Datqiw Vai Diu Ongg Quax
(siong)
Daisingw vewhy siongrr ser qingx
Sindig Diong'iongx Hiwngi-jingg
quaceh habqiong sxor vah jxingw
qonghog ixjingg inr dairsingx
Jurjaw Zidjingr ee sidai
quajux gunw dy' inr .cud .laii
linw narr byy hiamm quwdau baiw
Diknaa juqiok vyr linw jaix
Beh qongw Hongsinn ee jrux-lai
gunw si dui' jrux huanx .cud .laii
Diu Ongg jiongzit anxjnuaw pnaiw
juann tniax Datqiw jiacc diyhh vai
Jitt vunw quax-aw jin' hihanw
puepingg Datqiw dua dogtangg
ix si bydy hro hixlang
m si byy gauu juann hanbam
Kacc jaw huatlut siongrqaiww cenw
Diu Ongg jerui diyrr venwcenx
berhiauw qaixog laii jiongsen
diauquax byy su naxx sinsenx
Jit jiongw cutsir u qehuew
hniadi byjingg kiw uanqex
hongder marr si naxx langkeh
siw liauw qangsanx vadd langg ee
Dewui bogquair langg hibang
narr qaxx siw lyc siangx ciuw kangx
ruii qxunx m guan binn vnuar hxang
jiacc diyhh qangsanx niu vadd langg
Datqiw Sox Ho henr qimluann
Diu Ongg knuar diyc suiw dairquanx
sringr quer go-cingx lxiw lairuanw
jursniu quaxzinn hog dairduanx
Datqiw zip qiongx jy logdaii
taiwqongx hiamw virr inx soxx hai
sidjai u hiamw hyxqajair
narr siw jinx jinx vutingqaix
Jex quax qoxjaw ee sidai
sewqair qokk qog longxx marr jaix
Datqiw simqnuax dy' decc baiw
Diu Ongg budy jyr did laii
Iauhuix setqer jin' je kuanw
m si gunw decc gauu dyduanx
hro linw tniax diyc dy' m guan
gunw jiacc venx quax jyr suantuann
Sir-jap jiahcair Qiongx Juxgee
qamsimx yc dy kir cutqex
ix kir Kunlunn juer bunkeh
jiacc qra lau qxunx ix jnuax dee
Juxgee Suhu Liw Lau Qxunx
sniu beh yc hxuad jnriu Kunlunn
dairlyy qimsenx byy ix hxun
lenrsip vingsux knuar jenwbunn
Vingsux len hyw danw siun
Guansiw qiyr ix ha Kunlunn
yc did gnoxhingg tangx e dunr
ix beh harsanx vet sujunx
Bew .Sxi nihuer lak-jp-veh
jiacc qer juxgee juer ruii cex
crua diyc vuthenn ix sner Bew
cid suah veh vai hai Juxgee
Jingser kiamwjer hunx duxx qaur
Juxgee crua diyc vecsuactauu
jin' jaix jiacc byy qra qnuaw jauw
sniu beh snix qniaw u buexsaux
Juxgee sit'un bre mirhunw
gu diyc vuehow decc cauqunx
qycc hro ciax dyc jiacc pnaiw un
vunxjnii suarr liauw dngrr hunbunn
Mirhunw ciax dyw suar kiw hongx
cuex qaxx muaw de vec bongbongg
dngw laii inx bow beh qra qongr
jiacc qaiw singliw ngua vadd jongx
Qycc ngua singliw bre kuesnir
siysuw suacc huanw oimtnix
dngw laii Bew .Sxi bin vnir vnir
liw qamxx u mic bre byy jnii
E qnuaa qycc ngua bre huexlangx
zidtauu iuqycc huanw sxingg angg
qui' zit juann byy bre vnuar hxang
derr id pnaiw un ix jit langg
Taiwqongx dngw kir bre vngrlee
duw diyc biw quir juann juw muee
jidsii ceckuir byy air bre
dngw laii angbow kiw uanqex
Hyw did ving'iuw siy' daiwliam
jingxvunw hro kir kuix didiamx(?)
