DERR 29 JNIUX
LUN BAGJIUX VNI
Qetmoh’iam (結膜炎, Conjunctivitis): Jitt xee vni jiurr si ganxqiuu qetmoc, (眼球結膜) qapp ganxqiamw qetmoc (眼瞼結膜) huan’iam.
U jit kuanw miaa qiyr juer ganxiam (眼炎, ophthalmia), ursii duxaxx cutsir ee ginxaw u jitt hyw jxingr, ursii duarlangg iarr u. Ursii duxaxx cutsir ee sii, bagjiux sew byy cingkir ee enqor, hitt hy dok ee jid, zip dirr bagjiux-lai, ginxaw ee bagjiux qetmoc jiacc huat’iam. Jitt hy jxingr e hro bagjiux angg, jingw, tangwtniar, e huawlangg, bagsaixqyx.
Ginxaw kixtauu cutsir, jiurr diyhh ing lotio acidi borici iyhjuiw laii sew bagjiux, aurlaii ganxqiamw (bagjiupuee) vreh kuix, dih quiw diamw he bagjiux-lai. Ginxaw ee laurbuw narr u lyhvec, acc si limvni (siabjingx, gonorrhoeal discharge), diyhh ing 2 per cent lotio argenti nitratis did quiw diamw he bagjiux-lai.
Sew bin ee binrqinx m tangx sew singkux. Narr knuar qnir ginxaw bagjiux-lai u cincniu lxangg, diyhh ing lotio acidi borici iyhjuiw laii sew; iarr diyhh qra isingx qongw.
Narr ing mihuex, ing liauw jiurr qra siyx .kir; narr ing binrqinx, ing liauw diyhh quer sac 30 hunjingx quw, zen’au jiacc tangx hro vadd langg ing. Derr id iauwqinw :ee, m tangx be qir did bagjiux tniar ee langg, soxx lrauu .cud .laii ee vaisetmic e quer vadd langg. Sew bin ee sii, ingqaix ing lingrgua ee binrqinx, binrtangw, m tangx qapp langg’ qongqex ing. Langg narr u jitt hy ganxiamrjingr (眼炎症), narr byy qnuaxqinw idi, bagjiux e naxx nua .kir. Qiamxcaiw e lenlui diyc hyw bak. Ingqaix ing lotio acidi borici ee iyhjuiw laii sew. Qah ix bagjiux tiw kuix kuix, sew lxangg hro lrauu .cud .laii. Mizit longxx diyhh anxnix sew, jit~nng diamxjingx quw, diyhh sew jit vaiw. Ursii diyhh ing lalunsiyx ee lotio hydrarg. perchlor. 1-5,000 laii sew. Jit zit jit vaiw diyhh ing argenti nitras ee iyc, acc si cupri sulphas ee iyc, qra ix cad, jiacc ing iyhjuiw laii sew. Ursii ing protargol iyhjuiw qra ix diamw. Narr ing jiaxee huatdo diyhh isingx qongw jiacc tangx.
Bylun simxmic langg knuar jitt hy bagjiux jingg, longxx m tangx bongx diyc vadd langg ee bagjiux.
Qra vnirlangg sew bagjiux liauw, diyhh liamvnix jiong’ ix ee ciuw sew hro cingkir, qycc jimr dirr siaudog’iycjuiw nirr, iarr m tangx bongx qaqi ee bagjiux. Sew bagjiux ee juiw, m tangx bag diyc bin nirr.
Diyhh siyxsimx byc did hro byy tniax ee bagjiux ziamw diyc jitt hy jxingr; narr dyw tanxkisinx beh kunr ee sii, diyhh hro hitt luiw hyw ee bagjiux juer dingxbin, tniar ee bagjiux juer erbin; acc si jiong’ hyw ee bagjiux ing mic amx lehh, hro benw did u qnialangg ee mic zip .kir.
Trachoma: Sualiap, iarr si tuanziamxvni ee jxingr. Ganxqiamw qetmoh’iam ee hingjong, huad angg, qycc qau qau byy vnii, huad jit liap jit liap (derr 244 doo). Idi jitt hy jxingr diyhh ing lotio zinci sulphatis sew, acc si cupri sulphas qra ix buah, acc si ing qesix kaux sualiap kiw .laii. Kanwho trachoma ee sii, diyhh vutjiw siyxsimx, in’ui jitt hy jxingr jin’ gauu tuanziamw diyc vadd langg. Dui’ trachoma ee guaninx, qakmoc e kiw vni qiyr juer pannus, suar kiw qakmoc vehvanx.
