DERR 18 JNIUX
HUANXDUIR CIWQIG
Narr si singkux-lai u iamrjingr, iacc si kiw tniar, isingx ursii ing huanxduiwciwqik’iyc (反對刺戟藥, counterirritant) qoo dirr puehux nirr, u vni ee soxjai. Jitt xee lixkir jiurr si lingrgua congr jit xui hro ix tniar, suar be qir did vni ee tniar. Iarr qycc jit hxang, jitt xee iyc e hro puee ee huicqngw kokdua, iarr kacc je huih dirr puehux nirr, soxiw lairjong ee huih qiamxjiyw; jitt kuanw ee iyc, qiyr juer inxciacjex (引赤劑, rubefacient). Anxnix jiurr lairjong e tangx hiyckunr, tangx dirliauu. Jitt hy qapp sinqingx u quanhe, in’ui taur dirr puee nirr ee sinqingx iarr u kanlenn dirr lairjong, jiurr si huanxingwjok’iong (reflex action).
Piwlun bagjiux tniar, dirr bagjiux-vnix ing ciwqik’iyc qoo; iacc si hni-aw-lai u iamrjingr, jiurr hni-aw-au qoo jitt hy iyc; iacc si hingkamw-lai tniar, jiurr cad ciwqik’iyc dirr hingkamw ee puehux nirr; iacc si vakdow tniar, tangx jiong’ qaiwluac juer ciwqik’iyc laii qoo.
Ing ciwqik’iyc, ursii si beh hro puehux huad angg nardnia, ursii isingx air ix huad pa. Piwlun langg u vakdow tniar, ing qaiwluac qoo jap hunx quw, e hro puehux dngw ann, m tangx kacc quw laii huad pa; jongw .si bgjiux jxingr ee dirliauhuad ee jit jiongw, si bagjiux vnix: a diyhh ing ciwqik’iyc, laii hro puehux huad pa.
Qaiwluac juer ciwqik’iyc si hyw ing’ u qaiwluah’iuu, qaiwluahdingrqyx (硬膏, mustard plaster). Setsuw simqnuatauu u dniur, iacc si vakdow-buew u tniar, jitt hy iyc si hyw ing. Qaiwluahdingrqyx, iacc si qaiwluahpnir, ursii tangx brew ven, iarr si kuair kuair virvan. Tec vingsiongg qaiwluac, jit tngsii, ing damrvyc lalunn siyx juiw, la hro jiauu; m tangx sniu’ je juiw; juer cincniu iyhqyx jiurr hyw. Ingg jit diauu pingduawvor, iacc si vadd kuanw vyc ee vor, cincniu muavor. Jiong’ qaiwluac pix dirr vor ee dingxbin, cavutdyx snax cunr dngg, nng cunr kuah. Tec qokk jit der vor (vyc vyc :ee) kamr dirr qaiwluac-dingw. Tec urvi ee qaiwluac, qapp vor he puehux-dingw. Qycc jap hunjingx, vnirlangg jaix puee u siyx, iarr qycc jap hunx e siyxkuaw tniar, iarr dngw angg. Anxnix jiurr qauwgiac, diyhh tec .kiw .laii, m tangx hro vuad pa. Setsuw narr u qaiwluac liamm dirr puehux nirr, diyhh ing mihuex, unn unn aw jeh hro ix kiw .laii; jiacc ing siyx xmii amx lehh, ing pingduar qra vak.
Narr si u brew ven ee qaiwluahqyx juer qui’ pnir, jitt xee tangx unr lingw juiw, jiacc qoo u vni ee soxjai.
Ing qaiwluah’iuu laii truix hingkamw, vakdow, iacc si vadd xui u vni ee soxjai, e hro puee dngw ann. Jitt hy m tangx truix quewtauu, qniax liauw e huad pa. Truix liauw, ing hangx siyx ee nivor kamr iarr si hyw.
Ursii ing cat’iyc juer ciwqig, iacc si inxciah ee loring. Ursii ing tinctura iodi, iacc si linimentum iodi, qra cad. Narr cad snax~sir vaiw, qiamxcaiw puehux e cox cox, narr anxnix liuwpuee m tangx qycc cad.
Kanwho diyhh jaix, si kahh hyw m tangx ing ciuw laii buah iyc dirr vnirlangg ee sinjniu; ursii ing xmii laii buah, iacc si qruar ciuxlinglongg laii buah; mrquxx samvutgorsii qovutjiongx diyhh ing ciuw laii buah, iarr qaqi ee ciuw longxx diyhh sewzi. Jueww iauwqinw :ee, si lairbin u suixgunn qapp u belladonna jitt lxui ee cat’iyc; ingqaix diyhh ing jit der mivor laii crid, crid liauw diyhh liamvnix sew ciuw.
