Marko Hok'imx
1 Siongrder ee Qniaw, Jesus Krist ee hok'imx ee kixtauu.
2 Cincniu dirr sendix Isaiah ee ceh soxx qiwjair qongxx, "Guaw crex Guaw ee suwjiaw laii dirr Liw ee binrjingg, laii siujingw Liw ee lo;
3 U langg dirr kongwiaw qiyr, ix ee qiyr-sniax si qongxx, 'Diyhh virvan Jruw ee dua lo, siux dit Ix ee siyw lo.'"
4 Johan laii dirr kongwiaw qniaa sexlew, tuann huanxhuew ee sexlew, hro langg did diyc siar jue.
5 Tong' Judea-de qapp Jelusalem ee jiongww langg longxx cud laii jiurqin ix, zin inx ee jue, dirr Jordan Hyy dui' ix siurr sexlew.
6 Jitt xee Johan cing logdymngg, iyx haa pueduar, jiac cauxmeh qapp snua'iaw ee bit.
7 Ix tuann qongxx, "U jit xee viw guaw kacc u quanlingg :ee e duewbuew guaw laii. Guaw dyrr si kud lyc laii tauw Ix ee eduar iarr byy qraur qeh.
8 Guaw bad ing juiw qra linw qniaa sexlew. Ix beh ing Singwsinn qra linw sew."
9 Dng' hiaxee zit, Jesus dui' Galilee ee Nazalet laii, dirr Jordan Hyy dui' Johan siurr sexlew.
10 Ix dui' juiw kiw .laii, jiksii dyrr knuar qnir tnix lic .kuix, Singwsinn cincniu jnixaw qangwlimm dirr Ix ee dingxbin.
11 Qycc dui' tnix u sniax qongw, "Liw si Guaw soxx tniar ee Qniaw, Guaw hnuahiw Liw."
12 Singwsinn jiksii vig Ix kir kongwiaw.
13 Ix dirr kongwiaw sir-jap zit, duw diyc Satan qra cir, iarr qapp iaxsiur snaqab druar. U tnisair suhau Ix.
14 Johan ixqing' ho'ngg qnuaiqnax. Jesus qaur Galilee tuann Siongrder ee hok'imx, qongw,
15 "Zidqii muaw lar, Siongrder ee qog qin lar; linw diyhh huanxhuew laii sinr hok'imx."
16 Jesus qingquer Galilee ee haiw-qnii, knuar qnir Simon qapp ix ee hniadi Andlew qra bxang prax dirr haiw nirr; in'ui inx si tyxhilangg.
17 Jesus qra inx qongw, "Linw laii duer Guaw. Guaw beh hro linw jniaa juer did diyc langg ee tyxhii :ee."
18 Inx liamvnix qra bxang vangr .lyc .laii laii duer Ix.
19 Ix liyc aw jinwjingg, knuar qnir Zebedee ee qniaw James qapp ix ee hniadi Johan dirr junn nirr decc vow bxang.
20 Ix liamvnix jiyx inx, inx dyrr vaiwvet inx laurve Zebedee qapp dirr junn nirr ee cniawqanglangg, laii duer dirr Ix ee aurbin.
21 Inx zip Kapernaum. Jesus dirr Anhiyczit zip huerdngg qawsi langg.
22 Langg qiquair Ix ee qawsi; in'ui Ix qawsi langg cincniu jit xee u qxuann :ee, byy cincniu jit xee qinghagsu.
23 Huerdngg lai u jit xee huan diyc qxuiw ee langg auqiyr qongxx,
24 "Nazaletlangg Jesus, guanw qapp Liw simxmih qansiap? Liw laii beh bet guanw mah? Guaw jaix Liw si jirjui, dyrr si Siongrder ee Sxingr :ee."
25 Jesus jikvi ix qongxx, "Liw diyhh jing jing, dui' jitt langg cud .kir."
26 Siasinn tiucuah hitt langg, dua sniax qiyr, ix dyrr dui' ix cud .kir.
27 Jiongww langg longxx gonggniac, drir qaur sna' venrlun, qongw, "Jex si jnaixngiu? Si sinx ee qawsi. Ix ing qxuann bingrling siasinn, siasinn iarr sunrtanr Ix."
28 Ix ee miasniax suisii venwtuann dirr Galilee ee siwhngx.
29 Inx ixqing' cud huerdngg, dyrr qapp James, Johan zip Simon qapp Andlew ee qrex.
30 Simon ee dniurmw huan diyc zedvni dyw lehh. Suisii u langg jiong' jex qra Jesus qongw.
31 Ix qinruaw kir kanx ix ee ciuw, hro ix kiw .laii, zet dyrr trer; hurzinlangg dyrr suhau inx.
32 Qaur honghun'amr, zit lyc liauw, u langg cua longxjongw u puawvni :ee, qapp huan diyc qxuiw :ee jiurqin Ix.
33 Tong' sniaa longxx jurjip dirr mngkauw.
34 Jesus rix hyw jerje dagg ngiu ee vni, qycc qnuaw jerje qxuiw. Ix m jrunw qxuiw qongxue, in'ui inx bad Ix.
35 Qeh jaixkiw, tnix iauxx vutjiw aw amr, Jesus kiw laii cud kir kongwiaw ee soxjai, dirr hiax qidyw.
36 Simon qapp dangpnua kir duicue Ix.
37 Duw .diyc liauxau, inx dyrr qra Ix qongw, "Jiongww langg longxx decc cue Liw."
38 Ix qra inx qongw, "Lanw laii kir vadd xui, laii kir qaur hurqin ee votauu, hro Guaw tangx dirr hiax tuandy; in'ui Guaw si uirdiyhh jitt xee su jiacc cud .laii."
39 Ix dyrr venwqniaa Galilee, zip inx ee huerdngg, suantuann dyrliw, qycc qnuaw qxuiw.
40 U jit xee taixqyx :ee jiurqin Ix, qriuu Ix, qra Ix qui, qongw, "Liw narr kingw, dyrr e hro guaw cingkir."
41 Jesus kyxlinn ix, crunx ciuw bongx ix, qra ix qongw, "Guaw kingw. Liw tangx cingkir."
42 Taixqyx jiksii druu .kir.
43 Jesus giamgiamm qingxqair ix, dyrr qiyr ix kir,
44 Iarr qra ix qongw, "Diyhh qinxsin, m tangx qra langg qongw simxmih; dogdok diyhh jiong' vunxsinx kir hro jewsix giam, uirdiyhh liw did diyc cingkir ee su, henr Moses soxx huanhur :ee, laii duiww langg juer jingwqir."
45 Danrsi ix cud .kir, dyrr dua dua suantuann, siwqer vywiongg jitt xee su; drir qaur Jesus byy tangx qycc henxzenn zip sniaa, dogdok druar dirr guarbin kongwiaw ee soxjai. Langg dui' siwhngx laii jiurqin Ix.
2 Quer quixnarr zit, Jesus qycc zip Kapernaum. Langg tniax qnir Ix dirr cur-lai,
2 Jerje langg dyrr jurjip, drir qaur byy kangwde, lenrr mngkauw hiax iarr byy. Ix dyrr qongw dyrliw hro inx tniax.
3 U langg duar jit xee venwsui :ee jiurqin Ix. Hitt xee venwsui :ee si hro sir xee langg qrngx .laii.
4 In'ui langg je, byy huatdo qinruaw, inx dyrr qra Jesus soxx diamr ee soxjai ee cur-dingw tiah hro ix qui' kangx, jiong' venwsui :ee dyw ee pox-aw dui .lyc .kir.
5 Jesus knuar qnir inx ee sinr, dyrr qra venwsui :ee qongw, "Sewqniaw, liw ee jue siawbenw lar."
6 U quixnarr xee qinghagsu jre dirr hiax, simlai girlun qongxx,
7 "Jitt xee langg jnaixngiu anxnix qongw ar? Ix si ciamwquann lamrsamw; duliauw Siongrder ixgua, jirjui e siawbenw jue ar?"
8 Jesus simlai liamvnix jaix inx u jitt hy ee girlun, dyrr qra inx qongw, "Linw sniaw su dirr simlai girlun jiaxee ar?
9 Qra venwsui :ee qongw, 'Liw ee jue siar lar', iacc si qongw, 'Kiw .laii, giaa liw ee pox-aw kiw laii qniaa', dycc jit hxang kacc kuair?
10 Dogdok beh hro linw jaix, Zinjuw dirr de nirr u qxuann tangx siar jue." Dyrr qra vensui :ee qongw,
11 "Guaw qra liw qongw, kiw .laii, giaa liw ee pox-aw dyr kir liw ee cur."
12 Ix dyrr kiw .laii, dirr jiongww langg ee binrjingg suisii giaa ix ee pox-aw cud .kir; drir qaur jiongww langg longxx gonggniac, qruix ingqngx hro Siongrder, qongw, "Guanw jionglaii m bad knuar qnir anxnixsnix."
13 Jesus qycc cud kir qaur haiw-qnii; jiongww langg longxx jiurqin Ix. Ix dyrr qawsi inx.
14 Ix qingquer ee sii, knuar qnir Alfaeus ee qniaw Levi dirr hiongwquanx hiax jre, dyrr qra ix qongw, "Duer Guaw." Ix dyrr kiw laii duer Ix.
15 Jesus dirr Levi ee cur jerdyh ee sii, u jerje tiux hxiongr :ee qapp pnaiw langg cam' Jesus qapp Ix ee hagsingx jre dauwdin. In'ui hiaxee langg je, iarr longxx duer Ix.
16 Falise ee qinghagsu knuar qnir Ix qapp pnaiw langg ixqip tiux hxiongr :ee snaqab jiac, dyrr qra Ix ee hagsingx qongw, "Ix qapp tiuhingr :ee ixqip pnaiw langg snaqab limjiac ar."
17 Jesus tniax .qnir, dyrr qra inx qongw, "Iongxqnia :ee byy kiamr isingx, narr puawvni :ee dyrr diyhh. Guaw laii m si beh jiyx girlangg, si beh jiyx pnaiw langg."
18 Johan ee hagsingx qapp Faliselangg dngdecc qimwjiac. Inx jiurqin laii qra Ix qongw, "Johan ee hagsingx qapp Faliselangg ee hagsingx decc qimwjiac, Liw ee hagsingx byy qimwjiac, si jnaixngiu?"
19 Jesus qra inx qongw, "Sinqniaxsair qapp hyrcua ee langg dilehh ee sii, inx qamxx e qimwjiac mah? Sinqniaxsair iauxx snaqab dilehh ee sii, in bersaih qimwjiac.
20 Danrsi sizit beh qaur, sinqniaxsair beh dui' inx diongqanx byy .kir, hitt zit inx dyrr beh qimwjiac.
21 Byy langg ing sinx vor vow qu snxax; narr u, soxx vow :ee hitt der e qra qriur lic, dyrr si sinx :ee qriur lic qu :ee, puawkangx e qyckacc dua.
22 Iarr byy langg ing sinx jiuw drew dirr qu puelongg; narr u, sinx jiuw e viag lic puelongg, jiuw lrau, lrongg iarr pacpnaiw. Dogdok sinx jiuw diyhh zip dirr sinx puelongg."
23 Jesus dirr Anhiyczit dui' behhngg qingquer, Ix ee hagsingx dirr qnialo ee sii diah behsui.
24 Faliselangg qra Ix qongw, "Liw knuar, inx dirr Anhiyczit qniaa soxx m ingqaix qniaa :ee, si jnaixngiu?"
25 Jesus qra inx qongw, "David qapp qinduer ee langg, dng' inx kiamwkueh qycc iaux ee sii soxx qniaa :ee, linw byy tak .diyc mah?
26 Dyrr si dng' Abiatar juer jewsitauu ee sii, ix jnaixngiu zip Siongrder ee cur, jiac vailet ee vniaw, suar qycc hro qinduer ix ee langg. Jitt hy vniaw, narr m si jewsix, dyrr m tangx jiac."
27 Qycc qra inx qongw, "Anhiyczit si uirdiyhh langg laii setlip, m si langg uirdiyhh Anhiyczit laii setlip :ee. Soxiw Zinjuw iarr si Anhiyczit ee Jruw."
3 Jesus qycc zip huerdngg, dirr hiax u langg jit ciuw qodaa :ee.
2 Inx beh knuar Ix dirr Anhiyczit e idi ix iacc byy, iwsur si rair beh tangx qryr Ix.
3 Ix dyrr qra hitt xee ciuw qodaa :ee qongw, "Kiw .laii, kia dirr diong'ngx."
4 Ix dyrr qra inx qongw, "Anhiyczit qniaa hyw, qniaa pnaiw, qiur sniwmia, hai sniwmia, dycc jit hxang si habgii?" Inx jing jing.
5 Ix dyrr siurkir, bagjiux siwquer decc knuar, iubun inx ee simx gni, dyrr qra hitt xee langg qongw, "Crunx liw ee ciuw." Ix dyrr crunx .cud .kir, ciuw dyrr hyw hyw.
6 Faliselangg cud .kir, suisii qapp Helod ee dongw snaqab qewboo qongqig Jesus knuar tangx jnaixngiu bet Ix.
7 Jesus qapp Ix ee hagsingx trer kir haiw-vnix, u qui' dua din ee langg dui' Galilee duer Ix;
8 Iarr u dui' Judea, Jelusalem, Idumea, Jordan Hyy gua, qapp Tyle Sidon qingwlai. Qui' dua din ee langg tniax qnir Ix soxx qniaa hiacnirr dua ee su, dyrr laii jiurqin Ix.
