gircat Liau Tiamdingx
(id)
Narr e venx quax longxx sensnix
iarr diyhh quwdau kiyh e vnii
quasix hyxpnaiw benw sniu' jnir(jner)
langkeh hibang jiacc dat jnii
Tniax jitt vunw quax jin' hokkir
jex si u quax byy qoxsix
duw diyc binqog derr zi nii
duar Gumuatauu Cinjuixknix
Quamiaa hongsniax taur jin' kuah
je langg air tniax jitt vunw quax
m si jywlangg zuarr okvar
hibang siarhue cud laii pax
Laii qongw Tiamdingx ee qoxdai
u knuar sinqiok dyrr e jaix
kacc jaw byy knuar jin' bycaiw
gunw qinw huanx quax inr .cud .laii
Langg si druar dirr lanw vunxsingw
jinx miaa jniar sner Liau Tiamdingx
qoqniaw verbuw u kacc sing
sittauu m jyr sniu' quer ingg
Jyrr ser Tiamdingx dyrr jin' gauu
duarser ving'iuw jin' air qaux
inx diax sner Liau miaa a'Qauw
druar dirr Daidiongx Gumuatauu
Zidvunw laii jiaxx qaiw Cingjuiw
ix druar cauxde jit jng'uii
Tiamdingx jin' air kir guarui
inx diax dongr m hro lirkuix
Li uaw Cingjuiw byy zuarr hng
qu miaa hy jyr Caur Juixjngx
Diongquanx Liau sner u jniursngr(jiursngr?)
iarr u jyh snuax qapp canhngg
Vutsii singqunn qapp qetdongw
dag'ee huu ix naxx juxqongx
hro ix jidsii jnia' hibong
haixsnuar huexciax bue kaitongx
Iauxx bue katongx haixhnuarsnuar
qniaa qaur Singrhingx brew cidnuax
qaqi beh kir m jiyx pnua
ix duiww siyw lo vnuaa quer snuax
Guanjaw jamrmiaa Jap-lak Hun
Ciajnii dairiog nng kogunn
narr duiw dua lo qniaa kacc qun
siyw lo taur duiww Holodunx
M qnaw tongquer jiongww hniadi
qniax inx verbuw e dniudii
simqnuax sniu beh kir doci
decc danw lorhuir hau siqix
Iongw bew vak dirr jiongquntiau
byy der tec jnii qinw langwliauu
siyxkuaw hro guaw liammix liauw
narr qycc u jnii he be diauu
Sirdua jnitauu vak siw siw
byy tangx qex hro inx qniaxzii
jitt kuanw guaw jin' byy cuwbi
m qniaa byy kacc hyw siqix
Gu diyc Cuar Iongg kir sanwvo
Tiamdingx jiacc qra jiyh snax kox
u jnii dnaxx dyrr qniaa u lo
ciahuir narr u benw sniu' dyx(?)
Dnaxx u lorhuir diyhh qinw qniaa
m qnaw gee kiw qaxx vnuar sniax
tauwjaw jiacc be langg jai'ngiaw
tnivnix haixqag byy der tniax
Knuar beh tnivnix iacc haixqag
m druar dirr cur langg sokvak
quatsimx air kir druar Daivag
ciahuir jit kox quer jit qag
Dnaxx u lorhuir byy iauwqinw
qniax inx laurve kunr jingsinn
sniu' nguar jauw be tangx quewbin
cinwcaiw huadlyc qinw kixsinx
QNiax langg kiw laii beh juw vng
snakor kuanw hyw dyrr cutmngg
lirkuix si beh jauw jin' hng
qnuaxqinw lirkuix Caur Juixjngx
Guaw jin' byy air druar cauxde
hibang Daivag dua cirqex
guaw narr u jriab hyw qihue
jiacc qra laurve ix tongx puex
Narr si qnialo diyhh vreh nxiaw
duarlo jinjniar dy langg qniaa
qniax gu sigsai hro jai'ngiaw
luan qongw surhuix dyrr pnaiw tniax
Dongqimx ee langg qik gauu hranw
liongrkow qniaa duiww taur Dairanx(?)
laii duiww siyw lo cenn kacc ban
singw kauw ciajnii kaix lansanx
Soxhuir u qraur byy huanlyw
en' lo naxx qniaa naxx cittyy
iarr u ciajam kiw be hyw
jap-lak hunx taur samcehyy
Henrmiaa Samgi guann Samcex
danzinn dogbew qodnuax xee
qniax ho'ngg jai'ngiaw ee quanhe
cuir dax byy der tyw tngdee
Qniaa qaxx zidtauu vnuar vox au
byy jit diamw dee tangx jriw auu
danghongx iuqycc kiw jiacc taur
ehngx beh hiyh siongrlangg daux
Lortauu qniaa kir jiacnirr hng
ing'amr druar dyhh hiyh ehngx
qui' zit iauxx bue jiac diyc vng
snuaqanx byy langg decc bre mngc
Byy jiac iaux .diyc langg jin' hix
qaur jiax diyhh jiac cnihanjii
zidtauu jiacc amr m tangx kir
jiax u jit qingx Hokdiksi
Hanjii kacc je jiac e liauw
ursenx jriw qix jiac be iaux
qui' amr be kunr pudput tiaur
byy binn qnialo dongr be diauu
Ehngx jiamrcniaw hiyh jitt dah
be kacc sniu' dangr(?) bongxx hiyckax
hanjii jriw qix dro e vaw
jiac qycc iurr e jriw cuiwdax
Qniax u og juaa diyhh sewzi
ehngx bersux Siongrguanmii
vnuar cniw vnuar kunr bagsasih
tniar diyc hng hng qxex decc tii
banrliw byy hunn muaw tnix cnxix
ehngx kacc hyw guehqngmii
liongriog qnuaxqinw kunr jit cniw(cnew)
binaxjaixkiw unw hyw tnix
Knuar cnxix iuqycc iarr be bingg
jitt jun mjaix quiw diamxjingx
m tangx qycc cenn beh iongxjing
liongrjaw diyhh laii qinw kixdingg
Quiw diamw juanzenn m jai'ngiaw
qxex tii jiauxah decc inwsniax
dangvingg tiachac byy kyxdnia
tanwjaw qnuaxinw qycjaiww qniaa
Qir did qniaa dy' byy zuarr hng
tnix decc tiachac jiamrjiam qngx
qaur Holodunx qinw jiac vng
iaux diyc kaciuw jinjniar sngx
Jiac vaw qycc qniaa byy hiyckunr
guanmiaa jiax si Holodunx
iarr u craw mi juw bixhunw
kacc jaw go nguaw jit qakgunn
Zidvunw Daiuann jiamr kir quanw
jiong' Holodunx qaiw Hongguann
knuar lanw air jiac simxmih kuanw
jejiyw suijai lanw qauquanx
Qauquanx nng nguaw craw bixhunw
jiac liauw bagjiuw e dngxlunn
jit xee sijingx qamxx u junw
duxx jap-zi diamw sxamx-gop hunx
Qniaa cud Hongguann cirdniuu gua
jiac vaw langg dyrr e knuawuac
qniax hur be diyc huexciajua
qinw qaur ciajam singx bexdnuax
E qir qniaa kir byy zuarr hng
jiacc si guanmiaa Haurlixjngx
bexlo jin' dit benw qycc mng
byy langg jaix lanw co' cutmngg
Hiyrliw diamwvox byy zuarr je
cauxde vutviw docirqex
qycc kir jngtauu iauxx kacc ser
laii qaur jitt der Dairanx Kex
Dnaxx diyhh m tangx qycc hiyckunr
iuguann diyhh qniaa kacc jiau'unn
kow m qinw qaur Jap-lak Hun
sinkux byy jnii tangx brew hrunx
Narr byy sniu sen jin' kuair qaur
snax vo ving jyr nng vo jauw
tniax diyc cialee dirdecc hauw
hnuahiw jiax u huexciatauu
jre ciax langkeh qui' piywvangg
qajair e hur huexciavangx
siy' jnex tiacdnuax jngr byy pang
jit jua huexciax taur Qelangg
Qniaa uaw ciadnuax qnuaxqinw tiah
tiah hyw qaixjah vreh jnriu ciax
jre dirr ciasniux derr zi jiah
guanjaw ciax-lai byy bre jiac
Jamrdniuw viyw-aw tec decc duir
cnix huew qimr suah ciax dyrr kuix
jin' kuair laii qaur jiax dyc'ui
vongrkangx jiacc uaw jyr jit dxuix
Qongqingw laii knuar sidjai hyw
liammix qaur jiax Samcehyy
jiax juanx kehlangg byy hylyw
guaw si co' huee jiacc citttyy
Samcex qaiw Samgi lo uanx
siwbin juanx snuax qia qapp quann
jitt der qamxx si Biaulik Quan
tingg ciax hiyh dirr Danglyy Uanx
Lamsir qin vongrkangx sniu' vig
Zidvunw qisux berhiauw cig
qycc lak ciamjam qaur Sindig
qyc ckir tingg ciax si Biaulik
Jre diamw gua jingx qaur Biaulik
soxx quer derhngx guaw byy sik
ciamjam beh laii qongw kacc siyw
Vaksir qycc quer qaur Jyrqiyy
Guanjaw Aurliongg qaiw Vaksir
guarsnuar kaitongx sxamx gua nii
Aurliongg Vaksir quixlyrr lxiw
kinven tangx jre be endii
Jiax juanx knuar haiw decc cutsanw
dyrr si qia dingw qapp Hniusanx
Sindig dua jam je langg danw
Dikvag guanjaw angmngcann
Keclangg juanx dirr jitt hongbin
jabow qingjog jnia' zinrjinx
Okauw Ngiumuii Anvingg Dinr
Vingdinr ngua miaa qaiw Vosimx
Tiamdingx byy air druar canjngx
simqnuax sniu dnia beh cutmngg
Diavag m jaix iauxx zuarr hng
guaw jaix qycc kir qaur Tyhngg
Jitt der hurhuw jiokk qamxqah
jycsid m qnaw beh libkax(?)
