inghiongg lo -8
Bunchhai huan'ik
The Master of Two Worlds
NNG XEE SEWQAIR EE DAIRSUX
Henrdai inghiongg iongxqamw jiapsiu ciauuadjiaw ee diauwhuanr, jauxcue hitt xee e qiuwsiok lanw juantew snewmia ee qywtew.
Inx be/ marr berdangr qanxdna' danxtai siarhue e cniurr juaa jurqiw tngwkag hitt ngiu jurdong tuad driau qiaugno/ qniahniaa/ hablixhuar amtamx/ ut'auw sinsingr ee jingsinn.
Inx qaix cniurr NIETZSCHE soxx qongw “zinrjinx uac, cniurr dagg zit dy' si juewau jit zit hitt ngiu.”
Inghiongg inxdy siarhue/ congwjy siarhue; m si siarhue cua cud congwjyrsingr ee inghiongg.
Incuw, lanw miuxx jit xee langg dy' rair qingquer hitt xee siongrr dua ee kyxgiam: dirr qywzinn juadbang ee diamrjing-diongx pnai kiw qiuwsiok ee sibzirqer; m si danw qaur vorlok uixdai singwli ee qongbingg hitt sikig.
-------- Campbell, <Cingbin Inghiongg>
Dirr zinsingx zidqngx jiamrr siauter ee honghunx qaidnua, CAMPBELEE hiangxsiu dog'iuw hongqeh ee hagjiaw ingqngx, hiongr jit qrunn qycc jit qrunn rig laii ee tniajiongr enxqangw/ dirr siuimqix hongwsangr/ bymee-byzit uansingg ix juewau siaxjog qewue : sir duarvo ee <Sewqair Sinue Ligsuw Derdoo (THE HISTORICAL ATLAS OF WORLD MYTHOLOGOY)>. Jitt xee juxdee jaw dirr tak genxqiuwsow sii dyrr hingsingg, dongsii sniu beh siaw jyr <AN OUTLINE OF EVERYTHING>, mrqyxx byy uansingg.
1983 nii qingquer jit jua sinx ceh sunhuee suantuann au, jaiww dxo dauzip siaxjog, qib beh viauxdat cud sinue ee iwgi/ qinguann cimhuar ee sukyw, 1986 nii jiacc laii cutvauw < THE INNER REACHES OF OUTER SPACE; MYTH AS METAPHOR AND AS RELIGION>. CAMPBELL zinruii guartaiwkongx ham' luertaiwkongx (zinlui simlingg cimjann) si qangrkuanw huatjig ee sniurhuad, qycc jixcud, henrdai siongrr u kyxlingg uirr lanw congwjy cud juann sinx sinue ee langg si gersudqax. Anne ee sinue, jiong' si juann zinlui ee sinue, jonghap kyhak/ jingsinn.
1987 nii zi-guec, ix jyr juxqag ee qiwlogpnir --- <THE HERO'S JOURENY: THE WORLD OF JOSEPH CAMPBELL>, dirr NEW YORK Henrdai Gersut Pokbudquanw derr id crur vnuaenw/ sir qywguec au dirr sehnua HOLLYWOOD dyrenxhiabhue vnuax, jitt vaiw CAMPBELL ham' kanciuw JEAN derr id crur dirr qongkaix dniuhap quansiongw jitt vxo qiwlogpnir. Denrngiaw vywsangr au ee tyxlunrhue, si CAMPBELL jitt siwlangg dywsngr derr zi vaiw qongkaix huatgenn.
Bly : Zuqyw liw jurr jaw dyrr u denrnauw, e hro liw singw jerje cue juliau ee siqanx, liw sniu, duiww liw ee qangjog e u sniaw byy qang?
Campbell : narr qongxx jit kaisiw siaxjog/ knuar ceh/ jyr vitqir dyrr iong denrnauw, anne ... guaw jitmaw u e dongwanr... jit, nng, snax, sir, go, lak, cid, veh, qauw, jap, jip-id, jip-zi, jap-snax, driyc! Longxjongw jap-snax qxui, longxx si viaujunw quiqeh ee dongwanwqui, lairbin bat ~ ~ si guaw jyr ee vitqir. Zuqyw u denrnauw, guaw su'iaur ee vitqir sui' cue .diyc. Jitmaw suacc byy jiacc hongven, rair tauwquer qiwig, sniu cud iokliok kngr dirr dyc'ui, jiacc dangx-saix-lamm-vag ciaux cud laii. Ersaih qongw, guaw ee vitqir dy' dimm dirr dongwanwqui-lai, jex si ixjingg byy denrnauw ui'id sunxsid.
Danrsi duiww guaw qongw, jinjniar diongriaur :ee m si juliau vunxsinx, si soxx kan'inw kiw laii ee hue'ig, qra guaw cua dngw kir hitt xee soxx lrauu cud laii ee siongxsiong/ qinggiam sewqair, qamxqag cniurr coluann jingzinn. Hex m si dansunn juliau erdangr hro liw :ee. Jerje juliau lueriongg guaw dy' qir diauu lehh, cue cud laii ee bogdig jixsirr beh jaix ui' dycc jit vunw ceh ee dycc jit iac.
Itdit qaur go lexvair jingg, guaw siaw ee itcer dy' si kyr qngwvid/ envid siaw lyc laii ee. Jitmaw guaw knuar denrnauw sii, simlai sniu, uaa! Jex viw envid quir zuarr je vxue lehh! Jinjniar quir! Marr jniawqangw e jyr jerje dairjir! Ban ~ qra guaw kib .quer .kir, hex si jit xee qibiau mosut ee sewqair! Jiacc cuwbi ee siyw mihqnia, erdangr jyr hiacc je ee dairjir, cniurr lairbin cangr jerje siyw iaujniax.
Bly : E qir .did liw qongw quer jit xee jin' janw ee qowsu, iuxquanx EISENHOWER ham' denrnauw.
Campbell : ar! Hnor! Hitt xee iuxquanx EISENHOWER :ee. Lanw kaisiw iwsig diyc denrnauw ee diongriauwsingr si EISENHOWER jyr jongxtongw ee sidai. Qowsu qongw ix qniaa zip jit qingx longxjongw he denrnauw ee vangqingx-lai, dirr zirvnuaa dingw suzip jit xee bunrdee “siongder qamxx u dilehh?”
Denrnauw kaisiw unrjuanw, sinwhyrdingx siamw byy tingg, juduar juanw byy hiyh, juewau jit xee sniax ui' denrnauw huah cud laii “jiax u jit xee.” Jiauww anne qongw, guaw cecvangg dnaxx marr u jit xee siongrder lor! Guaw duiww sinbingg ee diwsig vutjiw honghur, jixiaur jit xee hing'uii/ dongrjog dyrr erdangr pnuawduan cud si jnuaxngiu ee sinn. Ui' guaw denrnauw ee unrjog hongsid, jaix Ix si <Quriog> ee siongrder, jit dua dxuix quijig/ be cunqiux/ byy dongjingsimx. Narr hro liac diyc vaiwlak decc kiyh caa, jixu sixlo jit diauu.
Cousineau: Qamxx u qra liw ee denrnauw hy miaa?
Campbell : Ha! IBM pair jit xee siauwlenn luxsingr ter guaw jrngx nngxtew, ix knuar quer guaw siaw ee quiw vunw ceh, jaix guaw su'iaur sniaw, uirr guaw setqer jin' suiw ee jixling (PROGRAM), qra dairjir longxx jyr hyw au, mng qongw “ liw sniu beh qra denrnauw hy sniaw miaa?” hro guaw cuah jit diyy.
Guaw sniu .jit .xe, qongw “PARZIVAL”, in'ui guaw zinruii PARZIVAL si sehongx inghiongg siongrr cutvan :ee, dirr ix srinx-siong, lanw knuar diyc jit xee ciuauat jip'id/ hiongr juvix packuix jurqiw simhing ee bohuan.
Dongzenn “ix (jriw denrnauw)” si byy juvix simdngg or.
Cousineau: PARZIVAL ham' liw ee denrnauw qycc u sniaw quanhe?
Campbell : PARZIVAL uirr jauxcue singwvuex sniavyw, l.-laihuee-h. jauw quixarr jua, singwvuex sniavyw naxx mosinn-aw, cuthen .jit .xe, sui' qycc byy .kir.
Guaw ee denrnauw cniurr singwvuex sniavyw, jerje sihau, guaw zinruii caujog vorsor uanjuann jingwkag, marr e m tniax ue, danw guaw qang dongrjog qycc jyr jit vaiw, jiacc quaix ~ tniax ue. Denrnauw cniurr venr mosut ee lingxhik. Guaw rair ban ~ bongx cud laii, jiacc e jiangxag ix ee jingwkag quijig. Lingrgua jit quaw guaw sniu denrnauw cniurr sinue qaksig hiaxee ARABIAN buxsu/ qxanx-aw lai ee quixjnix, inx e ter liw jyr jerje kangkuer, marr jin' qanjar, kyxlingg e tyw liw ee mia.
UI' KIONGXVOR EE LIGSUW BANG-DIONGX JINGSINN
Cockrell : Dirr bogjingg zinsingx qaidnua, iauxx u sniaw si liw sniu beh dadsingg :ee?
Campbell : Sniu beh jyr :ee jixsirr hiangxsiu zinsingx. Guaw cniurr jit jiah sraiw dngw laii qangxkauw ee junn. E qir .did ixjingg jre junn luxhingg ee qamxqag : dagg vaiw qaur votauu, air knuar siwjiuuii ee qingxdir, jongw .si qamxqag simsinn susongw. Jex si guaw jitmaw ee simjniaa.
Zuxx laii zuxx qamxqag, Inwdorlangg zinruii qaur nilau ingwqaix kiwsag jurqiw, jin' si vutdikliauw ee qenwqaiw. Langg narr urhuer ar, erdangr hongwkir duiqiuu itcer, jixsirr uac dirr jitt sii jitt kig, qra muixx jitt sii dongwjyr siongrr diongriaur ee sijun. In'ui rair jyr :ee longxx jyr quer ar, zinsingx ixqingx jyr liauw qetlun, cuxau jaiww qex kiw kir zimrhyy ee mic, dy' qandna' si juwqaiw ziiw.
Guaw byy zinruii guaw jitt xee huewsor qycc qaix kir jyr juwqaiw ee dairjir. Qandna' sniu beh hyw ~ hiangxsiu ixqingx jurgnow sidhen ee zinsingx, si jurgnow uansingg ee sikig, ciongsit qycc bixle.
U langg mng “ liw qamxx byy sniu beh venr kacc jiyw huer?”
“Sniu, sniu beh venr dngw kir cid-jap-id huer.”
Guaw si byy air itcer ui' tauu qycc laii .quer.
Cockrell : Hueqor qniaa .quer ee lo, liw e zinruii dycc quaw langg duiww liw ee kexsi siongrr dua? Guaw jaix SPENGLER (1880-1936) duiww liw u jin' dua ee ingxhiongw ...
Campbell : byy cyr! Tak SPENGLER ee ceh ciwqig guaw zinsingx diwhui ee guiqiqamw.
Cockrell : SPENGLER kexsi liauw liw sniaw? Hro liw sniaw ingxhiongw?
Campbell : ix hro guaw bingliauw siarhue cniurr jit xee iuxqitew, singdiongw/ jongrdai/ vangvai, longxx berdangr piacbenw :ee. Siarhue huatdenw cniurr zinsingx, u siauwlenn/ jongwlenn/ laurlenn/ uaxqaiw qaidnua, muixx jit xee qaidnua, dy' u byy qang ee diongrdiamw. Liw ersaih qongw si juanxvenr, huanxngiar cud ee si jingsinn lingliong ui' ong dngw ziok.
Dnaxx jitt xee nihuer, kaisiw erdangr texgiam ixjaw qandna' kangcuir-vorjic/ byy sidjid texgiam ee dairjir. Hex si snewmia-diongx lingliong/ jitliong ee vixle bunrdee. Liw knuar diyc ginxaw iong inx juanvo lingliong jauw laii jauw kir. Jitmaw druar dirr HONOLULU, lai'ongw :ee longxx urhuer ee, jex hro guaw iwsig diyc gunw jiaxee laurlangg ee jitliong u zuarr dua lehh! Lingliong qycc zuarr jiyw! Qangrkuanw ee dairjir marr huatsingx dirr lanw siarhue: jitliong jin' dua, kiokk kiamr hro jiaxee jitliong uac kiw laii ee lingliong.
SPENGLER lingrgua daddid ylyw :ee, si ix u qik qiongg ee didquanx linglik. Ix knuar e diyc dagg zit jiamrr e huatsingx dirr lanw jingsinn/ bunhuar sing'uac nirr ee dairjir. Derr id vaiw tak ix ee ceh si 1932 nii, li henrjai go-jap dxangx ar, jitt dnxua siqanx ixlaii soxx huatsingx ee dairjir, cavutdyx dagg hxang jiauww ix qongw ee sunrsi jniajyr sursit.