9 In'ui langg je, Ix dyrr qra Ix ee hagsingx qongw diyhh virvan junn-aw laii tingwhau, benw did inx ekeh Ix.
10 In'ui Ix bad rix hyw jerje langg, drir qaur huanrr u puawvni :ee longxx vig uaw .laii, rair beh bongx Ix.
11 Hiaxee siasinn jid'err knuar qnir Ix, dyrr pag dirr Ix ee binrjingg auqiyr qongxx, "Liw si Siongrder ee Qniaw."
12 Ix jiap jiap qingwqair inx, byc did qra Ix vywiongg.
13 Ix jnriu snuax, jiauww Ix qaqi soxx rair :ee driaur langg laii. Inx laii jiurqin Ix.
14 Ix dyrr setlip jap-zi xee langg, tangx qapp Ix siongsiongg dilehh, iarr tangx crex inx kir suantuann dyrliw,
15 Qycc u qnuaw qxuiw ee qxuann.
16 Ix dyrr cxingx Simon juer Peter.
17 Qycc u Zebedee ee qniaw James, qapp James ee hniadi Johan; jitt nng langg Ix cxingx inx juer Boanerge, dyrr si "Luii ee Qniaw" ee iwsur;
18 Qycc u Andlew, Filip, Bartolomew, Mateo, Tomas, Alfaeus ee qniaw James, qycc u Taddaeus, qapp Kanaanite ee Simon,
19 Ixqip bre Ix ee Iskaliotlangg Judas.
20 Jesus zip kir cur nirr. Jiongww langg qycc jurjip, drir qaur inx be qor did jiac.
21 Ix ee cinlangg tniax .qnir, dyrr cud laii beh qra Ix liac lehh, inx qongw, "Ix denqongg :ar."
22 Dui' Jelusalem lyc .laii ee qinghagsu qongw, "Ix si hro Beelzebub hursinx"; qycc qongw, "Ix si uaxkyr quixongg laii qnuaw qxuiw."
23 Ix qiyr inx laii, sed piwzu qra inx qongw, "Satan taixtyw e qnuaw Satan?
24 Qog narr qaqi jingvniar, hitt xee qog dyrr kia be diauu.
25 Qrex narr qaqi jingvniar, hitt xee qrex iarr kia be diauu.
26 Satan narr kiw laii qaqi jingvniar, ix iarr kia be diauu, dikkag e bet.
27 Byy langg e zip bingw langg ee cur laii qiab ix ee qehuew; diyhh dairsingx vak hitt xee bingw langg, zen'au jiacc beh qiab ix ee cur.
28 Guaw sidjai qra linw qongw, qniwnarr sewqanlangg soxx huan ee jue, qapp inx soxx vongwdok itcer vongwdok ee ue, longxx beh siawbenw inx;
29 Dogdok qniwnarr vongwdok Singwsinn :ee, ingxuanw be did diyc siawbenw. Inx dyrr si huan diyc ingxx sewdai ee jue."
30 Jex si in'ui hiaxee langg qongw, "Ix huan diyc siasinn."
31 Ix ee laurbuw qapp Ix ee hniadi laii kia dirr guarbin, crex langg kir qiyr Ix.
32 U qui' din ee langg uii Ix decc jre. U langg qra Ix qongw, "Liw knuar, Liw ee laurbuw qapp Liw ee hniadi dirr guarbin decc cue Liw."
33 Ix dyrr rinr qongxx, "Simxmih langg si Guaw ee laurbuw, Guaw ee hniadi ar?"
34 Dyrr siwquer knuar hiaxee uii Ix decc jre ee langg qongw, "Knuar ar! Guaw ee laurbuw qapp Guaw ee hniadi.
35 In'ui qniwnarr qniaa Siongrder ee jixir, dyrr si Guaw ee hniadi, jixbe qapp laurbuw."
4 Jesus qycc dirr haiw-vnix kuix cuir qawsi. U qui' dua din ee langg jurjip jiurqin Ix, drir qaur Ix jnriu junn puu dirr haiw-bin decc jre. Jiongww langg longxx uaxqin haiw, kia dirr dax de.
2 Ix dyrr ing piwzu qawsi inx jerjer hxang. Ix decc qawsi ee sii, dyrr qra inx qongw,
3 "Diyhh tniax ar. Linw knuar, u jit xee ia jxingw :ee cud kir ia jxingw.
4 Ia ee sii, uree qalauc dirr lo-vnix, vuejiauw qaur, itjin qra jxingw jiac .kir.
5 Uree qalauc dirr jiyhqeh ee de, too cenw ee xui; in'ui too byy cimx, dyrr huad jin' qinw.
6 Narr si zit cud qra pak, in'ui byy qinx, dyrr qodaa.
7 Uree qalauc dirr cixaw lai, cixaw huad kiw laii qra ziaver, dyrr byy qetsit.
8 Uree qalauc dirr hyw ee toxde, dyrr huad kiw, naxx duarjangg, qetsit, uree snax-jap vxue, uree lak-jap vxue, uree jit-vah vxue."
9 Qycc qongw, "U hnirkangx tangx tniax :ee, diyhh tniax."
10 Jesus qaqi dilehh ee sii, duer Ix ee langg qapp jap-zi xee hagsingx mng Ix jiaxee piwzu.
11 Ix dyrr qra inx qongw, "Siongrdewqog ee ywbiau u hro linw. Narr si hiaxee guarbinrlangg, huanrsu si ing piwzu.
12 Hro inx knuar, e knuar, iarr knuar be qnir; hro inx tniax, e tniax, iarr tniax be bingg; qniax inx uat linr dngw, laii did diyc siawbenw."
13 Qycc qra inx qongw, "Linw be hiauxdid jitt xee piwzu mah? Anxnix taixtyw e jaix jiongww piwzu ar?
14 Ia jxingw :ee si vywiongg dyrliw.
15 Ia dirr lo-vnix, hitt xee vywiongg dyrliw ee soxjai :ee, dyrr si langg tniax dyrliw liauxau, Satan liamvnix laii, jiongx' soxx ia dirr inx simlai ee dyrliw cniuw .kir.
16 Hiaxee ia dirr jiyhqeh ee de :ee, dyrr si inx tniax diyc dyrliw, liamvnix dyrr hnuahiw singsiu ix;
17 Danrsi lairbin byy qinx, vutqyr si jiamrsii nardnia; qaur uirdiyhh dyrliw duw diyc u huanrlan kunxdiok, liamvnix diyhdag.
18 Ia dirr cixaw lai :ee, dyrr si langg ixqing' tniax diyc dyrliw,
19 Dyrr u sewqanx ee kuawlu, jnijaii ee behik, qapp vadd mic ee su'iok zip laii ziaver hitt xee dyrliw, dyrr byy qetsit.
20 Jiaxee ia dirr hyw ee tode :ee, dyrr si langg tniax dyrliw, iarr u singsiu, iarr u qetsit, uree snax-jap vxue, uree lak-jap vxue, uree jit-vah vxue."
21 Ix qycc qra inx qongw, "Langg giac dingx laii, qamxx si beh qra he dirr dauw-xe iacc si cngg-xe? Qamxx m si beh qra he dirr dingdaii dingw?
22 In'ui unxbat :ee, byy be henxcud; siukngr :ee, byy be lorhen.
23 Narr u hnirkangx tangx tniax :ee, diyhh tniax."
24 Qycc qra inx qongw, "Diyhh qinxsin soxx tniax :ee. Linw ing simxmih niukir laii nriuu, iarr beh ing jex nriuu hro linw; qycc beh qetnix hro linw.
25 In'ui qniwnarr u :ee, beh qycc hro ix; byy :ee, lenrr ix soxx u :ee, iarr beh qra ix cniuw .kir."
26 Qycc qongw, "Siongrder ee qog dyrr cincniu langg ia jxingw dirr de nirr.
27 Mii .sii kunr, zit .sii kiw .laii, hitt xee jingxjiw huad, qycc jiamrjiam dua, ix m jaix hitt xee soxixzenn.
28 De jurzenn snix mic, kixtauu si biauu, au .laii u sui, qycc au .laii, sui dyrr qetjniaa gnoxqog.
29 Gnoxqog ixqing' sik liauxau, dyrr ing qec'aw; in'ui siuquah ee sii qaur lar."
30 Qycc qongw, "Lanw beh jnaixngiu laii vixping Siongrder ee qog? Iacc si ing simxmih piwzu viauxbingg ix ar?
31 Si cincniu jit jiap quawcaiwjiw ia lyc de, suizenn viw derjniu vachang ee jingxjiw kacc ser liap,
32 Narr ia .lyc .kir, dyrr huatsnix, jiamrjiam kacc dua quer longxjongw ee caiwsex; qycc huad cud dua ee qix, drir qaur kongdiongx ee jiauw e hiyh dirr ix ee imwe."
33 Ix ing jerje cincniu jitt hy ee piwzu, jiauww inx soxx e tniax :ee, tuann dyrliw hro inx.
34 Narr byy ing piwzu, dyrr byy qra inx qongw; qaur hagsingx dogdok qapp Ix dilehh ee sii, Ix dyrr longxjongw qra inx quexbingg.
35 Hitt zit, amr ar liauxau, Ix qra hagsingx qongw, "Lanw quer laii kir hitt vingg hnua."
36 Inx lirkuix jiongww langg, cua Jesus lyc junn qapp inx snaqab kir; iauxx u vadd jiah junn qapp Ix kir.
37 Vywtauhongx dua kiw, junn decbeh muaw.
38 Danrsi Ix dirr junn-buew, dyw dirr jimxtauu decc kunr. Hagsingx qra Ix qiyr cnew, qra Ix qongw, "Sensnix, guanw beh byy mia. Liw byy decc iauwqinw mah?"
39 Ix dyrr cnew, jikvi hongx, qra haiw qongw diyhh jing jing. Hongx dyrr suah, qycc dua vnidnia.
40 Ix dyrr qra inx qongw, "Linw sniaw su hiacc qniax? Linw iauxx bue u sinr mah?"
41 Inx dyrr dua qniax, snaqab qongw, "Jitt xee si simxmih langg, lenrr hongx qapp haiw longxx sun Ix?"
5 Inx dyrr qaur haiw ee duiwbinrhnua, qaur Gadalenelangg ee derhngx.
2 Jesus lirkuix junn, liamvnix u jit langg dui' hunbong diongx cud laii duw diyc Ix,
3 Dyrr si hitt xee hro siasinn huwsinx :ee, vingsor kiarkiw dirr hunbong diongx.
4 Suizenn ing ticlen, iarr byy langg u huatdo qra vak .kiw laii. Langg dniardnia ing kakaur ticlen qra vak, danrsi ticlen hro ix cuah dng, kakaur hro ix qongr cruir; byy langg u kuiwlat tangx jewab ix.
5 Ix mizit siongsiongg dirr hunbong diongx, dirr snuax nirr decc auqiyr, qycc ing jiyhtauu siongx qaqi.
6 Ix hng hng knuar qnir Jesus, dyrr jauw laii vair Ix, dua sniax auqiyr, qongw,
7 "Jiww Quann Siongrder ee Qniaw Jesus, guaw qapp Liw simxmih qansiap? Guaw qiw Siongrder laii kunxqiuu Liw byc did koxcow guaw."
8 Jex si in'ui Jesus bad qra ix qongw, "Siasinn ar, diyhh dui' hitt xee langg cud .kir."
9 Jesus mng ix qongxx, "Liw hy juer simxmih miaa?" Rinr qongxx, "Guaw miaa qiyr juer Ngiaa, in'ui guanw jiaxee jin' je."
10 Ix dyrr cetced qriuu Ix, byc did qra inx qnuaw cud hitt ee derhngx.
11 Dirr hitt xee snuapniaa u dua din ee dix decc tyxjiac.
12 Inx dyrr qriuu Ix qongxx, "Crex guanw zip hiaxee dix, hro guanw tangx zip .kir."
13 Ix dyrr rinw inx. Hiaxee siasinn dyrr cud .kir, laii zip hiaxee dix; hitt din dix jauw lyc snuapniaa jongg lyc haiw, iokliok nng-cingx jiah, dirr haiw nirr rimx .siw.
14 Qor dix ee langg jauw .kir, qra sniaa-lai qapp hniusia ee langg qongw. Langg dyrr cud laii knuar soxx duw .diyc ee su si jnaixngiu.
15 Inx dyrr laii jiurqin Jesus, knuar qnir hitt xee huan diyc qxuiw :ee, dyrr si hro Ngiaa soxx dnii :ee, jre lecc cing snxax, hairjai; inx dyrr qniax.
16 Knuar .qnir ee langg jiong' huan diyc qxuiw ee langg soxx duw .diyc .ee, qapp qui' din dix ee su longxx qra inx qongw.
17 Inx dyrr qriuu Jesus lirkuix inx ee qingxlai.
18 Jesus duxaxx jnriu junn, hitt xee bad huan diyc qxuiw :ee qriuu Ix jrunw ix snaqab kir.
19 Jesus m rinw ix, qongw, "Dyr kir liw ee qrex cue liw ee cinlangg, jiong' Jruw qra liw qniaa hiacc dua ee su qapp soxx linbinw liw :ee qra inx qongw."
20 Hitt xee langg kir, dirr Dekapolis vywiongg Jesus soxx qra ix qniaa ee dua su. Jiongww langg longxx qiquair.
21 Jesus jre junn qycc quer kir hitt vingg, qui' dua din ee langg jurjip jiurqin Ix. Hitt sii Jesus dirr haiw-vnix.
22 U jit xee quanw huerdngg :ee, miaa qiyr juer Jailus :ee laii, knuar qnir Jesus, dyrr pag dirr Ix ee kax-xe,
23 Cetced qriuu Ix qongxx, "Guaw sewhanr jaboxqniaw decbeh siw .kir, cniaw Liw laii ing ciuw hnua ix, hro ix did diyc qiur laii uac."
24 Jesus qapp ix kir, qui' dua din ee langg duer Ix, jin' ekeh.
25 U jit xee hurzinlangg, hetlau jap-zi nii,
26 Bad dui' jerje xee isingx sriu diyc jerje qankow, qycc itjin puawhuir ix soxu :ee, danrsi byy jit sxix aw lirig, huanxdngw naxx siongdiong.
