cionghunx huathuix ee amwiwsig -12
Jung (Bunchhai huan'ik)
DERR JAP-ZI JNIUX AURQII SUSIONGW
kyhak ingxuanw byy kyxlingg cuxdai sinue,
sinue marr byy kyxlingg jurr zimrhyy kyhak-diongx sanxsingx cud laii,
guan'inx m si “siongrder” si jit jiongw sinue,
si jitt jiongw sinue henxsi liauw,
langg ee srinx-siong junjai jit jiongw sinsingr ee snewmia.
Iuxquanx guaw jurqiw ee zimrhyy duanrqir, guaw zinruii diyh'air qiamxtyw sukyw erbin ee bunrdee/ jin' kyxlingg ho'ngg qamxqag si qydo lixlun/ congwjy jiaxee “lixlun” (Hellene ee guan'ir si, quanhe sewqair ee knuawhuad/ Dikbunn ee iwsur si sewqaiwquanx.) naxx langg rair jiac/ rair limx, si guaw jursinx ee jit vorhun, qycc si guaw ee qivunw qonglingg ji' id.
I.
Qidokqaur ee qauwgi texhe irqyr liauw sinsingr ee venwjid --- “lingrgua jit bin” ee ligsuw venwhuar quewdingg. Ixx tendingg huatsingx hunjingx ee sinx sinue hingsid laii irgenn, dirr congwser ee sinue amwsi: jyrbudjuw ee juaa-hxingg digzinn cuthen au/ ixx tequann iwsig diwsig (hyw/ baiw longxx u) jyr zxi, iuxqnuaiw langg qniaa hiongr byy sunrjiongg. Derr zi amwsi si tensair ui' tnix qangr lyc, jex si amwiwsig lueriongg cimhuan zinlui sewqair siongrr jaw ee jinwhingg. Jiaxee tensair si irlui/ duliauw jyr jurqiw ixgau, vunxsinx byy linghunn junjai/ dairviauw inx ee jruw ee susiongw qapp didqag. Duirlyc ee tensaiw longxx si “pnaiw” tensair/ duar laii u miaa ee “pongwdua” jok'iong (lanw erdangr quancad diyc dogcaijiaw ee jurdai); inx ham' langg qethap, snex cud jit xee qirzinn (巨人) jingxjok, juewau, jiaxee qirzinn qingxzenn uihiap beh tunx driau zinlui ... “Enoch” dyrr si anne qongw ee.
Derr snax quatdingrsingr qaidnua si, siongrder ixx langg ee hingsid jingrhuar laii sidhen jurqiw, dyrr si sidhingg “quriog juansux” nirr sinsingr ee qethap quanliam qapp qetqyw. Jaw dirr Qidokqaur ee guansiw siqii, huawsinx jyr langg ee quanliam ixqingx virr jingrhuar, vauquad “qidog dirr lanw dangdiongx” ee didqag. Anne amwiwsig ee uanjingw cimzip qaur luersimx texgiam ee jingsinn ongqog, langg marr e jaix jinwzip qaur ix jinsit hingtew-lai ee itcer. Jex si kuriuw quatding iwgi ee jit vo, bylun si duiww langg iauxx si jyrbudjuw --- dirr hiaxee qniaa cud oamr langg ee ganxlai, jyrbudjuw jitt sii ixqingx danr driau oamr ee jid, venr qaxx jinrsen-jinrbiw ar.
Jitt xee sinue jurr jit-cingx nii ixlaii, itdit si uanbiw byy kiamwdiamw qycc jin' diongriaur, dng' iwsig kaisiw jinr jit vo venwhuar cuthen dirr jap-id sewqiw, hunluan ee diaurtauu qapp huaiqii jiamrr jingqax, itdit qaur zi-jap sewqiw buexqii, sewqaiwsingr ee dua jailan ixx uihiap iwsig ee hingsid cuthen/ iwsig ee jurdai cingwhongg qongw “ langg/ langg ee hing'uii siongrr uixdai, byy mic erdangr ham' inx sna' viw.” laiser --- qidokqaur sinue ee ciauzenn uirdir sitlyc, “uanbiw jixu laiser jiacc did e diyc” ee quandiamw marr duer lecc siag siw.
Duer diyc qongbingg laii ee imngiaw, marr si jyrbudjuw ee lingrjidbin, jitt jiongw huatdenw dirr zi-jap sewqiw drat qaur siongrr quann diamw. Qidokqaur sewqair kaksit duw diyc siaog ee landee: byy qongjniar/ dogcaii tongxdir/ vehcat/ buasaiw tnazinn/ liongsimx sriu apjer. Jitt jiongw uanjuann byy ziakamr ee siaa, viauxhen dirr Russia binjok, venwjniaa ingxqiuw ee hingsid; derr id crur voghuad dirr Digqog. Hongwsur siaog viauxbingg liauw qidokqaur dirr zi-jap sewqiw ixqingx virr jautad sngxdng qaur sniaw tingdo. Binrduir jitt jiongw jinghingg, og byy kyxlingg jaiww tauwquer cingkir jursinx laii qiamxjiyw/ kikkuix jurqiw ee vanrhuad ixqingx byy lat qra siaog ui' jitt xee sewqair qnuaw cud kir. Lanw rair yc erhiauw zuhyy jiangxquanw siaog, ham' siaog qiongrjunn, jiacc be ziaw diyc jaieh, bogjingg lanw iuguann sniu be cud qaixquad honghuad.
M quanw anxjnuaw, lanw su'iaur dingsinx kakding honghiongr, qaixvenr susiongw. Jiapciog siaog ziaw laii kuthok ix hiongdua ee huihiamw/ vutqaix jaiww u zimrhyy siurkud qiujuann ar. Sxen marr qangrkuanw, narr si kutjiongg soxui ee sxen, dyrr e sitkir lunliw siogsingr/ m si qongw sxen m hyw, si kutjiongg kyxlingg ziaw laii mahuann. Zimrhyy jit jiongw jipbee/ genr, bylun jiuw/ mohuix/ lixsiongxjuxgi, longxx m hyw :ee. Lanw rair iuxsow qingxqair, mair zinruii sxen/ og si juadduir duiwlip. Sxen duiww lunliw hingdong ee viaujunw, byy qycc kuriuw juadduir bingrling ee lat, dongzenn rair qenquad piacbenw siaog; narr qongw zinrdongg siaog ee henrsidsingr/ maudunw qangrkuanw e qra jingxtew hunhuar jyr nng vingg.
Sidjer-siong, jex iwbi .diyc sxen/og byy qycc hiacc qongw be cringx. Lanw diyhh zinrbad, bylun sxen/ og longxx viauxsi jit jiongw pnuawduan/ langg ee caipnuar lanbenw u cywgo/ yh siongsinr lanw soxx jyr ee pnuawduan longxx si jingwkag :ee, simrjiww jin' iong'i jniajyr gorpnuar ee hisingpinw. Dng' lanw duiww dyrdig ee pingqer venr qaxx byy kakding sii, lunliw jiacc e sriu jitt guanjig ingxhiongw, suibongw anne, lanw iuguann rair jyr cud quatding. Sxen/ og siongduir byy dairviauw anne ee hunlui byy hau/ iacc si byy junjai. Dyrdig caipnuar jurlaii dyrr be kiamwsik, qycc pnuarduer digvet ee simliw hiyrqyw. Guaw bad je vaiw jixcud, lanw soxx jyr/ soxx sniu/ sniu beh jyr ee juerhingg, itding e vywhok dirr lanw ee linghunn. Jixu pnuawduan ee lueriongg jiacc e siurjer si'kongx venwngua diauqnia, vingrr caixcuw sik'iong ee byy qang hingsid. Guan'inx dirr dyrdig pingqer si jairr dyrdig sinwdiauu cenxbin qycc iong'i knuar diyc ee kakdingrsingr/ dyrdig sinwdiauu jongxsi zinrding bad sniaw si sxen/ anxjnuaw si og ee bo'ngiu. Itdanr jaix qicow si jiacc byy kakding, ui' lunliw-siong jywcud quatding dyrr vnewjyr juxquanx/ congwjy hing'uii. Jixu siongrder dong'ir, lanw jiacc erdangr hro jurqiw siongsinr kakdingrsingr, iaxx si qongw, dirr amwiwsig diyhh kuriuw jurhuad/ quatding ee ciongdong. Lunliw vunxsinx (senrog jiqanx quatding)be sriu jitt jiongw ciongdong ee ingxhiongw, incuw, lanw e venr qaxx kacc lann/ anxjnuaw marr vaixtuad be driau lunliw quatding soxx duar laii ee jetbuaa. Mrqycc, jinjniar dirr lunliw-siong lyc quatding sii, lanw dirr mow quaw jingqingw kiokk erdangr iongxiuw juriuu, piacbenw tong' langg jaix ee dyrdig sxen, jyr liauw langg zinruii siaa ee dairjir, guaw juadduir bersaih kuthok duiwlip ee zimrhyy jidhongx. Inwdo dethak ee vywingr uirr lanw teqiongx liauw jit xee denxhuan. Dirr ixqingx jaix ee jinghongw-ha, dyrdig sinwdiauu itding e virr cuxsiaux, qywzinn jixhyw jurqiw jywcud lunliw suanxdik, jex vunsinx m si sinx qaiwliam; dirr simlixhak iauxx bue cuthen ee sidai, suanxdik ee kunwlann jiongww langg jaix, virr labzip “qangjog jikzim ciongtut” ee huanruii.
BEH SINUI ANXJUANW UAC KIW LAII
Mrqyxx, jongxtew laii lun, qywzinn qinvunw byy hxuad u jitt jiongw iwsig, byy hxuad knuar cud jurqiw u quatding ee amwlik; sionghuanw, e jauluan siwqer luanrjongg, sniu beh ui' guarjai ee huatjig/ quiding vaixtuad sniu byy vo ee kunwqingw. Duliauw itvnualangg ee tongvne gua, qauwiok jniajyr virr tikme duiwsiong, in'ui tuansiu :ee si cauwsngvo, duiww qywzinn texgiam ee viwbit, jit zri dyrr byy qongw .diyc/ kacc qar dyrr si lixsiongw sinwliam/ hing'uii quihuan/ jiaxee dyrliw tong' langg jaix, kiokk ingxuanw jyr be qaur/ lixsiongw simwliam marr jixsirr jyr qnuax langg ee kauxhy/ inx simlai qisit jin' cingcyw jurqiw m bad drat qaur jiacc quann ee viaujunw/ marr byy sniu beh jiaww jyr. Qiquair :ee si, jurlaii byy langg jitqii qauwiok ee qewdat.
Sniu beh did diyc siaa jitt xee bunrdee ee dab, dairsingx/ qycc si siongrr diongriaur :ee si, rair u jurdix ji' bingg --- jurqiw uanjingxsingr ee cingcyw zinrdix. Sxen/ og si vunxjid ee jit vorhun, kingxding e dirr zimrhyy langg srinx-siong henxlo cud laii/ diyh'air jankog liauxqaiw jurqiw erdangr zuarr hyw (sxen) qaur sniaw tingdo, qycc e huan liauw sniaw juerhingg (og), rair qingxqag .diyc, m si qandna' jiong' knuawjyr jinsit, lingrgua jit xee dongwjyr cywqag/ jex si jurkix-kizinn iacc si gamrsniu.
Itvnuax laii qongw, duadysowlangg vingrr byy uanjuann kurvi jitt jiongw sing'uac linglik ee juixjunw, m quanw bagjingg jerje huisiongg liauxqaiw jurqiw ee langg. Zinrbad jurqiw jiacc diongriaur ee iwgi, guan'inx si dirr, lanw kyxiw tauwquer sxen/ og jiapqin zinsingr vunxjid ee hudsimx, si ixjaw dyrr junjai ee dongrlik insor jipuer lanw iwsig soxx jyr lunliw quatding --- hudsimx dyrr si amwiwsig/ amwiwsig ee lueriongg --- lanw byy hxuad duiww jex jywcud juewau pnuawduan. lanw duiww jingxqyy amwiwsig ee quanliam, byy hxuad huntiah cud vunxjid, cingcyw zinrbad lixqaiw, qycc qra habliw hanrjer; qandna' erdangr tauwquer kyhak did diyc iuxquanx dairjurzenn ee diwsig, kokdua iwsig ee huanruii; incuw, cimzip zinrbad jurqiw marr su'iaur kyhak, dyrr si simlixhak. Si'angw marr byy hxuad qanxdanx kinsangx jyr cud jit daii diauwqniar/ hamwqniar, zuqyw qandna' si itpenr senrir, kiokk m bad qonghak guanliw.
