cionghunx huathuix ee amwiwsig -8
Jung (Bunchhai huan'ik)
DERR VEH JNIUX LAUTAH
jit kaisiw dyrr qamxqag,
lautah dirr mow hongbin qaix si hro langg singsik ee soxjai ---
buxtew juxqiongx/ buxsingr ee hingsiong;
dirr qidiongx,
guaw ersaih venwsingg quewkir,
henrjai qapp birlaii.
Tauwquer kyhak qangjog, guaw ban ~ erdangr qra jiongxjiongw huanwsiongw/ amwiwsig lueriongg kngr dirr kyxkyr ee qicow-siong, mrqyxx bunzi/ juaw iauxx byy qraur jinsit, qycc su'iaur mow quaw mic. Guaw beh uirr luersimx siongrr cimx ee sniurhuad/ soxx jiangxag ee diwsig cue .diyc, ixx jiyhtauu jaiww henwcud ee honghuad; ngua jit qxur ue, ixx jiyhtauu jyr guaw sinwgiongw viauxvec --- jex si lautah (Tower) ee iulaii, guaw dirr Bollingen uirr jurqiw kixjy ee cur.
Jit kaisiw dyrr kakding uaw kelauu kixcur. Zurich oo ee bixqingw jin' kip'inw guaw, 1902 nii dirr Bollingen brew toxde, jitt der dirr St. Meinrad derkux, guanvunw si jit der lau qauwdngg, jaxqii sriok St.Gall siudyrngi ee de.
Kaisiw, guaw byy kurtew qui'ue, qandna' sniu beh kiw guansiw ee dnuax janr cuwtec: ngihingg qetqor, cur dionghngx u jit xee huexloo, sir pnir viah jngzip jit der dua cavanw. Guaw siongxsiong Huijiulangg ee cur, iong quiw der jiyhtauu uijyr huexduix he dirr cur-dionghngx. Juanqex uii jitt xee diongsimdiamw sing'uac. Guansiw ee cur jiong' qadingg ee jingxtexsingr kurtexhuar, dirr jitt xee jingxtew-diongx, soxu qadingg cri ee siyw dongrbut marr he dirr qidiongx. Vutqyr dirr qenwdiok ee siongrr covo qaidnua, guaw qaixvenr qewue, qamxqag sniu' guansiw; qaix si nng janr lxauu, vutqaix jit janr qe/ ew, naxx pag dirr tokax ee siyw cur. 1923 nii derr id jxy ngihingg cur uansingg ar, guaw jaix si hac guaw kauxbi ee lautah cuwtec.
Guaw duiww jitt xee lautah py diyc lingjing/ sinx cutsir ee qionglet qamxjingg/ dairviauw buxsingr ee unluanw. Mrqyxx jiamrr berdangr viauxdat guaw beh qongw ee itcer, iauxx kiamr moxjiongw mic. Sir nii au, 1927 nii jingqax jit xee juxiaur qetqor, ixqibb tah-hxingg ee huwsiok qenwdiok.
Qycc quer sir dxangx, jaiww sanxsingx byy uanjingw ee qamxqag. Jitt jxy qenwdiogbut dirr guaw knaur .laii, iuguann sniu' guansiw, 1923 nii qycc kokdua tah ee huwsiok qenwdiok.. jitt jxy lautah u jit qingx si gauw dog'iong ee vangqingx. Simlai vyxiuw Inwdorlangg cur ee hxingg/ inx tongsiongg u jit xee dog'iuw ee soxjai, m quanw qandna' si jit der vowlii qeckuix ee jit qaktauu/ ersaih dirr hiax jingrsniu iacc si len Yoga. Dirr Inwdo, anne unxbih ee soxjai si berdangr kiamr :ee, suibongw kongqanx huisiongg ser.
Dagg vaiw guaw jurqiw dirr jitt xee vangqingx sii, dyrr qamxqag kinsangx. Sinkux-dingw suisii jah sryw, byy guaw ee hixkyw, si'angw marr vutjunw zip .kir. Dirr jitt qingx ee viah-dingw rue quixarr xee doo, iuxquanx guaw tiaur .cud siqanx gua, jinr zip unxqix, tiaur cud henrjai, jinr zip ingxuanw. Incuw lautah nng lxauu si hro guaw jingsinn juanjur ee soxjai.
1935 nii, simdiongx qitai u jidpenr uilii ee kangde/ jit xee ciangjai hiongr tnix qapp dairjurzenn kuix ~ ee kongqanx. Sir nii au, uii jit xee dniaa qapp qin oo-vnix ee liangdingg, jitt vorhun ham' cur ee tongxid snax-xui ittew si hunlii ee. Anne henwcud sir-xui ittew, qinglik jap-zi nii, sir xee byy qang vorhun qowsingg jitt jxy qenwdiok.
Kanciuw dirr 1955 nii quewsinx au, guaw iwhiongr huehog jurqiw vunxlaii binrmau. Iong Bollingen jitt jxy cur ee gixgenn laii qongw, dyrr si guaw tudzinn zinrbad, jiacc qe/ ew, amwbih dirr cur dionghngx ee hitt xee ser ~ vorhun si guaw jurqiw! Guaw bersaih qycc qra jurqiw amwcangr dirr “buxsingr” qapp “sinlingg” lautah vuerau ar, qang hitt nii, guaw dirr jitt xee vorhun ee dingxquann qex kiw jit qingx, dairviauw jurqiw --- gauw jurgnow zinqeh. Jaxqii si byy kyxlingg anne jyr, hex si tudhenr jurqiw; jitmaw iwbi diyc nilau sii, soxx drat qaur iwsig ee denxhenr/ viauxdat jitt jxy qenwdiok ee uanjingw. Derr id janr lautah si maxmah quewsinx nng qyxguec, 1923 nii kaiqangx. Jitt nng xee zidqii vutjiw u iwsur, in'ui lautah ham' sixjiaw iuxquanx.
