Johan Hok'imx

1 Dirr kixtauu u Dy, Dy qapp Siongrder snaqab dilehh, Dy dyrr si Siongrder.

2 Jitt xee Dy dirr kixtauu qapp Siongrder snaqab dilehh.

3 Banrbut dui' Dy laii congwjy; qniwnarr siurr congwjy :ee, byy jit hxang m si dui' Ix laii congwjy.

4 Uahmia dirr Ix ee lairbin; jitt xee uahmia si langg ee qngx.

5 Qngx jiyr dirr oamr; oamr m jiaplap ix.

6 U jit langg dui' Siongrder hiax ho'ngg crex .laii, miaa qiyr Johan.

7 Jitt xee langg laii juer qanjingr, si beh uirdiyhh qngx juer qanjingr, hro jiongww langg dui' Ix laii sinr.

8 Ix m si hitt xee qngx, si beh uirdiyhh Qngx juer qanjingr nardnia.

9 U jinx ee Qngx laii dirr sewqanx, decc jiyr banrlangg.

10 Ix dirr sewqanx, sewqanx dui' Ix laii congwjy, acc sewqanx m bad Ix.

11 Ix qaur qaqi ee soxjai, qaqi ee langg m jiaplap Ix.

12 Qniwnarr jiaplap Ix :ee, dyrr si sinr Ix ee miaa ee langg, Ix dyrr sniuxsur inx u qxuann, jniaa juer Siongrder ee qniaxzii;

13 Inx m si dui' hetkir, iarr m si dui' ziogtew ee iwsur, iarr m si dui' langg ee iwsur snix :ee, si dui' Siongrder snix :ee.

14 Dy jniaa ziogtew, kiarkiw dirr lanw diongqanx, u undenw qapp jinliw muaw muaw; qycc guanw bad knuar qnir Ix ee ingqngx, cincniu dogsnix ee Qniaw dui' Ve soxx did ee ingqngx.

15 Johan uirdiyhh Ix juer qanjingr, qiyr qongxx, "Jitt xee dyrr si guaw soxx qongw, 'Duewbuew guaw laii :ee, jniaa juer guaw ee dairsingx; in'ui Ix vunxlaii dyrr dairsingx guaw dilehh.'"

16 In'ui dui' Ix soxx ciongmuaw :ee, lanw longxx u niaxsiu, undenw suawjiab undenw.

17 In'ui ludhuad si dui' Moses laii tuann; undenw qapp jinliw si dui' Jesus Krist laii :ee.

18 M bad u langg knuar qnir Siongrder, jixu dirr Ve simhuaii diongx dogsnix ee Qniaw u viauxbingg Ix.

19 Johan ee qanjingr qir dirr erdew. Judealangg dui' Jelusalem crex jewsix qapp Levilangg jiurqin ix laii mng qongxx, "Liw si jiurjui?"

20 Hitt sii, Johan singzin byy unxmuaa, ix singzin qongxx, "Guaw m si Krist."

21 Inx qycc mng ix, "Anxnix si si'angw lehh? Liw si Elijah mah?" Ix qongw, "M si." "Liw si hitt xee sendix mah?" Rinr qongxx, "M si."

22 Inx dyrr qra ix qongw, "Liw si si'angw? Hro guanw tangx huehog crex guanw :ee. Liw diyhh qongw qaqi si si'angw?"

23 Ix qongw, "Guaw dyrr si dirr kongwiaw decc qiyr :ee ee hitt xee sniax, qongw, 'Siux dit Jruw ee lo', dyrr cincniu sendix Isaiah soxx qongw :ee."

24 Hiaxee langg dyrr si Faliselangg soxx crex :ee.

25 Inx qycc mng ix qongxx, "Liw narr m si Krist, iarr m si Elijah, iarr m si hitt xee sendix, jnaixngiu qniaa sexlew ar?"

26 Johan rinr ix qongxx, "Guaw si ing juiw qniaa sexlew; danrsi u jit xee kia dirr linw diongqanx :ee, linw m bad Ix.

27 Ix dyrr si duewbuew guaw laii :ee. Guaw lenrr tauw Ix ee eduar iarr byy qraur qeh."

28 Jiaxee su qniaa dirr Jordan Hyy gua ee Betabala, dyrr si Johan qniaa sexlew ee soxjai.

29 Qeh zit, Johan knuar qnir Jesus jiurqin ix, dyrr qongw, "Knuar ar, Siongrder ee Ngiuqyx, dyrr si damdngx sewqanx ee jue :ee.

30 Jitt xee dyrr si guaw soxx bad qongw, 'U jit xee duewbuew guaw laii :ee, jniaa juer guaw ee dairsingx, in'ui Ix vunxlaii dyrr dairsingx guaw dilehh.'

31 Guaw vunw m bad Ix; dogdok beh hro Ix dirr Islaellangg diongx henxbingg, soxiw guaw laii ing juiw qra qniaa sexlew."

32 Johan qycc qanjingr qongxx, "Guaw bad knuar qnir Singwsinn cincniu jnixaw dui' tnix qangr lyc, hiyh dirr Ix ee dingxbin.

33 Guaw vingsor m bad Ix; dogdok crex guaw ing juiw qniaa sexlew :ee qra guaw qongw, 'Liw knuar Singwsinn qangwlimm, hiyh dirr Ix dingxbin. Ix dyrr si ing Singwsinn qniaa sexlew :ee.'

34 Guaw bad knuar .qnir, laii qanjingr jitt xee si Siongrder ee Qniaw."

35 Qycc qeh zit, Johan qapp ix nng xee hagsingx decc kia,

36 Knuar qnir Jesus decc qniaa, dyrr qongw, "Knuar ar! Siongrder ee Ngiuqyx."

37 Hitt nng xee hagsingx tniax ix soxx qongw, dyrr duer Jesus.

38 Jesus uat dngw srinx, knuar inx decc duer Ix, dyrr qra inx qongw, "Linw decc cue simxmih?" Inx qra Ix qongw, "Rlabbi, Liw diamr dirr daxlyc?"(Rlabbi, huan'ik dyrr si Sensnix).

39 Jesus qra inx qongw, "Linw laii dyrr e knuar .qnir." Inx dyrr kir, knuar Ix soxx druar ee soxjai. Hitt zit inx qapp Ix snaqab druar; hitt sii iokliok sir diamw.

40 Tniax Johan ee ue laii duer Jesus ee nng langg, qidiongx jit xee si Simon Peter ee hniadi Andlew.

41 Ix dairsingx duw diyc inx hniadi Simon, qra ix qongw, "Guanw ixqing’ duw diyc Messiah (huan'ik dyrr si Krist)."

42 Dyrr cua ix jiurqin Jesus. Jesus knuar ix, qongw, "Liw dyrr si Johan ee qniaw Simon; liw beh cxingx juer Cefas." (huan'ik dyrr si Peter).

43 Qycc qeh zit, Jesus beh kir Galilee, duw diyc Filip, dyrr qra ix qongw, "Duer Guaw."

44 Filip si Betsaida ee langg, qapp Andlew, Peter qangg sniaa.

45 Filip duw diyc Natanael, dyrr qra ix qongw, "Moses qir dirr ludhuad qapp jiaxee sendix soxx qir :ee, guanw ixqing’ duw diyc Ix, dyrr si Josef ee qniaw, Nazaletlangg, Jesus."

46 Natanael qra ix qongw, "Nazalet qamxx u e cud simxmih hyw mic mah?" Filip qongw, "Laii knuar."

47 Jesus knuar qnir Natanael jiurqin Ix, dyrr qiw ix, qongw, "Liw knuar, jinjniar si Islaellangg, simx byy kuixket :ee."

48 Natanael qra Ix qongw, "Liw dui' daxlyc bad guaw?" Jesus qongw, "Filip iauxx bue qiyr liw, liw dirr buhuaqyxciu kax, Guaw ixqing’ knuar qnir liw lar."

49 Natanael rinr Ix qongxx, "Rlabbi, Liw dyrr si Siongrder ee Qniaw; Liw dyrr si Islael ee Ongg."

50 Jesus rinr ix qongxx, "In'ui Guaw qra liw qongw, 'Guaw ixqing’ knuar qnir liw dirr buhuaqyxciu kax', liw dyrr sinr mah? Liw beh knuar qnir dairjir viw jiaxee kacc dua :ee."

52 Qycc qra ix qongw, "Guaw sidsit qra linw qongw, linw beh knuar qnir tnix kuix, Siongrder ee tnisair jniurlyc dirr Zinjuw ee dingxbin."

2 Derr snax zit, dirr Galilee ee Kana u hun'inx ee ensiac. Jesus ee laurbuw dirr hiax.

2 Jesus qapp Ix ee hagsingx iarr hro inx cniaw kir hur ensiac.

3 Jiuw ing liauw, Jesus ee laurbuw dyrr duiww Ix qongw, "Inx byy jiuw lar."

4 Jesus qra ix qongw, "Laurbuw ar, Guaw qapp liw simxmih qansiap? Guaw ee sii iauxx bue qaur."

5 Ix ee laurbuw qra jiaxee ce'ing qongw, "Huanrnarr Ix qra linw qongw :ee, linw diyhh tniax Ix."

6 Jiauww Judealangg sew cingkir ee le, dirr hiax u vaii lak xee jiyh'angr, dagg xee e drew did nng~snax tangw juiw.

7 Jesus qra ce'ing qongw, "Ing juiw hro ix muaw angr."

8 Qycc qra inx qongw, "Dnaxx diyhh ngiuw ix, pangg hro jiangxliw endyh ee langg." Inx dyrr pangg hro ix.

9 Juiw venr juer jiuw, jiangxliw endyh :ee cir limx ix, m jaix dui' daxlyc laii, dogdok ngiuw juiw ee ce'ing jaix. Jiangxliw endyh :ee dyrr qiyr sinqniaxsair laii,

10 Qra ix qongw, "Langg' longxx si dairsingx vaii hyw jiuw, qaur langg limx jerje, jiacc ing kacc crur :ee; dogdok liw qra hyw jiuw lauu qaur jitt diap."

11 Jitt xee tauu jit vaiw ee sinziah, Jesus qniaa dirr Galilee ee Kana, laii henxcud Ix ee ingqngx. Ix ee hagsingx dyrr sinr Ix.

12 Jitt xee su ixau, Ix qapp Ix ee laurbuw, qapp hniadi, ixqip Ix ee hagsingx lyc kir Kapernaum; diamr hiax byy quiw zit.

13 Judealangg ee Vnuaquewjeh qin lar. Jesus jnriu Jelusalem.

14 Dirr dxen nirr duw diyc u bre guu, ngiuu, jnixaw, iarr u ngua jnii :ee decc jre.

15 Jesus ing syh juer vnxix, qra inx qapp ngiuu, guu longxx qnuaw cud dxen; qycc ciax dyw ngua jnii ee langg ee jnii, vingw inx ee dyh;

16 Qycc qra bre jnixaw :ee qongw, "Duar jiaxee mic kir; m tangx ing Guaw ee Ve ee cur juer bexbe ee cur."

17 Ix ee hagsingx qir did Singwqingx u qir qongxx, "Guaw uirdiyhh Liw ee cur, simlai cincniu huew dyc."

18 Judealangg rinr Ix qongxx, "Liw juer jiaxee dairjir, beh ing simxmih sinziah hro guanw knuar?"

19 Jesus rinr qongxx, "Linw huixhuai jitt xex dxen, Guaw snax zit beh qycc kiw ix."

20 Judealangg dyrr qongw, "Jitt xee dxen ligquer sir-jap-lak nii jiacc kiw hyw, acc Liw snax zit beh qycc kiw ix mah?"

21 Danrsi Ix anxnix qongw si decc lun Ix ee sinkux ee dxen.

22 Qaur Ix dui' sixlangg diongx qycc uac, Ix ee hagsingx jiacc qir did Ix bad anxnix qongw, dyrr sinr Singwqingx qapp Jesus soxx qongw ee ue.

23 Dng' Vnuaquewjeh, Jesus dirr Jelusalem. Dirr jecqii diongx, jerje langg knuar qnir Ix soxx qniaa ee sinziah, dyrr sinr Ix ee miaa.

24 Danrsi Jesus byy ing vunxsinx qautog inx, in'ui Ix jaix jiongww langg;

25 Ix iarr byy kiamwing langg duiww Ix jingwbingg langg si jnaixngiu, in'ui Ix qaqi jaix langg simlai soxx kngr :ee.

3 U jit xee Faliselangg, miaa Nikodemus, si Judealangg ee qnruax.

2 Ix mii .sii laii jiurqin Jesus, duiww Ix qongw, "Rlabbi, guanw jaix Liw si dui' Siongrder laii juer sensnix :ee; in'ui narr m si Siongrder qapp ix dilehh, dyrr byy langg e qniaa Liw soxx qniaa jiaxee sinziah."

3 Jesus rinr ix qongxx, "Guaw sidsit qra liw qongw, langg narr byy dingtauu snix, dyrr be e knuar qnir Siongrder ee qog."

4 Nikodemus duiww Ix qongw, "Langg ixqing’ lau, jnaixngiu e dingtauu snix? Qamxx e qycc zip laurbuw ee vakdow laii snix mah?"

5 Jesus rinr qongxx, "Guaw sidsit qra liw qongw, langg narr byy dui' juiw, dui' Singwsinn laii snix, dyrr be e zip Siongrder ee qog.

6 Dui' ziogtew snix :ee si ziogtew; dui' Sinn snix :ee si sinn.

7 Guaw qongw, 'Linw dikkag diyhh dingtauu snix', liw byc did laii juer qiquair.

8 Hongx cutjai iwsur laii cuex, liw tniax qnir ix ee sniax, m jaix ix dui' daxlyc laii, daxlyc kir; qniwnarr dui' Sinn snix :ee iarr si anxnix."

9 Nikodemus rinr Ix qongxx, "Jnaixngiu e anxnix?"

10 Jesus rinr ix qongxx, "Liw juer Islael ee sensnix, iarr m jaix jex mah?

11 Guaw sidsit qra liw qongw, Guanw si qongw Guanw soxx jaix :ee, qanjingr Guanw soxx knuar .qnir .ee; danrsi linw m jiaplap Guanw ee qanjingr.

12 Guanw qra linw qongw derjniu ee su, linw siongrcniaw m sinr; narr qra linw qongw tnidingw ee su, linw tacc beh sinr?

13 Byy langg bad jnriu tnix; jixu dirr tnix nirr ee Zinjuw, ix u dui' tnix qangr lyc nardnia.

14 Qycc cincniu Moses dirr kongwiaw quw kiw juaa, Zinjuw iarr dikkag diyhh anxnix siurr quw kiw;

15 Hro qniwnarr sinr ee langg diamr dirr Ix u ingxuac.

16 In'ui Siongrder jiong' dogsnix ee Qniaw sniuxsur sewqanx, hro qniwnarr sinr Ix ee langg be dimlunn, e did diyc ingxuac; Ix tniar sewqanx qaur anxnix.

17 In'ui Siongrder crex Qniaw zip sewqanx, m si beh simxpnuar sewqanx; si beh hro sewqanx dui' Ix did diyc qiur.

18 Sinr Ix ee langg byy siurr simxpnuar; m sinr ee langg ixqing’ siurr simxpnuar, in'ui ix m sinr Siongrder dogsnix ee Qniaw ee miaa.

19 Qngx zip sewqanx, in'ui langg soxx qniaa si pnaiw, ix air amr kacc quewtauu dirr qngx; soxx simxpnuar :ee dyrr si jex.

20 Qniwnarr juer pnaiw :ee, uanwhun qngx, iarr m jiurqin qngx, kiongxqniax ix ee soxx qniaa :ee e siurr jikvi.

21 Dogdok qniaa jinliw ee langg, ix jiurqin qngx, laii henxbingg ix ee soxx qniaa si kyr Siongrder laii qniaa."

22 Jiaxee dairjir ixau, Jesus qapp Ix ee hagsingx qaur Judea-de, qapp inx druar hiax laii qniaa sexlew.

23 Johan iarr dirr qin Salim ee Aenon decc qniaa sexlew, in'ui dirr hiax u jerje juiw. Langg qaur hiax laii siurr sexlew.

24 Hitt jun Johan iauxx bue qnuaix lyc qnax.

25 Dui' anxnix, u Johan ee hagsingx qapp jit xee Judealangg jingven cingkir ee su.

26 Inx laii jiurqin Johan, qra ix qongw, "Rlabbi ar, jiongjingg qapp liw dirr Jordan Hyy gua, liw soxx qanjingr :ee, liw knuar, Ix decc qniaa sexlew. Jiongww langg longxx jiurqin Ix."

27 Johan rinr qongxx, "Narr m si dui' tnix :ee hro ix, langg dyrr be did diyc simxmih.

28 Guaw bad qongw, 'Guaw m si Krist, si hrong crex dirr Ix ee taujingg nardnia.' Linw uirr guaw juer qanjingr.

29 Crua sinniuu :ee si sinqniaxsair; sinqniaxsair ee ving'iuw kia lehh, tniax diyc sinqniaxsair ee sniax dyrr hnuahiw qaur qik. Soxiw guaw jitt xee hnuahiw ciongmuaw ar.

30 Ix dikkag hing'ong, guaw dikkag suebii.

31 Dui' dingxbin laii :ee, si dirr banrlui ee dingxbin; hitt xee dui' de nirr :ee, si dui' de jiacc u, soxx qongw iarr si duiww de laii qongw; dui' tnix laii :ee si dirr banrlui ee dingxbin.

32 Ix jiong' soxx tniax .qnir .ee laii qanjingr, qycc byy langg jiaplap Ix ee qanjingr.

33 Jiaplap Ix ee qanjingr :ee, ixqing’ kamr inr laii qanjingr Siongrder si jinsit.

34 In'ui Siongrder soxx crex :ee qongw Siongrder ee ue; si Siongrder sniuxsur Singwsinn byy hanrliong.

35 Ve tniar Qniaw, ixqing’ jiong' banrmic qauhur Ix ee ciuw.

36 Sinr Qniaw ee langg u ingxuac; m sun Qniaw ee langg be knuar qnir uac, Siongrder ee siurkir diamr dirr ix ee dingxbin."

