauw; in'ui byy cauw, bagjiux sitbingg.

7 Jehovah ar, guanw ee juerquar suizenn juer qanjingr qryr guanw, guanw dauc dauc vuergik, dikjue Liw, iauxquxx qriuu Liw uirdiyhh Liw ee miaa laii juer dairjir.

8 Islael soxx ngwbang :ee, dirr huanrlan diongx juer Qiuwjuw :ee ar, Liw sniaw su dirr jitt soxjai cincniu qiawkax :ee, qycc cincniu quewlorlangg uad laii hiyh quer mii ar?

9 Liw sniaw su cincniu gonggniac ee langg, cincniu be e qiur langg ee iongxsu ar? Jehovah ar, Liw iuguann dirr guanw diongqanx; guanw iarr cxingx juer sriok Liw ee miaa ee langg; m tangx vangwsag guanw.

10 Jehovah duiww jitt xee vecsnir anxnix qongw, "Inx air hongwdong, byy ioksog inx ee kax; soxiw Jehovah m jaiplap inx, danxx beh qir did inx ee juerquar, vran inx ee juerog."

11 Jehovah qycc duiww guaw qongw, "Byc did uirdiyhh jitt xee vecsnir qidyw, qriuu hokkir.

12 Inx qimwjiac ee sii, Guaw m tniax inx ee qiuqiyr; inx henr siyjer qapp lexmic, Guaw iarr m jiaplap. Guaw huanxdngw beh ing dyqiamr, ing qihngx, ing un'ik laii bet inx."

13 Guaw dyrr qongw, "Hairar, Jruw Jehovah ar, knuar ar, hiaxee sendix duiww inx qongw, 'Linw be knuar qnir dyqiamr, iarr be duw diyc qihngx; Jehovah beh dirr jitt xee derhngx sniuxsur linw quxdngg ee ving'anx.'"

14 Jehovah duiww guaw qongw, "Hiaxee sendix tog Guaw ee miaa tuann vehcat; Guaw byy crex inx, byy huanhur inx, iarr byy duiww inx qongw; inx tuann hro linw :ee, si huqew ee kexsi, qapp jiamvog, qapp byngiaw ee su, ixqip inx ee simx ee kuixjar.

15 Soxiw Jehovah anxnix qongw: Lun qaur Guaw tog Guaw ee miaa laii tuanvyr :ee hiaxee sendix. Guaw vingrr byy crex inx, inx iauxquxx qongw, jitt xee de be e duw diyc dyqiamr, qihngx; qisit hiaxee sendix beh dui' dyqiamr qihngx laii bedbyy.

16 Qycc tniax inx tuanvor ee vecsnir, beh in'ui qihngx dyqiamr siurr hetqag dirr Jelusalem ee quelo; inx qapp bow qapp qniaw jaboxqniaw, longxx byy langg baijongr; Guaw beh jiong' inx ee pnaiw vniar dirr inx ee sinjniu."

17 Ix qongw, diyhh jiong' jitt xee ue qra inx qongw: Guan guaw ee bagsaiw zidmii lrauu byy suah; in'ui guaw ee vecsnir duw diyc dua huixsiongx, pah qaur jin' tiamw.

18 Guaw narr cud kir cann nirr, dyrr knuar qnir u hro dyx taii :ee; guaw narr zip sniaa, dyrr knuar qnir u dui' qihngx laii puawvni :ee; sendix qapp jewsix dirr qog-lai siwqer qniaa, iarr longxx be hiauxdid.

19 Liw itjin kiwsag Judah mah? Liw ee simx iamwngor Zion mah? Sniaw su pah guanw, iarr byy tangx did diyc rix hyw? Guanw ngwbang ving'anx, iarr byy u hokkir; ngwbang idi ee qihue, byy pacsngr duw diyc qniahniaa.

20 Jehovah ar, guanw zin qaqi ee juerog, qapp guanw ee ledjow ee juerquar; in'ui guanw dikjue Liw.

21 Qriuu Liw in'ui Liw ee miaa ee enqor, byc did iamwngor guanw; byc did lingziok Liw ingqngx ee vyxjy, qriuu Liw duiliam, byc did vue Liw qapp guanw soxx lip ee iog.

22 Guarvangx byngiaxjiah ee sinbingg, u jit xee e lyc ho mah? Tnix e qaqi lyc dua ho mah? Jehovah guanw ee Siongrder ar, e anxnix :ee, qamxx m si Liw mah? Soxiw guanw iuguann beh tingwhau Liw; in'ui jex longxx si Liw soxx juer :ee.

15 Jehovah duiww guaw qongw, "Suizenn u Moses qapp Samuel kia dirr Guaw ee binrjingg, ter inx qriuu, Guaw ee simx iarr byy quanwqor jitt xee vecsnir. Diyhh qnuaw inx lirkuix Guaw ee binrjingg, hro inx cud .kir.

2 Inx narr duiww liw qongw, 'Guanw diyhh cud kir dyclyc?' Liw diyhh qra inx qongw, Jehovah anxnix qongw: Qaix siw :ee diyhh siw; qaix hro dyx taii :ee, diyhh hro dyx taii; qaix duw diyc qihngx :ee, diyhh duw diyc qihngx; qaix hro langg liac :ee, diyhh hro langg liac."

3 Jehovah qycc qongw, "Guaw diaucuann sir hxang laii vran inx; dyrr si dyx laii taii inx, qxauw laii tuax inx, kongdiongx ee jiauw, derjniu ee iaxsiur, laii jiac inx.

4 Qycc beh hro inx liulyc dirr tnie banrqog diongx; longxx si in'ui Judah Ongg Hezekiah ee qniaw Manasseh dirr Jelusalem soxx qniaa ee su."

5 Jelusalem ar, jirjui kyxlinn liw ar? Jirjui uirr liw visiongx ar? Jirjui uat dngw srinx mng liw ving'anx byy?

6 Jehovah qongw: Liw kiwjuat Guaw, uat dngw srinx tewau; in'ui anxnix, Guaw crunx ciuw qongqig liw, huixhuai liw; Guaw linbinw liw qaur iar.

7 Guaw dirr qingxlai dagg xee sniamngkauw, ing vuawqix vuar inx; Guaw juat inx ee horsuu, Guaw bet Guaw ee vecsnir, inx iuguann byy uat dngw lirkuix inx ee lo.

8 Inx ee qnuaxhu qetnix dirr Guaw ee binrjingg, viw haixsuax kacc je; Guaw hro janhai :ee diongdaur laii qongqig siauwlenlangg ee laurbuw; hro tongwkow qniahniaa hutzenn qaur ix ee sinjniu.

9 Snix cid xee qniaw ee hurzinlangg, suelamw kuir dng; dngtauu vehzit, ix ee zidtauu hutzenn lyc, ix lauwkuir qenwsiaur; soxx cunx ee vecsnir, Guaw beh dirr inx ee duiwdik ee binrjingg, qaux hro dyqiamr; jex si Jehovah qongw :ee.

10 Guaw ee laurbuw ar, guaw u jaieh; in'ui liw snix guaw juer jit xee qapp juann de sna' jingven qewqaur ee langg; guaw vingsor byy ing ginn jiyh langg, laii tec lirsig; langg iarr byy ing ginn jiyh guaw, laii tec lirsig; jongwsirr langg longxx jiuwjow guaw.

11 Jehovah qongw, "Guaw jinjniar beh qenqor liw, hro liw did diyc hokkir; jaieh koxlan limqaur ee sii, Guaw jinjniar beh hro duiwdik qriuu liw.

12 Tih, dyrr si vakhngx ee tih, qapp dangg, langg qamxx e ad jric ix mah?

13 In'ui liw ee juerog, Guaw beh dirr liw ee siwqingw lai hro liw ee huewjaii vyxmic vehvec hro langg cniuw .kir.

14 Guaw iarr beh hro duiwdik duar inx qaur liw soxx m bad ee de; in'ui Guaw dirr siurkir diongx u huad cud huew, beh qra linw siyliyx .kir."

15 Jehovah ar, qriuu Liw qiwliam guaw, quanwqor guaw, qra guaw vyr uansiuu dirr hiaxee kunxvig guaw :ee. Liw kuan'iongg ee sii, m tangx liac guaw kir; diyhh jaix guaw uirdiyhh Liw ee enqor siurr lingziok.

16 Banrqunx ee Siongrder Jehovah ar, guaw did diyc Liw ee ue dyrr tniax ix. Liw ee ue dirr guaw si juer guaw simlai ee hnuahiw kuaiwlok; in'ui guaw si cxingx juer sriok Liw ee miaa :ee.

17 Guaw byy jre dirr enwlok ee langg ee hue-diongx laii kuaiwlok; guaw in'ui Liw ee qamxdong, qaqi jing jing jre; in'ui Liw ing siurkir ciongmuaw guaw.

18 Guaw ee tongwkow jnaixngiu quxdngg byy suah? Guaw ee siongx jnaixngiu be rix .did, rix be hyw ar? Liw kuanxtai guaw qamxx beh cincniu kipenr ee kex, kyr be ju ee juiw ar?

19 Soxiw Jehovah anxnix qongw: Liw narr dywdngw .laii, Guaw dyrr beh hro liw dywdngw .laii kia dirr Guaw ee binrjingg. Liw narr dui' harjen ee diongqanx qingw vyxquir :ee cud .laii, liw dyrr beh juer cincniu Guaw ee cuir; inx dikkag beh qui'ngr liw, jongwsirr liw m tangx qui'ngr inx.

20 Guaw beh hro liw duiwdirr jitt xee vecsnir jniaa juer qenqor ee dangcniuu; inx beh qongqig liw, jongwsirr be ngiaa liw, in'ui Guaw qapp liw dilehh, beh jinxqiur liw, kanqiur liw; jex si Jehovah qongw :ee.

21 Guaw beh kanqiur liw tuatli pnaiw langg ee ciuw, qiuwsiok liw tuatli qiongvy ee langg ee ciuxtauu.

16 Jehovah ee ue qycc limqaur guaw, qongw,

2 "Liw dirr jitt soxjai m tangx cuarbow, snix qniaw jaboxqniaw.

3 In'ui lun qaur jitt soxjai soxx snix ee qniaw jaboxqniaw, qycc lun qaur jitt xee qog-lai snix inx ee verbuw,

4 Jehovah anxnix qongw: Inx beh duw diyc dang vni laii siw; byy langg tikaur; be did diyc baijongr; beh dirr derjniu cinnciu vunwsyr; qycc beh dui' dyqiamr, dui' qihngx laii bedbyy; inx ee sinsix beh hro kongdiongx ee vuejiauw, qapp derjniu ee iaxsiur juer jiahmic."

5 Jehovah anxnix qongw, "Byc did zip songsu ee qrex, byc did uirr inx visiongx; in'ui Guaw jiong' Guaw ee ving'anx, dyrr si undenw qapp linbinw, dui' jitt xee vecsnir cniuw .kir; jex si Jehovah qongw :ee.

6 Dui' dua qaur ser, beh siw dirr jitt xee derhngx; be did diyc baijongr; byy langg uirr inx quah bah, tir qngtauu.

7 Inx duw diyc songsu, byy langg uirr inx vreh vniaw, in'ui sixlangg laii an'uir inx; inx siw ve siw buw, iarr byy langg ing an'uir ee vxuex hro inx limx.

8 Liw iarr m tangx zip enwlok ee qrex, qapp inx jre lehh limjiac.

9 In'ui banrqunx ee Jehovah, Islael ee Siongrder, anxnix qongw: Linw iauxx uac lehh ee zit, dirr linw ee bak-jingg, Guaw beh hro hnuahiw ee sniax, kuaiwlok ee sniax, sinqniaxsair ee sniax, sinniuu ee sniax dirr jitt soxjai longxx suah.

10 Liw jiong' jiaxee itcer ee ue jixsi jitt xee vecsnir; inx duiww liw qongw, 'Jehovah sniaw su qongw, beh qangr lyc jitt xee dua jaieh qongqig guanw ar? Guanw u simxmih juerquar? Guanw u simxmih juerquar, dikjue guanw ee Siongrder Jehovah ar?'

11 Liw diyhh qra inx qongw, 'Jehovah qongw: In'ui linw ee ledjow vangwsag Guaw, kir tranr vadd hy ee siongrder, hogsai inx, quirvair inx;

12 Qycc vangwsag Guaw, byy siuw Guaw ee ludhuad; qycc linw qniaa pnaiw, viw linw ee ledjow kacc pnaiw. Knuar ar, linw dagg langg tranr pnaixsimx ee qonggni kir qniaa; simrjiww byy tniatanr Guaw.

13 Soxiw Guaw beh qnuaw linw cud jitt soxjai, qaur linw ixqip linw ee ledjow soxx m bad ee de; dirr hiax linw beh zidmii hogsai vadd hy ee siongrder; dirr hiax Guaw byy beh six xunx hro linw.'"

14 Jehovah qongw, "Knuar ar, zidjiw beh qaur, langg qiw Jehovah ee ingxuac laii jiuwjua, byy beh qongw, Ix si cua Islael ee horer dui' Egipt-de jnriu .laii .ee.

15 Inx qiw Jehovah ee ingxuac laii jiuwjua, si beh qongw, Ix cua Islael ee horer dui' vakhngx ee de, iarr dui' qniwnarr Ix soxx qnuaw inx qaur ee de jnriu .laii; qycc Guaw beh cua inx dyr laii inx ee de, dyrr si Guaw jingg soxx sniuxsur inx ee ledjow :ee."

16 Jehovah qongw, "Knuar ar, Guaw beh diaur jerje liac hii :ee laii liac inx; zen'au Guaw beh driaur jerje paclac :ee, dui' jiaxee snuax, jiaxee snuatauu, jiaxee jiyhkangx laii pah inx.

17 In'ui Guaw ee bagjiux decc knuar inx itcer ee qniajuer; inx byy ziakamr dirr Guaw ee binrjingg; inx ee juerquar iarr byy kngr bat dirr Guaw ee bagjiux jingg.

18 Guaw beh dairsingx qaqi vywingr inx ee juerquar qapp juerog; in'ui inx ing tangx iamwjen :ee ee sinsix pah lasamm Guaw ee toxde; qycc ing inx kyxngor ee mic ciongmuaw Guaw ee sanwgiap."

19 Jehovah ar, Liw si Guaw ee kuiwlat, si Guaw ee uersow; dirr koxlan ee zit, si guaw dysiamw ee soxjai. Ledqog ee langg beh dui' derqik laii liw jiax, qongw: Urngiaw ar, guanw ee ledjow soxx singjiab :ee vutqyr si huqew, qidiongx byy u lirig :ee.

20 Langg qamxx tangx uirr qaqi jy siongrder mah? Inx sidjai m si Siongrder.

21 "Knuar ar, Guaw jiong' jitt jit vaiw hro inx jaix; Guaw beh hro inx jaix Guaw ee ciuxdnua qapp Guaw ee linglik; inx dyrr beh jaix Guaw ee miaa si Jehovah."

17 Judah ee jue si ing ticvid, ing suanjiyhvitbuew qir :ee; dyrr si kig dirr inx ee simx ee vxix, dnxuaa ee qag.

2 Inx ee qniaw qiwliam inx quann ee snuax-dingw, cnicuir ciu-vnix ee dnxuaa, qapp gnoxsiong.

3 Guaw cann nirr ee snuax ar, Guaw beh in'ui liw dirr siwqingw lai soxx huan ee jue, jiong' liw ee huewmic, jaivyw, qapp snuatauu ee dnxuaa, longxx hro langg cniuw .kir.

4 Qycc liw uirdiyhh vunxsinx, beh jiong' Guaw soxx sniuxsur ee sanxgiap vangwhe lehh; Guaw iarr beh hro liw dirr soxx m bad ee de hogsai liw ee duiwdik; in'ui linw qig Guaw siurkir ee huew, did diyc dyc qaur ingxuanw.

5 Jehovah anxnix qongw: Qniwnarr uaxkyr langg, ing ziogtew juer ix ee ciuw, ix ee simx lirkuix Jehovah :ee; hitt hy langg siurr jiuwjow.

6 In'ui ix beh cincniu kongwiaw ee dorsiongg; hokkir qaur ee sii, ix knuar be diyc; beh diamr dirr suaboo dasyr ee soxjai, byy langg kiarkiw ee qiamm de.

7 Uaxkyr Jehovah, liac Jehovah juer ix soxx uaxkyr :ee hitt hy langg u hokkir.

8 Ix beh cincniu juiw-vnix soxx jraix ee ciu, suanx ix ee qinx dirr hyy-vnix; iamrzet qaur, iarr byy qniax; hiyh iuguann beh cnicuir; dirr dasyr ee nii, longxx byy kuawlu; qycc qed quexjiw byy suah.

9 Langg ee simx viw banrmic kacc kuixked, pnaiw qaur qigtauu; jirjui e jaix ix ar?

10 Guaw Jehovah si qamwcad langg ee simx; ciwgiam langg ee jongrhuw :ee; beh jiauww dagg langg soxx qniaa :ee, qapp ix juer dairjir ee qetqyw, laii vywingr ix.

11 Langg byy jiauww jingwdy did diyc jnii, cincniu jiawqox vu m si ix snix ee nxng, qaur dionglenn, hitt xee jnii longxx beh lirkuix ix, ix ee qetqiok jniaa juer gugong.

12 Guanw ee sxingr sow si ingqngx ee vyxjy; dui' kixtauu andir dirr quann ee soxjai.

13 Islael soxx kiwsag Liw :ee, longxx beh qenwsiaur; qniwnarr lirkuix Liw :ee, inx ee miaa beh qir dirr too nirr; in'ui inx kiwsag Jehovah, uahjuiw ee guantauu.

14 Jehovah ar, qriuu Liw idi guaw, guaw dyrr did diyc rix hyw, jinxqiur guaw, guaw dyrr did diyc qiur; in'ui Liw si guaw soxx ylyw :ee.

15 Knuar ar, langg duiww guaw qongw: Jehovah ee ue dirr dyclyc? Dnaxx diyhh hro ix laii.

16 Lun qaur guaw, guaw byy qinw qinw kiwsag bogjiaw ee jithun, m duer Liw; jaieh qaur ee zit, m si guaw soxx air; jex si Liw soxx jaix, guaw ee cuir soxx qongw :ee, longxx dirr Liw ee binrjingg.

17 Byc did juer hro guaw qniahniaa :ee, dng' huanrlan ee zit, Liw juer guaw dysiamw ee soxjai.

18 Hro hiaxee kunxvig guaw :ee qenwsiaur, byc did hro guaw qenwsiaur; hro inx qniahniaa, byc did hro guaw qniahniaa; hro jaieh ee zit limqaur inx, ing qavue ee huixhuai laii huixhuai inx.

19 Jehovah duiww guaw anxnix qongw, "Liw kir kia dirr jiongww vecsnir ee mngg, dyrr si Judah led'ongg dui' hiax zip, dui' hiax cud :ee; qycc kia dirr Jelusalem jiaxee mngg,

20 Duiww inx qongw, 'Linw jiaxee Judah Ongg, qapp Judah jingwlangg, qapp Jelusalem itcer kiarkiw ee vecsnir, huanrnarr dui' jiaxee mngg zip :ee, longxx diyhh tniax Jehovah ee ue.

21 Jehovah anxnix qongw: Linw diyhh qaqi qinxsin, byc did dirr Anhiyczit dnax dnar, iarr byc did un zip Jelusalem jiaxee sniamngg.

22 Iarr byc did dirr Anhiyczit dui' qrex-lai dnax dnar cud .kir, bylun simxmih qangx longxx m tangx juer; dogdok diyhh liac Anhiyczit juer sxingr zit, jiauww Guaw vingsor huanhur linw ee ledjow :ee.'

23 Jongwsirr inx m tniatanr, m ngar hnirkangx; dyrr si gni inx ee amrqunw, drir qaur be tniax, be siurr qawsi."

24 Jehovah qongw, "Linw narr liusimx tniatanr Guaw, dirr Anhiyczit byy dnax simxmih dnar zip jitt xee sniaa jiaxee mngg; dogdok liac Anhiyczit juer sxingr zit, dirr hitt zit longxx byy juer simxmih qangx;

25 Dyrr u qun'ongg, ongcinx, jre David ee vyxjy :ee, inx qapp inx ee ongcinx qapp Judahlangg qapp Jelusalem kiarkiw ee vecsnir, higsi jre ciax, higsi kiaa bew, zip jitt xee sniaa jiaxee mngg; qycc jitt xee sniaa beh lauu qaur ingxuanw.

26 Iarr beh u langg dui' Judah jiaxee sniaa, qapp Jelusalem siwuii ee soxjai, dui' Benjamin-de, vningiuu, snuade, qapp lamhngx ee de laii; longxx duar siyjer, dagg ngiu ee jrer, sowjer, qapp zuxhniux, qapp siarunjer, qaur Jehovah ee cur.

27 Linw narr m tniatanr Guaw, m liac Anhiyczit juer sxingr zit; iuguann dirr Anhiyczit dnax dnar zip Jelusalem dagg xee mngg; Guaw beh dirr dagg xee mngg kiw huew; jitt xee huew iarr beh siyhuiw Jelusalem ee qiongden, be e pachuax."

18 Jehovah ee ue limqaur Jelemiah, qongw,

2 "Liw kiw .laii, lyc kir siyhuilangg ee cur; Guaw dirr hiax beh hro liw tniax Guaw ee ue."

3 Guaw dyrr lyc kir siyhuilangg ee cur; duxdng ix ing lunn decc dngw, juer ix ee qangx.

4 Siyhuilangg ing too juer ee kiwqu, dirr ix ee ciuw narr pnaiw .kir, ix dyrr ing hitt der too lingrgua juer vadd hy ee kiwqu; jiauww siyhuilangg soxx knuar juer hyw :ee laii juer ix.

5 Jehovah ee ue dyrr limqaur guaw, qongw,

6 "Islael-qrex ar, Guaw kuanxtai linw qamxx be e cincniu jitt xee siyhuilangg ee soxx juer mah? Islael-qrex ar, too dirr siyhuilangg ee ciuw-diongx iarr si anxnix.

7 Guaw simxmih sii lun qaur jit jok iacc si jit qog, qongxx Guaw beh qra ix vuic .kiw .laii, qra ix tiachuiw, qra ix huixhuai;

8 Guaw soxx qongw :ee hitt jit jok, narr huanxhuew lirkuix ix ee pnaiw, Guaw dyrr beh tewhuew soxx sniu beh qangr hro inx ee jaieh.

9 Guaw simxmih sii lun qaur jit jok iacc si jit qog, qongxx beh qenwlip, beh jaijingr;

10 Inx narr qniaa Guaw knuar juer pnaiw ee su, m tnaitanr Guaw ee ue, Guaw dyrr beh tewhuew Guaw soxx qongw beh hro inx ee hokkir.

11 Dnaxx liw diyhh qra Judahlangg qapp kiarkiw Jelusalem ee vecsnir qongw, Jehovah anxnix qongw, 'Guaw virvan jaieh qongqig linw, iarr sed qewboo qongqig linw; linw dagg langg diyhh uat tauu, lirkuix ix ee pnaiw lo, qexjniar linw ee soxx qniaa linw ee soxx juer.'

12 Jongwsirr inx qongw, 'Byy ngwbang, guanw beh jiauww qaqi ee qewboo laii qniaa, dagg langg jiauww ix pnaixsimx ee qonggni laii juer.'"

13 Soxiw Jehovah anxnix qongw: Linw diyhh kir dagg qog camng, knuar jirjui tniax qnir jitt hy su; Islael ee vecsnir u qniaa qik tangx iamwngor ee su.

14 Lebanon ee seh dui' can'iaw ee jiyhvnuaa qamxx e juaddng mah? Dui' hng hng ee soxjai lrauu .lyc ee lingw juiw qamxx e dax .kir mah?

15 In'ui Guaw ee vecsnir be qir did Guaw, ngr huqew ee sinn siyx hniux; inx hro inx dirr soxx qniaa ee lo, dirr qu ee lo dag .diyc, hro inx qniaa penlo, byy tun quann :ee,

16 Drir qaur inx ee de juer tangx gonggniac, dngdngg hro langg tixciyr; qniwnarr dui' hiax quer :ee beh gonggniac iyy tauu.

17 Guaw beh cincniu ing danghongx dirr duiwdik ee binrjingg qnuaw snruar inx; inx duw diyc huanrlan ee zit, Guaw beh ing qajiah ngr inx, byy beh ing bin.

18 Inx dyrr qongw, "Laii ar, lanw laii sed qewboo qongqig Jelemiah; in'ui jewsix u ludhuad, diwhui ee langg u qewik, sendix u camwgiw ee ue, longxx be juaddng. Laii ar, lanw diyhh ing jic duxdag ix, ix ee ue longxx mrbenw qra tniax."

19 Jehovah ar, qriuu Liw diwir guaw, iarr tniax hiaxee qapp guaw jingven ee langg ee ue.

20 Qamxx tangx ing pnaiw vyr hyw mah? In'ui inx kuix hamrknix beh hai guaw ee sniwmia. Qriuu Liw qir did guaw dirr Liw ee binrjingg ter inx qriuu hokkir, hro Liw ee dua siurkir dui' inx uat dywdngw.

21 Guan Liw jiong' inx ee qniaxzii qaux hro qihngx, jiong' inx qaux hro dyqiamr, hro inx ee bow byy qniaw, juer qnuaxhu; hro inx ee davolangg hro sixbyy soxx bet, inx ee siauwlenlangg dirr jenwdin hro dyx taii siw.

22 Liw hro qundui hutzenn limm qaur inx ee sii, guan dui' inx ee cuir tniax qnir tikaur ee sniax; in'ui inx qrut hamrknix beh liac guaw, sed lybang beh vnruar guaw ee kax.

23 Jehovah ar, inx beh hai guaw hiaxee qewboo, Liw longxx jaix; byc did siawbenw inx ee juerquar; iarr byc did dui' Liw ee binrjingg catsiaux inx ee juerog; diyhh hro inx dirr Liw ee binrjingg vuahdyw, Liw siurkir ee sii, diyhh vran inx.

19 Jehovah anxnix qongw, "Liw kir brew siyhuilangg ee huivann, qycc cua vecsnir ee laurdua, qapp jewsix diongx ee laurdua,

2 Cud kir Ben Hinnom ee snuaqog, *Hapznixsex ee mngkauw hiax, suanvor Guaw soxx huanhur liw ee ue, qongw,

3 'Judah ee led'ongg qapp Jelusalem kiarkiw ee vecsnir ar, diyhh tniax Jehovah ee ue. Banrqunx ee Jehovah, Islael ee Siongrder anxnix qongw: Knuar ar, Guaw beh hro jaieh limm qaur jitt xee derhngx, huanrnarr tniax ee langg, inx ee hnirkangx dikkag diy.

4 In'ui inx kiwsag Guaw, knuar jitt xee soxjai cincniu guarvangx; qycc dirr jiax siyx hniux hro vadd xee siongrder, dyrr si inx jingg soxx m bad :ee; inx ee ledjow, ixqip Judah led'ongg, iarr si anxnix; qycc hro byy jue ee langg ee huih venwmuaw jitt xee derhngx.

5 Qycc uirr Baal kiw snuatauu ee dnxuaa, tangx dirr huew-diongx siyx inx ee qniaw, juer siyjer laii henr hro Baal. Jex m si Guaw soxx bingrling :ee, m si Guaw soxx tee kiw :ee, iarr m si Guaw ee simx soxx sniu :ee.

6 Jehovah qongw: In'ui anxnix, zidjiw beh qaur, jitt xee derhngx byy qycc cxingx juer Tofet qapp Ben Hinnom ee snuaqog; huanxdngw cxingx juer Satliok ee snuaqog.

7 Guaw beh dirr jitt xee derhngx hro Judah qapp Jelusalem ee qewboo qruix dirr kangx kangx; iarr beh hro inx dirr duiwdik ee binrjingg dyw dirr dyx-xe, qapp siauwsniu inx ee sniwmia ee langg ee ciuxtauu; inx ee sinsix, Guaw beh hro kongdiongx ee vuejiauw, qapp derjniu ee iaxsiur juer jiahmic.

8 Guaw beh hro jitt xee sniaa juer tangx gonggniac tangx tixciyr :ee; huanrnarr qingquer ee langg beh in'ui jitt xee sniaa soxx duw .diyc ee jaieh, laii gonggniac tixciyr.

9 Guaw beh hro inx dirr uikunr kunxvig ee diongqanx, dyrr si duiwdik qapp siauwsniu inx ee sniwmia ee langg kunxvig inx ee sii, dagg langg jiac inx ee qniaw ee bah, jaboxqniaw ee bah, qapp ving'iuw ee bah.'

10 Qongw suah, liw diyhh siag puar hitt xee huivann, hro drangg qniaa ee langg cinbak knuar .qnir, suar qra inx qongw,

11 'Guaw beh anxnix pah puar jitt xee sniaa, qapp jitt xee vecsnir, cincniu langg siag puar siyhuilangg ee huikir, be qycc vow .did. Qycc langg beh dirr Tofet baijongr sixlangg, qaur byy cunx soxjai.

12 Jehovah qongw: Guaw beh anxnix kuanxtai jitt xee soxjai, qapp qidiongx kiarkiw ee vecsnir; hro jitt xee sniaa cincniu Tofet jidngiu.

13 Jelusalem ee cur, qapp Judah led'ongg ee cur, ixqing’ pah lasamm :ee, longxx beh cincniu Tofet, in'ui dirr hiaxee cur-dingw, langg ngr tnidingw ee banrsiong siyx hniux, ngr vadd hy ee siongrder quanwden.'"