27 Ix tniax qnir Jesus ee su, dyrr laii dirr jiongww langg diongx, dui' Ix ee aurbin laii bongx Ix ee snxax,
28 In'ui ix qongw, "Guaw qandna' bongx Ix ee snxax, dyrr e hyw."
29 Dui' anxnix hetlau liamvnix jriw, vunxsinx jaix ix ee vnirtniar ixqing' hyw.
30 Jesus qaqi jiksii jaix u quanlingg dui' Ix cud, dyrr uat dngw srinx, dirr jiongww langg diongx qongw, "Jirjui bongx Guaw ee snxax?"
31 Ix ee hagsingx qra Ix qongw, "Liw knuar qnir qui' din langg decc ekeh Liw, iauxquxx mng, 'Jirjui u bongx Guaw?'"
32 Jesus knuar venwvner, rair beh knuar juer jitt xee su ee hurzinlangg.
33 Hurzinlangg jaix vunxsinx soxx ligquer ee su, qniax qaxx gniauhgniauc cuah, dyrr laii pag dirr Ix ee binrjingg, longxx jiauwsit qra Ix qongw.
34 Ix dyrr qra ix qongw, "Hurzinlangg ar, liw ee sinr ixqing' qiur liw, tangx anzenn dyr .kir, liw ee vni juanzenn hyw."
35 Decc qongw ee sii, u langg duiww quanw huerdngg ee qrex hiax laii, qongw, "Liw ee jaboxqniaw siw lar; micsaiw iauxdecc lyhuann Sensnix?"
36 Jesus dirr vnix:a tniax qnir soxx qongw ee ue, dyrr qra quanw huerdngg :ee qongw, "Byc did qniax, jixu diyhh sinr."
37 Duliauw Peter, James, qapp James ee hniadi Johan ixgua, Jesus m jrunw vadd langg duer Ix snaqab kir.
38 Qaur quanw huerdngg ee qrex, knuar qnir u langg decc huarhua hauw, iarr u tikaur qapp dua sniax hauw ee langg.
39 Ix zip kir liauxau dyrr qra inx qongw, "Linw sniaw su huarhua hauw decc tikaur ar? Ginxaw m si siw, si decc kunr nardnia."
40 Inx dyrr tixciyr Ix. Danrsi Ix qra jiongww langg qnuaw .cud .kir, dyrr cua ginxaw ee verbuw ixqip qapp Ix laii ee langg zip kir ginxaw soxx druar ee soxjai.
41 Ix dyrr kanx ginxaw ee ciuw qra ix qongw, "Talita, cumi."(huan'ik dyrr si qongw, "Jaboxginxaw, Guaw bingrling liw, kiw .laii."
42 Jaboxginxaw liamvnix kiw laii qniaa, in'ui ix jap-zi huer lar. Jiongww langg dyrr dua gonggniac qiquair.
43 Jesus giamgiamm qimwqair inx byc did hro langg jaix, qycc huanhur diyhh hro jaboxginxaw jiac.
6 Jesus dui' hiax cud .kir, qaur Ix ee vunxhniux. Ix ee hagsingx duer Ix.
2 Qaur Anhiyczit, Ix dyrr dirr huerdngg qawsi langg. Jerje langg tniax .qnir dyrr qiquair qongxx, "Jitt xee langg dui' daxlyc e anxnix ar? Qycc soxx sniuxsur hro Ix ee diwhui si simxmih ar? Si jnaixngiu iarr u anxnix ee dua quanlingg dui' Ix ee cuir cud?
3 Jitt xee qamxx m si bagqangx mah? Qamxx m si Malia ee Qniaw, James, Joses, Judas, Simon ee hniadi mah? Ix ee jixbe qamxx m si qapp lanw dirr jiax mah?" Inx dyrr iamwjen Ix.
4 Jesus dyrr qra inx qongw, "Sendix dirr vunxhniux, jongjok, qaqi ee qrex ixgua, byy m junquir :ee."
5 Ix dirr hiax berdid qniaa simxmih quanlingg, vutqyr Ix u ing ciuw hnua quixnarr xee vnirlangg laii rix hyw inx.
6 Qycc Ix qamxqag qiquair, in'ui inx m sinr. Ix dyrr kir siwvnix hiaxee hniusia qawsi langg.
7 Jesus driaur jap-zi xee hagsingx laii, dyrr crex inx jit duir jit duir cud .kir, sniuxsur inx u qxuann laii jewab hiaxee siasinn.
8 Qycc huanhur inx byc did duar lorhuir, dogdok duar jit qix qnuaiw-aw; byc did qanniuu, byc did daclenn, byc did u jnii kngr dirr iyduar;
9 Diyhh cing cutlo ee ree; iarr byc did cing nng niaw snxax.
10 Qycc qra inx qongw, "Qniwnarr linw soxx zip ee cur, diyhh druar dirr hiax, itdit qaur lirkuix hitt xee derhngx ee sii.
11 Bylun simxmih soxjai m jiaplap linw, m tniax linw :ee, qaur lirkuix hiaxee sii, diyhh vnua kir kajiah drew ee tohunw, laii duiww inx juer qanjingr."
12 Inx dyrr cud kir suantuann, qongw langg diyhh huanxhuew.
13 Inx iarr qnuaw cud jerje qxuiw, qycc ing iuu buah jerje puawvni ee langg laii rix hyw inx.
14 Jesus ee miasniax ixqing' tauw, Helod Ongg tnix .qnir, dyrr qongw, "Qniaa sexlew ee Johan dui' sixlangg diongx qycc uac, soxiw u jiaxee quanlingg dui' Ix henxcud."
15 Danrsi u vadd xee langg qongw, "Si Elijah." Qycc u langg qongw, "Si Sendix, cincniu sendix diongx ee jit xee."
16 Danrsi Helod tniax .qnir dyrr qongw, "Guaw soxx taitauu ee Johan ixqing' qycc uac."
17 Helod qaqi bad crex langg liac Johan, qra ix vak dirr qnax nirr. Jex si uirdiyhh Helod ee hniadi Filip ee bow Helodias ee enqor; in'ui Helod crua ix.
18 Johan bad qra Helod qongw, "Liw crua hniadi ee bow si vut'ingqaix."
19 Helodias dyrr uanwhun Johan, rair beh taii ix, mrquxx byy huatdo.
20 In'ui Helod jaix Johan ee juewlangg u gi qycc sxingr, soxiw qnia'uir ix, vyxho ix; tniax ix ee ue, iarr hnuahiw tniax ix.
21 Jit xee hyw qihue ee zit qaur, Helod dirr snizit hitt qangx vanrdyh, cniaw hiaxee dua qnruax, cenjongw, qapp Galilee junquir ee langg.
22 Helodias cinsnix ee jaboxqniaw zip kir tiauwbuw, hro Helod qapp qangg dyh ee langg hnuahiw. Ongg dyrr qra jaboxginxaw qongw, "Liw soxx air :ee, qniwnarr qriuu guaw, guaw beh hro liw."
23 Qycc qra ix jiuwjua qongxx, "Qniwnarr liw soxx qriuu guaw :ee, dyrr si guaw qog ee jidvnuar, guaw iarr beh hro liw."
24 Jaboxginxaw cud kir qra ix ee laurbuw qongw, "Guaw beh qriuu simxmih?" Rinr qongxx, "Qniaa sexlew Johan ee taukag."
25 Jaboxginxaw liamvnix jauw .zip .kir, qra ongg qriuu qongxx, "Guaw rair liw jiong' qniaa sexlew Johan ee taukag drew dirr vnuaa nirr jiksii hro guaw."
26 Ongg dyrr dua iubun; danrsi uirdiyhh ix soxx jxiur ee jxua, qycc u qangg dyh ee langg dilehh, soxiw m rair tesii.
27 Ongg jiksii crex jit xee sirue, huanhur cruw ix ee taukag laii. Sirue dyrr kir qnax nirr, taii ix ee tauu,
28 Qra ix ee taukag drew dirr vnuaa nirr, pangg laii hro jaboxginxaw. Jaboxginxaw dyrr qra tec kir hro ix ee laurbuw.
29 Johan ee hagsingx tniax .qnir, dyrr laii siux ix ee sinsix, baijongr dirr bong nirr.
30 Suwdoo jurjip jiurqin Jesus, jiong' inx soxx qniaa soxx qawsi :ee longxx qra Ix qongw.
31 Jesus qra inx qongw, "Linw qaqi qapp Guaw laii kir kongwiaw ee soxjai hiyckunr diap aw quw." In'ui ongxlaii ee langg je, lenrr jiac iarr be qor .did.
32 Inx dyrr jnriu junn, kir kongwiaw ee soxjai qaqi druar.
33 Jiongww langg knuar qnir inx kir, u jerje langg jaix, dyrr dui' dagg xee sniaa vorqniaa, snaqab jauw kir hiax, viw inx kacc dairsingx qaur.
34 Jesus cud kir knuar qnir qui' dua din ee langg, cincniu ngiuu byy bogjiaw. Ix dyrr linbinw ix, ing jerje hxang qawsi inx.
35 Zit beh lyc, Ix ee hagsingx jiurqin Ix qongw, "Jiax dyrr si kongwiaw, zit beh lyc lar.
36 Cniaw siwsnuar jiongww langg, hro inx kir jiu'uii ee hniusia, qaqi brew mic tangx jiac."
37 Ix rinr qongxx, "Linw hro inx jiac." Inx qra Ix qongw, "Jongw byy guanw ing nng-vah xee ginn-aw kir brew vniaw laii hro inx jiac mah?"
38 Ix qra inx qongw, "Linw u zuarr je vniaw, kir knuar mai." Ixqing' jaix, dyrr qongw, "Go xee vniaw, nng buew hii."
39 Ix dyrr huanhur inx hro jiongww langg vaii qui' let jre dirr cnicuir ee cauxvox.
40 Inx dyrr hunx dui laii jre, uree jit-vah, uree go-jap.
41 Jesus tec hitt go xee vniaw, nng buew hii, ngr tnix laii jioksia; vreh vniaw hro hagsingx laii vaii dirr jiongww langg ee binrjingg; iarr ing nng buew hii vunx hro jiongww langg.
42 Inx longxx jiac qaur vaw.
43 Kiyh hiaxee vniaxcuir qapp hisud muaw jap-zi kingx.
44 Jiac vniaw ee langg davox :ee u go-cingx.
45 Jesus liamvnix vig Ix ee hagsingx jnriu junn dairsingx quer kir hitt vingg hnua, qaur Betsaida, tingwhau Ix qra jiongww langg siwsnuar.
46 Qapp inx lirvet liauxau, Ix dyrr kir snuax nirr qidyw.
47 Ixqing' amr ar, junn dirr haiw-diongx, jixu Jesus qaqi dirr hnua-dingw.
48 Ix knuar qnir hagsingx decc qyr jniuw. In'ui si duiwtauhongx, inx qyr qaxx jin' qankow. Amwsii iokliok sir qnxix, Jesus qniaa dirr haiw-bin laii jiurqin inx, rair beh dui' inx hiax quer .kir.
49 Inx knuar qnir Ix qniaa dirr haiw-bin, liac juer si quaiwmic, dyrr auqiyr.
50 Inx longxx knuar qnir Ix, dyrr cniqniax. Jesus liamvnix qapp inx qongxue, qra inx qongw, "Anx linw ee simx, si Guaw, mrbenw qniax."
51 Dyrr jnriu junn jiurqin inx; hongx dyrr dnia. Inx simlai vutjiw gonggniac,
52 In'ui inx be hiauxgno hitt xee vniaw ee sinziah, inx ee simx dun.
53 Quer kir liauw, dyrr qaur Gennesalet-de, junn prax dirr hnua-vnix.
54 Lirkuix junn liauxau, langg liamvnix zin cud Ix,
55 Dyrr dirr hitt xee derhngx jauw venwvenr, tniax qnir Ix dirr simxmih soxjai, dyrr ing pox-aw qrngx vnirlangg qaur hiax.
56 Qniwnarr Ix soxx zip ee soxjai, vutquanw hniusia, sniaci, iacc hniu'e, inx longxx e jiong' vnirlangg he dirr queci, qriuu Ix hro inx bongx Ix ee sna'axqix ee ciux; qniwnarr bongx .diyc ee langg longxx hyw :ar.
7 U Faliselangg qapp quixnarr xee qinghagsu jurjip jiurqin Jesus; inx si dui' Jelusalem laii :ee.
2 Inx bad knuar qnir Ix ee hagsingx diongx uree ing siogciuw, dyrr si byy sew ee ciuw, decc jiac.
3 Faliselangg qapp jiongww Judealangg longxx si kujib qoxjaxlangg ee liutuann, narr byy cud lat sew inx ee ciuw dyrr byy jiac;
4 An' queci dyr .laii, narr byy sew, iarr byy jiac; inx soxx sriu laii jipsiuw :ee iauxx u jerje hxang, cincniu sew vxuex, quanr, dangkir, hiaxee.
5 Faliselangg qapp qinghagsu mng Ix qongxx, "Liw ee hagsingx byy jiauww qoxjaxlangg ee liutuann laii qniaa, ing siogciuw laii jiac, si jnaixngiu?"
6 Ix qra inx qongw, "Isaiah soxx camwgiw qiw linw qew hyw ee langg jinjniar driyc. Jiauww soxx qiwjair qongxx, 'Jiaxee vecsnir ing cuiwdunn junqingr Guaw, danrsi inx ee simx lirkuix Guaw hng hng;
7 Inx qingwvair Guaw si kangx :ee, in'ui inx ing langg soxx bingrling juer qawsi, laii qawsi langg.'
8 Anxnix linw si vangwsag Siongrder ee qaiwbing, kujib langg ee liutuann."
9 Qycc qra inx qongw, "Linw sidjai si kiwsag Siongrder ee qaiwbing, beh siuw linw ee liutuann.
10 In'ui Moses bad qongw, 'Diyhh junqingr liw ee laurve qapp liw ee laurbuw'; qycc qongw, 'Me ve me buw ee langg, dikkag diyhh hro ix siw.'
