(id)
Hokqenr Dnglok Binhyy Hniux
jit xui sner Dann jit sner Ngiuu
Ngiuu Vinx huwqax druar dinwjniu
qang zit decbeh crua sinniuu
Ikzuu vinhann diamr cauxde
Ngiuu Vinx jnii u druar cirqex
qoxjaw liutuann jitt qxur ue
sinniuu siy’ ciongx rair ngua huex
Ngiuu .qrax jitt vingg juann qewjngx
vah qxunn vah kor qah canhngg
Dann Cur cinjnii druar kacc hng
danx snxax jit kor cing cutmngg
Muilangg decc huah hiw ciongx hiw
jiamrcniaw hiyckunr siyw endii
sner Ngiuu jitt vingg crua sner Liw
Dann sner qiauhux crua sner Cii
Qiyrhux qnuaw beh jiac liangg juiw
jiong’ qiy qrngx uaw juer jidduix
qokk langg duiwngua huex jit luiw
Liw Sri qiyrmngg taux henx kuix
Sinniuu huex qinw siy’ qaungua
u jnii ee langg dua ciavnuaa
Liw cur sinniuu qra taux knuar
mng ix jiacc jaix duar lairsnuax
U jnii ee langg kacc je su
cauxde siyxjiaw byy gensuu
tniax diyc sinlongg si hauwjuw
qycc dirr snuaqanx decc kiarqux
Hauwjuw tong’ langg dy’ junqingr
qycc si vinhann ee qadingg
cik’unw i’ cimx u langg kingw
sniu beh uanjo juer hisingx
Tniax diyc qadingg hiacc qankow
juer hongx lyhho beh zuhyy
qui’ qrex m diyhh kir undow(?)
berdid cutmngg beh jiac too
Jinjux ciuxkuann lud jit kax
qiamxcaiw berdid kir cyr caa
jiwjiyw dngr u sir~go-vah
diyrr tangx uicii bongxx anqax
Junxvi juer hong qapp lyhho
jitt kax dngr did go-vah kox
tangx hyw anqax bongxx jiamrdo
narr byy limsii beh dyhh mox
Cauxde sinniuu dyrr qra jrih
hnuahiw jairr simx ciyr lic lic
vingjuiw sionghongg jiacc hyw ir
jing guaw irhongg pnaiw tnisii
Jex si dinquir ee mihqnia
unzinn liw si sniaxmih miaa
duxx beh sueh hro guaw jai’ngiaw
tniax qnir langg decc huah kixqniaa
Tniax diyc muilangg qnuaw ciccih
duiwtauu m qnaw jaiww endii
miasner jiacc e byy qongw kiw
qauwui rair diyhh hur sinsii
Tniax qnir muilangg decc qnuaxqinw
qauwui diyhh hur zit lyc srinx
knuar langg’ qewcua jiacc dua din
lanw jre ox qiy danid zinn
Langg’ ee qewjngx qui’ vah snia
vat’imx qoxcuex camx decc gniaa
qnaxx e cutsir hiacc hyw mia
kyxsiyh bue qongw ix ee miaa
Miasner duxduxx beh qongw kiw
qniax nguar m qnaw qycc endii
lanw narr cuttauu ee zidjiw
jiacc laii tamwtniax dapsia ix
Hyw mia tangx jre ang’axqiy
rah sniax qniaa qaxx ciuw naxx iyy
jit dng cax langg’ veh~qauw ciyh
vacvnuax si mia byy m driyc
Qiyrhux iarr decc qniax sniu’ amr
inx dui’ dangvag lan’ selamm
qaur jiax quax beh hunx qo’ jam
juer sniu’ hunjab venr luanrdamm
Qra junw sinniu crua qaur der
quax venx sniu’ dnii be ciywkuex
jit zit jit zit jin’ kuair quer
sinniuu crua laii beh muaw guec
Zidjiw qingquer si jin’ qinw
vutsii horjuiw cabcap dinx
langg’ qongw sixjnii jiac e jin
kaksit vinlagg byy hur cinx
Jniax-guec Zi-guec lyc cunho
hucex jre lecc sniu qui’ vox
vinlangg ciuw crunx jin’ byy lo
dnaxx beh laii venr dycc jit dxoo
Cunho lenn mii lyc be suah
ciuxbin tanwjiac diyrr u juac
beh kir hongho jiacnirr dua
m kir berdid tangx sing’uac
Lyhho berdid tangx cutmngg
hucex camsiongg qui’ ehngx
biw iaxx juw did u quiw dxngr
nng diauu caiwquex suacc nua nngg
Caiwquex kngr qaxx laii nua nngg
vyvyy byy tangx juer caiwtngx
u tangx qycc brew lo iarr hng
huwqin byy langg juer caiwhngg
Nua iaxx byy liauw cunx jitt der
lanw jiacc laii juw caiwquemuee
xe dxngr buxcinx narr beh puer
hivow len(?) tngx juw mirpuee
Hiacnirr singw ee jit dxngr cair
m tangx hro lanw vyvyy jaix
simqnuax naxx sniu naxx bycaiw
u jnii tangx brew iarr ho laii
Jin’ qniax caa kangx bixniuu jin
jiacc u mng biw cunx quiw jinx
lanw iaux si kacc byy iauwqinw
qniax kir iaux diyc lanw buxcinx
Linw benw huanlyw byy cabiw
vyvyy guaw ee qingrhongr ix
jiacc laii zinrjinx giac jiamjiw
cutmngg diyhh danw hyw tnisii
Hyw tnix jiacc beh kir cyr caa
kacc je laii jiac dy’ e dax
qniax hro buxcinx be did vaw
laurlangg iaux .diyc e hix kax
Cutmngg sinkux hen e damm
guaw kacc zinrjinx laii giac jiamx
lanw jiacc lingrgua limx kacc amw
sirdua laii limx sniaw langg qramx
Buxcinx ylyw liw jin’ diam
m bad tniax diyc cuwvnix hiamm
jin’ gauu hnuarqex draur kinkiam
snax dxngr juanx si sni(?) jniuwqiamm
Laurlangg snisingg kacc cuir vec
ingqaix hinghaur lanw dag’ee
narr qaxx berhiauw tangx jetjer
m tangx qer langg juewuii cex
liw jin’ erhiauw tangx juxser
hiongcuanx vutviw jairr cirqex
narr beh horjuiw jiacnirr je
ven ven iarr yh tangx kir tec
Langg qongw dirr cur diyhh jiongg hu
cutqerx ingqaix sunrjiongg hux
vyvyy liw ee cinx laurbuw
berhiauw iuxhaur jin’ guuw(?)
