hosinn bang-aw dairjenr quax
(siong)
Diklimm juqiok dyrr si guw
jiacc venx hosinn bangw-aw quax
jitt vunw lensuar jyr siy' suar
banrhang sing'uac sriu tuabuaa
Simxmih quax-aw hiacc cuwbi
bue liam singx qra linw tongdix
banrhang dongrbut longxx qongw kiw
iarr e huanxluan jiacc u qrii
Bylun sniaxhuer u singwde
hosinn bangw-aw e uanqex
uirdiyhh sing'uac ee quanhe
jiacc e kiyc'uanx su dua ee
Hosinn beh kir qa caur bah
vuex kir qnix diyc bangw-aw-kax
bangw-aw beh qapp ix siy' pah
hosinn qapp ix dua qauqax
Hosinn kyr ix duarkovew
m qniax bangw-aw ix jit xee
bangw-aw sniu diyc jiokk jnia' creh
kiw langg beh qapp ix uanqex
Hosinn bagjiux denw dua luiw
m qniax bangw-aw vunn qequix
byy tniax liw decc vangr qauxpuir
qnaxx qniax bangw-aw langg dua duix
Bangw-aw vuex kiw itdit jauw
jit kunr vuenx kir qaur inx daux
kir huah bangw-dongw jiauu jiauu qaur
beh lat hosinn laii giap tauu
Bangw-aw qui' din vuex laii qaur
hosinn siangx ciuw buxquntauu
pah siw bangw-aw hnix hnix hauw
suar qra danr lyc tokadaux
Bangw-aw pah sux jin' uanongw
hosinn buxge jin' lingtongx
bangw-aw jauw kir dikqongxdong
kir cniaw jit buew senlang'ongg
Bangw-aw laii qaur dikqongw-kauw
qiyr langg tongvyr zip lairtauu
uirdiyhh uanjingg laii vaiwhau
qra senrduarqyx sueh tauwlauu
Senrlangg tniax diyc bangw-aw qongw
hosinn bunbuw siangx hxang tongx
siy' cua qniaa cud dikqongxdong
beh kir jiac ix horsinn ongg
Hosinn knuar diyc senrangx laii
qniax qaxx cuir-aw lic saisaix
jai'ngiaw senrangx cuir lirhai
vuex quann m qnaw hiyh lyc laii
Senrangx knuar diyc ix hosinn
sniu qaxx cuiwnua cabdap dinx
hosinn diyhqniax vuex qinw qinw
senrangx knuar qaxx bak grinn grinn
Hosinn sniu diyc jin' m guan
beh qapp bangw-aw qed dua ruanx
beh qycc kiw langg qapp ix luan
huatdo cniaw viw ix kacc quann
Hosinn beh kir cniaw giaqangx
beh cniaw giaqangx qa senrangx
draur dirr cur-dingw qak'axpangx
jitt xui ix diamr quiw jap dxangx
Giaqangx tniax diyc hosinn qongw
qongw ix bangw-aw byy jingwjongx
siangx langg qniaa cud qak'axdong
beh giab bangw-aw ix ee hxongg
Giaqangx kaqud iurr qik je
snax-jap-lak qix itdit vew
hosinn sniu liauw byy hyxser
kir mng qajuac ix jit xee
Qajuac druar dirr caiwduhuw
juanbunn decc qra jyr qunsux
ix ee qewdir jiokk jnia' u
nng qix siausid dirr sinkux
Qajuac tuisngr byy cywgo
iarr u jit jann sxamx vuthok
qinw qra hosinn ix ioksog
giaqangx cuxkir e lylok
Bangw-aw jai'ngiaw giaqangx laii
jauw kir qongw hro senrangx jaix
senrangx sniu qrer dirr simlai
qnuaxqinw kir cniaw qap'aw laii
Qap'aw druar dirr canhnuarkangx
bangw-aw kir cniaw ix jit langg
narr byy ix laii su pnaiw pangw
beh cniaw qap'aw puar giaqangx
Qap'aw huatdo jin' lirhai
jiongjingg sueh hro bangw-aw jaix
giaqangx huatdo guaw jaix pnaiw
vangr ziy ix dyrr m qnaw laii
Bangw-aw kir cniaw ix qap'aw
siusip giaqangx ix ee kax
giaqangx dair hrongg beh laii qa
qap'aw jywtauu jauw laii ??
