DERR 40 JNIUX
LUN JIAUWQOR QAPP NGIUXCI GINXAW
Ginxaw si qog ee derqix, soxiw jueww iauwqinw si diyhh jiauwqor, ngiuxci. Siogguw u qongw “Tnix snix de rngiuw”, iarr qongw “Tnix snix langg,” iwsur jiurr si Siongrder u qaudai ginxaw hro verbuw ngiuxci, kyxsiyh verbuw kacc siongg be hiauw vuengiuw sewhanr ginxaw.
Lun jiauwqor ginxaw ee huatdo, jiauwqor puawvni ginxaw, viw jiauwqor puawvni duarlangg, qyckacc uilann. Ginxaw ee pinxsingr, qapp duarlangg ee pinxsingr, jin’ dua qyc’ngiu. Lanw diyhh e qir did Vyxlyy soxx qongw ee ue, jiurr si “Guaw juer ginxaw ee sii, qongxue cinciu ginxaw, singwjingg cincniu ginxaw, iwqenr cincniu ginxaw; ixqingx singzinn, jiurr huewbyy ginxaw ee su.” Lanw diyhh e hiauw did ginxaw ee singwjingg, narr byy, decc qor ginxaw ee sii, unxdangr kacc byy hxuad .did. U langg qongw jiauwqor ginxaw cincniu qongxue dirr be tongx ee qog. Ginxaw ee ue, qapp duarlangg :ee, u qyc’ngiu. Ix simlai ee liamrtauu, pinxhing, susniuw longxx qapp duarlangg byy drangg. Soxiw vutjiw iauwqinw, kanwho diyhh bingvik ginxaw ee singr. Narr jiauwqor puawvni ginxaw, qyckacc diyhh u zin’air, tniawsiyh ee simx, e tunlunw. Kanwho diyhh knuar ginxaw ee kuanxsid, sethuad laii vangjan ix. Diyhh sewzi jimjiog knuar ix in’ui jnaixngiu kaur; mehpog, texunx, hokib, kunr acc si jingsinn, si simxmic kuanw.
Dagg zit ee kanwho diyhh jaix siauxzii sixbongsor jin’ qnuaii. Jitt xe si jin’ kyxsiyh, iarr kacc je si dui’ byy qenwsig jiacc anxnix. Dui’ singlixhak laii sniu,k jiurr jaix ginxaw qapp duarlangg jin’ qyc’ngiu, in’ui ix iauxx decc dua. Soxiw decc dua ee sii viw duarlangg kacc kuair ziamw diyc vni. Iarr ursii kacc kuair pacsngw.
Langg bylun duarlangg acc si ginxaw, dui’ sidbut did diyc lirig, si ix soxx siauhuar :ee, m si ix soxx jiac :ee; in’I ursii langg jiac quewtauu, acc si m duxhyw, anxnix e hai langg. Dui’ anxnix laii sniu ginxaw siauhuar sidbut si jin’ iauwqinw. Be hiauw did iongxiok ginxaw ee laurbuw muaw siwqer. Soxiw dirr jiax beh qongw kiw ngiuxci sewhanr ginxaw, quixnarr hxang ee quiqiw.
Ginxaw ee dangrliong qapp singdiongw: Ginxaw tauu jit nii ee dangrliong diyhh qir, in’ui dangrliong si ginxaw huat’iok uanjuann ee jingwqir. Soxiw kanrho hxuad hyw acc si m hyw, iarr tangx quatding. Ginxaw ee dangrliong pinghuad jiauww erbin. Kixtauu 6 guehzit diyhh dagg lexvair jit vaiw, qaur 3 guehzit ixsiong nng lexvair jit vaiw, narr jit huer jiog, jiwjiyw jit guehzit diyhh jit vaiw.
Ginxaw duxaxx snix snax~sir zit jiurr si siddang 100 jiww 200 gram. (4 jiww 8 niuw). Qaur derr 7 zit, ix ee dangrliong qapp cutsir hitt zit vnivnii. Zen’au dagg lexvair diyhh qetnix 100 jiww 200 grms. Narr qaur 6 guehzit jiww 12 guehzit lai, ix qetnix ee dangrliong, viw jingg kacc ban, dagg lexvair e qex 50 jiww 100 grms.
