Sir-jap-zi Jniux Qingx
Derr Id Jniux
Vuddyy qongw, "Langg lirvet cinlangg laii cutqex, jaibad simjir, tongdat vunxguann, duiww buhingg jniawhuad u lixqaiw :ee, qiyr juer Sramana."
"Sramana diyhh siuw nng-vah go-jap diauu qaiwlut, jinwter habgii byy kiamwdiamw, qniavangr jinr jit vo u jiauww Sir Singwder :ee tangx jniaa juer Arhat."
"Arhat e vuetnix, guarkuanw cenvenr-banrhuar; sniwmia byy qiongjin, tnide qeww sriu ix qamxhuar."
"Derr zi qxaix sriok Anagamin. Sniwmia jiongqed, lingsingr jnriu jap-qauw tnix, jingwgno Arhat."
"Xe jit qxaix sriok Sakradagami. Sagradagami jnriu tnix qycjaiww lyc de jiacc jingwgno Arhat."
"Qycc xe jit qxaix sriok Srotaapanna. Srotaapanna siw cid vaiw, jaiww cutsir cid vaiw, jiongquibuew jingwgno Arhat."
"Jing'iok dng liauxli kyxviw kaciuw virr jamw dng vnir byy loring .kir."
Derr Zi Jniux
Vuddyy qongw, "Cutqex jniaa juer Sramana :ee, iok quah dng, air siar li; jaibad simjir ee vunxguann, knuar tangr Vuddyy jiww cimx ee lixlo, qycc duiww buhingg Jniawhuad u liauxgno. Luersimx byy soxx did, duiww gua byy soxx qriuu. Be simsimx-liamrliam dirr dyrhing, iarr be qapp giabjiongx siy’ qaudnii. Byy penliam, byy penqiongw. Siuhing byy junxsngr, kaigno byy jairgiac. Benw qinglik quer qokk dingxde, jursinx drat qaur jiww quann jun’ingg, -- jex dyrr hy juer Dy."
Derr Snax Jniux
Vuddyy qongw, "Hiaxee qra taumngg qapp cuiwciux tir driaur jniaa juer Sramana:ee jiapsiu dyrhuad jixinw, kiwsag sewsiok soxu ee qehuew, vunx diyc jerjiyw qeww dijiog. Jit zit jiac jit dxngr, ciu-kax hiyh jit mii dyrr qauwgiac, m hyw kacc qex. Air qapp iok hro langg vnir jniaa gugong, bubingg."
Derr Sir Jniux
Vuddyy qongw, "Jiongwsingx soxx juer u jap hxang knuar juer sen, jap hxang knuar juer og. Dycc jap hxang? U snax hxang sriok dirr srinx, sir hxang sriok dirr cuir, qycc snax hxang sriok dirr ir."
"Sriok dirr srinx ee snax hxang og u taii, taux, qapp imm. Sriok dirr cuir ee snax hxang og u diongwsiongx, jiuwcamr, vehcat, qapp tiamxbi. Sriok dirr ir ee snax hxang og u uanwdor, siurkir, qapp cigaii. Jitt jap hxang qapp Singwdy kia sna' duiwhuanw, soxiw qongxx si jap og."
"Jiaxee og byy juer kiarr sngr juer jap sen su."
Derr Go Jniux
Vuddyy qongw, "Narr junw langg juer liauw jerje pnaiw dai, byy camwhuew, byy qra hiong'og ee simx sew cingkir, vywingr e jnriu ix ee srinx, cincniu kelauu qruix haiw, e vnir naxx laii naxx cimx, naxx laii naxx kuah."
"Narr junw langg u diwqig diyc ix juer :ee jit jann pnaiw dai, quexvnir siusen, vywingr ee ladtauu dauc dauc e siaubyy .kir, kyxviw langg puawvni cud qnua liauw, vne e jiamrjiam hyw liauxli."
Derr Lak Jniux
Vuddyy qongw, "Juer og :ee tniax diyc u langg decc juer sen su, tiauqowir uaw laii beh qiauxcaw. Liw diyhh tunlunw, zimxnai, m hyw siurkir jikjue ix. Ix buxziok liw huanxdngw decc buxziok qaqi."
