Qamx Qokvyw quer Daiuann
(id)
Sinx venx hyw quax si jit vunw
beh qryr juann singw jiongww juqunx
vewlangg(?) byy siyh guaw vunxhun
iwsur cud dirr Kenliongg Qxunx
Guaw byy kiyh langg ee vanxquann
m bad huanx liauw qycjaiww huanx
guaw ee quax-aw juann sinx kuanw
beh venx Qokvyw quer Daiuann
Buanxcingx Kenliongg ee dewhy
hongliuu tenjuw air cittyy
Hokjiux jit xui Qamx Qokvyw
inx diax dyrr si Qamx Dionghyy
Laurbuw jaw siw jnia' vuthing
juanx inx hniadyw decc kansingg
duarhniax hyw jyr Qamx Qok'ingw
juanx cud haixgua decc qing'ingg
Qokvyw jurr ser dyrr jin' kiauw
snisingg binrmau jnia' cingviaux
jit xee iviauw qapp qoviauw
dyrr si Lenlenn qapp Suatqiaux
Jurr ser snax langg dyrr jin' hyw
vutsii jywduix decc cittyy
Suatqiaux jin' air Qamx Qokvyw
sngr laii si ix ee viauxqyx
Hokjiux iarr si sngr singxdox
Vakmngg jit xee siyw Seoo
vutsii siy' cua kir sanwvo
u sniu jionglaii ee jendoo
Siy' cua iu'uanw knuar qingxhongw
Qokvyw Suatqiaux kacc siongdongx
nng langg jinjniar u ue qongw
Lenlenn qapp inx dua vutdongg
Jit zit huehngg decc iu'uanw
snax langg qaiqib dy' vnii quann
vutquanw hyzinn(?) u sniaw kuanw
diyhh kacc hiablik draur jiu'juann
Lenlenn beh jiyx inx jiuwjua
Aurzit jiacc be siy' vangwvuac
vutquanw si linw iacc si guaw
u hog donghiongw laii knuiwuac
Ongg .sxi Lenlenn dairsingr jxiur
cuir byy taur simx pnaiw buexliux
narr u jailan diyhh drongg sriu
lauu miaa tangx krngr lanw Hokjiux
Snax langg dngtnix decc libser
u hog donghiongw jyr qongqex
vutquanw narr u sniaw jaiec
diyhh laii dongsiu snaqab ee
Qokvyw air inx viauxsiyxmue
cua laii huehngg decc sniuxguec
Lenlenn taux tniax inx qongxue
knuar diyc simqnuax iarr jin' gee
Qoviauw hniamue suacc luan'air
dui' tauu u sniu qaur jionglaii
Lenlenn diaur(?) diyc jin' je vaiw
byy air qongw cud dnir m jaix
Suatqiaux simlai u jursinr
Lenlenn jin' gauu knuar langg kinx
langg jaix marr si byy iauwqinw
qoviauw siongpuer cinx tac cinx
Lenlenn juanx qor ix qaqi
sniu qer huwho langg qniaxzii
ix knuar Qokvyw jin' byy kiw
juann byy cin'air qaxx jit sxix
Zidjiw qingquer si jin' qinw
dag'ee diongxdai qapp singzinn
lirkuix kacc yy dniarr jywdin
Lenlenn u langg decc qongxcinx
Zidguat naxx juiw naxx haixingw
Suatqiaux Qokvyw iarr diongxsingg
duarhanr venwkuanw qxiauw jin' hingr
narr beh cue ix kir qiauxqingx
Qokvyw duarhanr qxiauw jin' air
juanx sux m bad ngiaa zip laii
Suatqiaux krngr ix jin' je vaiw
kinx sniax ser sueh qniax langg jaix
Dng' sux jipjnii(?) dy' m hur
narr tec kir vruac venrr si sux
qui' zit hanw did druar dirr cur
vutsii byy jnii kangx sinkux
Suatqiaux uanjo ix jiokk je
jin' jiap m si snax~nng xee
hyw cuir krngr ix qxiauw diyhh quew
byy jnii si ho'ngg knuar jin' suex
Jiap sux byy der tangx paclac
juanx uix(?) Suatqiaux ee saikiax
tamx vruac ingbi(?) m jaix vaw
vutsii sux qax dax ~ ~
Suatqiaux koxkngr iarr m tniax
juansig si sux m bad ngiaa
Lenlenn qer kir jnia' hyw mia
guanjai dirr inx Hokjiux Sniaa
Ongg .Sxi Lenlenn kir qewangx
iarr kuix dngwdiamr diuu-aw-hangg
ix ee veczi si jin' dang
dirr Hokjiux Sniaa siongrr u kangx
Qer hro Dni I(?) jyr simvu
Dni Singg ix si ee cinhux
dxiamr kuix je qingx jin' huwzu
cutmngg qig qaxx naxx qimguu
Lenlenn inx angx miaa Dni Singg
sisnuar vowhangg jin' je qingx
laurvyy qanxvi tangx ceing
uanwdor langg vur ciyr langg qingg
Dni Singg kongxkair qniww langg hyw
Lenlenn jawsimx liongrdo byy
byy liam Suatqiaux qapp Qokvyw
m bad laii cue inx cittyy
Lenlenn ee langg dua vutzinn
qinrlaii u jnii e dasinx
byy sniu vunxjniaa decc jywdin
qoviauw iviauw suacc byy cinx
Lenlenn tong' langg qanr qapp cyh
u jnii qongxue e kaikyx
vutsii tamwtniax Qamx Qokvyw
jaix ix air vruac jitgiap byy
Air vruac byy sniu jyr taulo
knuar ix jaisanw u zuardo(?)
qnaw sniu Suatqiaur kir jyr bow
qer ix m diyhh kir jiac too
Jywlangg jiacnirr byy jikzim
Suatqiaux bagjiux jin' byy qimx
ngr ix jyr angx siy' diwimr
qaur sii dy' byy juiw tangx limx
Narr si Qokvyw air vuahqiauw
marr diyhh daiwliam ix Suatqiaux
jywlangg vutqaix jiacc qankiauw
snix-genn-jy-guw ue luann iauu
Anwha lersueh(?) Ongg Lenlenn
singx qongw Qokvyw venr qiauxsenx
sux qaxx byy decc tangx jongg cenn(?)
qui' zit cuir-lai dngrr hunenx
Sux qaxx beh cruac kiamr qiauxvunw
qui' zit cuir byy uaw diyc hrunx
iaux qaxx vakdow qunxlunxjun
byy der tec qaxx jit koxgunn
Sux qaxx siangciuw duw diyc viah
yy vunw tangx kir qapp langg siax
iaux qaxx vakdow nair vajiah
lenrr hrunx dy' diyhh knuar langg jiac
Snakor dagg niaw dngr suacc bre
sux kir cimdam byy der tec
Suatqiaux uirr guaw liauw jin' je
sniu qaxx taukag lee lee lee
A'diax jin' giamm m qnaw dngw
quiw niaw snakor jiauu cutmngg
hyw he(?) byy bre venrr si dngr
sikux jitt tyr m jniaa mngc
Dngw kir laurve qiqix sraur
yy dyrr hniasyw ee ciuxtauu
Suatqiaux jyr jin' berdid qaur
beh dycc jit xui tangx qra ciaux(?)
Suatqiaux ee ue byy air sinr
qniax lanw sitvai ho'ngg knuawkinx
kaksit siw jnii sux e jin
saikiax uirr lanw liauw byy dinx(?)
Duiww guaw kaksit jin' uanbuanw
muixx vaiw dy' qra guaw jiujuann
byy gii e sux qaur jitt kuanw
beh dycc jit xui tangx dngxuanx(?)
Vruac qaxx jitt kuanw jin' enwkir
vutsii sinkux dngrr hunqix
qniaa qaxx taukag cih ~ ~
sniu byy huatdo tangx jicii
Taukag cih cih dirdecc qniaa
tniax langg decc hranw diyc jit qniax
taukag giaa quann jiacc jai'ngiaw
Suatqiaux dirdecc qiyr viauxhniax
Suatqiaux qniaa uaw mng viauxqyx
suetauu-songwkir(?) eh kir dyhh
simxmih dairjir jiacc huanlyw
liw nacc longxx m laii cittyy
Qokvyw iyy tauu qapp toxkuir
byy gii guaw e jiacc laksuix
kacc jaw m tnaix liw ee cuir
liw suacc uirr guaw laii siurkuix
Suatqiaux jaix dirr simqnuax lai
qra ix sutbak le(?) ho'ngg jaix
m si qongxue ee soxjai
siy' cua qniaa duiww inx cur laii
Nng langg siy' cua qnuaxqinw dngw
pax duiww aurbin laii huehngg
Suatqiaux kuix cuir dyrr qra mng
knuar diyc simtauu iarr jin' sngx
Guaw byy tniax liw Suatqiaux qongw
vurac qaxx mihqnia ho'ngg dixdongr(dexdongr)
hur guaw jit dongr quer jit dongr
qaur jiax qigvo byy der jongg
Uerbi narr sueh auu dyrr dni
byy gii venr qaxx anxnixsnix
m qnaw laii qapp liw siy' qnir
uirr guaw liauw kir taiww je jnii
Qxiauw narr byy vruac derr is hyw
jnii liauw qycc tanr benw qniax byy
qaqi ee jnii benw huanlyw
juadduir be kiw sniaw hongpyx
Qxiauw narr tair vruac siongrr banrhing
tniax cuir jiacc u siyguanrjingg
jnii hro liw ing naxx guaw ing
qamxx diyhh lun qaxx hiacnirr bingg
Jitt jann juadduir byy quanhe
jnihang byy cue vadd langg tec
dikkag m tangx sniu pnaixser
qinsiok guaw ee naxx liw ee
Jnii dy' iarr byy qaxx zuarr je
mrbenw huanlyw byy bunrdee
air sniaw surgiap huadlyc juer
guan beh jyr guu qniax byy lee
Qimzit longvue qaxx jitt kuanw
druar jiax singxsniaa yh hogguann
dirr guaw simlai decc ursngr(?)
sniu beh laii kir quer Daiuann
Liw decc hibang Daiuann Dxyw
beh nacc u tangx jyr junjox
dirr cur kacc kow cniaw jiamrr dro
jitt kuanw be hac venr vadd dxoo
Dirr lanw singxsniaa jin' yh tanr
langg qongw vacvnuax kixtauu lann
bew byy hiamw cauw jiac e sanr
laii kir nacc u sniaw siongqanx
Guaw sniu liw qamxx byy iongxkir
druar lanw jex cur bongxx jiamrr dro
Daiuann siyw siyw e puu sxu
je langg jniurlyc jin' camcux(?)
