vec juaa Seoo gu Kow Senx
(id) Vec Juaa Seoo Gu Kow senx Quax
Diknaa ee quax sror vah kuanw
qycc venx jitt jib Veh Juaa Dxuan
Jitqangx hangjiux Jnidngg Quan
Kow Senx virr xiaux laii beluann
Kow Senx verbuw kacc jaw siw
inx jew Qiau'iongg qapp snix ix
juanx inx duarjiw decc ngiuxci
tniar ix bersux cinqniaxzii
Byy-ve-byy-buw kacc zinrhun
dyrr si Kow Senx zi Hanwbunn
jap-go~lak huer ee sijun
jinjniar qinxsinx qapp unsunn
Sniaa-lai jit xui Liw Qonghuw
dyrr si Kow Senx ee jixhux
jin' u knuawqor inx cequ
qaxnaxx ciuxdiongx ee bingjux
Jit xui ving'iuw miaa Ongg Bingg
iyhdiamr kuix kir jin' dua qingx
diyhh cniar sinlyy kir ceing
vunw qrex cutmiaa ee isingx
Kow Senx tniax diyc iarr jin' air
qu'aw jixhux siy' cua laii
qniaa zip Ongg Bingg iyhdiamr lai
beh yc singliw qapp iyhjaii
Jitt jam siyxdingg jiacqycc qongw
quax jyr jitt kuanw jiacc u tongx
singx qongw Suwcuanx cinghongdong
dong-kauw vutsii vec bongbongg
Dong-lai jit buew vehjuajniax
siuhingg jit-cingx veh-vah nii
m bad sunxhai jingww vecsnir
iarr byy siyxiaux dirr sinvnix
Vec juaa dong-lai decc sinhingg
juann byy doghai langg singlingg
sniu beh hangjiux knuar qongqingw
sinkux jit iyy venr langhingg
Venr jyr bixluw jnia' cincniu
jurhy miaa qiyr Vec Dinniuu
decbeh hangjiux kir iusniuw
dong-kauw hongdiauu dah jit dniux
Vec juaa lirkuix cinghongdong
qawkiw iauhunn dyrr dingkongx
knuar diyc lenrr ue dy' be qongw
juwsiw gu diyc siongrdewqongx
Hentenx siongrder dyrr qra mng
gedtiog liw beh ongw hyhngx
m qongw guaw si u pacsngr
jiong' liw qimr dirr vaktenmngg
Gunw si decbeh kir Lamhaiw
vaiwqiuu vudjow dikkag jaix
siuhing jiacc quw dirr dong-lai
dirsii erdid tuad huantaix
aiqiuu qiyr guaw qex kyxlinn
qniax liw liauxluan dirr huandin
dngtnix libser jiacc siongsinr
narr byy landid tuatli srinx
Libser liw tniax dirr jitt dah
vadd xui m qnaw kir quakax
luan jyr kamr dirr Luihongtah
juadduir m qnaw jyr jingcax
Siongrder niurlo junw ix qniaa
Veh Juaa simlai jiacc byy qniax
jit dy iauhunn ee ongiaw
jiksii laii qaur Hangjiux Sniaa
Anwlyc(Hnua?) huntauu qaur Hangjiux
venr jyr langhingg jin' juriuu
jiamrcniaw duawkax benw ingxqiuw
qniaa duiw duarqex dairsingx iuu
Sniaa-gua jit qingx Siuonghuw
kiw kir jabhunx ee qanghux
jin' quw byy langg decc qujur(quju?)
cuwqag cimjniw juanx didux
Cimx jnew cauw-aw huad jiacc dngg
jiamrcniaw duar jiax hiyh ehngx
nii quw guec cimx byy vniawdng
aurbin jit penr kangx huehngg
Huehngg jit xui cnijuajnix
siuhing iarr u veh-vah nii
dua sniax me qaxx bin vnir vnir
liw si hyhongx ee tiksnix
Siyxcing kuicuir dyrr qra mng
iauquair liw si druar hyhngx
narr si m qniax tauu e dng
jiacc tangx jiamr guaw ee huehngg
Veh Juaa jiacc qra ix hyw cuir
ehng cniaw jiyh guaw ansuii
liw lanw vnivnii qangg jingxlui
jiyh nng~snax zit dyrr lirkuix
Hyw dnaw zip guaw ee huw-lai
jongg guaw jauhed jin' vutqaix
laii jenr snax hap(?) cir knuar mai
narr e ngiaa guaw liw jiacc laii
Guaw si byy air hro liw siw
diyhh laii vixciuw jiacc jaiqix
narr sux ee langg jyr qanxvi
vuih kiw siangx qiamr dyrr qer(?) ix
Vec Juaa jinjniar u genxqiur
Siyxcingx vyxqiamr virr ix siux
narr cunx jit siangx ee kangciuw
qnuaxqinw qui decc qra ix qriuu
Huatsut qyxzenn be hanban
ziauu guaw sniwmia tangx ving'anx
qamguan beh qra liw jyr qanw
hongrtai niuniuu byy siongqanx
Vec .Sxi hnuahiw ciyr gigix
qniaa uaw siangciuw qinw huu ix
liw nar guann hok jyr luxvi
guaw byy kinvec qaxx jit sxix
Niuqanw jin' u siy' aiwqor
u hunx quanqex decc cinghox
berdid tangx hyw singg jingwqyw
siy' crua beh kir iuu Seoo
Niuqanw beh qniaa ee sijun
qawkiw jit dy ee iauhunn
jitt jam dnaxx diyhh cniaw hiyckunr
singx laii qongw kiw Kow Hanwbunn
Go huer byy buw qapp byy ve
qandna' dan' snix guaw jit xee
joxsiong hunbong laii kir jrer
zip kir decc mng inx tauqex
Ongg Bingg hnuahiw tauu decc dimr
Kow Senx liw jin' u hauwsimx
huanhur qeloo duartauu Qimw
kir cuann singlew qyaxqimx
Vaiwvet tauqex dyrr kixdingg
Qimw :a singlew dnax jnriu qringx
jiabjiap qra junw(?) qaur snuax-dingw
singlew vaii dirr bong binrjingg
Kow Senx snax quir qapp qauw kraur(craa?)
vair hyw juaxjnii suacc laii siyx
Qimw :a qnialo jnia' hyw qiyr
Kow Senx aurbin jib be diyc
Kow Senx be qniaa jyr buexau
Qimw :a gauu qniaa nir jywtauu
qiamxcaiw guaw narr kacc ban qaur
jiacc qongw kir gunw duarjiw daux
Nnualangg diyhh tniax guaw huanhur
lyc nxiaw m tangx kac dac cux
Qimw :a narr si singx qaur cur
jiacc qongw kir tamr linw jixhux
Seoo urmiaa ee soxjai
lyc nxiaw guaw dyrr uad duiww saix
cyrr cniaw siyw junn tangx laii jair
jre junn beh duiww Seoo laii
Qauwui junjnii kaix nng kox
vreh jnriu hnua-dingw qaur Seoo
knuar diyc bixmau ee jabow
bersux jaxjingg Hyy Senqox
Nng xee dikkag si niuqanw
uaw qaxx uaw uaw ciuw siy' kanx
niqiw siongdongx vnii duarhanr
cincniu senluw ha huanqanx
Dyrr vyr a'niuu liw knuar mai
m jaix simxmih laii dautaix
bagsinn qnaxx e hiacnirr lrai
diddit knuar duiww lanw jiax laii
Knuar langg juanx ing sraiw bagbuew
bersux senluw laii dautex
siyxlangg(?) jitt kuanw ee qutder
snisingg vec bah qapp pongwpuee
Duiwbin longqunx decc knuar liw
binrmau kacc suiw ix Siongwzuu
qnaxx u jitt kuanw bixlamjuw
m jaix hyhongx decc kiarqux
Suiw-baiw nng zri qongw be liauw
hingtew siyxlangg(siyw langg?) jiacc iauqiaux
Sesix bixluw byy jiacc kiauw
sringr quer Qangdangx Duarsiyxqiauu
Guaw decc knuar ix ix knuar guaw
bagsinn qnaxx e jiacnirr uac
niuqanw siy' sui' kia uaw uaw
quwjai zit pak m qniax zuac
Duiwbin bixmau ee longqunx
knuar qaxx bagjiux byy dngxlunn
kyxsiyh qapp ix iauxx snihun
zi-vad jailongg dng' cingcunx
Bagbuew quanx duiww lanw jitt xui
knuar qaxx cunwvo byy lirkuix
Songr Giok Pnuax Anx byy jiacc suiw
ciyr diyc viw langg kacc qoxjuix
Knuar langg m ciyr qig bacbunw
e quah dng langg aurkaqunx
hongx taur jit jun jiacc dua jun
sevingg suacc decc kiw ohunn
Sevingg ohunn dirdecc kiw
luii dann piklik jyr jit sii
luanluann vutsiar vangr be li
sniu beh cud sniax jiyhox ix
Dua ho liammix dyrr qauwui
luiqongx jiacc e itdit cuix
lamjuw qnaxx e jiacnirr suiw
narr ag diyc ho dyrr kikkuix
Qimzit qnaxx e jiacc duxcenx
gu diyc bixmau ee cinglenn
luii dann piklik tnix decc venr
bycaiw jin' hac lanw ee enn
Qor knuar bixmau ee jabow
byy gii jiksii tnix jiacc ox
qangwha byjingg ee dua ho
hai inx ag diyc beh zuhyy
Ho lyc jit jun jiacc dua jun
dyrr laii qangw-vnix beh cniar junn
junn lyc duarkuix trow jit kunr
tnix byyjanwsingg Kow Hanwbunn
Dairqongx kuijunn duxx beh qniaa
aurbin u langg decc cud sniax
Kow Senx knuar qnir dyrr jai'ngiaw
lyc junn jiac claii qra tamwtniax
Zin did Seoo inx niuqanw
in'ui quawsimx qex jit jann
guaw air dairqongx jnii qex tanr
crew liw zuarr quw byy siongqanx
Daiqongx jiong' junn trex uaw hnua
Vec .Sxi iauqiaux qapp gauu nuaa
taux ing bagbuew kir qra knuar
Siyxcingx jaix ix ee simqnuax
Niuqanw siy' kanx beh lyc junn
knuar diyc junn-lai ee longqunx
Vec .Sxi qexir qniax snihun
bagbuew taux quanx Kow Hanwbunn
Dairqongx qra cuann jit xee xui
jiksii jiong' junn dyrr beh kuix
Kow Senx zuxx kuar urngiaw suiw
niuqanw jre uaw jyr jit duix
Knuar diyc Vec .Sxi jit xee bin
samhunn-citvik byy dirr srinx
dnaxx guaw narr byy kacc qnuaxqinw
liauw kir qui' vox ee simsinn
Sinunn virr inx bee liauw liauw
qaur jitt sijun zimw be diauu
air dyrr m qniax e qenwsiaur
qniaa uaw naxx knuar naxx iauqiaux
Jiycmng liw jex simxmih jiw
duxcenx lyhho pnaiw tnisii
linw si hyhong ee zinsi
jnuaxmih(?) qnuaqax ee luxzii
Siyxcingx bagsiaw qaiww uahdong
qnuaxqinw vuelew rinr siongwqongx
siyxjiaw druar sirr Saingdee hang
byy-ve-byy-buw dnuasinlangg
Siyxjiaw verbuw jaw kiwser
hernsii dan' u ix jit xee
kacc jaw vniquanx jyr jongxjer
miaa qiyr Dinniuu si sner Vec
Jitt xui dyrr si Vec Siyxjiaw
vniquanx jongxjer inx a'diax
siyxsingx guann dirr sniaa-lai kia
byy gii liw lanw e laii jiax
Go huer byy ve qaur jitt jun
guaw miaa Kow Senx zi hanwbunn
jywduix jinjinx si enhun
jiacc qapp jiaxjiaw linw qangg junn
Bii laii ganw kir decc taux knuar
Siyxcingx iong ue naxx decc nuaa
Dairqongx jiong' junn trex uaw hnua
zidtauu duxx beh lyc sesnuax
(zi) Vec .Sxi Jan Qimjnii Jo Kow Senx Quax
Kow Senx junjnii dyrr qinw kaix
jnriu hnua iauxqycc ho decc laii
byy sniaw tangx ziax derr id hai
encenn qniax liauw zit ciaa saix
Kow Senx qinrjingg qnir siyxjiaw
jitt qix horsnuar jiyh linw ziax
jiacc be ag qaxx qui' qajiah
bingtenx guaw jiacc cue linw giaa
Siongwqongx horsnuar beh siy' niu
jin' u qor diyc gunw a'niuu
hai liw ag ho beh jnuaxngiu
pacdamm qui' srinx ee ijniuu
Horsnuar siyw siyw ee taiww qor(?)
encenn qaur cur amr bongbongx
guaw diyhh jiax kir byy quiw vo
linw si vutviw gunw davox
Sriu linw jitt kuanw ee qowair
jurjiw itkair linw dy' jaix
jrngx cud iauqiaux ee textair
siongwqongx liw diyhh dingrquix laii
Qapp linw siy' srii qongw liauxau
vangr be lyc simx naxx uat tauu
qik ban benw qaxx zidtauu daur
dingrquix guaw e kir linw daux
Siyxjiaw byy langg tangx soxx quanw
siongwqongx beh laii siongrr anjuann
Vec .Sxi knuar diyc ix jitt kuanw
naxx qniaa bagjiux naxx qra quanx
Kox Senx naxx qniaa naxx decc sniu
jinjniar quawliam Vec Dinniuu
suiw kir qapp langg byy cincniu
niuqanw jit duir naxx uan'ngiux
Benw sueh Hanwbunn ix jitt vingg
singx qongw Vec .Sxi qapp Siyxcingx
langg jin' byy der tangx vixping
Kow Senx siongwqongx jin' u jxingg
Siyxlangg(?) jitt kuanw ee jinghun
diyhh laii vywdab ix ee xunx(?craa)
niuqanw naxx qniaa naxx girlun
Kow Senx sanwciah ee longqunx
Siongwqongx qalai jin' qankow
qycc si jiac langg ee sinlyy
(hai?) iarr byy tangx siy' uanjo
lamjuw siyxlangg jxingg jiacc dyx(?)
Siyxjiaw narr knuar u qaur drang
qiyr ix laii hro lanw jyr angx
mrbenw huanlyw byy jnihang
qim'iax luxvi jiacc packangx(?)
