Huatqur Qingx
ID: Siangsiangx
(1) Soxu ee huathing longxx iwliam decc cuartauu. Iwliam si jruw, iwliam juewjniaa huathing. Narr junw gensuu iacc quxjiw u qnaa lasamm ee iwliam, koxqingw dyrr e qra ix duer diauu diauu, kyxviw cialenw qinduer jingsnex (tuax ciax) ee kahy decc qniaa jidngiu.
(2) Soxu ee huathing longxx iwliam decc cuartauu. Iwliam si jruw, iwliam juewjniaa huathing. Narr junw ixx cingkir ee iwliam decc qongxue iacc qniadac, kuaiwlok dyrr e qapp ix duer diauu diauu, kyxviw ngiaw be lirkuix hingtew jidngiu.
(3) "Ix qra guaw me, qra guaw pah, qra guaw dnaxqig, qra guaw cniuxduat." Narr lanw langg simlai u jitt jiongw liamrtauu, uanwhun berdangr tingsuah.
(4) "Ix qra guaw me, qra guaw pah, qra guaw dnaxqig, qra guaw cniuxduat." Narr lanw langg qra jitt jiongw liamrtauu kiwsag, uanwhun jurzenn e tinghiyh.
(5) Dirr jitt xee sewqair, uanwhun jionglaii be atjiw uanwhunw. Dogdok tangx ixx lunxkir atjiw uanwhun. Jex si jurr qow ixlaii ee jniawhuad.
(6) Hiaxee byy hiauxgno :ee byy liauxqaiw lanw quibuew e bedbyy. Narr u hiauxgno, uanqex jnewcuir jurzenn e suah .kir.
(7) Dandanx beh qriuu hiangxlok hyw quewzit, lak qinkir m siuxho hro diauu. Imxsit m jaix junxjad. Vinrdnua m jingjinr. Ix sidsit virr Mara iaumoo hanghok, dyrr kyxviw hongx cuex lramw ciu jidngiu.
(8) Qiubang benw hiangxlok hyw quewzit, gauu siuxho lak qinkir. Imxsit jaix junxjad. U sinr qycc e jingjinr. Mara iaumoo berdangr qra hanghok, dyrr kyxviw hongx cuex jiyhsnuax jidngiu.
(9) Srinx cing qasex, lasamm uwuer siar be li, byy lauxsit qycc byy jetjer qaqi. Narr jitt kuanw langg, byy ingqaix cring qasex.
(10) Soxu ueuer siar liauw li, gauu cisiuw qaiwlut, jetjew qaqi qycc u lauxsit. Narr hitt kuanw langg dyrr tangx cing qasex.
(11) Qew :ee liahjuer jinx :ee, jinx :ee liahjuer qew :ee. Dna' uac dirr siaog susiongw qingwqair :ee be drat qaur jinsit.
(12) Jinx :ee knuar juer jinx :ee, qew :ee jaix hex m si jinx :ee. Dna' uac dirr jniawlo susiongw qingwqair :ee tangx drat qaur jinsit.
(13) Dyrr kyxviw cuwquar narr kamr byy bat, ho laii vitdnia e lrau. Byy siusimx, tamiok dyrr e nngr zip kir langg ee simx.
(14) Dyrr kyxviw cuwquar narr kamr u bat, ho laii dyrr be lrau. Gauu siusimx, tamiok dyrr nngr be zip kir langg ee simx.
(15) Henrser dirr jitt dah vi'aix, siw liauxau dirr vadd xui iarr vi'aix. Pnaiw dairjir juer sniu' je :ee, dirr nng xee soxjai longxx vi'aix. Knuar qnir qaqi soxx juer ee pnaiw dairjir, iarr vi'aix iarr koxceh.
(16) Henrser dirr jitt dah kuaiwlok, siw liauxau dirr vadd xui iarr kuaiwlok. Senrsu juer u qraur je :ee, dirr nng xee soxjai longxx kuaiwlok. Knuar qnir qaqi soxx juer ee senrsu, jiokk kuaiwlok, qik hnuahiw.
(17) Henrser dirr jitt dah siurkow, siw liauxau dirr vadd xui iarr siurkow. Og hing juer sniu' je :ee, dirr nng xui longxx siurkow. (Sniu diyc) "Guaw u juer og" dyrr visiongx. Au cutsir duirlyc pnaiw qingxgu, ix e qyckacc siurkow.
(18) Henrser dirr jitt dah hnuahiw, siw liauxau dirr vadd xui iarr hnuahiw. Siuhing jyrhog jerje :ee, dirr nng xui longxx hnuahiw. (Sniu diyc) "Guaw siuhing jyrhog" dyrr hnuahiw. Au cursir cutsir dirr hyw qingxgu e qyckacc hnuahiw.
(19) Suizenn u siongrtok jerje qingbunn, suacc vangr hongr hongr byy junjiaur qingbunn laii qniaa. Dyrr kyxviw knuar guu :ee decc sngr vadd langg ee guu. Sabunn byy ix ee hxun.
(20) Suizenn siongrtok ee qingbunn byy je, erdangr jiauww soxx qar :ee sidhingg. Diwsig jiokgiac, tangx dubet tamsimx, iamwhin, qapp bongrsiongw, hro simx did diyc cingjing qapp tauxvnagr. Kiwsag sewqanx ee iogbong. Bylun dirr qimsingx iacc laiser, sabunn u ix ee hxun.
ZI: Byy Hongr Hongr
(21) Beh be siw .kir, byy hongr hongr jiacc si lo. Vangr hongr hongr si sixlo. Byy hongr hongr :ee be siw. Vangr hongr hongr :ee bersux sixtew.
(22)U diwhui :ee cimx cimx jaiqiyh jitt xee dyrliw, soxx juer :ee be vangr hongr hongr. Byy hongr hongr dyrr e kuaiwlok. Dirr sxingr ee qingxqair hingrhog hnuahiw.
(23) U diwhui :ee e qencii, zimxnai, pacvniar siulen sendnia. Qaixtuad did diyc an'unw, giamrjingr diyc busiong ee liappuann (Nirvana).
(24) Pacvniar jingjinr, vutsii cisiuw jniawliam. Qniavangr sunzenn cingjing, jaix junxjad. Junjiaur jniawhuad laii sing'uac, byy hongr hongr, qetnix hyw miasniax.
(25) Pacvniar jingjinr, byy vangr hongr hongr, qaqi jaix jetjer qapp junxjad. U diwhui :ee qenwjy jit jxy be hro duarjuiw rimx .kir ee dyxsu.
(26) Hunrdun guduu ee langg, qui'ee vangr hongr hongr U diwhui :ee be vangr hongr hongr, kyxviw huwhorqax vyxho inx ee dinvyw jidngiu.
(27) M tangx dna' vangr hongr hongr. M tangx air beh logtiongr. U qingxqag rair siulen sendnia :ee, jiacc did e diyc dua anlok.
(28) U diwhui :ee be vangr hongr hongr. Byy hongr hongr dyrr be iubun. Singwhenn vreh kiw kir diwhui ee lauqyh, quanknuar diyc gong langg u jiokk je iubun, dyrr kyxviw vreh kir snuadingw hiongr xe knuar derbinrjniu ee mic jidngiu.
(29) Jingwlangg hongr hongr ee sii u qingxcnew, kyxviw jingwlangg decc kunr ee sii u cingcnew. U diwhui :ee cincniu qinxjed ee bew decc pauxjauw, lramw bew ziog be diyc.
(30) Indra byy vangr hongr hongr, mrjiacc vniwjniaa jiongww tnisinn ee tauu. Byy hongr hongr, langlangg yx. Vangr hongr hongr, langglangg hiamm.
(31) Bikiu byy air vangr hongr hongr, marr qniax vangr hongr hongr e hai. Kyxviw iam lecleh ee bingw huew qra daurser xee sokvak juann siyx siyx .kir jid'ngiu.
(32) Bikiu byy air vangr hongr hongr, marr qniax vangr hongr hongr e hai. Vingww uaw qin liappuann (Nirvana), vitdnia be cinwcaiw dyrr duirlyc.
SNAX: Simx
(33) Simx gauu dinxdang, be dniardiyc, pnaiw siuxho iarr pnaiw hanghok. U diwhui :ee e qra ciauu hro jniar, cincniu jyr qingjnir ee saihu e qra jnxir ciauu hro dit jidngiu.
(34) Kyxviw hii lirkuix soxx druar ee juixdew ho'ngg danr dirr tokax ee sii e qunxliongr. Qorr jitt jiongw qunxliongr ee simx laii tuatli Mara iaumoo ee derqair.
(35) Jitt xee simx duer iogbong decc sec, dangxhniaw pnaiw jewan. Simx hanghok si hyw su. Simx u diau'iongw jiacc tangx did anlok.
(36) Jitt xee simx duer iogbong decc sec, bibiau pnaiw quancad. U diwhui :ee e vyxho simx. U vyxho simx jiacc tangx did anlok.
(37) Bylun uanxhingg, doghingg, iacc buhingg dirr snuadong unxqux, tangx qra simx jewan qapp hanghok :ee, dyrr tangx tuatli Mara iaumoo ee sokvak.
(38) Simx be anding, duiww jniawhuad(Dharma) byy liauxqaiw, sinwsimx qycc byy qending :ee, ix ee diwhui be jniurjniar.
(39) Simx narr byy tamsimx qapp quawhuann, iarr byy qokk jiongw beluan, tangx ciau'uat sxen qapp og. U qakdix :ee be kiongxhongg.
(40) Jin' jaix sintew bersux quanr-aw, simx ving'unw naxx sniadii. Diwhui ee qiamr qongqig Mara iaumoo. Siuxho singwli qycc be qra jib diauu diauu.
(41) Jitt xee sinkux sidjai be quxdngg, quibuew e dirr tokax kunr. Virr kiwsag dy' byy iwsg. Cincniu byy loring ee quwsud.
(42) Digciuw qapp digciuw siy' hai, uansiulangg qapp uansiulangg jyr duiwtauu. Simx narr qniaa hiongr siaog, jitt kuanw ee giabjer siongrqaiww dua.
(43) (Sxen) m si verbuw iacc cinjok juewjniaa :ee. Simx narr qniaa hiongr jingwlo, jitt kuanw ee senrgiap siongrqaiww dua.
SIR: Huex
(44)Si'angw tangx jinghok derqair, iamlyqair, qapp tniqair? Si'angw gauu qangxsuad jniawhuad ee quwdau, naxx cincniu saihu caiw huex hiacc kiauxlo?
(45) U siurqar :ee tangx jinghok derqair, iamlyqair qapp tniqair. U siurqar :ee tangx qangxsuad jniawhuad ee quwdau, naxx cincniu saihu caiw huex hiacc kiauxlo.
(46) Jaiqiyh jitt xee sinkux bersux juixpeh, liauxgno sinkux si hihuanr :ee. Atjic Mara iaumoo ee huex-jnxir. Sixbongg ji' ongg soxx knuar e diyc :ee tangx tuatjauxli.
(47) Caixjib hueluiw :ee, ix ee simx u knikip. Sixsinn e qra liac .kir. Kyxviw duarjuiw lrauu quer kunr siw .kir ee jngsia jidngiu.
(48) Caixjib hueluiw :ee, ix ee simx u knikip, tam'iok ingxx be buanxjiog. Ix sidsit virr siw ee iaumoo hanghok.
(49) U diwhui :ee dirr cuanlok, cincniu pxangx caiw huex, be sunxhuai huex ee sikdir iacc pangbi, qandna' qra bit cruw .kir.