HRO JIYHTAUU QONGXUE
Jit kaisiw, guaw dyrr qamxqag lautah dirr mow hongbin si erdangr ciokjin singsik ee soxjai --- buxtew ee juxqiongx/ buxsingr ee hingsiong, guaw dirr qidiongx erdangr dngw kir quewkir /binrduir henrjai qapp birlaii. Lautah hro guaw qamxqag naxx ui' jiyhtauu qycc cutsir jit vaiw/ si qywtexhuar quewdingg ee kurtew hingsiong/ jit jiongw viw cnedangg qyckacc u dongwtauu ee qiwliamrbut. Dongzenn lor, qenwjy qiqanx, jurlaii byy kyxlu diyc jiaxee dairjir/ jiauww dongsii qurtew su'iaur qra cur kiw jyr qokk jiongw vorhun/ erdangr qongw, naxx dirr bang-diongx jinghingg qycc uansingg. Aurlaii, jiacc knuar .cud soxu joxhap, ciongbuanw jingsinn uanjingxsingr ham'ir ee siongrdingx.
Dirr Billingen, guaw jinjniar dirr sing'uac-diongx, huehog vunxlaii ee jinbinrmau/ si “maxmah ee laurlangg qniaw”/ marr si lenrqimsut bingdir ee qongxhuad/ jurr sewhanr texgiam diyc “laurlangg” “qoxjaxlangg” ee zi-hy zinqeh/ e itdit junjai/ birlaiii marr qangrkuanw junjai .lyc .kir/ junjai dirr siqanx ji' gua/ kuriuw buxsingr amwiwsig ee qniaxzii. Dirr guaw ee huanwsiong-diongx, ixx Phillemon hingsid cuthen/ dirr Bollingen, qycc huehog snewmiarlat.
Qamxqag jurqiw naxx rngiuu .zip jiuuii ee hongqingw/ budtew-diongx, sing'uac dirr muixx jit jangg ciu-aw/ dirr pylong rig laii rig kir ee juixsniax-diongx/ duer huncaiw l.-laikir-k. ee dongrbut/ dirr venwngua ee suwquir-lai. Lautah muixx jit hxang mic, qinglik jap gua dxangx, singdiongw jyr jurqiw ee hingsid/ muixx hxang ham' guaw longxx u quanlenn. Jiax ee itcer vauquad guaw longxx u jurqiw ee ligsuw/ jiax si uirr jingsinn vyxliuu ee tobah/ kongqanx ee ongqog.
Denrlik byy qaur jiax, qandna' u viacloo qapp huexloo/ honghunx laii ee sii, diamw quiw pax laurdingx/ byy jurlaijuiw/ guaw jurqiw cnriu jnexjuiw, puawcaa juxvng ... jiaxee hing'uii hro langg venr qaxx sunpog. Sunpog?! Henrdairlangg si zuarr kunwlann neh!
Dirr Bollingen, lautah siwjiuuii itpenr diamrjing, lenrr siongrr ser sniax longxx tniax e cud laii, guaw ham' “dairjurzenn ee sunpog hiabhyy”, jywhuew sing'uac. Dirr jitt jiongw jinghongw-ha, susiongw e puu cud viauxbin, huedngw kir cingx-vah nii jingg, knuar e diyc iauuanw ee birlaii. Dirr jiax, congwjy ee tongkow sangling, congwjyrlat ham' iuhir venr qaxx jin' jiapqin.
1950 nii, guaw iong jit der jiyhtauu jyr liauw qiwliamrvix, laii viauxdat jitt jxy lautah duiww guaw ee iwgi, jitt der jiyhtauu ham' guaw qet'enn, iauxx u jit xee qiquair ee qowsu. Hitt sii guaw su'iaur jit quaw jingxliw huehngg uicniuu ee jiyhtauu, hiongr uaxqin Bollingen ee caixjiyhdniuu dring (dnia). Dng' jiyhsaix qra soxx su'iaur ee cunwciyh qra qangdniuu juxlangg qongw ee sii, guaw duxx dirr vnix :a. qetqyw junn sangr jiyhtauu laii, tuax qaur hnua sii, kiokk huathen uanqag iong ee jiyhtauu cunwciyh uanjuann m driyc, guanvunw si beh air snaqakhingg :ee, sangr laii :ee si siwqag :ee, duarser viw guaw dring :ee dua jit libhongx, qaurdo iokk zi-jap ingcunr. Jiyhsaix honghuew dyc, iauqiuu sui' sangr .dngw .kir.
Guaw jit knuar, sui' qongw, “jitt der guaw beh air, guaw beh air jitt der jiyhtauu!” guaw jaix jitt der jiyhtauu jin' sikhap guaw, beh jyr sniaw iauxx byy pacsngr.
Dairsingx sniu diyc jit siuw lenrqimsux Arnaldus de Villanova (?-1313), soxx siaw ee Ladingbunn ee six, guaw qra six kig dirr jitt der jiyhtauu-dingw :
jiax u jit der mohmoc kiapser ee jiyhtauu;
lun qrer sidjai cosiok!
gong :ee zuxx knuar ix byy kiw,
diwhuirjiaw zuxx tniawsiyh.
Jitt siuw six qongw :ee si lenrqimsux bang-diongx ee jiyhtauu, detzinjiyc, jurzenn virr sewqanlangg knuar kinx, byy sriu huangingg.