iarr u bre cair qapp dnax caa
jitt de siw jam snua'axkax
Ban ciax dagg xui dy' u hiyh
vutviw kuair ciax hiyh kacc jiyw
tniax langg dirdecc herhe diyy
derr id hyxgiac Limm Vanxqiyy
Langg decc huah Daivag qauwui
lyc ciax diyhh qycc vreh lautuix
cutkauw siux dnuax jin' je xui
siy' jnex kreh berdangr cud kuix
Tong' langg qinw qnuaw beh cutkauw
kacc jaw be sed au ciatauu
Daivag guaw jiacc co' laii qaur
Ehngx knuar beh druar si'angw daux
Jit xui ee ciax ee langkeh
qongxx druar Sindig decc kiarqex
qiyr guaw diyhh tniax hro siongser
u ingg jiacc kir inx daux jre
Tniax qongxx ixjingg ee jongrhongw
ongxhog snuawwlo bue kaitongx
sinx kiw iahtauu dy' benw qongw
vongrkangx qokgiw qongw snuadong
Sindig ving'iuw decc jiauqair(?)
ix qongw Daivag jin' jiap laii
kecjanr dagg qingx dy' sigsai
kunwhuir nng qag snax vngrcair
Tniax ix qongw puar byy huanlyw
co' jiacc cutmngg sigsai byy
kecquanw hiyh amr dy' iarr hyw
cutgua m qnaw sniu cittyy
Nng langg naxx qniaa naxx qongxue
hingrhog liw guaw laii qauvuee
erdid hniadi laii jywhuew
qinw laii kecdiamr Vakmngqex
Jywdinx uat zip Vakmngquanw
nng langg qangg hiyh jyr jit huanx
sanwjiuw qag zi brew jit quanr
singx laii siauxqaiw kacc anjuann
E laii jywduix jin' byy gii
Tiamdingx dyrr decc singx mng ix
sursit liw jyww sniaw qanqiw
quiwhuw qauwui decc kiarqix
Cohongg liw longxx m jai'ngiaw
quw dyrr jaix guaw ee jinx miaa
guaw ee jitgiap byy itdnia
u jnii tangx tanr maxsiong qniaa
Surgiap guaw marr byy quatding
siyxdi miaa qiyr Liau Tiamdingx
guaw jin' hanban byy loring
jongw si brang liw kacc kansingg
Liw guaw qangg hiyh jit qingx vangg
singx laii camkyw tangx m tangx
knuar liw vniciuw bak hueh langg
liw qamxx sidjai druar erqangw
Guaw dirr Daidiongx Caur Juixjngx
muapenr verbuw taux cutmngg
jywlangg air diyhh kacc gauu jngr
cunx cunx tec tec dyww sixsngx
Dniux Hur qongw hro Tiamdingx tniax
huwhox be viw guaw kacc ngiaa
langg diyhh jiamjngr kacc urngiaw
byy vunw singliw rair vniawmia
Nng langg decc qongw huathuisingr
Dniux Hur jiyx ix Liau Tiamdingx
knuar liw simqnuax jiacc qending
jiyx liw habhuew laii qing'ingg
Jitt jann guaw si byy huatdo
jiacc laii zinde iarr cnisox
byy jnii jyr nacc u taulo
sinkux jongw kingg byy snax kox
(zi)
Qapp liw viwbit decc sionggi
sinn iarr vutqag qxuiw vutdix
laii jyr benw vunw ee singliw
liw ee huewtauu dng' hahsii
Dagg hxang singliw marr diyhh vunw
jitt jann guaw dyrr sniu be crunx
m si guaw be siyh vunxhun
sinkux m jnriu snax kogunn
Tiamdingx liw jiacc byy vaklai
qongw qaxx hiacc bingg iarr m jaix
jiyx liw unw hyw qamxx u pnaiw
benw vunw laii kir kad(?) onglaii
Onglaii benw vunw tingwhyw kad(?)
jitt kuanw sngr si siyxkuaw cat
u sniu bhe jyr diyhh kacc sad
byy dua zip ciuw jin' m dat
Iong hongcuesnuar cngx dikqongw
snuawtauu qra vak cauxmixqongx
qxex tunw qur auu dyrr e gong
sog diyc be hauw iarr be jongg
Jitt kuanw juanxnarr(?) iamqeqow
jit jiah bre diyc quixlyrr kox
vnuawmii taux siux snaaxkor
guaw si juanbunn juanw jitt dxoo(craa?)
Jyr siyw cat-aw sniaw loring
jitt kuanw guaw jin' byy janwsingg
beh diyhh denw lanw ee vunxlingw
qiaphur-jorvinn jyr hisingx
Tong' langg bad guaw Dniux :a Hur
jiacc laii Daivag Samcirkux
guaw si juanxjiac jinjniar quw
cax byy tiaur cniuu ee qanghux
Guaw e vreh cniuu(?) jnriu cuwdingw
dag'ee bad guaw Liau Tiamdingx
tiaur snax der dyh iaurr bue vingw
jyr hro juansingw kir bunbingg
Anxnix diyhh laii qra guaw draur
langg vyr ven ven u kangtauu
si gunw viauw :ee pah guaw qaur
binaxehngx laii kir taux
Jitt kangx lanw diyhh laii kir juanw
Vangqiyy jit qingx Qangx Hiabguann
jin' u miasniax lau dequanw
binzit laii kir siongrr anjuann
Dehangg tauqex miaa Qangx Gong
duxcenx siw inx dniurlangqongx
binaxerdaur beh anjongr
angbow itding kir Suirhongx
Ciuxdnua narr qacc hiacc gauu dnua
jitt qingx qra tec siongrr hyvnuaa
guaw denw kaciuw hro liw knuar
liw diyhh jaix guaw sniaw simqnuax
Ix dyrr jiacnirr sewliabjiw
kaciuw hiacc hyw dyrr jin' qrii
langg jiacc byy der tangx knuar kiw
knuar ix decc cir jiacc jaiqix
U qongw byy jyr marr ho'ngg ciyr
jyww liw knuar mai byy m driyc
cohuee m quanw je qangrr jiyw
tauwjaw siy' cua qaur Vangqiyy
Laii qaur Vangqiyy ee sijun
duxhyw veh diamw jap-go hunx
singx jiac diamxsimx siyw hiyckunr
jiuxcair duxx jiac sir qakgunn
Jiac suh duxx dann jap diamxjingx
nng langg siy' jiyx dyrr kixdingg
Dniux Hur knuar byy sniaw dongrjing
jiacc qongw Hiabguann dirr jitt qingx
Dniux Hur druar dirr mngkakauw
Tiamdingx qadi zip kir taux
m quanw narr u sniaw langg qaur
mrbenw qra guaw cud hyrtauu
Qra lanw vyr qaxx jiacnirr bingg
benw hro liw danw jap hunjingx
siangkax jit lingr(?) jnriu cuwdingw
jiksii knuar byy Liau Tiamdingx
Jitt hy qanghux sraiw(?) huanlyw
tiaur jnriu cuwdingw suacc knuar byy
lortauu lanw diyhh qor ix hyw
qniaa laii qniaa kir qew cittyy
Kaksit kaciuw be sniu' baiw
knuar si poxtongx ee langjaii
damxliong qyxzenn urngiaw jai
narr byy jywduix qnaxx e jaix
Kixcox decc qongw guaw m sinr
liahjunw si decc qongw hongsinn
knuar ix jitt kuanw ee sewbin
kaciuw liabjiab sinkux kinx
Qexir jiac hrunx naxx decc qniaa
hionghiongg hongxhud diyc jit qniax
knuar qnir jit diauu ee o'ngiaw
tiaur lyc tokax iarr byy sniax
Tiamdingx hionghiongg uaw laii qaur
knuar ix ciuxqud qngw(?) jit vaux
druar jiax juaduir m tangx daur(?)
laii kir huansia ticqiytauu
Dniux Hur decc qra Tiamdingx vyx
jitt kuanw kaciuw sidjai byy
dnaxtauu iuqycc urngiaw hyw
liw jex qanghux qin(?) si'angw yc
Guaw si sewhanr dyrr u len
gunw qongx cutmiaa quntausenx
knuar dyrr jai'ngiaw longxx benw denw
guaw ee amwkir iauxx kacc crenx
Dagg hxang guaw dy' len u diyc
e pah amwkir qimjniviyx
jiacc qnaw zip kir taux ginpiyr
beh knuar qaur jiax si ticqiyy
Laii kir hueliauu(?) sngr kacc hyw
qnuaxqinw larjig diamw hro dyc
jit kunw jit-cingx u jyr hy
duxhyw vnii je benw coxqyw(?)