Ginxaw duxaxx cutsir ee sii, ix ee dangrliong vingqinx dairiog 6 vong vnuar jiww 7 vong vnuar. Narr qaur 3 guehzit, diyhh u 9 vong vnuar jiww 13 vong; derr 6 guehzit, diyhh u 12 vong jiww 16 cong; 9 guehzt, diyhh u 15 vong vnuar jiww 18 vong; jit nii diyhh u 18 vong vnuar ji22 22 vong. Qniwnarr iongxjongr ee ginxaw, tingwhau qaur 5 guec, ix ee dangrliong e dingvue; narr 12 guec e snax vxue.
Iongxjongr ee ginxaw ee dangrliong, qetnix kacc je si jiauww quiqiw. Jongw .si 7 qaur 8 guehzit, ginxaw qiamxcaiw in’ui huad cuiwkiw, acc si in’ui tnikir sniu’ zuac, drir qaur byy qetnix ix ee dangrliong, narr si dirr jit lexvair-lai, longxjongw byy vnuawvni, iarr byy qetnix dangrliong, iuguann si u bad duw .diyc.
Dirr erdew soxx siaw ee viyw u qir davox ginxaw jit huer ixlai vingqinx ee dangrliong:
Diyhh jaix dingxbin soxx qir dangrliong ee viyw si vingqinx nardnia, iongxqnia ee ginxaw, uree viw hitt hy viyx-lai ee sxor kacc dang, uree kacc kinx.
Qaur dirr 4 guehzit ee ginxaw, taukag jiacc tangx py hro kia .kiw .laii. Qaur derr 12 guehzit jiurr e kia; dui’ 15 jiww jap-veh guehzit jiurr e qniajauw.
Ginxaw iauxx bue huad kxiw ee sii, be siauhuar gorqag ee sidbut, soxiw dirr qauw guehzit lai diyhh jiac langlingx, acc si gulingx.
Ginxaw ee dairven cutsir liauxau, qeh snaxsir zit, hitt xee vunr ee sig si ox :ee, aurlaii jiamrjiam venwngua, cincniu qiauw qenng ee kuanxsid. Tauu jit lexvair dagg zit dairven nng~snax vaiw. Aurlaii hitt xee vunr ee sig si nggamm, iarr kacc be qrar qrar, qaur derr jap-zi guehzit ee sii, dagg zit dairven, jit~nng vaiw. Narr u vni ee sii, dairven jiurr vnir cnisig ee vunr, iarr longxx juiw juiw qrar qrar, qycc jin’ caur, vunr nirr u be siauhuar ee mic, iarr ursii e qnaa huih cud .laii.
Ginxaw cutsir liauxau zi-jap-sir diamw ixlai, mrbenw hro ix jiac lingx, qanda’ ing jit~ng desii lalunn siyx ee qunxjuiw hro ix limx, jiurr qauwgiac.
Cri ginxaw u snax hxang huatdo:
1. Jiac ling, laurbuw acc si lingbuw ee.
2. Ing gulingx, acc si langg juer ee sidbut hro jiac.
3. Derr id qapp derr zi sna’ camx juer jit xe ing.
Jiac laurbuw ee lingx si jurzenn, iarr derr id hyw ee huatdo. Narr si laurbuw u puawvni be did tangx cri ix, cniar lingbuw diyhh iongxqnia, iarr ix vunxsinx ee qniaw, diyhh qapp soxx beh cri ee ginxaw cavutdyx vnii guec. Diyhh jiauww sijun laii cri ix, m tangx juer jit xe hro ix jiac sniu’ je, acc si kacc qinw, anxnix jiurr kacc yh siauhuar; ursii e tror .cud .laii. Narr siongsiongg hro ix jiac, iarr si jin’ m hyw. Soxiw m tangx narr knuar qnir ginxaw jid’err hauw, jiurr hro ix jiac, dikkag diyhh u dniardiyc ee sijun.
Derr zi zit diyhh hro ginxaw jiac lingx sir~go vaiw jiurr hyw. Aurlaii diyhh nng diamxjingx jiac jit vaiw. Mii .sii dui’ jap diamw, qaur jaxkiw-sii cid diamw, hro jiac nng vaiw jiurr hyw. Dui’ jit guec qaur der go guec, mii .sii jiac jit vaiw jiurr hyw; aurlaii dui’ jap diamw,q aur cid diamw, longxx mrbenw hro ix jiac lingx. Kacc dua bin laii qongw, tauu jit mii byy hro jiac, ginxaw e hauw, derr zi mii qycc hauw, mrquxx liamvnix kunr, derr snax mii acc si derr sir mii longxx hyw kunr.