Cockrell : Suibongw nilau e hro liw sitkir mow quaw mic, marr hro liw did diyc vuevow ...
Campbell : driyc! Vow liw jerje.
Cockrell : Dnaxx birlaii duiww liw byy qycc hiacc diongriaur, jitmaw liw ixx jurlaii byy qinggiam .quer ee uahlik henr cud laii.
Campbell : siauwlenlangg soxx jyr :ee muixx jit xee quatding dy' si quanhe zinsingx ee quatding. Jinjnair si anne. Suiwbongw jixsirr jit xee siyw ~ ee quatding, ingxhiongw cim'uanw, cniurr juiw jit kaisiw lrauu ee sii, si uaw dywvingg/ iacc si penx jniawvingg lak ingcunr, juewau ee qetqyw si dua byy qang. Incuw, siauwlenn sii soxx jyr ee muixx jit qnia su, dy' e ingxhiongw snewmia jauxhiongr. Vutqyr, dng' liw qaur liauw jit xee byy zuarr je birlaii ee nihuer, beh air :ee ixqingx vniar .quer ar, be uirr sing'uac ziog dangx jauw saix, jitt sii simlingg ankngr dirr honghur sing'uac qinggiam-diongx qapp jitt sii jitt kig, uirr sing'uac decc sing'uac.
Qik hyw ee qinggiam!
Guaw zinruii, langg ui' jin' jaw kaisiw dyrr qaix sewzi/ quawir diongsit duiwtai jurqiw. Guaw jurqiw jyr le, huathen jixiaur jyr liauw jit qnia u jit diamw aw uivue simjingg ee dairjir, dyrr kaisiw qruar dirr simqnuatauu, tausingx kyxlingg qamxsiu be diyc, mrqyxx liw ee diongsit jaxban e hro inx puu cud laii. Jex m si e hro langg kinsangx ee dairjir. Gauw qamxqag soxui lenrgik/ dergak, si huesiongw diyc liw jyr liauw vutqaix jyr ee dairjir.
Cockrell : Sinue erdangr duiww jitmaw jitt xee jiacc jerdingg huelee ee sewqair u sniaw vangjan?
Campbell : Liw jaxjingg mng quer vywjuaw ee bunrdee, guaw qamxqag ham' jitmaw liw mng :ee u kangai. Lanw dongdai jitt xee sewqair siongrr su'iaur :ee, si qex jit diamw diamw aw ee jinsingg. Vywjuaw vutqaix uirr bre kacc je ee bogdig sailong/ buxlang cnecybi ee dejaii.
Dnaxx liw e dirr vywjuaw-dingw tak diyc puepnuar Lamhuix Ovec jingxjok qecli jingwcig, kiokk knuar be diyc damlun Bixqog guanjurbinn jongrhongw/ qongw lanw ixjingg ham' jitmaw si jnuaxngiu duiwtai inx. Lanw juwir diyc cuwvnix ganxdiongx ee cxir, kiokk knuar byy jurqiw bagjiux-lai ee nxiuu; dirr sewqair bunbingsuw, lanw soxx jauxjingx kir :ee, si byy langg ngiaa e quer ee. Bixqog ee guanjurbinn, qaur dnaxx iuguann si zirdingw qongbinn, inx kyxlenn ee cuxqingw si lanw jyrsingg :ee. Guaw knuar byy hiaxee u jiwkir ee siauwlenlangg, u dycc jit xee qensimx quat'ir pacvniar beh laii hingg INDIANS ee qongvnee duiwtai.
Cockrell : JOYCE qongw quer “ligsuw si kiongxvor ee bang, guaw jin soxu ee kuiwlat uirr beh ui' qidiongx jingsinn quer laii.”
Campbell : Lanw byy hxuad ixx lixsingr sag dinxdang bang, kiongxvor/ qniahniaa ee bangrqingw, duxhyw si ligsuw ee vunxjid, zuqyw iong YOGA SUTRA ee CAKRAS hertongw laii qaiwding, anne ligsuw sriok cimliogsingr ee MANIPURA : sniu beh bog langg', qa'ngg truix jit dxngr aw covaw lehh, jex si ligsuw ee kixguann/ quixdy.
VANGR KINSANGX JIAPSIU SINX TEXGIAM EE QIHUE
Cockrell : Liw zinruii, duiww juann sewqair ee langg laii qongw, sinue siongrr dinquir ee soxjai dirr dycc? Duiww hiaxee qriuu jurgnow uansingg ee langg, inx siongrr dinquir :ee qycc si dycc?
Campbell : Sinue rair tauwquer gisid jiacc erdangr jingxhap qaur snewmia-lai. Jit xee sidai siongrr su'iaur gisithuar ee mic, si duiww hitt xee sidai sing'uac siongrr vunxjid ee. Zyqyw liw sniu beh dirr henrdai sewqair qra jit xee sinue quanjiaur cua zip hingdong, liw rair jaix dycc quaw mic duiww sing'uac si vunxjitsingr :ee, dycc quaw si pubin :ee. Vutqyr jurr Qurjiyhkir ixlaii, zinsingx ee vunxjid byy qaixvenr .quer : jiahmic/ tnuawjingw aurdai/ ginxaw/ duarhanr singzinn/ lau .kir. Liw rair liauxqaiw, jiaxee dairjir vingrr m si hnuahiw/ qac'ir ee bunrdee, jixsirr tauwquer liw laii texhen singbudsingr sursit ee dairgenzinn, soxx binrduir ee taiwdo si simqamx.-jingguan iacc si m qamguan, ingxhiongw liw sing'uac jiong' e dua byy qang.
Ixx nilau laii qongw, sniu beh qra siauwlenn liac diauu ~ , itdit beh dngw kir zi-jap nii jingg, hex si longrhuir kuiwlat, qex liauw qangx ziiw, rair jiapsiu liw jiamrr lau ee sursit, qycc cue cud qidongx ee hongsing. Zuqyw liw jip'id qu mic m vangr, dyrr e sitkir texgiam sinx mic ee qihue. Dirr tuantongw siarhue, kyxvixqongxx Inwdo, zinsingx byy qang qaidnua si viauhy qaxx c.-cingcyw-c., u sii jit xee langg dac zip lingrgua jit xee zinsingx kamxjam sii, simrjiww lenrr miaa dyrr qaiw driau.
Lingrgua jit diamw bersaih be qir .did, zuqyw liw si jit xee jingwhuw qnuaguann iacc si mow jit xee lingxhik ee lingxdyrzinn, liw vingrr m si dairviauw jurqiw decc hingdong. Huatqnuax qniaa zip huatdingg, soxu ee langg dyrr e kia kiw laii. Dag'ee anne jyr, vingrr m si uirr hiongr huatqnuax hitt xee langg diwir, si hiongr ix soxx dairviauw :ee, qinqir qaksig hingdong/ sing'uac, liw dyrr iongxiuw jit xee sinue ee qinqix.
Qywzinjuxgi si jit xee hyw mic, danrsi jendee si qywzinn rair bingvik, inx ee jonggiamm laijurr inx soxx siongrdingx ee surbut. Qacc si inx soxx siongrdingx :ee, si jit xee sewqair qitnax soxjai soxx byy ee qewdat/ iwsiong hertongw, iuguann si dairlixzinn, jit xee henxhen. Narr qongxx muixx jit xee qywzinn dy' jixsirr uirr jurqiw/qadingg/ simrjiww mow jit xee siyw tuantew ee lxi, anne qywzinjuxgi soxx jah laii ee hiyrqyw jixu jit zri “luan”.
Sinue virr juanxjyr gisid au, dyrr kuriuw qra mow huanruii lai ee langg jojid kiw laii ee linglik. Qongw qaur jiax, linw qaix erdangr knuar cud, dnaxx sewqair uirsniaw e hamrzip jiacc hunwluan. Cniaxmng jitmaw jinjniar ee siarhue dniusow dirr dycc? Si juann sewqair. Danrsi lanw kiokk knuar byy dycc jit xee hingdong hertongw si ixx juann sewqair ee hingrhog jyr cuthuatdiamw. Muixx jit xee hingdong dy' si qruix dirr mow xee lirig tuantew. Lanw siongrr su'iaur :ee, si vywjuaw/ qitnax muitew e hro lanw sanxsingx, jurqiw si zinlui juantew jit hunrjuw ee iwsig. Guaw zinruii, jex juadduir siongrr diongriaur :ee.
SINUE EE JOK'IONG
Cousineau : Liw ixqingx cimzip suecbingg sinue genxqiur erdangr uirr qywzinn cua laii sniaw, dongsii lanw marr tyxlun quer sinue duiww gersudqax/ hagjiaw/ kyhagqax duar laii sniaw ingxhiongw. Anne ginxaw/ siauwlenn hagsingx qaix zuhyy? Guaw jaix quiw nii jingg liw ham' BLY sriu iaucniaw kir NORTH DAKOTA camqax jit xee qauwiok huergi, juxdee quanhe 2000 A.C. :ee. Liw qenwgi, sinue si berdangr byy ee kywdingg. Guaw sniu beh cniaxmng, liw zinruii ginxaw jurr sewhanr jiapsiu sinue hongsid ee sukyw hunwlen, duiww siarhue juantew e u sniaxngiu ingxhiongw?
Campbell : ginxaw tak sinue jit diamw, si benw huaigii, e qaixvenr inx sing'uac/ duiww zinisngx ee tairdo. Ginxaw si birlaii siarhue ee juxlangg, danw jiaxee ginxaw duarhanr au, lanw jitt xee siarhue ee qongbinn, jiong' be qandna' uac dirr duiqiuu viauxbin/ uac dirr lixsingr/ qor snax dxngr ... soxx zinrding u qewdat ee surbut, dendyww inx e kir jauxcue jit quaw kacc cimzip/ u luerjai qewdat :ee.
Moxjiongw luirsu ee tairdo ixqingx ui' huanw uadjenr unrdong nirr sanxsingx cud laii ar. Guaw cinsinx qinglik quer jit sewqiw ee jenwjingx, muixx jit vaiw qetsog, did diyc :ee jixsirr sitbang. Kia quann xui ee langg qra lanw qongw, mow jit dniuu jenwjingx u sniaw iwgi, qinvunw m si anne. Duiwdik dinrngiaa qangrkuanw u inx lingrgua jit tyr kia e jai ee lixiuu. Lanw ixqingx kaisiw bingliauw, qaix kiwsag jitt jiongw vnertair ee siauxqongg, juanw laii qriuu kacc cim'uanw ee qewdat.
Lingrgua jit xee daddid lanw hnuahiw ee henrsiong si kuanvyw unrdong puu cud laii. Langg ee sing'uac si li be kuix jurzenn. Lanw bersaih py diyc jinghok simtair duiwtai jurzenn (jex si <Singwqingx> ee simtair), rair uac dirr jurzenn-diongx.
------------------------------------------------
u jit vaiw guaw dirr OREGON ee EUGENE qangxenw, dramm diyc DANTE duiww qywzinn qokk qaidnua ee knuawhuad. Qetsog au, u jit xui siauwlenn luxsu qniaa quer laii qra guaw qongw “ CAMPBELL poksu, liw byy liauxqaiw, lanw jitmaw dy' si ui' iuwzii didtangr diwhui.” “hex jin' hyw, ui'id kyxsiyh :ee si byy duw diyc zinsingx.” guaw anne dab.
--------------Campbell ------------
Cousineau : Dirr huergi-diongx, liw qenwgi liauw sniaw kywdingg?
Campbell : Dirr S. LAWRENCE qar ceh sii, guaw kuix sinuerhak, si hudsimx kywdingg, ham' hagngi nirr muixx jit kxyr dy' u kanlenn/ u siongquansingr, si siongrr sriu huangingg :ee, guaw erdangr knuawcud, honghur liauw hagsingx inx suilangg genxqiur kywdee ee lixqaiw.
Muixx jit xee langg dy' e zinruii jurqiw ee kxyr si siongrr janw ee. Guaw marr zinruii guaw ee sinue siongrr janw! Uirr id nii sinsingx kuix iuxquanx sinue guanhingg ee kxyr, hex si jin' bixhyw ee kxyr.
JIAPLAP QINGGIAM
Cousineau : Lanw bunhuar e qniaa penx .kir, si m si ham' lanw byy qycc u qiongrtongx ee qowsu/ sinue? Jitt diamw, liw zinruii qamxx u kyxlingg tauwqeur henrdai muitew laii qaixsen? Zuqyw <STAR WARS> dirr THAILAND ee ciurnaa-lai/ PHILIPPINES ee jngtauu vywsangr, duiww inx tuantongw u sniaw ingxhiongw?