Jin' qinw u dairjir huatsingx/ jitt der tenzenn qetqor ee jiyhtauu jniawbin knuar diyc jit xee cniu bagjiux decc knuar guaw ee ngikox-aw. Guaw qra kig cud laii, dionghngx kig jit xee ser ser ee exlangg, duiwingr “siyw ang'aw (bagjiux ozinn-lai ee langg)” --- liw jurqiw, liw dirr vadd langg ee bagjiuzinn-lai knuar diyc jurqiw; cniurr Kabir iacc si Asklepios ee _____/ qoxdai diausiong si cing jit niaw duar by ee hongmuax, ciuw giac jit pax dingx, dongsii marr si jit xee jixinxjiaw/ kig ee sii, sniu .diyc ee quiw qxur Ladingbunn henwsuu, kig dirr binrdingw:
Siqanx si jit xee ginxaw --- cniurr ginxaw hitt nigu, sngw juaxvaii-aw, si jitt xee ginxaw ee ongqog, ix dyrr si ____, dirr uxdiu ee oamr derkux siwqer sec, dirr siongrr cimx ee soxjai cniu jit liap cnxix siamxsih huatqngx. Ix jixhiongr zidtauu ee mngg qapp huanwsiongw sewqair ee lo.
Jiaxee zri dirr guaw kig ee sii, jit zri jriab jit zri puu .cud .laii.
Jitt der jiyhtauu ee derr snax bin, si hiongr oo hitt bin, guaw hro ____ laii qongxue (u quaw si laijurr lenrqimsut bunqur):
Guaw si jit xee qozii, byy cinlangg, siwqer liulong. Guaw si jit xee langg, ham' jurqiw duiwlip, guaw si siauwlenn :ee, marr si laurhuex'aw. Guaw m jaix u verbuw, guaw cniurr hii hitt ngiu ho'ngg ui' cimjuiw hroo .kiw .laii, iacc si cniurr jit liap ui' tnix siag .lyc .laii ee vehsig jiyhtauu. Guaw dirr ciurnaa qapp quansnuax jiqanx iujauw, kiokk qycc bih .zip .kir langg siongrr cimx ee linghun. Duiww muixx jitt xee langg laii qongw, guaw si siw dnia .ee, guaw byy dirr siqanx ee lunhuee-diongx.
Juewau, Villanova hitt siuw six ee xe vingg, guaw iong Ladingbunn kig :
Uirr qiwliam cid-jap-go huer snezit, Jung jewjy jitt der jiyhtauu dirr jiax, 1950.
Jitt der jiyhtauu he hyxser au, guaw itdit knuar, jin' hnowhenn mng qaqi , si sniaw hro guaw kig ix?
Jitt der jiyhtauu cai dirr lautah ee guarbin, si druar dirr lautah langg, simtair ee viauxlo/ guarlangg byy lixqaiw ee simtair. Liw qamx jaix guaw sniu beh dirr jitt der jiyhtauu aurbin kig sniaw? si “Le Cri De Merlin ee hanxhuah!” jitt der jiyhtauu hro guaw sniu kiw Merlin ui' jitt xee sewqair siausid au, dirr ciurnaa-lai ee sing'uac jinghingg. U sii qycc erdangr tniax diyc ix ee huacqiyr, binqanx anne tuansuad, mrqyxx lanw byy hxuad lixqaiw/ qaixsueh ix soxx huachiux :ee.
Merlin dairviauw : diongsewqiw amwiwsig iwdoo congwjy jit xee ham' Parsifal duiwdingw ee zinbut. Parsifal si qidokdoo inghiongg, Merlin --- jitt xee moquiw ham' sunqed jairsikluw snex ee qniaw, si oamr hniadi. Jitt xee tuansuad dirr jap-zi sewqiw liutuann sii, iuguann be liauxqaiw hex luerjai iwhamm ee zimrhyy jendee. Ix ee qowsu jiongbuew vangr juiw lrauu, cunx “Merlin huachiux” , byy langg lixqaiw hiuqiyr sniax iwbi, ix iuguann ixx byy did diyc qiuwsiok ee hingsid uac lehh, ix ee qowsu byy qetsog, qycc siwqer liulong. Merlin ee viwbit ersaih qongw si jiar lenrqimsut liutuann .lyc .laii, iauxx si tauwquer Mercurius tuann .lyc .laii. Merlin dirr guaw ee amwiwsig simlixhak jaiww dxo cuthen, qaur dnaxx iauxx si bee! Dysowlangg qamxqag beh ham' amwiwsig bidced jywhuew sing'uac si ciaucud langg ee linglik; guaw jit crur qycc jit crur jiacc bad, jex duiww langg si zuarr lann neh!
HUANWSIONG QAPP HENRSID SIY' DUIWINGR
Lautah derr id janr decbecc uanqangx sii, guaw langg dirr Bollingen, 1923~1924 ee qnuaa .langg. E qir .did derbin iauxx byy seh, kyxlingg si cuntnix duxx beh laii, qolangg iokk jit lexvair (iacc si kacc dngg .quaw), itcer dar diyc jit jiongw qongw be cud ee diamrjing-diongx.
Jit zit honghunx(iuguann qir qaxx jin' cingcyw), guaw jre dirr viacloo jingg, hniaa siyjuiw cuann sexbin. Juiw qunw ar, deqow cud sniax cniur, cniurr jerje sniax decc cniuwquax/ iacc si jerje henn-gagkir, simrjiww qui' txuann quanxhenn qagdui soxx habjaur :ee. Henrdniuu jersniavo imgak viauxenw, guaw si dongr be diauu hitt jiongw caxnau ee, mrqyxx jitt jiongw hysniax, guaw kiokk qamxqag digvet u cuwbi, cniurr lautah-lai u jit dui, guarkauw qycc u jit dui gagtuann. Jit sii aw si jitt dui juxdyw, liamvnix si lingrgua hit dui kamr .quer .laii, naxjunxx inx horsiong janwsniax, siy' lunn duiwingr.
