SXINGR PAUL SIAW HRO ROMALANGG EE PUEX
1 Jesus Krist ee lovok Paul, siurr driaur juer suwdoo, pair ix laii tuann Siongrder ee hok'imx,
2 Dyrr si Siongrder jiongjenn tog Ix jiaxee sendix dirr Singwqingx soxx ingwunw :ee,
3 Lun Ix ee Qniaw, jiauww ziogtew si dui' David ee horer snix :ee,
4 Jiauww singwdig ee Sinn dyrr si dui' sixlangg ee qycc uac, ing quanlingg henxbingg Ix si Siongrder ee Qniaw, dyrr si lanw ee Jruw Jesus Krist.
5 Guanw dui' Ix sriu xunx qapp suwdoo ee jithun, beh uirdiyhh Ix ee miaa hro langg dirr banrvangx diongx sinr laii sunrtanr;
6 Jiongdiongx iarr u linw jiaxee siurr driaur sriok Jesus Krist :ee.
7 Guaw qra puex qiar hro qniwnarr druar dirr Rloma, Siongrder soxx tniar, siurr driaur juer singwdoo :ee: guan linw dui' lanw ee Ve Siongrder qapp Jruw Jesus Krist did diyc undenw ving'anx.
8 Tauu jit hxang, in'ui linw ee sinr vywiongg dirr tong' sewqanx, soxiw guaw duiww Jesus Krist uirdiyhh linw jiongww langg qamxsia guaw ee Siongrder.
9 In'ui guaw dirr Ix ee Qniaw ee hok'imx, ing guaw ee sinn soxx hogsai ee Siongrder juer guaw ee qanjingr, guaw jnaixngiu siauwliam linw byy suah;
10 Qidyw ee diongqanx siongsiongg qriuu, knuar jitt diap u tangx jiauww Siongrder ee jixir did diyc vnitnaw ee lo jiurqin linw,
11 Tangx jiong' sinlingg ee unsur vunx hro linw, hro linw qenqor;
12 Dyrr si guaw dirr linw diongqanx, linw dui' guaw ee sinr, guaw dui' linw ee sinr, dairqex did diyc an'uir.
13 Hniadi ar, guaw m rair linw m jaix guaw jerje vaiw libjir beh jiurqin linw, rair dirr linw diongqanx did diyc quexjiw cincniu dirr qi'uu ee guarvangx; danrsi qaur dnaxx iauxx u joxdongr.
14 Bylun Gleeklangg iacc si huanrlangg, cangmiaa :ee iacc si gugong :ee, guaw longxx kiamr inx ee jer.
15 Soxiw jairdirr guaw longxx ven ven, beh ing hok'imx suar tuann hro linw druar dirr Rloma ee langg.
16 In'ui guaw byy liac hok'imx juer qenwsiaur, Siongrder ee quanlingg beh qiur longxjongw sinr ee langg, dairsingx Judea, au .laii Gleek.
17 In'ui dirr hok'imx ee lairbin u henxbingg Siongrder ee gi, dui' sinr qaur dirr sinr; jiauww Singwqingx soxx qiwjair qongxx, "Gi ee langg beh dui' sinr laii uac."
18 In'ui Siongrder ee siurkir dui' tnix henxbingg qaur dirr longxjongw ee vutkenn vutgi ee langg, dyrr si ing vutgi apjer jinliw ee langg;
19 In'ui lun qaur Siongrder, langg soxx tangx bad Ix :ee, u henxbingg dirr inx ee simlai, in'ui Siongrder bad henxbingg jixsi inx;
20 In'ui dui' congwjy sewqanx ixlaii, Siongrder ingxuanw ee quanlingg qapp singwjid, huanrr soxx be knuar qnir Ix :ee, dui' siurr congwjy ee mic, sniu liauw dyrr bingg bingg knuar .qnir, hro inx byy lo tangx tetog.
21 In'ui inx qiwzenn bad Siongrder, danrsi byy ingqngx Ix juer Siongrder, iarr byy qamxsia Ix; inx ee susniu vnir juer kangx kangx, inx ee be hiauxgno ee simx vnir juer oamr;
22 Qaqi cxingx juer diwsig, huanxdngw juer gong,
23 Jiong' be vairhuai ee Siongrder ee ingqngx laii ngua e vairhuai ee langg qapp kimsiur tangtua jiaxee sxiong ee kuanxsid.
24 Soxiw jiauww inx simlai ee su'iok, Siongrder qauhur inx dirr byy cingkir, hro inx ee sinkux sna' lingziok;
25 Inx ing Siongrder ee jinx ngua juer qew, qingwvair hogsai siurr jy ee mic, kacc quewtauu dirr jy mic ee Jruw; Ix si kamx did ylyw qaur dairdai :ee. Amen.
26 In'ui anxnix, Siongrder qauhur inx dirr qenwsiaur ee jxingg; inx ee hurzinlangg ing sunrsingr ee loring vnir juer gigsingr ee loring;
27 Davolangg iarr anxnix vangwsag hurzinlangg sunrsingr ee loring, sna' iwair, ioghuew drong simx, davox qapp davox qniaa byy jingwqingx ee su; dirr inx vunxsinx siurr inx cabiu soxx ingqaix duw .diyc ee vywingr.
28 Inx qiwzenn m kingw jrunn Siongrder dirr inx ee simsux, Siongrder qauhur inx dirr vutdiongwiong ee simx, qniaa byy habgii ee su,
29 Ciongmuaw longxjongw ee vutgi, pnaiw dai, tamsimx, okdok, muaw muaw uanwdor, hinghiongx, sna’ jnex, qanjar, caur simhing,
30 Juer qongw kajiac'aurue :ee, huixvongr :ee, uanwhun Siongrder :ee, buxban :ee, qiau'gno :ee, pinxpongw :ee, jyrjog pnaiw dai :ee, gnoxgik verbuw :ee, byy bingliw :ee, byy siuw iog :ee, byy cinlangjingg :ee, byy linbinw :ee.
31 Inx qiwzenn jaix Siongrder e gixduan qniaa jiaxee dairjir ee langg ingqaix siw, m na qaqi qniaa nardnia, vadd langg qniaa, inx iarr qapp inx hnuahiw.
2 Soxiw qniwnarr gixduan langg ee langg ar, liw byy tangx tetog; in'ui liw soxx gixduan vadd langg :ee, duxduxx si gixdnia qaqi; in'ui liw decc gixduan langg', qaqi iarr anxnix qniaa.
2 Lanw jaix Siongrder si jiauww jinliw laii gixduan qniaa anxnix ee langg.
3 Liw jitt hy langg ar, langg qniaa anxnix liw gixduan ix, liw iarr qaqi kir qniaa, liw pacsngr e dysiamw Siongrder ee gixduan mah?
4 Iacc si knuawkinx Ix qik dua ee zinjuu, kuan'iongg, tunlunw, m jaix Siongrder ee zinjuu si beh cua liw huanxhuew?
5 Liw qingwzenn jiauww liw ee gnirsimx qapp m huanxhuew ee simx, uirr qaqi jikju siurkir dirr siurkir ee zit, dyrr si Siongrder gi ee simxpnuar henxbingg ee zit,
6 Ix beh jiauww dagg langg ee soxx qniaa laii vywingr ix;
7 Qniwnarr minua qniaa hyw, qriuu ingqngx, junquir qapp be vairhuai :ee, dyrr jiong' ingxuac vyr ix;
8 Qniwnarr qetdongw, byy tranr jinliw laii tranr vutgi :ee, dyrr u uanwhun qapp siurkir,
9 Jiong' huanrlan qapp kunwkow, qaur dirr longxjongw qniaa pnaiw ee langg, dairsingx Judea, au .laii Gleek;
10 Danrsi ingqngx, junquir, ving'anx qaur dirr longxjongw qniaa hyw ee langg, dairsingx Judea, au .laii Gleek.
11 In'ui Siongrder byy jiauww guarmau cruw langg.
12 In'ui qniwnarr byy ludhuad laii huanrjue :ee, iarr beh byy ludhuad laii dimlunn; qniwnarr dirr ludhuad laii huanrjue :ee, beh dui' ludhuad siurr simxpnuar.
13 In'ui dirr Siongrder ee binrjingg, m si tniax ludhuad :ee juer gi, si qniaa ludhuad :ee beh cxingx juer gi.
14 In'ui byy ludhuad ee guarvanglangg, dui' vunxsingr laii si qniaa ludhuad ee sii, inx suizenn byy ludhuad, si qaqi juer qaqi ee ludhuad.
15 Jex si henxbingg ludhuad ee qong'iong kig dirr inx ee simx, inx ee liongsimx snaqab juer qanjingr, inx ee liamrtauu ursii sna' jikvi, ursii sna' kuansur;
16 Dirr Siongrder ing Jesus Krist simxpnuar langg unxbat ee su hitt zit, si jiauww guaw ee hok'imx soxx qongw.
17 Liw cxingx juer Judealangg, uaxkyr ludhuad, liac Siongrder laii juer kuakauw,
18 Ixqing’ dui' ludhuad laii hagsip, jaix Ix ee jixir, qycc hunvet hiaxee jiww hyw :ee,
19 Qycc cimx sinr qaqi si juer cnimilangg ee cuarlo :ee, diamr dirr oamr :ee ee qngx,
20 Gong langg ee sensnix, ginxaw ee qauwsip, dirr ludhuad lai u diwsig qapp jinliw ee bo'ngiu.
21 Liw qaqi qawsi vadd langg, suacc byy qawsi qaqi ar? Liw suantuann qongxx m tangx tautec, qaqi suacc tautec ar?
22 Liw qongw m tangx qniaa imm, qaqi suacc qan'imm ar? Liw iamwngor gnoxsiong, qaqi suacc cniuw qingbiy ar?
23 Liw liac ludhuad juer kuakauw, qaqi suacc huan ludhuad lingziok Siongrder ar?
24 Siongrder ee miaa uirdiyhh linw siurr vongwdok dirr guarvangx diongx, jiauww soxx qiwjair :ee.
25 Liw narr qniaa ludhuad, qatlew dyrr u lirig; liw narr huan diyc ludhuad, liw ee qatlew dyrr byy sngr juer qatlew.
26 Soxiw byy siurr qatlew :ee narr siuw ludhuad ee quile, ix ee byy qatlew qamxx byy beh sngr juer qatlew mah?
27 Qycc snisingg byy qatlew laii jin ludhuad :ee, qamxx byy beh gixduan liw u bunzi qapp qatlew suacc laii huanrhuad :ee mah?
