inghiongg lo -1
Bunchhai huan'ik
damuerjiaw qanxqair
Robert Bly (1926- ) : sizinn, huan'igqax, jokpinw <The Light Around the Body> <News of the Universe>, qapp qitnax jerje huan'ik :ee.
Roger Guillemen (1924- ) : 1977 nii Nobel kyhak jiongw, iuxquanx nauw huawhak ee qongwhenr.
Bette Andresen : NORTH CAROLINA liap'ngiaxsux/ dirliauu juanqax.
Richard Beban : druar dirr L.A. Siaw qiogvunw :ee/ qiwjiaw, Juxcii qongxvyr hongxdamm jetbok bad dirr juann sewqair hongwsangr.
Angeles Arrien (1940- ) : BASQUE sinviwjuxgirjiaw, zinlui hagqax/ qauwsux, Duwjog <The Tarot : Practical Applications of Ancient Visual Symbols>.
David Kennard : laijurr London qiwlogpnir jewjyrzinn, diyc jiongw jokpinw vauquad denrsi qiwlogpnir < CONNECTION> < CHINA >. Si <Inghiongg Lo (The Hero's Journey)> Esalen vorhun ee guarqingw dyrvyr.
Lawrence Favrot : SAN DIEGO, SHARP qiwliam vnerngi ee irhongg ihak qewue juxcizinn/ simjongrkyx hxur juxzim/ Bixqog simjong hagngi ngirsu.
Joan Halifax (1942- ) : zinlui hagqax, qangxsux, duwjog : <SHAMAN: WOUNDED HEALER> < SHAMANIC VOICES: A SURVEY of VISIONARY NARRATIVES >.
Robert Cockrell : L.A. Isux/ qiwlogpnir <Inghiongg Lo> ee hxur jiphingg jewjyrzinn.
Jamake Highwater : jokqax/ qangxsux, juanmngg genxqiur INDIAN bunhuar, duwjog : <THE PRIMAL MIND: VISION and REALITY in INDIAN AMERICA > < ANPAO: An AMERICAN INDIAN ODYSSEY> ...dringw.
Rozanne Zucchet : <Inghiongg lo > dyrenw hingjingr jorliw.
Richard Tarnas : jokqax/ vokquar :ee/ qauwsux, druar dirr CALIFORNIA BIG SUR.
John Densmore : imgagqax/ enxguann. “DOORS” gagtuann pacqow :ee, cutvanw jurduan <RIDERS ON THE STORM>.
Stanislav Grof : bad si MARYLAND jingsinvne genxqiur diongsimx hxur juxzim/ JOHNS HOPKINS dairhak jingsinvne haghe hxur qauwsiu, henrzim : ESALEN genxqiuwsow jurhau hagjiaw, duwjog ji' id <BEYOND DEATH AND BEYOND THE BRAIN>.
Edward Dreessen : Aikiwdy juanqax, druar dirr NORTH CAROLINA.
MORHIAMW EE DIAUWHUANR
Snue luxiuu derr id qaidnua, hyrjyr morhiamw ee diauwhuanr, viauxbingg miarun ixqingx hiongr inghiongg hoqiyr,dongsii qra simlingg diongsimx, ui' siarhue guarqair hiongr lai juanxii qaur birdix ee lingxhik, vyxvuer/ guiqix snaqad ee diwmia derdai, kyxlingg u byy qang ee henwhen, cniurr : iau'uanw ee qoktow, jit jxy ciurnaa, derha/ haixdew/ iacc si tnidingw ee ongqog, jit jxy viwbit haixdyw, qysnuax buexliux/ cimuanw ee bangrqingw; m quanw dirr dyhh, tongsiongg u qiquair venwhuanr bydnia snewmia/ jin' lann siongxsiong ee jetbuaa/ ciaudua ee jiwgiap/ buhan hixlok ee soxjai.
---- Joseph, Cingbin Inghiongg (THE HERO WITH A THOUSAND FACES)
Joseph Campbell,1904 nii snax-guec zi-lak cutsir dirr NEW YORK Ci. Laurve CHARLES, maxmah(mamax) JOSEPHINE. Duiww sinuerhak ee qikjingg, kaisiw dirr sewhanr vaxvah cua ix ham' siyxdi Charlie kir MADISON qongxdniuu quansiongw Snuaguu Bill ee “hong'iaw sevo SHOW”. Lingrgua, jurzensuw pokbudquanw hiaxee INDIAN ee sinbingtiau marr hro ix baghuex-sinbee. jap-zi huer dyrr jin' duarliong uadlamw iuxquanx Bixjiux INDIAN ee ceh/ jin' qinw huathen INDIAN sinue ham' Tenjuxqaur (ix jurqiw ee sinwgiongw) sinue jiqanx ee qetqor jerje luirsu. Jitt xee huathen, aurlaii hro ix dauzip jidsiwlangg dirr sinuerhak jitt xee cimsiab lingxhik/ naxx duarhaiw huanr-bunhuar ee tamwsyh.
Dng' Joseph dirr NEW MILFORD, CONNECTICUT irkyx haghau tagceh sii, siongrr qac'ir ee kybok si singbut/ sowhak. 1921 nii zip yc DARTMOUTH hagngi, derr id dxangx qamxqag “uanjuann sitkir honghiongr” kyxlu hiuhak yc jyr singliw.
1922 nii zuac .langg, verbuw ee ving'iuw hro ix DA VINCI tuanqii jitt vunw ceh/ knuar liauw hro ix jin' dua ee qoxbuw, quatding “qra guaw ee cuwbi ui' kyhak juanxhiongr jurzensuw”/ zinbunhak, juanw kir COLUMBIA dairhak.
BEE DIYC ARTHUR TUANQII
S. Brown : qamxx ersaih qongw .quaw linw a'qongx/ a'maw, ham' liw IRISH qadingg vuewqingw?
J. Campbell : guaw duiww inx liauxqaiw byy je. A'qongx dirr IRELAND bexlingjii dua qihngx buexqii ibinn laii Bixqog. Ix si jycsitlangg, aurlaii dirr WALTHAM, MASSCHUSETTS jit xee dua jaijuw daux quanw huehngg, vaxvah dyrr si dirr hiax duarhanr ee, a'maw qangrkuanw si IRISH. Vaxvah jin' siauwlenn dyrr dirr jit qingx vachuer qongsix qangjog, aurlaii jniajyr giabjig siongrr hyw ee tuisiauguann ji' id/ qongsix pair ix kir NEW YORK kuix hundiamr, guaw dirr NEW YORK cutsir.
