duiwue_2

simlingg duiwue -2

Bunchhai huan'ik

DERR ZI VXO TAMSYH SNIWMIA

DERR GO JNIUX JURAIR

Qowkiamx dyrr si s.-sidjai-j. liauxqaiw jurgnow ee jinsiongr.

Jex is "hunbu m jiax (CLOUND OF UNKNOWING)" jitt vunw ceh nirr jit dnxua bunzi, jokjiaw si jap-sir sewqiw jit xui byy lauu miaa ee cutqelangg. Jitt qxur ue, marr si duiqiuu jurgnow zimrdix ee quewdingg-diongx diyhh kurvix ee jit xee quanliam.

Qongw jit xee le, zuqyw guaw qongw jurqiw si jit xee jin' lrow ee jokqax, dyrr m si qowkiamx. Suibongw guaw m si siongrr uixdai ee jokqax, mrqycc qapp itvnuax langg viw, iuguann u qraur qeh qongw si be baiw ee jokqax, narr qongxx jurqiw jin' lrow dyrr qowsingg guaw soxui ee "qew qowkiamx". Narr si guaw qongw guaw pah GOLF si itliuu :ee, hex si qau binrpee, sniu' pongwhongx, guaw ee qisut jixvutqyr poxtongx poxtongx narnia. Jinjniar ee qowkiamx jongxsi ham' sidjer siy' huhap.

Muixx jit xee diyhh jywlangg sidjai, liauxqaiw jurgnow jinsiongr, zinrcingx jurqiw ee iudiamw hma' kiamwkueh. Uirr beh kacc liauxqaiw jurqiw, diyh'air jinr jit vo kuvet jurair ham' jursinr. Jurair (guaw kingxding ix si hyw :ee) qapp jursinr (guaw zinruii ix si jit jiongw ovec m si hiacc hunbingg :ee) ji' qranx ee hunvet ithiongr jin' byy cingcyw, byy huisiongg jingwkag ee zirsuu erdangr cinghox erbin beh tyxlun ee mic. Hibang guaw erdangr huatbingg sinx zirsuu qyckacc cingcyw dingrgi guaw duiww jurair ee knuawhuad, bogjingg jixhyw jiauww qu :ee.

Dairsingx, lanw soxui ee jurair si jnuaxngiu jit huesu?

Hitt sii guaw dirr qundiongx jyr simliw isingx sii, qunhongx duiww singqongjiaw ee singqongx viwquad jin' u cuwbi, jibdiongx qokk vorbunn viauxhen iusiur :ee jyr genxqiur. Jitt qrunn lamluw longxx u, nihuer iokk snax-jap gua, sir-jap cud, surgiap vutjiw u singjiu. Inx viw qang nihuer :ee sringx kacc qinw, qyckacc u langenn. Qethunx :ee longxx u uanbuann ee qadingg, juxluw gauu tagceh, sikingr kuankingw linglik hyw. Inx naxjunxx erdangr qra jiyhtauu vnewjniajyr ngqimx, ongw dangx jauw saix longxx jin' qanxdanx.

Jiaxee langg jiapsiu byy qangg jancur ee genxqiur, ursii dirr tuantew nirr, ursii qywvet diaurjax. Genxqiur nirr u jit xee vorhun, iauqiuu inx qra zinsingx siongrr diongriaur ee snax hxang su jiaww sunrsi siaw .lyc .laii, sursenx uanjuann byy qihue ham' langg' tyxlun.

Qui' xee tuantew duiww jitt hxang iauqiuu ee huanxingr, u nng qnia su daddid qongw. Derr id, inx qra jitt hxang su knuar qra jin' giamsiog. Derr id xee qaux .cud .laii ee langg kaix sir-jap gua hunjingx. Iauxx u quixarr xee ixqingx jaix dysowlangg qaux .ar, jit diamxjingx au jiacc siaw hyw qaux cud. Lingrgua jit qnia si u jap-zi xee langg, suibongw inx soxx suanxdig ee derr zi, derr snax byy qang, zinsingx derr id iusenx si uanjuann siy' qangg ee, --- si "guaw jurqiw", m si "aiwjingg", m si "siongrder", m si " gunw daux ee langg", si "guaw jurqiw".

Guaw knuar, jex dyrr si jurair ee viauxhen. Jurair si duiww jurgnow ee quanhuaii, jundiong, hurjig, liauxqaiw. Byy air qaqi ee langg, byy kyxlingg air vadd langg, mrqycc m tangx qra jurair qapp jurgnow diongsimx lam jywhuew, jiaxee singqongx ee zinsu, longxx si ciongbuanw aiwsimx ee tauduir ham' textiab ee juxquanw.

Jursinr qycc si sniaw?

Guaw genxqiur qundiongx jitt xee digsuu tuantew au, qingguer veh~qauw dxangx, u qihue jiapqin jit xee "vehcadlangg"--- guaw qra inx dingrgi jyr vunxjid siaog ee langg. Jitt jiongw langg jin' pnaiw jiapqin, mrqycc gauw ham' jitt xee langg sigsai qaur erdangr mng ix " liw itsingx-diongx siongrr diongriaur ee si snaiw?:

Liw iyh ix e anxjnuaw huedab? "guaw ee jursinr."

Liw u juwir diyc dap'anr si zuarr nirr jiapqin neh! hitt jap-zi xee singqongx ee langg longxx siaw "guaw jurqiw", jitt xee langg qongw "guaw jursinr".

Ix ee dap'anr uanjuann huhap vehcadlangg ee hinguii hongsid. Duiww jitt jiongw langg laii qongw, jursinr kaksit si inx sniwmia-diongx siongrr diongriaur ee mic. Inx e uirr uiho jursinr bysioh itcer, bylun hysii, bylun huwcud sniaw dairqer, jixiaur u zimrhyy mic duiww inx ee jursinr qowsiongg uihiap, jixiaur u jit sud aw jingwqur henxsi inx byy qraur uanbiw, iacc hro inx qamxqag qenwsiaur, inx m na be liriong jitt xee qihue suiqiuu jurgnow ee jinwvo, dendyww e vniawmia huxbet jingwbut. Jex dyrr si inx siaog hinguii ee kixguann --- diyhh vutquanw itcer dairqer, uiho jursinr.

Qencii jurgnow qaix siurr diongrsi (iarr dyrr si jurair), ham' jurzin quann langg' jit gamw (ingxuanw beh uiho jursinr) byy siang.

Liauxqaiw jitt hxang cavet, erhiauw hunven jurair ham' jursinr, qapp jurgnow zinrdix u bidced ee quanhe. Beh jniajyr qenrkongx, uanjingw ee langg, diyh'air hagsip jiamrsii qra jursinr danr jit vnix, m hyw itdit qamxqag jurqiw kacc gauu, lingrgua jidbin, lanw qaix ingxuanw air qaqi, diongrsi jurqiw, suibongw lanw byy itding qra qaqi pah quanhunx.

JAIX QENWSIAUR

Dirr u vit'iaur siujingr jurqiw sii, jo lanw sanxsingx qenwsiauwsimx ee qangqu hyrjyr "junjai ee juerokqamw". Uirr liauw singjunn, lanw su'iaur moxjiongw tingdo ee juerokqamw --- moxjiongw tingdo ee camwhuew. Byy juerokqamw, lanw dyrr kiamr jit hxang diongriaur ee jurgnow qiujingr ee qijer. Narr si lanw itdit zinrding qaqi jin' hyw, dongzenn dyrr byy hxuad qaixjinr u kuatdiamw ee vorhun.

Jerje langg knuar quer THOMAS HARRIS siaw ee "guaw hyw, liw marr hyw (I'M OKAY, YOR'RE OKAY)", ceh si siaw qaxx jin' hyw, mrqycc guaw byy air jitt vunw cecmiaa. Banrid liw m hyw, beh anxjuanw vran? Banrid liw dagg zit tauwjaw nng diamw bang diyc jurqiw imsiw laii qniax cnew, qui' sinkux lingxqnua, qinxdniux qaxx qaur lak diamw jiacc qycc kunr .kir, jitt jiongw dairjir jit amr jriab jit amr, jit lexvair suar jit lexvair, dagg qywguec siy' lensuar, anne liw qamxx e hyw? byy dairjir?

Banrid liw dagg vaiw qniaa zip kir siongdiamr longxx e jin' qniahniaa cniqongg, beh anxjuanw? Anne liw erdangr qongw liw jin' hyw? Byy dairjir ? banrid liw ee ginxaw hro liw vig qaxx kir sud dog, ziaw jit dua dxuix mahuann, liw jurqiw qycc m jaix, beh anxjuanw? Anne erdangr qongw liw jin' hyw?

Guaw zinruii "qexmiaa qaixjiuw hiabhue" ee lunrdiamw hyw quer jerje, inx ee kauxhy si "guaw m hyw, liwiarr m hyw, mrqycc byy iauwqinw." Kaksit si anne, guaw quewkir kaigiap jyr simliw dirliauu sii, dyrr si kyr jurqag m hyw ee langg, m quanw si qingjer-siong iacc si qitnax hongbin, longxx duiww guaw iuxli. Jurqag byy bunrdee ee langg si be laii jyr simliw dirliauu, laii :ee longxx si qamxqag jurqiw u bunrdee :ee, inx qowkiamx qaur guanrir qriuu langg draur snaqangx, hro jurqiw sunrli mairhiongr duiqiuu jurgnow liauxqaiw ee luxiuu.

QIUR LANGG OOR!

Gauw qaqi dyrr si jit xee le, sidjer jongsu simliw dirliauu jingg jit dxangx, gauw qamxqag jiapsiu dirliauu duiww guaw u hyxcur, hitt sii guaw dirr qundiongx jyr simlixkyx ee sidsip isux, bad ngi nirr jit xee simliw isux, ix naxjunxx jin' lairhangg, cue ix knuar qycc benw jnii. Guaw ham' ix qongxkiw uirr guaw jinxliauu ee su, ix mng guaw uirsniaxmic beh anne jyr.

Guaw qongw "si anne lar, guaw qingsiongg uirr ser hxang su e qinxdniux, jauhuann. Anne ee dirliauu qinggiam jin' u loriong, jin' u qauwiok kexhuatsingr, siaw dirr lixligviauw nirr kacc erdangr jingqax suechoglik."

Ix qongw, "liw iauxx bue junxvix hyw." M kingw uirr guaw dirliauu.

Guaw krir putpud qniaa cud ix ee vanrqongsig, huisiongg vutbuanw, mrqycc ix si driyc ee. dongsii guaw iauxx byy junxvix hyxser, jurzin byy bunrdee. Jit nii au, guaw dyrr junxvix hyw ar.

Beh suecbingg huatsingx sniaw su jingg, qaix singx qongw, guaw ee jingwtauu ham' hogjiongg kuanuix iuxquanx, suibongw dongsii guaw iauxx bue zinrcingx jitt diamw. Dirr jex jingg zi-jap dxangx lai, bylun tagceh, qangjog, longxx e duw diyc hro guaw tyxiar quar zip qud ee nua hnorhno ee dingxsix. Muixx jit xee soxjai ee langg byy qang, mrqycc bylun guaw kir qaur dyhh, itding longxx e duw diyc jitt jiongw langg. Guaw jongw zinruii bunrdee cud dirr duiwhongx, ham' guaw byy vnuawdiamw quanhe.

Dongsii dirr qundiongx, guaw ee simvag dairhuan si juxquanw i'ngi ee sulingrqnuax --- SMITH sinsnex, guaw jin' hin SMITH jiongqunx. Kyxlingg si anne, ix duiww guaw marr byy iuxsen, ix itding qamxqag diyc guaw ee dig'ir.

Simliw jusiongx siongrvanx ee derr id zit, tauwjaw u jit xee vnerlik tyxlunrhue, huerdiongx guaw beh vangr jit dnxua ham' vnerlangg binrdamm ee logimx, hro dongsu ham' jit xui juxquanw tniax. Tniax uann, inx dy' jin' byy keckir kiaukix guaw jiongw jiongw cauwvun byy singsik ee quewsid. Jitt zit ee kaisiw byy sngr sunrli, mrqycc guaw qra qaqi qongw, jex vutqyr si soxu simlixkyx ee hagsingx ham' duawngi isux longxx e duw diyc giamkog ee kyxgiam, rair uicii diyc jursinr. Inx jongw si qra langg pruex qaxx cruir qoqoo nua loklog, vingrr byy dairviauw guaw dirr zimrhyy hongbin jinjniar u bunrdee. Vutqyr guaw simsinn dyrr si byy hyxser.

Qycc laii, guaw u jit diamw aw ingg, pacsngr beh kir jenw taujangx. Qisit guaw byy qamxqag u su'iaur, mrqycc guaw jaix SMITH jiongqunx e qamxqag guaw ingwqaix qrax ar. jysiu dongsu ham' juxquanw vingqig au, kir qrax iauxx byy vit'iaur qrax ee taujangx.

Qniaa kir taumodiamr ee lordiongx, qingquer iuqiok zip kir knuar u puex byy, jin' suex, tec diyc jit dniux qautongx huaddnuax, si nng qywguec jingg, u jit vaiw sraiw ciax kir ham' KANO siongrhau pah bangrqiuu ee lo nirr, qingquer jit xee uirvingjam jingg ee tingciax hyrjir byy tingg .lyc .laii. mahuann ee si, narr qongxx hro kiarqangx ee henwvingx kuix huaddnuax, huwvunw dy' sangr didsiok dniuxqnuax, dyrr si SMITH jiongqunx hiax.

Hitt zit jaiw guaw dyrr hro SMITH jiongqunx diamxiuu jyr qiwhy ar, byy hibang qycc hro ix liac diyc buexliux. Jid'err qaur bangrqiudniuu, gauw dyrr iong siongrr po'tnaw ee kauxkir qra KANO siongrhau qongw " jin' sitlew, dniuxqnuax, guaw didyr ar, si in'ui lo nirr tingciax hyrjir jingg byy tingciax, hro liw erkaciuw ee henwvingx jac diauu lehh." ix sui' jaix gauw ee iwsur, dyrr qongw " benw damsimx, guaw laii sniu vanrhuad." Qyxzenn, derr zi zit jaiw, quanxlixjam ee qunqnuax kar denrue laii qongw

" Peck isux, iauxx e qir did liw jahngx siux .diyc ee hitt dniux huaddnuax hnor? Guaw jixsi beh qra liw qongw, hitt dniux qiar pangwqnir ar, aurvaiw kacc sewji sraiw dyrr hyw !"

"jin' dyrsia, dniuxqnuax." Hitt sii guaw iauxx e iong jitt jiongw byy lauxsit ee ciuxdnua.

Lak lexvir au, jitt xui qunqnuax hionghiongg ho'ngg diauwjid, simrjiww be hur qra vanrqongdyh siux cingkir. Vadd langg ter ix cingliw sii, huathen jit dxuix qongxjingg ee huaddnuax, qui' ee qycjaiww longxx qiar .cud .kir. hitt zit, tauwjaw hro dongsu, juxquanw dnaxdiap, vutditvud qrax taumox, qycc jriab diyc jit dniux sniu qongxx byy bunrdee, sursit bunrdee iauxx junjai ee huaddnuax. Guaw zuxx sniu zuxx byy hnuahiw qniaa duiww taumodiamr kir.

Taumox qrax qaur sir hunx ji' snax sii, liw knuar, si si'angg laii ar? SMITH jiongqunx qniaa .zip .laii. suibongw hitt sii ix u ciongdong beh qra guaw qnuaw, jongw bersaih qra taumox qrax jidvnuar ee langg dongr, ix jixhyw jre dirr vnix :a danw. Hitt sii guaw jixu jit xee liamrtauu : ham' jitt xee dikqeaw? jiyhox .jit .xe ? u vit'iaur? Vutingwqaix? Jit vxenr qycc jit vxenr, itdit mng jurqiw. Simjniaa zuarr baiw, liw qamxx e jaix?!

Ursii langg' mng guaw, " sniaxmic sii qaix jiapsiu simliw dirliauu?" guaw qongw, "dirr liw kud diauu lehh, sniu beh dinxdong kiokk bylorlixlaii sii." Jitt sii, gauw virr kee diauu lehh ar.

Suacbuew, guaw quatding jinrliong viauxhen cud qysiongw, bad sewsu ee hxingg. Taumox qrax uann, ui' iw-aw-dingw lyc .laii, qniaa quer ix ee sinvnix, qongw " gaujaw, SMITH jiongqunx." Sui' huac cud kir taumodiamr. Qrax taumox ee saihu ziog cud laii qaur ding'axkax huah " isux, isux, liw iauxx bue lap jnii." Jitt vaiw, guaw qinxdniux qaxx qra dangjnii jongw lag dirr tokax, duxhyw dirr SMITH jiongqunx ee kax-vnix. Cniaw liw sniu knuar mai lehh, guaw qui dirr ix ee kax-vnix, ix quann quann jre dirr guaw dingxbin, tixciyr guaw ee kunwqingw.

PUAWCUIR

Jin' byy iong'i qniaa cud tiwtaudiamr, qui' singkux pipii cuah, qra qaqi qongw, "PECK, liw u bunrdee, liw su'iaur langg' ee vangjan." Hex si jin' tongwkow ee sikig, guaw qra hyrjyr "cuiwlec sikig". Jitt jiongw jamxzenn unhyy ee cuiwlec, ixqingx jniajyr guaw zinsingx ee mosid, guaw iyh siongrder jaix guaw byy hxuad singsiu sniu' je ee tongwkow.

Suibongw huisiongg tongwkow, dongsii duiww guaw marr si siongrr iuxli ee sikig. Jit diamxjingx lai guaw iong iauxx decc cuah ee jngxtauaw, kir vingw hunlui denruerpo, beh cue jit xee simliw isux, guaw jinsimx guanrir qaixsen jurqiw ee movne. Anne jyr suibongw tongwkow, kiokk marr si dac hiongr dua singdiongw ee kixvo, guaw dirr suaboo-diongx qniaa hiongr qiuwsiok, beh qra simvne rix guanjuann ee kiwdoo mairhiongr jit dua vo.

Qidog qauwhue ee lexvair gisid ersaih qongw si jitt jiongw dudpuar ee siongrdingx. Singwcanlew ee jewdnuaa-dingw, qauwsu qra singwvniaw giac quann quann qycc qra paccuir, jex dyrr si jit jiongw dudpuar. Dirr siongrdingx jancur-siong, huannarr cam'uw jitt hxang gisid ee langg --- bylun inx si m si u jitt jiongw zinrbad, ongxongw si byy --- longxx guanrir virr pacpuar. Anne qongw, qidokqaur hyxcincniu si jit jiongw huisiongg qiquair ee jongqaur, sinwdoo longxx guanrir virr hamxpuar. Mrqycc lanw rair jaix, dyrr si tauwquer anne ee puawcuir, lanw jiacc erdangr packuix simhingx, dua vo hiongr jingg qniaa.