4 Jruw ixqing’ jaix Faliselangg tniax qnir Ix jiyx diyc hagsingx, qycc qra inx qniaa sexlew, viw Johan kacc je,

2 (Qisit Jesus qaqi byy qniaa sexlew, si Ix ee hagsingx qniaa :ee),

3 Dyrr lirkuix Judea, qycc kir Galilee.

4 Ix diyhh dui' Samalia qingquer.

5 Dui' anxnix qaur Samalia jit xee sniaa, miaa qiyr Syqar, qin Jakob hro ix ee qniaw Josef ee de;

6 Dirr hiax u Jakob ee juixjnew. Jesus qniaa qaxx sen, dyrr anxnix jre dirr jnew-vnix. Hitt sii iokliok ziddiongdaur.

7 U jit xee Samalia ee hurzinlangg laii cnriu juiw; Jesus qra ix qongw, "Cniaw hro Guaw limx."

8 In'ui hitt sii Ix ee hagsingx ixqing’ zip sniaa, kir brew mic tangx laii jiac.

9 Samalia ee hurzinlangg qra Ix qongw, "Liw si Judealangg, jnaixngiu duiww guaw Samalia ee hurzinlangg tyw juiw limx ar?" Jex si in'ui Judealangg qapp Samalialangg longxx byy ongxlaii.

10 Jesus rinr ix qongxx, "Setsuw liw bad Siongrder ee unsur, qapp duiww liw qongw, 'Hro Guaw limx' :ee si jirjui, liw dikkag qriuu Ix, Ix dyrr ing uahjuiw hro liw."

11 Hurzinlangg qongw, "Jruw ar, liw byy cnriu juiw ee kiwqu, jnew qycc cimx; dui' daxlyc u hitt xee uahjuiw ar?

12 Guanw jow Jakob lauu jitt xee jnew hro guanw, ix qaqi qapp qniaxzii qapp jingsnix longxx limx jitt xee jnew ee juiw, Liw qamxx viw ix kacc dua mah?"

13 Jesus rinr ix qongxx, "Limx jitt xee juiw :ee, longxx beh qycc cuiwdax;

14 Dogdok qniwnarr limx Guaw soxx beh hro ix ee juiw :ee, ingxuanw be cuiwdax. In'ui Guaw soxx hro ix ee juiw beh dirr ix ee lairbin jniaa juer juixjnuaa, diddit cringr kiw laii qaur ingxuanw uac."

15 Hurzinlangg duiww Ix qongw, "Jruw ar, ing jitt xee juiw hro guaw, hro guaw be cuiwdax, iarr benw laii jiacc hng cnriu."

16 Jesus qra ix qongw, "Kir qiyr liw ee diongrhux, liw jiacqycc laii."

17 Hurzinlangg rinr Ix qongxx, "Guaw byy diongrhux." Jesus qra Ix qongw, "Liw qongw byy diongrhux si driyc.

18 Liw bad u go xee diongrhux, dnaxx liw soxx u :ee m si liw ee diongrhux. Liw ee ue jinjniar driyc."

19 Hurzinlangg qra Ix qongw, "Jruw ar, guaw knuar Liw si sendix.

20 Guanw jow bad dirr jitt xee snuax qingwvair; danrsi linw Judealangg qongw qingwvair ee soxjai ingqaix dirr Jelusalem."

21 Jesus qra ix qongw, "Hurzinlangg ar, diyhh sinr Guaw. Sii beh qaur lar, linw qingwvair Ve byy dirr jitt xee snuax, iarr byy dirr Jelusalem.

22 Linw qingwvair linw soxx m jaix :ee, guanw qingwvair guanw soxx jaix :ee; in'ui jinxqiur si dui' Judealangg cud.

23 Danrsi sii beh qaur, jitmaw dyrr si :ar, jinsit qingwvair :ee beh ing sinn, ing jinsit qingwvair Ve; in'ui Ve si rair jitt hy langg qingwvair Ix.

24 Siongrder si Sinn; qingwvair Ix ee langg, diyhh ing sinn, ing jinsit laii qingwvair."

25 Hurzinlangg qra Ix qongw, "Guaw jaix Messiah decbeh qaur. Ix narr qaur, e ing itcer ee su qra guanw qongw." (Messiah huan'ik dyrr si Krist.)

26 Jesus qra ix qongw, "Guaw, jitmaw decc qapp liw qongxue :ee, dyrr si."

27 Hitt sii Ix ee hagsingx qaur, qiquair Ix qapp hurzinlangg decc qongxue; dogdok byy langg qongw, "Liw beh simxmih?" iacc si qongw, "Liw sniaw su qapp hurzinlangg qongxue?"

28 Hurzinlangg suisii vangwhe ix ee juixvann, zip sniaa, qra langg qongw,

29 "Laii knuar jit xee Langg. Guaw vingsor qniaa ee su, Ix longxx qra guaw qongw; jitt xee jongw byy si Krist ar?"

30 Inx dyrr cud sniaa, laii jiurqin Jesus.

31 Dngsii hagsingx qriuu Ix qongxx, "Rlabbi, laii jiac."

32 Danrsi Ix qra inx qongw, "Guaw u bixniuu tangx jiac, linw soxx m jaix :ee."

33 Hagsingx dyrr snaqab qongw, "Qamxx u langg hro Ix jiac mah?"

34 Jesus qra inx qongw, "Qniaa crex Guaw :ee ee jixir, laii bingvik Ix ee qangx, jex dyrr si Guaw ee bixniuu.

35 Linw qamxx byy qongw, 'Siuquah ee sii iauxx u sir guehzit jiacc qaur' mah? Guaw qra linw qongw, giahbak knuar hngg, ixqing’ sik, tangx quah lar.

36 Siuquah ee langg did diyc qangjnii, jikju gnoxqog qaur ingxuac, hro ia jxingw :ee qapp siuquah :ee snaqab hnuahiw.

37 In'ui sioggiw soxx qongw: Jitt xee ia jxingw, hitt xee siuquah. Dui' anxnix jinjniar urngiaw.

38 Guaw crex linw siuquah linw soxx byy diyhbuaa :ee; vadd langg ixqing’ diyhbuaa, linw hiongxsiu inx soxx diyhbuaa :ee."

39 Dirr hitt xee sniaa u jerje Samalialangg sinr Ix, si in'ui hurzinlangg qanjingr qongxx, "Guaw vingsor qniaa ee su, Ix longxx qra guaw qongw."

40 Dui' anxnix, Samalialangg jiurqin Jesus ee sii, qriuu Ix qapp inx druar; Ix dyrr druar hiax nng zit.

41 In'ui Ix ee ue laii sinr ee langg qyckacc je.

42 Inx qra hurzinlangg qongw, "Guaw dnaxx m si dui' liw ee ue laii sinr, si cinsinx tniax .qnir, jaix Ix jinjniar si sewqanx ee Qiuwjuw."

43 Quer nng zit, Jesus lirkuix hiax, kir Galilee.

44 In'ui Jesus qaqi qanjingr qongxx, "Sendilangg dirr vunxsoxjai byy junquir."

45 Qaur Galilee ee sii, Galileelangg bad knuar Ix dirr Jelusalem dng' jecqii diongx soxx qniaa itcer ee dairjir, dyrr jiaplap Ix; in'ui inx vunxsinx iarr u kir hur jecqii.

46 Jesus qycc qaur Galilee ee Kana, dyrr si Ix ing juiw venr jiuw ee soxjai. U jit xee ongg ee zinsinn, ix ee qniaw dirr Kapernaum puawvni.

47 Ix tniax qnir Jesus dui' Judea qaur Galilee, dyrr kir jiurqin Ix, qriuu Ix lyc kir idi ix ee qniaw, in'ui ix ee qniaw decbeh siw lar.

48 Jesus duiww ix qongw, "Narr byy knuar qnir sinziah qrii su, linw dikkag m sinr."

49 Ongg ee zinsinn duiww Ix qongw, "Jruw ar, tanr guaw ee sewqniaw iauxx bue siw, lyc .laii .kir."

50 Jesus qra ix qongw, "Kir ar, liw ee qniaw uac lar." Hitt langg sinr Jesus qra ix qongw ee ue, dyrr kir.

51 Duxduxx lyc .kir ee sii, ix ee lovok quixnarr langg duw diyc ix, qra ix qongw ix ee qniaw uac lar.

52 Ix dyrr mng inx simxmih sii jiacc kacc hyw? Inx dyrr qra ix qongw, "Jaziddaur jit diamw zet trer."

53 Laurve jaix hitt sii duxduxx si Jesus qongw, "Liw ee qniaw uac lar" ee sii; ix qaqi qapp juann qrex dyrr longxx sinr.

54 Jitt xee derr zi vaiw ee sinziah, si Jesus dui' Judea qaur Galilee ixau soxx qniaa :ee.

5 Jiaxee su ixau, u jit xee Judealangg ee jecqii. Jesus jnriu Jelusalem.

2 Dirr Jelusalem, qin Ngiuu Mngg ee jit xee dii, Hebla ee ue qiyr juer Betesda, u go xee lingxlongg.

3 Hitt lairbin u cnimii :ee, vaixkax :ee, huih qodaa :ee, jerje vnirlangg dyw lehh, tingwhau juiw dinxdang.

4 In'ui ursii tnisair lyc dii, hro juiw dinxdang; juiw ixqing’ dinxdang, tauu jit xee lyc dii :ee, vutlun simxmih vni longxx e hyw.

5 Dirr hiax u jit langg, puawvni snax-jap-veh nii.

6 Jesus knuar qnir ix dyw lehh, jaix ix ee vni ixqing’ quw, dyrr qra ix qongw, "Liw rair did diyc hyw mah?"

7 Puawvni ee langg rinr Ix qongxx, "Jruw ar, juiw dinxdang ee sii, byy langg tangx huu guaw lyc dii; qaur guaw laii ee sii, vadd langg dairsingx guaw lyc .kir lar."

8 Jesus qra ix qongw, "Kiw .laii, giaa liw ee pox-aw laii qniaa."

9 Hitt langg jiksii hyw, dyrr giaa ix ee pox-aw qniaa lirkuix.

10 Hitt zit si Anhiyczit. Judealangg dyrr qra did diyc rix hyw ee langg qongw, "Qinaxzit si Anhiyczit, liw giaa pox-aw si byy habgii."

11 Danrsi ix rinr qongxx, "Hitt xee rix hyw guaw :ee qra guaw qongw, 'Giaa liw ee pox-aw laii qniaa.'"

12 Inx mng ix qongxx, "Qra liw qongw, 'Giaa pox-aw laii qniaa :ee', si simxmih langg?"

13 Did diyc hyw ee langg m jaix Ix si jirjui; in'ui hitt soxjai ee langg je, Jesus ixqing’ kir vadd xui.

14 Au .laii Jesus dirr dxen nirr duw diyc ix, dyrr qra ix qongw, "Liw ixqing’ did diyc hyw; byc did qycc huanrjue, qniax liw e duw diyc qyckacc camw."

15 Hitt langg dyrr kir qra Judealangg qongw, rix hyw ix :ee dyrr si Jesus.

16 Soxiw Judealangg kunxdiok Jesus, in'ui Ix dirr Anhiyczit juer jiaxee dairjir.

17 Jesus rinr qongxx, "Guaw ee Ve qniaa dairjir qaur dnaxx, Guaw iarr qniaa dairjir."

18 Soxiw Judealangg ithuad beh taii Ix, in'ui Ix m na huan diyc Anhiyczit, qycc qongw Siongrder si Ix ee Ve, jiong' vunxsinx sngr juer qapp Siongrder vnii :ee.

19 Jesus dyrr rinr qongxx, "Guaw sidsit qra linw qongw, Qniaw narr m si knuar qnir Ve qniaa :ee, dyrr qaqi be qniaa simxmih; in'ui qniwnarr Ve soxx qniaa :ee, Qniaw iarr jiauww anxnix qniaa.

20 In'ui Ve tniar Qniaw, jiong' vunxsinx soxx qniaa :ee longxjongw hro Ix knuar; iarr beh jiong' viw jiaxee kacc dua :ee ee soxx qniaa hro Ix knuar, drir qaur linw qiquair.

21 In'ui cincniu Ve hro sixlangg kiw .laii, qycc hro inx uac, Qniaw iarr si anxnix hro Ix soxx air ee langg qycc uac.

22 Ve byy simxpnuar langg, dogdok ing simxpnuar ee su longxx qaudair Qniaw,

23 Beh hro jiongww langg longxx junqingr Qniaw, cincniu junqingr Ve. Byy junqingr Qniaw ee langg, dyrr si byy junqingr crex Ix ee Ve.

24 Guaw sidsit qra linw qongw, tniax Guaw ee ue, iarr sinr crex Guaw :ee, dyrr u ingxuac, be qaur siurr simxpnuar, si ixqing’ cud siw zip uac lar.

25 Guaw sidsit qra linw qongw, sii beh qaur, henrjai dyrr si lar, sixlangg decbeh tniax qnir Siongrder ee Qniaw ee sniax; tniax .qnir ee langg decbeh uac.

26 In'ui cincniu Ve dirr vunxsinx u uahmia, Ix iarr si anxnix hro Qniaw dirr vunxsinx u uahmia;

27 Qycc hro Ix u qxuann tangx simxpnuar, in'ui Ix si juer Zinjuw.

28 Byc did liac jitt xee juer qiquair, in'ui sii beh qaur, qniwnarr dirr bong-lai :ee beh tniax Ix ee sniax, jiacc cud .laii;

29 Qniaa hyw :ee qycc kiw .laii, did diyc uac; qniaa pnaiw :ee qycc kiw .laii, siurr simxpnuar.

30 Guaw qaqi be juer simxmih. Guaw jiauww soxx tniax .qnir laii simxpnuar; Guaw ee simxpnuar iarr si qonggi, in'ui Guaw byy qriuu qaqi ee iwsur, si qriuu crex Guaw :ee ee iwsur.

31 Guaw narr uirdiyhh qaqi juer qanjingr, Guaw ee qanjingr dyrr byy jinx.

32 Iarr u uirdiyhh Guaw juer qanjingr :ee, Guaw jaix Ix soxx uirdiyhh Guaw juer qanjingr :ee si jinx.

33 Linw bad crex langg jiurqin Johan, ix u uirdiyhh jinliw juer qanjingr.

34 Danrsi Guaw soxx sriu ee qanjingr, m si dui' langg; dogdok Guaw qongw jiaxee, si beh hro linw did diyc qiur.

35 Johan dyrr si diamw dyc qycc u qngx ee dingx, linw jingguan jiamrsii hnuahiw ix ee qngx.

36 Danrsi Guaw u viw Johan ee kacc dua ee qanjingr, in'ui Ve soxx qaudair Guaw laii jniaa ee su, dyrr si Guaw soxx qniaa jiaxee su. Jex dyrr qanjingr Guaw si Ve soxx crex :ee.

37 Crex Guaw ee Ve, Ix iarr bad uirdiyhh Guaw juer qanjingr. Linw jionglaii m bad tniax qnir Ix ee sniax, iarr m bad knuar qnir Ix ee hingsiong.

38 Qycc linw byy qra Ix ee dyrliw jrunn dirr linw, in'ui Ix soxx crex :ee, linw m sinr Ix.

39 Linw qangxqiur jiaxee Singwqingx, in'ui pacsngr hitt diongqanx u ingxuac. Uirdiyhh Guaw juer qanjingr :ee, dyrr si jiaxee Singwqingx;

40 Mrquxx, linw qycc byy beh jiurqin Guaw laii did diyc uac.

41 Guaw byy dui' langg siurr ingqngx.

42 Danrsi Guaw jaix dirr linw ee simlai byy u Siongrder ee tniar.

43 Guaw dirr Guaw ee Ve ee miaa laii, linw m jiaplap Guaw; narr u vadd langg dirr qaqi ee miaa laii, linw beh jiaplap ix.

44 Linw dairqex snaqang qriuu ingqngx, m qriuu dui' dog'id ee Siongrder laii ee ingqngx, jnaixngiu e sinr?

45 Byc did pacsngr Guaw beh duiww Ve qryr linw; u decc qryr linw :ee, dyrr si linw soxx uaxkyr ee Moses.

46 Linw narr sinr Moses, iarr beh sinr Guaw. In'ui ix soxx siaw :ee u lun diyc Guaw.

47 Linw narr m sinr ix ee ceh, tacc e sinr Guaw ee ue ar?"

6 Jiaxee su ixau, Jesus quer kir Galilee Haiw hitt vingg, dyrr si Tibelias Haiw.

2 U jerje langg duer Ix, si in'ui u knuar qnir Ix soxx qniaa dirr vnirlangg ee sinziah.

3 Jesus jnriu snuax, qapp Ix ee hagsingx jre dirr hiax.

4 Vnuaquewjeh, dyrr si Judealangg ee jeh qin lar.

5 Jesus giahbak knuar qnir jerje langg jiurqin Ix, dyrr qra Filip qongw, "Lanw beh dui' daxlyc brew vniaw laii hro jiaxee langg jiac ar?"

6 Ix qongw jitt xee si decc cir ix; in'ui Ix qaqi jaix soxx beh qniaa :ee.

7 Filip rinr Ix qongxx, "Ing nng-vah ee ginn-aw laii brew vniaw, iarr byy qauwgiac hro inx dagg langg did diyc damrvyc."

8 Ix ee hagsingx diongx u jit langg, dyrr si Simon Peter ee hniadi, Andlew, qra Ix qongw,

9 "Dirr jiax u jit xee ginxaw, ix u go xee duarbehvniaw, nng buew hii; danrsi jiong' jiaxee hro hiacc je langg, u qraur daxlyc?"

10 Jesus qongw, "Linw qiyr hiaxee langg jre lehh." Hitt soxjai u jerje cauw. Langg dyrr longxx jre .lyc .laii, langsor iokliok go-cingx.

11 Jesus tec hiaxee vniaw, jioksia liauxau, dyrr vunx hro jre :ee ee langg; hii iarr si anxnix, longxx jiauww inx soxx rair.

12 Inx ixqing’ jiac vaw. Jesus qra Ix ee hagsingx qongw, "Kiyh soxx jiac cunx :ee ee sud aw, benw did u pacsngw."

13 Dyrr jiong' soxx jiac cunx :ee ee go xee duarbehvniaw ee vniaxcuir, kiyh muaw jap-zi kingx.

14 Hiaxee langg knuar qnir Ix soxx qniaa ee sinziah, dyrr qongw, "Jitt xee jinjniar si soxx beh laii sewqanx ee Sendix."

15 Jesus jaix jiongww langg beh laii, rair gni hro Ix juer ongg, dyrr qycc trer kir zip snuax, jixu Ix qaqi dirr hiax.

16 Honghun'amr, Ix ee hagsingx lyc kir qaur haiw-vnix,

17 Jnriu junn, beh quer haiw kir Kapernaum. Ixqing’ amr, Jesus iauxx bue kunr.

18 In'ui hongx jin' taur, haixingw dyrr naxx dua.

19 Dui' anxnix, hagsingx qyr junn, iokliok qniaa veh lxiw iacc jap lxiw, knuar qnir Jesus qniaa dirr haixbin. Ix naxx uaw qin junn, inx dyrr qniax.