Lak-guec zidtauu jiokk jnia' iam
byy langg qra brew caur iamiamx
Juann ci caiwci decc qriuu ho
qnuahuw huatling juanx qimwdoo
duw diyc sunsi duarqnuahow
jin qra vnuax kir siyx qaxx ox
Qaixngua qang'oo kir siongwmia
qui' zit byy langg laii tamwtniax
jin' je guehzit byy langg cniar
suacc kir duw diyc givee jniax
Givee venr juer binqanliw
vecsnir byy langg knuar jaiqix
jauw zip qxuanw-lai mng miarliw
Juxgee cud ciuw kir liac ix
Taiwqongx iaujniax liac jairr ciuw
byy langg e jaix inx lixiuu
dag'ee me ix lau iauxsiu
tong' langg knuar diyc decc huachiux
Vixqanx Singsiongr dui' hiax laii
qui' lo zinmaw nau caicaix
harmaw qra mng inx sniaw dai
Juxgee jiongjingg sueh hro jaix
Taiwqongx qongw ix liac diyc xiaux
jingwlangg jiacc qongw qex hausiauu
siongwiaa jidsii sniu berhiauw
jiyx ix juewdin kir zip diauu
Nng langg siy' cua zip qimden
Diu Ongg jerdenr birkaigenn
Datqiw laudingw knuar hen hen
Juxgee iarr qnaw denw duarsenx
Qun'ongg binrjingg denw ciuxdew
snax bi jinx huew Qiongx Juxgee
yc qaxx huatsut dagg hxang e
cuir tror jinx huew siyx givee
Taiwqongx ciuw vair kunlunn-dingw
jit sniax hiangxliang venr guanhingg
Datgiw simlai qiyr hiauhing
givee suacc hro ix siusingg
Juxgee pnaiw un ixqingx muaw
siuduu givee jiacc juer qnruax
iaujniax ix u iaujniax-pnua
Datqiw kiychun jairr simqnuax
Taiwqongx qnuajid hrongx guanjai
dairhux iarr qiamx jiamwcnidaii
kir druar Vixqanx siongwhuw-lai
it'id jiongjingg sueh hro jaix
Diu Ongg budy jy jiuxdii
siyjiuw qig laii dryr qui' vii
? ix qongw dua hokkir
hai langg vecsnir qankow jnii
Jiuxdii qongw beh sniuw qiongliw
qycc jy baclimm diaur bacsix
cokngx dryr qaxx muaw snuax si
jiacc qiyr qiongliw diah ciurqix
Jiacc qiyr qiongliw kir qingrjauw
jauw sux quah bah diaur ciurtauu
narr si jauw ngiaa dairsingx qaur
siyjiuw quanr qaxx muaw srinx lrauu
Dih Cnxix Lxauu-dingw vatquar kiw
bersux hongbiyw siau'iauu dii
Datqiw setqer hai qiongliw
budy hunqunx ciyr bibix
Jongw qongw Datqiw dua dogtangg
jiacc laii beh vai ix qangsanx
hai siw sniwmia quiw cingx bxan
iarr si budy ix jit langg
Hai siw singlingg byy der sngr
Dih Cnxix Lxauu-ha taii langg dxngg
Qycc kaix juaa-knix go~lak dxng
qiongwliw knuar diyc simtauu sngx
Budy jin tniax Datqiw cuir
juaa-knix tongqiongx sir dxng uii
muixx hxo diyhh qaux juaa jit duir
juerjig juann diyhh Diu Ongg qruix
Anwsii anwkig jiacc juerquar
muixx zit diyhh qaur nng buew juaa
qankow vecsnir sxor bxan gua
byy jnii diyhh iong qniaw ngua juaa
M jaix qaux juaa mih iongrdoo
kacc je lanw langg ee taumox
Datqiw simqnuax sniu dok vo
beh hai Qiongho qu qionggnoo
Qamxx si bagjiux kiw enngx
hongqiongx venr juer giamlydngg
cid zi miaa hro liac kir sngr
snakor qra ix vrag qngx qngx
Qiongho qionggnoo cid-jap-zi
vrag qaxx qngx qngx naxx taii dix
Qax Qeh(?) juer qnruax m qniax siw
qnaw kir Cnxix Lxauu beh ? ix
Budy juann byy decc qra tniax
suacc decc huanxjig ix juermiaa
jinrdiongx rair diyhh singx byy mia
qamguan jursiw jairr qimsniaa
Qax Qeh(?) duiww tniax dua sniax kaur
knuawpuar sewjingg tiaur lyc lxauu
lak-jap-sir hxuer huewsiu qaur
hunsix cuiwqud tokadaux
Jinrdiongx uirr beh qiur qiongliw
jiacc diyhh jurqiw laii hunsix
budy iarr qycc byy hnuahiw
suacc jiong'sisiuw danr juaa dii
Qiongliw hro taii longxx byy uac
juanvo danr lyc kir cri juaa
habqiong hai siw cid-jap gua
laudingw jiac jiuw decc cniuwquax
Byy siw dii-drew dua sniax aix
sxor bxan buew juaa qa jin' hai
og juaa jnir zip vakdow-lai
byy langg jitt kuanw jiacc luanrlaii
Tniax diyc dii-lai dirdecc kaur
kyxqamr knuar diyc bagsaiw lrauu
hunqunx m si sniu byy qaur
qaur jiax qangsanx cunx hro caux(?)