11 Danrsi linw qongw, 'Langg narr duiww ix ee ve iacc si ix ee buw qongw: Liw vunw soxx e tangx dui' guaw did .diyc ee lirig ixqing' juer Korban (dyrr si qongxx lexmic)';
12 Ixau linw dyrr m jrunw ix ing simxmih hogsai ix ee ve iacc si ix ee buw;
13 Jex si jiong' linw soxx tuansiu ee liutuann huewbyy Siongrder ee dyrliw; qycc linw soxx juer :ee, jerje iarr cincniu jitt hy kuanw."
14 Ix dyrr qycc qiyr jiongww langg jiurqin Ix, qra inx qongw, "Linw longxx diyhh tniax Guaw ee ue laii hiauxgno;
15 Qniwnarr dui' langg ee guarmau zip :ee be e bag lasamm langg; dogdok dui' langg ee lairbin cud :ee, jiaxee e bag lasamm langg.
16 U hnirkangx tangx tniax :ee, diyhh tniax."
17 Jesus lirkuix jiongww langg zip kir cur nirr, Ix ee hagsingx jiong' jitt xee piwzu mng Ix.
18 Ix dyrr qra inx qongw, "Linw iarr anxnix be hiauxgno mah? Qamxx m jaix qniwnarr dui' guarbin zip dirr langg :ee, be e bag lasamm langg;
19 In'ui hex m si zip ix ee simx, si zip ix ee vakdow, qycc laii vangr dirr cewdii." Ix qongw anxnix, iwsur si dagg hxang ee jiahmic longxx cingkir.
20 Qycc qongw, "Dui' langg ee lairbin cud :ee, e bag lasamm langg.
21 In'ui dui' lairbin, dyrr si dui' langg ee simx, cud jiaxee pnaiw liamrtauu, sutongx,
22 Tautec, taii langg, qan'imm, tamsimx, sia'og, qanjar, hnowsig, pnaixbak, huixvongr, qiau'gno ciongqongg;
23 Huanrnarr jiaxee pnaiw longxx si dui' lairbin cud, jiacc e bag lasamm langg."
24 Jesus dui' hiax kixsinx, kir qaur Tyle qapp Sidon ee qauqair, zip jit qingx cur, m rair langg jaix; danrsi kamr be bat.
25 Liamvnix u jit xee hurzinlangg, ix ee sewhanr jaboxqniaw hro siasinn hursinx, tniax qnir Jesus ee su, dyrr laii pag dirr Ix ee kax-xe.
26 Jitt xee hurzinlangg si Gleeklangg, sriok Sylo-Foenicia ee jok. Ix qriuu Jesus qra qxuiw qnuaw lirkuix ix ee jaboxqniaw.
27 Jesus qra ix qongw, "Diyhh hro ginxaw dairsingx jiac vaw, in'ui tec ginxaw ee vniaw hed hro qxauw si m hyw."
28 Hurzinlangg rinr Ix qongxx, "Jruw ar, si lar; danrsi dyh-kax ee qxauw iarr jiac sewqniaw ee vniaxcuir."
29 Jesus qra ix qongw, "In'ui jitt qxur ue, liw tangx dyr .kir, qxuiw ixqing' lirkuix liw ee jaboxqniaw .cud .kir."
30 Hurzinlangg dyr kir inx daux, knuar qnir jaboxqniaw dyw dirr bincngg, qxuiw ixqing' cud .kir.
31 Jesus qycc dui' Tyle ee qingxqair, qingquer Sidon, dui' Dekapolis ee qingxlai ee diong'ngx, qaur Galilee Haiw.
32 U langg cua jit xee cauwhnirlangg quaww diuh jihqinx :ee jiurqin Ix, qriuu Ix qra ix hnua ciuw.
33 Jesus cua hitt langg lirkuix jiongww langg qaur vnitauu, dyrr ing jngxtauu-aw tamr ix siangvingg ee hnirkangx, qycc pruir nxua laii bongx ix ee jic,
34 Ngr tnix trow kuir, qra ix qongw, "Effata", dyrr si qongxx, "Kuix".
35 Ix siangvingg ee hnirkangx dyrr kuix, jihqinx iarr tauw, qongxue bingg bingg.
36 Jesus qingxqair inx byc did qra langg qongw. Danrsi naxx qingxqair, inx naxx vywiongg.
37 Inx iarr vutjiw qiquair qongxx, "Ix soxx juer longxx si hyw. Ix hro cauwhnirlangg :ee tniax .qnir, exqauw :ee qongxue."
8 Dng' hitt quiw zit, jiongww langg qycc dua jurjip, byy simxmih tangx jiac.
2 Jesus qra Ix ee hagsingx qiyr .laii, qra inx qongw, "Guaw kyxlinn jiongww langg, in'ui inx ixqing' qapp Guaw druar snax zit, iarr byy mic tangx jiac.
3 Guaw narr hro inx iaux iaux dyr kir inx cur, inx dirr lo nirr e iawsen, in'ui inx diongqanx uree dui' hng hng laii."
4 Hagsingx rinr Ix qongxx, "Dirr jitt xee kongwiaw, dui' daxlyc e did diyc vniaw hro hiaxee langg jiac vaw?"
5 Jesus mng inx qongw, "Linw u zuarr je vniaw?" Inx qongw, "Cid xee."
6 Ix dyrr bingrling jiongww langg jre dirr de nirr; tec hitt cid xee vniaw jioksia liauxau, vreh kuix qaux hro Ix ee hagsingx, qiyr inx qra vailet; inx dyrr qra vniaw vailet dirr jiongww langg ee binrjingg.
7 Qycc u damrvyc ser buew hii, jioksia liauw, iarr qar inx diyhh vailet.
8 Langg longxx jiac qaur vaw; kiyh soxx cunx ee vniaxcuir, longxjongw cid naa.
9 Langgiac iokliok sir-cingx. Ix dyrr hro inx siwsnuar,
10 Vunxsinx liamvnix qapp hagsingx dah junn, qaur Dalmanuta ee qingxqair.
11 Faliselangg cud laii beh venrvog Ix, beh duiww Ix qriuu jit xee cud dirr tnix nirr ee sinziah. Jex si beh cir Ix.
12 Jesus simlai dua trow kuir, qongw, "Jitt sewdai sniaw su qriuu sinziah ar? Guaw sidjai qra linw qongw, quatduan byy beh ing sinziah hro jitt sewdai."
13 Ix dyrr lirkuix inx, qycc dah junn kir hitt vingg hnua.
14 Hagsingx be qir did duar vniaw, junn-lai jixu jit xee vniaw, ixgua byy vadd hxang ee jiahmic.
15 Jesus qingxqair inx qongxx, "Linw diyhh qinxsin, dihongg Faliselangg ee qnar, qapp Helod ee qnar."
16 Hagsingx snaqab girlun qongxx, "Si lanw byy vniaw."
17 Jesus jaix, dyrr qra inx qongw, "Sniaw su in'ui byy vniaw decc snaqab girlun ar? Linw iauxquxx be jaix, be hiauxgno mah? Linw ee simx iauxquxx dun mah?
18 Linw u bagjiux iarr byy decc knuar, u hnirkangx iarr byy decc tniax, iarr be qir .did mah?
19 Guaw vreh go xee vniaw vunx hro go-cingx langg, linw kiyh muaw quiw kingx ee vniaxcuir ar?" Inx qongw, "Jap-zi."
20 "Qycc cid xee vniaw vunx hro sir-cingx langg, linw kiyh muaw quiw naa ee vniaxcuir ar?" Inx qongw, "Cid naa."
21 Ix dyrr qra inx qongw, "Linw iauxquxx be hiauxgno mah?"
22 Inx snaqab qaur Betsaida. U langg cua jit xee cnimii :ee jiurqin Ix, qriuu Ix bongx ix.
23 Jesus kanx cnimilangg ee ciuw, cua ix cud hniuliw gua; pruir nxua dirr ix nng luiw bagjiux, ing ciuw hnua ix, mng qongxx, "Liw u knuar qnir simxmih bor?"
24 Ix giac tauu knuar, qongw, "Guaw knuar qnir langg, knuar qnir inx cincniu ciu, qycc decc qniaa."
25 Qycc ing ciuw hnua ix nng luiw ee bagjiux; ix juwbak knuar, dyrr jiaujngg hyw, knuar dagg hxang mic longxx bingg bingg.
26 Jesus qiyr ix dyr kir inx daux, qongw, "Jitt xee hniusia liw iarr byc did zip."
27 Jesus qapp hagsingx cud kir qaur Kaesalea Filippi sriok hiax ee hniusia. Lo nirr, Ix mng Ix ee hagsingx qongxx, "Langg qongw Guaw si jirjui?"
28 Inx qra Ix qongw, "Qniaa sexlew ee Johan; iarr u langg qongw, Elijah; qycc u langg qongw, Sendix diongx ee jit xee."
29 Ix qycc mng inx qongxx, "Danrsi linw qongw Guaw si jirjui?" Peter rinr Ix qongxx, "Liw si Krist."
30 Ix dyrr qimwqair inx byc did jiong' Ix ee su qra langg qongw,
31 Dyrr qawsi inx qongxx, "Zinjuw dikkag diyhh siurr jerje koxcow, hro jiaxee dniuxlyw, jewsitauu, qinghagsu kiwsag, qycc siurr hai siw, quer snax zit qycc uac."
32 Jesus ing jitt xee ue bingg bingg qra inx qongw. Peter dyrr qra kanx lehh decc krngr Ix.
33 Danrsi Ix uat dngw srinx knuar Ix ee hagsingx, dyrr jikvi Peter qongxx, "Satan, trer kir Guaw ee aurbin; in'ui liw soxx sniu :ee m si Siongrder ee su, si langg ee su."
34 Ix dyrr qra jiongww langg qapp Ix ee hagsingx qiyr .laii, qra inx qongw, "Narr u langg rair duer Guaw, diyhh knuar byy qaqi, giaa ix ee sibzirqer laii duer Guaw.
35 In'ui qniwnarr rair qiur ix ee sniwmia :ee beh sitlyc sniwmia; qniwnarr uirdiyhh Guaw qapp hok'imx laii sitlyc ix ee sniwmia :ee, beh qiur ix.
36 Langg narr did diyc juann sewqair, suacc laii songwsid ix ee sniwmia, u simxmih lirig?
37 In'ui langg beh cud simxmih laii duiwngua ix ee sniwmia?
38 Huanrnarr dirr jitt xee qan'imm, u jue ee sewdai liac Guaw qapp Guaw ee ue juer qenwsiaur :ee, Zinjuw dirr Ve ee ingqngx nirr qapp jiaxee sxingr ee tnisair laii ee sii, iarr beh liac ix juer qenwsiaur."
9 Jesus qycc qra inx qongw, "Guaw sidjai qra linw qongw, kia dirr jiax :ee u langg iauxx bue siw, e knuar qnir Siongrder ee qog ing quanlingg limqaur."
2 Quer lak zit, Jesus cua Peter, James, qapp Johan vreh jnriu quann snuax. Qandna' inx qapp Ix dilehh ee sii, Ix dng' inx ee binrjingg hingjong venwngua,
3 Ix ee snxax canwlan, qigqii vec, sewqanx priyr vor :ee be e hro ix vec qaur anxnix.
4 Elijah qapp Moses duiww inx henxhen, qycc qapp Jesus qongxue.
5 Peter duiww Jesus qongw, "Rlabi, lanw dirr jiax jin' hyw. Guanw laii dah snax qingx lxiauu-aw, jit qingx hro Liw, jit qingx hro Moses, jit qingx hro Elijah."
6 Peter m jaix diyhh jnaixngiu qongw, in'ui inx jin' qniax.
7 U hunn dar inx, qycc u sniax dui' hunn nirr cud .laii, qongw, "Jitt xee si Guaw tniar ee Qniaw, linw diyhh tniax Ix."
8 Hutzenqanx, inx hiongr siwquer knuar, byy knuar qnir jit langg, jixu Jesus qapp inx dirr hiax nardnia.
9 Inx lyc snuax ee sii, Jesus huanhur inx qongxx, "Zinjuw iauxx bue dui' sixlangg diongx qycc uac, byc did jiong' soxx knuar .qnir .ee qra langg qongw."
10 Hagsingx qra jitt qxur ue qir lehh, snaqab girlun knuar dui' sixlangg diongx qycc uac, jitt qxur simxmih iwsur.
11 Qycc mng Jesus qongxx, "Qinghagsu qongw, Elijah diyhh dairsingx qaur, si jnaixngiu?"
12 Ix rinr qongxx, "Elijah qyxzenn dairsingx laii hingx kiw banrhang su; qycc qamxx m si u qiwjair qongxx, Zinjuw diyhh siurr jerje qankow, hro langg knuawkinx ar?
13 Danrsi Guaw qra linw qongw, Elijah ixqing' qaur, langg iarr cutjai inx ee iwsur decc kuanxtai ix, longxx u jiauww soxx qiwjair qiw ix ee ue."
14 Qaur hagsingx ee soxjai, dyrr knuar qnir qui' dua din langg uii inx, iarr u qinghagsu qapp inx venrlun.
15 Langg knuar qnir Jesus, liamvnix dua gonggniac, jauw laii jiurqin Ix, qra Ix cingxanx.
16 Ix mng inx qongxx, "Linw qapp inx venrlun simxmih?"
17 Jiongww langg diongx u jit langg rinr Ix qongxx, "Sensnix, guaw u cua guaw ee qniaw qaur Liw jiax. Ix huan diyc exqauw ee qxuiw.
18 Bylun dirr simxmih soxjai, qxuiw liac ix, qra ix siag dyw; ix dyrr lrauu nxua, qarkiw, qycc dalaa .kir. Guaw bad cniaw Liw ee hagsingx qra qnuaw, danrsi in byy huatdo."
19 Jesus rinr qongxx, "Hnairar, m sinr ee sewdai ar, Guaw beh qapp linw druar zuarr quw ar? Guaw beh tunlunw linw zuarr quw ar? Duar ix laii jiurqin Guaw."