Belladonna qapp glycerinum si idi hunviwjnuaa jingxdniur hitt hy vni ee loring. Jitt xee iyc iarr e did diyc hurzinlangg lingvongg ee vni. Narr huzinlangg hutzenn byy hro ginxaw jiac lingx, iauxquxx lingx iuguann si jin’ je, diyhh ing jit der juixnivor (lint), diong’ngx qa jit kangx hro ngii ngii, jiacc jiong’ juixnivor jimr he belladonna qapp glycerinum hitt lairbin jimr hro damm, jiacc jiong’ juixnivor dah dirr lingvongg ee dingxbin, hitt xee lingtauu hro ix tongw .cud .laii. Jiacc ing mihuex kamr hitt dingxbin, ing pingduar vak hro ann; hitt diauu pingduar dagg zit diyhh dnii nng~snax vaiw, in’ui vak ee soxjai, si jin’ kuair ling .kir.
Ing huad pa ee iyc, iacc si vadd mic cat’iyc ee sii, si uirdiyhh jixtniar, iacc si tewiam ee enqor. Cad iyc ee sijun, hitt xee puee e kacc angg. Ing huad pa ee iyc, iacc si vadd mic cat’iyc ee sii, qaix diyhh ing zuarr je iyc, jiurr diyhh dui’ vann-lai dryr cud laii ing, m tangx he dirr vann-lai, suiven unr kiw laii lamrsamw ing.
Huad pa ee iyc, si ing vanbaa (Spanish fly) soxx jewjy :ee. Vanbaa (si Qngxdangsingw jit kuanw u kag tangg) pa ee iyc miaa liquor epispasticus, si ing ether aceticus juer ee qoiyc. Emplastrum cantharidis si huatparjex qapp lac, camx vadd kuanw ee iyc laii qoo dirr vor nirr ee dingxbin. Ing qoiyc ee sii, diyhh dairsingx jiong’ urvi soxjai, sew hro cingkir, jiong’ qoiyc hangx hros iyx, dah dirr hitt xee huad pa ee soxjai, ing mihuex amx lehh, ing pingduar vak hro hyw, jongw .si m tangx sniu’ ann, in’ui hitt xee pa pongr .kiw .laii ee sijun, narr ann, e jin’ tniar.
Narr ing vanbaa, jixu beh hro vnirlangg puee angg ee hxuad, narr knuar puee angg jiurr hyw, cenban m tangx hro ix kiw pa.
Dirr beh hro kiw pa ee siwvnix, diyhh ing huasulingx (vaseline) qra ix qoo, hro hitt xee pa be tnuar quer vadd xui kir; zen’au jiacc ing mngvid, unr huad pa ee iyhjuiw, buah hitt huasuling’iuu ee lairbin; narr dax jiurr qycc buah. Dairkair sir vaiw liauxau, vnirlangg jaix liyc aw e tniar; jiurr ing juixnivor, hitt xee duarsiyw qapp pa vnivnii, qra ix kamr lehh, dingxbin qycc kamr mihuex, jiacc ing pingduar vaux hro hyxser.
Huad pa ee sii uree kacc qinw, uree kacc ban, qiamxcaiw sing snax diamxjingx, iacc si jnia’ zit. Narr knuar qnir pa jin’ qu byy pongr .kiw .laii, jiurr ing muajixvavor; narr iuguann byy vuh .kiw .laii, jiacc qycc ing huatpariyhjuiw qra ix qoo.
Huad dua pa liauxau, narr isingx byy qaudair simxmic ue, jiurr tangx jiong’ pa qra kuix (qesix diyhh quer sac hro cingkir), vangr cud hitt xee juiw; narr isingx air knuar jitt xee juiw, diyhh ing vylee kiwqu srinn kiw laiitangx hro ix knuar. Jitt xee juiw lrauu qaur suah .kir, jiurr diyhh ing jit der ser der ee juixnivor buah ung. boraci acc si ung. zinci iyc qra dah lehh. Diyhh ngua jit zit nng vaiw. Cavutdyx jit lexvair jitt xee siongx e hyw.