Iongw bew vak dirr jiongquntiau
byy juiw iongw(cri) hii lann did diauu
cutgua jiacc be sniu vuahqiauw
m tangx vangwvuac liw Suatqiaux
Dirr cur qxiauw si vangr be lag(?)
qycc hro qimjnii jnia' sokvak
guaw u jit jiongw ee taukag
Daiuann-jnii si rimx kabak
Byy jnii dedvet e qankow
beh dyhh tangx tec jiacnirr dox(?)
sidjai guaw jin' jongg byy lo
beh u qinw qra liw qobo(?)
Laii kir taux duiww viauxjew sueh
pacsngr ix iarr m qnaw trex
qra jiyh damrvyc dikkag beh
lanw qamxx e kir qra ix sec(?)
Liw qamxx beh cue Ongg Lenlenn
qinrlaii jnii u tenx ~ ~
guaw kir jit vaiw iar qapp sen
jin' gauu snix giw qapp jy genn
Lenlenn si lanw ee viauxjew
byy jnii lanw diyhh dnir kacc puee
kir narr jiyh u hyxbirsi
jerjiyw cinwcaiw iujai ix
Lenlenn ee jnii huar(?) lirven
guaw sniu kir iarr givitzenn(?)
dingrquix iong ue qra liw penr
dikkag byy sniu qaxx jaxjingg
Gong bangw siauwsniu vudqonghuih
Lenlenn ee jnii huar(hiacc?) kuair ruix
guaw sniu bycaiw liw ee cuir
dingrquix trex qaxx kuix ~ ~
Guaw m sinr ix zuarr qenlin
qamxx qacc jniasit jiacc byy cinx
sewhanr dniardnia decc jywdin
pacsngr m qnaw hiacc dasinx
Qinsiok kir si qex qenwsiaur
Lenlenn vutviw guaw Suatqiaux
narr byy hro liw siaur liauw liauw
diyhh kir cue ix hiacc suesiauu
Qniax hro saupii jiac be vaw
liongrkow vadd xui singx qa'ngg sax
simqnuax viw jingg iauxx kacc jar
kir si bycaiw liw ee kax
Dyrr si vadd xui byy der jiyh
guaw marr jaix ix cuir qew ciyr
byy qex dikkag marr u jiyw
jniasit knuar lanw hiacc byy diyc
Cinjingg nng zri jairr langg juer
ix ee dorliong marr jin' ec
guaw si hro liw sux taiww je
narr byy lanw benw kir qra tec
Lenlenn byy liong qapp liapsaiw
u-byy iauxqycc byy jin' jaix
narr air liw kir cir knar mai
diyhh qycc hnua(?) duiww guaw jiax laii
Liw druar huehngg siyw tingwhau
u-byy guaw e dywhuantauu
qaudair Suatqiaux ue liauxau
qnuaw beh qinw kir Lenlenn daux
Qokvyw beh kir jiyh qimhang
beh laii Lenlenn inx vowhangg
pax duiww aurbin jit jua hang
knuar qnir jit xui ee laurlangg
Laurlangg kia dirr aurbuexmngg
snihun m qnaw luan luan jngr
qniaw uaw hyw cuir qra jiycmng
siyxlangg(?) iuguann draur dirr jngx
Siyw langg(?) druar dirr qoxlauu jingg
singguann(?) aurbuew dycc jit qingx
guaw miaa Qokvyw Qamx siyxsner
beh laii quiwcur cue Dni Singg
Laurlangg tniax qnir rinr qinw qinw
liw si qapp ix simxmih cinx
jitt qingx singguann(?) ee aurbin
tauqex Dni Singg kir Tendinx
Tauqex kir dirr vadd soxjai
byy langg qongw kiw jiacc m jaix
vaiwtog tongdix inx taiwtair
qra qongw si inx viauw :ee laii
Laurlangg qnuaxqinw zip kir vyr
jnihang unw u benw qniax byy
Dni Singg cutgua siongrr duxhyw
dikkag inx bow decc huadlyc
Laurlangg cud laii jnia' hyxlew
liw laii jriab(?) byy gunw tauqex
jitt jun kacc byy sniaw langkeh
cniaw liw zip kir jiac hundee
Laurlangg inxlo jywjingg qniaa
didjiab cua ix laii kectniax
Lenlenn qniwbin dyrr jai'ngiaw
liongrvid qnaxx si qxiauw byy ngiaa
Knuar diyc Qokvyw ee sincing
Lenlenn jinjniar byy huangingg
hyw mia u qanw tangx ceing
pangg qaxx jit kux ee hiongbingg
Lenlenn jiksii dyrr cud sniax
Qokvyw liw nacc jiacc hranw qniaa
idniu sintew qamxx iongxqnia
pacsngr liw qxiauw iarr u ngiaa
Vuahqiauw jiah'ing qik honghur
jaix liw u vruac m bad sux
byy sniu si beh laii gunw cur
iarr qnaw cing qaxx jitt sinkux
Benw decc qapp guaw sniu' laurvaiw(?)
byy qongw viauxjew liw m jaix
tong' langg texben marr si air
jinjniar qigvo jiacc u laii
Qinrlaii viauxjew dyww huatsiongr(?)
u jnii m jaix langg sanwhiongx
qimzit jin liw ee dorliong
u ue beh qapp liw camsiongg
Liw ee hingrhog dair jin' dang
qer diyc Dni cur huwhorlangg
qimzit guaw laii byy vadd hxang
viauxjew liw diyhh draur vangbangg
Qapp guaw camsiongg simxmih dai
liw byy genn kiw qnaxx e jax
guaw jiacc tongdix gunw angsair
m dyrr guaw jyr erdid laii
M dyrr guaw jyr erdid qaur
si beh camsiongg sniaw kangtauu
langg gunw iauxx bue jiac erdaur
qiamxcaiw langg beh laii gunw daux
Qokvyw tniax diyc qiongrbeh krir
laii decc hro ix cniaw qapp srii
dngbin qra lanw jiacc biauxsi
byy jnii jongw si dni kacc pii
Guaw si air beh kir gua xui
bew byy hiamw cauw jiac be vuii
damrvyc jiyh guaw jyr lorhuir
singxsniaa diyhh laii qinr lirkuix
Lenlenn jiacc mng Qamx Qokvyw
narr beh cutgua kir vunpyx
u sniaw qihuex qacc hiacc hyw
liw si sniu beh kir dyclyc
Dirr cur qaux byy hyw ving'iuw
cetsimx(?) byy air druar Hokjiux
narr byy cutgua laii kir liux(?)
ingxuanw jit jiah naxx quciux(?)
Siyxkuaw Hokjiux ee cutsanw
lanw kacc kiamring sniaw siongqanx
dirr dycc jit xui hiacc kuair tanr
byy sniu cutgua jin' uilann
Dirr cur bongxx dro kacc unxdangr
cutgua diyhh kir kyr vadd langg
soxhuir dagg hxang dy' jin' dang
simxmih dertauu hiacc hyw kangx
Guaw byy in'ui simxmih kuanw
vaiwtog liw diyhh draur jiujuann
lanw jiax guaw iarr druar vutquanr
beh qapp ving'iuw kir Daiuann
Liw u simxmih hyw ving'iuw
qnaxx diyhh dirr cur kacc juriuu
Daiuann kacc jaw cnihuanx-sxiu
qamxx e singr quer lanw Hokjiux
Daiuann dyxsu ee soxjai
byy hiacc suiven tanr dyrr laii
lanw jiax u langg kir sitvai
dngw laii decc qongw jiacc e jaix
Dirr cur lanr langg jnii be diyc
juiw-drew cue byy jit xui siyx
Daiuann Dyxsu suizenn siyw
ngr beh gigduar tangx hnuaii iyx
Narr e jyr qnruax druar jitt dah
qenww zri(?) berhiauw tangx kiaukax
gigduar hnuaii iyx byy qacpah
syh-aw ven ven bongxx kir haa(?)
Liw benw dirdecc qra guaw penr
junw beh ciyr siw Ongg Lenlenn
air haa syh-aw kacc lirven
byy qnruax jiacc guan jyr qiauxsenx
Guaw si qapp liw bongxx damlun
nacc diyhh qongw qaaxx krir vunrvun(?)
jiyh guaw be srid liw ee vunw
dngw laii byy qiamw liw hunbunn
Liw beh Daiuann u qnruax juer
jongg byy lorhuir qnaw laii tec
qacc jiacc suiven jnii hiacc je
tec hro liw ing suacc qex suex
Guaw si ciuw crunx jin' byy lo
jiyh quiw koginn jyr jujox
nacc diyhh ing ue qra guaw dow
jin' byy jinghun ee jabow
Xe vunw guanqyw jyr ven ven
jiacc u qongw kiw Ongg Lenlenn
Qokvyw qex jiyh qongw byy jnii
zi jib guann si vunxlangg venx
(zi)
Lenlenn singwde benw jiacc pnaiw
lanw u libser jiacc qnaw laii
qimzit cocox tauu jit vaiw
jiyh u jiyh byy iauxx m jaix
Tniax liw qongw diyc jiacc dading(?)
qimzit simxmih decc jajingg
guaw jnii nacc u hiacc liongrsing
jiyh liw beh nacc u tangx hingg
Sniaw langg si liw ee viauxjiw
berhiauw qenwsiaur byy iyc rix
jniginn narr u jiacc venrli
jiyh liw guaw be pix juixpix
Langg si cinjniaa jnii sniwmia
jiacc bingg iauxqycc berhiauw tniax
qamxx diyhh laii hongg srii qapp cniaw
qokk langg m dyrr qinw kixqniaa
Guaw lauu bagjiux qra liw knuar
qinw kir byy air qex ciavnuaa
juir jimr jiyhtauu narr e nua
Qokvyw liw jiacc e jyr qnruax
Qokvyw qiongrbeh kiw singwde
Lenlenn liw benw sniu' gnirgee
beh m tingww qongw byy qunahe
jnii si liw ee ue guaw ee
Qokvyw ciuw qiw Ongg Lenlenn
liw iarr mrbenw sniu' qexsenx
cuir qongw beh qra liw jiyh cenn(?)