Campbell : Guaw duiww lanw bogjingg cuxqingw ee sniurhuad uanjuann si siarhuerhagsid. Muixx jit xee sinue ee qowsingg, dy' si uirr hokbu mow digding siarhue/ muixx jit xee langg dy' si dirr itding ee qaiwhan-lai singdiongw. Incuw, jit xee sinue si m si erdangr vauhamm hiaxee lanw dirr mow jit xee siarhue/ huanruii ee sing'uac qinggiam, quatding si m si kuriuw uahlat ee guansor, si m si e duiww qywzinn kiw jok'iong.
Sinue berdangr cniurr siongpinw guarsiaux vadd qog, m quanw si siqanx iacc si kongqanx. Jex si lanw <Singwqingx> tuantongw e hamrzip lorqomuaii ee guan'inx, soxx sanxsingx ee siarhue jojid qetqor, uanjuann ham' lanw jitmaw :ee tuatjed, soxiw byy kyxlingg uirr lanw simlingg hogbu. Byy tauwquer qaixsueh, lanw qinvunw byy bingvik decc qongw sniaw. Zuqyw jit qnia gersudpinw ee luerhamm rair qingquer kuipuar jiacc e hro langg liauxqaiw, dyrr be duiww liw kiw jok'iong. Jinjniar gersudpinw si e hro langg sanxsingx “aha!” qinggiam ee, e didjiap qra liw qongw, ix dyrr si liw! Jex marr si sinue berdangr kiamr :ee!
Incuw, lanw jitmaw jurzin si sing'uac dirr qidiongx ee hiaxee sinue, sursit-siong duiww lanw sing'uac si byy jok'ing. Si jitt xee guan'inx jiacc cua cud laii jit dxuix hunwluan/ qinxdniux/ jiaujyx. Muixx jit hxang lanw soxx jyr ee dairjir/ simrjiww lanw snewmia vunxjid, juann dy' si sriu lanw soxx siongsinr ee sinue hiyxding. Muixx jit xee jurzenn hing'uii dy' virr dongwjyr jue ee hing'uii, duhuix qingquer sexlew/ quaclew, jex si qabuu snewmia, e u anne ee su, si in'ui lanw jitmaw soxx jiangxag ee lixsiongw, dy' m si ui' lanw snewmia-diongx cud laii. NIETZSCHE dirr <THE WILL TO POWER> qongw .diyc, soxu jitt lui ee lixsiongw dy' qaix qirjuat/ vaitik, in'ui inx e joxdongr snewmiarlat. Linw qamxx u bingvik? Lixsiongw qandna' e ui' qinggiam-diongx sanxsingx.
Jex si gersudqax ee qonglingg : jiaplap qinggiam. Kixjy sinue sii rair mng ee bunrdee si, liw qruix dirr dycc jit xee siarhue? Henrjai, ui'id iuxhau siarhue qanxdna' erdangr si juann sewqair, mrqyxx lanw knuar diyc :ee, kiokk si muixx jit xee langg qiux dirr ser ~ quntew-lai, byy langg u iongxkir iong juann zinlui ee quandiamw laii knuar dairjir. Sinue qivunw juxdee si be venr, birlaii jit-vah dxangx-lai, sinue juxdee iuguann ham' quewkir sir-cingx nii qang. Vutqyr, lingrgua jit bin, lanw siarhue ee cuxqingw si e qaixvenr, jiauww jitmaw laii knuar e hiongr jit xee dan'id qiongrdongtew jinwhuar, jurzenn/ kyhak ee diwsig marr e venr, incuw, sinx sinue rair dongsii jiauwqor diyc jitt nng bin. Iong sir-cingx nii jingg soxx zinrding driyc ee kyhagquanx kixjy ee sinue, jit diamw aw dyrr byy loriong.
-------------------------------------------
Quiw nii jingg, NORTH DAKOTA dairjuanx haghau cniaw JOSEPH ham' guaw hro inx jit quaw 2000 A.C. ee kywdingg setqer qenwgi. CAMPBELL viauxsi, sinue ingwqaix he dirr kywdingg ee diongsimx uirdir, in'ui sinue (cniurr uanxqow sidai hitt ngiu) si ui'id erdangr lenqed kyhak/ zinbunn :ee.
Gunw qenwgi qaix hro muixx jit xee id nii sinsingx tak snax-jap ~ sir-jap xee sinue. Zenau inx erdangr suanw qidiongx jit xee sinue. Jex si gunw qivunw jit xee sniurhuad, langg u kyxlingg in'ui m bad jnuaxngiu tak sinue, diwsuw jurqiw suizenn sing'uac dirr jit xee sinue-lai kiokk m jaix. U iwsig ee sing'uac dirr moxjiongxmic-diongx, ham' sing'uac dirr amwiwsig u jin' dua cavet.
Zenau, hagsingx ersaih suanw jit xee siongrr kip'inw inx ee sinue, knuar inx jurqiw u zuarr dua tingdo, dirr dairhak sing'uac qiqanx e dirr jitt xee sinue-lai, zircniaw jitt xee sinue qycc u zuarr dua tingdo si uac dirr inx lairbin. Jitt jiongw jywhuad, qangrkuanw e hro kyhagqax did diyc hyxcur, in'ui kyxlingg inx ee amwiwsig si uac dirr jitt xee sinue nirr, jurqiw kiokk m jaix.
----- Robert Bly, ESALEN, 1982
YWVIR DIRR LIW SRINX-SIONG
Favrot : liw zinruii mow qywzinn qamxx erdangr congwjy cud jit xee quntexsingr ee sinue? Qamxx u langg e cniurr Vuddyy hitt ngiu, dan' kyr jurqiw ligliong/ dongrcad, dyrr kyxiw rue cud jit xee jingxqyy binjok soxx jiapsiu ee sinue?
Campbell : iuxquanx sinue ee guantauu, ham' irgenn/ qawsi jiqanx ee quanlenn, si huisiongg hogjap/ jingbit. Guaw byy zinruii guaw qongw :ee, ersaih dongwjyr juewau dingrlun. Jiurr guaw zinruii, sinue laijurr singwjid huisiongg qang ee siyw quntew, muixx jit xee langg dy' u qangrkuanw qinggiam/ luerjai sing'uac.
Vutqyr, jiaxee langg ji'diongx, kiokk u jit quaw digvet iong'i cutsinn/ hongxhud jongrtair, jinwzip jurqiw amwiwsig hertongw. In'ui quntew muixx jit xee langg ee amwiwsig hertongw dy' si luirsu, texgiam diyc ee dairjir qangrkuanw dag diyc vadd langg. Anne ix dyrr e jniajyr quntew ee dyrsux/ dairgenzinn. Duhuix quntew u anne ee langg, narr byy, jinjniar ee quntexsingr sinue dyrr be sanxsingx.
Favrot : liw si qongw, sinue erdangr dausia dirr vuitoo, jiacc u huatdo singdiongw jongrdai?
Campbell : Ingwqaix qongw si ui' vuitoo sanxsingx cud laii, kyr ee si u dongrcatlik cniurr SHAMAN dangqix jilui ee langg huexinw, lag dirr qang jit pxenr vuitoo-dingw, anne dyrr u quntexsingr sinue.
Jitt diamw cavutdyx ui' muixx jit xee sinue hertongw ee kixguann knuar e cud. Iutaiwqair MOSES dirr SINAI Snuax niaw jap-qaiwling ee qowsu jyr le, dng' ix ui' snuax-dingw lyc laii beh qra siongrder ee vywsueh duar hro HEBREW sii, inx sursit-siong ixqingx ham' MOSES qangrkuanw ee simlingg jongrtair! Jinjniar si anne! Hex si jit jiongw sinx ee simtair, ham' kyxlenn ee AARON qapp ix ee qimx guu soxx dairviauw ee qu simtair uanjuann byy qang.
<Singwqingx> qiwjair MOSES lyc snuax sii, bin huad qngx, jex amwsi u vit'iaur sii, MOSES ersaih iong buxlik qra siongrder ee sinwsid tuann cud kir. Qidokqaur si anne tuanzip Aujiux ee.
Vudqaur m si anne. Jaw dirr Vuddyy (iokk 563-483 B.C.) cuthen jingg, Vudqaur susiongw ee jingxjiw, jaw dyrr qamm dirr <UPANISADS> ---hudsimx juxdee si jiongqik ywvir dirr liw lairbin : liw dyrr si ix (TAT TVAM ASI), liw jursinx si ywvir.
Beh jnuaxngiu jiacc cue e diyc ix? U quixarr jiongw honghuad. Vuddyy ee honghuad si qang sidai tecud ee go~lak jiongw qidiongx jit jiongw. Soxiw Vuddyy ee tniajiongr si jit qrunn jaw u susiongw qicow, erdangr liauxqaiw/ jiapsiu qauwgi ee jingingx hunrjuw. Vudqaur si dirr jitt xee qicow-siong jongrdai ee.
Qidokqaur qapp ISLAM tuanquar, si tauwquer voglik jinghok/ qiongvik duiwhongx qaixvenr sinwgiongw. Vudqaur ham' Inwdorqaur ee hongsid si danxtai. Ywvir jaw dyrr dirr liw srinx-siong, jixu danw liw jurqiw kir huathen.
DUARHAIW XE JIT PYX E SANXSINGX SNIAW?
Brown : Jit xee langg rair jnuaxngiu jiacc e jaix jurqiw si kyr sniaw sinue quer zidjiw?
Campbell : Zuqyw liw sniu beh jaix jurqiw kyr sniaw sinue uac, mng liw jurqiw, liw zinrdongg ee quntew si dycc jit xee? Dnaxx lanw qaix hiongr dycc jit cee qiongrdongtew zinrdongg, ixqingx zuxx laii zuxx cingcyw lor. Sewqair venr qaxx jiacc ser/ jiacc u quanlenn, jinjniar ee qiongrdongtew jixu jit xee : sewqair. Danrsi lanw kiokk byy jit xee sinue qra jingxqyy sewqair jywjniaa juxdee. Lanw vikced su'iaur jit xee juantew siarhue (TOTAL SOCIETY), suacc h.-hunluan-l. qiux zip byy qang siyw quntew-lai, cniurr byy qang ee “siongrder suanxbinn (CHOSEN PEOPLE)” quntew/ okuann (BLACK POWER) quntew/ juvunxqax quntew/ lyqangx quntew ... dringw, incuw lanw soxx iongxiuw ee sinue, jixsirr jixhiongr juantew ee jidvorhun, jitt jiongw sinue si dongr byy quw ee.
Favrot : liw qamxx u knuar diyc dycc quaw henrdai sinue dngdecc hingsingg? Iauxx si qongw lanw iuguann sing'uac dirr qu sidai ee sinue-diongx?
Campbell : qandna' erdangr sing'uac dirr qu sidai ee sinue! Qicow quanliam si ingxuanw be vner, inx e itdit ~ ~ suar .lyc .kir.
Bunrdee si inx e uanuad venwhingg. Sinue qaix jnuaxngiu viauxhen cud laii? Gersudqax ee zimrbu si qra ingxuanw ywvir tauwquer dongdai sing'uac-diongx ee snuawsyh kanx cud laii. Mrqyxx henxzenn anne jyr ee gersudqax byy je, JOYCE/ MANN/ PROUST (1871-1922)/ YEATS dy' uirr jex jyr quer loxlik ee langg. Inx duiww henrdairlangg laii qongw, dy' si u dongrcatlik ee sizinn. Guaw zinruii JOYCE ee jokpinw dyrr cniurr Inwdo ee <PURANA> hitt ngiu ee singwceh.
Vutqyr, jit xee sinue beh poxpenwhuar, duliauw erdangr buanxjiog diwsig hunrjuw ee su'iaur ixgua, qycc rair did diyc dairjiongr ee suqiuu. Jit xee jinjniar hyw ee sinue, si erdangr dirr jitt diauu snuar quann ~ qe ~ suaw. Qidokqaur dirr siongrr hyw qaidnua u quer anne ee sinue, Vudqaur ee sinue ithiongr anne. Inx iong'unw liw ixx huisiongg qanxdanx ee jurzenjuxgi hongsid qaixtok, marr erdangr ixx qydo singsik surqor ee hongsid. Dyrr si qongw, liw benw hongwkir ginxaw sii ee sinue, iuguann erdangr drat qaur lingsingr ee quando. Danrsi lanw ee tuantongw nirr, jitt jiongw lensuawsingr ixqingx byy junjai ar.
Arrien: Liw zinruii lanw bunbingg henrjai si dirr dycc jit qaidnua?
Campbell : bunbingg ee snewmiarsuw si jin' cuwbi ee mic, jaxqii bunhuar iacc si GOTHIC bunhuar ee qaidnua, dng' liw qniaa uaw jit xee sniadinr sii, dairsingx knuar .diyc ee mic si inx ee jongqaur diongsimx : dua qauwdngg.