Guaw tniax qaxx simsinn jin' susongw, jitt xee imgaghue, jurzenn ee suanlut, jiokjiog diamw gua jxingx quw. Jex si hac tniax ee, dongsii marr vauhamm dairjurzenn soxu byy hyhaii ... byy m driyc, dairjurzenn m na byy dauwdah, iauxx si kyxpnar maudunw qapp hunwluan. Imgak marr si anne: qokk jiongw sniax, juixsniax/ hongsniax, jiacc qibiau, gengiw qongw be cringx :ee.
1924 nii dangbuew, cxunx beh laii sii, diam ~ ~ ee jit amwmee, guaw qycc si jit xee langg dirr Bollingen, tniax diyc naxx u langg decc sec lautah, kinx ~ ee kavosniax qniax cniw/ guarbin ee imgak-sniax zuxx laii zuxx qin, zenau guaw tniax diyc ciywsniax ham' qongxuersniax. Simlai sniu “si si'angw qniaa laii qniaa kir decc taux knaur sniaw? Jex itcer iongrir hyjai? En' oo-vnix jixu jit diauu kax dac cud laii ee cnihngx lo, cavutdyx byy langg qniaa quer!” jid'err sniu diyc jiax, langg qui' xee longxx cnew .kiw .laii, vreh .kiw .laii qniaa qaur txangx-vnix, packuix mngtangx --- itcer dimjing lyc laii. Byy knuar diyc zimrhyy langg, tniax byy sniax, lenrr hongx marr diamrjing aw dimarjing.
“Jex dyrr quair ar!” guaw qnaw kingxding, kavorsniax/ ciywsniax/ qongxuersniax kaksit junjai. Mrqyxx henxzenn, jixsirr bang ziiw. Qycc dngw kir bincngg dyw lyc laii, siongser sniu kyxlingg jurqiw virr penr/ inxcud anne jit xee bang ee guan'inx. Sniu lehh .. sniu lehh .., qycc knur .kir .ar, qangrkuanw ee bang sui' kaisiw:
Jaiww crur tniax diyc soxu ee sniax vauquad imgagsniax. Jitt vaiw, guaw knuar .diyc quixarr vah xee cing osnax ee langg, jin' kyxlingg si cing juxzidyc hogjongx ee longqax juxde. Inx ui' snuax-dingw qniaa .lyc .laii, cniurr juixlauu qangrngiu ui' nng vingg rig .quer .laii lautah hurqin, kax vniawmia dac, dua sniax ciyr/ cniuwquax/ ex ciuxkimm. Guaw jin' siurkir, simlai sniu “ taiww quewhun ar! Guaw vunxlaii sniu qongxx si bang, jitmaw suacc venr jinjniar :ee!”
Jitt sii guaw jingsinn, ui' cngg-dingw tiaur .lyc .laii, packuix tangmngg/ tangvanw, qetqyw huathen guehqngx naxx cingjuiw, diam ~ ~ ee xia, “jex si jnuaxngiu? Qamxx si jywquiw!”
Jin' jurzenn, guaw simlai mng, jit xee bang jiacc cutsinn/ qycc qra guaw nau cnew, jex iwbi diyc sniaw? Tongsiongg jixu qnir diyc qxuiw jiacc e anne. Jingsinn iwbi ersaih caqag jinsit. Incuw, jitt xee bang dingxii si jinsit jingqingw/ ix congwjy cnew .kiw .laii ee jongrtair. Dirr jitt jiongw ham' itvnuax bangrqingw sionghuanw ee bang, amwiwsig naxjunxx sniu beh tuandat hro jyr bang :ee ham' jinsit iuxquanx ee qionglet inwsiong/ dinghok si qaqiongg inwsiong. Jitt jiongw jinsit ee laiguann, lanw zinruii jit bin si laijurr sintew ee qamxqag, lingrgua jit bin laijurr guanhingg zinbut.
Hitt amr, itcer si jiacc jinsit (jiwjiyw guaw qamxqag anne), cavutdyx byy hxuad hunvet jitt nng jiongw jinsit, bang vunxsinx marr did be diyc sniaw qetlun. Jiaxee habjaur/ vaii dngg ~ dinrtauu, qniaa .quer ee longqax ginxaw, dauwdew siongrdingx sniaw? Guaw zinruii, inx qandna' hnowhenn, ui' cur cud laii sniu beh knuar jitt jxy lautah.
Cuxau, guaw jaiww byy qinglik quer/ bang qnir jitt jiongw luirsu ee surbut, qyckacc qir be kiw laii tniax quer luirsu ee dairjir. Quer byy zuarr quw, guaw jiacc cue diyc qaixsueh, gnoxzenn vingw diyc jap-cid sewqiw Rennward Cysat siaw ee Lucerne nidai qiwsu (Chronicle), qongw jit xee qowsu: dirr Mount Pilatus jitt xee bogdniuu (jitt xee soxjai jywquiw u miaa), tniax qongw Wotan qaur dnaxx iuguann dirr hiax jyr mohuad. Cysat vreh jitt jxy snuax ee sii, jit zit amr, u jitt dui dngg ~ ee langg, qniaa dui' ix cri ngiuu ee nng vingg vnix :a quer, naxx qniaa naxx jraur gak, jitt xee jingqingw qra ix qniax cnew --- jinghingg ham' guaw :ee gangrngiu.
