Johan ee Puex 1
JOHAN EE TAUU JIT DNIUX PUEX
1 Lun qaur uahmia ee Dy, dui' kixtauu u :ee, guanw soxx tniax .qnir, cinbak soxx knuar .qnir, soxx quanknuar, guanw ee ciuw iarr bongx .diyc .ee.
2 (Jitt xee uahmia bad cuthen, guanw u knuar .qnir laii juer qanjingr, iarr vyr linw jaix hitt xee ingxuac ee uahmia, dyrr si vunw qapp Ve dilehh, iarr cuthen dirr guaw :ee.)
3 Guanw jiong' soxx knuar .qnir, soxx tniax .qnir vyr linw jaix, beh hro linw qapp guanw qauvuee; qycc guanw soxx qauvuee, dyrr si Ve, ixqip Ix ee Qniaw Jesus Krist.
4 Guanw siaw jiaxee, si beh hro guanw ee hnuahiw ciongmuaw.
5 Guanw dui' Ix soxx tniax ee ue, laii tuann hro linw :ee, dyrr si qongxx, Siongrder si qngx, dirr Ix, juanzenn byy amr.
6 Lanw narr qongw u decc qapp Ix qauvuee, qycc qniaa dirr oamr, dyrr si qongw vehcat, byy qniaa jinsit.
7 Dogdok lanw narr qniaa dirr qngbingg, cincniu Ix diamr dirr qngbingg, dyrr lanw snaqab qauvuee, qycc Ix ee Qniaw Jesus ee huih sexduu lanw longxjongw ee jue.
8 Lanw narr qongw byy jue, dyrr si penr qaqi, jinliw iarr byy diamr dirr lanw.
9 Lanw narr zin lanw ee jue, Ix si jinsit qonggi, beh siawbenw lanw ee jue, sexduu lanw longxjongw ee vutgi.
10 Lanw narr qongw m bad huanrjue, dyrr si hro Ix juer qongw vehcat :ee, Ix ee dyrliw dyrr byy diamr dirr lanw.
2 Guaw ee sewqniaw ar, guaw siaw jiaxee hro linw, si beh hro linw byy huanrjue. Narr u langg huanrjue, dirr Ve ee binrjingg lanw u Vyxhuirsux, dyrr si girlangg Jesus Krist.
2 Ix uirdiyhh lanw ee jue, juer banxhuee ee jrer; qycc m na uirdiyhh lanw ee jue, iarr si uirdiyhh tong' sewqanx.
3 Lanw narr siuw Ix ee bingrling, dui' anxnix dyrr jaix lanw bad Ix.
4 Langg narr qongw, "Guaw bad Ix", suacc byy siuw Ix ee bingrling, dyrr si vehcat ee langg, jinliw iarr byy diamr dirr ix.
5 Qniwnarr siuw Ix ee dyrliw :ee, dyrr Siongrder ee tniar dirr ix jinjniar u jiaujngg. Dui' anxnix, lanw jaix lanw diamr dirr Ix.
6 Langg narr qaqi qongw diamr dirr Ix, dyrr diyhh jiauww Ix soxx qniaa :ee kir qniaa.
7 Soxx tniar ee hniadi ar, guaw byy siaw sinx ee bingrling hro linw, jex si linw dui' kixtauu soxu qu ee bingrling; hitt xee qu ee bingrling dyrr si linw soxx bad tniax .qnir ee dyrliw.
8 Iuqycc, guaw siaw sinx ee bingrling hro linw, jitt xee dairjir dirr Ix si jinx, dirr linw iarr si jinx; in'ui oamr decc quer, jinx qngx ixqingx decc jiyr.
9 Langg narr qongw qaqi diamr dirr qngbingg, kiokk uanwhun ix ee hniadi, dyrr ix qaur dnaxx iauxx si diamr dirr oamr.
10 Langg narr tniar ix ee hniadi, ix si kiarkiw dirr qngx, dirr ix dyrr byy vuac dyw ee in'iuu.
11 Dogdok langg narr uanwhun ix ee hniadi, ix si diamr dirr amr, qycc qniaa dirr amr, iarr m jaix soxx kir :ee, in'ui jitt xee amr hro ix ee bagjiux cnimii.
