huexcnix enn

1.

Vangwjaw, tnix iauxx bue tiah hac, tniax diyc jingsniax sui’ jingsinn, ixdiam binrdingw kax tiabkuann, jid’err jre dniardiyc, tingwhau qaur qycjaiwqycc tniax diyc kaux jxingx jiacc u dinxdang vreh kiw srinx.

Tangtua jiyx pnua, sihsihsudsut; vuejiauw sna’ qiywinr, jihjihjiuhjiuc; hongx cuex, ho dih, ciurhiyc sna’ qrang sauwsaur qiyr, tenzenn ee imsniax be jyjag hnirkangx. Samvutsii aw, kamsaur iacc kacniur qnaiwcah, jidsidig srid hyhap. Simtauu u dnia :ee, sui’ langg hairjai.

Hiongr tnide kauwtauu qingwlew, jaixkixvox ee le-kxyr liauxqiok. Zit putauu, iarr qngx iarr siyjni. Ejaiw kixsinx ee sii tac ee guarsnax diyhh singx trngr jiacc e sinsongw. Kax-drew u singlingg, qnialo iarr diyhh qingsimx, kinx kax ser ciuw, jit vo jit huac longxx rair qiksimx-s., jiokk liusinn.

Qui' pax qui' dxyy, quexjiw snix qaxx luirdyxqix. Hniuquex qapp hiangjuixlaii, hen banw :ee u enjuiw junw jaxkixvng. Qamx, siab, sngx, dnix, qeww vutciangjai. Trad jiahmic zip cuiwkangx si uirr beh qor jit xee be iaugy, be srid jing’ingx nardnia.

“Jahng’amr u siarhniax uanjik. Sin’au ee su iguann rair iongtog liw didai.”

“Liauxqaiw. Ziddaur-jingg dyrr e tangx dnaxjingw jiaujngg. Jitt jann cniaw vangr lyhsimx.”

Snesiw lunter. Qan’ qan’ aw dirr jitt dah, u lau .kir iacc puawvne sequix :ee, byy qycjaiww u angngex-aw snex cutsir beh snax-jap dxangx u ar. Too qruix too, juiw sriok juiw. Huew huax, kuir suah. Si jxingg si iok qaur jitt dxe jeddng be qycc tnuar.

Dusad, venxlenw, cad'eh, dagg hxang dngrr ngiaxjiah. Dirr hykex decc dngxsec ee jit liap cnxix, vinghyy, anlingg, jit vo jit vo qniaa hiongr qiglok liauu liauu aw si.

2.

Tauwjaw, qxex iauxx bue vywhiauw, luanrjingx-aw lartauu qiyr dairsingx. Saur kauw, sew bin, ngua dingxtauu snxax, taubuew kacc benw go hunjingx. Giaa tauu jimjiog, diauwjingx ee qinxjiamx qniaa qaur sir. Dua qnia hingliw, iong syh-aw liau diauu, iong long'aw log diauu, singx ciax cud kir danw liulongg, nng qix ciuxqud qaux qaux qnrua qnrua, mngsnir suawciuw giuw uaw .laii, narr sryw dyrr benw ar.

Jarhngx u singx qiyr ciax. Lyc kir qaur laukax, unwjiangw u jiauww sinwiog, byy quewdiamw. Sir lenw kiwciax be ser daii, aurdauw jamxzenn aw kuah, puesniux sir kax suacc jnrix qaxx qiongrbeh berdid lyc.

Tniqngbauw, taiwkongx huihingdniuu huarhua qunw, langqunn gniaugniaux drang, bersux jit xee dua caiwci. Sui’ langg sinkux-dingw dre jit dniux qipiyr dilehh, dnuax jua :ee kacc je, kiarr u kir byy huee.

“Qamxx u hingliw beh huwqiar?”

“U.”

“Zuarr je qniarsniax?”

“Sir qnia.”

Surburuann uana mng, kangkuer uana jyr, tauu giac jit xe dy’ byy. Qui’ tuax qui’ qyy ee hingliw vaukunw qaxx hyxser hyxser sui’ qnia aw vong dang. Cid diamw vnuar beh kixvuex, siqanx iaxx jin’ liauling. Qavidee qiyr .jit .vxuex knuax knuax aw jrip, quanknuar quewlorlangg h.-hongqongg-q. bersux decc jauxhuanw, guandew limx liauw dy’ pangdnix pangdnix ee qavix suacc u koxbuew.

“Linw cur nirr ee langg lehh? Byy qapp liw jre jywhuew?”

“Inx jingg zit aw singx quer .kir ar, guaw jitt vrangx acbuew.”

Jit jua lortingg jre siy’ qecviah beh snax~zi-jap diamxjingx, uaw txangx-vnix qapp uaw hangrlo :ee aisajuh bongxx qrangw.

Huihingdniuw tauwquer qongxvyr hiongr luxkeh qywdix beh kixvuex, qiyr dag’ee anjuanduar diyhh haa lehh. An’ txangx-aw knuar ngr qe, derbin ee langjingr, hangrqnia, qongqingw, uadzuxx vuex quann uadzuxx qiuser. Lorhuir jin’ siongdiong. Jitt vaiw lirhniux si ingxvet marquxqnaw.

“Qok’ui luxsu, qok’ui sensnix. Taiwkongqix vingww jinwzip taiwkongx. Siyw danw, denrhuew e qimr ser pax. U sniaxmih kiamwkueh, cniaw cic jniawciuxvingg ee sinwhyrdingx. Guanw ee hogburuann liammisii e uaw kir cik’ingr.”