28 In'ui guarpuee juer Judealangg :ee m si Judealangg, dirr ziogtew guarpuee ee qatlew m si qatlew.
29 Dogdok lairbin juer Judealangg :ee jiacc si Judealangg, qycc simlai ee qatlew jiacc si qatlew, jairdirr sinn, m si jairdirr bunzi; ix ee did diyc ylyw m si dui' langg, si dui' Siongrder.
3 Anxnix, dyrr Judealangg u simxmih qenwdiongg? Qatlew u simxmih lirig ar?
2 Bylun knuar daxlyc jit bin, longxx dua dua u lirig. Derr id si Siongrder ee jiauwgenn u qautog inx.
3 Setsuw uree byy sinr, qycc jnaixngiu? Inx ee byy sinr e huewbyy Siongrder ee sinwsit mah?
4 Duanrduan m si. Diyhh zin Siongrder juer jinsit, langg longxx juer vehcat; jiauww soxx qiwjair qongxx, "Hro liw dirr liw soxx qongw :ee cxingx juer gi, dirr siurr simxpnuar ee sii, did diyc kacc ngiaa."
5 Guaw dnaxx tranr langg ee kuanw laii qongw, lanw ee vutgi narr henxbingg Siongrder ee gi, lanw beh jnaixngiu qongw? Siongrder qangr lyc siurkir, Ix iarr si vutgi mah?
6 Duanrduan m si; narr anxnix, Siongrder taixtyw e simxpnuar sewqanx ar?
7 Narr guaw ee vehcat ithuad henxbingg Siongrder ee jinsit, hro Ix naxx ingqngx, guaw jnaixngiu iuguann siurr simxpnuar, cincniu juerzinn ar?
8 Sniaw su byy qongw, lanw laii kir juer pnaiw, hro hyw su e jniaa? Jex ue si guanw soxx sriu ee huixvongr, langg iarr qongw guanw u anxnix decc qongw; hitt hy langg siurr dring jue si qongdy.
9 Jex si jnaixngiu? Lanw u kacc sux mah? Longxx byy. In'ui guanw ixqing’ jingwbingg Judea qapp Gleeklangg longxx u jue;
10 Jiauww soxx qiwjair qongxx, "Longxx byy girlangg, lenrr jit xee iarr byy;
11 Byy langg hiauxgno, byy langg cue Siongrder;
12 Longxjongw uaicuac, dangjee vnir juer byy lirig; byy u qniaa hyw :ee, lenrr vnuar xee iarr byy;
13 Inx ee na'auu si puar kuix ee bong; inx ing jic qongw qanjar; inx ee cuiwdunn u juaa ee dok;
14 Inx ee cuir muaw muaw okdok ee jiuwjow;
15 Inx ee kax qinw qinw jauw, rair hro langg lrauu huih,
16 Dirr inx ee lo u janhai qapp koxlan;
17 Ving'anx ee lo inx m bad,
18 Inx ee bagjiux jingg byy u qnia'uir Siongrder."
19 Dnaxx lanw jaix qniwnarr ludhuad soxx qongw :ee si duiww ludhuad xe ee langg laii qongw, beh tad bat jiongww langg ee cuir, hro tong' sewqanx dirr Siongrder ee binrjingg siurr griw jue.
20 Dui' tranr ludhuad byy langg erdid dirr Siongrder ee binrjingg cxingx juer gi; in'ui ludhuad si hro langg jaix u jue.
21 Dnaxx dirr ludhuad ixgua, Siongrder ee gi ixqing’ henxbingg, ludhuad qapp Sendix qra juer qanjingr;
22 Dyrr si Siongrder ee gi, dui' sinr Jesus Krist qaur dirr longxjongw sinr ee langg, longxx byy jingcax.
23 In'ui jiongww langg ixqing’ huanrjue, Siongrder ee ingqngx did byy diyc;
24 Dnaxx uirdiyhh Ix ee undenw, dui' Krist Jesus ee sioghuee, vehvec did diyc cxingx juer gi,
25 Dyrr si Siongrder soxx henxzenn setlip juer banxhuee ee jrer :ee, dui' sinr, dui' Ix ee huih, beh henxbingg Ix qaqi ee gi, in'ui Siongrder u kuan'iongg, byy quiqiu jingg dai ee jue.
26 Dirr henrjai ee sidai, Ix rair henxbingg Ix ee gi, hro Ix vunxsinx juer gi, qycc cxingx hitt xee sinr Jesus ee langg juer gi.
27 Anxnisnix dirr daxlyc tangx kuakauw? Juanzenn byy lar. Dui' simxmih hxuad hro ix byy? Dui' qniaa ee hxuad mah? M si, si dui' sinr ee hxuad.
28 Soxiw guanw gixdnia langg cxingx juer gi si dui' sinr, m si dui' tranr ludhuad.
29 Qycc Siongrder dogdok si Judealangg ee Siongrder mah? Qamxx iarr m si guarvanglangg ee Siongrder mah? Si, iarr si guarvanglangg ee;
30 In'ui Siongrder si jit xee, Ix beh ing sinr cxingx siurr qatlew ee langg juer gi, iarr beh dui' jitt xee sinr cxingx byy siurr qatlew ee langg juer gi.
31 Anxnix, lanw dui' sinr huewbyy ludhuad mah? Duanrduan m si; huanxdngw si hro ludhuad kia jai.
4 Anxnix lanw beh qongw lanw ziogtew ee jow Ablaham u did diyc simxmih?
2 In'ui Ablaham narr dui' soxx qniaa did diyc cxingx juer gi, dyrr tangx kuakauw; danrsi dirr Siongrder jingg si byy.
3 Singwqingx qongw simxmih? "Ablaham sinr Siongrder, dyrr qra ix sngr juer gi."
4 Dnaxx qniwnarr juer qangx :ee, ix ee qangjnii byy sngr si undenw, sngr si ingqaix :ee.
5 Narr si byy juer qangx :ee, dogdok sinr hitt xee cxingx vutkenn ee langg juer gi :ee, ix ee sinr dyrr qra ix sngr juer gi.
6 Cincniu David qongw kiw langg longxx byy soxx qniaa, laii did diyc Siongrder sngr ix juer gi :ee, u hokkir.
7 Ix si qongw, "Inx ee vuthuad did diyc siawbenw, inx ee juerog did diyc ziakamr, hitt hy langg u hokkir;
8 Jruw byy beh ing jue sngr ix ee siaur :ee, hitt xee langg u hokkir."
9 Dnaxx jitt xee hokkir si qaur dirr siurr qatlew :ee, iacc si iarr qaur dirr byy siurr qatlew :ee ar? In'ui lanw decc qongw, Ablaham ee sinr si qra ix sngr juer gi.
10 Anxnix si jnaixngiu sngr? Si dirr siurr qatlew ee sii, iacc si dirr byy siurr qatlew ee sii? M si dirr siurr qatlew ee sii, si dirr byy siurr qatlew ee sii.
11 Ix iarr did diyc qatlew ee qiwhy, dyrr si dirr byy siurr qatlew ee sii dui' sinr soxu ee gi ee inwsinr; hro ix tangx juer longxjongw byy siurr qatlew laii sinr ee langg ee ve, hro gi tangx sngr inx ee;
12 Iarr hro ix juer siurr qatlew ee langg ee ve, dyrr si hiaxee m na siurr qatlew, qycc u tranr lanw ee ve Ablaham bue siurr qatlew ee sii laii sinr ee kavo :ee.
13 In'ui soxx ingwunw Ablaham qapp ix ee horer juer horsuu singjiab sewqanx :ee, m si dui' ludhuad, si dui' sinr ee gi.
14 In'ui narr sriok ludhuad :ee juer horsuu, sinr dyrr qruix dirr kangx kangx, ingwunw iarr huewbyy.
15 In'ui ludhuad si drir qaur siurkir; narr byy ludhuad, dyrr byy huan .diyc.
16 Soxiw si dui' sinr, tangx jiauww undenw, beh hro ingwunw qenqor dirr jiongww horer, m na dirr hitt xee sriok ludhuad :ee, iarr dirr sriok Ablaham ee sinr :ee,
17 Ix dirr ix soxx sinr ee Siongrder ee binrjingg juer lanw jiongww langg ee ve, dyrr si hitt xee hro sixlangg qycc uac, qiyr hiaxee byy :ee naxx cincniu u :ee ee Siongrder; jiauww soxx qiwjair qongxx, "Guaw setlip liw juer jerje vangqog ee ve."
18 Ix dirr byy tangx ngwbang ee diongqanx, dui' ngwbang laii sinr, hro ix tangx jniaa juer jerje vangqog ee ve, jiauww soxx bad qongw :ee, "Liw ee horer beh cincniu anxnix."
19 Ix sniu diyc qaqi ee sinkux cincniu ixqing’ siw, (hitt sii jnia' vah huer), qycc Salah ee tai'in ixqing’ juat, ix ee sinr byy nngxjniaw.