12 Sewqniaw ar, guaw siaw puex hro linw, in'ui linw ee jue uirdiyhh Ix ee miaa ixqingx siawbenw.
13 Laurdua ar, guaw siaw hro linw, in'ui linw bad hitt xee dui' kixtauu dyrr u :ee. Siauwlenlangg ar, guaw siaw hro linw, in'ui linw ixqingx kacc ngiaa hitt xee pnaiw :ee. Sewqniaw ar, guaw bad siaw hro linw, in'ui linw bad Ve.
14 Laurdua ar, guaw bad siaw hro linw, in'ui linw bad hitt xee dui' kixtauu dyrr u :ee. Siauwlenlangg ar, guaw bad siaw hro linw, in'ui linw iongxqnia, Siongrder ee dyrliw diamr dirr linw, linw iarr ixqingx kacc ngiaa hitt xee pnaiw :ee.
15 Byc did tniar jitt sewqanx, ixqip sewqanx ee mic. Langg narr tniar jitt sewqanx, dyrr Ve ee tniar byy diamr dirr ix.
16 In'ui qniwnarr dirr sewqanx :ee, dyrr cincniu ziogtew ee su'iok, bagjiux ee su'iok, qapp zinsingx ee qiau'gno, jiaxee longxx m si dui' Ve, si dui' sewqanx.
17 Qycc sewqanx qapp ix ee su'iok decc quer .kir; dogdok qniaa Siongrder ee jixir :ee ingxuanw dilehh.
18 Sewqniaw ar, jex si lorbuew ee sii. Linw bad tniax qnir u hitt xee duiwdik Krist :ee laii, henrsii u cud jerje duiwdik Krist :ee; dui' anxnix lanw jaix si lorbuew ee sii.
19 Inx dui' lanw cud .kir, dogdok m si sriok lanw :ee; in'ui narr si sriok lanw :ee, dyrr e dngdngg qapp lanw diamr. Inx cud .kir, si beh henxbingg inx longxx m si sriok lanw :ee.
20 Qycc linw dui' Sxingr :ee siurr buah iuu, suar jaix itcer ee dairjir.
21 Guaw puex siaw hro linw, m si in'ui linw m bad jinliw, in'ui linw bad ix, iarr jaix itcer ee vehcat longxx m si dui' jinliw.
22 Vehcat :ee si jirjui? Qamxx m si byy zin Jesus juer Krist :ee mah? Byy zin Ve qapp Qniaw :ee, jitt xee dyrr si hitt xee duiwdik Krist :ee.
23 Qniwnarr byy zin Qniaw :ee, iarr byy u Ve; zin Qniaw :ee, iarr u Ve.
24 Linw dui' kixtauu soxx tniax .qnir .ee, diyhh hro ix dngdngg diamr dirr linw. Narr si dui' kixtauu soxx tniax .qnir .ee diamr dirr linw, dyrr linw iarr beh diamr dirr Qniaw qapp Ve.
25 Jitt xee iarr si Ix soxx ingwunw lanw ee ingwunw, dyrr si ingxuac.
26 Guaw siaw jiaxee hro linw, si lun hiaxee behik linw :ee.
27 Linw dui' Ix soxx sriu ee buah iuu dngdngg diamr dirr linw, iarr mrbenw langg qar linw; dogdok in'ui Ix ee buah iuu qawsi linw banrhang su. Jex iuu si jinsit, m si vehcat; iarr diyhh jiauww jitt xee iuu bad qawsi linw :ee, linw dngdngg diamr dirr Ix.
28 Dnaxx, sewqaniw ar, linw diyhh dngdngg diamr dirr Ix, anxnix, Ix narr henxhen, jiacc hro lanw dirr Ix qycc limqaur ee sii e hyxdnaw, iarr dirr Ix ee binrjingg byy qenwsiaur.
29 Linw narr jaix Ix si qonggi, dyrr jaix qniwnarr qniaa gi ee langg longxx si Ix snix :ee.
3 Liw knuar, Ve tniar lanw qaur jnaixngiu, hro lanw cxingx juer Siongrder ee qniaw; lanw iarr sidjai si. Soxiw sewqanlangg m bad lanw, in'ui m bad Ix.