Derr Cid Jniux
Vuddyy qongw, "Lanw siuw Dy, qniaa dua juvix, u langg tniax diyc hongsniax laii qra lanw textag. Guaw qig diam diam byy qra rinr. Huacma jurr anxnix suah. Guaw qra mng qongxx, vixjai liw jah lew beh hro cuwvnix, ix m siux, lew qamxx si guanjai qruix liw? Ix rinr qongxx, 'Driyc.' Guaw qongw, 'Qinaxzit liw me .guaw. Guaw m jiapsiu. Liw ziaw ee xeh qruix dngw liw ee sinjniu. Dyrr kyxviw inwsniax qinduer imsniax kiw, ngiaw qinsuii mic-aw qniaa. Qaur buew berdid siar srinx li. Diyhh qinxsin, cenban m tangx juer og.'"
Derr Veh Jniux
Vuddyy qongw, "Juer og :ee textag henzinn, kyxviw si giac tauu pruir cuiwnua, cuiwnua pruir be diyc tnix, suacc lag dyr lyc .laii; qycc kyxviw si jniwhongx ngia tohunw, tohunw vuew be li, qui' sinkux ing'iax. M hyw qabuu henzinn. Kiw xeh quibuew bedbyy qaqi."
Derr Qauw Jniux
Vuddyy qongw, "Air beh bad Dy, dagg hxang kir yc, beh duw diyc Dy jin' yh. Qowsiuw simjir, jiauww Dy ee hxuad qniaa, jitt hy Dy qik kuacdua."
Derr Jap Jniux
Vuddyy qongw, "Knuar langg' vowsix, ing hnuahiw simx janrlat, jitt kuanw ee hokvyr jin’ dua."
U Sramana mng qongxx, "Jitt xee hokvyr qamxx be jurr anxnix liauxjin?"
Vuddyy rinr qongxx, "Jex dyrr cincniu hexvew ee huew, cingvah langg qokk langg jit qix huexvew laii vunx; huew tangx juxjiac, iarr tangx kuduu oamr. Huexvew ee huew jiauwguann. Hokvyr iarr qapp huew qangrkuanw."
Derr Jap-id Jniux
Vuddyy u qongw, "Vowsix hro jit-vah xee pnaiw langg, kacc sux vowsix hro jit xee hyw lang. Vowsix hro jit-cingx xee hyw langg, lingkyw vowsix hro jit xee siuw gnoxqair :ee. Vowsix hro jit-bxan xee siuw gnoxqair :ee, vutzuu vowsix hro jit xee Srotaapanna. Vowsix hro vacban Srotaapanna, kacc sux vowsix hro jit xee Sagradagami. Vowsix hro cingban xee Sagradagami, lingkyw vowsix hro jit xee Anagamin. Vowsix hro jit-ig xee Anagamin, vutzuu vowsix hro jit xee Arhat. Vowsix hro jap-ig xee Arhat, kacc sux vowsix hro jit xee Pratyekabuddhas. Vowsix hro vacig xee Pratyekabuddhas, lingkyw vowsix hro jit xee quewkir, henrjai, qapp birlaii ee snax sxer vut. Vowsix hro cing'ig xee snax sxer vut, vutzuu vowsix hro jit xee byy simsux, byy jipsiuw, byy siudy, byy jingwgno :ee."
Derr Jap-zi Jniux
Vuddyy qongw, "Langg u zip-jap hxang lansu:
Sanwhionglangg vowsix, yh;
Hyxgiac quiwhenw :ee siudy, yh;
Vangwsag sniwmia, uirr Dy qriuu siw, yh;
Cinbak qnir diyc Vudqingx, yh;
Ham' Vud qang sii jairser; yh;
Jewab jing'iok qapp aiwiok, yh;
Qnir diyc hyw be duiziog, yh;
Siurr buxziok byy siurkir, yh;
U srer be kywser, yh;
Dairjir limqaur, byy jipdiogsimx, yh;
Yc je hxang, dagg hxang qangxqiur, yh;
Druu driau jurqyx ee sipkuir, yh;
M bad siugiap :ee be qra knuawkinx, yh;
Simsux qapp qniavangr be dangrtaukinx, yh;
Be qongw langg' sirhuix, yh;
Sigsai diyc senrdiwsig, yh;
Siudy laii qenwsingr, yh;
Suienn dorhuar langg, yh;
Be siurr qingxgu dnaxdong, yh;
Liauxqaiw hongvenrhuad hyxlew aw suxiong, yh."