14 Jelemiah dui' Tofet, dyrr si Jehovah crex ix kir tuann bingrling ee derhngx dyr .laii; kia dirr Jehovah ee cur ee ngi-lai, duiww jingwlangg qongw,

15 "Banrqunx ee Jehovah, Islael ee Siongrder anxnix qongw: Knuar ar, Guaw beh hro Guaw soxx qongw itcer hinghuat inx ee jaieh qaur jitt xee sniaa, qapp longxjongw sriok ix ee sniaa; in'ui inx gni inx ee amrqunw, m kingw tniax Guaw ee ue."

20 Jewsix Immer ee qniaw Pashur, juer quanw Jehovah ee cur ee taulangg,

2 Tniax qnir Jelemiah tuann jiaxee ue; Pashur dyrr pah sendix Jelemiah, ing caqer qra ix qee dirr Benjamin dingw ee mngg; jitt xee mngg dirr Jehovah ee dxen-lai.

3 Quer zit Pashur kuix caqer, tauxvangr Jelemiah; Jelemiah dyrr duiww ix qongw, "Jehovah m si qiyr liw ee miaa juer Pashur; si qiyr liw Magormisabib.

4 In'ui Jehovah anxnix qongw, 'Knuar ar, Guaw beh hro liw juer liw vunxsinx, qapp liw jiongww ving'iuw qniahniaa ee guan'inx; inx beh dyw dirr duiwdik ee dyx-xe, liw beh cinbak knuar .qnir; Guaw beh jiong' Judahlangg longx qaux dirr Babylon Ongg ee ciuw, ix beh liac inx qaur Babylon, ing dyx taii inx.

5 Qycc Guaw beh jiong' jitt xee sniaa longxjongw ee huewjaii, qapp diyhbuaa soxx did .diyc .ee, qapp itcer ee vyxvuer, ixqip Judah hiaxee ongg ee vyxmic, longxx qaux dirr inx ee duiwdik ee ciuw; duiwdik beh cniuw inx, beh liac inx; duar qaur Babylon.

6 Liw jitt xee Pashur ar, liw qapp itcer diamr liw qrex-lai ee langg, longxx beh hro langg liac .kir; liw qapp liw ee jiongww ving'iuw, dyrr si liw duiww inx tuann qew ue :ee, longxx beh qaur Babylon, siw dirr hiax, baijongr dirr hiax.'"

7 Jehovah ar, Liw bad benxqiongw guaw, guaw iarr hro Liw benxqiongw; Liw viw guaw kacc u lat, laii ngiaa guaw; guaw tong' zit jniaa juer ciywue, langg longxx hiwlang guaw.

8 Guaw dagg vaiw qongw ee sii, dyrr cud aisiongx ee sniax; guaw qiyr qongxx: Qiongvy, cniuxqiab; in'ui Jehovah ee ue, tong' zit jniaa juer guaw ee lingziok, qicir.

9 Guaw narr qongw: Guaw byy beh qycc tog Ix ee miaa laii qongw; dyrr dirr guaw ee simlai u cincniu dyc ee huew, qnuaix bat dirr guaw ee qud-lai; guaw dyrr lunw be diauu, be e qaqi qimwjiw.

10 Guaw tniax qnir jerje langg ee huixvongr; siwuii longxx si qniahniaa. Guaw diqiw ee ving'iuw, dyrr si decc dngdanw guaw vuahdyw :ee, qongw: Diyhh qryr ix, guanw iarr beh qryr ix; qiamxcaiw ix siurr inxiuw, lanw dyrr e ngiaa ix, duiww ix vywsiuu.

11 Jongwsirr Jehovah qapp guaw dilehh; cincniu jin' tangx qniax ee iongxsu; soxiw kunxvig guaw :ee beh vuahdyw, be e ngiaa; inx beh dua dua qenwsiaur, dyrr si sriu ingxx byy be qir .did ee lauwkuir; in'ui inx qniaa dairjir byy diwhui.

12 Banrqunx ee Jehovah ar, Liw si ciwgiam girlangg, qamwcad langg ee simvag sinrdngg :ee; qriuu Liw hro guaw knuar qnir Liw duiww inx vywsiuu; in'ui guaw jiong' guaw ee anwqnia vinxbingg dirr Liw.

13 Linw diyhh ngr Jehovah cniuwquax, ylyw Jehovah; in'ui Ix qiur songwhionglangg ee sniwmia, tuatli pnaiw langg ee ciuw.

14 Guaw cutsir ee zit, guan hitt xee zidjiw siurr jiuwjow; guaw ee laurbuw snix guaw ee zit, guan hitt xee zidjiw byy did diyc hokkir.

15 Langg vyr guaw ee laurve qongxx, "Liw u snix davoqniaw", hro ix jin' hnuahiw :ee; guan hitt xee langg siurr jiuwjow.

16 Guan hitt langg cincniu Jehovah soxx ciax dyw hiaxee sniaa, iarr byy tewhuew :ee; guan ix jaxkiw-sii tniax qnir aicamw ee sniax, ziddiongdaur tniax qnir huachiamr ee sniax.

17 In'ui Ix byy dui' txex nirr hro guaw siw; hro guaw ee laurbuw juer guaw ee bong, ix ee txex itdit dua.

18 Guaw sniaw su cud txex, laii duw diyc diyhbuaa iukow; hro guaw ee nizit in'ui qenwsiaur laii siaubet ar?

21 Zedekiah Ongg crex Malqiah ee qniaw Pashur, qapp jewsix Maaseiah ee qniaw Zefaniah kir qnir Jelemiah, qongw,

2 "Babylon Ongg Nebuqadnezar beh qapp lanw qaujenr; qriuu liw ter guanw mng Jehovah; qiamxcaiw Jehovah jiauww Ix qibiau ee soxx juer kuanxtai lanw; hro ix lirkuix lanw jnriu .kir." Hitt sii Jehovah ee ue limqaur Jelemiah.

3 Jelemiah duiww inx qongw, "Linw diyhh anxnix qra Zedekiah qongw,

4 'Jehovah Islael ee Siongrder anxnix qongw: Knuar ar, Guaw beh hro linw soxx giac ee qunkir, dyrr si linw dirr sniaa-gua qapp Babylon Ongg, ixqip uikunr linw ee Qaldealangg qaujenr ee qunkir, dywdngw .laii; qycc beh hro jiaxee longxx jurjip dirr jitt xee sniaa-lai.

5 Qycc Guaw dirr auwnauw, siurkir, dua tongwhun ee diongqanx, ing crunx cud ee ciuw, qapp dua quanlingg ee ciuxqud, cinsinx qongqig linw.

6 Qycc beh pah jitt xee sniaa kiarkiw ee vecsnir, bylun langg qapp jingsnix; inx beh duw diyc dua un'ik laii siw.

7 Ixau Guaw beh jiong' Judah Ongg Zedekiah, qapp ix ee zinsinn vecsnir, dyrr si dirr jitt xee sniaa-lai, dui' un'ik, dyqiamr, qihngx soxx crunx :ee, longxx qaux dirr Babylon Ongg Nebuqadnezar ee ciuw, qapp inx ee duiwdik ee ciuw, ixqip siauwsniu inx ee sniwmia ee langg ee ciuw; ix beh ing dyx taii siw inx; byy vyxsiyh, byy kyxlinn, byy kuan'iongg; jex si Jehovah qongw :ee.'

8 Liw diyhh duiww jitt xee vecsnir qongw, 'Jehovah anxnix qongw: Knuar ar, Guaw jiong' uahlo sixlo vaii dirr linw ee binrjingg.

9 Diamr dirr jitt xee sniaa-lai :ee, beh dui' dyqiamr, dui' qihngx, dui' un'ik laii siw; dogdok cud kir dauhangg uikunr linw ee Qaldealangg :ee, beh did diyc uac, laii kiyh diyc ix ee sniwmia.

10 Jehovah qongw: Guaw ee bin dniardnia ngr jitt xee sniaa, beh qangr jaieh, m qangr hokkir; jitt xee sniaa beh qaux dirr Babylon Ongg ee ciuw; ix beh ing huew siyx ix.'

11 Lun qaur Judah Ongg ee qrex, linw diyhh tniax Jehovah ee ue.

12 David ee qrex ar, Jehovah anxnix qongw: Linw dagg jaxkiw diyhh qniaa qongvingg; jinxqiur siurr cniuxqiab :ee tuatli qiongvy ee langg ee ciuw; qniax Guaw ee siurkir, in'ui linw soxx qniaa ee pnaiw, laii huatjyh; cincniu huew dyc .kiw .laii, simrjiww byy langg e pah huax.

13 Jehovah qongw: Kiarkiw dirr snuaqog, vningiuu, jiyhvnuaa dingw ee vecsnir, linw qongw: Jirjui e zip guanw kiarkiw ee soxjai ar? Knuar ar, Guaw qapp linw juer duiwdik.

14 Jehovah qycc qongw: Guaw beh jiauww linw juer dairjir ee qetqyw hinghuat linw; Guaw iarr beh hro huew dyc dirr ix ee ciurnaa lai, siyhuiw ix ee siwuii."

22 Jehovah anxnix qongw, "Liw lyc kir Judah Ongg ee qiongx-lai; dirr hiax qongw jitt xee ue, qongw,

2 'Jre David vyxjy ee Judah Ongg ar, liw qapp liw ee zinsinn ixqip zip jiaxee mngg ee vecsnir, longxx diyhh tniax Jehovah ee ue.

3 Jehovah anxnix qongw: Linw diyhh qniaa qongvingg qapp qonggi, jinxqiur siurr cniuxduat :ee tuatli apjer langg :ee ee ciuw; m tangx ing qiongvy kihu cutguarlangg, qapp qozii qnuaxhu; dirr jitt xee soxjai iarr m tangx lrauu byy jue ee langg ee huih.

4 Linw narr zinrjinx qniaa jitt xee dairjir, dyrr beh u jre David vyxjy ee ongg, ix qapp ix ee zinsinn vecsnir, higsi jre ciax, higsi kiaa bew, zip jitt xee cur ee mngg.

5 Linw narr m tniax jiaxee ue, Jehovah qongw: Guaw qiw vunxsinx laii jiuwjua, jitt qingx cur beh vnir juer pahngx.'

6 Jehovah lun qaur Judah ongg ee qrex anxnix qongw: Guaw knuar liw cincniu Gilead, cincniu Lebanon ee buexliux; jongwsirr Guaw dikkag hro liw vnir juer kongwiaw, juer byy langg kiarkiw ee sniaa.

7 Guaw beh virvan qniaa huixbet ee langg, dag'ee giac qesix qongqig liw; inx beh cyr liw siongrr hyw ee vikhniuciu, hed lyc huew.

8 Jerje qog ee langg beh qingquer jitt xee sniaa, dag'ee snaqab qongw, 'Jehovah sniaw su anxnix kuanxtai jitt xee dua sniaa ar?'

9 Inx beh rinr qongxx, 'Si in'ui inx kiwsag Jehovah, inx ee Siongrder ee iog, hogsai, qingwvair vadd xee siongrder.'"

10 Byc did uirdiyhh sixlangg tikaur, byc did uirdiyhh ix visiongx; diyhh in'ui siurr censuaw ee langg dua dua tikaur; in'ui ix beh qycc dyr .laii, iarr be qycc qnir diyc ix ee vunxqog.

11 In'ui lun qaur Judah Ongg Josiah ee qniaw Joahaz, suawjiab ix ee laurve Josiah juer ongg, au .laii lirkuix jitt xee soxjai :ee, Jehovah u anxnix qongw,

12 "Ix dikkag byy qycc dyr laii jiax; dyrr si beh siw dirr hro langg liac .kir ee derhngx, byy qycc knuar qnir jitt xee derhngx."

13 Hitt xee ing vutgi laii kiw cur, ing byy qongdy laii kiw lxauu; vehvec qiyr langg juer ix ee qangx, byy hro langg qangjnii; hitt langg u jaieh ar.

14 Ix qongw: Guaw beh uirr vunxsinx kiw dua cur, qapp tonghongx ee lxauu; uirr qaqi kuix dua txangx, inx vikhniucaa juer tenlyvanw; ing ginjux laii cad iuu.

15 Liw zedsimx dirr vikhniucaa ee qongjog, dyrr e juer ongg mah? Liw ee laurve qamxx m si iarr jiac, iarr limx, iarr qniaa qongvingg qapp qonggi mah? Hitt sii ix did diyc hokkir.

16 Ix vanrliw kunwkow qapp songwhionglangg ee anwqnia, ix dyrr did diyc hokkir; anxnix qamxx m si bad Guaw mah? Jex si Jehovah qongw :ee.

17 Dogdok liw ee bagjiux, liw ee simx, juwir tamsimx, lrauu byy jue ee langg ee huih, qniaa apjer qapp qiongvy.

18 Soxiw Jehovah lun qaur Judah Ongg Josiah ee qniaw, Jehoiakim, anxnix qongw: Langg byy beh uirdiyhh ix aisiongx, qongw, Airar, guaw ee hniax! Iacc si Airar, guaw ee duarjiw! Iarr byy in'ui ix aisiongx, qongw, Airar, guaw ee jruw! Iacc si Airar, ix ee ingqngx!

19 Ix beh hro langg draii, cincniu draii luu jidngiu; beh hro langg tuax .cud .kir, hed dirr Jelusalem ee sniaa-gua.

20 Liw diyhh jnriu Lebanon aikaur, dirr Basan cud sniax, duiww Abalim aikaur; in'ui liw soxx cin'air :ee longxx huixbet lar.

21 Dng' liw hingtongx ee sii, Guaw dyrr duiww liw qongw; liw qongw: Guaw m tniax, liw dui' siauwlenn ixlaii, longxx si jitt kuanw, m tniatanr Guaw ee ue.

22 Liw ee bogjiaw beh hro hongx cuex .kir; liw soxx cin'air :ee beh hro langg liac .kir; hitt sii liw dikkag in'ui liw itcer ee pnaiw laii lauwkuir qenwsiaur.

23 Liw kiarkiw Lebanon, jyh siu dirr vikhniuciu :ee, tongwkow limqaur liw, tangwtniar cincniu beh snix qniaw ee hurzinlangg; hitt sii liw ee kyxlinn qaur jnaixngiu!

24 Jehovah qongw, "Guaw qiw Guaw ee ingxuac laii jiuwjua, suizen Judah Ongg, Jehoiakim ee qniaw Koniah, si Guaw jniar ciuw kamr inr ee ciuxjiw, iarr beh qra liw vrag .kiw .laii.

25 Qycc Guaw beh jiong' liw qaux hro siauwsniu liw ee sniwmia ee langg ee ciuw; qapp liw soxx m qnaw qnir ix ee bin ee langg ee ciuw, dyrr si Babylon Ongg Nebuqadnezar ee ciuw, qapp Qaldealangg ee ciuw.

26 Guaw iarr beh qnuaw liw qapp snix liw ee laurbuw qaur vadd qog, m si linw cutsir ee soxjai; linw beh siw dirr hiax.

27 Jongwsirr inx ee simx jin' air dyr .kir ee soxjai, berdid tangx dyr .kir."

28 Koniah jitt langg si siurr knuawkinx, ixqing’ puar ee huikir mah? Si byy tangx hnuahiw ee kiwqu mah? Ix qapp ix ee horer, sniaw su siurr qnuaw, hed dirr inx soxx m bad ee de ar?

29 De ar, de ar, de ar, diyhh tniax Jehovah ee ue; Jehovah anxnix qongw:

30 Diyhh qir jitt langg byy qniaw, itsingx byy did diyc hingtongx :ee; in'ui ix ee horer ee diongqanx, byy qycc u jit langg did diyc hingtongx, e jre dirr David ee vyxjy, laii dirliw Judah.

23 Jehovah qongw, "Bogjiaw janhai Guaw ee cauxdniuu ee ngiuu, hro ix siwsnuar; inx u jaieh ar."

2 Soxiw Islael ee Siongrder Jehovah jikvi hiaxee ngiuxci Ix ee vecsnir ee bogjiaw, anxnix qongw, "Linw pacsnuar Guaw ee ngiuu-qrunn, laii qnuaw inx kir, byy knuawqor inx. Knuar ar, Guaw beh jiauww linw soxx qniaa ee pnaiw laii vran linw; jex si Jehovah qongw :ee.

3 Guaw beh jurjip Guaw ee ngiuu-qrunn soxx cunx :ee, dui' Guaw soxx qnuaw inx qaur ee dagg qog; cua inx qycc dyr laii inx ee diauu, hro inx snitnuar jerje.

4 Guaw beh setlip bogjiaw dirliw inx, ngiuxci inx; hro inx byy qycc qniahniaa gonggniac, iarr byy qiamxjiyw; jex si Jehovah qongw :ee."

5 Jehovah qongw, "Zidjiw beh qaur, Guaw beh qra David hingx kiw gi ee Qix; Ix beh juer ongg laii dirliw; qniaa dairjir u diwhui, dirr derjniu qniaa qongvingg qapp qonggi.

6 Dng' Ix ee zit, Judah beh did diyc qiur; Islael beh anzenn kiarkiw; Ix ee miaa beh cxingx juer 'Jehovah, lanw ee gi.'"

7 Jehovah qongw, "Knuar ar, zidjiw beh qaur, langg qiw Jehovah ee ingxuac laii jiuwjua, byy beh qycc qongw, Ix si cua Islael ee horer dui' Egipt-de jnriu .laii .ee.

8 Inx qiw Jehovah ee ingxuac laii jiuwjua, si beh qongw, Ix duar Islael ee horer cua inx dui' vakhngx ee de, iarr dui' qniwnarr Guaw soxx qnuaw inx qaur ee de jnriu .laii; inx beh kiarkiw dirr vunxsoxjai."

9 Lun qaur hiaxee sendix, guaw ee simx dirr guaw ee lairbin iusiongx; guaw ee qud longxx girgi cuah. Uirdiyhh Jehovah qapp Ix sxingr ee ue, guaw cincniu jiuxjuir ee langg, cincniu hro jiuw soxx kacc ngiaa ee langg.

10 In'ui derhngx muaw muaw qniaa imluan ee langg; qycc in'ui duw diyc jiuwjow, de dyrr vi'aix; kongwiaw ee cauxdniuu longxx qodaa; inx soxx qniaa ee lo, dyrr si pnaiw; inx ee sewlik byy jingwdit.

11 Jehovah qongw: Lenrr sendix qapp jewsix dy' si setdok :ee, dyrr dirr Guaw ee cur-lai, Guaw iarr knuar qnir inx ee pnaiw; jex si Jehovah qongw :ee.

12 In'ui anxnix, inx ee lo beh cincniu oamr diongx qut qut ee de; inx beh duw diyc qnuaxdiok, dirr hiax vuahdyw; dng' vanrliw inx ee nii, Guaw beh hro jaieh qaur dirr inx, jex si Jehovah qongw :ee.

13 Dirr Samalia ee sendix, Guaw ixqing’ knuar qnir inx ee gugong; inx tog Baal laii camwgiw, hro Guaw ee vecsnir Islael qniaa calo.

14 Dirr Jelusalem ee sendix, Guaw ixqing’ knuar qnir kyxngor ee su; inx qniaa qan'imm, juer su vehcat; qycc jo pnaiw langg ee ciuw naxx u lat; drir qaur byy langg huetauu lirkuix ix ee pnaiw; inx dirr Guaw ee binrjingg, longxx cincniu Sodom; kiarkiw dirr hiax ee vecsnir longxx cincniu Gomollah.

15 Soxiw banrqunx ee Jehovah lun qaur jiaxee sendix, u anxnix qongw: Knuar ar, Guaw beh ing indinn hro inx jiac, qycc ing kow ee juiw hro inx limx; in'ui setdok ee su cud dirr Jelusalem ee sendix, liuhingg venww de.

16 Banrqunx ee Jehovah anxnix qongw, "Jiaxee sendix duiww linw camwgiw :ee, linw byc did tniax inx ee ue; inx ing huqew qawsi linw; soxx qongw ee ngirsiong si cud dirr inx ee simx; m si cud dirr Jehovah ee cuir.

17 Inx siongsiongg duiww biauxsi Guaw ee langg qongw, 'Jehovah qongw linw beh hiongxsiu ving'anx'; qycc duiww itcer jiauww inx ee simx ee qonggni laii qniaa ee langg qongw, 'Dikkag byy u jaieh limqaur linw.'"

18 Jirjui qapp Jehovah kewhap, did diyc tniax Ix ee ue laii hiauxgno ar?

19 Jirjui juwir tniax Ix ee ue ar? Knuar ar, Jehovah ee siurkir cincniu dua hongx huad .cud; dyrr si jin' taur ee qngxlehongx, beh dngxsec laii qongqig pnaiw langg ee taukag.

20 Jehovah ee simx soxx girdnia :ee iauxx bue juer, iauxx bue jniaa; Ix ee siurkir dikkag byy dywdngw, zid'au linw beh bingvik tauwted.

21 Hiaxee sendix, Guaw byy crex inx, inx qaqi suantuann.

22 Inx narr qapp Guaw kewhap, dyrr dikkag hro Guaw ee vecsnir tniax Guaw ee ue; hro inx huetauu lirkuix inx ee pnaiw lo, qapp inx soxx qniaa ee pnaiw.

23 Jehovah qongw, "Guaw qamxx juer qin ee Siongrder, byy juer hng ee Siongrder mah?"

24 Jehovah qongw, "Langg qamxx e bih dirr unxbat ee soxjai, hro Guaw knuar ix be diyc mah?" Jehovah qongw, "Guaw qamxx byy ciongmuaw dirr tnide mah?

25 Guaw ixqing’ tniax qnir hiaxee sendix soxx qongw :ee, dyrr si tog Guaw ee miaa suantuann vehcat; inx qongw, 'Guaw u bang .qnir, guaw u bang .qnir.'

26 Suantuann vehcat ee sendix, dyrr si suantuann inx ee simx ee kuixjar; inx jrunn jitt hy ee simx, beh qaur dirsii ar?

27 Inx dagg langg jiong' soxx bang :ee, snaqab qongw kiw; sniu beh hro Guaw ee vecsnir be qir did Guaw ee miaa; cincniu inx ee ledjow in'ui Baal, laii be qir did Guaw ee miaa jidngiu.

28 Sendix narr u bang .qnir, tangx qongw kiw ix ee bang; did diyc Guaw ee ue :ee, diyhh ing singsit tuann Guaw ee ue; cokngx qapp bec tacc e viw .did? Jex si Jehovah qongw :ee."

29 Jehovah qongw, "Guaw ee ue qamxx m si cincniu huew, qycc cincniu e pacpuar jiyhvnuaa ee dua tuii mah?"

30 Jehovah qongw, "Knuar ar, hiaxee sendix dui' ix ee dangpnua tautec Guaw ee ue :ee, Guaw qongqig inx."

31 Jehovah qongw, "Hiaxee sendix ing cuiwjic qongw, 'Jex si Jehovah qongw :ee'; Guaw qongqig inx."

32 Jehovah qongw, "Knuar ar, hiaxee ing qew ee bang laii juer sendix :ee; inx qongw kiw inx ee bang; iarr ing inx ee vehcat, qapp inx ee honghamr, hro Guaw ee vecsnir qniaa calo; Guaw qongqig inx; in'ui Guaw byy crex inx, iarr byy bingrling inx, inx longxx byy lirig jitt xee vecsnir; jex si Jehovah qongw :ee.

33 Narr jitt xee vecsnir, iacc si sendix, iacc si jewsix, mng liw qongxx, 'Jehovah u simxmih dang dnar ee bigsi?' Liw dyrr diyhh qra inx qongw, 'Simxmih dang dnar ee bigsi ar! Jehovah qongw: Guaw beh kiwsag linw, dyrr si.'

34 Qniwnarr sendix, iacc si jewsix, iacc si vecsnir qongw Jehovah dang dnar ee bigsi :ee; hitt hy langg, Guaw beh hinghuat ix qapp ix ee qrex.

35 Linw dagg langg duiww ix ee cuwvnix, dagg langg duiww ix ee hniadi, diyhh anxnix qongw, 'Jehovah u rinr simxmih?'

36 'Jehovah dang dnar ee bigsi', jitt qxur linw m tangx qycc qongw; in'ui dagg langg soxx qongw ee ue, beh juer inx vunxsinx ee dang dnar; in'ui linw jiong' ingxuac ee Siongrder, banrqunx ee Jehovah ee ue qexngua hro ix cuac .kir.

37 Liw diyhh duiww sendix anxnix qongw, 'Jehovah rinr liw simxmih?' 'Jehovah qongw simxmih?'

38 Linw narr qongw, 'Jehovah dang dnar ee bigsi', Jehovah dyrr anxnix qongw, 'Guaw crex langg qaur linw hiax, qra linw qongw, m tangx qongw Jehovah dang dnar ee bigsi; linw iauxx decc qongw jitt qxur 'Jehovah dang dnar ee bigsi';

39 Soxiw Guaw beh juanzenn be qir did linw, jiong' linw, qapp Guaw soxx sniuxsur linw, ixqip linw ee ledjow ee sniaa, dui' Guaw ee binrjingg kiwsag.

40 Qycc beh hro ingxuanw ee lingziok, qapp quxdngg ee qenwsiaur limqaur linw; quxdngg byy be qir .did."

24 Babylon Ongg Nebuqadnezar jiong' Judah Ongg Jehoiakim ee qniaw Jehoiaqin, qapp Judah ee quiwjok, ixqip qangcniu, ticcniu, dui' Jelusalem liac kir duar qaur Babylon. Jitt xee su liauxau, Jehovah qiw hro guaw knuar, u nng kingx ee buhuaqyw, he dirr Jehovah ee dxen-jingg.

2 Jit kia kingx drew siongrr hyw ee buhuaqyw, cincniu kixtauu sik ee buhuaqyw, be jiac .did, in'ui jin' pnaiw.

3 Jehovah dyrr qra guaw qongw, "Jelemiah ar, liw knuar qnir simxmih?" Guaw rinr qongxx, "Buhuaqyw; hyw :ee jin' hyw, pnaiw :ee jin' pnaiw, be jiac .did, in'ui jin' pnaiw."

4 Jehovah ee ue qycc limqaur guaw, qongw,

5 "Jehovah, Islael ee Siongrder anxnix qongw: Siurr liac .kir ee Judahlangg, dyrr si Guaw crex inx lirkuix jitt soxjai qaur Qaldealangg ee de :ee; Guaw beh knuar inx cincniu jiaxee hyw ee buhuaqyw; hro inx did diyc hokkir.

6 Guaw beh quanwqor inx, hro inx did diyc hokkir; cua inx dyr laii jitt soxjai; Guaw iarr beh qenwlip inx, byy qycc huixhuai inx; jaivuee inx, byy qra ix vuic .kiw .laii.

7 Guaw beh hro inx u hitt hy simx, e bad Guaw; jaix Guaw si Jehovah; inx beh juer Guaw ee vecsnir, Guaw beh juer inx ee Siongrder; in'ui inx beh jidsimx qui'ngr Guaw."

8 Jehovah anxnix qongw, "Judah Ongg Zedekiah, qapp ix jiaxee quiwjok, qapp Jelusalem soxx cunx, iauxx lauu dirr jitt soxjai ee vecsnir, ixqip kiarkiw dirr Egipt-de :ee, Guaw knuar inx cincniu jiaxee pnaiw ee buhuaqyw, be jiac .did, in'ui jin' pnaiw.

9 Guaw beh jiong' inx qaux cud, hro inx liulyc dirr tnie banrqog, duw diyc qankow; inx iarr dirr Guaw knuar inx qaur ee dagg soxjai jniaa juer lingziok, juer uervnir, juer qicir, juer jiuwjow.

10 Guaw beh ing dyqiamr, ing qihngx, ing un'ik, qaur inx diongqanx; didqaur inx siurr bet dirr Guaw soxx sniuxsur inx qapp inx ledjow ee de."

25 Dng' Judah Ongg Josiah ee qniaw Babylon Ongg Nebuqadnezar guannii, u lun kiw Judah ee vecsnir ee ue limqaur Jelemiah.

2 Sendix Jelemiah dyrr jiong' hitt xee ue duiww Judah jiongww vecsnir, ixqip itcer kiarkiw Jelusalem ee langg qongw,

3 "Dui' Judah Ongg Amon ee qniaw Josiah jap-snax nii, qaur dnaxx zi-jap-snax nii quw, u Jehovah ee ue limqaur guaw; guaw ixqing’ duiww linw qongw; qycc jaw jaw kiw laii qongw; dogdok linw m tniax.

4 Jehovah iarr jaw jaw kiw .laii, crex Ix ee lovok jiongww sendix qaur linw jiax; danrsi linw byy tniatanr, iarr byy ngar hnirkangx laii tniax.

5 Ix qongw, 'Linw dagg langg diyhh uat tauu lirkuix ix ee pnaiw lo, qapp linw soxx juer ee pnaiw; dyrr tangx kiarkiw Jehovah soxx sniuxsur linw, qapp linw ee ledjow ee de, dui' qoxjaw qaur ingxuanw.

6 M tangx tranr vadd hy ee siongrder, hogsai quirvair inx; m tangx ing linw ee ciuw soxx juer :ee, laii ziaw Guaw ee siurkir; anxnix Guaw dyrr byy qangr jaieh hro linw.

7 Jongwsirr linw byy tniatanr Guaw, qingxzenn ing ciuw soxx juer :ee ziaw Guaw ee siurkir, hamrhai qaqi; jex si Jehovah qongw :ee.'"

8 Soxiw banrqunx ee Jehovah anxnix qongw, "In'ui linw byy tniatanr Guaw ee ue,

9 Knuar ar, Guaw beh driaur vakhngx jiaxee jok, qapp Guaw ee lovok Babylon Ongg Nebuqadnezar, laii qongqig jitt soxjai, qapp jitt soxjai kiarkiw ee vecsnir, ixqip siwuii ee ledvangx, Guaw beh itjin jaubet inx, hro inx juer tangx gonggniac, tangx qicir, ingxuanw pahngx ee soxjai; jex si Jehovah qongw :ee.