20 Inx dyrr duar ix laii. Jid'err knuar qnir Jesus, hitt xee qxuiw liamvnix hro ix dua tiucuah, dyrr dyw dirr tokax huanx laii huanx kir qycc lrauu nxua.
21 Jesus mng ix ee laurve qongxx, "Ix huan diyc jitt xee u zuarr quw lar?" Qongw, "Dui' sewhanr ee sii.
22 Qxuiw dniardnia jiong' ix hed lyc huew, hed lyc juiw, beh bet ix. Liw narr e juer simxmih, diyhh linbinw laii vangjan guanw."
23 Jesus qra ix qongw, "Jnaixngiu qongw, 'Liw narr e' ar? U sinr ee langg, dagg hxang longxx e."
24 Ginxaw ee laurve liamvnix auqiyr qongxx, "Guaw sinr lar; guaw soxx sinr byy qraur :ee, Liw diyhh vangjan guaw."
25 Jesus knuar qnir qui' din langg jauw uaw .laii, dyrr jikvi hitt xee siasinn, qra ix qongw, "Liw exqauw cauwhnirlangg ee qxuiw ar, Guaw bingrling liw lirkuix jitt xee langg, byy qycc zip .kir."
26 Hitt xee qxuiw auqiyr, dua kiuxlak ix, jiacc cud .kir. Hitt xee ginxaw cincniu siw ar jidngiu, drir qaur jerje langg qongw, "Ix ixqing' siw ar."
27 Danrsi Jesus kanx ix ee ciuw, huu ix kiw .laii; ix dyrr kiw .laii.
28 Zip kir cur nirr, Ix ee hagsingx amwjni mng Ix qongxx, "Guanw jnaixngiu byy huatdo qnuaw ix?"
29 Ix qra inx qongw, "Narr m si ing qidyw, jitt lui ee qxuiw dyrr byy huatdo hro cud .laii."
30 Inx lirkuix hiax, qingquer Galilee. Jesus m rair langg jaix.
31 Ix dyrr qawsi Ix ee hagsingx, qra inx qongw, "Zinjuw beh siurr qewsangr dirr langg ee ciuw; langg beh hai siw Ix; hai siw liauxau, snax zit au Ix beh qycc uac."
32 Inx be hiauxgno jitt ee ue, iarr m qnaw mng Ix.
33 Inx laii qaur Kapernaum, Jesus dirr cur-lai mng inx qongxx, "Linw dirr lo nirr girlun simxmih?"
34 Hagsingx jing jing, in'ui dirr lo nirr bad jinglun jirjui siongrr dua.
35 Ix dyrr jre lehh, qiyr jap-zi xee hagsingx, qra inx qongw, "Narr rair juer dairsingx :ee diyhh juer jiongww langg ee lorbuew, iarr juer jiongww langg ee ce'ing."
36 Ix qycc qra jit xee ginxaw cua .laii, hro ix kia dirr diongqanx, suar py ix, qra hagsingx qongw,
37 "Qniwnarr uirdiyhh Guaw ee miaa jiaplap jit xee cincniu jitt hy ee ginxaw :ee, dyrr si jiaplap Guaw; qniwnarr jiaplap Guaw :ee, m si jiaplap Guaw, si jiaplap crex Guaw :ee."
38 Johan qra Jesus qongw, "Sensnix, guanw bad knuar qnir jit xee langg ing Liw ee miaa qnuaw qxuiw, guanw dyrr qimwjiw ix, in'ui ix byy duer lanw."
39 Jesus qongw, "Byc did qimr ix, in'ui bue u langg hrong Guaw ee miaa qniaa quanlingg, qycc e liamvnix huixvongr Guaw.
40 Qniwnarr byy qongqig lanw :ee dyrr si rui lanw.
41 Qniwnarr in'ui linw sriok Krist, dyrr ing jit vxuex juiw hro linw limx :ee, Guaw sidjai qra linw qongw, ix jionglaii byy sitlyc ix ee sniuw.
42 Qniwnarr hro jiaxee sinr Guaw ee biser ee jit xee kir huanrjue, hitt langg lingkow u dua jiyhby vak ix ee amrqunw, qycc ho'ngg hed dirr haiw nirr.
43 Setsuw liw jit ciuw drir qaur liw huanrjue, dyrr diyhh jamxdng ix;
44 Liw lingkow puawsniur zip dirr uac, byc did nng ciuw kir dergak zip be huax ee huew.
45 Setsuw liw jit kax drir qaur liw huanrjue, dyrr diyhh jamxdng ix;
46 Liw lingkow vaixkax zip uac, byc did nng kax siurr hed lyc dergak.
47 Setsuw liw jit bak drir qaur liw huanrjue, dyrr diyhh qra iah .kir; liw lingkow jit bak zip kir Siongrder ee qog, byc did nng bak hed lyc dergak;
48 Dirr hiax inx ee tangg byy siw, huew byy huax.
49 In'ui dagg langg beh ho'ngg ing huew laii sni.
50 Iamm si hyw; iamm narr sitlyc ix ee qiamm, beh ing simxmih laii hogdyw ix ee bi? Linw ee lairbin ingqaix diyhh u iamm; qycc dairqex diyhh sna' hyhyw."
10 Jesus dui' hiax kixsinx qaur Judea ee derqair, qaur Jordan Hyy gua; jerje din ee langg qycc jurjip jiurqin Ix. Ix jiauwsiongg qycc qawsi inx.
2 U Faliselangg jiurqin Ix, mng qongxx, "Langg lii cud ix ee bow, tangx mah?" Jex si decc cir Ix.
3 Jesus rinr qongxx, "Moses bingrling linw jnaixngiu?"
4 Inx qongw, "Moses jrunw langg siaw lisux, laii lii ix ee bow."
5 Danrsi Jesus qra inx qongw, "Moses in'ui linw ee simx gni, jiacc siaw jitt xee bingrling hro linw.
6 Danrsi dui' jyrhuar ee kixtauu, Jruw congwjy inx u lxamm u luw.
7 In'ui anxnix, langg beh lirkuix verbuw, qetlenn ix ee bow, nng xee beh jniaa juer jidtew.
8 Cincniu anxnix, byy juer nng xee, si juer jidtew.
9 Soxiw Siongrder soxx puewhap :ee, langg m tangx vunkuix ix."
10 Zip kir cur nirr, hagsingx qycc jiong' jitt xee dairjir mng Ix.
11 Ix qra inx qongw, "Huanrnarr lii cud ix ee bow laii crua vadd xee, si qniaa qan'imm laii qohu ix;
12 Bow narr kiwsag ix ee diongrhux laii qer vadd xee, iarr si qniaa qan'imm."
13 U langg duar sewqniaw jiurqin Jesus beh rair Ix bongx inx. Hagsingx jikvi inx.
14 Jesus knuar qnir anxnix, dua byy hnuahiw, qra hagsingx qongw, "Iong'unw sewqniaw jiurqin Guaw, byc did qimr inx; in'ui Siongrder ee qog si jitt hy langg ee.
15 Guaw sidjai qra linw qongw, huanrnarr singjiab Siongrder ee qog byy cincniu sewqniaw :ee, quatduan berdid zip .kir."
16 Dyrr qra inx py .kiw .laii, qra inx hnua ciuw, qycc jiokhog inx.
17 Jesus cud kir dirr lo nirr, u jit langg jauw jinwjingg laii qui Ix, mng qongxx, "Hyw ee Sensnix ar, guaw diyhh jnaixngiu juer, jiacc tangx singjiab ingxuac?"
18 Jesus qra ix qongw, "Liw sniaw su cinghox Guaw si hyw ar? Dogdok Siongrder ixgua, byy jit xee hyw.
19 Jiaxee qaiwbing liw ixqing' jaix: Byc did taii siw langg. Byc did qan'imm. Byc did tautec. Byc did lamrsamw juer qanjingr. Byc did kikkuix langg. Diyhh qingr liw ee verbuw."
20 Ix rinr qongxx, "Sensnix ar, jiaxee guaw dui' sewhanr longxx u siuw."
21 Jesus knuar ix, tniar ix, dyrr qra ix qongw, "Liw iauxx kiamr jit hxang, diyhh qra liw soxu :ee bre driau laii hro songwhionglangg, liw dyrr beh u jaivyw dirr tnix nirr, iauxqycc, laii duer Guaw."
22 Ix tniax jitt xee ue, bin dyrr sitsig, jin' iubun laii lirkuix. In'ui ix ee sanxgiap jin' je.
23 Jesus siwquer knuar, qra Ix ee hagsingx qongw, "Vur langg zip Siongrder ee qog yh ar."
24 Hagsingx qiquair Ix ee ue. Jesus qycc rinr qongxx, "Sewqniaw ar, uaxkyr jnijaii ee langg zip Siongrder ee qog yh ar.
25 Logdyy cngx quer jiamvni viw vur langg zip Siongrder ee qog iauxx kacc kuair."
26 Hagsingx ithuad gonggniac, qra Ix qongw, "Anxnix jirjui e did diyc qiur ar?"
27 Jesus knuar inx, qongw, "Jairr langg si be e, jairr Siongrder dyrr m si anxnix; in'ui jairr Siongrder, banrsu longxx e."
28 Peter dyrr qra Ix qongw, "Guanw bad vangwsag itcer laii duer Liw."
29 Jesus qongw, "Guaw sidjai qra linw qongw, langg uirdiyhh Guaw qapp hok'imx ee enqor laii vangwsag cuwtec, hniadi, jixbe, laurbuw, laurve, qniaxzii, canhngg,
30 Dirr qimser ix beh did diyc vah vxue, dyrr si cuwtec, hniadi, jixbe, buxcinx, qniaxzii, canhngg, qiamx u kunxdiok, qycc dirr laiser beh did diyc ingxuac.
31 Danrsi dairsingx :ee jerje beh juer lorbuew, lorbuew :ee iarr beh juer dairsingx."
32 Inx jnriu Jelusalem, dirr lo nirr, Jesus qniaa dirr taujingg, hagsingx gonggniac, duer ee langg qniahniaa. Jesus qycc duar jap-zi xee hagsingx, jiong' Ix soxx beh duw .diyc ee su qra inx qongw,
33 "Dnaxx lanw jnriu Jelusalem, Zinjuw beh siurr qewsangr hro jiaxee jewsitauu, qapp qinghagsu; inx beh griw Ix sixjue, iarr beh qra Ix qewsangr hro guarvanglangg;
34 Inx beh hiwlang Ix, qra Ix pruir nxua, vnipah Ix, hai siw Ix; quer snax zit Ix beh qycc uac."
35 Zebedee ee qniaw James qapp Johan jiurqin laii qra Ix qongw, "Sensnix ar, qniwnarr guanw soxx duiww Liw qriuu :ee, rair Liw qra guanw qniaa ix."
36 Ix dyrr qra inx qongw, "Rair Guaw qra linw qniaa simxmih ar?"
37 Inx qra Ix qongw, "Jrunw guanw dirr Liw ee ingqngx, jit xee jre dirr Liw ee jniawvingg, jit xee jre dirr liw ee dywvingg."
38 Danrsi Jesus qra inx qongw, "Linw soxx qriuu :ee, linw m jaix. Guaw soxx limx ee vxuex, linw e limx mah? Guaw soxx sriu ee sew, linw e sriu mah?"
39 Inx qongw, "E." Ix qra inx qongw, "Guaw soxx limx ee vxuex, linw beh limx ix; Guaw soxx sriu ee sew, linw beh sriu ix.
40 Danrsi jre dirr Guaw ee jniawvingg, dywvingg, jex m si Guaw e tangx hro langg, dogdok uirdiyhh simxmih langg virvan :ee dyrr hro ix."
41 Jap xee hagsingx tniax .qnir, dyrr siurkir James qapp Johan.
42 Jesus qiyr inx laii, qra inx qongw, "Linw jaix guarvangx soxx jrunx juer zinqunx :ee juer jruw decc dirliw inx, inx ee dairzinn decc quanxhad inx.
43 Dogdok linw diongqanx m si anxnix. Linw diongqanx rair juer dua :ee, beh juer linw ee ce'ing;
44 Linw diongqanx rair juer tauu :ee, beh juer jiongww langg ee lovok.
45 In'ui Zinjuw qaur m si beh ce'ing langg, si beh hro langg ce'ing, qycc henr Ix ee sniwmia laii sioghuee jerje langg."
46 Inx qaur Jeliqo. Jesus qapp Ix ee hagsingx qapp dua din langg cud Jeliqo ee sii, Timaeus ee qniaw, Bartimaeus, dyrr si cnimii :ee juer kitjiac, jre dirr lo-vnix.
47 Ix tniax qnir si Nazaletlangg Jesus, dyrr auqiyr qongxx, "David ee Horer, Jesus, kyxlinn guaw."
48 Jerje langg jikvi ix, qiyr ix jing jing; danrsi ix ithuad dua sniax auqiyr qongxx, "David ee Horer ar, kyxlinn guaw."
49 Jesus tingkax qongw, "Qiyr ix laii." Inx dyrr qiyr cnimilangg laii, qra ix qongw, "Anx liw ee simx, kiw .laii, Ix decc qiyr liw ar."
50 Ix dyrr qra ix ee snxax vangr .lyx .laii, tiaur kiw laii kir jiurqin Jesus.
51 Jesus qongw, "Rair Guaw qra liw juer simxmih?" Cnimilangg qra Ix qongw, "Rlabboni, guaw rair did diyc knuar .qnir."
52 Jesus qra ix qongw, "Kir ar, liw ee sinr u qiur liw lar." Ix liamvnix did diyc knuar .qnir, dyrr dirr lo nirr duer Jesus.
11 Inx qniaa qin Jelusalem, qaur Qnanaw Snuax vnix ee Betfage qapp Betani ee sii, Jesus crex nng xee hagsingx,
2 Qra inx qongw, "Linw kir duiwbin ee hniusia, zip kir liauxau, e duw diyc jit jiah luu-aw vak dirr hiax, ix iauxx m bad hro langg kiaa .quer. Linw qra tauw kuix, qra kanx .laii.