20 Ix knuar Siongrder ee ingwunw, iarr byy dui' m sinr laii giaugii; sinr naxx iongxqnia, laii qruix ingqngx Siongrder;
21 Qycc cimx sinr Siongrder e jniaa Ix soxx ingwunw :ee,
22 Soxiw qra ix sngr juer gi.
23 Dnaxx soxx qongw "qra ix sngr juer gi", jitt qxur m si qandna' uirdiyhh ix laii siaw,
24 Iarr si uirdiyhh lanw; lanw narr sinwkyr hitt xee hro lanw ee Jruw Jesus dui' sixlangg diongx qycc uac ee Siongrder, iarr beh qra lanw sngr juer gi.
25 Jesus bad uirdiyhh lanw ee jue siurr qewsangr, qycc uirdiyhh lanw ee cxingx juer gi laii did diyc qycc uac.
5 Soxiw lanw ixqing’ dui' sinr cxingx juer gi, dyrr dui' lanw ee Jruw Jesus Krist u qapp Siongrder hxyy;
2 Iarr uaxkyr Ix, dui' sinr laii zip dirr henrjai soxx druar ee undenw, qycc h.-hnuahiw-h. ngwbang Siongrder ee ingqngx.
3 M na anxnix, dirr huanrlan iarr h.-hnuahiw-h., in'ui jaix huanrlan snix cud tunlunw;
4 Tunlunw snix cud lauxlen; lauxlen snix cud ngwbang;
5 Iarr ngwbang byy drir qaur qenwsiaur; in'ui Siongrder ee tniar dui' soxx sniuxsur lanw ee Singwsinn laii quanwag lanw ee simx.
6 In'ui lanw iauxquxx luanxziok ee sii, Krist qaur qrii ter u jue ee langg siw.
7 In'ui ter girlangg siw :ee, yh did u; ter hyw langg siw :ee, qiamxcaiw u langg qnaw.
8 Danrsi Siongrder henxbingg Ix vunxsinx tniar lanw ee tniawtangr, in'ui lanw iauxquxx juer juerzinn ee sii, Krist ter lanw siw;
9 Hyhongw lanw ixqing’ dirr Ix ee huih did diyc cxingx juer gi, beh dui' Ix did diyc qiur, benw did hitt xee siurkir ar.
10 Narr lanw iauxquxx juer duiwdik ee sii, dui' Ix ee Qniaw ee siw did diyc qapp Siongrder qycc hxyy, hyhongw ixqing’ qycc hxyy, beh dirr Ix ee uac did diyc qiur ar.
11 M na anxnix, lanw henrjai ixqing’ dui' lanw ee Jruw Jesus Krist did diyc qycc hxyy, qycc dui' Ix iarr liac Siongrder juer tangx kuakauw :ee.
12 Soxiw cincniu jue dui' jit langg zip sewqanx, siw iarr dui' jue zip, anxnix siw venwvenr qaur dirr jiongww langg, in'ui jiongww langg bad huanrjue;
13 In'ui ludhuad bue qaur ee sii, jue ixqing’ dirr sewqanx; dogdok byy ludhuad dilehh, jue dyrr byy sngwsiaur.
14 Danrsi dui' Adam qaur Moses, lenrr hiaxee byy huan diyc cincniu Adam huan diyc qimwling ee kuanw :ee, siw iarr longxx hro quanxhad; Adam si duewau qaur :ee ee snaduir.
15 Danrsi juerquar vutviw unsur. In'ui narr dui' jit langg ee juerquar drir qaur jiongww langg siw, dyrr Siongrder ee undenw, qapp dirr Jesus Krist jit langg undenw diongx ee sniuxsur, qyckacc e ciongmuaw dirr jiongww langg ar.
16 Qycc dui' jit langg ee huanrjue, iarr vutviw unsur; in'ui simxpnuar si dui' jit langg, drir qaur dring jue, danrsi unsur si dui' jerje juerquar, drir qaur druan juer gi.
17 In'ui narr uirdiyhh jit langg ee juerquar, siw dyrr dui' jitt langg juer ongg, hyhongw hiaxee siurr undenw qapp gi ee sniuxsur ciongmuaw :ee beh dui' Jesus Krist jit xee, dirr uac ee diongqanx juer ongg ar.
18 Anxnix cincniu dui' jit vaiw ee juerquar u drir qaur jiongww langg siurr dring jue, dyrr dui' jit vaiw gi ee soxx qniaa iarr drir qaur jiongww langg siurr gixduan did diyc uac.
19 In'ui cincniu dui' jit langg ee uiqec hro jiongww langg juer u jue :ee, dyrr dui' jit langg ee sunrtanr hro jiongww langg juer u gi :ee, iarr si anxnix.
20 Qycc qex camx ludhuad .lyc .kir, beh hro juerquar qetnix jerje. Jongwsirr juerquar jerje, dyrr undenw dirr hiax ithuad ciongmuaw;
21 Dyrr cincniu jue bad juer ongg dirr siw ee diongqanx, undenw iarr beh cincniu anxnix dui' gi laii juer ongg, si dui' lanw ee Jruw Jesus Krist drir qaur ingxuac.
6 Anxnix lanw beh jnaixngiu qongw? Jongw byy dngdngg diamr dirr juerog, hro undenw qetnix jerje mah?
2 Duanrduan m tangx. Lanw ngr jue hitt bin si ixqing’ siw :ee, qamxx beh iuguann dirr jue-diongx laii uac mah?
3 Qamxx m jaix lanw qniwnarr bad siurr sexlew laii zip dirr Krist Jesus :ee, si siurr sexlew laii zip Ix ee siw.
4 Soxiw lanw qiwzenn dui' sexlew laii zip dirr siw, qapp Ix dangjee baijongr; si cincniu Krist dui' Ve ee ingqngx dui' sixlangg diongx qycc uac, iarr beh hro lanw anxnix qniaa dirr uahmia ee sinx kuanw.
5 In'ui lanw narr lenhap dirr Ix siw ee kuanxsid, iarr beh lenhap dirr Ix qycc uac ee kuanxsid;
6 Si jaix lanw qu ee langg qapp Ix dangjee ho'ngg dingr, hro jue ee tew e hruer .kir, drir qaur lanw byy qycc juer juerog ee lojaii.
7 In'ui ixqing’ siw :ee si did diyc cxingx juer gi, laii tuatli jue.
8 Dnaxx lanw narr qapp Krist dauwdin siw, dyrr beh qapp Ix dauwdin uac;
9 Jaix Krist ixqing’ dui' sixlangg diongx qycc uac byy qycc siw, siw byy qycc quanxhad Ix.
10 In'ui Ix ee siw si ngr jue juer siw jit vaiw, Ix ee uac si ngr Siongrder laii uac.
11 Anxnix linw diamr dirr Krist Jesus diyhh knuar qaqi ngr jue si siw, ngr Siongrder si uac.
12 Soxiw byc did iong'unw juerog juer ongg dirr linw e siw ee sinkux, drir qaur linw sunrtanr ix ee su'iok;
13 Iarr byc did jiong' linw ee vactew henr hro juerog juer vutgi ee kiwqu, diyhh jiong' vunxsinx henr hro Siongrder, cincniu dui' sixlangg diongx laii uac :ee, iarr henr linw ee vactew hro Siongrder, juer gi ee kiwqu.
14 Juerog byy qycc quanxhad linw, in'ui linw m si dirr ludhuad xe, si dirr undenw xe.
15 Anxnix dyrr jnaixngiu? Lanw qiwzenn m si dirr ludhuad xe, si undenw xe, tangx huanrjue mah? Duanrduan m tangx.
16 Qamxx m jaix linw henr vunxsinx juer lovok laii sunrtanr, dyrr si juer soxx sunrtanr :ee ee lovok? Juer juerog ee lovok drir qaur siw, iacc si juer sunrtanr ee lovok drir qaur gi?
17 Qamxsia Siongrder in'ui linw jingg juer juerog ee lovok, dnaxx linw hnuahiw kir sunrtanr linw soxx zip hitt xee qauwhunr ee quiboo.
18 Linw ixqing’ did diyc tauxvangr tuatli jue, dyrr juer gi ee lovok.
19 Guaw in'ui linw ziogtew ee luanxziok, dyrr jiauww langg ee su laii qongw; in'ui cincniu linw bad ing linw ee vactew henr hro uwuer vuthuad juer lovok, drir qaur vuthuad, dnaxx diyhh jiauww anxnix ing linw ee vactew henr hro gi juer lovok, drir qaur jniaa sxingr.
20 In'ui linw jingg juer juerog ee lovok, hitt sii linw byy hro gi quanxhad.
21 Linw henrjai soxx qenwsiaur :ee, dng' hitt sii linw did diyc simxmih quexjiw ar? Inx ee qetqiok dyrr si siw.
22 Dnaxx linw ixqing’ did diyc tauxvangr tuatli juerog, laii juer Siongrder ee lovok, did diyc quexjiw drir qaur jniaa sxingr, hitt xee qetqiok si ingxuac.
23 In'ui juerog ee qangjnii si siw, dogdok Siongrder ee unsur jairdirr lanw ee Jruw Krist Jesus si ingxuac.
7 Hniadi ar, (guaw dnaxx si qapp bad ludhuad :ee decc qongw), linw qamxx m jaix ludhuad quanw langg qaur ix jit siwlangg mah?
2 In'ui u diongrhux ee hurzinlangg, diongrhux uac lehh ee sii, ix dyrr hro ludhuad soxx vak laii duer ix ee diongrhux; diongrhux narr siw, dyrr tuatli diongrhux ee ludhuad.