Derr zi zit jaiw, ix mng ham' ix jywhuew quewmee cirngiuu :ee si jnuaxngiu jit huesu? Hitt xee cirngiuu :ee qongw: jiaxee langg itding si hiaxee “quewsinx ee donghiongx :ee”, si siurquer jiokhok ee sixjiaw/ inx ee linghunn josingg ee Wotan duarqunx/ jiaxee langg siwqer qniadac, qycc qra jurqiw henr .cud .laii.
Jex kyxlingg iwbi diyc kaksit u jit hxang su ee henrsiong, guarviauw ee kanghix/ diamrjing, tauwquer jit qrunn langg ee hingsiong voxsiongw, hro ham' lisewqox (unxsu) qnir .diyc ee huanwqag luirsu, marr si voxsiongxsingr. Mrqyxx lanw ersaih jaix jitt xee qowsu si qenwlip dirr sniaw henrsit ee qicow-siong? Jin' kyxlingg si guaw duiww dongsii ee qodok sniu' binxqamw, jiacc qingxqag jit dua dui “quewsinx ee donghiongx” qingquer guaw srinx-vnix.
Qra jitt jiongw texgiam qaixsueh si jingsinn voxsiongw vingrr byy hro guaw buanxir, qongw jex vutqyr si jit jiongw huanwqag qycc cniurr birjingwbingg ee qaxsed. Guaw qamxqag jitt jiongw jinghingg kyxlingg si jinsit :ee, digvet si gauw byiwdiongx knuar diyc jap-cid sewqiw ee qiwjair.
Jex kyxlingg si dongsisingr ee henrsiong, jiongxjiongw diaurtauu/ huanwsiong ham' guarjai ee jinsidbin kuriuw moxjiongw duiwingwsingr, si ciangjai u ee dairjir. Cniurr guaw soxx huathen :ee, ham' guaw ee texgiam luirsu ee jinsit kaksit junjai. Dirr diongsewqiw jitt lui siauwlenlangg ee jibhue bad huatsingx .quer, inx cniaw vxingx, tongsiongg dirr cuntnix sii jurjip, ui' Suirsu diongvo hingqunx qaur Locarno, dirr Minusio ee Casadi Ferro huerhap, jywhuew qewsiok hingqunx qaur Milan. Inx dirr Italy jyr vxingx, uirr guarqog ee ongsig quiwjok siy' jenr. Guaw ee huanwsiong jin' kyxlingg si anne ee diauwjip/ dingrqii dagg dxangx cunquir denxkuix, hiaxee siauwlenn :ee hnuahiw cniuwquax tiauwbuw, qywvet qowhiongx.
GUAW RAIR HUEDAB MIARUN TECUD EE BUNRDEE
1923 nii, gunw dirr Bollingen kiw cur, duarhanr jaboxqniaw laii knuar qide sii, dua sniax huachiux “liw jnuaxngiu qra cur kiw dirr jiax? Jiax siwqer longxx sixtew ar!” guaw jin' jurzenn qongw “nacc u jitt jiongw dai!” sir nii au, kiw huwsiok qenwdiogbut sii, gunw kaksit ow diyc jit ku qoloqud, draii dirr derha cid ingciyh ee soxjai, cuixdoxqud u jit liap qursid dngg cingr ee cingwjiw, jin' binghenw, jitt ku sitew si nua ar, jiacc draii zip too , si 1799 nii, Austria hongjar dongsii Huatqog qongqig Grynau qiyy sii, lag .zip .kir Linth hyy, rimx .siw ee quiw jap xee Huatqog survingx ji' id, aurlaii virr ciongx qaur Upper Lake ee hnua-siong. Bong ow hyw au, guaw uirr jitt ku qoloo hib sxiong, siaw lyc huathen ee zidqii --- 1927 nii veh-guec zi-jap-zi. Siongwpnir qaur dnaxx iauxx vyxjunn dirr lautah-lai.
Guaw dirr hiax qixhingg jit vaiw anjongr gisid, dirr ix ee bong-siong, duiww tnix vrong snax cingr, kia jit der bongrjiyc, dingxbin u kig zri. Jaboxqniaw qamxqag .diyc ix ee sinhunn/ ix jitt hongbin laijurr guarmaw ee uituann.
1955~1956 nirr ee dangtnix, guaw qra laurve ... dingw josingx ee miazi, kig dirr snax der jiyhvanw, cai dirr lautah ee dniaa nirr, dirr tenvongg-dingw rue liauw laijurr jurqiw/ kanciuw/ qniaxsair ee huijiongx. Gunw qajok guanvunw ee huezi si hongrhongg/ henxzenn ham' siauwlenn, cingcunx, dyr siauwlenn iuxquanx. A'qongx qra qajok huijiongx jyr dua venwdong, dairkair si huanxduir inx vaxvah ee simliw, a'qongx vunxlangg si jin' zedsimx ee qiongrjewhue huerguann (Freemason), qycc si Suirsu hunhue ee lingxdyxzinn. Jex ham' ix qaixvenr huijiongx ee iwhamm u jin' dua ee quanhe (qongw jitt hxang su, vingrr byy sniaw iongrir, jixsirr guaw ee susiongw/ sing'uac ee ligsuw jit siyw jred).