(50) M hyw kir quanknuar vadd langg ee cywgo. M tangx kir quanknuar vadd langg sniaw u jyr iacc sniaw byy jyr. Qandna' quanknuar jursinx ee hing'uii, ixx jyr :ee qapp bue jyr :ee.
(51) Kyxviw bixle ee cnihuex, sikdir suiw mrqycc byy pangx. Cincniu jitt kuanw, ue qongw diyc hyw tniax suacc byy jiauww qniaa, be u qetqyw.
(52) Kyxviw bixle ee cnihuex, sikdir suiw qycc u pangbi. Cincniu jitt kuanw, ue qongw diyc hyw tniax qycc u jiauww qniaa jiacc u qetqyw.
(53) Kyxviw an' jerje huejangg tangx juer cud jerje huekuann. Cincniu jitt kuanw, cutsir juer langg, qaidongx juer jerje senrsu.
(54) Huex ee pangbi, jniwhongx be sangr. Danhniux, tagara, iacc bagni longxx marr berdangr. Dyrdig ee pangbi jniwhongx iarr e pangx. Qunjuxlangg ee pangbi siwhngx venwde longxx pnri e diyc.
(55) Danhniux, tagara, lenhuex, iacc bagni, jiaxee pangbi lairdew, ciqair ee pangbi jueww derr id pangx.
(56) Tagara qapp danhniux, inx jitt dingxhy ee pangbi jin' biser. Ciqaiw :ee siongrqaiww pangx. Inx ee pangbi pangx qaur tnidingw ee jiongww sinn hiax kir.
(57) Singjiu soxu ee qaiwlut, uac lehh byy vangr hongr hongr. U jniawqangw diwhui ee qaixtuatjiaw, Mara iaumoo m jaix ix anww dyhh kir.
(58) Bersux jit dxuix danr dirr duarlo ee vunwsyr, lenhuex dirr hitt lairdew decc singdiongw, qycc pangx qycc hro langg' qac'ir.
(59) Cincniu vunwdywduix jitt kuanw, dirr budix ee huanhux lairdew, u jniawsiong qakgno ee derjuw iong diwhui laii jiywqngx.
GO: Gugong
(60) Kunr be kir :ee hiamm mii dngg. Tiamxtauu :ee jit yojana dyrr hiamm sniu' hng. Byy tongdat jniawhuad ee gong langg, quxdngg decc lunhuee.
(61) Cue byy sringr quer lanw :ee tangx juer ving'iuw. Qapp lanw siongdongx :ee iarr cue byy. Lingkyw qensimx qaqi druar, iarr byy beh qapp gong langg juewpnua.
(62) "Jex guanw qniaw, jex guaw ee jaisanw." Gong langg dniardnia uirr jiaxee decc cauhuann. Lenrr "guaw" dy' longxx byy ee guaw, beh tacc u qniaw qapp jaisanw?
(63) Gong langg jai'ngiaw qaqi gong, ix dyrr sngr u diwhui :ee. Gong langg qongw qaqi u diwhui, sidjai si jniawqangw gong langg.
(64) Gong langg suizenn qui' siwlangg qapp u diwhui :ee jiapqin, ix be liauxted Dharma, kyxviw tngsii decc damx tngtauu jidngiu.
(65) Kiauw :ee dna' jit diap quw aw qapp u diwhui :ee jiapqin, ix dyrr tangx soksog liauxted Dharma, kyxviw cuiwjic decc damx tngtauu jidngiu.
(66) Gong langg byy qakdix, qapp qaqi naxx uansiulangg decc jyr duiwdik. Jyrjniaa jerje giabjer, sriu jerje tongwkow ee qyxvyr.
(67) Jyr byy hyw ee dairjir, jyr liauw sniurtewhuew. Kaur qaxx bagsaiw qui' bin, kiarr ix qaidongx singsiu ee qyxvyr.
(68) Narr jyr hyw dai, jyr liauw be hiyrhuew. Hnuahiw qycc kuaiwlok, kiarr ix qaidiongx did .diyc ee qyxvyr.
(69) Giabjer iauxx bue singsik ee sii, gong langg qra knuar jyr naxx bit. Giabjer singsik liauxau, gong langg vitdnia siurkow.
(70) Gong langg jit guec quer jit guec suizenn jiac jiyw, dna' jiac kusa ee hiyc-aw, (soxx did .diyc ee qongdig), iauxx byy liauxgno jniawhuad :ee jap-lak hxun ji' id.
(71) Cincniu gulingx be liammix qendangr. Gong langg jy og giap, be jiksii qamxsiu diyc okvyr. Giablik dirr aurviah duer diauu diauu, naxx cincniu iong huexhux imr huew jidngiu.
(72) Gong langg qriuu diwsig, dendyww cux hiongr bedbongg; sunxhai diyc hingrhog, taukag iarr puar .kir.
(73) (Gong langg) Hnor hix miaa: jiongww huesiu lairdew beh jre dua xui, dirr sirngi jyr tauu, qycc air qriuu tnazinn ee qiongqib.
(74) "Huesniu qapp siogjuw longxx jaix, jex dairjir guaw jyr :ee, su bylun duarser longxx iu' guaw jywjuw." Gong langg anne sniu, tamsimx qapp qiautauu jingqax.
(75) Jit vingg inxcua duiww sewqanx ee lirig, jit vingg hiongr liappuann (Nirvana). Vuddyy ee derjuw jiongww bikiu qaidongx liauxgno diyc jitt diamw, byc tamluann sewqanx ee lirig, juanjuanx juwsimx dirr uanxvet qapp cutlii.
LAK: Diwjiaw
(76) Narr qnir diyc u diwhui :ee -- tangx jriw cud quewsid, qycc e kenwjig :ee, qaidongx qapp ix juer ving'iuw. Kyxviw u diwsig :ee tangx jriw cud vyxjangr dirr dyhh jidngiu. Qapp jitt hy diwjiaw juer ving'iuw, dikkag u hyw byy baiw.
(77) E hunwhuew qapp qawsi, joxdongr (tnazinn) juer og. Hyw langg qac'ir jitt hy langg, mrqycc e siurr pnaiw langg iamwngor.
(78) M hyw qapp pnaiw ving'iuw qauvuee. M hyw qapp vipiw :ee juer ving'iuw. Ingdongx qapp sxen :ee qauvuee, ingdongx qapp qysiong ee hensu juer ving'iuw.
(79) Tangx limx diyc jniawhuad ee juiw :ee, simx cringx qycc anlok. Diwjiaw an' singwjiaw soxx qangxsuad ee hxuad hiax vutsii did diyc hixlok.
(80) Quanwqair :ee vangr juiw. Jyr jnxir :ee diaux jnxir. Bagcniux diaux cakox. Diwjiaw qaqi ciaucig.
(81) Kyxviw qenqor ee gamjiyc, hongx cuex be iydang. Diwjiaw be uirdiyhh jikvi qapp ylyw laii dongriauu.
(82) Iarr kyxviw jit kud cimx dii, cingkir bingqngx qycc vingjing. Diwjiaw tniax diyc jniawhuad, simx cingjing cincniu jitt kuanw.
(83) Senrzinn qapp soxu (iogliam) li hng hng. Duiww tam'iok ee su byy lunrduanr. Tongwkow iacc kuaiwlok berdangr qra iydang. Diwjiaw byy hnuahiw iacc iuciuu.
(84) Be uirdiyhh qaqi iacc vadd langg, (diwjiaw laii jyr pnaiw dairjir). Byy qriuu qniaxzii, jnijaii, iacc ongqog (laii jyr pnaiw). Be sniu beh qorr byy jingwdongx ee honghuad qriuu qaqi ee hingtongx. Jitt jiongw langg si jinjniar u dikhing, diwhui, qapp jingwdit :ee.
(85) Dirr jiaxee langqunn lairdew, e qaur duiwhnua :ee jin' jiyw. Cunx :ee hiaxee langg dirr jitt vingg hnua decc vaihuee.
(86) Gauu qangxsuad jniawhuad :ee ixqip jiauww jniawhuad qniaa :ee, inx tangx qaur duiwbin hnua, vnuaa quer lann dro .quer ee snesixqair.
(87) Ingwdongx kiwsag oamr :ee, diwjiaw siulen bingqngx ee jniawhuad. An' zinqex cud .laii liauw byy cur. Hnuahiw dogqux be iik.
(88) Qaidongx qiucuw jitt jiongw (jniawhuad) ee hixlok. Kiwsag iogliam byy soxx u. Simmlai soxu ee lasamm qapp uwuer, diwjiaw rair vniawsaur hro cingkir.
(89) Soxu u qakdix ee jivo, simx jniar qycc u siulen. Qapp soxu ee jip'auw li hng hng. Hnuahiw qra soxu ee iogliam siar li. Huanlyw liauxjin dyrr e qngx ngiarngia. Jitt sxer giamrjingr diyc liappuann.
CID: Arahant
(90) Lo qniaa qaur jinrvong iarr byy iuciuu; itcer ee dairjir longxx qaixtuad; itcer ee sokvak longxx jamxdng; byy qycc u koxtangr :ee.
(91) Pacvniar siulen jniawliam :ee, diamr zinqex be kuaiwlok. Kyxviw gyy lirkuix juixdii .kir. Inx kiwsag juiw-diongx ee kiarqex.
(92) Inx hiaxee (Arahant) be dunxjig, duiww imxsit sidsit liauxqaiw. Kongsingr, byy siongwtew, qapp qaixtuad -- inx qniaa .quer ee soxjai, kyxviw jiauxjiah dirr tnidingw vuex, longxx be lauu ngiaxjiah.
(93) Inx hiaxee (Arahant), soxu ee huanlyw liauxjin, iarr be tamx jiac. Kongsingr, byy siongwtew, qapp qaixtuad -- inx qniaa .quer ee soxjai, kyxviw jiahjiah dirr tnidingw vuex, longxx be lauu ngiaxjiah.
(94) Ix soxu ee qinkir longxx anzenn vingjing. Kyxviw sraiw bew :ee hro bew lyhsingr. Tuatli qiautauu qycc byy quawhuann. Tnisinn iarr qra himbo.
(95) Ix byy hunwlo qapp hunrkir ar. Uanxzenn toxde, ix kensingg iurr qenqor; cincniu Indra (lenhuex); kyxviw byy lasamm lamwtoo ee juixdii. Jitt kuanw langg be qycjaiww lunhuee ar.
(96) Ix langg, simx anzenn vingjing, genlun quxjiw iarr anzenn vingjing. U jinjniar ee diwhui soxiw qaixtuad. Cincniu jitt kuanw :ee tangx did diyc an'unw.
(97) Byy luanrsuw sinr, u liauxted bu'uii (Nirvana). Jamxdng sokvak ee indnuax hro ingxuanw sria .kir. Kiwsag tamsimx qapp iogliam. Jitt jiongw si jinsit busiong ee hensu.
(98) Dirr jngtauu, ciurnaa, vnivox, iacc snualun, dyc'ui u Arahant, hitt dah dyrr tangx kingwhy.
(99) Ciurnaa iaxgua dy' tangx hixlok; (jiaxee soxjai) sewsioglangg byy air kir. Ix hnuahiw ham' iogliam li hng hng, byy beh qriuu logtiongr.
VEH: Cingx :ee
(100) Ue qongw jit-cingx qxur, narr byy biaurliw, vutzuu jit qxur u biaurliw :ee, tniax .diyc .ee tangx did diyc anzenn vingjing.
(101) Jimgensix siongrtok jit-cingx qxur, narr byy biaurliw, vutzu jit qxur u biaurliw :ee, tniax .diyc .ee tangx did diyc anzenn vingjing.
