Ledongg II

1 Ahab siw liauw, Moab vuervuan Islael.

2 Ahaziah dui' Samalia ee laudingw ee lanqanx vuac .lyc .laii, drir vni; dyrr crex suwjiaw, qra inx qongw, "Linw kir mng Eklon ee siongrder Baalzebub, guaw jitt xee vni e hyw iacc be."

3 Jehovah ee suwjiaw qra Tisbelangg Elijah qongw, "Liw kiw .laii, jnriu kir jih Samalia Ongg ee suwjiaw, qra inx qongw, 'Linw kir mng Eklon ee siongrder Baalzebub, si in'ui Islael diongx byy Siongrder mah?

4 Soxiw Jehovah qongw, liw be e qycc lyc kir liw soxx jnriu .kir ee bincngg, dikkag e siw.'" Elijah dyrr kir.

5 Suwjiaw dyr laii qnir ongg, ongg mng ix qongxx, "Linw uirr simxmih dyr .laii?"

6 Suwjiaw rinr ix qongxx, "U jit langg duw diyc guanw, qra guanw qongw, 'Kir ar, linw dyr kir qnir crex linw ee ongg, qra ix qongw, Jehovah anxnix qongw: Liw crex langg kir mng Eklon ee siongrder Baalzebub, si in'ui Islael diongx byy Siongrder mah? Soxiw liw be qycc lyc kir liw soxx jnriu .kir ee bincngg, dikkag e siw.'"

7 Ongg mng inx qongxx, "Jnriu laii duw diyc linw, qra linw qongw jiaxee ue :ee, ix ee hingjong sniaw kuanw?"

8 Rinr qongxx, "Ix cing u xmngg ee snxax, iyx haa pueduar." Ongg qongw, "Jex si Tisbelangg Elijah."

9 Ongg dyrr crex gnoxsibhudiongw cua ix hitt go-jap langg kir Elijah hiax. Ix jnriu kir ix hiax; Elijah jre dirr snuax-dingw. Gnoxsibhudiongw qra ix qongw, "Siongrder ee lovok ar, ongg qongw, 'Liw diyhh lyc .laii.'"

10 Elijah rinr gnoxsibhudiongw qongxx, "Guaw narr si Siongrder ee lovok, guan huew dui' tnix lyc .laii, siyx liw qapp liw hitt go-jap langg." Dyrr u huew dui' tnix lyc laii siyx ix qapp ix hitt go-jap langg.

11 Ongg qycc crex jit xee gnoxsibhudiongw, cua ix hitt go-jap langg, kir Elijah hiax. Ix dyrr qra ix qongw, "Siongrder ee lovok ar, ongg qongw, 'Liw qinw qinw lyc .laii.'"

12 Elijah rinr inx qongxx, "Guaw narr si Siongrder ee lovok, guan huew dui' tnix lyc .laii, siyx liw qapp liw hitt go-jap langg." Dyrr u Siongrder ee huew dui' tnix lyc .laii, siyx ix qapp ix hitt go-jap langg.

13 Ongg qycc crex derr snax dui ee gnoxsibhudiongw cua ix hitt go-jap langg. Hitt xee derr snax dui ee gnoxsibhudiongw jnriu kir qui dirr Elijah ee binrjingg, kunxqiuu ix qongxx, "Siongrder ee lovok ar, qriuu liw liac guaw ee sniwmia qapp liw jitt go-jap xee lovok ee sniwmia juer vyxvuer.

14 Knuar ar, ixqing' u huew dui' tnix lyc laii siyx siw ixjingg nng xee gnoxsibhudiongw, qapp ix dagg xee go-jap langg. Dnaxx qriuu liw knuar guaw ee sniwmia juer vyxvuer."

15 Jehovah ee suwjiaw qra Elijah qongw, "Liw qapp ix lyc .kir, mrbenw qniax ix."

16 Elijah dyrr kiw .laii, qapp ix lyc kir qnir ongg, qra ix qongw, "Jehovah anxnix qongw, 'Liw crex langg kir mng Eklon ee siongrder Baalzebub, si in'ui Islael diongx byy Siongrder hro liw mng mah? Soxiw liw be qycc lyc laii liw soxx jnriu .kir ee bincngg, dikkag diyhh siw.'"

17 Ongg dyrr siw, jiauww Elijah soxx tuann Jehovah ee ue; ongg byy qniaw, Jeholam suawjiab xui, dirr Judah Ongg Jehosafat ee qniaw Jeholam derr zi nii.

18 Ahaziah qi'uu ee su, longxx qir dirr Islael jiaxee ongg ee qiwlok.

2 Jehovah beh ing qngxlehongx jriab Elijah jnriu tnix ee sii, Elijah qapp Elisa dui' Gilgal kir.

2 Elijah qra Elisa qongw, "Liw cniaw diamr jiax, in'ui Jehovah crex guaw kir Betel." Elisa qongw, "Guaw qiw ingxuac ee Jehovah qapp liw ee uahmia laii jiuwjua, guaw byy beh lirkuix liw." Nng langg dyrr lyc kir Betel.

3 Dirr Betel hiaxee sendix ee hagsingx cud laii qnir Elisa, qra ix qongw, "Jehovah qinaxzit beh cruw liw ee lyxsux lirkuix liw kir, liw jaix mah?" Ix qongw, "Si, guaw jaix, linw byc juer sniax."

4 Elijah qra ix qongw, "Elisa ar, liw cniaw diamr jiax, in'ui Jehovah crex guaw kir Jeliqo." Ix qongw, "Guaw qiw ingxuac ee Jehovah, qapp liw ee uahmia laii jiuwjua, guaw byy beh lirkuix liw." Inx dyrr qaur Jeliqo.

5 Dirr Jeliqo hiaxee sendix ee hagsingx jiurqin Elisa, qra ix qongw, "Jehovah qinaxzit beh cruw liw ee lyxsux lirkuix liw kir, liw jaix mah?" Ix qongw, "Si, guaw jaix, linw byc juer sniax."

6 Elijah qra Elisa qongw, "Liw cniaw diamr jiax, in'ui Jehovah crex guaw kir Jordan." Elisa qongw, "Guaw qiw ingxuac ee Jehovah, qapp liw ee uahmia laii jiuwjua, guaw byy beh lirkuix liw." Inx nng langg dyrr snaqab kir.

7 U sendix ee hagsingx go-jap langg kir, hng hng kia dirr inx ee duiwbin; nng langg dirr Jordan Hyy-vnix decc kia.

8 Elijah tec ix ee guarsnax qngw .kiw .laii, pah hiaxee juiw, juiw dyrr hunx siangvingg; nng langg qniaa dax de quer .kir.

9 Quer .kir liauxau, Elijah qra Elisa qongw, "Guaw iauxx bue siurcuw lirkuix liw kir, guaw beh qra liw juer simxmih? Liw dnaxx diyhh qriuu." Elisa qongw, "Qriuu liw jiong' qamxdong liw ee sinn hro guaw sianghun".

10 Elijah qongw, "Liw soxx qriuu :ee, yh did ar. Guaw siurr cruw lirkuix liw ee sii, liw narr knuar qnir guaw, dyrr beh did .diyc; narr byy, dyrr be did .diyc."

11 Inx naxx qniaa naxx qongw, hutzenn u huexciax huexbew, qeh kuix inx nng langg; Elijah dyrr jre qngxlehongx jnriu tnix.

12 Elisa knuar .qnir, dyrr qiyr qongxx, "Guaw ee ve ar, guaw ee ve ar, Islael ee jenwciax qapp ix ee bexvingx ar." Au .laii byy qycc knuar qnir ix; dyrr tec qaqi ee snxax laii tiah juer nng vingg.

13 Ix kiyh Elijah qalauc .lyc .laii ee guarsnax, dywdngw kir kia dirr Jordan Hyy-vnix.

14 Ix ing Elijah qalauc .lyc .laii ee guarsnax pah juiw, qongw, "Elijah ee Siongrder Jehovah dirr dyclyc?" Pah juiw liauxau, juiw dyrr vunx siangvingg. Elisa dyrr quer .kir.

15 Sendix ee hagsingx, diamr dirr Jeliqo, dirr ix ee duiwbin :ee, knuar qnir ix, dyrr qongw, "Qamxdong Elijah ee sinn diamr dirr Elisa lar." Inx dyrr laii gniajih ix, pag lyc dirr ix ee binrjingg.

16 Qra ix qongw, "Liw knuar ar, liw ee lovok jiax u jongwsu go-jap langg. Qriuu liw jrunw inx kir cue liw ee lyxsux; qniax Jehovah ee Sinn leh ix, qra hed dirr bxow xee snuax, bxow xee snuaqog." Ix qongw, "M tangx crex."

17 Inx vig ix; ix dyrr qongw, "Liw tangx crex ix." Inx dyrr crex go-jap langg kir, cue snax zit, iarr cue byy.

18 Ix dirr Jeliqo tingwhau, inx dyr laii qaur ix hiax; ix qra inx qongw, "Guaw qamxx byy qra linw qongw, m tangx kir mah?"

19 Sniaa-lai ee vecsnir qra Elisa qongw, "Cniaw liw knuar :ee jitt xee sniaa ee derdiamw si hyw, jiauww guaw ee jruw soxx knuar .qnir .ee; danrsi juiw pnaiw, drir qaur toxde byy cutsanw."

20 Elisa qongw, "Linw tec jit xee sinx ee vann, drew iamm laii hro guaw." Inx dyrr tec laii hro ix.

21 Ix cud kir qaur juixjnuaa, jiong' iamm vniar dirr hitt lairbin, qongw, "Jehovah anxnix qongw, 'Guaw rix hyw jitt xee juiw, byy qycc dui' hiax u sixbyy, iacc si byy cutsanw.'"

22 Hitt xee juiw dyrr rix hyw, qaur qinaxzit; jiauww Elisa soxx qongw ee ue.

23 Elisa dui' hiax jnriu kir Betel, jniurlo ee sii, u ginxaw dui' sniaa-lai cud .laii, tixciyr ix, duiww ix qongw, "Liuwhiac :ee, jnriu .kir or, liuwhiac :ee, jnriu .kir or."

24 Ix uat tauu knuar inx, dyrr hrong Jehovah ee miaa jiuwjow inx; dyrr u nng jiah himbuw dui' ciurnaa lai cud .laii, vectiah inx diongqanx sir-jap-zi xee ginxaw.

25 Ix dui' hiax jnriu Karmel Snuax; qycc dui' hiax dyr kir Samalia.

3 Judah Ongg Jehosafat jap-veh nii, Ahab ee qniaw Jolam dirr Samalia jerui, juer Islael Ongg, qiong jap-zi nii.

2 Ix qniaa Jehovah soxx knuar juer pnaiw ee su, jongwsirr byy cincniu ix ee laurve ix ee laurbuw soxx juer :ee; in'ui inx laurve soxx congr, Baal ee tiaursiong, ix u druu .kir.

3 Danrsi ix knii diauu dirr Nebat ee qniaw Jeloboam hro Islael huanrjue hitt hy jue, longxx byy lirkuix.

4 Moab Ongg Mesa cri jerje ngiuu, ninii ing jap-bxan jiah ngiuu-aw ee xmngg, jap-bxan jiah mingiuqangw ee xmngg, jinwqongr Islael Ongg.

5 Ahab siw liauw, Moab Ongg vuervuan Islael Ongg.

6 Hitt sii Jolam Ongg cud Samalia, diamxsngr Islael jingwlangg.

7 Kixsinx ee sii, crex langg kir qnir Judah Ongg Jehosafat, qongw, "Moab Ongg vuervuan guaw, liw kingw qapp guaw kir qongqig Moab mah?" Ix qongw, "Guaw beh jnriu .kir. Guaw cincniu liw, guaw ee vecsnir cincniu liw ee vecsnir, guaw ee bew cincniu liw ee bew."

8 Ix qongw, "Lanw beh dui' dyclyc jit diauu lo jnriu .kir ar?" Ix qongw, "Dui' Edom kongwiaw ee lo."

9 Islael Ongg qapp Judah Ongg qapp Edom Ongg dyrr kir, qniasec cid zit ee lorjam, qundui qapp duer inx ee jingsnix byy juiw tangx limx.

10 Islael Ongg qongw, "Camw ar." Jehovah jurjip jitt snax xee ongg, beh jiong' inx qaux dirr Moablangg ee ciuw.

11 Jehosafat qongw, "Dirr jiax qamxx byy Jehovah ee sendix, lanw tangx tog ix laii mng Jehovah mah?" Islael Ongg jit xee lovok rinr qongxx, "Jingg vniar juiw dirr Elijah ee ciuw :ee, Safat ee qniaw Elisa dirr jiax."

12 Jehosafat qongw, "Ix u Jehovah ee ue." Islael Ongg qapp Jehosafat qapp Edom Ongg dyrr lyc kir qnir ix.

13 Elisa qra Islael Ongg qongw, "Guaw qapp liw simxmih qansiap? Tangx kir cue liw ee laurve ee sendix, qapp liw ee laurbuw ee sendix." Islael Ongg qra ix qongw, "M si anxnix. Jehovah jurjip jitt snax xee ongg, beh qaux dirr Moablangg ee ciuw."

14 Elisa qongw, "Guaw qiw ingxuac banrqunx ee Jehovah, dyrr si guaw kia dirr Ix ee binrjingg :ee, laii qongw, guaw narr m si knuar Judah Ongg Jehosafat ee bin, dyrr m knuar liw, m cab liw.

15 Danxx diyhh qra guaw qiyr jit xee gagsux laii jiax; gagsux dnuaa ee sii, Jehovah ee ciuw dyrr qaur Elisa."

16 Ix dyrr qongw, "Jehovah anxnix qongw, 'Jitt xee snuaqog linw diyhh venwvenr kuix qxaux.

17 Linw beh byy knuar qnir hongx, byy knuar qnir ho; iauxquxx jitt xee snuaqog, juiw beh muaw muaw, hro linw tangx limx; dyrr si linw, qapp linw ee jingsnix, linw ee sriur, limx ix.'

18 Jairr Jehovah iauxx knuar jitt xee juer siyxkuaw. Ix iarr beh ing Moablangg qaux dirr linw ee ciuw.

19 Linw beh qrongx puar dagg xee qenqor ee sniaa, qapp dagg xee suiw ee sniaa, cyr dagg jangg hyw ee ciu, trad diauu longxjongw ee juixjnuaa, ing jiyhtauu pah pnaiw longxjongw hyw ee cann."

20 Qeh jaxkiw henwjer ee sii, u juiw dui' Edom ee lo laii, venww de dyrr u juiw muaw muaw.

21 Moab jingwlangg tniax qnir jitt snax xee ongg jnriu .laii, beh qapp inx qaujenr, dyrr jurjip qniwnarr e giac qesix :ee ixsiong, longxx kia dirr vniqair.

22 Qeh jaxkiw inx jaw jaw kiw .laii, zit jiyr dirr juiw nirr. Moablangg knuar duiwbin ee juiw angg cincniu huih,

23 Dyrr qongw, "Jex dyrr si huih ar, hiaxee ongg dikkag longxx siw; si sna' qongqig. Moab ar, diyhh laii kir cniuw ix lar."

24 Inx qaur Islaellangg ee ngiaa. Islaellangg dyrr kiw laii qongqig Moablangg, hro inx jauw dirr inx ee binrjingg; Islaellangg zip inx ee qingxqair, pah siw Moablangg, huiw inx ee sniaa;

25 Dagg langg hed jiyc tun muaw longxjongw ee juixjnuaa, cyr inx dagg jangg hyw ee ciu; jixu cunx Kir Heles ee jiyhcniuu; hnir jiyc :ee siwuii qongqig ix.

26 Moab Ongg knuar qnir qaujenr ee sewbin dixdik be diauu, dyrr duar giac dyx :ee cid-vah, beh ciongx quer din qaur Edom Ongg hiax; danrsi be e.

27 Dyrr cruw ingqaix suawjiab ix ee xui ee dua-qniaw, dirr sniaa-dingw henr ix juer siyjer; u dua tongwhun qaur dirr Islael. Inx dyrr lirkuix ix, dyr kir inx vunxqog.

4 U jit xee hurzinlangg, si sendix ee hagsingx ee bow, kir qnir Elisa, qongw, "Liw ee lovok, guaw ee diongrhux ixqing' siw, liw ee lovok vingsor qingwuir Jehovah, si liw soxx jaix :ee. Dnaxx jewjuw laii beh cruw guaw nng xee qniaw juer lovok."

2 Elisa mng ix qongxx, "Guaw tangx qra liw juer simxmih?" Ix qongw, "Liw ee luxvi cur-lai cunx jit vann iuu, ixgua longxx byy."

3 Elisa qongw, "Liw kir ar, dirr guarbin duiww liw hiaxee cuwvnix jiyh kiwqu, dyrr si kangx ee kiwqu, m tangx jiyh jiyw jiyw.

4 Diyhh zip cur, qnuaix mngg, liw qapp liw ee qniaw diamr lairbin, tinn iuu dirr soxu ee kiwqu; tinn muaw :ee diyhh lingrgua he."

5 Hurzinlangg lirkuix ix kir, qnuaix mngg, ix qapp ix ee qniaw diamr lairbin; qniaw duar kiwq laii hro ix, ix dyrr tinn iuu.

6 Hiaxee kiwqu longxx muaw, ix qra ix ee qniaw qongw, "Qycc tec kiwqu laii hro guaw." Qniaw qongw, "Byy qycc u kiwqu lar." Iuu dyrr jriw.

7 Hurzinlangg kir qra Siongrder ee lovok qongw. Ix qongw, "Liw kir bre iuu laii hingg jer; soxx cunx :ee, liw qapp liw ee qniaw tangx doruac."

8 U jit zit Elisa qniaa qaur Sunem, dirr hiax u jit xee hyxgiac ee hurzinlangg, qiongg lauu ix diamr decc jiac; au .laii Elisa dagg vaiw dui' hiax qingquer, dyrr zip kir jiac.

9 Hurzinlangg duiww ix ee diongrhux qongw, "Liw knuar, hitt xee siongsiongg dui' lanw jiax qingquer :ee, guaw knuar ix si Siongrder sxingr ee lovok.

10 Qriuu liw rinw, lanw tangx dirr cniuu-dingw kiw jit qingx ser qingx vangg, dirr hiax qra ix andir bincngg, dyh, iw, dingdaii, hro ix laii lanw jiax, tangx zip kir hiyh."

11 U jit zit Elisa laii qaur hiax, dyrr zip kir hitt qingx vangg kunr.

12 Elisa qra ix ee lovok Gehazi qongw, "Liw qiyr jitt xee Sunem ee hurzinlangg laii." Ix dyrr qiyr ix laii; hurzinlangg kia dirr ix ee binrjingg.

13 Ix qra ix ee lovok qongw, "Liw tangx qra ix qongw: Liw uirr guanw huir jerje simsux, dnaxx diyhh qra liw juer simxmih? Liw rair guaw ter liw qra ongg, iacc si qundniuw qongw ar?" Ix rinr qongxx, "Guaw kiarkiw dirr guaw ee vecsnir ee diongqanx."

14 Elisa qongw, "Anxnix diyhh uirr ix jnaixngiu juer?" Gehazi qongw, "Ix byy qniaw, ix ee diongrhux iarr lau lar."

15 Ix qycc qongw, "Qiyr ix laii"; dyrr qiyr ix laii. Hurzinlangg dyrr kia dirr mngkauw. Ix qongw, "Menii qaur jitt si, liw beh py jit xee qniaw."

16 Ix qongw, "Byy lar. Siongrder ee lovok, guaw ee jruw ar, m tangx penr liw ee luxvi."

17 Hurzinlangg qyxzenn huai'in, qaur menii hitt sii snix jit xee qniaw, jiauww Elisa soxx qongw :ee.

18 Ginxaw duarhanr; u jit zit cud kir qaur ix ee laurve, qaur siuquah ee langg hiax. Ix qra laurve qongw, "Guaw ee taukag ar, guaw ee taukag ar."

19 Ix ee laurve qra lovok qongw, "Py ix qaur ix ee laurbuw hiax."

20 Ix py ix qaur ix ee laurbuw hiax; ginxaw jre dirr laurbuw ee katauux, qaur diongdaur dyrr siw.

21 Laurbuw jnriu kir laudingw, jiong' ix ee qniaw he dirr Siongrder ee lovok ee bincngg, qnuaix mngg cud .laii; qiyr ix ee diongrhux, qongw,

22 "Cniaw crex jit xee lovok kanx jit jiah luu laii guaw jiax; guaw beh pauw kir Siongrder ee lovok hiax, jiacc dyr .laii."