Jap kox duarpiyr u sir kunn
nng jriw siyxpiyr nng-vah gunn
guaw benw kacc qex jyr nng hxun
sir-cingx nng-vah duxhyw vunx
Sir-cingx nng-vah snax hxun vunx
jit hxun duxhyw cingx-sir gunn
guaw diyhh ingqaix hunx siangx hxun
singx laii jiac jiuw qapp brew hrunx
Si beh qex hunx simxmih ee
Dniux Hur dyrr decc sniu qewbiyy
guaw si qapp liw decc qongxciyr
liw beh qra vunx byy m driyc
Liw decc cittyy qongw diyc srunn(?)
byy jyr vnuar hxang beh qra hxun
qacnarr m bad qnir diyc gunn
narr beh laii kir kecdiamr vunx
M qnaw sniu beh vunx kacc qex
qongxciyr nacc u anxnix ee
guaw ?? jit kunr byy quanhe
jiacc nguar dorjunn qnaxx byy trex
Quer kex byy junn tangx hyw qiyr
guaw qniaa jywtauu quer ticqiyy
Dniux Hur aurbin qngw(?) ginpiyr
u sniu jawsimx(?) ee qewbiyy
Ticqiyy qniaa quer bue jidvnuar
Dniux Hur jaw dyrr sniu simqnuax
m quanw e siw iacc anxjnuaw
beh vyr ix marr qniax qingxqnuax
Ciuw duiww Tiamdingx ee qingqah
qra ciax lyc kir ticqiykax
ginpiyr sir-cingx quer nng-vah
u jnii benw qniawx qycc be vaw
Tiamdingx knuar diyc u o'ngiaw
dnaxtauu jin' jai juann byy qniax
vixqaur vadd langg byy sniwmia
lyc juiw kiarsiuu jyww ix qniaa
Tiamdingx jinjniar hyw kaciuw
kelauu kacc dua marr decc siuu
aurzit jiacc qapp ix kingqiur
juaduir byy vangr ix qanhiux
Guaw si hyxir vyr tanwjnii
si liw qaqi beh tyw siw
miardew dingdaur liw qaqi
imhunn m tangx siy' qaudnii
Si liw singwde sniu' acvar
jiacc diyhh laii siw ticqiyy-kax
dnaxx guaw benw qycc taux qeah
jnii u benw qniax vxag be vaw
Dniux Hur jnii tec jyww ix kir
ngua qongw Tiamdingx iauxx bue siw
sniu diyc viauxqniaw dua siurkir
jingbin u langg decc pax hii
Hijunn qryr uaw beh laii qiur
u langg sunrjuiw decc piauliuu
dyrr mng liw jex sniaw ving'iuw
kejuiw jiacc dua nacc tangx siuu
Tiamdingx juiw-drew u tniax qnir
qnuaxqinw siuu uaw qaur junn-vnix
kelauu jiacc cuah juiw dng' dni
liw si sniwmia cunn m dic
Ving'iuw hyw did gauu jywlangg
guaw hur byy diyc huexciavangx
qniaa quer ticqiyy vuac lyc qangw
lyhuann ving'iuw linw ee qangx
Kacc jaw ciavangx si jin' jiyw
sniu ban jiacc kir hur be diyc
otnix-amwde byy qunxciyr
aurvaiw m tangx qniaa ticqiyy
Guaw marr beh kir hiyh kecquanw
dagg qingx langkeh dy' buanxuann
m qnaw qong wkir uirr sniaw kuanw
juanxue qra qongw kacc anjuann
Ehngx juanx decc liac lomuaa
qui' lo juanx si qingxcatqnuax
guaw tec snakor hro liw ngua
narr hro hiamgii beh anxjnuaw
Qamxsia ving'iuw jnia' hyw ir
dax snxax dyrr be hro hiamgii
narr si hiamgii pah vnuar siw
qamxsia ving'iuw xunx zuu(?) tnix
Huisiongg-diauwjip liac(?) jin' gni
Vangqiyy dehangg ho'ngg cniuw jnii
kacc kow junm-lai kunr jit cniw(cnew)
mrbenw qapp ix qyqyx dnii
Tiamdingx qexir dyrr qra mng
huatsingx kacc jaw iacc ehngx
narr si anxnix m tangx dngw
kacc kow druar jiax dro tnix qngx
Cniuxqiab mrbenw qongw hiacc hax(?)
dngtauu-vehzit qnaxx qrongx qax
qingxcad hingsu qui' Bangxqah
m quanw sniaw langg dy' diaujax
Dngtauu-vehzit jin' qikkangx
cimzip Vangqiyy cniuw dehangg
jitt kuanw liac diyc jue jin' dang
jywsu laii decc lui jingwlangg
Byy lanw ee dai mrbenw qniaw
ving'iuw hy jyr simxmih miaa
lanw byy jywsu mrbenw qniaw
diyhh danw tnix qngx jiacc tangx qniaa
Qimzit si guaw jin' banrhing
siyxdi miaa qiyr Liau Tiamdingx
gunw druar naa-lai puer linggingw
co' laii Daivag beh qing'ingg
Qimmii liw diyhh junn-lai kunr
ue naxx kaqangw naxx jiac hrunx
siyxmiaa sner Ngiuu miaa a'Vunx
mizit juanvo dirr hii-junn
Kiarqex guaw si druar huansia
juanx si juixbin decc tyxliac
junn-drew bixcair cuann dirr(?) jiax
huadlyc laii juw dag'ee jiac
Langg' guaw vakdow iauxx jin' vaw
snakor vnuar damm decbeh dax
guaw laii qra liw jin' qiauxcaw
giaa tauu jit knuar tnix tiachac
Liw diyhh kacc nguar jiacc tangx dngw
tnix jiacc tiachac iauxx bue qngx
sniu' jaw kixqniaa langg e mng
liw qycc m si druar vunxjngx
Sriu diyc hniadiongw gauu tniawtangr
jin' u aiwqor cutguarlangg
xunx viw Taiwsanx iauxx kacc dang
benw qycc juw jaw lydong qangx
Jingdauu-irhap uertauu dngg
jitt quw ixqingx tnix dua qngx
junxvi ngua snxax decbeh dngw
caw liw byy kunr qui' ehngx
Co' huee qauvuee jiacc hyw bin
viw cinhniadi iauxx kacc cinx
liw diyhh siyxsimx kacc iauwqinw
m tangx hro langg knuar lanw kinx
Sriu diyc duarhniax jin' qowair
qycc nng~snax qangx guaw dyrr laii
jywduix m si qongw jitt vaiw
sniaw kuanw aurzit liw dyrr jaix
Siyxdi simqnuax si jin' dit(?)
co' huee m qnaw sueh jiauwsit
suacc(?) si hniadi itliab'id
brang liw qra guaw siuw viwbit
Benw qongw guaw iarr e jai'ngiaw
zidtauu jiacc nguaw dnaxx qinw qniaa
qaqi air kacc juxsimdnia
druar jiax sniu' quw e hongsniax
Jywduix jit amr naxx hniadi
jiacc nguar m tangx qycc endii
guaw u qinxqip ee dairjir
dirr jiax beh qapp liw siy' srii
Ix ee viwbit benw qycc qongw
jit jam jit jam kiyh kacc tongx
suar lyc beh taux Duarlongrvong
kir brew snakor laii venwjongx
Qui' qrex hingsu qniaa byy hiyh
dyrr si Tiamdingx taux Vangqiyy
jiksii hongsniax herhe diyy
huisiongg diauwjip liac be diyc
Zidvunw tamwjingx jnia' vngrtangw
jiksii sojax liac byy langg
henrjai decc dniux qingxqaiwbang
zim liw sen' jauw dy' byy pxang
Vixqaur henrjai e hingqingw
singr quer Zidvunw ee tamwjingx
qingxqair diaujax sinhunrjingr
juwir beh liac Liau Tiamdingx
Singx laii qongw kir Dniux aw Hur
ginpiyr vak dirr ix sinkux
qaixmiaa nguarsnir kacc unxju
jawsimx byy siyh ix binrjuw
(snax)
Dniux Hur baimiaa kir unxsnir
qniax gu diyc ix Liau Tiamdingx
ixau jnuaxngiu laii vywingr
cniaw knuar qaur buew dyrr hunbingg
Tiamdingx naxx qniaa naxx uanwhun
iarr byy lauu qaxx jit kogunn
zinjingg juann byy qra guaw jrunn
knuawuac qauwsii qankow tunx
Jiamrcniaw hro ix knuiwuac iong
sii qaur jiacc laii qapp ix kingg
m sinr ix u zuarr vunxdingw
jit sxix guaw dy' byy liongrjingg
Jnitauu qngw(kuanw?) lehh jyww ix qniaa
guaw iarr byy air qongw cud sniax
pah cauw qniax juaa e jai'ngiaw
laii qaur jiax si Duardiurdniaa
Tniax qongxx Daivag Duarlongrvong
jit xui Ongg .Sner dua huwongx
narr sniu beh tec kacc dua dongr
diyhh brew snakor laii venwjongx
Nng kox gua gunn brew duxhyw
jangvaii brew laii draur huadlyc
langg m jaix ix Keh Hylyw
qaixjongx langg knuar si kecvyy
Venwjongx qoxzenn kacvyy-pair
tong' langg laii knuar marr m jaix
kec'ue e qongw jiacc lirhai
penr langg inx dirr Longtamm laii
Jrngx viw Kecvyy iauxx kacc suiw
snisingg qutqer be sniu' vuii
jniasit hor cue kir dyc'ui
Ongg .Sner inx bow miaa a'Mui(a'Bui/a'Buix)
Tiamdingx qnaxx e jiaccjaix kangx
a'Bi jin' air cniar Keclangg
tamwtniax jai'ngiaw pnirbagpang
qu :ee harluw srii snax qangx
A'Mui inx angx Ongg Jinwqiongx
hucex hro langg hyw camsiongg
air cniaw Keclangg kacc coiongw
kangkuer e jyr kacc jinrdiongx
Jit zit duxhyw vnuawvox au
Tiamdingx venwjongx laii inx daux
qongw ix jre ciax duxx jiacc qaur
iuqycc vauhok ngiaw jit vaux
Mng linw jit xee a'Ingx Mue
qongw druar linw jiax jin' je guec
gunw si nng xee druar qangg der
qongw linw beh cniar langg juw muee
Jinwqiongx knuar diyc jnia' suackuir(?)
langjaii bersux inx a'Mui
kecvyrr qnaxx e jiacnirr suiw
a'Ingx camx ix druar jywduix
Tiamdingx qew qaxx jnia' sewzi
Jinwqiongx juanzenn byy hiamgii
a'Mui iauxqycc kacc hnuahiw
qra(?) cniar surbu qaudair ix
Knuar inx angbow decc jiac jiuw
Veh-guec jap-go jyr Diongciux
jiuxjuir iacc kacc hyw cutciuw
narr tec quewbin jiacc laii ciux(?)
Knuar inx angbow jiac jin' juir
Tiamdingx cngduu qra taux kuix
dew cingr qimkir kngr qangg xui
ginpiyr iarr he jyr jidduix
Henrqimx qra dre cangr dirr srinx
suacc siaw zirdiauu u jit dniux
m si a'Ingx anxjnuaxngiu
byngiaw qapp guaw druar qangg hniux(?)