Lanw su'iaur u cruir .kir ee sikig, qakgno diyc jurqiw u bunrdee, lanw ee zinsingx cruir qeqee, lanw byy uanbiw, lanw lanbenw u juerqyr. Juerokqamw bunr cud laii ee sii, camwhuew ee sii, kueckiamr jursinr ee sii, binrduir jurqiw byy hnuahiw ee kyxgiam, duanwlen sii, duiww lanw ee singdiongw longxx berdangr kiamr ee.

Dyrr si binrduir jitt jiongw sikig, lanw iauxx si diyhh diongrsi jurqiw, air qaqi. Air qaqi qycc singzin jurqiw ee byy uanbiw, m na si kyxlingg, nng xee erdangr dongsii jinwhingg; air qaqi dyrr si vauhamm singzin jurqiw u quaw soxjai su'iaur qaixjinr.

LIW SI LIW EE SIMQNUAX VYXVUER

Gauw u jit xee 17 huer ee javox huanrjiaw, si byy verbuw quanxqar ee ginxaw, ui' 14 huer kiw, dyrr jurqiw qaixquad sing'uac, verbuw uanjuann byy hu jikzim. U jit vaiw binrdamm sii, guaw qra qongw "JECK, liw siongrr dua ee bunrdee si liw byy air qaqi, liw byy diongrsi jurqiw."

Dyrr si hitt zit ee amwmee, guaw ui' CONNECTICUT sraiw ciax beh kir NEW YORK, jit lo dua hongho, dirr qysog qonglo-dingw, ho naxx juixciangg puah quer laii, knuar e diyc ee si bu sawsar jidpenr, byy lorbin, byy hundy ee ngsnuar. Guaw diyhh juansinn quanwjur dirr lorbin-siong, m quanw guaw si zuarr tiamw. Jixiaur jit biyxjingx byy juwir, dyrr jin' u kyxlingg longr cud lo gua. Gauw dyrr dirr jiacc qnialangg ee hongho-diongx sraiw uann 90 ingliw, ui'id ee vanrhuad dyrr si vutduan qra qaqi qongw " jitt daii ciax jair diyc jin' quiwdiong ee hxuer, qra jiaxee hxuer anjuann sangr qaur NEW YORK si siongrr diongriaur :ee." guaw dadsingg zimrbu ar.

Snax zit au, guaw dngw .laii, qycc knuar diyc jitt xee siauwlenn vnerlangg. Ix dirr gunw qang dniuu ee vorhong'uw nirr, qra ciax sraiw cud qonglo, qajair siursiongx byy dang. Ix viw guaw sraiw kacc qin, jin' kyxlingg marr byy cniurr guaw hiacc tiamw. Ix e huatsingx jitt jiongw iwgua, m si ix u jursad kinghiongr --- suibongw kiamwkuad jurair ongxongw ham' jursad qab jywhuew --- jixsi ix berdangr qra qaqi qongw, ix ee ciax-lai u jin' quiwdiong, daddid dinsiyh ee mic.

Lingrgua, "simlingg derdoo" cutvanw au byy zuarr quw, kaisiw dirliauu jit xee luxsingr, ix diyhh ui' NEW JERSY diongvo sraiw ciax snax diamxjingx jiacc e qaur jinxsow. Laii cue guaw si qac'ir guaw siaw ee ceh, jidsiwlangg longxx qapp qidokqaur u bidced quanhe : dirr qauwhue duarhanr, qer jitt xee sinjid zinguann. Derr id nii, gunw dagg lexvair qniwbin jit vaiw, uanjuann byy jinwdenw. Aurlaii u jit zit, ix jid'err zip mngg qongw " liw qamxx jaix? Jaxkiw sraiw ciax laii ee lo nirr, guaw hionghiongg sniu tongx ar, guaw qaqi ee linghunn jinwvo jiacc si siongrr diongriaur :ee." gauw uirr ix hnuahiw qaxx dua sniax ciyr, marr qamxqag jin' hyxciyr, jitt xee langg ham' qauwhue ee quanhe hiacc cimx, guaw itdit zinruii ix jaw dyrr jaix jurqiw linghunn ee jinwvo jiacc si siongrr diongriaur :ee. sursit, ix m jaix, gauw marr huaigii dysor qidog qauwdoo byy itding jaix. Mrqycc itdanr lingxgo, liaudingg ee jinwvo dyrr cniurr sicnar hiacc qinw.

DIAMW DINGX EE SINNIUU

Air-qaqi si siongrr diongriaur ee dairjir, ix ee diongriauwsingr byy sux zimrhyy qimgenn-gioggiw. Quixarr nii jingg, guaw dirr CHICAGO jit xee dua hxingg tenjuxqaur uahdang diongsimx cua jit xee virjingrhue. Irding lexvaiwzit ervox qetsok, qauwsii beh dirr uahdang diongsimx lai huisiongg suiw ee qauwdngg vran jit dniuu jingwsid ee misad. Virjing jingg, juxvan ee qauwsu mng guaw si m si guanrir dirr misad-diongx qangxdy. Jidsii ee gugong ham' gnorban, "or! Byy bunrdee!" guaw dap'inr qaxx jin' qinw, uanjuann be qir .did dirr qauwhue nirr berdangr suiven sed jit xee debag, jairr langg qongw byy iauwqinw. Qangxdy ee lueriongg diyhh ham' dongzit jixding tak ee qingbunn huanruii iuxquanx, tongsiongg ui' hokimsux suanw cud.

Mrqycc guaw ee jingsinn jin' qinw dyrr huee.quer .laii, tranr virjing ee siyxjox uahdang siqanx, uringg kir henx singwqingx hitt dnxua jixding ee hokimsux, si qongw diyc jairsikluw ee qowsu, go xee kiauw :ee, ham' go xee gong :ee. hro guaw qniax jit diyy, guaw jurlaii dyrr byy air jitt xee qowsu, qinvunw m jaix ham'ir si sniaw.

Qowsu anne qongw, u jap xee jairsikluw decc danxhau sinlongg --- qidog iacc si siongrder. Tniax qongw ix kyxlingg vnuawmee e cuthen, anne inx diyh'air amwbinbongx kir gingjiab ix. Go xee siauwluw jaw dyrr qra iudingx ee iuu cuann buanw decc danw, lingrgua go xee kiokk be hur anne jyr. Dyrr hiacc juwsiw, vnuawmee u langg laii longr mngg, tuanue zip laii qongw " sinlongg qaur, singlongg qaur ar! cud laii qnir sinlongg oor!"

Go xee kiauw ee siauwluw sui' qra dinghuew diamw dyc, qinw qinw cud mngg kir, gong ee hitt go xee aiqiuu qongw "vunx jit diamw aw hro gunw lar! Gunw qandna' beh air jit sud aw dyrr hyw lar, gunw marr sniu beh kir qnir sinlongg." Byy langg beh cab inx, jyr inx qniaa cud mngg.

Jiauww guaw ee sniurhuad, inx qnir diyc sinlongg sii, qaix e qongw " linw jiacc kiab, angwdo, qycc paixsimx ee jabow ar! jnuaxngiu m kingw vunx quaw iuu hro linw ee jixme neh?" sursit si ix anne qongw " kiauw, senrliongg qycc bixle ee qoniuu ar! guaw air linw, lanw beh hunhiongw ingxuanw sniwmia ee hixlok. Hiaxee gong jabow, dyrr hro inx qargee-cedkiw, ingxuanw dirr dergak cauwnua oox!"

Guaw zinruii jitt xee qowsu, byy huhap qidog jingsinn. Qidog sinwgiongw byy hunhiongw, iauxx u sniaw? Mrqycc guaw diyhh qinqur jitt xee qowsu qangxdy, guaw diyh'air hyw hyw sniu jit xe. Dew siqanx jibdiongx sukyw ee haurqyw ursii jin' qniax .langg, byy zuarr quw, sniu cud qowsu nirr ee dingiuu, siongrdingx ee si "junxvi", jitt xee qowsu qra lanw qongw, junxvi si berdangr hunhiongw ee. liw berdangr ter langg jyr qongkyr, liw qamxx erdangr ter langg tagceh tec hagui?, hagui siongrdingx ee si junxvi ee qanghux. Lanw qandna' erdangr teqiongx vadd langg hyw hyw junxvi ee dongrqix, jex ongxongw si jin' kunwlann. Guaw soxx jaix ui'id ee honghuad si qar inx zinrbad, jurqiw dirr siongrder ee ganw-lai, si zuarr diongriaur, zuarr suiw, zuarr nirr qoxjuix.

JURQIW EE KAJIAH

Hro lanw simliw byy qenrkongx, siarhue byy qenrjuann, li siongrder hng hng ee juerinx si jurqag byy diongriaur, byy qoxjuix, byy langg air. Langg jurzin byy hunrliong ee tingdo, ciangjai hro guaw qamxqag vutkyxsugi. Jap dxangx jingg, guaw camqax jit xee amwmee enwhue, urlangg qongw diyc jit xee urmiaa ee denrngiaw dyrenw, qongw ix anxjnuaw lauu ha ligsuw ee hingjiah, guaw duiwcuir rinr qongxx, "lanw muixx jit xee langg longxx e lauu lyc ligsuw ee kajiah." Qui' dyh ee damue sui' tingg lyc laii, naxjunxx guaw qongw :ee si zuarr berdangr liongrqaiw ee lacsap'ue.

Mow quaw hongbin, lanw byy air qra jurqiw knuar qaxx sniu' diongriaur, anne jyr si byy air hro qaqi dnax jikzim. Lanw e zinruii KREMLIN nirr ee langg jin' diongriaur, qokhue girguann jin' diongriaur. Narr si lanw singzin jurqiw vinghuann, byy daddid langg qongw, dyrr byy su'iaur uirr ligsuw hurjig, qamxx driyc? Mrqycc bylun lanw u hnuahiw, bylun hyw/ baiw, bylun si m si u iwsig, muixx jit xee langg longxx u ix ee diongriauwsingr. Anne qongw, "zuqyw m si liw, iauxx qycc e u si'angg? Zuqyw m si henrjai, iauxx e qycc si dangsii neh?"

Muixx jit xee langg longxx e sanxsingx jitt jiongw ham' henrsit byy hac, qaqi byy hunrliong, byy langenn, byy langg air ee qamxqag. Iokk lak dxangx jingg, guaw kir DALLAS ee jit xee kyhak tyxlunrhue enxqangw. Dirr luxquanw quirdaii duxx tec diyc vangqingsyw beh zip kir vangqingx sii, jit xee siauwlenqex qniaa uaw laii qongw "liw si PECK isux hnor? Guaw ee vingiuw vunxdew beh laii camqax jitt dniuu huergi, u dairjir suacc berdangr laii. ix qra gauw qongw, narr si knuar diyc liw, dyrr qra liw qongw siongrder guanliong liw."

Jitt qxur ue u qraur qiquair. Mrqycc dirr vangqingx lai jre dnia au, kaisiw sniu jitt hxang su, guaw huathen dirr ix ee uergiw nirr hro guaw naxjunxx knuar diyc vorhun jurqiw jap-go huer ee ngiaxjiah : qui' bin tiauraxjiw, jit diamw aw dyrr byy hyw knuar, sniaw dyrr m bad, zimrhyy kyhak tyxlunrhue longxx be zinruii guaw ee ue daddid tniax. Mrqycc hitt vorhun ee guaw, juadduir m si jinjniar ee hyw bohuan. hiyxzin jurgnow ee diongriaur, si byy qenrkongx, ham' henrsit tuatjed, vikced su'iaur dirliauu, ingwqaix virr vangwsad, virr guanliong, virr sew cingkir.

Qycjaiww qiongdiau, diwsuw qywzinn byy qenrkongx, siarhue byy qenrjuann, likuix siongrder hng hng ee siongrr dua digzinn, si muixx jit xee langg longxx u jit jiongw jurqiw byy diongriaur, byy kyxair, byy langg air ee qamxqag. Sursit-siong, siongrder si sinlongg, ix decc iaucniaw lanw "ham' guaw jywhuew kunr!" lanw jin' kyxlingg siamxpiah, qongw jurqiw sniu' lau, sniu' siauwlenn, byy diongriaur, iacc si sniu' baiw, byy daddid ix ee jiauwqor.

Hro lanw jyr hyw junxvi, dingsinx texzin jurqiw kuriuw ciauquer siongxsiong ji' gua ee diongriauwsingr, bixle, kipinxlat. Marr hro lanw jinr jurqiw ee ligliong qauwdy qitnax ee langg, hro inx liauxqaiw jurqiw kuriuw ciauzenn ee diongriaur, bixle qycc belangg.

TUANSUAD BEE

Je xui cutqiyh ee kyxqoxhagqax jaw nii jingg si ho'ngg dongwjyr siauw langg, in'ui itvnualangg zinrding si hiqor ee qoxlyw tuanqii qowsu, inx siongsinr hex si jinx :ee. HEINRICH SCHLIEMANN (1822-1890) kyxlingg si siongrr hyw ee sidle. 1830 nidai, dirr jit qingx jabhuewdiamr jyr sai'aw. U jit xee laurhuexaw ciangjai dirr hiax jiahdaur, limx dee sii e vuerliam jit dnxua HOMER siaw ee six "ILIAD". Siauwlenn ee SCHLIEMANN suacc hro TROJAN WAR ee qowsu bee .kir, jiuwjnua qongxx duarhanr, itding beh kir cue TROJAN ee qoxjig qurjiw.

Ix ham' langg' qongw diyc jitt hxang su, langg' jongw e qongw " aixiyr! Mair gong ar! HOMER ee ''ILIAD" jixvutqyr si sinue ziiw. Sewqair-siong qinvunw dyrr byy TROJAN jitt xee soxjai, hex si sinue venx cud laii :ee." mrqycc SCHLIMANN iuguann siongsinr TROJAN jinjniar junjai, ix zinrjinx jyr singliw, qandna' sniu beh tanr u qraur jnii kir ow hitt xee uijiw. 36 huer sii, jamxzenn u jnii ar, ui' singlixdniuu trer lyc laii, kaisiw cue TROJAN sniaa. Qingquer jap dxangx pacvniar, ix dirr TURKEY sehnua cue .diyc, vin' jit diamw ham' aurlaii ee sinx huathen, jingwbingg "ILIAD" m si hiqew :ee, si u ligsuw sursit qinqur :ee.

EDWARD HERBERT THOMPSON (1857-1935) si lingrgua jit xee daddid yc ee kyxqoxhagqax. Zi-jap sewqiw coqii, ix ui' jit xee qoxlyw ee MAYA tuanqii tniax qongw, u jit kauw juanbunn rimx siw jairsikluw ee hisingx jnew, byair hro sitew puu kiw laii, qui' singkux qruar buanw ngqimx jngtna, tuansuad qongxx si beh henr hro druar dirr jnew-drew ee horsinn jyr jewlew. Ix quatsimx beh cue diyc jitt kauw jnew, suibongw langg' longxx qongxx "jixvutqyr si jit xee hyxsngw ee tuansuad ziiw. Byy jitt jiongw jnew, jurlaii m bad junjai quer."

THOMPSON jauw kir MEXCIO, tniax qongxx YUCATAN vnuawdyw ee ciurnaa cimsnuax, u jit jxy MAYA dua sniaa ee qoxhix, hywjyr CHICHEN ITZA, jitt xee miaa ee iwsur si "jnexcuir (THE MOUTH OF THE WELL)". Ix dirr qoxhix vnix:a brew jidpenr jingwjy cande, byy zuarr quw huathen jitt xee derkux u nng jxy huisiongg dua ee jnew. Qingquer jingbit hunsig, ix zinruii duiwdit iokk 60 bxew, kacc dua ee hitt kauw, kyxlingg dyrr si bogviaux. Ix sui' dngw kir BOSTON, qra soxu ee cinjniaa vingiuw jin juanlik borkuanw, brew uectoqix ham' cimx haiw cangwjuiw jongvi, simrjiww yc erhiauw cangwjuixbi.

Qui' xee jingsinn longxx he dirr hiax, jit dxangx jit dxangx quer, jit diamw aw siusingg dyrr byy, ueh cud ee si jit langw jit langw ee nuartoo. Byy ngqimx, lenn puawqiqud dy' byy. go dxangx quer, jnii iong beh uann ar, cavutdyx si juadbang ar, cinsinx cangr zip kir juiw-lai knuar mai lehh, qetqyw huathen derr id pruex quttauu. Ix cue diyc jit xee kyxqow dua vyxjong, iauxx u duarliong ee ngqimx juvyw. Soxu jiyh .laii ee jnii, ix ee jursinr jitt sii longxx dngw .laii ar. ngqimx juvyw qruar qui' sinkux ee jairsikluw ho'ngg danr zip kir jnew nirr ee tuansuad, ix qra jingwbingg hex si jinjniar ee dairjir.

Guaw vunxlaii marr byy siongsinr ALTANTIS bunbingg liogde dimm lyc haiw ee tuansuad, 1978 nii gunw juann qex qongw beh dirr GREEK jibhap, luxdoo-diongx, gunw jxox jit jiah junn, ui' CYCLADES qundyw qniaa, siongrr lamvingg ee siyxdyw u nng xee miaa, GREEK hyrjyr THERA, ITALY qongw si SANTORINI, jitt xee dxyw dirr jap-snax sewqiw bad hro ITALY jinghok. hanghiongr THERA iarr SANTORINO ee vnuawdoo, vaxvah ui' luxiuu juliau tak .diyc, u langg zinruii jitt jxy dxyw kyxlingg si ALTANTIS.

Jitt xee qongxhuad hro guaw qamxqag jin' hyxciyr, mrqycc sui' dyrr hro guaw ciyr be cud .laii. gunw qingquer jit xee hionghiongg knuar naxjunxx si nng xee dxyw uii kiw laii ee haixuanx, aurlaii huathen hex henxzenn si jit xee dua qaxx byy der viw ee huexsnuaxkauw, didqingr iokk zi-jap ingliw. Gunw dirr hitt xee dyxsu ee siwkolinwdngw sec, jaix 1967 nii u jit zit tnix beh amr ar, jit xee jywcann :ee dirr cann nirr qnuaw luu-aw lecann, ix ee bow, qniaxzii, iauxx u cuwvnix ee langg, longxx kia dirr cann-vnix qongxue, hionghiongg knuar byy hitt xee jywcann :ee, inx m jaix huatsingx sniaw su, qinw qnuaw kir ix duxjiacc kia ee soxjai, qandna' tniaqnir naxjunxx u langg decc huachiux ee sniax. Derbin lehkuix jit dua kangx, guanlaii ix siag zip kir hitt xee kangx lai.