23 Diongrhux qongw, "Qinaxzit m si guec ee ceid, iarr m si Anhiyh, liw sniaw su beh kir ix hiax?" Hurzinlangg qongw, "Ving'anx."

24 Dyrr virvan luu, qra lovok qongw, "Liw qnuaw luu jinwjingg kir; guaw narr byy qra liw qongw, dyrr m tangx kacc ban .lyc .laii."

25 Hurzinlangg dyrr kir Karmel Snuax, kir Siongrder ee lovok hiax. Siongrder ee lovok hng hng knuar qnir ix, qra ix ee lovok Gehazi qongw, "Knuar ar, Sunem ee hurzinlangg laii ar.

26 Liw jauw kir gniajih ix, mng ix qongxx, 'Liw ving'anx mah? Liw ee diongrhux ving'anx mah? Ginxaw ving'anx mah?'" Ix qongw, "Ving'anx."

27 Hurzinlangg qaur hitt xee snuax qaur Siongrder ee lovok hiax, dyrr py ix ee kax. Gehazi jinwjingg beh qra ix ciax kuix. Siongrder ee lovok qongw, "Quwjai ix, in'ui ix simlai tongwkow. Jehovah duiww guaw unxkngr, byy qra guaw qongw."

28 Hurzinlangg qongw, "Guaw qamxx bad duiww guaw ee jruw qriuu qniaw mah? Guaw qamxx byy qongw, 'M tangx penr guaw' mah?"

29 Ix qra Gehazi qongw, "Liw haa iyx, ciuw giac guaw ee qnuaiw, jinwjingg kir; narr duw diyc langg, byc did qra inx cingxanx, langg narr cingxanx liw, iarr byc did rinr ix; diyhh ing guaw ee qnuaiw-aw he dirr ginxaw ee bin."

30 Ginxaw ee laurbuw qongw, "Guaw qiw ingxuac ee Jehovah qapp liw ee uahmia laii qongw, guaw dikkag m lirkuix liw." Elisa dyrr kiw laii duer ix kir.

31 Gehazi taujingg kir, ing qnuaiw-aw he dirr ginxaw ee bin; danrsi byy sniasueh, iarr m jaix langg. Gehazi dywdngw duw diyc ix, qra ix qongw, "Ginxaw byy cnew."

32 Elisa qaur der, zip cur, knuar qnir ginxaw ixqing' siw, he dirr ix ee bincngg.

33 Ix zip .kir, dyrr qnuaix mngg, jixu inx nng xee dirr lairbin; ix dyrr qidyw Jehovah.

34 Ix jrniu kir pag dirr ginxaw ee sinkux, cuir duiww cuir, bagjiux duiww bagjiux, ciuw duiww ciuw, qui' srinx ngar dirr ginxaw ee sinkux; ginxaw ee bah dyrr jiamrjiam siyly.

35 Ix lyc .laii, dirr cur-lai qniaa laii qniaa kir jit vaiw, qycc jnriu .kir, qui' srinx ngar dirr ginxaw; ginxaw pah qacniur cid vaiw, bagjiux dyrr tiw kuix.

36 Elisa qiyr Gehazi, qongw, "Liw qiyr jitt xee Sunem ee hurzinlangg laii." Ix dyrr qiyr ix; ix zip laii ix hiax, Elisa qongw, "Py liw ee ginxaw kiw .laii."

37 Hurzinlangg dyrr zip .laii, ngar dirr ix ee kax-jingg, pag dirr de nirr, py ix ee qniaw cud .kir.

38 Elisa qycc laii qaur Gilgal. Hitt sii qog-lai qihngx, sendix ee hagsingx jre dirr ix ee binrjingg. Ix haunhur lovok qongxx, "Liw jiong' dua dniaw he dirr huew nirr, qra sendix ee hagsingx juw caiwtngx."

39 U jit langg kir cann nirr banw cair, duw diyc jit jangg iaxdinn, dyrr banw ix ee qxuex jerje dyr .laii. Ix ced qxuex, qra log dirr juw caiwtngx ee dniaw; in'ui inx m bad si simxmih mic.

40 Ix qra vniar cud laii hro inx jiac; jiac caiwtngx ee sii, inx longxx qiyr qongxx, "Siongrder ee lovok ar, dniaw-lai u drir siw ee dok"; inx longxx m jiac.

41 Elisa qongw, "Tec damrvyc mirhunw laii'; dyrr jiong' mirhunw samw dirr dniaw nirr, qongw, "Vniar cud laii hro inx jiac"; dniaw-lai dyrr byy hai.

42 U jit langg dui' Baal Salisah laii, duar kixtauu sik ee bec soxx juer ee vniaw, qapp duarbehvniaw zi-jap xee, qapp sinx ee sui, drew dirr de nirr, sangr hro Siongrder ee lovok. Ix dyrr qongw, "Jiong' jiaxee hro vecsnir jiac."

43 Ix ee ceing qongw, "Jnaixngiu, guaw qamxx tangx vaii jiaxee dirr jit-vah langg ee binrjingg mah?" Ix qongw, "Jueww liw hro vecsnir jiac, in'ui Jehovah anxnix qongw, 'Inx beh jiac ix, iauxx u cunx.'"

44 Ix dyrr vaii dirr inx ee binrjingg, inx jiac ix, iarr u cunx, jiauww Jehovah soxx qongw.

5 Sylia Ongg ee qundniuw Naaman, dirr ix ee juxlangg ee binrjingg juer dua, juer junquir, in'ui Jehovah bad ing ix hro Sylia diksingr, ix iarr si dua quanlingg ee iongxsu; danrsi taixqyx.

2 Jingg Sylialangg qui' din cud .kir, dui' Islael-de liac jit xee jaboxginxaw; ix dyrr suhau Naaman ee bow.

3 Ix qra ix ee juxbuw qongw, "Kow be did diyc guaw ee jruw qapp Samalia ee sendix snaqab dilehh, ix dikkag e rix hyw ix ee taixqyx."

4 U langg zip kir qra ix ee jruw qongw, sriok Islael-de ee jaboxginxaw anxnix anxnix qongw.

5 Sylia Ongg qongw, "Liw kir ar, guaw iarr beh qiar jit dniux puex hro Islael Ongg." Naaman dyrr kir, duar ginn jap talent, qimx lak-cingx, ijniuu jap tyr;

6 Duar puex qaur Islael Ongg hiax, puex-lai qongw, "Puex qaur liw hiax ee sii, guaw crex zinsinn Naaman kir qnir liw, liw diyhh rix hyw ix ee taixqyx."

7 Islael Ongg knuar puex liauw, dyrr tiah lic ix ee snxax, qongw, "Guaw qamxx si Siongrder, e hro langg siw, hro langg uac mah? Jitt langg qingxzenn crex langg laii guaw jiax, qiyr guaw rix hyw ix ee taixqyx; cniaw linw jimjiog sniu, knuar jitt langg jnaixngiu cue pang qogqig guaw."

8 Siongrder ee lovok Elisa tniax qnir Islael Ongg tiah lic ix ee snxax, dyrr crex langg kir qnir ongg, qongw, "Liw sniaw su tiah lic snxax ar? Tangx hro hitt langg qaur guaw jiax, ix jiacc jaix Islael diongx u sendix."

9 Naaman dyrr qapp ix ee bew, ix ee ciax laii, kia dirr Elisa ee cur ee mngkauw."

10 Elisa crex jit xee suwjiaw, qra Naaman qongw, "Liw kir Jordan Hyy sew sinkux cid vaiw, liw ee bah dyrr hogguann, liw beh did diyc cingkir."

11 Naaman dyrr siurkir, trer .kir, qongw, "Guaw vunw pacsngr ix dikkag beh cud laii qnir guaw, kia lehh qiuqiyr Jehovah, ix ee Siongrder ee miaa, iyy ciuw dirr huan .diyc ee soxjai, laii rix hyw taixqyx :ee.

12 Damaskus ee hyy, Abana qapp Farpar, qamxx byy viw Islael itcer ee juiw kacc hyw mah? Guaw dirr hiax sew sinkux be did diyc cingkir mah?" Dyrr uat dngw srinx siurkir, jueww ix kir.

13 Ix ee lovok jinwjingg qra ix qongw, "Guaw ee ve ar, sendix narr qiyr liw kir juer jit qnia dua su, liw qamxx byy beh juer mah? Hyhongr ix qandna' qra liw qongw, 'Sew dyrr cingkir' ar."

14 Naaman dyrr lyc .kir, jiauww Siongrder ee lovok ee ue, dirr Jordan Hyy sew cid vaiw; ix ee bah hogguann, cincniu ginxaxbah, ix dyrr cingkir.

15 Ix qapp itcer duer ix ee langg dywdngw laii Siongrder ee lovok hiax, kia dirr ix ee binrjingg, qongw, "Knuar ar, guaw dnaxx jaix, druu Islael ixgua, poxtnie byy u Siongrder. Dnaxx qriuu liw siux liw ee lovok ee lexmic."

16 Ix qongw, "Guaw qiw ingxuac ee Jehovah, dyrr si guaw kia dirr Ix ee binrjingg :ee, laii jiuwjua, guaw dikkag m siux." Ix qiongvig ix siux, ix quatduanr m.

17 Naaman qongw, "Narr m, qriuu liw jiong' nng jiah lyy soxx e jair ee too hro liw ee lovok; in'ui dui' dnaxx ixau, liw ee lovok byy qycc ing siyjer iacc si vadd hy ee jrer hro vadd xee siongrder; jixu henr hro Jehovah.

18 Dogdok u jit hxang su, guan Jehovah siawbenw liw ee lovok, dyrr si guaw ee jruw zip Rlimmon ee biy, dirr hiax qingwvair, uaw diyc guaw ee ciuw ee sii, qycc guaw dirr Rlimmon ee biy ngar iyx ee sii, guan Jehovah dirr jitt qnia su siawbenw liw ee lovok."

19 Ix dyrr qra ix qongw, "Liw tangx ving'anx kir." Ix dyrr lirkuix ix kir, qniaa jit jam aw.

20 Siongrder ee lovok Elisa ee ceing, Gehazi, simlai qongw, "Guaw ee juxlangg textiab jitt xee Sylialangg Naaman, byy beh dui' ix ee ciuw siux ix soxx duar .laii .ee, guaw qiw ingxuac ee Jehovah laii qongw, guaw beh jauw kir zib ix, dui' ix tec damrvyc."

21 Gehazi dyrr dirr Naaman ee aurbin zib. Naaman knuar qnir u langg jauw laii zib ix, dyrr lyc ciax gniajih ix, qongw, "Longxx ving'anx mah?"

22 Qongw, "Longxx ving'anx. Guaw ee jruw crex guaw laii qongw, duxjiah u nng xee siauwlenlangg, si sendix ee hagsingx, dui' Eflaim ee snuade laii qnir guaw; cniaw liw ing ginn jit talent, ijniuu nng tyr, hro ix."

23 Naaman qongw, "M tangx trex, cniaw siux nng talent"; dyrr qiongvig ix. Gehazi dyrr jiong' nng talent ginn jrngx dirr nng xee vowde, qra nng tyr ijniuu qaux ix nng xee lovok; nng xee lovok vue, qniaa dirr ix ee taujingg.

24 Qaur snuax nirr ee sii, Gehazi dui' inx ee ciuw jrih .laii, he dirr cur-lai; crex inx kir, inx dyrr kir.

25 Ix dyrr zip kir kia dirr ix ee juxlangg ee binrjingg, Elisa mng ix qongxx, "Gehazi, liw dui' dyclyc laii?" Ix rinr ix qongxx, "Liw ee lovok byy kir dyclyc."

26 Elisa qra ix qongw, "Hitt langg lyc ciax dywdngw laii gniajih liw ee sii, guaw ee simx qamxx byy qapp liw kir mah? Jex qamxx si sriu ginn, sriu ijniuu, qnanaxhngg, pudyhngg, guu, ngiuu, lovok, luxvi ee sii mah?"

27 Dui' anxnix Naaman ee taixqyx beh taunn hro liw, qapp liw e horer, didqaur ingxuanw. Gehazi dui' Elisa ee binrjingg trer .cud .kir, dyrr kiw taixqyx, vec cincniu seh.

6 Sendix ee hagsingx qra Elisa qongw, "Knuar ar, guanw qapp liw soxx druar ee soxjai sniu' ec.

2 Qriuu liw jrunw guanw kir Jordan, dagg langg dui' hiax cruw jit qix caliau, hro guanw dirr hiax kiw jit soxjai tangx kia." Ix qongw, "Linw tangx kir ar."

3 U jit xee qongw, "Byc did trex, qriuu liw qapp lovok kir." Rinr qongxx, "Guaw beh kir."

4 Dui' anxnix dyrr qapp inx kir. Inx qaur Jordan, dyrr cyr ciu.

5 U jit langg cyr ciu ee sii, voxtaubah qalauc dirr juiw nirr. Ix dyrr qiyr qongxx, "Camw ar! Guaw ee jruw ar, jitt qix voxtauu si jiyh :ee."

6 Siongrder ee lovok qongw, "Qalauc dirr dyclyc?" Ix dyrr vyr ix knuar hitt soxjai. Ix dyrr cyr jit qix caa, hed dirr hiax; voxtaubah dyrr puu .kiw .laii.

7 Ix qongw, "Giac .kiw .laii"; hitt langg dyrr crunx ciuw giac .kiw .laii.

8 Sylia Ongg qapp Islael qaujenr, qapp ix ee zinsinn girlun qongxx diyhh jrad ngiaa dirr bxow soxjai, bxow soxjai.

9 Siongrder ee lovok crex langg kir qnir Islael Ongg, qongw, "Liw diyhh qinxsin, m tangx dui' bxow soxjai qingquer, in'ui Sylialangg lyc laii dirr hiax."

10 Islael Ongg crex langg qaur Siongrder ee lovok soxx qongw diyhh dihongg ee soxjai. Dui' anxnix byy siurr hai, m na jit vaiw, nng vaiw.

11 Sylia Ongg in'ui jitt xee su simlai jin' vecvag, driaur ix ee zinsinn laii, qra inx qongw, "Lanw diongqanx jirjui rui Islael Ongg, linw byy laii qra guaw qongw mah?"

12 U jit xee zinsinn qongw, "Guaw ee jruw, guaw ee ongg ar, m si anxnix. Si Islael diongx ee sendix Elisa jiong' liw dirr kunwvangg soxx qongw ee ue, qra Islael Ongg qongw."

13 Ongg qongw, "Linw kir tamwknuar ix dirr dyclyc, guaw tangx crex langg kir liac ix." U langg qra ongg qongw, "Knuar ar, ix dirr Dotan."

14 Ongg dyrr crex bew, ciax, qapp dua dui vxingx kir hiax. Inx tauwmii qaur, uikunr hitt xee sniaa.

15 Siongrder ee lovok ee ceing cingjaw kiw .laii cud .kir, knuar qnir u qunvingx, bew qapp ciax, uikunr sniaa. Ceing qra ix qongw, "Camw ar! Guaw ee jruw ar, lanw beh jnaixngiu?"

16 Siongrder ee lovok qongw, "Mrbenw qniax; in'ui qapp lanw dilehh :ee, viw qapp inx dilehh :ee, qyckacc je."

17 Elisa qidyw qongxx, "Jehovah ar, qriuu Liw kuix ix ee bagjiux, hro ix e knuar .qnir." Jehovah dyrr kuix siauwlenlangg ee bagjiux, ix dyrr knuar .qnir. Venww snuax huexbew huexciax uii Elisa.

18 Inx lyc kir qaur ix hiax, Elisa qidyw qongxx, "Jehovah ar, qriuu Liw pah jiaxee vecsnir, hro inx cnimii." Ix dyrr pah hro inx cnimii, jiauww Elisa ee ue.

19 Elisa qra inx qongw, "Jitt xee m si hitt xee lo, jitt xee iarr m si hitt xee sniaa; linw duer guaw, guaw beh cua linw qaur linw soxx cue ee langg hiax." Dyrr cua inx qaur Samalia.

20 Inx zip Samalia, Elijah qongw, "Jehovah ar, qriuu Liw kuix jiaxee langg ee bagjiux, hro inx knuar .qnir." Jehovah kuix inx ee bagjiux, inx dyrr knuar .qnir; byy pacsngr, si dirr Samalia ee sniaa-lai.

21 Islael Ongg knuar qnir inx, dyrr mng Elisa qongxx, "Guaw ee ve ar, guaw diyhh pah ix mah? Diyhh pah ix mah?"

22 Rinr qongxx, "M tangx pah inx; liw ing dyx ing qringx soxx liac .laii .ee, qamxx tangx pah ix mah? Diyhh he vniaw qapp juiw dirr inx ee binrjingg, hro inx limjiac, dyr kir inx ee juxlangg hiax."

23 Ongg ter inx virvan jerje jiahmic; inx limjiac bingvik, dyrr qiyr inx kir; inx dyrr dyr kir inx ee juxlangg hiax. Dui' anxnix Sylia ee qunvingx byy qycc cimhuan Islael ee qingxqair.

24 Au .laii Sylia Ongg Benhadad jurjip ix ee juann qunx, jnriu laii uikunr Samalia, Samalia dua qihngx.

25 Inx uikunr sniaa, drir qaur jit xee lutauu dat ginn veh-jap sekel, jnixaw ee vunr jit kab ee sir hxun jit dat ginn go sekel.

26 Islael Ongg dui' sniacniuu qingquer ee sii, u jit xee hurzinlangg duiww ix qiuqiyr, qongw, "Guaw ee jruw, guaw ee ongg ar, vangjan guaw."

27 Ongg qongw, "Jehovah byy vangjan liw, guaw beh dui' dyclyc vangjan liw, si' dui gorqakdniuu, iacc si dui' jiuxkud ar?"

28 Ongg qycc qongw, "Liw u simxmih qankow?" Ix rinr qongxx, "Jitt xee hurzinlangg duiww guaw qongw, 'Qaux cud liw ee qniaw, lanw qinaxzit tangx jiac ix, binaxzit lanw jiac guaw ee qniaw';

29 Guanw dyrr juw guaw ee qniaw jiac ix; qeh zit guaw duiww ix qongw, 'Qaux cud liw ee qniaw, lanw tangx jiac ix', danrsi ix kngwbat ix ee qniaw."

30 Ongg tniax qnir hurzinlangg ee ue, dyrr tiah lic snxax, dirr sniacniuu dingw qingquer; vecsnir knuar qnir ix, knuar qnir ix sindexsnax si cox muavor.

31 Ongg qongw, "Safat ee qniaw, Elisa ee taukag qinaxzit narr iuguann lenn dirr ix ee sinkux, guan Siongrder qavue jikhuat guaw."

32 Hitt sii Elisa jre dirr cur-lai, diongxlyw qapp ix decc jre; ongg crex jit langg juer tauu kir. Suwjiaw iauxx bue qaur ix hiax, Elisa qra dniuxlyw qongw, "Linw knuar jitt xee hiongsiuw ee qniaw, jnaixngiu crex langg cruw guaw ee taukag; linw knuar, suwjiaw narr laii, dyrr diyhh qnuaix mngg, joxjiw ix dirr mngg-gua; dirr ix ee aurbin qamxx byy u ix ee juxlangg ee kavo-sniax?"

33 Ix iauxx qapp inx qongxue ee sii, suwjiaw lyc kir ix hiax, qongw, "Jitt xee jaieh dui' Jehovah, guaw sniaw su diyhh qycc tingwhau Jehovah ar?"

7 Elisa qongw, "Linw diyhh tniax Jehovah ee ue; Jehovah anxnix qongw, 'Binaxzit iokliok qaur jitt sii, dirr Samalia ee sniamngkauw, jit seah ee iur mirhunw dat ginn jit sekel, nng seah duarbec dat ginn jit sekel.'"

2 U jit xee qundniuw, si ongg uaw ix ee ciuw :ee, rinr Siongrder ee lovok qongxx, "Jehovah dui' tnix kuix txangx-aw, qamxx e anxnix mah?" Elisa qongw, "Liw beh cinbak knuar, danrsi jiac be diyc."

