Dni Qoksingr Kuix Daiuann quax
(siong)
Led'ui quiwqunx cniaw jerjing
siyxdi vaiwtog quiw hunjingx
beh liam Daiuann qu hongqingw
qoxjaw snax~sir-vah nii jingg
Ixjingg Daiuann bue kaihuar
cenw-juiw-junn diyhh iong langg tuax
u langg tyxliac junn pacpuar
dyy laii Daiuann decc sing'uac
Guanjaw Daiuann byy langg quanw
vni'ngiuu kongwtoo juann cnihuanx
Bingbuat-Cingcox tenha luan
Qoksingr jiacc laiii kuix Daiuann
Laii kuix Daiuann Dni Qoksingr
Hanwzinn vuthangg ix Buanxcingx
kongwqu juann srux jap-snax singw
qenwsed Pnioo beh drun vxingx
Qoksingr siauwlenn qenrsin'iongw
jiongwqnuax dagg xee jin' jinrdiongx
sinvnix ix u gnoxhoxjiongr
Qamx Huix Ban Lew qapp Six Liongg
Gnow how dagg xee jin dionggi
Limm Sur Kow Ciongx Dann Kueqii
Dann Var Dann Denw m qniax siw
Cingvingx dagg xee dy' qniax ix
Cud vxingx haixjuiw kiw pylong
Dann .Qrax hniadi niaw senhongx
haiw-drew dy' e puu longrqongr
inhyy dairsu be singqongx
Qoksingr guanjik Jiyhjniw Dni
dixkongr Cingvingx sxor je nii
Lamqniax sitvai jiacc diwvni
quitenx jiacc ngua inx haursnix
Binjok inghiongg Dni Qoksingr
qensimx siuxjir beh hrok Bingg
langg qongw singvai si tenbing
siw au dua qxuann qaux Dni Qingx
Dni Qingx jiacc ngua Dni Kiksongw
jenr vai hangg Cingx jiacc hrongx ongg
Cingdiauu tenha qruix ittongw
jiacc u junjiah laii qautongx
Qoksingr kaiDaii byy zuarr quw
jxngx-sniaa jy kir jin' qanghux
dairsingx qenwsed Lamlingg Huw
Tenhingx Banrnii hunx nng kux
Bingbuat-Cingcox jiacc vingdnia
Lamlingg qaixhy ngua Huxsniaa
u knuar ligsuw dyrr jai'ngiaw
Daiuann juann dxyw sed snax tnxiax
Cingdiauu cosii laii jiapquanw
knuar jyr siyw siyw ee Daiuann
Dailamm Huxsniaa Dikcamr Quan
Vindongx Hingcunx vnivohuanx
Daiuann doci derr id jaw
Daivag hy jyr Duarqala
id Huw zi Lok snax Bangxqah
juann si cauxcur uii livax
Qetauu-hangrbuew juann cauxcur
byy hnuaii byy dit snakadux
viachow iutangg dagg hxang u
tiaurkax qycc e snix jiuwqux
Kiw cur juann si toqatviah
langg decc huatdat be qauwgiac
cuwdingw kamr caur byy kamr hia
amwsii juann diamw cauwiuqiac
Hitt sii bunhuar be jinwvo
iarr byy denrhuew amr momox
diamw cauwiuqiac jin' qankow
jit pax cincniu huexqimqox
Oamr sidai byy denrhuew
qelo juann si lorqomuee
duarqaux byy qiyy berdid quer
ho laii siwqer sniuu lecleh
Guanjaw jingsinn byy daiwdang
kiw cur qngx tnxiax qig amr vangg
cur-lai dagg qingx u saixtangw
Lak-guec zuahtnix huisiongg pangx
Ixjingg taukag si jin' ding
siarhue huisiongg byy uersingx
ginxaw pnxi lrauu berhiauw cringr
air kaur cuir jiac byy sii tingg
Ginxaw cringr pnxi snxax ciuxngw
qetauu-hangrbuew juann air mngg
amwsii qapp qxuiw qniaa siy' drng
hitt sii byy huew jiacc be qngx
Qoxjaw duarcur derr id suiw