Dnaxx lanw su'iaur simlixhak, si ham' lanw qinvunw singjunn ee jiongxjiongw lixiuu u quanhe. Binrduir Nazi juxgi ee henrsiong, lanw gignaiw/ sniu byy vanrhuad, in'ui lanw duiww langg itbuu-soxdix, iacc si qandna' knuar jit bin/ uaikiog ee liauxqaiw. Zuqyw lanw zinrbad langg u qraur cingcyw, dyrr be cuthen jitt jiongw jinghongw, binrduiw siaog kiokk m jaix ganxjingg :ee si sniaw, beh anxjnuaw kir duiwkongr? Dyrr sngr lanw kaksit jaix hex si sniaw, iuguann byy hxuad lixqaiw “ix jnuaxngiu e dirr jiax huatsingx?” jit xee jingwdirqax jnriu daii, tenjinx qiaugno suanvyr ix byy “siaog ee siongxsiongrlik”. Byy cyr, lanw si byy siaa ee siongxsiong, mrqycc siaog kiokk jin' gauu joklong lanw. U quaw langg m jaix jitt diamw, u langg hnuahiw ham' siaa jywhuew. Jitmaw, sewqair simliw jongrtair si: u langg jurzin qidokdoo, setsiongw jixiaur inx guanrir, dyrr erdangr qra siaa dac siw; u langg kuthok siaa, byy qycc knuar diyc sxen. Siaog ixqingx venwsingg jit xee knuar e diyc ee ledqiongg dua qog ar. Vnuar sxor zinlui jiar diyc ui' tuiliw jewding cud ee qauwdiauu qiongdua ju'iongw jurqiw, lingrjidvnuar :ee kiokk kiamr ham' jitt jiongw jinghongw siongdongx ee sinue suacc puawvne. Jin' uiham, qidokqaur qokk qog ixqingx huatsingx jitt jiongw jinghingg, qidokdoo kunr be cnew, cingx-vah nii laii srid qakcad qra sinue jinr jit vo huatdenw ee vit'iaur. Hiaxee jiamduir sinue quanliam-diongx duiww snewmia oamr ciongdong viauxsi knuawhuad ee langg, kiokk virr qirjuat tniax inx ee lunrsut; Gioacchino Da Fiore (1135-1202)/ Meister Eckhart (1260-1328)/ Jacob Boehme (1575-1624) qapp qitnax jerje langg, dngqii ixlaii itdit virr duardysowlangg zinruii si huanxkexbongjuxgirjiaw, jixu qauwhongg Papal Bull of Pius XII/ ixqibb qauwgi lorcud puxqngx (camkyw derr cid jniux). Dng' guaw qongw kiw jitt diamw sii, simrjiww langg' m jaix guaw decc qongw sniaw, inx vingrr byy zinrbad .diyc, jit xee byy qycc kuriuw snewmia, qewsiok singdiongw ee sinue dingxii sixbongg.
Lanw ee sinue ixqingx diam .kir, byy ue byy qycc huedab bunrdee. Cywgo m si sinue/ iauxx qycc cniurr “singwqingx” soxx siaw ee hitt ngiu, si dirr lanw. Lanw m na byy jinr jit vo huatdenw, dendyr apjer zimrhyy anne ee kiwdoo. Sinue guansiw vanxvunw teqiongx dairliong ee kixdiamw qapp huatdenw ee kyxlingsingr, qidog bad qongw “incuw, linw e cniurr juaa hiacc kiauw, cniurr hunxjiauw hiacc unsunn.” langg uirjnuaxngiu su'iaur juaa ee qankiauw? Quixjar ham' hunxjiauw ee busiaa qycc u sniaw quanhe? “duhuix linw venr qaxx cniurr ginxaw ...” si'angw e kir sniu sidjer sing'uac-diongx ee ginxaw si sniaw ngiu? Beh qinqir sniaw dyrdig guanjig laii pnuawduan ix si jenwngiaa jinwzip Jerusalem laii kanx jauw hitt jiah luu-aw? Zenau, qycc cniurr ginxaw hitt ngiu huad singwde jxiur buhuaqyw, qycc si anxjnuaw? Hitt xee vutgi quanxqex qongw :ee qycc si suecbingg liauw sniaw? Cniurr qexsingwgingx soxx siaw :ee, Iasox qongw “ zinjuw ar, liw narr jaix liw jurqiw decc jyr sniaw, liw dyrr u hog ar; narr si m jaix, liw dyrr qaix sriu jxiur, liw dyrr si juerzinn.” jex duiww lanw jurqiw ee kunwqingw si zuarr cimkig ee dongrcatlik! qycc si sniaw cimuanw iwgi? Dng' St.Paul juewau camwhuew qongw “suibongw m si guaw ee vunxir, guaw iuguann jyr og ar.” jex dauwdew si sniaw iwsur? Guaw byy sniu beh qycc tyxlun “kexsirlok (Book of Revelation)” hiaxee jit knuar dyrr jaix ee irgenn, si'angw marr byy siongsinr jiaxee ho'ngg jin' gairgiyc ee irgenn.
LANGG EE LINGHUNN HO'NGG BE QIR .DID
Gnostic qauwdoo tecud ee lau bunrdee “ siaog si ui' dyhh laii?” qidokqaur sewqair itdit byy huedab, Origen qinxsin tecud moquiw marr ersaih siogjue ee knuawhuad, kiokk virr zinruii si irduanx siasuad. Dnaxx lanw vutditvud binrduir jitt xee bunrdee, kiokk byy vo/ simx be dnia. M quanw lanw zuarr qitai sinue/ sinue be benw driau lanw ee eh. Jingwdi qiogser/ kyhak-siong kyxpnar (cniurr okmoo) ee singwli qetqyw, lanw virr viwbit ee kiongxvor surqnia/ jendoo imamr irgenn qniax puar dnaw; mrqycc dyrr si venr byy lenw, jixu jiyw sxor langg did cud qetlun; jitt huee si virr be qir did jin' quw, langg ee linghunn bunrdee.
Sinue jinr jit vo huatdenw, jin' kyxlingg kaisiw dirr singwlingg dairliong henxhen dirr suxdoo srinx-siong, anne inx dyrr ersaih vnewjyr siongrder ee qniaw, vauquad tauwquer inx/ dirr inx ji' au jiapsiu siongrder qniaw sinhun ee qitnalangg; inx kakding : inx m si qandna' laijurr derqiuu ee toxsingx dongrbut, qiwzenn did diyc nng vaiw sinsingx, inx ee qinx si dirr sinhak vunxsinx. Inx knuar e diyc budjid snewmia si dirr jitt xee sewqair, mrqycc cniurr qidokqaur iuxquanx linghunn qiuwsiok ee sinue, knuar be diyc luerjai snewmia laijurr dyhh/ marr e qycc dngw kir guancox iwsiong ee uanjingxsingr, jiongbuew dngw kir qaur ingxuanw singwve hiax.
Jyrbudjuw si uanjingw :ee, ix ee jyrbut/ ix ee qniaw, marr qaix si uanjingw :ee. Ui' sinn ee uanjingw quanliam si duat be jauw :ee. Danrsi, si'angw marr m jaix jitt hxun uanjingxsingr sui' vxangx cruir .kir, qongbingg/ oamr ee ongqog sui' jriab lecc laii. Anne ee qetqyw dirr qidog cuthen jingg dyrr virr singx knuar cud, Job ee texgiam-diongx, iacc si duer diyc qidokqaur sidai au poxpenr tuanvor ee “The Book of Enoch” erdangr quancad .diyc. Dirr qidokqaur-diongx, jitt jiongw ciaubudjid ee hunlec henxzenn quxdngg junjai; dirr “quriog juansux” Iahyhuaa cinbit qinduewjiaw Satan, venwjniaa ham' sinsingr sewqair ingxuanw duiwlip, byy hxuad qinduu. Incuw, jaw dirr jap-id sewqiw coqii, dyrr u congwjy sewqair si moqiuw, m si siongrder ee sinwgiongw, dyrr si dirr aurlaii ee qidokqaur ligsuw iuguann piaupuu jitt jiongw lunrdiau; tensair duirlyc ee sinue marr qaixsueh qaxx jin' cingcyw, si jiaxee tensair qauwdy zinlui iuxquanx kyhak/ gersut ee huihiamw diwsig. M jaix jiaxee qoxlyw qongw qxow :ee, e duiww Hiroshima qongw sniaw?
Jacob Boehme knuar diyc siongrder jurqiw horsiong maudunw ee huanwsiong, ix rue cud siongrdingx hunlet siongrder ee Mandala--- luerkuann hunkuix, nng xee kajiacau siy' duw ee vnuawngii.
Qiwzenn qauwdiauu zinruii, snax xui ittew ee muixx jit xui, siongrder longxx si uanjingw cuthen, ix marr uanjingw cuthen dirr singwlingg ee muixx jit vorhun, narr anne, muixx jit xee langg jerjiyw duar diyc siongrder/ ix ee qniaxzii ee uanjingxsingr. Siongrder hingsiong-diongx, jitt jiongw hogjap ee duiwlip jinwzip langg ee srinx-siong, danrsi ixx maudunw ee hingsid jinwzip, oamr ee hitt jidvnuar qapp zinruii si “qongbingg” ee knuawhuad horsiong duxdag. Jitt xee quewdingg dngdecc huatsingx, mrqycc zinbunn hagkyx ee qauwsux cavutdyx jit diamw aw dyrr m bad, an' ix ee jikzim laii qongw, ingwqaix jaix jiacc driyc. Lanw qamxqag, ixqingx qniaa zip diongrdua quatdingrdiamw ee jitt xee sidai, si laijurr hudjuw hunlec/ jurhap ee venwngua, iacc si taiwkongx huexjnir, jinjniar langg simlingg soxx huatsingx ee itcer kiokk virr dongwjyr byy junjai.
Ui' simlixhak ee quandiamw laii knuar, jixiaur siongrder hingsiong viauxbingg si jingsinn qicow, jixiaur hingsiong hunlec --- cimkig ee nng hxun huad duiww zinlui jiamrr cingcyw, simrjiww cimzip jingwdi, dyrr e sanxsingx voxsiongw henrsiong/ caixiong itdir ee ngikoxaw, viauxsi jingsinn-lai duiwlip sianghongx ee jonghap. Guaw sniu beh dirr jiax qongw jit xe iuxquanx vutbingg huihingbut ee liugenn/ jaw dirr 1945 nii lanw dyrr u tniax .quer/ jiaxee vingrr m si qenwlip dirr huanwsiong, si jinsit ee henrsiong. UFO ee qowsu tongsiongg si anne: ui' qitnax cneqiuu vuex laii ee uxdiu vuejunn iacc si laijurr derr sir-cuwguann.
Zi-jap gua nii jingg (1918 nii), guaw genxqiur jibtew amwiwsig ee quewdingg, huathen Mandala huhy. Uirr liauw kakding, kaix jap-gua dxangx siqanx siujip qitnax juliau, jiacc suanvor guaw ee huathen. Mandala si jit xee guanhingg ee iwsiong, qingguer sidai ee jingwsit, iwbi diyc jurtew ee uanjingxsingr. Jitt xee ngii dairviauw jingsinn qicow ee uanjingw, iong sinue laii qongw, dyrr si sinsingr ixx zinhingg henxhen. Henrdai Mandala duxhyw ham' Jacob Boehme :ee sionghuanw, ix jingcuw ee si itdiwsingr, si duiww simlingg pywlec ee voxsiongw/ iacc si irqnir diyc jitt jiongw hunlec jiong' virr kikhok. Jitt xee quewdingg dirr amwiwsig huatsingx, jixhyw siwqer henxhen jurqiw. UFO ee qowsu e qongxkuah liutuann si siongrr hyw ee lerjingr, si poxpenr junjai ee jingsinn iwhiongr ee diaurtauu.
