Huirlingg
Derr Zi Jniux
Qaixsueh Qongdig Jingrtow
Derr zi zit, Uiw Cuwsuw ter Dairsux vran sowjaix dua jurhue. Vngrsit jiac liauxau, Cuwsuw qiongcniaw Dairsux jnriu qangxjy, qycc qapp vorsiok, hagjiaw, jairqex jingwlangg snakor kiyh jingxjee juewdin qycc dingxlew camvair, mng qongxx, “Derjuw tniax Hysiong qangxhuad, dyrliw sidjai hro langg sniu be did qaur. Dnaxx guaw iaxx u jit quaw gibun, ngwbang Dairxsu dua juvix didvet qra gunw qaixsueh.”
Dairsux qongw, “U gibun qycc mng, guaw e ter linw qangxsuad.”
Uiw qongx qongw, “Hysiong soxx tuann qamxx si Potedadmoo ee jongjiw hnoh?” Dairsux qongw, “si.”
Uiw qongx qongw, “Derjuw tniax qongxx Potedadmoo joxsu dongcox beh dorhuar Niuu Ongqog ee Buxder. Ongg mng qongxx guaw itsingx jy sxi, qiongriongw cutqelangg, vowsix dairjiongr jaisit, u siaxmih qongdig .byy? Dadmoo qongxx sidjai byy qongdig. Dejuw sniu m bad derliw, ngwbang Hysiong uirr gunw qaixdab.”
Dairsux qongw, “Sidjai byy qongdig, m tangx huaigii singwzinn ee ue. Buxder simx siaa byy jniar, m jaix jingwhuad. Kiw biy jy sxi qiongriongw singqax qapp sed jaisit vowsix dairjiongr, si hy qiyr qriuu hog. Berdangr qra hokvyr sngr jyr qongdig. Qongdig dirr huatsinx vunxsimx, m si dui' qriuu hokvyr.” Dairsux qycc qongw, “Qenwsingr simx si qxongx, siuhing vingdingw simx jingrkir bin duiww dairjir ee langg si dxig.”
“Simlai sii sii cingrjing byy hro simx gua bongrsiongw, hro s.-surhang-h. uziamw, vutsii e qenr vunxsingr ee qanghux tangx hro ix ywmiau unriong, jiaxee dyrr qiyr qongdig. Lairsimx kiamvix, si qxongx, viauxhen ee lexgii si dxig. Jursingr vutdong erdangr snix cud soxu banrmih cam' soxu quijig guanliw venwhuar si qxongx, jursingr vunxtew erdangr tuatlii jipbee bongrliam si dxig. Narr siuhing, simx byy lii jursingr si qxongx, iongrsimx ee sii byy hro lairgua uziamw si dxig.”
“Narr cue qongdig huatsinx, erdangr an' jiaxee kir jyr, si jin' qongdig. Siuhing qongdig, dyrr si vindingw simx, be kinsi langg, qycc poxpenr junqingr langg. Narr simx sisiong kinsi langg, vutsii hunx guaw quann ix qe, jex dyrr by qxongx. Narr jursingr hiqew byy jinx, dyrr si byy dxig. In'ui inx si qnoxban jurdai sisiong kinsi itcer ee enqor.”
“Senrdiwsig, lanw cingjing liamrtauu narr byy dng si qxongx, vingdingw simx jingwdit jyr su si dxig. Senrdiwsig, qongdig rair iu' jursingr lai qenr. M si vowsix qiongriongw langg' soxx qriuu did laii. Jex:ee hokdig qapp qongdig si byy siangg. Buxder m bad jinliw. M si guaw joxsu m driyc.”