(102) Jimgensix siongrtog jit-vah qxur, narr byy biaurliw, vutzuu huatqur jit qxur, tniax .diyc .ee tangx did diyc anzenn vingjing.
(103) Dirr jenwdniuu suizenn pah ngiaa quer vacban langg, kacc sux qaqi jaix junxjad :ee. Ix si jenwsu lairdew jiww quann :ee.
(104) Erdangr jewhan qaqi, kacc ngiaa sringr quer vadd langg. Narr qaqi jaix junxjad :ee, hing’uii qaqi suwsiongg e jetjer.
(105) Bylun tnisinn iacc Gandharva, iaumoo Mara iacc Brahma, inx longxx e sux, longxx berdangr ngiaa quer hitt xee langg.
(106) Muixx guehzit vowsix jit-cingx (kox) -- jewhenr jit-vah nii, vutzuu diab aw quw laii siuhing ham'iongw qaqi. Ix anne ham'iongw qaqi, kacc ngiaa quer jewsu jit-vah nii.
(107) Narr u langg dirr ciurnaa lairdew diwjer huew jit-vah nii, vutzuu diap aw quw laii siuhing ham'iongw qaqi. Ix anne ham'iongw qaqi, kacc ngiaa quer jewsu jit-vah nii.
(108) Langg dirr sewqanx, vowsix iacc jewhenr qriuu hogkir jit nidangx, jitt kuanw ee qongdig viw did junqingr jingwdit :ee, iaxx byy ix ee sir hxun jit.
(109) Hnuahiw beh sna' juncunn, suwsiongg duiww diongxvuer viauxsi junqingr :ee, u sir hxang tangx did diyc jingqax: huewsiu, bixle, kuaiwlok, qapp ligliong.
(110) Langg narr jiac vah gua huer, pywqair qycc byy siuhing, vutzuu jit qangx uac lehh, cisiuw qaiwlut, siulen sendnia.
(111) Langg narr jiac vah gua huer, byy diwhui qycc byy siuhing, vutzuu jit qangx uac lehh, u diwhui qycc siulen sendnia.
(112) Langg narr jiac vah gua huer, vindnua m jingjinr, vutzuu jit qangx uac lehh, qutlat sidhingg jingjinr.
(113) Langg narr jiac vah gua huer, byy knuar qnir snix-bet ee jniawhuad, vutzuu jit qangx uac lehh, erdid qnir diyc snix-bet ee jniawhuad.
(114) Langg narr jiac vah gua huer, byy knuar qnir ingxqiuw vutsuw ee dyrliw, vutzuu jit qangx uac lehh, erdid qnir diyc ingxqiuw vutsuw ee dyrliw.
(115) Langg narr jiac vah gua huer, byy knuar qnir jiww quann ee jniawhuad, vutzuu jit qangx uac lehh, erdid qnir diyc jiww quann ee jniawhuad.
QAUW: Juerog
(116) Ingwdongx qnuaxqinw juer senrsu, atjiw juerog ee simx. Juer senrsu qanxban :ee, simx hnuahiw siaog.
(117) Langg narr juer og, m tangx juer qycjaiww juer. M tangx hnuahiw juer og. Jikju juerog dyrr e siurkow.
(118) Langg narr juer senrsu, ingwdongx juer qycjaiww juer. Qaidongx hnuahiw juer senrsu. Jikju senrhingg dyrr e kuaiwlok.
(119) Okvyr iauxx bue singsik ee sii, juer og :ee qra knuar juer si hixlik. Okvyr singsik ee sii, juer og :ee jiacc qnir diyc siaog.
(120) Senrvyr iauxx bue singsik ee sii, senrzinn qra knuar juer si kunwkow. Senrvyr singsik ee sii, senrzinn jiacc qnir diyc senrhingg.
(121) M tangx knuawkinx siyxkuaw juerog, sniu qongxx, "Guaw be drir qaur okvyr." Rair jai'ngiaw juiw decc dih .lyc, juixvann iarr e dni. Gong langg juerog buanxqnii, si jit diamw jit dih jikju :ee.
(122) M tangx knuawkinx siyxkuaw senrsu, sniu qongxx, "Guaw be drir qaur senrvyr." Rair jai'ngiaw juiw decc dih .lyc, juixvann iarr e dni. Diwjiaw senrsu buanxqnii, si jit diamw jit dih jikju :ee.
(123) Pnua jiyw, hxuer je, singlixlangg siamxvi guihiamw ee lo. Beh air uac diyhh siamxvi dogpinw. Siamxvi og iarr qaidongx anne.
(124) Narr junw ciuw byy kangcuir, tangx iong ciuw tec dog'iyc. Dog'iyc berdangr kir uer diyc byy diyhsiongx ee ciuw. Byy juer og :ee dyrr byy juerog.
(125) Narr cionghuan diyc byy siaa, sunbiw byy kuatham :ee, juerog huantauu hiongr gong langg, cincniu ing'iax jniwhongx decc vuex qangrkuanw.
(126) U langg an' buxtaix cutsir, juer og :ee dyrr lyc dergak. Jingwdit ee langg sringx kir tenqair. Huanlyw liauxjin :ee did giamrjingr zip liappuann.
(127) Bylun dirr tnidingw iacc haiw nirr, higjiaw zip kir cimsnuax ee dongrhet longxx byy loring. Beh qriuu dypiah okvyr :ee, sewqanx sidjai cue byy jit xui tangx kir.
(128) Bylun dirr tnidingw iacc haiw nirr, higjiaw zip kir cimsnuax ee dongrhet longxx byy loring, beh qriuu be hro sixbongg moqongx kongwjer :ee, sewqanx sidjai cue byy jit xui tangx kir.
JAP: Dycniux qapp Qunwtuii
(129) Itcer jiongwsingx longxx qniax dycniux qapp qunwtuii. Itcer jiongwsingx longxx qniax siw. Ixx qaqi ee qamxgo laii cuixdok (vadd langg). M tangx taii langg iacc saixsy langg' kir taii langg.
(130) Itcer jiongwsingx longxx qniax dycniux qapp qunwtuii. Itcer Jiongwsingx longxx aiwsiyh sniwmia. Ixx qaqi ee qamxgo laii cuixdok (vadd langg). M tangx taii langg iacc saixsy langg' kir taii langg.
(131) Iong dycniux qapp qunwtuii sionghai jiongwsingx laii qriuu kuaiwlok. Dna' beh qriuu qaqi ee kuaiwlok, au cutsir yh did diyc kuaiwlok.
(132) Byy iong dycniux qapp qunwtuii sionghai jiongwsingx laii qriuu kuaiwlok. Beh qriuu qaqi ee kuaiwlok, au cutsir (iarr) tangx did diyc kuaiwlok.
(133) M tangx duiww langg qongw colow ue. Hro liw qongw :ee e inwcuir. Hunwlo ee gensuu sidjai e tniar. Dycniux qapp qunwtuii siy' qongqig e siongx diyc liw.
(134)Liw narr diamrjing, cincniu jit xee pnaiw .kir ee dangly, dyrr ixqingx qniaa qaur liappuann ar. Liw be hunwlo siy' jner ee enqor.
(135) Kyxviw bogjiaw iong qunwtuii qra guu qnuaw kir bogdniuu qangrkuanw, lau qapp iarr decc kudiok jiongwsingx ee sniwmia.
(136) Gong langg juer jerje pnaiw dairjir, qaqi kiokk m jaix (u qyxvyr). Guduu :ee uirr qaqi soxx juer ee okhingg siurkow, uanxzenn iong huew siyx qaqi.
(137) Narr iong dycniux qapp qunwtuii sionghai diyc byy juer pnaiw iarr byy kir hai langg :ee, jap hxang okvyr lairdew u jit hxang, ix liammix e kir duw .diyc.
(138) Sunxsid jnijaii qik tongwkow; sintew virr sunxhai; iacc sriu dang vni soxx vig; iacc sitsimx siauxqongg.
(139) Iacc virr ongg vikhai; iacc virr bulua jiac dang jue; iacc cinlangg qasiok siwsnuar; iacc pywsanw.
(140) Iacc cuwqingx sriu huew siyx. Guduu :ee sintew sixbongg suar qycc lyc dergak.
(141) M si byy cing snxax(qikcing) zutauu-samwquiw, iacc qoo too jaiqair. Iarr m si dyw dirr tokax sinkux bag tohunw iacc druar lecc kuu lehh. Itdit u giliam :ee m si anne dyrr tangx did diyc anzenn vingjing.
(142) Sintew jonggiamm, anzenn diamrjing. Iuxsow junxjad laii jewan qaqi. Siuhing si vitzenn. Byy iong dycniux iacc qunwtuii laii sionghai itcer jiongwsingx. Jitt kuanw langg dyrr si Brahmin, dyrr si sabunn, dyrr si bikiu.
(143) Jaix pnaixser e jewan qaqi :ee, sewqanx jin' hanxiuw. Ix e siamxvi qenwsiaur qapp tixziok, cincniu hyw bew siamxvi bexvnix qangrkuanw.
(144) Kyxviw hyw bew sriu bevnix sud, qaidongx hunwhuad qapp camwhuew, jiar sinwsimx, qaiwlut, jingjinr, qapp samadhi, ixqip e hunved jniawhuad qapp bingvik qniavangr. (Jiaxee) Liw qaidongx qir diauu lehh m tangx be qir, tangx siaubet byy qiongjin ee koxqingw.
(145) Quanwqair :ee vangr juiw. Juer jnxir :ee diaux jnxir. Bagcniux diaux cakox. U dikhing :ee qaqi e junxjad.
JAP-ID: Laurhuer
(146) Ciangjai decc siyx, u sniaw tangx hnuahiw, u sniaw tangx hyw ciyr? Oamr kamr diauu lehh. Tacc m qiucuw qongbingg?
(147) Quancad jitt xee u hunxsig .quer ee sinkux, jit dxuix jucngx qapp quttauu, je jingwtauu qycc je liamrtauu, (jitt kuanw :ee) quatding be ingxqiuw junjai.
(148) Jitt xee jiamrr jaux .kir ee hinghaii, je vnirtniar qycc kuair pnaiw. Hiuxnua :ee jikju vitdnia e huixbet. U snix quibuew dyrr u siw.
(149) Cincniu holoquex, ciutnix ee sii dirr tokax siwsnuar. Puebah naxx hunxjiauxaxsig. Knuar diyc jex u sniaw tangx hnuahiw?
(150) Jitt xee sniaa si quttauu kiw :ee, iong hueh qapp bah vaux. Lairdew u junkngr lau qapp siw, ixqip qiautauu qapp qexbin.
(151) Qok'ongg ee ciax jongsig qaxx suiw dangdangx iarr vitdnia ee hiuxhuai. Jitt xee sinkux laurjaux qaidongx iarr si jitt kuanw. Dogdok senrzinn ee qauwhuar be laurjaux. Senrzinn tuanqar hro senrzinn.
(152) Diwsig kiamwkueh ee (gong) langg snex juer naxx guu. Qandna' snex qinbah, diwhui be qetnix.
(153) Qingquer sxor vaiw lunhuee cutsir, beh cue kiw cur :ee, suacc cue byy. Tongwkow dingliauxdingg decc huatsnix.
(154) U qnir diyc kiw cur :ee ar! Be qycjaiww kiw cur. Qag-aw longxx hai .kir. Ngee-aw iarr jric .kir. Guaw qaxx u giamrjingr diyc buuii, itcer ee iogqiuu itjin.
(155) Siauwlenn m tyxtanr, iarr m siuhing, kyxviw dii-vnix ee lau cankia'aw, byy hii damoh .kir.