Kacc aurpiah ee jap-lak ~ jap-cid sewqiw, jit xee soxjai siongrr diongriaur ee qenwdiok si ongqiongx.
Henrdai liw qniaa zip jit xee sniaci, knuar diyc sniaw? Sionggiap vanrqongx duarlauu, SALT LAKE Ci siongrr erdangr suatbingg jitt xee henrsiong. Dongcox BRIGHAM YOUNG qowsiongw beh kixjy jit xee jongqaur sniaci : ixx qauwdngg jyr diongsimx, hiongr siwjiuuii hongwsiarhingg denxkuix ee cirdinr. Hex vunxlaii si jit xee jin' suiw ee soxjai, byy zuarr quw au, jit xee dohuerkux dyrr dirr viw qauwdngg kacc quann jit diamw aw ee snuapox laii hingsingg.
Jitmaw, jit uaxqin SALT LAKE sii, knuar diyc siongrr quann ee qenwdiok si vanrqongx duarlauu --- lanw jingxqyy bunbingg ee sok'ngiaw, tauwlo cud lanw ee bunbingg ixqingx qniaa jinrvong ar.
Jin' jurzenn e sniu diyc, jit xee ixqingx qniaa qaur cutbuew ee bunbingg si m si u qycc jaiww cutsir ee kyxlingg. GOETHE siaw quer jit pnix<THE AGE OF SPIRIT> ee bunn, beh cuxliw :ee dyrr si jitt xee bunrdee. Ix zinruii, lanw ee bunbingg e qinglik quiw xee qaidnua, derr id si naxx six ee sinviwjuxgi, derr zi si jongqaur. suar laii si dethak, juewau si “jurzenjuxgirsid ee snuawbunn” qaidnua. Bunn buew qongw, dng' lanw ee bunbingg jinwzip juewau qaidnua sii, hex “lenrr siongrder dyrr byy hxuad ui' qidiongx jaiww snecud lingrgua jit xee sewqair.”
Guaw singzin guaw ee quandiamw huisiongg viquanx, zinruii lanw ee bunbingg ixqingx qniaa qaur snewmiarsuw ee siongrbuexjam, guaw sniu lanw dng' dirr juanqiusingr sidair ee kixtauu, byy qycc su'iaur u itding qaiwhan ee bunhuar/ horsiong knuar kinx/ longxx byy quansimx/ soxu ee qaiwding jiong' virr pacpuar.
Marr si BLACK ELK soxx tecud :ee, “ guaw kia dirr sewqair siongrr quann ee snuax buexliux, guaw soxx jaix :ee beh ciauquer soxx knuawqnir :ee, guaw soxx liauxqaiw :ee qycc ciauquer soxx jaix :ee. In'ui guaw ixx jit jiongw sinsingr ee tairdo knuar, soxx knuar diyc :ee, banrqog naxx kuann, horsiong lensyw jniajyr jit xee dua ngiko'aw”, ix jaw dyrr knuar diyc ar, linw qamxx u tak quer ix qongw ee jitt dnxua ue?
Jit xee sinx sidai decbecc cutsir.
Dreessen: jit xee simx jaiww snex ee sidai.
Campbell : jinjniar e hro langg u jitt jiongw sniurhuad.
Vutqyr, si'angg e jaix? Duarhaiw xe jit pyx qycc e sanxsingx sniaw neh? Lanw ui'id jaix ee, si jitt xee soxu singbut cud laii ee gulingsig haixngiuu, ingxuanw dy' e u haixangx siuu laii siuu kir.
SINUE LENJIAB QIGLOK EE SINHUNN
Campbell : Dng' snewmia vnewjniaa jixsirr bunrdee, dyrr cniurr qnir diyc byy songxkuair ee hun'inx qang ngiu, iacc si cniurr HAMLET jitt xee gong genwtauu uirr “junjai/ byy junjai” huanlyw m jaix beh anxjnuaw kacc hyw sii, hex bunbingg dyrr qniaa qaur juewau qaidnua, qniaa dirr lyc qia ee lo-siong.
Snewmia qaix si j.-jurzenn-z. ee, rair laijurr Inwdorlangg soxx qongw :ee “qiglok ee sinhunn (ANANDAMAYA)”. Snewmia si qiglok (BLISS) ee viauxsuad.
Cockrell : Guaw itdit jin' hnowhenn, liw si ui' dycc did diyc langg qaix duisuii luersimx ee qiglok (BLISS) jitt xee sniurhuad?
Campbell : Inwdo u jit xee vutdikliauw ee quanliam, hyrjyr go-dingg vyxhorkag (FIVE SHEATHS), beh tuandat ee susiongw, snewmia si qiglok ee denxhen. Jitt “go dingg jurgnow” si ngajac snewmia ywvir jingxjiw ee go renn vyxhorkag. Siongrr gua renn si jiahmic (PRANAMAYAKOSHA). Sinkux iu' cuiwjiahmic qowsingg, qycc e jniajyr tangg/ ingjiauw iacc si huew ee jiahmic. Jex si jitt xee jurgnow guarenn ee budjid.
Derr zi renn si “cuanxkuir (PRANAMAYAKOSHA) “, Suh zip sinsenw ee kongkir, qra dansunn ee jiahmic siauhuar, juanxhuar jyr mowjiongw uahlat.
Derr snax renn si simlingg (MONAMAYAKOSHA), vyxho lanw ham' guarqair sna' jiapciog, lenjiab lanw soxx qamxqag diyc hnuahiw/ hunwno/ visiongx. Suar .lyc .laii si diwhuirkag (VIGYANAMYAKOSHA), vunxjid ham' simlingg byy qang, hiongr lai ee, hro zintew dirr maxmah ee juxqiongx jniaa hxingg qewsiok singjunn, ciurbok e singdiongw, kyr :ee dy' si jitt renn. Viw simling cimx je lor, si tongwkow/ kuaiwlok soxx bongx be diyc :ee.
Diwhuirkag hro lanw u jurhuatsingr ee diwhui. Kyxvixqongxx, lanw cuir jiac mic/ siauhuar sii, lanw vingrr m si singx u jit tyr siauhuar sidbut ee huawhak hongdingsid, jaiww qaux hro sinkux jiphingg; si lanw ee sinkux jurzenn dyrr e qra jitt hxang su jyr hyw. Jex si diwhuirkag ee jok'iong.
Simlingg/ diwlhui jiqanx junjai jit xee quann-qe gamw, jex rair tauwquer sinue huhy laii jiaplenn. Sinue dyrr si diwhuirkag duiww simlingg qongxue, qra giuw dngw laii jniawdy.
Viw diwhuirkag qyckacc cimx jit renn si qiglok (ANANDAMAYAKOSHA), si siongrr jiongqik jit renn. Soxu snewmia dy' si iu' qiglok sraiw dinxdang. Lanw ee simlingg e qamxqag jurqiw dirr koxtniar/ cauhuann-diongx, mrqyxx sinkux e duiww ix qongw “ m driyc, liw si dirr qiglok-diongx, jixsirr liw m jaix ziiw.”
Incuw, sinue ee qonglingg si decc hro liw ham' liw ee qiglok kanlenn jywhuew, hro liw huathen ix jinjniar ee soxjai. Dng' liw penli jitt diauu lo, iacc si jiapsiu liauw moxjiongw huisiongg kyxciyr/ byy jurzenn ee dyrdig guanjig sii, liw qaix qra danr driau, duisuii luersimx qiglok ee jixsi.
ANKNGR LIW EE DIONGSIMX
Campbell : M jaix linw qamxx u knuar quer CAMBODIA ee sinsiong? Inx u sir xee tauu, zircniaw dy' dirr qiglok-diongx. Muixx jit xee tauu-dingw, u jit luiw lenhuex, dairviauw lanw ixqingx jaix ee sewqair/ lanw ee simlingkag (MONAMAYAKOSHA)/ dyrr si lanw ee duarnauw. Bing'ngiu ee jok'iong si beh hro lanw ui' hueiap cimzip hueqinx .kir, cue diyc qiglok. Qacc si lanw qinglik qigdua tongwkow sii, jixiaur erdangr ham' qiglok vyxcii jiapciog, marr si dirr qigdua ee qiuwsiok-diongx.
U quaw INDIANS ee singlenlew jin' qnialangg, hiaxee camqax ee siauwlenlangg e virr pah qaxx hrun .kir, mrqyxx inx kiokk qamxqag si dirr qiglok-diongx hrun .kir :ee. Jitt nng jiongw ee quanhe, si uanjuann byy qang ee logic. Lanw ee bunhuar jongw .si zinrding dyrdig/ kow/ dairdysowlangg siongrr dua ee hokli jitt lui dairjir.
Jex sidjai liqingx, lanw be qir .did, snewmia si byy quanw dairdysowlangg siongrr dua ee hok'imr! Snewmia quanw :ee si, itcer qaix dirr qiglok ji'diongx.
Brown：JOE, liw si m si zinruii, uirr drat qaur liw soxui ee “qiglok”, rair singx qra lanw ee zinrdix/ sukyw he jit vnix?
Campbell : M si, liw benw hongwkir, si rair qaixvenr. Jitt diamw, marr si <FAUST> soxx tamwtyw beh diamw cud laii :ee. GOETHE qongw quer, FAUST sniu beh jyr :ee, m si MEPHISTOPHELE erdangr kongwjer ee, ix ui'id jyr e qaur :ee, si FAUST sniu beh jyr sniaw, dyrr teqiongx vangjan hro dadsingg bogdig ee honghuad. MEPHISTOPHELE si byy jaidiau jyxiu FAUST sniu dangx sniu saix :ee.
Dng' simlingkag jniajyr dogcaijiaw, lanw soxx quer :ee e si jit jiongw siaog ee sing'uac, si iu' qaiwliam jipuer, m si sunzenn snewmia dongrlik.
Dreessen : Hex marr si uirsniaxmic liw uirr jurqiw congwjy jaieh au, dyrr qyc'uac.
Campbell : Hex si hro liw lenjiab snewmia uahlik, m si hunlec ee mic.
Brown：Jex byy viauxsi liw rair kir cue jaieh ar!
Dreessen : Dongzenn benw cue, jaieh dirr hiax danw liw ar. [ciyr]
Campbell : Guaw zinruii go-dingg vyxhorkag si huisiongg dua ee vangbangg, si laijurr VEDANTA ee tuantongw. Liw narr sniu diyc simlingg ham' jiahmic duiwue sii, dyrr jinjniar erdangr knuar diyc sinue iauqiuu hitt xee diongrdiamw soxx qiongdiau ee juanxii.
------------------------------------------
Guaw ee zinsingx hro guaw hnuahiw uac dirr qidiongx, e qra jurqiw sidjai kir jyr :ee dongwjyr vadd langg ee koxkngr. Duiww hiaxee sniu beh cue cud jurqiw dyrlo ee langg, guaw qandna' hro inx jit xee siyw ~ ee qenwgi: duisuii luersimx ee hixlok. Guaw itdit si anne qniaa, zinruii hex si jit diauu jin' hyw ee lo. Vutqyr duiww siaw jurduan jitt hxang su, kiokk itdit byy hxuad jyr qaur, huesiongw guaw zinsingx zimrhyy jit xee qaidnua, dyrr e in'ui suliam, muaxvag visiongx.
------ Campbell -------
Juewqin knuar diyc guaw ee cinjniaa, tudzenn sitkir cinlangg, sixjiaw vunxlaii dyrr jin' kongqen, hionghiongg diongwhongx, nng ~ snax diamxjingx au suacc quewsinx.
Linw itding e zinruii, duw diyc jitt jiongw dairjir, sixjiaw ee bow/ jixmue itding jin' siongsimx, sursit kiokk m si anne.
Inx longxx si duiww siw jitt hxang su u quer dngg siqanx sukyw ee langg, zircniaw ixjingg qinglik quer vuthing, jaix qra jurqiw ee diongsimx he dirr dycc. Zuqyw liw bad ankngr liw ee diongsimx, dyrr erdangr anzenn jiapsiu zimrhyy dairjir, jinjniar si anne.
Cockrell : liw qamxx ersaih qyckacc cimzip suecbingg, langg beh jnuaxngiu jiacc erdangr duisuii ix luersimx ee hixlok (qiglok)?
Campbell : Guaw sniu, jex si langg ui'id u qewdat ee sing'uac hongsid. SINCLAIR LEWIS ee siyxsuad <BABBIT> beh qetbew sii, juxqag anne qongw “ guaw itsingx jurlaii m bad jyr quer guaw sniu beh jyr ee dairjir.” anne ee langg, jixsirr u tew byy hxunn.
