myth_1

THE POWER OF MYTH -1

Bunchhai huan'ik

SINUE QAPP HENRDAI SEWQAIR

Dag'ee zinruii snewmia ee iwgi si zinlui soxx duiqiuu ee itcer. Guaw byy zinruii anne si langg jinjniar beh duiqiuu ee/ si junjai ee qinggiam, bactew sing'uac qinggiam ham' jurqiw luersimx siongrr dexjann ee junjairqamw/ henrsidqamw inxkiw qiongrbingg, jiacc erdangr jinjniar texhue junjai ee hixlok.

SINUE ERDANGR UIRR LIW JYR SNIAW

Bill (B) : uirsniaxmic si sinue? Uirsniaxmic lanw beh liauxqaiw sinue? Sinue ham' guaw ee sing'uac u sniaw quanhe?

Joseph (J) : duiww jitt xee bunrdee, guaw derr id huanxingr si : “byy quanhe, qewsiok quer liw jitmaw henriuw ee hyw zidjiw, liw byy su'iaur sinue” guaw ham' jerje langg qangrngiu, be in'ui vadd langg qongw jitt hxang jin' diongriaur, dyrr qamxqag cuwbi. Guaw u hingwcur, si in'ui jitt xee juxdee kip'inw guaw. Zuqyw siaurqair ee hingsid u qraur hyxser, e huathen sinue u kip'inw liw ee soxjai, jinr jit vo, liw e mng, sinue erdangr uirr liw jyr sniaw?

Dnaxx siarhue ee bunrdee ji' id si: langg duiww simlingg luerhamm vingrr byy sigsai. Dendyww qandna' duiww dagg zit soxx huatsingx ee dairjir, ixqibb muixx jit siyxsii huatsingx :ee u hingwtauu. Quewkir dairhak haurhngg janqingx si jit xee iaptiab ee hngde, zidsiongg sing'uac ee jabbu be cimhuan luersimx sewqair ee duiqiuu/ erdangr lyhsimx hagsip zinlui tuantongw ee honghur uisanw, cniurr Plato/ Kongxjuw/ Vuddyy/ Goethe ... dringw, byy sing'uac-siong ee jabbu qanziauw. Jiaxee honghur uisanw qongw cud ingxuanw ee qewdat, ham' bogjingg langg soxx duiqiuu snewmia diongsimx qik dua quanhe. Dng' liw nihuer kacc je .quaw, budjid suqiuu byy bunrdee sii, dyrr e juanxhiongr duicue luerjai sing'uac. Qauwsii, narr m jaix beh kir dyhh cue, iacc si m jaix luerjai sing'uac si sniaw, liw e qamxqag auwud.

Hellenic bunhak/ Latin bunhak/ Singwqingx bunhak, quewkir longxx si qokbinn qauwiok ee jit vorhun. Jitmaw jiaxee dy' virr danr jit vnix, se'ngiuu sinue qauwiok ee tuantongw marr siausid ar. Jiaxee qowsu quewkir si dag'ee jin' sighni :ee, erdangr qra jurqiw zidsiongg sing'uac-diongx huatsingx ee surbu qapp sinue qowsu lenjiab, snewmia-diongx qokk qaidnuax jiong' huatsingx ee surqnia, jit vo jit vo e ho'ngg anwsngr tihh. Dng' lanw duiww jiaxee qowsu byy qycc sigsai, dyrr e qamxqag besid, in'ui henrdai sing'uac vingrr byy u ham' qoxdai sinue vixpingx ee bunhak jokpinw tewdai.

Jurr qxow tuann .lyc .laii, jit diamw jit dih ee sinwsid, ham' quixarr cingx nii ixlaii jicjair zinlui sing'uac/ qenwqor zinlui ligsuw/ teqiongx jongqaur lueriongg iuxquanx. Qapp zinlui luersimx cimjann bunrdee/ luerjai ywvir/ luerjai ligdingg ee mnghorku marr u kanlenn, zuqyw liw m jaix inxdy zinsingx honghingr dyrr si dirr zinsingx ee lo-siong, liw diyh'air jurqiw qenwlip jit tyr jixviaux. Itdanr jiaxee qoxlyw qowsu ee juxdee ham' liw siy' duiwingr, dyrr e duiww jiaxee tuantongw/ jiaxee cimkig/ honghur/ uac lingr lingr ee sinwsid huatsingx qamxqag, m qramx vangwdiau.

B : anne qongw laii, zinlui qiwlok qowsu si uirr ham' sewqair hiabhyy, uirr hro jurqiw sing'uac ham' henrsit erdangr sanxsingx hyhaii?

J : byy cyr! guaw si anne zinrding, Uixdai ee siyxsuad kuriuw sinqii ee qauwiogsingr qonglingg. Dirr guaw zi-jap ~ snax-jap huer, simrjiww sir-jap huer, Joyce/ Thomas- Mann longxx bad si guaw ee laursux. Guaw tak .quer jerje inx ee jokpinw. Inx nng langg ee jokpinw kuriuw sinue tuantongw. Ixx Thomas-Mann ee jokpinw <Tonio Kroger> ee qowsu, Tonio ee vaxvah si jit xui singqongx ee singlixlangg, dirr qowhiongx qyckacc si jit xui u ingxhiongxlat ee qongbinn. Siauwlenn Tonio kiokk qik u gersudqax kiwjid/ vnuax qaur Munich ham' jit qrunn bungerqair ee langg jywhuew/ inx zinruii jurqiw ciauuat hiaxee qandna' jaix tanr jnii/ qandna' jaix ixx qadingg jyr diongsimx ee lamsingr.

Tonio giap dirr nng qigduanx diongx: derr id ee qigtauu si jurqiw ee vaxvah, jit xee hyw vaxvah, hurjig/ jin itcer girbu, mrqyxx itsingx m bad jyr quer jurqiw sniu beh jyr ee dairjir. Lingrgua hitt tauu, si jit qrunn cniurr Tonio anne ee langg, likuix jurqiw qowhiongx/ kiwsag quewkir ee langg. Tonio luersimx ee maudunw dirr ix huathen jurqiw sursit-siong si tniawtangr qahiongx :ee/ suibongw zinruii jurqiw dirr diwsig-siong viw qowhiongx ee langg kacc quann, marr e iong jiamlai ee gensuu hing'iongg jiaxee hiongcinx, mrqyxx simx si ham' inx jywhuew ee.

Likuix qowhiongx quer diyc Bohemia liulong zidjiw sii, ix huathen hiaxee danwdiau vinghuann sing'uac ee gersudqax, kiokk si jiacc knuar be kiw zinsingx ee taiwdo, suacc hro ix sidjai byy vanrhuad ham' inx jywhuew. Juewau likuix inx, siaw jit dniux puex hro hitt qrunn ving'iuw. Anne gongw : guaw jundiong hiaxee lingxbin qiaugno ee langg, inx morhiamw kuitog uixdai/ cniurr moquiw hiacc suiw ee dyrlo, qycc knuar be kiw “zinlui”; mrqyxx guaw vingrr byy jitdor inx. Duiww jit xee air bunhak ee langg, zimrhyy mic longxx ersaih hro ix jniajyr sizinn. Duiww guaw laii qongw, guaw ee qowhiongx/ hiax itcer vinghuann ee surbu, si guaw congwjy ee guanjnuaa. Soxu ee cinjingg/ iuxjingg/ ciywkuex, dy' si ui' jitt hxun qowhiongx ee air sanxsingx ee. Jit xee langg erdangr jinsit biyue cud jitt hxun air, vitding si “qangxsueh itvnualangg ham' tnisair ee qiongrdongg gixgenn”, kiamr jitt hxun air, congwjyr qandna' si “jit xee e cud sniax ee gagkir, iacc si jit xee e kiangx ee navuac”.

SNEWMIA EE KYXAIR SI IX EE BYY UANBIW

Tonio suar lyc laii qongw, “ jit xee jokjiaw diyh'air jinsingg binrduir jinsit.” jex si jit xee diwmia ee quandiamw/ in'ui zinlui si byy uanbiw :ee/ narr beh biyue zinlui ee jinsit/ dyrr si henwcud ix ee byy uanbiw. Uanbiw ee zinlui si byy qiok ee --- cniurr Vut jinwzip liabpuann au, byy qycc dngw laii sewqanx. Byy uanbiw ee snewmia duxx si kyxair ee soxjai/ jit xee jokjiaw jin' u iauwlingw biyue jitt xee henrsit sewqair/ narr jit jiamx dyrr cag cud hueh laii, si u sionghairsingr ee/ mrqyxx si duar diyc aiwsimx ee. Cniurr Thomas Mann soxx qongw ee “dywkaux singwiok”, iong lingxbin/ hunsiksingr zirganw puepnuar ee hongsid, si jit jiongw air ee viauxhen.

QOWHIONGX SI OW CUD ZINSINGR EE SOXJAI

B: guaw erdangr texhue jitt xee iwsiong: qowhiongx ee air, duiww qowhiongx ee qamxqag, bylun likuix qowhiongx zuarr quw, simrjiww byy qycc dngw .kir, jitt jiongw qamxqag itdit junjai. Qowhiongx si liw dairsingx ow cud zinsingr ee soxjai. Mrqyxx uirjnuaxngiu liw qongw air zinlui, in'ui ix ee byy uanbiw?

J: lanw qongw ginxaw qoxjuix, qamxx m si inx ciangjai e vuahdyw? Qamxx m si inx tauu dua ~, sinkux ser ~? Walter E.Disney congrjy cud cid xee exlangg, qamxx m si ix knuar diyc ginxaw ee qoxjuix? Jiaxee dag'ee iwair/ snex qaxx naxx pokqed ee qxauw-aw --- inx qoxjuix qamxx m si in'ui inx byy uanbiw?

B: qamxx qongw uanbiw kyxlingg e jin' byy simsig?

J: uanbiw si jin' byy bi :ee/ byy zinjingbi. langg u dorjaii/ zinsingr/ jyr jit xee langg, m si ciaujurzenn/ ingxuanw ee digsingr --- si zinlui kyxair ee digjid. Marr si jerje langg byy vanrhuad air siongrder ee guan'inx, in'ui siongrder sniu' uanbiw ar. Liw jongvair siongrder/ hex m si jinjniar ee air. Jixu sibzirqer-siong ee Iasox jiacc si kyxair :ee.

B: uirsniaxmic?

J: Siurlan/ siurlan qamxx m si byy uanxbiw?

B: zinlui siurlan/ qunwqiong/ uac lyc kir ee qowsu ---

J: --- ixqibb siauwlenlangg dirr singdiongw quewdingg-diongx jiamrr liauxqaiw jurqiw, jaix jurqiw rair qinglik ee si sniaw qowsu.

LANW UIRR BEH BONGX DIYC INGXUANW, SU'IAUR SINUE

B: ui' liw soxx siaw ee <Siongrder ee Binrdar (The Masks of God)> <Cenbin Inghiongg (The Hero with a Thousand Faces)>, tak sinue erdangr huathen ham' zinlui luirsu/ sinue si muixx jit xee langg dirr jurqiw itsingx-diongx, duer diyc siqanx juixlauu, vutduan jauxcue zinsingx jinliw/ iwgi/ diongriauwsingr ee qowsu. Lanw diyh'air qra qowsu liutuann .lyc .kir/ liauxqaiw zinlui ee qowsu/ zinlui ee sixbongg/ dag'ee langg longxx danw e diyc :ee/ jurr cutsir qaur duarhanr/ qniaa laii qaur sixbongg, rair kyr sinue hiabjo/ sinue jixdy lanw/ jiyr sinue jiapciog ingxuanw ee snewmia/ tauwquer sinue liauxqaiw zinsingx ee ywvir/ jinr jit vo huathen jurqiw vunxlaii binrmau.

J: Dag'ee zinruii snewmia ee iwgi si zinlui soxx duiqiuu ee itcer/ guaw byy zinrding jex si langg jinjniar duiqiuu :ee. Lanw beh air :ee, si junjai ee qinggiam/ itsingx ee sing'uac qinggiam jiacc erdangr ham' jurqiw luersimx siongrr cimdew ee junjairqamw/ henrsidqamw qiongrbingg/ jiacc texgiam e diyc junjai ee hixlok/ hex dyrr si snewmia. Sinue jo lanw huathen luerjai jurgnow ee snuawsyh.

B: sinue si snuawsyh?

J: sinue si cue cud zinlui sing'uac-diongx jingsinn amwlat ee snuawsyh.

B: qamxx si lanw erdangr ui' jurqiw luerjai liauxqaiw/ texgiam .diyc ee surbut?

J: byy m driyc!

B: sinue ee dingrgi si duicue zinsingx ee iwgi, liw qra qaiwjyr texgiam zinsingx ee iwgi?

J: si texgiam snewmia. Zinlui ee simx jongxsi decc duicue iwgi. Jit luiw huex ee iwgi si sniaw? Guaw jaix jit xee iuxquanx senjongx ee qowsu/ qongw diyc Vuddyy liamhuex qongxhuad ee jinghingg. Dongsii jixu Kassapa Thera huee ciyr .jit .xe, viauxsi liauxqaiw Vut ee iwsur. Vut vunxsinx hyrjyr zulaii/ surbut vunxsinx si byy iwgi ee/ si langg qra iwgi qax kiw kir. Uxdiu ee iwgi si sniaw? Qajauw ee iwgi si sniaw? Junjai vunxsinx si byy su'iaur lanw zinrding u iwgi ee. Hex dyrr si dirr hiax, qandna' anne ziiw. Liw ee iwgi dyrr si liw ee junjai. Zinlui itdit uirr guarjai qewdat jauxjongg byy hiyh, kiokk be qir did vunxlaii junjai ee luerjai qewdat/ junjai vunxsinx ee hixlok, dyrr si snewmia ee iwgi.

HUN'INX SI ZINSINGX SINUE QINGGIAM

B: jit xee langg beh anxjnuaw did diyc jitt jiongw qinggiam?

J: knuar sinue/ sinue jixinw liw juanxhiongr luerjai duisunn/ qycc laii, liw e kaisiw jiapsiux diyc ui' sinue hiaxee siongrdingsingr huhy soxx tuann cud ee sinwsid. Dirr jurqiw ee jongqaur ixgua, qycc bad qitnax binjok ee sinue/ langg quanwsir qinqir sursit qaixsueh jurqiw ee jongqaur/ zuqyw liw tak .quer qitnax binjok ee sinue, dyrr kacc erdangr kipsiux qidiongx soxx amwcangr ee sinwsid, jo liw qra jurqiw ee simx/ sidjai junjai ee qinggiam lenn kiw laii. sinue qra liw qongw snaiw si qinggiam, sniaw si hun'inx, hro liw dap'anr. Hun'inx si nng xee guanvunw jit duir :ee, jaiww qethap/ jitt xee sewqair guanvunw jixu jit xee liw junjai/ jitmaw u nng xee, jywhuew texzin sianghongx simlingg ee snaqab, jiacc si hun'inx ee vunxjid. Hun'inx/ luan'air byy qang, inx jit diamw aw dyrr byy quanhe.

Hun'inx si zinsingx quewdingg ee sinue qinggiam. Zuqyw qethunx si uirr ingxuanw dramm luanair, jin' qinw nng langg dyrr e hunlii, soxu ee luanaiwqow longxx si sitbang qetsog. Hun'inx si texzin simlingg snahap. Zuqyw erdangr quer jingwsiongg sing'uac/ duiww irsingr simtair u qraur qenrjuann, dyrr erdangr cue diyc sikhap ee pnua. Narr qongxx qandna' juanjur dirr qamxquanx ee kip'inw, dyrr e ham' byy hac ee duiwsiong qethunx. Ham' sikhap ee duiwsiong qethunx, dingxii dingsinx qra kurtexhuar ee siongrder, rngiuu zip sing'uac, jex dyrr si hun'inx.

B: sikhap ee langg? Beh anxjnuaw suanw?

J: liw ee simx vitzenn e qra liw qongw.

B: liw qamxx si qongw luerjai junjai jongrtair?

J: hex si lanqaiw ee bee.

B: qamxx si texzin diyc lingrgua jit xee jurqiw?

J: jex guaw m qnaw kakding. E cuthen naxx qng'ngiaw siamw .jit .xe, liw sinkux-lai mow jit xee mic, e jaix jitt xee langg byy m driyc.

B: zuqyw hun'inx si jurgnow amwiwsig qivunw ee imsingr (iacc si iongsingr) kinghiongr jaiww qethap, uirsniaxmic henrdai siarhue hun'inx jiacc ziok?

J: in'ui lanw byy jingwkag knuawtai hun'inx/ byy qra hun'inx dongwjyr zinsingx derr id iauwbu/ anne qethunx dingxii byy qethunx. Qethunx ee iwgi si nng langg linghunn hap jyr jit xee, nng xee qywtew venwsingg jit xee. Zuqyw hun'inx ensiok u qraur quw/ jiamrr zinrdongg hun'inx vunxsinx/ m si zinrdongg jurqiw qywzinn huanwsiongw/ dyrr e iwsig diyc hex si jinjniar ee --- nng xee qywtew jixsirr jit xee.