Giaqangx syy diyc qap'aw-ziy
kaqud cincniu huew decc siyx
dua sniax ser sniax aix aix qiyr
quibuew diamr decc pogpok diyy
Giaqangx kaqud lag liauw liauw
be-dinx.-be-dang dit liauu liauu
sniu diyc urngiaw jin' qenwsiaur
uirr ix hosinn jiacc sesiaux(?)
Quibuew diamr decc kickih cuah
byy kax tangx qniaa anxjnuaw tuax
jit diauu cincniu ciuxviyxduar
hng hng knuar diyc cincniu juaa
Hosinn vuex quann knuar hen hen
knuar ix qap'aw kacc gauu senx
ix ee huatdo mrbenw jenr
naxx knuar giaqangx jin' kyxlenn
Giaqangx dyrr qra hosinn qongw
liw qinw kir cniaw juaa dairongg
druar dirr cingsanx jiyhhongdong
ix ee huatdo qik lingtongx
Hosinn suisii vuex kixqniaa
kir qaur cingsanx qiyr juahniax
dairsingx mng hiax juaa-aw-qniaw
qongw juaw dairongg ix ee miaa
Dua juaa tniax diyc jin' hnuahiw
tiongr qaxx cuir-aw hix hix hix
vakdow iaux qaxx vnuar siyw siw
qimzit u tangx hyw jixqix
Dua juaa cuir-aw vreh kuix kuix
qap'aw qniax qaxx bak buix buix
jit jiah hro ix jyr jit cuir
tunx lyc amrqunw qed jit luii
Qap'aw ix siw duxx zit amr
bangw-aw qra ix jyr hauwlamm
dogg jiah kaur qaxx jin' cnicamw
qap'aw liw siw guw m qramx
Qap'aw liw siw jin' pacsngw
bangw-aw zit kaur duw ehngx
urjingg suar qra ix pangg vng
kaur qaxx cuir-aw dngg dngg dngg
Zidtauu narr amr diyrr decc hauw
qux dirr amr amr dyh-aw-kax
kaur qaxx qui' srinx longxx byy bah
siongrser qra tniax byy jingcax
Bangw-aw sniu diyc jxingg dyrr jin
beh qycc kir cniaw Ngg Jinzinn
sniu vyr uansiuu kacc iauwqinw
huadlyc dyrr qinw beh kixsinx
Huadlyc kixqniaa qinw virvan
tauwmii qnuaw qaur huaqyxsanx
ngg pxangx jinzinn cud laii danw
bangw-aw qra ix sueh jit huanx
Ngg pxangx derr id pnaiw singwde
beh jo bangw-aw ix jit xee
kiw huah pxangx-dongw jiokk jnia' je
beh qra dua juaa kiw uanqex
Qajuac tuisngr jin' lirhai
suisii qongw hro hosinn jaix
bangw-aw kir tongx inx dongxpair
qinrzit duarvingx dyrr e laii
Hosinn tniax diyc qajuac qongw
ngpangx buxge qik lingtongx
lanw diyhh urvi kacc tywdongr
beh cniaw sniaw langg kacc sikdongx
Qajuac decc sniu suisii u
qiyr ix diyhh kir cniaw didux
didux druar dirr aurviah cur
langlangg qiyr ix Tenlysux
Ix u tenlyy qapp debongw
huadsut iurqycc jin' lingtongx
diyhh cniaw jitt xee qaiww tywdongr
qinw kir cniaw ix laii dihongg
Hosinn jiacqycc mng jit vaiw
sensnix liw qycc qongw guaw jaix
m jaix ix druar sniaw soxjai
qiyr guaw dyc'ui cniaw ix laii
Qajuac jiacc qra ix kuikauw
ix si diamr langg cuwaurqaux
m quanw dyc'ui ix e qaur
ursii duar langg cuwqaktauu
Hosinn suisii dyrr kixqniaa
kir qaur qongw hro didux tniax
bangw-aw beh qapp ix vniar mia
kir cniaw ngpangx qaiww cutmiaa
