Suatmuii srux qxunx
Suatmuii Srux Qxunx
Suatmuii srunx qxunx vunx linw tniax
Suatmuii jywlangg jin' duanjniar
qamguan siuxjed kansingg qniaw
langlangg liutuann hyw miasniax
Krngr linw led'ui juwir tniax
diyhh yc Suatmuii jitt lo qniaa
m tangx yc langg tyw kewhniax
byy angx snix qnaw dyrr pnaiw miaa
Jniax-guec sngr laii langg gniaa angx
muaw qrex langmaw(?) nau cangcangx
jingg qrex laurzet taur au hang
u langg siy' kanx knuar iuqangx
Kuidid Suatmuii siuw kangx vangg
jap-cid~veh huer dyrr siw angx
bagsaiw lrauu lyc bagkox angg
qensiuw Siongx Lok(?) cincniu langg
Zi-guec sngr laii cingcuncauw
cauw-aw cnix cnix jniawdongsii
Suatmuii knuar qniaw auu dyrr dni
cuntnix lyc ho lyc be dni
Huex dnaxx m siur vor m qnrix
mizit ai'uanr lingdyh vnix
hiauhingx guaw qxunx jyww liw kir
dirsii jiacc e jaiww siongqnir
Zi-guec sngr laii zi-guec zun
Suatmuii kanx qniaw mng jauwqunx
beh mng Siongx Lok ee miarun
iurr mng Siongx Limm ee bonghunn
Jnuaxngiu qapp gunw byy enhun
jyww liw siw kir qnir Giamqunx
vangr gunw qodnuax decc byy qrunn
simqnuax naxx sniu naxx uanwhun
Snax-guec sngr laii si cingbingg
qeqex-horho jnriu snuax-dingw
Suatmuii kanx qniaw qaur bong-jingg
bongrdyh binrjingg vaii samsingx
Snax vxuex bixjiuw vaii bong-jingg
jit duir lahjig cah nng vingg
?? beh qiauw qenngrcingx
Siongx Limm bongrvaii srunn zirhingg
Sir-guec sngr .laii si harjir
niuqanw siy' jiyx mng ang'ii
beh mng Siongx Limm jnuaxngiu siw
beh kanx bonghunn mng guanliw
Huewsiu jiac qaur go-jap-sir
jit diamw hongdamm qamw zip vii
jiac m driyc iyc jiacc e siw
gro liw cingcunx siauwlenn-sii
Go-guec sngr laii langg vak jangr
qangdiongx lyqow nau cangcangx
u angx u sair kir iuu qangx
kuidid Suatmuii siuw kangx vangg
Luanhong tiacsnuar vogjinglongg
hongrgan hunkuix dirr sedongx
Siongx Lok sewhanr iauxx gong gong
dirsii jiacc e kacc kaxjongx
Lak-guec sngr laii si vnuar nii
gioglann kuix huex vec bibii
lamhongx cuex laii cingpangbi
amvojee-aw hauw qiqix
Tniax qnir dorcig(dorquanx?) qiywsniax tii
sniax sniax kaur cud koxsiongvix
sixlangg hiauhing jyww liw kir
Siongx Lok diongxsingg danw dirsii
Cid-guec sngr laii citsiktnix(?)