Ix siag lyc kir :ee, m si poxtongx ee kangx, si jit jxy sniaci --- hro huexsnuahux kamwdaii ee AKROTIRI. Ueckuix au, kyxqoxhagqax huathen jit xee jurlaii byy langg jaix ee ATLANTIS bunbingg, erdangr tamr qaur cnidangg sidai, jonghap HELLENE ham' AFRICA bunbingg, si juann sewqair siongrr jaw suxiong dua hxingg quansiongw hongqingw txangx ee soxjai. Jitt hxang ee huathen jin' u kipinxlat, cuxau jap dxangx, gunw luxhingg GREEK sii, ATHENS pokbudquanw digvet dirr vnix:a qex kiw jit jxy qenwdiogbut, juanbunn vaii AKROTIRI ee gersut ixqip qitnax huathenrpinw.

Guaw marr jniajyr jitt xee tuansuad ee sinwdoo ; guaw kir quer ATLANTIS.

DANSUNN GINXAW QXOW

Tuanqii ham' sinue u dua byy qang ee diamw. Tuanqii si quewkir ee qowsu, ersaih si sursit, marr kyxlingg si hiqor :ee. TROJAN ee tuanqii si jinx ee, CHICHEN ITZA sinjnew tuanqii marr jinjniar u jitt huesu, guaw siongsinr ATLANTIS ee tuanqii marr si jniawqangw ee. bylun jinx, qew, cniurr CHICHEN ITZA jitt lui ee tuanqii, vunxsinx byy itding duiww lanw jurgnow zinrdix u zimrhyy kexsi, mrqycc HOMER ee ''ILIAD", m na si jinsit ee tuanqii, dongsii marr si sinue. Qokk jiongw iuxquanx zinsingr ee siongser suecbingg qaujid dirr TROJAN ee qowsu-diongx, sinue qapp suncuir tuanqii ee cavet dirr jiax.

Ginxaw qxow ham' sinue byy qang. Singwdanr laurhuexaw si ginxaw qxow, qaur dnaxx nng-vah huer, juann sewqair go hunx ji' id derkux ee langg bad ix ; lringg si sinue dongbut, dirr singwdanr laurhuexaw jingg dyrr liutuann zinqanx, qidokqaur huesniu dirr aujiux siudyngi nirr zinrjinx causiaw qingdenw sii, ciangjai dirr juaxqyw vnix:a rue lringg ee dohingg. Diongqog ee dyrsu, Zidvunw huesniu, Inwdorqaur qauwdoo, ARABIA ee hueqauwdoo, longxx u luirsu ee hinguii.

Uirsniaxmic rue lringg? Jitt jiongw sinue dongrbut uirsniaw digvet qokjewhuar, poxpenr?

Dap'anr si : ix si zinlui ee siongrdingx.

Lringg si u sxit ee juaa, e vuex ee vetangg(vationgg), hex dyrr si lanw. Lanw cniurr vetanglui pag dirr derbin iuxhan ee huanruii, ham zip juerog kinghiongr qycc ec bicbih bunhuar ee lorqomuaii nirr, marr erdangr cniurr jiauxjiah iacc si tnisair vuex quann quann, ciauuat soxu ee juerog ham' bunhuar penqenr.

Guaw sniu, lringg e sriu langg huangingg, juxiaur ix si siongrr qanxdanx ee sinue. Mrqycc ix vingrr byy dansunn. Ix si je dingg ham'ir, jniawbin, dyxvingg ee singbut, dairviauw siy' dahtud. Jex marr si sinue junjai ee jit xee guan'inx, uirr jiangxag zinsingr je dingg iwhamm, ongxongw horsiong maudunw ee qokk jiongw janbin.

MAUDUNW-DIONGX EE SNIWMIARLAT

Sinue kuriuw maudunw ham' je dingg iwhamm ee digsingr, siongsinr sinue be qra qaqi ziaw laii mahuann. Itvnuax ee ginxaw qxow ongxongw jixu jit jiongw binrbak, sniu' quer qanxhuar, siongsinr jitt jiongw qowsu dyrr e cud bunrdee, sursit-siong, zimrhyy sniu' qanxhuar ee sukyw hongsid longxx e cud dairjir, muixx jit xee langg qeqiamw longxx u sukyw quewdo qanxdanx ee bunrdee. Lanw hibang banrsu ovec hunbingg, iauqiuu surqnia m si jex dyrr si hex, sing'uac-diongx ee muixx jit qnia dairjir, setsuw m si dongsii junjai jap quiw xee binrsiongr jixjiyw marr u nng xee, bersaih qandna' ui' jit xee qakdo cetzip.

Kyxviw qongxx, guaw enxqangw ee sii, tniajiongr nirr ee qidokdoo u sii e mng "PECK isux, dongsingwluann ee langg qamxx ersaih damzim sinjid qangjog?" inx qongw jitt xee bunrdee sii naxx cniuciurr qra dongsingwluann :ee longxx quijyr qangrlui. Mrqycc guaw ui' iuxhan ee simliw iliauu qinggiam did .diyc .ee, u quaw langg jniajyr dongwsingwluann, uanjuann si qadingg qik byy jingwsiongg soxx drir (inx ee jongrhongw lixlun-siong erdangr dirliauu, sursit byy hiacc qanxdanx) ; llingrgua, guaw siongsinr u quaw langg si cutsir dyrr anne; iauxx u jit lui si nng xee lam jywhuew, inx ee dongsingwluann kinghiongr dongsii kuriuw singliw ham' simliw insor. Lanw narr qra dongsingwluann :ee longxx dongwjyr jit jiongw langg, qamxx si qra siongrder jyrbut ee bibiau hogjap knuawjyr byy junjai? "Dongsingwluann :ee qamxx ersaih damzim sinjid zinguann?" jitt xee bunrdee, ham' "irsingwluann :ee qamxx ersaih damzim sinjid?" qangrkuanw, dyrr rair knuar si dycc jit xee dongsingwluanjiaw, dycc jit xee irsingwluanjiaw .

Sinue si iuxquanx zinsingr qokk jiongw maudunw, je dingg iwhamm, hogjap binrsiongr siongrr hyw diwsig jnuaguann. Togjiaw kyxlingg e qir did guaw dirr "simlingg derdoo" soxx qongw diyc ee ORESTES jitt xee sinue, ix si CLYTEMNESTRA ham' AGAMEMNON ee qniaw. HOMER qongw CLYTEMNESTRA ham' jingzinn lenciuw taii AGAMEMNON, jitt xee hinguii hro siauwlenn ORESTES berdangr tuisiar vywsiuu suxming, mrqycc lingrgua jit bin, vywsiuu duiwsiong si ix ee cinsnix laurbuw, dirr HELLENE quanliam nirr, javox siongrr dua ee jue byy viw taisiw laurbuw qyckacc dang.

ORESTES taisiw laurbuw ham' laurbuw ee jingzinn, dadsingg uirr ve hogsiuu ee zimrbu, qycc laii ix diyhh huwcud dairqer, jysiu jiongww sinn ee jxiur, virr snax xee langtauu-jiauxsinx ee hogsiuu luxsinn s.- sikig-k. ee duiziog, inx vauuii ix, dirr ix ee hni-vnix suersue liam byy tingg, qycc hro ix sanxsingx qokk jiongw huanwqag, qra ix vig qaxx beh kixsiauw. Je nii au, ORESTES qniaa taur juann sewqair, zimxsiu hogsiuu luxsinn ee cuxhuad, vow ix huan ee jue, juewau ix cingxqiuu jiongww sinn siawbenw ix, tetsiaux jxiur.

Tendingg dua simxpnuar-diongx, taiwiongsinn APOLLO jyr ORESTES ee venrho ludsux, jixcud dairjir enxvenr qaur jitt jiongw dervo, qisit si jiongww sinn ee m driyc. ORESTES dirr qui' xee surqia nirr qinvunw berdangr suanw, soxiw ORESTES vutingwqaix uirr ix ee hinguii sriu jikhuat.

Mrqycc ORESTES kia cud laii huanxvog APOLLO, qongw "taii siw laurbuw ee si guaw, m si jiongww sinn, jyr jitt hxang su ee si guaw."

Quewkir zinlui jongw si jinrliong qra quewcyr sag hro jiongww sinn, jurlaii byy langg qamguan uirr jurqiw ee hinguii hu uanjuann ee jikzim. Jiongww sinn jid'err tniax anne qongxhuad, sui' quatding tetsiaux ORESTES srinx-siong ee jxiur. Hogsiuu luxsingg dngw jit xe srinx jniajyr zinjuu luxsinn (EUMENIDES), inx byy qycc liam be suah ee okdog puepnuar, huanxdngw teqiongx diwhui ee koxkngr.

Jitt xee sinue dyrr si simliw jingwtauu huehok qenrkongx, sriaux vah vne ee quewdingg. Henxhen cud ee jinliw : uirr jurqiw ham' jurqiw ee hinguii singdamx jikzim, si jiacc qibiau juanxvenr ee dairqer.

LANGG M SI SINN

Guaw dirr "byy qang ee qow-sniax (THE DIFFERENT DRUM)" jitt vunw ceh, u dramm diyc lingrgua jit xee vutjiw u kexhuatsingr ee sinue, ICARUS ham' ix ee vaxvah kiwdoo dyy qnax, inx iong lac qra jiauxmox diamxliamm dirr srinx-siong jniajyr sidqow. Mrycc ICARUS itdit vuex quann, sniu' beh vuex qaur zidtauu hiax, vuthing ix iauxx bue jiapqin, lac dyrr rngiuu .kir, sxit lag lyc laii, langg marr vuac lyc tokax, siag siw .kir ar.

Jitt xee sinue qongw :ee si, langg byy kyxlingg cniurr sinn busow-vutlingg. Zidtauu tongsiongg si sinn ee siongrdingx, guaw zinruii lingrgau jit jann ee iwgi si lanw byy kyxlingg kyr jurqiw ee lat drat qaur sinn, jixu kyr sinn ee tevuat, lanw jiacc erdangr jiapqin IX. Narr si zinrbad byy qraur, dyrr e ziaw laii mahuann, jurqiw cue siw lo.

Duxx huathen "simlingg singdiongw" jitt huesu, derr id vaiw qakgno jurqiw decc qniaa simlingg luxiuu ee langg, ciangjai e u jitt hongbin ee bunrdee, inx jurzin ersaih juxdyw luxdingg ee honghiongr, jixiaur kir sniudyrngi jit lexvair, siong quiw jad senjongx jingjy ee kxyr, yc qui' jiaux SOFI hagpair ee dongrjog, qazip jit xee qongxx si beh tesingx EST ee qangjokqingx, dyrr e drat qaur Vut ee qingxqair. Uihamr ee si, sursit m si anne. Itvnualangg sniu qongxx kyr jurqiw ee linglik dyrr jin' qauwgiac ar --- cniurr ICARUS, dairjir dyrr dua diauu lor!

Zyqyw liw narr zinruii liw erdangr jurqiw jit vo jit vo quiue simlingg ee singdiongw, kiongxqniax byy iong'i drat sxingg. Anne qongw, qamxx m si hiyxding qangjokqingx iacc si qitnax jurgnow duisunn hingsid ee ingwhau? Inx jin' kyxlingg jin' u qewdat neh!? liw qamxqag qaix jyr ee dairjir jinrliong kir jyr, dongsii marr rair junxvi kir jiapsiu liw m jaix jurqiw e yc .diyc ee mic, packuix simhiongx qniaa hiongr ciaucud liw erdangr kongwjer ee lat soxx duar laii ee qniahiw, jitt jua singdiongw luxdingg siongrr diongriaur ee, si yc "hongwha jurgnow jipquad" ee gersut.

BERDANGR DYPIAH EE MAUDUNW

U jit xee luxsingr qra guaw anne qongw "ixjingg guaw qra singwqingx dongwjyr jniawtongw jongqaur ceh, qamxqag jin' pnaiw jiapsiu. U jit zit hionghiongg qakgno diyc jex si jit vunw maudunw ee ceh, cuxau, dyrr jin' air tak singwqingx."

Hitt xee luxsingr qongw :ee byy m driyc, singwqingx si jitt vxo maudunw qowsurjip, ix vunxsinx dyrr si maudunw ee jonghabtew, u jinx, u qew, jerje tuanqii qxow ; jniawsuw binqansuw lam jywhuew ; qethap quewsii ee ludhuad marr u jamxzenn sid'iong ee huatjig ; u sinue marr u amwbih ee ham'ir.

Lanw beh anxjnuaw qra singwqingx qaixsueh cingcyw? Gauw ee qinggiam si qivunw qauwgirpair sinwdoo suibongw qik qiongdiau singwqingx ee diongriauwsingr, kiokk jin' qiquair goriong singwqingx. Sursit-siong, "qivunw qauwgirpair" ee qongxhuad byy jingwkak, kacc hac ee qongxhuad si "byy iong'unw cywgo ee langg (INERRANTISTS)", jitt pair siongsinr singwqingx m na si siongrder ee sinsingr kexsi, zircniaw muixx jit qxur longxx si sinn uergiw ee diongsit qiwlok, berdangr qaiw, qandna' ersaih jiauww zirbin qaixsueh, jixu jit jiongw qaixsueh, dyrr si inx ee qongxhuad. Jiauww guaw knuar, jitt jiongw quanliam qandna' e hro singwqingx ee iwgi venwjniaa sanxciah vyc .kir.

Bad tniax .quer sinjid zinguann huxdy unrdong nng xui huatkixzinn ji' id ee WAYNE OATES qongw diyc jitt hongbin ee bunrdee, u jit xee siauwlenn :ee ueh cud qaqi ee bagjiux, in'ui JESUS anne qongw "zuqyw liw ee bagjiux ciongjongg diyhjue liw, dyrr qra ueh driau!" OATES qongw " liw jaix, guaw si tuantongw lamhongx jimwsinwhue (BAPTIST) qauwiongw duarhanr :ee, guaw jiokk air JESUS, mqyrcc guaw jin' hibang IX byy qongw jitt qxur ue."

Bunrdee m si JUSUS qongw .quer sniaw ue, si jitt xee siauwlenn :ee byy liauxqaiw JESUS unriong ee amwhamm, IX m si beh liw jamrdiau qaqi ee ciuw iacc si ow cud jurqiw ee bagjiux, IX ee iwsur si, dng' moxjiongw mic dongr diyc liw ee lo, gai diyc liw ee simliw qenrkongx iacc si simlingg singdiongw, diyh'air qra dudiau, mair jre dirr hiax uanr dangsaix.

Congwsewqiw derr snax jniux qongw ADEN / IVA inx dirr loghngg nirr ee jingqingw, si singwqingx hogjap qycc je dingg binrsiongr ee jit xee sidle. Sinue cniurr bang, kuriuw FREUD soxui jurjip ee ingwhau, jip dirr jit dniuu bang ee m na jit jiongw iwgi, si nng ~ snax jiongw byy qang ee ham'ir. ADEN ee sinue simrjiww u jap gua jiongw qar langg zinrbad zinsingr cimyr dyrliw : u jinwhuawlun, lanw ee jaix qenwsiaur, lanw ee jurqag, lanw ham' dairjurzenn hunlii ee iwsig, lanw qewsiok huatdenw kacc dua iwsig ee suqiuu, longxx qaixsueh qaxx jin' cingcyw. U liauw iwsig au, kacc jinr jit vo sanxsingx hunven senrog ee quanliam.

Jitt xee hyw tniax ee qowsu qycc qra lanw qongw suanw ee ligliong, dirr jiac liauw hunven senrog ee qexjiw jingg, lanw byy jinjniar ee suanxdik. Jiac liauw lanw jiacc u iwsig, jiacc erhiauw ixx juriuu iwjir binrduir duiqiuu jinsit iacc si vehcat ee quatdik. Jex ham' senrog laiguann u bidced quanhe, byy suanxdik dyrr byy senrog. Siongrder sur lanw juriuu iwjir ee dongsii, marr berdangr piacbenw suacc iong'unw siaog jinwzip jitt xee sewqair.

Kacc jaw cuthen dirr congwsewqiw derr id jniux ee sinue, marr ham' jinwhuar /senrog iuxquanx. Qongw diyc siongrder dairsingx congwjy tnix, toxde, kelauu, jiacc laii cauxbok, dongrbut, jitt xee sunrsi ham' derjid / qxow-singbut ee tuilun siy' huhap, jiurr kyhak ee tuilun laii qongw, jinwhuar dyrr si jiauww jitt xee sunrsi, suibongw lanw byy zinruii jinwhuar si dirr cid zit lai uansingg.

Guaw duiww congwsewqiw derr id jniux u juann sinx ee qaixsueh, siongrder congwjy qngx, zinruii jex si hyw ee ; IX congwjy de, zinruii jex si hyw ee; qycc laii vunkuix toxde ham' haixngiuu, zinruii jex si hyw ee; IX qewsiok congwjy cauxbok, dongrbut ; IX knuar diyc inx longxx jin' hyw au, sui' congwjyr zinlui. Soxiw guaw siongsinr, sniu jyr hyw su ee dongrqix dyrr si congwjyrlat ee jnuaguann.

Siongduir ee, sniu jyr baiw su ee dongrqix qandna' e duar laii huixbet, berdangr congwjy. Senrog, congwjy, huixbet ee suanxdik longxx jiangxag dirr lanw ee ciuw lai. Siongrbuew lanw itding diyhh hu kiw jikzim, singdamx hiyrqyw.

INGHIONGG JAUXCUE

JOSEPH CAMPBELL (1904-1987) hiabjo lanw liauxqaiw sinue soxx cangwhamm ee jinliw, jiokk u qongwhenr. Ix siaw ee ceh "inghiongg jauxcue (THE QUEST OF THE HERO)" , qra juann sewqair longxx u ee diongriaur sinue qaixsueh qaxx qik cingcyw, hex dyrr si "inghiongg cutsir ee sinue". Jiauww le, jitt xee juxdee dirr byy qang bunhuar nirr henxhenr cud damrvyc byy qang ee binrmau, vunxjid uanjuann siangg. Ingxuanw u jit xee zidtauu javosinn ham' jit xee guehniuu luxsinn qethap snex jit xee javox ngix-aw (kyxlingg birlaii lanw erdangr qaiw jitt vorhun). Jitt xee javox dirr singdiongw quewdingg qingquer hunwdaur, dongrluan, tongwkow, jiongbuew kia dirr jiongww langg siongrr quann ee uirdir, jniajyr inghiongg.