beh m iurr liw benw kuagenn
Hro liw jitt kuanw jiacc biauxsi
knuar e henbenw(?) qaur dirsii
narr si qaur guaw ee zidjiw
cniaw senx iarr byy iyc tangx rix
Simxmih saixsig knuar qnir qnir
guaw benw kuu langg katuiw-vnix
liw benw qapp guaw gee sniu' gni
siyxkueh sner Ongg langg ee jnii
Vadd xui jiacc kir pupuu cingr
Lenlenn jaix liw ee hangjingg
qiyr guaw tec jnii hro liw ing
danxtai Ngg Hyy jaiww dingcingx
Guaw jiacc byy tangx liw kac'iuu
danw liw jyr qnruax laii Hokjiux
hitt jun iujairr liw cutciuw
jiacc hap hiajiamx(?) qra liw qriuu
Hro liw biauxsi qongw jitt kuanw
qiukid iarr beh qaur Daiuann
u qnruax tangx jyr guaw jiacc guan
byy m qniaa qaur linw Singguann
Cuir qongw air diyhh u pacsngr
langg ee buexliux si jin' dngg
byy qnruax tangx jyr m guan dngw
qongw liauw dyrr beh jauw cud mngg
Jyr qnruax narr huee Hokqenr Singw
jiacc laii qui liw binrtaujingg
hitt jun si guaw decc vywingr
qamguan hiajiamx(?) hap(?) snax tingg
Hro liw suecsiauu(?) jiacnirr(?) tiamw
qenww qongw dagg hxang dy' beh hiamm
jiong' jitt qxur ue jyr qiwliam
jiacc laii hro liw hap(?) hiajiamx
Ue qongw liauxau cud duartniax
Lenlenn liw cniaw guaw beh qniaa
byy qnruax tangx jyr guaw ee mia
juadduir m qaur Hokjiux Sniaa
En' lo naxx qniaa naxx susiongw
hnua dngw laii kir lanw qediongx
jenrvi Lenlenn jiacc byy liong
duiww gunw hniasyw taux camsiongg
En' lo naxx qniaa naxx m guan
kir hro Lenlenn jingwqingduanx(?)
qnir gunw hniasyw knuar sniaw kuanw
satsad dyrr beh quer Daiuann
Bycaiw cincinx ee iviauw
hro ix jitt kuanw e suansiauu(?)
dikkag beh cue ix sngwsiaur
narr byy hunrkir berdid siaux
Byy kuar(hnua?) vadd xui jin' kuair qaur
uad zip hang-aw qaur inx daux
duxcenx Ongx .Sxi beh kunwdaur
tniax diyc langg laii qingw uadtauu
Ongx .Sxi jiacc mng Qamx Qokvyw
jitt quiaw qangx sid(?) liw kir dyhh
a'diax vutsii decc huanlyw
liw lenrr qaur cur dy' suacc byy
Knuar diyc Qokvyw jit xee bin
hniasyw siyxjig jniar u cinx
jiksii kuix cuir mng qinw qinw
suetauu-songwkir uirr hyinx
Qokvyw bue qongw singx toxkuir
guaw sniu Hokjiux beh lirkuix
kir qra Lenlenn jiyh lorhuir
qniwbin dyrr qra guaw laksuix
Lenlenn knuar lanw jnia' suebaiw
jitt jann zuxx sniu zuxx vutqaix
a'diax singwde iauxx kacc pnaiw
cenban m tangx hro ix jaix
Liw beh vruac qaxx jitt jiongw qxiauw
jiacc diyh kir hro langg suansiauu
dy' benw qra jiyh ee vit'iaur
beh si a'diax lunw be diauu
In'ui jnuaxngiu kir jiyh jnii
jiongg tauu jiww buew sueh jit pnix
jaxban hro ix cuir vniw vniw
aurzit jiacc be anxnixsnix
Qensimx sniu beh kir haixgua
jiongqimx ixau qxiauw m vruac
syxsyw liw diyhh vangbangg guaw
u zit erdid tangx knuiwuac
Linw hniax cutgua a'diax lau
liw iarr sniu beh kir guartauu
lorhuir zuarr je jiacc u qraur
guaw dyrr cuwvnix singx qra caux(?)
Hibang beh kir Daiuann Dxyw
jriw iong jit jua ee junjox
qex jiyh kiamr langg qex qankow
damrvyc dyrr hyw mrbenw dox(?)
Crua guaw zibmngg qaur jitt jun
liabjig duxhyw jap niuxgunn
kiukiam m qramx brew huehunw
hro liw tangx hyw kir dah junn
Jikjig liw beh kir guarui
qnuaxqinw dycqui dyrr qinw kuix
hro liw tangx hyw jyr lorhuir
bew qaur singqongx tangx ingquix
Snakor liw iarr byy air ngua
zuahtnix(suxtnix) ee snxax cing qaxx(kacc?) qnuaa
jitt hur kir cing kacc hyw knuar
qauwui jiksii tangx jyr qnruax
Qamxsia syxsyw hyw qimgenn
dro cud haixguan iujai tenx(?)
u qnruax jiksii huee Hokqenr
beh laii duw ix Ongg Lenlenn
Jyr qnruax jiksii beh huequix
tangx qra Lenlenn giaa duxtuii
hro ix qecuir venr accuir
beh qapp syxsyw laii lirkuix
Linw hniax qing'ingg dirr jiyhbew(Jiyhbew?)
liw kir nacc cunx guaw jit xee
a'diax ix kir jyr langkeh
qniaw bi(?) sewhanr jiacc yc vee
Guaw kir cunx linw buxaxqniaw
ditzii yc vee iauxx be qniaa
siyxsimx jiauwqor diyhh kacc tniar
ter guaw sueh hro a'diax tniax
Guaw u zinrding jin' vuthaur
ngr kir Daiuann tangx cuttauu
ter guaw hongrtai ix nilau
qongw diyc bagsaiw qiongrbeh lrauu
Jikjig air beh kir cutgua
guaw laii hongrsingg qamxx u juac
u sniaw dairjir vangr kacc huar
cenban qxiauw si m tangx vruac
Tec liw kiukiam jitt dongr jnii
juadduir m qnaw uaw qxiauw-vnix
langg qacc berhiauw tangx qakcniw
uanxzenn jit xee naxx jingsnix
Byy langg jitt kuanw ee cinced
hniasyw siyxjig beh hunvet
ue diyhh anxnix jiacc u ted
jitt jam tiauqangx venx kacc jed(?)
Qokvyw ginniuw jrih liauxau
didtaur dyrr laii Suatqiaux daux
Lenlenn jinjniar dua cuiwdauw
jnii u qig kir jin' kuiwtauu
Kir qra Lenlenn jiyh zuarr je
juanx si siw ah gni cuiwvuex
si liw m sinr guaw ee ue
kangg qniax jit jua liw qex suex
Liw qongw bogquair guaw m sinr
sngr si viauw :ee cinx ~ ~
hun lanw jinjniar m jingxjinr(?)
cinr puee cinr qud knuar lanw kinx
Cinr puee cinr qud qex qenwsiaur
jitt vxag hunrkir yh did siaux
liw ee qamxjingg qongw be liauw
duiww guaw u censowban diauu
Tniax diyc auqngw qiongrbeh dni
liw air vruac qaxx anxnixsnix
qaur jitt dervo diyhh qakcniw
beh kir Daiuann nacc u jnii
Guaw jiacc kir cue gunw hniasyw
narr u jap niuw qex kingg byy
kaksit duiwtai guaw jin' hyw
lenrr snxax ix dy' suar huadlyc
Cing qaxx jitt niaw jin' henrsir
srinx-xe byy snxax virr langg kix
qiyr guaw ngua ngua kacc cingkir
jitt hur hesig ee viwqix(?)
Laii qongw quiw qxur hro liw tniax
qimzit u junn decbeh qniaa
lanw e hunkuix iarr si mia
unrkir jin' pnaiw vruac be ngiaa
Liw benw quawsimx Qamx Qokvyw
sunhuex-mngrliuw juaduir byy
qamxjingg liw duiww guaw jiacc hyw
simjingg snisingg cavutdyx
Hunqiaux simtauu jinjniar bun
guaw nacc cunx jex nng kogunn
cutgua kaiing diyhh jatjunw
hro liw sunrhongx tangx lyc junn
Hro liw sunrhongx tangx dikli
qauwui mrbenw jit duiwsii
narr si u jyr sniaw qanqiw
qiar puex qinw qra guaw tongdix
Iong liw byy der tangx hyw qongw
nacc diyhh qra guaw sangr sunrhongx
junxvi damrvyc kacc tywdongr
m tangx kingg qaxx kangx langlangx
Diyhh lauu damrvyc kacc unxsun
guaw dyrr u jex jap niuxginn
liw lauu kngr decc brew huehunw
soxhuir junjox u tangx cunx
Junjox ixgua kaix singw singw
duiww guaw jitt kuanw ee dyjingg
nng kox liw tangx lansanx ing
simqnuax mrjiacc u qongvingg
Langg qongw qingg cur byy qingg lo
cutgua zinde iurr cnisox
qiamxcaiw kiamwing beh sniaw vo
liongrkow liw diyhh duar kacc dox(?)