gunngg citluw dirr hyy-vnix
Cid-guec cecid beh siy' qnir
hun liw Siongx Limm jaw quewsir
Jingser juwdnia pnaiw veczi
jitt sxer qapp qxunx be tuan'ngii
Suatmuii narr m ter qxunx siw
beh qnir qxunx-bin diyhh aursir
Veh-guec jap-go guec jnia' qngx
Suatmuii srux qxunx zip huehngg
knuar qnir vachuex kuix jejngg
knuar guec qngx qngx sniu diyc qxunx
Jap-lak nibuew zip qxunx-mngg
vingrr byy qapp qxunx kngr qangg cngg
sniu qnir guaw qxunx simtauu bun
narr beh qnir qxunx giamlymngg
Qauw-guec sngr laii si qauxqangr
Suatmuii srunx qxunx zip siuwvangg
pangg kiw jiamsnuar siur huepang
beh siur sianghong diaux boxdanx
Iurr siur jit jiah qovuegan
tnivnix haiqang luan vuex pxangx
sniax sniax kaur cud jin' ai'uanr
kuix(?) guaw Suatmuii dngrr jit hxang
Jap-guec sngr laii vakhongx qnaa
henx sniux henx langw tec puednuax
Siongx Limm snakor naxx decc knuar
knuar diyc hai gunw siongx simqnuax
Jingnii huehngg decc duiwknuar
dnaxx cunx Suatmuii siuw qodnuax
tee kiw ijniuu hro qxunx ngua
siyx hro guaw qxunx cing be qnuaa
Jab'id-guec sngr laii dangjewtnix
qeqex-horho langg ex ngii
u langg decc ex knuar qnir qnir
kuix guaw muixx zit sniu qxunx liw
Tauu srex ngii tauu cah vec huex
kax cing ox buec puer vec ree
srinx cing jit niaw vehvowdew
jiuxquaw taujangx hranw did srex
Jabzi-guec sngr laii si nidaux
qeqex-horho luan caucaux
Suatmuii pangg hniux qaur mngkauw
dyrr qiyr guaw qxunx bagsaiw lrauu
Sniax sniax kaur cud guaw sim'air
siauwlenn jiuxquaw qxunx marr jaix
hun guaw qapp liw jnuaxngiu baiw
jit sniax vni lyc be kiw .laii
Jap-zi qywguec jongw liam uann
Suatmuii srunx qxunx
jin' ai'uanr
jit guec srunx qxunx sniu jit kuanw
sniu jaiww siy' qnir danw Hongjuann
Gunw byy hiaux liw liw hiaux guanw
jyww liw siw kir qaur hongjuann
knuar langg jit qrex decc uanbuanw
hro guaw naxx sniu naxx viquanx
Aiwgiok Jurtanr Quax
Qongw kiw Aiwgiok su jit jann
banrqow-liutuann dirr sewqanx
Suatmuii si niuu gunw si qanw
decc qra siuxjed jin' qanlann
Hai gunw mizit decc uanwtanr
sintew vutsii byy ving'anx
dirsii Siongx Lok e duarhanr
diongxsingg mrjiacc byy siongqanx
Aiwgiok sniu diyc jin' huanlyw
jit amr hucex dyrr laii byy
vangr syh(?vangwsag) Siongx Lok ciuw nirr py
hro guaw sniu diyc simhuew dyc
In'ui diongrhux langg m hyw
gunw kir qor vnir ter vyvyy
suizenn jit amr angbow jyr
hro langg jai'ngiaw beh zuhyy
Sniu diyc qiksimx lrauu bagsaiw
qapp qxunx jitt kuanw langg m jaix
jywduix qandna' u jit vaiw
sionghyw jit vaiw dyrr siurtaix
Qimzit uirr qxunx liw soxx hai
vangr gunw niuqanw vut'ingqaix
tong' langg m jaix jit jann dai
Siongx Lok si gunw snix cud laii
Aiwgiok bagsaiw qoo bagqnii
u qniaw byy dirr gunw sinvnix
in'ui diongrhux decc puawvni
jit vaiw enhun decc qaudnii
Sniu diyc qiksimx auu dyrr dni
hai gunw siuxjed nii duw nii
jex su byy langg jyr jingwqnir
si'angw jaix Siongx Lok guaw cinsnix
Jre lyc qiksimx sniu pnaiw mia
hun lanw snix qniaw byy qniaw miaa
boghuix iarr si tnix juwdnia
narr beh qongw cud pnaiw miasniax
M qnaw longriongg su jitt qnia
jurhun lanw ee veczirmia
dy' u jit xee cinsniqniaw
suacc qiyr siyxjiaw qiyr a'niaa
Aiwgiok sniu diyc amr dimm dimm
jurhun longqunx jin' hiausimx
byy tangx quxdngg qngg cngjimw
iauxsiu ee langg singx qui'imx
byy-cin.-byy-cig tangx diwimr
hai gunw niuqanw siuw Siongx Limm
qimzit dnax diyc jiacc dang zim
liw siw kow qaurr jitt dongqimx
Iauxsiu longqunx jyww liw kur(kir)
hro gunw simqnuax mizit zuu(?)