B: vutjixsirr sinliw, si simlingg ee qethap.

J: iuqii si simlingg ee qethap. Sinliw-siong ee qethap si jyrsingg zinrdongg cywgo ee guan'inx.

B: anne hun'inx ee vit'iaur jok'iong, jiong' jurqiw dausia dirr qniaw srinx-siong, dyrr m si jit xee juxiaur qonglingg lor.

HUN'INX SI HISINGX JURGNOW EE TONGWKOW QINGGIAM

J: m si oor! Hex jixsirr hun'inx siongrr qivunxbin. Hun'inx sing'uac u nng xee uanjuann byy qang ee qaidnua. Derr id qaidnua si cingcunqii hun'inx/ liongxsingr hordang, pnuaduer diyc dairjurzenn bixbiau ciongdong laii :ee, juxiaur uirr snetnuar aurdai. Ginxaw e duarhanr/ likuix qadingg/ likuix guanvunw uirr jewjy ginxaw qethap ee lamluw. Jerje ving'iuw dirr inx sir ~ go-jap huer sii hunkuix, hro guaw diyhqniax/ inx hun'inx sing'uac dirr u ginxaw sii, quer qaxx jin' hyw/ inx zinruii qethap si tauwquer ginxaw ee quanhe laii ee, m si inx horsiong ee quanhe.

Hun'inx si jit jiongw langg ee quanhe/ zuqyw liw bad uirr hun'inx hisingx liauw sniaw/ liw m si uirr duiwhongx hisingx/ si uirr jitt jiongw quanhe ee qethap hisingx ee. Diongqog dyrqax imiongdoo, si oamr/ qongbingg horsiong ingxhiongw ee iwsiong --- hex dyrr si ximx-xiongg/ lxamm-luw quanhe, si hun'inx/ qethunx au diyh'air binrduir ee/ byy qycc si dandok jit xee langg/ si dirr jitt jiongw quanhe-diongx zinrdongg jurqiw/ m si dansunn qandna' dramm luanair/ si tongwkow ee qinggiam --- hisingx jurgnow, uirr icii nng langg hab'id ee quanhe.

B: anne qongw .laii, hun'inx byy uanjuann si guaw jurqiw ee dairjir?

J: byy cyr! si guaw jurqiw ee su/ mrqyxx jitt xee jurqiw, m si jixu liw jurqiw jit xee langg, si nng langg hab'id au ee jurqiw/ m si dansunn jixsirr guaw jurqiw ee dairjir. Jex juanzenn si sinue iwsiong/ iwbi diyc uirr qriuu ciauuat ee sxen, hisingx jit xee langg knuar e diyc ee sidtew/ jex si hun'inx derr zi qaidnua, sianghongx diyh'air jin' u gersut laii texzin jit diamw/ guaw soxui lenrqimsut qaidnua ee hun'inx/ nng langg qiongrdongg texhue inx qisit si ittew ee qinggiam. Zuqyw nng langg jitt sii iuguann uac dirr derr id qaidnua ee jongrtair, jitt xee vaxvah dyrr e air diyc jit xee kacc siauwlenn ee luxjuw, lingrgua qethunx/ maxmah virr vig dandok lauu lyc laii, binrduir kangsiu/ hikangx ee simx, rair qodnuax ixx jurqiw ee hongsid anvaii jit xee langg ee sing'uac.

B: hex si lanw byy liauxqaiw hun'inx u nng xee qaidnua.

J: si lanw byy duiww hun'inx iuxsow singlok.

B: lanw zinruii ixqingx jyr liauw singlok --- singlok liauw jit xee kacc hyw/ iacc si kacc baiw ee birlaii.

J: hex si gisid ee ciuwpnir.

B: gisid ixqingx sitkir uilik. Quewkir erdangr tuandat luerjai sewqair jinsiong ee gisid, henrjai jixsirr hingsid ziiw! Marr ersaih iong jitt jiongw jinghingg laii qaisueh siarhue ee gisid/ qywzinn ee hun'inx/ jongqaur gisid.

J: jitmaw iauxx u zuarr je langg dirr qethunx jingg, bad did diyc jingsinn-siong ee jixdy? Qra inx qongw hun'inx ee iwgi neh? Kyxiw dirr huatqnuax binrjingg jap hunjingx uansingg qongjingr! Inwdo qethunx gisid si lensuar snax zit, sinniuu/ sinlongg rair suisii siyduer.

B: liw si qongw hun'inx vutjixsirr siarhue anvaii, marr si jit jiongw jingsinn janbin ee hagsip.

DNAXX SI JIT XEE BYY GISID EE SIARHUE

J: juxiaur si jingsinbin ee hagsip. Siarhue qaix jo qywzinn kir iwsig hun'inx jitt xee janbin/ rair teqiongx hro qywzinn jitt hxang hogbu. Vutqaix si qywzinn laii puewhap siarhue/ narr si, suacc hro jitt xee siarhue jniajyr jit xee qnuaiwbut, marr si uihiap bogjingg sewqair unxding ee insor.

B: zuqyw siarhue byy qycc iongxiuw dua qamxdongrlat ee sinue, e jnuaxngiu venwhuar?

J: cniurr lanw jitmaw ee jinghongw. Zuqyw beh liauxqaiw sniaw hyrjyr byy gisid ee siarhue, jixiaur knuar NewYork Sivyr dyrr hyw ar.

B: dirr NewYork Sivyr liw knuar diyc sniaw?

J: dagg zit huatsingx ee sinbunn, vauquad siauwlenn :ee soxx jyrsingg ee pywhairsingr/ vogligsingr hing'uii, inx m jaix dirr jit xee bunbingg siarhue rair anxjnuaw jiacc sikhap.

B: siauwlenlangg jiyh diyc gisid jniajyr vorlok ee singguann/ siarhue jit hunrjuw, jitmaw ee siarhue byy huathuix jitt hxang qonglingg. Soxu ee zidongg diyh'air zirdo cutsir, hagsip zuhyy dirr henrdai siarhue, lixsingr quer donglenn sing'uac. Guaw sniu diyc Siniog Kolindy I u jit dnxua “ginxaw sii, guaw qongxue cniurr ginxaw/ qamxjingg cniurr ginxaw, jitmaw guaw ixqingx duarhanr, guaw qra ginxaw singwde longxx danwdiau ar.”

J: dyrr si anne, jex si singlenn gisid ee diongriauwsingr. Guansiw siarhue ee singlenlew vauquad qongwdng cuiwkiw/ hongrhenr jewpinw/ quah vauqingx, qokk sid qokk ngiu ee denxlew/ rair dirr singlenn jingg uansingg. Incuw liw kyxiw tuad driau ginxaw ee kag, venwsingg jit xee uanjuann byy qang ee duarlangg.

Dng' guaw sewhanr sii, dag'ee ginxaw longxx cing qaur katau'ux ee dexkor, narr ngua cing dngkor sii, hex si jit xee uixdai ee sikig, in'ui beh venr duarlangg ar. Jitmaw ee ginxaw byy qycc duw diyc jitt jiongw quewdingg, simrjiww guaw knuar diyc go huer ginxaw cing dngkor jauw laii jongg kir. Byy qingquer jiaxee, inx zuhyy jaix jurqiw ixqingx duarhanr, berdangr u ginxaw ee hing'uii?

KIR DYHH CUE SINUE?

B: ixx jitmaw dirr NewYork cirlai 125 qrex/ Broadway hurqin duarhanr ee javox ginxaw jyr le, inx beh kir dyhh cue sinue?

J: inx jixu jurqiw congwjy/ inx huatbingg liauw viacbin uerdoo ee iulaii. Jiaxee cingsiauwlenn josingg jurqiw ee vangpair, congwjy jurqiw zip hue gisid/ dyrdig viaujunw, inx jin soxu ee lat congwjy jurqiw ee sinue. Anne jyr si huihiamw :ee, in'ui inx jurqiw ee huatlut ham' siarhue :ee byy qang, inx marr virr vaitig dirr siarhue-gua.

B: Rollo May (Bixqog simlixhagqax) jixcud, dnaxx Bixqog siarhue voglik siwqer itdit decc huatsingx, guan'inx si erdangr jo cinglenn lamluw ham' jitt xee sewqair sanxsingx lenhe ee uixdai sinue ixqingx byy junjai ar, marr byy sinue jo inx kir liauxqaiw dirr sewqair viauxsiong ji' gua ee sewqair.

J: byy m driyc! Jyrsingg Bixqog siarhue voglik ee lingrgua jit xee guan'inx si kiamr siarhue quihuan.

B: cniaw qaixsueh.

J: ixx Bixqoksid kaqiuu jyr le, quijig jin' giamqeh/ hogjap. Narr dirr England, e huathen hiax ee qnanaxqiuu ee quijig vingrr byy giamm. Zi-jap nidai guaw si hagsingx sii, qang hrau ee nng xui dongyc si Bixqoksid kaqiuu vixsair sii, jin' gauu tad qiuu jinwqongx ee jit duir dauwtauu/ cutgiap au, inx nng langg dy' tec diyc jiangxhagqimx kir England liuhak, qycc qazip Ingqoksid qanaxqiudui, u jit zit inx sniu beh qra hiongr jingg qrongx ee sngxhuad siaurqair hro Ingqoklangg, “gunw/(guanw) byy jiamduir jitt jiongw sngxhuad ee quijig, cniaw mair anne jyr, guanw byy anne sngw.” duiwhongx anne rinr.

Dirr jit xee drat qaur itdiwsingr ee bunhuar-diongx, junjai diyc sing'uac dirr hitt soxjai ee langg soxx qiongrdongg jiapsiu ee byy singbunn quiding, jex dyrr si siarhue quihuan/ jit jiongw hongqeh/ jit jiongw “gunw byy anne jyr” ee qiongrdongg lixqaiw.

HENRDAI SIARHUE QAIXTEW LIAUW SINUE SEWQAIR

B: jit jiongw sinue?

J: liw ersaih qongw, si byy bingbunn dingrgi ee sinue, dyx-aw si anne iong/ anne ham' langg ongxlaii ... dringw, jiaxee byy siaw .lyc .laii. Bixqoklangg laijurr byy qang bunhuar vuerqingw, juanvo jywhuew dirr jitt xee soxjai, jitt xee guan'inx, huatlut dirr jitt xee qokqax venwjniaa huisiongg diongriaur. Ludsux/ huatlut si jurjip Bixqog qokbinn ee iauwsor, mrqyxx Bixqog byy siarhue quihuan. Liw qamxx u bingvik guaw ee iwsur?

B: guaw liauxqaiw. Jex dyrr si uirsniaxmic jit-vah lak-jap nii jingg De Tocqueville (1805-1859, Huatqog jingwdirqax/ jokqax) laii qaur Bixqog sii, hing'iongg ix jurqiw huathen “hunwluan/ byy jingwhuw jongrtair”.

J: henrdai siarhue qra sinue sewqair qaixtew. In'ui jitt xee guan'inx, guaw qar quer ee hagsingx dy' jin' qac'ir sinue/ sinue hro inx sinwsid. Guaw m jaix sinue hro jitmaw siauwlenlangg sniaw sinwsid, guaw jaix sinue hro guaw sniaw, marr erdangr kakding sinue dirr siauwlenlangg srinx-siong huatsingx jok'iong. Bylun guaw kir dycc jit qingx duarhak qangxenw, laii tniax :ee keh qaxx buanw ~ ~/ tongsiongg haghau e anvaii jit qingx viw sidjer su'iaur kacc ser qingx ee jyr enxqangw dniusow, hex si inx m jaix sinue e hro tniax ee hagsingx jyrsingg zuarr dua ee iydang.

B: liw zinruii siauwlenn hagsingx ui' liw jiax soxx tniax .diyc ee sinue qowsu, dauwdew dirr inx srinx-siong huatsingx liauw sniaw jok'iong?

QUANHE SNIWMIA DIWHUI EE QOWSU

J: sinue si quanhe snewmia diwhui ee qowsu, si jniawqangw :ee/ qycc si dirr lanw haghau hagsip be diyc :ee/ haghau qandna' qar kyqix/ kipsiux juliau ziiw. Qauwdy hagsingx zuhyy dirr hagsip ee hangrbok cue cud snewmia ee qewdat, si laursux ee qangjog, mrqyxx haghau laursux duiww jex jongw u jit qrow qiquair ee dexjewlat. Dnaxx lanw ee kyhak qauwiok --- vauquad kyxqow zinluirhak/ gixgenn/ jongqaur genxqiur ... dringw --- longxx kinghiongr hunwlen juanqax --- rair huisiongg dyjailingg jiacc e jniajyr kuriuw qingrjinglik ee juanqax, incuw qyckacc qionghuar haghau hunwlen juanqax ee kinghiongr. Ixx genxqiur Vudhak laii qongw, diyh'air bad soxu Aujiux gixgenn, tyxlun Danghongx dethak ee lunrjog longxx si iong Aujiux gixgenn siaw :ee, iuqii si Huatbunn/ Dikbunn/ Ingbunn/ Iwdairlirbunn, dongsii marr rair bad Sanskrit (vudzi)/ Diongbunn/ Zidbunn/ Tibetan qapp qitnax je jiongw gixgenn. Jex si jit hxang vutkyxsugi ee dua qangdingg, erdangr u jitt jiongw singjiu ee juanqax byy kyxlingg e kir genxqiur Iroquois (Vagbiw Indiann vorlok)/ Algonquin (Canada dangvag ixlamm qaur North Carolina/ Rocky snuameh) jiqanx, u sniaw byy qang.

Dongsii juanqax kinghiongr qra bunrdee jewhan dirr inx quansimx ee huanruii-lai. Jixu cniurr guaw jitt jiongw tongjaii jiacc e hiongr byy qang ee juanqax hagsip, knaur diyc juanqax knuar be diyc ee soxjai, in'ui bunrdee be virr hanrjer dirr qowding ee huanruii-lai, dongsii e kanlenn diyc jerje juanqax lingxhik. Beh sunrsuar suatbingg jit xe, dirr hagsudkoaw. qongw jit xee langg si tongjaii, si sngxhai hitt xee langg miasniax :ee/ in'ui tongjaii m si juanqax, jiacc e cimzip dirr vunxjid-siong vixqaur kacc u zinsingr ee bunrdee.

B: qiwjiaw in'ui jitbu quanhe, marr rair qaixsueh jurqiw byy liauxqaiw ee dairjir.

J: hex vutjixsirr jitgiap ee digkuann ziiw, qyckacc si girbu --- qiwjiaw u girbu dirr dairjiongr binrjingg qauwiok jurqiw. E qir .did siauwlenn sii, tniax quer Henry Zimmer ee qangxenw. Jiurr guaw soxx jaix, ix si dairsingx tecud sinue qamm u duiww snewmia u loriong sinwsid ee quandiamw/ zinruii sinue vutjixsirr hagjiaw tec laii juanxjiac, cuwbirsingr/ tauwquer ix ee quandiamw, jinr jit vo kakzin jurqiw dirr donglenn duiww sinue sanxsingx ee qamxqag.

B: liw qamxx e qir .did derr id vaiw oaw cud sinue ee qamxqag? Sinue dirr liw luersimx uahtiaur .kiw .laii ee jinghongw?

CONGWJY/ SIXBONGG/ QYCC UAC/ SRINGX TENX

J: guaw si dirr Tenjuxqaur qadingg duarhanr :ee/ siongrr dua ee hyxcur si, verbuw e qar liw diyhh iong jin' giamsiog taiwdo binrduir sinue, hro liw ee sinue dirr liw ee sing'uac-diongx unrjog .kiw .laii/ diyhh qinqir sinue ee jixir laii sing'uac. Guaw singdiongw ee kuanqingw vutduan ham' jongqaur huatsingx quiwjetsingr quanlenn. Hex si Iasox qangwlimm sewqair/ dirr jitt sewqair qauwdy jiongwzinn sixbongg/ qycuac/ dngw kir qaur tendongg ee sunkuann. Siqanx venwngua ee ingxuanw hudsimx, tauwquer jit nii ui' tauu qaur buew qokk jiongw Tenjuxqaur gisid, hro liw qir diauu ~. mrqyxx guanjue/ hitt jiongw guanlaii u ee vinghyy byy .kir ar.

Qycc laii si guaw duiww Inidans sanxsingx jin' dua ee hingwtauu, guan'inx si Juixguu Bill ciangjai dirr NewYork Medison huehngg qongxdniuu, viauxenw hex sevo hong'iaw ee sinqii/ hro guaw sniu beh liauxqaiw Indians/ verbuw marr jinrlik cue iuxquanx ee juliau, dongsii uirr ginxaw siaw Indians qowsu hro guaw knuar/ kaisiw tak Bixjiux Indians ee sinue, guaw huathen jiaxee sinue/ laijurr Tenjuxqaur siuluw qar guaw :ee, si qangrkuanw ee dongrqix.

