TOXDE TUANQII: BIXJIUX INDIANS SINUE
JUXIAUR BINRDAR
Doo jap-veh si laijurr sizinn W.B.Yeats ee ceh <A VISION>. Guandew si jap-lak sewqiw ee jitt vunw ceh <THE MIRROR OF MEN AND ANGELS> cue laii ee dopnir. Jitt dniux doo ixx jap-go xee guec ee jiuqii laii duiwjiaur zinlui snax-jap-go nii ee snewmia jiuqii. YEATS dirr ceh nirr anne siaw: zinlui uac dirr jit jiongw ciauuat ee ywvir jongrtair, itdanr cutsir, siarhue sui' qra ix ee inwhy kig dirr lanw srinx-siong, incuw lanw muixx jit xee langg dy' ersaih qongw dir diyc siarhue binrdar. YEATS qra jit dniux binrdar hyrjyr “juxiaur binrdar (THE PRIMARY MASK)”.
Jitt vxag doo derr veh mii dairviauw cingcunx au, jitt sii, qongbingg jenr ngiaa o'amr, ilai/ hogjiongg ee tairdo jiamrr juanxhuar jyr singsik. Danrsi soxui dngxjniaa singsik u nng jiongw: jit jiongw si tuantongw siarhue soxx zinrding :ee, qywzinn jniajyr siarhue ee diongriaur hunrjuw, kyxviw qongxx, jit xee jiphingjiaw, jiphingg siarhue iauqiuu ee gisid, ensiok bunhuar tuantongw. Ersaih qongw ix qewsiok dir diyc “juxiaur binrdar”. Lingrgua jit bin, dirr lanw henrdai kacc kaihongr ee siarhue, qywzinn dirr jitt siqii kyxlingg e u byy qang ee jiwhiongr. Kyxlingg duiww jurqiw miarun/ siwjiuuii ee sewqaiw sanxsingx byy qang knuawhuad. Jitt sii, qywzinn kaisiw qniaa jurqiw ee lo, jiamrr lirkuix siarhue qu lo.
Lirkuix siarhue ee qewdadquanx, jauxcue jurqiw ee lorsnuar, zircniaw, dirr jitt xee quewdingg, jit dingg jit dingg qra siarhue “juxiaur binrdar” jiamrr trngr driau, jex si lingrgua jit diauu cutlo. Dirr jitt diauu lo nirr, qywzinn si sing'uac dirr siarhue soxx teqiongx ee iwsig hingtair qapp “binrdar hertongw” ee kuhik bxang nirr. Derr zi jiongw cutlo si qywzinn dandog ee duicue, muixx jit xee qywtew dy' si dan'id ee le. Tuantongw siarhue byy niu cud zuarr dua ee kongqanx hro derr zi jiongw cutlo. Danrsi henrdai siarhue, iuqii dirr Aujiux, zinrding qywzinn iongxiuw jikqik juxdong/ m si virdong hogjiongg ee kuanli cam' ligliong. Soxiw, henrdai siarhue ersaih qongw cuthen lingrgua jit jiongw ham' “juxiaur binrdar” siy' vixping ee binrdar --- “qywzinn binrdar”.
Suibongw kia dirr jit xee qoxbuw siauwlenlangg duiqiuu “qywzinn binrdar” ee siarhue, qolangg dirr duiqiuu jurgnow sii, lanbenw e duw diyc simliw jongwgai, si jit xee vutjiw aw qinxdniux ee qaidnua. Jitt sii, lanw dyrr laii qaur doo derr jap-go mee ee qaidnua, henxsi cud nng jiongw sewlat horsiong sna' vniar ee qngx: jit xee si e siaudiongw ee guehqngx, lingrgua si byy siqanx hanrjer ee zidciux. Zuqyw liw dirr jap-go gueh'ngii ee sii, kia dirr vne'ngiuu knuar zidtauu lyhsnuax ee qinggiam, dyrr kyxiw liauxqaiw, dirr hitt xee honghunx sii, saivingg tenjer-dingw jit liap tauwsim'angg ee ngii zit; danghongx qang jit xee uirdir qruar jit liap guec. Guaw jurqiw bad nng vaiw qihue cinbak knuar diyc jitt xee qingxsiong, muixx jit crur dyrr jiong' guec zinrjyr taiwiongg.
Hex kaksit si jin' ywvir ee quanqenr si'kig. Sinkux/ iwsig dy' si siongrr bingw ee sijun. Jin' jurzenn e mng qaqi: guaw si si'angg? Guaw qycc si sniaxmic? Guaw qamxx si guaw srinx-siong ee iwsig? Iacc si guaw jixvutqyr si vaux jiaxee iwsig ee kag? Guaw qamxx si jiaxee zidqngx? iacc si jiaxee zidqngx ee muiqair ziiw?
LIW EE CXIR DIRR DYHH?
Guaw bad duiww jit qrunn dairhak irvirkyx hagsingx iokk jap-zi ~ jap-cid huer, dramm jitt xee bunrdee. Hitt sii, guaw decc qrangw Vudqaur, qongw diyc vudsingr si sniaw? Sniaxmic si Qidog jingsinn? guaw giac tauu knuar tenvongg, sniu beh cue jit xee kacc hac ee vixzu, sui' cue .diyc! qra inx qongw :qok'ui, cniaw knuar tenhuavanw, liw ersaih qongw, “jitt xee vangqingx ee denrhuew u kuix.”; marr ersaih qongw “jitt qingx ee denrhuew si qngx :ee.” jixsirr qang jit hxang su nng jiongw byy qang ee qongxhuad. Jingg jit jiongw qra diongrdiamw jixhiongr denrhuew; au jit jiongw qiongdiau qngx.
Dirr Zidvunw, e qra jitt nng jiongw hunvet hyrjyr: GE HOKKAI, iwbi diyc qywtew lingxhik; RI HOKKAI, viauxsi poxpenwsingr/ itvnuadig. Zenau Zidvunxlangg e qongw “GE, RI, MU GAI”, iwsur si qywtew/ poxpenr jiqanx byy joxgai, longxx sriok qang jit huesu. Dngw laii guaw duxx qongw ee vixzu, qaxsed hitt xee vangqingx u jit liap denrhuexqiuu-aw siyx pnaiw .kir .ar, haghau quanlixguann qandna' e qra pnaiw .kir :ee ngua lyc laii, draur jit liap sinx :ee kiw .kir. Dirr jiax diongriaur :ee si poxpenr ee qngx, m si dycc jit liap denrqiuu.