Benxqiongw e qir .did, kir knuar a'qongx ee jingqingw. Ix u jit dua vew vec cuiwciux cniurr a'qongx qaix u :ee, si guaw duiww ix ui'id ee inwsiong/ hex si jin' quw jin' quw ixjingg ee dairjir ar, qandna' qnir quer guarqongx jit vaiw, maxmah si NEW YORK ee jaboxginxaw, guarmaw laijurr SCOTLAND, suiw/ qoxjuix/ jin' janw ee luxsingr/ jiauwqor gunw jin' qanghux. Maxmah u jit xee a'hniax, jin' endauu/ gauu siujuiw, kiokk dirr zi-jap-zi huer sii, tngziyrvne quewsinx. E qir .did sewhanr sii ham' ix jywhuew siujuiw. Zuqyw qongw cur-lai si'angw ingxhiongw guaw ee lixsiongw/ sokjy liauw guaw lixsiongxjuxgi ee ue, a'qxu sngr si ui'id ee jit xee.
Dairhak ixjingg, guaw duiww CELTIC sidai ee IRELAND vingrr byy zuarr je texhue/ tak .quer quiw nii au, jiacc jinjniar bad CELTIC iwsig ee vunxjid/ liauxqaiw diyc jitt xee siongxsiongrlat si zuarr dua jit vid uisanw! Jingxqyy Aujiux ginxaxqow sewqair dy' laijurr IRELAND, anne qongw jit diamw aw dyrr byy vongwdua.
Dairhak cutgiap au, kaisiw bee AUTHUR tuanqii, si tetdew CELTIC sanxbut. Jiamrr ~ kaisiw qamxqag jurqiw ham' CELTIC simlingg siy' tangr.
Brown : liw ginxaw sing'uac si anxjnuaw quer ee? Qamxx jin' zinrjinx tagceh?
Campbell : iokk sir ~ go huer sii, jin' bee Bixjiux INDIAN, huatdenw jyr zedsimx genxqiur. Haghau ee qongkyr byy sniaw kunwlann, jinjniar zedsingg :ee, si tamwqiur INIDAN sinue. Hitt sii, guanw druar dirr NEW ROCHELLE, NEW YORK, cur vnix :a u qongqiong dosuquanw. Iokk jap-id huer sii, zidongkux iuxquanx INIDAN ee ceh, knuar taur taur, qycc digvet unxjunw guaw jinwzip singlenkux cue ceh knuar. E qir .did dagg vaiw ui' dosuquanw dngw laii, jongxsi moh jit dua tac quann ~ ee ceh. Guaw sniu, ui' hitt sii kiw, juwdnia jidsiwlangg quer hagjiaw ee zidjiw, guaw jaix si anne.
Guaw tak .quer ee ceh vauquad binjoghak surbursow (BUREAU OF ETHNOLOGY) soxu vywqyr, FRANK H. CUSHING/ FRANZ BOAS ee jokpinw, qitnax jerje ceh. Jap-snax huer hitt nii, guaw duiww Bixjiux INDIAN ee diwsig, ixqingx byy sux aurlaii zinrbad dairvorhun zinlui hagqax. Byy m driyc, inx si bad jerje INDIAN ee siarhue/ sing'uac/ sibquanr siarhuerhak qaiwsueh, mrqyxx kiokk m bad INDIANS. Guaw bad.
ZUQYW LIW BERDANGR DIRR LIW DRUAR EE SOXJAI CUE DIYC SINGWDE, LIW DYRR BYY KYXLINGG DIRR ZIMRHYY SOXJAI CUE .DIYC
Brown : guaw jin' jiyw tniax liw qongw kiw linw Tenjuxqaur qauwhue/ gisid ee vuerqingw.
Campbell : sewhanr dirr NEW YORK jit qingx siudyrngi vran ee haghau, ham' jit qrunn siuluw jywhuew --- or! (Omirdorvut!) --- itdit qaur jap-go huer. Liw narr si cutsir dirr jit xee Irish Tenjuxqaur qadingg/ kuanqingw, ginxaw sidai qycc si qapp siuluw jywhuew/ Mass sii jyr quer jorjewjiaw/ dingxii u jin' cimx ee sinwgiongw/ itdit tamwqiur Tenjuxqaur qauwgi. Guaw sniu, zuqyw jit xee langg m si u jiacc sidjid hongsid sriu quer Tenjuxqaur ee qauwhuar iongxsingg, jin' lann cionghunx texhue jitt xee jongqaur ee cimdo, qiongbingw/ jicjair snewmia ee lat. Hex jinjniar si jit jiongw naxx six hiacc bixle ee jongqaur, dagg guehzit dy' u sisingr/ lingsingr ee qewdat, cimx ~ jimwziamw guaw, guaw jin' kingxding, duiww sinue ee cuwbi si ui' jiax laii ee.
Guaw juwir .diyc, soxx tak .quer ee hagjiaw/ siyxsuatqax/ gersudqax ee jokpinw, duiww sinue u kacc sidjer hingwcur, qra dongwjyr tner diauu snewmia jok'iong :ee, veh ~ qauw snxiaa laijurr Tenjuxqauwdoo. bad liu'ir .quer, byy qang jongqaur ee sinwdoo dirr tuatli qauwhue au, sinqauwdoo/ Iutaiwqauwdoo tongsiongg venwjyr simlixhagqax/ siarhuerhagqax, Tenjuxqauwdoo si jniajyr ... sizinn.
Brown : liw qamxx bad tak .quer qauwhue haghau? Iacc si qonglip siyxhak?