B: congwjy ---

J: --- congrjy/ sixbongg/ qycc uac/ sringx tenx/ jairsikluw snex qniaw --- dongsii guaw m jaix hex si sniaw, kiokk zinrbad jit xee jriab jit xee ee zirqur.

B: suar lyc laii neh?

J: guaw jin' tiongr ar, ui' hitt sii kiw, guaw iwsinn vixqaur sinuerhak.

B: liw si m si kaisiw huaigii “uirsniaxmic inx anne qongw, singwqingx qycc lingrgua jit jiongw qongxhuad?

J: byy, je nii au, guaw jiacc kaisiw vixqauwsingr ee hunsig.

B: sniaxngiu ee Indians qowsu inxkiw liw qiongrbingg?

J: guaw sewhanr sii, liutuann Bixqog Indians ee tuansuad/ inx iuguann e dirr liw siwjiuuii cuthen. Suibongw jiapciog quer sewqair byy qang derkux ee qokk jiongw tuanqii, qaur dnaxx guaw iuguann zinruii Indians ee qowsu honghur/ huatdenw qaxx jin' uanjingw.

Sewhanr gunw daux dirr ciurnaa-lai u jit xee dorqar soxjai, hiax bad druar .quer

Delaware Indians, Iroquois marr ciangjai jinwqongx siy' taii. Hiax u jit xee pongr cud laii jiyhgiamm qxer, gunw bad dirr hiax ow cud jit quaw Indians ee jniwtauu ... dringw, javox ginxaw u cuwbi ee mic. Indians qowsu soxx biysut ee dongrbut, marr e cuthen dirr hitt xee ciurnaa-lai/ inxdy guaw jinwzip Indians sinue sewqair ee soxjai.

B: hiaxee qowsu qamxx ham' liw Tenjuxqaur sinwgiongw byy huatsingx ciongtut?

J: hitt sii byy, byy sanxsingx ciongtut, si aurlaii jiapciog diyc kyhak genqiur honghuad ... dringw. Byy zuarr quw au, duiww Inrdorqaur jin' u cuwbi/ huathen ham' Indians luirsu ee sinue qowsu. Genxqiuwsow sii genxqiur ee juxdee si diongsewqiw Arthur Ongg ee sowjaii, qycc ham' Indians luirsu/ longxx si qangrkuanw ee qowsu, guaw jidsiwlangg dy' ham' inx qauvuee.

B: jiaxee qowsu laijurr qokk byy qang bunrhuar, qongw qang jit xee ingxuanw snewmia juxdee.

J: juxdee si ingxuanw :ee, qowsu duer diyc byy qang bunhuar venwdiau.

B: qowsu kyxlingg caixiong qangrkuanw/ poxpenr ee juxdee, ingwiong sii qinqir byy qang binjogsingr cuiciauu?

J: oor! Byy m driyc! Zuqyw duiww luirsu ee juxdee byy juwir, kyxlingg e hro liw zinruii inx si uanjuann byy qang ee qowsu, sidjer si luirsu :ee.

B: liw dirr Salah Lawrence College qar sinuerhak snax-jap-veh dxangx, hagsingx laijurr diongsanw qaiqib, kuriuw jniawtongw jongqaur vuerqingw ee siauwlenn luxsingr, liw zuhyy hro inx duiww sinue u cuwbi?

SINUE QAUWDY LANW ZINRBAD JURQIW SING'UAC

J: jiaxee siauwlenn :ee dyrr si erdangr kipsiux jiaxee mic. Sinue qra lanw qongw, bunhak/ gersut vuerau ee mic, qauwdy lanw zinrbad jurqiw ee sing'uac, si jit xee uixdai/ suxx langg hnuahiw/ honghur zinlui snewmia ee juxdee, ham' lanw snewmia-diongx qokk qaidnua u jin' bidced quanhe, ui' zidongg jinwzip singlenn, ui' dansinx venwsingg qethunx jongrtair ee kexbongg gisid. Soxu jiaxee sing'uac-siong ee hing'uii longxx si sinue gisid, duiww jurqiw itsingx soxx rair vnuaenw qokk jiongw qaksig ee zinrdongg, u jin' dua quanhe. Marr si hro liw danwdiau qu jurqiw, ixx juann sinx ee qywtew, enxcud jit xee u jikzim sinx qaksig ee ligdingg.

Huatqnuax qniaa zip huatdingg, muixx jit xee langg dy' e jurdong kia kiw laii/ vingrr m si hiongr huatqnuax qywzinn diwqingr, si hiongr ix srinx-siong cing ee hitt niaw huatpauu, ix soxx vnuaenw jitt xee qaksig diwqingr. Uirsniaxmic ix erdangr cing jitt niaw huatpauu neh? Hex si ix dairviauw jitt xee qaksig vuerau soxx kurvi ee iwgi. Ix si singsit :ee, m si ix qywzinn ee jit vorhun penqenr. Soxiw liw kia kiw laii diwqingr :ee, si jit xee sinue ee qaksig.

Guaw kyxiw siongxsiong mow quaw hongder/ honghiy itding si liw soxx duw quer siongrr gugong/ qiquair/ vinghuann ee langg, inx kyxlingg qandna' duiww bew/ luxsingr u cuwbi, mrqyxx liw byy su'iaur duiww inx qywzinn ee zinqeh huanxingr, liw si duiww inx soxx vnuaenw ee sinue qaksig huanxingr. Mow langg jniajyr jit xui huatqnuax/ iacc si Bixqog jongxtongw au, ix dyrr byy qycc si jurqiw, ix si dairviauw hitt qingx itdit junjai ee vanrqongsig/ diyh'air hisingx qywzinn ee iogbang/ simrjiww hisingx snewmia laii iho soxx vnuaenw ee qaksig.

B: anne qongw .laii, sinue gisid si dirr lanw siarhue huatsingx jok'iong ee. Qethunx denxlew si jit jiongw, jongxtongw/ huatqnuax jiurjid denxlew si lingrgua jit jiongw, qitnax iauxx u sniaw gisid dirr lanw jitmaw siarhue-diongx si diongriaur neh?

J: qazip qundui/ cing qunhok si lingrgua jit jiongw. Liw hongwkir qywzinn sing'uac jiapsiu iu' siarhue quatding ee sing'uac hongsid, jex si hogbu siarhue ee hing'uii, liw si qidiongx jit hunjuw. Dyrr si in'ui anne, guaw zinruii qinqir binhuad laii caiduanr langg dirr jenwjingx-diongx ee viauxhen si vipiw ee, inx m si ixx qywzinn sinhun decc hingdong/ inx qandna' si jit xee muiqair, dairviauw inx dingxbin mow xee mic/ mow jit xee inx suanser haurdiongx ee mic. Qra qunzinn dongwjyr qywtew/ lyc pingduanr si uanjuann byy sikhap :ee.

B: liw knuar diyc vehlangg bunbingg cimhuan guansiw siarhue, hro inx venr qaxx vut'anx/ sir-hxun-go-lec/ vangvai-lisnuar/ venwjniaa vnertair. Dirr sinue jiamrr siausid au, qangrkuanw ee dairjir qamxx m si marr e huatsingx dirr jitmaw ee vehlangg siarhue?

J: juadduir ixqingx huatsingx ar.

B: jex qamxx si vyxsiuxpair jongqaur jojid itdit hoiok rair dngw kir qu siarhue sinwgiongw ee guan'inx?

J: byy cyr! Mrqyxx inx huan diyc jit xee giamdiong ee cywgno, inx sniu beh dngw kir jit xee tewhuar/ byy hxuad sikhap jitmaw siarhue su'iaur :ee.

B: hex bad teqiongx zinlui ee su'iaur.

J: ixjingg si u jitt jiongw qonglingg.

QUEWKIR EE BIXDIG SI JITMAW EE JUEROG

B: guaw liauxqaiw vyxsiuxpair ee qitai. Siauwlenn sii, tnidingw u sriok guaw ee cnxex, inx ingxuanw dirr hiax anuir guaw/ teqiongx jit xee sigsai ee sewqair, hro guaw siongsinr jit xee jusiongg/ hyair/ jniawdit ee tnive, dirr tnidingw suisii knuawqor guaw/ junxvi jiaplap guaw/ jaix guaw ee su'iaur. Saul Bellow qongw, kyhak si qra jiaxee sinwgiongw juanbin cingduu. Mrqycc jiaxee sinwgiongw teqiongx liauw qewdat/ jitmaw guaw jniajyr jitt ngiu, si jiaxee sinwgiongw jyrsingg ee. Guaw huaigii lanw xe jit dai jnuaxngiu vran? Dirr tnix hitt vingg, byy inx qowding giaa tauu knuar ee cnxex, byy sigsai ee sewqair, byy sinue.

J: cniurr guaw qongw ee, jixiaur knuar vywjuaw, dyrr jaix jitt xee siarhue luan jyr jit uann. Dirr jitt xee siarhue qetqor-diongx, sinue teqiongx snewmia ee denxhuan/ rair sikhap sing'uac ee sidai vuerqingw jiacc ersaih tihh/ lanw ee sidai venr qaxx sniu' qinw, go-jap dxangx jingg ee mic, jitmaw ixqingx byy hac ar. Quewkir ee bixdig si jitmaw ee juerog/ quewkir virr zinruii si siaa :ee, suacc jniajyr henrjai sing'uahpinw. Dyrdig sunrsi diyh'air puewhap henrsit sing'uac su'iaur jiacc ersaih/ hex su'iaur jyr :ee kiokk byy jyr qaur.

Qu siarhue ee jongqaur sriok lingrgua jit xee nidai/ jit qrunn langg/ jit tyr zinlui qewdat/ jit xee sewqair. Dngw kir quewkir, si jiong' jurqiw danr .zip .kir qangrkuanw ee ligsuw lunhuee-diongx. Lanw xe jit dai duiww jongqaur sitkir sinwsimx, qniaa zip inx jurqiw luersimx sewqair.

B: ciangjai si jiyh iyhbut ee hiabjo jiacc jyr e qaur?

J: bogjingg siarhue-siong junjai :ee, dyrr si jitt jiongw qihaisingr qamxingr ee sinvir qinggiam. Guaw camqax .quer quixarr xee simlixhak nihue, juxdee dy' si tamwtyw sinvir qinggiam/ simliw hunlec jiqanx ee byy qang. Cavet dirr simlixhunledjiaw si dirr itpenr iydang ee sinvir qinggiam duarhaiw-diongx pu'dimm. Srinx jairr jitt jiongw kuanqingw diyh'air singx u simliw junxvi jiacc ersaih tihh.

BEHUNIYC BUNHUAR

B: liw qongw :ee, si behun'iyc bunhuar, si Inidans dirr sitkir Juixguu qapp jaxqii sing'uac hongsid au, jiamrr huatdenw cud laii, qycc venwsingg juxliuu.

J: byy cyr! Quancad guansiw binjok/ henrdai siarhue ee quanhe, bogjingg ee jinghingg si ligsuw-siong siongrr camw ee. Guansiw binjok byy virr dongwjyr langg, Bixqog jingwhuw tongxqer daupiyr zinkauw sii, simrjiww byy qra vauquad jairr lai. Ligsuw-siong jixu dirr Bixqog doglip qikbing au jit dnxua jin' dew siqanx, bad u quiw xui cutsig ee Inidans cam'uw Bixqog jingwhuw/ sing'uac hongsid. Washington jongxtongw bad qongw .quer, ingwqaix qra Inidans uerzip Bixqog bunhuar singguann-lai/ inx dendyww jniajyr ligsuw hunziah. Jap-qauw sewqiw sii, danglamvo ee Inidans juann virr jrngx zip bew-tuax (?) ee huewciax, dirr buxjongx qundui qaiwvi-ha, tuax kir dongsii qongxx si Inidans lingxtow ee soxjai/ vunxlaii inx dirr jitt xee derkux si u ingxqiuw soxiuxkuann/ quiw nii au, juanvo virr duat.

Juewqin, kyxqow zinluirhagqax genxqiur jit qrunn druar dirr Mexcio sevag ee Inidans, huathen inx druar ee soxjai ham' iaxsingx senzincauw juxiaur singdiongxkux, qandna' li quiw ingliw/ inx qra senzincauw knuawjyr dongrbut --- ham' lok-aw lensiongw jywhuew/ qycc zinruii jurqiw dnax diyc digvet zimrbu, rair siwqer cue senzincauw dngw .laii.

Jex si jit xee sinvir ee lixdingg, kurvi denxhingg sinvir ee itcer digjid. Dairsingx, cam'uw ee langg rair dngrjuat sewsiok sing'uac/ muixx jit xee cam'uw uanxjingx :ee, diyh'air dirr dairjiongr binrjingg, tanxvec singzin jurqiw juewqin dirr sing'uac-siong soxx huan juanvo cywgo/ zuqyw byy anne jyr, molik dyrr be jok'iong/ jiacc denxkuix luxdingg. Dirr quewdingg-diongx inx simrjiww iong digvet ee hiyxdingrsid gixgenn qaudamm/ kyxviw qongxx “m si” ee iwsur, iong “si” viauxsi, “lanw beh laii likuix ar”, rair qongw “lanw laii ar”. Inidans inx sing'uac dirr lingrgua jit xee sewqair.

Qycc laii, inx laii qaur tamwhiamw ee zibkauw, cuxau, jit lo u qokk jiongw byy qang ee sinbingkamx/ dairviauw byy qang qaidnua ee simliw juanxhuar/ siongrbuew si caixjip senzincauw jit hxang dua qangdingg: taux ~ aw qniaa hiongr senzincauw, sria cud jit qix iur ~ ee jnxir, virr dongwjyr lok-aw taii driau, zenau, vnuaenw caixjip ee gisid.

Jex jingxqyy quewdingg si henwcud, moxjiongw luersimx uanjingw qinggiam, huatsingx dirr likuix guarjai sewqair, jinwzip simlingg lingxhik/ Inidans qar ligdingg muixx jit qaidnua knuawjyr simlingg juanxhuar. Ui' tauu qaur buew inx dy' srinx dirr jit xee sinsingr ee dniusow.

B: uirsniaxmic Inidans beh iong jiacc hogjap ee quewdingg, laii cuxliw caixjip senzincauw?

J: inx zinruii senzincauw m na kuriuw singbut/ qihaii/ huawhak ... dringw digsingr ee guarviauw, qycc vauhamm juanxhuar simlingg ee qonglingg. Zuqyw liw duiww jurqiw simlingg juanxhuar uanjuann byy simliw junxvi, dyrr byy hxuad nriuu jitt xee venwhuar dirr liw srinx-siong sanxsingx sniaw qetqyw. Liw jiong' beh qinglik jit xee kyxpnar luxhingg, dyrr cniurr jiac liauw LSD behun'iyc/ liw narr jaix jiongdiamw dirr dyhh, dyrr be qamxqag hingdingg kiongxvor.

B: jex si uirsniaxmic vuac lyc juiw ee langg, e dongsii qinglik simliw guiqix, in'ui ---

J: --- liw diyh'air yc erhiauw siuu juiw jiacc tiaur zip juiw-lai, durjuiw :ee kiokk byy simliw junxvi. Qangrkuanw ee jinghongw marr ersaih iong dirr jingsinn sing'uac. Iwsig jongrtair ee juanxhuar si jin' qnialangg ee qinggiam.

B: liw itdit qongw diyc iwsig jongrtair.

J: si ar!

B: soxui iwsig jongrtair, jinjniar iwsur si sniaw?

SNEWMIARLAT JUNJAI EE SOXJAI

J: Descartes-sid ee sukyw bosid zinruii, iwsig jongrtair ham' langg ee nauw u digvet quanlenn, jex si cywgno :ee. Zinlui nauw si jit xee kiwquanx/ jiong' lanw ee iwsig jongrtair, tuisag hiongr jit xee digding ee honghiongr, iacc si sag hiongr digding bogdig. Mrqyxx lanw sintew-lai marr junjai jit xee jurqiw ee iwsig jongrtair. Jex jingxqyy singbut sewqair si iu' sintew iwsig jongrtair tuann sinwsid ee.

Guaw jongw qamxqag iwsig jongrtair/ lingliong, sidjer-siong si qang jit huesu. Liw qamxqag u snewmia lingliong junjai ee soxjai, dyrr u iwsig jongrtair ee junjai. Cauxbok (sidbut) sewqair dongzenn si u iwsig :ee/ zuqyw liw sing'uac dirr ciurnaa-lai, dyrr cniurr guaw haidongg sidai, e qamxqag diyc byy qang ee iwsig jongrtair, sidbut/ dongrbut qokk u inx jurqiw ee iwsig jongrtair, zinlui hunhiongw jitt nng jiongw byy qang ee surbut. Lanw jiac digding jiahmic au, dnaxjiab dyrr jaix zuhyy hunqaiw jiaxee jiac lyc kir ee mihjiac. Jex jingxqyy quewdingg si u iwsig ee/ sniu beh iong qanxdanx ee qisudsingr miasuu qaixsueh si be tongx ee.