Qakmoc uiwiongg (角膜潰瘍, Corneal ulcer):
Ursii qakmoc e duw diyc jitt hy ganxiam ee vni; ursii qakmoc e snix uiwiongg, e pnaiw .kir (derr 245 doo). Idi huatdo diyhh ing argenti nitras ee iyc qra ix cad, acc si ing siyjiokhuad (cautery) qra ix siyx. Iarr ursii ing atropina ee iyhjuiw diamw bagjiux-lai. Sisiongg ing lotio acidi borici, lotio zinci sulphatis acc si iamjuiw, sew hro cingkir. Ursii diyhh ing ciuxsut.
Qakmoc uiwiongg ee vnirkuanw, derr id qniax tnii qngx. Narr ginxaw duw diyc jitt hy jxingr, ix ee bagjiux longxx m air tiw kuix, siongsiongg air ing mic ziakamr ix ee bagjiux. Ursii diyhh ing bajuiwiyc hro ix m jaix langg, jiacc jiong’ hitt xee tniar ee soxjai qra ix siyx. Ursii ing qau ee acidum carbolicum unn unn aw cad uiwiongg; jiaxee ciuxsut diyhh isingx juer.
Jenvongg tioklangg (前房蓄膿, Hypopyon): Ursii bagjiux ee qakmoc narr snix uiwiongg, dirr jenvongg u snix lxangg (derr 246 doo). Narr u jitt hy jxingr, isingx ing jit qix dyx dirr qakmoc erenn qra ix jiamx, hro hitt xee lxangg lrauu .cud .laii, jiacc ing lotio acidi borici ee iyhjuiw sew, jiacc diamw atropinae sulphas ee iyhjuiw. Aurlaii jiauww isingx ee bingrling laii idi, qiamxcaiw diyhh ing un’iamxhuad.
Vehlairjiangr (白內障, cataract), qakmoc vehvan (角膜白斑, leucoma), iarr si ganxkyx nng hxang ee jintwtauu. Qakmoc vehvanx ee kuanxsid, si qakmoc kiw veh’ir, laii ziax bagjiux ee dongkongw, hro langg be knuar qnir mic.
Idi ee huatdo, diyhh ing ciuxsut :ee, jiong’ hitt xee hongcaiw damrvyc qrax kiw laii juer kangx, cincniu sinx ee dongkongw ee kuanw, qiyr juer hongcaiw cetdusut (紅彩切除術, iridectomy; derr 248, 249 doo).
Qesix: Kuiqiamxkir; qakmohdyx; 2 qix ganxqiuu qowding gnec’aw; hongcaiw gnec’aw; hongcaiw qau’aw; hongcaiw jenxdyx; hongcaiw hogqu (虹彩復具, irsi repositor). Vni hyw liauxau, diyhh qruar u juewsig ee bagqniar.
Vehlairjiangr si in’ui juixjnitew dngw lyy, langg jiurr cnimii. Jitt hy jxingr, diyhh quah bagjiux, laii tec cud juixjnitew; aurlaii diyhh qruar pongr ee bagqniar laii ter juixjnitew, jiurr knuar e bingg. Narr quah bagjiux ee sii, hro vnirlangg m jaix tniar, diyhh ing go~lak diamw cocaina ee bajuiwiyc, diamw jit vaiw, jiacc tingwhau go hunx quw, iarr qycc diamw cocaina; diyhh anxnix diamw snax vaiw. Jitt hy ciuxsut, m tangx ing juann srinx bajuiwiyc, in’ui qniwnarr pnri quer juann srinx bajuiwiyc :ee, kacc je e auxtor, iarr sriu bagjiux ciuxsut ee langg, duw diyc auxtor, si jin’ m hyw.
Isingx decc juer bagjiux ciuxsut ee sii, kanwho diyhh diam diam, m tangx dinxdang qnialo, acc si jac qngx, laii qiauxziauw isingx.
Bagjiux ciuxsut liauxau, diyhh qah ix dyw ciyr ciyr; jiauww isingx ee bingrling, ursii snax~sir zit m tangx dinxdang, acc si lyc tokax juer dairjir. Diyhh jiong’ kacc kuair siauhuar ee mic hro ix jiac.
Bagjiux jxingr ciuxsut liauxau, tauu jit vaiw ngua vausiongliau, jiauww isingx ee huatdo laii ngua, ursii 24 diamxjing ixau, acc si 48 diamxjingx ixau. Iauwqinw diyhh ing quer siaudok liauw ee dax mihuex qapp misex. Isingx ursii air qaqi ngua vausiongliau, iarr qaqi ing pingduar qra ix vak lehh. Ngua vausiongliau ee sijun, kanwho iauwqinw diyhh siyxsimx, caknuar bagjiux-lai u lxangg acc byy. Narr vnirlangg qaqi jaix qongw ix vutjiw tniar, dairkair m si hyw ee diaurser, diyhh liamvnix qra isingx qongw.