3 Dirr sniamngg hiax u sir xee taixqyx :ee, inx snaqab qongw, "Lanw sniaw su jre dirr jiax tingwhau siw ar?

4 Lanw narr qongw, zip sniaa kir, sniaa-lai u qihngx, lanw beh siw dirr hiax; narr dniardnia jre dirr jiax, iarr si diyhh siw. Laii lar, lanw laii kir dauhangg Sylia ee qundui; inx narr lauu lanw ee uahmia, lanw dyrr e uac; narr taii siw lanw, qinduw iarr si siw."

5 Honghunx ee sii, inx kiw .laii, beh kir Sylialangg ee ngiaa. Ixqing' qaur Sylialangg ee ngiaa ee vniqag, byy jit langg dirr hiax.

6 In'ui Jruw hro Sylia ee qundui tniax qnir ciax ee sniax, bew ee sniax, dyrr si dua qundui ee sniax. Inx dyrr snaqab qongw, "Knuar ar, jex si Islael Ongg brew tongx Hitlangg jiaxee ongg, qapp Egiptlangg jiaxee ongg, laii qongqig lanw."

7 Soxiw dirr honghunx ee sii inx kiw laii dyjauw, vangwsag inx ee vowvnii, inx ee bew, inx ee luu, ngiavnuaa jiauwqu, jauw kir vyw sniwmia.

8 Hiaxee tiaxqyx :ee qaur ngiaa ee vniqag, zip jit xee vowvnii, iarr jiac iarr limx; dui' hiax tec qimx, ginn, qapp ijniuu kir siukngr; qycc laii, qycc zip jit xee vowvnii, dui' hiax tec cud jaibut kir siukngr.

9 Hitt sii inx snaqab qongw, "Lanw soxx juer :ee m hyw; qinaxzit si u hyw siausid ee zit. Lanw narr jing jing, tingwhau qaur tnix qngx, lanw diyhh sriu jue. Laii ar, lanw diyhh kir vyr ongqex jaix."

10 Inx dyrr kir qiyr qor sniamngg :ee, qra inx qongw, "Guanw qaur Sylialangg ee ngiaa, knuar qnir byy jit langg dirr hiax, iarr byy langg ee sniasueh; jixu bew vak lehh, luu vak lehh, vowvnii longxx jiauwqu.

11 Ix dyrr kir qiyr hiaxee qor mngg :ee; inx dyrr kir vyr ongqex jaix.

12 Ongg tauwmii kiw .laii, qra ix ee zinsinn qongw, "Sylialangg duiwdirr lanw soxx juer :ee, guaw qra linw qongw. Inx jaix lanw iaugy, soxiw cud ngiavnuaa, baihok dirr can'iaw, qongw, 'Inx cud sniaa ee sii, lanw dyrr uac uac liac inx, laii did diyc zip inx ee sniaa.'"

13 Ix ee zinsinn u jit xee rinr ongg qongxx, "Iauxx cunx ee bew, dyrr si iauxx lauu dirr sniaa-lai :ee, qriuu liw crex langg kanx go jiah laii, (knuar ar, bew cincniu Islael jingwlangg soxx lauu dirr sniaa-lai :ee; knuar ar, bew cincniu Islael jingwlangg siurr bet :ee;) lanw tangx crex langg kir knuar ix."

14 Dyrr cruw nng dniux ciax, qapp bew, ongg crex langg kir zib Sylia ee qunvingx, qongw, "Linw kir knuar bai lehh."

15 Inx dyrr duizib inx qaur Jordan, knuar qnir muaw lo longxx si Sylialangg qinw jauw ee sii soxx hetqag ee ihok kiwqu; suwjiaw dyrr dyr laii huehog ongg.

16 Vecsnir dyrr cud kir cniuw Sylialangg ee ngiavnuaa; dui' anxnix jit seah iur mirhunw dat ginn jit sekel; nng seah duarbec iarr dat ginn jit sekel; jiauww Jehovah soxx qongw :ee.

17 Ongg pair ix soxx uawciuw hitt xee qundniuw quanxliw sniamngg; vecsnir dirr sniamngg tunxdac ix, ix dyrr siw, jiauww Siongrder ee lovok soxx qongw :ee, dyrr si ongg lyc laii qnir ix ee sii soxx qongw :ee.

18 Qycc Siongrder ee lovok soxx duiww ongg qongw :ee, "Binaxzit iokliok qaur jitt si, dirr Samalia ee sniamngkauw, nng seah duarbec dat ginn jit sekel, jit seah ee iur mirhunw dat ginn jit sekel";

19 Qycc hitt xee qundniuw duiww Siongrder ee lovok qongw, "Jehovah dui' tnix kuix txangx-aw, qamxx e anxnix mah?" Siongrder ee lovok qongw, "Liw beh cinbak knuar .qnir, danrsi jiac be diyc";

20 Jitt xee ue qyxzenn ingwgiam dirr ix ee sinjniu; in'ui vecsnir dirr sniamngkauw tunxdac ix, ix dyrr siw.

8 U jit xee hurzinlangg, Elisa bad hro ix ee qniaw qycc uac :ee, Elisa iarr bad qra ix qongw, "Kiw .laii, liw qapp liw ee juann qrex kir druar liw soxx tangx druar ee soxjai; in'ui Jehovah bingrling qihngx limqaur, beh dirr jitt xee soxjai cid nii quw."

2 Hurzinlangg dyrr kiw .laii, jiauww Siongrder ee lovok ee ue kir qniaa; ix qapp ix ee qrex kir Filistlangg ee de, druar cid nii quw.

3 Cid nii muaw, hitt xee hurzinlangg dui' Filist-de dyr .laii; dyrr cud .kir, beh uirr qaqi ee cuwtec canhngg qiuqiyr ongg.

4 Hitt sii ongg qapp Siongrder ee lovok ee ceing Gehazi qongxue, qongw, "Cniaw liw jiong' Elisa soxx qniaa itcer ee dua su qra guaw qongw."

5 Gehazi dyrr qra ongg qongw Elisa jnaixngiu hro siw ee langg qycc uac; cauwkamw hitt xee hurzinlangg, dyrr si ix hro ix ee qniaw qycc uac :ee, uirdiyhh ix ee cuwtec canhngg laii qiuqiyr ongg. Gehazi qongw, "Guaw ee jruw, guaw ee ongg, jitt xee si hitt xee hurzinlangg, jitt xee si ix ee qniaw, dyrr si Elisa hro ix qycc uac :ee."

6 Ongg mng hitt xee hurzinlangg, ix dyrr qra ix qongw; ongg dyrr uirdiyhh ix pair jit xee qnua'uann, qongw, "Qniwnarr sriok jitt xee hurzinlangg :ee, longxx diyhh hingg ix; dui' ix lirkuix vunxsoxjai qaur qinaxzit, ix ee canhngg soxx cutsanw :ee, iarr longxx diyhh hingg ix."

7 Elisa laii qaur Damaskus. Sylia Ongg Benhadad decc puawvni. U langg qra ongg qongw, "Siongrder ee lovok laii qaur jiax."

8 Ongg dyrr qra Hazael qongw, "Liw duar lexmic kir qnir Siongrder ee lovok, vaiwtog ix mng Jehovah knuar guaw jitt xee vni e uac iacc be?"

9 Hazael dyrr kir qnir ix, ing sir-jap jiah logdyy jair Damaskus dagg hy ee hyw mic juer lexmic, kir kia dirr ix ee binrjingg, qongw, "Liw ee qniaw Sylia Ongg Benhadad crex guaw laii liw jiax, qongw, 'Guaw jitt xee vni e uac iacc be?'"

10 Elisa qra ix qongw, "Liw kir huehog ix qongxx, ix dikkag e uac; danrsi Jehovah jixsi guaw, ix dikkag beh siw."

11 Elisa juwbak knuar ix, drir qaur Hazael qenwsiaur; Siongrder ee lovok dyrr lrauu bagsaiw.

12 Hazael qongw, "Guaw ee jruw, sniaw su lrauu bagsaiw?" Rinr qongxx, "In'ui guaw jaix liw soxx beh koxcow Islaellangg :ee. Liw beh ing huew siyx inx hiamxiaur ee soxjai, ing dyx taii siw inx ee jongwdingx, siag siw inx ee ngex-aw, puar kuix inx u sin'in ee hurzinlangg."

13 Hazael qongw, "Liw ee lovok si simxmih, vutqyr si jit jiah qxauw, taixtyw e qniaa jitt xee dua su ar?" Elisa rinr qongxx, "Jehovah jixsi guaw, liw beh juer Sylia Ongg."

14 Ix lirkuix Elisa, dyr kir ix ee juxlangg hiax; juxlangg mng ix qongxx, "Elisa qra liw qongw simxmih?" Rinr qongxx, "Ix qra guaw qongw, liw dikkag e uac."

15 Qeh zit ix tec qau ee vor unr juiw, kamr ongg ee bin, ongg dyrr siw. Hazael dyrr ter ix juer ongg.

16 Islael Ongg Ahab ee qniaw Jolam derr go nii, Jehosafat juer Judah Ongg ee sii, Judah Ongg Jehosafat ee qniaw Jolam kixtauu jerui.

17 Jolam jerui ee sii, snax-jap-zi huer, dirr Jelusalem juer ongg ligquer veh nii.

18 Ix qniaa Islael Ongg ee lo, qapp Ahab ee qrex byy qyc'ngiu; in'ui ix crua Ahab ee jaboxqniaw juer bow, qniaa Jehovah soxx knuar juer pnaiw ee su.

19 Jongwsirr Jehovah in'ui Ix ee lovok David ee enqor, m qramx bet Judah, jiauww Ix soxx ingwunw David ee ue, ingxuanw sniuxsur jit pax dingx hro ix ee qniaxsunx.

20 Dng' Jolam ee niqanx, Edom vuervuan Judah, tuatli ix ee ciuxtauu, qaqi setlip ongg.

21 Jeholam duar soxu ee jenwciax, quer kir Zair, tauwmii kiw .laii, pah uikunr ix ee Edomlangg qapp hiaxee ciadniuw. Vecsnir dyrr dyjauw, dag'ee dyr kir ix ee vowvnii.

22 Anxnix, Edomlangg vuervuan Judah, tuatli ix ee ciuxtauu, qaur qinaxzit. Siangg hitt sii Libnahlangg iarr vuervuan.

23 Jeholam qi'uu ee su, qniww ix soxx qniaa :ee, longxx qir dirr Judah ee led'ongg ee qiwlok.

24 Joholam qapp ix ee ledjow drangg kunr, dirr David Sniaa qapp ix ee jow drangg baijongr. Ix ee qniaw Ahaziah suawjiab ix juer ongg.

25 Islael Ongg Ahab ee qniaw Jolam jap-zi nii, Judah Ongg Joholam ee qniaw Ahaziah kixtauu jerui.

26 Ahaziah jerui ee sii, zi-jap-zi huer, dirr Jelusalem juer ongg jit nii. Ix ee laurbuw miaa qiyr Ataliah, si Islael Ongg Omli ee jaboxsunx.

27 Ix qniaa Ahab ee qrex ee lo, qniaa Jehovah soxx knuar juer pnaiw ee su, qapp Ahab ee qrex byy qyc'ngiu. In'ui ix si Ahab ee qrex ee qniaxsair.

28 Ix qapp Ahab ee qniaw Jolam snaqab kir Gilead ee Rlamot, qapp Sylia Ongg Hazael qaujenr; Sylialangg pacsiongx Jolam.

29 Jolam ongg dyr kir Jezleel, beh idi ix ee siongx, dyrr si ix dirr Rlamot qapp Sylia Ongg Hazael qaujenr ee sii, Sylialangg pah diyc ix :ee. Judah Ongg Jolam ee qniaw Ahaziah lyc kir Jezleel, beh bai Ahaziah ee qniaw Jolam, in'ui ix u puawvni.

9 Sendix Elisa qiyr sendix ee hagsingx jit xee, qra ix qongw, "Liw haa iyx, tec jit vann iuu, kir Gilead ee Rlamot.

2 Quar hiax, diyhh cue Nimsi ee sunx, Jehosafat ee qniaw, Jehu, zip .kir, hro ix dui' ix ee hniadi diongx kiw .laii, cua ix zip lairvangg;

3 Jiong' vann-lai ee iuu tinn dirr ix ee taukag, qongw Jehovah anxnix qongw, 'Guaw ing iuu buah liw juer Islael ee ongg.' Liw dyrr diyhh kuix mngg dyjauw, m tangx encenn."

4 Jitt xee siauwlenlangg, dyrr si siauwlenn ee sendix, kir Gilead ee Rlamot.

5 Qaur hiax, knuar qnir jiongww qundniuw decc jre; ix dyrr qongw, "Qundniuw ar, guaw u dairjir beh qra liw qongw." Jehu qongw, "Beh qra guanw diongqanx simxmih langg qongw?" Rinr qongxx, "Qundniuw ar, dyrr si liw."

6 Ix dyrr kiw .laii, zip kir cur-lai. Siauwlenlangg ing iuu tinn dirr ix ee taukag, qra ix qongw, "Jehovah, Islael ee Siongrder anxnix qongw, 'Guaw ing iuu buah liw, juer Jehovah ee vecsnir Islael ee ongg.

7 Liw diyhh pah bet liw ee juxlangg Ahab ee qrex, hro Guaw tangx vywingr Guaw ee lovok jiaxee sendix ee huih, ixqip Jehovah jiongww lovok ee huih, dyrr si dirr Jezebel ee ciuw soxx juer :ee.

8 Ahab juann qrex beh longxx bedbyy. Guaw beh jenxduu dirr Islael diongx sriok Ahab ee davodingx, bylun siurr kusog :ee, iacc si juriuu :ee.

9 Guaw beh hro Ahab ee qrex cincniu Nebat ee qniaw Jeloboam ee qrex, iarr cincniu Ahijah ee qniaw Baasa ee qrex.

10 Dirr Jezleel ee hngg, qxauw beh jiac Jezebel, byy langg baijongr ix.'" Siauwlenlangg dyrr kuix mngg dyjauw.

11 Jehu cud .kir, qaur ix ee juxlangg ee lovok hiax. U jit langg mng ix qongxx, "Longxx ving'anx bor? Jitt xee siauw :ee laii cue liw simxmih dairjir ar?" Ix qra inx qongw, "Linw bad hitt xee langg, iarr jaix ix soxx qongw :ee."

12 Inx qongw, "Byngiaw, liw diyhh qra guanw qongw." Rinr qongxx, "Ix qongw Jehovah anxnix qongw, 'Guaw ing iuu buah liw juer Islael ee ongg.'"

13 Inx qnuaxqinw, dagg langg ing qaqi ee snxax pox dirr qia-aw ee dingxbin, he dirr Jehu ee erbin; inx vunn sauwqag, qongw, "Jehu juer ongg lar."

14 Anxnix Nimsi ee sunx, Jehosafat ee qniaw, Jehu vuervuan Jolam. (Jolam qapp Islael jingwlangg bad vexsiuw Gilead ee Rlamot, in'ui Sylia Ongg Hazael ee enqor.

15 Jolam Ongg dyr kir Jezleel, idi ix ee siongx, dyrr si dirr ix qapp Sylia Ongg Hazael qaujenr ee sii, Sylialangg pah diyc ix :ee.) Jehu qongw, "Linw ee iwsur narr si anxnix, dyrr m tangx iong'unw langg jauw cud sniaa, kir Jezleel vyr siausid."

16 Jehu dyrr jre ciax, kir Jezleel, in'ui Jolam dyw dirr hiax. Judah Ongg Ahaziah ixqing' lyc kir bai Jolam.

17 U jit xee siuxbang :ee kia dirr Jezleel ee lxauu-dingw, knuar qnir Jehu ee qundui laii, dyrr qongw, "Guaw knuar qnir jit din qundui." Jolam qongw, "Crex jit xee kiaa bew :ee kir jrih ix, suar mng ix qongxx, ving'anx mah?"

18 Kiaa bew :ee kir jrih ix, qongw, "Ongg mng qongxx, ving'anx mah?" Jehu qongw, "Ving'anx iacc byy, qapp liw simxmih qansiap? Liw uad laii duer guaw ee aurbin." Siuxbang :ee qycc qongw, "Suwjiaw qaur inx hiax, danrsi byy dywdngw .laii."

19 Ongg qycc crex jit xee kiaa bew :ee kir, ix qaur inx hiax, qongw ongg mng qongxx ving'anx mah?" Jehu qongw, "Ving'anx iacc byy, qapp liw simxmih qansiap? Liw uat laii duer guaw ee aurbin."

20 Siuxbang :ee qycc qongw, "Ix qaur inx hiax, iarr byy dywdngw .laii; qnuaw ciax :ee ee kuanw cincniu Nimsi ee sunx Jehu; in'ui ix qnuaw jin' qongg."

21 Jolam qongw, "Tyr ciax"; dyrr tyr ix ee ciax. Islael Ongg Jolam qapp Judah Ongg Ahaziah cud .kir; dag'ee jre qaqi ee ciax cud kir jrih Jehu; dirr Nabot ee hngg duw diyc ix.

22 Jolam qnir diyc Jehu, dyrr qongw, "Jehu ar, si ving'anx mah?" Ix rinr qongxx, "Liw ee laurbuw Jezebel ee imhing siasut hiacc je iauxx dilehh, tacc e ving'anx?"

23 Jolam dyrr uat dngw ix ee ciax jauw, qra Ahaziah qongw, "Ahaziah ar, u bohuanw lar."

24 Jehu jin lat kuix qringx, sria diyc Jolam ee vngrsiqud diongx; jnxir dui' ix ee simx tangr .cud .kir. Ix dyrr lig lyc ciax-lai.

25 Jehu qra ix ee qundniuw Bidkar qongw, "Liw jiong' ix hed dirr Nabot ee hngg nirr; liw diyhh qir did liw, guaw snaqab jre ciax duer ix ee laurve Ahab ee sii, Jehovah duiww ix soxx camwgiw :ee.

26 Jehovah qongw, 'Guaw jarzit u knuar qnir Nabot ee huih, qapp ix ee qniaw ee huih'; Jehovah qycc qongw, 'Dirr jitt kux hngg Guaw beh vywingr liw.' Dnaxx diyhh jiong' ix hed dirr hitt kux hngg, jiauww Jehovah soxx qongw :ee."

27 Judah Ongg Ahaziah knuar qnir anxnix, dyrr dui' hngg ee cur ee lo dyjauw. Jehu zib ix, qongw, "Iarr diyhh pah siw ix dirr ciax-lai; qaur uaw qin Ibleam jnriu Gur ee snuapniaa pacsiongx ix." Ix jauw qaur Megiddo, dyrr siw dirr hiax.

28 Ix ee lovok ing ciax jair ix qaur Jelusalem, jongr dirr ix ee bong, qapp ix ee ledjow, dirr David ee sniaa.

29 Dirr Ahab ee qniaw Jolam jap-id nii, Ahaziah kixtauu juer Judah Ongg.

30 Jehu qaur Jezleel. Jezebel tniax .qnir, dyrr rue bagbaii, srex tauu, ngar dirr txangx-aw decc knuar.

31 Jehu zip mngg ee sii, Jezebel qongw, "Taii siw juxlangg ee Zimli ar, ving'anx mah?"

32 Jehu giac tauu ngr txangx-aw knuar, qongw, "Jirjui rui guaw, jirjui ar?" U nng~snax xee taiwqamr ngar lyc knuar ix.

33 Jehu qongw, "Qra ix ciax .lyc .laii"; inx dyrr ciax ix lyc .laii. Ix ee huih jnua diyc cniuviah qapp bew; dyrr ing kax dac ix.

34 Jehu zip .kir, iarr jiac iarr limx, qongw, "Liw kir knuar hitt xee siurr jiuwjow ee hurzinlangg, suar baijongr ix, in'ui ix si ongg ee jaboxqniaw."

35 Inx kir beh jongr ix; qandna' cue diyc ix ee taukakqud, qapp kax, qapp ciuxjniuw nardnia.

36 Inx dyr laii huehog ix; Jehu dyrr qongw, "Jex dyrr si Jehovah tog Ix ee lovok Tisbelangg Elijah soxx qongw ee ue, qongw, 'Dirr Jezleel ee hngg, qxauw beh jiac Jezebel ee bah.

37 Qycc Jezebel ee sinsix beh dirr Jezleel ee hngg cincniu vunr dirr tobin, drir qaur langg byy beh qongw, jex si Jezebel.'"