Siyxcingx liw benw pah kangtauu
gnoxquiw dunrhuad(?) laii kir taux
naxx qniaa naxx qongw jin' kuair qaur
qniaa byy zuarr quw qaur lanw daux
Siongwqongx qniax lanw ag diyc ho
jin' jiyw jitt kuanw ee davox
jiacc qinw qaur lanw ee jursow
zip mngg jiac decc cuxx hniaox(?)
Guaw ee simqnuax u jinx air
Siyxcingx liw knuar marr e jaix
kow be tnix qngx binaxjair
Siongwqongx u iog dingrquix laii
Tniax diyc dirdecc dann snax qnxix
qim'ia duxcenx guah'amwmii
vorqingx-dahdauw bak jit nih
beh lring gnoxquiw kir vnuax jnii
Gnoxquiw jiksii laii qiauxling
unrvnuax ginniuw u jit-cingx
dnaxx byy vadd hxang beh ceing
qokk snruar(?) vunxui m tangx tingg
Gnoxhongx siyxquiw jiauww hunsnuar
Siyxcingx hnuahiw dirr simqnuax
niuniuu liw jin' hyw ciuxdnua
gnoxquiw dunrhuad kir unrvnuax
Dyrun jnitngg(?) ee qokkor
jit hrongx(?) uaw beh cid-jap kox
beh diyhh sangr ix kacc jioksor
narr laii guaw jiacc qra jiyhox
Niuqanw camsiongg benw ing qangx
beh jan ginniuw hro siongwqangx
Hanwbunn laii qaur Siangdee Hang
gu diyc jit xee laurduarlangg
Jiycmng liw jex lau a'veh
jitt der jit xui langg sner Vec
kacc jaw vniquanx jyr jongxjer
henrvo dirr jiax decc kiarqex
Liw si dyc'ui ee siongwqangx
qongxue snia'imx byy siy' qangg
qongw dirr jitt xui Siangdee Hang
dy' byy liw mngg jitt hy langg
Kow Senx uat zip hang-aw-lai
inhyy laurlangg juann m jaix
sniu beh vadd qingx mng knuar mai
gu diyc Siyxcingx qniaa cud laii
Siyxcingx knuar diyc Hanwbunn laii
ciyr qaxx cuir-aw lic saisaix
dyrr cniaw siongwqongx zip huw-lai
guaw tangx vyr gunw siyxjiaw jaix
Siyxjiaw mrbenw zip kir vyr
horsnuar siyxkuaw u junw byy
qniadong siyxjiaw jin' m hyw
aurzit jiacqycc laii cittyy
Liw laii diyhh vrinw gunw siyxjiaw
hyw ir horsnuar jiyh gunw ziax
cinsinx beh qra linw suecsia
jaix linw qimzit e laii giaa
Siyxjiaw air qnir liw jit bin
laii qycc dngw kir pnaiw iwsinn
cniaw jre guw zip laii kir vrinw
sionghue damgenn jiacc u cinx
Qacc si qnuaqec ee huxde
cur-lai iucad qapp rue huex
iarr u sansuiw qapp zirue
sisuu juanx sii bingzinn tee(?)
Tniax diyc lautuix qnaxx qox hauw(?)
Siyxcingx daiwlo qniaa jywtauu
Vec .Sxi qniaa dir ix buexau
niuqanw siy' crua lyc siuwlauu
Lyc lxauu Vec .Sxi dirr hiax kia
knuar ix cing qaxx cir giagiaa
qinrjingg vaiwqenr Vec Siyxjiaw
viw dirr junn-lai iauxx kacc ciaa(siaa?)
Vec .Sxi qnuaxqinw huee jit lew
dyrr qiyr Siyxcingx kir pangg dee
siongwqongx co' laii ee langkeh
jin' u tniawtangr lanw nng xee
Siyxcingx cuann dee siangciuw pangg
pangg laii beh cniaw Kow Siongwqangx
siyxjiaw sriu linw jin' tniawtangr
qycc hai liw laii jit jua qangx
Byy sniaw hyw mic tangx siy' qingr
vywdab siongwqangx ee unjingg
byy hiamm codee vnuawsiylingw
beh dic horsnuar danw kacdingg
Horsnuar qnaxx u hiacc hyw vyw
langg guaw ingxx byy jiacc lysyx
m si diauqangx beh laii tyw
si beh laii cue linw cittyy
Horsnuar liw jiyh gunw liauxau
vutsii qruar dirr simqnuatauu
erdid siongwqongx liw laii qaur
quiw hunjingx quw hro gunw lauu
U ue decbeh qra liw sueh
jriw qniax siongwqongx liw e trex
qenwdir qeau iacc si bue
snia langg decc qra liw juw muee
Guaw decc inai gunw duarjiw
beh naxx u jnii crua cezii
simqnuax marr sniu beh qenwdir
m jaix boxenn diyhh dirsii
Vnivnii byy buw qapp byy ve
iarr bue cuarbow tangx lixqex
lxamm dua donghunx luw dongqer
lanw laii uanhunx jyr hucex
Narr beh lun qaur guaw ee mia
guaw qongw hro liw siyxjiaw tniax
henrsii iauxqycc decc ho'ngg cniar
guaw jiacc m qnaw mng cinjniaa
Jitt kuanw guaw qra liw siy' vrangx
qaudair Siyxcingx kir siuwvangg
qinw kir kuix snix tec jnihang
tec laii tangx hro Kow Siongwqangx
Tec cud nng hxongx(?) ee guanvyw
vehginn jit-vah kir huadlyc
pingwlew cinwcaiw cuann dyrr hyw
m tangx hro guaw tingwhau byy
Tec jnii beh hro guaw kir ing
siyxjiaw liw jin' hyw qamxjingg
guaw tangx junxvi lii dniarpingr
hornsuar giaa decc beh kixdingg
Hongrsangr siongwqangx cud huw gua
dyrr ing bagbuew kir qra tuax
linw si m tangx qohu guaw
simqnuax gunw qapp liw byy juac
Jywlangg diyhh ho'ngg e siongsinr
qunjuw kauxsueh dyrr uivinn
simlai guaw iarr air kacc qinw
vaiwvet siyxjiaw dyrr kixsinx
Niuqanw kia dirr mngkakauw
hai guaw naxx qniaa naxx uat tauu
quanw ix dxiamr-lai decc tingwhau
kow be qaur gunw duarjiw-daux
Zip mngg vrinw quer inx duarjiw
jazit lyhho pnaiw tnisii
gu diyc jit niuu jit qanxvi
guaw jiong' horsnuar kir jiyh ix
Qimjaw beh qra ix tyw snuar
qongw guaw jitt kuanw hyw simqnuax
duiww linw siyxdi jin' uanmuaw
jiong' tauu qaur buew sueh jit tnxuax
Sewqanx nacc u langg jiacc hyw
koxlinn siyxdi qeau byy
nacc u nng hxongx ee guanvyw
hro linw jixhux kir huadlyc
Siyxjiaw koxlinn liw vaude
guan beh qapp guaw jyr hucex
tec jnii hro lanw jyr pinwlew
sewqanx cue byy derr zi xee
Qiauziongg jriab diyc nng hxongx gunn
hnuahiw dirr simx ciyr bunxbunw
dnaxx lanw benw qniax byy boxvunw
cuann hro hende tangx uanhunx
Qiau'iongg jriab gunn u nng hxongx(?)
diongrhux dongdit dirr Jnidongg
guaw jiacc qra linw jixhux qongw
hro linw uanhunx tangx dongrvongg
Qonghuw quanrgee huedngw laii
Qiau'iongg sueh hro inx angx jaix
ginniuw hro liw kir pacpair
lanw qra juxhunx dy' ingqaix
Qonghuw qnuaxqinw dyrr qra jrih
knuar diyc guanvyw jin' hiamgii
u pah Jnidongg ee miazi
m qnaw cud sniax kir mng ix
Liw Singx jiksii qaur gee(byy zri?)-lai
vrinw quer diquan lauriaa jaix
dnaxx u herlyc jin' qajair
u langg tec duiww gunw cur laii
Jnidongg quanrjuw Lauu Juixpyx
knuar diyc simhuew tong' jiauu dyc
jniawsi kor-lai ee guanvyw
henrjai cat si dirr dyclyc
Siyxiac(?) cequ Kow Hanwbunn
u langg beh qapp ix qethunx
langg ix byy jnii m qnaw unw
Vec .Sxi jo ix nng hxongx gunn
Quanrjuw tniax diyc jin' uanwhun
ix qnaw gee-lai taux kowgunn
dyrr crex Dann Bingg Qapp Ongg Sun
Liw .Qrax kir liac Kow Hanwbunn
Hanwbunn liac qaur quanrgee lai
qnuaxqinw siangkax qui lyc laii
quanrjuw giac tauu qra knuar mai
zinpinw duanjniar jin' jiongwjaii
Quanrjuw dyrr qr Kow Senx mng
liw ee qangg dongw dirr hyhngx
narr zin vunxquanx u pacsngr
m zin liw diyhh pah kacngx
M zin puebah diyhh siurkow
simqnuax byy langg liw jiacc cox
qnaw taux vunxquanx ee qokkor
sutongx hyhngx ee qiongdoo
Liw Singx ix iarr dirr gee-lai
qniaa uaw sueh hro Hanwbunn jaix
hai guaw snax zit pah jit vaiw
sitlyc kowgunn jyr did laii
Cequ liw diyhh qra ix zin
sniu beh qapp liw qed huninx
narr zin lauriaa e linbinw
guaw jiacc erdid tangx siausinx
Kow Senx jiongtauu itdit sueh
u jnii qamguan ara ter vuee
siar guaw co' huann tauu jit quer
taukag kap qaxx beh liuwpuee
Kow Senx u zin anxnix hyw
vunxquan hringg liw juadduir byy
qnir jitt nng hxongx ee guanvyw
iauxx jap-veh hxongx kngr decc dyc
(snax) Kow Hanwbunn Hangjiux Ciongqunx Quax
Lauriaa liw tniax siyxlangg(?) qongw
jixu sangr guaw jitt nng hxongx(?)
hai guaw jixhux jnia' uanongw
narr jaix qycc zin qamxx u hongg(?)
Druar dirr snxiaa-lai Siangdee Hang
quanrqnuax beh liac inx nng langg
hyxir sangr guaw ee jnihang
byy gii suacc venr jitt hy kangx
Jitt jam aurhuee jiacc hunqaiw
singx sueh Vec .Sxi jitt vingg laii
simx qniax ganw tiaur jre be jai
kutjiw(kutjnaiw?) jit sngr jiksii jaix
Vec .Sxi lirhai sngr e junw
jamii dun(?) laii taux kowgunn
lanw diyhh lirkuix kacc unxsun
sethuad tangx qiur Kow Longqunx
Siyxcingx decc krngr Vec Siyxjiaw
lanw diyhh qnuaxqinw lirkuix jiax
guanvyw qra kngr dirr jitt ziah
liw lanw hro ix byy der liac
Hanwbunn lonqunx virr lanw hai
diyhh laii qiur ix jiacc ingqaix
ginniuw qra krngr dirr huw-lai
byy siamw geiac jiksii laii
Niuqanw dyrr beh qinw siamxbih
m qnaw druar jiax sniu' endii
longqunx narr si siar be li
lanw jiacc laii kir qaixqiur ix
Geiac laii qaur Siangdee Hang
cue byy Vec .Sxi inx nng langg
m jaix jauw kir dyc'ui cangr
laudingw laukax longx kangx kangx
Knuar diyc guanvyw dirr lairbin
cue byy nng xui ee luxzinn
dnaxx diyhh huee gee(?) laii kir vrinw
jitt jann Kow Senx yh siausinx
Geiac dngw laii decc vinxvyr
siyxlangg hongrmia kir liac byy
jixu jap-veh hxongx guanvyw
qui' qingx cur-lai kangx lysyx
Quanrqnuax jiksii dyrr singdngg
cadzinn dyjauw ongw hyhngx
guanvyw siuzip qokkor kngr
jitt anr Kow Senx diyhh damdngx
Cadzinn dyjauw quer soxjai
siamw dirr dyc'ui liw qamxx jaix
Hanwbunn air diyc sniu knuar mai
narr beh lunrjue liw diyhh taii
Lauriaa liw diyhh kacc siawjue
guanvyw m si guaw tautec
aurvaiw m qnaw anxnix juer
siar guw co' huan tauu jit huee
Quanrqnuax dongjingg Kow Hanwbunn
huatpuer Sojiux kir ciongqunx
bunvaii jiksii dyrr puejunw
qaixcex Ongg Jinr qapp Iuu Kunx
Qiau'iongg laii knuar inx siyxdi
tec quaw ginniuw beh hro ix
duarjiw siyxdi hun be li
cuxkir m jaix qaur dirsii
M si Qonghuw simqnuax hiongg
quanrqnuax cuivig qovutjiongx
hende jendoo diyhh vyxdiong
m tangx uanwhun dirr simdiongx
Liw Singx decc kngr inx cequ
m tangx uanwhun linw jexhux
snax nii kuair kuair benw zuarr quw
qitzinn juriuw tensiong huu
Jixhux hiamw hiamw virr guaw hai
liw ee jikzim guaw dy' jaix
liac by snax zit pah jit vaiw
liw laii vywqyr dy' ingqaix
Iyhdiamr Ongg Bingg iarr jai'ngiaw
suisii qnuaxqinw qaur quanrsniaa
Kow Senx uirdiyhh jitt anwqnia
qauwui duxhyw beh kixqniaa
Ongg Bingg puesinr siaw ven ven
qniaa uaw tec hro ix Kow Senx
jit ciuw puesinr jit ciuw cenn(?)
jiauww puex hingsu m tangx cenn
Sojiux jit xui Goqahang
sner Goo Zinqed ix vunxlangg
junxjunw qra liw dauwsnaqang
iuguann decc kuix iyhjaihangg
Ciuw jriab puesinr qapp jriab jnii
tauqex unjingg kacc dua tnix
dirsii erdid jaiww siy' qnir
pacsngr qikk qinw diyhh snax nii
Qaixcex achuan beh kixqniaa
Qiau'iongg huanhur cenban sniax
hende diyhh kacc qor sinmia
tauqex qaudair liw diyhh tniax
Kow Senx jiamx kax qangrr iur ciuw
lordoo iau'uanw byy juriuu
jinjniar zimxnai qapp kutsiuw
byy jitqywguec qaur Sojiux
Sojiux Goquan Dann Lauriaa
Jikqangx Jnidngg puer laii jiax
dyrr jiong' huatbunn qnuaxqinw siaw
jiksii huatqaux ???