(156) Siauwlennn m tyxtanr, iarr m siuhing, dyw lehh naxx jric .kir ee puar qingjnir, uirr quewkir decc vitanr.
JAP-ZI: Jurqiw
(157) Langg narr jaix jurair, rair erhiauw vyxho qaqi. Snax xee sijun lairdew bylun dycc jit xee, diwjiaw longxx ingwdongx qingxcnew.
(158) Diyhh dairsingx jiong' qaqi andah dirr jniawdy, zen'au jiacc kir qar vadd langg. Hensu byy quewsid.
(159) Narr beh qawsi vadd langg, ingqaix jiauww qaqi soxx juer, u jewan (qaqi) jiacc jewan (tazinn). Qaqi jaix junxjad sidjai siongrr kunwlann.
(160) Qaqi dna' tangx uaxkyr jurqiw. Vadd langg jnuaw e uaxping tihh? Qaqi diyhh erhiauw junxjad, giamrjingr yh did .diyc ee uaxping.
(161) Okhing sidjai si qaqi juer :ee. An' jurqiw jiax snix :ee, an' jurqiw jiax kixdir :ee. Gong langg virr (okhing) sngxdng, cincniu qimqongjiyh deh puar vyxjiyc qangrkuanw.
(162) Pywqair bersux dincauw qra salaciu dnii qaxx bat bat bat. Ix jurqiw juer jitt kuanw, vehvec hro duiwdik hnuahiw zuir.
(163) Vutsen ee dairjir kuair juer, mrqycc duiww qaqi byy lirig. Sxen qycc u lirig ee dairjir dyrr sidjai qik pnaiw juer.
(164) U sialiam ee gong langg, ixx ix siaog ee qenwsig laii buxziog arahant, qniadac u jiauww jniawhuad :ee, ixqip jundiongw ee qawsi, diwsuw qaqi laii huixbet. Kyxviw katthaka dig-aw, qetjiw diwsuw laii bedbongg.
(165) Pnaiw dai sidjai si qaqi juer .cud .laii .ee, uwuer iarr qaqi juer did laii :ee. Qaqi byy juer pnaiw, cingjing iarr qaqi juer did laii :ee. Cingjing iacc byy cingjing longxx kyr qaqi. Vadd langg tacc tangx cingjing tazinn?
(166) M tangx uirdiyhh duiww vadd langg iuxli ee dairjir laii hutliok qaqi ee lirig (gnordy). Sidsit liauxqaiw duiww qaqi iuxli :ee, ciangjai e juansimx dirr lirig (gnordy).
JAP-SNAX: Sewqanx
(167) M tangx kir juer qerlo ee dairjir. M tangx hongr hongr quer zidjiw. M tangx qinduer siasuad. M tangx endngg sewsiok ee sniwmia.
(168) Qutlat pacvniar m tangx vangr hongr hongr. Qniaa jingwdongx ee hxuad qapp senrhingg. Jiauww jingwdongx ee hxuad kir juer :ee, jitt sxer qapp vadd sxer longxx anlok.
(169) Juer jingwdongx ee hxuad qapp senrhingg. M tangx juer okhingg. Jiauww jingwdongx ee hxuad kir juer :ee, jitt sxer qapp vadd sxer longxx anlok.
(170) Qra knuaer juer naxx juxibin ee juixpyx, qra knuar juer naxx haixsiong ee lauqyh. Narr langg jiauww jitt kuanw knuawtai sewqanx ee dairjir, sixbongg ji' ongg dyrr qnir ix be diyc.
(171) Laii knuar jitt xee sewqair, bersux jonggiamm ee qok'ongg bexciax. Gong langg dimbee dirr hitt lairdew. U diwhui :ee jit sud aw dy'’ be jip'auw.
(172) Langg narr kixsingx vangr hongr hongr, mrqycc au .laii byy vangr hongr hongr, ix jiywqngx jitt xee sewqanx kyxviw guec an' ohunn-lai cud .laii.
(173) Narr juer pnaiw dai, au .laii iong qorr senrsu qra kamr .quer, ix jiywqngx jitt xee sewqanx kyxviw guec an' ohunn-lai cud .laii.
(174) Jitt xee sewqanx si cnimii :ee. Tangx knuar e bingg :ee jin' jiyw. Kyxviw jiauw-aw tuatcud tenlyy-derbongw, tangx singtenx :ee jin' jiyw.
(175) Tengyy dirr zidtauu erdew decc vuex. U sintongx :ee tangx dirr tnidingw qnia'iuu. U diwhui :ee jenr ngiaa iaumoo Mra qapp ix ee qundui, erdid tangx tuatcud jitt xee sewqanx.
(176) Uihuan jit diauu hxuad, qycc ue luanrsuw qongw :ee, ixqip byy siongsinr u laiser :ee, sniaxmih kuanw pnaiw dai dy' juer.
(177) Dangwsngx :ee be singtenx. Gong langg be ylyw vowsix. U diwhui :ee hnuahiw vowsix, liauxau vitdnia did diyc anlok.
(178) Ittongw tenha :ee tangx sringx kir qaur tnidingw. Itcer sewqair ee jruw longxx viw be quer Urlauu ee qongqyw.
JAP-SIR: Vuddyy
(179) Ix ee singwli sniaxmih si longxx berdangr qra pacvai. Dirr sewqanx byy sitvai decc qra qinduer. Vuddyy ee diwhui byy dexjiw iarr byy jongjiah. Liw qycc tangx iong sniaw kir qra kixpenr iacc behik?
(180) Ix ixqingx byy hro qad soxx vak. Iogbong pnaiw qra iuxquaiw .kir. Vuddyy ee diwhui byy dexjiw iarr byy jongjiah. Liw qycc tangx iong sniaw kir qra kipenr iacc behik?
(181) U diwhui :ee siulen sendnia, hnuahiw cutqex jigjing. U jniawsiong liamrtauu qapp qakgno :ee, tnisinn iarr qingwtniar.
(182) Cutsir juer langg jin' lann. Siurmia limjiongx jin' lann. Tniax qnir diyc jniawhuad jin' lann. Duw diyc vut jairser jin' lann.
(183) Itcer pnaiw dai m tangx juer. Itcer senrsu ingwhingg. Qaqi jaix junxjad, cingjing qaqi ee iwliam. Jex si jiongww vut soxx qawsi :ee.
(184) Jiongww vut qongw liappuann ee qingxqair siongrr quann. Zimxsiu buxziok si siongrr quann ee koxhingg. Hai langg' :ee sidjai dyrr m si cutqelangg. Siongx langg' :ee berdangr cxingx juer sabunn.
(185) Be qa'ngg huixma qapp sionghai. Giamqinw cisiuw qaiwlut. Imxsit jaix jad liong. Dogqux druar li langg' kacc hng. Qutlat siuhing jingjinr sendnia. Jex si jiongww vut soxx qawsi :ee.
(186) Narr junw lyc qimjnii-ho, iogliam iarr be buanxjiog. U diwhui :ee jin' jaix imiok si jiyw kaiwlok jiyw je qankow!
(187) Mrjiacc ix duiww tnidingw ee iogbong iarr be qiqiuu. U jniawsiong qakgno ee derjuw ngwbang air qapp iok longxx bedjuat.
(188) Langg uirdiyhh kiongxhongg ee enqor, e kir quiix snuabuw, higjiaw kir qinruaw ciurnaa, huehngg, ciurbok, iacc biyrsi.
(189) Jiaxee longxx m si an'unw ee uaxkyr. Jiaxee m si siongrr quann ee uaxkyr. Cincniu jitt kuanw quiix, itcer koxlan qapp inx li be kuix.
(190) Narr u quiix Vuddyy, quiix Jniawhuad, qapp quiix Sangha(jingdoo), jniawsiong diwhui ee enqor, ix tangx qnir diyc sir xee jiww sxingr ee jinliw.
(191) Kow, kow ee kixinx, qapp kow ee bedjuat, ixqip veh diauu sxingr ee dyrlo, jiaxee tangx hro koxlan jigjing bedjuat .kir.
(192) Jitt kuanw ee quiix jin' an'unw. Jitt kuanw ee quiix si busiong :ee. Jitt kuanw ee quiix tangx qaixtuad itcer koxlan.
(193) Singwzinn qik pnaiw duw .diyc. Ix byy cinwcaiw soxjai cutsir. Diwjiaw cutsir ee soxjai, qui'ee qajok hingtongx dua hnuahiw.
(194) Vut cutsir, dua hixlok. Qangxsuad jniawhuad, dua hixlok. Sangha(jingdoo) tongxhap, dua hixlok. Siulen :ee u tongxhap, dua hixlok.
(195) Qiongrjaix hro qiongqib :ee: qapp hihuanr tuatjauxli, ciauuat soxu ee iuciuu qapp huanlyw. Inx dyrr si Vuddyy qapp Vuddyy ee derjuw.
(196) Narr jiauww jitt kuanw qiongqib jigjing byy qniahniaa :ee, soxx did .diyc ee qongdig, byy langg erdangr cikliong.
(197) Lanw ee sing'uac kaksit anlok. Dirr uanwhun-diongx byy uanwhun. Dirr u uanwhun ee langqunn lairdew, lanw byy uanwhun decc uac.
JAP-GO: Anlok
(198) Lanw ee sing'uac kaksit anlok. Dirr vnertniar-diongx byy vne. Dirr vnerlangg lairdew, lanw byy vne decc uac.
(199) Lanw ee sing'uac kaksit anlok. Dirr tamliam-diongx byy iogbong. Dirr tamliam ee langqunn lairdew, lanw byy iogbong decc uac.
(200) Lanw ee sing'uac kaksit anlok. Lanw byy kuawlu. Lanw qra kuaiwlok knuar juer jiahsit, kyxviw Qngx-Sniax Tnisinn.
(201) Singwli sanxsingx uanwhun. Sitvai :ee uac qaxx jin' koxceh. Qra singwli qapp sitvai longxx kiwsag :ee, hyvingg, cingjing, uac qaxx jin' anlok.
(202) Byy sniaxmih kuanw huew cincniu tamliam. Byy sniaxmih kuanw og cincniu uanwhun. Byy sniaxmih kuanw kow cincniu (go) dxir. Byy sniaxmih kuanw kuaiwlok kacc ngiaa jigjing.
(203) Iaugy si siongrr dua ee vni. Hingqingr si siongrr dua ee kow. Sidsit jaiqiyh jiaxee dyrliw, liappuann (Nirvana) si siongrr quann ee kuaiwlok.
(204) Byy vni si siongrr dua ee lirig. Dijiog si siongrr dua ee jaihur. Sinwnai si siongrr cinx ee cinx. Liappuann si siongrr quann ee kuaiwlok.
(205) U damx diyc dogqux ee jubi ixqip jigjing ee jubi :ee, hnuahiw jiac diyc jnuawhuad ee jubi, e qapp qniahniaa ixqip og li hng hng.
(206) Qnir diyc singwzinn jiokk hyw. Qapp inx dauwdin jin' kuaiwlok. Byy qnir diyc gong langg, inx jiacc suwsiongg hnuahiw kuaiwlok.
(207) Qapp gong langg qniaa dangjee, e sisiongg iuciuu visiongx. Qapp gong :ee dauwdin jin' qankow, bersux qapp digzinn dauwdin. Qapp u diwhui :ee dauwdin, kuaiwlok cincniu qapp cinjok sionghue.
(208) Sowdiw qongxx: Hensu, diwjiaw, qapp je qenwbunn :ee, cisiuw qaiwlut, kensingg, qapp singwzinn, duer jiaxee senrzinn, henlingg, qapp u diwhui :ee qniaa, bersux guec qinsuii cnxix ee dyrlo.