10 Qycc inx diongqanx hnuahiw ee sniax, kuaiwlok ee sniax, sinqniaxsair ee sniax, sinniuu ee sniax, ex bry ee sniax, qapp dingx ee qngx, Guaw beh hro inx longxx suah.

11 Juann de dikkag pahngx, hro langg gongniac; jiaxee ledvangx beh hogsai Babylon Ongg cid-jap nii.

12 Cid-jap nii ixqing’ muaw, Guaw beh hinghuat Babylon Ongg, qapp ix ee qog ee jue, qycc hro Qaldealangg ee de ingxuanw pahngx; jex si Jehovah qongw :ee.

13 Guaw beh ing Guaw soxx qongw qongqig hitt xee de ee su, longxx qaur dirr inx; dyrr si qniwnarr qirr dirr jitt vunw ceh, Jelemiah soxx lun kiw jiaxee qog soxx camwgiw :ee.

14 In'ui u jerje qog, qapp dua ee qun'ongg, beh ing inx Qaldealangg juer lovok; Guaw iarr beh jiauww inx ee soxx qniaa, qapp inx ee ciuw soxx juer :ee vywingr inx."

15 Jehovah, Islael ee Siongrder, duiww guaw anxnix qongw, "Liw dui' Guaw ee ciuw jrih jit vxuex siurkir ee jiuw, hro Guaw soxx crex liw kir ee ledqog limx.

16 Inx limx liauw dyrr denx denx dyw dyw, iarr beh huatqongg; in'ui Guaw hro dyqiamr qaur inx diongqanx."

17 Guaw dui' Jehovah ee ciuw, jrih jitt xee vxuex; hro Jehovah soxx crex guaw kir ee ledqog limx ix.

18 Dyrr si Jelusalem qapp Judah jiaxee sniaa, ixqip inx ee led'ongg quiwjok, hro inx pahngx, juer tangx gonggniac, tangx qicir, tangx jiuwjow :ee, cincniu qinaxzit jidngiu.

19 Qycc Egipt Ongg Falaoh, qapp ix ee zinsinn, quiwjok, jiongww vecsnir;

20 Qapp sna' camcab ee vecsnir, Uz-de jiaxee ongg, Filist-de jiaxee ongg, Askelon, Gaza, Eklon, ixqip Asdod soxx cunx ee langg;

21 Qycc Edom, Moab, qapp Ammon ee horer;

22 Tyle ee led'ongg, Sidon ee led'ongg, haixgua ee haixsu ee led'ongg;

23 Dedan, Tema, Buz, qapp itcer tir vinwvnix :ee;

24 Alabia ee led'ongg, diamr dirr kongwiaw ee led'ongg;

25 Zimli ee led'ongg, Elam ee led'ongg, Media ee led'ongg,

26 Vakhngx hunrqin ee led'ongg, jitt xee hitt xee, ixqip tnie banrqog limx ix; ixau Sesac Ongg iarr beh limx ix.

27 Liw diyhh qra inx qongw, 'Banrqunx ee Jehovah, Islael ee Siongrder, anxnix qongw: Linw diyhh limx, laii juir, laii tror, laii vuahdyw; byy qycc kiw .laii; in'ui Guaw hro dyqiamr qaur linw diongqanx.'

28 Inx narr m kingw dui' liw ee ciuw jrih jitt xee vxuex kir limx, liw dyrr diyhh qra inx qongw, 'Banrqunx ee Jehovah anxnix qongw: Linw quatduanr diyhh limx.

29 In'ui Guaw qangr jaieh dui' hitt xee ing Guaw ee miaa laii cxingx ee sniaa kixciuw, linw e itjin benw hinghuat mah? Dikkag be benw .did; in'ui Guaw beh bingrling dyqiamr limqaur derjniu longxjongw ee vecsnir; jex si banrqunx ee Jehovah qongw :ee.'

30 Soxiw liw diyhh duiww inx suantuann jex itcer ee ue, laii qongqig inx, qongw: Jehovah dui' dingxbin auqiyr, dui' Ix kiarkiw ee sxingr sow cud sniax, duiww Ix ee ngiuu-qrunn dua sniax auqiyr; Ix beh duiww derjniu longxjongw ee vecsnir huachiamr, cincniu dac pudyy :ee jidngiu.

31 Beh u huah ee sniax, tuann qaur derqik; in'ui Jehovah beh qapp led'qog qewqaur; qniww u hetkir :ee, Ix beh qapp inx jingven. Lun qaur pnaiw langg, Ix beh jiong' inx qaux hro dyqiamr; jex si Jehovah qongw :ee.

32 Banrqunx ee Jehovah anxnix qongw: Knuar ar, beh u jaieh dui' jitt qog huad qaur hitt qog; qycc u dua vywtauhongx dui' derqik kiw.

33 Dng' hitt zit, Jehovah soxx taii :ee, dui' de ee jitt vingg qaur de ee hitt vingg longxx u; byy langg tikaur, byy langg qra ix siusip, byy langg qra ix baijongr; beh jniaa juer derjniu ee vunwsyr.

34 Bogjiaw ar, linw diyhh aikaur auqiyr; ngiuu-qrunn ee taubak ar, linw diyhh qy dirr huexhux diongx; in'ui linw siurr taii qapp hunsnuar ee zidqii ixqing’ qaur; linw beh dyw .lyc .kir cincniu langg soxx hnuahiw ee kiwqu qalauc.

35 Bogjiaw byy lo tangx dyjauw, ngiuu-qrunn ee taubak iarr byy lo tangx tuatli.

36 U bogjiaw auqiyr ee sniax, u ngiuu-qrunn ee taubak decc aikaur; in'ui Jehovah hro inx ee cauxdniuu pahngx.

37 Jehovah huad cud bingxlet ee siurkir; ving'anx ee ngiuu-diauu jniaa juer lingxjing. Ix cincniu sraix lirkuix ix ee het;

38 In'ui ki'ab ee bingxlet qycc in'ui Ix siurkir ee bingxlet; inx ee de longxx jniaa juer tangx gonggniac :ee."

26 Judah Ongg Josiah ee qniaw Jehoiakim kixtauu jerui ee sii, u jitt xee ue dui' Jehovah laii, qongw,

2 "Jehovah anxnix qongw: Liw diyhh kia dirr Jehovah ee cur ee ngi-lai; u dui' Judah jiaxee sniaa laii Jehovah ee cur qingwvair :ee; liw diyhh ing Guaw longxjongw bingrling liw duiww inx qongw ee ue, qra inx qongw; m tangx jiyw jit qxur.

3 Qiamxcaiw inx kingw tniatanr, dagg langg huetauu lirkuix inx ee pnaiw lo; dyrr Guaw uirdiyhh inx soxx qniaa ee pnaiw, sniu beh qangr hro inx ee jaieh tangx tewhuew.

4 Liw diyhh qra inx qongw, Jehovah anxnix qongw, 'Linw narr m kingw tniax Guaw, laii qniaa Guaw soxx sed dirr linw binrjingg ee ludhuad;

5 Laii tniatanr Guaw soxx crex qaur linw hiax Guaw jiaxee lovok, jiongww sendix ee ue; dyrr si Guaw jaw jaw kiw .laii soxx crex :ee, (jongwsirr linw byy tniax);

6 Dyrr Guaw beh hro jitt qingx cur cincniu Siloh; hro jitt xee sniaa juer derjniu banrqog jiuwjow ee uervnir.'"

7 Jelemiah dirr Jehovah ee cur-lai qongw jiaxee ue; jewsix, sendix, qapp jiongww vecsnir longxx u tniax .qnir.

8 Jelemiah jiong' Jehovah huanhur ix duiww jiongww vecsnir qongw ee ue, itjin qongw liauw; jewsix, sendix, qapp jiongww vecsnir longxx laii liac ix, qongw, "Liw dikkag diyhh siw.

9 Liw sniaw su tog Jehovah ee miaa laii camwgiw, qongw jitt qingx cur beh cincniu Siloh, jitt xee sniaa beh pahngx, byy langg kiarkiw ar?" Dui' anxnix jiongww vecsnir longxx dirr Jehovah ee cur jurjip qaur Jelemiah hiax.

10 Judah ee quiwjok tniax qnir jiaxee dairjir, dyrr dui' ongqiongx jnriu qaur Jehovah ee cur sinx mngg ee mngkauw.

11 Jewsix, sendix, duiww quiwjok qapp jiongww vecsnir qongw, "Jitt langg diyhh griw ix sixjue; in'ui ix u camwgiw qongqig jitt xee sniaa; duxduxx cincniu linw cinhni soxx tniax :ee."

12 Jelemiah dyrr duiww jiaxee quiwjok qapp jiongww vecsnir qongw, "Jehovah crex guaw camwgiw, qongqig jitt qingx cur, qapp jitt xee sniaa; qongw kiw linw soxu tniax qnir jiaxee itcer ee ue.

13 Soxiw linw dnaxx diyhh qexngua linw ee lo, qapp linw ee soxx juer; tniatanr linw ee Siongrder Jehovah ee sniax; Jehovah dyrr beh tewhuew Ix soxx beh hro linw ee jaieh.

14 Lun qaur guaw, knuar ar, guaw dirr linw ee ciuxtauu; linw knuar juer hyw, knuar juer ingqaix :ee, dyrr jiauww anxnix kuanxtai guaw.

15 Danrsi linw diyhh kaksit jaix; narr hai siw guaw, dyrr beh hro byy jue ee huih qruix dirr linw, qapp jitt xee sniaa, qapp qidiongx kiarkiw ee vecsnir; in'ui Jehovah sidjai u crex guaw qaur linw jiax, jiong' jiaxee itcer ee ue, tuann qaur linw ee hnirkangx."

16 Quiwjok qapp jiongww vecsnir dyrr qra jewsix sendix qongw, "Jitt langg m ingqaix griw ix sixjue; in'ui ix si tog Jehovah, lanw ee Siongrder ee miaa, laii duiww lanw qongw."

17 Qog-lai ee laurdua dyrr u quixnarr langg kiw .laii, duiww jurhue ee jiongww vecsnir qongw,

18 "Dng' Judah Ongg Hezekiah ee zit, u Molesetlangg, Mikah, duiww Judah ee jingwlangg camwgiw, qongw: Banrqunx ee Jehovah anxnix qongw: Zion beh hro langg cincniu canhngg decc lee; Jelusalem beh vnir juer toduix; jitt qingx dxen ee snuax beh cincniu ciurnaa quann ee soxjai.

19 Judah Ongg Hezekiah qapp jiongww Judahlnagg, qamxx u hro ix siw mah? Hezekiah qamxx m si qingwuir Jehovah, kunxqiuu Jehovah ee xunx; Jehovah dyrr tewhuew Ix soxx qongw beh qangr hro inx ee jaieh mah? Dnaxx narr hai siw jitt langg, lanw dyrr si juer dua pnaiw, hai qaqi ee sniwmia."

20 Qycc u jit langg tog Jehovah ee miaa laii suantuann; si Kiliatlangg Semaiah ee qniaw Uliah; ix jiauww Jelemiah itcer ee ue laii suantuann, qongqig jitt xee sniaa qapp jitt xee de.

21 Jehoiakim Ongg qapp ix ee jiongww iongxsu, quiwjok tniax qnir ix ee ue, ongg dyrr sniu beh hro ix siw; Uliah tniax .qnir dyrr qniax, jauw kir Egipt.

22 Jehoiakim Ongg crex langg kir Egipt, dyrr si Acbor ee qniaw Elnatan qapp quixnarr langg qaur Egipt.

23 Inx dyrr dui' Egipt liac Uliah cud .laii, sangr qaur Jehoiakim Ongg hiax; ongg ing dyx taii ix, hed ix ee sinsix dirr vingsionglangg ee bong.

24 Jongwsirr Safan ee qniaw Ahikam vyxho Jelemiah, jiacc byy qaux dirr vecsnir ee ciuw, hro ix siw.

27 Judah Ongg Josiah ee qniaw Jehoiakim kixtauu jerui ee sii, u jitt xee ue dui' Jehovah limqaur Jelemiah, qongw,

2 "Jehovah duiww guaw anxnix qongw: Liw uirr qaqi juer syh qapp dnax, he dirr liw ee amrqunw;

3 Tokdiong laii Jelusalem qnir Judah Ongg Zedekiah hiaxee suwjiaw ee ciuw; hro inx duar hiaxee mic qaur Edom Ongg, Moab Ongg, Ammon-jok ee ongg, Tyle Ongg, Sidon Ongg hiax.

4 Qycc bingrling suwjiaw duiww inx ee jruw qongw, banrqunx ee Jehovah, Islael ee Siongrder, anxnix qongw: Linw diyhh duiww linw ee jruw anxnix qongw,

5 Guaw ing Guaw ee dua quanlingg, qapp Guaw crunx cud ee ciuw, congwjy de qapp derjniu ee langg, ixqip jingsnix; jiong' ix sniuxsur Guaw soxx knuar juer habgii :ee.

6 Dnaxx Guaw jiong' jiaxee de longxx qaux hro Guaw ee lovok Babylon Ongg, Nebuqadnezar ee ciuw; Guaw iarr jiong' can'iaw ee jauxsiur hro ix, juer ix ee ce'ing.

7 Ledqog longxx beh hogsai ix, ixqip ix ee qniaw, ix ee sunx; didqaur ix vunxqog duw diyc vywingr ee zit qaur; hitt sii jerje qog qapp dua qun'ongg beh ing ix juer lovok.

8 Narr u simxmih vecsnir, simxmih qog, m kingw hogsai jitt xee Babylon Ongg Nebuqadnezar, iarr m kingw jiong' amrqunw qruar Babylon Ongg ee dnax :ee; Guaw beh ing dyqiamr, ing qihngx, ing un'ik hinghuat hitt xee vecsnir, didqaur Guaw jiyh ix ee ciuw laii itjin bet inx; jex si Jehovah qongw :ee.

9 Jongwsirr linw, linw m tangx tniax linw ee sendix, linw ee vokquar :ee, linw ee uanbang :ee, linw ee qniaa siasut :ee, linw ee saiqongx; inx qra linw qongw, 'Linw be drir qaur hogsai Babylon Ongg.'

10 Inx duiww linw camwgiw vehcat, beh hro linw censuaw lirkuix vunxsoxjai hng hng; drir qaur Guaw qnuaw linw cud, hro linw bedbyy.

11 Dogdok narr u simxmih vecsnir kingw jiong' amrqunw qruar Babylon Ongg ee dnax, laii hogsai ix :ee, Guaw beh hro ix iuguann druar dirr vunxsoxjai, tangx jingwjyh, tangx kiarkiw, jex si Jehovah qongw :ee."

12 Guaw dyrr jiauww jiaxee itcer ee ue, duiww Judah Ongg Zedekiah qongw, "Diyhh jiong' linw ee amrqunw qruar Babylon Ongg ee dnax, laii hogsai ix qapp ix ee vecsnir, jiacc e did diyc uac.

13 Liw qapp liw ee vecsnir sniaw su beh in'ui dyqiamr, in'ui qihngx, in'ui un'ik laii siw, jiauww Jehovah lun kiw m kingw hogsai Babylon Ongg hitt hy qog ee ue ar?

14 Hiaxee sendix qra linw qongw, 'Linw be drir qaur hogsai Babylon Ongg.' Byc did tniax inx; in'ui inx duiww linw soxx suantuann :ee si vehcat.

15 Jehovah qongw, 'Guaw byy crex inx, danrsi inx tog Guaw ee miaa suantuann vehcat; drir qaur Guaw jiong' linw qapp hiaxee duiww linw suantuann ee sendix, longxx qnuaw cud, snaqab bedbyy.'"

16 Guaw qycc duiww jiaxee jewsix qapp jitt qog ee jiongww vecsnir qongw, "Jehovah anxnix qongw: Linw m tangx tniax hiaxee sendix duiww linw soxx camwgiw :ee; inx qongw, 'Knuar ar, Jehovah ee cur ee kiwqu byy zuarr quw beh dui' Babylon duar .dyr .laii'; qisit inx duiww linw soxx suantuann :ee si vehcat.

17 Byc did tniax inx, diyhh hogsai Babylon Ongg, laii did diyc uac; mihsaiw hro jitt xee sniaa vnir juer pahngx?

18 Inx narr qyxzenn si sendix, u Jehovah ee ue qaur dirr inx, inx dyrr diyhh qriuu banrqunx ee Jehovah, hro hiaxee dirr Jehovah ee cur, qapp Judah ee ongqiongx, qapp Jelusalem cunx ee kiwqu, byy vnuax kir Babylon.

19 Jiaxee dangtiau, danghaiw, punjy, qapp lauu dirr jitt xee sniaa soxx cunx ee kiwqu;

20 Dyrr si Babylon Ongg Nebuqadnezar liac Judah Ongg Jehoiakim ee qniaw Jehoiaqin, qapp Judah Jelusalem jiaxee junquir ee langg, dui' Jelusalem qaur Babylon ee sii, soxx byy cniuw .kir .ee.

21 Sidjai banrqunx ee Jehovah, Islael ee Siongrder anxnix qongw: Lun qaur lauu dirr Jehovah ee cur, qapp Judah ongqiongx, qapp Jelusalem ee kiwqu,

22 Hiaxee beh vnuax qaur Babylon lauu dirr hiax; qaur Guaw quanwqor inx ee zit, dyrr Guaw beh duar inx jnriu .laii, qycc qruix jitt xee soxjai; jex si Jehovah qongw :ee."

28 Dng' hitt nii, Judah Ongg Zedekiah kixtauu jerui ee derr sir nii Go-guec, Gibeonlangg Azur ee qniaw, sendix Hananiah, dirr Jehovah ee cur, dng' jiaxee jewsix qapp jiongww vecsnir ee binrjingg, duiww guaw qongw,

2 "Banrqunx ee Jehovah, Islael ee Siongrder anxnix qongw: Guaw ixqing’ ad jric Babylon Ongg ee dnax.

3 Nng nii lai Guaw beh jiong' Babylon Ongg Nebuqadnezar dui' jitt soxjai cniuw kir qaur Babylon, dyrr si Jehovah ee cur itcer ee kiwqu; longxx beh hro ix dywdngw laii jitt soxjai.

4 Guaw qycc beh jiong' Judah Ongg Jehoiakim ee qniaw Jehoiaqin qapp siurr liac qaur Babylon hiaxee Judahlangg, hro inx dywdngw laii jitt soxjai, in'ui Guaw beh ad jric Babylon Ongg ee dnax; jex si Jehovah qongw :ee.

5 Hitt sii sendix Jelemiah dng' jiaxee jewsix ee binrjingg, qapp kia dirr Jehovah ee cur jiongww vecsnir ee binrjingg, duiww sendix Hananiah qongw,

6 "Sendix Jelemiah qongw, Amen, guan Jehovah anxnix qniaa; guan Jehovah jniaa liw soxx camwgiw jiaxee ue; jiong' Jehovah cur-lai ee kiwqu, qapp itcer siurr liac .kir ee langg, dui' Babylon dyr laii jitt soxjai.

7 Jongwsirr guaw duiww liw qapp jiongww vecsnir soxx qongw ee ue, liw diyhh tniax.

8 Dui' qoxjaw ixlaii, liw guaw ixjingg hiaxee sendix, duiww jerje soxjai qapp duarqog camwgiw qaujenr, jaieh, un'ik.

9 Sendix camwgiw ving'anx, hitt xee sendix ee ue did diyc ingwgiam, dyrr jaix hitt xee sendix jinjniar si Jehovah soxx crex :ee."

10 Dui' anxnix, sendix Hananiah jiong' sendix Jelemiah amrqunw ee dnax tec .kiw .laii, qra ix ad jric.

11 Hananiah qycc dng' jiongww vecsnir ee binrjingg qongw, "Jehovah anxnix qongw: Nng nii lai, Guaw beh jiauww anxnix duiww ledqog ee amrqunw ad jric Babylon Ongg Nebuqadnezar ee dnax." Sendix Jelemiah dyrr jueww ix kir.

12 Sendix Hananiah jiong' sendix Jelemiah amrqunw ee dnax ad jric liauxau, Jehovah ee ue limqaur Jelemiah, qongw,

13 "Liw diyhh kir qra Hananiah qongw, qongxx Jehovah qongw Liw ad jric caa ee dnax, beh juer tih ee dnax laii ter inx.

14 In'ui banrqunx ee Jehovah, Islael ee Siongrder anxnix qongw: Guaw jiong' tih ee dnax qruar dirr ledvangx ee amrqunw, hro inx hogsai Babylon Ongg Nebuqadnezar; inx longxx beh hogsai ix; Guaw iarr jiong' can'iaw ee jauxsiur hro ix."

15 Sendix Jelemiah dyrr duiww sendix Hananiah qongw, "Hananiah ar, liw diyhh tniax; Jehovah vingrr byy crex liw, liw qingxzenn hro jitt xee vecsnir uaxkyr vehcat.

16 Soxiw Jehovah anxnix qongw: Liw knuar, Guaw beh hro liw lirkuix sewqanx; liw qinnii dikkag siw, in'ui liw qongw vuergik Jehovah ee ue." Hitt nii Cid-guec, sendix Hananiah dyrr siw.

29 Sendix Jelemiah dui' Jelusalem qiar puex hro siurr liac iauxx dilehh ee laurdua, qapp jiaxee jewsix, sendix, jiongww vecsnir; dyrr si Nebuqadnezar dui' Jelusalem liac qaur Babylon :ee.

2 (Jex si dirr Jehoiaqin Ongg, qapp taiwho, taiwqamr, qapp Judah Jelusalem ee quiwjok, ixqip qangcniu, ticcniu, longxx lirkuix Jelusalem ee liauxau.)

3 Hitt dniux puex tokdiong Safan ee qniaw Elasah qapp Gemaliah ee qniaw Hilkiah duar .kir; jitt nng langg dyrr si Judah Ongg Zedekiah crex kir Babylon, qnir Babylon Ongg Nebuqadnezar :ee. Puex-lai qongw,

4 "Banrqunx ee Jehovah, Islael ee Siongrder, duiww itcer siurr liac .kir .ee, dyrr si Guaw hro inx dui' Jelusalem siurr liac qaur Babylon ee langg, anxnix qongw:

5 Linw diyhh kiw cur laii kiarkiw; jyh hngg laii jiac ix ee quexjiw;

6 Cuarbow laii sniax qniaw, jaboxqniaw, qra linw ee qniaw cuarbow; hro linw ee jaboxqniaw cutqer; hro inx snix qniaw, jaboxqniaw; tangx dirr hiax qetnix jerje, byy qiamxjiyw.

7 Guaw soxx hro linw siurr liac .kir hitt xee sniaa, linw diyhh doboo ix ee ving'anx, ter ix qidyw Jehovah; in'ui ix did diyc ving'anx, linw iarr duer ix ving'anx.

8 Banrqunx ee Jehovah, Islael ee Siongrder, anxnix qongw: Byc did hro linw diongqanx ee sendix qapp vokqaur :ee inxiuw; iarr byc did sinr linw ee bang, dyrr si linw soxx bang .qnir .ee.

9 In'ui inx tog Guaw ee miaa duiww linw suantuann vehcad'ue; Guaw vingrr byy crex inx; jex si Jehovah qongw :ee.

10 In'ui Jehovah anxnix qongw: Babylon cid-jap nii ee qihan ixqing’ muaw, Guaw beh limqaur linw, jniaa Guaw duiww linw soxx qongw ee hyw ue; hro linw dyr laii jitt xee soxjai.

11 Jehovah qongw: Guaw jaix Guaw duiww linw soxx jrunn ee iwsur, si sniuxsur ving'anx ee iwsur, m si qangr jaieh; beh hro linw buexqingw u ngwbang.

12 Hitt sii linw beh qiuqiyr Guaw, beh kir qidyw Guaw, Guaw beh tniax linw.

13 Linw beh cue Guaw, laii duw .diyc; in'ui linw beh juansimx cue Guaw.

14 Jehovah qongw: Guaw beh hro linw cue .diyc; Guaw iarr beh hro linw siurr liac ee langg dywdngw .laii; beh dui' Guaw soxx qnuaw linw qaur ee dagg qog dagg soxjai jurjip linw; iarr beh hro linw dyr laii vunxsoxjai, dyrr si Guaw soxx hro linw dui' hiax siurr liac :ee; jex si Jehovah qongw :ee.

15 In'ui linw qongw, 'Jehovah dirr Babylon qra guanw hingx kiw sendix.'

16 Dnaxx Jehovah lun qaur jre David ee vyxjy ee ongg, iarr lun qaur diamr dirr jitt xee sniaa ee jiongww vecsnir, dyrr si byy qapp linw snaqab siurr liac ee hniadi;

17 Banrqunx ee Jehovah anxnix qongw, 'Knuar ar, Guaw beh ing dyqiamr, ing qihngx, ing un'ik qaur dirr inx; hro inx cincniu qik pnaiw ee buhuaqyw, pnaiw qaur be jiac .did.

18 Guaw beh ing dyqiamr, ing qihngx, ing un'ik duizib inx; hro inx liulyc dirr tnie banrqog; dirr Guaw qnuaw inx qaur ee dagg qog, juer tangx jiuwjow, tangx gonggniac, tangx qicir, tangx lingziok :ee.

19 Jehovah qongw: Jex si in'ui inx byy tniatanr Guaw ee ue, dyrr si Guaw crex Guaw jiaxee lovok jiongww sendix qra inx qongw ee ue; si jaw jaw kiw laii crex inx; jongwsirr linw byy tniax; jex si Jehovah qongw :ee.

20 Soxiw linw itcer siurr liac .kir .ee, dyrr si Guaw dui' Jelusalem crex qaur Babylon :ee, linw longxx diyhh tniax Jehovah ee ue.'"

21 Banrqunx ee Jehovah, Islael ee Siongrder, anxnix qongw, "Lun qaur Kolaiah ee qniaw Ahab, qapp Maaseiah ee qniaw Zedekiah, inx tog Guaw ee miaa duiww linw suantuann vehcat. Knuar ar, Guaw beh jiong' inx qaux dirr Babylon Ongg Nebuqadnezar ee ciuw; ix beh dirr linw ee binrjingg taii inx.

22 Judah siurr liac ee jingwlangg dirr Babylon :ee, beh ing jitt nng langg juer uervnir jiuwjow langg, qongw, 'Guan Jehovah hro liw cincniu Zedekiah qapp Ahab, hro Babylon Ongg ing huew siyx ix.'

23 Inx dirr Islael diongx juer cud qenwsiaur ee su; imm inx cuwvnix ee bow; qycc tog Guaw ee miaa suantuann vehcat, dyrr si Guaw soxx byy bingrling inx :ee. Jaix :ee si Guaw, juer qanjingr :ee iarr si Guaw; jex si Jehovah qongw :ee.

24 Lun Nehelamlangg Semaiah, liw diyhh qongw,

25 Banrqunx ee Jehovah, Islael ee Siongrder, anxnix qongw: Liw bad ing qaqi ee miaa qiar puex hro Jelusalem ee jiongww vecsnir, qapp jewsix Maaseiah ee qniaw Zefaniah, qapp jiongww jewsix, qongw,

26 'Jehovah u setlip liw juer jewsix, laii ter jewsix Jehoiada, hro linw qamdog Jehovah ee cur, tangx jiong' itcer kongkamw qaqi cxingx juer sendix ee langg, ing caqee qra ix qee, ing sryw qra ix sryw.

27 Henrjai Anatotlangg Jelemiah duiww linw qaqi cxingx juer sendix, linw sniaw su byy jikvi ix ar?

28 In'ui ix qiar puex qaur Babylon, qra guanw qongw: Siurr liac ee sii beh quxdngg; linw diyhh kiw cur laii kiarkiw; jyh hngg laii jiac quexjiw.'"

29 Jewsix Zefaniah dyrr jiong' jitt dniux puex tak hro sendix Jelemiah tniax.

30 Dui' anxnix, Jehovah ee ue limqaur Jelemiah, qongw,

31 "Liw diyhh qiar puex hro itcer siurr liac ee langg, qongw, 'Jehovah lun qaur Nehelamlangg Semaiah, qongw: Semaiah duiww linw suantuann :ee, Guaw vingrr byy crex ix. Ix hro linw uaxkyr vehcat.

32 Soxiw Jehovah anxnix qongw: Guaw beh hinghuat Nehelamlangg Semaiah, qapp ix ee horer; ix dikkag byy lauu jit langg kiarkiw dirr jitt xee vecsnir ee diongqanx; iarr byy tangx knuar qnir Guaw soxx beh sniuxsur Guaw ee vecsnir ee hokkir; in'ui ix qongw vuergik Jehovah ee ue; jex si Jehovah qongw :ee.'"

30 Jehovah ee ue limqaur Jelemiah, qongw,

2 "Islael ee Siongrder Jehovah anxnix qongw: Qniwnarr Guaw soxx bad qra liw qongw ee ue, longxx diyhh siaw dirr ceh nirr.

3 Jehovah qongw: Knuar ar, zidjiw beh qaur, Guaw beh hro Guaw ee vecsnir Islael qapp Judah siurr liac ee langg dywdngw .laii; Guaw iarr beh hro inx dyr laii Guaw soxx sniuxsur inx ee ledjow ee de; inx dyrr did diyc jitt xee de juer giap; jex si Jehovah qongw :ee."

4 Jehovah lun qaur Islael qapp Judah ee ue, qir dirr erdew.

5 Jehovah anxnix qongw: Guanw u tniax qnir gniauhgniauc cuah, qniahniaa, byy ving'anx ee sniax.

6 Dnaxx linw diyhh kir mng knuar u davolangg snix qniaw .byy; jnaixngiu Guaw knuar qnir langlangg ing ciuw zic iyx, cincniu beh snix qniaw ee hurzinlangg, bin longxx venr cnix?

7 Camw ar, hitt xee zit si dua, byy tangx vixping; si Jakob duw diyc huanrlan ee qizit; jongwsirr ix beh did diyc qiur laii tuad cud.