Jriab diyc Gorquan ee bingrling
dyrr laii ?? qnir iahsingg(?)
puebunn beh huee Jikqangx Singw
Ongg Jinr Iuu Kunx dyrr kixdingg
Kow Senx cruw cud jit niuxginn
beh hro ?? kir brew hrunx
cutzip lirven dyrr an'unw
juann byy kusog Kow Hanwbunn
Kow Senx laii cue Goo Guangue
qnir diyc Ongg Bingg jit dniux puex
jai'ngiaw hendid liw huanrjue
?? qapp guaw u qauvuee
Guangue pnawciuw jnii qnaw ing
zi-jap niuxginn sangr ???
??? u jnii banrhang kingw
guangue beh laii vyw guersingx
Zinqed haixkauw qra luan rue
zin si guersingx byy bunrdee
vaiwtog qaixmiaa drauu byy jue
jywvyw zinrjng qra niaxhuee
Guangue dyrr jyr vyxzinrjng
narr qycc jyr pnaiw guaw damdngx
Kow Senx hro ix dyrr niaw dngw
druar dirr dxiamr-lai yc iyhhngx
Vec .Sxi cuisngr junw junw junw
jai'ngiaw Kow Senx kir ciongqunx
jin' u angbow ee jinghun
Sojiux beh cue Kow Hanwbunn
Qawhunn beh cue Kow Qnualangg
anwsngr beh lyc qaur ???
qanxniuu laii qaur Goqahang
knuar diyc Kow Senx dirr iyhhangg
Kow Senx jiac vaw duxx ingg ingg
knuar diyc Vec .Sxi qapp Siyxcingx
mng inx laii jiax sniaw loring
m tangx qycc sniu lanw ixjingg
Bingbingg guaw si hro linw hai
jiacc diyhh ciongqunx duiww jiax laii
si beh cue guaw simxmih dai
linw si iaujniax guaw jiauu jaix
Niuqanw knuar diyc ciyr bunxbunw
Vec .Sxi qnir diyc Kow Hanwbunn
jin' byy angbow ee jinghun
qongw guaw si kir taux kowgunn
Liw dy' bingbingg si iaujnix
hai guaw ciongqunx diyhh nii
qoklangg erhiauw tangx qakcniw
mrbenw druar decc qyqyx dnii
Vec .Sxi e ?? qapp e dunr(?)
qniax byy bixmau ee longqunx
sriu diyc qnuazinn ee jinghun
jiacc u laii qapp liw uanhunx
Bycaiw duiww linw jiacc sing'ir
qycc laii hro liw cniaw qapp srii
narr huee jikqangx qex enwkir
knuawpuar sewjingg mia m dic
Narr qacc linw m si iaujnix
inhyy nacc u jitt hy jnii
qnaw qycc gnirgee qapp guaw jnir(jner)
qyxzinn(qoklangg?) iauxx m jauw kacc vnix
Vadd langg ee ue m tangx sinr
vniquanx jongxcaii guaw diacinx
qew qaxx gansig qangrr iubin
knuar diyc tong' langg dy' koxlinn
Guaw diax vniquanx jyr jongxjer
guanvyw si gunw qadi ee
Jnidngg qauxqnuax jin' byy lew
jiacc qnaw bulua guaw tautec
Qokkor qaqi kaix byy dinx(?)
qnaw qongw virr taux dua vutzinn
guaw sniu qaur anr beh singzin
hai diyc qnualangg liw jit srinx
Narr beh qongdngg qapp ix ven
tiacsnuar liw lanw ee imenn
sewlat byy air qapp ix denw
jit zit byy sun siyw sinsenx
Vadd langg ee ue jiacnirr sinr
qnualangg liw jnia' hirkangx kinx
hibang beh qnir liw jit bin
jin' bycaiw guaw ee simsinn
Guangue tniax qaxx u cuwbi
jinjinx qnuaqex ee luxzii
knuar ix jiacnirr u jinggi
qnuaxqinw cud laii jiyhox ix
Linw angx sriu diyc langg senwdong
liw iarr mrbenw huee Jnidongg
cniaw liw zip laii dxiamr-lai qongw
junxvi hro linw tangx dongrvongg
Niuqanw qniaa zip iyhdiamr lai
juanvo sueh hro guangue jaix
qimzit sriu linw jin' jiauqair
dingsnuax-quewsuiw(?) diauqangx laii
Guangue qaixkngr Kow Hanwbunn
langg si u xunx diyhh vyr xunx
ixjingg dairjir benw uanwhun
junxvi hro linw kir uanhunx
Kow Senx vaiwsia Goo Guangue
siyxdid sriu linw jin' jaivuee
unjingg cimx qaxx naxx haixdew
jingg ee dairjir byy bunrdee
Hendid narr kingw beh siy' zin
qecviah hro linw kir ansinx
bingzit hyw zit dnaxx dyrr qinw
tangx qapp siyxjiaw ix singcinx
Qingquer snax zit ee sijun
Vec .Sxi Dinniuu qapp Hanwbunn
hucex nng langg jnia' hysun
dapsia guangue qapp ngirqunx(?)
Hendid liw dirr guaw qediongx
u ue beh qapp liw camsiongg
dnaxx u qeau rair huiwsiong
liw iarr laii jyr iyhjingxsiongx(?)
Jingxvunw hro liw kuix iyhdiamr
ihuad mehliw diyhh suacc qiamx
narr air huiwiong jiacc benw kiamr
tanr je tanr jiyw dy' byy hiamm
Siyxdid jingg laii Qangsox Singw
sriu diyc guangue liw kansingg
qniax gunw byy tangx soxhuir ing
hysii dab liw ee unjingg
Jyr erdid qaur nacc u lun
tee cud vah-zi ee vehgunn
hro linw hucex kir jyr vunw
cincniuw teqaux Kow Hanwbunn
Kow Senx tiongr qaxx m hyw qongw
brang beh erdid tangx singqongx
qnuaxqinw setvi dyrr beh congr
diamwhy ix kuix Vyxandongg
Qui' zit isingx byy langg qiyr
iarr byy huanrjiaw laii tiac'iyc
jitt der langsor dy' be jiyw
singliw jiacc byy dui' dyhh driyc
Vec .Sxi qnuaxqinw sniu jitt hxang
qaudair Siyxcingx ix jit langg
qim'ia dogkir qinw kir vangr
m quanw juixjniw iacc dngqangx
Dogkir qyxzenn jin' digsig
vadd langg ee iyc byy haurlik
?? ziauxluan jit sikig
tong' qrex dag'ee diyc unik
Qoxjaw ee langg vutsii liux
ix juaa vangr dok vec juaa siux
vadd langg ee iyc lann did qiur
diyhh duiww Kow Senx ix kunxqiuu
Tong' qrex unik diyc jiacc dang
Vec .Sxi iong ue penr inx angx
joxtuann viwhng dogg jit hxang
e dri unik qiur vnerlangg
Liw u viwhng dogqox bi
iyc qaur dyrr hyw benw langg rix
narr diyc kacc dang jiac dy' li
jiac hyw ee langg ix vyr ix
(sir) Vec Dinniuu Taux Danx Qiur Angx Quax
Tong' qrex hranw qaxx herhe diy
dagg hxo un'ik dy' u diyc
jit liap snax hunx jnii jin' jiyw
tong' langg laii brew dighauriyc
Vah nii tuann cenx cenx tuann bxan
cutmiaa qiuwqib ee sendanx
jin' u qonghau jnia' hihanw
iyc jiac quer auu dyrr ving'anx
Go-guec cego Dauniongjeh
dxiamr-lai sinlyy iarr dngxhuee
Siyxcingx qew vni sun qihue
siyjiuw m qnaw limx vnuar vuex
Siyxcingx qexir langg m hyw
in'ui dyrhing kacc cenxvyc
Kow Senx jiuxcair cuann jit dyh
Vec .Sxi hionghongg m qnaw lyc
Kow Senx dyrr qra Vec .Sxi qongw
diyhh jiauww qoxle jiacc u tongx
iausiaa jin' sing(?) m tywdongr
siyjiuw diyh laii camx hionghongg
Kow Senx dyrr qiyr Vec Siyxjiaw
gorguehjeczit jiauw diyhh jiac
guaw cuann jit aux dirr jitt ziah
hionghongg camx jiuw vi iausiaa
Dinniuu pnri diyc hionghongg bi
jinjniar jimjiog decc dniudii
jingg dauu buxtex laii cutsir
siyjiuw m bad jiac vnuar sxix
Qimzit sngr si Duan'iongjeh
jiac ix juir juir byy bunrdee
niuqniaw liw benw limx sniu' je
kacc kow hro guaw qingr jit vuex
Qui' aux limx lyc vakdow lai
junw junw e juir guaw jin' jaix
tauu hinn bak amr jre be jai
qiongqiongg decbeh dyww pax saix
Jin' u angbow ee jinghun
dagg hxang jiongg guaw Kow Hanwbunn
niuqniaw jiuxjuir qinw kir kunr
guaw beh laii kir knuar lingjunn
Kow Senx sanwvo beh iuu qangx
sniu diyc niuqanw inx nng langg
jiuxjuir m jaix qaxx vnuar hxang
cittyy sniu' quw qnaxx m tangx
Lingjunn hyw knuar dy' benw qongw
sniu qnir Siyxcingx qamw diyc hongx
byy langg qor dxiamr byy tywdongr
qnuaxqinw dngw laii Vyxanx Dxongg
Dxiamr-lai byy langg tangx ceqah
niuqniaw jiac jiuw cuir e dax
cutciuw bangxdar dyrr beh jac(?)
suisii qniax dyw dirr tokax
Kow Senx cud sniax dyrr decc huah
qnaxx u jitt kuanw ee dua juaa
bingbingg si beh qniax siw guaw
qimzit junw siw qnaxx be uac
Jitt jam singx laii qongw Siyxcingx
gnoxsii qingquer venr guanhingg
tniax diyc aurbin u dongrjing
qinw laii Vec .Sxi ee vangqingx
Siongwqongx hun siw dyw dirr de
hunpig siwsnuar lann did huee
in'ui qimzit Gorguehjeh
snix cud jitt kuanw ee bunrdee
Paclua(?) siongwqangx qiyr be rinr
knuar diyc Vec .Sxi ee guansinn
dyrr qiyr a'niuu kacc qnuaxqinw
Dinniuu suisii venr zinsinx
Vec .Sxi beh qiur berdid hur(?hrur)
vangr sniax dua kaur guaw cinhux
byy tangx huedab guaw jit qxur
siangciuw py uaw dirr sinkux
Siangsinx py jnriu bincngg lai
m qnaw longriongg qniax langg jaix
huanhur Siyxcingx qor dxiamr-lai
guaw beh laii kir cue iyhjaii
Liw diyhh siyxsimx kacc urngiaw
qanxvi dirr cur mrbenw qniax
tangx qiur siongwqangx ee sniwmia
a'niuu hongwsimx qinw kixqniaa
Qnuazinn jitt kuanw ee jailan
iyc narr qauwui dyrr ving'anx
qawhunn-tingkongx jiacc be ban
beh kir iydii dy(dry?) sendanx
Iarr be qor did knuar senqingw
diyhh duiww danuann dy(dry?) dairsingx
denw cud iauhuad ee vunxlingw
gu diyc vec qauu(?) dirr dong-jingg
Vec qauu dongjuw cinx knuar qnir
duardnaw hyhongx ee iaujnix
jitt der m junw liw luan vnir
laii jiax Iaudii si beh nii
Dongrkauw vec qauu dirdecc qor
sendanx juadduir yh did dy(dry?)
jongw byy kangx qniaa jitt jua lo
iaudii singwbuw huadlik qyx(?)
Dikkag u sniu simxmih kangx
iaujniax jiacc laii venr jyr langg
dyrr jiong' sinkux iyy dinxdang
tiux cud jit qix qimqongvang
Diyhh singx cud ciuw kacc tywdongr
tanr ix vec qauu byy tehongg
diongr diyc vyxjiyc dirr citkongw(?)
venwsinx tniawtangr lann did dongx(?)