Campbell : 1919~1921 guaw dirr Canterbury, si Connecticut jit qingx jin' janw ee Tenjuxqaur haghau, duiww gauw si sinx ee kaisiw, u nng xee jin' digvet ee laursux, jit xee si haghau congwvanrzinn qiamx haurdniuw NELSON HUME/ huisiongg cutsig ee laursux/ ui' ix hiax yc erhiauw siaxjog. Hitt si haghau sinx congwvan, juanhau jixu go-jap xee hagsingx/ gunw vanqib jongxqiong lak xee/ HUME si gunw jitt vanx ee laursux/ dag'ee dy' sriu ix jin' iongrsimx jiauwqor/ iauqiuu gunw dagg zit rair siaw jit pnix siyw bunn/ siongrkyr sii, jit pnix jit pnix tak/ puepingg qycc siuqaiw. Jit zit quer jit zit, siaw qycjaiww siaw. Guaw marr tak singbut/ sowhak, si guaw dirr haghau juxiaur ee hingwcur.
Dongzenn, gunw marr u gixgenn kxyr. SPANISH/ Huatqiw (FRENCH) si itding rair :ee, vutjunw yc Dikgiw (GERMAN)/ hitt sii id crur sewqair dairjenr jiacc qetsog byy zuarr quw. (guanw simrjiww vutjunw cud Dikqog-piac/ qandna' ersaih cut juriuu-piac --- Dikqokpiac qaixjyr juriupiac!) Gunw gixgenn kxyr ee laursux qik iusiur / ui' ix hiax guaw derr id vaiw jaix u Vudzi (Sanskrit) jitt jiongw mic/ ix si gixgenhagqax. Tauwquer ix ham' haurdniuw, gauw jiacc jaix sniaw si hagsut/ suibongw INDIANS jitt xee kywdee, si guaw jurqiw huathen :ee.
Brown : tniax qongx liw bad dirr jurqiw vanx-siong, qar singbut, qamxx si jinjniar :ee?
Campbell : haurdniuw HUME hibang guaw jionglaii dirr haghau qar ceh, hro guaw nng vaiw qihue duiww dongyc qangxenw. Ixjingg byy zimrhyy hagsingx u jitt jiongw qihue, guaw sidjai jin' qongingg, jit dniuu iuxquanx Bixjiux INDIANS ligsuw/ lingrgua jit xee si singbut, iuxquanx hueh sunkuann hertongw. Nng dniuu longxx jin' singqongx; si guaw jitt siwlangg tauu nng dniuu enxqangw.
Campbell : sinue juxiaur zimrbu si cua cud langg qapp jurzenqair hiabdiau itdir. Guansiw binjok e qra inx soxx druar ee soxjai sinuerhuar. Lanw bunhuar tuantongw ee movne ji' id, si qra singwde knuawjyr lingrgua jit xee xui. Anne lanw dyrr sitkir ham' jurzenn ee hiabdiaurqamw. Zuqyw liw berdangr dirr liw soxx druar :ee cue diyc singwde, liw dyrr byy hxuad dirr zimrhyy soxjai cue .diyc.
Angeles Arrien : INDIAN sinue kaksit jin' jurzenn dyrr qra lanw cua cud qingwuir simjniaa.
Campbell : guaw jin' qac'ir JOHN NEIHARDT siaw ee ceh <BLACK ELK SPEAKS>, OGLALA SOUUX jogdniuw (singwzinn/ SHAMAN/ dangqix) Black Elk soxx qongw hiax ee ue/ qongw ix simlingg soxx knuar diyc :ee/ huathen jurqiw srinx jairr sewqair siongrr dionghngx ee snualingg, si HARNEY snuabuexliux SOUTH DAKOTA, sui' voxciongx “vutqyr druu jiax ixgua, zimrhyy soxjai longxx si sewqair ee dionghngx.”
Jex dyrr si sinue ee qivunw zimrbu ji' id, hro langg ansimx druar dirr lanw soxx kia kiw ee soxjai/ dirr jitt pnir toxde-siong cue diyc singwde/ anne dyrr ersaih hro jurqiw ee vunxsingr ham' tenzenn hiongjongr hordiong ee toxde qab jywhuew, si langg duiww jurzenn siongrr vit'iaur/ qivunw ee sik'ingr. Zuqyw liw qra dairjurzenn sniu jyr si jit jiongw auwvai ee mic (cniurr lanw bunhuar tuantongw soxx zinruii hitt ngiu), jongw zinrding too u sniaw m driyc ngiu, anne liw dyrr jin' lann hro jurqiw qapp dairjurzenn hyhaii itdir. Qui' taukag dy' si driyc-cyr, sxen-og, sinn-xmoo ee quanliam, dyrr si qongw liw jongxsi kia dirr dyrdig libdniuu knuar dairjir, hro liw jin' kunwlann sunrhok dairjurzenn.
----------
Liw narr ham' dairjurzenn cniur qang diau, jurzenn e hro liw honghur ee sniuxsur. ... muixx jit xee ingxuanw (ETERNITY) singwde, taur quer siqanx (TIME), ciy cud inx siamxsih qngngiaw. ... Campbell ...
Arrien : suwquir vunxsinx cniurr lanw zinsingx ligdingg ee jit bin qniar, lanw muixx jit xee langg dy' u jit lunn ee cxunx-hxa-cxiux-dxangx.
Campbell : sizinn/ gersudqax itvnuax laii qongw, dy' erdangr texzin diyc jit diamw/ inx jinrlik hro jurqiw ham' dairjurzenn itdir, cue cud jurqiw luerjai qicow.
Edward Dressen : liw si qongw, sinue si qewsiok vutduan qyc'uac, jit jiongw hiongr snewmia quewdingg ee zinrdongg?
Campbell : si lar. Camquanx jit xee singwde, ho'ngg siongrr vutkyxsugi :ee, si liw e kurtew qamxsiu .diyc ix ee sinvir. Qongw diyc singwde, li jiax (ESALEN genxqiuwsow, BIG SUR, CALIFONIA) byy hng, dyrr u jit siyw pxenr virr ESALEN INDIANS dongwjyr singwde, dirr hiax, qingxsiong/ sinue/ gisid si qaujid jywhyew ee.