Ginxaw decc jiac lingx ee sijun m tangx hro kunr, iarr m tangx hro ix qamm lingtauu laii kunr. Narr decc jiac lingx ee sii air kunr, au vaiw diyhh tingg kacc quw damrvyc jiacc hro ix jiac. Jiac lingx ee siqanx diyhh dui’ jap hunx jiww zi-jap hunx quw. Ginxaw narr tror, acc si vunr nirr u be siauhuar ee lingx, kacc siongg si dui’ jiac quewtauu je.
Jiac lingx liauw diyhh ing siyx juiw laii sew lingtauu, qapp lingvongg; diyhh sisiongg hro jin’ cingkir. Narr si lingvongg sniu’ dniur, acc si sniu’ ding, diyhh dui’ vnix:a zuee hro kacc nngw. Narr si laurbuw ee lingx sniu’ je, diyhh dui’ lingvongg ing pump, qra ix tiux .cud .laii; narr byy, qniax liauw e kiw zet.
Ursii laurbuw byy beh ing qaqi ee lingx cri ginxaw, diyhh ing huatdo hro ix ee lingx sriaux .kir. Kacc siong ing belladonna qapp glycerinum ee iyhqyx laii qoo, in gmihuex qapp pingduar laii vak hro ann. Iarr siang hitt sii diyhh ing siawiyc cincniu magnesii sulphas hro jiac.
Dng lingx: Ginxaw narr ixqingx qauw guec jiog, diyhh dng lingx. Siongrr quw si jap-zi guec. Bad knuar qnir ginxaw nng huer, snax huer, sir huer, iauxx decc jiac laurbuw ee lingx, anxnix jin’ dua m driyc. Narr anxnix jiac lingx sniu’ quw, ginxaw be iongw, m jniaa ginxaw, laurbuw iarr e sueziok vnir binhed. Langg qongw “langg jiac apenr, apenr jiac langg,” acc si “langg jiac jiuw, jiuw jiac langg, “ anxnix ginxaw jiac lingx sniu’ quw tangx qongw, ginxaw jiac laurbuw, laurbuw jiac ginxaw, longxx sniu’ sunxhai. Dng lingx ee sijun dirr ciutnix, acc si dangtnix kacc hyw, iarr m tangx hutzenn dng, diyhh unn unn aw dng lingx kacc hyw.
Ing gulingx, acc si langg juer ee sidbut hro jiac: Narr si ginxaw be did tangx jiac langlingx, diyhh jiac gulingx. Jitt hy gulingx viw langg juer ee sidbut kacc hyw. Langlingx qapp gulingx byy siysiang; gulingx u nngrvehjid kacc je, tngjid kacc iyw. Soxiw beh jiong’ gulingx hro ix jiac, diyhh puewhap juiw. Ginxaw duxaxx cutsir dui’ jit lexvair jiww jit guehzit, diyhh jit hxun ee gulingx paur nng hxun ee ee juiw’ iarr diyhh camx damrvyc tngg; ursii diyhh qex gulingx hitt dingxbin ee puee (cream). Jitt hy gulingx narr qauwgiac qau, mrbenw qex gulingpuexx, qniax liauw jiac be siauhuar. Ginxaw naxx dua, juiw diyhh jiamrjiam qiamxjiyw. Ginxaw narr snax guehzit, gulingx qapp juiw diyhh duiwvnuar. Ginxaw qaur lak guehzit ixau diyhh nng hxun gulingx, jit hxun juiw’ iarr cid guec mrbenw paur juiw, hro ix jiac gulingx duxhyw. Jitt diap tangx hro ix limx damrvyc amw, acc si jit~vnuar vaiw ing hunw-lui hro jiac. Jap guehzit tangx hro jiac bacdee acc si qetngx. Ginxaw jit huer jiog jiurr tangx jiac qenng, acc si muee qapp gulingx. Aurlaii naxx quw, naxx hro jiac kacc ding ee mic; jap-veh guehzit tangx jiac damrvyc nngw nngw ee bah. Vutsii diyhh jiong’ qamx-aw quewjiw ee jiab hro ginxaw jiac, dihongg snix qud ee vni.
Ginxaw jiac lingx u dniardiyc ee quiqiw:
1. Ginxaw jiac lingx, u itding ee sii, be qaur jiac ee sii, m tangx hro ix jiac.
2. Jiac lingx ee sii, kanwho diyhh diamr vangg nirr, m tangx cud kir hro qaqi jiac, iarr m tangx hro jiac sniu’ qinw, diyhh ban ban jiac. Cri ginxaw ee sii, hitt qix cirlingkir kanwho diyhh tec dirr ciuw nirr.