JAP-LAK: Iwair
(209) Juer byy ingwdongx juer :ee, qaix juer :ee byy juer. Kiwsag senrhingg cux hiongr iogliam, suacc himsen jingjinr pacvniar :ee.
(210) M tangx qapp iwair :ee qauvuee. M tangx qapp byy iwair :ee qauvuee. Byy knuar qnir iwair :ee e qankow. Qnir diyc iamwor :ee iarr qankow.
(211) Sowdiw qongxx m tangx qra iwair jib diauu lehh. Qapp iwair :ee lirvet si kow. Narr byy iwair qapp uanwhun, hitt xee langg dyrr byy siurr sokvak.
(212) An' iwair sanxsingx iuciuu. An' iwair sanxsingx kiongxhongg. Qapp iwair tuatjauxli dyrr byy iuciuu, dyc'ui e snix cud qniahniaa?
(213) An' tniawtangr sanxsingx iuciuu. An' tniawtangr sanxsingx kiongxhongg. Qapp tniawtangr tuatjauxli dyrr byy iuciuu, dyc'ui e snix cud qniahniaa?
(214) An' tamliam sanxsingx iuciuu. An' tamliam sanxsingx kiongxhongg. Qapp tamliam tuatjauxli, dyc'ui e snix cud qniahniaa?
(215) An' tiongwlok sanxsingx iuciuu. An' tiongwlok sanxsingx kiongxhongg. Qapp tiongwlok tuatjauxli, dyc'ui e snix cud qniahniaa?
(216) An' iogbong sanxsingx iuciuu. An' iogbong sanxsingx kiongxhongg. Qapp iogbong tuatjauxli, dyc'ui e snix cud qniahniaa?
(217) Siuw qaiwlut, u jniawsiong ee qenwsig, dirr jniawhuad-lai kiarkiw, jaix jinliw, qycc qaqi ee hingqingr u uanbuanw, jitt kuanw siurr sewqanlangg tniawtangr.
(218) Qiubang uergiw berdid qongw ee jniawhuad, simx hro sulu ciongmuaw, soxu iogliam be kir jibsiuw, jitt kuanw dyrr hy juer siongrdingw langg.
(219) Quxdngg diamr guarhniux :ee, an' iau’uanw ee soxjai ving'anx dngw .laii. Cinjniaa, ving'iuw, qapp siy' bad :ee longxx hnuahiw laii gingjiab ix.
(220) Jyrhog iarr si jitt kuanw. An’ jitt sxer qaur laiser, hokvyr bersux cinjniaa ving'iuw gingjiab inx soxx tniawtangr :ee dngw .laii.
JAP-CID: Hunwlo
(221) Kiwsag hunwlo, dubet qiautauu, qra itcer sokvak tauxvangr, byy qra miaa qapp siktew jib diauu lehh. Jit hxang dy' byy :ee, kow be qra qinduer.
(222) Narr erdangr jewab hunwlo, cincniu jewhan huexsog ee ciax :ee, tangx cxingx juer (gauu) sraiw ciax :ee. Cunx :ee dna' jib bexsyh :ee.
(223) Iong byy hunwlo sringr quer hunwlo. Iong sxen sringr quer vutsen. Iong vowsix sringr quer dangwsngx. Iong sidjai sringr quer hihuanr.
(224) Qongw jinx ue, byy siurkir, vowsix hro qiuqid :ee. Juer jitt snax hxang dairjir tangx singtenx.
(225) Byy qa'ngg sionghai, jursinx vutsii e junxjad, qaur qaxx byy siw ee qingxqair – byy visiongx qapp iuciuu ee soxjai.
(226) Suwsiongg qingxcniw :ee, zid'ia qutlat siuhing hagsip. Qui' simx iwhiongr dirr liappuann (Nirvana), soxu ee huanlyw e byy .kir.
(227) Atula qaidongx jai'ngiaw: Jex m si jitmaw jiacc u :ee. Qoxjaw dyrr u qongw .quer. Diamrjing siurr langg huixma. Je ue siurr langg huixma. Ue jiyw siurr langg huixma. Byy siurr huixma :ee, jitt xee sewqanx sidjai byy vnuar xee.
(228) Juann ho'ngg huixma, iacc juann ho'ngg ylyw :ee, quewkir qapp birlaii byy, henrjai iarr cue byy.
(229) Langg narr dagg qangx u huanxsingw, hing'uii byy hacuu iuqycc henbingg, u diwhui qycc u siuw qaiwlut, diwjiaw e qra ylyw.
(230) Zinpinw naxx jniawqimx :ee, si'angw e qra huixma, buxziok? Ix si Brahma, lenrr tnisinn dyrr qra ylyw.
(231) Hongvi hing'uii ee hunwlo. Jursinx u junxjad. Qra pnaiw ee hing'uii kiwsag. Iong sinkux laii siulen senrhingg.
(232) Hongvi uergiw ee hunwlo. Uergiw u junxjad. Qra pnaiw ee uergiw kiwsag. Iong uergiw laii siulen senrhingg.
(233) Hongvi iwliam ee hunwlo. Iwliam u junxjad. Qra pnaiw ee iwliam kiwsag. Iong iwliam laii siulen senrhingg.
(234) U diwhui :ee jursinx e junxjad. Qycc uergiw iarr e junxjad. Iwliam iarr e junxjad. Sidjai itcer inx longxx u junxjad.
JAP-VEH: Uwuer
(235) Liw dnaxx ixqingx naxx cincniu dax hiyh. Yama (Giamlyy) ee suwjiaw qinruaw liw ee sinvnix. Liw ixqingx kia dirr sixbongg mngkakauw. Jitt jua hingluw liw iarr byy soxhuir iacc niucauw.
(236) Liw qaidongx qaqi kixjy anjuann ee dxyw. Sinwsog, jingjinr, qycc qutlat laii jniaa juer diwjiaw. Ing'iax qapp uewsuer cringx danwsag liauw byy huanlyw, dyrr tangx drat qaur tnidingw sxingr ee qingxqair.
(237) Liw dnaxx siursor ixqingx uanqed. Liw ixqingx qniaa uaw Yama (Giamlyy). Lorsiong byy tinghiyh ee soxjai. Jitt jua hingluw liw iarr byyy soxhuir iacc niucauw.
(238) Liw qaidongx qaqi kixjy anjuann ee dxyw. Sinwsog, jingjinr, qycc qutlat laii jniaa juer diwjiaw. Ing'iax qapp uewsuer cringx danwsag liauw byy huanlyw, dyrr be qycjaiww cutsir qapp lau .kir.
(239) Jit diab aw quw jit diab aw quw, diwjiaw jit diamw jit dih jiamrjiam qra jursinx ee uewuer cringx danwsag, bersux gincniu decc tuanr qimx qangrkuanw.
(240) Cincniu tih qaqi e snix sxenx. Snix sxenx liauw e aur .kir. Huanrjue :ee iarr si jitt kuanw, qaqi soxx juer ee giap diwsuw qniaa jnriu og dy.
(241) M siongrtok diwsuw qingdenw uwuer. Byy qutlat diwsuw cur nirr uwuer. Vinrdnua diwsuw guarmau uwuer. Vangr hongr hongr diwsuw siuxho :ee uwuer.
(242) Qniaa sia'imm diwsuw hurzinlangg uwuer. Dangwsngx diwsuw vowsix :ee uwuer. Jitt sxer qapp laiser, og hxuad kaksit e uwuer.
(243) Jiaxee uwuer lairdew, bubingg jitt hxang siongrqaiww dua. Liw qaidongx siauduu jitt hxang uwuer, jniaa juer byy uwuer ee bikiu.
(244) M jaix qenwsiaur, bongxdongw naxx cincniu oax, qabuu tazinn, hyw dnaw jurkaikyx, qiautauu, siaog, jitt xee langg ee sing'uac jin' kinkyw.
(245) Jaix qenwsiaur, vutsii qriuu cingjing, byy jipbee, qowkiamx, cingjing kiarkiw, u (honghur) qenwsig :ee, jitt xee langg ee sing'uac jin' qanlann.
(246) Langg dirr sewqanx narr satsingx, luanrsuw qongxue, tec langg' byy air hro ix :ee, cimhuan vadd langg ee bow.
(247) Qycc dimbee dirr limx jiuw. Qniadac cincniu jitt kuanw :ee, dirr jitt sxer dyrr qra qaqi ee sxen-qinx ow .cud .laii huixbet driau.
(248) Anne liw ingwqaix jaix: Byy jewhan dyrr e juer og. M tangx siauxtamx qapp juer pnaiw, (narr byy) e ham zip kow haiw.
(249)Narr jiauww soxx siongsinr qapp soxx hnuahiw :ee vowsix, e jikdor vadd langg ee imxsit. Bylun dirr zit .sii iacc amwsii, ix simx longxx berdid tangx dniardiyc.
(250) Narr jamw dng jitt xee simliam, qra qinx vuic driau qapp dubet, bylun dirr zit .sii iacc amwsii, ix simx longxx erdid tangx dniardiyc.
(251) Byy sniaxmih tangx qapp tamliam jitt kuanw huew vixping. Byy sniaxmih jip'auw cincniu uanwhun. Byy sniaxmih tangx qapp bxang jitt kuanw guduu vixping. Byy sniaxmih kuanw laujuiw cincniu iogbong.
(252) Knuar qnir vadd langg ee quewsid kacc kuair. Knuar qnir qaqi ee quewsid dyrr kacc yh. Longriongg vadd langg ee pnaiw naxx hongx cuex pnar cxig. Qaqi ee quewsid dyrr kamr bat bat. Ix kyxviw qankiauw ee qiauxdoo, jiong' vutli :ee unxmuaa.
(253) Qnir diyc vadd langg ee quewsid dniardnia e kuair siurkir, dogdok qetnix huanlyw. Ix qapp dng gihik iauxx li jiokk hng.
(254) Hukongx byy lorhunn. Guardy byy sabunn. Jiongwsingx iwhiongr hihuanr. Zulaii be hihuanr.
(255) Hukongx byy lorhunn. Guardy byy sabunn. (go) Dxir vutciangjai. Soxu ee Vut vutsii dniardiyc.
JAP-QAUW: Jingwhuad
(256) Juer dairjir bongxdongw :ee byy qniaa jingwlo. U diwhui :ee ingwdongx e venrved sniaw si jniar qapp sniaw si siaa.
(257) Inxcua langg byy bongxdongw :ee, jiauww hxuad juer qycc u qongdy. U diwhui :ee vyxho jniawhuad, tangx cxingx juer qniaa jingwlo :ee.
(258) Byy in'ui ue qongw je dyrr jniaa juer diwjiaw. Anjing, byy uantanr iarr byy qniahniaa, anne tangx cxingx juer diwjiaw.
(259) Be in'ui ue qongw je dyrr jniaa juer cisiuw jniawhuad(Dharma) :ee. Suizenn tniax kacc jiyw, jursinx qnir diyc jniawhuad, duiww jniawhuad iarr byy vangr hongr hongr, anne tangx cxingx juer cisiuw jniawhuad :ee.
(260) Be in'ui taujangx vec dyrr tangx cxingx juer diongxlyw. Ongxhuir nihuer qetnix, si vehvec u diongxlyw ee miaa.
(261) U sidsit texhue, qniaa jingwlo, byy satsingx, u jetjer, qycc e junxjad, jitt kuanw si u diwhui ee langg. Dubet soxu ee uwuer :ee, kaksit tangx cxingx juer diongxlyw.
(262) Jikdor, qenlin, qapp higui :ee, suizenn gauu jingven iacc siongwmau duanjniar, inx m si senrliongg ee langg.