Hongwsangwtauu ee sniax jiacc suah, dua pax denrhuew sui’ ho’ngg qimr huax. Txangx-gua ee qingxdir juer jit xe bingqngx. Byy dixjiw ee lioghap-jilai, banrvah liap cnxix dirr ganw-jingg quer, huihingqix jair jnia’ vah xee dirr taiwkongx qnia’iuu.

3.

Tnix cimxx qngx, jaixkixdngr bue jiac dyrr cutmngg. Kanciuw sunrguec beh beh ar, cur nirr beh qycc u angg ngex-aw. Sii qaur, qui’ kauxqex taucuir longxqiong vnuar dnraw kiw kiw. Lau :ee lau mocmoh, iur :ee iur mecmeh, jin kyr jit xee lamdingx dagg qangx sraiw ciax dachuer, jair dackeh. Nng xee kangkuer qnaa decc juer, jit qangx zxic-sir siyxsii, beh snax hxun zi ee siqanx longxx decc jycsid, dagg qywguec iuguann tamgring, tanr be hur kaihuir.

Ejaw rair vniar kir qaugua jair kxeh. Dirr vnuawlo knuar diyc jit qingx bre jaxcanx ee diamwtauu, hiyh ciax, juwbunn jit vxuex gulingdee qapp nng xee sanuici. Tauqex nng xee vnuar ciuw kuanw hyxser log log juer jit dre. Jnii lap, qnrua lehh jauw, ciax sraiw kixqniaa, tuna sanuici dua cuir hab.

Danw angg dingx, ciuw taux ingg, imxliau cah sucqongw tanwqinw suh .jit .cuir. Sinwhyrdingx qexngua bak jit sud, imxliau kngr lehh gear dna’aw beh sag, aurviah ee sniu’axciax jit biyw dyrr be genr danw sui’ vnax vnax vnax. Hongqongg .qaur .der, jit aux gulingdee ciax qaxx qui’ee.

“Qanr!”

Cyh bongxx cyh, iumngg iarr diyhh cuix. Hro qowkeh dngdanw jin’ pnaiw singkir. Banrvutzi jit tongx denrue kar kir qongsix dauu, au guehzit vyh qnaxx rair dngw kir jiac qaqi. Jitquw dag’ee siauw beh ibinn huexcnix dng’ kuiwkauw. Jitt kuanw kangkuir byy jangw hro diauu jin’ bycaiw.

“Ueer, u lar, jair qauwui ar. Sniaw? Dingxdauwvox qex jauw jit jua! Uana beh laii huehingdniuu? Beh nor! Iarr suacc u hitt hy m jair :ee?”

Dingw jruw jiacc lyc ciax, ciahangg denrue laii. Siqanx-siong u kacc qipvig. Dywciuw hnua handolu, ciuxqix-aw iong qorr qingqah qapp hni-aw giab lehh, jniawciuw naxx decc caux langkeh ee jursow. Beh lyc qysog, air beh jnex juewjingg vniar kacc qinw, qapp aurviah daii :ee hiamw hiamw siy’ jringx.

“Siqanx liw jad qaxx jnia’ junw. Jnii benw jau, jnibuew hro liw jiac liangg.”

Derr zi jruw langkeh tangx hur diyc siyxdaur ee huehingqix u quewkir, qipsniuw unwjiangr jiokk pnawciuw, jiokk duarlo.

Beh daur, cuiwkixtangg u decc huah iaux. Huihingdniuu juer luxkeh ee singliw, dagg hxang quir hiamhiamx, jauxtanwlangg be bongx .did, diyhh kir qaur qeqii jiacc u siok qycc dua nguaw jiac covaw :ee.

Ngikuann qinrdaux jit qingx caiwquanw, vng suijai liw drew, tngx quww liw limx, longxx byy anrliong. Cojyh iacc dua jiac :ee laii jiax siongrr e hahvnuaa. Diamw jit der dikakox jiauwqah nng hxang cnicair, jiac qaxx jit xee vakdow vaw tomtomx, tngx dy’ byy jaidiau limx nng nguaw.

Limonsin ciahangg ee, jiac daur vaw singx sraiw dngw kir hingg. Ervox huewunrhangg m si sngr jua, si jiac gueh’aw, diamw vnuar jinwjingg byy packaw e ho’ngg kaur guehsinx.

“Jitt ciax ee huewqnia jongw puer qauwui diyrr tangx snuawkinn.”

Qui’ daii unrhuewciax jann qaxx duarjai, badjat. Huewdnuax jid’err knuar, qnuahuew jin' sing.

“Iurqycc qra guaw vaii hiacc hng :ee! Jongw sangr qaxx laii qnaxx amwiu ar. Byy siuqangx, beh kir jyr amwngiaxjiauw niih?”

“Liw lauxciuw, lorcauw sik. Huewjaii qaux liw unxdangr-d.. Hiaxee siauwlenn :ee juann cnekasiaur. Liammix qra liw sangr m driyc ui jit cud, kacc danw iuqycc laksag huewjaii. Jit qangx sangr dy’ byy liw ee vnuar gxiac.”

Jamrdniuw hyw ciuxser, u cuir suiw, snax~nng qxur dyrr qra andah unxsun.

