Haggai
1 Dalius Ongg zi nii, Lak-guec ceid, Jehovah ee ue tog sendix Haggai, tuann hro Judah ee jongxdog, Sealtiel ee qniaw Zelubbabel, qapp Jehozadak ee qniaw, jewsitauu Josua, qongw,
2 Banrqunx ee Jehovah, ix ee ue anxnix qongw, "Jitt xee vecsnir qongw, kiw Jehovah dxen, hitt xee sii iauxx bue qaur."
3 Hitt sii Jehovah ee ue tog sendix Haggai qongw,
4 "Jitt qingx dxen iuguann honghuer, jex qamxx si linw qaqi kiarkiw tenhuavanw ee cur ee sii mah?
5 Dnaxx banrqunx ee Jehovah anxnix qongw: Linw diyhh singxcad linw ee soxx qniaa.
6 Linw ia jingxjiw je, siusingg jiyw; linw jiac, iarr be vaw; limx, iarr be jriw kuah, cing snxax, iarr be siyx; did diyc qangjnii :ee, ing qangjnii he dirr puawkangx ee deaw."
7 Banrqunx ee Jehovah anxnix qongw, "Linw diyhh singxcad linw ee soxx qniaa.
8 Linw diyhh jnriu snuax cruw caliau, laii kiw jitt xee dxen; Guaw dyrr in'ui anxnix hnuahiw, qycc did diyc ingqngx; jex si Jehovah qongw :ee.
9 Linw ngwbang did diyc je, liw knuar, huanxdngw did idyc jiyw; linw duar qaur cur :ee, Guaw dyrr vunn hro ix byy .kir; jex si simxmih enqor? Si in'ui Guaw ee dxen honghuer, linw dagg langg qinxqib qaqi ee cur; jex si banrqunx ee Jehovah qongw :ee.
10 Soxiw in'ui linw ee enqor, tnix dyrr byy lyc lorjuiw, de iarr byy cud ix ee toxsanw.
11 Guaw hro kongwhan qaur dirr toxde, dirr snuatauu, dirr gnoxqog, dirr sinx jiuw, dirr iuu, dirr derjniu soxx cud :ee, dirr langg, dirr jingsnix, dirr langg ee ciuw diyhbuaa did .diyc .ee."
12 Hitt sii Sealtiel ee qniaw Zelubbabel, qapp Jehozadak ee qniaw, jewsitauu Josua, qapp soxx cunx ee vecsnir, longxx tniatanr inx ee Siongrder Jehovah ee sniax, qapp sendix Haggai hrong Jehovah, inx ee Siongrder crex ix soxx qongw ee ue; vecsnir iarr dirr Jehovah ee binrjingg, jrunn qnia'uir ee simx.
13 Jehovah ee suwjiaw Haggai, jiauww Jehovah soxx bingrling, qra vecsnir qongw, "Jehovah qongw: Guaw qapp linw dilehh."
14 Jehovah qikdong Judah ee jongxdog, Sealtiel ee qniaw, Zelubbabel ee simx, qapp Jehozadak ee qniaw, jewsitauu Josua ee simx, qapp cunx ee vecsnir ee simx, inx dyrr laii dirr banrqunx ee Jehovah, inx ee Siongrder ee dxen juewqangx.
15Jex si dirr Dalius Ongg zi nii, Lak-guec zi-jap-sir.
2 Cid-guec zi-jap-id, Jehovah ee ue tog sendix Haggai, qongw,
2 "Liw diyhh qra Judah ee jongxdog Seatiel ee qniaw, Zelubbabel, qapp Jehozadak ee qniaw, jewsitauu Josua, ixqip soxx cunx ee vecsnir qongw:
3 Linw diongqanx iauxx dilehh ee langg, u jirjui bad knuar qnir jitt qingx dxen jiongjingg ee ingqngx mah? Henrjai linw knuar liauw jnaixngiu ar? Qamxx m si dirr linw ee bagjiux knuar cincniu byy mah?"
4 Jehovah qongw, "Zelubbabel ar, liw diyhh iongxqamw; Jehozadak ee qniaw, jewsitauu Josua ar, liw iarr diyhh iongxqamw"; Jehovah qycc qongw, "Jitt soxjai ee vecsnir ar, linw iarr diyhh iongxqamw, iarr diyhh juewqangx, in'ui Guaw qapp linw dilehh; jex si banrqunx ee Jehovah qongw :ee.