(263) Narr jamw dng jitt xee simliam, qra qinx vuic driau qapp dubet, qycc qra uanwhun kiwsag ee diwjiaw, jitt kuanw tangx cxingx juer senrliongg ee langg.
(264) Narr pywqair luanrsuw qongxue, tir tauu iarr m si sabunn. Ciongbuanw iogbong qapp tamliam :ee, anxjnuaw tangx qiyr juer sabunn?
(265) Soxu ee okhingg longxx huewbyy .kir, bylun dua iacc ser. Soxu ee oghingg huewbyy .kir, soxdiw tangx cxingx juer sabunn.
(266) M si qra langg' qiukid dyrr si bikiu. Marr m si qniaa jongqaur gisig dyrr si bikiu.
(267) Kiwsag sxen qapp og, u siuhing, jin' jaix sewqandai, jitt kuanw :ee kaksit tangx cxingx juer bikiu.
(268) Guduu budix :ee, be in'ui diamrjing dyrr cxingx juer singwzinn. Diwjiaw jaix kindang, cuxsiaw.
(269) Kiwsag okhingg qiucuw senrhingg tangx jniaa juer singwzinn. Jaiqiyh nng sxer, soxdiw cxingx juer singwzinn.
(270) Satsingx :ee m si singwhenn. Byy sionghai jiongwsingx :ee tangx cxingx juer singwzinn.
(271) M si dnaxx siuw qaiwlut, je qenwbunn, giamrjingr Samadhi, iacc dogqux.
(272) Sniu qongxx, "U qinggiam diyc cutqex ee kuaiwlok, si itvnuax huanhux-siogjuw soxx hiangxsiu be diyc :ee." Linw jiaxee huanlyw iauxx bue bedjin, m tangx sniu qongxx tywdongr ar.
ZI-JAP: Jingwdy
(273) Veh diauu jingwdy itdingw hyw. Sir qxur jinliw itdingw hyw. Dngrr iogbong ee hxuad itdingw hyw. Nng qix kax u ganxsig :ee itdingw hyw.
(274) Sidjai dna' jitt diauu lo. Byy vadd diauu tangx did cingjing ee jaibad. Linw jiaxee en' jitt diauu qniaa, Mara iaumoo iarr knuar byy siurr behik.
(275) Liw jiauww jitt diauu lo qniaa, tangx hro liw ee kow bedjin. Liauxqaiw guaw soxx qangxsuad ee jingwdy tangx siauduu ciwper .
(276) Liw qaidongx qaqi pacvniar. Zulaii dna' suanqangw :ee. Qniaa siulen sendnia ee lo :ee, tangx qaixtuad Mara iaumoo ee sokvak.
(277) "Itcer sowhingg vutciangjai". Iong diwhui quancad ee sii, duiww kow iawsen e qapp ix li hng hng. Jex dyrr si qniaa hiongr cingjing ee jingwdy.
(278) "Itcer sowhingg si kow". Iong diwhui quancad ee sii, duiww kow iawsen e qapp ix li hng hng. Jex dyrr si qniaa hiongr cingjing ee jingwdy.
(279) "Itcer ee hxuad byy guaw". Iong diwhui quancad ee sii, duiww kow iawsen e qapp ix li hng hng. Jex dyrr si qniaa hiongr cingjing ee jingwdy.
(280) Qaidongx pacvniar ee sii byy pacvniar. Siauwlenn suacc vindnua. Iwjir siaudimm qycc luanxziok. Vindnua :ee be vin' diwhui did diyc jingwdy.
(281) Uergiw qinxsin, iwliam u jewan, qycc byy ing sinkux juer og. Jitt snax hxang u cingjing, tangx did diyc singwjiaw soxx jixsi ee jingwdy.
(282) Dui' camsenn sanxsingx diwhui. Byy camsenn, diwhui songwsid. Liauxqaiw jitt nng hxang ixqip inx ee did qapp srid, qaidongx pacvniar sidhingg laii jingqax diwhui.
(283) Ingwdongx qra iogbong ee ciurnaa cyr driau. M tangx kir cyr ciu-aw. An' iogbong ee ciurnaa snix cud kiongxhongg. Qaidongx tuatli iogbong ee ciurnaa.
(284) Lamluw ee iogbong sxix kanx sxix, dng be li, simx ngidnii. Kyxviw jiac lingx ee gu'axqniaw li be kuix gubuw.
(285) Qaqi qra iwair jamw dng, cinciu iong ciuw qra ciutnix ee lenhuex ad dng. Qutlat siulen jigjing ee jingwdy, Vuddyy soxx qangxsuad ee liappuann (Nirvana).
(286) "Lyhho ee quiwjed guaw druar jiax. Qnuaa .langg qapp zuac .langg iarr druar jiax." Gong langg anne sniu suacc byy diwqag u guihiamw.
(287) Tingxsing qniaxzii qapp tausnex-aw :ee, ix ee simx u gihik. Sixsinn beh qra liac .kir, kyxviw duarjuiw qra kunr siw .kir ee jngsia lrauu .kir qangrkuanw.
(288) Laurve, qniaxzii, iacc cinjniaa longxx berdangr qra qiuwjo. Ix hro siw soxx jewab, m si cinjok soxx erdangr qiur.
(289) Liauxqaiw jit xee ywgi, diwjiaw cisiuw qaiwlut, sinwsog qra tongx hiongr liappuann(Nirvana) ee lo cringx hro cingkir.
ZI-JAP-ID: Jabcyr
(290) Kiwsag siyw kuaiwlok tangx qnir diyc dua kuaiwlok. U diwhui :ee qaidongx qnir diyc dua kuailok, kiwsag siyw kuaiwlok.
(291) Uirr beh qiucuw qaqi ee kuaiwlok laii hro vadd langg tongwkow. Jitt kuanw langg virr uanwhun sokvak, uanwhun taubuew qra dnii diauu diauu.
(292) Ingwdongx juer byy juer, byy ingwdongx juer :ee suacc kir juer. Qiautauu vangr hongr hongr :ee, ix ee huanlyw e jingqax.
(293) Vutsii qutlat jingjinr quanqor jursinx. M juer byy ingwqaix juer :ee. Ingwqaix juer :ee dyrr dniardnia kir juer. U decc quanqor :ee huanlyw bedjin.
(294) Taii siw laurbuw(iogbong), laurve(qiautauu), qapp nng xee Kṣatriya ee ongg, ixqip huixhuai ongqok taii siw dairsinn, dyrr e qniaa hiongr byy iuciuu ee Brahmin.
(295) Taii siw laurbuw(iogbong), laurve(qiautauu), nng xee Brahmin ee ongg, qapp go xee hoxjiongr, dyrr e qniaa hiongr byy iuciuu ee Brahmin.
(296) Gotama ee derjuw vutsii qingxcniw, bylun zit .sii iacc amwsii, inx ciangjai quawliam Dharma.
(297) Gotama ee derjuw vutsii qingxcniw, bylun zit .sii iacc amwsii, inx ciangjai quawliam Dharma.
(298) Gotama ee derjuw vutsii qingxcniw, bylun zit .sii iacc amwsii, inx ciangjai quawliam Sangha.
(299) Gotama ee derjuw vutsii qingxcniw, bylun zit .sii iacc amwsii, inx ciangjai quawliam jursinx.
(300) Gotama ee derjuw vutsii qingxcniw, bylun zit .sii iacc amwsii, inx ciangjai hnuahiw byy satsingx.
(301) Gotama ee derjuw vutsii qingxcniw, bylun zit .sii iacc amwsii, inx ciangjai hnuahiw u camsenn.
(302) Cutqex u hnuahiw, qanlann. Jairqax sing'uac, qanlann. Qapp be hac :ee jywhuew kiarkiw, qankow. (Lunhuee) Snesiw laikir, qankow. Sowdiw qongxx byy ingwqaix snesiw laikir hro tongwkow duer diauu diauu.
(303) U sinwliam qycc siurqair, did miaa qapp did jxaii :ee, bylun kir qaur dyhh, siwqer sriu junqingr.
(304) Hyw miaa vywiongg qaur hng hng, quandua henxbingg berusx hunn hiacc quann ee snuax. Juer og :ee bersux amwmii sria jnxir, uaw qin qin iarr knuar be diyc.
(305) Dandok jre, dokdok druar, qapp dandok qniaa longxx be iawsen, qycc e qaqi junxjad qapp jewan. Jitt kuanw langg hnuahiw dirr ciurnaa-lai druar.
ZI-JAP-ZI: Dergak
(306) Lamrsamw qongxue :ee jraix lyc dergak. U juer :ee qongw "guaw byy juer". Juer jitt nng hxang okhingg :ee dirr siw liauxau, dirr vadd sxer vnivnii sriu dergak ee kow.
(307) Je niaw qasex dnii dirr amrqunw, juer pnaiw dai suacc byy jetjer. Pnaiw langg juer pnaiw dai, jiongqibuew jraix lyc dergak.
(308) Pywqair qycc m jaix jewan :ee narr sriu langg' sisiar jiahsit, lingkyw qra siyx tngwtngr cud iam huew ee ticqiuu tunx .lyc.
(309) Hongwdong kir qapp vadd langg ee bow qniaa qan'imm :ee vitdnia e jygu diyc sir qnia dairjir: jxig juergiab, kunr be an'unw, derr snax hxang si sriu jikvi, derr sir su lyc dergak.
(310) M si hokhun qycc e jxig giabjer. U qniahniaa, kuaiwlok jin' jiyw. Qok'ongg e qra dring dang jue. Soxdiw qongxx m tangx qapp vadd langg ee bow qniaa qan'imm.
(311) Kusacauw tec byy hyxser dyrr e sionghai ciuxqud. Sabunn juer siaog ee dairjir dyrr e qniaa hiongr dergak.
(312) Vangr hongr hongr qycc vindnua, ciqair u kiamwdiamw, siuhing u qenwgii, jitt kuanw :ee be tangx did diyc dua qongqyw.
(313) Ingqaix juer soxx qaidongx juer :ee. Juer dyrr qaidongx jinrlat. Hing'uii hHongwdong ee huesniu, iogbong ee din'aix e qetnix.
(314) M tangx juer pnaiw dai kacc hyw. Juer pnaiw liauxau e siurkow. Juer jerje senrsu kacc hyw. Juer senrsu be siurkow.
(315) Piwlun venqair ee kuhik, lairgua longxx rair siuxho. Siuxho jursinx qaidongx iarr jitt kuanw. Diab aw quw dy' m tangx vangr hongr hongr. Jit diab aw quw sohud :ee dyrr e zip dergak siurkow.
(316) Byy ingqaix qenwsiaur :ee suacc qenwsiaur. Ingqaix qenwsiaur :ee suacc m jaix qenwsiaur. U siaog qenwqaiw ee jiongwsingx qniaa hiongr og giap.
(317) Byy ingqaix kiongxhongg :ee suacc kiongxhongg. Ingqaix kiongxhongg :ee suacc m jaix kiongxhongg. U siaog qenwqaiw ee jiongwsingx qniaa hiongr og giap.
(318) M si quewsid suacc sniu qongxx si quewsid. Sidjai si quewsid suacc byy knuar qnir diyc quewsid. U siaog qenwqaiw ee jiongwsingx qniaa hiongr og giap.
(319) U quewsid jaix quewsid. Byy quewsid jaix byy quewsid. U jitt jiongw jingwkag qenwqaiw ee jiongwsingx qniaa hiongr senrgiap.
ZI-JAP-SNAX: Cnxiu
(320) Kyxviw cnxiu dirr jenwdniuu e kamx did qingjnir qra sria. Guaw zimxsiu huixvongr iarr cincniu jitt kuanw. Sewqanx pywqair :ee u jerje.