Uirr vyxliuu a'qongx soxx jyr ee venwqingx, guaw ee huijiongx byy qycc iong quanlaii ee hongrhongg huijiongx, cuxdai ee si itpenr qimngsig ee kangde, jniawvingg dingxbin u nasig sibzi, dywvingg erbin si jit qnrua nraa putyy, dionghngx si jit xee qimcnex ee naduar. Anne ee huijiongx siongrdingx qiongrjewhue (Masonic) iacc si muiquir sibzirhue (Rosicrucian). Sibzirqer/ muiquir dairviauw muiquir sibzirhue ee duiwlibbut (“sibzirqer duiww muiquir”), marr si qidokqaur/ jiuw sinn (Dionysius), jitt nng jiongw singhun qangrkuanw, sibzirqer/ putyy si tenqog/ dergak ee siongrdingx, lenqed jok'iong ee siongrdingx si qimcnex --- detzinn ee qimx.
Muiquir sibzirhue laijurr amwbat pair (Hermetic) dethak iacc si lenrqimsut. Congwlibjiaw ji' id si Michael Maier (1568-1622), jit xee u miaa ee lenrqimsux, ham' Gerardus Dorneus (jap-lak sewqiw buew) si qang sidai :ee, kacc siauwlenn, miasniax byy dua, mrqycc kacc diongriaur, ix ee lunrbunn qiwjair dirr 1602 nii “lenrqimsut dairjuann (Theatrum Chemicum)” ee derr id qngw. Jitt nng xee longxx druar dirr Frankfurt (dongsii lenrqimsut diongsimx). Iongxiuw Rudolph II ee qiongdingg isux qapp Count Palatine siangdingg sinhun, Maier dirr dongde sngr si u miaa :ee. Hitt sii, isux qiamx huatqnuax ee Carl Jung poksu (?-1645) druar dirr hurqin ee Mainz, druu jiax ixgua, longxx m jaix ar, qapow dirr taiwjow Sigmund Jung ee ciuw-lai, ix sing'uac dirr jap-veh sewqiw, druar dirr Moguntinus (jitmaw ee Mainz), Mainz-ci dongwanr dirr Spain ong'ui qewsingg jenwjingx (War of The Spainish Succession) sii, virr siyx driau. Lanw erdangr duardnaw qaxsed, jitt xui hagsig cimx ee C.Jung poksu duiww jitt nng xui lenrqimsux ee duwjog vutjiw sigsai, guan'inx si dongsii ee iyhbudhak (Pharmacology) sriu Paracelsus ee ingxhiongw jin' cimx. Dorneus dit qongw, si Paracelsus sinwdoo, bad jiamduir ix ee lunrbunn “dnghuewsiu” siaw jit vunw jin' qau ee pinglunrjip. Ham' qitnax lenrqimsux sna' vixqaur, ix duiww qywtexhuar ee quewdingg dramm qyckacc je. Guaw dairvorhun ee qangjog longxx si duiwlibbut ee genxqiur, digvet si duiwdingxbut dirr lenrqimsut ee siongrdiongx iwgi, jex itcer itding e inxkiw guaw ee hingwtauu.
Dng' guaw dirr hitt quiw der jiyhvanw kig zri sii, iwsig diyc guaw miardiongx juwdnia beh ham' guaw ee joxsenx sanxsingx jiongxjiongw quanlenn. Qionglet qamxqag, sriu hurvuer/ joxvuer/ qokk joxsenx biruansingg ee dairjir/ byy huedab ee bunrdee ingxhiongw. Jit xee qadingg naxjunxx longxx junjai jit xee byy zinqeh ee giap (Karma, miarun), ui' hurvuer tuann hro qniaxvuer. Guaw qamxqag, itding rair huedab miarun hiongr guaw soxx tecud, iauxx bue huee ee bunrdee, iacc si guaw rair uansingg (iacc si qewsiok) ixjingg biruansingg, lauu lyc laii ee dairjir. Jiaxee bunrdee si m si kuriuw kacc qywzinn, iauxx si kacc itvnuahuar (jibtew), sidjai pnaiw kakding. Guaw zinruii ingwqaix si jibtew ee bunrdee, narr m si anne sniu, dyrr e si qywzinn bunrdee. Dirr qywzinn ee jinghongw-ha, jitt xee jibtew bunrdee, e hro langg dirr qywzinn jingsinn ongqog, sunrsi hunwluan ee inwsiong. Qywzinn ee lingxhik kaksit sriu diyc qanziauw/ byy itding si jiamr juxdyw derui/ erdangr si huwsiok :ee/ jyrsingg siarhue berdangr iongzimw kiwhunx ee venwhuar qetqyw. Incuw, sanxsingx jitt jiongw qanziauw ee guan'inx byy itding dirr qywzinn ee kuanqingw-diongx/ ingwqaix dirr jibtew jingser-diongx ciaucue. Simliw dirliauu henxzenn jin' jiyw kyxliongg diyc jiaxee.
GUAW JUXQUANX KNUAWHUAD
Cniurr zimrhyy kuriuw huanxsingw linglik ee langg, gauw jaw dyrr zinruii, zinqeh ee hunlec (Spilt) dansunn sriok guaw qywzinn ee su, lixsow-dongzenn ui' jurqiw hurjig. Fraust tanxvec qongw cud “tnix ar! Guaw simlai druar nng xee linghunn!” jinwjingg, dyrr uirr guaw tecud bunrdee, jixvutqyr ix duiww jitt jiongw siangdingsingr ee guan'inx byy jyr zimrhyy suecbingg. Dirr moxjiongw iwgi-siong, ix ee dongrcatlik naxjunxx didjiab jiamduir guaw. Derr id vaiw tak “Fraust” sii, hiaxee zidjiw, jit diamw aw dyrr byy qra Goethe jitt xee qibiau inghiongg lenjiab dirr jiongxjiongw jibtew texgiam, qycc singx knuar diyc Dikqoklangg ee miarun. Guaw qamxqag jurqiw qaiwzip ar; dng' Fraust cringr pudput, ganxdiongx byy vadd langg sii, diwsuw Philemon/ Baucis virr sathai sii, qamxqag jurqiw u jue/ naxjunxx guaw dirr quewkir bad vangjo mosad jitt nng xui laurlangg. Jitt jiongw qiquair ee sniurhuad hro guaw dua diyhqniax, zinruii jurqiw u jikzim uirr jex siogjue, vingrr hongjiw qycc huatsingx.