20 Danrsi Jesus duiww inx qongw, "Si Guaw, benw qniax."

21 Hagsingx dyrr hnuahiw jicjiab Ix jnriu junn. Junn liamvnix qaur inx soxx beh kir ee soxjai.

22 Qeh zit, kia dirr haiw hitt vingg hnua ee jiongww langg, knuar qnir hiax byy vadd jiah junn-aw, jixu jit jiah nardnia, qycc Jesus byy qapp Ix ee hagsingx dah hitt jiah junn, jixu hagsingx qaqi kir.

23 Danrsi u quiw jiah junn-aw dui' Tibelias laii, qaur qin Jruw jioksia liauxau jiongww langg jiac vniaw ee soxjai.

24 Jiongww langg knuar qnir Jesus qapp Ix ee hagsingx longxx byy dirr hiax, dyrr dah hitt quiw jiah junn-aw, qaur Kapernaum cue Jesus.

25 Ixqing’ dirr haiw ee hitt vingg hnua duw diyc Ix, dyrr qra Ix qongw, "Rlabbi, Liw simxmih sii qaur jiax?"

26 Jesus rinr qongxx, "Guaw sidsit qra linw qongw, linw jiaxee cue Guaw, m si in'ui knuar qnir sinziah, si in'ui jiac vniaw qaur vaw.

27 Byc did uirdiyhh e vairhuai ee bixniuu laii diyhbuaa, diyhh uirdiyhh dngdngg dirdecc ingxuac ee bixniuu laii diyhbuaa, dyrr si Zinjuw soxx beh hro linw :ee; in'ui Ix si Ve Siongrder soxx kamr inr :ee."

28 Inx dyrr duiww Ix qongw, "Guanw diyhh jnaixngiu qniaa, laii juer Siongrder ee qangx?"

29 Jesus rinr qongxx, "Sinr Ix soxx crex :ee, jitt xee dyrr si Siongrder ee qangx."

30 Inx qra Ix qongw, "Liw qniaa simxmih sinziah hro guanw knuar laii sinr Liw ar? Liw qniaa simxmih ar?

31 Guanw ee jow dirr kongwiaw jiac manna; jiauww soxx qiwjair qongxx, 'Ing dui' tnix laii ee vniaw hro inx jiac.'"

32 Jesus qra inx qongw, "Guaw sidsit qra linw qongw, m si Moses ing dui' tnix laii ee vniaw hro linw, si Guaw ee Ve ing dui' tnix laii ee jinx vniaw hro linw.

33 In'ui Siongrder ee vniaw, dyrr si hitt xee dui' tnix lyc .laii, iarr ing uahmia sniuxsur sewqanx :ee."

34 Inx dyrr duiww Ix qongw, "Jruw ar, siongsiongg ing jitt hy vniaw hro guanw."

35 Jesus qra inx qongw, "Guaw dyrr si uahmia ee vniaw; jiurqin Guaw ee langg quatduan be iaux, sinr Guaw ee langg ingxingw be cuiwdax.

36 Danrsi Guaw bad qra linw qongw, linw ixqing’ knuar qnir Guaw, iarr iuguann m sinr.

37 Qniwnarr Ve soxx hro Guaw :ee, beh longxx jiurqin Guaw; jiurqin Guaw ee langg, Guaw quatduan byy kiwsag ix.

38 In'ui guaw dui' tnix qangr lyc m si qniaa qaqi ee jixir, si qniaa crex Guaw :ee ee jixir.

39 Dnaxx crex Guaw :ee ee jixir, dyrr si qniwnarr Ix soxx hro Guaw :ee, Guaw byy sitlyc jit xee, beh dirr buadzit hro ix qycc uac.

40 In'ui Guaw ee Ve ee jixir dyrr si qniwnarr knuar qnir Qniaw laii sinr Ix ee langg, longxx u ingxuac; qycc Guaw dirr buadzit beh hro ix qycc uac."

41 Judealangg in'ui Jesus qongw, "Guaw si dui' tnix qangr lyc ee vniaw", dyrr gnauhgnauc liam Ix qongxx,

42 "Jitt xee qamxx m si Josef ee qniaw Jesus mah? Ix ee verbuw si lanw soxx bad :ee. Dnaxx jnaixngiu qongw, 'Guaw si dui' tnix qangr lyc' ar?"

43 Jesus rinr qongxx, "Linw byc did anxnix gnauhgnauc liam.

44 Narr m si crex Guaw ee Ve qra inxcua, dyrr byy langg e jiurqin Guaw; jiurqin Guaw :ee, Guaw dirr buadzit beh hro ix qycc uac.

45 Jiaxee sendix u qiwjair qongxx, 'Inx longxx beh hro Siongrder qar inx.' Qniwnarr dui' Ve tniax .qnir laii yc ee langg, dyrr jiurqin Guaw.

46 Jex m si qongw u langg bad knuar qnir Ve, jixu dui' Siongrder laii :ee, Ix bad knuar qnir Ve.

47 Guaw sidsit qra linw qongw, sinr ee langg u ingxuac.

48 Guaw si uahmia ee vniaw.

49 Linw ee jow dirr kongwiaw jiac manna, iaxx si siw.

50 Jitt xee dyrr si dui' tnix qangr lyc ee vniaw, langg jiac liauw, iarr be siw.

51 Guaw si uac ee vniaw, dui' tnix qangr lyc :ee; langg narr jiac jitt xee vniaw, dyrr uac qaur ingxsewdai. Qycc Guaw soxx beh hro langg ee vniaw, dyrr si Guaw ee bah, si uirdiyhhc sewqanx ee uahmia jiacc sniuxsur :ee."

52 Dui' anxnix, Judealangg sna' jinglun qongxx, "Jitt langg tacc e ing Ix ee bah hro lanw jiac?"

53 Jesus dyrr qra inx qongw, "Guaw sidsit qra linw qongw, linw narr byy jiac Zinjuw ee bah, byy limx Ix ee huih, linw ee lairbin dyrr byy uac.

54 Jiac Guaw ee bah, limx Guaw ee huih ee langg u ingxuac; buadzit, Guaw beh hro ix qycc uac.

55 Guaw ee bah si jinx ee jiahmic, Guaw ee huih si jinsit tangx limx :ee.

56 Jiac Guaw ee bah, limx Guaw ee huih ee langg, ix diamr dirr Guaw lairbin, Guaw iarr diamr dirr ix lairbin.

57 Cincniu uac ee Ve crex Guaw, qycc Guaw dui' Ve laii uac; jiac Guaw :ee, iarr si anxnix beh dui' Guaw laii uac.

58 Jex dyrr si dui' tnix qangr lyc ee vniaw, m si cincniu linw ee ledjow jiac manna, iaxx si siw .kir. Jiac jitt xee vniaw ee langg, beh uac qaur ingxsewdai."

59 Jiaxee ue si Jesus diamr dirr Kapernaum huerdngg laii qawsi langg ee sii soxx qongw :ee.

60 Ix ee hagsingx diongx jerje langg tniax liauw dyrr qongw, "Jitt xee ue jin' yh bad; jirjui e tniax u?"

61 Jesus simlai jaix Ix ee hagsingx in'ui jitt xee decc gnauhgnauc liam, dyrr qra inx qongw, "Jitt xee u tatgai diyc linw mah?

62 Setsuw linw knuar qnir Zinjuw jnriu qaur ix guanvunw ee soxjai, e jnuaxngiu?

63 Hro langg uac :ee si Sinn; ziogtew si byy loring :ee. Guaw soxx qra linw qongw ee ue si sinn, si uahmia.

64 Danrsi linw diongqanx u m sinr ee langg lar." In'ui Jesus dui' kixtauu dyrr jaix jirjui m sinr Ix, jirjui beh bre Ix.

65 Ix qycc qongw, "In'ui anxnix, Guaw bad qra linw qongw, narr m si dui' Ve hro ix, byy langg e jiurqin Guaw."

66 Dui' anxnix, Ix ee hagsingx jerje trer .kir, byy qycc qapp Ix qniaa.

67 Jesus dyrr qra jap-zi xee hagsingx qongw, "Linw iarr beh kir mah?"

68 Simon Peter rinr Ix qongxx, "Jruw ar, Liw u ingxuac ee ue, guanw beh kir cue jirjui ar?

69 Guanw ixqing’ sinr, qycc jaix Liw si Siongrder ee Sxingr :ee."

70 Jesus rinr qongxx, "Guaw qamxx m si qingw linw jap-zi langg, qycc linw diongqanx u jit xee si moquiw ar?"

71 Ix qongw anxnix si qiw Iskaliotlangg Simon ee qniaw Judas; in'ui ix si jap-zi hagsingx ee jit xee, au .laii decbeh bre Ix :ee.

7 Jiaxee su ixau, Jesus dirr Galilee siwquer qniaa, m rair dirr Judea qniaa, in'ui Judealangg rair beh taii Ix.

2 Hitt sii Judealangg ee jeh, Dacliaujeh, qin lar.

3 Ix ee hniadi dyrr duiww Ix qongw, "Liw diyhh lirkuix jiax, kir Judea, hro Liw ee hagsingx iarr tangx knuar qnir Liw soxx qniaa ee su.

4 Langg beh cutmiaa, dyrr byy dirr amwjni ee soxjai juer dairjir. Liw narr qniaa jiaxee su, dyrr diyhh jiong' qaqi henxbingg dirr sewqanx."

5 In'ui Ix ee hniadi iarr byy sinr Ix.

6 Jesus dyrr qra inx qongw, "Guaw ee sii iauxx bue qaur; danrsi linw ee sii dyrr siongsiongg ven.

7 Sewqanx be uanwhun linw, si uanwhun Guaw, in'ui Guaw qanjingr ix ee soxx qniaa si pnaiw.

8 Linw jnriu kir hur jeh. Guaw iauxx bue tangx jnriu kir hur jitt xee jeh, in'ui Guaw ee sii iauxx bue muaw."

9 Ix qra inx qongw anxnix, dyrr iuguann diamr Galilee.

10 Ix ee hniadi ixqing’ jnriu kir hur jeh, Ix vunxsinx iarr jnriu .kir, m si henxzenn, qaxnaxx si amwjni kir.

11 Judealangg dirr jecqii diongx cue Jesus, qongw, "Ix dirr daxlyc?"

12 Jiongww langg uirdiyhh Ix jirbuw jirju; uree qongw, "Si hyw langg"; uree qongw, "M si, si behik jiongww langg nardnia."

13 Dogdok byy langg henxzenn qongw Ix ee su, in'ui qniax Judealangg ee enqor.

14 Dng' jecqii ee diongjam, Jesus jnriu dxen qawsi.

15 Judealangg dyrr qiquair, qongw, "Jitt xee langg bue u zib'yc, dui' daxlyc bad ceh?"

16 Jesus dyrr rinr qongxx, "Guaw ee qawsi m si sriok dirr qaqi, si sriok dirr crex Guaw :ee.

17 Langg narr guan qniaa Ix ee jixir, dyrr e jaix jitt xee qawsi si dui' Siongrder cud, iacc si Guaw dui' qaqi laii qongw :ee.

18 Dui' qaqi laii qongw :ee, si qriuu qaqi ee ingqngx; dogdok qriuu crex Ix :ee ee ingqngx, hitt xee Langg dyrr si jinx, qycc Ix ee lairbin byy vutgi.

19 Moses qamxx byy ing ludhuad tuann hro linw mah? Danrsi linw diongqanx byy jit langg qniaa ludhuad. Linw sniaw su rair beh taii Guaw?"

20 Jiongww langg rinr qongxx, "Liw huan diyc qxuiw. Jirjui rair beh taii Liw?"

21 Jesus rinr qongxx, "Guaw bad qniaa jit hxang su, linw longxx liac juer qiquair.

22 Moses ing qatlew tuann hro linw (qisit m si dui' Moses, si dui' ledjow), linw dirr Anhiyczit qra langg qniaa qatlew.

23 Langg narr dirr Anhiyczit siurr qatlew, benw did uiqec Moses ee ludhuad; Guaw dirr Anhiyczit hro jit langg juantew longxx hyw, linw in'ui anxnix siurkir Guaw mah?

24 Byc did jiauww guarmau laii gixduan, diyhh tranr qonggi laii gixduan."

25 Dui' anxnix, Jelusalem ee langg uree qongw, "Jitt xee qamxx m si inx soxx rair taii :ee mah?

26 Liw knuar, Ix hyxdnaw decc qongw, iarr byy langg duiww Ix qongw simxmih. Qamxx si jiaxee qnuahuw jinjniar jaix jitt xee si Krist mah?

27 Danrsi lanw bad jitt xee langg dui' daxlyc laii; mrquxx Krist laii ee sii byy langg jaix Ix dui' daxlyc laii."

28 Dui' anxnix, Jesus dirr dxen nirr qawsi, qiyr qongxx, "Linw bad Guaw, iarr jaix Guaw dui' daxlyc laii. Guaw m si qaqi jurjuanx laii; crex Guaw laii :ee si jinsit, danrsi linw m bad Ix.

29 Guaw bad Ix, in'ui Guaw dui' Ix hiax laii, qycc Ix crex Guaw laii."

30 Inx dyrr rair beh liac Ix, danrsi byy langg herciuw, in'ui Ix ee sii iauxx bue qaur.

31 Jiongww langg diongx jerje langg sinr Ix, qongw, "Krist laii ee sii, qamxx beh qniaa sinziah viw jitt langg soxx qniaa :ee kacc je mah?"

32 Faliselangg tniax qnir jiongww langg anxnix jirbuw jirju decc qongw Ix, jiaxee jewsitauu qapp Faliselangg dyrr crex ge'iac beh liac Ix.

33 Jesus dyrr qongw, "Guaw iauxx u diap aw quw qapp linw dilehh, au .laii beh dyr kir jiurqin crex Guaw :ee.

34 Linw beh cue Guaw, iarr cue be diyc; Guaw soxx druar ee soxjai, linw be e qaur."

35 Judealangg dyrr snaqab qongw, "Ix beh daxlyc kir, drir qaur lanw cue Ix be diyc? Qamxx beh jiurqin Gleek diongx siwsnuar kiarkiw ee Judealangg, laii qawsi Gleeklangg mah?

36 Ix soxx qongw, 'Linw beh cue Guaw be diyc; Guaw soxx druar ee soxjai, linw be e qaur'; jex si simxmih ue ar?"

37 Dng' jecqii ee buew zit, dyrr si siongrr dua ee zit, Jesus kia lehh, qiyr qongxx, "Narr u cuiwdax ee langg, diyhh jiurqin Guaw laii limx.

38 Sinr Guaw ee langg, cincniu Singwqingx soxx qongw, 'U uahjuiw ee kex, beh dui' ix ee vaklai lrauu .cud.'"

39 Ix qongw anxnix si qiw sinr Ix ee langg soxx beh sriu :ee Singwsinn; hitt sii iauxx bue u sniuxsur Singwsinn, in'ui Jesus iauxx bue u did diyc ingqngx.

40 Jiongww langg diongx uree tniax qnir jiaxee ue, qongw, "Jitt langg jinjniar si hitt xee Sendix."

41 Uree qongw, "Jitt langg dyrr si Krist." Danrsi uree qongw, "Krist qamxx dui' Galilee cud mah?

42 Singwqingx qamxx m si qongw, Krist si Daivid ee horer, dui' Daivid ee vunxhniux Betlehem cud mah?"

43 Dui' anxnix, jiongww langg in'ui Ix laii hunx vingg.

44 Qidiongx u langg rair liac Ix, danrsi byy langg herciuw.

45 Ge'iac dyrr laii qnir jiaxee jewsitauu qapp Faliselangg. Inx dyrr duiww ge'iac qongw, "Sniaw su byy duar Ix laii?"

46 Ge'iac rinr qongxx, "Jionglaii bue u langg qongxue cincniu Ix anxnix."

47 Faliselangg rinr qongxx, "Linw iarr siurr behik mah?

48 Jiaxee qnuahuw iacc si Faliselangg, qamxx u langg sinr Ix?

49 Dogdok jiaxee m bad ludhuad ee vecsnir si siurr jiuwjow :ee."

50 Inx diongqanx u Nikodemus, dyrr si jingg jiurqin Jesus :ee, qra inx qongw,

51 "Byy dairsingx tniax langg ee ue, laii jaix ix ee soxx qniaa, lanw ee ludhuad qamxx beh dring ix ee jue mah?"

52 Inx dyrr rinr ix qongxx, "Liw iarr si dui' Galilee cud mah? Liw kir cakyw, dyrr jaix Galilee byy cud quer sendix."

8 Dagg langg dyrr dyr kir inx daux. Jesus kir Qnanaw Snuax.

2 Tauwjaw qycc qaur dirr dxen nirr, vecsnir longxx jiurqin Ix; Ix dyrr jre lehh laii qawsi inx.

3 Qinghagsu qapp Faliselangg duar jit xee hurzinlangg laii, si dirr qniaa qan'imm ee sii hro langg liac .diyc .ee. Ixqing’ hro ix kia dirr diong'ngx,

4 Inx dyrr duiww Jesus qongw, "Sensnix, jitt xee hurzinlangg si duxduxx qniaa qan'imm ee sii hro langg liac .diyc.

5 Moses dirr ludhuad bingrling guanw ing jiyhtauu dimr siw jitt hy ee hurzinlangg. Dnaxx Liw qongw jnaixngiu?"

6 Inx qongw anxnix si beh cir Jesus, rair did diyc u pang tangx qryr Ix. Jesus dyrr ngar iyx, ing jngxtauu-aw siaw zri dirr tokax.

7 Inx iuguann mng Ix byy suah, Jesus dyrr tringg srinx kiw .laii, duiww inx qongw, "Linw diongqanx byy jue ee langg tangx dairsingx ing jiyhtauu dimr ix."

8 Dyrr qycc ngar iyx, ing jngxtauu-aw siaw zri dirr tokax.

9 Inx tniax liauw, dui' lau qaur siauwlenn, jit xee jit xee longxx cud .kir; jixu Jesus qaqi dilehh, hurzinlangg iuguann kia dirr diong'ngx.

10 Jesus tringg srinx kiw laii qra ix qongw, "Hurzinlangg ar, inx dirr daxlyc? Byy langg dring liw ee jue mah?"

11 Ix qongw, "Jruw ar, byy." Jesus qongw, "Guaw iarr byy dring liw ee jue. Kir ar, dnaxx ixau byc did qycc huanrjue."

12 Jesus qycc qra jiongww langg qongw, "Guaw si sewqanx ee qngx; duer Guaw ee langg byy qniaa dirr amr, huanxdngw beh u uahmia ee qngx."