Id .laii qra liw sangr sunrhongx
zi .jiarr qex duar dy' buhongg
guaw byy vadd hxang tangx hyw qongw
qaur xui duarsu tangx singqongx
Jnii diyhh qex duar kacc qinvunw
driyc sii liw jiacc beh lyc junn
jongw diyhh siuxqiw kacc anhun
cutgua qojiauw cah langqunn
Diyhh sniu gunw duiww liw sniaw kuanw
m tangx hai guaw laii sitluann
qnir diyc huex pangx narr hiauhuanw
qnaxx suacc ingxqiuw druar Daiuann
Qniax guaw byy der tangx soxhuir
junn si ervox dyrr beh kuix
guaw ee simqnuax u txanr cuir
air qinw hux(?) cniur hu(?) tangx suii
Dnaxx guaw u tanr erhiauw siuw
piaudow(?) nng zri beh jin siux
narr u tamx huex iacc air liuw
berdid dac qaur lanw Hokjiux
Cutsii bunai jiacc diyhh qniaa
benw quw liammix u hongsniax
liw knuar marr si e jai'ngiaw
hiausimx nng zri mrbenw qniax
Langg simx dirr lai byy der knuar
beh guaw cuir si taur simqnuax
dyrr jiax beh qapp liw hunsnuar
guaw iarr sniu beh jyr dua qnruax
Liw hro Suatqiaux u sinwiong
pacsngr simqnuax qnaxx be hiongg
byy qnruax iarr si diyhh benxqiongw
tanr qauw diyhh singx huee qowhiongx
Sniaw kuanw juadduir mrbenw uir
guaw qongw dagg jann dy' dingrquix
aurqii puesinr dyrr qauwui
simqnuax jyww liw vangr ix kuix
Guaw byy gisimx liw anxjnuaw
air diyhh cunx ciuw bongx simqnuax
narr byy cutgua benw tiacsnuar
liw kir dogsinx guaw qodnuax
Simqnuax u sniu beh huanxhuew
lrauu cud haixgua jin buew huee
Daiuann narr si byy qnruax juer
iuguann guaw iarr e qiar puex
Narr e bad sniu hyw birsi
hingrhog quer zit ingxx u sii
liw lanw ue naxx jiyhjamrzi(?)
beh guaw lenrr gii dy' byy gii
Hokjiux jair samx qaur Daiuann
zi-jap gua zit kir jit huanx
junqii be hur narr huejuanw
e hro Lenlenn dua suantuann
Uat tauu quer kir jid'err knuar
zit iarr decbeh lyc sesnuax
jinjniar huanlyw m qnaw qnuaw
siqanx be hur dyrr huetnuax
Qui' vaux tec hro Qamx Qokvyw
qniax liw sniu' cenn junn dah byy
qiamxcaiw simqnuax narr huanlyw
tangx jyr damrsamw jiac cittyy
Gunw u junxvi decc tingwhau
cuann jin' je hang dirr lairtauu
vakdow narr iaux liw jiacc tauw
iarr u liangg juiw qapp mirvaux
Qniax nguar qinw kir byy quanhe
liw lanw birhunx ee hucex
jitt jua qiamxcaiw je langkeh
qinw kir jiamr xui tangx hyw trex
Kacc qongw dy' diyhh birhuncex
cuir dax liangjuiw kacc hyw dee
langg qongw junjiah byy danw ve
dyrr jiax qapp liw vunx dangsex
Narr iaux diamxsimx iarr ven ven
be hur decc danw zi-jap tenx(?)
lanw si cutgua beh tanr jnii
qnuaxqinw kixqniaa m tangx cenn
Simqnuax beh laii tec linwdngw(?)
nng langg siy' srii dyrr cutmngg
hong'ingw narr hyw byy zuarr hng
narr qaur Daiuann tnix duxx qngx
Jitt qxur qaur jiax duxx uanbuanw
xe jip Qokvyw qaur Daiuann
Suatqiaux simqnuax jnai' sanwluan
lamluw hunkuix vnii sitluann
(snax)
Dingw jam qauwgiac jiacc hiyckunr
Qokvyw pacvniar sniu tanr gunn
jitt vunw snax jip jit vorhun
cid zri hunbingg jriab ersunn
Knuar diyc tnikir jiacnirr cringx
quax-aw beh laii sueh qo' vingg
guaw sniu qanxx jin' hyw hong'ingw
qniax hur be diyc kuix vorqingx
Jauw qaxx qiongrbeh dua simkuir
duxx decc dann lee junn beh kuix
dow-drew duxhyw cunx jit xui
junn-lai ee langg qra ing'uii
Jitt jiah qnuajunn vakdingw laii(?)
vnuawlo gu diyc jyr hongtaix
lai hnua Hokjiux erqangw lai
guann beh Daiuann duiww jiax laii
Qokvyw kaksit jin' vaxvag
erhiauw juixciuw qra nih bak
bih dirr dow-drew qag qag qag
hyw did qnua'imx iarr u tak
Juixciuw vunxjniaa u sigsai
vangwbak hro ix lyc junn laii
cua ix laii duar dirr dow-lai
qnuavingx juanzenn dy' mjaix
Jit xui qnuadniuw jyr vikjongw
laii qaur Hokjiux junn huanrhongx
juixciuw Qokvyw ee qangg dongw
narr byy su jyr be singqongx
Jitt xui vikjongw vunw sner Aux
beh kir Daiuann Duarvitauu
huanrhongx apenr jiac byy qaur
pacqnuaa paczet cinwqnua lrauu
Duarvitauu miaa qaiw Hongrsnuax
jongxiaa langg siyx qycc huanxqnuaa
vangr qaxx byy kor tangx tewngua
jit zit sraiw laur jap gua tnuax
Qui' zit saixjuiw vangr byy hiyh
langg bi(?) ui qnuaa qycc huanw siyx
gong gong dit kunr quww langg qiyr
junn-lai byy der tangx jip'iyc
Langg bi(?) gong gong diddit kunr
vng iarr be jiac decc be tunx
Qokvyw lirhai knuar e junw
jaix ix decc genr apenwhunx
Qokvyw tniax qaxx hen hen hen
juixciuw uii uaw decc damgenn
jai'ngiaw jongxiaa genr apenr
duan diyc jingwtauu crenx crenx crenx
Qokvyw qnuaxqinw mng juixciuw
jaix ix lauwsaiw qutjad tiux
vyr ix he iyc qikk kuair qiur
jiksii dyrr hyw tangx juriuu
Junhux tniax diyc jnia' hnuahiw
qiamxcaiw quewjingr iarr diyhh lic(?)
jongxiaa ee langg jin' u gi
dua dua lyhuann liw qra rix
Qongw jingr(?) dyrr hyw benw bai mec
jriw iong iyhtauu benw iyhjex
jiksii ving'anx byy quanhe
jaix iaux iarr e jiac tngdee
Jiac hyw jin' je byy der sngr
hunceux qaupyh(?) qra lenrtngx
jiksii jaix iaux e jiac vng
jitt tiab viwquad e biaurhngx
Apenr huncuex dyrr qaupyh(?)
qo' hang lenrtngx vadd bi byy
jiac diyc vni kir langg dyrr hyw
jaix iaux vng iarr tunx e lyc
Dairven iarr be qycjaiww siar
dee iarr e tunx vng e jiac
kacc qinw henrsii iong juwsia
Qokvyw qaixqiur vikjongxiaa
Jongxiaa vni hyw dyrr decc mng
langg vyr jitt tiab sniaw iyhtngx
unjingg diyhh sueh m tangx krngr
qnaxx jiacc qonghau naxx senhngx
Simxmih iyhhngx jiacc ingwhau
dri guaw jit tkuanw ee jingwtauu
si iong qinsinn iacc cnicauw(?)
qoqox jit tiab dyrr lirlauu
M si cnicauw sniaw iyhqnia
iong huecuex ?? camx juiw hniaa
jniasit jit vaiw dyrr jai'ngiaw
sendenx iarr byy jiacc kuair qniaa
Jitt bi qyxzenn si jin' hyw
qapp liw vnirguann qycc u hryy
jixqaur ee langg Qamx Qokvyw
jongxiaa byy ix mia dyrr byy
Ix si siauwlenn iacc si lau
jaix qaxx ququair ee kangtauu
hyw ir hiongr jingg laii jixqaur
guaw beh sniuw ix ee angvaux
Jitt xee guaw ee hyw ving'iuw
iarr byy qeau jin' jriuu
beh laii qniajunn jyr juixciuw
angvaux juadduir m qnaw siux
Junhux dyrr kir cua ix laii
jongxiaa knuar qnir jiksii jaix
texqeh snisingg be sniu' pnaiw
hoxvue-him'iyx jin' jiongwjaii
Qokvyw vaiwqenr Aux vikjongw
qnua'imx dagg qxur dy' e tongx
qunqnuax dyrr si u hibong
langjaii liw he kir(?) siongdongx
Qokvyw qinw qra ix suecsia
dua dua brang liw vikjongxiaa
hingrhog junn laii jre qangg jiah
u kiamr jiacc vow guaw ee gxiac
Junn laii qaur jiax siy' jiaplauu
lrauu quer jitt jua Pni'oo Qxaux
zip qangw qra junw qaur Dnaxqauw
jniurliok dyr laii Duarvitauu
Vikjongw duiww langg jin' uanbuanw
dyrr duar Qokvyw laii Daiuann
inx bow dirdecc kuix caiwquanw
miaa qiyr a'Dauw jin' u qxuann
Vikjongw inx bow miaa a'Dauw
caiwquanw diamwhy Juiwhiongx Lxauu
gnoxlo langkeh dy'u qaur
Qokvyw decc jyr jauxdyctauu
A'Dauw knuar diyc Qamx Qokvyw
jin' u hanwenn(?) did langg hryy
draur dirr lairbin jyr jauxdyh
zit sii ingg ingg tangx cittyy
Dxiamr-lai juxlangg si a'Dauw
simqnuax u decc sniu kangtauu
Hongrsnuax soxjai knuar narr taur
byy sniu druar inx Juiwhiongx Lxauu
A'Dauw simlai u decc air
viwbit camkyw qiyr ix laii
Qokvyw byy sniu jitt hy dai
tniax dyrr erhiauw dnir m jaix
Simqnuax narr qacc byy sniu siaa
cuir pangg qaur cuir marr m jiac
dagg amr dy' laii druar sioksiar
qew beh laii cue vikjongxiaa
Narr qacc m si caixhuepangx
sen' quanx iarr si be jniurdangg
qniax kir qnix diyc luan'aiwbang
ingxuanw dyrr decc jyr cauwlangg
Dingxsix bingrling jid'err qaur
vikjongw dyrr laii Juiwhiongx Lxauu
qnir diyc Qokvyw cam' a'Dauw
qongw qaxx bagsaiw qiongrbeh lrauu
Henrjai Hingcunx dngdecc luan
muixx zit dy' cud vnivohuanx
kuix cingr dinwah jiacc hyw quanw
narr byy derhngx byy anjuann
Kuix paur dinwah Hingcunx Sniaa
guaw jin' byy dnaw qniax cingr-sniax
ban qaur junw junw e hauxtniar
byy langg tangx laii ter guaw qniaa
Jongxiaa narr si qniax duarpaur
liw cniaw druar lanw Juiwhiongx Lxauu
jitt jann guaw jyr erdid qaur
Qokvyw jiacc ter liw cuttauu
Beh ter guaw kir diyhh kacc qnuaw
venwjongx dnaxvan jyr qunqnuax
Qokvyw m qapp langg jywpnua
dyrr qaur Hingcunx ee ingvnuaa
Qauwui duarcingr jid'err dann
derhngx anjing id(?) siqanx
vecsnir knuiwuac tangx tyxtanr
Hingcunx zinbinn simx jiauu anx
Hingcunx jiksii jiauu anjing
vecsnir knuiwuac tangx qing'ingg
tniax diyc cingr-sniax dyrr diksingr
Qokvyw vinw quer Aux Jongxvingx
Jiacc kuix jit sniax ee duarpaur
naxx junw(?) duardui beh kir jauu
huan'aw jiksii siy' jnix jauw
byy qaxx jit xee qnaw uat tauu
Kingwsui byy dnaw qik qniax siw
tniax diyc jitt kuanw ciyr lic lic
cingr dann jit sniax dyrr singwli
siy' cua dyrr laii qnir siongrsix(dingxsix?)