Jitmaw, guaw kia dirr qangxdaii-dingw, knuar linw erbin muixx jit xee, guaw e mng guaw jurqiw, jiaxee langg u zuarr je iwsig? Dycc jit xui si sriok digding ee liw? Liw si iwsig vunxsinx? Iacc si iwsig ee muiqaiwtew?
Liw ham' jurqiw luerjai iwsig hab'id jniajyr ittew, huaipy qamxunx simjniaa duiwtai liw sinkux jyr linw ee muiqair, dyrr jinjniar erdangr vangwciuw quwjai sinkux beh kir dyhh ar! “sixbongg ar, liw ee cxir dirr dyc'ui ?” (O DEATH, WHERE IS THY STING, Kolinto I 15:55, iwbi diyc: sixbongg! Liw ngiaa liauw sniaw?) jitt sii, liw jinjniar jniajyr ingxuanw be hiuxnua ee snewmia. Zinrdongg qngx/ m si liac diauu hitt liap muiqaiwtew denrqiuu. Jitt xee iwsig kiwsag sinkux, qycc qra tec dngw laii, qycjaiww danwdiau, jaiww tec dngw laii... Suar lyc laii, liw erdangr zinrdongg rngiuu zip soxu singbut qiongrdongg ee iwsig. Liw ham' banrbut hap jyr ittew, zenau liw ersaih qongw “GE, RI, MU GAI”, qywtew/ jiongww langg, longxx siyqangg, si derqiuu jiongqik ywvir qinggiam.
Jex si qidiongx guiqix ee soxjai. Derr veh mee siongrdingx iuwdir siw .kir, snex cud singsik ee guaw, marr dongsii dairviauw bacsinx ee sixbongg, zinrdongg qidiongx ingxuanw jun'iuw ee vorhun. Cuxau, liw hnuahiw knuar diyc bacsinx duer jurzenn quilut qniaa. Itdit qaur liauw derr zi-jap-zi mee, oamr kia ngiaa bin, bactew sinkux jiamrr sunjiongg siarhue/ jurzenn lat siauter. E qir did u jit crur qongw jiaxee bunrdee sii, jit xui sensnix mng “jiaxee su dangsii e huatsingx?” “jaxban liw jongw si e jaix.”
qycc laii, doo dionghngx u sir xee dosiong, hunvet jriw cud huihiamw ee quanqenr sikig:
Derr id si iuxquaiw, vxuex-aw jyr dairviauw (TRISTAN AND ISOIDE si diongqow Aujiux tuanqii qowsu ee juxqag, inx limx lyc jit aux aiwjingg iyhjuiw. Jitt vunw jap-id jniux e qongw diyc, P.217), si TRISTAN/ ISOIDE ee vxuex, qywzinn aiwjingg/ miarun ee qakcnew, (m si THE KING MARK/ ISOIDE ee vxuex, dairvaiw siarhue anvaii ee hun'inx).
Qycc laii si jit luiw huex, dairviauw bactew ee qongcaiw.
Derr snax si qax dirr srinx-siong ee voglik.
Derr sir si diwhuirqyw, jixiaur tner quer voglik/ qniaa quer sinkux ee sixbongg, dyrr e dngxjniaa diwhui.
Jex si sinkux sinue ee jit vorhun. Sinkux itding rair qniaa quer endngg ee sinkux--- jiamrr sueziok lau .kir. Jap-qauw sewqiw uerqax BOLKIN rue jit vxag bixle ee doo: dingxbin ee sixquiw-aw duiww jit xee gersutqax ex violin, ham' juaa qa ACHILLES ee ka'aurdnex qang iwsur, packuix lingrgua jit duir bagjiux. Ix jitmaw byy qycc si ix jurqiw, si jicjair MUSE luxsinn sniax ee muiqaiwtew.
TOXDE SI SINSINGR :EE
Erbin jit dnxua qangxenw, iokk 1855 nii, si taubak SEATTLE soxx huatviauw ee. Aurlaii ee SEATTLE Ci,dyrr si ixx taubak ee miaa hy ee. Guaw zinruii, jitt dnxua enxqangw erdangr uanbiw viauxdat jaxqii zinlui duiww langg/ jurzenn quanhe ee knuawhuad:
WASHIONGTON jongxtongw siaw puex hro guaw, viauxdat beh brew gunw toxde ee iwguan. Mrqyxx liw jnuaxngiu erdangr brew tnix? Brew jurzenn? Jitt jiongw qaiwliam, duiww gunw jin' cnesox. Cingpangx ee kongkir/ bixle ee kelauu, m si gunw ee soxiuxkuann, jnuaxngiu erdangr bexbe inx neh?
Tnide muixx jit cunr toxde, duiww gunw longxx si sinsingr :ee, cingciu sionggnoo muixx jit qix canwlan ee hiyhjiamx, muixx jit pxenr haixvox/ cauxvox, ociurnaa-lai ee juixkir/ muixx jit jiah qiqix qiyr ee tangtua, soxu itcer singbut, jit qix cauw jit diamw lxo, dirr gunw ee qiwig qapp qinggiam, longxx si singwqed dinquir :ee. Gunw erdangr qamxsiu diyc ciurkox-lai lrauu ee ciurjiab, cniurr lrauu .quer gunw jurqiw sinkux ee hueh. Tnide ham' gunw horsiong si duiwhongx sinkux ee jit vorhun. Muixx jit luiw pangx qongwqongr ee huex, si gunw ee jixmuai, Himm/ lok/ ingjiauw si gunw hniadi, jiambuexliux ee giamjiyc-dingw/ cnecauxjiab/ bew-qniaw ee texunx, ham' zinlui sriok qang jit xee qadingg.”
”siyw kex/ dua hyy siamxsih ee juixngiaw, hex si joxsenx ee hueh, m si dansunn ee juiw ziiw. Zuqyw gunw qra toxde bre hro liw, hibang liw m hyw be qir .did, inx longxx si sinsingr :ee. Cingjing oo-bin jiyr cud banrbut ee juixngiaw, ciy cud gunw binjok sing'uac muixx jit hxang surqnia/ hue'ig, juixlauu sniax itdit qongw be suah joxsenx ee qaudai, soxu ee kelauu longxx si gunw hniadi, inx ju'iongw gunw/ jair gunw ee junjiah/ ciriangw gunw qniaxsunx. Liw diyh'air duiwtai kelauu naxx liw ee hniadi.
