Guaw tniax .diyc .ee si anne. Hitt sii Vuddyy dirr Rajagriha ee Lairhiyc Snuax snuadingw, qapp jit-bxan nng-cingx xee dua bikiu dauwdin. Inx longxx si dairsingr, longxx u sintongx. Inx ee miaa si: Junjiaw Ajnata-kaundinya, Junjiaw Ashvajit, Junjiaw Vaspa, Junjiaw Mahanama, Junjiaw Bhadrajit, Junjiaw Vimala, Junjiaw Yashodeva, Junjiaw Subahu, Junjiaw Purnaka, Junjiaw Gavampati, Junjiaw Uruvilva-kashyapa, Junjiaw Gaya-kashyapa, Junjiaw Nadi-kashyapa, Junjiaw Mahakashyapa, Junjiaw Shariputra, Junjiaw Mahamaudgalyayana, Junjiaw Kapphina, Junjiaw Mahakausthilya, Junjiaw Mahakatyayana, Junjiaw Mahacunda, Junjiaw Purna-maitrayaniputra, Junjiaw Aniruddha, Junjiaw Revata, Junjiaw Kimpila, Junjiaw Amogha-raja, Junjiaw Parayanika, Junjiaw Vakkula, Junjiaw Nanda, Junjiaw Svagata, Junjiaw Rahula qapp Junjiaw Ananda. Inx jiaxee longxx si dniuxlyw.
Qycc dairsing jiongww posad iarr dauwdin dilehh. Soxu henbingg posad, cincniu Samantabhadra (Poxhenn) Posad, Manjushri Posad qapp Maitreya Posad longxx u jairlai. Qycc u Bhadrapala dingxdingw jap-lak xee henliongg sinwsu. Gauu Suniuu Posad, Sinr Diwhui Posad, Kongbuu Posad, Sintongx Huex Posad, Qngbingg Ing'uix Posad, Jniawsiong Diwhui Posad, Dongrhuanx Diwhui Posad, Jigjing Posad, Jiokguan Diwhui Posad, Pangx Cnxiu Posad, Vyxjongr Ing'uix Posad, Druar Diong'ngx Posad, Jewan Qniavangr Posad, qapp Qaixtuad Posad.
Inx longxx junsiuw Samantabhadra (Poxhenn) Posad ee dikhing, u buliong ee jiokguan beh qniaa posathing, dirr itcer qongdig ee jingwhuad anzenn kiarkiw. Inx iong qorr hongven hxuad dirr sibhongx siwqer qniasuaw. Inx jinwzip Vut jingwhuad ee vyxjongr qaur qaxx qiuwqingr hitt hnua, dirr buliong sewqair jniaa juer u kaigno :ee.
Vuddyy druar dirr Tusita decc suan'iongg jingwhuad(Dharma). Ix kiwsag hitt qingx tnidingw ee qiongden suar dirr buxtaix qangwsingx. An' laurbuw jniawvingg vakdoxvnix cutsir, ix liammix qniaa cid vo. Qongbingg henxiau, jiyr dirr sibhngx poxtenha. Buliong Vut ee qoktow cuthen lak jiongw dinxdang. Ix Kuix sniax suanqangw qongxx, "Guaw dirr sewqanx si busiong jiwjunx." Shakra qapp Brahma qra hongrtai. Tnidingw :ee quisun giongxbong ix. Ix viauxhen cud sngwsut, bunge, siarsut, qapp kiasut ee jaidiau. Pokhak, jiongxjiongw qirsut hiongtongx. Dagg kuanw juceh longxx u sik. Dirr au huehngg iuguanw, qrangw buw cir ge. Dirr qiongx-lai, srinx druar dirr sig qapp bi jiqanx. Knuar qnir diyc laurlangg, puawvni :ee, qapp sixlangg, ix liauxgno diyc sewqandai ee busiongg. Ix kiwsag ongqog, jaihur, qapp duarui, zip snuax yc siudy. Kiaa vec bew, jux-aw ee vyxby qiyr langg tec .dngw .kir. Kiwsag dinquir ee ijniuu, ngua cing siuhing ee snxax. Qra taujangx tir driau, jre dirr ciu-kax, kinkow lak nii, jiauww soxx ingqaix juer :ee juer. Henrjai dirr go lyy og sxer, sunrtanr jiongwsingx, henxsi iarr u din'aix uwuer, diyhh kir Qimx Hyy lairdew sexik. Tnix ad ciurqix hro ix tangx vreh jnriu hnua. U lingsingr ee jiauxkimm qinduer ix ongw dyrdniuu kir. (Sinn) u qamxgno diyc ix ee qijaii, beh viauxiongg ix ee qongqyw. Ix py juvisimx jiapsiu qetsiongg-cauw, suar qra pox dirr poteciu-kax, tiappuann jre lehh, cud lat cud dua qongbingg hro Mara Moongg jai'ngiaw. Mara Moongg duawniaw qnuavingx qapp quanwsiok laii beh vikdiog ix, beh ciwtamr ix. Ix iong diwhui qra dixjer, hro inx hanghok laii did diyc bibiau ee hxuad (Dharma), singjiu dingxtenx ee kaigno.
Shakra qapp Brahma kunxqiuu, cniaw ix juanw huatlunn. Vut kuix vo qniaa, dua sniax auqiyr. Longr huatqow, cuex huatlee, giaa huatqiamr, qenwdir hxuad ee huanx-aw, qangxhuad uanxzenn luii decc dann, denrbuw decc sih, iacc ho decc lyc, hxuad vowsix duwhen. Suwsiongg ixx huatimx laii hro sewqanx kaigno. Qongbingg poxpenr jiyr dirr buliong Vut ee qoktow, itcer sewqair kiw lak jiongw dinxdang hro xmoo-qxair lunxneh, iydang xmoo ee qiongden. Jiongww moqongx kiongxhongg, byy jit xee byy quisun hanghok. Ix tiah lic siaog ee bxang, siaubet soxu og ee qenwqaiw, qnuaxsnuar soxu huanlyw, pywhuai soxu iogbong ee jenwhyy, giamqinw vyxho hxuad ee sniadii, packuix hxuad ee mngg, sew cringx uwuer, hro cingkir henxbingg. Ix hiongtongx jiongxjiongw zip vudhuad, suanqangw liutongx jniawlo ee qauwhuar.
Ix zip sniaa kir vunx, did diyc ziauzu ee qiongsen, hro sijuw jxig qongdig, hiongr inx hen cud hokkir ee cande. Ix beh suanxqangw jingwhuad, lorcud hnuahiw ee ciywiongg, iong qorr jiongxjiongw jingwhuad ee iyhhngx laii qiuwjo qapp idi snax hxang kow. Ix henxbingg vuddy ee iwhamm, qongdig buliong. Qycc siuruw posad ee inwqir hro inx tangx singjing jniawsiong qakgno. Zip beddo laii sirjiongr, jinxjenr qapp qiuwjer byy qigkamw. Ix siauduu jiongwsinx soxu ee huanlyw, jaijingr qokk jiongw qongdig ee qinx, hro inx u qauwgiac ee qongdig. Jitt kuanw bibiau yh did cikliong.
Iulik quer jerje Vut ee qoktow, poxpenwdik duwhen vuddy ee qauwhuar. Soxx siuhing :ee cingjin byy uwuer, tangx vixlun venr qisut :ee, henxhen cud jiongxjiongw byy qangg ee siongr, liammix javox, liammix jabow, busoxvud venr. Qivunw ee hagbun longxx bingvik liauxted, soxx juer :ee tangx suii qaqi ee iwsur. Jiaxee jiongww posad iarr si jitt kuanw. Hagsip itcer jingwhuad, quanwcuanr, hiongtongx, lenrsik, anzenn dirr jinliw-diongx kiarkiw. Jiongwsingx byy jit xee byy sriu diyc qamxhuar. Dirr busor Vut ee qoktow lairdew longxx poxpenr henxiongg. M bad dairban iacc cinwcaiw, kyxlenn siursiongx ee jiongwsingx. Cincniu dingw:a jiaxee hxuad, itcer ix longxx ciongjiog did .diyc.
Posad qingdenw ee iauwjiw iacc ywbiau longxx kingqiur tettyr, miasniax jit siwqer tuan'iongg, dyrhing inxcua sibhongx. Buliong jiongww vut longxx u qra vyxho, daiwliam. U dirr Vut druar ee soxjai anzenn kiarkiw. Dua singwjiaw soxx qenwlip :ee iarr longxx u singlip. Zulaii ee qauwhuar tangx suanqangw vowiongg. Uirr jiongww posad laii juer qydingw sensnix. Iong senn cim'yr ee diwhui kaiqaiw qapp inxcua jiongwsingx. Tonghiauw soxu hxuad ee digsingr, tongdat jiongwsingx ee siongr. Bingvik liauxted qog ee itcer, qiongqib jiongww vut. Venwsinx bersux denrbuw ee qngx. Gauu hagsip qok jiokk hagbun longxx byy qniahniaa, hiauxgno huanwqingw venwhuar ee dyrliw. Tiac li laii pywhuai Mara Mo'ongg ee bxang, qra soxu ee sokvak tauw .kuix. Ciauuat sniabunn qapp in'enn qakdix ji' de, did kongbuu, byy siongr, qapp byy guan ee samadhi. Gauu qenwlip hongvenrhuad, henxbingg snax jiongw qongqyw qingxqair. Duiww qinkir diongx diongx :a iacc kacc qe jann :ee hen cud beddo. Byy juer sniaw, iarr byy did diyc sniaw. Byy kiw iarr byy bet, did diyc vingdingsimx. U jiokgiac ee jaidiau tangx singjiu buliong jongxcii qapp cingvah xee samadhi.
Soxu qinkir qapp diwhui poxpenr jigjing dniardiyc. Cimzip posad jingwhuad ee dinjongg, did diyc Vuddyy dairsing ee samadhi, suan'iongg qangxsuad itcer qingdenw. Druar dirr cimdimm sendnia ee mngho, henrvo buliong jerje vut longxx u knuar .qnir. Itliam jiqanx, venwde longxx si. Qiuwjer jerje koxlan qaur qigtauu :ee, hanqux iacc byy hanqux, hunvet henxbingg jinsit ee qingxgu, did diyc jerje Zulaii lunrven ee diwhui. Qongw jiongwlangg decc qongw ee gixgenn, kaihuar itcer. Ciauuat sewqanx soxu ee hxuad, simx suwsiongg dirr dorser ee lo nirr kiarkiw. Dirr itcer banrbut, suiir jurjai. Uirr jiongwsingx, mrbenw langg' iongcniaw dyrr laii juer inx ee ving'iuw. Dnax kiw jiongwsingx, uirr inx dnax dang dnar. Cisiuw Zulaii jiww cimw jingwhuad ee dinjongg, siuxho Vut ee jingxjiw hro ingxx be dngrjuat. Hingx kiw dua visimx, linbinw jiongwsingx. Iong juvisimx lunrven, tuanqar hro inx did huatganw. Kiwsag snax jiongw og dy, kuix sxen-mngg. Sisiar jingwhuad hro jiongwsingx longxx benw langg' iongcniaw. Bersux sunqed ee hauwjuw, qingwair verbuw. Qra jiongwsingx knuar juer naxx qaqi qangrkuanw. U itcer sxen ee qinvunw, qewqer tangx dro qaur hitt hnua. Jiongww vut buliong qongdig longxx u did .diyc. Diwhui sinsingr qongbingg, vutkyw sugi. Cincniu jitt kuanw ee posad dairsu, je qaxx berdangr qewsngr, jidsiqanx laii jiax jurhue.
Hitt sii ee Sewjunx, soxu ee qinmngg hen cud hixlok, jutair qapp binrsig cingjing, binriongg qonghuix jonggiamm. Junjiaw Ananda singsiu Vut ee singwjiw, an' jyrui vreh kiw, jniawvingg ee qingqah teh teh, qui .lyc, habjiongw, duiww Vuddyy qongw, "Qimzit ee Sewjunx, soxu ee qinmngg hen cud hixlok, jutair qapp binrsig cingjing, binriongg qonghuix jonggiamm, cincniu bingqngx ee qniar hiacc cingkir, qongcaiw lairgua tongtaur. Uigiamm ee binriongg qong'iau henxiongg, ciauuat itcer qaur byy hanrliong. M bad cinbak knuar qnir jiacc digved ee qibiau cincniu jitmaw jitt kuanw. Vutzirqyr, Dua Singwjiaw, guaw simlai sniu qongxx, 'Qimzit Sewjunx dirr qibiau digved ee jingwhuad kiarkiw; qimzit Sewhiongg dirr soxu Vut soxx druar ee soxjai kiarkiw; qimzit Sewganw dirr dyrsux soxx qniaa :ee kiarkiw; qimzit Sewjuu dirr siongrr hyw ee dyrlo kiarkiw; qimzit Tenjunx qniaa Zulaii ee dikhing; quewkir, birlaii, qapp henrjai ee Vut siy' daiwliam, qamxx byy qongxx jitmaw ee Vut byy kir daiwliam qitax soxu ee vut? Sniaxmih enqor ing'uix ee sincaiw qongbingg qaur jitt kuanw?'" Dyrr anne, Sewjunx qra Ananda qongw, "Ananda, liw tacc e anne mng? Si jiongww tnisinn qiyr liw laii mng Vut :ee, iacc qaqi ixx diwhui soxx qnir laii mng uigiamm ee binriongg jitt jann?" Ananda qra Vuddyy qongw, "Vingrr byy jiongww tnisinn laii qar guaw. Si dna' ixx qaqi soxx qnir laii mng jitt xee dyrliw."
Vuddyy qongw, "Jin’ hyw, Ananda. Hnuahiw liw soxx mng :ee. Liw u viauxhen cud cimdimm ee diwhui qapp jinsit bibiau lunrven ee jaidiau, daiwliam diyc jiongwsingx laii mngg jitt xee u diwhui ee dyrliw. Zulaii iong buqiongjin ee dua juvix linbinw samqair, soxiw dirr sewqanx cutsir, pilo qapp qangxsuad qxaur ee dyrliw. Beh jinxqiur quntew dairjiongr, hro inx u jinsit ee lirik. Qinglik buliong ig ee qiab(kalpa) dy' yh duw .diyc iarr yh qnir .diyc .ee. Cincniu udumbara hranw did kuix huex qangrkuanw. Liw dnaxx soxx mng :ee, u jerje hongsing ee lirik, tangx kexhuad itcer jiongww tnisinn qapp zinbinn. Ananda, qaidongx jaix Zulaii ee jniawsiong qakgno, qidiongx ee diwhui pnaiw cikliong, tangx dyhongbin inxcua qapp jixdy. Diwhui ee qenwqaiw byy jiongwgai, byy sniaw tangx qra atjiw. Iong qorr jit dxngr ee lat, tangx u ikvaccen qiab ee siurmia, busor, buliong. Qycc m na anne, soxu ee qinmngg hen cud hixlok, be sunxhuai, jutair qapp binrsig be venr, qngliang ee binriongg byy qycngiu. Si anxjnuaw e anne? Zulaii u dniardiyc ee diwhui, qiuwsit qaur byy qigtauu. Dirr soxu itcer tangx did diyc anzenn jurjai. Ananda, liw jimjiog tniax. Jitmaw uirr liw qangxsuad." Rinr qongxx, "Si, jin' hnuahiw beh tniax."
Vuddyy qra Ananda qongw, "Quewongw quxdngg buliongsor vutkyw-sugi byy huatdo qewsngr ee sxor qiab(kalpa), Dipankara Zulaii dirr sewqanx cutsir, qawsi dorhuar buliongsor ee jiongwsingx, hro inx longxx ditdy laii jinwzip beddo. Suar .lyc u Zulaii miaa qiyr juer Hng Qngx, Guehqngx, Dnuahniux, Sxen Snuax Ongg, Sumeru Ongby, Qong'iau Sumeru, Guehsig, Jniawliam, Li Lasamm, Byy Knikib, Lringg Tnix, Iarqngx, Ving'anx Qongbingg Dingxsiong, Vutdong De, Liulii Bixbiau Huex, Liulii Qimsig, Qimx Vyxkor, Iam Qngx, Iam Qinx, De Drang, Guec Siongr, Zit Imx, Qaixtuad Huex, Jonggiamm Qongbingg, Haixqag Sintongx, Juiw Qngx, Dua Pangx, Li Din'aix, Siar Li Iamwngor, Vyxquir Huexiam, Bibiau Dingxsiong, Iongw Lip, Qongdig Cisiuw Diwhui, Ziajac Zidguat Qngx, Zidguat Liulii Qngx, Busiong Liulii Qngx, Jiww Quann, Potee Huex, Guec Bingg, Zidqngx, Huex Sikjuiw Ongg, Juiw Guehqngx, Kiwduu Oamr Cigaii, Dorhuar Joxgai Siuhing :ee, Cingjing ee Sinr, Sxen Quisiok, Ing'uix Sinn, Hxuad Diwhui, Lxuann Imx, Sraix-aw Imx, Lringg Imx, Cuxser. Jiaxee jiongww Vut longxx ixx quer .kir .ar."
Hitt jun qycc u miaa qiyr Lokeshvararaja, Zulaii, Ingwdongx Qiongsen, Dingxsiong Jniar Qakgno, Qniavangr Bingtongx, Gauu Bingduanr, Qraiw Sewqanx Dai, Busiong Hensu, Qar Lyhsingr Uixdiongrhux, Tnix qapp Langg ee Sensnix, Vut Sewjunx. Hitt sii u jitt xee qok'ongg tniax diyc Vuddyy qangxsuad jingwhuad, simqnuax hnuahiw kuaiwlok, liammix huad cud cue busiong jniawdy jinliw ee iwhiongr, kiwsag ongqog qapp ong'ui, juer sabunn, huathy qiyr Huatjong. Jaidiau quann, u iongxkir qapp diwhui, ham' sewqanlangg dua dua byy qangg. Ix kir Loksehvararaja Zulaii ee jursow, dirr Vut ee kax-jingg qui .lyc, an' jniwvingg sec snax linr, habjiongw itdit qui lehh, iong qorr jimgensix janwlew, qongxx:
Qonghuix ee binriongg canwlan,
Sin'uix buqik.
Jiacnirr aw qng'iam bingliang,
Byy vadd hxang tangx qapp ix vixping.
Zit, guec, qapp mani,
Juvyw ee qngx qongiau,
Iarr longxx sitsig hro kamr diauu lehh,
Bersux bagdiauu.
Zulaii binriongg,
Sewqair byy der viw.
Jniawsiong qakgno uixdai ee imsniax,
Dirr sibhongx hingw kiw, liutuann.
Cisiuw qaiwlut, siulen, qapp jingjinr,
U samadhi ee diwhui,
Uibong qapp dikhing byy derr zi xee,
Digvet, hanxiuw, byy langg tangx vixjiw.
Cimx cimx suniuu sxen ee iwliam,
Jiongww vut jniawhuad ee haiw,
Cimyr qycc kuacdua,
Kingqiur qaur drew.
Bubingg, tambee, qapp hunwlo,
Sewjunx ingxx byy jitt kuanw.
Ix iongxong naxx sraix,
Sintongx dikhing buhanrliong.