Langg ee bagjiux narr tniar, acc si qniax tnii qngx, diyhh qah ix qruar u sig ee bagqniar.
Ganxqiuu diaccutsut (眼球摘出術, Enucleation of eye):
Qesix: Kuiqiamxkir; huanxjiamx jenxdy; ganx qiuu diaccud jenxdy; ganxqiuu qowding gnec’aw; ciasirqaux; dongrmehknii, 2 qix.
Narr bagjiux jxingr sniu’ siongdiong, acc si bagjiuzinn diyhh dang siongx be e idid .did, ursii diyhh ing diaccutsut, jiong’ hitt liap bagjiuzinn quah .cud .laii. Diaccud liauw liamvnix ing acidum boricum ee iyhhunw he dirr bagjiu’ux ee soxjai, iarr ing misex sreh hro ix ann, byc did hro ix lrauu huih, ing pingduar qra vak. Quer jit zit acc si nng zit liauxau ing lotio acidi borici ee iyhjuiw, jit zit sew snax vaiw. Quer go lexvair ixau, hitt xee bagjiukangx ixqingx hyw.
Kacc hyw m tangx ing qew ee bagjiux, mrquxx vniralngg kacc siongg air. Narr si beh hro ix jit liap guirganw (偽眼, qewbagjiux) tauu jit xe zip guixganw ee sii, diyhh ing kacc ser damrvyc :ee, aurlaii jiamrjiam qra ix ngua kacc dua :ee. Dairkair ngua qaur derr sir vaiw, jiurr tangx jiauww anxnix hro vutsii kir ing.
Guirganw, derr id iauwqinw diyhh hro ix siongsiongg cingkir; beh kunr ee sii tec .kiw .laii, ing lingw qunxjuiw sew cingkir ee nivor,m crid hro cingkir, jiacc vaux kiw laii ing lotio acidi borici jimr; ing ee sii jiacc zip .lyc .kir. Guirganw narr qruar sniu’ quw, bagjiux-lai ee sipzet e hro ix be sniaw qngqut, soxiw jiauww quiquw, dagg nii longxx diyhh ngua sinx :ee.
Narr bagjiux diyhsiongx, byy siyxsimx laii idi, jiurr byy diyhsiongx ee bagjiux, urii e duw diyc bagjiux qauqamw ee iamrjingr, qiyr juer qauqamxsingr ganxiam (交感性眼炎, sympathetic pohthalmia). Narr duw diyc jitt hyw jxingr, qiamxcaiw e hro langg qui’ siwlangg be knuar qnir mic.
Liglairjiangr: Iauxx u jit kuanw bagjiux vni ursii drir qaur cnimii, qiyr juer liglairjiangr (綠內障, glaucoma). Jitt hy vnirlangg ee bagjiuzinn vniwjniaa ding. Dui’ anxnix u deh diyc sirsinrqinglingtauu hro ix pnaiw .kir, drir qaur jiamrjiam bu, knuar be bingg. Jitt xee kacc siongg si laurlangg jiacc e anxnix. Ursii isingx ing ciuxsut laii hro ix mrbenw cnimii. Diyhh ing eserina ee iyc diamw bagjiux-lai.
Narr u simxmic mic zip dirr bagjiux-lai, cue be diyc ee sii, dairkair si dingw hamx ganxqiamw ee erdew; narr jiong’ bagjiupuee vingw .kiw .laii, jiurr e knuar .diyc, ingqaix diyhh ing nngw ee vor crid .kiw .laii (knuar derr 254 bin).
Juer ziax bagjiux ee hxuad: Ing gni juaw qycc ver jit renn ox vor; qrax hro cincniu guehbaii ee kuanw. Nng vingg jiamx jiamx ee soxjai, jiacc cngx syh-aw, qad dirr vnirlangg ee aurkog nirr. Jongw .si jitt xee ziaganw, jiwhyw jit langg ing jit xee jiurr hyw. Ing liauw diyhh siyx .kir, m tangx qycjaiww hro vadd langg ing.
Atropina lui ee iyc, e hro dongkongw sanwdai (kacc dua). Eserina (Physostigmina) ee iyc si e hro dongkongw siusiog (qiux kacc ser). Isingx ursii ing homatropina laii ter atropina ee iyc, hro dongkongw sanwdai; in’ui homatropina ee lat viw atropina ee lat kacc byy quw, vnirlangg ee dqyx buah dongkongw kacc kuair jiauwguann. Narr beh hro vnirlangg m jaix tniar, ing cocaina laii dih he bagjiux-lai. Sew bagjiux, diamw bagjiux ee hxuad, ing iyhqyx bagjiux ee hxuad, u qir dirr 252-253 bin.