Zuqyw gunw jiong' toxde bre hro liw, cniaw m tangx be qir .did, kongkir ham' zinlui jywhuew hunhiongw inx ee linghunn, si gunw ee vyxvuer. Gunw joxsenx jurr cutsir qaur sixbongg dy' ham' hongx horsiong siy' jiauwqor, gunw qniaxsunx snewmia ee qutcuew si hongx sangr laii ee. Incuw, toxde bre hro liw ixau, liw rair vyxcii inx ee doglip/ singwqed, jiong' inx dongwjyr langg erdangr damx hex buanw ~ ee huepangx/ hongx bibii cuex .quer ee soxjai.
Jiaxee si gunw qar hro qniaxsunx ee itcer, liw qamxx guanrir qewsiok qongw hro liw ee aurdai jaix? Liw qamxx e qar inx? Qongw toxde si lanw ee byxcinx, qangwlimm toxde ee itcer, marr e huatsingx dirr qniaxsunx srinx-siong.
Gunw liauxqaiw, zinlui vingrr byy iongxiuw toxde, zinlui sriok toxde, cniurr soxu zinlui sinkux-lai lrauu ee hueh, soxu ee singbut dy' si jiacc cinbit qaxx hunx be kuix. Zinlui vingrr byy jurqiw venjid ee snewmiarbang, jixsirr duxhyw qee dirr snewmiarbang-lai, soxu iwdoo beh qaixvenr snewmia ee hing'uii, longxx e huevyr duiwingr dirr jurqiw srinx-siong.
U jit qnia su si gunw ixqingx jaix ee, gunw ee sinn ham' linw :ee si qang jit xee. Dairde duiww sinn laii qongw, si jin' dinquir ee. Duiww toxde sionghai zuxx je, viauxsi liw kinsi jyrbudjiaw ee tingdo zuxx cimx. Linw ee bogdig, duiww guaw laii qongw si jit xee bee, sewqair e venwjniaa sniaxngiu? Zuqyw soxu ee juixguu longxx virr dosad liauw, soxu ee iaxbew virr ab lyc drew, soxu ciurnaa viwbit ee zimrhyy vni'axqag longxx virr zinlui cimzip. Dng' soxu ee snualun longxx cai qaxx buanw ~ ee denrhuextiau, quexjixciu beh kia kiw dirr dyc'ui? sewqair e jniajyr sniaxkuanw? Ciurjangg beh snex dirr dyhh? Ingjiauw beh vuex kir dyhh neh? Longxx siausid ar!! itcer ee itcer!! zuqyw sing'uac-diongx byy jauw ee bew/ berdangr paclac, e vniwjniaa sniaxngiu? Hex m si sing'uac, qandna' si qriuu jit kauxkuir cuanw narnia!
Zuqyw juewau jit xee angjingxlangg jurzenn tensingr siausid, zuqyw duiww jurqiw quewkir ee qiwdii jixsirr cunx junn quer juiw byy hrunn/ zidtauu ciy cud cauxvox ee imngiaw, jitt sii hyhnua/ ciurnaa qamxx qycc junjai? Guaw ee juxbinn qamxx qycc vyxiuw inx joxsenx ee jingsinn? Gunw knuawtai jitt pxenr toxde ee simjniaa, cniurr sinsingzii qingwair buxcinx. Zuqyw jiongw toxde bre hro liw, cniaw ham' gunw qangrkuanw, tniawair/ knuawqor jitt pxenr toxde. Dirr liw ee simdiongx, rair ciangjai vyxiuw toxde ee qiwig/ inx ee guanmau ciangjai dirr liw simx-lai, qycc rair qra inx ee guanmau vyxliuu hro liw ee qniaxsunx, cniurr sinn aiwho lanw qangrngiu aiwho toxde.
Liw ham' gunw longxx si jitt pxenr tnide ee jit vorhun, gunw jin' dinquir ee dairjurzenn, duiww liw marr qaix siy' qang jiacc driyc! Gunw kaksit jaix: siongrder jixu jit xee, zinlui jixu jit jiongw. Bylun vehlangg/ anglangg dy' vutqaix virr kuvet, lanw ingwqaix si hniadi.
Lanw qra jit dnxua ue ham' Congwser Qir derr snax jniux san' duiwjiaur, dyrr e liauxqaiw: Toxde si sinsingr ee, sinsingr ee soxjai m si dirr vadd xui, si liw soxx kia kiw ee toxde-siong. Dirr jiaxee qowlyw sinue nirr, lanw knuar diyc, vutjixsirr sinkux, lanw soxx druar ee soxjai, longxx si sinsingr ee. Liw byy su'iaur jenongw iauuanw ee soxjai kir jauxcue liw ee singwtow.
Jex si lanw jitt jniux beh tamwqiur ee juxdee --- toxde sinsingwhuar. Guaw jiong' beh inxiong Bixjiux INDIANS NAVAHO ee sinue qapp sna' lensuar siongquanx suax jywcud ee doo (SAND PAINTING) laii tyxlun jitt xee juxdee. Vingdyw (ICELAND) ee ue LAND-NAM, iwsur si “toxde zinriuw/ jiamwiuw”. Dyrr si jiong' dongde ee qingxquanx digsig ham' sinue qowsu sna' lenjiab, qra toxde sinsingwhuar. NAVAHO suaboo muixx jit cunr toxde dy' qingquer anne cuwliw .quer, muixx jit cunr tow dy' jicjair jit qrow sinsingr ee ywvir.
NAVAHO EE SUAX-DOO
Snuax-doo u jit xee osig diongsimx, si soxu surbut l.-laikir-k. ee kixtauu. Ui' diongsimx hiongr gua , dng' hingsiong cuthen sii, dy' hunlec jyr nng xee duiwlip ee hingtair. Jex si INDIANS soxu sinue ee qivunw vowqiok. Jitmaw lanw laii knuar sir xee hong'ui, zidtauu ui' dangvingg vreh kiw laii, dangx si sinx snewmia cuthen ee honghiongr. Vuddyy dua gno sii, si binrduir danghongx; Siniog si dirr lexvaiwzit suanser ee, si dangvingg sinx jit zit ee kaisiw; lamm si zidtauu duxx dirr tnix, diongdaur jap-zi diamw sii; zidtauu lyc snuax dirr saivingg; vag dairviauw qniax/ sinvir cam' siarhue birdix ee huihiamw.