Jitt xee sinue u sniaw iwgi? dairsingx, inghiongg si sniaw? Inghiongg ee dingrgi si qaixquad vadd langg byy hxuad qaixquad landee ee langg. Setsiongw u jit xee qokongg tongxdir jit xee juguann honghur ee qokqax, cuthen jit jiah siaog vipiw dua dok lringg guihai derhngx, hro dagg xee jin' pnaiw quer zidjiw. Qokongg ha lring, huanrnarr erdangr taisiw dok lringg ee langg, dyrr beh qra bixle ee qongjuw qer ix jyr bow. Siausid tuanpenr qokk de, jit xee jriab jit xe. HARVARD iacc YALE qauwiok .cud .laii ee ingiongw buxsu, beh laii ham' dok lringg siy' bog, jit xee jit xee longxx virr jiac driau. Jinghongw zuxx laii zuxx guiqib, dyrr qiongbecc songwsid itcer ar, NEWYORK jit diauu ho'ngg knuar byy jnriu bak ee siyw qehang, hionghiongg jauw cud jit xee JEW javox, ix jixvutqyr si NEWYORK dairhak cutgiap, u damrvyc kiauw. Ix sniu cud beh taii siw lringg ee honghuad, suacc u hau. Diyh'air qra jaboxqniaw qer hro jitt xee JEW ee qetqiok, gokongg byy qamxqag hnuahiw, qajair ix si siuw sinwiong ee langg, jitt xee siauwlenn :ee crua diyc suiw qongjuw, inx dirr jitt xee budsanw ciongjiog ee qokqax quer diyc hingrhog ee sing'uac.

Jitt xee siauwlenn langg dyrr si inghiongg, ix qaixquad liauw byy langg qaiwquad ee landee : taii siw dok lringg. Ix jnuaxngiu e u hiacc digvet ee vanrhuad? M hyw be qir did, sinue nirr, jinjniar ee inghiongg longxx si taiwiongsinn ham' guehsinn ee aurdai. Jitt xee sinue marr ham' lamluw iuxquanx, lamsingr ee taiwiongg , luxsingree guehniuu si denxhingg ee siongrdingx.

JINGXHAP

Bylun tuanqii qxow, iacc si henrsit sing'uac-diongx, itvnualangg duiww lamluw hunvet jit dyx puawkuix ovec hunbingg. Qin nii laii,vutjiw ho'ngg juwbak ee genxqiur, iuxquanx nauw jniawvingg/ dywvingg quanxliw byy qang ee sukyw mosid . dirr "inghiongg cutsir ee sinue" nirr, taiwiongsinn dairviauw lamsingr, qongbingg, lixsingr, u diauliw ee kyhak diwsig, iarr dyrr si diong hunsig ee dywvingg nauw ee sukyx mosid ; guehniuu luxsinn dairviauw luxsingr, oamr, jingqamw, didqag, si jniawvingg nauw quanw ee; nng xee qethhap sanxsingx jit xee dongsii iongxiuw taiwiongsinn ham' guehsinn digjid ee ginxaw. Jex si jit xee imiongg habtew ee sinue.

Qetlun henxsi, lanw jixu yc erhiauw dongsii huathuix jursinx ee lamsingr ham' luxsingr digjid --- nauw dyr/jniar vingg hab'iong au, jiacc e jniajyr inghiongg, jitt diamw jin' jiyw langg yc erhiauw. Sursit-siong, dysowlangg dirr singdiongw quewdingg, hagsip :ee longxx si qiongdiau lamsingr digsig, cetsiah luxsingwbin, iacc si tequann luxsingr digsig, hongwkir lamsingr suliongg jingsinn jok'iong ee hongsid. Narr byy, dyrr qycc si ingwhur mow quaw bunrdee sii caixiong lamsingwhuar ee dywvingg nauw cikliok, binrduir qitnax bunrdee sii, caixcuw luxsingwhuar ee jniavingg nauw qewue. Mrqycc jin' jiyw erdangr yc diyc qang jit xee bunrdee, dongsii unriong dyr/ jniar nng vingg ee nauw laii cuxliw.

Jingxhap lanw ee lamsingr/ luxsingr digjid, si jit dniuu qankow ee hunwdaur, dyrr cniurr sinue nirr hitt xee ginxaw ee singdiongw quewdingg. Jixiaur lanw uansingg jingxhap ee hunwdaur, yc erhiauw zuhyy dongsii unriong dyr/jniar nng vingg ee naw, lxamm/ luw digjid cuxliw qang jit xee bunrdee, marr erdangr jniajyr inghiongg, qaixquad sewqair-siong iauxx bue qaixquad ee bunrdee --- jitt xee sewqair vikced su'iaur inghiongg ham' qaixquad bunrdee ee honghuad.

Tak singwqingx iacc si sinue sii, tagjiaw ersaih qaqi suanw beh anxjnuaw suecbingg qokk xee qowsu. Congwsewqiw nirr RUTH bow ee qowsu, siongrder huixbet SODOM ham' GOMORRAH jitt nng jxy juerog sniaa, digvet unjunw RUTH ham' ix ee bow dylii, diauqnia si vutjunw huetauu knuar. RUTH ee bow jid'err huetauu, venwjniajyr jit qix iamm tiau. Ui' zirbin-siong laii knuar, jitt xee qowsu si qongw, lanw narr uivue siongrder e sriu diyc sniaw cuxhuat, e u sniaw jygu.

Quewkir jit-vah dxangx laii, cuthen jit tyr "kyhak honghuad" qaixsueh qingbunn ee sinx lixlun. Jitt pair juxdniux duiww singwqingx soxx qiwjair ee qijig --- cniurr vunkuix Anghaiw --- iong "lixsingr" qaixsueh, inx anne qongw, Anghaiw u vorhun ee juiw jin' cenw, muixx jit-vah dxangx e u jit xee siqix, haixlauu qangr qaur langg erdangr qniaa quer. Jitt pair marr damlun diyc RUTH ee bow, NEW OXFORD BIBLE ee juwqaiw qongw, jex si "qaixsueh jitt derkux digvet qibiau iamm qetjnix henrsiong ee qoxlyw tuantongw, jitmaw dirr JEBEL USDUN iauxx qycc knuar e diyc.

Jitt jiongw qongxx si kyhak ee qaixsueh hongsid, iauxx si hro guaw qamxqag m driyc. Soxiw guaw jiurr siongrder uirhyy vutjunw RUTH ham' ix ee bow uadtauu, hyw hyw sniu .quer. Huetuauu u sniaw m hyw? Guaw sniu itsingx qra duarvorhun siqanx kaix dirr hueqor qycc auwnauw ee langg, jitt jiongw langg sniu' jipbee quewkir, e u sniaw qetqyw? Guaw qingxgno diyc jiaxee langg longxx kia dirr qik dua ee kunwqingw-diongx, dyrr cniurr uac lingwlingr jniajyr iamm tiau. Tauwquer amwhamm ee qaixsueh, guaw kaisiw liauxqaiw, RUTH bow ee qowsu u honghur ee luerhamm, hex marr si jit jiongw cimkig zinsingr ee quancad.

QUANCAD ZINSINGR

U sii, guaw e qra langg qongw, guaw jitt siwlangg siongrr dua ee hokkir si uanjuann byy sriu quer jongqaur qauwiok, byy su'iaur kir kikhok hiaxee cai diauu diauu ee mic. Guaw kir quer jit zit ee juxzidyc. Uirr moxjiongw enqor, verbuw zinruii gunw su'iaur jongqaur qauwiok, veh huer sii ham' jap-zi huer ee a'hniax jywhuew kir, hitt zit ee dairjir guaw iauxx qir qaxx jin' cingcyw: diyh'air qra "ABRAHAM qra qniaw ISAAC henr hro siongrder jyr singlew" ee doo cad sig. guaw sui' dyrr zinrding siongrder itding kixsiauw ar, jiacc e iauqiuu ABRAHAM taisiw jurqiw ee qniaw, ABRAHAM marr itding si siauw :ee, jiacc e kyxlu anne jyr. Qyckacc diongriaur :ee, ISAAC marr si kixsiaw ar, jiacc e hiacc vingjing ee viauxjingg, dyw dirr hiax danw lanw taii.

Qamxx si jitt hxang su naxx knuar diyc guaw birlaii jyr simliw isingx ee kyxlingsingr ? A'hniax qirjuat qycc kir juxzidyc, jit xee jap-zi huer ginxaw ee iwjir qongw m kir dyrr m kir, guaw u ngiu knuar ngiu, marr byy air kir. jex si guaw juanvo ee jongqaur qauwiok. Qaur dnaxx iuguann zinrding jitt xee qowsu byy sikhap veh huer ginxaw. Narr jiauww JEAN PIAGET(1896-1980) tee cud ee simliw huatdenw qaidnua, hitt xee lenlingjann ee ginxaw qandna' erdangr jiapsiu kurtew iacc zirbin ee iwsur, iauxx byy hxuad lixqaiw kacc cimdimm ee iwhamm.

Dnaxx guaw qiongbecc qniaa uann zinsingx dionglenn qaidnua, jitt xee qowsu duiww guaw dyrr u jin' cimx ee iwgi. siongsinr jyr langg ee verbuw, zuhyy duiwdai cingcunqii iacc si qyckacc duarhanr ee qniaxzii, jitt xee qowsu erdangr hro inx jiokk dua ee kexsi. Qniaxzii si siongrtenx sangr hro lanw ee lexmic, qaux hro lanw jiauwqor --- mrqycc m si ingxuanw :ee, jongw u jit zit lanw rair qra vangwkuix, bersaih qra inx dne diauu diauu, ciauquer mow xee qaidnua, e duiww qniaxzii ham' lanw jurqiw jyrsingg jin' dua ee pywhai. Lanw rair yc zuhyy qra jitt hxang lew hingg dngw kir, qra qniaw qaux hro siongrder. Inx byy qycc sriok dirr lanw ee, inx u inx jurqiw ee sniwmai.

DERR CID JNIUX SIULEN

"PECK isux, langg ee vunxsingr si sniaw?" u langg anne mng guaw.

Verbuw duiww guaw ee qauwiongw, si rair jniajyr jit xee u lexsor ee langg, suacc e hro guaw sniu beh huedab jitt xee guaw qinvunw byy kyxlingg huedab ee bunrdee. Venx cud derr id xee dap'anr si "langg ee vunxsingr si cing kor kir venrsow."

Muixx jit xee langg jurr sewhanr jit kaisiw, uanjuann jiauww jurzenn ee iwliam, hnuahiw anxjnuaw jyr dyrr kir jyr, suisii venwngua iwliam. Iokk nng huer sii, verbuw e duiww gunw qongw "guaw air liw si hyw ginxaw, liw narr erdangr qyckacc u quiqiw, guaw e jin' qac'ir .liw." verbuw hro gunw ee, cavutdyx si anne ee sinwsid.

Cimxtauu, jitt jiongw qongxhuad duiww ginxaw byy iwgi, jixu duer jurzenn ee iwliam jyr iacc si tingjiw byy jyr sii, jiacc e u iwgi. jurzenn ee iwliam hro ginxaw jin' u hingwtauu, dagg vaiw ee qetqyw qycc byy qang: u sii dirr viah-dingw siaw zri, qra cittyy mic danr duiww iynaa gua, knuar inx dirr dervanw qyrqy linr…, jin' simsig hyxsngw. Narr ginxaw ziy qinw, dyrr rair qinw jauw kir venrsow, hex si jin' byy jurzenn qycc byy dyrliw :ee.

Mrqycc, jixiaur ginxaw ham' maxmah ee quanhe byy baiw, maxmah u qraur nairsimx, mair quewhun giamqeh, juanjer, ginxaw dyrr e qra jurqiw qongw "liw qamxx jaix, maxmi si hyw langg, quewkir nng dxangx laii qycc duiww guaw hiacc hyw, beh anxjnuaw huevyr maxmi neh? guaw nng huer ee ngix:a erdangr jyr sniw neh? jiauww maxmi ee iwsur jyr hro maxmi hnuahiw, ginghap maxmi ee iauqiuu, qamxx iauxx u vadd jiongw suanxdik?"

Anne, ginxaw dyrr kaisiw jyr byy jurzenn ee dairjir, jiauww maxmi ee iwsur kir venrsow, qaur sir ~ go huer sii, narr si u aplik/ tiamw, be hur kir venrsow, dyrr e qamxqag jurqiw qra dairjir congr qaxx luan caucaux, jin' byy jurzenn. Kir venrsow suacc venrjniaa si jurzenn :ee. dirr jiacc dew ee siqanx lai, ginxaw qaixvenr vunxsingr, dongwjyr lexmic sangr hro maxmah.

JURIUU EE IWJIR

"PECK isux, langg ee vunxsingr si sniaw?"

"qinvunw dyrr byy jitt jiongw mic." Jex si guaw ho'ngg siongrr je vaiw ee dap'anr, marr si lanw jywlangg siongrr liauxvutkiw ee jit diamw.

Langg ham' qitnax singbut siongrr dua ee byy qangg, m si lanw u lingkiauw ee jingxtauu-aw, m si erdangr qongxue, marr m si taukag kacc dua liap, si lanw kuathuat singbut vunxlingg, huisiongg kiamwkuad, marr byy hitt jiongw byy iong'i qaixvenr, uituann quatding ee hinguii mosid.

Gauw druar dirr CONNECTICUT ee jit xee duaroo vnix:a, dagg dxangx snax-guec seh rngiuu ee sii, jongw u jit qrunn haixaux vuex .laii ; jabzi-guec obin qui'ee qetvingx, haixaux dyrr e likuix, vuex hiongr lamhongx, juewqin vingiuw qra guaw qongw, inx si vuex kir ALABAMA ee FLORENCE.

Haixaux qamxx si dorjiauw? Genxqiur dorjiauw ee kyhagqax huathen, jiauxjiah jinjniar erdangr kyr tnicnix venrvet honghiongr, jex si inx cutsir dyrr u ee vunxlingg, inx uituann jit jiongw hogjap ee tnicnix hanghingg mosid, erdangr anjuann vuex qaur ALABAMA ee FLORENCE, dagg vaiw longxx hiyh dirr qang jit xee soxjai. Ui'id ee bunrdee si jitt qnia su hro lanw knuar byy diyc inx juriuu ee iwjir. Haixaux berdangr qongw "guaw qinnii dangtnix sniu beh kir BERMUDA iacc si BAHAMAS qundyw." narr m kir ALABAMA ee FLORENCE, dyhh dy' longxx benw kir.

Lanw zinlui siongrr dua ee byy qang, dyrr si dirr jursinx hinguii-siong hiongxiuw uanjuann ee juriuu ham' venwtongx ee kyxlingg. BERMUDA iacc si BAHAMAS, lanw air kir dyhh dy' kir dyhh; simrjiww lanw ersaih jyr ham' vunxsingr uanjuann dywvingg ee su, tranr dangtnix sii kir COLORADO ee snuax-lai, dac diyc cavanw iacc si vylee ciamuii jyr ee dngliaux vangx-aw, ui' qetvingx ee snuax-dingw cux lyc laii, jairr liw hnuahiw, air anxjnuaw jyr longxx byy iauwqinw, u sii simrjiww diauqang uihuanw vunxsingr ee juriuu, jex si langg vunxsingr-diongx siongrr tudcud ee digsig.

TXEX EE GUANRBANG

T.H. WHITE(1906-1964) siaw ee "jiyc-diongx qiamr (THE SWORD IN THE STONE)", duiww zinlui ee sokjyrsingr biysiaw qaxx jin' tetdew. Jitt vunw jingcaiw ee jokpinw nirr u jit xee qowsu : jin' quw ixjingg, derqiuu-siong soxu ee singbut iauxx si dirr txex jongrtair. U jit zit evox, siongrder jiyjip soxu ee siyw peboo qongw " linw muixx jit xee erdangr did diyc snax hxang sniu beh air ee mic, linw jit xee jit xee laii guaw jiax, he snax xee guan, guaw hro linw jiauww linw soxx hibang ee."

Derr id xee peboo qniaa hiongr jingg qongw "siongrder ar, guaw sniu beh u naxx tuh-aw ee kax /ciuw, erdangr jurqiw dirr tokax ow jit xee anjuann ee cur; qui' sinkux qau qau ee mopuee, dangtnix sii erdangr hyluanw ; quiw kxiw lrai ee cuiwkiw, erdangr jiac cauw.

"Anne, liw jyr jit jiah huancuw." Siongrder qongw.

Derr zi xee peboo qniaa hiongr jingg qongw, "siongrder ar, guaw jin' air juiw, guaw sniu beh u linguac ee sinkux erdangr cangr juixbi ; hibang u cxix erdangr dirr juixdew hokuir ; guaw iauxx qycc air jit xee bylun juiw siyx/ lingw longxx erdangr hyluanw ee sunkuann hertongw.

"Liw jyr hii." Siongrder anne qongw.

Siongrder ham' soxu ee siyw peboo longxx qongw quer, siongrbuew cunx jit xee naxx cniurr digvet qniax qenwsiaur ee siyw peboo. Ix si hiacc pnaixser, siongrder jixhyw cniaw ix qniaa jingg nng vo, mng qongw "juewau jitt xee, liw snax xee guanrbang si sniaw?" " hmr, guaw byy sniu beh viauxhen sniu' kiauwtauu, m si guaw m jaix beh qamxunx, qisit guaw si jin' qamxqig liw. Mrqycc… guaw sniu kyxlingg…. Liw narr byy kuawir, guaw dyrr uicii jitmaw anne dyrr hyw, qewsiok jyr jit xee txex. Narr qongw quer jit dnxua siqanx, danw guaw venr qaxx u qraur kiauw, jaix jurqiw jinjniar beh air sniaw, hitt sii, gauw qycjaiww hiongr liw herguan… iacc byy itding…liw hibang guaw jniajyr sniaw, liw marr ersaih sur guaw snax qnia liw zinruii guaw qaix iongxiuw ee mic."

Siongrder ciyr bibix qongw "anne liw jyr langg ! qiwzenn liw suanw ingxuanw jyr txex, guaw dyrr hro liw juxjnaiw soxu qitnax singbut."

Dysowlangg dongzenn jaw dyrr tuatlii peboqii, mrqycc nihuer zuxx je, zuxx qencii jurqiw ee honghuad ham' vunxsingr. Siauwlenn sii quancad gunw verbuw ham' qitnax go~ lak-jap huer ee langg, jongw e qamxqag inx duiww sinx subut zuxx laii zuxx byy cuwbi, zuxx laii zuxx qencii jurqiw ee iwqenr ham' sewqaiwquanx.

Zi-jap huer ixjingg, guaw itdit zinruii anne ee huatdenw si lixsow-dongzenn. Hitt nii ee hiyczuac, gauw vnuax kir ham' lak-jap-go huer ee jokqax JOHN MARQUAND(1893-1960) druar jywhuew, kiokk hro guaw ee simx dua dedang. Guaw huathen jitt xee laurhuexaw duiww zimrhyy su longxx jin' u cuwbi, vauquah guaw jairlai, jurlaii m bad u jiacc je huer ee langg, duiww guaw jitt xee m bad sewsu ee siauwlenn jinjniar u cuwbi.

Jerje amwmee, ix ham' guaw venrlun qaur vnuawmee, u sii guaw qycc jinjniar vren ngiaa, qaixvenr MARQUAND ee sniurhuad. Sursit-siong, hitt nii ee suxqaw beh qetsog jingg, guaw knuar e cud ix ee knuawhuad muixx jit xee lexvair longxx e qaixvenr snax ~ sir vaiw. Guaw huathen jitt xee langg ee simliw lenlingg m na byy lau, dendyww zuxx laii zuxx siauwlenn, kaihongr qycc e cunqiux tihh, viw jerje zidongg iacc si cingsiauwlenn qyckacc huadpuad.