Tniawtangr landongx(?) byy qunxciyr
qui' tauu qui' bin honghongg siyx(?)
qinw zit dong-diongx qnir singwbiyw
diongr diyc iaujniax ee vyxjiyc
Singwbuw suisii qaur dong-gua
jaix si Suwcuanx ee vec juaa
liw jin' m qniax dnaw jiacc dua
sniwmia liw byy sniu beh uac
Tenlyy-derbang jnia' hyw ing
vec juaa suisii venr guanhingg
beh jam gigtiog ee sniwmia
quan'imx posad laii qongxjingg
Beh lun Vec .Sxi qapp Kow Senx
guann u jit jann ee sowenn(siok'enn?)
lun kiw gedtiog jue lanbenw
ingwjua(?) erzit dirr ganxjenn
Tenlyy-derbang jiacc siux kiw
singwbuw kuansur(?) liongrjingg ix
vec juaa sniwmia jiacc benw siw
kauwsia singwbuw huad juvix
Gedtiog liw jin' sniu byy qaur
sendanx nacc hiacc iongngi taux
lamqig laurongx u sencauw
daiwliam linw qniaw be cuttauu
Tenlyy-derbang jiacc siux kiw
singwbuw kuansur liongrjingg ix
Vec Juaa sniwmia jiacc benw siw
kauwsia singwbuw huatjuvix
Gedtiog liw jin' sniu byy qaur
sendanx nacc hiacc iong'ngi taux
Lamqig Laurongx u sencauw
daiwliam liw qniaw be cuttauu
Kauwsia posad liw laii qongw
qawkiw honghunn dyrr tingkongx
suisii laii qaur Lamqig Dong
knuar diyc dong-gua u dyrdongg
Jit xui dyrdongg dirr guarkauw
Vec .Sxi qniaa uaw qra dimr tauu
beh qriuu qauwjuw ee sencauw
naxx qongw bagsaiw naxx decc lrauu
Kunxqiuu sendongg vrinw jit jua
m qnaw qongw ix si vec juaa
quan'imx posad jixdiamw guaw
narr byy sencauw qiur be uac
Logdongg dyrr beh zip kir vrinw
tniax diycc jitt kuanw jnia' koxlinn
liw draur ciurkax siyw ciucinr
sui' laii huehog liw jit srinx
Guaw druar ciu-kax cniaw danxtai
qauwjuw beh m iauxx m jaix
knuar diyc simqnuax jnia' cinwcaiw
ciuw jib sencauw dui' hiax laii
Logdongg sueh hro Vec .Sxi tniax
qauwjuaw jaix linw ee sniwmiaa
sencauw kir jnuax dyrr u mia
vau'unw hueiongg mrbenw qniax
Vec .Sxi muaxsimx jnia' hnuahiw
knuar diyc sencauw u jit qix
qnuaxqinw siangciuw qra ix jrih
kauwsia suhniax jin' juvix
Ter guaw kauwsia linw qauwjuw
sencauw dyrr cangr dirr sinkux
suisii tingkongx qawhunbu
qnuaxqinw beh qiur guaw cinhux
Kow be suisii qaur XXX
benw qongw gu diyc simxmih langg
dnaxx jin' qajair iauxx u brang
tangx hyw qaixqiur guaw cinangx
Hnua(?) lyc huntauu dyrr zibmngg
knuar diyc longqunx simx jin' sngx
junw junw ee uac unw pacsngr
sencauw qnuaxqinw kir jentngx
Vec .Sxi Dinniuu huatlik dua
air inx diongrhux qinw e uac
jit diauu ciuxqinx nng ciyh gua
liamrdong jingenn venr jyr juaa
Qnualangg narr mng guaw u ue
jiong' juaa singx jam jyr nng quec
danr dirr aurbin ee kangwde
Siyxcingx senhongx jnuax jit vxuex
Siyxcingx senhngx pangg jit aux
qinw qra qnuaxlangg quanr lyc auu
senqax miaurhngx jnia' qonghau
diongrhux suisii e uat tauu
Kow Senx hueiongg u sniwmia
me inx niuqanw juanx iaujniax
guaw qaur qimzit jiacc jai'ngiaw
siamw kuix jiacc be hai guaw qniax
Vec .Sxi bagsaiw cabcap dih
nacc tangx luan me linw cezii
dogjuaa virr ciab(?) laii jam siw
liw kir knuar mai dyrr jaiqix
M sinr liw qra Siyxcingx mng
jit buew okjuaa dirr bincngg
virr guaw vyxqiamr laii jam dng
danr dirr aurbin dniadiong'ngx
Siongwqangx decc huah jiacc jai'ngiaw
qanxvi knuar qnir iauxx kacc qniax
hro gunw jam dng byy sniwmia
danr diyc aurbin ee duardniaa
Kow senx tniax diyc jitt qxur ue
qniax inx niuqanw iong cuiwhuex
laii qaur aurbin ee kangwde
jit buew dua juaa jyr nng quec
Knuar diyc okjuaa urngiaw siw
Hanwbunn simlai jiacc byy gii
kngr inx niuqniaw m tangx krir
uirr hux(angx) gorhue jyr jit sii
Vec .Sxi qew decc crid bagsaiw
dyrr qiyr Siyxcingx juaa kir taii
liw lanw sngr sii angboxdai
guaw beh vintauu sueh liw jaix
Qniaa quer censanx qangg banrniaw
qongw qaxx hunbingg qxunx e qniax
qriuu huee sencauw jiacc u mia
suacc hro liw gii guaw iaujniax
Hiamw byy sniwmia tangx hyw dngw
qongw qaxx jiauu diyc ue jin' dngg
lordiongx dairjir jiacc vangwdng
qandna' qongw kiw qriuu senhngx
Singx qongw quanrhuw inx jitt vingg
Sojiux dihuw qnruax jin' bingg
aiwbinn-zujuw(?) qik cingjingr
kir cniaw Kow Senx jyr isingx
Laii knuar Goo .Sxi ee huzinn
Kow Senx mehliw hunx u jinx
ix sriu siangtex ee sin'in
guaw u miauriyc druar dirr srinx
Narr air qinw snix byy uilann
cruw cud nng liap ee iyhdanx
guaw cniaw jiamrsii jre jiax danw
vaux liw siangtex tangx ving'anx
Sensnix qyxzenn jin' qybingg
iyh'uann jiac byy quiw hunjingx
kaksit urngiaw jnia' hyw ing
suisii siangtex dyrr qangwsingx
Luxvi cud laii decc vyr hiw
huzinn siangtex ee lamzii
ja'ia posad laii jixsi
jiacc e jai'ngiaw liw bing'ix
Guaw ee viwhngx jnia' hyw ing
dirr guaw Jikqangx u bunbingg
qnir singx(?) dag;ee taukag ding
ingxuanw byy vni tangx huatsingx
Sensnix mehliw knuar e junw
jinjniar cingjan Kow Hanwbunn
junxvi caixduan go~lak kunn
dyrr cuann siarlew cingniuw gunn
Lak miaa qezinn(?) rah caixduan
singx duiww duarqex iuu jit huanx
Sojiux sniaa-lai hranw qapp luan
Hanwbunn ihuad kaksit quann
Kow Senx vaiwvet Sox Jiux huw
srinx jre dua qiy veh miaa hux(?)
jiabjiap qra junw qaur inx cur
isingx tangx beh qapp ix dux
Isingx dag'ee gauu senwdong
benw hro ix druar jiac cu tongx
jitt jam siyxtingg jiacc laii qongw
Kow Senx dngw laii Vyxanx Dongg
(go) Kow Senx Derr Zi Crur Ciongqunx
Ginniuw caixduan siux hyxser
cuann hro qezinn huee huxgee
veh kox beh hro inx siarlew
tangx kir jiac jiuw qapp brew dee
Kow Senx sueh hro inx bow jaix
qex tanr jitt dongr tnix sangr laii
muixx zit huanrjiaw qui' dxiamr-lai
benw qniax byy jnii tangx hyw kaix
M qongw Vec .Sxi inx jitt vingg
singx sueh singxsniaa jiongww isingx
tong' langg kacngx kiyh siy' qing
beh qapp Kow Senx dua qingrjingx
Isingx jit xee miaa Lauu Hong
laii kir jiyhhox Vyxanx Dongg
narr u vyxkir qapp qoxdongw
vailet ho'ngg knuar jriog samhongg
Narr byy qoxuann ee mihqnia
benw hro ix druar Sojiux Sniaa
ix qacc singlok unw hauxtniar
narr byy jiacc qapp ix su'ngiaa
Byy sniu ciongqunx ee huanrlangg
qnaw qycc kuakauw gauu pongwhongx
bingzit juadduir byy vnuar hxang
Sojiux qycc druar byy snax qangx
Kow Senx decc mng inx hencex
jingwlangg beh dux lanw jit xee
rinw langg jitt jann dua quanhe
qoxmng knuar beh kir dyhh tec
Liw benw huanlyw byy iauwqinw
vniquanx jongxcaii guaw hurcinx
qoxdongw uankir qui' lairbin
beh kir hai diyc liw ee srinx
??? narr u jin' qajair
bingtenx lanw diyhh hur langg vaii
ven ven dirr lanw ee huw-lai
juanx si guarqog jinwqongr laii
Kow Senx tniax diyc simhuex kuix
jiac vaw dairsingx kir ansuii
Niuu Ongg vyxvuer derr id suiw
qoxmic uankir qui' dua duix
Siyxcingx liw kir Niuu Onghuw
denw liw vingsingx ee qanghux
Niuu Ongg qoxmic dagg hang u
siux dirr au lxauu jongvyxduu
Siyxcingx tniax diyc qnuaw qinw qinw
suisii qawhunn dyrr kixsinx
lak qnia vyxvuer taux quewbin
iarr u kongxciog qapp qilinn
Siyxcingx qawhunn qycc dingkongx
qaur inx dxiamr-lai Vyxanx Dongg
Vec .Sxi knuar diyc jnia' hibong
dyrr jiong' vyxvuer qra siujongg
Kow Senx tnix qngx decc huanlyw
knuar diyc cur lai kangx lysyx
qongw u qidinx qapp ngirvyw
hencex junxvi kngr decc dyc
Qnualangg jyww liw benw quawir
sinkux syxsii zimm jit qix
ciapsinx jaw jaw u junxvi
kuix hro qxunx knuar dyrr jaiqix
Siyxcingx dyrr kuix jit kasniux
syxsii tec hingg Vec Dinniuu
lairbin vyxbut jin' je ngiu
siyxdingg beh kir vaii huerdniuu
Jitt kuanw mrjiacc si qoxdongw
dagg qnia hyw knuar qapp kaxjongx
juanx si guarqog laii jinwqongr
dimhniux qilinn gioghaidongg
Virvan hniudyh qapp qyxpinw
junxvi hyxser dyrr kixsinx
Kow Senx druar vyw jyr aurbin
jingwlangg mng kir jnia' cnijinx
Kow Senx duar vyw qaur biy-lai
Dyy Zinn dyrr tec cud laii vaii
diamw hniux hro inx tauqex vair
qokk xui isingx tangx u laii
Jniar sanociu jiacc dua qix
bexlyw kongxciog giok haizii
dimhniux qilinn siongrr quiwkir
jingwlangg knuar qaxx trow cuiwjic
Bexlyw kongxciog derr id kiauw
isinglangg dongr inx be diauu
qewdat lensniaa qongw be liauw
dag'ee sniu beh qinw langwliauu
U langg ylyw suanociu
jitt kuanw qaiwdyw lanw Sojiux
isingx dag'ee taux liamr ciuw
knuar diyc ix liu(?) lanw iarr liu(?)
Jin' u texben hyw qajair
qimjuaw siyx hyw siux dngw laii
iarr byy vadd langg dirr dxiamr-lai
sueh hro Vec .Sxi inx bow jaix
Dnaxx laii qongw kiw Niuu Censuer
beh ing pikgik samsenvuex
cue byy sir qnia ee vyxvuer
m jaix sniaw langg laii tautec
Sitlyc vyxbut u sir qnia
Niuu Ongg simlaii krir qapp qniax
qokk huw jiux quan jiauu jai'ngiaw
iarr pair qezinn kir tamwtniax
Dagg singw qelangg dy' u kir
sindiong dy' u duar bunsix
tamwtniax taux vyw ee cadjiw
dyrhuan ingqaix diyhh beddii
Singx sueh Ongg Lingg qapp Sih How
qniasniaa cue laii qaur Qangsox
zit qniaa xia siog(?) juanx pauxlo
cue byy tauvyw ee caddy
Laii qaur Sojiux Goo Qehang
gu diyc jit din quewlorlangg
tniax liauw byy sniaw sniu' binglangw
qauwui jit qingx iyhjaii-hangg
Iuqycc tniax langg dirdecc qongw
jiacc kir jit qingx vyxandongg
vyxvuer vaii ho'ngg knuar qoxdongw
dimhniux qilinn jiokk kaxjongx
Ongg Lingg duer langg aurbin laii
sixzit qauwui iauxx m jaix
jyww liw siau'iauu tangx jurjai
onghuw vyxvuer taux laii vaii
Vyxbut si gunw censuer ee
liw qnaw zip huw kir tautec
vyxvuer vaux vaux jyr jit xe
suacc qra liw liac laii huxgee
Ongg Lingg qongdngg qui lyc kir
jinwsiong censuer ee bunsix
onghuw taux vyw ee cadjiw
lun jue ingqaix diyhh jamxdii
Sojiux dihuw si Dann Lun
zinrqnir isingx Kow Hanwbun
jitt langg siuxqiw qapp anhun
jingg u sriu diyc ix ee unx(?)
Qaudair Ongg Lingg qapp Sih how
linw singx duar vyw huee qniadox
jiacc mng dyrhuan ee langsor
simxmih sizit kir taudy
Ongg Lingg duar vyw u sir qnia
kauwsia lauriaa dyrr huee qniax
Kow Senx qniax e byy sniwmia
sueh hro dihuw lauriaa tniax
In'ui dauwvyw simxmih kuanw
jiongg tauu jiww buew sueh jit huanx
isingx dag'ee u kiyc'uanr
Vec .Sxi jiacc qra guaw jiujuann
Vec .Sxi qiyr laii mng knuar mai
siiyxlangg kaksit juann m jaix
vyxvuer ix kngr dirr sniux-lai
m jaix si dui' dyc'ui laii
Dihuw suisii qiyr dngcex
cue byy Vec .Sxi inx nng xee
Dann Lun erhiuw hunx jinqew
jai'ngiaw Kow Senx virr xiaux bee
Cutcex dyrhuan kir liac byy
dnaxx diyhh jnuaxngiu laii huadlyc
jiauww anr naxx vran kacc cingcyw
Kow Senx junw junw diyhh quewdyx
Jre dirr qongdngg sniu jit kunr
qnavangg kir diaur Kow Hanwbunn
liac byy iaujniax liw pnaiw un
vunxhuw jiong' liw kir ciongqunx
Vadd langg qunhuan diyhh ciaczi
liw u qra guaw huzinn rix
siar liw kinx jue dnaxx benw siw
ciongqunx buhan qaur dirsii
Vunxhuw simqnuax u linbinw
liw u laii qiur guaw huzinn
jendoo siyxsimx kacc iauwqinw
jitt jann qra liw vrna jin' kinx
Liw tak sisux dagg hxang bad
liac byy tauvyw ee dyrcat
lun jue liw iarr diyhh jamxsad
jongw si jin guaw ee kuiwlat
Beh jiauww huatlut jue jin' dang
daiwliam liw si dionghorlangg
jan liw zxic niuw ee jnihang
qra liw huatpuer kir Dinwqangx
Dihuw qaixbunn puex hyxser
qaudair nng miaa ee qaixcex
puer kir Dinwqangx Pu'iongg Jer(craa?)
m tangx kikvok ix jit xee
Qamxsia lauriaa ee duarunx
sniuxsur siyxzinn ee vehgunn
qaixcex ciuw jip byjingqunr
duar liauw jit dniux ee qaixbunn
Iyc-dxiamr tauqex Goo Guangue
qaudair Kow Senx jit dniux puex
diyhh jiauww puex-lai anxnix juer
ix duar Dinwqangx Liuxhiyc Qrex
Dangmngg Sniaa-gua knuar hen hen
qajaii banrquanr miaa Cii Kenn
jinjniar kinkuair qapp lirven
langg byy quiw huer iauxx cinglenn
Hendid narr si kir qauwui
dikkag e qra liw iongruii
jap niuw tangx kir jyr lorhuir
simqnuax jyww liw vangr ix kuix
Kow Senx jriab diyc jap niuxgunn
sir niuw ceiac kir duiwhun
hun guaw qnaxx e jiacc pnaiw un
jitt vaiw iuguann diyhh ciongqunx
Cenunx banrsia qongw be jin
vaiwvet guangue dyrr kixsinx
brang duiww Dinwqangx itdit jinr
qajair gu diyc hyw quiwzinn
Zit qniaa xia siok(?) benw zuarr quw
m qnaw sueh qapp sniu' qanghux
qra junw laii qaur Dinwqanghuw
dihuw snir Lauu miaa Vikhuu
Sojiux puer laii qaur jitt ziah
suisii huatqaur Pu'iong'iac(?)