liw diyhh vyxvir kacc sidsu
hro Siongx Lok e kinn tagjux
Ix narr diongxsingg u quiquw
tangx tuann siongqax ee aursuu
langg gunw siuxjed uirdiyhh luw(liw)
niuqanw byy sniu sniaw pensux
Aiwgiok uanwtanr dirr vangqingx
guaw qxunx laii siw jin' vutbingg
hai gunw qapp langg byy vixping
vangwsag Siongx Lok yh diongxsingg
Qaur jiax dnaxx diyhh jyr hro jingr(jniar)
daiwliam hucex ee zinjingg
sewqanx siuxjed samvutdingw
niuqanw jetgi qor jin' cringx
Qapp qxunx jit amr dyrr dngrjam
hro gunw naxx sniu naxx m qramx
ixau m tangx jyr lamrsamw
a'niuu ciawsiur gunw giac jamx(jiamx)
Tnix qngx huanlyw qaur zit amr
bang qnir qapp qxunx druar dirr vangg
jingsinn knuar byy jnia' vicamw
hai gunw bagqnii vutsii damm
Jre lyc sniu diyc guaw longqunx
singwde byy langg ix ee sunn
jairtangx liw siw vangwsag gunw
damgo hro gunw srid cingcunx
Zit laii byy jiac mii byy kunr
bagsaiw lrauu lyc junw vng tunx
si langg ee mia benw uanwhun
hucex tiacsnuar uan'ngiux-qrunn
Vutsii suliam ix jit srinx
byy angx bagde ho'ngg knuawkinx
simqnuax sniu diyc kow be jin
qniaw iurr sewhanr lann cutsinx
Langg gunw m kunr beh jitqinx
a'niuu liongrjaw kir ansinx
Siongx Lok narr quaix byy iauwqinx
niuqanw byy hunx hiacnirr jinx
Jre lyc tikaur Siongx qnualangg
gro gunw siuxjed jiacc je dxangx
qniaw narr duarhanr jiacc u brang
danxtai dirsii cincniu langg
Simqnuax huanlyw quiw jap hxang
byy langg qapp guaw kow siyqangg
gunw qamxx jniasit suacc tauu dang
byy quiw huer dyrr siuw kangx vangg
Misit susniu Siongx Siuwjaii
jabhunx vicamw byy langg jaix
jit langg huanlyw jit langg dai
gunw dui' siw nirr kow dngw laii
Qandna' utjud dirr simlai
narr beh qongw cud qniax ho'ngg jaix
jetgi diyhh qor kacc sidjai
m tangx sniu dangx qapp sniu saix
Vutsii binbang guaw diongrhux
quttauu sngnngw kaciuw puu
vadd langg angsair tong' langg u
hun gunw byy sair mia kacc sux
Kikkuix qxunx siw dirr imhuw
berdid qycc uaw qxunx sinkux
vadd langg u angx tangx dirr cur
niuqanw qapp langg ingxx byy dux
Mizit unawceh Siongx siongqangx(?)
hai gunw niuqanw siuw kangx vangg
amrsii kunr kir dyrr binbang
bang qnir qxunx-aw ix jit langg
Jingsinn qra knuar byy vnuar hxang
hiauhing bincngg iurr kangx kangx
qiksimx bangxdar byy air vangr
pnaiw mia qoqox gunw byy angx
Benw qongw Aiwgiok decc ai'uanr
niuqanw jetgi qor jin' ann
Aiwgiok jurtanr byy erjam
m guan qewangx langg vangbangg
Aiwgiok jurtanr quax jitt kuanw
erjam Siongx Lok diongr jiongrguann
byy jam bunhiw(?) jin' m guan
Siongx Lok cutsinx jiacc vywuanx
Bing Qaluw Sangr Han'ix
Cid-guec ceid kuix quixmngg
jit jun sehongx lingw zuu(?) sxngx
srinx vue han'inx kaciuw nngw
simsimx-liamrliam cue Qixlongg(?)
