Duarhingg dogjiamr ee longgiabqongsix anxjnuaw kongwjer longgiap ?
Ixjaw, longbinn erdangr qra jingxjiw juriuu hunquah, qaungua, bexbe. Jitt jun duarhingg dogjiamr ee longgiabqongsix kongjer diyc jingxjiw ee bexbe. Jex m na uihiap diyc longbinn ee singjunn, marr uihiap diyc sewqair niusit ee unxding.
Inx cutsanw “qiinx qaixjy” ee jingxjiw, si uanjuann sinx ee pinxjingw, co’ co’ aw marr sik’ingr guarjai ee kuanqingw.
Jex jniar si longbinn berdangr qycc juriuu cuxliw jingxjiw ee guan’inx.
Zi-jap sewqiw qaux-jap nidai qaur dnaxx, jin’ je qokqax longxx dring u vyxho qanggiabhuar jingwjyh longjokbut ee huatlut, itvnuax longbinn m junw horsiongx qaungua bexbe jingxjiw, itding rair qra duarhingg dogjiamr ee longgiabqongsix brew jingxjiw. Marr m junw qapp vadd langg qaungua, qycc kacc kokhingg :ee, m junw vyxjunn jingjiw qaur derr zi nii jiacc ing.
Dyrr anxnex, sir qingx duarhingg dogjiamr ee longgiabqongsix -Bayer, Corteva, ChemChina cam’ Limagrain -, kongwjer diyc juann sewqair jidvnuar ee jingxjiw cirdniuu.
Jex dyrr u nng xee jiokk hai ee dairjir huatsingx.
Tauu jit jann, longbinn berdangr juriuu jingwjyh qokk jiongw cauxjangg, ciurjangg ee qingjer-jokbut laii bre, siuzip dua dua qiamxjiyw. Derr zi jann, singtair qapp kuanqingw venr pnaiw .kir. Jurr dingw sewqiw veh-jap nidai kiw, singbut dyiangrsingr qiamw kir sir-hunx-ji’-snax. Iauxx qycc u, jin’ je qi’inx qaixjy ee sidbut, ciurjangg iarr hyw, cauxjangg iarr hyw, berdangr sik’ingr kuanqingw, dyrr rair iong jiaxee qongsix ee vuiliau, jiacc e singdiongw, dyrr junw si anxnex, longjokbut pnaiw nidangx honghiamw iuguann jin’ quann.
Qanggiabhuar jaijingr vunxdew si beh vyxjingr niusit sanxliong jingqax, dendyww laii ho’ngg causimx, m jaix dangsii byy siusingg. Bunrdee guantauu dyrr si jiaxee duarhingg dogjiamr ee longgiabqongsix.
Hyxqajair, qang jitt sii, sewqair qokk soxjai longxx u langg decc jngsed jingxjiw qaungua bexbe ee bangrjam, longbinn erdangr dirr jiax did diyc inx soxx rair ee jingxjiw.
Jit xui longgiap-juanqax, Jack Kloppenburg Qauwsiu cam’uw jit xee miaa qiyr jyr “Qongkaix guantauu jingxjiw huatdongrjiaw” ee bangrjam, ix qongw, “Langg rair hro qaqi uac .lyc .kir, marr rair anxnex jyr.”
20210417