13 Faliselangg dyrr qra Ix qongw, "Liw uirdiyhh vunxsinx juer qanjingr; Liw ee qanjingr byy jinx."

14 Jesus rinr qongxx, "Guaw suixbongw uirdiyhh vunxsinx juer qajingr, Guaw ee qanjingr iaxx si jinx; in'ui Guaw jaix vunxsinx dui' daxlyc laii, duiww daxlyc kir; linw m jaix Guaw dui' daxlyc laii, duiww daxlyc kir.

15 Linw jiauww ziogtew gixduan langg; Guaw byy gixduan langg.

16 Guaw dyrr narr gixduan, Guaw ee gixduan si jinx; in'ui Guaw m si qaqi dilehh, si qapp crex Guaw ee Ve snaqab dilehh.

17 Qycc dirr linw ee ludhuad u qiwjair qongxx, nng langg ee qanjingr dyrr si jinx.

18 Guaw si uirdiyhh qaqi juer qanjingr, crex Guaw ee Ve iarr uirdiyhh Guaw qanjingr."

19 Inx dyrr qra Ix qongw, "Liw ee Ve dirr daxlyc?" Jesus rinr qongxx, "Linw m bad Guaw, iarr m bad Guaw ee Ve; linw narr bad Guaw, dyrr iarr bad Guaw ee Ve."

20 Jesus dirr dxen nirr qawsi langg, dirr kowvangg lai qongw jiaxee ue; iarr byy langg liac Ix, in'ui Ix ee sii iauxx bue qaur.

21 Jesus qycc qra inx qongw, "Guaw beh kir lar, linw beh cue Guaw, iarr beh siw dirr linw ee jue; Guaw kir ee soxjai, linw be e qaur."

22 Judealangg dyrr qongw, "Ix qongw, 'Guaw kir ee soxjai, linw be e qaur', qamxx si beh jurjin mah?"

23 Jesus qra inx qongw, "Linw si dui' erbin, Guaw si dui' dingxbin; linw si dui' jitt sewqanx; Guaw m si dui' jitt sewqanx.

24 Soxiw Guaw u qra linw qongw, linw beh siw dirr linw ee jue; in'ui linw narr m sinr Guaw si Ix, linw dyrr beh siw dirr linw ee jue."

25 Inx dyrr qra Ix qongw, "Liw si jirjui?" Jesus qra inx qongw, "Dyrr si Guaw dui' kixtauu soxx qra linw qongw :ee.

26 Guaw u jerje hxang beh girlun linw, beh pnuawduan linw; dogdok crex Guaw :ee si jinx. Guaw soxx dui' Ix tniax .qnir .ee, dyrr tuann hro sewqanx."

27 Inx m jaix Ix soxx duiww inx qongw :ee si qiw Ve.

28 Jesus dyrr qongw, "Linw quw kiw Zinjuw ee sii, dyrr jaix Guaw si Ix; qycc Guaw soxx qniaa :ee byy jit hxang dui' qaqi, si jiauww Ve soxx qawsi Guaw :ee, laii qongw jiaxee.

29 Crex Guaw :ee qapp Guaw dilehh; Ix byy vangr Guaw qaqi dilehh, in'ui Guaw siongsiongg qniaa Ix soxx hnuahiw :ee."

30 Dng' Jesus qongw jiaxee ue ee sii, jerje langg sinr Ix.

31 Jesus dyrr duiww sinr Ix ee Judealangg qongw, "Linw narr siongsiongg diamr dirr Guaw ee dyrliw, dyrr jinjniar si Guaw ee hagsingx;

32 Linw beh bad jinliw, jinliw iarr beh hro linw juriuu."

33 Inx rinr Ix qongxx, "Guanw jiaxee si Ablaham ee horer, jionglaii m bad juer langg ee lojaii; Liw jnaixngiu qongw, 'Linw beh did diyc juriuu' ar?"

34 Jesus rinr qongxx, "Guaw sidsit qra linw qongw, qniwnarr huanrjue :ee, dyrr si jue ee lojaii.

35 Lojaii byy ingxingw druar dirr qrex-lai, qniaw dyrr u.

36 Soxiw Qniaw narr hro linw juriuu, linw dyrr jinjniar juriuu.

37 Guaw jaix linw si Ablaham ee horer; dogdok linw rair beh taii Guaw, in'ui Guaw ee dyrliw byy jrunn dirr linw ee simx.

38 Guaw qongw :ee si Guaw dui' Guaw ee Ve knuar .qnir .ee, linw qniaa :ee dyrr si linw dui' linw ee ve tniax .qnir .ee."

39 Inx rinr Ix qongxx, "Guanw ee ve dyrr si Ablaham." Jesus qra inx qongw, "Linw narr si Ablaham ee qniaw, dyrr beh qniaa Ablaham ee soxx qniaa.

40 Dnaxx Guaw si jiong' Guaw dui' Siongrder soxx tniax ee jinliw laii qra linw qongw ee Langg, acc linw rair beh taii Guaw; jex m si Ablaham ee soxx qniaa.

41 Linw si qniaa linw ee ve ee soxx qniaa." Inx qra Ix qongw, "Guanw m si dui' qan'imm laii snix; guanw u jit xee Ve, dyrr si Siongrder."

42 Jesus qra inx qongw, "Narr si Siongrder juer linw ee Ve, linw dyrr diyhh tniax Guaw; in'ui Guaw si dui' Siongrder cud; qycc Guaw laii qaur jiax, m si jurjuanx laii, si Ix crex Guaw.

43 Si jnaixngiu linw byy bingvik Guaw ee ue? Si in'ui linw be e tniax Guaw ee dyrliw.

44 Linw soxx dui' ix cud :ee si moquiw; linw ee ve ee su'iok, linw rair beh qra qniaa. Ix dui' kixtauu juer taii langg :ee, byy kia diauu dirr jinliw dingxquann, in'ui ix lairbin byy jinliw. Ix qongw vehcat ee sii, dyrr si dui' qaqi soxx u :ee laii qongw; in'ui ix si vehcat :ee, ix iarr juer vehcat :ee ee ve.

45 Guaw qongw jinliw, linw m sinr Guaw.

46 Linw diongqanx jirjui griw Guaw u jue? Guaw narr qongw jinliw, linw sniaw su m sinr Guaw?

47 Dui' Siongrder cud :ee tniax Siongrder ee ue; linw soxiw m tniax, in'ui linw m si dui' Siongrder cud."

48 Judealangg rinr Ix qongxx, "Guanw qongw Liw si Samalialangg, qycc huan diyc qxuiw, qamxx byy jin' driyc?"

49 Jesus rinr qongxx, "Guaw m si huan diyc qxuiw, Guaw si junqingr Guaw ee Ve; danrsi linw buxban Guaw.

50 Guaw byy qriuu qaqi ee ingqngx; u jit xee decc ter Guaw qriuu qycc simxpnuar :ee.

51 Guaw sidsit qra linw qongw, langg narr siuw Guaw ee dyrliw, dyrr ingxuanw byy qnir diyc siw."

52 Judealangg qra Ix qongw, "Dnaxx guanw jaix Liw si huan diyc qxuiw. Ablaham siw, jiaxee sendix iarr siw, danrsi Liw qongw, 'Langg narr siuw Guaw ee dyrliw, dyrr ingxuanw byy siw.'

53 Liw qamxx viw guanw ee jow Ablaham kacc dua mah? Ix ixqing’ siw, jiaxee sendix iarr siw, Liw qaqi sngr juer simxmih Langg ar?"

54 Jesus rinr inx qongxx, "Guaw narr ingqngx qaqi, Guaw ee ingqngx dyrr byy jniursngr; ingqngx Guaw :ee si Guaw ee Ve, dyrr si linw soxx qongw juer linw ee Siongrder :ee.

55 Linw m bad Ix, dogdok Guaw bad Ix. Guaw narr qongw m bad Ix, Guaw dyrr cincniu linw si vehcat. Dogdok Guaw bad Ix, iarr siuw Ix ee dyrliw.

56 Linw ee jow Ablaham qik hnuahiw beh knuar qnir Guaw ee zidjiw; knuar .qnir, dyrr hnuahiw."

57 Judealangg dyrr duiww Ix qongw, "Liw bue jnriu go-jap huer, qamxx bad knuar qnir Ablaham mah?"

58 Jesus qongw, "Bue u Ablaham, Guaw dyrr dilehh."

59 Inx dyrr tec jiyhtauu beh dimr Ix; danrsi Jesus qaqi unxbat, dui' denrdngg cud .kir.

9 Jesus qniaa .quer ee sii, knuar qnir jit langg cutsir dyrr cnimii.

2 Ix ee hagsingx mng Ix qongxx, "Rlabbi, jitt langg cutsir dyrr cnimii, dui' jirjui huanrjue? Si ix vunxsinx, iacc si ix ee verbuw ar?"

3 Jesus rinr qongxx, "Jitt langg byy huanrjue, ix ee verbuw iarr byy; dogdok beh ing ix laii henxbingg Siongrder ee soxx juer.

4 Sii iauxx si zit .sii, lanw diyhh juer crex Guaw :ee ee qangx; mii .sii beh qaur, hitt diap dyrr byy langg e juer qangx.

5 Guaw dirr sewqanx ee sii, si sewqanx ee qngx."

6 Jiaxee ue qongw liauw, dyrr pruir nxua dirr tokax, ing nxua qiauw too, ing too qoo cnimilangg ee bagjiux,

7 Qra ix qongw, "Kir Siloam ee dii sew." (Siloam, huan'ik dyrr si Hrong crex.) Ix dyrr kir sew, dywdngw .laii ixqing’ e knuar .qnir.

8 Ix ee cuwvnix qapp vingsor knuar qnir ix juer kitjiac :ee qongw, "Jitt langg qamxx m si jre lecc laii qiukid :ee mah?"

9 U langg qongw, "Dyrr si ix"; u langg qongw, "M si, si cincniu ix nardnia." Ix qaqi qongw, "Guaw dyrr si."

10 Inx dyrr qra ix qongw, "Liw ee bagjiux jnaixngiu did diyc kuix?"

11 Ix rinr qongxx, "Hitt ee miaa qiyr Jesus :ee qiauw too qoo guaw ee bagjiux, qra guaw qongw, 'Kir Seloam sew'; guaw suisii kir sew, dyrr did diyc knuar .qnir."

12 Inx dyrr qra ix qongw, "Hitt langg dirr daxlyc?" Ix qongw, "Guaw m jaix."

13 Inx cua hitt xee vingsor cnimii :ee kir qnir Faliselangg.

14 Jesus qiauw too laii kuix ix ee bagjiux ee zit si Anhiyczit.

15 Soxiw Faliselangg iarr mng ix si jnaixngiu did diyc knuar .qnir. Ix dyrr qra inx qongw, "Ix jiong' tobee he dirr guaw ee bagjiux, guaw kir sew, dyrr knuar .qnir."

16 Faliselangg diongx uree qongw, "Jitt Langg byy siuw Anhiyczit, m si dui' Siongrder laii." Uree qongw, "U jue ee langg tacc e qniaa jitt hy sinziah ar?" Inx dui' anxnix hunvingg.

17 Inx qycc qra cnimilangg qongw, "Ix ixqing’ kuix liw ee bagjiux, liw qongw Ix si simxmih hy langg?" Ix qongw, "Si sendilangg."

18 Judealangg m sinr ix vingsor cnimii, e qycc knuar .qnir; danw qaur qiyr did diyc knuar .qnir ee verbuw laii,

19 Dyrr mng inx qongxx, "Jitt xee si linw ee qniaw, dyrr si linw soxx qongw, cutsir cnimii :ee mah? Dnaxx ix jnaixngiu e knuar .qnir?"

20 Ix ee verbuw rinr qongxx, "Ix si guanw ee qniaw, cutsir cnimii, guaw jaix;

21 Dnaxx ix jnaixngiu did diyc knuar .qnir, guanw m jaix; jirjui kuix ix ee bagjiux, guanw iarr m jaix. Ix duarhanr lar, mng ix, ix beh qaqi qongw."

22 Ix ee verbuw qongw anxnix, si in'ui qniax Judealangg; in'ui Judealangg ixqing’ u dring iog qongxx, narr u zin Jesus juer Krist :ee, diyhh qnuaw cud huerdngg.

23 Soxiw ix ee verbuw qongw, "Ix duarhanr lar, tangx mng ix."

24 Inx dyrr qycc qra vingsor cnimii :ee qiyr .laii, qra ix qongw, "Diyhh qruix ingqngx Siongrder; guanw jaix jitt Langg si u jue ee Langg."

25 Ix dyrr rinr qongxx, "Ix si u jue ee langg iacc m si, jex guaw m jaix; jixu jaix jit hxang, dyrr si guaw jingg cnimii, henrjai e knuar .qnir."

26 Inx dyrr qra ix qongw, "Ix qra liw juer simxmih? Anxjnaixngiu kuix liw ee bagjiux?"

27 Ix rinr qongxx, "Guaw ixqing’ qra linw qongw, linw m tniax, sniaw su rair beh qycc tniax? Qamxx si linw iarr rair juer Ix ee hagsingx mah?"

28 Inx dyrr me ix, qongw, "Liw dyrr si Ix ee hagsingx.

29 Siongrder u duiww Moses qongxue, jex si guanw soxx jaix; dogdok jitt Langg, guanw m jaix Ix dui' daxlyc laii."

30 Hitt langg rinr qongxx, "Jex dyrr qrii lar. Ix kuix guaw ee bagjiux, linw m jaix Ix dui' daxlyc laii.

31 Lanw jaix Siongrder byy tniax u jue ee langg; dogdok langg narr qingwvair Siongrder laii qniaa Ix ee jixir, Ix dyrr tniax ix.

32 Dui' qoxjaw ixlaii, m bad tniax qnir cutsir cnimii :ee, u langg qra kuix bagjiux.

33 Jitt langg narr m si dui' Siongrder laii, dyrr byy soxx e juer."

34 Inx dyrr rinr ix qongxx, "Liw juanzenn cutsir dirr juerog diongx, huanxdngw qawsi guanw mah?" Dyrr qnuaw ix cud .kir.

35 Jesus tniax qnir inx qra ix qnuaw .cud .kir, au .laii cue diyc ix, dyrr qongw, "Liw sinr Siongrder ee Qniaw mah?"

36 Ix rinr qongxx, "Jruw ar, Ix si jirjui, hro guaw sinr Ix."

37 Jesus qra ix qongw, "Liw bad knuar qnir Ix, henrjai qap liw qongxue :ee, dyrr si."

38 Ix dyrr qongw, "Jruw ar, guaw sinr." Dyrr vair Ix.

39 Jesus qongw, "Guaw uirdiyhh simxpnuar laii limqaur jitt sewqanx, hro be knuar .qnir ee langg knuar .qnir, e knuar .qnir ee langg vnir juer cnimii."

40 Qapp Ix snaqab dilehh ee Faliselangg tniax qnir jiaxee ue, dyrr qra Ix qongw, "Jongw byy guanw iarr cnimii mah?"

41 Jesus qra inx qongw, "Linw narr cnimii, dyrr byy jue; dnaxx linw qongw, 'Guanw knuar .qnir', linw ee jue dyrr dniardnia dilehh.

10 Guaw sidsit qra linw qongw, zip ngiuu-diauu, byy dui' hitt xee mngg, suacc dui' vadd soxjai vnuaa .quer .ee, si cat, si qiongdy.

2 Dui' mngg zip :ee, si ngiuu ee bogjiaw.

3 Qor mngg :ee qra ix kuix. Ngiuu u tniax diyc ix ee sniax. Ix dyrr sui' miaa qiyr qaqi ee ngiuu, cua inx cud.

4 Ixqing’ jiong' qaqi ee ngiuu longxx vangr .cud .kir, dyrr juewtauu qniaa; ngiuu in'ui zin did ix ee sniax, iarr duer ix.

5 Ngiuu quatduan byy duer snihunrlangg, in'ui be zin did snihunrlangg ee sniax, si e siamxvi ix."

6 Jesus ing jitt xee piwzu qra inx qongw; inx m jaix Ix soxx qra inx qongw :ee si simxmih.

7 Soxiw Jesus qycc qra inx qongw, "Guaw sidsit qra linw qongw, Guaw dyrr si ngiuu-diauu ee mngg.

8 Qniwnarr dairsingx Guaw laii :ee, si cat, si qiongdy; danrsi ngiuu byy tniax inx.

9 Guaw dyrr si mngg; narr u dui' Guaw zip :ee, beh did diyc qiur, qycc beh cutzip, qycc did diyc cauxliau.

10 Cat laii, byy m si rair taux, rair taii, rair bedbyy; Guaw laii si beh hro inx u uac, qycc u hongsing.

11 Guaw dyrr si hyw ee bogjiaw; hyw ee bogjiaw uirdiyhh ngiuu vangwsag sniwmia.

12 Juer cniawqangx :ee, m si juer bogjiaw, ngiuu iarr m si ix qaqi ee; knuar qnir cailongg laii, vangwsag ngiuu dyrr dyjauw. Cailongg qa inx, qnuaxsuaw inx.

13 Jex si in'ui ix juer cniawqangx, byy quansimx ngiuu.

14 Guaw si hyw ee bogjiaw; Guaw bad hiaxee sriok Guaw :ee; sriok Guaw :ee iarr bad Guaw.

15 Cincniu Ve bad Guaw, Guaw bad Ve jidngiu. Qycc Guaw uirdiyhh ngiuu vangwsag sniwmia.

16 Guaw iauxx u ngiuu, m si sriok jitt diauu :ee; Guaw dikkag diyhh cua inx laii, inx iarr beh tniax Guaw ee sniax; qycc inx beh jniaa juer jit qrunn, qruix jit xee bogjiaw.

17 Soxiw Ve tniar Guaw, in'ui Guaw vangwsag Guaw ee sniwmia, tangx qycc qra ix hogdyr.

18 Byy langg duiww Guaw cruw sniwmia, si Guaw qaqi qra vangwsag :ee. Guaw u qxuann tangx qra vangwsag, iarr u qxuann tangx qra hogdyr. Jex si Guaw dui' Guaw ee Ve soxx sriu ee bingrling."

19 In'ui jiaxee ue, Judealangg ee diongqanx iuqycc u hunjingx.

20 Qidiongx jerje langg qongw, "Ix huan diyc qxuiw, decc huatqongg; micsaiw tniax Ix ar?"

21 Qycc u langg qongw, "Jex m si huan diyc qxuiw ee langg ee ue. Qxuiw qamxx e kuix cnimilangg ee bagjiux mah?"

22 Dirr Jelusalem, u Henwdenrjeh, si dirr dangtnix ee sijun.

23 Jesus dirr dxen nirr, dirr Solomon ee lingxlongg decc qniaa.

24 Judealangg laii qra uiluii, qra Ix qongw, "Liw hro guanw ee simx diuduu, beh qaur simxmih sii ar? Liw narr si Krist, diyhh bingg bingg qra guanw qongw."