Datqiw amwdiongx decc sniu lo
iaujniax qyxzenn simqnuax cox
beh ter givee jingg siurkow
jiacc rue logdaii jit dniux doo
Logdaii quann duw qauw dxng qauw
dingxbin iurr kixjy kimlauu
beh iong qimjngx pox guarkauw
lairbinw giogjiyc junw jiyhtauu
Iauquair laii decc dri qaxx vai
taiwqongx siongwhuw dairsingx jaix
dairhux vuahquar jin' lirhai
simxjaix u gii diauqangx laii
Qiongx-lai dirdecc cud singwjiw
Juxgee tuisngr singx jaiqix
jiacc duiww Viw Siongr ix qongw kiw
aurzit u su rair dniudii
Gimxlongg hro liw diyhh sewzi
jailan narr qaur tangx qaixii
soxx qongw liw diyhh tniax zip hni
vadd zit su qaur diyrr jaiqix
Siongwiaa gimxlongg siux kir liauw
Taiwqongx bad ix beh zip diauu
sngwhuad birlaii knuar erhiauw
qethiongx binrdiongx naxx dair diauu
Qiongden go qnxix duxx kaisiw
Juxgee zip dxen jauwhongr ix
sur srinn u jue ban ban siw
soxx huan juermiaa singx tongdix
Diu Ongg henr doo hro ix knuar
logdaii hro liw kir juxvnuaa
m jaix henkingx sniu anxjnuaw
qniaqangx zuarr quw kyw(tangx) siusnuax
Juxgee daidoo knuar liauxau
sniu diyc simqnuax luan caucaux
jai'ngiaw iauhuix qrer iong qaur
hnuaidit beh qra ix taii tauu
Qenwjy kaihuir qangxx banrig
m qniax vecsnir langquthuih
narr hro jy sxingg diyrr sitdig
sriu ix byy siw iarr apvig
Taiwqongx m guan qra niaxjiw
ue vingw jiacc decc qew jraur ix
narr beh logdaii jy uanvi
uanqangx diyh'air sir-jap nii
Budy tniax diyc beh tingjiw
duw diyc Datqiw qolijnix
decc jraur byngiaw hiacc dngqii
krix qxunx vai qog diyrr si ix
Diu Ongg tniax diyc bin suar venr
byy-ngiaw-byy-jiah qnaw dua genn
qang'oo ciuxdnua qnaw laii denw
buxsu qra liac lyc juadenn
Qaur jiax Juxgee jiacc jaix hai
jongw si hunqunx dua vutqaix
gimxsiur qangsanx cunn byy air
iaujniax bee quw liw diyrr jaix
Jitt jip qaur jiax cniaw cexvaiw
jiapsuar xe jam knuar diyrr jaix
Diu Ongg qangsanx anxjnuaw vai
virr sig soxx bee juer did laii
(diongx)
Budy virr ma dua siurkir
quatding liac liw laii hunsix
Datqiw qongw qinw cud singwjiw
qiyr inx buxsu qinw qra dii(druu)
Taiwqongx tniax diyc m kaix kauw
vuesinx jit dac jauw lyc lxauu
zim inx buxsu zuarr gauu jauw
singx duix liw iarr yh decc caux
Kax dac qniaa qaur Qauw Lringg dingw
qaur jiax ix jiacc decc kiartingg
dua qiyr hunqunx jin' hiauhing
qangsanx byy vai dua vutbingg
Juxgee kiw kax dac lyc juiw
jiacc qapp hunqunx ix lirkuix
huanxsinx inx cur jiacc qauwui
hnuahiw angbow qycc juewduix
Bew .Sxi sidjai u jin' je
Taiwqongx zibmngg diyrr kiw huex
jiyx ix Seqii(?) danw aurquer
crua diyc vuthenn tyw qex suex
Bew .Sxi iurqycc bin kiw venr
me ix qongxx si jauwqesenx
cid suah veh vai qnaw henbenw
iarr qnaw beh jiyx ix lirenn
Diu Ongg jipjingr dagg hxang baiw
diongqanx byy hunx luan luan taii
qaur jiax qangsanx diyhh qaix vai
cniaw knuar ersiok diyrr e jaix