Taux liw henrqimx qapp dew cingr
jinx miaa jniar sner Liau Tiamdingx
liw dy' kacc u jiyh guaw ing
m tangx qnuatniax kir sniabingg
Liw narr beh kir vyr qnuatniax
sunzenn a'Ingx m jai'ngiaw
uanongw beh hro liw byy mia
zirdiauu kngr lehh jyww ix qniaa
Henrginn dairiog sir~go-vah
ciuxkuann tautec ix snax kax
dew cingr zip jiw tangx hyw pah
qui' mii byy kunr cuir jin' dax
Tiamdingx siangx kax jid'err dongr
jiksii tiaur cud cniu'uimngg
qnuaxqinw jauw kir byy zuarr hng
tingkx singx jiac todaurtngx
Todaurzintngx paur syr vniaw
tauwjaw byy suax(?) langg decc qniaa
laurjig sintew jnia' iongxqnia
jiacnirr dua dnar dnax e ngiaa
Huangingg dngsiu lak-jap-zi
kyxsiyh pnaiw mia byy qniaxzii
knuar liw jyr jitt siyw singliw
amwtauu bre qaxx bauruw(?craa)-sii
Je huer iauxqycc be hunrdun
todau jiacc nua jin' gauu qrunn
tec quaw jorjan ix jyr vunw
koxlinn laurjig byy qniaxsunx
Amwsii juadduir m tangx bre
lanw langg je huer bagjiux huex
narr beh druar jitt hang-aw-drew
duarqex kir bre jiacc u je
Vadd hxang iuqycc kiamr juvunw
todau dy' decc(?) qaqi qrunn
amwtauu cud laii qaur jitt jun
iauxx bue bre qnaxx(?) go qakgunn
Tniax diyc ter ix decc qankow
huewtauu iuqycc jiacnirr dyx(?)
Tiamdingx jinjniar u liongrvo
qinw tec zic kox hro jiamrr dro
Ginpiyr lanw diyhh he ix hyw
banrid sitlyc dyrr hueqyx
bre siyw iarr diyhh kacc jaw dyw
sniu' quer lydong mia e byy
Guaw si knuar liw jiacnirr lau
dro e quewzit sngr jin' gauu
m tangx mii bre qapp ziddaur
lydong quewtauu langg kuair jaux
Liw u kyxlenn guaw pnaiw mia
unlangg hy jyr sniaw duarmiaa
aurzit mrjiacc ejai'ngiaw
tangx sueh gunw lau kanciuw tniax
Siyxlangg miaa qiyr Liau Tiamdingx
liw diyhh nguarkuanw kir qing'ingg
singliw narr jyr u quatding
byy vunw guaw e qycc janwsingg
Vaiwtog hnirkangx jimjiog tniax
u langg qapp guaw hy qangg mia
benw qycc zuarr quw dyrr jai'ngiaw
ue qongw liauxau jyww ix qniaa
Tiamdingx qongw uann kir liauxau
qigqex si qaur Duarqiytauu
qelo tamwjingx herhe hauw
Jinwqiongx jamii diyhcadtaux
Cat-aw qongxx si Liau Tiamdingx
qew jyr Kecvyy qycc jin' singg
taux ix qimkir qapp dew cingr
qui' Duarlongrvong juanx tamwjingx
Tamwjingx sunjax qniww langg mng
Duarlongrvongx qrex luan luan cngx(?)
jiacc jaw juadduir jauw byy hng
cat kir iuqycc byy kuix mngg
Jinwqiongx kir vyr tamwjingx jaix
Vngrqongx Dikha longxx jiauu laii
dirdecc limqiamw knuar soxjai
cat-aw jinjinx jiongrguanjaii
Cur-lai derdiamw tangx knuar liauw
mngho byy kuix cnuar(?) diauu diauu
kaciuw jin' hyw cniuu e tiaur
ciuxziah kahunn byy hausiauu
Qew jyr Kecvyy jnia' cincniu
kunr qaur vnuawmii kuix cngsiux
snax kax ciuxkuann cid~veh niuw
beh kir zirdiauu lauu jit dniux
Go-vah gua kox ee henrkuanw
iarr u ciuxjiw qimciuxkuann
qniadac qongxue jnia' dairduan
langg si go ciyh id~zi quann
Snisingg poxtongx ee sintew
binrbah iarr byy qaxx zuarr vec
vinwvnix jit liap hilanceh
dairiog knuar u zic gua huer
Cue byy jit ap ee cingwjiw
iarr taux kir dew cingr jit qix
beh kir lauu qaxx jit dniux zri
sner Liau Tiamdingx miaa si ix
Zidvunw sidai brew dew cingr
air diyc qnuatniax singx jingwbingg
jurr brew iauxqycc m bad ing
it'id vywqyr hro tamwjingx
Diaujax qingquer ee jongrhongw
digbu Dikha qapp Huanrqongx
qiyr laii huergi hingsu qongw
sner Liw digbu miaa Ingxhongx
Huanrqongx vniar laii qingxburkyr
hingsu vordniuw si Samvox(?)
tniax diyc jiacc qiongg dua ciapdy
tamwjingx hunx jyr snax~sir jox
Suhuad herdniuw(?) si Anbuw
juann ci lenlok jin' qanghux
hunqiok cutsow jiongww digbu
hiamgii rair diyhh ciaux sinkux
Qingxcatsuw jaiww huad bingrling
beh liac ciapdy Liau Tiamdingx
henrjai sinkux u dew cingr
Anbuw qaudair diyhh tejingg
Dingw zit Vangqiyy taux dehangg
qaur jiax jingcax byy quiw qangx
diaujax longxx byy pnirbagpang
pacsngr guann si jitt xee langg
Digbu hunx jyr snax vorhun
dngwdiamr dagg qingx dy' kir srunn
Bangxqah Qim'iaw(?) Limm Qimxjunr
vordniuw cinsinx iarr cutkunn
Bangxqah jixhunx si Qim'iaw
kacc jaw byy sniaw jurjuanxciax
jaxamr venwjongx siwqer piah
hingsu zinrjinx decbeh liac
Hingsu craa byy sniaw dongrjing
ngua laii qongw kiw Liau Tiamdingx
go-vah gua kox jin' gauu ing
iarr u jo langg jyr hisingx
Jit xee dionglenn laii siw bow
guaw kir jan ix nng-vah kox
uanjo jit xui nng-vah-go
lak-jap gua huer jiac sinlyy
Zi-jap-qauw huer siw kanciuw
inx cur druar dirr Huesniujiux
snax xee qniaxzii iaxx jin' iur
miaa si hyr jyr Lauu Qeqiuu
Guaw kiokk qapp ix byy siy' bad
siw bow berdid tong' srinx bat
jit xee tiauwqangw beh jursad
jyr jitt nng jann jin' qewdat
Jitt xee miaa qiyr Disaiw Qangx
siauquir crew ix qiar ginhangg
jnii laii sitlyc beh tiauwqangw
tauqex qycc si Zidvunxlangg
Tec jnii jan ix qangw benw tiaur
inx druar Qelangg Janx aw Liauu
henrqimx itkair iong liauw liauw
byy jnii ciuxkuann kngr be diauu
Ciuxkuann narr beh laii kir dui
tamwjingx jaix diyc(?) e laii uii
jiax u dngwdiamr dirr jitt xui
liongrvid diamwmngg duxx jiacc kuix
Duxx zimm ciuxkuann decbeh dngr
nng xee hionghiongg dac zip mngg
uaw laii qa ix tuax decc mng
si beh laii dngr sniaw hxang mngc
Knuar inx nng langg he uilingg
liongrvid qingxcad qapp tamwjingx
guaw qycc sinkux u dew cingr
ciaux diyc juadduir byy liongrjingg
Ix vyr sner Dingx miaa Tiamho
druar jiax quer qangw Snadingvox
dihdic-duhduc qongw byy lo
liac ix sinkux qra luan mox
Tiamdingx iong ue qra ix penr
snax-jap-lak qex jauw uisenx
naxx ciaux sinkux dyrr vutven
hingsu hro lanw be qexsenx
Tiaur cud dngwdiamr mngkakauw
jit kunr jauw qaxx byy uat tauu
bidjingx baihok decc tingwhau
hunx jyr siwbin jing'au vaux
Qok'ingx jiacc decc qongw Huanrqongx
juanvo si lanw sniu' hiongqongg
bingbingg Tiamdingx ee hingjong
sinkux jiacc liac lanw kacc bongx
Bingbingg Tiamdingx byy sewzi
qnir diyc lanw bin dyrr cigii
ixau rair diyc kacc juxir
ix u dew cingr dua dniudii
Tiamdingx kaksit urngiaw gauu
tamwjingx byy der tangx kir vaux
dyr pax dngw laii Vakmngg-kauw
brew snxax laii ngua suar tiwtauu
Dairjir kaksit jin' hyw ciyr
Tiamdingx sidjai hyw qewbiyy
qycc kir hro linw sngr be diyc
qew jyr kiauqux decc pacjiyc
Jimjiog qra tniax jiacc be ??
ix kir tiwtauu ngua sinx snxax
Tiamdingx kaksig jin' u dnaw
cadje qaivai jur jerqnax
Tiwtauu decbeh ngua sincing
langg qongr denrue hro tamwjingx
Tiamdingx snxax ngua vehvac'ingw
dirr Vakmngg-kauw tiwtauqingx
Qok'ingx dyrr kir jiyx Huanrqongx
jitt huee m tangx hiacc cniqongg
langg qiyr denrue laii decc qongw
?? lanw beh kir diyhh venwjongx
Qacc decc tiwtauu siamw byy pang
Huanrqongx qew jyr Daiuanlangg
siubin herciuw(?) kacc unxdangr
danxhau ix diyhh kaux hnirkangx
Huanrqongx qew sngwmia vokquar
Qok'ingx pue'ee ngua cenxtuax
qew beh siubin lip kacc uaw
m tangx pah cauw kir qniax juaa
Venwjongx hyxser qnuaw qinw qinw
qauwui taux knuar sutsit jinx
taujangx tir hyw decc siubin
Qok'ingx hingsu dac uaw srinx
(sir)
Tiamdingx dirdecc siux cuiwciux
hongxhud jiqanx vutjuriuu
hingsu jit langg lrak jit ciuw
Huanrqongx syh-aw zimm jit qiuu
Ciuw lrak ciyr ciyr jiacc cud sniax
benw vak qamguan qapp linw qniaa
jex si siyw siyw ee anwqnia
narr e sixhingg marr byy qniax
Huanrqongx syh-aw tec jit diauu
Qok'ingx sinkux jiacc qra ciaux
jitt qix dew cingr kacc diongriaur
vak qaxx cincniu linghediaux
Hyw dnaw sinkux jah dew cingr
Vanqiyy liw kir taux bingg bingg
suhuad juxzim u bingrling
qiyr guaw byy vak duanwvutlingg
Narr qaxx hii lyc linw ee kah
mia-diongx duar laii byy jingcax
knuar si air jenx iacc air caw
qex qongw si decc caw cuiwdax
Diyhh qra vak hro kacc qenqor
jyr cat qycc qnaw qew jabow
jiksii kanx dngw qingxburkyr
singx mng jiacc beh qnir Samvox(?)
