jap guec huetaix
Dag'ee laii tniax jitt diauu dai
guaw dnaxx beh laii liam huetaix
iongxiok jit zri qankoxdai
dag'ee linw marr longxjongw jaix
Guaw dnaxx beh laii liam cud sniax
kngr linw led'ui ving'iuxhniax
guaw liam huetaix si urngiaw
linw dnaxx diyhh laii siongser tniax
Jniax-guec huetaix linggingw dua
verbuw ursinx dua siurbuaa
be jiac beh tror jin' jerquar
jinjinx qankow byy knuawuac
Zi-guec huetaix do ngii ngii
jit liap uanxzenn naxx nairjix
canlee tror qniaw uirr qniaw siw
snix qniaw sniwmia dirr juiw-qnii
Snax-guec huetaix langg jin' sen
verbuw huaitaix qankoxlenn
kax sngx ciuw nngw qui' srinx venr
dyw lyc bincngg hnaihnaicenx(?)
Sir-guec huetaix hunx kaciuw
dow-buew cincniu snix bacliuu
uirdiyhh snix qniaw lann did qriuu
snax hunx vakdow vutsii iux
Go-guec huetaix hunx cuir-pni
hyw mic zim jiac dy' be vuii
kavnuaa uanxzenn naxx quirjuiw
iyqud cincniu decbeh kuix
lak-guec huetaix hunx lamluw
kiongxqniax taisinn e camjux(?)
snax hunx narr si u sewsu
jingrhuu qinw jiac qinw sinkux
Cid-guec huetaix e suaw xui
jit zit jit zit dua dorquix
qniaa diyc ursii duarsimkuir
jit xee vakdow ngii juijuix(?)
Veh-guec huetaix dow pongr pongr
jaxamr dairjir diyhh dihongg
jitt hy qankow m qnaw qongw
sittauu diyhh qiyr langg draur bongx
Qauw-guec huetaix e dinxdang
uirdiyhh vnirqniaw m jniaa langg
huehunw qiamw buah qui' dauxlangw
byy jiac vakdow iarr be kangx
Jap-guec huetaix koxlendai
jit xee vakdow jiacc dua knaix(?)
sniu diyc beh snix lrauu bagsaiw
qriuu beh sunrsu snix cud laii
Jit qex duarser luan luan dngw
qoklangg siauwsniu caux taumngg(?)
bongx diyc javox sueh u ngr
hnuahiw diyhh puar snax der jxngx
Snix diyc jabow bin iux iux
jit xee binrkangw pacqatqiuu
c.-cinwcaiw-c. bongxx jiongjiu(?)
byy sniaw beh qapp langg ingwsiuu
Snix liauw snax zit juer uanbuanw
iuvng cuwvnix hing jit vnuaa
gong angx knuar qnir decc lrauu nxua
dirdecc sniu beh jiac qeqnuax
Snax zit jyr liauw jyr muaxguec
iuvng byy qaur qycjaiww cuex
gong angx air jiac m qnaw sueh
crunx ciuw laii decc liamr qepuee
Muaxguec jyr liauw sir guehzit
gong angx sniu beh jiac qesit
jit zit byy sniu beh jycsid
hyxpnaiw linw qongw be diaudit
Qycc byy zuarr quw jyr dorjer
knuar qnir gong angx jin' ciywkuex
hnuahiw u qniaw berhiauw sueh
jit zit cincniu qxauw cuelee
Jit huer nng huer ciuw nirr py
snax huer sir huer tokax syy
snix diyc jabow byy sniaw hyw
qniax liauw vadd zit jyr viyvyy
Go huer lak huer jiamrjiam dua
ursii tauu siyx qapp hni zuac
dyrr tyw linghuu laii hro duar
knuar diyc iyjiw jin' siurbuaa
Cid huer veh huer jin' gauu caw
jit zit qor ix nng qix kax
narr si m vak dyrr beh pah
diaudog jiacc be jyr jingcax
Qauw huer jap huer qar jiamjiw
qniax ix siwqer kir qnisix
jit zit dy' diyhh qar birsi
u cuir qongw qaxx byy cuiwjic
Jap-id jap-zi diyhh pacma
jitt kir diyhh naxx yc jyr snxax
m tangx jiac qaur beh jyr maw
ciuw iauxx m bad tec caiwnaa
Jap-snax jap-sir yc juxcair
jit der binrdyh(?) vran e laii
vadd zit jiacc u hyw angsair
m yc qauwsii liw dyrr jaix
Jap-go jap-lak beh dngw dua
qniax liauw duer langg kir honghuax
vadd zit beh pangg langg vngrnguaw
jiacc e hauwqingr daqeqnuax
Jap-cid jap-veh jyr cinjniaa
jidvnuar hnuahiw jidvnuar qniax
kir narr u enn did langg tniar
verbuw duer ix hyw miasniax
Iuxhaur m qnaw tyw qewjngx
vuthaur siurkir hiamm byy mngc
qandna' cri qniaw byy lun vng
kingjinx kiw laii jin' byy dngg
Cri diyc iuxhaur jaboxqniaw
snax hunx dairjir dngw laii qniaa
si ix mua'iucaiwjuw-mia
tec laii mihqnia qui' duartniax
Cri diyc vuthaur jaboxqniaw
cinjniaa go-jap langlangg qniax
kuix cuir diyhh beh tyw mihqnia
bylun jerjiyw iab decc qniaa
Iuxhaur jabow qniaa jywjingg
cutsnuax cniar langg giaa lingjingx(?)
vywdab cinunx jin' qnaw ing
huanhur qoxcuer cniar hiongdingg(?)
Vuthaur jabow jinjniar qnaw
jit xee cincniu puar caiwnaa
laii qaur beh qapp langg siy' ma
siauwsniu beh laii tyw muasnax
Iuxhaur jabow u jinghun
diauqangx qycc laii jyr snasunn
tniax ix decc hauw byy hiyckunr
beh henr(?) navuac vyr cinunx
Vuthaur juann byy siyh vunxhun
byy ing qycc beh sniu tangx crunx
jiac qaur qnua lrauu byy hiyckunr
siauwsniu tiaux hniah langg snaqunn
Iuxhaur quir decc itdit hauw
vuthaur iarr byy bagsaiw lrauu
iuxhaur danxhau siyx lingcur
vuthaur jabow hiamm sniu' quw
Iuxhaur jabow laii qiarkor(?)
vuthaur tautec medesox
iuxhaur jabow si jin' kow
vuthaur air jiac duardngkox(?)
Verbuw tniar qniaw dirr simtauu
qniaw haur verbuw vangr juiw lrauu
cue byy quiw xee sniu e qaur
erhiauw sunrjingg laii qniahaur
Verbuw snix qniaw qankow dai
iuxhaur ee langg tnide jaix
iongxiok cimunx cincniu haiw
ziyrsimx(?) vywdab jiacc ingqaix
Jingwlangg laii tniax dnaxx diyhh snruar
tniax qaur jiacc quw byy indnuax
hro linw verbuw nicnih knuar
simquax cincniu pah sngwvnuaa