Isingx air hro vnirlangg singkux simxmic soxjai huad pa, diyhh ui(?) jit xee dniardiyc ee ngikoaw; qniwnarr byy ui(?) ngikoaw ee soxjai, m tangx buah iyc. Kanwho diyhh jaix buah huatparjex dikkag diyhh dirr bah kacc qau ee soxjai; kyr qud ee soxjai, m tangx ing jitt xee hxuad. Narr air hro katauux ee soxjai huad pa, ingqaix diyhh ui(?) nng xee cincniu vnuar guec ee kuanw, dirr cikqaiwqud ee dingxbin qapp erbin, jiacc be gai diyc qud.
Narr air hro iyqud ee vorui huad pa, diyhh jiong’ ngikoaw ui(?) hitt vnix:a, acc si vunkuix ui(?) nng vingvnix aw. Narr si uirdiyhh hiwjong erdew ee vni, air hro puehuex huad pa, diyhh jiong’ ngikoaw, ui(?) dirr qajiah qingqah-xe ee soxjai. Narr si uirdiyhh simjongrvni beh hro ix huad pa, diyhh ui(?) hro jit diauu jit diauu dngg dngg, m tangx ui(?) qui’ ziah, in’ui puawpuee ee soxjai, narr kacc dua jiurr kacc ban hyw. Iarr m tangx dirr lingtauu ee soxjai. Narr uirdiyhh bagjiux ee vni, air hro ix huad pa, diyhh jiong’ ngikoaw ui(?) dirr vinwvnix, li bagjiux jit cunr hng. Narr uirdiyhh beh jriw taukag tniar, laii hro huad pa, diyhh jiong’ ngikoaw ui(?) dirr hnir-aw-au nngw bah ee soxjai.
Cngsnuawhuad (串線法, Seton): Iauxx u jit kuanw qiyr juer cngsnuawhuad, iarr e jixtniar; hitt xee huatdo ing jit qix dua qix jiamx, cng jit diauu cingkir ee sisnuar, jiacc cngx quer hitt xee puebah, jiong’ snuar ee siangx tauu laii qad lehh; dagg zit dui’ snuar qra tiux hro dinxdang, iarr e jixtniar. Jitt xee hxuad si uirdiyhh ngiuhinn ee vni, ursii juer anxnix.
Siyjiokhuad (燒灼法, cauterisation) jiurr si ing digvet kiwqu laii siyx vnirlangg ee jojid. Soxx ing ee qesix u tih acc si qngr juer :ee, jongw .si kacc siong si ing vehqimx (platinum). Kiwqu ee qngw-lai u drew iyc (benzene). U nng liap ee ciurlingqiuu, dni tangx suh zip kongkir (derr 154 doo). Dairsingx ing siyjiokkir ee buew:a, jiurr si vehqimx, he dirr huexjiuxdingx hitt pax huew ee diongqanx; narr siyx liauw tec .kiw .laii, jiacc dni ciurlingqngw ee qiuu, hro kongkir quer dirr iyc ee soxjai; hitt xee iyc ee krir e qaur siyx liauw vehqimx ee soxjai jiurr dyc. Jitt hy ee qesix qanda’ isingx tangx ing, kanwho m tangx. Kanwho diyhh dairsingx urvi vnirlangg ee puehux. Ing siyx juiw satbun sew cingkir, jiacc ing acid carbolic 1-40 qycc sew. M tangx ing ether acc si huexjiuw sew, qniax liauw e huad huew gai diyc vnirlangg. Siyjiokhuad iarr ursii ing denrlat ee kiwqu laii juer.
Kipqakliauhuad (吸角療法, Cupping), iarr u langg qongw, huexvuex kiphuicsut (火杯吸血術): Kipqakliauhuad u damm, dax, nng hxang ee huatdo, ing dirr huat’iam ee soxjai, e tangx tewiam, jixtniar. Diyhh ing digvet ee vylevuex, qiyr juer kipqag, (cupping glass; derr 155 doo). Jitt hy hxuad ee toxmiaa qiyr juer “qog”. Dirr qipsingr sinrjongria, tangx dirr sin’iyx dingxbin, ing kipqakliauhuad. Ing kipqag ee huatdo, dairkair dagg vaiw ing sir der, acc si lak der kipqag, diyhh lingrgua congr .kiw .laii, juer kipqag ee loring :ee.