Guaw bad tniax quer langg' anne qongw. Hex si dirr BRONXVILLE, hitt sii guaw iauxx bue qethunx, qar ceh sii dyrr duar dirr hiax. Si jit qingx guaw ciangjai kir ee GREECE cantniax. Dagg lexvaiwsir juxvng :ee hiyckunr, jerje qadingg e laii jiax jiac amwdngr. Jit xee vaiwsir mee guaw kir hiax jiac vng, jre dirr guaw vnix :a dyh ee jit xee siyw qadingg : vaxvah/ maxmah/ jit xee iokk jap-zi ~jap-snax huer sanxvivax ee ginxaw.
Guaw tniax diyc hitt xee vaxvah duiww javox ginxaw qongw,
“Limx liw ee qamaxbit jiab!”
”Guaw byy air limx!” ginxaw rinr.
“Limx liw ee qamaxbit jiab!” vaxvah qyckacc dua sniax huah.
“Mair benxqiongw ix jyr ix byy air ee dairjir!” maxmah cud sniax.
”Ix bersaih jidsiwlangg qandna' jyr ix sniu beh jyr :ee, narr si anne, ix itding siw! Knuar guaw, guaw jidsiwlangg jurlaii m bad jyr quer jit hxang guaw jurqiw sniu beh jyr ee dairjir.”
Guaw m qnaw siongsinr guaw ee hni! Jitt xee vaxvah naxx ui' LEWIS ee siyxsuad-lai jauw cud laii :ee.
Guaw bad dirr jit qingx javox irvirkyx haghau qar quer jit dxangx, dyrr si guaw ixjaw tak .quer hitt qingx. Guaw qar quer hitt qrunn javox ginxaw, jerje siurr kexhuad huaipy lixsiongw. Vutqyr, byy zuarr quw dyrr e duw diyc laijurr vaxvah ee jitgii “ hex qamxx erdangr hro liw tanr diyc jnii?”
Inx laii mng guaw, “jyr linw jurqiw sniu beh jyr :ee, benw damsimx jnii ee bunrdee. Linw duw .diyc ee bunrdee jurzenn dyrr e u hxuad qaixquad.” guaw anne krngr inx.
Jitmaw, guaw qyckacc qending jitt diamw, m na guaw jursinx ee zinsingx qinggiam, marr ui' vadd langg hiax knuar diyc jitt diamw. Duisiuu jurqiw luersimx hixlok/ jyr liw jurqiw ee junjai (EXISTENCE) soxx sag liw kir jyr :ee, byy itding kinsangx kuaiwlok. Suibongw anne, iuguann si liw ee jiokhok, zircniaw dirr liw duw diyc tongwkow sii, e u qiglok dirr liw vuewau danw liw.
Zuqyw liw duisuii liw luersimx ee hixlok qniaa, mngg dyrr uirr liw laii packuix, dirr liw dy' byy sniu .quer ee soxjai packuix, inx marr qandna' e duiww liw kuix mngg, be duiww vadd langg.
Diongsingg duiwtai jurqiw ee sing'uac be byy snahing ee. Liw narr si jinsingg, sewqair dyrr e dirr liw u kunwlann sii cab ciuw/siytin, giuw liw vreh .kiw .laii.
Incuw, guaw sniu e diyc :ee, hro langg' siongrr hyw ee qenwgi, si duisuii luersimx ee hixlok. Zuqyw liw ee hixlok jixsirr dirr jit quaw hro liw qamxqag hyxsngw/ ciwqig ee su, anne liw si dirr cywgo ee dyrlo. Beh jaix sniaw si liw luersimx ee qiglok, jamxzenn aw su'iaur kaix siqanx tamwsyh, qidiongx vauquad cimzip liw jurqiw luerjai cimjann.
-----------------------------------------------
Sniaw si siongrr hyw ee siuhing hongsid? Hiangxsiu ving'iuw jiqanx ee kuaiwlok/ snax dxngr, bingvik sniaw si iuhir/ snewmia ee iuhir/ cam'uw qidiongx. Anne dyrr si soxui ee MAHASUKA, juadduir ee anlok!
------- Campbell --------
Richard Beban: Ing'amr jre dirr jiax, guaw jiacc sniu .diyc, qinqir <VARIETY> jabjir jixcud, quewkir je nii laii siongrr cniuxci ee jingg jap miaa denrngiaw, u cid ~ veh vxo dy' si caixiong liw ee lunrsuad. Jex jinjniar u qraur qnialangg! SPIELBERG/ GEORGE MILLER/ LUCAS jiaxee HOLLYWOOD ee linghunn zinbut, dy' sriu liw jokpinw jin' cimx ingxhiongw.
Suibongw liw ixqingx ciauquer snax-jap dxangx byy knuar denrngiaw, kiokk tniax qongw, quiw nii jingg u jit xee lyc ho mee, liw hutzenn mng JEAN “ lanw jywhuew kir knuar denrngiaw, qamxx hyw?”
Campbell : Si u jitt huesu, hitt zit honghunx, JEAN knuar kiw laii simjingg u damrvyc dimm, guaw sniu: dauwdew guaw erdangr ter ix jyr sniaw? Sniu diyc cua ix cud kir knuar denrngiaw. “JEAN, lanw laikir knuar denrngiaw.” ix qniax jit diyy. “ knuar denrngiaw? Ixqingx je nii byy tniax liw qongw anne ee ue ar!” “lanw cud laii kir!” guaw qycc cud cuir jiyx.
Qniaa qaur denrngiaxngi, knuar liauw jap quiw nii laii ee derr id vxo <2001: A SPACE ODYSSEY>. Byy sniu .diyc, derr id ganw knuar .diyc ee qingwzenn si guaw ee <Guansiw Sinue> derr id jniux dramm diyc ee dairjir: jit qrunn AUSTRALOPITHECINE sna' jnex cniuxduat jiahmic, qidiongx jit jiah tudzenn virr mow quaw sniaxmic kip'inw, byy qycc cuwbi jiahmic, suacc duiww jit jiongw ywvir snex cud qingwuir. Jex si jitt vxo denrngiaw ee juxdee, duiww snewmia ee qingwuir, si ziului lingsingr huatdenw ee iwgi, ngiaa quer qingjewbin. Ui' jitt diamw, lanw erdangr hunx cud nng jiongw byy qang ee zinlui: jit jiongw si kacc jiapqin qaulangg, cuwbi qingjer ee dairjir; lingrgua jit jiongw si iongxqamw morhiamw ee jingsinn, siwqer tamwsyh, juewau simrjiww jauw kir qaur hng ~ ee taiwkongx. Lingrgua, denrngiaw-diongx hitt der dirr qaulangg vuerau dinxdang ee dua jiyhtauu, guaw qamxqag si huisiongg jingcaiw ee anvaii.
Denrngiaw cruw <Guansiw Sinue> lingrgua jit xee jailiau, si qaulangg tec jit qix ngiuu ee duartuixqud pah langg' jitt hxang su. Derr id xee tecud AUSTRALOPITHECINE erhiauw suxiong ngiuu duartuixqud jyr buxkir ee langg si Lamhuix zinlui hagqax RAYMOND DART, ix genxqiur .quer jerje jaxqii langkyx dongrbut ee tauqud, juwir diyc qidiongx jit quaw dingxbin u lap'yx hunziah, hingjong/ duarser ham' ngiuu duartuiw qutbak huhap, soxx jyr cud ee tuilun: dongsii derqiuu-siong langkyx dongrbut erdangr hunx nng lui, jit lui erhiauw iong qangqu/ jiah bah :ee; jit jiongw berhiauw iong qangqu :ee, si jiac cair :ee. Jiac bah :ee e liac jiac cair :ee jyr jiahmic. Jex duiww guaw si jin' diongriaur ee jit kxyr.
Dyrr si u kacc quanqaix ee iwsig, jiacc e qra jailiau jewsingg qangqu. Jitmaw lanw jaix, dongrbut marr si e suxiong qangqu, mrqycc inx iong :ee dy' si henrsingg ee, zircniaw iong quer dyrr danr driau, byy lauu aurhuee qycc iong ee sniurhuad. Vixzu, mow quaw qauu e kiyh jiyhtauu krenx duiwdik, kiokk be sniu beh jewjy qangqu. Guaw jiacc e qongw jewjy si lingrgua jit lui iwsig ee viauxhen, si zinlui ee kaisiw/ bunbingg ee kixguann.
Denrngiaw ee uerbin, ui' hitt qix ngiuu-qud danr duiww tnidingw, sui' juanxjyr jit vxo taiwkongjunn ee sii, jin' cinced ee ngiaxsiong/ jin' liauxvutkiw ee quanliam.
Knuar quer jit vxo au, qycc u jap dangx byy knuar denrngiaw. Zenau LUCAS laii cue guaw, iaucniaw guaw ham' JEAN kir knuar <STAR WARS>, si jurr <2001: A SPACE ODYSSEY> au ee derr id vxo. Guaw jit zit-lai knuar diyc jingxqyy Bixqog denrngiaw qanggiap ee sinqii. GEORGE iaucniaw gunw kir SAN RAFAEL ee daux SKYWALKER RANCH. Jaiwsii knuar <STAR WARS> au, ham' GEORGE dramm quaw ue, ervox knuar <EMPIRE STRIKE BACK>, amwsii knuar <RETURN OF THE JEDI>, jitt zit quer qaxx jin' u liau! [ciyr]
Derr zi zit jaiw, qycc vangr nng vxo ix jaxjingg pah ee denrngiaw hro gunw knuar, hitt vxo <AMERICAN GRAFFITI> hro guaw jin' songxkuair!
Beban: Liw qamxx u qamxqag hex si jin' janw ee denrngiaw?
Campbell : Guaw jyr denrngiaw-diongx hitt xee siauwlenn laursu ixqingx snax-jap veh dangx, hitt xee jingqingw sidjai sik taur ~! derr id bo, jit xee siauwlenlangg qra odobaiw tingg .lyc .laii, kax vnix jit xee sniaxmic, jit kax tad qaxx hng ~ ~, ix qinvunw m jaix jurqiw beh congr sniaw! Jitt xee dobin u qraur sinn!
GEORGE aurlaii qycc vangr ix qyckacc jaxqii pah ee ngiaxpnir hro guaw knuar. Jit knuar, suacc hro guaw gang .kir. Jerje nii jingg, guaw/ MAYA DEREN ham' qitnax jit quaw langg congwlip jit xee hyrjyr CREATIVE FILM FOUNDATION ee jojid, bogdig si beh qoxle dexpnir congwjy, dagg dxangx e vanjiongw hro gunw zinrding nido siongrr hyw ee dexpnir, marr siux jerje siauwlenlangg ui' qokk soxjai qiar laii inx ee jokpinw. GEORGE hro gunw knuar ix siongrr jaw ee jit vxo jokpinw, lueriongg si qongw jit xee byy sriu langg himsiongw ee langg, dirr sniaci siwqer longrliulenx, byy langg erdangr liauxqaiw ix si zuarr vutvinghuann lehh. Lauxsit qongw, luirsu jitt xee juixjunw ee jokpinw, qiqimhue dagg dxangx dy' siux quixarr jap vxo ixsiong. Jex si hro guaw qamxqag qikdong ee guan'inx: jitt xee langg ee kixvordiamw ham' qitnax langg qang, aurlaii kiokk tiaur cud dua ~ ee nng dua vo, jyr cud byy langg ngiaa e quer ee jokpinw. Jixu vutvinghuann ee simlingg jiacc jyr e qaur. Guaw ee ceh uirr ix duar laii jit quaw vangjan, hro guaw qamxqag qiaugno.
Lingrgua jitt xee qiaugno ee sikig, si MICKEY HART/ BOB WEIR (GRATEFUL DEAD gagtuann ee singguann) laii cue guaw, qra guaw qongw guaw ee duwjog bad hro inx jin' dua kexhuad. Linw jaix, ciangciangg qunw ee imgak jurlaii byy kip'inw quer guaw. Hex sniu' did'auu, jiwjiyw guaw jurqiw si anne qamxqag. [ciyr] vutqyr, HART inx kiokk iaucniaw guaw ham' JEAN kir camqax inx dirr OAKLAND qixvan ee enxcniuwhue. Qetqyw, guaw huathen hitt dniuu singrhue naxx sinbingg hro guaw ee kexsi, guaw did diyc jerje, vingrr zinruii ROCK si jit jiongw kyxiw uirr zinlui cua hiongr birlaii ee mohuad.
Beban: Uirsniaxmic liw e u jitt jiongw qamxqag?
Campbell : Inx ee imgak e dag diyc zinsingr, hro langg ham' langg jiqanx sanxsingx ittexqamw. Dirr inx ee imgaghue, byy qycc u jingxjok/ nihuer ee cavet, itced ee cavet dy' virr danr driau ar. HITLER ee qunjiongr jibhue e hro langg cibee naxx jiuxjuir, ix ee bogdig si jingwdirsingr, e hro jit qrunn langg ginrlan lingrgua jit qrunn, danrsi GRATEFUL DEAD ee enxcniuwhue, liw e qamxsiu diyc soxu ee langg horsiong si ittew ee.