Cid-guec cecid citciktnix
tniax diyc ingqyx liuxciu tii
han'ix jyr hyw dy' uanvi
sangr kir Dngsniaa hro qxunx ix
Veh-guec ceid cud jiumngg
sniu diyc Dngsniaa simtauu sngx
srinx vue han'ix quah simdngg
qensimx beh cue Huan Qixlongg(?)
Qniuliw qniaa qaur Siwjiudngg
biy-lai hudjow qimsinjngx
Qniuluw simlai u pacsngr
zip biy qiuvuex mng Qixlongg
Qniuluw qniaa zip qaur biy-lai
rid diyc guaw qxunx tangx dngw laii
siangciuw byy hniux qandna' vair
singsimx hudjow dyrr e jaix
Qniuluw vaiwvud tauu lee lee
snax vair vair liauw jiacc vuahvuex
byy hniux hudjow byy siy' quer(?)
dngsniaa cue qxunx tangx dngxhuee
Quan'imx vudjow u lingsniar
qensimx guaw beh kir dngsniaa
guaw qxunx u mia snax vxuex dnia
narr byy snax imx(?) guaw m qniaa
Qniuluw lenn vruac nng~snax imx(?)
bagsaiw lrauu lyc amr dimm dimm
kiyh kiw sinwvuex kia decc sim
bycaiw Qniuliw jiacc sidsimx
Qniuluw qniaa cud biy lairbin
bagsaiw lrauu lyc lui linlinn
lenn qriuu snax vxuex byy jit sinr
dexmia Jinn Ongg byy liongsimx
Siwjiux(?) quer liauw dyrsuramx
dyrsu diamw qaur jin' lingqamw
Qniuluw mngrquar u jit jam
diamw beh guaw qxunx cutguarlangg
Dyrsu tniax diyc simx hnuahiw
liw qxunx cutsir si dirsii
liam hro guaw tniax sngr veczi
guaw jiacc tangx laii vaii quawsix
Qniuluw tniax diyc m qnaw dii
sensnix tniax guaw sueh tauwqix
guaw qxunx sniur lringg laii cutsir
Jniax-guec jap-go imbauxsii(?)
Dyrsu siyx hniux giaa snax qix
ciuw tec ququair qapp qimjnii
hocniaw jniawsinn laii jixsi
dyrsu diamxquar dyrr jaiqix
Dyrsu qinrjingg laii kngr ix
niuqniaw dngsniaa mrbenw kir
liw qxunx qniasniaa langg hai siw
beh kir dngsniaa huir simqix
Qniuluw tniax diyc krir ciongtnix
Onglok cuir kuix knuar qnir qnir
dngsniaa cue qxux narr u di(dilehh?)