Qamwqnuax dyrr mng Aux Kingwsui
jitt sniax duarpaur sniaw langg kuix
jyww liw genn bingg mrbenw uir
dirr jiax hurqinx iauxx kui'uii(?)
Jitt langg sner Qamx miaa Qokvyw
co' qaur Daiuann jitgiap byy
bunbuw siangjuann damxliong hyw
jurr ser qunsut dyrr u yc
Bunbuw juanjaii langg lirhai
henrsii qapp guaw jywdin laii
guaw qiyr laii hro liw knuar mai
kaksit snisingg jnia' jiongwjaii
Kingwsui qinw qra ix jixsi
jitt xui qamwqnuax(?) Dangw Vikhix
Qokvyw tniax diyc jnia' hnuahiw
qnuaxqinw vaiwqenr Dangw Siongrsix
Knuar diyc Qokvyw jnia' hibong
guaw jiacc qra liw jaur qun'ongg
jiamrcniaw Hongrsnuax jyr sibjongw(?)
jaur quer singwsiong e qahongx
Sibjongw narr quanw jap miaa vxingx
guaw jiacc jyr viyw jinr diaudingg
henrjai qokqax dng' kiamwing
suisii e qycc qra liw sringx
Qokvyw hnuahiw rinr jit sniax
vaiwsia siongrsix dyrr kixqniaa
u ter qokqax decc pacvniar
byy druar caiwdiamr druar qun'ngiaa
Qokvyw dyrr laii druar qundui
jingwdit ee langg qinw lirkuix
caiwdiamr yh ngr langg ee cuir
druar quw dikkag u surhuix
A'Dauw air diyc Qamx Qokvyw
Qokvyw muixx vaiw qew tniax byy
juanx si dxiamr-lai ee jauxdyh
byy-ngiaw-byy-jiah ue luan yc
Vngvnix(?) qowir ue luan hranw
Qokvyw ee langg jin' iaxbann
iarr byy duar diyc inx lauxvanw
qapp inx niuu e qnaw tongqanx
Qokvyw u qrongx jyr jabdniuw(sibdniuw?)0
hro langg dausux sror je dniux
simqnuax qapp qxauw siycincniu
jiacc qnaw duer inx tauqeniuu
Jongxiaa cenxqenr hnirkangx kinx
amwhun Qokvyw dua vutzinn
tniax diyc langg qongw sinr ~ ~
iarr byy diaujax hix iacc jinx
Kingwsui cenxqenr qycc cowtangw
viauxqniaw kimsiu m si langg
siongrsix knuar ix u qaur dang
quw laii iaxx kacc m si kangx
Kingwsui naxx sniu jiacc naxx krir
cinsinx dyrr kir drauu siongrsix
qongw kiw Qokvyw ee dairjir
zinbin-siuwsimx byy langg gii
Qokvyw m qnaw jiacc janzimw
knuar ix zinqeh be iaxsimx
jitt kuanw jin' dua ee jikzim
juiw diyhh vunrcinr(?) jiacc tangx limx
Jiacnirr janzimw qamxx byngiaw
vadd langg ee ue m tangx tniax
narr u huatsingx sniaw surqnia
ix qamxx beh kir druar qun'ngiaa
Vijid in'ui u qeau
jiacc kuix jit qingx Juiwhiongx Lxauu
Qokvyw Daiuann cocox qaur
cniaw ix kir jyr jauxdyctauu
Jaix hxuad qniax hxuad gee jiacc gni
byy sniu iarr decc tanr nngw jnii
liw byy cinbak laii knuar qnir
iarr qnaw hamhuih decc vunn tnix
Simqnuax jiacnirr gauu uanwdor
Qokvyw jxingg duiw liw jiacc dox(?)
qnaw kuix caiwdiamr uaw jabow
jre decc siux jnii did qonglyy
Srinx ruii vikjongw jiacc tamx dnix
hro liw qex jyr beh qui' nii
qikjid ruii binn jyr vecsnir
dngw kir linw cur tanr nngw jnii
Hongrsnuax narr qycc hro liw quanw
jaxban e qycc cud cnihuanx
qikjid ruii binn benw ai'uanr
vutjunw hro liw druar Daiuann
He bunn(?) laii qra Qokvyw qongw
zinrjinx tangx qycc qenwlip qxongx
liw sringx Hongrsnuax jyr vikjongw
diaudingg jiw(?) qaur jiacqycc hrongx
Vikjongw Qokvyw kir jiapsiu
Kingwsui benxjid hee Hokjiux
cue inx qowhiongx ee hyw iuw
narr u qihue tangx vywsiuu
Dngw laii Hokjiux qnir jongxdog
jinjniar m guan beh vywhok
qongw kiw Qokvyw taiww kiyc'og
sutongx Hingcunx ee snuajok
Hongrsnuax itkair tong' ix quanw
amwjo snuade ee cnihuanx
vutqiuw dikkag e dairluan
m tangx hro ix druar Daiuann
Guarquanx duiww langg si jin' hyw
qnaw zip snuade crua huanvyy
narr beh druar quw jin' byy vyc
snuade itkair vnii pypyx
Jongxdog simlai decc cuiliw
Kingwsui ee langg u hiamgii
cenjongw jin' gauu vran dairjir
qnaxx u vangwbak iujai ix
Qew me Qokvyw jin' iaxbann
qnaw zip huanqair jyr hanwqanx
jiauwhue qaudair cenjongw vran
byy druu derhngx be ving'anx
Cenjongw qapp ix qangg dongxlui
jiauwhue kir mng siar e kuix(?)
qra driaur dngw laii lanw jitt xui
narr byy vecsnir jin' limguii
Kingwsui diddit beh kingqiur
pacsngr qapp ix u uansiuu
dokqunx qew qongw beh cutciuw
qra driaur dngw laii lanw Hokjiux
Kingwsui bingbingg u kiyc'uanr
jiacc qongw jitt kuanw ee uerquanx
guaw jiauww qongvnii qra quatduanr
jiksii jiauwhue qaur Daiuann
Daiuann kir diaur Qamx Qokvyw
qongx vyr susiuu cavutdyx
cenjongw singwjid si jin' hyw
qapp ix qiongrbiyy dikkag byy
Bunn qaur Qokvyw cinciuw jrih
qnuaxqinw dyrr laii qnir siongrsix
jongxdog rair qinw u dairjir
guaw beh laii qapp liw siy' srii
(sir)
Sir jip dui' jiax singx qongw kiw
qra linw ving'iuw laii tongdix
qoviauw puewcinx u habliw
simsimx-siong'inr vutlisii
Jongxdog laii driaur jyww liw dngw
ix ee sniurhuad qik tangqngx
jitt dniux susinr qapp jiongxjng
puex-lai ue si qongw jin' dngg
Guaw sniu Kingwsui jiacc qnaw jyr
qacc u jiongxjng jitt dniux puex
ongxhuir ix kir snix pnaiw ue
vran lanw be dyw ix qesuex
Qaccu puesinr guaw m qniax
vaiwsia qamwqnuax dyrr kixqniaa
guaw e uirr qog kacc pacvniar
jiap jiap lyc junn qaur singxsniaa
QOkvyw sniu diyc junw junw junw
bue jaix simlai jaix snax hunx
junn qaur bexbuew dyrr hiyckunr
dyrr laii huxgee qnir dokqunx
Qokvyw camvair qnir jongxdog
vijid jiac qxunx ee hongrlok
narr byy ledsimx qapp air qog
derhngx sniaw langg beh kimhok
Snir Qamx Qokvyw guaw ee miaa
juanvo sueh hro jongxdog tniax
vijid lixiuu tong' jai'ngiaw
jiacc u diaur guaw huee singxsniaa
In'ui guaw co' qaur Daiuann
dyxsu dagg xui u cnihuanx
Hingcunx derhngx decc qiauxluan
hunwiongw dnuasinx kir jiujuann
Qurzim vikjongw Aux Kingrsui
qniax siw duarpaur m qnaw kuix
guaw dyrr tauwmii vingrr qauwui
kir qaiw(?) derhngx e limguii
Siongrsix hro guaw jyr sibjongw
qniax guaw kir jiamr ix ee qrongx
byy siyh binrpuee qnaw luan qongw
gii qapp inx bow taux sutongx
Kingwsui qniax siw qapp vinrdnua
qui' zit jiuw diyc ohunvnuaa
vutquanw derhngx ee anxjnuaw
qycc kuix caiwdiamr dirr Hongrsnuax
Iarr kuix caiwdiamr jyr tauqex
lairbin jabow sror jap xee
juanx kyr jongxiaa ee sinser
inx bow iaxqycc kacc gnirgee
Hyw did siongrsix erhiauw knuar
jaix ix hitt kuanw ee simqnuax
qikjig liauxau suacc qra ngua
m kingw hro ix druar Hongrsnuax
Vikjongw jiacc hro guaw jiapsiu
ix druar qequanr huee Hokjiux
jaix ix jaxban e cutciuw
dingrquix cue guaw vyr uansiuu
Iarr u sniuxjng qapp susinr(puesinr)
nng qnia tongtongx duar dirr srinx
qamwqnuax vitjig jiacc hyw zin
jinr hro jongxdog laurhunzinn
Byy-ngiaw-byy-jiah qongw qui' qnrua
guaw dy' jaix ix ee simqnuax
puesinr liongriog qra ix knuar
dnaxx benw dngw kir siuw(jiuw) Hongrsnuax
Knuar ix texqeh snix jin' hyw
bre qog qiu'ingg dikkag byy
sniuxjng tec hingg Qamx Qokvyw
benw qycc Daiuann kir vunpyx
Jit xui jongxvingx jiacc quewongw
guaw knuar byy langg kacc sikdongx
qra liw vow kir jyr cenjongw
uirr qog jinrdiongx e qycc hrongx
Qokvyw cenjongw kir jniurzim
sniu diyc ixjingg qaur jitqimx(?)
