Huirlingg
Derr Go Jniux
Tuann hniux camwhuew
Hitt sii, dairsux qnir Qongw jiux, Siauu jiux qapp suwhongx zinsu, vaii qui’dua dui laii snuax nirr tniax hxuad. Ix dyrr jnriu qangxjy, qra dag’ee qongw,
“Laii, senrdiwsig, jitt jann dairjir rair dui’ jursingr lai jyr kiw. Vutsii tecniw qaqi,｜ cingjing qaqi ee simx, siuhing jurgnow simsingr, qnir jurqiw huatsinx jurjai, qnir jursimx cnixqag ee vutsingr, erdangr qaqi kiwduu okliam dxo qaqi qaixtuad. Anne jiacc be bycaiw qaur jiax decc qriuu hxuad.
“Dnaxx dui’ hiacc hng laii jiax, dag’ee u enn qniwbin. Lanw singx tuann jursingr go hxun huatsinx hniux, suar .lyc beh qar byhingg ee camwhuew. ” Jingwlangg jiurde jit kax qui .lyc .laii qniaa lew.
Dairsux qongw, “Id, qaiwlut hniux. Dyrr si simlai byy sniu baiw sniu pnaiw, byy sniu jikdor, tamx, hun, qapp hai langg ee okliam, si miaa qaiwlut hniux.
Zi, siamding hniux. Si qnir hiax:ee sxen og, hyw pnaiw jinghingg, jursimx cingjing be huanluan, miaa jyr siamding hniux.
Snax, diwhui hniux. Dyrr si jursimx cingjing byy gai, vutsii xix vingdingw vutdong diwhui knuar jursingr, be jy og hxing. Suizenn siuiongw jiongw ~ senrliam, marr byy jipdiog dirr juvix simx decc junqingr diongxvuer, quansimx xe vuer, jiauwqor qo'dnuax qapp sanwciah langg. Si miaa diwhui hniux.
Sir, qaixtuad hniux. Dyrr si jursimx dniadiyc, cingjing, byy sniu langg senrog hyxpnaiw dangsaix, jurjai byy gai. Si miaa hyy jyr qaixtuad hniux.
Go, qaixtuad diqenr hniux. jursimx qacc diamrjingg byy hro senrok guarenn kanlenn, m tangx kutsiuw kangsimx jerjing siuhing.
Diyh'air siwquer kir qex yc qex tniax, erdangr zinvad qaqi jursingr, hro tetdew tongdat vudhuad, tangx xix vingdingw kiamvix simx duiwtair jiongwsingx byy liw guaw ee surhang hunvet, itdit qaur vyxcii portee jinsingr jurjai vutvenr. Miaa hyy jyr qaixtuad-diqenr hniux.
Senrdiwsig, jiax:ee hniux qokk langg qaqi dui' simlai sii sii zinrjix lenrsip, mrtangx hiongr simgua cue honghuad duiqiuu.
Jitmaw guaw qra linw dag'ee tuanrsiu byhingg ee camwhuew, tangx bed samser jue, did samgiap (srinx-giap, kauw-giap, ir-giap) cingjing. Sendiwsig, qokk langg duer guaw qangg sii qongw,
Derjuw bxow ~, dui' quewkir jitmaw birlaii qaur ixau be hro gucix ee simliam uziamw. Ixjingg soxx jy og giap gucix jipbee dringw jue, jin longxx camwhuew. Guan id sii siaubet, ingxuanw bue qycc jy giap. Derjuw bxow ~, dui' quekir jitmaw birlaii qaur ixau be hro jurdai kipenr ee simliam uziamw. Ixjingg soxx jy og giap jurdai kipenr dringw jue, jin longxx camwhuew. Guan id sii siaubet, ingxuanw bue qycc jy giap.
Derjuw bxow ~, dui' jaxjing, jitt sii, qapp ixau be hro jipdor ee liamrtauu uziamw. Ixjingg soxx jy og giap jipdor dringw jue, jin longxx camwhuew. Guan id sii siaubet, ingxuanw bue qycc jy giap.
Sendiwsig, ixsiong' dyrr si byhinggg camwhuew.
Siaxmih si qiyr camwhuew?(cniurr qongxx huevuee, qycc he qycc vee.)