Jitt jam cniaw linw siongser knuar
knuar quax kacc hyw hxir decc vnuax
m si knuar sxing qapp knuar dnuar
beh qongw lixiuu iaxx qui' snuax
Juxgee tniax ix qongw m kingw
hyw cuir qinw qra ix qiujingg
lanw laii Seqii huu dairsingr
itpinw huzinn liw qong'ingg
Puathu qnaw qycc siaupuee ix
byy hog jiacc qongw qnruax m dic
singwqunx dy' u knuawqor liw
qnaw qongw logdaii jy jin' dnii
Uanqex capcuir vit'iuw siongx
Ngirzinn jiacc laii qra camsiongg
ix qacc byy air benw qra ziongw
vig siaw hiusux qovutjiongx
Taiwqongx liauxqaiw siaw hiulii
krngr ix sii qaur huanxhuew drii
Bew .Sxi byy decc qra sing'ir
qinw laii hunkuix benw decc zii(zuu)
Puathu simx gne naxx ticqaux
bagsaiw juann byy jit diamw lrauu
jitt kuanw jabow viw be qaur
cincniu ngpangx buexiac tauu
Taiwqongx qamguan qnruax m jyr
siusip hingliw vnuar hxang byy
Bunongg e hingx ix laii vyw
jiacc kir Pnuax Kex Uirjuiw Hyy
Jitt jam anwha cniaw ban qrangw
ngua qongw budy beh diaur langg
kir qiyr Hau How lau qandangw
Logdaii ngua ix beh dokqangx
Taiwqamr duawjiw byy vadd hxang
knuar diyc Ngiuu Zim jairr diauvangg
it'id dnaxx qinw duiww ix qrangw
singwqunx cniaw liw draur vangbangg
Ngiuu Zim bingg jaix m qniax siw
beh qapp hunqunx ix giaa qix
kexjaur Logdaii diyhh tingjiw
jinwhingg qangsu kacc dua tnix
Ngiuu Zim naxx sniu naxx m guna
qycc qapp budy tee qoxquanx
m quanw tenha decc huanxluan
taii siw dniurlangg kiw hyrduanx
Ruii qxunx sowsingr juann byy qaiw
Gog(?) Sun kiw vxingx mizit taii
qaujenr snax snax jongxquanair
taiwsux cutjingx bue dngw laii
Ix kir hro xiaux bee zip singr
bycaiw Ngiuu Zim ee simjingg
budy bin luac suar kiw vingw
dua me pithux gik qunling
Ngiuu Zim knuar qaxx jraur be junw
dua ma budy qauxhunqunx
liw qaxx air diyc enjihunw
qangsanx vutqiuw lann vyxjunn
Knuar qaxx jitt kuanw jiokk iauxsiu
hai langg juann byy qongw lixiuu
diyrr qiyr buxsu qra vak ciuw
liac cud dxen-gua pah bagjiux
Qamguan siw ix ciuxdionglai
qangsanx narr vai liw jiacc jaix
jinrdiongx laii siw jiacc dairkair
dyrdig jinqunx harhuann laii
Jinqunx ix dirr Jixiongg Dong
simhed laidiauu u quair hongx
jai'ngiaw jiacc qra dyrdongg qongw
guaw air Ngiuu Zim huu Bingg Ongg
Qauwui jinqunx liam jiuwgiw
vuesuax jauxjiyc beh qiur ix
hongsinn oksuah jo ix kir
beh hro ix kir huu Seqii
Jinqunx harhuann laii qaixqiur
ng liap qimdanx rix bagjiux
naxx rix bagjiux suacc cniciuw
beh hro huanw siongx huu Dairjiux
Ngiuu Zim hogguann suacc dyww hyw
denw ganw knuar quann taiwtnihyy
qycjaiww siongser knuar derdy
Seqii beh hro juer duarqyx
Muaw srinx huatsut jnriu tenqair
dua puar Unx Hongg jiacc hardaii
duxx beh ngua diauu Diu qaix vai
tniir jiacc qnaw jy Logdaii
Vecsnir jongw dyy cud sniaa-gua
taiwqongx uaw kir qra inx tuax
qapp guaw juewdin diyrr e uac
laii kir Seqii sriu inghuaa