3. Diyhh cingkir. Ginxaw jiac lingx liauw, hitt xee cirlingkir, diyhh sew hro cingkir, iarr diyhh quer sac; sew liauw jimr he juiw nirr; ing vor amx lehh tangx qycjaiww ing. Ginxaw jiac lingx liauw diyhh ing glycerinum qapp borax sew ix ee cuir-lai hro cingkir (knuar derr 623 bin).
4. Ginxaw jaic jit vaiw ee lingx m tangx quer zi-jap hunx quw.
5. Ginxaw m tangx qamm lingtauu suar kunr .kir.
6. Ginxaw jiac liauw, narr gulingx u cunx, m tangx qycc congr siyx hro jiac.
7. Gulingx ee undo diyhh 98 dxo F. (36.7∘C.).
8. Ginxaw jiac lingx ee jerjiyw diyhh ing niuvuex laii nriuu (Knuar derr 624 bin).
Hitt hy draur dngg ee ciurlingqngw ee qxanx-aw si jin’ m hyw, in’ui hitt xee ciurlingqngw si jin’ yh cingqed. Dirr ciurlingqngw-lai bisingbut jin’ kuair bih. Kacc hyw diyhh ing jit qix byy ciurlingqngw ee gulingvann, vann-cuir kuah, iarr u jit xee lingauu nardnia. Gulingvann ee kuanxsid si cincniu junn ee hingjong; siangx tauu u kangx. Jitt hy digvet ee vann qiyr juer ginxaw ee cirlingkir.
Hitt xee lingtauu ee kangx m tangx sniu’ dua, in’ui m air hro ginxaw jiac lingx sniu’ qinw. Vann-buew iarr u jit kangx, jit hxang si beh kacc lirven tangx sew, qycc jit hxang ginxaw jiac lingx ee sii, buew hitt kangx (derr 488 doo A) suibongxx u trad, hitt xee trad diong’ngx u jngr jit xee kangx tangx hro kongkir duer gulingx zip .kir.
Jiauwqor cirlingkir (gulingvann) ee huatdo:
1. Jitt hy cirlingkir diyhh vutjiw cingkir. Narr byy cingkir, ginxaw ee cuir-lai e snix vec diamw, be siauhuar, harli, si jin’ kuair (knuar derr 501 bin).
2. Jiac lingx liauw, diyhh liamvnix jiong’ lingw juiw laii sew cirlingkir qapp lingtauu. Aurlaii ing siyx juiw qapp satbunn qycc sew, jiacc quer sac.
3. Jimr dirr lotio acidi borici, iarr ing vor am xlehh.
4. Decbeh qycc ing diyhh qycc jimr dirr cingkir juiw, quer sac, anxnix hitt xee lotio acidi borici e sew druu .kir, iarr cirlingkir e cingkir qycc siyx, longxx ven tangx drew gulingx.
5. Narr ing nng xee cirlingkir laii lunliuu, iarr si kacc hyw.
Cri ginxaw ee huatdo si jiauww erdew ee viyr (after Holt):
Siaudok gulingx ee hxuad: Qniwnarr gulingx vnivnii longxx u hamm bisingbut, jongw .si uree qanda’ gulingx venr sngjid, uree e hro drir qaur dang jxingr, cincniu siyxdngzet, hoxledlax, singhongzet, sidhudiklixax, qethut-jxingr, qapp quixnarr jxingw harli, jitt hy jxingr.
Gulingx jiauww qir dirr erdew ee sijun, qyckacc diyhh juwir dirr satkunw ee su:
1. Tnikir iamrzet, qyckacc be tangx did diyc sincnix ee gulingx ee sii, derr id diyhh diwir.
2. Ursii si be e dniardnia jiong’ iongxjongr guu ee gulingx
3. Gulingx ixqingx qingquer 24 diamxjingx, suar berdid tangx kngr dirr vingsniux nirr; jongw .si dirr zeddaiwde, gulingx kngr hiacc quw, unxdangr pnaiw .kir, m tangx ing.
4. Tuanziamxjingr cincniu siyxdngzet, singhongzet, sidhudiklixax, holedlax qapp qokk jxingw harli jxingr decc lihingg ee sijun.