Qauwui hingsu suisii mng
Tiamdingx vyr diyc Haixhongjngx
caur juiw qycc kir byy zuarr hng
suii buw jaiww qer zip langg mngg
Vunxqix caur juiw jniar jursow
juewqin ngua druar haixhongvox
snive jaw jaw dyrr bongqor
cri guu ngua jiac hanjikox
A'Qiuw si guaw cinsnive
Liau Cur jriw cunx guaw jit xee
cri guu jinjniar byy qangqer
buxqniaw jiacc kir zip langg qrex
In'ui qrex-lai jin' sanwhiongx
snibuw jiacc qycc qer Cuar Iongg
jngkax guaw jin' byy iwhiongr
dingw guec jiacc qaur Daivag diongx(?)
Vanqiyy iarr si guaw Tiamdingx
qnaw jyr qnaw dngx benw linw hringg
jnii hro Dniux Hur kuanw(?) kir ing
juann si sidjai ee kauxkingx
Guaw hro Dniux Hur kuanw jitt dongr
hitt sii guaw langg hiamw kiw gong
jnii byy jiacc taux Duarlongrvong
qaur jiax jongw zin qamxx u hrongg
Sidjai kauxkingx qra liw zin
qnaw jyr guaw byy hiacc siauxzinn
jiauwliw vywqyr byy iauwqinw
huatngi dingrjue u kacc kinx
Siurhingg guaw dyrr u qakcniw
suhuad kuliuu ding cid mii
anwqnia mng uann sangr huat'ngi
quax diyhh kacc jiap jiacc be dnii
Tiamdingx siurhingg jin' iongxqamw
co' huan huatngi ding jit dxangx
jiksii jiauwhue kir erqangw
tongdix Tiamdingx ee cinlangg
Jiauwhue Cingjuiw denrue diongx
cutsow tongdix ix Cuar Iongg
Tiamdingx jyr cat simqnuax hiongg
kir taux Daivag Ongg Jinwqiongx
Linw qniaw jyr cat jnia' duardnaw
dingrjue Daivad decc qiuqnax(?)
si guaw Cuar Iongg jinglangqnaw(qniaw)
dingw guec cutmngg bue hueqax
Tiamdingx dingrjue qaur qihan
qauw diamw guaw jingx decbeh vangr
hingsu qnagak laii decc danw
jitt xee digbu guann sner Janx
Qnir diyc Tiamdingx jit xee bin
?? ix rair diyhh kacc zinrjinx
cinwcaiw singliw bongxx kir lin(?)
qim'au diyhh qaixkir-jursinx
Guaw marr sniu beh jyr singliw
jitt kuanw taulo byy liauw sii
sniu beh jywlangg laii jiwkir
byy vunw jinjniar yh icii
Qok'ingx langg jin' u zindy
kngr ix Tiamdingx diyhh jniawdoo
narr u sniu beh jyr taulo
jo liw jyr vunw zi-jap kox
U sniu qaixqyr ee qinvunw
jaxamr guaw beh qra liw srunn
diyhh sniu huexqyr kacc zinrhun
m tangx qetdongw qycc singqunn
Jan guaw jiacc je ee jnihang
jin' u knuawqor sanwhionglangg
qapp ix siy' srii dyrr langwqangw
tangx qinw laii kir sniu lingrr(vadd?) kangx
Jit kunr uanjo lanw jiacc je
sniu beh laii kir Dairiuw Qrex
singliw diyhh laii qapp langg juer
m sniu qycjaiww qa'ngg tautec
Qaur jiax dyrr si Ihyy Hang
qauxsaiw cur-lai(?) langg kangx kangx
siyxkuaw singliw bongxx laii lrang
kir brew jit der angg vnuaa vangx
Vnuavangx brew laii vaii quexjiw
jiamrdo quewzit cniaw uicii
vutsii liw hniax qapp guaw di
Toqad(?) huangingg junqingr ix
Dann :a jabow Toqad viah
narr byy vuahqiauw jiuw dyrr jiac
Tiamdingx qig qaxx naxx a'siar
cutmngg juanx jre zinligciax
Cutmngg juanx si cing dngg bxang
godongg caqiac tuax jit siangx
vutsii longxx dirr Ihyy Hang
qig qaxx cincniu Zidvunxlangg
Juanx cing Hyhok naxx Zidvunw
vutsii singg dongw qapp qed qrunn
kaix vruac narr beh u huncunr
sux qaxx sinkux dngrr id bunn
Kaix vuac bruw qaxx dngrr jit ngii
bagjiux decc cud huexqimcnix
Tiamdingx ciuxtauu urngiaw gni
vyr ix beh tanr jit dongr jnii
Dinbiw jit xee tauqeqniaw
kir ho'ngg huah qaxx duarser sniax
nng-vah-go kox decbeh cniar
narr si qnaw kir vaux cutmiaa
A'Benw duarsig ee gerdnuar
laurcangx miaa qiyr Hni :a Quanx
narr qacc beh kir si cunnua
diyhh caw gerdnuar jiacc u vnuaa
Vaiwtog liw qra guaw jiyqair
nng-vah-go kox jiacc qongkaix
singliw byy jyr si cunhai
siax siw kacc ngiaa kir hro taii
Nng-vah-go kox dirr jitt xui
narr beh jiuxcair qiyr laii ??
jyww liw limx ix juir juir juir
dua sniax qra qiyr mngg dyrr kuix
Toqad dyrr kir qiyr jiuxcair
langg si byy jnii jyr did laii
m sinr a'Benw zuarr qiksaiw
jiac suah jiacc qra ix naurdaii
Dag'ee jiuxcair jiac liauxau
Tiamdingx dyrr laii a'Benw daux
linw benw zip kir dxiamr guarkauw
m qniax ix kyr sniaw sewtauu
Tiamdingx syy zip inx lairbin
jiuxjuir qniaa diyc denx qapp pinn
a'Benw vangmngg kuix qinw qiwn
huew dyrr cuann dyc decc suar tinn
A'Benw knuar diyc sinx langkeh
byy langg jywdin ?? jit xee
jinjniar sing'ir qapp hyxlew
qnuaxqinw dyrr cniaw ix ee dee
Tiamdingx knuar ix pangg dee qaur
qew jrih byy diauu hro qalauc
jiksii bin luac kuckuh sraur
hnirsaiw siangvingg long qra kaux(?)
Cuiwpuew hro sraiw jid'err tniar
aix ve qiyr buw huah dua sniax
taii tauu jaw siw caur dexmia
qnaw pah rair diyhh dnax su'ngiaa
A'Benw pnaiw cuir jid'err ??
vangqingx longr qaxx rngiuu qeqee
guaw qnaw senr liw ee cuiwpuew
m quanw kechniax zuarr dua xee
Dyh-dingw qoxmic qapp sijingx
qui' qingx cincniu decc dulingg
knuar liw sewtauu zuarr hyw ing
jiacc laii cue guaw Liau Tiamdingx
Tiamdingx hnirkangx jinjniar lrai
tniax diyc snia'imx jiksii jaix
bagbuew qra ix taux knuar mai
m si vadd langg huextnuar Lii
Huextnuar Laii :a dirdecc vaux
jiacc u jitt kuanw ee kuiwtauu
Koxcuanx duer dirr kacngx au
siy' cua jiac jiuw laii inx daux
Huextnuar Laii :a jyr taujingg
Koxcuanx decc vak Liau Tiamdingx
iarr byy qaixqyr pupuu cingr
qnaw qycc laii nau gerdnuawqingx
Langg qongw qiauxqingx cionghurvangg
linw laii gunw qamxx diyhh m tangx
qaur jiax sinhun vnivnii dang
qamxx u hanrdnia simxmih langg
No diyc Qoxcuanx qingxvovow
Ma Liau Tiamdingx cingqokloo
cud laii byy sniu beh qaixqyr
iuguann si beh jyr huixdoo
Jitt jann byy liw ee qangai
qamxx u qingw langg jiacc tangx laii
Qoxcuanx knuar ix jiacc qiksaiw
cutciuw dyrr beh qra ix sraix
Qoxcuanx jin' krir beh qra senr
Tiamdingx kixkax dac jit penx
simqnuax sniu beh qra ix denw
cutciuw hro guaw qnrua jidvenx(?)
Ziudy quad(?) ix berdid dyw
jinjniar qenwsiaur texben byy
Tiamdingx kax qinw ciuw iurr hyw
qiyr ix ziudy diyhh qycc yc
Nng langg druar decc bruw jit kunr
Tiamdingx jinjinx hyw qauqunn
Qoxcuanx ehngx dua sivunw
qew qongw qimmii diyc ix srunn
Tiamdingx byy air qycc cutciuw
lanw u binrjuw dnaxx diyhh liux
ehngx u jiac damrvyc jiuw
narr laii langg je byy juriuu
Ngua qongw Qoxcuanx qingxvorvow
dyrr laii hiycsiar jiyx Sampow(?)
jywdin laii jiax qingxburkyr
hingsu hunx jyr jiacc je jox
Jitt diauu anwqnia dua jiww qib
jiksii huisiongg qinw diauwjip
narr byy qnuaxqinw yh kir zib
beh tec ciapdy qycc ????
