1 Dalius zi nii Veh-guec, Jehovah ee ue limqaur Iddo ee sunx, Beleqiah ee qniaw, sendix Zeqaliah, qongw,
2 "Jehovah bad dua siurkir linw ee ledjow.
3 Soxiw liw diyhh qra inx qongw, Banrqunx ee Jehovah anxnix qongw: Linw diyhh uat dngw laii cue Guaw. Banrqunx ee Jehovah qongw: Guaw iarr beh uat dngw laii cue linw; jex si banrqunx ee Jehovah qongw :ee.
4 Byc did yc linw ee ledjow, jingg ee sendix bad qongw, banrqunx ee Jehovah anxnix qongw, 'Linw diyhh huetauu lirkuix linw ee pnaiw lo, qapp linw ee pnaiw soxx qniaa'; jongwsirr inx m ngar hnirkangx, iarr m tniax Guaw; jex si Jehovah qongw :ee.
5 Linw ee ledjow dirr dyclyc ar? Hiaxee sendix e ingxuanw uac lehh mah?
6 Guaw ee gengiw, Guaw ee ludle, Guaw soxx huanhur Guaw jiaxee lovok sendix :ee, qamxx byy qaur dirr linw ee ledjow mah? Inx dyrr huetauu qongw, 'Banrqunx ee Jehovah anwsngr beh jiauww lanw ee soxx qniaa soxx juer, sihingg dirr lanw, Ix ixqing’ jiauww anxnix kuanxtai lanw lar.'"
7 Dalius zi nii Jab'id-guec, dyrr si Sebat Guec zi-jap-sir zit, Jehovah ee ue limqaur Iddo ee sunx, Beleqiah ee qniaw, sendix Zeqaliah, qongw,
8 "Guaw mii .sii quanknuar, knuar ar, u jit langg kiaa ciah bew, kia dirr qe de qongliamciu ee diongqanx; dirr ix ee aurbin, qycc u ciah sig, ngg sig, vec sig ee bew."
9 Guaw qongw, "Guaw ee jruw ar, jex si simxmih?" Qapp guaw qongw ee suwjiaw dyrr qra guaw qongw, "Guaw beh jixsi liw jaix jiaxee si simxmih."
10 Hitt xee kia dirr qongliamciu diongqanx ee langg rinr qongxx, "Jex si Jehovah soxx crex ongxlaii dirr derjniu :ee."
11 Inx dyrr rinr hitt xee kia dirr qongliamciu diongx, Jehovah ee suwjiaw qongxx, "Guanw ixqing’ ongxlaii dirr derjniu, knuar ar, juann de anzenn vnidnia."
12 Dui' anxnix, Jehovah ee suwjiaw rinr qongxx, "Banrqunx ee Jehovah ar, Liw siurkir Jelusalem qapp Judah jiaxee sniaa, ixqing’ cid-jap nii; Liw byy six linbinw beh qaur dirsii ar?"
13 Jehovah dyrr ing hyw ue, an'uir ee ue, rinr hitt xee qapp guaw qongxue ee suwjiaw.
14 Qapp guaw qongxue ee suwjiaw duiww guaw qongw, "Liw diyhh cud sniax qongw, banrqunx ee Jehovah anxnix qongw: Guaw uirdiyhh Jelusalem, uirdiyhh Zion, zedsimx quar qik.
15 Guaw jin' siurkir hiaxee anzenn kiarkiw ee ledqog; in'ui Guaw jingg jixu siyxkuaw siurkir, ix dyrr qetnix ix ee qankow.
16 Soxiw Jehovah anxnix qongw: Dnaxx Guaw dywdngw laii Jelusalem, six linbinw; Guaw ee dxen beh qycc kiw dirr hitt diongqanx, jinsyh beh kanx dirr Jelusalem ee dingxbin; jex si banrqunx ee Jehovah qongw :ee.
17 Liw diyhh qycc cud sniax qongw, banrqunx ee Jehovah anxnix qongw: Guaw jiaxee sniaa, beh qycc hongsing huatdat; Jehovah beh qycc an'uir Zion, qycc qingxsuanw Jelusalem."
18 Guaw giahbak quanknuar, knuar ar, u sir qix qag.
19 Guaw dyrr mng qapp guaw qongxue ee suwjiaw qongxx, "Jiaxee si simxmih?" Ix rinr guaw qongxx, "Jiaxee dyrr si pacsnuar Judah Islael qapp Jelusalem jiaxee qag."
20 Jehovah qycc hro guaw knuar qnir sir xee saihu;
21 Guaw qongw, "Inx laii beh juer simxmih?" Ix rinr qongxx, "Hiaxee si pacsnuar Judah ee qag, hro langg m qnaw giac tauu; jiaxee saihu laii si beh hro inx qniax, pah dyw ledqog ee qag, dyrr si bad quxkiw inx ee qag qongqig Judah hro ix siwsnuar :ee."
2 Guaw qycc giahbak quanknuar, knuar ar, u jit langg ciuw tec jinsyh.
2 Guaw qongw, "Liw beh kir dyclyc?" Ix qra guaw qongw, "Beh kir nriuu Jelusalem, knuar ix u zuarr kuah, u zuarr dngg."
3 Knuar ar, qapp guaw qongxue ee suwjiaw cud .kir, qycc u jit xui suwjiaw cud laii gniajic ix, duiww ix qongw,
4 "Liw jauw kir qra hitt xee siauwlenlangg qongw, qongxx Jelusalem beh u langg kiarkiw, cincniu byy sniacniuu ee hniuliw, in'ui hitt diongqanx langg qapp jingsnix jin' je.
5 Jehovah qongw: Guaw beh juer ix siwuii ee huexsniaa, Guaw iarr beh juer inx diongqanx ee ingqngx."
6 Jehovah qongw, "Err! Err! Linw diyhh dui' vakhngx ee de dyjauw, in'ui Guaw ixqing’ siwsnuar linw, cincniu dirr tnix nirr siwbin ee hongx; jex si Jehovah qongw :ee.