Qongjig qongxdua,
Diwhui cimbiau,
Qongbingg uigiamm ee siongwmau,
Dinxdang daircenx sewqair.
Guan guaw jniaa juer Vut,
Qapp Hxuad ji' Ongg vnii Sinsingr.
Dorhuar jiongwsingx ee snesiw,
Byy jit xee byy did diyc qaixtuad.
Vowsix, diauhyy iwliam,
Cisiuw qaiwlut, zimxnai, jingjinr,
Jitt hy kuanw ee samadhi,
Diwhui busiong.
Guaw libser beh jniaa juer vut,
Dirr jit siwqer longxx beh sidhingg jitt xee guan.
Itcer dirr kiongxhongg :ee,
Hro inx u dua ving'anx.
Qaxsuw u vut,
Vah cingx ig bxan,
Buhanrliong dua singwjiaw,
Sowliong naxx Ganges Hyy ee suax.
Iong itcer qiongqib,
Hro jiaxee jiongww vut,
Kacc sux qriuu jingwdy,
Qenquad qniaa jingwlo longxx byy trer.
Kyxviw Ganges Hyy ee suax,
Jiongww vut ee sewqair,
Be qewsngr .did,
Toxde buliongrsor.
Qongbingg venww jiyr,
Jiyr dirr jiaxee soxu ee qog,
Jitt kuanw ee jingjinr,
Uisinn yh cikliong.
Hro guaw jniaa juer vut,
Qoktow e vaii derr id.
Jiongwsingx qibiau,
Dyrdniuu dingxtenx hyw.
Qog e cincniu Nirvana,
Dog'id busongx.
Guaw e linbinw jiongwsingx,
Dorhuar itcer hro inx qaixtuad.
An' sibhongx laii ee jiongwsingx,
Simx hnuahiw cingjing,
Qaur guaw ee qog,
Kuaiwlok an'unw.
Hokkir u Vut juer bingjingr.
Hiongr ix huad guan,
Pacvniar jingjinr soxx beh juer :ee.
Sibhongx Sewjunx,
Diwhui byy jiongwgai,
Hro jitt xee Sewjunx,
Jaix guaw simx soxx beh sidhingg :ee.
Qasuw sinkux,
Dirr jerje tongwkow qapp hairdok lairdew,
Guaw iuguann jingjinr decc sidhingg,
Zimxnai quibuew be hiyrhuew.
Vuddyy qra Ananda qongw, "Huatjong Bikiu qra jiaxee jimgensix qongw liauw, qycc qra Vuddyy qongw, 'Dyrr si anne, Sewjunx! Guaw huad kiw beh jniaa busiong jniawsiong qakgno ee simx. Guan Vuddyy uirr guaw cionghunx suanqangw vudhuad ee iauwjiw, guaw dingrdongr siuhing, dirr Vudqog cingjing jonggiamm buhanrliong qibiau ji' de jinwcuw. Hro guaw dirr sewqanx soksok singjiu jniawsiong qakgno, vuic driau soxu snesiw koxlan ee qinvunw.'"
Vuddyy qra Ananda qongw, "Hitt jun Lokeshvararaja Vut qra Huatjong Bikiu qongw, 'Anxjnuaw siuhing laii qenwlip Vut jonggiamm ee qoktow, liw qaqi qaidongx jai'ngiaw.' Bikiu qra Vuddyy qongw, 'Jitt xee ywgi taiww cimx, guaw ee qingxqair iauxx byy qaur hiax. Dogdok guan Sewjunx cionghunx uirr guaw enxsuad Vut Zulaii Cingjing Toxde ee sidhingg. Guaw tniax liauxau, dikkag e jiauww soxx qangxsuad :ee kir siuhing, uanbuanw singjiu soxx huad ee guan.' Hitt sii Lokeshvararaja Vut jaix ix qybingg, jiwguan cimx qycc kuah, dyrr uirr Huatjong Bikiu qangxsuad qingdenw, qongxx, 'Kyxviw duarhaiw, jit langg iong qorr dauw laii nriuu, qinglik soxr qiab, dy' iauxx u tangx qaur drew, did diyc bixbiau ee dinvyw. Langg u diwsimx jingjinr, qriuu dy byy tingjiw, dingrdongr e did diyc qongqyw. Sniaxmih guan be dadsing?' Mrjiacc Lokeshvararaja Vut dyrr uirr ix cionghunx qangxsuad nng-vah jap-ig jiongww Vut ee qoktow, tnisinn qapp langg ee senrog, qoktow ee cohoo qapp bixbiau, jiaxee juanvo longxx denxhen .cud .laii laii buanxjiog ix ee simguan. Hitt sii hitt xee bikiu, tniax diyc Vut soxx qongw :ee jonggiamm cingjing qotow, soxu ix longxx cinbak knuar .qnir. Kixsimx huad busiong byy langg tangx viw ee guan. Ix ee simx jigjing, jiwhiongrr byy soxx jipsiuw. Sewqanx itcer jiongwsingx byy langg tangx qapp ix viw. Iong jiokjiog go qiab, suniuu jinwcuw jonggiamm Vudqog cingjing ee sidhingg."
Ananda mng Vuddyy qongxx, "Dirr Lokeshvararaja Vut ee qoktow, huewsiu u zuarr dngg?" Vuddyy rinr qongxx, "Hiax ee Vut ee siursor u sir-jap-zi qiab. Hitt sii Huatjong Bikiu jinwcuw nng-vah jap-id jerje vut bibiau toxde sidhingg cingjing. Cincniu jitt kuanw ee siusen uanvi, ix kir qaur hit xee Vut ee jursow, qui .lyc hiongr Vut ee kax qnialew, dirr Vut sinvnix sec snax linr, habjiongw kia lehh, hiongr hitt xee Vut qongw, 'Sewjunx! Guaw ixqingx jinwcuw diyc jonggiamm Vut ee toxde sidhingg cingjing.' Vut qra bikiu qongw, 'Liw dnaxx tangx qongw ar, suanqangw soxx jaix :ee si sii ar, hro itcer dairjiongr huad kiw hnuahixsimx. Posad tniax liauw laii siuhing jitt xee huatmngg, uaxvng jex laii drir qaur buanxjiog buliong dua guan.' Bikiu qra Vut qongw, 'Ngwbang liw tniax suar simxcad. Guaw soxx guan :ee, beh qurtew suatbingg.
Setsuw guaw jniaa vut, qog-lai u dergak, gyrquiw, qapp jingsnix jiaxee, guaw dyrr byy drat qaur jniawsiong qakgno.
Setsuw guaw jniaa vut, qog-lai ee tnisinn qapp zinbinn u dirr siursor liauxqed ixau, qycjaiww lag zip kir snax xe og dy :ee, guaw dyrr byy drat qaur jniawsiong qakgno.
Setsuw guaw jniaa vut, qog-lai ee tnisinn qapp zinbinn byy longxx u jinqimx ee sig, guaw dyrr byy drat qaur jniawsiong qakgno.
Setsuw guaw jniaa vut, qog-lai ee tnisinn qapp zinbinn, inx ee hingboo u byy qangg, qycc u suiw-baiw jingcax, guaw dyrr byy drat qaur jniawsiong qakgno.
Setsuw guaw jniaa vut, qog-lai ee tnisinn qapp zinbinn u m jaix siokser, simrjiww vaccingx ig Nayuta jerje qiab ee dairjir iarr m jaix :ee, guaw dyrr byy drat qaur jniawsiong kaigno.
Setsuw guaw jniaa vut, qog-lai ee tnisinn qapp zinbinn u byy did diyc tenganw, simrjiww vaccingx ig Nayuta jerje vut ee qoktow iarr byy knuar .qnir :ee, guaw dyrr byy drat qaur jniawsiong kaigno.
Setsuw guaw jniaa vut, qog-lai ee tnisinn qapp zinbinn u byy did diyc tnihni, simrjiww vaccingx ig Nayuta jerje vut soxx qongw iarr byy tniax .qnir, suar byy longxx cisiuw :ee, guaw dyrr byy drat qaur jniawsiong kaigno.
Setsuw guaw jniaa vut, qog-lai ee tnisinn qapp zinbinn u byy jaidiau qnir diyc vadd langg ee iwliam, simrjiww vahcig ig Nayuta jerje vut ee qoktow lairdew jiongwsingx ee simliam iarr m jaix :ee, guaw dyrr byy drat qaur jniawsiong qakgno.
Setsuw guaw jniaa vut, qog-lai ee tnisinn qapp zinbinn u byy did diyc sinjiog, dirr jit xee liamrtauu jiqanx, simrjiww vaccingx ig Nayuta jerje vut ee qoktow dy' berdangr ciauuat :ee, guaw dyrr byy drat qaur jniawsiong qakgno.
Setsuw guaw jniaa vut, qog-lai ee tnisinn qapp zinbinn narr kiw liamrtauu, tamqiuu jipbee siksinx :ee, guaw dyrr byy drat qaur jniawsiong kaigno.
Setsuw guaw jniaa vut, qog-lai ee tnisinn qapp zinbinn u byy dirr zibdnia anqux laii drat qaur beddo :ee, guaw dyrr byy drat qaur jniawsiong kaigno.
Setsuw guaw jniaa vut, qongbingg u hanrliong, simrjiww vaccingx ig Nayuta jerje vut ee qoktow iarr jiyr be diyc, guaw dyrr byy drat qaur jniawsiong kaigno.
Setsuw guaw jniaa vut, siursor u hanrliong, simrjiww vaccingx ig Nayuta qiab iarr byy :ee, guaw byy drat qaur jniawsiong kaigno.
Setsuw guaw jniaa vut, qog-lai SHRAVAKA(sniabunn) ee sowliong erdangr qewsngr, simrjiww snax-cingx daircenx sewqair ee jiongwsingx jniaa juer PRATYEKABUDDHA (enqag), dirr vaccingx qiab diongqanx qewqiong longxx tangx jaix inx ee sowliong, guaw dyrr byyy drat qaur jniawsiong kaigno.
Setsuw guaw jniaa vut, qog-lai ee tnisinn qapp zinbinn, inx ee siursor berdangr hanrdnia, dukiw inx qaqi guanrir, suijai beh sokdew. Narr m si jitt kuanw, guaw dyrr byy drat qaur jniawsiong kaigno.
Setsuw guaw jniaa vut, qog-lai ee tnisinn qapp zinbinn narr u tniax diyc pnaiw miasniax :ee, guaw dyrr byy drat qaur jniawsiong kaigno.
Setsuw guaw jniaa vut, sibhongx sewqair soxu buliong ee vut narr byy longxx ylyw cingjanr guaw ee miahy, guaw byy drat qaur jniawsiong kaigno.
Setsuw guaw jniaa vut, sibhongx jiongwsingx singsimx hnuahiw sinwkyr, beh dirr guaw ee qog cutsir, simriww qiyr guaw ee miahy jap vaiw, suacc u berdangr dirr hiax cutsir :ee, guaw dyrr byy drat qaur jniawsiong kaigno. Huan gnoxgik qapp huixvong jniawhuad :ee druu jairgua.
Setsuw guaw jniaa vut, sibhongx jiongwsingx u huad potesimx, siulen jerje qongdig, singsimx huatguan, beh dirr guaw ee qog cutsir. Dirr inx beh quewkuir jinwjingg, qaxsuw guaw byy qapp dairjiongr dirr ix sinvnix qra ix uii lehh, guaw dyrr byy drat qaur jniawsiong kaigno.
Setsuw guaw jniaa vut, sibhongx jiongwsingx u tniax diyc guaw ee miahy, quawliam guaw ee qog, jaijingr soxu dikhing ee qinvunw, singsimx beh kixdyr henr .cud. Inx beh dirr guaw ee qog cutsir suacc berdid jniaa, guaw dyrr byy drat qaur jniawsiong kaigno.
Setsuw guaw jniaa vut, qog-lai ee tnisinn qapp zinbinn byy longxx juewjniaa snax-ap-zi jungann, guaw dyy byy drat qaur jniawsiong kaigno.
Setsuw guaw jniaa vut, vadd xui vut ee toxde u jerje posad dirr guaw ee qog cutsir, inx vitdnia e qaur qaxx Jit Sxer Voxkiamr dyrr qaur Qiuwqingr (jniaa vut) ee qingxqair. Hiaxee jurguan beh jurjai qauwhuar jiongwsingx :ee druu jairgua. Inx uirdiyhh jiongwsingx, muax dua sewguan ee jenwqah, luixjig dikhing ee qinvunw, dortuad itcer. Inx iulik jerje vut ee qoktow, siulen posad ee dikhing, qiongqib sibhongx soxu Vut Zulaii. Inx qauwhuar naxx Ganges Hyy suax ee sowliong ee buliong jiongwsingx, hro inx dirr busiong jinsit ee dy kiarkiw,qokk qingxqair ee siuhing ciauuat sowsionglangg, qang sijun siulen poxhenn ee dikhing. Narr byy jitt kuanw, guaw dyy byy drat qaur jniawsiong kaigno.
Setsuw guaw jniaa vut, qog-lai ee posad did diyc vut ee sinlat, qiongqib jerje vut, dirr jit dxngr vng ee siqanx-lai, berdangr poxpenr qiongqib qaur buliong iacc qiongqib qaur busor ig Nayuta jerje vut ee qog, guaw dyrr byy drat qaur jniawsiong kaigno.
Setsuw guaw jniaa vut, qog-lai ee posad dirr soxu vut ee binrjingg henr cud inx dikhing ee qinvunw, soxu qiongqib ee kiwqu ix qriuu beh did .diyc suacc be tangx jiauww guan :ee, guaw dyrr byy drat qaur jniawsiong kaigno.
Setsuw guaw jniaa vut, qog-lai ee posad berdangr qangxsuad itcer diwhui, guaw dyrr byy drat qaur jniawsiong kaigno.
Setsuw guaw jniaa vut, qog-lai posad byy did diyc Vajra Narayana ee srinx, guaw dyrr byy drat qaur jniawsiong kaigno.
Setsuw guaw jniaa vut, qog-lai ee tnisinn, zinbinn, qapp itcer banrbut longxx jonggiamm, cingjing, qngliang, bixle, hingtew qapp binrsig digvet, bibiau qaur qik, byy huatdo cikliong. Hiax ee jiongwsingx dyrr junw u did diyc tenganw :ee erdangr liauxqaiw qycc tangx qiyr cud inx ee miaa qapp sowliong, guaw dyrr byy drat qaur jniawsiong kaigno.
Setsuw guaw jniaa vut, qog-lai ee posad ,simrjiww qogdig kacc jiyw :ee, berdangr jaibad dyrdniuu ee ciu u buliong ee qongbingg, sikcaiw, qapp quann sir-vah bxan lxiw :ee, guaw dyrr byy drat qaur jniawsiong kaigno.
Setsuw guaw jniaa vut, qog-lai ee posad genxqiur qingbunn jniawhuad, siongrtog, cisiuw, qycc qangxsuad, suacc byy did diyc lunrven ee jaidiau qapp diwhui :ee, guaw dyrr byy drat qaur jniawsiong kaigno.
Setsuw guaw jniaa vut, qog-lai ee posad, diwhui qapp lunrven ee jaidiau narr u hanrliong :ee, guaw dyrr byy drat qaur jniawsiong kaigno.
Setsuw guaw jniaa vut, qoktow cingjing, sibhongx itcer buliong busor vutkyw sugi soxu vut ee sewqair longxx jiyr e diyc, uanzenn naxx bingqngx ee qniar knuar diyc binriongg. Narr m si jitt kuanw, guaw dyrr byy drat qaur jniawsiong kaigno.
Setsuw guaw jniaa vut, an' derbin ixsiong qaur qaxx hikongx, qiongden, bangrqylauu, vix-aw, huex, ciu, qoktow soxu itcer banrbut, longxx ixx buliong jabjiongw vyw qapp vaccingx jiongw pangx qiongrdongg habsingg, jonggiamm qibiau, ciauuat soxu tnisinn qapp zinbinn. Pangbi poxpenr pangx qaur sibhongx sewqair. Posad pnri .diyc, longxx laii siulen vudhing. Narr m si jitt kuanw, guaw dyrr byy drat qaur jniawsiong kaigno.
Setsuw guaw jniaa vut, sibhongx buliong vutkyw sugi soxu vut ee sewqir ee jiongsingx ji' lui virr guaw ee qongbingg kap diyc ix ee sinkux, srinx qapp simx ziunngw, ciauquer tnisinn qapp zinbinn. Narr m si jitt kuanw, guaw dyrr byy drat qaur jniawsiong kaigno.
Setsuw guaw jniaa vut, sibhongx buliong vutkyw sugi soxu vu t ee sewqair ee jiongwsingx ji' lui tniax diyc guaw ee miazi, byy did diyc posad byy snix, qenzimw ee jniawhuad qycc byy cimdimm cisiuw :ee, guaw dyrr byy drat qaur jniawsiong kaigno.
Setsuw guaw jniaa vut, sibhongx buliong vutkyw sugi soxu vut ee sewqair u jaboxlangg tniax diyc guaw ee miazi, hnuahiw sinwkyr, huad potesimx, iamwngor luxsinx, siursor liauxqed ixau, qycjaiww juer jabow :ee, guaw dyrr byy drat qaur jniawsiong kaigno.
Setsuw guaw jniaa vut, sibhongx buliong vutkyw sugi soxu vut ee sewqair ee jiongww posad tniax diyc guaw ee miazi, siursor liauxqed ixau, suwsiongg siuhing, qaur qaxx siulen vuddy uansingg. Narr m si jitt kuanw, guaw dyrr byy drat qaur jniawsiong kaigno.
Setsuw guaw jniaa vut, sibhongx buliong vutkyw sugi soxu vut ee sewqair ee jiongww tnisinn qapp zinbinn tniax diyc guaw ee miazi, qui dah dah, kogtauu qnialew, hnuahiw laii sinwkyr, siulen posathing, jiongww tnisinn qapp sewzinn, byy jit xee byy qra junqingr. Narr m si jitt kuanw, guaw dyrr byy drat qaur jniawsiong kaigno.
Setsuw guaw jniaa vut, qog-lai ee tnisinn qapp zinbinn beh did diyc ijniuu, jid'err sniu, snxax sui' dyrr qaur, cincniu Vut soxx ylyw hac jniawhuad bibiau ee snxax, jurzenn cing dirr sinkux. Narr rair qycc caihongg, nixsig, iacc sexdng :ee, guaw dyrr byy drat qaur jniawsiong kaigno.
Setsuw guaw jniaa vut, qog-lai ee tnisinn qapp zinbinn soxx hiangxsiu ee kuaiwlok kacc sux huanlyw liauxjin ee bikiu, guaw dyrr byy drat qaur jniawsiong kaigno.
Setsuw guaw jniaa vut, qog-lai ee posad suijai beh qnir sibhongx buliong jonggiamm cingjing vut ee toxde, suisii tangx jiauww guan, dirr vyxciu lairdew, longxx tangx qnir .diyc, uanxzenn bingqngx ee qniar knuar diyc qaqi ee binriongg. Narr m si jitt kuanw, guaw dyrr byy drat qaur jniawsiong kaigno.