iauxx bue bad hro lanw diwimr
sniu diyc jinjniar m qamsimx
Qokvyw jniurzim qingquer liauw
byy ingg be kir qnir Suatqiaux
diyhh qapp Lenlenn vingw qu siaur
narr byy e ho'ngg knuar suesiauu
Jniurzim snax zit quer liauxau
laii dirr lamm Daii dua qiyy-tauu
duxcenx liw laii guaw iarr qaur
jiacc sniu ehngx beh linw daux
Byy gii dirr jiax qnir diyc linw
langg diyhh qu :ee snxax diyhh sinx
suizenn tingg quw byy qniwbin
ue qongw kiw laii guann jiacc cinx
Suatqiaux jiacc mng Qamx Qokvyw
liw qniaa jiacc qinw beh kir dyhh
ioksog marr byy jiacc duxhyw
duiwtauu qamxjingg be vangr byy
Jnuaxngiu guaw e jiacnirr qnuaw
in'ui beh craa cngjingsnuax(?)
dngw laii beh kir qra liw knuar
sidjai jitt kuanw ee simqnuax
Qajair cutgua be sitvai
guaw u tamwtniax dagg hxang jaix
viwbit ee ue qui' vaklai
beh qapp viauxhniax liw qongkaix
U sniaw viwbit ee surqor
dirr jiax lamm daii langg jin' dox(?)
jitt jun liangg liangg naxx sanwvo
laii kir Vakmngg siyw Seoo
Air kir laii kir byy zuarr hng
beh qongw kiw laii ue jin' dngg
linw diyhh Daiunann co' jiacc dngw
dauwdin air beh kir Vakmngg
Qinrlaii singxsniaa langg jin' je
bexlo qniaa jin dauxdiongqex(Dauxdiongx Qrex)
Daiuann dngw .laii u qnruax juer
vutviw bue kir jaxdongcuex
Jitt cur Daiuann jid'err dngw
vutviw ixjingg be cutmngg
dag'ee uaw laii siy' jiycmng
qaur jiax Seoo siyw qonghngg
Duxx qaur jitt der ee dersow
qokvyw ee langg jxingg jin' dox(?)
jiyx inx viauxmue birhunbow
laii jiax Vakmngg siyw Seoo
Ingwdongx diyhh laii anxnix juer
hyw did viauxhniax liw qinw huee
hurcinx quewongw langg siongrr ced(cred?)
vadd jann tongtongx byy bunrdee
Tniax diyc qodniu iarr quewsinx
byy langg tangx jyr jingwhunzinn
dngw laii qnir ix jit xee bin
tangx qapp viauxmue liw singcinx
Diongwhongx beh siw bak jit nih
tong' qrex cniaw byy hyw sensnix
qinrlaii hy jyr noxigvni
qimzit duxhyw siw vnuar nii
Byy gii pnaiw mia qaur jitt kuanw
guaw iarr sniu beh kir Daiuann
qajair viauxhniax liw huejuanw
buxqu tingww qra lanw juxquann
Bycaiw sner Qamx ee jongjow
snix qaxx nng xui ee a'qox
zi-qox jingnii dyrr bongqor
dua :ee ho'ngg cua kir qniadox
Cutsir guaw dyrr byy knuar qnir
lirkuix joxbuw sinkuvnix
m jaix snix jyr ngii iacc vniw
qongw kir Qniadox jin' je nii
Qinrzit guaw narr qaur Qniasniaa
beh laii zinrjinx qra tamwtniax
viauxmue jyww liw juxsimdnia
junxvi jitt jann ee cinjniaa
Qingwair zuqu(?) byy huanxvenr
simqnuax vutviw Ongg Lenlenn
knuar ix e qycc zuarr gauu denw
beh laii hro ix qiyr hongtenx
Hiamw be qir did qra liw qongw
Lenlenn qamx vair guan erhongx(?)
jaix liw qinrlaii jyr cenjongw
jitt nng~snax zit hermia jongg
Lenlenn kow qaxx qangrr beh siauw(?)
tauu crur laii hro guaw suecsiauu(?)
qniax liw qapp ix cringx qu siaur
hyw cuir qycc qriuu guaw suatqiaux
Zi crur jauw zip qaur lanw daux
sueh qaxx bagsaiw jniasit lrauu
jidsii hongxhud sniu byy qaur
kimhok viauxqyx urngiaw gauu
Knuar diyc dy' iarr byy siaxsir
banrsu dair diyc lanw a'ii
qacc u qniax lanw hyw birsi
knuar guaw binrsiong liongrjingg ix
Qacc e laii qriuu viauxsiyxmue
knuar guaw si beh jnuaxngiu trex
kaksit Lenlenn jin' gauu cue
lunrliw diyhh qra ix vrag puee
Lenlenn erhiauw knuar siser
jaix tangx laii cue liw jit xee
dnaxx singx junxvi qethunlew
tangx hyw rii zip sinx huxgee
Zidjiw liw kir huadlyc knuar
Lenlenn benw camx ix ciavnuaa
u cuir qongw qaxx beh byy nxua
jin' m quer lanw ee simqnuax
Si beh jriw ix jit xee cuir
ingxx byy hro ix sniu' kikkuix
ixau m qnaw hiacc sangxkuir
singx vur aur vinn(?) hro laksuix
Siangzit dyrr hyw mrbenw knuar
duiwtauu qanxdanx sniaw ciavnuaa
viauxmue liw si sniu anxjnuaw
narr air laurzet danw kacc knuax
Guaw bi(?) verbuw tong' jiauu byy
iujai viauxhniax liw huadlyc
narr e qanxdanx derr id hyw
byy langg qnaw laii ciyr viauxqyx
Qanxdanx guarlangg kacc m jaix
langg jaix dyrr e vaux lew laii
in'ui Lenlenn ee quangai(?qangai)
guaw jiacc m hro langg povaii
Suijai viauxqyx ee iwqenr
dnaxx dirr Hokjiux vutviw jenn(?)
siux lew qingw langg jin' vutven
sniaw decc qra kanx Ongg Lenlenn
Viauxmue ue ji' hac guaw ir
qacc narr birpog e singx dix(?)
Veh-guec jap-zi hyw zidjiw
viaujunw jitt zit jyr hixqii
Veh-guec jap-zi ruii viaujunw
Qamx Ii(?) qoviuw beh uanhunx
jre dirr qonghngg decc damlun
qongxue cincniu jiyhjamrhunn(?)
Ioksog liauxau dyrr beh dngw
nng langg siy' jiyx cud qonghngg
liw byy verbuw tangx pacsngr
rair qinw crua liw zip guaw mngg
Iarr si viauxqyx erhiauw sniu
qaqi jit langg cud guarngiuu
dngw laii qamxjingg byy juadngiu(?)
iuguann singduir ee uan'ngiux
Simqnuax liw iauxx kacc qending
duiww guaw ji' hyw ee qamxjingg
danw qaxx dngw laii Hokqenr Singw
ioksog hixqii beh uanxsingg
Liw byy kiwhiamm lorvnicauw
guaw byy tamx langg kuix hangqaux
en' lo qongxue jin' kuair qaur
jiacc qinw liammix qaur gunw daux
Qokvyw cua liw qaxx qauwui
dyrr jiax beh qapp linw lirkuix
viauxmue jit srinx jnia' dinquir
guanvi-quidiy tangx jywduix
Tingg kax qex qongw quiw qxur ue
viauxqyx liw diyhh liongrjaw huee
jitt der lai'ongw langg jin' je
liahjunw liw beh sniu caixhuex
Byy ue tangx hyw qycc qaudair
jitt xui jingwlangg decc ongxlaii
qor diyc birhunx ee angsair
nixbok cenxcenw qex ho'ngg jaix
Jitt der jingwlangg dy' u qaur
sngr si qin jiax dua lortauu(?)
zimxnai quiw zit siyw danxhau
jap-zi dyrr tangx qaur gunw daux
Daiuann hiacc quw dy' decc danw
snax quiw qangx sxid byy uilann
jiamrcniaw hunkuix laii qaixsanr
henrjai jin' nguar ee siqanx
Qongxue dagg qxur dingr guaw tniax
knuar ix zip kir jiacc guan qniaa
m ho'ngg hyrlew juiw beh cniaw
hro ix dni cur(?) iauxx kacc qniax
Qokvyw kuix vo qnuaw jin' qinw
zip mngg vaiwqenr inx hurcinx
hniasyw be kunr dirr lairbin
qongw kiw Ii .qrax ee hun'inx
Vinw qeur hurcinx cam' a'hniax
m quanw ving'iuw qapp cinjniaa
hixjiuw snax zit dyrr beh cniaw
hyrlew siarjuat benw ho'ngg qniaa
Siarjuat cinjniaa qapp ving'iuw
sniu diyc ixjingg dirr Hokjiux
quatding snax zit beh cniaw jiuw
qunqnuax lew laii jiacc tangx siux
Huanhur hniasyw qapp hurcinx
qokk langg hunsanr kir anbinn
zidjiw qingquer si jin' qinw
jap-zi jaixkiw zit cutsinn
Mngkauw diamw dingx qapp qatcaiw
Hokjiux singxsniaa tong' langg jaix
cinjniaa ving'iuw cam' qnuaqair
dagg langg hyw ir vaux lew laii
Knuar diyc mngkauw u qywsi
tong' langg simlai dy' decc gii
sngr si uanhunx hyw dairjir
qnaxx e m siux tangx qra srii
Mngkauw qnuavingx decc vexsiuw
jongxiaa co' jiacc qaur Hokjiux
bylun cinjniaa iacc ving'iuw
lexbut itkair juann byy siux
Jongxiaa cincuir u qaudair
linw knuar qywsi dyrr e jaix
narr u sing'ir danw aurvaiw
snix davosunx linw jiacc laii
Dni Singg lexbut iarr qauwui
langsor jin' je keh be kuix
knuar diyc dag'ee ylyw suiw
sxiah dyrr si sxiah huii dyrr huii
Iarr u jit vxag ee sianghiw
citzi jit qxur vnuar quasix
jaix si jongxiaa ee viauxjiw
iuguann byy siux qra ix srii
U langg qnaxx e hiacc jai'ngiaw
dirr jiax henrdniuu qongw ho'ngg tniax
Lenlenn knuar jnii naxx sniwmia
bycaiw qapp ix si cinjniaa
Qra jiyh damrvyc iarr byy tangx
qimzit ix jiacc e bad langg
diauqangx beh qra vniwqaulang
jaxban iarr e qycc kiyckangx
Bycaiw qapp ix si iviauw
dendyww qra ix jnia' suesiauu(?)