Diongdauwqia iuqycc jiac vaw vaw, liyc aw air kunr air kunr. Quanr jit vxuex qavix cnixbinn, huewciax engin qra jun huatdong. Tauu jit jongx ee hxuer qetsog ~, danrgai dang hnichnih, byy qiquantuix, qycc rair vnuax kir qaur sir lxauu. Qnua lrauu jiab dih, vreh qaxx duarsimkuir. Langkeh dirr jaiwdnuax dingxbin ciamzi, jitt qnia klos, u sunrsi liauxqed.

Lorjua u pacdad .quer qex jin’ hyw jauw. Jit xee siarkux linr jit sec, hxuer cringx vnuar ciax .kir. Vanrpuex ehngx tangx kacc jaw hiycqangx, cialo suacc duwdauw. Tauqaur ee sibzirqex u surqor. Siangx vingg surjuw himhuah, dauwkauw. Qautongx :ee bue laii, ciax berdangr suaw. Qandna’ dirr jitt xee lordng dyrr drong beh vnuar sii.

Huad amwsaix, ciadauw iaxx u jnia’ jap qnia huewtauu iauxx bue siawjai. Vakdow jiokk cni’iaux. Siongr diyc lorvnix u oquexkiaux qapp cuxkakquew decc bre. Byy lyc ciax qorr huah :ee. Jit ciuw qaux jnii, jit ciuw qaux quew. Bre quew ee a'sangw ciyr gi gi.

“Ueer. E lar, e dngw kir jiac. Quiw diamw? Qycc cunx nng xui narnia, liammix liauw ar.”

Qniwnarr kacc nguar iaxx bue qaur cur, qeau dy’ e kar laii mng.

Laur hxuer, ciax-dingw siongrr buew jit qnia sraiw cer lat hor kiw qingqah, qniaa qaur mngkauw qaux hro huewjuw, veh diamw quer, dnaxjai ee sittauu suah. Singx uad kir qamxaxdiamr qnrua nng quanr iyhjiuw. Kiw jaw bongx amr, sintew air beh iongw, diyhh kyr jitt bi :ee snuaw tnia.

“Qyqyx iyjien ee diamxsimhuir jitt guehzit ee iauxx bue lap. A’buw ee vyxhiamxhuir, didnuax qinaxzit qiar .laii ar. Ginhangg hortauu qnaxx kutgiac ee kuanw. Gas qongsix ejaiw u kar denrue laii cuityw.”

Vng naxx vex, qeau dirr vongvenx siaur diauu aw qongw.

“Memex au .zit snezit. Hitt amr liw erdangr kacc jaw dngw .laii bor? Qenngrqyx guaw u juwbunn ar. Liw harvanx sunrsuar kir tec.”

Boxsnuax qaudair :ee, dagg hxang singx qra rinr hyw dyrr si.

Langkectniax ang’axmngc qui’ tokax snuawia-i. Ang’axmngc ee nng xee juxzinqax dirr vangqingx kunwjni-j. Jit dingw bincngg hunx dingxe janr, hniamue-aw jit langg kunr jit janr. Jaixsii cutmngg inx iaxx kunr qaxx hnuahnuax qiyr, ehng’amr nguar zibmngg, qui’ qangx longxx byy qapp ginxaw qongw diyc ue. Qra inx qokk langg ee cuiwpuew jimx .jit .xe. Bincngg-dingw :ee ciccih kunr, byy-junw.-byy-bun.

Jiac vaw, sinkux sew cingkir, qutjinghuew u decc dyc. Kanx:ee u srinx, berdangr sionghyw jamxzenn aw utbun. Dua do bow lamw lecc kunr, qusiyx marr hyw.

4.

Denrbuw jiacc siukax, luiqongx knihknic qiyr, kax jriab kax uihongx limxlimw qniakaqaur. U .hiacc .quw .aw, horjuiw cer cer laii decc huah ox huah vec. Huerdngg henrsii jing jiaucjiauh. Luii cer qapp sicnar bersux decc vaisenx. Beh knuar dua cud :ee rair siyw tingwhau.

Vinvinjewjer, juewhue qangxx cingx cutsik jin’ hranw did u. Dingw xe decc sionggi buxkir diyhh lauu iacc hruir ee sijun jiacc u jitt kuanw dniubin. Huewtauu iacc lamluw juann vutlun, dairsingx vywmiaa jre taujingg, sui’ xee ranr jit xee xui hunhuad jit xee ixziogdiam, jiauww dingxde dyrr be dingdnaa, liac dua gro.

“Radar dingw:a knuar qaxx id-cringx-zi-bingg, derqiulangg jit vo jit vo dngdecc vig uaw. Beh jinr beh trer, qimdnuawzit qnaxx rair u jit xee girquad .cud .laii. Beh byy, aursii dairjir sehbuexlee, qniaqnir e dua qaxx be siusnuax.”

“Ciuxtauu byy viziw, beh jinr beh ing sniaw vorsor? Derqiurlangg sniaw kuanw ngiursniur, lanw knuar quer quer, jaix qaxx lagqik. Inx itdanr huatqenr u lanw, jairjunw kiw ciuw dyrr beh taii. Hrongg sinqiw ee qesix jaw jaw hro lanw vniax zip kir vunwsywduix. Qaur sii qaur jun, qamxx jindniux tangx itjin hongwha, jairr inx liyy, jairr inx quah?”

“Lanw suaw laii lairsnuax bih .kiw .laii. Inx duw lanw be diyc dyrr tywdongr ar maar. Qamxx m si anne?”