Setsuw guaw jniaa vut, vadd xui qoktow ee jiongww posad tniax diyc guaw ee miazi suar jniaa vut, u jerje qinkir u kuatham byy jiaujngg :ee, guaw dyrr byy drat qaur jniawsiong kaigno.
Setsuw guaw jniaa vut, vadd xui qoktow ee jiongww poasad tniax diyc guaw ee miaa, longxx u drat qaur cingjing qaixtuad ee Samadhi, dirr Samadhi anzenn kiarkiw, dirr jit xee liamrtauu jiqanx, qiongqib buliong vutkyw sugi ee jiongww vut sewjunx qycc byy srid kir anding. Narr m si jitt kuanw, guaw dyrr byy drat qaur jniawsiong kaigno.
Setsuw guaw jniaa vut, vadd xui qoktow ee jiongww posad tniax diyc guaw ee miazi, dirr siursor liauxqed ixau, dirr junquir ee qadingg cutsir. Narr m si jitt kuanw, guaw dyrr byy drat qaur jniawsiong kaigno.
Setsuw guaw jniaa vut, vadd xui qoktow ee jiongww posad tniax diyc guaw ee miazi, hnuahiw qnuaw beh siulen posathing, dikhing ee qinvunw jiauvi. Narr m si jitt kuanw, guaw dyrr byy drat qaur jniawsiong kaigno.
Setsuw guaw jniaa vut, vadd xee qoktow ee jiongww posad tniax diyc guaw ee miazi, longxx drat qaur poxpenr vingdingw ee Samadhi, dirr Samadhi kiarkiw, qaur qaxx jniaa vut, suwsiongg qnir diyc buliong vutkyw sugi itcer ee vut. Narr m si jitt kuanw, guaw dyrr byy drat qaur jniawsiong kaigno.
Setsuw guaw jniaa vut, qog-lai ee posad suijai inx ee jiwguan tniax inx beh tniax ee jniawhuad, juerzenn dyrr tniax e diyc. Narr m si jitt kuanw, guaw dyrr byy drat qaur jniawsiong kaigno.
Setsuw guaw jniaa vut, vadd xui qoktow ee jiongww posad tniax diyc guaw ee miazi, byy jiksii did diyc byy tewjuanw ee qongqyw :ee, guaw dyrr byy drat qaur jniawsiong kaigno.
Setsuw guaw jniaa vut, vadd xui qoktow ee jiongww posad tniax diyc guaw ee miazi, byy jiksii did diyc derr id qenzimw, derr zi qapp derr snax qenzimw ee jniawhuad, dirr soxu vudhuad berdangr jiksii did diyc be tewjuanw :ee, guaw dyrr byy drat qaur jniawsiong kaigno.
Vuddyy qra Ananda qongw, "Hitt sii, Huatjong Bikiu jiaxee guan qongw liauw, iong erdew ee jimgensii qycc qongw,
'Guaw lip ciausewguan, vitdnia beh drat qaur busiong ee dy. Jtt xee guan narr byy jiokguan, libser m vniwjniaa jniawsiong kaigno.
Guaw dirr buliong qiab narr byy jniaa juer dua sijuw, poxper qiuwjer sanwciah qapp siurkow :ee, libser m vniwjniaa jniawsiong kaigno.
Guaw singjiu vuddy, miasniax ciauuat sibhongx, qiuwzenn suacc u byy tniax .diyc .ee, libser m vniwjniaa jniawsiong kaigno.
Qapp iok li hng hng, jniawliam cimx, cingjing ee diwhui siulen senrhing, jiwbong qiucuw busiong jiwjunx, juer soxu tnisinn qapp zinbinn ee sensnix.
Sinlat cud dua qngx, poxpenr jiyr dirr byy vnix ee toxde, siauduu snax hxang uwuer, qiuwjer jiongwsingx ee koxeh.
Qra inx kuix diwhui ganw, siaubet budix, cnimii, qapp oamr, qra soxu og dy trad .kiw .laii, tangx tongdat qaur sxen ee mngg.
Qongdig drat qaur uanbuanw, uigii ee qngx huatsia qaur sibhongx, kamr quer zidguat ee qonghuix, tnix ee qngx unxbii byy henxhen.
Uirr jiongwsingx kuix huatjong, qongxkuah si'uw qongdig ee dinvyw, suwsiongg dirr dairjiongr lairdew, iongx sraix qiyr ee sniax qangxhuad.
Qiongriongw itcer vut, jiongww dikhing ee qinvunw longxx jiauvi, guan diwhui longxx singjiu uanbuanw, tangx juer samqair ee juxjniaw.
Kyxviw vut buliong ee diwhui, tongdat siwqer byy jit xui byy jiyr .diyc. Guan guaw qongdig ee ligliong tangx qapp jueww iusiur jiwjunx qang dringw.
Jiaxee guanrbang narr sidhen, daicenx sewqair ingdongx qamxdong. Hukongx jiongww tnisinn, junw dinquir ee ho qapp bixbiau ee huex.'"
Vuddyy qra Ananda qongw, "Huatjong Vikiu jiaxee jimgensix qongw suah, liammisii poxtenha cuthen lak jiongw dinxdang, tnidingw qangr lyc bixbiau ee huex-ho ia dirr binrdingw. Tenzenn imgak dirr kongdiongx janwbiw qongxx, 'Quatding beh jniaa juer busiong kaigno.' Mrjiacc Huatjong Bikiu kurvi siuhing uanbuanw jitt kuanw ee dua guan. Singsimx jinsit byy hiqew, ciauuat sewqanx, cimx cimx hnuahiw zip jigjing ee beddo. Ananda! Huatjong Bikiu dirr Vut ee soxjai, dirr soxu tnix, Moongg Mara, Brahma, qapp Lringg-Sinn jiaxee veh vxo dairjiongr diongqanx huad jitt xee dua guan. Jitt xee guan lip liauw, juansimx itdir jiwhiongr jonggiamm bibiau ee toxde. Soxx siujy ee Vudqog, kuikuah qongxdua, ciaudingw, dedvet, qycc bixbiau, soxx qenwlip :ee suwsiongg dilehh, be suevai iacc venwkuanw. Dirr vutkyw-sugi be sngr .did ee qiab(kalpa), jaijingr posad buliong ee dikhing. Be snix cud iogbong, uanwhun, iacc sionghai ee liamrtauu; iogbong, uanwhun, iacc sionghai ee sniurhuad marr be qycc hro kiw. Be knikib sig, sniax, pangbi, bongkap qapp hxuad, zimxnai ee lat u dua singjiu, byy qewqaur jiongxjiongw ee kow. Iogbong jiyw, jaix buanxjiog, byy knikib, uanwhun, iacc cigaii, suwsiongg dirr jigjing ee Samadhi. U diwhui, byy jiongwgai, byy higui, tiamxbi, niuxkiog ee simx. Hykir ee binriongg, tniawsiyh ee uergiw, dirr langg' mng jinwjingg dyrr jaix inx ee iwhiongr. Iongxbingw jingjinr, duiww jiwguan byy iawsen. Juansimx duiqiuu cingvik ee hxuad, laii hro jiongwsingx u lirkig. Qiongqingr samvyw, hongrtai sensnix qapp diongxvuer. Ixx dua jonggaimm kurvi qokk jiongw ee hinggii laii hro soxu jiongwsingx qongdig singjiu.
"Ix dirr kangx, byy siongwtew, qapp byy guan ee hxuad kiarkiw, byy soxx juer iarr byy soxx kiw, quancad hxuad bersux naxx huanwingw. Qapp okgenn li hng hng, jiacc be hai qaqi qycc hai vadd langg, horsiongx longxx laii siurhai. Siuhak senrgenn, lirig qaqi qycc lirig vadd langg, liw guaw longxx u lirig. Kiwsag qokqax qapp ong'ui, dngrjuad jaivyw qapp sik'iok, qaqi siuhing lak xee Paramita, qycc qar langg siuhing. Dirr busor qiab lairdew, luixjig qongdig. Bylun dirr dyhh cutsir,suijai ix beh dic :ee, buliong vyxbut jurzenn cuthen laii hueingr. Qauwhuar busor jiongwsingx hro inx ansinx-libbing, dirr busiong jinsit ee dy kiarkiw. Iacc cutsir jniaa juer diongxjiaw, qusu, dirr junquir qadingg cutsir; iacc jniaa juer Kshatriya Qunongg juanw lunn singwder; iacc jniaa juer Lak Iok tnijuw simrjiww Brahma Ongg. Suwsiongg ixx sir hxang qiongriongw qiongqingr itcer vut, jitt kuanw ee qongdig qongw be liauw. Cuir cud cingpangx cingkir ee bi naxx cnisig lenhuex, sintew soxu ee mngkangx cud dnuahniux ee bi, hit xee pangbi snruar qaur buliong sewqair. Binrsig duanjniar, siongwtew viw langg' kacc bixbiau; ix ee ciuw suwsiongg cud byy qiongjin ee dinvyw, ihok, imxsit, dinquir bixbiau ee pangx huex, diuduan horsnuar, donghuanx, qapp jonggiamm ee kiwqu. Cincniu jiaxee su, ciauuat soxu jiongwsingx qapp tnisnn, dirr itcer hxuad tangx did jurjai."
Ananda mng Vuddyy qongxx, "Huatjong Posad u jniaa juer vut, qiucuw diyc beddo bor?"
Vuddyy qra Anada qongw, "Huatjong Posad dnaxx ixx jniaa juer vut, jitmaw dirr sehongx, li jiax jap-bxan-ig koti. Hitt xee vut ee sewqair miaa qiyr juer Anlok."
Ananda qycc mng, "Jingrr ix jniaa juer vut ixlaii, qingquer zuarr quw ar?"
Vuddyy rinr qongxx, "Jingrr ix jniaa juer vut ixlaii, qinglik quer jap qiab. Vut ee qoktow u cid jiongw tenzenn dinvyw, kiarr qimx, ginn, liulii, san'oo, hoxpig, angvyxjiyc, qapp bexlow laii habsingg ee toxde. Kul'uii, kongwkuah qaxx byy dixjiw. Dinvyw horsiongx hunrjap, horsiongx qauqnaa, qonghuix siamxsih, bibiau bixle, cingjing jonggiamm, ciauuat sibhongx itcer sewqair soxu dinvyw ee jinghuaa, bersux Derr Lak Tnix ee dinvyw. Qycc hiaxee qoktow, byy Sumeru Snuax qapp Qimqongx Snuax jiaxee jerje snuax; iarr byy haiw, xngiuu, keqaux, juixjniw, iacc snuaqog. U Vut sinlat ee enqor, soxx beh qnir :ee dyrr qnir e diyc. Iarr byy dergak, iaux qxuiw, qapp jingsnix jiaxee og dy. Iarr byy suwquir cxunx hxa cxiux dxangx, byy qnuaa byy zuac, suwsiongg unhyy suwsi."
Hitt sii, Ananda qra Vuddyy qongw, "Sewjunx! Narr junw hitt xee qoktow byy Sumeru Snuax, sir xee tniongg qapp Snax-jap-snax Tnisinn beh uaxkyr sniaw kiarkiw?"
Vuddyy mng Ananda qongxx, "Derr snax Iam Tnix, simrjiww Sik'iok Qiuwqingr Tnix longxx uaxkyr sniaw kiarkiw?"
Ananda rinr qongx, "Hing'uii giabje ee inqyw vywingr si vutkyw-sugi :ee."
Vuddyy qra Ananda qongw, "Hing'uii giabjer ee inqyw vywingr vutkyw-sugi, soxu vut ee sewqair iarr si vutkyw-sugi. Hiax ee jiongwsingx u qongdig qapp senrgiap ee lat, dirr hing'uii giabvyr ee toxde kiarkiw, soxiw erdangr jitt kuanw."
Ananda qra Vuddyy qongw, "Jitt xee hxuad guaw byy daiwgii, dandanx uirdiyhh jionglaii ee jiongwsingx, air beh druu kir inx ee gihik, mrjiacc mng jitt xee ywgi."
Vuddyy qra Ananda qongw, "Buliong Siursor Vut uigiamm sinbiau ee qongbingg si derr id jueww junquir :ee, soxu vut ee qongbingg longxx be viw .did. Tangx jiywqngx vah vut sewqair iacc cxenx vut sewqair. Jongw qongw jit qxur, dyrr si jiywqngx danghngx Ganges Hyy suax ee sowliong hiacc je ee vudqog, dirr lamhngx, sehngx, qapp vakhngx; siwbin qapp dingxe iarr si jitt kuanw. Uree vudqngx tangx jiyr cid ciyh hng, uree tangx jiyr qaur jit yojana, iacc nng, snax, sir, go yojana hiacc hng. Jiaxee juanw dingvue, simrjiww (jiacc) jiyr qaur jit xee vudqog. Soxiw qongxx Buliong Siursor Vut iarr hy juer Buliong Qngx Vut, Byy Venqair Qngx Vut, Byy Joxgai Qngx Vut, Byy Duiwciuw Qngx Vut, Iam Ongg Qngx Vut, Cingjing Qngx Vut, Hnuahiw Qngx Vut, Diwhui Qngx Vut, Byy Dng Qngx Vut, Lann Srux Qngx Vut, Byy Der Qongw Qngx Vut, qapp Ciauuat Zidguat Qngx Vut. Qniwnarr u jiongwsingx duw diyc jex qngx, snax jiongw uwuer dyrr e siaubet, sinkux qapp iwliam ziuluanw, hnuahiw kuaiwlok, e snex kiw senrsimx. Narr dirr samqair qik kow ee soxjai qnir diyc jitt xee qongbingg, longxx tangx did diyc hiyckunr, byy qycc u koxnauw. Siurjiongx liauxau, longxx tangx did diyc qaixtuad. Buliong Siursor Vut ee qongbingg henxhig, jiywqngx sibhongx. Soxu vut ee qoktow byy jit xee byy tniax .diyc. M na guaw jitmaw cingjanr ix ee qongbingg, itcer vut, sniabunn, enqag, jiongww posad longxx qiongrdongg janwtanr ylyw iarr si jitt kuanw. Narr u jiongwsingx tniax diyc ix ee qngxbingliau, uigiamm, sinbiau, qapp qongdig, zid'ia qra cinghox qapp qangsuad, singsimx byy qnaiwdng, dyrr tangx suijai ix ee iwguan dirr ix soxx sniu beh cutsir ee qog laii cutsir. Jiongww posad qapp sniabunn jiaxee longxx e qra janwtanr, ylyw, cingjanr ix ee qongdig. Qaur qaxx it'au did diyc vuddy ee sii, poxpenr sriu sibhongx jiongww vut qapp posad janwtanr ix ee qongbingg iarr qapp jitmaw qangrkuanw."
Vuddyy qongw, "Guaw qongw Buliong Siursor Vut ee qngx bingliang, uigiamm, sinbiau, qi’uiw qapp qibiau, jit qiab(kalpa) zid'ia byy hiyh iarr qongw be liauxjin."
Vuddyy qra Ananda qongw, "Iuqycc, Buliong Siursor Vut, ix ee siurmia quxdngg, berdangr qewsngr. Liw qamxx jaix? Qaxsuw sibhongx sewqair buliong jiongwsingx longxx did diyc langg ee srinx, longxx hro inx singjiu sniabunn iacc enqag, longxx qiongrdongg jibhue, jidsimx cimsux, jin inx ee diwlingg, dirr vaccingban qiab longxx decc qra cuisngr, qewsngr ix ee siurmia dng'uanw ee sowbok, iuguann sngr be jin, m jaix ix ee qaiwhan qapp qigtauu. Sniabunn posad, tnisinn, qapp zinbinn jiaxee jiongwsingx, siurmia dngdew iarr si jitt kuanw, m si sngwsiaur iacc piwzu tangx jaix :ee. Iuqycc, sniabunn posad ee sowliong yh did cuiliong, byy huatdo sueh kiw. Sintongx qapp diwhui tongtaur, uilik jurjai, tangx dirr jniuxdiongx vaxcii itcer sewqair."
Vuddyy qra Ananda qongw, "Hitt xee vut ee tauu vaiw huathue, sniabunn ee sowbok sngr be liauw, posad iarr qangrkuanw. Tangx vixping Mahamaudgalyayana, vaccingbanrig buliong sowbok ee huerjiongr, dirr buliong ig kotis qiab ee siqanx-lai, simrjiww qaur beddo longxx decc qewsngr, iarr berdangr liauxqaiw u zuarr je sowbok. Kyxviw duarhaiw, cimx, kuah, qycc buliong. Qaxsuw u langg qra jit qix mox hunx juer jit-vah hxun, qycc ixx qidiongx jit hxun mox bag jit dih haixjuiw, liw sniu sniaw kuanw? Soxx bag .diyc .ee qapp hex duarhaiw, dycc jit xee kacc je?"
Ananda rinr Vuddyy qongxx, "Ix soxx bag ee juiw qapp duarhaiw siy' viw, jejiyw ee liong m si kaxbiau ee tenbunn, sngwsut, gensuu, iacc piwsu soxx tangx jaix :ee."
Vuddyy qra Ananda qongw, "Cincniu Mahamaudgalyayana ee jingwlangg, dirr vaccingbanrig kotis qiab ee siqanx-lai qewsngr hex tauu vaiw sniabunn qapp posad ee sowliong, soxx jaix :ee dogdok naxx jit dih juiw, soxx m jaix :ee naxx duarhaixjuiw."
Iuqycc dirr hitt xee qoktow, jerje cid vyw ciu dirr sewqair muaw muaw si. Qimx ciu, ginn ciu, liulii ciu, vylee ciu, sanoo ciu, qapp ciaquu ciu. Uree si nng jiongw dinvyw, snax jiongw dinvyw, simrjiww qaur cid jiongw dinvyw juanxjiab qiongrdongg habsiingg. Uree si qimx ciu snix ginn ee hiyc, huex, qapp quexjiw; uree si ginn ciu snix qimx ee hiyc, huex, qapp quexjiw; uree ciu si liulii, hiyc-aw si vylee, huex qapp quexjiw iarr si; uree ciu si juixjnix, hiyc-aw si liulii, huex qapp quexjiw iarr si; uree ciu si sanoo, hiyc-aw si bexlew, huex qapp quexjiw iarr si; uree ciu si bexlyw, hiyc-aw si liulii, huex qapp quexjiw iarr si; uree ciu si ciaquu, hiyc-aw si jerje jiongw dinvyw, huex qapp quexjiw iarr si.