3 Soxiw diongrhux dilehh, narr duer vadd langg, dyrr qiyr ix juer imhu; diongrhux narr siw, dyrr did diyc tauxvangr tuatli ludhuad; suizenn duer vadd langg, iarr m si imhu.
4 Anxnix, guaw ee hniadi ar, linw dui' Krist ee sinkux, ngr ludhuad ixqing’ siw, beh hro linw duer vadd xee, dyrr si hitt xee dui' siw qycc uac :ee, hro lanw uirdiyhh Siongrder qed quexjiw.
5 In'ui lanw diamr dirr ziogtew ee sii, hiaxee juerog ee jing'iok, dui' ludhuad kiw :ee, unrdong dirr lanw ee vactew, drir qaur lanw uirdiyhh siw qed quexjiw.
6 Danrsi henrjai lanw u tuatli ludhuad, si vingsor vexvak lanw :ee, lanw ixqing’ ngr ix laii siw, drir qaur lanw ee hogsai si dirr simsinn ee sinx kuanw, m si dirr bunzi ee qu kuanw.
7 Anxnix lanw beh jnaixngiu qongw? Ludhuad si juerog mah? Duanrduan m si; danrsi narr byy dui' ludhuad, guaw dyrr m jaix jue; in'ui ludhuad narr byy qongw, "M tangx tam'iok", guaw dyrr m jaix tam'iok.
8 Danrsi juerog tanr qihue, dui' qaiwbing juewjniaa dagg ngiu ee tam'iok dirr guaw ee simx; in'ui byy ludhuad, juerog si siw.
9 Jingg byy ludhuad, guaw dyrr uac; qaiwbing qaur, juerog uac .kiw .laii, guaw dyrr siw.
10 Qaiwbing vunw si beh hro langg uac, jiauww guaw qnir .quer, huanxdngw si hro langg siw.
11 In'ui juerog tanr qihue, dui' qaiwbing kipenr guaw, qycc dui' ix laii hai siw guaw.
12 Anxnisnix ludhuad si sxingr, qaiwbing iarr si sxingr, si gi, si hyw.
13 Narr si anxnix, hitt xee hyw :ee hro guaw siw mah? Duanrduan m si. Si juerog dui' hitt xee hyw :ee hro guaw siw, beh qyckacc henxbingg ix si juerog; hro juerog dui' qaiwbing jniaa juerog ee qigtauu.
14 In'ui lanw jaix ludhuad si sriok dirr sinn :ee, danrsi guaw si sriok dirr ziogtew :ee, ixqing’ bre kir hro juerog.
15 In'ui guaw soxx juer :ee, qaqi m jaix; in'ui guaw soxx decc qniaa :ee, m si guaw soxx iwair, huanxdngw guaw soxx uanwhun :ee, guaw kir qniaa ix.
16 Dnaxx guaw narr qniaa soxx m air :ee, guaw dyrr si singzin ludhuad juer hyw.
17 Anxnix laii qniaa ix :ee, dnaxx m si guaw, si diamr dirr guaw simlai ee juerog.
18 In'ui guaw jaix guaw lairbin, dyrr si guaw ziogtew lai, byy hyw dilehh; in'ui lun hitt xee iwair, guaw u, qniaa hitt xee hyw, guaw dyrr byy.
19 In'ui guaw soxx iwair ee hyw, guaw byy kir qniaa; guaw soxx m air ee pnaiw, huanxdngw kir qniaa.
20 Dgodok guaw narr qniaa guaw soxx m air :ee, hitt xee decc qniaa :ee, dnaxx m si guaw, si diamr dirr guaw lairbin ee juerog.
21 Anxnix guaw did jaix u jit xee hxaud, dyrr si dng' guaw air qniaa hyw ee sii, pnaiw qapp guaw dilehh.
22 In'ui guaw jiauww lairsimx si hnuahiw Siongrder ee ludhuad.
23 Danrsi guaw knuar vactew diongx u vadd xee hxuad qapp guaw simjir ee hxuad sna' qaujenr, liac guaw laii hanghok vactew lai juerog ee hxuad.
24 Kow ar! Jirjui beh qiur guaw tuad cud jitt xee drir qaur siw ee tew ar?
25 Qamxsia Siongrder. Si dui' lanw ee Jruw Jesus Krist. Anxnix guaw vunxsinx ing simjir sunrhok Siongrder ee hxuad, ing ziogtew sunrhok juerog ee hxuad.
8 Soxiw hiaxee diamr dirr Krist Jesus :ee, dnaxx longxx byy dring jue.
2 In'ui uahmia ee Sinn ee hxuad, dirr Krist Jesus ixqing’ tauxvangr guaw tuatli jue qapp siw ee hxuad.
3 In'ui ludhuad soxx be e :ee, si dui' ziogtew jiacc byy lat, Siongrder dyrr crex qaqi ee Qniaw, dirr u jue ee ziogtew ee hingjong, qycc uirdiyhh jue ee enqor, dirr ziogtew diongx laii gixdnia juerog,
4 Hro ludhuad ee gi dirr lanw erdid muaxjiog, dyrr si byy jiauww ziogtew, si jiauww sinn laii qniaa :ee.
5 In'ui jiauww ziogtew :ee, iwhiongr ziogtew ee su; jiauww sinn :ee, iwhiongr sinn ee su.
6 Ziogtew ee iwhiongr si siw, sinn ee iwhiongr si uac qycc ving'anx.
7 Ziogtew ee iwhiongr si duiwdik Siongrder, in'ui ix byy hanghok Siongrder ee ludhuad, iarr be e hanghok.
8 Qycc diamr dirr ziogtew :ee, be e hro Siongrder hnuahiw.
9 Dogdok Siongrder ee Sinn narr kiarkiw dirr linw, dyrr linw byy diamr dirr ziogtew, si diamr dirr sinn; byy u Krist ee Sinn :ee, m si Ix ee langg.
10 Krist narr diamr dirr linw, dyrr linw ee sinkux in'ui jue siw, linw ee sinn in'ui gi uac.
11 Dogdok hro Jesus dui' sixlangg diongx qycc uac :ee, Ix ee Sinn narr kiarkiw dirr linw, hro Krist Jesus dui' sixlangg diongx qycc uac :ee, iarr beh jiong' Ix ee Sinn, dyrr si kiarkiw dirr linw :ee, hro linw e siw ee sinkux qycc uac.
12 Anxnix, hniadi ar, lanw m si kiamr ziogtew ee jer, drir qaur jiauww ziogtew laii uac.
13 In'ui linw narr jiauww ziogtew laii uac, dyrr e siw; narr ing sinn pah siw sinkux ee soxx juer, dyrr e uac.
14 Huanrnarr hro Siongrder ee Sinn soxx cua :ee, si juer Siongrder ee qniaw.
15 Linw vingrr m si sriu juer lovok ee sinn, suacc qycc drir qaur qniahniaa; linw si sriu setlip juer qniaw ee sinn, dui' anxnix lanw qiyr qongxx, "Avar, Ve ar."
16 Singwsinn qaqi qapp lanw ee sinn snaqab qanjingr lanw juer Siongrder ee qniaw.
17 Qiwzenn juer qniaw dyrr juer horsuu, dyrr si juer Siongrder ee horsuu; lanw narr qapp Ix dangjee siurkow, si beh hro lanw qapp Ix dangjee ingqngx.
18 Guaw sngr henrsii ee qankow be kamx did vixping soxx beh henxbingg qaur dirr lanw ee ingqngx.
19 In'ui siurr jy ee mic giac tauu ngwbang, decc tingwhau Siongrder jiongww qniaw ee henxbingg.
20 In'ui siurr jy ee mic hanghok dirr kanghux, m si ix qamguan, si dui' hitt xee hro ix hanghok :ee;
21 Lenrr siurr jy ee mic iarr decc ngwbang beh did diyc tauxvangr, tuatli vairhuai ee kusog, laii zip dirr Siongrder ee qniaxzii ingqngx ee juriuu.
22 In'ui lanw jaix itcer siurr jy ee mic qaur jitt sii iauxdecc snaqab trow kuir koxtangr.
23 M narr anxnix, dyrr lanw vunxsinx did diyc Singwsingg taujuiw ee quexjiw :ee, iarr simlai qaqi trow kuir, decc tingwhau virr setlip juer qniaw, dyrr si lanw ee sinkux ee sioghuee.
24 In'ui lanw did qiur si dui' ngwbang; narr si ixqing’ knuar .qnir ee ngwbang, m si ngwbang; in'ui soxx knuar .qnir .ee, simxmih langg iauxdecc ngwbang?
25 Dogdok lanw narr ngwbang hitt xee soxx byy knuar .qnir .ee, lanw dyrr tunlunw tingwhau.
26 Qycc Singwsinn iarr cincniu anxnix hucii lanw ee nngxjniaw. In'ui lanw m jai'ngiaw diyhh jnaixngiu qidyw jiauww soxx ingqaix :ee, dogdok Singwsinn qaqi ing be qongw cud ee trow kuir ter lanw qriuu.
27 Qamwcad langg ee simx :ee iarr jaix Singwsinn ee iwsur, in'ui Ix jiauww Siongrder ee iwsur laii ter singwdoo qriuu.
28 Qycc lanw jaix banrhang su snaqab laii hro tniar Siongrder ee langg did diyc lirig, dyrr si jiauww Ix dniardiyc ee jixir laii siurr driaur :ee.
29 In'ui Ix soxx dairsingx jaix :ee, dyrr dairsingx dniardiyc inx qapp Ix ee Qniaw ee sxiong qangrkuanw, hro Ix dirr jerje hniadi ee diongqanx juer dua-qniaw.