10 Ahab u cid-jap xee qniaw dirr Samalia. Jehu siaw puex qiar kir Samalia, hro Jezleel hiaxee siuxlingw, dniuxlyw, qapp hiaxee buxiongw Ahab ee jiongww qniaw :ee; puex qongw,

2 "Linw ee juxlangg hiaxee qniaw qapp linw dirr hiax, linw qycc u ciax, bew qapp qenqor ee sniaa, qapp kiwhaii.

3 Jitt dniux puex qaur linw hiax ee sii, dyrr diyhh dirr linw juxlangg hiaxee qniaw ee diongqanx, qingw jit xee gauu qycc tywdongr :ee, hro ix jre inx laurve ee xui, linw iarr tangx uirr linw juxlangg ee qrex qauujenr."

4 Inx jin' qniax, snaqab qongw, "Knuar ar, nng xee ongg dirr ix ee binrjingg siongrcniaw kia be diauu, lanw taixtyw kia e diauu?"

5 Quanxqex :ee, qapp sniasiuw, qapp hiaxee dniuxlyw, qapp buxiongw hiaxee qniaw :ee, crex langg kir qnir Jehu, qongw, "Guanw si liw ee lovok, qniww liw soxx qra guanw qongw :ee, guanw beh qniaa, guanw byy beh setlip langg juer ongg, liw soxx knuar juer hyw :ee, tangx qniaa ix."

6 Ix qycc siaw puex hro inx, qongw, "Linw narr uirr guaw, tniatanr guaw ee ue, diyhh cruw linw ee juxlangg hiaxee qniaw ee taukag, binaxzit jitt sii laii Jezleel guaw jiax." Ongg ee qniaw cid-jap langg qapp sniaa-lai junquir ee langg, dyrr si buxiongw inx :ee, snaqab druar.

7 Puex jid'err qaur, inx dyrr liac ongg ee qniaw cid-jap langg, itjin taii siw, jiong' taukag he dirr Jehu hiax.

8 U jit xee suwjiaw laii qra ix qongw, "Inx duar ongg hiaxee qniaw ee taukag laii." Jehu qongw, "Jiong' inx tiap juer nng dxuix, he dirr sniamngkauw, qaur binaxjaxkiw."

9 Qeh jaxkiw, Jehu cud .laii, kia lehh, qra jiongww vecsnir qongw, "Linw longxx si qonggi. Knuar ar, guaw vuervuan guaw ee juxlangg, taii siw ix, danrsi taii siw jiaxee jingwlangg :ee si jirjui ar?

10 Dnaxx tangx jaix Jehovah ee ue, dyrr si Jehovah lun Ahab ee qrex soxx qongw :ee, byy jit qxur pah qalauc; in'ui Jehovah tog Ix ee lovok Elijah soxx qongw ee ue, longxx u juewjniaa."

11 Sriok Ahab ee qrex, dirr Jezleel soxx cunx ee langg, qapp ix ee dairsinn, cinbit ee ving'iuw, jewsix, Jehu itjin taii inx, byy lauu jit xee.

12 Jehu kiw .laii, kir qaur Samalia.

13 Dirr lo nirr qaur bogjiaw jenw ngiumngg ee cur, duw diyc Judah Ongg Ahaziah ee hniadi, mng inx qongxx, "Linw si simxmih langg?" Rinr qongxx, "Guanw si Ahaziah ee hniadi. Dnaxx lyc kir beh cingxanx ongg ee qniaw qapp ongho ee qniaw."

14 Ix qongw, "Uac uac liac inx." Inx dyrr uac uac liac inx, dirr jenw ngiumngg ee cur ee knix-aw vnix taii siw inx, qiong sir-jap-zi langg, byy lauu jit xee.

15 Jehu dui' hiax kir, duw diyc Rlechab ee qniaw, Jonadab, laii jrih ix. Jehu cingxanx ix, duiww ix qongw, "Liw ee simx jingwdit ngr guaw, cincniu guaw ee simx ngr liw ee simx iacc byy?" Jonadab rinr qongxx, "Si." Jehu qongw, "Narr si anxnix, crunx liw ee ciuw hro guaw." Ix dyrr crunx ciuw hro ix. Ix dyrr kanx ix jnriu ciax.

16 Jehu qongw, "Liw qapp guaw snaqab kir, knuar guaw uirdiyhh Jehovah ee zedsimx." Dyrr hro ix jre dirr ix ee ciax.

17 Qaur Samalia, dyrr taii siw qniwnarr sriok Ahab soxx cunx dirr Samalia :ee, itjin bet ix, jiauww Jehovah duiww Elijah soxx qongw ee ue.

18 Jehu jiyjip jiongww vecsnir, qra inx qongw, "Ahab hogsai Baal iauxx si siyxkuaw, Jehu beh dua dua hogsai ix.

19 Soxiw diyhh driaur Baal jiongww sendix, qapp itcer hogsai Baal :ee, qapp ix longxjongw ee jewsix, laii guaw jaix, m tangx qiamw jit langg, in'ui guaw beh henr dua ee jewsu hro Baal; qniwnarr byy laii :ee, be did diyc uac." Jehu anxnix qniaa si ing kuixqer, beh itjin taii siw vair Baal ee langg.

20 Jehu qongw, "Diyhh uirr Baal suanvor giamsiokhue."

21 Inx dyrr suanvor Jehu crex langg venww qniaa Islael-de; vair Baal ee langg longxx jiauu qaur, byy jit xee byy laii. Inx dyrr zip Baal ee biy. Baal ee biy-lai, dui' jitt vingg qaur hitt vingg, langg muaw muaw.

22 Jehu huanhur jiangw lexhok ee langg qongxx, "Tec lexhok cud laii hro itcer vair Baal ee langg cing." Ix dyrr tec lexhok cud laii hro inx.

23 Jehu qapp Rlechab ee qniaw, Jonadab, zip Baal ee biy, qra vair Baal ee langg qongw, "Linw diyhh caknuar, dirr linw ee diongqanx m tangx u hogsai Jehovah ee langg, diyhh qandna' u vair Baal ee langg nardnia."

24 Inx zip kir beh henr jewsu siyjer. Jehu dairsingx andir veh-jap langg dirr guarbin, qongw, "Guaw jiong' jiaxee langg qaux dirr linw ee ciuw, narr jit langg jauw .kir, vangr ix jauw ee langg, ix ee mia diyhh vuee mia."

25 Jehu henr siyjer bingvik, dyrr qra horuervingx qapp hiaxee qundniuw qongw, "Linw zip kir taii inx, m tangx iong'unw jit langg cud .laii." Inx dyrr ing dyx taii inx. Horuervingx qapp qundniuw hed sinsix cud .kir, dyrr kir qaur Baal Biy ee sniaa.

26 Inx jiong' Baal Biy-lai ee tiaursiong tec cud laii siyx.

27 Inx huixhuai Baal ee tiaursiong, huixhuai Baal ee biy, ing ix juer cewdii qaur qinaxzit.

28 Anxnix Jehu dirr Islael diongx bedbyy Baal.

29 Danrsi Jehu byy lirkuix Nebat ee qniaw Jeloboam ee jue, dyrr si ix soxx ing laii hro Islael huanrjue :ee, dyrr si vair Betel qapp Dan soxu qimx ee guu-aw.

30 Jehovah qra Jehu qongw, "In'ui liw qniaa hyw laii jniaa Guaw soxx knuar juer hyw :ee, jiauww Guaw ee sim'ir kuanxtai Ahab ee qrex, liw ee qniaxsunx beh jre Islael ee qok'ui ligquer sir dai."

31 Danrsi Jehu byy juansimx junsiuw laii qniaa Jehovah, Islael ee Siongrder ee ludhuad, byy lirkuix Jeloboam ee jue, dyrr si soxx ing laii hro Islaellangg huanrjue :ee.

32 Hitt diap Jehovah kixtauu quah Islaelqog, hro ix kacc ser. Hazael qongqig Islael ee siwqingw,

33 Dui' Jordan Hyy dangsir, Gilead ee juann de, Gadlangg, Rleubenlangg, Manassehlangg ee de, dui' qin Arnon Snuaqog ee Aloer, dyrr si Gilead qapp Basan.

34 Jehu qi'uu ee su, qniww ix soxx qniaa :ee, qapp ix ee linglik, longxx qir dirr Islael jiaxee ongg ee qiwlok.

35 Jehu qapp ix ee ledjow drangg kunr; inx baijongr ix dirr Samalia. Ix ee qniaw Hoahaz suawjiab ix juer ongg.

36 Jehu dirr Samalia juer Islael Ongg ee sii ligquer zi-jap-veh nii.

11 Ahaziah ee laurbuw, Ataliah, knuar qnir ix ee qniaw ixqing' siw, dyrr kiw laii jaubet itjin ee ongcinx.

2 Jolam Ongg ee jaboxqniaw, Ahaziah ee jixbe, Jehoseba, jiong' Ahaziah ee qniaw, Joas, dui' hiaxee siurr taii ee ongg ee qniaw diongx taux py .cud .laii, jiong' ix qapp ix ee lingbuw kngr dirr kunwvangg nirr; inx duiww Ataliah kamwbat ix, hro ix byy siurr taii.

3 Au .laii qapp ix snaqab kngr dirr Jehovah ee dxen ligquer lak nii quw; Ataliah quanxliw hitt xee derhngx.

4 Qaur derr cid nii, Jehoiada crex langg qiyr Kali-jok qapp horuervingx ee vexjongw, cua inx zip Jehovah ee dxen qaur ix hiax, dyrr qapp inx lip iog, hro inx dirr Jehovah ee dxen jiuwjua, qycc ing ongg ee qniaw hro inx knuar.

5 Qycc huanhur inx qongxx, "Linw diyhh anxnix qniaa; qniwnarr linw dirr Anhiyczit zip .laii ee snax hxun jit diyhh qowsiuw ongqiongx;

6 Snax hxun jit diyhh dirr Sur ee mngg; snax hxun jit diyhh dirr horuervingx aurbin ee mngg; anxnix qowsiuw ongqiongx, joxjiw langg cutzip.

7 Qniwnarr linw dirr Anhiyczit cud .kir ee nng hxun diyhh qowsiuw Jehovah ee dxen, dirr ongg ee siwuii.

8 Linw dagg langg ciuw giac qesix siwuii vyxho ongg; qniwnarr langg zip linw ee vanlet :ee, diyhh hro ix siw; ongg cud, ongg zip ee sii, linw diyhh qinsuii ix."

9 Hiaxee vexjongw jiauww jewsix Jehoiada itcer soxx bingrling :ee kir qniaa; dagg langg duar inx lunn diyc Anhiyczit zip .laii ee langg laii qaur jewsix Jehoiada hiax.

10 Jewsix dyrr jiong' Jehovah dxen-lai soxx kngr David Ongg ee cniux qapp vinvaii qaux hro hiaxee vexjongw.

11 Horuervingx ciuw nirr giac qesix, dirr dnxuaa qapp dxen hiax, dui' dxen ee jniar vingg qaur dxen ee dyr vingg, kia dirr ongg ee siwuii.

12 Jewsix cua ongg ee qniaw cud .laii, qra ix dir benxliuu, jiong' ludhuad ee ceh hro ix; ing iuu buah ix, setlip ix juer ongg. Inx dyrr pah ciuxjniuw, qongw, "Guan ongg banrsuer."

13 Ataliah tniax qnir horuervingx qapp vecsnir ee sniax, dyrr qaur vecsnir hiax, zip Jehovah ee dxen;

14 Knuar qnir ongg jiauww le kia dirr tiau-vnix, qundniuw qapp vunn hyrtauu :ee, kia dirr ongg ee jyxiu; qog-lai jiongww vecsnir hnuahiw, vunn hyrtauu. Ataliah dyrr tiah lic ix ee snxax, huah qongxx, "Huanxvuan ar, huanxvuan ar."

15 Jewsix Jehoiada huanhur quanxhad qundui ee vexjongw, duiww inx qongw, "Dui' vanlet ee diongqanx qnuaw ix cud .kir. Qniwnarr duer ix :ee, diyhh ing dyx taii siw ix; in'ui jewsix qongw, 'M tangx dirr Jehovah ee dxen taii ix.'"

16 Inx siamw kuix siangvingg hro ix kir; ix dui' jnriu qaur ongqiongx ee bexlo kir, dirr hiax siurr taii.

17 Jehoiada dyrr dirr Jehovah qapp ongg qapp vecsnir ee diongqanx lip iog, hro inx juer Jehovah ee vecsnir; qycc dirr ongg qapp vecsnir ee diongqanx lip iog.

18 Dui' anxnix qog-lai ee jiongww vecsnir qaur Baal ee biy laii tiachuiw ix; paccuir hiaxee dnxuaa qapp gnoxsiong, qycc dirr dnxuaa-jingg pah siw Baal ee jewsix Mattan. Jewsix sed qnua'uann laii qowsiuw Jehovah ee dxen.

19 Qycc cua vexjongw qapp Kali-jok qapp horuervingx, ixqip qog-lai jiongww vecsnir. Inx dui' Jehovah ee dxen cua ongg lyc .laii, dui' horuervingx ee mnglo zip ongqiongx. Ix dyrr jre ong'ui.

20 Qok-lai ee vecsnir longxx hnuahiw, tong' sniaa longxx anjing; inx dirr ongqiongx hiax, ing dyx taii siw Ataliah. Joas jerui ee sii cid huer.

12 Jehu derr cid nii, Joas jerui; dirr Jelusalem juer ongg ligquer sir-jap nii. Ix ee laurbuw miaa qiyr Zibiah, si Beersebalangg.

2 Joas did diyc jewsix Jehoiada qawsi, itsingx qniaa Jehovah knuar juer hyw ee su.

3 Danrsi snuataubiy byy huewbyy; vecsnir iauxx henwjer siyx hniux dirr snuataubiy.

4 Joas qra jiongww jewsix qongw, "Qniwnarr henr dirr Jehovah ee dxen hunvet juer sxingr ee mic, soxx dat ee ginn, dyrr si tong'ing ee ginn, iacc si dagg langg ingqaix lap ee sinqewginn, iacc si simx soxx guan henr dirr Jehovah dxen ee ginn,

5 Jewsix dagg langg diyhh dui' soxx bad ee langg siux .laii, siuliw dxen puawhuai ee soxjai. Bylun simxmih soxjai puawhuai, longxx diyhh siuliw.

6 Joas Ongg zi-jap-snax nii, jewsix iauxx bue siuliw dxen puawhuai ee soxjai.

7 Soxiw Joas Ongg driaur jewsix Jehoiada, qapp qi'uu ee jewsix laii, qra inx qongw, "Linw jnaixngiu byy siuliw dxen puawhuai ee soxjai ar? Dnaxx linw m tangx qycc duiww soxx bad ee langg siux ginn, diyhh qaux cud hitt xee ginn, siuliw dxen puawhuai ee soxjai."

8 Jiongww jewsix dac'ingr m qycc siux vecsnir ee ginn, iarr byy siuliw dxen puawhuai ee soxjai.

9 Jewsix Jehoiada cruw jit xee qxui, dirr quirquar cak jit kangx, he dirr dnxuaa-vnix, dirr zip Jehovah dxen ee jniar vingg. Vexsiuw mngg ee jewsix jiong' duar zip Jehovah dxen ee ginn he dirr qxui-lai.

10 Inx knuar qnir qxui-lai ee ginn ixqing' je, ongg ee suqir qapp dua jewsix jnriu .laii, jiong' Jehovah dxen-lai soxx did .diyc ee ginn, kuanw dirr deaw lai, laii sngwpingg ix.

11 Jiong' soxx pingg ee ginn qaux hro juewqangx :ee, dyrr si Jehovah dxen-lai vanrsu ee langg. Inx dyrr jiong' ix huad hro siuliw Jehovah ee dxen ee bagcniu, qapp qenwdiog ee langg;

12 Qapp tocniu, jiyhcniu, iarr beh brew caliau qapp quer pah ee jiyc, siuliw Jehovah dxen puawhuai ee soxjai, ixqip lap siuliw dxen ee jabhuir.

13 Danrsi hitt xee duar laii zip Jehovah dxen ee ginn, byy ing ix laii juer Jehovah dxen-lai zip Jehovah dxen ee ginn, byy ing ix laii juer Jehovah dxen-lai ee ginvuex, jenxdyx, nguaw, hyrtauu, qapp dagg hy qimkir ginkir,

14 Si jiong' hitt xee ginn qaux hro juewqangx ee langg, siuliw Jehovah ee dxen.

15 Qycc jiong' ginn qaux hro soxx qingciuw ee langg, hro ix huad hro juewqanglangg, byy qapp inx sngwsiaur; in'ui inx juer dairjir singsit.

16 Dogdok vow quewsid ee jrer ee ginn, siogjuerjer ee ginn, byy duar zip Jehovah ee dxen, si qruix jewsix.

17 Hitt sii Sylia Ongg Hazael jnriu kir qongqig Gat, tec ix, dyrr dniardiyc iwsur jnriu kir qongqig Jelusalem.

18 Judah Ongg Joas jiong' ix ee ledjow Judah Ongg Jehosafat, Jolam, Ahaziah soxx henr juer sxingr ee mic, qapp ix vunxsinx soxx henr juer sxingr ee mic, ixqip Jehovah ee dxen qapp ongqiongx huxkor soxu ee qimx, longxx sangr hro Sylia Ongg Hazael; ix dyrr byy jnriu laii Jelusalem.

19 Joas qi'uu ee su, qniww ix soxx qniaa :ee, longxx qir dirr Judah ee led'ongg ee qiwlok.

20 Ix ee zinsinn kiw .laii, vuervuan, taii siw Joas, dyrr lyc kir Silla ee cur.

21 Ix ee zinsinn, dyrr si Simeat ee qniaw Jozakar, qapp Somer ee qniaw Jehozabad taii siw ix; langg qra ix baijongr dirr David ee sniaa, qapp ix ee ledjow siangg xui. Ix ee qniaw Amaziah suawjiab ix juer ongg.

13 Judah Ongg Ahaziah ee qniaw Joas zi-jap-snax nii, Jehu ee qniaw Hoahaz dirr Samalia jerui, juer Islael Ongg, qiong jap-cid nii.

2 Ix qniaa Jehovah soxx knuar juer pnaiw ee su, tanr Nebat ee qniaw Jeloboam hro Islaellangg huanrjue hitt xee jue.

3 Jehovah dyrr siurkir Islaellangg, siongsiongg qra inx qaux dirr Sylia Ongg Hazael ee ciuw, qapp Hazael ee qniaw Benhadad ee ciuw.

4 Hoahaz kunxqiuu Jehovah. Jehovah tniax ix, in'ui Ix knuar qnir Islaellangg siurr jewab, dyrr si Sylia Ongg jewab inx.

5 (Jehovah sniuxsur Islael jit xee jinxqiur :ee, hro inx tuatli Sylialangg ee ciuw. Islaellangg dyrr jiauwqu kiarkiw dirr inx ee vowvnii.

6 Danrsi inx byy lirkuix Jeloboam ee qrex ee jue, dyrr si hro Islaellangg huanrjue :ee, inx iuguann anxnix kir qniaa; Samalia ee Aselah iauxx lauu lehh.)

7 Ix dirr vecsnir diongx jixu lauu bexvingx go-jap, jenwciax jap dniux, vorvingx jit-bxan, in'ui Sylia Ongg u bet inx, tunxdac inx, cincniu gorqakdniuu ee tosuax.

8 Hoahaz qi'uu ee su, qniww ix soxx qniaa :ee, qapp ix ee linglik, longxx qir dirr Islael jiaxee ongg ee qiwlok.

9 Hoahaz qapp ix ee ledjow drangg kunr; langg qra ix baijongr dirr Samalia; ix ee qniaw Joas suawjiab ix juer ongg.

10 Judah Ongg Joas snax-jap-cid nii, Hoahaz ee qniaw Joas dirr Samalia jerui, juer Islael Ongg, qiong jap-lak nii.

11 Ix qniaa Jehovah soxx knuar juer pnaiw ee su, byy lirkuix Nebat ee qniaw Jeloboam ee jue, dyrr si hro Islaellangg huanrjue :ee, ix iuguann anxnix qniaa.

12 Joas qi'uu ee su, qniww ix soxx qniaa :ee, ixqip ix qapp Judah Ongg Amaziah qaujenr ee linglik, longxx qir dirr Islael jiaxee ongg ee qiwlok.