Iuqycc mng, “Derjuw dniarr qnir cutqex jairqelangg, liam 'Amitahud' ngwbang laisnex dirr sehongx hudqong. Cniaw hysiong qongxx anne erdangr snex dirr hiax .bor? Ngwbang dairsux laii qaixpuar gibun.” Dairsux qongw, “Qnualangg liw hyw hyw tniax Huirlingg qongw, 'Sewjunx dirr Sa'uasti sniaa qongxx hiax:ee erdangr dorhuar ongxsnex kir sehongx.' Qingbunn cingcyw hunbingg qongw, 'li lanw jiax byy hng.' ”
“Narr ixx sidsiong decc qongw, lixsor hng u jap-bxan veh-cxingx, dyrr si lanw langg simliam lairdiongx u jap-og veh-siaa qangkuanw, jex dyrr si qongxx hng. Qongw hng si in'ui duiww siyw qinsingr, qongw qin dyrr si dua diwsingr ee langg. U nng jiongw langg, byy nng jiongw hxuad, si langg u bee u qno, beh qenr-singr qakgno marr u qinw qapp ban. Jipbee ee langg liamrvut qriuu laisnex sehongx hiax, qakgno ee langg qno simx cingjing.” Soxir Vut qongw, “ Suijai ixx simx cingjing guarjai sintew dyrr anjing. Liw narr si danghonglangg, erdangr simx cinjing dyrr byy jue, narr snex si sehonglangg, simx m bad cingjing marr si kuatsid. Danghonglangg huan jue, liamrvut sniu qriuu laisnex sehongx. Iacc sehonglangg huan jue, liamrvut beh qriuu laisnex kir dyhh?”
“Jipbee huanhux be zin did jursingr, m bad lanw srinx diongx ee jingrtow, soxir guan dangx guan saix. Qakgno qenwsingr ee langg diamr dirr dyc longxx qangkuanw cingjing. Soxir Vut qongw, “'Sui' qaur siaxmih soxjai longxx si simx vingjingr anlok.' Qnualangg simde narr byy vutsen, sehongx vudqog li jiax vingrr byy hng. Narr simx u vutsen, liamrvut beh qruiuu ongxsnex vudqog marr jin' lann. ”
“Jitmaw beh krngr lanw senrdiwsig, singx druu jap-og, dyrr sngr qniaa jap-bxan lxiw, au druu veh-siaa, dyrr si qycc quer veh-cxingx lxiw. Vutsii simliam narr dirr qenwsingr simx diongx, jyr langg hykir vingdingw duiwtai jyr su jingwdit. Beh qaur sehongx vudqog si dirr jit diagjnaiw qranx, dyrr qnir diyc Amitahud.”
“Qnualangg dna' siuhing jap-sxen, nacc rair qycc guan ongw snex sehongx vudqog? Jap-og simx m dngg, nacc u Vut beh laii gnia'cniaw liw kir? Narr erdangr gno zip busingx (byy zip snebet lunhuee) ee dunwgno dairhuad, beh kir qnir sehongx sewqair dyrr jit bak nih qranx.”
“Narr m qriuu qakgno, qo' beh liamrvut qriuu ongxsnex, lordoo hiacc hng beh anxjnuaw e qaur? Huirlingg qapp jingwlangg dirr jit bak nih qranx dyrr suaw qaur sehongx, bagjiux jit nih dyrr beh knuar diyc. linw ngwbang beh qnir .bor?”Dairjiongr longxx quirvair dingxlew qongw, “Narr dirr jiax e qnir diyc, nacc rair qycc guan snex sehongx? Ngwbang Hysiong juvix, dyrr henr cud sehongx sewqair, hro gunw longxx e did knuar .qnir.”
Dairsux qongw, “Dairjiongr, sewqanlangg bacsinx kyxviw si sniaa, bak, hni, pni, jic si mngg. Guarjai srinx u go mngg, srinx lai u iwsig mngg. Simx si der, singr si snia'ongg. Ongg diamr dirr simde dingw. U singr jiacc u snia'ongg, byy singr dilehh, snia'ongg dyrr byy. U singr simsinx ee sniaa dyrr qenqor, singr byy, dyrr huixhair. Jniarjyr Vut rair hiongr lai siuhing singr qriuu did, m tangx duiww simsinx gua qriuu.”