8 Banrqunx ee Jehovah anxnix qongw: Qaur hitt zit, Guaw beh dui' liw ee amrqunw ad jric ix ee dnax, cuah dng vak liw ee syh; guarvanglangg byy qycc ing ix juer ceing.

9 Inx si beh hogsai inx ee Siongrder Jehovah, qapp inx ee ongg David, dyrr si Guaw beh qra inx hingx kiw :ee.

10 Jehovah qongw: Guaw ee lovok Jakob ar, anxnix liw byc did qniax, Islael ar, byc did qniahniaa; in'ui Guaw beh dui' hng ee soxjai jinxqiur liw; iarr beh dui' siurr liac .kir ee de jinxqiur liw ee horer; Jakob beh dyr laii did diyc anjing, ving'anx; byy langg hro ix qniax.

11 In'ui Guaw qapp liw dilehh, laii jinxqiur liw; iarr beh jiong' Guaw soxx qnuaw liw qaur hiaxee qog itjin jaubet; jongwsirr byy itjin jaubet liw; beh jiauww soxx habgii :ee jikvi liw; duanwduanr be e byy hinghuat liw; jex si Jehovah qongw :ee.

12 Jehovah anxnix qongw: Liw ee siongx be rix .did, liw ee sionghunn jin' siongdiong.

13 Byy langg ter liw venrho, hro liw ee sionghunn did diyc vaux; liw byy idi ee hyw iyc.

14 Tniar liw ee langg longxx be qir did liw, byy laii tamr liw; in'ui liw ee juerquar jin' dang, juerog jin' je; Guaw ing duiwdik hitt kuanw ee pah laii pah liw; iarr ing janzimw :ee ee qingxqair, laii qingxqair liw.

15 Liw sniaw su in'ui liw ee siongx laii auqiyr ar? Liw ee tongwkow be rix .did; in'ui liw ee juerquar jin' dang, juerog jin' je; Guaw ing jiaxee kuanxtai liw.

16 Soxiw qniwnarr tunjiac liw :ee, beh siurr tunjiac; liw ee duiwdik, jit xee jit xee longxx hro langg liac .kir; cniuw liw :ee, beh hro langg cniuw; qiab liw :ee, Guaw beh hro ix siurr qiab.

17 Jehovah qongw: Guaw beh hro liw ee sintew hogguann, rix hyw liw ee sionghunn; in'ui langg longxx cxingx liw juer siurr qnuaxdiok :ee, qongw: Jex si Zion, byy langg cuerqnir :ee.

18 Jehovah anxnix qongw: Knuar ar, Guaw beh hro Jakob siurr censuaw ee vowvnii dywdngw .laii, iarr beh kyxlinn ix kiarkiw ee soxjai; sniaa beh kiw dirr guanqu ee cniuqix, ongqiongx iarr jiauwqu u langg kiarkiw.

19 Beh u qamxsia qapp kuaiwlok :ee ee sniax dui' inx diongqanx cud .laii; Guaw iarr beh hro inx qetnix jerje, vutdir qiamxjiyw; hro inx junquir, vutdir vibii.

20 Inx ee qniaxzii beh cincniu jaxzit; inx ee huerjiongr beh kia jai dirr Guaw ee binrjingg; huanrnarr apjer inx :ee, Guaw beh vran ix.

21 Inx ee qun'ongg dikkag si sriok dirr inx :ee; jiangxquann inx :ee, beh dui' inx diongqanx cud; Guaw beh hro ix qinruaw, ix iarr beh cinqin Guaw; narr m si anxnix, jirjui qnaw hyxdnaw cinqin Guaw; jex si Jehovah qongw :ee.

22 Linw beh juer Guaw ee vecsnir, Guaw beh juer linw ee Siongrder.

23 Knuar ar, Jehovah ee siurkir cincniu dua hongx huad cud; dyrr si sauwbet ee dua hongx, beh dngxsec qongqig pnaiw langg ee taukag.

24 Jehovah ee simx soxx gixdnia :ee iauxx bue juer, iauxx bue jniaa ee dairsingx, Ix ee dua siurkir dikkag byy siux dywdngw; zid'au linw beh bingvik.

31 Jehovah qongw, "Hitt sii Guaw beh juer Islael dagg vangtauu ee Siongrder; inx beh juer Guaw ee vecsnir.

2 Islael hro dyx taii byy liauw ee vecsnir, dirr kongwiaw did diyc undenw; Guaw kir hro inx did diyc anhiyh."

3 Jaxsii Jehovah duiww guaw henxhen, qongw, "Guaw ing ingxuanw ee tniar, tniar liw; in'ui anxnix, Guaw ing ju'air kanx liw.

4 Islael ee jairsikluw ar, Guaw beh qycc qenwlip liw, liw dyrr did diyc qenwlip; liw beh qycc ing linlongqow juer jngtna, qapp kuaiwlok ee langg juewdin tiauwbuw cud .kir.

5 Liw beh qycc jaijingr pudyhngg dirr Samalia jiaxee snuax, jaijingr :ee beh jaijingr ix, laii hiongxsiu ix ee quexjiw.

6 In'ui beh u jit zit, Eflaim Snuax siuxbang ee langg beh qiyr qongxx: Kiw .laii, lanw jnriu laii kir Zion, qaur Jehovah, lanw ee Siongrder hiax."

7 Jehovah anxnix qongw: Linw diyhh uirr Jakob cniur hnuahiw ee quax, uirr banrqog diongx juer tauu ee qog cud dua sniax, tuanvor ylyw qongw: Jehovah ar, qiur Liw ee vecsnir Islael soxx cunx ee langg.

8 Knuar ar, Guaw beh cua inx dui' vakhngx laii, jurjip inx dui' derqik laii; qapp inx laii :ee, u cnimii :ee, vaixkax :ee, duawsinx :ee, beh snix qniaw :ee, qui' dua din snaqab laii.

9 Inx beh tikaur laii, Guaw beh dirr qidyw cua inx; Guaw beh dirr jingwdit be vuahdyw ee lo cua inx qaur hyy-vnix; in'ui Guaw si Islael ee ve, Eflaim juer Guaw ee dua-qniaw.

10 Ledqog ar, diyhh tniax Jehovah ee ue, tuanvyr dirr hng ee haixsu, qongw: Qnuaxsnuar Islael :ee beh jurjip ix, qycc qowsiuw ix, cincniu bogjiaw qowsiuw ix ee ngiuu-qrunn.

11 In'ui Jehovah ixqing’ qiuwsiok Jakob, sioghuee ix tuatli viw ix kacc qiongg :ee ee ciuw.

12 Inx beh qaur Zion quann ee soxjai cniuwquax; qycc beh cincniu hyjuiw lrauu, qaur Jehovah undenw ee de, did diyc gnoxqog, jiuw, iuu, ngiuu-qrunn, guu-qrunn ee ser jiah :ee; inx ee simx beh cincniu quanwag ee hngg, longxx byy qycc iukow.

13 Hitt sii jairsikluw beh tiauwbuw laii hnuahiw, siauwlenlangg laurlangg iarr beh snaqab hnuahiw; in'ui Guaw beh hro inx ee vi'aix vnir juer hnuahiw, iarr beh an'uir inx, hro inx dirr iubun liauxau laii kuaiwlok.

14 Guaw beh ing iuzi hro jewsix ee simx muaxjiog; Guaw ee vecsnir iarr beh in'ui Guaw ee unhui muaxir; jex si Jehovah qongw :ee.

15 Jehovah anxnix qongw: Dirr Rlamah tniax qnir sniax, tikaur qycc dua siongvix. Rlaqel kaur ix ee qniaxzii, m guan siurr an'uir, in'ui ix ee qniaw byy .kir.

16 Jehovah anxnix qongw: Diyhh qimwjiw liw ee sniax byc did tikaur, qimwjiw liw ee bagjiux byc did lrauu bagsaiw, in'ui liw juewqangx beh u vywsniuw; inx beh dui' duiwdik ee qog dyr .laii; jex si Jehovah qongw :ee.

17 Jehovah qongw: Liw ee buexqingw u ngwbang, liw ee qniaxzii beh dyr laii qaqi ee qingxlai.

18 Guaw sidjai u tniax qnir Eflaim qaqi tongwhun, qongw: Liw dokjig guaw, guaw dyrr siurr dokjig; guaw cincniu qar be jniurjua ee guu-aw, qriuu Liw hro guaw uat dywdngw, guaw dyrr uat dywdngw; in'ui Liw si guaw ee Siongrder Jehovah.

19 Guaw uat dywdngw ixau dyrr huanxhuew; siurr qawsi ixau, dyrr pah katuiw; guaw dyrr qenwsiaur lauwkuir, in'ui guaw damdngx siauwlenn ee sii ee lingziok.

20 Jehovah qongw: Eflaim si Guaw tniar ee qniaw mah? Si tangx hnuahiw ee ginxaw mah? Guaw qniwnarr jikvi ix, iauxquxx cimx cimx siauwliam ix; soxiw Guaw ee simdngg uirdiyhh ix be ving'anx, Guaw dikkag beh linbinw ix.

21 Islael ee vecsnir ar, liw diyhh uirr qaqi lip jixlorvaii, kia inxlortiau; liw diyhh liusimx ngr duarlo, dyrr si liw soxx kir ee guanlo; liw diyhh dyr .lai, dyr laii dirr liw jiaxee sniaa.

22 Vuerbiu ee jaboxginxaw ar, liw siwqer lriuu byy dniardiyc, beh qaur dirsii ar? Jehovah dirr derjniu congr jit hxang sinx ee su, dyrr si jaboxlangg beh vyxho davolangg.

23 Banrqunx ee Jehovah, Islael ee Siongrder, anxnix qongw: Guaw hro siurr liac ee langg dyr .laii ee sii, dirr Judah-de qapp ix hiaxee sniaa, langg beh qycc ing jitt xee ue qongw: Qonggi ee cur, sxingr ee snuax ar, guan Jehovah suwhog liw.

24 Judah qapp hiaxee sniaa ee langg ixqip jycsitlangg, siwqer cri ngiuu ee langg, longxx beh snaqab kiarkiw dirr hiax.

25 In'ui simsinn iawsen ee langg, Guaw ixqing’ hro ix muaxjiog; simsinn inbun ee langg, Guaw ixqing’ hro ix dijiog.

26 Sendix qongw: Guaw kunr cnew decc sniu, guaw ee kunr jin' hnuahiw.

27 Jehovah qongw: Knuar ar, zidjiw beh qaur, Guaw beh hro Islael-qrex qapp Judah-qrex, langg qapp jingsnix, longxx tuanjingw.

28 Guaw jaxjingg jnaixngiu juansimx jiong' inx vuic .cud, tiachuiw, ciax dyw, bedbyy, kunwkow, iarr beh jiauww anxnix juansimx jiong' inx qenwlip, jaijingr; jex si Jehovah qongw :ee.

29 Dng' hiaxee zit, langg byy qycc qongw: Laurve jiac sngx ee pudyy, qniaw ee cuiwkiw sngnngw.

30 Dagg langg beh in'ui qaqi ee jue laii siw; qniwnarr jiac sngx ee pudyy :ee, inx ee cuiwkiw beh nngw.

31 Jehovah qongw: Knuar ar, zidjiw beh qaur, Guaw beh qapp Islael-qrex, Judah-qrex, lip sinx ee iog;

32 M si jiauww Guaw qapp inx ee ledjow soxx lip ee iog, dyrr si dirr Guaw kanx inx ee ciuw, cua inx cud Egipt-de ee sii soxx lip :ee. Guaw suibongw juer inx ee diongrhux, inx iuguann vue Guaw ee iog; jex si Jehovah qongw :ee.

33 Jehovah qongw: Hiaxee zit liauxau, Guaw qapp Islael-qrex soxx beh lip ee iog si jitt xee; dyrr si Guaw beh ing Guaw ee ludhuad he dirr inx ee simlai, kig dirr inx ee simx; Guaw beh juer inx ee Siongrder, inx beh juer Guaw ee vecsnir.

34 Inx byy qycc dagg langg qawsi inx ee cuwvnix, qapp inx dagg langg ee hniadi, qongw: Linw diyhh bad Jehovah; in'ui inx dui' dua qaur ser, longxx beh bad Guaw; in'ui Guaw beh siawbenw inx ee juerquar, byy qycc qir did inx ee jue; jex si Jehovah qongw :ee.

35 Jehovah sed taiwiongg juer zit .sii ee qngx, sed guec qapp cnxix ee dingrle juer mii .sii ee qngx; iydang duarhaiw, hro ix ee ingw huahuar hauw; banrqunx ee Jehovah dyrr si Ix ee miaa.

36 Ix u anxnix qongw: Jiaxee dingrle narr e dirr Guaw ee binrjingg huewbyy, Islael ee horer jiacc e dirr Guaw ee binrjingg juaddng, ingxuanw be jniaa juer qog; jex si Jehovah qongw :ee.

37 Jehovah anxnix qongw: Narr dirr dingxbin ee tnix e nriuu .did, dirr erbin ee de jiaxee qinqix e cikdok .did, dyrr Guaw dikkag in'ui Islael ee horer itcer ee soxx qniaa laii kiwsag ix; jex si Jehovah qongw :ee.

38 Jehovah qongw, "Knuar ar, zidjiw beh qaur, jitt xee sniaa beh qra Jehovah kixjy, dui' Hananel ee lxauu, qaur qaktauu ee mngg.

39 Nriuu ee syh qycc kanx .cud .kir, didqaur Galeb Snuax; uat dngw qaur Goah.

40 Hed sinsix qapp vniar huexhux qanngg ee snuaqog, qapp itcer ee canhngg, didqaur Kidlon Kex, qycc didqaur dangsir Bew ee mngg ee qaktauu, longxx beh juer sxingr, qruix dirr Jehovah, byy qycc vuic cud, byy qycc ciax dyw, didqaur ingxuanw."

32 Judah Ongg Zedekiah derr jap nii, dyrr si Nebuqadnezar jap-veh nii, u Jehovah ee ue limqaur Jelemiah.

2 Hitt sii Babylon Ongg ee qundui uikunr Jelusalem, sendix Jelemiah qnuaix dirr kuliusow ee ngi, dirr Judah Ongg ee cur.

3 In'ui Judah Ongg Zedekiah ixqing’ jiong' ix qnuaiqimr, qongw, "Liw sniaw su camwgiw qongxx, Jehovah anxnix qongw, 'Knuar ar, Guaw beh jiong' jitt xee sniaa qaux dirr Babylon Ongg ee ciuw, ix beh cruw ix;

4 Judah Ongg Zedekiah dikkag be tuatli Qaldealangg ee ciuw, dniardiyc beh qaux dirr Babylon Ongg ee ciuw, iarr beh qapp ix qongxue, cuir duiww cuir, ix ee bagjiux iarr beh knuar ix ee bagjiux,

5 Zedekiah beh hro ix duar qaur Babylon, duar dirr hiax, qaur Guaw quanwqor ix ee sii; linw suizenn qapp Qaldealangg qaujenr, iarr byy lirik. Jex si Jehovah qongw :ee.'"

6 Jelemiah qongw, "Jehovah ee ue limqaur guaw, qongw,

7 'Knuar ar, liw ee jig Sallum ee qniaw Hanamel beh laii qnir liw, qongw: Guaw dirr Anatot hitt kux cann, cniaw liw brew ix; in'ui sioghuee ee qxaunn jairdirr liw, liw tangx brew.'"

8 Guaw ee jig ee qniaw Hanamel qyxzenn jiauww Jehovah ee ue laii kuliusow ee ngi cue guaw, duiww guaw qongw, "Guaw dirr Benjamin ee qingxlai, Anatot hitt kux cann, cniaw liw brew; in'ui singjiab qapp sioghuee ee qxuann jairdirr liw, liw diyhh brew juer liw ee." Guaw dyrr jaix jex si Jehovah ee ue.

9 Guaw dyrr duiww guaw ee jig ee qniaw, Hanamel, brew Anatot hitt kux cann, pingg hitt xee qewginn hro ix, qiong jap-cid sekel.

10 Guaw dirr kewbin ciamx miaa, jiong' kxer hrongx bat; qycc cniaw langg laii juer diqnir, iarr ing tenpingg pingg ginn hro ix.

11 Guaw dyrr tec jiauww quile soxx lip ee kxer, dyrr si hrongx bat :ee hitt dniux, qapp byy hrongx :ee hitt dniux;

12 Dng' guaw ee jig ee qniaw Hanamel, qapp ciamx miaa dirr kewbin jiaxee diqnir, ixqip dirr jre dirr kuliusow ngi-lai itcer Judahlangg ee binrjingg, jiong' bexbe ee kxer qaux hro Maseiah ee sunx, Neliah ee qniaw, Baluc.

13 Dng' inx ee binrjingg, guaw huanhur Baluc qongxx,

14 "Banrqunx ee Jehovah, Islael ee Siongrder, anxnix qongw: Diyhh jiong' hrongx bat :ee qapp byy hrongx :ee jitt nng dniux kxer, siux dirr huikir ee lairbin, tangx liujunn jerje zit.

15 In'ui banrqunx ee Jehovah, Islael ee Siongrder, anxnix qongw: Jionglaii dirr jitt soxjai, langg beh qycc brew cuwtec, canhngg, qapp pudyhngg."

16 Guaw jiong' bexker qaux hro Neliah ee qniaw Baluc ixau, dyrr qidyw Jehovah qongxx,

17 "Jruw Jehovah ar, Liw bad ing dua quanlingg, qapp crunx cud ee ciuw, congwjy tnide; jairdirr Liw byy jit hxang yh jniaa ee su;

18 Liw six ju'air hro cingbanrlangg, qycc jiong' laurve ee juerquar vywingr dirr ix ee horer ee sinjniu; jiww dua juanlingg ee Siongrder, banrqunx ee Jehovah, si Ix ee miaa.

19 Liw ee qewik u dua vunxsu, qniaa dairjir u dua quanlingg, juwbak knuar sewqanlangg itcer ee qniajuer, jiauww dagg langg ee soxx qniaa, qapp inx ee soxx juer ee haurqyw, laii vywingr ix.

20 Dirr Egipt-de henxcud sinziah qrii su, didqaur qinaxzit; dirr Islael qapp vadd langg ee diongqanx, iarr si anxnix; hro Liw did diyc miasniax, cincniu qinaxzit jidngiu;

21 Ing sinziah qrii su, qapp dua quanlingg ee ciuw, qapp crunx cud ee ciuxqud, qapp dua tangx qniax ee su, cua Liw ee vecsnir Islael cud Egipt-de;

22 Jiong' jitt xee lrauu nix qapp bit ee de sniuxsur inx, dyrr si Liw duiww inx ee ledjow jiuwjua beh hro inx :ee.

23 Inx zip .laii did diyc ix juer giap; jongwsirr byy tranr Liw ee ue, byy qniaa Liw ee ludhuad; Liw itcer bingrling inx qniaa :ee, inx byy qniaa jit hxang; soxiw Liw hro longxjongw ee jaieh qaur dirr inx.

24 Knuar ar, u quann ee toduix, inx ixqing’ vik'uaw jitt xee sniaa, beh cruw ix; sniaa iarr in'ui dyqiamr, qihngx, un'ik, qaux hro qongqig ix ee Qaldealangg ee ciuw. Liw soxx qongw :ee ixqing’ jniaa, Liw iarr cinbak knuar .qnir.

25 Jruw Jehovah ar, Liw qra guaw qongw, diyhh uirr qaqi ing ginn brew cann, qycc cniaw langg juer diqnir; dnaxx jitt xee sniaa ixqing’ qaux dirr Qaldealangg ee ciuw lar."

26 Jehovah ee ue limqaur Jelemiah, qongw,

27 "Knuar ar, Guaw si Jehovah, si qniww u hetkir :ee ee Siongrder, jairdirr Guaw qamxx u jit hxang yh jniaa ee su?

28 Soxiw Jehovah anxnix qongw: Knuar ar, Guaw beh jiong' jitt xee sniaa qaux dirr Qaldealangg ee ciuw, qapp Babylon Ongg Nebuqadnezar ee ciuw, ix beh cruw ix.

29 Qrongx sniaa ee Qaldealangg beh laii, vangr huew siyx jitt xee sniaa, ixqip cuwtec; dirr jiaxee cur-dingw, langg bad ngr Baal siyx hniux, ngr vadd xee siongrder quanwden, ziaw Guaw ee siurkir.

30 Islaellangg qapp Judahlangg, dui' siauwlenn ixlaii, juanjuanx qniaa Guaw bagjiux diongx knuar juer pnaiw ee su; Islaellangg itjin ing ciuw soxx juer :ee, ziaw Guaw ee siurkir; jex si Jehovah qongw :ee.

31 Jitt xee sniaa dui' kixjy ee zit qaur qinaxzit, siongsiongg ziaw Guaw ee siurkir, hro guaw auwnauw; drir qaur Guaw qra ix druu .kir, laii lirkuix Guaw ee binrjingg.

32 Si in'ui Islaellangg qapp Judahlangg itcer ee siaog; dyrr si inx qapp inx ee qun'ongg, quiwjok, jewsix, sendix, qapp Judah ee jingwlangg, ixqip Jelusalem kiarkiw ee vecsnir soxx qniaa :ee, ziaw Guaw ee siurkir.

33 Inx ing qajiah ngr Guaw, byy ing bin; Guaw qawsi inx, si jaw jaw kiw laii qawsi inx; jongwsirr inx byy tniatanr, laii sriu qawsi.

34 Inx qingxzenn ing inx kyxngor ee mic, he dirr ing Guaw ee miaa soxx cxingx ee cur, laii pah lasamm ix.

35 Inx dirr Ben Hinnom ee snuaqog kiw Baal ee quann daii, beh hro inx ee qniaw jaboxqniaw qingquer huew qruix Molec; inx qniaa jex kyxngor ee su, hro Judah ham lyc jue; jex m si Guaw soxx bingrling :ee, iarr m si Guaw ee simx soxx sniu :ee.

36 Dnaxx lun qaur jitt xee sniaa, si linw soxx qongw ixqing’ in'ui dyqiamr, qihngx, un'ik, qaux dirr Babylon Ongg ee ciuw :ee; Islael ee Siongrder Jehovah anxnix qongw,

37 "Knuar ar, Guaw dirr siurkir, auwnauw, dua siurkir ee diongqanx, jiong' inx qnuaw qaur dagg qog, au .laii Guaw beh dui' hiax jiyjip inx cud .laii, cua inx dyr laii jitt soxjai, hro inx anzenn kiarkiw.

38 Inx beh juer Guaw ee vecsnir, Guaw beh juer inx ee Siongrder.

39 Guaw beh hro inx itsimx itlo, hro inx siongsiongg qingwuir Guaw, hro inx qapp inx ee qniaxsunx did diyc hokkir.

40 Guaw beh qapp inx lip ingxuanw ee iog, dyrr si byy uat dngw lirkuix inx, si beh suwhog hro inx; qycc hro inx juansimx qingwuir Guaw, byy uat dngw lirkuix Guaw.

41 Guaw beh hnuahiw inx, suwhog hro inx, Guaw sidjai beh jinrsimx jinrir, jaivuee inx dirr jitt xee soxjai.

42 In'ui Jehovah anxnix qongw: Guaw jnaixngiu hro jitt xee itcer dua ee jaieh limqaur jitt xee vecsnir, Guaw iarr beh anxnix hro Guaw soxx ingwunw inx itcer ee hokkir limqaur inx.

43 Linw qongw: Jitt xee soxjai si pahngx, byy langg, byy jingsnix; si qaux hro Qaldealangg ee ciuw :ee; jionglaii langg beh qycc dirr jitt soxjai brew canhngg.

44 Dirr Benjamin-de, dirr Jelusalem ee siwuii, dirr Judah jiaxee sniaa, dirr snuade jiaxee sniaa, dirr vningiuu jiaxee sniaa, qapp dirr lamhngx jiaxee sniaa, langg beh ing ginn brew cann, dirr kewbin ciamx miaa, jiong' kxer hrongx bat, cniaw langg juer diqnir; in'ui Guaw beh hro siurr liac ee langg dyr .laii; jex si Jehovah qongw :ee."

33 Jelemiah iauxquxx qnuaix dirr kuliusow ee ngi-lai, Jehovah ee ue derr zi vaiw limqaur ix, qongw,

2 "Qniaa ix :ee ee Jehovah, qewik laii qenwlip ix :ee ee Jehovah si Ix ee miaa,

3 Ix anxnix qongw: Liw qriuu Guaw, Guaw dyrr rinr liw, iarr jiong' liw soxx m jaix, dua qycc yh did ee su jixsi liw.

4 Lun qaur jitt xee sniaa-lai ee cur, qapp Judah Ongg ee cur, dyrr si tiachuiw laii dixdngx duiwdik ee toduix, qapp dixdngx dyqiamr :ee;

5 Islael ee Siongrder Jehovah anxnix qongw: Langg beh laii qapp Qaldealangg qaujenr, vutqyr si hro sinsix ciongmuaw jiaxee cur, dyrr si Guaw dirr siurkir qapp dua siurkir ee diongqanx soxx taii siw ee langg, in'ui inx itcer ee pnaiw, Guaw dyrr ngx Guaw ee bin, m knuar jitt xee sniaa.

6 Knuar ar, Guaw beh hro ix ee siongx hogguann, qycc ing hyw iyc rix hyw ix; qycc jiong' hongsing ee ving'anx qapp singsit henxbingg dirr inx.

7 Guaw iarr beh hro Judah siurr liac :ee, qapp Islael siurr liac :ee dywdngw .laii; qycc qenwlip inx cincniu kixtauu.

8 Guaw beh sexduu inx itcer qanhuan Guaw ee jue; Guaw iarr beh siawbenw inx itcer qanhuan Guaw, vuervuan Guaw jiaxee jue.

9 Jitt xee sniaa beh dirr banrqog qra Guaw juer hnuahiw ee miaa, juer ylyw, juer ingqngx; in'ui banrqog tniax qnir Guaw soxx sniuxsur dirr inx itcer ee hokkir, iarr uirdiyhh Guaw soxx sniuxsur itcer ee hokkir qapp ving'anx, beh qniahniaa gniauhgniauc cuah."

10 Jehovah anxnix qongw, "Linw lun qaur jitt xee derhngx, u qongw si pahngx, byy langg, byy jingsnix ee derhngx; jongwsirr dirr jitt soxjai ixqip pahngx, byy langg, byy zin'enx, byy jingsnix ee Judah jiaxee sniaa, qapp Jelusalem ee queci,

11 Beh qycc tniax qnir u hnuahiw ee sniax, kuaiwlok ee sniax, sinqniaxsair ee sniax, sinniuu ee sniax; iarr u langg ee sniax, dyrr si hiaxee duar siarunx ee jrer qaur Jehovah ee cur :ee, decc qongw: Diyhh qamxsia banrqunx ee Jehovah, in'ui Jehovah si hyw, Ix ee ju'air ingxuanw dilehh; in'ui Guaw beh hro jitt soxjai siurr liac ee langg dywdngw .laii, cincniu kixtauu jidngiu; jex si Jehovah qongw :ee."

12 Banrqunx ee Jehovah anxnix qongw, "Dirr jitt xee pahngx, byy langg, byy jingsnix ee derhngx, qapp qidiongx soxu ee sniaa, beh qycc u bogjiaw kiarkiw, hro inx ee ngiuu-qrunn dyw dirr hiax.

13 Dirr snuade jiaxee sniaa, vningiuu jiaxee sniaa, lamhngx jiaxee sniaa, Benjamin, Jelusalem ee jiuuii, qapp Judah jiaxee sniaa, beh qycc u ngiuu-qrunn qingquer sngr ee langg ee ciuw; jex si Jehovah qongw :ee."

14 Jehovah qongw, "Knuar ar, zidjiw beh qaur, Guaw ingwunw Islael-qrex qapp Judah-qrex ee hyw ue, Guaw beh hro ix jniaa.

15 Dng' hitt zit hitt sii, Guaw beh qra David huatsnix gi ee Qix, Ix beh dirr derjniu qniaa qongvingg qapp qonggi.

16 Dirr hitt zit, Judah beh did diyc qiur, Jelusalem beh anzenn kiarkiw; ix ee miaa beh cxingx juer 'Jehovah, lanw ee gi'.

17 In'ui Jehovah anxnix qongw: David beh ingxuanw u langg jre Islael ee vyxjy.

18 Jewsix, Levilangg iarr ingxuanw u langg henr siyjer lexmic; siongsiongg vanrliw henwjer ee su dirr Guaw ee binrjingg."

19 Jehovah ee ue limqaur Jelemiah, qongw,

20 "Jehovah anxnix qongw: Linw narr e huewbyy Guaw soxx lip zit .sii ee iog, mii .sii ee iog, hro zidmii byy jiauww inx ee sii;

21 Dyrr e huewbyy Guaw qapp Guaw ee lovok David soxx lip ee iog, hro ix byy u qniaw dirr ix ee vyxjy juer ongg; iarr e huewbyy Guaw qapp hogsai Guaw ee jewsix Levilangg soxx lip ee iog.

22 Tnix ee siongr be sngr .did, haiw ee suax be nriuu .did, Guaw beh jiauww anxnix hro Guaw ee lovok David ee horer, qapp hogsai Guaw ee Levilangg, qetnix jerje."

23 Jehovah ee qycc limqaur Jelemiah, qongw,

24 "Jiaxee vecsnir soxx qongw ee ue, liw byy tniax .qnir mah? Inx qongw, 'Jehovah soxx qingw ee nng jok, Ix ixqing’ kiwjuat ix', inx anxnix knuawkinx Guaw ee vecsnir, liac juer be qycc jniaa qog dirr inx ee binrjingg.