(321) Suxx cnxiu lyhsingr tangx hro huwhix. Suxx cnxiu lyhsingr tangx hro ongg kiaa. E kamx did zimxsiu huixvongr ee uergiw, e jewan :ee si jingwlangg lairdew siongrr hyw :ee.
(322) U lyhsingr ee ludyy si janw :ee. Sindh ee junwmaw si janw :ee. U diaux .quer ee cnxiu iarr si janw :ee. Jursinx u junxjad jewan :ee qyckacc si janw :ee.
(323) Bylun jre sniaxmih kuanw ciax, yh drat qaur ee qingxqair dy' berdid qauwui. Narr langg gauu jursinx junxjad qapp jewan, tangx in'ui junxjad qapp jewan laii qaur qaxx hitt xui.
(324) Kyxviw miaa qiyr Dhanapala(Vyxho Jaibut) ee cnxiu, kiw og hiongvy ee sii pnaiw apjer. Ho'ngg vak diauu lehh m jiac. Simx simx liam liam dna' cnxiu druar ee siyw ciurnaa.
(325) Diong binn qycc tamx jiac, vingw laii vingw qandna' qor kunr, jitt kuanw si naxx cincniu dix, jiac be sen. Gong langg lunhuee juanxser sxor vaiw.
(326) Quewkir, guaw jitt xee simx suijai qinduer iogbong, qinduer soxx qac'ir :ee siwqer kir. Guaw dnaxx jaix junxjad qapp jewan, hyw cincniu kiaa cnxiu :ee giac qaux-aw jewhok sniurkir hiongvy ee cnxiu.
(327) Qaidongx hnuahiw byy vangr hongr hongr. Gauu siuxho qaqi ee simliam. Qiur qaqi tuatli pnaiw soxjai, cincniu cnxiu tuatli lamwtokud.
(328) Narr erdid cue diyc u dikhing qycc u diwhui :ee juewpnua, dyrr tangx kikhok jerje kunwlann, qaidongx hnuahiw qapp ix juewdin qniaa.
(329) Narr cue byy u dikhing qycc u diwhui :ee juewpnua, ingqaix cincniu qok'ongg kiwsag ongqog qangrkuanw, iarr cincniu cnxiu dandok dirr ciurnaa qniaa qangrkuanw.
(330) Lingkyw jit xee langg dandok qniaa, iarr m qapp gong langg juer ving'iuw. Dandok qniaa lirkuix okhingg, cincniu cnxiu dandok dirr ciurnaa qniaa qangrkuanw.
(331) U iauwing ee sii u ving'iuw si kuaiwlok :ee. Duiww jitt diap buanxjiog si kuaiwlok :ee. Limjiongx u juer senrhingg si kuaiwlok :ee. Lirkuix itcer kow si kuaiwlok :ee.
(332) Dirr sewqanx qingwdiong laurbuw si kuaiwlok :ee. Qingwdiong laurve iarr si kuaiwlok :ee. Dirr sewqanx qingwdiong sabunn si kuaiwlok :ee. Qingwdiong singwzinn (Brahmin) iarr si kuaiwlok :ee.
(333) Jiac qaur lau iauxx cisiuw qaiwlut si kuaiwlok :ee. U singjiu qensit ee sinwliam si kuaiwlok :ee. Did diyc diwhui si kuaiwlok :ee. Byy juer pnaiw si kuaiwlok :ee.
ZI-JAP-SIR: Iogbong
(334) Narr sing'uac vangr hongr hongr, iogbong qetnix e cincniu dincauw. Jitt sxer qycc au sxer, bersux qausanx :a beh dic ciurnaa ee quewjiw.
(335) Dirr jitt xee sewqanx, juer pnaiw virr iogbong sokvak dnii diauu lehh, iukow ee zidjiw jingqax, kyxviw cauw-aw narr ho laii e huad.
(336) Dirr jitt xee sewqanx, hanghok pnaiw hanghok ee iogbong, iukow jurqiw e siausid, cincniu lenhuex-dingw ee juixjux.
(337) Guaw qangxsuad jitt xee senrhuad: Linw dirr jiax jurjip, beh qra iogbong ee qinx qrut .kiw .laii, bersux beh qut Biranacauw ee qinx. M tangx qycc hro Mara iaumoo naxx duarjuiw atjic lodig qangrkuanw diddit decc hai :liw.
(338) Byy siongx diyc qunbuw, ciu virr cyr driau e qycc snix. Iogbong byy dng qinx, kow e qycc snix iarr cincniu jitt kuanw.
(339) U snax-jap-lak diauu iokgbong kejuiw :ee, juiw cuaclauu lrauu duiww iogbong ee qingxlai.U jitt kuanw siaog qenwqaiw ee langg e hro iogbong ee bongrsiongw cua decc lrong.
(340) Iogbong ee laujuiw siwqer lrauu. Dincauw om qycc vuh gee. Liw qnir diyc dincauw huad, diyhh iong diwhui qra qinx jamw dng.
(341) Sewsioglangg hnuahiw iogbong juzun, iarr hnuahiw ziog lak din'aix. Suizenn ngr logtiongr qriuu kuaiwlok, did .diyc .ee dna' snix qapp siw.
(342) Duiziog iogbong ee langg, naxx diyhdag ee tor decc vee. Virr huanlyw sokvak :ee, jit vaiw qycc jit vaiw quxdngg siurkow.
(343) Duiziog iogbong ee langg, naxx cincniu diyhdag ee tor decc vee. Bikiu beh air byy iogbong, diyhh qaqi qapp iogbang li hng hng.
(344) Kiwsag iogbong hnuahiw dirr ciurnaa-lai kiarkiw. Lirkuix iogbong qycc dngw laii iogbong jitt vingg. Qaidongx quancad jitt xee langg, tauxvangr liauw suacc qycc dngw laii siurr sokvak.
(345) Tih, caa, iacc muasyh juer :ee, u diwhui :ee be qongw hex si qenqor ee sokvak. Duiww bow, qniaw, iacc jaisanw beluann :ee jiacc si qenqor ee sokvak.
(346) E qa'ngg inxiuw duirlyc :ee, u diwhui :ee qongw hex si qenqor ee sokvak. Suizenn qaxnaxx ling ling, sidjer kiok jin' pnaiw qra tauw .kuix. Jamw dng sokvak byy kandnii :ee, kiwsag iogbong kir cutqex.
(347) Dimbee dirr iogbong duer juiw lrauu, cincniu didux ham zip qaqi juer ee didubang. Qra sokvak jamw dng byy soxx kandnii :ee, lirkuix itcer ee kow tangx siwqer iuu.
(348) Kiwsag quewkir, henrjai, qapp birlaii, dro quer qaur hitt vingg hnua. Simx qaixtuad itcer, be qycjaiww cutsir qapp lau .kir.
(349) Sriu baiw ee liamrtauu soxx luan :ee, qriuu logtiongr ee iogbong iarr zet. Ix ee iogbong qavue jingqax. Qaqi juer qenqor ee sokvak virr vak diauu lehh.
(350) Hnuahiw qapp baiw ee liamrtauu li hng hng :ee, dniardnia jimjiog jursinx qamxx u byy cingkir. Qaidongx qra iogbong dubet, byy virr Mara okmoaa sokvak.
(351) Drat qaur uanbuanw qingxqair :ee byy qniahniaa. Lirkuix iogbog dyrr byy uwuer. Jamw dng sniwmia ee jnxir. Jex si juewau jit sxer.
(352) Lirkuix iogbong byy bag diyc lasamm, gixsuu viauxdat tongtauw byy jiongwgai, jaiqiyh ywgi qapp jingwhuad ixqip zirqur sunrsu :ee, jitt kuanw si u dua diwhui ee dairdiongrhux. Jex si ix siongrr buew jit sxer.
(353) Guaw hanghok itcer. Guaw liauxqaiw itcer. Soxu itcer byy bag diyc lasamm. Kiwsag itcer, dubet iogbong did diyc qaixtuad. Jursinx giamrjingr :ee, beh qiyr si'angw juer sensnix?
(354) Soxu ee vowsix dyrr Dharma ee vowsi siongrqaiww hyw. Soxu ee kiwbi dyrr Dharma ee kiwbi siongrqaiww hyw. Soxu ee hixlok dyrr Dharma ee hixlok siongrqaiww hyw. Dubet iogbog tangx jenr ngiaa itcer ee kow.
(355) Jnijaii huixbet gong langg, quatding berdangr huitbet qriuu beh qaur hitt hnua :ee. Gong langg uirdiyhh jnijaii ee iogbong, hai qaqi cincniu hai vadd langg.
(356) Cauwcauw hai cande, tamsimx hai sewzinn. Vowsix, qapp tamsimx li hng hng :ee, tangx did diyc dua qongqyw.
(357) Cauwcauw hai cande, uanwhun hai sewzinn. Vowsix, qapp uanwhun li hng hng :ee, tangx did diyc dua qongqyw.
(358) Cauwcauw hai cande, cigaii hai sewzinn. Vowsix, qapp cigaii li hng hng :ee, tangx did diyc dua qongqyw.
(359) Cauwcauw hai cande, iogbong hai sewzinn. Vowsix, qapp iogbong li hng hng :ee, tangx did diyc dua qongqyw.
ZI-JAP-GO: Bikiu
(360) Bagjiux u jewan bagjiux si hyw dai. Hni-aw u jewan si hyw dai. Pni-aw u jewan si hyw dai. Cuiwjic u jewan si hyw dai.
(361) Sinkux u jewan si hyw dai. Urgiw u jewan si hyw dai. Liamrtauu u jewan si hyw dai. Itcer u jewan si hyw dai. U jewan itcer ee bikiu tangx qaixtuad itcer ee kow.
(362) Kax, ciuw, qapp gengiw u junxjad. Qaur siongrr quann uanjuann u junxjad. Simx hnuahiw dirr dirr sendnia, dogqux jaix buanxjiog :ee qiyr juer bikiu.
(363) Bikiu u junxjad gengiw, senrliongg kiauxkir qycc diamrjing. C.-cingcyw-c. qangxsuad jingwhuad(Dharma) qapp ywgi, unhyy qycc uanxjuanw.
(364) Drur dirr jingwhuad ee loghngg, hnuahiw u jingwhuad, qinduer jingwhuad, soxx sniu soxx liam longxx si jingwhuad, jitt kuanw ee bikiu be dywtewlux.
(365) M tangx knuawkinx qaqi soxx did .diyc .ee. M tangx himsen vadd langg soxx did .diyc .ee. Bikiu himsen vadd langg, berdangr giamrjingr diyc Samadhi.
(366) Bikiu soxx did .diyc .ee suizenn jiyw, byy kiwhiamm soxx did .diyc .ee. Sing'uac cingjing byy vinrdnua, sidjai hro jerje tnisinn soxx ylyw.
(367) Dirr miaa iacc siksinx be jipsiuw dirr guaw qapp guaw ee, marr be uirdiyhh byy :ee laii iusiongx, jitt kuanw sidjai tangx cxingx juer bikiu.
(368) U jiuxqor juvix ee bikiu, hnuahiw Vuddyy ee qawsi, tangx qaur qaxx jigjingg, anlok, soxu giabhing longxx qaixtuad ee qingxqair.
(369) Junn-dingw ee juiw bikiu hro kangx .kir. Juiw kangx .kir, junn kinkuair. Jamxdng tamsimx qapp uanwhun dyrr tangx giamrjingr diyc liappuann (Nirvana).
(370) Jamxdng go hxang jipbee, kiwsag go hxang jipbee, qutlat pacvniar dirr go jiongw siuhing. Ciautuad go hxang jipbee ee bikiu qiyr juer "jit xee dro quer pogvor :ee".