Hunsig dirliauu itdanr hro “imngiaw” iwsikhuar, dyrr e jyrsingg hunlec, qycc hro duiwlip sianghongx qinxdniux jongrtair, jixhyw vingw quer laii itdiwsingr sunqiuu voxsiongw. Jitt jiongw diaujingw si tauwquer huhy laii sidhen. Lanw beh giamsiog duiwtai duiwlip sianghongx ee ciongdut (iacc si inx giamsiog duiwtai lanw), lanw jingsinn qinxdniux jixu jiong' drat qaur qighan (byy derr snax jiongw suanxdik ee logic): knuar be diyc zimrhyy qaixquad ee kyxlingsingr, zuqyw itcer longxx jin' sunrli, qaixquad vanrhuad jurzenn e ui' vunxsingr-diongx henr .cud .laii, marr jiacc u suechoglat, cniurr ten'unx. Qiwzenn qaixquad honghuad laijurr duiwlip sianghongx ee duiwkongr ciongdut, dyrr si iwsig/ amwiwsig ee qethap --- jit xee siongrdingx, iaxx diyrr si jitt xee huhy/ cniurr jit xee ngikoaw virr ad jyr nng vingg, viauxsi iwsig/ amwiwsig habjog ee qetqyw, ixx Mandala hingsid qapp siongrder ee hingsiong luirsu; Mandala iokliyc si jit xee uanjingw quanliam siongrr qanxpog ee ngiusid, ui' simlingg jurhuad sanxsingx, jaiww henr duiwlip sianghongx ee qunxqaw/ tywhiap. Dansunn sriok qywzinn singwjid ee jitt jiongw ciongdut, jin' qinw dyrr e hro langg dngwgno diyc, juxquanx ee ciongdut jixsirr duiwlip sianghongx poxpenr maudunw ee lerjingr. Lanw ee jingsinn qetqor qinqir uxdiu qetqor setlip ee, dirr hongquanx sewqair huatsingx ee itcer, qangrkuanw huatsingx dirr buhan ser/ siongrr juxquanx ee jingsinn huanruii-lai, soxiw siongrder ee hingsiong jniajyr qiongg qycc u lat ee duiwlibbut, luersimx texgiam ee dausia. Jitt xee hingsiong ixx kurtexbut laii viauxsi, luersimx texgiam si ui' kurtexbut cruw diyc siongrr dairsingx ee dongrlik, ui' jitt sii kiw, kurtexbut vyxiuw sinsingr ee iwgi/ iacc si sinsingr/ ciaudua dongrlik ee digsig. Jiyr jitt jiongw hongsid, siongxsiongrlat hro jurqiw ui' but ee kurtew-diongx qaixhongr .cud .laii, iwdoo qra knuar be diyc ee hingsiong, biyue cud henrsiong vuerau ee moxjiongw mic. Dirr jiax, guaw jin' jurzenn sniu diyc Mandala siongrr qanxdanx ee qivunw hingsid --- ngii/ sibzirhingg vunx sir hxun, iacc si duiwvnuar vunx.
BUDIX, QONGW SI “AMWIWSIG”?
Anne ee texgiam kyxlingg duiww langg sanxsingx hyxcur/ huixbet jok'iong, langg byy hxuad vaxag/ lixqaiw/ juxjnaiw anne ee texgiam, marr byy hxuad vaixtuad/ siamxpiah, in'ui qamxqag hex si berdangr duiwkongr ee. In'ui zinrbad diyc hex m si laijurr iwsig ee zinqeh, qongw hex si ciaujurzenlat/ moquiw/ iacc si siongrder; kyhak caixiong “amwiwsig” jitt xee zirganw, singzin jurqiw duiww hex itbuu-soxdix, guan'inx si duiww jingsinn sidjid itbuu-soxdix, pen' pen' jingsinn qycc si zinrdix ee ui'id ciuxdnua, cniurr ciaujurzenlat/ xmoo/ siongrder ... dringw ee kaksidsingr berdangr hiyxzin/ qycc byy hxuad jingwsit. Lanw erdangr kingxding :ee si, moxjiongw kecquanx/ dirr jingsinn ixgua, ququair ee texgiam, kaksit si jinsit ee.
Lanw jaix, kaksit qinggiam .diyc moxjiongw lanw m jaix :ee/ ham' lanw byy qang ee surbut, jinghingg ham' lanw jaix jurqiw be jewjy bang/ linggamw qangrngiu, si jurdong cuthen :ee, ixx qangrkuanw hongsid huatsingx dirr lanw srinx-siong ee dairjir kyxiw qongw si laijurr ciaujurzenn? jit xee moquiw? jit xui tensinn? iacc si amwiwsig? Jingg snax xee vauhamm/ qycc qiyr cnew sinsingr qamxjingg digsid, qandna' amwiwsig si vinghuann/ incuw marr kacc jiapqin henrsit --- jitt xee quanliam vauquad qinggiam ee ongqog, lanw jin' cingcyw vinghuann ee henrsit. Amwiwsig jitt xee iongrgiw sniu' quer diongsingr/ habliw, byy hxuad hro siongxsiongrlik siongrr dua ee kongqanx/ si uirr kyhak bogdig congwjy :ee, kacc sikhap m si tiusiong/ byy duar qamxjingg ee kecquanx guancad/ duiww ciauqinggiam quanliam byy qaiww sik'iong, guan'inx si ciauqinggiam iauxx u jinggi, kacc kinghiongr bru cud zedqongg.
Guaw jurzenn kacc qac'ir “amwiwsig” jitt xee sudgiw, narr beh iong sinue gixgenn laii viauxdat, guaw qangrkuanw e qongw diyc siongrder/ moquiw. Dng' guaw kaksit iong sinue ee gixgenn sii, simlai jin' cingcyw, “ciaujurzenlat” “moquiw” “siongrder” longxx si amwiwsig ee donggirsuu, lanw duiww jiaxee zirganw ham' amwiwsig ee zinrdix vnee dang hunrliong/ itvnualangg siongsinr duiww jingg snax xee bad kacc je; uirr moxjiongw bogdig, jitt jiongw sinwgiongw viw kyhak qaiwliam kacc u loriong/ u hau. Moquiw ham' siongrder hyw iong, si erdangr hro duiwlibbut kacc iong'i zinqechuar (Personification), inx ee qamxjingg digsig hro inx snewmia/ linggiamrsingr. Air/ hin, qniahniaa/ qingwuir qniaa hiongr duiwkongr buxdaii, guanvunw ee “denxsi” jniajyr “hingdong”, jingxqyy langg sriu tiaujenr, jinwzip langg ee henrsit dauwjingx. Jixu jitt sii, langg jiacc erdangr venr uanjingw, marr jixu jitt sii, “siongrder jiacc erdangr cutsir”, jinwzip langg ee henrsit-lai, ixx “langg” ee hingsid ham' langg huatsingx quanhe. Tauwquer huawsinx ee hing'uii, langg (ix ee jurgnow) simlai virr “siongrder” cuxdai, siongrder venwjyr guarjai ee langg; jex ham' Iasox ee qongxhuad si itdir ee : knuawqnir guaw ee langg iarr dyrr si knuar diyc tnive.”
Sinue sudgixhak (Mythic Terminology) ee kuatdiamw dirr jiax knuar henrhen. Qidokqaur duiww siongrder ee itvnuax quanliam zinruii ix si juandix/ juanlingg/ busow-vutjai/ dua zinjuu ee tnive/ jitt xee sewqair ee congwjyrjiaw. Narr si siongrder beh venwjniaa langg, ix diyh'air venr hikangx, jiacc e soksiyw qaur buhan ser ee cunwciyh-lai. Jitt sii, ho'ngg lann bingvik ee si, langg ee kingkag jnuaxngiu be hro Ix qringx puar .kir? Sinhak susiongxqax qamxqag u vit'iaur hro Iasox ciauzinn ee digsig/ siongrr diongriaur :ee si ix byy guanjue odiamw/ jiwjiyw si jit xee sinhuar ee langg/ vnuawsinn; siongrder ee hingsiong huawsinx jyr qinggiamrsingr ee langg, byy kyxlingg be sanxsingx maudunw; jex ham' kuriuw itcer guarjai digdingx ee langg qigjiyw sikhap dairviauw jit xui sinn ee jinghingg si jin' byy qang :ee.
Sinue zinrjinx knuawtai itsinqaur/ byy qor zirguanlun, dirr qnuahongx dua sniax puepnuar-ha, zirguanlun iuguann uac qaur dnaxx, ham' banrlingg siongrder jywhuew jre dirr ingxuanw oamr duiwdigjiaw ee vyxjy. Uirr liauw Nicolas of Cusa (1401-1464) dethak digduir ee huehogsingr, ixqibb Jacob Boehme ee dyrdig maudunw, jitt xee texhe rair niu cud kongqanx laii; jixu anne, “ui'id ee siongrder” jiacc erdangr iongxiuw guanvunw sriok Ix duiwlip ee sianghongx icii jywhuew, horsiong voxciongx, hro inx u snewmia iwgi ee hingsid. Jitt jiongw jinghingg itdanr huatsingx, jurzensinn/ jyrbudsinn ee maudunw dyrr byy lann lixqaiw; huanw .quer .laii siongrder huawsinx (qidokqaur jin'gi ee vunxjid) ee sinue dyrr erdangr virr qaixsueh uirr langg laii congwjy jniawbin knuawtai duiwlip ee sianghongx/ jurtew ee hingsingg qapp zinqeh ee uanjingxsingr. Jyrbudsinn berdangr piacbenw luervo ee maudunw, kyxiw jyr lenrqimsux duiwlibbut ee habtew iacc si sinvir ee tongxid, dirr jurtew ee tongxid/ uanjingw-diongx cruw diyc tywhiap/ byy qycc si duiwlip ee “siongrder” qapp “langg”/ si dirr siongrder hingsiong ji' lai ee duiwlip sianghongx, jex si sinn ee qongdig/ iacc si qongw langg kyxiw hongwhenr hro siongrder ee qongdig; jitt jiongw qongbingg ui' oamr sanxsingx, jyrbudjuw erdangr iwsig .diyc Ix ee congwjyrlat, langg kyxiw iwsig .diyc jurqiw.
Jex dyrr si bogviaux (iacc si bogviaux ji' id), hro langg u iwgi sikhap congwjy ee quihuan, dongsii qycc hro qui'ue iwgi. Quiw jap nii ee quewdingg-diongx, dirr guaw simlai ban ~ hingsingg ee sinue, si jit jiongw erdangr qaixsueh :ee, si jit xee guaw erdangr zinrkyw/ jundiong/ buanxir ee bogviaux.
Langg kuriuw sukyw linglik, huac quer dongrbut sewqair; tauwquer susiongw, jingwbingg liauw dairjurzenn duiww iwsig ee huatdenw si qydo diongrsi :ee/ singzim sewqair ee junjai/ langg iongxiuw dairjurzenn --- jingwbingg liauw jyrbudjiaw. Jitt xee sewqair venwsingg ciongbuanw qokk jiongw henrsiong ee sewqair, narr si byy iwsig ee sukyw, dyrr be anne ar. Jyrbudjuw itdanr iwsig .diyc jurqiw, dyrr byy su'iaur u iwsig ee singbut; hiaxee qinglik .quer cingx-vah-bxan nii jiacc huatdenw ee busor budjiongw/ singbut, byy qaiww u kyxlilngg congxjy cud u iwsig ee sanxpinw, qanwjiap congwjy liauw honghuad. Jurzenn qra lanw qongw, dirr cingx-vah-bxan nii tunjiac/ virr tunjiac ee siqanx-lai, budjiongw qinglik liauw jabluan/ qigursingr ee venwhuar. Zinlui ee singbudhagsuw/ jingwdirsuw marr si anne, si jit jiongw kacc bibiau ee dionghok. Susiongxsuw ee jinghingg dyrr byy qang, in'ui qijig ee iwsig qaiwzip --- derr zi jiongw uxdiu kixguansueh (kixguansuad). Iwsig jiacc diongriaur, jurzenn dyrr e huaigii, iwgi ee iauwsor amcangr soxu kyxpnar/ henxzenn byy iwsig ee singbut naurdong-diongx, tonghiongr jingwsit jiongbuew si, iongxiuw byy qang dirlik ee zedhueh dongrbut srinx-siong cue .diyc (gnoxzenn/ bu'ir/ iwgua cue .diyc), kiokk qycc m jaix si sniaw guan'inx? qamxx si moxjiongw oamr ee ciongdong hro iwsig .diyc/ qamxqag .diyc, qycc hro bongx .diyc?