B: lanw zuhyy juanxhuar jurqiw ee iwsig jongrtair?

J: kansiap diyc liw sniu beh anxjnuaw kir sniu. Jingrje (jingrjy)/ bingngiu dyrr huatsingx qonghau ar. Jingxqyy snewmia vunxsinx dyrr si jit dniuu bingngiu/ dairvorhun quewdingg si hui'iwjiwsingr ee. Duardysowlangg iong ciauquer vnuawsiwlangg ee siqanx sukyw zuhyy tanr jnii/ kaix jnii. Zuqyw liw beh cnia'iongw jit xee qadingg, soxx quansimx ee si jitt xee qadingg beh zuhyy, jex dongzenn si jin' diongriaur :ee, kiokk ham' budjid jongrhongw iuxquanx. Zuqyw liw vunxsinx byy jingsinn sing'uac, liw si beh anxjnuaw dirr simlingg ee iwsig jongrtair janbin ham' xe jit dai qautongx? zuhyy did diyc jingsinn sing'uac? Sinue ee qonglingg si jiong' lanw cua zip simlingg janbin ee iwsig jongrtair.

Cinwcaiw qongw jit xee le, guaw ui' Manhattan derr 5 duardy ham' derr 55 qrex ee qaucekauw cuthuad, hiongr lamm qniaa quer quiw diauu qrex, qaur Rockefeller diongsimx duiwbin ee St.Nolatrexed dua qauwdngg, jiuuii muixx jit hxang mic longxx decc qongw jingsinn ee ywvir/ sibzirqer dairviauw sniaw? Gnoxcaiw vylee-txangx duar laii lingrgua jit jiongw sinvir kiwhunx. Guaw ee iwsig jongrtair virr jingxqyy tequann qaur lingrgua jit xee jancur, guaw jitmaw si ham' vingsii byy qang ee janbin-siong. Dng' guaw qniaa .cud .alii, jaiww dxo dngw laii qaur naurzet janbin.

Gauw qamxx erdangr itdit tingliuu dirr qauwdngg ee iwsig jongrtair? Mow quaw digding ee qidyw/ jingrjy, si iong laii hiabjo, jiong' iwsig jongrtair tingliuu dirr jingsinn jancur. Juewau liw texzin .diyc, henrsit sewqair sunzenn si qydo iwsig jongrtair ee jit xee kacc qe jancur. Dirr St.Nolatrexed qauwdngg-lai denxhen ee sinvir, marr qangrkuanw e dirr liw budjid sewqair huatsingx. Soxu qimjnii si jurhap ee lingliong, guaw sniu jex si zuhyy qaixvenr liw iwsig jongrtair ee snuawsyh.

B: dng' liw sukyw jiaxee sinue qowsu sii, liw qamxx be qamxqag jurqiw si dimbee dirr vadd langg ee bang-diongx?

J: guaw byy kir tniax vadd langg ee bang.

B: mrqycc soxu sinue si qitnalangg ee bang.

SINUE QAR GUAW DIRR GUIQIX SII JYWCUD SIKHAP HUANXINGR

J: oor! M si, inx m si, inx si jitt xee sewqair ee bang/ si bang ee guanhingg/ qycc ham' zinlui diongrdua bunrdee iuxquanx. Dagg vaiw guaw binrduir zinsingx mow quaw quanqenr sikig, dy' erdangr jin' cingcyw iwsig .diyc, sinue ixqingx qra guaw qongw/ jixinw guaw duiww mow quaw guiqix jyr cud huanxingr/ vauquad sitjir/ zukuair/ sitbang/ sitvai/ singqongx ..., sinue hro guaw cingcyw jaix guaw si dirr zinsingx ee dycc jit xee qaidnua.

B: zuqyw jit xee langg jniajyr jit xee tuanqii, ix e huatsingx sniaw venwhuar? Pixzuu qongw, liw zinruii John Wayne qamxx jniajyr jit xee sinue?

J: dng' jit xee langg venwsingg qitnalangg sing'uac ee inghiongg, dyrr jinrzip sinue ee lingxhik.

B: jitt jiongw jinghingg ciangjai huatsingx dirr enxguann srinx-siong, dirr denrngiaw lanw erdangr cue diyc jerje jurqiw ee inghiongg.

J: guaw e qir .did sewhanr sii, Douglas Fairbanks si guaw ee inghiongg, Adolphe Menjou si a'hniax :ee, dongzenn enxguann vnuaenw diyc sinue qaksig, inx si lanw zinrbad snewmia ee qauwiogqax.

B: Shane siongrr kip'inw guaw! Liw qamxx u knuar quer “Shane” ?

J: byy.

B: jex si jit vxo qingdenw jokpinw, qowsu si jit xee ui' guarcneqiuu laii qaur zinlui sewqair ee cnehunrlangg, jo langg jyr quer hyw dai au, dyrr likuix, byy lauu lyc laii danw langg vywdab. Uirsniaxmic denrngiaw duiww lanw ee ingxhiongw jiacc cimx?

J: denrngiaw u jit jiongw sinqii ee molik. Qiogjingg dongsii junjai dirr jitt xee sewqair, hex si jit jiongw luirsu sinbingg junjai ee jongrhongw. Zuqyw jit xee enxguann qniaa zip hiwhngg, dag'ee bagjiux itding jibdiongx dirr ix srinx-siong. Jitt sii, ix si jinjniar ee inghiongg/ ix vingrr m si jinjniar junjai dirr jitt xee sewqair/ si ixx dyngiu jutair cuthen ee “sinn”.

Liw dirr vywjuaw knuar .diyc .ee, vingrr m si jitt xee enxguann vunxsinx, si denrngiaw sokjy cud ee “ix” kiokk cuthen dirr henrsit sing'uac-diongx/ tauwquer vnuaenw je dingg qaksig, dirr henrsit sing'uac virr sokjy jniajyr luirsu sinn ee qaksig.

B: denrngiaw sokjy ginbo inghiongg, denrsi qandna' e sokjy bingzinn/ qigqex si hongsniax iaugenn vutduan ee juxdee, byy hxuad jniajyr tnazinn ee bohuan.

J: jex si in'ui lanw dirr cur-lai knuar denrsi, m si kir jit xee digding ee biyrdngg/ cniurr hiwhngg ee soxjai, byy sanxsingx digvet ee kiwhunx.

B: guaw jahngx jiacc knuar diyc jit dniux Rambo ee siongwpnir. Rambo si jit xee Uatjenr inghiongg/ jenr au qycc dngw kir Uatlamm jinxqiur virr uac liac ee dongliauu, tauwquer voglik hongsid jiong' jaxjingg dongsu qiur dngw laii Bixqog. Jex si Beirut qongsix siongrr tanr jnii ee denrngiaw. Guaw knuar diyc jitt dniux siongwpnir, dingxbin si jit xee siongrr sinhingg ee Rambo angx-aw. Singsanw Cabbage vor angx-aw ee qongsix, jitmaw marr setqer/ singsanw Rambo angx-aw. Siongwpnir ee taujingg si jit xee qojuix/ dnibiw ee qylecair angx-aw, vuerau si janvok ee sewlik --- Rambo.

CIUW TEC JIT LUIW HUEX EE JABOW GINXAW

J: jex si nng xee sinue zinbut. Jitmaw cuthen dirr guaw simx-diongx ee ngiaxsiong si Picasso ee “Minotauromachy”/ jex si jit vxag vanxue/ dingxbin u jit jiah dua guqangw hiongr jingg ciongx, dethagqax jin' diyhqniax, vreh kiw kir lautuix sniu beh dyjauw/ dakgudniuu dyw jit jiah siw bew, vnix:a dyw jit xui luxdauwsu, ixqingx siw ar, dobin ui'id binrduir jit jiah kyxpnar ee dua guqangw, si jit xee sewhanr jabow ginxaw, ciuw tec jit luiw huex. Jitt vxag doo duxx hyw u liw qongw diyc ee nng jiongw zinbut --- dansunn/ tenjinx cniurr ginxaw hitt ngiu ee siongrdingx/ kiongxvor ee uihiap lat, liw erdangr dirr jiax knuar cud dongdai bunrdee.

B: sizinn Yeats (1865-1939) zinruii lanw si uac dirr Qidokkaur dua jiuqii ee juewau jit xee sunkuann. Ix ee six “zirdo qangwlimm” anne siaw

“vutduan sec dua ngiko'aw

pah ingjiauw :ee ham' vangr ringx :ee sitkir lenhe;

soxu dairjir longxx siwsnuar

in'ui dionghngx byy hxuad icii;

hunwluan byy jingwhuw jongrtair sir-hunx-go-lec

ihe zinlui ee huec'enn venr vyc ar

siwqer longxx qangrkuanw

byy qycc u siauwlenlangg ee singlenlew.”

Liw zinruii jiamrr cuhiongr luirsu “Iasox cutsir dirr Bethlehem” ee lingrgua jit xee bunbingg si sniaw?

J: guaw m jaix dangsii e laii, jiwjiyw be viw Yeats jaix kacc je, qu sidai qetsog/ sinx sidai kaisiw ee qaujiapdiamw, dy' si ciongbuanw dua tongwkow/ dongrluan ee siqii. Dnaxx lanw muixx jit xee langg dy' qamxqag uihiap, zircniaw muixx jit xee langg qamxqag jex si jit xee Armageddon(Singwqingx Siniog Kexsirlok 16:16, qongxx si sewqair buadzit sxen-og quatjenwdniuu ) beh laii ee sinwhy.

B: Oppenheimer (1904-1967, Bixqog hudlingg budlixhagqax) knuar diyc derr id liap guanjuxdnuaa vogjar sii qongw “ guaw ixqingx jniajyr sixsinn/ huixbet sewqair ee langg.” liw qamxx byy zinruii hex si tniderbuew?

J: Kyxlingg si jitt liap cneqiuu snewmia ee qetsog, m si jitt xee uxdiu ee buexzit. Jex jixsirr uxdiu qokk hingsingx, vutduan huatsingx jerje vogjar-diongx/ jit xee cunxvun ee hokjer/ jitt xee uxdiu si iu' jit dxuix vutduan vogjar ee guanjuw iongloo soxx josingg/ taiwiongg si qidiongx jit xee. Guanjuxdnuaa jixvutqyr si jitt jingxqyy dua qangdingg ee siyw ~ hongxjyrpinw.

B: liw qamxx erdangr siongxsiong guartaiwkongx qitnax guarcnex singbut, cniurr lanw anne jre dirr jiax, tyxlun cniurr sinue/ uixdai qowsu qangrkuanw u iwgi ee dairjir?

J: guaw byy hxuad siongxsiong. Zuqyw undo itdit icii byy venr, quann jitmaw ee go-jap dxo, snewmia dyrr byy hxuad junjai dirr derqiuu-siong ar, narr qongw itdit vyxcii qiamw jit-vah dxo, snewmia marr byy kyxlingg uac. Dng' liw iwsig diyc derqiuu-siong singtair ee vnevang si zuarr bibiau, juiw si zuarr diongriaur --- dng' liw sniu diyc jiaxee huatsingx dirr ngiuxci lanw snewmia dairjurzenn ee jaieh sii, dyrr be zinruii dirr uxdiu qitnax vorhun u cniurr zinlui snewmia junjai, suibongw sec dirr jiaxee cxnex decc unrjuanw ee uercnex je ~ ~.

BEDBYY EE QNIAHNIAA

B: zinlui nngxjniaw ee snewmia, jongxsi decc qniahniaa, dirr kyxlingg bedjingw ee giamqeh kyxgiam-ha uac lyc laii. Tauwquer sinue liauxqaiw diyc snewmia ee iwgi, lanw byy qycc qamxqag qylecair angx-aw/ siaog Rambo vaii jywhuew ee iwsiong, ho'ngg qamxqag byy itdir?

J: be, be byy dauwdah.

B: liw huathen u zimrhyy dairviauw qu uxdiu jinliw ee sinx piwlun, ui' henrdai muetew huatdenw cud laii?

J: guaw knuar diyc u kyxlingsingr, mrqyxx iauxx byy zinruii erdangr jniajyr sinue ee vixlun.

B: liw zinruii qra qikiwlangg lap zip sinx sewqair ee sinue, e si sniaxngiu ee sinue?

J: jurdongrhuar qikir ixqingx jniajyr sinue ee jit vorhun, marr ixqingx si bangrqingw ee jit vorhun. Huiqix ixqingx buanxjiog jerje zinlui ee siongxsiongrlik. Ixx huiqix ee vuex jyr le, dairviauw zinlui ui' derqiuu qaixhongr .cud .kir ee huanwsiongw/ jex ham' jiauw-aw soxx siongrdingx ee iwgi si qang ee. Jiauw si zinlui simlingg ui' toxde ee sokvak tauxvangr ee siongrdingx, cniurr juaa siongrdingx duiww toxde ee sokvak. Dnaxx si huiqix dairter jiauw ee qaksig.

B: qamxx qycc u qitnax?

DONGDAI SIARHUE SINX SINUE

J: buxkir si jit jiongw. Guaw ui' California/ Hawaii laii-huee huiqix-dingw soxx vangr ee denrngiaw-diongx, knuar diyc jongxsi u langg jah dexcingr/ hex si giac buxkir sixbongg ee sinn. Byy qang ee sinx sid buxkir dairter liauw jaxqii qu buxkir soxx vnuaenw ee qaksig, marr qandna' anne ziiw. Qu buxkir ee siongrdingsingr qonglingg vingrr byy siausid.

B: anne qongw .laii, sinx sinue iuguann erdangr tywzip lau qowsu. Guaw knuar Star War sii, sniu diyc suxdoo Vyxlyy qongw ee ue “ guaw ham' jurzenn huatjig/ ligliong siy' qunwqiong.” hex si nng-cingx gua nii jingg Singwqingx soxx qiwjair ee, dirr Jiyhkir Sidai jaxqii paclac binjok druar dirr dongrhet, marr kig u ham' jurzenn huatjig/ lat sna' vixlat ee qingxsiong. Dirr dongdai kyqix sinue, zinlui iuguann ham' jitt nng jiongw sewlat siy' vniar.

J: zinlui vutqaix sunrjiongg guarlaii kuanser/ ingwqaix kongwjer, zuhyy jyr qaur si bunrdee.

B: guaw mng quer siongrr sewhanr ee qniaw, uirjnuaxngiu lensuar knuar jap-zi ~ jap-snax vxenr ee Star War? Ix rinr qongw “cniurr liw vutduan tak Quriog qang.” ix knuar :ee si, dongdai siarhue ee sinx sinue.

J: dongzenn jiurr sinue quandiamw, Star War si u qewdat :ee. Jitt vxo denrngiaw iong jit daii qikir ee binrmau laii henxhen jit xee qokqax, qycc tecud bunrdee “jitt daii qikir qamxx e huixbet zinsingr? Puewhap zinsingr su'iaur?” zinsingr rair si laijurr simx, m si qikir cutsanw ee. Dirr guaw laii knuar, Star War soxx tuandat ee bunrdee ham' Goethe dirr <Fraust> soxx tecud ee bunrdee qang/ xmoo si jit xee banrlingg ee qihailangg, qiong'ingr zinlui qokk jiongw jaihur/ anne tuisag lyc kir, siongrr erdangr quatding sing'uac bogviaux :ee, ingwqaix si langg. Lingrgua jit bin, Fraust jitt xee qaksig kuriuw virr qiuwsiok ee digjid, sunqiuu sing'uac honghiongr, m si qikir soxx quatding ee. Star War ee Luke qongkaix henx kiw laii vaxvah ee binrdar/ siongrdingx henwcud laurve soxx vnuaenw ee siarhue qonglingg/ cing jewhok ee vaxvah, si kuan'uix/ qokqax ee qaksig.

B: qikir hiabjo lanw sidhen lixsiongw sewqair, ixx lanw zinruii qaix u ee ngiu laii henwhen?

J: byy cyr! Marr e u qikir cesaiw liw ee sii. Pixzuu, guaw brew jit daii denrnauw, in'ui guaw si sinue kuan'uix, knuar jitt daii qikir dyrr cniurr jit xui Quriog Singwqingx ee sinn/ jewding jerje quijig, jit diamw aw dyrr byy juvix.

B: u jit xee qowsu, quanhe Eisenhower jongxtongw ham' denrnauw ...

SIONGRDER QAMXX JUNJAI ?