kiw hyw lingrgua cah dik'uii
pnaiw un vutsii drng diyc qxuiw
dikkax hongqimx qui' dua dxuix
Sidai qautongx jiokk pnaiw lo
dua kex byy qiyy pox dikkox
jnriu snuax lyc nxiaw jin' qankow
juann si dikkax bong'axvox
Jaxsii duarlo jy byy taur
juann si dua vix qapp junwqaux
sanw cann pahngx huad qnuacauw
lorqnii juanvo jingr nadauu
Vunxjniaa byy ciax tangx unrsangr
jre junn quer juiw jin' cenqangx
juann qniaa dikkax cixaxhang
honghunx diyrr byy quewlorlangg
Jaxsii cirqex be qenwsed
langg' dy' iarr be jiacnirr get
qetauu-hangrbuew jin' iaptiab
viacvnix ziyroo vaii qui' let
Uersingx berhiauw tangx vniawdng
saixziy vangr kngr lordiong'ngx
hosinn bangxtangg dirdecc jng
kngr decc sneqox suacc huad xmngg
Derhngx juanvo byy jingxliw
qautongx vutven jin' hibii
Daivag hitt sii byy doci
qetauu-hangrbuew juann dua vix
Sidai cirkux jin' honghuer
uanx qrex uad hang lo jin' ec
iarr byy cirdniuu tangx bexbe
derr id laurzet Dionglamm Qrex
Buanxcingx sidai byy jingxdunr
qautongx vutven iong pangjunn
jyr qnruax jiac vaw dyw decc kunr
jingsinn juann sniu siyx ohunx
Lai'ongw qautongx iong junjiah
Daiuann iarr byy jurdongrciax
huewmic unrvnuax jin' yh qiar
kixjuiw qang'iuw laii decc giaa
Ci-lai langsor si jin' snruar
dangtnix lyc seh jongw hiacc qnuaa
hyw tnix pangjunn narr uaw hnua
jiacc u qanglangg decc unrvnuax
Juann si pangjunn decc jair hxuer
Daiuann cutkauw jniulyw dee
Unjiux cojuaw Songr bixde
juixiuu tnghunw qapp duarbec
Jiongjingg Daiuann byy singsanw
juanvo dy' si knuar-tnix-cann
byy biw diyhh kir Lam'ngiuu vran
iarr byy daurvniaw kiamr vuidanx
Longcuanx berhiauw tangx qingjyh
duarvuii cutcunx m qramx lyc
sanw cann kacc e huad cauxpy
narr beh hongsiux dikkag byy
Oamr sidai langg kacc gong
juann si cohux decc qinglongg
bunzinn dagg xee kacc sosongw
narr diongr jinwsu jiokk uihongx
Cingdiauu iarr byy sed haghau
u jnii qniaxsunx jiacc e gauu
tagjux bad zri tangx kyxqaur
ciacqniaw diyhh kir giaa ditauu
Buanxcingx diong bunn m diong bxuw
byy sed haghau diyrr kacc sux
ciaclangg kow yc marr si u
jap xee qauw xee cnimiguu
Hitt jun juanjer ee sidai
langg decc oamr iauxx bue kaix
jiongrguann snax nii kyw jit vaiw
tagjux brang beh jinr siuwjaii
Cutsu siuwjaii diongr quewbin
qycc kir Hokjiux kyw qixzinn
imqongx jikdig jin' iauwqinw
narr byy uanquiw e dnii srinx
Cingdiauu qixzinn jin' quiwkir
itqiw-singbingg tenha dix
vaivenw bunkuex duarbuw zri
henxjow ingjongx suar kia qii
Sidai kyxqaur u quiding
quiwjen nng zri hunx jin' bingg
ciong'iux-lejud m caixing
puawqair vutjunw jnriu diaudingg
Vinqingg sanwciah byy iauwqinw
cingvec byy langg qnaw knuawkinx
ciaclangg qniaxsunx e cunwjinr
harjen ingxuanw jyr gubinn
Qoxjaw liamtiw jin' u siuw