Derr Jap-snax Jniux
U Sramana mng Vuddyy qongxx, "Rair anxjnuaxngiu jiacc tangx hiauw did siokmia lailo, liauxgno jiww quann ee Dy?"
Vuddyy rinr qongxx, "Simx cringx ir qenx :ee tangx liauxgno jiww quann ee Dy. Kyxviw crid qniar, ing'iax crid cingkir, qniar dyrr qngx. Jetdng iogbong byy qiutyw :ee tangx did siokmia lailo."
Derr Jap-sir Jniux
U Sramana mng Vuddyy qongxx, "Sniaw kuanw langg sriok sxen, sniaw kuanw langg siongrr dua?"
Vudyy rinr qongxx, "U siuhing qapp junsiuw jinliw :ee sriok sxen. Simjir qapp jniawdy u snajiahcing :ee siongrr dua."
Derr Jap-go Jniux
U Sramana mng Vuddyy qongxx, "Sniaw kuanw langg siongrr u lat, sniaw kuanw langg siiongrr u bingdir?"
Vuddyy rinr qongxx, "Tangx zimxsiu lingziok :ee siongrr u lat, in'ui byy pnaiw liamrtauu, qycjaiww ix u anhann qapp qenrkongx. Tangx zimxsiu lingziok :ee be juer og, dniardiyc sriu langg junqingr."
"Simlai ee pnaiw liamtauu bet jin, cingkir dngrr amjamx, jitt hy langg siongrr u bingdir. Bue u tnixde jingwjingg qaur jitt quw, sibhongx soxu :ee byy knuar byy, byy m jaix, byy tniax byy :ee. Did itcer diwsig, tangx qongw u bingdir."
Derr Jap-lak Jniux
Vuddyy qongw, "Air qapp iok py diauu diauu :ee qnir be diyc Dy. Kyxviw iong ciuw la cringx juiw, jerje uaw laii beh knuar dywjiywngiaw, byy langg knuar e diyc. Air qapp iok indnii qauqamm, langg simlai paclyy, diwsuw knuar m qnir Dy. Linw jiaxee Sramana, air qapp iok diyhh kiwsag. Air qapp iok ee lasamm sauwduu, Dy dyrr tangx knuar e diyc ar."
Derr Jap-cid Jniux
Vuddyy qongw, "Beh qnir Dy naxx cincniu giac huexvew zip amr vangg, oamr liammisii siausid, qngsnuar iuguann dilehh. Siudy qnir diyc jniawdy :ee, bubingg liammisii byy .kir, liauxgno kiokk quw quw dilehh."
Derr Jap-veh Jniux
Vuddyy qongw, "Guaw ee jniawhuad si kir suniuu byy sniurhuad ee sniurhuad, kir jyr byy jywhuad ee jywhuad, kir qongw byy uerir ee uerir, kir siulen byy qaiwlut ee qaiwlut. Jaibad :ee qinruaw Dy, bongbongg-biauxbiauw :ee li Dy hng hng. Uergiw qangxqaur be taur, banrbut kusog be diauu. Lisix aw jingcax dyrr cyr dua bxew. Jit bak nih aw byy jimjiog dyrr pah sitlyc."
Derr Jap-qauw Jniux
Vuddyy qongw, "Quanknuar tnide, suliong sewsu busiongg. Quanknuar sewqair, suliong sewsu busiongg. Quancad lingsingr diqag, jex dyrr si Bodhi (kaigno). Jiauww anne laii sikqenr, jin' qinw dyrr e did Dy."
Derr Zi-jap Jniux
Vuddyy qongw, "Diyhh sniu qnir sinkux lairdew (hongx, huew, juiw, too) sir dua iauwsor, qok'id u qaqi ee miaa, byy qaxx jit xee qiyr juer 'guaw'. Qacc byy 'guaw', 'guaw' dyrr naxx cincniu huanwingw."