“Inx laii qiawsnix, lanw lekag diyhh niu hro inx kiarcur! Jitt diauu jingliw anxjnuaw lun kiw, sidjai hro lanw sniu m crunx.”

“Lanw laii qapp inx jicjiab knuar, qamxx m hyw? Qyckacc anxjnuaw qongw, jiongwsingx longxx u siurr qiuwdo ee jenenn.”

“Tacc diyhh cab qaxx inx derqiulangg hiacc je? Jurjokget :ee byy iyc rix lar.”

“Dy' driyc m! Inx jit liap cniqiuu dagg hxang u hen dy’ jin’ hyw kiarkiw, kaiing byy jamrjard, iarr m jaix diyhh liamxsig, ginxaw ping gauu snix. Uirr beh cniuxtec juguann jiacc laii siy’ jnex, siy’ taii. Qycc berhiauw jaix siycliyc, juiw uewor, too u dok, lenrr suh ee kongkir dy’ lacsab lixlyy. Hitt ziah hro inx uer byy qraur, jitmaw suacc beh laii lanw jiax uewor laii draur.”

“Jitt xui siauwlenhniax vycqnaxx m jai’ngiaw. Vnuar sewqiw jingg, lanw ee cniuqiuu uana jitt dingxhy ee kuanw, byy dua cadiamw.”

Luii qapp luivenx jaw diyrr suacqangx. Horjuiw iarr jiamrjiam qiukax, jinw dna' hoaxciux bangbangx. Huerdngg iguann qinrqong qunw. Byy sxingx, byy dnuar, iarr byy snahuex qnaiwcah. Sui’ xee jit qxur qongw, jitt cud hxir jin’ u tangx vnuax.

5.

M si nii, m sii jeh, siyxdi-aw acbuew qaur sinx tnide, v.-ving’anx-s., s.-sunrsu-s., qui’ qehuew-aw laii sirduarlangg cur nirr kingwjiog tuanngiii. Qxex, ah, hii, bah, qui’ dyh hrongx-krongr-low vran qaxx cnecaux liuliux, dua vun lrauu, ser vun dni. Qang jit xee dyjiw, vnivnii hiaxee jywliau, vnuaa jit xee cniqiuu quer, kiwbi qapp jiongjenn byy dua juac.

“A’buw, ix tangx druar zuarr quw?” Jaboxqniaw cuir mng, bagbuew sud hiongr jauwkax.

“Juxjiac qiamx jyr knuaqinw, kewiog qapp ix ciamx nng dxangx.” Laurbuw ser aw sniax.

“Qimuaw lehh?”

“Jiacqycc venrknuar. Qycc quer .jit .jam .aw, guaw e singx qapp ix cuir iog, knuar si beh endngg jit nii iacc vnuar dxangx.”

“Marr diyhh knuar langg’ druar e diauu, druar e lyhsiyc .be.” Qniaxsair capcuiwcingw.

“Dnaxx liw si bad iacc m bad? U tangx kanx snaaxqix duer lanw laii sngr ix jyrhuar si ne! Beh ibinn laii jiax diyhh quer tiyy quer driuu, m si cinwcaiw langg longxx erdangr quer .laii.” Dua hanr jaboxqniaw hiongr inx angx vingw vec bak.

“Ix ee liaurliw qacc jiac liauw si cuir, iarr qnaxx diyhh qapp ix siogciamx kacc dingrdongr.” Dua hanr simvu gauu hangjingg, qongxue kacc uixkiog. “Dongde cniar jin' quiwkiangw. Kanqau’aw holiuu-hopiur, be sinwiong .did, cue .laii .ee e-be cax jin’ je. Qamxx m si qongxx lorhuir marr diyhh lanw cud?”

Jiac vng vaw, sui’ langg jit vxuex qavix iacc dnidee. Laurve qaqi kir tinn jit vxuex qunxjuiw, cringx huec’iuu :ee diyhh jiauww kixqangx tunx. Iyvniaw, iyhpnir, qapp iyh’uann juer jit cuir qok .lyc.

“A’vah, diyhh kircuir jiac kacc jniaw lehh. Vnerngi sised iaxx bue buanxdiamw, sensnix qaxnaxx marr kutgiac.” Dua hanr haursnex qra krngr.

“Anx lar. Guaw u jiaxee iyhbi dyrr tywdongr ar. Ciuxtauu :ee jiac liauw, guaw e qiyr inx an’ derqiuu qra iyc-aw qiar .laii.”

Vngrdngr suah, vakdow dur dur, pongrhongx vaxdniur jre be diauu, siyxdi-aw qongw beh dirr jairqin laux laux lehh kacc kuair siauhuar. Jyr laurbuw :ee sui’ qra janwsingg.

“Jiax kongkir jingwqingx u kacc cingkir. Ingg kaqud bongxx qniaa, u hyw byy baiw. Oxbah rair tac jiacc cud .kir dyrr urngiaw.”

Cuwlairgua undo cimxsit u cax, kauxbin qex jiokk lianglingw. Qaijair u tniax laurbuw ee cuir qex cing jit niaw snxax.

Qniaa kahuex, siwqer kokac. Ganw-jingg zinqex qeww qodewcur. Dywciuxvingg hitt qingx mngdniaa decc jy huesnuax. Jniawciuxvingg hitt kauxqex, mngdniaa ee huecauw vingww jiokk duarjangg, qnaxx si ijurbinn vniar tauu kxamw :ee. Qycc iarr u duw diyc qimzit jiacc qauwui ee qinrlinn, kiarr Mars binrdingw siongrr sinenx ee jurbinn.