7 Err! Zion ar, qapp Babylon ee vecsnir kiarkiw :ee ar, liw diyhh dytuad.
8 Banrqunx ee Jehovah qongw, dirr ingqngx ee liauxau, crex guaw qaur hiaxee cniuxliac linw ee ledqog; huan diyc linw :ee si huan diyc Ix bagjiux diongx ee dongjuw.
9 Ix qongw: Knuar ar, Guaw beh dirr inx ee dingxbin bruw Guaw ee ciuw, inx dyrr beh hro inx ee lovok cniuxqiab; hitt sii linw dyrr jaix banrqunx ee Jehovah crex guaw lar.
10 Zion ee vecsnir ar, diyhh cniuwquax hnuahiw; knuar ar, in'ui Guaw beh laii, beh diamr dirr linw diongqanx; jex si Jehovah qongw :ee."
11 Hitt zit beh u jerje qog qui'uaw Jehovah, juer Ix ee vecsnir; qycc Ix beh diamr dirr liw ee diongqanx, liw dyrr jaix banrqunx ee Jehovah crex guaw qaur liw hiax.
12 Jehovah beh did diyc Judah juer Ix ee giap dirr sxingr de; iarr beh qycc qingxsuanw Jelusalem.
13 Qniwnarr u hetkir :ee, dirr Jehovah ee binrjingg longxx diyhh jing jing; in'ui Ix dui' sxingr ee soxjai kiw .laii.
3 Ix qycc hro guaw knuar qnir jewsitauu Josua kia dirr Jehovah suwjiaw ee binrjingg, Satan iarr kia dirr ix ee jniar vingg, juer ix ee duiwdik.
2 Jehovah duiww Satan qongw, "Satan ar, Jehovah jikvi liw, dyrr si qingxsuanw Jelusalem ee Jehovah jikvi liw; jex qamxx m si dui' huew-diongx vuic .cud .laii ee jit der caa mah?"
3 Josua cing uwuer ee snxax, kia dirr suwjiaw ee binrjingg.
4 Ix rinr kia dirr ix ee binrjingg :ee qongxx, "Linw diyhh trngr ix uwuer ee snxax." Qycc duiww ix qongw, "Knuar ar, Guaw hro liw tuatli liw ee juerog, beh hro liw cing suiw ee snxax."
5 Guaw qycc qongw, "Ing suiw ee by dir dirr ix ee taukag"; inx dyrr ing suiw ee by dir dirr ix ee taukag, qra ix cing snxax; Jehovah ee suwjiaw kia dirr vnix:a.
6 Jehovah ee suwjiaw qingwqair Josua qongxx,
7 "Banrqunx ee Jehovah anxnix qongw: Liw narr qniaa Guaw ee lo, siuw Guaw soxx qautog liw :ee, liw dyrr tangx quanxliw Guaw ee qrex, qowsiuw Guaw ee ngi; Guaw iarr beh hro liw dirr jiaxee kia lehh ee langg diongqanx u cutzip ee lo.
8 Jewsitauu Josua ar, liw qapp jre dirr liw ee binrjingg ee dangpnua longxx diyhh tniax; inx si juer diaurtauu ee langg;
9 Knuar ar, Guaw beh hro Guaw ee lovok cxingx juer Ciurqix :ee laii. Knuar ar, Guaw soxx he dirr Josua binrjingg ee jiyc, dirr jit der jiyc u cid luiw bagjiux; banrqunx ee Jehovah qongw: Knuar ar, Guaw beh diaukig soxx diaukig :ee, iarr beh dirr jit zit ee diongqanx druu kir jitt xee derhngx ee juerog.
10 Dng' hitt zit, linw dagg langg beh cniaw cuwvnix laii qaur pudyciu xe, qapp buhuaqyxciu xe; jex si banrqunx ee Jehovah qongw :ee."
4 Hitt xee qapp guaw qongxue ee suwjiaw qycc laii qiyr guaw cnew, cincniu langg decc kunr siurr qiyr cnew jidngiu.
2 Ix qra guaw qongw, "Liw knuar qnir simxmih?" Guaw qongw, "Guaw knuar .qnir, knuar ar, u jit xee dingdaii, si qui' qix ing qimx juer :ee, dingxbin u jit xee iuqui, dingdaii dingw u cid jnuaw dingx; dingxbin ee dingjnuaw, u cid diauu qngw;
3 Qycc u nng jangg ee qnanaxciu, jit jangg dirr iuqui ee jniar vingg, jit jangg dirr iuqui ee dyr vingg.
4 Guaw mng qapp guaw qongxue ee suwjiaw qongxx, "Guaw ee jruw ar, jiaxee si simxmih?"
5 Qapp guaw qongxue ee suwjiaw rinr guaw qongxx, "Liw m jaix jiaxee si simxmih mah?" Guaw qongw, "Guaw ee jruw ar, guaw m jaix."
6 Ix rinr guaw qongxx, "Jex si Jehovah huanhur Zulubbabel ee ue qongxx: M si ing quanser, m si ing linglik, si ing Guaw ee Sinn; jex si banrqunx ee Jehovah qongw :ee.
7 Dua snuax ar, liw si simxmih? Dirr Zulubbabel ee binrjingg, liw beh jniaa juer vnide; ix beh hro cuwqaktauu ee jiyc cud .laii, qycc u dua hnuahiw ee sniax qiyr qongxx, 'Unhui, unhui qruix ix.'"
8 Jehovah ee ue qycc limqaur guaw, qongw,
9 "Zulubbabel ee ciuw u he jitt qingx dxen ee derqix, ix ee ciuw iarr beh uann jitt xee qangx; liw dyrr jaix banrqunx ee Jehovah crex guaw qaur linw jiax.