5 Dng' linw cud Egipt ee sii, Guaw qapp linw lip iog ee ue, Guaw ee Sinn diamr dirr linw diongqanx; linw byc did qniax."
6 In'ui banrqunx ee Jehovah anxnix qongw, "Qycc byy zuarr quw, Guaw beh qycc jit vaiw dinxdang tnix qapp de qapp haiw qapp dax de.
7 Guaw beh dinxdang banrqog, banrqog soxx himbo :ee beh laii; Guaw dyrr hro ingqngx ciongmuaw jitt qingx dxen; jex si banrqunx ee Jehovah qongw :ee."
8 Banrqunx ee Jehovah qongw, "Ginn si Guaw ee, qimx iarr si Guaw ee.
9 Jitt qingx dxen au .laii ee ingqngx, beh ngiaa quer jingg ee ingqngx; jex si banrqunx ee Jehovah qongw :ee; qycc dirr jitt xee soxjai, Guaw beh sniuxsur ving'anx." Jex si banrqunx ee Jehovah qongw :ee.
10 Dalius Ongg zi nii, Qauw-guec zi-jap-sir, Jehovah ee ue tog sendix Haggai, qongw banrqunx ee Jehovah anxnix qongw,
11 "Quanhe dirr ludhuad, liw tangx mng jewsix, qongw:
12 Setsuw u langg ing snaaxqix vaux sxingr ee bah, jitt xee snaaxqix uaw diyc vniaw, iacc si tngx, iacc si jiuw, iac si iuu, iacc si vadd hy jiahmic, dyrr jitt xee mic jniaa juer sxingr mah?" Jewsix rinr qongxx, "Byy lar."
13 Haggai qycc qongw, "Setsuw u langg bong diyc sinsix bag lasamm, laii uaw diyc jiaxee mic ee jit hxang, jitt xee mic jniaa juer uwuer mah?" Jewsix rinr qongxx, "Jniaa juer uwuer."
14 Haggai dyrr rinr qongxx, "Jehovah qongw: Dirr Guaw ee binrjingg, jitt xee vecsnir si cincniu anxnix, jitt xee qog iarr si anxnix; inx ee ciuw soxx juer dagg hy ee qangx iarr longxx si anxnix; inx dirr jiax soxx henr :ee byy cingkir."
15 Dnaxx cniaw linw sniu, jitt zit ixjingg, Jehovah ee dxen iauxx bue u jiyc tac dirr jiyc-dingw ee sii;
16 Ligquer hiaxee sii, langg laii qaur gorqakduix, sniu beh did diyc zip-jap dauw, jixu jap dauw; u langg laii qaur jiuxkud, sniu beh did diyc go-jap angr, jixu did diyc zi-jap angr.
17 Dirr linw ee ciuw soxx juer itcer ee qangx, Guaw ing qodaa, hiuxnua, dua pauc pah linw, linw iauxquxx byy qui'ngr Guaw; jex si Jehovah qongw :ee.
18 Cniaw linw sniu jitt zit ixjingg, dui' Qauw-guec zi-sir qenwlip Jehovah ee derqix ee sii, linw diyhh sniu ix.
19 Cikcngx iauxx u jingxjiw mah? Pudyciu, buhuaqyxciu, siahliuciu, qnanaxciu, longxx bue u qed quexjiw; dui' qinaxzit kiw, Guaw beh suwhog linw."
20 Hitt guec zi-jap-sir, Jehovah ee ue derr zi vaiw limqaur Haggai, qongw,
21 "Liw diyhh qra Judah ee jongxdog Zelubbabel qongw: Guaw beh dinxdang tnix qapp de;
22 Guaw beh ciax dyw ledqog ee vyxjy, dubet dagg vangqog ee sewlik, iarr beh ciax dyw jenwciax qapp jre ciax :ee, bew qapp bexvingx longxx beh dyw .lyc .kir, dagg xee dui' ix ee hniadi ee dyx laii siw.
23 Banrqunx ee Jehovah qongw: Guaw ee lovok Seatiel ee qniaw Zelubbabel ar, dng' hitt zit, Guaw beh driaur liw, Jehovah qongw ix; qycc Guaw beh ing liw juer ciuxjixinr; in'ui Guaw bad qingxsuanw liw." Jex si banrqunx ee Jehovah qongw :ee.