Guaw kir Vingdyw (Iceland) luxhingg sii, jit xui juanbunn siujip sinue :ee, cua guaw ham' gunw kanciuw camquanx qokk soxjai ee singwde. Qidiongx u jit xui hyrjyr THINGVELLIR, dagg dxangx longxx e dirr dongde qixhingg dua dniuu qiwliam gisid. Gunw jit qaur hiax, dyrr qamxsiu .diyc hiax u mohuad! Guaw camquanx Huatqog LASCAUX suxjingg dongrhet qxunn sii marr u qangrkuanw ee texgiam. Hex si ho'ngg liulenn/ byy guanrir/ be qir .did rair likuix ee soxjai. Naxjunxx liac diyc lanw simlai moxjiognw mic --- cangr dirr simlai jin' cimx/ qycc diongriaur ee mic.
Guaw ingxuanw e qir .did dirr DELPHI, GREECE ee qamxsiu. Suibongw qidokdoo bad diauqangx pywhai hiaxee qxow sinbiy, guarhingg dairiog u vyxjunn, iuguann erdangr texhue diyc qoxlyw GREEK duiww hingtew suiw ee quanliam, qamxsiu diyc quewkir angii dirr sinbiy lingsiux/ juanxdat sinn bingrling ee kiwhunx.
Sinbiy aurbin, si itpenr jongwle snuaqog/ qingxdir, cionghun viauxhen cud zinsingr/ jurzenn ee hyhaii, langg siongrr quann ee singjiu ham' jurzenn qethap qaxx jin' bardah. Jex si GREEK ee diwhui. Vreh kacc quann .quaw, knuar diyc qingwqidniuu. Jiurr guaw soxx jaix, erdangr qra lingsingr/ jongqaur/ bixhak/ texiok jiacc je janbin qethap dirr qang jit pxenr derqingw-siong, qandna' si GREEK bunhuar jiacc u. Dirr jiax muixx jit xee siauwlenlangg longxx ersaih vixsair qikiauw, si inx qywtexsingr quanliam ee viauxhen.
Zimrhyy jiacc suiw ee toxde dy' si jit xee u lat ee soxjai, jo lanw cruw diyc ham' dairjurzenn hiabdiau itdir. Gersut ee qonglingg naxjunxx si anne, Cezanne qongw .quer “ gersut si ham' jurzenn qiongrtongx ee hyhaii (ART IS A HARMONY PARALLEL TO NATURE.)”
Arrien : jin' suiw ee ue.
Campbell : mr! Cingdangkir Sidai sinue ee qivunw juxdee si: sidai si sunkuann ee/ nii -guec si sunkuann ee/ zinsingx si sunkuann ee. Itcer dy' si ngii ngii ngii. Soxu ee dairjir ixjaw longxx huatsingx .quer/ sunrhok jiaxee sunkuann ixgua, byy vadd hxang ar.
Arrien : cniurr <Dyrdikqingx> jingxqyy sinue dingrdiau ylyw jurzinn, qra jurzenn dongwjyr langg ee jit bin qniar!
Campbell : driyc! jitt diamw, PERSIA ham' Inwdo uanjuann byy qang ee taiwdo. Inwdo YOGA zinruii langg qaix vniawmia cruw diyc ham' jurzenn hyhaii itdir, PERSIAN sendix Zoroaster bad puepnuar .quer.
Jex si nng tyr uanjuann byy qang ee sinue, inx soxx inxsut ee qetqyw marr dua byy qang. Lanw ee kyhagqax vunxlaii dyrr byy hxuad/ marr byy jitt xee jikzim qra lanw qongw, jitt xee sewqair dauwdew si hyw? Iacc si baiw? Mrqycc inx jurqiw sinue ee taiwdo, kiokk dingrdiau liauw Aujiulangg/ jurzenn quanhe.
Qajair, lanw ixqingx kaisiw ban ~ aw dingsinx liauxqaiw dairjurzenn ee diongriauwsingr, jiwjiyw jitt xee qokqax ee langg si anne. Jex marr hro INDIAN sinue dingsinx sriu diwdiong. Guaw sewhanr sii, dyrr ixqingx duiww jiaxee sinue jin' sighni ar, tak jiaxee mic ee hitt sii, itvnualangg qinvunw zinruii byy daddid knuar/ jitmaw, siaurqair cniurr BLACK ELK jitt lui tuanqii zinbut ee ceh, siwqer knuar e diyc. Dongcox guaw tak diyc BLACK ELK ee ue, si dirr <BLACK ELK SPEAKS> jitt vunw ceh/ jogjiaw si J.NEIHARDT, jixsirr jogqax, qinvunw m si zinluirhagqax/ mrqycc kiokk erdangr liac diyc jiaxee ue ee luerjai sinwsid. <BLAK ELK SPEAKS> --- jinjniar si hivyw.
Dng' liw hiongr jurzenn sewqair knuar ee sii, dyrr e jniajyr jit xee singwsiong/ jit vxag sewqair guantauu ee singwdoo. Cavutdyx jixiaur knuar quer haiw ee binjok, inx ee sinue, dy' e qra snewmia qongw si ui' haixngiuu laii ee. Cuwbi ee si, jex si sursit! Lanw ee sinue ham' kyhak cue .diyc ee dab siy' qang/ uanjuann itboo-itngiu.
1931~1932 nii guaw bad ham' genxqiur haixlauu singbudhagqax ED RICKETTS jywhuew .quer/ yc liauw jerje mic. Dirr juiw diongr/ juiw trer jiqanx, knuar diyc qokk jiongw qiquair snewmia hingsid, horsiong tunjiac/ naxjunxx jingwhingg jit dniuu dairjenr/ muixx jit jiongw singbut, dyrr si decc yc jnuaxngiu qra lingrgua jit jiongw jiac driau. Snewmia jiac snewmia, jex si snewmia diongrdua ywvir. Vaxlauu/ kyxlauu jiqanx, jin' iong'i siongxsiong jitmaw druar dirr liogde ee singbut, dongcox si jnuaxngiu ui' haixngiuu vee kiw laii. Inwdo u jit xee sinue qongw, jingxqyy uxdiu dyrr si ui' jit xee gulingsig ee haixngiuu cutsir ee.