10 Jirjui knuawkinx jitt xee siyxkuaw su ee zit ar? Jitt cid xee, si Jehovah ee bagjiux, ongxlaii dirr juann de, knuar qnir Zulubbabel ee ciuw tec jinsnuar, dyrr hnuahiw."
11 Guaw qycc mng ix qongxx, "Jitt xee dingdaii jyxiu nng jangg qnanaxciu si simxmih iwsur?"
12 Guaw qycc mng ix qongxx, "Qnanaxciu ee nng qix, dui' nng diauu qimx ee qngw lrauu cud qimx iuu, si simxmih iwsur?"
13 Ix rinr guaw qongxx, "Liw m jaix jiaxee si simxmih iwsur mah?" Guaw qongw, "Guaw ee jruw ar, guaw m jaix."
14 Ix qongw, "Jex si nng xee siurr buah iuu :ee, kia dirr poxtnie ee Jruw ee vnix:a."
5 Guaw qycc giahbak knuar qnir u jit vxag cag decc vuex. Ix qra guaw qongw, "Liw knuar qnir simxmih?"
2 Guaw rinr qongxx, "Guaw knuar qnir jit vxag cag decc vuex. Ix ee dngg zi-jap dxng, kuah jap dxng."
3 Ix dyrr duiww guaw qongw, "Jitt xee si cud kir qaur juann derjniu ee jiuwjow; qniwnarr tautec :ee, beh jiauww jitt vxag ee jitt vingg dubet ix; qniwnarr jiuwjua :ee beh jiauww jitt vxag ee hitt vingg dubet ix.
4 Banrqunx ee Jehovah qongw, "Guaw beh hro ix cud .kir, ix beh zip tautec ee langg ee cur, iarr zip qiw Guaw ee miaa lamrsamw jiuwjua ee langg ee cur; beh druar dirr ix ee cur-lai huixbet ix, ixqip ix ee caa ix ee jiyc."
5 Qapp guaw qongxue ee suwjiaw cud laii duiww guaw qongw, "Liw diyhh giahbak knuar jitt xee cud .laii .ee si simxmih."
6 Guaw qongw, "Jex si simxmih ar?" Ix qongw, "Jitt xee si cud .kir ee efah." Ix qycc qongw, "Dirr juann de ee lairbin, inx ee hingjong si anxnix."
7 (Knuar ar, u jit pnir ngii ee xenn siurr quxkiw;) qycc u hurzinlangg jre dirr efah ee lairbin;
8 Ix qongw, "Jitt xee si juerog"; dyrr jiong' ix hed dirr efah ee lairbin; iarr jiong' hitt pnir ee xenn kamr dirr efah ee cuir.
9 Guaw qycc giahbak knuar; knuar ar, u nng xee hurzinlangg cud .laii, dirr inx ee sxit u hongx; inx ee sxit cincniu hyc ee sxit; inx jiong' efah qrngx .kiw .laii dirr tnix qapp de ee diongqanx.
10 Guaw duiww qapp guaw qongxue ee suwjiaw qongw, "Inx qrngx efah kir dyclyc?"
11 Ix qra guaw qongw, "Beh qra ix kiw cur dirr Sinar-de; cur narr ven, dyrr jiong' ix andir dirr qaqi ee soxjai."
6 Guaw qycc giagbak knuar; knuar ar, u sir dniux ciax dui' nng xee snuapang cud .laii, hiaxee snuax si dangg ee snuax.
2 Tauu jit dniux ciax qruar ciah bew; derr zi dniux ciax qruar ox bew;
3 Derr snax dniux ciax qruar vec bew; derr sir dniux ciax qruar huevanx iongw ee bew.
4 Guaw dyrr rinr, duiww qapp guaw qongxue ee suwjiaw qongw, "Guaw ee jruw ar, jiaxee si simxmih?"
5 Suwjiaw rinr guaw qongxx, "Jiaxee dyrr si tnix siwbin ee hongx; kia dirr juann de ee Jruw ee binrjingg, dnaxx dui' hiax cud .laii."
6 Qruar ox bew ee ciax cud kir vakhngx; vec bew duer ix ee aurbin; huevanx ee bew cud kir lamhngx.
7 Iongw ee bew cud .laii, rair beh dirr juann de qniaa laii qniaa kir; ix qongw, "Jueww linw kir, dirr juann de qnia laii qniaa kir"; inx dyrr dirr juann de qniaa laii qniaa kir.
8 Ix qiyr guaw, qra guaw qongw, "Knuar ar, kir vakhngx :ee ixqing’ dirr vakhngx anx guaw ee simx."
9 Jehovah ee ue limqaur guaw, qongw,
10 "Liw diyhh dui' hiaxee siurr liac ee langg ee diongqanx, dyrr si dui' Heldai, dui' Tobijah, dui' Jedaiah niaxsiu qimginn; qycc dirr hitt zit liw diyhh zip kir Zefaniah ee qniaw Josiah ee cur, dyrr si inx dui' Babylon dywdngw .laii soxx qaur ee cur;
11 Niaxsiu qimginn juer benxliuu, dir dirr Jehozadak ee qniaw, jewsitauu Josua ee taukag, duiww ix qongw,
12 'Knuar ar, hit xee cxingx juer Ciurqix ee langg, ix beh dui' ix ee qintauu huad .kiw .laii; iarr beh kiw Jehovah ee dxen;
13 Ix beh kiw Jehovah ee dxen, ix iarr beh did diyc ingqngx, jre ix ee vyxjy laii dirliw, iarr beh dirr ix vyxjy juer jewsix; dirr inx nng xee ee diongqanx u hyvingg ee qewik.'
14 Benxliuu beh qruix dirr Helem, Tobijah, Jedaiah, qapp Zefaniah ee qniaw Hen, he dirr Jehovah ee dxen juer qiwliam."
15 Hng ee langg iarr beh laii, u hxun dirr kiw Jehovah ee dxen; linw dyrr jaix banrqunx ee Jehovah crex guaw qaur linw jiax. Linw narr juwir tniatanr Jehovah, linw ee Siongrder ee ue, dyrr beh u jitt xee dairjir.