Vikhuu huebunn dyrr suarr siaw
beh hro Sojiux Dann Taiwiaa
Air qapp Cii Kenn ix benrhue
qnuaxqinw mng qaur Liuxhiyc Qrex
zip mngg vaiwqenr Cii Guangue
cuxcud Sojiux jitt dniux puex
Cii Kenn jiong' puex knuar siongser
jai'ngiaw si inx viauxjig ee
dyrr duar jit vaux ee vyc lew
beh hro iahsingg ix brew dee
Kow Senx qapp guaw si qoviauw
gu diyc jitt jann jnia' suesiauu
byy hiamm vyhlew vaux kacc siauw
vaiwtog juermiaa qra buacsiaux
Benw qongw qapp linw u cinjniaa
liw qnaw damvyw ix jit mia
guaw laii jingxliw hro liw niaw
buacsiaux Kow Senx ee juermiaa
Kow Senx buacsiaux duu byy jue
Cii Kenn suisii qra niaxhuee
en' lo naxx qniaa naxx qongxue
siy' crua dngw lii Liuxhiyc Qrex
(lak) Cii Kenn Sniusix Air Vec .Sxi
Vec .Sxi Dinniuu tamwtniax jaix
niuqanw dyrr duiww Dinwqangx laii
m qnaw kir qnir inx angsair
suer dxiamr kuidniux jyr iyhjaii
Dinniuu jywsu jnia' hodoo
Kow Senx ciongqunx laii Qangsox
sriu diyc Cii Kenn jin' knuawqor
cincniu hniadi decc cinghox
Kow Senx Cii Kenn qra vyxzin
zip mngg qinw qiyr laurqezinn
aurbin juvangg kacc ciucinr
cuann hro siongwqongx tangx ansinx
Kow Senx Cii .Qrax decc jiamrr druar
jin' hy quewzit jnia' knuiwuac
benw sueh Cii Kenn dorliong kuah
singx laii qongw kiw ox vec juaa
Juewsu lenlui lanw qnualangg
hai ix ciongqunx kir Dinwqangx
dyrr kuanw qimdiauu qapp jnihang
beh laii kir cue guaw cin'angx
A'niaa jiax narr m qiju
jnihang benw duar dirr sinkux
tec laii kir qiar Liw Qonghuw
si lanw siongwqongx ee jixhux
Qaux ix vyxquanw siongrr tywdongr
liw guaw guann diyhh(?) venr lamjongx
ciongqunx nng zri mrbenw qongw
suisii tinghunn qaur Jnidongg
Qawkiw iauhunn jnia' kuair qaur
beh laii Jnidongg Qonghuw daux
Liw Singx duxx dirr mngkakauw
Vec .Sxi qinruaw qra dimwtauu
Vec .Sxi jinjniar gauu qexkangx
gu diyc Liw singx ix vunxlangg
cruw cud puesinr qapp jnihang
qongw kiw Sojiux lamvakhangg
Liw Singx tniax qnir jiacc e jaix
si inx cequ iongx ix laii
hyxlew qinw cniaw ix zip lai
dyrr beh tamwtniax inx qurdaii
Hanwbunn henrjai dirr Sojiux
decc jyr tnghunw qapp jyr iuu
qapp guaw siongdongx hyw ving'iuw
jnihang beh qaur liw cinsiux
Qinrlaii singliw jyr jin' dua
jin' hyw quewzit jnia' knuiwuac
suwsiongg cutdniux kir haixgua
jnii qiar dngw laii dy' byy juac
Jiong' jnii qinw tec hro Liw Singx
puex-lai qongxx u siaw jin' bingg
m tangx cenn quw guaw byy ingg
simlai sniu beh qinw kixdingg
Jnii qapp puesinr jrih quer ciuw
qaudair Qiau'iongg ix cinsiux
inx si Hanwbunn ee ving'iuw
singliw guann jyr dirr Sojiux
Vec .Sxi suisii qnuaw qinw qinw
qapp ix siy' srii dyrr kixsinx
Qonghuw sangr inx qaur guarbin
junw jyr inx qongxue si jinx
Siy' srii qniaa cud Siangdee Hang
kow be qinw qnir inx qnualangg
niuqanw jiong' srinx iyy dinxdang
tinhunn suisii qaur Dinwqangx
Cue kacc hiongwiongg ee diamwde
suer dirr Dangmngg Gordiauu Qrex
iuguann iyhdiamr dirdecc juer
singliw qapp langg jin' u vuec(?)
Benw qongw iyhdiamr singliw hyw
Kow senx juermiaa qaixduu byy
in'ui liglo langg kamxkyw(?)
sinkux siyx qaxx naxx huew dyc
Siyx qaxx uaw beh sir-jap dxo
in'ui qniax liauw sniu' quewdyx
mng iyc laii jiac be duiwlo
Cii Kenn beh crew laurqeloo
Siongwqongx zuac qaxx gong gong kunr
tngdee jit cuir dy' be tunx
Vyxanx Dongg u hyw iyhhunw
jit hok decc bre go jnigunn
Laurloo iarr u tniax qnir qongw
juanx dri liglo qamw diyc hongx
qycc si luxzii e qra congr
diamwhy ix kuix Vyxanx Dongg
Siongwqongx sintew jiacc dimdang
zuac qaxx gong gong m jaix langg
knuar diyc jinjniar m unxdangr
jit kunr qnuaxqinw qaur iyhvangg
Laurloo jiong' iyc tec dngw laii
qinrjingg vrinw quer guangue jaix
iyh'uann hro ix jiac knuar mai
byy hyw jiacc kir cniaw ix laii
Tniax qongxx iyh'uann jnia' qonghau
qamxhongx jit hog dyrr lirlauu
laurloo qunxjuiw pangg laii qaur
iyh'uann quanr juiw quanr lyc auu
Iyh'uann jiac byy jit tiab quw
jiksii qnua lrauu qui' sinkux
jiacnirr ingwhau jiyw langg u
kixsiw-huesingx ee qanghux
Dyc'ui sensnix jiacc u vanw
iyc jiac quer auu langg ving'anx
benw qniax byy jnii tangx hyw tanr
jitt jiongw hyw iyc naxx sendanx
Kow Senx gii dirr simqnuax lai
liongrvid nng xee tamwtniax jaix
tingwhau tnix qngx binaxjair
tamwtniax knuar si dyc'ui laii
Tnix qngx kiw laii qinw jiac vng
jiac vaw siy' crua dyrr cutmngg
qir did qniaa dy' byy zuarr hng
knuar qnir jit qingx Vyxanx Dngg
Vec .Sxi qnir diyc ix Kow Senx
jitt jam beh qongw ue jin' cenn
jywduix u tangx jiacc lirven
iarr si hyw did ix Cii Kenn
Hanwbunn qniwbin dyrr qra mng
qongw qaxx hunbingg ue jin' dngg
Cii Kenn hyw cuir qr ix krngr
siy' cua qniaa zip iyhdiamwmngg
Jre lyc qongw byy quiw qxur ue
Siyxcingx siydee pangg nng vxuex
beh cniaw siongwqongx qapp guangue
Cii Kenn jiac dee dyrr beh huee
Dee jiac liauxau dyrr beh dngw
Kow Senx sangr ix cud diamwmngg
knuar qaxx Cii Kenn qniaa kir hng
hucex jiacc zip Vyxandngg
Cii Kenn qnuaxqinw beh dngw kir
dyrr duiww Kow Senx ix siy' srii
knuar diyc bixmau ee luxsu
quar dirr simtauu itdit srux
Cii Kenn knuar diyc ix Vec .Sxi
diausux-borsniu suacc sniusix
narr beh qongw cud jin' enwkir
simlai vutsii decc sniu ix
Dyw dirr bincngg mizit sniu
simlai jin' air Vec Dinniuu
jiacnirr qankow beh jnuaxngiu
iyhdnuax lenn jiac sxor jap dniux
Isingx duanr guaw sniusix-vni
iyc jiac byy hrau jinjniar dnii
qiamxcaiw cur-lai langg tniax qnir
suacc ho'ngg tixciyr guaw jingsnix
Dann .Sxi dirdecc mng inx angx
liw vni qapp langg byy siy' qangg
iyc-aw naxx jiacc naxx dimdang
knuar liw decc air simxmih langg
Hamjux m tow si liw gong
qongw hro guaw jaix qamxx u hongg
u sniaw viwbit jyww liw qongw
guaw e laii ter liw jauxjongg
Guaw qongw liw si m tangx krir
knuar diyc Hanwbunn ee cezii
qnir diyc jit bin vni jiacc kiw
byy der tangx cniaw hyw bing'ix
Jitt kuanw guaw jyr erdid qaur
crex langg cniaw ix laii lanw daux
liw jiacc siamw dirr bincngg-au
vau'unw qapp liw kunr qangg tauu
Jitt kuanw qenwdir jnia' an'unw
qycc e rmuaa quer Kow Hanwbunn
hencex beh dyrr tranr jitt jun
jingwtauu hyw kir lak~cid hunx
Dann .Sxi dirdecc qiyr Ciulann
kir cniaw Vec .Six sniuw boxdanx
jiuxenr cuann ven dirdecc danw
qiyr ix m tangx cenn siqanx
Ciulann qnuaxqinw dyrr kixqniaa
quax jyr kacc jiap jiacc hyw tniax
kir qaur iyhdiamr qra ix cniaw
dngw ix vyr qaxx qongg pniapniax
Ciulann dngw laii vrinw taiwtair
Vec .Sxi sui'au dyrr e laii
Cii Kenn cngg-au decc danxtai
qewue jitt kuanw ix m jaix
Ciulann decc vyr Vec .Sxi qaur
qnuaxqinw cniaw ix jnriu au lxauu
jiuxcair cuann ven decc tingwhau
Vec .Sxi qew dnir m jaitauu
Jiuxcair jaw jaw dyrr virvan
jiac jiuw jiacc laii sniuw boxdanx
Dann .Sxi qniax inx angsair danw
siamw kuix hro inx kir qniqanx
Dann .Six qew beh kir siauxqaiw
Vec .Sxi jai'ngiaw dnir m jaix
Cii Kenn qui dirr vangqingx-lai
iongrsimx-qewqaur cniaw liw laii
Vec .Sxi qui' bin jiauu huanw angg
qexir qniax qaxx jauw byy kangx
liac kir sangr qnruax jue jin' dang
qnaw laii taux siamw dirr lauvangg
Jingzit qnir diyc liw jit bin
Cii Kenn dyrr si guaw vunxsinx
penwkig ji huanx laii jywdin
qriuu liw inxjiongg guaw ee cinx
Tniax diyc Cii Kenn ee miazi
qniaa uaw siangciuw qinw huu ix
sniu diyc jinjniar pnaiw singkir
liw ee unjingg kacc dua tnix
Hii qaxx lyc bxang iujai linw
qycc si gunw angx ee unzinn
kir qnuaix vangmngg kacc iauwqinw
tangx qapp unzinn liw singcinx
Knuar diyc bincngg kangx kangx kangx
dua sniax dyrr huah qniax siw langg
sag(?) dyw dirr de be dinxdang
Dann .Sxi qinw laii knuar inx angx
Knuar diyc qnualangg qiyr be rinr
samhunn-citpig byy dirr srinx
Dinniuu iarr byy dirr lairbin
qinw jiong' huqunx qiur jingsinn
Knuar diyc zirdiauu dirr cngg-lai
sueh hro Dann .Sxi jingwlangg jaix
Cii Kenn simqnuax jiacc liauxqaiw
singx sueh Vec .Sxi dunr dngw laii
Kow Senx knuar qnir jin' diyhqniax
hencex liw qnaxx beh vorqniaa
Vec .Sxi qew qongw tauu jin' tniar
jre qiy oamr dyww gong gniaa(?)