Sirdua erhiauw tangx hauwsunx
vywdap snix lane ee cimx xunx
sniu qnir ho lyc byy hiyckunr
kitjiac dy’ byy der tangx vunx
Sniu diyc simqnuax jnia’ huanlyw
horjuiw qnaxx e jiacc jiap lyc
caa marr berdid tangx kir cyr
snax~nng jinx biw liammix byy
Muixx dxngr guaw dy’ u jatjunw
jiapsinx erhiauw tangx hyw hunx
singx cuann vyvyy jit langhunx
jiacqycc taur juir lyc kir qrunn
Liw benw huanlyw ee vit’iaur
juadduir byy hro buw kir iaux
biw jiac jap qangx iauxx be liauw
hanjuu iarr u jit liap diauu
Dagg zit lyc qaxx jitt hy ho
biw narr jiac liauw beh zuhyy
lanw qycc byy langg tangx uanjo
sniu diyc jitt jann bin diyrr ox
Langg qongw tnix byy qohu langg
kacc kow guaw laii juer luxqangx
dorjiac amxmuee unxdangr-d.
sniu dangx sniu saix si m tangx
Ursii sniu qaxx jxingg dy’ jin
cyr caa ingxuanw be cutsinx
sniu beh guartauu laii kir lin(?)
m qramx vangr lii lanw buxcinx
Langg qongw dirr cur zit zit hyw
m tangx cutgua kir vunpyx
vyvyy jiacc lau e huanlyw
narr liw jit srinx hniadi byy
Hibang cutmngg kir pacvniar
danw u qihue jiacc laii qniaa
narr beh cyr caa dro sniwmia
laii cad pueee iaxx kacc ngiaa
Langg qongw sxen si haur uisiuw
verbuw dy’ jai vut’uanxiuu
guaw jiacc giac jiamx draur vangciuw
byy tanr lanw be ing kacc kiuu
Mihqnia dagg hxang jiacnirr quir
knuar liw giac jiamx zuarr gauu ruix
narr m pacvniar kir guarui
gy marr be siw dniur be vuii
Tong’ langg qewangx beh knuiwuac
dendyww hro liw decc tuabuaa
quansimx guaw laii kir cutgua
jnii qiar dngw laii qamxx u juac
Cutgua nng zri jin’ qankow
buxcinx nilau huer iurr dyx
qu giap kacc kow bongxx jiamrr dro
narr u qihue jiacc qaiw dxoo
Jex cur qamxx u sniaw qihue
canjngx vutviw jairr cirqex
hongriongw buxcinx liw tangx ter
tanwjnii nacc u sniaw bunrdee
Liw juann byy tniax guaw qaixkngr
qnaxx e jiacnirr air cutmngg
juxir beh kir qaur zuarr hng
m juer qu giap dirr vunxjngx
Jaw jaw simlai diyrr decc sniu
u jnii air beh quer lamngiuu
jitt vaiw hnirkangx vutsii jniu
ving’iuw puex qiar taiww je dniux
Ving’iuw puesinr jin’ jiap qiar
lamngiuu jinjniar hyw tanwjniac
guaw jiacc sniu beh kir hitt ziah
qenww kir dag’ee dy’ hyxgiac
Vadd xui guaw dy’ byy hibong
simlai sniu beh kir Giongxqongx
jnii diyhh jit dongr jiacc dua dongr
knuar beh dyc’ui tangx kir jongg
Jit kunr luxhuir diyhh hiacc je
sanr langg byy der tangx qra tec
kacc jaw beh qer laii cauxde
diongdoo hiyckunr decc ngua huex
Guaw bad tniax langg kir cittyy
lamngiuu jit xui Sinqapyx
qra liw junxvi hyw hyw hyw
air kir lorhuir benw qniax byy
Liw iarr m tangx qra guaw penr
angbow iarr decc qequisenx
linw beh qnaxx u jnii hiacc ven
si qongw sidjai iacc higenn
Guaw qaxx jiacc quw jiacc sniu qnir
dnaxx iarr qingquer beh vnuar nii
tec liw knuar mair diyhh benw jnir
ix qong tangx did jin’ je jnii
Kacc jaw beh qer zip linw mngg
huwho cuarcinx juanx qewjngx
diongdoo laii qapp guaw siy’ drng
ngua huex sangr guaw jit hxang mngc
Siyxzinn hitt kuanw ee jabow
sinniuu ngua huex jairr diongdoo
tniax guaw genn kiw qinw siy’ jox
kiamwing dngr did go-vah kox
Duiwtan sanr langg jin’ uanbuanw
sangr guaw jit kax jinjukuann
qniax lanw juer au narr sniaw kuanw
junxvi tangx ing kacc anjuann
Jin’ jiyw hitt kuanw ee senrzinn
qnaxx knuar qimjnii jiacnirr kinx
guaw byy knuar qnir m siongsinr
dauwdiw si hix iacc si jinx
Liw sngr qapp guaw si hucex
qnuaxqinw kuix sniux diyrr kir tec
kaksit byy der tangx qoxqer
dngr go-vah kox qnaxx u qex
Tauw kuix knuar mai diyrr jai’ngiaw
guaw jiacc qycc sueh hro liw tniax
sangr lanw jitt kuanw ee mihqnia
juann byy qongw kiw ix ee miaa
Hencex liw iarr knuar m bad
taukag viw guaw iaxx kacc jat
iong pnaiw jux-aw luan luan jad
beh nacc u sniaw zuarr qewdat
Huqunx knuar diyc kacc siongser
jux-aw jngsig kacc sixvec
vnivnii qangrsii beh cutqer
pacsngr m qnaw annix ee
Hencex liw jin’ cni’axjangg
sewqanx nacc u jitt hy kangx
qacc hiacc hyw liong beh vec sangr
ix dy’ byy decc samvad langg
Jiacc qaur dngwdiamr benw zuarr quw
sinr u m tangx sinwqibuu
qeqiamw qra dngr dikkag u
m si poxtongx ee pnar jux
Laii kir qra ix cir knuar mai
dngr u diyrr si tnix sangr laii
kacc jiyw marr si byy quangai
vangr quaw qex-lai tangx hyw kangx
Guaw sniu jap hunx qauw hunx unw
guann qongw beh dngr go-vah gunn
narr u tangx juer singlixvunw
jaix miaa diyhh dab langg ee xunx
En’ lo naxx qniaa naxx decc sniu
soxjai guann vyr Binhyy hniux
qra qongw kacc jiyw snax-vah niuw
dngr u tangx laii kir lamngiuu
Xe jib ciuxkuann kir dngr u
jah nng-vah ginn dirr sinkux
qnuaw qaxx qniax junn dah be hur
jnii suacc sitlyc juer qiyrhux
Narr air hyw tniax diyc xe vunw
Vitcunx kiyh diyc nng-vah gin
tanwjnii Ikzuu iarr u hxun
aurzit jaisanw qapp ix vunx
(zi)
Jitt jip beh qycc venx laii cah
suar diyc tauu vunw jinrbuew pax
Ikzuu ciuxkuann dngr snax-vah
ginn jriab quer ciuw qinw hueqax
Ikzuu dngw laii Dann Qajngx