Didux tniax diyc hosinn qongw
ngpangx jenwhuad qik lingtongx
ix ee huatdo qik tywdongr
sinkux ix druar jit diamw hxongg
Hosinn tniax diyc jitt hy su
hyw cuir dirdecc qriuu didux
liw diyhh laii kir jyr guaw jruw
acc byy qniax liauw kir taii sux
Didux niuniuu jiacc qongw kiw
guaw ee sinkux e vangr sxix
tenlyy derbongw congr uanvi
cenqunx banrbew jin krux ix
Didux qewdir qik gauu sniu
langlangg qiyr ix Six Niuniuu
jewsingg im'iongg tenlydniur
m qniax bangw-aw gauu juxdniux
Ngpangx jitt zit jiyx cud din
uanqex bangw-aw qapp hosinn
hosinn knuar diyc e cnicinr
ngpangx siy' pah qaiww zinrjinx
Ngpangx qui' din jiauu jiauu qaur
didubang dirr cuwqaktauu
ngpangx diyhqniax sniu beh jauw
tenlyy derbang siwbin vaux
Ngpangx diyhqniax jauw be li
vuex kir qnix diyc didusix
sniu beh tuatsinx jauw be kir
didux huansinx beh liac ix
Didux huanx srinx dyrr qra lramw
jinzinn amr vangr muihuejiamx
niuniuu ciongdok jnia' cnicamw
m qnaw qra liac bin cni'angg
Jinzinn dok cingr qik lirhai
niuniuu hitt sii longxx m jaix
hyw decc byy siw siongrr qajair
ciongdok dngdo dua sniax aix
Didux do du iurr be siw
diyhqniax m qnaw kir qa ix
jaix ix sinkux u amwkir
niuniuu jabhux decc dniudii
Bangw-aw jai'ngiaw su pnaiw dai
jinzinn u kir byy dngw laii
diauu dirr didux ee bxangw-lai
muixx zit dua sniax ser sniax air
Bangw-aw jaiww kir qiyr can'ngix
can'ngix cutjenr giaa dua qii
can'ngix jiacc qra ix qongw kiw
guaw kir u siw jongw byy snix
Can'ngix diyhqniax m qnaw laii
bangw-aw jiongjingg qongw ix jaix
byy liw qra guaw sniu knuar mai
beh cniaw sniaw langg laii anvaii
Can'ngix dyrr qr ix jixsi
liw diyhh kir cniaw siamm sensnix
dua siamm druar dirr ciurnasi
liw dnaxx qnuaxqinw kir cniaw ix
Bangw-aw siurkir jyww ix jauw
sniu beh qyc ckir cniaw dorqauu
dorqauu draur dirr kang'axkauw
bangw-aw suisii kir inx daux
Dorqauu qongw ix byy huatdo
didux sngr si lau qang'oo
jitt hy dinrdoo lanw did pyr
ix dirr kongdiongx guaw dirr too
Dorqauu qra qongw m qnaw laii
bangw-aw jauw kir cniaw qodaix
ix druar juixhuw jiyhdong-lai
bangw-aw beh kir cniaw ix laii
Bangw-aw kir qaur qodiarhuw
beh cniaw qodaix jyr qunsux
qodaix qra ix qongw quiw qxur
guaw byy huatdo liac didux
Bangw-aw sniu diyc iarr urngiaw
horqee ciu-dingw siongrr hyw cniaw
in'ui hosinn jyr vutjniar
qimzit beh kiw dua ving'ngiaa
Horqee dyrr qra ix qongw kiw
liw dnaxx kir cniaw gunw siyxdi
guaw di miaa qiyr lau jniujii
zit dirr huw-diongx amr byy di
Qiyr guaw sangr bah kir cri how
horqee jywsu siongrr hodoo
diyhh cniaw vadd xee kacc tywdongr
jitt xee narr kir unw singqongx
Bangw-aw jauw kir cauxqauhuw