Derr Zxic-id Jniux
Vuddyy qongw, "Langg qinduer jing'iok qniaa, qiucuw miasniax. Itdanr henxingg, langg iarr lau kokkog ar. Tambee sewsiok bingbong m siudy, qxongx ongxhuir, sintew lryy. Kyxviw siyx hniux, pri diyc hniux-pangx, hniux vnir jniaa huexhux. Hniux siyx jin liauxau, huexhux e vairhai sinkux."
Derr Zxic-zi Jniux
Vuddyy qongw, "Qehuew qapp sik'iok, langg m qramx vangr. Kyxviw dyxcuir binrdingw ee bit jin' dnix laii qongw, byy qraur jiac jit dxngr vaw. Ginxaxlangg kir ji, kiongxqniax e quah diyc cuiwjic."
Derr Zxic-snax Jniux
Vuddyy qongw, "Langg hro boxqniaw vak dirr cuwtec viw dirr qnagak-lai kacc jiahlat. Jerqnax ee sizit u dingrqii. Langg ingxx byy sniu beh air lirkuix boxqniaw. Duiww sik'iok u soxx air, m qniax hro saixlong. Dyrr sngr qnaxx e zip how-kauw, hro how tunjiac .kir iarr qamguan. Qaqi tiaur zip lamwde laii rimx .siw, jitt hy qiyr juer huanhux-siogjuw. Hna quer jitt xee mngding dyrr tangx tauxvangr qaqi jniaa juer Arhat."
Derr Zxic-sir Jniux
Vuddyy qongw, "Byy viw jing'iok kacc dua ee iokbong. Jing'iok ee qangai dirr soxu iokbong lairdew siongrr qniax langg. Qajair dna' jitt xee kacc qniax langg. Narr junw qycc u jit xee qapp jing'iok vnii qniax langg :ee, tnikae :ee dyrr byy langg u jaidiau siuhing ar."
Derr Zxic-go Jniux
Vuddyy qongw, "Tamluann jing'iok :ee naxx cincniu jniwhongx giac huexvew, ciuw dikkag e kir siyx .diyc."
Derr Zxic-lak Jniux
Quixsinn sangr suiw qoniuu laii hro Vuddyy, diauqowir beh quaixiuw ix qniaa pnaiw lo.
Vuddyy qongw, "Puelongg vaux vunwsyr, inhyy tec laii hro guaw? Vnix:a kir, jex duiww guaw byy loring."Quixsinn duiww ix uadzuxx junqingr, cingxmng Vuddyy Dy ee iauwdiamw. Vuddyy kaipuar hro ix tniax. Quixsinn liammix did Srotaapanna qongqyw.
Derr Zxic-cid Jniux
Vuddyy qongw, "Siuhingrlangg cincniu cakox dirr juiw nirr duer juiw lrauu. Byy kap diyc kehnua, byy hro langg kiyh .kir, byy hro quixsinn laii qra jahlo, byy hro qngxjng tuax diauu lehh, iarr byy auwcaur .kir. Guaw vyxniaw jitt derr cakox quatduanr e tangx cud haiw. Siuhingrlangg be uirdiyhh jing'iok laii sitbee, be hro siaog laii quaixlong, u uirr buhingg jniawhuad jingjinr. Guaw vywniaw jitt xee langg dikkag e liauxgno diyc Dy."
Derr Zxic-veh Jniux
Vuddyy qongw, "M tangx sinwkyr qaqi ee iwliam. Liw qaqi ee iwliam be sinwnai did. Diyhh sewzi m tangx qapp sik'iok u qaucab. Qapp sik'iok qaucab liammix e kiw hyrduanx. U jniaa juer Arhat :ee jiacc tangx sinwkyr qaqi ee iwliam."