25 Jehovah anxnix qongw: Guaw soxx lip zit .sii mii .sii ee iog narr e byy .kir, Guaw narr byy sed tnide ee dingrle;

26 Guaw dyrr e kiwsag Jakob qapp Guaw ee lovok David ee horer drir qaur byy dui' ix ee horer cruw langg dirliw Ablaham, Isaac, Jakob ee horer. In'ui Guaw beh hro inx siurr liac ee langg dyr .laii, iarr beh linbinw inx."

34 Babylon Ongg Nebuqadnezar cua ix longxjongw ee qunvingx, qapp ix soxx quanw derjniu ee banrqog dagg jok, laii qongqig Jelusalem, ixqip hiaxee sriok ix ee sniaa.

2 Hitt sii, Jehovah ee ue limqaur Jelemiah, qiyr ix diyhh kir qra Judah Ongg Zedekiah qongw, Jehovah anxnix qongw, "Knuar ar, Guaw beh jiong' jitt xee sniaa qaux dirr Babylon Ongg ee ciuw, ix beh ing huew siyx ix.

3 Liw be e tuatli ix ee ciuw, dikkag siurr liac, qaux dirr ix ee ciuxtauu. Liw ee bagjiux beh knuar Babylon Ongg ee bagjiux, ix beh qapp liw cuir duiww cuir qongxue, liw iarr beh qaur Babylon.

4 Judah Ongg Zedekiah ar, liw iauxquxx diyhh tniax Jehovah ee ue. Jehovah lun qaur liw anxnix qongw: Liw dikkag byy hro dyqiamr taii siw; liw beh ving'anx quewsir;

5 Langg beh uirr liw siyx pangx ee mic, cincniu uirdiyhh liw ee ledjow, dyrr si liw ixjingg ee sen'ongg soxx siyx :ee jidngiu. Langg beh uirdiyhh liw aisiongx, qongw, 'Camw ar, guaw ee jruw ar.' Jehovah qongw: Jitt xee ue Guaw ixqing’ qongw ix lar."

6 Dui' anxnix, sendix Jelemiah dirr Jelusalem jiong' jex itcer ee ue qra Judah Ongg Zedekiah qongw.

7 Hitt sii Babylon Ongg ee qunvingx decc qongqig Jelusalem, qycc qongqig Judah soxx cunx ee sniaa, dyrr si Laqis qapp Azekah; in'ui Judah qenqor ee sniaa, jixu cunx jiaxee .

8 Jehovah ee ue qycc limqaur Jelemiah.

9 Si in'ui Zedekiah Ongg qapp Jelusalem ee jiongww vecsnir lip iog, qra inx suanvor tauxvangr; dyrr si dagg langg diyhh tauxvangr ix ee lovok luxvi, huanrnarr Hebla ee lamluw, hro inx juriuu, byy langg tangx qycc ing ix ee hniadi Judahlangg juer lovok.

10 U hxun dirr jitt xee iog ee quiwjok qapp jiongww vecsnir, tniax qnir dagg langg diyhh tauxvangr, ix ee lovok luxvi, hro ix juriuu, byy qycc ing ix juer ceing, inx dyrr juntanr laii tauxvangr.

11 Au .laii inx dyrr tewhuew, hro inx soxx tauxvangr juriuu ee lovok luxvi dyr .laii, benxqiongw inx iuguann juer lovok luxvi.

12 In'ui anxnix, Jehovah ee ue dui' Jehovah limqaur Jelemiah, qongw,

13 "Jehovah, Islael ee Siongrder anxnix qongw: Guaw cua linw ee ledjow dui' Egipt-de juer lojaii ee qrex cud .laii ee zit, qapp inx lip iog, qongw,

14 'Qaur derr cid nii, linw diyhh dagg langg tauxvangr ix ee hniadi Heblalangg, hitt quaw bre hro liw :ee. Ix ixqing’ hogsai liw lak nii, liw diyhh tauxvangr ix, lirkuix liw laii juriuu'; jongwsirr linw ee ledjow m tniax Guaw, iarr byy ngar hnirkangx.

15 Dnaxx linw ixqing’ qexvnir, qniaa Guaw soxx knuar juer jingwdit ee su; dagg langg duiww cuwvnix suanvor tauxvangr, qycc dirr ing Guaw ee miaa laii cxingx ee cur, dirr Guaw ee binrjingg lip iog.

16 Jongwsirr linw iuqycc tewhuew, setdok Guaw ee miaa, dagg langg hro soxx tauxvangr did diyc juriuu ee lovok luxvi dywdngw, benxqiongw inx iuguann juer linw ee lovok luxvi.

17 Soxiw Jehovah anxnix qongw: Linw byy tniatanr Guaw, dagg langg duiww ix ee hniadi, duiww ix ee cuwvnix, suantuann tauxvangr. Knuar ar, Guaw duiww linw suantuann tauxvangr hro dyqiamr, un'ik, qihngx, qycc hro linw liulyc dirr tnie banrqog diongx; jex si Jehovah qongw :ee.

18 Qniwnarr vue Guaw ee iog, byy tranr hitt xee iog ee ue, dyrr si puar kuix guu-aw laii qingquer hitt diongqanx ee sii, dirr Guaw ee binrjingg, soxx lip :ee;

19 Dyrr si Judah ee quiwjok, Jelusalem ee quiwjok, ixqip taiwqamr, jewsix, qingxlai jiongww vecsnir, qniwnarr dui' puar kuix ee guu-aw ee diongqanx qingquer :ee,

20 Guaw beh jiong' inx qaux dirr inx ee duiwdik ee ciuw, qapp siauwsniu inx ee sniwmia ee langg ee ciuw; inx ee sinsix beh hro kongdiongx ee vuejiauw qapp derjniu ee iaxsiur juer jiahmic.

21 Qycc Guaw beh jiong' Judah Ongg Zedekiah qapp ix ee quiwjok qaux dirr inx ee duiwdik ee ciuw, qapp siauwsniu ix ee sniwmia ee langg ee ciuw; iarr qaux dirr Babylon Ongg ee qunvingx ee ciuw, dyrr si lirkuix linw kir :ee.

22 Jehovah qongw: Guaw beh bingrling inx, hro inx qycc laii jitt xee sniaa; inx beh qongqig ix, cruw ix, ing huew siyx ix; Guaw iarr beh hro Judah jiaxee sniaa pahngx, byy langg kiarkiw."

35 Dng' Judah Ongg Josiah ee qniaw Jehoiakim jerui ee sii, Jehovah ee ue limqaur Jelemiah, qongw,

2 "Liw diyhh kir Rleqab-jok ee cur, qapp inx qongxue; cua inx qaur Jehovah ee cur, zip jit qingx vangg, ing jiuw hro inx limx."

3 Guaw dyrr jiong' Habaziniah ee sunx, Jelemiah ee qniaw, Jaazaniah, qapp ix ee hniadi, qapp ix ee jiongww qniaw, ixqip Rleqab juann jok ee langg,

4 Qra inx cua qaur Jehovah ee cur, zip Siongrder ee lovok Igdaliah ee qniaw Hanan jiongww qniaw ee vangg; hitt qingx vangg dirr quiwjok ee vangg ee qecviah, quiwjok ee vangg dyrr si dirr Sallum ee qniaw vew mngg :ee Maaseiah ee vangg ee dingxbin.

5 Guaw dyrr ing nguaw ing vxuex drew jiuw muaw muaw, vaii dirr Rleqab-jok ee langg ee binrjingg; qra inx qongw, "Cniaw linw limx jiuw."

6 Inx dyrr qongw, "Guanw m limx jiuw, in'ui guanw ee senjow, Rleqab ee qniaw Jonadab, bad huanhur guanw qongxx, 'Linw qapp linw ee qniaxsunx ingxingw m tangx limx jiuw.

7 Iarr m tangx kiw cur, m tangx ia jxingw, m tangx jaijingr pudyhngg, m tangx u jiaxee; jit siwlangg diyhh duar dirr vowvnii, hro linw dngg huewsiu dirr linw qiawkax ee derhngx.

8 Qniwnarr guanw senjow Rleqab ee qniaw Jonadab huanhur guanw ee ue, guanw longxx tniatanr; guanw qapp guanw ee bow, guanw ee qniaw, guanw ee jaboxqniaw, jit siwlangg longxx byy limx jiuw.

9 Iarr byy kiw cur laii qaqi kiarkiw, iarr byy u pudyhngg, byy u canhngg, byy u jingxjiw.

10 Dogdok kiarkiw dirr vowvnii, longxx juntanr guanw ee senjow, Jonadab soxx bingrling :ee laii qniaa.

11 Dogdok Babylon Ongg, Nebuqadnezar jnriu laii jitt xee de ee sii, guanw dyrr qongw, 'Laii ar, lanw diyhh jnriu Jelusalem, laii siamxvi Qaldealangg ee vxingx, qapp Sylia ee vxingx; in'ui anxnix, guanw jiacc kiarkiw dirr Jelusalem."

12 Jehovah ee ue limqaur Jelemiah, qongw,

13 "Banrqunx ee Jehovah, Islael ee Siongrder, anxnix qongw: Liw diyhh kir qra Judahlangg qapp Jelusalem kiarkiw ee vecsnir qongw, Jehovah qongw: Linw m sriu qawsi, m tniatanr Guaw ee ue mah?

14 Rleqab ee qniaw Jonadab soxx huanhur ix ee qniaxsunx m tangx limx jiuw ee ue, inx longxx m junsiuw, qaur qinaxzit iarr byy limx; in'ui inx tniatanr senjow ee bingrling. Jongwsirr Guaw u duiww linw qongw, jaw jaw kiw laii qongw, danrsi linw m tniax Guaw.

15 Guaw iarr crex Guaw ee jiongww lovok jiaxee sendix jiurqin linw, jaw jaw kiw laii crex inx, qongw, 'Linw diyhh uat tauu, dagg langg lirkuix ix ee pnaiw lo, qexngua linw ee soxx juer; byy tranr vadd hy ee siongrder laii hogsai inx, linw dyrr tangx kiarkiw dirr Guaw soxx sniuxsur linw qapp linw ledjow ee de.' Jongwsirr linw m ngar hnirkangx, iarr m tniax Guaw.

16 In'ui Rleqab ee qniaw Jonadab ee qniaxsunx u junsiuw inx ee senjow soxx huanrhur inx ee bingrling, dogdok jitt xee vecsnir byy tniatanr Guaw;

17 Soxiw Jehovah, banrqunx ee Siongrder, Islael ee Siongrder anxnix qongw: Knuar ar, Guaw beh hro Guaw soxx qongw qongqig inx itcer ee jaieh limqaur Judahlangg qapp Jelusalem itcer kiarkiw ee vecsnir; in'ui Guaw duiww inx qongw, inx byy tniatanr; Guaw qiyr ix, inx byy rinr."

18 Jelemiah duiww Rleqab-jok ee langg qongw, "Banrqunx ee Jehovah, Islael ee Siongrder anxnix qongw: In'ui linw tniatanr linw ee senjow Jonadab ee bingrling, siuw ix itcer ee qaiwbing, qniaa ix longxjongw soxx bingrling linw :ee;

19 Soxiw banrqunx ee Jehovah, Islael ee Siongrder anxnix qongw: Dikkag ingxuanw u Rleqab ee qniaw Jonadab ee langg kia dirr Guaw ee binrjingg."

36 Judah Ongg Josiah ee qniaw Jehoiakim derr sir nii, u ue dui' Jehovah limqaur Jelemiah, qongw,

2 "Liw diyhh tec jit vunw ceh, jiong' Guaw soxx duiww liw qongw beh qongqig Islael qapp Judah, qapp dagg qog itcer ee ue, dui' Guaw qra liw qongxue ee hitt zit, dyrr si dui' Josiah hiaxee zit kiw, qaur dirr qinaxzit; longxx siaw dirr hitt lairbin.

3 Qiamxcaiw Judah-qrex beh tniax Guaw soxx anwsngr beh qangr hro inx itcer ee jaieh; drir qaur inx beh uat tauu, dagg langg lirkuix ix ee pnaiw lo; Guaw dyrr tangx siawbenw inx ee juerquar qapp juerog."

4 Jelemiah dyrr qiyr Neliah ee qniaw Baluc laii; Baluc dyrr jiong' Jelemiah soxx tuann Jehovah duiww ix qongw itcer ee ue, longxx qir dirr ceh.

5 Jelemiah huanhur Baluc qongxx, "Guaw sriu joxgai, be e zip Jehovah ee cur.

6 Liw diyhh kir, jiong' guaw soxx tuann, liw soxx siaw dirr ceh nirr Jehovah ee ue, dirr Jehovah ee cur, dirr qimwjiac ee zit tak hro vecsnir tniax; iarr tak hro dui' jiaxee sniaa laii ee Judahlangg tniax.

7 Qiamxcaiw inx beh dirr Jehovah ee binrjingg kiamvix qidyw; inx beh huetauu, dagg langg lirkuix ix ee pnaiw lo; in'ui Jehovah duiww jitt xee vecsnir soxx qongw beh huad cud ee siurkir, hitt xee siurkir jin' dua."

8 Neliah ee qniaw Baluc dyrr jiauww sendix Jelemiah itcer soxx haunhur :ee kir qniaa; dirr Jehovah ee cur, tak ceh-lai soxx qir Jehovah ee ue.

9 Judah Ongg Josiah ee qniaw Jehoiakim go nii Qauw-guec, Jelusalem ee jiongww vecsnir, qapp hiaxee dui' Judah Sniaa laii qaur Jelusalem ee jiongww vecsnir, suanvor qimwjiac dirr Jehovah ee binrjingg.

10 Hitt sii dirr Jehovah ee cur, suqir Safan ee qniaw Gemaliah ee vangg, dirr dingw ngi, qin Jehovah ee cur, sinx mngg ee mngkauw, Baluc dui' hitt vunw ceh tak Jelemiah ee ue hro jiongww vecsnir cinhni tniax.

11 Safan ee sunx, Gemaliah ee qniaw, Mikaiah tniax qnir ceh-lai Jehovah itcer ee ue,

12 Ix dyrr lyc kir ongqiongx, zip suqir ee vangg. Knuar ar, jiongww quiwjok longxx jre dirr hiax, dyrr si suqir Elisama, Semaiah ee qniaw Delaiah, Acbor ee qniaw Elnatan, Safan ee qniaw Gemaliah, Hananiah ee qniaw Zedekiah, qapp longxjongw ee quiwjok.

13 Dui' anxnix Mikaiah duiww inx qongw kiw ix soxx tniax .qnir itcer ee ue, dyrr si Baluc duiww vecsnir tak hitt vunw ceh ee sii ix soxx tniax .qnir .ee.

14 In'ui anxnix jiaxee quiwjok dyrr crex Kusi ee jingsunx, Selemiah ee sunx, Netaniah ee qniaw Jehudi qaur Baluc hiax, duiww ix qongw, "Liw jiong' soxx tak hro vecsnir tniax ee ceh cinciuw tec .laii." Neliah ee qniaw Baluc dyrr cincniu tec hitt vunw ceh laii inx hiax.

15 Inx duiww ix qongw, "Cniaw jre, tak hro guanw tniax." Baluc dyrr tak hro inx tniax.

16 Inx tniax jex itcer ee ue, dyrr dairqex qniahniaa sna' knuar; qra Baluc qongw, "Guanw quatduanr beh jiong' jiaxee ue longxx qra ongg qongw."

17 Inx qycc mng Baluc qongxx, "Cniaw liw qra guanw qongw, liw ing sniaw kuanw laii siaw ix soxx tuann itcer ee ue?"

18 Baluc rinr qongxx, "Ix cincuir duiww guaw qongw jiaxee ue, guaw dyrr ing vitbak siaw dirr ceh nirr."

19 Hiaxee quiwjok duiww Baluc qongw, "Liw qapp Jelemiah diyhh kir bih lehh, m tangx hro langg jaix linw dirr dyclyc."

20 Hiaxee quiwjok jiong' hitt vunw he dirr suqir Elisama ee vangg, jiacc zip ngi qnir ongg, jiong' jiaxee ue longxx qongw kiw hro ongg tniax.

21 Ongg crex Jehudi kir tec hitt vunw laii, ix dyrr dui' suqir Elisama ee vangg tec .laii. Jehudi tak hro ongg tniax, iarr hro kia dirr ongg jyrui jiaxee quiwjok tniax.

22 Hitt sii si Qauw-guec, ongg jre dirr quer dangtnix ee cur, binrtaujingg u huexloo decc dyc.

23 Jehudi qenww tak snax pnxix iacc sir pnxix, ongg dyrr ing suqir ee dyx qra ix quah .kiw .laii, hed dirr huexloo, qaur juann vunw longxx siyx dirr loo-diongx ee huew.

24 Ongg qapp tniax qnir jiaxee ue ee zinsinn, inx longxx byy qniax iarr byy tiah lic inx ee snxax.

25 Elnatan, Delaiah, qapp Gemaliah, qriuu ongg byc did siyx hitt vunw; jongwsirr ix m tniax.

26 Ongg dyrr bingrling Jelahmeel ee qniaw Jelahmeel, qapp Azliel ee qniaw Selaiah, qapp Abdeel ee qniaw Selemiah; kir liac suqir Baluc qapp sendix Jelemiah; jongwsirr Jehovah qra inx kngr bat.

27 Ongg jiong' hitt vunw, dyrr si Baluc soxx siaw Jelemiah soxx tuann ee ue siyx .kir liauxau, Jehovah ee ue limqaur Jelemiah, qongw,

28 "Liw qycc tec jit vunw, jiong' Judah Ongg Jehoiakim soxx siyx jiongjingg hitt vunw hiaxee ue longxx siaw dirr hitt lairbin.

29 Lun qaur Judah Ongg Jehoiakim, liw diyhh qongw, Jehovah anxnix qongw: Liw siyx hitt vunw. Liw sniaw su dirr hitt lairbin siaw qongxx, Babylon Ongg quatduanr beh laii huixbet jitt xee toxde, hro jitt soxjai ee langg qapp jingsnix longxx byy .kir ar?

30 Soxiw Jehovah lun Judah Ongg Jehoiakim, qongw: Ix beh byy langg tangx jre David ee vyxjy, ix ee sinsix beh hetqag dirr guarbin, zit .sii hro zit pak, mii .sii hro sxngx dangr.

31 Guaw beh in'ui ix qapp ix ee horer, qapp ix ee zinsinn ee juerquar, hinghuat inx; Guaw beh hro Guaw soxx qongw itcer ee jaieh limqaur inx, ixqip Jelusalem ee vecsnir, qapp Judahlangg; jongwsirr inx m tniax."

32 Dui' anxnix Jelemiah qycc tec jit vunw, qaux hro Neliah ee qniaw suqir Baluc; ix dyrr jiong' Jelemiah soxx tuann ee ue siaw dirr hitt lairbin; dyrr si Judah Ongg Jehoiakim soxx siyx .kir hitt vunw itcer ee ue; lingrgua qycc tnrix jerje sna' cincniu ee ue.

37 Josiah ee qniaw Zedekiah Ongg ter Jehoiakim ee qniaw Koniah juer ongg; Babylon Ongg Nebuqadnezar bad setlip ix juer ongg dirr Judah-de.

2 Jongwsirr ix qapp ix ee zinsinn, qapp qog-lai ee vecsnir, longxx m tniax Jehovah ee ue, dyrr si ix tog sendix Jelemiah soxx qongw :ee.

3 Zedekiah Ongg crex Selemiah ee qniaw Jehukal, qapp jewsix Maaseiah ee qniaw Zefaniah, kir qnir sendix Jelemiah, qongw, "Qriuu liw ter guanw qidyw Jehovah, lanw ee Siongrder."

4 Hitt sii Jelemiah cutzip dirr vecsnir ee diongqanx; in'ui inx iauxx bue qra ix qnuaix lyc qnax.

5 Falaoh ee qunvingx ixqing’ dui' Egipt cud .laii, hiaxee uikunr Jelusalem ee Qaldealangg tniax qnir inx ee hongsniax, dyrr ted ngiaa lirkuix Jelusalem.

6 Jehovah ee ue limqaur sendix Jelemiah, qongw,

7 "Jehovah, Islael ee Siongrder anxnix qongw: Judah Ongg crex linw laii Guaw jiax mng Guaw, linw diyhh anxnix qra ix qongw, 'Knuar ar, Falaoh ee qunvingx, hiaxee cud laii beh vangjan linw :ee, beh dyr kir Egipt vunxqog.

8 Qaldealangg beh qycc laii, qongqig jitt xee sniaa, beh cruw ix, iarr beh ing huew siyx ix.

9 Jehovah anxnix qongw: Linw m tangx qaqi penr qongxx, Qaldealangg dikkag beh lirkuix guanw; inx byy beh lirkuix.

10 Linw dyrr narr pacvai qongqig linw ee Qaldea ee juann qunx, inx diongqanx jriw cunx siursiongx ee langg, inx dagg langg iarr beh dui' ix ee vowvnii lai kiw .laii, ing huew siyx jitt xee sniaa.'"

11 Qaldea ee qunvingx, in'ui qniax Falaoh ee qunvingx, dyrr ted ngiaa lirkuix Jelusalem.

12 Hitt sii Jelemiah cud Jelusalem, beh kir Benjamin ee de, rair did diyc ix ee hunrgiac dirr vecsnir ee diongqanx.

13 Ix qaur Benjamin Mngg hiax, u qor mngg ee qnxuax, miaa qiyr Ilijah, si Hananiah ee sunx, Selemiah ee qniaw; ix dyrr liac sendix Jelemiah, qongw, "Liw si decc dauhangg Qaldealangg or."

14 Jelemiah qongw, "Byngiaw, guaw m si dauhangg Qaldealangg." Ilijah m tniax ix, dyrr liac Jelemiah, sangr ix qaur quiwjok hiax.

15 Jiaxee quiwjok siurkir Jelemiah, dyrr pah ix, qra ix qnuaix dirr qnax nirr, dirr suqir Jonatan ee cur, in'ui inx ing hitt qingx juer qnalyy.

16 Jelemiah ixqing’ qaur derham ee het-lai, Jelemiah druar hiax jerje zit.

17 Zedekiah Ongg crex langg duar ix laii, ongg dirr ix ee qiongx-lai amwjni mng ix qongxx, "U simxmih ue dui' Jehovah laii .byy?" Jelemiah qongw, "U"; qycc qongw, "Liw beh qaux dirr Babylon Ongg ee ciuw."

18 Jelemiah qycc duiww Zedekiah Ongg qongw, "Guaw u simxmih dikjue liw, iacc si dikjue liw ee zinsinn qapp jitt xee vecsnir, jiacc hro liw qra guaw qnuaiqnax?

19 Liw jiaxee sendix duiww linw camwgiw, qongw Babylon Ongg dikkag byy laii qongqig linw qapp jitt xee soxjai; dnaxx inx dirr dyclyc?

20 Dnaxx guaw ee jruw guaw ee ongg ar, cniaw liw tniax guaw, jrunw guaw soxx qriuu, m tangx hro guaw dywdngw kir suqir Jonatan ee cur, benw did guaw siw dirr hiax."

21 Zedekiah Ongg dyrr bingrling qra Jelemiah qnuaix dirr kuliusow ee ngi, dagg zit dui' juer vniaw ee quex tec jit liap mirvaux hro ix; didqaur sniaa-lai byy mirvaux jiacc suah; anxnix Jelemiah iuguann druar dirr kuliusow ee ngi-lai.

38 Mattan ee qniaw Sefatiah, Pashur ee qniaw Gedaliah, Selemiah ee qniaw Jehukal, Malqiah ee qniaw Pashur, tniax qnir Jelemiah duiww jingwlangg soxx qongw ee ue, qongw,

2 "Qniwnarr druar dirr jitt xee sniaa-lai :ee, beh dui' dyqiamr, dui' qihngx, dui' un'ik laii siw; dogdok cud kir qruix Qaldealangg :ee e did diyc uac, beh kiyh diyc ix ee sniwmia laii uac lehh."

3 Jehovah anxnix qongw, "Jitt xee sniaa quatduanr beh qaux dirr Babylon Ongg qunvingx ee ciuw; ix beh cruw ix."

4 Dui' anxnix, quiwjok qra ongg qongw, "Qriuu liw hro jitt langg siw; in'ui ix duiww sniaa-lai cunx ee vingdingx, qapp jiongww vecsnir qongw jitt hy ee ue, hro inx ee ciuw nngw; jitt xee langg m si qriuu hro vecsnir ving'anx, si hro inx duw diyc jaieh."

5 Zedekiah Ongg qongw, "Knuar ar, ix dirr linw ee ciuxtauu, ongg be e qansiap linw simxmih dairjir."

6 Inx dyrr liac Jelemiah, hed ix dirr *Hapbixlik ee qniaw Malqiah ee jnew; hitt xee jnew dirr kuliusow ee ngi-lai. Inx ing syh jiong' Jelemiah dui .lyc .kir. Jnew-lai byy juiw, jixu tobee. Jelemiah dyrr ham dirr tobee.

7 Dirr ongqiongx lai ee taiwqamr, Kuslangg Ebedmelec, tniax qnir inx jiong' Jelemiah dui lyc jnew; hitt sii ongg jre dirr Benjamin mngkauw.

8 Ebedmelec dyrr cud ongqiongx, duiww ongg qongw,

9 "Guaw ee jruw, guaw ee ongg ar, jiaxee langg kuanxtai sendix Jelemiah :ee, longxx si paniw; u qra ix hed lyc jnew, ix e gy siw dirr hiax; in'ui sniaa-lai byy bixniuu."

10 Ongg dyrr huanhur Kuslangg Ebedmelec qongxx, "Liw dui' jiax duar snax-jap langg, tanr sendix Jelemiah iauxx bue siw, qiur ix cud jnew."

11 Dui' anxnix, Ebedmelec cua hiaxee langg snaqab kir, zip ongqiongx, qaur kowvangg xe, dui' hiax tec puawvor qu snxax, ing syh dui lyc jnew, qaur Jelemiah hiax.

12 Kuslangg Ebemelec qra Jelemiah qongw, "Liw ing jiaxee puawvor qapp qu snxax ju dirr qyc'erkangx, he dirr syh-dingw." Jelemiah dyrr jiauww anxnix qniaa.

13 Anxnix, inx dyrr ing syh vuic Jelemiah cud jnew; Jelemiah iuguann druar dirr kuliusow ee ngi.

14 Zedekiah Ongg crex langg duar sendix Jelemiah zip Jehovah ee cur derr snax xee mngg qaur ix hiax; ongxx dyrr duiww Jelemiah qongw, "Guaw mng liw jit hxang su, liw longxx m tangx unxbat dirr guaw."

15 Jelemiah rinr Zedekiah qongxx, "Guaw narr qra liw qongw, liw qamxx byy beh taii siw guaw mah? Guaw jixdiamw liw, liw byy beh tniax."

16 Zedekiah Ongg amwjni duiww Jelemiah jiuwjua qongxx, "Hitt xee congwjy lanw ee uahmia ee Jehovah si uac :ee, guaw qiw Ix laii jiuwjua, guaw dikkag byy taii liw, iarr m jiong' liw qaux hro jiaxee siauwsniu liw ee sniwmia ee langg ee ciuw."

17 Jelemiah duiww Zedekiah qongw, "Jehovah, banrqunx ee Siongrder, Islael ee Siongrder anxnix qongw: Liw narr cud kir dauhangg Babylon Ongg ee quiwjok, liw ee sniwmia dyrr e uac lehh, jitt xee sniaa vutdir hro huew siyx; liw qapp liw ee juann qrex longxx e uac.

18 Liw narr m cud kir dauhangg Babylon Ongg ee quiwjok, dyrr jitt xee sniaa beh qaux dirr Qaldealangg ee ciuw; inx beh ing huew siyx ix; liw iarr be tuatli inx ee ciuw."

19 Zedekiah Ongg duiww Jelemiah qongw, "Guaw qniax hiaxee dauhangg Qaldea ee Judahlangg, qiax Qaldealangg jiong' guaw qaux dirr inx ee ciuw, inx e lingziok guaw."

20 Jelemiah qongw, "Be lar. Qriuu liw tniax guaw duiww liw soxx qongw Jehovah ee ue, anxnix liw dyrr did diyc lirig, liw ee sniwmia iarr e uac lehh.

21 Liw narr m kingw cud .kir, Jehovah jixsi guaw ee ue dyrr si jex.

22 Knuar ar, Judah ongqiongx soxx cunx ee hurzinlangg beh qongw: Liw diqiw ee ving'iuw saixsy liw, kacc ngiaa liw; liw ee kax log lyc tobee, inx dyrr uat dngw srinx ter .kir.

23 Langg beh jiong' liw jiaxee bow, qapp liw jiaxee qniaw, duar qaur Qaldealangg hiax, liw iarr be e tuatli inx ee ciuw; beh hro Babylon Ongg ee ciuw liac .diyc; liw iarr beh lenlui jitt xee sniaa siurr huew siyx."

24 Zedekiah duiww Jelemiah qongw, "Byc did hro langg jaix jiaxee ue, liw dyrr be siw.

25 Quiwjok narr tniax qnir guaw u qapp liw qongxue, inx dyrr laii cue liw, mng liw qongxx, 'Liw qra ongg qongw simxmih, m tangx duiww guanw unxbat, guanw dyrr byy hro liw siw; ongg duiww liw qongw simxmih, iarr longxx diyhh qra guanw qongw';

26 Liw dyrr diyhh qra inx qongw, 'Guaw dirr ongg ee binrjingg kunxqiuu ix byc did hro guaw qycc zip Jonatan ee cur, laii siw dirr hiax.'"

27 Au .laii jiongww quiwjok laii cue Jelemiah, mng ix; ix dyrr jiauww ongg soxx huanhur itcer ee ue laii rinr inx. Inx dyrr suah, byy qycc qapp ix qongxue; in'ui surjingg byy lorcud.