pinxhing qokk langg qadi sriux
narr beh kyxqaur e kingqiur
qimwjiw samqaur harqiuxliuu
Buanxcingx jewdo longxx byy ngua
qixzinn mngkauw kia qiqnuax
laii Daii go quan dinr jidvnuar
narr beh jewjow huee Dngsnuax
Jitt kuanw qoxle si sibquanr
guanjik longxx si druar Jiongx Juann
co' laii qingsiongx jyr siyxhuanr
uree qingjingr druar hiongcuanx
Joxsenx juann si qoklairlangg
go-jap nii jingg lauu taujangx
jabow vak kax be codang
cingrcah juanvo byy siy' qangg
Sniu diyc jaxsii ee cingrcah
hitt jun jabow vak ser kax
ree-drew jit liap bagqiahdah
cutmngg qniadac yh kir sax
Uree iongxqamw vak jin' ser
u langg qniax tniar how qa qxex
qnialo kaqud e qongxue
dyrr si dua kax qew ser dxee
Jabow vak kax qoxjaxle
vak diyc kaqud naxx qniugee
snax cunr qimlenn jin' hyxlew
qnialo cincniu hunn quer guec
Jit kuanw sewhanr byy zinrhun
qniax tniar vak qaxx gihgic junx
amwsii taux lriuu jiacc kir kunr
duarhanr bersux samvanxjunn
Sidai vak kax jiacc duarvan
jabow cing snxax knii lanqanx
knuar diyc sidjai jin' hihanw
cutmngg be qniaa diyhh langg kanx
Siarhue oamr ee sijun
lamluw jywduix diyh'air hunx
srinx cing snakor dagg niaw qunw
qnuatnix taukag vaux oqunx
Sidai sokvak qu lexqaur
jabow vak kax qapp srex tauu
vingsor m bad cud mngkauw
cenqimx siyxjiaw diamr siuwlauu
Javox taujangx dngg dua py
huwho dngpaur qapp ngiuqyx
bunzinn cutmngg dir nguaxby
hiauhing satbyw luahluac syy
Narr si sinsu kacc iuwsiur
taujangx vangr dit snix buexliux
siauwlenn ?? mirsnuawliuw
dagg xee satbuw snix qui' qiuu
Jaxsii taujangx jin’ dinwder
cohux diyhh rinx taujanglee
jaboxginxaw bue cutqer
taujangx juann qad angg pongwsex
Javox zuahtnix angg juixkor
???? dac cantoo
ciaclangg kaqinx jyr tauvor
vaux qaxx taukag jiacc duarkox
Qoxjaw ee langg u kacc songg
qnuatnix juann cing puar hiuqongx
snakor cing qaxx kuah longwlongr
lomuaa sinsu vaux puahhongx
Sidai liuhingg haa doxqnua
bylun sinsu iacc lomuaa siur lringg
siur hxong jin' hyw knuar
ciaclangg vowde jyr hormuax
Ligdai qimjnii siongrr qyquir
sewqanx sanwciah jin' kikkuix
huwho ebuec qapp kowtuiw
cohux lec-aw qapp jangsuix
Ixjingg jabow byy loring
vnivnii jit xee sngr vnuar dxingx
vixqaur henrdai ee luxsingr
suacc viw javox kacc jaijingg
Qursii jabow byy der knuar
henrdai luxzinn jyr duarqnuax
qongbu-zin'uann dinr jidvnuar
Quan'imx kacc quann Dairdunn Snuax
Qinrlaii lamluw jin' vingdingw
jenxhuad lriuu kax jiacc bunbingg
genxqiur denrhuad jnia' hyw ing
juann tauu huawjongx quiw hunjingx
(hxa)
Singqongx Hanwzinn m hangg Buanw
duar vxingx jiacc laii kuix Daiuann
Cingdiauu Qongsu Zidvunw huanw
Hongjiongx siaw zri kir Harquanx
Hongjiongx Harquanx kir siaw zri
buew singw Daiuann siaw hro ix