knuar qnir inx bow dirr tniadngg
dngwdiamr tanwcuir qra lanw dngr
dnaxx u luxhuir tangx cutmngg
Cii .Sri Kingqiaux duw inx angx
sewqanx jin’ jiyw hit thy langg
dngr u zuarr je ee jnihang
hyw ir tec qra lanw vangbangg
Qra dngr vehginn snax-vah niuw
dngwpiyr qaudair lanw jit dniux
hencex dnaxx si sniu jnaixngiu
hro guaw cew cew quer lamngiuu
Jaix liw m qnaw qongw sniu’ je
dngr je dngr jiyw byy bunrdee
senrsimx kaksit jairr langg juer
snax-vah niuxginn hiacc kuair tec
Dngwpiyr liw diyhh siux ix hyw
m tangx luan kngr e pacbyy
aurzit u jnii diyrr beh tyw
guaw jin’ hibang Sinqapyx
Guaw iarr bad tniax langg decc qongw
u kir dagg xee jniaa huwongx
lamngiuu dagg xui hyw qingrhongw
qutlat qing’ingg vaux singqongx
Hucex hnuatauu qapp hixbin
zip kir mngranx qnir buxcinx
siw jre uac jiac jnii e jin
sniu beh laii kir Huiludvinx
Guaw iarr byy air liw cyr car
air qniaw ebuec cing diauu kax
lamngiuu lorhuir diyhh qui’ vah
jiacc be beh dyhh tangx kir sax
Buxcinx inwdamr diyrr anjuann
jiong’ tauu qaur buew sueh jit huanx
ixjingg qingquer sniaxmih kuanw
jo lanw jit kax jinjukuann
Tnix sur diy’ byy jiacc lirven
huadlyc kixqniaa m tangx cenn
dingrquix e kir tanr diyc cenn
jitt xee sijunn dng’ jongwlenn
Buxcinx hnuahiw inwdamr kingw
hro qniaw cutgua kir qing’ingg
lirkuix lanw jex Hokqenr Singw
byy tangx hiha laii hongrsingg
Jueww liw quansimx kir tanwjnii
henhue simvu dirr sinvnix
dirr guaw bagjingg knuawqnir-q.
giac jiamx juer qaxx jit vnuawmii
Lorhuir sniu beh duar nng-vah
jit-vah kngr decc tangx anqax
snax dxngr linw diyhh jiac kacc vaw
narr byy guaw qniaa be kuix kax
Langg’ qongw vinn cur byy vinn lo
qandna’ duar hitt nng-vah kox
cutgua sintew diyhh jiauwqor
m tangx noxlik sniu’ quewdyx
Lorhuir nng-vah diyrr cutsinx(?)
vaux lyc ciuxqinx quii(?) jairr srinx
qycjaiww dinglingg hencex linw
siyxsimx hongrtai lanw buxcinx
itt jann jueww liw benw huanhur
qikzinn juriuw tensiong huu
guaw qacc juewlangg ee simvu
hongrtai vyvyy ter cinhux
Jitt jann juadduir byy quanhe
vyvyy ingqaix si guaw ee
liw diyhh qor liw ee sintew
mrbenw quanwliam gunw daqex
Simvu iuxhaur qapp henhue
vutvir uanxliam byy bunrdee
singliw diyhh kacc zinrjinx juer
qauwui liw jiacc singx siaw puex
Kuix sniux qiyr guaw simvu knuar
jriw u jit niaw qu hormuax
byy tangx hro qniaw liw tewngua
uaxamr iaxqyc si jin’ qnuaa
Lamngiuu sngr si zeddair de
qauwui jiongqinx Sir-guec-cex
u tanr snakor jiacc laii juer
liw qniaw vutsii e qiawpuex
Narr druar vehginn nng-vah niuw
iarr byy tewngua ee ijniuu
juann byy genn kiw itdit sniu
tiacsnuar jit duir ee uanngiux
Tiackuix jit duir ee luanhong
angsair decbeh kir Giongxqongx
simqnuax kacc bun marr m qongw
hro ix ditli qapp sunrhongx
Jex cur byy sniaw hyw qanqiw
jiacc diyhh lirkuix cinsnizii
hro qniaw sunrhongx tangx ditli
kacc qinw tangx kir hur junqii
Simqnuax kacc hiongg dy’ e bun
ciyr tec cud laii kow iong tunx
qaudair hencex diyhh hauwsun
uihux decbeh kir dah junn
Mrbenw quawliam lanw laurbiyw
jueww liw qaqi cing ix siyx
knuar ix m si sidjai ciyr
qinw kir junn jiacc hunr e diyc
Vaiwvet laurbuw cud mngg-gua
tnikir cinghyy si jin’ zuac
jitt jua hur be diyc au jua
jiksii kuix vo qinw dua huac
Benw qongw Kingqiaux inx nng langg
Ikzuu beh kir hur junvangx
qiamxcaiw junn narr singx cutqangw
au qrii diyhh danw jin’ je qangx
Jiabjiap qra junw laii qauwui
iauxx bue ? dniar taur junuii
tniax diyc si decc danw laujuiw
laujuiw narr dni jiacc beh kuix
M jaix diyhh qaur sniaw sijun
sniu qnir sinkux nng-vah gunn
jre diyc tingwhau kacc an’unw
lysniax narr dann jiacc lyc junn
Jre jiax naxx danw naxx decc sniu
danw junn decbeh quer lamngiuu
u duar vigginn nng-vah niuw
diyhh juer hangqaux iacc qangdniuu
Jre jiax jnii kacc be pacbyy
sniu kiw Giongxqongx Sinqapyx
nng xui qingxhongw vnivnii hyw
dnaxx beh laii kir druar dyclyc
Vunxnii guaw u duar jiacc je
cue kacc laurzet ee cirqex
singliw lanw qycc m bad juer
jre jiax sniu qaxx tauu lee lee
Jre dirr haixvox itdit danw
m bad cutmngg jin’ uilann
juer sniaw singliw jiacc e tanr
hutzenn tniax qnir lxyy decc dann
Lxyy-sniax dann qaxx byy kiyckunr
decc huah(?) langkeh qinw lyc junn
junn qaur vnuar haiw ee sijun
Ikzuu jiacc decc cue byy gunn
Jur did lanw diyhh laii siurkow
gin jiacc vangr dirr haixsuavox
jinwjingg byy lo ter byy vo
junjuw laii beh siux junjox
Haixvox danw junn sitlyc jnii
jiong’ tauu jiww buew sueh jit pnix
buxqniaw ingxuanw benw siy’ qnir
duar dirr sewqanx sib eh nii
Sewqanx m si lanw qiuw qux
jur beh juat guaw Dann Ikzuu
byy bin tangx hyw dywdngw kir
drauu haiw jursad cri dua hii
Knuar diyc Ikzuu beh tiaur juiw
junjuw qinw qra ix nuaa kuix
hex si byy tangx juer lorhuir
guaw jiacc laii qra liw juxcuix(¿)
Junjox guaw m qra ix kiyh
davox jabow tong’ jiauu jiyx
u marr(?) kacc qex byy kacc jiyw