Uree vyxciu, qinx si jixqimx, qxingx si vehginn, ciurqix si liulii, ciuruex si juixjnix, hiyc si san'oo, huex si bexlyw, quexjiw si ciaquu. Uree vyxciu, qinx si vehginn, qxingx si liulii, ciurqix si juixjnix, ciuruex si san'oo, hiyc si bexlyw, huex si ciaquu, quexjiw si jixqimx. Uree vyxciu, qinx si liulii, qxingx si juixjnix, ciurqix si san'oo, ciuruex si bexlyw, hiyc si ciaquu, huex si jixqimx, quexjiw si vehginn. Uree vyxciu, qinx si juixjnix, qxingx si san'oo, ciurqix si bexlyw, ciuruex si ciaquu, hiyc si jixqimx, huex si vehginn, quexjiw si liulii. Uree vyxciu, qinx si san'oo, qxingx si bexlyw, ciurqix si ciaquu, ciuruex si jixqimx, hiyc si vehginn, huex si liulii, quexjiw si juixjnix. Uree vyxciu, qinx si bexlyw, qxingx si ciaquu, ciurqix si jixqimx, ciuruex si vehginn, hiyc si liulii, huex si juixjnix, quexjiw si san'oo. Uree vyxciu, qinx si ciaquu, qxingx si jixqimx, ciurqix si vehginn, ciuruex si liulii, hiyc si juixjnix, huex si san'oo, quexjiw si bexlyw. Muixx jit jua li vnii hng, qxingx qapp qxingx siy' duir, ciurqix qapp ciurqix siy' inwtin, hiyc qapp hiyc siy' ngr, huex qapp huex siy' sunrtanr, quexjiw qapp quexjiw siy' vaiviw. Jixsig qong'iau ho’ngg knuar be hur. Cinghongx cuex ee sii huad cud go imqaix ee sniax, bibiau imdiau jurzenn horsiongx puewhyy.
Iuqycc jit hxang. Buliong Siursor Vut, ix dyrdniuu ee ciu-aw qaunn sir-vah-bxan lxiw, jiuuii go-cingx yojana, qihiyc hiongr siwhngx suanx zi-jap-bxan lxiw, itcer dinvyw jurzenn habsingg, ixx guehqngx moni qapp cisiuw haiw-lunn dinxvyw, quanrr jiongww vyw ji' ongg laii hro jonggiamm. Siwjiuuii ee muixx jit qix diongx:a u suii dinvyw ee judui, vaccingban sig, u jiongxjiongw venwhuar, huad buliong ee qngx, jiywqngx qaur byy qighan. U dinquir qibiau ee vyxbang kamr dirr dingxbin, itcer jonggiamm, sniu sniaw dyrr henxhen sniaw. Bibii hongx cuex, cuex soxu vyxciu, enxcud buliong bibiau ee huat'imx. Hex sniax liutuann qaur soxu ee vudqog. Tniax diyc hex sniax :ee, did diyc cimdimm hxuad ee qenzimw, kiarkiw be dywter, qaur qaxx singjiu vuddy, hnirqinx cingjing liauxted, be jysiu huanlyw qapp hyrhuan. Cinbak knuar diyc ix ee siktew, pnri diyc ix ee pangbi, damx diyc ix ee kiwbi, kab diyc ix ee qngx, simx u hxuad ee inenn :ee, longxx did diyc cimdimm hxuad ee , kiarkiw byy dywter qaur qaxx singjiu vuddy. Lak qinkir cingjing liauxted, soxu ee huanlyw qapp hyrhuan longxx byy. Ananda! Narr hitt xee qoktow ee tnisinn qapp zinbinn qnir diyc jitt jangg ciu, did diyc snax hxang hxuad ee qenzimw: id jiarr, imhiongw ee qenzimw; zi jiarr, ziusun ee qenzimw, snax jiarr, byy snix huxad ee qenzimw. Jiaxee longxx Buliong Siursor Vut uidig ee sinlat soxx drir, kiarr vunxguan ee lat, e jiokguan, bingvik ee guan, qenqor ee guan, qapp e singjiu guan ee enqor."
Vuddyy qra Ananda qongw, "Sewqanx ee dewongg u vaccingx jiongw imgak. An' Juanw Lunn Singwongg qaur qaxx Derr Lak Tnix, gag'imx iacc imsanix ngiaa quer ix cing'ikban vxue. Derr Lak Tnix bxan jiongw gag'imx iaxx kacc sux Buliong Siursor Qog soxu cid vyw ciu ee jit jiongw imsniax cing'ig vxue! Iarr u jurzenn bxan jiongw gag'imx, ix ee gagsniax byy jit xee m si huat'imx, cingbingg, vingsun, linbinw, cingliang, bibiau, ziuhyy, iugnaw, sibhongx sewqair ee imsniax lairderw, ix jiamr tauu miaa.
Qangxdngg, siudyrngi, qiongden, qapp lauqyh longxx jin' jonggiamm, iong cid jiongw vyxvuer jurzenn huawsingg, qycc iong jinxjux qapp binggeuc mani dringw jerje dinvyw juer vowlii kamr dirr dingxbin. Lairgua jyxiu u jerje igdii,uree jap yojana, uree nng-jap iacc snax jap, simrjiw qaur vaccingx yojana, dngg, kuah, cimx, cenw longxx vnii dua. U veh jiongw qongdig ee juixdii, cingliang ee juiw muaxdni, cingjing, cingpangx, kiwbi naxx qamlo. Ngqimx ee juixdii, erdew pox vehginn ee suax; vehginn ee juixdii, erdew pox ngqimx ee suax; juixjnix ee juixdii, erdew pox liulii ee suax; liulii ee juixdii, erdew pox juixjnix ee suax; san'oo ee juixdii, erdew pox hoxpig ee suax; hoxpig ee juixdii, erdew pox san'oo ee suax; ciaquu ee juixdii, erdew pox bexlyw ee suax; bexlyw ee juixdii, erdew pox ciaquu ee suax; vehgik ee juixdii, erdew pox jixqimx ee suax; jixqimx ee juixdii, erdew pox vehgik ee suax. Uree si nng jiognw dinvyw iacc snax jiongw dinvyw, simrjiww cid jiongw dinvyw juanxngua qiongrdongg habsingg. Dirr juixdii-vnix u dnuahniuciu. Ix ee huex qapp hiyc suii .lyc, pangkuir snruar qaur duarbuw siwqer. Cnisig lenhuex, angsig lenhuex, ngsig lenhuex, qapp vehsig lenhuex, juixbin u je jiongw sikjuiw qngx siamxsiamw qra kamr lehh.
Hiaxee jerje posad qapp jiongww sniabunn narr zip kir vyxdii, simx sniu qongxx beh hro juiw rimx quer kax, juiw jiksii rimx quer kax; sniu beh hro qaur katauux, jiksii qaur katauux; beh hro qaur iyx, juiw jiksii qaur iyx; beh hro qaur amrqunw, juiw jiksii qaur amrqunw; beh hro lramm sinkux, jurzenn dyrr lramm sinkux; beh hro hogguann, juiw liammix hogguann. Lingxluanw e diaujingw, jurzenn sui' langg ir, langg jing’ingx, sintew songxsinn. Simx ee uwuer sexduu, bingcingx cingkir, jingcing qaxx bersux byy hintew. Vyxsuax cingcyw henxhen, bylun zuarr cimx iarr jiyr e diyc. Cingqed ee juixpyx lrauu dywdngw, horsiongx siy' quanr, dauc dauc ansiongg siausid, byy qinw iarr byy ban. Pylong snix kiw buliong jurzenn bibiau ee snia'imx, suijai jiongwsingx ee iwdir, byy jit hxang tniax be diyc. Uree tniax diyc Vut ee sniax, uree tniax diyc hxuad ee sniax, uree tniax diyc jingdoo ee sniax, uree si siokjing ee sniax, kongbuu bugnow ee sniax, dua juvix ee sniax, paramita ee sniax, uree si jap jiongw lat byy uir byy qiongrtongx hxuad ee sniax, jiongxjiongw diwhui tongdat ee sniax, byy soxx juer ee sniax, byy kiw snix-bet ee sniax, byy anzimw snix-siw ee sniax, simrjiww qamlo lramm tauu dingw, qokk jiongw bixbiau hxuad ee sniax. Cincniu jiaxee sniax, hro soxx tniax .diyc .ee did diyc buliong ee hnuahiw.
Sunrtanr cingjing li iok jigbet jinsit ee ywgi, sunrtanr snax vyw ee lat, byy soxx qniax, byy qiongrtongx ee hxuad, sunrtanr tongdat diwhui posad sniabunn soxx qniaa ee dy. Byy junjai snax og dy koxlan ee miaa, dna' u jurzenn kuaiwlok ee imsniax. Mrjiacc qongxx hitt xee qog ee miaa qiyr juer qiglok.
Ananda! Soxu dirr hitt xee vut ee qoktow cutsir :ee longxx u jitt kuanw cingjing ee siksin, qokk jiongw bixbiaux ee imsniax, iarr longxx u sintongx qapp qongdig. Soxx druar ee qiongden, ihok qapp imxsit, soxu bixbiau ee pangx huex, qapp jonggiamm ee kiwgu, uanxzenn Derr Lak Tnix jurzenn ee mic. Narr beh jiac ee sii, cid jiongw vyw ee vxuah jurzenn dirr ganw-jingg. Qimm, ginn, liulii, ciaquu, bexlyw, san'oo, hoxpig, bingguec, jinjux, jiaxee dingxdingw jerje vxuah, suii iwliam cuthen. Vah bi imxsit, jurzenn muaxqnii. Suizenn u jiaxee jiahsit, sidjai kiokk byy jiac ee langg. Dna' qnir diyc sikdir, pnri diyc pangbi, iwliam liahjunw decc jiac, jurzenn dyrr vaw. Srinx qapp simx ziuluanw, duiww bi byy jipbee. Dairjir suah dyrr huar .kir, sii qaur jiacqycc cuthen.
Hitt xee vut ee qoktow, cingjing an'unw, bibiau kuaiwlok, viw Nirvana qingxqair kacc sux hunsiaur narnia. Hiaxee soxu sniabunn, posad, tnisinn, iacc langg, diwhui qybingg, sintongx tongted, longxx qang jit lui, guarhingg byy sniaw byy qangg. Dna' in'ui sun qitnax soxjai ee cinghox, mrjiacc u tnisinn qapp langg jiaxee miaa. Siongwmau duanjniar, sewqanx hanxiuw, guarhingg bibiau, m si tnisinn iacc langg, longxx niaxsiu jurzenn hubuu ee srinx qapp byy qigtauu ee tew."
Vuddyy qra Ananda qongw, "Piwlun qongxx sewqanx sanwciah kitjiac dirr dewongg vnix:a, hingtew binrmau, qamxx tangx luirviw?"
Ananda rinr Vuddyy qongxx, "Qaxsuw hro jitt xee langg dirr dewongg vnix:a, colow pnaiw knuawsniur (ee tingdo) byy sniaw tangx vixzu, nng xee jingcax vaccingbanrig vxue qaur byy huatdo qewsngr. Taixtyw e anne? Sanwciah kitjiac dirr siongrr qe jann. Byy snxax tangx cing, jiac qandna' tangx icii sniwmia, iaux, qnuaa, kunwkow, langg ee girliw longxx qor be diyc. Jex longxx si jingg sxer byy jingr dikhing ee qinvunw, jikju jaisanw byy sisiaw, zuxx hyxgiac zuxx qenlin, suacc qycc beh did kacc je, tamqiuu ee simx byy iawsen. Byy siongsinr siusen, soxx huan ee juerog jxig qaxx naxx snuax. Cincniu jitt kuanw qaur siurmia liauxqed, jaivyw siausanr. Sinkow liabjig, uirr ix iuciuu huanlyw, duiww qaqi byy lirig, vehvec venr juer vadd langg ee. Byy sxen tangx uaw, byy dig tangx ping, soxiw siw liauxau duirlyc okdy, sriu jitt hy dngquw ee kow. Jue suah tangx dingg cutsir, cutsir harjen, guduu colow qaur qik, guarviauw qapp langg qang lui. Soxiw sewqanx dewongg dirr zinqunn lairdew dogjunx, longxx an' siokser luixjig dikhing soxx drir. Juhui qongxkuah sisiaw, zin'air qiamx qiuwjer, siuw sinwiong, siu'iongw senrhing, qapp langg byy soxx uigik jingven. Soxiw inx siursor liauxqed did hokvyr, tangx sringx kir qaur senrdy. Dirr tenqog cutsir, hiangxsiu hokkir kuaiwlok. Luixjig senrhing qycc u cunx hokkir, dnaxx tangx jniaa juer langg, simrjiww cutsir dirr dewongg ji' qrax, jurzenn junquir. Guarviauw binriongg duanjniar, jingwlangg soxx junqingr. Bixbiau ee snxax qapp dinquir ee jiahsit, suijai qaqi ee iwsur longxx tangx did .diyc. Siokser hokkir soxx diwimr, soxiw erdangr qaur jitt kuanw."
Vuddyy qra Ananda qongw, "Liw qongw :ee driyc. Dyrr junw dewongg suizenn dirr zinqunn lairdew junquir, guarhingg siksinx duanjniar, narr qapp Juanw Lunn Singwongg vixping dyrr jin' colow, uanxzenn hit xee kitjiac dirr dewongg vnix:a. Juanw Lunn Singwongg uigiamm ee siongwmau huisiongg bibiau, tenha derr id, narr qapp Snax-jap-snax Tnisinn vixping, dyrr iuqycc pnaiw knuawsniur, jingcax banrig vxue berdangr siy' vixzu. Qaxsuw hro tinder qapp Derr Lak Tniongg siy' viw, nng xee byy qang lui jingcax vaccingig vxue. Setsuw Derr Lak Tniongg qapp Buliong Siusor Vut qoktow ee posad ixqip sniabunn vixping, binriongg qapp hingtew longxx duer be diyc, jingcax vaccingbanrig vxue berdangr qewsngr."
Vuddyy qra Ananda qongw, "Dirr Buliong Siursor Qog hiax soxu ee tnisinn qapp zinbinn, inx ee ihok, imxsit, huex, pangbi, judui, diuduan horsnuar, dongrhuanx, bibiau imsniax, soxx kiarkiw ee cuwtec, qiongden, qapp lauqyh, guarhingg qapp sikdir siongdongx, quann, qe, dua, ser, uree u jit jiongw dinvyw iacc nng jiongw dinvyw, simrjiww qaur buliong dinvyw, suijai iwsur soxx beh air :ee, jid'err sniu dyrr u. Qycc iong qorr jerje bibiau ee vyw snxax pox dirr tokax muaw siwsnuax, itcer tnisinn qapp zinbinn dirr dingxquann dac lecc qniaa. Buliong vyw-bxang kamr dirr vut ee qoktow, longxx iong qorr qimx snriux jinjux vaccingx jiongw qibiau dinquir ee vyxmic jonggiamm laii jongsig. Siwjiuuii iong diaur vyxquir hamlingg, qngsnuar qapp sikcaiw qong’iau, qigqii jonggiamm bixle. Jurzenn qongdig ee hongx knuax knuax aw cuex, bibii aw drang. Hex hongx diaujingw qaxx byy qnuaa byy zuac, unluanw, cingliangg, ziuluanw, byy qinw byy ban, cuex dinxdang soxu lybang qapp jerje vyxciu, huad cud buliong bibiau ee huat'imx, banrjiongw ungnaw dikhing ee pangx siwqer snruar. U tniax .diyc .ee, din'aix, lylok, qapp uwuer ee sipkuir jurzenn be snix kiw. Hongx kap diyc sinkux, longxx did diyc kuaiwlok. Kyxviw bikiu did diyc huanlyw bet jin ee Samadhi.
Iuqycc hongx qra huex cuex snruar, dirr vut ee toxde ia qaxx muaw siwsnuax, jiauww sigjuiw ee cuwsu qycc be zuluan. Ziuluanw qngqut, hunhongx ee huepangx bi jin' dang. Kax dac dirr dingxbin, dyrr lab lyc sir cunr. Kax giac .kiw .laii, qycc kuehok jiauwguann. Huex ee qong'iong liauxqed, de sui' lic .kuix, jiauww sunrsu draii .zip .kir, cingjing, sniaw dy' byy lauu .lyc .laii. Suii sijed venwngua, hongx cuex huex ia, jiauww jitt kuanw jit zit lak vaiw. Iuqycc u jerje vyxquir ee lenhuex, dirr sewqair muaw siwqer, muixx jit jiongw vyxhuex u vaccingig ee huehiyc. Hex huex qongbingg, sikuiw u buliong jiongw. Cnisig huad cnix qngx, vehsig huad vec qngx. Dimwcnix, ngsig, angsig, jixsig, longxx u inx qaqi ee qngsig, huihongg canwlan, qapp zidguat vnii hiacc qngx. Muixx jit luiw huex huad cud snax-jap-lak vaccingig ee qngsnuar. Muixx jit xee qngsnuar u cud snax-jap-lak vaccingig xee vut. Vut sinkux ee sig si jixqimx, siongwmau bixhyw digved. Muixx jit junx vut qycc vangr cud vaccingx qongbingg, poxpenr uirr sibhongx qangxsuad bibiau ee hxuad. Cincniu jiaxee jiongww vut, sui' xee jo buliong jiongwsingx dirr vut ee jniawdy kiarkiw."
Vuddyy qra Ananda qongw, "Narr u jiongwsingx dirr hit xee qog cutsir, longxx e dirr Nirvana kiarkiw. Si anxjnuaw e jitt kuanw? Hitt xee vutee qog-lai byy zimrhyy siaa iacc byy drat qaur Nirvana :ee kiarkiw. Sibhongx Ganges Hyy lairdew suax ee sowliong hiacc je ee vut longxx janwtanr Buliong Siursor Vut ee uisinn qapp qongdig jin' vutsugi. Soxu ee jiongwsingx tniax diyc ix ee miahy dyrr hnuahiw, u sinwsimx. Simrjiww dna' liam jit vaiw, singsimx qra qongdig huequix, ngwbang dirr hitt xee qog cutsir, dyrr did diyc ongxsingx, dirr hiax kiarkiw be qycc huedngw. Huan gnoxgik qapp huixvong jniawhuad :ee druu jairgua."
Vuddyy qra Ananda qongw, "Sibhongx sewqair jiongww tnisinn qapp zinbinn, inx u singsimx guanrir dirr hitt xee qog cutsir :ee, tangx hunx juer snax vuer. Hiaxee siongrr dingw vxuer :ee qra qadingg qapp iogbong longxx kiwsag laii juer sabunn, huad potesimx, it'ir juansimx liam Buliong Siursor Vut, siulen soxu qongdig, ngwbang dirr hitt xee qog cutsir. Jitt dingxhy ee jiongwsingx qaur beh siurjiongx ee sii, Buliong Siursor vut qapp soxu dairjiongr dirr ix sinvnix henwsinx, liammisii dyrr duer hitt xee vut ongxsingx qaur ix ee qog, qycc dirr cid jiongw dinvyw ee huex lairdew jurzenn huawsingx, dirr hiax kiarkiw byy qycc dngxhuee. U diwhui qycc u iongxkir, jurjai u sintongx. Soxiw qongxx, Ananda, narr jiongwsingx beh dirr qimser qnir diyc Buliong Siursor Vut, ingdongx huad buliong potee ee simx, siuhing qongdig, ngwbang dirr hitt xee qog cutsir."