25 Jesus rinr qongxx, "Guaw bad qra linw qongw, danrsi linw m sinr; Guaw dirr Guaw ee Ve ee miaa soxx qniaa ee su, jiaxee si juer Guaw ee qanjingr.

26 Danrsi linw m sinr, in'ui linw m si Guaw ee ngiuu.

27 Guaw ee ngiuu tniax Guaw ee sniax, Guaw bad inx, inx iarr duer Guaw.

28 Qycc Guaw hro inx u ingxuac, inx quatduan ingxuanw be dimlunn; byy jit xee e dui' Guaw ee ciuw qra inx cniuw .kir.

29 Guaw ee Ve, dyrr si ing ngiuu hro Guaw :ee, kacc dua banrhang su; byy jit xee e dui' Ve ee ciuw qra inx cniuw .kir.

30 Guaw qapp Ve si jit xee."

31 Judealangg qycc tec jiyhtauu rair dimr Ix.

32 Jesus rinr qongxx, "Guaw dui' Ve ing jerje hyw su hro linw knuar; uirdiyhh qidiongx daxlyc jit hxang, linw beh ing jiyc dimr Guaw?"

33 Judealangg rinr Ix qongxx, "Guanw ing jiyc dimr Liw, m si in'ui hyw su, si in'ui Liw setdok; in'ui Liw si Langg, qycc liac qaqi juer Siongrder."

34 Jesus qongw, "Linw ee ludhuad qamxx byy qiwjair qongxx, 'Guaw bad qongw, Linw si Siongrder' mah?

35 Qiwzenn qongw hrong Siongrder ee ue :ee juer siongrder, (Singwqingx be e huewbyy),

36 Dnaxx lun Ve soxx hunvet juer sxingr, crex Ix zip sewqanx :ee, linw dyrr qongw, 'Liw decc setdok' mah? Dyrr in'ui Guaw qongw, 'Guaw si Siongrder ee Qniaw.'

37 Guaw narr byy qniaa Guaw ee Ve ee su, dyrr byc did sinr Guaw.

38 Guaw narr u qniaa, suibongw m sinr Guaw, diyhh sinr hiaxee su; hro linw iarr jaix iarr bingvik Ve diamr dirr Guaw, Guaw diamr dirr Ve."

39 Inx qycjaiww beh liac Jesus, Ix dyrr tuatli inx ee ciuw kir.

40 Ix qycc kir Jordan Hyy gua, qaur Johan kixtauu qniaa sexlew ee soxjai, druar hiax kiarkiw.

41 Langg jerje jiurqin Ix, qycc qongw, "Johan longxx byy qniaa sinziah, dogdok Johan soxx qongw qiw jitt langg :ee, longxx si jinx."

42 Dirr hiax, langg jerje sinr Ix.

11 U jit langg, miaa Lazalus, puawvni. Ix kia dirr Betani, dyrr si Malia qapp ix ee jixbe Marta ee hniusia.

2 Jitt xee Malia dyrr si bad ing hniu'iuu buah Jruw, ing ix ee taumngg crid Jruw ee kax :ee, ix ee hniadi Lazalus puawvni.

3 Inx nng xee jixbe dyrr crex langg kir cue Jesus, qongw, "Jruw ar, Liw soxx tniar ee langg puawvni lar."

4 Jesus tniax .qnir, dyrr qongw, "Jitt xee vni vutdir qaur siw, si uirdiyhh Siongrder ee ingqngx, hro Siongrder ee Qniaw dui' jitt xee did diyc ingqngx."

5 Dnaxx Marta, qapp ix ee jixbe, qapp Lazalus, longxx si Jesus soxx tniar ee langg.

6 Qiwzenn tniax qnir ix puawvni, dyrr dirr soxx druar ee soxjai, iuguann druar nng zit.

7 Au .laii dyrr qra hagsingx qongw, "Lanw qycc laii kir Judea."

8 Hagsingx qra Ix qongw, "Rlabbi, qinrlaii Judealangg rair beh ing jiyhtauu dimr Liw. Liw iauxx beh qycc kir hiax mah?"

9 Jesus rinr qongxx, "Jit zit qamxx byy lak sii mah? Langg narr zit .sii qniaa dyrr be dag .diyc, in'ui knuar qnir jitt sewqanx ee qngx.

10 Danrsi langg narr mii .sii qniaa, dyrr dag .diyc, in'ui lairdiongx byy qngx."

11 Qongw suah, qycc qra inx qongw, "Lanw ee ving'iuw Lazalus decc kunr; Guaw kir si beh qiyr ix cnew."

12 Hagsingx qongw, "Jruw ar, ix narr decc kunr, dyrr e hyw."

13 Jesus soxx qongw si qiw ix siw; danrsi inx liahjunw si qiw ix anbinn decc kunr.

14 Soxiw Jesus bingg bingg qra inx qongw, "Lazalus siw lar. Guaw iarr uirdiyhh linw hnuahiw,

15 In'ui Guaw byy dirr hiax, si beh hro linw sinr. Lanw laii kir jiurqin ix."

16 Tomas, cxingx Didymus :ee, dyrr qra qangg juer hagsingx ee langg qongw, "Lanw jiaxee iarr laii kir, qapp Ix snaqab siw."

17 Jesus qaur ee sii, Lazalus dirr bong nirr ixqing’ sir zit lar.

18 Betani qin Jelusalem, sna' li iokliok go lxiw.

19 U jerje Judealangg jiurqin Marta qapp Malia, beh uirdiyhh inx ee hniadi laii an'uir inx.

20 Marta tniax qnir Jesus laii, dyrr kir jrih Ix; Malia iuguann jre dirr cur-lai.

21 Marta duiww Jesus qongw, "Jruw ar, Liw narr dirr jiax, guaw ee hniadi dyrr be siw.

22 Guaw dnaxx iarr jaix qniwnarr Liw duiww Siongrder qriuu :ee, Siongrder beh hro Liw."

23 Jesus qra ix qongw, "Liw ee hniadi beh qycc uac."

24 Marta qra Ix qongw, "Guaw jaix buadzit qycc uac ee sii, ix beh qycc uac."

25 Jesus qra ix qongw, "Qycc uac qapp uahmia si jairdirr Guaw; sinr Guaw ee langg suibongw siw, iauxquxx beh uac;

26 Qniwnarr uac ee sii laii sinr Guaw ee langg ingxingw be siw. Liw sinr jitt xee mah?"

27 Ix qra Ix qongw, "Jruw ar, si lar, guaw ixqing’ sinr Liw si Krist, Siongrder ee Qniaw, dyrr si laii zip sewqanx :ee."

28 Qongw suah, dyrr dyr .kir, amwjni qiyr ix ee jixbe Malia, qongw, "Sensnix laii lar, decc qiyr liw."

29 Malia tniax .qnir, qinw qinw kiw .laii, kir jiurqin Ix.

30 Hitt diap Jesus iauxx bue zip hniusia, iauxx dirr Marta jrih Ix ee soxjai.

31 Hiaxee qapp Malia dirr cur-lai decc an'uir ix ee Judealangg, knuar qnir ix qinw qinw kiw laii beh cud .kir, dyrr duer ix, pacsngr ix beh kir bong nirr tikaur.

32 Malia qaur Jesus soxx dilehh ee soxjai, knuar qnir Ix, dyrr pag dirr Ix ee kax-xe, qra Ix qongw, "Jruw ar, Liw narr dirr jiax, guaw ee hniadi dyrr be siw."

33 Jesus knuar qnir ix tikaur, qycc qapp ix snaqab laii ee Judealangg iarr tikaur, dyrr jin' cecsimx, qycc dua zuluan, qongw,

34 "Linw qra ix he dirr simxmih soxjai?" Inx dyrr qra Ix qongw, "Jruw ar, laii kir knuar."

35 Jesus lrauu bagsaiw.

36 Judealangg dyrr qongw, "Liw knuar, Ix tniar jitt langg qaur anxnix!"

37 Qidiongx uree qongw, "Ix bad kuix cnimilangg ee bagjiux, qamxx be hro jitt langg byy siw mah?"

38 Jesus qycc cecsimx kir qaur bong hiax. Hitt xee bong si jiyhdong, u jit der jiyc trad lehh.

39 Jesus qongw, "Suaw kuix hitt der jiyc." Sixlangg ee jixbe Marta qra Ix qongw, "Jruw ar, dnaxx caur lar, ix ixqing’ siw sir zit lar."

40 Jesus qra ix qongw, "Guaw qamxx byy qra liw qongw, liw narr sinr, e knuar qnir Siongrder ee ingqngx mah?"

41 Inx dyrr suaw kuix hitt der jiyc. Jesus giahbak ngr tnix, qongw, "Ve ar, Guaw qamxsia Liw, in'ui Liw ixqing’ tniax Guaw.

42 Guaw jaix Liw siongsiongg tniax Guaw; dogdok Guaw qongw anxnix, si uirdiyhh jiu'uii decc kia ee jiongww langg, hro inx sinr Liw crex Guaw laii."

43 Qongw suah, dyrr dua sniax auqiyr, qongw, "Lazalus, cud .laii."

44 Sixlangg dyrr cud .laii, ciuw qapp kax longxx jrad vor, bin vaux qin'aw. Jesus qra inx qongw, "Qra tauw .kuix, hro ix qniaa."

45 Jiurqin Malia ee Judealangg, knuar qnir Jesus soxx qniaa ee dairjir :ee, jerje sinr Ix.

46 Dogdok qidiongx uree kir cue Faliselangg, jiong' Jesus soxx qniaa ee dairjir qra inx qongw.

47 Dui' anxnix jiaxee jewsitauu qapp Faliselangg jurjip qonghue, qongw, "Jitt langg qniaa jerje sinziah. Lanw diyhh congr simxmih?

48 Lanw narr iong'unw Ix anxnix, jiongww langg beh sinr Ix; qycc Rlomalangg beh laii, siusip lanw ee derhngx qapp vecsnir."

49 Qidiongx jit langg, miaa Kaiafas, hitt nii juer jewsitauu :ee, qra inx qongw, "Linw m jaix vnuar hxang,

50 Iarr byy sniu, jit langg ter vecsnir siw, hro tong' qog benw bedbyy, si linw ee lirig."

51 Ix qongw jitt xee ue, m si dui' qaqi, si in'ui hitt nii ix juer jewsitauu, camwgiw Jesus beh uirdiyhh jiaxee vecsnir siw.

52 M na uirdiyhh jiaxee vecsnir, qycc beh jurjip Siongrder siwsnuar ee qniaxzii hap juer jit xee.

53 Soxiw dui' hitt zit, inx qewboo beh taii Ix.

54 Dui' anxnix Jesus byy qycc henxzenn qniaa dirr Judealangg ee diongqanx, dyrr lirkuix hiax, kir qin kongwiaw ee de, qaur jit xee sniaa, miaa Efalaim, qapp hagsingx druar hiax.

55 Judealangg Vnuaquewjeh qin lar. Jecqii jingg, jerje langg dui' hniusia jnriu Jelusalem, beh cingkir qaqi.

56 Inx dyrr beh cue Jesus, qycc kia dirr dxen-lai, snaqab qongw, "Linw pacsngr jnaixngiu? Ix byy beh laii hur jeh mah?"

57 Jiaxee jewsitauu qapp Faliselangg ixqing’ cud bingrling, narr u langg jaix Ix dirr daxlyc, dyrr diyhh laii vyr, hro inx tangx kir liac Ix.

12 Soxiw Jesus dirr Vnuaquewjeh jingg lag zit qaur Betani, dyrr si Jesus hro Lazalus dui' sixlangg diongx qycc uac ee soxjai.

2 Inx dyrr dirr hiax uirdiyhh Jesus virvan ehngdngr. Marta decc suhau; Lazalus iarr si qangg dyh ee jit xee.

3 Malia dyrr tec jit qxinx qik quiwkir ee spikenar hniu'iuu, buah Jesus ee kax, qycc ing qaqi ee taumngg crid Ix ee kax, hniu'iuu ee pangx muaw cur.

4 U Ix ee jit xee hagsingx, dyrr si beh bre Ix :ee Iskaliotlangg Judas, qongw,

5 "Sniaw su m jiong' jitt xee qyiuu bre ginn-aw snax-vah laii hro songwhionglangg ar?"

6 Ix qongw anxnix, m si in'ui ix quansimx songwhionglangg, si in'ui ix si cat, qycc quanw jnide, tautec soxx he :ee nardnia.

7 Jesus dyrr qongw, "Cutjai ix. Ix jiong' jitt xee lauu qaur Guaw baijongr ee zit.

8 Siongsiongg u songwhionglangg qapp linw dilehh, danrsi Guaw byy siongsiongg qapp linw dilehh."

9 Judea ee vecsnir jerje jaix Jesus dirr hiax, dyrr laii, m na in'ui Jesus ee enqor, iarr rair beh knuar Ix soxx hro ix dui' sixlangg diongx qycc uac ee Lazalus.

10 Dogdok jiaxee jewsitauu qewboo beh suar taii siw Lazalus,

11 In'ui Judealangg jerje uirdiyhh ix ee enqor, kir sinr Jesus.

12 Qeh zit, u jerje hur jeh ee langg, ixqing’ tniax qnir Jesus beh qaur Jelusalem,

13 Dyrr giac jangciurqix, cud kir gniajih Ix, qiyr qongxx, "Hosanna! Hrong Jruw ee miaa laii :ee, dyrr si Islael ee Ongg, guan Ix did diyc ylyw."

14 Jesus did diyc jit jiah ser jiah ee luu-aw, dyrr kiaa ix, cincniu Singwqingx soxx qir, qongw,

15 "Zion ee jaboxqniaw ar, byc did qniax; liw ee Ongg laii lar, kiaa lu'axqniaw."

16 Hagsingx kixtauu be bingg jiaxee su, qaur Jesus did diyc ingqngx ee sii, jiacc qir did u qiwjair jiaxee su decc qiw Ix :ee, qycc langg qyxzenn duiww Ix qniaa jiaxee su.

17 Dng' Jesus qiyr Lazalus cud bong, hro ix dui' sixlangg diongx qycc uac ee sii, qapp Ix dilehh ee jiongww langg juer qanjingr.

18 Dui' anxnix, jiongww langg kir gniajih Ix, in'ui tniax qnir Ix u qniaa jitt xee sinziah.

19 Faliselangg snaqab qongw, "Kyxqenr linw longxx bycaiw qangx; linw knuar, tong' sewqanx longxx kir duer Ix lar."

20 Dng' jecqii ee sii jnriu laii qingwvair :ee, diongqanx u quixnarr xee Gleeklangg.

21 Inx jiurqin Galilee ee Betsaidalangg Filip, qriuu ix qongxx, "Sensnix ar, guanw rair qnir Jesus."

22 Filip laii qra Andlew qongw; Andlew qapp Filip laii qra Jesus qongw.

23 Jesus rinr qongxx, "Zinjuw did diyc ingqngx ee sii qaur lar.

24 Guaw sidsit qra linw qongw, jit liap bec byy lyc dirr de nirr laii siw, dyrr iuguann jit liap nardnia; siw, dyrr qetsit jerje.

25 Tniar qaqi ee sniwmia :ee, dyrr songwsid ix; uanwhun qaqi ee sniwmia dirr jitt sewqanx :ee, dikkag vyw ix qaur ingxuac.

26 Langg narr hogsai Guaw, dyrr diyhh duer Guaw. Guaw soxx dilehh ee soxjai, hogsai Guaw ee langg iarr beh dirr hiax. Langg narr hogsai Guaw, Guaw ee Ve beh duiwdiong ix.

27 Dnaxx Guaw ee simx dua vecvag; beh jnaixngiu qongw? Ve ar, qiur Guaw cud jitt xee sii; danrsi, Guaw si uirdiyhh jitt xee jiacc dirr jitt sii qaur.

28 Ve ar, guan Liw inghenw Liw ee miaa." Dyrr dui' tnix u sniax qongw, "Guaw ixqing’ inghenw, beh qycjaiww qra inghenw."

29 Kia dirr vnix:a ee jiongww langg tniax .qnir, dyrr qongw, "Si luii dann"; u langg qongw, "Si tnisair qapp Ix qongxue."

30 Jesus rinr qongxx, "Jitt xee sniax laii, m si uirdiyhh Guaw, si uirdiyhh linw.

31 Dirr jitt diap jitt sewqanx siurr simxpnuar; dirr jitt diap jitt sewqanx ee zinqunx beh siurr kunxdiok.

32 Guaw narr siurr quw kiw lirkuix de, dyrr beh inxcua jiongww langg jiurqin Guaw."

33 Ix qongw jitt xee ue, si qiw Ix beh simxmih kuanw laii siw.

34 Jiongww langg dyrr rinr ix qongxx, "Guanw tniax qnir ludhuad u qongw Krist ingxingw dilehh; Liw jnaixngiu qongw, 'Zinjuw diyhh siurr quw kiw'? Jitt xee Zinjuw si jirjui ar?"

35 Jesus dyrr qra inx qongw, "Qngx dirr linw ee diongqanx iauxx u diap aw quw ee sii. Linw u qngx ee sii, dyrr diyhh qniaa, benw did amr qaur dirr linw. Hitt xee qniaa dirr amr :ee, ix m jaix qniaa qaur daxlyc.

36 Linw u qngx ee sii, dyrr diyhh sinr qngx, hro linw jniaa juer qngbingg ee langg." Jesus qongw jiaxee ue, dyrr lirkuix inx, qaqi kir unxbat .kiw .laii.

37 Suizenn Ix dirr inx ee binrjingg qniaa jiacc je sinziah, inx iuguann m sinr Ix;

38 Jex si beh ingwgiam sendix Isaiah ee ue, qongw, "Jruw ar, guanw soxx tuann hro lanngg tniax, jirjui sinr ar? Jruw ciuxqud ee lat, dui' jirjui henxbingg ar?"

39 Inx soxiw be sinr, in'ui Isaiah qycc u qongw,

40 "Jruw hro inx ee bagjiux cnimii, simx gni, benw did inx ing bagjiux knuar .qnir, ing simx hiauxgno, uat dywdngw, guaw dyrr rix hyw inx."