28 Dui' anxnix, Jelemiah iuguann druar dirr kuliusow ee ngi-lai; didqaur Jelusalem siurr cruw ee zit.

39 Judah Ongg Zedekiah qauw nii Jap-guec, Babylon Ongg Nebuqadnezar cua ix longxjongw ee qunvingx laii uikunr Jelusalem.

2 Zedekiah jap-id nii Sir-guec ceqauw, sniaa dyrr puar.

3 Jelusalem siurr cruw ee sii, Babylon Ongg ee quiwjok Nergal Salezer, Samgar Nebo, taiwqamwtauu Sarseqim, poksurdniuw Nergal Salezer, qapp Babylon Ongg qi'uu itcer ee quiwjok, longxx laii jre dirr diongmngg.

4 Judah Ongg Zedekiah qapp itcer ee jenwsu, knuar qnir inx, dyrr jauw; tauwmii dui' ongg ee hngg ee lo, nng xee sniacniuu diongqanx ee mngg, cud sniaa, ngr Vningiuu jauw .kir.

5 Qaldea ee qunvingx duizib inx, dirr Jeliqo ee vniniugg zib diyc Zedekiah; liac ix, dyrr duar qaur Hamat-de ee Rliblah, Babylon Ongg Nebuqadnezar hiax; ix dyrr simxpnuar ix.

6 Babylon Ongg dirr Rliblah jingg taii Zedekiah jiaxee qniaw, hro ix cinbak knuar .qnir. Babylon Ongg qycc taii Judah itcer junquir ee langg.

7 Iarr qycc iah Zedekiah ee bagjiux, ing ticlen lren ix, beh duar ix qaur Babylon.

8 Qaldealangg ing huew siyx ongqiongx qapp vecsnir ee cur; qycc tiachuiw Jelusalem ee sniacniuu.

9 Hitt sii Siruerdniuw Nebuzaladan jiong' sniaa-lai soxx cunx ee vecsnir, qapp dauhangg quihok ix :ee, ixqip qi'uu soxx cunx ee vecsnir, longxx liac kir Babylon.

10 Siruerdniuw Nebuzaladan dyrr jiong' vecsnir diongx sanr qaur byy vnuar hxang ee langg lauu dirr Judah-de; dngsii iarr hro inx pudyhngg qapp cann.

11 Babylon Ongg Nebuqadnezar lun qaur Jelemiah, dyrr huanhur Siruerdniuw Nebuzaladan, qongw,

12 "Jiong' ix qaudair liw, diyhh hyw kuanxtai ix, m tangx hai ix; ix duiww liw qongw simxmih, liw dyrr jiauww anxnix qra ix juer."

13 Siruerdniuw Nebuzaladan, taiwqamwtauu Nebusazban, poksurdniuw Nergal Salezer, qapp Babylon Ongg jiaxee qnuadniuw,

14 Crex langg cua Jelemiah cud kuliusow ee ngi, qaudair Safan ee sunx, Ahikam ee qniaw Gedaliah, cua ix dyr kir inx daux; dui' anxnix ix dyrr dirr vecsnir ee diongqanx kairkiw.

15 Jelemiah iauxx qnuaix dirr kuliusow ngi-lai ee sii, Jehovah ee ue limqaur ix, qongw,

16 "Liw diyhh kir qra Kuslangg Ebedmelec qongw, banrqunx ee Jehovah, Islael ee Siongrder, anxnix qongw: Knuar ar, Guaw qongw qangr jaieh, byy qangr hokkir ee ue, dikkag qaur jitt xee sniaa; qaur hitt zit beh jniaa dirr liw ee binrjingg.

17 Jehovah qongw: Qaur hitt zit, Guaw beh jinxqiur liw; liw dikkag vutdir qauhur dirr liw soxx qniax hiaxee langg ee ciuw.

18 Guaw dniardiyc beh jinxqiur liw, liw vutdir dyw dirr dyx-xe; liw beh kiyh diyc liw ee sniwmia; in'ui liw uaxkyr Guaw; jex si Jehovah qongw :ee."

40 Jelusalemlangg qapp Judahlangg siurr liac kir Babylon; qidiongx Jelemiah iarr hro Siruerdniuw liac .kir, ing ticlen vak ix; au .laii dui' Rlamah vangr ix kir; zen'au Jehovah ee ue limqaur Jelemiah.

2 Siruerdniuw qiyr Jelemiah laii, qra ix qongw, "Jehovah, liw ee Siongrder bad qongw, beh qangr jitt ee jaieh hro jitt xee soxjai.

3 Dnaxx Jehovah hro ix qaur, jiauww Ix soxx qongw :ee laii qniaa. In'ui linw dikjue Jehovah, byy tniatanr Ix ee ue, soxiw jitt xee dairjir qaur dirr linw.

4 Knuar ar, guaw qinaxzit tauw kuix liw ciuw nirr ee ticlen; liw narr knuar qapp guaw kir Babylon si hyw, dyrr tangx laii kir, guaw beh hyw kuanxtai liw; liw narr knuar qapp guaw kir Babylon m hyw, dyrr byc ing kir. Knuar ar, juann de dirr liw ee binrjingg, liw knuar dyclyc si hyw, si habgii, jueww liw tangx kir."

5 Ix iauxx bue dyr .kir, Siruerdniuw qycc qra ix qongw, "Liw tangx dyr kir Safan ee sunx, Ahikam ee qniaw Gedaliah hiax; henrjai Babylon Ongg setlip ix quanxhad Judah jiaxee sniaa; liw tangx qapp ix kiarkiw dirr vecsnir diongx, iacc si liw soxx knuar juer habgii ee soxjai, dyrr tangx kir." Dui' anxnix, Siruerdniuw sangr ix bixniuu qapp lexmic, hro ix kir.

6 Jelemiah dyrr qaur Mizpah, qnir Ahikam ee qniaw Gedaliah; qapp ix kiarkiw dirr qingxlai cunx ee vecsnir ee diongqanx.

7 Dirr can'iaw itcer ee qundniuw, qapp sriok inx ee langg, tniax qnir Babylon Ongg setlip Ahikam ee qniaw Gedaliah quanxhad jitt soxjai; iarr jiong' byy liac kir Babylon ee davolangg, hurzinlangg, ginxaw, qapp qingxlai qik songwhiongx ee langg longxjongw qaux ix;

8 Inx dyrr laii Mizpah Gedaliah hiax; dyrr si Netaniah ee qniaw Ismael, Kaleah nng xee qniaw Johanan qapp Jonatan, Tanhumet ee qniaw Selaiah, qapp Netofahlangg Efai ee jiongww qniaw, Maakahlangg ee qniaw Jezaniah, qapp sriok inx ee langg.

9 Safan ee sunx, Ahikam ee qniaw Gedaliah duiww inx qapp sriok inx ee langg jiuwjua, qongw, "Byc did qniax hogsai Qaldealangg; jueww linw dirr jiax kiarkiw, hogsai Babylon Ongg, linw dyrr e did diyc hokkir.

10 Lun qaur guaw, guaw beh diamr dirr Mizpah, suhau hiaxee e laii lanw jiax ee Qaldealangg; narr si linw jiaxee, linw diyhh jikju jiuw, hertnix ee quexjiw, qapp iuu, siux dirr kiwqu lai, kiarkiw dirr linw soxx jiamr ee sniaa."

11 Qycc u dirr Moab, qapp Ammon-jok ee diongqanx, dirr Edom, qapp ledqog diongqanx itcer ee Judahlangg, tniax qnir Babylon Ongg u lauu soxx cunx ee Judahlangg, qycc setlip Safan ee sunx, Ahikam ee qniaw Gedaliah quanxhad inx;

12 Jiaxee itcer ee Judahlangg dui' inx hro langg qnuaw .kir ee dagg soxjai dyr .laii, qaur Judah-de ee Mizpah, Gedaliah hiax, suar jikju jerje jiuw qapp hertnix ee quexjiw.

13 Kaleah ee qniaw Johanan, qapp dirr cna'iaw itcer ee qundniuw laii Mizpah qnir Gedaliah, duiww ix qongw,

14 "Ammon-jok ee ongg, Baalis, u crex Netaniah ee qniaw Ismael laii beh cruw liw ee sniwmia, liw jaix mah?" Jongwsirr Ahikam ee qniaw Gedaliah m sinr inx.

15 Kaleah ee qniaw Johanan dirr Mizpah amwjni duiww Gedaliah qongw, "Qriuu liw junw guaw kir, guaw beh taii Netaniah ee qniaw Ismael, dikkag byy langg jaix; qamxx tangx hro ix cruw liw ee sniwmia, drir qaur qui'uaw liw ee Judahlangg siwsnuar, hro Judah soxx cunx ee langg longxx bedbyy ar?"

16 Ahikam ee qniaw Gedaliah qra Kaleah ee qniaw Johanan qongw, "Liw m tangx juer jitt xee su; liw soxx qongw Ismael ee su si byngiaw."

41 Cid-guec qranx, Elisama ee sunx, Netaniah ee qniaw Ismael, (ix si ongcinx, iarr si ongg ee dairsinn,) cua jap langg laii Mizpah, qnir Ahikam ee qniaw Gedaliah; inx dirr Mizpah snaqab jiac.

2 Netaniah ee qniaw Ismael, ixqip qapp ix laii ee hitt jap langg kiw .laii, ing dyx taii siw Safan ee sunx, Ahikam ee qniaw Gedaliah, dyrr si Babylon Ongg soxx lip laii quanxhad jitt xee de :ee.

3 Ismael qycc taii siw dirr Mizpah qui'uaw Gedaliah longxjongw ee Judahlangg; ixqip dirr hiax soxx duw diyc Qaldea ee qunvingx.

4 Ix taii siw Gedaliah liauxau, derr zi zit iauxx byy langg jaix;

5 Hitt diap u veh-jap langg dui' Seqem, dui' Siloh, dui' Samalia laii; tir cuiwciux, tiah lic snxax, qaqi quah sinkux, ciuw tec lexmic qapp zuxhniux, beh duar ix qaur Jehovah ee cur.

6 Netaniah ee qniaw Ismael dui' Mizpah cud laii gniajih inx; naxx qniaa naxx kaur; qaur duw diyc inx, dyrr qra inx qongw, "Linw laii kir qnir Ahikam ee qniaw Gedaliah."

7 Inx qaur sniaa-diongx, Netaniah ee qniaw Ismael, qapp duer ix ee langg, dyrr taii siw inx, hed inx dirr dax jnew.

8 Inx diongqanx u jap langg duiww Ismael qongw, "Byc did taii siw guanw; in'ui guanw u jerje siyxbec, duarbec, iuu, bit, kngr dirr cann nirr." Ix dyrr tingciuw, byy taii inx dirr inx ee hniadi diongx.

9 Ismael taii jiaxee langg, uaw qin Gedaliah hiax, jiong' inx ee sinsix hed dirr jnew nirr; jitt xee jnew si jiongjingg Asa Ongg in'ui qniax Islael Ongg Baasa ee enqor soxx kuix :ee. Netaniah ee qniaw Ismael jiong' soxx taii ee sinsix tun muaw ix.

10 Ismael liac Mizpah soxx cunx ee vecsnir, dyrr si ongg ee jiongww jaboxqniaw, ixqip iauxx druar dirr Mizpah ee vecsnir, dyrr si siruerdniuw Nebuzaladan soxx qaudair Ahikam ee qniaw Gedaliah :ee. Netaniah ee qniaw Ismael liac ix kir, beh quer kir Ammon-jok hiax.

11 Kaleah ee qniaw Johanan, ixqip qapp ix dilehh ee jiongww qundniuw, tniax qnir Netaniah ee qniaw Ismael soxx qniaa itcer ee paniw,

12 Dyrr cua jingwlangg jinwjingg kir, beh qapp Netaniah ee qniaw Ismael qaujenr; inx dirr Gibeon ee duarjuiw vnix cue diyc ix.

13 Ismael soxx duar .kir hiaxee vecsnir knuar qnir Kaleah ee qniaw Johanan, ixqip qapp ix laii ee jiongww qundniuw, dyrr longxx hnuahiw.

14 Dui' anxnix Ismael dui' Mizpah soxx liac .kir ee jiongww vecsnir longxx uat dngw laii qruix Kaleah ee qniaw Johanan.

15 Netaniah ee qniaw Ismael, qapp veh xee langg tuatli Johanan ee ciuw, jauw kir Ammon-jok hiax.

16 Au .laii Kaleah ee qniaw Johanan, qapp duer ix ee jiongww qundniuw dyrr jiauwqor soxx cunx ee vecsnir, dyrr si Netaniah ee qniaw Ismael pah siw Ahikam ee qniaw Gedaliah ixau, dui' Mizpah soxx duar .kir ee davolangg, iongxsu, hurluw, ginxaw, taiwqamr, qycc si ix dui' Gibeon duar .laii .ee.

17 Inx dyrr kixsinx qaur Betlehem vnix:a Qimham ee kecdiamr tinghiyh, sniu beh kir Egipt.

18 Jex si in'ui Qaldealangg ee enqor; in'ui Netaniah ee qniaw Ismael u taii siw Ahikam ee qniaw Gedaliah, dyrr si Babylon Ongg soxx lip laii quanxhad jitt xee toxde :ee, soxiw inx qniax.

42 Jiongww qundniuw qapp Kaleah ee qniaw Johanan, qapp Hesaiah ee qniaw Azaliah, ixqip jiongww vecsnir, dui' ser qaur dua, longxx jinwjingg laii.

2 Duiww sendix Jelemiah qongw, "Qriuu liw jrunw guanw dirr liw ee binrjingg soxx qriuu :ee, ter guanw jiaxee cunx ee langg qidyw Jehovah, liw ee Siongrder; guanw vunxzenn jin' je, dnaxx soxx cunx :ee jin' jiyw, jex si liw cinbak knuar .qnir .ee.

3 Guan Jehovah, liw ee Siongrder jixsi guanw soxx diyhh qniaa ee lo, soxx diyhh juer ee su."

4 Sendix Jelemiah qra inx qongw, "Guaw ixqing’ tniax .qnir; hyw, guaw beh jiauww linw ee ue, qidyw Jehovah, linw ee Siongrder; bylun Jehovah rinr linw simxmih, guaw dikkag longxx beh qra linw qongw, byy duiww linw kngr bat jit qxur."

5 Dui' anxnix, inx qra Jelemiah qongw, "Guanw narr byy jiauww Jehovah, liw ee Siongrder crex liw laii qongw itcer ee ue kir qniaa, dyrr guan Jehovah dirr liw guanw ee diongqanx juer jinsit diongsinr ee qanjingr.

6 Guanw jitt sii cniaw liw qaur Jehovah, guanw ee Siongrder ee binrjingg; Ix soxx qongw :ee, bylun si hyw si pnaiw, guanw longxx beh tniatanr Ix ee ue; guanw tniatanr Jehovah, guanw ee Siongrder ee ue, dyrr tangx did diyc hingtongx."

7 Quer jap zit, u Jehovah ee ue limqaur Jelemiah.

8 Ix dyrr jiong' Kaleah ee qniaw Johanan, ixqip qapp ix snaqab dilehh ee jiongww qundniuw, qapp jiongww vecsnir, dui' ser qaur dua, longxx qiyr inx laii;

9 Duiww inx qongw, "Jehovah, Islael ee Siongrder, dyrr si linw crex guaw qaur Ix ee binrjingg laii henr linw soxx qriuu :ee,

10 Ix anxnix qongw, 'Linw narr iuguann beh diamr dirr jitt soxjai, Guaw dyrr beh qenwjy linw, byy huixhuai linw; beh jaivuee linw, byy vuic cud linw; in'ui Guaw u tewhuew Guaw soxx qangr hro linw ee jaieh.

11 Byc did qniax linw soxx qniax ee Babylon Ongg.'" Jehovah qongw, "Byc did qniax ix; in'ui Guaw qapp linw dilehh, beh jinxqiur linw, hro linw tuatli ix ee ciuw.

12 Guaw beh linbinw linw, hro inx iarr linbinw linw; hro linw dyr laii vunxsoxjai.

13 Setsuw linw qongw, 'Guanw m diamr jitt soxjai', anxnix dyrr si linw m tniatanr Jehovah, linw ee Siongrder ee ue.

14 Narr qongw, 'M ar, guanw beh zip kir Egipt-de; dirr hiax byy knuar qnir qaujenr, byy tniax qnir sauwqag ee sniax, iarr vutdir byy tangx jiac laii iaugy; guanw beh druar hiax kiarkiw.'

15 Dnaxx linw Judah soxx cunx ee vecsnir ar, diyhh tniax Jehovah, Islael ee Siongrder anxnix qongw, 'Linw narr qingwzenn gnipni beh kir Egipt, druar hiax qiawkax,

16 Dyrr linw soxx qniax ee dyqiamr beh dirr dirr Egipt-de zib diyc linw; qycc linw soxx qniax ee qihngx, beh dirr Egipt-de qra linw duer diauu diauu; linw beh siw dirr hiax.

17 Qniwnarr gnipni beh kir Egipt, qiawkax dirr hiax ee langg, longxx beh anxnix; inx beh dui' dyqiamr, dui' qihngx, dui' un'ik laii siw; qidiongx byy jit xee lauu lehh, iarr byy jit xee tuatli Guaw soxx qangr hro inx ee jaieh.'

18 In'ui banrqunx ee Jehovah, Islael ee Siongrder anxnix qongw, 'Guaw u jnaixngiu jiong' Guaw ee siurkir qapp dua siurkir vniar dirr Jelusalem kiarkiw ee vecsnir; linw kir Egipt ee sii, Guaw iarr beh jiauww anxnix jiong' Guaw ee dua siurkir vniar dirr linw ee sinjniu; hro linw jniaa juer tangx jiuwjow, tangx gonggniac, tangx luexme, tangx lingziok; linw iarr byy qycc knuar qnir jitt xee soxjai.'

19 Linw Judah soxx cunx ee vecsnir ar, Jehovah lun qaur linw u qongw, 'Byc did kir Egipt'; linw diyhh kaksit jaix, guaw qinaxzit u jingwbingg kuanwqair linw lar.

20 Linw qniaa cabiu lenlui qaqi; in'ui linw crex guaw qaur Jehovah, linw ee Siongrder hiax, qongw, 'Qriuu liw ter guanw qidyw Jehovah, lanw ee Siongrder; jiauww Jehovah, lanw ee Siongrder itcer soxx qongw :ee qra guanw qongw; guanw beh qniaa ix.'

21 Guanw qinaxzit u qra linw qongw lar; danrsi linw ee Siongrder Jehovah ee sniax, qapp Ix crex guaw itcer jixsi linw :ee, linw longxx byy juntanr.

22 Dnaxx linw diyhh kaksit jaix, linw dirr soxx beh kir qiawkax ee de, beh dui' dyqiamr, dui' qihngx, dui' un'ik laii siw."

43 Jelemiah duiww jiongww vecsnir qongw bingvik Jehovah, inx ee Siongrder itcer ee ue, dyrr si Jehovah, inx ee Siongrder crex ix soxx qongw itcer ee ue.

2 Hosaiah ee qniaw Azaliah, qapp Kaleah ee qniaw Johanan, qapp itcer qiaugno ee langg, dyrr duiww Jelemiah qongw, "Liw qongw byngiaxue, Jehovah, lanw ee Siongrder vingrr byy crex liw laii qongw, 'Linw m tangx kir Egipt, laii qiawkax dirr hiax';

3 Jex si Neliah ee qniaw Baluc qiausyx liw hai guanw, beh jiong' guanw qaux dirr Qaldealangg ee ciuw, hro inx taii siw guanw, iacc si liac guanw qaur Babylon."

4 Dui' anxnix, Kaleah ee qniaw Johanan, qapp itcer qundniuw qapp jiongww vecsnir, m tniatanr Jehovah ee ue, laii diamr dirr Judah-de.

5 Kaleah ee qniaw Johanan, qapp itcer ee qundniuw, dyrr jiong' cunx ee Judahlangg, dyrr si dui' inx siurr qnuaw .kir hiaxee qog dyr .laii, beh qiawkax dirr Judah-de :ee,

6 Vutlun davolangg, hurzinlangg, ginxaw, qapp ongg hiaxee jaboxqniaw, qapp siruerdniuw Nebuzaladan soxx lauu laii qaudair Safan ee sunx, Ahikam ee qniaw, Gedaliah ee jingwlangg, qapp sendix Jelemiah, ixqip Neliah ee qniaw Baluc, longxx duar kir Egipt-de, qaur Tahpanhes.

7 Jex si in'ui inx m tniatanr Jehovah ee ue.

8 Dirr Tahpanhes, Jehovah ee ue limqaur Jelemiah, qongw,

9 "Liw diyhh ing ciuw tec qui' der dua liap jiyc, dirr Judahlangg ee binrjingg, kngr dirr tiap jxngx ee hetoo lai, dyrr si dirr Tahfanhes Falaoh ee ongqiongmngg hiax; qra inx qongw,

10 'Banrqunx ee Jehovah, Islael ee Siongrder anxnix qongw: Knuar ar, Guaw beh andir ix ee vyxjy, ix beh dirr hitt jiyc-dingw dah suiw ee vowvnii.

11 Ix beh laii qongqig Egipt-de, ingqaix siw :ee dyrr siw, ingqaix liac :ee dyrr siurr liac, ingqaix hro dyx taii :ee dyrr hro dyx taii.

12 Guaw iarr beh kiw huew dirr Egipt hiaxee sinbingg ee biy; ix beh siyx ix, liac inx kir; ix beh did diyc Egipt-de cincniu bogjiaw cing ix ee snxax, dui' hiax anzenn cud .kir.

13 Ix dikkag paccuir Egipt-de *Viksirbik diaukig ee tiau, ing huew siyx Egipt jiaxee sinbingg ee biy.'"

44 U ue limqaur Jelemiah, lun qaur itcer kiarkiw dirr Egipt-de ee Judahlangg; dyrr si kiarkiw dirr Migdol, Tahpanhes, Nof, Patlo qingxlai ee Judahlangg, qongw,

2 "Banrqunx ee Jehovah, Islael ee Siongrder anxnix qongw: Guaw soxx qangr lyc dirr Jelusalem, qapp Judah jiaxee sniaa itcer ee jaieh, linw longxx knuar .qnir. Knuar ar, dnaxx inx longxx pahngx, byy langg kiarkiw.

3 Jex si in'ui inx soxx qniaa ee pnaiw, inx kir siyx hniux hogsai vadd xee siongrder, dyrr si inx qapp linw ixqip linw ee ledjow soxx m bad :ee; anxnix ziaw Guaw ee siurkir.

4 Jongwsirr Guaw bad crex Guaw ee jiongww lovok sendix jiurqin linw; si jaw jaw kiw laii crex ix, qongw, cetced guan linw m tangx qniaa jitt xee kyxngor, Guaw soxx uanwhun ee su.

5 Dogdok inx byy tniax, iarr byy ngar hnirkangx, byy uat dngw lirkuix inx ee pnaiw; iuguann siyx hniux dirr vadd hy ee siongrder.

6 In'ui anxnix, Guaw ee dua siurkir qapp Guaw ee siurkir vniar cud dirr Judah jiaxee sniaa, qapp Jelusalem ee queci, cincniu huew dyc .kiw .laii; drir qaur inx pahngx lingxjing; cincniu qinaxzit anxnix.

7 Dnaxx Jehovah, banrqunx ee Siongrder, Islael ee Siongrder, anxnix qongw: Linw sniaw su qniaa jitt xee dua pnaiw, hai linw qaqi; hro linw ee davolangg, hurzinlangg, ginxaw, qapp jiac nix ee ngex-aw, longxx dui' Judah diongx qra linw druu .kir, byy lauu jit xee? Si in'ui linw ing linw ee ciuw soxx juer :ee qig Guaw ee siurkir;

8 Dirr soxx kir qiawkax ee Egipt-de, siyx hniux dirr vadd hy ee siongrder, drir qaur linw duw diyc jaubet, dirr tnie banrqog diongx, jniaa juer tangx jiuwjow, tangx lingziok :ee.

9 Liw ee ledjow ee pnaiw, Judah led'ongg ee pnaiw, linw qaqi ee pnaiw, linw ee bow ee pnaiw, dyrr si dirr Judah-de, Jelusalem queci soxx qniaa :ee, linw be qir did mah?

10 Inx qaur dnaxx iauxx byy qaqi kiamvix, byy qniahniaa, byy juntanr Guaw dirr linw ee binrjingg, qapp linw ee ledjow ee binrjingg soxx sed :ee Guaw ee huatdo, Guaw ee ludle.

11 Soxiw banrqunx ee Jehovah, Islael ee Siongrder anxnix qongw: Knuar ar, Guaw beh ngr linw vniwbin, qangr jaieh; drir qaur jaubet Judah ee jingwlangg.

12 Judah soxx cunx ee vecsnir, gnirpni kir Egipt-de, beh dirr hiax qiawkax :ee, Guaw beh cruw laii bet inx; inx beh dyw dirr Egipt-de, inx beh dui' dyqiamr, dui' qihngx, laii bedbyy, dui' ser qaur dua, longxx beh dui' dyqiamr, dui' qihngx, laii siw; inx beh jniaa juer tangx juwjow, tangx gonggniac, tangx luexme, tangx lingziok :ee.

13 In'ui Guaw beh ing dyqiamr, ing qihngx, ing un'ik, hinghuat kiarkiw dirr Egipt-de :ee; cincnciu Guaw ixqing’ hinghuat Jelusalem jidngiu;

14 Hro hiaxee kir Egipt-de, hitt quaw cunx :ee ee Judahlangg, longxx berdid tuatli; iacc si uac lehh, danrsi be tangx dyr laii Judah-de, dyrr si inx ee simx jin' himbo dyr laii kiarkiw ee soxjai; in'ui did diyc tuatli :ee jit~nng xee ixgua, byy jit xee tangx dyr .laii."

15 Hiaxee druar dirr Egipt-de Patlo ee langg, qniwnarr jaix inx ee bow bad duiww vadd xee siongrder siyx hniux :ee, qapp dirr vnitauu decc kia ee jiongww hurzinn snaqab jurjip qui' dua din, rinr Jelemiah qongxx,

16 "Liw hrong Jehovah ee miaa duiww guanw ee cuir soxx qongw ee ue, guanw m tniax liw.

17 Guanw quatduanr beh jniaa guaw ee cuir soxx qongw itcer ee ue, ngr Tenho siyx hniux, quanwden, jiauww guanw qapp guanw ee ledjow, dirr Judah jiaxee sniaa, qapp Jelusalem ee queci, vingsor soxx qniaa :ee jidngiu; in'ui hitt sii guanw ee sidbut ciongjiog, hiongxsiu ving'anx; vingrr byy knuar qnir jaieh.

18 Jongwsirr dui' guanw tingjiw byy siyx hniux, byy quanwden dirr Tenho, guanw huanxdngw kiamwkueh itcer; qycc dui' dyqiamr, dui' qihngx laii bedbyy.

19 Guanw duiww Tenho siyx hniux quanwden ee sii, guanw juer pnaiw laii hogsai ix, duiww ix quanwden, guanw diongrhux qamxx byy hxun mah?"

20 Jelemiah dyrr rinr hiaxee vecsnir, dyrr si duiww hiaxee davox, hurzinn, ing jitt xee ue rinr ix ee vecsnir, qongw,

21 "Linw qapp linw ee ledjow, linw ee qun'ongg, linw ee quiwjok, qapp qog-lai ee vecsnir, dirr Judah jiaxee sniaa, qapp Jelusalem queci soxx siyx ee hniux, Jehovah qamxx byy qir did inx, simlai qamxx byy sniu mah?

22 Jehovah in'ui linw soxx juer ee pnaiw, soxx qniaa kyxngor ee su, be qycc lunw .did; soxiw linw ee de pahngx, jniaa juer tangx gonggniac, tangx jiuwjow, byy langg kiarkiw, cincniu qinaxzit jitt kuanw.

23 In'ui linw siyx hniux, iarr in'ui linw dikjue Jehovah, iarr byy tniax Jehovah ee ue, byy tranr Ix ee ludhuad, Ix ee diaule, Ix ee qanjingr ee ue, soxiw linw duw diyc jitt xee jaieh, cincniu qinaxzit jitt kuanw."

24 Jelemiah qycc duiww jiongww vecsnir qapp jiongww hurzinlangg qongw, "Linw dirr Egipt-de itcer ee Judahlangg, diyhh tniax Jehovah ee ue.

25 Banrqunx ee Jehovah, Islael ee Siongrder anxnix qongw: Linw qapp linw ee bow bad ing cuir qongw, ing ciuw jniaa ix, qongw, 'Guanw soxx he ee guan, quatduanr beh qniaa ix, dyrr si beh duiww Tenho siyx hniux, iarr beh duiww ix quanwden.' Dnaxx jueww liw qenqor liw ee guan, laii qniaa liw ee guan.

26 Soxiw linw druar Egipt-de itcer ee Judahlangg, diyhh tniax Jehovah ee ue. Jehovah qongw: Knuar ar, Guaw qiw Guaw ee duarmiaa laii jiuwjua, dirr Egipt juann de, Guaw ee miaa byy qycc hro Judah-jok jit langg ee cuir soxx cinghox, qongw, 'Jruw Jehovah si ingxuac.'

27 Knuar ar, Guaw beh diwir dirr inx, beh qangr jaieh, byy qangr hokkir, dirr Egipt-de itcer ee Judahlangg beh dui' dyqiamr, dui' qihngx laii bedbyy, qaur longxx liauw.

28 Tuatli dyqiamr, beh dui' Egipt-de dyr laii Judah-de :ee, inx ee langgiac jin' jiyw; hiaxee soxx cunx ee Judahlangg kir Egipt-de, beh dirr hiax qiawkax :ee, beh jaix jirjui ee ue did diyc ingwgiam, si Guaw ee iacc si inx ee.

29 Jehovah qongw: Guaw dirr jitt xee soxjai beh hinghuat linw, beh u jitt xee diaurtauu, hro linw jaix Guaw soxx qongw qangr jaieh hro linw hiaxee ue dikkag ingwgiam.