3 Narr u langg mng linw qongxx, 'Sniaw su juer anxnix?' Linw diyhh qongw, 'Jruw kiamwing ix'. Ix liamvnix e hro linw qra kanx laii jiax."
4 Nng langg dyrr kir, dirr lo nirr ee uatqag, duw diyc jit jiah luu-aw, vak dirr mngg-gua. Inx dyrr qra tauw .kuix.
5 Vnitauu kia ee langg uree qongw, "Linw tauw luu-aw beh sniaw su?"
6 Inx jiauww Jesus soxx qongw :ee qra inx qongw. Hiaxee langg dyrr vangr hro ix kir.
7 Inx dyrr kanx luu-aw jiurqin Jesus, suar ing qaqi ee snxax puac dirr hitt dingxbin. Jesus dyrr kiaa ix.
8 U jerje langg ing inx ee snxax pox dirr lo nirr; iarr uree ing ciurqix, hex si dui' hngg nirr soxx cyr .laii .ee.
9 Jingg qniaa au duer :ee qiyr qongxx, "Hosanna! Dirr Jruw ee miaa laii :ee, ingqaix did diyc ylyw;
10 Hitt xee decbeh laii ee qog, dyrr si lanw ee joxqongx David ee qog, ingqaix did diyc ylyw ar; dirr jiww quann ee xui ar, Hosannna!"
11 Jesus zip Jelusalem, zip denrdngg, siwquer knuar dagg hxang ee mic. Zit ixqing' amr, dyrr qapp jap-zi xee hagsingx cud kir qaur Betani.
12 Qeh zit, inx dui' Betani cud .laii, Jesus iaux.
13 Hng hng knuar qnir jit jangg buhuaqyxciu, ciu u hiyc. Ix dyrr kir knuar dirr hitt dingxbin u cue diyc sniaw byy. Qaur liauxau, qingwzenn byy soxx did .diyc, jixu hiyc nardnia; in'ui m si buhuaqyw ee sii.
14 Jesus dyrr duiww hitt jangg ciu qongw, "Dnaxx liauxau, ingxingw byy langg jiac liw ee quexjiw." Ix ee hagsingx iarr tniax .qnir.
15 Inx qaur Jelusalem, Jesus zip dxen, dyrr qra dxen-lai bexbe ee langg qnuaw .cud .kir, ciax dyw ngua jnii ee langg ee dyh, qapp bre jnixaw ee langg ee iw,
16 Qycc m jrunw langg duar kiwqu dui' dxen nirr qingquer.
17 Ix qycc qawsi inx qongxx, "Qamxx byy qiwjair qongxx: Guaw ee cur beh cxingx juer banrvangx qidyw ee cur mah? Danrsi linw hro ix juer cadsiu."
18 Jiaxee jewsitauu qapp qinghagsu tniax .qnir, dyrr cue knuar tangx jnaixngiu laii bet Ix, danrsi qniax Ix, in'ui jiongww langg longxx qiquair Ix ee qawsi.
19 Dagg ehngx, Jesus cud sniaa .kir.
20 Jaxkiw-sii inx dui' hiax qingquer, dyrr knuar qnir hitt jangg buhuaqyxciu qinqix longxx qodaa .kir.
21 Peter qir .did dyrr qra Ix qongw, "Rlabbi, Liw knuar, Liw soxx jiuwjow ee buhuaqyxciu ixqing' dax .kir."
22 Jesus rinr qongxx, "Linw diyhh sinr Siongrder.
23 Guaw sidjai qra linw qongw, huanrnarr si'angw qra jitt xee snuax qongw, 'Suaw .kir, hed dirr haiw nirr,' simlai byy giaugii, dogdok sinr ix soxx qongw :ee dikkag jniaa, dyrr beh qra ix jniaa.
24 Soxiw Guaw qra linw qongw, qniwnarr linw soxx qidyw laii qriuu :ee, dyrr si sinr ixqing' did .diyc, dyrr beh qra linw jniaa.
25 Qniwnarr linw kia lecc qidyw ee sii, sniu diyic u langg dikjue liw simxmih, diyhh siawbenw ix, hro linw dirr tnix nirr ee Ve iarr siawbenw linw ee quewsid.
26 Linw narr byy siawbenw langg ee quewsid, dyrr linw dirr tnix nirr ee Ve iarr byy beh siawbenw linw ee quewsid."
27 Inx qycc qaur Jelusalem. Jesus dirr dxen-lai decc qniaa ee sii, hiaxee jewsitauu qinghagsu qapp dniuxlyw jiurqin Ix,
28 Mng Ix qongxx, "Liw ing simxmih qxuann qniaa jiaxee su? Qycc jirjui hro Liw jitt xee qxuann tangx qniaa ix ar?"
29 Jesus dyrr qra inx qongw, "Guaw iarr mng linw jit qxur ue; linw narr rinr Guaw, Guaw jiacc beh qra linw qongw Guaw ing simxmih qxuann qniaa jiaxee su.
30 Johan ee sexlew si dui' tnix iacc si dui' langg ar? Linw diyhh rinr Guaw."
31 Inx snaqab girlun qongxx, "Narr qongw, 'Dui' tnix', Ix beh qongw, 'Anxnix linw sniaw su m sinr ix?'
32 Narr qongw, 'Dui' langg', qycc qniax vecsnir, in'ui jiongww langg sidjai liac Johan juer sendix."
33 Dyrr rinr Jesus qongxx, "Guanw m jaix." Jesus dyrr qra inx qongw, "Guaw iarr byy beh qra linw qongw Guaw si ing simxmih qxuann qniaa jiaxee su."
12 Jesus dyrr ing piwzu duiww inx qongw, "U jit langg jraix pudyhngg, ing livax qra uii, kuix jit kangx laii juer jiuxkud, kiw jit jxy jiuxqnilauu jox hro denrho, dyrr kir vadd xee soxjai.
2 Qaur qrii, ix dyrr crex jit xee lovok kir denrho hiax, beh duiww denrho siux hngg-lai ee quexjiw.
3 Denrho qra liac laii pah, hro ix kangx kangx dyr .kir.
4 Ix qycc crex vadd xee lovok kir inx hiax, denrho qra ix ee taukag pah diyhsiongx, qycc lingziok ix.
5 Ix qycc crex vadd xee lovok. Inx qra taii .siw. Ix qycc crex jerje lovok. Uree hro inx pah, iarr uree hro inx taii .siw.
6 Ix iauxx u jit xee ix soxx tniar ee qniaw. Lorbuew, ix iarr crex ix kir inx hiax, pacsngr qongxx, 'Inx beh junqingr guaw ee qniaw.'
7 Danrsi jiaxee denrho snaqab qongw, 'Jitt xee si ix ee horsuu; lanw laii qra ix taii .siw, giap dyrr qruix lanw.'
8 Dyrr qra liac laii hai .siw, jiong' ix hed dirr pudyhngg gua.
9 Anxnix hngjuw beh jnaixngiu juer ar? Ix beh laii bet jiaxee denrho, jiong' ix ee hngg qaudair vadd langg.
10 Singwqingx soxx qiwjair qongxx, 'Saihu soxx kiwsag ee jiyc, jniaa juer cuwqaktauu ee jiyc.
11 Jex si Jruw soxx jniaa :ee, lanw ee bagjiux knuar juer qiquair.' Linw qamxx byy tak mah?"
12 Hiaxee langg jaix jitt xee piwzu si qiw inx laii qongw, dyrr rair beh liac Ix, danrsi qniax jiongww langg, dyrr lirkuix Ix kir.
13 Au .laii crex Falise qapp Helod Dongw quixnarr langg jiurqin Ix, rair beh dui' Ix soxx qongw ee ue laii dngx Ix.
14 Qaur liauxau, dyrr qra Ix qongw, "Sensnix ar, guanw jaix Liw si jinsit, iarr byy liac simxmih langg juer iauwqinw, in'ui Liw byy knuar langg ee guarmau, si jinsit jiong' Siongrder ee lo laii qawsi langg. Lap suer hro Kaesar habgii iacc byy?
15 Guanw diyhh lap iacc mrbenw?" Jesus jaix inx ee qew hyw, dyrr qra inx qongw, "Linw sniaw su cir Guaw ar? Tec jit xee ginn-aw hro Guaw knuar."
16 Inx dyrr tec .laii. Jesus qra inx qongw, "Jitt xee sxiong qapp hy si jirjui?" Inx qra Ix qongw, "Kaesar."
17 Jesus qra inx qongw, "Linw diyhh jiong' Kaesar ee mic lap hro Kaesar, jiong' Siongrder ee mic lap hro Siongrder." Inx dua qiquair Ix ee ue.
18 U Sadducelangg, dyrr si qongw langg byy qycc uac :ee, jiurqin Ix, mng qongxx,
19 "Sensnix ar, Moses siaw laii jixsi guanw :ee qongxx, narr u langg ix ee hniax siw, lauu ix ee bow dilehh, iarr byy lauu qniaw, ix ee siyxdi diyhh crua ix ee bow, snix qniaw laii suawjiab ix ee hniax.
20 U hniadi cid langg, dua :ee cuarbow, siw iarr byy lauu qniaw.
21 Derr zi xee crua ix, iarr byy lauu qniaw dyrr siw; derr snax xee iarr si anxnix.
22 Inx cid langg longxx byy lauu qniaw. Qaur lorbuew, hurzinlangg iarr siw.
23 Qaur qycc uac ee sii, ix beh juer inx diongqanx dycc jit xee ee bow; in'ui jitt cid langg longxx u crua ix."
24 Jesus qra inx qongw, "Linw ee cyr, qamxx m si dui' m bad Singwqingx qapp Siongrder ee qxuann mah?
25 In'ui dui' sixlangg diongx qycc uac ee sii, byy qer byy crua, si cincniu tnisair dirr tnix nirr.
26 Dnaxx lun sixlangg qycc uac, linw qamxx byy tak diyc Moses ee ceh, ciwper hitt pnxix soxx qir :ee, Siongrder qra Moses qongw, 'Guaw si Ablaham ee Siongrder, Isaac ee Siongrder, Jakob ee Siongrder';
27 Ix m si sixlangg ee Siongrder, si uahlangg ee Siongrder. Linw dua dua cyr lar."
28 U qinghagsu jit langg qaur, tniax diyc inx decc venrlun, jaix Jesus gauu rinr, dyrr mng Ix qongxx, "Jiaxee qaiwbing diongx dycc jit diauu si derr id iauwqinw?"
29 Jesus rinr qongxx, "Hitt xee derr id iauwqinw :ee si qongw, 'Islael ar, diyhh tniax; Jruw, lanw ee Siongrder si dog'id ee Jruw.
30 Liw diyhh jin simx, jin ir, jin lat tniax Jruw, dyrr si liw ee Siongrder.'
31 Derr zi xee, 'Diyhh tniar liw ee cuwvnix cincniu qaqi.' Qi'uu ee qaiwbing be u viw jitt nng diauu kacc dua :ee."
32 Qinghagsu qra Ix qongw, "Hyw ar, Sensnix ar, Liw soxx qongw :ee jinjniar driyc. Siongrder jixu jit xee, ixgua byy vadd xee;
33 Narr jin simx, jin ir, jin lat tniax Ix, qycc tniar cuwvniw cincniu qaqi, dyrr ngiaa quer soxu qui' jiah jingsnix ee siyjer, qapp jewsu."
34 Jesus knuar qnir ix rinr qaxx jin' tongx, dyrr qra ix qongw, "Liw lirkuix Siongrdewqog byy hng lar." Dui' hitt sii byy langg qnaw qycc mng Ix.
35 Jesus dirr denrdngg qawsi inx qongxx, "Jiaxee qinghagsu jnaixngiu qongw, Krist juer David ee Horer mah?
36 David hro Singwsinn qamxdong laii qaqi qongw, 'Jruw qra guaw ee Jruw qongw, jre dirr Guaw ee duarvingg, tingwhau Guaw jiong' Liw jiaxee duiwdik juer Liw ee kadah'iw.'
37 David qiwzenn qaqi cxingx Ix juer Jruw, Krist anxjnaixngiu juer ix ee Horer?" Jiongww langg longxx hnuahiw tniax Ix.
38 Jesus qawsi ee sii qycc qongw, "Diyhh dihongg hiaxee qinghagsu, inx air cing dngg snxax, siwquer qniaa, air dirr queci nirr hro langg cingxanx,
39 Dirr huerdngg lai jre quan'ui, endyh nirr jre duarui;
40 Inx hiautunx jiuxqnuaxlangg ee qehuew, qexir juer dngg dngg ee qidyw. Inx beh siurjue qyckacc dang."
41 Jesus jre dirr kowvangg ee duiwbin, knuar jiongww langg qra jnii hed lyc kowvangg. U jerje vur langg ing jerje jnii hed .lyc .kir.
42 U jit xee songwhiongx ee jiuxqnuaxlangg laii hed nng xee vnuar lii :ee, dyrr si jit lii.
43 Jesus dyrr qiyr Ix ee hagsingx laii qra inx qongw, "Guaw sidjai qra linw qongw, jitt xee songwhiongx ee jiuxqnuaxlangg soxx hed :ee viw jiongww langg hed lyc kowvangg :ee kacc je.
44 In'ui hiaxee jiongww langg si dui' inx u cunx :ee laii hed; danrsi jitt xee hurzinlangg si dui' ix ee byy qraur, laii itjin hed ix soxu :ee, dyrr si ix soxx uaxkyr laii uac :ee."
13 Jesus cud dxen ee sii, u jit xee hagsingx qra Ix qongw, "Sensnix, Liw knuar lehh, jitt hy jiyc, jitt hy cuwtec!"
2 Jesus qra ix qongw, "Liw u knuar qnir jiaxee dua cur mah? Dirr jiax, byy jit der jiyc lauu dirr lingrgua jit der jiyc ee dingxbin :ee, byy ho'ngg iac .lyc .kir."