inx cur druar dirr snuakunlunn
cauxqauu qra ix qongw quiw qxur
liw diyhh kir cniaw gunw jixhux
Sinkux nng qix gnoxmuicir
tong' langg knuar diyc dy' qniax ix
gunw jiw taukag angg qiwqir
jixhue guarhy qiyr cauxmih
Joxtuann hro ix gnoxmuicir
zihiy siw langg tuann hro ix
vyxvuer si ix yc siongrr kiw
knuar iurr nngw nngw byy vnuar sxix
Bangw-aw tniax diyc cauxqauu qongw
qiyr ix kir cniaw cauxmicqongx
beh puar tenlyy qapp derbongw
diyhh cniaw ix laii unw singqongx
Bangw-aw qongw hro cauxmih tniax
cniaw liw kir siux didujniax
didux huatsut banrhangrqnia
vadd langg cniaw laii byy unw ngiaa
Bangw-aw jai'ngiaw su pnaiw pangw
decc qriuu cauxmic dauwsnaqang
cauxmih be kamx qriuu qui' amr
kacc kow ?? liw draur vangbangg
Beh puar im'iongg tenlydniur
tangx hyw suar tec Six Niuniuu
beh puar tenlyy derbongw-din
diyhh jnriu Knlunn cniaw mngzinn
Laii qaur Kunlunn dyr zip kir
vehhycdong-diongx cniaw sudi
vehhyc sensux jiacc qongw kiw
hosinn bangw-aw kiw qauvnix
Vehhyc qycc kir kongxciokdong
hyhqunx laursux jyr senongx
hongrhongg enwjip jyr jit dongw
uan'ngiux juixah laii sionghongg
Laurqux ix kir vue jenwqow
jiyhqangr pah kox puee cox cox
juixqex vag dua be qnialo
tiaur hng jit vo sim qui' vox
Odiap vunw si suiw jabow
ngiaxhir ix si jyr angqox
u yc qiamwqongx ee huatdo
si Simw Juhaa(?) ee mngdoo
(ha)
Dyrr diamw oax kir tongvyr
duw diyc jit jiah puar vitlyy
dairjir qniax liauw jyr m hyw
suacc qyc drng diyc ix bidvyy
Qajauw kyr ix hyw kaciuw
huadlyc juixdew ?? siuu
hyw decc ngir-aw jauw kir qiur
hiamw byy sniwmia ix dyrr hiux
Bagsad qaiww gauu vangr caur puir
mohe siongrr gauu vunn qequix
cuiwnua vutsii lamrsamw dui
hro huexqimqox qra laksuix
Niauxcuw derr id hyw qewdir
taux qa didux ee jewsix
tenlyy derbang vatqauar kiw
sidjai lann did laii pyr ix
Venxhog qewdir siongrqaiww hyw
ix jiacc jauw kir qew bidvyy
bangw-aw diyhqniax jauw dngxdyr
hyw did uan'ngiux laii qongxhyy
Ociux dirdecc jyr dairjiongr
ngkingx siy' pah derr id hiongg
dyrr si hunxciauw siongrr u liong
hro ix diamw diyc qovutjiongx
Bahiyc vuex qunn decc kyhongx
duxdng jit jiah dua hongrhongg
huebii byy sinr ix laii qongw
dyrr si cikjiauw siongrr dua gong
Vikhy sensux gauu siurqer
kir cniaw taiwid ix jit xee
jiacc diamw ?? kir jngwde
dogqag qimqux giaa ticcex
Ingqyx kir jiyh vajiausnir
beh puar jitt din bak jit nih
dairpingg kyr ix gauu veutnix
kongxciog cincniu Sunrhongniw
Ngir-aw denw ix siongrr gauu vuex
Lam'ngiuu duarhaiw vuex e quer
laurqunx knuar ix byy bagde
zirau jiacc bing Kiongx Juxgee
Guansuw tenjunx laii jywjingr
decc qra laurqunx sueh hunbingg
vuetnix-jngwde byy loring