Vuddyy qra Ananda qongw, "Hiaxee diongx vuer :ee, sibhongx sewqair jiongww tnisinn qapp zinbinn u singsimx ngwbang dirr hit xee qog cutsir :ee, suizenn byy huatdo juer sabunn siuhing, duardimm siulen qongdig, qaidongx huad busiong potee ee simx, it'ir juansimx liam Buliong Siursor Vut, jerjiyw siusen, cisiuw qaiwlut, qenr tah qapp lip vudsiong, iong vng qiongsen sabunn, qruar donghuanx, diamw dinghuew, ia huex, siyx hniux, iong jex qra qongdig huequix, ngwbang dirr hitt xee qog cutsir. Hitt xee langg limjiongx, Buliong Siursor Vut e huawsinx -- qongbingg hyw siongwmau ham' jinx vut siysiangg -- qapp soxu dairjiongr, dirr ix sinvnix henwsinx. Liammisii ix e huar juer vut dirr hitt xee qog cutsir, dirr hiax kiarkiw byy qycc dngxhuee. qongdig qapp diwhui u kacc sux hiaxee siongrr dingw vuer :ee."
Vuddyy qra Ananda qongw, "Hiaxee xe vuer :ee, sibhongx sewqair jiongww tnisinn qapp zinbinn u singsimx beh dirr hitt xee qog cutsir, qaxsuw berdangr juer jerje qongdig, qaidongx huad busiong potee ee simx, juansimx it'ir, simrjiww liam jap vaiw buliong siursor vut ee miahy, ngwbang dirr hitt xee qog cutsir. Narr tniax diyc cimdimm ee hxuad, hnuahiw siongsinr, byy kiw gihik, simrjiww dna' liam jit vaiw hitt xee vut ee miahy, ixx siongrr singir ee simx, ngwbang dirr hitt xee qog cutsir. Jitt xee langg limjiong ee sii tangx bang qnir hitt xee vut, iarr tangx ongxsingx kir hiax, qogdig qapp diwhui kacc sux hiaxee diongx vuer :ee."
Vuddyy qra Ananda qongw, "Buliong Siursor Vut, ix ee ulik qapp sintongx byy qigtauu. Sibhongx sewqair, buliong byy dixjiw, vutsugi ee jiongww vut Zulaii, byy jit xee byy qra janwtanr. Dirr danghongx cincniu Ganges Hyy ee suax ee sowliong hiacc je ee vutqog, buliong jiongww posad longxx ongw Buliong Siursor Vut ee jursow, qiongqingr qiongsen, qapp jiongww posad sniabun jiaxee dairjiongr tniax qinghuad, suaniongg qaurhuar dyrliw. Lamhngx, sehngx, vakhngx, danglamm, sailamm, dangvag, saivag, dingw, qapp xe iarr longxx si jitt kuanw."
Hitt sii Sewjunx siongrjanr qongxx:
Danghongx soxu vut ee qog,
sowbok naxx Gange Hyy ee suax hiacc je,
hiaxee der toxde ee posad,
beh kir qingwvair Buliong Qakgno :ee.
Lamm, saix, vag, qapp sir hong’ui,
dingw qapp xe marr qangrkuanw,
hiaxee toxde ee jiongww posad,
beh kir qingwvair Buliong Qakgno :ee.
Itcer jiongww posad,
sui' xee banw tnidingw bixbiau ee huex,
vyxquir hniux qapp buqer snxax,
qiongqib Buliong Qakgno :ee.
Uanxzenn decc enxjaur tnidingw ee imgak,
huad cud hyhaii iugnaw ee imx,
cniuwquax janwtanr Jiwjunx,
qiongqib Buliong Qakgno :ee.
Uanjuann drat qaur sintongx ee diwhui,
dirr cim'yr hxuad ee mngg iulik,
kurvi jiokgiac qongdig,
bixbiau ee diwhui byy langg tangx viw.
Diwhui ee zit hro sewqanx binglangw,
siuduu snex-siw ee hunn,
qiongqingr sec snax lingr,
hiongr Busiong Jiwjunx kauwtauu.
Qnir diyc hitt xee jonggiamm cingjing ee toxde,
bibiau yh sugi,
diwsuw huad buliong simx,
guan vunxqog iarr jitt kuanw.
Hitt sii Buliong Jiwjunx,
binrsig venwkuanw huad cud ciywiongg,
cuir cud sngr be cud ee qngx,
venwvenr jiyr qngx sibhongx ee qog.
Huanxsia ee qngx dirr ix sinkux sec,
u snax vaiw an’ tauu zip .kir,
jiongww tnisinn qapp zinbinn,
longxx hnuahiw qaxx decc diytiaur.
Dairsu Quansewimx,
jingxliw ihok kauwtauu mng,
mng Vut inhyy decc ciyr,
ngwbang guanrir sueh in’iuu.
Vut ee sniax uanxzenn luii dann,
veh imx bixbiau hiangw kiw.
"Qaidongx sriu posad qiwinr,
jitmaw linw jimjiog tniax guaw qongw.
Sibhongx laii ee dairsu,
guaw longxx jaix inx ee ngwbang,
itsimx qriuu jonggiamm cingjing ee toxde,
siurqaur quat'ir jniaa juer vut.
Qakgno itcer hxuad,
uanxzenn bangrqingw ee inwsniax,
e buanxjiog soxu qibiau ee guan,
vitdnia qenwlip jitt kuanw ee jingrtow.
Jaiqiyh hxuad bersux den ee ngiaw,
qaur juewau qniaa posad ee dyrlo,
inx soxu qongdig ee vunw,
quatding sriu qiwinr jniaa juer vut.
Tongdat soxu ee huxad,
itcer longxx kangx byy guaw,
kunxqiuu cingjing vut ee qoktow,
vitdnia qenwlip jitt kuanw ee jingrtow."
Jiongw vut qra posad qongw,
dnaxx qiongqingr qiongriongw vut.
tniax diyc hxuad hnuahiw jiapsiu sidhingg,
jin' qinw qaur cingjing ee soxjai.
Qaur qaxx hit xee jonggiamm cingjing ee qog,
dyrr soksog did diyc sintongx,
vitdnia an' Buliong Jiwjunx hiax,
sriu qiwinr jniaa juer qakgno :ee.
Hitt xee vut vunxdew ee guanrlat,
tniax diyc ix ee miaa beh ongxsingx kir hiax,
longxx tangx qaur hitt xee qog,
j.-jurzenn-z. qaur byy trer dywdng ee qingxqair.
Posad hingx kiw sewguan,
guan qaqi ee qog cincniu jitt kuanw byy juac,
beh poxper dorhuar itcer,
miasniax taur qaxx sibgongx muaw siwqer.
Hongrtai jnriu ig ee Zulaii,
tangx vuex qaur venwvenr vut ee qog,
qiongqingr hnuahiw kir hiax,
qycc dngw laii qaur qiongriongw ee qog.
Narr langg byy senrsimx,
tniax be diyc jitt py qingx,
cingjing u siuw qaiwlut :ee,
tangx tniax diyc jniawhuad.
Quewkir bad qnir diyc Sewjunx,
dyrr e sinr jitt qnia su,
qowkiamx qiongqingr jiauww tniax .diyc .ee qniajuer,
hnuahiw qaxx beh tiaur .kiw .laii.
Qiautauu, huixlui, qapp vinrdnua :ee,
yh did sinr jitt xee hxuad,
siokser qnir diyc jiongww vut :ee,
hnuahiw tniax diyc jtit xee qawsi.
Sniabunn iacc posad,
berdangr liauxqaiw singwjiaw ee simx,
kyxviw cutsir dyrr cnimii,
beh qycc qra langg cuarlo.
Zulaii ee diwhui naxx haiw,
cimx qycc kuah byy dixjiw,
lenrr Hinayana ee singwjiaw iarr byy jaidiau cikliong,
dogdok Vut jiacc bingvik.
Qaxsuw soxu ee langg,
longxx tangx did dy,
diwhui cingjing naxx guandew ee kangx,
jit-ig qiab(kalpa) suniuu Vut ee diwhui.
Iong jin lat qangxsuad,
siursor jin iauxx jaix be taur,
Vut ee diwhui byy dixjiw,
cingjing iarr si jitt kuanw.
Siurmia jin' yh did,
Vut jairser iarr pnaiw duw,
langg sinr qapp u diwhui jin' lann,
narr tniax .diyc dyrr jingjinr kir qiucuw.
Tniax diyc hxuad tangx byy be qir,
qnir diyc soxx qingwdiong :ee dua hnuahiw,
guaw liongsen ee cinjniaa ving’iuw,
uirdiyhh jitt xee enqor qaidongx huad kiw ngwbang.
Setsuw sewqair muaw siwqer huew siyx,
vitdnia rair tongquer uirr beh tniax hxuad,
erdangr siusingg vuddy,
qongwdua qiuwjo dirr snesiw laujuiw-diongx ee jiongwsingx.
Vuddyy qra Ananda qongw, "Hitt qog ee posad, longxx qaidongx qaur qaxx qiuwqingr jit sxer voxui. Dukiw ix qaqi vunxguan, uirr jiongwsingx ee enqor, ixx dua sewguan qapp qongdig laii jonggiamm qaqi, poxpenr beh dorhuar itcer jiongwsingx did qaixtuad. Ananda, hitt qog lairdew, soxu sniabunn dairjiongr, inx sinkux huad cud ee qngx dna' veh ciyh. Posad ee qongbingg tangx jiyr jit-vah yojana hng. U nng xui posad, siongrr junquir qapp derr id :ee, inx ee uisinn qongbingg, poxpenr jiywqngx snax-cingx daircenx sewqair."
Vuddyy qra Ananda qongw, "Buliong Siursor Vut uirr soxu sniabunn, posad, tnisinn, qapp zinbinn decc suanqangw hxuad ee sii, longxx e dirr cid vyw qangxdngg jurjip, duardimm suaniongg dyrliw qapp qauwgi, enxsuad bibiau ee hxuad. Inx byy qaxx jit xee byy hnuahiw. Simx qaixtuad did dy. Jiksii swwhngx jurzenn ee hongx kiw, cuex cid vyw ciu, cud go imx ee sniax. Buliong bixbiau ee huex suii hongx siwsnuar, jurzenn qiongqib. Cincniu jitt kuanw siy' suar byy juat. Soxu ee tnisinn longxx hongrhenr cud tnidingw vaccingx jiongw huex qapp hniux, ixqip bxan jiongw gagkir laii qiongqib jitt xee vut, soxu ee posad, qapp sniabunn jingwlangg. Inx siwqer ia pangx huex, enxjaur imgak, jing'au ongxlaii, siy' niu siy' siamw. Dngdongx hitt sii, hit hy kuanw ee hnuahiw kuaiwlok, byy huatdo iong ue qongw."
Vuddyy qra Ananda qongw, "Dirr hitt xee vut ee qoktow cutsir ee jiongww posad, dirr tangx qangxsuad ee soxjai suwsiongg decc suanqangw jniawhuad, sunrtanr diwhui, byy uivue, byy sitcyr. Dirr hitt ee qoktow, soxu banrbut, byy hitt hy guaw soxx u ee simx, byy hitt hy jipsiuw ee simx. Kir, laii, jinwjingg, iacc tingjiw, simjingg byy soxx kandnii. Suiir jurjai, byy jit xui berdangr kir. Byy liw iacc guaw ee hunved, byy qingrjingx, iarr byy siy' jner. Duiww soxu jiongwsingx, iong dua juvix lirig inx ee simx duiwtai. Ziunngw ving'unw, byy hunwlo iacc uanwhun ee simx. Simx cingjing, qapp huanlyw li hng hng, be iawsen. Siulen simx u vingdingw, ciauuat, cimdimm, dniardiyc, air beh siulen hxuad, hnuahiw qycc kuaiwlok. Bet soxu huanlyw, simx qapp og dy li hng hng. Liauxted itcer posad soxx qniaa, singjiu buliong ee qongdig u qauwgiac. Did diyc cimdimm ee sendnia, soxu bingqngx ee diwhui u tongtaur, dirr cid qag ee hxuad anzenn iuhongx, qaur qaxx tangx siulenn simx ee vudhuad.
Ziogganw cingbingg tauwted, byy sniaw knuar be hunbingg :ee; tenganw tongdat, buliong byy dexjiw; huatganw quancad, soxu ee dy jaix taur taur; huirganw qnir jinx, tangx dro quer qaur hitt hnua; vudganw qauwgiac, duiww hxuad ee singr u qakgno, iong byy jiongwgai ee diwhui uirr langg enxsuad. Vingdingw ee simx quancad samqair, kangx kangx byy soxx junjai, itsimx qriuu vudhuad, u soxu venrlun ee jaidiau, dubet jiongwsingx huanlyw ee koxtangr. An’ Zulaii cud :ee, qaixsueh hxuad u jiauww vo, jin' jaix jip qapp bet ee hxuad, qaixsueh u qikiauw. Byy air sewqanx ee gixgenn, hnuahiw qangxsuad jniawlun. Siulen soxu sxen ee qinvunw, itsimx jongvair vuddy. Jaix itcer hxuad, longxx e jibbet. Simx qapp srinx ee huanlyw, jitt nng jiongw longxx bet jin. Tniax diyc jiww cim'yr ee hxuad, simx be huaigii iacc qniahniaa. Suwsiongg tangx ixx dua visimx siulen :ee, cim'uanw bibiau, byy qaxx jit xee jicjair be kiw. Uiid ee dy siulen qaur drew, qaur qaxx hitt hnua, quatsimx dng giaugii ee bxang, diwhui an' simx cud.
Vut qauwhuar ee hxuad, itcer vaux jairlai byy lergua. Inx ee diwhui bersux duarhaiw, Samadhi cincniu snuax-ongg. Inx ee diwhui qongbingg cingjing, ciauquer zit qapp guec. Cingvik ee hxuad, jiauvi uanbuanw. Inx kyxviw suatsnuax, in'ui soxu vnii cingjing ee qongdig tangx huanxsia jiywqngx. Inx kyxviw toxde, cingkir, uwuer, hyw, iacc pnaiw, simx longxx byy qra hunvet. Inx kyxviw cingkir juiw, tangx sexduu din'aix, huanlyw, qapp soxu uwuer. Inx kyxviw huew-ongg, tangx siyx bet itcer huanlyw ee caa. Inx kyxviw dua jun hongx, dirr sewqair qniasuaw longxx byy jiongwgai. Inx kyxviw hukongx, itcer longxx byy soxx jipsiuw. Inx kyxviw lenhuex, dirr sewqanx byy bag diyc lasamm. Inx kyxviw dua daii ciax, tangx jair jiongwsingx tuatli snesiw. Inx kyxviw dang hunn, vudhuad dinxdang naxx luii dann, tangx hro iauxx bue qakcniw :ee qnakcniw. Inx kyxviw dua ho, ho ee qamlo naxx hxuad zunrdik jiongwsingx. Inx kyxviw Qimqongx Snuax, jiongww xmoo qapp guardy longxx be tangx qra dinxdang. Inx kyxviw Brahma Ongg, dirr soxu senrhuad lairdew vaii siongrr taujingg. Inx kyxviw nyagrodha ciu, tangx ziakamr itcer. Inx kyxviw udumbara huex, hihanw, yh duw .diyc. Inx kyxviw u qimx sidqow ee jiauw, tangx hanghok guardy. Inx kyxviw soxu ee vuejiauw, sniaw longxx byy dunxkngr. Inx kyxviw guu-ongg, byy vadd xee tangx ngiaa quer ix. Inx kyxviw cnxiu-ongg, gauu ho'ngg sunrhok. Inx kyxviw sraix-ongg, sniaw longxx m qniax. Inx kongwkuah naxx hukongx, in'ui u dua juvix. Inx huixbet jikdor ee simx, m qniax vadd langg qra ngiaa .quer.
Juan'id hnuahiw duiqiuu hxuad, simx byy iawsen. Vutsii air beh hiongr jingwlangg qangxsuad, simjir byy iawlanw. Longr huatqow, qenwdir hxuad ee donghuanx. Diwhui ee zidtauu qng'iam, dubet cigaii qapp oamr. Siuhing lak jiongw qingwhok, suwsiongg decc dorhuar, ixx hxuad vowsix. Sim'jir iongxong jingjinr, simx be dywter iacc suebii. Juer sewqanx bingqngx ee dinghuew, siongrr hyw ee hokdenn dyrr jitt qnia. Suwsiongg juer sensix decc jixdy, vingdingw duiwtai langg, byy hun iacc air, dna' hnuahiw jniawdy, byy vadd hxang kuaiwlok iacc iuciuu. Qra jiongwsingx tam'iok ee cir vuic driau, hro inx ansimx. Qongdig jiww dua, byy jit xee byy qra junqingr. Dubet snax jiongw uwuer ee jiongwgai, ixx jiongxjiongw sintongx decc qnia'iuu. U inqyw-lat, inenn-lat, iwjir-lat, guan-lat, hongven ee lat, sowsiongg ee lat, sxen-lat, dikdnia ee lat, diwhui-lat, pokbunn ee lat; u vowsix, cisiuw qaiwlut, tunlunw, jingjinr, sendnia, qapp diwhui ee lat; ixx jniawliam quancad ixqip jiongxjiongw sintongx binglangw ee lat; qycc u jiauww hxuad hanghok jiongwsingx ee lat. Cincniu jinwjingg jiaxee lat, inx itcer longxx u qauwgiac. Siksinx qapp siongwmau bixbiau, u qongdig, e lunrven, longxx jin' jonggiamm, byy langg tangx qapp inx vixping. Qiongqingr qiongriongw jiongww buliong vut, vutsii siurr jiongww vut qra ylyw. Posad soxu paramita inx longxx u liauxted.Siulen kangx, byy siongwtew, qapp byy guan ee Samadhi, iarr siulen byy snix byy bet jiaxee jerje Samadhi, li sniabunn enqog ee derqair hng hng. Ananda! Hiaxee posad singjiu jitt hy kuanw buliong qongdig. Guaw dna' liongrqiiog qongw hro liw tnax. Narr beh qongw hro siongser, vaccingban qiab iarr qongw be jin."
Vuddyy qra Maitreya Posad qapp jiongww tnisinn ixqip zinbinnn qongw, "Dirr Buliong Siursor Qog, sniabunn posad, inx ee qongdig qapp diwhui m si iong uergiw tangx qongw :ee. Qycc hex qoktow bibiau anlok, cingjing qaur jitt kuanw, tacc m pacvniar juer sxen? Simx liam vut j.-jurzenn-z., byy jipsiuw dirr dingw iacc xe, dongrcad, tongdat byy qaiwhan. Qoklangg qaidongx qutlat jingjinr, loxlik qaqi kir qiucuw, vitdnia tangx ciautuad snesiw, ongxsingx kir anlok ee qog. Qapp go og dy dngrjuat, og dy jurzenn e qnuix .kiw .laii. Ciausingx qaur byy qiongjin ee qiglok. Hiax jin' kuair kir suacc byy sniaw langg kir qauwui. Hitt xee qog sniaw longxx byy uiqec, siurr jurzenn soxx kanbanw. Tacc m kiwsag sewsu, qutlat kir qriuu dy? Tangx did diyc diongsingx, sriusor qapp kuaiwlok byy qigtauu.