Dreessen : gulingsig ee snewmia xmoo-jiab.
Campbell : driyc! Gulingsig ee snewmia lenrqimjiab.
Arrien : liw qongw diyc haixngiuu, lanw ganxjingg jiaxee giamjiyc, marr si sinue ee diongriaur juxdee.
Campbell : byy m driyc! Ciu-aw/ jiyhgiamm longxx si sinue ee juxdee. Dirr sinue nirr, giamjiyc si dng'uanw junjai/ ciu-aw si snewmia siongrdingx. JEAMES JOYCE ee siyxsuad <FINNEGANS WAKE> dyrr liriong jitt diamw, jy jit xee sinsuu “ciurjiyc (Tree Stone --Tristan)”, jriw hiaxee snewmia lat jin' ong ee langg.
Dreessen : lanw ui' suavox kiyh jit der jiyhtauu, ongxongw e qamxqag jurqiw virr sniaw dag .diyc, cniurr jiyhtauu qra lanw ham' mow mic kanlenn kiw laii.
Campbell : ginxaw jin' air kiyh draii dirr snuax-lai ee vyxvuer, cniurr lekag/ jiyhtauu .., lekag/ haixlee ee qong'iong cniurr guqakcuex: iong haixngiuu ee sniax qiywcnew lanw duiww duarhaiw ee qiwig.
Arrien : cniurr SIRENS (GREEK sinue luxhaixquair).Campbell : sursit-siong, simlixhak juan'iongrgiw qongw, haixngiuu cniurr amwiwsig, zidtauu cniurr iwsig/ zidtauu ui' duarhaiw k.-kixlyc-l..
INGHIONGG JAIX DIRSII QAIX SUNRHOK, HIONGR MOW LANGG SNURHOK EE LANGG
Arrien : ganxjingg jiaxee snualingg, hro guaw sniu kiw RENE DAUMAL ee ceh <Snuax ee Pixzu(MOUNT ANALOGUE)>, snuax ciangjai virr dongwjyr tamwqiuu luerjai ee siongrdingx.
Campbell : hunn vuex lyc laii, cniurr tenkongx lat qangr lyc zinqanx. Jaxqii ee sinue --- pixzu qoxdai SUMER --- siongrr jaw singbut snewmia ui' haixngiuu cuthen, si ixx snuax ee hingsid junjai. Jitt xee snuax si lamsingr/ marr si luxsingr, dingw vnuar lamsingr/ xe srinx sriok luxsingr, aurlaii dingw-xe vunkuix, dingxbin venwjyr tnix/ erbin iuguann lauu dirr guande, jniajyr luxsinn, hunn qangr lyc laii, qra tnix/de lenjiab kiw laii. Jitt xee sinue sniu beh viauxsi, langg si sewqanx mic/ marr u huisewqanx ee lingrgua jit bin, ingwqaix loxlik qra jitt nng bin qethap jywhuew.
Jex marr si uirsniaxmic vreh quann snuax ciangjai virr dongwjyr lingsingr tamwsyh/ tesingx ee iwsiong. MOSES dirr snuax buexliux lingxsiu siongrder jap-qaiwling, snuax jniajyr sinue juxdee ee jinghingg, itdit byy dng .quer.
Iasox virr dingr jibziqer dirr jit xee quann kiw laii ee snualun, suibongw m si dirr quann snuax, aurlaii ee gersut jokpinw suwsiongg qra Iasox siurlan biyue jyr jit jxy snuax, m si byy guan'inx ee.
Dressen : HOMER dngsix ee ODYSSEUS morhiamw quewdingg ui' juixdew kiw laii qaur liogde, vreh kiw kir snuadingw, liw zinruii jitt diamw, qamxx kuriuw sinuerhak ee iwhamm?
Campbell : jerje GREEK sinue dy' kansiap .diyc jit xee laijurr juiw vutvinghuann zinbut, DELPHI dyrr si jit xee kiaa haixdix ee ginxaw soxx kixjy ee, amwsi jingxqyy sewqair si ui' juiw laii ee snemia/ sewqair kixguann laijurr juiw, qinglik sunkuann au, jiongqed dirr juiw/ Jex si duarjuiw ee juxdee, cavutdyx soxu sinue juxdniux “itcer dy' si sunkuann”.
Sinue juxdee soxx beh qongw :ee, itcer uanjingw laii cutsir, kiokk duer diyc “ENTROPHY” ee jingqax, jiamrr sitkir qringx kiw laii ee lat/ snewmia si anqix dirr jitt ee qinxdniux aplik-siong/ itdanr nng tauu lat jiamrr ling .kir, langg dyrr qniaa zip gorsiwsnax cuxqingw-diongx/ cniurr ixjaw lamluw hunkuix ee tiwtaudiamr/ bixiongngi, jitmaw jit qingx diamr jitt nng hxang longxx u jyr! Itcer qycc dngw kir zinluirhak soxui ee dua nguaw tngx, dingsinx qycc laii jit vaiw. Jitt xee sunkuann ui' haixngiuu kaisiw, dongsii itcer hunrdun vutbingg, snewmia ui' haiw vreh kiw laii liogsiong, qokk jiongw snewmia hingsid venr qaxx guarhingg hunbingg, juewau, qycc dingsinx dimzip haiw. Jitt xee sunkuann si jit xee qimx/ ginn/ dangg/ tih qaidnua jaiww huee qaur cimhaiw au, sinx jit lunn ee sunkuann jaiww crur denxkuix.
Arrien : qongw .laii, inghiongg luxdingg ham' vreh snuax tamwqiuu jin' luirsu?
Campbell : driyc! Si anne. Sinue ee juxdee dyrr si jiaplap/ sunrhok. Kyxviw qongxx. Guaw dngdecc qniaa hiongr sixbongg, muixx jit xee langg longxx si, jex si lanw rair kuthok ee. Inghiongg si hitt xee jaix dongsii qaix sunrhok/ hiongr sniaw sunrhok/ diongrdiamw si qra jurqiw ee libdniuu sunrhok dirr snewmia ee dua dongrlat/ snewmia si e horsiong tunjiac ee.