SIONGRDER EE UE
Guaw m qnaw setsiongw jurqiw dirr qiamxtyw zinlui/ sinue ee iwgi sii, ixqingx qongw cud jinliw; mrqyxx zinruii, jex si sianghii-jxy (Pisces) dirr dngg ~ ~ ixlaii beh qetsog sii soxx erdangr qongw :ee, kyxlingg rair kyxlu juixqanx-jxy (Aquarius, cniurr langhingg, dirr sianghii-jxy ee vnix:a)ee quandiamw. Sianghii si nng buew tauu-buew horsiong dywvingw ee hii, soxx josingg ee duiwlip habtew, juixqanx-jxy dairviauw jurtew, ixx uigiamm ee jutair qra juiwqanx-lai ee mic dryr zip sianghii ee cuir-lai/ sianghii-jxy siongrdingx si qniaxzii, jit jiongw qionglet amwiwsig ee lueriongg/ qingquer nng-cingx gua nii, birlaii beh cutsir/ jex birlaii ee digdingx ixx snua'ngiuu-jxy (Capricornus)laii henxsi/ jit jiongw quaiwbut, siongrdingx qysnuax/ cimx haiw jywhuew singdiongw/ nng jiongw byy qang ee dongrbut soxx qowsingg. Jitt jiongw qiquair singbut kyxiw jin' iong'i jniajyr binrduir Anthropos, “langg” si jyrbudsinn ee guanhingg hingsiong. Duiww jitt xee bunrdee, gauw qandna' erdangr vyxcii diam ~, cniurr guaw sui'ir unriong ee qinggiam juliau/ si guaw zinrbad langg ee amwiwsig sanxbut iacc si ligsuw bunhenr. Zuqyw m si jurzenn lingxgno, koxsniu bingngiu si byy iwgi ee; jixu lanw iongxiuw ham' juixqanx-jxy siqii horsiong vixqaur kecquanx juliau, bingngiu koxsniu jiacc kuriuw iwgi.
Lanw m jaix, qniaa hiongr iwsig ee quewdingg erdangr endngg qaur zuarr hng, e dyxhiongr dyhh. Congwser ee qowsu, jex si jit xee sinx singhun/ byy luirsurbut/ m jaix u sniaw amwlik/ byy hxuad jaix zinlui ee uanxqingw, si m si e ham' qitnax bad dirr derqiuu hingong .quer/ jitmaw ixqingx juadbet ee budjiongw qangrkuanw miarun? Singbudhak byy hxuad tecud byy kyxlingg huatsingx jitt jiongw jinghingg ee lixliuu.
Dng' guaw sniu cud suecbingg, langg dirr uxdiu hibang iwgi ee sewqaiwquanx sii, taur quer sinue laii viauxdat, su'iaur did diyc buanxjiog, jitt jiongw quandiamw laijurr jingsinn ee uanjingxsingr/ iwsig amwiwsig horsiong habjog. Byy iwgi apjer zinsingx ee uanbiw, cniurr puawvne; u iwgi erdangr hro iwgi ee surbut vyxjunn, simrjiww hro itcer surbut quxdngg lauu .lyc .laii. Kyhak ingxuanw byy kyxlingg cuxdai sinue, sinue byy kyxlingg jurr zimrhyy kyhak-diongx sanxsingx, guan'inx m si siongrder si sinue, si jitt jiongw sinue henxsi liauw, langg ee srinx-siong junjai diyc sinsingr snewmia. Huatbingg sinue :ee, m si lanw, sinue ixx “siongrder ee ue” laii hiongr lanw qangxsut. “siongrder ee ue” tuann qaur lanw hni, lanw qinvunw byy vanrhuad kuvet si m si ham' siongrder :ee iuxsow byy qang/ byy qang qaur sniaw tingdo. Duhuix lanw jurhuad binrduir, qycc pnai diyc iwgu/ si m bad jitt jiongw “ue”/ huizinsingr/ byy sriu lanw dogduan acvar ee hing'uii soxx ingxhiongw. Lanw byy hxuad qaixsueh (qaixsuad) lingqamw, juxiaur qamxqag hex m si lanw jurqiw tuiliw ee qetqyw, m jaix ui' dyhh laii, kiokk qangwlimm dirr lanw srinx-siong. Zuqyw duxhyw jyr liauw jit xee erdangr singx knuar .diyc ee bang, lanw zuhyy qra quisiok dirr lanw jurqiw ee linglik? simrjiww itbuu-soxdix, ongxongw rair quer jit dnxua sihau, jiacc jaix naxx u singx siamx .diyc, iacc si jin' quw ixau huatsingx .quer ar, jiacc u hxuad qra kanlenn jywhuew.
Jitt jiongw “ue” huatsingx dirr lanw srinx-siong; lanw sriu kow/ si byy kakding ee hisingpinw: in'ui siongrder si duiwlibbut ee hoghabtew, ui' siongrr kuacbin ee iwgi laii lun, soxu ee dairjir longxx kyxlingg :ee, jinx/ qew, sxen/ og. Cniurr Delphi ee bingrling/ bang hitt ngiu, sinue erdangr si siy' qauqnaa :ee. Lanw berdangr/ marr vutqaix qirjuat singzin lixsingr; diyh'air qensinr, vunxlingg e jo lanw, cniurr Job jaw dyrr jaix, siongrder vxangx ix huanxduir siongrder. Taur quer “lingrgua jit xee iwjir” viauxdat itcer laijurr langg, ix ee susiongw/ gixsuu/ iwsiong, simrjiww jiongxjiongw hanrjer. Incuw dng' langg kaisiw ixx byy qraur ling'uac ee simlixhak sudgiw sukyw sii, kinghiongr qra jurqiw dongwjyr banrbut ji' guann, duanwding itcer laijurr langg ee iwdoo/ langg jurqiw. Cniurr ginxaw hiacc tenjinx zinruii, jaix jurqiw linglik soxx crunx qaur ee itcer, jaix, “ix srinx-siong” kuriuw sniaw. Mrqyxx langg itdit sriu nngxziok ee iwsig/ duiww amwiwsig ee qniahniaa, si qik dua joxgai, qinvunw byy vanrhuad qinxsin tuilun did cud ee qetlun, ham' laijurr lingrgua jit xee laiguann/ jurhuad rig laii ee mic hunvet cud laii. Byy hxuad kecquanx, qycc berdangr qra jurqiw dongwjyr junjai-diongx soxx huathen ee henrsiong, m quanw hyw-baiw, ix dyrr si jitt jiongw henrsiong. Kixtauu, qiongqax itcer dirr srinx-siong, itcer longxx dirr ix srinx-siong huatsingx, kaix jerje kuiwlat, jinghok jongwgai au, jiacc iongxiuw jit xee siongduir juriuu ee tende.
Dng' langg cue diyc mairhiongr juriuu dyrlo au, jiacc zinrbad jurqiw binrduir vunxlingg ee qinqix derui, jnuaxngiu marr vaixtuad be driau: Ix ee kaisiw vingrr m si qandna' ix ee quewkir, jitmaw/ quewkir si ixx ix junjai ee ingxuanw qicow ham' ix qiongrjunn, iwsig sriu ingxhiongw ee tingdo cniurr jiuuii budjid sewqair ee ingxhiongw qangrngiu.
Jiaxee sursit ixx byy kyxlingg u dongr ee lat, ui' lairgua sianghongx qrongx hiongr ix. Ix qra qruix dirr sinn ee quanliam, jiyr sinue laii biyue inx ee jok'iong, qra sinue qongw jyr “siongrder ee ue”, laijurr sinvir lingqamw qapp kexsi ee “hitt hnua”.
II
Narr beh qaqiongg langg dinsiyh qywtexhuar ee qamxqag, jiuwjua vyxsiuw viwbit si siongrr hyw ee honghuad. Siarhue qetqor jid'err sanxsingx, dyrr cuthen duiww viwbit jojid ee zedlet qitai. Byy qinqir ee viwbit junjai sii, dyrr e jewjy/ hiqor digkuann jiacc erdangr cam'uw ee viwbit jongqaur gisid/ lerjingr: muiquir sibzirhue qapp qitnax jerje jojid. Dirr jiaxee qew viwbit-diongx, hyxciyr ee si, kaksit junjai sinx zibhue :ee uanjuann m jaix ee viwbit, kyxviw qongxx hiaxee ui' lenrqimsut ee tuantongw-diongx jiyh iong viwbit ee tuantew.
Joklong hikangx viwbit duiww guansiw u snesiw diongrdua iwgi/ jitt hxun uirr jiongwzinn hunhiongw ee viwbit u icii jingxqyy vorlok jurjip jok'iong. Viwbit dua dua voxsiongw liauw qywzinn qywsingr-diongx soxx kiamr jibjurlat/ vutduan dirr quntew qitnax singguann ee amwiwsig-lai hoghuad. Langg ee bogviaux --- iwsig diyc qywzinn dig'iuw ee digjid --- ee sidhen, venwjniaa dngqii duiqiuu :ee, qauwiok quewdingg kiokk cavutdyx byy vangjan. Qazip jojid ham' mow quaw viwbit hro jurqiw ham' langg byy qang, marr hogjiongg quntew zinrdongg ee huatjig, jitt xee quntew si siarhue-diongx, byy qang ee jit xee quntew.
Viwbit jojid si qniaa hiongr qywtexhuar ee diongqanx qaidnua, qywzinn uaxkyr jibtew jojid laii sidhenr jurqiw ham' langg byy qang, dyrr si qongw, iauxx byy zinrbad .diyc, hro jurqiw doglip jurjuw/ ham' langg byy qang si qywzinn ee zimrbu. Itcer jibtew ee sinhun, cniurr qazip mow quaw jojid ee singguann singhun/ jicii qokk ngiu ee juxgi ... dringw, longxx e ingxhiongw jitt xee zimrbu ee uansingg. Jitt jiongw jibtew zinrdongg si vaixkax :ee ee qnuaiw-aw/ byy dnaw :ee ee dunxvaii/ vindnua langg ee bincngg/ byy hu jikzim ee vyxhorsow; kiokk si viwho sanwciah langg/ ziogjiaw, haixsiong ee piachongqangw, qozii ee cur, bedoo ngiuu anjuann tinghiyh ee soxjai, lixsiongw puawbet au ee liulongrjiaw/ diausingwjiaw tiamw siw sii, hro inx ciongbuanw hibang ee qoktow ..., teqiongx singlenlangg singdiongw ju'iongw ee maxmah, birlaii jit dnxua jin' dngg ee siqanx-lai, sriu qexmiaa uihiap :ee, jiong' dairviauw qywzinn singjunn ui'id/ kyxlingg ee hingsid. Narr qra diongqanx qaidnua knuawjyr hamrjnew dyrr dua m driyc ar; Qaur dnaxx jibtew jojid iuguann si be kiamr tihh ee, jerje langg byy zinruii si jiongbuew bogviaux, dirr jurjuw ee dyrlo-siong, narr iauqiuu jid'err huac cud jit dua vo, bygii si jurdai cingwhongg/ gamrsniu, simrjiww gongrvun.