Niuqniaw jre qiy kacc byy hac
dikkag sinqingx u jingcax
qinw kir iongrjing binn narr vaw
qnialo anzenn be pukax
Jit zit jit zit jin' kuair qaur
Kow Senx duxx laii Cii Kenn daux
dagg xui dy' kir iuu taur taur
nng xee jin' hyw naxx dongvaux
(cid) Vec Dinniuu Juiw Rimx Qimsanx Sxi
Nng langg bersux naxx hniadi
iu'uann sanwvo vutlisii
sniu beh kir knuar Qimsanx Sxi
Cii Kenn cud cuir decc jiyx ix
Qimsanx cutmiaa ee soxjai
sewqair bunbingg tong' langg jaix
jit xui senrsux qiyr Huathaiw
e jaix quewkir qapp birlaii
Siy' jiyx kixqniaa dyrr beh kir(kur)
sir lxiw gua lo iauxx uruu
liw guaw jionsinx ee dairsu
qra mng Huathaiw lau senrsux
Qauwui jiacc laii qra ix mng
knuar lanw huewsiu decc iacc dngg
qir did qniaa dy' byy zuarr hng
knuar diyc Qimsanx ee sirmngg
Qniaa zip sxi-lai qaur duarden
Zulaii hudjow u jit senx
beh laii hniudyh cuann ven ven
qnuaxqinw camvair m qnaw cenn
Hunhniux camvair qriuu vudjow
ix dirr Hangjiux guaw Qangsox
Sinwsu sner Cii ix sner Kow
beh mng cuxkir ee jendoo
Ix dirr Hangjiux guaw Dinwqangx
hniadi jingcax sner byy qangg
beh qriuu jendoo byy vadd hxang
vair hyw siy' cua lii senrvangg
Dyrr zip senrvangg qnir Huathaiw
hniadi singsimx siy' cua laii
Huathai senrsux jin' lirhai
linw bue qauwui guaw singx jaix
Beh mng sijuw ee langkeh
sner Kow miaa Senx dycc jit xee
byy liw sner Cii ee quanhe
jitt xui sijuw virr xiaux bee
Huathaiw dyrr mng Kow Hanwbunn
liw qapp Vec .Sxi u qethunx
kacc jaw Hangjiux ee sijun
kir taux jnidngg ee kowgunn
Knuar e qir did iarr si bue
liw kir ciongqunx jaxdongcuex
dngw laii duxhyw go-guec-jnxir
siyjiuw liw qra quanr jit vxuex
Vec .Sxi jiuxjuir venr vunxsiongr
liw jiacc qniax dyw dirr vangg-diongx
hunbee m cnew jin' siongdiong
cruw iyc jiacc qiur liw hueiongg
Cnew laii liw beh qapp ix suah
ix jiacc vyr liw knuar qew juaa
guaw krngr qusu diyhh knuawpuar
narr m lirkuix junw be uac
Onghuw vyxvuer taux sir hxang
hai liw ciongqunx laii Dinwqangx
quwjai hro ix vniwqaulang
Vec .Sxi iaujniax m si langg
Jitt buew dyrr si vehjuajnix
siuhing jit-cingx veh-vah nii
qusu liw diyhh qinw qakcniw
m tangx qycc kir qapp ix dnii
Ix ee iausut qyxzenn dua
Siyxcingx jniawjniar si ox juaa
tniax guaw ee ue qinw vangwsuah
sniwmia liw jiacc u tangx uac
Qycc kir jiyh juiw rimx Dinwqangx
sniaa-lai siw kir jin' je langg
jue huan tendiauu jiacnirr dang
in'ui beh tyw jit xee angx
Sniwmia derr id dua quanhe
dyrr jiax jenxhuad laii cutqex
suhu siux guaw jyr dode
qamguan dnax juiw qapp jnuax dee
Liw ee siok'enn iauxx bue dng
mrbenw cutqex jenw taumngg
jiamrr druar sxi-lai m tangx dngw
u su vinsingx jiacc damdngx
Jyww liw jiamrr qux dirr sxi-lai
zi xiaux juadduir m qnaw laii
vinsingx vauquanw liw byy dai
inx ee iausut guaw jaix jaix
Cii Kenn tniax qnir dua diyhqniax
lirvet Kow Senx beh kixqniaa
dingw zit guaw dyrr vnuar jai'ngiaw
Vec .Sxi jinx jinx si iaujniax
Kow Senx sxi-lai decc virlan
Cii Kenn qadi singx harsanx
singx qongw Vec .Sxi inx niuqanw
simx qniax ganw tiaur jit siqanx
Simx qniax ganw tiaur jyr jidsii
kutjniaw jit sngr dyrr jaiqix
siongwqongx kir iuu Qimsanx Sxi
huathaiw senrsux qiongg lauu ix
Vec .Sxi iyy tauu lrauu bagsaiw
Siyxcingx tniax qnir jiacc e jaix
m sinr tutluu(?) zuarr lirhai
qanxvi laii kir qra naurdaii
Buxlik junw junw byy ix hxuad
sniu diyc simqnuax jnia' m uad
siongwqongx naxx tniax lauu tutcat(?)
dingrquix e qapp lanw duanrjuat
Vec .Sxi iong ue krngr Siyxcingx
huesniu hudhuad jin' qybingg
viw lanw nng xee kacc vunxdingw
diyhh ing hyw cuir qra qiujingg
Tutluu(?) hudhuad naxx hiacc vaw
siyxjiaw juxir be jingcax
narr si beh kir diyhh tranr jaw
qawkiw iauhongx jnriu hunhaa
Qawhunn laii qaur Qimsanx Sxi
beh laii kunxqiuu lau juxcii
knuar diyc jit xee siyw suabii
vaiwtog ix zip kir tongdix
Huesniu vinxvyr inx suhu
guaw duxx druar dirr biy-kauw kuu
nng xee jabow qar(?) hunbu
qongw beh laii cue inx diongrhux
Huathaiw tniax diyc ciyr bibix
gedtiog sixzit beh qaur sii
hyw dnaw laii guaw Qimsanx Sxi
ciuw jip huddiong u jit qix
Dyrr me gedtiog jin' iaxbann
qnaw laii cimx zip guaw Qimsanx
sii qaur huanxhuew dyrr kacc ban
siuhing hiacc quw ee niqanx
U simx siuhing jiacnirr quw
qnaw bee Kow Senx juer cinhux
qnuaxqinw huee dong kir siulen
liam liw huai'in dirr sinkux
Aiqiuu vud'iaa kacc siawbenw
guaw byy hai diyc ix Kow Senx
siyxtiog m qnaw siy' muapenr
qed ruii hucex si jingg enn
Gedtiog liw u sniaw vunxdingw
aiqiuu si decc qex byy ingg
qnuaxqinw huee dong kir siuhing
vindy huddinn byy liongrjingg
Vec .Sxi bagsaiw cabcap dih
hud'iaa liw diyhh kacc juvix
danw guaw haizii narr cutsir
huee dong siuhing iauxx bue dii
Byy sniu jitt xui sniaw soxjai
qangrr tnix jiyh dnaw jiacc qnaw laii
vinsingx sniu beh kaix satqair
liam liw sindiongx u huaitaix
Siyxjiaw liw iarr berhiauw knuar
mrbenw iong ue qapp ix vnuaa
hucex qra lanw laii tiacsnuar
hudmngg jitt kuanw kuix simqnuax
Tutluu(?) jinx jinx jiacc kyxhun
tranr langg cutqex zip hudmngg
hyxpnaiw liw iauxx zin be junw
jrer kiw jit diauu angg qatqunx
Liahjunw huatvyw jnai' hyw ing
venr jyr huexqngx decc huehingg
Huathaiw iauxqycc kacc vunxdingw
huddinn siux ix ee huexlingg
Vec .Sxi knuar qnir jiacc jai'ngiaw
Huathaiw qyxzenn u miasniax
tror cdu vyxvuer u jit qnia
Huathaiw senrsux iarr byy qniax
Huesniu huatlik iauxx kacc u
duiwtauu dirdecc vniar qanghux
jrer kiw huddiong dirr hunbu
kir puar Vec .Sxi ee vyxjux
Knuar diyc hudmngg ee vyxvuer
banrdy qimqongx naxx lenhuex
Vec .Sxi qajair u juxser
niuqanw qawhunn dyrr qinw huee
Huathaiw huddiong jiacc siux kiw
gedtiog sixzit bue qauwsii
Bunkikcnix qxunx bue cutsir
kuesingx jiacc laii qaixqiur ix
Gedtiog jaix siw jauw did hiongg
duxcenx kuesingx dirr hunn-diongx
bunvid kee(?) diauu guaw vyxdiong
narr byy Vec .Sxi vaux siursiongx
Guaw si vangwbak hro ix jauw
in'ui jiongrguann Kow Bingrqaux
guaw diyhh junxvi decc tingwhau
gedtiog dingrquix dywhuantauu
Sxi-lai huesniu jiauu huanhur
muixx langg jit dy ee linghuu
junxvi urhongg jitt iauhu
huling m tangx li sinkux
Huathaiw senrsux qiyr dikeh(?)
cruw cud jixsix ee qasex
tenlyy-derbang anx hyxser
juerog juanx si gedtiog ee
Jixix qasex ruii siwmngg
jit mii vowdir qaur tnix qngx
juiw qaur dingrquix ciongx dywdngw
Dinwqangx siw qaxx cauwcnihngx
Huathaiw junxvi dirdecc danw
beh danw duarjuiw qaur Qimsanx
Dinwqangx jur diyc sriu jailan
juerhuan tendiauu jit siqanx
Vec .Sxi dngw laii dnaxx qauwui
cin'air ee langg laii lirkuix
dyrr beh qra jiyh sir haixjuiw
hro ix tutluu(?) siw qui' dxuix
Vec .Sxi jingenn dyrr liam drong
beh driaur suwhaiw ee ling'ongg
ling linw un juiw kiw pylong
rimx qaur Qimsanx linw u qrongx
Suwhaiw ling'ongg dyrr niaxjiw
hingx hunn vor ho jyr jit sii
vangr juiw laii rimx Qimsanx Sxi
juiw ciongx dywdngw jiacc u qrii
Huesniu knar diyc dua juiw qaur
linghuu qra vangr hro juiw lrauu
qasex ruii dirr biy mngkauw
duarjuiw qauwui dywhuantauu
Senrdiong ciongx puar diyc juixlo
Dinwqangx jiksii venr vnivox
vecsner sriu diyc dua qiapsor
gedtiog simqnuax jiacnirr cox
Vec .Sxi qniax qaxx ue be qongw
sia quer suwhai ee ling'ongg
jiamrcniaw huedngw cinghongdong
niuqanw qawhunn dyrr tingkongx
Singx qongw biy-lai jiongww huesniu
benw sueh Siyxcingx Vec Dinniuu
langg siw jiacc je beh jnuaxngiu
Dinwqangx sniaa-lai venr vne'ngiuu
Huathaiw dyrr qiyr Kow Qusu
jitt der m si liw qiuxqux
vec juaa ixqing' huee dong kur(kir)
u zit gua jiacc laii qra druu
Seoo jit qingx Ling'unw Sxi
guaw ee sude jyr juxcii
liw ee jailan dnaxx tuatli
kir hiax ansinx danw siqix
(veh_ Bunkiokcnix Qxunx Kow Bingrqaux Cutsir Quax
Jailan tuatli byy iauwqinw
nng xiaux jitt kuanw byy koxlenn
jitt dniux guaw siaw ee susinr
Hangjiux liw jiacc tangx ansinx
Knuar diyc Dinwqangx ee jailan
diyhh laii cutqex kacc cinghann
suhu huanhur m qnaw ban
jriab quer susinr dyrr harsanx
Knuar diyc Dinwqangx dua kyxsiyh
dagg qingx virr juiw rimx u diyc
zit laii qnuaw lo mii sii hiyh
laii qaur jitt xui miaa dng qiyy
Dng qiyy Hangjiux ee qaiwquanw
knuar diyc Vec .Sxi beh dngw uanx
hai guaw byy siw qnaxx m guan
siamw hro guaw quer kacc anjuann
Vec .Sxi cud sniax qiyr qnualangg
nacc jaix juiw e rimx Dinwqangx
hnirkangx m dyrr vangr kacc dang
tniax langg ee ue sen' m tangx
Jaix linw nng xee tong' iaujnix
liw laii vnuawlo si beh nii
qokk langg dnaxx diyhh kacc qakcniw
m tangx qycc laii qapp guaw dnii
Siongwqongx qongxue rair diyhh sniu
mair tniax ing'ue lanw juxdniux
qamxx u hro liw anxjnuaxngiu
nacc tangx laii krir gunw a'niuu
M tangx laii dnii guaw jit xee
knuawpuar sewjingg beh cutqex
tuatli liw lanw ee quanhe
benw qycc qapp guaw zin hucex
Qnualangg nacc tangx kir cutqex
ciapsinx vakdow jiacc dua xee
qapp guaw lirkuix byy quanhe
jex si sniaw langg ee huecmec
Kow Senx huesimx qapp dngxir
qaixkngr Vec .Sxi inx cezii
niuqniaw liw iarr benw siurkir
guaw ho'ngg senwdong jit xee sii
E laii snix cud jitt jann su
juanx si jitt xee lau tutluu(?)
ursinx dnaxx si ngwbang luw(liw?)
tangx tuann Kow .Qrax ee aursuu
Narr kingw qapp ciab(?craa) qycc siy' zin
aurvaiw m tangx hnirkangx kinx
muixx cxur(?craa) uirdiyhh qnualangg linw
m guan sitjed qapp tazinn
Qajair qamxjingg guann jiacc hyw
mihqnia lrauu qapp kangx lysyx
cuwtec iarr virr juiw rimx dyw
knuar lanw beh kir druar dyclyc
Siongrr gau cundngg(cundiong?) gunw siyxjiaw
jnihang kir qiar Liw Qoiaa
laii kir duawkax(?) druar hitt ziah
unw u tangx dro snax dxngr jiac
Ixjingg soxu ee gunniuw
iuwliap mihqnia qapp ijniuu
Hangjiux kir qiar lanw qodniu
lingrgua zirdiauu u jit dniux
Narr si anxnix byy iauwqinw
jixhux qapp lanw si jin' cinx
narr u hiongwiongg ee diamwbin
jiacc laii pacvniar kacc zinrjinx
U jnii daijrir dyrr hyw congr
qu'aw jixhux vunw siongdongx
snax langg naxx qniaa ue naxx qongw
jiksii dnaxx laii qaur Jnidongg
Snax langg jre junn dyrr qaur cur
zip mngg singx qnir inx jixhux
qongw kiw lirkuix jiacnirr quw
jin' byy quiwzinn tangx siy' huu
Siy' cua laii qnir inx duarjiw
hnuatauu-hixbin ciyr bibix
dyrr si Siyxcingx qapp Vec .Sxi
qongw kiw lirkuix qaur jitt sii
Duiwbin u dxiamr jnia' hiongwiongg
iuguann beh laii jyr iyhsiongx
brew quaw kiwqu tangx suxiong
knuar u hyw zit dyrr kuidiongx
Jox dxiamr duiwbin jyr singliw
guann kuix iyhdiamr qiamx hing'ix
Qiau'iongg decc mng inx siyxdi
Dinniuu u srinx lyc dirsii
Kow Senx dyrr qra Qiau'iongg sueh
Vec .Sxi huai'in lyc jitt guec
narr qongw jiaxjiaw vaux unw beh
qniax guanw jexhux qnaxx e tex(trex?)