Qangrkuanw ee dairjir marr huatsingx dirr hilui sewqair. Inwdorlangg uirr qaixsueh jitt diamw, u soxui “hilui huatjig”, dua hii jiac siyw hii, ser jiah :ee beh uac lyc kir, diyh'air u qraur kiauw.
Arrien : lenrqimsux zinruii, langg si iu' sir jiongw qivunw guansor --- too/ huew/ juiw/ kongkir --- johap :ee, narr qongw mow langg “ uac dirr ix ee guansor-lai” iacc si “byy uac dirr ix ee guansor-lai”, kaksit iwgi si sniaw?
Campbell : liw beh uac dirr liw ee guansor nirr, diyh'air u jit xee qowding hong'ui ee gisid, cniurr INDIANS ham' sxingr-hundauw gisid (THE CALUMER ).
Jitt qix hundauw cniurr jit liauu jah dirr srinx-siong ee jewdnuaa, diamw dyc sii, juadduir si sinsingr hing'uii, m si uirr hiangxsiu suh hrunx cuwbi. Hundauw diamw dyc au/ singx qiaa hiongr zidtauu hro suh derr id cuir/ qycc laii, hiongr sir xee hong'ui qingr hrunx, hro jaix jurqiw ee soxjai: sewqair ee diongsimx dirr liw ee snuamec, marr ersaih dirr zimrhyy soxjai. Guaw iycsniu, kyxlingg u langg e qongw, jex si jit jiongw kacc quann jancur bunhuar ee sinue, in'ui kansiap diyc diongsimx/ sir hong'ui quanliam. Mrqyxx jit xee diongrdiamw si, vutquanw liw kir dyc'ui, diyh'air singx cue cud diongsimx soxjai. Jixiaur cue diyc sinsingr ee diongsimdiamw/ jiwqydiamw, sir hong'ui jurzenn puu cud laii.
Lanw longxx si kyr satsingx laii icii snewmia, liw jiac putyy, qangrkuanw si satsingx, iuguann u taii diyc sniaxmic. Snewmia qandna' ixx hisingx vadd ee snewmia laii qewsiok singjunn. In'ui snewmia si ittew ee, dingxii qongw, snewmia si rair kyr jiac jurqiw laii icii. Jex si jit xee qibiau ee ywvir. Juaa qa jurqiw buexliux ee jitt xee iwsiong, soxx beh siongrdingx :ee si, snewmia diyh'air kyr jurqiw laii icii.
----------
Qra sinue/ lingsingr sing'uac lenjiab qaur kuanqingw jingxqyy viwbit, si Vingdyw (ICELAND) langg soxx qongw ee “uirr toxde hyrmiaa (LANDNAMA)”, tauwquer hyrmiaa laii jiamwiuw toxde, qra soxx draur ee soxjai qaixtak jyr singwde.
--- J.Campbell ---
Snewmia vunxjid si tauwquer taii/ jiac icii singjunn. Jex si sinue rair qaixsueh ee dua bxi. Guansiw binjok rair cuxliw jitt xee bunrdee, duiww inx laii qongw, dongrbut denxhen cud sinsingwlat. Vutjiw inx srinx-siong muax :ee/ druar ee lxiauu longxx si iaxsiuwpuee, ui' snex qaur siw, ersaih qongw si uac dirr itpenr huechaiw-diongx. Jit jiongw qaixquad jitt xee landee ee denxhingg sinue, si qra langg taii dongrbut, qaixsueh jyr qinqir dongrbut/ zinlui sna' ioksog :ee, si dairjurzenn unrhingg ji' dy, dongrbut jiwguan jyr zinlui ee hisingpinw/ inx jurguan anne jyr si inx bingvik, tauwquer INDIANS qamxunx gisid, dongrbut jiong' e qyc'uac, dngw laii qycc jyr zinlui ee jiahmic. Duiww siongsinr jitt jiongw sinue ee langg, dongrbut si sinsingr lat ee denxhen.
Linw qamxx u cuwbi tniax jit xee ixx jex jyr juxdee ee sinue siyw qowsu?
Jitt xee qowsu huatsingx dirr INDIANS vorlok, jit xee byy mic tangx jiac ee dangtnix. Jurr qxow ixlaii, jitt xee vorlok itdit u jitt jiongw taii siw jit qrunn snuaguu ee iuxhau honghuad, dyrr si qra inx qnuaw kir qiarviah vnix, guu in'ui qniahniaa, dyrr e tiaur lyc kamwkax, siag siw .kir. Anne INDIANS dyrr u jiokgiac ee jiahmic ar. Vutqyr, jitt nii kiokk huatsingx iwgua, dng' guqunn virr qnuaw qaur qiaviah sii, kiokk huetauu jauw dngw laii, vingrr byy tiaur lyc kamr. Jitt nii si giamhann ee qnuaa .langg, INDIANS cuxqingw qanlann.
Qowsu suar lyc laii si anne, jit zit jaiw, jit xee siauwlenn qoniuu kixcngg beh kir qnrua juiw, ui' liau'aw hng ~ knuar diyc jit qrunn snuaguu dirr qiaviah-vnix, “tiaur ar! Linw tiaur ar! Jixiaur linw guanrir tiaur lyc kir, hro gunw jogzinn u mic tangx quer dxangx, guaw dap'inr qer linw qidiongx jit xee, “ qoniuu jit qongw suah, guu jit jiah jit jiah tiaur.
Ho'ngg diyhqniax hnor? Qyckacc qniax .langg .ee, qidiongx jit jiah jauw laii qoniuu binrjingg, qongw “ byy bunrdee, jaboxginxaw, gunw e tiaur lyc kir.”
“ar! Guaw byy air.”
”oor!? Liw rair! U knuar diyc hnor! Inx dngdecc tiaur. Gunw jiauw liw qongw :ee jyr, liw diyh'air tuiwngua liw ee singlog.”
Qongw suah, dyrr giuw diauu qoniuu jit qix ciuw (jin' lann siongxsiong, guu si jnuaxngiu kanx qoniuu ee ciuw), qra ix cua kuix snuakux, ui' dua cauxvox hitt vingg kir.