Suibongw anne, jit xee langg iuguann rair qniaa hiongr qongxdua ongqog ee dyrlo. Soxu dirr bagjiux jingg gorhuex-jabsig hogjongx/ sing'uac hingsid/ hongsiok/ quanwsir-diongx, cue byy jurqiw beh air :ee, jixhyw qosinx hiongr jingg, ham' jurqiw jyr pnua. Jiong' jurqiw cniurr jit xee quntew hitt ngiu huathuix jok'iong, qokk ngiu ee quandiamw/ kinghiongr, byy itding jiauww qangrkuanw honghiongr qniaa. Sidjer-siong, e sanxsingx maudunw, qiongrdongg hing'uii ee su'iaur qra jurqiw dyngiursingr jiamrr tuanqed jywhuew, suibongw duw diyc kunwlann jerje, guarviauw sriu diongqanx qaidnua siarhue hingsid ee vyxho, kiokk byy lat hongjiw luersimx ee dyngiursingr jauxhiongr. Jursinx tuanqed narr sitvai, uaxqaiw, jin' kyxlingg hongwkir hibang, duer zinqunn qniaa.
Cniurr viwbit tuantew ee sinx langg vaixtuad iauxx bue hunhuar ee jibtexsingr, dandok laii ee qywzinn marr su'iaur jit jiongw viwbit, qycc si bersaih (be ing tihh) siablau viwbit/ jex qaqiongg ix uirr qywzinn bogviaux hunwdaur ee lat. Jerje langg byy hxuad zimxsiu jitt jiongw qodok --- jingsinn quanlingjingr, jixhyw ham' jurqiw/ tnazinn bih siycue, byy hxuad zinrjinx cam'uw zinsingx ee iuhir. Itvnuax qongw .laii, inx juewau jixhyw hongwkir jurqiw bogviaux, duiqiuu jibtew itdir, jex si inx kuanqingw ee quandiamw/ sinwgiongw/ lixsiongw soxx qoxbuw :ee, hyhongw byy sniaw lunrdiamw erdangr jenr ngiaa kuanqingw. Jixu jit jiongw viwbit si qywzinn bersaih laursiap :ee, si qniax hongwkir/ qongw be cud :ee, cniurr luanrsuxsniu; jixu anne jiacc erdangr hongjiw, narr byy diyh'air suebii.
Jerje jinghongw-ha, viwbit si jiacc qinxvig, hro qywzinn bu'ir-diongx qngw zip byy hxuad hurjig ee quanliam/ hingdong-diongx. Anne jyr m si jippiah, m si bongrqongg, si vikced su'iaur, vunxlangg marr byy hxuad lixqaiw uirjnuaxngiu su'iaur/ mia-diongx juwdnia lag dirr ix ee tauu-dingw, kyxlingg si ix itsingx derr it vaiw hiongr ix henxsi junjai moxjiongw ham' ix juxdniux/ lirig dywvingw ee mic/ viw ix qywzinn (zinruii jurqiw si juxlangg) vunxlangg huanrdiuu-lai kacc dua ee lat. Gnaxqog ee qowsu dyrr si jit xee uac lingr lingr ee le, ix ham' tensair viw lat, kacngdauw qnuai .diyc jiacc qetsog, hongjiw jit dniuu mosad. Dng' hyxzirun ee zidjiw, langg siongsinr/ jit diamw aw dyrr byy huaigii, Gnaxqog ee qowsu. Narr si lanw jitt xee sidai, u jit xee cniurr Gnaxqog anne ee qowsu, qongw ho'ngg tniax, lanbenw langg' e zinruii si ix vunxsinx u lingrgua iwdoo, qra dongwjyr ciywue tniax. Kyxlingg Gnaxqog byy guanrir qongw, iuqii si beh vyxho Iahyhuaa suxjiaw vunjid ee suzinn quandiamw, m quanw guanrir iacc si byy air, ix iongxiuw byy hxuad ham' langg tyxlun ee viwbit, venwjniaa penli jibtew ee qaksig, narr m si, ix itsimx vyxjunn ee susiongw jiongbuew rair suanqyr cud laii. Iwdoo qiamqor nng hxang ee langg --- hro jurqiw sik'ingr quntew, qycc duiqiuu qywzinn ee bogdig, e venwsingg jingsinn quanlingjingr. Henrdai Gnaxqog kyxlingg e uirr jurqiw muakamr jitt xee sursit: tensair vitqingr si qiongjiaw, sursit marr si anne, jurlaii byy langg iauqiuu tensair juewau vaixkax likuix.
JINGSINN LUERJAI EE DUIWLIBSINGR
Dirr moquiw kuqnuaw-ha, langg jiongbuew huac quer diongqanx qaidnua, jinjniar jinwzip “byy langg dac .quer, byy langg qniaa ee kuhik (Fraust derr zi vxo)”, dirr jiax, byy lorvaii jixsi honghiongr/ byy ziahongx-dongwho bih srinx ee soxjai. Dng' duw diyc jingg soxx m bad qnir .quer ee jinghingg (cniurr jikzim ciongtut) kiokk byy jingg le tangx yc. Tongsiongg jiaxee tudqig be jinwzip langg ee lingxhik/ qewsiok ee siqanx be qaur ciongtut huatsingx/ in'ui ciongtut virr caqag, iauxx bue huatsingx sii, dyrr qetsog ar,. Guaw byy hxuad jikvi sui' jauw kuix ee langg, marr byy hxuad duiww hiaxee dirr jurqiw nngxziok qapp kiapdnaw, huathen bixdig hing'uii ee langg viauxsi janwdongg. Qiwzenn guaw ee knuar kinx, hex be duiww ix jyrsingg kacc dua ee sionghai, guaw jin' kyxlingg anne qongw: quanhe anne kuthok diauqnia, guaw sidjai cue byy erdangr ylyw ee mic. (si guaw byy liauxqaiw ee vorhun)
Jit xee langg narr si binrduir jikzim ee ciongtut, cinsinx cuxliw kiokk iauxx zid'ia itdit decc danw duan ix hing'uii sirhuix ee huatqnuax, anne jin' kyxlingg huathen jurqiw dirr qolip ee qingxde. Jitmaw, ix ee sing'uac kaksit u liauw byy hxuad ham' langg' tyxlun ee viwbit ar --- qandna' in'ui ix qngw zip jit dniuu byy liauxsii ee luersimx simxpnuar; dirr jitt dniuu simxpnuar diongx, ix si jurqiw ee venrho ludsux qapp bujingg ee simxpnuawlangg, zimrhyy sewsiok/ jingsinbin ee huatqnuax longxx erdangr hro ix dingsinx anzenn hyw kunr. Narr m si ix ixqingx iawsen huatqnuax soxx jyr ee pnuawquad, ix si be hro jurqiw qydnii ee, in'ui jitt jiongw ciongtut si ixx qyckacc quann ee jikzimrqamw jyr jendee. Dyrr si anne ee singwjid, jiacc erdangr hro iongxiuw :ee byy jiapsiu jibtew quatding. Dirr jitt jiongw jinghongw-ha, huatdingg venwsingg viwbit suanpnuar ee luersimx sewqair.
Itdanr huatsingx jitt jiongw jinghongw, qywzinn ee jingsinn u liauw kacc diongriaur ee iwgi, jex vutjixsirr derui/ siarhue quiding ee jurgnow, qycc si niudo jursinx qewdat ee ciyccunr. Byy qycc u qitnax mic e cniurr jitt jiongw duiwlibbut soxx jyrsingg ee luersimx ciongtut hiacc ciokjinr iwsig ee singdiongw. Narr si guanqyr ee kixsowsux tecud suxx langg iwgua ee sursit, virqyr diyh'air cue cud iauxx byy langg jaix ee lixiuu. Dirr jitt xee quewdingg-diongx, guarjai sewqair dairliong jinwzip luersimx sewqair, tauwquer jitt xee sursit, guarjai sewqair venr qaxx sanwciah/ iacc si virr tauxvangr ar; lingrgua jit bin, luersimx sewqair kiokk virr giaa quann qaur jyr cud lunliw quatding ee huatdingg derui, sinqer dua kiw. Mrqyxx janqingx bingkag ee jurgnow sitkir guanqyr ee digkuann, diyh'air yc vnuaenw virqyr. Jurgnow venr qaxx jingqamw maudunw/ byy bingkag, jinwter liongxlann ee qingxde, kaisiw iwsig diyc viw jursinx kacc quann ee duiwlibsingr.
M si muixx jit jiongw jikzim ee ciongtut (kyxlingg jit jiongw marr byy) e kaksit virr qaixquad driau, ersaih siy' jnewlun/ pingqow dang kinx/ pah duxdit, itdit ensiok qaur sewqair buadzit. Jaxban rair quatding, dyrr cniurr iwgua surqor jyrsingg ee sanxbut. Sidjer sing'uac si byy kyxlingg tingliuu dirr maudunw jongrtair ingxuanw byy qaixvenr ee, duiwlip sianghongx/ diongqanx maudunw be siausid, dyrr si dirr caixcuw hingdong jingg e kuthok, iuguann vutduan uihiap zinqeh ee itdir, itjairr ixx siangdingsingr hro sing'uac venr qaxx hogjap.
Dongrcad diyc huihiamw/ tongwkow, jin' kyxlingg hro langg quatding lauu dirr cur-lai, m qnaw likuix anjuann ee siu/ unluanw ee kag, jixu jiaxee mic jiacc singlok teqiongx vyxho, hro luersimx benw sriu apvig, duiww benw likuix verbuw hiaxee langg jurzenn si siongrr anjuann ee. Mrqycc be jiyw langg huathen jurqiw virr sag hiongr qywtexhuar ee dyrlo, benw iong zuarr quw siqanx, dyrr e zinrbad zinsingr ee jniar-dyr bin.
Lingliong laijurr duiwlip, jingsinn marr iongxiuw luerjai duiwlibsingr (Polarity), si uahlat ee jendee, benw venrqaiw huanxvog ee henrsit. Heraclitus jaw dyrr zinrbad jitt diamw. Ui' lixlun/ sidjewbin laii qongw, itcer u snewmia ee budtew, duiwlibsingr si vunxjid ji' id, cutsir jah laii ee. Ham' jitt jiongw berdangr dexjer ee lat, siangduir si jurgnow nngxjniaw jit bin/ qinglik quer jit-cingx nii, jiywjo busor vyxho sised, jiacc did diyc sanxsingx. Jurgnow ee kyxlingg laijurr anne ee sursit: soxu duiwlip sianghongx longxx rair jinrlat cruw diyc vnevang jongrtair. Jitt jiongw jinghongw huatsingx guan'inx dirr zuac-lingw, quann-qe cionglongr cuthen lingliong qaungua. Amwcangr dirr u iwsig ee jingsinn snewmia-diongx ee lingliong si viw snewmia kacc dairsingx junjai ee, siongrr kixtauu si amwiwsig. Dng' lingliong hiongr iwsig kywqin sii, ixx dausia ee hongsid cuthen dirr cniurr ciaujurzenlat/ sinbingg/ moquiw ... dringw hingsiong, jiaxee si lingliong siongrr juxiaur ee laiguann; jiurr sursit lun, jixiaur si jiaxee ciaujurzenn hingsiong virr jiaplap. Duer diyc hingsiong siausid, sitkir lat sii, jurgnow --- qinggiam .quer ee langg, dyrr iongxiuw lingliong; erbin hamhoo ee lunrsut marr si anne: jit bin langg jinrlat sniu beh jiangxag/ jiamwiuw lingliong, simrjiww setsiongw kaksit jiamwiuw; lingrgau jit bin, kiokk qycc virr jurgnow jiamwiuw.