Guaw marr virr cua zip hixqongg jongrtair, dnaxx guaw marr si DEADHEAD ar. [ciyr]
Byy zuarr quw au, qycc u jit hxang bixbiau ee dairjir. BERKELEY dairhak huwsed kywdingg hurjikzinn LYNN KAUFFMAN u jit zit tudzenn sniu beh cue guaw/ jingsinn isux J.PERRY/ GRATEFUL DEAD jywhuew vran uahdang. Guaw hurjig enxqangw, debok si “gisid qapp hixqongg : ui' DIONYSUS qaur GRATEFUL DEAD”.
PERRY hurjig ee qangxdee si iuxquanx jingsinhunlehjingr ee huanwsiong qapp huanrjiaw beh jnuaxngiu duisuii jiaxee huanwsiong, vnerjingr dyrr sui' e qiamw kinx quaw.
Zenau, HART cniur liauw jit siuw quax “Huijiux luxongg ham' singwlingg sna' duw”. Ix qra guaw qongw, buxdaii-siong soxx suxiong ee imhiongw qewdat iokk go-jap bxan Bixqimx. A'niaa uee! Inx si jin' duarbongx, guaw byy sniu beh dirr jiax hing'iongg inx dua qaxx zuarr qnialangg lehh! Tniajiongr zedjingg ee pog'aw sniax. Zenau, guaw ham' HART/ JERRY GARCIA jywhuew jre dirr buxdaii-dingw jinwhingg jyrdamm. Hex si guaw itsingx siongrr qiaugno ji' id.
Beban: Hitt xee uahdang guaw marr u camqax, sursit-siong, hitt zit si guaw ui' Qurqimsnuax vnuax laii LA. ee jingg jit zit. Linw ee duiwdab taiww jingcaiw lehh, dairkair jit xee langg rair jidsewlangg jiacc duw e diyc jit vaiw. Guaw qamxqag su au inx byy congr jit xee “JERRY qapp JOSEPH” juanqog sunhuee enxcud jinjniar kyxsiyh! Kingxding dua hongdong!
Campbell : liw jaix, hitt jiongw sikig si berdangr diongrhok, byy de cue ee! Qycc jyr jit vxenr, m si qang jit huesu ar! Hex cniurr mohuad ee sikig! Sinue marr si anne, liac diyc hitt xee sinlingg ciongbuanw ee sikig ! U sii hex si jit jiongw ciongdong! M quanw si sniaw, jongw .si qaix liac hro diauu qycc qewsiok hiongr jingg qniaa.
Beban: Jaxjingg liw qongw diyc hitt dniux denqingwsair puar sewqair qiwlok ee siongwpnir (jriw 1925 nii PA ee jiapjuanxsair), qongw liw si dag diyc moxjiongw luerjai ciauuat lingliong, jiacc e jauw cud puar qiwlok ee singjig.
Campbell : Guaw hibang guaw camqax denqingr hitt quiw nii, dyrr ixqingx liauxqaiw texiok uahdang ee simliw/ jingsinn binrsiongr, iwsur si qongw, texiok sursit-siong si bingngiu hertongw/ zimrhyy derr id lriuu ee unrdongrguann, dy' erdangr dongsii jiangxag ix jingsinn qapp bactew jauxhiongr ee langg. Guaw cam'uw ee siqanx jixu snax nii/ hitt sii guaw kia dirr quansnuax buexliux jongrtair, hex si jit dniuu dua vixsair --- PA ee jiapjuanxsair/ siongwpnir si vixsair sii liab ee/ jit dniuu jingcaiw ee vixsair/ guaw hurjig jauw siongrr buew xee/ iong jit hunx jap-go biyxjingx jauw uann vnuar ingliw, si dongsii ee sewqair qiwlok.
Dngw laii qaur cur, vaxvah tec jit dua dxuix vywjuaw, muixx dnxua vywdy viaudee dy' u jin' dua zri ee JOSEPH CAMPBELL hro guaw knuar, qongw “liw knuar! Liw jyr qaxx jiacc hyw!”
Vutqyr, guaw byy qycc u ngiaa quer sniaw vixsair/ puar quer sniaw qiwlok lor.
Dirr srinx/ simlingg uanbiw hyhaii ee sikig, m quanw jyr sniaw, jongxsi kia ngiabin, hiongr jingg itdit kir, narr siaw ceh duw diyc jitt jiongw jongrtair, vyxjingr jit kauxkuir dyrr uansingg.
Beban: knuar .laii, liw u quer jitt lui quansnuax buexliux qinggiam --- siongrr jiyw si disingr/ lingsingr hongbin --- viw qitnax dairvorhun ee langg kacc je. Guaw jitdor liw erhiauw liriong qingjer dua vangvai ee qihue, hongwha itcer, qra jurqiw qongw “guaw laii tak go dxangx ee ceh!”
Campbell : Taukixsingx vingrr byy liau diyc e tak go dxangx, go dxangx byy jit xee qangjog! byy langg jaix qingjer e baiw hiacc quw! Vutqyr hitt sii langg horsiong duiwtai ee tairdo kiokk jin' suxx guaw siauwliam.
Guaw si dirr Aujiux huathen JOYCE/ JUNG/ MANN/ FREUD ham' henrdai gersut ee sinx sewqair, yc SANSKRIT marr si hitt sii kaisiw ee. Ui' Aujiux dngw laii COLOMBIA dairhak, byy qycc sniu beh dirr pogsu lunrbunn ee siyw qxanx-lai/ byy air qewsiok siaw jidvnuar ee lunrbunn, qra haghau ee langg qongw “u jit xee dua sewqair decc qra guaw et ciuw!” inx qongw “m hyw! M hyw or!”
Duw diyc dua vairci, vaxvah pywsanw, guaw pywsanw, muixx jit langg dy' pywsanw. Guaw jauw zip kir WOODSTOCK ciurnaa-lai, sniaw dy' byy quanw, qandna' tagceh ~ ~. mrqyxx knuar ceh, jongw .si rair brew ceh. NEW YORK ee STECKETT HAFFNER jinwkauw cecsiongx, guaw siaw puex hro inx qongw beh brew FROBENIUS/ JUNG ee ceh, brew jitt/ hitt xee... ceh, longxx si jin' quir :ee. Siux diyc guaw ee puex, inx qra ceh qiar laii, byy iauqiuu guaw hrur jnii, qandna' viauxsi zit au cue diyc qangjog rair qra ceh jnii hingg inx. Hitt xee nidai ee langg dy' si anne, hro guaw jin' huailiam.
Linw qamxx jaix, dng' jinjniar koxlan laii sii, zinsingr e qakcnew, siongrr qivunw ee zinlui qinggiam si juvix.
Beban: Guaw duxx sniu beh mng liw, liw itdit qiongdiau jex si jit xee snewmia jiac snewmia ee sewqair, dirr anne ee sewqair, juvix qycc beh ui' dycc laii?
Campbell : ui' zinlui laii/ zinsimx laii. Qitnax dongrbut byy anne ee simx. Dongrbut qandna' e duiww ziogsewjiaw iacc si jurqiw juxluw u juvisimx. Jit jiah qxauw kyxlingg e iong'unw ginxaw pah ix, kiokk berdangr hro jit xee duarlangg duipah, soxiw qongw, juvix si zinlui qinggiam/ si jingwdi byy hnuahiw hro liw iongxiuw ee. Jingwdi si ixx dauwjingx jyr qicow --- liw siw guaw uac, ciurnaa-sid ee sna' jnedaur. Ham' texiok unrdong ee dauwjingx uanjuann byy qang. Unrdongrguann horsiong jiqanx ee hniadi jinggi si vixsair-diongx vunxjid ee vorhun, zircniaw si derr id iusenx :ee. Jingwdi lingxhik uanjuann byy junjai jitt jiongw jinghun. Dirr guaw itsingx-diongx, jurlaii byy duw quer dycc quaw siauwlenlangg, e ngiaa quer guaw dirr unrdongrdniuu sna' duw :ee kacc qysiongw. Inx si jinjniar ee zinlui.
Beban : Danrsi jitmaw, ixx guarkauxlangg ee quandiamw knuar, texiok viwsair cniurr bexhir, qycc qongw, marr virr jingwdirhuar lor.
Campbell : Hex si lingrgua jit huesu. Knuar vixsair/ cam'uw vixsair si nng huesu, byy qang ee qinggiam.
Beban: Danrsi jitmaw kiokk qra unrdong vixsair knuar jyr inx jingwdi tuantongw ee amr vniar, kaqiudniuu ee vogdong huanxngiar cud qau ~ ee jingwdi iwbi, dyrr si qonqgw muixx jit langg dy' e qra jurqiw zinrding jyr guaw jitt dui, liw hitt vingg ...
Campbell : texiok vixsair ee luerhamm juadduir m na anne. Unrdong vixsair siongrr belangg ee soxjai, si e hro lanw knuar diyc hingdong ee sux-ngiaa. Byy huaigii jex si jit xee jing'ingx qinggiam/ byy jit jiongw unrdong vixsair erdangr muixx jit xee cam'uxjiaw dy' ngiaa. Danrsi lanw henrjai ee siarhue susiongw jin' liqingx, zinruii zimrhyy langg vutqaix pah lingrgua jit xee langg, narr u, dyrr rair jiapsiu qawsi, hro voglik kinghiongr siausid. Qetqyw si, lanw qandna' erdangr jidsiwlangg kyr jre dirr denrngiaxngi jiacc u qihue knuar diyc jinjniar ee jing'ingx viauxhen. Snewmia rair duiqiuu :ee, si kacc quanqib, m si qe :ee.
Tniajiongr : Guaw m si beh mng bunrdee, jixsirr jiurr liw duiww qiwlogpnir <THE ENEMY WITH A THOUSAND FACES> soxx siaw ee cingcyw pinglun viauxsi qamxsia.
Campbell : Guaw zinruii hex si jit vunw jin' diongriaur ee ceh (jriw SAM KEEN siaw ee <FACES OF THE ENEMY>, si <THE ENEMY WITH A THOUSAND FACES> ee kavunw). Henxsi jingwdi suantuann si jnuaxngiu ingxhiongw zi-jap sewqiw ee ligsuw/ guaw uac quer cavutdyx jingxqyy zi-jap sewqiw, qandna' qamxqag “luan” [ciyr]/ dairvorhun dy' si kia dirr qabuu mow jit qrunn langg, qycc qra jangw cud laii truix/ bog. Zinlui jingsinn juxiaur qakcnew kyr :ee si juvix, jingwdi suantuann ee juxiaur qonglingg kiokk si apjer juvix/ muitew marr qangrkuanw/ banwgah soxx viauxhen :ee si qra moxlangg tiuxhuar qaxx m jnialangg, knuar .kiw .laii cniurr jit jiah tangg, KEEN ee ceh diamw cud jitt diamw, jin' diongriaur ee jit diamw.
Beban : Liw zinruii cutlo dirr dycc?
Campbell : Guaw zinruii cutlo dirr quanqongx luxiuu. [ciyr] kir vadd soxjai qniaa ~ lehh, duw quaw qitnalangg/ yc lingrgua jit jiongw guarqokgiw kyxlingg marr si jit xee vanrhuad.
Tniajiongr : Sewqair sinue qamxx byy vangjan? Liw qamxx sigsai GAIA? Qamxx jaix JAMES LOVELOCK dirr ix ee ceh nirr qongw diyc “GAIA qaxsed”?
Campbell : ar! Guaw jaix! Ix zinruii derqiuu si jit xee uac ee iuxqitew. Jex si jit xee jin' qinvunw ee sinue juxdee, si <Congwsewqiw> diauqangx uanjuann buah driau :ee, narr byy, e qongw “liw vunxlaii si hongvuesuax, iuguann rair dngw kir too nirr.” danrsi sewqair m si hongsuax, si lanw ee buxcinx. <Congwsewqiw> nirr ee siongrder si sniu beh qra maxmah ee qangjog cniuw .quer .kir, jiacc diauqowir buah ox sewqair.
Tniajiongr : Guaw sniu beh mng jit hxang su, qiwzenn imgak duiww langg vingrr byy singjunn-siong qonglingg, anne zinlui qamxsiu imgak ee linglik ui' dycc laii?
Campbell : Imgak kuriuw qiywcnew qonglingg, snewmia si jit jiongw jetjaur/ gersut si jojid jetjaur/ imgak si jin' qivunw gersut, dag diyc lanw iwjir hertongw. SCHOPENHAUER dirr <THE WORLD AS WILL AND IDEA> qongw, imgak si qiyr jingsinn iwjir ee sniax. Imgak unrlut e hro mow quaw snewmia amwlat dinxdang .kiw .laii.