Siaur qelorjiyc siwqer unn knuax knaux aw song, beh qaur jinrbuew, huatqenr tauqaur u jit kud lenhuedii. Jit xui taujangx dngg liangwsiangr, cingrcah txanr si’ngiu ee siyxjiaw jre dirr juixdii-vnix decc kiyh uahqingw. Uaw kir beh himsiongw. Siyxjiaxlangg jin’ duarvan, dairsingx denw ciywiongg viauxsi senrir.

“Guaw yc qenwdiok :ee. Sinx loghngg sinx sewqair, tranr jitt xee siqix laii jiax dng’ hyw denw kaciuw.”

Dunwciuw sna’ jiycmng, javolangg sun uerbuew qongw ix yc toxbok. Siyxjiaw niar bak, tauu qniwbin dyrr dramm kiw qaqi ee mnghongx, vuerqingw. Itliusuiw, u-jam-u-jad.

“Guanw laurve kuix hangkauw juer ngiukeh. Guanw lairqongx ixjaw si canqiauaw. Guanw guarqongx siauwlenn ee sii decc jyr giruann, buew .laii qycc bad zip kir qnuahuw jyr dua qnruax.”

Siyxjiaxlangg qaqi qongw qaxx hyw-bi-hyw-sor. Tniax :ee hnirkangx qiongrqiong beh singlingw be hur. Sring jitt xee langwpang, javolangg qra uertauu kanx kir qaur derqiuu, quanrr nng langg ee qowhiongx.

“Tenjaix dervenr samvutzirsii. Cingwjiw iuqycc luan luan vuex. Dyx, vxingx, juiw, huew, qiab, byy qaxx jit hxang byy. Hitt hy kuanw dertow knuar si beh anxjnuaw anqux?” Javolangg hnair tauu trow duarkuir.

“Langg narr baiw simdenn, beh amx beh tamx, junw hokde iacc tendikhngx marr pnaiw kiarkiw.” Siyxjiaxlangg qongw, ciywsinn juer jit xe byy .kir. “Lanw dirr derqiuu sngr siongrdingxsiong :ee. Ibinn kiokk si jurguan. Tak byy qraur quann iacc dew vunw :ee, gun’axtauu jongw kaix marr byy huatdo laii. Byy hiaxee gutauu-liogjud, byy-qauw.-byy-huar :ee, pnaiw jxingw be tnuar, hyw jxingw suar lecc tngg, qongw jiax si zinsewqanx ee tentongg marr be quewqongr.”

Mirsnuawue suah, siyxjiaxlangg iuqycjaiww ciywbin siy’ knuar. Javolangg tniax qaxx juu .kir, bang decc kixjy, simqnuax u decc dinxdang.

6.

Ci-lai ee dua qingx vnerngi, qiuwhorciax zxic-sir diamxjingx cud cud zip zip, beh kir iacc beh dngw longxx qnuaw qinw qinw. Duiwbin hunqiok ee qingxcatciax iarr laii laii kir kir, jit qangx ongxhok quixnarr jua. Tautec, qiongqongr, cniuxvag :ee, pacqiab :ee, cadjingg-zinbing, voriac qapp voxkuair duarsiwqongqer kir liac jauxhuan. Ngorngix ngorngix qapp ngixngor ngixngor sna’ tuir, urdangjun aw sna’-ding.-sna'-tac. Uahlangg qiongrbeh hro hex sniax caw .siw. Druar taiwvingqingx :ee qiongrbeh ho’ngg caw jingsinn.

Sewqanx jabjingw langg, byy hunx hyxgiahsanr, e cuanxkuir :ee dyrr e puawvne. Bylun juer hongx juer juiw iacc cud dua zidhow, sensnix narr u knuawvne, vnerngi mngdauw vutqisii dy’ jin’ qa’iac. U jongqauqair :ee uanxkuanr langg diyhh sinr qxaur tangx did qaixqiur, qongxx si tniderbuew ar. U qetsia :ee moh jit kax sniux-aw, qniaa dangx kir saix, siwqer beh air langg quanenn qiuwingr pnuawsniur iacc byy buw byy ve :ee. Marr u decc vunx qongxqywdnuax :ee, jerje longxx ginxaxqangx.

bagqangx jiyhqangx toqangx

dnaqangx kunxqangx unrqangx

snax nii jit vaiw ciamx

benw snax vyw lak zin

kaciuw tranr qinw

laii kir huexcnix tanr kacc qinw

En’ lo qniaa, en’ lo tec, lilixkokkog :ee juer jit xe danr zip kir vunwsywsniux, doddok jit dniux beh iongcniar cojyh :ee qinxciuw auw auw lehh dre zip kir iyde.

Vnerlangg rair iongxjing. Mngkakauw huantenx-hokde byy langg hxuad, vnerngi lairdiongx iarr be cinghiux, ex ex keh keh. Hangrlo ho’ngg junw limsii vnervangg. Uree draur sangwsor, uree diaur duardangg. Dyw dirr vnercngg-dingw :ee tauu iux bin pacziauu, qankow iarr byy jaidiau qongw.

“Rair qra cing hro siyx, banrban m tangx hro qnuaa .diyc. Marr m hyw cing sniu’ siyx, qniax e lrauu qnua utzuac.”