jing cutguarlangg byy m driyc
Langkeh dag’ee siy’ uanjo
junn-tauu junn-buew dit jiyhox
king ua be sniu’ jiyw dysox
jongxqiongx iarr u qui’ vah kox
Dag’ee jin’ air juer hyw su
jiong’ jnii tec qaux Dann Ikzuu
qamxsia sensnix jiongww hurluw
byy linw jiongsinx dihh crii huu
Pnaiw un jnii laii pacsitlyc
byy linw uanjo mia diyrr byy
jitt jam kacc jiap junxduxhyw
qra junw qaur jiax(?) Sinqapyx
Singx qongw jit xui Lauu Vitcunx
guanlaii bextauu beh dah junn
air juer singliw marr kiamr vunw
narr u lorhuir quiw kogunn
Siqanx iauxx kacc bue sniaw qaur
haixjuiw cox jiacc decc huanxlauu
kuu jiax dairven naxx tinghau
knuar diyc jingbin u jit vaux
Jingbin jit kunw vec vec vec
m jaix si vaux sniaxmih ee
liongrvid dah junn ee langkeh
sitlyc m jaix tangx laii tec
Kuu dirr haixvox decc vangr saiw
qniaa duiww sevingg pax quer laii
iong kax singx qra tad knuar mai
tauw kuix ciuxqinx jiacc e jaix
Lairbin sir dnia ee guanvyw
m jaix sniaw langg pacsitlyc
tnix sur qiven jiokk duxhyw
beh juer singliw vunw be byy
Guaw duxx byy jnii tangx juer vunw
tniqongx sur jex nng-vah gunn
guaw jiokk hibang tngg qapp hunw
u tanr jiacc laii qapp ix vunx
Jiksii dngtnix diyrr libser
nng-vah niuxginn knuar jnriu ee
singliw naxx juer be vairbew
u tanr beh qapp ix qongqex
Tngtnix jiuwjua jiacnirr dang
ix cud vunxjnii guaw cud qangx
tamwtniax narr u pnirbagpangx
qapp ix duiwvunx jiacc si langg
Ciuxqinx kngr decc tangx ho’ngg zin
cutzip lanw diyhh duar jairr srinx
langg diyhh tenliongg kacc iauwqinw
qnir jaiibongrgi dua vutzinn
Guaw qaxx jit genn sueh cud cuir
byy jiauww tenliongg jiac be vuii
ceqauw zi snax siyw laujuiw
qauwui jiksii junn beh kuix
Sunrhongx sunrliuu jin’ kuair qaur
quax sniu’ encenn benw dausaux
qaur Sinqapyx ee qangxkauw
duarqex juann si snax janr lxauu
Junkeh jitt jua iaxx kacc je
duer langg jniurhnua qniaa zip qrex
jitt der singliw jnia’ hyw juer
qongdy qapp langg jiacc u vuec
Co’ jiaxx laii qaur Sinqapyx
naxx knuar qongqingw naxx cittyy
jitt der derdiamw dagg xui hyw
dnaxx beh laii kir suer dirr dyhh
Qycc qniaa uat dngw byy quiw vo
jitt der ee langg iaxkacc dyx
qycjaiww qin diyc dua bexlo
jitt qingx dah dnuax beh cutjox
Knuar liauw hah’ir diyrr qra suer
jiksii hyxser m qnaw tex
diyrr cniar sinlyy suar cuann hxuer
bexbe juanjuanx diyhh jitt ¿
Jitt qingx duw diyc snaqaktangx
qinruaw bexlo kacc u langg
tnghunw diyrr hyw benw vadd hxang
juer jai jiacc laii ngua ngiuhangg
Jitt qingx dngci qycc hiongwiongg
hxuer cuann jabjiog suar kaidiongx
juer quw jit xe u singwiong
singliw jin’ hyw zidzit diongg
Singx juer tnghunw siyw berpor
naxx cniar jit xui e sinloo
juer liauw narr si u jinwvo
jiacc laii venr kacc dua quiboo
Cutzip tong’ si dui’ jitt xui
bexbe juanx dirr jitt kouii
tnghunw m bad sngr langg’ quir
juxqor vutsii kueh be kuix
Qewjnii sngr langg’ jin’ qongdy
cniar diyc qutlat ee sinlyy
iarr be tamsimx siy’ uanwdo
langkeh naxx laii jin’ jiyhox
Juxqor vutsii qui’ diamwkauw
siongdongx qewqeh u cinwtauu
suwsiongg vailet decc tingwhau
uerr tnghunw giaa qu’ vaux
Sinlyy qex cniar nng~snax xee
dagg xee jin’ u qor tauqex
narr u brew hxuer diyrr kixqer
langkeh qauwui juann hundee
Hxuer brew zip ciuw qrer diyrr kiw
tanwjnii hac langg ee siqix
viw langg’ qavue hyw singliw
cinwtauu u jiog qrer vangii
Singliw qapp langg jin’ u ping
tnghunw naxx janr naxx dua qingx
Vitcunx u niu jnii be ding
byy langg qnaw qapp ix qingrjingx
Tnghunw didjiab qaqi vran
mngci guan decc bre lansanx
hxuer qaur byy der tangx hyw janr
qycc jox jit qingx byy siongqanx
Duxcenx junqii hxuer qauwui
tac diyc jit dxuix quer jit dxuix
duarbe iarr byy sngr langg’ quir
vunxqex sriaux qaxx cud guaruii
Qycc jox jit qingx janr tnghunw
diamwhy iuguann Sinx Vitcunx
qurnii sinjniax qaur jitt jun
byy tniax qnir langg sitlyc gunn
Vitcunx hog qaur jnii tangx kiyh
simqnuax m qniaw sniu imbiyy
sitjuw byy liauu decc qrngx qiy
au jiap qua’aw cue diyrr diyc
Beh kacc hyw tniax diyhh au vunw
Ikzuu qiy qrngx Lauu Vitcunx
ciu-kax jerliangg decc hiyckunr
zin diyc vaux jnii ee ciuxqunx
(snax)
Jitt vunw qycc venx laii qra suar
duw diyc nng jiab buex pax quax
Vitcunx jre qiy beh cutgua
lamngiuu soxjai si jin’ zuac
Dxiamr u qingliw qapp huerqer
ingg ingg tangx juer ven tauqex
siux siaur suacc tamr qauquankeh
ho’ngg zin ciuxqinx sniaw langg ee
Jre qiy cutmngg beh siux siaur
sinkux ciuxqinx dre jit diauu
qoxdux jairlai jin’ diongriaur
jnii u be knuar langg suesiauu
Jre qiy iarr si kir byy hng
si beh ho’ngg zin jitt hxang mngc
qimzit qnaxx e jiacc duxdng
cniaw diyc Ikzuu laii decc qrngx
Vitcunx ee langg siongrr kaihuar
kyxlenn qrngx qiy saihu zuac
knuar u liangjuiw tangx jriw kuah
mrbenw qniaa qaxx sniu’ dua huac
Qycjaiww qingquer byy zuarr hng
jitt xui u langg decc bre mngc
laii duar ciu-vnix kacc siamw ngw
hiyckunr qakud jiacc be sngx