41 Isaiah qongw jiaxee, si in'ui knuar qnir Ix ee ingqngx, laii lun qaur Ix.

42 Suizenn anxnix, inx ee sirdua kiokk u jerje sinr Ix, uirdiyhh Faliselangg jiacc byy zin Ix, benw did ho'ngg qnuaw cud huerdngg;

43 In'ui inx iwair dui' langg laii ingqngx, kacc quewtauu dui' Siongrder laii ee ingqngx.

44 Jesus qiyr qongxx, "Sinr Guaw ee langg m si sinr Guaw, si sinr crex Guaw :ee.

45 Knuar qnir Guaw :ee, dyrr si knuar qnir crex Guaw :ee.

46 Guaw si qngx, laii zip sewqanx, hro qniwnarr sinr Guaw ee langg byy kiarkiw dirr amr.

47 Langg narr tniax Guaw ee ue m siuw, Guaw byy simxpnuar ix, in'ui Guaw laii, m si beh simxpnuar sewqanx, si beh qiur sewqanx.

48 Kiwsag Guaw, iarr m jiaplap Guaw ee ue ee langg, e u simxpnuar ix ee; dyrr si Guaw soxx qongw ee dyrliw, beh dirr buadzit simxpnuar ix.

49 In'ui Guaw soxx qongw :ee m si cud dirr qaqi, si cud dirr crex Guaw ee Ve. Ix u bingrling Guaw, diyhh tuann simxmih, qongw simxmih.

50 Guaw jaix Ix ee bingrling si ingxuac; soxiw Guaw soxx qongw :ee, si jiauww Ve soxx tuann hro Guaw :ee laii qongw."

13 Vnuaquewjeh jingg, Jesus jaix Ix lirkuix jitt sewqanx qruix dirr Ve ee sii qaur. Ix tniar dirr sewqanx sriok Ix ee langg, itdit qaur buew longxx tniar inx.

2 Jiac ehngdngr ee sii, moquiw ixqing’ jiong' bre Jesus ee iwsur he dirr Simon ee qniaw, Iskaliotlangg Judas ee simx.

3 Jesus jaix Ve ixqing’ jiong' banrmic qaux dirr Ix ee ciuw, qycc jaix Ix dui' Siongrder cud, iarr beh qruix dirr Siongrder,

4 Dyrr lirkuix dyh, trngr snxax, qaqi tec qin'aw haa.

5 Liauxau, Ix dryr juiw dirr vnuaa nirr, sew hagsingx ee kax, jiong' soxx haa ee qin'aw qra inx crid.

6 Sew qaur Simon Peter, Peter qra Ix qongw, "Jruw ar, Liw sew guaw ee kax mah?"

7 Jesus rinr ix qongxx, "Guaw soxx juer :ee, liw henrjai m jaix, au .laii dyrr e hiauxdid."

8 Peter qongw, "Liw ingxuanw m tangx sew guaw ee kax." Jesus rinr qongxx, "Guaw byy qra liw sew, liw dyrr qapp Guaw byy qansiap."

9 Simon Peter qra Ix qongw, "Jruw ar, m na guaw ee kax, lenrr ciuw qapp taukag iarr diyhh."

10 Jesus qra ix qongw, "Langg sexik liauw, jixu diyhh sew kax, dyrr jiaujngg cingkir; linw jiaxee si cingkir, danrsi byy dag'ee longxx anxnix."

11 In'ui Jesus jaix bre Ix ee langg si jirjui; soxiw qongw, "Linw byy dag'ee cingkir."

12 Ix ixqing’ sew inx ee kax, dyrr cing snxax, qycc jre .lyc .laii, qra inx qongw, "Guaw duiww linw soxx qniaa :ee, linw jaix mah?

13 Linw cinghox Guaw Sensnix ar, Jruw ar. Linw ee ue driyc; Guaw sidjai si.

14 Guaw juer Jruw, juer Sensnix, siongrcniaw qra linw sew kax, linw iarr diyhh snaqang sew kax.

15 In'ui Guaw ixqing’ ing bo'ngiu hro linw, hro linw jiauww Guaw soxx duiww linw qniaa :ee laii qniaa.

16 Guaw sidsit qra linw qongw, lovok byy kacc dua ix ee juxlangg; hrong crex :ee byy kacc dua crex :ee.

17 Linw qiwzenn jaix jiaxee su, narr kir qniaa ix, dyrr u hokkir.

18 Guaw m si qiw linw jiongww langg laii qongw. Guaw jaix Guaw soxx qingw :ee; dogdok beh hro Singwqingx ingwgiam, 'Jiac Guaw ee vniaw ee langg giac kiw ka'aurdni tad Guaw.'

19 Dnaxx dairjir iauxx bue jniaa, Guaw singx qra linw qongw; qaur dairjir jniaa, hro linw sinr Guaw dyrr si Ix.

20 Guaw sidsit qra linw qongw, jiaplap Guaw soxx crex :ee, dyrr si jiaplap Guaw; jiaplap Guaw, dyrr si jiaplap crex Guaw :ee."

21 Jesus qongw anxnix, simlai dua vecvag, dyrr qanjingr qongxx, "Guaw sidsit qra linw qongw, linw diongqanx jit langg beh bre Guaw."

22 Hagsingx sna' knuar, sniu be cud Ix si qongw simxmih langg.

23 U jit xee hagsingx, dyrr si Jesus soxx tniar :ee, tex duiww Jesus ee hxingx-jingg.

24 Simon Peter dimr tauu qra ix qongw, "Cniaw qra guanw qongw, Ix soxx qongw :ee si simxmih langg."

25 Ix dyrr hniar srinx uaw Jesus ee hingkamw, qra Ix qongw, "Jruw ar, si jirjui?"

26 Jesus dyrr rinr qongxx, "Guaw unr jit der aw mic hro ix, hitt xee langg dyrr si." Suisii unr jit der aw, tec hro Iskaliotlangg Simon ee qniaw Judas.

27 Ix siurr mic liauxau, Satan dyrr zip ix ee simx. Jesus dyrr qra ix qongw, "Liw soxx juer :ee, qinw qinw kir juer."

28 Qangg dyh ee langg, byy langg jaix uirdiyhh jnaixngiu duiww ix qongw jitt xee ue.

29 In'ui Judas quanw jnide, u langg pacsngr qongxx qnaxx si Jesus qra ix qongw, "Liw kir brew lanw siuw jeh soxx kiamwing :ee"; iacc si qiyr ix kir jinxjer songwhionglangg.

30 Judas jrih diyc hitt xee mic, liamvnix dyrr cud .kir. Hitt sii si mii .sii.

31 Ix ixqing’ cud .kir. Jesus qongw, "Dnaxx Zinjuw did diyc ingqngx, Siongrder iarr dui' Ix did diyc ingqngx;

32 Siongrder beh dui' vunxsinx ingqngx Zinjuw, qycc beh qinw qinw ingqngx Ix.

33 Sewqniaw ar, Guaw iauxx u diap aw quw qapp linw dilehh. Linw beh cue Guaw. Guaw soxx kir ee soxjai, linw be e qaur. Guaw bad qra Judealangg qongw, dnaxx iarr anxnix qra linw qongw.

34 Guaw ing sinx ee qaiwbing hro linw, dyrr si linw diyhh sna' tniar, cincniu Guaw bad tniar linw, linw iarr diyhh anxnix sna' tniar.

35 Linw narr sna' tniar, jiongww langg beh dui' anxnix jaix linw si Guaw ee hagsingx."

36 Simon Peter qra Ix qongw, "Jruw ar, beh daxlyc kir?" Jesus rinr ix qongxx, "Guaw soxx kir ee soxjai, liw henrsii be duer Guaw, au .laii beh duer Guaw."

37 Peter qra Ix qongw, "Jruw ar, guaw henrsii jnaixngiu be duer Liw ar? Guaw beh uirdiyhh Liw vangwsag sniwmia."

38 Jesus rinr qongxx, "Liw beh uirdiyhh Guaw vangwsag liw ee sniwmia mah? Guaw sidsit qra liw qongw, qxex iauxx bue tii, liw beh snax vaiw m zin Guaw.

14 Linw ee simx byc did vecvag; linw diyhh sinr Siongrder, iarr diyhh sinr Guaw.

2 Dirr Guaw ee Ve ee qrex, u jerje cuwtec; narr byy, Guaw dyrr ixqing’ qra linw qongw lar. Guaw kir, si qra linw virvan soxjai.

3 Guaw narr kir qra linw virvan soxjai, dyrr beh qycc laii, jiaplap linw qruix dirr Guaw; Guaw dirr dyhh, linw iarr beh dirr hiax.

4 Guaw soxx kir ee soxjai, linw bad hitt diauu lo."

5 Tomas qra Ix qongw, "Jruw ar, Liw kir ee soxjai, guanw dy' m jaix, tacc e jaix hitt diauu lo ar?"

6 Jesus qra ix qongw, "Guaw dyrr si lo, si jinliw, si uahmia; narr byy dui' Guaw, dyrr byy langg erdangr jiurqin Ve.

7 Linw narr ixqing’ bad Guaw, dyrr iarr bad Guaw ee Ve. Dnaxx liauxau linw bad Ix, iarr bad knuar qnir Ix."

8 Filip qra Ix qongw, "Jruw ar, ing Ve hro guanw knuar, guanw dyrr qauwgiac."

9 Jesus qra ix qongw, "Filip, Guaw qapp linw diamr qaur jiacc quw, liw iauxx m bad Guaw mah? Ixqing’ knuar qnir Guaw :ee, dyrr si knuar qnir Ve. Liw jnaixngiu qongw, 'Ing Ve hro guanw knuar' ar?

10 Guaw diamr dirr Ve, Ve iarr diamr dirr Guaw, liw m sinr mah? Guaw soxx qra linw qongw ee ue, m si cud dirr qaqi laii qongw, si Ve druar dirr Guaw laii qniaa Ix ee dairjir.

11 Guaw diamr dirr Ve, Ve diamr dirr Guaw, linw diyhh sinr Guaw; narr byy, dyrr diyhh in'ui soxx qniaa ee su laii sinr Guaw.

12 Guaw sidsit qra linw qongw, sinr Guaw ee langg, Guaw soxx qniaa :ee, ix beh qniaa ix; dyrr viw jiaxee su kacc dua :ee, iarr beh qniaa ix, in'ui Guaw qruix dirr Ve.

13 Linw dirr Guaw ee miaa, huanrr soxx qriuu :ee, Guaw beh qniaa ix, tangx hro Ve dirr Qniaw did diyc ingqngx.

14 Linw narr dirr Guaw ee miaa u soxx qriuu Guaw :ee, Guaw beh qniaa ix.

15 Linw narr tniar Guaw, dyrr beh siuw Guaw ee bingrling.

16 Guaw iarr beh duiww Ve qriuu, Ix dyrr beh ing qycc jit xee Vyxhuirsux hro linw, hro Ix ingxuanw qapp linw druar---

17 Dyrr si jinliw ee Sinn, sewqanx soxx be jiaplap :ee, in'ui byy knuar qnir Ix, qycc m bad Ix; dogdok linw bad Ix, in'ui Ix qapp linw snaqab druar, qycc beh diamr dirr linw.

18 Guaw byy beh vangr linw juer byy ve ee qniaw; Guaw e laii jiurqin linw.

19 Iauxx diap aw quw, sewqanx byy qycc knuar qnir Guaw; dogdok linw knuar qnir Guaw, in'ui Guaw uac, linw iarr uac.

20 Hitt zit linw beh jaix Guaw diamr dirr Guaw ee Ve, linw diamr dirr Guaw, Guaw diamr dirr linw.

21 U Guaw ee bingrling, qycc siuw ix ee langg, jitt xee dyrr si tniar Guaw; tniar Guaw ee langg, beh did diyc Guaw ee Ve tniar ix, Guaw iarr beh tniar ix, qycc jiong' vunxsinx hiongr ix henxbingg."

22 Judas (m si Iskaliot :ee) qra Ix qongw, "Jruw ar, u simxmih su Liw beh jiong' vunxsinx hiongr guanw henxbingg, byy duiww sewqanx henxbingg ar?"

23 Jesus rinr ix qongxx, "Langg narr tniar Guaw, ix beh siuw Guaw ee dyrliw; Guaw ee Ve beh tniar ix, Guanw iarr beh jiurqin ix, qycc qapp ix dauwdin kiarkiw.

24 Byy tniar Guaw ee langg, dyrr byy siuw Guaw jiaxee ue; qycc linw soxx tniax ee dyrliw, m si Guaw :ee, si crex Guaw ee Ve :ee.

25 Guaw iauxx qapp linw druar ee sii, u jiong' jiaxee ue qra linw qongw.

26 Narr si Vyxhuirsux, dyrr si Singwsinn, Ve dirr Guaw ee miaa soxx beh crex :ee, Ix beh jiong' itcer ee su qawsi linw, qycc beh hro linw qir did Guaw itcer soxx qra linw qongw :ee.

27 Guaw ing ving'anx lauu lecc hro linw; Guaw jiong' Guaw ee ving'anx sniuxsur linw. Guaw soxx hro linw :ee, m si cincniu sewqanx decc hro langg ee kuanw. Linw ee simx byc did vecvag, iarr byc did qniahniaa.

28 Linw ixqing’ tniax qnir Guaw u qra linw qongw, 'Guaw kir, qycc laii jiurqin linw.' Linw narr tniar Guaw, dyrr e in'ui Guaw qruix dirr Ve laii hnuahiw, in'ui Ve viw Guaw kacc dua.

29 Dnaxx su iauxx bue jniaa, Guaw ixqing’ qra linw qongw, hro linw dirr su jniaa ee sii tangx sinr.

30 Ixau Guaw byy qapp linw qongw jerje ue, in'ui sewqanx ee zinqunx decc laii lar, ix dirr Guaw si byy soxx u;

31 Dogdok beh hro sewqanx jaix Guaw tniar Ve, iarr jiauww Ve soxx bingrling Guaw :ee laii qniaa. Kiw .laii, lanw dui' jiax laii .kir.

15 Guaw si jinx ee pudyciu, Guaw ee Ve si jyh hngg :ee.

2 Qniwnarr lenn dirr Guaw ee qix, suacc byy qed quexjiw :ee, Ix dyrr qra sanx .kiw .laii; qiwnarr qed quexjiw :ee, Ix dyrr siux hro ix cingkir, hro ix qed qyckacc je quexjiw.

3 Dnaxx linw in'ui Guaw soxx qra linw qongw ee dyrliw, linw ixqing’ cingkir lar.

4 Linw diyhh diamr dirr Guaw, Guaw iarr diamr dirr linw. Setsuw qix byy lenn dirr pudyciu, dyrr be e qaqi qed quexjiw; linw narr byy diamr dirr Guaw, iarr si anxnix.

5 Guaw dyrr si pudyciu, linw dyrr si qix. Diamr dirr Guaw :ee, Guaw iarr diamr dirr ix, dyrr qed quexjiw jerje; in'ui qapp Guaw sna' li, linw dyrr be juer simxmih.

6 Langg narr byy diamr dirr Guaw, dyrr siurr kiwsag dirr guarbin, cincniu qix, suar qodaa. Langg qra kiyh kiw laii hed lyc huew, dyrr qra siyx .kir.

7 Linw narr diamr dirr Guaw, Guaw ee ue diamr dirr linw, huanrnarr soxx rair :ee, linw qriuu, dyrr beh qra linw jniaa.

8 Linw qed quexjiw jerje, dui' anxnix, Guaw ee Ve did diyc ingqngx; linw beh jniaa juer Guaw ee hagsingx.

9 Guaw u tniar linw, cincniu Ve u tniar Guaw; linw diyhh diamr dirr Guaw ee tniar.

10 Linw narr siuw Guaw ee qaiwbing, dyrr beh diamr dirr Guaw ee tniar, cincniu Guaw u siuw Guaw ee Ve ee qaiwbing, diamr dirr Ix ee tniar.

11 Guaw ixqing’ ing jiaxee qra linw qongw, beh hro Guaw ee hnuahiw diamr dirr linw, iarr hro linw ee hnuahiw muaw muaw.

12 Linw diyhh sna' tniar, cincniu Guaw u tniar linw; jex si Guaw ee bingrling.

13 Langg uirdiyhh ving'iuw henr sniwmia; tniar, byy viw jitt xee kacc dua :ee.

14 Linw narr qniaa Guaw soxx bingrling linw :ee, dyrr si Guaw ee ving'iuw.

15 Dnaxx liauxau, Guaw byy qiyr linw juer lovok, in'ui lovok m jaix ix ee juxlangg ee soxx qniaa; danrsi Guaw ixqing’ qiyr linw juer ving'iuw, in'ui Guaw dui' Ve soxx tniax .qnir .ee, longxx u qra linw qongw.

16 M si linw qingw Guaw, si Guaw qingw linw, qycc setlip linw, hro linw kir qed quexjiw, qycc hro linw ee quexjiw quxdngg dilehh; hro linw dirr Guaw ee miaa bylun duiww Ve qriuu simxmih, Ix dyrr hro linw.

17 Guaw ing jiaxee bingrling linw, si beh hro linw sna' tniar.

18 Sewqanx narr uanwhun linw, linw jaix ix iauxx bue uanwhun linw, ixqing’ dairsingx uanwhun Guaw.

19 Linw narr sriok sewqanx, sewqanx dyrr tniar sriok ix qaqi :ee; dogdok in'ui linw m si sriok sewqanx, si Guaw qingw linw cud sewqanx, soxiw sewqanx uanwhun linw.

20 Linw diyhh qir did Guaw soxx qra linw qongw ee ue, qongw, 'Lovok byy kacc dua quer ix ee juxlangg.' Langg narr u kunxdiok Guaw, iarr beh kunxdiok linw; narr u siuw Guaw ee ue, iarr beh siuw linw ee ue.

21 Danrsi inx beh in'ui Guaw ee miaa ing jiaxee itcer ee su kuanxtai linw, jex si in'ui inx m bad crex Guaw :ee.

22 Guaw narr byy laii qra inx qongw, inx dyrr byy jue; dnaxx inx ee jue byy tangx tesii lar.

23 Uanwhun Guaw :ee, iarr uanwhun Guaw ee Ve.

24 Guaw narr dirr inx diongqanx m bad qniaa vadd langg soxx m bad qniaa :ee, inx dyrr byy jue; danrsi danxx Guaw qapp Guaw ee Ve, inx u knuar .qnir, iarr u uanwhun.

25 Jex si beh ingwgiam inx ee ludhuad soxx qiwjair ee ue, qongw, 'Inx byy enqor uanwhun Guaw.'

26 Danrsi Guaw beh dui' Ve crex Vyxhuirsux, dyrr si jinliw ee Sinn, dui' Ve cud :ee, jiurqin linw. Ix narr qaur, beh uirdiyhh Guaw juer qanjingr.

27 Linw iarr beh juer qanjingr, in'ui linw dui' kixtauu qapp Guaw dilehh.

16 Jiaxee su Guaw ixqing’ qra linw qongw, hro linw benw drir diyhdag.

2 Langg beh qnuaw linw cud huerdngg; qycc sii qaur, huanrnarr taii linw ee langg, iarr beh liac jex juer hogsai Siongrder.