2 Soxx tniar ee hniadi ar, henrjai lanw juer Siongrder ee qniaw, jionglaii jnaixngiu, iauxx bue henxbingg. Lanw jaix Ix narr henxbingg, lanw dyrr cincniu Ix, in'ui lanw beh knuar qnir Ix, jiauww Ix sidjai ee kuanw.
3 Qniwnarr kyr Ix jiacc u jitt hy ngwbang :ee, vunxsinx cingkir cincniu Ix si cingkir.
4 Qniwnarr huanrjue :ee, dyrr si qniaa vuthuad; jue dyrr si vuthuad.
5 Linw iarr jaix Ix bad henxhen si beh druu kir jue; qycc jairdirr Ix vingrr byy jue.
6 Qniwnarr druar dirr Ix :ee byy huanrjue; qniwnarr huanrjue :ee, m bad knuar qnir Ix, iarr m bad Ix.
7 Sewqniaw ar, m tangx hro langg behik linw; qniaa gi :ee dyrr si gi, cincniu Ix si gi.
8 Huanrjue :ee si dui' moquiw cud, in'ui moquiw dui' kixtauu dyrr huanrjue. Siongrder ee Qniaw soxiw henxhen, si beh huixhuai moquiw ee soxx juer.
9 Qniwnarr dui' Siongrder snix :ee dyrr byy huanrjue, in'ui Ix ee jxingw dngdngg diamr dirr ix; ix iarr be huanrjue, in'ui ix si dui' Siongrder snix :ee.
10 Siongrder ee qniaxzii qapp moquiw ee qniaxzii dui' anxnix henxbingg, qniwnarr byy qniaa gi qapp byy tniar hniadi :ee, m si dui' Siongrder cud.
11 Linw dui' kixtauu soxx tniax ee ue, dyrr si lanw diyhh sna' tniar;
12 Byy cincniu Kain si dui' hitt xee pnaiw :ee cud, ix taii ix ee siyxdi. Simxmih enqor taii ix? In'ui ix soxx juer si pnaiw, ix ee siyxdi soxx juer si gi.
13 Hniadi ar, sewqanlangg narr uanwhun linw, m tangx liac juer qiquair.
14 Lanw in'ui tniar hniadi, dyrr jaix lanw ixqingx cud siw zip uac. Byy tniar :ee si diamr dirr siw.
15 Qniwnarr uanwhun ix ee hniadi :ee, dyrr si taii langg ee langg; linw iarr jaix qniwnarr taii langg :ee, ix ee lairbin byy ingxuac.
16 Ix ter lanw henr Ix ee sniwmia, lanw dui' jitt xee bad zin'air; lanw iarr ingqaix ter hniadi henr sniwmia.
17 Langg narr u sewqanx ee jaisanw, knuar qnir ix ee hniadi kiamwkueh, iarr byy kuix ix ee jusimx, Siongrder ee tniar taixtyw e diamr dirr ix ar?
18 Sewqniaw ar, lanw ee sna' tniar m tangx ing ue, ing jic, diyhh ing qniaa, ing singsit.
19 Dui' anxnix, lanw beh jaix lanw si cud dirr jinsit; dirr Ix ee binrjingg, lanw ee simx beh siurr an'uir.
20 In'ui qniwnarr simx u soxx jikvi lanw, Siongrder viw lanw ee simx kacc dua, iarr byy soxx m jaix.
21 Soxx tniar ee hniadi ar, simx narr byy jikvi lanw, dyrr lanw ngr Siongrder u hyxdnaw.
22 Qycc qniwnarr lanw soxx qriuu :ee, dyrr dui' Ix did .diyc, in'ui lanw siuw Ix ee bingrling, dirr Ix ee binrjingg qniaa Ix soxx hnuahiw ee dairjir.
23 Qycc Ix ee bingrling si anxnix, dyrr si lanw sinr Ix ee Qniaw Jesus Krist ee miaa, qycc dairqex sna' tniar, jiauww Ix soxx hro lanw ee bingrling.