Virvan jit aux-aw huexjiuw, qycc ing sucjuaw jit der jit der, cavutdyx jit cunr suwhongx, jiacc syx hro ngii, unr huexjiuw, he kipqag-lai; acc si ing damrvyc mihuex. Ing huew qra ix diamw, huew decbeh huax ee sii, qnuaxqinw jiong’ kipqakcuir amx hitt xee vni ee soxjai; m tangx hro kipqakcuir sniu’ siyx, e tngr diyc vnirlangg. Jitt xee hxuad narr kacc erhiauw congr, vnirlangg puehux hro kipqakcuir suh ee soxjai liamvnix e pongr jit liap naxx junw vnuar qiuu ee kuanxsid, hitt xee kipqag jiurr hro ix suh diauu lehh. Hitt xui pueerhuicqngw e kokdua, iarr kacc je huih e qaur hiax, lairjong e qiamxjiyw huih, soxiw e hiyckunr tangx dirliauu.
Soxx virvan ee kipqag 4 der acc si 6 der, longxx jiauww huatdo qra ix kib. Narr vnirlangg e zimw tniar, tingwhau qeur jit kig .kir, quw, jiacc tec .kiw .laii. Beh tec .kiw .laii ee huato, ing jit qix ciuw jiong’ kipqag gnec lehh, jit qix ciuw ing jngxtau’aw, dui’ hitt xee kipqag-qnii qra ix cic .lyc .kir, hro kongkir zip .kir, kipqag jiurr lag .lyc .laii. Kipqag tec kiw laii liauxau, jiauww isingx ee bingrling, ing unsipvor qra ix amx lehh. Quer jit diamxjingx liauxau jiacc jiong’ unsipvor tec .kiw .laii, qycc ing mihuex qra ix dah lehh, iarr ing pingduar qra ix vak.
Damm ee kipqakliauhuad: Dairsingx diyhh virvan vnirlangg ee puehux beh kib ee soxjai. Diyhh ing siyx juiw, qapp satbunn sew puhux, aurlaii ing lotio hydrarg. perchlor siaudog’iyc sew; narr u xmngg diyhh singx tir. Virvan puehux m tangx ing huexjiuw acc si ether, qniax liauw e tngr diyc vnirlangg. Soxx ing ee dyx diyhh siaudok. Ing hitt qix dyx jiong’ u vni ee soxjai quixnarr ui quah hro puar, jiacc ing kipqag jiauww dingxbin ee huatdo qra ix kib.
Narr isingx qongw diyc tec zuarr je huih kiw .laii, kanwho diyhh knuar hitt xee kib ee huih, tec jiauww ixsingx soxx qongw hiaxee .kiw .laii. Kipqag tec kiw laii liauxau, narr si iuguann air hro ix lrauu huih, diyhh ing unsipvor qra ix dah lehh. Narr m air hro ix qycc lrauu huih, diyhh ing misex dah lehh, mihuex kamr, jiacc ing pingduar qra vak. Soxx ing ee vausiongliau diyhh quer siaudok.
Ing gokii suh huih, si dirr huat’iam ee jxingr, acc si jixtniar ee loring. Gokii si osnuawsig ee ser bue tangg; juixdii-vnix, acc si kex nirr longxx u hitt hy. Iauxx bue ing gokii ee dairsingx, diyhh jiong’ gokii dairsingx liac laii cri he huikiwqu, acc si qxanx-aw-lai. Diyhh siongsingg ngua juiw, iauwqinw m tangx ing ciuw bongx ix, narr ing ciuw bongx ix, ix jiurr m suh hitt hy huat’iam, acc si decc tniar soxjai ee huih. Vnirlangg ee puebah iauwqinw diyhh sew hro cingkir, narr byy sew hro cingkir, gokii jiurr m suh. Decc sew ee sii, m tangx ing siaudog’iyhjuiw; acc si u pangbi ee sapbunn.
Ing gokii ee dairsingx diyhh urvi mihuex, qoiyc, acc si pingduar; iarr diyhh kacc je qrax ngii ngii ser der mihuex, cincniu jit xee jnii hiacc dua; jit binrtangx kacc cimx ee iamjuiw, qapp tinctura benzoini composita iyhjuiw.
Kanwho diyhh jiong’ gokii lenn ap-aw kar hro dirr dingxbin, jiacc jiong’ ap-aw tec kuix, hro ix uaw u puawvni ee soxjai laii suh ix. Ursii ing vyleqngw, jit tauu trad jit liap mihuex, zen’au ing gnec’aw jiong’ gokii gnec he vyleqngw-lai, ix ee buew uaw vyleqngw-drew, ing vyleqngw-cuir he duiww u vni ee soxjai; gokii jurzenn e dui’ hiax suh. Narr si iuguann m suh, tangx ing jit diamw aw gulingx dih he u vni ee soxjai, jiacc qycc jiong’ vyleqngw-cuir ngr hitt dingxbin, ix jiurr e suh. Iauwqinw m tangx hro ix suh dirr puee ee huicqngw ee dingxbin.