Diyrqangx Sniaa-lai taur Bangxqah
huisiongg diauwjib beh syjaux
Huanrqangx Siongvunw qapp Dikha
luxquanw dagg qingx dy' kir craa
Hingsu digbu qui' qrex-dingw
ngua qongw jitt vingg Liau Tiamdingx
sniu diyc byy jnii tangx hyw ing
beh laii iauqiuu Qox Henxingg
Vunxqude si druar Logqangw
iuqycc vnivii diongvorlangg
qra jiyh damrvyc qnaw e tangx
dikkag e qra guaw vangbangg
Tiamdingx qnuaw qaxx cnix ginwginr
qauwui cue byy Qox Dairzinn
Duarhyy ??? dirr lairbin
duiww ix mng kir jiokk cnijinx
Jiyh quiw vah kox singx laii ing
guaw ee sniwmia Liau Tiamdingx
??? qexir unw ix kingw
taux qongr denrue hro tamwjingx
Tiamdingx jaix ix qongr denrue
dyrjyux(?) qimkor qaqi tec
jit qix dexcingr dirr lairdew
ban jauw tamwjingx laii qex suex
Viauxqniaw liw qnaw anxnix juer
guaw si dair diyc linw tauqex
jitt qix dexcingr si qurtew
nng-vah koginn qra byy tec
Dairhyy ?? caur viauxqniaw
qnaw qongr denrue hro qnuatniax
byy air siusib liw qauxmia
dexcingr jiyh guaw beh kixqniaa
Anwqnia qnuatniax tec jin' gni
venwjongx jiacc kir Gorqoxknix
ix ee kangtauu qikk gauu vnir
qycc cue Qoksiar beh jiyh jnii
Byy air qongw langg ee jinx miaa
guanjaw Daiuann derr id sniax
zirimx laii iyh marr jai'ngiaw
sunw langg miagu guaw jin' qniax
Hingsu tec byy m siusog
Tiamdingx m guan hro jewhok
dirdecc qra ma Dairhyy ??
simqnuax byy langg liw ee dok
Qnaw qongr denrue kir taux vyr
ingqaix mia diyhh hro liw byy
si linw tauqex langg jin' hyw
byy liw u tangx duar Dairhyy
Tec liw nng-vah qapp dexcingr
liw jiaxx tongdix Qyx Henxingg
dexcingr jiamrcniaw jiyh guaw ing
jiyh jnii aurzit sangr laii hingg
Hingsu narr laii jiax vywqyr
hro liw qycc u dua qonglyy
guaw iarr byy duiww vadd diauu lo
dorjunn quewkir Snadingvox
Kacc jaw snax jnii jair quer qangw
byy air druar hiax qex cenn qangx
denrue jin' qinw suar hongwsangr
hingsu laii jiax Duarhyy Hangg
Duarhyy ?? dyrr vywqyr
Tiamdingx jin' qiongg ee huixdoo
zip mngg qaqi kuix qimkor
henrginn tec kir nng-vah kox
Qycc giaa jit qix qu dexcingr
ix qongw sniwmia Liau Tiamdingx
qnaw vyr soxjai jiokk vunxlingw
it'id jiacc qnaw sueh jiacc bingg
(go)
Dairhyy ?? qniax lenlui
cuivig tamwjingx diyhh qinw duix
guaw sniu juadduir jauw byy xui
qigqex si qaur Dua Dik'uii
Anxnix dingrquix jauw byy hng
byy kir Dik'uii si Sinjngx
en' lo hiamgii dag'ee mng
qniax kir siamw diyc qamjiawhngg
Kamwdingw decc kiw Qoxongbiy
Tiamdingx jin' gauu sniu qewbyy
Jiyhsaix kir decc vangr saixziy
ix jiacc venwjongx qew pacjiyc
Zidvunw-aw-snxax byy air cing
ing kangx-sniaa-qer ter Guirvingx
lamvo lec-aw dir jitt dingw
qew jyr pacjiyc singg singg singg
Venwjongx pacjiyc ee saihu
kaciuw ingx qaxx juanx jiyhhux
taukag kix kix enx naxx bu
vajiah(?) ?? snxax qew kiauqux
Tiamdingx jiyhtauu itdit pah
hingsu uaw laii decc diaujax
jit xee cinglenn hyw cingrcah
qamxx u laii druar jiax hiyckax
Tamwjingx uaw laii cnix ginwginr
duxx duiww mng diyc ix vunxsinx
simxmih dairjir hiacc iauwqinw
gunw qor pacjiyc knuar byy jinx
Langg vyr jauw duiww jitt diauu lo
itding jauw duiww Snadingvox
u knuar qinw vyr paiwcutsow
jitt xee qingxbang dua huixdoo
Damxliong qnaxx jiacc hiacnirr hyw
cingtenx vehzit cniuw Duarhyy
jai'ngiaw guaw e qinw kir vyr
qniax duiww vadd xui jitt qag byy
Pacjiyc kacc byy jimjiog knuar
narr jaix jiacc kir vyr qingxqnuax
tamwjingx dyrr jiax hunx siwsnuar
Tiamdingx dnaw jai ue gauu nuaa
Cadje iauxx bue juwqaix vai
tamwjingx duiwbin knuar m jaix
sidjai hingrun hyw qajair
langg qongw cadqer-jiongrguanjaii
Jinx ee saihu suacc air ciyr
nacc u langg decc ter pacjiyc
duw diyc digbu herhe diyy
decc syy sniaw langg tec byy diyc
Jit xee huixdoo dua dairjir
qnuatniax qingxbang beh liac ix
hiongsiuw Tiamdingx guaw dyrr si
qimsenn-tuatkag jiacc byy gii
Narr byy qimsenn tuatkag-qer
jitt jun guaw dirr qingxcatgee
qnuaxqinw ginpiyr zimm jit vew
dapsia saihu tangx jiac dee
Hro pacjiyhsaix jin' dysia
siyxkuaw hro liw brew sniaw jiac
m tangx encee druar jitt ziah
qiamxcaiw iuqycc beh laii liac
Jin' jiyw jitt kuanw jiacc kongxkair
siux liw ee jnii jin' tamjaii
druar jiax hiyckax byy qangai
pacsngr tamwjingx be qycc laii
M tangx lauu guaw diamr jitt xui
hiyrhue-iuxqii jiacc jywduix
encenn liw e guaw lenlui
dyrr jiax beh qapp liw lirkuix
Tiamdingx lirkuix kir vadd dah
ginpiyr sangr guaw jiacc dua tac
jitt jam pacjiyc cniaw anwha
digbu qehang kir bidjax
Tiamdingx kaksit jin' m qniax
qycc pax dngw laii Duardiurdniaa
decc mng Toqad jiacc jai'ngiaw
Qoksiar jnii u kyr qnuatniax
Byy jnii ciuxqud duw diyc viah
qnuatniax zinrjinx decbeh liac
anxnix laii kir cue Qoksiar
Lauxjaw tniax qongxx ix hyxgiac
Toqad liw singx jauw jit jua
Qongw guaw jaix ix jin' knuawuac
qra qongw damrvyc laii jiyh guaw
narr byy qongw guaw bin qnaw luac
Toqad liw kir jiacc e junw
qongw ix hyw un jni' dng' cunx
qiamwing qra jiyh snax-vah gunn
qiyr ix m tangx sniu' qesunx
Liw qra qongw guaw ee miazi
diyhh snax-vah kox siyw m dic
narr si tesii byy sing'ir
sii qaur hiyrhuew dyrr kacc dii
Mrbenw huanlyw guaw jai'ngiaw
dingrquix tee kiw liw ee miaa
Qoksiar ding qaxx naxx ticvniaw
qongw liw qingquer ix diyhqniax
Toqad qig kir jin' petsangr
dyrr laii Qoksiar inx samhangg
cutmiaa qesunx qapp pnirdangr(?)
qauwui duxcenx gu vunxlangg
Qoksiar qniwbin jiokk hyxlew
Liahjunw qauwui dua tauqex
pacsngr qnaxx si qauquankeh
jiksii cniaw hrunx qapp cniaw dee
Toqad siurtog Liau Tiamdingx
vunxlangg henrjai jin' byy ingg
qongw qra liw jiyh snax-vah ing
jaiw liw samhangg jin' dua qingx
Qoksiar tniax diyc ix ee miaa
tniax diyc simlai decc cniqniax
qamxx u dngwtauu sniaw mihqnia
qapp guaw ving'iuw iacc cinjniaa
Qapp guaw cnitauu m bad hxun
iarr m si guaw ee qniaxsunx
iarr si qapp guaw lyc juvunw
byy si beh tec simxmih gunn
Qoksiar liw jin' urngiaw dangr(?)
Liau Tiamdingx si byy hyw langg
m si guaw decc qra liw qrangw
jiksii diyhh qaur linw samhangg
Cinwcaiw langg marr jiauww vnuax dai(?)
simxmih saixsig dy' jaix jaix
liw qiyr singx kir tamwtniax bai
diyhh duar vowde jiacc tangx laii
Byy lyc vunxjnii snaqab jyr
ing qaur jit ciuw qra guaw tec
air jnii ginhangg siongrqaiw je
narr laii guaw dyrr senr cuiwpuew
Toqad ciyr qaxx be cud sniax
qnaw qongw air diyc damx su'ngiaa
Qoksiar sitlew liw dnaxx cniaw
hro Liau Tiamdingx qaqi qniaa
Toqad kir liauw jiacc jaix kow
Qoksiar dyrr kir Snadingvox
qiyr Qimx Saihu laii siongjo
cutmiaa Tiamdingx dua qiongdoo
Qiyr inx candenx Qimx Saihu
laii qapp Tiamdingx jiacc u dux
narr beh iong bunn iacc iong bxuw
maxsiong dyrr qra tuax kir qux(?)