Duiww hiaxee uac qaxx jin' zinrjinx ee langg, inx iongxiuw virr qiywcnew ee snewmia, viw u snax dxngr vng kacc diongriaur. Jex marr si qaulangg AUSTRALOPITHECINE ee bunrdee. Dng' qitnax qaulangg iauxx decc cniuw jiahmic, liw siw guaw uac ee sii, kiokk u jit xee virr imgak mohuad bee .kir. Jiaxee byy juvisimx ee dauwjingjiaw qandna' e huah “guaw vakdow iaux air trad cuiwkangx!”
Beban : Zinlui hagqax EDWARD T. HALL dirr <THE PULSE OF LIFE> tec diyc jit xee iuxquanx imgak ee sinue, qongw imgak si guarjai ee suanlut, iongrdoo si qiyr lanw lairbin ee unrlut --- jit jiongw luerjai ee jetjaur.
Campbell : driyc! Dyrr si anne! CEZANNE qongw quer “gersut si ham' jurzenn u qiongrtongx ee hyhaii.” guaw beh voxciongx ee, langg ee vunxjid si jurzenn vunxjid, nng xee qang jit jiongw vunxjid.
Juewqin guaw jiacc kaisiw liauxqaiw diyc u nng jiongw qivunw-siong sionghuanw ee sinue kinghiongr, jit jiongw si jin juanlik beh qra lanw giuw duiww mow jit xee siarhue kir, qycc qra liw qongw, jitt xee siarhue si ham' vadd xee siarhue byy qang, dairviauw :ee si <Singwqingx>, qra langg hunx jyr siongrder suanxbinn, hro inx digkuann, jairr inx lamrsamw laii; lingrr jit lui huisuanxbinn, digkuann gua.
Lingrgua jit jiongw si huanwcnew lanw luerjai vunxjid DIONYSIUS-sid sinue, si gersut ee qangjog, bin hiongr JOHN DENSMORE, iycnew qiongrtongx ee zinsingr/ jetjaur, ham' ONWARD CHRISTIAN SOLDIER (Qidokqaur siquax) cniur kiw laii naxx decc hingqunx lehh, si uanjuann byy qang or! Jitt nng jiongw si jit lamm/ jit vag ee jauxhiongr.
E qir .did dirr “gisid qapp hixqongg” ee qangxenw-siong, guaw anne qongw “guaw sniu GRATEFUL DEAD si qin'axzit duiww hudjuxdnuaa siongrr hyw ee huedab.” inx iong imgak qongw lanw zinlui qiongrtongx ee zinsingr, guanjuxdnuaa kiokk si qra langg ham' langg hunkuix.
Cousineau : “ GRATEFUL DEAD” dirr OAKLAND vran hitt dniuu ciangciangg qunw imgaghue ee amwmee, guaw ham' liw longxx dirr daii-dingw, lanw jre jywhuew. Liw iong ciuxaurkiaux dux guaw, qongw “PHIL, vutkyxsugi DIONYSIUS-sid siauxqongg gisid! liw qamxx jaix inx cavet dirr dycc? Ing'amr lanw jiaxee langg jongxqiong u jingxqyy ATHENS Sniaa ee jurbinn hiacc je! Hyxcincniurr dirr ATHENS qixhingg ee jiuxsinn gisid, juanvo sog dirr ing'amr jitt xee imgaghue-lai!”
Campbell : Dng' WEIR qniaa qaur daii jingg beh cniur ee sii, liw qamxx jaix daii-kax u zuarr je langg? Veh-cingx langg! Jit-bxan lak-cingx qix ciuw juann qiac quann ~, dyrr cniurr anne! [siangciuw giac quann] guaw hitt sii sniu, jex jinjniar si jiuxsinn siauxqongg gisid [ciyr].
Tniajiongr : Zuqyw qongw Inghiongg Lo si uirr jauxcue jin'gnow (SELF), anne “jurgnow (EGO)” “jin'gnow” ee hunvet neh? Inx qycc si sniaw quanhe?
Campbell : “jurgnow” si hitt xee liw sniu diyc jurqiw sii ee hitt xee guaw, ham' liw itcer soxx jip'id quanlenn jywhuew :ee. Danrsi “jin'gnow” kiokk si liw jurlaii m bad sniu quer kyxlingsingr ee lingxhik. Dng' liw jipquad dirr liw ee “jurgnow” sii, dyrr liac diauu liw ee quewkir. Zuqyw liw qra jurqiw knuawjyr ixqingx u ee mic, hex jurzenn qandna' e si huatsingx quer ee dairjir. “jin'gnow” kiokk si jingxqyy danxtai liw kir kaihuad ee kyxlingg huanruii.
Tniajiongr : <THE TIBETAN BOOK OF THE DEAD> qongw diyc narr sniu beh ciauuat jurqiw, jinwzip kacc dua ee jingxtew-diongx, diyh'air hongwkir “jurgnow”. Liw itdit qiongdiau langg qaix mairhiongr jit xee juanqiusingr ee qiongrdongtew, liw qamxx u zinruii langg ee xe jit vo jinwhuar, si ui' jurgnow iwsig jinwhiongr juanqiusingr iwsig (GLOBAL CONSCIOUSNESS)?
Campbell : Iwdoo qra jurqiw he zip kir jingxqyy uxdiu, si guaw soxui ee “jurgnow dewqokjuxgi (EGO IMPERIALISM)”, jex rair kiwsag driau. Danghongx lunhuee susiongw ee jingxqyy iwgi si, danr driau “jurgnow”, hro “jin'gnow” taur quer zuxx laii zuxx hiauxgo ee bactew henr cud laii. “jurgnow” si liw ee henrsid, “jin'gnow” si liw ee amwlat.
In'ui “jurgnow” ixqingx jniaa hxingg, liw e sniu liac diauu m vangr, suacc qra liw venr ec .kir, <THE TIBET BOOK OF THE DEAD> jiacc itjair qingxqyr lanw tehongg “qionglet ee jurgnow iwsig (AHANKARA)”, jixbingg guaw (I) jitt zri si e qra liw kiuw dngw laii ee mic.
Vutqyr, jitt jiongw quandiamw marr u damrvyc baiw. FREUD duiww “jurgnow” ee dingrgi jin' jingcaiw, qongw “jurgnow” si “jinsidhuar ee qonglingg (REALITY FUNCTION), e hro liw qra siqanx/ kongqanx kanlenn jywhuew, itcer qewdat pnuawduan, si “jurgnow” jyr :ee. Lanw m si qra jurgnow siaubyy .kir, si rair qra “jurgnow” ham' ix ee qewdat pnuawduan hertongw juanxjyr “jin'gnow” ee lypok, m si hro “jurgnow” jyr “jin'gnow” ee dogcaijiaw, si huisiongg kaxbiau ee vnevang. Jerje soxui “lingqair zinsu” qik huanxduir “jurgnow” suacc hro jurqiw jniajyr ... ...
Mrqyxx, simliw hunsig sniu' quewtauu marr byy hyw, NIETZSCHE anne qongw “kacc sewzi lehh, liw qnuaxjauw srinx-siong ee quixquair, dongsii, siongrr u qewdat ee mic marr byy .kir .ar.” jerje qingquer cimdo simliw hunsig ee langg, knuar kiw laii cniurr jit der jit der ee bacpnir --- liamm jit sud aw qud, kinx bangxsangw, jit diamw aw dyrr byy hunrliong! Incuw, diongrdiamw m si kiwdiau “jurgnow”, si kiwduu vogqunx sinhun, qra juanxjyr lypok/ hogsai liw ee suxiongrzinn. Kuiwlat rair iong dirr jiax.
Tniajiongr : Liw zinruii jitmaw juxjnaiw lanw Bixqog jitgiap ee sinue si sniaw? Lanw beh iong sniaw sinue cuxdai, jiacc erdangr hro qangjog venr kacc u zinsingr?
Campbell : Bixqog qangjog soxjai jongxsi anqix dirr qimjnii sinue-siong, itcer qruix dirr ginpiyr, byy zinrhyy qewdat quann quer jnii. Zuqyw liw sniu beh qra zimrhylangg qaixsueh liw jyr ee dairjir zuarr qewdat, qandna' erdangr qongw hro liw tanr zuarr je jnii. Inghiongg si guanrir hisingx qimjnii kir jyr jurqiw sniu beh jyr :ee. Narr qongw liw jiongbuew ee bogdig jixsirr jnii, kiongxqniax hex dyrr si liw ee sinue.
Beban: Anne qongw .laii, erdangr cuxdai jnii ee sinue, qamxx si qywzinn linglik ee sinue?
Campbell : M si. Guaw zinruii rair dairsingx mng jurqiw, quisiok dirr dycc jit xee siarhue? Mow xee siyw ko'aw? Bixqog? Sewqair? Juann zinlui? Dan' jiurr qingjer, jitt xee sewqair byy gibun ixqingx ittew ar.
Quiw lexvair jingg huatsingx jit hxang suxx langg ciyr be cud laii ee dairjir. Camgiguann GEPHARDT gairbak Zidvunw singsanw sir lenw :ee kacc hac Bixqoklangg su'iaur, gesiauu Zidvunw ciax viw Bixqog ciax kacc cniuxci, qycjaiww anne lyc kir be ing tihh, juxdniux rair cud ciuw jewcaii Zidvunw. Jiaxee ue jit qongw kuix, Bixqog jewqngr cirdniuu sui' dua siag, in'ui Zidvunw juqimx si Bixqog jewqngr ee diongriaur niutiau. Jitt diamw e hro lanw bingliauw, BixZit jiqanx ee qingjer quanhe m si qingrjingjiaw, si habjog quanhe. Guaw sniu, Zidvunxlangg texzin snapnua quanhe ngiaa quer Bixqoklangg. Qangrpnua quanhe si kiwgiap quanxliw ee diongrdiamw. Zidvunw qanghue be s.-surhang-h. ham' kiwgiap sixduiwtauu, e qor diyc kiwgiap singjunn su'iaur, tecud ee bunrdee si “jnuaxngiu jiacc e hro qimjnii kacc qongvnee habliw hunpuer?” m si qandna' qongw “guaw beh air jitt xee/ hitt xee ee hokli.”
Zuqyw hunli ee lat berdangr niurvo hro juvix guanjig, lanw ham' ciurnaa-lai ee dongrbut u sniaw byy qang?”
Beban：Guaw sniu, dirr liw qongw diyc lanw dngdecc qniaa hiongr sewqaiwsingr qingjewtew sii, “qongvnee habliw” henxzenn si liw ee quanqenr zirganw. Bunrdee si, henrjai m quanw si dycc jit xee qokqax, jaihur dy' si jiangxag dirr vah-hun ji' zi langkauw ee ciuw-lai.
Campbell : Guaw byy zinruii jex ham' guaw qongw :ee u sniaw quanhe?
Beban : Byy quanhe?
Campbell : byy dirdai! [ciyr] dirr jit xee qongvnee habliw ee hertongw nirr, sing'uac juixvingg tongsiongg m si jetauu tequann, si jetauu kiuw qe. Soxu bunbingg dy' si iu' sing'uac siongrr dingxjann ee siyw vorhunrlangg qowsingg ee. Guaw jaix jitt jiongw ue huan hiamm, danrsi ... ...
Beban : Liw duxx aw itdit qongw juvix, narr qongw lanw iongzimw jitt xee sewqair hyxgiac/ sanwciah dang tauu kinx, u langg iaux-qnuaa-gy, anne juvix si beh ui' dycc qongw kiw neh?
Campbell : Hex si lingrgua jit huesu. Sanr-hyxgiac byy cexunn byy itding si vaksiah jyrsingg. Vutqyr guaw singzin, jaihur hunper kaksit si qik lann, qaixquad honghuad rair jiurr sidjer kuanqingw ee dig'iuw jinghongw, m si jitmaw guaw qongw u lo laii ee.
Jitt sii siongrr diongriau :ee, si qra lanw ee siarhue quanliam kokdua qaur jingxqyy sewqair, jiacc e u hyxser ee siarhue. Dng' lanw ui' guehqiuu-dingw knuar hiongr derqiuu, liw knuar byy qog ham' qog jiqanx ee hunqaiwsnuar, hanrjer si langg jy ee. KEEN ee <FACES OF THE ENEMY> siongrr juxiaiur si henx cud langg jyr cud ee hiqew. Itdanr liw qra qangrpnua dongrjyr digzinn, dyrr byy kyxlingg siamxquer jenwjingx.
Beban : Liw qamxx zinruii, ui' guehqiuu-dingw soxx knuar diyc ee derqiuu, si henrjai siongrr u juxjnaixsingr ee sinue iwsiong? Dnaxx lanw ixqingx u jerje derqiuu puu dirr taiwkongx-diongx jitt lui jin' suiw ee siongwpnir ar.
Campbell : Driyc! Vutqyr, qandna' kyr siongwpnir, jitt xee iwsiong si be kiw sinue jok'iong ee, sinue laijurr simx, m si nauw.
Beban : Suibongw anne, hiaxee siongwpnir iuguann jin' suiw.