7 Dalius Ongg derr sir nii Qauw-guec, dyrr si Kisle Guec cesir, Jehovah ee ue limqaur Zeqaliah.
2 Hitt sii Betellangg ixqing’ crex Salezer qapp Rlegemmelec qapp duer inx ee langg kir qiu'unx dirr Jehovah,
3 Iarr mng banrqunx ee Jehovah dxen-lai ee jewsix ixqip sendix qongxx, "Guaw lignii ixlaii dirr Go-guec qranx tikaur qaqi hunvet, dnaxx iauxquxx diyhh anxnix qniaa mah?"
4 Banrqunx ee Jehovah ee ue limqaur guaw, qongw,
5 "Liw diyhh qra jitt soxjai ee jiongww vecsnir qapp jewsix qongw, 'Linw cid-jap nii quw, dirr Go-guec Cid-guec qimwjiac, vi'aix, qamxx si uirdiyhh Guaw, uirdiyhh Guaw qimwjiac mah?
6 Linw higsi jiac higsi limx, qamxx m si linw decc jiac, linw decc limx mah?
7 Dng' Jelusalem qapp siwuii ee sniaa u kiarkiw ee vecsnir qycc hongsing, lamhngx qapp vni'ngiuu u langg kiarkiw ee sii, Jehovah tokdiong jingg ee sendix soxx suantuann ee ue, linw qamxx m diyhh tniax mah?'"
8 Jehovah ee ue qycc limqaur Zeqaliah, qongw, "Banrqunx ee Jehovah bad anxnix qongw,
9 'Diyhh jiauww jinsit ee qongvingg laii simxpnuar, dairqex ing ju'air linbinw laii sna' kuanxtai;
10 M tangx kihu qnuaxhu qozii, cutguarlangg, qapp songwhionglangg; m tangx simlai qewboo pnaiw dai laii sna' hamrhai.'
11 Jongwsirr inx m kingw tniatanr, uat dngw qingtauu vuergik, trad bat inx ee hnirkangx drir qaur be tniax.
12 Qycc hro inx ee simx gni cincniu suanrjiyc, benw did tniax ludhuad, qapp banrqunx ee Jehovah ing Ix ee Sinn tog jingg ee sendix soxx qongw ee ue; soxiw banrqunx ee Jehovah dua dua huad siurkir.
13 In'ui Ix bad qiyr, inx m tniax, anxnix inx beh qiyr, Guaw iarr m tniax; jex si banrqunx ee Jehovah qongw :ee;
14 Guaw beh ing qngxlehongx cuex snruar inx qaur inx soxx m bad ee ledqog. Anxnix jitt xee de dirr inx kir ee liauxau vnir juer pahngx, drir qaur byy langg ongxlaii qingquer; in'ui inx hro tangx hnuahiw ee de pahngx lar."
8 Banrqunx ee Jehovah ee ue limqaur, qongw banrqunx ee Jehovah anxnix qongw,
2 "Guaw uirdiyhh Zion qigqii zedsimx, huad cud dua siurkir.
3 Guaw dnaxx dyr laii Zion, beh diamr dirr Jelusalem ee diongqanx; Jelusalem beh cxingx juer Singsit ee sniaa; banrqunx ee Jehovah ee snuax beh cxingx juer Sxingr ee snuax.
4 Jionglaii beh u lau ee davolangg, lau ee hurzinlangg jre dirr Jelusalem kuah ee quelo, in'ui nilau, dagg xee giac qnuaiw-aw.
5 Sniaa-lai kuah ee quelo beh u davoginxaw jaboxginxaw muaw muaw tittyy dirr hitt xee quelo diongx.
6 Dng' zit soxx cunx ee vecsnir knuar jex juer qiquair, Guaw qamxx iarr knuar juer qiquair mah?
7 Knuar ar, Guaw beh qiur Guaw ee vecsnir dui' zit cud ee soxjai iarr dui' zit lyc ee soxjai dyr .laii;
8 Guaw beh cua inx laii, inx beh kiarkiw dirr Jelusalem ee diongqanx; inx beh juer Guaw ee vecsnir, Guaw beh juer inx ee Siongrder, vin' singsit qapp qonggi."
9 Banrqunx ee Jehovah anxnix qongw, "Dng' he banrqunx ee Jehovah ee cur ee derqix, tangx kiw denrdngg, hitt zit sendix soxx qongw ee ue, henrjai linw tniax .qnir, dnaxx diyhh iongxjongr linw ee ciuw.
10 Hitt zit ixjingg langg byy did diyc qangjnii, jingsnix iarr byy did diyc qangjnii, qycc in'ui duiwdik ee enqor, cutzip ee langg byy did diyc ving'anx; in'ui Guaw hro jingwlangg sna' qongqig.
11 Guaw dnaxx kuanxtai jiaxee cunx ee vecsnir byy beh cincniu jingg ee zit; jex si banrqunx ee Jehovah qongw :ee.
12 In'ui beh u ving'anx ee jingxjiw, pudyciu beh qed quexjiw, de beh cud toxsanw, tnix beh lyc lorjuiw; Guaw beh hro jiaxee cunx ee vecsnir singsiu jiaxee itcer.
13 Judah-qrex qapp Islael-qrex ar, jingg dirr ledqog diongx inw kiw linw laii jiuwjow, anxnix guaw beh jinxqiur liw, hro langg inw kiw linw laii jiokhog; linw byc did qniax, linw ee ciuiw diyhh iongxjongr.