pacpuar vaivenw tyw quawjnii
Dyrsu tniax diyc ciyr bibix
cutgua niuqniaw bok(?) siurkir
liw qxunx dngsniaa narr byy siw
qongr puar vaivenw hingg quawjnii
Qniuluw tniax diyc m jyr sniax
vauhok puer kiw qycjaiww qniaa
dyrsu qongxue narr urngiaw
bycaiw cuxkir gro kangx qniaa
Sinx venx Suatmuii Srux Qxunx
Cingjaw kiw laii tnix qngx sii
Suatmuii srux qxunx koxcectii
qamsimx qangrr qxunx siuw jetgi
kanx Siongx Lok guaw qniaxzii
Tniax qnir qogan qiywsniax vrix
sniu kiw Siongx Limm lamlui tii
pnaiw mia Suatmuii byy hyw viw
Qovuex gan laii viw jiacc habgii
Suatmuii srux qxunx simx bangbangg
tec kiw jiamsnuar siur boxdanx
beh siur jit jiah qovuegan
iurr siur jit jangg vehgioglann
Jit diauu ciuxqinx siur qimliongg
bagsaiw lrauu lyc muaw hxingx-jingg
sniusix kacc camw qnuazedjingr
hai Suatmuii jam dxee qapp duii hxingx
Nng diauu ciuxqinx siur gioghong
bagsaiw lrauu lyc lxui ongongx
srux qxunx m qnaw duiww langg qongw
simqnuatauu qadi bongx
Snax diauu ciuxqinx siur qimluann
Suatmuii srux qxunx simx ai'uanr
vyhjingg Siongx Limm damgo guanw
Suatmuii byy der tangx sin'uanx
Sir diauu ciuxqinx siur giog'enr
Suatmuii srux qxunx jin' kyxlenn
berdid kir qaur Simlyden
qangrr gunw qxunx qed im'enn
Go diauu ciuxqinx siur kecjiauw
kax sngx ciuw nng jre be diauu
hiauhing uirr qxunx liw quacdiaur
si snax dxngr byy jiac m jaix iaux
Lak diauu ciuxqinx siur uan'ngiux
siangsiangx-duiwduir juixbin siuu
vogjingg longqunx liw iauxsiu
hai Suatmuii bin iux iux
Cid diauu ciuqinx siur taur taur
sniu kiw Siongx Limm bagsaiw lrauu
vnuawvox kaur qaxx honghunx au
m qamguan sniu bhe kir kabtauu
Honghunx quer liauw jit qnxix cuix(tuix?)
Sutmuii kaur qxunx siwlamm suii
u angx u bow singsiangduir
Jinn Suatmui jiokk kikkuix
Dongcox tamx diyc qxunx viaudir
cniaw qxunx quer huw laii tagsix
huehngg qangrr qxunx liw jit qnir
byy gii qxunx uirr gunw laii srinx siw
Jit qnxix quer liauw nng qxix laii
Suatmuii kaur qxunx bagsaiw lrauu
si gunw jingsir jyr pnaiw dai
uan'ngiupnua hunx dangsaix
Brang beh qangrr qxunx vacnii hyw
byy gii guaw qxunx dairsingx byy
Suatmuii virr liw laii damgo
cingcunx sii siuxjed byy nairhyy
Zi qnxix quer liauw snax qnxix laii
bang qnir qangrr qxunx dirr cngg-lai
sianglangg jniawjyr(?) simsikdai
qesniax tii qniax cniw laii
Suatmuii qniax cniw sniu siongrser
vangr sniaw dua kaur jiokk camxceh
amwhun jit din qomngqex
puar im'enn iarr be diyc qejer(?)
Snax qnxix quer liauw sir qnxix dngw
Sutmuii srux qxunx simxtauu sngx
qangrr qxunx im'enn qaur jiax dng
m junw qxunx jaiww zip cngg
Vogjingg longqunx byy der knuar
damgo gunw srinx beh anxjnuaw
langlangg qewangx u angx pnua
kuidid guaw Suatmuii siuw qodnuax
Sir qnix quer liauw si go qnxix
Suatmuii m kunr jre cngg-qnii
brang beh qangrr qxunx qetlenliw
dig pacjic lenlixqix
Suatmuii kaur qxunx koxceh tii
jit sniax diongrhux jit sniax vrix
guaw qxunx kuisimx jyww liw kir
kuidid guaw Suatmuii lamlui tii
Go qnxix quer liauw tnix qngx sii
Aiwgiok qinrjingg laii krngr ix
a'niaa vyxdiong liw sinqiw
siuw cingjed cniaa qniaxzii
Jabzi=guec buew si quewnii
dyrr duiww qongvyy laii sionggi
virvan samsingx qangrr juaxjnii
laii jewhenr Siongx Limm liw qniaxzii
Samxsingx jiuxlew vran jevi
niuqanw lingjingg qui .lyc .kir
simqnuax guaw qxunx Siongx Limm liw
did samsingx qangrr juaxjnii
Suatmuii tikaur qiyr pnaiw mia
laii hai guaw qxunx jitt lo qniaa
huqunx liw diyhh u lingsniar
qinw laii liac Suatmuii kir pnua hniax
Jabzi-guec quer liauw si sinnii
Suatmuii tikaur lingdyh-vnix
longqunx vogjingg qangrr voggi
gro liw cex(?) siauwlenn-sii
Suatmuii kaur qxunx simqnuax hxex
hun gunw u qxunx byy der cue
jit guec kaur liauw iurr jit guec
simqnuax sniu naxx sniu naxx camxceh
Jniax-guec sngr laii si libcunx
Suatmuii srux qxunx simx uanwhun
bagsaiw jit jun quer jit jun
sniu Siongx Limm lxui hunhunx
Libcunx quer liauw si horjuiw
bagsaiw lrauu lyc muaw bin suii
uan'ngiux juixah singsiangduir
kuidid guaw Suatmuii busoxquix
Zi-guec sngr laii si qniadid(?)