Vutziqyr, sewqanlangg cenxvyc qycc cosiok, snaqab uirr hiaxee byy qinxqib ee dairjir decc sna' jnex. Dirr qik og qapp qik kow hitt lairdew, inx pacvniar decc byingg surbu, tangx hro qaqi did diyc jerje buanxjiog. Bylun junquir iacc vibii, bylun sanwciah iacc hyxgiac, jiyw huer iacc je huer, javox iacc jabow, inx longxx uirr jnijaii decc huanlyw. U iacc byy longxx siysiangg, iuciuu huanlyw longxx qangrkuanw. Dniardnia iuciuu tongwkow, sulu jikkngr lehh. Virr simx soxx saixlong decc jauxjongg, byy jit sii anlingg. U cann :ee uirr cann iuciuu, u cur :ee uirr cur iuciuu. U guu, u bew, u liogtiog, u lojaii, u jaboxqanw, u jnijaii, u jiac :ee, u cing :ee, iacc u jabbut, inx longxx qangrkuanw iuciuu. Sulu tnidang, muixmuiw toxkuir, iuciuu qycc qniahniaa, vutsii siurr juixhuew, qiongqongwcat, siuzinn, jewjuw, huew siyx, juiw rimx, cniuxduat jiaxee su tuabuaa, simjir siausanr. Iukow ee dok dnii diauu lehh, byy qaixhuar ee sii. Simdiongx hunwlo qui' qad, iuciuu qapp huanlyw li be kuix. Sim'ir qending jipsiuw, vangr iarr vangr be li. Itdanr cuiwqud huixhuai, zinbongg mia liauxqed, itcer longxx rair kiwsag, byy jit xee e duer ix kir. Quiwhenw iacc huwho, inx iarr u jitt kuanw ee iulu, tangx iuciuu qapp qniahniaa :ee u banrvah hxang, qankow qaur jitt kuanw, qapp qnuaa-zuac kia dauwdin, qapp tongwkow druar dauwdin. Sanwciaclangg iacc qerdingxlangg, inx kunwkow, kuathuat, byy jit hxang u. Byy cann :ee sniu beh u cann, byy cur :ee iarr sniu beh u cur. Byy guu, byy bew, byy liogtiog, byy lojaii, byy jaboxqanw, byy jnijaii, byy cing :ee, byy jiac :ee micarvar, iarr uirdiyhh sniu beh u laii iuciuu. Duxhyw u jit hxang, suacc iuqycc kiamr jit hxang; u .quaw, qycc hiamm jiyw, sniu beh qapp vadd langg vnii je. Iogbong duxjiaccbuanxjiog, iuqycc uirdiyhh ciahuax laii srid .kir. Cincniu jitt kuanw ee iukow, qycjaiww beh qiucuw, suacc berdangr did .diyc, sniu iarr byy loring. Srinx qapp simx longxx lykow, jre lehh kia lehh longxx vut'anx, iuciuu qapp huanlyw duer diauu diauu. Qankow qaur jitt kuanw, iarr qapp qnuaa-zuac kia dauwdin, qapp tongwkow druar dauwdin. Uree dniardnia jre lehh, qaur sniwmia liauxqed, iarr m kingw juer senrsu, m kingw siuhing laii jingqax qongdig. Qaur siurjiongx sinkux siw .kir, ix e qodok qaqi qniaa hng .kir. E ongw dyc'ui kir, qniaa hiongr sxen dy iacc og dy, byy langg e jaix.
Sewqanlangg, bylun verqniaw, hniadi, angbow, laircinx, iacc guarcig, qaidongx sna' qingwair, byy sna' uanwhun iacc jiktor. U :ee qapp byy :ee siy' tonghiongg, m hyw tamsimx iacc qenlin. Gensuu qapp binrsig vutsii unhyy, m tangx siy’ uanqex auxkir. Ursii sniu beh qapp langg kiw siy' jner, u hunwlo qapp uanwceh, qimser ee hunrkir, biser ee uanwhun qapp jikdor, au sxer venr qoiglet, qaur vniwjniaa dua uanr. Si anxjnuaw e anne? Sewqanx ee dairjir, e siy' hai siy' gai, suizenn byy jiksii, ingdongx qnuaxqinw qra dnaxpuar. Qamm dok jikju lorkir, jingsinn qed hunwlo, iwsig jurzenn e u duiwciongx, siar be li, (inenn soxx drir) siy' duw ee sii, e horsiongx vywhok. Langg dirr sewqanx, dirr air qapp iogbong lairdew, qodok snix, qodok siw, qodok kir, qodok laii, qaidongx kir qaur tongwkow iacc kuaiwlok ji' de, jursinx damdngg, byy langg tangx dairter. Senrog venwhuar, jai'iongx iacc hokkir hunved kir qaur byy qang soxjai, siokser anwsngr dniardiyc, giamqeh dngdanw, qaidongx qodok jen'ongw. E kir qaur dyhh kir qaur zuarr hng, sewzin knuar be diyc. Senrog snesingg, e duer liw qaur soxx cutsir ee soxjai. Iau'uanw, oamr, lirkuix quw quw, qniaa ee dyrlo byy qangg, sna' qnir buqii. Jin’ yh jin’ yh. Qinaxzit tangx siy' duw, tacc m kiwsag jiongxjiongw siogsu, tranr dirr qiongjongr qenrkongx ee sii, noxlik qutlat siusen, jingjinr ngwbang did dro, tangx did diyc diongsingx. Si anxjnuaw m qriuu dy, qycc decc danxtai sniaw? Beh qycc dic sniaw kuanw kuaiwlok lehh? Jitt kuanw ee sewqanlangg, m sinr juer sxen tangx did sxen, uirr dy tangx did dy; m sinr langg siw e qycc snix, vowsix e did diyc hokkir. Senrog ee dairjir, itkair longxx m sinr. Qongw byy jitt kuanw dairjir, tauu qaur buew longxx byy jitt hxang. Jipsiuw jitt xee sniurhuad, liahjunw qaqi si driyc :ee, qycc horsiongx hagsip quancad, jing'au dai longxx qangrkuanw. Sniurhuad juanxii, horsiongx singsiu, ve lauu lyc hunwling qawsi qniaw. Senzinn joxsenx, m bad juer senrsu, m jaix sniaw si dyrdig, guduu amkamx, simx ee iwsig trad diauu lehh. Snesiw lunhuee, senrog ee lo, qaqi berdangr qnir .diyc, iarr byy langg qra qongw. Qethiongx hyrhog, longxx qaqi juer did laii, berdangr quair vadd langg. Snesiw si suwsiongg :ee, suacc juanw kir horsiongx jewvair, uree ve kaur qniaw, uree qniaw kaur ve, hniadi iacc ang'axbow, horsiongx decc kaur. Dingxe dendyr, busiongg si qinvunw, longxx qaidongx quer .kir, berdangr suwsiongg vyxjunn. Iong ue qra qar qra kaisi, beh sinr :ee jin' jiyw, mrjiacc snesiw liujuanw, byy jit sii tingjiw. Jitt kuanw ee langg, guduu budix qycc e dexkongr, kiw ciongdut, m sinr qinghuad, simx byy dng'uanw ee quawlu, dna' beh ganw-jingg ee kuaiwlok, cigaii, gihik, tam'iok, dyrdig byy dat qaur, dimbee dirr siurkir qapp uanwhun, naxx jailongg, tamx jaii iacc sig. Uac lehh be did dy, qaidongx kir og dy qycc siurkow, snesiw byy qiongjin, sidjai jin' vi'aix jin' kyxlenn.
Ursii cur-lai ee veaxqniaw, hniadi, iacc ang'axbow, jit xee siw .kir, jit xee uac lehh, qyckacc e aisiongx. Inx virr un'air, subo, iuciuu, qapp suliam vak diauu lehh, simx tniar vangr be li, jiabjiap decc siauwliam, zidjiw liauxjin qaur huewsiu liauxqed, qad iarr qraiw be kuix. Junw iong dyrliw qra qawsi, simx iuguann be kuix, be cingbingg, siauwsniu un'air qapp sionghyw, qapp jing'iok li be kuix. Budix, kongkamw, hro guduu ee gihik kamr diauu lehh, berdangr cimx srux cimx sniu laii hro qaqi ee simx duanjniar, juansimx jingjinr siuhing, quatsimx qapp sewsu juaddng. Qaur qaxx lorbuew, huewsiu liauxjin, berdangr did dy, iarr bukyw-nairhyy. Suwsiongg hongwciongr, simsinn kunwziauw, longxx si tamluann aiwiok soxx drir. Duiww jingwdy u gihik :ee jerje, u liauxgno :ee jiyw jiyw. Dirr sewqanx qinxqongg quer itsingx, byy sniaw tangx uaxkyr. Bylun junquir, vibii, dingw jann, xe jann, sanwhiongx, hyxgiac, quiwhenw, iacc vijen, longxx pacvniar decc byingg siogsu, longxx u jit xee okdok ee simx. Siaog ee sipkir dimdang qycc oamr, luanrsuw juer laii kiw su. Uiqec tnide, byy juntanr langsimx. Snesingg byy air juer ok :ee. Singx suii ix beh air :ee, cinwcaiw quwjai ix kir juer, tingwhau ix ee jue qaur qik. Siursor vutqaix juat :ee, dyrr singx duat ix ee sniwmia. Harjyh ee langg kir og dy, quixnarr sxer decc siurkow, dirr hitt lairdew decc lunhuee, qingquer sxor cingig qiab(kalpa), iuguann byy duiwqii. Tongwkow qaxx be qongw .did. Jinjniar vi'aix, kylenn!"
Vuddyy qra Maitreya Posad, qapp jiongww tnisinn ixqip sewzinn qongw, "Guaw dnaxx qra linw qongw, sewqanx ee su, juann uirdiyhh langg qniajuer ee enqor, drir qaur berdangr did dy. Qaidongx cimx srux cimx sniu, qapp soxu ee og li hng hng. Diyhh qingw sxen :ee, qutlat kir juer. Aiwluann, iogbong, qapp inghuaa, jiaxee berdangr suwsiongg vyxjunn, longxx e lirkuix, byy sniaw tangx kuaiwlok :ee. Duw diyc Vut jairser, ingwdongx qutlat jingjinr. U huatguan beh dirr anlok ee qog cutsir :ee, tangx did diyc bingqngx tongdat ee diwhui, qapp did diyc busiong qongdig. M tangx sunrtanr qaqi ee iogqiuu, kuihu qindenw ee hunwsi, suacc laii duer langg be diyc. Qaxsuw u gihik, duiww qingbunn byy liauxqaiw :ee, tangx longxx laii mng Vut. Ix vitdnia e qaixsueh hro liw jaix."
Maitreya Posad dirr Vut binrjingg qui lehh, qongw, "Vut uisinn junquir qycc duiwdiong, soxx qongw :ee tongtauw qycc liongsen. Tniax Vut qingdenw ee gengiw, diwsimx qra sukyw, sewzinn kaksit si jitt kuanw, naxx Vutt soxx qongw :ee. Qimzit Vut juvix u linbinw, henxbingg dua dyrliw, hro gunw hnirkangx qapp bagjiux jiauu kuix qycc bingvik, quxdngg did dortuad. Tniax Vut soxx qongw, byy jit xee byy hnuahiw. Soxu tnisinn, zinbinn, qapp e dinxdang :ee ji' lui, longxx did diyc juvix ee unhui, qaixtuad iukow. Vuddyy soxx qongw ee qawsi qapp hunwqair, jiww cimx jiww sxen, diwhui bingqngx tangx qnir, vathongx, dingxe, quewkir, birlaii, qapp henrqimx ee su, byy jit hxang byy tetdew tongtaur. Jitmaw gunw jiaxee jingwlangg, soxiw tangx did dortuad, longxx Vut jingg sxer qriuu dy ee sii, kiamvix sinkow siuhing soxx drir. Unhui qapp dikhing kamr poxtnie, hoklok jiww quann, qongbingg tetdew jiyr dirr siwqer, tongdat ee kongsingr byy qigtauu, hro langg kaigno zip liappuann(Nirvana). Qawsi qingdenw, qycc iong uidig jewhok qapp siaduu og :ee. Qamxdong sibhongx, byy qiongjin, byy qighan. Vut si huat'ongg, junquir ciauquer soxu ee singwjiaw, tangx juer itcer tnisinn qapp sewzinn ee sensnix. Suii qokk langg simx soxx guan, longxx hro inx did dy. Henrsii tangx duw diyc Vut, qycc tniax diyc Buliong Siursor ee miahy, byy jit xee byy hnuahiw, longxx simx kuix ir bingg."
Vuddyy qra Maitreya qongw, "Liw qongw :ee byy m driyc. Narr u qingwtniar Vut ee langg, dikkag si dua senrzinn. Tenha qingquer quw quw, jiacc qycc u Vut cutsir. Dnaxx guaw dirr jitt sxer juer Vut, enxsuad qinghuad, suanqangw dyrliw qapp qauwzu, jetdng soxu gihik, vuic tam'iok ee qinvunw, juat jiongww og ee guantauu. Dirr samqair qnia'iuu, byy sniaxmih jiongwgai. Qingdenw lairdew ee diwhui, si jiongww dyrliw ee iauwqnia, hro qixqangx uicii, cingcyw hunbingg. Kaisi go kiwlo, dro iauxx bue dortuad :ee, jo inx quatduanr qniaa ciauuat snesiw qapp liappuann(Nirvana) ee lo.
Maitreya, liw qaidongx jai'ngiaw, liw an' busor qiab ixlaii, siulen posathing, beh dorhuar jiongwsingx, jex ixqingx jiokk quw ar. An' liw laii ditdy, qaur qaxx liappuann(Nirvana) :ee, hex sowbok be qongw .did ee je. Liw qapp sibhongx soxu tnisinn, zinsinn, ixqip itcer jiongwsingx, an' qiuxuanw ee qiab ixlaii, dirr go dy decc sec decc lunhuee, qingquer jerje iuciuu, qniahniaa, lylok, qapp kunwkow, qongw iarr qongw be jin. Qaur qaxx qimser, snesiw iauxx bue juat, qapp Vut siy' duw, laii tniax suar jiapsiu qinghuad, qycc tniax diyc Buliong Siursor Vut, jex si jin' tangx kuaiwlok ee hyw su. Guaw uirr liw hnuahiw.
Liw dnaxx iarr tangx hyw qaqi duiww snex, siw, lau, qapp puawvni jiaxee ee tongwkow iamwsen. Uwuer iacc byy cingkir :ee muaw siwqer, byy sniaw tangx kuaiwlok :ee. Qaidongx qaqi he quatsimx, duanjniar jursinx ee genhingg, senrsu qex jyr .quaw. Siusinx hro jursinx cingkir, sexduu simx ee lasamm. Genhingg diongsinr, guarviauw qapp lairdew itdir. Langg erdangr qaqi dortuad, liauxau tangx juanxngua kir sijer qiuwdo, jingjinr, bingkag huatguan, jikju sxen ee vunw. Suizenn jit siwlangg sinkow pacvniar, jit diab aw quw narnia, au cutsir tangx kir qaur Buliong Siursor Qog, kuaiwlok byy qighan. Quxdngg qapp dyrdig dauwdin, ingxuanw vuic driau snesiw ee qinx, byy qycc u tamsimx, uanwhun, guduu, cigaii jiaxee koxcow ee horhuan, beh dic siursor jit qiab, vah qiab, iacc cen'ikban qiab, jurjai suiir, longxx tangx did .diyc. Jurzenn byy soxx juer, dna' kacc sux liappuann(Nirvana) ee qingxqair narnia. Linw jiaxx qaidongx qoklangg jingjinr, qiucuw simx soxx guan :ee, m tangx dirr gihik lairdew hiyrhuew, qaqi ee quewsid diyhh huanxsingw. Narr dirr Cid Vyw Qiongden hitt vingg cutsir, go-vah huer lairdew, e sriu jin soxu ee jaieh."
Maitreya qra Vuddyy qongw, "Sriu Vut simrdiong ee qauwhuer, e juansimx jingjinr kir siuhing qapp hagsip, jiauww soxx qar :ee kir juer, m qnaw u giaugii."
Vuddyy qra Maitreya qongw, "Linw dirr jitt xee sewqanx, simsux qapp iwliam erdangr duanjniar, qokk jiongw ee pnaiw longxx byy juer, jex si jin' dua ee dikhing, dirr sibhongx sewqair, cue byy tangx qra linw vixping :ee. Si sniaw in'iuu? Dirr soxu Vut ee qoktow, tnisinn qapp langg ji' lui, longxx e jurzenn juer sxen, be sniaw e juer pnaiw, jin'kuair kaihuair. Dnaxx guaw dirr jitt xee sewqanx juer vut, dirr go og, go tniar, qapp go siyx lairdew, si siongrqaiww tongwkow :ee. Qauwhuar jiongwsingx, hro inx vangwsag go og, hro inx kiwduu go tniar, hro inx lirkuix go siyx, hro inx ee iwliam hanghok, hro inx cisiuw go sxen, did diyc hokdig, dortuad sewqanx laii did diyc dngg huewsiu qapp liappuann(Nirvana) ee dy."
Vuddyy qongw, "Go og si dycc quiw kuanw? Go tniar si dycc quiw hxang? Go siyx si dycc quiw jiongw? Anxjnuaw siauhuar go og, hro inx cisiuw go sxen, did diyc hokdig, dortuad sewqanx, qapp jiac dngg huewsiu, laii drat qaur liappuann (Nirvana) ee qingxqair?
Tauu jit kuanw og: Soxu tnisinn, zinbinn, qapp e dinxdang ji' lui, suijai iogbong juer jerje og, byy jitt xee byy jitt kuanw. Qiongg :ee hanghok ziok :ee, suar horsiongx apjer, sionghai, siy' taii, siy' vaixter decc tunjiac, m jaix rair siuhing juer sxen, juer og byy jiauww dyrgi. Au .laii sriu jaiiongx sriu tinghuat, jurzenn e hiongr og dy hiax kir. Sinn u qiwlok cingcyw, soxx juer ee pnaiw be did siawbenw. Mrjiacc u sanwciah, vijen, kitjiac, qapp qodok, cauwhni, cnimii, exqauw, gugong, cigaii, hionghog, simrjiww puawsniur, siauxqongg, iacc kacc byy jingwsiongg jitt lui. Marr u hitt hy junquir, hyxgiac, u jaijingg, iacc bingtongx ee langg, longxx si siokser juvix, iuxhaur, siusen, qapp jikdig soxx drir. Sewqanx u ciangjai ee dyrliw, u huatlut, u qnalyy. Hitt quaw m qniax m qinxsin, juer og jiahjue, sriu diyc jaiiongx tinghuat :ee, inx qiubang qaixtuad, iarr lann did tuatli. Sewqanx u jiaxee bagjingg ee su, siursor liauxqed qaur au sxer, e qyckacc cimx qyckacc qioklet. Zip kir oamr ee og dy, srinx juanw cutsir kir hiax, kyxviw sewqanx ee huatlut, sriu qigkamw ee hinghuat jin' tongwkow.