24 Siuw Ix ee bingrling ee langg dyrr diamr dirr Ix, Ix iarr diamr dirr ix. Lanw dui' anxnix jaix Ix diamr dirr lanw, si dui' Ix soxx hro lanw ee Sinn.
4 Soxx tniar ee hniadi ar, jiaxee sinn m tangx longxjongw sinr, dogdok diyhh ciwgiam jiaxee sinn si dui' Siongrder iacc m si; in'ui u jerje qew sendix cud laii zip sewqanx. Linw dui' jitt xee bad Siongrder ee Sinn.
2 Qniwnarr sinn u zin Jesus Krist ixqingx dirr ziogtew limqaur :ee, dyrr si dui' Siongrder laii;
3 Qniwnarr sinn m zin Jesus :ee, m si dui' Siongrder laii; jex iarr si duiwdik Krist :ee ee sinn. Linw u tniax qnir ix laii, henrjai ix iarr ixqingx dirr sewqanx lar.
4 Sewqniaw ar, linw si dui' Siongrder laii, qycc ixqingx kacc ngiaa inx; in'ui diamr dirr linw :ee, kacc dua diamr dirr sewqanx :ee.
5 Inx si dui' sewqanx laii, soxiw inx qongxue iarr dui' sewqanx, sewqanx iarr tniax inx.
6 Lanw si dui' Siongrder laii. Bad Siongrder :ee tniax lanw; m si dui' Siongrder laii :ee, byy tniax lanw. Jinsit ee sinn, qapp cabiu ee sinn, lanw dui' anxnix bad ix.
7 Soxx tniar ee hniadi ar, lanw diyhh sna' tniar; in'ui tniar si dui' Siongrder laii; qniwnarr u tniar :ee si dui' Siongrder snix, qycc bad Siongrder.
8 Byy tniar :ee m bad Siongrder, in'ui Siongrder si tniar.
9 Siongrder crex Ix dogsnix ee Qniaw zip sewqanx, hro lanw dui' Ix laii uac. Siongrder ee tniar dui' jitt xee henxbingg dirr lanw.
10 M si lanw bad tniar Siongrder, si Ix bad tniar lanw, crex Ix ee qniaw uirdiyhh lanw ee jue juer banxhuee ee jrer. Tniar dyrr si jairdirr jitt xee ee.
11 Soxx tniar ee hniadi ar, Siongrder narr tniar lanw qaur anxnix, dyrr lanw iarr diyhh sna' tniar.
12 Jionglaii be u langg knuar qnir Siongrder; lanw narr sna' tniar, dyrr Siongrder diamr dirr lanw, iarr Ix ee tniar uanjuann dirr lanw.
13 Ix ixqingx ing Ix ee Sinn sniuxsur lanw, lanw dui' anxnix jaix lanw diamr dirr Ix, qycc Ix iarr diamr dirr lanw.
14 Ve crex Ix ee Qniaw juer sewqanx ee Qiuwjuw, guanw bad knuar .qnir, iarr juer qanjingr.
15 Qniwnarr zin Jesus juer Siongrder ee Qniaw :ee, dyrr Siongrder diamr dirr ix, ix iarr diamr dirr Siongrder.
16 Siongrder soxu tniar lanw :ee, lanw jaix, iarr sinr. Siongrder dyrr si tniar; qycc langg diamr dirr tniar, dyrr si diamr dirr Siongrder, Siongrder iarr diamr dirr ix.
17 Dui' anxnix, tniar jniaa juer uanjuann dirr lanw, hro lanw dirr simxpnuar ee zit e hyxdnaw; in'ui Ix simxmih kuanw, lanw dirr sewqanx iarr anxnix.
18 Dirr tniar ee lairbin byy qniahniaa; dogdok jiaujngg ee tniar knuar cud qniahniaa, in'ui qniahniaa lai dyrr u hinghuat; qniwnarr qniahniaa :ee, dirr tniar be u jiaujngg.
19 Lanw u tniar, in'ui Ix dairsingx tniar lanw.
20 Narr u langg qongw, "Guaw tniar Siongrder," kiokk uanwhun ix ee hniadi, jex si vehcat :ee; in'ui byy tniar soxu knuar .qnir ee hniadi :ee, dyrr be tniar soxx be knuar .qnir ee Siongrder.