J: --- Eisenhower qniaa zip jit qingx he buanw ~ denrnauw ee vangqingx. Ix mng jit daii denrnauw “siongrder qamxx junjai?” soxu ee denrnauw kix kix kok kok dinxdang .kiw .laii/ dingx qngx .kiw .laii, lenw-aw marr kaisiw dngw, quer jit xe quw, u jit xee sniax “jitmaw u ar!” jit xee qamxdang langg ee qowsu!

B: jit xee taubak qongw .quer, soxu surbut dy' si jyrbudjiaw ee huawsinx, jitt jiongw jingsinn denrnauw qamxx u kyxlingg denxhen cud laii? Zuqyw denrnauw m si jit xee digvet/ digkuann ee iwgua sanxbut, anne busow-vutjai ee siongrder marr junjai dirr ix soxx congwjy ee denrnauw-lai.

J: kaksit si anne, henxhen dirr denrnauw ingbo ee itcer, jinjniar si qijig. Denrnauw luervo qiuwqingr si jnuaxngiu jit huesu, liw qamxx byy sniu beh tamwqiur?

B: guaw byy sniu .quer.

J: jinjniar ho'ngg m qnaw siongsinr, denrnauw jniawqangw si tensair ee jibhabtew --- soxu ee mic longxx dirr siyw ticpnir-dingw/ qycc u quiw xee siyw qxongw, jinsi qijig! Guaw ui' denrnauw did diyc ham' sinue iuxquanx ee kexsi. Hex si liw brew nngxtew, dyrr did diyc jit quaw huhy/ cuarniaw liw dadsingg bogviaux, zuqyw liw ee jixling byy sriok jitt xee nngxtew, denrnauw dyrr byy unrjog.

Qangrkuanw, dirr sinue ee lingxhik --- zuqyw jit xee sinue ee bee si iong vaxvah laii pixzu, liw guan'iuw ee sinue si ixx maxmah amwsi diwhui/ ywvir, diyh'air u jit jxox ham' liw soxx sigsai sinue byy qang ee sinwhy sna' duiwingr jiacc ersiah tihh. Ve-buw si vixzu ee honghuad / m si sursit/ hyxcincniu uxdiu si guaw ee ve, iacc si qongw uxdiu si guaw ee maxmah qangrkuanw. Iasox qongw, “duliauw guaw, byy langg erdangr jiapqin tnive.” Iasox soxx jriw ee tnive si Singwqingx-diongx ee niuve.

U quaw langg kaksit qandna' erdangr tauwquer Iasox laii jiapqin siongrder/ u quaw langg tauwquer maxmah jiapqin siongrder, liw kyxlingg kacc pen'air Kali (Inwdorqaur sixbongg snax dairviauw ji' id, si siqanx ee zinqechuar) qapp Janwbiw luxsinn jitt lui ee hongsid, hex jixsirr tamwqiur sinvir snewmia ee lingrgua jit diauu lo. Lanw rair liauxqaiw muixx jit jiongw jongqaur dy' si jit jiongw byy qang ee nngxtew, inx u jurqiw ee huhy/ qonglingg.

Zuqyw jit xee langg ui' sewhanr jiapqin moxjiongw jongqaur, qycc tauwquer jit xee jongqaur genwlip jit tyr sing'uac hongsid, anne siongrhyw itdit suxiong jitt tyr ixqingx sigsai ee nngxtew. Cniurr guaw jitt jiongw qac'ir sngw byy qang nngxtew ee langg, erdangr horsiong viw laii viw kir, mrqyxx byy kyxlingg qinglik singwdoo ee texgiam.

JIAUWW SINX KUANKINGW VUTDUAN VENRNGUA, SI VYXJUNN TUANTONGW UI'ID EE LO

B: jit xee jinjniar uixdai ee singwzinn, qamxx m si erdangr ui' zimrhyy soxjai kip'siux ix soxx beh air :ee? Ui' jiax kib .quaw/ ui' hiax tec .quaw, jonghap kiw laii josingg jit tyr jurqiw ee nngxtew.

J: anne dyrr e huatdenw cud lingrgua jit pair jongqaur. Liw erdangr ui' Singwqingx did diyc inwjingr. Jit kaisiw, siongrder jixsirr jiongww sinn siongrr u uilik :ee/ jixsirr jit xee vorlok ee sinbingg, qaur liauw derr lak sewqiw Iutaiwlangg dingrqix dirr Babylon sii, siongrder si zinlui qiuwjuw ee juxdniux ixqingx hingsingg, Singwqingx sinqeh qaiwliam marr dingsinx jinwzip jit xee sinx qiwguann.

Vyxjunn qu tuantongw ui'id lorqingr si qinqir sinx kuanqingw vutduan venwdong jniajyr sinx ngiu. Quriog siqii, jitt xee sewqair cniurr jit xee u snax dingg byy qang kauxbi ee qe'nngrqyx, diongsimdiamw jixsirr vauquad hurqin byy zuarr hng sxor vah ingliw huanruii. Hitt sii byy langg tniax quer Maxcio ee Aztecs (Inidans,1519 nii, virr Spanish jinghok.)/ byy langg jaix Diongqoklangg. Jitmaw sewqair venr ar, jongqaur marr rair duer lecc juanxhingg jiacc driyc.

SU'IAUR JURQIW EE SINUE

B: guaw sniu jex si zinlui bogjingg loxlik ee honghiongr.

J: “siongrhyw” si lanw jitmaw loxlik ee honghiongr. Guaw soxui kiongxvor ee qaiwliam si bogjingg dirr Beirut ee jionghongw. Iutaiwqaur/ QidoKqaur/ Hueqaur, sehongx siongrr u ingxhiongxlat ee jongqaur jurjip dirr jiax, suiwbongw sinwhongr qang jit xee Singwqingx ee sinn, kiokk hro jitt xee sinn snax xee byy qang ee miaa, suacc hro inx byy hxuad hyvingg dauwdin. Inx kunwsiw dirr jurqiw ee amwsi-diongx, byy hxuad liauxqaiw jitt xee diwhui jinjniar iwgi, m kingw jiong' jurqiw jongqaur siyw ko'aw hiongr gua pah kuix, jex si jit xee hongbat ee koko'aw. Muixx jit xee jongqaur tuantew qongw “gunw jiacc si siongrder suanw ee juxbinn, guaw ee sinn jiacc si jniawqangw :ee.”

Qycc laii knuar Ireland ee jinghongw, jit qrunn sinqauwdoo jap-cid sewqiw dirr Cromwell ee cuarniaw-ha, laii qaur Ireland. Jurr hitt sii kiw, inx sing'uac dirr jurqiw ee huanruii lai, byy jiapsiu dongde tenjuxqauwdoo. Ireland ee Tenjuxqaur/ Sinqaur qauwdoo dairviauw dongde uanjuann byy qang ee siarhue texhe/ lixliam.

B: inx qokk su'iaur jit xee sinx sinue.

J: inx itdit dy' su'iaur jurqiw ee sinue. Air liw ee digzinn/ kaihongr jurqiw/ mair pingduanr vadd langg/ banrsu-buarbut dy' uirr jiongww Vut, jitt xee qaiwliam jaw dyrr dirr sinue-diongx.

B: liw qongw quer jit xee ciurnaa jurbinn ee qowsu, jitt xee guanjurbinn qra tuanqauwsux qongw, “linw ee sinn jurqiw jit xee langg qnuaix dirr jit qingx siyw vangqingx-lai, lau qycc ziok, gunw ee sinn sing'uac dirr ciurnaa can'iaw/ snuax-dingw, lyc ho marr jiauwsiongg dirr hiax.” guaw zinruii jex kyxlingg si jinx ee.

J: byy cyr! Liw qamxx jaix? Jex dyrr si dirr Quriog Led'ongg/ Samuel tauwlo ee bunrdee. Hiax qiwjair quixarr xee Iutair qunongg, dirr snuax-dingw virr jyr jewpinw hongwhenr. Iahyhuaa ee ganxqongx knuar .laii, inx jyr m driyc dairjir/ Iahyhuaa jongvair dirr dongsii Iutaiwlangg tuantew, si jit xee diongriaur ee unrdong, aurlaii did diyc dua singwli/ cuxdai dongsii guanvunw liuhingg qokk de ee dairjurzenn jongvair/ juanxngua hogsai dirr biy-lai ee mow xee sinn. Cuxau, jitt jiongw hanrjer dirr jurqiw bunhuar ko'aw-lai dewqoksid cimliok, dyrr itdit dirr sehongx sewqair liuhingg. Jitmaw si su'iaur duiwgua kaihongr, jiapsiu dairjurzenn surbut ee sihau ar, zuqyw erdangr kaihongr, dingxii kaihongr qokk jiongw kyxlingsingr.

B: byy m driyc! Henrdairlangg ixqingx jiong' jurzenn ee kexhuad/ jurzenn vunxsinx, ui' jitt xee sewqair jit vo jit vo siah driau. Guaw sniu diyc jit xee javox ginxaw dirr ciurnaa huathen jit jiah jiauw, qra jiauw jah dngw kir cur ee iaujniax tuanqii. Jit jiah jiauw e cniur jin' bibiau ee quax.

J: javox ginxaw iauqiuu inx vaxvah tec mic hro jiauw jiac, vaxvah byy guanrir cri jit jiah byy loriong ee jiauw, qra taii siw. Qowsu anne qongw, vaxvah m na taii siw jiauw, marr huixdiau hitt der quax, dongsii jurqiw marr dyw dirr tokax siw .kir, byy qycc uac kiw laii.

B: jitt xee qowsu, qamxx m si duxhyw decc qongw, zinlui huixbet jiuuii ee dairjurzenn kuanqingw/ bet driau jurqiw ee sewqair/ siaubet dairjurzenn qapp dairjurzenn ee kexhuad au, e did .diyc ee qetqyw?

J: zinlui marr mosad liauw jurqiw ee vunxsingr, in'ui mosad liauw hitt siuw quax.

B: jitt siuw quax ee qowsu qamxx m si jit xee sinue?

J: quax vunxsinx dyrr si sinue . Hex si jit siuw siongxsiongrlat jin' qiongg ee quax/ ui' sintew ee lingliong soxx qikhuad cud ee quax. Qoxjaw jit xee sensux, dirr derjuw binrjingg duxx beh kuix cuir kaisi sii, tniax diyc cangcer ee jiauw sniax, qongw “jurzenn ixqingx uirr lanw qongxhuad ar!”

B: guaw duxx sniu beh qongw zinlui decc congwjy sinx ee sinue, liw kiokk qongw m si, muixx jit xee sinue dy' erdangr cue diyc quewkir jit xee guantauu.

DNAXX UI'ID U IWGI EE SINUE SI JITT XEE CNEQIUU

J: sinue bylun sinx/qu, juxiaur dongrqix si qangrkuanw, ingxuanw siy' gang. Beh cue cud jurqiw ee sinue, quanqenr dirr jiong' sinue jiaplenn dirr sniaxngiu ee siarhue? Muixx jit xee sinue dy' si jurr mow digding lingxhik huatdenw .cud .laii, horsiong ciongtut/ henr cud quanhe, habvingr jyr kacc hogjap ee sinue.

Dnaxx, quewkir ee qaiwhan ixqingx byy junjai, ui'id u iwgi ee sinue, si jitt liap cneqiuu ee sinue. Mrqyxx anne ee sinue iauxx bue cutsir. Guaw soxx jaix siongrr luirsu ee sinue si Vudqaur/ zinruii banrbut longxx u vudsingr/ ui'id ee bunrdee si zuhyy caqag jit diamw. Qisit langg byy su'iaur jyr zimrhyy su, ui'id rair jyr :ee, liauxqaiw vudsingr si sniaw? Ixx juvix ee simjingg ham' banrsu-banrbut ionghap qiongrjunn.

B: juvix?

J: byy cyr! Guaw jaix jerje sinue, jitt jiongw simhuaii qandna' sik'iong dirr jit xee huanruii-lai/ hongvir ee siarkux-lai. Cimliok/ qongqig duiwjunw guarqair.

Qixle qongw, jap-qawsi qongw “bersaih taii langg”, xe jit jniux anne siaw “jinwqongx Qalamde, taii siw hiax muixx jit xee langg” hex dyrr si jit xee u hanrjer ee kongqanx. Jitt lui hunhiangw :ee/ air ee sinue hanrjer dirr jurqiw jogqunn, soxu huijogqunn :ee dy' si qitnax :ee, “guarvanglangg” iwbi diyc --- byy ham' guaw qang jit xee tuantew :ee.

B: duhuix liw cingrcah ham' guaw qangrkuanw, narr byy, lanw m si qang :ee.

J: byy cyr! Sniaw si sinue? Zirdenw ee dingrgi si quanhe sinn ee qowsu. Xe jit xee bunrdee beh mng, sniaw si sinn? Sinn si jit jiongw inxhuad dongrqix ee lat/ jit tyr qewdat hertongw zinqechuar viauxhen, jitt nng jiongw dongsii dirr zinlui sing'uac/ uxdiu-diongx kiw jok'iong --- viauxhen liw sintew-lai/ jurzenn ee lat. Sinue m na amwsi zinlui simlingg janbin ee amwlat, dongsii marr si zinlui snewmia/ uxdiu banrsu-banrbut uahlat ee ligliong. Cuxgua, mow quaw sinue si ham' digding siarhue iuxquanx, mow quaw sinbingg jixsirr dairviauw jitt xee digding siarhue ee siuxhorsinn. Ngua jit qxur qongw, sinue sewqair u nng tyr uanjuann byy qang ee luirvet, derr id lui sinue, langg ham' jurqiw ee vunxsingr/ dairjurzenn iuxquanx, zinlui si dairjurzenn ee jit vorhun. Derr zi lui si uanjuann sriok siarhuerhak ee qaixsueh huanrdiuu, zinlui qandna' ham' digding ee siartuann huatsingx quanhe, liw vutjixsirr jit xee jurzenn jongrtair ee langg, liw si digding jogqunn ee jit hunrjuw.

Aujiux sinue ligsuw, jitt nng tyr sinue hertongw horsiong ingxhiongw duiwhongx. Tongsiongg iubok binjok ee sinue kuriuw siarhue zinqunn ee kinghiongr, inx jongxsi siwqer suaxii, qywzinn rair ham' qitnalangg ee hordang-diongx hagsip jurqiw ee snewmia diongsimx. Longgiap binjok ee sinue si dairjurzenn kinghiongr ee sinue.

Singwqingx ee tuantongw si siarqunn kinghiongr ee sinue. Dairjurzenn si sriu piwsniur/ kenxjig ee. Jap-qauw sewqiw ee hagjiaw zinruii sinue/ gisid si zinlui uirr kongwjer dairjurzenn soxx pacvniar ee qetqyw. Guaw zinruii jex qaix si qijig, m si sinue/ jongqaur. Jurzenn kinghiongr ee jongqaur m si beh cauciongr dairjurzenn, dendyww si rair vangjan langg ham' jurzenn vyxcii hyhaii. Dng' zinlui qra dairjurzenn dongwjyr juerog surbut sii, be sniu beh ham' jurzenn hyhaii itdir, huanxdngxlaii beh kongwjer/ sniu beh kongwjer. Incuw sanxsingx qinxdniux jiaujyx ee simjniaa/ huixdiau ciurnaa/ siaubet guanjurbinn ee hing'uii. Jitt jiongw kongwjer ee kiwhun, jyrsingg zinlui/ jurzenn ee hunlii.

B: jex qamxx dyrr si jitmaw lanw anne sniu beh kongwjer/ jinghok dairjurzenn ee guan'inx? Lanw knuar dairjurzenn byy bagde, zinruii dairjurzenn si hro lanw suxiong ee.

J: guaw zinruii si. Dirr Zidvunw jit vaiw hro guaw byy huatdo vangr be qir did ee texgiam. Zidvunxlangg duiww duirlyc/ Eden huehngg jiaxee qaiwliam si byy junjai ee, Sindyrqaur u jit vxo qingdenw qongw, dairjurzenn ee quewdingg byy kyxlingg si juerog ee/ jurzenn venwngua byy su'iaur siusiah, rair singhuaa/ bixhuar jurzenn. Zidvunw ee huehngg siwqer viauxhen cud duiww jurzenn ee suiw/ ham' jurzenn vyxcii hyhaii ee congqyx hixlok. Dirr mow quaw Zidvunw huehngg-lai, liw qinvunw hunx be cringx jurzenn/ gersut ee qaiwsnuar --- jex si jit jiongw qibiau ee qinggiam.

B: Danrsi, Joe, dnaxx Tokyo si vaitig jitt jiongw lixsiongw, did diyc okmiaa jerje/ jitt xee sniaci uanjuann byy huatdo qamxsiu dairjurzenn, jixu dirr jit quaw siyw huehngg, jiacc vyxlauu lyc laii, virr vorhun langg soxx dinsiyh.