13 Joas qapp ix ee ledjow drangg kunr; Jeloboam jre ix ee xui. Joas qapp Islael jiaxee ongg snaqab jongr dirr Samalia.

14 Elisa huan diyc dang vni, dyrr si beh siw ee vni. Islael Ongg Joas lyc laii knuar ix, ngar dirr ix ee bin tikaur, qongw, "Guaw ee ve ar, guaw ee ve ar, Islael ee jenwciax qapp ix ee bexvingx ar."

15 Elisa qra ix qongw, "Liw giac qingjnir." Ix dyrr giac qringx qapp jnxir.

16 Qycc qra Islael Ongg qongw, "Liw ing ciuw vuic qringx; ix dyrr ing ciuw vuic ix."

17 Elisa hnua ciuw dirr ongg ee ciuw, qongw, "Liw kuix ngr dangsir ee txangx-aw." Ix dyrr kuix. Elisa qongw, "Sria jnxir." Ix dyrr sria jnxir. Elisa qongw, "Jex si Jehovah taii ngiaa ee jnxir, dyrr si taii ngiaa Sylialangg ee jnxir, in'ui liw beh dirr Afek qongqig Sylialangg, qaur itjin bet inx."

18 Qycc qongw, "Giac hiaxee jnxir"; ix dyrr giac ix. Ix qycc qra Islael Ongg qongw, "Pah de." Ix pah snax vaiw dyrr suah.

19 Siongrder ee lovok siurkir ix, qongw, "Liw hitt diap diyhh pah go~lak vaiw, dyrr e qongqig Sylia, qaur ix itjin bet; dnaxx jixu e pacvai Sylialangg snax vaiw."

20 Elisa siw liauw, langg qra ix baijongr; qaur sinnii, u Moab qui' din langg cimhuan qingxqair.

21 U langg duxaxx decc baijongr sixlangg, hutzenn knuar qnir qui' din langg, dyrr jiong' sixlangg hed dirr Elisa ee bong; sixlangg jid'err kap diyc Elisa ee quttauu, dyrr qycc uac kiw laii kia.

22 Hoahaz ee niqanx, Sylia Ongg Hazael dauc dauc jewab Islaellangg.

23 Jehovah in'ui Ix qapp Ablaham, Isaac, Jakob soxx lip ee iog, iuguann six xunx hro Islael, linbinw inx, quanwqor inx, m qramx jaubet inx, iauxx byy qnuaxdiok inx lirkuix Ix ee binrjingg.

24 Sylia Ongg Hazael siw, ix ee qniaw Benhadad suawjiab ix juer ongg.

25 Jingg Hazael qapp Joas ee laurve Hoahaz qaujenr, dui' ix ee ciuw tec kir quixnarr xee sniaa; dnaxx Hoahaz ee qniaw Joas dui' Hazael ee qniaw Benhadad ee ciuw tec dywdngw. Joas pah ix snax vaiw, kikhok Islael hiaxee sniaa.

14 Islael Ongg Hoahaz ee qniaw Joas ee qniaw Amaziah jerui.

2 Ix jerui ee sii, zi-jap-go huer; dirr Jelusalem juer ongg qiong zi-jap-qauw nii. Ix ee laurbuw miaa qiyr Jehoaddin, si Jelusalemlangg.

3 Amaziah qniaa Jehovah knuar juer hyw ee su; jongwsirr byy cincniu ix ee jow David, dyrr si jiauww ix ee laurve Joas itcer soxx qniaa :ee kir qniaa.

4 Snuataudnuaa iauxx bue huewbyy; vecsnir iuguann henwjer siyx hniux dirr snuataudnuaa.

5 Jingg hiaxee zinsinn taii siw ix ee laurve, Judah Ongg, dnaxx qokquann jid'err qenqor, dyrr qra inx taii siw,

6 Danrsi byy taii siw inx ee qniaw. Ix jiauww Moses ludhuad ee ceh soxx qiwjair, Jehovah soxx bingrling :ee qongxx, "M tangx in'ui qniaw laii taii siw laurve, iarr m tangx in'ui laurve laii taii siw qniaw; dagg langg diyhh in'ui vunxsinx ee jue laii siw."

7 Amaziah dirr Iamm ee snuaqog taii siw Edomlangg jit-bxan, qycc qongcuw Sela, qaiw miaa qiyr Jokteel, qaur qinaxzit.

8 Hitt sii Amaziah crex suwjiaw kir qnir Jehu ee sunx, Hoahaz ee qniaw, Islael Ongg Joas, qongw, "Laii ar, lanw nng langg sna' qniwbin dirr jenwdniuu."

9 Islael Ongg Joas crex suwjiaw kir qnir Judah Ongg Amaziah, qongw, "Lebanon ee cauxcir crex suwjiaw kir qnir Lebanon ee vikhniuciu, qongw, 'Qra liw ee jaboxqniaw hro guaw ee qniaw juer bow.' Au .laii Lebanon u jit jiah iaxsiur qingquer, tunxdac hitt xee cauxcir.

10 Liw ixqing' pah ngiaa Edom, simx dyrr qiaugno; liw liac jitt xee juer ingqngx, dirr qrex-lai anzenn kiarkiw dyrr hyw; sniaw su kixsu ziaw jaieh, hro vunxsinx qapp Judahqog snaqab dyxhuai ar?"

11 Amaziah m kingw tniax. Dui' anxnix Islael Ongg Joas jnriu .laii; dirr Judah ee Bet Semes qapp Judah Ongg Amaziah sna' qniwbin dirr jenwdniuu.

12 Judah taii sux dirr Islael ee binrjingg; dagg langg jauw dyr kir inx ee vowvnii.

13 Islael Ongg Joas dirr Bet Semes liac diyc Ahaziah ee sunx, Joas ee qniaw, Judah Ongg Amaziah, dyrr laii qaur Jelusalem, tiachuiw Jelusalem ee sniacniuu, dui' Eflaim Mngg qaur Qag Mngg, qiong sir-vah dxng;

14 Qycc jiong' Jehovah dxen-lai qapp ongqiongx huxkor soxu ee qimginn qapp kiwqu, longxx tec .kir; qycc duar langg kir juer junxdngr, dyrr dyr kir Samalia.

15 Jehoas qi'uu ee su, qniww ix soxx qniaa :ee, qapp ix ee linglik, ixqip qapp Judah Ongg Amaziah qaujenr ee su, longxx qir dirr Islael jiaxee ongg ee qiwlok.

16 Joas qapp ix ee ledjow drangg kunr, qapp Islael jiaxee ongg snaqab jongr dirr Samalia; ix ee qniaw Jeloboam suawjiab ix juer ongg.

17 Islael Ongg Hoahaz ee qniaw Joas siw liauw, Judah Ongg Joas ee qniaw Amaziah iauxx uac jap-go nii.

18 Amaziah qi'uu ee su, longxx qir dirr Judah ee led'ongg ee qiwlok. Dirr Jelusalem u langg qetdongw beh hai Amarsia.

19 Ix dyrr jauw qaur Laqis, inx crex langg zib ix qaur Laqis, taii siw ix dirr hiax.

20 Langg dyrr ing bew jair ix qaur Jelusalem, qapp ix ee ledjow jongr dirr David ee sniaa.

21 Judah jiongww vecsnir setlip Uziah suawjiab ix ee laurve Amaziah juer ongg. Hitt sii ix jap-lak huer.

22 Amaziah Ongg qapp ix ee ledjow drangg kunr liauxau, Uziah kiw Elat, hro ix iuguann qruix Judahqog quanxhad.

23 Judah Ongg Joas ee qniaw Amaziah jap-go nii, Islael Ongg Joas ee qniaw Jeloboam dirr Samalia jerui, qiong juer ongg sir-jap-id nii.

24 Ix qniaa Jehovah knuar juer pnaiw ee su, byy lirkuix Nebat ee qniaw Jeloboam hro Islael huanrjue :ee.

25 Ix kuehok Islael qauqair ee de, dui' Hamat Kauw qaur Alaba Haiw, jiauww Jehovah, Islael ee Siongrder tog Ix ee lovok Gat Heferlangg, Amittai ee qniaw, sendix Jonah soxx qongw ee ue.

26 In'ui Jehovah knuar qnir Islaellangg jin' qnakow, bylun siurr kusog :ee, juriuu :ee, longxx beh byy lar, iarr byy langg vangjan Islael.

27 Jehovah m bad qongw beh catsiaux Islael ee miaa dirr tnie; dyrr tog Joas ee qniaw Jeloboam ee ciuw laii qiur inx.

28 Jeloboam qi'uu ee su, qniww ix soxx qniaa :ee, qapp ix ee linglik, ix jnaixngiu qaujenr, jnaixngiu hogdyr Damaskus qapp Hamat, dyrr si jingg sriok Judah :ee, hro inx qycc qruix Islael, longxx qir dirr Islael jiaxee ongg ee qiwlok.

29 Jeloboam qapp ix ee ledjow Islael jiaxee ongg drangg kunr; ix ee qniaw Zeqaliah suawjiab ix juer ongg.

15 Islael Ongg Jeloboam zi-jap-cid nii, Judah Ongg Amaziah ee qniaw Uziah jerui.

2 Ix jerui ee sii, jap-lak huer; dirr Jelusalem juer ongg qiong go-jap-zi nii. Ix ee laurbuw miaa qiyr Jekoliah, si Jelusalemlangg.

3 Ix qniaa Jehovah soxx knuar juer hyw ee su, jiauww ix ee laurve Amaziah itcer ee soxx qniaa.

4 Danrsi snuataudnuaa iauxx byy hruir .kir, vecsnir iuguann henwjer siyx hniux dirr snuataudnuaa.

5 Jehovah dyrr pah ongg, hro ix taixqyx, qaur ix siw ee zit, ix dyrr dirr lingrgua ee cur kiarkiw. Ix ee qniaw Jotam quanxliw qesu, dirliw qokbinn.

6 Uziah qi'uu ee su, qniww ix soxx qniaa :ee, longxx qir dirr Judah ee led'ongg ee qiwlok.

7 Uziah qapp ix ee jow drangg kunr, qapp ix ee jow jongr dirr David ee sniaa. Ix ee qniaw Jotam suawjiab ix juer ongg.

8 Judah Ongg Uziah snax-jap-veh nii, Jeloboam ee qniaw Zeqaliah dirr Samalia juer Islael Ongg lak guehzit.

9 Ix qniaa Jehovah knuar juer pnaiw ee su, jiauww ix ee ledjow soxx qniaa :ee, byy lirkuix Nebat ee qniaw Jeloboam ee jue, dyrr si hro Islael huanrjue :ee.

10 Jabes ee qniaw Sallum vuervuan ix, dirr vecsnir ee binrjingg pah ix, taii ix, cuanr ix ee xui.

11 Zeqaliah qi'uu ee su, longxx qir dirr Islael jiaxee ongg ee qiwlok.

12 Jex si jingg Jehovah qra Jehu qongw ee ue, qongw, "Liw ee qniaxsunx beh jre Islael ee qok'ui qaur sir dai." Jitt xee ue anxnix ingwgiam.

13 Judah Ongg Uziah snax-jap-qauw nii, Jabes ee qniaw Sallum jerui, dirr Samalia juer ongg jit guehzit.

14 Gadi ee qniaw Menahem dui' Tirzah jnriu kir Samalia, pah Jabes ee qniaw Sallum dirr Samalia, taii siw ix, cuanr ix ee xui.

15 Sallum qi'uu ee su, qapp ix vuervuan ee jinghingg, longxx qir dirr Islael jiaxee ongg ee qiwlok.

16 Hitt sii Menahem pah Tifsa, qapp qniwnarr dirr inx diongqanx :ee, qapp ix ee siwqingw, dui' Tirzah kiw; in'ui inx byy qra ix kuix sniamngg, soxiw pah ix, iarr puar kuix inx diongqanx itcer u sin'in ee hurzinlangg.

17 Judah Ongg Uziah snax-jap-qauw nii, Gadi ee qniaw Menahem jerui, dirr Samalia juer Islael Ongg, qiong jap nii.

18 Ix qniaa Jehovah soxx knuar juer pnaiw ee su, jit siwlangg byy lirkuix Nebat ee qniaw Jeloboam ee jue, dyrr si hro Islael huanrjuer :ee.

19 Assylia Ongg Pul laii qongqig jitt xee toxde. Menahem ing ginn jit-cingx talent hro Pul, rair ix vangjan laii qenqor ix ee qokquann.

20 Menahem dui' Islael itcer ee dua hyxgiahlangg, qiongg qiyr dagg langg cud ginn go-jap sekel, sangr hro Assylia Ongg. Dui' anxnix Assylia Ongg dyr .kir, byy diamr hitt soxjai.

21 Menahem qi'uu ee su, qniww ix soxx qniaa :ee, longxx qir dirr Islael jiaxee ongg ee qiwlok.

22 Menahem qapp ix ee ledjow drangg kunr; ix ee qniaw Pekahiah suawjiab ix juer ongg.

23 Judah Ongg Uziah go-jap nii, Menahem ee qniaw Pekahiah dirr Samalia juer Islael Ongg, qiong nng nii.

24 Ix qniaa Jehovah soxx knuar juer pnaiw ee su, byy lirkuix Nebat ee qniaw Jeloboam ee jue, dyrr si hro Islael huanrjue :ee.

25 Ix ee qundniuw, Rlemaliah ee qniaw Pekah vuervuan ix, dirr Samalia ee ongqiongx ee uersow pah ix. Gilead ee langg go-jap xee qapp ix dangboo; taii siw ix, cuanr ix ee xui.

26 Pekahiah qi'uu ee su, qniww ix soxx qniaa :ee, longxx qir dirr Islael jiaxee ongg ee qiwlok.

27 Judah Ongg Uziah go-jap-zi nii, Rlemaliah ee qniaw Pekah dirr Samalia jerui, juer Islael Ongg, qiong zi-jap nii.

28 Ix qniaa Jehovah soxx knuar juer pnaiw ee su, byy lirkuix Nebat ee qniaw Jeloboam ee jue, dyrr si hro Islael huanrjue :ee.

29 Islael Ongg Pekah ee sii, Assylia Ongg Tiglat Pileser laii cruw Ijon, Abel Bet Maakah, Janoah, Kedes, Hazor, Gilead, Galilee, qapp Naftali juann de; longxx qra inx liac qaur Assylia.

30 Uziah ee qniaw Jotam zi-jap nii, Elah ee qniaw Hosea vuervuan Rlemaliah ee qniaw Pekah, qra pah laii taii siw ix, cuanr ix ee xui.

31 Pekah qi'uu ee su, qniww ix soxx qniaa :ee, longxx qir dirr Islael jiaxee ongg ee qiwlok.

32 Islael Ongg Rlemaliah ee qniaw Pekah derr zi nii, Judah Ongg Uziah ee qniaw Jotam jerui.

33 Ix jerui ee sii, zi-jap-go huer, dirr Jelusalem juer ongg jap-lak nii. Ix ee laurbuw miaa qiyr Jelusa, si Zadok ee jaboxqniaw.

34 Ix qniaa Jehovah soxx knuar juer hyw ee su; jiauww ix ee laurve Uziah itcer soxx qniaa :ee kir qniaa.

35 Jongwsirr snuataudnuaa iauxx byy huewbyy, vecsnir iuguann henwjer siyx hniux dirr snuataudnuaa. Jotam kiw Jehovah ee dxen dingxbin ee mngg.

36 Jotam qi'uu ee su, qniww ix soxx qniaa :ee, longxx qir dirr Judah ee led'ongg ee qiwlok.

37 Hitt sii Jehovah kixtauu crex Sylia Ongg Rlezin qapp Rlemaliah ee qniaw Pekah kir qongqig Judah.

38 Jotam qapp ix ee ledjow drangg kunr, qapp ix ee ledjow jongr dirr ix ee jow David ee sniaa. Ix ee qniaw Ahaz suawjiab ix juer ongg.

16 Rlemaliah ee qniaw Pekah jap-cid nii, Judah Ongg Jotam ee qniaw Ahaz jerui.

2 Ahaz jerui ee sii, zi-jap huer, dirr Jelusalem juer ongg jap-lak nii; byy cincniu ix ee jow David qniaa Jehovah, ix ee Siongrder soxx knuar juer hyw ee su.

3 Dyrr si qniaa Islael jiaxee ongg ee lo, qycc hro ix ee qniaw qingquer huew, jiauww Jehovah dui' Islaellangg ee binrjingg qnuaw cud guarvanglangg soxx qniaa kyxngor ee su.

4 Qycc dirr snuataudnuaa, dirr snuax ee dingxbin, dirr dagg jangg cnicuir ee ciu-kax, henwjer siyx hniux.

5 Hitt sii Sylia Ongg Rlezin qapp Islael Ongg Rlemaliah ee qniaw Pekah jnriu laii qongqig Jelusalem, uikunr Ahaz, danrsi byy ngiaa ix.

6 Dngsii Sylia Ongg Rlezin siuhuee Elat Sylia; dyrr qnuaw Judahlangg cud Elat. Sylialangg dyrr laii Elat, dirr hiax kiarkiw, qaur qinaxzit.

7 Ahaz crex suwjiaw kir qnir Assylia Ongg Tiglat Pileser, qongw, "Guaw si liw ee lovok, liw ee qniaw; danxx Sylia Ongg qapp Islael Ongg qongqig guaw;

8 Qriuu liw jnriu laii qiur guaw jiong' Jehovah dxen-lai qapp ongqiongx huxkor soxu ee qimx, ginn, juer lexmic sangr hro Assylia Ongg." Assylia Ongg tniax ix.

9 Assylia Ongg dyrr jnriu kir qongqig Damaskus, cruw ix, liac ix ee vecsnir qaur Kir, taii siw Rlezin.

10 Ahaz Ongg kir Damaskus beh gniajih Assylia Ongg Tiglat Pileser; dirr Damaskus knuar qnir jit jxy dnxuaa. Ahaz Ongg jiong' hitt xee dnxuaa ee kuanxsid, quiboo, jewdo, qiar hro jewsix Uliah.

11 Jewsix Uliah dyrr kiw jit jxy dnxuaa; jiauww Ahaz Ongg dui' Damaskus soxx qiar .laii itcer ee doo, jewsix Uliah jiauww anxnix jy ix, tingwhau Ahaz Ongg dui' Damaskus laii.

12 Ongg dui' Damaskus dyr .laii; ongg knuar qnir dnxuaa, dyrr qinruaw dnxuaa, henwjer dirr hitt dingxbin.

13 Siyx ix ee siyjer, qapp sowjer, qycc quanwden, jiong' siarunjer ee huih hiur dirr dnxuaa nirr.

14 Qycc jiong' Jehovah taujingg ee dangdnuaa, dui' dxen ee taujingg, dyrr si dui' ix ee dnxuaa qapp Jehovah dxen ee diongqanx, suaw laii he dirr ix ee dnxuaa ee vaksir.

15 Ahaz Ongg bingrling jewsix Uliah qongxx, "Jaxkiw-sii ee siyjer, ehngx-sii ee sowjer, ongg ee siyjer sowjer, qog-lai jiongww vecsnir ee siyjer sowjer qapp quanwden, longxx diyhh siyx dirr dua dnxuaa ee dingxbin. Siyjer qapp jewsu ee huih iarr diyhh hiur dirr jitt xee dnxuaa-dingw. Danrsi dangdnuaa guaw beh juer mng ee loring."

16 Jewsix Uliah dyrr jiauww Ahaz Ongg soxx bingrling :ee kir qniaa.

17 Ahaz Ongg cyr dng hiaxee jxy ee qnii, jiong' punn dui' hiaxee jxy suaw .lyc .laii; qycc jiong' danghaiw dui' jair haiw ee dangguu dingw vnuax .lyc .laii, he dirr pohuejiyc ee soxjai.

18 Qycc in'ui Assylia Ongg ee enqor, jiong' dxen-lai uirdiyhh Anhiyczit soxx kiw ee lrongg, qapp ongg dui' guarbin zip .laii ee lrongg, dui' Jehovah ee dxen isuaw.

19 Ahaz qi'uu soxx qniaa ee su, longxx qir dirr Judah ee led'ongg ee qiwlok.

20 Ahaz qapp ix ee ledjow drangg kunr, qapp ix ee ledjow jongr dirr David ee sniaa. Ix ee qniaw Hezekiah suawjiab ix juer ongg.