Jaxnii bad tniax quer qoxquair ee siausid, jitt xee cywgo qetlun qingwzenn cue diyc qinqir. Langg' dua lat tuann, qongw guaw ee javojow si Goethe ee susingjuw, jitt xee ho'ngg tyxiar ee qowsu naxjunxx jingwsit/ qaixsueh liauw guaw duiww “Fraust” qoxquair ee huanxingr. Laursit qongw, guaw vingrr byy siongsinr snewmia lunhuee (Reincarnation), duiww Inwdorlangg giap ee quanliam kiokk cincniu cutsir dyrr jaix hiacc sigsai. Dirr jitt xee siqii, guaw qinvunw m jaix amwiwsig ee junjai, byy hxuad ui' simliw laii lixqaiw jurqiw ee huanxingr. Marr m jaix (simrjiww henrjai, guaw marr byy viw langg jaix kacc je), birlaii jaw dirr amwiwsig kakding hyw ar, kuriuw cenlixganw linglik ee langg dyrr iyh e cud. Dng' Kaiser Wilhelm I (1797-1888) dirr Versailles jerui denxlew ee siausid tuann laii sii, J.Burckhardt (1818-1897) qamxtanr qongw “Dikqog ee siw-qrii qaur ar!” Wagner ee guanhingg ixqingx decc longr mngg, duer diyc guanhingg laii ee, qycc u Nietzsche ee jiuw sinn texgiam --- jitt jiongw texgiam qruix dirr hixqongg ji' sinn Wagner, e kacc sikhap. Wilhelm sidai ee cangwciux jurdai hro Aujiux qokk qog dinrngiaa duiwlip qinxdniux giamhongg, vingrr uirr 1914 nii ee jailan draii anwdew.
Dirr guaw siauwlenn ... iokk 1890 nii, guaw vutdix-vutqag virr jitt jiongw sidai jingsinn liac jyr dngwtauu, jit sii cue byy qunxjauw ee vanrhuad. “Fraust” drang diyc guaw ee simx, cimcimx qamxdong guaw, dongzenn qandna' erdangr zinruii jitt honghuad si sriok guaw qywzinn: siongrr diongriaur :ee, qiywcnew guaw binrduir simx-lai ee sxen/ og, simlingg/ budjid, qongbingg/ oamr ... nng siy' duiwlip ee bunrdee. Fraust jitt xui gugong bulingg ee dethagqax duw diyc oamr ee jit bin, ix hex siaog ee imngiaw --- okmoo, suibongw u siauqik ee kiwjid, kiokk dairviauw zinsingx sunzenn ee sinlingg, cutpuar hitt xui qiongbecc jursad, simkir dimm ~ ~, sec dirr siw-hangrlo ee hagjiaw. Guaw jurqiw luersimx maudunw marr ixx hiwqiogsingr ee hingsid cuthen; sidjer-siong, Goethe ixqingx qra guaw ee maudunw/ qaixquad vanrhuad siaw cud qivunw iauwdiamw/ qingqeh. Fraust qapp okmoo ee siangdingsingr dirr guaw srinx-siong habjyr jit xee dandok ee langg --- dyrr si guaw; ngua jit qxur, guaw didjiap sriu diyc dinxdang, jaix jex si miardiongx juwdnia :ee. Incuw, jitt cud hxir ee itcer hanxhuah longxx cimcimx ingxhiongw guaw; dirr mow xee soxjai, guaw e zedjingg viauxsi janwdongg, dirr lingrgua jit xui kiokk kia kiw laii huanxduir. Bylun si sniaw qaixquad vanrhuad, guaw byy kyxlingg vangr gua ~. Aurlaii, guaw iwsig .diyc, qra jurqiw ee qangjog qapp Fraust sohud :ee siy' kanlenn kiw laii: juncunn langg ingxuanw ee kuanli, jundiong “qoxlangg”, vingrr singzin bunhuar/ diwsiksuw kuriuw ee lenjiapsingr.
Lanw ee linghunn/ bactew si qywvet guansor qowsingg/ dirr sewdai snatuann ee joxsingx srinx-siong marr u. qywzinn jingsinn-diongx ee ”sinx (Newness)” jixsirr nidai quxuanw/ venwhuar buhan ee singhun dingsinx johap ziiw.