KOX-AW GUA

Jex si guaw derr id vaiw gnorhiauw diyc langg ee simliw byy itding diyhh duer nihuer ee jingqax venr lau .kir. Sintew ee laurhuar berdangr dongr, muixx jit xee langg longxx e jiamrr hingdong vutven, uaxqin sixbongg, mrqycc dysowlangg erdangr hro simlingg vutduan singdiongw, jit jiongw vutduan venwhuar ee linglik, si zinlui vunxsingr-diongx siongrr binghenw ee digjid.

Vutduan qriuu sinx qriuu venr dig'iuw linglik, juxiaur huanxngiar dirr lanw ee lingsingr. Jurr qxow qaur dnaxx, gauu sukyw ee langg jurgnow huanxsingw liauw longxx e huathen, m si soxu ee langg dirr lingsingr iacc si jongqaur hongbin ee siu'iongw si jetauu jinwvo ee. simlingg singdiongw ham' jongqaur quanliam ee huatdenw vunjyr byy qang qaidnua, dnaxx iuxquanx jitt xee debak ee lunrjog, si EMORY dairhak ee JAMES FOWLER qauwsiu siongrr kuanuix, ix ee duwjog, siongrr u miaa :ee si "sinwgiongw ee qaidnua (STAGES OF FAITH, 1981)".

FOWLER qra simlingg singdiongw hunjyr lak xee qaidnua, gauw qra sokqiamw jyr sir qaidnua, qongw ee mic qivunw si uanjuann qang :ee. ix ee duwjog kacc kuriuw hagsudsingr, dairliong camkyw qitnax qaidnua lixlunrqax ee hagsut jokpinw, cniurr JEAN PIAGET(1896-1980), ERIK ERIKSON(1902-1994), LAWRENCE KOHLBERG(1927-1987) ... dringw. Guaw duiww jiaxee qaidnua ee zinrbad m si tauwquer ceh, si laiju qinggiam ---iuqii si hro guaw qra hyrjyr byy hxuad qoxsngr (NONCOMPUTING) ee qinggiam.

Derr id vaiw qinggiam huatsingx dirr guaw jap-go huer sii, guaw quatding beh jniurqin kir qunw daux hiax ee quiw qingx qauwdngg camquanx. Dirr moxjiongw tingdo-siong, guaw kaksit u cuwbi beh liauxqaiw qidokqaur dauwdew si jnuaxngiu jit huesu, mrqycc qivunw-siong, guaw jixsi sniu beh kir knuar hiax ee jaboxginxaw.

Kir ee derr id qingx qauwdngg, li gunw daux quiw diauu qrex, hitt xee bogsux huisiongg u miaa, ix dagg lexvair ee qangxdy lueriongg longxx tauwquer siuimqix juanqog lenvywbang hongwsangr. Guaw siauwlenn m bad dairjir, jin' iong'i dyrr qra ix dongwjyr qexsenx air cutmiaa ee penwjuw. Mrqycc guaw marr kir lingrgua jit qingx qauwdngg, hex bogsux marr sngr u miaa, vutqyr byy jingg hitt xee miasniax hiacc tauw, jin' qanxdanx dyrr qra dongwjyr singwzinn, siongsinr ix si siongrder siongrr kyxkyr ee suxdoo.

Guaw m jaix qaix zuhyy qaixsueh jitt xee jongrhongw. Jit xee hitt sii siongrr u miaa ee tuandyrlangg, dirr guaw soxx zinrbad ee huanruii, kiokk zinruii guaw lingsingr ee singdiongw ixqingx ciauuat ix ; lingrgua jit xee tuandy :ee, ix ee lingsingr siu'iongw henxzenn ngiaa guaw jerje qaur byy han ee dua, jex naxjunxx byy jit diamw aw iwgi, marr byy hxuad qoxsngr, dyrr anne, cuxau zi-jap-go dxangx, guaw li qidokqaur hng ~ ~.

Qycc u jit vaiw luisu anne ee qinggiam, si dirr guaw jyr simliw isux quiw nii au, huathen jit jiongw qiquair ee mosid. sinwqaur ee langg jygu tongwkow/ gilan laii cue guaw, narr dirliauu u hau, inx dysor dirr qetsog liaudingg au, e jniajyr huaigilunrjiaw simjiww bysinlunrjiaw. Nguarjyr bysinlunrjiaw iacc si huaigilunrjiaw jysiu tongwkow/ gilan laii ee, dirliauu jinghingg narr be baiw, qetsog au, inx dysor venwjyr u jongqaur sinwgiongw, iacc si juwdiong lingsingr siulen ee langg.

Jitt xee mosid byy sniaw iwgi, qang jit xee isux, sangkuanw ee dirliauu honghuad, longxx si singqongx ee anwle, qetqyw kiokk uanjuann dywhuanw. Juewau, guaw jiacc liauxqaiw, muixx jit xee langg ee lingsingr jancur kyxlingg u byy qang ee qaidnua. Lanw diyhh sewji qinxsin knuawdai jiaxee qaidnua, siongrder suisii ixx ix ee hongsid ziauxluan lanw ee hunlui, qokk jiongw langg marr byy itding cniurr lanw sniu ee hiacc duxhyw kongx zip kir lanw soxx anwsngr ee lingsingr siyw kox-aw lai.

JURSUX EE IWJIR

Derr id qaidnua ersaih qongw si siongrr erkax janr, gauw qongw hex si "hunrdun/ huanw-siarhue". Dirr jitt xee qaidnua ee langg iokk jiamr juann zinkauw ee 20%, soxui ee vehcadlangg marr jairlai. Iokliok qongw, jitt xee qaidnua byy sniaw lingsingr tangx qongw, jiaxee langg juann byy qongw guanjig.

Qongw inx huanw-siarhue, si inx qexsenx ciongbuanw aiwsimx, sursit-siong, inx ham' jiuuii zinqunn ee quanhe huisiongg jursux, ciaujiongr siongrr gauu. Hunrdun si qongw inx ui'id junsunn :ee, jixu jurqiw ee iwjir, byy qongw guanjig. Kiamwkuad ioksog ee iwjir, qinaxzit ongw dangx, binaxjair jauw saix, inx ee sing'uac marr duer lecc luan jyr jidqoo, sisiongg ham zip kunwqingw, jre qnax, druar ngi, simrjiww liulongr qetauu; mrqycc marr u jit vorhunrlangg, uirr dadsingg iaxsimx kyxlingg e jyr qaur jin' hyw ee jurlut, did diyc siongdongx ee kuanlik, sniabang, derui, simrjiww kyxlingg jre diyc jongxtongw xui iacc si dimiaa ee tuandyrlangg.

Derr id qaidnua ee langg u sii e dag diyc jursinx sniwmia ee hunrdun, jex kyxlingg si zinlui siongrr tongwkow ee qinggiam. Tongsiongg inx e diam diam singsiu, narr qongxx tongwkow itdit vutduan, inx kyxlingg e jursad, guaw zinruii u quaw vutbingg guan'inx ee jursad anwle sriok jitt lui; u sii inx ee hiauxgno quewkir ee m driyc, qniaa hiongr derr zi qaidnua, jitt jiongw qaixvenr tongsiongg e laii qaxx jin' iwgua, hiwqioksingr, naxjunxx siongrder jinjniar crunx ciuw giuw quann inx ee linghunn, hro inx jit tiaur, tiaur qaur siongrr quann ee jancur, dongsurjiaw e huatsingx qnialangg ee qaixvenr, inx jurqiw kyxlingg byy iwsig .diyc. Narr si qongxx tehsingx qaur iwsikbin, guaw siongsinr jitt xee langg e qra qaqi qongw "guaw guanrir jyr zimrhyy su --- sniaw su longxx byy iauwqinw, jixiaur hro guaw tuatli jitt dniuu hunrdun, simrjiww hro jit xee jojid laii quanw guaw longxx ersaih tihh."

IYIYY-VAIXVAIW

Jinwzip derr zi qaidnua, guaw hyrjyr "hingsid/ jojithuar"--- si qongxx jitt xee qaidnua uaxkyr moxjiongw jojid ioksog inx. Duiww mow quaw langg, jitt xee jojid kyxlingg si qnagak. Jiurr guaw ee qinggiam, narr u simliw isux beh kir qnax-lai qangjog, jongw u jit xee huanrlangg cutbin jiaujip jit qrunn qnax nirr ee langg, camqax tuantew dirliauu. Ix si denxgagdniuw ee jorciuw, qycc u vanrhuad be ho'ngg anwsngr, ix si bohuan huanrlangg, marr si qnax-lai ee bohuan qongbinn, ix dirr qnax nirr sikingr jin' hyw, jid'err u qihue, did diyc qaxsig (qew cutgak); mrqycc jit qniaa cud qnax mngg, sui' dyrr venr qaxx oksingr diongrdua, benw zuarr quw dyrr qycc ho'ngg sax dngw laii, kyr diyc jitt xee jojid ee quann-uicniuu quihuan ix ee hinguii, jin' qinw qycc huehok jniajyr qnax-lai jit xee bohuan qongbinn.

Jitt xee jojid marr u kyxlingg si qundui, qundui dirr jerje siarhue-diongx vnuaenw jniawbin qaksig. Qunx-diongx iong uigiamm/ unjingg ee siangbin quanxliw, hro jerje langg quer diyc hunrdun ee sing'uac. Lingrgua marr u langg hogjiongg qetqor dingxjinx ee kiwgiap jojid, mrqycc jiangxkongr siongrr je langg ee jojid kyxlingg si qauwhue. Sursit-siong, kir qauwhue ee dysowlangg longxx si dirr "hingsid/ jojid" ee derr zi qaidnua. Suibongw qaidnua ji' qranx si dauc duac venwhuar, byy binghenw ee kuhunx, dirr derr zi qaidnua ee langg, inx ee jongqaur hinguii u quaw digdingx, siongrr binghenw :ee si, inx ilai qauwhue kongwjer inx ee genhingg, huisiongg jipquad jongqaur hingsid.

Derr zi qaidnua ee langg siongrr tyxiar vadd langg venwqingx jongqaur ee hingsid/ gisig/ siuding qidyxsuu/ inxjinr sinx ee janwbixsix. Kyxviw qongxx, Singwqonghue dirr cid-jap nidai quatding, byy qang ee lexvaiwzit lunliuu iong byy qang qongxue hongsid viaudat qang jit qnia su, inxkiw jerje langg qiglet huanxduir, suacc hro qauwhue luervo dua hunlet. Vutqyr dirr derr zi qaidnua ee langg duiww jongqaur hingsid ee qaixvenr hunwno vutanx, marr sngr hap jingliw, inx vunxlaii dyrr si hibang jiyh jongqaur ee hingsid, vaixtuad sniwmai ee hunrdun.

Derr zi qaidnua ee jongqaur hinguii iauxx u jit xee digsig, inx cavutdyx uanjuann qra siongrder dongwjyr guarjai, ham' itvnuax ee junjai byy qangg. Inx byy liauxqaiw siongrder junjai dirr muixx jit xee langg ee simlai, byy bingvik sinhagqax soxui "luerjai uxdiu" --- zinlui linghunn ee sinsingr,kiokk qenquad zinrding siongrder qyqyx-jairsiong, junjai dirr iau'uanw ee hitt vingg qycc quewkir. Inx ee simx-diongx, siongrder si javo hingtew, siongsinr siongrder u aiwsimx, iongxiuw cuwhuat ee ligliong, qaix jiyh iong ix ee lat sii juadduir byy diuduu, siongrder si tnidingw zinjuu ee dua qingxcad. Ui' qokk jiongw qakdo knuar, jex dyrr si derr zi qaidnua ee langg su'iaur ee siongrder.

Qaxsed nng xee dirr derr zi qaidnua ee langg siy' duw, qethunx sniqniaw, inx e dirr anding ee qadingg nirr ngiuxci qniaxzii, jitt xee qaidnua ee langg siongrr knuawdang unxding; qauwhue qra inx qongw ginxaw jiokk diongriaur ee, rair jundiong qniaw, rair zinruii u jitt xee qniaw jin' u binrjuw, diyh'air duiww inx u aiwsimx. Suibongw inx ee air u damrvyc gne, kiamr siongxsiongrlat, mrqycc berdangr hiyxzin inx ee aiwsimx, qauwhue marr e qar inx viauxsi air ee honghuad.

Dirr jiacc u aiwsimx qycc anding ee qadingg singdiongw, siurr diwdiong, hro verbuw jin' u binrjuw ee ginxaw e sniaw bongiu? Inx e cniurr suh maxmah ee lingx qangkuanw kipsiux verbuw ee jongqaur guanjig --- bylun qidokqaur, vudqaur, hueqaur, iutaiwqaur. Ginxaw dirr cingcunqii jingg, jiaxee guanjig longxx e kig dirr inx ee simqnuadew, dyrr si simlixhak soxui ee "luerhuar"; qaur liauw jitt xee qingxqair, inx e jniajyr u guanjig, jurgnow ioksog ee langg, byy su'iaur u jojid ee ioksog ar. Jitt sii, dirr qenrjuann ee zinlui huatdenw quewdingg tongsiongg viw jyr langg ee cingcunqii, inx kaisiw qongw "si'angg su'iaur hiaxee gutunw ee sinue, besinr,laurqoxvanw ee qauwhue?" inx kaisiw tuatli qauwhue, jniajyr huaigilunrjiaw iacc si bysinlunrjiaw, jitt sii verbuw e jin' diyhqniax iusiongx, kaisiw juanxvenr, jinwzip "huaigii / qiongdiau qywzinn" ee derr snax qaidnua.

JAUXCUE JINLIW

Iokliok qongw, derr snax qaidnua ee langg dirr lingsingr hongbin ciauuat derr zi qaidnua :ee, mrqycc jiauww itvnuax dingrgi, inx byy sniaw jongqaur sinwgiongw, byy huanw-siarhue kinghiongr, dendyww huisiongg dauzip, e jniajyr dyrdig diongjingw uixguanhue iacc si kuanvyw unrdong ee dua kax :ee ; ciongbuanw aiwsimx ham' quanhuaii ee qadniuw ; juansimx-juan'ir duisunn jinliw. Zuqyw inx narr ziog qaxx u qraur cimx qycc kuah, dyrr e cue diycc beh air ee mic, cue diyc u qauwgiac jinliw ee cuiwpnir, jit der jit der qra dauwcud jit vxag jiapqin uanjingw ee uerbin, qetqyw huathen ix m na byy qaiww suiw, iauxx qycc ham' derr zi qaidnua inx ee verbuw, a'qongx a'maw soxx siongsinr ee guansiw sinue, besinr vutjiww luisu. Qaur jiax, inx dryy qaur mairzip guaw soxx qongw ee "sinvir juxgi / diongrsi qiongrtongtew" ee derr sir qaidnua.

Suibongw sinvir juxgi jin' pnaiw qaiwding, dirr lanw ee bunhuar-siong iauxx u huwbin ee ham'ir, qycc ciangjai e dingrgi cywgo, mrqycc guaw iauxx si iong "sinvir juxgi" laii biysiaw jitt xee qaidnua, u quiw diamw digsig, inx erdangr knuawcud surbut viauxsiong ha kuriuw moxjiongw jurjip lat. Jurr qxow ixlaii, inx zinruii javox/ jabow, zinlui/ qitnax singbut, uac dirr sewsiong ee langg ham' jitt xee sewqair ji' gua ee langg horsiong ji' qranx, u qokk jiongw quanlenn. Laii jurr qokk bunhuar iacc si jongqaur ee sinvir juxgirjiaw, duiww jitt jiongw horsiong quanlenn ee zinrdix, longxx juxdniux hyhaii ham' tuanqed. Inx marr sisiongg dramm diyc maudunw jitt xee zirganw.

Sinwhong sinvir juxgi ee langg zed'air sinvir, hnuahiw qaixkuix sinvir, dongsii marr jaix, qaixkuix :ee zuxx je, huathen :ee zuxx je. Inx sing'uac dirr ciongbuanw sinvir ee sewqair nirr jin' jurjai, derr zi qaidnua ee langg duiww byy qraur ovec hunbingg ee surbut e qamxqag vutanx.

Jiaxee guanjig m na sikiong dirr qidokqaur iacc si Bixqog, byy hunx qokqax, jongqaur, bunhuar, derqiuu-siong zinrhyy soxjai longxx siy' qang. Sewqair soxu uixdai jongqaur ee jit dua digsig dyrr si, inx naxjunxx erdangr duiww derr zi ham' derr sir qaidnua ee langg qongxue, hyxcincniurr qauwgi vunxlaii dyrr ersaih huanx jyr nng jiongw byy qang ee vanxvunw. Iutaiwqaur quriog sipenx derr 111 siuw buew-aw qongw "qniax siongjuw si diwhui ee kaisiw." Derr zi qaidnua ee langg, jitt qxur ue ersiah huanx jyr " liw kaisiw qniax tnidingw ee dua qingxcad sii, dyrr kaisiw venr kacc kiauw ar." Duiww derr sir qaidnua ee langg, ix ee iwgi si "duiww siongrder ee qingwuir si uirr liw jixdiamw kexbongg ee lo." Jex marr si sursit.

Qidokdoo siongrr air qongw ee si " JESUS si qiuwsewjuw", marr si jin' hyw ee le. Duiww derr zi qaidnua ee langg, JESUS cniurr ginxaw qxow nirr ee qauwbuw, duw diyc kunwlann jixiaur huah ix ee miaa, ix dyrr e suisii qnuaw laii qiur .liw. dirr derr sir qaidnua ee langg qaixsueh jyr JESUS tauwquer ix ee snix qapp siw, jixcud jit diauu tonghiongr qiuwsiok ee binglo.

DUIWDIK QAPP VINGIUW

Byy qang qaidnua jyrsingg siongrr dua ee bunrdee, dyrr si simlingg luxdingg byy qang qaidnua ee langg, horsiong ji' qranx e sanxsingx uihiap ee qamxqag, jex si lanw beh liauxqaiw jiaxee qaidnua siongrr juxiaur ee guan'inx.

Dirr duxx beh tuatli mow qaidnua ee langg, dirr mow quaw hongbin kyxlingg duiww lanw jyrsingg uihiap, si lanw duiww sinx sinhun iauxx byy vaxag, iauxx kiamr anjuanqamw. Mrqycc qniaa viw lanw kacc jingwjingg ee langg, qyckacc e hro lanw qamxqag diyc uihiap.

Derr id qaidnua ee langg viauxhen cud ham' ix byy dirdai ee hxingg --- naxjunxx duiww sniaw longxx byy iauwqinw. Liw narr erdangr knuawtaur inx ee simx, dyrr e huathen zimrhyy langg, zimrhyy su longxx e hro inx dnaxcuah simqniax.

