jiac bah ee simliw-maudunw
Jiac bah ee simliw maudunw Lu Juxbingg
Lanw nacc air jiac bah? Hongwkir jiac bah u jiongw jiongw lixiuu, pywhuai huanqingw, pacpnaiw sintew, dongrbut tongwkow, iaxx mrqycc, jiac bah duiww je je langg laii qongw, si qaiww suwsiongg ee dairjir. Dy’ jaix byy hyw :ar, qycc jiac, jex beh anxjnuaw qongw?
Dirr Dikqog, muixx langg vingqinx jit nii rair jiac lak-jap qongqinx ee bah. Jin’ jiyw langg si qaqi taii dongrbut, tiacqaiw dongrbut, longxx si dirr tiauqib cirdniuu iacc si bah-dnar brew bah. Soxiw lehh, langg dyrr be kir sniu qongxx guvaii si guu singkux ee jit vorhun. Jex dyrr jyrsingg jit xee simliw-maudunw, jit hongbin, liw m kingw uirr dongrbut ee tongwkow qapp sixbongg hurjig, jit hongbin liw iurqycc jiac inx ee bah.
Mair jiac bah u quixlyrr diamw guan’inx, tauu jit xee, iong dirr jingsnix ee cirliau, cauxliau, rair jiamr iong jiokk dua ee can’ngiuu laii jaijingr, rair qra simlimm ee ciu-aw cyr driau laii jingr cauw, cincniu Vasex ee horlimm, dyrr sriu diyc dua pywhuai, jex dyrr qiamxjiyw tnuawkir CO2 ee dunxjig, marr qiamxjiyw singbut ee budjingw.
Qycc u, juiw ee siauboo marr jiokk je. Singsanw jit qongqinx ee gubah, dyrr rair iong jit-bxan go-cingx qongqinx ee juiw. Qycc u, ngiuxci jingsnix longxx qra inx juwsia jiokk je ee kongwsingsor, jiac inx ee bah, duiww langg ee sintew si dua gai qenrkongx. Longgiap juanqax, Trier Dairhak ee Benjamin Buttlar Qauwsiu viauxsi, duiww je je langg laii qongw, huanqingw pywhuai cam' qenrkongx guihiamw m si inx soxx diwdiong :ee, tongxqer sowzi m si hro langg qaiww sinwdauw, hongwkir jiac bah, siongrr juxiaur guan’inx si dyrdig :ee.
Jin’ je ngiaxpnir longxx knuar e diyc, qanggiabsig ngiuxci jingsnix ee dniusow si jiokk vicamw :ee, dojnaiw jingsnix ee qihaihuar quewtingg si naxx cincniu dergak lehh. Knuar .quer, langg dyrr sidjai jiac bah jiac be lyc.
Iaxx mrqycc, iuguann jiac bah ee langg dniardnia rair iong snax ee N laii siamxpiah, jiac bah si jingwsiongg :ee(normal), jiac bah si vitsu’iaur :ee(notwerd), jiac bah si jurzenn :ee(natürlich),
qycc u, jin’ je langg qamxqag bah jin’ hyw jiac.
Qaixvenr jiahsit ee quanwsir m si hiacc nirr qanxdanx, iaxx mrqycc, dairjir iauxx si u hyw ee huatdenw, dirr Dikqog, jitt jun ixqingx u jap pxax ee langg jiac sor, zi-jap nii jingg jiacc cid pxax. 20210418