tenlyy derbang tnix snesingg
Tenlyy derbang vatquar kiw
dangcniuu ticviah itvnuanii
vuetnix jngwde jauw be kir
diyhh iong huatdo laii puar ix
Didux m si siyxkuaw langg
dyrhing sngr laii sir-cingx dxangx
beh puar ix ee didubang
diyhh diamw mngdoo dauwsnaqang
Vehcniu jit diauu kunw sensyh
guadtor tauu cah nng qix dyx
laurqauu denw ix kaciuw hyw
ix e jnriu tnix taux sentyy
Ox niaux vunxjniaa air qiksuiw
ox qxauw knuar qaxx cuir kuix kuix
qiyr ix ciah guu laii jyr qxuiw
diauqnia be hryy jiacc cex kuix
Qycc diamw ngg niaux huan ten'inr
qniux-aw qapp ix qig kiwzinn
suacc diamw liongxgnaix dux tauu din
holii ix iarr ha huandinn
Vegtaukog-aw qaiww vindnua
jinzinn qiyr ix ha sensanx
dairjir qaur jiax jiokk m guan
beh qycc kiw langg qed dua ruanx
Qajauw vuesinx zip din-lai
dyrr duiww dangmngg pah quer laii
niuniuu huatsut qik lirhai
qajauw kamr lyc vatquawdaii
Sensux kir kuar huansinx dngw
jiacc diamw cauxqauu qrongx semngg
zip din jiapjenr mrbenw mng
cauxqauu kyr ix amrqunw dngg
Ringx-aw siy' pah ix siongrr air
ix duiww lammngg pah zip laii
ix ee simsingrr derr id pnaiw
sniu beh vuex jnriu vatquatdaii
Didux qnir diyc ing'axhow
tenlyy-derbang vatquawdoo
ringx-aw iarr byy sniaw huatdo
hro ix kamr lyc vyxholoo
Dorunw jngr de kir qra knuar
didux vyxvuer giogkiwvnuaa
horqee ciuw pangg kitjiahnguaw
lau qauu pax quer go xee snuax
Duxdng amwsii knuar byy lo
tauwmii kir qiyr huexqimqox
ix laii dingrquix u huatdo
mrbenw amr amr laii decc mox
??? jiacc kir ciy huexqniar
hiablik beh siux didujniax
?? jngr de m jai'ngiaw
bunwcuw cue byy lo tangx qniaa
Didux knuar diyc bunwderciw
ciuw tec tenlyy laii kamr ix
hyw did duw diyc ix ??
jiyx ix jngr de beh dysnix
Didux knuar ix jngr de jauw
derbang vangr lyc tokadaux
jingenn jiuwguw liam liauxau
tokax venwsingg ticjiyhtauu
Hitt jun beh jauw jauw byy lo
hro ix kamr lyc vatquawloo
sinvingx sinjiongr dirdecc qor
?? singvingx ee qang'oo
Qimqux qnuaxqinw laii qauwui
lenn pah snax liap jiangxsimluii
kir hro didux cuir vreh kuix
snax liap tunx jyr habjidduix
Ngir-aw knuar liauw byy tywdongr
suisii tor cud vehqiamwqongx
didux jit pair sngr kongdong
ix u jabhunx decc dihongg
Didux vangr cud cingqongqiamr
cnix :ee qiamwbah iauxx kacc jiamx
nng vingg qiamwqngx qimx siamxsiamw
hro ix ced dng cruir iam'iamm
Vehqngx suacc hro ix cetdng
cnix :ee qiamwbah u kacc dngg
daur ngiaa qiamr qycc siux dywdngw
duw diyc cauxnic zip dinrmngg
Cauxnic jiapdin ix byy mng
nng qix ticciyh dxng gua dngg
qniwbin suisii tiaur dywdngw
beh ?? didux ee kacngx
Didux knuar diyc ix amwkir
sewqanx nacc u jitt nng qix
dyrr si ?? gnomuicir(?)