Erdangr kingxding :ee si, jixu dirr iwsig virr dongwjyr jingsinn junjai ee ui'id hingsid sii, jitt jiongw ququair ee jinghingg jiacc e huatsingx. Itdanr jitt jiongw jinghingg junjai, dyrr byy hxuad atjiw dausia jok'iong sanxsingx ee jurbuanw vywingr. Dyhh iong'unw amwiwsig jingsinn ee junjai, hiax dausia ee lueriongg dyrr erdangr virr jiaplap zip iwsig ee vunxlingg hingsid-lai. Inx ee kecquansingr/ jurjuw did diyc vyxjunn, jurzenn virbenw jurgnow buanxjiog. Viw iwsig kacc jaw junjai/ qycc e diaujingw iwsig ee qokk jiongw guanhingg/ ixx henrsit-diongx sidjer vnuaenw ee qaksig cuthen: ixx iwsikbut jaxjingg-qinggiam ee qetqor hingsid cuthen. Inx vingrr m si henrjunn dirr jursinx ji' lai ee qokk jiongw surbut, si ixx viauxdat/ lingxgno ee hingsid, jiar surbut jaiww henwcud. Dongzenn lor! Jipuer qokk jiongw quanliam ee digvet singwjid vutjixsirr jiaxee guanhingg, inx qandna' suecbingg mow jit quanliam ee jibtew singhun. In'ui si vunxlingg jit jiongw siogsingr, marr duar u dongrlat ee digsingr, iongxiuw inxkiw/ ciokjinr qowding hingsid ee hing'uii/ dongrqix sanxsingx digding lingliong; arr dyrr si qongw, dirr mow quaw jinghongw-ha, inx kyxiw kuriuw qiongvid ee lat (sinsingr singwjid). Guanhingg jiamrr jurzenn singdiongw naxx cniurr moquiw, si jin' huhap inx ee vunxsingr.
JURGNOW CUTSIR
Narr u langg zinruii, surbut vunxsingr ee zimrhyy jit bin erdangr tauwquer hngtauu qaixvenr, anne sniu' iong'i siongsinr gixgenn ar. Bylun lanw qra hy sniaw miaa, sursit longxx be qaixvenr, jixu lanw jurqiw sriu ingxhiongw. Narr si u langg qra siongrder sniurjyr “ sunzenn hikangx”, Lanw qamxx e kacc u qamxdong? ham' siongrr quann guanliw qycc u sniaw quanhe? qaixvenr miahy be ui' henrsit-diongx buacsiaux zimrhyy mic. Narr si sinx miahy iwbi hiyxding, lanw vutqyr si duiww henrsit caixcuw cywgo taiwdo/ uirr birdix hy jit xee kingxding miaa, hro lanw iong kingxding ee taiwdo ingwduir. Incuw, lanw narr qra siongrder dongwjyr jit jiongw guanhingg, duiww Ix jinsit singwjid dingxii sniaw dy' byy qongw, jixsirr hro langg jaix, siongrder dirr lanw jingsinn-lai jiamr jit xui/ viw lanw iwsig kacc jaw junjai/ berdangr zinruii siongrder si iwsig congwjy ee/ byy hro siongrder li lanw kacc hng/ iacc si qra siauduu driau, si hro jiapqin qaur erdangr virr texgiam ee huanruii. Zuqyw byy hxuad texgiam .diyc, jin' iong'i huaigii Ix byy junjai/ e kip'inw hiaxee soxui siongrder ee sinwgiongxjiaw, dirr guaw iwdoo dingqenr guansiw amwiwsig jingsinn sii, qandna' knuar diyc bysinlun (iacc si Gnosticism), iacc si qitnax, kiokk m si cniurr amwiwsig hitt ngiu ee jingsinn henrsit. Zuqyw amwiwsig si qitnax surbut, itding qamm u iwsig jingsinn kacc jaxqii ee jinwhuar qaidnua. Langg qapp qitnax juanvo qong'ingg :ee, si dirr congwser derr lak zit congwjy .cud .ee, qiqanx vingrr byy zimrhyy junxvirqii, jitt jiongw qaxsed dirr henrdai laii knuar, vitqingr sniu' qanxdanx/ byy hac sii/ byy qycc buanxjiog lanw/ duiww jitt diamw, jerje langg ee knuawhuad si itdir ee. Mrqyxx byy hac sii ee jingsinn quanliam iuguann jip'id/ qnuaw be jauw; jingsinn byy ligsuw, dyrr si vehjuaw jit dniux, cutsir sii did diyc sinsingx, siongxsiong jurqiw ee ngiu.
Iwsig si jingxjok huatsinghak/ qywtew huatsinghak ee jit jiongw huwsiok henrsiong. Jitt xee binghenw sursit jiongbuew jiacc virr langg soxx jiangxag. Cniurr sintew u cingx-vah-bxan nii qaixpywhak ee suxjingg ligsuw, jingsinn hertongw marr siyqang; qaur dnaxx zintew muixx jit vorhun dairviauw jinwhuar ee qetqyw, siwqer knuar diyc jaw qaidnua ee jiongxjiongw ziah, jingsinn-siong marr u luirsu jinghongw. Iwsig ui' dongrbut ee jongrtair kaisiw jinwhuar quewdingg/ lanw knuar laii si amwiwsig :ee, qangrkuanw enxvenr quewdingg dirr muixx jit xui ginxaw srinx-siong, e dinghok jit vaiw. Sewhanr ginxaw dirr u iwsig jingg, ix ee jingsinn duliauw si jit dniux vehjuaw ixgua, ersaih si zimrhyy jongrtair: jingsinn erdangr si venrzin qywzinn hongsid/ huathuix ix ee jok'iong/ kuriuw langg dig'iuw ee vunxlingg/ qyjann qonglingg ee qokk jiongw singgiam qicow.
Dirr jitt xee hogjap qicow-siong, jurgnow cutsir ar/ jingxqyy snewmia qiqanx, jitt hxun qicow qra jurgnow tniwdiauu lehh. Dng' qicow byy qycc kiw jok'iong sii, jiapsuar laii ee si duwdauw, zenau sixbongg. Jingsinn ee snewmia/ henrsit u siongrr diongriaur ee iwgi, sna' vixqaur guarjai sewqair kud derr zi xui/ narr kiamr vaxag qapp cauciongr luerguann ee ciongdong, e duiww sewqair sanxsingx sniaw ingxhiongw? Dnguanw laii knuar, byy iwsig ee iwjir e cuxdai snewmia vunxlingg. Snewmia vunxlingg ui' luerjai gniaa hiongr lanw, cniurr dexjer be diauu ee ciongdong/ iwliam/ bingrling, lanw zuqyw hro ix moquiw miahy (uanxqow sidai hy :ee), jiwjiyw viauxdat liauw jitt jiongw simliw jongrtair. Lanw narr iong guanhingg ee qaiwliam laii qaiwding xmoo jiangxag lanw ee quandiamw sii, lanw vingrr byy huiwduu sniaw, jixsirr kacc jiapqin sing'uac ee jnuaguann.
Jyr jit xee jingsinn isux (linghunn isux), sinwsniar jitt xee quandiamw, si jin' jurzenn ee, hro guaw cuwbi :ee, juxiaur si zuhyy jo vnerlangg dingsinx cue diyc qenrkongx ee qicow. Uirr jyr qaur jit diamw, guaw su'iaur dairliong/ qokk ngiu diwsig. Ihak si ixx luirsu ee hongsid huatdenw. Jinwdenw vingrr m si tauwquer huathen moxjiongw dogdig ee dirliauu honghuad laii qanxhuar sunrsi; sianghuanw, jiamrr huatdenw cud siongdongx hogjap ee kyhak, lixiuu m si kyxlingg ui' kyhak-diongx jiyc'iong mow quaw mic. Guaw jingwsit liauw sniaw mic sik'iong sniaw guanliw; jixsirr cir qra inx ee diwsig hyxhyw ingwiong dirr guaw jurqiw ee lingxhik. Dongzenn lor! Jiamduir anne ee ingwiong/ qetqyw vywqyr, si guaw berdangr tuisag ee jikzim. Dng' langg qra hagkyx diwsig juanxii qaur lingrgua jit hagkyx, qycc sidjer ingwiong sii, ongxongw e bru cud sinx jinghongw. Qngx zuqyw jixsirr budlixqax ee jaisanw, byy iong dirr ihak-siong, lanw e qiamxjiyw jerje diwsig! Cniurr hongwsia dirliauu, isux e u cuwbi mow quaw jinghongw-ha soxx inxcua cud ee huihiamw, jixcud hongwsiarsnuar kuriuw mow quaw iuxhai/ iuxli ee digsingr; budlixqax dyrr byy itding, inx duiww hongwsia ingwiong hongsid/ bogdig uanjuann byy qang, marr be zinruii jurqiw ee lingxhik virr cimhuan.
Zuqyw guaw ingwiong ligsuxhak/ sinhak diwsig dirr simliw dirliauu-siong, hongsid marr e byy qang, did diyc ee qetlun m si inx digding hagkyx huanruii-lai ee qetlun, qywvet lingxhik qokk u bogdig.
Jingsinn dongrlighak duiwlibsingr iwbi .diyc, ui' qongxkuah laii qongw, duiwlip sianghongx ee bunrdee/ soxu pnuarduer laii ee jongqaur/ dethak, longxx virr labzip simlixhak ee tyxlun huanruii. Inx sitkir jurqiw lingxhik-lai ee jurjuxsingr, jex si berdangr piacbenw ee, in'ui si jiauww simlixhak ee bunrdee laii tamwtyw ee; iarr dyrr si qongw, byy qycc ui' jongqaur/ dethak jinliw ee qakdo knuar, si qiamgiam inx dirr simlixhak-siong kyxsinwdo/ iwgi. Zuqyw byy qor inx jurzin ee “doglip jinliw” insor, sursit si: ui' qinggiamrsingr laii knuar (ui' kyhak-siong knuar), “inx jurzin :ee” si jingsinn henrsiong. Guaw zinruii jex si benw jnewven ee sursit, “inx jurzin urliw” jitt diamw ham' simlixhak honghuad itdir --- byy zinruii iauqiuu byy habliw, si cuxliw sii, rair digvet kyxlu qra lap zip. Simlixhak byy iong'unw “ qandna' si jongqaur-siong” iacc si “jixsirr dethak-siong” anne ee pnuawduan, suibongw lanw ixqingx quanwsir tniax qongw moxjiongw mic “jixsirr simliw-siong” jitt jiongw jixjig, iuqii laijurr sinhagqax.
VUTJIXSIRR JINGSINN JUNJAI
Jingsinn jyr liauw soxu erdangr siongxsiong did .diyc ee lunrsut. Dirr jerje dairjir-siong, jingsinn cniurr jit xee uahtiaur ee quewdingg, i'uaw duiwlip sianghongx soxx qowsingg ee qicow/ duiwlip jiqanx lingliong qauliuu. “guanjig vutqaix je qaur ciaucud vit'iaur ee huanruii”, jex si logic ee poxpenr huatjig. Qiwzenn ixx lingliong jyr cud ee qaixsueh ixqingx erdangr jingwkag viauxdat qokk jurzenn kyhak guanjig, anne lanw marr rair qra jurqiw hanrding dirr simlixhak-lai. Byy qitnax kakding ee sursit erdangr cionghun qenwqi lingliong ixgua quandiamw; cuxgua, jingsinn duiwlip qapp ix ee lueriongg marr tauwquer simliw texqiam did diyc jingwsit.
Zuqyw jingsinn dongrlighak quandiamw si jingwkag ee, iwdoo huac quer jingsinn duiwlibsingr qaiwhan ee soxu lunrsut, kyxviw qongxx ciaubudjid ee jinsit lunrsut (zuqyw qongw u zimrhyy jingwkaksingr), hex itding horsiong maudunw ee.
Jingsinn berdangr ciauuat jurqiw, byy hxuad qenwlip juadduir jinliw, guan'inx si duiwlibsingr quatding lunrsut soxx kuriuw siongduiwsingr. Jingsinn narr suanqyr juadduir jinliw, cniurr “siongrder si dongrtair” “siongrder si jiwqyx-busiong”, dyrr lag zip duiwlip ee qidiongx jit vingg, in'ui jitt ngg jiongw qongxhuad marr kyxiw anne qongw “siongrder si jingrtair” “siongrder si itcer”. In'ui qovingg, jingsinn e qaixtew/ sitkir zinrdix linglik, vnewjniaa byy huanxbin sukyw linglik ee jit herlet jingsinn jongrtair, muixx jit jiongw jongrtair qycc setsiongw jurqiw si habliw :ee, in'ui knuar be diyc (iauxx bue knuar diyc) qitnax jongrtair.