tee kiw jiamsnuar siur ciuxqinx
beh siur qoluann simx amwhun
hun Siongx Limm jaw quewsinx
Qniajid(?) quer liauw si cunhunx
Suatmuii srux qxunx m air kunr
hun lanw im'enn snix byy junw
hai Siongx Limm siw kir qnir Giamqunx
Snax-guec sngr laii si cingbingg
Sutmuii jer qxunx kaur bong-jingg
sniax sniax kaur cud qxunx hiauhing
vangr Suatmuii jiokk juadjingg
Cingbingg quer liauw si qokho(?)
Suatmuii srux qxunx koxsiongvix
hun qxunx juadjingg qangrr voggi
laii gro gunw Suatmuii byy soxx rix
Sir-guec sngr laii si libhe
Suatmuii ai'uanr siur vec ree
sniu kiw Siongx Lok qniaw iarr ser
u laurbuw byy laurve
Libhe quer liauw si siyxmuaw(?)
sniu kiw longqunx simqnuax luan
mii laii susniu zit ai'uanr
kuix guaw qxunx druar dirr quixmngquanx
Go-guec sngr laii si bangjiongw(?)
Suatmuii srux qxunx simx koxsiongx
hun gunw pnaiw mia byy loriong
siuw jetgi qovutjiongx
Mngjingw(bangjingw?) quer liauw si harjir
Suatmuii srux qxunx lxui limlii
dyrr duiww qongvyy laii sionggi
sangr Siongx Lok zib'yc kir tagsix
Lak-guec sngr laii si siyxsuw
Suatmuii byy simx siur hueqix
huex dnaxx m siur vor m qnrix
sniu Siongx Limm auu dyrr dni
Siysuw quer liauw si duarsiw(?)
susniu longqunx simx byy ir
brang beh qangrr qxunx qaur vacnii
byy gii qxunx kuisimx jyww liw kir
Cid-guec sngr laii si libciux
Suatmuii srux qxunx bin iux iux
vadd langg vni lyc u qaixqiur
guaw qxunx liw jiokk iauxsiu
Libciux quer liauw si cuwsiw(?)
Suatmuii tikaur lingdyh vnix
hiauhing guaw qxunx jyww liw kir
vangr sewqniaw hro gunw laii cniadii
Veh-guec sngr laii si vehlo
Suatmuii srux qxunx quah dngdo
hro qxunx quacdiaur uirr qxunx kow
beh qnir qxunx diyhh Hongdox(?)