“Jursingr besid jyr jiongwsingx, jursingr qakcniw jyr Vut. Juvix jyr Quansewimx (Avalokiteshvara ), Hnuahiw vowsix miaa jyr Dairsewjir (Avalokiteshvara ). Jursingr cingjing jyr Sikqiahut (Shakyamuni ), vingdingw jingwdit jyr Amitohut (Amitabha ). ”
“Narr dniarr decc hunx langg' qapp lanw, dyrr lii dairhuad cniu qeh jit xee Sumelu snxuax. Simx siaa, cniu haixjuiw ee cimx, huanlyw cniu pylon be jing. Pnaiw simx dok hing cniu okliongg, bongrsiong hiqew si quixsinn, koxlyy uahmia cniu hii, vih. Tamx, hin cniu dergak, dongwgong becix si cniu jingsnix.”
“Senrdiwsig, sisiong siuhing jap senrgiap, tenqog erdid qnir. Druu langg' gunw hunvet, Sumelu snxuax marr dyw; sriaux siaog simx, haixjuiw e dax, byy huanlyw, pylon dyrr vingg, lii pnaixsimx, simsingr be cniu okliongg beh hai .langg.
An' simder dingw jurqag dikhing ee Vut diwhui cancniu hongr dua qongbing. Dui' gua qongw, e jiaur bingg, jinghuar lanw bacsinx ee lak-mng, anne dyrr puar duu lak dingg ee iogqaiwtenx. Narr jiaur duiww lairsimx erdid duu snax-dok, anne jiksii siaubet snax okdy dang jue. Simsinx lai gua qongbing cingjing, si qaur sehongx vudqog byy jingcax. Narr m anne siuhing, beh anxjnuaw qaur hiax?
Jingwlangg tniax qongw, longxx erdangr liauxqaiw qenwsingr ee dyrliw. Dyrr jongw quiwvair qnialew, longxx janwtanr qongw, “jinjniar hyw.”iurqycc qongw, “Ngbang huatqair jiongwsingx tniabunn dairhuad jiksii dyrr e qaixgno vunxsingr.” Dairsux qongw, “Senrdiwsig, narr beh siuhing, erdangr jairr qrex, bydnia jairr sxi. Jairr qrex siuhing, kyxviw danghongx langg simx sxen, jairr sxi m siuhing, kyxviw sehongx langg simx og. Qo' narr simx cingjing, jursingr dyrr dilehh sehongx sewqir.
Uiw qongx qycc mng, “Jairr qrex beh zuhyy siuhing, brang Dairsux uirr gunw kaisi.” Dairsux qongw, “Guaw jyr jit dxnua hro linw jingwlangg 'Busiong simx' suqur, dna' ixx suqur siuhing siongrliam, dyrr qapp guaw dniardnia dauwdin siuhing siy' qangg. Narr m an' jiaxee siuhing, dyrr si tiwtauu cutqex duiww dyrhing qamxx e kacc hyw?
Suqur qongw,
Simx cingjing vingdinw nacc rair ciqair, srinx siuiongw jingwdit nacc rair siusiamm.
Jaix xunx :ee diyh'air hongriongw vebuw, bad girliw dyrr duarser siy' tniawsiyh.
Tewniu e hro qnuann qe qaijann hyhaii, zimxkir dyrr hro cibee okdy byy dangrue.
Siuhing erdangr cniu' jngwcaa kiw huew, qyckacc vutjing simx marr e qaur vudqair.
Zip cuir e kow si hyw iyc, tniax diyc hro liw gaigiyh jiacc si hyw ue.
Erhiauw qaiw qxyr dyrr u diwhui, dna jipdiog amkamr, diwhui byy.
Sii sii qenci jingwdit ee dairjir lirik jingwlangg, sxingg Dy m si qo' sisiar jni'gingg.
Potee diwhui qandna si hiongr simlai cue, hiongr simqua qriuu qex koxlyy.
Anne tniax, qongw, anne siuhing, jit bak nih dyrr dirr sehongx.
Dairsux qycc qongw, “Senrdiwsig, longxx rair ixx suqur siuhing. Zinbad jursingr qaur sxingg vuddy. Beh did hxaud si byy siy' danw, jingwlangg hyw tangx lii kuix. Guaw beh dngw Jykex, dairjiongw narr qycc u gibun, jiacc laii siy' mng. Hitt sii Cuwsuw qapp qnualiauu, cam' dirr jurhue ee senrlamm sinwluw, qokk langg erdid simx kuix ir qaiw, tangx siongsinr jiapsiu junjiaur sidhingg.