Liw guaw qangg ve qapp qangg buw
cax byy hniadi mia kacc sux
qoviauw siy' puer dy' langg u
mrbenw singx mng linw jexhux
Diyhh mng jixhux kacc unxsun
air beh jixvag laii uihunx
snix lxamm snix luw benw uanwhun
qoviauw siy' puex qangg zirunn
Qonghuw viw liw iauxx kacc air
cincniu jiwcinx dy' ingqaix
duiwtauu iauxx dirr vakdo lai
jongw si iurr tnix kir cuivaii
Jiaxjiaw huedab guaw jitt kuanw
cruw cud jit kax giogciuxkuann
aurzit mrjiacc be hiauhuanw
duiwtauu simqnuax e anjuann
Qiau'iongg qnuaxqinw qra siux kiw
tauu-siong qimjamx vuic jit qix
beh hro hende jyr uiqir
cunwqimx uirr dnia lann qaixii
Kow Senx crunx ciuw qinw qra jrih
qaudair Vec .Sxi inx cezii
jiaxjiaw hro lanw jyr uiqir
guaw iong ciuxkaunn qau'ngua ix
Dinniuu siux hyw kiw laii kngr
si lanw qniaw ee qiwliamrmngc
Qiau'iongg siy' srii dyrr beh dngw
Vec .Sxi hongrsangr ix cud mngg
Qiau'iongg dngw laii qongw qinw qinw
sueh kiw jixvag ee hun'ix
ciuxkuann si qniaw qiwliamrpinw
Qonghuw hnuahiw siangdingg cinx
Vec .Sxi simlai jin' huanlyw
jue huan tendiauu lann did dyy
muixx amr jioktnix decc qidyw
ngwbang juermiaa qaixsiaux byy
Qui lyc hunhniux beh camvair
hutzenn knuar diyc giaqangx laii
dniugee-cetkiw jnia' lirhai
dua huad jit sniax dyww pax saix
Siyxcingx tniax diyc qinw qinrjingg
dyrr huu a'niuu laii vangqingx
tniax diyc jitt kuanw jnia' qipsingr
qnaxx u iaxbut jiacc kokhingg
Siyxcingx tniax diyc jitt qxur ue
sniaw langg qnaw laii snix bunrdee
knuar diyc giaqangx siw dirr de
inhyy qnaxx e cunx jit quec
Jur ix giaqangx beh byy mia
tniax diyc kongdiongx langg cud sniax
giaa tauu jit knuar jiacc jai'ngiaw
dyrr ma iaudy siw m qniax
Siyxcingx knuar diyc jnia' m guan
qawkiw honghunn dyrr ciongx quann
kacc jaw aiqiuu guanw sniaw kuanw
iarr qnaw qycc laii snix hyrduanx
Lu Biy vangwbak hro liw jauw
iarr qnaw sniu beh qycc cuttauu
jur liw ingqaix sixzit qaur
Giamqunx danw liw mia kir qaux
Liog'id jinzinn dua siurkir
ciuw jip huddinn u jit qix
gedtiog si liw juwqaix siw
diyhh laii qapp(?) quer jiacc jaiqix
Iaudy mrbenw jiacnirr cringr
hyw dnaw laii dik guaw Siyxcingx
knuar liw u qycc zuarr vunxdingw
byy derr zi vaiw ee liongrjingg
Gedtiog qycc uac byy zuarr quw
qimzit jur liw mia qaix hiux(?)
vindy huddinn byy liongrciuw
ter guaw dode vyr uansiuu
Siyxcingx iong qiamr qinw qra qer(qrer?)
jenr qaur snax hap(?) byy taii qex
vnuar iyx cruw cud cnilingpuer
jrer jnriu kongdiongx venr cnivec
Huar jyr jit diauu kunw sensyh
iaudy knuar beh jauw kir dyhh
qra ix vak qaxx hyw hyw hyw
jur liw qimzit mia diyhh byy
Dyrr ling ngqinx qapp ligsu(?)
iaudy ingqaix diyhh siuduu
sinjiongr lingxjiw dyrr duar kur(kir)
danr lyc vakhaiw cri dua huu(hii)
Siyxcingx sueh hro a'niuu jaix
Liog'id jinzinn sudoo laii
iaudy qra liac danr lyc haiw
giaqangx m jaix mih langg taii
Vec .Sxi cuisngr jiacc jai'ngiaw
simlai zuxx sniu jiacc zuxx qniax
hudjow qiur guaw ee sniwmia
veh'ingx dongjuw cinsinx qniaa
Vaiwsia Lamhaiw ee vudjow
narr byy junw junw mia dyrr byy
veh'ingx dongjuw laii uanjo
siusip jinzinn ee mngdoo
Dinniuu vair hyw qiyr Siyxcingx
iyqud jin' sngx kia be tringg
huu guaw zip vangg tangx iongrjing
suwqix byy lat kax lann hingg
Siyxcingx dirdecc hrong detngx
Kow Senx iarr jre dirr bincngg
vakdow tniawtangr kaciuw nngw
knuar diyc angqngx muaw tniadngg
Tniadngg jiyr qaxx angg qiqix
qniqow dann liauw jniar juxsii
Bunkiokcniqunx laii cutsir
Liw .Qrax hitt vingg snix luxzii
Tniadngg siyx qimx qapp vangr paur
cruw miaa hy jyr Kow Bingrqaux
duxduxx snax zit quer liauxau
ngua qongw Huathaiw inx jitt tauu
Jriab diyc setenx ee hudjiw
vehjuaa ingwjua(?) dnaxx qauwsii
zip lai qaudair siyx suamii
qawhunn senrdngx jib jit qix
Huathaiw Senrsux hudlik dua
duar liauw senrdng qapp qimvuah
siongrder binrjingg u jiuwjua
decbeh Jnidngg siux vehjuaa
Huathaiw tinghunn laii qaur der
Bingrqaux duxx decc jyr muaxguec
Kow Senx cniaw ix zip lai jre
qinrjingg qra inx suhu huee
Liw juann byy tniax guaw ee ue
venr cud jitt kuanw ee bunrdee
huan diyc tendiauu ee dua jue
Vec .Sxi ingwjua(?) zit u puex
Dinniuu juerog huan tendiauu
jitt jann jinjniar yh cuxsiaux
sentenx hudjiw sangr laii liauw
guaw beh laii qra linx siux xiaux
Junw jyr Dinniuu si iaujnix
qapp guaw angbow jiacc je nii
qinrlaii ix iarr u qakcniw
daiwliam qapp guaw qniaw iarr snix
Guaw iarr byy hro ix qahai
narr beh ixjingg dyrr m jaix
suhu dnaxx diyhh kacc liongrqaiw
jurhun derjuw jin' cidaix
Guaw hrong hudjiw qniaa jitt jua
iamrtnix-ciaczit jiacnirr zuac
cingdee jit vxuex laii jriw kuah
cruw cud suisinx ee qimvuah
(qauw) Huathaiw Senrsux Siux Vec Juaa
Kow Senx siangciuw jrih laii qaur
hudvuah beh laii jyr deaux
qniaa qaur lairtniax txangx-aw-kauw
duxcenx Dinniuu decc srex tauu
Knuar diyc hyqngx qngx sicsih
Dinniuu simlai u hiamgii
diyhqniax sniu beh qinw dyvi
qimqngx daur uaw jyr jit sii
Vec .Sxi diyhqniax duxx beh jauw
qimqngx qra ix kamr dirr tauu
Vec .Sxi jai'ngiaw jailan qaur
siangx kax qui dirr tokadaux
Vec .Sxi simlai dua diyhqniax
hudvuah draur dirr dun(?craa) be qniaa
aiqiuu hud'iaa diyhh ziaumia
qniaxzii byy langg tangx kancniaa
Kow Senx knuar diyc jnia' qnuaxqinw
dyrr jiong' niuqniaw py uaw srinx
aiqiuu suhu kacc linbinw
daiwliam haizii decc jiac linx
Kow Senx sniu qaxx dy' berhiauw
jin' byy vanrhuad tangx langwliauu
qimkamr jiacc kamr lyc kir liauw
snix qinx laii dnax(?) byy jitt diauu
Vec .Sxi bagsaiw cabcap dih
kikkuix Bingrqaux guaw qniaxzii
lanw ee angbow qaur jiax jriw
tensor lann dyy yh did rii
Tensor lann dyy siamw byy pang
aiqiuu iarr si bycaiw qangx
juermiaa e laii jiacnirr dang
Dinwqangx rimx siw taiww je langg
Qodniu liw tniax guaw genn kiw
Bingrqaux diyhh ter guaw cniadii
tangx tuann Kow sner hnilohni
luxsair uanxzenn naxx qniaxzii
Lunrliw luxsair si vuanwjuw
duarhanr diyhh hro ix tagjux
qiamxcaiw diongxsingg narr cutsu
tangx tuann Kow .Qrax ee aursuu
Bingrqaux si liw ee qniaxsair
liw diyhh cniaa ix qaur jionglaii
guaw uirr jingsingx ee sidai
jiong' tauu jiww buew sueh linw jaix
Qoniuu qnualangg tniax guaw qongw
jiapsinx jinghun m qnaw bong(?)
jingg dirr Suwcuanx Cinghong Dong
venr cud vunxsniur iuu suwhongx
Nng xee kitjiac draur siy' jnix(jnex)
beh qra guaw liac kir bre jnii
qnualangg qauwui duxx knuar qnir
jiacc qra guaw brew kir hongwsingx
Lunrliw qnualangg ee miarun
ingqaix juadsuu byy qniaxsunx
inx qapp jitt kuanw ee jinghun
guaw jiacc laii qapp ix qethunx
Au .laii qnualangg kir jewbo
jiapsinx iarr kir iuu Seoo
jiyh snuar jiacc laii jyr angbow
guaw inx(?) uihuan sniu' quewdyx
Au .laii dnaxx iarr benw qongw kiw
Dinwqangx jitt jann huanxhuew dii
Siyxcingx liw diyhh qinw junxvi
tamluann angdinn byy liauw sii
Siyxcingx bagsaiw cabcap dinx
knuar diyc a'niuu jnia' koxlinn
liw lanw jaxamr decc jywdin
jixmue dy' byy lanw jiacc cinx
Siyxcingx liw diyhh tniax guaw qongw
tnisor lann rii dy' buhongg
liw diyhh huequix Cinghong Dong
siuhing jingwqyw ongw sehongx
Sniu diyc lann siar qapp lann hunx
vaiwvet Vec .Sxi Kow Hanwbunn
huee dong siuhing kacc an'unw
qawkiw iauhongx dyrr tinghunn
Huathaiw qiyr inx mrbenw hauw
danxhau linw qniaw Kow Bingrqaux
qycc zxic niqanx liammix qaur
Vec .Sxi juerget jyr quewtauu
Vec .Sxi liw narr u quexvnir
qycjaiww danxhau zi-jap nii
kuix tah jiacc hro linw siy' qnir
tuatli hongdinn cuttautnix
Senrsux qyxzenn huatlik dua
qycc cruw jit bin ee qimvuah
nng bin hap qaxx uaw uaw uaw
venwsingg jit buew siyw vec juaa
Ciuw duiww hudvuah jid'err dah
jiksii tingkongx dirr hunhaa
kamr dirr Seoo Luihongx Tah
kuix tah diyhh danw qniaw hueqax
Kow Senx cutqex Ling'unw Sxi
Bingrqaux inx qox decc cniadii
jinjniar quaikaw hyw qawsi
duiww ix bersux cinqniaxzii
Qir did dy' byy bak jit nih
Bingrqaux cutsir u veh nii
hutzenn sintew ziamw jit vni
ho'ngg ciyr inx buw si iaujnix
Inx qox jiacc qra ix genn kiw
liw diyhh kinkow tak jusix
narr u cutsinx ee zidjiw
buxqniaw siy' qnir dy' u sii
Huesniu beh qniaa dy' u qongw
danw liw jinwjaur jraur qun'ongg
narr beh kuix tah ee jongrhongw
diyhh linw buxcinx sriu lighongx(?)
Bingrqaux jinjniar u jiwkir
jrux jiokk kintak hyw qiwdii
vni si lylik laii soxx drir
hudjow jiacc laii qra ix rix
Hudjow ix laii congr jiacc hyw
zinrjinx tagjux jin' diauu yc(?)
sii qaur jnriu qniax kir hur kyw
jiacnirr bad sniu sewqanx byy
Zip qniax snax vaiw jiauu diongr liauw(?)
crex langg hueqax sangr vywdiauu
kuix tah nng zri jyr diongriaur
inx buw huanrjue tangx cuxsiaux
Jaxdiauu tenjuw decc dingqix
bunbuw qnua'uann jnriu dandii
qaixguann jinwsu decc denrcir
tenjuw hnuahiw ciyr bibix
Lionggann duared kuix qimkauw
tauu mii jionrguann Kow Bingrqaux
vngrganw tamwhuex cir liauxau
qokk langg gurjiuw(?) sur snax aux
Sinkyx jiongrguann Bingrqaux juer
zip qingx quar huex qapp janhuex
iarr beh siongwhuw kir vaiwhue
gursur(?) snax zit tangx iuu qrex
Jaxdiauu tenjuw decc dingden
bunn dangx bxuw saix vaii liongxvenx
Bingrqaux viauxjiongx jyr ven ven
beh jraur inx cur ee jaxjenn
Snax langg jnriu dxen jraur banrsuer
jiongrguann ganxvngw qapp tamwhuex
Bingrqaux beh jraur quiw qxur ue
siangx kax qui qapp jee jee jee
Bingrqaux qui decc jraur jit kunr
viauxjiongx suacc jinr hro singwqunx
au .laii jap jip jin' buew vunw
Bingrqaux vair tah qapp uanhunx
Tenjuw viauxjiongx knuar uanbuanw
kingx(?) jraur jitt kuanw ee indnuax
sur kingx(?) hueqax dngw kir knuar
jinjinx iuxhaur ee simqnuax
Quaxzinn hnuahiw beh gursur(?)
king hu simqnuax u zinjuu
hrongx ix diongqig dua hagsu
sur kingx hueqax jrer joxsuu
Quaxzinn lighongx(?) linw buxcinx
jetgi tensenx ee huzinn
jitt jann ingqaix diyhh iauwqinw
tangx tuah koxhaiw li huandinn
Qonghuw qauwiok iarr u qxongx(craa?)
quaxzinn hrongx ix dionggirlongg
Kow .Sxi iongw liw jiacc u bong(craa?)