14 Linw ee ledjow ziaw Guaw ee siurkir ee sii, Guaw sniu beh qangr jaieh dirr linw, iarr byy tewhuew;
15 Dnaxx Guaw iarr anxnix sniu beh six xunx hro Jelusalem qapp Judah-qrex; linw byc did qniax; jex si Jehovah qongw :ee.
16 Linw soxx ingqaix qniaa :ee si anxnix: Dagg langg qapp cuwvnix qongxue singsit; dirr linw ee sniamngg qniaa singsit qapp hyvingg ee simxpnuar;
17 Simlai m tangx qewboo pnaiw dai, hai cuwvnix; m tangx air lamrsamw jiuwjua; in'ui jiaxee su longxx si Guaw soxx uanwhun :ee; jexsi Jehovah qongw :ee."
18 Banrqunx ee Jehovah ee ue limqaur guaw, qongw,
19 "Sir-guec ee qimwjiac, Go-guec ee qimwjiac, Cid-guec ee qimwjiac, Jap-guec ee qimwjiac, dirr Judah-qrex beh juer hnuahiw kuaiwlok, dik'ir ee jecqii; soxiw linw diyhh iwair singsit qapp hyvingg."
20 Banrqunx ee Jehovah anxnix qongw, "Jionglaii u ledqog ee langg, qapp jerje sniaa kiarkiw ee vecsnir beh qaur;
21 Kiarkiw jitt xee sniaa ee vecsnir beh qaur hitt xee sniaa, qongw, 'Lanw diyhh qinw qinw kir qriuu Jehovah ee xunx, kir cue banrqunx ee Jehovah; lunqaur guaw, guaw iarr beh kir.'
22 Beh u jerje vecsnir qapp qiongdua ee qog laii Jelusalem cue banrqunx ee Jehovah, qriuu Jehovah ee xunx.
23 Banrqunx ee Jehovah anxnix qongw: Dng' hiaxee zit dui' ledqog banrjok diongx beh u jap langg knii jit xee Judahlangg ee snaaxqix, knii ix, qongw, 'Guanw beh qapp linw snaqab kir, in'ui guanw tniax qnir Siongrder qapp linw dilehh.'"
9 Jehovah bigsi ee ue qaur dirr Hadlac, rair beh tinghiyh dirr Damaskus; (in'ui sewqanlangg qapp Islael dagg jipair ee bagjiux longxx ngr Jehovah), qapp uaw qin ee Hamat;
2 Ixqip Tyle Sidon, in'ui ix u dua diwhui.
3 In'ui Tyle uirr qaqi kiw uersow, jikju ginn cincniu tosuax, jikju hyw qimx cincniu quelo ee tobee.
4 Knuar ar, Jruw beh qnuaw ix cud, iarr beh vairhuai ix ee haixquann; ix beh hro huew siybet.
5 Askelon beh knuar .qnir laii qniax; Gaza knuar .qnir, iarr jin' qankow; Eklon iarr knuar .qnir, in'ui sitbang laii qenwsiaur; Gaza dikkag byy qycc u qun'ongg, Askelon byy langg kiarkiw.
6 Jabjingxlangg beh kiarkiw dirr Asdod; Guaw beh dubet Filistlangg ee qiaugno.
7 Guaw beh druu kir ix cuir-lai qnaa huih ee bah, qapp ix cuiwkiw diongx kyxngor ee mic; ix soxx cunx ee langg beh qruix lanw ee Siongrder; ix beh dirr Judah cincniu jogdniuw; Eklon beh cincniu Jebus ee langg.
8 Guaw beh jrad ngiaa uii Guaw ee cur, dixdngx qunvingx, drir qaur byy langg ongxlaii; vyrgiok ee langg iarr byy dui' inx hiax qingquer; in'ui Guaw dnaxx cinbak knuar qnir ix.
9 Zion ee jaboxqniaw ar, diyhh duardimm hnuahiw, Jelusalem ee jaboxqniaw ar, diyhh cud hnuahiw ee sniax; knuar ar, liw ee ongg laii jiurqin liw; ix si qonggi qycc qniaa jinxqiur, unziuu, qycc kiaa luu qapp luu soxx snix ee lu'axqniaw.
10 Guaw beh druu kir Eflaim ee jenwciax qapp Jelusalem ee jenwbew, qaujenr ee qringx iarr beh druu .kir; Ix beh duiww ledqog tuann hyvingg; Ix ee quanvingr beh dui' jitt xee haiw qaur hitt xee haiw, dui' Dua Hyy qaur derqik.
11 Lun qaur liw, Guaw ing liw ee iog ee huih, tauxvangr liw hiaxee siurr liac kir qnuaix ee langg cud byy juiw ee jnew.
12 Linw hiaxee siurr liac kir qnuaix iarr u ngwbang ee langg ar, diyhh dyr laii uersow; Guaw qinaxzit tuanvor, beh qavue hingg liw.
13 Guaw ing Judah juer Guaw soxx banw ee qringx, ing Eflaim juer anx dirr qringx ee jnxir; Zion ar, Guaw beh qikdong liw ee vecsnir qongqig Gleek ee vecsnir, hro liw cincniu iongxsu ee dyqiamr.
14 Jehovah beh cuthen dirr inx ee dingxbin; Ix ee jnxir beh sria cud cincniu sicnar; Jruw Jehovah beh vunn sauwqag; jre lamhngx ee qngxlehongx laii qniaa.
15 Banrqunx ee Jehovah beh vyxho inx; inx beh tunbet duiwdik, tunxdac soxx hed .laii ee jiyc; inx beh limx laii huah, cincniu limx jiuw; inx beh cincnciu drew muaw ee nguaw, cincniu dnxuaa-dingw hiaxee qag.
16 Hitt zit Jehovah, inx ee Siongrder beh jinxqiur inx, cincniu Ix ee vecsnir ee ngiuu-qrunn; in'ui inx beh cincniu benxliuu ee vyxjiyc, quxkiw quann quann dirr Ix ee derjniu.
17 Ix ee zinjuu dua qaur jnaixngiu! Ix ee suiw hyw knuar qaur jnaixngiu! Gnoxqog beh hro siauwlenlangg iongxqnia, sinx jiuw hro jairsikluw iarr anxnix.