3 Jesus dirr Qnanaw Snuax dingw jre dirr dxen ee duiwbin. Peter, James, Johan qapp Andlew amwjni mng Ix qongxx,
4 "Cniaw qra guanw qongw, simxmih sii u jiaxee su? Qycc jiaxee su beh jniaa ee sii u simxmih diaurtauu ar?"
5 Jesus jiacc qra inx qongw, "Linw diyhh qinxsin, byc did hro langg behik.
6 Beh u jerje langg tog Guaw ee miaa laii, qongw, 'Guaw dyrr si Krist', laii behik jerje langg.
7 Qycc linw tniax qnir qaujenr qapp qaujenr ee hongsniax ee sii, byc did qniax; in'ui jiaxee su dikkag u, danrsi buadqii iauxx bue qaur.
8 In'ui vecsnir beh kiw laii qongqig vecsnir, qog iarr beh qongqig qog; dagg soxjai beh u dedang, iarr beh u qihngx. Jiaxee su dyrr si koxtangr ee kixtauu.
9 Danrsi linw diyhh qaqi qinxsin, in'ui langg beh jiong' linw sangwqaux qonghue, linw beh siurr pah dirr huerdngg nirr, iarr beh uirdiyhh Guaw ee enqor kia dirr qnuahuw qapp qun'ongg ee binrjingg, laii duiww inx juer qanjingr.
10 Mrquxx hok'imx dikkag diyhh dairsingx tuann dirr banrvangx.
11 Langg tuax linw, jiong' linw sangwqaux ee sii, byc did dairsingx kuawlu beh jnaixngiu qongw; dng' hitt sii, soxx sniuxsur linw qongw :ee linw diyhh qongw ix; in'ui m si linw qaqi qongw, si Singwsinn decc qongw.
12 Hniadi beh jiong' hniadi sangwqaux kir siw; ve kuanxtai qniaw iarr si anxnxi; qniaxzii beh kiw laii qongqig verbuw hro inx siw.
13 Acc linw in'ui Guaw ee miaa beh hro jiongww langg uanwhun; dogdok tunlunw qaur lorbuew :ee, ix beh did diyc qiur."
14 Linw knuar qnir hitt xee janhai, kyxngor :ee kia dirr ix m ingqaix kia ee soxjai (tak ee langg diyhh hiauxgno), hitt sii dirr Judea :ee, diyhh jauw kir snuax nirr;
15 Dirr cur-dingw :ee, byc did zip kir cur-lai tec simxmih;
16 Dirr hngg nirr :ee,byc did dyr laii hniah ix ee snxax.
17 Dng' hiaxee zit, u sin'in qapp hro ngex-aw jiac linx ee hurzinlangg u jaiec!
18 Linw diyhh qidyw benw did dirr dangtnix-sii duw diyc jitt xee su.
19 In'ui hiaxee zit beh u huanrlan, si dui' Siongrder congwjy sewqanx ee kixtauu qaur jitt diap m bad u anxnix, au .laii iarr byy.
20 Narr m si Jruw qiamxjiyw hiaxee zit, dyrr huanrr u ziogtew :ee byy jit xee e did qiur. Danrsi uirdiyhh qingw ee vecsnir, dyrr si Ix soxx qingw :ee ee enqor, Ix u qiamxjiyw hiaxee zit.
21 Hitt sii narr u langg qra linw qongw, 'Krist dirr jiax', iacc si qongw, 'Dirr hiax', byc did sinr.
22 In'ui beh u qew Krist, qew sendix kiw .laii, qniaa sinziah qapp diaurtauu. Becnarr e, lenrr qingw ee vecsnir iarr beh behik.
23 Linw diyhh qinxsin; Guaw ixqing' dairsingx longxx qra linw qongw.
24 Dng' hiaxee zit, hitt xee huanrlan liauxau, zit beh oamr, guec byy cud qngx,
25 Cnxix dui' tnix qalauc, dirr tnix nirr ee sxiong beh dinxdang.
26 Hitt sii, inx beh knuar qnir Zinjuw ing dua quanlingg qapp ingqngx, dirr hunn diongx limqaur.
27 Hitt sii Ix beh crex Ix ee tnisair dui' siwhngx jurjip Ix soxx qingw ee vecsnir, dui' derqik qaur tnivnix.
28 Linw diyhh yc buhuaqyxciu jitt xee piwzu; dng' qix nngw, hiyc huad ee sii, linw dyrr jaix hartnix qin lar.
29 Anxnix linw knuar jiaxee su, diyhh jaix qin :ar, qaur mngkauw lar.
30 Guaw sidjai qra linw qongw, jitt sewdai iauxx bue quer .kir, jiaxee dairjir longxx jniaa.
31 Tnide beh huewbyy; Guaw ee ue be huewbyy.
32 Danrsi lun hitt zit, hitt sii, langg m jaix, dirr tnix nirr ee tnisair iarr m jaix, Qniaw iarr m jaix, dogdok Ve jaix.
33 Diyhh qinxsin qingxsingw laii qidyw, in'ui linw m jaix hitt xee qrii si dirr simxmih sii.
34 Jex dyrr cincniu u jit langg lirkuix ix ee qrex cutgua .kir, jiong' qxuann qaudair ix jiaxee lovok, u pair qangx hro dagg langg juer, qycc huanhur qor mngg :ee diyhh dniudii.
35 Soxiw linw diyhh dniudii, in'ui linw m jaix linw ee Jruw simxmih sii beh laii, si zit amr iacc si tnixqngjaw;
36 Qniax Ix hutzenqanx dngw .laii, duw diyc linw decc kunr.
37 Guaw soxx qra linw qongw :ee, iarr qra jiongww langg qongw: Diyhh dniudii."
14 Quer nng zit dyrr si vnuaquer qapp duqnar ee jeh. Jiaxee jewsitauu qapp qinghagsu cue knuar diyhh ing simxmih kuixqer liac Jesus laii hai siw Ix.
2 Inx qongw, "Dng' jecqii m tangx, qniax vecsnir e ziauxluan."
3 Jesus dirr Betani, dirr taixqyx Simon ee cur jerdyh ee sii, u hurzinlangg duar gigvann laii, lairbin drew qik quiwkir ee alabaster hniu'iuu. Ix kar puar gigvann, qra hniu'iuu vniar dirr Jesus ee taukag.
4 U quixnarr langg siurkir, snaqab qongw, "Nacc anxnix decc puawhuir jitt xee hniu'iuu?
5 Jitt xee hniu'iuu e bre did ginn-aw snax-vah gua xee, laii hro songwhionglangg." Inx dyrr me ix.
6 Danrsi Jesus qongw, "Cutjai ix. Linw sniaw su tiaulann ix? Ix soxx qniaa laii kuanxtai Guaw :ee si hyw su.
7 In'ui siongsiongg u songwhionglangg qapp linw dilehh. Linw rair beh hyw kuanxtai inx, vutquanxsii longxx erdangr; danrsi Guaw byy siongsiongg qapp linw dilehh.
8 Jitt xee hurzinlangg si jin ix soxx e :ee laii juer, ix dairsingx jiong' iuu buah Guaw ee sinkux, si decc virvan baijongr.
9 Guaw sidjai qra linw qongw, poxtnie bylun simxmih soxjai tuann hok'imx, iarr beh qongw kiw jitt xee hurzinlangg soxx qniaa, laii qiwliam ix."
10 Jap-zi xee hagsingx ee jit xee, Iskaliotlangg Judas, kir qnir hiaxee jewsitauu, beh jiong' Jesus qaux hro inx.
11 Inx tniax .qnir dyrr hnuahiw, qycc rinw beh hro ix ginn. Ix dyrr cue knuar u simxmih qihue tangx jiong' Jesus qaux hro inx.
12 Duqnawjeh ee tauu jit zit, dyrr si taii Vnuaquewjeh ee ngiuqyx ee zit, hagsingx mng Ix qongxx, "Liw rair guanw kir simxmih soxjai virvan hro Liw jiac Vnuarquewjeh ar?"
13 Jesus crex nng xee hagsingx, qra inx qongw, "Linw zip sniaa, u jit langg duar juixvann :ee, ix beh duw diyc linw, linw diyhh duer ix kir.
14 Ix soxx zip ee cur, linw dyrr qra hitt xee qejuw qongw, 'Sensnix qongw: Kectniax dirr daxlyc? Guaw beh dirr hiax qapp Guaw ee hagsingx jiac Vnuaquewjeh.'
15 Ix beh ing lauudingw jit qingx dua tnxiax vaised ven ven hro linw knuar. Linw dirr hiax tangx uirdiyhh lanw dairsingx virvan."
16 Hagsingx cud .kir, zip sniaa, duw diyc jiauww Ix soxx qra inx qongw :ee. Inx dyrr virvan Vnuaquewjeh.
17 Qaur zit amr, Jesus qapp jap-zi xee hagsingx laii.
18 Inx jre lecc jiac ee sii, Jesus qongw, "Guaw sidjai qra linw qongw, linw diongqanx jit langg, qapp Guaw snaqab jiac :ee, beh bre Guaw."
19 Jiongww langg iubun, jit xee jit xee mng Ix qongxx, "Jongw byy si guaw hnoh?"
20 Ix qra inx qongw, "Jap-zi xee hagsingx ee jit xee, qapp Guaw snaqab unr dirr vnuaa nirr :ee, dyrr si.
21 Zinjuw e dyr .kir, jex si jiauww soxx qiwjair qiw Ix ee ue. Danrsi bre Zinjuw :ee u jaiec ar! Hitt langg byy cutsir kacc hyw."
22 Inx decc jiac ee sii, Jesus tec vniaw, jioksia liauw, dyrr vreh puar hro inx, qongw, "Tec .kir. Jitt xee si Guaw ee sinkux."
23 Ix pangg vxuex jioksia liauw hro inx; inx longxx u limx.
24 Jesus qra inx qongw, "Jitt xee si Guaw ee huih, dyrr si bing'iog ee huih, uirdiyhh jerje langg laii lrauu .cud .ee.
25 Guaw sidjai qra linw qongw, dnaxx liauxau, Guaw byy qycc limx pudyy ee jiab, tingwhau dirr Siongrder ee qog limx hitt xee sinx :ee hitt zit."
26 Gimm six liauxau, inx dyrr cud laii kir Qnanaw Snuax.
27 Jesus qra inx qongw, "Linw longxx beh siurr tatgai. In'ui u qiwjair qongxx, 'Guaw beh pah bogjiaw, ngiuu dyrr siwsnuar.'
28 Danrsi Guaw qycc uac liauxau, beh dairsingx linw kir Galilee."
29 Peter qra Ix qongw, "Jiongww langg suizenn siurr tatgai, danrsi guaw be anxnix."
30 Jesus qra ix qongw, "Guaw sidjai qra liw qongw, qinaxzit, dyrr si dirr qimmii, qxex tii zi lyc ee dairsingx, liw beh snax vaiw m zin Guaw."
31 Peter dua lat qongw, "Guaw dyrr si diyhh qapp Liw siw, iarr quatduan be m zin Liw." Jiongww langg iarr longxx si anxnix qongw.
32 Inx snaqab qaur jit xee soxjai, miaa qiyr Getsemane. Jesus qra Ix ee hagsingx qongw, "Linw jre druar jiax, tingwhau Guaw qidyw."
33 Ix dyrr duar Peter, James, Johan, qapp Ix snaqab kir. Jesus gonggniac camxceh,
34 Qra inx qongw, "Guaw ee simx jin' iubun qaur beh siw. Linw diyhh druar jiax, diyhh qingxsingw."
35 Ix liyc aw jinwjingg pag dirr de nirr, qiqiuu qongxx narr e juer .did, dyrr hro Ix benw duw diyc jitt xee sii.
36 Qycc qongw, "Avah, Ve ar, Liw banrsu longxx e, guan Liw hro jitt xee vxuex lirkuix Guaw. Danrsi m si jiauww Guaw soxx rair, si jiauww Liw soxx rair."
37 Ix dngw .laii, knuar qnir inx decc kunr, dyrr qra Peter qongw, "Simon, liw decc kunr mah? Be e qingxsingw jit sii quw mah?
38 Linw diyhh qingxsingw qidyw, benw did zip dirr behik; simsinn qamguan, danrsi ziogtew nngxjniaw."
39 Ix qycjaiww qidyw, iarr si qongw hiaxee ue.
40 Ix qycc dngw .laii, knuar qnir inx decc kunr; in'ui inx ee bagjiux jin' siab. Inx iarr m jaix diyhh rinr jnaixngiu.
41 Ix derr snax vaiw laii, qra inx qongw, "Dnaxx linw beh qycc kunr mah? Zinjuw siurr bre dirr juerzinn ee ciuw lar.
42 Kiw laii snaqab kir. Knuar! Bre Guaw ee langg qin lar."
43 Ix iauxdecc qongw ee sii, jap-zi xee hagsingx diongx ee jit xee, Judas, liamvnix laii. Iarr u qui' din langg giac dyx qapp tuii-aw, dui' jewsitauu, qinghagsu qapp dniuxlyw hiax snaqab laii.
44 Bre Ix :ee bad qapp inx tyr amwhy qongxx, "Guaw qra jimx :ee, hitt langg dyrr si. Linw tangx liac Ix, sewzi tuax Ix kir."
45 Ix qaur liauxau, jiksii jiurqin Jesus, qongw, "Rlabbi!", dyrr diddit qra Ix jimx.
46 Inx dyrr herciuw liac Ix.
47 Dirr vnitauu kia ee jit langg vuic dyx, taii jewsitauu ee lovok, siah kir ix jit xee hni-aw.
48 Jesus qra inx qongw, "Linw giac dyx qapp tuii-aw cud laii liac Guaw, cincniu beh liac cat mah?
49 Guaw zidzit dirr dxen-lai qawsi langg, qapp linw snaqab dilehh, linw byy liac Guaw. Danrsi anxnix dyrr si beh ingwgiam Singwqingx."