J: Zidvunxlangg anne qongw, duer diyc pylong iydang/ pacqunn vixsair qongw, duer diyc pah quer laii ee qxunn suaw dinxdang. Bixqog Perry jundniuw qiongvig Zidvunw kaihongr qangxkauw vutqyr si jit-vah zi-jap-go dxangx jingg ee dairjir, hitt sii, Zidvunxlangg dirr jurqiw bunhuar qazip qui' dxuix zinqangx sowjaii, danrsi guaw dirr Zidvunw quancad ee sidhongw si, jiong' budjid surbut ngiuzip Zidvunw bunhuar ee dongsii, Zidvunxlangg dirr susiongw-siong iuguann si qirjuat ee. Incuw, jit qniaa zip qenwdiogbut-lai, Zidvunw qycc dngw .laii .ar, jixu guarquanx knuar kiw laii jiacc cniurr New York.

B: “dirr susiongw qirjuat” hex si jit xee jin' u iwsur ee qaiwliam, sniaci siwjiuuii vutduan kixjy, dirr Zidvunxlangg luersimx, dyrr si qongw inx luerjai jurgnow ham' dairjurzenn si hiabdiau itdir ee.

J: mrqycc dirr Singwqingx nirr, ingxuanw tetter lyc laii, dairjurzenn si huxhuar ee/ jurzenn ixqingx dui lyc ar. Qinqir Singwqingx ee sukyw mosid, zinlui vangwsag jurgnow.

B: lanw jre dirr jiax qongxue ee dongsii, Beirut ee hueqauwdoo qycc danr jit liap jawdnuaa dirr qidokqauwdoo ee ciax-lai, qidogqauwdoo marr qra Hueqaur jojid ee ciax jawdiau. Marshall McLuhan (1911- , Canada bunhuar ligsuwhagqax/ tuanvyr lixlunrhagqax) bad jixcud, denrsi qra sewqair venwsingg jit xee derqiucuanx, guaw huisiongg diyhqniax jitt jiongw qongxhuad. Ix qongw jitt xee ue sii, vingrr m jaix derqiucuanx e si Beirut. Jex duiww liw u sniaw iwgi?

J: guaw zinruii jiaxee langg m jaix zuhyy jiong' jurqiw ee jongqaur lixsiongw ingwiong dirr henrdai sing'uac/ zuhyy ingwiong dirr byy qang jongqaur tuantew. Beirut ee le si jongqaur tuantew sik'ingr dongdai siarhue ee cywgo sirhuan. Jitt snax ee jongqaur sinue sniu beh ixx buxlik did diyc qetlun, inx ixqingx hiyxding jurqiw birlaii denxbong ar.

B: lanw su'iaur sniaxmic ee sinx sinue?

LANW SU'IAUR ZINRDONGG DAIRJURZENN EE SINUE

J: lanw su'iaur ee sinue, m si qandna' zinrdongg qywzinn/ jurqiw siyw jogqunn ee sinue, si qywzinn zinrdongg dairjurzenn ee sinue. Bixqog si jit xee le, congwqog jap-snax jiux, erdangr horsiong vangjan/ qiongrdongg hingdong, dongsii byy sohud muixx jit jiux qywvet lirig.

B: Bixqog qok'inr si u iwhamm ee?

J: hex dyrr si qok'inr ee jok'iong. Bixqimx jit kox, dingxbin dyrr u Bixqog qok'inr ee dohingg. Qok'inr si Bixqog qenwqog lixsiongw ee suangenn/ dywciuxvingg si jit jxy qimzirtah/ sir ee vnix, jiuuii sir xee qag/ muixx jit xee qag kia jit xee langg/ liw narr kia dirr dexjann sii, kyxlingg sir xee vnix ee zimrhyy jit vnix/ liw narr vreh kiw kir qimzirtah siongrr dingxguann sii, sir xee qag dy' jibdiongx dirr jiax/ siongrder ee bagjiux dirr jiax qimx ~ siongr.

B: hex si lixsingr ee sinn.

J: byy cyr! Bixqog si sewqair siongrr dairsingx ixx lixsingr jyr qenwqog qicow ee qokqax. Jex ham' qitnax ixx jenwjingx jyr qicow :ee si byy qang ee, jiaxee Bixqog qenwqog zinsu si jap-veh sewqiw ee sinbingg. Inx dirr qok'inr-dingw anne siaw: “gunw jiong' jurqiw qaux hro siongrder.” jitt xee siongrder m si Singwqingx ee siongrder. Jiaxee qenwqog zinsu vingrr byy siongsinr Singwqingx iuxquanx zinlui duirlyc ee qongxhuad/ byy zinruii lanw ee simx ham' siongrder jamxdng .kir/ inx ee simx cingduu driau jiamrsii ham' byy diongriaur ee quanhuaii, vyxliuu cingbingg qniar soxx huanxjiyr cud ee qonghuix/ iongxiuw lixsingr quanhuaii ee siongrder/ lixsingr lenjiab liauw zinlui qapp siongrder. Duiww lixsingr ee langg laii qongw, siongrder digvet tenkew vingrr byy junjai/ inx marr byy su'iaur. In'ui inx ee simx dudiau jitt jann cywgno ee jongwgai, qycc kurvi liauw iuxquanx siongrder ee diwsig. Zimrhyy langg dy' u jitt jiongw lixsingr sukyw ee linglik.

Lixsingr sukyw linglik si binjuw ee qicow guanjig/ zinsimx kurvi liauw liauxqaiw jinsit diwsig ee linglik. Zinlui byy su'iaur jit xee digvet ee kuan'uix zinsu/ kexsi, uirr jixcud dairjir ee guanngiu.

B: mrqyxx jiaxee siongrdingx si laijurr sinue.

SEWQAIR SINX DEDSU

J: si ar, laijurr moxjiongw digjid ee sinue, m si teqiongx kexsi :ee. Ixx Inwdo jyr le, inx byy siongsinr siongrder kexsi jitt huesu/ qra jitt jiongw henrsiong biyue jyr langg kaixhongr jurqiw, jimjiog tniax uxdiu sniax ee jongrtair/ jitt sii, soxui derr snax luiw bagjiux ixqingx packuix, jiapsiu siongrder simlingg ee qngx/ jex si Jurzenn Sinqaur ee qivunw qaiwlialm. Itdanr byy jiapsiu jurr Eden-Hngg duirlyc ee quanliam, zinlui ham' ix vunxsinx snewmia laiguann dyrr be virr jamxdng.

Lanw qycc dngw laii qok'inr jitt bin, liw erdagnr sngr doo-dingw ee qimzirtah u quiw janr? e did diyc jap-snax janr/ siongrr erdew janr u jit jua lymaw sowzi 1776/ Bixqog qenwqog ee nidai. 1/7/7/6 sir ee sowzi jongw qax .kiw .laii, si 21/ jit xee langg iongxiuw lixsingr sukyw ee huewsor. Dirr 1776 nirr jongxqiong u 13 jiux suanqyr doglip/ 13 dairviauw juanxhingg/ jaiwsingx ee sowzi/ cuthen dirr Iasox juewau amwdngr, 12 ee mngdoo qasiong Iasox/ hex si Iasox virr dingr dirr sibzirqer-dingw, qycc uac jingg ee juewau amwdngr. Incuw, 13 viauxsi jurr 12 hanrjer qaixtuad, qycc ciauuat ee sowzi/ jiacc u ngdy 12 qiongx qapp taiwiongg. Jiaxee Bixqog qenwqog zinsu kik'ir suanw 13 jitt xee sowzi laii dairviauw qycc uac/ dingsinx/ sinx cutsir, inx si jit kaisiw dyrr diauqangx anvaii ee.

B: danrsi dongsii kaksit si 13 jiux ar.

J: byy cyr! Anne m si qyckacc kuriuw siongrdingx iwgi? Jex vingrr m si dansunn ee kaxhap, jitt 13 jiux ixx inx jursinx ee iwgi siongrdingx inx jurqiw.

B: anne dyrr erdangr jinr jit vo laii qaixsueh lingrgua jit jua zri ee iwgi “Novus Ordo Seclorum”.

J: “sewqair sinx dedsu” jex si jitt xee sewqair sinx sunrsi. Jitt jua ee dingxbin jua kig ee si “Annuit Coeptis” iwsur si “bunxbunw aw ciyr laii knuawtai lanw ee singjiu” iacc si qongw “lanw ee hing'uii”.

B: Ix ---

J: ix, dyrr si derr snax luiw bak/ dairviauw ee si ix, dyrr si lixsingr. Dirr Lardingrbunn “ix” si dongrbut/ cauxbok / zinlui lxamm-luw, dirr jiax dairviauw sinn hro lanw ee lat, ix bibii aw ciyr decc knuar lanw ee hing'uii. Soxiw Bixqog jitt xee sinx sewqair si qinqir siongrder congwjy ee hongsid qenwlip :ee/ duiww siongrder congwser ee huanxsingw, ixx lixsingr cioksingg jitt xee sinx qokqax. Qimzirtah aurbin si itpenr suaboo --- dairviauw dongsii Aujiux hunwluan ee qiogbin, jenwjingx vutduan/ Bixqog ui' Aujux tiux cud laii/ qycc ixx lixsingr, qenwlip sinx qokqax, m si ixx kuanlik. Qimzirtah jingg si singdiongw ee cauxbok --- sinx snewmia dirr lixsingr-diongx kuix huex qed jiw. Qaur jiax si qimzirtah ee ham'ir.

Jitmaw laii knuar jit kox juaxpiyr ee jniawvingg. Hex si jit jiah ingjiauw, dairviauw tensinn Zeus ee jiauw/ sinn duirlyc laii qaur sriu siqanx hanrjer ee jitt xee sewqair/ jiauw si sinbingg kurtew huawsinx/ Bixqog ingjiauw dairviauw siongrr quann sinbingg Zeus ingjiauw ee duiwdingw vorhun.

Ingjiauw qangwlimm jit xee ciongbuanw zirguann duiwlip sewqair, jit xee hingdong ee sewqair/ hingdong viauxhen hingsid ji' id si jenwjingx, lingrgua si hyvingg. Ingjiauw jit qix kaziauw giab snax qix jnxir, dairviauw jenwjingx/ lingrgua jit qix kax giab 13 pnir hiyc ee guehquir ciurqix, dairviauw hyvingg guanjig. Ingjiauw bagjiux knuar hiongr guehquir ciurqix hitt vingg, jex si congwqenr Bixqog ee lixsiongxqax, qitai birlaii Bixqog juxbinn erdangr knuar ee honghiongr --- huanruii vauquad guarqaux quanhe ... dringw qokk hongbin, lingrgua jit qix kax si liac diyc jnxir, junxvi hyvingg hongsid byy hau sii, ersaih drang buxlik.

Ingjiauw dairviauw sniaw? Dairviauw rue dirr ix tauu-dingw hitt xee hyrtauu. E qir .did u jit vaiw guaw dirr Washington digkux ee guarsurhiabhue (foreign Service Institute), qangxenw iuxquanx Inwdo sinue/ siarhue/ jingwdi juxdee, Inwdo damlun jingwdi ee ceh anne siaw, tongxdirjiaw rair jit ciuw giaa jenwjingx ee buxkir, dyrr si jit qix dua cue'aw, lingrgua jit ciuw tec hyvingg buxkir, dyrr si lenhap hingdong ee quax. Dongsii guaw kia dirr qangxdaii jingg, nng ciuw cundngg, siyw quaw sue lyc laii, jngxtauu-aw gim uaw laii, jyr jitt xee sirhuan dongrjog, soxu ee langg ciyr qaxx jin' dua sniax, guaw m jaix huatsingx sniaw dai, jit dngw srinx, jiacc knuar diyc viah-dingw qruar jit dniux Bixqog ingjiaw ee dopnir/ hex ziauw giap jnxir/ guehquir qix tenxkuix ee hxingg duxhyw ham' guaw ee ciuxser draur qaxx ba ba. Huetauu sii, marr juwir diyc jiauw buew u qauw qix jiauxmngg. Qauw dairviauw singwlingg ee lat qangr lyc qaur jitt xee sewqair ee sowzi/ qongr jxingx tongdix langg qidyw sii, marr si jringx qauw sniax. Jiauw tauu-dingw si 13 liap cnxex/ ixx Star of David ee hingsid vaii cud laii.

SOLOMON INWQAMR

B: quewkir hyrjyr Solomon-Inwqamr.

J: byy cyr! Liw qamxx jaix uirsniaxmic anne qongw?

B: m jaix.

J: Qamxx e qir .did Arabian Nights ee qowsu? Solomon-Ongg qra quaiwsiur/ duarhanwlangg/ qitnax jit quaw mic qnuaix zip dua quanr-lai, dagg vaiw packuix, dyrr u jinglingg jauw cud laii! Guaw juwir .diyc, jitt xee Solomon Inwqamr u 13 liap cnxex, muixx jit xee snaqakhingg dy' si jit xee “Pythagoras snaqaksor (Pythagorean Tetrakys)”.

B: “Pythagorean snaqaksor ”?

J: jex si jit xee jap xee diamw josingg ee snaqakhingg, diongqandiamw si snaqakhingg ee diongrsimx, muixx jit vnix u sir xee diamw, snax-vnix jongxqiong qauw diamw: jit/ nng/ snax/ sir/ go/ lak/ cid/ veh/ qauw, jex siongrdingx Pythagoras dethak siongrr juxiaur huhy/ ionghap horsiong quanlenn ee sinuerhak/ uxdiurlun/ simlixhak/ siarhuerhak ee hunsig soxx josingg ee sowzi. Dionghngx hitt diamw si diongsimx, dairviauw sanxsingx uxdiu/ soxu surbut ee guansiw dionghngx.

B: anne, si jit xee lingliong diongsimx oor?

J: si ar, si jingxqyy sewqair jurjip jywhuew ee guancox snia'imx (qidokdoo e zinruii si guancongr ee sinn), marr si dua voglec/ ciaudua ee lingliong rig cud laii, koksnuar qaur jingxqyy sriu siqanx hanrjer ee sewqair. Itdanr jinwzip jitt xee sewqair, dyrr hunlec jyr duiwlip ee zircuwguann, jit xee vnir nng xee. U snax jiongw puewduir hongsid : derr id jiongw, derr id xee juxkongr derr zi xee/ derr zi jiongw, ngua derr zi xee juxkongr/ derr snax jiongw si nng xee horsiong vyxcii vnevang. Juewau, ui' jitt snax jiongw, snex cud dangx/ saix/ lamm/ vag sir kongqanx ee soxu surbut.

Lyxjuw dyrdikqingx u jit dnxua anne siaw “dy snex id, id snex zi, zi snex snax, snax snex banrbut.”

Incuw, zinrcud qok'inr u jitt nng xee siongrdingx iwgi ee snaqakhingg qaucex au jniajyr lak-qag cnxex, guaw tudzenn texhue .diyc, jitt jap-snax diamw dairviauw lingxdy doglip qikbing ee jap-snax jiux, jinr jit vo siongser knuar, jiwjiyw u lak ee dingxbinrdiamw, jit xee dirr dingxbin/ jit xee dirr erbin/ nng vingg qokk nng xee. Jex kyxlingg ee iwgi si, bylun si dingxbin/ erkax/ qanqnix ee zimrhyy jit diamw, guancongr ee dy, dyrr si binjuw susiongw erdangr virr zimrhyy langg jiapsiu. Binjuw hro jitt xee qokqax zimrhyy soxjai ee zimrhyy langg dy' u huatgenkuann/ qongw cud jinliw ee huatgenkuann, zinbinn ee sinwgiongw byy ham' jinliw hunkuix/ rair jyr qraur :ee, si cingcyw jurqiw ee zedjingg, qra sniurhuad cingcyw qongw .cud .laii.

Jit kox Bixqimx juaxpiyr ee ingjiauw, dairviauw ciauuat ee sinn, ixx bixbiau hingsid henrsinx dirr sewsiok sewqair --- jex si Bixqog qenwqog ee qijiyc. Beh qra qokqax dirliw hyw, rair ui' snaqakhingg ee jiambuexdiamw, dyrr si kia dirr sewqair siongrr quann ee huatganw, knuar diyc soxu ee qakdo.

WASHIONGTON JONGXTONGW ENXQANGXBUNN

E qir .did sewhanr sii, gunw diyh'air tak Washington jongxtongw ee qywvet enxqangxbunn/ qycc ledcud qonglingw/ dik'iaur. Muixx jit dnxua qywvet ee suangenn, ham' lingrgua jit dnxua dy' u quanlenn. Guaw cingcyw e qir .did Washington jongxtongw dirr qangxenw-diongx qongw diyc “doglip qikbing ee qetqyw hro Bixqog tuad cud Aujiux hunwluan qiogser” juewau qingxqyr Bixqog mair qycc ham' qitnax qokqax qetbingg. Bixqog itdit junsiuw Washington jongxtongw ee qingxqyr, qaur id crur sewqair dairjenr jiacc pah puar.