Jiaxee MANDALA hiongr dangx packuix, m si hongbat ee. soxu surbut dy' rair kuix hiongr hitt xee ciauuat qonghuix hro laii cngx tangr quer lanw. Zuqyw sinbingg cniurr Quriog Iahyhuaa qongw “guaw si jiongbuew”, anne ix dyrr byy qycc kuix hiongr ciauuat ee qonghuix, byy qycc si ciauuat itcer uxdiu lingliong zinqechuar siongrdingx, vnewjniaa dansunn sursit junjai ziiw. Dng' sinn qongw “guaw si siongrder”, si kiwsag ciauuat, sinr jitt jiongw sinn ee langg marr rair yc ix ee sinn hiphongx jurqiw, dngrjuat ciauuat qonghuix, anne ee jongqaur jixu cunx jongvair. Narr qongxx sinbingg qra jurqiw kaihongr hro ciauuat, dyrr si qongw hro lanw u zinrdongg luerjai sinsingr. Iasox qongw “guaw ham' tnive ittew” ee iwsur; ISLAM SUFISM qauwpair ee HALIAJ, bad qongw quer luirsu ee ue. Soxu jiaxee MANDALA marr decc qongw qangrkuanw ee dairjir. Lanw longxx si jit liap suax, sriok hitt xee byy kixtauu byy jiongbuew, ui' banrdew cim'enx lrauu zip sewqair qokk jiongw hingsid uxdiu ywvir ee jit liap suax.
Paclac binjok jiong' liac diyc ee dongrbut he dirr gisid nirr jyr singwbut, longgiap binjok soxx jingwjyh :ee marr si sinue itjaiww qiongdiau ee juxdee. MAXCIO ee PUEBLO/HUICHOL dyrr u huanbec siauwluw ee sinue, siauwluw virr inghiongg ee maxmah qiongvig kir buaa huanbec, naxx buaa, ciuw jiamrr siausid, buaa qaxx qui' sinkux longxx buaa .zip .kir, qui' sinkux byy .kir .ar. Lanw itsingx dyrr si uac dirr snewmia ee sinvir nirr, jiac ee zinrhyy mic, bylun dongrbut/ sidbut, dy' si u simx-qramx-jxingg-guan jniajyr lanw sinkux jit vorhun ee snewmia.
Qycc dngw laii qongw suax-doo, dangx dirr dingxbin, guaruii ee ngihingg vniqair dirr jitt vingg kuikauw, nng vingg u siuxhorsinn/ mngsinn hyrjyr DONSO, iacc si dua horsinn (BIG FLY). U langg qongw, dng' liw qniaa dirr suaboo, ursii e u jitt jiongw dua horsinn vuex laii hiyh dirr liw ee qingqah, si lingrgua jit jiongw hingsid ee singwlingg (THE HOLY SPIRIT), dairviauw ywvir ee sniax, dongsii marr decc qra liw cuarlo, ursii cinghox jyr LITTLE WIND. Jex qamxx m si jin' cuwbi! Si hongx/ marr kyxiw si linghunn. Hro guaw sniu kiw SEATTLE taubak ee ue: hongx sangr laii gunw qniaxsunx snewmia ee linghunn.
Doo 20. siuhorsinn juixguu (LOT 517)
Doo 21. huanbec siauwluw (SAND PAINTING EVOLUATION)
U huanbec ee sinue qowsu, teqiongx bah qapp puee ee Bixjiux juixguu (BUFFALO) marr cuthen dirr sinue nirr. Doo 20, dangvingg u nng jiah siuxhorsinn juixguu, sinue ee zinbut kia dirr dangx-saix-lamm-vag sir ee hong'ui. Marr u huanbec siauwluw ee juxdee.
Qycc laii, lanw beh laii qongw jit xee sinue, si PUEBLO :ee, marr sriok HUICHOL. Sursit-siong, si jitt xee derkux soxu binjok qiongrdongg ee sinue. Quanhe derr id qrunn ui' dairde ee juxqiongx snex cud laii ee langg, qinglik sir qaidnua, laii qaur lanw jitmaw druar ee soxjai. Dirr sir qaidnua quewdingg jongw u jit quaw iwgua huatsingx, ursii in'ui mow hing'uii inxhuad liauw duarjuiw, ursii byy sewzi ui'huanw qimwqi… dringw. Jiongbuew inx laii qaur siongrr dingxbin, dyrr si lanw jitmaw druar ee soxjai. Jex si jit xee “ui' dersimx jaiww snex” ee sinue. U jit qix tuix ui' dersimx kuer qaur derbin laii, derr id qrunn zinlui ham' inx jah laii ee dongrbut/ cauxbok u.-uanuad-u. jiacc cue diyc tuix, tuix ee siwjiuuii u jerje digvet ee huanwsiong.
Quiw nii jingg, NEW YORK Henrdairgersut Pokbudquanw iaucniaw jit qrunn NAVAHO ee quaciuw, laii jyr suax-doo sirhuan. Knuar inx siangciuw jiong' qokk jiongw sig ee suax, siongr qaxx junw ~ ~, he lyc doo nirr, hex si jin' digvet ee qinggiam. Suibongw anne, inx jongw si qra jit quaw sewjed qanxsingw driau. Sursit-siong, muixx vaiw pokbudquanw cniaw inx laii jewjy suax-doo, guanvunw qaix u ee iur qanghux jongw si byy jyr cud laii, qongw si beh vyxho siujongg ee langg, benw siurr rue-diongx xmoo ee ingxhiongw, dyrr si qongw, inx byy qra rue molat ee kaiquanx packuix. Hitt vaiw, dng' inx uirr gersut pokbudquanw jyr doo sii, dongdniuu u langg mng: “linw jnuaxngiu byy uansingg jitt vxag doo?” inx ciyr ~ aw qongw “zuqyw gunw qra uansingg, bin'axjair MANHATTAN soxu ee luxsingr dy' e ursinx lor.” Soxiw, jiaxee suax-doo vutjixsirr dansunn ee rue, inx duar u sinviwlat. Knuar inx jyr rue jin' cuwbi, knuar inx huiw driau doo marr si cuwbi qinggiam. Inx jin' sewzi pongw suax, hitt jiongw singsimx kensingg ee tairdo kyxviw ROMA Tenjuxqaur qauwsu pongw hongrhenwpinw hitt ngiu. Vitqingr, hex m si poxtongx ee suax, marr bersaih suiven danwdiau, inx qra he dirr jit xee digvet ee ap-aw lai, tec kir jit xee gunw m jaix ee soxjai cuxliw driau.
HNIADE CUE VE EE QOWSU
jitmaw laii qongw zinlui laii qaur derbin ee sinue. Jingg qongw diyc Vingdyw (ICELAND) u “toxde zinriuw” quanliam. Dirr NAVAHO vyxliukux u jit xee soxjai virr zinrding zinlui ui' dersimx sringx kiw laii derbin ee singwde, si gisid ee siongrdingde. Liw narr simsinn quanwjur dirr hitt soxjai, dyrr e sukyw sringx qaur derbin laii ee ywvir. Jitt xee sinue ui' dyc'ui laii? Si cua langg qaur hitt soxjai, jiacc qinqur sinue qra hitt soxjai sinsingwhuar.