Juxgee cua inx qaur Seqii
ix jiacc Uirjuiw kir diywhii
hii-aw juanzenn m jiac zxi
kutsiuw Pnuax Kex danw siqii
Vecsnir Seqii laii cue jruw
Buxongg urngiaw jin' zinjuu
u tangx jiahkunr qycc u cur
tec jnii hro inx yc qanghux
Dogsinx suar qra crua kanciuw
benw hro vinbinn byy buexliux
viw qaur Diu Ongg dua iauxsiu
setjy Logdaii langg beh tiux
Vecsnir be jiuw hro ix hai
juann tniax Datqiw decc juxcaii
derha qimjngx pox daii-lai
hnuaii dit go lxiw vehgiogdaii
Logdaii dingxbin juixjnix qingx
jugik tec laii diauu juer lringg
qycc iong siarjiyc juer hording
hunqunx byy vai tnix vutsingg
Vehgik anwdingw viah lii vann
m air qongr puar simx jiokk ann
jit duir dadjnii quiw vah bxan
cah hue be sria dongr qui' dxangx
Anwjingg jit siangx qauw lringg dyh
qauw lringg bixgik jurzenn hryy
guarqog jinwlaii qokqax vyw
cid vyw san'oo vadd qog byy
San'oo lairbin benw diamw huew
hniuenx cingr kiw naxx lenhuex
jitt kuanw tenha byy der brew
jyxiu nng jiah ling'ixtex
Ling'iw lairbinw byy qikir
e qniaa e jauw jiacc jin' qrii
vehgik iong juer lanqnuajiw
sir bin jinjux juer mnglii
Diong'iongx diaur jit cid vyw dingx
cid vyw qiongdingx jurzenn bingg
benw huew e qngx jiacc vunxdingw
jit pax qngx did qui' vah qingx
Cid vyw dingx guarqog laii jinr
qewdat m jaix cenban ginn
Diu Ongg ix tec diaur dingxbin
Datqiw tangx jiyr huawjongx srinx
Jit qix dequanr gigjunvann
dee zip be lingw qui' gueh qranx
jitt hxang mihqnia jin' hihanw
banrginn beh brew diyrr uilann
Jur ix Siongx Diauu beh qaix vai
budy qaqi juer did laii
gunw si iong quax qongw dairkair
suar .lyc hunqunx beh hardaii
Benw qongw qiongx-lai juann si vyw
Datqiw taii langg benw iong dyx
langg qaxx m guan ix budy
qangsanx qaur jiax itding byy
Hongqiongx vyxbut qui' qiongx-lai
benw langg huacsniax qadi laii
jidvnuar tnisor juwqaix vai
taii langg cincniu ced juixlaii
Qiongden binrjingg longxx u tiau
sir buew qimliongg knii diauu diauu
dingxvingg gioghong qapp vuejiauw
Datqiw setqingw jin' gauu diauu
Lairdiongx jit jiah gigjiyh'anr
gigjiyc anwdingw vaii hueqanx
beh brew diyh'air quiw jap bxan
Datqiw beh vai jit siqanx
Qiongden lairgua vyletangx
gnoxsig qimqongx cnix vec angg
lairbin vyxbut sxor cingx hxang
hng hng knuar diyc qimx dangdangx
Guanjaw qimden urngiaw sox
viw qaur henrdai byy vnuar vo
gurqyh huehngg qimhi'oo
gik tnix qokvyw qnaw juer lo
Duiwbin qra knuar qimsijingx
hng hng laii knuar iaxx kacc bingg
lairgua setvi jin' jejingw
dxen-jingg jit duir cid vyw dingx
Erhiauw qig qaxx qimx sicsih
qunjiauw vuex laii hiyh jairr qix
mngho dy' byy dniux qiqir
e qniaa e jauw jiacc u qrii
Bixgik ? quiw jap kuanw
siangx lringg cniuw juw naxx decc suanx
sidjai iaujniax jin' gauu suanw
hunqunx suijai ix decc huanx
Sidjai urngiaw jin' lewdauw
dingxbin juixjnix vylee lxauu