Qoksiar kir cniaw lau Qimsaix
snax cniaw sir cniaw jiacc u laii
qiyy-tauu jitt dongw cutmiaa pnaiw
pah siw qrngx kir qaqi draii
Toqad beh kir qycc vangwdiaux
qimkor qiyr guaw qor hro diauu
snax qangx beh cue guaw sngwsiaur
m jaix sidjai iacc hausiauu
Ix qnaw qong qaxx hiacc kuakauw
narr m qniax siw jiacc laii taux
kir cniaw Qimsaix langg jiauu qaur
singx qongw Tiamdingx inx jitt tauu
Toqad pnaiw ue qik gauu snix
qongw qaxx jit tyr siux be li
Qoksiar uertauu dac jin' gni
mng knuar qauxqniaw tec sniaw jnii
Qauxqniaw binrpuee nacc hiacc qau
qnaw qongw dic jnii laii gunw daux
air jnii qiyr kir ginhangg-kauw
vutsii langg qrngw(?) duarbuw vaux
Iarr byy mihqnia tangx junxdngr
hiacc kuair jnii hro tee cud mngg
suiven tingww laii jnii jyr sngw
Qoksiar dagg zit bre canhngg
Qoksiar kacc zun gokivow(?)
be cud jiyh guaw snax-vah kox
vangwdiaux beh qrngx ix qimkor
dendyww qongw hro danw qui' vox
Ix qongw cunn beh qapp lanw siah
vangwdiaux ee ue juanx si siax
bunbuw nng zri qacc lanw diah(?)
narr air qimkor jiacc kir giaa
Toqad ue sueh iauxx bue liauw
Tiamdingx tniax diyc zimw be diauu
knuar ix cuann zuarr hyw qetdiau
ban kir suacc ho'ngg knuar suesiauu
Guaw m sinr ix qaxx zuarr gni
qnaw :ee catsit vuex jnriu tnix
dyrr duar dew cingr dyaxjnir
jur ix mia dyw diyh'air dii(druu)
Tiamdingx u len huimotuiw
qniadac cincniu jiauw decc huix(vuex?)
quiw hunjingx quw dyrr qauwui
Toqad aurbin decc qinsuii
Dac jnriu cuwdingw qra knuar mai
Qoksiar jniasit qiyr langg laii
knuar inx qnaxx u zuarr lirhai
qongw qiyr jit xee miaa Qimsaix
Sniaw langg hy jyr Qimx Saihu
u sniaw digsig hyw qanghux
quiw liap uan'aw beh qiawhur
linw laii jiacc be kangx sinkux
Qimsaix tniax qnir jnia' hyxlew
cniaw liw lyc laii jiac hundee
jit dongr jaibok beh qoxqer
m si camsiongg beh uanqex
Uanqex u byy vutjairlai
vaiwtog qiyr linw lauxvanw laii
guaw beh qra ix mng knuar mai
jnii u jiacc m qniax langg taii
Ving'iuw ingsu jin' air cab
bue quer jiapdin m zip bak
iarr byy jit xee qnaw huedab
jiyhtauu juixqngx dua m dat
Qimsaix jiacc decc vyr Qoksiar
Liau Tiamdingx Hniax kia dirr hiax
siaw qaxx byy der tangx kir piah
Tiamdingx jiacc qongw guaw linw diax
Liw si samhangg dua tauqex
jnitauu m bad hro langg tec
bagjiux siyw knuar kacc siongrser
jitt qix knuar si simxmih ee
Narr qaxx samhangg dua laurvanw
jiacc u langg qux jiacc duarvan
cingjiw ven ven dirdecc danw
ingqaix jit sniax diyhh singx dann
Guaw narr dngr kax naxx dedang
hyvid liw qiyr hiacc je langg
cingr duiww hiongr nitx jid'err vangr
dag'ee jauw qaxx jngr byy kangx
Ving'iuw narr beh dic sniwmia
qokk langg air diyhh qinw kixqniaa
dngw kir linw cur qor boxqniaw
guaw qongw ee ue linw diyhh tniax
U jnii ing deh dngqimser
Bycaiw langg qux qui' vah xee
juanx si qimsaix ee dode
dagg xee qniax qaxx jyr qxauw vee
Liongrdo beh laii jyr kacc kuah
qycjaiww snax zit hro liw tuax
jnitauu narr si m knuawpuar
sniwmia diyhh hro liw knuiwuac
Ue qongw liauxau jyww ix qniaa
Qoksiar naxx sniu jiacc jaix qniax
jnii narr m liauw e byy mia
jiacc kir cue inx viauxduarhniax
Dyrr duar snax-vah ee henrkuanw
cue inx viauxhniax huesiu Cunax
jitt jann byy liw yh uanbuanw
narr iongx vadd langg be jiujuann
Cuanx :a me inx viauxsiyxdi
jywlangg dyrr liw siongrr vilii
snax-nng-vah ginn qniax siw siw
qaur jiax tec hro byy binrpii
M si jnii byy jiacc laii ding(?)
jiacc diyhh dendyww qra qiujingg
jyr kacc kongxkair jiyh ix ing
mrbenw ditsid Liau Tiamdingx
Jnii tec qaudair Toqad Viah
beh hro Tiamdingx brew sniaw jiac
dnaxx diyhh liongrjingg ix Qoksiar
nng langg jiacc qra sueh dysia
Dniux Hur vywingr jnuaxngiu vyr
jitt jam beh qongw cig be lyc
sniu' jiap ho'ngg knuar be cingcyw
c.-cinwcaiw-c. langg tniax byy
Jnitauu qra langg kuanw jitt dongr
surgiap naxx jyr e singqongx
qycjaiww lyc kir dyrr beh qongw
sunrsu laii venx jiacc u tongx
Lun kiw qoxjux kiyh qui' jam
qapp gunw quaqur be siy' qangg
hitt sii Tiamdingx decc uahdang
iarr m jai'ngiaw ix ee kangx
Led'ui linw jiacc qra tniax knuar
Dniux Hur angwdo dua simqnuax
qnaw iong hiacc hiongg ee ciuxdnua
jiong' jnii qra kuanw kir Aursnuax
Kuanw Liau Tiamdingx jitt dongr cenn
vnuaa snuax quer nxiaw kir Hualenn
u jnii kuivuac iong be sen
huwho iarr byy ix ee tenx
Qauwui jabow hermia kaix
singliw si decc jyr jiauvaii
cutzip duiww langg jnia' qiksaiw
jabow duiww ix jin' hongrtai
Duiwtai ving'iuw si qikkuir
qongxue iuqycc air qequix
dediamr ho'ngg quanr nguaxtangw juiw
suacc hro jabow uda laksuix
Kuanw langg jitt dongr ee jnihang
kir jyr huii-aw cojuaw-hangg
cniuw langg ee jnii qongw hiacc dangr
berhiauw tangx knuar hyxpnaiw langg
(lak)
Hyxpaiw langsid berhiauw knuar
byy sniu qiuxqux druar Aursnuax
jiacc e hro langg qra kiycknuaw(?)
Hualenn jnii liauw jiokk dua tnuax
Ix sniu jit cenn(?) draur nng enn(?)
beh penr vadd langg m ho'ngg penr
erhiauw qaiw miaa qycc ngua sner
byy langg jaix ix cniuw langg cenn(?)
Dauwcur sniu duer langg jabow
iarr qnaw iaxbann beh jiahcor
hro langg pah qaxx decc qiyr kow
qycc hro langg huat nng-cingx kox
Byy sniu langbin iaxx cnihun
cowtangw iarr qnaw jiac qui' qxunx
duiwtai ving'iuw jnii qycc lun
jiacc diyhh qex liauw nng-cingx gunn
Sniu qaxx hro langg decc kiongxhad
cincniu dirdee cat qiap cat
kacc camw sinkux u jnisad
sniu jinx liauw jnii byy vowbak
Jyr huii-aw-dxiamr qniax dedang
jniasit gu diyc jitt hy kangx
jurr sniu dua nguaw sew nguaw pangg
bygii liauw qaxx dngrr jit hxang
Juaw-hangg iarr suar huew siyx cur
qui' qingx siyx kir jnia' qanghux
cur-lai mihqnia vnuax be hur
cunx guaw snakor jitt sinkux
Sniu diyc beh kaur byy bagsaiw
co' jriab diyc jnii hermia kaix
bygii qaur jiax jiacc sitvai
beh dngw Daivag qniax langg jaix
Mihqnia itkair siyx liauw liauw
hro langg pah kir daur suesiauu
cing qaxx jitt srinx jnia' qenwsiaur
snax!sir dxngr be jiac jin' iaux
Juaw-dxiamr qik qniax huew siyx cur
cringx kir lairbin jiokk qanghux
qingquer dy' iarr byy zuarr quw
muidok huad qaxx qui' sinkux
Muidok sinkux jiauu huatsingx
Hnuaihenn(?) venrdok(?) kiw siangvingg
qnaxx e jitt kuanw laii vywingr
qamxx si hiauhu Liau Tiamdingx
Qelo ho'ngg knuar langg e ciyr
byy qaxx jit jnii tangx jiac iyc
hun lanw kacc jaw jyr m driyc
liongrkow laii qux toxdirbiy
U jnii lanw e qongw duarue
ving'iuw m qapp langg qauvuee
bygii qimzit jiacc liongvue
jnii byy laii kir taux liac qxex
Sioggiw jnii bad langg m bad
qycc virr huew siyx jiacc jiahlat
narr sniu kacc jaw bin iuqad
venr cud guanhingg qycc jyr cat
M si jyr pnaiw tnix byy vyr
m kir taux qxex jnii iurr byy
si guaw quewkir jyr m hyw
krngr langg qanhiongg m tangx yc
Byy qaxx jit niaw tangx tewngua
kowdew longhuec longxx qenqnuax
venr qaxx byy langg tangx qnaw knuar
sniu beh jurjin diaur Niusnuax
Byy jnii jingwtauu dagg hxang qaur
tuamox bersux diauqangx lrauu
tiongr diyc dairsingx tniar buexau
Dniux Hur qaur jiax juat lortauu
Dniux Hur guaninx qaur jiax jriw
qycc kir vutzuu snix qangrr siw
sner Dniux dairjir cniaw vangwli
qycc suiw Cuanx aw laii qongw kiw
Huesniu Cuanx aw siongrr vunxdingw
tec jnii laii hro Liau Tiamdingx
benw krir qra siux kiw laii ing
daiwliam viauxhniax linw qongxjingg
Cuanx aw jin' gauu qaux ving'iuw
beh si vadd langg byy qra siux
knuar ix Qoksiar zuarr qiciuw
m tangx duiww jiax byy bagjiux
Tiamdingx tniax Cuanx aw tyxlun
qongw ix u knuar diyc sinbunn
Dniux Hur u jnii byy zunrhun
dongr byy sxor guec dngrr id bunn
Dniux Hur jauw diyc Hualenn Qangw
qnrua liw hiacc jnii dnaxx kangx kangx
cur siyx mihqnia dngrr jit hxang
kir qux puar biy jyr cauwlangg
Dongde guaw jit viauxsiyxdi
diauqangx siaw puex laii tongdix
dirr jiax Hualenn decc henrsir
liw beh vywuanx kir cue ix
Ix qycc qaiw sner qapp ngua miaa
jiongtauu qaur buew qongw liw tniax
ho'ngg pah cur siyx suacc snex tniar
dnaxx iar benw qapp ix su'ngiaa
Ix e duat guaw jiacc je jnii
e laii henrsir vywingr tnix
hen jyr hen vyr knuawqnir-q.