Jitmaw lanw laii knuar lingrgua jit xee sinue ---”hniadi cue ve”. Biysiaw jitt xee sinue ee doo m si suax-doo, si huehunw-rue, si huanbec/ huex/ huehunw … soxx jewjy ee. Zi crur dairjenr sii, NAVAHO vyxliukux jerje siauwlenlangg virr driaur, qandna' cunx jit quaw laurlangg/ hurluw. Dng' hitt sii, guaw ving'iuw MAUDE OAKS, duxx ham' NAVAHO hagsip sinue diwsig/ uerdoo qikiauw, ix sniu jin vanrhuad air laurlangg tuann inx ee sinue qowsu hro ix, qidiongx jit xee lau quaciuw JEFF KING, liauxqaiw siauwlenlangg be qycc yc tuantongw ee surbu ar, jiacc dap'inr qar MAUDE. Jiaxee gisid uree qandna' jinwhingg jit mee, uree rair snax mee, qycc u kacc dngg rair qauw mee jiacc sngr uansingg. Cniuwquax :ee rair qir cingcyw soxu hogjap ee sinue/ gisid hertongw. Dng' gisid jinwhingg sii, byy iong'unw huan zimrhyy cywgo. Uirr vyxjingr be m driyc .kir, su'iaur lingrgua jit xee cninwquax :ee dirr vnix:a qamwdog, vyxjingr soxx gimcniur :ee uanbiw byy kiamwdiamw.
Hitt sii, siauwlenn :ee m si driaur kir jyr vxingx, dyrr si duiww jiaxee tuantongw byy cuwbi, gisid binrlimm sittuann guiqix. Tuann hro guarlangg ee lixiuu si, zuqyw inx erdangr jiong' jiaxee diwsig/ jailiau qaux hro zinlui hagqax, dyrr e virr vyxjunn kngr zip NAVAHO pokbudquanw. Snax-jap nidai, zinlui hagqax dng' sna' jnex rig zip kir NAVAHO, urlangg anne qunw sngxciyr, jit xee jingwsiongg NAVAHO qa'dingg vauquad jit xee vaxvah/ maxmah, jit xee qniaw ham' nng xee zinlui hagqax. M quanw anxjnuaw, dongsii quaciuw JEFF KING qycc dilehh, jerje siauwlenlangg virr driaur, qasiok dyrr e laii cue JEFF jyr jenwsu gisid. JEFF vunxlangg bad damzim Bixqunx qangjog duiwkongr GERONIMO (APACHE ee taubak), uac qaur qauw-jap gua, quewsinx au ixx jenwjingx inghiongg draii dirr ARLINGTON qokqax qongbong. Dongsii, MAUDE kir cue JEFF, vaiwtog ix jiong' hitt tyr jenwsu gisid tuann hro ix. Hex si jit xee qoxlyw jenwsu gisid, hyrjyr “hniadi cue ve (WHERE THE TWO CAME TO THEIR FATHER)”.
Doo 24 (CLICK TO ENLARGE)
Zinlui Jurr dersimx sringx qaur derbin, dyrr druar dirr jit xee siyw soxjai (doo 24), sir bin longxx si snuax, snuax-dingw ciongbuanw qokk jiongw cauxbok ee jingxjiw. NAVAHO ee rue si jiong' snax-dxo kongqanx ixx vnebin rue cud laii.
Druar dirr dionghngx ee ngii cur nirr, si NAVAHO sinue jit xui uanbiw ee luxsingr hingsiong CHANGING WOMAN, ui' hunn snex .cud .laii :ee, aurlaii marr iong jin' quaiwqii ee hongsid byy qethunx dyrr snex nng xee qniaw, ngiko'aw-lai nng xee osig sibzi dyrr si ix ee qniaw. U jit zit, ix dirr punwjuixdii sew sinkux, zidtauu jiyr diyc ix, dngw kir cur dyrr snex jit xee javox ginxaw --- qiyr KILLER OF ENEMIES (MONSTER SLAYER), si jit xee jenwsu. Hitt sii u jit jiah quaiwsiur dirr hurqin qiauxcaw, CHANGING WOMAN dyrr dirr tokax ow jit kangx, qra ginxaw kngr lyc kir, jiacc be virr sionghai; qycc kir punwjuiw hiax sew sinkux, jit vaiw jaiww ursinx, mrqyxx si ham' guehniuu u ee, m si taiwiongg, dngw qaur cur snex cud derr zi xee qniaw--- hyrjyr CHILD BORN FOR WATER, qywsingr viwsur, erhiauw huatsut. Jitt lui hniadi inghiongg qowsu si sewqair qokk de sinue ciangjai qnir e diyc ee juxdee, inx hunvet dairviauw vorlok siarhue nng dua diongriaur qaiqib: jenwsu qapp jewsix (dangqix).
CHANGING WOMAN: (DERR SNAX DNIUX)
MONSTER SLAYER (KILLER OF ENEMIES)
Nng hniadi dyrr duer maxmah druar dirr siyw cur nirr, danrsi, hitt jiah quaiwsiur iuguann ciangjai dirr hurqin ziauxluan, hniadi nng langg quatding beh kir cue vaxvah laii dauwsnaqang (Taiwiongg marr sngr inx qiongrdongg ee laurve, in'ui guec ee qngx si ui' zidtauu laii ee). Cuthuad jingg, maxmah qaudai :jitt hurqin huisiongg huihiamw, dangx/ saix/ lamm longxx ersaih tihh, juadduir bersaih hiongr vag. Nng hniadi kiokk hiongr vag kir. Tamwhiamw qriuu sinx ui'id ee lo dyrr si mair tniax duarlangg/ siarhue soxx qongw ee. Dirr RAINBOW MAN ee inxcua-ha, nng langg qniaa taur sir-bin sir jxy snuax. Cniaw digvet juwir “sir”, si INDIANS sinue diongriaur ee sowzi, jerje surbut dy' si ixx sir jyr dan'ui, jitt xee “inghiongg lo”ee sinue jurzenn byy lergua.