censimx jiwkir m vuahqiauw
jyr qnruax dngw laii crua Suatqiaux
U jnii e knuar langg suebaiw
hro ix jitt kuanw dy' ingqaix
jingwlangg juann si hro ix hai
jongxiaa jiacc m ho'ngg povaii
Lenlenn jyr langg jiokk qenlin
duiww inx viauxdi jnia' byy cinx
Qokvyw jinwvo iarr jin' qinw
Suatqiaux hyw mia jyr huzinn
Viauxjiw kacc sux inx viauxmue
lexbut byy siux tangx huathuee
jingwlangg dag'ee decc taux hue
tniax diyc decc dann vat'imcuex
Sir jap cuarcinx decc hiyckunr
go jap taiwhiy ma hunqunx
Kenliongg tenjuw jnia' hauwsun
jiongbuw siawhuan jin' bingqunx
(go)
Tniax qnir ingg langg itdit hranw
vat'imcuex sniax dirdecc dann
jitt kuanw jiac csi lamjuxhanr
jyr qnruax iaxqycc kacc qanxdanx
Qanxdanx iarr byy cuann vnuar hxang
jixu jit xee ven hmnlangg
sinniuu qauwui paur dit vangr
lyc qiy jiksii suacc jinr vangg
Qow-sniax suantenx paur dit dann
sinniuu cud qiy benw langg kanx
lamluw lyxiu jiauu cingjanr
jinr vangg iarr byy danw siqanx
Byy iongx cuwvnix dauwvangbangg
vingx-aw tangx crewx benw langqangx
ngii-aw jit tangw quer jit tangw
jiyhox laii knuar inx jingwlangg
Uann-aw jit oo quer jit oo
jinjniar hyw ir decc jiyhox
kixcox langg kacc siyxdysor(?)
jit xe naxx laii suacc naxx dox(?)
Id laii tuann jap jap tuann vah
uree limx tngx jriw cuiwdax
ginxaw qed qaxx m jaix vaw
sniu' dni ciax qaxx qui' tokax
Qui' qrex hranw qaxx herhe diy
beh laii ee langg qig siy' jiyx
u langg jiac qaxx suacc e ciyr
hanrban kaciuw kad be diyc
Qux :ee jauw kir jiyx exqauw
qauwui qadi jnir jyr tauu
ue qongw be bingg ngiwngor hauw
jiac qaxx duarqnua itdit lrauu
Vah laii tuann cingx cingx tuann bxan
laurlangg beh laii cniar langg kanx
drew iarr be diyc kia decc danw
huer je dagg hxang dy' uilann
Huer je ee langg kacc tamx dnix
kiccuir iarr laii beh jiac ngii
uree tamsimx drew sniu' dni
ginxaw jiac qaxx suacc siy' jnix(jnex)
Hranw qaxx sniaa-gua langg jiauu jaix
e qniaa be jauw dy' beh laii
piciuxcinr aw(?) jiyx ervaiw(?)
cauwtauu Hog :a langg daix daix
Cauwtauu Hog :a dnix jiokk hingr
ix qycc qapp langg jnir jyr jingg
qenww drew dagg nguaw dy' quawcingx(?)
sniu dni duer diyc piciuxcingx(?)
Piciuxcingr aw dyrr qra pngc
cauwtauu nuarhni jiacc iauhngx
tamx diyc ngii-aw iur qapp nngw
qra guaw drew qaxx juanx si tngx
Guaw dyrr m si diau'iwqor
dag'ee iong nguaw siy' jnex hoo(?)
sitciuw duer(?) diyc liw erkor
suacc decc ma guaw air hauwqox
Liw qamxx byngiaw gauu sirsnix(?)
bagjiux jniasit hiacc cnimii
iauquiw mrjiacc drew hiacc dni
tamx diyc ngii-aw jiac benw jnii
Cauwtauu Hog :aw hue sitlew
Piciuw Cingx :a kacc gnirgee
bagjiux juann byy knuar quanqe
draur jiax qamxx sniu beh uanqex
Cnimii Kid :a duxx qauwui
tniax diyc langg uii qui' dua duix
in'ui juann byy knuar quanqe
kueciuw Cingx :a qra laksuix
Jiuwpn Sangr :a mng qinw qinw
decbeh qra inx jyr qongcinx
qikdaur(?) jitt jann pnaiw sewbin
ho'ngg jinjniar pnaiw iwsinn
Cnimii Kid :a jiuwpni Sangr
nng vingg duar dirr(?) gunw nng langg
iarr byy in'ui sniaw jnihang
uanqex niujer sen' m tangx
Kueciuw Cingx :a tec cun'ngii
qongw hro aw(?) caur jinjniar pnix(?)
guaw m sinr ix qacc zuarr gni
byy linw qongxjingg dyrr qra pnix
Kueciuw herlat quanr(?) qociuw
pnirtauu juanx buah dyhluiriuu(?)
laurlangg tamx diyc ngii-aw iur
jiacc e qoo qaxx qui' cuiwciux
Quax diyhh anxnix jiacc e sun
benw qongw Qokvyw uann sinhunx
Kingwsui simlai jnia' uanwhun
viauxqniaw liw e kyr dokqunx
Jongxdog sewlat tangx liw kyr
jaisanw guaw iarr beh junn byy
u jnii sraiw qxuiw e eby
cacsit liw iarr lann did dyy
Byy sniu kacc jaw dirr Daiuann
qed jyr hethaiw ee cimuanx
jaisanw juann byy dy' qamguan
knuar liw deruie u zuarr quann
Qimzit narr m singx cutciuw
byy bin tangx hyw druar Hokjiux
jit xee jiwhyw ee ving'iuw
Hanwlinn juxsu Ngiuu Qimviaux
Ix ee ciuxuanw derr id gni
hingvo sirlongg inx sensnix
cenjongw vutzit dyrr hongwqnir
sniwmia junw junw dirr juixqnii
Qimx Viyx langg jin' u simsig
jaw jaw dyrr camx guaw qewig
Qokvyw qnuajid unw qaixqig
cniaw senx liw dy' byy huatlik
Cenjongw ix byy ingxuanw juer
jnii liauw lanw si byy bunrdee
duxx qapp inx bow decc qongxue
jriab diyc Qimx Viyx jit dniux puex
Jiong' puex qra knuar kacc hunbingg
Qimx Viyx Hyy Sinx ee mngsingx
bunsux ven ven tangx jywjingr
lenrr simw snax dxngg be singhingw(?)
Qexjy jit dniux lenbingtiab
siuxlingw snir Jux miaa Singgiap
juanx qapp pnaiw langg decc jicjiab
bre qog qiu'iongg ee qandiap
Ix Qamx Hongrdii ee jokcinx
senhongg Iongjingr ee siuzinn
mng quer snax dxngg iauxx bue zin
jue si jin' dang m si kinx
Liw jex kenxqniaw(kenxjuw?) Qamx Qokvyw
dyrr e kiuqimr dirr tenlyy
kauxqingx narr si qongw m hyw
qui' qrex sniwmia uirr liw byy
Kenxjuw liw e jyr cenjongw
dngw laii singxsniaa decc uihongx
kauxqingx narr byy sewzi qongw
juann qrex duer liw mia bedbongg
Anwha Kingwsui ciuxuanw qiongg
hamrhai Qokvyw dirr qnax-diongx
singx sueh dongqimx ee hongsiong
tewdiauu laii dirr Banrsiu Qiongx
Zip qiongx mngranx qnir buxhiy
tehsueh Qokvyw jin' m driyc
cenjongw qnuajid qamxx e siyw
qnaw cam' jadzinn decc dongbiyy
Jit xui snir Qamx jyr cenjongw
juanx qapp pnaiw langg decc sutongx
lenbingg jit qrunn ee caddongw
vehjuixtnuax jer ee dairongg
Hokjiux singxsniaa Qamx Qokvyw
jiwqimx kauxqingx iauxx mng byy
lenn simw snax dxngg be cingcyw
henrsii qimr jairr dirr tenlyy
Qokbuw qir dirr simqnuax lai
m qnaw sueh hro Kenliongg jaix
liongrvid guarqex ee hiyrdai
jiksii qew jnriu simtauu laii
Snir Qamx qamxx si lanw guarqex
a'hniax nacc u snix jitt xee
guaw narr byy qinw sniu jit qxer
qoqox jitt diamw ee huecmec
Taiwhiy suisii u qewdir
dyrr kuix qimgenn qiyr Hongzii
guaw ee qu vni iurr decc kiw
guan narr u dab benw iyc rix
Huwtenx(?) u huad cuiwkauxguan
he(?) guaw jit srinx ee vnirguann
narr hyw beh siar dangrkinrhuan
bue siar(?) jinjniar byy anjuann
Jingwtauu narr e kacc kinsangx
beh siar tenlyy ee huanrlangg
bue siar sintew dyww dimdang
taiwix iyc jiac bycaiw qangx
Hongzii liw diyhh cud singwjiw
narr byy jingwtauu lann didi rix
huanrlangg diyhh siar jiacc be siw
laurbuw beh dic iacc m dic
Kenliongg siawjux quaxqinw siaw
qionghuan narr vangr jin' yh liac
dukiw qandiap jiacc byy siar
Qamx snir Qokvyw iarr jairgiac
Singwjiw siaw hyw qaux lairqamr
tec hro hingvo Ngiuu Taiwlamm
qanwdiap ciu'au jiacc cuwjamw
jit miaa snir Dingx qapp snir Qamx
Hongzii liw u cud siawjiaur
langg dyw qankow dongr be diauu
pacsngr qnaxx siar byy liauw
m tangx duiww guaw qongw hausiauu
Siawjiaur u tec hro liw knuar
Qokvyw sutongx vehjuixtnuax
hingvo iauxqycc bue simxpnuar
cenjongw diongriaur ee qunqnuax
Qokvyw anwqnia jin' dua jann
vehjuixtnuax lai draur jit vanx
qaudair hingvo ix kir vran
bre qog qiu'ingg ee hanwqanx
Taiwhiy siurkir ma kenliongg
daulauu nng huan dirr qnax-diongx
hai guaw sintew dyww siongdiong
liw jin' vuthaur vut'inxjiongg
Tniax qnir buxhiy vni qycc huanw
singwjiw jaiww cud derr zi huanx
beh siar qandiap ee diongrhuan
hro buw vni hyw tangx guanjuann
Tniax diyc huanrlangg tangx jiauu vangr
taiwhiy irjiw cud jit vrangx
dyrr ling lairqamr cinsinx sangr
beh diaur snir Qamx ee vunxlangg
Taiwhiy sinvnix ee lairqamr
dyrr laii hingvo diaur snir Qamx
Qokvyw simlai damw damw damw
taiwhiy hysu beh binrdamm
Qokvyw jinjniar u ui'iongw
dyrr duer lairqamr laii aurqiongx
siangkax quiwvair vair singwsiong
snax hox banrsuer hog buqiongx
Iarr byy Qoksu tangx binrjaur
siangkax qui dirr tokadaux
taiwhiy dirdecc vinhongx au
beh mng Qokvyw ee guantauu
Qokvyw tniax diyc mng jitt kuanw
qongw inx hurcinx ee qinguann
qrex druar Hokjiux Banrhiyy(?) Quan
jiong' tauu jiww buew sueh jit huanx
Buxcinx jaaw jaw dyrr bongqor
guaw u nng xui ee a'qox
hitt jun niqiw siyxdosor(?)