niuniuu jabhunx decc dniudii
Didux ciuw tec kenkunde
sir qxur jiuwguw mrbenw qex
hro ix siux lyc deaw-drew
byy langg tangx qiur ix jit xee
Duarsiamr jai'ngiaw jauw laii qiyr
kir vyr ociux qapp laihiyc
sniu byy qewdir jin' kyxsiyh
kenkunx vyxde taux be diyc
Jiauxcuw beh qa kenkude
kir jiyx jiyhqangr qapp juixqex
jiyhqangr kokg-aw pah snax xee
snaqnix beh qra ix tautec
Jiauxcuw ix beh zip din-lai
jngr duiww viackangx byy langg jaix
didux niuniuu jin' lirhai
jai'ngiaw jiauxcuw jngr zip laii
Niuniuu ciuw tec tenlybang
jiauxcuw suisii jauw byy kangx
hro ix kamr lyc be dinxdang
dua sniax dirdecc huah qiuwlangg
Hro ix duer decc ?? qiyr
niuniuu knuar ix juann byy diyc
jiauxcuw laii sux jin' kyxsiyh
au .laii hyw did ix lairhiyc
Lairhiyc laii qra giab decc jauw
jauw qaur kunlunn ee snuatauu
hyw did tenjunx qnuaw laii qaur
iauxx byy berdid dngw inx daux
Senrhii ix kir quanx cnihiuh(?)
didux sniwmia be qaix hiux
iauxx u qiuwcnix tangx laii qiur
laii qra dua juaa sueh lixiuu
Dua juaa tror cud dok enbu
dogkir beh siongx ix didux
didux hyqongx(?) vunxjniaa u
dogqngx be uaw ix sinkux
Odiap giaa tauu decc quanbong
lenrr vangr snax qix angg qiamwqongx
beh siongx didux inx iaudongw
laii jo dua juaa ee uihongx
Didux ix u horsinqniar
qiamwqongx be uaw singx jai'ngiw
odiap sniu beh qor sniwmia
beh jauw byy lo tangx hyw qniaa
Niuniuuhuad kiw kenkude
jiong' qiamr siux siux jyr jit xee
odiap knua liauw m si sxer
jiong' qiamr siudngw qinw hueqex
Can'ngix jywlangg siongrr tickiw
sensux qiyr ix giaa jenwqii
kunlunn jniawpair sir dua zri
kongdong hitt vingg iarr jaiqix
Kongdong ix u iaxbann dongw
u yc siahuad ee qiamwqongx
vyxvuer iarr si qik tywdongr
isanx-dyxhaiw qnia qnia tongx
Kunlunn qiamwsenx si vehhyc
siy' taii ix iarr benw ing dyx
kongxciong vyxvuer iarr jin' hyw
senqex huatsut m si byy
Juixguu dngdo siongrr dua tangw
logdyy lenrsingg qimqongvangx
beh laii pacpuar didubang
lenn pah snax xee bycaixqangx
Didux huatsut dagg hxang u
len singg go liap dingrqongjux
logdyy m jaix qapp ix duw
hro ix pah qaxx suaxx ???