30 Qycc soxx dairsingx dniardiyc :ee, dyrr driaur inx; soxx driaur :ee, dyrr cxingx inx juer gi; soxx cxingx juer gi :ee, dyrr hro inx u ingqngx.
31 Lun qaur jiaxee su lanw beh jnaixngiu qongw? Siongrder narr rui lanw, jirjui e duiwdik lanw?
32 Ix qiwzenn byy siyh qaqi ee Qniaw, uirdiyhh lanw jiongww langg henr Ix, qamxx byy suar jiong' banrmic vehvec hro lanw mah?
33 Jirjui beh qryr Siongrder soxx qingw ee vecsnir ar? Cxingx inx juer gi :ee si Siongrder.
34 Jirjui dring inx ee jue ar? Krist Jesus ixqing’ siw, siongrcniaw dui' sixlangg diongx qycc kiw .laii, jre dirr Siongrder ee duarvingg, iarr ter lanw qidyw.
35 Jirjui beh qecdng lanw dirr Krist ee tniar? Si huanrlan, iacc si kunwkow, iacc si kunxdiok, iacc si iaugy, iacc si tngwteh, iacc si guihiamw, iacc si lrai dyx ar?
36 Cincniu soxx qiwjair, qongw, "Guanw uirdiyhh Liw ee enqor jiongzit sriu siw, guanw ho'ngg knuar juer cincniu beh taii ee ngiuu."
37 Huanxdngw dirr jiaxee longxjongw ee su, lanw dui' tniar lanw :ee diksingr qaur u cunx.
38 In'ui guaw cimx sinr bylun si siw, si uac, si tnisair, si jiangxquann :ee, si henrjai :ee, si jionglaii :ee,
39 U quanlingg :ee, si quann, si cimx, iacc si vadd xee siurr jy ee mic, longxx be e qecdng lanw dirr Siongrder ee tniar, dyrr si dirr lanw ee Jruw Krist Jesus soxx u ee tniar.
9 Guaw diamr dirr Krist qongxue, jinsit byy vehcat, guaw dirr Singwsinn ee liongsimx qra guaw juer qanjingr,
2 Guaw u dua iubun, tongwsimx byy suah.
3 In'ui guaw uirdiyhh guaw ee hniadi, guaw ee qutziok ee jiwcinx, dyrr narr vunxsinx siurr jiuwjow lirkuix Krist iarr qamguan.
4 Inx si Islaellangg, juer qniaw ee binghun, ingqngx, jiaxee iog, ludhuad ee tuansiu, hogsai ee lexgii, qapp jiaxee ingwunw, longxx sriok dirr inx;
5 Ledjow si inx ee jow, jiauww ziogtew laii lun, Krist iarr dui' inx cud; Ix si banrmic ee dingxbin, si Siongrder kamx did ylyw qaur dairdai :ee. Amen.
6 M si qongw Siongrder ee ue hruer .kir, in'ui dui' Islael cud :ee, byy itjin si Islaellangg.
7 Iarr m si in'ui inx juer Ablaham ee horer, dyrr itjin juer qniaw; dogdok, "Dirr Isaac :ee beh cxingx juer liw ee horer."
8 Jex dyrr si qongxx, m si ziogtew :ee ee qniaw dyrr sngr juer Siongrder ee qniaw; dogdok ingwunw :ee ee qniaw jiacc sngr juer horer.
9 In'ui ingwunw ee ue si qongxx, "Dirr jitt xee qrii Guaw beh qaur, Salah beh u jit xee qniaw."
10 M na anxnix, qycc u Rlebecka dui' lanw ee jow Isaac jit langg laii huai'in,
11 Qniaw iauxx bue cutsir, hyxpnaiw iauxx bue qniaa, beh hro Siongrder qingxsuanw langg soxx dniardiyc ee jixir e quxdngg dilehh, m si cud dirr soxx qniaa, si cud dirr driaur :ee,
12 Dyrr qra Rlebecka qongw, "Dua :ee beh hogsai ser :ee."
13 Cincniu soxx qiwjair qongxx, "Guaw tniar Jakob, uanwhun Esau."
14 Anxnix lanw beh jnaixngiu qongw? Siongrder u vutgi mah? Duanrduan m si.
15 In'ui Ix qra Moses qongw, "Guaw beh linbinw Guaw soxx beh linbinw :ee, Guaw beh textiab Guaw soxx beh textiab :ee."
16 Jiauww anxnix knuar, m si jairdirr iwair :ee, iarr m si jairdirr qniaa :ee, si jairdirr linbinw langg ee Siongrder.
17 In'ui Singwqingx qra Falaoh qongw, "Guaw hro liw hingx kiw, diaudii beh ing liw henxbingg Guaw ee quanlingg, iarr hro Guaw ee miaa vywiongg dirr poxtnie."
18 Anxnix Ix sui'ir linbinw langg, iarr sui'ir hro langg gnirsimx.
19 Liw beh duiww guaw qongw, "Jnaixngiu Ix iauxdecc hiamm langg? Jirjui gik Ix ee jixir?"
20 Liw jitt xee langg ar, liw si jirjui, huanxdngw venrvog Siongrder ar? Siurr jy ee mic qamxx e duiww jy ix :ee qongw, "Liw sniaw su congwjy guaw anxnix?"
21 Too beh jnaixngiu, qamxx m si cutjai siyx huii ee langg? Vnivnii dui' hitt der laii juer kiwqu, jit xee quiwkir, jit xee harjen mah?
22 Setsuw Siongrder rair henxbingg Ix ee siurkir, qycc hro langg bad Ix ee quanlingg, dyrr dua dua kuan'iongg tunlunw hiaxee tangx siurkir :ee, ven ven beh vairhuai :ee ee kiwqu;
23 Iarr hro langg bad Ix ingqngx ee vuwu qaur dirr tangx linbinw ee kiwqu, Ix soxx dairsingx virvan beh did diyc ingqngx :ee,
24 Dyrr si lanw jiaxee hro Ix soxx driaur :ee, m na cud dirr Judealangg, iarr cud dirr guarvanglangg;
25 Cincniu Ix dirr Hosea ee ceh qongw, "Vunxdew m si Guaw ee vecsnir :ee, Guaw beh cxingx inx juer vecsnir; vunxdew m si tangx did diyc tniar :ee, Guaw beh cxingx inx juer did diyc tniar :ee.
26 Jingg dirr sniaw soxjai qra inx qongw, 'Linw m si Guaw ee vecsnir', dirr hiax inx beh cxingx juer jin'uac Siongrder ee qniaw."
27 Isaiah lun Islael dyrr qiyr qongxx, "Islael jiaxee qniaw, suizenn inx ee siauwgiac cincniu haixsuax, beh did diyc qiur :ee si hiaxee soxx cunx :ee nardnia.
28 In'ui Jruw beh uanjuann qycc qanxjet laii jniaa Ix ee ue dirr de nirr.
29 Qycc cincniu Isaiah jingg:a qongw, "Narr m si Banrqunx ee Jruw qra lanw lauu jit xee jxingw dilehh, lanw ixqing’ cincniu Sodom qapp Gomorlah jidngiu."
30 Anxnix lanw beh jnaixngiu qongw? Guarvanglangg byy duizip gi, iauxquxx did diyc gi, dyrr si dui' sinr ee gi.
31 Danrsi Islaellangg duizip jniaa gi ee hxuad, iarr byy did diyc hitt xee hxuad.
32 Jex si jnaixngiu? In'ui byy dui' sinr, si dui' soxx qniaa. Inx diyhdag dirr hitt xee hro langg diyhdag ee jiyc.
33 Jiauww soxx qiwjair qongxx, "Liw knuar, Guaw jiong' hro langg diyhdag ee jiyc, vuac dyw langg ee jiyhvnuaa, he dirr Zion Sniaa; qniwnarr sinr Ix ee langg byy drir qaur qenwsiaur."
10 Hniadi ar, guaw ee simx soxx iwair, soxx ter inx duiww Siongrder qriuu :ee, dyrr si inx ee did qiur.
2 In'ui guaw uirdiyhh inx juer qanjingr, inx ngr Siongrder u zedsimx, danrsi byy jiauww jinx ee diwsig.
3 In'ui inx m bad Siongrder ee gi, air lip qaqi ee gi, dyrr byy hanghok Siongrder ee gi.
4 In'ui Krist juer ludhuad ee qetbuew, drir qaur gi qruix dirr qniwnarr sinr ee langg.
5 In'ui Moses siaw qongxx, "Langg qniaa hitt xee dui' ludhuad ee gi :ee, beh dui' ix laii uac."
6 Narr si dui' sinr ee gi si cincniu anxnix qongw, "Liw byc did simlai qongw:
7 Jirjui beh jnriu tnix ar? (dyrr si beh cua Krist lyc .laii);
8 Jirjui beh lyc cim'enx ar? (dyrr si beh cua Krist dui' sixlangg diongx kiw .laii)." Ix dauwdew qongw simxmih ar? "Gengiw jiapqin liw, si dirr liw ee cuir, dirr liw ee simx". Jex dyrr si guanw soxx tuann jitt xee sinr ee gengiw;
9 Dyrr si liw narr ing cuir zin Jesus juer Jruw, ing simx sinr Siongrder hro Ix dui' sixlangg diongx kiw .laii, dyrr e did diyc qiur.
10 In'ui langg ee simx sinr, drir qaur did diyc gi; ing cuir zin, drir qaur did diyc qiur.
11 Singwqingx qongw, "Qniwnarr sinwkyr Ix ee langg vutdir qenwsiaur."
12 Judealangg qapp Gleeklangg longxx byy hunvet, siang jit xee Jruw si jiongww langg ee Jruw, kuanxtai longxjongw qriuu Ix ee langg qigqii huwzu.