Camwhuew jingg jann dui' soxx huan og giap, gucix jitbee, jurdai kipenr, jipdor dringw jue, jin longxx zinrcyr, inxuanw be qycjaiww huan.
Camwhuew au jann, dui' soxx u og giap, jurdai kipenr, jipdor dringw jue, dnaxx dy' qakgno juerqyr, longxx beh dngrjuat, be qycjaiww huan.
Huanhux jipdiog cibee, qo' jaix taujingg zinrcyr, m jaix ixau huexqaiw jueqyr tangx beh dngrjuat, taujingg cywgno byy tingg, ixau juerqyr qycc snex, nacc si camwhuew?
Senrdiwsig, qaur dnaxx huevuee camwhue liauw aw. Qapp dag'ee huad sir dua sewguan, qokk langg rair iongrsimx juwir tniax.
Jurvunxsimx jiongwsingx buvenx sewguan dro, jurvunxsimx huanlyw buvenx sewguan dng,
Jursingr huatmngg bujin sewguan yc, jursingr busiong vut dy sewguan sxingg.
Senrdiwsig, dag'ee dnaxx m si qongw jiongwsingx buvenx sewguan dxo?
Anne qongw, dyrr m si qongw Huirlingg soxx dxo.
Senrdiwsig, simlai jiongw ~ snex, soxui siabee simx, kibongw simx, vutsen simx, jipdor simx, okdok simx, jiax:ee longxx si jiongwsingx. Sui' langg rair ixx jursingr huawdo qaqi, miaa si jinx dxo.
Siaxmih si ixx jursingr dxo huar qaqi?
Dyrr si dui' simlai siaqenr, huanlyw gu'cix sniurliam soxx snex, qorr jingwgenr dxo huar siaqenr.
Dyrr u jingwqenr hro prajna diwhui tekiw laii pah puar gu'cix bebongw jiongwsingx simx, qaqi dxo huar qaqi. Ixx jniar dxo siaa, ixx gno dxo bee, sxen dxo og, diwhui dxo gu'cix. Narr anne jurdo :ee, si miaa jinx dxo.
Qycc huanlyw bujin sewguan dng, qra jursingr prajna diwhui kiwduu hibongw sniurliam simx dyrr si ar.
Qycc huatmngg buliong sewguan yc, rair iong jingwkag ee jywhuad hro qaqi qenr-singr, si miaa jinx yc.
Qycc qongw busiong vut dy sewguan sxingg, qiwzenn sisiong erdangr simx qniaa jingwdy li cibee, li qakdix, sisiong snex prajna diwhui qaixduu jinqew bongrliam, qongw liauw jiksii qenr vudsingr, sui' sxingg vut dy. Anne dyrr si sii sii siuhing sniurliam ee guanrlik hxuad.
Senrdiwsig, jitmaw huad sir dua guan liauw, qycc beh qra senrdiwsing tuansiu byhingg ee sxmax qui'iqair.
Senrdiwsig, qui'ix jurqag, did hokhui siangsiux ho'ngg junqingr. Qui'ix jingwliam, erdid li iok ho'ngg junquir. Qui'ix cingjing simx, erdangr li huan'nauw gucix jiongwsingsimx hro langg jundiong.
An' qinaxzit kiw, xix jurqag uirr srux, qykacc m xix siamoo guardy. Ixx jursingr samvyw tangx sisiongg qaqi jingwbingg.
Krngr Senrdiwsig, qui'ix jursingr samvyw. Qui'ix Vuddyy si jurqag, vudhuad si jingwliam, jingqax si cingjing.
Jurvunxsimx qui'ix jurqag, bue snex sialiam, siauxiok dijiog erdangr li jaisig, miaa nng-jiog-junx.
Jurvunxsimx qui'ix jingwliam, byy siaqenr. Dyrr byy hunvet mia'ui quanqe jipdiog qiaugno tam'air iogbong, miaa jyr li-iok-junx.
Jurvunxsimx qui'ix cingjing, itcer huanlyy aiwiok qingxqair, jursingr longxx bue uziamw ingxhiongw, miaa jyr jiongww-diongx-junx.
Anne siuhing si qui'ix jursimx jursingr. Sewqanlangg berhiauw, jit zit quer jit zit (qaur amr) cue beh siu sxamx qui'iqair.