10 Dng' cuntnix ee ho ee sii, linw diyhh duiww Jehovah qriuu ho, dyrr si huad cud sicnar ee Jehovah; Ix beh qra inx lyc jerje jun ee ho, hro dagg langg u canhngg ee caiwsex.
2 In'ui qrex-lai ee gnoxsiong qongw vehcat, jiamvog :ee knuar huqew, qongw byngiaxjiah ee bang, kangx kangx an'uir langg; soxiw inx belo cincniu ngiuu; qycc in'ui byy bogjiaw, drir qaur siurr kunwkow.
3 Guaw ee siurkir duiww hiaxee bogjiaw huatjyh, Guaw iarr beh vanrliw hiaxee qangx ee snua'ngiuu; in'ui banrqunx ee Jehovah knuawqor Ix ee ngiuu-qrunn, dyrr si Judah-qrex, hro inx cincniu Ix ee hyw bew dirr jenwdin.
4 Cuwqakjiyc dui' Ix cud, qenqor ee dxingx iarr dui' ix cud, qaujenr ee qringx iarr dui' Ix cud, jiaxee jiangxquann :ee iarr dui' Ix cud.
5 Inx beh cincniu iongxsu, dirr jenwdin dac duiwdik dirr quelo ee tobee diongx; inx beh qaujenr, in'ui Jehovah qapp inx dilehh; qniwnarr kiaa bew :ee byy m qenwsiaur.
6 Guaw beh qenqor Judah-qrex, beh jinxqiur Josef ee qrex; Guaw beh cua inx dyr .laii, in'ui Guaw linbinw inx; inx beh cincniu Guaw m bad kiwsag inx ee kuanw; in'ui Guaw si Jehovah, inx ee Siongrder, Guaw beh tniar inx.
7 Eflaim beh cincniu iongxsu; inx ee simx hnuahiw, cincniu limx jiuw; inx ee qniaxzii beh knuar .qnir laii hnuahiw; inx ee simx beh in'ui Jehovah kuaiwlok.
8 Guaw beh cud kauxhy, laii jurjip inx; in'ui Guaw ixqing’ qiuwsiok inx, inx beh qetnix cincniu inx jingg ee qetnix.
9 Guaw suizenn siwsnuar inx dirr ledqog diongx, inx beh dirr hng ee soxjai qiwliam Guaw; inx qapp inx ee qniaxzii longxx beh uac lehh, qycc dyr .laii.
10 Guaw beh qycc hro inx dui' Egipt dyr .laii, jurjip inx cud Assylia; cua inx qaur Gilead qapp Lebanon; iarr byy qraur gxiac soxjai tangx hro inx kiarkiw.
11 Ix beh qingquer koxlan ee haiw, qongqig haiw-diongx ee pylong; Nilo Hyy cimx ee soxjai beh longxx dax .kir; Assylia ee qiaugno beh qangwqe, Egipt ee quanvingr beh byy .kir.
12 Guaw beh hro inx dirr Jehovah iongxjongr; qycc tog Ix ee miaa qniaa laii qniaa kir; jex si Jehovah qongw :ee.
11 Lebanon ar, liw diyhh kuix liw ee mngg, hro huew tangx siybet liw ee vikhniuciu.
2 Siongciu ar, linw diyhh hauw, in'ui vikhniuciu ixqing’ dyw, suiw ee ciu ixqing’ huixhuai; Basan ee siongrciu ar, linw diyhh hauw, in'ui borsing ee ciurnaa ixqing’ suevai.
3 Tniax ar, u bogjiaw decc hauw, in'ui inx ee ing'iau huixhuai lar; tniax ar, u iongw ee sraix hmrhm hauw, in'ui Jordan Hyy-vnix ee ciurnaa honghuer lar.
4 Jehovah, guaw ee Siongrder, anxnix qongw,
5 "Beh taii ee ngiuu-qrunn liw diyhh cri; brew inx ee, taii inx :ee qongw, 'Jehovah si ingqaix ylyw :ee, in'ui guaw hyxgiac lar'; inx ee bogjiaw iarr byy linbinw inx.
6 Jehovah qongw, 'Guaw byy qycc linbinw jitt soxjai kiarkiw ee vecsnir; knuar ar, Guaw beh jiong' inx dagg langg qaux dirr inx cuwvnix ee ciuw, iarr dirr ix ee ongg ee ciuw, inx beh pah jitt xee derhngx; Guaw iarr byy beh qiur vecsnir tuatli inx ee ciuw.'"
7 Dui' anxnix guaw cri beh taii ee ngiuu-qrunn, dyrr si ngiuu-qrunn diongx derr id kunwkow :ee. Guaw qaqi cruw nng qix qnuaiw-aw, jit qix qiyr juer Lenlok, laii cri jitt xee ngiuu-qrunn.
8 Jit guehzit lai, Guaw druu kir snax xee bogjiaw, in'ui Guaw ee simx iamwjen inx, inx ee simx iarr kiwhiamm Guaw.
9 Guaw dyrr qongw, "Guaw byy beh ngiuxci linw, siw :ee cutjai ix siw; byy .kir .ee, cutjai ix byy .kir; soxx cunx :ee, cutjai inx sna' tunjiac."
10 Guaw giac Guaw hitt qix Unhui ee qnuaiw-aw ad jric ix, laii huewbyy Guaw qapp banrvecsnir soxx lip ee iog;
11 Hitt zit dyrr huewbyy ix; kunwkow ee ngiuu ngwbang Guaw :ee, longxx jaix jex si Jehovah ee ue.
12 Guaw duiww inx qongw, "Linw narr liac juer hyw, dyrr hro guaw qangjnii, narr byy, dyrr suah"; dui' anxnix, inx pingg ginn snax-jap juer guaw ee qangjnii.