13 In'ui qniwnarr qiuqiyr Jruw ee miaa ee langg beh did diyc qiur.
14 Mrquxx soxx iauxx bue sinr :ee, taixtyw e qiuqiyr Ix? Soxx bue tniax .qnir .ee, taixtyw e sinr Ix? Narr byy langg tuann, taixtyw e tniax .qnir?
15 Narr m si hrong crex, taixtyw e tuann? Jiauww soxx qiwjair qongxx, "Tuann jiaxee hyw su ee hok'imx :ee, inx ee kavo suiw qaur jnaixngiu!"
16 Danrsi inx m si longxx sunrtanr hok'imx. In'ui Isaiah qongw, "Jruw ar, guanw soxx tuann :ee, u jirjui sinr ar?"
17 Anxnix sinr si cud dirr tniax, tniax si dui' Krist ee gengiw.
18 Dogdok guaw qongw, inx qamxx m bad tniax .qnir mah? U lar. "Inx ee snia'imx tuann qaur venww tnie, inx ee gengiw qaur derqik."
19 Danrsi guaw qongw, Islaellangg qamxx m jaix mah? Kixtauu Moses qongw, "Guaw beh ing m si juer vecsnir :ee, laii qig linw ee hunwjir, ing gong ee vecsnir laii qig linw ee siurkir."
20 Isaiah iarr hyxdnaw qongw, "M bad cue guaw :ee, guaw hro inx duw .diyc; m bad cingxmng guaw :ee, guaw duiww inx henxbingg."
21 Narr si lun qaur Islael, ix dyrr qongw, "Guaw tong' zit crunx ciuw ngr m sunrtanr qapp venrvog ee vecsnir."
11 Guaw dyrr qongw, Siongrder qamxx u kiwsag Ix ee vecsnir ar? Duanrduan m si. In'ui guaw iarr si Islaellangg, cud dirr Ablaham ee horer, Benjamin ee jipair.
2 Siongrder m bad kiwsag Ix soxx dairsingx jaix ee vecsnir. Iacc si linw m jaix Singwqingx dirr Elijah hitt jam soxx qiwjair :ee? Ix u jnaixngiu duiww Siongrder qryr Islaellangg, qongw,
3 "Jruw ar, inx u taii siw Liw ee sendix, qrut dyw Liw jiaxee jewdnuaa; jixu lauu guaw dilehh, inx iarr beh dic guaw ee sniwmia."
4 Danrsi Siongrder u rinr ix jnaixngiu ar? Ix qongw, "Guaw uirdiyhh qaqi u lauu jit-cingx langg, m bad quirvair Baal :ee."
5 Henrjai iarr anxnix iauxx u soxx lauu lehh, dyrr si jiauww undenw laii qingxsuanw :ee.
6 Narr jiauww undenw, dyrr m si dui' soxx qniaa :ee; narr byy, undenw dyrr m si undenw.
7 Anxnix dyrr jnaixngiu? Islael soxx qriuu :ee qingwzenn byy did .diyc, dogdok siurr qingw :ee u did .diyc, qi'uu :ee dyrr vnir gnirsimx.
8 Jiauww soxx qiwjair qongxx, "Siongrder hro inx hunbee ee simx, be knuar .qnir ee bagjiux, be tniax .qnir ee hnirkangx, qaur dirr qinaxzit."
9 David iarr qongw, "Hro inx ee endyh jniaa juer uahdauh, juer lybang, juer tatgai, juer vywingr dirr inx;
10 Hro inx ee bagjiux huex, be e knuar .qnir, inx ee kajiah siongsiongg qux qux."
11 Anxnix guaw dyrr qongw, inx diyhdag, si beh drir qaur inx vuac dyw mah? Duanrduan m si. Huanxdngw dui' inx ee huanrjue, jinxqiur dyrr qaur dirr guarvangx, beh qig kiw inx ee hunwjir.
12 Dnaxx inx ee huanrjue narr juer sewqanx ee vuwu, inx ee sueter narr juer guarvangx ee vuwu, hyhongw inx ee ciongmuaw lehh?
13 Guaw si duiww linw guarvanglangg qongw. In'ui guaw si guarvanglangg ee suwdoo, guaw ingqngx guaw ee jithun,
14 Knuar e tangx qig kiw guaw qutziok ji' cinx ee hunwjir, laii qiur inx diongqanx quixnarr langg.
15 In'ui inx ee siurr kiwsag narr juer sewqanx ee qycc hxyy, inx ee siurr jiaplap, narr m si dui' siw laii uac, byy si simxmih ar?
16 Kixtauu henr :ee ee mi narr si sxingr, dyrr qui' sngg iarr si sxingr; qinx narr si sxingr, dyrr qix iarr si sxingr.
17 Jiaxee qix narr uree ad .kiw .laii, liw jitt xee vunw si snuaqnanaw :ee did diyc jriab dirr inx diongqanx, snaqab u hxun dirr qnanaw ee qinx qapp vuii jiab,
18 Liw dyrr m tangx duiww qix laii kuakauw; liw narr kuakauw, diyhh qir did m si qinx uaxkyr liw, si liw uaxkyr qinx.
19 Anxnix liw beh qongw, "Qix ad .lyc .laii beh hro guaw jriab .kiw .kir."
20 Driyc; inx dui' m sinr jiacc ho'ngg ad .lyc .laii, liw dui' sinr jiacc kia diauu. Simx byc did jurqyx, diyhh qniahniaa.
21 In'ui Siongrder narr byy vyxsiyh sunrsingr ee qix, iarr beh byy vyxsiyh liw.
22 Diyhh knuar Siongrder ee juvix qapp giamqinw. Kuanxtai hiaxee vuac dyw :ee, si giamqinw; danrsi kuanxtai liw si Siongrder ee juvix. Jongwsirr liw diyhh dngdngg diamr dirr Ix ee juvix, narr byy, iarr beh qra liw quah .kiw .laii.
23 Qycc inx narr m si dngdngg diamr dirr m sinr, iarr beh did diyc jriab; in'ui Siongrder e qycc jriab inx.
24 Liw dui' hitt xee sunrsingr juer snuaqnanaw :ee quah .kiw .laii, gigsingr laii jriab dirr hyw ee qnanaw, hyhongw hiaxee sunrsingr ee qix beh jriab dirr vunw qu ee qnanaw ar?
25 Hniadi ar, guaw rair linw jaix jitt xee ywbiau, benw did linw qaqi liac juer diwhui, dyrr si Islael diongx uree jniaa juer gnirsimx, tingwhau guarvangx muaw muaw jinwzip,
26 Anxnix tong' Islael beh longxx did qiur, jiauww soxx qiwjair qongxx, "Beh u Qiuwjuw dui' Zion Sniaa cud, quexduu Jakob ee vutkenn;
27 Qycc Guaw druu kir inx ee jue ee sii, jex dyrr si Guaw qapp inx soxx lip ee iog."
28 Jiauww hok'imx, inx uirdiyhh linw laii juer qiusiuu; jiauww qingxsuanw, inx uirdiyhh ledjow laii did diyc tniar.
29 In'ui Siongrder ee unsur qapp driaur langg longxx byy tewhuew.
30 Si cincniu linw jingg byy sunrhok Siongrder, danrsi dnaxx dui' inx ee byy sunrhok, linw did diyc linbinw;
31 Anxnix inx dnaxx byy sunrhok, tangx dui' linw ee did diyc linbinw, hro inx iarr did diyc linbinw.
32 In'ui Siongrder ixqing’ qra banrlangg uii dirr byy sunrhok ee diongqanx, diaudii beh linbinw banrlangg.
33 Cimdimm ar! Siongrder ee diwhui qapp qenwsid ee vuwu ar! Ix ee pnuawduan be cikdok .did, Ix ee lordoo duicue be diyc.
34 Jirjui jaix Jruw ee simjir? Jirjui qapp Ix camgi?
35 Jirjui dairsingx hro Ix, drir qaur hro Ix vywdab?
36 In'ui banrmic longxx cud dirr Ix, uaxkyr Ix, qruix dirr Ix. Guan Ix ingqngx qaur dairdai. Amen.
12 Hniadi ar, soxiw guaw in'ui Siongrder ee linbinw krngr linw henr qaqi ee sinkux juer jrer, si uac :ee, sxingr :ee, Siongrder soxx hnuahiw :ee; jex si linw sinlingg ee hogsai.
2 Byc did qapp jitt sewqanx qangrkuanw, diyhh ing simjir nguarsinx laii venwhuar qaqi, hro linw e bingvik simxmih si Siongrder ee senrliongg, sunjuann, tangx hnuahiw ee jixir.
3 In'ui guaw dui' soxx hro guaw ee xunx qra linw diongqanx dagg langg qongw, linw soxx sniu laii cunxdok qaqi, m tangx vnuaa quer dirr ingqaix sniu :ee; soxx sniu diyhh anhun laii sniu, jiauww Siongrder soxx sniuxsur dagg langg sinr ee hunrliong.
4 Cincniu lanw jit srinx u vactew, danrsi vactew ee qong'iong byy longxx snadangg;
5 Anxnix lanw jerje langg diamr dirr Krist juer jit srinx, dagg xee snaqang juer tew.
6 Lanw jiauww soxx hro lanw ee xunx, ixqing’ did diyc unsur, qokk byy snadangg. Juer sendix, dyrr diyhh jiauww sinr ee hunrliong laii qongw;
7 Vran dairjir, diyhh diwir dirr vran dairjir; qawsi langg :ee, diyhh diwir dirr qawsi;
8 Kuanwbenw :ee, diyhh diwir dirr kuanwbenw; jiujo :ee, diyhh ing sidsimx; dirliw :ee, diyhh ing unkunn; linbinw :ee, diyhh ing hnuahiw.