Singx kir cingsiaur vran tewngi, siogho, laii qaur cutsir ngix-aw ee vnervangg, horlixlangg sui’ hxang aw dinglingg.

Ginxaw ee laurve qra jah .laii ee iangrqunx tenw .kuix. Horlixlangg kaciuw dauwsiongvangx, qycc qenwgenn ngix :a diyhh per dirr laurve hxingx-jingg kacc jiamwunw.

“Ix tauu iaxx bue gnirjnia, ngai dirr kajiacpniax e lornichnir.”

Jit ciuw tnaw, jit ciuw qnrua. Hyw did qewdingciax u ven, danw beh jair an’ venrngi cud .laii .ee vaii qui’ let. Mngkauw kia, ciuw et .jit .xe sui’ laii. Kacc benw vnuar diamxjingx, veaxqniaw dngw laii qaur cur taujingg.

“Itdit longxx dirr vyxunsniux, qongxx qinaxzit beh py .dngw .laii.”

“Laurbuw lehh?”

“Hyxser hyxser. Dingw zit aw dyrr dngw laii decc jyr guehlai ar.”

“Qajair or. Jitt dxauw beh narr vniawhueh vniar byy quer, qnaxx dyrr sir pnir siurvanw cuandanw.”

“Dnaxx liw marr haur a. Henrdai ihak hiacnirr huatdenw. Iarr m si qoxjaxlangg, qongxx snex jit xee qniaw, jit diauu mia dyrr laii qausiaux.”

“Si qongxx inx marr decc air giaa qee. Cur nirr iarr m si decc u, snex snex hiacc je jiacc laii decc pnix taucuir, kaix byy dinx. Urngiaw beh lik siw duarlangg ginxaw.”

“Liw lauu nng ped ciux quanw langg’ bin hoo nawsnar. Je qniaw je hokkir. Langg’ inx snex laii beh siyh :ee suacc bersaih?”

“Jit cutsir dyrr druar ngi, kaksit jin’ u hokkir.”

Cuwvnix obasang dirr lautuitauu genn-snax-giw-sir, knuar diyc javolangg py ginxaxngix qnaa qnaa laii, qokk langg jin’ jaix tauu dang suisii diam .kir.

“Ngix-aw lehh?”

“Inx laurbuw dirr vangqingx decc qra iylingx.”

“Iiyhjnii longxqiong zuarr je?”

“U vyxhiamw. Liw benw cauhuann lar.”

Taumngg vec cangcangx ee laurbuw qapp haursnex jit qxur mng jit qxur rinr longxx jiokk danqanw. Lau :ee qongw beh kir jauwkax cuann juw daur. Duxx qaur cur :ee denrue naxx kar naxx qniaa duiww jngvnii .kir.

“Liw u snax-bxan .byy? Jiyh guaw quewliauu lehh. Guanw javox lau :ee decc sew iyjiw. Snax xee ginxaw qabqap qiyr, bagjiux vreh qimx, vo vo longxx diyhh jnii. Cur nirr jin kyr guaw jit xee. Qongsix suacc huah dyw dyrr dyw. Tauqex jnii kuanw lecc jauw, iarr byy decc cab liw qowqangx bixangr langrlauu.”

Hranw did qra langg’ kuix cuir vaixjnii. Vutcig, hitt vingg tauu iarr decc huah hacdah, lapkap. Denrue qongw suah, simjingg dyww dimdang.

Jit dniux qongxqywjuaw an’ iyde qra cniaw .cud .laii. Denrue beh kar iacc m kar? Jitt vo qamxx si uahlo? Simqnuax be dikdnia, javolangg bagtauu kiycqingw.

7.

“Bagjiux jairjuiw be knuar dingdnaa. Suhniax virr jitt xee soxx hai, be m driyc.”

“Jit diauu sniwmia henrvutdnaw beh hiux .kir. Pacqiur qamxx u qingw simqnuax suiw-baiw iacc hyw-pnaiw?”

“Derqiulangg jairlaii dy’ bongrunx-vuergi, qiyy quer quaiw dyrr vangr. Sujew hitt jun jidsii nngxsimx. Lanw narr byy qingxgno, byy dihongg, ix ee hisingx m suacc kangx kangx liauw :ee?”

“Qenr siw byy pacqiur iacc qoqing, sidjai dyrr m quewsimx.”

“Qiur tangg gniaux gniaux syy, qiur langg byy qonglyy. Qiamxcaiw ix ee giap duw tnix, juerog quanwbuanw. Mia cuxsii narr qaix juat, sinsenx laii iarr byy-qong.-byy-hau.”

“Bagjiux qimx qimx giaa byy-su-vaii, inqyw ee siauwpo, jitt diauu e anxjnuaw qir? Qamxx u tangx hro lanw tuatsinli?”

Taukag jit liap, lairdew suacc u nng jiongw sniax decc siy’ jnewue, decc ciavnuavingw.

“Jurjog jurdamdngx. Tniar puebah kacc ngiaa tniar simqnuax.”

Lunrven cexvaiw. Uat linr dngw, su’ngiaa vingww u caiduat.

8.

“Qamxliam snewmia siurr qaixqiur, siauwlenn qangdingsux sriu inxtau, duardimm siurr qamxhuar, qensimx-quat’ir beh qapp jairderlangg snaqab siuhing. Siogzirho, jiac, cing, ing, sing’uac kiarkiw, tauwdew beh dua qaixuii. Qiwjiaw kir qra caixhongw. Ix qig diam diam byy inwdab, dandanx qaudair jit qxur qongxx ix ee enhun beh dirr jiax uanbuanw.”