vah hxang vyxvuer iong taur taur
Datqiw damxliong urngiaw gauu
Qimjngx gigjiyc juann vyxkir
jyxiu nng buew qimlixhii
jinrliong beh hro ix hnuahiw
m quanw vecsnir qaxx jit sxix
Cid vyw qiongdingx benw iong huew
hiqii jit jiongw naxx lenhuex
beh qongw vyxvuer si jin' je
budy beh vai m jaix suex
Diu Ongg bue qaur qimden-dingw
iauhuix qinw kir qra lamw qringx
hunqunx byy simx vran qokjingr
diausinn ter ix decc byy ingg
Datqiw jiyx ix dangjee qaur
siy' cua vreh jnriu vatquar lxauu
qokk jiongw qycjaiww knuar taur taur
ylyw iauhuix siongrqaiww gauu
Budy hnuahiw jairr simlai
nng langg jre qaxx qig siy' vaii
suijai iaujniax kir hunpair
qansanx beh byy marr m jaix
Logdaii laudingw urngiaw kiauw
saihu qanghux jin' gauu diauu
juann iong qimgik decc juer tiau
qokkor cunvan beh vywsiaux
Siwuii lairgua knuar taur taur
siy' cua jiacc lyc nng janr lxauu
nng qaix iarr qycc kacc lewdauw
budy hnuahiw jairr simtauu
Qunhuix m bad decc lirkuix
nng langg qui' zit juer sanxkuir
iarr qnaw decc hyw cuir duw cuir
binn me m qnaw vutsuxquiw
Jiuuii longxjongw knuar tangr tangr
lairdiongx qauw tnxiax jap-veh vangg
vadd xee qionghuix benw ngwbang
oqimx sanjangg ogik vann
Lairbin tingwhyw jiyr langngiaw
juann iong qimgik decc pox tnxiax
budy qokvyw kuix be tniar
m jaix Datqiw holijniax
Sidjai Logdaii u lewdauw
guarbin qycc sed jauxbelauu
gigjiyc lanqanx uii guarkauw
iauhuix setqer urngiaw gauu
U diauu gnaxkir dirr cuwdingw
siangx lringg cniuw jux iaxx kacc singg
suanrjiyc tec kir juer hording
jitt kuanw tyjer jin' vutbingg
Binrjingg nng jiah gigjiyhsaix
diongiongx jit jxy lenhuedaii
venhok qimzi u jiwjair
nng jiah vuehong hiongr tnisaix
(ha)
Jit xee siwqag lordaii vxenw
ervingg anx qimx juer mnglenn
nng vingg qunjiauw sianghuienr
qongw ix qangsanx u banrlenn
Vyxvuer vaii qaxx tattad dni
beh hro qunjiauw laii hiycqix
budy urngiaw byy tniliw
zinbinn byy qor qaxx jit sxix
Datqiw zip diauu Siongx qaix vai
jiacc qnaw setqer jy Logdaii
bunbuw vacqnuax sriu ix hai
qangsanx laii hiux(?) dy' ingqaix
Bunongg taiwjuw Vig Igkyw(?)
in'ui huanrjue jairr diauqyx(?)
virr qimr Vah lxiw dua huanlyw
siogjue qiur ve dngw qahyy
Sensnix qra ix qongw bying
qnuaqux dairhux Sanwgisingx(?)
juxqongx limvet singx suecding
cid nii jiacc tangx dngw qadingg
Dairongg siurkur vah lxiw qranx
qongjuw simqnuax jin' qanlann
vuahquar sngr dnia qaudair guanw
qinw qiyr jiongwhiyy kir mngranx
Igkyw qojiongx(?) duiwcuir rinr
hurcinx kiuqimr siongrr kyxlinn
laii kir binrqunx suar an'uir
vyxvuer siogjue tangx huequix
Igkyw limvet beh kixqniaa
buxcinx Taiwqix qiyr jit sniax
liw kir qunhuad m jai'ngiaw
jairtangx hyw dnaw zip qniasniaa
Linw qniaw simliw ixx quatding
buxcinx mrbenw qycc viauxbingg
lairsu zi dxe hro singlingw
guarsu qaudair Sanwgisingx(?)