U snax jiongw jurzenn ee og ee enqor, dyrr u buliong ee koxnauw. Sintew juanxngua, hingtew qaixvenr, kir qaur byy qang xui, soxx jiac ee siurmia, uree dngg uree dew. Sinhunn qapp iwsig, e jurzenn duer kir qaur hiax. Dandok duiww hiax kir. Hitt quaw giabjer e siy' qinduer dauwdin dilehh. Horsiongx vywhok, byy u tingjiw ee jit qangx. Jaiiongx qapp oksip bue jin, siar iarr siar be li. Dirr hit lairdew dngxgyy, lirkuix hiax byy duiwqii, lann did qaixtuad, tniar qaxx be qongw .did. Tnide jiqanx, jurzenn u jiaxee. Suizenn byy jiksii ee vywingr, senrog dyrliw, dingrquix e jiauww qniaa. Jex dyrr si tauu jit kuanw og, tauu jit hxang tniar, qapp tauu jit jiongw siyx, vutsii u jitt kuanw ee tongwkow. Piwlun dua huew siyx langg ee sinkux, langg narr erdangr juansimx jewab iwliam, duanjniar qaqi ee srinx qapp simx, dogdok juer jiongxjiongw senrsu, byy juer zimrhyy pnaiw dai, sinkux dortuad, did diyc hokdig, dorser, jnriu tnix, qapp drat qaur liappuann (Nirvana) ee qingxqair, jex dyrr si tauu jit jiongw dua sxen."
Vuddyy qongw, "Derr zi kuanw og: Sewqanx ee zinbinn, verqniaw, hniadi, iacc cur-lai ee ang'axbow, longxx byy girliw, byy jiauww ludhuad, ciahuax, imluan, gnoxban, hongwjiongr, qokk langg beh air kuaiwlok, beh jriog simguan. Vangr quwjai simx kir, horsiongx kipenr senwhik. Simx qapp cuir duiwqec, qongw :ee qapp sniu :ee byy sidjai. Tiamxmi byy singsimx, huagenn kaxgiw gauu potnaw. Uanwdor hendig, huixvongw senrzinn, hamrhai langg uanongw langg. Juer qun'ongg :ee byy bingliw, ovec zimriong sxinn. Juer sxinn lamrsamw laii, gauu iong simqix, gauu jawgui. Tunxdac qaix qniaa ee ludhuad, jaix qidiongx ee hingser. Jairui :ee byy qongjniar, hro langg' soxx kipenr. Ovec sionghai diongliongg, byy jiauww tniliw. Sxinn kipenr qun'ongg, qniaw kipenr laurve, hniadi, angaxbow, lairgua siy' bad :ee, horsiongx kipenr. Qokk langg simx u tamliam, uanwhun, iacc cigaii. Brang qaqi did kacc je, tamsimx iogbong dyrr qex kacc je. Bylun junquir, vijenr, dingw jann, iacc xe jann, simx longxx qangrkuanw. Qax pywcuir, srinx brongg, jing'au longxx byy qor. Lairgua cinsiok, longxx jysiu bedjok. Ursii cur-laii, siy' bad, hiongdongw, cirbinn, lixbinn, iacc budix ee colngg, inx e dauwdin juer dairjir. Horsiongx u lirhai quanhe, siurkir vniwjniaa uanwhun. Hyxgiac :ee qenlin, m kingw sisiar, vyxsiyh qaqi, tamqiuu ee simx dang, simx qapp srinx longxx lykow. Cincniu jitt kuanw qaur lorbuew, byy soxx tangx uaxkyr, qodok laii qodok kir, byy jit xee duer ix kir. Sxen, og, jaie, iacc hokkir, duer mia laii cutsir. Dirr kuaiwlok ee soxjai, iacc dirr tongwkow ee soxjai, cutsir liauxau jiacc hiyrhuew, beh tacc e hur!
Sewqanx ee langg, simx gong, kueckiamr diwhui, qnir diyc sxen :ee dyrr uanwhun iacc huixvongw, byy beh himbo suar laii duisuii, dna' beh juer og, uihuix-samxjyr. Jit xee simx suwsiongg sniu beh kir qa'ngg cniuxduat, brang beh did diyc vadd langg ee lirig. Qaur siausic buaa jin, qycc beh kir qriuu kir tyw. Simx siaa byy jniar, qniax langg' kacc gauu, byy decc pacsngr iacc sulu qetqyw, dairjir qaur jiacc laii hiyrhuew.
Qimser u onghuad qapp qnalyy, jiauww jue ee kindang sriu tinghuat. Jingg sxer m sinr dyrdig qycc byy siulen senrvunw, qimser qycc juer og, tnisinn bad ix, qra ix kuved lyc miaceh. Siursor liauxqed, iwsig byy .kir, dyrr duirlyc kir og dy. U jurzenn snax jiongw kiwlo ee enqor, suar u buliong ee koxnauw. Dirr hitt lairdew decc dngxgyy, jit sxer quer jit sxer jikju ee qiab(kalpa), lirkuix hitt xui byy duiwqii, lann did qaixtuad, tniar qaxx be qongw .did. Jex si derr zi kuanw og, derr zi hxang tniar, qapp derr zi jiongw siyx. Vutsii u jitt kuanw ee tongwkow. Piwlun dua huew siyx langg ee sinkux, langg tangx juansimx-diwjir jewab iwliam, duanjniar srinx qapp simx, juer jiongxjiongw senrsu, jiongxjiongw pnaiw dai longxx byy juer, sinkux dortuad, did diyc hokdig, dorser, jnriu tnix, qapp drat qaur liappuann (Nirvana) ee qingxqair, jex dyrr si derr zi dua sxen."
Vuddyy qongw, "Derr snax jiongw og: Sewqanx ee zinbinn, horsiongx inenn kandnii qiawsnix, qiongrdongg dirr tnide jiqanx kiarkiw. Diamr dirr sewqanx ee siurmia, byy tangx u zuarr quw. Dingw jann u henbingg, diongxjiaw, junquir, qapp hyxigac :ee. Xe jann u sanwciah, vijen, lamxsinx, qapp gugong :ee. Diongx:a u byy sxen ee langg. Simx suwsiongg sniu siaog, qandna' decc sniu imhing, huanlyw ciongbuanw simlai. Iogbong qaudnii, jre lehh iacc kia lehh longxx vut'anx. Tamsimx, qenlin, dna' sniu beh qex did .diyc. Air beh knuar suiw jabow, siaog ee textair knuar hen hen. Iamwngor qaqi ee bow, taux taux aw lamrsamw qapp vadd xee jabow cutzip, sngxdng qajaii, juer pnaiw dairjir. Qauqed jurhue, hingsux dongrjiongr laii siy’ jenr, qongqig, siy' qiab, siy' taii, qiongg beh cniuxduat, byy qor dyrgi. Siaog ee simx hiongr gua lorhen, qaqi m siulen senrgiap. Tautec laii did .diyc, dnaxqig vadd langg laii singjiu surgiap. Qa'ngg kiongxhad, apvig, qapp uihiap, did .diyc .ee qruix hro boxqniaw, jiauww sim'ir vangr quwjai kir juer, jursinx vangr jinrvong kir cue kuaiwlok. Uree duiww cinsiok, byy qor junvix, lairgua qajok, suar laii huanlyw siurkor, ix iarr m qniax onghuad qimwling. JItt kuanw ee og, dirr langg qapp qxuiw binrtaujingg henxbingg. Zit qapp guec jiyr qngx tangx knuar cringx, sinbingg u juer qiwzin. U jurzenn snax jiongw kiwlo ee enqor, suar u buliong ee koxnauw. Dirr hitt lairdew dngxgyy, jit sxer jriab jit sxer jiksu ee qiab(kalpa), lirkuix hitt xui byy duiwqii, lann did qaixtuad, tniar qaxx be qongw .did. Jex dyrr si derr snax kuanw og, derr snax hxang tniar, qapp derr snax jiongw siyx, qankow cincniu jitt kuanw. Piwlun dua huew siyx langg ee sinkux, langg tangx juansimx-diwjir jewab iwliam, duanjniar srinx qapp simx, juer jiongxjiongw senrsu, jiongxjiongw pnaiw dai longxx byy juer, sinkux dortuad, did diyc hokdig, dorser, jnriu tnix, qapp drat qaur liappuann (Nirvana) ee qingxqair, jex dyrr si derr snax dua sxen."
Vuddyy qongw, "Derr sir jiongw og: Sewqanx ee zinbinn, byy sniu beh siusen. Siy' qar siy' cuarpnaiw, dauwdin juer og. Nng xee jic, og kauw, lamrsamw qongw, iacc qongw hyw tniax ue. Vnuacuir, snex ue, jingdaur, jokluan, uanwdor senrzinn, sionghai henbingg. Kia vnix :a qig gua gua jin' hnuahiw, jin' liangser. Duiww verbuw vuthaur, kingsi qycc buxban jundiongw. Duiww ving'iuw byy sinwiong, hanw did u singsit. Air Cangwciux, jiamwdua, longxx qongw qaqi kacc u dyrliw. Hingihingg vawdy, diongrser-kizinn. Qaqi byy jurqag, juer og m jaix qenwsiaur. Liahjunw qaqi kacc qiongg, kacc iongw, beh qiyr langg qra junqingr. M qniax tnide, sinbingg, iacc zidguat, m kingw juer sxen, jin' pnaiw hanghok qapp qauwhuar. Gnorban, sraiw gnirpni, qiycsirr tangx quxdngg jitt hy kuanw, sniaxmih longxx byy qniax, jit xee simx suwsiongg qyban. Cincniu jiaxee og, tnisinn u juer qiwzin. Uaxlua jingg sxer u juer quaw hokdig, qimser juer quaw siyw sxen qra tnaw lehh jiapsuar, jiacc tangx did diyc vyxho qapp vangjo. Qimser juer og, hokdig jin bet. Soxu sxen ee sinn iacc qxuiw longxx lirkuix ix, qodok kiarkiw, byy soxx tangx uaxkyr. Siursor liauxqed, soxu ee og beh laii qruix uaw, jurzenn cuivig, snaqab beh duat ix ee sniwmia. Qycc ix ee og miaa, sinbingg u qiwjair. Okvyr kan'inw, qaidiongx ongw og dy kir. Jue ee vywingr jurzenn, byy tangx siar li. Qandna' diyhh hiongwjenn qniaa, zip huexdniaw. Srinx qapp simx siurr cuicann suar pywlet, jingsinn tongwkow. Dngdongx hitt sii, hiyrhuew qamxx e hur? Tnide ee dyrliw vywingr jin' qinw, be cud dnago. U jurzenn snax jiongw kiwlo ee enqor, suar u buliong ee koxnauw. Dirr hitt lairdew dngxgyy, jit sxer jriab jit sxer jiksu ee qiab(kalpa), lirkuix hitt xui byy duiwqii, lann did qaixtuad, tniar qaxx be qongw .did. Jex dyrr si derr sir kuanw og, derr sir hxang tniar, qapp derr sir jiongw siyx, qankow cincniu jitt kuanw. Piwlun dua huew siyx langg ee sinkux, langg tangx juansimx-diwjir jewab iwliam, duanjniar srinx qapp simx, juer jiongxjiongw senrsu, jiongxjiongw pnaiw dai longxx byy juer, sinkux dortuad, did diyc hokdig, dorser, jnriu tnix, qapp drat qaur liappuann (Nirvana) ee qingxqair, jex dyrr si derr sir dua sxen."
Vuddyy qongw, "Derr go jiongw og: Sewqanx ee zinbinn, qig tentaix, vangr hongr hongr qycc vandnua, m kingw juer sxen qapp siusinx, iarr m kingw juewsid. Cuwlairlangg iacc cinsiok, ix vangr lecc hro inx iaux, qnuaa, kunwkow. Verbuw ee qauwhuer, ix qra grinn, qycc duarser sniax rinr. Gensuu be habhyy, uiqec, huanxkongr, uanxzenn uansiulangg, kacc sux byy qniaw. Cruw qapp did byy jamrjad, jingwlangg longxx huanlyw qycc iamwngor. Kuihu unjingg qycc uihuanw dyrgi, byy vywdab ee simx. Itdanr sanwciah kunwkow, berdangr huehok qaur qapp ixjingg qangrkuanw. Qohu langg', gauu qewqaur, hongwsur, cniuxduat, hongwdong, longrliuxlenx. Soxu vuthuad vec vec did .diyc .ee, longxx tec laii hro qaqi iong. Hingr jiuw, hingr jiac, jiac byy huncunr, vangr simx quwjai hongwdong, gugong, auxbann, qycc e duxciuw. M jaix zinjingg sewsu, qiongg beh apjer vadd langg. Qnir diyc langg' u sxen, dyrr jikdor, uanwhun. Byy gi qycc byy lew, m jaix huanxsingw, qaqi sniu qaqi juer :ee sikdongx. Langg' qra kuanxkngr iarr m tniax. Liogcinx quanwjok, ix longxx byy beh vangjo, iarr longxx byy decc huanlyw iacc daiwliam. Byy sniu verbuw ee unjingg, byy cunn sensnix qapp ving'iuw ee gi. Simx suwsiongg sniu og, cuir suwsiongg qongw og, srinx suwsiongg juer og, jit qnia sxen iarr byy juer. M sinr qoxjaw singwjiaw jerje vut ee qauwgi, m sinr siuhing tangx did dorhuar, m sinr siw liauxau iwsig e jaiwsingx. M sinr juer sxen did sxen, juer og did og. Beh qra siuhingrlangg taii hro liauw, jingdaur sionghai jiongww jingdoo. Beh qahai verbuw, hniadi, qapp cinsiok. Liogcinx uanwhun qycc iamwngor ix, hibang ix qinw siw. Cincniu jitt kuanw ee sewsioglangg, simliam longxx jitt kuanw, gugong, cigaii, budix, qycc liahjunw qaqi u diwhui. M jaix an' dyc'ui laii cutsir, m jaix siw liauxau kir dyhh. Byy zinjuu, byy unsun, gik tnide. Dirr hitt lairdew, hibang banrhing u hyw un, beh qriuu dngg huewsiu, buexau iuguann e siw. Jusim ee qauwhuer, beh hro ix laii siulen senrgiap. Qra kaisi snesiw ee dyrliw qapp senrog ee kiwlo, jurzenn u jiaxee, ix iuguann m kingw siongsinr. Koxsimx qra ix qongw, iarr byy huatdo hro ix did diyc lirig. Simqnuax qnuaix diauu lehh, dyrliw iarr be liauxqaiw. Siursor beh liauxqed ee sii, hiyrhuew qapp qniahniaa siy' qauter. Byy liongrjaw dairsingx siusen, qaur juewau jiacc laii sniurtewhuew. Buexau jiacc laii hiyrhuew, beh tacc e hur?
Tnide jiqanx, go dy hunbingg, kuacdua, hnuaxamr, byy qaiwjiw. Senrog vywingr, jaihy qapp hokkir siysuar laii, jursinx singdamx, byy vadd langg tangx hyw dairter. Jex si jurzenn ee dyrliw, jiauww ix soxx juer :ee, jaiiongx duer mia qniaa, byy huatdo qra vangr danwsag. Senrzinn juer senrsu, an' kuaiwlok jinwzip kuaiwlok, an' bingqngx jinwzip bingqngx. Pnaiw langg juer pnaiw, an' kow jinwzip kow, an' oamr jinwzip oamr. Si'angw tangx jaix inqyw? Dogdok Vut jaix narnia. Qauwhuer qapp kaisi, sinr qapp sidhingg :ee jiyw, snex-siw lunhuee byy tingjiw, og dy iarr byy dngrjuat. Cincniu jitt kuanw ee sewzinn, kow lann did lonxx jin. U jurzenn snax jiongw kiwlo ee enqor, suar u buliong ee koxnauw. Dirr hitt lairdew dngxgyy, jit sxer jriab jit sxer jiksu ee qiab (kalpa), lirkuix hitt xui byy duiwqii, lann did qaixtuad, tniar qaxx be qongw .did. Jex dyrr si derr go kuanw og, derr go hxang tniar, qapp derr go jiongw siyx, qankow cincniu jitt kuanw. Piwlun dua huew siyx langg ee sinkux, langg tangx juansimx-diwjir jewab iwliam, duanjniar srinx qapp simx, qongw :ee qapp juer :ee huhap, soxx juer :ee iong jiww singsimx, soxx qongw :ee dyrr si sidjairue, simx qapp cuir be ciavnuavingw, juer jiongxjiongw senrsu, jiongxjiongw pnaiw dai longxx byy juer, sinkux dortuad, did diyc hokdig, dorser, jnriu tnix, qapp drat qaur liappuann (Nirvana) ee qingxqair, jex dyrr si derr go dua sxen."
Vuddyy qra Maitreya qongw, "Guaw qra linw qongw, sewqanx ee go jiongw og, qankow cincniu jitt kuanw. Go tniar qapp go siyx, lunjuanw siy' qauter, dna' juer og, m siulen senrvunw, longxx e jurzenn zip kir og dy, iacc si qimser singx sriu jaiiongx iacc vnirtniar, qriuu siw berdid diyc, qriuu snix iarr berdid diyc, juerog soxx drir, sirjiongr jingwlangg knuawqnir-q. Srinx siw duer ix kir, zip kir snax og dy, tongwkow buliong, qaqi inw huew siyx qaqi laii soxx drir. Qaur qaxx jiokk quw ixau, horsiongx qed ruanx qed uanr, an' biser :ee kiw, suar jniaa dua og. Longxx si an' tamx jaii iacc sig, qycc byy beh sisiaw unhui. Virr cigaii qapp iogbong soxx vig, duer simx susniu, huanlyw ee qad vak diauu lehh, tauw iarr tauw be kuix. Uirr qaqi qriuu lirig, byy huanxsingw qaqi ee m driyc. Huwquir inghuaa, dongsii jin' kuaiwir. Berdangr zimxsiu kutziok, byy beh siusen. Tnidy ee bxang tenw .kuix, jurzenn qra bxang .kir, dua syh qapp siyw syh soxx jrid ee lybang, dingxe horsiongx jiap'ingr, q.-qodnuax-d. q.-qniahniaa-h., dniardiyc e zip kir hitt lairdew. Qoxjaw qapp jitt junw longxx u, hitt jiongw tongwkow jin' tangx siongvix."
Vuddyy qra Maitreya qongw, "Sewqanx cincniu jitt hy kuanw, jiongww vut longxx jin' qra kyxlenn. Iong qor uigiamm ee sinlat, huixbet jiongxjiongw ee og, hro inx longxx hiongr sxen. Narr kiwsag soxu pnaiw ee liamrtauu, cisiuw qingdenw qapp qaiwlut, niaxsiu qapp sidhingg dyrhuad, longxx byy uiqec iacc sitcyr, quibuew tangx did dorser, drat qaur liappuann (Nirvana) ee qingxqair."