(371) Siulen sendnia, m tangx vangr hongr hongr. Simx m tangx sriu iogbong behik. M hyw danw qaur diyhh tunx tih-qiuu, siyx .diyc jiacc laii qiyr kow!
(372) Byy diwhui :ee byy sendnia. Byy sendnia :ee byy diwhui. Sendnia qapp diwhui qiamqor, jitt kuanw :ee kaksit jiapqin liappuann (Nirvana).
(373) Bikiu qapp langg' qeckuix, ix ee simx jigjing. Jimjiog quancad jingwhuad, did diyc huanhux hiangxsiu be diyc ee kuaiwlok.
(374) Narr langg ciangjai u jingwkag ee liamrtauu, jin' jaix soxu dxir ee snix qapp bet, iarr did diyc hnuahiw qapp kuaiwlok, jitt kuanw :ee jaix ix ingxx be siw.
(375) U diwhui ee bikiu, dirr sewqanx dairsingx anne juer: Siuxho qinkir qapp jai'ngiaw buanxjiog, cisiuw bikiu ee qaiwlut.
(376) Tairdo rair singkunw. Hing’uii rair jniawduanx, diwsuw ix kuaiwlok jerje, tangx bet jin soxu ee kow.
(377) Kyxviw vassika(bagni), lenx .kir, sria .kir. Linw jiaxee bikiu kiwsag tamsimx qapp uanwhun iarr si jitt kuanw.
(378) Sinkux cingjing, gengiw cingjing. Simx jigjing diamr dirr Samadhi. Kiwsag sewsiok kuaiwlok ee bikiu qiyr juer jigjing :ee.
(379) Linw qaidongx qingxqair jursinx. Linw qaidongx huanxsingw jursinx. Siuxho qaqi, u jingwdongx ee liamrtauu, bikiu anlok kiarkiw.
(380) Qaqi juer qaqi ee siuxhorjiaw. Qaqi juer qaqi soxx uaxkyr :ee. Qaqi junxjad qaqi, cincniu singlixlangg kenjer hyw bew qangrkuanw.
(381) Bikiu u hnuahiw simx, singsimx sinwzim Vuddyy ee qawsi, tangx qaur qaxx jigjing, anlok, soxu giabhing longxx qaixtuad ee qingxqair.
(382) Bikiu suizenn jiyw huer, qutlat sidjenr Vuddyy soxx qawsi :ee. Ix ee qonghuix jiywqngx jitt sewqanx, cincniu guehniuu an' ohunn-lai cud .laii.
ZI-JAP-LAK: Brahmin
(383) Pacvniar qra iogbong ee laujuiw jamw dng. Brahmin, linw qaidongx kiwsag iogbong. Liauxted soxu dxir ee jok'iong jnuaw bet jin, liw dyrr jaix liappuann (Nirvana).
(384) Narr suwsiongg diamr dirr nng hxang hxuad lairdew, Brahmin tangx qaur qaxx hitt vingg hnua. U diwhui :ee dubet soxu itcer sokvak.
(385) Byy hit vingg hnua iacc jitt vingg hnua, nng vingg longxx byy. Lirkuix kow, byy sokvak, jitt kuanw dyrr si Brahmin.
(386) Jinwzip sendnia, anzenn kiarkiw, lirkuix din'aix qapp uwuer, soxx qaix juer :ee longxx juer ar, itcer ee huanlyw longxx byy, giamrjingr siongrr quann ee qingxqair, jitt kuanw dyrr si Brahmin.
(387) Zit .sii zidtauu jiyr, amwsii guehniuu jiyr. Kshatriya ee buxjongx qimx sicsih. Brahmin sendnia qngx ngiarngia. Vuddyy ee qngx zid'ia jit siwqer jiywqngx.
(388) Kiwduu okhingg :ee qiyr juer Brahmin. Hing'uii cingjing :ee dyrr cxingx juer sabunn. Qaqi cingduu uwuer :ee qiyr juer cutqelangg.
(389) M tangx pah Brahmin. Brahmin m tangx siurkir. Pah langg :ee jin' qenwsiaur. Siurkir qyckacc qenwsiaur.
(390) Brahmin, dirr hixlok-diongx jewan qaqi ee simx, jitt kuanw hyxcur m si siyxkuaw. Vutquanxsii qra e sionghai simx :ee jamw dng, anne dyrr tangx joxjiw itcer ee koxtangr.
(391) Byy iong sinkux, gengiw, iacc juer jerje okhingg. Jitt snax xui u jewan :ee dyrr qiyr juer Brahmin.
(392) Bylun an' dyc'ui laii tniax diyc jniawqangw uanjuann qakgno :ee soxx qangxsuad ee jingwhuad (Dharma), duiww hiaxee qangxsuad :ee ingqaix qra juncunn, cincniu Brahmin junqingr singwhuew qangrkuawn.
(393) M si uirdiyhh taujangqer, jingxjok, iacc cutsir dirr Brahmin ee enqor, si'angw liauxqaiw jinliw qapp Dharma, jitt kuanw :ee jiacc jniawqangw si Brahmin.
(394) Gong langg vak taujangqer, cing logpuee, u sniaw loring? Luersimx u iogbong ee ciurnaa, hinghaii jngtna suiw suiw narnia.
(395) Cing puawlamr-puawsamr ee snxax, siausanw qaxx qinmec henxhen. Dirr ciurnaa-lai dogqux zip sendnia, jitt kuanw :ee qiyr juer Brahmin.
(396) Soxx cxingx juer Brahmin :ee m si in'ui ix an' dyc'ui ee buxtaix cutsir. Narr qra huanlyw knii diauu diauu, jitt kuanw :ee qandna' tangx qiyr juer jurdiong :ee. Itcer longxx be jipsiuw, jitt kuanw :ee jiacc qiyr juer Brahmin.
(397) Jamw dng itcer qad, sidjai dyrr byy soxx tangx qniahniaa :ee. Byy jipsiuw, lirkuix itcer sokvak, jitt kuanw qiyr juer Brahmin.
(398) Huiwduu pueduar qapp bexsyh, jamw dng syh-aw qapp kandnii :ee, kiwsag jiongwgai u qakgno :ee, jitt kuanw qiyr juer Brahmin.
(399) Virr me qapp virr pah longxx erdangr zimxsiu qycc byy uanwhun, tunlunw ee linglik cingcniu qundui hiacc qiongg, jitt kuanw qiyr juer Brahmin.
(400) Byy uanwhun, be siurkir, u dikhing, cisiuw qaiwlut, be hro iogbong laii dakdnii, jewan jursinx qaur juewau jit sxer, guaw qra jitt kuanw qiyr juer Brahmin.
(401) Cincniu juiw dih lyc dirr lenhuex ee hiyc-aw binrdingw, cincniu qaiwbuac dirr jiamx-tauu, byy knikib iacc bag diyc iogbong :ee, guaw qra cxingx juer Brahmin.
(402) Langg dirr jitt xee sewqanx narr u qangno laii siaubet jursinx ee kow, hongwkir dang dnar did diyc qaixtuad, guaw qra cxingx juer Brahmin.
(403) U cimdimm ee diwhui, gauu hunven si lo iacc m si, giamrjingr busiong qingxqair, jitt kuanw :ee qiyr juer Brahmin.
(404) Byy qapp sewsioglangg qaucab, iarr byy qapp cutqelangg qauvuee, byy cur byy iogbong :ee, jitt kuanw :ee qiyr juer Brahmin.
(405) Duiwtai itcer jiongwsingx, bylun qiongg iacc ziok, ix qra dycniux qapp qunwduii longxx danr hniwsag. Be taii langg, marr be qiyr vadd langg taii langg. Jitt kuanw :ee, guaw qra cxingx juer Brahmin.
(406) Duiww duiwdik byy uanwhun. Duiww giac qunwtuii :ee u un'iongg. Dirr jipsiuw ee langg lairdew iarr byy soxx knikib. Jitt kuanw :ee guaw qra cxingx juer Brahmin.
(407) Tamsimx, uanwhun, qiautauu, qapp qexsenx, jiaxee longxx trngr danwsag, cincniu qaiwbuac lag dirr jiamx-tauu. Jitt kuanw :ee guaw qra cxingx juer Brahmin.
(408) Byy qongw colow iacc pnaiw ue. Qongw u loring iacc sidjai ee ue. Be duiww langg' huad singwde. Jitt kuanw :ee qiyr juer Brahmin.
(409) Bylun sxen iacc og, dngg iacc dew, cox iacc iur, byy huwcud dyrr byy tec. Jitt kuanw :ee qiyr juer Brahmin.
(410) Duiww jitt sxer iacc laiser longxx byy iogbong. Byy iogbong laii qaixtuad. Jitt kuanw :ee qiyr juer Brahmin.
(411) Byy qycc u tamliam :ee, u liauxgno, byy gihik, giamrjingr diyc byy snix-siw ee qingxqair, jitt kuanw :ee qiyr juer Brahmin.
(412) Narr dirr jitt xee sewqanx, byy knikib sxen iacc og, byy iuciuu, u cingjing, jitt kuanw :ee qiyr juer Brahmin.
(413) Kyxviw guehniuu hiacc cingkir, byy hahunn, diamrjing qycc cingbingg, qycuac ee iogbong bet jin, jitt kuanw :ee qiyr juer Brahmin.
(414) Qniaa quer jniur laplab kamket ee lo, tiaur quer gugong lunhuee ee haiw, ditdo qaur hitt hnua dirr sendnia qingxqair, byy iogbong qycc byy gihik, byy knikib, giamrjingr diyc liappuann jigjing :ee, guaw qra cxingx juer Brahmin.
(415) Dirr jitt sxer kiwsag iogbong ee kuaiwlok, cutqex jniaa juer byy cur ee langg, dubet e snix cud logtiongr :ee, guaw qra cxingx juer Brahmin.
(416) Dirr jitt sxer kiwsag iogbong ee kuaiwlok, cutqex jniaa juer byy cur ee langg, dubet e snix cud iogliam :ee, guaw qra cxingx juer Brahmin.
(417) Qapp zinqanx ee sokvak li hng hng, iarr qapp tnidingw ee sokvak tuatjauxli. Qaixduu itcer sokvak :ee, jitt kuanw qiyr juer Brahmin.
(418) Qra qac'ir qapp byy qac'ir :ee longxx kiwsag, cingsimx byy huanlyw. Iongxsu kikhok sewqandai. Jitt kuanw :ee qiyr juer Brahmin.
(419) Jiongwsingx ee siw qapp snix jaix taur taur, byy jipsiuw, byy knikib, ixqip u qakgno :ee, jitt kuanw qiyr juer Brahmin.
(420) Tnisinn, Gandharva, qapp sewqanlangg, inx longxx m jaix e kir dyhh. Huanlyw siauduu ee Arahant, guaw qra cxingx juer Brahmin.
(421) Jaxjingg, au .laii, iacc henrjai, jit hxang mic dy' byy. Jit hxang dy' byy knikib :ee, jitt kuanw qiyr juer Brahmin.
(422) Cincniu Guu Ongg, siongrr junquir, iongxbingw, jaursimm qaixtuad, jenr ngiaa iogbong, jursinx sew cringx (byy uwuer), ixqip u qakgno :ee, guaw qra cxingx juer Brahmin.
(423) Tangx knuar qnir jingg sxer, tniqair, ixqip dergak, be qycjaiww u snex-siw, uansingg busiong ee diwhui, itcer uanbuanw u singjiu, jitt kuanw :ee guaw qra cxingx juer Brahmin.