21 Tniar Siongrder :ee iarr diyhh tniar ix ee hniadi, jex si lanw dui' Ix soxx sriu ee bingrling.
5 Qniwnarr sinr Jesus juer Krist :ee, jex si dui' Siongrder snix :ee; qycc qniwnarr tniar snix :ee, iarr tniar dui' Ix soxx snix :ee.
2 Lanw narr tniar Siongrder, qycc siuw Ix ee bingrling, dyrr lanw dui' anxnix jaix lanw tniar Siongrder ee qniaxzii.
3 In'ui lanw siuw Siongrder ee bingrling, jex dyrr si tniar Siongrder; qycc Ix ee bingrling m si dang dnar.
4 In'ui qniwnarr dui' Siongrder snix :ee, kacc ngiaa sewqanx; qycc hitt xee bad kacc ngiaa sewqanx :ee, dyrr si lanw ee sinr.
5 Kacc ngiaa sewqanx :ee si jirjui ar? Qamxx m si sinr Jesus juer Siongrder ee Qniaw :ee mah?
6 Jitt xee Jesus Krist si dui' juiw, dui' huih laii :ee; m na dirr juiw, si dirr juiw iarr dirr huih.
7 Qycc Sinn si juer qanjingr :ee, in'ui Sinn dyrr si jinliw.
8 In'ui juer qanjingr :ee u snax xee, Sinn, juiw, qapp huih; qycc jitt snax xee soxx qanjingr :ee qruix dirr id.
9 Langg ee qanjingr lanw narr singsiu, Siongrder ee qanjingr si qyckacc dua; in'ui Siongrder ee qanjingr si jitt xee, dyrr si lun Ix ee Qniaw, Ix u juer qanjingr.
10 Sinr Siongrder ee Qniaw ee langg dirr vunxsinx u jitt xee qanjingr; m sinr Siongrder ee langg dyrr si qra Ix knuar juer vehcat :ee; in'ui ix byy sinr Siongrder lun Ix ee Qniaw soxx juer ee qanjingr.
11 Qycc hitt xee qanjingr si jitt xee, dyrr si Siongrder ixqingx jiong' ingxuac hro lanw, qycc jitt xee uac si jairdirr Ix ee Qniaw.
12 U Ix ee Qniaw :ee, dyrr u uac; byy u Siongrder ee Qniaw :ee, dyrr byy u uac.
13 Guaw siaw jiaxee hro linw sinr Siongrder ee Qniaw ee miaa :ee, beh hro linw jaix linw u ingxuac.
14 Qycc lanw narr jiauww Ix ee jixir u soxx qriuu, Ix dyrr tniax lanw; jex si lanw dirr Ix binrjingg soxx u ee hyxdnaw.
15 Narr jaix qniww u soxx qriuu, Ix tniar lanw, dyrr jaix soxx dui' Ix qriuu :ee, lanw u did .diyc.
16 Langg narr knuar qnir ix ee hniadi huan byy drir qaur siw ee jue, ix diyhh qriuu, Ix dyrr beh ing uahmia hro ix, dyrr si hro jiaxee huanrjue byy drir qaur siw :ee. U drir qaur siw ee jue, guaw qongw diyhh qidyw, m si qiw jitt xee.
17 Qniwnarr vutgi longxx si jue; qycc iarr u byy drir qaur siw ee jue.
18 Lanw jaix qniwnarr dui' Siongrder snix :ee byy huanrjue; si dui' Siongrder snix :ee decc vyxsiuw ix, qycc hitt xee pniaw :ee byy bongx diyc ix.
19 Lanw jaix lanw si dui' Siongrder laii, qycc tong' sewqanx druar dirr hitt xee pnaiw :ee.
20 Qycc jaix Siongrder ee Qniaw ixqingx qaur, qycc u hro lanw hiauxgno, qaur bad hitt xee jinx :ee; lanw iarr diamr dirr jinx :ee, dyrr si dirr Ix e Qniaw, Jesus Krist. Jitt xee si jinx ee Siongrder, iarr si ingxuac.
21 Sewqniaw ar, diyhh hro qaqi lirkuix gnoxsiong.