Nng langg qniaa liauw qycjaiww qniaa, laii qaur sewqair jinrvong ee tauwdexbuew, duw diyc jitt soxjai ee danghongx siuxhorsinn SAND MUNE MONSTER (WHITE SANDS BOY), ix u jit siangx jin' dngg jin' dngg ee ciuw, jit crunx dyrr sui' liac diyc duiwdik, qycc qra tauu cic zip suax nirr qa'ngg hib .siw, siuxho dirr sewqair zibkauw, kakvyw byy langg erdangr huac cud sinue huanruii. Hniadi sianglangg jin' hyxcuir ylyw qongw “or! Uanbiw ee WHITE SANDS BOY, sewqair byy langg erdangr ham' liw vixping!” jitt siwlangg byy tniax quer jiacc sun hni ee ue, rinr qongw “linw ersaih qewsiok qniaa!” inx nng langg jiauww sunrsi qniaa taur sir bin, qniaa cud sewqair ee venqair.
Inx laii qaur jit xee uanjuann byy digsig ee derbin, duw diyc jit xui jin' lau ee luxzinn hyrjyr “nilau”, kuix cuir jiyhox “ derqiuu laii ee javox ginxaw, linw laii jiax congr sniaw?”
“gunw beh kir cue vaxvah Taiwiongg, beh qra jiyh buxkir pah hitt jiah ciangjai kniqyy gunw maxmah ee quair iaxsiur!”
”or! Hex si jit dnxua jin' iauuanw ee lo! Danw qniaa qaur hiax, linw longxx lau lor! Krngr linw m hyw qniaa guaw qniaa .quer ee lo, itding rair qniaa dirr jniawciuxvingg!”
Hniadi nng langg jin' tniax ue, mrqyxx qniaa lehh qniaa lehh, suah be qir .did, qniaa duiww laurlangg qniaa .quer ee lo kir, (m jaix uirsniamic sinue ee inghiongg jongw si jin' byy qiwdii.) zuxx qniaa zuxx lau .kir, vutditvud cue qnuaiw-aw tuh, doxqiongg qniaa qaur be dinxdang. Jitt sii, amwdiongx itdit decc quancad inx ee laurlangg cud laii qongw “qamxx m si qra linw qongw .quer? Jnuaxngiu m tniax ue neh!”
”vaiwtog .jit .xe hro gunw qycc siauwlenn jit vaiw, qamxx hyw?” aiqiuu ee kauxkir.
”linw rair dap'inr guaw, ixau e sewzi, guaw jiacc beh vangjan linw.”
laurlangg pruir cuiwnua dirr ciuxsimx, qycc ui' quewlangkax ham' siangkax jiqanx tec jit quaw jiab, lam jywhuew buah dirr inx nng langg srinx-siong, inx sui' vnir siauwlenn. Jaiww crur huanhur “ m hyw be qir did or! Qniaa lo ee jniawvingg!”
Inx nng langg qycc qewsiok qniaa. Byy zuarr quw duw diyc lingrgua jit xee laurlangg , snex jyr sewliabjiw/ puehux jin' ox, hyrjyr “SPIDER WOMAN”, si dairde buxcinx ee huawsinx, jiangxquanw soxu senluw cam' qujniax. Mng “uee! Derqiuu ginxaw, sniaxmic hongx qra linw cuex .laii?”
”gunw beh kir cue taiwiongg vaxvah jiyh buxkir laii vyxho maxmah.”
”hex si jit dnxua jin' dngg ee luxdingg, guaw knuar linw singx zip laii hiyckunr .jit .xe, danw jingsinn vaxjiog jiacc qycc qongw.”
SPIDER WOMAN qongw suah, amwdiongx jyr hxuad hro zidtauu qniaa qinw .quaw, kacc jaw lyc snuax, inx hniadi vutditvud lauu lyc laii quer jit mee. SPIDER WOMAN druar ee soxjai jixvutqyr si derha jit kangx-aw-qniaw, mrqyxx inx qniaa zip kir sii, qycc byy sniaw bunrdee. SPIDER WOMAN cniaw inx jiac mic, qycc hro inx quiw der obak-caa ham' TURQUOISE, qiyr inx tunx lyc kir, qycc qra inx qongw, suar lyc laii ee luxdingg e duw diyc sniaw bunrdee/ kunwlann. Siongrbuew hro inx jit qix jiauxmngg, qongw “narr duw diyc zimrhyy kunwlann, jixiaur liac diauu jit qix dyrr e byy dairjir.”
inx qewsiok qniaa inx ee lo, kyr jiaxee diwsig/ jiauxmngg ee vangjo, huawqaiw jerje kunwlann, kyxviw e quah .langg ee ciwqiuu/ e cak .langg ee qnuabangg/ giat'axtangg/lag lyc laii ee giamjiyc … dringw. Siongrbuew laii qaur kox juann sewqair ee dua haiw-vnix.
Kyr jiauxmngg draur janwjo, inx anjuann dro quer dua haiw, laii qaur Taiwiongg ee daux, si dua uxdiu-diongx ee siyw uxdiu. Cur jingg u sir dongrbut siuxho, dairsingx, duw diyc sir buew juaa, cutsir laii jyr jenwsu ee duarhnia qniaa hiongrr jingg, qui lyc laii jiong' tauu jimr zip sapbunjuiw ee ca'tangw nirr, si sexlew gisid, ix ee simlingg dyrr ui' sewsiok juanxjyr jenwsu jingsinn, rair tongquer siuxhorsinn: sir buew juaa/ sir jiah himm/ sir dua hongx/ sir dua luii, laii qaur mngkauw, sir sig dairviauw sir hong'ui, jniawvingg kia ee si Taiwiongg ee jaboxqniaw, dywciuxvingg si Taiwiongg ee bew, bew jingg ee mic viauxsi nng hniade qniaa .quer ee lo qapp sriu .diyc ee joxgai.
“linw si si'angg?” jaboxginxaw mng.
”Gunw si Taiwiongg ee qniaw.”
”or! Anne or! Vaxvah jitmaw byy dilehh, dagg zit qowding ee siqanx rair cud kir sunlyy. Mrqyxx ix narr dngw laii, kiongxqniax duiww linw vutli, guaw rair singx qra linw vyxho jiacc e ing tihh.”
Dyrr iong sir sig ee hunn qra inx hniadi vaux kiw laii, cangr dirr byy qang sig mngg ee aurbin. Amr, Taiwiongg kiaa bew dngw laii ar, qniaa zip cur-lai, jiong' vinvaii qruar dirr viah au, k.-kinkiangx-k. dirr cur nirr qniaa laii qniaa kir, quer jit diap aw quw, mng “qin'axzit guaw knuar diyc nng xee siauwlenlangg laii jiax, inx si'angg?”