13 Jehovah qra guaw qongw, "Diyhh jiong' hitt xee hed hro siyhuilangg, dyrr si inx soxx qrow ee qewjnii." Guaw dyrr tec hitt xee ginn snax-jap, hed hro siyhuilangg, dirr Jehovah ee dxen.
14 Guaw qycc ad jric Guaw derr zi qix ee qnuaiw-aw, miaa juer Lenlok :ee, laii huewbyy Judah qapp Islael hniadi ee jinggi."
15 Jehovah qycc qra guaw qongw, "Liw qycc tec gong ee bogjiaw soxx ing hiaxee kiwqu.
16 Knuar ar, Guaw beh dirr jitt soxjai hingx kiw jit xee bogjiaw, sitlyc :ee, ix byy beh cab; siwsnuar :ee, ix byy beh cue; siursiongx :ee, ix byy beh rix ix; iongxjongr :ee, ix byy beh cri ix; qandna' beh jiac vuii :ee ee bah, tiah lic ix ee de.
17 Byy loring ee bogjiaw, kiwsag ngiuu-qrunn :ee, u jaieh ar, dyx beh limqaur ix ee ciuw, qapp ix ee jniar bak; ix ee ciuw beh juanzenn qodaa, ix ee jniar bak beh o.-oamr-a."
12 Jehovah lun Islael bigsi ee ue. Jehovah tiw kuix jiaxee tnix, qenwlip de ee qinqix, congwjy langg ee simsinn;
2 Ix ee ue anxnix qongw, "Knuar ar, Guaw beh hro Jelusalem juer siwuii jiaxee vecsnir drir qaur juir ee vxuex, Jelusalem siurr uikunr ee sii, Judah iarr beh anxnix.
3 Hitt zit, Guaw beh hro Jelusalem duiwdirr banrvecsnir jniaa juer dang ee jiyc, qniwnarr giaa ix :ee, beh sriu dang siongx; derjniu ledvangx beh jurjip laii qongqig ix.
4 Jehovah qongw: Qaur hitt zit, Guaw beh knuawqor Judah-qrex, pah ledqog itcer ee bew, hro ix cnimii.
5 Judah ee jogdniuw, simlai beh qongw, 'Jelusalem kiarkiw ee vecsnir juer guaw ee lat; in'ui inx uaxkyr inx ee Siongrder, banrqunx ee Jehovah.'
6 Hitt zit Guaw beh hro Judah ee jogdniuw, cincniu huexdniaw dirr caa ee diongqanx, qycc cincniu huexvew dirr diurkunw ee diongqanx; inx beh dirr dyr vingg; jniar vingg siybet siwuii ee ledqog; Jelusalem beh iuguann diamr dirr vunxsoxjai, dyrr si Jelusalem.
7 Jehovah beh dairsingx jinxqiur Judah ee vowvnii, hro David ee qrex ee ingqngx qapp Jelusalem kiarkiw ee vecsnir ee ingqngx be e ngiaa quer Judah.
8 Hitt zit Jehovah beh vyxho Jelusalem kiarkiw ee vecsnir; inx diongqanx nngxjniaw :ee, dirr hitt zit beh cincniu David; David ee qrex beh cincniu Siongrder, cincniu dirr inx taujingg ee Jehovah ee suwjiaw.
9 Hitt zit, Guaw beh qongqig Jelusalem ee ledqog, Guaw dniardiyc iwsur beh bet ix.
10 Guaw beh ing unhui qapp qidyw ee sinn, vniar lyc dirr David ee qrex, qapp Jelusalem kiarkiw ee vecsnir; inx beh giongxbong Guaw, dyrr si inx soxx cak :ee; qycc beh uirdiyhh qosnix ee qniaw vi'aix; qycc uirdiyhh ix iukow, cincniu langg uirdiyhh dua-qniaw iukow jidngiu.
11 Dng' hitt zit, dirr Jelusalem beh u dua dua vi'aix, cincniu dirr Megiddo vni'ngiuu ee Hadad Rlimmon ee vi'aix.
12 Qingxlai vi'aix, dagg qrex lingrgua diamr; David-jok ee qrex lingrgua diamr, inx ee hurzinlangg lingrgua diamr; Natan-jok ee qrex lingrgua diamr, inx ee hurzinlangg lingrgua diamr.
13 Levi-jok ee qrex lingrgua diamr, inx ee hurzinlangg iarr lingrgua diamr; Simei-jok ee qrex lingrgua diamr, inx ee hurzinlangg iarr lingrgua diamr.
14 Qi'uu hiaxee qrex dagg qrex lingrgua diamr, inx ee hurzinlangg iarr lingrgua diamr.
13 Dng' hitt zit beh uirdiyhh David ee qrex qapp Jelusalem kiarkiw ee vecsnir kuix jit xee juiwjnuaa, sexduu juerog qapp lasamm."
2 Banrqunx ee Jehovah qongw, "Dng' hitt zit, Guaw beh dui' jitt xee derhngx druu kir gnoxsiong ee miaa, byy qycc hro langg qiwliam; iarr beh hro sendix qapp uwuer ee sinn lirkuix jitt soxjai.
3 Narr u langg camwgiw, snix ix ee verbuw beh qra ix qongw, 'Liw be did diyc uac, in'ui liw tog Jehovah ee miaa qongw vehcat'; snix ix ee verbuw, dirr ix camwgiw ee sii, beh jiong' ix cak taur.
4 Hitt zit hiaxee sendix, dagg xee dirr inx camwgiw ee sii, beh uirdiyhh inx ee ngirsiong laii qenwsiaur, byy qycc cing u xmngg ee snxax laii penr langg;
5 Ix beh qongw, 'Guaw m si sendix, guaw si jycsitlangg; guaw dui' sewhanr dyrr juer langg ee lovok.'
6 U langg beh mng ix qongxx, 'Liw nng ciuw ee diongqanx si simxmih siongx ar?' Ix beh rinr qongxx, 'Jex si guaw dirr ving'iuw ee qrex-diongx soxx sriu ee siongx.'"