Narr qongw qui'ix vuddyy, vut dirr dyc'ui? Narr cue byy vut, beh vin' siaxmih qui'ix? Jitt qxur ue suacc venr bongrgiw.
Senrdiwsig, qokk langg quancad mrtangx iong simx cywgno. Qingbunn hunbingg si qui'ix jursingr vut, byy qongw qui'ix qitax vut.
Jursingr vut m qui'ix, byy der uaxkyr. Dnaxx qycc jiax jurqag, qokk langg rair qui'ix jursingr samvyw.
Laijai diauhyy cingjing jursimx, guarjai vingdingw duiwtai vadd langg, si qui'ix jursingr ar. Senrdiwsig, qacc qui'ix jursingr samvyw, qokk langg rair iong simx tniax.
Guaw beh laii qongw “Id tew sxamx srinx jursingr vut” hro linw tangx qnir sxamx srinx, zinrbad qaqi jurqag jursingr. Dag'ee duer guaw qongw,
Dirr jurvunw srinx, qui'ix cingjing huatsinx vut.
Dirr jurvunw srinx, qui'ix cxingx vah ig huatsinx vut.
Dirr jurvunw srinx, qui'ix guanbuanw vywsinx vut.
Senrdiwsig, bacsinx si jurtec jiyh druar, berdangr uaxkyr. Soxu sxamx-srinx- vut dirr jursingr lairbin. Sewqanlangg jongww u hro qaqi simx soxx bee, m bad jursingr, qo' gua qriuu sxamx-srinx-vut, m jaix qaqi srinx lai dyrr u.
Linw dag'ee tniax guaw qongw, hro linw dirr qaqi qenr jursingr u sxamx-srinx-vut. Jitt sxamx-srinx-vut dui' jursingr snex, m si dui' gua qriuu did.
Anxjnuaw si cingjing huatsinx? Sewqanlangg vunxsingr cingjing, ban-su-ban-hxang dui' jursingr snex. Sniurliam itcer og su, dyrr kiw jy og hxing. Sniurliam itcer sxen su, dyrr kiw jy senrhingg.
Jiax jiongw ~ surhang, jairr jursingr lai, cancniu zit qapp guec sii sii cniurr tnix cingbingg. U sii hro hunn ziakamr, suacc hunn dingw qngx erbin amr, hutzenqanx hongx cuex hunn snruar, dingw xe tong' bingg, bxan Hxang jin henr. Sewqanlangg simsingr byy dnia, dyrr cniurr tnix-dingw puu hunn.
Serdiwsing, diwhui cancniu zit guec, qngx bingg. Naxx hro bongxliam puu hunn kamr diyc jursingr, diauu dirdecc gua vingg, zit guec bue did qongbingg.
Narr duw dyic Senrdiwsig, tniax jinjniar ee honghuad, qaqi duu jipbee bongrsiongw, jursimx lai gua cingjing vutdong, dirr jursingr lai banrsu-banrhang jin henr, b.-bingvik-v., qenr-singr ee langg iarr si anne. Miaa jyr cingjing huatsinx vut.
Senrdiwsig, jurvunxsimx xix kyr jursingr, si qui'ix jinx vutsingr.
Qui'ix jursingr jiarr, kiwduu jursingr simlai, vutsen jipdor, jurdai gnoxban, jipdiog kibongw, kinsi daiban langg, siaqenr qiauqno simx, qapp vutsamsii vutsen ee hinguii.
Sisiong knuar qaqi ee qywcyr, byy qongw vadd langg ee hyw-pnaiw, si qui'ix jursingr. Sisiong rair iong kiamvix simx poxpenr qiongqingr duiwtair vadd langg, jiacc si qenr-singr, simir tongdat, qykacc byy-kuar.-byy-gai, si qui'ix jursingr.
Siaxmih si cingx vah ig huawsinx? Narr mair sniu, banrsu singwjid vunxlaii kangkangx cniu' vehjuaw, byy siaw zri byy rue doo. Jit xe sniurliam kiw dyrr venwhuar. Sniu pnaiw dai huar jyr dergak, sniu hyw dai, huar jyr tendngg. Doghing hai langg huar jyr og lringg dok juaa, juvix simx huar jyr posad.