lanw hro Cingdiauu bre kir siw
hai lanw qankow go-jap nii
Qimzit hyw did lanw joxqog
sniu diyc Daiuann Hanwbinjok
laii hro Zidvunw jiacc kusog
jiacc iong simsinn laii qonghok
Sxamx-sir nii joxqog qauwui
syh-aw jiacc qra lanw vangr kuix
u ue dnaxx tangx qongw tauxkuir
mrbenw simqnuax qed qui' lruii
Daiuann hniadi jiongww dongvaux
sokvak zidjiw dnaxx quewtauu
Zidvunw dnaxx longxjongw qnuaw jauw
ingxuanw m kingw druar lanw daux
Juann dxyw ee langg tong' uanwtanr
Zidvunw sokvak langg jin' ann
Daiuann ixjingg lak-vah-bxan
sursu hro ix jin' tiaulann
Zidvunw jingwhuw langg m guan
vangr kir sniu' dang qingxcatquann
uan'ongw siurhingg jin' vutbuanw
lanw dy' byy der tangx sowuanx
Vnivnii vecsnir jiac lanw qaur
qnuatniax inx kacc u sewtauu
caur qxauw inx si uirr caur qxauw
jin' gauu kihu lanw dongvaux
Qniwbin lanw diyhh hro ix hangw
qnuatniax rui inx Zidvunxlangg
byy tangx hro lanw qongw vnuar hxang
senr qaxx cuwipuew siangx vingg angg
Qimzit si lanw ee zidjiw
dingg qnir cingtenx vigzit qii
Zidvunw vairjenr langg hnuahiw
bogquair jingwlangg uanwhun ix
Narr qongw Daiuann ee qankow
qongw diyc tnidingw tong' juann ox
siwbin si haiw jauw byy lo
zim liw jyr jiauw lann did dyy
Daiuann vecsnir jin' hyw quanw
Zidvunw siongrr air lanw Daiuann
juann dxyw vecsnir m qamguan
kikvag jit huanx quer jit huanx
Zidvunw juerog siongrdingw dang
siongrr gauu kikvag Daiuanlangg
vak kax vak ciuw be dinxdang
suiven qra lanw trad hnirkangx
Zidvunw beh vai tnix sui' venr
hro pah qnaw uanr m qnaw genn
qimzit sitvai jiacc knuar hen
sidjai urngiaw habqaizenn
Zidvunw qimzit laii sitvai
iarr si duiww lanw sniu' luanrlaii
sursu hro ix jin' saixpair
vairjenr vecsnir qiyr ingqaix
Dyrr qaur qimzit jiacc jaix kow
hing'uii jyr liauw sniu' quer cox
hunx qongxx lairde qapp vunxdyw
jitquann lamriong jin' hodoo
Dairjir bingbingg si uan'ongw
diongrhingg u zin kacc u qxongx
m zin vutsii hringg qapp qongr
hingsu cincniu uac Giam'ongg
Zidvunw hinghuat tong' langg uir
liac kir henrhen diyhh cnix truix
ciurlingx draur dirr lanw ee cuir
quanr juiw jiacqycc ciacqytuii
Danw qaur vnuawmii jiacc beh mng
cincniu Giam'ongg jre imdngg
hingsu pah langg ciuw be nngw
m qniax langg siw pah qaur qngx
Zidvunw byy tnix ee hingqu
pah langg cincniu naxx pah guu
byngiaw iarr beh hringg qaur u
juanzenn byy siyh langg’ sinkux
Zidvunw qingxcad qydingxkyr
ersix air beh u qonglyy
uan'ongw u zin siongrdingw hyw
m quanw urngiaw iacc si byy
Binrqinx kamr bin jiacc quanr juiw
tauu driauu hiongr tnix cuir kuix kuix
quanr diyc qiongqiongg beh byy kuir
vakdow juiw si jiac qui' duix
Zidvunw mngranr hinghuat langg
pah diyc si e jngr tokangx
huanrjue bylun kinx iacc dang
hinghuat katuiw jrig jiyhvangx