7 Banrqunx ee Jehovah qongw: Dyqiamr ar, diyhh kiw laii qongqig Guaw ee bogjiaw, iarr qongqig hitt xee qapp Guaw juer dangpnua ee langg; pah bojiaw, ngiuu-qrunn dyrr siwsnuar; hiaxee biser :ee, Guaw beh uat dngw ciuw qaur dirr inx.
8 Jehovah qongw: Jitt xee juann de ee langg, nng hxun beh siurr jenxduu laii siw; jit hxun beh lauu lehh.
9 Guaw beh hro jitt xee snax hxun jit qingquer huew, tuanwlen inx cincniu tuanwlen ginn, ciwlen inx cincniu ciwlen qimx; inx beh qiuqiyr Guaw ee miaa, Guaw beh rinr inx; Guaw beh qongw: Jex si Guaw ee vecsnir; inx iarr beh qongw: Jehovah si guaw ee Siongrder.
14 Knuar ar, Jehovah ee zit beh qaur, liw ee huewjaii beh hro langg vunx dirr linw diongqanx.
2 In'ui Guaw beh jurjip banrqog qapp Jelusalem qaujenr; sniaa beh siurr qongpuar, cuwtec beh siurr cniuxqiab, hurzinlangg beh siurr lingziok; sniaa-lai ee vecsnir jidvnuar siurr langg liac .kir; soxx cunx ee vecsnir iuguann dirr sniaa-lai, byy drir qaur jenxduu.
3 Hitt sii Jehovah beh cud kir qapp hiaxee qog qaujenr, cincniu jiongjingg limdin ee zit qaujenr jidngiu.
4 Dng' hitt zit, Ix ee kax beh kia dirr Qnanaw Snuax, jitt xee snuax dirr Jelusalem taujingg ee dangsir; Qnanaw Snuax beh dui' diong'ngx lic .kuix, dui' dangx qaur saix, jniaa juer qik dua ee snuaqog; snuax ee jidvnuar isuaw ngr vag, jidvnuar isauw ngr lamm.
5 Linw beh dui' snuaqog diongx dyjauw, in'ui snuaqog beh taur qaur Azal, linw beh dyjaw cincniu Judah Ongg Uziah ee nii-qranx, uirdiyhh dedang ee dyjauw jidngiu; Jehovah, guaw ee Siongrder beh limqaur, longxjongw ee sxingr :ee qapp Ix laii.
6 Hitt zit ee qngx, beh m jniaa qngx m jniaa amr.
7 Beh u jit xee digvet zit, si Jehovah soxx jaix :ee, m si zit, iarr m si mii; qaur ehngx-sii jiacc u qngx.
8 Hitt zit beh u uahjuiw dui' Jelusalem cud .laii; jidvnuar lrauu kir danghaiw, jidvnuar lrauu kir saihaiw; dangtnix hertnix longxx si anxnix.
9 Jehovah beh dirr juann de juer ongg; dng' hitt zit Jehovah dog'id, Ix ee miaa iarr si dog'id.
10 Juann de dui' Geba qaur Jelusalem lamhngx ee Rlimmon, beh venr cincniu Alabah; Jelusalem beh singquann, diamr dirr ix ee vunxsoxjai, dyrr si dui' Benjamin ee mngg, qaur tauu jit xee mngg ee soxjai, qycc qaur qaktauu ee mngg, iarr dui' Hananel ee lxauu, didqaur ongg ee jiuxkud.
11 Beh u langg diamr dirr hitt diongqanx, byy qycc u jiuwjow; Jelusalem beh anzenn kiarkiw.
12 Hiaxee ledqog qapp Jelusalem qaujenr :ee, Jehovah beh ing jitt hy ee jaieh qongqig inx; inx ee kax iauxx kia lehh ee sii, inx ee bah beh hiuxnua, bagjiux beh hiuxnua dirr bagjiukangx, jic beh hiuxnua dirr cur-lai.
13 Dng' hitt zit Jehovah beh hro inx diongqanx dua ziauxluan; inx dagg langg ing ciuw sna' kiuw, qycc kiw ciuw sna' qongqig.
14 Judah iarr beh qapp Jelusalem qaujenr; hitt sii siwuii ledqog ee huewjaii, dyrr si qimx, ginn, ijniuu, beh jurjip jerje.
15 Hitt xee soxx beh qaur dirr bew, lyy, logdyy, luu, ixqip ngiaa-diongx itcer ee jingsnix ee jaieh, qapp jitt xee jaieh jidvnua'ngiu.
16 Soxu laii qongqig Jelusalem ee ledqog cunx ee langg, beh ninii jnriu laii qingwvair dua ee Ongg, banrqunx ee Jehovah, iarr siuw Dacliaujeh.
17 Derjniu banrjok diongx, qniwnarr byy jnriu Jelusalem qingwvair dua ee Ongg, banrqunx ee Jehovah :ee, beh byy lyc ho dirr inx hiax.
18 Egipt-jok narr byy jnriu .laii, beh byy ho dirr inx hiax; beh u jaieh, dyrr si Jehovah ing laii qongqig hiaxee byy jnriu laii siuw Dacliaujeh ee ledqog :ee.
19 Jex dyrr si Egipt ee hinghuat, iarr si hiaxee byy jnriu laii siuw Dacliaujeh ee ledqog ee hinghuat.
20 Dng' hitt zit, bew ee hamlingg beh kig zri qongxx, "Juer sxingr qruix dirr Jehovah"; Jehovah ee dxen-lai ee uex, beh cincniu dnxuaa-jingg ee nguaw.
21 Qniwnarr Jelusalem qapp Judah ee uex, longxx beh juer sxingr qruix banrqunx ee Jehovah; qniwnarr henwjer :ee, longxx beh ing jiaxee uex, juw bah dirr hitt lairbin; dng' hitt zit, dirr banrqunx ee Jehovah ee dxen-lai, byy qycc u Kanaanlangg.