Derr zi qaidnua ee langg byy qamxqag derr id qaidnua ee langg (juerzinn) qowsingg uihiap. Inx hnuahiw jiaxee juerzinn, qra inx dongwjyr huxdy ee duiwsiong ; mrqycc derr snax qaidnua dagg hxang su longxx huaigii ee qywzinn juxgirjiaw duiww inx si u uihiap :ee, derr sir qaidnua ee langg qyckacc su'iaur hongvi, inx viauxbin siongsinr siy' qang ee mic, sinwgiongw-diongx kiokk duar diyc huisiongg qniahniaa juriuu.

Derr snax qaidnua ee huaigilunrjiaw, byy qamxqag diyc derr id qaidnua hitt pruex byy guanjig ee langg duiww inx qowsingg uihiap, marr m qniax derr zi qaidnua ee langg, jixvutqyr qra inx dongwjyr besinr ee gongrlangg. Mrqycc liw narr qapp inx qongw diyc "huexqaiw (CONVERSION)", e sui' sniu diyc tuanqauwsux giuw diyc irqauwdoo ee ciuw vig inx jiurhuan, qandna' anne inx dyrr e qniax qaxx henx cuwquar jauw qaxx byy knuar ngiaw, inx qniax derr sir qaidnua ee langg --- siongsinr kixsiauw ee siongrder si sniaxngiu.

Guaw jin' hamhoo iong huexqaiw, qongw si simlingg siulen ee qokk qaidnua beh jinr jit vo ee quewdingg, muixx jit vaiw ee juanxvenr longxx si jit jiongw uanjuann byy qang ee qinggiam. Derr id jinr qaur derr zi qaidnua, tongsingg si hionghiongg laii ee, naxx decc enw hir lehh, derr snax jinwzip derr sir qaidnua ee juanxvenr si jiamrjinr ee. vixzuu qongw, u jit vaiw guaw ham' "ui' jongqaur knuar simlixhak (PSYCHOLOGY AS RELIGION,1977)" jitt vunw ceh ee jokjiaw PAUL C. VITZ jywhuew ee sii, u langg mng ix, sniaw sii jniajyr qidokdoo ? ix taukag bongx bongx lehh qongw "iokk si 72 ~ 76 nii." narr si derr zi qaidnua ee langg kyxlingg e qongw " veh-guec jap-cid amwsii veh diamw! " henxzenn jitt nng xee quewdingg huisiongg ee byy qangg.

Gauw marr qongw diyc derr snax qaidnua ee langg dirr lingsingr hongbin, ngiaa quer hiaxee juxiaur jiauww siqanx kir qauwdngg :ee soxx josingg ee derr zi qaidnua. Jiaxee langg marr qniaa quer simliw juanxvenr --- mrqycc inx si huexqaiw jniajyr huaigilunrjiaw, dryy si singwqingx soxui ee "simx ee quaclew". Suibongw inx ngiaa quer hiaxee digding singzin JESUS si qiuwjuw ee langg, iauxx su'iaur qingquer lingrgua jit vaiw huexqaiw, jiacc erdangr cue diyc vingjing iacc si jingwgi. Huexqaiw m si itsii dyrr qetsog, ix ham' soxu ee lingsingr singdiongw siy' siang si jit jiongw qewsiok vutduan ee quewdingg. Guaw guanrir ingxuanw byy tingjiw guaw ee huexqaiw quewdingg, itdit qaur siw.

SIBZIRLO KAUW

Guaw beh tecniw dag'ee, lunrdng vadd langg ham' jurqiw simlingg singdiongw tingdo sii, su'iaur qinxsin qycc vyxcii cunqiusingr. Jerje langg viauxbin-siong kuanr laii si sriok dirr mow xee qaidnua, sidjer-siong m si. U quaw kir qauwhue ee langg, jiauww pnuawduan qaix si derr zi qaidnua, mrqycc inx luersimx duiww jurqiw ee jongqaur huisiongg vutbuanw, ixqingx kaisiw iong kyhak suuii huaigii jongqaur.

Jitt xee henrsiong jin' poxpenr, u sii juanvo huerjiongr duiww jongqaur vnuawsinr vnuawgii, dirr u jnii langg ee qaugua siarkux, jerje THE METHODIST CHURCH ham' dniuxlyw qauwhue ee bogsux dirr lexvair jaixkiw ham' huerjiongr m si dramm siongrder, si qongw simlixhak, inx jaix berdangr dramm siongrder, anne e jyrsingg sniu' dua ee uihiap ; lingrgua kuicuir habcuir longxx si siongrder, kiokk berdangr qamxsiu diyc kensingg, marr si byy sniaw lingsingr siu'iongw ee langg. Jitt jiongw langg viauxbin knuar laii naxjunxx ixqingx jinwzip derr sir qaidnua, inx guarviauw cing diyc derr sir qaidnua ee guarsnax, cniurr mow quaw bidqaur ee lingxsiur, sursit-siong inx si derr id qaidnua ee juerhuan.

Qangkuanw, m si soxu ee kyhagqax longxx sriok dirr derr snax qaidnua. Jerje langg qra kyhak hunwlen iong dirr huisiongg ec ee genxqiur lingxhik lai, zenau dyrr hongwsimx duardnaw duiww sewqanx soxu qitnax sinvir dongwjyr byy knuawqnir. Anne ee kyhagqax qisit iauxx dirr derr zi qaidnua.

Iauxx u jit jiongw simliw hagqax qongw si limqair zinqeh ee langg, inx siongrr dua ee digsig si naxjunxx jit kax dac dirr derr id qaidnua, lingrgua jit kax huac dirr derr zi qaidnua, jit ciuw he dirr derr snax qaidnua, jit qix jingxtauu-aw dux dirr derr sir qaidnua. Inx busow-vutjai, jing'au byy itdir, jex marr si lanw qra qongw si limqair ee guan'inx ; inx hro lanw qongw be cud dycc jiogw hingtair, byy hingtair erdangr qongw.

Iauxx qycc u langg kyxlingg huatdenw qaur kacc quann ee jancur au, qycc tewvo dngw .kir. lanw duiww derr zi qaidnua trer dyw kir derr id qaidnua ee langg, u jit xee juan'iongrsuu, "duirlyhjiaw (BACKSLIDER)". Jitt jiongw langg ee denxhingg si air limjiuw, hingr hunxbi, cuwbi vruac, sing'uac nua loklog, u jit zit, qivunw qauwgirpair ee langg ham' ix dramm .quer, ix did qiur ar, ixau quiw nii, quer diyc cingcniw, qingwuir siongrder, huhap jniawdy ee sing'uac ; hionghiongg u jit zit, ix siausid, byy .kir .ar, byy langg jaix ix kir dyhh, lak qywquec au, jiacc qycc huathen ix dirr qiauxdniuu, zidjiw quer qaxx otnix amwde ; qauwhue ee langg qycc cue ix qongw, ix jaiww virr qiur, quer liauw quiw nii jingwsiongg sing'uac au, qycc duirlyc lunham.

Marr u langg dirr derr zi / derr snax qaidnua venwlaii nguarkir. Kyxviw qongxx, u jit xee kir qauwhue ee langg qongw "guaw dongzenn iauxx siongsinr siongrder, liw knuar dairjurzenn zuarr suiw ---cnix snuax vec hunn, vachuex kuix, anne ee bixqingw dongzenn m si zinlui ee diwhui congwjy cud ee, itding si kyr moxjiongw sinsingr ee diwhui hro jitt xee sewqair vah-bxan nii laii vutduan snetnuar. Mrqycc liw qamxx jaix, lexvair jaiw GOLF qiudniuu ham' qauwdngg qangkuanw suiw, guaw dirr qiudniuu qangkuanw erdangr hogsai siongrder."

Jitt xee langg suanw GOLF, hongwkir qauwdngg. Itcer byy bunrdee, itdit qaur ix ee surgiap cud bunrdee ar, ix anne qongw "aixiyr ! guaw jin' quw byy kir qauwhue ar, guaw itdit byy decc qidyw!" ix dngw laii qauwhue, iongrsimx qidyw, quiw nii quer, qingjer jongrhongw dngw hyw ar --- cniaw mair mng guaw uirsniaxmic, kyxlingg si ix iongrsimx qidyw ee haurqyw --- ix iuqycc kinghiongr derr snax qaidnua ee GOLF.

Iauxx u langg dirr derr snax/ derr sir qaidnua ji' qranx vaihuee. Guaw u jit xee anne ee vingiuw, miaa hyrjyr a'Sex. U jit zit, ix u huisiongg cingbingg ee kyhak simlingg, sulo huisiongg jingbit qycc lixsingr, qongw cud ee ue ho'ngg qamxqag jin' byliauu ; mrqycc u quaw amwmee, a'Sex limx quaw jiuw, iacc si suh jit sut aw HEROIN, hionghiongg u diauliw qongw diyc sniwmia, sixbongg iwgi, ingqngx… is qongw qaxx jiacc jingcaiw hro gauw puewhok qycc qamxdong. Qecdngxjaiw, ix e laii cue guaw qongw " guaw m jaix jaamr sxuah diyc sniaw, qongw jit dxuix siauxue. Guaw byy air qycc limx jiuw ar, marr byy air qycc suh dok ar." guaw m si qoxle ix suxiong iyhbut, si beh jixcud dirr ix ee digle-diongx, juixjingx ham' iyhbut naxjunxx erdangr jo ix vangwsangx, hro ix ee hing'uii duer diyc jurzenn ee jetjaur. Narr si zidsii qycc laii, ix muaxvag ee qniahniaa trer dyw kir ix ithiongr quanwsir, derr snax qaidnua ee lixsingr sewqair.

Kia ee libdniuu byy qraur qending sii, qacc si kyxlingg duirlyc huee qaur jingg jit xee qaidnua, mrqycc lanw berdangr qanxsingw simlingg singdiongw quewdingg zimrhyy qaidnua, dyrr cniurr kiwdoo dirr jingwsiongg zinlui huatdenw quewdingg-diongx, qanxhuar zimrhyy jit xee sunzenn, sriok simliw ee qaidnua qang, banrban jyr be qaur! Sursit-siong, jitt nng jiongw singdiongw mosid ee jinwdingg jin' luirsu. Vixzuu, go huer ixlai ee ginxaw qapp derr id qaidnua ee langg luirsu, iauxx be luerhuar sirhuix quanliam, e byy hanrjer qongw vehcat, penr .langg, taux tec langg' emic, ciaujongr vadd langg. Inx duarhanr jniajyr singlenn ee vehcadlangg, penwdoo, cat-aw, ciaujongwjiaw, si sunrliw habjingg ee qetqyw ; suxx langg vutqaiw :ee dendyww si inx duarhanr au, jerje langg suacc jniajyr singsit, senrliongg siuxhuad ee langg.

Go huer qaur jap-zi huer ee ginxaw cniurr derr zi qaidnua ee langg, inx kyxlingg jenrtangg, mrqycc vuanrgik kinghiongr byy giamdiong. Qivunw-siong, inx zinruii verbuw ee iauqiuu longxx qaix jiphingg, mohongw ham' hogjiongg duiww inx si jin' quanwsir ee ; mrqycc mairhiongr cingcunqii :ee, tnide si beh dywtaujaix ee, verbuw muixx jit qxur ue, ixjaw naxx siongrder ee jixir lehh, jitmaw longxx sriu diyc huanxvog, tuccaur, jex si qywzinn juxgi tecud jitqii ee qaidnua. Danw cingcunqii huathuix juanvo uilat au, derr sir qaidnua jiacc e kaisiw.

VUANRGIK EE CINGCUNX SIAUWLENN

Zimrhyy qaidnua berdangr qanxsingw, tiaur.quer, iuguann u langg jinwdenw viw vadd langg kacc qinw. Guaw jit xee vingiuw, singdiongw dirr jit xee sriok derr zi qaidnua ee IRLAND tenjuxqaur qadingg, jap-go huer duxx dac zip cingcunx vuanrgik-qrii ee sii, inx laurve ee qongsix qra diauwjid kir AMSTERDAM , qui' qehuew-aw duer lecc kir, guaw ee vingiuw virr sangr zip kir Iasohue vran ee diongyc. HOLLAND ee Iasohue qauwdoo si jit pxuex huisiongg singsik ee langg, sursit-siong, HOLLAND si hro qauwjongx (THE POPO) LOANNES PAULUS PP II huisiongg tautniar ee derkux, sniu jin vanrhuad beh qra inx kaiduu. Jitt xee liauxvutkiw ee qokqax ixqingx qenwlip jit tyr derr sir qaidnua ee bunhuar. Guaw ee vingiuw dyrr si qaux hro jiaxee singsik qycc vauiongg ee Iasohue sinwdoo jiauwqor. Inx qoxle ix huaigii, dirr huaigii-siong qra ix inxcua. Danw ix jap-qauw huer duiww AMSTERDAM dngw .laii ee sii, ixqingx jinwzip derr sir qaidnua ar.

U langg jinwsingx qinw, u langg kee dirr guanui m dinxdang. Je nii jingg, guaw dirr jit qingx siudyrngi jyr huxdy, muixx jit xee jiwguanrjiaw beh jniajyr sidsip siuluw jingg, rair tongquer jingwsid qingxsuanw ciuxsiok, jiacc quatding inx si m si sikhap hogsai siongrder, inx diyh'air ham' guaw binrdamm. Guaw duiww jit xee sincinxjiaw inwsiong digvet cimkig, ix iokk sir-jap-gua huer, juxcii qenwsip ee siuluw duiww ix jin' byy hongwsimx, digvet iauqiuu guaw rair ham' ix dramm ; suibongw ix qokk hongbin diauqnia longxx jin' lixsiongw, mrqycc qitnax ee sincinxjiaw ham' qenwsip siuluw longxx byy qaiww qac'ir ix.

Guaw ham' jitt xee hurluw dramm ee sii, jit diamw aw dyrr byy qamxqag ix si sir-jap-go huer ee luxsingr. Ix ee viauxjingg, hingtair cniurr u damrvyc gong ee veh huer jaboxginxaw. Guaw mng ix ee lingsingr siu'iongw, ix cniurr jit xee quaikaw qycc qra qauwgi bunrdab tak qra jin' sik ee sewhanr jaboxginxaw, hro guaw ee dap'anr cniurr decc amwliam ceh. Guaw si simliw isux, dongzenn dyrr mng ix "qongw quaw liw ee donglenn sing'uac!"

"Guaw sewhanr quer qaxx jin' bixhyw." Ix anne qongw.

Guaw sui' dyrr huaigii, byy langg iongxiuw suiw qaxx vutdikliauw ee kuaiwlok donglenn. Qongw quaw liw qamxqag hiacc bixhyw ee dairjir?

Ix u jit xee qex ix jit huer ee jexjeh, inx jin' cinqin, jywhuew cittyy. a'jew venx cud jit xee qiyr Oqy ee qxuiw, jit vaiw inx jywhuew sew sinkux, a'jew huah "sewzi or! Oqy laii ar!" ix dyrr cangr zip kir juiw-drew, suacc kir hro maxmah pah. "Si sniaw guaninx neh?" guaw mng.

Guaw qra taumox congr damm kir. ix anne huedab

Aurlaii, guaw jaix ix jap-zi huer sii, maxmah diyc diyc je jiongw gnerhuawjingr (MULTIPLE SCLEROSIS), dirr ix jap-veh huer sii quewsinx. Binrduir qra taumox congr damm kir dyrr beh qra pah, dirr ix cingcunx-qrii jit kaisiw diyc dangrvne, dirr ix iauxx bue u linglik jingxliw cud dairiog jinghingg jingg dyrr quewongw ee maxmah, nacc u kyxlingg hiangxsiu cingcunx-qrii ee vuanrgik? Byy qingquer cingcunx-qrii vuanrgik ee langg, jin' u kyxlingg ingxuanw diamr dirr derr zi qaidnua, jitt xee luxsingr dyrr si anne.

BONGX SIMQNUAX

Quanhe simlingg singdiongw, iauxx u jit hxang diongriaur ee dairjir, dyrr si bylun lanw huatdenw qaur zuarr hng, longxx iauxx e vyxliuu jit vorhun jaxqii qokk qaidnua ee hunziah, dyrr naxx cniurr lanw iauxx vyxiuw jurqiw tewhuar ee mordngg siangrkuanw.

Derr id qaidnua ee juerhuan PECK, iauxx virr qnuaiqimr dirr zinqeh ee derlyy nirr, guaw be hro ix cud .laii, mrqycc guaw zinrdix diyc ix ee junjai, guaw e muixx lexvair qra ix ee lyvangg qex kngr jit der jxngx-aw. Suibongw guaw anne jyr, mrqycc hitt qingx lyvangg jamxzenn susongw, pox dertanw, caixsig denrsi, amwmee u sii aw, guaw narr qamxqag su'iaur qniaa jit jua amr qrex-aw ee diwhui, marr kyxlingg lyc kir cue ix kaiqangw, mrqycc guaw e jin' sewzi tingkax dirr tih-uijac jitt vingg.

Qangrkuanw, guaw zinqeh iauxx u sriok derr zi qaidnua ee cuiwpnir --- narr binrduir diongrdua aplik, huisiongg qidai srinx-vnix u jit xee laurdua :ee uirr guaw setsiongw liahdnia juxir, qaixquad zinsingx ee landee, qiur guaw tuatkuix kunwqingw ee banring viwquad, qar guaw anxjnuaw jyr ee PECK. U sii guaw e hro ix qunxjuiw ham' pxangw.

Marr iauxx u derr snax qaiduan ee PECK, ix dirr qitnax aplik sii dywter, cuxliw bunrdee qamguan unriong kyhak m iong simlingg. Guaw bad qra langg qongw .quer, Bixqog simliw isux hiabhue cniaw guaw kir enxqangw, guaw kyxlingg qandna' dramm duiwjiaur genxqiur, juadduir byy be qongw byy hxuad iong kyhak honghuad nriuu ee simlingg, narr si Bixqog jingsinn ihaghue rair guaw enxqangw, guaw iokliok e qra derr id /derr snax qaidnua ee PECK jywhuew danr dirr derlyy-lai.

KIAMSUN EE SIMTAIR

Bylun liw siulen jinwvo qaur sniaw tingdo, longxx byy kyxlingg siaubet jaxqii simlingg qaidnua lauu .lyc .laii ee hunziah. Narr si liw jurqiw amwsongw, zinruii ixqingx jairunw mairhiongr derr sir qaidnua ee jingwgi ji' lo, m hyw be qir did kir craa .jit .xe liw ee derlyy ; siongduir ee, bylun liw qamxqag iuuat iacc si jurvix, zinrcingx muixx jit xee langg simqnuadew longxx u viw jitmaw qyckacc jinwvo qaidnua ee kyxlingsingr, suisii junxvi be huatdong kixvong amwcangr ee ligliong, duiww lanw longxx u vangjo. WILDE OSCAR (1854-1900) qongw qaxx jin' hyw "muixx jit xee singwzinn longxx u m qnaw ho'ngg jaix ee quewkir, muixx jit xee juerzinn longxx u bixhyw ee denxbong.