50 Hagsingx longxx lirkuix Ix jauw .kir.
51 U jit xee siauwlenlangg tngwteh, muax iur muavor duer Jesus. Inx beh liac ix;
52 Ix dyrr kiwsag iur muavor, tngwteh laii jauw.
53 Hiaxee langg duar Jesus qaur jewsitauu ee soxjai; iarr u jiongww jewsitauu, dniuxlyw, qinghagsu longxx laii qapp ix snaqab jurjip.
54 Peter hng hng decc duer Jesus, qaur jewsitauu ee ngi, zip kir lairbin, qapp hiaxee ce'iac jre lecc hanghuew.
55 Jiaxee jewsitauu qapp juann qonghue cue qanjingr decc qongqig Jesus, beh hro Ix siw, mrquxx byy did .diyc.
56 Lamrsamw qanjingr laii qongqig Ix :ee jerje, danrsi inx soxx qanjingr :ee byy duiwdangg.
57 Iarr u quixnarr langg kiw .laii, lamrsamw qanjingr Ix qongxx,
58 "Guanw bad tniax qnir Ix qongw, 'Guaw beh huixhuai jitt qingx ing langg ee ciuw soxx kiw ee dxen, snax zit lai qycc kiw jit qingx, m si langg ee ciuw soxx kiw :ee.'"
59 Inx qanjingr anxnix, iarr byy duiwdangg.
60 Jewsitauu kiw laii kia dirr diongqanx, mng Jesus qongxx, "Liw longxx byy rinr mah? Jiaxee langg soxx qanjingr Liw :ee si simxmih?"
61 Jesus jing jing longxx byy rinr. Jewsitauu qycc mng Ix qongxx, "Liw si tangx ylyw :ee ee Qniaw, Krist, iacc m si?"
62 Jesus qongw, "Guaw si. Linw beh knuar qnir Zinjuw jre dirr u quanlingg :ee ee duarvingg, qapp tnix ee hunn laii."
63 Jewsitauu tiah lic qaqi ee snxax, qongw, "Lanw iauxx kiamr simxmih qanjingr ar?
64 Linw ixqing' tniax qnir Ix ee ciamwquann setdok ee ue lar, linw pacsngr anxjnaixngiu?" Inx longxx griw Ix qaix siw.
65 Hitt sii u langg dyrr qra Ix pruir nxua, ngx Ix ee bin, ing quntaubuw jringx Ix, qra Ix qongw, "Liw diyhh juer sendix laii qongw." Hiaxsee ce'iac qra duar .kir, ing ciuw pah Ix.
66 Peter dirr erbin guarngi ee sii, u jewsitauu ee jit xee luxvi laii.
67 Ix knuar qnir Peter decc hanghuew, hiongr ix qongw, "Liw iarr bad qapp hitt xee Nazaletlangg Jesus juewdin."
68 Ix m zin, qongw, "Guaw m jaix, iarr be hiauxdid liw decc qongw simxmih." Dyrr cud kir qaur jing'ngi. Qxex dyrr tii.
69 Hitt xee luxvi knuar qnir ix, qycc qra vnix:a kia ee langg qongw, "Jitt xee iarr si sriok dirr inx ee dongw."
70 Ix qycc m zin. Qycc diap aw quw, vnix:a kia :ee qycc qra Peter qongw, "Liw sriok inx ee dongw; in'ui liw si Galileelangg."
71 Ix dyrr jiuwjow, qycc jiuwjua qongxx, "Linw soxx qongw hitt xee, guaw m bad Ix."
72 Qxex jiksii tii zi lyc. Peter dyrr qir did Jesus soxx qra ix qongw ee ue, qongw, "Qxex tii zi lyc ee dairsingx, liw beh snax vaiw m zin Guaw." Sniu diyc jex, ix dyrr tikaur.
15 Qaur tnixqngx, hiaxee jewsitauu, dniuxlyw, qinghagsu qapp juann qonghue snaqab girlun, vak Jesus, duar Ix kir, qaux hro Pilate.
2 Pilate mng Ix qongxx, "Liw si Judealangg ee Ongg mah?" Ix rinr qongxx, "Liw qongw, dyrr si."
3 Jewsitauu ing jerje hxang qryr Ix.
4 Pilate qycc mng Ix qongxx, "Liw longxx byy rinr mah? Liw knuar, inx qryr Liw hiacc je hxang."
5 Danrsi Jesus iauxx si byy rinr. Pilate qiquair.
6 Qaur jecqii, jongxdog longxx e jiauww inx soxx qriuu :ee, vangr jit xee huanrlangg hro inx.
7 U jit langg, miaa Balabbas, qapp hiaxee jokluan ee langg qangg siurr vak; inx dirr jokluan ee sii bad taii siw lagg.
8 Jiongww langg dyrr kiw kir, qriuu Pilate jiauwsiongg laii qniaa.
9 Pilate rinr qongxx, "Linw rair guaw vangr Judealangg ee Ongg hro linw mah?"
10 In'ui ix jaix hiaxee jewsitauu si uirdiyhh uanwdor, jiacc qewsangr Ix.
11 Danrsi hiaxee jewsitauu saixsy jiongww langg, lingkow qriuu vangr Balabbas hro inx.
12 Pilate qycc rinr qongxx, "Anxnix, linw soxx qiyr juer Judealangg ee Ongg :ee, guaw diyhh jnaixngiu vran Ix?"
13 Inx qycc auqiyr qongxx, "Dingr Ix dirr sibzirqer."
14 Pilate qra inx qongw, "Jnaixngiu ar? Ix juer simxmih pniaw?" Mrquxx inx naxx dua sniax auqiyr qongxx, "Dingr Ix dirr sibzirqer."
15 Pilate in'ui rair hro jiongww langg hnuahiw, dyrr vangr Balabbas hro inx. Ixqing' vnipah Jesus liauxau, ix dyrr qra huatqaux kir dingr sibzirqer.
16 Vingdingx tuax Ix zip ngi-lai, dyrr si qongdngg, dyrr huerjee tong' ngiaa,
17 Ing jxiw sig ee pxaur hro Ix cing, qycc vnrix cixaw ee benxliuu qra Ix dir,
18 Qra Ix cingxanx, qongw, "Judealangg ee Ongg, ving'anx!"
19 Qycc ing lodig sud Ix ee taukag, qra Ix pruir nxua, qui lyc vair Ix.
20 Hiwlang suah, hitt niaw jxiw sig ee pxaur dyrr qra Ix trngr .kiw .laii, jiong' Ix qaqi ee snxax qra Ix cing .dngw .kir; duar Ix cud .kir, beh dingr Ix dirr sibzirqer.
21 U Cilene ee langg Simon, dyrr si Alesander qapp Rlufus ee laurve, dui' snuadniuu laii an' hiax quer, inx benxqiongw ix snaqab kir, laii giaa Jesus ee sibzirqer.
22 Inx duar Jesus qaur Golgota ee soxjai, huan'ik dyrr si Taukaknguaw ee Soxjai.
23 Inx ing qiauw bud'iyc ee jiuw hro Ix. Jesus m sriu.
24 Inx dyrr dingr Ix dirr sibzirqer, vunx Ix ee ihok, liamkaux knuar simxmih langg did diyc simxmih.
25 Hitt sii qauw diamw, dyrr dingr Ix dirr sibzirqer.
26 Ing jamxdiauu siaw Ix ee juerjong, qongw, "JUDEALANGG EE ONGG."
27 Iarr u nng xee cat qapp Ix qangg dingr dirr sibzirqer, jit xee dirr jniawvingg, jit xee dirr dywvingg.
28 Ix virr vailet dirr juerhuan diongx. Jitt xee, Singwceh u ingwgiam lar!
29 Qingquer ee langg setdok Ix, iyy tauu qongw, "Aixar! Liw huixhuai dxen, snax zit beh kiw ix :ee,
30 Dnaxx diyhh qiur qaqi, dui' sibzirqer lyc .laii."
31 Hiaxee jewsitauu qapp qinghagsu iarr si anxnix tixciyr Ix, snaqab qongw, "Ix bad qiur vadd langg, iarr be e qiur qaqi.
32 Islael ee Ongg, Krist, dnaxx diyhh dui' sibzirqer lyc laii hro guanw knuar, guanw e laii sinr Ix." Qangg dingr dirr sibzirqer :ee iarr me Ix.
33 Ziddiongdaur qaur snax diamw ee sii, juann de oamr.
34 Snax diamw ee sii, Jesus dua sniax qiyr qongxx, "Eloi, Eloi, lama sabactani", huan'ik dyrr si "Guaw ee Siongrder, Guaw ee Siongrder, Liw sniaw su vangwli Guaw."
35 Dirr vnitauu kia :ee u langg tniax .qnir, dyrr qongw, "Liw knuar, Ix decc qiyr Elijah."
36 U jit langg jauw kir ing haixziongg jimr cor, haa dirr lodig-aw buew hro Ix suh, qongw, "Cniaxban, cir knuar Elijah e laii qiur Ix lyc laii iacc be."
37 Jesus dua sniax qiyr, kuir dyrr dng.
38 Dxen-lai ee dniuwlii dui' dingw qaur xe lic juer nng vingg.
39 Vexjongw kia dirr Jesus ee duiwbin, knuar qnir Ix anxnix kuir dng, dyrr qongw, "Jitt langg jinjniar si Siongrder ee Qniaw."
40 Qycc u quixnarr xee hurzinlangg dui' hng hng decc knuar, jiongdiongx u Magdalene ee Malia, qapp siyw James Joses ee laurbuw Malia, ixqip Salome,
41 Dyrr si Jesus dirr Galilee ee sii, qinduer laii hogsai Ix :ee. Iarr u jerje hurzinlangg qapp Jesus dangjee jnriu Jelusalem :ee, longxx hng hng decc knuar.
42 Ixqing' amr ar, in'ui hitt zit si virvan jeh ee zit, dyrr si Anhiyczit jingg ee jit zit,
43 Alimatea ee Josef laii. Ix si junquir ee giruann, vunxsinx iarr si himbo Siongrder ee qog :ee. Ix hyxdnaw zip kir qnir Pilate, qriuu Jesus ee sinsix.
44 Pilate qiquair Ix ixqing' siw, dyrr qiyr vexjongw laii, mng knuar Ix siw quw .be.
45 Dui' vexjongw hiax jaix liauxau, dyrr qra sinsix hro Josef.
46 Josef brew iur muavor vaux Ix, qra he dirr jiyhvnuaa soxx pah ee bong, qycc qy jit der jiyc dirr bongrmngg.
47 Magdalene ee Malia, qapp Joses ee laurbuw u knuar qnir Ix ho'ngg baijongr ee soxjai.
16 Anhiyczit ixqing' quer, Magdalene ee Malia qapp James ee laurbuw Malia, qapp Salome, inx u brew hniuliau beh laii buah Jesus.
2 Cid zit ee tauu jit zit, jin' jaw, zit duxaxx cud, inx qaur bong,
3 Snaqab qongw, "Jirjui beh ter lanw qy hitt der jiyc lirkuix bongrmngg ar?"
4 In'ui hitt der jiyc jin' dua der. Inx giahbak suacc knuar qnir hitt der jiyc ixqing' ho'ngg qy .kuix.
5 Inx zip bong, knuar qnir jit xee siauwlenlangg jre dirr jniawvingg, cing vec snxax. Inx dyrr gonggniac.
6 Siauwlenlangg qra inx qongw, "Mrbenw gonggniac, linw si laii cue ho'ngg dingr sibzirqer ee Naraletlangg Jesus. Ix ixqing' qycc uac, byy dirr jiax. Linw knuar baijongr Ix ee soxjai.
7 Dnaxx diyhh kir, qra Ix ee hagsingx qapp Peter qongw, Ix dairsingx linw kir Galilee; linw dirr hiax beh knuar qnir Ix, jiauww Ix soxx qra linw qongw :ee."
8 Jiaxee hurzinlangg cud .kir, lirkuix bong, dyrr jauw, gniauhgniauc cuah, gonggniac, iarr byy qra langg qongw simxmih, in'ui inx jin' qniax.
9 Cid zit ee tauu jit zit cingjaw, Jesus ixqing' qycc uac, dairsingx hiongr Magdalene ee Malia henxhen. Ix dyrr si Jesus jingg:a bad dui' ix qnuaw cud cid xee qxuiw :ee.
10 Vingsii qapp Jesus dangjee dilehh ee langg hitt sii decc iubun tikaur, Malia kir qra inx qongw.
11 Inx tniax qnir Ix uac, qycc hro Malia knuar .qnir, qingwzenn m sinr.
12 Ixau inx diongqanx nng langg kir snuadniuu, decc qniaa ee sii, Jesus cuthen hro inx knuar .qnir. Ix ee iongmau qapp vingsiongg byy qangg.
13 Inx kir qra qi'uu :ee qongw; danrsi inx hiaxee langg iarr m sinr.
14 Au .laii jap-id xee hagsingx jre decc jiac ee sii, Jesus cuthen hro inx knuar .qnir, jikvi inx ee m sinr qapp gnirsimx; in'ui u langg knuar qnir Ix ixqing' qycc uac, inx iarr m sinr hiaxee langg ee ue.
15 Jesus qycc qra inx qongw, "Linw kir poxtnie, tuann hok'imx hro banrvecsnir.
16 Sinr laii siurr sexlew :ee, beh did diyc qiur; m sinr :ee, beh siurr dring jue.
17 Sinr ee langg beh u jiaxee sinziah duer inx; dyrr si tokdiong Guaw ee miaa qnuaw qxuiw, qongw sinx ee kniukauw;
18 Inx e liac juaa, iacc si limx diyc simxmih dok, longxx iarr byy siurr sionghai; qycc ing ciuw hnua puawvni ee langg, inx dyrr hyw."
19 Jruw Jesus qapp inx qongw suah, dyrr did diyc jiaplap jnriu tnix, jre dirr Siongrder ee duarvingg.
20 Hagsingx cud .kir, dagg soxjai suantuann, Jruw qapp inx juewqangx, ing duer inx ee sinziah jingwbingg jitt xee dyrliw. Amen.