Sinbunn decc vyr. Jiac amr vaw, cur-lai ang’axbow dirr langkectniax jywhuew decc knuar.

“Taukag pnaiw .kir. Jit jua lo jauw laii Mars kithuar decc qa'ngg vunx." Angx qongw.

“Qnaxx si hro hiaxee huexcnilangg quaixlong .kir.” Bow jiapsiok.

“Iahdniuu iarr m jaix decc syy sniaw? Dyrr u quatding beh qiyr inx suaw kir lairsnuadaudew, iarr m kacc si lehh.” Angx qongw qaxx u singwde.

“Si dy' driyc m.” Bow qra janwsingg. “Inx hex sinkudingw byy dniardiyc u sniaw bikunw e uer .langg. Guaw vaiw vaiw sniu .diyc, jiac kunr dy’ be an’unw.”

Sinbunn jiacc vyr suah, haursnex tewkunn dngw .laii. Laurbuw beh kir huanhur qazinn qra qnedngr yx hro siyx. Haursnex qra dongr, qongxx ervox nguar jiac, jinw iauxx bue iaux.

“Liw qaxnaxx jiokk quw byy iog Sensenx cud .kir, hiyckunwzit iarr byy jiyx ix laii lanw daux cittyy.” Laurve qongw.

“Guanw cew ar.” Qniaw danqanw inwdab.

“Dangsii cew :ee? Si anxjnuaw beh cew? Si liw beh cew iacc ix beh cew?” Laurbuw liwler qiyr, bunrdee naxx lenpaur.

“Didvutdit dyrr cew ar.”

“Sensenx inx daux hyw qedangr qycc hyw qehongx. Linw a’buw ad-liau.-ad-pig jiacc beh cue muelangg kir jyr cinjniaa.” Laurve bagjiupuee liapsiab, quwdiau jamxzenn aw giamsiok.

“Sniwmia dew dew, hyvitkow byy su tyw su qex giaa qee.” Haursnex qongxue byy-sinn-byy-caiw.

“Sudongsii guaw qapp linw buw :a qee qamguan giaa, liw mrjiacc u tangx laii cutsir.”

“Narr qandna’ laii decc jiac, uer, danw lau, joksinr juer tausneaw kacc byy hiacc je cauhuann.” Qongw :ee qyckacc byy-liau.-byy-siaur.

“Liw qinaxzit si anxjnuaw? Qongw diyc ue siw genrgen, bibuat aw siauwlenn kiwkair dy’ byy.” Laurve crinr tauu crinr bin.

“Qamxx si zit .sii kangkuewdniuu byy sunrsi?”

Laurbuw hyxlew aw mng. Haursnex hnair tauu, suar qongw u anwsngr beh lirzim.

“Jaboxginxaw byy air dic, sittauu iarr suar byy air jyh. Liw si dyc’ui decc byy duxhyw?” Laurve sniatauu jiokk puu, bin-aw cnix sunxsunw.

“Qamxx si sintew dyc'ui u jauxjuac byy songxkuair?” Laurbuw mng qinw qinw.

Haursnex qycjaiww hnair tauu, qongw ix sniu beh kir snuakangx pitlehpang jerqimr, jingrsimx.

“Liw beh cutqex?” Laurbuw bin liksig.

“Jit xee simx byy sii dikdnia, h.-hihuanr-h., juer huesniu be jniurqeh. Suhu qnaxx dy’ m qnaw qra lanw tiwdo.” Qniaw diddab.

“Hro liw tak qaxx jiacc quann, quibuew suacc beh kir qa’ngg qiywhuar. Liw qaqi crunx ciuw bongx simqnuax, knuar anne qamxx qaudair e quer?” Laurve qongw qaxx cnex tauu crinr bin kuir ciongx tnix.

“Cuarbow, cri qniaw, vniar surgiap. Langg uac lehh u jiacc je qanlann. Bingqii jaix qycc qa’ngg snix cutsir laii siurkow, jex mrjiacc si dua juerquar.”

“Liw beh ngua taulo, jueww liw. Beh crua m crua iarr jairr liw. Guaw qapp linw laurbuw koxsimx qra liw jaivuee, tauwdew byy decc ngr liw hauwiongw. Langg snix lanw, lanw snix langg. Byy zinrhun :ee be dngmngg lar.”

Laurve qawsi qniaw. Haursnex jitt vaiw byy inwcuir. Mars ee miia, ehngx-amwsii siongrqaiww dngg.

9.

Snax qnxix mii vnuar, qangliauu ee cngpox kangx jidvnuar. Dangqixbauxhongx lingw sngsngx. Sindew kacc kniavyc :ee narr byy cing kacc qau lehh, jid’err siurr hongx dyrr gihgic junx.

Sangr nii, tauqelangg hro sinlyy hiyh jit xee kacc u, taubuew nng lexvair kiw kiw benw juewqangx. Derqiuu qaur huexcnix, ongxhuee siongrr byy rair sir-go-lak qangx. Air beh dngw kir qowhiongx :ee, quatding e tranr jitt jun, jiacc benw qywduarqer decc ho'ngg hiabhiamm. Vnuahuir kiamwkueh byy dngw .kir .ee, hiyckunwzit suacc viw decc jycsid kacc pnaiw dro. Sui’ langg jit quanr biwluh hyhingr limx, sanr jiuw he mia jraix. Dirr kolyhqingx, tokax muaw siwqer juanjuann kangx siyjiuxqanx-aw.