17 Judah Ongg Ahaz jap-zi nii, Elah ee qniaw Hosea dirr Samalia jerui, juer Islael Ongg qiong qauw nii.

2 Ix qniaa Jehovah soxx knuar juer pnaiw ee su, jongwsirr byy cincniu ix ixjingg ee Islael jiaxee ongg.

3 Assylia Ongg Samaneser jnriu laii qongqig ix. Hosea dyrr hanghok ix, jinwqongr ix.

4 Assylia Ongg jaix Hosea u qewboo vuervuan, in'ui ix bad crex suwjiaw kir qnir Egipt Ongg So, qycc byy jinwqongr Assylia Ongg, cincniu ixjingg ninii ee soxx juer; soxiw Assylia Ongg qnuaiqimr ix, qra ix vak dirr qnax nirr.

5 Assylia Ongg jnriu laii venww qniaa hitt xee de, qycc jnriu laii uiqongx Samalia snax nii quw.

6 Hosea derr qauw nii, Assylia Ongg cruw Samalia, liac Islaellangg qaur Assylia, andir inx dirr Halah, qapp Habor, dirr Gozan Hyy-vnix :ee qapp Medialangg hiaxee sniaa.

7 Jex si in'ui Islaellangg dikjue Jehovah, inx ee Siongrder, dyrr si cua inx cud Egipt-de, tuatli Egipt Ongg Falaoh ee ciuw :ee.

8 Inx kir qingwuir vadd xee siongrder, tranr Jehovah dirr Islael ee taujingg soxx qnuaw cud ee guarvanglangg, qapp Islael ee led'ongg soxx sed ee quile.

9 Islaellangg amwjni qniaa vutgi ee su, dikjue Jehovah, inx ee Siongrder, dirr inx hiaxee sniaa, dui' jiuxqnilauu qaur qenqor ee sniaa, kiw snuataudnuaa.

10 Dirr dagg xee quann snuax ee dingxbin, dagg jangg cnicuir ee ciu-kax, kia tiaursiong, qapp hiaxee Aselah;

11 Qycc dirr hiax, dirr dagg xee snuataudnuaa siyx hniux, cincniu Jehovah dirr inx ee taujingg soxx qnuaw cud ee guarvanglangg ee soxx qniaa; qycc qniaa hiaxee pnaiw dai laii qig Jehovah ee siurkir.

12 Qycc hogsai gnoxsiong, dyrr si Jehovah soxx huanhur inx qongxx, m tangx anxnix juer :ee.

13 Jehovah tog jiongww sendix qapp senqenr :ee, duiww Islael qapp Judah juer qanjingr, qongw, "Diyhh lirkuix linw ee pnaiw soxx qniaa, jipsiuw Guaw ee qaiwbing ludle, jiauww Guaw huanhur linw ee ledjow, qapp tog Guaw ee lovok jiongww sendix soxx tuann hro linw uanjuann ee ludhuad."

14 Danrsi inx m tniax, gni inx ee amrqunw, cincniu inx ee ledjow gni inx ee amrqunw, m sinwhok Jehovah inx ee Siongrder.

15 Inx iarr kiwsag Ix ee ludle, ixqip Ix qapp inx ee ledjow soxx lip ee iog, qapp duiww inx soxx qanjingr ee qanjingr, tranr huqew, laii qaqi juer huqew, yc jiuuii ee guarvanglangg. Hiaxee langg dyrr si Jehovah bad bingrling inx m tangx yc inx ee soxx qniaa :ee.

16 Inx lirkuix Jehovah, inx ee Siongrder itcer ee qaiwbing, uirr vunxsinx jur sxiong, dyrr si nng jiah guu-aw, juer Aselah, qingwvair tnidingw ee banrsiong, hogsai Baal.

17 Qycc hro inx ee qniaw jaboxqniaw qingquer huew, iarr ing jiamvog, siasut, bre qaqi, qniaa Jehovah soxx knuar juer pnaiw ee su, qig Ix ee siurkir.

18 Soxiw Jehovah dua siurkir Islaellangg, qnuaw inx lirkuix Ix ee binrjingg; dogdok jrunx Judah jit jipair nardnia.

19 Judah iarr byy tranr Jehovah inx ee Siongrder ee qaiwbing, dyrr si tranr Islael soxx lip ee quile.

20 Jehovah kiwsag Islael ee jiongww horer, koxcow inx, jiong' inx qaux dirr cniuxliac inx ee langg ee ciuw, qaur buew qnuaw cud inx lirkuix Ix ee binrjingg.

21 In'ui tiah Islael lirkuix David ee qrex, inx dyrr setlip Nebat ee qniaw Jeloboam juer ongg. Jeloboam vig Islael hro inx byy tranr Jehovah, hro inx qanhuan dua jue.

22 Islaellangg qniaa Jeloboam soxx huan itcer ee jue, byy lirkuix ix.

23 Drir qaur Jehovah censuaw Islael lirkuix Ix ee binrjingg, jiauww Ix tog Ix ee lovok, jiongww sendix soxx qongw :ee; anxnix Islael siurr liac lirkuix vunxde qaur Assylia, qaur qinaxzit.

24 Assylia Ongg dui' Babylon, Kut, Ivah, Hamat, qapp Sefarvaim, isuaw langg laii Samalia, andir inx dirr hiaxee sniaa, ter Islaellangg. Inx dyrr did diyc Samalia, laii kiarkiw dirr hiaxee sniaa.

25 Inx kixtauu kiarkiw dirr hiax ee sii, byy qingwuir Jehovah; soxiw Jehovah hro sraix zip inx diongqanx, qa siw quixnarr langg.

26 U langg vyr Assylia Ongg qongxx, "Liw soxx isuaw andir dirr Samalia hiaxee sniaa ee ledvanglangg, m jaix hitt soxjai ee Siongrder ee quile, soxiw Ix hro sraix zip laii inx diongqanx, qa siw inx, in'ui inx m jaix hitt soxjai ee Siongrder ee quile."

27 Assylia Ongg dyrr bingrling qongxx, "Dui' hiax liac .laii ee jewsix, tangx hro inx jit xee dyr .kir, hro ix druar hiax kiarkiw, ing hitt soxjai ee Siongrder ee quile qawsi inx."

28 Dui' anxnix hiaxee dui' Samalia soxx liac .kir ee jewsix, jit xee dyr .laii, kiarkiw dirr Betel, qawsi inx diyhh jnaixngiu qingwuir Jehovah.

29 Dagg vangqog ee langg jy inx qaqi ee siongrder, dagg qog ee langg dirr inx soxx kiarkiw hiaxee sniaa andir inx ee sxiong dirr Samalialangg jingg soxx jy ee snuataubiy.

30 Babylonlangg jy Suckot, Kutlangg jy Nergal, Hamatlangg jy Asima;

31 Ivahlangg jy Nibhaz qapp Tartak, Sefarvaimlangg ing huew siyx qniaxzii, henr hro Sefarvaimlangg ee siongrder Adlammelec qapp Anammelec.

32 Inx anxnix qingwuir Jehovah, dui' jingwlangg diongx setlip langg juer snuataudnuaa ee jewsix, ter inx henwjer dirr snuataubiy.

33 Inx qingwuir Jehovah, qycc hogsai qaqi ee siongrder; dui' simxmih qog suaw .laii, dyrr tranr hitt qog ee quile.

34 Inx qaur qinaxzit iauxquxx jiauww jingg ee hongsiok kir qniaa, byy qingwuir Jehovah, byy juntanr inx ee ludle, qapp inx ee quile, iarr byy jiauww Jehovah bingrling Jakob ee horer ee ludhuad qaiwbing. Jakob dyrr si Ix soxx cxingx juer Islael :ee.

35 Jehovah bad qapp inx lip iog, huanhur inx qongxx, "M tangx qingwuir vadd xee siongrder, m tangx quirvair, m tangx hogsai ix, m tangx jewhenr ix.

36 Dogdok hitt xee ing dua quanlingg qapp crunx cud ee ciuxqud cua linw cud Egipt-de ee Jehovah, linw diyhh qingwuir Ix, quirvair Ix, jewhenr Ix.

37 Ix siaw hro linw ee ludle, lexgii, ludhuad, qaiwbing, linw ingqaix ingxuanw jipsiuw juntanr; m tangx qingwuir vadd xee siongrder.

38 Guaw qapp linw soxx lip ee iog, linw m tangx be qir .did, iarr m tangx qingwuir vadd xee siongrder.

39 Dogdok diyhh qingwuir Jehovah, linw ee Siongrder. Ix beh qiur linw tuatli linw itcer duiwdik ee ciuw."

40 Danrsi inx m tniatanr, iuguann jiauww jingg ee hongsiok kir qniaa.

41 Anxnix jiaxee ledqog iarr qingwuir Jehovah, iarr hogsai inx ee gnoxsiong; inx ee qniaw, inx ee sunx, iarr longxx si anxnix. Inx ee joxqongx soxx qniaa :ee, qaur qinaxzit inx iarr qniaa ix.

18 Dng' Islael Ongg Elah ee qniaw Hosea snax nii, Judah Ongg Ahaz ee qniaw Hezekiah jerui.

2 Ix jerui ee sii, zi-jap-go huer; dirr Jelusalem juer ongg, qiong zi-jap-qauw nii. Ix ee laurbuw miaa qiyr Abijah, si Zeqaliah ee jaboxqniaw.

3 Ix qniaa Jehovah soxx knuar juer hyw ee su, jiauww ix ee jow David itcer soxx qniaa :ee.

4 Ix huewbyy snuataudnuaa, huixhuai tiaursiong, cyr Aselah, paccuir Moses soxx jy ee dangjuaa; in'ui qaur hitt sii Islaellangg duiww ix siyx hniux, qiyr ix juer Nefustan.

5 Ix uaxkyr Jehovah, Islael ee Siongrder. Dirr ix ixau Judah ee led'ongg diongx byy jit xee e viw did ix, ix ixjingg iarr byy.

6 In'ui ix qetlenn dirr Jehovah, duer Ix byy lirkuix, jipsiuw Jehovah soxx bingrling Moses ee qaiwbing.

7 Jehovah qapp ix dilehh, ix bylun kir dyclyc, itjin hingtongx; ix vuervuan Assylia Ongg, byy hogsai ix.

8 Ix qongqig Filistlangg, didqaur Gaza, qapp ix ee qingxqair, dui' jiuxqnilauu qaur qenqor ee sniaa.

9 Hezekiah Ongg derr sir nii, dyrr si Islael Ongg Elah ee qniaw Hosea derr cid nii, Assylia Ongg Samaneser jnriu laii qongqig Samalia, uikunr ix.

10 Qaur derr snax nii-buew dyrr cruw ix. Hezekiah lak nii, Islael Ongg Hosea qauw nii, Samalia hro ix cruw .kir.

11 Assylia Ongg liac Islaellangg qaur Assylia, andir inx dirr Halah, qapp Habor, dirr Gozan Hyy-vnix :ee, qapp Medialangg hiaxee sniaa.

12 In'ui inx m tniatanr Jehovah inx ee Siongrder ee ue, uivue Ix ee iog; qniww Jehovah ee lovok Moses soxx bingrling :ee, inx m tniax, m siuw ix.

13 Hezekiah Ongg jap-sir nii, Assylia Ongg Sennaqelib jnriu laii qongqig Judah itcer qenqor ee sniaa laii cruw ix.

14 Judah Ongg Hezekiah crex langg kir Laqis, qnir Assylia Ongg, qongw, "Guaw u jue lar, qriuu liw lirkuix guaw; qniww liw huat guaw :ee, guaw beh damdngx." Dui' anxnix Assylia Ongg pair Judah Ongg Hezekiah ginn snax-vah talent, qimx snax-jap talent.

15 Hezekiah dyrr jiong' Jehovah dxen-lai, qapp ongqiongx huxkor soxu ee ginn, longxx hro ix.

16 Hitt sii Hezekiah vrag Jehovah denrmngg ee qimx, qapp Judah Ongg Hezekiah anx dirr tiau nirr hiaxee qimx, hro Assylia Ongg.

17 Assylia Ongg dui' Laqis crex langg cua dua dui vxingx kir Jelusalem, Hezekiah Ongg hiax. Inx jnriu kir qaur Jelusalem. Ixqing' qaur, dyrr laii kia dirr dingw dii ee juixqaux vnix, dyrr si dirr piywvor-saihu ee cann ee duarlo.

18 Inx auqiyr ongg ee sii, dyrr u quanxqex ee Hilkiah ee qniaw Eliakim, qapp suqir Sebna, qapp suxqnuax Asaf ee qniaw Joah, cud laii qnir inx.

19 Jit xee Assylia ee dairjiongr duiww inx qongw, "Linw kir qra Hezekiah qongw, Assylia Ongg, dairongg, anxnix qongw, 'Liw soxx uaxkyr :ee, si uaxkyr simxmih?

20 Liw qongw u qewboo, u kuixlat, tangx qaujenr; jex si kangx kangx ee ue nardnia. Liw dauwdiw uaxkyr jirjui, jiacc vuervuan guaw ar?

21 Knuar ar, liw soxx uaxkyr ee Egipt, si hitt xee vitpuar ee lodikqnuaiw. Langg narr uaw ix, dyrr e criah zip ix ee ciuw. Egipt Ongg Falaoh duiww itcer uaxkyr ix ee langg, iarr si anxnix.

22 Linw narr qra guaw qongw: Guanw uaxkyr Jehovah, guanw ee Siongrder. Jitt xee Jehovah qamxx m si Hezekiah bad hruir Ix ee snuataudnuaa, qapp Ix hiaxee jewdnuaa :ee; iarr bad duiww Judah qapp Jelusalem ee langg qongw: Linw diyhh dirr Jelusalem, dirr jitt xee dnxuaa-jingg qingwvair :ee mah?

23 Dnaxx cniaw liw ing junxdngr hro guaw ee jruw Assylia Ongg, guaw hro liw nng-cingx jiah bew, knuar liw hitt bin e virvan langg kiaa ix iacc be;

24 Narr be, taixtyw e pacter guaw ee jruw jiaxee derr id ser ee lovok diongx jit xee qundniuw, iarr qingxzenn uaxkyr Egipt, rair did diyc jenwciax qapp bexvingx ar?

25 Dnaxx guaw jnriu laii qongqig huixbet jitt xee de, qamxx byy Jehovah ee iwsur mah? Jehovah huanhur guaw qongxx: Liw jnriu kir qongqig huixbet jitt xee de.'"

26 Hezekiah ee qniaw Eliakim, Sebna, qapp Joah, duiww hitt xee dairjiongr qongw, "Qriuu liw ing Sylia ee ue qra liw ee lovok qongw, in'ui guanw erhiauw tniax, m tangx ing Judah ee ue qra guanw qongw, hro sniaa-dingw ee vecsnir hnirkangx tniax .qnir."

27 Ix qongw, "Guaw ee jruw crex guaw laii, qamxx si duiww liw ee jruw qapp liw qongw jiaxee ue mah? Qamxx m si duiww jre dirr sniaa-dingw ee langg qongw, hro inx qapp linw vnivnii jiac qaqi ee vunr, limx qaqi ee ziy mah?"

28 Ix dyrr kia lehh, ing Judah ee ue dua sniax qiyr qongxx, "Linw diyhh tniax Assylia Ongg, dairongg ee ue.

29 Ongg anxnix qongw, 'Linw m tangx hro Hezekiah soxx penr; in'ui ix be e qiur linw tuatli ongg ee ciuw.

30 Iarr byc did tniax Hezekiah qiyr linw uaxkyr Jehovah, qongw, Jehovah dikkag beh qiur lanw, jitt xee sniaa dikkag byy qaux dirr Assylia Ongg ee ciuw.'

31 Byc did tniax Hezekiah ee ue; in'ui Assylia Ongg anxnix qongw, 'Linw diyhh qapp guaw hyhyw, cud laii dauhangg guaw, dagg langg dyrr tangx jiac qaqi ee pudyciu qapp buhuaqyxciu ee quexjiw, limx qaqi ee jnixjuiw;

32 Tingwhau guaw cua linw qaur jitt xee de qapp linw vunxde byy qyc'ngiu, dyrr si u gnoxqog qapp sinx jiuw ee de, u bixniuu qapp pudyhngg ee de, u qnanaxiuu qapp bit ee de, hro linw uac lehh byy siw. Hezekiah inxiuw linw, qongw Jehovah beh jinxqiur lanw. Linw byc did tniax ix ee ue.

33 Ledqog ee siongrder, qamxx u jit xee bad qiur ix ee qog tuatli Assylia Ongg ee ciuw mah?

34 Hamah qapp Arpad ee siongrder dirr dyclyc ar? Sefarvaim, Hena, Ivah ee siongrder dirr dyclyc ar? Inx qamxx bad qiur Samalia tuatli guaw ee ciuw mah?

35 Jiaxee qog ee siongrder u jirjui bad qiur qaqi ee qog tuatli guaw ee ciuw ar, Jehovah qamxx e qiur Jelusalem tuatli guaw ee ciuw ar?'"

36 Vecsnir jing jing, iarr byy rinr jit qxur; in'ui ongg bad huanhur qongxx, "Byc did rinr ix."

37 Hitt sii Hezekiah ee qniaw, quanxqex ee Eliakim, qapp suqir Sebna, qapp suxqnuax Asaf ee qniaw Joah, longxx tiah lic snxax, laii qaur Hezekiah hiax, jiong' hitt xee dairjiongr ee ue qra ix qongw.

19 Hezekiah Ongg tniax .qnir, dyrr tiah lic ix ee snxax, cing muavor, zip Jehovah ee dxen;

2 Crex quanxqex ee Eliakim, qapp suqir Sebna, qapp jewsix diongx ee lyxvuer :ee, longxx cing muavor, kir qnir Amoz ee qniaw sendix Isaiah, duiww ix qongw,

3 "Hezekiah anxnix qongw, 'Qinaxzit si huanrlan jikhuat lingziok ee zit; si cincniu qniaw beh cutsir, iarr byy lat tangx snix cud.

4 Qiamxcaiw Jehovah, liw ee Siongrder tniax qnir dairjiongr ee ue, dyrr si ix ee jruw Assylia Ongg crex ix laii buxban ingxuac Siongrder ee ue; qiamxcaiw Jehovah, liw ee Siongrder tniax qnir jiaxee ue, dyrr beh jikvi ix; soxiw qriuu liw uirdiyhh iauxx cunx ee vecsnir cud sniaa qidyw.'"

5 Hezekiah Ongg ee zinsinn dyrr kir qnir Isaiah.

6 Isaiah duiww inx qongw, "Diyhh anxnix duiww linw ee jruw qongw, Jehovah anxnix qongw, 'Liw tniax qnir Assylia Ongg ee lovok setdok Guaw ee ue, mrbenw qniax inx.

7 Knuar ar, Guaw beh ing jit xee sinn zip ix ee simx, ix beh tniax qnir hongsniax, dyrr dywdngw kir vunxsoxjai; Guaw beh hro ix dirr vunxsoxjai dyw dirr dyx-xe.'"

8 Dairjiongr dyr .kir, duw diyc Assylia Ongg decc pah Libnah; in'ui ix u tniax qnir Assylia Ongg lirkuix Laqis.

9 Ongg tniax qnir qongxx, Kus Ongg Tirhakah cud laii beh qapp ix qaujenr, dyrr crex suwjiaw kir qnir Hezekiah, huanhur inx qongxx,

10 "Diyhh qra Judah Ongg Hezekiah anxnix qongw, 'Liw soxx uaxkyr liw ee Siongrder, qongxx Jelusalem dikkag byy qaux dirr Assylia Ongg ee ciuw. Liw byc did hro Ix kipenr.

11 Knuar ar, liw u tniax qnir Assylia jiaxee ongg duiww ledqog soxx qniaa :ee, si itjin bet ix, jongw byy liw iauxx e did diyc qiur mah?

12 Guanw ee ledjow soxx huixbet :ee, dyrr si Gozan, Halan, Rlezef, qapp sriok Telassar ee Betedenlangg, jiaxee qog ee siongrder qamxx bad qiur inx mah?

13 Hamat ee ongg, Arpad ee ongg, Sefarvaim Sniaa ee ongg, Hena qapp Ivah ee ongg, longxx dirr dyclyc?'"

14 Hezekiah dui' suwjiaw ee ciuw jrih diyc puex, tak ix, Hezekiah dyrr jnriu kir Jehovah ee dxen, jiong' puex vaii dirr Jehovah ee binrjingg.