Diwhui huar jyr tendngg, gu’cix huar jyr dergak. Jursingr ee venwhuar bxan-cingx, jipbee ee langg berdangr qakcaa. Sniurliam kiw og, dyrr qniaa kir pnaiw lo. Simliam dycdngw .laii sniu ongw jusen, prajna diwhui dyrr snex. Jex miaa jyr jursingr huarwsinx vut.
Siaxmih si guanrbuanw vywsinx vut? Kyxviw jit pax dinghuew erdangr duu cingx nii amwsig, jit diamw diwhue erdangr bet bxan nii gu’cix. Mair sniu quewkir, quewkir berdangr dngw .laii. Rair sniu ixau kiw sii sii cingjing qongbingg simx, qaqi diyhh e qnir vunxsingr.
Sxen og simliam suizenn byy qangg, vunxsingr byy hunx jyr nng, Vunxsingr siy' qangg, miaa jyr sidsingr. Dirr sidsingr diongx, be hro senrliam iacc okliam uziamw. Jex miaa jyr guanrbuanw vywsinx vut.
Jursingr jit kiw okliam, banrqiab soxx jy ee sxen giap inenn jin bet. Jursingr jit kiw senrliam, erdid jin duu Hinghyy suax hiacc je ee og giap. Itdid qaur busiong ee potee jurqag. Sii sii qnir qaqi jursing, byy sid vunxsimx cingjing ee liamtauu, miaa hy jyr “vywsinx”.
Dui' huatsinx laii sniu, dyrr si huawsinx vut, vutsii qenr qaqi sursingr, qycc dyrr si vywsinx vut. Qaqi texgno, qaqi siuhing jursingr qongdig, si jinjniar qui'ix. Pebah si sigsinx, sigsinx si qecdiamr jiamrduar, berdangr sngr qui'ix .ar. Qo'
jingwgno jursingr ee samsinx, jiacc si qenr jursingr vut.
Guaw u jit kxig “Buhingg Suu”, narr erdangr cniuwliam, cniur liauw e hro linw soxx bxan ~ nii luixjig ee juergiap itsiqanx tangx siaubet. Anne cniur qongw,
Langg bee sriux hokvyr m sriux jniawdy, qo' sniu qriuu hokvyr dyrr si dy.
Vowsix samwciah hongriongw laurlangg hokvyr dua,
Mrqycc jiax hokvyr si dui' sxamx-dok simx ee sniurliam jyr .laii,
Junw beh srxiu hokdig tangx bed jue, au sxer hokvyr, jue iaxx duer.
Dna' dui' simlai kiwduu juerog in'enn, qokk langg uirr jursingr jinx camwhuew,
Dudzenn qakgno dairsingr hxuad jinx camwhuew, kiwduu siahuad qniaa jniar lo dyrr byy jue.
Sriux dy narr sisiongg qnir jursingr, diyhh si qapp jiongww vut qangg kuanw.
Joxsux qodna tuann jex dunrgno dairhuad, ngwbang lanw juewdin qenr-singr.
Narr beh jionglaii cue diyc huatsinx vunxsingr, dyrr li jiongww ~ simx, hro jursingr cingjing jurjai,
Pacvniar hagsip hro tangx qaqi qenr-singr, m tangx zidjiw kangx quer,
Aurliam simx narr dudzenn dngrjuad, jit sxer diyc quer .kir.
Narr kaigno dairsingr erdid qenr-singr, kensingg hap jiangw duiww simx qriuu.
Dairsux qongw, “Senrdiwsig, longxx rair cniuwliam. Xix jex siuhingg, tniax qongw jit kunr aw ue dyrr qenr-singr, suizenn li guaw cingx lxiw hng, iarr cniu' dirr guaw sinvnix. Anne qongw narr vutdix, vutqag, lanw siy' duiwbin, marr li cingx lxiw hiacc hngg, nacc diyhair dui' hiacc hngg laii? Dag'ee vyxdiong tangx dngw .kir.
Jingwlangg jniarhuad tniax liauw, dag'ee dyrr qakcniw kaigno qenr-singr senhuad, longxx jin' hnuahiw jiauww jyr .kir.