Qunbu qunhuad buw juxir
binjaiw kixdingg byy endii
Seqii m tangx qaiw quiqiw
snax~nng qywguec hueqaqii
Taiwqix jiamwquar jabhunx junw
byy air hro qniaw kir benrqunx
bunbuw qnuauann qui' dua qrunn
jingwlangg huanlyw luan hunhunx
Igkyw lirkuix inx Seqii
jidlo qnuaw qniaa byy tingsii
u quer gnoxquanx benw qongw kiw
qunsu qokk giac dauhangg qii
Qaur jiax gnoxmngg cniaw haurjiw
Vixqanx duxcenx drng diyc ix
mng ix hyhongx mih miasnir
laii jiax qimsniaa si beh nii
Ikkyw qui lyc jiacc qongw kiw
siongwiaa liw qnaxx m jaiqix
guaw ve Qiciongx gik singwjiw
hingrdid lauriaa liw hucii
Vixsiongr tniax diyc jiacc jaix hai
qnuaxqinw lyc bew kanx kiw laii
sniaxmih vyxvuer hyw jicjair
jiong' tauu jiww buew sueh guaw jaix
Igkyw jiong' su inxdab ix
snax qnia vyxvuer jin' hiqii
beh henr singwsiong hro hnuahiw
dinwqog jiwvyw cithniuqix
Naxx jre cithniux ee ciax-lai
knuar beh ongw dangx iacc ongw saix
jairr lanw beh kir ee soxjai
benw langg kir kanx qadi laii
Iarr u jit qnia cniw jiuw tanw
zim liw jiuxjuir jit sii anx
amwsii hyqngx e canwlan
iuqycc jiuw qongw benw qanlann
Vehharsiongrqauu si tiklui
qycc e cniuwquax jiacc qoxjuix
cingx diauu siyw kxig sniax jin' suiw
veh-vah dua kxig jin' ing'uix
Jap xee bixluw jin' viaudir
kyxvir Sionggnoo lyc iaudii
jitt kuanw tniax diyc jin' tanwkir
Vixqanx zip diauu jraur jruw dix(jaix)
Diu Ongg jre dirr Dih Cnxix Enx
Vixqanx kexjaur jnriu gurjenn
u su beh jraur laii qimden
snax hox banrsuer banrbanrlenn
Qiciongx inx qniaw Vig Igkyw
uirr ve siogjue jnriu diauqyx
jinwqongr dinwqog dua jiwvyw
beh qriuu inx ve benw lysyx
Diu Ongg tniajaur iarr hnuahiw
qnuaxqinw suanx ix jnriu dandii
Igkyw dxen-jingg qui .lyc .kir
kexjaur qunongg did jaiqix
Huanrsinn u jue ingqaix siw
qisiar benw six xunx zuu(naxx) tnix
budy jidsii suacc hnuahiw
sur kingx(?) byy jue kir tuanngii
Diu Ongg knuar qnir Vig Igkyw
ter ve sinuanx zip diauqyx
zin liw hauwjuw byy juer cyr
sur kingx vingsinx dngw qahyy
Igkyw hnuahiw jairr simlai
suisii siarunx vreh kiw laii
kia dirr lanqanx decc danxtai
Datqiw vinn-au knuar cud laii
Datqiw naxx knuar naxx hnuahiw
baicingx-ganxsiur vec zuu(naxx) sxix
byy langg viw ix kacc viaudir
cud laii lip duar ix sinvnix
Hunqunx knuar diyc ciyr haihaix
jing'iuu sueh hro aiwhuix jaix
ter ve tyxjue zip diauu-lai
labqongr siawjue do' ingqaix
Datqiw naxx knuar naxx zibsinr
bunbingg Igkyw gauu dnuaa kimm
iwair longqunx qang cngjimw
honghuex juer qxuiw iarr qamsimx
Gunw jraur singwqunx liw knuar mai
sur ix byy jue jiacc ingqaix
jitt langg miaa tuann hyw vaklai
iuqycc hauwjuw hyw zinjaii
Diu Ongg sniu qaxx tauu beh tniar
tuanjiw qinw qra qiyr jit sniax
naxliw aiwhunx e jai'ngiaw
hai guaw naxx sniu naxx diyhqniax
Iauhuix dirdecc mng Igkyw
jaix liw ciuxkimm jin' gauu hryy
laii cniur guaw tniax hyw m hyw
gursur kingx dnuaa naxx cittyy
Igkyw m qnaw qra niaxjiw
niuniuu tniax guaw sueh tauwqix
sinhu huanrjue qimr Vikliw
brang qinw sur srinn hueqaqii
Tniax liw decc jraur dy' jai'ngiaw
jueww liw cniuwquax hro guaw tniax
simqnuax vangr kuix liac hro dnia
benw jue sur liw dngw sex sniaa
Igkyw qamxsia xunx zucimx
jre lyc tokax qinw dnuaa kimm