Cur-lai ee langg kiw cngg au, siwqer cue byy qoniuu, “MINNEHAHA si kir dyc'ui ?” jin' hogii.
Qiwzenn inx si INDIANS, vaxvah jurzenn dyrr e ui' ka'inr pnuawduan huatsingx liauw sniaw su. “ ix ham' jit jiah snuaguu jauw ar.” sui' cing jnriu logpuee-ree, duar qringx-jnxir, siwqer kir cue jaboxqniaw.
Jiauww ka'inr qniaa jit dnxua vutjiw hng ee lo au, qaur jit pxenr damjuixde, snuaguu-qrunn ciangjai qac'ir laii jiax qunxnuar, qra srinx-siong ee guvix linr driau. vaxvah jre lyc laii, sniu knuar beh anxjnuaw vran kacc hyw.
Knuar diyc jit jiah suiw hixciog. Paclac binjok ee sinue, u jit quaw dongrbut si diwhui ee siongrdingx, cniurr hixciog/ holii/ BLUEJAY/ oax (RAVEN) sriok anne ee dongrbut/ inx longxx si SHAMAN iwair :ee. Qycc laii, hixciog vuex qaur derbin laii, siwqer dog mic jiac, vaxvah mng “ suiw jiauw-aw, guaw ee jaboxqniaw ham' jit jiah snuaguu jauw ar, liw qamxx u knuar diyc jit xee qoniuu ham' jit qrunn snuaguu jywhuew?”
”u oor! Dirr hitt vingg, guaw u knuar diyc jit xee qoniuu.” jiauw-aw dab.
”vaiwtog liw vuex kir qra qongw, inx vaxvah dirr jiax?”
Hixciog vuex duiww hitt qrunn snuaguu jurjip ee soxjai, cue diyc hitt xee jaboxginxaw, m jaix decc jyr sniaw, ingwqaix si jrid mic ji' lui, qui' qrunn snuaguu dirr ix ee aurbin dokqux/ kunr dirr ix aurbin :ee, si hitt jiah siongrr co'iongw :ee. Jiauw-aw vuex kir jaboxginxaw kax-vnix, naxx dog mic, naxx qra qongw, linw vaxvah dirr lamwde hiax danw liw.
”ar! Jiax jin' huihiamw, taiww qniax .langg lehh, liw qiyr ix danw .jit .xe, guaw e sniu vanrhuad tuatli jiax kir ham' ix huerbin”
Jitt sii, kunr dirr ix srinx-vnix ee dua guu jingsinn, vuec jit qix guqag, qongw “ kir ngiuw jit kog juiw hro guaw limx.”
Tec diyc guqag, duiww damjuixde hiax kir, knuawqnir vaxvah dirr hiax. Vaxvah jit ciuw liac diauu ix ee ciuw qongw ”liw laii ar.”
“m, m hyw, m hyw laii jiax, jiax jin' huihiamw.” juiw kad hyw, tec dngw kir hro snuaguu/ jit tec diyc juiw, snuaguu krir cuah cuah qongw, “hmm! m driyc! Guaw pnri diyc INDIANS hueh ee bi.”
“byy ar!”
”byy jiacc qiquair.” dua sniax hmm .jit .xe, soxu ee guu longxx kia kiw laii, kiaur buexliux, jywhuew tiauwbuw, buw tiaur suah, huad singwde duarsniax hauxqiyr ciongx duiww lamwde hiax kir/ qra jaboxginxaw ee vaxvah lrap qaxx cuir qoqoo, lenrr qud dy' rngiuu byy .kir. Siyw qoniuu vniawmia itdit crid tokax, sniu beh cue cud vaxvah ee jit diamw aw cuiwpnir. Naxx kaur naxx crid.
”liw jnuaxngiu hauw neh?” dua guu mng.
”guaw dongzenn hauw, si guaw ee vaxvah ar!”
“driyc! Liw sitkir vaxvah, liw qamxx m jaix, uirr beh cri vaw linw jogzinn, gunw hisingx liauw bow/ qniaxzii/ a' jig qapp itcer. ”
“dyrr sngr liw driyc, iuguann si guaw ee vaxvah ar!”
Jex dag diyc dua guu ee dongjingsimx, qongw ”hyw lar! Zuqyw liw erdangr hro liw ee vaxvah uac .kiw .laii, guaw dyrr vangr liw jauw.”
Jaboxginxaw qiyr hixciog quer laii, qongw “liw qamxx ersaih siwqer kir dog knuar mai lehh, knuar erdangr cue diyc vaxvah jit diamw aw sinsix?” jiauw-aw jiauww ue kir jyr, dirr derbin siwqer dog, juewau cue diyc jit siyw pnir ee liongqud.
”qinw laii knuar, knuar guaw cue diyc sniaw!”
“taiww janw ar! Anne u qraur ar!” qra quttauu cuiwpnir he dirr tokax, trngr lyc laii sinkux-dingw ee dngsnax, kamr dirr qud pnir dingw, cuir kaisiw liam/ liam jit siuw u molat ee jiuwquax. Ban ~ dirr dngsnax erbin, jit xee langhingg dauc dauc aw hingsingg. Qra dngsnax henx kiw laii, qyxzenn si vaxvah. Langhingg iauxx byy qraur uanjingw, diyh'air qewsiok liam jxiur.
Itdit liam itdit liam, itdit liam qaur vaxvah jurqiw kia kiw laii. Hiaxee snuaguu knuar diyc jitt xee jingqingw, dy' qik qamxdong. “liw qiwzenn u jitt jiongw vunxlingw, jnuaxngiu byy duiww gunw jyr qangrkuanw ee dairjir neh? Uirjnuaxngiu liw qra gunw taii siw au, byy beh iong jitt xee vanrhuad, hro gunw qyc'uac kiw laii neh? Jitmaw, gunw qar liw tiaur gunw ee bruw, ixau, dng' linw taii siw gunw joglui, liw rair tiaur jitt xee bruw/ cniur linw ee jiuwquax, hro gunw qyc'uac kiw laii, dagg dxangx gunw e dngw laii, hro liw ee jogzinn jiac vaw.”