dua ee qobuw dirr qniadox
lirkuix Qamx .Qrax jin' je nii
jiong' tauu jiww buew sueh jit pnix
quax diyhh ho'ngg tniax e zip hni
qongw qaxx tetdew quax sniu' dnii
Tniax diyc Dionghyy ee miazi
sniu qnir cutqer hitt dongsii
Qokdinx duarhniax inx siyxdi
jniajniar si guaw ee ditzii
Taiwhiy cud laii dyrr siy' zin
qodid qniwbin si jin' cinx
dyrr duiww Qokvyw mng qinw qinw
jatamr inx diax qapp Qokdinx
A'diax sintew dy' iongw iongw
Qokdinx cutgua decc qingsiongx
Hyy Sinx dongbiyy jaur singwsiong
juanx hai qokqax ee dongwliongg
Lenbingg sului taux guijy
Kingwsui dongbiyy vadd langg byy
kiyc'uanr hai guaw Qamx Qokvyw
narr byy qobuw diyhh quewdyx
Hyy Sinx qandongw jiacc dogqer
qnaw beh hai guaw ee guarqex
Qokvyw hongzii ee viauxde
guaw narr jitt diamw cinhetmec
Quaxzinn bingvik byy iauwqinw
guaw jaix Hyy Sinx cadqansinn
e qapp viauxdi laii qniwbin
liw si jit xui ee hongcinx
Dyrr jiong' Hyy Sinx singx qikjid
qamxx beh hamrhai guaw hentid
Kingwsui jaix diyc jitt siausid
tauwmii dyjauw byy qeczit
Kingwsui tauwmii jauw quewbin
hingvo hongrjiw jamw Hyy Sinx
bunbuw-vacqnuax u singzin
cinghox Qokvyw Qamx Hongcinx
Hyy Sinx jamxsiuw decc sirjiongr
Qokvyw hiamw diyc sriu jaihiongx
pah jric ciuxqud dendyww iongw
sewlat viw jingg iauxx kacc qiongg
Benw sueh Qokvyw ho'ngg himsen
singx laii qongw kiw Ongg Lenlenn
u jnii duarue sniu' gauu denw
jiacc e cnicamw qiyr hongtenx
Kix-vinn-diong-hur ee jabow
jiacc e ho'ngg qingx diyc haixdoo
jaisanw ciongqongx lyc qokkor
toxde hunjongx ee toxhoo
Jaisanw virr qnruax ciongx liauxau
jiong' ix ee dxiamr jing'au vaux
Dni Singg hyw did singx dyjauw
narr beh tc kir diyhh taii tauu
Dni Singg miagu venr jin' pnaiw
kuix dxiamr si decc jyr jiauvaii
laii virr inx bow Lenlenn hai
narr beh tec kir suacc diyhh taii
Kacc jaw iarr si bycaiw qangx
singwsiong duxx decc siar huanrlangg
Qokvyw ue qongw jin' e dang
laii kir qiyr ix draur vangbangg
Taiwhiy Qokvyw ee qobiyw
singwsiong qycc knuar ix u diyc
qniwbin qniax kir hro ix ciyr
si lanw m diyc cuir kacc biyy
Kacc jaw hro lanw jnia' viauxsi
qimzit diyc qaur ix ee sii
qacc beh iongx langg ee dairjir
dikkag lanw diyhh dnir kacc pii
Iongx langg diyhh dnir kacc puebin
kacc pnaiw marr iauxx jit der cinx
guaw si jaisanw decc iauwqinw
juxquad hyxser dyrr kixsinx
Qajunw(?) Lenlenn laii qauwui
beh iongx viauxsi draur ing'uii
knuar diyc onghuw kiw jiacc suiw
inhyy diongmngg naxx byy kuix
Knuar diyc onghuw jiacc dua qingx
nng xee mngqnuax dirr siangvingg
hyw cuir qra qriuu dikkag kingw
langg qongw qniwbin snahunjing
Vaiwtog mngqnuax zip kir vyr
qra qongw sniwmia druar dirr dyhh
beh cue hongcinx Qamx Qokvyw
m jaix dilehh iacc si byy
Mngqnuax jiksii zip kir vinw
laii liauw jit xui ee luxzinn
miaa qiyr Lenlenn dirr guarbin
qongw beh laii tamr Qamx Hongcinx
Qokvyw juvangg decc tesenx
tniax diyc laii laiuw Ongg Lenlenn
byy su vutzip samvyxden
dnaxx ix nacc m qycc qexsenx
Jenrzinn jinniar be qenwsiaur
ix laii cue lanw byy vadd diauu
jaisanw virrq nruax ciongx liauw liauw
beh tec inx angx kir cuxdiau(?)
Qokvyw decc duiww Suatqiaux qongw
Lenlenn jaisanw jiauu ciongqongx
guaw jaix inx angx si uan'ongw
narr byy huanrsiar(?) mia suacc brongg
Ruanx si kyxqaiw qed m tangx
langg qongw zip jer(craa?) byy taii langg
qimzit ix laii byy vadd hxang
jyr e did qaur qra vangbangg
Kacc pnaiw marr lanw ee viauxjiw
cue lanw m si lanw cue ix
ixongw vutqiur benw tee kiw
qacc byy dair diyc lanw a'ii
Liw qongw dagg hxang guaw marr kingw
langg qacc qniwbin snahunjingg
cue lanw jiacc kacc u loring
beh laii hisingx hro Dni Singg
Dyrr tuann Lenlenn laii siy' qnir
knuar ix bagsaiw diauu bagqnii
did hue m dyrr cuir vniw vniw
qui dirr binrjingg qau'iw-vnix
Qokvyw juanzenn m m kuix kauw
knuar ix bagsaiw itdit lrauu
kaqud iarr m crunx kacc jauw
Lenlenn qui lyc decc kabtauu
Qokvyw kax iarr m cunsiamw
taukag kap diyc ix hiajiamx
Lenlenn jyr kir sniu' kuatdiamw
qacc huan jingwkauw tong' langg hiamm
Hiajiamx lenn kab sir~go xe
Qokvyw qau'iw jyr ix trex
Suatqiaux qniax duiww langg byy lew
kanx ix kiw laii cniaw siydee
Itkair sueh hro viauxdi tniax
jitt jann brang liw qra gauw qniaa
siawhuan(?) angsair jiacc u mia
dnaxx diyhh kyr liw jit xee miaa
Jitt jann narr byy liw kir vran
qansinn qetdongw draur qui' vanx
hokdid(?) Dni .Qrax ee jaisanw
liw ee unjingg zuu(naxx?) Taiwsanx
Zinjingg guaw byy ngr langg dab
hiajiamx liw iarr mrbenw kab
guaw qapp beh cab diyhh beh cab
m qnax qansinn u lenhap
Hyy Sinx jit xui ee kewqniaw
snir Jux Singgiap ix cinmiaa
langg laii dausux jiacc jai'ngiaw
guaw iarr cinsinx kir tamwtniax
Guaw iarr venwjongx kir qra knuar
cinsinx qaur inx vehjuixtnuax
jewjuw juann byy jyr anxjnuaw
jaix inx girbu pnaiw simqnuax
Guaw tamr vehjuiw ee snuajer
lairbin jewjuw ee snax xee
Hyy Sinx singgiap ee kewve
jaix guaw qokvuw ee guarqex
Singgiap zin ix jyr hurcinx
au .laii ix jiacc huanw qansinn
duanrjuat m qapp inx siy' zin
jai'ngiaw hongsiong jamw Hyy Sinx
Juanx duu tamqnuax qpp uwli
qosiongx dogkeh ix m dic
ter tnix hingdy ee sinwgi
snuax-dingw girqii kia jit qix
Qyxzenn girqiab ee hyw hanr
tenjuw iarr beh qra jaiuwanx
lun liw cionqongx ee jaisanw
guaw tyw hingg liw byy uilann
Dyrr qiyr Lenelnn singx dngw .kir
laii cue hingvo ee siongrsix
Dni Singg byngiaw jitt jann su
beh jraur hongsiong qanx qycc dii
Hingvo m qnaw sniu beh vran
tniax diyc jauwjiw jaiww duqanx
huad hingg Dni Singg ee jaisanw
hongcinx u sniax byy siongqanx
Qokvyw siongrdiauu jaur tenjuw
qandongw simqnuax juanx sniursux
suacc jraur Dni Singg jitt jann su
Qyjongx unxjunw qanx dyrr druu
Jamxsiuw qongdy byy supenx
jaisanw beh hingg Ongg Lenlenn
Qyjongx tenjuw dyrr tewden
quax jyr anxnix jiacc be cenn
Duqanx jiacc be ho'ngg ai'uanr
Lenlenn qajaii iarr hogguann
jitt vunw qaur jiax duxx uanbuanw
Qokvyw sux qxiauw quer Daiuann
Diklimm inr quar gunw vunxvangg
huathingg sniu beh jyr jit vrangx
guanqyw guaw venx co' jit jann
quax-diongx quwqur byy siy' qangg