langg jiacc m tangx naxx jingsnix
Narr qaxx jitt kuanw did vywingr
guaw iarr mrqycc qapp ix kingg
gu diyc beh qycc te hro ing
daiwliam cocur guan dongjingg
Ngua jyr m si Hualenn Qangw
guaw e quatding draur vangbangg
tniax ix jingwtauu drir hiacc dang
vnivnii si ciuw ziamw hueh langg
Guaw ter siarhue dirdecc knuar
Tiamdingx jin' girqiab simqnuax
narr beh qui' srinx hiacnirr nua
dikkag unw siw dirr anursnuax
Coqaux jin' hyw ee ving'iuw
jurlaii linw daux jin' juriuu
qniax liw hingqingw laii qinqiur
narr u hongsniax jiacc laii liux
Liw diyhh qaqi kacc juxser
Qoksiar hitt vingg byy bunrdee
qinxqib dairjir guaw jin' je
duiww liw siy' li jin' sitvuee
Cuanx aw si' li kir liauxau
Tiamdingx iarr kir air langg daux
guaw jin' je zit byy qniaa qaur
si qniax hingsu jing'au vaux
Tiamdingx dyrr mng siywgig'air
guaw kir qamxx u tamwjingx laii
hai gunw qniasimx qui' lexvair
pacsngr qnuatniax iarr qnaxx jaix
Tamwjingx itkair jaix liauw liauw
Huanrqongx liac guaw kir cuxdiau
narr byy qycc liac guaw duxsiaur
jaxban iarr e qycc laii ciaux
Guaw dy' m qnaw qapp ix hue
qongw liw byy laii qui' qywguec
u-byy diyhh qycc kir qra sueh
bagjingx vutsii ngiarngia vuex
Tamwjingx narr si anxnix qongw
kir qra tongdix dy' ingdongx
narr byy qycjaiww tuax liw qongr
qinw kir qra qongw dyrr buhongg
Guaw nacc qnaw jyr jitt hy dai
simxmih simqnuax liw marr jaix
uirr liw kuliuu jit lexvair
qiyr guaw kir vyr vut'ingqaix
Guaw qacc u sniax byy iauwqinw
liw jiacc erdid tangx siausinx
vutsii langg duer guaw aurbin
banw quex e kir gai diyc dinn
Guaw qacc beh vyr m qongw kiw
liw benw duiww guaw jiacnirr zii(?)
Giog'air uirr sniaw kir laudir(?)
nacc tangx vig guaw diyhh kir siw
Duiww guaw qamxjingg urngiaw hyw
jitt kuanw kaksit jyr be lyc
guaw si sid'ir qiyr liw vyr
narr laii liac diyc dyrr hueqyx
Tiamdingx liw qamxx berhiauw knuar
guaw qnaxx jitt kuanw ee simqnuax
hro liac kir qiyr guaw anxjnuaw
liw iurr huanrhuad haicc je tnuax
Guaw si air liw byy dairjir
narr si ix laii iauxx kacc dnii
kir vyr lanw u jit diauu lriw
mrbenw dniardnia hro hiamgii
Duiww guaw jinrsimx naxx kanciuw
qamguan guaw laii hro kuliuu
go qag kir brew hrunx cingjiuw
naxx limx danw laii tangx jursiuw
Liw u jue dua ee jikzim
qongw hiacc je iarr be diimx
qinw jauw m tangx qycjaiww sim
air limx mibuew jiacc laii limx
M kir qandna' itdit qongw
qnaxx e qnuaw qaxx jiacc hiongbongg
junxvi tangx sec kacc tywdongr
jre ciax beh kir qiyr Huanrqongx
Giog'air qnuaxqinw beh kir vyr
mrbenw hro laii dyrr hueqyx
lorqingw jimjiog knuar hyw hyw
qauwui junw juwn liac guaw byy
Ciuxqud giac hrunx naxx decc sraur
dew cingr iarr duar dirr sinkux
lautangx lyc kir vnii qecur(?)
dagg xui knuar kir jnia' qanghux
Lautangx dingxbin taur cuwdingw
aurbin iarr u kangx cuwqingx
jin' hyw siausiamw u loring
naxx decc jiahhunx danw tamwjingx
Tniax qnir veh diamw jiacc decc pah
jimjiog decc knuar lautuikax
jitt jun be nguar iauxx jin' jaw
knuar si hingsu iacc sunjax
Qniax langg hro guaw laii lenlui
diyhh kacc jimjiog quanx lautuix
narr knuar tamwjingx laii qauwui
danw ix uaw laii tiaur kuix
Huanrqongx be vreh jnriu taudingw
cud sniax dyrr qiyr Liau Tiamdingx
gauu jaw iarr si byy loring
dyrr qinw dau'anr beh liongrjingg
Tiamdingx duiwcuir rinr ix hyw
qingxbang jiacc gaimm jin' yh dyy
guaw iarr u sniu beh daudyr
renn nng~snax qangx guaw citty
Sner Janx hingsu jyr taujingg
cutciuw beh tuax Liau Tiamdingx
hro ix dyww tiaur lyc cuwdingw
duarlangg liw cniaw guaw byy ingg
Huanrqongx siongvunw camx Dikha
bidjingx hok dirr lautuikax
qniax ix dew cingr luan luan pah
m qnaw uaw kir qra ix jac
Ix duiww cuwdingw itdit qniaa
liamrquax cniuwkig duarbuw sniax
dag'ee marr beh qor sniwmia
ix u dew cingr si'angw m qniax
Tiamdingx kaksit dnaw jin' dua
jit vo jit vo kax naxx tuax
byy qaxx jit xee qnaw qinruaw
jyww ix naxx qniaa naxx cniuwquax
Damxliong jinjniar kaciuw hyw
dngxuad lenrr ngiaw dy' knuar byy
qui' mii byy jiac kiw iausyr
taujauw lyc laii brew bixqyx
Dang'axbixqyx jiac go dangg
qycc camx angjiuw jiacc jin' pangx
jitt der hy jyr Saiquanw Hang
tamwjingx byy der tangx cue langg
Tiamdingx jin' gauu qaiw hingjong
lip cuwbuexdingw decc venwjongx
bycaiw tamwjingx jiauu cutdong
hro ciyr dag'ee cingsanongg
Tiamdingx jre dirr bixqydnar
cing qaxx jit niaw hueaxsnax
narr beh viw langg kacc byy dnaw
jiksii marr diyhh kir kiuqnaa
Qauquanx bixqyx jiac go der
naxx jiac ue qongw naxx hyxser
cniaw mngg liw jitt lau a'veh
linw cur dirr dyhh decc libqex
Bixqyx cuex kir u qraur dnix
jit amr tanr decc zuarr je jnii
danghongx kacc lrai dy'axjnir
jiac lau qutlat si beh nii
Laurduarlangg-qangx qeqiamw tanr
byy tanr knuar beh dyc'ui tec
cur-lai taucuir hiacnirr je
gunw cur duiwbin hang-aw-drew
Ginxaw jit kunn qaxnaxx jangr
lenrr gunw lau :ee lak xee langg
ix iarr zinrjinx dauwsnaqang
sew snxax tanr laii dauwvangbangg
Ginxaw iauxqyxx jnia' sewhanr
ve lau qniaw iur jin' uilann
qo' guaw jit qix ciuw decc tanr
dorjiac snax dxngr iauxx ann ann
Tiamdingx tniax diyc annisnix
dyrr beh uanjo damrvyc jnii
qiyr ix laurlangg tniax zip hni
guaw beh qra liw draur hucii
Qaur jiax suriuu sueh bingser
juann qongw Tiamdingx ix jit xee
juui knuar liauw narr habqeh
air brew cniaw linw jiacc siaw puex
Dingw jip duxjiacc kiyh duxhyw
ue dngg juaw dew inr be lyc
Diklimm inr quax siyw cenx tyr
cniaw linw air knuar benw qniax byy
Quax zip langbak knuar hen hen
viwhy m qnaw sniu' qexsenx
banrdew cimknix lan did denw
sir qxur diyhh e kiyh sna' lenn
Jitt vo ligsuw longxx urngiaw
hro langg qongwpah iarr m qniaw
jurqag byy siyh ix sniwmia
taux au ix suacc siaw jinx miaa
Quaqur dyrr air m tangx tuax
mrjiacc cutvanw qiamx venx quax
gunw si ligsuw kiyh laii knuar
girqiab Tiamdingx byy hihuax