3 Inx beh qniaa anxnix, in'ui m bad Ve qapp Guaw.

4 Dogdok Guaw u qra linw qongw jiaxee, si hro linw qaur sii tangx qir did Guaw bad qra linw qongw. Guaw dirr kixtauu byy qra linw qongw jiaxee, si in'ui Guaw qapp linw dilehh.

5 Dnaxx Guaw kir qruix dirr crex Guaw :ee; linw diongqanx byy langg mng Guaw qongxx, 'Liw beh daxlyc kir?'

6 Qandna' uirdiyhh Guaw u qra linw qongw jiaxee, linw ixqing’ muaxsimx iubun lar.

7 Danrsi Guaw jiong' sidjingg qra linw qongw, Guaw kir, si juer linw ee lirig; Guaw byy kir, Vyxhuirsux byy laii jiurqin linw; narr kir, dyrr beh crex Ix jiurqin linw.

8 Ix qaur, dikkag ing jue, ing gi, ing simxpnuar, laii jixjingr sewqanx.

9 Ing jue, in'ui inx m sinwkyr Guaw;

10 Ing gi, in'ui Guaw qruix dirr Ve, linw byy qycc knuar qnir Guaw;

11 Ing simxpnuar, in'ui jitt sewqanx ee zinqunx ixqing’ siurr simxpnuar.

12 Guaw iauxx u jerje hxang beh qra linw qongw, dogdok linw henrsii drngx be kiw.

13 Qaur jinliw ee Sinn laii, Ix beh cua linw zip dirr itcer ee jinliw; in'ui Ix m si beh vin' qaqi laii qongw, si jiong' Ix soxx beh tniax .qnir .ee laii qongw; qycc beh ing decbeh laii ee su vyr linw.

14 Ix beh ingqngx Guaw, in'ui Ix beh dui' Guaw soxx u :ee niaxsiu, laii vyr hro linw.

15 Huanrnarr Ve soxx u :ee longxx si Guaw ee. Soxiw Guaw qongw, Ix beh dui' Guaw soxx u :ee niaxsiu, laii vyr hro linw.

16 Diap aw quw ixau, linw byy knuar qnir Guaw; qycc diap aw quw, linw dyrr beh knuar qnir Guaw."

17 Dui' anxnix, Ix ee hagsingx uree snaqab qongw, "Ix duiww lanw qongw, 'Diap aw quw ixau, linw byy knuar qnir Guaw; qycc diap aw quw linw beh knuar qnir Guaw'; qycc qongw, 'In'ui Guaw qruix dirr Ve', jex si simxmih iwsur?"

18 Soxiw inx qongw, "Ix soxx qongw :ee 'diap aw quw', si simxmih iwsur? Lanw m jaix Ix decc qongw simxmih."

19 Jesus jaix inx rair mng Ix, dyrr qra inx qongw, "Guaw qongw, 'Diap aw quw ixau, linw byy knuar qnir Guaw, qycc diap aw quw linw beh knuar qnir Guaw', linw in'ui jitt xee decc mng laii mngg kir mah?

20 Guaw sidsit qra linw qongw, linw beh tikaur aisiongx, sewqanx beh hnuahiw, linw beh iubun; danrsi linw ee iubun beh vnir juer hnuahiw.

21 Hurzinlangg beh snix qniaw, dyrr e iubun, in'ui ix ee sii qaur lar; ngex-aw ixqing’ cutsir, byy qycc qir did ix ee koxtangr, in'ui hnuahiw u langg cutsir dirr sewqanx.

22 Cincniu anxnix, linw henrjai iarr u iubun; danrsi Guaw beh qycc qnir diyc linw, linw ee simx dyrr beh hnuahiw, qycc linw ee hnuahiw byy langg qra linw cniuw .kir.

23 Dng' hitt zit, linw byy beh mng Guaw simxmih. Guaw sidsit qra linw qongw, linw qniwnarr duiww Ve qriuu :ee, Ix dyrr dirr Guaw ee miaa beh hro linw.

24 Linw qaur dnaxx m bad dirr Guaw ee miaa qriuu simxmih; linw qriuu dyrr e did .diyc, hro linw ee hnuahiw muaw muaw.

25 Jiaxee su Guaw u ing piwzu qra linw qongw; danrsi sii qaur, Guaw byy beh qycc ing piwzu qra linw qongw, si ing Ve bingg bingg jixsi linw.

26 Dng' hitt sii, linw beh dirr Guaw ee miaa laii qriuu. Guaw be qra linw qongw qongxx Guaw beh uirdiyhh linw qriuu Ve,

27 In'ui Ve qaqi tniar linw, si uirdiyhh linw u tniar Guaw, qycc sinr Guaw dui' Ve cud .laii.

28 Guaw dui' Ve cud .laii, iarr zip sewqanx; qycc lirkuix sewqanx laii qruix dirr Ve."

29 Ix ee hagsingx qongw, "Dnaxx Liw bingg bingg decc qongw, m si ing piwzu.

30 Dnaxx guanw jaix Liw byy soxx m jaix, mrbenw langg mng Liw. Guanw in'ui anxnix sinr Liw dui' Siongrder cud."

31 Jesus rinr qongxx, "Dnaxx linw sinr mah?

32 Sii beh qaur, iarr ixqing’ qaur lar, linw jiaxee beh siwsnuar, dagg langg qruix ix vunxsinx ee soxjai, lauu Guaw qaqi dilehh. Danrsi Guaw m si qaqi dilehh, in'ui Ve qapp Guaw dilehh.

33 Guaw ixqing’ jiong' jiaxee qra linw qongw, hro linw diamr dirr Guaw u ving'anx. Dirr sewqanx linw u koxlan; dogdok linw tangx hongwsimx, Guaw ixqing’ kacc ngiaa sewqanx."

17 Jesus qongw jiaxee, dyrr giahbak ngr tnix, qongw, "Ve ar, sii qaur lar, guan Liw ingqngx Liw ee Qniaw, tangx hro Qniaw ingqngx Liw;

2 Cincniu Liw bad hro Qniaw u qxuann dirliw qniww u ziogtew :ee, beh hro Ix jiong' ingxuac sniuxsur qniwnarr Liw soxx hro Ix ee langg.

3 Jitt xee ingxuac, dyrr si bad Liw dog'id jinx ee Siongrder, qapp Liw soxx crex ee Jesus Krist.

4 Guaw ixqing’ dirr derjniu ingqngx Liw, dyrr si Liw soxx qaudair Guaw qniaa ee qangx, Guaw ixqing’ qra jniaa.

5 Ve ar, dnaxx diyhh hro Guaw qapp Liw snaqab u ingqngx, dyrr si bue u sewqanx ixjingg Guaw qapp Liw snaqab u ee ingqngx.

6 Liw soxx sniuxsur Guaw dirr sewqanx cud ee langg, Guaw ixqing’ ing Liw ee miaa duiww inx henxbingg. Inx vunxlaii si Liw ee, Liw ing inx sniuxsur Guaw; inx iarr ixqing’ siuw Liw ee dyrliw.

7 Dnaxx inx jaix qniwnarr Liw soxx hro Guaw :ee, longxx si dui' Liw laii,

8 In'ui soxx hro Guaw ee ue, Guaw ixqing’ hro inx. Inx singsiu ix, iarr kaksit jaix Guaw dui' Liw cud, qycc sinr Liw crex Guaw :ee.

9 Guaw uirdiyhh inx qriuu, m si uirdiyhh sewqanx qriuu, si uirdiyhh Liw soxx hro Guaw ee langg, in'ui inx si Liw ee.

10 Qniwnarr Guaw ee, dyrr si Liw ee; Liw ee, dyrr si Guaw ee; qycc Guaw dirr inx u did diyc ingqngx.

11 Dnaxx liauxau Guaw byy dirr sewqanx; inx dirr sewqanx, Guaw qruix dirr Liw. Sxingr ee Ve ar, guan Liw dirr Liw ee miaa, dyrr si Liw soxx hro Guaw :ee, laii vyxsiuw inx, hro inx juer jit xee, cincniu lanw jidngiu.

12 Guaw qapp inx dilehh ee sii, bad dirr Liw ee miaa, dyrr si Liw soxx hro Guaw :ee, laii vyxsiuw inx. Guaw iarr u jiauwqor inx, qidiongx byy jit xee dimlunn; jixu hitt xee dimlunn nardnia, tangx hro Singwqingx did diyc ingwgiam.

13 Dnaxx Guaw jiurqin Liw, Guaw iauxx diamr sewqanx qongw jiaxee ue, beh hro inx u Guaw ee hnuahiw muaw muaw dirr inx ee simlai.

14 Guaw ixqing’ jiong' Liw ee dyrliw hro inx; sewqanx uanwhun inx, in'ui inx byy sriok sewqanx, cincniu Guaw byy sriok sewqanx.

15 Guaw m si qriuu Liw hro inx cud sewqanx, si vyxsiuw inx tuatli pnaiw :ee.

16 Inx byy sriok sewqanx, cincniu Guaw byy sriok sewqanx.

17 Guan Liw ing jinliw hro inx jniaa sxingr; Liw ee dyrliw dyrr si jinliw.

18 Cincniu Liw crex Guaw zip sewqanx, Guaw iarr u crex inx zip sewqanx.

19 Guaw uirdiyhh inx laii juer sxingr, hro inx iarr dui' jinliw laii jniaa sxingr.

20 Guaw m na uirdiyhh jiaxee langg qriuu, iarr uirdiyhh dui' inx ee ue laii sinr Guaw ee langg qriuu,

21 Hro inx longxx juer jit xee; cincniu Ve, Liw diamr dirr Guaw, Guaw diamr dirr Liw, hro inx iarr anxnix diamr dirr Lanw; dyrr hro sewqanx sinr Liw crex Guaw.

22 Liw soxx hro Guaw ee ingqngx, Guaw ixqing’ hro inx; hro inx juer jit xee.

23 Guaw diamr dirr inx, Liw diamr dirr Guaw, hro inx e uanjuann laii juer jit xee; hro sewqanx jaix Liw crex Guaw, iarr jaix Liw tniar inx cincniu tniar Guaw jidngiu.

24 Ve ar, Liw soxx hro Guaw :ee, dirr Guaw soxx dilehh ee soxjai, Guaw rair inx iarr qapp Guaw snaqab dirr hiax, hro inx knuar qnir Liw soxx sniuxsur Guaw ee ingqngx; in'ui congwjy sewqanx ixjingg, Liw ixqing’ tniar Guaw.

25 Gi ee Ve ar, sewqanx m bad bad Liw, dogdok Guaw u bad Liw; jiaxee langg iarr jaix Liw u crex Guaw laii.

26 Guaw bad ing Liw ee miaa jixsi inx, qycc beh jixsi inx, hro Liw tniar Guaw ee tniawtangr diamr dirr inx, Guaw iarr diamr dirr inx."

18 Jiaxee ue qongw liauw, Jesus qapp hagsingx cud .kir, quer Blook Kex; dirr hiax u hngg. Jesus qapp Ix ee hagsingx zip .kir.

2 Bre Ix ee Judas iarr bad hitt xee soxjai, in'ui Jesus qapp Ix ee hagsingx dniardnia jurjip dirr hiax.

3 Judas ixqing’ niaw jit dui vingx, qapp jiaxee jewsitauu ixqip Faliselangg ee ce'iac, giac dingx, qapp huexvew, qapp qesix, laii qaur hiax.

4 Jesus jaix Ix soxx beh duw diyc itcer ee su, dyrr cud kir qra inx qongw, "Linw cue jirjui?"

5 Inx qongw, "Nazaletlangg Jesus." Jesus qra inx qongw, "Guaw dyrr si." Bre Ix ee Judas iarr qapp inx snaqab decc kia.

6 Jesus jid'err qra inx qongw, "Guaw dyrr si", inx dyrr dywter, vuac dyw dirr de nirr.

7 Soxiw Ix qycc mng inx, "Linw cue jirjui?" Rinr qongxx, "Nazaletlangg Jesus."

8 Jesus rinr qongxx, "Guaw ixqing’ qra linw qongw, Guaw dyrr si; linw narr cue Guaw, diyhh iong'unw jiaxee langg kir."

9 Jex si beh hro Ix jingg soxx qongw ee ue ingwgiam, qongw, "Liw soxx hro Guaw ee langg, Guaw byy sitlyc jit xee."

10 Simon Peter u dyx, vuic kiw laii pud jewsitauu ee lovok, siah kir ix ee jniawhni. Lovok ee miaa qiyr Malqus.

11 Jesus dyrr qra Peter qongw, "Siux liw ee dyx zip sxiur; Ve soxx hro Guaw ee vxuex, Guaw qamxx byy beh limx mah?"

12 Dui' anxnix, vingdui qapp cenjongw, ixqip Judealangg ee ce'iac liac Jesus, vak Ix.

13 Inx dairsingx duar Ix kir qnir Annas, in'ui ix si hitt nii ee jewsitauu Kaiafas ee dniurlangg.

14 Jingg ter Judealangg dnaxsngr qongxx, jit langg uirdiyhh vecsnir siw si u lirig :ee, dyrr si jitt xee Kaiafas.

15 Simon Peter duer Jesus, qycc u jit xee hagsingx duer Ix. Jitt xee hagsingx si jewsitauu soxx bad :ee, dyrr qapp Jesus zip jewsitauu ee ngi.

16 Peter kia dirr mngg-gua. Hitt xee jewsitauu soxx bad :ee cud kir qar qor mngg :ee jaboxlangg qongw, dyrr cua Peter zip .kir.

17 Qor mngg ee luxvi qra Peter qongw, "Liw iarr qnaxx si jitt Langg ee hagsingx hnoh?" Ix qongw, "M si."

18 Jiaxee lovok qapp ce'iac, in'ui qnuaa, jiong' tnuar kiw huew, kia decc hangx siyx; Peter iarr qapp inx kia decc hangx.

19 Jewsitauu dyrr mng Jesus quanhe Ix ee hagsingx, qapp Ix ee qawsi.

20 Jesus rinr qongxx, "Guaw si henxzenn duiww sewqanlangg qongw. Guaw siongsiongg dirr huerdngg qapp dxen nirr qawsi, dyrr si Judealangg longxx jurjip ee soxjai; dirr unxbat ee soxjai Guaw m bad qongw simxmih.

21 Sniaw su mng Guaw? Tangx mng tniax ee langg, knuar Guaw qapp inx qongw jnaixngiu; inx jaix Guaw soxx qongw."

22 Qongw suah, vnix:a decc kia ee jit xee ce'iac senr Jesus qongw, "Liw rinr jewsitauu anxnix mah?"

23 Jesus rinr ix qongxx, "Guaw narr qongw m driyc, tangx jixjingr hitt xee m driyc; narr driyc, sniaw su pah Guaw?"

24 Annas crex Ix qaur jewsitauu Kaiafas ee soxjai. Jesus iuguann siurr vak.

25 Hitt sii Simon Peter kia decc hanghuew. Dyrr u langg qra ix qongw, "Liw iarr qnaxx si Ix ee hagsingx hnoh?" Ix m zin, qongw, "M si."

26 U jit xee jewsitauu ee lovok, si hro Peter siah hni-aw :ee ee cinlangg, qongw, "Guaw qamxx byy knuar qnir liw qapp Ix dirr hngg-lai mah?"

27 Peter qycc byy zin; qxex suisii tii.

28 Inx dyrr duar Jesus dui' Kaiafas ee soxjai qaur qongdngg. Hitt diap tnix puxqngx, inx qaqi byy zip qongdngg, benw did bag diyc lasamm, jiacc tangx jiac Vnuaquewjeh.

29 Soxiw Pilate cud laii guarbin jiurqin inx, qongw, "Linw qryr jitt Langg simxmih anwqnia?"

30 Rinr qongxx, "Jitt Langg narr m si pnaiw langg, guanw dyrr byy jiong' Ix qaux hro liw."

31 Pilate dyrr qra inx qongw, "Linw qaqi qra duar .kir, jiauww linw ee ludhuad kir vran Ix." Judealangg qra ix qongw, "Guanw byy taii langg ee qxuann."

32 Jex si beh ingwgiam Jesus jingg soxx qongw ee ue, jixbingg Ix beh simxmih kuanw laii siw.

33 Pilate qycc zip qongdngg, driaur Jesus laii, qra Ix qongw, "Liw si Judealangg ee Ongg mah?"

34 Jesus rinr qongxx, "Liw qongw jitt xee ue si dui' liw qaqi, iacc si vadd langg jiong' Guaw ee su qra liw qongw ar?"

35 Pilate rinr qongxx, "Guaw qamxx si Judealangg mah? Liw vunxqog ee langg qapp jiaxee jewsitauu jiong' Liw qaux hro guaw. Liw juer jnaixngiu ar?"

36 Jesus rinr qongxx, "Guaw ee qog m si sriok jitt sewqanx. Guaw ee qog narr sriok jitt sewqanx, Guaw ee ce'ing dyrr dikkag jingjenr, hro Guaw benw did qaux hro Judealangg; danrsi dnaxx Guaw ee qog m si dui' jiax cud."

37 Pilate dyrr qra Ix qongw, "Anxnix, Liw si Ongg mah?" Jesus rinr qongxx, "Liw qongw Guaw si Ongg. Guaw uirdiyhh anxnix cutsir, uirdiyhh anxnix limqaur sewqanx, beh ter jinliw juer qanjingr. Huanrnarr sriok jinliw ee langg, tniax Guaw ee sniax."

38 Pilate qongw, "Jinliw si simxmih?" Qongw suah, qycc cud kir jiurqin Judealangg, qra inx qongw, "Guaw knuar Ix byy jue.

39 Danrsi linw u le, qaur Vnuaquewjeh, guaw diyhh vangr jit xee qnahuan hro linw. Linw rair guaw vangr Judealangg ee Ongg hro linw mah?"

40 Inx qycc dua sniax auqiyr qongxx, "M tangx jitt xee, diyhh vangr Balabbas." Jitt xee Balabbas si toxhuiw.

19 Dui' anxnix, Pilate ing vnxix pah Jesus.

2 Vingdingx ing cixaw vnrix juer benxliuu, dir dirr Ix ee taukag, qycc ing jxiw sig ee pxaur qra ix cing.

3 Inx jiurqin Ix, qongw, "Judealangg ee Ongg, ving'anx ar." Inx dyrr ing ciuw qra senr.

4 Pilate qycc cud kir guarbin qra inx qongw, "Knuar ar, guaw cua Ix cud laii hro linw, hro linw jaix guaw craa liauw, knuar Ix byy jue."

5 Jesus dir cixaw ee benxliuu, cing jxiw sig ee pxaur cud laii guarbin; Pilate qycc qra inx qongw, "Linw knuar jitt xee langg!"