Jitt xee qowsu laijurr jiac snuaguu ee Okax INDIANS (Blackfoot) sinue. Siaw dirr guaw sewhanr tak .quer <Okalangg tuanqii (BLACKFOOT LODGE TALES)> ee ceh nirr. Jokjiaw GEORGE BIRD GRINNELL (1849-1938) si jit xee jin' iusiur ee jokqax, marr si INDIANS jailiau ee siujibjiaw.
Zuqyw qra jingsinn juanxii qaur qitnax binjok, liw e huathen jit xee jit xee luirsu ee qowsu/ langg ham' dongrbut libiog/ snewmia jiac snewmia. Jiaxee langg jiac driau inx liac .diyc ee dongrbut au, si qamxsia sur inx jiahmic ee dongrbut vunxsinx, m si siongrder,. Jex si jit xee jin' sikdongx ee jywhuad. Sevakvo ee INDIANS, dirr dagg dxangx angquehii quiwjed kaisiw sii, dy' e qixhingg hiongr angquee henwsiong qamxunx ee dua gisid.
Jitt jiongw jywhuad vuerau soxx qinqir ee quanliam si, jixsirr dirr viauxbin-siong ee snewmia jiacc berdangr ingxuanw qewsiok/ sidjai si jin' suiw ee quanliam/ lrai qycc u lat. SCHOPENHAUER bad dirr ix sukyw linglik siongrr qiongg ee sii anne qongw “snewmia si jit jiongw vutqaix junjai .quer ee mic.” jex qamxx m si viauxsi sidjer-siong snewmia junjai .quer/ liw diyh'air kingxding snewmia/ rair kingxding snewmia soxx viauxhen cud ee itcer. Jex dyrr si jurzenn ji' dy.
Aurlaii, NIETZSCHE tak SCHOPENHAUER sii, duiww snewmia jiac snewmia ee sursit caixcuw byy qang ee taiwdo/ zinruii jex si jit jiongw sursit/ vutjiw si sursit, qycc si ingwqaix si anne/ dairjir duliauw anne ixgua, byy kyxlingg u vadd jiongw ar. Dongzenn, u langg e zinruii, jex si kingxding “voglik”/ jixvutqyr, hex si dairjurzenn ee vunxtair/ snavutgorsii liw dyrr e duw diyc jit quaw hro liw vutditvud cimsux ee jingqingw. Qurnii (1998),<Qokqax Derliw Jabjir (NATIONAL GEOGRAPHIC)> kranx jit vxag hro guaw crangr mngqngw ee siongwpnir, snax jiah var jiac jit jiah ling'iongg/ var decc jiac vakdow sii, ling'iongg iauxx si uac ee/ tauu giac quann ~ , aiqiuu ee bin'iongg.
Lanw qamxx beh kingxding jitt xee jingqingw? Driyc! Liw diyh'air anne, in'ui rair “Amor Fati”, dyrr si “air miarun”. Dongzenn, beh jyr qaur jitt diamw, rair u siongdongx iongxkir.
Snewmia si kyr hisingx qitnax snewmia icii. Sursit-siong, u quaw vorjok ee sinsingr gisid qycc vauhamm jiac langbah. Vutqyr qra liw soxx jiac ee duiwsiong zinqechuar, kiokk si jit jiongw byy qang ee sukyw hongsid.
Lanw rair bingvik, dirr caixjip/ paclac hongsid binjok ee sewqair, jiac dongrbut ee giamdiongrsingr jit diamw aw dyrr byy viw jiac langbah kacc qe, dongrbut dirr inx ee simx-diongx si sinsingr :ee/ inx siongrr juxiaur ee gisid si duiww virr inx jiac ee dongrbut qamxunx/ jex e hro inx kacc kinsangx .quaw, hro inx qamxqag jurqiw si cam'uw jurzenn unrjog.
Brown : anne dyrr e siauduu inx ee juerokqamw?
Campbell : m si juewokqamw ee bunrdee, inx qinvunw dyrr byy juerog ee lixiuu. Dng' liw ham' jurzenn cruw diyc hiabdiau itdir, dairjurzenn dyrr e kongxkair sniuxsur. Duer diyc kuanvyw bunrdee jiamrr virr diwdang, lanw ixqingx kaisiw iwsig diyc jit diamw: gigtai kuanqingw, dingxii si cetdng jurqiw snewmia juguann; zuqyw erdangr ham' kuanqingw u sikdongx quanhe, dyrr si ciokjinr kuanqingw ee snewmiarlat.
GIGTAI KUANQINGW, DINGXII CETDNG JURQIW SNEWMIA JUGUANN
Campbell : Bixqog dua cauxvox-siong, INDIANX ee dua jailan, snuaguu si inx juxiaur jiahmic/ inx juanvo jongqaur diongrsimx, ui' jitt diamw denxkuix, narr snuaguu virr bedjuat au, inx ee sing'uac suacc hionghiongg sitkir molik. 1870~ 1880 nidai jinghok sevo dua qewue ji' id, dyrr si siaubet snuaguu. Lenvangx jingwhuw pair cud satciuw, taii siw juanvo snuaguu --- qinvunw dyrr si dosad. Jixiaur liw knuar cniurr GEORGE CATLIN soxx lauu lyc laii ee siongwpnir, dyrr jaix ixjingg ee snuaguu u zuarr je , je qaxx vutkyxsugi, u inx liw dyrr benw sniu beh pox ticlo/ kaikunw toxde jingr siyxbec. Danrsi, snuaguu ui' cauxvox bedjuat au, INDIANS jiahmic laiguann virr jamxdng, inx vutditvud vnuax kir vyxliude druar/ jiapsiu jingwhue ee siaxsir.
Lenvangx jingwhuw taii snuaguu ee hongsid/ dongrqix, ham' INDIANS uanjuann byy qang. INDIANS jixsirr uirr icii snewmia jiacc e taii/ qycc e qra jewvair, jex si jit jiongw qamxunx ee taiwdo/ inx siongrr diongriaur ee jetkingr longxx ham' snuaguu iuxquanx/ jex si ham' dairjurzenn cruw diyc hiabdiau ee viauxhen.