Jiyhdiauu jiokk dang deh jin' quw
siangx ciuw qaw dirr katauqux
uanongw qiongbeh hringg qaur u
langg si viw qxauw iaxx kacc sux
Qongw qaur Zidvunw ee hingqu
pah langg cincniu tad qimqux
syh-aw vak diaur jingxtaubuw
saixziy liux qaxx qui' sinkux
Hunqix diamw huew qra lanw qrur
venrr qrur pongwpa qui' sinkux
kacc ziok ee langg dongr byy quw
sidjai viw siw iaxx kacc sux
Byy zin muixx sii qra lanw pah
hingsu liac tauu qangrr liac kax
ciuxjnaiw qra lanw tiah jingxqah
hun .kir qycjiaww iong kax dac
Pnaiw langg hringg .siw byy iauwqinw
hyw langg hringg .siw jnia' kyxlinn
qandiap una'ongw qui' dua din
jap xee liac byy jit xee jinx
Lanw langg zirun narr kacc baiw
xeh dyrr lyc duiww tnitangx laii
liac kir qauwui kyxlinn dai
e aix pah qaxx liw be aix
Jitt kuanw ving'iuw did langg jue
kiw byy kangtauu snix bunrdee
sidjai qandiap byngiaw juer
liac kir pah siw jiokk jnia' suex
Narr qongw jenwjingx jue huan dang
bulua qandiap siongrr pnaiw kangx
hro ix liac kir lann did vangr
m quanw liw si hydingw langg
Zidvunw juann byy siyh vecsnir
ersix juanx si sniu jiahjnii
jiac qaur vakdow narr vaxdni
m quanw pensux byy qongvnii
U jiac aurciuw kacc benw pah
iarr u siyx dee jiac cuiwdax
byy he aurciuw qiongqiongg rah
u he kuliuu benw diaujax
Hingsu jiahjnii gauu uanongw
qra pah hro siw si ingdongx
ixongw vutqiur dnaxx benw qongw
siyxkuaw qingxqair si buhongg
Caur langg dnaxx dy' mrbenw pah
hingsu jauw qaur byy tingg kax
iarr diyhh siyxkuaw qra ix qar
jiacc jaix ix u jyr jingcax
Hingsu bogquair langg’ uanwtanr
pah langg simqnuax jiokk cocann
jingzit ix e laii pah lanw
qonghok pah ix byy siongqanx
Hingsu qingxcad juerog dang
jin' gauu hinghuat Daiuanlangg
dnaxx beh diauwdau iacc tiauwqangw
narr beh siamxpiah jauw byy kangx
Iarr diyhh jyr hyw kacc u drew
jiacc benw hro langg’ caw cnrix hee
hingsu qingxcad jiokk jnia' je
narr si jyr hyw byy bunrdee
Jyr hyw qnuaxqingw qycc hogjid
joxqog zinrding u lauxsit
u qaur jitt kuanw u soxx did
jyr pnaiw henrsiii lann quer zit
Led'ui dongvuax jiongww ving'iuw
dnaxx lanw benw qongw vyr uansiuu
venx quax hro langg’ jyr genxqiur
puewsangr Daiuann hunx go jiux
Ixjingg juerog jyr quewdang
pnaiw un gu diyc jitt hy kangx
guanjuxvogdnuaa jid'err vangr
Jiauhyy diyhqniax qinw dauhangg
Iahdniuu lairbin juann vecsnir
cue hiax vanrsu byy qongvnii
juann cue lairdew ee suqir
qongqangx beh tiux beh jiahjnii
Bylun huwho iacc sanwciah
m qniax byy tanr byy tangx jiac
poxtongx taulo iacc huersia
qongqangx jit xee jit hunrgiac
Daiuann vecsnir jiongww ving'iuw
dag'ee rair diyhh jaix lixiuu
hyw did joxqog qinw laii qiur
narr byy dag'ee mia dyrr hiux
M quanw byy lat be codang
qiongjer tiux kir jyr qongqangx