Vuddyy qongw, "Linw jiaxee jiongww tnix, zinbinn, qapp au sxer ee langg, jitmaw tangx tniax diyc Vut qingdew ee uergiw, qaidongx cimx cimx sukyw, erdangr dirr qidiongx, duanjniar simhing, dirr dingxbin :ee dairsingx juer sxen, cuarniaw qapp qauwhuar dirr erdew :ee, horsiongx tuandix Vut ee tikling, qokk langg duanjniar jursinx laii junsiuw. Jundiong singwjiaw, qingwdiong senrzinn, zinjuu, pok'air. Vut ee qauwhuer, m qnaw kuihu. Qaidongx qriuu dorser, vuic dng snesiw jiongxjiongw og ee qinx, qaidongx lirkuix snax og dy ee buliong iuciuu, kiongxhongg, qapp koxtangr ee lo. Linw jiaxee dirr jiax dairdimm jaijingr dikhing ee qunvunw, vowsix unhui, m tangx ciokhuan dyrgi qapp uihuanw qimwling. Zimxziok, jingjinr, itsimx qriuu diwhui. Horsiongx qauwhuar, uirr dig lip sxen. Duanjniar sim'ir, jaiqair cingjing, jit qangx jit mee, kacc ngiaa dirr Buliong Siursor Qog juer sxen vah nii. Si anxjnuaw e jitt kuanw? Hitt xee Vut ee qoktow, itcer jurzenn byy sniaw rair juer, jikkngr jiongxjiongw ee sxen, lenrr taujangx hiacc iur ee og dy' byy. Dirr jiax siusen, jap qangx jap mee, kacc ngiaa dirr vadd xui jerje vut ee qoklai juer sxen cxenx nii. Si anxjnuaw e jitt kuanw? Vadd xui ee vudqog, juer sxern :ee je, juer og :ee jiyw, hokdig jurzenn, byy juer og ee soxjai. Dogdok dirr jiax u jerje og, jurzenn :ee byy, kunkow duiqiuu iogbong, horsiongx kipenr, simx lryy hxingg kow, limx kow jiac dok. Cincniu jitt kuanw ee og su, m bad suacqiok .quer.
Guaw kyxlenn linw jiaxee tnix qapp sewzinn ji' lui, koxsimx hunwhuer juer piwzu, beh qar qaxx hro linw siusen. Suii qokk langg ee enn laii kaihuar qapp inxdy, tuansiu qingdenw ee ywgi, byy jit xee byy qac'ing. Jairr linw ee iwguan, longxx hro linw did dy. Vut soxx iulik ee soxjai, qokqax, sniaib, hniusia, iacc vorlok, byy jit xee byy sriu qauwhuar. Tenha hyvingg ansun, zidguat cingbingg. Hongx diauu ho sun, jailan qapp vnerjingr be kiw. Qokqax huwzu, zinbinn anlok, vxingx qapp bunxkir byy iongrbuw ji' de. Jongvair u dikhing :ee, zinjuu hingx kiw, s-sidjai-j. hagsip lexsor qapp kiamvix."
Vuddyy qongw, "Guaw kyxlenn linw jiaxee jiongww tnix qapp zinbinn, kacc je quer verbuw quawliam qniaxzii. Dnaxx guaw dirr jitt sxer juer vut, hanghuar go kuanw og, siauduu go hxang tniar, bedjuat go jiongw siyx, ixx sxen qrongx og, vuic driau snesiw ee kow. Hro linw did diyc go jiongw dikhing, sringx kir qaur byy sniaw rair juer ee anlok. Guaw kiwser liauxau, qingdenw ywgi jiamrjiam bet .kir, sewzinn tiamxbi, jawgui, qycjaiww juer jiongxjiongw og. Go jiongw siyx qapp go hxang tniar, dngw kir qaur ixjingg qangrkuanw. Quw .laii venr qioglet, byy huatdo longxx qongw cingcyw. Guaw dna' uirr linw iokliok aw qangxsuad narnia."
Vuddyy qra Maitreya qongw, "Linw qoklangg diyhh jimjiog sniu, horsiongx qingxqair, jiauww vut ee qingdenw ywgi kir juer, m tangx uihuanw."
Maitreya Posad habjiongw duiww Vuddyy qongw, "Vut soxx qongw :ee jin' driyc. Sewzinn kaksit si jitt kuanw. Zulaii juvix kyxlenn jiongwsingx, hro guanw longxx tangx dortuad. Sriu Vut cimx cimx ee qauwhuer, guanw m qnaw laii uivue, sitgo."
Vuddyy qra Ananda qongw, "Liw kiw .laii, kir ngua snxax, habjiongw qiongqingr kir qingwvair Buliong Siursor Vut. Sibhongx qoktow ee jiongww Vut qapp Zulaii, suwsiongg dangjee ylyw qapp janwtanr hitt xui Vut, qongxx ix (ee qniajuer) byy jipsiuw iarr byy soxx joxgai."
Dyrr anne, Ananda vreh kiw srinx ngua snxax, duanjniar sintew, bin hiongr sehngx, qiongqingr habjiongw, qui' sinkux pag dirr tokax qingwvair Buliong Siursor Vut. Ix qongw, "Sewjunx, guanw guan qnir hitt xui vut, anlok qoktow, qapp jiongww posad ixqip sniabunn dairjiongr."
Jiaxee ue qongw suah, jiksii Buliong Siursor Vut vangwsia cud dua qongbingg, poxpenr jiyr dirr itcer jiongww vut ee sewqair. Adamantine Snuax, Sumeru Snuax, duarser soxu ee snuax, soxu itcer, longxxx qang jit sig. Kyxviw duarjuiw bixmuaw sewqair, banrbut dimm .lyc knuar be diyc, kongwkuah byy venqair, qandna' qnir diyc duarjuiw. Hitt xui vutee qongbingg iarr si jitt hy kuanw. Sniabunn posad, inx itcer qongbingg, longxx hro ix kamr diauu lehh, dogdok qnir diyc vudqngx, bingqngx hniaxbak. Hitt sii, Ananda qnir diyc Buliong Siursor Vut, uidig u uigiamm, bersux Sumeru Snuax, viw sewqair itcer ee snuax longxx kacc quann. Siongwmau hyw qycc qongbingg, byy jit xui byy jiyr .diyc. Huathue ee jingwlangg jidsiqanx longxx knuar .diyc. Hiax ee jiongwsingx qnir diyc jitt xee qoktow iarr si jitt hy kuanw.
Hitt sii, Vuddyy qra Ananda qapp Maitreya Posad qongw, "Hitt qog, an' tokax kiw, qaur cingjing ee tnix, hitt lairdew soxu bibiau, jonggiamm, qapp cingjing ee jurzenn banrbut, linw u knuar .qnir bor?"
Ananda rinr qongxx, "U knuar .qnir ar."
"Linw u tniax diyc Buliong Siursor Vut dua sniax suanvor sewqair itcer ee hxuad decc qauwhuar jiongwsingx bor?"
Ananda rinr qongxx, "U tniax .diyc ar."
"Hitt qog ee zinbinn, kiaa vaccingx yojana hiacc dngg ee cid vyw qiongden, byy duw diyc joxgai, kir qaur sibhongx qiongriongw jiongww vut, linw u knuar .diyc bor?"
Rinr qongxx, "U knuar .diyc."
"Hitt qog ee zinbinn u taisingx :ee, linw u knuar .qnir bor?"
Rinr qongxx, "U knuar .qnir. Hiaxee taisingx :ee, inx soxx kiarkiw ee qiongden, uree jit-vah yojana, uree go-vah yojana, sui' langg dirr hitt lairdew hiangxsiu jiongxjiongw kuaiwlok, bersux dirr Snax-jap-snax Tnix, iarr longxx jin' jurzenn."
Hitt sii, Maitreya Posad mng Vuddyy qongxx, "Sewjunx, uirdiyhh sniaw enqor, hitt qog ee zinbinn, uree taisingx, uree huawsingx?"
Vuddyy qra Maitreya qongw, "Narr u jiongwsingx, inx iong qorr u gihik ee simx decc siulen jiongxjiongw qongdig, guan'ir dirr hitt qog cutsir, inx be liauxqaiw Vut ee diwhui, vutsugi ee diwhui, gensuu berdangr qongw ee diwhui, dairsing qongxdai ee diwhui, ixqip berdangr vixping siongrr quann ee diwhui. Duiww jiaxee diwhui, inx u gihik m guan sinr, mrqycc iuguann siongsinr juerquar qapp hokvyr, siulen qapp hagsip senrvunw, guan dirr hitt qog cutsir. Jiaxee jiongwsingx, ongxsingx kir qaur hitt xee qiongden, huewsiu go-vah huer, qnir be diyc Vut, tniax be diyc qinghuad, qnir be diyc posad, sniabunn, qapp jiongww singwjiaw. Uirdiyhh jitt kuanw enqor, dirr hitt xee qoktow, inx qiyr juer taisingx. Narr u jiongwsingx, bingvik siongsinr Vut ee diwhui, simrjiww siongrr quann ee diwhui, juer jiongxjiongw qongdig, soxx sinr ee simx huedngxhiongr, jiaxee jiongwsingx, dirr cid vyw ee huex lairdew, jurzenn huawsingx, tiabkuann jre, jit diab aw quw, siongwtew qongbingg, diwhui qapp qongdig, kyxviw jiongww posad u jiokgiac ee singjiu. Qycc u, Maitreya, vadd soxjai ee jiongww dua posad, huatsimx beh qnir Buliong Siursor Vut, qiongqingr qiongriongw, qapp qiongriongw jiongww posad ixqip sniabunn jiongww singwjiaw. Hiaxee posad, dirr siursor liauxqed tangx ongxsingx kir qaur Buliong Siursor Qog, dirr cid vyw ee huex lairdew, jurzenn huawsingx. Maitreya, liw qaidongx jai'ngiaw. Hiaxee huawsingx :ee, diwhui u kacc ngiaa. Hiaxee taisingx :ee, longxx byy diwhui. Dirr go-vah huer lairdew, be qnir diyc Vut, be tniax diyc qinghuad, be qnir diyc posad qapp jiongww sniabunn. Byy in'enn qiongriongw Vut, m jaix posad siulen ee hongsig, berdangr siulen qapp hagsip qongdig. Qaidongx jaix jiaxee langg, siokser ee sii, byy u diwhui, simx u gihik soxx drir."
Vuddyy qra Maitreya qongw, "Piwlun Juanw Lunn Singwongg, ix u cid vyw qnalyy, lairdew u jiongxjiongw jonggiamm, u dniudaur bincngg qapp dniuwlii, qruar jiongxjiongw dongrhuanx. Narr u siyw ongjuw, dikjue qok'ongg, virr qnuaix dirr hitt xee qnagak lairdew, iong qimsyxlen ho'ngg vak lehh. Qiongqib ix vngrdngr, ihok, bincngg, mipue, huex, hniux, gnolok, qapp imgak, kyxviw Juanw Lunn Ongg, byy soxx kueckiamr. Liw ee iwsur sniaw kuanw? Jitt xee ongjuw, e guanrir dirr hitt dah hiangxlok bor?"
Rinr qongxx, "Be. Ix dna' e sniu jiongxjiongw honghuad, kunxqiuu soxu tangx cud lat :ee, beh tangx an' hiax cud .kir."
Vuddyy qra Maitreya qongw, "Jiaxee jiongwsingx, iarr si jitt hy kuanw. Duiww Vut ee diwhui u gihik ee enqor, dirr hitt xee cid vyw qiongden cutsir, byy u hinghuat, simrjiww juer og ee jit xee liamrtauu dy' byy. Mrqycc dirr go-vah huer lairdew, be qnir diyc snax vyw, berdid qiongriongw qapp siulen senrvunw, uirdiyhh jex hro inx jin' qankow. Suizenn u vadd hxang huanlok, iuguann dirr hiax be kuaiwlok. Narr jiaxee jiongwsingx, jaibad vunxjue, cimx cimx jurgnow camwhuew qapp jikjue, qiubang tangx lirkuix hitt dah, jiksii jiauww ix ee iwguan, jenongw Buliong Siursor Vut ee soxjai, qiongqingr qiongriongw, iarr tangx kir qaur buliong busor jiongww vut ee soxjai, siulen jiongxjiongw qongdig. Maitreya, liw qaidongx jai'ngiaw. Narr u posad snix kiw gihik, dyrr srid kir dua lirig, mrjiacc ingdongx bingvik siongsinr jiongww vut busiong ee diwhui."
Maitreya qra Vuddyy qongw, "Sewjunx, dirr jitt xee sewqair, u quiw xui byy trer posad e ongxsingx kir qaur hitt xee vudqog?"
Vuddyy qra Maitreya qongw, "Dirr jitt xee sewqair, u lak-jap-cid-ig byy trer posad e ongxsingr kir hitt qog. Muixx jit xui posad, longxx bad qiongriongw quer busor jiongww vut, kacc cuwlo :ee cincniu Maitreya. Jiongww siyxsingg posad, qapp siulen kacc jiyw qongdig :ee, je qaxx be sngr .did, longxx e ongxsingx kir hiax."
Vuddyy qra Maitreya qongw, "M na guaw toxde-dingw ee jiongww posad tangx ongxsingx kir hitt qog, vadd xui vut ee toxde iarr tangx jitt hy kuanw. Derr id xee vut ee toxde, miaa qiyr juer Jiyr Hng. Hiax u jit-vah-veh-jap-ig xee posad, inx longxx tangx kir hiax. Derr zi xee vut ee toxde, miaa qiyr juer Vyxjong. Hiax u qauw-jap-ig xee posad, inx longxx tangx kir hiax. Derr snax xee vut ee toxde, miaa qiyr juer Buliong Imx. Hiax u nng-vah-zi-jap-ig xee posad, inx longxx tangx kir hiax. Derr sir xee vut ee toxde, miaa qiyr juer Qamlorbi. Hiax u nng-vah-go-jap-ig xee posad, inx longxx tangx kir hiax. Derr go xee vut ee toxde, miaa qiyr juer Sringr Lringg. Hiax u jap-sir-ig xee posad, inx longxx tangx kir hiax. Derr lak xee vut ee toxde, miaa qiyr juer Jiww Quann ee Lat. Hiax u jit-bxan sir-cingx xee posad, inx longxx tangx kir hiax. Derr cid xee vut ee toxde, miaa qiyr Sraix-aw. Hiaxe u go-vah-ig xee posad, inx longxx tangx kir hiax. Derr veh xee vut ee toxde, miaa qiyr juer Li Uwuer ji' Qngx. Hiax u veh-jap-ig xee posad, inx longxx tangx kir hiax. Derr qauw xee vut ee toxde, miaa qiyr juer Jiww Quann Dyrdig. Hiax u lak-jap-ig xee posad, inx longxx tangx kir hiax. Derr jap xee vut ee toxde, miaa qiyr juer Bixbiau Dyrdig Snuax. Hiax u lak-jap-ig xee posad, inx longxx tangx kir hiax. Derr jap-id xee vut ee toxde, miaa qiyr juer Lang'ongg. Hiax u jap-ig xee posad, inx longxx tangx kir hiax. Derr jap-zi xee vut ee toxde, miaa qiyr juer Busiong Huex. Hiax u busor be sngr .did ee jiongww posad, inx longxx be trer dywdngw, u diwhui, iongxbingw, ixqingx siwqer qiongriongw buliong jiongww vut, dirr cid qangx lairdew, dyrr tangx cruw diyc vaccing'ig qiab dairsu soxx siulen jin' qenqor ee hxuad. Derr jap-snax xee vut ee toxde, miaa qiyr juer Byy Uir. Hiax u cid-vah-qauw-jap-ig jiongww dua posad, jiongww siyw posad, qapp bikiu, berdangr sngr tihh, inx longxx tangx kir hiax."
Vuddyy qra Maitreya qongw, "M nax jiaxee jap-sir xee vut ee qok-lai ee jiongww posad tangx ongxsingx kir hiax, sibhongx sewqair buliong vut ee qoktow ee posad, inx iarr tangx jiauww jitt hy kuanw ongxsingx kir hiax, sowbok je qaxx be sngr .did. Guaw dna' qongw sibhongx jiongww vut ee miahy, qapp posad ixqip bikiu ongxsingx kir hitt qog :ee, zid'ia jit qiab, iaxx qongw be jin. Guaw dnaxx uirr liw iokliok qongw .jit .xe narnia."
Vuddyy qra Maitreya qongw, "Tniax diyc hitt xui Vut ee miahy, hnuahiw diytiaur, simrjiww juan'id liam vut, qaidongx jaix jitt xee langg, tangx did diyc dua lirig, dyrr si u jiokgiac ee busiong qongdig. Uirdiyhh jitt hy enqor, Miatreya, setsuw u dua huew ciongbuanw snax-cingx daircenx sewqair, rair qniaa quer hiax, tniax qinghuad, hnuahiw sinwhok, cisiuw, siongrtok, jiauww soxx qangxsuad :ee siuhing. Sniaxmih enqor? U jin' je posad, beh tniax diyc jitt vo qinghuad, suacc berdid tniax .diyc. Narr u jiongwsingx tniax diyc jitt vo qinghuad, dirr busiong ee dy dingxquann, quibuew byy trer dywdngw. Soxiw qongxx, ingdongx juansimx sinwhok, cisiuw, siongrtok, qapp jiauww qangxsuad :ee laii qniaa. Guaw dnaxx uirr soxu jiongwsingx qangxsuad jitt vo qinghuad, hro linw qnir diyc Buliong Siursor Vut, qapp ix qoktow itcer soxu :ee. Soxx qaidongx juer :ee, longxx tangx qra qriuu. M tangx danw guaw beddo liauxau, qycc laii snix gihik. Qaidongx e laii ee aursir(buadser), qingdy bet jin, guaw ixx juvix qapp linbinw, dedvet lauu jitt vo qingx, hro ix vyw diauu lehh vah nii. Narr u jiongwsingx duw diyc jitt vo qingx, suii ix ee ir soxx guan, longxx tangx ditdo."
Vuddyy qra Maitreya qongw, "Zulaii druar dirr sewqanx, jin' yh duw .diyc iarr jin' pnaiw qnir diyc ix; jerje Vut ee qingdenw qapp dyrliw, jin' lann did tniax .diyc; posad jiww quann ee hxuad qapp jerje paramita, beh tniax .diyc iarr jin' lann; duw diyc senrdiwsig, tniax diyc hxuad suar e kir sidhingg, jex iarr jin' lann. Narr tniax diyc jitt vo qingx, sinwhok, hnuahiw, qycc u cisiuw, jex si lann-diongx ji' lann, byy viw jex kacc lann :ee. Soxiw qongxx guaw ee hxuad, jiauww anne juer, jiauww anne qongw, jiauww anne qar. Ingdongx siongsinr, sunrhok, jiauww hxuad siuhing."
Hitt sii sewjunx qangxsuad jitt vo qinghuad, buliong jiongwsingx longxx huad kiw busiong jniawqag ee simx. Jit-bxan nng-cingx nayuta langg did diyc cingjing huatganw. Zi-jap-zi-ig jiongww tnisinn qapp zinbinn did diyc anagamin ee qongqyw. Veh-jap-bxan xee bikiu huanlyw bet jin, iwjiw u liauxqaiw. Sir-jap-ig xee posad did diyc byy trer dywdngw ee qongqyw. Inx ixx dua sewguan qapp qongdig laii jonggiamm jursinx, dirr jionglaiser ingdongx e singjiu jniawqag. Hitt sii snax-cingx daircenx sewqair huad cud lak jiongw dinxdang, dua qngx poxpenr jiyr dirr sibhongx qoktow. Vaccingx imgak jurzenn enxjaur. Buliong bixbiau ee huex jiapsaur an' tnidingw qangr lyc.
Vuddyy qangxsuad qinghuad liauw, Maitreya Posad qapp an' sibhongx laii ee jiongww posad, dniuxlyw Ananda, jiongww dua sniabunn, ixqip itcer dairjiongr, inx tniax diyc Vut soxx qongw :ee, byy jit xee byy hnuahiw.