Dng' lanw pywhai jurqiw dirr doglip suangenn ee suanser, jaiww dxo qazip Ingqog jinghok derqiuu ee hingdong. Anne, qimzirtah soxx dairviauw ee vnevang dyrr siaubyy ar! Lanw kia dirr qimzirtah ee jit vingg, m si dirr dionghngx ar, Bixqog ui' id venwjyr zi, bylun dirr jingwdi/ ligsuw-siong, dirr jit dniuu lunrjenr-diongx ixqingx suanw mow jit xee libdniuu, byy qycc dairviauw hitt xee qyqyx-jairsiong huatganw soxx henwcud ee guanjig. Dnaxx Bixqog soxx quanhuaii juxdee m si jingwdi/ dyrr si qingjer, ham' lixsingr byy quanlenn ar.

B: lixsingr ee sniax --- jiaxee sinue ee siongrdingx huhy ixx dethak hongsid soxx kanx cud ee iwgi, qamxx m si jitt xee?

J: jex dyrr driyc ar! B. C. 500 nii sii, zinlui ligsuw-siong huatsingx quer jit hxang dua juanxvenr. Hex si Vuddyy/ Pythagoras/ Kongxjuw/ Lyxjuw ee sidai, zuqyw jinjniar u Lyxjuw ee ue. Jex si zinlui lixsingr qakcnew ee sidai. Zinlui byy qycc tniax guansiw ciongdong/ byy sriu guansiw ciongdong kongwjer. Byy qycc sriu derqiuu/ derqiuu quixdy ee inxdy, si sriu lixsingr ee jixinw.

B: soxui lixsingr ji' dy si ---

J: si zinlui ji' dy, huixdiau lixsingr ee, dongzenn si qikjingg. Dirr jingwdi, siongrr juxiaur ee ciongdong si amtamx/ si zinlui duirlyc ee dongrlik/ hro Bixqog kix hiongr qimzirtah ee jit vingg, berdangr vyxcii dirr qimzirtah dingxquandiamw ee guan'inx.

B: hex dyrr si uirsniaxmic Bixqog congwqog zinsu huanxduir jongqaur-siong ec bagkangx ...

J: hex ixqingx uanjuann byy junjai ar, marr dyrr si uirsniaw inx huanxduir Singwqingx zinlui duirlyc jitt xee qaiwliam. Muixx jit xee langg dy' u didjiap liauxqaiw siongrder ee linglik, byy su'iaur digvet ee kexsi.

B: tauwquer je nii laii ee hagsut genxqiur, dngqii jimr dirr jiaxee sinue ee huhy-diongx, liw e ixx dingxbin soxx qongw ee hongsid qaixsueh Bixqog qok'inr, jex guaw erdangr jiapsiu. Mrqyxx jiurr liw qongw .quer, dairvorhun Bixqog kaiqog zinsu si jurzenn sinlunrjiaw, inx zuhyy dirr vniawmia qenwqog, dongsii qycc kir cue cud vuerau ee sinue iwhamm?

J: anne, inx uirsniaxmic iong jiaxee huezi?

B: jerje huhy vunxlaii qamxx m si Qiongrjewhue (Masonic, ixx horjo/ iuxair ee viwbit qetsia, ui' diongsewqiw pacjiyhsaix qetsia enxvenr laii ee ) suxiong?

J: si Qiongrjewhue ee huhy, Pythagoras snaqaksor ee iwgi, quixarr sewqiw ixlaii jaw dyrr tong' langg jaix ar. Jiaxee jusinr itding si dirr Jefferson dosusig cue ee. Jiaxee kaiqog zinsu vitqingr si jin' u hagbun :ee, jap-veh sewqiw kexbongg sidai duxx si ciongbuanw vaxhak ee nidai. Jingwdirkoaw ixqingx jiokk quw byy cuthen jitt lui u hagbun ee langg ar. Bixqog erdangr u jiaxee pokhak zinsu congwqog si jin' hyxzirun :ee, iongxiuw jingwdi kuanlik/ qycc duiww siser huathuix ingxhiongxlat.

B: zuhyy qaixsueh jiaxee huhy/ Qiongrjewhue jiqanx ee quanlenn? Uirsniaw u jiacc je Bixqog congwqog zinsu sriok Qiongrjewhue ee jojid? Qamxx qongxx Qiongrjewhue ee vuerqingw/ sinwdiauu dyrr si sinue sukyw ee viauxdat hongsid?

QNUAIDIAU DENRNAUW, SIONGSINR LIW EE QAMXQAG

J: guaw sniu si. Jex si dingqenr hro drat qaur simlingg kexhuad sinx dedsu ee hagsudsingr loxlik.

Jiaxee sriok qiongrjewhue kaiqog lingxdyrzinn, jin' kyxlingg genxqiur liauw qxow Aiqib ee kauxtuann diwsig. Dirr Aiqib qimzirtah dairviauw uanxqow sidai lauu lyc laii ee siyw snualun, Nile Hyy dingrqii duarjuiw au kaisiw siauter, derr id puu cud juixbin ee snualun, si sewqair qycuac ee siongrdingx, marr si qok'inr soxx dairviauw ee iwgi.

B: u sii, luerjai sinwgiongw hertongw soxx henr cud ee ciongtut hro guaw qignaiw. Liw jidbin ylyw jiaxee Bixqog qenwqog qongsinn, inx si kexbongjiaw/ lixsingr sidai sanxbut. Lingrgua jidbin qycc junqingr inx luirsu denrngiaw Star War Luke anne ee zinbut, in'ui Luke qongw “qnuaidiau denrnauw, siongsinr jurqiw ee qamxqag”, liw zuhyy duiww kyhak jitt xee qaksig --- lixsingr, ixqibb sinwgiongw jongqaur jyr sikdongx vnuaenw?

J: liw uanjuann cyr ar! Diyh'air kuvet lixsingr/ sukyw jitt nng qnia su.

B: beh hunvet cud jitt nng hxang su? Dng' guaw decc sukyw sii, qamxx qongxx m si jiong' dairjr tuiliw?

J: byy cyr! Lixsingr si sukyw ee jit jiongw, qra dairjir tetdew sniu hro tongtauw vingrr byy uanjuann dingxii tuiliw. Ciwsniu jit xee vanrhuad cngtangr quer jit dow viah, vingrr m si lixsingr sukyw. Niauxciw jringx viah quiw vaiw au, dyrr jaix rair sec .quer, jiacc e qaur lingrgua hitt vingg. Qra dairjir sniu hro cingcyw, kiokk m si lixsingr ee tuiliw/ lixsingr ham' cue cud junjai ee qicow iuxquanx, qenwlip uxdiu sunrsi ee qicow qetqor marr u quanhe.

B: anne qongw .laii, jiaxee lixsingr zinsu qongw diyc siongrder lixsingr bagjiux sii, inx ee iwsur si qongw, ixx zinlui junjai qicow ee siarhue/ bunhuar/ binjok, dy' si ui' uxdiu ee qivunw digjid enxsingx .cud .laii ee, qamxx driyc?

J: jex si derr id jxy qimzirtah soxx viauxdat ee iwgi/ si sewqair ee qimzirtah/ marr si zinlui siarhue ee qimzirtah/ longxx si dairviauw qangrkuanw ee lixsingr cuwsu. Jex si siongrder ee congwjyrbut, marr si zinlui ee siarhue.

B: uree sinue sikhap ixx jurzenn dongrbut snewmiarlat jyr qicow ee siarhue, uree sinue sikhap ixx dairde jyr qicow --- dyrr si dysanw/ congwjyrsingr/ dairde ji' buw ee siarhue. Uree sinue si sikhap tenqog qonghuix/ tendongg. Dongdai siarhue lanw ixqingx ciauuat uaxkyr dongrbut vunxlingg singjunn ee siarhue/ ciauuat kyr dairde sing'uac ee longgiap siarhue/ lanw byy qycc cuwbi tnidingw ee cnxex, qigqex si hnowhenn, qra inx dongwjyr taiwkongx luxhingg ee lingxhik ziiw. Sikhap dongdai zinlui sing'uac hongsid ee sinue dirr dyhh?

J: zinlui byy hxuad vyxiuw jit xee be suevai ee sinue. Jingser vutduan qaixvenr, venr qaxx jin' qinw, suacc byy hxuad jniajyr sinue.

B: byy sinue, lanw beh anxjnuaw uac lyc kir?

MUIXX JIT XEE LANGG DIYH'AIR DIRR SINUE-DIONGX CUE DIYC HAM' JURQIW SING'UAC SIONGQUANX EE JANBIN

J: muiixx jit xee langg diyh'air dirr jurqiw sing'uac-diongx, cue diyc ham' sinue siongquanx ee jit xee janbin. Sinue kurvi sir xee qivunw qonglingg. Derr id xee, sinviwsingr --- jex si guaw jit kaisiw dyrr qongw ee. Jiyh sinue jitt xee qonglingg, caqag uxdiu si jin' qibiau ee, liw jurqiw vunxsinx dyrr si jit xee qijig, qycc e dirr jitt jiongw ywvir qinggiam diyc qingwuir.

Sinue uirr zinlui packuix qongxkuah ee ywvir sewqair, hro zinlui qakcad, amwcangr dirr soxu hingtew-ha ee ywbiau/ zuqyw tauwquer qokk surbut henxhen cud laii, anne uxdiu dyrr si jit dniux singwdoo. Liw jongxsi ersaih ixx hensit sewqair ee diauqnia, didjiap duiqiuu ciauuat uxdiu ee cimyr.

Sinue derr zi qonglingg si budliw uxdiurquanx ee janbin. Jex si kyhak soxx quanhuaii :ee --- qra zinlui qongw uxdiu ee hingjong, viauxdat ee hongsid iuguann tauwlo cud uxdiu ee ywvir. Dirr henrdai siarhue, lanw u jit jiongw jiong' kyhak knuawjyr banrlingg ee kinghiongr. Uixdai ee sendix qra lanw qongw, “vingrr m si zimrhyy dairjir longxx u dab, liw erdangr jaix hex si jnuaxngiu huatsingx jok'iong --- hex dauwdew qycc si sniaw neh?” diamw dyc jit qix huan'axhuew, hex qamxx si huew? Kyhagqax erdangr qaixsueh qongxx ham' kongkir iongxhuar jok'iong, mrqyxx jex duiww guaw byy u zimrhyy iwgi.

Sinue derr snax qonglingg si, jniajyr digding siarhue sunrsi ee qi'tiau/ qinqir, jex marr si uirsniaxmic qokk de sinue cavet jin' dua ee guan'inx. Ithux-itcex ee siarhue u jit jiongw sinue, ithux-dycex ee siarhue u lingrgua jit jiongw sinue. Qywvet sinue sik'iong byy qang ee siarhue, dngquw ixlaii sinue ee qonglingg itdit kongwjer zinlui siarhue --- mrqyxx jitt xee qonglingg qycc ixqingx duer be diyc sidai ar.

B: liw ee iwsur si ...?

J: lunliw --- jit xee qenrjuann siarhue qaix u ee sing'uac huatlut/ cniurr seguann jingg jit-cingx nii ji' lai, soxx siaw cingx quaw iac Iahyhuaa qawsi lanw rair anxjnuaw cing snxax, zuhyy dongrjog/ hing'uii ... dringw.

Juewau sinue iauxx u jit xee qonglingg si qauwiok, dag'ee siongrr quansimx :ee/ qauwdy lanw zuhyy sik'ingr kuanqingw venwhuar/ qewsiok quer zinsingr ee sing'uac.

B: liw si qongw, jiaxee qoxlyw ee qowsu/ tuann liauw quixarr dai ee lau qowsu, byy kurvi jitt hxang qonglingg, kurvi jitt jiongw qonglingg ee sinx sinue iauxx bue sanxsingx?

BYLUN DONGRBUT/ KELAUU/ HAIXNGIUU, DY' SI LANW HNIADI

J: sehongx soxx tuanvyr/ lanw jin' sigsai ee qowsu, juxiaur si qinqir Singwqingx, seguann jingg jit-cingx nii ee uxdiurquanx siaw :ee/ ham' zinlui zinsingr jungiamm quandiamw byy itdir/ hex ham' lanw si uanjuann byy qang ee sewqair.

Dnaxx lanw rair hagsip ham' dairjurzenn ee diwhui hiabdiau/ bylun dongrbut, kelauu, haixngiuu longxx si lanw hniadi. Huanwsinlun zinruii siongrder congwjy jitt xee sewqair qapp soxu ee singbut, anne qongw: u jit xee zinqechuar ee sinbingg, druar dirr jitt xee sewqair. Jex si cywgno ee, huanwsinlun jitt zri e gnordy langg. Jingwkag ee qaiwliam qaix si jit jiongw ciauuat sinhak iwgi/ sriok byy hxuad dingrgi/ byy hxuad iong gixgenn tuanqongw ee ywvir/ ingwqaix virr dongwjyr jit jiongw ligliong --- si soxu snewmia/ singbut ee guantauu/ jiongdiamw, jicjair lanw/ tniwdiauu lanw ee lat.

B: qamxx qongw liw byy zinruii dongdai Bixqoklangg uanjuann byy jiapsiu sinsingr dairjurzenn jitt xee qoxlyw knuawhuad, si in'ui jex hro lanw byy hxuad kongwjer dairjurzenn? Zinlui jamxdiau dua ciu/ ow qaxx siwqer aux ~ lab ~/ hycuanx venwjyr qenwde, jiaxee qamxx m si mosad siongrder?

J: byy cyr! Jex vutjixsirr dongdai Bixqoklangg ee digsig/ marr si laijurr lanw qewsingg ee jongqaur, qra dairjurzenn dingrjue si Singwqingx benxle :ee/ dongcox ui' Ingqog jah quer laii ee. Siongrder ham' jurzenn hunli (hunlii)/ dongzenn e qra kenxjig/ Quriog congwsewqiw siaw qaxx jin' bingvik: lanw beh jyr jitt xee sewqair ee juxlangg.

Zuqyw zinlui zinruii jurqiw laijurr toxde, m si qovutjiangx virr danr kngr dirr derqiuu, dyrr e zinrdongg toxde/ e iwsig jurqiw si dairjurzenn jongrtair. Soxu itcer dy' si tnide ee bagjiux/ toxde ee simsniax.

B: kyhagqax ixqingx kaisiw qongkaix damlun toxde ji' buw ee guanliw ar.

J: dyrr si anne, qra jingxqyy cneqiuu knuawjyr jit xee iuxqitew.

B: toxde ji' buw, qamxx e ui' jitt xee iwsiong congwjy cud sinx ee sinue?

J: kyxlingg e u jit quaw. Sinue ee venwhuar/ huatdenw byy hxuad sursenx ircig ee, cniurr liw byy hxuad singx jaix, kunr ee sii e jyr sniaw bang. Sinue/ bang laijurr qang jit xee soxjai/ e sanxsingx si zinlui u moxjiongw jurqag au, jauxcue siongrdingx hingsid laii viauxdat jitt jiongw jurqag. Uirr juantew zinlui su'iaur/ daddid lanw cimsux :ee, si congwjy jit xee jonghap soxu binjok ee sinue/ derqiuu ee sinue, m si dan'id sniaci/ qo' jit langg ee sinue. Jex si guaw sukyw sinue birlaii huatdenw honghiongr ee jit xee juxiaur diongrdiamw.

Anne jit xee sinx sinue soxx cuxliw ee bunrdee ham' qitnax sinue vingrr byy sniaw byy qang, hex dyrr si qywzinn ee singsik huatdenw, dyrr si qongxx ui' ilai/ singlenn/ zinqeh singsik/ sixbongg; lingrgua jit hxang si qywzinn jnuaxngiu ham' jitt xee siarhue huatsingx quanlenn/ jitt xee siarhue qycc si jnuaxngiu ham' jurzenn sewqair, uxdiu huatsingx kanlenn. Jex si quewkir soxu sinue soxx dramm :ee/ marr si sinx huatdenw diyh'air tamwtyw :ee. Sinx sinue soxx quanhuaii ee siarhue, qycc diyh'air si jitt xee derqiuu-siong ee siarhue, duhuix dag'ee dy' u jitt jann zinrbad, narr byy, si byy kyxlingg u sniaw qetqyw ee.

B: liw si qenwgi qongw, lanw jitt xee sidai ee sinue erdangr ui' derqiuu sinue kaisiw huatdenw?

J: si ar! Jex si birlaii sinue huatdenw ee qicow. Sursit-siong, anne ee sinue ixqingx junjai ar : lixsingr huatganw, m si uirr qokjok/ m si qywzinn jongqaur siarqunn/ m si qang gixgenn texhe ee knuawhuad ziiw.