9 Tniar, diyhh byy qew; uanwhun pnaiw, cinqin hyw;
10 Tniar hniadi, diyhh sna' cin'air; qingwdiong langg, diyhh sna' cuijunx;
11 Lun unkunn, diyhh m tangx vinrdnua; lun simjir, diyhh zet zet; lun Jruw, diyhh hogsai;
12 Dirr ngwbang diongx, diyhh hnuahiw; dirr huanrlan, diyhh tunlunw; dirr qidyw, diyhh siongsiongg;
13 Singwdoo soxx kiamwkueh :ee, diyhh qiongqib ix; cutguarlangg, diyhh diwir hyw kuanxtai inx.
14 Kunxdiok linw :ee, diyhh qra inx jiokhog; diyhh jiokhog, byc did jiuwjow.
15 Qapp hnuahiw ee langg snaqab hnuahiw, qapp tikaur ee langg snaqab tikaur.
16 Sna' kuanxtai, diyhh qangg jit ngiu ee simx; simjir byc did hnowqyx; diyhh cikjiu vibii :ee; byc did liac qaqi juer u diwsig.
17 Byc did ing pnaiw vyr pnaiw; dirr jiongww langg ee binrjingg, diyhh doboo jiaxee hyw su.
18 Narr erdid tangx qapp jiongww langg hxyy, dyrr diyhh jin lat qapp inx hxyy.
19 Soxx tniar ee hniadi ar, byc did qaqi sin'uanx, diyhh lunxkir kacc hyw; in'ui u qiwjair qongxx, "Jruw qongw, 'Sin'uanx jairdirr Guaw, Guaw beh vywingr ix.'
20 Narr si liw ee duiwdik iaux, diyhh hro ix jiac; cuiwdax, diyhh hro ix limx; in'ui qniaa anxnix si jiong' zet zet ee huextnuar tiap dirr ix ee taukag dingw."
21 Byc did hro pnaiw kacc ngiaa, diyhh ing hyw kacc ngiaa pnaiw.
13 Dagg langg diyhh hanghok dirr juer sirdua u quanvingr :ee; in'ui qniww u quanvingr :ee byy m si dui' Siongrder cud; soxu ee quanvingr longxx si Siongrder soxx dniardiyc.
2 Soxiw kongwqu quanvingr :ee si gik Siongrder ee bingrling; gik ee langg qaqi cruw jue.
3 In'ui iuxsix m si hro hyw pinxhing :ee qniax, si hro pnaiw langg qniax. Liw rair benw qniax hitt xee quanvingr mah? Diyhh qniaa hyw, dyrr did diyc ix ee ylyw;
4 In'ui ix si Siongrder ee ce'ing, beh lirig liw. Narr si liw qniaa pnaiw, dyrr diyhh qniax; in'ui ix m si kangx kangx qruar qiamr nardnia, ix si Siongrder ee ce'ing, si sin'uanx :ee, beh hro pnaiw langg duw diyc hinghuat.
5 Soxiw dikkag diyhh sunrhok, m na uirdiyhh siurkir, iarr si uirdiyhh liongsimx.
6 Uirdiyhh anxnix, linw iarr lap suer; in'ui inx si Siongrder ee jipsu, siongsiongg juanbu jitt xee su.
7 Soxx ingqaix hro jiongww langg :ee, diyhh hro inx; ingqaix lap ix, diyhh lap hro ix; ingqaix hro tiux, diyhh hro tiux; ingqaix qnia'uir :ee, diyhh qnia'uir ix; ingqaix junqingr :ee, diyhh junqingr ix.
8 Byc did kiamr langg simxmih, jixu sna' tniar iauxx si kiamr .langg'; tniar langg' :ee u jin ludhuad.
9 In'ui soxx qongw, m tangx qnia'imm, m tangx taii langg, m tangx tautec, m tangx tamsimx, iacc si vadd diauu qaiwbing, longxx vauhamm dirr jitt qxur.
10 Diyhh tniar cuwvnix cincniu qaqi. Zin'air byy hai diyc cuwvnix, soxiw zin'air si jin ludhuad.
11 Anxnisnix jaix jitt xee sihau dyrr si linw ixqing’ diyhh kunr cnew ee sii, in'ui lanw did diyc qiur, viw kixtauu sinr ee sii kacc qin.
12 Mii beh quer, zit .sii qin lar; soxiw lanw diyhh trngr kir oamr ee soxx qniaa, laii cing qngbingg ee jenwqah.
13 Soxx qniaa diyhh duanjniar, cincniu dirr zit .sii; byc did hongwciongr jiuxjuir, byc did hnowsig sia'imm, byc did sna' jnex uanwdor.
14 Diyhh cing Jruw Jesus Krist, byc did uirdiyhh ziogtew doboo, drir qaur tranr su'iok.
14 Sinwsimx nngxjniaw ee langg, linw diyhh jiaplap ix; danrsi byc did venrlun soxx giaugii :ee.
2 U langg sinr vachang mic longxx tangx jiac; dogdok sinr kacc nngxjniaw :ee si jiac caiwsex.
3 Jiac :ee byc did knuawkinx byy jiac :ee; byy jiac :ee byc did gixgi jiac :ee; in'ui Siongrder ixqing’ jiaplap ix.
4 Liw si jirjui, suacc decc gixgi vadd langg ee lovok ar? Ix kia jai iacc si vuac dyw, jurzenn u ix ee juxlangg dilehh. Qycc ix vitzenn e kia jai, in'ui Jruw e hro ix kia jai.
5 U langg gixduan jit zit ngiaa jit zit; u langg gixduan zidzit longxx snadangg; dagg langg simlai diyhh zin kix jinx.
6 Siuw zit :ee si uirdiyhh Jruw laii siuw; jiac :ee si uirdiyhh Jruw laii jiac, in'ui ix qamxsia Siongrder; byy jiac :ee iarr uirdiyhh Jruw laii byy jiac, iarr qamxsia Siongrder.
7 In'ui lanw byy langg uirdiyhh qaqi laii uac, iarr byy langg uirdiyhh qaqi laii siw.
8 In'ui lanw narr uac, si uirdiyhh Jruw laii uac; siw, iarr si uirdiyhh Jruw laii siw. Soxiw lanw, bylun uac iacc si siw, longxx sriok dirr Jruw.
9 In'ui Krist soxiw siw laii qycc uac, si beh juer uac :ee qapp siw :ee ee Jruw.
10 Dnaxx liw sniaw su gixgi liw ee hniadi? Qycc liw sniaw su knuawkinx liw ee hniadi? Lanw jiongww langg longxx beh kia dirr Siongrder ee qongjy jingg.
11 In'ui u qiwjair qongxx, "Jruw qongw: Guaw qiwzenn si uac :ee, banrkatau'ux beh qui Guaw, banrcuiwjic beh ylyw Siongrder."
12 Anxnix lanw dagg langg beh vailet qaqi ee su dirr Siongrder ee binrjingg.
13 Soxiw lanw byc did qycc sna' gixgi, linw lingkow diyhh dniardiyc iwsur, byc did ing hro langg vuac dyw iacc si tatgai ee mic he dirr hniadi ee binrjingg.
14 Guaw jaix, dirr Jruw Jesus cimx sinr, mic vunw byy jit hxang si cosiok; dogdok langg narr liac simxmih juer cosiok, dyrr hitt hxang mic dirr hitt langg si juer cosiok.
15 Narr uirdiyhh jiahmic ee su hro liw ee hniadi iubun, liw dyrr m si jiauww zin'air laii qniaa. Krist ter ix siw :ee, liw m tangx ing liw ee soxx jiac laii vairhuai ix.
16 Byc did drir qaur liw ee hyw hro langg huixvongr.
17 In'ui Siongrder ee qog vutjai limjiac, si dirr gi, ving'anx, qapp dirr Singwsinn ee hnuahiw.
18 Ing anxnix laii hogsai Krist :ee, hro Siongrder soxx hnuahiw, hro langg soxx ylyw.
19 Soxiw qniwnarr drir qaur hyvingg, dairqex sna' qenwlip ee su, lanw diyhh juanbu.
20 Byc did in'ui jiac ee enqor huixhuai Siongrder ee qangx. Dagg hxang mic si cingkir; narr si dui' jiac drir qaur vuac dyw :ee, dyrr si pnaiw.
21 Byy jiac bah, byy limx jiuw, byy juer simxmih hro hniadi vuac dyw, jiacc si hyw.
22 Liw soxu ee sinr diyhh dirr Siongrder ee binrjingg qaqi jrunn lehh. Langg byy qaqi gixgi dirr ix soxx zin juer driyc :ee, dyrr u hokkir.
23 Dogdok langg narr giaugii laii jiac, dyrr siurr dring jue, in'ui m si cud dirr sinr; qniwnarr m si dui' sinr cud :ee dyrr si jue.
15 Lanw jiaxee e ee langg ingqaix diyhh damdair be ee langg ee luanxziok, m tangx qriuu qaqi ee hnuahiw.
2 Lanw dagg langg diyhh hro cuwvnix hnuahiw, hro inx did diyc hyw laii qenwlip.
3 In'ui Krist iarr byy qriuu qaqi ee hnuahiw, si jiauww soxx qiwjair qongxx, "Langg luexme liw ee luexme u qaur dirr Guaw."
4 In'ui jaw soxx qiwjair :ee, longxx si beh qawsi lanw, jiacc laii qir, hro lanw dui' tunlunw, dui' Singwqingx ee an'uir, laii did diyc ngwbang.