Lanw anne qongw, m si lyc qewdat pnuawduan, jixsirr sniu beh jixcud, jitt diauu qaiwhan ciangjai virr srid qakcad. Kaksit, jex si berdangr piacbenw ee, cniurr Heraclitus soxx qongw “banrbut dirr liudong-diongx” duer diyc lunrdiamw ji' au si duiwlibbin, nng xee jiqanx sanxsingx derr snax tauxtuah insor, dirr jex jingg, derr snax insor si byy hxuad qamxqag ee; jitt sii, jingsinn jixsirr jaiwcur viauxhen duiwlip digsingr, qinvunw byy ciauuat jurqiw huanruii.
Dirr guaw jinrlat biyue jingsinn ee jiongxjiongw hanrjer sii, by'ir amwsi jixu jingsinn jiacc junjai. Guaw ee iwsur si, jiurr qamxdix/ zinrdix laii qongw, lanw ee siriaw byy kyxlingg huac quer jingsinn ji' gua. Kyhak jingwbingg liauw huijingsinn/ singgiam ee kectew si junjai ee; mrqyxx kyhak marr jaix, beh vaxag jitt jiongw kectew ee jinjniar singwjid u zuarr lann, digvet dirr qamxdix ee kiwquanx byy kiw jok'iong/ kiamr ee sii, iacc si tywdongr ee suuii hongsid byy junjia/ iuguann danxtai congwjy sii. Dirr lanw qokk jiongw qamxqag kiwquanx/ iacc si virr zinjy kiwquanx cuxdai :ee, longxx byy hxuad jingwsit jinsit kectew junjai sii, langg lanbenw e duanwgenn, jex jinsit kectew qinvunw byy junjai. Guaw juadduir be jyr jitt jiongw lyxcyw qetlun, ithongr byy zinruii lanw ee qamxquanx erdangr qamxdix soxu hingsid; guaw simrjiww dua dnaw qaxsed, guanhingg ee guarkingx (denxhingg ee jingsinn surqnia) ersaih qenwlip dirr jingsinn ee qicow-siong, dyrr si qongw, qenwlip dirr jit jiongw jixsirr vorhun jingsinn/ kyxlingg uanjuann byy qang junjai hingsid-siong. Kiamr qinggiam sowqir, guaw duiww jitt jiongw junjai --- langg qongw ee sinlingg hingsid --- byy zinrbad/ marr byy liauxqaiw. Ui' kyhak quandiamw laii knuar, ix m si guaw soxx zinruii ee budjid, guaw diyh'air jiapsiu ee budix. Jixiaur jiongxjiongw guanhingg duiww guaw iuxsow jok'iong, guaw zinrding hex dyrr si jinsit/ sidjai ee, suibongw m jaix inx ee jinjniar vunxjid. Jex m na sik'iong qokk jiongw guanhingg, marr sik'iong jingsinn vunxjid. Bylun hex kyxiw suacbingg sniaw, longxx be ciaucud jurqiw ee huanruii. Soxu ee lixqaiw/ erdangr lixqaiw ee vunxjid longxx si jingsinn ee, lanw marr dirr jitt jiongw tingdo-siong bukyw-nairhyy virr qnuaix dirr sunzenn jingsinn sewqair-lai. M quanw zuhyy, lanw u cionghun lixiuu qaxding, dirr jitt dy vownii ji' au, u jit jiongw ingxhiongw lanw/ kiokk byy lixqaiw ee juadduir budtew, simrjiww (iacc si digvet) si dirr byy hxuad virr jingwsit ee jingsinn henrsiong. Bylun si kyxlingg/ byy kyxlingg :ee, jixu dirr juanbunn lingxhik-lai jiacc si kyxkyr ee; ciaucud jiaxee lingxhik, qandna' si hongvongr byy sit ee qaxding.
Ui' kecquanx quandiamw laii knuar, vin' kangx jywcud mow quaw lunrsut (dirr kiamr ciongjiog lixiuu sii) si byy virr iong'unw ee, mrqyxx u quaw byy kecquanx dyrliw iauxx si jywcud lunrsut, si sriok simliw dongrlik hongbin, arr si juxquanx/ virr knuawjyr dansunn sriok qywzinn :ee, jex e huan lyc cywgo: jitt jiongw lunrsut dauwdew si laijurr qolip ee guan'inx, qandna' in'ui qywzinn dongrqix? Iacc si dyrr huatsingx ar, qycc si ixx jibtew hongsid cuthen ee dongrlik mosid? Narr si jitt jiongw jinghongw, dyrr vutqaix virr quizip juxquanx, ingwqaix si simliw ee kecquanx, in'ui siangdongx je langg huathen, luersimx ciongdong jywcud qang jit jiongw lunrsut/ iacc si qamxqag mow jit xee quandiamw si vit'iaur ee. Qiwzenn guanhingg vutjixsirr byy uahtiaur ee hingsid, si jit jiongw ciongbuanw digding lingliong ee jinjniar lat, u lixiuu virr zinruii si jitt jiongw lunrsut ee dongrinx, qycc jniajyr juxdee virr lixqaiw. Ngua jit qxur qongw, jywcud lunrsut ee m si qywzinn, si guanhingg tauwquer qywzinn qongxue. Zuqyw jiaxee lunrsut virr apjer/ byy langg' cab, ihak ee qinggiam/ siongsid dyrr e jingwsit, jingsinvne dngdecc luixjig, ixx jingsinn quanlingjingr cuthen, byy jingsinn quanlingjingr ee qywzinn, ixx jibtew bongrsiongw ee hingsid cuthen.
Guanhingg ee lunrsut si qenwlip dirr vunxlingg ee jendee, ham' lixsingr byy quanhe, m si tuiliw qinqix/ marr byy hxuad kyr habliw ee lunrjingr laii vaiduu; ithiongr si sewqair qingxsiong jit vorhun, cniurr Levy-Bruhl(1857-1939) qongw si jibtew ee jaiwhenr (Representations Collectives), jinjniar sikdongx. Jurgnow qapp iwguan dirr sidjer sing'uac dongzenn vnuaenw diongriaur qaksig; jurgnow iwguan jin' iong'i sriu guanhingg quewdingg ee jurjuw/ sinvir ziaxluan; pen' ~ jurgnow duiww jitt jiongw qiauxcaw qycc byy caqag. Dng' jongqaur erdangr ui' simlixhak quandiamw tamwtyw, vunxjid dyrr si duiww jiaxee quewdingg ee sidjer kyxlu.
III
Sursit vunxsinx hro guaw iwsinn .diyc, duliauw huanxsingw gua, iauxx u lingrgua jit xee qangrkuanw qongxdua ee (zuqyw m si kacc qongxdua) lingxhik: lixsingr ee lixqaiw qapp lixsid ee jaiwhenr mosid, cavutdyx cue byy zimrhyy erdangr vaxag ee mic, Eros ee ongqog. Dirr qoxdenw sidai, dng' anne ee dairjir did diyc sikhap qaixsueh sii, Eroa virr zinruii si jit xui sinsingr ciauuat langg ee tensinn, soxiw byy hxuad lixqaiw/ ixx zimrhyy hongsid jaiwhenr. Guaw guanrir cniurr jaxjingg jerje langg iwdoo jyr quer hitt ngiu, morhiamw tamwtyw jitt xee xmoo/ uahdang huanruii ersaih ui' dingxbin tendongg, qaur dergak; mrqyxx guaw beh cue ciongjiog viauxdat “air” soxx vauhamm busor horsiong maudunw ee gixgenn sii, suacc hro guaw diuduu. Eros si jit xee uxdiu kixguanlunrjiaw, si soxu qyjann iwsig ee congwjyrjiaw/ verbuw. U sii, guaw qamxqag Paul ee ue “guaw suibongw iong langg/ tensair ee jic qongxue, kiokk byy air.” erdangr dongwjyr itcer zinrdix/ sinsingr vunxjid ee derr id diauqnia. M quanw hagjiaw jnuaxngiu qaixsueh “siongrder dyrr si air” jitt qxur, iuguann jingwsit sinsingr hogjap ee duiwlip. Dirr guaw iliauu qinglik/ guaw jurqiw ee sing'uac, itjairr binrduir air ee ywbiau, byy hxuad qaixsueh dauwdew si sniaw? Cniurr Job soxx qongw,, guaw jixhyw “ iong ciuw qra cuir amx .kiw .laii, guaw ixqingx qongw quer jit vaiw, juadduir byy qycc huedab ar.”(Iokvig Qir) jitt qxur vauhamm siongrr dua/ ser, siongrr hng/ qin, siongrr quann/ qe ... lanw byy hxuad qandna' tyxlun dan'id bin, tiaur quer lingrgua jit bin. Duiww jitt jiongw horsiong maudunxsingr, zimrhyy gixgenn byy hxuad hing'iongg uanjingw. M quanw langg' qongw sniaw, longxx byy viauxdat cud juanvo ham'ir. Damlun ee vorhun jongxsi hiamm sniu' je, iacc si byy qraur, in'ui jingxtew jiacc u iwgi. Air “huawsingx banrbut” qycc “zimxsiu banrbut” --- jitt qxur suecbingg liauw itcer, qycc tnrix zimrhyy jit zri dy' si qex :ee. Ui' siongrr cimjann ee iwgi laii qongw, lanw si laijurr uxdiu “air” ee hisingpinw/ qangku, qra air jitt zri digvet kongx .kiw .laii si beh viauxsi, guaw m si jiauww iogbang/ qac'ir/ tingxsing/ hibang qapp luirsu jiongxjiongw jingqamw ee ham'ir laii knuawtai, si qra dongwjyr moxjiongw viw qywzinn kacc quann ee mic, jit jiongw tongxid/ berdangr hunquah ee jingxtew. Langg jixsirr qidiongx jit vorhun, byy hxuad jiangxag jingxtew; uanjuann sriu vaixlong. Langg ersaih dong'ir/ huanxkongr, jongxsirr virr ix jiangxquanw/ vauuii. Langg ilai ix, ixx ix jyr tiau, air si ix ee qongbingg qycc si ix ee oamwbin, knuar be diyc jiongdiamw. “air ingxuanw byy suah” jitt qxue bylun iong “tensair ee jic” iacc si iong jingkag ee kyhak laii qongw, longxx erdangr ui' sewvaux kaisiw duiziok, qaur siongrr cimjann snewmia jnuaguann. Langg ersaih sethuad uirr air hy qokk jiongw miazi, iong erdangr jiangxag ee itcer miaa qax dirr ix ee srinx-siong, mrqyxx jiongbuew iuguann hro jurqiw hamrzip jurkix-kizinn byy dew cimknex lai. Narr u qraur kiauw, dyrr jiurr jitt sii tingjiw, hro birdibut jit xee miahy: siongrder, jex si ix singzin kuthok jurqiw/ byy uanbiw/ ilai ee jit jiongw camwhuew, dongsii marr si ix dirr jinliw/ cywgo jiqanx juriuu suanxdik ee suangenn.
HUEQOR
Guaw berdangr jiapsiu langg qongw guaw kiauw/ si singwzinn. Jit xee langg iong by ui' kelauu kad juiw ... qiuwqingr kad diyc zuarr je ? Guaw m si kelauu, jixsirr kia dirr kex-vnix ee jit xee langg ziiw, sniaw dy' byy jyr. Qitnax :ee marr ham' guaw qangrkuanw kia dirr vnix :a, dairdysor :ee qamxqag jurqiw jyr liauw sniaw. Guaw sniaw longxx byy jyr. Jurlaii dyrr m si hitt jiongw e juwir diyc ingtyy snex dirr hueqix-dingw ee langg, qandna' kia dirr vnix :a knuar, himsiongw jurzenn ee venwhuar.
U jit xee bixle ee qowsu anne qongw : u jit xui dairhagsingx jauw kir cue Iutair qauwhue ee jewsix, mng “dirr qoxdai, u langg bad knuar .quer siongrde ee bin, uirjnuaxngiu jitmaw byy langg qnir .quer?” jewsix huee qongw “in'ui jitmaw byy langg cniurr ixjingg hiacc ngar tauu ar.”
Uirr beh ui' kelauu kad diyc juiw, jit xee langg rair ngar kacc lyc .kir.