Liw qamxx knuar e cud laii? Jex e si jingxqyy derqiuu ee dethagquanx, m si jitt xee tuantew/ hitt xee siarhue/ zimrhyy qitnax jibhap tuantew.

Zuqyw liw ui' guehqiuu-dingw knuar derqiuu, knuar diyc :ee, m si qinqir qokqax/ qokk jiux kuhunx cud byy qang ee kuhik, si jit xee uanjingw derqiuu ee juanhingg, jinjniar e jniajyr sinx sinue siongrdingx. Jingxqyy derqiuu dyrr si juann zinlui rair dinsiyh ee dan'id qokqax, soxu ee zinlui dyrr si jit qex.

B: jairr guaw knuar, liw soxx siujongg ee jokpinw --- Taubak Seattle, si jitt xee lunliw siongrr hyw viauxhen.

LIW BERDANGR BREW TNIX, BRE DE

J: Taubak Seattle si Qurjiyhkir Sidai dyrdig dedsu siongrbuew jit xee huatgenzinn ji' id. Iokk 1852 nii, Bixqog jingwhuw uirr sinx ibinn junxvi toxde, siaw puex hro taubak Seattle, iauqiuu brew Indians vorlok ee toxde. Taubak huepuex siaw qaxx jin' janw, ix ee puex viauxdat lanw duiwue soxu ee iwhamm.

”Washiongton jongxtongw siaw puex hro guaw, viauxdat beh brew gunw toxde ee iwguan. Mrqyxx liw jnuaxngiu erdangr brew tnix neh? Brew jurzenn? Jitt jiongw qaiwlilam, duiww gunw jin' cnesox. Cingsinx ee kongkir/ bixle ee kelauu, m si gunw iongxiuw ee soxiuxkuann, liw jnuaxngiu erdangr bexbe inx neh? ”

”derqiuu ee muixx jit cunr toxde longxx si sinsingr :ee, cingciu muixx jit qix canwlan ee hiyhjiamx/ muixx jit pxenr haixvox/ muixx jit pxenr cauxvox/ ociurnaa-lai ee juixkir/ muixx jit jiah qiqix qiyr ee tangtua, soxu itcer singbut, jit qix cauw jit diamw lxo, dirr gunw ee qiwig/ qinggiam-diongx, longxx si sinsingr :ee.”

”gunw erdangr qamxsiu diyc ciurkox-lai lrauu ee ciurjiab, cniurr dirr gunw jurqiw sinkux-lai decc lrauu ee hueh qangrkuanw. Derqiuu ham' gunw dy' si duiwhongx sintew ee jit vorhun. Muixx jit luiw pangx qongwqongr ee huex, dy' si gunw ee jixmuai, Himm/ lok/ ingjiauw dy' si gunw hniadi, giamjiyc ee jiambuexliux/ cnecauxjiab/ bew-qniaw ee texunx, dy' ham' zinlui sriok qang jit xee qadingg.”

”siyw kex/ dua hyy siamxsih ee juixngiaw, hex si joxsenx ee hueh, m si dansunn ee juiw ziiw. Zuqyw gunw qra toxde bre hro liw, hibang liw m hyw be qir .did, inx longxx si sinsingr :ee. Cingjing oo-bin jiyr cud banrbut ee juixngiaw, ciy cud gunw binjok sing'uac muixx jit hxang surqnia/ hue'ig, juixlauu sniax itdit qongw be suah joxsenx ee qaudai.”

”soxu ee kelauu longxx si gunw hniadi, inx ju'iongw gunw. Juixlauu jair gunw ee junjiah, hyjuiw ciriangw gunw qniaxsunx, liw diyh'air duiwtai kelauu naxx liw ee hniadi.”

”zuqyw gunw jiong' toxde bre hro liw, cniaw m tangx be qir .did, kongkir ham' zinlui jywhuew hunhiongw inx ee linghunn, si gunw dinsiyh :ee,. Gunw joxsenx jurr cutsir qaur sixbongg dy' ham' hongx horsiong siy' jiauwqor, gunw qniaxsunx snewmia ee qutcuew marr si hongx sangr laii ee. Incuw, toxde bre hro liw ixau, liw rair vyxcii inx ee doglip/ singwqed, jiong' inx dongwjyr langg erdangr damx hex buanw ~ ee huepangx/ hongx bibii cuex .quer ee soxjai.”

”jiaxee si gunw qar hro qniaxsunx ee itcer, liw qamxx guanrir qewsiok qongw hro liw ee aurdai jaix? Liw qamxx e qar inx, qongw toxde si lanw ee byxcinx, qangwlimm toxde ee itcer, marr e huatsingx dirr qniaxsunx srinx-siong.”

ZINLUI BYY IONGXIUW TOXDE, ZINLUI SRIOK TOXDE

“jex si gunw jaix :ee, zinlui vingrr byy iongxiuw toxde, zinlui sriok toxde, cniurr soxu zinlui sinkux-lai lrauu ee hueh, soxu ee singbut dy' si jiacc cinbit qaxx hunx be kuix. Zinlui vingrr byy jurqiw venjid ee snewmiarbang, jixsirr duxhyw qee dirr snewmiarbang-lai, soxu iwdoo beh qaixvenr snewmia ee soxu hing'uii, longxx e huevyr duiwingr dirr jurqiw srinx-siong.”

“u jit qnia su si gunw ixqingx jaix ee, gunw ee sinn ham' linw ee sinn si qang jit xee. Dairde duiww sinn laii qongw, si jin' dinquir ee. Duiww toxde sionghai zuxx je, viauxsi liw kinsi jyrbudjiaw ee tingdo zuxx cimx.”

“linw ee bogdig, duiww guaw laii qongw si jit xee bee, sewqair e venwjniaa sniaxngiu? Zuqyw soxu ee juixguu longxx virr dosad liauw, soxu ee iaxbew virr ab lyc drew, soxu ciurnaa viwbit ee zimrhyy vni'axqag longxx virr zinlui cimzip, dng' soxu ee snualun longxx cai qaxx buanw ~ ee denrhuextiau, quexjixciu beh kir dirr dyhh? sewqair e jniajyr sniaxkuanw? Ciurjangg beh snex dirr dyhh? Ingjiauw beh kir dyhh neh? Longxx siausid ar!! itcer ee itcer!! zuqyw sing'uac-diongx byy jauw ee bew/ berdangr paclac, e vniwjyw sniaxngiu? Hex m si sing'uac, qandna si qriuu jit kauxkuir cuanw narnia!”

”zuqyw juewau jit xee angjingxlangg jurzenn tensingr siausid, zuqyw duiww jurqiw quewkir ee qiwdii jixsirr cunx jit pnir hunn piaux quer cauxvox soxx ingwjiyr ee imngiaw, jitt sii hyhnua/ ciurnaa qamxx qycc junjai? Guaw ee juxbinn qamxx qycc vyxiuw inx joxsenx ee jingsinn?”

“gunw knuawtai jitt pxenr toxde ee simjniaa, cniurr sinsingzii qingwair buxcinx ee simjniaa. Zuqyw jiongw toxde bre hro liw, cniaw ham' gunw qangrkuanw, tniawair/ knuawqor jitt pxenr toxde. Dirr liw ee simdiongx, rair ciangjai vyxiuw toxde ee qiwig/ inx ee guanmau ciangjai dirr liw simlai, qycc rair qra inx ee guanmau vyxliuu hro liw ee qniaxsunx, cniurr sinn aiwho lanw qangrngiu aiwho toxde.”

”liw ham' gunw longxx si jitt pxenr tnide ee jit vorhun/ gunw jin' dinquir ee dairjurzenn, duiww liw marr qaix siy' qang jiacc driyc. Gunw kaksit jaix jit hxang su: siongrder jixu jit xee, zinlui jixu jit jiongw. Bylun vehlangg/ anglangg dy' vutqaix virr kuvet, lanw ingwqaix si hniadi.”

LUERJAI CIONGTUT

Sinue qra lanw qongw, qiuwsiok ee sniax laijurr cimqog siongrr drew jann. Oamr sikig soxx tuann laii jinjniar ee sinwsid si: juanxhuar decbecc laii ar! Amwngiaw dar qaxx qau ~~ qe ~ ~ ee sii, si qongbingg limqaur ee sikig.

M: u langg mng guaw, “ uirjnuaxngiu jiaxee sinue kip'inw liw? Liw ui' J.Campbell ee duiwue-diongx did diyc sniaw?” guaw ee dab si “sinue liac e diyc guaw, viauxdat cud guaw luerjai jinsit sewqair.” si anxjnuaw si anne? Uirhyy sinue qowsu jingwbingg liauw guaw sigsai ee luerjai sewqair? Si m si jiaxee qowsu laijurr guaw junjai ee qicow? Laijurr guaw cutsir dyrr jah laii ee amwiwsig jongrtair?

J: si anne ar. Liw ham' snax-vah-bxan nii jingg, Qoxjiyhkir Sidai Krugman jycsitlangg u qangrkuanw ee sinkux/ kiwquanx/ sintew lingliong. Bylun sing'uac dirr New York/ iacc si dirr dongrhet-lai, zinsingx quewdingg si qang :ee, qingquer haidongg/ laii qaur singr ee singsik, sewhanr iuaw langg' juanxvenr jyr singlenn lxamm-luw ee jurgnow singdamx/ qniaa zip hun'inx/ siongrbuew sinkux jiamrr suebii/ sitkir texlat quewongw.

Liw ham' qoxdairlangg u qangrkuanw ee sinkux/ texgiam, incuw duiww qangrkuanw ee iwsiong e u huanxingr. Pixzuu: ingjiauw/ juaa jiqanx ee duiwlip si ciangjai cuthen ee iwsiong. Juaa si sriok dairde ee lingxhik, ringx dairviauw simlingg e vuex. Jex qamxx m si lanw muixx jit xee langg dy' e qinglik ee luersimx ciongtut?

Dirr juaa/ ringx habvingr au, guansingx ee iwsiong venwjyr jit jiah sinqii ee lringg/ iacc si u sxit ee juaa. Jex si sewqair zimrhylangg dy' zin e cud ee iwsiong. Guaw bylun tak Polynesia/ Iroquois/ iacc si Eqypt ee sinue, qongw diyc ee iwsiong dy' si qangrkuanw, inx soxx tamwtyw ee bunrdee marr siyqang.

QANGRKUANW EE SINUE, BYY QANG EE GUARNGIU

B: qangrkuanw ee sinue, jixsirr dirr byy qang sidai u byy qang ee qongxhuad?

J: byy cyr! Dyrr cniurr qangrkuanw ee jit cud hxir dirr byy qang sidai vnuaenw, cing byy qang ee hiwhok.

B: jiaxee qangrkuanw ee sinue iwsiong iu' qokk binjok dai dai tuann lyc kir, cavutdyx amwiwsig si anne jyr.

J: hex si juadduir u kip'inxlat ee. Sinue damlun :ee, si qywzinn/ soxu qitnax surbut cimjann ee ywvir. Hex si jit xee bee, huisiongg kaxbiau/ kiongxvor ee ywvir, sauwduu lanw duiww surbut qiwding ee knuawhuad/ qycc si vunxsingr, jurlaii ee junjai, jin' kip'inw langg'. Dirr liw kaisiw sukyw jiaxee surbut/ luerjai ywvir/ luerjai snewmia/ ingxuanw snewmia sii, vingrr byy zuarr je iwsiong tegiongx liw suanxdik. Liw kyr jurqiw dyrr erdangr iokliok biyue cud jit quaw ixqingx henr cud qitnax susiongw texhe ee iwsiong.

B: diongsewqiw sidai, langg qaixpuar jitt xee sewqair, hyxciucniu sewqair e duar hro liw sinwsid.

J: jex si dongzenn ee. Sinue hiabjo liw liauxqaiw qokk jiongw sinwsid, jixdiamw cud denxhingg ee kyxlingsingr (Typical Probabilities).

B: cniaw hro guaw jit xee lerjingr.

J: pixzuu, sinue qra lanw qongw, qiuwsiok ee sniax laijurr cim'en siongrr erbin, oamr sikig tuann laii jinjniar sinwsid si : juanxhuar decbecc laii ar/ amwngiaw dar siongrr qau hitt kig, marr si qongbingg limqaur ee sii.

B: cniurr Theodore Roethke (1908-1961, Bixqog sizinn) soxx siaw ee, “dirr oamr ee sikig, diwhui kaisiw huatsingx jok'iong.” liw si qongw sinue hro liw texhue jitt diamw.

J: guaw ham' sinue jywhuew jin' quw ar, sinue qar guaw :ee, itdit si jiaxee qaiwliam. Jitt xee bunrdee kyxiw iong zinrdongg luerjai Qidog ee vixzursingr hongsid laii liauxqaiw. Liw simdiongx ee Qidog byy siw/ ix qinglik liauw sixbongg, qycc uac. Lingrgua, liw erdangr qra jurqiw ham' Shiva (Inwdorqaur pywhai/ jinxqiur ee sinn) jyr ittew. Guaw dyrr si dairjurjai sinbingg --- si Himalayas Snuax soxu Yoga siuhingrjaiw siongrr uixdai ee bingngiu.

TENDONGG/ DERGAK LONGXX DIRR LANW SIMLAI

B: qycc u, dairdysowlangg siongrr snackuir ee bogviaux --- tendongg, marr si dirr lanw simdiongx.

J: tendongg/ dergak dy' dirr lanw simlai, soxu ee sinn longxx dirr lanw simdiongx. Jex si seguann jingg qauw sewqiw Inwdo Upanishads (Inwdo snax dua qingdenw ji' id, qiwlok qapp viauxdat duiww diwsig/ lixqaiw/ liauxgno ee duiqiuu) ee diongriaur lixqaiw. Soxu ee sinn/ tendongg/ sewqair dy' dirr lanw jurqiw simlai, si hongwdua ee bang, soxu ee bang si sintew kiwquanx lingliong horsiong ciongtut, ixx iwsiong hingsid viauxhen, jex dyrr si sinue, henxhen cud siongrdingx/ amwhamm iwsiong. Jitt xee kiwquanx su'iaur jitt xee iwsiong/ hitt xee su'iaur hitt xee iwsiong, taunauw marr si qidiongx ji' id.

B: lanw jyr bang sii, si dirr sinue ee itpenr haixngiuu diongx diyr hii, jitt pxenr sinue dua haiw ...

J: ... jitt pxenr sinue dua haiw huisiongg ~ ~ ee cimx, liw e hro hiaxee hogjap ee iwsiong hunwluan .kir. Cniurr Polynesia ganrgiw soxx qongw ee, liw si “kia dirr dua hii-dingw, diyr sewbuew hii.” lanw cincniurr kia dirr dua haixongx srinx-siong, kia ee qicow si lanw jurqiw ee junjai. Dng' lanw dngxsinx hiongr gua sii, lanw knuar diyc jiax jit diamw/ hiax jit diamw ee siyw bunrdee, mrqyxx itdanr juanxhiongr lai jurgnow quancad, dyrr jaix jurqiw jyrsingg jiaxee bunrdee ee guantauu.

B: liw qongw diyc sinue junjai dirr jitt sii jitt kig ee bangrqingw, sniaw si bangrqingw ee siqanx?

J: kunr ee sii ar, bang diyc jurqiw simliw ingxuanw jongrtair, ham' bogjingg sing'uac ee henrsit sewqair huatsingx lenhe.

B: cniaw qaixsueh.

J: zuqyw liw juewqin itdit decc quawlu, si m si e tongx quer mow xee kyxcir, dyrr e bang diyc moxjiongw sitvai ee jongrhongw, jitt xee digding ee qywanr si ham' liw sing'uac jerje qitnax sitvai henrsiong u quanhe/ jex, je dingg siy' tac jywhuew. Freud jixcud, dyrr sngr bang qingquer siongser hunsig, marr byy kyxlingg uanjuann qaixsueh cingcyw. Bangrqingw si iuxquanx jit xee langg jingsinn janbin ee juliau laiguann, ingxuanw be qodax.

”guaw qamxx e tongx quer kyxcir?””qaix vutqaix ham' jitt xui luxsingr qethunx?” jitt xee jancur ee bang huanxingr sunzenn qywzinn bunrdee, mrqycc ui' lingrgua jit xee jancur laii knuar, tongquer kyxcir vingrr m si dansunn qywzinn bunrdee, langg ee itsingx diyh'air tongquer mow quaw jewhan, mow quaw kyxgiam, incuw jex si bang ee guanhingg, dyrr sngr huisiongg suzinn ee bangrqingw, qidiongx marr vauquad qivunw ee sinue juxdee. Bang (sinue) nng xee byy qang janbin --- qywzinn ee janbin ixx qywzinn bunrdee jyr le ee itvnuasingr bunrdee --- si poxpenr junjai dirr qokk bunhuar. Muixx jit xee langg diyh'air binrduir sixbongg bunrdee, jex si jit xee viaujunw zinsingx bedee.

huedngw tauu iac