”liw jongw si qongw, liw dirr guarbin jin' quiqiw, danxx inx nng langg qongw si liw ee qniaw.”
”lnx jinjniar anne qongw?”
Taiwiongg kaisiw dirr cur-lai siwqer srunn, qra inx nng hniadi ui' mngg-au tuax cud laii, qycc hro inx jit quaw kyxgiam.
Camkyw juliau/doo:
WHERE THE TWO CAME TO THEIR FATHER
LAURVE EE KYXGIAM
Jex si INDIANS sinue siongrr air iong ee juxdee: laurve kyxgiam qniaw, dniurlangg ciwgiam qniaxsair. Dirr jitt xee sinue nirr, Taiwiongg beh kyw inx nng xee qniaw, dairsingx qra inx danr duiww dangx-saix-lamm-vag sir jiongw byy qang sig ee huexjiyc dngg dxingx nirr, kyr hitt qix jiauxmngg, inx hniadi dro quer jitt quanx; qycc laii Taiwiongg hro inx jit qix u dok ee huncauw, inx gryy .quer. Derr snax hro inx zip kir quann zet ee hangloo nirr, inx tner .quer .kir. Siongrbuew, duiww inx qongw “ knuar .laii, linw jinjniar si guaw ee qniaw, anne duer guaw laii qecviah vangqingx!” hro jit xee kia dirr ox gupuee-dingw, jit xee kia diamr vehsig :ee dingxbin, jiacc qra inx qongw inx jinjanir ee miaa, nng langg sui' did diyc inx jinjniar ee vunxsingr. Dirr huehunw-rue nirr, nng hniadi vunxlaii si cad osig ee, did diyc jinx miaa au, nng langg ee dohingg venr dngg, a'hniax si osig :ee, siyxdi si naa :ee. Dirr gisid-diongx, iuxquanx jitt dnxua hniadi juanxhingg quewdingg huisiongg jingcaiw, u dann luii/ sic'nar. Qingquer jitt xee gisid au, nng hniadi liauxqaiw jurqiw si sniaxmic langg, tauwquer hurcinx qycjaiww cutsir jit vaiw.
Tongx quer kyxgiam, did diyc vunxsingr, inx ee lat jingqax jit vxue, nng langg qokk huawsinx jniaa zi, duarhniax ee huawsinx si ngsig, vehsig si siyxdi ee huawsinx. Ixx anne ee hingtair, inx kaisiw qniaa dngw kir, dro quer dua haiw, laii qaur tnix ee dongrkauw, inx ee kax-vnix iuguann u jit qix jiauxmngg, m si SPIDER WOMAN hro inx hitt qix, si Taiwiongg hro inx ee.Dirr jitt xee dong jingg, Taiwiongg quatding qra inx jyr juewau jit vaiw ciwgiam, mng inx “linw ee miaa si sniaw?” “vakvingg hitt jxy snuax qiyr sniaw miaa?” “tnix hitt xee kangx qycc si sniaw?” jiaxee dab BIG FLY ixqingx singx dirr inx hni-vnix qongw ar. Liw kyxlingg e zinruii anne si longrver, mrqyxx dairjir vutqaix anne sniu. Zuqyw vunxsinx byy qauwgiac ee linglik, byy kyxlingg did diyc vangjan. Dyrr anne, nng hniadi tongx quer juewau ciwgiam, laii qaur diong'iongx snuamec ---MOUNT TAYLOR.
QUAIWSIUR (ROCK MONSTER)
Jitt nng hniadi beh taii siw jitt jiah quaiwsiur jinwjingg, diyh'air singx sad siw quaiwsiur ee guanhingg, hyrjyr ROCK MONSTER, ix druar dirr oo-vnix, ix ee ziogdiamw si ciangjai qra ngiaw zinrjyr sidtew. Inx liriong jitt diamw, singx kia dirr oo-vnix, hro gorzin juixngiaw si jinlangg. ROCK MONSTER knuar diyc juixbin ee ngiaw, sniu “guaw erdangr qra limx zip vakdow-drew, qra linw siauhuar driau.” limx liauw oo nirr ee juiw, danw siauhuar driau jiacc qra juiw tror cud laii. Mrqyxx inx iuguann dirr hiax, jixhyw qycc limx jit vaiw, anne l.-laihuee-h. sir vxenr, jinisnn/ kuiwlat virr buaa qra jin' tiamw lor! Jitt sii inx jin' kinsangx dyrr jiong' ROCK MONSTER taii siw. Jin' cuwbi :ee si, jitt jiah ROCK MONSTER marr si Taiwiongg ee qniaw, mrqyxx jiurr jitt hxang dairjir, Taiwiongg kiokk kia dirr hniadi jitt vingg jo inx taii driau jurqiw lingrgua jit xee qniaw, siongdongx aiwmai qycc quixjar ee sxen-og zirguann duiwlip jingqad.
Taii siw ROCK MONSTER au, hniadi nng langg junxvi dngw kir cur nirr. Dng' inx qniaa laii qaur MOUNT TAYLOR snuax-kax, jit byy sewzi suacc quddyw, qra vaxvah hro inx ee buxkir pangwqnir .kir, jitt sii inx ixqingx lirkuix huew-sewqaiw, jinwzip juiw-huew hunwlam ee lingxhik. Dirr jiax inx duw diyc TALKING GOD, si jiongww sinn buxcinx ee lamsingr joxsenx lamm-luw hunwhabtew, cuir qapp bagjiux si lamsingr ee ho cam' luxsingr ee bu josingg, pni si huanbehqyw jyr ee. TALKING GOD sangr inx jit qix qangx ee ham' buw ee huanbec jewjy ee qidyw-qnuaiw, qycc hro inx qokk langg jit duir qangx-buw buxkir, erdangr huad cud hongsia-hxingg molat. Nng hniadi jah liauw TALKING GOD ee buxkir kir tiaujenr hitt jiah quaiwsiur. Qingquer snax lensuar qiongdua jenwdor, jin' byy qanxdanx jiong' quaiwsiur sad siw, nng hniadi marr sriu dang siongx, kax cuiw longxx byy .kir, siyxdi siongdiong qra qiongbecc jniajyr a'hniax ee huawsinx. Jiongww sinn qangwlimm uirr inx qixvan jit xee gisid, jiacc hro inx huehok qenrkongx.