hensiog gizinn din(?) cinhongx
Jiauww kingx soxx jraur jit vorhun
sur liw huehiongx tangx uanhunx
Bingrqaux jraur quer dagg hxang junw
siarunx tewdiauu cud gnoxmngg
Qokk huw jiuquan laii gniasangr
zinmaw hunhunx qaur Dinwqangx
duar quaw hiwiong ee jnihang
jiongrguann vran jyr vehsinlangg
Jiongrguann laii qaur Qimsanx Sxi
sniu diyc gagbuw u tongdix
camvair cniaxmng siyw suamii
beh qnir Huathaiw lau juxcii
Bingrqaux qycjaiww mng jit sniax
suhu siogqex simxmih miaa
brang liw sueh hro guaw jai'ngiaw
guaw u surjingg beh tamwtniax
Kow Senx dyrr qr sijuw qongw
vinsingx siogqax druar Jnidongg
beh tamr sxi-lai ee jongrhongw
suhu hun'iuu ongw suwhongx
Vinsingx qywzinn jit vorhun
guaw miaa Kow senx zi Hanwbunn
zi-jap nii jingg ee sijun
jiacc vair Huathaiw uirr sujunx
Laii jiax cutqex zi-jap nii
vangr qniaw jit xee guaw cinsnix
muaw guec qaur dnaxx byy knuar qnir
jiong' tauu jiww buew sueh jit pnix
Guaw qniaw mia qiyr Kow Bingrqaux
naxx qongw bagsaiw naxx decc lrauu
Vec .Six virr tah kamr liauxau
qniaw vangr dirr inx a'qox daux
Jiongrguann tniax diyc kuix sniax hauw
siangx kax qui lyc tokadaux
linw qniax jinjinx dua vuthaur
guaw si linw qniaw Kow Bingrqaux
Tniax diyc qui'ee suacc gongrsinn
guaw m si liw ee verbuw
qniaa uaw siangx ciuw kanx qinw qinw
sijuw liw diyhh zin ix jinx
Guaw laii cutqex zi-jap dxangx
sijuw liw zin m driyc langg
guaw be luan zin cax jin' dang
qiamxcaiw miasner hy siy' qangg
U tangx hro liw jyr qniwzin
jniawjniar si guaw ee diacinx
knuar qniaw e qir dyrr siongsinr
vuerau liabqir jyr sinwvinn
Vueau narr u juseqir
jiacc si vinsingx ee qniaxzii
jimjiog qra knuar qyxzenn si
jit liap huecqir angg qiqix
Knuar si verqniaw jiacc siy' zin
Bingrqaux jiacc decc krngr hurcinx
buxcinx siurhongx byy iauwqinw
linw qniaw singwjiw duar dirr srinx
Hurcinx m tangx duar jitt xui
liw diyhh qapp qniaw qinw huequix
hro diax inghenw qapp huwquir
habqax tuan'ngii jyr jidduix
Qniaw liw iuxhaur linw laurve
guaw ixx cutqex byy zibqex
linw buw virr kamr dirr tah-xe
vutsii sulaim liw jit xee
Buxcinx lighongx byy iauwqinw
jetgi tensenx taiwhuzinn
banrsuer zinjuu jnia' linbinw
dairden hagsu hrongx hurcinx
(jap) Kow Bingrqaux Huehiongx Jrer Tah uanhunx
Hongrjiw uanhunx qapp jrer tah
hurcinx lanw diyhh qinw hueqax
liw narr qycc sniu duar jitt dah
linw qniaw sen' qniaa be kuix kax
Tong' langg iyy tauu qapp vnua hni
sidjai iuxhaur ee qniaxzii
suhniax dngw kir jiacc habliw
suhu gunw jiacc qra tongdix
Kox Senx langg kngr jiacc qakcniw
sniu diyc angbow jiacc je nii
id .laii kuix tah tangx siy' qnir
zi .laii qui' qex tangx tuan'ngii
Bingrqaux cruw gunn zi-jap niuw
lingrgua zirdiauu siaw jit dniux
qaudair sxi-lai jiongww huesniu
sangr hro suhu jyr iuhniux
Vaiwtog jiacc qra suhu qongw
qongw guaw verbuw u kywhong(?)
cinsinx qaur sxi laii vaiwhongw
cniaw guaw hurcinx huee Jnidongg
Tauu miaa huesniu u bingrling
huanhur luii qow qapp kaux jingx
jiongrguaa tong' langg dy' qiongqingr
sangr inx verqniaw tangx kixdingg
Benw sueh jiongrguann inx ee dai
ngua qongw Liw .Qrax hro linw jaix
cinjniaa ving'iuw qapp qnuaqair
muixx zit dy' u vaux lew laii
Muixx zit langkeh ex ex dngw
lexbut vaii qaxx qui' tniadngg
jin' je byy der tangx kir sngr
juanx sii dat jnii iuwliabmngc
Huxquan iarr laii decc danxjih
sinx kiw huxteh beh hro ix
Qonghuw huadlyc decc junxvi
jingvyr(?) iarr laii decc tongdix
Jiongrguann qauwui dyrr lyc bew
horvingx cinsuii jin' je xee
huxquan viw langg kacc u lew
gniaa zip sinw kiw ee huxgee
Vaiwqenr qodniu qapp qobiyw
jywlangg si ho'ngg liau be diyc
jiacnirr jiwkir si jin' jiyw
bongxpaur(?) gimxdaur tangx haa iyx
Kow Senx qniaa zip jiongrguanhuw
qnir inx duarjiw qapp jixhux
sniu diyc lirkuix jiacnirr quw
jin' u quiwzinn tangx siy' huu
Jingwlangg qaixsanr qniaa kir hng
dyrr vaii jiuxenr dirr aurdngg
jiokhy qurdaii hendit dngw
amwtauu jiac qaxx tnix beh qngx
Jiac qaxx jin' nguar jiacc qaixsanr
duxhyw go qnxix dirdecc dann
jewlew jaw jaw dyrr cuanvan
beh kir jiacc be cenn siqanx
Dag'ee jit cnew qaur tnix qngx
jiac vaw huadlyc beh cutmngg
singx jrer joxsiong jiacc pacsngr
lexbut cuann qapp jiauu jabjngg
Bingrqaux qra inx qobiyw qongw
qodniu ix iarr u kywhongx(?)
jur lanw liongw qex beh hing'ong
dyrr ngua sinsig ee hogjongx
Dairsingx Sequanx jrer joxbong
vair hyw juaxjnii siyx hing'ong
jiongrguann cinsuii decc vyxho
qui' din dyrr beh kir Seoo
Sinkyx Jiongrguann laii qauwui
jewlew vailet jyr jit duix
Bingrqaux vair hyw qnuaxqinw qui
cinsuii m qnaw siamw lirkuix
Jiongrguann kywlik(?) tak qinw qinw
banrsuer u hrongx guaw buxcinx
siurr kuix(?) jiacc quw ixqing' jin
hro liw jetgi taiwhuzinn
Jiongrguann liggiw(?) tak liauxau
qnuaxqinw duiww tah dyrr kap tauu
jiksii vangr sniax decc dua kaur
vuthaur linw qniaw Kow Bingrqaux
Kaur qaxx bagjiux beh cud huih
buxcinx jit tkuanw e siurkuix(?)
cinsuii horvingx duer ix qui
Kow Senx kia uaw jyr jidduix
Linw qniaw jinjinx dua vuthaur
diyhh laii siawbenw guaw Bingrqaux
qongw quer liauxau qycjaiww hauw
tong' langg bagsaiw duer ix lrauu
Siurkuix jiacc quw ee zidjiw
iarr si uirdiyhh linw qniazii
Kow Senx bagsaiw iarr decc dih
sniu diyc angbow jaxdongsii
Buxcinx liw hro qniaw tualui
kamr dirr tah-xe decc siurkuix
linw qniaw singwjiw duar qauwui
tangx laii tuan'ngii jyr jidduix
Kaur qaxx siw laii qapp uac kur(kir)
laii liauw jit xui ee senrsux
qyxzenn jiongrguann jin' hauwjuw
kaur sniu' quewdyx langg e hix
Knuar diyc Huathaiw laii qauwui
jingwlangg qui uaw jyr jidduix
Kow Senx jiacc qra ix hyw cuir
aiqiuu suhu tah diyhh kuix
Bingrqaux tniax diyc qui qinw qinw
liongw ganw lrauu lxui cabcap dinx
aiqiuu suhu diyhh linbinw
kuix tah vangr cud guaw buxcinx
Liw duar hongsiong ee singwjiw
Vec .Sxi jailan duxx buanxqii
guaw hro liw qui sriu be kiw
qniaa uaw siangx ciuw qinw huu ix
Duiwtai laursingx benw jitt kuanw
liw si sinkyx ee jiongrguann
Dinniuu jailan dnaxx uanbuanw
hro linw jidsii tangx tuan'uann
Jiongrguann qyxzenn jin' iuxhaur
beh vangr Vec .Sxi qnir Bingrqaux
quiw qxur ee ue qongw liauxau
huddng duiww tah jit xe kaux
Vyxtah jiksii e iydong
cingr cud jit dy ee hanqongx
Huathaiw dyrr qra Vec .Sxi qongw
cud laii habqex tangx sionghongg
Jit dy cingqngx jin' hanlingw
vec jauu jiksii venr langhingg
jaix u simsimx qapp iongxsingr
danw beh dro ix kir vuesingx
Bingrqaux knuar qnir qnuaxqinw-q.
dua sniax tikaur qiyr buxcinx
qimzit jiacc qapp buw qniwbin
siangx ciuw py uaw liw qniaxsinx
Siangx kax qui lyc tokadaux
pak dirr buxcinx qingqactauu
hun gua qnaxx e jiacc vuthaur
bycaiw snix guaw Kow Bingrqaux
Byy tangx diwimr liw huwquir
hro buw tah-lai decc siurkuix
buxcinx diyhh tniax qniaw ee cuir
liongrjaw qapp guaw tangx huequix
Dinniuu bagsaiw naxx decc crid
qniw liw iuxhaur qapp diongdit
singwsiong lighongx ee cinvid
jiacc u siy' qnir ee sizit
Kow Senx dyrr decc qiyr hencex
virr guaw hai qaxx anxnix ee
sniu qongxx lanw diyhh jaiww juanxser
liammix knuawpuar kir cutqex
Kow Senx bagsaiw diauu bagqnii
uaw dirr Dinniuu sinkuvnix
liw lanw dirr jiax tangx siy' qnir
cincniu srid guec qycjaiww ngii
Sniu diyc kacc jaw ee jinghun
Vec .Sxi qnaxx dirr binbang diongx
qniaw u hauwsimx jraur singwsiong
kimsur uanhunx huee qowhiongx
Lanw qniaw jiksii jraur qunongg
hencex liw jiacc sriu lighong(?)
guaw sniu qui' qex qnaxx byy bong(?)
bygii erdid jaiww sionghongg
Kow .Sxi qiau'iongg Liw Qonghuw
dag'ee bagsaiw naxx jinjux
knuar diyc siyxdi qapp derhu
bagsaiw dih damm qui' sinkux
Huathaiw senrsux cuix qinw qinw
liw hrongx tensenx ee huzinn
jailan qaur dnaxx ixqing' jin
m tangx tamluann dirr hongdinn
Liw qaur qimzit byy jailan
laursingx dro liw siong senvanx
cruw cud vehqinx cuex decc danw
suisii tingkongx jit siqanx
Huathaiw cruw cud vec lingqunx
beh dro Dinniuu Kow Hanwbunn
liam dong jingenn jit sijun
venwsingg jit diauu ee caixhunn
Jiyr qaxx muaw tnix jnia' qongcaiw
jit penr vehhunn hiongr duiww saix
Huathaiw dro inx jnriu seqair
Bingrqaux duiww siw kaur dyr laii
Knuar inx tingkongx dirr hunhaa
Bingrqaux hun dyw dirr tokax
Qonghuw uaw laii huu qapp cah
kngr inx qniaxsair tangx hueqax
Sewqanx byy tangx duar ingxquw
hendid simqnuax benw iuciuu
vehzit singtenx jin' hanxiuw
viw dirr hongdinn kacc juriuu
Qiau'iongg hucex decc qaixkngr
Bingrqaux simqnuax jiacc byy sngx
Jiongrguann jre qiy dyrr huedngw
suacc jrngx qimsinx dirr tniadngg
Jiongrguann huee huw dyrr qnuaxqinw
qra inx verbuw jrngx qimsinx
jaxamr camvair dirr aurbin
vutsii suliam inx siangcinx
Bingrqaux jinjniar u hauwsun
simsimx-liamrliam verbuw-unx
qihan qiongqiongg qaur sijun
jitt jann cinsu be uanhunx
Qiau'iongg hucex u junxvi
tongdix Bingrqaux inx didzii
Vec-guec jap-go hyw zidjiw
hro linw dongrvongg ee hixqii
Bingrqaux jid'err tniax qnir qongw
Vec-guec jap-go beh dongrvongg
byy sniaw zidjiw tangx idong
air qinw huee diauu qnir qunongg
Duxx qaur jap-go ee sijun
Kow Liw liongw sner beh uanhunx
qihan sizit vig jin' qun
air qinw zip diauu tangx benrqunx
Jnidongg ee langg jin' tuanqed
qycjaiww jit huad ee laurzet
venx quax iwsur u hunvet
buexliux jitt jam jyr kap jet(?)
Siauwlenn hucex jnia' un'air
Viklenn sueh hro jiongrguann jaix
liw narr jyr qnruax dirr diauu-lai
puesinr kacc jap qiar dngw laii
Guaw si viw liw kacc diongriaur
jingcax singwjiw be buacsiaux
dongrvongg snax zit ixx quer liauw
Bingrqaux junxvi beh zip diauu
Gaghu vnuax laii sinx huxde
liongw sner qangg draur jyr jit qex
qnuaw beh hogjiw jraur hongder
duar liauw cinsuii cud huxtec
Qonghuw sangr ix qaur guarbin
siauwlenn angbow si jin' cinx
qauwui jiksii u puesinr
Bingrqaux kiaa bew dyrr kixsinx
Benw qongw jiongrguann zip diauu kur(kir)
liongw sner jit qex decc kirqux
snix tuann liongw lxamm qapp jit luw
guaw decc venx quax jiaww qoxsux
Jiongrguann huer jiac beh qui' vah
nng xee qniaxzii taunn nng qrax
jitt vo dyrr si Luihongx Tah
guarhy qiyr jyr ovec juaa
Jitt vo beh knuar jin' hihanw
kacc jaw liutuann dirr sewqanx
qoxjux hy jyr Vigsiaa Duan
knuar liauw dyrr beh dair cauhuann