Campbell : Driyc, mrqyxx liw qamxx erdangr tauwquer siongwpnir qamxsiu diyc druar dirr derqiuu-dingw ee zinqunn? M si qongw ui' siongwpnir knuar e diyc derqiuu ee langg, si qongw qamxx qamxsiu e diyc hiax u langg druar? Sinue laijurr qamxsiu/ texgiam, si jun'iuw sriok jin'gnow; Iwsig hingtair si susiongw, laijurr sukyw hertongw, qruix jurgnow, jex si inx ee kuvet.
Beban : Guaw sniu, lanw iauxx u siqanx tyxlun jit xee bunrdee.
John Densmore : Guaw anwsngr beh mng liw, si jiamduir liw ee iauwhai or!
Campbell : qaix laii :ee dyrr e laii.
Densmore : Liw zinruii sewqair vunxjid si iukow, langg kiokk rair “h.-hnuahiw-h. cam'uw sewqanx ee sngkow.” kyxvixqongxx, qacc si hudjuw buxkir huixbet driau lanw jingxqyy sewqair, lanw iuguann rair ixx kingxding tairdo binrduir, jitt xee sewqair iuguann hyxser hyxser, itcer si siongrder ee jixir.
Qamxx anne?
Campbell : Driyc! Jex si guaw itquanr ee sinwliam.
Densmore : Guaw marr si, anne sniu hro guaw jin' vingjing. Mrqyxx qamxqag, duhuix qaur siw jingg hitt kig, narr byy guaw vutqaix uanjuann zinrdongg jitt jiongw tairdo, in'ui anne e jyrsingg guaw hamrzip dersnajiaw lingxganw knuawtai. Liw jaix, guaw si berdangr iongzimw HITLER FASCISM/ hudjuxdnuaa jilui ee mic, itding e kia cud laii qapp inx jnedaur ee. Gauw damsimx, zuqyw jiapsiu liw soxx qoxbuw :ee, e iydang diyc guaw ee iwjir.
Campbell : Jitt xee bunrdee, ing'amr ixqingx qongw quer nng~ snax vaiw ar, qisit longxx ham' “jin'gnow” “jurgnow” iuxquanx. Dirr siongrr cimx ee qicow, ingxuanw ee diongsimx-lai, dy' si byy sxen-og/ driyc-cyr. Jit xee langg narr jipquad dirr jit quaw dyrdig quanliam, qycc jnuaxngiu qitai ham' jurzenn hiabhyy itdir? Lingrgua jit bin, jitt xee sewqair junjai jerje byy qonggi, lanw berdangr dongwjyr byy knuar diyc. Suibongw Bixqog jiacc u jnii, iuguann jerje sanwhiongx :ee. Lanw qaix zuhyy? Jitt sii, guaw iauxx si e ui' zinlui ee qewdadquanx jyr, danrsi guaw be qra jyr jaixee dairjir ee guanw knuawjyr vunxjid ee guaw, jixsirr e dongwjyr amwlat ee guaw.
Vutqyr, zuqyw ui' jiongqik libdniuu cuthuad, guaw iauxx e qongw, m quanw huatsingx sniaw dai, itcer dy' si hyw hyw. Narr qongw jitt xee sewqair jinjniar u jit zit hro hudjuw buxkir sngxdng .kir, qycc anxjnuaw neh? Ixx zinlui qewdadquanx zinrding hex si juadduir dua jaieh. Ixx guaw zinsingr libdniuu, guaw loxlik kir hongjiw anne ee dairjir huatsingx. Guaw ee duwjog dy' si hiongr jitt xee honghiongr ee.
Lingrgua jit bin, zuqyw sewqair jinjniar virr hudjuw buxkir tetdew huiw driau, derqiuu byy qycc u langg ar, byy langg e uirr jitt hxang su simx qankow.
Beban : Liw anne qongw, qycc u si'angw e sniu beh brew liw ee ceh!
Campbell : Driyc! Si byy langg e sniu beh brew. Vuddyy u jit qxur jin' jingcaiw ee qongxhuad “snewmia si h.-hnuahiw-h. cam'uw sewqanx ee iukow.” soxu snewmia dy' si kow :ee. Jex si liw berdangr qra qaixvenr ee/ mrqyxx liw kiokk erdangr u byy qang ee tairdo kir duiwtai. Qaix jnuaxngiu duiwtai liw ee kow? Dyrr si cam'uw zip kir. Guaw marr zinruii jex si Qidog siurlan ee iwgi. PAUL dirr <PHILIPPIANS> u jit dnxua jin' bixle ee ue “danrsi Qidog byy zinruii siongrder si ix qaix jip'id ee, si qaix hongwha ee, incuw, ix qniaa zip sewqair, cam'uw sewqanx iukow, simrjiww siw dirr sibzirqer-dingw.”(2: 6~8)
Jex si hnuahiw camqax sewqair koxcow ee viauxhen. Liw qamxx bingliauw guaw ee iwsur? Jitt jiongw tairdo vuahamm buguaw (NONEGOISTIC)/ byy jyr qewdat pnuawduan ee quandiamw. Liw qniaa zip iuhir-diongx, jniajyr iuhir jit vorhun, dongsii qycc jaix, jex si jit xee imngiaw ee huanxjiyr (REFLEX).
Juewqin, guaw decc knuar SANSKRIT ee qingdenw. Jit xee langg u huer ar, jin' jurzenn e sniu beh dingg tak hiaxee siauwlenn sidai ju'iongw quer ee mic. Qycc knuar BHAGAVAD GITA/ PURANA qapp qitnax qingbunn, lingxgo diyc ixjaw byy bad ee mic.
Ingxuanw si be qaixvenr ee, siqanx be qiauxcaw diyc ee. Dng' liw caixcuw ligsuw hingdong, dyrr si dac zip siqanx-diongx. Siqanx sewqair si ingxuanw huad cud lingliong ee huanxjiyr, mrqyxx ingxuanw be virr jitt xee sewqair huatsingx ee itcer cikdiyc. Guanjue si tetdew ee cywgo, si ham' siqanx iuxquanx ee mic. Liw jursinx ee ingxuanw vunxjid si be virr ziauxluan ee.
Liw ee giap (KARMA) ixqingx dirr qiuwsiok-diongx.
The Tiger and the Goat
HOW QAPP NGIUU
Campbell : qycc laii guaw beh qongw ee si jit jiah sew jiah how ee qowsu. Jit jiah how maxmah u srinx ar, vakdow iaux qaxx vnir vrow, jauw kir niguu qrunn hiax, beh cue jiac :ee, dirr ix jit tiaur quann pag hiongr jit jiah ngiuu sii, vakdow jit iong lat, vakdow-lai ee how qniaw suacc laii cutsir. Maxmah ee kuiwlat iong jin, siag dirr tokax, siw .kir. Ersaih qongw how maxmah ee siw, cua cud ser jiah how ee snewmia. Hitt qrunn vunxlaii hro how qniax qaxx siwsnuar jauw ee ngiuqnun ban ~ huee dngw laii guande, huathen how maxmah ee sitew qapp how qniaw. Jiaxee ngiuu buxsingr vunxlingg qik qiongg, qra how qniaw kiyh laii cri, dyrr anne how qniaw dirr ngiuqunn nirr, marr itdit zinrding jurqiw si ngiuu. Qiywsnia cniurr ngiuu meh ~ ~, jiac cauw. Mrqyxx ix ee siauhuar hertongw be sik'ingr cauxliu, jiac cauw kiokk be siauhuar tihh, texqeh sanxziok.
U jit qangx, jit jiah how vaxvah laii beh liac ngiuu jiac, ngiuqunn qycc jit vaiw siwsnuar luanrjauw, danrsi how qniaw m si ngiuu, m jaix qniax, kia dirr guann soxjai, how vaxvah qra siongr liauw siongr, qongw “liw jnuaxngiu dirr ngiuqunn nirr neh?”
How qniaw m jaix zuhyy dab, kuir qib meh meh qiyr au, ngar tauu jiac cauw, how vaxvah suacc gang .kir, qamxqag cniurr dngw kir cur-lai beh knuar qniaw, qingwzenn si lauu dngg taumngg ee laurve, dang ciuw pah nng ~ snax vaiw hitt jiah how qniaw, iuguann meh ~ qiyr, qycc ngar tauu jiac cauw. Juewau, how vaxvah qa how qniaw ee amrqunw, qniaa kir juiw-vnix, hitt sii byy hongx, juixbin jing ~ naxx qniar.
Inwdorlangg qongw, YOGA si jit jiongw hro langg simx jing cniurr qniar ee gersut, e hro simlingg ee jurhuatsingr uahdang diamrjing lyc laii, hyxviw jit pxenr vingjing ee jiuxbin, hongx jit kiw, cue hiongr juixbin, busor juixqngx siamxsih, jit pyx quer jit pyx jit quer dyrr byy .kir ee pyngiaw. Dirr zidsiongg sing'uac-diongx, lanw dyrr si qra jurqiw knuawjyr siamxsih ee pyngiaw, or! Guaw si anne piaux byy dnia neh! Zuqyw liw erdangr hro simx cniurr juiw vingjing, dyrr e knuar diyc jurqiw jinjniar ngiaxsiong, cingcyw jiyr cud jurqiw ingxqiuw ee binrmau. Jitt sii, liw e zinrdongg jitt xee jin'gnow, jaix jurqiw qapp jitt xee sewqair dirr mow xee iwgi-siong si buquanx ee.
How vaxvah qra how qniaw cua qaur juiw-vnix, dyrr si beh qra YOGA ee guanjig siaurqair hro ix. “knuar juixbin ee liw!” how qniaw derr id vaiw knaur diyc jurqiw snex jyr sniaxmic kuanw, vaxvah marr qniaa qin juiw vnix, hro bin jiyr dirr juixbin, “knuar u hnor! Liw ee bin ham' guaw :ee qangrkuanw! Liw diyh'ar ham' guaw qang!”
How qniaw jitt sii kaisiw bingliauw. How vaxvah qra ser jiah how qa dngw kir dongrhet, beh qra siong derr zi kxyr. Dong-lai u jit jiah juewqin qarsiw liac dngw laii ee ngiuu. How vaxvah ui' ngiuu sixtew qa jit der hueh cobcop dih ee bah, “ cuir kuix!” beh qra trad zip cuiwlai.
How qniaw qniax qaxx dywter quixarr vo, “guaw jiac cair!”
“mair luan qongw!” gne qra bah trad .zip .kir, how qniaw qamxqag jit jun kuir cuanw be quer. Jex itding e anne, cniurr Inwdo singwqingdenw soxx qongw, zimrhyy virr jinliw ciongbuanw ee langg, dy' e u be cuanxkuir ee qamxqag.
Suibongw how qniaw qamxqag jadkuir, mrqyxx jiac ee mic si hac ix siauhuar :ee, sinqingx hertongw sui' dyrr dinxdang kiw laii, huad cud derr id sniax ser ~ ee hauxqiyr. How vaxvah qongw, anne driyc ar! Liw bingvik lor! Lanw qaix jiac how qaix jiac ee bah.”
Jitt xee qowsu dongzenn si gurgenn. Qra lanw qongw, lanw sursit-siong si uac dirr ngiuu qexsiong-lai ee how. Siarhuerhak ham' lanw dairvorhun jongqaur qauwiok ee bogdig, dy' si uirr penr lanw siongsinr jurqiw si ngiuu. Zuqyw duiww sinue siongrdingx u jingwkag qaixsuad, jaiww qasiong bingngiu ee duanwlen, dyrr e knuar cud jurqiw ee how bin. Bunrdee cud dirr, qiwzenn si how, qycc vutdikvud (qiogvutqiok) qewsiok sing'uac dirr ngiuqunn-diongx, liw qaix jnuaxngiu vran?
Liw rair jaix, jitt xee sewqair ee itcer hingsiong, dy' si qang jit xee ingxqiuxjiaw qngngiaw ee jit siamxsih, incuw, qaix jundiong miuxx jit xee hingsiong, in'ui jitt lairbin vauhamm snewmia ee mohuad. Vutqyr, jundiong qruix jundiong, liw mair hro langg jaix liw si how!
Dng' HALLAJ/ Iasox hro Jingwqaur tuantew jaix inx si how au, dyrr virr dingr siw! HALLAJ iokk dirr qongguann qauw-vah nii jingau virr sixhingg cuxquad, hro SUFI pair qauwdoo yc erhiauw: qra ludhuad ee duarsnax cing dirr guarbin, hing'uii qexjong ham' langg' byy nng ngiu, dongsii qra ywvir ee snxax cing dirr lairbin, m tangx ho'ngg knuar .diyc.
Incuw, guaw qoxle dag'ee, dirr jitt xee sewqair jyr how, m hyw hro langg jaix liw si how!
------------ SUAH --------------- 2009/11/30