6 Jiaxee jewsitauu qapp ce'iac knuar qnir Ix, dyrr dua sniax auqiyr qongxx, "Qra Ix dingr sibzirqer, qra Ix dingr sibzirqer." Pilate qra inx qongw, "Linw qaqi qra liac kir dingr, in'ui guaw knuar Ix byy jue."

7 Judealangg rinr ix qongxx, "Guanw u ludhuad, qycc jiauww jitt xee ludhuad Ix ingqaix siw, in'ui Ix liac vunxsinx juer Siongrder ee Qniaw."

8 Pilate tniax qnir jitt xee ue, dyrr ithuad qniax;

9 Qycc zip qongdngg, qra Jesus qongw, "Liw dui' daxlyc laii?" Danrsi Jesus byy rinr ix.

10 Pilate dyrr qra Ix qongw, "Liw m qapp guaw qongw mah? Qamxx m jaix guaw u qxuann tangx vangr Liw, iarr u qxuann tangx dingr Liw dirr sibzirqer mah?"

11 Jesus rinr ix qongxx, "Narr m si dui' dingxbin hro liw, liw dyrr byy qxuann tangx vran Guaw; soxiw jiong' Guaw qaux hro liw :ee hitt xee langg, ix ee jue kacc dang."

12 Dui' anxnix, Pilate rair beh vangr Ix; Judealangg dua sniax auqiyr qongxx, "Liw narr vangr jitt xee langg, dyrr m si Kaesar ee ving'iuw; in'ui huanrnarr liac qaqi juer ongg :ee, si vuervuan Kaesar."

13 Pilate tniax qnir jiaxee ue, dyrr cua Jesus cud .laii, qaur jit xee miaa qiyr Pox Jiyc ee soxjai, Hebla ee ue qiyr juer Gabbata, qaqi jre dirr qongjy.

14 Hitt zit dyrr si virvan Vnuaquewjeh ee zit, iokliok ziddiongdaur. Ix dyrr qra Judealangg qongw, "Knuar, linw ee Ongg!"

15 Inx dua sniax auqiyr qongxx, "Qra druu .kir, qra druu .kir, dingr Ix dirr sibzirqer." Pilate qra inx qongw, "Guaw jiong' linw ee Ongg dingr dirr zibzirqer mah?" Jiaxee jewsitauu rinr qongxx, "Kaesar ixgua, guanw byy ongg."

16 Dui' anxnix, ix dyrr jiong' Jesus qaux hro inx kir dingr dirr sibzirqer.

17 Inx dyrr siux Ix. Jesus qaqi giaa ix ee sibzirqer cud .kir, qaur jit xee miaa qiyr Taukak'nguaw ee soxjai, Hebla ee ue qiyr juer Golgota.

18 Inx dirr hiax qra Ix dingr sibzirqer, qycc u nng langg qapp Ix dangjee ho'ngg dingr, jit vingg jit xee, Jesus dirr diong'ngx.

19 Pilate iarr siaw jamxdiauu, he dirr sibzirqer, siaw qongxx, "JUDEALANGG EE ONGG, NAZALETLANGG, JESUS."

20 Judealangg jerje tak jitt xee jamxdiauu, in'ui Jesus siurr dingr ee soxjai qin sniaa, qycc soxx siaw :ee, si ing Hebla, Latin, qapp Gleek ee bunzi.

21 Judealangg jiaxee jewsitauu qra Pilate qongw, "Byc did siaw 'Judealangg ee Ongg'; diyhh siaw, 'Ix qaqi qongw: Guaw si Judealangg ee Ongg.'"

22 Pilate rinr qongxx, "Guaw soxx siaw :ee, ixqing’ siauw liauw lar."

23 Vingdingx ixqing’ dingr Jesus dirr sibzirqer, dyrr tec Ix ee snxax, vunx juer sir hxun, dagg xee vingx did diyc jit hxun; qycc tec Ix ee lairsnax, jitt niaw lairsnax byy qapjua, si dingxe tauwjid :ee.

24 Inx dyrr snaqab qongw, "Byc did tiah lic, diyhh laii liamx kaux, knuar jirjui did .diyc." Jex si beh ingwgiam Singwqingx soxx qongw, "Inx snaqab vunx Guaw ee snxax, liamx kaux Guaw ee ihok." Vingdingx qyxzenn juer jiaxee su.

25 Kia dirr Jesus sibzirqer vnix, u Ix ee laurbuw, Ix ee laurbuw ee jixbe, Klopas ee bow Malia, qapp Magdalene ee Malia.

26 Jesus knuar qnir laurbuw qapp soxx tniar ee hagsingx kia dirr vnitauu, dyrr duiww laurbuw qongw, "Laurbuw ar, knuar, liw ee qniaw!"

27 Qycc duiww hitt xee hagsingx qongw, "Knuar, liw ee laurbuw!" Dui' hitt sii, hitt xee hagsingx qra ix jicjiab qaur qaqi ee qrex.

28 Jitt xee dairjir ixau, Jesus jaix jiongww hxang su ixqing’ bingvik, in'ui beh hro Singwqingx ee ue ingwgiam, dyrr qongw, "Guaw cuiwdax."

29 Dirr hiax, u jit xee kiwqu drew cor muaw muaw; inx dyrr tec haixziongg jimr cor, haa gucikcauw, tuh qaur Ix ee cuir.

30 Jesus ixqing’ sriur cor, dyrr qongw, "Su bingvik ar"; dyrr ngar tauu kuir dng.

31 Hitt sii si virvan jeh ee zit. In'ui jitt xee Anhiyczit si dua ee zit, Judealangg rair benw did dirr Anhiyczit qra sinsix lauu dirr sibzirqer, soxiw qriuu Pilate qiyr langg qongr jric inx ee kaqud laii qra inx tec jauw.

32 Vingdingx qaur, qongr jric tauu jit xee ee kaqud, ixqip hitt xee qapp ix dangjee dingr :ee ee kaqud.

33 Qaur Jesus hiax, inx knuar qnir Ix ixqing’ siw, dyrr byy qongr jric Ix ee kaqud;

34 Dogdok u jit xee vingx, ing cniux cak Ix ee hiap-xe, huih qapp juiw liamvnix lrauu .cud.

35 Knuar .qnir ee langg juer qanjingr, ix ee qanjingr si jinx; qaqi jaix soxx qongw si sit, hro linw iarr e sinr.

36 In'ui jiaxee dairjir jniaa, si beh ingwgiam Singwqingx soxx qongw, "Ix ee qud byy jit qix beh siurr paccuir."

37 Qycc Singwqingw u jit qxur, qongw, "Langg beh knuar inx soxx cak :ee."

38 Jiaxee dairjir ixau, u Alimatea ee Josef, si Jesus ee hagsingx, dogdok qniax Judealangg, jiacc amwjni juer hagsingx. Ix laii qriuu Pilate, jrunw ix kir siux Jesus ee sinsix; Pilate unxjunw. Ix dyrr laii siux Ix ee sinsix .kir.

39 Qycc u Nikodemus, kixtauu bad mii .sii jiurqin Jesus :ee, iarr laii, duar bud'iyc ciaux dimhniux, iokliok jit-vah qxinx.

40 Inx dyrr siux Jesus ee sinsix, ing iuwdervor qapp hniuliau vaux Ix, jiauww Judealangg baijongr ee le.

41 Dingr sibzirqer ee soxjai u hngg; hngg-lai u sinx ee bong, longxx m bad u langg jongr :ee.

42 Hitt zit si Judealangg virvan jeh ee zit, qycc in'ui hitt xee bong qin, soxiw andir Jesus dirr hiax.

20 Cid zit ee tauu jit zit cingjaw, tnix iauxx bue qngx, Magdalene ee Malia qaur bong hiax, knuar qnir jiyc ixqing’ dui' bong suaw kuix.

2 Ix dyrr jauw kir jiurqin Simon Peter, qapp vadd xee hagsingx, dyrr si Jesus soxx tniar hitt xee, qra inx qongw, "U langg jiong' Jruw rii cud bong, guanw m jaix he dirr daxlyc."

3 Soxiw Peter qapp hitt xee hagsingx cud kir qaur bong.

4 Nng langg vnivnii jauw; hitt xee hagsingx jauw juer tauu, viw Peter kacc qinw, dairsingx qaur bong,

5 Ngar lyc knuar bong-lai, knuar qnir iuwdervor iauxx he lehh, dogdok byy zip .kir.

6 Simon Peter duewau qaur, zip bong, knuar qnir iuwdervo he lehh,

7 Qycc knuar qnir vaux taukag ee qin'aw byy qapp iuwdervor juer jit xui, si lingrgua dirr jit soxjai qngw lehh.

8 Hitt sii hitt xee dairsingx qaur bong ee hagsingx iarr zip .kir, knuar qnir liauxau dyrr sinr.

9 In'ui inx iauxx bue bingvik Singwqingx ee ue, qongxx Ix dikkag diyhh dui' sixlangg diongx qycc uac.

10 Dui' anxnix, nng xee hagsingx dyr kir qaqi ee qrex.

11 Dogdok Malia kia dirr bong-gua decc tikaur, kaur ee sii, ngar lyc knuar bong-lai;

12 Knuar qnir nng xee tnisair cing vec snxax, jre dirr Jesus ee sinsix soxx bad andir ee soxjai, jit xee dirr tauu, jit xee dirr kax.

13 Inx dyrr qra ix qongw, "Hurzinlangg ar, sniaw su kaur?" Ix rinr qongxx, "In'ui langg' jiong' guaw ee Jruw rii .kir, guaw m jaix Ix ho'ngg he dirr simxmih soxjai."

14 Ix qongw jiaxee ue liauxau, dyrr huanx srinx ngr aurbin, knuar qnir Jesus kia lehh, iarr m jaix Ix si Jesus.

15 Jesus qra ix qongw, "Hurzinlangg ar, sniaw su tikaur? Liw cue jirjui?" Malia pacsngr Ix si qor hngg :ee, dyrr qra Ix qongw, "Tauqex ar, Liw narr u qra Ix qrngx .kir, cniaw qra guaw qongw qra Ix he dirr simxmih soxjai, guaw dyrr kir siux Ix."

16 Jesus qra ix qongw, "Malia ar." Ix dyrr uat dngw srinx, ing Hebla ee ue qra Ix qongw, "Rlaboni"; iwsur dyrr si Sensnix.

17 Jesus qra ix qongw, "Byc did bongx Guaw, in'ui Guaw iauxx bue jnriu kir qnir Ve. Liw diyhh kir cue Guaw ee hniadi qra inx qongw, Guaw jnriu kir qnir Guaw ee Ve, iarr si linw ee Ve; qnir Guaw ee Siongrder, iarr si linw ee Siongrder."

18 Magdalene ee Malia dyrr kir qra hagsingx qongw, "Guaw ixqing’ knuar qnir Jruw"; qycc qongw Jruw ing jiaxee ue qra ix qongw.

19 Hitt zit, dyrr si cid zit ee tauu jit zit. Ixqing’ amr, hagsingx in'ui qniax Judealangg, inx soxx druar ee soxjai longxx qnuaix mgg. Jesus qaur, kia dirr diongqanx, qra inx qongw, "Guan linw ving'anx."

20 Ixqing’ qongw jiaxee ue, dyrr ing ciuw qapp hiap-xe hro inx knuar. Hagsingx knuar qnir Jruw, dyrr hnuahiw.

21 Jesus qycc qra inx qongw, "Guan linw ving'anx; Guaw crex linw, cincniu Ve u crex Guaw."

22 Ixqing’ qongw jiaxee ue, dyrr duiww inx vunn kuir, qongw, "Linw siurr Singwsinn.

23 Linw siar simxmih langg ee jue, dyrr siar .kir; lauu simxmih langg ee jue, dyrr lauu lehh."

24 U Tomas, cxingx juer Siangsnix :ee, si jap-zi xee hagsingx ee jit xee, Jesus qaur ee sii, ix byy snaqab dilehh.

25 Qi'uu ee hagsingx dyrr qra ix qongw, "Guanw ixqing’ knuar qnir Jruw lar." Danrsi Tomas qra inx qongw, "Guaw narr byy knuar qnir Ix ciuw-diongx dingx ee ziah, byy ing guaw ee jngxtauu-aw tamr Ix dingx ee ziah, byy ing guaw ee ciuw tamr Ix ee hiap-xe, guaw quatduan m sinr."

26 Quer veh zit, Ix ee hagsingx qycjaiww dirr cur-lai, Tomas iarr dilehh. Mngg ixqing’ qnuaix, Jesus qaur, kia dirr diong'ngx, qongw, "Guan linw ving'anx."

27 Ix dyrr qra Tomas qongw, "Crunx liw ee jngxtauu-aw laii knuar Guaw ee ciuw; crunx liw ee ciuw tamr Guaw ee hiap-xe; byc did juer m sinr :ee, diyhh juer sinr :ee."

28 Tomas rinr qongxx, "Guaw ee Jruw ar, guaw ee Siongrder ar."

29 Jesus qra ix qongw, "Liw in'ui knuar qnir Guaw jiacc sinr; hiaxee byy knuar laii sinr ee langg, u hokkir."

30 Jesus dirr hagsingx ee binrjingg, qycc u qniaa jerje sinziah, byy qir dirr jitt vunw ceh :ee;

31 Dogdok qir jiaxee, hro linw sinr Jesus si Krist, si Siongrder ee Qniaw; sinr, dyrr dirr Ix ee miaa did diyc uac.

21 Jiaxee dairjir ixau, Jesus dirr Tibelias ee haiw-vnix, qycc henxbingg qaqi hro hagsingx knuar. Ix ee cuthen qir dirr erdew.

2 U Simon Peter, Tomas, cxingx Didymus, Galilee ee Kanalangg Natanael, Zebedee ee qniaw, iauxx u hagsingx nng xee langg snaqab dilehh.

3 Simon Peter qra inx qongw, "Guaw beh kir tyxhii." Inx qra ix qongw, "Guanw iarr beh qapp liw kir." Dyrr cud .kir, jnriu junn; hitt mii byy liac diyc simxmih.

4 Tnix puxqngx, Jesus kia dirr haixpniaa, danrsi hagsingx m jaix Ix si Jesus.

5 Jesus dyrr qra inx qongw, "Sewqniaw ar, linw u mic puer .byy?" Inx qongw, "Byy."

6 Ix dyrr qra inx qongw, "Prax bxang dirr junn ee jniawvingg, dyrr e did .diyc." Inx prax .lyc .kir, bxang tuax be kiw .laii, si in'ui hii je ee enqor.

7 Dui' anxnix, Jesus soxx tniar hitt xee hagsingx qra Peter qongw, "Si Jruw lar." Simon Peter jid'err tniax qnir si Jruw, in'ui tngwvakteh, dyrr ing guarsnax laii haa, tiaur lyc haiw.

8 Qi'uu ee hagsingx (in'ui li pniaa byy hng, iokliok snax-jap dxng), ing ser jiah junn laii tuax hitt xee bxang ee hii.

9 Qaur jnriu pniaa, knuar qnir u decc dyc ee tnuar, dingxbin u hii, qycc u vniaw.

10 Jesus qra inx qongw, "Duxaw prax diyc ee hii, liac quiw buew laii."

11 Simon Peter dyrr kiw .kir, tuax bxang jnriu pniaa, u dua buew hii muaw muaw, qiong jit-vah go-jap-snax buew. Hii suizenn hiacc je, bxang iarr byy lic.

12 Jesus qra inx qongw, "Laii jiac jaxdngr." Hagsingx byy langg qnaw mng Ix, "Liw si jirjui?" in'ui jaix Ix si Jruw.

13 Jesus qaur, tec vniaw hro inx, hii iarr si anxix.

14 Jesus dui' sixlangg diongx qycc uac liauxau, cuthen hro Ix ee hagsingx knuar .qnir, jex si derr snax vaiw.

15 Ixqing’ jiac jaxdngr. Jesus qra Simon Peter qongw, "Johan ee qniaw, Simon, liw tniar Guaw kacc ngiaa jiaxee mah?" Rinr qongxx, "Jruw ar, si, Liw jaix guaw tniar Liw." Jesus qra ix qongw, "Cri Guaw ee ngiu'axqniaw."

16 Derr zi vaiw, qycc qra ix qongw, "Johan ee qniaw, Simon, liw tniar Guaw mah?" Qongw, "Jruw ar, si; Liw jaix guaw tniar Liw." Jesus qra ix qongw, "Jiauwqor Guaw ee ngiuu."

17 Derr snax vaiw, qra ix qongw, "Johan ee qniaw, Simon, liw tniar Guaw mah?" Peter in'ui Ix derr snax vaiw qra ix qongw, "Liw tniar Guaw mah?" dyrr iubun, qra Ix qongw, "Jruw, Liw byy soxx m jaix; Liw jaix guaw tniar Liw." Jesus qra ix qongw, "Cri Guaw ee ngiuu-aw.

18 Guaw sidsit qra liw qongw, liw siauwlenn ee sii, ing duar qaqi vak, jiauww soxx rair laii qnia'iuu; dogdok qaur lau, liw beh crunx ciuw, vadd langg dyrr vak liw, tuax liw qaur liw m rair kir ee soxjai."

19 Jesus qongw jex ue, si qiw Peter beh jnaixngiu siw, laii ingqngx Siongrder. Ixqing’ qongw anxnix, dyrr qra ix qongw, "Duer Guaw."

20 Peter uat dngw srinx, knuar qnir Jesus soxx tniar ee hagsingx duer inx, dyrr si jingg dirr buanxcanx ee sii, hniar uaw Jesus ee hingkamw, qongw, "Jruw ar, bre Liw ee langg si jirjui?"

21 Peter knuar .qnir, dyrr qra Jesus qongw, "Jruw ar, jitt langg e jnaixngiu?"

22 Jesus qra ix qongw, "Guaw narr rair ix dilehh qaur Guaw laii, qapp liw simxmih qansiap? Liw diyhh duer Guaw."

23 Dui' anxnix, jitt xee ue vneww tuann dirr hniadi ee diongqanx, qongw, "Jitt xee hagsingx be siw"; danrsi Jesus m si qra ix qongw ix be siw, dogdok qongw, "Guaw narr rair ix dngdngg dilehh qaur Guaw laii, qapp liw simxmih qansiap?"

24 Uirdiyhh jiaxee su juer qanjingr laii siaw ee langg, dyrr si jitt xee hagsingx; qycc lanw jaix ix ee qanjingr si jinx.

25 Jesus soxx qniaa iauxx u jerje hxang, narr sui' hxang laii siaw, guaw pacsngr soxx qir ee ceh, sewqanx drew be liauw.

huedngw tauu iac