30 Jehovah anxnix qongw: Knuar ar, Guaw beh jiong' Egipt Ongg Falaoh Hofla qaux dirr ix ee duiwdik ee ciuw, qapp siauwsniu ix ee sniwmia ee langg ee ciuw; cincniu Guaw u jiong' Judah ongg Zedekiah qaux dirr ix ee duiwdik, dyrr si siauwsniu ix ee sniwmia ee Babylon Ongg Nebuqadnezar ee ciuw."

45 Judah Ongg Josiah ee qniaw Jehoiakim sir nii, Neliah ee qniaw Baluc jiong' sendix Jelemiah soxx tuann hiaxee ue qir dirr ceh nirr.

2 Hitt sii Jelemiah duiww ix qongw, "Baluc ar, Jehovah, Islael ee Siongrder lun qaur liw u anxnix qongw:

3 Liw bad qongw, 'Guaw u jaieh ar; Jehovah dirr guaw tongwkow ee dingxbin qetnix iuciuu; guaw toxkuir qaur iawsen, be did diyc ving'anx.'

4 Dnaxx liw diyhh anxnix qra ix qongw, Jehovah anxnix qongw: Knuar ar, Guaw soxx qenwlip :ee, Guaw beh tiachuiw, Guaw soxx jaijingr :ee, Guaw beh vuic .kiw .laii; juann de longxx anxnix.

5 Liw uirr qaqi doboo dua dairjir mah? Byc did doboo. Knuar ar, in'ui Guaw beh hro jaieh qangr lyc dirr qniww u hetkir :ee. Jongwsirr liw bylun kir dyclyc, Guaw beh hro liw kiyh diyc qaqi ee sniwmia; jex si Jehovah qongw :ee."

46 Jehovah ee ue limqaur sendix Jelemiah, lun kiw ledqog ee su.

2 Lun Egipt, si lun Egipt Ongg Falaoh Neko ee qunvingx, jrad ngiaa dirr Viklat Hyy-vnix ee Karqemis, dng' Judah Ongg Josiah ee qniaw Jehoiakim sir nii, hro Babylon Ongg Nebuqadnezar soxx pacvai :ee.

3 Linw diyhh virvan duarsiyw ee dinvaii kir qaujenr.

4 Linw diyhh tyr bew, kiaa bew, dir kuex kia .kiw .laii; buaa cniux, cing jenwqah.

5 Guaw sniaw su knuar qnir anxnix? Inx qniahniaa tewau; inx ee iongxsu taii sux, qinw qinw jauw, byy uat tauu; siwjiuuii u qniahniaa; jex si Jehovah qongw :ee.

6 Gauu jauw :ee jauw be li, iongxsu be e tuatli; dirr vakhngx, Viklat Hyy-vnix, inx longxx diyhdag vuahdyw.

7 Jitt xee cincniu Nilo Hyy diongxmuaw, cincniu qanghyy ee juiw giaa ingw :ee, si jirjui ar?

8 Egipt cincniu Nilo Hyy diongwmuaw, ix ee juiw cincniu qanghyy giaa ingw :ee; ix ee ue qongw: Guaw beh cringr quann, guaw beh ziakamr venww de; guaw beh huixhuai sniaa qapp qidiongx kiarkiw ee vecsnir.

9 Bew diyhh qinw jniur .laii; ciax diyhh cud .laii; Kus qapp Hut ee langg longxx giaa dinvaii; Lydia ee langg gauu kuix qringx.

10 In'ui hitt zit si Jruw, banrqunx ee Jehovah ee zit, vywsiuu ee zit, tangx duiww Ix ee duiwdik vywsiuu; dyqiamr beh tunjiac qaur vaw, limx huih qaur juir; in'ui Jruw, banrqunx ee Jehovah, dirr vakhngx Viklat Hyy-vnix u henwjer ee su.

11 Egipt ee vecsnir ar, diyhh jnriu .kir Gilead, laii cruw zuxhniux; liw ing jerje iyc si kangx kangx; liw be did diyc rix hyw.

12 Ledvangx tniax qnir liw ee lingziok; venww de longxx si liw aikaur ee sniax; in'ui iongxsu qapp iongxsu sna' kap, juer jit xe vuahdyw.

13 Jehovah duiww sendix Jelemiah soxx qongw ee ue, lun qaur Babylon Ongg Nebuqadnezar beh qaur, laii qongqig Egipt-de.

14 Linw diyhh dirr Egipt vywiongg, dirr Migdol suanvor, dirr Nof qapp Tahpanhes suanvor, qongw: Diyhh vaidui, qaqi virvan, in'ui dyqiamr dirr liw ee siwuii decc tunbet.

15 Liw ee dua lat :ee jnaixngiu vuahdyw? Inx kia be jai, in'ui Jehovah qnuaw inx.

16 Ix hro jerje langg vuahdyw; dairqex dyw sna' tac; inx dyrr qongw: Kiw .laii, lanw dyr laii kir vunxjok, qaur lanw vunxsoxjai, laii siamxvi apjer lanw ee dyqiamr.

17 Inx dirr hiax qiyr qongxx: Egipt Ongg Falaoh vutqyr si jit xee sniax, ix u pacsngr ix ee qihue.

18 Dua qun'ongg, Ix ee miaa si banrqunx ee Jehovah, qongw: Guaw qiw Guaw ee uahmia laii jiuwjua, ix beh laii cincniu snuax-diongx ee Tabor, cincniu haiw-vnix ee Karmel.

19 Kiarkiw dirr Egipt ee vecsnir ar, liw diyhh virvan siurr liac ingwiong ee mihqnia, in'ui Nof beh pahngx siyhuiw, byy langg kiarkiw.

20 Egipt si suiw ee gujingw-aw, dogdok dui' vakhngx cud ee huixbet laii lar, laii lar.

21 Qidiongx qowcniar ee vxingx, cincniu diauu-lai vuii ee guu-aw, inx uat dngw srinx juer jit xe jauw, kia be diauu; in'ui inx duw diyc huanrlan ee zit, siurr hinghuat ee sii ixqing’ qaur lar.

22 Ix ee sniax cincniu juaa, decc qniaa; duiwdik beh qui' din laii, inx beh giac voxtauu laii qongqig ix, cincniu cyr ciu ee langg jidngiu.

23 Jehovah qongw: Ix ee ciurnaa suizenn jin' bat, inx iarr beh cyr ix; in'ui inx viw cauxmeh kacc je, be e sngr .did.

24 Egipt ee vecsnir beh qenwsiaur, beh qaux dirr vakhngx ee vecsnir ee ciuw.

25 Banrqunx ee Jehovah, Islael ee Siongrder, qongw, "Knuar ar, Guaw beh hinghuat sriok dirr No ee Amon, qapp Falaoh, qapp Egipt, qapp ix ee sinbingg, qapp ix ee qun'ongg; iarr beh hinghuat Falaoh, ixqip uaxkyr ix ee langg.

26 Guaw beh jiong' inx qaux dirr siauwsniu inx ee sniwmia ee langg ee ciuw, qapp Babylon Ongg Nebuqadnezar ee ciuw, qapp ix ee zinsinn ee ciuw; ixau Egipt dikkag qycc u langg kiarkiw, qapp jaxjingg jidngiu; jex si Jehovah qongw :ee."

27 Guaw ee lovok Jakob ar, liw byc did qniax; Islael ar, byc did qniahniaa; knuar ar, Guaw beh dui' hng hng ee soxjai jinxqiur liw; dui' siurr liac .kir ee de jinxqiur liw ee horer, Jakob beh dyr .laii, did diyc anjing, ving'anx, byy langg hro ix qniahniaa.

28 Guaw ee lovok Jakob ar, byc did qniahniaa, in'ui Guaw qapp liw dilehh; iarr beh jiong' Guaw soxx qnuaw liw qaur hiaxee qog itjin jaubet; jongwsirr byy itjin jaubet liw; beh jiauww soxx habgii :ee jikvi liw, duanwduanr be e byy hinghuat liw; jex si Jehovah qongw :ee.

47 Falaoh qongqig Gaza ee dairsingx, u Jehovah lun Filistlangg ee ue limqaur sendix Jelemiah.

2 Jehovah anxnix qongw: Knuar ar, u juiw dui' vakhngx cringr .kiw .laii, jniaa juer diongwmuaw ee hyy, beh diongwmuaw jitt xee de, qapp qidiongx soxu :ee, qapp sniaa qapp qidiongx soxx kiarkiw :ee; langg beh auqiyr, qingxlai kiarkiw ee vecsnir beh tikaur.

3 Uirdiyhh duiwdik iongw ee bew, ix ee de kogkok hauw ee sniax, iarr uirdiyhh ix hiaxee jenwciax qinw qinw jauw, ix ee cialunn hurhu hauw, dyrr jiaxee juer laurve :ee ciuw nngw, byy uat tauu knuar ix ee qniaw.

4 In'ui sizit qaur lar, beh huixbet itcer ee Filistlangg, beh dui' Tyle Sidon jenxduu soxx cunx vangjan inx :ee; in'ui Jehovah beh huixbet Filistlangg, Kleta haixsu soxx cunx ee vecsnir.

5 Gaza ixqing’ byy vnuar qix taumngg; Askelon qruix dirr byy; snuaqog soxx cunx :ee, liw qaqi quah bah, beh qaur zuarr quw ar?

6 Jehovah ee dyqiamr ar, liw beh qaur dirsii jiacc suah? Diyhh qiux zip liw ee dysiur, anjing byy dinxdang.

7 Jehovah ixqing’ bingrling liw qongqig Askelon, qongqig haiw-vnix ee de; Ix ixqing’ pair liw dniardiyc, liw taixtyw e tingjiw ar?

48 Lun Moab, banrqunx ee Jehovah, Islael ee Siongrder anxnix qongw: Nebo u jaieh ar, in'ui siurr huixhuai. Kiliataim duw diyc qenwsiaur, siurr cruw; siurr vairhuai.

2 Moab byy qycc siurr ylyw, u langg dirr Hesbon sed qewboo beh hai ix; qongw: Laii ar, lanw qra ix jenxduu, hro ix byy qycc jniaa juer qog. Madmen ar, liw iarr diyhh jing jing, byc juer sniax; dyqiamr beh duiqnuaw liw.

3 Dui' Holonaim u auqiyr ee sniax, u cniuxqiab qapp dua ee huixbet.

4 Moab duw diyc huixbet, ix ee ginxaw hauw ee sniax hro langg tniax .qnir.

5 In'ui langg vreh jnriu Luhit ee snuapniaa, naxx qniaa naxx kaur; lyc Holonaim ee snuapniaa, tniax qnir huixbet aikaur ee sniax.

6 Linw diyhh dyjauw, qaqi qiur sniwmia; cincniu kongwiaw ee dorsiongg.

7 Liw in'ui uaxkyr qaqi ee soxx juer qapp qaqi ee jaivyw, iarr beh siurr liac. Qemos qapp sriok ix ee jewsix quiwjok, iarr beh juer jit xe siurr cen'ii.

8 Qniaa huixbet :ee, beh qaur dagg xee sniaa; byy jit xee sniaa e benw .did; snuaqog beh drir qaur vairlyc, vningiuu beh siurr huixhuai, jiauww Jehovah soxx qongw :ee.

9 Diyhh ing sxit hro Moab, hro ix vuex jauw; ix jiaxee sniaa beh drir qaur pahngx, byy langg kiarkiw.

10 C.-cinwcaiw-c. juer Jehovah ee qangx :ee, diyhh siurr jiuwjow; qimwjiw ix ee dyx bag diyc huih :ee, diyhh siurr jiuwjow.

11 Moab dui' siauwlenn ixlaii, siongsiongg hiongxsiu ving'anx; cincniu jercingx ee juiw, byy dui' jitt xee kiwqu vniar dirr vadd xee kiwqu; iarr m bad siurr liac; in'ui anxnix ix ee guanbi iauxx dilehh, kiwbi be venr.

12 Jehovah qongw: Knuar ar, zidjiw beh qaur, Guaw beh crex vniar jiuw :ee kir ix hiax, qra ix vniar .cud .laii; vniar kangx ix ee kiwqu, pah puar ix ee jiuxangr.

13 Moab beh uirdiyhh Qemos laii qenwsiaur, cincniu Islael-qrex uirdiyhh inx soxx uaxkyr ee Betel laii qenwsiaur jidngiu.

14 Liw jnaixngiu qongw: Guanw si iongxsu, si u lat tangx qaujenr ee langg?

15 Moab vnir juer pahngx, duiwdik jnriu .kir, zip ix hiaxee sniaa; soxx qingxsuanw ee siauwlenlangg lyc kir duw diyc taii siw; jex si Qun'ongg, miaa juer banrqunx ee Jehovah qongw :ee.

16 Moab ee jaieh qin lar, ix ee huanrlan qinw qinw qaur.

17 Qniwnarr dirr ix ee jiu'uii, bad ix ee miaa :ee, linw longxx diyhh uirr ix visiongx, qongw: Hitt xee iongw ee tuii, suiw ee qnuaiw-aw, tacc e jric qaur anxnix?

18 Druar dirr Dibon ee vecsnir ar, diyhh dui' liw ingqngx ee xui lyc .laii, jre dirr dasyr ee de; in'ui huixbet Moab :ee jnriu laii qongqig liw, huixhuai liw hiaxee uersow.

19 Druar dirr Aloer :ee ar, diyhh kia dirr lo-vnix quankuanr, mng dyjauw ee davolangg, qapp tuatli ee hurzinlangg, qongw: Si simxmih dairjir ar?

20 Moab in'ui huixhuai laii qenwsiaur, linw diyhh tikaur auqiyr; diyhh dirr Arnon vywqyr, qongw: Moab vnir juer pahngx.

21 "Hinghuat ixqing’ qaur dirr vningiuu ee de, dirr Holon, dirr Jahzah, dirr Mefat;

22 Dirr Dibon, dirr Nebo, dirr Bet Diblataim;

23 Dirr Kiliataim, dirr Betgamul, dirr Betmeon;

24 Dirr Keliot, dirr Bozlah, qapp Moab-de hurqin soxu ee sniaa.

25 Moab ee qag cyr dng lar, ix ee ciuxqud ad jric lar; jex si Jehovah qongw :ee.

26 Linw diyhh hro Moab jiuxjuir; in'ui ix jurqyx, vuergik Jehovah; ix beh dirr ix soxx tror ee diongqanx qy laii qy kir, qycc beh hro langg tixciyr.

27 Islael qamxx m bad hro liw tixciyr mah? Ix qamxx si dirr cat ee diongqanx hro langg craa cud mah? In'ui liw dagg vaiw qongw kiw ix ee sii, dyrr iyy tauu vnua hni.

28 Kiarkiw dirr Moab :ee ar, linw diyhh lirkuix jiaxee sniaa, kiarkiw dirr jiyhvnuaa; cincniu qajuix jyh siu dirr kangkauw vnix.

29 Guanw u tniax qnir Moab ee qiaugno, ix ee qiaugno qaur qik; ix ee jurqyx, ix ee qiaugno, ix ee buxban, junsimx qaqi liac juer dua."

30 Jehovah qongw, "Guaw jaix ix ee siurkir, qapp ix kangx kangx ee kuakauw, soxx qniaa si kangx kangx.

31 In'ui anxnix, guaw beh uirdiyhh Moab juann de ee auqiyr; inx beh uirdiyhh Kir Heles ee langg toxkuir.

32 Sibmah ee pudyciu ar, guaw uirdiyhh liw tikaur, viw Jazerlangg ee tikaur kacc siongdiong; liw ee qix tnuar quer haiw, diddit crunx qaur Jazer ee haiw; hitt xee qniaa huixbet :ee ixqing’ limqaur liw, beh siusingg ee quexjiw, qapp liw ee pudyy.

33 Vuii ee cann qapp Moab-de, ix ee hnuahiw kuaiwlok longxx byy .kir. Guaw hro jiuxkud ee jiuw byy .kir; byy langg dac jiuw, cud hnuahiw ee sniax.

34 In'ui Hesbon aisiongx ee sniax tangr qaur Elealeh, diddit qaur Jahaz, qycc dui' Zoar qaur Holonaim, didqaur Eglat Selisiyah, in'ui Nimlim ee juiw dikkag qodaa.

35 Jehovah qongw: Guaw beh dirr Moab-de, hro hitt xee henwjer dirr snuataudnuaa :ee, qapp hitt xee siyx hniux dirr ix hiaxee sinbingg :ee longxx suah.

36 In'ui anxnix, guaw ee simx uirdiyhh Moab cincniu pinxsiaux decc dann; in'ui inx soxx jikju ee jaibut longxx byy .kir.

37 Taukag dagg xee qngx kyrky, cuiwciux dagg xee jenw dew dew, ciuxqud dagg xee quacsiongx, iyx haa muavor.

38 Dirr Moab dagg qingx ee cur-dingw, qapp ix hiaxee queci, dagg soxjai u tikaur; in'ui Guaw qrongx puar Moab, cincniu qrongx puar m dingwir ee kiwqu. Jex si Jehovah qongw :ee.

39 Ix huixhuai qaur anxnix! Inx tikaur qaur anxnix! Moab qenwsiaur uat dywdngw qaur anxnix! Cincniu anxnix, Moab beh hro siwuii ee langg tixciyr gonggniac."

40 In'ui Jehovah anxnix qongw: Knuar ar, ix beh cincniu ingjiauw, vuex .laii, tiw kuix ix ee sxit dirr Moab.

41 Keliot hro langg cruw .kir, hiaxee uersow hro langg jiamr .kir; qaur hitt zti, Moab jiaxee iongxsu ee simx cincniu beh snix qniaw ee hurzinlangg ee simx.

42 Moab beh duw diyc huixbet, byy qycc jniaa juer qog; in'ui inx jurqyx, vuergik Jehovah.

43 Jehovah qongw: Moab kiarkiw ee vecsnir ar, qniahniaa, hamrknix, uahdauh, longxx qaur dirr liw.

44 Jauxvi qniahniaa :ee, beh vuac lyc hamrknix; dui' hamrknix vreh .kiw .laii .ee, beh hro uahdauh dauh .diyc; in'ui Guaw beh hro hinghuat ee nii limqaur Moab; jex si Jehovah qongw :ee.

45 Hiaxee dyjauw :ee kuiwlat jin, kia dirr Hesbon imwngw xe; jongwsirr huew dui' Hesbon cud, huexiam dui' Sihon huad, itjin siyx Moab ee venqair, qapp jokluan ee langg taukag ee dingxbin. Moab ar, liw u jaieh;

46 Qemos ee vecsnir bedbyy lar, liw ee jiongww qniaw hro langg liac .kir, liw ee jiongww jaboxqniaw juer siurr liac :ee.

47 Jehovah qongw: Qaur zid'au, Guaw beh hro Moab siurr liac ee langg dywdngw. Lun Moab siurr simxpnuar ee ue, qaur jiax uijiw.

49 Lun Ammon. Jehovah anxnix qongw: Islael byy qniaw mah? Molec jnaixngiu did diyc Gad ee de juer giap, ix ee vecsnir jnaixngiu kiarkiw dirr ix diongqanx hiaxee sniaa?

2 Jehovah qongw: Knuar ar, zidjiw beh qaur, Guaw beh hro qaujenr ee sniax dirr Ammon-jok ee Rlabbah tniax .qnir, ix beh jniaa juer pahngx ee toduix; ix jiaxee sniaa beh hro huew siyx; jingg jiamr Islael :ee, dnaxx beh hro Islael jiamr dywdngw; jex si Jehovah qongw :ee.

3 Hesbon ar, liw diyhh aikaur, in'ui Guaw ee sniaa vnir juer pahngx; Rlabbah ee vecsnir ar, diyhh auqiyr, ing muavor haa iyx; diyhh tikaur, qniaa laii qniaa kir dirr livax diongx; in'ui Molec qapp ix ee jewsix quiwjok beh juer jit xe hro langg liac .kir.

4 Vuergik ee vecsnir ar, linw sniaw su in'ui hiaxee snuaqog, dyrr si juiw zunrdik ee snuaqog, laii kuakauw ar? Liw uaxkyr jaivyw, qongw: Jirjui e laii qaur guanw jiax.

5 Jruw, banrqunx ee Jehovah anxnix qongw: Knuar ar, Guaw beh hro qniahniaa dui' siwuii limqaur linw; linw beh siurr qnuaw cud, dagg langg diddit kir; jauw byy lo :ee, byy langg tangx jurjip.

6 Jongwsirr au .lai Guaw beh hro Ammon-jok siurr liac ee langg dywdngw; jex si Jehovah qongw :ee.

7 Lun Edom, banrqunx ee Jehovah anxnix qongw: Dirr Teman byy qycc u diwhui mah? Cangmiaa ee langg byy qycc u qewik mah? Inx ee diwhui byy .kir mah?

8 Dedan ee vecsnir ar, trer .kir ar, dyjauw ar, kir bih ar; in'ui Guaw hinghuat Esau ee sii, beh hro ix ee jaieh qaur dirr ix.

9 Banw pudyy :ee narr qaur liw hiax banw, qamxx byy iauxx lauu quiw liap aw mah? Cat narr mii .sii laii, qamxx m si sngxdng qaur muaxir?

10 Jongwsirr Guaw hro Esau qngx liuliux, lorhen ix kngr bat ee soxjai, drir qaur byy der tangx bih. Ix ee horer, ix ee hniadi, ix ee cuwvnix longxx sitvai; ix iarr qruix dirr byy.

11 Diyhh jiong' liw byy ve ee qniaw vangwhe lehh, Guaw beh vyxjuann inx uac; liw jiaxee qnuaxhu, iarr diyhh uaxkyr Guaw.

12 In'ui Jehovah anxnix qongw, "Knuar ar, vunw m ingqaix limx hitt xee vxuex :ee, dikkag beh limx ix, byhqiyh liw, liw qamxx e itjin benw hinghuat mah? Liw dikkag be benw did hinghuat, liw dikkag diyhh limx ix."

13 Jehovah qongw, "Guaw qiw qaqi laii jiuwjua, Bozlah beh jniaa juer tangx gonggniac, tangx lingziok, tangx jiuwjow, qycc honghuer; ix longxjongw ee sniaa beh ingxuanw vnir juer pahngx.

14 Guaw dui' Jehovah hiax tniax qnir siausid, iarr u suwjiaw hrong crex kir ledqog, qongw: Linw diyhh jurjip laii qongqig ix, diyhh kiw laii qaujenr.

15 In'ui Guaw hro liw dirr ledqog diongx juer biser, hro langg knuawkinx.

16 Kiarkiw jiyhdong lai, vexsiuw snuax-dingw :ee ar, liw ee uihongx, liw simlai qiaugno penr qaqi; liw suizenn cincniu ingjiauw, jyh liw ee siu dirr quann ee soxjai, Guaw beh dui' hiax qra liw cruw .lyc .laii; jex si Jehovah qongw :ee."

17 "Edom beh jniaa juer tangx gonggniac :ee, qniwnarr dui' hiax quer :ee, dikkag beh qiquair, uirdiyhh ix soxx duw .diyc itcer ee jaieh laii tixciyr ix.

18 Jehovah qongw: Dikkag byy langg kiarkiw dirr hiax, iarr byy langg qiawkax dirr hiax; si beh cincniu Sodom, Gomollah, qapp hurqin ee sniaa dyxhuai jidngiu.

19 Knuar ar, ix beh cincniu sraix, dui' Jordan Hyy-vnix ee ciurnaa kiw .laii, qongqig qenqor kiarkiw ee soxjai; bak nih quw, Guaw beh hro inx dyjauw, lirkuix jitt xee soxjai. Jirjui siurr qingxsuanw, Guaw dyrr pair ix dirliw jitt xee de; jirjui e viw did Guaw? Jirjui e qra Guaw dring jit xee qrii ar? U simxmih bogjiaw e kia dirr Guaw ee binrjingg ar?

20 Soxiw linw diyhh tniax Jehovah soxx qewik qongqig Edom ee qewcig; ixqip Ix soxx juwdnia qongqig Teman kiarkiw ee vecsnir ee jixir; inx dniardiyc beh jiong' hiaxee ngiuu-qrunn ee ser :ee tuax .kir; Ix iarr beh hro inx kiarkiw ee soxjai honghuer.

21 In'ui inx dyxhuai ee sniax, de dyrr dinxdang; inx auqiyr ee sniax, tuann qaur Angg Haiw.

22 Knuar ar, ix beh kiw .laii; cincniu ingjiauw vuex .laii, tiw kuix ix ee sxit dirr Bozlah; qaur hitt zit, Edom jiaxee iongxsu ee simx cincniu beh snix qniaw ee hurzinlangg ee simx."

23 Lun Damaskus. Hamat qapp Arpad qenwsiaur, in'ui inx tniax qnir pnaiw siausid, dyrr sitdnaw; haiw-bin u iuciuu, be vingjing.

24 Damaskus sueziok, uat dngw srinx beh dyjauw, gniauhgniauc cuah, jiong' ix liac diauu diauu; tongwkow iuciuu jiong' ix kiuw diauu diauu, cincniu beh snix qniaw ee hurzinlangg jidngiu.

25 Tangx ylyw ee sniax, dyrr si Guaw soxx hnuahiw ee sniax, jnaixngiu siurr vangwsag qaur anxnix?

26 Ix ee siauwlenlangg beh dirr ix ee queci dyw .lyc .kir; dng' hitt zit, ix itcer ee vingdingx beh bedbyy; jex si banrqunx ee Jehovah qongw :ee.

27 Guaw iarr beh hro huew dyc dirr Damaskus ee sniacniuu, siybet Benhadad ee qiongden.

28 Lun Kedar qapp Hazor jiaxee qog, dyrr si Babylon Ongg Nebuqadnezar soxx pah :ee, Jehovah anxnix qongw: Liw kiw .laii, jnriu kir Kedar, jaubet danghngx ee langg.

29 Inx ee vowvnii qapp ngiuu-qrunn, langg beh cniuw .kir; jiong' dniuwvag qapp itcer ee kiwqu, qapp logdyy, cniuw juer qaqi ee. Langg duiww inx huah qongxx: Siwuii longxx u qniahniaa.

30 Jehovah qongw: Hazor kiarkiw ee vecsnir ar, diyhh dyjauw, jauw kir hng hng kir bih; in'ui Babylon Ongg Nebuqadnezar setqer beh hai linw, dniardiyc iwsur beh qongqig linw.

31 Jehovah qongw: Kiw .laii, jnriu kir qongqig anzenn kiarkiw byy kuawlu ee jok, inx byy mngho, byy mngcnuar; si qaqi kiarkiw :ee.

32 Inx ee logdyy beh hro langg cniuw .kir; inx jerje jingsnix beh hro langg qiab .kir; qniwnarr tir vinwvnix :ee, beh qnuaw snruar inx dirr siwhngx; hro jaieh dui' siwuii qaur dirr inx; jex si Jehovah qongw :ee.

33 Hazor beh jniaa juer iaw qxauw diamr ee soxjai, ingxuanw cnicinr, byy langg dirr hiax kiarkiw, iarr byy langg dirr hiax qiawkax.

34 Judah Ongg Zedekiah kixtauu jerui ee sii, Jehovah lun Elam ee ue limqaur sendix Jelemiah, qongw,

35 "Banrqunx ee Jehovah anxnix qongw: Knuar ar, Guaw beh ad jric Elamlangg ee qringx, dyrr si inx siongrdingw ee kuiwlat.

36 Guaw beh hro siwbin ee hongx dui' tnix ee siwbin cuex .laii, limqaur Elamlangg, jiong' inx qnuaw snruar dirr siwhngx; Elam siurr qnuaw snruar ee langg byy jit qog byy qaur."

37 Jehovah qongw, "Guaw beh hro Elamlangg dirr duiwdik ee binrjingg qapp siauwsniu inx ee sniwmia ee langg ee binrjingg laii qniahniaa; Guaw iarr beh hro jaieh, dyrr si Guaw ee dua siurkir, limqaur inx; qycc beh hro dyqiamr duizip inx, qaur itjin bet inx.

38 Guaw beh setlip Guaw ee vyxjy dirr Elam, dui' hiax druu kir qun'ongg qapp quiwjok; jex si Jehovah qongw :ee.

39 Jongwsirr zid'au, Guaw beh hro Elam siurr liac ee langg dyr .laii; jex si Jehovah qongw :ee."

50 Jehovah tog sendix Jelemiah lun Babylon, lun Qaldealangg ee de soxx qongw ee ue.

2 Linw diyhh dirr ledvangx diongx tuanvyr hro inx tniax .qnir, diyhh kia dua qii; diyhh hro inx tniax .qnir, m tangx unxmuaa; qongw: Babylon siurr qrongx puar, Bel qenwsiaur, Marduc pacpnaiw, ix ee vut longxx qenwsiaur, ix ee gnoxsiong longxx pacpnaiw.

3 "In'ui u jit qog dui' vakhngx kiw laii qongqig ix, beh hro ix ee de pahngx, byy langg kiarkiw; langg qapp jingsnix longxx jauw .kir."

4 Jehovah qongw, "Hitt zit hitt sii Islaellangg beh laii, inx beh qapp Judahlangg snaqab laii, inx beh qnialo, naxx qniaa naxx hauw, laii cue inx ee Siongrder Jehovah.

5 Inx mng Zion ee su, bin ngr hiax, qongw, 'Laii lar, linw diyhh qed ingxuanw byy be qir did ee iog, laii qapp Jehovah lenhap.'

6 Guaw ee vecsnir juer belo ee ngiuu; inx ee bogjiaw hro inx qniaa calo, hro inx uad kir snuax nirr; inx dui' dua snuax qniaa qaur siyw snuax, be qir did inx anhiyh ee soxjai.

7 Qniwnarr duw diyc inx :ee beh tunjiac inx; inx jiaxee duiwdik qongw, 'Guanw byy jue, in'ui inx dikjue Jehovah, dyrr si qonggi kiarkiw ee soxjai, iarr si inx ee ledjow soxx ngwbang ee Jehovah.'