Qiy dnaxx hiyckunr dirr jitt dah
liangjuiw diamxsimx qui’ ciu-kax
narr iaux diamxsimx jriw diyrr vaw
jit kox sniuw inx jiac cuiwdax
Lydong qanglangg jiokk kyxlinn
qui’ sinkux qnua cabcap dinx
air sniaw kir brew byy iauwqinw
hiyckunr jiac liangg jiacc kixsinx
Jueww linx kir jiac mrbenw qnuaw
jin’ u linbinw ee simqnuax
diyrr tec ciuxqinx beh crid qnua
zuac qaxx cincniu huew siyx snuax
Vitcunx ciuxqinx diddit vingw
jitt vingg crid liauw ngua hitt vingg
quanqnir qiyrhux ee jong’ingw
bin dair iu’iongg knuar byy tingg
Ikzuu knuar qaxx byy tingkunr
cincniu inx bow ee ciuxqunx
jaxjinggbeh laii ee sijun
hiw jrngx(?) ciuxqinx decc vaux gunn
Qenr qxingw sniu jxingg lrauu bagsaiw
si lanw hibang rair beh laii
qimzit jiacc u jitt hy dai
hitt?) cur sniaw kuanw juann m jaix
Bagbuew taux quanx qiyrsaihu
qnaxx e knuar kir jiacc qanghux
bin dair iuciuu tauu dux dux
bagsaiw dih damm qui’ sinkux
Knuar jnia’ huanlyw ee sewbin
duiww guaw qiy-lai itdit jinn
liongrvid ix ee m qnaw zin
jiacc e knuar qaxx hiacc juxsinn
Kia hiax knuar qaxx diam jicjih
simlai iaxkacc dua hiamgii
liongrvid jitt langg dikkag si
tingwhau narr laii jiacc mng ix
Tauqex qnir diyc guaw jit bin
qnaxx e knuar qaxx jiacc cnijinx
jitt jun jauxngiaw kacc ciucinr
qnaxx diyhh huadlyc laii kixsinx
Liw si in’ui sniaxmih dai
liongrvid hiamm zuac guaw jaix jaix
iacc byy qnaxx e lrauu bagsaiw
m qrngx tingww qiyr vadd langg laii
Guaw dy’ m si decc hiamm hng
tentenx marr diyh’air cutmngg
narr qacc decc jiacc jitt hy vng
qyckacc siyzuac iarr diyhh qrngx
Liw si qrngx qiy hiamm codang
narr byy bagkox nacc e angg
iacc si sniu beh ngua vadd hxang
tingww qongw guaw tangx cniar vadd langg
Snisingg si tanr jitt hy jiac
be qrngx iong giaa marr diyhh giaa
liw jin’ u tniar lydongrjiaw
qangjni qenww kaix marr quewgiac
Liw ee qixjiw qapp hingdong
qapp jingg jinjniar vutsiongdongg
u sniaw dairjir jueww liw qongw
guaw e laii ter liw jauxjongg
Tauqex liw diyhh m tangx krir
guaw jiacc qnaw qra liw tongdix
Hokqenr Dionglok Binhyy Lxiw
Sner Dann Singtair(¿) ee qniaxzii
Siyxzinn miaa qiyr Dann Ikzuu
dirr Binhyy Hniux decc kiarqux
in’ui haixvox laii sitsu
qongw qaxx qui’ penx ee gensuu
Jiabjiap naxx sueh taubuw qxur
qniax cenw m qongw sniu’ qanghux
Vitcunx jiacc rinr qiyrsaihu
qaxnaxx pnaiw un qxiauw vruac sux
Sitlyc diyrr usacc byy iauwqinw
huanlyw sunxhuai lanw jursinx
guar iarr druar dirr hitt hongbin
anni liw lanw si hiongcinx
Tauqex liw diyhh kacc liongrqaiw
siyxzinn duardnaw jin’ luanrlaii
si decc bongxx sueh byy quangai
qadingg sniaw kuanw tong’ m jaix
Erdaur u jiac damrvyc jiuw
qir did simlai jnia’ iuciuu
diyrr jiax zinrding lanw ving’iuw
dywdngw laii kir siaur m siux
Vitcunx qiy jre dywdngw laii
qauwui qiy-jnii diyrr suar kaix
jex su kngr dirr simqnualai
Ikzuu juanzenn dy’ m jaix
Jap kox hro linw kir jiac dee
Ikzuu qycc laii hro guaw crex
dag’ee tywdit benw dylew
dirr jiax hiongcinx byy quiw xee
Dngw laii dirdecc knuar sinbunn
jiac decc suar jiac quiw cuir hrunx
qrngx qiy saihu jnia’ byy lew
huah mii cxingx sner cue tauqex
Vitcunx tniax qnir dongr m tangx
ix si gunw ee hionglixlangg
m tangx dua sniax decc qra hangw
hyw lew cniaw ix laii kewvangg
Ikzuu zip laii qnir lauxvanw
duiwtauu hnuahiw ciuw siy’ kanx
jin’ u sinwsog benw guaw danw
sngr si hiongcinx jiacc qanxdanx
Benw jiacc qingwir cuann hundee
qinw laii beh hro liw tangx crex
lanw si hiongcinx byy quanhe
knuar beh qiyr guaw congw sniaw ee
Qiyr liw qycc laii byy vadd hxang
hiongcinx diyrr si qaqirlangg
knuar laii qrngx qiy taiww coding
dxiamr-lai laii qra guaw vangbangg
Jrux si u tak zri kacc cenw
byy tangx cincniu siauwquirsenx
duiww liw qongxue byy siy’ penr
vangbangg hiongcinx si dongzenn
Rair liw duar jiaxx kacc simsig
siauwbok sngwhuad knuar diyrr sik
guaw si qor liw ee lirig
aurzit tongtongx diyrr bingvik
Ikzuu byy sniu duiww hiax kur
zinrding donghiongx decc kiarqux
soxu diamwguann qapp qipsu
jin’ gauu hongrqingr ix Ikzuu
Dag’ee jinjniar jiauww kixqangx
zinrdingx ix naxx qadirlangg
jiangxquanw cutzip ee ginhang
vnuawvox diyrr kir qiar ginhangg
Vitcunx duiww ix hniax naxx di
jiangxquanw qimkor ee syxsii
jingrlaii qavue hyw singliw
dxiamr-lai tong’ langg junqingr ix
Ikzuu jin’ hyy kaziac’ui
langkeh vutsii pah be kuix
hxuer brew zip ciuw diyrr kiw quir
singliw juer qaxx quix quix quix
M na vunxqex jit vorhun
sriaux qaxx Niu Iork taur Lundun
diamwhy jiksii qycc jingxdunr
qaixngua ngiuhangg miaa Ikcunx
Iarr juer Siongrhaiw qapp Hiongqangw
cutmiaa Ikcunx ee ionghangg
kixcox siyxbe bongxx decc lang
u brw diyrr tanr e qniax langg
Vitcunx jex su byy genn kiw
dxiamr-lai tong’ langg decc lunargii
hiongcinx m si cinhniadi
qnaxx e kaiing iujai ix
Ikzuu iarr be luan luan ing
tong’ langg dy’ decc sniu be bingg
Vitcunx iaxqycc kacc junqingr
sniu qnir qehuew ixx qingsingg(?)