Ngwbang siyjiuw qraiw simx bun, bygii zuxx jiac zuxx utjud. Boxqniaw ee siongwpnir jinn liauw jinn, bagsaiw amwjni damm bagqnii.

“Liw hen dy’ jiacc siauwliam, jit dniux siongwpnir hro liw dagg qangx ciok qaxx qiongrbeh qoo .kir. Jitt vaiw quewnii tacc byy dngw kir qapp inx tuanngii?” Iuwkiw :ee jin’ hnowhenn.

“Qiuknii-vecvnir dyrr decc tanr be hur kiam a. Jit jua huiwing ciuxbin hiacc dua, iarr suacc e kamx .did?” Naxx ingwdab, naxx qra siongwpnir dre zip kir amwdeaw.

“Ginxaw decc dua jiokk qinw. Tingwhau snax nii iacc go dxangx quer jiacc dngw .kir, qauwsiqaur, liw qnaxx jit xee dy’ be zin .did.” Quanxqangx tauqyx :a qra diamxcniw.

“Qarqinx viwlat qycc qux .nng .nii, horsinx tuanngii jiacc tangx q.-quxdngg-d.” U bow u qniaw :ee u decc pacdad.

“Guaw jit xee qoqniaw jyx sixjingr, taubuew jiacc snax dxangx, cur nirr qehuew kaix cing'oo. Ix jid’err byy .kir, inx laurbuw suar duer langg’ jauw. Dngguancox lanw qapp langg’ puewcinx juer angbow, qamxx byy sniu beh q.-quxdngg-d., jit siwlangg tauwlauu? Tniqongx qacc beh congwdi langg, lanw qyckacc gauu qiksngr marr byy hxuad ix.” Tauqyx :a trow duarkuir.

“Iaxx si liw siongrr cinghann jurjai. Byy cuwlairlangg rair quawlui.” Qiwquar boxqniaw :ee dngw uerquanx.

“Marr byngiaw zuarr jurjai lar.” Iuwkiw :ee jit xee qoxaxbin gairgiyc gairgiyc. “Langjaii, jnijaii, kauxjaii, byy qaxx jit hxang u, qxuiw beh qer .lanw?”

“Enhun iauxx bue qaur lar. Diamr jiax qankow .quiw .nii .aw, doxqnua tanr vaxjat vaxvnix, benw qniax hro jabow sraiw ngiwbuew.”

“Jex urngiaw. Dongqimx jnii juer langg. Jnicar dua vah, sraiw qxuiw dy’ e qniaa.”

Huninx lordoo nng xui senvuer jitt vaiw hauw qang sniax. Siyjiuw qycc qxanx, jit cuir hro dax. U bow byy bow :ee longxx byy bunrdee.

10.

An’ qidniuu laii ee kec’un naxx syy-qux, jit jua liauu liauu aw si, iong qorr jauw :ee huanrser iaxx kacc qinw. Ham’ siongrdingxguec siysiang, jitt vrangx iuqycc muaxkeh. Ciax-dingw druu kiw unrjuanxciuw qapp dnaxjac :ee, qui’ ciax jiauu byy ve, byy buw, byy a'maw, iarr byy a'ii ee qozii.

Ciamngg kuix .kuix, ginxaxlangg sui’ xee aw sui’ xee lyc ciax. Jiauww huewsniax, kacc jiyw huer :ee vaii taujingg, nihuer siongrr je :ee acbuew.

“Bincngg qokk langg jit dingw. Kiarduu nng xee ngaqab ing.”

Siaur diauu aw qongw, knuawqor :ee sniax kinx, ue ziuu, qaudair uanvid, suar inxcua inx jit din kir sui’ langg ee kunwvangg.

“Dirr qangde surqor vuthing laii quewongw hitt xui, ix ee qinaxzii qinaxzit qauwui.” Juxsu vywdix iongxsingdngg ee hnuartauu :ee.

“Qamxx si jit duir hniamue-aw?” Hnuartauu :ee mng.

“Driyc.”

“Jin’ byy siaxsir. Laurve dirr guarde cud iwgua. Jit vaiw huew qalauc, cur nirr ee a’qongx, a’maw, qapp a’buw suacc hro huew uac uac vuu .siw.”

“Inx daux, liw vutsiongg u liauxqaiw.”

“Kacc jaw dirr kangkuewdniuu samvutjniar e kaiqangw. Inx cuwlairlangg ee siongwpnir marr bad tec hro guanw knuar.”

Vnuar daur, huextauu kar jxingx-aw. Jit din ginxaw jiauww quiqiw vailet tnrix vng. Sui’ langg dirr siddngg ee ixaxui jre dnia, knuawqor :ee daiwniaw jingwlangg huad cuiwkauxguan.

“Qamxsia tnide sniuxsur niusit. Qamxliam sewqanx iuxjingg jiongwsingx. Qiuguan zinser ee ginxaw be qycc iaugy srid vngrdngr. Ngwbang jenwluan qapp qihngx dirr jitt xee sewqair bedjin, byy hrunn byy ngiaw.”

Kiw di, jit cuir jit cuir dauc dauc aw vro, unn unn aw tunx. Hunrjinggiac jiac hro cingkir, byy jectuah gnoxqog. Jitt sii jitt diap dirr siddngg :ee beh u hokvyr.