Sad bisingbut ee huatdo, si jiauww erbin:
1. Jiong’ lingx juw jit diamw, acc si diamw vnuar jingx quw, hitt xee undo diyhh u 212.0∘F. (100.0∘C.) (qunxcingwdiamw).
2. Ing Vasudoo (Pasteur) ee huatdo, jiong’ lingx juw 30 hunxjingx quw, hitt xee undo diyhh u 155∘F. jiww 170∘F. (68.0∘-- 76.6∘C.). Dairkair ing 155∘F. (68∘C.) ee undo, jiurr 30 hunjingx quw, iarr qauwgiac tangx satbet hitt hy vni ee sewkunw.
Satkunw liauw ee gulingx, byy dikkag tangx qongw si byy dok :ee, in’ui bikunw suizenn tangx sad jin, mrquxx gevaux (芽胞, spores) narr byy juw kacc quw, be tangx itjin jaubet. Soxiw jiaxee byy siw ee gevaux, e qycc diongxsingg jniaa juer bikunw. Qetnix undo qaur 212∘F. (100∘C.) suar juw jit diamxjingx quw. Setsuw narr kngr dirr vingsniux-lai, gulingx suizenn kngr nng~snax lexvair au, iuguann e jiac .did. Qetnix undo qaur 155∘F. (68∘C.), jiurr qanda’ tangx kngr nng~snax zit quw nardnia.
Quer satkunw ee gulingx, hitt xee siauhuawsingr u qexngua, kacc byy hiacc kuair siauhuar. Hitt xee pewjer, iuguann qapp cnix gulingx siysiang huatdo. Ing jitt xee undo 212∘F. (100∘C.), hitt xee gulingx ee siauhuawsingr, drir qaur kacc yh, quw quw jiac jitt hy lingx, e hro ix dairven kacc vir, e joxdongr diyc ginxaw ee iongxiok. Ing 212∘F. ee undo laii quer qunw ee gulingx, jiauww erbin ee sijun, jueww derr id hap loring. Narr qniaa hng lo, vutjiw habgii, gulingx jiapsiok hro ix qunw, jiauww 212∘F. (100∘C.) ee undo, qingquer nng zit, jit vaiw jit diamxjingx quw, hitt xee trad vancuir ee mihuex, m tangx suaw .kir.
Ing vasudoo ee kiwqu laii juer ;ee, hro ix siy 155∘F. 30 hunx quw, gulingx e siurr sunxhai, u acc si byy, iauxx bue u jingwqur.
Duxaxx cutsir ee ginxaw, kuair kuair qamw .diyc, soxiw iauwqinw diyhh cing hro siyx. Ginxaw ee vakdow, diyhh siongsiongg ing vor qra ix vaux. Ginxaw e qniaa ee sii, iuguann diyhh hro vakdow siyx, narr by, e kacc kair ziamw diyc harli ee jxingr. Ginxaw suibongxx jiamrjiam decc dua, ia tangx ing doxqnua qra ix haa lehh, hro ix vakdow e siyx.
Ginxaw sexik: Narr si qnuatnix ee sii diyhh dirr huexloo-vni, m tangx hro lingw .diyc, iarr m tangx hro cuex diyc hongx. Bue sew ee dairsingx soxx ing itkair ee mihqnia, ingqaix diyhh urvi. Ginxaw ursii e qniax, mrquxx qaur qnuaiwsir dagg vaiw jiurr jin’ air qycc sexik. Ix narr qniax, diyhh ing jit niaw tanxaw, he punn ee dingxbin, hro ginxaw unn unn aw jimr lyc juiw nirr. Jimr juiw ee sii, kanwho acc si laurbuw ee dyr ciuw diyhh he ginxaw singkux-xe. Ix ee taukag m tangx jimr. Sexik ee juiw diyhh 98 dxo F. jiww 100 dxo F. (36.7∘-- 37.8∘C.) ee siyx. Laurbuw dairsingx ing qaqi ee diuxquanjad, cir juiw ee undo iarr si hyw. Narr si ing diuxquanjad ee sii, knuar narr duxhyw siyx, jiurr hyw. Diyhh ing nngw, qycc cingkir ee citvor laii sew, m tangx lur, in’ui ix ee puee si iuwjniw. Sew liauw diyhh py ix kiw .laii, jiacc ing nngw, qycc cingkir dax ee citvor, laii ceh hro dax. Qaur longx jeh dax diyhh ing samw puee ee iyhhunw, laii samw. Jiong’ snxax cing hro siyx. Soxx ing ee satbunn diyhh hyw :ee, m tangx ing cox :ee. Diyhh dagg zit sexik jit vaiw, ehngx-sii acc si jaxkiw-sii longxx hyw.
Ginxaaw ee snaaxkor narr bag diyc qnialangg diyhh liamvnix ngua hro cingkir.