Ikzuu kacc sniu dy’ berhiauw
dxiamr-lai guaw laii dyww u siaux
hro langg kuanxtai jiokk qenwsiaur
jitt kuanw guaw duar jin’ be diauu
Ikzuu zuxx sniu zuxx enwkir
qnaxx e jitt kuanw jinjniar qrii
dniardnia duar decc hro langg cri
kacc hyw marr si byy liauw sii
Tauqex qnaxx e iong jitt kuanw
dxiamr-lai vangr hro guaw decc qxuann
vadd langg ee jnii pnaiw jiangxquanw
duar quw aurzit u uerduanx
Vitcunx jai’ngiaw langg iwsur
cud laii kngwqaiw Dann Ikzuu
m tangx sniu beh vadd der kur
air liw ingxqiuw laii dongqux
Hro liw jitt kuanw ee tairgu
laii jiax guaw marr kangx sinkux
unjingg diyhh dab liw zuarr quw
juer jit siwlangg huanaxgunn
Sniaw langg duiwtai liw sitlew
jaisanw lanw si snaqab ee
henrsii duiww liw qongw teh teh(?)
hibang ingxuanw qang jit qex
Liw ee vunxjnii laii decc juer
qapp guaw snaqab dycc jit huee
kow liw jnii m tangx kacc je
nacc diyhh camsiongg ee bunrdee
Singliw liw juer ee jikzim
guaw nacc u sniu hiacc cosimx
sriu liw jitt kuanw ee diwimr
unjingg viw haiw iaxkacc cimx
Kaiing bylun ? ee cenn
u ue beh duiww liw damgenn
siy’ cua dngw laii kir Hokqenr
cittyy quiw zit benw sniu’ cenn
Iong liw taiww je pnaiw sngwsiaur
cam’ guaw dngw kir qex kaisiaux
unjingg singx dab berdid liauw
nacc tangx iuqycc qex jit diauu
Ongxhuee cenn qaxx quiw qangx sxid
amwsniu Ikzuu jnia’ diongdit
siylangg jitt kuanw ee singwjid
junqii duxcenx binaxzit
Liw m dngw kir iarr si hyw
u beh qiawue iacc si byy
air iong diyrr ing benw huanlyw
dxiamr-lai iujai liw huadlyc
Narr hur jitt vrangx junn beh dngw
liw jiacc hnua(?) kir Dann Qajngx
qiamxcaiw gunw cur narr si mng
m tangx qongw qaxx lywlyr dngg
Mrbenw qongw guaw decc qrngx qiy
qra sueh vingsingg ee lirtiyy
henro singliw juer siyw siyw
dua jnii tanr langg’ iaxx be diyc
Qongw diyc auqngw qiongrbeh dni
laii jiax jiongqinx u snax nii
siyxkuaw singliw decc vingxvnir
m tangx tee kiw sitlyc jnii
Qongw diyc qiongrbeh lrauu bagsaiw
qrngx qiy mrbenw hro inx jaix
tingwhau dangbuew jiacc knuar mai
dngw kir jit jua jiacqycc laii
Verbuw snisingg kacc tniar qniaw
qnir diyc liw bin e tamwtniax
qra qongw sintew dy’ iongxqnia
ving’anx quewzit mrbenw qniax
Jitt jann jueww liw benw quawir
erhiauw tangx hyw huedab ix
dxiamr-lai hro liw kir juxir
guaw beh laii kir hur junqii
Junqii siqanx u jixding
guaw iarr m qra liw sangwhingg
quax sniu’ gauu tuax byy loring
juanx qongw ngiuhangg inx jitt vingg
Vitcunx beh kir hunr junvangx
Ikzuu dairliw quanw ngiuhangg
dirr jiax vutsii dy’ ngwbang
suliam qowhiongx sirduarlangg
Dirr jiax vutsii dy’ susniu
snaqnix vnuawmii binbang-diongx
huah cid huah veh luan luan ziongw
binbang dngw kir inx qowhioingx
Cniw laii qaqi dirr bincngg
qui’ mii suliam qaur tnix qngx
dirsii guaw jiacc erdid dngw
junw jiauw laii vuex srinx kiamr xmngg
Sniu diyc laurbuw jiacc je huer
kanciuw crua jiacc sir qywguec
jairdid dngw kir lanw hitt der
juer jiauw iarr kiamr sxit tangx vuex
Tauqex hyw cuir qiongrdecc krngr
junjox itkair beh damdngx
zinrhun m qnaw camx ix dngw
kangsux bongrsiongw qui’ ehngx
Lyc too sizit veczirmia
beh jaix jitt jua m tangx qniaa
kaksit sniu diyc tauu e tniar
dirr cur cyr caa iaxkacc ngiaa
Paucex lirkuix lanw laurbyw
binbang jiacc qnir e did diyc
bygii duar jiax decc qrngx qiy
vutzuu tair laii duar banhiyy
Jitt vunw qaur jiax suacc anwlai
sir jib Vitcunx dywdngw laii
lensuar linw jiacc liam knuar mai
snax langg diong gi vuttamjaii
(sir)
Jitt jiap beh jriab derr snax vunw
singw laii qongw kiw Lauu Vitcunx
dngw kir kiw cur amr jingxdunr
qycc laii iuguann hur diyc junn
Vitcunx dngw kir Hokqenr Singw
in’ui Ikzuu ee qadingg
vangr jnii kngr decc hro inx ing
sinx cur qra kiw qapp uansingg
Kiw hyw vnuax zip kir kirqux
qauwui iong ue penr Ikzuu
juann byy tee kiw jitt jann su
qongw inx laurbuw liam qapp srux
Linw bow qiyr guaw qra liw qongw
laurbuw sintew dy’ qenrkongx
cutmngg tanwjnii narr pylong
m tangx ingxqiuw druar uanxhongx
Jit kunr liw laii nng~snax dxangx
liam qaxx decbeh cauwhnirlangg
qyckacc byy ingg dy’ diyhh vangr
longxx byy dngw .kir si m tangx
Hur jitt jua junn qnuaw jiacc qinw
iarr si in’ui linw buxcinx
air beh qnir liw jit xee bin
qinw kir huadlyc tangx kixsinx
Lai’ongw soxhuir diyhh jiacc je
liongrkow singx qiar jit dniux puex
henrjai iarr byy sniaw qihue
narr air dngw kir danw au huee
Lorhuir qra liw cuann ven ven
dngw kir jit jua si dongzenn
nacc diyhh lun kir siong(¿) ee cenn
hur jitt jua junn m tangx cenn
Dngw .kirmrbenw jiacc diognriaur
luxhuir iuqycc kaix jit diauu
qra liw jitt kuanw ee qiauxziauw
snax dxngr iarr benw huanlyw iaux
Langg qongw sewqanx jniginn-dai
guaw iarr tingww iong liw tingww kaix
qinw dngw jit jua kir knuar mai
aurzit sniaw kuanw diyrr e jaix
Tec cud jap hongx ee guanvyw
dngw kir jit jua naxx cittyy
surbu narr si vran cingcyw
dxiamr-lai diyhh liw laii huadlyc
Jap hongx guanvyw duxx go-vah
hur jitt jua unn tangx hueqax
qiamxcaiw be hur qinw kir dah
m tangx vadd xui kir quakax(?)