Ox niaux kyr ix siongrr gauu jauw
beh qa didux ee baitauu
hro ix pah diyc aix aix hauw
jit jiah dnaxx suacc m jniaa qauu
Juixqex beh puar didubang
horsinn jiac ckir vangr dogtangg
jiac liauw dagg jiah dua dortangw
be qniaa jit kox naxx sixlangg
?? zip din jnia' cnicamw
diauu dirr didux vatquaxbang
jnicuw vuac lyc ix ???
sinkux vutsii damm damm damm
Holii kyr ix buew dua qnua
kacc quann uicniuu iarr qnaw vnuaa
henrsii buexdiux(?) cunx jidvnuar
cunn siw tiaur jnriu vatquawsnuax
Qeqangx laii qaur ?? qiyr
bangrdangx qniwbin pogpok diyy
qeqniaw duiww biw itdit kiyh
iarr byyknuar diyc ix lairhiyc
Huanqangx cud sniax decc huacsad
acbuw taii sux huad m dat
dinrdoo sniawkuanw byy langg bad
duw diyc derguu siongrr u lat
Lau qauu bagjiuw siongrr lirhai
simxmih qiquanx knuar e jaix
ix duiww diongmngg zip din-lai
beh qapp niniuu ix siy' taii
Niuniuu knuar diyc dua siurkir
dua ma lau qauu siw tiksnix
liw qnaw zip din laii sangwsiw
ciuw giaa huddinn beh pah ix
Qauu si dairsingx Sunx Gnokongx
zip din jiapdin u dihongg
qauu ee bagjiux m si gong
posad joxsux ee dyrdongg
Qauu ee bagjiux knuar erhiauw
didux vunw si sisnuawiaux
ix ee vyxvuer qik kaxmiau
honghuew ix dyrr dongr be diauu
Diyhh cniaw honghuew laii pywdin
iar byy lann did liac ix srinx
iarr diyhh vyxvuer dua iauwqinw
erdid siu'imx sisnuawsinn
Didux si qniax hongx qapp huew
byy snuar didux dyrr be vuex
Dang'ngiuu duarhaiw berdid quer
knuar ix qamxx u siangx niaw puee
Mngzinn hok jairr go mngg-gua
dingxe qycc u ovec juaa
horsinn qniax qaxx kirki cuah
niuniuu u siw qnaxx byy uac
Vuitlik jit qix vajiausnir
et diyc dua hong qunw jnriu tnix
horqee huah sniax ?? siw
didux sniwmia lann did rii
Jinzinn huatkiw sinhuexjnir
qauw jiah huexsaix cnix cnix cnix
hyw did niuniuu jauw u li
hro ix siyx dng didusix
Didux diyhqniax jauw lyc de
jauw qaxx be qniaa jyr qxauw vee
sinkux u duar kenkude
derr id lirhai si jitt xe
Hongrhong huatkiw citcniqiamr
lensuar nng qix qig siy' liamm
niuniuu sniwmia jin' guihiamw
kacc hiamw tiyx iuu quer jiyhjiamx
Ox niaux ox qxauw qapp holii
qiamwqngx lenn vangr sir~go qix
muixx qix ee qiamr vec sicsih
hiablik beh siux didujnix
Didux huad kiw kenkudar
qokk langg vyxvuer sngr jin' gauu
hyw did jinzinn dirr buexau
huad kiw taiwqik dirr hunn-tauu
Lyxjow huad kiw tongteciuw
kenkunx vyxde virr ix siux
byyinx suhu jauw laii qiur
sniwmia hiamxhiamw dyrr suacc hiux
Didux suhu si vuesix
hitt zit han'iuu cud iaudii
knuar diyc mngdoo hiamw hiamw siw
harhuann qnuaxqinw laii qiur ix
Hyw inx suhu laii qaixqiur
narr byy sniwmia ix dyrr hiux
vuesix decc qriuu jiongww dyriuw
mngdoo ix beh ??? siux
Jingwlangg dongjingg inx suhu
vuesix jiacc laii siux didux
jiongww senx huedngw siau'iauhuw
senqax dyriuw qik zinjuu
Jitt py qua'aw jin' hihanw
lairdiongx siurmiaa qui' cingx hxang
m si qoxjux iarr byy tuann
juann qongw dongrbut byy qongw langg