5 Guan sniuxsur tunlunw qapp an'uir ee Siongrder hro linw dairqex jiauww Krist Jesus ee ngiu qangg simjir,
6 Hro linw jit ngiu simx, jit ngiu cuir ingqngx Siongrder, dyrr si lanw ee Jruw Jesus Krist ee Ve.
7 Soxiw diyhh sna' jiaplap, cincniu Krist iarr u jiaplap linw, drir qaur ingqngx qruix dirr Siongrder.
8 Guaw qongw, Krist uirdiyhh Siongrder ee jinsit bad juer hrong qatlew ee langg ee ce'ing, beh qenqor soxx ingwunw ledjow :ee;
9 Iarr hro guarvanglangg uirdiyhh linbinw qruix ingqngx Siongrder, jiauww soxx qiwjair, qongw, "In'ui anxnix, guaw dirr guarvangx diongx beh cinghox Liw, cniuwquax ylyw Liw ee miaa."
10 Qycc qongw, "Linw guarvanglangg, diyhh qapp Ix ee vecsnir dangjee hnuahiw."
11 Iuqycc qongw, "Linw jiongww guarvangx diyhh cingjanr Jruw. Linw banrvecsnir diyhh ylyw Ix."
12 Iuqycc Isaiah qongw, "Beh u Jesse ee qintauu, dyrr si hingx kiw laii dirliw guarvangx :ee, guarvangx beh uaxkyr Ix laii u ngwbang."
13 Guan sniuxsur ngwbang ee Siongrder hro linw dui' sinr laii ciongmuaw dagg ngiu ee hnuahiw ving'anx, hro linw dirr Singwsinn ee quanlingg did diyc muaw muaw ee ngwbang.
14 Guaw ee hniadi ar, guaw qaqi iarr cimx sinr, linw muaxsimx senrliongg, ciongjiog dagg ngiu ee diwsig, iarr e dairqex sna' kuanwbenw.
15 Guaw siaw puex hro linw, u damrvyc kacc hyxdnaw, beh hro linw qycc e qir .did, jex si dui' Siongrder soxx hro guaw ee undenw,
16 Hro guaw dirr guarvangx juer Krist Jesus ee jipsu, ing Siongrder ee hok'imx laii hogsai, beh hro soxx henr ee guarvanglangg, dirr Singwsinn jniaa sxingr :ee did diyc jiaplap.
17 Soxiw lun Siongrder ee su, guaw dirr Krist Jesus u tangx kuakauw.
18 In'ui duliauw Krist ing guaw soxx qniaa :ee ixgua, guaw m qnaw qongw simxmih, jixu qongw Ix ing guaw ee gengiw qapp qniajuer, dirr sinziah qapp qrii su ee quanlingg, qapp dirr Singwsinn ee quanlingg, hro guarvangx sunrhok.
19 Anxnix guaw dui' Jelusalem sec qaur Illylikum, venww tuann Krist ee hok'imx.
20 Qycc guaw libjir tuann hok'imx byy dirr Krist ixqing’ siurr cinghox ee soxjai, qniax e kiw dirr vadd langg ee derqix dingw;
21 Dyrr si jiauww soxx qiwjair qongxx, "Bue did diyc Ix ee siausid :ee beh knuar .qnir, bue tniax .qnir .ee beh hiauxgno."
22 In'ui anxnix, guaw jerje vaiw duw diyc joxdongr, berdid tangx jiurqin linw;
23 Danrsi henrjai dirr jiaxee derhngx byy qycc u soxjai tangx kir. Guaw jerje nii u himbo qongxx tingwhau guaw kir Spain ee sii, erdangr kir jiurqin linw
24 (In'ui guaw ngwbang qingquer ee sii qnir diyc linw, singx qapp linw qauvuee liyc liyc aw, muaxir, jiacc did diyc linw songwhingg kir hiax.)
25 Danrsi henrjai guaw kir Jelusalem qiongqib singwdoo.
26 In'ui Macedonia qapp Aqaia ee langg hnuahiw snaqab due'enn vangjan Jelusalem ee singwdoo diongx ee songwhionglangg.
27 Inx jinjniar si hnuahiw; kiokk iarr si kiamr inx ee jer. In'ui guarvanglangg qiwzenn snaqab u hxun dirr inx sinlingg ee su, jurzenn diyhh ing ziogtew ee mic hogsai inx.
28 Tingwhau guaw juer uann jitt xee su, jiong' jitt xee enhang qauhur inx bingvik, guaw beh dui' linw hiax kir Spain.
29 Guaw iarr jaix jiurqin linw ee sii, beh u Krist hongsing ee jiokhog sunrsuar kir.
30 Hniadi ar, guaw dui' lanw ee Jruw Jesus Krist, iarr dui' Singwsinn ee tniar, krngr linw qapp guaw dangjee jinrlat, ter guaw qiqiuu Siongrder,
31 Qriuu guaw tuatli Judea-de hiaxee m sunrhok ee langg, iarr hro guaw uirdiyhh Jelusalem soxx juer :ee qiongqib ee su did diyc singwdoo ee jiaplap;
32 Hro guaw dui' Siongrder ee jixir h.-hnuahiw-h. qaur linw hiax, iarr qapp linw snaqab did diyc anhiyh.
33 Guan sniuxsur ving'anx ee Siongrder qapp linw jiongww langg dilehh. Amen.
16 Guaw duiww linw quxjenr lanw ee jixbe Foebe, dyrr si Cenqlea Qauwhue ee ce'ing,
2 Hro linw uirdiyhh Jruw jiaptai ix, jiauww singwdoo soxx habgii :ee. Ix u kiamwing linw vangjan :ee, dyrr vangjan ix; in'ui ix bad hujo jerje langg, iarr bad hujo guaw.
3 Cingxanx Pliscilla qapp Aquila, inx dirr Krist Jesus nirr qapp guaw dangjee diyhbuaa :ee,
4 Iarr uirdiyhh guaw ee sniwmia bad morsiw; m na guaw qamxsia inx, dyrr guarvangx ee jiongww qauwhue iarr si anxnix.
5 Qycc cingxanx jurjip dirr ix ee qrex ee qauwhue. Cingxanx guaw soxx tniar ee Epaenetus, ix si Asia tauu jit xee sriok Krist :ee.
6 Cingxanx Malia, ix bad uirdiyhh linw jerje diyhbuaa.
7 Cingxanx guaw ee cincig Andlonikus qapp Junia; inx bad qapp guaw dangjee qnuaiqnax, u miasniax dirr suwdoo diongx, qycc dairsingx guaw diamr dirr Krist nirr.
8 Cingxanx Amplias, diamr dirr Jruw hro guaw soxx tniar :ee.
9 Cingxanx dirr Krist nirr qapp guaw dangjee diyhbuaa ee Urbanus, ixqip guaw soxx tniar ee Staqys.
10 Cingxanx Apelles, dirr Krist nirr u qinggiam :ee. Cingxanx Alistobulus qrex-lai ee langg.
11 Cingxanx guaw ee cincig Helodion. Cingxanx Narkissus qrex-lai diamr dirr Jruw ee langg.
12 Cingxanx dirr Jruw nirr decc diyhbuaa ee Tlyfena qapp Tlyfosa. Cingxanx soxx tniar ee Persis, bad dirr Jruw jerje diyhbuaa :ee.
13 Cingxanx dirr Jruw nirr did diyc qingxsuanw ee Rlufus, qapp ix ee laurbuw, iarr si guaw ee laurbuw.
14 Cingxanx Asinklitus, Flegon, Hermas, Patlobas, Hermes, ixqip qapp inx dilehh ee hniadi.
15 Cingxanx Filologus qapp Julia, Neleus qapp ix ee jixbe, qapp Olympas, ixqip qapp inx dilehh ee jiongww singwdoo.
16 Linw diyhh ing sxingr ee sna' jimx dairqex sna' cingxanx. Krist ee jiongww qauwhue cingxanx linw.
17 Hniadi ar, guaw krngr linw diyhh singxcad hiaxee hunx dongw tatgai :ee, dyrr si vue linw soxx hagsip ee qawsi :ee; qycc diyhh siamxvi inx.
18 In'ui jitt hy langg byy hogsai lanw ee Jruw Krist, si hogsai qaqi ee vakdow; ing inx ee qikaw tiamxmi ee ue behik jingwdit ee langg ee simx.
19 In'ui linw ee sunrhok ixqing’ venww tuann dirr jiongww langg. Soxiw guaw uirdiyhh linw hnuahiw; dogdok lun qaur hyw su, guaw rair linw u diwsig, lun qaur pnaiw su, dyrr rair linw cingvik.
20 Sniuxsur ving'anx ee Siongrder beh qinw qinw dac cruir Satan dirr linw e kax-xe. Guan lanw ee Jruw Jesus Krist ee xunx qapp linw dilehh.
21 Qapp guaw dangjee diyhbuaa ee Timoti, ixqip guaw ee cincig Lucius, Jason, qapp Sosipater, guaw cingxanx linw.
22 Guaw Tertius, dyrr si siaw jitt dniux puex :ee, dirr Jruw nirr cingxanx linw.
23 Guaw qapp juann qauwhue itdit hiyh ix daux ee Gaius cingxanx linw.
24 Sniaa-lai quanw kowvangg ee Elastus qapp hniadi Quartus cingxanx linw.
25 Siongrder e jiauww guaw ee hok'imx, qapp soxx suantuann Jesus Krist ee su, iarr jiauww ingxsewdai soxx unxbat ywbiau ee cenxbingg qenqor linw.
26 Jitt xee ywbiau jitt diap u duwhen, iarr dui' sendix ee ceh, jiauww ingxuanw Siongrder ee bingrling laii jixsi banrvangx, hro inx dui' sinr laii sunrtanr.
27 Guan ingqngx dui' Jesus Krist qruix dirr dog'id u diwhui ee Siongrder, dairdai byy suah. Amen.