Lingrgua iauxx u jit xee su'iaur vyxcii kiamsun ee lixiuu. guaw derr id vaiw dramm simlingg huatdenw qaidnua, si ham' PAUL VITZ qiongrdongg juxcii ee tyxlunrhue, ix si lingxdy simlixhak ham' jongqaur jingxhap ee kuanuix. Guaw qongw liauw au, ix damzim vinglun, ix qongw "guaw tniax liauw PECK isux siaurqair ee qokk qaidnua, huisiongg u cuwbi, guaw zinruii ix ee quanliam jin' sidjer, simrjiww pacsngr unriong dirr guaw jurqiw ee simliw dirliauu qangjog-siong. Mrqycc guaw hibang dag'ee e qir did, ix tecud ee derr sir qaidnua vutqyr si kixdiamw ."

DERR VEH JNIUX SIMLINGG EE QIAWBANG

Gauw rair singzin guaw si u piah ee langg, guaw genr hrunx ee NICOTINE ixqingx qaur byy iyc tangx rix ee dervo. Suibongw guaw siaw iuxquanx jurlut ee bunjiux, huatviauw jitt hongbin ee enxqangw, mrqycc guaw kiokk jyr be qaur qaixhunx ee jurlut.

Singx beh qiongdiau genr dogpinw ham' jniuxpiah si jit jiongw je binrsiongr, je qakdo ee bunrdee, dirr jiax qandna' tyxlun simliw/ simlingg janbin, guaw m si diauqangx byy beh diwdang singbudhak/ siarhuerhak ee qintauu, genxqiur jixcud, jiuxqongg si jit jiongw uituansingr ee vnerjingr, vingrr byy dairviauw u hiongjiuw qiinx ee langg, itding e jniajyr jiuxquiw, marr m si qongw jiuxquiw dyrr ingxuanw byy jaidiau qaixjiuw, qandna' ersaih qongw jitt lui sitdiaujiaw u singbudhak ee qinguann.

Qangrkuanw, jit xee langg duiww iyhbut ee penair, marr quatding dirr binghenw ee singbut insor. Cniurr guaw duiww jiuxjingx ham' qitnax kuriuw dinwding jokiong, tongxcingx diongcux sinqingx ansin'iyc jamxzenn u penair. Gauw air dinwdingrjex, mrqycc hingwhunr :ee guaw byy cuwbi; u langg uirdiyhh hingwhunwjex taii langg, duiww ansin'iyc jit diam aw cuwbi dyrr byy. Suh dok si jiongw jiongw byy iyc rix ee siarhue bunrdee-diongx, siongrr giamdiong ee, sucdogjiaw singjunn ui'id ee hnuahiw si tauwquer dogpinw did diyc decc vuex ee qamxqag.

QNIAA M DRIYC AR!

Piah erdangr knuawjyr jit jiongw gnoxsiong jongvair, genr jiuw :ee qra jiuxqanx dongwjyr gnoxsiong. Gnoxsiong jongvair u jerje hingsid jit knuar dyrr jaix ee, vixzuu air vruac/ hunxbi :ee, genr jnii ; iauxx u jerje hro lanw knuaw m jaix :ee, quewdo jongvair qadingg si jit xee le. Zuqyw iong hinguii iacc si uergiw beh hro jidqex ji' jruw hnuahiw ee diongriauwsingr, ciauquer hogsai siongrder ee jixir, lanw dyrr e jniajyr qadingg jongvair ee siurhairjiaw. Qadingg venwsingg jit jiongw gnoxsiong, ongxongw duiww qywzinn jyrsingg jin' dua ee apvig ; duiww kuanlik, anjuanqamw… u piah, marr kyxlingg jyrsingg guihiamw. Gnoxsiong jongvair, jniurpiah ee hingsid je qaxx pnaiw sngr, viw suh dok kacc guihiamw ee, marr jin' je.

lanw beh qra tyxlun kngr dirr jiuxqongg ham' suh dok ee bunrdee. Jniajyr jiuxjingx, dogpinw lole ee langg, ongxongw viw itvnuax langg qyckacc qiawbang dngw kir EDEN loghngg --- hibang kir qaur loghngg, tenqog. Inx qib beh cue diyc likuix loghngg sitkir e unluanw, qib beh ham' dairjurzenn hab'id hitt jiongw hng hng qin qin hunx be cud ee qamxqag. Siaw siyxsuad ee KURT VONNEGUT(1922-2007) ee qniaw MARK siaw ix diyc sinqingvne ham' suh dok qinggiam, ceh miaa hyrjyr "loghngg kuaiwciax (THE EDEN EXPRESS)", lanw dongzenn berdangr qycc dngw kir EDEN ee huehngg, qandna' erdangr hiongr jingg qniaa quer koxtangr ee suaboo. Jitt xee beh cue dngw kir cur si siongrr qanlann ee lo, kiokk u siongrr qiongg ee iwguan, suacc hro hiaxee jniurpiah ee langg qniaa m driyc honghiongr, inx qniaa duiww aurviah kir, m si hiongr jingg qniaa.

Cuxliw jitt jiongw cue cur iwguan ee honghuad u nng jiongw. Jit jiongw si qra dongwjyr tewhuar henrsiong, m na si beh cue EDEN huehngg, marr sniu beh dngw kir maxmah ee juxqiongx-lai ; lingrgua jit jiongw si qra dongwjyr jinwhuar ngiaxziah ee aurkuir. Jniurpiah ee langg u beh dngw kir cur ee qiawbang, jingwbingg inx viw dysowlangg qyckacc pacvniar duiqiuu lingsingr ham' siongrder, jixvutqyr inx cue m driyc honghiongr.

JIUW QAPP LINGHUNN JI' QRANX

Jin' jiyw langg jaix JUNG qethap simlixhak ham' lingsingr siu'iongw ee qongwhenr, byy langg erdangr ngiaa quer ix, ix qanwjiab cioksingg "qexmiaa qaixjiuw hiabhue" ee singlip. 1920 nidai, JUNG u jit xee jiuxqongg ee vnerlangg, qingquer jit nii ee dirliauu longxx byy jinwdenw, JUNG jixhyw anne qra qongw "cniaw liw tniax hro hyxser, liw laii guaw jiax qandna' si kaix uan'ongw jnii narnia, guaw m jaix beh anxjnuaw jo liw, guaw byy hxuad liw."

"Guaw byy hibang ? liw jinjniar berdangr hro guaw zimrhyy ee qenwgi?"

"Ui'id ee vanrhuad, si liw sethuad qriuu jongqaur ee huexqaiw. Guaw tniax qongxx u langg camwhuew sinwqaur au, qaixjiuw singqongx. Gauw qamxqag jitt jiongw huatdenw jin' u dyrliw."

Hitt xee langg jiapsiu JUNG ee qongxhuad, sethuad huexqaiw sinwqaur. Ix qamxx cue e diyc? Sinr m sinr jairr liw, ix singqongx ar. qingquer lak dxangx ee loxlik, ix cue diyc jongqaur sinwgiongw, marr byy qycc limx jiuw.

Jitt hxang su byy zuarr quw, ix duw diyc quewkir ee jiuxpnua ABBI.

ABBI qongw " ueer! Limx jit vxuex!"

"Guaw byy qycc limx ar!"

Hro ABBI qniax jit diyy. " liw si sniaw iwsur? Liw byy limx jiuw? Lanw qamxx m si byy iyc rix ee jiuxquiw."

Ix qra JUNG qar ix huexqaiw sinwqaur ee dairjir qaixsueh hro ix jaix.

ABBI zinruii jex si jit xee hyw iwqenr, kaix nng dxangx ee siqanx, qra limx hiongjiuw ee quanwsir qaixdiau jin' dngg ee jit dnxua siqanx.

Quer liauw byy zuarr quw, u jit amr, ABBI duw diyc quewkir ee vingiuw BEER, jit vaiw ngua BEER jiyx ix limx. BEER marr qniax jit diyy, ABBI qra dairjir ee j.-jingau-a. qongw jit vxenr.

BEER zinrding jex si jit xee jin' hyw ee vanrhuad, qandna' kaix quiw lexvair ee siqanx dyrr did diyc ingwhau. Ix dyrr dirr OHIO, AKRON vran derr id xee qexmiaa hiabhue ee jurhue.

Iokk zi-jap dxangx au, giabbu u jin' dua ee jinwdenw, BEER siaw puex qra JUNG qongw jitt xee hiabhue singlip ee qingquer. JUNG huee jit dniux huisiongg qamxdang langg ee puex, ix viauxsi jin' hnuahiw jriab diyc BEER ee puex, qycc tniax qongxx vnerlangg u jinwvo, duiww jurqiw byiwdiongx vnuaenw ee qaksig jin' anuir. Hro ix siongrr hnuahiw ee si , suibongw jiuvnix byy sniaw langg erdangr ham' ix dramm jitt xee bunrdee, mrqycc ix zinruii sehongx gixgenn tuantongw jiuxjingx ham' linghunn si iong qang zi viauwsi, jex m si iwgua, kyxlingg jiuxqongg :ee viw itvnualangg qyckacc snah lingsingr, kyxlingg jiuxqongg si jit jiongw simlingg-siong ee vne, qyckacc uaxqin ee qongxhuad si jit jiongw simlingg jongrtair.

Nng jiongw hongsid knuawtai jniurpiah ee langg, inx cue dngw kir loghngg hiacc qib ee qiawbang, longxx si jingwkag ee. uanjuann byy beh cab tewhuar ee jit bin, si cywgo ee. qinqur guaw ham' jniurpiah :ee jiapciog qinggiam, qiongdiau jikqik erdangr duar laii kacc dua ee ingwhau, dirr dirliauu sii, siongrr hyw ee honghuad m si qiongdiau tewhuar henrsiong, ingwqaix he dirr jinwhuar jitt bin --- duiqiuu lingsingr, jauxcue siongrder.

CAMWHUEW QAIXJINGR

Snax-jap nii jingg, guaw jiapsiu simliw iliauu hunwlen sii, simliw isux ixqingx jaix qexmiaa qaixjiuw hiabhue singqongx ee qiwlok, ciauquer simliw dirliauu jerje; mrqycc gunw zinruii, jitt jiongw jojid vutqyr si jiuxquanw hurqin ee dairiongrpinw, gunw zinruii jiuxqongg :ee kuriuw soxui "cuiwkangx-qrii zinqeh sitdiauu (ORAL PERSON –ALITY DISORDERS)", zuqyw inx byy limx juiw, dyrr kir camqax qexmiaa qaixjiuw hiabhue ee tuantew dirliauu, qongw jit dxuix ue, itdit limx qavix, suh hrunx, jiyh jiaxee mic trad cuiwkangx, buanxjiog inx ee sitdiauu. Simliw hagqax jiokk qra kinsi, qongw jex dyrr si qexmiaa hiabhue unrjog ee hongsid.

Guaw jin' pnaixser hiongr togjiaw singzin, dairvorhun simliw isux iuguann siongsinr qexmiaa qaixjiuw hiabhue si jit jiongw jniurpiah ee tewdairpinw, guaw berdangr qongw jitt jiongw quanliam uanjuann byy qinqur. "tewdai jniurpiah" kyxlingg jiamr singqongx insor ee 0.5%, juxiaur ee guan'inx si "qewue", jiwjiyw u snax jiongw guan'inx hro qewue u ingwhau.

Derr id, hiabhue tecud qaixjiuw jap-zi vorsor, si qaur dnaxx ui'id ui' huexqaiw sinwqaur ee langg cinciuw siaw ee qewue, inx qongxx si "simlingg" huexqaiw, juxcijiaw byy hibang hro guarqair u jongqaur jojid ee inwsiong, sidjer-siong marr m si. Diongsimx susiongw si duiqiuu jit jiongw kacc quann ee ligliong, qewue qra camqax ee langg qongw, inx beh qniaa quer suaboo --- qandna' uirr jiapqin "lanw simlai ee siongrder".

Jitt xee hiabhue qiwzenn si jit xee huexqaiw qewue, lanw marr ersaih qongw inx si Bixqog siongrr singqongx ee "qauwhue", byy vadd jiongw tauhamm erdangr hingiongg jitt xee jojid si jiacc ong decc huatdenw. Jitt xee hue ee langg huisiongg kiauw, simrjiw benw uirr irsngr / dniude cauhuann, inx liriong vunxlaii dyrr u ee qauwhue kongqanx vran jurhue. Guaw bad kir CONNECTICUT jit xee siyxdinr jit jxy dionghingg quimoo ee qauwhue enxqangw, diongdniuu hiyckunr sii, guaw iokliok kir knuar inx ee qongqywlann, qingwzinn jitt jxy qauwdngg teqiongx qexmiaa hiabhue dagg lexvair jap-sir vaiw jurjip dniude, lueriongg u sir vaiw qaixjiuw, nng vaiw qaixtamjiac, qycc u qitnax huexqaiw lueriongg.

Jitt xee hiabhue liriong qauwhue ee dniude, kiokk byy sriok zimrhyy jongqaur jojid. Inx marr kik'ir kinx kinx qongw diyc qewue ee "lingsingr" janbin, piacbenw duiww jitt hongbin u qaiwsimx ee langg m qnaw laii. jerje langg tniax diyc jongqaur longxx e trer snax vo, itvnualangg byy air virr qamxhuar laii qaixvenr, inx u dexkongr simliw. Sursit, qexmiaa qaixjiuw hiabhue vingrr byy hyw jyr.

Qongw jitt xee le si beh suecbingg inx tuiqongw ee kunwlann, bad u jit xui u jiuxqongg bunrdee ee juxquanw laii guaw jiax, qongw jitt xee hiabhue "byy loriong". Ix ee iwsur si qongw, quewkir lak qywguec, ix muixx langr jit amr kir camqax inx ee jurhue, mrqycc byy kir hitt mee, ix qangrkuanw limx qaxx juir bangbangg, ix byy bingvik uirsniaxmic jitt hxang qewue sithau, ix duiww jap-zi vorsor si tetdew liauxqaiw.

Tniax ix anne qongw, guaw u damrvyc iwgua qongw "guaw soxx liauxqaiw ee jap-zi vorsor si jit tyr vutjiw hogjap ee simlingg diwhui, itvnualangg kyxlingg diyhh kaix snax dxangx jiacc erdangr liauxqaiw ix ee puebin. Ix singzin guaw ee ue u quaw dyrliw, ix duiww kacc quann ligliong, jinjniar byy liauxqaiw. Ix kiokk jin' kaksinr jiwjiyw derr id vo huisiongg liauxqaiw.

Anne , liw qongw , oor! Hex si decc qongw sniaw?

Guaw singzin duiww jiuxjingx byy ix ee hxuad.

Hex si sniaw iwsur?

Dyrr si qongw guaw ee nauw singhuar hongbin ee kuecham, jixiaur jit damx jiuxjingx, dyrr hro jiuxjingx kongwjer, uanjuann songwsid iwjiwlat, guaw si itding bersaih limx derr id vxuex jiuw ee.

Anne, liw uirjnuaxngiu iauxx beh limx?

Ix diam diam byy ue, u quaw kunwziauw.Guaw qongw "liw bingg jaix kyxlingg derr id vorsor qandna' qongw, liw jid'err limx derr id vxuax, dy' songwsid duiww jiuxjingx ee dexkongwlat, mrqycc liw simrjiww decc limx derr id vxuex jiuw jingg, ixqingx duiww jiuxjingx byy dexkongwlat neh!"

Ix dua lat iytauu qongw "m si anne, beh / byy air limx derr id vxuex, si guaw laii quatding ee."

Hex si liw qongw ee, jyr kiw laii m si anne, driyc m driyc?

Ix jin' qencii, "iauxx si rair knuar guaw jurqiw."

Hyw ar! jiauww liw ee vanrhuad jyr ar! Guaw qongw.

Jitt xui juxquanw iauxx byy jyr qaur derr id vorsor soxx iauqiuu ee dauhangg ham' hogjiongg, qitnax ee jap-id xee, benw qongw lor!

JIT DER JIT DER TIAP SIMLINGG EE JXNGX-AW

Qexmiaa qaixjiuw hiabhue singqongx ee derr zi guan'inx, jex si jit xee simliw qewue. M na qra langg qongw, duisunn siongrder uirsniaxmic u vit'iaur vnuaquer suaboo? Marr qongw diyc jerje tongquer suaboo ee honghuad. Ix qar ee honghuad juxiaur hunx nng lui.

Derr id lui si unriong juqur ham' qingxqair :ee ue. cniurr :

"qew quw suacc naxx jinx :ee."

"guaw m hyw, liw marr m hyw, mrqycc byy iauwqinw."

"liw ui'id erdangr qaixvenr ee langg dyrr si liw jurqiw."

"jit vaiw qandna' uac jit zit."…

Guaw beh qongw jit xee suzinn ee qowsu, suecbingg guaw uirsniaxmic diongrsi juqur. Guaw ham' muixx jit xee javo ginxaw qangkuanw u jit xee a'qongx, ix byy sngr digvet kiauw, qongw cud laii ee ue jerje si qoxloxsogqow :ee, ix e qongw, "qniaa jit vo, sngr jit vo."

"m hyw qra soxu ee qenng kngr dirr qang jit xee naa nirr."

Ix qongw ee byy juann si qingxqyr ee, marr u anuir ee, cniurr:

"Qamguan si siyw juixkud ee dua jiah hii, byy air si dua juixdii nirr ee ser buew hii."

"Qandna' itdit jyr kangkuer byy cittyy, e hro langg venr gong .kir."

Ix ciangjai dionghok ixqingx qongw .quer ee ue, cniurr "m hyw knuar guarviauw suiw dyrr hyw." Guaw tniax ix qongw beh cingx vxenr. Mrqycc ix tniawsiyh guaw, guaw veh ~ qauw huer qaur jap-snax huer jit dnxua siqanx, dagg qywguec e u jit xee vaiwlak longxx rair kir MANHATTAN jit jua, kir a'qongx a'maw daux. Guaw e dirr vaiwlak jaiw qaur hiax, a'maw uirr guaw junxvi diongdauwdngr, hitt sii iauxx byy denrsi, jiac daur quer, a'qongx cua guaw lenn knuar nng dniuu denrngiaw, vuee guaw qra nng vxo denrngiaw longxx knuar uann. Gunw jywhuew itdit si anne ee hingsid.

Dirr gunw ui' denrngiaxngi dngw .laii ee vnuawlo, guaw m na tniax ix qongw qokk jiongw juqur, iauxx u qihue siauhuar ham' kipsiux. Jiacc je nii laii, a'qongx soxx qongw ee diwhui itdit hro guaw jin' dua ee kuiwlat. Ix narr jaix, jin' kyxlingg e anne qongw " liongiyc marr diyhh qax tngg jiacc hyw lyc auu."