15 Hezekiah dirr Jehovah ee binrjingg qidyw qongxx, "Jre dirr qilorvingx ee diongqanx :ee, Jehovah, Islael ee Siongrder ar, dogdok Liw juer tnie banrqog ee Siongrder. Liw bad congwjy tnide.

16 Jehovah ar, qriuu Liw ngar hniwkangx laii tniax; Jehovah ar, qriuu Liw kuix bagjiux laii knuar; diyhh tniax Sennaqelib ee ue, si crex suwjiaw laii buxban ingxuac ee Siongrder :ee.

17 Jehovah ar, Assylia jiaxee ongg qyxzenn hro ledqog qapp inx ee de vnir juer pahngx,

18 Iarr jiong' inx ee siongrder hed dirr huew nirr, in'ui inx m si Siongrder, si langg ee ciuw soxx jy :ee, caa :ee, jiyc :ee, inx dyrr jaubet ix.

19 Jehovah, guanw ee Siongrder ar, dnaxx guaw qriuu Liw qiur guanw tuatli ix ee ciuw, hro tnie banrqog longxx jaix dogdok Liw Jehovah si Siongrder."

20 Amoz ee qniaw Isaiah dyrr crex langg kir qnir Hezekiah, qongw, "Jehovah, Islael ee Siongrder, anxnix qongw, 'Liw in'ui Assylia Ongg Sennaqelib ee enqor qiqiuu Guaw, Guaw u tniax .qnir.'

21 Dnaxx lun qaur ix, Jehovah u anxnix qongw, 'Zion ee jairsikluw biauxsi liw, tixciyr liw, Jelusalem ee jaboxginxaw duiww liw iyy tauu.

22 Liw lingziok buxban jirjui ar? Cud dua sniax, bagjiux knuar quann quann, qongqig jirjui ar? Dyrr si qongqig Islael ee Sxingr :ee.'

23 Liw crex liw ee suwjiaw buxban Jruw, qongw, 'Guaw cua jerje jenwciax jnriu qaur snaujiamx, qaur Lebanon qik cimx ee soxjai; guaw beh cyr hitt der quann de ee vikhniucaa, qapp siongrr hyw ee siongciu; guaw beh qaur ix qik hng hiyckunr ee soxjai, qapp ix vuii de ee ciurnaa.

24 Guaw u kuix jnew limx guarvangx ee juiw, guaw ing kajniuw dac Egipt itcer ee hyy, hro ix dax .kir.'

25 Jehovah qongw, 'Liw qamxx m bad tniax .qnir, Guaw dirr guankixtauu soxx juer, dirr qoxjaw soxx dniardiyc :ee mah? Dnaxx Guaw jniaa ix, si hro liw huixhuai qenqor ee sniaa, vnir juer haurpniaper.

26 Soxiw qidiongx kiarkiw ee vecsnir, kuiwlat jin' jiyw, qniahniaa qenwsiaur; inx cincniu kongwiaw ee cauw, cnicuir ee cair, cincniu cur-dingw ee cauw, cincniu iauxx bue dua jangg dyrr qodaa ee diu-aw.

27 Liw jre .lyc .kir, liw cud .kir, liw zip .laii, liw dua siurkir Guaw, Guaw longxx jaix.

28 In'ui liw dua siurkir Guaw, qycc in'ui liw qiaugno ee ue tangr qaur Guaw ee hnirkangx, Guaw dyrr beh ing Guaw ee qaux, qaux liw ee pni, ing Guaw ee bexqarqniux, qruar dirr liw ee cuir, hro liw dui' guanlo dyr .kir.

29 Hezekiah ar, jitt xee hro liw juer diaurtauu; qinnii linw beh jiac qaqi huad ee mic, menii beh jiac dui' hitt xee soxx cud :ee, qaur derr snax nii, linw diyhh jingwjyh siuquah, jaijingr pudyhngg, laii jiac ix ee quexjiw.

30 Judah-qrex tuatli huanrlan soxx cunx ee vecsnir, beh iuguann dirr erbin dingwqinx, dingxbin qed quexjiw.

31 In'ui beh u cunx ee vecsnir dui' Jelusalem cud .laii, beh u dyjauw ee langg dui' Zion Snuax laii. Jehovah ee zedsimx beh jniaa jitt xee su.'

32 Soxiw Jehovah lun Assylia Ongg qongxx, 'Ix dikkag be qaur jitt xee sniaa, iarr be dirr jiax sria jnxir, be e giaa dinvaii qaur sniaa-jingg, iarr be kiw toduix laii qongqig ix.

33 Ix dui' hitt diauu lo laii, beh dui' hitt diauu lo dyr .kir, be e laii qaur jitt xee sniaa; jex si Jehovah qongw :ee.

34 In'ui Guaw uirdiyhh qaqi ee enqor, qycc uirdiyhh Guaw ee lovok David ee enqor, beh vyxho jitt xee sniaa, laii jinxqiur ix.'"

35 Hitt mii Jehovah ee suwjiaw cud .kir, dirr Assylia ee ngiaa-diongx pah siw jap-veh-bxan go-cingx langg; qaur tniqngjaw kiw .laii ee sii, knuar ar, longxx si siw ee sinsix.

36 Assylia Ongg Sennaqelib dyrr lirkuix dyr .kir, diamr dirr Nineveh.

37 Dirr ix ee siongrder Nisloc ee biy qingwvair ee sii, ix ee qniaw Adlammelec qapp Salezer ing dyx taii ix; inx dyrr jauw qaur Alalat ee de. Ix ee qniaw Esarhaddon suawjiab ix juer ongg.

20 Hiaxee zit ee diongqanx, Hezekiah puawvni decbeh siw. Amoz ee qniaw, sendix Isaiah, kir qnir ix, duiww ix qongw, "Jehovah anxnix qongw, 'Liw diyhh sethuad liw ee qesu, in'ui liw decbeh siw, be uac.'"

2 Ix dyrr uat dngw bin ngr viah, qidyw Jehovah qongxx,

3 "Jehovah ar, qriuu Liw qiwliam guaw dirr Liw ee binrjingg jnaixngiu jrunn uanjuann ee simx, jiauww singsit laii qniaa; qycc juer Liw soxx knuar juer hyw :ee." Hezekiah dyrr dua sniax tikaur.

4 Isaiah cud .kir, iauxx bue qaur diongngi, Jehovah ee ue dyrr limqaur ix, qongw,

5 "Liw uat dywdngw, qra Guaw ee vecsnir ee zinqunx Hezekiah qongw, liw ee jow David ee Siongrder Jehovah anxnix qongw, 'Guaw ixqing' tniax qnir liw ee qidyw, knuar qnir liw ee bagsaiw; knuar ar, Guaw beh rix hyw liw;

6 Qaur derr snax zit, liw beh jnriu kir Jehovah ee dxen. Guaw beh qetnix liw ee huewsiu jap-go nii; qycc Guaw beh qiur liw qapp jitt xee sniaa tuatli Assylia Ongg ee ciuw; Guaw uirdiyhh qaqi ee enqor, qycc uirdiyhh Guaw ee lovok David ee enqor, beh vyxho jitt xee sniaa.'"

7 Isaiah qongw, "Diyhh tec jit der buhuaqyxvniaw laii." Inx dyrr tec .laii, dah dirr liab'aw; ongg dyrr hyw.

8 Hezekiah mng Isaiah qongxx, "Jehovah beh rix hyw guaw, qaur derr snax zit guaw beh jnriu kir Jehovah ee dxen, u simxmih diaurtauu?"

9 Isaiah qongw, "Jehovah beh jniaa Ix soxx qongw :ee, jex si Jehovah beh hro liw ee diaurtauu. Liw beh zidngiaw jinwjingg jap dxo, iacc si tewau jap dxo ar?"

10 Hezekiah rinr qongxx, "Zidngiaw jinwjingg jap dxo si kacc kuair; byy lar, diyhh zidngiaw tewau jap dxo."

11 Sendix Isaiah qiuqiyr Jehovah, Ix dyrr hro Ahaz ee zidquix jinwjingg ee zidngiaw tewau jap dxo.

12 Dngsii Babylon Ongg Baladan ee qniaw Melodac Baladan tniax qnir Hezekiah puawvni, dyrr sangr puesinr qapp lexmic hro Hezekiah.

13 Hezekiah tniax suwjiaw ee ue, dyrr jiong' ix kngr vyxmic ee cur, qimx, ginn, hniuliau, quiwkir ee iuu, qapp ix ee qunjongqik, qapp huxkor lai itcer soxu :ee, longxx hro inx knuar; ix ee qrex-diongx qapp ix juann qog ee lairbin, Hezekiah byy jit hxang byy hro inx knuar.

14 Dui' anxnix sendix Isaiah laii qnir Hezekiah ongg, mng ix qongxx, "Jiaxee langg qongw simxmih? Inx dui' dyclyc laii qnir liw?" Hezekiah qongw, "Inx dui' hng hng ee soxjai, dyrr si dui' Babylon laii."

15 Isaiah qongw, "Inx dirr liw ee qrex u knuar qnir simxmih?" Hezekiah rinr qongxx, "Huanrnarr guaw qrex-diongx soxu :ee, inx longxx knuar .qnir; guaw ee jaivyw ee diongqanx byy jit hxang byy hro inx knuar .qnir."

16 Isaiah duiww Hezekiah qongw, "Liw diyhh tniax Jehovah ee ue.

17 Knuar ar, zidjiw beh qaur, huanrnarr liw qrex-lai soxu :ee qapp liw ee ledjow jikju qaur henrjai :ee, longxx beh siurr cniuw qaur Babylon, byy lauu jit hxang; jex si Jehovah qongw :ee.

18 Qycc dui' liw vunxsinx soxx snix ee qniaxsunx, qidiongx uree beh siurr liac .kir, dirr Babylon ee ongqiongx drngx taiwqamr."

19 Hezekiah duiww Isaiah qongw, "Liw soxx tuann Jehovah ee ue si hyw"; qycc qongw, "Guaw iauxx dilehh ee zit, narr u taiwvingg qenqor, qamxx m si hyw?"

20 Hezekiah qi'uu ee su, qapp ix ee linglik, ix jnaixngiu qrut dii kuix qxaux, inw juiw zip sniaa, longxx qir dirr Judah ee led'ongg ee qiwlok.

21 Hezekiah qapp ix ee ledjow drangg kunr. Ix ee qniaw Manasseh suawjiab ix juer ongg.

21 Manasseh jerui ee sii jap-zi huer, dirr Jelusalem juer ongg qiong go-jap-go nii. Ix ee laurbuw miaa qiyr Hefzibah.

2 Ix qniaa Jehovah soxx knuar juer pnaiw ee su, yc guarvanglangg soxx qniaa kyxngor ee su, dyrr si Jehovah dirr Islael ee binrjingg soxx qnuaw .cud .ee.

3 In'ui ix ee laurve Hezekiah soxx huiw ee snuataudnuaa, ix qycc kiw ix; qycc uirr Baal kiw dnxuaa, juer Aselah, jiauww Islael Ongg Ahab ee soxx juer; qycc qingwvair tnidingw ee banrsiong laii hogsai ix.

4 Dirr Jehovah ee dxen-lai kiw quixnarr xee dxuaa; Jehovah bad qiw jitt xee dxen, qongw, "Guaw beh andir Guaw ee miaa dirr Jelusalem."

5 Ix dirr Jehovah ee dxen nng xee ngi-lai, uirdiyhh tnidingw ee banrsiong kiw dnxuaa.

6 Qycc hro ix ee qniaw qingquer huew, qycc u knuar diaurtauu, ing huatsut, ing tiauwdangg :ee, cniaw saiqongx; qniaa jerje Jehovah soxx knuar juer pnaiw ee su, laii qig Ix ee siurkir.

7 Qycc dirr dxen-lai cai ix soxx jy Aselah diaukig ee sxiong; jitt qingx dxen dyrr si Jehovah bad duiww David qapp ix ee qniaw Solomon qiw ix laii qongw, "Jitt qingx dxen, qapp Jelusalem, dyrr si Guaw dirr Islael jiongww jipair diongx soxx qingw :ee, Guaw beh andir Guaw ee miaa dirr hiax, qaur ingxuanw.

8 Islaellangg jipsiuw laii qniaa Guaw itcer soxx bingrling inx :ee, jiauww Guaw ee lovok Moses soxx bingrling inx itcer ee ludhuad, Guaw dyrr byy qycc hro inx ee kax isuaw, lirkuix Guaw soxx sniuxsur inx ledjow ee de."

9 Danrsi inx byy tniatanr; Manasseh inxiuw inx qniaa pnaiw, viw Jehovah dirr Islaellangg ee binrjingg soxx bet ee ledqog qyckacc siongdiong.

10 Jehovah tog Ix ee lovok, hiaxee sendix, qongw,

11 "In'ui Judah Ongg Manasseh qniaa jiaxee kyxngor ee su, viw ix ixjingg ee Amolilangg soxx qniaa :ee qyckacc pnaiw. Qycc ing ix ee gnoxsiong hro Judahlangg hamrlyc jue,

12 Soxiw Jehovah Islael ee Siongrder anxnix qongw, 'Knuar ar, Guaw beh qangr jaieh dirr Jelusalem qapp Judah, hro itcer tniax .qnir ee langg nng xee hnirkangx beh diy .kiw .laii.

13 Guaw beh ing nriuu Samalia ee jinsnuar, qapp Ahab ee qrex ee duirjinn, kanx dirr Jelusalem, cincniu langg decc crid vnuaa, crid liauw dyrr vingxvag.

14 Guaw beh vangwli Guaw ee sanwgiap soxx cunx :ee; jiong' inx qaux dirr duiwdik ee ciuw, inx beh jniaa juer inx itcer ee duiwdik soxx liac soxx cniuw :ee.

15 In'ui inx dui' inx ee ledjow cud Egipt ee zit, iarr qaur qinaxzit, siongsiongg qniaa Guaw soxx knuar juer pnaiw ee su, qig Guaw siurkir.'"

16 Manasseh hro Judahlangg huanrjue, qniaa Jehovah soxx knuar juer pnaiw ee su; ix jitt xee jue ixgua, qycc lrauu jerje byy jue ee langg ee huih muaw Jelusalem, dui' jitt qag qaur hitt qag.

17 Manasseh qi'uu ee jue, longxx qir dirr Judah ee led'ongg ee qiwlok.

18 Manasseh qapp ix ee ledjow drangg kunr, baijongr dirr ix qaqi qiongx-lai ee hngg, dyrr si Uza ee hngg. Ix ee qniaw Amon suawjiab ix juer ongg.

19 Amon jerui ee sii zi-jap-zi huer, dirr Jelusalem juer ongg ligquer nng nii; ix ee laurbuw miaa qiyr Mesullemet, si Jotbahlangg Haluz ee jaboxqniaw.

20 Ix qniaa Jehovah soxx knuar juer pnaiw ee su, cincniu ix ee laurve Manasseh soxx juer :ee;

21 Qniaa ix ee laurve itcer soxx qniaa ee lo, hogsai ix ee laurve soxx hogsai hiaxee gnoxsiong;

22 Kiwsag Jehovah ix ee ledjow ee Siongrder, byy qniaa Jehovah ee dyrlo.

23 Amon ee zinsinn vuervuan ix, taii siw ongg dirr ongqiongx lai.

24 Qokbinn taii siw hiaxee vuervuan Amon Ongg ee langg. Qokbinn dyrr setlip ix ee qniaw Josiah suawjiab ix juer ongg.

25 Amon qi'uu soxx qniaa ee su, longxx qir dirr Judah ee led'ongg ee qiliok.

26 Amon baijongr dirr qaqi ee bong, dirr Uza ee hngg. Ix ee qniaw Josiah suawjiab ix juer ongg.

22 Josiah jerui ee sii veh huer, dirr Jelusalem juer ongg qiong snax-jap-id nii. Ix ee laurbuw miaa qiyr Jedidah, si Bozkatlangg Adaiah ee jaboxqniaw.

2 Ix qniaa Jehovah knuar juer hyw ee su, qniaa ix ee jow David itcer ee lo, byy penx jyxiu.

3 Josiah jap-veh nii, ongg crex Mesullam ee sunx, Azaliah ee qniaw, suqir Safan, qaur Jehovah ee dxen, huanhur ix qongxx,

4 "Liw jnriu kir qnir jewsitauu Hilkiah, qiyr ix sngr hiaxee duar zip Jehovah dxen ee ginn, dyrr si quanw mngg :ee duiww vecsnir soxx siux :ee;

5 Hro inx qaux hro juewqanglangg, dyrr si quanxliw Jehovah dxen :ee, hro inx juanxqaux Jehovah dxen-lai juewqangx ee langg, tangx siuliw dxen puawhuai ee soxjai;

6 Dyrr si juanxqaux bagcniu, qycc brew caliau, qapp quer pah ee jiyc, laii siuliw dxen.

7 Qaux quer inx ee ciuw ee ginn, byy qapp inx sngr; in'ui inx juer dairjir singsit."

8 Jewsitauu Hilkiah qra suqir Safan qongw, "Guaw dirr Jehovah dxen-lai gnoxzenn did diyc ludhuad ee ceh." Hilkiah jiong' ceh qaux hro Safan, Safan dyrr tak ix.

9 Suqir Safan qaur ongg hiax, huehog ongg qongxx, "Liw ee lovok ixqing' jiong' dirr dxen-lai soxx did .diyc ee ginn vniar .cud .laii, qaux hro vanrliw Jehovah dxen ee juewqanglangg."

10 Suqir Safan qycc qra ongg qongw, "Jewsix Hilkiah u tec jit vunw ceh hro guaw." Safan dyrr dirr ongg ee binrjingg tak ix.

11 Ongg tniax qnir ludhuad ee ceh ee ue, dyrr tiah lic ix ee snxax.

12 Ongg huanhur jewsix Hilkiah, qapp Safan ee qniaw Ahikam, Mikaiah ee qniaw Acbor, suqir Safan, qapp ongg ee qinrsinn Asaiah qongxx,

13 "Liw kir, uirr guaw, uirr vecsnir, uirr Judah jingwlangg, jiong' soxx kiyh .diyc jitt vunw ceh ee ue mng Jehovah; in'ui Jehovah dua siurkir lanw, si in'ui lanw ee ledjow byy tniatanr jitt xee ceh ee ue, byy jiauww itcer soxx qiwjair lun lanw :ee laii qniaa."

14 Dui' anxnix jewsix Hilkiah, qapp Ahikam, Acbor, Safan, Asaiah, longxx kir qnir luxsendix Huldah. Ix si Harhas ee sunx, Tikvah ee qniaw, quanxliw lexhok hitt xee Sallum ee bow; ix diamr dirr Jelusalem derr zi kux.

15 Inx qra ix qongw, ix dyrr qra inx qongw, "Jehovah, Islael ee Siongrder qongw :ee, linw kir huehog hitt xee crex linw laii qnir guaw ee langg.

16 Ix qongw, 'Knuar ar, Guaw beh qangr jaieh dirr jitt soxjai qapp dirr jiax kiarkiw ee vecsnir, dyrr si Judah Ongg soxx tak hitt vunw ceh ee ue.

17 In'ui inx kiwsag Guaw, siyx hniux dirr vadd xee siongrder, ing inx ee ciuw soxx juer :ee qig Guaw ee siurkir; soxiw Guaw siurkir jitt soxjai, cincniu huew dyc byy suah.'

18 Danrsi crex linw laii mng Jehovah ee Judah Ongg, linw diyhh qongw Jehovah, Islael ee Siongrder anxnix qongw,

19 'Lun qaur liw soxx tniax .qnir ee ue, dyrr si tniax qnir Guaw qongqig jitt soxjai qapp kiarkiw dirr jiax ee vecsnir, soxx qongw beh hro ix pahngx siurr jiuwjow, liw ee simx dyrr nngw. Liw qaqi kiamvix dirr Jehovah ee binrjingg, qycc tiah lic liw ee snxax, dirr Guaw ee binrjingg tikaur, Guaw iarr u tniax .qnir.

20 Soxiw Guaw beh hro liw qruix liw ee ledjow, liw beh ving'anx quibong; Guaw soxx beh qangr lyc dirr jitt soxjai itcer ee jaieh, liw ee bagjiux dikkag be knuar .qnir.'" Inx dyrr dywdngw kir huehog ongg.