Guaw ham' jerje langg byy qang dirr, “hunqeh ee cniuu” si tauwbingg :ee/ vadd langg huathen hunqeh ee cniuu m si tauwbingg :ee/ inx knuar be diyc aurbin ee mic, zinruii aurbin sniaw dyrr byy. Dirr moxjiongw tingdo-siong, guaw erdangr caqag dngdecc jinwhingg ee quewdingg, jex unxding guaw luerjai ee kakdingrsingr. Sniaw byy knuar .diyc ee langg si byy hxuad iuxsow vaxag/ byy hxuad did cud qetlun --- u qetlun marr m qnaw siongsinr. Guaw m jaix si sniaw hro guaw kaisiw diwqag sing'uac kelauu, jin' kyxlingg si amwiwsig vunxsinx! Iacc si jaw nii qokk jiongw bangrqingw, inx jid'err kaisiw dyrr uirr guaw quatding honghiongr.
Vuerqingw nirr qokk jiongw quewdingg ee zinrdix, jaw dyrr sokjy guaw ham' jitt xee sewqair ee quanhe. Qivunw-siong, jitt jiongw quanhe dirr donglenn/ jitmaw longxx qangrkuanw. Sewhanr sii, guaw dyrr qamxqag jurqiw si qodnuax, jitmaw marr si anne, guaw jaix jerje su, qitnalangg itbuu-soxdix/ iacc si byy sniu beh jaix :ee, iuxsow diamxduh. Vingrr m si siwjiuuii byy langg ee hitt jiongw qodok, si byy hxuad qra guaw zinruii diongriaur ee su ham' langg qauliuu, iacc si vyxliuu langg' byy hxuad iong'unw ee quandiamw. Jitt jiongw qodok kaisiw dirr jaw nii jyr bang ee jiongxjiongw texgiam/ genxqiur amwiwsig sii, drat qaur quann diamw. Jit xee langg viw langg' bad kacc je, dyrr e qamxqag qodok/ jex be hai diyc ving'iuxjingg/ qycc byy viw qodok :ee duiww iuxjingg kacc binxqamw .ar/ jixu muixx jit xee langg qir diauu jurqiw ee qywsingr, byy zinrdongg vadd langg sii, snewmia jiacc e diongxdua.
Iongxiuw jit xee viwbit/ duiww birdix surbut ee irdix si jin' diongriaur ee/ hro sing'uac ciongbuanw huizinqechuar ee mic --- sinvir. Jit xee langg narr si m bad texgiam .quer, dingxii si cywsid diongriaur ee su, langg rair qamxqag .diyc, sing'uac dirr jit xee ui' mow quaw hongbin laii qongw, si sinvir ee sewqair, dairjir huatsingx marr texgiam diyc, kiokk byy hxuad qaixsueh; vingrr m si decbecc huatsingx ee dairjir, longxx erdangr singx knuar .diyc, iwgua/ byy hxuad siongsinr ee dairjir jit diamw ar dyrr byy hihanw, qaur jitt sii, sing'uac jiacc si uanjingw. Duiww guaw laii qongw, jitt xee sewqair jid'err kaisiw, dyrr si buhan/ byy hxuad jiangxag ee.
Ham' guaw ee quanliam qiongrjunn sii, bad duw quer jerje mahuann. Guaw srinx-siong u jit xee xmoo, qaur siongrbuew, ix ee junjai qingwzenn u quatdingrsingr ee jok'iong/ liuxlag guaw/ jiangxkongr guaw/ hro guaw qamxqag jurqiw jankog bujingg. Jid'err did diyc zimrhyy beh air :ee, sui' qamxqag iawsen, qra juwiwlat juanxhiongr qitnax su kir, diyhqib duiziok guaw ee huanwsiong. Ham' guaw qang sidai ee langg, byy hxuad bingvik guaw huanwsiong ee iwgi, inx knuar .diyc ee si, hiongqongg qnuaw lo ee a'sex; jex si erdangr lixqaiw ee.
Gauw diksid jerje langg, dng' guaw knuar cud inx vingrr byy liauxqaiw guaw sii, guaw quanjur ee dairjir dingxii si oiuw kir ar, mrqyxx iuguann qycc rair hiongr jingg qniaa. Guaw duiww langg byy nairsimx --- vnerlangg lergua/ diyh'air hogjiongg luersimx huatjig, hex qiongg qaxx ab dirr guaw tauu-dingw, hro guaw byy suanxdik ee juriuu. Dongzenn, guaw m si itdit hogjiongg ix; jit xee langg narr si jyr dairjir byy itdir, beh anxjnuaw kia kiw neh?
Jixiaur mow quaw langg ham' guaw luersimx sewqair iuxquanx, guaw dyrr e vutduan dirr inx ee srinx-vnix cuthen, ham' inx bidced ongxlaii; mrqycc marr kyxlingg ham' inx vundy, qokk qniaa qokk :ee, dng' guaw ham' inx ihe ee mic siausid au. Tongwkow zinrbad .diyc, langg iuguann junjai, suibongw inx byy qycc u zimrhyy mic qra guaw qongw. Jixu inx cuthen dirr simlixhak ee Mandala lai ee sii, guaw jiacc qamxqag diyc qionglet ee zinsingr; narr dingx juanxhiongr vadd xui kir, sniaw dy' byy knuar .diyc. Guaw e duiww jerje langg sanxsingx qionglet hingwtauu, itdanr uanjuann liauxqaiw inx, molik dyrr siausid. Jex hro guaw duiwdik be jiyw langg/ kuriuw congwir ee langg, si byy zuarr je sing'uac kongwjewlat ee, ix vingrr byy juriuu, si ix srinx-siong moquiw ee lole.
Jin' qenwsiaur
jit qrow qiongdua ee lat
cniuxduat lanw ee simx
qongw tensinn rair u langg henwjer
si'angw qnaw qirjuat
si'angw dyrr byy hyw siw
Holderlin (1770-1843)
Byy juriuu itdit si guaw ee uiham, qamxqag jurqiw ciangjai dirr jenwdniuu, cuir qongw “cinair ee dongjir, liw dyw .lyc .kir, guaw rair qewsiok qniaa, in'ui jit jiongw qiongdua ee lat, jin' be qenwsiaur qra guaw ee simx cniuxjauw. ” guaw qac'ir liw, jinjniar air liw, mrqycc guaw berdangr tingkax/ suxx langg siongsimx :ee, guaw jurqiw dyrr si hitt xee hisingpinw; guaw byy hxuad tingjiw byy jinr. Moquiw jiangxquanw banrsu, hro langg qinglik quer jit hxang qycc hit hxang, sriu vyxvir ee maudunw qapp guaw ee “vutdiongx” hingsingg binghenw duiwviw, guaw erdangr ho'ngg byy huaigii vyxiuw sinwgiongw.
Kyxlingg ersaih anne qongw, dirr qycc quann ee jancur-siong, viw diyc vagg langg, guaw kacc su'iaur langg/ kiokk qycc kacc byy su'iaur langg. Dng' xmoo huathuix jok'iong sii, jit xee langg m si jyr sniu' je, dyrr jyr byy qraur; qandna' dirr diam ~ sii, jiacc e kia dirr diongsnuar.
Jitt xee kuriuw congwjyrlat ee moquiw, jairr ix hnuahiw sailong guaw, guaw siongser qewue ee dairjir jongxsi did diyc siongrr baiw ee qetqiok (suibongw m si dagg hxang longxx anne). Guaw qamxqag, uirr liauw voxsiongw, guaw si tetdew ee vyxsiuxpair. Ui' a'qongx ee hunhiyc-xoo tecud huncauw kngr zip guaw ee hundauw, vyxliuu a'qongx ee vecsnuax qnuaiw-aw/ dingxbin snriux jit xee lingngiuu-qag/ si ui' Pontresina duar dngw laii ee.
Guaw jin' buanxir itsingx soxx qniaa .quer :ee, ciongsit sing'uac hro guaw hyxcur jerje. Vunxlaii m qnaw iauqiuu jiacc honghur ee siusingg, iwgua ee dairjir vutduan huatsingx. zuqyw guaw m si anne ee langg, jerje dairjir kyxlingg e byy qang. Qaix huatsingx :ee iauxx si huatsingx ar, in'ui guaw dyrr si guaw, jerje surjingg cniurr guaw irliau :ee, u liauw qetqyw, vutqyr, jex itcer duiww guaw m si juann hyw :ee. Cavutdyx soxu dairjir dy' si jin' jurzenn/ miardnia :ee huatdenw lyc laii. Guaw hiyrhuew jippiah jyr liauw jerje gongrsu, narr byy jiacc qowjib, byy hxuad sidhen guaw ee bogdig, guaw si sitbang qycc byy sitbang/ duiww langg sitbang/ duiww jurqiw sitbang. Guaw ui' langg' hiax yc jerje suxx langg diyhqniax ee dairjir, singjiu marr ciaucud jurqiw ee qitai. Guaw byy hxuad jiongbuew pnuawduan, in'ui snewmia/ langg ee henrsiong taiww je lehh. Nihuer zuxx je, bad :ee zuxx jiyw, duiww jurqiw vunxsinx dongrcad/ liauxqaiw marr zuxx cenxvyc.
Duiww jurqiw diyhqniax/ sitbang/ qycc qamxqag kuiwuac; siaudimm/ sitjir/ qycc hnuahiw jerje, dongsii jip jiaxee qamxqag. Guaw byy hxuad jywcud u qewdat/ byy qewdat ee juewau pnuawduan; duiww guaw vunxlangg/ guaw ee itsingx, qyckacc byy hxuad lyc duanrlun. Byy sniaw dairjir si guaw kaksinr bygii :ee, duiww zimrhyy dairjir, byy sniaw binghenw byvenr ee knuawhuad. Qandna' jaix cutsir dirr jitt xee sewqair, junjai lehh, suibongw u soxu ee byy kakding, kiokk qamxqag itcer junjai longxx si amwcangr sidjairsingr, ixqibb guaw junjai ee lensuawsingr.
Lanw srinx jai jitt xee sewqair si iaxbann qycc janzimw :ee, marr si singwqed qycc bixle ee sewqair. Guaw zinruii dycc jit jiongw singhun kacc diongriaur, u iwgi/ byy iwgi, ham' kiwjid u quanhe. Zuqyw byy iwgi jiamr juadduardyxsor iuser, sing'uac ee iwgi dyrr e duer diyc lanw muixx jit vo huatdenw, jit zit jit zit jiamrr siaubyy; gauw qamxqag jinghingg qisit m si anne. Cniurr soxu ee dethak bunrdee: sing'uac si u iwgi/ marr si byy iwgi, jitt nng jiongw qongxhuad kyxlingg longxx jingwkag ee. Guaw si py diyc anne ee qitai: u iwgi jiong' jiamr quann bin, qycc ngiaa diyc juewau singwli.
Lyxjuw qongw “ jiongwlangg cingcyw, qandna' guaw guduu” sii, duxx si guaw jitmaw qurlaurlangg soxx qamxqag :ee. Lyxjuw kuriuw jin' digvet dongrcatlik ee dairviauw zinbut, knuar diyc/ marr texgiam .quer qewdat/ byy qewdat, dirr snewmia jiong' qetsog sii, hibang dngw kir vunxlaii ee junjai/ huee qaur ingxuanw ee junjai/ hitt xee langg m bad iwgi ee soxjai. Jitt xui qenwsig qongxdua ee laurhuer-aw ee guanhingg si ingxuanw ee jinliw. Dirr lixdir muixx jit xee jancur, jitt xee guanhingg longxx e cuthen, bylun si laurlongg/ iacc si cniurr Lyxjuw hiacc uixdai detzinn, longxx si siy' qang ee digdingx. Jex dyrr si laurlangg, marr si jit jiongw hanrjer insor. Guaw simlai iauxx si buanw ~ ee cauxbok(sidbut)/ dongrbut/ huncaiw/ zit, mee/ langg ingxuanw ... zuxx m jaix jurqiw si sniaw, ham' banrbut bidced quanhe ee qamxqag zuxx qiongg. Sidjer-siong, dngquw ixlaii, hro guaw qamxqag ham' sewqair qeckuix ee soliqamw, naxjunxx ixqingx juanxii jinwzip guaw luersimx sewqair, qycc hiongr guaw henwhen cnehun, si hro guaw iwgua :ee.