qajok sokaix kir erqangw
hro liw dngw laii cue byy langg
Venrr qiyr m hro liw jai'ngiaw
tiux kir haixgua iarr diyhh qniaa
dngw laii cue byy boxaxqniaw
sniu jinx caur qxauw langg e qniax
Narr dnax byy hxuad qongw vandnua
suisii lanw cur diaur bixdnuax
snax dxngr byy jiac beh anwjnuaw
siongrr dok Zidvunw og simqnuax
Qongw qaur qongqangx hitt sidai
tniax diyc bagsaiw lrauu lyc laii
Zidvunw e laii hro sitvai
d.-duarser-s. huah ingqaix
Kacc dua surgiap iarr diyhh vangr
diyhh qinw tangx hur jyr qongqangx
boxqniaw jit qnrua naxx bacjangr
ix m qniax lanw gy siw langg
U langg qongqangx jyr snax vaiw
jyr be qaur uann dnuax iurr laii
si lanw qadi jyr quixquair
hro langg’ qra pah hab'ingqaix
U langg qra ix he aurciuw
juadduir benw jyr ee lixiuu
brew mic sangr ix cniaw siyjiuw
qongqangx nng zri benw iuciuu
Tniax qnir ving'iuw decc siy' jnir
vanrsu ee langg byy qongvnii
kikkuix vinsanr ee vecsnir
byy tangx kir he aurciuw jnii
Derr id hodoo lybu kxyr
siongrsix jywsu byy herlyc
u langg qongqangx ?? jyr
uree vnuar vaiw dy' iauxx byy
Qongw qaur Zidvunw ee jingwhuw
tnide vutvingg ingqaix sux
tiux langg vecsnir jyr lybu
juanzenn byy siyh langg sinkux
Qongw qaur qongqangx ee qankow
Zidvunw jingwhuw simx jin' cox
hro langg gy dxngg qapp iaux do
jiac iarr byy vaw diyhh dnax too
Jiac dy' byy vaw anxjnuaw jyr
iaux diyc kaciuw nngw sysyy
Zidvunw derr id byy zindy
tenliongg nng zri juanzenn byy
Jiac vaw ingg ingg decc qamwdog
qiyr langg giaa caa qangrr jimxbok
qangjog be jyr jiokk jnia' og
qycc me lanw si Cingqokloo
Zidvunw bingbingg si beh vai
cud u jitt kuanw jiacc luanrlaii
qra langg qiamw biw qangrr qiamw cair
sitvai vecsnir qiyr ingqaix
Jotauu juanx si Zidvunxlangg
siyw jnii beh cniar cniar be dang
jiacc duiww jingwhuw kir saixlang
diyhh iong benw jnii tiux langqangx
Led'ui dongvaux sniu knuar mai
hyw did lanw ee joxqog laii
Zidqauw hai lanw cnicamw dai
diyhh pah hro siw benw hro aix
Air qog iarr diyhh langg jinrdiongx
qokqax jiacc u cud inghiongg
liutuann bxan qog langg qingwdiong
vutviw Zidvunw jiacc qanhiongg
Bixqog duiww lanw urngiaw hyw
knuar lanw jingwdi be lysyx
lanw ee qokqax u qongdy
bxan qog duiww lanw jin' teqyx
Zidvunw juewau sniu huanxhuew
langg siw qoktow liauw jit quec
ix si supenx lamrsamw juer
bongqog qycc suar decc lenhuee
Haurdiongx lingxsiur Jniuw Jongxtongw
qunbinn junxvi beh huanxqongx
qonghok dairliok u hibong
pah dyw qiongrsanw jauw byy kongx
Zidvunw jyr kir sniu' quer gni
qaur jiax jiacc jaix m dat jnii
liw lanw benw qycc ix siy' qnir
sngr si miarun iujai tnix
Jitt vunw vairjenr sueh siongser
kaix daii Qoksingr ix jit xee
cniaw linw knuar liauw narr habqeh
muixx vunw snax qag qiar laii brew