Derr Zxic-qauw Jniux
Vuddyy qongw, "M tangx knuar jaboxlangg, iarr m tangx qapp inx qongxue. Narr diyhh qapp inx qongxue, simx jniar byy siaa, susniuw qongxx, 'Guaw juer jit xee Sramana, druar dirr ajax ee sewqanx, diyhh cincniu juixlehuex, be hro tomuaii qyy amjamx. Laurhuexaxlangg dyrr qra knuar juer naxx laurbuw. Viw lanw kacc je huer :ee dyrr qra knuar juer naxx a'jew. Viw lanw kacc jiyw huer :ee dyrr qra knuar juer naxx siyxmue. Ginxaxlangg dyrr qra knuar juer naxx jaboxqniaw.' Cunn dorhuar inx ee simliam, siaog ee liamrtauu e huewbyy .kir."
Derr Snax-jap Jniux
Vuddyy qongw, "Siurdyrlangg huatqenr diyc iogbong diyhh li kacc hng lehh, naxx cincniu ix srinx muax dax cauw, huew qinruaw dikkag diyhh jauxsiamw."
Derr Sxamx-id Jniux
Vuddyy qongw, "U langg sniu imhing sniu longxx be tingg, koxnauw qaxx beh jehdng sniwmiarqinx. Vuddyy qra qongw, 'Narr beh jehdng sniwmiarqinx, lingkyw jehdng imsimx. Simx bersux jixhuiqnuax. Jixhuiqnuax narr dniardiyc, ersix dy' tinghiyh. Imsimx narr m dniardiyc, jehdng sniwmiarqinx u sniaw loring?'" Liammisii, Vutdyy uirr ix liam jit xee gatha:
Iogbong dui' iwliam laii cutsnix.
Iwliam dui' susiongw laii cutsnix.
Liamrtauu qapp simsux longxx dniardiyc,
Byy imsimx iarr byy imhing.
Vuddyy qongw jitt xee gatha si Kasyapa Vut soxx qongw :ee.
Derr Sxamx-zi Jniux
Vuddyy qongw, "Iogbong snix kuawhuann. Kuawhuann snix qniahniaa. Iogbong vangr liauxli, byy kuawhuann, byy qniahniaa."
Derr Sxamx-snax Jniux
Vuddyy qongw, "Siuhingrlangg kyxviw jenwsu, danzinn-dogbew jenr jingwlangg. Cing jenwqah cutmngg. Uree iwjir nngxjniaw, uree vnuawdiongdoo tetter, uree jenr siw, uree jenr ngiaa dywdngw. Sramana siudy, qaidongx qensimx-cet'ir, jingjinr jairdnaw, m qniax qanlann. Dubet jiongww xmoo laii did diyc qongqyw."
Derr Sxamx-sir Jniux
U jit amr, jit xee Sramana decc liam Kasyapa ee qingbunn unhunr, ix ee snia’auu dair viir qapp qniasimx, jidsii sniurtewhuew anwsngr beh qiuter.
Vuddyy mng ix qongxx, "Liw bue cutqex ixjingg bad juer sniaw sittauu?"
Rinr qongxx, "Guaw hingr dnuaa kimm."
Vuddyy mng qongxx, "Hensnuar ling .kir e anxjnuaw?"
Rinr qongxx, "Dyrr be dann ar."
"Sniu' ann e anxjnuaw?"
"Hensnuar e viag dng .kir."
"Narr be sniu' ann iacc sniu' ling lehh?"
Rinr qongxx, "Muixx jit imx longxx byy qyc'ngiu."
Vuddyy qra qongw, "Sramana siudy iarr qapp dnuaa kimm qangrkuanw. Simx narr diaurliau hyxser dyrr tangx did Dy. Siudy narr sywsingr, diyhqib qaur der sinkux e iawlanw. Sinkux narr iawlanw, simsinn e kiw cauhuann. Simsinn narr kiw cauhuann, siuhing e tewvo. Siuhing narr tewvo, juergiap dyrr duer .laii ar. Dogdok diyhh cingjing anhann, Dy jiacc be songwsid .kir."
Derr Sxamx-go Jniux
Vuddyy qongw, "Kyxviw langg decc tuanr tih, jedaiw kiwduu tangx sxingg kiwqu, kiwqu marr jiacc e jamgamm. Siuhingrlangg, simlai ee ajax kiwduu, qniavangr jiacc e cingqingw."