HYW IONG EE SENZINN DIWHUE

Je nii ixau, guaw jyr simliw iliauu qangjog, jit xee jap-go huer, tak qydiongx ee javox ginxaw, qongxx si singjig sniu' baiw, qingquer haghau siaurqair cue laii guaw jiax. Guaw ham' ix dramm ee sii, qamxqag ix ee diwlik (IQ) naxjunxx u bunrdee, gauw sniu, ix singjig baiw si gong. Simliw isux iong jit jiongw "simliw derui cikgiam" liauxqaiw vnerlangg ee diwlik, cikgiam u vorhun dyrr si iauqiuu siurcikjiaw siongser suecbingg juqur. Guaw mng ix "uirsniaxmic langg qongw druar dirr vylee-cur nirr ee langg vutqaix duiww vadd langg danr jiyhtauu?"

Ix sui' dab qongw "liw druar dirr vylee-cur, ui' lairdew danr jiyhtauu cud laii, liw ee cur dyrr e puawcuir .kir."

" Mrqycc dysowlangg m si druar dirr jinjniar ee vylee-cur ar, liw anxjnuaw iong jit qxur ue qaixsueh langg ham' langg ee quanhe?"

Guaw m jaix. Ix anne rinr.

Gauw qycc cir mng jit vaiw, "uirsniaxmic langg qongw mair uirr vingxdyw ee gulingx hauw?"

Narr si guaw qra gulingx vingxdyw kir, guaw e qiyr niaux laii jni cingkir. ix qongw.

Jitt qxur ue vutjiw u siongxsiongrlik :ee. mrqycc ix byy hxuad suecbingg uirjnuaxngiu ciangjai u langg inxiong jitt qxur ue. juewau, diwlik si bunrdee ee quanqenr, guaw cniaw lingrgua jit xui simliw isux vxangx ix jyr kacc jingjunw ee cikgiam, vingqow ix ee diwlik, guaw siaurqair ee hitt xee isux si viw guaw kacc je huer ee luxsingr, cikgiamrqair vutjiw u miaa. Ix ee vywqyr hro guaw jin' iwgua, jitt xee javox ginxaw ee IQ si 105. Byy sngr quann, dirr hitt qingx haghau ixqingx vaii dirr aurbin ar, jex kyxlingg erdangr qaixsueh ix singjig byy hyw ee guan'inx, mrqycc ixx itvnualangg laii qongw, iauxx si dirr juixjunw-dingw, zuqyw hro guaw vingqow, qandna' e hro ix 85. In'ui u jiacc dua ee cavet, guaw kar denrue hro hitt xee isux, qongw guaw byy hxuad siongsinr ix ee IQ u hiacc quann, ix dirr juqur ee cikgiam viauxhen jin' cax, guaw kakzin ix ee IQ ingwqaix kacc qe jiacc driyc. Ix huee qongw "oor! Lanw ixqingx byy jyr hitt jiongw cikgiam ar, jitmaw ee ginxaw ham' juqur ixqingx tuatjed ar." guaw beh qiongdiau ee si juqur dirr kaklip sukyw honghiongr ham' jingqax diwhui-siong, iauxx u vangjan ee.

Narr si qonglip haghau erdangr vran jit quaw simliw vyxqenr qauwiok qewue, itding e u vangjan, mrqycc guaw marr jaix bunrdee m si hiacc qanxdanx, itding u langg e huanxduir, siarhue-siong u jit qrow huanxduir simliw vyxqenr ee diauliuu, jiaxee langg qniax sewsiok zinbunn susiongw ham' simliw unrdong duiww lanw ee sing'uac sanxsingx ingxhiongw, inx sniu diyc suacc u langg qoxle ginxaw qapp verbuw inwcuir inwjnic, dyrr qamxqag jin' gnoxgik, jitt jiongw liamrtauu itding laii jurr moquiw. Mrqycc dyrr si jit jiongw langg marr berdangr qimwjiw haghau qar ginxaw quiw qxur qursid juqur, driyc m driyc? Soxiw guaw hibang u langg cud bin singlip anne ee qewue. Gauw marr hibang jitt qnia qangjog jin' qinw u hingdong sidhenr. Naxx a'qongx qongw ee "dairjir qibsii vran, cud jidvnuar lat qonglyy dingvue."

Duliauw erdangr iuxhau unriong juqur, qexmiaa qaixjiuw hiabhue iauxx u jit xee iuxhau ee qijer : janrjo zinmec ee lenlok. Liw qazip jitt xee hiabhue iacc si caixiong jap-zi vorsor ee qewue, qingquer jit dnxua siqanx, dyrr ersaih qingxsuanw jit xui janrjorzinn, jitt jiongw langg qisit si qra simliw dirliauu dongwjyr inx ee derr zi qangjokjingr.

M si qongw janrjo jap-zi vorsor ee langg ersaih uanjuann cuxdai siuhuir ee juangiap isux, inx dirr mow quaw hongbin m si hiacc qybingg. Guaw duiww hiabhue liauxqaiw jiacc je, si vnerlangg dirr hiax quiw dxangx au, qycc laii cue guaw. Inx zinruii simliw isux ersaih hro inx jit quaw ui' janrjorzinn hiax did be diyc ee mic. Dirr cir teqiongx inx giahgua ee jit quaw mic ee quewdingg-diongx, guaw ui' inx hiax did diyc jerje diwsig.

Jap-zi vorsor u jin' hyw ee tuantongw, dyrr si liw ee siu'iongw ersaih ciauuat liw ee janrjorzinn, jiurr jitt diamw, guaw zinruii janrjorzinn hertongw viw tuantongw dirliauu honghuad kacc qybingg. Sriu huxdy :ee ersaih kir cue janrjorzinn, duiww ix qongw " guaw jin' qamxqik liw quewkir snax nii hro guaw ee vangjan, mrqycc jitmaw guaw junxvi beh ngua jit xui kacc singsik ee janrjorzinn laii jo guaw." Janrjorzinn kyxlingg anne huee "guaw uanjuann dong'ir liw ee knuawhuad, jin' hnuahiw guaw erdangr jo liw, qycc knuar diyc liw u jiacc dua ee jinwvo." Jerje simliw isux duiww singdiongw ciauuat inx ee vnerlangg , taiwdo m si jiacc iuxsen.

QIONGRDONGG MIARUN

Qexmiaa qaixjiuw hiabhue u hau, derr id, ix si jit hxang cioksingg simlingg huexqaiw ee qewue, hro dagg xee liauxqaiw uirhyy beh vnuaquer suaboo, sunqiuu siongrder; derr zi, ix unriong simlixhak ee qikiauw, tauwquer juqur ham' janrjorzinn, qar dag'ee qniaa quer suaboo ee honghuad. Derr snax, ix hro dag'ee jaix, qniaa suaboo ee sii, si be qodnuax ee. hiabhue si jit xee qiongrdongtew qewue.

Jurr likuix simliw iliauu ee qangjog, jitt quiw nii laii, guaw itdit ham' qitnax ee langg jywhuew loxlik kuitog FOUNDATION FOR COMMUNITY ENCOURAGEMENT, guaw siaw "byy qang ee qow-sniax" jitt vunw ceh dyrr si uirr jitt xee qiqimhue jyr ee. ceh nirr qongw .diyc, jixiaur binrlimm guiqix sii, qiongrdongtew jiacc e jurzenn huatdenw. Dirr qaho vnervangg gua siuxhau ee cnehun langg, jin' qinw dyrr erdangr hunhiongw horsiong ee qniahniaa ham' kuaiwlok, in'ui inx ee cinlangg dyw dirr jauxlongg hitt vingg ee vangqingx lai, longxx si sniwmia guihiamw ee vnerlangg ; dirr dua jailan sii, vixzuu 1985 nii ee MEXCIO ci-lai dua dedang, sir-cingx-gua langg ee sixbongg, dedang au sxor siyxsii, vingsii jurgnow diongsimx ee hyxgiac cingsiauwlenn ham' sanwciah lyqangx, jywhuew huathuix bysux hongwhenr ee aiwsimx, zi-jap-sir diamxjingx byy tingg ee qongjog.

Ui'id ee bunrdee si, itdanr guiqix jit quer, qiongrdongtew marr suanqyr qetsog. Qetqyw u sxor-vah-bxan langg uirr guiqix ee siausid suacc bydaruaa (bynairhyy). Dagg lexvaiwlak amr, simrjiww kyxlingg zimrhyy jit xee qangjokzit ee amwmee, longxx u bxan langg ixsiong ee tewgnow laurvingx dirr jiuxquanw iacc kulogvo nirr, limx qaxx maxsex maxsex, huailiam zi crur sewqair dairjenr, s.-suliam-l. hitt sii ee jenwjingx, suibongw lingw qycc damm, suisii sniwmia e hud byy .kir, inx soxx qamxsiu .diyc ee snix/ siw qiongrdongg ee qamxjingg/ zinsingx iwgi, vingjing anding ee zidjiw si cue byy jiaxee.

Camqax hiabhue ee jiuxqongjiaw, inx u nng jiongw hokkir.

Jiuxqongg vunxsinx si jit jiongw hog, in'ui hex si jin' qanxdanx qycc binghenw qra langg qongw duiww langg iuxhai ee vne, qisit jiuxqongg :ee byy itding viw m si ee langg kacc byy qenrkongx. Muixx jit xee langg longxx u jurqiw ee iusiongx ham' qniahniaa; kyxlingg lanw byy iwsig .diyc, mrqycc jitt jiongw simjniaa si junjai ee. muixx jit xee langg longxx u landee, jixvutqyr jiuxqongg :ee byy hxuad qycc amrkamr ar. qitnax ee langg kiokk qycc dir diyc vingjing ee binrdar ziiw. Itvnualangg berdangr horsiong tyxlun jurqiw siongrr diongrsi ee dairjir, qongw cud jurqiw ee simx si zuhyy qamxqag diyc cuiwlec, jiuxqongg :ee hokhun si dirr jitt jiongw vne ee vunxjid, hro dag'ee knuawqnir dongsurjiaw ee kunwqingw, zenau inx ersaih qax zip jitt xee qiongrdongtew --- qaixjiuw hiabhue, camqax tuantew dirliauu.

Qycc si anxjnuaw qongw inx u derr zi jiongw hokkir. In'ui inx ixx dirdecc huehok-diongx ee jiuxqongjiaw, byy zinruii jurqiw ixqingx guanjuann, marr m qongw qaqi bad limx hiongjiuw, si decc qniaa hiongr qenrkongx ee lordoo. Tauwquer jitmaw decc jinwhingg ee "huehok", inx vutduan tecniw jurqiw, huehok ee dingsu iauxx byy qetsog. Guiqix qiwzenn iauxx be quer, qiongrdongtew dyrr byy qaixsnuar ee kyxliong, inx erdangr qra simjniaa vangr kinsangx, hyw hyw qra guiqix dngxjuanw jniajyr iongxqia ee simliw.

Guaw uirr "FOUNDATION FOR COMMUNITY ENCOURAGEMENT" jitt xee qiqimhue qangjog, duw diyc siongrr qehciuw ee bunrdee si hiongr langg' qaixsueh qiqimhue ee lueriongg. Jixu camqax quer jap-zi vorsor qewue ee langg jid'err tniax dy' sui' liauxqaiw, in'ui dirr inx ee binrjingg, guaw ersaih qongw, anne ee jojid guaw hibang erdangr qra langg qongw, byy su'iaur jniajyr limx hiongjiuw :ee, byy su'iaur danw guiqix cuthen, dyrr erdangr hingsingg qiongrdongtew ; qycc jinr jit vo, sniu beh qra langg qongw, lanw ixqingx ham zip guiqix ar.

SIMLIW SINGX JUNXVI

Dirr Bixqog jitt xee qandna' jaix huepiah tongwkow ee bunhuar nirr, duiww simliw qenrkongx py diyc jin' qiquair ee taiwdo. Bixqog langg zinruii, simliw qenrkongx ee digdingx dyrr si byy guiqix junjai. Jex juadduir m si simliw qenrkongx ee henrsiong! Qenrkongx simliw siongrr dua ee digdingx si, jaw dyrr junxvi binrduir guiqix ee linglik.

Qinrlaii "guiqix" jniajyr liuhingg bingsuu, vixzuu langg langg decc dramm dionglenn guiqix. Mrqycc jaw dirr jitt xee bingsuu cuthen jingg, gunw dyrr qongw luxsingr u dionglenn guiqix --- qinglenn-qrii, jerje go-jap-gua huer daqingx ee luxsingr, e qamxqag jauluan, m jaix beh anxjnuaw kacc hyw. Cuwbi ee si, m si muixx jit xee luxsingr longxx si anne, guaw erdangr qra liw qongw uirsniaxmic.

Jit xee simliw qenrjuann ee luxsingr be dirr go-jap-gua huer sii, ham zip daqingx duar laii ee dionglenn guiqix, ix itsingx cuxliw quer jerje vaiw siyw guiqix ee qinggiam. Vixzuu, ix zi-lak huer sii, jurqiw jiyr qniar, huathen bagjiubuew u ziauhunn dirbecc cuthen ee hxingg, jitt sii ix e qra qaqi qongw "HOLLYWOOD cue sinx langg guaw si byy hxun ar!" jap dxangx au, siongrr sewhanr ee qniaw kir tak iuwdirhngg, ix e sniu "guaw rair qra siqanx he dirr jurqiw ee srinx-siong ar, m hyw qandna' jiauwqor ginxaw." Anne ee jit xee luxsingr qaur liauw go-jap-gua huer, ix jurzenn dyrr jaix beh anxjnuaw qniaa quer tingqingx-qrii, duliauw kiw cinwnah quiw vaiw, ix byy qitnax ee huanlyw, in'ui zi-jap dxangx jingg ixqingx qaixquad quer daqingx ee bunrdee ar.

E cud bunrdee ee luxsingr si hitt jiongw itdit iauxx decc danw bingsingx bang :ee, duiww qabu ixgau ee sewqair itdit byy vue'iongw cud hingwcur ee langg. Go-jap-gua huer, daqingx ar, kacc je ee hunw marr buah be quer bin ee ziauhunn, qniaxzii liogsiok likuix, lauu .lyc .laii ee si kangx cur, iauxx u jit dua kangx ee kangx simlingg, ix dongr be diauu vxangx .kir si iwliau ee dairjir.

Dionglenn guiqix dirr javox :ee marr qangkuanw poxpenr/giamdiong. Byy zuarr quw jingg, guaw jiacc qinglik quer derr snax dxo ee dionglenn guiqix, ui' jap-go huer ixlaii, guaw m bad qamxqag jiacc sitjir, jitt xee quewdingg jin' qankow. Guaw qandna' sniu beh qiongdiau jit qnia su, byy hunx lamm/ luw, nriuu simliw qenrkongx ee viaujunw, m si lanw zuarr u vanrhuad quipiah guiqix, si liongrjaw binrduir guiqix, dongsii qniaa hiongr xe huee beh laii ee guiqix, kyxlingg marr ersaih qongw, langg ee itsingx erdangr dre zuarr je guiqix.

GUIQIX SI KIXDIAMW

Qiongviksingr ee hiwqiokhuar cniurr hongsinn ee kinghiongr, si jit jiongw hanxqnir qycc hai langg jin' cimx ee simliw sitdiauu, iokk 1% ee Bixqoklangg u jitt jiongw bunrdee, inx suisii dyrr decc cue ciwqig. Iauxx u jit jiongw qyckacc dua ee simliw sitdiauu, 95% ee Bixqoklangg jauw be quer ix ee ingxhiongw, hex si inx ee sing'uac sniu' kiamr hiwqiog bi, qui' zit hohun quer zidjiw, sniwmia ee diongriaur vunxjid uanjuann byy qakgno.

Lanw jin' su'iaur hro kia dirr guiqix snuatauu ee langg qaix u ee jungiamm, soxui guiqix si mow quiw jiongw sitjir ham' itcer hingsid ee junjai tongwkow. Jixu tauwquer jiaxee qankow ham' guiqix, lanw jiacc e singdiongw. Camqax qexmiaa qaixjiuw hiabhue ee langg, inx si kia dirr jiamrr huehok ee jongtair, sing'uac si itdit uicii dirr guiqix ee siwjiuuii. Inx horjo habjog, sikingr dngqii ee guiqix sing'uac, qiongrdongtew dyrr si anne unrjog.

Guaw ersaih qra liw qongw qiongrdongtew si anxjnuaw jit huesu, mrqycc guaw byy hxuad hro liw texhue qiongrdongtew ee qamxqag. Jit qrunn langg uii jit lenr jre jywhuew damlun bogbingqimiau ee quaiwsu, jiaxee langg horsiong duiwue, u sii kaur jywhuew, u sii jywhuew ciyr, sinkux /ciuw camx jywhuew kinx kinx viauxdat cud inx horsiong ee anuir, iacc si draur hnuahiw, sanxsingx hordong ee hongsid kuriuw jit jiongw digjid, duar diyc sinqii ee ligliong, hro quewlo ee cnihunlangg byy diwqag .diyc dyrr virr kipinw quer .laii. Jex dyrr cniurr huepangx vutdix-vutqag dauc dauc tnuar.cud .kir, bidpangx dyrr duer pangbi laii cue kuix huex ee soxjai. Dag'ee kaisiw qongw, "guaw m jaix jex si sniaw, mrqycc guaw beh qazip."

Gunw bad dirr jit qingx setvi jin' kiapsir ee luxquanw nirr, vran quer genxtyw zuhyy singlip qiongrdongtew ee qangjokqingx, hogburdaii ee jiaptairguann ham' cingsaur :ee digvet jauw laii qongw "guaw m jaix linw si decc congr sniaw, mrqycc guaw snax diamw vnuar harvanx, qamxx ersaih qazip?" soxiw guaw duiww qiongrdongtew ee huatdenw u quaw qaiwliam.

Guaw siongsinr, zi-jap sewqiw siongrr uixdai, siongrr jikqik ingwhau ee jit qnia su, kyxlingg si 1935 nii, BEER ham' BOB isux dirr OHIO,AKRON lenhap vran derr id dniuu qexmiaa qaixjiuw hiabhue ee jurhue. Jex m na si jurqiur unrdong ee kaisiw, marr si kyhak ham' simlingg dirr cauxqinx jancur jingxhap ee kaisiw, hencud qiongrdongtew unrdong ee zedlet huatdenw.

Guaw e zinruii jniurpiah si jit jiongw sinsingr vnerjingr, iauxx u qitnax lixiuu. guaw ham' qexmiaa qaixjiuw hiabhue ee vingiuw jywhuew sii, jongw e dadsingg jit hxang qetlun : siongrder kyxlingg diauqangx congwjy jiuxqongg ee bunrdee, hro inx u qihue singlip, tuiqongw qiongrdongtew unrdong, hro jniajyr soxu jiuxqongg :ee, jniurpiah :ee, simrjiww juann zinlui ee qiuwsiok.

huedngw tauu iac