Air guaw dngw kir qra knuar mai
nng-vah diyrr u qraur tangx kaix
sniu’ je sitlyc jin’ bycaiw
au jua junqii guaw diyrr laii
Qniaa cud ngiuhangg laii qauwui
lyc junn jiksii diyrr beh kuix
sunrhongx gu diyc hyw laujuiw
zip qangx jniurliok beh huequix
Jitt jam tiaudii jiap kacc qinw
bunqur hunx liauw jiacc e jinx
Ikzuu qauwui m qnaw zin
qu cur venr qaxx jiacnirr sinx
Cur-au tamwtniax kacc jimjiog
knuar si sniaw langg sinx qenwdiok
jairr guaw simlai decc liongriog
pacsngr hro langg qow jin’ siok
Kingqiux knuar kir jnia’ cingcyw
qnuaxqinw cud sniax qiyr vyvyy
diongrhux snakor cing jin’ hyw
qnaxx byy zip laii beh kir dyhh
Ongg .Sxi daphok inx simvu
bogquair cing qaxx hitt sinkux
qaudair sinlyy laii kiw cur
derqix qniax tun byy qanghux
Ongg .Sxi knuar qniaw diddit kur
cud sniax dirdecc qiyr Ikzuu
qniaw liw si beh ongw hycur
iuguann lanw dirr jiax kiarqux
Ikzuu hongxhuad m qnaw rinr
qinruaw jiacc jaix inx buxcinx
sniaw langg duar dirr jitt lairbin
cur nacc kiw qaxx sinx sinx sinx
Jiacc u zuarr quw ee dairjir
qnaxx e jiacnirr byy qiwdii
liw qiyr sinlyy dngw laii kiw
siwbin jiauww tauu tun derqix
Dnaxx si urngiaw iacc byngiaw
ix qongx hy juer sniaxmih miaa
qamxx u sniaw langg hro guaw cniar
qongw liauw siy’ cua uat zip tnxiax
Co’ jiacc qauwui ee sijun
qongw ix miaa qiyr Lauu Vitcunx
kiw hyw diyrr qniaa byy tingkunr
beh kir qycc kngr snax-cingx gunn
Byngiaw si guaw ee sinlyy
jnihang iong ix jinjniar dyx
jex cur iarr u jiacc knuawqor
qycjaiww kngr qaxx snax-cingx kox
Jiong’ tauu qaur buew sueh jit pnix
guaw qaur vnuawlo sitlyc jnii
sniu qongxx berdid tangx siy’ qnir
qajair erdid tangx tuanngii
Kingqiaux tniax u krngr inx angx
byy der tangx cue jitt hy langg
unjingg viw snuax iaxkacc dang
dngw laii sniu’ quw si m tangx
Ongg .Sxi simlai vnuar jai’ngiaw
kiw huew caa he lyc kir hniaa
juw quaw cingmuee puer qiamjniaw
hinjunn jiac iuu kacc e qniax
Hinjunn siymuee kacc hahcuir
naxx jiac naxx sueh jingg lirkuix
Kingqiaux kir cuann binrtongxjuiw
crid ciuw huadlyc beh ansuii
Ciuxbin sew hyw vinw buxcinx
hucex siy’ cua beh anbinn
duiww lanw jiacc hyw diyhh qnuaxqinw
bingtenx u junn beh kixsinx
Ikzuu beh kunr diyhh liongrjaw
Kingqiaux dyhhuew giaa jit pax
jre junn binn diyhh kunr kacc vaw
qnialo e jai be pukax
Hucex zip vangg diyrr ansui
sniu diyc jin’ quw byy juewduix
Kingqiaux m qnaw qongw cud cuir
tnix qngx u junn beh lirkuix
Qir did jiacc dyw lyc bincngg
qxex tii liauxau tnix diyrr qngx
qnuaxqinw huadlyc beh juxvng
cuann hro diongrhux tangx cutmngg
Vitcvunx lanw ee dua unzinn
guaw beh huadlyc tangx kixsinx
jiac vaw hucex qnuaw qinw qinw
zip kir vinxqyr inx buxcinx
Buxqniaw camsiongg dirr au vangg
qniaw beh laii kir hur junvangx
ciuxkuann singx tyw kacc unxdangr
tangx hyw hingg lanw ee unlangg
Ciuxkuann naxx sniu beh singx tyw
henhuex simvu e huadlyc
qniaw liw jniaa diyhh kngr ix hyw
m tangx qycjaiww pacsitlyc
Guaw bad qingquer mrbenw qniax
tauqex jin’ hyw diyhh qinw qniaa
sueh hro langkeh linw jai’ngiaw
jitt jam diyhh jiap jiacc hyw tniax
Qauwui junn duxx beh cutkauw
guansi sunrhongx qapp sunrlauu
narr byy encenn jin’ be qaur
ngua sueh lamngiuu inx jitt tauu
Qauwui Ikzuu diyrr kixjunn
qinw laii ngiuhangg qnir Vitcunx
tauqex duiww guaw jin’ byy lun
sriu liw muixx cxur ee dua xunx
Dngw kir kiw cur hro gunw kia
kngr jnii beh hro inx tangx jiac
unjingg byy tangx hen dapsia
ingxuanw diyhh vak kngr liw jiax
Cur qra guaw kiw hiacc qenqor
beh laii qycc kngr snax-cingx kox
byngiaw liw sueh iarr u lo
suacc qongw si guaw ee sinlyy
Jitt kuanw juadduir byy quanhe
liw iarr iuguann si tauqex
tec hro liw knuar kacc siongser
jitt diauu ciuxqinx sniaw langg ee
Liw qongw jitt jann diyrr gorhue
m tangx sniu kiw jaxdongcuex
ciuxqinx qangrkuanw si jin’ je
gunw siur jit vunn boxdanhuex
Bingbingg si liw ee ciuxqunx
boxdanx iuguann siur jit vunn