Narr si ing gokii laii suh ginxaw, kanwho jiurr m tangx lirkuix ix, in’ui ginxaw uree qniax hitt hy tangg. Qycc vni dang ee langg, acc si siyw dnaw ee langg, kanwho iarr m tangx lirkuix ix.
Narr knuar qnir vnirlangg hro gokii decc suh ee sijun dongr be diauu, beh hun .kir ee kuanw, jiurr qnuaxqinw ing jit diamw aw iamm, he dirr gokii ee buew-aw hitt dingxbin, hitt buew gokii qaqi e lag .lyc .laii. Iauwqinw diyhh e qir .did, m tangx dui’ vnirlangg ee singkux liac .kiw .laii, in’ui go kii ee singr, narr u langg kap diyc ix, ix jiurr jiong’ cuiwkiw cud lat qa diauu dirr vnirlangg ee bah m vangr; narr ing lat qra ix liac .kiw .laii, ix ee cuiwkiw e diauu dirr vnirlangg ee bah-lai, jiurr e huat’iam, iarr si yh did hyw.
Jit buew gokii soxx suh ee huih, ix ee liongrsor iokliok qapp hitt buew gokii cavutdyx vnii dang, dairkair 3.5 c.c. acc si 7.0 c.c. huih; jongw .si suh liauxau, hitt xee u vni ee soxjai iuguann e lrauu huih.
Gokii lag .lyc .laii liauw, jiurr diyhh he dirr iamjuiw-lai hro siw. Narr si isingx iuguann air hro hitt xee siongcuir lrauu huih, kanwho jiurr diyhh ing unsipvor amx lehh; narr m air hro ix lrauu huih, diyhh ing qrax hyw, ser der ee mivor, jimr he dinctura benzoini composita iyhjuiw-lai, hro ix damm, dui’ hitt xee suh ee soxjai dah lehh, qycc ing jit der dua der ee mihuex, kamr hro hyw, zen’au ing pingduar vak hro ix ann; jitt xee huatdo jueww hyw.
Narr gokii suh ee soxjai, erbin u qud, beh jriw huih jiurr kacc kuair, qanda’ ing ciuw cic hitt xee soxjai jiurr hyw, narr erbin byy qud, jiurr kacc yh did jriw huih; jongw .si kanwho diyhh ing kacc je jriw huih ee huatdo, jit hxuad be jriw, diyhh ing vadd hxuad laii jriw.
Huih narr be jriw, jiurr diyhh liamvnix jiong’ lrauu huih ee soxjai ee qnialangg sew hro cingkir, qycc ing collodium iyc, acc si acidum tannicum, acc si liquor ferri perchloridi iyc, acc siing jit der vingder; longxx si jriw huih ee huatdo. Narr anxnix iuguann be jriw, jiurr diyhh ing vingx qra ix trad hitt xee lrauu huih ee soxjai 10 ji22 20 hunjingx jiurr e jriw. Dah mihuex liauxau, kanwho diyhh siongsiongg jimjiog knuar, in’ui jitt xee soxjai, kacc kuair lrauu jin’ je huih, nng~snax zit au jiacc ngua iyc. Qycc jitt xee huatdo knuar derr 156 doo; jiurr si jiong’ lrauu huih ee soxjai ee puehux lingpuu; ing quer siaudok ee jiamx duiww puee-xe qngr .quer .kir; ing damrvyc mihuex he dingxbin, jiacc ing snuar vak diauu cincniu 8 .zri hxingg; ing vausiongliau qra ix vaux.
Ing gokii laii suh hni-aw-au, si e jriw taukag tniar. Narr beh ing dirr imdy ee soxjai, ing jit diauu snuar dui’ gokii-buew vak lehh, laii dihongg ix nngr zip kir lairbin. Iauwqinw diyhh e qir .did, m tangx ing gokii he dirr huicqngw ee soxjai hitt dingxbin nirr. Narr ing gokii liauw, m tangx kir ing dirr vadd langg. Qycc jit hxang, narr ing gokii, jakiw-sii kacc hyw, in’ui suh liauw narr u simxmic su, kacc kuair sethuad.