Datqiw tniax diyc jxingg lann qimr
qinw sur gurjiuw hro ix limx
Jiuxenr qiquanx jurzenn qaur
benw langg e vreh diah cnxix lxauu
qunhuix nng langg jiacc kaikauw
sur liw gurjiuw limx jit aux
Iaujniax naxx knuar naxx hnuahiw
qapp ix Igkyw qyqyx dnii
simqnuax uirr ix jin' juwir
hyw cuir qiyr ix dnuaa kimsix
Budy virr be naxx sniwmia
qenww qongw ee ue dagg qxur tniax
gong gong iaxx qycc m jai'ngiaw
siyjiuw quanr juir bangg dniardnia
Jiuxjuir bagjiux kiw enng
Datqiw jiacc qra huu zip cngg
qaqi simqnuax decc pacsngr
tamx diyc Igkyw suiw jainngg
Datqiw ix decc sniu qewdir
qew qiyr henkingx diyhh qar ix
tamx diyc ix langg taiww bunliw
huanlyw berdid qin sinvnix
Igkyw qnaw laii byy siyh mia
holii soxx juer ix jai'ngiaw
knuar diyc gurkimm qngx zuxx(naxx) qniar
qiyr guaw dnuaa kimm byy simjniaa
Datqiw m si beh yc kimm
ix uirr tamsig kiw gimsimx
viw guaw lamluw dy' lann qimr
byy sueh iaujniax dyrhingg cimx
Kingx liw benw liam linw a'diax
guaw qycc sur jiuw lanw drangg jiac
jaiww qriuu niuniuu diax qinw siar
qunsinn jiac jiuw haun langg kiax
Datqiw sniu diyc krir vnuar siw
qycjaiww iong qrer laii rmuaa ix
liw ee kaqud guaw juer iw
laii kanx guaw ciuw qar kimsix
Igkyw tniax qnir diyy jit qniax
hunhuix piksanr byy simjniaa
knuar jitt vanrser qnaxx byy mia
denw kiw iongxuix sueh hro tniax
Niuniuu tniax guaw jraur quiw qxur
qimqix gioghiyc liw sinkux
liw si tenha ee qokbuw
nacc tangxx jitt kuanw byy zinjuu
Iaujniax tniax diyc dua siurkir
bin angg huanxvnir juer jidsii
liw qnaw krix qxunx qapp gigjiw
ciyr guaw air qex byy vangii
Igkyw trer kir quanxiac-lai
jurjaw vanrser guaw diyrr jaix
ix decc hyw ir uirr sniaw dai
m qniax sixuac jiacc qnaw laii
E siw guaw iarr m qniax siw
diyrr qinw zip diauu jnriu dandii
Datqiw m guan sniu qewdir
beh hai Igkyw siw tiksnix
Diu Ong go qnxix diyrr dingden
qinw diaur Igkyw jnriu gurjenn
liw ee kimvee kxig gauu venr
kyxviw liw naxx siyw sinsenx
Knuar ix qunongg byy siurkir
m guan beh qycc qahai ix
vehbin ee qauu bad tniliw
jueww ix cniuwquax jiacc u qrii
Ix ee snia'imx derr id hyw
bersux cennii ee ditdy
qra ix Datqiw bee qaxx dyw
guan siw m qniax ix quer dyx
Vehqauu dua dua ee simliw
huexganw qimjingx derha zii
m guan jitt xee Sox Datqiw
bingg jaix ix si holijnix
Kir hro vehqauu knuar qinguann
holii knuawpuar beh liusuanx
sniu hro tucpuar jin' m guan
cutciuw beh qapp ix qet'uanx
Datqiw hro bee langg m jaix
venr cud guanhingg jauw cud laii
vehqauu qra ziaur cunvan baiw
Diu Ongg kiw kax tad jiacc hai
Pah siw vehqauu jairr qimqaix
diyrr qiyr qunsu tuax kir draii
qaur jiax Igkyw jiacc jaix hai
budy beh qra liac kir taii
Diu Ongg uadd sniu uadd siurkir
huah liac Igkyw kir hunsix
tiksnix duardnaw qnaw hingcir
pah siw suar qra danr juaa-knix
Iauhuix qiyr qongxx banrcniaw si
diyhh hro guaw qra dua lingdi
m tangx jit xe diyrr hro siw
liac lyc laukax dog bac'ngii
Igkyw beh laii diyrr jaiqix
sioggiw jinrdiongx vutpnar siw
diaux(?) qaxx Datqiw ix qikkir
qamguan sniwmia byy air dic
Jurvenx jurinr sriaux jiacc kuah
m si gunw decc jurkaikuax
knuar liauw byy hiamm narr beh suar
ersiok qycc venx kacc be tuax