Vehlo quer liauw si ciuhunx
bagsaiw lrauu lyc jyr vng tunx
langlangg qewangx qangrr angx kunr
kuix(?) Suatmuii laii pnua qxunx sinhunn
Qauw-guec sngr laii si hanlo
hiauhing guaw qxunx laii bongqor
vangwsag liw cex(bow) dirr vnuawlo
mii qangrr zit uirr qxunx kow
Hanlo quer liauw si sxngx qangr
vogjingg longqunx damgo langg
pnaiw mia Suatmuii suacc tauu dang
bue quewmngg dyrr laii singx siw angx
Jap-guec sngr laii si libdangx
kuidid Suatmuii siuw kangx vangg
uirr qxunx siuxjed jing'ir dang
cniaa Siongx Lok cincniu langg
Libdangx quer liauw si siyxsuad
mizit ai'uanr simx m guan
jit hunx kaur liauw iurr jit huanx
kaur Siongx Limm kuisimx laii vangr guanw
Jab'id-guec sngr laii si duarsuad
Suatmuii srux qxunx simx ai'uanr
qxunx diycc u snair laii liac guanw
qangrr qxunx kir quixmngquanx
Duarsuad quer liauw si dangjir
Suatmuii siangciuw pangg angg ngii
diongrhux lingjingg qui lyc kir
vangwsniax kaur guaw qxunx byy jinggi
Jabzi-guec sngr laii si siyxhann
Suatmuii srux qxunx simx qanlann
rid diyc qewangx u soxx brang
hiauhing qxunx hai siw langg
Siyxhann quer liauw si duarhann
Suatmuii jamii did jit bang
bang qnir guaw qxunx zip gunw vangg
ciuw kanx ciuw cniw laiiknuar byy langg
Suatmuii srux qxunx simx be cringx
sniu kiw langg siw vuthogsingx
qaur jiax tikaur iarr byy ing
siux cingjed kacc jingwqingx
Jidsii simqnuax sniu dywdngw
qensimx siuxjed qingr qongvyy
jiauwqor qniaxzii cniaa Siongx Lok
brang aurzit miasniax laii jinwvo
Niuqanw Siuxjed Quax
Jniax-guec sngr laii langg gniaa angx
Suatmuii niuqanw siuw kangx vangg
uirr qxunx siuxjed u soxx brang
brang Siongx Lok cincniu langg
Zi-guec sngr laii cuncauw cnix
niuqanw qensimx vor bongxx qnrix
qensimx uirr qxunx siuw jetgi
brang aurlaii Siongx Lok did singkir
Snax-guec sngr laii si cingbingg
niuqanw kanx qniaw vair bong-jingg
guaw qxunx liw diyhh e henxsingr
hro linw qniaw jaw singbingg
Sir-guec sngr laii langg vywcann
mia-diongx juwding byy sionganx
simqnuax lanw narr erhiauw vangr
bongxx quer zit siuxjed byy uilann
Go-guec sngr laii langg vak jangr
niuqanw jitvor dirr qivangg
qangrr qxunx siuxjed miasniax pangx
hyw miasniax langg tuann langg
Lak-guec sngr laii si vnuar nii
niuqanw qangg simx qapp qangg ir
qensimx uirr qxunx siuw jetgi
brang aurlaii miasniax dat langg jnii
Cid-guec sngr laii langg poxdo
niuqanw simqnuax sniu dyxdngr
uirr qxunx siuxjed miasniax hyw
sim'ir qenx benw caulyy
Veh-guec sngr laii si Diongciux
jingg sxer jyr pnaiw jitt sxer siux
mia-diongx juwdnia si jitt ngiu
ansimx m tangx laii iuciuu
Qauw-guec sngr laii qauxqangwtnix
niuqanw singsimx qangrr sing'ir
qangg simx qangrr qxunx siuw jetgi
kanx qniaxzii quer zidjiw
Jap-guec sngr laii si dangjir
niuqanw siuxjed u jiwkir
siuxmiaa siuxjed qangrr siuxgi
hyw miasniax sxir tuann sxir
Jabzi-guec sngr laii si nidaux
jit duirr qongvyr nii jiacc lau
u sunx byy qniaw bagsaiw lrauu
lanw niuqanw terhux(angx) laii hinghau
Jap-zi guec siuxjed dnaxx uanbuanw
aurlaii Siongx Lok diongr jiongrguann
siurhongx diwimr jin' hyw kuanw
qaur jiax laii jetgi juann
Sinx venx Suatmuii jin' duanjniar
niuqanw siuxjed quax hyw tniax
krngr langg diyhh c ix soxx qniaa
cenban nii liutuann hyw miasniax