Derr Sxamx-lak Jniux
Vuddyy qongw, "Langg qapp vyrog derqair sew srinx li, tangx cutsir juer langg, lann. Cutsir juer langg, snix juer javolangg, byy snix juer jaboxlangg, lann. Cutsir juer javolangg, lak qinmngg jiauvi, lann. Lak qinmngg jiauvi, cutsir dirr Vut ee qokdo, lann. Cutsir dirr Vut ee qokdo, duxdng dirr Vuddyy jairser ee sii, lann. Cutsir dirr Vuddyy jairser ee sii, beh duw diyc senrdiwsig, lann. Duw diyc senrdiwsig, beh hingkiw siudy ee sinwliam, lann. Siudy ee sinwliam u hingkiw, beh kaihuad Bodhi simx, lann. Bodhi simx u kaihuad, beh liauxted ciautuad siudy qapp jingwgno, lann."
Derr Sxamx-cid Jniux
Vuddyy qongw, "Vut ee derjuw, linw li guaw sxor cingx lxiw hng. Narr u liam diyc guaw ee hunwqaur, vitdnia e did diyc qongqyw. Dirr guaw sinvnidaux, dniardnia qnir diyc guaw. Narr byy siuw guaw ee hunwqaur, ingxx be did liauxgno."
Derr Sxamx-veh Jniux
Vuddyy mng jit xee Sramana qongxx, "Langg ee sniwmia u zuarr dngg?"
Rinr qongxx, "Byy quiw qangx."
Vuddyy qongw, "Liw iauxx bue liauxgno diyc Dy."
Qycjaiww mng jit xee Sramana qongxx, "Langg ee sniwmia u zuarr dngg?"
Rinr qongxx, "Vngrdngr vnuawdiongngx."
Vuddyy qongw, "Liw iauxx bue liauxgno diyc Dy."
Qycjaiww mng jit xee Sramana qongxx, "Langg ee sniwmia u zuarr dngg?"
Rinr qongxx, "Cuanw jit xee kuir hiacc dngg."
Vuddyy qongw, "Jin' hyw. Liw u liauxgno Dy."
Derr Sxamx-qauw Jniux
Vuddyy qongw, "Siugiap Vuddy :ee, Vut soxx qongw ee hunwqar longxx diyhh sinwhok, sidhingg. Kyxviw jiac bit, diongx:a qapp vnix:a longxx u dnix. Guaw soxx qrangw ee qingx iarr qangrkuanw."
Derr Sir-jap Jniux
Vuddyy qongw, "Sramana siuhing, m hyw cincniu ex bry ee guu. Ziogsinx siuhing, simx byy jiauww qniaa. Simx narr u juntanr Dy, siuhing dyrr byy iauwing."
Derr Sxiab-id Jniux
Vuddyy qongw, "Siuhing :ee kyxviw guu tuax dang dnar, qniaa dirr lamwtoo. Tiamw qaxx, m qnaw siwqer knuar. Qniaa lirkuix lamwtoo jiacc tangx siyxkuaw hiyckunr .jit .xe. Sramana diyhh iwsniu, jing'iok viw lamwtoo iaxx kacc lirhai. Qensimx siuhing, tangx benw did sriu jitt jiongw koxcow."
Derr Sxiab-zi Jniux
Vuddyy qongw, "Guaw knuawtai dewongg quiwjok jiaxee derui naxx quer kangpang ee ing.iax; knuawtai qimginn jugik naxx hiarpuer; knuawtai linglyy-diuduan naxx covor snxax; knuawtai daircenx sewqair naxx jit liap haritaki ee jiw; knuawtai Anavatapta Oo ee juiw naxx buah kax ee iuu.
Guaw knuawtai qiuwjo ee lirven hxuad naxx huar juer dinvyw jikju; knuawtai jiww quann ee Yana naxx bang-diongx ee qimginn jaivyw; knuawtai Vuddy naxx ganw-jingg ee huanhuaa; knuawtai camsenn-dnia naxx Sumeru snuatiau; knuawtai Nirvana naxx zid'ia kunr jingsinn; Knuawtai ngirduanx jniawpair naxx lak jiah lringg decc tiauwbuw; knuawtai vingdingw jniawhuad naxx s.-sidjai-j. ee dertow; knuawtai hingvai naxx suwquir ee ciurbok."