23 Ongg crex langg jurjip Judah qapp Jelusalem ee jiongww dniuxlyw.

2 Ongg dyrr jnriu kir Jehovah ee dxen; Judah jingwlangg qapp kiarkiw Jelusalem ee vecsnir, qapp jewsix, sendix, qapp jiongww vecsnir, bylun dua, ser, longxx qapp ix kir. Ongg dyrr jiong' Jehovah dxen-lai gnoxzenn did diyc iog ee ceh itcer ee ue, tak hro inx tniax.

3 Ongg kia dirr tiau-vnix, dirr Jehovah ee binrjingg lip iog, beh jinrsimx jinrsingr sunrtanr Jehovah, siuw Ix ee qaiwbing, qapp qanjingr ee ue, qapp ludle, laii jniaa jitt vunw ceh soxx qir lip iog ee ue. Vecsnir longxx singzin jitt xee iog.

4 Ongg bingrling jewsitauu Hilkiah, qapp derr zi qxib ee jewsix, qapp qor mngg ee qnruax, jiong' uirdiyhh Baal, qapp Aselah, qapp tnidingw ee banrsiong, soxx jy hiaxee kiwqu, vnuax cud Jehovah ee dxen, dirr Jelusalem gua, Kidlon Kex-vnix ee cann qra siyx, duar ix ee huexhux qaur Betel.

5 Jingg Judah ee led'ongg soxx setlip vair gnoxsiong ee jewsix, dirr Judah hiaxee sniaa, qapp Jelusalem siwuii ee snuataudnuaa siyx hniux :ee, dnaxx ongg longxx lud ix, iarr lud hiaxee uirr Baal, qapp zit, guec, hingcnix, ixqip tnidingw ee banrsiong siyx hniux :ee.

6 Ix qycc duar Aselah cud Jehovah ee dxen, kir Jelusalem gua, qaur Kidlon Kex, dirr Kidlon Kex siyx ix, duii ix juer hunw, ing hitt xee hunw ia dirr vecsnir ee bong.

7 Qycc huiw Jehovah dxen-lai luandongg ee cur, dyrr si hurluw uirdiyhh Aselah jrid vowvnii ee soxjai.

8 Qycc dui' Judah hiaxee sniaa duar hiaxee jewsix cud .kir, pah lasamm jewsix siyx hniux ee snuataudnuaa, dui' Geba qaur Beerseba; iarr tiachuiw hiaxee mngg ee snuataudnuaa, dyrr si dirr quanw sniaa :ee Josua ee mngg-jingg, dyrr si langg zip sniamngg ee dyr vingg.

9 Snuataudnuaa ee jewsix dirr Jelusalem, byy jnriu Jehovah ee dnxuaa, jixu dirr inx hniadi diongx jiac byy-qnar-vniaw.

10 Ix qycc dirr Hinnom ee Tofet pah lasamm, benw did langg dirr hiax hro inx ee qniaw, jaboxqniaw qingquer huew, laii henr hro Molec.

11 Qycc druu kir Judah ee led'ongg henr hro zidtauu hiaxee bew, dirr zip Jehovah dxen ee soxjai, dirr taiwqamr Natan Melec uaw qin lingxlongg ee cur; qycc ing huew siyx zidtauu hiaxee ciax.

12 Judah ee led'ongg dirr Ahaz ee laudingw ee cuwquar soxx kiw ee jewdnuaa, qapp Manasseh dirr Jehovah ee dxen nng xee ngi-diongx soxx kiw ee dnxuaa, ongg longg huixhuai ix, dui' hitt soxjai censuaw ix, vniar ix ee hunw dirr Kidlon Kex.

13 Jiongjingg Islael Ongg Solomon dirr Jelusalem ee taujingg, dirr siapiacsnuax ee jniar vingg, soxx kiw ee snuataudnuaa, hogsai Sidonlangg kyxngor ee Astarte, Moablangg kyxngor ee Qemos, Ammonlangg kyxngor ee Molec :ee, ongg longxx qra inx pah lasamm;

14 Qycc huixhuai hiaxee tiaursiong; cyr hiaxee Aselah, jiong' langg ee quttauu ciongmuaw hiaxee soxjai.

15 Dirr Betel ee dnxuaa, ixqip Nebat ee qniaw Jeloboam hro Islael huanrjue :ee soxx kiw ee snuataubiy, dnaxx Josiah huiw hitt xee dnxuaa qapp snuataubiy, qycc siyx ix ee snuataubiy, duii ix jniaa hunw; suar siyx hitt xee Aselah.

16 Josiah uat dngw srinx knuar qnir snuax nirr hiaxee ong, dyrr crex langg kir tec bong-lai ee quttauu, siyx dirr dnxuaa-dingw, laii pah lasamm ix. Jiauww Jehovah soxx qongw, dyrr si jingg Siongrder ee lovok soxx suantuann :ee.

17 Josiah qongw, "Guaw soxx knuar .qnir ee jiyhvix si simxmih?" Hitt xee sniaa ee langg qra ix qongw, "Jingg u Siongrder ee lovok dui' Judah laii, dairsingx dyrr u qongw kiw liw henrjai qongqig Betel ee dnxuaa :ee jitt xee su; jitt xee si ix ee bong."

18 Ix qongw, "Byc did cab ix, langg m tangx censuaw ix ee quttauu." Inx dyrr byy drang diyc ix ee quttauu, iarr byy drang diyc dui' Samalia laii hitt xee sendix ee quttau.

19 Samalia hiaxee sniaa-lai snuatauu ee cur, dyrr si jingg Islael jiaxee ongg soxx kiw laii qig Jehovah ee siukir :ee, dnaxx Josiah huiw ix; jiauww ix soxx qniaa dirr Betel :ee laii qniaa dirr inx.

20 Ix qycc taii siw hitt soxjai snuataubiy ee jewsix dirr dnuaa-dingw, iarr siyx langg ee quttauu dirr dnxuaa-dingw, jiacc dyr kir Jelusalem.

21 Ongg bingrling jiongww vecsnir qongxx, "Diyhh siuw Vnuaquewjeh laii hogsai Jehovah, linw ee Siongrder, jiauww jitt xee iog ee ceh soxx qir :ee."

22 Dui' sursux dirliw Islael ee sii, qapp Islael ee led'ongg, Judah ee led'ongg ee sii, sidjai bue u siuw cincniu jitt hy ee Vnuaquewjeh.

23 Jixu Josiah Ongg jap-veh nii dirr Jelusalem siuw jitt xee Vnuaquewjeh hogsai Jehovah.

24 Judah-de qapp Jelusalem soxu tiauwdangg :ee, juer saiqongx :ee, qapp qrex-lai ee gnoxsiong, qapp sinvut, qapp itcer kyxngor ee mic, Josiah longxx druu ix, laii jniaa ludhuad ee ue, dyrr si dirr jewsix Hilkiah dirr Jehovah ee dxen soxx did diyc ee ceh soxx qir :ee.

25 Dirr Josiah ixjingg byy u ongg cincniu ix jinrsimx, jinrsingr, jinrlat qui'ngr Jehovah, jiauww Moses itcer ee ludhuad; dirr ix ixau, iarr byy cud jit xee ongg cincniu ix.

26 Danrsi Jehovah byy suah Ix bingxlet ee dua siurkir, dyrr si Ix duiww Judah huad cud ee siurkir, si in'ui Manasseh soxx qig diyc Ix siurkir hiaxee su.

27 Jehovah qongw, "Guaw beh censuaw Judah lirkuix Guaw ee binrling, cincniu censuaw Islael jidngiu; Guaw beh kiwsag Guaw soxx qingw jitt xee sniaa, dyrr si Jelusalem, qapp jitt qingx dxen, dyrr si Guaw qiw ix, qongw Guaw ee miaa beh dirr hiax :ee."

28 Josiah qi'uu ee su, qniww ix soxx qniaa :ee, longxx qir dirr Judah ee led'ongg ee qiwlok.

29 Josiah ee niqanx, Egipt Ongg Falaoh Neko jnriu Viklat Hyy, qongqig Assylia Ongg; Josiah kir dixdngx ix. Egipt Ongg duw diyc Josiah dirr Megiddo, dyrr taii ix.

30 Ix ee zinsinn ing ciax jair ix ee sinsix dui' Megiddo, duar ix qaur Jelusalem, baijongr dirr ix vunxsinx ee bong. Qokbinn ing iuu buah Josiah ee qniaw Joahaz, setlip ix juer ongg, suawjiab ix ee laurve.

31 Hoahaz jerui ee sii, zi-jap-snax huer, dirr Jelusalem juer ongg snax guehzit. Ix ee laurbuw miaa Hamutal, si Libnahlangg Jelemiah ee jaboxqniaw.

32 Ix qniaa Jehovah soxx knuar juer pnaiw ee su, jiauww ix ee ledjow itcer soxx qniaa :ee.

33 Falaoh Neko qnuaiqimr ix dirr Hamat-de ee Rliblah, hro ix byy juer ongg dirr Jelusalem; qycc hro hitt qog jinwqongr ginn jit-vah talent, qimx jit talent.

34 Falaoh Neko setlip Josiah ee qniaw Eliakim suawjiab ix ee laurve Josiah juer ongg, qra ix qaiw miaa qiyr Jehoiakim; iarr duar Hoahaz qaur Egipt; ix dyrr siw dirr hiax.

35 Jehoiakim ing ginn qapp qimx hro Falaoh, jiauww Falaoh ee bingrling, dui' hitt derhngx siux ginn laii hro ix, qiongg tiux hitt derhngx ee vecsnir ee qimginn, dagg langg jiauww soxx pair dniardiyc :ee, laii hro Falaoh Neko.

36 Jehoiakim jerui ee sii, zi-jap-go huer, dirr Jelusalem juer ongg, qiong jap-id nii. Ix ee laurbuw miaa qiyr Zebidah, si Rlumah Pedaiah ee jaboxqniaw.

37 Jehoiakim qniaa Jehovah soxx knuar juer pnaiw ee su, jiauww ix ee ledjow itcer soxx qniaa :ee.

24 Jehoiakim ee niqanx, Babylon Ongg Nebuqadnezar jnriu .laii. Jehoiakim hogsai ix snax nii; au .laii huanxdngw vuergik ix.

2 Jehovah crex Qaldea ee qundui, Sylia ee qundui, Moab ee qundui, qapp Ammon ee qundui, laii qongqig ix; qycc crex inx qongqig Judah, beh bet ix; jiauww Jehovah tog Ix ee lovok jiaxee sendix soxx qongw :ee.

3 Jitt xee su limqaur Judah, sidjai si dui' Jehovah ee bingrling. Ix beh censuaw ix, hro ix lirkuix Ix ee binrjingg. Jex longxx si in'ui Manasseh ee jue, jiauww ix itcer soxx qniaa :ee;

4 Iarr uirdiyhh ix lrauu byy jue ee langg ee huih, in'ui ix ing byy jue ee langg ee huih ciongmuaw Jelusalem. Jitt xee jue Jehovah m kingw siawbenw.

5 Jehoiakim qi'uu ee su, qniww ix soxx qniaa :ee, longxx qir dirr Judah ee led'ongg ee qiwlok.

6 Jehoiakim qapp ix ee ledjow drangg kunr; ix ee qniaw Jehoiaqin suawjiab ix juer ongg.

7 Egipt Ongg byy qycc dui' ix ee de cud .laii; in'ui Babylon u ongg cruw qniww sriok Egipt Ongg ee de, dui' Egipt siyw hyy, qaur Viklat Hyy.

8 Jehoiaqin jerui ee sii, jap-veh huer, dirr Jelusalem juer ongg snax guehzit. Ix ee laurbuw miaa qiyr Nehusta, si Jelusalemlangg Elnatan ee jaboxqniaw.

9 Jehoiaqin qniaa Jehovah soxx knuar juer pnaiw ee su, jiauww ix ee laurve itcer soxx qniaa.

10 Hitt sii Babylon Ongg Nebuqadnezar ee zinsinn jnriu laii Jelusalem, uikunr hitt xee sniaa.

11 Dng' ix ee zinsinn uikunr sniaa ee sii, Babylon Ongg Nebuqadnezar dyrr laii.

12 Judah Ongg Jehoiaqin cud sniaa qaur Babylon Ongg hiax, ix qapp ix ee laurbuw, qapp ix ee zinsinn, siuxlingw, taiwqamr, longxx kir. Dirr ix juer ongg derr veh nii, Babylon Ongg liac ix,

13 Qycc jiong' Jehovah dxen-lai ee vyxmic, qapp ongqiongx ee vyxmic, longxx dui' hiax tec .kir; jiong' Islael Ongg Solomon soxx jy Jehovah dxen-lai ee qimkir, longxx pah puar, jiauww Jehovah soxx qongw ee ue.

14 Ix qycc jiong' Jelusalem ee jiongww vecsnir, qapp jiongww siuxlingw, ixqip soxu dua quanlingg ee iongxsu, qiong jit-bxan langg, lenrr itcer ee qangcniu, ticcniu, longxx liac .kir; druu qog-lai qik songwhiongx ee langg ixgua, byy cunx jit xee.

15 Jehoiaqin qapp taiwho, horhuix, taiwqamr, qog-lai ee duarqnuax, ix longxx qra inx dui' Jelusalem liac qaur Babylon.

16 Qycc jiong' itcer ee iongxsu cid-cingx langg, qapp qangcniu, ticcniu jit-cingx langg, longxx si iongxjongr e jnriu din :ee, Babylon Ongg longxx qra inx liac qaur Babylon.

17 Babylon Ongg setlip Jehoiaqin ee jig Mattaniah juer ongg suawjiab ix, ngua ix ee miaa qiyr Zedekiah.

18 Zedekiah jerui ee sii, zi-jap-id huer, dirr Jelusalem juer ongg jap-id nii. Ix ee laurbuw miaa Hamutal, si Libnahlangg Jelemiah ee jaboxqniaw.

19 Ix qniaa Jehovah soxx knuar juer pnaiw ee su, jiauww Jehoiakim itcer soxx qniaa :ee.

20 Jelusalem qapp Judah duw diyc jiaxee su, si in'ui Jehovah huad cud siurkir, beh dui' Ix ee binrjingg qnuaw cud inx.

25 Zedekiah vuervuan Babylon Ongg. Dng' ix jerui derr qauw nii, jap-guec cejap, Babylon Ongg Nebuqadnezar cua ix juann qunx laii qongqig Jelusalem, dirr sniaa ee duiwbin jrad ngiaa, qycc dirr siwuii jyh toduix qongqig sniaa.

2 Dui' anxnix sniaa siurr uikunr, didqaur Zedekiah Ongg jap-id nii.

3 Sir-guec ceqauw, sniaa-lai qihngx jin' siongdiong, drir qaur hitt soxjai ee vecsnir longxx byy bixniuu.

4 Sniaa siurr qongpuar, itcer ee vingdingx tauwmii dui' uaw qin ongg ee hngg, nng xee sniacniuu diongx ee mngg hitt diauu lo dyjauw. Qaldealangg duxduxx dirr siwuii qongqig sniaa, ongg dyrr dui' Jordan ee lo dyjauw.

5 Qaldealangg ee qunvingx duizib ongg, dirr Jeliqo ee vningiuu duix diyc ix, ix ee juann qunx longg lirkuix ix siwsnuar.

6 Inx liac diyc ongg, duar qaur Rliblah Babylon Ongg hiax, dyrr simxpnuar ix.

7 Dirr Zedekiah ee bagjiux jingg, taii siw Zedekiah hiaxee qniaw, qycc iah Zedekiah nng luiw bagjiux, qycc ing ticlen len ix, duar ix qaur Babylon.

8 Babylon Ongg Nebuqadnezar Ongg jap-qauw nii, Go-guec cecid, qinsuii Babylon Ongg ee siruerdniuw Nebuzaladan qaur Jelusalem.

9 Ix ing huew siyx Jehovah ee dxen, qapp ongqiongx, qycc ing huew siyx Jelusalem itcer ee cur, dyrr si huwquir ee langg ee cur.

10 Qinduer siruerdniuw dirr Qaldea ee juann qunx, dyrr tiachuiw Jelusalem siwuii ee sniacniuu.

11 Hitt sii siruerdniuw Nebuzaladan jiong' lauu dirr sniaa-lai soxx cunx ee vecsnir, qapp hiaxee dauhangg Babylon Ongg :ee, ixqip jingwlangg diongx soxx cunx :ee, longxx liac .kir.

12 Dogdok siruerdniuw lauu derr id songwhiongx :ee, hro inx dirliw pudyhngg qapp jingwjyh.

13 Jehovah dxen-lai ee dangtiau, qapp Jehovah dxen-lai ee punjy, ixqip danghaiw, Qaldealangg longxx pah puar, jiong' hiaxee dangg un qaur Babylon;

14 Qycc duar dniaw, tuc'aw, jenxdyx, nguaw, qapp soxx ing itcer ee dangkir kir;

15 Huexloo, vnuaa, itcer qimkir ee qimx, ginkir ee ginn, siruerdniuw longxx duar .kir.

16 Qycc duar Solomon Ongg uirr Jehovah ee dxen soxx congr nng qix tiau, jit xee danghaiw, qapp hiaxee jxy; jiaxee kiwqu ee dangg be e cinr ix ee kindang.

17 Jitt qix tiau quann jap-veh dxng, ix ee dingxbin u dangg ee tiaurdauw; tiaurdauw quann snax dxng; tiaurdauw ee jiuuii u bxang-aw qapp siahliuu, longxx si siangg jit kuanw, iarr u bxang-aw.

18 Siruerdniuw liac jewsitauu Selaiah, qapp derr zi qxib ee jewsix Zefaniah, qapp snax xee qor mngg :ee;

19 Qycc dui' sniaa-lai liac jit xee quanw vxingx ee qnruax, qapp dirr sniaa-lai soxx duw diyc siongsiongg qnir ongg ee bin ee go langg, qapp qundniuw ee suqir diamxsngr vecsnir :ee, ixqip sniaa-diongx soxx duw .diyc ee qokbinn lak-jap langg.

20 Siruerdniuw Nebuzaladan jiong' jiaxee langg duar qaur Rliblah, Babylon Ongg hiax.

21 Babylon Ongg dirr Rliblah pah inx, taii siw inx. Anxnix Judah ee vecsnir siurr liac lirkuix vunxde.

22 Lun qaur Judahqog cunx ee vecsnir, dyrr si Babylon Ongg Nebuqadnezar soxx lauu :ee, ongg setlip Safan ee sunx, Ahikam ee qniaw, Gedaliah, quanxhad inx.

23 Jiongww qundniuw qapp sriok inx ee langg, tniax qnir Babylon Ongg setlip Gedaliah quanxhad inx. Dui' anxnix Netaniah ee qniaw Ismael, Kaleah ee qniaw Johanan, Netofah ee langg Tanhumet ee qniaw Selaiah, Maakahlangg ee qniaw Jezaniah, qapp sriok inx ee langg, longxx qaur Mizpah qnir Gedaliah.

24 Gedaliah duiww inx qapp sriok inx ee langg jiuwjua, qongw, "Linw byc did qniax Qaldea ee zinsinn; jueww linw diamr jitt soxjai, hogsai Babylon Ongg, dyrr tangx did diyc hokkir."

25 Cid-guec qranx ongcinx Elisama ee sunx, Netaniah ee qniaw, Ismael, duar jap langg qapp ix laii, pah siw Gedaliah ixqip qapp ix dirr Mizpah ee Judahlangg, qapp Qaldealangg.

26 Dui' anxnix jiongww vecsnir bylun duarser, qapp hiaxee qundniuw, longxx kiw laii kir Egipt; in'ui qniax Qaldalangg ee enqor.

27 Judah Ongg Jehoiaqin siurr liac liauxau derr snax-jap-cid nii, Babylon Ongg Evilmelodac guannii, Jabzi-guec zi-jap-cid, quxkiw Judah Ongg Jehoiaqin, vangr ix cud qnax.

28 Iarr ing hyw ue an'uir ix, hro ix ee xui kacc quann qi'uu jiaxee ongg ee xui, dyrr si qapp ix drangg dirr Babylon :ee.

29 Trngr kir ix qnax-lai soxx cing ee snxax, jit siwlangg qapp Babylon Ongg snaqab jiac.

30 Babylon Ongg sniuxsur soxx kiamwing ee sidbut, zidzit hro ix jit hxun, jit siwlangg longxx si anxnix.

huedngw tauu iac