kac cjaw beh laii ee sijun
diyrr si jitt diauu vaux veggunn
Guaw laii cud qangx liw cud vunw
ingqaix diyhh laii qongqex vunx
kaksit vrng liw ee hok’un
diamwhy jiacc u qaiw Ikcunx
Junw jyr jniahang si guaw ee
iong liw m na jap vxue qex
narr ho’ngg tniax .diyc jiokk pnaixser
juewau mrbenw qycjaiww tee
Liw cud vunxjnii guaw cud qangx
jiacc qaiw Ikcunx ee ngiuhangg
guaw u jiuwjua jinjniar dang
diyhh cunn tenliongg jiacc si langg
Rair diyhh jiauww vunx jiacc u lriw
liw jin’ diongdit jnii m dic
lanw laii qetvair juer hniadi
jitt jann m tangx qycjaiww srii
Juewlangg liw siongrr u tenliongg
sewcud bunai qovutjiongx
liw qex jit huer ruii hniadiongw
diyhsii jiacc beh huee qowhiongx
Cutmngg sniu’ quw si m tangx
liw iaxqycc u sirduarlangg
lanw huee qowhiongx juer vadd hxang
benw tanr kacc jiac iarr be kangx
Dxiamr-lai hxuer cunx jiacnirr je
ho’ngg kiamr itkair iauxx bue tec
siongrr byy(¿) qra lanw pah huewdew
guaw sniu jinjniar landid huee
Huewdew qapp siaur benw cingsuanr
hro inx qiongrdongg kir jiangxquann
m jaix hende liw sniaw kuanw
henrqiamx lanw jiac qamxx e uann
Huewdew ho’ngg kiamr ee jnihang
qaudair diamwuann qapp siauwvangg
narr tanr rair diyhh vunx vnii dang
qesix suar hro linw jingwlangg
Henrqimx kingg beh snax-vah-bxan
qnuaw beh hur junn ee qiqanx
sunrsu qycc juer vaux unw tanr
drao snax dxngr jiac be uilann
Soxu diamwuann qapp huerqer
vailet hongrsangr inx nng xee
kongxkair u liong ee hniade
hro gunw qiongrdongg juer tauqex
Jingwlangg hongrsangr inx nng langg
qniax liauw be hur diyc au vrangx
lyc junn jiksii beh cud qangw
sunrhongx benw qex lydong qangx
Jniurliok siy’ cua huee vunxjngx
qauwui nng langg diyr zibmngg
Kingqiaux knuar diyc diongrhux dngw
cniaw inx sianglangg zip aurdngg
Vitcunx huelew qnir derhu
ix u huaiinx jairr sinkux
siy’ cua aurdngg vair gibuw(¿)
Ongg .Sxi siangciuw qra ix huu
Cur si qyqyx dngw laii kiw
jin’ u qor diyc linw qniaxzii
aurlaii qetvair juer hniadi
Sner Lauu Vitcunx diyrr si ix
Qycc kiw nng qingx sinx cuwtec
Vutcunx iarr suar beh cuarcex
langg vyr jit jua diyrr hyxser
dirr jitt jngx aurqangx cur ee
Nng qingx hiarcur jiacc sinx kiw
beh hur cuarcinx ee hixqii
Dann Lauu longxjongw u sinx hiw
Ikzuu inx bow snix lamzii
Qir did dy’ byy jit bak nih
qnaxx e jiacc qinw snix siangsnix
imjiog qra sngr jiacc qakcniw
Jap guec gua zit bue jit nii
Lingbuw cniaw laii dirr cur-lai
knuar ix decc hauw jiacc e jaix
qapyr-zinbongg jnia’ sitvai
gu diyc juixjaix qapp huexjaix
Cur-lai siyx qaxx byy vnuar hxang
siw qaxx cunx inx nng xee langg
angsair qor vruac m dinxdang
qiauxqingx decc qa’ngg juer iongqangx
Qenr qxingw sniu jxingg decc viquanx
qadingg landid jaiww hogguann
qongw kiw ngua huex sniaxmih kuanw
jo langg jit kax jinjukuann
Taiwtair liw si m tangx krir
qaqi uanwtanr decc siongvix
ciuxkuann qang ngiu muaw muaw si
jin’ quw m si jitt dongsii
Qingquer jiacc quw mrbenw hauw
jueww liw ansimx duar gunw daux
knuiwuac zidjiw jiksii qaur
iaxx u jin’ hyw ee buexsaux
Kingqiaux zip kir vyr inx angx
lingbuw si lanw ee unlangg
canhngg cuwtec dngrr jit hxang
juixhuew lensuar guw nng vrangx
Inx angx miaa qiyr Ngiuu Haixvinx
qiauxqingx dorjiac juer iongzinn
cuiwqag u qir qik hyw zin
taumngg lauu qaxx beh suandinn
Tniax diyc inx angx jiacc sitvai
qnuaxqinw crex langg qiyr ix laii
iauqix sitdngr koxlendai
u xunx diyhh vyr jiacc ingqaix
Haixvinx sinx cur druar diongx qingx
Vitcunx Ikzuu jyxiurvingg
jaisanw vunx juer snax langg ing
uanbuanw quer zit ee qadingg
Snax qingx hiarcur kiw qangrkuanw
Kingqiaux sangr hingg jinjukuann
Vitcunx diongrgi juer mohuan
Haixvinx hucex iarr tuanuann
Diongrgi sojaii hyw miagu
tauu txex siangsnix Dann Ikzuu
Vitcunx liongw lxamm quer jit luw
Haixvinx nng xee tangx tuansuu
Jitt jox venx qaur jiax uijiw
uersaiw jit qxur dy’ m dic
snax langg diongrgi ciuxkuann qir
luerdiongx juer kir jin’ hiqii