Linghunn/ bactew kuriuw cimkig ee ligsuw digdingx, dirr sinx :ee, duxx kaisiw junjai ee surbut cue byy sikdongx ee derui, dyrr si qongw, qowsingg lanw joxsenx ee qokk jiongw singhun, jixu vorhun junjai dirr jiaxee surbut-siong. Henrdai jingsinn qaxjongx lanw ixqingx qywvet hng ~ ee diongsewqiw/ qoxdenw jewdo/ guanwsiw, sursit-siong m si anne. Lanw tiaur zip jinwhuar ee cuaclauu/ jitt xee hionglauu co'cann qra lanw sag hiongr birlaii, hro lanw li qinx zuxx laii zuxx hng; quewkir :ee itdanr virr pywhai, jiongbuew e siaubyy, ciongx hiongr birlaii, beh tingg marr tingg be lyc laii. Mrqyxx, sitkir quewkir ee lenqed, srid “qinx”, jiacc jyrsingg lanw duiww bunbingg jiongxjiongw “vutbuanw”, jyrsingg liauw jitt ngiu h.-hiongqongg-q., lanw m si sing'uac dirr henrjai, si dirr birlaii, dirr birdix/ ngqimx sidai ee hibyy singlok nirr, kyxsiyh jingxqyy jinwhuar vuerqingw byy duer .laii. Byy sik'ingr jit zit jit zit zuxx laii zuxx quann/ byy buanxjiog/ honghongg vut'anx, lanw cneqongg jraix zip sinx qycc qycngiu-diongx/ byy qycc kyr soxx iongxiuw ee sing'uac, si kyr cuiwiog / byy qycc sing'uac dirr henrsii ee qongbingg, si dirr birlaii ee oamr-diongx/ qitai oamr jiongbuew duar laii qngx ngiarngia ee zidqngx. Lanw qirjuat singzin, soxu qyckacc bixhyw ee mic longxx si ixx qyckacc dua ee dairqer ngua laii :ee, vixzuu, quewdo ee tuabuaa e hro cionghun ee juriuu/ hibang enx-sriaux-hunn-snruar, qyckacc benw qongw hiaxee qimx ngiawngiar ee kyhak huathen, hro lanw rair binrlimm kyxpnar ee bedbyy jaieh. Lanw hurvuer/ joxsenx sunqiuu :ee si sniaw? Duiww jex liauxqaiw zuxx jiyw, duiww jurqiw ee liauxqaiw marr be je, lanw jin itcer ligliong jamxdng uiho qywzinn ee qinx/ jixinw ee honghiongr, hro qywzinn jniajyr dairjiongr ee jit liap suax, anne qandna' jairr Nietzsche soxui dersimx inxlik ee sinlingg saixlang.
Tauwquer qokk jiongw sinx honghuad/ sinx qikiauw, cioksingg ee qaixqig, kixtauu jongxsi hro langg ganxjingg qngx jit xe, mrqyxx dnguanw laii knuar, sidjai suxx langg huaigii, dirr zimrhyy jinghongw-ha, cniurr sing'uac dirr duiqiuu kacc qysokdo ee tongsinr, si qyy tngg penr langg ee koxiyc/ qaqiongg byy songxkuair ee jetjaur/ lauu hro lanw zuxx jiyw ee kongqanx, si ixjingg lanw m bad duw .quer :ee. Qoxjaw ee dairsux ciangjai qongw “jixu moquiw jiacc h.-hiongqongg-q.”
Lingrgua jit bin, tauwquer jniwlauu (Retrogressions), cioksingg ee qaixqig, huwcud dairqer kacc qe, kiokk ensiok kacc quw, in'ui si trer dngw kir quewkir kacc qanxpok/ qinglik kyxgiam ee lo jiacc vreh kiw kir, qik jiyw liriong vywjuaw/ denrdaii/ denrsi ixqibb soxu qaxding e jetsingw siqanx ee sinx huatbingg.
Dirr jitt vunw ceh, guaw soxx siaw :ee, duarvorhun si guaw duiww jitt xee sewqair ee juxquanx knuawhuad, m si habliw suuii ee sanxbut; sianghuanw, si jit jiongw huanwsiong, cniurr jitt xee langg diauqangx bagjiux kreh jit luiw/ hnirkangx trad jit quaw, sewzi quancad/ diam ~ aw tniax junjai ee hingsid/ sniax. Narr si lanw ee inwsiong sniu' cingcyw, dyrr e hro hanrjer dirr jitt sikig-lai, byy hxuad bad joxsenx ee jingsinn si zuhyy jimjiog tniax/ lixqaiw henrsii; ngua jit qxur, si lanw ee amwiwsig zuhyy ingwduir. In'ui anne, joxsenx ee singhun dirr lanw snewmia-diongx si m si did diyc jit jiongw vunxjid ee buanxjiog, iacc si jysiu vaitig, lauw m jaix. Luersimx ee vingjing/ buanxjiog jairr qywzinn/ cutsir jah laii ee qajok ligsuw, si m si erdangr ham' ganxjingg jit bak nih .quer ee jinghongw sna' diauhyy.
Druar dirr Bollingen lautah-lai, jit xee langg naxjunxx dongsii sing'uac dirr jerje sewqiw. Jitt xee soxjai jiong' dng'uanw lauu dirr sewqanx, jex si guaw byy hxuad ham' ix vixping :ee; dirr derdiamw/ hongqeh-siong, lautah jixhiongr jin' quw ixjingg ee surbut, amwsi henrjai :ee jin' jiyw. Narr si jit xee jap-lak sewqiw ee langg vnuax zip jitt dongr cur, kiongxqniax qandna' iudingx/ huan'axhuew duiww ix si sinqii :ee; druu jex ixgua, ix e qamxqag ham' ix ee daux qangrkuanw sigsai, byy sniaw mic e hecqniax qanziauw diyc sixjiaw, in'ui byy den/ byy denrue. Hyhongw guaw joxsenx ee linghunn marr dongr e diauu jitt dongr cur ee kiwhunx, in'ui guaw huedab inx bad lauu lyc laii jiongxjiongw bunrdee. Guaw jin siongrr dua ee ligliong kig cud jit quaw copuee-aw ee huedab, simrjiww qycc qra jiaxee huedab rue dirr viah-dingw. Jit xee ansiongg ee dua qajok naxjunxx jywhuew druar dirr jitt dongr cur-lai, vauquad quixarr sewqiw ee langg. Dirr jiax, guaw ixx zi-hy zinqeh ee hongsid uac lehh, qra zinsingx knuawjyr l.-laikir-k./ sunkuann byy hiyh ee henrsiong.