Dauwdew jiongww sinn vran :ee si sniaw gisid? Dyrr si trer inx qra jaxjingg ee qinglik dingsinx qongw jit vxenr, cniurr henrdai simliw isux, hro huesiongw ixjingg ginxaw sii ee qiwdii, qycjaiww cruw diyc sinx snewmia ee iwgi, jiongww sinn uirr inx hniadi jyr liauw anne ee “simliw dirliauu”, marr singqongx qra inx dri hyw. Soxiw inx tongquer qokk jiongw kyxgiam, qinglik jiongww sinn ee gisid, inx qycc jniajyr sir xee ar. Jitt xee qowsu ee suax-doo siongrr u lat :ee si jitt vxag, sir xee byy qang sig ee iongxqnia javox ginxaw, kia dirr quansnuax buexliux.
Dng' JEFF KING jiong' jitt tyr gisid qar MAUDE OAKS sii, diauqangx qra siongrbuew jitt vxag singw driau, “longxjongw anne ar!”
“m driyc! Itding qycc u jit vxag!” MAUDE ixqingx jin' liauxqaiw sinue gisid, qencii iauxx qycc u jiacc driyc! JEFF jixhyw jiong' siongrbuew jitt vxag qaux cud laii.
Jex si “hniadi cue ve” ee sinue. Qokk hongbin knuar .laii, dy' si jit xee siongdongx denxhingg ee morhiamw sinuerqow: juxqag lirkuix sewhanr sigsai ee sewqair qniaa zip birdix lingxhik, sriu jin kanlann did huee sitkir :ee, qycc jah diyc jenr ngiaa ee mic qong'ingg dngw laii qowhiongx, jin' suiw ee morhiamw sinue.
BLACK ELK
BLACK ELK anne qongw : “guaw knuar diyc jurqiw dirr singwsnuax-dingw, xui jairr sewqair diongsimx ee snuax, vnix :a u jit jangg ciu si sewqair diongsimdiamw, ciu-dingw u snax jiah vuejiauw. Siwjiuuii u sir xee kiaa bew ee qisu kox jit lenr. ” jitt xee qingxsiong si ix qauw huer sii, knuar .diyc ee huanxqingw, irqyr inx jogqunn zidau miarun.
Jin' quw au, inx derr id vaiw jygu diyc vehlangg qongqig, qyckacc quw au, huatsingx u miaa ee jenwjingx BATTLE OF WOUNDED KNEE.
“Hitt jxy snuax dyrr si SOUTH DAKOTA ee HARNEY PEAK, mrqyxx diong'iongx snuamec busow-vutjai.” BLACK ELK qewsiok anne qongw. Ix ee qongxhuad vingrr byy siy' dahtud. Sionghuanw, duxx viauxbingg ix hunx cingcyw siongrdingx (SYMBOL) qapp siongrdingbut soxx dairviauw ee iwgi (REFERENCE OF SYMBOL).
Camkyw bangrjam: BLACK ELK'S VISION
INXCUA SNEWMIA LO
Singwde busow-vutjai. Uirr sinwgiongw kir qaur mow singwde camvair, jiong' simlingg juanjur dirr ciauuat qinggiam ee ywvir, dyrr e zinrding hitt soxjai si sewqair diongsimx, kyxlingg dirr danghongx/ saivingg/ iacc si lamhongx. BLACK ELK ee ue hro guaw sniu kiw jit vunw jap-zi sewqiw ceh <BOOK OF THE TWENTY-FOUR PHILOSOPHERS> ee jit dnxua ue, “sinn si erdangr virr lixqaiw ee lingxhik, ix diongsimx busow-vutjai, ix ee qaiwhan qycc iauuanw buvnix.” singwqair dyrr si jitmaw/ jiax. Sinue/ gisid ee qonglingg beh hro lanw qinglik henrjuxsii ee texgiam, m si quxdngg jingg iauuanw soxjai ee qinggiam.
Guaw diyh'air dingcingx, sinviwjuxgi ham' henrdai kyhak vingrr byy jinjniar u ciongdut, maudunw ee si 2000 B.C./2000 A.D. ee kyhak lixqaiw. Dnaxx sehongx jongqaur quanliam hro lanw kunwziauw, si lanw tak ee qingdenw laujurr quiw cingx nii jingg hng ~ ee vadd soxjai, jit qrunn ham' lanw sing'uac qinggiam uanjuann byy qaujip ee langg siaw :ee, henwcud zinlui jurzin ngiaa quer jurzenn, jiangxag jurzenn ee sidai digsingr. Sna' vixqaur SEATTLE taubak zinrding, zinlui diyh'air rngiuu zip jurzenn, jyr jurzenn jit vorhun, si byy qang qaiwliam ee.
Jitt nng xee ee cavet si guaw soxui siw :ee/ gne :ee, siongduir uac ee/ e u jok'iong ee sinue. Zuqyw jit xee sinue si uac lingwlingr, qinvunw byy su'iaur qaixsuad ix ee iwgi. Cniurr knuar jit vxag doo, e didjiab cam' liw duiwue. Narr mng jit xui uerqax “ liw rue :ee si sniaw iwsur?” zuqyw ix u sniu beh buxjiok liw, dyrr e qra liw qongw rue ee iwgi. Tak sinue ee honghuad ham' himsiongw doo uanjuann qang; narr u hitt jiongw qinggiam, dyrr e liauxqaiw sinue decc qongw sniaw. Mrqyxx lanw dnaxx longxx sitkir jitt ngiu ee linglik ar!
Kranx dirr <FOREIGN AFFAIRS> ee jit pnix bunn, hyrjyr “quansimx qapp hogguann dairjiongr sinue”. Dng' jit xee siarhue byy qycc u sinue laii teqiongx icii qapp hyhaii ee lat sii, jingxqyy siarhue e cux hiongr tuatli sunrsi qniaa zip uaxqaiw. Jex si lanw jitmaw binrlimm ee jinghongw. Danrsi bunjniux ee jokjiaw, dingrgi sinue ee hongsid byy qraur uanjingw, qongxx si jit tyr quanhe jonghap uxdiu qokk vorhun/ qokqax/ qitnax zinqunn soxx jiapsiu ee quanliam. Zuqyw si anne, iwsig hingtair dyrr qauwgiac lor! Sidjer-siong, sinue soxx quansimx :ee, qyckacc si sanxsingx jiaxee quanliam ee ywvir qingxqair, quanhe qywzinn qauwiok honghuad, inxcua snewmia dyrlo, si guaw duxx qongw diyc hitt xee sinue soxx jyr ee. Qonglingg si hro sing'uac ee qywzinn huhap jurqiw snewmia jiuqii, diauhyy jiuuii sing'uac kuanqingw, hyhaii sing'uac dirr jurzenn ittew ee siarhue nirr.