8 Linw diyhh dui' Babylon diongx dyjauw, dui' Qaldealangg ee de cud .kir; diyhh cincniu qangx ee snua'ngiuu dirr ngiuu-qrunn ee taujingg.

9 Guaw beh qikdong jerje dua qog dui' vakhngx snaqab laii qongqig Babylon; inx beh vaidin qongqig ix; ix beh dui' hiax siurr qrongx puar; inx ee jnxir beh cincniu gauu sria ee iongxsu ee jnxir, longxx byy kangx kangx dywdngw .laii.

10 Qaldea beh hro langg cniuw .kir; qniwnarr cniuw ix :ee longxx beh muaxir; jex si Jehovah qongw :ee."

11 Cniuw Guaw ee giap :ee ar, in'ui linw hnuahiw kuaiwlok; in'ui linw tiaur laii tiaur kir cincnciu dac gnoxqog ee gubuw, iarr decc hauw cincniu iongw ee bew;

12 Linw ee laurbuw beh qenwsiaur qaur qik, snix liw :ee dikkag lauwkuir. Knuar ar, ix beh let dirr jiaxee qog ee lorbuew, jniaa juer kongwiaw, juer dasyr ee de, juer suaboo.

13 In'ui Jehovah ee dua siurkir, dikkag byy langg kiarkiw, beh juanzenn pahngx; qniwnarr qingquer Babylon :ee beh gonggniac, iarr in'ui ix soxx duw .diyc jiaxee jaieh laii tixciyr ix.

14 Kuix qringx ee langg ar, linw diyhh dirr Babylon siwuii vaidin; diyhh sria jxir qongqig ix, byc did vyxsiyh linw ee jnxir; in'ui ix u dikjue Jehovah.

15 Linw diyhh dirr ix ee siwuii huachiamr; ix ixqing’ dauhangg; ix ee ngiaje dyxhuai lar, sniacniuu tiachuiw lar; in'ui jex si Jehovah vywsiuu ee su, linw diyhh ngr ix vywsiuu; ix jnaixngiu kuanxtai langg, iarr diyhh anxnix kuanxtai ix.

16 Linw diyhh dui' Babylon jenxduu ia jxingw :ee qapp siuquah ee sii giac liam'aw :ee; in'ui qniaa apjer ee dyqiamr, dagg langg beh dyr kir vunxjok, dagg langg beh jauw qaur vunxsoxjai.

17 "Islael si siwsnuar ee ngiuu, si hro sraix qnuaxjauw :ee; dairsingx si Assylia Ongg tunx ix, lorbuew jitt xee Babylon Ongg, Nebuqadnezar, ad jric ix ee quttauu."

18 Soxiw banrqunx ee Jehovah, Islael ee Siongrder, anxnix qongw, "Knuar ar, Guaw beh hinghuat Babylon Ongg qapp ix ee de, cincniu Guaw bad hinghuat Assylia Ongg jidngiu.

19 Guaw beh qycc cua Islael dyr laii ix ee cauxdniuu, ix beh dirr Karmel qapp Basan jiac cauw; qycc dirr Eflaim Snuax qapp Gilead-de, ix ee simx did diyc vaxjog."

20 Jehovah qongw, "Hitt zit hitt sii beh craa Islael ee juerquar, iarr longxjongw byy; beh cue Judah ee juerog, iarr cue byy; in'ui Guaw soxx lauu lehh ee vecsnir, Guaw beh siawbenw inx."

21 Jehovah qongw: Diyhh jnriu kir qongqig Melataim ee de qapp Pekod kiarkiw ee vecsnir; diyhh duizib itjin taii inx, jiauww Guaw itcer soxx huanhur liw :ee kir qniaa.

22 Qingxlai u qaujenr ee sniax qapp dua huixbet.

23 Pah juann de ee dua qix tuii jnaixngiu pah jric huixhuai ar! Babylon dirr ledqog diongx jnaixngiu pahngx ar!

24 Babylon ar, Guaw uirr liw sed uahdauh, liw hro ix dauh diyc iarr m jaix; liw hro langg cue .diyc, liac diyc, in'ui liw qapp Jehovah juer duiwdik.

25 Jehovah ixqing’ kuix Ix ee qunjongqik, giac cud Ix dua siurkir ee kiwhaii; in'ui Jruw, banrqunx ee Jehovah, beh u dairjir dirr Qaldealangg ee de.

26 Linw diyhh dui' qik hng ee vniqair laii qongqig ix; kuix ix ee cikcngx; hed ix jniaa toduix, itjin bet ix, byy lauu vnuar hxang.

27 Diyhh taii ix itcer ee guqangw; hro inx lyc kir siurr taii. Inx u jaieh ar! In'ui vran inx ee zit, hitt xee qrii ixqing’ qaur.

28 U dui' Babylon-de dyjauw .cud .laii ee sniax, dirr Zion vywqyr Jehovah, lanw ee Siongrder ee vywsiuu, dyrr si Ix uirdiyhh Ix ee dxen laii vywsiuu.

29 "Diyhh jiyjip sria jnxir ee vxingx, dyrr si itcer kuix qringx :ee, laii qongqig Babylon; dirr ix ee siwuii jrad ngiaa laii pah ix; m tangx hro ix jauw jit xee; jiauww ix soxx juer :ee vywingr ix; ix jnaixngiu kuanxtai ix; in'ui ix qiaugno vuergik Jehovah, Islael ee Sxingr :ee.

30 In'ui anxnix, ix ee siauwlenlangg beh dirr ix ee queci dyw .lyc .kir, dng' hitt zit ix itcer ee vingdingx beh bedbyy; jex si Jehovah qongw :ee."

31 Jruw, banrqunx ee Jehovah qongw: Knuar ar, qiaugno :ee ar, Guaw juer liw ee duiwdik; in'ui Guaw vran liw ee zit, hitt xee qrii ixqing’ qaur.

32 Qiaugno :ee diyhdag vuahdyw, byy langg huu ix kiw .laii; Guaw beh hro huew dirr ix hiaxee sniaa dyc .kiw .laii, jiong' ix siwuii soxu :ee itjin siyliyx .kir.

33 Banrqunx ee Jehovah anxnix qongw, "Islaellangg qapp Judahlangg vnivnii siurr apjer; huanrnarr liac inx :ee, longxx qra ix qor diauu diauu, m kingw vangr ix kir.

34 Qiuwsiok inx :ee u dua kuiwlat; Ix ee miaa si banrqunx ee Jehovah, Ix beh qra inx sin'uanx, hro juann de did diyc ving'anx, iarr hro Babylon kiarkiw ee vecsnir gniauhgniauc cuah.

35 Jehovah qongw: U dyqiamr, limqaur Qaldealangg, qapp Babylon kiarkiw ee vecsnir, qapp inx ee quiwjok, qapp inx ee poksu.

36 U dyqiamr limqaur kuakauw ee langg, inx dyrr jniaa juer gong; u dyqiamr limqaur ix ee iongxsu, inx dyrr qniahniaa.

37 U dyqiamr limqaur ix ee bew, ix ee ciax, qapp qidiongx ee jabsiklangg; inx beh cincniu hurzunlangg jidngiu; u dyqiamr limqaur ix ee vyxmic, dyrr siurr cniuxduat.

38 U kongwhan limqaur ix longxjongw ee juiw, dyrr beh dalax .kir; in'ui jex si diaukig gnoxsiong ee de, langg in'ui sinvut laii denqongg.

39 Soxiw kongwiaw ee jauxsiur qapp cailongg beh diamr dirr hiax; dyqiamr iarr beh diamr dirr hitt diongqanx; ingxingw byy zin'enx, dairdai byy langg kia."

40 Jehovah qongw, "Dikkag byy langg kiarkiw dirr hiax, iarr byy langg qiawkax dirr inx diongqanx; beh cincniu Guaw Siongrder ciax dyw Sodom, Gomollah, qapp hurqin ee sniaa jidngiu.

41 Knuar ar, u vecsnir dui' vakhngx laii; iarr u dua qog qapp jerje qun'ongg siurr qikdong, dui' derqik laii.

42 Inx giac qringx qapp cniux, janzimw byy linbinw; inx ee sniax cincniu haixingw huarhua hauw; inx kiaa bew vaidui, cincniu jnriu din ee langg; Babylon ee sniaa ar, inx beh qongqig liw.

43 Babylon Ongg tniax qnir inx ee hongsniax, ciuw dyrr nngw .lyc .kir; tongwkow qra ix knii diauu, tangwtniar cincniu beh snix qniaw ee hurzinlangg.

44 Knuar ar, ix beh cincniu sraix dui' Jordan Hyy-vnix ee ciurnaa kiw .laii, qongqig qenqor kiarkiw ee soxjai; bak nih quw, Guaw beh hro inx dyjauw, lirkuix jitt xee soxjai; jirjui siurr qingxsuanw, Guaw dyrr pair ix dirliw jitt xee de. Jirjui e viw did Guaw? Jirjui e qra Guaw dring jit xee qrii ar? U simxmih bogjiaw e kia dirr Guaw ee binrjingg ar?

45 Soxiw linw diyhh tniax Jehovah soxx qewik qongqig Babylon ee qewcig; ixqip Ix soxx juwdnia qongqig Qaldea ee jixir. Inx dniardiyc beh jiong' hiaxee ngiuu-qrunn ee ser :ee tuax .kir. Ix iarr beh hro inx kiarkiw ee soxjai honghuer.

46 In'ui Babylon dyxhuai ee sniax, de dyrr dinxdang; inx auqiyr ee sniax hro ledvangx tniax .qnir."

51 Jehovah anxnix qongw: Knuar ar, Guaw beh kiw huixbet ee hongx, qongqig Babylon, qapp diamr dirr Leb Kamai ee langg.

2 Guaw beh crex guarvanglangg laii qaur Babylon, laii vuar inx, hro inx ee de kanghux; dirr ix duw diyc huanrlan ee zit, inx beh jiuuii qongqig ix.

3 Kuix qringx :ee diyhh ngr kuix qringx :ee laii kuix qringx, ngr cing qxah tingxsinx :ee laii kuix qringx; byc did siyh ix ee siauwlenlangg, diyhh itjin bet ix ee juann qunx.

4 Siurr taii :ee beh dyw dirr Qaldealangg ee de; siurr crir :ee beh dyw dirr ix ee quelo.

5 Suibongw Islael qapp Judah, inx ee derhngx muaw muaw dikjue Islael ee Sxingr :ee, iauxquxx inx byy hro banrqunx ee Jehovah, ix ee Siongrder kiwsag inx.

6 Linw diyhh dui' Babylon diongx jauw cud, dagg langg qiur qaqi ee sniwmia; byc did dirr inx ee jue-diongx laii bedbyy; in'ui jex si Jehovah vywsiuu ee qrii, Ix beh hro inx duw diyc ingqaix sriu ee vywingr.

7 Babylon vingsor si Jehovah ciuw-lai ee qimvuex, hro juann de ee langg juir; ledvangx bad limx ix ee jiuw, soxiw ledvangx huatqongg.

8 Babylon hutzenn ciax dyw, huixhuai; diyhh uirr ix tikaur, tec zuxhniux laii jriw ix ee tangwtniar, qiamxcaiw iauxx e rix .did.

9 Lanw sniu beh idi Babylon, danrsi ix byy did .diyc; lanw diyhh lirkuix ix, dagg langg dyr laii kir vunxqog; in'ui ix ee jueranr duw dnix, taur qaur qiongcongx.

10 Jehovah ixqing’ henxbingg lanw ee qonggi. Laii ar, lanw tangx dirr Zion vywqyr lanw ee Siongrder Jehovah ee soxx juer.

11 Linw diyhh buaa qngx linw ee jnxir, giaa diauu linw ee dinvaii, Jehovah dniardiyc iwsur qongqig Babylon, laii huixbet ix; soxiw qikdong Media qun'ongg ee simx; in'ui jex si Jehovah decc vywsiuu, dyrr si Ix uirdiyhh Ix ee dxen laii vywsiuu.

12 Diyhh kia dua qii qongqig Babylon ee sniacniuu; diyhh qenqor liaubang ee daii, pair siuxbang :ee sed baihok; in'ui Jehovah soxx qongw lun Babylon kiarkiw ee vecsnir, Ix u qewik ix, iarr u jniaa ix.

13 Kiarkiw dirr jerje juiw ee dingxbin, dua huatjaii :ee ar, liw ee qetqiok qaur lar, tamsimx ee liong muaw lar.

14 Banrqunx ee Jehovah qiw qaqi jiuwjua, qongw: Guaw beh hro langg ciongmuaw linw diongqanx, cincniu cauxmeh jidngiu, inx beh huachiamr qongqig liw.

15 Jehovah ing linglik congwjy de, ing diwhui qenwlip sewqair; ing cangmiaa denw kuix jiaxee tnix.

16 Ix jid'err cud sniax, kongdiongx dyrr u jerje juiw qikdong; Ix hro hunbu dui' derqik cringr .kiw .laii; Ix uirdiyhh ho, congwjy sicnar; Ix hro hongx dui' Ix ee huxkor cud .laii.

17 Dagg langg longxx gucunw byy diwsig; dagg xee gincniu longxx uirdiyhh ix diaukig ee gnoxsiong laii qenwsiaur; in'ui ix soxx jur ee gnoxsiong si qew :ee, iarr byy uahkir dirr ix ee lairbin.

18 Longxx si kangx kangx :ee; si behik langg ee soxx juer; qaur vanrliw inx ee sii, dikkag siurr dubet.

19 Jakob ee hunrgiac byy cincniu jiaxee; in'ui Ix si congwjy banrmic ee Jruw; Islael iarr si Ix sanxgiap ee jipair; banrqunx ee Jehovah si Ix ee miaa.

20 Liw si Guaw ee voxtauu, qaujenr ee qesix; Guaw beh ing liw paccuir ledvangx, ing liw huixbet ledqog;

21 Ing liw paccuir bew qapp kiaa bew :ee;

22 Ing liw paccuir jenwciax, qapp jre dirr hitt dingxbin :ee; ing liw paccuir davolangg qapp hurzinlangg; ing liw paccuir laurlangg qapp ginxaw;

23 Ing liw paccuir siauwlenlangg qapp jairsikluw; ing liw paccuir bogjiaw qapp ix ee ngiuu-qrunn; ing liw paccuir jyccanlangg, qapp ix ee jit duir guu; ing liw paccuir jongxdog qapp qnua'uann.

24 Jehovah qongw, "Jaw Babylon qapp Qaldea kiarkiw ee vecsnir, dirr Zion soxx qniaa itcer ee pnaiw, Guaw beh vywingr inx, hro linw cinbak knuar .qnir."

25 Jehovah qongw: Liw jitt xee qniaa huixbet ee snuax ar, knuar ar, Guaw duiwdik liw; liw huixbet juann de, liw ee dingxbin, dui' snuagiamm ciax liw lyc .kir; hro liw jniaa juer siyhuiw ee snuax.

26 Langg dikkag byy dui' liw hiax cruw jit der jiyc juer cuwqag, iarr byy jit der jiyc juer derqix; liw beh ingxuanw pahngx; jex si Jehovah qongw :ee.

27 Diyhh dirr qingxlai kia dua qii, dirr dagg qog diongx vunn sauwqag; diaudii virvan ledqog laii qongqig ix; jiyjip Alalat, Minni, Askenaz jiaxee qog laii qongqig ix; qycc pair qundniuw laii qongqig ix; hro bexvingx jnriu laii cincniu cox xmngg ee cauxmeh.

28 Diaudii virvan ledqog qapp Media ee led'ongg, ix ee jongxdog, ix ee qnua'uann, qapp ix soxx quanw juann de ee langg, laii qongqig ix.

29 De dinxdang qycc cnicamw; in'ui Jehovah qongqig Babylon ee jixir ixqing’ dniardiyc; beh hro Babylon ee de pahngx, byy langg kiarkiw.

30 Babylon ee iongxsu m air qaujenr, druar dirr ngiavnuaa lai; ix ee lat ixqing’ byy, jniaa juer cincniu hurzinlangg, inx ee cuwtec siurr siyx, inx ee mngqongg pah jric.

31 Jauw bunsux :ee jauw kir duw diyc jauw bunsux :ee; vyr siausid :ee duw diyc vyr siausid :ee; vywqyr hro Babylon Ongg jaix, qongxx ix ee sniaa siwbin hro langg cruw .kir;

32 Lortauu hro langg jiamr .kir, lodig siurr huew siyx, qaujenr ee langg iarr qniahniaa.

33 Banrqunx ee Jehovah, Islael ee Siongrder anxnix qongw: Babylon cincniu cikdniaa, ixqing’ dac qaur vnivnii; qycc byy zuarr quw, siusingg ee sii dyrr qaur.

34 Babylon Ongg Nebuqadnezar tunjiac guaw, deh cruir guaw; hro guaw jniaa juer kangx ee kiwqu; ix cincniu dua hii tunx guaw; ing guaw ee vyxmic ciongmuaw ix ee vakdow, qycc jiong' guaw tror cud.

35 Dirr Zion kiarkiw ee vecsnir beh qongw: Babylon ing vyrgiok kuanxtai guaw, qapp guaw ee sintew; guan jitt xee jue qruix dirr ix. Jelusalemlangg beh qongw: Guan lrauu guanw ee huih ee jue qruix dirr Qaldea kiarkiw ee vecsnir.

36 Soxiw Jehovah anxnix qongw: Knuar ar, Guaw beh ter liw sin'uanx, iarr beh ter liw vywsiuu; Guaw beh hro ix ee haiw dax .kir, hro ix ee juixjnuaa byy juiw.

37 Babylon beh jniaa juer toduix, juer iaw qxauw druar ee soxjai; juer tangx gonggniac, tangx tixciyr :ee, iarr byy langg kiarkiw.

38 Inx beh cincniu iongw ee sraix hmrhm hauw, cincniu ser jiah sraix hauxqiyr.

39 Dng' inx zet ee sii, Guaw beh uirr inx vran jiuxdyh, hro ix jiuxjuir, hro ix kuaiwlok, dngg kunr, ingxx byy jingsinn; jex si Jehovah qongw :ee.

40 Guaw beh duar inx lyc .kir, cincniu ngiuu-aw, qangx ee snua'ngiuu, qaur siurr taii ee de.

41 Sesac jnaixngiu siurr qrongx puar! Tnie soxx ylyw :ee, jnaixngiu siurr vawjiamr! Babylon dirr ledqog diongx, jnaixngiu vnir juer pahngx!

42 Haixjuiw diongr .kiw .laii, rimx quer Babylon; ix hro jerje ingw kamr bat.

43 Ix ee sniaa vnir juer pahngx, dasyr ee de, suaboo, byy langg kiarkiw, byy langg qingquer ee soxjai.

44 Guaw beh hinghuat Bel dirr Babylon, Guaw beh ow cud ix ee cuir soxx tunx :ee; banrvecsnir byy qycc qui'uaw ix; Babylon ee sniacniuu iarr dyxhuai.

45 Guaw ee vecsnir ar, linw diyhh dui' ix ee diongqanx cud .kir; dagg langg qiur qaqi, siamxvi Jehovah ee dua siurkir.

46 Linw ee simx m tangx sitdnaw, iarr m tangx in'ui qingxlai soxx tniax .qnir ee hongsniax laii qniahniaa; in'ui qinnii u hongsniax tuann laii, mii .sii iarr u hongsniax; qingxlai u qiongvy ee su, qnuadniuw qongqig qnuadniuw.

47 Knuar ar, zidjiw beh qaur, Guaw beh vran Babylon diaukig ee gnoxsiong, hro inx juann de qenwsiaur; ix hiaxee siurr taii ee langg beh dyw dirr inx diongqanx.

48 Hitt sii tnide qapp qidiongx soxu :ee, beh in'ui Babylon sitvai laii hnuahiw; in'ui qniaa huixbet :ee beh dui' vakhngx laii qaur ix hiax; jex si Jehovah qongw :ee.

49 Babylon anxjnaixngiu hro Islael siurr taii ee langg dyw .lyc .kir, cincniu anxnix, ix juann de siurr taii ee langg iarr beh dirr Babylon dyw .lyc .kir.

50 Siamxvi dyqiamr :ee diyhh qinw jauw, m tangx kia lehh; diyhh dirr hng hng ee soxjai qiwliam Jehovah, simlai duisniu Jelusalem.

51 Guanw in'ui tniax luexme lauwkuir, muaw bin qenwsiaur; in'ui ngirvanglangg zip Jehovah ee cur hiaxee sxingr ee soxjai.

52 Soxiw Jehovah qongw: Knuar ar, zidjiw beh qaur, Guaw vran Babylon diaukig ee gnoxsiong; tong' qog siursiongx ee langg beh hnihnix canx.

53 Babylon suizenn jnriu qaur tnix, suizenn hro ix qenqor, quann ee soxjai qyckacc qenqor, iauxquxx u qniaa huixbet :ee beh dui' Guaw jiax qaur ix hiax; jex si Jehovah qongw :ee.

54 Dui' Babylon u aikaur ee sniax, dui' Qaldealangg ee de u dua huixbet ee sniax.

55 In'ui Jehovah huixbet Babylon, hro inx diongqanx ee dua sniax suah .kir, inx ee ingw huarhua hauw, cincniu jerje ee juiw; ix hiangw ee sniax iarr huad cud.

56 In'ui huixbet :ee laii qongqig Babylon; ix ee iongxsu siurr liac, inx ee qringx duw diyc ad jric; in'ui Jehovah si qniaa vywingr ee Siongrder, Ix quatduanr beh vywsiuu.

57 Qun'ongg, miaa juer banrqunx ee Jehovah :ee, qongw: Guaw beh hro ix ee quiwjok, poksu, jongxdog, qnua'uann, ixqip iongxsu, longxx jiuxjuir, ingxingw kunr, byy jingsinn.

58 Banrqunx ee Jehovah anxnix qongw: Babylon kuacdua ee sniacniuu beh itjin dyxhuai; ix quandua ee sniamngg beh hro huew siyliyx .kir; jiongww vecsnir soxx diyhbuaa :ee beh qruix dirr kangx kangx; ledqog soxx diyhbuaa :ee qruix dirr huew; inx longxx beh iawsen.

59 Judah Ongg Zedekiah jerui ee derr sir nii jnriu kir Babylon ee sii, Maseiah ee sunx, Neliah ee qniaw Selaiah qapp ongg snaqab kir.

60 (Selaiah si ongg ee luersi) Sendix Jelemiah u ue huanhur ix. Jelemiah jiong' itcer beh limqaur Babylon soxx siaw itcer ee ue, laii qir jnriu ceh.

61 Jelemiah duiww Selaiah qongw, "Liw qaur Babylon ee sii, iauwqinw diyhh tak jitt xee ceh nirr ee ue.

62 Qycc diyhh qongw, 'Jehovah ar, Liw lun qaur jitt soxjai bad qongw beh bet ix, simrjiww byy langg kiarkiw, lenrr jingsnix iarr byy, dikkag ingxuanw pahngx.'

63 Liw jitt xee ceh tak liauw, dyrr diyhh vak dirr jit der jiyhtauu, hed lyc dirr Viklat Hyy-diongx, qongw,

64 'Babylon uirdiyhh Jehovah soxx beh qangr hro ix ee jaieh dikkag cincniu anxnix dimm .lyc .kir, be qycc kiw .laii; inx longxx beh iawsen.'"

Jelemiah ee ue, qaur jiax uijiw.

52 Zedekiah jerui ee sii zi-jap-id huer; dirr Jelusalem juer ongg jap-id nii. Ix ee laurbuw miaa Hamutal, si Libnahlangg Jelemiah ee jaboxqniaw.

2 Ix qniaa Jehovah soxx knuar juer pnaiw ee su; jiauww Jehoiakim itcer soxx qniaa :ee.

3 Jelusalem qapp Judah duw diyc jiaxee su, si in'ui Jehovah huad cud siurkir; beh dui' Ix ee binrjingg qnuaw cud inx; hitt sii Zedekiah vuervuan Babylon Ongg.

4 Dng' Zedekiah jerui derr qauw nii, Jap-guec cejap, Babylon Ongg Nebuqadnezar cua ix juann qunx laii qongqig Jelusalem, dirr sniaa ee duiwbin jrad ngiaa, qycc dirr siwuii jyh toduix qongqig sniaa.

5 Dui' anxnix sniaa siurr uikunr, didqaur Zedekiah jap-id nii.

6 Sir-guec ceqauw, sniaa-lai qihngx jin' siongdiong, drir qaur hitt soxjai ee vecsnir longxx byy nriuu.

7 Sniaa siurr qrongx puar, itcer ee vingdingx tauwmii dui' uaw qin ongg ee hngg, nng xee sniacniuu diongx ee mngg, an' hitt diauu lo jauw cud sniaa. Qaldealangg duxduxx dirr siwuii qongqig sniaa, inx dyrr dui' Alabah ee lo dyjauw.

8 Qaldea ee qunvingx duizib ongg, dirr Jeliqo ee vningiuu duix diyc Zedekiah; ix ee juann qunx longxx lirkuix ix siwsnuar.

9 Inx liac diyc ongg, duar qaur Hamat-de ee Rliblah, Babylon Ongg hiax; Babylon Ongg dyrr simxpnuar ix.

10 Babylon Ongg dirr Zedekiah ee bagjiux jingg, taii siw ix hiaxee qniaw, qycc dirr Rliblahc taii Judah itcer ee quiwjok.

11 Qycc iah Zedekiah nng luiw bagjiux, Babylon Ongg ing ticlen lren ix, duar qaur Babylon, qra ix qnuaix dirr qnax nirr, didqaur ix siw ee zit.

12 Babylon Ongg Nebuqadnezar Ongg jap-qauw nii Go-guec cejao, qinsuii Babylon Ongg ee siruerdniuw Nebuzaladan zip Jelusalem.

13 Ing huew siyx Jehovah ee dxen, qapp ongqiongx; qycc ing huew siyx Jelusalem itcer ee cur, dyrr si huwquiwqex ee cur.

14 Qinduer siruerdniuw Qaldea ee juann qunx dyrr tiachuiw Jelusalem siwuii ee sniacniuu.

15 Hitt sii siruerdniuw Nebuzaladan jiong' binqanx songwhiongx :ee, qapp lauu dirr sniaa-lai soxx cunx ee vecsnir, qapp hiaxee dauhangg Babylon Ongg :ee, ixqip jingwlangg diongx soxx cunx :ee, longxx liac .kir.

16 Dogdok siruerdniuw Nebuzaladan lauu hitt xee derhngx derr id songwhiongx :ee, hro inx dirliw pudyhngg, qapp jingwjyh.

17 Jehovah dxen-lai ee dangtiau, qapp Jehovah dxen-lai ee punjy, ixqip danghaiw, Qaldealangg longxx pah puar, jiong' hiaxee dangg un qaur Babylon.

18 Qycc duar kir dniaw, tuc'aw, jenxdyx, dangkir.

19 Vxuex, huexloo, vnuaa, dniaw, dingdaii, nguaw, aux, itcer qimkir ee qimx, ginkir ee ginn, siruerdniuw longxx duar .kir.

20 Qycc duar Solomon uirr Jehovah ee dxen soxx congr nng qix tiau, jit xee danghaiw qapp jxy-xe jap-zi jiah dangguu, jiaxee kiwqu ee dangg be e cinr ix ee kindang.

21 Jit qix tiau quann jap-veh dxng, ngii kuann quann jap-zi dxng, qau sir jnaiw, diongngx kangkag.

22 Tiau ee dingxbin u dangg ee tiaurdauw, quann go dxng, tiaurdauw ee jiuuii u bxang-aw qapp siahliuu.

23 Siwbin u qauw-jap-lak liap ee siahliuu; dirr bxang-aw ee jiuuii qiong u jit-vah liap siahliuu.

24 Siruerdniuw liac jewsitauu Selaiah, qapp derr zi qxib ee jewsix Zefaniah, qapp snax xee qor mngg :ee;

25 Qycc dui' sniaa-lai liac jit xee quanw vxingx ee qnruax, qapp dirr sniaa-lai soxx duw .diyc siongsiongg qnir ongg ee suqir, diamxsngr vecsnir :ee, ixqip sniaa-diongx soxx duw .diyc ee qokbinn lak-jap langg.

26 Siruerdniuw Nebuzaladan jiong' jiaxee langg duar qaur Rliblah, Babylon Ongg hiax.

27 Babylon Ongg pah inx, dirr Hamat-de ee Rliblah taii siw inx; anxnix Judah vecsnir siurr liac, lirkuix vunxde.

28 Nebuqadnezar soxx liac ee zinsor, qir dirr erdew; dirr derr cid nii, liac Judahlangg snax-cingx lenn zi-jap-snax langg.

29 Nebuqadnezar jap-veh nii, dui' Jelusalem liah kir veh-vah snax-jap-zi langg.

30 Nebuqadnezar zi-jap-snax nii, siruerdniuw Nebuzaladan liac kir Judahlangg cid-vah sir-jap-go miaa; qiong u sir-cingx lak-vah langg.

31 Judah Ongg Jehoiaqin siurr liac liauxau derr snax-jap-cid nii, Babylon Ongg Evilmelodac guannii Jabzi-guec zi-go, quxkiw Judah Ongg Jehoiaqin, vangr ix cud qnax.

32 Iarr ing hyw ue an'uir ix, hro ix ee xui kacc quann qi'uu jiaxee ongg ee xui, dyrr si qapp ix drangg dirr Babylon :ee.

33 Trngr kir ix qnax-lai soxx cing ee snxax, jit siwlangg qapp Babylon Ongg snaqab jiac.

34 Babylon Ongg sniuxsur ix soxx kiamwing ee sidbut, zidzit hro ix jit hxun; qui' siwlangg si anxnix, didqaur ix siw ee zit.

huedngw tauu iac